Wylie

e-texts based on the ACIP/ALL Input

པོས་བསྒྱུར་ཅིང་ཞུས་པའོ།། །།*། (།དཔལ་ཀུན་ཏུ་བཟང་པོ་ཞེས་བྱ་པའི་སྒྲུབ་ཐབས་ཀྱི་འགྲལ་པ་སློབ་དཔོན་ནམ་མཁས་པ་ཆེན་པོ་ཐ་ག་ནའི་ཞལ་སྔ་ནས་མཛད་པ་བཞུགས་སོ།།)་།*། །རྒྱ་གར་སྐད་དུ། ཤྲཱི་ས་མནྟ་བྷ་དྲི་སཱ ་དྷ་ན་པྲིཏྟི། བོད་སྐད་དུ། དཔལ་ཀུན་ཏུ་བཟང་པོའི་སྒྲུབ་ཐབས་ཀྱི་འགྲེལ་པ། བཅོམ་ལྡན་འདས་འཇམ་དཔལ་རྡོ་རྗེ་ལ་ཕྱག་འཚལ་ལོ། །སློབ་དཔོན་རྗེ་བརྩུན་སངས་རྒྱས་ཡེ་ཤེས་ཀྱིས་དམ་པ་རྣམས་ཀྱི་སྤྱོད་པ་རྗེ་སུ་བསྒྲུབ་པའི་ཕྱིར་དང་པོར་བཅོམ་ལྡན་འདས ་འཇམ་བའི་རྡོ་རྗེ་ལ་ཕྱག་འཚལ་བ་བརྩམ་པར་བྱེད་པ་ཡིན་ལ། དེའི་དགོས་པ་ཡང་འདི་ཡིན་ཏེ། བསོད་ནམས་མངོན་པར་འཕེལ་བ་དང། བགེགས་ཉེ་བར་ཞི་བ་དང། འཆང་བ་པོ་དང། ཉན་བ་པོ་དག་གི་བཤད་པ་དང། ཐོས་པ་ཕུན་སུམ་ཚོགས་པར་འགྱུར ་བའོ། ཕྱག་འཚལ་བ་དེ་ཡང་ཡོན་ཏན་དམ་པ་གསལ་བར་བརྗོད་པའི་སྒོ་ནས་ལུས་ངག་དང་ཡིད་ཀྱིས་ཕྱག་བྱ་བའི་ཚུལ་ཡིན་པར་བལྟ་བར་བྱའོ། །དེ་ལ་ཡང་དག་བའི་ཡོན་ཏན་བརྗོད་པ་ནི་བདག་གི་དོན་ཕུན་སུམ་ཚོགས་པའི་རྒྱུ་དང་བདག་གི་དོན ་ཕུན་སུམ་ཚོགས་པ་ཉིད་དང། གཞན་གྱི་དོན་ཕུན་སུམ་ཚོགས་པའི་རྒྱུ་དང། གཞན་གྱི་དོན་ཕུན་སུམ་ཚོགས་པ་ཉིད་ཡིན་པར་བལྟ་བར་བྱའོ། །དེ་ལ་དཔལ་ལྡན་ཞེས་བྱ་བ་ལ་སོགས་པ་འདི་ནི་བཅོམ་ལྡན་འདས་འཇམ་པའི་རྡོ་རྗེ་ལ་ཕྱག་འཚལ་པ་ཡིན་ཏེ ་འདིར་ཡང་བཅོམ་ལྡན་འདས་གྱི་གཟི་བརྗིད་ཀྱི་ཁྱད་པར་གྱི་སྒོ་ནས་བཅོམ་ལྡན་འདས་ཁྱད་པར་དུ་གྱུར་པར་བལྟ་བར་བྱའོ། །དེ་ཡང་སྤྱིའི་དོན་ནི་འདི་ཡིན་ཏེ། བཅོམ་ལྡན་འདས་འཇམ་དཔལ་གང་ཡིན་པ་དེ་ནི་དཔལ་ལ་སོགས་པ་དང་ལྡན་པའི་གཟི ་བརྗིད་རྣམས་ཀྱིས་འབར་ཞིང་མཛེས་ལ་བརྒྱན་པར་གྱུར་པའི་འཇམ་དཔལ་དེ་ལ་མཆོད་པར་བྱ་བའི་ཕྱིར་དེ་ལ་མངོན་པར་ཕྱག་འཚལ་ནས་དཔལ་གསང་བ་འདུས་པའི་མན་ངག་གིས་བཅོམ་ལྡན་འདས་འཇམ་དཔལ་བསྒོམ་པའི་ཆོ་ག་དང ་པོའི་སྦྱོར་བ་ལ་སོགས་པའི་ཆོ་ག་བཤད་པར་བྱའོ་ཞེས། བཅོམ་ལྡན་འདས་སློབ་དཔོན་གྱིས་གསུངས་པ་ཡིན་ནོ། །ཡན་ལག་གི་དོན་ཡང་བརྗོད་པར་བྱ་སྟེ། དཔལ་ནི་བསོད་ནམས་དང་ཡེ་ཤེས་ཀྱི་མཚན་ཉིད་དེ། དེ་གང་ལ་ཡོད་པའི་གཟི་བརྗིད་དང་ལྡན་པ་དེ་ནི ་དཔལ་ལྡན་ནོ། །འདིས་ནི་བདག་གི་དོན་ཕུན་སུམ་ཚོགས་པའི་རྒྱུ་གསུངས་པ་ཡིན་ཏེ། བསོད་ནམས་དང་ཡེ་ཤེས་ཀྱི་ཚོགས་དག་ནི་ཐམས་ཅད་མཁྱེན་པའི་ཡེ་ཤེས་ཀྱི་རྒྱུ་ཡིན་པའི་ཕྱིར་རོ། །འདི་དག་གིས་ནི་ཚངས་པ་ལ་སོགས་པ་ཡང་དག་ར་བ?་ཡིན་ཏེ། གལ་ཏེ་ན ་འཇིག་རྟེན་པའི་དཔལ་དོན་དུ་གཉེར་བ་ལ་མངོན་པར་ཞེན་པ་དག་འདི་དག་ཡིན་པར་འཛིན་པར་བྱད་པས་དེའི་ཕྱིར་དཔལ་ལྡན་ཞེས་བྱ་བ་ལ་སོགས་པ་ཡིན་ཏེ། འདིའི་དཔལ་གྱི་སྒྲ་ནི་བསོད་ནམས་དང་ཡེ་ཤེས་ཀྱི་ཚོགས་སྟོན་པའི་དོན་ཡིན་པའི་ཕྱིར་རོ། །མི ་ཤེས་ཀུན་སྤངས་ཞེས་བྱ་བ་ལ་མི་ཤེས་པ་ཀུན་ནི་མ་རིག་པ་མ་ལུས་པ་སྟེ། དེ་སྤངས་པ་ནི་བསལ་བའོ། །དེ་ཡང་གཟི་བརྗིད་གང་གིས་མི་ཤིས་པ་ཐམས་ཅད་སྤངས་པ་དེ་ཉིད་ཀྱིས་ན་དྲི་མ་མེད་པའོ། །མི་ཤེས་པ་ཀུན་སྤངས་པ་ཡང་ཡིན་ལ། དྲི་མ་མེད་པར ་ཉིད་ཀྱང་ཡིན་པས་ན་མི་ཤེས་ཀུན་སྤངས་དྲི་མེད་གཟི་བརྗིད་ལྡན་ཞེས་བྱ་སྟེ། འདེས་ནི་བདག་གི་དོན་ཕུན་སུམ་ཚོགས་པ་བཤད་པ་ཡིན་ཏེ། གཟི་བརྗིད་དྲི་མ་མེད་པས་དྲི་མ་མེད་པ་འདི་ཐམས་ཅད་མཁྱེན་པའི་ཡེ་ཤེས་དང་ལྡན་པར་ཉེ་བར་མཚོན་པ ་ཡིན་པའི་ཕྱིར་རོ། །དེ་ལྟར་ན་འདི་དག་གིས་ནི་ཉན་ཐོས་དང་རང་སངས་རྒྱས་དག་ལས་ཀྱང་དགར་བ་ཡིན་ཏེ། དཔག་མེད་རིགས་ཀྱི་སྤྲུལ་པ་རྣམས་ཀྱིས་རབ་བརྒྱན་ཅིང་ཞེས་བྱ་བ་ལ་དཔག་ཏུ་མེད་པ་ཡང་ཡིན་ལ་རིགས་ཀྱང་ཡིན་པས་དཔག་མེད ་རིགས་ཏེ། དེ་བཞིན་གཤེགས་པ་ལ་སོགས་པའི་རིགས་རྣམས་ཡིན་པར་བལྟ་བར་བྱ་ལ། དེ་རྣམས་ཀྱི་སྤྲུལ་བ་ནི་སྤྲུལ་པར་བྱས་པའོ། །དེ་ཉིད་ཀྱིས་རྒྱན་གང་ལ་ཡོད་པ་དེ་ནི་དཔག་མེད་རིགས་ཀྱི་སྤྲུལ་པ་རྣམས་ཀྱིས་རབ?་བརྒྱན་ཅིང་ཞེས་བྱ་བའོ། །འདིས་ནི་གཞན ་གྱི་དོན་ཕུན་སུམ་ཚོགས་པ་གསུངས་པ་ཡིན་ཏེ། གཞན་གྱི་དོན་གྱི་ཕྱིར་སྤྲུལ་པ་རྣམས་རྣམ་པར་འགྱེད་བའི་ཕྱིར་རོ། །འདི་དག་གིས་ནི་རྣལ་འབྱོར་གོང་མའི་བློ་རྣམ་པར་བསལ་ནས་རྣལ་འབྱོར་བླ་ན་མེད་པའི་བློ་ལ་བཞག་པར་བྱ་བའི་ཕྱིར་ཤེས་རབ་ཡན་ལག ་འདུས་པ་ཞེས་བྱ་བ་སྨོས་ཏེ། ཤེས་རབ་ནི་རང་གི་ངོ་བོར་སྣང་བའི་རིག་པ་སྟེ། གཉིས་སུ་མེད་པའི་ཡེ་ཤེས་ཀྱི་རང་བཞིན་ཡིན་པར་ལྟ་བར་བྱ་ལ། དེའི་ཡན་ལག་ནི་ཤེས་རབ་ཡན་ལག་གོ་།དེར་འདུས་པ་ནི་ཤེས་རབ་ཡན་ལག་འདུས་པ་སྟེ། དེས་འབར་ཞིང ་རྣམ་པར་མཛེས་པས་ན་ཤེས་རབ་ཡན་ལག་འདུས་པས་འབར་ཞིང་རྣམ་པར་མཛེས་པ་ཞེས་བྱའོ། །འདིས་ནི་གཞན་གྱི་དོན་ཕུན་སུམ་ཚོགས་པའི་རྒྱུ་གསུངས་པ་ཡིན་ཏེ། ཤེས་རབ་རྣམ་པར་དག་པ་དང་ལྡན་པ་རྣམས་ཀྱི་གཟི་བརྗིད་ནི་གཞན་གྱི་རྒྱུར་གྱུར ་པའི་ཕྱིར་རོ། །འཇམ་པ་ནི་མཉེན་པ་སྟེ་ཐམས་ཅད་ཀྱིས་ཉེ་བར་ལོངས་སྤྱོད་པ་ཡིན་པའི་ཕྱིར་རོ། །དཔལ་ནི་བསོད་ནམས་དང་ཡེ་ཤེས་ཀྱི་མཚན་ཉིད་ཅན་ཏེ། དེ་གང་ལ་ཡོད་པ་དེ་ལ་ཕྱག་འཚལ་ལོ་ཞེས་བྱ་བ་སྟེ། བཤད་མ་ཐག་པའི་གཟི་བརྗིད་ཀྱི་ཁྱད་པར ་གྱིས་ཁྱད་པར་དུ་འཕགས་པའི་འཇམ་དཔལ་དེ་ལ་མངོན་པར་ཕྱག་འཚལ་བ་སྟེ། ལུས་དང་ངག་དང་ཡིད་ཀྱིས་ཕྱག་འཚལ་ནས་ཆོ་ག་བཤད་པར་བྱའོ་ཞེས་བྱ་བར་སྦྱར་རོ། །འདིས་ནི་ལུས་དང་ངག་དང་ཡིད་དང་ལྡན་པའི་ཕྱག་བྱ་བ་གསུངས་པ་ཡིན་ནོ།། ་དཔལ་ལྡན་འདུས་པའི་གཞུང་ལུགས་ཞེས་བྱ་བ་ནི་གཞུང་གཞན་དག་ལས་དགར་བའོ། །དེ་ལ་འདུས་པ་ཞེས་བྱ་བའི་སྒྲེས་ནི་སངས་རྒྱས་ཐམས་ཅད་ཀྱི་མཚན་ཉིད་དང་ལྡན་པའི་ཕྱིར་རྡོ་རྗེ་སེམས་དཔའ་ཡིན་པར་བཤད་ལ། དེ་སྟོན་པར་གྱུར་པ ་ཡིན་པས་ན་ཉེ་བར་གདགས་པས་གཞུང་ལ་ཡང་དེ་སྐད་ཅེས་བྱ་སྟེ། ཐ་མི་དད་པར་བཤད་པའི་ཚུལ་ཡིན་པའི་ཕྱིར་རོ། །བཤེས་གཉེན་ནི་དམ་པ་ཡིས་ནི་བསྐུལ་ཕྱིར་ཞེས་བྱ་བ་ལ། བཤེས་གཉེན་དམ་པ་ནི་དེ་བཞིན་གཤེགས་པ ་རྣམས་ཏེ། དེ་ལ་བསྐུལ་བ་ནི་གསོལ་བ་བཏབ་པས་དེའི་བཀའ་ཐོབ་པ་སྟེ། བསྐུལ་བ་འདི་ནི་ཉེ་བར་གདགས་པས་བཀའ་ཐོབ་པ་ལ་དེ་སྐད་བཤད་དོ། །བཀའ་ཐོབ་པ་དེས་ན་སྤྲོ་བར་བྱས་བའི་ཉེ་བར་གདགས་པའི་དགོས་པ་བདག་ཉིད་རང་དགའ་ཡོངས ་སུ་སྤངས་པའི་དོན་ཏོ། །ཡང་ན་དཔལ་ལྡན་འདུས་པའི་གཞུང་ལུགས་ཞེས་བྱ་བ་ནི་དཔལ་གསང་བ་འདུས་པའི་མན་ངག་གིས་སོ། །བཤེས་གཉེན་ནི་དམ་པ་ཡིས་ནི་སྐུ་ལ་ཕྱིར་སྤྲོ་བྱ་སྟེ་ཞེས་བྱ་བ་ལ། བཤེས་གཉེན་དམ་པ་ནི་དགེ་བའི་བཤེས་གཉེན་ཏེ། སློབ ་དཔོན་རྣམས་དང་དེ་བཞིན་གཤེགས་པ་རྣམས་སོ། །དེ་རྣམས་ལ་བསྐུལ་བ་ནི་བསྙེན་བཀུར་བྱས་པ་སྟེ། དེས་སྤྲོ་བར་བྱ་བ་གང་ཡིན་པ་དེ་ནི་བདག་ཡིན་ནོ། །དེ་བས་ན་བཤེས་གཉེན་དམ་པས་བསྐུལ་བའི་ཕྱིར་སྤྲོ་བར་བྱེས་ཏེ་ཆོ་ག་བཤད་པར་བྱའོ་ཞེས ་ཚིགས་སུ་བཅད་པ་གསུངས་པ་འདིས་ནི་གཞུང་རྩོམ་པའི་རྒྱུ་གསུངས་པ་ཡིན་ནོ། །ད་ནི་བསྟོན་བཅོས་དག་ནི་ཐམས་ཅད་དང། །ལས་རྣམས་ཅི་ཡང་རུང་བ་ལ། །ཇི་སྲིད་དགོས་པ་མ་སྨྲས་པ། དེ་སྲིད་སུ་ཡང་འཛིན་མི་འགྱུར་ཞེས་བྱ་བའི་ཚུལ་གྱིས་ནི། བསྟན ་བཅོས་ཀྱི་དང་པོར་ཉན་པའི་སྐྱེ་བོ་རྣམས་ཀྱི་འཇུག་པའི་ཡན་ལག་ཏུ་གྱུར་པའི་བརྗོད་པ་དང། དགོས་པ་ལ་སོགས་པ་དག་བརྗོད་དགོས་པས་འགྲོ་བ་མ་ལུས་དོན་ནི་ཕུན་སུམ་ཚོགས་པའི་ཞེས་བྱ་བ་ལ་སོགས་པ་གསུངས་པས་ནི་བརྗོད་པར་བྱ་བ ་དང། དགོས་པ་ལ་སོགས་པ་གསུངས་པ་ཡིན། །དེ་ཡང་འགྲོ་བ་རྣམས་ཀྱི་དོན་ཡིན་པས་ན་འགྲོ་བའི་དོན་ཏེ། མངོན་པར་མཐོ་བ་དང་ངེས་པར་ལེགས་པའི་མཚན་ཉིད་དོ། །དེའི་ཕུན་སུམ་ཚོགས་པ་ནི་འགྲོ་བ་མ་ལུས་དོན་ནི་ཕུན་སུམ་ཚོགས་པ་སྟེ་འགྲོ ་བ་མ་ལུས་པ་སངས་རྒྱས་ཉིད་ཀྱི་མཐར་ཐུག་པར་གང་ཡིན་པ་འགྲོ་བ་མ་ལུས་པའི་དོན་ཕུན་སུམ་ཚོགས་པའོ། དེའི་རྒྱུར་གྱུར་པ་ནི་བྱེད་པའི་རྒྱུར་གྱུར་པའི་ཆོ་ག་གང་ཡིན་པ་སྟེ་དེ་བཤད་པའོ། །འདི་ས་ནི་ཆོ་གའི་བརྗོད་པར་བྱ་བ་དང། དགོས་པ་གསུངས ་པ་ཡིན་ནོ། །ཆོ་ག་ཞེས་བྱ་བའི་སྒྲ་ནི་བརྗོད་པར་བྱ་བ་ཡང་གསུངས་པ་ཡིན་ནོ། །འབྲེལ་པ་སྟན་པར་བྱེད་པའི་སྒྲ་ནི་མངོན་སུམ་དུ་མེད་མོད་ཀྱི། དེ་ནི་ཤུགས་ཀྱིས་གསུངས་པར་བལྟ་བར་བྱ་སྟེ། དེ་ཡང་འདིར་ཆོ་ག་ནི་བརྗོད་པར་བྱ་བ་ཡིན་ལ། དེ་སྟོན་པར་བྱེད་པའི ་གཞུང་ནི། བརྗོད་པ་ཡིན་ཏེ། དེ་དག་ཀྱང་བརྗོད་པ་དང། བརྗོད་པར་བྱ་བ་གཉིས་ཐབས་དང་ཐབས་ལས་བྱུང་བའི་མཚན་ཉིད་དུ་འབྲེལ་པ་ཡིན་པར་འདོད་དོ། །འོ་ན་བཅོམ་ལྡན་འདས་ཀྱིས་གསུངས་པའི་གསུང་རབ་ཀྱི་རིམ་པ་ཉིད་ཀྱིས་སམ། སློབ་དཔོན ་གཞན་དག་གི་མན་ངག་གིས་ཀྱང་འཇམ་པའི་རྡོ་རྗེ་བསྒོམ་པའི་ཆོ་ག་ཤེས་པར་གྱུར་ན། གང་གི་ཕྱིར་གཞུང་འདིས་ཆོ་ག་བཤད་པས་ཅི་ཞིག་བྱ་ཞེ་ན། ད་ནི་སྒྲུབ་པའི་ཐབས་འདིའི་དགོས་པ་བསྟན་པའི་ཕྱིར། དལ་འབྱོར་འདི་ནི་ཤིན་ཏུ་གཡོ་བ་དང་ཞེས ་བྱ་བ་ལ་སོགས་པ་གསུངས་ཏེ། དེ་ཡང་དལ་བའི་འབྱོར་པ་དལ་འབྱོར་ཏེ། དམྱལ་བ་ལ་སོགས་པ་མི་ཁོམ་པ་བརྒྱད་ལས་ངེས་པར་གྲོལ་བའོ། །དེ་ཡང་མི་ཁོམ་པ་བརྒྱད་ནི། ལོག་པར་ལྟ་བ་དང། དམྱལ་བ་དང་ཡི་དགས་དང། དུད་འགྲོར་སྐྱེ་བ་དང། སངས ་རྒྱས་ཀྱི་བཀའ་མི་ཐོས་པ་དང། ཡུལ་མཛའ་འཁོབ་ཀྱི་སྐྱེ་བོར་སྐྱེས་པ་དང། དབང་པོ་བླུན་ཞིང་ལྐུགས་པར་གྱུར་པ་དང། ལྷ་ཚེ་རིང་པོར་སྐྱེས་པ་ཞེས་བྱ་བ་མི་ཁོམ་པ་བརྒྱད་པོ་སྟེ་དེ་དག་མེད་པའོ། །དེ་ཉིད་ནི་འདིར་མི་བརྟན་པར་གྱུར་པས་ན་ཤིན་ཏུ་གོལ ་བ་སྟེ། མི་རྟག་པ་ཉིད་ཀྱིས་ན། བདག་ཅག་རྣམས་ནི་མ་བརྟན་པར་གནས་པའི་ངོ་བོ་ཉིད་ཞེས་གཞུང་དུ་བྱས་པ་ཡིན་ནོ། །འཇིག་རྟེན་སྐྱེ་བོ་དམ་པ་ཕྲད་རྙེད་དཀའ་ཞེས་བྱ་བ་ལ། །འཇིག་རྟེན་ན་སྐྱེ་བོ་དམ་པ་ནི། དགེ་བའི་བཤེས་གཉེན་དང། དཔལ་གསང་བ ་འདུས་པ་ཡང་དག་པར་ཉེ་བར་སྟོན་པར་བྱེད་པ་རྣམས་ཏེ། དེ་དང་ཕྲད་པ་ནི་སྐྱེ་བོ་དམ་པ་དང་ཕྲད་པ་སྟེ། དེ་ཡང་འཇིག་རྟེན་ན་ཤིན་ཏུ་རྙེད་པར་དཀའ་བ་སྟེ་ཤིན་ཏུ་ཡང་དཀའ་བས་རྙེད་པ་ཡིན་ནོ་ཞེས་བྱ་བའི་དོན་ཏོ། །དེ་ཉིད་ཀྱི་ཕྱིར་བཅོམ ་ལྡན་འདས་ཀྱིས་འཇིག་རྟེན་ན་ནི་ཀུན་མཁྱེན་རྣམས། འབྱུང་འགྱུར་ཡང་ན་མི་འབྱུང་སྟེ། །ུ་དུཾ་ཝ་རའི་མེ་ཏོག་བཞིན། །བརྒྱ་ལམ་ན་ནི་རིས་འགའ་འབྱུང། །གསང་སྔགས་སྤྱོད་པའི་ཚུལ་འདི་ནི། །གང་གིས་འགྲོ་དོན་མཉམ་མེད་པ། །མྱ་ངན་མི་འདའ་བྱེད་པར ་ནུས་དེ་བས་ཀྱང་ནི་རྙེད་པར་དཀའ་ཞེས་གསུངས་ཏེ། སྔགས་ཀྱི་ཚུལ་འབྱུང་བརྙེད་པར་དཀའ་བས་ན། དེ་སྟོན་པར་བྱེད་པའི་བླ་མ་རྣམས་ཀྱང་རྙེད་པར་དཀའ་བར་སྟོན་ཏེ། དེ་བས་ཤེས་རབ་ཐབས་ལ་གཞོལ་བ་ཡི། །ཡིད་ལ་བྱེད་པའི་མཆོག་དེ་བསྒྲུབ་པར ་བྱ་ཞེས་བྱ་བ་ལ། གང་གི་ཕྱིར་དལ་འབྱོར་འདི་ནི་ཤིན་ཏུ་གཡོ་བ་དག་འཇིག་རྟེན་སྐྱེ་བོ་དམ་པ་ཕྲད་རྙེད་དཀའ་ཞེས་བྱ་བ་ཡིན་པས་དེ་བས་མདོར་ན་ཤེས་རབ་དང་ཐབས་ལ་གཞོལ་བར་བྱེད་པ་ཡི་མཆོག་འདི་ནི་བསྒྲུབ་པར་བྱ་བར་སྦྱར་རོ། །དེ་ལ་ཤེས ་རབ་ནི་ཆོས་ཐམས་ཅད་བདག་མེད་པའི་མཚན་ཉིད་དོ། །ཐབས་ནི་ཐུགས་རྗེ་ཆེན་པོའི་མཚན་ཉིད་དོ། །དེ་དག་ལ་གཞོལ་བ་ནི་དེར་ལྷག་པར་གཞོལ་བ་སྟེ། ཤེས་རབ་དང་ཐབས་སུ་སོན་པ་ཞེས་བྱ་བའི་དོན་ཏེ། འདི་ལྟ་བུའི་ཡོད་ལ་བྱེད་ཅིང་སེམས་པའི ་མཆོག་དེ་ལེགས་པར་བསྒྲུབ་པར་བྱའོ། །དེ་ཡང་མདོར་ན་ཤེས་རབ་དང་ཐབས་ལ་རབ་ཏུ་གཞོལ་བའི་སེམས་ཀྱི་བྱ་བ་ནི་སྒྲུབ་པའི་ཐབས་འདིའི་དགོས་པ་ཡིན་ནོ། །དེ་ལ་སྔགས་པ་སྙིང་རྗེའི་སྟོབས་ཀྱིས་ནི་ཞེས་བྱ་བ་ན། བློ་དང་ལྡན་པར་རབ་བསྔགས ་མཉེས་པར་བྱ་ཞེས་བྱ་བའི་བར་གྱི་བསྒྲུབ་པ་པོའི་ཕུན་སུམ་ཚོགས་པ་གསུངས་པ་ཡིན་ཏོ། དེ་ལ་ཞེས་བྱ་བ་ནི་ཚིག་གི་ཁ་བསྐད་བའོ། །སྔགས་པ་ཞེས་བྱ་བ་ནི་ཆོས་ཐམས་ཅད་ཡིད་ལ་བྱེད་པས་ངན་འགྲོ་བ་ཐམས་ཅད་ལ་སྐྱོབ་པས་ན་སྔགས་ཏེ། ་དེ་གང་ལ་ཡོད་པ་དེ་ནི་སྔགས་པའོ། །སྙིང་རྗེའི་སྟོབས་ཀྱིས་ནི། བྱང་ཆུབ་མཆོག་ཏུ་སེམས་ནི་བསྐྱེད་པ་དེར་ཞེས་བྱ་བ་ལ་སྙིང་རྗེའི་འགྲོ་བ་མ་ལུས་པ་སྡུག་བསྔལ་དང་བྲལ་བར་འདོད་པའོ། དེའི་སྟོབས་ནི་དེའི་ནུས་པ་སྟེ། དེས་བྱང་ཆུབ་ཏུ་སེམས་བསྐྱེད་པ་གང ་ཡིན་པ་དེ་ནི། བྱང་ཆུབ་མཆོག་ཏུ་སེམས་བསྐྱེད་པར་གྱུར་པའོ། །གཏོང་པ་ལ་སོགས་ཡོན་ཏན་རྣམས་ཀྱིས་བརྒྱན་ཅེས་བྱ་བ་ལ་གཏོང་བ་ལ་སོགས་ཞེས་བྱ་བ་ནི་སྦྱིན་པ་ལ་སོགས་པའོ། །དེ་ཉིད་ནི་སངས་རྒྱས་རྣམས་ཀྱི་རྒྱུར་གྱུར་པ་ཡིན་པས་ན་ཡོན་ཏན་ཏེ ་སློབ་ཅིང་གོམས་པར་བྱ་བ་ཡིན་པས་ན་གཏོང་པ་ལ་སོགས་པ་ནི་ཡོན་ཏན་ཡིན་ལ། དེ་ཉིད་ཀྱི་རྒྱན་གང་ལ་ཡོད་པ་དེ་ནི་གཏོང་བ་ལ་སོགས་ཡོན་ཏན་རྣམས་ཀྱིས་བརྒྱན་ཞེས་བྱའོ། །ཟབ་མོའི་ཚུལ་དག་ལ་ནི་ལྷག་པར་མོས་ཞེས་བྱ་བ་ལ་ཟབ་མོའི ་ཚུལ་ནི་སྔགས་ཀྱི་ཚུལ་ཏེ་དེ་ལ་ལྷག་པར་མོས་པ་ནི་དེ་ལ་མངོན་པར་དད་པའོ། །དཔལ་ལྡན་འདུས་པའི་ཞེས་བྱ་བ་ལ་སོགས་པ་ལ་བླ་ན་མེད་པ་སྒྲུབ་པས་ནི། བླ་ན་མེད་པའི་དཀྱིལ་འཁོར་ལས་གསུངས་པའི་ཆོ་ག་ཉིད་ཀྱིས་དབང་བསྐུར་བས ་འོས?