Wylie

e-texts based on the ACIP/ALL Input

མདོར་བསྡུས་འདིར་བཤད་ཡིན། །འཇིག་རྟེན་མགོན་པོ་སྒྲུབ་པའི་ཐབས་སློབ་དཔོན་ཆེན་པོ་དཔལ་མར་མེ་མཛད་ཡེ་ཤེས་ཀྱིས་མཛད་པ་རྫོགས་སོ།། །།རྒྱ་གར་སྐད་དུ། ཤྲཱི་གུ་ཧཡ་སམཱ་ཇི ་སྟོ་ཏྲ། བོད་སྐད་དུ། དཔལ་གསང་བ་འདུས་པའི་བསྟོད་པ། །འཇམ་པའི་རྡོ་རྗེ་ལ་ཕྱག་འཚལ་ལོ། །ཀུན་ཏུ་རྟོག་པ་མ་ལུས་སྤངས། །དྲི་མ་དང་བྲལ་བདག་ཉིད་ཅན། །ཀུན་བཟང་ཆོས་དབྱིངས་ངོ་བོ་ཉིད། །མི་བསྐྱོད ་པ་ལ་ཕྱག་འཚལ་ལོ། །སྟོན་ཀའི་ཟླ་བ་ལྟར་དཀར་བ། །འོད་ཟེར་བརྒྱ་ཕྲག་རྣམ་འགྱེད་པ། །མེ་ལོང་ཡེ་ཤེས་ངོ་བོ་ཉིད། །རྣམ་སྣང་གཙོ་ལ་ཕྱག་འཚལ་ལོ། །ལྟ་ངན་རྟོག་པ་དང་བྲལ་ཞིང། །སྐྱོན་མེད་མཁའ་ལྟར་རྣམ ་པར་དག་།མཉམ་ཉིད་ཡེ་ཤེས་ངོ་བོ་ཉིད། །རིན་ཆེན་དབང་ལ་ཕྱག་འཚལ་ལོ། །དཔག་མེད་འོད་ཀྱིས་མཁའ་ཀུན་ཁྱབ། །ཚད་མེད་ཡོན་ཏན་ཕྲེང་བ་ཡི། །ཀུན་རྟོག་ཡེ་ཤེས་མཁྱེན་པ་ཡི། །འོད་དཔག་མེད་ལ་ཕྱག ་འཚལ་ལོ། །འགྲོ་བའི་དོན་ནི་མཛད་པ་པོ། །ཇི་བཞིན་དུ་འབྱུང་འགྱུར་བ་ཡི། །བྱ་གྲུབ་ཡེ་ཤེས་ངོ་བོ་ཉིད། །དོན་ཡོད་གྲུབ་པ་དེ་ལ་འདུད། །ས་ལྟར་སེམས་ཅན་ཐམས་ཅད་ཀྱི། །མཆོག་ཏུ་རྣམ་པར་འཛིན་སྤྱོད་པ། །ཐུགས ་རྗེ་སྤྱོད་པ་གཡོ་བ་པོ། །ལྷ་མོ་སྤྱན་མར་ཕྱག་འཚལ་ལོ། གང་གི་མཐུ་ཡིས་སེམས་ཅན་རྣམས། །ཉོན་མོངས་ཉིད་ནི་རབ་ཞི་བ། །ཆུ་ལྟར་ཕན་བ་དོན་ཆེན་གྱི། །མཱ་མ་ཀཱི་ལ་ཕྱག་འཚལ་ལོ། །མེ་ལྟར་སེམས་ཅན་ཐམས ་ཅད་ཀྱི། །ཉེན་མོངས་ཉིད་ནི་བསྲེག་པར་བརྩོན། །བྱ་བ་རྩེ་མོ་མཆོག་གྲུབ་པ། །ན་བཟའ་དཀར་མོར་ཕྱག་འཚལ་ལོ། །རླུང་ལྟར་ཀུན་ནས་ཉོན་མོངས་བའི། །རྩད་འབྱིན་འགྲོ་ལ་བདེ་བ་རྩོལ། །ུདྤ་ལ་ཡི་སྤྱན་མདའ ་བ། །སྒྲོལ་མ་ལ་ནི་ཕྱག་འཚལ་ལོ། །གང་གིས་གཟུགས་ནི་རྒྱ་ཆེ་ཞིང། །རྣམ་པ་ཀུན་ཏུ་མི་འཕྲོ་བ། །བརྟགས་བྲལ་གཟུགས་ཀྱི་རྡོ་རྗེ་མ། །མཉམ་མེད་དེ་ལ་ཕྱག་འཚལ་ལོ། །གང་གི་མཐུ་ཡིས་སྒྲ་རྣམས་ཀྱི། །དེ ་ཉིད་དམ་པ་གསུང་རྒྱས་ཤིང། །རྣ་བའི་བདེ་བ་སྩོལ་མཛད་པ། །སྒྲ་རྡོ་རྗེ་ལ་ཕྱག་འཚལ་ལོ། །གང་གིས་ལོངས་སྤྱོད་ལྷུན་གྲུབ་པ། །སེམས་ཅན་མ་ལུས་ལ་སེམས་དཔའ་ཨི། །བུང་བའི་སྒྲ་མཛད ་རྡོ་རྗེ་དྲི། །མ་སྨད་དེ་ལ་ཕྱག་འཚལ་ལོ། །གང་གི་རང་རིག་བརྟན་དུ་མེད། །གཉིས་མེད་རོ་མྱོང་སྟོབས་ཀྱིས་སུ། །སེམས་ཅན་བདེ་ལ་གནས་མཛེད་པ། །རོ་རྡོ་རྗེ་ལ་ཕྱག་འཚལ་ལོ། །དེ་བཞིན་དུ་ནི་འབྱུང་འགྱུར་བའི། །རེ་བ ་གང་ལ་སྲེད་མཛའ་རུ། །འགྲོ་གསུང་རྟག་ཏུ་དགའ་མཛད་པའི། །རེག་རྡོ་རྗེ་ལ་ཕྱག་འཚལ་ལོ། །གང་ཕྱིར་ཀུན་ནས་ཉོན་མོངས་པ། །གཅོད་པའི་རྒྱུད་གྱུར་ཆོས་རྣམས་ཀྱིས། །ཀུན་ལ་རྟག་ཏུ་རྟོ?་གི་མཐར་པ། །བླ་མེད་ཆོས་ཀྱི་རྡོ ་རྗེ་འདུང། །གང་ཕྱིར་ཐེག་པ་ཆེན་པོ་ལ། །མི་རྣམས་དགའ་བ་བསྐྱེད་མཛད་པ། །དད་པ་རྣམ་དག་ངོ་བོ་ཉིད། །གཤིན་རྗེ་གཤེད་པོར་ཕྱག་འཚལ་ལོ། །མཁས་པ་གང་གི་སྟོབས་ཀྱིས་སུ། །བྱང་ཆུབ་ཚོགས་རྣམས་རྫོགས ་མཛད་པ། །བརྩོན་འགྲུས་རྣམ་དག་ངོ་བོ་ཉིད། །ཤེས་རབ་མཐར་བྱེད་ཕྱག་འཚལ་ལོ། །གང་གི་མཐུ་ཡིས་སེམས་ཅན་རྣམས། །དགེ་བ་བརྗེད་མེད་བསྐྱེད་མཛད་པ། །དྲན་པ་རྣམ་དག་ངོ་བོ་ཉིད། །པདྨ་མཐར་བྱེད་ཕྱག ་འཚལ་ལོ། །གང་གི་སྟོབས་ཀྱིས་སེམས་ཅན་རྣམས། །བགེགས་བྲལ་བདེ་ལ་གནས་མཛད་པ། །བསམ་གཏན་རྣམ་དག་ངོ་བོ་ཉིད། །བགེགས་འཇོམས་མཛད་ལ་ཕྱག་འཚལ་ལོ། །དཔལ་གསང་བ་འདུས་པའི་བསྟོང་པ་སློབ ་དཔོན་ཆེན་པོ་དཔལ་མར་མེ་མཛད་ཡེ་ཤེས་ཀྱིས་མཛད་པ་རྫོགས་སོ།། །།པནཊི་ཏ་དེ་ཉིད་དང། ལོ་ཙ་བ་དགེ་སློང་རིན་ཆེན་བཟང་པོས་བསྒྱུར་བའོ།། །།*། །དེ་ཁོན་བྱེ?་བཅུ ་