Wylie

e-texts based on the ACIP/ALL Input

དགའ་བའི་སྒྲུབ་ཐབས་སློབ་དཔོན་རྒྱལ་བས་བྱིན་གྱིས་མཛད་པ་བཞུགས་སོ།། །།*། །རྒྱ་གར་སྐད་དུ། །པྲི་ཡ་སཱ་དྷ་ནི་ནཱ་མ། །བོད་སྐད་དུ། དགའ་བའི་སྒྲུབ་པའི་ཐབས་ཞེས་བྱ་བ། །དཔལ་འཇམ་པའི་རྡོ་རྗེ་ལ་ཕྱག་འཚལ་ལོ། །ཆོས ་དང་ལོངས་སྤྱོད་སྤྲུལ་པ་ཡི། །སྐུ་གསུམ་རྣམ་པར་གནས་གྱུར་པ། །འཇམ་དཔལ་ཡང་དག་ཕྱག་འཚལ་ནས། །དེ་ཡི་སྒྲུབ་ཐབས་རིམ་བཤད་བྱ། །དཔལ་ལྡན་གསང་འདུས་ལ་བརྟེན་ནས། །ཕུན་སུམ་ཚོགས་པ་ཀུན་བྱེད་པ། །བླ་མས་ཇི་ལྟར ་བསྟན་པ་ཡི། །ཡེ་ཤེས་ཞབས་ཀྱི་ལམ་བརྟེན་པས། །ཤེས་རབ་ཐབས་ཀྱི་རང་བཞིན་གྱི། །ཤེས་སྒྲུབ་ལྡན་པའི་སེམས་དག་ལ། །ཕལ་ཆེར་གསལ་བའི་སྒྲ་ཡི་དོན། །བདག་མཉམ་བློ་ལྡན་ལ་ཕན་པར། །བླ་མ་རྙེད་དཀའ་འཇིག་རྟེན་ན། །དལ་འབྱོར ་ཤིན་ཏུ་གཡོ་བ་སྟེ། །སྣོད་ལ་ཤེས་རབ་ཐབས་འདི་ནི། །དེ་ཕྱིར་སེམས་ཀྱིས་བྱ་བར་རིགས། །བྱམས་དང་སྙིང་རྗེ་མཉམ་ལྡན་པས། །སེམས་ནི་བྱང་ཆུབ་བསྐྱེད་བྱས་པ། །སངས་རྒྱས་རྣཾས་ཀྱི་རབ་ཟབ་པའི། །ཚུལ་ལ། ་ལྷག་པར་མོས་པའི་ཡིད། །སྦྱིན་དང་ཁྲིམས་སོགས་ཕུན་སུམ་ཚོགས། །སྲིད་དང་ལོངས་སྤྱོད་ལ་ཕྱིར་ཕྱོགས། །སེམས་ཀྱི་སྡུག་བསྔལ་ཡང་སྐྱོ་མེད། །ལྷ་རྣམས་བསྟེན་པ་བྱེད་གྱུར་པ། །ཆུ་དང་ཅོད་པན་རྡོ་རྗེ་དང། །བདག་པོ་མིང་དར ་སློབ་དཔོན་གསང། །ཤེས་རབ་ཡེ་ཤེས་བརྟུལ་ཞུགས་སོགས། །བསོད་ནམས་ཡེ་ཤེས་ཆེར་འབར?་བའི། །དཔལ་ལྡན་གསང་འདུས་དཀྱིལ་འཁོར་དུ། །ཇི་ལར་རིགས་པར་དབང་བསྐུར་བ། །བླ་མ་ཡོངས་སུ་མཉེས་པ་ཡིས། །དབང ་བསྐུར་རྡོ་རྗེ་སེམས་བརྟེན་པ། །རྣལ་འབྱོར་སྤྱོད་ནུས་རྣལ་འབྱོར་པས། །རི་བོ་ལ་སོགས་ཡིད་འོང་བར། །གནས་བྱས་མགོན་པོ་བསྒྲུབ་པར་བྱ། །བསམ་གཏན་སོགས་པ་ལ་བརྩོན་པ། །མཚན་མོ་ཕྱེད་ཀྱིས་ལྷག་མ་ལ། །ཆོ་ག་བཞིན་དུ་ལངས ་བྱས་ལ། །སྙིང་ཟླར་དེ་ཉིད་མཾ་འོད་ལྡན། །གདོང་ལ་སོགས་པ་དག་པར་བྱ། །དེ་ནས་ཆུ་བཟང་སྨན་དང་ནི། །མེ་ཏོག་ག་པུར་ཙདན་གྱིས། །བསམ་གཏན་གནས་ནི་ཡང་དག་བྱས། །བསམས་པས་ཀྱང་ནི་ཡིད་འོང་བྱ། །བདེ་བའི་སྟན་ལ་གནས་ནས? ་ན། །ལེགས་བརྟེན་རྡོ་རྗེའི་སྐྱིལ་མོ་ཀྲུང། །དེ་རུ་ཡང་ན་བདེར་གནས་པས། །བསམ་གཏན་རབ་ཏུ་བསམ་པར་བྱ། །སངས་རྒྱས་བྱང་ཆུབ་སེམས་དཔའ་དང། །ཀུན་ཏུ་བླ་མར་བཅས་པ་ཡི། །དུས་གསུམ་གཤེགས་པས་ཡོངས་གང་བ། །ནཾ ་མཁར་མངོན་སུམ་བཞིན་བལྟས་ལ། །ས་བོན་མཾ་བྱུང་གཟུགས་སོགས་པས། །དེ་བཞིན་རིན་ཆེན་ཕུང་པོ་ཡིས། །མཆོད་སོགས་རྟོག་པ་སྤངས་བྱས་ནས། །རབ་ཏུ་འབད་པར་དེ་རྣམས་མཆོད། །དེ་རྣམས་སྤྱན་སྔར་གནས་བྱས་ལ། །པུས་མོ་གཙུཊ ་ཏེ་ཐལ་སྦྱར་ནས། །དམིགས་པ་མེད་པར་བྱས་ནས་ནི། །སྡིག་པ་བཤགས་པ་ལ་སོགས་བྱ། །གང་ཞིག་ཐོག་མེད་སྲིད་པའི་ཆུ་ཀླུང་དུ། །མ་ལུས་ཀུན་རྟོག་གིས་བསགས་སྙོག་པ་རྣམས། །ཐུགས་རྗེ་ཆེར་ལྡན་སྤྱན་སྔར་དེ་དག་ནི། །ཆོ་ག་བཞིན ་དུ་ཐམས་ཅད་བཤགས་པར་བགྱི། །རྫོགས་སངས་རྒྱས་དང་བྱང་ཆུབ་སེམས་དཔའ་དང། །འཕགས་པ་གཞན་གྱིས་དགེ་བ་གང་མཛད་པ། །དེ་དག་ཀུན་ལ་ཡང་དག་ཡི་རང་ཞིང། །བྱང་ཆུབ་ཏུ་ནི་ཡོངས་སུ་བསྔོ་བར་བགྱི། །ཡིད་ཀྱི་རོལ་པ་དྲི་མེད་ཟླ ་འདྲས་བསྒྲུབས། །སྙིང་རྗེ་དམ་པ་མཛའ་ཡས་པ་ཡི་ཐབས། །རང་གི་ཡིད་ལ་གནས་པར་གྱུར་པ་ཡི། །བདེ་གཤེགས་རྣམས་ལ་རྟག་ཏུ་སྐྱབས་སུ་མཆི། །རྟོག་པ་མ་ལུས་པ་ལས་ངེས་གྲོལ་ཞིང། །སེམས་དཔའ་དམ་པ་ཀུན་གྱི་ཕུན་ཚོགས ་གཞི། །དངོས་པོ་ཐམས་ཅད་རོ་གཅིག་ངོ་བོ་ཉིད། །དམ་པའི་ཆོས་ལ་རྟག་པར་སྐྱབས་སུ་མཆི། །འཆིང་བ་རྣམས་ལས་ཡང་དག་གྲོལ་འགྱུར་ཞིང། །སྙིང་རྗེ་མཆོག་གིས་བསྐྲུན་པའི་དཔལ་དང་ལྡན། །རབ་ཏུ་དགའ་སོགས་ས་ལ་རབ་བཞུགས་པ། ་བརྟུལ་ཞུགས་དབང་པོའི་ཚོགས་ལ་སྐྱབས་སུ་མཆི། །བསམ་དང་རྣམ་པར་སྨིན་པ་དག་གྱུར་ཅིང། །སྒྲིབ་པ་ཀུན་གྱི་བག་ཆགས་ཡང་དག་འབྱིན། །ལྷག་པར་མོས་པས་རྣམ་པར་བརྒྱན་པ་ཡི། །སེམས་ནི་བྱང་ཆུབ་དམ་པར་བསྐྱེད་པར་བགྱི། །བདེ ་གཤེགས་སྔས་བཅས་རྣམས་ཀྱི་ལམ་གཅིག་པུ། །སྦྱིན་སོགས་རྣམ་བཅུ་དཀར་པོའི་ཡོན་ཏན་ཚུལ། །རྫོགས་སངས་རྒྱས་བདག་མ་ལུས་ངོ་བོའི་བློས། །ཡང་དག་ཉིད་དུ་ད་ནི་གནས་པར་བགྱི། །འཇིག་རྟེན་མཐར་འབྱིན་བསམ་པ་དང། །ལོག ་པར་ལྟ་བའི་བསྒོམ་པ་དང། །ཚུལ་ཁྲིམས་བརྟུལ་ཞུགས་མཆོག་འཛིན་པའི། །ཉེས་པས་འགྲོ་བ་འདི་བསྐྱེད་པས། །སྙིང་རྗེ་ཐམས་ཅད་དམིགས་བྱས་ཏེ། །དོན་དམ་པ་ནི་ཇི་ལྟ་བར། །བྱང་ཆུབ་སེམས་མཆོག་བསྒོམ་པར་བྱ། །ཚིགས ་བཅད་དོན་འདི་བསམ་བྱ་སྟེ། །ངོ་བོ་ཉིད་དང་བྲལ་ཕྱིར་སྟོང་པ་སྟེ། །དེ་ཕྱིར་རྒྱུ་དང་བྲལ་བས་མཚན་མ་མེད། །རྟོགས་པ་རྣམས་དང་བྲལ་ཕྱིར་དངོས་པོ་ནི། །མ་ལུས་སྨོན་པ་ལས་ནི་ངེས་པར་གྲོལ། །དེ་ལྟར་སྟོང་པ་དང་ལྡན་པར ་འགྲོ་བ་འདི་ཀུན་བལྟ་བྱས་ནས། །ཇི་སྲིད་སེམས་ནི་བརྟན་འདོད་པས། །སྔགས་འདི་ཉེ་བར་བརྗོད་པར་བྱ། །ོཾ་ཤཱུ་ནྱ་ཏཱ་ཛྙཱ་ན་བཛྲ་སྭ་བྷའ་བ་ཨཱ་ཏྨ་ཀོ་ཧཾ། སྟོང་ཉིད་རོ་གཅིག་གང་སེམས་དཔའ་། །བྱང་ཆུབ་མཆོག་ཏུ་མི་འགྱུར་རོ། །གནས་དང་གཞལ ་ཡས་བདག་ཉིད་དེ། །རང་གི་སེམས་ཀྱིས་འདི་ལྟར་བྱ། །སངས་རྒྱས་ཞིང་དུ་ནམ་ཡང་ནི། །མ་དག་པ་ཡིས་འཚང་མི་རྒྱ། །དེ་ཡིས་དང་པོར་ཞིང་དག་ཕྱིར། །རང་སེམས་ཉི་མར་བསྒོམ་པར་བྱ། །དེ་རུ་ཧཱུཾ་སྐྱེས་རྡོ་རྗེ་ནི། །ཁ་གྱེས་སྔོན་པོ་འོད ་འབར་བ། །དེ་ཡི་དབུས་གནས་ཧཱུཾ་ཡིག་ལས། །རྡོ་རྗེ་ཕྲ་མོ་རྣམ་སྤྲོ་བྱ། །འོག་དང་སྟེང་དང་ཕྱོགས་བཞི་རུ། །རྡོ་རྗེ་ར་བ་གུར་དང་ནི། །རྡོ་རྗེ་རང་བཞིན་ས་གཞི་བྱ། །བསྲུང་བའི་དོན་དུ་བསམ་པར་བྱ། །སྡུག་བསྔལ་ཀུན་འབྱུང་ཤེས་པར་དང། ་འགོག་པ་དང་ནི་ལམ་དང་ནི། །ཟད་དང་མི་སྐྱེ་ཆོས་དང་ནི། །དེ་བཞིན་རྗེས་དང་ཀུན་རྫོབ་དང། །སྔོན་གྱི་གནས་འགྲོ་ཤེས་པ་དང། །ཇི་ལྟར་ཐོས་པ་རྣམས་རབ་ཤེས། །ཆོས་དབྱིངས་ཐ་དད་མེད་པ་རྣམས། །ཤེས་པ་འདི་རྣམས་སུ་འགྱུར་རོ། །འདི ་ལྟར་ཤེས་པ་བཅུ་གཅིག་ནི། །ལེགས་པར་རྫོགས་པའི་རྒྱུ་ཡིན་ཏེ། །རྩིབས་བཅུ་ལ་ནི་ཁྲོ་བོ་བཅུ། །ལྟེ་བར་མཆོག་ནི་བཅུ་གཅིག་པ། །ཤར་སོགས་ཕྱོགས་ནི་དེ་རྣམས་སུ། །གོར་མི་བཞིན་དུ་དེ་རྣམས་ལ། །གཤིན་རྗེ་ཤེས་རང་མཐར ་ཁྱེད་བསྒོམ། །པདྨ་བགེགས་ནི་མཐར་བྱེད་ཀྱང། །མེ་ལ་སོགས་པའི་མཚམས་རྣམས་སུ། །འདོད་སྔོན་སྟོབས་དང་མི་གཡོ་རྣམས། །སྟེང་དུ་གཙུག་ཏོར་རྒྱལ་པོར་འགྱུར། །འོག་ཏུ་གནོད་མཛེས་འདྲེན་པའོ། །ལྟེ་བར་རྡོ་རྗེ་ཧཱུཾ་མཛད་དཔལ། ། ་རྟག་པ་ལ་སོགས་པར་ཡང་འགྱུར། །རང་གི་ལྷག་པའི་ལྷ་ཡང་འདིར། །རྣལ་འབྱོར་བ་ནི་ཁ་ཅིག་འདོད། །ཐོ་བ་ལྕགས་ཀྱུ་དབྱུག་པ་དང། །དབྱུག་པ་པདྨ་རྩེ་གསུམ་དང། །རྡོ་རྗེ་རལ་གྲི་འཁོར་ལོ་དང། །རྡོ་རྗེ་རྡོ་རྗེ་གཡས་ན་འཛིན། །ཕྱག? ་གཡས་ཐམས་ཅད་རལ་གྲི་སྟེ། །གཡོན་ན་རིན་ཆེན་པདྨའོ། །སྤྱན་གཡོན་རྡོ་རྗེ་འཛིན་པར་འགྱུར། །མི་གཡོ་བྱིས་པའི་རྒྱན་གྱིས་བརྒྱན། །རྩ་བའི་ཕྱག་མཚན་རྡོ་རྗེ་སྟེ། །གཡས་ཉིད་ན་ནི་ཡང་དག་གནས། །གང་གི་གཡས་ན་པདྨ་ཡོད། ། ་དེ་ཡི། གཡོན་དུ་འཁོར་ལོའོ། །རྡོ་རྗེ་ཧཱུཾ་མཛད་ཀྱི་གཡོན་དུ། །ཞགས་པ་ལྕགས་ཀྱུའི་ཕྱག་འབར་བ། །ུ་མ་དང་བཅས་བདེ་བྱེད་ནི། །ཞབས་ཀྱིས་མནན་ནས་ཡང་དག་གནས། །གཞན་གྱིས་མི་ཐུབ་དཀར་པོར་འགྱུར། །པདྨ་མཐར་བྱེད་དམར་པོ་སྟེ ་གཙུག་ཏོར་ཁ་དོག་སེར་པོར་འགྱུར། །ལྷག་མ་རྡོ་རྗེ་འཛིན་ནག་པོ། །དམར་དང་སེར་དང་ལུས་དཀར་རྣམས། །གཡས་པའི་གདོང་ནི་མནག་པོ་མཛེས། །བདེན་བྲལ་དང་ནི་རླུང་གི་མཚམས། །གར་ཞིག་ཕྱོགས་སུ་གནས་པ་རྣམས། །ཐམས་ཅད་མི་སྡུག་ཐུབ་པ་སྟེ། ། ་བཛང?་འཇིགས་གསུས་པ་ཆེན་པོ་སྟེ། །སྨད་སྨིན་མ་སྐྲ་སེར་བ། །གད་བརྒྱངས་བཞད་པར་བྱེད་པའོ། །སྟག་གི་ལྤགས་པས་གོས་མཛད་ཁྲོ། །སྤྲུལ་གྱི་བརྒྱན་ནི་འཛིན་པའོ། །མགུལ་པར་ལག་པ་རྣ་བ་ལ། རིགས་ལྡན་དུང་དང་འཇོག་པོ་རྣམས ་དམར་སེམས་མདངས་ལྡན་མོར?