་པ་ཡིན་པས་ན་དབང་བསྐུར་བ་ཕུན་སུམ་ཚོགས་པ་གསུངས་པ་ཡིན་ཏེ། དབང་བསྐུར་བ་གསུམ་པོ་ཕུན་སུམ་ཚོགས་པ་དང་ལྡན་པ། ཆོ་གས་ཐོབ་ཅིང་རྗེས་སུ་གནང་བའོ། །ཡང་ན་དཔལ་ལྡན་འདུས་པའི་དཀྱིལ་འཁོར་ཆོ་ག་ཡིས། །རང་གི་དབང ་བསྐུར་ཕུན་སུམ་ཚོགས་ལྡན་པ་ཞེས་བྱ་བ་ནི། དཔལ་གསང་བ་འདུས་པའི་རྒྱུད་ཀྱི་མན་ངག་གི་དཀྱིལ་འཁོར་གྱི་ཆོ་ག་གང་ཡིན་པ་དེས་ལེགས་པར་དབང་བསྐུར་བ་སྟེ། དེའི་ཕུན་སུམ་ཚོགས་པ་ནི་རང་གི་དབང་བསྐུར་བ་ཕུན་སུམ་ཚོགས་པའོ།། ་དེ་དང་ལྡན་པ་ནི་ཉེ་བར་ལྡན་པའོ། །ཆོ་ག་བཞིན་དུ་རྗེས་གནང་ཐོབ་པའི་ཞེས་བྱ་བ་ལ་ཆོ་ག་ནི་ཆོ་གའི་རིམ་པ་སྟེ། གང་གིས་ཆོ་ག་བཞིན་དུ་རྗེས་སུ་གནང་བ་ཐོབ་པར་གྱུར་པ་དེ་ནི་ཆོ་ག་བཞིན་དུ་རྗེས་སུ་གནང་བ་ཐོབ་པ་སྟེ། ཆུ་དང་ཅོད་པན་ལ་སོགས ་པའི་རིམ་གྱིས་རྗེས་སུ་གནང་བའི་བར་དུ་ཐོབ་པའོ། །བློ་དང་ལྡན་པས་རང་སྔགས་མཉེས་པར་བྱ་ཞེས་བྱ་བ་ལ། བློ་དང་ལྡན་པ་ནི་བློ་གྲོས་དང་ལྡན་པ་སྟེ། སྒྱུ་མ་ལྟ་བུའི་དེ་ཁོ་ན་ཉིད་ཡོངས་སུ་ཤེས་པས་ནམ་མཁས་པའོ། །དེ་ཡང་རང ་གི་གསང་སྔགས་བླ་མའི་མན་ངག་གི་རིམ་པས་ཇི་ལྟ་བ་བཞིན་དུ་བསྒོམ་པ་ཞེས་པའོ། །རང་སྔགས་ནི་རང་གིས་མཉེས་པར་བྱ་བའི་ལྷའི་གསང་སྔགས་སོ། །དེའི་མཉེས་པར་བྱ་བ་ནི་བསྒོམ་པ་ལ་སོགས་པ་སྟེ། དེ་དག་གིས་ནི་སྒྲུབ་པ་པོའི་ཕུན ་སུམ་ཚོགས་པ་བཤད་པར་མཛད་པ་ཡིན་ནོ། །ད་ནི་གནས་ཕུན་སུམ་ཚོགས་པ་བསྟན་པའི་ཕྱིར། ལ་ལར་ཞེས་བྱ་བ་ལ་སོགས་པ་གསུངས་ཏེ། ལ་ལར་ཞེས་བྱ་བ་ནི་མིང་མ་བསྟན་པར་འོག་ནས་བཤད་པའི་ཡོན་ཏན་དང་ལྡན་པའི་རི་བོར ་བཅོམ་ལྡན་འདས་འཇམ་པའི་དབྱངས་ཞེས་བྱ་བ་རབ་ཏུ་བསྒྲུབ་པར་བྱའོ་ཞེས་བྱ་བར་སྦྱར་རོ། །དྲི་མེད་ཆུ་ནི་ཕུན་ཚོགས་ཤིང། །ཤིང་མཆོག་མཛེས་པས་རྣམ་བརྒྱན་པའི་ཞེས་བྱ་བ་ལ། དྲི་མ་མེད་པ་ཡང་ཡིན་ལ། ཆུ་ཡང་ཡིན་པས་ན་དྲི་མེད ་ཆུ་སྟེ། དེ་རྣམས་ཀྱི་ཕུན་སུམ་ཚོགས་པ་ནི་དྲི་མ་མེད་པའི་ཆུ་ཕུན་སུམ་ཚོགས་པའོ། །ཤིང་རྣམས་ཀྱི་མཆོག་ནི་ཤིང་མཆོག་སྟེ། པ་ན་ས་དང་ཨ་མྲ་ལ་སོགས་པའོ། །དེ་རྣམས་ཀྱིས་མཛེས་པ་ནི། ཕྲེང་གིས་རྣམ་པར་བརྒྱན་པ་སྟེ། དེ་བས་ན ་དྲི་མེད་ཆུ་ནི་ཕུན་ཚོགས་ཤིང། །ཤིང་མཆོག་མཛེས་པས་རྣམ་པར་བརྒྱན་པའོ་ཞེས་པའོ། །རི་བོའི་ཕྱོགས་གཅིག་ཏུ་ཞེས་བྱ་བ་ལ་དྲི་མ་མེད་པའི་ཆུ་ཕུན་སུམ་ཚོགས་པ་དང། ཤིང་གི་མཆོག་རྣམས་ཀྱིས་མཛེས་པར་བྱས་པ་དག་གིས་རྣམ་པར ་བརྒྱན་ཅིང་ཡིད་དུ་འོང་བར་བྱས་པའི་རི་བོའི་ཕྱོགས་གཅིག་ཏུ་བཅོམ་ལྡན་འདས་འཇམ་པའི་དབྱངས་ཏེ། འཇམ་ཞིང་མཉེན་པའི་དབྱངས་དང་ལྡན་པ་ཞེས་བྱ་བར་གྲགས་པ་གང་ཡིན་པ་དེ་བསྒྲུབ་པར་བྱའོ་ཞེས་བྱ་བར་སྦྱར་ཏེ། འདི་ལྟར་འོག ་ནས་བཤད་པའི་རིམ་པས་རབ་ཏུ་བསྒྲུབ་པར་བྱ་ཞིང་བསྒོམ་པའི་རང་བཞིན་གྱི་ཤེས་རབ་ཀྱིས་མངོན་སུམ་དུ་བྱའོ་ཞེས་བྱ་བའི་དོན་ཏོ། །དེ་ལྟར་གནས་ཕུན་སུམ་ཚོགས་པ་བཤད་ནས། ང་ནི་ཆོ་ག་གང་གིས་བཅོམ་ལྡན་འདས་སུ་མངོན་སུམ་དུ་བྱ་བའི་ཆོ་ག ་དེ་བསྟན་པར་བྱ་བའི་ཕྱིར། དང་པོར་ཞེས་བྱ་བ་ལ་སོགས་པ་གསུངས་ཏེ། དང་པོར་ཞེས་བྱ་བ་ནི་མཚན་མོའི་བརྒྱད་ཆ་ཐུན་ཕྱེད་དུ་ཇི་ལྟ་བར་གྱུར་པའམ། ཡང་ན་དང་པོར་སྟེ་བསམ་གཏན་གྱི་ཐོག་མར་སྙིང་གར་ཟླ་བའི་དབུས་སུ་མ་རྣམ་པར་བཀོད་ཅིང་མི ་བསམས་ལ། གདོང་ལ་སོགས་པ་དག་པར་བྱའོ་ཞེས་བྱ་བར་སྦྱར་རོ། །ནང་པར་ཞེས་བྱ་བ་ནི་ནང་བར་གྱི་ཐུན་མཚམས་སོ། །ནང་པར་ཞེས་བྱ་བའི་ཉེ་བར་མཚོན་པས་ཉི་མ་ཕྱེད་ལ་སོགས་པའི་ཐུན་མཚམས་རྣམས་སུ་ཡང་དེ་བཞིན་དུ་བྱའོ། །ཁྱད་པར་ཇི་ལྟ ་བུའི་མཱཾ་རྣམ་པར་དགོད་ཅེ་ན། དྲི་མེད་འོད་ཟེར་རབ་ཏུ་འཕྲོ་བའི་ཞེས་བྱ་བར་གསུངས་ཏེ། གང་ལས་དྲི་མ་མེད་པའི་འོད་ཟེར་འཕྲོ་བ་དེ་ནི་དྲི་མ་མེད་པའི་འོད་ཟེར་རབ་ཏུ་འཕྲོ་བའི་མཱཾ་མོ། །དེ་ཉིད་ཅེས་བྱ་བ་ནི་དེ་ཁོ་ན་ཉིད་ཅེས་མིང་དུ་གྲགས་པ་གང་ཡིན ་པ་དེའི་མཱཾ་ད་ལ་ནི་དེ་ཉིད་ཅེས་པའོ། །ཇི་ལྟ་བུར་གྱུར་པས་གདོང་ལ་སོགས་པ་ཡང་དག་པར་བྱ་ཞེ་ན་བརྩེར་ལྡན་པས་ཞེས་བྱ་བ་གསུངས་ཏེ། གང་ཡང་སྔར་སྙིང་རྗེའི་སྟོབས་ཀྱིས་ནི་ཞེས་གསུངས་མོད་ཀྱི་འོན་ཀྱང་ཡང་གསུངས་པ་ནི་འདི་གཙོ་བོ་ཡིན་པར ་བསྟན་པའི་ཕྱིར་ཏེ་འགྲོ་བ་མ་ལུས་པར་གདོན་པའི་སེམས་སུ་བྱའོ་ཞེས་བྱ་བའི་དོན་ཏོ། །སྙིང་བརྩེ་བ་དང་ལྡན་པ་ནི་སྡུག་བསྔལ་གཞོམ་པའི་ཕྱིར་ཐབས་རྣམས་ལ་མངོན་པར་སྦྱོར་ཏེ། ལྐོག་ཏུ་གྱུར་བའི་ཐབས་ལས་བྱུང་བ་དེའི་རྒྱུས་དེ་བཤད་པ་ནི ་དཀའ་བ་ཡིན་ཞེས་བྱ་བའི་ཚུལ་ལོ། །སྒོ་ལ་སོགས་པ་ཡང་དག་པར་བྱ་ཞེས་བྱ་བ་ལ། སྒོ་ནི་རྣམ་པར་ཐར་པའི་སྒོ་གསུམ་སྟེ། སྟོང་པ་ཉིད་དང་མཚན་མ་མེད་པ་དང་སྨོན་པ་མེད་པའི་མཚན་ཉིད་ཅན། །དེ་ལ་སོགས་པ་ནི་དྲན་པ་ཉེ་བར་བཞག་པ་ལ་སོགས་ ་པ་གང་ཡིན་པ་དེ་དག་ནི་སྒོ་ལ་སོགས་པ་ཡིན་ལ། དེ་ཉིད་ཡང་དག་པར་དག་པ་ནི་སྒོ་ལ་སོགས་པ་ཡང་དག་པ་སྟེ། དང་པོའི་སྦྱོར་བ་ལ་སོགས་པའི་དངོས་པོར་གྱུར་པར་བྱས་ནས་དེ་བསྒོམ་པར་བྱའོ་ཞེས་བྱ་བའི་དོན་ཏོ། །ཙན་དན ་བཟང་པོ་ཞེས་བྱ་བ་ལ་སོགས་པ་ལ། ཙན་དན་བཟང་པོ་ལ་སོགས་པས་བྱུགས་པའི་བསམ་གཏན་གྱི་གནས་སུ་ནང་ཚངས་ཅན་ལ་སོགས་པའི་སྟན་ལ་འདུག་སྟེ། སངས་རྒྱས་རྣམས་དམིགས་ནས་མཆོད་པ་སྔོན་དུ་འགྲོ་བའི་སྡིག་པ་བཤགས་པས ་སོགས་པ་བྱའོ་ཞེས་བྱ་བར་སྦྱར་རོ། །ཙན་དན་བཟང་པོ་ལ་སོགས་ཀྱིས་བྱུགས་ཤིང་ཞེས་བྱ་བ་ནི་ཙན་དན་བཟང་པོ་ལ་སོགས་པས་བསྒོས་པའོ། །དྲི་ཞིམ་མེ་ཏོག་གཅི་ལ་བཀྲམ་མཆོག་གི་ཆའི་ཞེས་བྱ་བ་ནི་ཤིན་ཏུ་དྲི་ཞིམ་པའི་མེ་ཏོག་རྣམས་གཅལ་དུ ་བཀྲམ་པའི་བསམ་གཏན་གྱི་གནས་གང་ཡིན་པ་དེ་ནི་དྲི་ཞིམ་མེ་ཏོག་གཅལ་བཀྲམ་པ་སྟེ། དེ་དེས་མཆོག་ཅེས་བྱ་བ་དམ་པར་འགྱུར་བའི་ཕྱོགས་གང་ཡིན་པ་དེ་ནི་མཆོག་གི་ཆ་སྟེ། དྲི་ཞིམ་པའི་མེ་ཏོག་གི་གཅལ་བཀྲམ་པ་ཡིན་ལ། མཆོག ་གི་ཆ་ཡང་ཡིན་པས་ན་དྲི་ཞིམ་མེ་ཏོག་གཅལ་བཀྲམ་མཆོག་གི་ཆ་སྟེ། བསམ་གཏན་གྱི་གནས་དེར་བདེ་བའི་སྟན་ལ་འདུག་ནས་དུས་གསུམ་དུ་བཞུགས་པའི་སངས་རྒྱས་རྣམས་དམིགས་པར་བྱ་སྟེ། དུས་གསུམ་གྱི་སངས་རྒྱས་ནི་འདས་པ ་དང་མ་འོངས་པ་དང་ད་ལྟར་བཞུགས་པ་སྟེ། དེ་རྣམས་དམིགས་ཤིང་འདི་ལ་བྱས་ནས་སོ། །སྣ་ཚོགས་མཆོད་པའི་སྤྲིན་རྣམས་ནི། །དང་པོར་སྤྲོ་སོགས་ཞེས་བྱ་བ་ལ་སྣ་ཚོགས་མཆོད་པ་ནི་ཡི་གེ་མཱཾ་གི་འོད་ཟེར་ལས་སྤྲུལ་པའི་གཟུགས་རྡོ་རྗེ་ལ་སོགས ་པའི་ལྷ་མོ་རྣམས་སོ། །དེ་རྣམས་ཀྱི་སྤྲིན་ནི་ཚོགས་ཏེ། དེ་རྣམས་དང་པོར་སྤྲོ་བའོ། །དེ་ལ་སོགས་པ་ནི་གང་བསྟོད་པ་ལ་སོགས་པ་སྟེ། དེ་ལྟ་བུའི་སྣ་ཚོགས་པའི་སྤྲིན་རྣམས་དང་པོར་སྤྲོས་ཏེ། དེ་ཉིད་དང་པོར་བྱས་པའི་སྡིག་པ་བཤགས་པ་ལ ་སོགས་པ་གང་ཡིན་པ་དེ་ལ་དེ་སྐད་ཅེས་བྱའོ། །བློ་ལྡན་ཞེས་བྱ་བ་ནི་ཤེས་རབ་དང་ལྡན་པ་སྟེ། བཤགས་པར་བྱ་བ་དང་བཤགས་པ་པོ་དང་བཤགས་པ་མི་དམིགས་པའི་དོན་ཏེ། དེ་དག་ཀྱང་འོག་ནས་བཤད་པའི་རིམ་པས་བྱ་ཞིང་ཉམས་སུ་བླང་བའོ། ་དགེ་བ་རྣམས་ནི་འཕེལ་བར་བྱ་བའི་ཕྱིར་ཞེས་བྱ་བ་ནི་བསོད་ནམས་མངོན་བར་འཕེལ་བར་བྱ་བའི་ཕྱིར་རོ། །སྡིག་པ་དག་ནི་བཤགས་པ་ལ་སོགས་བྱ་ཞེས་བྱ་བ་ནི་སྡིག་པ་རྣམས་ཇི་ལྟ་བ་བཞིན་དུ་བཤགས་པར་བྱའོ། །ད་ནི་ཇི་ལྟར་སྡིག་པ་བཤགས ་པ་ལ་སོགས་པ་བྱ་བའི་ཕྱིར་རོ། །གང་ཞིག་ཅེས་བྱ་བ་ལ་སོགས་པ་གསུངས་ཏེ། སྲིད་པའི་ཆུ་ཀླུང་ནི་སྲིད་པའི་རྒྱུན་ཏེ། དེར་མ་ལུས་པའི་ཀུན་ཏུ་རྟོག་པ་དག་གིས་ཀུན་ཏུ་བསགས་པའི་རྙོག་པ་གང་ཡིན་པ་དེ་རྣམས་ཆོ་ག་བཞིན་དུ་བཤགས་པར ་བགྱིའོ་ཞེས་བྱ་བར་སྦྱར་རོ། །མ་ལུས་པ་ཡང་ཡིན་ལ་ཀུན་ཏུ་རྟོག་པ་ཡང་ཡིན་པས་ན་མ་ལུས་ཀུན་རྟོག་སྟེ། བདག་དང་བདག་གི་ལ་སོགས་པའི་ཀུན་ཏུ་རྟོག་པ་འདོད་ཆགས་ལ་སོགས་པའི་ཉོན་མོངས་པ་རྣམས་ཀྱི་རྒྱུར་གྱུར་པའོ། །དེས་ན་དེ་དག་གིས ་བསགས་ཤིང་ཉེ་བར་བསྡུས་པས་ན་མ་ལུས་ཀུན་རྟོག་གིས་བསགས་ཞེས་བྱའོ། །གང་དུ་ཞེ་ན། ཐོག་མེད་སྲིད་པའི་ཆུ་ཀླུང་དུ་ཞེས་བྱ་བ་སྨོས་ཏེ། སྲིད་པའི་ཆུ་ཀླུང་གང་ཡིན་པ་འདི་ལ་ཐོག་མ་ཡོད་པ་མ་ཡིན་པས་ན་ཐོག་མེད་དེ། དེ་སྐད་དུ་བཅོམ་ལྡན ་འདས་ཀྱིས་དགེ་སློང་དག་འཁོར་བ་ལ་ནི་ཐོག་མ་མེད་དེ། དེའི་སྔོན་གྱི་མཛའ་ཨི་མ་ཤེས་སོ་ཞེས་གསུངས་པའི་ཕྱིར་རོ། །ཐུགས་རྗེ་ཆེར་ལྡན་སྦྱན་སྔར་དེ་དག་ནི། །ཆོ་ག་བཞིན་དུ་ཐམས་ཅད་བཤགས་བར་བགྱི་ཞེས་བྱ་བ་ལ། ཐུགས་རྗེ་ཆེན་པོ་དང་ལྡན་པའི ་སངས་རྒྱས་རྣམས་ཀྱི་སྤྱན་སྔར་ཏེ། མདུན་དུ་སྔར་བཤད་པའི་མཚན་ཉིད་ཅན་གྱི་རྙོག་པ་དེ་དག་ནི་ཆོ་ག་བཞིན་དུ་ཞེས་བྱ་བ་བཤགས་པར་བྱ་བ་དང་བཤགས་པ་བོ་དང། བཤགས་པ་མི་དམིགས་པའི་ཚུལ་གྱིས་ཐམས་ཅད་དེ་མ་ལུས་པ་བཤགས ་པར་བགྱིའོ་ཞེས་པའོ། །སོགས་པའི་སྒྲས་བསྟན་པའི་བསོད་ནམས་ལ་རྗེས་སུ་ཡི་རང་བ་ལ་སོགས་པ་བརྗོད་པར་བྱ་བའི་ཕྱིར། རྫོགས་སངས་རྒྱས་དང་བྱང་ཆུབ་སེམས་དཔའ་དང། །འཕགས་པ་གཞན་གྱིས་དགེ་བ་གང ་མཛད་པ། །དེ་དག་ཀུན་ལ་ཡང་དག་ཡི་རང་ཞིང། །བྱང་ཆུབ་ཏུ་ནི་ཡོངས་སུ་བསྔོ་བར་བགྱི་ཞེས་བྱ་བ་གསུངས་ཏེ། དེ་ལ་རྫོགས་པའི་སངས་རྒྱས་ནི་དཀྱིལ་འཁོར་གྱི་བདག་པོའོ། །བྱང་ཆུབ་སེམས་དཔའ་རྣམས་ནི་དཀྱིལ་འཁོར་བའི་ལྷ་རྣམས་འཕགས ་པ་ནི་ཕ་རོལ་ཏུ་ཕྱིན་པའི་ཚུལ་གྱིས་སངས་རྒྱས་པ་རྣམས་སོ། །གཞན་ནི་ཉན་ཐོས་དང་རང་སངས་རྒྱས་རྣམས་སོ། །ཡང་ན་རྫོགས་པའི་སངས་རྒྱས་ནི་སྤྱིར་སངས་རྒྱས་བཅོམ་ལྡན་འདས་ཐམས་ཅད་དོ། །བྱང་ཆུབ་སེམས་དཔའ་ནི་ས་བཅུ་ལ་རབ་ཏུ ་བཞུགས་པ་རྣམས་སོ། །འཕགས་པ་ནི་ཉན་ཐོས་དང་རང་སངས་རྒྱས་རྣམས་སོ། །གཞན་ནི་སངས་རྒྱས་དང་ཆོས་དང་དགེ་འདུན་ལ་མངོན་པར་དང་པའི་སེམས་ཅན་རྣམས་ཏེ། དེ་རྣམས་ཀྱིས་དགེ་བ་གང་ཞིག་མཛད་པ་དེ་དག་མ་ལུས་པ་ཀུན་ལ ་ཡང་དག་པར་སངས་རྒྱས་ཀྱིས་རྗེས་སུ་གནང་བའི་རྗེས་སུ་ཡི་རང་བས་རྗེས་སུ་ཡི་རང་བར་བགྱིའོ་ཞེས་མོས་པའོ། །བྱང་ཆུབ་ཏུ་ནི་ཡོངས་སུ་བསྔོ་བར་བགྱི་ཞེས་བྱ་བ་ལ་འདིར་ཡང་ཡང་དག་པའི་སྒྲ་དང་སྦྱར་བར་བྱ་སྟེ། ཡང་དག་ཅིང་ཕྱིན་ཅི་མ་ལོག ་པའི་ཡོངས་སུ་བསྔོ་བས་སངས་རྒྱས་རྣམས་ཀྱིས་རྗེས་སུ་གནང་བས་ཡོངས་སུ་བསྔོ་བར་བགྱིའོ་ཞེས་བྱ་བའི་དོན་ཏོ། །ད་ནི་དཀོན་མཆོག་གསུམ་ལ་སྐྱབས་སུ་འགྲོ་བ་བསྟན་པར་བྱ་བའི་ཕྱིར་ཡིད་ཀྱི་རོལ་པ་ཞེས་བྱ་བ་ལ་སོགས་པ་གསུངས་ཏེ། བདེ ་བར་གཤེགས་པ་རྣམས་ལ་སྐྱབས་སུ་མཆིའོ་ཞེས་བྱ་བར་སྦྱར་རོ། །ཇི་ལྟ་དུའི་བདེ་བར་གཤེགས་པ་རྣམས་ཞེ་ན། ཡིད་ཀྱི་རོལ་པ་ཞེས་བྱ་བ་ལ་སོགས་པ་གསུངས་ཏེ། ཡིད་ཀྱང་ཡིན་ལ་རོལ་པ་ཡང་ཡིན་པས་ན་ཡིད་ཀྱི་རོལ་པ་སྟེ། ཉོན ་མོངས་པ་ཐམས་ཅད་དང་བྲལ་པའི་ཕྱིར་བྱང་ཆུབ་ཀྱི་སེམས་ལ་ནི་ཡིད་ཀྱི་རོལ་པ་ཞེས་བྱའོ། །ཡིད་ཀྱི་རོལ་པ་དེ་ཉིད་ནི་དྲི་མེད་ཟླ་བ་སྟེ། དྲི་མ་མེད་པའི་ཟླ་བ་དང་ཆོས་མཐུན་པས་ན་དྲི་མེད་ཟླ་བ་སྟེ། ཇི་ལྟར་དྲི་མ་མེད་པའི་ཟླ་བ་ནི་འགྲོ་བ་མ་ལུས་པ་ཚིམ་པར ་བྱེད་པ་ཡིན་ལ། བྱང་ཆུབ་ཀྱི་སེམས་ཀྱང་དེ་དང་འདྲ་བའི་ཕྱིར་ཡིད་ཀྱི་རོལ་པ་དྲི་མེད་ཟླ་འདྲ་ཞེས་པ་ལ། དེས་བསྒྲུབས་པ་ནི་བསྐྱེད་པ་ཡིན་པས་ན། ཡིད་ཀྱི་རོལ་པ་དྲི་མེད་ཟླ་འདྲ་བསྒྲུབས་ཞེས་བྱའོ། །སྙིང་རྗེ་དམ་པ་ནི་ཐུགས་རྗེ་ཆེན་པོ་སྟེ། དེ་མཛའ་ཡས་ཤིང ་ཚད་མེད་པའོ། །དེ་ཉིད་ནི་ཐབས་སུ་གྱུར་པ་ཡང་ཡིན་པས་ན་སྙིང་རྗེ་དམ་པའི་ཐབས་དང་ལྡན་པས་བདག་དང་གཞན་གྱི་དོན་དུ་གྱུར་པའི་ཕྱིར་ཏེ། ཡིད་ཀྱི་རོལ་པ་དྲི་མེད་ཟླ་འདྲས་བསྒྲུབས་པ་ཡང་ཡིན་ལ། སྙིང་རྗེ་དམ་པ་མཛའ་ཡས་པའི་ཐབས་ཀྱང ་ཡིན་པས་ན། ཡིད་ཀྱི་རོལ་པ་དྲི་མེད་ཟླ་འདྲ་བསྒྲུབས། །སྙིང་རྗེ་དམ་པ་མཛའ་ཡས་པའི་ཞེས་བྱ་སྟེ། ཐབས་དང་ཤེས་རབ་ཀྱི་བདག་ཉིད་ཅན། ཞེས་བྱ་བའི་དོན་ཏོ། །རང་གི་ཡིད་ལ་གནས་པར་གྱུར་པ་ཡི་ཞེས་བྱ་བ་ནི་བདག་ཉིད་ཀྱི་ཡིད་ལ་གནས་པའི་དང ་ཚུལ་ཅན་གང་ཡིན་པ་དེ་ནི་རང་གི་ཡིད་ལ་གནས་པའོ། །ཇི་ལྟ་བུ་ཞེ་ན། རྣལ་འབྱོར་པའི་ཡིད་ལ་གནས་པ་སྟེ། རང་གི་སེམས་ལས་གཞན་ཡོད་པ་མ་ཡིན་པས་རང་གི་ཡིད་སེམས་སོ་སོར་སྣང་བ་ཞེས་བྱ་བའི་དོན་ཏོ། །རྟག་ཏུ་ཞེས་བྱ་བ་ནི་བྱང ་ཆུབ་ཀྱི་སྙིང་པོའི་མཐར་ཐུག་པའི་བར་དུ་སྟེ། ཉན་ཐོས་ཀྱི་ཐེག་པ་ལྟར་ཇི་སྲིད་འཚོའི་བར་དུ་ནི་མ་ཡིན་པའོ། །རྟོག་པ་མ་ལུས་པ་ཞེས་བྱ་བ་ལ་སོགས་པ་ལ། འདིར་ཡང་དམ་པའི་ཆོས་ལ་སྐྱབས་སུ་མཆིའོ་ཞེས་བྱ་བར་སྦྱར་རོ། །ཁྱད་པར་ཇི་ལྟ་བུ་ཞིག་ཅེ་ན། ་རྟོག་པ་མ་ལུས་པ་ལས་དེས་གྲོལ་ཞིང་ཞེས་བྱ་བ་གསུངས་ཏེ། གཟུང་བ་དང་འཛིན་པ་དང་བདག་དང་བདག་གི་ལ་སོགས་པ་ཡང་དག་པ་མ་ཡིན་པས་བསྐྱེད་པའི་རང་བཞིན་ཅན་གྱི་མཚན་ཉིད་དང་ལྡན་པའི་ཀུན་ཏུ་རྟོག་པ་གང་ཡིན་པ་འདི ་ལ་མེད་ཅིང་ངེས་པར་གྲོལ་ལ་རྣམ་པར་སྤངས་པས་ན། རྟོག་པ་མ་ལུས་པ་ལས་དེས་གྲོལ་ཞིང་ཞེས་བྱ་སྟེ། གཉིས་སུ་མེད་པའི་ཡེ་ཤེས་ཀྱི་རང་བཞིན་ཞེས་བྱ་བའི་དོན་ཏོ། །དེ་གཞན་ཡང་ཁྱད་པར་ཇི་ལྟ་བུ་ཞིག་ཅན། སེམས་དཔའ་ ་དམ་པ་ཀུན་གྱི་ཕུན་ཚོགས་གཞི་ཞེས་བྱ་བ་གསུངས་ཏེ། སེམས་དཔའ་ཡང་ཡིན་ལ་དམ་པ་གང་ཡིན་པས་སེམས་དཔའ་དམ་པ་སྟེ། བྱང་ཆུབ་སེམས་དཔའ་ཆེན་པོ་རྣམས་སོ། །དེ་རྣམས་ཀྱི་ཡང་དག་པའི་ཕུན་སུམ་ཚོགས་པ་མ་ལུས་པ་སངས་རྒྱས ་ཉིད་ཀྱི་མཐར་ཐུག་པའི་བར་གྱི་ཕུན་སུམ་ཚོགས་པའི་གཞི་ཡིན་པས་ན། སེམས་དཔའ་དམ་པ་ཀུན་གྱི་ཕུན་སུམ་ཚོགས་པའི་གཞི་ཞེས་བྱའོ། །སེམས་དཔའ་དམ་པ་ཀུན་གྱི་ཕུན་སུམ་ཚོགས་པའི་གཞི་གང་ཡིན་པ་དེ་ནི་དངོས་པོ་ཐམས ་ཅད་རོ་གཅིག་ངོ་བོ་ཉིད་ཅེས་ཀྱང་བྱ་སྟེ། དངོས་པོ་ཡང་ཡིན་ལ་ཐམས་ཅད་ཀྱང་ཡིན་པས་དངོས་པོ་ཐམས་ཅད་དོ། དེ་རྣམས་ལ་རོ་གཅིག་པའི་ངོ་བོ་ཉིད་ནི་རྣམ་པ་གཅིག་པའི་རང་བཞིན་ཏེ། སྟོང་པ་ཉིད་ཀྱི་མཚན་ཉིད་ཅན་ཞེས་བྱ་བའི་དོན་ཏོ།། ་དེའི་ཕྱིར་དགོངས་པ་ངེས་པར་འགྲེལ་པ་ལས་ཀྱང། དོན་དམ་དེ་ནི་ཐ་དང་མ་ཡིན་ཏེ། །ཀུན་ཏུ་རོ་གཅིག་མཚན་ཉིད་སངས་རྒྱས་གསུངས། །དེ་ལ་གང་དག་ཐ་དད་ཀུན་རྟོག་པ། །དེ་དག་ང་རྒྱལ་གནས་པ་རྨོངས་པ་ཡིན་ཞེས་གསུངས་པའི་ཕྱིར་རོ། ། ་འཆིང་བ་རྣམས་ལས་ཞེས་བྱ་བ་ལ་སོགས་པ་ལ། བརྟུལ་ཞུགས་ཅན་གྱི་དབང་པོའི་ཚོགས་ལ་སྐྱབས་སུ་མཆིའོ་ཞེས་བྱ་བར་སྦྱར་རོ། །ཁྱད་པར་ཇི་ལྟ་བུ་ཞིག་ཅེ་ན། འཆིང་བ་རྣམས་ལས་ཡང་དག་གྲོལ་འགྱུར་ཞིང་ཞེས་བྱ་བ་ལ་སོགས་པ ་གསུངས་ཏེ། འདོད་ཆགས་ལ་སོགས་པའི་མཚན་ཉིད་ཅན་གང་གིས་འདི་ལ་འཆིང་བར་གྱུར་པ་རྣམས་ལས་ཡང་དག་ཅིང་ཕྱིན་ཅི་མ་ལོག་པའི་རྣམ་པ་གྲོལ་ཅིང་ཐར་པར་གྱུར་པ་དེ་ནི་འཆིང་བ་རྣམས་ལས་ཡང་དག་གྲོལ་འགྱུར་ཞིང ་ཞེས་བྱའོ། །ཡང་ཁྱད་པར་ཇི་ལྟ་བུ་ཞིག་ཅེ་ན། སྙིང་རྗེ་མཆོག་གིས་བསྐྲུན་པའི་དཔལ་དང་ལྡན་ཞེས་བྱ་བ་གསུངས་ཏེ། སྙིང་རྗེ་མཆོག་ནི་ཐུགས་རྗེ་ཆེན་པོ་སྟེ། དེ་ལ་དམིགས་པས་བསྐྲུན་པའི་དཔལ་བསོད་ནམས་དང་ཡེ་ཤེས་ཀྱི་ཚོགས་དང་ལྡན་པའི་སེམས ་དཔའ་གང་ཡིན་པ་དེ་ལ་དེ་སྐུད་ཅེས་བྱའོ། །གཞན་ཡང་ཁྱད་པར་ཇི་ལྟ་བུ་ཞེས་རབ་ཏུ་དགའ་སོགས་ས་ལ་རབ་ཞུགས་པ་ཞེས་བྱ་བ་གསུངས་ཏེ། རབ་ཏུ་དགའ་པ་ནི་བྱང་ཆུབ་སེམས་དཔའ་ཨི་ས་རབ་ཏུ་དགའ་བ་སྟེ། དེ་ཉིད་ལ་སོགས་པ་ནཾ་དྲི་མ་མེད་པ་ལ ་སོགས་པ་གང་ཡིན་པ་དོན་རབ་ཏུ་དགའ་སོགས་སོ། །དེ་རྣམས་ལ་རབ་ཏུ་ཞུགས་པས་ན། རབ་ཏུ་དགའ་སོགས་ས་ལ་རབ་ཞུགས་པ་ཞེས་བྱའོ། །བརྟུལ་ཞུགས་ཞེས་བྱ་བ་ནི་ཐག་པ་དམན་པ་ལ་ཞུགས་པ་རྣམས་ཏེ། དེ་རྣམས་ཀྱི་ནང་ན་འདི་ནི་ཕུལ་དུ་བྱུང་ ་བ་ཡིན་པས་ན་བརྟུལ་ཞུགས་དབང་པོའོ། །དེ་རྣམས་ཀྱི་ཚོགས་ནི་བྱང་ཆུབ་སེམས་དཔའ་བླ་ན་མེད་པ་ཉིད་བཟུང་སྟེ། བླ་ན་མེད་པའི་རྣལ་འབྱོར་པ་རྣམས་ལ་ནི་གཞན་དག་སྐྱོབ་པའི་རྒྱུ་མེད་པའི་ཕྱིར་རོ། །ད་ནི་སྨོན་པ་བྱང་ཆུབ་ཀྱི་སེམས་བསྟན་པར ་བྱ་བའི་ཕྱིར་བསམ་དང་ཞེས་བྱ་བ་ལ་སོགས་པ་གསུངས་ཏེ། སེམས་བྱང་ཆུབ་ཏུ་བསྐྱེད་པར་བགྱིའོ་ཞེས་བྱ་བར་སྦྱར་རོ། །ཁྱད་པར་ཅི་ལྟ་བུ་ཞིག་ཅེ་ན། སྒྲིབ་པ་ཀུན་གྱི་བག་ཆགས་ཡང་དག་འབྱིན་ཅེས་བྱ་བ་གསུངས་ཏེ། སྒྲིབ་པ་ཡང་ཡིན་ལ་ཀུན་པས་ན ་སྒྲིབ་པ་ཀུན་སྟེ། ཤེས་བྱའི་སྒྲིབ་པ་ལ་སོགས་པ་སྒྲིབ་པ་ཐམས་ཅད་དོ། །དེ་རྣམས་ཀྱི་བག་ཆགས་ནི་སྒྲིབ་པ་ཀུན་གྱི་བག་ཆགས་ཏེ། ཡིད་ལ་དེ་དང་འདྲ་བའི་རྣམ་པར་ཤེས་པ་སྐྱེད་པར་ནུས་པའོ། །དེ་འབྱིན་པའི་དང་ཚུལ་གང་ལ་ཡོད་པའི་སེམས ་དེ་ནི་སྒྲིབ་པ་ཀུན་གྱི་བག་ཆགས་ཡང་དག་འབྱོན་ཅེས་བྱ་སྟེ། དེ་བསྐྱེད་པར་བྱའོ་ཞེས་བྱ་བར་སྦྱར། །གཞན་ཡང་ཁྱད་པར་ཇི་ལྟ་བུ་ཞེ་ན། ལྷག་པར་མོས་པས་རྣམ་པར་བརྒྱན་པའི་ཞེས་བྱ་བ་གསུངས་ཏེ། ལྷག་པར་མོས་པ་ནི་ཐམས་ཅད ་མཁྱེན་པའི་ཡེ་ཤེས་མངོན་པར་འདོད་པ་ལ་ལྷག་པར་མོས་པའོ། །དེ་ཉིད་ཀྱིས་བརྒྱན་པའི་སེམས་གང་ཡིན་པ་དེ་ནི་ལྷག་པར་མོས་པས་རྣམ་པར་བརྒྱན་པའོ། །འདིའི་དགོས་པ་ནི་གཡེང་བའི་སེམས་ཀྱིས་སམ། གཞན ་གྱི་ངོར་བྱང་ཆུབ་ཏུ་སེམས་བསྐྱེད་པ་མ་ཡིན་གྱི། གཞན་དུ་ན་ཡེ་ཤེས་མངོན་པར་འདོད་པའོ། །དེ་ཇི་ལྟར་བསྐྱེད་པར་བྱ་ཞེ་ན། བསམ་དང་རྣམ་པར་སྨིན་པ་དག་གྱུར་པས་ཞེས་བྱ་བ་གསུངས་ཏེ་དེ་ལ་བསམ་པ་དག་པ་ནི་འགྲོ་བ་མ་ལུས་པ་གདོན ་པའི་སེམས་སོ། །རྣམ་པར་སྨིན་པ་དག་པ་སེམས་དེ་ཉིད་ལས་ཕྱིས་ཀྱང་ཕྱིར་མི་ལྡོག་ཅིང། དེ་ཉིད་ཀྱིས་འགྲོ་བའི་དོན་གྱི་བྱ་བ་བྱེད་པའི་སྨོན་པའི་མཚན་ཉིད་ཅན་གྱི་བྱང་ཆུབ་ཀྱི་སེམས་བསྐྱེད་པར་བྱའོ་ཞེས་བྱ་བའི་དོན་ཏོ། །ད་ནི་ལམ་གང་གིས ་སྨོན་ལམ་འགྲུབ་པར་འགྱུར་བའི་ལམ་དེ་ལ་གནས་པར་བྱ་བའི་ཕྱིར། བདེར་གཤེགས་སྲས་བཅས་ཞེས་བྱ་བ་ལ་སོགས་པ་གསུངས་ཏེ། བདེ་བར་གཤེགས་པ་སྲས་དང་བཅས་པའི་ལམ་གཅིག་པུ་ལ་གནས་པར་བགྱིའོ་ཞེས་བྱ་བར་སྦྱར་རོ ་དེ་ལ་བདེ་བར་གཤེགས་པ་ནི། སངས་རྒྱས་བཅོམ་ལྡན་འདས་རྣམས་སོ། །དེའི་སྲས་ནི་བྱང་ཆུབ་སེམས་དཔའ་རྣམས་ཏེ། སྲས་དང་བཅས་པར་བཞུགས་པས་ན་སྲས་བཅས་སོ། །དེ་རྣམས་ཀྱི་ལམ་གཅིག་པུ་ནི་བདེ་བར་གཤེགས་པ་སྲས་དང་བཅས ་པའི་ལམ་གཉིས་པ་མེད་པ་གང་ཡིན་པ་དེ་ལ་གནས་པར་བྱའོ་ཞེས་པའོ། །དེ་ཡང་ཇི་ལྟ་བུ་ཞེ་ན། སྦྱིན་སོགས་རྣམ་བཅུ་དཀར་པོའི་ཡོན་ཏན་ཚུལ་ཞེས་བྱ་བ་གསུངས་ཏེ། སྦྱིན་པ་ལ་སོགས་པ་ནས་ཡེ་ཤེས་ཀྱི་ཕ་རོལ་ཏུ་ཕྱིན་པའི་བར་དུ་རྣམ ་པ་བཅུ་ནི་སྦྱིན་སོགས་རྣམ་བཅུའོ། །དེ་ཉིད་ནི་གཟུང་བ་ལ་སོགས་པའི་རྣམ་པར་རྟོག་པ་མ་ལུས་པ་དང་བྲལ་བས་ན་དཀར་པོའི་ཡོན་ཏན་ནོ། །དེ་ཉིད་ནི་ཚུལ་ཏེ་རང་བཞིན་གང་ལ་ཡོད་པ་དེ་ནི་སྦྱིན་སོགས་རྣམ་བཅུ་དཀར་པོའི་ཡོན་ཏན་ཚུལ་ཞེས་བྱའོ།། ་ལམ་དེ་ལ་ཇི་ལྟར་གནས་པར་བྱ་ཞེ་ན། རྫོགས་སངས་རྒྱས་བདག་མ་ལུས་ངོ་བོའི་བློས་ཞེས་བྱ་བ་གསུངས་ཏེ། ཡང་དག་པར་རྫོགས་པའི་སངས་རྒྱས་རྣམས་ཀྱི་བདག་ཉིད་ནཾ་རྫོགས་སངས་རྒྱས་བདག་སྟེ། རྫོགས་པའི་སངས་རྒྱས་ཀྱི་ངོ་བོ་ཉིད་དཀྱིལ་འཁོར ་གྱི་འཁོར་ལོའི་རང་བཞིན་ནོ། །དེ་ཉིད་ནི་མ་ལུས་པ་སྟེ། ལྷག་མ་ལུས་པ་མེད་པའི་ངོ་བོ་ཉིད་ཀྱི་ལམ་གང་ཡིན་པ་དེ་ནི་རྫོགས་སངས་རྒྱས་བདག་མ་ལུས་ངོ་བོའོ། །དེའི་བློ་ནི་དཀྱིལ་འཁོར་གྱི་འཁོར་ལོ་ལྟ་བུས་གནས་པར་བྱའོ་ཞེས་བྱ་བའི་དོན་ཏོ། །ད ་ནི་འཇུག་པར་བྱང་ཆུབ་ཀྱི་སེམས་བསྟན་པར་བྱ་བའི་ཕྱིར་སྙིང་རྗེས་ཞེས་བྱ་བ་ལ་སོགས་པ་གསུངས་ཏེ། སྙིང་རྗེས་འཇིག་རྟེན་མ་ལུས་པ་ལ་དམིགས་ནས་བྱང་ཆུབ་ཀྱི་སེམས་མཉམ་པ་ཉིད་རྣམ་པར་བསྒོམས་ན་སྔགས་པས་སྔགས་ལ་ལྷག ་པར་དབང་དུ་བྱེད་པར་འགྱུར་རོ་ཞེས་བྱ་བར་སྦྱར་རོ། །སངས་རྒྱས་ཉིད་བསྒྲུབ་པ་ལ་ནི་སྙིང་རྗེ་གཙོ་བོ་ཉིད་དུ་བསྟན་པ་དང་ཡང་དེ་རྒྱུ་ཉིད་དུ་བསྟན་པར་བྱ་བའི་ཕྱིར། སྙིང་རྗེས་ཞེས་བྱ་བ་གསུངས་སོ། །འཇིག་རྟེན་འདི་ནི་ཞེས་བྱ་བ་ནི་རང་གི་སེམས་སྣང་བ ་ཙམ་དུ་ཟད་པའི་ཕྱིར་རང་རིག་པའི་མངོན་སུམ་དུ་གྱུར་པ་སྟེ། དེ་ཡང་དག་འཇིག་རྟེན་ཞེས་བརྟགས་པ་འདི་ནི་རང་བཞིན་གྱིས་འོད་གསལ་བ་ཡིན་ཏེ། འཇིག་རྟེན་ཐམས་ཅད་རང་གི་སེམས་དེ་ཉིད་དེ་ལྟར་སྣང་བ་ལས་ལོགས་ཤིག་ན་མེད་མོད་ཀྱི། ་དེ་ལྟར་ན་ཡང་བདག་དང་བདག་གི་ལ་སོགས་པའི་ལྟ་བའི་དྲ་བ་དྲུག་ཅུ་རྩ་བཞིས་བཅིངས་པས། ཉ་དང་བྱ་ལ་སོགས་པ་བཞིན་དུ་འགྲོ་བ་རྣམས་ནི་རང་དབང་མེད་པའི་ཚུལ་ཅན་ཡིན་ཏེ། དེ་བས་ན་དེ་རྣམས་ལ་སྙིང་རྗེ་འཇུག་པར་འགྱུར་རོ། ། ་ཡང་སྙིང་རྗེ་སྟེ་ཐུགས་རྗེ་ཆེན་པོ་ཁམས་གསུམ་པར་གཏོགས་པའི་འཇིག་རྟེན་འདི་དག་མ་ལུས་པ་ནི་ལྟ་བའི་དྲ་བས་བཅིངས་ལ་ཞེས་བྱ་སྟེ། ལྟ་བ་ཉིད་ནི་དྲ་བ་ཡིན་པས་ན་ལྟ་བའི་དྲ་བ་སྟེ། བདག་དང་བདག་གི་ལ་སོགས་པའི་རྣམ་པར་རྟོག་ ་པའི་བློའོ། །དེས་བཅིངས་པ་ནི་བསྡམས་པའོ། །ཡང་དག་བྱང་ཆུབ་སེམས་ནི་མཉམ་མེད་པ་ཞེས་བྱ་བ་ནི་འཇུག་པ་བྱང་ཆུབ་ཀྱི་སེམས་ཡིན་པའི་ཕྱིར། འོག་ནས་བཤད་པའི་ཡང་དག་པར་རྫོགས་པའི་བྱང་ཆུབ་ཀྱིས་ཆོས། ་ཉིད་ཅན་གྱི་སེམས་ནི་ཡང་དག་བྱང་ཆུབ་ཀྱི་སེམས་ཏེ། དེ་ནི་ཉན་ཐོས་དང་རང་སངས་རྒྱས་ཐམས་ཅད་དང་ཐུན་མོང་མ་ཡིན་པའི་ཕྱིར་མཉམ་པ་མེད་པའོ། །སྔགས་པས་ཆོ་ག་འདིས་ནི་བསྒོམ་པར་བྱ་ཞེས་བྱ་བ་ནི། འོག་ནས་བཤད་པའི་དེས? ་པའི་ཆོ་ག་གང་ཡིན་པས་བྱང་ཆུབ་ཀྱི་སེམས་རྣམ་པར་བསྒོམ་པར་བྱ་བའོ། །ཆོ་ག་དེ་ཉིད་བསྟན་པར་བྱ་བའི་ཕྱིར་ངོ་བོ་ཉིད་དང་ཞེས་བྱ་བ་ལ་སོགས་པ་གསུངས་ཏེ། དངོས་པོ་མ་ལུས་པ་ནི་སྟོང་པ་ཉིད་དོ་ཞེས་བྱ་བར་སྦྱར་དེ་སྟོང་པ་ཉིད་ནི ་གཉིས་སུ་མེད་པའི་ཡེ་ཤེས་ཀྱི་ངོ་བོ་ཉིད་དོ། །སྟོང་པ་ཞེས་བྱ་བ་ལ་སོགས་པ་ལ་ཅིའི་ཕྱིར་སྟོང་པ་ཞེས་བྱ་ཞེ་ན། ངོ་བོ་ཉིད་དང་བྲལ་བའི་ཕྱིར་ཞེས་བྱ་བ་གསུངས་ཏེ། བྱིས་པ་རྣམས་ཀྱིས་བརྟགས་པའི་གཟུང་བ་དང་འཛིན་པའི་རྣམ་པ་དང་བྲལ་བར ་ཡིན་གྱི། རྣམ་པ་ཐམས་ཅད་དུ་རང་བཞིན་གྱིས་སྟོང་པ་ནི་མ་ཡིན་ཏེ། གཞན་དུ་ནང་དངོས་པོ་ཞེས་བྱ་བ་དང་འགལ་བའི་ཕྱིར་རོ། །དེ་ལྟ་ན་ཡང་དོན་འདིར་བྱ་བ་ལ་དངོས་པོ་ཞེས་བྱའོ་ཞེ་ན། གང་ཞིག་རྣམ་པ་ཐམས་ཅད་དུ་མེད་པ་དེ་ལ་ནི་དོན ་གྱི་བྱ་བ་འགལ་ཡང་མེད་པའི་ཕྱིར་རོ། །དེ་བཞིན་རྒྱུ་དང་བྲལ་བས་ཞེས་བྱ་བ་ནི་གཞན་གྱིས་ཡོངས་སུ་བརྟགས་པའི་དབང་ཕྱུག་ལ་སོགས་པའི་རྒྱུ་དང་བྲལ་བ་ཡིན་གྱི་རང་གི་མཚན་ཉིད་དང་བྲལ་བ་ནི་མ་ཡིན་ནོ། །ཡང་ན་རང་རིག་པའི་མངོན་སུམ ་གྱི་ཚད་མ་འབའ་ཞིག་ཡིན་གྱི། རྒྱུ་རྒྱུར་མེད་པར་གྱུར་པ་ནི་མི་བཟུང་སྟེ། ཡོད་པ་མ་ཡིན་པ་དག་ཀྱང་རྒྱུ་དང་བྲལ་བའི་ཕྱིར་རོ། །ཡང་ན་རྒྱུ་དང་བྲལ་བས་དེ་བཞིན་དུ་མཚན་མ་མེད་པ་ཡིན་ཏེ། རྒྱུ་ནི་གཞན་གྱིས་ཡོངས་སུ་བརྟགས་པ་སྟེ། དེའི ་རྒྱུ་དང་དབང་ཕྱུག་ལ་སོགས་པ་དང་བྲལ་ཞིང་མེད་པས་དངོས་པོ་རྣམས་མཚན་མ་མེད་པ་སྟེ་མཚན་མ་ཡོད་པ་མ་ཡིན་པའོ། །རྟོག་པ་དང་བྲལ་བའི་ཕྱིར་སྨོན་པ་ལས་ངེས་པར་གྲེལ་བའོ་ཞེས་བྱ་བར་སྦྱར་ཏེ། རྟོག་པ་ནི་བརྟགས་པ་སྟེ། འདི་ནི་ལྷའི ་འགྲོ་བ་འམ། ཀླུའི་འགྲོ་བ་འམ། འདིར་ནི་སྡུག་བསྔལ་བ་དང། བདེ་བ་རྗེས་སུ་མྱོང་བར་འགྱུར་ཞེས་བྱ་བའི་རྣམ་པ་དེ་ལྟ་བུའི་རྟོག་པ་རྣམས་དང་བྲལ་ཞིང་མེད་པས་སྨོན་པ་ལས་ངེས་པར་གྲོལ་པ་སྟེ། འགྲོ་བ་དེ་དང་དེར་གཟུགས་དང་ལོངས་སྤྱོད་དང་དབང་ཕྱུག ་ལ་སོགས་པ་འདོད་པའི་རྣམ་པ་ནི་སྨོན་པ་ཡིན་ལ། དེ་ལས་ངེས་པར་གྲོལ་བ་ནི་བྲལ་བ་སྟེ། བརྟེན་པའི་དངོས་པོ་ལ་བརྟག་པར་བྱ་བ་ཡིན་ནི་བདེན་པའི་དངོས་པོ་དེའི་རྟོག་པ་དང་བྲལ་བས་སྟོང་པ་ཉིད་དུ་བལྟ་བར་བྱའོ། །ཡང་ན་རྟོག་པ་རྣམས་དང་བྲལ ་བའི་ཕྱིར་ཞེས་བྱ་བ་ནི་སྨོན་པ་པོ་དང་སྨོན་ལམ་དང། སྨོན་པར་བྱ་བ་འདི་ལྟ་བུ་ཞེས་བྱ་བའི་རྟོག་པ་དང་བྲལ་བས་རྟོག་པ་མེད་པ་སྟེ། སྨོན་པ་ཞེས་བྱ་བ་ནི་རྫས་ཀྱི་བྱེ་བྲག་ཙམ་དུ་ཟད་ཀྱི་དོན་དམ་པར་ནི་སྟོང་པ་ཉིད་ཁོ་མའི་ནང་དུ་འདུས་པ་ཡིན། །བྱང ་ཆུབ་ཀྱི་སེམས་བསྒོམ་པ་འདི་བརྟན་པར་བྱ་བའི་ཕྱིར་སྔགས་ཀྱིས་བྱིན་གྱིས་བརླབ་པ་ནི། ཨོཾ་ཤཱུ་ནྱ་ཏྭཱ་ཛྙཱ་ན་བཛྲ་སྭ་བྷཱ་བ་ཨཱཏྨ་ཀོཧཾ། ཞེས་གསུངས་པ་ཡིན་ཏེ། ཨོཾ་ཞེས་བྱ་བ་ནི་ཐོག་མར་གྱུར་པ་དང། མི་འཇིགས་པ་དང། དཔལ་དང་ལྡན་པ་ནི ་ཡི་གེ་ཨོཾ་སྟེ། ཨོཾ་ཞེས་བྱ་བ་ཁས་ལེན་པ་སྟེ། སྟོང་པ་ཉིད་དེའོ། །དེ་ཉིད་ནི་མི་ཕྱེད་པས་ན་རྡོ་རྗེའོ། །དེ་ཉིད་ནི་རང་བཞིན་ཏེ། དེའི་ངོ་བོ་ཉིད་ནི་བདག་ཡིན་གྱི། སྟོང་པ་ཉིད་ནི་གཞན་མ་ཡིན་ལ་སྟོང་པ་ཉིད་ལས་ཀྱང་བདག་གཞན་མ་ཡི་ནོ་ཞེས་བྱ་བ ་དེ་དག་ཅེས་བྱ་བ་ལ་སོགས་པ་ལ། དེའི་འོག་ཏུ་ཞེས་བྱ་བ་བྱང་ཆུབ་ཀྱི་སེམས་བྱིན་གྱིས་བརླབས་པའི་རྗེས་ཐོགས་ལ། ཆོས་འབྱུང་བ་ཞེས་བྱ་བའི་ཕྱག་རྒྱ་བསྒོམ་པར་བྱའོ་ཞེས་བྱ་བར་སྦྱར་རོ། །གང་དུ་བསྒོམ་པར་བྱ་ཞེ་ན། འདི་རྗེ་བཙུན་གྱིས ་བཅུ་གཅིག་པ་ལས་བཤད་པས་ཧཱུཾ་གིས་རྡོ་རྗེར་བྱས་པ་ཞེས་བྱ་བ་གསུངས་ཏེ། ཉི་མའི་དཀྱིལ་འཁོར་ལ་གནས་པའི་ཡི་གེ་ཧཱུཾ་ཡོངས་སུ་གྱུར་པ་ལས་རྡོ་རྗེ་ཕྲ་རབ་ཀྱི་རང་བཞིན་གྱི་བདག་ཉིད་ཅན་ནམ། སྣ་ཚོགས་རྡོ་རྗེའི་རང་བཞིན ་ཉིད་དོ། །ཀུན་ཏུ་བཟང་ལས་བྱུང་བར་ཞེས་བྱ་བ་ནི་བསྲུང་བའི་འཁོར་ལོ་ལ་གནས་པའི་ཡི་གེ་ཧཱུཾ་ཡོངས་སུ་གྱུར་པའི་ཞེས་བྱ་བས་ནི་བསྲུང་བའི་འཁོར་ལོ་ཉེ་བར་སྟོན་ཏེ་བདུད་དང་བགེགས་ལ་སོགས་པ་བཟློག་པའི་ཕྱིར། དེ་ནས་ཉི་མ་དཀྱིལ་འཁོར་ལ ་གནས་པའི་ཡི་གེ་ཧཱུཾ་ལས་རྡོ་རྗེའི་རང་བཞིན་ཅན་གྱིས་གཞི་བསམ་པར་བྱ་སྟེ། ཕྲ་རབ་རེ་རེའི་མཐར་སྣ་ཚོགས་རྡོ་རྗེའི་གཟུགས་སུ་བསྒོམ་པར་བྱ་ལ། དེའི་ངོས་ཀྱི་འོད་ཟེར་རྣམས་ལས་ངོས་བཞིར་རྡོ་རྗེ་ར་བ་དང་སྟེང་གི་འོད་ཟེར་རྣམས་ལས་རྡོ་རྗེ་བླ་རེ ་བསམ་པར་བྱའོ། །དེ་ལྟ་ན་ཡང་གལ་ཏེ་ཕྲ་རབ་རེ་རེའི་མཐར་སྣ་ཚོགས་རྡོ་རྗེའི་གཟུགས་སུ་བསྒོམ་པར་བྱ་བ། དེའི་ངོས་ཀྱི་འོད་ཟེར་རྣམས་ལས་ངོས་བཞིར་རྡོ་རྗེ་ར་བ་དང་སྟེང་གི་འོད་ཟེར་རྣམས་ལས་རྡོ་རྗེ་བླ་རེ་བསམ་པར་བྱའོ། །དེ་ལྟ་ན་ཡང་གལ་ཏེ་རང ་གི་རྣམ་པར་རྟོག་པའི་སྟོབས་ཀྱིས་བགེགས་ཀྱི་དགོས་པ་འབྱུང་བར་འགྱུར་ན། དེའི་ཚེ་རྡོ་རྗེ་བླ་རའི་ཕྱི་རོལ་དུ་ལཾ་ལས་དབང་ཆེན་གྱི་དཀྱིལ་འཁོར་ཟུར་བཞི་པ་མཚམས་བཞིར་རྡོ་རྗེ་རྩེ་གསུམ་པས་མཚན་པ་ཁ་དོག་སེར་པོ་བསམ་པར་བྱའོ། །དེའི ་ཕྱི་རོལ་དུ་ཡཾ་ལས་རླུང་གི་དཀྱིལ་འཁོར་གཞུ་ལྟ་བུ་བ་དན་གྱིས་མཚན་པ་སྔོན་པོ་བསམ་པར་བྱའོ། །དེའི་ཕྱི་རོལ་དུ་རཾ་ལས་བྱུང་བ་མེའི་དཀྱིལ་འཁོར་གྲུ་གསུམ་པ་འབར་བ་འཕྲོ་བར་སྣང་བ་བསམ་པར་བྱ་སྟེ། འདི་ནི་སྤྱིའི་བསྲུང་བའི་འཁོར་ལོའོ ་ཧཱུཾ་གིས་རྡོ་རྗེར་བྱས་པའི་སར་ཞེས་བྱ་བ་ནི་བགེགས་མ་ལུས་པ་ཉེ་བར་ཞི་བའི་རྒྱུར་གྱུར་པའི་ཡི་གེ་ཧཱུཾ་ལས་ས་གཞི་རྡོ་རྗེར་བྱས་པའོ། །ཁྱད་པར་ཇི་ལྟ་བུ་ཞིག་ཅེ་ན། ཀུན་ཏུ་བཟང་ལས་བྱུང་བར་ཞེས་བྱ་བར་གསུངས་ཏེ། ཀུན་ཏུ་བཟང་པོ་ནི ་བཅོམ་ལྡན་འདས་རྡོ་རྗེ་སེམས་དཔའ་སྟེ། འོག་ནས་བཤད་པའི་སྐུ་མདོག་དང། ཕྱག་མཚན་དང་དབྱིབས་ཇི་ལྟ་བ་བཞིན་དུ་ད་ལྟ་བར་བྱ་ལ། ཀུན་ཏུ་བཟང་པོ་དེ་ལས་བྱུང་བ་ནི་སྐྱེས་པ་གང་ཡིན་པ་དེ་ལ་ཀུན་ཏུ་བཟང་ལས་བྱུང་བ་ཞེས་བྱའོ། །ཇི་ལྟ་བུའི་གཟུགས ་ཅན་ཞེར་སྟོན་ཀའི་ཟླ་བ་ལྟ་བུར་རབ་དཀར་བ་ཞེས་བྱ་བ་གསུངས་ཏེ། ཇི་ལྟར་སྔོན་ཀའི་ཟླ་བ་ནི་རྡུལ་དང་ཁུག་སྣའི་ཐམས་ཅད་དང་བྲལ་བས་ཤིན་ཏུ་མཛེས་ཏེ། དེ་བཞིན་དུ་ཁ་དོག་དཀར་པོའོ། །གཞན་ཡང་ཁྱད་པར་ཇི་ལྟ་བུ་ཞེ་ན། མཛའ་ཡས་ཕྱོགས ་ན་གནས་པའི་སྣ་ཚོགས་འོད་ཅེས་བྱ་བ་གསུངས་ཏེ། མཛའ་ཡས་པ་ཡང་ཡིན་ལ། ཕྱོགས་ཀྱང་ཡིན་པས་ན་མཛའ་ཡས་ཕྱོགས་ཏེ། དེ་ན་གནས་པའི་ངང་ཚུལ་གང་ཡིན་པ་དེ་ནི་མཛའ་ཡས་ཕྱོགས་ན་གནས་པ་ཞེས་བྱའོ། །སྣ་ཚོགས་ནི་ཁ་དོག ་དུ་མའོ། འོད་ནི་འོད་ཟེར་གང་ཡིན་པ་དེ། དེ་དང་ལྡན་པའི་ཆོས་འབྱུང་བའི་ཕྱག་རྒྱ་གང་ཡིན་པ་དེ་ལ་དེ་སྐད་ཅེས་བྱའོ། །གྲུ་གསུམ་གྱེན་དུ་གནས་པ་ཞེས་བྱ་བ་ནི་གྱེན་ཀར་གནས་ཤིང་སྐྱེ་གནས་ཀྱི་གཟུགས་ཅན་ནོ། །གཞན་ཡང་ཁྱད་པར་ཇི་ལྟ་བུ་ཞེ་ན་ནང ་?་ནི་ནམ་མཁའ་ཨི་རང་གི་ངོ་བོ་རྡོ་རྗེ་འཛིན་ཅེས་བྱ་བ་གསུངས་ཏེ། ནང་ཞེས་བྱ་བ་ནང་ན་ནམ་མཁའ་ཨི་རང་གི་ངོ་བོ་ཞེས་བྱ་བ་ཁོང་སྟོང་སྟེ། དེ་ཉིད་ནི་སྟོང་པ་ཉིད་ཀྱི་རང་བཞིན་ཡིན་པས་ན་རྡོ་རྗེ་སྟེ་དེ་འཛིན་པས་ན་ནང་གི་ནི་ནམ་མཁའ་རང་གི་ངོ་བོ་རྡོ་རྗེ་འཛིན ་ཅེས་བྱའོ། དབུས་གནས་པ་པདྨ་དེ་ནི་སྣ་ཚོགས་རྡོ་རྗེ་མཛེས་ཞེས་བྱ་བ་སྟེ། དབུས་ན་གནས་པ་ཡང་དེ་ཉིད་ཡིན་ལ་པདྨ་ཡང་དེ་ཉིད་ཡིན་པས་དབུས་གནས་པདྨ་སྟེ། ཆོས་འབྱུང་བའི་ཕྱག་རྒྱའི་དབུས་ན་གནས་པ་སྣ་ཚོགས་པ་འདབ་མ་ཅན་གྱི་པདམོ ་དེར་སྣ་ཚོགས་རྡོ་རྗེས་མཛེས་པ་ནི་དེས་བརྒྱན་ཅིང་མཛེས་པར་བསྒོམ་པར་བྱའོ་ཞེས་བྱ་བའི་དོན་ཏོ། །བྲུཾ་གི་ཞེས་བྱ་བ་ལ་ཆོས་འབྱུང་བའི་ཕྱག་རྒྱ་དེས་རིན་པོ་ཆེ་མ་ལུས་པས་རྣམ་པར་སྤྲས་པའི་གཞལ་ཡས་ཁང་བརྩེགས་མ་བསམ་པར་བྱའོ ་ཞེས་བྱ་བར་སྦྱར་རོ། །བྲུཾ་གི་འཁོར་ལོ་ལས་བྱུང་རིག་བཅས་པའི་རྣམ་པར་སྣང་མཛད་ཡན་ལག་ལས་ནི་ཡང་དག་འབྱུང་ཞེས་བྱ་བ་གསུངས་ཏེ། ཡི་གེ་བྲུཾ་ལས་འཁོར་ལོར་གྱུར་པ་ནི་བྲུཾ་གི་འཁོར་ལོའོ། །དེ་ལ་བྱུང་བར་གྱུར་བ་གང་ཡིན ་པ་དེ་ནི་བྲུཾ་གི་འཁོར་ལོ་ལས་བྱུང་བའོ། །རིག་པ་དང་བཅས་པ་ནི་རང་གི་ཤེས་རབ་སོ་སོར་སྣང་བའི་ཡུམ་དང་བཅས་པར་བཞུགས་པ་ནི་རིག་བཅས་ཞེས་བྱའོ། །རིག་པ་དང་བཅས་པ་ཡང་ཡིན་ལ་རྣམ་པར་སྣང་མཛད་ཀྱང་ཡིན་པས་རིག་པ་དང ་བཅས་པའི་རྣམ་པར་སྣང་མཛད་ཅེས་བྱའོ། །བྲུཾ་གི་འཁོར་ལོ་ལས་བྱུང་བ་ཡང་ཡིན་ལ། རིག་པ་དང་བཅས་པའི་རྣམ་པར་སྣང་མཛད་ཀྱང་ཡིན་པས་ན། བྲུཾ་གི་འཁོར་ལོ་ལས་བྱུང་རིག་བཅས་པའི། །རྣམ་པར་སྣང་མཛད་ཅེས་བྱ་སྟེ། དེའི་ཡན་ལག་ལས་བྱུང ་བ་ནི་དེ་དག་གིས་བསྐྱེད་པ་ཞེས་བྱ་བའི་དོན་ཏོ། །གཞན་ཡང་ཁྱད་པར་ཇི་ལྟ་བུ་ཞེ་ན། ཐུབ་དབང་འོད་ཀྱི་དཀྱིལ་འཁོར་སྣ་ཚོགས་པའི། །ཟེར་གྱིས་ཕྱོགས་ཚོགས་མ་ལུས་ཀུན་ཏུ་ཁྱབ་ཅེས་བྱ་བ་གསུངས་ཏེ། ཐུབ་པའི་དབང་པོ་ཡང་ཡིན་ལ་འོད་ཀྱང་ཡིན ་པས་ཐུབ་དབང་འོད་སྟེ། དེ་རྣམས་ཀྱི་དཀྱིལ་འཁོར་ནི་ཚོགས་སོ། །དེའི་སྣ་ཚོགས་པའི་འོད་ཟེར་ནི་འོད་ཟེར་དུ་མ་སྟེ། དེས་ཕྱོགས་ཀྱི་ཚོགས་མ་ལུས་པ་ཀུན་ཏུ་ཁྱབ་པའི་གཞལ་ཡས་ཁང་བརྩེགས་མ་གང་ཡིན་པ་དེ་ལ་དེ་སྐད་ཅེས་བྱའོ ་མི་མཉམ་མེད་ཕྱིར་ཟུང་བ་ཞིང་མཉམ་ཞེས་བྱ་བ་ནི་ཆོས་ཉིད་ཀྱིས་སངས་རྒྱས་པ་དང་སངས་མ་རྒྱས་པ་དག་ཀུན་ཏུ་མཉམ་པའོ། །དྲན་དང་དབང་པོ་བཞི་ཡིན་སྒོ་རྣམས་ཡིན་ཞེས་བྱ་བ་ལ་དྲན་པ་རྣམས་དང། དབང་པོ་རྣམས་ནི་དྲན་དང་དབང་པོ་སྟེ། དེ ་ལ་དྲན་པ་ན་ལུས་དྲན་པ་ཉེ་བར་གཞག་པ་ལ་སོགས་པའོ། །དབང་པོ་ནི་དད་པའི་དབང་པོ་ལ་སོགས་པ་སྟེ། བཞི་པོ་དེ་རྣམས་ནི་སྒོ་རྣམས་ཡིན་ནོ། །མཆོག་ནི་དམ་པའོ། །བསམ་གཏན་བཞི་པོ་དག་གིས་རྟ་བབས་དང་ཞེས་བྱ་བ་ལ་བསམ་གཏན ་ནི་བསམ་གཏན་དང་པོ་ལ་སོགས་པའི་མཚན་ཉིད་ཅན་གང་ཡིན་པ་དེ། དེ་ཉིད་ནི་རྟ་བབས་ཡིན་པས་ན་དེ་ལ་དེ་སྐད་ཅེས་བྱའོ། །ཏིང་འཛིན་ཁ་ཁྱེར་གྱིས་ནི་ཀུན་ནས་བསྐོར་ཞེས་བྱ་བ་ལ། ཏིང་ངེ་འཛིན་ནི་དཔའ་བར་འགྲོ་བ་དང་ནམ་མཁའ་མེ་?་ལ་སོགས་པའོ། །དེ ་ཉིད་ནི་ཁྱམས་ཡིན་པས་ཏིང་ངེ་འཛིན་ཁ་ཁྱེར་ཏེ། དེ་རྣམས་ཀྱིས་ཀུན་ནས་ཡོངས་སུ་བསྐོར་བའོ། །ཁ་ཁྱེར་དེར་ལེགས་རྟེན་པའི་མཆོད་པ་ནི། དམ་པ་འཛིན་པ་གཟུངས་ཀྱི་ཚོགས་རྣམས་ཡིན་ཞེས་བྱ་བ་ལ། སྔར་བཤད་པའི་ཁ་ཁྱེར་དེར་རམ། དཀྱིལ་འཁོར ་གྱི་འཁོར་ལོའི་ཁ་ཁྱེར་དེར་ཏེ། ཁ་ཁྱེར་དེར་ཡང་དག་པར་རྟེན་པ་ནི་ཁ་ཁྱེར་དེ་ལ་གནས་པའོ། །མཆོད་པ་དམ་པ་ལ་ནི་མིག་ཡོད་ཙམ་གྱི་གར་དང་གླུ་ལ་སོགས་པའི་མཆོད་པ་རྣམས་ཏེ། དེ་འཛིན་པ་ནི་དེ་དག་ཐོགས་པས་ན་མཆོད་པ་དམ་པ་འཛིན ་པའོ། མཆོད་པ་ཐོགས་པ་ཡང་ཡིན་ལ། ཚིག་དང་དོན་སྤོབས་པ་དང། ངེས་པའི་ཚིག་གི་གཟུངས་ཀྱང་ཡིན་པས་ན་མཆོད་པ་ནི། དམ་པ་འཛིན་པ་གཟུངས་ཀྱི་ཚོགས་རྣམས་ཡིན་ཞེས་བྱ་སྟེ། དེ་རྣམས་གཞལ་ཡས་ཁང་གང་དུ་ཚོགས་པ་དེ་ལ ་དེ་སྐད་ཅེས་བྱའོ། སྣ་ཚོགས་རྒྱན་རྣམས་ཀུན་གྱིས་རྣམ་སྤྲས་པ་ཞེས་བྱ་བ་ལ་སྣ་ཚོགས་པའི་རྒྱན་ཡང་ཡིན་ལ་ཀུན་ཀྱང་ཡིན་པས་སྣ་ཚོགས་རྒྱན་རྣམས་ཀུན་ཏེ་གདུ་བུ་དང་དཔུང་རྒྱན་ལ་སོགས་ཐམས་ཅད་དོ། །དེས་རྣམ་པར་སྤྲས་པ་ནི་མཛེས ་པར་བྱས་པའོ། །འདིར་རྣམ་པར་དག་པ་བསྟན་པའི་ཕྱིར་གང་ཕྱིར་འགྲོ་བའི་བསམ་ཀུན་རྫོགས་མཛད་པའོ་ཞེས་བྱ་བ་གསུངས་ཏེ། གང་གི་ཕྱིར་འགྲོ་བའི་བསམ་པ་ཀུན་ཏེ། འདོད་པ་རྣམ་པ་སྣ་ཚོགས་པའི་བདེ་བའི་ཡོ་བྱད་མངོན་པར་འདོད་པས ་དེ་རྫོགས་པར་མཛད་པས་ན་བསམ་པ་ཀུན་རྫོགས་མཛད་པ་སྟེ། རྒྱུ་དེས་ན་སྣ་ཚོགས་པའི་རྒྱན་རྣམས་ཀུན་གྱིས་རྣམ་པར་སྤྲས་པ་ཡིན་ནོ་ཞེས་བྱ་བར་སྦྱར་རོ། །གཞན་ཡང་དེའི་ཁྱད་པར་བསྟན་པར་བྱ་བའི་ཕྱིར་རླུང་གིས་བསྐྱོད་པའི་བ་དན་ཕྲེང་བ་དང? ་དྲིལ་བུ་སྒྲ་སྒྲོགས་ཕྱོགས་སྒོ་ཀུན་ཁྱབ་པ་ཞེས་བྱ་བ་གསུངས་ཏེ། རླུང་གིས་བསྐྱོད་པ་ནི་རླུང་གིས་ཉེ་བར་བསྐྱོད་ཅིང་བཏེག་པའོ། །བ་དན་གྱི་ཕྲེང་བ་ནི་བ་དན་ཕྲེང་དུ་གནས་པ་སྟེ། རླུང་གིས་བསྐྱོད་པ་ཡང་ཡིན་ལ། བ་དན་གྱི་ཕྲེང་བ ་ཡང་ཡིན་པས་ན། རླུང་གིས་བསྐྱོད་པའི་བ་དན་གྱི་ཕྲེང་བའོ། །དེ་ལ་བཏགས་པ་དྲིལ་བུ་དེའི་སྒྲ་ནི་དྲིལ་བུའི་སྒྲ་སྟེ། དེ་སྒྲ་སྒྲོགས་པའི་སྒྲ་དང་ལྡན་པ་ཕྱོགས་ཀྱི་སྒོ་ཀུན་ན་ཡོད་པར་ཁྱབ་པའི་གཞལ་ཡས་ཁང་བརྩེགས་མ་གང་ཡིན་པ་དེ་ལ་དེ་ ་སྐད་ཅེས་བྱའོ། །འདིར་ཡང་རྣམ་པར་དག་པ་བསྟན་པའི་ཕྱིར། གང་ཕྱིར་དམ་ཆོས་གསུང་རབ་ཡན་ལག་དགུ། གདུལ་བྱ་ཐམས་ཅད་ལ་ནི་བསྐྱོད་པའོ་ཞེས་བྱ་བ་གསུངས་ཏེ། གང་གི་ཕྱིར་དམ་པའི་ཆོས་གསུང་རབ་ཡན་ལག་དགུ་པོ་དེ ་གདུལ་བྱ་སྟེ་འགྲོ་བའི་དོན་གྱི་བྱ་བ་གདུལ་བར་གྱུར་པ་རྣམས་ལ་དེ་བསྐྱོད་ཅིང་འགྲོ་བ་རྣམས་ལ་རྒྱ་ཆེར་བསྟན་པས་ཀུན་ཏུ་སྟོན་ལ། དེའི་ངོ་བོ་ཉིད་དུ་བྱས་པའི་རྒྱུ་དེས་ན་རླུང་གིས་བསྐྱོད་པའི་བ་དན་གྱི་བྲེང་བ་དང། དྲིལ་བུའི་སྒྲ་སྒྲོགས ་པས་ཕྱོགས་ཀུན་ཁྱབ་པ་ཡིན། །མེ་ལོང་དྲ་བ་དྲ་བྱེད་མེ་ཏོག་གི་ཕྲེང་བ་སྣ་ཚོགས་ཀྱིས་རྒྱན་མཉམ་པ་མེད་ཅེས་བྱ་བ་ལ། མེ་ལོང་དང་དྲ་བ་དང་དྲ་བ་ཕྱེད་པ་དང། མེ་ཏོག་དང་མེ་ཏོག་གི་ཕྲེང་བ་རྣམ་པ་སྣ་ཚོགས་པ་རྣམས་ཀྱིས་བརྒྱན་པས་ན། ་མེ་འོད་དྲ་བ་དྲ་ཕྱེད་མེ་ཏོག་གི། ཕྲེང་བ་སྣ་ཚོགས་ཀྱིས་བརྒྱན་ཞེས་བྱ་སྟེ། དེ་རྣམས་ཀྱི་མཉམ་པ་མེད་པ་ནི་ཟླ་མེད་པ་སྟེ། མཚུངས་པའི་གཟུགས་བརྙན་དུ་གྱུར་པ་མེད་པའི་ཕྱིར་རོ། །དེའི་ཕྱིར་དེ་འདི་ལྟ་བུར་གྱུར་པ་ཡིན་ཞེ་ན། ཡེ་ཤེས་མེ་ལོང་དྲི་མེད ་བྱང་ཆུབ་ཀྱི། །ཡན་ལག་དྲི་ནི་མེ་ཏོག་ཕུན་སུམ་ཚོགས་ཞེས་བྱ་བ་གསུངས་ཏེ། མེ་ལོང་ལྟ་བུའི་ཡེ་ཤེས་ལ་སོགས་པ་ཉིད་ལས། མེ་ལོང་ལྟ་བུའི་ཡེ་ཤེས་ནི་མེ་ལོང་སྟེ། དེ་ནི་གཟུགས་བརྙན་གྱི་ངོ་བོ་ཉིད་དུ་ཆོས་ཐམས་ཅད་སྟོན་པའི་ཕྱིར་རོ།། ་རྟག་ཏུ་དྲི་མ་མེད་པ་ཡང་ཡིན་ལ། བྱང་ཆུབ་ཀྱི་ཡན་ལག་ཀྱང་ཡིན་པས། དྲི་མེད་བྱང་ཆུབ་ཀྱི་ཡན་ལག་ཅེས་བྱ་སྟེ། དེ་ཉིད་དྲི་དང་ལྡན་པའི་མེ་ཏོག་རྣམས་སོ། །དེ་ལྟར་ན་ཡེ་ཤེས་ཀྱི་མེ་ལོང་དང། རྟག་ཏུ་དྲི་མ་མེད་པའི་བྱང་ཆུབ་ཀྱི་ཡན་ལག་གི་མེ་ཏོག་གྱི་ཡེ ་ཤེས་མེ་ལོང་དྲི་མེད་བྱང་ཆུབ་ཀྱི། །ཡན་ལག་དྲི་ནི་མེ་ཏོག་ཕུན་སུམ་ཚོགས་ཞེས་བྱ་སྟེ། དེ་རྣམས་ཀྱི་ཕུན་སུམ་ཚོགས་པ་ནི་དེ་རྣམས་ཀྱི་རྒྱུར་གྱུར་བ་སྟེ། རྒྱུ་དེས་ན་དྲ་བ་ལ་སོགས་པའི་ཁྱད་པར་རྣམས་ཀྱིས་ཁྱད་པར་དུ་འཕགས་པར་བལྟ་བར་བྱའོ། །སྐལ ་བཟང་པོ་བརྒྱད་ཀྱིས་ཉེར་མཛེས་པ་ཞེས་བྱ་བ་ལ། ཀ་བ་བརྒྱད་ནི་འཁོར་ལོ་ལ་སོགས་པའི་ཀ་བ་སྟེ། དེ་རྣམས་ཀྱིས་མཛེས་པ་ནི་བརྒྱན་པའོ། །བཟང་པོ་ནི་གྲགས་པ་ཐོབ་པའོ། །གང་གི་ཕྱིར་ཞེ་ན། རྣམ་ཐར་བརྒྱད་པ་རྣམ་པར་དག་པ་ཡིན་ཞེས་བྱ་བ་གསུངས་ཏེ། ་རྣམ་པར་ཐར་པ་བརྒྱད་ནི་གཟུགས་ཅན་གཟུགས་རྣམས་ལ་ལྟ་བ་འདི་ནི་རྣམ་པར་ཐར་པ་དང་པོའོ་ཞེས་བྱ་བ་ནས། འགོག་པའི་སྙོམས་པར་འཇུག་པའི་བར་དུའོ། །དེ་ཉིད་རྣམ་པར་དག་པས་དེ་འདྲ་བ་ཡིན་པར་བལྟ་བར་བྱའོ། །རྡོ་རྗེའི་ཐིག་དང་ཡང་དག ་ལྡན་པ་ནི་ཞེས་བྱ་བ་ནི་རྡོ་རྗེ་ཕྲེང་བས་བསྐོར་བའོ། །གང་གི་ཕྱིར་ཞེ་ན། རྡོ་རྗེ་ཐེག་ཆོས་འཁོར་ལོ་བསྐོར་བའོ་ཞེས་བྱ་བ་གསུངས་ཏེ། རྡོ་རྗེ་ཐེག་པ་ནི་གསང་སྔགས་ཀྱི་ཐེག་པ་སྟེ། དེས་ཆོས་ཀྱི་འཁོར་ལོ་རབ་ཏུ་བསྐོར་བའི་ཕྱིར་རོ། །གཟུགས་སོགས་ཡུལ་རྣམས ་ཞེས་བྱ་བ་ནི་གཟུགས་དང་སྒྲ་ལ་སོགས་པའོ། །དེ་རྣམས་ཀྱི་རྣམ་པར་དག་པ་ནི་གཟུང་བ་དང་འཛིན་པ་དང་བྲལ་བའོ། །དེས་ན་བླ་མེད་མཛའ་ཡས་འདོད་པའི་ཡོན་ཏན་ལྔ་ཞེས་བྱ་བ་ལ་བླ་ན་མེད་པ་ནི་གཉིས་སུ་མེད་པའི་ཡེ་ཤེས་ཀྱི་ངང་ཚུལ་ཅན་ནོ། ། ་མཛའ་ཡས་པ་ནི་ཚད་མེད་པ་སྟེ་དེ་ལྟ་བུའི་འདོད་པའི་ཡོན་ཏན་ལྔ་པོ་དེ་དག་གཞལ་ཡས་ཁང་བརྩེགས་མ་གང་ལ་ཡོད་པ་དེ་ལ་དེ་སྐད་ཅེས་བྱའོ། །མཆོད་པ་ལྔ་ནི་མེ་ཏོག་དང་བདུག་སྤོས་དང། མར་མེ་དང་བྱུག་པ་དང་ལྷ་བཤོས་ཀྱི་ཚུལ་ཏེ། དེ་རྣམས ་ཀྱིས་བརྒྱན་པ་ཡང་ཡིན་ནོ། །དེའི་རྣམ་པར་དག་བ་ནི་ཆོས་ཀྱི་དབྱིངས་རྣམ་པར་དག་པའི་རྒྱུ་མཐུན་ཡིན་ཞེས་བྱ་བ་སྟེ། མཆོད་པ་རྣམ་པ་ལྔས་བརྒྱན་པའི་རྣམ་པར་དག་པ་ནི་དམ་པའི་ཆོས་ཀྱི་དབྱིངས་ཀྱི་རྒྱུ་མཐུན་པ་རྣམ་པར་དག་པ ་གཉིས་སུ་མེད་པའི་ཡེ་ཤེས་ཀྱི་ཚུལ་ཅན་ཏེ། དམ་པའི་ཆོས་ནི་སྟོབས་བཅུ་དང། མི་འཇིགས་པ་བཞི་ལ་སོགས་པའོ། །དེ་རྣམས་ཀྱི་དབྱིངས་ནི་རིགས་ཡིན་ཏེ། ཤེས་རབ་དང་ཐབས་ཀྱི་བདག་ཉིད་ཅན་གྱི་སེམས་སོ། །དེའི་རྒྱུ་མཐུན་པ་ནི་འབྲས་བུ་? ་པ་ཞེས་བྱ་བའི་དོན་ཏོ། །སྣ་ཚོགས་ཞེས་བྱ་བ་ལ་སོགས་པ་ལ། སྣ་ཚོགས་པ་ཡང་ཡིན་ལ། པདྨའི་འདབ་མ་ཡང་ཡིན་པས་ན་སྣ་ཚོགས་པདྨའི་འདབ་མ་སྟེ། དེ་རྣམས་ལ་ཉི་མ་དང་ཟླ་བ་ཅི་རིགས་པར་ལེགས་པར་གནས་པ་ནི། སྣ་ཚོགས་པདྨའི ་འདབ་མར་ལེགས་གནས་པར། ཉི་ཟླ་ཞེས་བྱ་བ་སྟེ། དེ་རྣམས་ཀྱི་མགོན་དང་བཅས་པ་ནི་གང་དུ་ལྷ་རྣམས་ཀྱི་བཞུགས་གནས་དང་བཅས་པའི་གཞལ་ཡས་ཁང་བརྩེགས་མ་གང་ཡིན་པ་དེ་ལ་དེ་སྐད་ཅེས་བྱ་སྟེ། དབུས་དང་ཤར་གྱི་གནས་སུ ་ནི་སྣ་ཚོགས་པདྨའི་འདབ་མ་ལ་ཟླ་བའི་གདན་ལ་གནས་པའི་མགོན་དང་བཅས་པར་བལྟ་བར་བྱའོ། །ལྷོ་ལ་སོགས་པའི་གནས་གསུམ་དུ་ནི་སྣ་ཚོགས་པདྨའི་འདབ་མ་ལ་ཉི་མའི་གདན་ལ་གནས་པའི་མགོན་དང་བཅས་པར་བལྟ་བར་བྱའོ།། ་སྤྱན་ལ་སོགས་པ་དང་གཟུགས་ལ་སོགས་པའི་ལྷ་མོ་རྣམས་ཀྱི་གནས་སུ་ནི་སྣ་ཚོགས་པདྨའི་འདབ་མ་ལ། ཟླ་བ་ལེགས་པར་གནས་པའི་མགོན་དང་བཅས་པར་བལྟ་བར་བྱའོ། །ཁོ་བོ་རྣམས་ཀྱི་ནི་སྣ་ཚོགས་པདྨའི་འདབ་མ་ལ་ཉི་མའི་མགོན ་དང་བཅས་པར་བལྟ་བར་བྱའོ། །རིན་ཆེན་མ་ལུས་པ་ཡིས་རྣམ་པར་སྤྲས་པ་ཞེས་བྱ་བ་ལ་རིན་ཆེན་མ་ལུས་པ་ནི་ཨིནྡྲ་ནཱི་ལ་ལ་སོགས་པ་སྟེ་རིན་པོ་ཆེ་དེ་དག་གིས་རྣམ་པར་སྤྲས་པ་ནི་དེ་ལས་བསྒྲུབས་པ་ཡིན་ཏེ། དེ་ལྟ་བུའི་ཆོས་འབྱུང་བ ་གང་ཡིན་པ་དེ་ནི་ཆོས་འབྱུང་བའི་ཕྱག་རྒྱ་དེར་རབ་ཏུ་བསྒྲུབ་པར་བྱའོ་ཞེས་བྱ་བར་སྦྱར་རོ། །བཅུ་དྲུག་ཆ་དང་ཞེས་བྱ་བ་ལ་སོགས་པ་ལ། དབུས་མའི་གདན་གྱི་དཀྱིལ་དུ་ཟླ་བའི་དཀྱིལ་འཁོར་རྒྱས་པ་བསམ་པར་བྱའོ་ཞེས་བྱ་བར་སྦྱར་རོ། །ཁྱད་པར་ཇི་ལྟ་བུ་ནི་? ་བཅུ་དྲུག་ཆ་དང་ཚོགས་ལས་བྱུང་བའི་ཞེས་བྱ་བ་གསུངས་ཏེ། བཅུ་དྲུག་ཆ་ནི་ཨོཾ་ལ་སོགས་པའོ། །ཚོགས་ནི་ཀཱ་ལ་སོགས་པ་སྟེ། བཅུ་དྲུག་ཆ་དང་ཚོགས་ནི་བཅུ་དྲུག་ཆ་དང་ཚོགས་ཏེ། དེ་རྣམས་ལས་བྱུང་ཞིང་སྐྱེས་པ་གང་ཡིན་པ་དེ་ནི་བཅུ་དྲུག་ཆ་དང ་ཚོགས་ལས་བྱུང་བའི་ཞེས་བྱའོ། །འོད་ཟེར་དཔག་ཏུ་མེད་པའི་ཚོགས་ལྡན་པ་ཞེས་བྱ་བ་ལ། འོད་ཟེར་ནི་འོད་ཀྱི་ཟེར་དུ་འཕྲོས་པའི་ཚོགས་སོ། །དཔག་ཏུ་མེད་པ་ནི་ཚད་མེད་པ་སྟེ། འོད་ཀྱི་ཚོགས་དཔག་ཏུ་མེད་པ་དེ་ལ་དེ་སྐད་ཅེས་བྱའོ། །དེ་ཇི་ལྟར ་བསམ་ཞེ་ན། ཆོ་ག་བཞིན་དུ་ཞེས་བྱ་བ་གསུངས་ཏེ། སྐྱེ་བ་ཆེན་པོའི་མཚན་སུམ་ཅུ་རྩ་གཉིས་རྣམ་པར་དག་པ་དང། དཔེ་བྱད་བཟང་པོ་བརྒྱད་ཅུ་རྣམ་པར་དག་པའོ་ཞེས་བྱ་བའི་དོན་ཏོ། །དཔལ་མཆོག་དང་པོ་ཞེས་བྱ་བ་ལ་སོགས་བ་ནི་ཟླ་བའི ་དཀྱིལ་འཁོར་གཉིས་པ་འདིར་རྡོ་རྗེ་བཟང་པོ་བསམས་ལ། དེའི་ང་རྒྱལ་དང་ལྡན་པར་གྱུར་པར་བྱའོ་ཞེས་བྱ་བར་སྦྱར་རོ། །ཁྱད་པར་ཇི་ལྟ་བུ་ཞིག་ཅེ་ན། དཔལ་མཆོག་དང་པོའི་ངོ་བོའོ། །སྙིང་པོ་ལས་བྱུང་བ་ཞེས་བྱ་བ་ལ་སོགས་པ་གསུངས་ཏེ། ་དཔལ་མཆོག་དང་པོ་ནི་བཅོམ་ལྡན་འདས་དཔལ་རྡོ་རྗེ་སེམས་དཔའ་ཨོ། །དེའི་སྙིང་པོ་ནི་ཡི་གེ་ཧཱུཾ་སྟེ། དེ་ལས་ཡང་དག་པར་བྱུང་བས་ན། དཔལ་མཆོག་དང་པོའི་སྙིང་པོ་ལས་བྱུང་བའི་ཞེས་བྱའོ། །ནོར་བུ་དམར་འདྲ་ལ་ཞེས་བྱ་བ་ནི་རིན་པོ་ཆེ ་དམར་པོ་སྟེ། དེ་ཉིད་དང་འདྲ་ཞིང་གཟུགས་བརྙན་དུ་གྱུར་པ་གང་ཡིན་པ་དེར་གྱུར་པ་ནི་ནོར་བུ་དམར་འདྲ་ལ་ཞེས་བྱ་སྟེ། པདྨ་རཱ་ག་འདྲ་བ་ཞེས་བྱ་བའི་དོན་ཏོ། །དེ་ཉིད་ཀྱི་ཁྱད་པར་བསྟན་པའི་ཕྱིར། དཔག་མེད་ཐུབ་པའི་འོད་ཚོགས་ཞེས ་བྱ་བ་ལ་སོགས་པ་གསུངས་ཏེ། དཔག་ཏུ་མེད་པ་ཡང་ཡིན་ལ། ཐུབ་པའི་དབང་པོ་ཡང་ཡིན་པས་དཔག་མེད་ཐུབ་པའོ། །དཔག་ཏུ་མེད་པའི་ཐུབ་པ་དེ་རྣམས་ཀྱི་འོད་ཀྱི་ཚོགས་རྣམ་པར་འཕྲོ་བས་ན་དཔག་མེད་ཐུབ་པའི་འོད་ཅིག?་། ་རྣམ་འཕྲོ་བ་ཞེས་བྱ་སྟེ། དེ་རྣམས་ཀྱི་ཕྱོགས་ཀྱི་སྒོ་མཛའ་ཡས་པ་ཁྱབ་པར་གྱུར་པ་གང་ཡིན་པ་དེ་ལ་དེ་སྐད་ཅེས་བྱ་སྟེ། ཕྱོགས་ཀྱི་སྒོ་ཀུན་ནས་ཐམས་ཅད་དུ་འདི་འདྲ་བར་གྱུར་པའི་རྡོ་རྗེ་བཟང་པོ་བསམ་པའོ། །དང་པོའི་སྙིང་པོ་མགོན་བཅས ་བསྒོམས་ནས་ནི་ཞེས་བྱ་བ་ནི་དང་པོའི་སྙིང་པོ་ཞེས་བྱ་བ་རྡོ་རྗེ་སེམས་དཔའ་ཨི་སྙིང་པོ་ཡི་གེ་ཧཱུཾ་གི་དོན་དང་བཅས་པའོ། །ང་རྒྱལ་དོན་ལྡན་ཞེས་བྱ་བ་ནི་རྡོ་རྗེ་སེམས་དེའི་ང་རྒྱལ་ནི་ང་རྒྱལ་དེ་སྟེ། ཨོཾ་བཛྲ་ཨཱཏྨ་ཀོཉཧཾ་ཞེས་བྱ་བའི་བདག་ཉིད་ཅན ་གྱི་རྣལ་འབྱོར་པ་གང་ལ་ཡོད་པ་དེ་ལ་དེ་སྐད་ཅེས་བྱའོ། །མཛའ་ཡས་པའི་སྤྲུལ་པ་རྣམས་ཀྱིས་འགྲོ་བ་མཆོག་གི་དོན་རྣམས་བྱས་ནས་རྒྱལ་བསྐྱེད་པར་བྱེད་པ་ཉིད་ཀྱི་སྐུ་རུ་བསམ་པར་བྱའོ་ཞེས་བྱ་བར་སྦྱར་རོ། །དེ་ལ་མཛའ་ཡས་པ་ཡང་ཡིན ་ལ་སྤྲུལ་པ་ཡང་ཡིན་པས་ན་མཛའ་ཡས་སྤྲུལ་པ་སྟེ། རྡོ་རྗེ་འཛིན་པ་དེ་ལྟ་བུ་དེ་རྣམས་ཀྱིས་འགྲོ་བ་མཆོག་གི་དོན་རྣམས་བྱས་ཤིང་བསྒྲུབས་པར་གྱུར་པ་སྟེ། གང་གིས་ཡང་དག་པར་རྫོགས་པར་བྱང་ཆུབ་པའི་མཚན་ཉིད་ཅན་དུ་འདི་དག ་གྱུར་པ་ནི་འགྲོ་བ་མཆོག་གི་དོན་རྣམས་བྱས་གྱུར་ཅིང་ཞེས་བྱ་བ་སྟེ། རྣལ་འབྱོར་པའོ། །རྒྱལ་བ་སྐྱེད་པར་བྱེད་པ་ཉིད་ཀྱི་སྐུ་ཇི་ལྟར་བསམ་པར་བྱ་ཞེ་ན། ཐུབ་མཆོག་ཕྲ་རབ་ལས་བསྒྲུབས་མཚུངས་མེད་པ་ཞེས་བྱ་བ་གསུངས་ཏེ། སྒྲུབ་པ ་མཆོག་ཉིད་ཀྱི་ཕྲ་རབ་ནི་ཐུབ་མཆོག་ཕྲེང་བ་སྟེ། དེ་ལས་བསྒྲུབས་པ་ནི་བསྐྱེད་པའོ། །དེ་ཡང་སོ་སོ་སྐྱེ་བོ་རྣམས་ཀྱི་ལུས་ནི་འབྱུང་བ་ཆེན་པོ་བཞིའི་ཕྲ་རབ་ལས་ཡོངས་སུ་བསྒྲུབ་པ་ཡིན་པར་གྲགས་ལ། བཅོམ་ལྡན་འདས་ཀྱི་སྐུ་ནི་ཐུབ་བ ་མཆོག་གི་རང་བཞིན་གྱི་ཕྲ་རབ་ལས་རྣམ་པར་བསྒྲུབས་པ་ཡིན་པས་ན་འདི་ནི་ཐུབ་མཆོག་ཕྲ་རབ་ལས་བསྒྲུབས་པའོ། །མཚུངས་པ་མེད་པ་ནི་མཉམ་པ་མེད་པའོ། །གཞན་ཡང་དེའི་ཁྱད་པར་བསྟན་པའི་ཕྱིར། ཟླ་བ་རྒྱས་འདྲར་དཀར་བའི་ཞེས་བྱ ་བ་ལ་སོགས་པ་གསུངས་ཏེ། ཟླ་བ་གང་བ་བཞིན་དུ་དཀར་བའི་འོད་ཀྱི་མདངས་ལྡན་པ་གང་ཡིན་པ་དེ་ནི་ཟླ་བ་རྒྱས་འདྲར་དཀར་བའི་མདངས་ལྡན་ཞིང་ཞེས་བྱ་བའོ། །གང་གིས་གཡས་པ་དང་གཡོན་པའི་ཞལ་སྔོ་བ་དང་དམར་བ་མངའ་བ་དེ་ནི། གཡས་དང ་གཡོན་གྱི་ཞལ་ནི་སྔོ་དང་དམར་ཞེས་བྱ་སྟེ། ཞལ་དབུས་མ་ཟླ་བ་རྒྱས་པ་དང་འདྲ་བར་དཀར་བའི་མདངས་ལྡན་པ་ཡིན་ལ་གཡས་དང་གཡོན་གྱི་ཞལ་ནི་སྔོ་དང་དམར་བ་ཡིན་པས་དེ་སྐད་ཅེས་བྱའོ་ཞེས་མཚམས་སྦྱར་བར་བྱའོ། །སྣ་ཚོགས་ཞེས་བྱ་བ་ལ་སོགས ་པ་སྨོས་པ་ལ། སྣ་ཚོགས་པའི་རྒྱན་ཏེ་གདུ་བུ་ལ་སོགས་པའི་རྒྱན་རྣམས་ཕྱག་གཉིས་པོ་གང་ལ་འབར་བར་གྱུར་པ་དེ་ནི་རྒྱན་སྣ་ཚོགས་རྒྱན་རྣམས་འབར་བའི་ཕྱག་གཉིས་ཀྱི་ཞེས་བྱ་སྟེ། སྣ་ཚོགས་པའི་རྒྱན་རྣམས་འབར་བ་ཡང་ཡིན་ལ་ཕྱག་གཉིས ་ཀྱང་ཡིན་པས་སྣ་ཚོགས་རྒྱན་རྣམས་འབར་བའི་ཕྱག་གཉིས་ཀྱིས་ཞེས་བྱ་སྟེ། དེས་རིག་པ་དམ་པ་འཁྱུད་པར་མཛད་པ་གང་ཡིན་པ་དེ་ལ་དེ་སྐད་ཅེས་བྱའོ། །གཞན་ཡང་ཁྱད་པར་ཇི་ལྟ་བུ་ཞེ་ན། ལྷག་མའི་ཕྱག་གིས་ཞེས་བྱ་བ་ལ་སོགས་པ་ ་གསུངས་ཏེ། དེ་ལས་ལྷག་མའི་ཕྱག་སྟེ། དེ་དག་གི་ལྷག་མ་རྣམས་ཀྱིས་རྡོ་རྗེ་དང། རལ་གྲི་དང་རིན་པོ་ཆེ་དང། པདྨ་དག་བསྣམས་པར་མཛད་པ་དག་གང་ཡིན་པ་དེ་ནི་ལྷག་མའི་ཕྱག་གིས་རྡོ་རྗེ་རལ་གྲི་དང་པདྨ་རིན་ཆེན་བསྣམས་ཞེས་བྱའོ། །ཟུང ་གཉིས་མཛེས་ཞེས་བྱ་བ་ནི་ཕྱག་ལྷག་མ་ཟུང་གཉིས་པོ་དག་ན་རྡོ་རྗེ་དང་རལ་གྲི་དང། པདྨ་དང་ནོར་བུ་བསྣམས་པས་མཛེས་པ་ཞེས་བྱ་བའི་དོན་ཏོ། །གཞན་ཡང་དེ་དག་གི་ཁྱད་པར་བསྟན་པའི་ཕྱིར། ཁམས་གསུམ་ཞེས་བྱ་བ་ལ་སོགས་པ ་གསུངས་ཏེ། ཁམས་གསུམ་གྱི་ཁོངས་ནི་ཁམས་གསུམ་གྱི་ནམ་མཁའ་སྟེ། དེ་རྣམ་པར་བརྒྱན་པས་ན་ཁམས་གསུམ་ཁོངས་ནི་རྣམ་པར་བརྒྱན་པའི་ཞེས་བྱའོ། །ཐུབ་པའི་འོད་ཚོགས་ནི་ཐུབ་པའི་འོད་ཟེར་ཏེ་དེ་རྣམས་ཀྱི་ཚོགས ་དུ་མ་ནི་རྣམ་པ་སྣ་ཚོགས་པ་སྟེ། དེ་རྣམ་པར་འགྱེད་པས་ན་ཐུབ་པའི་འོད་ཚོགས་དུ་མ་རྣམ་པར་འགྱེད་ཅེས་བྱའོ། །རྣམ་པར་ཐར་པའི་ཞེས་བྱ་བ་ལ་སོགས་པ་ལ་རྣམ་པར་ཐར་པའི་སྒོ་གསུམ་ནི་སྟོང་པ་ཉིད་དང་མཚན་མ་མེད་པ་དང་སྨོན་པ་མེད་པའི ་མཚན་ཉིད་དོ། །དེ་ཉིད་ནི་རྣམ་པར་དག་པ་ཡིན་ལ། དེས་ཤེས་རབ་དང་ཐབས་ཀྱི་བདག་ཉིད་ཅན་ཏེ། ཤེས་རབ་དང་ཐབས་གཉིས་སུ་མེད་པའི་མཚན་ཉིད་ཅན་དེའི་བདག་ཏུ་བསམ་མོ་ཞེས་བྱ་བར་སྦྱར་རོ། །སྙིང་རྗེ་མཆོག་ནི་ཐུགས་རྗེ་ཆེན་པོའི་མཚན་ཉིད ་ཅན་གང་ཡིན་པ་དེ་ལ་སྙིང་རྗེ་མཆོག་ཞེས་བཤད་དོ། །དེ་ནི་མ་ལུས་པའི་འགྲོ་བ་འདི་དག་ནི་གཅིག་ཏུ་དེ་ཁོ་ན་ཉིད་གཉིས་སུ་མེད་པའི་ཡེ་ཤེས་ཀྱི་མཚན་ཉིད་ཅན་ནོ་ཞེས་བྱ་བས་ནི་མ་ལུས་འགྲོ་བའི་དེ་ཉིད་གཅིག་པུ་ཉིད་ཅེས་བྱ་སྟེ། དེ་ནི་རྒྱལ་བ ་རྣམས་ཀྱི་སྐྱེད་པ་པོ་ཡིན་པས། རྒྱལ་བ་སྐྱེད་བྱེད་དེ་བཅོམ་ལྡན་འདས་དཔལ་རྡོ་རྗེ་སེམས་དཔའ་སྟེ། བཅོམ་ལྡན་འདས་ནི་གཉིས་སུ་མེད་པའི་ཡེ་ཤེས་ཀྱི་རང་བཞིན་ཅན་ཡིན་པའི་ཕྱིར་རོ། །དེ་ཉིད་ཀྱི་སྐུ་ནི་རང་གི་ངོ་བོ་ཉིད་དེ། དེ་བསམ་པར་བྱའོ ་ཞེས་བྱ་བར་སྦྱར་རོ། །མཆོག་ཏུ་ཞེས་བྱ་བ་ལ་སོགས་པ་ལ། མཆོག་ཏུ་རྗེས་ཆགས་ཞེས་བྱ་བ་ནི། མཆོག་ཏུ་དགའ་བའི་བདེ་བ་སྟེ། དེའི་ཕུན་སུམ་ཚོགས་པ་ཡིན་ལ། དེས་གདུལ་བྱའི་འཇིག་རྟེན་ཐམས་ཅད་དེ། ཁམས་གསུམ་བར་རྟོགས་པ ་རྣམས་དམིགས་ལ། རྒྱལ་བའི་ཚོགས་རྣམས་མ་ལུས་པ་གཞུག་པར་བྱའོ་ཞེས་བྱ་བར་སྦྱར་རོ། །དགའ་བའི་སྒྱུ་མའི་སྒྲ་ཡིས་ཞེས་བྱ་བ་ལ་དགའ་བ་ནི་རབ་ཏུ་དགའ་བ་སྟེ། རྡོ་རྗེ་པདྨ་སྒྱུ་མ་ལྟ་བུར་སོ་སོར་སྣང་བ་ཙམ་གྱི་སྒྲ་ནི་དགའ་བའི་སྒྱུ་མའི་སྒྲ་སྟེ ་དེས་ནང་གི་ལུས་ཀྱི་དབུས་སུ་རྒྱལ་བའི་ཚོགས་རྣམས་ཞེས་བྱ་བ་རྒྱལ་བའི་ཕུང་པོ་རྣམས་མ་ལུས་པ་སྟེ། ལྷག་མ་མེད་པར་གཞུག་པར་བྱའོ། །དེ་ནི་སྤྱན་ལ་སོགས་པ་ཞེས་བྱ་བ་ལ་སོགས་པ་ལ། རྒྱལ་བའི་ཚོགས་དེ་ནི་སྤྱན་ལ་སོགས་པའི་ངོ་བོ་ཉིད་ཀྱི ་ཕྱུང་ནས། རིག་མ་དེ་དག་ཐམས་ཅད་རང་གི་རིག་མའི་ནང་དུ་ཆུད་པར་བྱའོ་ཞེས་བྱ་བར་སྦྱར་རོ། །དེ་ལ་སྤྱན་ལ་སོགས་པའི་ལྷ་མོ་དང་གཟུགས་རྡོ་རྗེ་ལ་སོགས་པ་མ་ལུས་ཡུལ་ཡིན་ན་སྤྱན་ལ་སོགས་པའི་ལྷ་མོ་དང་གཟུགས་ལ་སོགས་ལ་མ ་ལུས་ཡུལ་གྱི་ཞེས་བྱ་སྟེ། དེ་རྣམས་ཀྱི་རང་བཞིན་གྱིས་ཕྱུང་ཞིང་བཏོན་ནས་རིག་མ་ཐམས་ཅད་དེ། སྤྱན་ལ་སོགས་པ་དང། གཟུགས་ལ་སོགས་པའི་ལྷ་མོ་དགུ་པོ་རང་གི་རིག་མ་ཞེས་བྱ་བ་རང་གི་སོ་སོར་སྣང་བའི་རིག་མ་དེའི་ནང་དུ་ཆུད་པར ་བྱའོ། དེའི་པདྨའི་ཞེས་བྱ་བ་ལ་སོགས་པ་ལ། དེའི་པདྨ་ནི་དེ་ཉིད་ཀྱི་པདྨའོ། །དེའི་ལྟེ་བ་ནི་དབུས་ཀྱི་ལྟེ་བ་སྟེ། དེའི་ནང་དུ་ཞེས་བྱ་བ་དབུས་སུ་དཀྱིལ་འཁོར་བསམས་ནས་འགྲོ་བའི་ཚོགས་དེར་གཞུག་པར་བྱའོ་ཞེས་བྱ་བར་སྦྱར་རོ། །དཀྱིལ་འཁོར་ཁྱད་པར་ཅན ་ཇི་ལྟ་བུ་ཞེ་ན། དྲི་མེད་ཟླ་ཟེར་ལས་བྱུང་ཞེས་བྱ་བ་གསུངས་ཏེ། དྲི་མ་མེད་པའི་ཟླ་བ་ནི་བྱང་ཆུབ་ཀྱི་སེམས་ཏེ། དེ་ཉིད་ནི་འོད་ཟེར་དང་ཆོས་མཐུན་པས་འོད་ཟེར་རོ། །དེ་ལས་བྱུང་བ་ནི་སྐྱེས་པའོ། །བསམ་པ་ནི་བསྒོམ་པ་སྟེ། དཀྱིལ་འཁོར་དེར་བློ་ཡིས་འགྲོ ་བའི་ཚོགས་རྣམས་ཏེ། སེམས་ཅན་ཐམས་ཅད་རབ་ཏུ་གཞུག་པར་བྱའོ། །གསང་བའི་རྡོ་རྗེ་ཞེས་བྱ་བ་ལ་སོགས་པ་ལ། ཟླ་བ་ཞུ་བའི་གཟུགས་སུ་གྱུར་བ་ནི། གང་དེ་ལྟར་གྱུར་པ་དེ་ལ་དེ་སྐད་ཅེས་བྱ་སྟེ། རྒྱལ་བའི་ཚོགས་ཟླ་བ་ཞུ་བའི་གཟུགས་སུ་གྱུར་པ་དང ་འགྲོ་བའི་ཚོགས་དེ་རྣམས་དབང་བསྐུར་བར་བྱའོ། །ཞེས་བྱ་བར་སྦྱར་བར་བྱའོ། །གསང་བ་ཡང་ཡིན་ལ་རྡོ་རྗེ་དམ་པ་ཡང་ཡིན་པས་གསང་བའི་རྡོ་རྗེ། དེའི་དབུས་སུ་རྣམ་པར་སྣང་མཛད་ལ་སོགས་པ་རྒྱལ་བའི་ཚོགས་རྣམས་གཞུག་པར་བྱ། ་རང་གི་ལུས་ལ་བཅུག་ནས་ཟླ་བ་ཞུ་བའི་གཟུགས་སུ་གྱུར་བ་དང་ཞེས་བྱ་བ་བྱང་ཆུབ་ཀྱི་སེམས་སུ་གྱུར་པའི་རྣམ་པར་སྣང་མཛད་ལ་སོགས་པའི་རྒྱལ་བའི་ཚོགས་ཀྱིས་དབང་བསྐུར་ཞིང་དེ་རྣམས་གྱིས?