་རྒྱས་ནི། །སྐུ་རེག་སུ་ནི་རྣམ་པར་གནས། །རྐང་པ་དཔུང་པར་དཀར་བ་ཡི། །པདམ་པདྨ་ཆེན་པོ་གནས། །ཀར་ཀོ་ཊ་དང་མཛའ་ཡས་དག་།ལྗང་སྔོ་སེར་རལ་མགོ་ལའོ། །མཆེ་བས་ཅུང་ཟད་མཆུ་མནན་ཏེ། །ཞལ་ནི་རྨ ་པར་བརྒྱན་པའོ། །ཞི་བའི་རྒྱན་དང་གོས་བཟང་སྟེ། །གཟུགས་མཛེས་གཞན་ནི་མཚམས་ཐུང་བ། །སྔ་མ་སྐུ་ནི་གྱེན་འགྲེང་ཚོགས། །གཞན་ནི་རིན་ཆེན་དབུ་རྒྱན་ནོ། །ཐམས་ཅད་སྨིན་མ་ཁྲོ་གཉེར་འཁྱོག་།ཞལ་མིན? ་གཉེར་མས་མཚན་པ་སྟེ། །སྣ་ཚོགས་ཆུ་སྐྱེས་ཉི་མ་ལ། །གཡོན་བརྐྱང་ཞབས་ཀྱིས་ཡང་དག་གནས། །ཕྱོགས་སུ་ཁྲོ་བའི་རིགས་སྤྲོ་བ། །སྡང་ཚོགས་ཐམས་ཅད་འཇིགས་བྱེད་པ། །ཐོག་མ་བར་དང་མཐར་བྲལ་བ། །སྐྱེ་དང་འཇིག་པ་རྣམ་པར ་སྤངས། །ཐམས་ཅད་ཡེ་ཤེས་ཙམ་ལ་བརྟེན། །ཆོས་ཀྱི་དེ་ཉིད་གོ་འཕང་གནས། །འདི་ནི་ཤེས་པ་ཇི་ལྟར་ཐོས། །གྲུབ་ནས་ཡོངས་སུ་གནས་པའོ། །འཁོར་ལོར་ཆོས་འབྱུང་ཕྱག་རྒྱ་ནི། །གྲུ་གསུམ་དཀར་པོ་སྟེང་གནས་པ། །དབུས་གནས ་སྣ་ཚོགས་པར་རྡོ་རྗེ། །ནང་གི་ནམ་མཁའ་ཨི་རང་བཞིན་དུ། །རྫོགས་པའི་སངས་རྒྱས་འོད་འཕྲོར་ལྡན། །ཕྱོགས་ནི་མཛའ་ཡས་གསལ་བལྟ་དང། །སྣ་ཚོགས་རྡོ་རྗེ་ལ་གནས་བསྒོམ། །ཟླ་བར་བྷྲུཾ་ནི་ཡང་དག་འབར། །འཁོར་ལོ་རྩིབས་ནི་བཅུ་གཉིས ་པ། །མ་རིག་ལ་སོགས་ཡན་ལག་དག་།ས་བོན་བཅས་པ་དེ་གྱུར་ནས། །རྟག་པ་རིག་མར་བཅས་ལ་བྱུང། །བྱང་ཆུབ་ཕྱོགས་ཀྱི་ཆོས་རྣམས་ཀྱི། །རྣམ་དག་འཁོར་ལོ་བསྒོམ་པར་བྱ། །དེ་ལ་སངས་རྒྱས་སངས་རྒྱས་མིན། །མཉམ་ཕྱིར་གྲུ ་བཞིར་གནས་པའོ། །དེ་ཡི་རྣམ་དག་རྣམ་བསྟན་ཕྱིར། །བྱང་ཆུབ་ཕྱོགས་ཀྱི་ཆོས་རྣམས་ལས། །དྲན་པ་དག་པ་ཤར་ཕྱོགས་སྒོ། །གང་ཕྱིར་དྲན་པ་སྔོན་འགྲོ་བས། །དགེ་ལ་རྗེས་སུ་འཇུག་པར་འགྱུར། །དགེ་དང་མི་དགེའི་ཆོས་རྣམས་ནི། ། ་བསྐྱེད་དང་མི་བསྐྱེད་པ་ཡི་ཕྱིར། །རྩོམ་དང་ཡོངས་སུ་སྐྱོང་ཡིན་ཏེ། །སོ་སོར་རྟོག་དང་བྱ་ལྷུར་ལེན། །འདི་ནི་བརྩོན་འགྲུས་རྣམ་དག་པས། །དེས་ན་ལྷོ་ཡི་སྒོ་རུ་འགྱུར། །འདུན་པ་བརྩོན་འགྲུས་དེ་བཞིན་སེམས། །དཔྱོད་པ་ཞེས་བྱ་འདི་དག་པས། །རྫུ ་འཕྲུལ་རྐང་པ་བཞི་ཡིན་ཏེ། །དེ་བས་ནུབ་ཕྱོགས་སྒོ་རུ་འགྱུར། །དད་པ་བརྩོན་འགྲུས་དྲན་པ་ཉིད། །ཏིང་འཛིན་ཤེས་རབ་དང་བཅས་པ། །དབང་པོ་ལྔ་པོ་དེ་དག་པས། །བྱང་ཕྱོགས་སྒོར་ནི་འདི་འགྱུར་རོ། །རྟོག་དང་དཔྱོད་དང་དགའ་བ་དང། །བདེ་དང་བསྟན?? ་འཛིན་རྣམས་ནི། །བསམ་གཏན་དང་པོ་ཡན་ལག་ལྔ། །གཉིས་པ་ཡན་ལག་བཞི་ཡིན་ཏེ། །རྟོག་པ་དང་ནི་དཔྱོད་པ་དང། །ནང་ནི་རབ་ཏུ་དང་བ་དང། །བསམ་གཏན་དང་པོའི་ཡན་ལག་མཐས། །དེ་ཡིས་གང་ནི་ལྡན་གྱུར་པའོ། །བཏང་སྙོམས་དྲན་པ ་དང་འབྲེལ་བ། །ཤེས་བཞིན་དང་ནི་བདེ་བའི་བརྟེན། །དེ་ནི་སེམས་རྩེ་གཅིག་པར་ལྡན། །ཡན་ལག་ལྔ་ལྡན་གསུམ་པ་ཡིན། །བཏང་སྙོམས་དྲན་པ་ཡོངས་སུ་དག་།བདེ་སྡུག་མིན་པའི་ཚོར་བ་དང། །སེམས་རྩེ་གཅིག་དང་ལྡན་པས་ན། །ཡན་ལག ་བཞི་ལྡན་བཞི་པ་ཡིན། །གོ་རིམས་ཇི་བཞིན་བསམ་གཏན་ནི། །བཞི་པོ་ཡོངས་སུ་དག་པ་ཡིས། །འདི་དག་སྒོ་སྒོར་གྱུར་པ་ཡི། །རྟ་བབས་གཟུགས་ཀྱིས་མཛེས་པར་བྱས། །དཔའ་འགྲོ་ནམ་མཁའ་མཛོད་དུ་གྲགས། །དྲི་མེད་སེངྒེ་རྣམ་རོལ་པའི། ་ཏིང་འཛིན་འདི་རྣམས་རྣམ་དག་པ། །ཁྱམས་ནི་བསྐོང་བར་གྱུར་པའོ། ། ཀཱ་རོ་མུ་ཁཾ་ཞེས་སོགས། །བཟོད་དང་ཆོས་དང་བོན་སྔགས་ཀྱི། །གཟུགས་རྣམས་དག་ཅིང་དག་པ་ཡིས། །མཆོད་བཟང་གིས་ནི་ལག་སྦྲེལ་བའི། །དེ་དག་ཁྱམས་རྟེན་ལྷ་མོ ་ཡིས། །ཀུན་ནས་ཡོངས་སུ་བསྐོར་བའོ། །སེམས་ཅན་འདོད་པ་རྫོགས་བྱེད་པས། །སྣ་ཚོགས་རིན་ཆེན་རྒྱན་གྱིས་བརྒྱན། །མདོ་དང་དབྱངས་དང་ལུང་བསྟན་དང། །ཚིགས་བཅད་ཆེད་བརྗོད་གླེང་གཞི་དང། །དེ་ལྟ་བུར་བྱུང་ཤིན་ཏུ་རྒྱས། །སྐྱེས་པའི་རགས ་རྣམས་སྒྲ་སྒྲོགས་པ། །སྟོན་པའི་བསྟན་པ་ཡན་ལག་དགུ་།ཕྱོགས་བཅུར་རབ་ཏུ་བསྐོར་བར་བྱེད། །འདི་ནི་རླུང་གིས་བསྐྱོད་པའོ། །བ་དན་དྲིལ་བུའི་སྒྲ་སྒྲོགས་ལྡན། །དྲན་པ་ཤེས་རབ་ཏིང་ངེ་འཛིན། །ཤིན་ཏུ་སྦྱངས་དང་དགའ་བཏང་སྙོམས། །བརྩོན ་འགྲུས་ཞེས་པ་འདི་བདུན་པ། །བྱང་ཆུབ་ཡན་ལག་རྣམ་དག་པས། །དྲ་བ་དྲ་ཕྱེད་ཉི་ཟླ་དང། །ཕྲེང་བཟང་མེ་ལོང་རྔ་མས་མཛེས། །ཇི་ལྟར་གནས་སུ་བཀོད་པ་ཡི། །འདི་རྣམས་ཀྱིས་ནི་མཛེས་བྱས་པའི། །སྟོང་ཉིད་ལ ་སོགས་རྣམ་པ་དང། །གཟུགས་ཅན་གཟུགས་རྣམས་ལྟ་བྱེད་པ། །ཟིལ་གྱིས་མནན་ནས་རབ་ཏུ་ཤེས། །དེ་ནི་རྣམ་མཐར་དང་པོ་ཡིན། །ནང་ནི་གཟུགས་མེད་འདུ་ཤེས་པས། །ཕྱི་རོལ་གཟུགས་ལ་སྔར་བཞིན་དུ། །མཐོང་བ་ཞེས་པ་གཉིས་པ་སྟེ། ། ་རྣམ་པར་ཐར་པར་ཡང་དག་བརྗོད། །སྡུག་པའི་རྣམ་ཐར་ལུས་ཀྱིས་ནི། །གཟུགས་དང་ལྡན་པ་ཉིད་བརྗོད་པས། །མངོན་སུམ་བྱས་ནས་རྫོགས་བྱས་ཏེ། །ནམ་མཁའ་དང་ནི་རྣམ་ཤེས་དང། །ཅི་ཡང་མེད་པ་གཞན་ཡིན་ཏེ། །འདུ་ཤེས་མེད་མིན་འདུ ་ཤེས་མེད། །སྐྱེ་མཆེད་བདུན་གྱི་དབྱེ་བ་ཡིས། །འགོག་པའི་སྙོམས་པར་འཇུག་པ་ནི། །བརྒྱད་པར་ཉེ་བར་བརྗོད་པ་སྟེ། །ཡིད་ནི་རྣམ་པར་གྲོལ་བ་ཡིས། །རྣམ་པར་ཐར་པར་ངེས་འདོང་དོ། །འདི་ལྟར་རྣམ་ཐར་བརྒྱད་རྣམས་ཀྱི། །གོ་རིམ་ཇི ་བཞིན་རྣམ་དག་པས། །འཁོར་ལོ་རིན་ཆེན་མཚོ་སྐྱེས་དང། །རལ་གྲི་ཀ་བ་བརྒྱད་ཀྱིས་བརྒྱན། །ཀུན་ཏུ་བར་ཆད་མེད་པ་ཡིས། །རྡོ་རྗེ་ཐེག་པ་རབ་བསྐོར་བས། །ཀ་བའི་སྟེང་དུ་གནས་གྱུར་པ། །རྡོ་རྗེ་ཕྲེང་བ་ཟླུམ་པོས་བསྐོར། །གཟུགས ་ལ་སོགས་པ་ཕྱིན་ཅི་ལོག་།རབ་ཏུ་ཞི་བས་བླ་མེད་པའི། །ཚད་མེད་པ་དང་ཡང་དག་སྤངས། །འདོད་པའི་ཡོན་ཏན་ལྔ་པོ་འདི། །ཤིན་ཏུ་རྣམ་དག་ལས་གྲུབ་པ། །ཆོས་ཀྱི་དབྱིངས་ཀྱི་རྣམ་པར་བརྒྱན། །མཆོད་པ་རྣམ་པ་ལྔ་ཡིས་དགྱེས། ་ཆོ་ག་ཇི་བཞིན་རྣམ་པར་གསོལ། །འགྲོ་བ་ཀུན་དང་ཐ་མི་དང། །ཉེས་པས་གང་ལ་མ་གོས་པ། །གནས་འདི་དག་ནི་བཅུ་དགུ་རུ། །སྣ་ཚོགས་པདྨས་བརྒྱན་བྱས་པའོ། །རྨོངས་དང་རབ་རིབ་བཞིར་གྱུར་པ། །འདམ་ནོ་རྣམ་པར་སྐེམས་པས ་ན། །བྱང་ཆུབ་སེམས་ཀྱི་མྱུ་གུ་དག་།སྨིན་པའི་དོན་དུ་ཡང་འདི་ཡིན། །སྙིང་རྗེའི་རང་བཞིན་ཉིད་བཟང་པོ། །བདུན་གྱིས་ཡོངས་སུ་བརྒྱན་པའོ། །དབུས་ཀྱི་སྟན་དང་མདུན་སྤངས་ཏེ། །ཕྱོགས་དང་སྒོ་ན་རྣམ་པར་གནས། །དགེ་བའི་རྩ་བ་འཕེལ ་བ་དང། །ཉོན་མོངས་གདུང་བ་ཞི་བའི་ཕྱིར། །ཤེས་རབ་བདག་ཉིད་མངོན་ཁྱབ་པ། །ལྷག་མ་ནུབ་མོ་བྱེད་པ་ཡིན། །ཚོགས་གཉིས་ཡང་དག་རྫོགས་འགྱུར་པས། །གྲུབ་པར་བསྟན་པའི་དོན་གྱི་ཕྱིར། །སྙིང་རྗེས་བརླན་པས་ཡང་དག་གང། །ཁུམ་པ ་གང་བས་འདི་བརྒྱན་བྱས། །ཡེ་ཤེས་ལྔ་ཡི་རང་བཞིན་གྱིས། །དེ་བཞིན་རིན་ཆེན་ལྔ་ཡི་གཟུགས། །གཞལ་ཡས་ཁང་གི་རྣམ་པ་ནི། །རང་གི་སེམས་ནི་རྣམ་དག་པའོ། །དེ་དབུས་གདན་གྱི་ཟླ་བ་ལ། །ཉིས་འགྱུར་དབྱངས་ཡིག་བཅུ་དྲུག་སྟེ། ། ་མཚན་ནི་སུམ་ཅུ་རྩ་གཉིས་ཚོགས། །བསྐྱེད་པར་ནུས་པས་བསྒོམ་པར་བྱ། །ལུགས་དང་མཐུན་དང་མི་མཐུན་པའི། །ཕྲེང་གཉིས་དག་ནི་དགོད་པར་བྱ། །དག་པའི་ཟླ་བ་ཤེལ་འདྲ་བས། །འོད་ཟེར་ཕྲེང་བ་སྤྲོ་བར་བྱེད་དེ། །འདི་ལྟར་གཞན་ཡང་བསྒོམ ་བྱ་སྟེ། །དབྱངས་ཡིག་བཅུ་དྲུག་ལས་བྱུང་བ། །སྟོང་པ་ཉིད་ཀྱི་འཕངས་པས་ན། །གང་ཕྱིར་སེམས་ནི་འདི་ལྟར་འགྱུར། །དེས་ན་ཤེས་རབ་རང་བཞིན་འདི། །རི་བོང་ཅན་དུ་ཡང་དག་མཚོན། །ཤེས་རབ་ཡང་ནི་གཉིས་མེད་ཤེས། །བཅུ་དྲུག་སྟོང ་པ་ཉིད་གསུངས་པ། །དཀྱིལ་འཁོར་ཚོགས་ནི་དག་ཆེན་པོ། །ནམ་མཁའ་བཞིན་དུ་དྲི་མ་མེད། །གནས་ངན་ལེན་ནི་ཀུན་ལས་གྲོལ། །རྟོག་པ་སྤངས་པའི་མཆོག་ཡིན་ནོ། །ཉོན་མོངས་དྲི་མ་ཐམས་ཅད་དག་།ཟླ་བ་མཐོང་བ་སྔོན་འགྲོ་བ། །འདིར་ནི་སངས་རྒྱས ་ཡོན་ཏན་ཀུན། ། ལ་སོགས་པའི་གཟུགས་ཀྱིས་གནས། ། ཨཱ། ཨི་ཨའི། ཨུ་ཨའུ་།རི་རཱི་།ལི་ལཱི་།ེ་ཨི། ཨོ་ཨཽ། ཨཾ་ཨ(རྒྱུད་འགྲེལ་ཞབས་ནི་ཉིད་ཀྱིས་སུ། །དེར་གནས་ཆོ་ག་བཞིན་དུ་སྒྲ། །དབྱངས་ཡིག་བཅུ་དྲུག་སྨྲ་བ་ཡིས། །ཇི་ལྟར་བརྗོད་པའི་དབྱངས་ཡིག་གིས། །བསིལ་བའི་འོད་ཟེར་རབ་བསྒྲུབ་པ། །འདི་རྣམས་འདི་ལྟར་གྲུབ་པ་ནི། །སྐྱེས་བུ ་ཆེན་པོའི་མཚན་ཡིན་ནོ། །སྐུ་ནི་བྱིན་གྱིས་བརླབས་འགྱུར་བ། །གང་ཕྱིར་འདི་ལས་འབྱུང་བར་འགྱུར། །དྷ་ད་ཡ་ལ་ཝ་བསྣན་བྱ། །ཀ་སོགས་ཉིས་འགྱུར་བྱས་པ་ལས། །དེ་སྟེང་རི་བོང་ཅན་བལྟ་སྟེ། །དཔེ་བྱང་སྒྲུབ་པར་བྱེད་པའོ། །བྱང ་ཆུབ་སེམས་ཀྱི་རང་བཞིན་པས། །སྙིང་རྗེ་རྩ་བའི་རང་བཞིན་གྲགས། །བསོད་ནམས་ཚོགས་ནི་ཡང་དག་རྫོགས། །ཡིད་ལ་བྱུང་ཡང་རྙོག་པ་བྲལ། །འཇིག་རྟེན་རབ་གྲགས་གྲངས་ཀྱིས་ནི། །གཟུགས་བརྙན་རབ་ཏུ་སྦྱོར་བ་ལས། །སངས་རྒྱས ་ཡོན་ཏན་ཀུན་གྱི་ལུས། །འདིར་ནི་ཀ་ལ་སོགས་པས་གསལ། །ཡང་གསུངས་པ། སྙིང་རྗེ་ཆགས་ལས་ཡང་དག་བྱུང། །སེམས་ཅན་རྗེས་སུ་འཛིན་བྱེད་པ། །དགེ་བའི་ཆོས་ནི་ཡང་དག་རྫོགས། །ཉོན་མོངས་ཀུན་ལ་ངེས་གནོད་པ། །ཟླ་བའི ་དཀྱིལ་འཁོར་དབུས་སུ་ནི། །བྱང་ཆུབ་ཟླ་བ་གཉིས་པའོ། །འདིར་ཡང་སངས་རྒྱས་ཡོན་ཏན་རྣམས། །ཀ་སོགས་གཟུགས་ཀྱི་ཡང་དག་འཇུག་།གཟུགས་བརྙན་རབ་ཏུ་སྦྱོར་བས་སོ། །ཞེས་སོ། །ཀུན་གཞི་རྣམ་ཤེས་གྱུར་པ་ལས། །འདི་ནི་ཟླ ་བ་གཉིས་སུ་གྲགས། །མེ་ལོང་ཡེ་ཤེས་སུ་བརྗོད་པ། །རྣམ་པ་དང་པོ་ཉིད་ཡིན་ནོ། །ཉོན་མོངས་ཅན་ཡིད་གྱུར་པ་ལས། །མཉམ་པ་ཉིད་ཀྱི་ངོ་བོ་ཉིད། །དེར་ཡང་ཧཱུཾ་བྱུང་རྡོ་རྗེ་སྟེ། །དམར་གསལ་བ་ཡི་འོང་ཅན་ནོ། །ཕུང་པོ་ལྔ་ནི་རྣམ་དག་པས། ། ་ཡེ་ཤེས་ལྔ་རུ་བསྟན་པ་ཡིན། །སྟེང་དུ་གནས་པ་དེ་ཡི་ནི། །ལྟེ་བར་ཧཱུཾ་ཡིག་ཟླ་གཉིས་གནས། །བརྗོད་བྱ་རྗོད་བྱེད་ལས་འདས་ཏེ། །ཆོས་ཉིད་རབ་ཏུ་རྟོགས་པས་ན། །དེ་ནི་རྟོགས་པར་གྱུར་པ་ལས། །སོ་སོར་ཀུན་ཏུ་རྟོག་པར་བསྒོམ། །དེ་ལས་དེ ་བཞིན་གཤེགས་སྤྲོས་པས། །འགྲོ་བ་ཀུན་ལ་ཕན་བྱས་ནས། །སངས་རྒྱས་གང་དེ་འདིར་བསྡུས་པ། །དེ་ནི་བྱ་བ་ནན་ཏན་ནོ། །བྱང་ཆུབ་སྤྱོད་གང་དག་པ་ནི། །བླ་མེད་སངས་རྒྱས་ཡེ་ཤེས་སོ། །དེ་རྣམས་དག་ནི་རང་ཡིད་གཟུགས། །བརྟན་པས་རྡོ་རྗེ་ཉིད་དུ ་འགྱུར། །འདི་ལྟར་ཡིད་ཀྱིས་བསྒོམ་བྱས་ན། །རང་གཟུགས་ཐ་དད་མེད་པའི་དངོས། །རྡོ་རྗེ་ཇི་ལྟར་བསྟན་མཐོང་ནས། །དེ་ལ་བདག་ཏུ་ང་རྒྱལ་བྱ། །དེ་ཡང་སངས་རྒྱས་ཀུན་གྱི་སྐུ་འདི་ནི། །སྣང་བ་མེད་ཅིང་གནས་མེད་པ། །མ་སྐྱེས་མ་བྱས་དག་ལ ་སྟེ། །རང་བཞིན་ལ་སོགས་རྣམ་པར་སྤངས། །མི་ཆོད་མི་ཕྱེད་སྲེག་ཏུ་མེད། །ལྷག་མ་མེད་པ་ཆོས་ཀྱི་སྐུ། །རྡོ་རྗེ་བདག་ཉིད་ཡང་དག་འབྱུང། །རྡོ་རྗེ་སྐུ་ནི་བླ་ན་མེད། །ཅེས་གསུངས་སོ། །རང་གི་སེམས་ཀྱི་འཕེན་པ་ཡིས། །བྱང་སེམས ་ཤར་བ་མཆོག་ཡིན་ནོ། །ཀློ་དང་བསྡུ་བདག་ལ་ནི། །བརྟན་པར་བྱེད་འདོད་བྱིན་གྱིས་བརླབས། །རྫོགས་སངས་རྒྱས་སུ་མཉམ་འགྲོ་བ། །རྒྱུད་གཞན་ལས་ཀྱང་གསུངས་པ་ཡིན། །སྔགས་ནི་འདི་རྣམས་འདིར་བརྗོད་པ། །གང་ཞིག་སྔགས་ནི་རིག ་པས་སོ། །དྲ་དེ་ལ་ཨོཾ་ཙིཏྟ་པྲ་ཏ་བིདྷི་ཀ་ར་མི། །ོཾ་བོ་དྷི་ཙིཏྟ་ཨུཏཱ་ད་ཡཱ་མི། །ོཾ་ཏེཥྚ་བཛྲ། ཨོཾ་པ་ར་བཛྲ། །ོཾ་སཾ་ཧ་ར་བཛྲ། །ཱཏྨ་ཀོཉཧཾ། ཨོཾ་ཡ་ཐཱ་སརྦབ་ཏ་ཐཱ་ག་ཏ་ཏ་ཐཱ་ཨ་ཧི། །ཞེས་པའོ། །དེ་ལ་ཟླ་སོགས་ཡོངས་གྱུར་པས། །སྐད་ཅིག་ཡེ་ཤེས ་སྦྱོར་བ་ཡིས། །ཀུན་ཏུ་བཟང་པོར་བདག་ཉིད་ནི། །རྒྱལ་བ་རྣམས་བསྐྱེད་རྒྱལ་བ་ཡིན། །སངས་རྒྱས་ཀུན་གྱི་རང་བཞིན་མགོན། །རྣམ་ཐར་སྒོ་གསུམ་གྱི་ན་ཞེལ། །སྔོན་པོ་དཀར་པོ་དམར་པོར་ལྡན། །གཡས་དང་དབུས་དང་གཡོན་རྣམས་སོ། །ཤེ ་རབ་ཐབས་ཀྱི་བདག་ཉིད་སྐུ། །རྡོ་རྗེ་རལ་གྲི་ནོར་བུ་པད། །གཉིས་ཀྱིས་ཤེས་རབ་ལ་འཁྱུད་པ། །རྡོ་རྗེ་སྐྱིལ་མོ་ཀྲུང་གིས་གནས། །མི་བསྐྱོད་པ་ཡིས་སྤྱི་བོར་བརྒྱན། །རལ་པའི་ཐོར་ཚུགས་ཀྱིས་བརྒྱན་པའོ། །རྒྱན་རྣམས་ཀུན་གྱིས་བརྒྱན་པ་སྟེ། ་ཞི་དང་སྒེག་པའི་གཟུགས་འཛིན་པ། །ཕུན་ཚོགས་ཀུན་བྱེད་མགོན་པོ་སྟེ། །མཚན་མོ་བྱེད་པའི་འོད་བྱེད་པ། །ཆོས་དབྱིངས་ཤིན་ཏུ་རྣམ་དག་པའི། །རང་བཞིན་དུ་ནི་བསྒོམ་པར་བྱ། །འདོད་ཆགས་ཆེན་པོ་འདུལ་བ ་ཡི། །སེམས་ཅན་ཁམས་ལ་ཀུན་ཏུ་ནི། །སྣོད་ལྡན་ལ་ནི་བལྟས་ནས་ནི། །གསང་བ་འདུས་པའི་དོན་བསྟན་ཕྱིར། །དག་པའི་སྐྱུ་མའི་སྒྲ་རྣམས་ཀྱིས། །ལུས་ལ་སངས་རྒྱས་རྣམས་བཅུག་སྟེ། །བདེ་བ་རྫོགས་པ་ཡང་དག་གྲུབ། །ཐམས་ཅད་སངས ་རྒྱས་གཅིག་གཟུགས་གྱུར། །སྤྱན་དང་གཟུགས་ཀྱི་རྡོ་རྗེ་སོགས། །གཟུགས་སུ་སྤྲུལ་ནས་ཕྱུང་བ་རྣམས། །དེ་རྣམས་རང་གི་རིག་མ་ལ། །ཇི་ལྟ་བ་བཞིན་ཡང་དག་གཞུག་།དེ་བཞིན་འཁོར་ལོའི་སངས་རྒྱས་རྣམས། །བཅུག་སྟེ་ཞུ་བར་གྱུར་པ ་རྣམས། །ལྷ་མོའི་པདྨར་སྤྲོ་བྱས་ལ། །རྡོ་རྗེ་ཅན་གྱིས་གནས་པར་བལྟ། །དེ་དག་ཡོངས་སུ་གྱུར་བསེམས། །རྟེན་དང་བརྟེན་བཅས་དཀྱིལ་འཁོར་ཏེ། །མི་བསྐྱོད་གཙོ་བོ་བསྒོམ་བྱས་ལ། །སྐྱེ་བོའི་ཚོགས་ནི་ཡང་དག་གཞུག་།རྣམ་སྣང་ལ་སོགས ་སངས་རྒྱས་རྣམས། །དེ་བཞིན་རྡོ་རྗེ་ཅན་གྱིས་གཞུག་།བྱང་ཆུབ་སེམས་སུ་ཞུ་ལྡན་པས། དེ་ཡིས་སྐྱེ་བོ་དབང་བསྐུར་བྱ། །དེ་ནས་བྱང་ཆུབ་སེམས་ཀྱིས་ནི། །འགྲོ་ལ་འོད་ཟེར་རེག་གྱུར་པས། །སྟོན་པའི་བྱིན་གྱིས་བརླབས་དབང་གིས། །ཡང ་དག་བྱང་ཆུབ་བདེ་ཐོབ་པ། །ཐམས་ཅད་ཞལ་གསུམ་ཕྱག་དྲུག་སྟེ། །ས་སྙིང་ལ་སོགས་ངོ་བོ་ཉིད། །དཀྱིལ་འཁོར་འཁོར་ལོ་ཅན་གྱུར་པ། །སངས་རྒྱས་ཀུན་གྱི་ཡོན་ཏན་ལྡན། །དེ་ཕྱིར་དེ་རྣམས་མཉམ་པར་ལྡན། །དེར་གནས ་སངས་རྒྱས་མཁས་པ་ཡིས། །སེམས་ཀྱིས་མང་པོ་གདེན་པར་བྱ། །ན་སྙུག་མའི་ས་བོན་ཇི་ལྟ་བས། །དམ་པའི་མིག་དང་རྣ་བ་སྣ། །ལྕེ་དང་ལུས་དང་ཡིད་རྣམས་ཀྱིས། །ཡོངས་སུ་དག་པའི་རང་བཞིན་ནི། །དེ་ནི་ཡེ་ཤེས་བཟང་ཤར ་བ། །ས་སྙིང་ལ་སོགས་དྲུག་པོ་ཡི། །ས་བོན་ལ་སོགས་རིམ་བཞིན་ཡིན། །ཀྵི་ཛྲཾ་ཁཾ་གཾ་དེ་བཞིན་དུ། །སྐཾ་སཾ་ཞེས་པ་ཡི་གེའི་རིམ། །ཛ(རྒྱུད་འགྲེལ་སོགས་སྐྱེ་མཆེད་བདག་ཉིད་དོ། །ལཱཾ་མཱཾ་པཱཾ་ཏཱཾ་འདི་ཞེས་བྱ། །ས་བོན་ས་བོན་རིག་པས་བརྗོད། །སྤྱན་མ་ལ་སོགས་བཞི་པོ་ནི། །ས་ལ་སོགས་པའི་རང་བཞིན་ཡིན། །གཟུགས་དེར་ཚོར་བ་འདུ་ཤེས་དང། །འདུ་བྱེད་དང་ནི་རྣམས་ཤེས་ཀྱང ་རྟག་ཏུ་རྣམ་པར་དག་གྲུབ་པའི། །རྟག་པ་ལ་སོགས་པར་གསལ་ལོ། །བྲུཾ་ཨོཾ་བཛྲཱི་ཁཾ་ཧཱུཾ་ས་བོན། །འདི་རྣམས་གོ་རིམས་ཇི་བཞིན་འགྱུར། །འདི་ལྟར་ཐམས་ཅད་ཕྱུང་ནས་ནི། །ལྷག་པའི་ལྷ་རྣམས་བསྒྲུབ་པར་བྱ། །དེ་ལ་ལྷག་པའི་ལྷ་རྣམས་ནི། །སངས ་རྒྱས་དཀྱིལ་འཁོར་འཁོར་ལོ་ཅན། །སྔོན་བཞིན་རྣལ་འབྱོར་པས་བསྐུལ་བྱས། །རང་གི་ཁ་རུ་གཞུག་པར་བྱ། །དེ་ནི་བྱང་ཆུབ་སེམས་བྱེས་ལ། །རྡོ་རྗེ་ནས་ནི་སོན་པར་བལྟ། །རིག་པའི་པདྨའི་ནང་སོང་བ། །ཁ་དོག་གཟུགས་སུ་གྱུར་པའོ། །ཤེས ་རབ་ཐབས་ཀྱི་ཆགས་ཆེན་གྱི། །རང་བཞིན་ཕྱིར་ན་འོད་གསལ་བའོ། །དེ་རུ་ཨོཾ་ཨཱ(རྒྱུད་འགྲེལ་བས་ཡབ་ཡུམ་ཡང། །ཟླ་བ་དར་འདྲ་ཞུ་བའི་གཟུགས། །ཟླ་བའི་དཀྱིལ་འཁོར་དབུས་སུ་ནི། །མྱང་ན་འདས་པའི་ལམ་བཞིན་གནས། །དོགས་མེད་རང་ཡིད་ཀྱིས་བལྟས་ལ། །བྱམས་པ་སྙིང་རྗེའི་རྒྱུ་མཐུན་དང། །དགའ་དང་བཏབ་སྙོམས་རང་བཞིན ་གྱི། །མཱ་མ་ཀཱི་དང་སྤྱན་མར་གྲགས། །གོས་དཀར་སྒྲོལ་མ་མཉམ་པ་རུ། །མི་དམིགས་པ་ཡི་སྦྱོར་བ་ཡིས། །དེ་ཡི་འོད་ཟེར་ལས་བྱུང་བ། །འདི་རྣམས་རང་གི་གནས་བཞུགས་པས། །བསྐུལ་བས་རྩོལ་བ་བསྒོམ་པར་བྱ། །སེམས་ཅན་ཁམས ་ན་གནས་ཀྱི་དབང་ཕྱུག་ཁྱོད་ནི་རྡོ་རྗེའི་ཐུགས། །དགའ་པའི་ཡིད་འོང་དོན་ཆེན་འདོད་པས་བདག་ལ་སྐྱབས་སུ་གསོལ། །མགོན་པོ་གལ་ཏེ་དེ་རིང་བདག་ནི་གསོན་པར་མཆིས་བཞེང་ན། །སེམས་ཅན་ཡབ་ཆེན་གཉན་མཆོག་པ་ག ་ལ་དགྱེས་པར་མཛད་དུ་གསོལ། །རྡོ་རྗེ་སྐུ་ཁྱོད་བཀའ་ཡི་འཁོར་ལོ་སེམས་ཅན་ཀུན་ལ་ཕན། །སངས་རྒྱས་དོན་དུ་བྱང་ཆུབ་དོན་དམ་རབ་ཏུ་ཕན་པར་གཟིགས། །མགོན་པོ་གལ་ཏེ་དེ་རིང་བདག་ནི་གསོན་པར་མཆིས་བཞེད་ན། །འདོད་ཆགས་དམ་ཚིག་ཆགས ་པས་བདག་ལ་དགྱེས་པར་མཛད་དུ་གསོལ། །ཁྱོད་ནི་རྡོ་རྗེའི་གསུང་སྡེ་ཀུན་ལ་ཕན་ཞིར་ཐུགས་བརྩེ་བ། །འཇིག་རྟེན་དག་གི་དོན་དང་དགོས་པ་མཛད་ལ་རབ་ཏུ་བརྩོན། །མགོན་པོ་གལ་ཏེ་དེ་རིང་བདག་ནི་གསོན་པར་མཆིས་བཞེད་ན། །དགའ་བའི ་སྤྱོད་པ་ཀུན་ཏུ་བཟང་པོ་བདག་ལ་དགྱེས་པར་མཛད་དུ་གསོལ། །ཁྱོད་ནི་རྡོ་རྗེ་འདོད་པ་དམ་ཚིག་མཆོག་གི་ཕན་དོན་ཆ། །ཡང་དག་རྫོགས་སངས་རྒྱས་ཀྱི་གདུང་མཆོག་མཉམ་ཉིད་ཐུགས་བརྩེ་བ། །མགོན་པོ་གལ་ཏ་དེ་རིང་བདག་ནི་གསོན་པར ་མཆིས་བཞེང་ན། །ཡོན་ཏན་རིན་ཆེན་མང་པོའི་གཏེར་འགྱུར་བདག་ལ་དགྱེས་པར་མཛོད། །འདི་རྣམས་ཀྱིས་ནི་བསྐུལ་བའི་སེམས། །ཞུ་བའི་གཟུགས་སུ་བསྒོམ་པར་བྱ། །སེམས་ཅན་དོན་ཉམས་མཐོང་བས་ན། །བདག་ཉིད་ཕུན་ཚོགས་ཉམས་པ་འདྲ ་སྒྱུ་མ་ལྟ་བུར་མོས་པ་ཡིས། །ཆོས་རྣམས་ཐམས་ཅད་བརྟག་པར་བྱ། །ཡོངས་སུ་གྱུར་ནས་སངས་རྒྱས་སྤྲོས། །ཞུ་བའི་ཡི་གེ་མཾ་ཏུ་བསྒོམ། །དེ་ཡོངས་སུ་གྱུར་ནས་རལ་གྲི་སྟེ། །ས་བོན་མཾ་འབར་ཡུ་བར་ནོ། །བདག་གི་རང་བཞིན་དེ་ལྟར་བསྒོམ། ། ་སེམས་བརྟན་དེ་ཉིད་རིག་པས་སོ། །དེ་ལས་བྱུང་བའི་སངས་རྒྱས་ཚོགས། །འགྲོ་ལ་ཕན་པར་བལྟ་བར་བྱ། །སླར་ཡང་དེ་རུ་ཞུགས་གྱུར་ནས། །འཇམ་པའི་རྡོ་རྗེར་བསྒོམ་པར་བྱ། །སྤྲོ་བྱ་རྒྱ་ན་དང་ཆོད་པན་ཅན། །གུར་གུམ་རློན་པའི་འོད་ལྡན་པ། །རལ་གྲི ་མདའ་དང་ཆུ་སྐྱེས་སྔོ། །གཞུ་ཡིས་མཚན་པ་བཞི་པོ་དག་།རྩ་བའི་ཕྱག་གཉིས་ཀྱིས་འཁྱུད་པ། །ཤེས་རབ་འདི་ཞལ་མྱང་བས་འགྱིང། །ཟླ་བར་རྡོ་རྗེ་སྐྱིལ་མོས་གནས། །ན་བཟའ་དམ་པས་རྒྱན་གྱིས་མཛེས། །གཡས་དང་གཡོན་གྱི་ཞས་དག་ནི ་སྔོ་དཀར་སྒེག་པའི་གཟུགས་འཛིན་པ། །སངས་རྒྱས་ཚོགས་ནི་མ་ལུས་སྤྲོ། །སྲིང་གསུམ་མ་ནི་རབ་ཏུ་བསྒྲུབས། །སྲིད་པ་སྡུག་བསྔལ་དབང་སོང་བ། །ཉོན་མོངས་ཀུན་སྐྱེས་བསལ་བར་མཛད། །བདག་ཉིད་བདེ་བ་དང་མཉམ་བས། །སྡུག་བསྔལ་ཐམས ་ཅད་རྣམ་པར་སྤངས། །རབ་ཏུ་རྟོགས་པའི་སྣོད་རུང་བ། །སེམས་ཅན་ཀུན་གྱིས་དོན་བྱས་ཏེ། །སྙིང་རྗེ་ཆགས་མེད་ངོ་བོ་ཡིས། །ཀུན་རྫོབ་ཏུ་ནི་ཐབས་བསྟན་ཏོ། །མྱ་ངན་འདས་ཀྱང་ཚུལ་བཞིན་དུ། །ཡང་དག་མ་ཡིན་སྒོ་འདོགས་སྲིད། །སོ་སོའི་སྐྱེ་བོར་བདེན ་འགྱུར་བའི། །སྡུག་བསྔལ་ཐམས་ཅད་ཞི་བར་བྱེད། །གང་ཞིག་འདིར་ནི་མེས་བྱེད་པ། །ཆོས་ཀྱི་དབྱིངས་ཀྱིས་ཁྱབ་པའོ། །རྣམ་པར་བྱང་ལ་ཞུགས་པ་ཡི། །སྤོང་བར་བྱ་ཕྱིར་འདིར་བརྗོད་དོ། །ོཾ་དྷརྨམཱ་དྷ་ཏུ་སྭ་བྷཱ་པ་ཨཱཏྨ་ཀོཉཧཾ། ཆུང་ངུའི་གཉེན་པོའི ་ཡན་ལག་ཉིད། །ཆུང་ངུའི་རྒྱུ་མཐུན་འབྲས་བཟང་པོ། །དེ་ནས་མིག་སོགས་བྱིན་བརླབས་པ། །ཐམས་ཅད་མཁྱེན་པ་ཐོབ་ཕྱིར་བྱ། །ཟླ་བའི་དཀྱིལ་འཁོར་དབུས་གནས་པ། །ཀྵཾ་ཡིག་དཀར་དང་འཁོར་ལོ་ལས། ། ་ཕྱག་དང་ཞལ་དང་མཚོན་ཆ་ཉིད། །རྣམ་པར་སྣང་མཛད་རང་བཞིན་ཅན། །མིག་ཏུ་མ་ཡི་སྙིང་པོར་གྲགས། །ཕྱག་ན་རྡོ་རྗེ་རྣ་པར་སོན། །ཟླ་བར་ཛྲི་ཡིག་རྡོ་རྗེ་ལས། །བྱུང་བ་མི་བསྐྱོད་པ་འདྲའི་གཟུགས། །ཟླ་བར་ཁཾ་དང་རིན་ཆེན་སྐྱེས། །སྣ་ཡི ་ནང་དུ་མཁའ་སྙིང་པོ། །རིན་ཆེན་འབྱུང་ལྡན་དང་འདྲ་བར། །ཁ་དོག་མཚན་མ་ཞལ་རྣམས་སོ། །སྒྲོལ་མའི་བདག་པོར་ཡང་དག་གནས། །གཾ་དང་མཚོ་སྐྱེས་ལས་བྱུང་བ། །འཇིག་རྟེན་མགོན་པོ་ལྕེ་ལའོ། །ཁ་དོག་ལ་སོགས་དཔག་མེད་འདྲ། ་མཚན་མོ་བྱེད་བཟང་གཟུགས་ཏེ་གནས། །ཡི་གེ་ཀཾ་མཆོག་རལ་གྲི་ལས། །ཞལ་སོགས་དོན་ཡོད་དང་འདྲ་བར། །མགོ་བོར་སྒྲིབ་པ་རྣམ་སེལ་གཙོ། །འོད་དཀར་གདན་ལ་སཾ་རྡོ་རྗེ། །རྡོ་རྗེ་འཛིན་པའི་གཟུགས ་འདྲ་བ། །སྙིང་ཀར་ཀུན་ཏུ་བཟང་པོར་གྲགས། །བྱང་ཆུབ་སེམས་དཔར་བསྒོམ་པར་བྱ། །ཐམས་ཅད་རྡོ་རྗེ་སྐྱིལ་མོ་ཀྲུང། །རབ་འཕྲོ་རིན་ཆེན་ཅོད་པན་ཅན། །ཤེས་རབ་དམ་པས་འཁྱུད་ཞི་བ། །ཟླ་བཟང་ལ་བརྟེན་འོད་གསལ་བ། །རང་གི ་ཁ་དོག་ས་བོན་བསྒྲུབས། །སྤྲོ་ཞིང་བསྡུ་བའི་སྦྱོར་བ་ཡིས། །རང་རང་སྐྱེ་མཆེད་བདག་ཉིད་གཟུགས། །རང་རང་རྣམ་པར་ཡང་དག་གནས། །དེ་བཞིན་མཚན་རང་ས་བོན་ལས། །རང་གི་གདན་ལ་གནས་པའི་གཟུགས། །གཟུགས་སོགས ་གཟུགས་ཀྱི་རྡོ་རྗེ་སོགས། །ས་སོགས་སྤྱན་ལ་སོགས་པ་རྣམས། །རྣམ་སྣད་ལ་སོགས་སངས་རྒྱས་རྣམས། །གཟུགས་སོགས་ཕུང་པོ་ལྔ་པོ་རྣམས། །བསྒོམ་བྱ་ངེས་པར་མོས་པ་ཡིས། །སེམས་ནི་བརྟན་པ་ཉིད་ཀྱིས་ནི། །འདི་དག་ཉེ ་བའི་སྒྲུབ་བ་དང། །རྣམས་པར་སྨིན་པའི་འབྲས་བུར་བྱེད། །ཆོས་དང་ལོངས་སྤྱོད་སྤྲུལ་བ་ཡི། །སྐུ་ཡི་དོན་དུ་འདི་བསྒོམ་བྱ། །སྙིང་ཟླར་གནས་པའི་ཧཱུཾ་ཡིག་ལས། །ཡང་དག་བྱུང་བའི་རྡོར་དབུས་སུ། །དེ་བཞིན་ཧཱུཾ་སྐྱེས་རྡོ་རྗེ་ནི། །ཕྲ་མོ་བསྒོམ་བྱ ་ཧཱུཾ་དང་བཅས། །དེ་ཡི་སངས་རྒྱས་འོད་ཟེར་གྱིས། །སེམས་ཅན་དོན་བྱས་ཡོངས་གྱུར་ནས། །ཐུགས་ཀྱི་རྡོ་རྗེ་དབང་ཕྱུག་བསྒོམ། །ཕྱག་ན་རྡོ་རྗེ་དང་འདྲ་མཆོག་།ཐུགས་རྡོར་རང་སྙིང་ས་བོན་གྱི། །འོད་ཟེར་ལས་སྤྲུལ་གཟུགས་རྣམས་ཀྱིས། ། ་ཐུགས་ཀྱི་རྡོ་རྗེ་གང་ཁྱབ་བ། །ཕྱོགས་གནས་ཡང་དག་རྫོགས་སངས་རྒྱས། །སྙིང་གའི་ས་བོན་འོད་ཟེར་གྱིས། །ཀུན་ཏུ་ཡང་དག་སྦྲུལ་པའོ། །གཟུགས་སོགས་རྡོ་རྗེར་གྱུར་པ་ཡིས། །དེ་རིག་ནང་ཞུགས་བདག་ཉིད་ཀྱིས། །མཆོད ་བྱས་དེ་རྣམས་ཐུགས་རྡོ་རྗེ། །བྱིན་གྱིས་བརླབ་ཕྱིར་གསོལ་བ་གདབ། །ཚིགས་བཅད་འདི་གཉིས་རྟོགས་བྱས་ལ། །ཐམས་ཅད་བདེ་བྱེད་བརྗོད་པར་བྱ། །དཔལ་ལྡན་རྡོ་རྗེ་ཐུགས་འཆད་བ། །རྡོ་རྗེ་མི་ཕྱེད་གསུམ་བསྒོམས་པས། །དེང་བདག་བྱིན ་གྱིས་བརླབས་ནས་སུ། །རྡོ་རྗེ་ཐུགས་ཀྱིས་མཛད་དུ་གསོལ། །ཕྱོགས་བཅུར་བཞུགས་པའི་སངས་རྒྱས་རྣམས། །རྡོ་རྗེ་མི་ཕྱེད་གསུམ་བསྒོམས་པས། །དེད་བདག་བྱིན་གྱིས་བརླབས་ནས་སུ། །རྡོ་རྗེ་ཐུགས་ཀྱིས་མཛད་དུ་གསོལ། །སངས་རྒྱས ་ཀུན་གྱི་ཐུགས་རྣམས་ཀྱི། །ཡོན་ཏན་གྱིས་ནི་མཉམ་གྱུར་པ། །ད་ཡི་བྱིན་གྱིས་རླབས་པའི་ཐུགས། །སེམས་སུ་བརྟན་པར་རྣམ་པར་བལྟ། །རྫོགས་སངས་རྒྱས་ཀྱི་ཐུགས་རྡོ་རྗེའི། །བདག་པོ་དང་མཉམ་བལྟ་བར་བྱ། །ཐུགས་ཀྱི་སྔགས་ཀྱིས་བྱིན་གྱིས ་བརླབས། །རྡོ་རྗེའི་ཚིགས་བརྗོད་བསྟན་པ་ཡིན། །དཔལ་ལྡན་གསང་འདུས་རྫོགས་བྱང་ཆུབ། །སྒྲུབ་པར་འདོད་པའི་སེམས་ལ་ནི། །བྱང་ཆུབ་མངོན་དུ་བྱེད་འདོད་པས། །བཏང་སྙོམས་ལམ་ལ་ཞུགས་གྱུར་བ། །དཀར་དང་དཀར་མིན་ལྗང་སེར་དང། ། ་དམར་པོ་ལྗང་སྔོན་འོད་འདྲ་བ། །ོཾ་ཧཱུཾ་སྭཱ་དང་ཨཱ(རྒྱུད་འགྲེལ་པ་ལ་གཟུགས?་པ། །དོན་ཡོད་བལྟས་དེ་ཡི་གེ་དེས། །ལྷ་མོའི་ཁ་དོག་དབྱིབས་རྣམས་ནི། །དེ་ལ་དེ་རྣམས་རྟག་པར་བྱ། །ཧཱུཾ་སྐྱེས་པདྨ་འདབ་བརྒྱད་པ། །དེ་ནི་དམར་པོ་འོད་ཕྲེད་བ། །གསང་ཡིན་རང་གི་གསང་བར་ཡང། །རྡོ་རྗེར་གྱུར་པ་རྣམ་པར་བསཾ། ་ཡི་གེ་ཨཱ(རྒྱུད་འགྲེལ་ལུགས་ཡིན་ཞེས་ནི་བྱས་པའི་སེམས། །མཉམ་པའི་ཡེ་ཤེས་སྦྱོར་བ་ཡིས། །འོད་ཟེར་ཞགས་པས་བཀུག་ནས་ནི། །སྔགས་པས་དགའ་བ་བརྩམ་པར་བྱ། །རང་འདྲའི་ནང་དུ་ལྷུང་གྱུར་པས། །འདོད་ཆགས་ཉེས་པ་སྤངས་བཞི ་སྐལ་བཟང་མ་དང་རྗེས་ཆགས་བྱ། །སངས་རྒྱས་མཆོད་ཕྱིར་ང་རྒྱལ་བྱ། །སྔགས་འདི་ཉེ་བར་བརྗོད་པར་བྱའོ། །ོཾ་སརྦབ་ཏ་ཐཱ་ག་ཏ་ཨ་ནུ་རཱ་ག་ཎ་བཛྲ་སྭ་བྷཱ་བ་ཨཱཏྨ་ཀོཉ་ཧཾ། ཏིང་ངེ་འཛིན་རང་དོན་བསྒོམ་པའོ། །འདི་ནི་དང་པོའི་སྦྱོར་བའོ། །དེའི་བའི? ་དཀྱིལ་འཁོར་རྒྱལ་པོ་མཆོག་།གཞན་གྱི་དོན་དུ་བསྒོམ་པར་བྱ། །ཡེ་ཤེས་སེམས་དཔའ་ཨི་སྙིང་ཟླ་ཡི། །ཡི་གེ་མཾ་གྱི་འོད་ཟེར་གྱིས། །སངས་རྒྱས་ཚོགས་ལས་གསོལ་བཏབ་ནས། །རང་གི་ས་བོན་ནང་གཞུག་བྱ། །རང་རིག་པདྨའི་ཁོངས་སུ་ནི། ་རྡོ་རྗེ་ནས་ནི་གདོན་པར་བྱ། །བྱང་ཆུབ་སེམས་ནི་ཞུ་གྱུར་རྣམས། །རང་གི་འོད་ནི་འབར་བ་ལས། །དེ་དག་གྱུར་པ་ས་བོན་སྟེ། །རང་གི་འོད་ཟེར་འབར་བ་ལས། །དི་གྱུར་རང་གི་ས་བོན་དགོད། །རང་གི་དཀྱིལ་འཁོར་བསྒོམ་པར་བྱ། །རྟེན་དང་བརྟེན་པ ་རྣམ་པར་གསལ། །གཅིག་ཉུང་ཉི་ཤུའི་ལྷ་རྣམས་སོ། །དེ་རུ་བརྟན་པར་བྱས་ནས་ནི། །རྗེས་གནང་ཐོབ་བྱ་རིགས་བདག་ལས། །ཆོག་བཞིན་དུ་འཁོར་ལོ་གདོན། །སྒྲུབ་པ་པོ་ཡིས་སྔགས་བརྗོད་བས། །བདེན་མིན་སྒྲོ་འདོགས་ལས་བྱུང་བ། །ཞེ ་སྡང་རྒྱུན་ནི་དག་པ་ཡིས། །མ་འདྲེས་ཨིནྡྲ་ནཱི་ལའི་འོད། །ཕྱག་མཚན་རྡོ་རྗེ་སེམས་དང་མཚུངས། །རྣམ་དག་ཡེ་ཤེས་ལས་གྲུབ་པ། །ཆོས་ཀྱི་དབྱིངས་ཀྱི་རང་བཞིན་ལས། །ཅུང་ཟད་འགྲོ་བའི་ཉམས་ཚུལ་ལྡན། །སངས་རྒྱས་སྟོང་ནི་སྤྲོ་བྱེད ་པ། །དམར་དང་གནག་དང་དཀར་པོའི་གཟུགས། །གཡོན་དང་དབུས་དང་གཡས་རྣམས་སོ། །བཛྲ་དྷིཀ་གིས་ཡང་དག་བསྐུལ། །མི་བསྐྱོད་གཙོ་བོ་གདོན་པར་བྱ། །ཕྱོགས་ཀྱི་སེམས་ཅན་ཞེ་སྡང་རིགས། །ཞེ་སྔང་རྡོ་རྗེའི་རང་བཞིན་བྱས། ། ་ཡིད་ཀྱིས་དེ་ལྟར་རིག་བྱས་ནས། །བསྡུས་ནས་བདག་ལ་བསྟིམ་པར་བྱ། །གཟུགས་ཕུང་ཀུན་གཞི་རྣམ་པར་ཤེས། །གཏི་མུག་ལུས་ནི་རྣམ་དག་པ། །མེ་ལོང་ཡེ་ཤེས་ཡང་དག་པ། །འཁོར་ལོ་རལ་གྲི་ནོར་བུ་པད། །རྡོ་རྗེ་འཛིན་ཆེན་རྣམ ་པ་ཡི། །ཞལ་དང་ཁ་དོག་རྗེས་སུ་བྱེད། །སླར་ཡང་ཡིད་ཀྱིས་གདོན་པར་བྱ། །ཛིན་ཛི་ཀ་གིས་རྟག་པའོ། །འགྲོ་བའི་གཏི་མུག་བཅོམ་ནས་ནི། །མ་ལུས་དེ་ཡི་ངོ་བོར་བྱས། །དེ་བསྡུས་ནས་ནི་བློ་ལྡན་གྱིས། །མདུན་དུ་རི་བོང་དཀྱིལ་འཁོར ་དགོད། །ང་རྒྱལ་ཉོན་མོངས་ཅན་ཡོད་ཚོར། །ཕུང་པོ་རྣམ་པར་དག་གྱུར་པ། །མཉམ་ཉིད་ཡེ་ཤེས་ཡང་དག་ལྡན། །འཇམ་པའི་རྡོ་རྗེ་ལྟ་བུའི་ཞལ། །རཏན་དྷྲིཀ་གིས་རིན་ཆེན་དབང། །ཛམྦུ་ཆུ་བོའི་དང་མཚུངས་འོད། །བདག་ཉིད་ཆེན་པོ་གདོན ་པར་བྱ། །རིན་ཆེན་རལ་གྲི་འཁོར་ལོ་པད། །དེ་ཡིས་མ་ལུས་འཇིག་རྟེན་འདི། །གཟིགས་ནས་བདག་དང་མཉམ་པར་མཛད། །ཡང་དག་བསྡུས་ནས་ལྷོ་ཕྱོགས་ཆར། །དེ་ནི་ཉི་མར་དགོད་པར་བྱ། །འདུ་ཤེས་ཕུང་པོ་དག་འདོད་ཆགས། །རྣམ་རྟོག ་ཤེས་པ་དག་གྱུར་པ། །སོ་སོར་ཡང་དག་རྟོག་པར་བྱ། །ོཾ་སརྦབ་ཏ་ཐཱ་ག་ཏ་ཙིཏྟ་བཛྲ་སྭ་བྷཱ་བ་ཨཱཏྨ་ཀོཉ་ཧཾ། ཞེས་པ་ནི་སྔགས་སོ། །དེ་སྟེང་ནུ་མའི་དཀྱིལ་དུ་ནི། །མཚན་མའི་དཀྱིལ་དུ་གསོལ་ལ་གདབ་མེད། །དམ་ཚིག་སེམས་དཔའ་དང་འདྲ་བ། །ཡེ་ཤེས ་སེམས་དཔའ་བསྒོམ་པར་བྱ། །ལྐོག་མར་ཨ་སྐྱེས་ཆུ་སྐྱེས་ལས། །(རྒྱུད་འགྲེལ་ཡང་དག་མཆོད་བྱ་གསོལ་བ་གདབ། །ད་ཡི་ཚིགས་བཅད་གཉིས་བརྗོད་དོ། །ཆོས་ཀྱི་གསུད་ལམ་དཔལ་དང་ལྡན། །རྡོ་རྗེ་མི་ཕྱེད་གསུམ་བསྒོམ་པས། །དེད་བདག་བྱིན་གྱིས་བརླབས་ནས་སུ། །རྡོ་རྗེ་གསུང་གི་མཛད་དུ་གསོལ། །ཕྱོགས་བཅུར་བཞུགས ་བའི་སངས་རྒྱས་རྣམས། །རྡོ་རྗེ་མི་ཕྱེད་གསུམ་བསྒོམས་པས། །དེང་བདག་བྱིན་གྱིས་བརླབས་ནས་སུ། །རྡོ་རྗེ་གསུང་གིས་མཛད་དུ་གསོལ། །དབྱངས་ཀྱི་ཡན་ལག་ཀུན་ཕུན་ཚོགས། །རང་གི་དག་ནི་མོས་?? ་བྱ། །སངས་རྒྱས་གསུང་དང་མཉམ་གྱུར་པ། །སྔགས་འདིས་བྱིན་གྱིས་བརླབ་པར་བྱ། །ོཾ་སརྦབ་ཏ་ཐཱ་ག་ཏ་བཱ་ག་བཛྲ་སྭ་བྷཱ་བ་ཨཱཏྨ་ཀོཉ་ཧཾ། །སྤྱི་བོར་ཟླ་གནས་ཨོཾ་ལས་ནི། །འབྱུང་བའི་འཁོར་ལོ་རྩིབས་བརྒྱད་པ། །ོཾ་དང་འཁོར་ལོ་པྲ་ལས ་བྱུང། །ས་སྙིང་དང་འདྲ་སྟེ་བལྟས་ནས། །རྫོགས་པའི་སངས་རྒྱས་ཕྱོགས་གནས་ལ། །ཚིགས་བཅད་གཉིས་ཀྱིས་སྐུ་རྡོར་ཚོགས། །བྱིན་གྱིས་བརླབ་ཕྱིར་གསོལ་བ་གདབ། །དཔལ་ལྡན་རྡོ་རྗེ་སྐུ་འཆད་པ། །རྡོ་རྗེ་མི་ཕྱེད་གསུམ་བསྒོམས ་པས། །དེང་བདག་བྱིན་གྱིས་བརླབས་ནམ་སུ། །རྡོ་རྗེ་སྐུས་ནི་མཛད་དུ་གསོལ། །ཕྱོགས་བཅུར་བཞུགས་པའི་སངས་རྒྱས་རྣམས། །རྡོ་རྗེ་མི་ཕྱེད་གསུམ་བསྒོམས་པས། །དེང་བདག་བྱིན་གྱིས་བརླབས་ནས་སུ། །རྡོ་རྗེ་སྐུས་ནི་མཛད་དུ ་གསོལ། །བྱིན་གྱིས་བརླབ་པར་སྐུ་བལྟས་ལ། །མཆན་ནི་སུམ་ཅུ་རྩ་གཉིས་འབར། །དཔེ་བྱད་བཟང་པོ་ཕུན་ཚོགས་པ། །མཉམ་པར་བྱ་ཕྱིར་བརྗོད་པར་བྱ། །ོཾ་སརྦབ་ཏ་ཐཱ་ག་ཏ་ཀཱ་ཡ་བཛྲ་སྭ་བྷཱ་བ་ཨཱཏྨ་ཀོཉ་ཧཾ། ས་སྙིང་ལ་སོགས ་སྐུ་མཐར་ཐུག་།མིག་ལ་སོགས་པ་རྣམས་དག་པ། །འདི་ལྟར་མདོར་བསྡུས་ཤེས་པར་བྱ། །ཕྱག་རྒྱ་བཞི་ཡིས་རྒྱས་བཏབ་པའོ། །ཆུང་དུའི་སྒྲུབ་པའི་ཡན་ལག་དང། །ཆུང་དུའི་སྐྱེས་བུའི་བདེ་འབྲས་སོ། །ཇི་ལྟར་ཆོས་རྒྱལ་དབང་བསྐུར་བ། ། ་དེ་བཞིན་འདིར?