་རྗེས་སུ་གཞུག་པར་བྱའོ། ད་ནི ་དབང་བསྐུར་བ་རྣམས་ཀྱི་མིག་ལ་སོགས་པ་རྣམ་པར་དག་པ་བསྟན་པར་བྱ་བའི་ཕྱིར། སའི་སྙིང་པོ་ཞེས་བྱ་བ་ལ་སོགས་པ་གསུངས་ཏེ། མིག་ལ་སོགས་པ་རྣམ་པར་དག་པའི་རང་བཞིན་སའི་སྙིང་པོ་ལ་སོགས་པ་ས་བོན་རྣམས་ལས་བྱུང་ཞིང ་བཏོན་ནས། བྱིན་གྱིས་བརླབ་པའི་བར་བྱའོ་ཞེས་བྱ་བའི་བར་དུའོ། །དེ་བཞིན་དུ་གཟུགས་ལ་སོགས་པའི་ལྷ་མོ་རྣམས་ཀྱང་དབྱུང་བར་བྱའོ་ཞེས་བྱ་བར་སྦྱར་བ་དང། དེ་བཞིན་དུ་སྤྱན་ལ་སོགས་པར་གྲགས་པ་རྣམས་ཀྱང་ས་བོན་རྣམས་ལས ་འབྱུང་བར་བྱའོ་ཞེས་བྱ་བར་སྦྱར་བ་དང། དེ་བཞིན་དུ་རྣམ་པར་སྣང་མཛད་ལ་སོགས་པའི་དེ་བཞིན་གཤེགས་པ་རྣམས་རང་གི་ས་བོན་རྣམས་ལས་འབྱུང་ཞིང་གདོན་པར་བྱའོ་ཞེས་བྱ་བར་སྦྱར་རོ། །ཁྱད་པར་ཇི་ལྟ་བུ་ཞིག་ཅེ་ན། གཟུགས་དང ་ཞེས་བྱ་བ་ལ་སོགས་པ་སྟེ་གཟུགས་ནི་གཟུགས་ཀྱི་ཕུང་པོའོ། །ཚོར་བ་ནི་ཚོར་བའི་ཕུང་པོའོ། །འདུ་ཤེས་ནི་འདུ་ཤེས་ཀྱི་ཕུང་པོའོ། །འདུ་བྱེད་ནི་འདུ་བྱེད་ཀྱི་ཕུང་པོའོ། །རྣམ་པར་ཤེས་པ་ནི་རྣམ་པར་ཤེས་པའི་ཕུང་པོ་སྟེ། དེ་དག་ཏུ་ནི་བཤད ་པ་ནི། དེ་དག་གི་ངོ་བོ་ཉིད་དུ་གསུངས་པ་སྟེ། དེ་ཡང་ལུས་ལས་ཕུང་པོ་ལྔ་ནི་མདོར་བསྡུས་ན། སངས་རྒྱས་ལྔར་ནི་རབ་ཏུ་བཤད་ཅེས་གསུངས་པའི་ཕྱིར་རོ། །དེ་རྗེས་བྱ་བ་ནི་དབང་བསྐུར་བའི་རྗེས་ཐོགས་ལའོ། །ས་བོན་གྱིས་ནི་དབྱུང་པར་བྱ ་ཞེས་བྱ་བ་ནི་འོག་ནས་བཤད་པའི་ས་བོན་རྣམས་ཀྱིས་དབྱུང་བར་བྱའོ། །དེ་རྣམས་ཀྱི་ས་བོན་རྣམས་གང་ཡིན་ཞེ་ན། ཀྵིཾ་ཞེས་བྱ་བ་ལ་སོགས་པ་གསུངས་ཏེ། འདི་དག་ནི་བཤད་མ་ཐག་པའི་ལྷ་རྣམས་དང་རིམ་བཞིན་དུ་སྦྱར་བའི་བལྟ་བར ་བྱའོ། མིག་ལ་སོགས་པ་ཞེས་བ་ནི་མིག་ལ་སོགས་པའི་ངོ་བོ་ཉིད་ནི་སའི་སྙིང་པོ་ལ་སོགས་པ་ཉིད་དོ། །གཟུགས་ལ་སོགས་པ་ཡུལ་གྱི་ངོ་བོ་ཉིད་ནི་གཟུགས་རྡོ་རྗེ་ལ་སོགས་པའོ། །འབྱུང་བ་ཆེན་པོ་བཞིའི་ངོ་བོ་ཉིད་ནི་སྤྱན་ལ་སོགས་པར་བཤད་པ་ཉིད་དོ། ། ་རྟག་པ་ལ་སོགས་པའི་འོ་ཞེས་བྱ་བ་ལ་རྟག་པ་ནི་བཅོམ་ལྡན་འདས་རྣམ་པར་སྣང་མཛད་དེ། དེ་ལ་སོགས་པ་གང་ཡིན་པ་དེ་ནི་རྟག་པ་པ་ལ་སོགས་པའི་ཞེས་པའོ། །ོཾ་ཞེས་བྱ་བ་ལ་སོགས་པ་ལ་འོད་ལྡན་ཧོ་དང་སྤེལ་བ་ཞེས་བྱ་བ་ནི། འོད་དང་ལྡན་པ ་ཡང་ཡིན་ལ། ཧོ་ཡང་ཡིན་པས་ན་འོད་ལྡན་ཧོ་སྟེ། དེ་དག་དང་སྤེལ་བ་ནི་དབུས་སུ་ཆུད་པར་བྱས་པ་དེ་ལ་འོད་ལྡན་ཧོ་དང་སྤེལ་བ་ཞེས་བྱའོ། །ཆོ་ག་བཞིན་ཞེས་བྱ་བ་ནི་གཉིས་པོ་དག་གིས་སོ། །པདྨའི་ནང་ན་གནས་པ་ཞེས་བྱ་བ་ནི། རྡོ་རྗེ་སེམས་དཔའ་ཨི་ལྷ་མོའི ་པདྨའི་ནང་དུ་བཞུགས་པའོ། །མཉམ་པ་མེད་པ་ཤེས་རབ་ཆགས་བས་ཞུ་བར་བྱས་པར་ཞེས་བྱ་བ་ལ་ཤེས་རབ་ནི་རྡོ་རྗེ་སེམས་དཔའ་ཨི་ལྷ་མོ་སྟེ། དེའི་ཆགས་པ་ནི་ཤེས་རབ་ཆགས་པའོ། །དེ་ཡང་ཕྱིན་ཅི་མ་ལོག་པའི་བློས་རྟོགས་ཤིང་ཆུད་བའི་ཚུལ་ལོ། །མངའ་ ་ནས་སྐྱེ་བའི་རིམ་པ་ལ་བལྟོས་ནས་འདི་སྐད་དུ་བཤད་པ་ཡིན་ཏེ། མཉམ་པ་མེད་པ་ཡང་ཡིན་ལ། ཤེས་རབ་ཀྱང་ཡིན་པས་མཉམ་མེད་ཤེས་རབ་ཆགས་པ་སྟེ། དེས་ཞུ་བར་བྱས་པའི་ཡི་གེའི་བདག་ཉིད་ཅན་གྱི་སེམས་སུ་རྣལ་འབྱོར་པ་བདག་ཉིད ་བསམས་ཏེ། ཞུ་བར་གྱུར་པའི་སེམས་དེའི་འོད་ཀྱི་མཐུ་སྟེ། ནུས་པས་གཉི་ག་ཡང་སྟེ། རྡོ་རྗེ་སེམས་དཔའ་དང་དེའི་སོ་སོར་སྣང་བའི་རིག་པ་དག་ཟླ་བའི་རྣམ་པར་ཞུ་བར་བྱས་པར་མཐོང་བ་དང། འོག་ནས་བཤད་པའི་མཱ་མ་ཀཱི་ལ་སོགས་པས་ཀླུའི ་སྒྲས་བསྐུལ་བར་བྱའོ། །སེམས་ཅན་ཁམས་ན་ཞེས་བྱ་བ་ལ་བཅོམ་ལྡན་འདས་རྡོ་རྗེ་སེམས་དཔའ་ཨི་ཐུགས་ཀྱི་སྒོ་ནས་ཆོས་ཀྱི་དབྱིངས་ཀྱི་ཡེ་ཤེས་ཤིན་ཏུ་རྣམ་པར་དག་པའི་ངོ་བོ་ཉིད་དུ་གྱུར་བས་རྡོ་རྗེ་ཐུགས་ཞེས་བོས་པ་སྟེ། ཀྱེ་རྡོ་རྗེའི་ཐུགས་མི་ཕྱེད ་པའི་ཐུགས་དང་ལྡན་པ་ཁྱོད་བདག་ལ་དགེས་པར་མཛད་དུ་གསོལ་ཞེས་བྱ་བར་སྦྱར་རོ། །སེམས་ཅན་ཁམས་ན་གནས་ཀྱི་དབང་ཕྱུག་ཅེས་བྱ་བ་ནི། གཙོ་བོར་གྱུར་པས་སྐྱབས་དུ་གསོལ་ཅེས་པའོ། །གང་གིས་ཞེ་ན། དགའ་བའི་ཡིད་འོང ་དོན་ཆེན་འདོད་བས། ཞེས་བྱ་བ་གསུངས་ཏེ། དགའ་བ་ནི་མཆོག་ཏུ་དགའ་བ་སྟེ་དགའ་བའོ། །ཡིད་འོང་ནི་ཡིད་ཚིམ་པར་བྱེད་པའོ། །དོན་ཆེན་ནི་བླ་ན་མེད་པ་ཆེན་པོ་ཡང་དག་པར་རྫོགས་པའི་བྱང་ཆུབ་ཀྱི་མཚན་ཉིད་ཀྱི་དོན་གང་ཡིན་པ་དེ་ནི་དོན ་ཆེན་ནོ། །འདོད་པ་ནི་གཟུགས་ལ་སོགས་པ་འདོད་པའི་ཡོན་ཏན་ལྔ་སྟེ། དེ་རྣམས་ཀྱིས་བདག་ལ་སྐྱབ་དུ་གསོལ་ཞེས་བྱ་བ་ནི་བདག་ལ་དགྱེས་པར་མཛད་དུ་གསོལ་ཞེས་བྱ་བའོ། །མགོན་པོ་གལ་ཏེ་དེ་རིང་བདག་ནི་གསོན་པར་མཆིས་བཞེད ་ན་ཞེས་བྱ་བ་ནི། གལ་ཏེ་བདག་གསོན་པར་བཞེད་ན། བཅོམ་ལྡན་འདས་ཡེ་ཤེས་ཀྱི་སྐུ་ཉིད་དུ་འབྱུང་བ་ཆེན་པོ་རྣམ་པར་དག་པའི་གཟུགས་སུ་མཛད་ནས། མཱ་མ་ཀཱི་ལ་སོགས་པའི་ལྷ་མོ་རྣམས་མི་སྲིད་པར་གྱུར་པས་སོ། །སེམས་ཅན་ཡབ་ཆེན ་མཉེན་མཆོག་ཅེས་བྱ་བ་ནི། ཀྱེ་སེམས་ཅན་རྣམས་བསྐྱེད་པར་མཛད་པ་ཆེན་པོ་གཉེན་གྱི་མཆོག་ཅེས་བོད་པའོ། །ད་ནི་རང་གི་རིགས་ཀྱི་བདག་པོའི་སྒོ་ནས་སྤྱན་ལ་སོགས་པའི་ལྷ་མོ། རྡོ་རྗེ་སྐུ་ཁྱོད་ཅེས་བྱ་བ་ལ་སོགས་པས་བསྐུལ་བར་བྱེད་དེ། བཅོམ ་ལྡན་འདས་སྐུ་རྡོ་རྗེའི་སྒོ་ནས་མེ་ལོང་ལྟ་བུའི་ཡེ་ཤེས་ཀྱི་ངོ་བོ་ཉིད་དུ་གྱུར་བས་རྡོ་རྗེ་སྐུ་ཁྱོད་ཅེས་བོས་པ་སྟེ། རྡོ་རྗེ་སྐུ་ཁྱོད་བདག་ལ་དགྱེས་པར་མཛད་དུ་གསོལ་ཞེས་བྱ་བར་སྦྱར་རོ། །བཀའ་ཨི་འཁོར་ལོ་ཞེས་བྱ་བ་ནི་བཀའ་ཉིད་ཀྱི་འཁོར་ལོ ་གང་ལ་མངའ་བ་དེ་ནི་བཀའ་ཨི་འཁོར་ལོ་སྟེ། བཀའ་ཨི་འཁོར་ལོས་སྒྱུར་བ་ཞེས་བྱ་བའི་བར་དུའོ། །སེམས་ཅན་ཀུན་ལ་ཕན་བར་མཛད་པ་ནི་ཚིམ་པར་མཛད་པའོ། །སངས་རྒྱས་ཀྱི་དོན་དང་བྱང་ཆུབ་དང། དོན་དམ་ནི་ཡེ་ཤེས་ཀྱི་མཚན ་ཉིད་དེ། སངས་རྒྱས་པའི་དོན་དུ་བྱང་ཆུབ་དོན་དམ་ཕན་པར་རྗེས་སུ་གཟིགས་པའི་ངང་ཚུལ་ཅན་གང་ཡིན་པ་དེ་ནི་སངས་རྒྱས་དོན་དུ་བྱང་ཆུབ་དོན་དམ་ཕན་པར་གཟིགས་ཞེས་བྱའོ། །མགོན་པོ་གལ་ཏེ་དེ་རིང་བདག་ནི་གསོན་པར་མཆིས་བཞེད ་ན་ཞེས་བྱ་བ་ནི་སྔ་མ་བཞིན་དུ་བལྟ་བར་བྱའོ། །འདོད་ཆགས་ནི་མཆོག་ཏུ་དགའ་བའི་བདེ་བ་ཡིན་ལ། འདོད་ཆགས་དམ་ཚིག་ནི་འདོད་ཆགས་ཉིད་དམ་ཚིག་ཏུ་གྱུར་པ་གང་ཡིན་པ་དེ་ལ་དེ་སྐད་ཅེས་བྱའོ། །བདག་ཅེས་བྱ་བ་ནི་བདག་འདི་འདྲ་བ་ལའོ། ་དགྱེས་པར་མཛད་དུ་གསོལ་ཞེས་བྱ་བ་ནི་མཆོག་ཏུ་དགྱེས་པར་མཛད་དུ་གསོལ་ཞེས་པའོ། །ད་ནི་ཁྱོད་ནི་རྡོ་རྗེ་གསུང་སྟེ་ཞེས་བྱ་བ་ལ་སོགས་པས། ན་བཟའ་དཀར་མོ་རང་གི་རིགས་ཀྱི་བདག་པོའི་སྒོ་ནས་ཡང་དག་པར་སྐུལ་བར་བྱེད་དེ། ཁྱོད་ནི་རྡོ་རྗེ ་གསུང་སྟེ་ཞེས་བྱ་བ་ནི། གསུང་རྡོ་རྗེའི་སྒོ་ནས་བཅོམ་ལྡན་འདས་སོ་སོར་བརྟགས་པའི་ཡེ་ཤེས་ཀྱི་ངོ་བོ་ཉིད་དུ་གྱུར་པས་རྡོ་རྗེ་གསུང་ཁྱོད་བོད་བ་སྟེ། ཀྱེ་རྡོ་རྗེའི་གསུང་ཁྱོད་བདག་ལ་དགྱེས་པར་མཛད་དུ་གསོལ་ཞེས་བྱ་བར་སྦྱར་རོ། །སེམས་ཅན ་ཐམས་ཅད་ལ་ཕན་ཞིང་ཐུགས་བརྩེ་བའི་ངང་ཚུལ་གང་ཡིན་པ་དེ་ནི་ཀུན་ལ་ཕན་ཞིང་ཐུགས་བརྩེ་བའོ། །འཇིག་རྟེན་དག་གི་དོན་ནི་ཡང་དག་པར་རྫོགས་པའི་བྱང་ཆུབ་ཀྱི་མཚན་ཉིད་དོ། །དགོས་པ་ནི་འཇིག་རྟེན་པའི་བདེ་བ་ཕུན་སུམ་ཚོགས ་པའི་མཚན་ཉིད་ཅན་ཏེ། དེ་མཛད་པ་ལ་རྟག་ཏུ་ཡང་དག་པར་བརྩོན་པར་མཛད་པས་ན། འཇིག་རྟེན་དག་གི་དོན་དང་དགོས་པ་མཛད་པ་རབ་ཏུ་བརྩོན་ཞེས་བྱའོ། །མགོན་པོ་གལ་ཏེ་དེ་རིང་བདག་ནི་གསོན་པར་མཆིས་བཞེད་ན་བྱ་བ་ནི་སྔར ་བཤད་ཟིན་ཏོ། །དགའ་བ་ནི་མཆོག་ཏུ་དགའ་བའི་སེམས་སོ། །དེ་ནི་སྤྱོད་པ་སྟེ། བྱང་ཆུབ་ཀྱི་སྤྱོད་པ་གང་ཡིན་པ་དེ་ནི་དགའ་བའི་སྤྱོད་པ་ཞེས་བྱའོ། །ཀུན་ཏུ་བཟང་པོ་ཞེས་བྱ་བ་ནི། ཀུན་ནས་བཟང་ཞིང་དགེ་བ་མངའ་བས་ན་ཀུན་ཏུ་བཟང་པོའོ། ་ད་ནི་ཁྱོད་ནི་རྡོ་རྗེ་འདོད་པ་ཞེས་བྱ་བ་ལ་སོགས་པས་སྒྲོལ་མ་རང་གི་རིགས་ཀྱི་སྒོ་ནས་སྐུལ་བར་བྱེད་དེ། རྡོ་རྗེ་འདོད་པ་ཞེས་བྱ་བ་ནི་ཀུན་ནས་བཟང་ཞིང་རྡོ་རྗེར་གྱུར་ཅིང་གཉིས་སུ་མེད་པའི་ཡེ་ཤེས་ཀྱི་ངོ་བོ་ཉིད་དུ་གྱུར་པའི་འདོད?་པར? ་ཡོན་ཏན་ལྔ་པོ་གང་ཡིན་པ་དེ་ནི་རྡོ་རྗེའི་འདོད་པ་སྟེ། དེ་ལ་འདི་ལྟར་བོད་པ་ནི་ཀྱེ་རྡོ་རྗེ་འདོད་པ་ཁྱོད་བདག་ལ་དགྱེས་པར་མཛད་ཅེས་བྱ་བར་སྦྱར་རོ། །དམ་ཚིག་ནི་བཅོམ་ལྡན་འདས་དོན་ཡོད་པར་གྲུབ་པ་སྟེ། བྱ་བ་གྲུབ་པའི་ཡེ་ཤེས་ཀྱི་ངོ་བོ་ཉིད་དོ། ། ་དེ་ཉིད་ཐམས་ཅད་ཀྱི་མཆོག་ཏུ་གྱུར་པས་ན་དམ་ཚིག་མཆོག་གོ་།ཕན་དོན་ཆེ་ཞེས་བྱ་བ་ནི། ཕན་པ་རྒྱ་ཆེ་བས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཀྱི་མཚན་ཉིད་ཅན་གྱི་དོན་གང་ལས་བྱུང་བ་དེ་ལ་དེ་སྐད་ཅེས་བྱའོ། །ཡང་དག་རྫོགས ་སངས་རྒྱས་ཀྱི་གདུང་ཞེས་བྱ་བ་ནི་ཡང་དག་པར་རྫོགས་པའི་བྱང་ཆུབ་ཀྱི་རིགས་ཏེ། དེ་ལ་ཐིག་ལེར་གྱུར་པས་ན་མཆོག་གོ་།མཉམ་པ་ནི་ཆོས་ཐམས་ཅད་བདག་མེད་པས་སྟོང་པ་ཉིད་ཀྱི་རྗེས་སུ་ཐུགས་བརྩེ་བ་གང་ཡིན་པ་དེ་ནི་མཉམ་པ་ཉིད་ཐུགས ་བརྩེའོ། །མགོན་པོ་གལ་ཏེ་དེ་རིང་བདག་ནི་གསོན་པར་མཆིས་བཞེད་ན། ཞེས་བྱ་བ་ནི་སྔར་བཤད་པར་ཟད་དོ། །ཡོན་ཏན་རིན་ཆེན་མང་པོའི་གཏེར་གྱུར་ཅེས་བྱ་བ་ནི། ཡོན་ཏན་མང་པོའི་ངོ་བོ་ཉིད་ཀྱི་འབྱུང་གནས་སུ་གྱུར་པའོ། །ཀླུའི་ངོ་རུ་བྱས ་པས་ན་ཞེས་བྱ་བ་ནི་བཤད་མ་ཐག་པའི་ཀླུའི་ངོར་བྱས་པའོ། །ཆོས་ཀུན་སྒྱུ་མ་ལྟ་བུར་ཡང་དག་རིག་ཅེས་བྱ་བ་ནི་འཁོར་བ་དང་མྱ་ངན་ལས་འདས་པ་སྒྱུ་མ་དང་མཚུངས་པར་བསྒྲུབས་པ་སྟེ། གང་འདི་མྱ་ངན་འདས་པ་སྟེ། ཡང་རྣམ ་པར་དཔྱད་ན་དངོས་པོ་མེད་པ་ཡིན་ལ། འཁོར་བ་ཡང་དེ་དང་མཚུངས་པའི་ཕྱིར། སྲིད་པ་དང་མྱ་ངན་ལས་འདས་པ་ཡ་མི་གནས་པར་སྦྱོར་བའི་དོན་ཏོ། །སྣང་བའི་འོད་ཟེར་གྱི་ནི་དཀྱིལ་འཁོར་ཅན། །རང་གི་སྔགས་ཀྱི་ལུས་རང་ཉིད་གྱུར ་ཅེས་བྱ་བ་ལ། སྣང་བའི་འོད་ཟེར་ཞེས་བྱ་བ་ནི་སྣང་བ་དང་ལྡན་པའི་འོད་ཟེར་འོད་ཟེར་ཡིན་ལ། དེ་རྣམས་ཀྱི་དཀྱིལ་འཁོར་ནི་ཚོགས་ཏེ། དེ་གང་ལ་ཡོད་པའི་རང་གི་སྔགས་སུ་གྱུར་པ་དེ་ནི། སྣང་པའི་འོད་ཟེར་གྱིས་བརྒྱན་པའི་རང་གི་སྔགས་ཀྱི་ལུས་སུ ་གྱུར་པ་གང་ཡིན་པ་དེ་ལ་དེ་སྐད་ཅེས་བྱའོ། །རང་ཉིད་གྱུར་ཅེས་བྱ་བ་ནི། དེ་ལྟ་བུར་རྣལ་འབྱོར་པ་བདག་ཉིད་གྱུར་པ་སྟེ། ཞུ་པ་ལས་ཡོངས་སུ་གྱུར་པའི་ཡེ་གེ་མཾ་ལས་གྱུར་པའི་རལ་གྲིའི་ཆང་གཟུངས་ལ་གནས་པའི་ཟླ་བའི་དཀྱིལ་འཁོར་ལ ་འདུག་པའི་མི་དུ་གནས་པའི་གཟུགས་སུ་རང་ཉིད་གྱུར་ཅེས་བྱ་བའི་དོན་ཏོ། །དེར་ནི་ཞེས་བྱ་བ་ལ་སོགས་པ་ལ། རང་གི་སྔགས་ཀྱི་ལུས་མཾ་གི་བདག་ཉིད་ཅན་གང་ཡིན་པ་དེར་རང་གི་ལྷའི་རྣམ་པར་སྤྲུལ་པའི་ཐུབ་པའི་དབང་པོ་ཞུགས་པ ་དང། དཔལ་འཇམ་པའི་རྡོ་རྗེར་གྱུར་ཏེ་ཞེས་བྱ་བར་སྦྱར་རོ། །འདིར་མན་ངག་གི་ཡི་གེ་མཾ་གཾ་འོད་ཟེར་ལས་བྱུང་བའི་འཇམ་པའི་རྡོ་རྗེ་ལྟ་བུར་མཾ་གི་ནང་དུ་བཅུག་ལ། དེ་ཡོངས་སུ་གྱུར་པ་ལས་འཇམ་པའི་རྡོ་རྗེའི་གཟུགས་སུ་བདག་ཉིད་བསྒོམ་པ་བྱ ་པ་ཡིན་ནོ། །དཔལ་ལྡན་ཞེས་བྱ་བ་ནི། བསོད་ནམས་དང་ཡེ་ཤེས་ཀྱི་ཚོགས་དང་ལྡན་པའོ། །འཇམ་པའི་རྡོ་རྗེ་ཞེས་བྱར་འགྱུར་ཞེས་བྱ་བ་ནི། འོག་ནས་བཤད་པའི་ཚུལ་ཅན་གྱི་འཇམ་པའི་རྡོ་རྗེར་གྱུར་པའོ། །གུར་གུམ་བཟང་པོའི་མདོག་ཅན ་ཞེས་བྱ་བ་ནི། གུར་གུམ་བཟང་པོའི་ལྟ་བུར་དམར་བའི་མདོག་ཅན་གང་ཡིན་པ་དེ་ལ་དེ་སྐད་ཅེས་བྱའོ། །གཡས་དང་གཡོན་པའི་ཞལ་ནི་སྔོ་དང་དཀར་པའི་མདོག་ཅེས་བྱ་བ་ལ་གཡས་པའི་ཞལ་དང་གཡོན་པའི་ཞལ་ནི་གཡས་དང་གཡོན་པའི ་ཞལ་ཏེ་དེ་ནི་སྔོ་དང་དཀར་བའི་མདོག་ཅན་དུ་གནས་པ་གང་ཡིན་པ་དེ་ལ་དེ་སྐད་ཅེས་བྱའོ། །སྣ་ཚོགས་རྒྱན་ཅེས་བྱ་བ་ནི་གདུ་བུ་དང་དཔུང་རྒྱན་ལ་སོགས་པ་སྟེ། དེ་དག་གིས་བརྒྱན་པས་ན། སྣ་ཚོགས་རྒྱན་གྱིས་རྣམ་པར་བརྒྱན་པའི ་ཞེས་བྱའོ། །ཕྱག་གཉིས་ཤེས་རབ་དམ་པ་འཁྱུད་པ་དང་ཞེས་བྱ་བ་ནི། རང་རིག་པའི་ཤེས་རབ་དང་མི་འབྲལ་བའི་ངང་ཚུལ་ཅན་གང་ཡིན་པ་དེ་ལ་དེ་སྐད་ཅེས་བྱ་སྟེ། སྣ་ཚོགས་པའི་རྒྱན་གྱིས་རྣམ་པར་བརྒྱན་པ་གང?