་ནི་དྲན་པར་བྱ། །ཡེ་ཤེས་སེམས་དཔའ་ཨི་ཐུགས་འོད་ཀྱིས། །རྫོགས་པའི་སངས་རྒྱས་བསྐུལ་ནས་ནི། །འོད་ཟེར་ལས་བྱུང་རིག་རྣམས། །བར་མེད་ཁྱབ་པ་གང་རྣམས་ཀྱིས། །པདྨའི་ཕྱག་ནི་ནུས་པ་ཡིས། །རིན་ཆེན་བུཾ ་པ་ཡིད་འོང་བ། །རང་ལུས་རྣམ་དག་ཁ་དོག་བཟང། །བྱང་ཆུབ་སེམས་ཀྱིས་རབ་གང་བས། །གཟུགས་ལ་སོགས་པའི་རྡོ་རྗེས་ཀྱང། །མཆོད་པ་སྔོན་དུ་འགྲོ་བ་ཡིས། །བདག་ཉིད་འཁོར་ལོས་བསྒྱུར་བཞིན་དུ། །དེ་ཉིད་རིག་པས་དབང་བསྐུར་བྱ། ། ་སྤྱི་བོར་མི་བསྐྱོད་རྫོགས་སངས་རྒྱས། །འཆད་པར་འགྱུར་བའི་ཕྱག་སོགས་ལྡན། །བྱང་ཆུབ་སེམས་ནི་དམ་པའི་ཆུ། །ཡོངས་སུ་གྱུར་པས་བསྒོམ་པར་བྱ། །ཡེ་ཤེས་ཆེན་པོའི་མཐུར་ཤེས་བྱ། །ཆུང་དུའི་སྒྲུབ་པ་ཆེན་པོ་དད། །འབྲས་བུ་ཡང་ནི་བྲི ་མེད་ནི། །ཆུང་དུའི་ངོ་བོར་རབ་ཏུ་བསྒྲགས། །རྒྱུ་མཐུན་རྒྱུ་དང་འདྲ་བ་སྟེ། །རྣམ་པར་སྨིན་པ་ལྷག་འབྲས་བུ། །གང་གི་སྟོབས་ལས་གང་སྐྱེས་པ། །འབྲས་བུ་དེ་ནི་སྐྱེས་བུར་འདོད། །དྲི་མེད་བྲལ་བའི་འབྲས་བུ་སྟེ། གང་ཕྱིར་ཆོས་ཀུན་བདག་པོའོ། །མ ་ལུས་སེམས་ཅན་ཕུན་ཚོགས་དོན། །སྣ་ཚོགས་དྲི་མ་འཁྲུ་བས་སོ། །དེ་བཞིན་ཤེས་རབ་མདུན་བལྟས་ལ། །རང་སྙིང་བདག་ཉིད་མཉམ་བྱས་པ། །དེ་ནི་སྔར་བཞིན་བསྒོམས་ནས་ནི། །མིག་ལ་སོགས་པ་སྦྱང་བའོ། །སླར་ཡང་འདི་ཡི་བྱེ་བྲག་ནི། །རྣམ ་པ་གཞན་དག་བརྗོད་པར་བྱ། །སྐུ་སོགས་བྱིན་གྱིས་བརླབ་པ་ལ། །ཚིགས་བཅད་བརྗོད་པ་སྤངས་པའོ། །དེ་ནི་འབྲིད་གི་བསྙེན་སོགས་དང། །ལྡན་པར་ཉེ་བར་བརྟག་པར་བྱ། །ཐབས་ནི་ཡེ་ཤེས་ལྔ ་ཡིན་ཀྱང། །ཤེས་རབ་ཆགས་པ་དག་གྱུར་ཏེ། །པདྨ་རལ་གྲི་ནོར་འཁོར་ལོ། །གཡས་དང་གཡོན་གྱི་ཞལ་དག་ནི། །འབྱམ་པའི་ཆ་བྱད་དང་འདྲའོ། །སྣང་བ་མཛའ་ཡས་ཤིན་ཏུ་དམར། །ཱ་རོ་ལིཀ་གིས་གདོན་པར་བྱ། །བརྗོད་བྱ་བརྗོད་བྱེད ་ལས་འདས་པའི། །ཆོས་ཉིད་རབ་ཏུ་སྟོན་བྱེད་པས། །འདོད་ཆགས་སེམས་ཅན་བྱག་བྱས་ནས། །བཟློག་པ་ལས་ནི་ཡང་དག་བྱུང། །འདོད་ཆགས་ཆེན་པོ་ལ་གནས་པ། །བརྟུལ་ཞུགས་ཅན་གྱི་ཡང་དག་བཟུང། །རྒྱབ་ཏུ་པདྨ་ཉིད་དཀྱིལ་དུ། །དེ ་བྱོན་གནས་པར་ཡང་དག་བལྟ། །ཕྲག་དོག་ལ་ཞུགས་རྣམ་པར་ཤེས། །འདུ་བྱེད་ཕུང་པོ་དག་པ་ཡི། །གཅིག་ཏུ་ལྗང་གུ་མཛའ་ཡས་འོད། །རལ་གྲི་འཁོར་ལོ་ནོར་བུ་པད། །པྲཛྙཱ་དྷྲིཀ་གིས་དོན་ཡོད་གྲགས། ། ་བྱ་བ་ནན་ཏན་བདེན་པའི་ལམ། །སེམས་ཅན་ཀུན་དོན་མཛད་པའོ། །ནམ་མཁའ་ཁྱབ་པར་སྤྲོ་བར་བྱ། །ཕྲག་དོག་གཙོ་བོའི་ཕྲག་དོག་ལ། །བཟློག་པས་རིམ་གྱིས་བརྟུལ་ནས་ནི། །བྱ་ནན་ཡེ་ཤེས་དང་ལྡན་པར། །འགྲོ་བའི་རང་བཞིན་བྱས་ནས་ནི། ། ་བསྡུས་ནས་བྱང་གི་ཕྱོགས་སུ་ནི། །མཆོ་སྐྱེས་ཉི་མའི་དཀྱིལ་འཁོར་དུ། །སླར་ཡང་བཞུགས་པར་བསྒོམ་པར་བྱ། །རྩེ་གཅིག་ཡིད་ཀྱིས་གསལ་བར་བསྒོམ། །ཀུན་ཀྱང་དམ་པའི་ཤེས་རབ་འཁྱུད། །ལེགས་བརྒྱན་རྩ་བའི་ཕྱག་གཉིས་ཀྱིས། ། ་རྡོ་རྗེ་སྐྱིལ་མོ་ཀྲུང་བསྒོམ་བྱ། །རལ་པའི་ཐོར་ཚུགས་ཀྱིས་བརྒྱན་པའོ། །ས་དང་སྙིང་པོ་ཐབས་དང་ནི། །སྟོང་པ་ཉིད་སྒོའི་རང་བཞིན་ཅན། །རྟག་པའི་གཟུགས་ཀྱི་སྤྱན་མ་ནི། །མོ་ཧ་ར་ཏི་ཞེས་པས་གདོན། །སེམས་ཅན་དོན་ལ་བརྩོན་པ་དང། །སྙིང ་རྗེ་སྟོང་པ་ཉིད་ཀྱི་སྒོ། །རང་གི་ཉེས་སྤོང་བསམ་གཏན་དང། །ཡང་དག་པ་ཡི་ལས་དང་ནི། །མྱུར་བར་བདེ་བའི་བྱང་ཆུབ་དང། །མ་ལུས་ཐབས་ནི་གསུམ་དག་དང། །འགྲོ་བ་རིང་དུ་སོང་བ་ལས། །ཇི་ལྟའི་སྟོབས་ཀྱིས་བཞག་བྱས་ནས། །ཉེས་དང ་འཇིགས་པ་ཀུན་ཉེན་ལ། །ཕན་ཕྱིར་དེ་ནི་ཡང་དག་གནས། །བསྡུས་ནས་ཡིད་ཀྱིས་བལྟ་བྱས་ཏེ། །མེ་རུ་ཞི་བ་སྒྲུབ་བྱེ་མའོ། །བྱམས་དང་སྨོན་ལམ་ཡང་དག་ལྡན། །ཆུ་ཁམས་མཚན་མ་མེད་པ་ཡིས། །རྣམ་དག་ལྷ་མོ་མཱ་མ་ཀཱི་།མི་བསྐྱོད་རང་འོད་དང ་མཚུངས་པ། །དྭ་ཥ་ར་ཏི་ཞེས་བསྐུལ་ནས། །ཀུན་ནས་འོད་ཟེར་མི་མཉམ་དང། །ཚོགས་ནི་གསོག་པར་རྩོམ་པ་དང། །སེམས་ཅན་དོན་ལ་རྗེས་འབྲེལ་དང། །སངས་རྒྱས་ཞིང་ནི་རྣམ་དག་དང། །འདིར་ནི་སྨོན་ལམ་གསུམ་དག་དང། །མི་གཡོ་མཐར?་ངེས ་བཞུགས་ནས། །བྱམས་སོགས་དམ་པ་ལ་གཞུགས་པས། །འགྲོ་བ་ཀུན་གྱི་དོན་བྱས་ཏེ། །འགྲོ་བ་དེ་དེ་འོད་འབར་བྱས། །བསྡུས་ནས་བདེན་བྲལ་དུ་བཀོད་པ། །ཡང་དག་འཇིགས་པ་འཇོམས་བྱེད་མའོ། །སྟོབས་ཀྱི་ཕ་རོལ་ཕྱིན་དང་མེ། །དགའ་བ་དང་ནི་སྨོན་པ་མེད། ་དག་པའི་གོས་དཀར་མོ་གདོན་བྱ། །འོད་དཔག་མེད་པའི་བཙུན་མོར་མཚུངས། །རཱ་ག་ར་ཏི་ཞེས་བསྐུལ་ནས། །སྒེག་པའི་ཉམས་དང་དམ་པའི་དགའ་། །དགའ་བ་ལ་སོགས་ཡོན་ཏན་དང། །རང་ལས་ཉོན་མོངས་བདུད་སོགས་ལས། །རྣམ་པར་བཟློག་ལ་དགེད་པ་སྟེ། ། ་དེ་ཡིས་འགྲོ་ལ་ཕན་པར་བྱས། །འདིར་ནི་སྟོབས་ནི་རྣམ་གསུམ་དང། །ལེགས་པའི་གློ་གྲོས་ལ་བཞག་པ། །ཇི་ལྟར་བྱས་ནས་ཡང་དག་འོངས། །འོད་མཛེས་ཁྲིགས་པའི་ཕྲེང་བ་ཅན། །རླུང་དུ་རྒྱས་པ་འཕེལ་མཛད་མ། །རྣལ་འབྱོར་བ་ཡིས་བཞུགས་པར ་བསྒོམ། །བཏང་སྙོམས་ཡེ་ཤེས་ཕ་རོལ་ཕྱིན། །རླུང་དང་རང་བཞིན་འོད་གསལ་བ། །རྣམ་དག་སྒྲོལ་མ་གདོན་པར་བྱ། །བཙོ་མའི་གསེར་གྱི་འོད་དང་ལྡན། །བཛྲ་ར་ཏི་ཞེས་སྔགས་ཀྱིས། །རིན་ཆེན་དབང་གིས་ཞལ་མཛེས་མ། །འགྲོ་བའི་བྱ་ཀུན་རང་གི་ནི། ། ་བཏང་སྙོམས་ཡོན་ཏན་སོགས་ཀྱིས་མཛད། །མི་རྟོག་པ་དང་རྣམ་རྟོག་དག་།མཉམ་པར་རབ་ཏུ་རྟོག་པ་དང། །སེམས་ཅན་དོན་ཐབས་ཕུན་སུམ་ཚོགས། །ལྐོག་ཏུ་གྱུར་པའི་རྗེས་འཇུག་ལ། །འགྲོ་བ་ཐམས་ཅད་ངེས་པར་སྦྱར། །ཡེ་ཤེས་ཕ་རོལ་ཕྱིན་གསུཾ ་དང། །ཆོས་ཀྱི་སྤྲིན་གྱི་རང་བཞིན་གྱི། །ས་ལ་ཡང་དག་གཞུག་པར་བྱ། །དེ་ནས་སྣ་ཚོགས་ཡོན་ཏན་རྟེན། །བསྒོམས་ནས་སྦྱོར་བས་བསྡུ་བྱས་ཏེ། །དབང་ལྡན་དུ་ནི་ལྷ་མོ་དེ། །དབང་གི་ལས་ནི་སྒྲུབ་བྱེད་བཞུགས། །ཐམས་ཅད་རིན་ཆེན་ཅོད་པན ་མཚན། །ལང་ཆོ་སར་པས་འགྱིང་བག་ཅན། །རྡོ་རྗེ་སྐྱིལ་ཀྲུང་རྣལ་འབྱོར་ལྡན། །ཟྭ?་མཛེས་གདན་དང་དེ་ཡི་འོད། །བདག་འདྲའི་ཐབས་ལ་ཡང་དག་འཁྱུད། །མཛེས་མ་དགའ་བར་བསྒོམ་པར་བྱ། །ཕྱོགས་ཀྱི་འགྲོ་བའི་དོན་བྱས་ནས། །ཇི་ལྟ་ཇི་ལྟར་ད་ལྟར ་བྱུང། །འཁོར་ལོ་ཨུཏཔལ་དམར་པོ་པད། །ུཏཔལ་སེར་པོ་དང་འདྲ་བ། །ཕྱག་མཚན་འདི་རྣམས་གཙོ་བོར་འགྱུར། །ལྷག་མ་རང་གི་བདག་པོར་མཚུངས། །སེར་སྣའི་གཉེན་པོར་གྱུར་པ་ཡིས། །སྤྱན་མ་གཉིས་པ་ཉིད་ཡིན་ཏེ།། །། ་སྦྱིན་པའི་ཕ་རོལ་ཕྱིན་དག་པ། །འདི་ལྟར་གཟུགས་ཀྱི་རྡོ་རྗེ་གདོན། །ཆོས་དང་ཟང་ཟིང་མི་འཇིགས་གྲགས། །ཇི་ལྟར་ནུས་པས་སྦྱིན་པ་ལ། །སེར་སྣའི་དྲི་མ་ལས་གྲོལ་ཕྱིར། །འགྲོ་བ་མ་ལུས་དགོད་པར་བྱ། །རབ་ནི་སྔོན་སོང་དགའ་བའི་སར། ། ་འགྲོ་བའི་དམ་པ་བཞག་ནས་ནི། །ཕྱི་ཡི་དཀྱིལ་འཁོར་གྱི་མཚམས་ཀྱི། མེ་ཡི་མཚམས་སུ་བཞག་པར་བྱ། །རྣམ་དག་ཚུལ་ཁྲིམས་ལས་གྲུབ་པ། །མཱ་མ་ཀཱི་དང་མཚུངས་པ་དེ། །སྒྲ་རྡོ་རྗེ་གྲགས་གངོན་པར་བྱ། །ངན་སོང་གིས་འཇིགས་སྐྲག་བྱེད་པ། ། ་སྔོམ་དང་ཤིན་ཏུ་སེམས་ཅན་དོན། །དམ་ཆོས་ཡོངས་སུ་འཛིན་པ་དང། །འདིར་ནི་ཚུལ་ཁྲིམས་རྣམ་གསུམ་ལ། །ཚུལ་ཁྲིམས་འཆལ་ལ་ཞུགས་པ་དག་།སྣོད་ནི་ཇི་ལྟར་བཞག་པར་བྱ། །དེ་བཞིན་དྲི་མེད་ས་ལ་བཞག་།སླར་ནི་ཇི་ལྟར་གཤེགས ་བལྟས་ལ། །བདེན་བྲལ་དུ་ནི་ཡིད་འོང་མའོ། །དེ་བཞིན་བཟོད་པ་རྣམ་དག་མཆོག་།རིན་ཆེན་དབང་ཕྱུག་ཤེས་རབ་མཚུངས། །སེམས་ཅན་ཀུན་ལ་ཕན་ལྡན་པ། །དྲི་ཡི་རྡོ་རྗེ་ཡང་དག་གདོན། །ཆོས་ལ་དམིགས་བ?་ཕུན་ཚོགས་དང། །སེམས་ཅན ་སྡུག་བསྔལ་ལྷག་གནས་དང། །གཞན་གྱིས་གནོད་པ་ལ་བཟོད་ལ། །འགྲོ་བ་མ་ལུས་བཀོད་བྱས་ཏེ། །དེས་ནི་འོད་བྱེད་ས་ལ་ནི། །རྟག་ཏུ་བརྟན་པར་བྱེད་པའོ། །རླུང་དུ་མཛེས་པའི་གཟུགས་ཅན་ཏེ། །བྱོན་ནས་གནས་པར་བལྟ་བ་བྱ། །བརྩོན ་འགྲུས་ཕུན་ཚོགས་རྣམ་དག་པ། །གོས་དཀར་མོ་དང་འདྲ་བ་གཞན། །སླར་ཡང་འོད་དཔག་མེད་འཛིན་མ། །རོ་ཡི་རྡོ་རྗེ་ཡང་དགའ་བྱུང། །གོ་ཆ་བཞིན་དང་རབ་སྦྱོར་དང། །ཡོངས་སུ་བརྟན་བར་གྱུར་པ་ཡི། །འདིར་ཡང་བརྩོན་འགྲུས་རྣམ་གསུམ ་དང། །སེམས་ཅན་འོད་འཕྲོ་ལ་འགོད་དེ། །ཡེ་ཤེས་བདུད་རྩི་ཚིམ་བྱེད་པས། །འགྲོ་བ་ཐམས་ཅད་ཚིམ་པར་བྱེད། །དེ་བྱོན་ནས་ནི་དབང་ལྡན་དུ། །ཡང་དག་གནས་པར་མཁས་པས་བསྒོམ། །བསམ་གཏན་རྣམ་དག་ཡང་དག་གྲུབ། །དོན་ཡོད་རང ་འོད་རྗེས་བྱེད་མ། །འཇིག་རྟེན་རྣམ་གཡེང་ཞི་བའི་ཕྱིར། །རེག་བྱ་རྡོ་རྗེ་ཡང་དག་གདོན། །མཐོང་བའི་ཆོས་ལ་གནས་པ་དང། །ཉེས་བསེལ་བར་བྱེད་པ་དང། །ཁྱབ་བདག་དམ་བའི་བསམ་གཏན་ལ། །སྐྱེ་བོ་མ་ལུས་རེས་སྦྱར་ཏེ། །ཀུན་ཀྱང ་སྦྱང་དཀའ་ཨི་ས་ལ་ནི། །བརྟན་པར་ཡང་དག་སྦྱར་བྱས་ཏེ། །ཤར་གྱི་སྒོ་ཡི་བྱང་དུ་ནི། །བྱོན་ནས་ཡང་དག་གནས་པར་བསྒོམ་།ཤེས་རབ་ཕ་རོལ་བྱིན་རྣམ་དག་།རང་བཞིན་ཞི་བའི་གཟུགས་ཅན་མ། །ཀུན་ཏུ་བཟང་པོའི་རིག་མ་འདྲ། །དེ་ནས་ཆོས ་དབྱིངས་རྡོ་རྗེ་གདོན། །སྦྱར་བྱ་ཐོས་དང་བསམ་པ་དང། །བསྒོམ་པ་ལ་ཡང་བྱེ་བྲག་ཏུ། །གཏི་མུག་མུན་པའི་སྐྱེ་བོ་ཀུན། །མངོན་དུ་གྱུར་ལ་བརྟན་པར་བྱས། །ཤར་སྒོའི་ལྷོ་ཡི་ཆ་ལ་ནི། །དམ་པའི་ལམ་མཆོག་གསལ་བྱེད་མ། །མཛའ་ ་ཡས་ཡོན་ཏན་རྒྱལ་མཚོ་ནི། །བློ་དང་ལྡན་བས་གནས་པར་བསྒོམ། །ཐམས་ཅད་འདི་ལ་ཤེས་བྱས་ཏེ། །ཐབས་དང་རྒྱན་དང་ཅོད་པན་དག་།འདི་རྣམས་ཐམས་ཅད་ཀྱི་ཡང་ནི། །རྩ་བའི་མཚན་མའི་ཁྱད་པར་ནི། །མཛེས་པའི་མེ་ལོང་པི་བང་ཅན་།དྲི ་ཡི་རབ་གང་དུང་དང་ནི། །ཡེ་ཤེས་བདུད་རྩིས་གང་བ་ཡི། །རོ་ཡི་སྣོད་ནི་ཤིན་ཏུ་མཛེས། །སྣ་ཚོགས་ཁ་དོག་གོས་དང་ནི། །ཆོས་འབྱུང་གི་ན་ཕྱག་རྒྱ་ཡང། །ཕྱག་ནི་གཡས་པ་ཉིད་ཀྱིས་ནི། །ཕྱག་རྒྱ་མཆོག་ནི་ཡིན་ཕྱིར་འཛིན། །སྐུ་གསུང་ཐུགས ་ཀྱི་དབྱེ་བ་ཡིས། །རིགས་ཀྱི་རིམ་བས་དགོད་པར་བྱ། །གང་ཕྱིར་འདི་རསྐད་ལེའུ་ནི། །བཅོ་བརྒྱད་པ་ལས་ཡང་གསུངས་བ། །ཀུན་ཀྱང་རྫོགས་པའི་སངས་རྒྱས་སུ། །དཀྱིལ་འཁོར་དུ་ནི་དགོད་པའི་ཕྱིར། །དེ་རྣམས་གཞན་དུ་ཐོས་གྱུར་པས། །དེ ་རྣམས་འབྱིན་པ་ཡིག་གསུམ་འདོད། །མ་དང་ཕུང་པོ་འཛིག་ཚོགས་ལྟ། །ཤེས་བྱའི་སྒྲིབ་པ་ཟད་ཅེས་བྱ། །དད་པའི་རང་བཞིན་ཡང་དག་གྲུབ་པ། །ཁྲོ་བོའི་ཚོགས་ནི་ཡང་དག་སྤྲོས། །གདུལ་དཀའ་འདུལ ་ལ་རབ་བརྩོན་པ། །ཐམས་ཅད་དུ་ནི་འཇིགས་པའི་གཟུགས། །ཡ་མཱནྟ་ཀྲིཏ་ཞེས་པས་ཁྲོ། །གཤིན་རྗེ་འཇོམས?་བྱེད་སྤྲོ་བར་བྱ། །རང་གི་ཡོན་ཏན་ལ་བཀོད་ནས། །རྣམ་མནན་རིམ་པ་བསྒོམས་པ་ལས། །དེ་ནི་ཤར་ཕྱོགས་སྒོར་གནས་བསམ ་ཉི་མའི་དཀྱིལ་འཁོར་དབུས་སུའོ། །ལེ་ལོ་ཉོན་མོངས་བདུད་དང་ནི། །མཐར་འཇིག་ལྟ་བ་མི་ཐུན་ཕྱོགས། །རྣམ་དག་བརྩོན་འགྲུས་ཡང་དག་འབྱུང། །སེམས་ཅན་ཀུན་ལ་ཕན་དོན་དུ། །མ་ལུས་སྡང་བའི་ཚོགས་དག་ནི། །གདུལ་བའི ་དོན་དུ་ཡང་དག་བརྩོན། །བསྐལ་པ་འབར་བའི་མེ་དང་མཚུངས། །དེ་ཡི་འོད་ཟེར་ནམ་མཁའ་ཁྱབ། །ལྷ་དང་ལྷ་མིན་སྤྱི་བོ་ཡི། །རིན་པོ་ཆེ་ཡིས་ཞབས་གཉིས་བརྒྱན། །པྲཛྙཱན་ཏ་ཀྲིཏ་ཞེས་པས་ཁྲོ། །ཤེས་རབ་མཐར་བྱེད་ཞེས་པས་གདོན། ། ་རང་གི་བརྩོན་འགྲུས་སོགས་ལྡན་པར། །འགྲོ་བ་འདིར་བྱས་བྱོན་གྱུར་པ། །ལྷོ་ཡི་སྒོ་རུ་བསྒོམ་པར་བྱ། །མཚོ་སྐྱེས་ཉི་མའི་དཀྱིལ་འཁོར་དུ། །འཆི་བདག་རྗེས་ངས་ལོག་བར་ལྟ། །སྐྱེ་བའི་སྒྲིབ་པ་མི་མཐུན་ཕྱོགས། །རྣམ་དག་དྲན ་པ་ལས་སྐྱེས་པ། །པདམཱན་ཏ་ཀྲིཏ་ཀྱིས་ཁྱབ་བདག་།གདོན་བྱ་ཕྱོགས་སུ་སེམས་ཅན་དོན། །བྱས་པས་དྲན་སོགས་མཆོག་གྱུར་པས། །བྱོན་ནས་ནུབ་ཕྱོགས་སྒོ་རུ་ནི། །ཉི་དཀྱིལ་ཡང་དག་གནས་པ་བསྒོམ། །རྣམ་གཡེང་ལྟ་བ་མཆོག་ཏུ ་འཛིན། །ལྷ་ཡི་བདུང་དང་ལས་སྒྲིབ་དག་།རྣམ་པར་གཡེང་ལ་རབ་གཏུམ་གཟུགས། །ཏིང་འཛིན་དམ་པའི་རང་བཞིན་གྱི། །བིགྷྣན་ཏ་ཀྲིཏ་ཞེས་པས་ཁོ། །བགེགས་འཇོམས་པ་ནི་གདོན་པར་བྱ། །དེ་ནས་འགྲོ་བའི་བྱ་བ་བྱས?། །མཾ ་མཐུན་ཕྱོགས་ཟད་ལས་དེ་གྲུབ། །དེ་ནི་བྱོན་ནས་ཡང་དག་གནས། །བྱང་གི་སྒོ་ཡི་ཉི་མ་ལའོ། །བགེགས་ཀྱི་ཚོགས་ནི་མ་ལུས་པ། །ཀུན་ཏུ་འཇམས་པར་བྱེད་པའོ། །འདི་དག་ཞལ་མདོག་མཚོན་ཆ་རྣམས། །བསྲུང་བའི་འཁོར་ལོར་བརྗོད ་པ་ཡིན། །དེ་ཡི་ཕྱིར་ན་འཕྲལ་དུ་ནི། །བསྒོམ་བྱ་དེ་རྣམས་འདིར་མ་བརྗོད། །དགུག་པ་དང་ནི་གཞུག་པ་དང། །བཅིང་བ་དང་ནི་མཉེས་པ་ཡང། །ཉམས་པ་མེད་པའི་བྱ་བ་དག་།འདི་རྣམས་བྱེ་བྲག་ཤེས་པར་བྱ། །ཐམས་ཅད་གདན་ལ་སྐྱིལ་ཀྲུང ་ནི། །བཅས་པས་ཡང་དག་གནས་པ་རྣམས། །དཀྱིལ་འཁོར་བདག་པོ་ལ་མངོན་ཕྱོགས། །བྱང་ཆུབ་སེམས་དཔའ་འདིར་མི་འདོད། །གཞན་དག་སེམས་དཔའ་ཨི་སྐྱིལ་ཀྲུང་ངོ། །ཁྲོ་བོ་རྣམས་ནི་གཡོན་བརྐྱང་གིས། །བྱེ་བྲག་ཏུ་ནི་འདིར་གནས་སོ། །འདི ་ལྟར་ཐམས་ཅད་དུ་གྲུབ་པ། །དམ་ཚིག་དཀྱིལ་འཁོར་བལྟས་ནས་ནི། །ཡེ་ཤེས་སེམས་དཔའ་ཨི་སྙིང་འོད་ཀྱིས། །ཡེ་ཤེས་དཀྱིལ་འཁོར་དགུག་པར་བྱ། །བགེགས་ནི་མཐར་བྱེད་ལ་སོགས་པས། །བགེགས་བསྐྲད་ཡང་དག་བསྲུངས་ནས་ནི། །མཆོད ་ཡོན་དབུལ་བྱ་རང་སྔགས་ཀྱིས། །དམ་པའི་ཙན་དན་ལ་སོགས་པའི། །དགུག་པ་ལ་སོགས་ལས་རྣམས་ནི། །མན་ངག་གིས་ནི་རིག་པར་བྱ། །གཤིན་རྗེ་མཐར་བྱེད་སོགས་ཁྲོ་བོས། །ཇི་ལྟར་སླར་ཡང་རིམ་བཞིན་དུའོ། །འདི་ནི་ཆེན་པོའི་རྒྱུ་མཐུན ་གྱི། །ཡང་དག་འབྲས་སྐྱེས་དམ་པ་དང། །ཆེན་པོའི་བསྙེན་པར་ཤེས་པར་བྱ། །བསྒོམ་པ་གསུམ་གྱི་རང་བཞིན་གྱིས། །སོ་སོར་དཀྱིལ་འཁོར་པ་རྣམས་ཀྱི། །མིག་སོགས་བྱིན་གྱིས་བརླབས་པས་ན། །ཆེན་པོའི་རྣམ་སྨིན་འབྲས་དོན་དང། ། ་ཆེན་པོའི་ཉེ་བར་བསྒྲུབ་པའོ། །ཐུགས་སོགས་བྱིན་གྱིས་བརླབས་པ་ལས། །ཆེན་པོ་ཡི་ནི་བསྒྲུབ་པ་དང། །ཆེན་པོ་དེ་ལས་གྲུབ་གྱུར་པ། །འབྲས་བཱུང་སྐྱེས་བུ་བྱེད་པའོ། །ཕུན་སུམ་ཚོགས་པའི་དབང་ཐོབ་པ། །ཆེན་པོར་སོན་པར་གྱུར་པ་སྟེ། ་འདིར་ཡང་བསྒྲུབ་པ་ཆེན་པོ་སྟེ། །དེ་ཡང་དྲི་མེད་འབྲས་བུར་གྲགས། །སངས་རྒྱས་རྣམས་ལ་རྡོ་རྗེ་སེམས། །མཱ་མ་ཀཱི་དང་སྒྲ་རྡོར་དག། ཕྱག་ན་རྡོ་རྗེ་ཁྲོ་རྣམས་ལས། །པདྨ་གཤིན་གཤེད་མ་གཏོགས་པའི། ། ་སྦྱི་བོར་མི་བསྐྱོད་དོན་གྱིས་སོ། །དེ་ལའང་རྡོ་རྗེ་འཛིན་ཆེན་གནས། །ཐུགས་གསུང་སྐུ་རྡོ་རྗེ་རྣམས་ཀྱི། །མི་བསྐྱོད་དཔག་མེད་རྟག་པ་རྣམས། །ཁ་ཅིག་རྡོ་རྗེ་འཛིན་པར་སྨྲ། །རྣམ་པར་མ་སྤྲོས་རང་བཞིན་ལ། །ཡེ་ཤེས་ལྔ་གཅིག་རང་བཞིན་པས། ། ་སངས་རྒྱས་ལྔ་རུ་བསྒྲགས་པ་ཡིན། །ས་ཡི་སྙིང་པོ་གཤིན་རྗེ་གཤེད། །སྤྱན་དང་གཟུགས་ཀྱི་རྡོ་རྗེ་ཡི། །སྤྱི་བོར་རྟག་པ་རིན་ཆེན་དབང། །དྲི་ཡི་རྡོ་རྗེ་མཁའ་སྙིང་ལའོ། །འཇིག་རྟེན་དབང་ཕྱུག་པད་མཐར་བྱེད། །གེས་དཀར་རོ་ཡི་རྡོ་རྗེ་ཡི། ། ་སྤྱི་བོར་འོད་དཔག་མེད་པར་འགྱུར། །གཙུག་ཏུ་ནོར་བུ་བཞིན་དུ་གསལ། །སྒྲོལ་མ་སྒྲིབ་པ་རྣམ་སེལ་དང། །རེག་བྱའི་རྡོ་རྗེ་ཅོད་པན་ཡང། །དབང་བསྐུར་གོ་འཕང་ཐོབ་གྱུར་ནས། །འདྲེན་པ་དོན་ཡོད་གྲུབ་པ་བཞུགས། །ཀུན་ཏུ་བཟང་པོ ་ཆོས་དབྱིངས་ཀྱི། །སྤྱི་བོར་ཡང་ནི་གསལ་གྱུར་པ། །རྡོ་རྗེ་འཛིན་པ་ཆེན་པོའོ། །གང་གིས་གང་ལ་དབང་བསྐུར་འདིར། །དེ་ཡི་དེ་ནི་བདག་པོར་འདོད། །དབང་གི་གོ་འཕང་གནས་གྱུར་པ། །སྤྱི་བོར་རང་གི་བདག་པོར་མནན། །དེ་རྣམས་དཀྱིལ་འཁོར ་འདི་རིམ་བསྒོམ། །ལྟག་མནང་བདག་དཀྱིལ་འཁོར་མིན། །ཕྱག་རྒྱ་བཞི་ཡིས་མཚན་པ་དང། །རིགས་ཀྱི་བདག་པོ་དབང་བསྐུར་མིན། །ཤེས་རབ་ཐབས་ཀྱི་རང་བཞིན་མིན། །གང་རྣམས་ཞལ་གསུམ་ཕྱག་དྲུག་མིན། །གང་གི་གང་ལ་ཕྱོགས ་བཅུ་རུ། །འགྲོ་བའི་དོན་ནི་བྱེད་པ་མིན། །དབང་བསྐུར་གྱི་ནི་རྗེས་ཐོགས་ལ། །བློ་དང་ལྡན་པས་མཆོད་པར་བྱས། །ཆོགས་གཉིས་པོ་ནི་འཕེལ་ཕྱིར་དང། །ཡིད་ནི་བདེ་བ་བསྐྱེད་པའི་ཕྱིར། །ཡེ་ཤེས་སྙིང་གའི་ས་བོན་གྱི། །འོད་ཀྱིས་ཐམས་ཅད་ཀུན ་ནས་དཀུག་།དེ་ལ་གཟུགས་ལ་སོགས་པའི་ཡུལ། །རང་གི་སྙིང་གར་གཞུག་པར་བྱ། །དེ་ནས་ཞུ་བར་གྱུར་བསམས་ལ། །རྡོ་རྗེ་ལམ་ནས་རྣམ་པར་འབྱུང། །ལྷ་མོའི་པདྨར་བལྟ་བར་བྱ། །དེ་ནི་བ་སྤུའི་བུ་ག་ལས། །འོད་ཟེར་གཟུགས་ཀྱི་དེ་རྣམས་དབྱུང། །དེ ་རྣམས་འོད་ཟེར་སྒོ་དབྱུང་བ། །རྒྱན་ནི་ཐམས་ཅད་འཛིན་པ་རྣམས། །རྟོག་པ་ལས་ནི་གྲོལ་འགྱུར་བས། །རྫོགས་སངས་རྒྱས་ཀྱི་བདེ་རྒྱུ་ཡིས། །སྒྱུ་མ་ལ་སོགས་ཡང་དག་ལྟ། །འཇིག་རྟེན་ལྟ་ལ་མཁས་པ་རྣམས། །ནམ་མཁར་མ་ལུས་སྤྲུལ་བྱས་ལ། ། ་མཆོད་པ་འཛིན་པས་བྲེལ་བའི་ཕྱག། གཟུགས་རྡོ་རྗེ་སོགས་ལྷ་མོའི་ཚོགས། །ནམ་མཁའ་དང་ནི་མཉམ་གྱུར་པས། །ཀུན་ནས་དེ་ལས་བྱུང་གྱུར་པ། །ལྷ་རྫས་སྤོས་ནི་ཡིད་འོང་དང། །སྣ་ཚོགས་ཕྱི་ཡི་མེ་ཏོག་སོགས། །རང་གི་བདེ་བར་གཤེགས་ཀྱང་མཆོད ་མཆོད་པའི་བདག་ཉིད་མཉན་སོན་པར། །མཆོད་པ་ཉིད་དུ་སེམས་ཀྱིས་བསམ། །མི་བརྟན་པ་ནི་རང་བཞི་ཉིད། །སྔགས་འདི་བརྗོད་པར་བྱའོ། །ོཾ་སརྦབ་ཏ་ཐཱ་ག་ཏ་པཱུ་ཛ་བཛྲ་སྭ་བྷཱུ་བ་ཨཱཏྨ་ཀོཉ་ཧཾ། ཐམས་ཅད་སྒྲ་བརྙན་དང་མཉམ་པར། །སྒྲ་ཡི་ཚོགས་ནི་ངེས ་བསམས་ཏེ། །ཆོས་རྣམས་རང་ལས་དབྱེར་མེད་པས། །འདོད་པའི་ལྷ་ཡི་བསྟོད་པར་བྱ། མི་བསྐྱོད་རྡོ་རྗེ་ཡེ་ཤེས་ཆེ། །རྡོ་རྗེ་དབྱིངས་ནི་མཁས་ཆེན་པོ། །རྡོ་རྗེ་གསུམ་མཆོག་དཀྱིལ་འཁོར་གསུམ། །རྡོ་རྗེ་དབྱངས་ལ་ཕྱག་འཚལ་བསྟོད། །རྣམ་པར ་སྣང་མཛད་དག་པ་ཆེ། །རྡོ་རྗེ་ཞི་བ་དགའ་ཆེན་པོ། །རང་བཞིན་འོད་གསལ་མཆོག་གི་མཆོག་།སྟོན་པ་རྡོ་རྗེ་ཕྱག་འཚལ་བསྟོད། །རིན་ཆེན་རྒྱལ་པོ་རབ་ཏུ་ཟབ། །རྡོ་རྗེ་ནམ་མཁའ་དྲི་མེད་མཁའ་། །རང་བཞིན་དག་པ་གས་བ་མེད། །རྡོ་རྗེ་སྐུ་ལ་ཕྱག་འཚལ ་བསྟོད། །རྡོ་རྗེ་དཔག་མེད་རྒྱལ་པོ་ཆེ། །མི་རྟོག་ནམ་མཁའ་རྡོ་རྗེ་འཛིན། །འདོད་ཆགས་ཕ་རོལ་ཕྱིན་པ་བརྙེས། །རྡོ་རྗེ་གསུང་ལ་ཕྱག་འཚལ་བསྟོད། །དོན་ཡོད་རྡོ་རྗེ་རྫོགས་སངས་རྒྱས། །བསམ་པ་ཐམས་ཅད་རྫོགས་མཛད་པ། །རང་བཞིན་དག་པ་ཉིད་ལས ་བྱུང། །རྡོ་རྗེ་སེམས་དཔའ་ཕྱག་འཚལ་བསྟོད། །ནམ་མཁའ་ཨི་ཕྱོགས་གནས་ཟླ་བ་ལ། །གནས་པའི་ཧཱུཾ་སྐྱེས་བསྒོམ་བྱ་སྟེ། །དེ་ནི་རྡོ་རྗེ་ཧཱུཾ་བཅས་སོ། །དེ་ཡི་འོག་ཏུ་འདི་བསམ་བྱ། །དུང་མདོག་གཞུ་དབྱིབས་རྒྱལ་མཚན་ལྡན། ། ་ཡཾ་སྐྱེས་རླུང་གི་དཀྱིལ་འཁོར་རོ། །དེ་དབུས་རི་སྐྱེས་དམར་པོ་ནི། །ཟུར་གསུམ་མེ་ཡི་དཀྱིལ་འཁོར་རོ། །དེ་སྟེང་ཨ་ལས་བྱུང་བ་ཡི། །པདྨའི་སྣོད་ཀྱི་དབུས་སུ་ནི། །བི་མུ་རས་སུ་དང་བཅས་པ། །གོ་ཀུད་ཧ་དང་ལྔའོ། །སངས་རྒྱས་ས་བོན་བུམ ་སོགས་ཀྱི། །གོ་ར་མེ་ཇི་བཞིན་བྱིན་གྱིས་བརླབ། །དེ་རུ་རྡོ་རྗེ་དབབ་པར་བྱའོ། །ཞུ་གྱུར་འོད་ཟེར་རྣམས་ཀྱིས་ནི། །དེ་ནས་ཐམས་ཅད་ཞུ་བྱས་ཏེ། །མེ་ནི་རབ་ཏུ་གསལ་བས་སོ། །ཡི་གེ་ཨོཾ་ནི་དེ་རུ་དགོད། །སྟོན་ཟླའི་འོད་ཟེར་ཕུང་པོ་འདྲ། ། ་དེ་འོད་ཀྱིས་བཀུག་སངས་རྒྱས་ཀྱི། །བདུད་རྩིམ་ལུས་ནང་དུ་གཞུག་།བློ་དང་ལྡན་པས་བདུད་རྩི་བཞིན། །དེ་ནི་འོད་ཟེར་གྱིས་གང་ལྟ། །ོཾ་ཨཱ(རྒྱུད་འགྲེལ་དཔའ་བའ་ཨི་བློ་ཡིས་བསྒོམ་པར་བྱ། །བདག་ཉིད་དཀྱིལ་འཁོར་པ་རྣམས་ཀྱི། །ལྕེ་ལ་རྡོ་རྗེ་འབར་བ་སྟེ། །ཡང་དག་ཧཱུཾ་ཧཱུཾ་ནས་འབྲས་སྐྱེས། །རྩེ་ལྔ་དཀར་པོ་བསྒོམ་པར་བྱ། །རང་བཞིན་སྤྱི་བོར་བསམས་ནས་ནི། །དེ་བཞིན་གཤེགས ་རྣམས་ཚིམ་པར་བྱ། །རྟོག་པ་མེད་པའི་སེམས་ཀྱིས་ནི། །བློ་དང་ལྡན་པས་འདི་བས་མོ། །ལྕེ་ཡི་རྡོ་རྗེ་སྤུ་གུ་ཡིས། །བོ་དང་ལྡན་པས་བཀུག་བར་བྱ། །བདག་དང་དཀྱིལ་འཁོར་བ་རྣམས་ཀྱང། །ཡེ་ཤེས་བདུད་རྩི་ཆུ་ངེས་ཚིམ། །དཀྱིལ་འཁོར ་འབྱིན་པ་སྔོན་འགྲོ་བའི། །བདུད་རྩི་མྱང་བའི་ཆོ་ག་ནི། །འདི་ནི་དཀྱིལ་འཁོར་རྒྱལ་མཆོག་གི། །ཏིང་ངེ་འཛིན་ཏུ་ཡོངས་སུ་གནས། །རང་སེམས་དབང་དུ་བྱ་བའི་ཕྱིར། །ཐིག་ལེ་རྣལ་འབྱོར་ལ་སོགས་བསྒོམ། །ཇི་ལྟར་རིག་པར་བསྒོམ་བྱ་སྟེ། ། ་ལས་ཀྱི་རྒྱལ་མཆོག་སྒྲུབ་པ་ལའོ། །གཅིག་དང་དུ་མའི་ངོ་བོ་ཡིས། །ཕྱི་རོལ་དངོས་པོ་ཡིད་མ་ཡིན། །དེ་ཕྱིར་དེ་ཡི་འཛིན་པ་མེད། །རྣམ་པར་ཤེས་ཀྱང་ཡོད་མ་ཡིན། །རེ་ཕྱིར་འདི་དག་རང་ཡིད་དངོས། །བག་ཆགས་ཀྱིས་དཀྲུགས་རྨི་ལམ་བནྣི? ་འགྲོ་བ་ཇི་ལྟར་ཇི་ལྟར་མིན། །འདི་དག་རབ་ཏུ་རྟོགས་པར་བྱ། །འདི་ལྟར་སྤྱད་བྱས་རྫོགས་སངས་རྒྱས། །ཡེ་ཤེས་སྙིང་གའི་ས་བོན་རྣམས། །སྤྲོས་པས་འགྲོ་བ་མ་ལུས་པ། །དེས་ནི་རྫོགས་སངས་རྒྱས་སུ་བྱས། །སླར་ཡང་ཡིད་ཀྱིས་བཀུག་ནས ་ནི། །རང་གི་སྙིང་གར་གཞུག་པར་བྱ། །ཙ་ན་ཀ་གནས་དབང་གྱུར་ལྟ། །རང་སྔགས་ཐིག་ལེའི་གཟུགས་ཅན་ནོ། །དེ་ཡི་ནང་སོང་བལྟ་བར་བྱ། །བདག་ཉིད་ལྷ་ཡི་འཁོར་ལོར་ནི། །ཡེ་ཤེས་སེམས་དཔའ་ཨི་དེ་འོད་ཀྱིས། །ཐུགས་ལ་སོགས་པ་སང་པར་བྱ། ། ་སླར་ཡང་དེ་ཡིས་ཐམས་ཅད་ནི། །བར་མེད་རབ་ཏུ་གསལ་བར་རོ། །བ་སྡུའི་ཁུང་བུ་ལས་སོང་བ། །འོད་ཀྱིས་སྣ་ཚོགས་ཀྱང་གསལ་ལོ། །སླར་ཡང་དེ་ཉིད་དུ་བསམས་ཏེ། །རབ་ཞུགས་གསལ་བའི་གཟུགས་སུ་ལྟ། །རྣམ་འབྱོར་དེ་ལྟར་སེམས་རྩེ་གཅིག། ་དེ་ནི་ཡེ་ཤེས་བདུད་རྩི་འབབ། །འདི་ནི་ཐིག་ལེའི་རྣལ་འབྱོར་རོ། །སྔར་བཞིན་འོད་ཟེར་གྱིས་བསྐུལ་བས། །སངས་རྒྱས་ཚོགས་ནི་ཡང་དག་གཞུག་།རང་གི་ས་བོན་རྟགས་ལས་གྲུབ། །ཞུ་བར་གྱུར་ཅེས་བསམ་པར་བྱ། །རང་ཤི་གསང་བའི་སྣ་རྩེ ་ལ། །ནས་ཙམ་གྱི་ནི་ཚད་དག་ནི། །རལ་གྲི་རང་ས་བོན་སྐྱེས་ལྟ། །དེ་དབུས་ཡུངས་དཀར་དང་མཉམ་པའི། །ཡེ་ཤེས་ལྔ་ཡི་རང་བཞིན་ཕྱིར། །ཁ་དོག་ལྔ་ལྡན་བསྒོམ་པར་བྱ། །ཇི་སྐད་བརྗོད་པ་དེ་ཡི་དབུས་སུ། །དཀྱིལ་འཁོར་རྫོགས་པར་བསྒོཾ ་པར་བྱ། །དང་པོར་སྨིག་རྒྱུ་འདྲ་བ་སྟེ། །དུ་བ་ལྟ་བུ་གཉིས་པ་ཡིན། །མཁའ་སྣང་ལྟ་བུ་གསུམ་པ་ཡིན། །མར་མེ་ལྟར་འབར་བཞི་པ་ཡིན། །སྤྲིན་མེད་ནམ་མཁའ་ལྟ་བུར་ནི། །རྟག་ཏུ་སྣང་བ་ལྔ་པ་ཡིན། །འདི་ལྟར་མཚན་མ་ལྔ་རྣམས་ནི། །སེམས ་ཀྱིས་རབ་ཏུ་བརྟན་གྱུར་པས། །རྣལ་འབྱོར་པ་ཡི་ཤེས་པར་བྱ། །འགྲོ་བའི་དོན་ནི་རབ་བསྒྲུབ་ཕྱིར། །སྤྲུལ་པ་ཡི་ནི་དབང་གྱུར་པས། །ཕན་སེམས་སྙིང་རྗེའི་བསམ་པ་ཡིས། །གཟུང་བ་ལ་སོགས་མ་མྱོང་བས། །བདག ་ཉིད་རིགས་ལ་བརྟེན་ནས་ནི། །སངས་རྒྱས་སྤྲོ་བར་བྱ་བ་སྟེ། །མཚན་མ་འམ་འོད་ཟེར་ལས་སྤྲུལ་པས། །འདི་ནི་ཕྲ་མོའི་རྣལ་འབྱོར་རོ། །སྐུ་གསུང་ཡེ་ཤེས་ཐུགས་རྣམས་ཀྱི། །བདག་ཉིད་བསྒོམ་ལ་རབ་བརྩོན་པ། །རང་མཚན་ལྟེ་བར་གནས་གྱུར་པ ་ཇི་ལྟར་ཇི་ལྟ་རང་བརྟན་ལ། །ོཾ་ཨཱ(རྒྱུད་འགྲེལ་ས་བོན་གཞན་དག་ནི། །གཞུང་ལུགས་སྨྲ་བས་བརྗོད་པའོ། །དེ་རྗེས་རང་གི་ཏིང་འཛིན་གནས། །མཁས་པས་རང་སྔགས་དབྱེ་བ་མེད། །རིང་མིན་ཐུང་བ་མ་ཡིན་ནོ། །སྔགས་ནི་འདི་ལྟར་གདོན་པར་བྱ། །སྲོག་གི་རླུང་གིས་ཁྱབ་པར་བྱ། །ོཾ་ལ་སོགས་པའི ་ས་བོན་གྱི། །སྐུ་ལ་སོགས་པ་སྤྲོ་བར་བྱ། །ཐམས་ཅད་ཐུགས་སོགས་བྱིན་བརླབ་བཞིན། །དེ་རྣམས་གཟུགས་རྡོ་རྗེ་སོགས་ཀྱིས། །དེར་གནས་མཆོད་པ་བྱས་ནས་ནི། །བལྟ་བྱ་བདེ་མཆོག་ཐོབ་པ་ཡིས། །རྩོལ་བའི་རླུང་གིས་བཀུག་ནས་ནི། །རང ་རང་ས་བོན་དུ་གཞུག་བྱ། །རིམ་པ་འདི་ལྟར་བྱ་བ་ནི། །སོ་སོར་རིམ་ནི་གསུམ་སྤྲོ་བ། །བརྗོད་པས་མ་ལུས་སྤྲོ་བར་བྱ། །སྔགས་ཀྱི་བློ་ནི་བསྡུས་བྱས་ཏེ། །ཡེ་ཤེས་ས་བོན་ཡེ་ཤེས་ལ། །ཀུན་རྣམ་རྟག་ཏུ་སྤྲོ་བར་བྱ། །འདིར་ནི་རྣལ་འབྱོར་ཁ་ཅིག་གིས། ། ་ཐིག་ལེ་ཕྲ་མོར་ཡང་དག་ལྡན། །ཆུང་དུ་སོགས་དབྱེ་སྦྱོར་བ་ཡིས། །དང་པོར་མ་སྐྱེས་རང་བཞིན་དུ། །སྐུལ་སོགས་པ་རྣམ་པར་བརྟག་།རང་གིས་བོན་བྱང་ཆུབ་བརྟག་།བསམ་གཏན་བཟླས་པའི་ཆོ་གས་གནས། །འདི་ནི་བཟླས་པའི་ཆོ་གའོ། །ཞུམ ་པའི་སེམས་དང་ལེ་ལོ་དང། །རྒོང་པ་ལ་ནི་ལྷག་མཐོང་བྱ། །འདི་ལྟར་ཞུམ་པས་བཟུང་གྱུར་ན། །ལྷ་མོའི་གླུ་ཡིས་བསྐུལ་བ་སྟེ། །རྒོད་པ་ཐིག་ལེའི་སྦྱོར་སོགས་ཀྱིས། །དེ་ཉིད་བསྒོམ་པ་ཞི་བར་བྱ། །དངོས་པོ་རྣམ་པར་དཔྱད་པ་ཡིས། །སྟོང་པ་ཉིད་ནི་ཡིད ་ལ་བྱ། །བསྒོམ་པས་བསྐྱོད་པས་ངལ་གྱུར་ན། །དེ་རྣམས་ཞི་བར་བྱ་ཉེད་ལ། །འདི་ལྟར་ཚིམ་པའི་ཆོ་ག་བྱ། །ཉམས་སྟོབས་འཕེལ་བར་བྱ་བའི་ཕྱིར། །སྤྱི་བོར་མཐོ་གང་གིས་སྤགས་བར། །བདུད་རྩི་དཀྱིལ་འཁོར་བདུད་རྩིར་བཅས། །ོཾ་ཡིག་དཀར་པོ ་དང་ལྡན་ལྟ། །བདུད་རྩི་འཛག་པའི་འོད་དང་བཅས། །དེ་ནས་བདུང་རྩིའི་རང་བཞིན་རྒྱུན། །རྟག་ཏུ་འཛག་པར་བྱེད་པ་ནི། །སྲོག་རྩོལ་འོད་ཀྱིས་བཀུག་བྱ་སྟེ། །བློ་ལྡན་གྱིས་སྐུ་སོགས་ལ་དབབ། །འདི་ནི་ཚིམ་བྱེད་ཆོ་གའོ། །འདི་ལྟར་ཐང་ཅིག་ངལ ་གསོ་སྟེ། །བདེ་ཞེན་གྱིས་ནི་མ་དཀྲུགས་པར། །ཐིག་ལེ་ལ་སོགས་སྔོན་འགྲོ་བའི། །མ་ཞེན་པ་ཡི་སྔགས་བཟླས་བྱ། །གང་ཚེ་འགྲོ་བར་འདོད་པ་དང། །བསྒོམ་པ་གཏོང་བར་འདོད་པ་ཡིས། །དེ་ཆེ་མཆོད་བསྟོང་བདུད་རྩི་མྱང། །ཆོ་ག་བཞིན་དུ ་བྱས་ནས་ནི། །སྐུ་གསུང་ཐུགས་ཀྱི་རྡོ་རྗེ་རྣམས། །མཚན་མའི་ས་བོན་ལ་བསྡུ་བྱ། །སྤྲུལ་པའི་དཀྱིལ་འཁོར་ཐམས་ཅད་ནི། །ཆོ་ག་བཞིན་དུ་རིམ་གྱིས་སོ། །གདོད་ནས་མ་སྐྱེས་བསྒོམ་བྱ་སྟེ། །སྐུ་གསུང་ཐུགས་ཀྱི་བདག་ཉིད་དོ། །ནམ་མཁའ་བཞིན་དུ་མ ་གོས་པ་།གཉིས་མེད་ཡེ་ཤེས་རང་བཞིན་ནོ། །འདི་ནི་ལས་ཀྱི་རྒྱལ་མཆོག་གི་།ཏིང་ངེ་འཛིན་དུ་ཡོངས་སུ་བསྒྲགས། །སླར་ཡང་སྨོན་ལམ་གདབ་བྱ་སྟེ། །སེམས་ཅན་དོན་ནི་ཉེར་འཕེལ་ཕྱིར། །བདག་གི་བསོད་ནམས་གང་བསགས་དང། །འཇམ ་པའི་རྡོ་རྗེ་བརྟེན་པ་ཡིས། །འཇམ་པའི་རྡོ་རྗེར་བདག་གྱུར་ནས། །སེམས་ཅན་སྡུག་བསྔལ་སྒྲོལ་གྱུར་ཅིག་།སེམས་ཅན་དོན་ཐབས་ཕུན་སུམ་ཚོགས། །རྣམ་པར་རྒྱལ་བས་ལེགས་གྲུབ་ཤོག་།སེམས་ཅན་འཁོར་བ་ཇི་སྲིད་དུ། །དེ་སྲིད་འགྲོ་ལ་ཕན ་བྱེད་ཤོག་།ཆོས་དང་ལོངས་སྤྱོད་སྦྲུལ་པ་ཡི། །སྐུ་གསུམ་རྣམ་པར་གནས་པ་དང། །བདག་ལ་འགྲོ་བ་རེ་བ་དང། །འདོད་པ་བདག་ལ་སྒྲུབ་པར་ཤོག་།འཇིག་རྟེན་ཁམས་ནི་ཐམས་ཅད་ན། །སྐད་ཅིག་གིས་ནི་?? ་ཅན་དུ། །གདུལ་བའི་ཐབས་ནི་རིག་པ་ཡིས། །སྣོད་དང་སྣོད་མིན་བསྐང་བར་བྱ། །གདུལ་བྱ་མ་ཡིན་ཁ་ཅིག་ནི། །ཁམས་གསུམ་དག་ཏུ་བྱུང་གྱུར་ན། །ཐམས་ཅད་བྱང་ཆུབ་ལམ་ལ་ནི། །དེ་རྣམས་བདག་གིས་བཟུང་བར་བགྱི། །འདི་ནི ་སྨོན་ལམ་མོ།། །།ལྷག་པའི་ལྷ་ཡི་སྦྱོར་བ་ཡིས། །ཏིང་ངེ་འཛིན་ལས་ལངས་ནས་ནི། །རྣལ་འབྱོར་ཡིད་ནི་ཆགས་མེད་པས། །སྣང་བའི་གོ་འཕང་ལ་གནས་ཏེ། །ཐམས་ཅད་རང་གི་ལྷ་གཟུགས་སམ། །རང་གི་རིགས ་ཀྱི་རྗེས་རིམ་འམ། །གཟུགས་སོགས་རྡོ་རྗེའི་ངོ་བོའམ། །རང་རང་དག་པར་རྣམ་པར་གནས། །གཉིས་མེད་ཡེ་ཤེས་རང་བཞིན་གྱིས། །རྡོ་རྗེ་འཆང་ཆེན་བདག་ཉིད་རྣམས། །ཇི་ལྟར་ཐོབ་པའི་ཡུལ་རྣམས་ནི། །དོགས་པ་མེད་པར་ཉེ་བར་སྤྱད། ། ་འདི་ནི་མཛའ་ཡས་མཆོད་མཆོག་ཏུ། །སངས་རྒྱས་རྣམས་ཀྱིས་ཡང་དག་གསུངས། །རྟག་ཏུ་བར་མེད་སྦྱོར་བས་ན། །བྱང་ཆུབ་འབྲས་བུ་སྟེར་བར་བྱེད། །ཟས་ལ་སྦྱོར་ན་སྔར་བཞིན་དུ། །བདུད་རྩི་མྱང་བའི་ཆོ་གས་བརྟེན། །འདི་ནི་ཕྱི་ཡི་སྦྱིན ་སྲེག་གམ། །གཞན་ཉིད་ཀྱིས་ཀྱང་བསྒྲེ་བར་བྱ། །ཡིད་ཀྱིས་བསམས་པ་ཙམ་གྱིས་ཀྱང། །ལེགས་པར་བརྟེན་པས་དེ་བཞིན་སྤྱོད། །ཕུང་པོ་འདུད་ཤིང་བསྲེག་པ་ཡིས། སྲེག་པ་ཡིས། །ཡེ་ཤེས་མེ་རུ་བླ་ན་མེད། །བདག་ཉིད་མཆོད་པ་ཉིད་ནི་བྱ། །གཞན་ནམ ་རང་གི་ལྷག་པའི་ལྷ། །རྟག་ཏུ་འདོད་པའི་ཡོན་ཏན་གྱིས། །དམ་ཚིག་འདི་ནི་བདེར་གཤེགས་བཞེད། །སྔོམ་ལ་གནས་པས་ཇི་ལྟར་རྙེད། །བདག་ཉིད་དམ་ཚིག་མ་ཉམས་པས། །རྙེད་པས་ཉིད་མོ་འམ་མཚན་མོ་རུ། །ལེགས་པར་སྦྲོས་པར ་ཡང་དག་སྤྱད། །གང་གིས་སེམས་ཅན་མཉན་མེད་དོན། །སངས་རྒྱས་མཆོད་པ་མཆོག་ཡིན་ཏེ། །གང་ཡང་ལུས་ལ་སོགས་པའི་ལས། །སྙིང་རྗེའི་བསམ་པས་བྱ་བ་སྟེ། །སྔགས་དང་ཕྱག་རྒྱའི་བདག་ཉིད་ཀྱིས། །དེ་ཀུན་དེ་ཡིར་འགྱུར་བ ་སྟེ། །ལྷག་པའི་ལྷ་ཡི་སྦྱོར་བདག་ཉིད། །གང་ཉིད་ཐམས་ཅད་དུ་བྱ་སྟེ། །འདི་འམ་གཞན་དུ་སྨན་པ་འམ། །ཕ་ཡིས་བུ་ལ་བསླབ་ཆེད་དུ། །འབྲས་བུ་མེད་ལ་ཕན་བསམས་པས། །ལས་ཀྱི་གནོད་པ་རྩོམ་པར་བྱེད། །ཤེས་རབ་ཐབས་ཀྱི་ཆོ ་ག་དང། །དངོས་ཀུན་བདག་ཉིད་རིག་པ་ཡིས། །ནམ་མཁའ་དང་ནི?་མཉམ་པའི་སེམས། །གཉིས་མེད་རྣལ་འབྱོར་མིན་ཞེས་འགྱུར། །དོན་ཡོད་གྲུབ་པའི་སྦྱོར་ལྡན་པས། །ད་ཡིད་འཁོར་ལོའི་དབུས་གནས་ཏེ། །ཇི་ལྟར་ཚུལ་བཞིན་དབང ་བསྐུར་བ། །དམ་ཚིག་ཉམས་པ་བླང་བར་བྱ། །རང་གི་ཡེ་ཤེས་ཐུགས་ཟླ་རུ། །ཁཾ་སྐྱེས་སྣ་ཚོགས་རྡོ་རྗེར་གནས། །ཟླ་བ་ཁཾ་ཡིག་བཅས་བསམས་ནས། །འོད་ཟེར་གྱིས་ནི་རྒྱལ་བ་བསྐུལ། །སླར་ཡང་འདི་ནི་ཁྱད་པར་ཏེ། །དབང་བསྐུར་སྔོན་དུ་སོང་བ་ཡིས ་བླ་མ་བརྙས་ལ་སོགས་ཉེས་པ། །བཤགས་དང་སྦྱིན་དང་མཆོད་སྟོན་ནོ། །སྔར་གྱི་དབང་བསྐུར་བཞིན་དུ་ཁྲུས། །རང་གི་འཁོར་ལོའི་བདག་སྦྱོར་ལྡན། །ཐུན་མཚམས་གསུམ་དུ་བསྒོམ་བྱ་སྟེ། །ལས་དང་ཕོ་ཡིས་མཉམ་པར་བྱ། །རང་གིས་སྤྲུལ་པའི ་དཀྱིལ་འཁོར་ནི། །སྔར་བཞིན་དུ་ནི་ཉེར་བསྡུས་ཏེ། །ཡེ་ཤེས་འཁོར་ལོར་མཉམ་སོན་པས། །ཤེས་རབ་སྙིང་རྗེར་ལྡན་པས་ཉལ། །ནང་པར་ཉལ་ལས་ལྡང་བ་ན། །ལྷ་མོ་གླུ་ཡིས་བསྐུལ་བ་སྟེ། །སྔར་བཞིན་བསྒོམ་པ་སྔོན་འགྲོ་བས། ། ་རྟག་ཏུ་སྔགས་ཀྱིས་བཟླས་པ་བརྩམ། །ཉེ་བའི་སྒྲུབ་པར་ནས་བརྩམས་ཏེ། །ཡེ་ཤེས་ཅུད་ཟད་ཐོབ་བདག་པོ། །སྔགས་ཀྱི་ཚུལ་ཁྲིམས་བརྟུལ་ཞུགས་ལྡན། །དང་པོའི་ལས་དང་འདྲ་བར་བསྒོམ། །སྤྲོ་བ་དང་ནི་བསྡུ་བར་ལྡན། །སླར་ཡང་ཡང་དག ་ཡེ་ཤེས་སོ། །སྐད་ཅིག་གིས་ནི་ཡེ་ཤེས་རྫོགས། །མཚན་མིན་རྣལ་འབྱོར་ཡང་དག་བསྟེན། །སོ་སོར་དཀྱིལ་འཁོར་ལ་གནས་པ། །རྟག་ཏུ་སྣང་བས་ཕན་པ་བསྒོམ། །འཁོར་ལོ་བདག་ཉིད་གཟུགས་ཀྱིས་མི། །མཚན ་མ་གཉིས་ནི་ཐོབ་གྱུར་པ། །དང་པོའི་ལས་ཅན་འདིར་ཤེས་བྱ། །དེ་ནས་རེ་རེ་འཕེལ་བ་ནི། །ལྷག་མའི་རྣལ་འབྱོར་པར་ཤེས་བྱ། །ཏིང་འཛིན་གསུམ་ནི་ཡོངས་རྫོགས་པ། །སྔ་མ་བཞིན་དུ་ལས་དང་པོའི། །འབྱིན་པའི་དཀྱིལ་འཁོར ་སྔོན་སོང་བ། །ལྷག་མའི་མཚམས་ལ་བསྒོམ་པ་ཡི། །ཡེ་ཤེས་དཀྱིལ་འཁོར་འབྱིན་པ་དང། །སླར་ཡང་སྤྲུལ་པའི་འཁོར་བསྡུད་པ། །གང་ཆོ་ཉལ་བར་འདོད་གྱུར་ཅེས། །རྣལ་འབྱོར་པ་ནི་གཞན་དག་སྨྲ། །རྡུལ་ཚོན་དཀྱིལ་འཁོར་བྲི་པའི། ་ཡིད་ཀྱིས་སྤྲུལ་པར་བྱ་བ་ཡང། །སྐུ་གསུང་ཐུགས་ནི་ལེགས་མཆོད་པ། །ཆོ་ག་བཞིན་དུ་དེར་མཆོད་ནས། །རང་འདོད་ལྷ་ཡི་རྣལ་འབྱོར་གྱིས། །འཁོར་ལོའི་དབུས་སུ་ཡང་དག་གནས། །འདོད་པའི་དངོས་པོ་བསྒྲུབ་བར་བྱ། །དེ་ཡི་རྒྱུ་ལ ་སེམས་བརྟན་པས། །སྔར་གསུངས་བདུད་རྩི་འཁྱིལ་པ་སྤྲོ་བའི་ཁྲོ་བོའི་འོད་ཟེར་ནམ་མཁར་འབར། །འཁོར་ལོའི་བདག་པོ་ཤེས་བྱ་ཆོ་ག་ཡིས་ནི་རང་ཉིད་དེ་ཡི་རྣལ་འབྱོར་ལྡན། །ངེས་པར་ཆོས་ཀྱི་རང་བཞིན་འོད་གསལ་མཆོག་ཉིད་ཅེས་པ་ཉིད་དུ ་རིག་པར་བྱ། །ལོག་འདྲེན་བགེགས་ནི་སུན་ཕྱུང་བཅོམ་ལྡན་འདས་ཀྱིས་བདག་ཉིད་དབང་ནི་བསྐུར་བར་བྱ། །མི་བསྐྱོད་པས་དབེན་སླར་ཡང་གལ་ཏེ་སངས་རྒྱས་དེ་ཡི་བདག་པོར་འགྱུར། །འཁོར་ལོའི་བདག་པོ་དེའི་གནས་ཞུགས་པའི་ཆ་ལ ་ལྡན། །དེ་ནི་བཅོམ་ལྡན་མི་བསྐྱོད་ཅས་སུ་གསལ་བར་གཞན་གྱི་གཞུང་དག་སྨྲ་བྱེད་ཀྱང། །གསང་བར་ཡང་ནི་འཁོར་ལོའི་བདག་པོ་གསང་བ་དེ་ཡང་འགྱུར་ཞེས་འདིར་སྨྲ་མི་རིགས་མིན། །འདིར་ནི་དག་པའི་བློ་ཅན་རྣམས་ཀྱིས་མེ་ལོང་ལ་སོགས ་གཟུགས་ལ་སོགས་པ་དག་པར་བརྗོད། །རྣམ་པར་ཤེས་པ་དེ་ཡི་བདག་པོར་གྱུར་པས་དཔུས་ཀྱི་གདན་ལ་རིགས་པར་འདོད། །སྤྱིར་བཏང་ལས་གཞན་དག་ནི། །ཉམས་མྱོང་གཅིག་པ་ཉིད་སྟེ་དེ་ཁོ་ནས། །སངས་རྒྱས་སངས་རྒྱས་མ་ཡིན་ཉིད་དུ་མཉམ ་སངས་རྒྱས་སངས་རྒྱས་མིན་པར་ཇི་ལྟར་རྟེན། །ཞི་དང་འཁྲུལ་པའི་དྲི་མའི་རྙོག་པའི་གོས་པའི་ཡིད་ནི་དག་པས་དཀར་པའི་གཟུགས། །སེམས་ཅན་བསམ་པ་ཡོངས་སུ་རྫོགས་པར་བྱེད་པའི་ཡིད་ཀྱིས་རྒྱལ་བ་སེར་པོའི་འོད། །དམར་པོ་འདོད་ཆགས ་རྣམ་དག་ཀུན་གྱི་དབང་གི་ཆོ་ག་ལ་ནི་སྦྱོར་གྱུར་པ། །བྱ་བ་ནན་ཏན་ཞེས་བྱའི་ངོ་བོར་གྱུར་པས་བཻ་ཌཱུ་རྱ་ཡི་ཁ་དོག་འབར། །ཞེ་སྡང་ཉོན་མོངས་རྣམ་དག་ཀྱང་ནི་ཤིན་ཏུ་སྡང་བ་རྣམས་ལ་གནག་པའི་འོད། །མེ་ལོང་ལ་སོགས་མི་འདོད་པས་ན་ཇི་ལྟར ་ཡང་འདིར་ཞེ་སྡང་དག་།རྡོ་རྗེ་ཅན་གྱིས་མེ་ལོང་སོགས་སུ་གྱུར་པ་སྔོན་པོའི་གཟུགས་སུ་གང་གིས་ཡིན། །ཅིའི་ཕྱིར་དབུས་སུ་ཞེ་སྡང་རྣམ་དག་གྲུབ་སྐུ་དཀར་པོ་ལ་སོགས་མཛེས་པར་འགྱུར། །ཇི་ལྟར་སྤྱིར་བཏང་ལ་ཡང་འདི་ནི་ནང་འདུས་རང་གི་བདག་དང་མི་བསྐྱོད་གཉིས། །དེའི་ཕྱིར་བདེ་བར་གཤེགས་པར་གཅིག་གྱུར་གཞན་མིན་དེ་ཡི་གཟུགས་མི་བསྟེན། །འདི་ལྟར་གཞན་དུ་འགལ་བ་སྤང་བའི་བློ་རྣམས་ཇི་ལྟར་ཡང་དག་གསུངས། །ཐ་དད་ཡེ་ཤེས་ཀྱིས་བྱས་གྱུར་པས་ཇི་ལྟར་སྒྲོལ་མ་ལ་སོགས ་གཉིས་སུ་རྟོགས། །ཡེ་ཤེས་ལྔ་ཡི་བདག་ཉིད་རྣམས་ནི་འདི་རྣམས་ངེས་པར་ཡེ་ཤེས་སོ་སོར་ཏེ། །ལྷག་པར་གྲགས་པ་གང་གིས་གང་དུ་མྱུར་བ་ཡེ་ཤེས་དེའི་དག་བ། །ཡེ་ཤེས་ཀྱིས་འགྱུར་ཁ་དོག་གནས་པ་རྟོག་པས་གལ་ཏེ་ཁ་དོག་ཡིན་གྱུར ་ན། །དཀྱིལ་འཁོར་བདག་པོ་འཇམ་དཔལ་གསལ་བ་ཉིད་དུ་ངེས་པར་ནག་པོ་ཉིད་དུ་འགྱུར། །རྡོ་རྗེ་ཅན་གྱིས་ལུགས་ནི་གལ་ཏེ་འགའ་ཞིག་ཡོད་ན་བདེ་གཤེགས་གནས་ལ་བརྟེན། །རང་རིགས་དབང་ཕྱུག་དང་ནི་རྒྱལ་པའི་སྲས་པོ་འཁོར་ལོའི་བདག་པོར་གནས ་པར་བྱ། །སངས་རྒྱས་སངས་རྒྱས་མ་ཡིན་བདག་ཉིད་ངོར་མཚོན་གང་ཞིག་གསང་བའི་འཁོར་དབང་ཕྱུག་།མི་བསྐྱོད་ངེས་པར་བདག་པོར་གྱུར་ན་རྣམ་པར་སྣང་མཛད་ལ་སོགས་གཉིས་སུ་འགྱུར། །དཔལ་ལྡན་ཡེ་ཤེས་ཞབས་ཀྱི་ཟཾ? ་ཞུགས་བླ་མ་རྗེས་བསྟེན་པས། །བདག་གིས་མན་ངག་ཁྱད་པར་གང་ཞིག་ཅུང་ཟད་ཐོབ་གྱུར་པ། །འདིར་ནི་དེ་ཡི་དྲན་པ་ཉམས་པར་མ་གྱུར་ཞེས་ཕྱིར་དང། །དེ་ཕྱིར་འདི་ནི་ཡང་དག་སྤེལ་བ་བདག་མཉམ་བློ་ལ་ཕྱིར་རོ། །ལེགས་པར་བསྡུ ་བྱས་བདེ་བའི་སྒྲུབ་ཐབས་བྱང་ཆུབ་ལམ་ཐོབ་པ། །འདིར་ནི་བདག་གང་ཞིག་མཉམ་མེད་པའི་བསོད་ནམས་གྲངས། །དཔལ་ལྡན་གསང་བ་འདུས་པའི་ཆོ་ག་ཉིད་ཀྱིས་སྐྱོན་སྤངས་པ། །དེ་ཡིས་བྱང་ཆུབ་མཆོག་གི་གོ་འཕང་སྐྱེ་བོས་ཐོབ་པར ་ཤོག་།རྒྱལ་དང་རྒྱལ་བའི་སྲས་ཀྱི་གདུལ་བྱ་མ་ཡིན་སྤངས་གྱུར་པ། །བསམ་གྱིས་མི་ཁྱབ་རྣམས་ལ་ཕྱོགས་བཅུ་ར་གནས་པའི་སེམས་ཅན་རྣམས། །དེ་ཡིས་བྱང་ཆུབ་སྒྲུབ་པའི་ཆེད་དུ་རྒྱལ་བས་བྱིན་ཞེས་པས། དགའ་བའི་སྒྲུབ་ཐབས་ཞེས ་གྲགས་འདི་ནི་བདག་གིས་བཀོད། །དགའ་བའི་སྒྲུབ་པའི་ཐབས། སློབ་དཔོན་ཆེན་པོ་རྒྱལ་ང་ས་བྱིན་པས་མཛད་པ་རྫོགས་སོ།། །།པཎྜི་ཏ་པདྨ་ཀ་ར་ཝ་རྨ་དང། ལོ་ཚ་བ་རིན་ཆེན་བཟང་པོའི་འགྱུར་ལགས་སོ།། །། ་