་ཡིན་ལ། ་ཕྱག་གཉིས་ཀྱིས་ཤེས་རབ་དམ་པ་འཁྱུད་པ་ཡིན་ནོ་ཞེས་མཚམས་སྦྱར་བར་བྱའོ། །མདངས་ལྡན་ཞེས་བྱ་བ་ནི། རལ་གྲི་དང་མདའ་མདངས་དང་ལྡན་པ་བསྣམས་པའོ། །གཞན་ཡང་ཨུཏཔ་ལ་སྔོན་པོ་དང། གཞུ་གང་ལ་མངའ་བ་དེ་ལ་དེ་སྐད ་ཅེས་བྱའོ། །མཛའ་ཡས་པ་ནི་ཚད་མེད་པའོ། །འོད་ནི་འོད་ཟེར་རོ། །མ་ལུས་རིགས་རྣམས་འཕྲོ་བས་རྣམ་བརྒྱན་ཅིང་ཅེས་བྱ་བ་ལ། མ་ལུས་པའི་རིགས་རྣམས་རྣམ་པར་འཕྲོ་བའི་དེ་བཞིན་གཤེགས་པ་ལ་སོགས་པའི་རིགས་རྣམས་རྣམ་པར ་འཕྲོ་བ་སྟེ། དེས་ནམ་མཁའ་ཨི་ཁམས་མ་ལུས་པའི་དཀྱིལ་འཁོར་བརྒྱན་པ་གང་ཡིན་པ་དེ་ལ་དེ་སྐད་ཅེས་བྱའོ། །སྐྱོབ་པ་ཞེས་བྱ་བ་ནི་སྐྱོབ་པར་མཛད་པ་སྟེ། ལྟ་བ་བཟང་པོའི་ལམ་སྟོན་པ་སྟེ། འདི་ལ་མངའ་བས་ན་སྐྱོབ་པའོ། །དངོས་རྣམས ་ཞེས་བྱ་བ་ལ་སོགས་པ་ལ། དངོས་པོ་ཐམས་ཅད་ནི་དངོས་པོའམ་ངོ་བོ་ཉིད་མེད་པ་སྟེ། གཟུང་བ་ཞེས་བྱ་བ་ནི་ཕྱིའི་དངོས་པོ་རྣམས་དང། འཛིན་པ་ཞེས་བྱ་བ་རྣམ་པར་ཤེས་པ་ནང་ན་ཡོངས་སུ་གསལ་བའི་རང་བཞིན་ཅན་སྟེ། དེ་དག་དང ་བྲལ་བ་ནི་མེད་པའོ། །དེ་ལྟར་ན་དངོས་པོ་མ་ལུས་པ་དངོས་པོ་མེད་ཅིང་ངོ་བོ་ཉིད་མེད་པར་ཤེས་ནས་བྱིན་གྱིས་བརླབས་པར་བྱའོ་ཞེས་བྱ་བར་སྦྱར་རོ། །དེ་ཅིའི་ཕྱིར་ཞེ་ན། རྣམ་པར་བྱང་ལ་མངོན་པར་ཞེན་པ་ནི། མེད་པས་ཞེས་བྱ་བ་ལ་སོགས ་པ་གསུངས་ཏེ། རྣམ་པར་བྱང་བ་ནི་མྱ་ངན་ལས་འདས་པའོ། །དེ་ལ་མངོན་པར་ཞེན་པ་ནི། ཀུན་ཏུ་ཆགས་པ་སྟེ་དེ་མེད་པ་ནི་བྲལ་པའོ། །དེའི་དོན་དུ་བྱིན་གྱིས་བརླབ་པ་ནི་འོག་ནས་བཤད་པའི་ཨོཾ་ཞེས་བྱ་བ་ལ་སོགས་པའོ། །འདི་དག ་ནི་བསྙེན་པ་ཞེས་བྱ་བའི་ཡན་ལག་སྟེ། འདིའི་འབྲས་བུ་ནི་རྒྱུ་མཐུན་པ་ཆུང་ངུ་ཞེས་བྱའོ། །དེ་འོག་ཅེས་བྱ་བ་ལ་སོགས་པ་ལ། དེའི་འོག་ཏུ་སྟེ་སྔགས་ཀྱིས་བྱིན་གྱིས་བརླབས་པའི་རྗེས་ཐོགས་ལའོ། །མིག་ལ་སོགས་པ་སའི་སྙིང་པོ་ལ་སོགས་པས་བཀང་ནས ་ཐུགས་རྡོ་རྗེ་ལ་སོགས་པ་བསྒོམ་པར་བྱའོ་ཞེས་བྱ་བར་སྦྱར་རོ། །སའི་སྙིང་པོ་ལ་སོགས་པ་ཁྱད་པར་ཇི་ལྟ་བུ་ཞིག་གིས་ཞེ་ན། རང་སྙིང་ས་བོན་འོད་རྣམས་ཀྱིས་ཞེས་བྱ་བ་གསུངས་ཏེ། རང་ཞེས་བྱ་བ་བདག་ཉིད་ཀྱི་སྟེ། སྙིང་པོ་སྔར་བཤད་པའི་ཀྵིཾ་ཞེས ་བྱ་བ་ལ་སོགས་པའི་གཟུགས་ཅན་ཡིན་པར་བལྟ་པར་བྱ་སྟེ། དེ་ཉིད་ཀྵིཾ་ལ་སོགས་པའི་ས་བོན་རྣམས་ཀྱི་གཟུགས་ཅན་སའི་སྙིང་པོ་ལ་སོགས་པས་ཞེས་བྱ་བའི་དོན་ཏོ། །ཇི་བཞིན་བཀང་ནས་ཞེས་བྱ་བ་ནི། བདག་ཉིད་ཀྱི་ས་བོན་གང་དང་གང་ཡིན ་པ་དེ་དང་དེས་དེ་བཞིན་དུ་ཡང་དག་པར་དགང་ངོ་ཞེས་བྱ་བའི་དོན་ཏོ། །འདིས་ནི་ཉེ་བར་བསྒྲུབ་པའི་ཡན་ལག་བཤད་པ་ཡིན་ཏེ། དེའི་འབྲས་བུ་ནི་སྨིན་པ་ཆུང་ངུ་ཞེས་བྱའོ། །དྲི་མེད་རང་སྙིང་ཟླ་བའི་ཞེས་བྱ་བ་ལ་སོགས་པ་ལ་དྲི་མ་མེད་པ་ཡང་ཡིན་ལ། ་རང་གི་སྙིང་གའི་ཟླ་བ་ཡང་ཡིན་པས་དྲི་མེད་རང་སྙིང་ཟླ་སྟེ། དེར་རྡོ་རྗེའི་ལྟེ་བའི་དབུས་ན་གནས་པའི་ཧཱུཾ་ལས་རང་གི་མཚན་མ་ལས་བྱུང་བའི་ཐུགས་རྡོ་རྗེ་བསམ་པར་བྱའོ་ཞེས་བྱ་བར་སྦྱར་རོ། །ཁ་དང་མགོ་བོ་གཉིས་ནི་ཁ་དང་མགོ་བོ་སྟེ། དེ ་གཉིས་ལ་རིམ་པ་ཇི་ལྟ་བ་བཞིན་དུ་པདྨ་དང་འཁོར་ལོ་བསམས་ལ། དེ་དག་གི་ལྟེ་བའི་དབུས་ཀྱི་ཆ་དེར་རིམ་པ་ཇི་ལྟ་བ་བཞིན་དུ་ཨཱ་དང་ཨོཾ་གཉིས་ལས་གསུང་གི་རྡོ་རྗེ་དང། སྐུའི་རྡོ་རྗེ་བསམ་པར་བྱའོ་ཞེས་བྱ་བར་སྦྱར་རོ། །དེའི་སྙིང་པོའི་འོད་ཟེར་ཞེས་བྱ་བ ་ལ་སོགས་པ་ལ། འདིར་མན་ངག་ནི་ཐུགས་རྡོ་རྗེ་ལ་སོགས་པའི་ཐུགས་ཀར་ཟླ་བ་ལ་གནས་པའི་རྡོ་རྗེ་དང་པདྨ་དང་འཁོར་ལོ་ལ་རིམ་པ་ཇི་ལྟ་བ་བཞིན་དུ་ཡི་གེ་ཧཱུཾ་དང་ཨཱ(རྒྱུད་འགྲེལ་ཞེས་བྱ་བ་ལ་ཐུགས་རྡོ་རྗེ་ལ་སོགས་པ་དེ་རྣམས་ཀྱི་སྙིང་པོ་གང་དག་ཡོད་པ་དེ་ནི་དེའི་སྙིང་པོ་སྟེ། དེའི་སྙིང་གར་གནས་པའི་ཟླ་བ་ལ་འདུག་པའི་རྡོ་རྗེ་དང་པདྨ་དང་འཁོར་ལོ་རྣམས་ལ་རིམ་པར་ལྟ་བ་བཞིན་དུ། ཡི་གེ་ཧཱུཾ་ལ་སོགས་པ ་གནས་པར་བལྟ་བར་བྱ་སྟེ། དེ་རྣམས་ཀྱི་འོད་ཟེར་ནི་དེའི་སྙིང་པོའི་འོད་ཟེར་རོ། །དེའི་ཚོགས་ནི་དཀྱིལ་འཁོར་གྱི་འཁོར་ལོ་ལྟ་བུ་སྟེ། རྒྱལ་བའི་དབང་པོ་རྣམས་ཀྱིས་དེའི་འོད་ཟེར་ལས་བྱུང་བའི་གཟུགས་རྡོ་རྗེ་ལ་སོགས་པའི་མཆོད་པའི་ལྷ་མོའི་སྒོ་ནས ་ཕྱོགས་བཅུ་ན་བཞུགས་པའི་ཐུགས་རྡོ་རྗེ་ལ་སོགས་པ་ཡང་དག་པར་མཆོད་ནས། དེའི་འོག་ཏུ་ཕྱིར་ནང་ན་གནས་པ་བྱིན་གྱིས་བརླབ་པར་བྱའོ། །ཁྱད་པར་ཇི་ལྟ་བུས་ཡང་དག་པར་མཆོད་པར་བྱ་ཞེ་ན། ཤེས་རབ་དམ་པ་ཞེས་བྱ་བ་ལ་སོགས་པ ་གསུངས་ཏེ། ཤེས་རབ་དམ་པ་འདུས་པའི་འོད་རྣམས་ཀྱིས་ཞེས་བྱ་བ་ལ་ཤེས་རབ་དམ་པ་ནི་རང་གི་སོ་སོར་སྣང་བའི་ཤེས་རབ་བོ། །དེའི་འདུས་པ་ནི་ཡང་དག་པར་སྦྱོར་བ་སྟེ། དེས་སྣང་བའི་ངང་ཚུལ་གང་ལ་ཡོད་པ་དེ་ནི་ཤེས་རབ་དམ་པ་འདུས་པའི་འོད་རྣམས ་ཏེ། དེ་རྣམས་ཀྱིས་ཀུན་ནས་ཞེས་བྱ་བ་དངོས་པོ་ཐམས་ཅད་ཀྱིས་རྒྱལ་བའི་དབང་པོ་ཞེས་བྱ་བ་ཐུགས་རྗེ་ལ་སོགས་པ་ཡང་དག་པར་མཆོད་ནས། འོག་ནས་བཤད་པའི་རིམ་པས་ཐུགས་རྡོ་རྗེ་ལ་སོགས་པ་བྱིན་གྱིས་བརླབ་པར་བྱའོ། །དཔལ་ལྡན ་རྡོ་རྗེ་ཞེས་བྱ་བ་ལ་སོགས་པ་ལ། དཔལ་ལྡན་རྡོ་རྗེ་ཐུགས་འཆང་བ། །དེར་བདག་བྱིན་གྱིས་བརླབས་ནས་སུ། །རྡོ་རྗེ་ཐུགས་ཀྱིས་མཛད་དུ་གསོལ་ཞེས་བྱ་བར་སྦྱར་ཏེ། རྡོ་རྗེ་ཐུགས་ཀྱིས་ཞེས་བྱ་བ་ནི་ཐུགས་རྡོ་རྗེ་སྟེ། དེ་ཡང་ཐུགས་རྡོ་རྗེ་མི་ཕྱེད་གསུམ་བསྒོམས ་པས་ཞེས་བྱ་བ། སྐུ་དང་གསུང་དང་ཐུགས་རྡོ་རྗེ་ནི་རྡོ་རྗེ་གསུམ་སྟེ། དེ་ནི་མི་ཕྱེད་པ་ཡིན་ལ་དེ་བསྒོམ་པ་ནི་རྡོ་རྗེ་མི་ཕྱེད་གསུམ་བསྒོམས་པ་སྟེ། དེའི་ངོ་བོ་ཉིད་ཅེས་བྱ་བའི་དོན་ཏོ། །ཕྱོགས་བཅུར་བཞུགས་པའི་སངས་རྒྱས་རྣམས་ཞེས་བྱ ་བ་ནི་ཐུགས་རྡོ་རྗེའི་གཟུགས་ཅན་ཏེ། དེ་རྣམས་ཀྱང་བདག་ལ་བྱིན་གྱིས་བརླབས་པའི་གནས་སུ་མཛད་དེ་བདག་བྱིན་གྱིས་རློབས་ཤིག་ཅེས་བྱ་བའི་བར་དུའོ། །བྱིན་གྱིས་བརླབ་པའི་སྔགས་ནི། ཨོཾ་ཞེས་བྱ་བ་ལ་སོགས་པ་གསུངས་པའོ། འདི་དག་གིས་ནི་ཐུགས་རྡོ་རྗེར ་བྱིན་གྱིས་བརླབ་པ་གསུངས་པ་ཡིན་ཏེ། ད་ནི་གསུང་རྡོ་རྗེར་བྱིན་གྱིས་བརླབ་པའི་ཕྱིར་ཆོས་ཀྱི་ཞེས་བྱ་བ་ལ་སོགས་པ་གསུངས་ཏེ། ཆོས་དེ་གསུང་གི་རྡོ་རྗེ་ཅན་གྱིས་བདག་བྱིན་གྱིས་བརླབ་པའི་གནས་སུ་མཛད་དུ་གསོལ་ཞེས་བྱ་བར་སྦྱར་རོ། །གསུང་ལ་མ་ཞེས་བྱ ་བ་ལ། གསུང་ཉིད་ཀྱི་ལམ་ཡིན་པས་ན་གསུང་ལམ་སྟེ། དེས་སངས་རྒྱས་དང་བྱང་ཆུབ་སེམས་དཔའ་རྣམས་རབ་ཏུ་བཞུང་བར་མཛད་ཅིང་རྟག་ཏུ་བདག་མེད་པར་སྟོན་པའི་གསུང་ངོ། །ཕྱོགས་བཅུར་བཞུགས་པའི་སངས་རྒྱས་རྣམས་ཞེས་བྱ་བ་ནི་གསུང ་རྡོ་རྗེའི་གཟུགས་ཅན་ནོ། །རྡོ་རྗེ་མི་ཕྱེད་གསུམ་བསྒོམས་པས་ཞེས་བྱ་བ་ནི་བཤད་ཟིན་ཏོ། །གསུང་རྡོ་རྗེ་བྱིན་གྱིས་བརླབ་པའི་སྔགས་གསུང་བ་ནི། ཨོཾ་ཞེས་བྱ་བ་ལ་སོགས་པའོ། །རྡོ་རྗེའི་སྐུས་བདག་བྱིན་གྱིས་བརླབ་པའི་གནས་སུ་མཛོད་ཅིག་ཅེས་བྱ ་བར་སྦྱར་ཏེ་ལྷག་མ་ནི་སྔར་བཤད་པས་གོ་བར་མཛད་དོ། །སྐུ་རྡོ་རྗེར་བྱིན་གྱིས་བརླབ་པའི་སྔགས་ནི། ཨོཾ་ཞེས་བྱ་བ་ལ་སོགས་པའོ། །འདི་དག་ནི་བསྒྲུབ་པ་ཞེས་བྱ་བའི་ཡན་ལག་སྟེ། དེའི་འབྲས་བུ་ནི་སྐྱེས་བུ་བྱེད་པ་ཆུང་ངུ་ཞེས་བྱའོ། །ནམ་མཁའ་ཞེས ་པ་ལ་སོགས་པ་ལ། སྐུ་དང་གསུང་དང་ཐུགས་རྡོ་རྗེ་སྟེ། རྡོ་རྗེ་གསུམ་པ་ནི་ནམ་མཁའ་ལྟ་བུའི་ངོ་བོ་ཉིད་དེ། དངོས་པོ་མེད་པ་མཚན་ཉིད་བྲལ་བར་དམིགས་པར་བྱ་སྟེ། དེ་ལྟར་དམིགས་ཤིང་མཐོང་བ་དང། ཐུབ་པའི་མཆོག་གི་འོད་ཟེར་ལས་བྱུང་བ་རིག ་པའི་ཚོགས་ཕྱག་ན་བུམ་པ་ཐོགས་ཏེ། ཡེ་ཤེས་ཀྱི་ཆུས་དབང་བསྐུར་བ་དང། རང་གི་རིགས་ཀྱི་བདག་པོར་སྣང་བའི་ཅོད་པན་དུ་འགྱུར་རོ་ཞེས་བྱ་བར་སྦྱར་རོ། །མཚན་ཉིད་དག་དང་བྲལ་བར་ཞེས་བྱ་བ་ནི། གཟུང་བ་དང་འཛིན་པའི་མཚན་ཉིད་དང་བྲལ ་པའོ། དེ་ཉིད་ཀྱིས་ནམ་མཁའ་ལྟ་བུའི་ངོ་བོ་ཉིད་དོ། །ཕྱོགས་ཚོགས་ཀུན་ན་བཞུགས་པའི་ཐུབ་པའི་ཚོགས་ཞེས་བྱ་བ་ལ། ཕྱོགས་ཀྱི་ཚོགས་ཀྱང་ཡིན་ལ་ཀུན་ཀྱང་ཡིན་པས་ན། ཕྱོགས་ཀྱི་ཚོགས་ཀུན་ཏེ། དེར་བཞུགས་པའི་དང ་ཚུལ་ཅན་གང་ཡིན་པ་དེ་ལ་དེ་སྐད་ཅེས་བྱའོ། །སྙིང་པོའི་འོད་ཟེར་རྣམས་ཀྱིས་ཡང་དག་བསྐུལ་ཅེས་བྱ་བ་ལ། སྙིང་པོའི་འོད་ཟེར་ཏེ་ཡེ་ཤེས་སེམས་དཔའ་ཨི་སྙིང་པོའི་འོད་ཟེར་རྣམས་ཀྱིས་ཡང་དག་པར་བསྐུལ་བའོ། །འདིར་མན་ངག་ནི་ཐུགས ་རྡོ་རྗེ་དང་གསུང་རྡོ་རྗེ་གཉིས་ཀྱི་བར་ན། བཅོམ་ལྡན་འདས་འཇམ་པའི་རྡོ་རྗེ་ཡེ་ཤེས་སེམས་དཔའ་དམ་ཚིག་སེམས་དཔའ་ཨི་གཟུགས་ཅན་ཟླ་བ་ལ་གནས་པའི་རལ་གྲིའི་ཆང་གཟུགས་ཀྱི་དབུས་ན་གནས་པའི་ཟླ་བ་ལ་བཞུགས་པ། ཐུགས ་རྡོ་རྗེ་ལ་སོགས་པ་བསྐྱེད་པའི་དུས་སུ་འདི་འདི་ལྟར་བལྟ་བར་བྱའོ། །ཐུབ་པའི་ཚོགས་འོད་ཟེར་གྱིས་བསྐུལ་བ་དང། ཐུབ་པའི་མཆོག་རྣམས་ཀྱི་འོད་ཟེར་དེ་རྣམས་ལས་ཀྱང་བྱུང་བའི་རིག་པའི་ཚོགས་རྣམས་ནི་ཐུབ་པའི་མཆོག་གི་འོད་ཟེར་ལས་བྱུང ་བའི་རིག་པ་སྟེ། དེའི་ཚོགས་ནི་ཕུང་པོ་ཡིན་ལ། དེའི་ཕྱག་ན་བུམ་པ་བསྣམས་པའི་བུམ་པ་དེ་རྣམས་ལས་ཡེ་ཤེས་ཀྱི་ཆུད་གྱུར་པས་དབང་བསྐུར་བ་དང། འཇམ་པའི་རྡོ་རྗེའི་རྣལ་འབྱོར་པ་བདག་ཉིད་ཀྱི་རང་གི་རིགས་ཀྱི་གཙོ་བོར་སྣང་བའི ་ཅོད་པན་དུ་འགྱུར་བ་སྟེ། རང་གི་རིགས་ཀྱི་བདག་པོ་ནི་མི་བསྐྱོད་པ་ཡིན་ལ། ངེས་བརྒྱན་པའི་ཅོད་པན་གང་ཡིན་པ་དེ་ལ་དེ་སྐད་ཅེས་བྱའོ། །དེ་ཡང་དབང་བསྐུར་བའི་འོག་ཏུ་འཇམ་པའི་རྡོ་རྗེའི་ཅོད་པན་ལ་མི་བསྐྱོད་པ་བསམ་པར་བྱའོ་ཞེས་བྱ་བའི ་དོན་ཏོ། །འདི་དག་ནི་སྒྲུབ་པ་ཆེན་པོའི་ཡན་ལག་སྟེ། འདིའི་འབྲས་བུ་ནི་དབང་གི་འབྲས་བུ་ཆུང་ངུ་ཞེས་བྱའོ། །དེ་བཞིན་ཞེས་བྱ་བ་ལ་སོགས་པ་ལ་སྔ་མ་བཞིན་དུ་བསྙེན་པ་ལ་སོགས་པའི་རིམ་གྱིས་རང་གི་ལྷ་དང་འདྲ་བའི་རིག་པ་སོ་སོར་རང ་སྣང་བའི་མཚན་ཉིད་ཅན་བསམ་ཞིང་བལྟས་པ་རིགས་ལྔ་ཀུན་ཏུ་བཀོད་དེ། དེ་བཞིན་གཤེགས་པ་རྣམས་རྗེས་སུ་མཉེས་པར་བྱ་བའི་ཕྱིར། དེ་དང་ཡང་དག་པའི་དགའ་བ་བརྩམ་པར་བྱའོ་ཞེས་བྱ་བར་སྦྱར་རོ། །རང་གི་སྙིང་པོ་ནི་འཇམ་པའི་རྡོ་རྗེའི་ས་བོན་ཏེ། དེས་སྤྲུལ ་པ་ནི་བསྐྱེད་པའོ། །དེ་ལྟར་ན་འདིས་ནི་འདིའི་བསྙེན་པ་སྟོན་ཏོ། །མིག་ལ་སོགས་པ་དག་ཅིང་ཞེས་བྱ་བ་ནི། སྔར་བཤད་པའི་སའི་སྙིང་པོ་ལ་སོགས་པའི་ས་བོན་རྣམས་ཀྱིས་མིག་ལ་སོགས་པ་ཀུན་ཏུ་དགའ་བ་གང་ཡིན་པ་དེ་ལ་དེ་སྐད་ཅེས་བྱ་སྟེ། ཞེས? ་ནི་ཉེ་བར་སྒྲུབ་པ་སྟོན་ཏོ། །ཡི་གེ་གསུམ་ནི་ཨོཾ་ཨཱ(རྒྱུད་འགྲེལ་ནི་འདིའི་སྒྲུབ་པ་སྟོན་ཏོ། །སྒྲུབ་པ་ཆེན་པོ་མ་གསུངས་སུ་ཟིན་ཀྱང་བསྙེན་པ་ལ་སོགས་པའི་ཉེ་བར་མཚོན་པ་ལས་དེ་བྱ་བར་ཤེས་པར་བྱའོ། །འདིའི་བསྙེན་པ་ལ་སོགས་པ་ནི་རྒྱུ་མཐུན་པ་ལ་སོགས་པའི་འབྲས་བུ་པར་མ་ཡིན་ནོ། །དེ་ཉིད་ཤེས་པས་ཞེས་བྱ་བ ་ལ་སོགས་པ་ལ། དེ་ཁོ་ན་ཉིད་ཤེས་པས་མགོ་དང་སྙིང་ག་དང་ལྟེ་བ་དང། གསང་བ་དང་དེ་བཞིན་དུ་བརླ་གཉིས་ལ་སོགས་རང་ཡི་གེ་ལྔ་པོས་བྱིན་གྱིས་བརླབས་པའི་ཡན་ལག་ཅན་དུ་ཡང་དག་པར་བསམས་ཏེ། དགའ་བ་ཀུན་ཏུ་བརྩམ་པར་བྱའོ། ་ཞེ་སྦྱར་བར་བྱའོ། །ལྔ་པོ་གང་དག་གིས་ཞེ་ན། དེ་ནི་སྐུ་ཐུགས་རྡོ་རྗེ་བཟང་རིགས་སོགས་ཞེས་བྱ་བ་གསུངས་ཏེ། སྐུ་རྡོ་རྗེའི་རིགས་ནི་དེ་བཞིན་གཤེགས་པའི་རིགས་སོ། །ཐུགས་རྡོ་རྗེའི་རིགས་ནི་རྡོ་རྗེའི་རིགས་སོ། །སོགས་པའི་སྒྲས་ནི་རིན་པོ་ཆེའི ་རིགས་དང་པདྨའི་རིགས་དང། ལས་ཀྱི་རིགས་བསྡུའོ། །ཁྱད་པར་ཇི་ལྟ་བུ་ཞིག་ཅེ་ན། ཨོཾ་ཧཱུཾ་སྭཱ་ཨཱ(རྒྱུད་འགྲེལ་དང་བཅས་པ་གང་ཡིན་པ་དེ་ལ་དེ་སྐད་ཅེས་བྱའོ། ། ཡིག་སྣ་ཚོགས་པདྨའི་ལྟེ་བ་བྱས། ཧཱུཾ་གིས་འདབ་མ་བརྒྱད་པོ་རྣམ་པར་སྤྲུལ་ཅེས་བྱ་བ་ལ། ཡི་གེ་ཨས་སྣ་ཚོགས་ཤིང་མཛེས་པའི་ལྟེ་བ་བྱས་པའི་པདྨ་གང་ཡིན་པ་དེ་ནི ་ཨ་ཡིས་སྣ་ཚོགས་པདྨའི་ལྟེ་བ་བྱས་ཞེས་བྱ་བ་ལ། ཡི་གེ་ཧཱུཾ་གིས་འདབ་མ་བརྒྱད་པ་རྣམ་པར་སྤྲུལ་ཅིང་བསྐྱེད་པ་གང་ཡིན་པ་དེ་ནི། ཧཱུཾ་གིས་འདབ་མ་བརྒྱད་པ་རྣམ་པར་སྤྲུལ་ཅེས་བྱའོ། །ཇི་ལྟ་བུའི་དགའ་བ་བརྩམ་པར་བྱ་ཞེ་ན། ཤེས ་རབ་དམ་པའི་རྒྱུ་མཐུན་ངོ་བོ་ཉིད། །ཐབས་དང་བཅས་པར་གྱུར་པའི་རང་གི་ལུས་ཞེས་བྱ་བ་གསུངས་སོ། །ཤེས་རབ་དམ་པ་ནི་བདག་མེད་པའི་ཡེ་ཤེས་ཏེ། ཡབ་ཏུ་གྱུར་པའི་རྡོ་རྗེ་སེམས་དཔའ་ཨི་ཤེས་རབ་བོ། །དེའི་རྒྱུ་མཐུན་པའི་ངོ་བོ་ཉིད་ནི་འཇམ ་པའི་རྡོ་རྗེའི་བདག་ཉིད་དེ། དེས་ཐབས་དང་བཅས་ཤིང་ལྡན་པར་བྱུང་བའི་རང་གི་ལུས་ཅན་གྱི་བསྔགས་པ་གང་ཡིན་པ་དེ་ལ་དེ་སྐད་ཅེས་བྱའོ། །དེ་ཡིས་བདེ་གཤེགས་རྗེས་སུ་མཉེས་བྱ་ཞེས་ཞེས་བྱ་བ་ནི། དེ་ལྟར་ཤེས་བཞིན་དུ་དེ་དང་བསྔགས་པས ་ལྷན་ཅིག་དགའ་བ་བརྩམ་པར་བྱའོ། །རྗེས་སུ་མཉེས་པར་བྱ་བའི་གསང་སྔགས་གསུངས་པ་ནི་ཨོཾ་ཞེས་བྱ་བ་ལ་སོགས་པ་གསུངས་པའོ། །འདི་དག་ནི་དང་པོའི་སྦྱོར་བ་ཞེས་བྱ་བའི་ཏིང་ངེ་འཛིན་ཏོ། །ཐུགས་ཀའི་ཞེས་བྱ་བ་ལ་སོགས་པ་ལ་ཡེ་ཤེས ་སེམས་དཔའ་ཐུགས་ཀའི་ཟླ་བ་ལ་གནས་པའི་རལ་གྲིའི་ཆང་གཟུངས་ལ་འདུག་པའི་ཟླ་བ་ལ་བརྟེན་པའི་རང་གི་སྔགས་ནི་ཐུགས་ཀའི་ཟླ་བའི་སྔགས་ཏེ། དེའི་འོད་ཅེས་བྱ་བ་ནི་འོད་ཟེར་ཏེ། དེ་རྣམས་ཀྱིས་མ་ལུས་པའི་སངས་རྒྱས་ཀྱི་ཚོགས་རྣམས ་རང་གི་ལུས་ལ་བཅུག་ནས་ཡི་གེ་ཧཱུཾ་ལས་རྡོ་རྗེ་བསམ་པ་ནི་ཧཱུཾ་གི་རྡོ་རྗེ་སྟེ། དེ་ལས་བྱུང་བ་ནི་འཐོན་པའོ། །དེ་ཡང་དྲི་མ་མེད་པ་ཡིན་པས། ཧཱུཾ་གི་རྡོ་རྗེ་ལས་བྱུང་དྲི་མེད་པ་ཞེས་བྱའོ། །ཡིད་ཚུལ་དམ་པ་ཞེས་བྱ་བ་ནི་བྱང་ཆུབ་ཀྱི་སེམས་ཀྱི་ཚུལ ་ཆུ་སྐྱེས་ལ་གནས་པ་ཞེས་བྱ་བ་ནི། ལྷ་མོའི་པདྨའི་ནང་ན་གནས་པ་སྟེ། དེ་རང་གི་སྙིང་པོ་ལས་བྱུང་བའི་དཀྱིལ་འཁོར་བ་མ་ལུས་པའི་གཟུགས་སུ་བསམས་ལ་ཆོ་ག་འདིས་དབྱུང་བར་བྱའོ་ཞེས་སྦྱར་རོ། །མ་ལུས་པ་ཡང་ཡིན་ལ་མི་བསྐྱོད་པ་ལ་སོགས་པའི་རང ་གི་དཀྱིལ་འཁོར་བ་ཡང་ཡིན་པས་མ་ལུས་པའི་དཀྱིལ་འཁོར་པ་སྟེ། དེ་རྣམས་ཀྱི་གཟུགས་སུ་རང་གི་སྙིང་པོ་ལས་བྱུང་བ་སྟེ། རང་གི་ས་བོན་ལས་སྐྱེས་པར་བསམ་མོ། །ཆོ་ག་ཞེས་བྱ་བ་ནི་འོག་ནས་བཤད་པའི་ཚོགས་སེམས་བརྟན་པ་སྟེ། མཉམ་པར ་བཞག་པའི་སེམས་དང་པདྨའི་ནང་ནས་འཇིག་རྟེན་རྣམས་ལ་ཕན་པའི་ཕྱིར་ཞེས་བྱ་བ་འཇིག་རྟེན་ལ་ཕན་པའི་དོན་དུ་ཡང་དག་པར་དབྱུང་བར་བྱ་ཞིང་གདོན་པར་བྱའོ། །བཛྲ་དྷྲིཀ་ཅེས་བྱ་བ་ལ་སོགས་པ་ལ་ཐུགས་རྡོ་རྗེ་ཞེས་བྱ་བ་ནི་མི་བསྐྱོད་པ་བདག ་ཉིད་འཇམ་པའི་རྡོ་རྗེའི་གཟུགས་ལ་བཞུགས་པར་བྱའོ་ཞེས་སྦྱར་རོ། །སྐྱེ་བོ་དམ་པའི་དོན་མཛད་ཅེས་བྱ་བ་ནི་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཀྱི་མཚན་ཉིད་ཅན་ཐོབ་པར་འདོད་པ་གང་ཡིན་པ་དེ་ལ་དེ་སྐད་ཅེས་བྱའོ། །ནོར་བུ་སྔོན་པོའི ་འོད་འདྲ་ཡང་དག་འབར་ཞེས་བྱ་བ་ལ། ནོར་བུ་ཡང་ཡིན་ལ་སྔོན་པོ་ཡང་ཡིན་པས་ནོར་བུ་སྔོན་པོ་སྟེ། དེའི་འོད་དང་རང་གི་གཟུགས་འདྲ་བར་ཡང་དག་པར་འབར་བ་གང་ཡིན་པ་དེ་ལ་དེ་སྐད་ཅེས་བྱའོ། །གཡས་དང་གཡོན་པའི་ཞལ་ནི་དཀར་དང་དམར ་ཞེས་བྱ་བ་ནི་ཞལ་གཡས་དཀར་ཞིང་གཡོན་དམར་བའོ། །དམ་པ་དང་པོ་ལྟ་བུའི་ཕྱག་དང་ལྡན་ཞེས་བྱ་བ་ནི། དམ་པ་དང་པོ་ནི་བཅོམ་ལྡན་འདས་དཔལ་རྡོ་རྗེ་སེམས་དཔའ་སྟེ། དེ་དང་འདྲ་བར་ཕྱག་ན་རྡོ་རྗེ་དང་རལ་གྲི་དང་པདྨ་དང་ནོར་བུ་བསྣམས ་པ་དང་ལྡན་པའོ། །ཁ་དོག་དཔག་ཏུ་མེད་པའི་འོད་ཚོགས་མངའ་ཞེས་བྱ་བ་ནི་ཁ་དོག་དཔག་ཏུ་མེད་པ་སྟེ་མདོག་དུ་མའི་འོད་ཀྱི་ཚོགས་ཀྱི་ཕུང་པོ་གང་ལ་མངའ་བའི་ཐུགས་རྡོ་རྗེ་དེ་ལ་ནི་དེ་སྐད་ཅེས་བྱ་སྟེ། དེ་བློ་དང་ལྡན་པ་སྟེ་ཤེས་རབ་དང་ལྡན ་ཞིང་གཞུག་པ་པོའི་འཛིན་པ་སྤངས་པས་ལེགས་པར་བསྡུས་ཤིང་བཀུག་ནས་བདག་ཉིད་ལ་དངོས་པོ་ཐམས་ཅད་ཀྱིས་གཞུག་པར་བྱ་ཞིང་བསྟིམ་པར་བྱའོ། །སྐུ་རྡོ་རྗེ་བསྐུལ་ལ་ཤར་ཕྱོགས་ཀྱི་པདྨ་དང་ཟླ་བའི་དབུས་སུ་བསམ་པར ་བྱའོ་ཞེས་བྱ་བར་སྦྱར་རོ། །རྡོ་རྗེ་འཛིན་འདྲ་ཞེས་བྱ་བ་ནི་རྡོ་རྗེ་སེམས་དཔའ་ལྟ་བུ་སྟེ། དེ་དང་འདྲ་བའི་སྐུ་མདོག་དང་ཞལ་གང་ལ་མངའ་བ་དེ་ནི་རྡོ་རྗེ་འཛིན་འདྲའི་སྐུ་མདོག་ཞལ་གྱིས་མཛེས་ཞེས་བྱའོ། །དེ་ནི་འཁོར་ལོ་ལ་སོགས་ཕྱག་མཚན་བསྣམས ་ཞེས་བྱ་བ་ནི་འཁོར་ལོ་དང་རལ་གྲི་དང་པདྨ་དང་ནོར་བུ་བསྣམས་པའོ། །དེ་བཞིན་ཞེས་བྱ་བ་ནི་ཐུགས་རྡོ་རྗེ་ཇི་ལྟར་བསྐུལ་བ་དེ་བཞིན་དུ་ཡང་དག་པར་བསྐུལ་བར་བྱའོ་ཞེས་བྱ་བའི་དོན་ཏོ། །རིན་ཆེན་འབྱུང་ལྡན་བསྐུལ་ལ་འཇམ་པའི་རྡོ་རྗེའི ་གཡས་སུ་བསམ་པར་བྱའོ་ཞེས་བྱ་བར་སྦྱར་རོ། །ཞལ་གཞོན་ནུ་འདྲ་ཞེས་བྱ་བ་ལ། གཞོན་ནུ་ནི་བཅོམ་ལྡན་འདས་འཇམ་པའི་རྡོ་རྗེ་སྟེ་དེ་དང་འདྲ་བའི་མདངས་ཀྱི་རང་བཞིན་གང་ལ་ཡོད་པ་དེ་ལ་ནི་དེ་སྐད་ཅེས་བྱ་སྟེ། ཞལ་དབུས་མ་སེར་པོ་ལ ་གཡས་སྔོ་བ་གཡོན་དཀར་པའོ། །གཞན་ཡང་གཞོན་ནུ་དང་འདྲ་བ་ནི་བཙོ་མའི་གསེར་གྱི་མདངས་དང་འདྲ་བ་ལ་ཞེས་བྱ་བ་སྟེ་གསེར་ཞུན་མའི་མདངས་འདྲ་ཞིང་དེ་དང་མཚུངས་པའོ། །ཕྱག་དྲུག་མར་གང་རིན་ཆེན་ལ་སོགས་བསྣམས་ཞེས་བྱ་བ་ལ ་མར་གད་རིན་ཆེན་ནི་ནོར་བུ་ཁ་དོག་ལྗང་གུ་སྟེ། དེ་ལ་སོགས་པ་ནི་རལ་གྲི་དང་པདྨ་དང་འཁོར་ལོ་དང། འཁྱུད་པ་མཛད་པ་གང་ཡིན་པ་དེ་ནི་མར་གད་རིན་ཆེན་ལ་སོགས་བསྣམས་པ་སྟེ། དེ་ལྟ་བུས་མཛད་པའི་ཕྱག་དྲུག་གང་ལ་མངའ་བ་དེ་ལ ་དེ་སྐད་ཅེས་བྱའོ། །འོད་དཔག་ཏུ་མེད་པ་བསྐུལ་ལ་བཅོམ་ལྡན་འདས་འཇམ་པའི་རྡོ་རྗེའི་རྒྱབ་ཏུ་བསམ་བར་བྱའོ་ཞེས་བྱ་བར་སྦྱར་རོ། །ཁྱད་པར་ཇི་ལྟ་བུ་ཞིག་ཅེ་ན། པདྨ་ནི་རཱ་ག་ལྟར་དམར་ཞེས་བྱ་བ་གསུངས་ཏེ། ཆུ་སྐྱེས་ལྟར་དམར་བ་ནི་པདྨ་རཱ ་གའི་ནོར་བུ་སྟེ། དེ་དང་འདྲ་བར་དམར་པའི་མདོག་ཅན་ཏེ། པདྨ་རཱ་ག་ལྟར་དམར་པའོ། །ཞལ་གཉིས་དེ་དང་འདྲ་ཞེས་བྱ་བ་ནི་འོད་དཔག་ཏུ་མེད་པའི་ཞལ་གཡས་པ་དང་གཡོན་པ་དེ་གཞོན་ནུའི་ཞལ་དང་འདྲ་བར་སྔོ་བ་དང་དཀར་བར་བལྟ་བར་བྱའོ། ་ཞེས་བྱ་བའི་དོན་ཏོ། །འོད་ཟེར་འབར་ཞིག་ཞེས་བྱ་བ་ནི་གཅིག་ཏུ་འབར་བའི་མདངས་དང་ལྡན་པའི་འོད་ཟེར་གང་ལ་མངའ་བ་དེ་ལ་དེ་སྐད་ཅེས་བྱའོ། །ཕྱག་ན་པདྨ་ལ་སོགས་མཚན་མ་བསྣམས་པ་ཞེས་བྱ་བ་ནི། པདྨ་དམར་པོ་དང་དེ་ལ་སོགས་པ་སྟེ། ་རལ་གྲི་དང་འཁོར་ལོ་དང་རིན་པོ་ཆེ་བསྣམས་པའི་ཕྱག་གང་ལ་མངའ་བ་དེ་ལ་དེ་སྐད་ཅེས་བྱའོ། །དོན་ཡོད་པར་གྲུབ་པ་བསྐུལ་ལ་བྱང་དུ་བསམ་པར་བྱའོ་ཞེས་བྱ་བར་སྦྱར་རོ། །རིན་ཆེན་མར་གད་ལྟ་བུའི་མདོག་ལྡན་ཞིང་ཞེས་བྱ་བ་ནི་ནོར་བུ་ལྗང་གུ་དང ་མདོག་འདྲ་བའོ། །སྔ་མ་ལྟ་བུའི་ཞལ་སོགས་ཕུན་ཚོགས་མངའ་ཞེས་བྱ་བ་ནི་གཡས་དང་གཡོན་སྔོ་བ་དང་དཀར་བ་དང་རྒྱན་ལ་སོགས་པ་གཞན་དག་སྔ་མ་བཞིན་དུ་བལྟ་བར་བྱ་སྟེ། དེ་ལྟ་བུའི་ཞལ་ལ་སོགས་པ་ཕུན་སུམ་ཚོགས་པ་མངའ་ ་ཞིང་ལྡན་པ་སྟེ། སྔར་བཤད་པའི་དེ་བཞིན་གཤེགས་པ་དང་འདྲ་བའོ། །རལ་གྲི་ལ་སོགས་ཞེས་བྱ་བ་ནི། འཁོར་ལོ་དང་རལ་གྲི་དང་པདྨ་དང་རིན་པོ་ཆེ་རྣམས་དང་ལྡན་པའོ། །དེ་ཡང་ཁྱད་པར་ཇི་ལྟ་བུ་ཞེ་ན། རལ་བ་ཅོད་པན་མཛེས་དང་ཞེས་བྱ་བ་ལ ་སོགས་པ་གསུངས་ཏེ། རལ་པ་དང་ཅོད་པན་ནི་རལ་པ་དང་ཅོད་པན་ནོ། །མཛེས་པ་ནི་མདངས་དང་ལྡན་པ་སྟེ། གང་གི་རལ་པ་དང་ཅོད་པན་མཛེས་པ་དེ་ནི་རལ་བ་ཅོད་པན་མཛེས་དང་ཞེས་བྱའོ། །སྣ་ཚོགས་པ་ཡང་ཡིན་ལ་རིན་པོ་ཆེའི་མཆོག་ཀྱང་ཡིན ་པས་སྣ་ཚོགས་པའི་རིན་ཆེན་མཆོག་སྟེ། དེ་རྣམས་ཀྱི་འོད་ཟེར་དེས་འབར་བའི་རྒྱན་དང་བཅས་པ་གང་ཡིན་པ་དེ་ནི་སྣ་ཚོགས་པའི་རིན་ཆེན་མཆོག་གི་འོད་ཟེར་འབར་བས་བརྒྱན་ཅེས་བྱའོ། །རིག་པའི་མགོན་དང་རབ་ཏུ་བཅས་པའི་སྐུ་ཞེས་བྱ ་བ་ལ་རིག་པའི་མགོན་དང་བཅས་པའི་སྐུ་གང་ལ་ཡོད་པ་དེ་ལ་དེ་སྐད་ཅེས་བྱའོ། །ཐམས་ཅད་ཀྱང་ཚུལ་འདི་ལྟར་བསམ་པའོ། །སྔར་སྐུ་རྡོ་རྗེ་ཉིད་ཀྱི་གདན་གྱི་མཆོག་ཟླ་བའི་དཀྱིལ་འཁོར་གྱི་མཚན་ཉིད་ཅན་ཡིན་པར་ནི་གསུངས ་ཀྱི་གཞན་དག་གི་མ་བཤད་པས་དེ་བཤད་པའི་ཕྱིར་ཐམས་ཅད་ཉི་མའི་དཀྱིལ་འཁོར་དག་ལ་བསམ་ཞེས་བྱ་བ་གསུངས་ཏེ། འོག་མ་གསུམ་ཆར་ཉི་མའི་དཀྱིལ་འཁོར་ལ་བཞུགས་པར་བསམ་པར་བྱའོ་ཞེས་སྦྱར་རོ། །མོ་ཧ་ར་ཏི་ཞེས་བྱ་བས་ལྷ ་མོ་སངས་རྒྱས་སྤྱན་བསྐུལ་ལ། མའི་ཕྱོགས་སུ་བསམ་ཞིང་བསྒོམ་པར་བྱའོ་ཞེས་བྱ་བར་སྦྱར་རོ། །ཟླ་བའི་དཀྱིལ་འཁོར་ལ་རྫོགས་པར་གནས་པ་ཞེས་བྱ་བ་ནི་ཟླ་བའི་དཀྱིལ་འཁོར་རྒྱས་པ་ལ་བཞུགས་པའོ། །མཆོག་ཏུ་སྒེག་ཅིང་སྐུའི་རྡོ་རྗེ་འདྲ་ཞེས་བྱ་བ ་ལ། མཆོག་ཏུ་ཕུལ་དུ་བྱུང་བའི་སྒེག་ཅིང་མཛེས་ལ་སྐུ་རྡོ་རྗེ་འདྲ་བ་སྟེ། རྣམ་པར་སྣང་མཛད་དང་ཚུལ་མཐུན་པ་གང་ཡིན་པ་དེ་ལ་དེ་སྐད་ཅེས་བྱའོ། །དྭེ་ཥ་ར་ཏི་ཞེས་བྱ་བས་ལྷ་མོ་མཱ་མ་ཀཱི་བསྐུལ་ལ། བདེན་བྲལ་གྱི་མཚམས་སུ་བསམ་པར་བྱའོ་ཞེས ་བྱ་བར་སྦྱར་རོ། །ཁྱད་པར་ཇི་ལྟ་བུ་ཞིག་ཅེ་ན། དགའ་ཆེན་མཆོག་འདོད་ཅེས་བྱ་བ་ལ་སོགས་པ་གསུངས་ཏེ། དེ་ལ་དགའ་ཆེན་ནི་མཆོག་ཏུ་དགའ་བའི་བདེ་བ་སྟེ། དེ་ལ་མཆོག་ཏུ་འདོད་ཅིང་མངོན་པར་སྦྱོར་བ་གང་ཡིན་པ་དེ་ལ་དེ་སྐད་ཅེས་བྱའོ། །ཞལ ་མཛེས་ཕྱག་རྣམས་ཐུགས་ཀྱི་གཙོ་བོ་འདྲ་ཞེས་བྱ་བ་ནི་ཐུགས་ཀྱི་གཙོ་བོ་ནི་མི་བསྐྱོད་པ་ཡིན་ལ། དེ་དང་འདྲ་བའི་ཞལ་དང་ཕྱག་མཛེས་པ་གང་ལ་མདའ་བ་དེ་ལ་དེ་སྐད་ཅེས་བྱའོ། །རཱ་ག་ར་ཏི་ཞེས་བྱ་བས་གོས་དཀར་མོ་བསྐུལ་ལ། རླུང་གི ་ཕྱོགས་སུ་བསམ་པར་བྱའོ་ཞེས་བྱ་བར་སྦྱར་རོ། །ཡོན་ཏན་རིན་ཆེན་མཛའ་ཡས་ཞེས་བྱ་བ་ནི། གང་གི་ཡོན་ཏན་མཛའ་ཡས་པ་ཉིད་རིན་པོ་ཆེ་ཡིན་པ་དེ་ལ་དེ་སྐད་ཅེས་བྱའོ། །ཁྱད་པར་ཇི་ལྟ་བུ་ཞིག་ཅེ་ན། དྲི་མེད་སྐུ་ནི་གསུང་གི་དབང་ཕྱུག་འདྲ་ཞེས ་བྱ་བ་གསུངས་ཏེ། གསུང་གི་དབང་ཕྱུག་ནི་འོད་དཔག་ཏུ་མེད་པ་སྟེ། དེ་དང་འདྲ་བར་དྲི་མ་མེད་པའི་སྐུ་གང་ལ་མངའ་བ་དེ་ལ་དེ་སྐད་ཅེས་བྱ་སྟེ། སྐུ་མདོག་ལ་སོགས་པ་ཐམས་ཅད་དེ་དང་འདྲ་ཞེས་བྱ་བའི་དོན་ཏོ། །བཛྲ་ར་ཏི་ཞེས་བྱ་བས་སྒྲོ་ལམ་བསྐུལ་ལ་དབང་ལྡན་གྱི ་ཕྱོགས་སུ་བསམ་པར་བྱའོ་ཞེས་བྱ་བར་སྦྱར་རོ། །དྲི་མེད་ཅེས་བྱ་བ་ལ་སོགས་པ་ལ་དྲི་མ་མེད་པ་ཡང་ཡིན་ལ། རིན་པོ་ཆེ་ཡང་ཡིན་པས་ན་དྲི་མེད་རིན་ཆེན་ཏེ། དེ་རྣམས་ཀྱི་འོད་ནི་དྲི་མེད་རིན་ཆེན་འོད་ཅེས་བྱའོ། །དེའི་ཕྲེང་བ་ནི་ཕྲེང་དུ་གནས་པ་སྟེ། དེས ་ཕྱོགས་ཀྱི་ཚོགས་ཞེས་བྱ་བ་ཕྱོགས་ཐམས་ཅད་ཁེབས་ཤིང་གཡོས་པར་གནས་པ་གང་ཡིན་པ་དེ་ལ་དེ་སྐད་ཅེས་བྱའོ། །རིན་ཆེན་དབང་ཞེས་བྱ་བ་ནི་རིན་ཆེན་འབྱུང་ལྡན་ཏེ། དེ་དང་གཟུགས་དང་སྐུ་མདོག་འདྲ་བའི་ཕྱིར་རིན་ཆེན་དབང་འདྲ་ཞེས་བྱའོ ་འདི་རྣམས་ཀྱི་ཕྱག་མཚན་བསྟན་པའི་ཕྱིར་ལྷ་མོ་འདི་རྣམས་ངེས་པའི་མཚན་མ་ནི་ཞེས་བྱ་བ་ལ་སོགས་པ་གསུངས་ཏེ། སྤྱན་ལ་སོགས་པ་ལྷ་མོ་འདི་རྣམས་ཀྱི་ཕྱག་མཚན་ནི་འཁོར་ལོ་བཟང་པོ་དང། ཨུཏཔ་ལ་དམར་པོ་དང་པདྨ་དང་ཨུཏཔ་ལ་སེར་པོ ་དག་རིམ་པ་ཇི་ལྟ་བ་བཞིན་དུ་ངེས་པར་སྦྱར་རོ། །ལྷག་མ་རྣམས་ནི་བདག་པོ་ཇི་བཞིན་འདོད་ཅེས་བྱ་བ་ལ་འདིར་མན་ངག་གི་དོན་ནི་སྤྱན་གྱི་ཕྱག་མཚན་ལྷག་མ་ནི་རལ་གྲི་དང་པདྨ་དང་རིན་པོ་ཆེའོ། །མཱ་མ་ཀཱི་ཡང་དེ་དང་འདྲའོ། །གོས་དཀར་མོའི་རལ་གྲི ་དང་འཁོར་ལོ་དང་རིན་པོ་ཆེའོ། །སྒྲོལ་མའི་རལ་གྲི་དང་པདྨ་དང་ནི་རིན་པོ་ཆེའོ། །དེ་ཉིད་གསུམ་གྱིས་ཞེས་བྱ་བ་ལ་སོགས་པ་ལ་གཟུགས་རྡོ་རྗེ་ལ་སོགས་པའི་ལྷ་མོ་རྣམས། ཨོཾ་ཨཱ(རྒྱུད་འགྲེལ་སྐུ་ལ་སོགས་འདྲ་བར་ཞེས་བྱ་བ་གསུངས་ཏེ། སྐུ་ནི་སྐུ་རྡོ་རྗེའོ། །སོགས་པ་ནི་ཐུགས་རྡོ་རྗེ་ལ་སོགས་པ་སྟེ། དེ་དང་འདྲ་ཞིང་མཚུངས་པའོ། །དེ་ཡང་གཟུགས་རྡོ་རྗེ་ནི་སྐུ་ལྟ་བུ་ལ་ཕྱག་མཚན་གྱི་གཙོ་བོ་ནི་མེ་ལོང། ལྷག་མ་རལ་གྲི་དང་པདྨ ་དང་རིན་པོ་ཆེ་བསྣམས་པའོ། །སྒྲ་རྡོ་རྗེ་ནི་ཐུགས་རྡོ་རྗེ་དང་འདྲ་བ་ལ། འདིའི་ཕྱག་མཚན་གཙོ་བོ་ནི་པི་ཝཾ་སྟེ། ལྷག་མ་ནི་རལ་གྲི་དང་པདྨ་དང་རིན་པོ་ཆེའི་འོ། །དྲི་རྡོ་རྗེ་ནི་རིན་ཆེན་འབྱུང་ལྡན་ལྟ་བུ་ལ་ཕྱག་མཚན་གྱི་གཙོ་བོ་ནི ་དྲིས་བཀང་བའི་དུང་ཕོར། ལྷག་མ་ནི་རལ་གྲི་དང་པདྨ་དང་འཁོར་ལོའོ། །རོ་རྡོ་རྗེ་ནི་གསུང་རྡོ་རྗེ་ལྟ་བུ་ལ་འདིའི་ཕྱག་མཚན་གྱི་གཙོ་བོ་ནི་པདྨའི་སྣོད་རོ་ཞིམ་པོའི་ཁ་ཟས་ཀྱིས་བཀང་ལ། ལྷག་མ་ནི་རལ་གྲི་དང་འཁོར་ལོ་དང་རིན་པོ་ཆེའོ། །རེག་རྡོ་རྗེ ་ནི་དོན་ཡོད་པར་གྲུབ་པ་ལྟ་བུ་ལ་འདིའི་ཕྱག་མཚན་གཙོ་བོ་ནི་ལྷའི་གོས་སོ། །ལྷག་མ་ནི་རལ་གྲི་དང་པདྨ་དང་རིན་པོ་ཆེའོ། །ཆོས་ཀྱི་དབྱིངས་རྡོ་རྗེ་ནི་རྡོ་རྗེ་སེམས་དཔའ་ལྟ་བུ་ལ། འདིའི་ཕྱག་མཚན་གྱི་གཙོ་བོ་ནི་ཆོས་འབྱུང་བའི་ཕྱག་རྒྱ། ལྷག ་མ་ནི་རལ་གྲི་དང་པདྨ་དང་རིན་པོ་ཆེའོ། །དཀྱིལ་འཁོར་གྱི་ནི་ཞེས་བྱ་བ་ལ་སོགས་པ་ལ་གཟུགས་རྡོ་རྗེ་ལ་སོགས་པ་དེ་དག་ནི་དཀྱིལ་འཁོར་གྱི་མེ་ལ་སོགས་པའི་མཚམས་བཞི་དང་རྩ་བའི་སྒོ་སྟེ། ཤར་སྒོའི་ངོས་གཉིས་སུ་བསམ་པར་བྱའོ། །ཡ ་མཱནྟ་ཀྲིཏ་ཅེས་བྱ་བས། གཤིན་རྗེ་གཤེད་ཅེས་བྱ་བ་ནི་ཉི་མའི་བུ་མཐར་བྱེད་པ་སྟེ། གཤིན་རྗེའི་དགྲ་དེ་བསྐུལ་ལ་ཉི་མ་གདན་ལ་ཤར་གྱི་སྒོར་བསམ་པར་བྱའོ་ཞེས་བྱ་བར་སྦྱར་རོ། །ཁྱད་པར་ཇི་ལྟ་བུ་ཞིག་ཞེ་ན། མཛའ་ཡས་འཇིགས་འོད་ཕྱོགས་ཀུན་ཁྱབ་དང་ལྡན་ཞེས་བྱ་བ་ལ་སོགས་པ་གསུངས་ཏེ། མཛའ་ཡས་ཤིང་ཚད་མེད་ལ་འཇིགས་ཤིང་སྐྲག་ཏུ་རུང་བའི་འོད་ཀྱིས་ཕྱོགས་ཐམས་ཅད་ཁྱབ་པ་གང་ལ་ཡོད་པ་དེ་ལ་དེ་སྐད་ཅེས་བྱའོ། །དུས་མཛའ་མི་བཟད་སྤྲིན་གྱི་དཀྱིལ་འཁོར ་མདོག་ཅེས་བྱ་བ་ལ་འདུས་མཛའ་ནི་འཇིགས་པའི་དུས་སོ། །མི་བཟང་སྤྲིན་ནི་ཆར་སྤྲིན་ནག་པོ་སྟེ། དེའི་དཀྱིལ་འཁོར་ནི་ཕུང་པོའི་ཚོགས་ཏེ། དེ་དང་འདྲ་བའི་མདོག་གི་རང་བཞིན་གང་ལ་ཡོད་པ་དེ་ལ་དེ་སྐད་ཅེས་བྱའོ། །ཐུགས་ཀྱི་རྒྱལ་པོ་དག ་དང་སྐུ་མཚུངས་པ་ཞེས་བྱ་བ་ལ། ཐུགས་ཀྱི་རྒྱལ་པོ་ནི་མི་བསྐྱོད་པ་སྟེ། དེ་དང་མཚུངས་ཤིང་འདྲ་པ་དེ་ལ་དེ་སྐད་ཅེས་བྱའོ། །དྲག་པོའི་རིགས་འོད་དཔག་མེད་རྣམ་འཕྲོ་བས་ཞེས་བྱ་བ་ལ། དྲག་པོའི་རིགས་ཀྱང་ཡིན་ལ། འོད་དཔག་ཏུ་མེད་པ ་རྣམ་པར་འཕྲོ་བ་ཡང་ཡིན་པས་དེ་སྐད་ཅེས་བྱ་སྟེ། དྲག་པོའི་ཚོགས་དེ་རྣམས་ཀྱི་འོད་ཟེར་དཔག་ཏུ་མེད་པས་གཟུགས་མཚན་པ་ཞེས་བྱ་བའི་དོན་ཏོ། །གཤིན་རྗེ་མཐར་བྱེད་འབྱིན་ཅེས་བྱ་བ་ནི་གཤིན་རྗེ་འཇོམས་པའོ། །ཤིན་ཏུ་གདུག་པའི་ལུས ་ཀྱིས་སྤྲུལ་གྱི་ཡན་ལག་རྣམ་བརྒྱན་པ་ཞེས་བྱ་བ་ལ། ཤིན་ཏུ་གདུག་པའི་སྤྲུལ་ནི་ལྕེ་རྣམ་པར་བསྐྱོད་པ་དང་ལྡན་ཞིང་གདེངས་ཀ་རྣམ་པར་གཡོ་བ་སྟེ། དེས་ལུས་ཀྱི་ཡན་ལག་རྣམ་པར་བརྒྱན་པ་ནི་དབུང་རྒྱན་དང་གདུ་བུ་ལ་སོགས་བར་བྱས་པ ་གང་ཡིན་པ་དེ་ལ་དེ་སྐད་ཅེས་བྱའོ། །པྲཛྙཱནྟ་ཀྲིཏ་ཅེས་པས་ཁྲོ་བོ་གཞན་གྱིས་མི་ཐུབ་པ་བསྐུལ་ལ་ལྷོ་ཕྱོགས་ཀྱི་སྒོར་ཉི་མའི་དཀྱིལ་འཁོར་ལ་བསམ་པར་བྱའོ་ཞེས་བྱ་བར་སྦྱར་རོ། །བླ་མེད་འོད་ཅེས་བྱ་བ་ནི་འགྲོ་བ་མ་ལུས་པའི་མི་ཤེས་པ་སེལ ་བར་བྱེད་པའི་འོད་བླ་ན་མེད་པ་གང་ལ་མངའ་བ་དེ་ལ་དེ་སྐད་ཅེས་བྱའོ། །དྲག་ཅིང་ཅེས་བྱ་བ་ནི་ཀུན་གྱི་མངོན་སུམ་དུ་རབ་ཏུ་གཏུམ་པར་སྣང་བའོ། །ཕྱག་སོགས་སྐུའི་རྡོ་རྗེ་འདྲ་ཞེས་པ་ལ། སྐུའི་རྡོ་རྗེ་ནི་རྣམ་པར་སྣང་མཛད་དེ་ལ་ཞལ་དང་ཕྱག ་དང་སྐུ་མདོག་ལ་སོགས་པ་དེ་དང་འདྲ་པའོ། །གཞན་གྱིས་མི་ཐུབ་ཅེས་བྱ་བ་ནི་ཉོན་མོངས་པ་ལ་སོགས་པའི་བདུད་གཞན་རྣམས་ཀྱིས་མི་ཐུབ་པའོ། །པདྨནྟ་ཀྲིཏ་ཅེས་བྱ་བས་ཁྲོ་བོ་རྟ་མགྲིན་བསྐུལ་ལ། ནུབ་ཕྱོགས་ཀྱི་སྒོར་ཉི་མའི་དཀྱིལ་འཁོར ་ལ་བསམ་པར་བྱའོ། ཞེས་བྱ་བར་སྦྱར་རོ། །ཕྱོགས་རྣམས་ཀྱི་འཁོར་ལོ་འོད་ཀྱིས་མངོན་པར་ཁེབས་བྱེད་པ་ཞེས་བྱ་བ་ལ། ཕྱོགས་ཀྱི་འཁོར་ལོ་ཞེས་པ་ཕྱོགས་ཀྱི་ཚོགས་ཐམས་ཅད་འོད་ཟེར་རྣམས་ཀྱིས་ཁྱབ་བར་མཛད་པ་གང་ཡིན་པ་དེ་ལ་དེ་སྐད ་ཅེས་བྱའོ། །འོད་མདངས་འཇིག་དུས་མེ་འདྲ་འཇིགས་པར་ལྡན་ཞེས་བྱ་བ་ལ་འོད་ཟེར་གྱི་ཚོགས་འཇིག་པའི་དུས་ཀྱི་མེ་དང་འདྲ་བར་ཤིན་ཏུ་འཇིགས་སྐྲག་པར་བྱེད་པ་གང་ལ་མངའ་བ་དེ་ལ་དེ་སྐད་ཅེས་བྱའོ། ཕྱག ་ལ་སོགས་པ་གསུང་གི་རྡོ་རྗེ་འདྲ་ཞེས་བྱ་བ་ན་ཕྱག་དང་ཞལ་དང་སྐུ་མདོག་འོད་དཔག་ཏུ་མེད་པ་དང་འདྲ་ཞེས་བྱ་བའི་དོན་ཏོ། །གདུག་པ་དུ་མ་རྣམ་གནོན་འཇིགས་པའི་ཞལ་ཞེས་བྱ་བ་ལ། གང་གིས་གདུག་པ་དུ་མ་རྣམ་བར་གདོན?་པར་མཛད་ཅིང་ཤིན་ཏུ ་ཞལ་འཇིགས་སུ་རུང་བ་གང་ལ་མངའ་བ་དེ་ལ་དེ་སྐད་ཅེས་བྱའོ། །ཐུབ་དབང་ཧ་ཧ་ཞེས་ནི་བཞད་པ་ཡི། །རི་བོར་བཅས་པ་བསྒྱེལ་བས་སྐྲག་མཛད་པ་ཞེས་བྱ་བ་ལ་ཧ་ཧ་ཞེས་བཞད་པ་སྟེ། གསང་མཐོ་ཞིང་རྒོད་ཅིང་གང་གིས་རི་བོ་རྣམས་བསྒྱེལ་བའི ་མཛད་པ་གང་ཡིན་པ་དེ་ལ་དེ་སྐད་ཅེས་བྱའོ། །བིགྷའནནྟ་ཀྲིཏ་ཅེས་བྱ་བས་ཁྲོ་བོ་བདུད་རྩི་འཁྱིལ་པ་བསྐུལ་ལ་བྱང་ཕྱོགས་ཀྱི་སྒོར་ཉི་མའི་དཀྱིལ་འཁོར་ལ་བསམ་པར་བྱའོ་ཞེས་བྱ་བར་སྦྱར་རོ། །དཔའ་བོ་ཞེས་བྱ་བ་ནི་བགེགས་མ་ལུས་པ་རྣམ ་པར་འཇིགས་པར་མཛད་པའོ། །ཁྱད་པར་ཇི་ལྟ་བུ་ཞིག་ན། དུས་མཛའ་མེ་ལྟར་དྲག་པ་ཞེས་བྱ་བ་གསུངས་ཏེ་ཟད་པའི་དུས་ཀྱི་མེ་སྟེ་བྱིན་ཟ་ཤིན་ཏུ་དྲག་པ་ཡིན་པ་དང་འདྲ་བར་རབ་ཏུ་གཏུམ་ཞིང་དྲག་པའོ། །འཕགས་པ་ཞེས་བྱ་བ་ནི་སྡིག་པ་མི ་དགེ་བའི་ཆོས་རྣམས་ལས་རིང་དུ་གྱུར་བའོ། །ཞལ་སོགས་མི་བསྐྱོད་དང་མཚུངས་པ་ཞེས་བྱ་བ་ནི། ཞལ་དང་ཕྱག་དང་སྐུ་མདོག་མི་བསྐྱོད་པ་དང་འདྲ་བའོ། །དབང་བསྐུར་བའི་དུས་སུ་འདི་དག་གི་ཅོད་པན་ལ་བདག་པོ་བསམ་པར་བྱའོ་ཞེས་བྱས་ ་དེ་བསྟན་པར་བྱ་བའི་ཕྱིར་རྣམ་པར་སྣང་མཛད་ཅེས་བྱ་བ་ལ་སོགས་པ་གསུངས་ཏེ། གཤིན་རྗེ་གཤེད་ལ་སོགས་པ་ཡང་ཟློས་པ་དགག་པར་བྱ་བའི་ཕྱིར་རིམས་བཞིན་ནོ་ཞེས་བྱ་བ་སྟེ། གཤིན་རྗེ་གཤེད་ལ་སོགས་པའི་ཅོད་པན་ལ ་རྣམ་བར་སྣང་མཛད་དང། མི་བསྐྱོད་པ་དང་འོད་དཔག་མེད་དང། མི་བསྐྱོད་པ་རིམ་བཞིན་དུ་བསམ་པར་བྱའོ། །འདི་རྣམས་ཀྱི་ཕྱག་མཚན་བསྟན་པར་བྱ་བའི་ཕྱིར་ཐོབ་ཞེས་བྱ་བ་ལ་སོགས་པ་གསུངས་ཏེ། ཐོ་བ་དང་དབྱུག་པ་དང། པདྨ་དང་རྡོ་རྗེ་ནི་ཐོ་བ་དབྱུག་དྲ? ་དེ་བཞིན་པདྨ་དང། རྡོ་རྗེ་ཞེས་བྱ་སྟེ། དེ་ལ་སོགས་པ་ནི་རལ་གྲི་ལ་སོགས་པ་བསྣམས་པས་དེ་སྐད་ཅེས་བྱ་སྟེ། འདིའི་ཕྱག་ནི་ཀུན་ལ་བསམ་ཞེས་བྱ་བ་ནི་སྔར་བཤད་མ་ཐག་པ་དེ་རྣམས་ཕྱག་ཀུན་ན་བསྣམས་པར་བསྒོམ་པར་བྱའོ། །དེ་ལྟར་ཡོངས་སུ ་རྫོགས་པའི་དཀྱིལ་འཁོར་ལ་ཞེས་བྱ་བ་ལ་སོགས་པ་ལ། དེ་ལྟར་ཞེས་བྱ་བ་ནི་བཤད་མ་ཐག་པའི་རིམ་གྱིས་སོ། །ཡོངས་སུ་རྫོགས་པ་ཞེས་བྱ་བ་ནི་དངོས་པོ་ཐམས་ཅད་ཀྱིས་ཡོངས་སུ་རྫོགས་ཤིང་གྲུབ་པའི་དཀྱིལ་འཁོར་ལ་དངོས་པོ་ཐམས་ཅད་ཀྱིས་བལྟས ་ཤིང་བསམས་ནས་སྙིང་པོའི་སྔགས་ནི་ཡེ་ཤེས་སེམས་དཔའ་ཨི་ཐུགས་ཀའི་སྙིང་པོ་སྟེ། དེའི་འོད་ཟེར་ཉིང་ལྕགས་ཀྱུ་ཡིན་ལ། དེས་དཀྱིལ་འཁོར་གྱི་འཁོར་ལོ་ལྟ་བུ་དྲངས་ཤིང་བཀུག་ནས་དམ་ཚིག་གི་དཀྱིལ་འཁོར་གྱི་མདུན་ན་བཞུགས་པར་བདེ་ ་བར་གཤེགས་པ་རྣམས་བསྒོམ་པར་བྱའོ། །འདིས་ནི་ཡེ་ཤེས་ཀྱི་དཀྱིལ་འཁོར་སྤྱན་དྲང་བ་བཤད་པ་ཡིན་ནོ། །ཤེས་རབ་ཐབས་ཀྱི་རང་བཞིན་དྲི་མེད་བའི། །ཏིང་འཛིན་ལས་བྱུང་དམ་པའི་བདེ་ས་གང་བར། །འཁོར་ལོ་བསམ་མོ་ཞེས་བྱ་བར་སྦྱར་ཏེ། ཤེས ་རབ་ནི་བུད་མེད་ཀྱི་ཚུལ། །ཐབས་ནི་སྐྱེས་པ་ལྟ་བུ་སྟེ། ཤེས་རབ་དང་ཐབས་དག་ནི་ཤེས་རབ་དང་ཐབས་སོ། །ཤེས་རབ་ཐབས་ཀྱི་རང་བཞིན་ནི་ཤེས་རབ་དང་ཐབས་ཀྱི་ངོ་བོ་ཉིད་དོ། །ཤེས་རབ་དང་ཐབས་ཀྱི་རང་བཞིན་ཡང་ཡིན་ལ་དྲི་མ་མེད་པའི་ཏིང་ངེ་འཛིན ་ཡང་ཡིན་པས་ན་ཤེས་རབ་ཐབས་ཀྱི་རང་བཞིན་དྲི་མ་མེད་པའི་ཏིང་ངེ་འཛིན་ཏོ། །དེ་ལས་བྱུང་བའི་དམ་པའི་བདེ་བ་ཡང་དེ་ཉིད་ཡིན་པས་ན་དེ་སྐད་ཅེས་བྱ་སྟེ། དེས་ཀུན་ཏུ་གང་བར་འཁོར་ལོ་བསམ་པར་བྱའོ། །གཤིན་རྗེ་མཐར་བྱེད་ནི་གཤིན་རྗེ ་གཤེད་དོ། །དེ་ཉིད་དང་པོར་བྱས་པ་གཞན་གྱིས་མི་ཐུབ་པ་ལ་སོགས་པ་གང་ཡིན་པ་དེ་ནི་གཤིན་རྗེ་མཐར་བྱེད་ལ་སོགས་ཞེས་བྱ་སྟེ། དེ་རྣམས་ཀྱིས་བསྲུང་པར་བྱས་པ་ནི་བསྲུང་བའི་སྦྱོར་བ་བྱ་བའོ། །རང་གི་སྙིང་པོས་ཞེས ་བྱ་བ་ལ་སོགས་པ་ལ་རང་གི་སྙིང་པོས་མངོན་བཟླས་ཞེས་བྱ་བ་ནི་རང་གི་ས་བོན་གྱིས་མངོན་པར་བཟླས་པའོ། །ཙནདན་བཟང་སོགས་མེ་ཏོག་གིས་མཛེས་དབུལ་ཞེས་བྱ་བ་ནི་དཀྱིལ་འཁོར་གྱི་འཁོར་ལོ་དེ་ལ་མཆོད་ཡོན་དེ་ལྟ་བུ་དབུལ་ལོ། །དེའི་འོག་ཏུ ་དཀྱིལ་འཁོར་དེ་དང་དམ་ཚིག་གི་དཀྱིལ་འཁོར་གཉིས་གཅིག་ཏུ་བྱས་ལ་རང་དང་འདྲ་བར་མིག་ལ་སོགས་པ་ཀུན་ཏུ་དགང་ཞིང། ཐུགས་དང་གསུང་དང་སྐུ་བདག་ཉིད་དང་འདྲ་བར་བྱིན་གྱིས་བརླབ་ཅིང་རང་ལ་བྱས་པ་ལྟ་བུར་དབང་བསྐུར་བར ་བསམས་ལ་འབད་པས་མངོན་པར་མཆོད་པར་བྱའོ་ཞེས་བྱ་བར་སྦྱར་རོ། །རང་ལ་བྱས་པ་ལྟ་བུར་དབང་བསྐུར་ཞིང་ཞེས་བྱ་བ་ནི་ཇི་ལྟར་བདག་ཉིད་ཕྱོགས་ཀུན་ན་བཞུག་པའི་ཐུབ་པའི་ཚོགས། སྙིང་པོའི་འོད་ཟེར་རྣམས་ཀྱིས་ཡང་དག་བསྐུལ་ཞེས་བྱ ་བ་ལ་སོགས་པས་དབང་བསྐུར་བ་བཞིན་དུ་དབང་བསྐུར་བར་བལྟའོ་ཞེས་བྱ་བའི་དོན་ཏོ། །འདིར་མན་ངག་ནི་དབང་བསྐུར་བའི་རྗེས་ཐོགས་ལ་རྣམ་པར་སྣང་མཛད་ལ་སོགས་པ་དེ་བཞིན་གཤེགས་པ་རྣམས་ཀྱི་དབུ་རྒྱན་ལ་ནི་མི་བསྐྱོད་པའོ ་སྤྱན་གྱི་དབུ་རྒྱན་ལ་ནི་རྣམ་པར་སྣང་མཛད་དོ། །མཱ་མ་ཀིའི་དབུ་རྒྱན་ལ་ནི་མི་བསྐྱོད་པའོ། །གོས་དཀར་མོའི་དབུ་རྒྱན་ལ་ནི་འོད་དཔག་ཏུ་མེད་པའོ། །སྒྲོལ་མའི་དབུ་རྒྱན་ལ་ནི་དོན་ཡོད་གྲུབ་པའོ། །གཟུགས་རྡོ་རྗེའི་དབུ་རྒྱན་ལ་ནི་རྣམ་པར་སྣང ་མཛད་དོ། །སྒྲ་རྡོ་རྗེའི་དབུ་རྒྱན་ལ་ནི་མི་བསྐྱོད་པའོ། །དྲི་རྡོ་རྗེའི་དབུ་རྒྱན་ལ་ནི་རིན་ཆེན་འབྱུང་ལྡན་ནོ། །རོ་རྡོ་རྗེའི་དབུ་རྒྱན་ལ་ནི་འོད་དཔག་ཏུ་མེད་པའོ། །རག་རྡོ་རྗེའི་དབུ་རྒྱན་ལ་ནི་དོན་ཡོད་པར་གྲུབ་པའོ། །ཆོས་ཀྱི་དབྱིངས་རྡོ་རྗེའི་དབུ་རྒྱན་ལ་ནི་མི ་བསྐྱོད་པའོ། །གཤིན་རྗེ་གཤེད་ལ་སོགས་པ་ལ་ནི་སྔར་བཤད་པའི་བདག་པོ་རྣམས་སོ། །འདིར་ཡང་བསྙེན་པ་ལ་སོགས་པ་བརྗོད་པར་བྱ་དགོས་ཏེ། དཀྱིལ་འཁོར་ཡོངས་སུ་རྫོགས་པ་ནི་བསྙེན་པའོ། །མིག་ལ་སོགས་པ་བྱིན་གྱིས་བརླབས་པ་ནི་ཉེ་བར་སྒྲུབ་པའོ། ་སྐུ་གསུང་ཐུགས་བྱིན་གྱིས་བརླབ་པ་ནི་སྒྲུབ་པའོ། །དབང་བསྐུར་བ་ནི་སྒྲུབ་པ་ཆེན་པོའོ། །དེ་རྣམས་ཀྱི་འབྲས་བུ་ནི་རྒྱུ་མཐུན་པ་དང་རྣམ་པར་སྨིན་པ་དང་སྐྱེས་བུ་བྱེད་པ་དང། དབང་གི་འབྲས་བུ་ཆེན་པོ་ཡིན་པར་ཤེས་པར་བྱའོ། །ཆོ་ག་ཡི་ནི་ཞེས་བྱ ་བ་འོག་ནས་བཤད་པའི་རིམ་པ་སྟེ། དེས་མངོན་པར་མཆོད་པར་བྱ་ཞིང་རྗེད་པར་བྱའོ། །ད་ནི་པད་ནང་ཞེས་བྱ་བ་ལ་སོགས་པས་ཆོ་ག་དེ་ཉིད་སྟོན་པ་སྟེ། །རང་གི་ས་བོན་འོད་རྣམས་ཀྱིས་ཞེས་བྱ་བ་ནི་ཡེ་ཤེས་སེམས་དཔའ་ཨི་ཐུགས་ཀའི་སྔགས ་ཀྱི་འོད་ཟེར་རྣམས་ཀྱིས་གཟུགས་ལ་སོགས་པས་ཐམས་ཅད་དྲངས་ནས་རང་གི་ལུས་ལ་བཅུག་སྟེ། རྡོ་རྗེའི་ལམ་ནས་བྱུང་བ་དང། ཡང་དག་པའི་བྱང་ཆུབ་ཀྱི་ངོ་བོས་འོད་ཟེར་གྱི་དཀྱིལ་འཁོར་རང་གི་སོ་སོར་སྣང་བའི་པདྨའི་ནང་དུ་བསྒོམ་བར་བྱའོ། ཞེས ་བྱ་བར་སྦྱར་ཏེ། ཡང་དག་བྱང་ཆུབ་ཡིད་ཀྱིས་ཞེས་བྱ་བ་ལ། བྱང་ཆུབ་ཡིད་ཅེས་བྱ་བ་བྱང་ཆུབ་སེམས་ཀྱི་འོད་ཀྱི་དཀྱིལ་འཁོར་ཞེས་པ་འོད་ཟེར་གྱི་ཆོགས་གང་དག་ཡིན་པ་དེ་ནི། ཡང་དག་བྱང་ཆུབ་ཡིད་ཀྱི་ངོ་བོ་ཡིས། །འོད་ཀྱི་དཀྱིལ་འཁོར་དག ་ཏུ་ཞེས་བྱ་སྟེ། དེའི་ངོ་བོར་གཟུགས་ལ་སོགས་པ་པདྨའི་ནང་དུ་བསྒོམ་པར་བྱའོ། །ཤེས་རབ་ཅེས་བྱ་བ་ལ་སོགས་པ་ལ་ཤེས་རབ་ནི་རང་གི་སོ་སོར་སྣང་བའི་རིག་པ་སྟེ། དེའི་བ་སྤུའི་བུ་ག་རེ་རེ་ནི་ཤེས་རབ་བ་སྤུ་རེ་རེ་སྟེ། དེ་རྣམས་ལས་བྱུང་བ ་གང་ཡིན་པ་དེ་ཤེས་རབ་བ་སྤུ་རེ་རེ་ལས་བྱུང་བའི་འོ། །འོད་ཟེར་ཡང་ཡིན་ལ་རྣམ་པ་སྣ་ཚོགས་པ་ཡང་ཡིན་པས་ན་འོད་ཟེར་རྣམ་པ་སྣ་ཚོགས་པའོ། །དེ་རྣམས་ཀྱི་རྒྱ་ཆེ་བ་ནི་ཀུན་ཏུ་ཁྱབ་པའོ། །ཚོགས་ནི་བཀོད་པ་རྣམས་ཏེ། དེས་ན་འོད ་ཟེར་རྣམ་པ་སྣ་ཚོགས་རྒྱ་ཆེན་ཚོགས་ཞེས་བྱའོ། །དེ་ལྟ་ཤེས་རབ་ཀྱི་བ་སྤུ་རེ་རེ་ལས་བྱུང་བའི་ཡང་ཡིན་ལ་འོད་ཟེར་རྣམ་པ་སྣ་ཚོགས་པ་རྒྱ་ཆེན་པོའི་ཚོགས་ཀྱང་ཡིན་པས་ན་ཤེས་རབ་བ་སྤུ་རེ་རེ་ལས་བྱུང་བའོ། འོད་ཟེར་རྣམ ་པ་སྣ་ཚོགས་རྒྱ་ཆེན་ཚོགས་ཞེས་བྱ་བ་སྟེ། དེ་རབ་ཏུ་སྤྲོ་བར་བྱའོ་ཞེས་བྱ་བར་སྦྱར་རོ། །ཁྱད་པར་ཇི་ལྟ་བུ་ཞེ་ན། མ་ལུས་ནམ་མཁའ་ཨི་གཏོས་ནི་ཀུན་ཏུ་ཁྱབ་ཅེས་བྱ་སྟེ། གང་གིས་མ་ལུས་པའི་ནམ་མཁའ་ཨི་གཏོས་ཏེ། ངེས་པར་ཁྱབ་པར་གྱུར་པ་དེ་ལ ་དེ་སྐད་ཅེས་བྱའོ། །ཀུན་ཏུ་ཞེས་བྱ་བ་ནི་ཐམས་ཅད་དུའོ། །དེ་ལས་ཞེས་བྱ་བ་ནི་འོག་ནས་བཤད་པའི་རིམ་པས་སོ། །བློ་དང་ལྡན་པས་རབ་ཏུ་སྤྲོ་ཞེས་བྱ་བ་ནི་ཡིད་ཀྱིས་འདོན་ཅིང་སྤྲོ་བར་བྱ་བའོ། །འོད་ཀྱི་སྒོ་ལས་ཞེས་བྱ་བ་ལ་སོགས་པ་ལ ་གཟུགས་ལ་སོགས་པའི་ལྷ་མོ་རྣམས་ཀྱིས་རྒྱལ་བའི་དབང་པོ་རྣམས་ལེགས་པར་མཆོད་པར་བྱའོ་ཞེས་བྱ་བར་སྦྱར་རོ། །ཇི་ལྟ་བུས་ཤེས་ན། འོད་ཀྱི་སྒོ་ལས་ངེས་པར་བྱུང་བའི་ཞེས་བྱ་བ་ལ་སོགས་པ་སྨོས་ཏེ། ཤེས་རབ་ཀྱི་བ་སྤུ་རེ་རེ་ལས ་བྱུང་བའི་འོད་ཟེར་གྱི་སྒོ་རྣམས་ངེས་པར་བྱུང་བ་ཡིན་པས་ན་འོད་ཀྱི་སྒོ་ལས་ངེས་པར་བྱུང་བའོ། །དྲི་མ་མེད་པ་ཡང་ཡིན་ལ་རྒྱན་ཀུན་ཡང་ཡིན་པས་ན་དྲི་མེད་རྒྱན་ཀུན་ཏེ། དེས་ཡན་ལག་ལེགས་པར་བརྒྱན་པར་གྱུར་པ་གང་ཡིན་པ་ ་དེ་ནི་ཡན་ལག་དྲི་མེད་རྒྱན་ཀུན་གྱིས་ལེགས་བརྒྱན་ཞེས་བྱ་སྟེ་དེ་རྣམས་ཀྱིས་སོ། །ཡང་དེ་རྣམས་ཀྱིས་ཁྱད་པར་བསྟན་པའི་ཕྱིར་མེ་ལོང་ཞེས་བྱ་བ་ལ་སོགས་པ་སྨོས་ཏེ། མེ་ལོང་དང་པི་ཝཾ་དང། དྲི་དུང་ཆོས་དང། རོའི་སྣོད་དང། གོས་དང ་དེ་ལ་སོགས་པ་མཚན་མ་རྣམས་ཀྱིས་རིམ་གྱིས་ཏེ། གོ་རིམ་ཇི་ལྟ་བ་བཞིན་དུ་རང་ཉིད་རྣམ་པར་སྒེག་པ་དང་བཅས་ཤིང་མཛེས་ལ་རོལ་ཅིང་འཇོ་བ་དང་བཅས་པའི་ལག་པ་འོད་ཅན་དམ་པ་རྣམས་གང་ལ་ཡོད་པ་དེ་ལ་དེ་སྐད་ཅེས ་བྱའོ། དེ་རྣམས་ཀྱིས་སོ། །ཡང་འདི་རྣམས་ཀྱི་ཁྱད་པར་བསྟན་པའི་ཕྱིར་འོད་ཀྱི་སྣང་བས་ཤེས་བྱ་བ་ལ་སོགས་པ་སྨོས་ཏེ། འོད་ཀྱང་ཡིན་ལ་སྣང་བ་ཡང་ཡིན་པས་ན་འོད་ཀྱི་སྣང་བ་སྟེ། དེས་སྤྲུལ་པ་ནི་སྣ་ཚོགས་པའི་མཆོད་པ་སྟེ་གཟུགས་ལ་སོགས ་པའི་མཆོད་པའོ། །སྤྲིན་གྱི་དྲ་བ་ནི་མཆོད་པ་དེ་རྣམས་ཀྱི་སྤྲིན་གྱི་དྲ་བ་སྟེ། དེས་ཁྱབ་པས་ན་འདི་སྐད་ཅེས་བྱ་སྟེ། དེ་རྣམས་ཀྱིས་སོ། །གཞན་ཡང་ཁྱད་པར་ཇི་ལྟ་བུ་ཞེ་ན། དངོས་རྣམས་སྒྱུ་མ་ཞེས་བྱ་བ་ལ་སོགས་པ་སྨོས་ཏེ། དངོས་རྣམས་སྒྱུ་མ་ཞེས་བྱ ་བ་ལ་མིག་ཡོང་ཙམ་དུ་སོ་སོར་སྣང་བ་ཙམ་དུ་ཟད་པས་ན་སྒྱུ་མ་དང་མཚུངས་པ་གང་ཡིན་པ་དེ་ནི་དངོས་རྣམས་སྒྱུ་མ་སྟེ། དེ་ལ་སོགས་པ་ནི་དངོས་པོ་རྨི་ལམ་ལྟ་བུ་ལ་སོགས་པར་དེ་རྣམས་གྱུར་པ་ཡིན་ནོ། །དེ་རྣམས་སོ་སོ་ཡང་དག་པར་རིག ་པ་ནི་ཤེས་རབ་ཀྱི་སྣང་པའི་ལྟ་བ་དང་ལྡན་པས་འགྲོ་བ་དགའ་བར་བྱ་བའི་ཕྱིར་གར་དང་གླུ་ལ་སོགས་པའོ། །ངས་སུ་ཤེས་པའོ། །དེ་ལྟར་ན་དངོས་པོ་རྣམས་སྒྱུ་མ་ལ་སོགས་པ་དང་སོ་སོར་ཡང་དག་པར་རིག་པ་ལ་མཁས་ཤིང་བྱང་ལ་དེ ་ཉིད་ཤེས་པ་ཞེས་བྱ་བའི་བར་དུ་སྟེ་དེ་ཡིས་སོ། །གཞན་ཡང་ཇི་ལྟ་བུ་ཞེ་ན། རྟོག་པ་མ་ལུས་པ་ཞེས་བྱ་བ་ལ་སོགས་པ་སྨོས་ཏེ། རྟོག་པ་ལས་དེས་གྲོལ་ཞིང་ཞེས་བྱ་བ་ནི་གཟུང་བ་དང་འཛིན་པའི་མཚན་ཉིད་ཅན་གྱི་རྟོག་པ་མ་ལུས་པ ་ཐམས་ཅད་ལས་ངེས་པར་གྲོལ་ཞིང་སྤུངས་པ་དེ་ལ་དེ་སྐད་ཅེས་བྱའོ། །མཆོག་ཏུ་བདེ་བ་ནི་མཆོག་ཏུ་དགའ་བའི་བདེ་བའོ། །དེ་བསྐྱེད་པའི་རྒྱུར་བ་ནི་དེ་སྐྱེ་བའི་མཚན་མར་གྱུར་པ་ཡིན་པས་ན་དེ་སྐད་ཅེས་བྱ་སྟེ། དེ་ལྟ་བུའི་གཟུགས་ལ་སོགས ་པའི་ལྷ་མོ་རྣམས་སོ། །དེ་བཞིན་ཕྱིའི་དྲི་ཚོགས་ཐམས་ཅད་ཀྱང། །རྒྱལ་བའི་དབང་པོ་རྣམས་ནི་ལེགས་མཆོད་ཅིང་ཞེས་བྱ་བ་ནི་དཀྱིལ་འཁོར་གྱི་འཁོར་ལོ་མཆོད་པའོ། །ཐ་དད་རྣམ་པར་རྟོག་ལས་རྣམ་པར་སྒྲོལ་ཞེས་བྱ་བ་ནི་མཆོད་པར་བྱ་བ་ ་དང། མཆོད་པ་དང་མཆོད་པ་པོའི་རྣམ་པར་རྟོག་པ་དང་བྲལ་བའོ། །ོཾ་ཞེས་བྱ་བ་ལ་སོགས་པ་ནི་མཆོད་པ་བྱིན་གྱིས་རློབ་པའི་སྔགས་བཤད་པ་ཡིན་ནོ། །ད་ནི་སྒྲའི་ཞེས་བྱ་བ་ལ་སོགས་པས་བསྟོད་པ་སྟོན་ཏེ། དེའི་རྗེས་ལ ་ཞེས་བྱ་བ་ལ་མཆོད་པའི་རྗེས་ལ་རང་གི་ཡིད་ལྷག་པའི་ལྷ་རུ་གནས་པ་ལ་ཆོས་རྣམས་བསྟོད་པའི་སྒྲ་ནི་བྱེད་པར་བསམ་མོ་ཞེས་བྱ་བར་སྦྱར་རོ། །དེ་ལ་སྒྲའི་ཡུལ་རྣམས་མ་ལུས་པ་ཐམས་ཅད་ལ་བསྟོད་པའི་མཚན་ཉིད་ཅན་གྱི་སྒྲའི་ཚིག་ཏུ་ངེས་པར ་བརྟགས་ཤིང་བསྒོམས་བ་རང་ཡིད་ལྷག་པའི་ལྷ་རུ་གནས་པ་ཞེས་བྱ་བའང་ཕྱི་རོལ་གྱི་ལྷའི་གཟུགས་མེད་ཀྱི་རང་གི་ཡིད་ཉིད་ལྷག་པའི་ལྷ་ཡིན་ཏེ། གཙོ་བོའི་ལྷ་རང་གི་ཡིད་ཉིད་ཡིན་ལ། དེ་ལ་ཆོས་རྣམས་བསྟོད་པ་དེའི་སྒྲ་སྒྲོགས་པར་གྱུར ་པའི་ཞེས། འོག་ནས་བཤད་པའི་རིམ་གྱིས་བསྒོམ་པར་བྱའོ། །ཆོས་ཐམས་ཅད་བསྟོད་པ་བྱེད་པའི་སྒྲ་གང་གིས་བསྟོད་བ་བྱེད་པ་དེ་བསྟན་པར་བྱ་བའི་ཕྱིར། མི་བསྐྱོད་པ་ནི་ཞེས་བྱ་བ་ལ་སོགས་པ་སྨོས་ཏེ་བདུད་དང་ཉོན་མོངས་པ་ལ་སོགས་པ་རྣམས ་ཀྱིས་དཀྲུག་པར་མི་ནུས་བས་ན་མི་བསྐྱོད་པའོ། །དེ་ཉིད་ནི་མི་ཕྱེད་པ་ཡིན་པས་ན་རྡོ་རྗེའོ། །ཆོས་ཀྱི་དབྱིངས་རྣམ་པར་དག་པའི་མཚན་ཉིད་ཅན་གྱི་ཡེ་ཤེས་ཆེན་པོ་མངའ་བས་ན་ཡེ་ཤེས་ཆེའོ། །དེ་ལ་བོད་པ་ནི་རྡོ་རྗེ་དབྱིངས་ནི་ཞེས་བྱ་བ་སྟེ། མི ་ཕྱེད་པའི་རིགས་མངའ་བའོ། །མཁའ་ཆེན་པོ་ཞེས་བྱ་བ་ནི་མཁྱེན་པ་ཆེན་པོ་དང་ལྡན་པའོ། །སྐུ་དང་གསུང་དང་ཐུགས་ཏེ་རྡོ་རྗེ་གསུམ་ཡང་ཡིན་ལ་མཆོག་ཀྱང་ཡིན་པས་ན་རྡོ་རྗེ་གསུམ་མཆོག་གོ་།དཀྱིལ་འཁོར་གསུམ་གྱི་དཀྱིལ་འཁོར་གསུམ ་གཅིག་ཏུ་འདུས་པ་ལ། དཀྱིལ་འཁོར་གསུམ་ཞེས་བྱ་སྟེ། དེ་ཁོ་ན་ཉིད་དོ། །དེ་ཉིད་གཅིག་ཏུ་བསྡུས་པའི་སྐུ་དང་གསུང་དང་ཐུགས་རྡོ་རྗེའི་ཆོས་སྟོན་པར་མཛད་པས་ན། རྡོ་རྗེ་དབྱིངས་ལ་ཕྱག་འཚལ་ལོ་ཞེས་བྱའོ། །རྣམ་པར་སྣང་མཛད་ཅེས ་བྱ་བ་ལ་སོགས་པ་རྣམས་སྣ་ཚོགས་པའི་ཚུལ་གྱིས་གསལ་ཞིང་གནད་བར་མཛད་པས་ན་རྣམ་བར་སྣང་མཛད་དོ། །དེ་ཉིད་ནི་དག་པ་ཆེ་སྟེ། མེ་ལོང་ལྟ་བུའི་ཡེ་ཤེས་ཀྱི་ངོ་བོ་ཉིད་ཡིན་པའི་ཕྱིར་རོ། །རྡོ་རྗེ་ཞི་བ་ཞེས་བྱ་བ་ནི་ཉོན་མོངས་པ་ཐམས་ཅད་ཉེ་བར་ཞི ་བ་དང། ཞི་བའི་ལས་ལ་མངའ་མཉེས་པའོ། །དགའ་བ་ཆེ་ཞེས་བྱ་བ་ནི། དགའ་བ་ཆེན་པོ་ཞེས་བྱ་བ་མཆོག་ཏུ་དགའ་བའི་བདེ་བའི་ངོ་བོ་ཆེན་པོ་མངའ་པས་ན་དགའ་བ་ཆེན་པོ་སྟེ་དེ་ལ་བོད་པའོ་རང་བཞིན་གྱིས་ནི་འོད་གསལ་མཆོག་ཅེས་བྱ ་བ་ནི་ཐམས་ཅད་མཁྱེན་པའི་ཡེ་ཤེས་ལ་མཆོག་གཙོ་བོར་གྱུར་པ་སྟེ། རང་བཞིན་གྱིས་འོད་གསལ་པ་ཡང་ཡིན་ལ་མཆོག་ཀྱང་ཡིན་ནོ་ཞེས་མཚམས་སྦྱར་བ་སྟེ་དེ་ལ་བོད་པའོ། །སྟོན་པ་རྡོ་རྗེ་ཕྱག་འཚལ་ལོ་ཞེས་བྱ་བ་ནི་ཀྱ་རང་བཞིན་གྱིས་འོད་གསལ ་བའི་ཆོས་རྣམས་སྟོན་པར་མཛད་པའི་རྡོ་རྗེ་ལ་ཕྱག་འཚལ་ལོ་ཞེས་བོད་པའོ། །རིན་ཆེན་ཞེས་བྱ་བ་ལ་སོགས་པ་ལ། རིན་ཆེན་ནི་བྱང་ཆུབ་ཀྱི་སེམས་ཀྱི་རྡོ་རྗེའོ། །དེ་ཉིད་མི་འགྲོ་བ་ཐམས་ཅད་ཀྱི་དོན་ཕུན་སུམ་ཚོགས་པ་དང་ལྡན་པས་ན་རྒྱལ ་པོ་སྟེ་དེ་ལ་བོད་པའོ། །ཤིན་ཏུ་ཟབ་པ་ཡིན་པས་ན་རབ་ཏུ་ཟབ་པའོ། །རྡོ་རྗེ་ནམ་མཁའ་ནི་མཉམ་པ་ཉིད་ཀྱི་ཡེ་ཤེས་ཏེ་དེས་ནམ་མཁའ་བཞིན་དུ་དྲི་མ་མེད་པའོ། །རང་གི་ངོ་བོ་ཉིད་ཀྱིས་རང་བཞིན་གྱིས་དག་པ་ཡིན་པས་ན་རང་བཞིན་རག་པའོ། ། ་ཉོན་མོངས་པ་དང་ལས་དང་ཤེས་བྱའི་སྒྲིབ་པའི་བག་ཆགས་ཀྱི་གོས་པ་དང་བྲལ་བ་གང་ཡིན་པ་བ་ནི་གོས་པ་མེད་ཙམ་ཅེས་བྱའོ། །རྡོ་རྗེའི་སྐུ་ལ་ཕྱག་འཚལ་ལོ་ཞེས་བྱ་བ་ནི་སྐུ་རྡོ་རྗེའོ། །རྡོ་རྗེ་མི་འཆི་ནི་རྡོ་རྗེ་ཚེ་དཔག་ཏུ་མེད་པའོ། །དེ་ཉིད་ནི་ཁམས་གསུམ་གྱི ་བདག་པོའི་འབྱོར་པ་མངའ་བས་ན་རྒྱལ་པོ་ཆེའོ། །གཟུང་བ་དང་འཛིན་པའི་རྟོག་པ་མ་ལུས་པ་དང་བྲལ་བས་ནི་མི་རྟོག་པའོ། །ནམ་མཁའ་རྡོ་རྗེ་ནི་སོ་སོར་རྟོག་པའི་ཡེ་ཤེས་ཏེ། དེ་འཛིན་པར་མཛད་པས་ན་ནམ་མཁའ་རྡོ་རྗེ་འཛིན་ནོ། །འདོད་ཆགས་པ ་རོལ་ཕྱིན་པ་ནི་འདོད་ཆགས་རྣམ་པར་དག་པ་སྟེ་དེ་མཉེས་པའོ། །རྡོ་རྗེའི་གསུང་ལ་ཕྱག་འཚལ་ལོ་ཞེས་བྱ་བ་ནི་ཆོས་སྟོན་པར་མཛད་པས་སོ། །དོན་ཡོད་པ་ནི་འབྲས་བུ་དང་བཅས་པའོ། །དེ་ཉིད་ནི་མི་ཕྱེད་པས་ན་རྡོ་རྗེ་སྟེ་དེ་ལ་བོད་པའོ། །ཡང ་དག་ཅིང་ཕྱིན་ཅི་མ་ལོག་པའི་རྣམ་པས་སངས་རྒྱས་པས་ན་རྫོགས་སངས་རྒྱས་སོ། །བྱ་བ་སྒྲུབ་པའི་ཡེ་ཤེས་ཀྱི་ངོ་བོ་ཉིད་དུ་གྱུར་པས་ན་བསམ་པ་ཐམས་ཅད་རྫོགས་མཛད་པའོ། །དག་པ་ནི་རང་བཞིན་གྱིས་འོད་གསལ་བའི་ངོ་བོ་སྟེ་དེ་ཉིད་ལས ་ཡང་དག་པར་བྱུང་བས་ན་རང་བཞིན་དག་པ་ཉིད་ལས་བྱུང་བའོ། །རྡོ་རྗེ་སེམས་དཔའ་ཕྱག་འཚལ་ལོ་ཞེས་བྱ་བ་ནི་གཉིས་སུ་མེད་པའི་ཡེ་ཤེས་ཀྱི་ངོ་བོ་ཉིད་དུ་གྱུར་པའི་ཕྱིར་རོ། །འབར་བའི་ཞེས་བྱ་བ་ལ་སོགས་པ་ལ་འབར་བ་ནི་འོད་དང་ལྡན་པ་སྟེ་དེ་ལྟ ་བུའི་ཨོཾ་གྱིས་བྱིན་གྱིས་བརླབས་པའི་རླུང་མེའི་དཀྱིལ་འཁོར་ལ་གནས་པའི་བདུད་རྩི་ལྔའོ། །དེ་ལ་དོན་ནི་འདི་ཡིན་ཏེ། རླུང་དང་མེའི་དཀྱིལ་འཁོར་ལ་པདྨའི་སྣོད་གནས་ཤིང་དེར་བདུད་རྩི་ལྔ་གཞུག་ལ་ཨོཾ་གྱིས་བྱིན་གྱིས་བརླབས་ཏེ། རབ་ཏུ ་སྤར་ཞིང་ཀུན་ཏུ་འབར་བར་བྱས་ལ་དེ་ནས་ཡི་གེ་གསུམ་མངོན་བར་བཟླས་ཏེ་ཐུབ་པའི་དབང་པོ་ནང་དུ་ཆུད་པར་བསམ་པར་བྱ་བ་དང། ཡེ་ཤེས་ཉིད་དུ་བདུད་རྩི་སྟེ་ཁམས་གསུམ་པའི་ཚེ་བ་ཉེ་བར་ཞི་བའི་ཕྱིར་རོ། །དེ་ལྟར་དེའི་ངོ་བོ་ཉིད་དུ ་བསམས་ནས་རང་གི་ལྕེ་ལ་ཡི་གེ་ཧཱུཾ་ལས་རྡོ་རྗེ་ལྔ་བའི་བདག་ཉིད་ཅན་གྱི་ལྕེ་བསམས་པ། བདུད་རྩི་ལྔ་དེའི་སྙིང་གའི་ཟླ་བའི་དབུས་ན་མ་ལུས་པའི་རྒྱལ་བའི་འཁོར་ལོ་ལྟ་བུ་དེས་ཚིམ་པར་བྱ་ཞིང་བལྟ་བར་བྱའོ། །འདི་དག་ནི་དཀྱིལ་འཁོར ་གྱི་རྒྱལ་པོ་མཆོག་ཏིང་ངེ་འཛིན་ཏོ། །སྙིང་པོར་ཞེས་བྱ་བ་ལ་སོགས་པ་སྙིང་པོའི་འོད་ཟེར་དཔག་ཏུ་མེད་པས་སྤྲུལ་པའི་ཐུབ་པ་རྣམས་ཀྱིས་མི་ཤེས་པ་ཀུན་ཏུ་ངེས་པར་བསལ་ནས་འགྲོ་བ་མ་ལུས་པ་རྫོགས་པའི་སངས་རྒྱས་སུ་བྱས་ཏེ་རང ་གི་སྔགས་ཀྱི་ནང་དུ་ཆུད་པར་བྱས་ལ། གཟུགས་ལ་སོག་པའི་རྣམ་པ་མི་རྟོག་པ་ཞེས་བྱ་བ་ལ་སོགས་པས་བརྟགས་ནས་རང་གི་སྙིང་གར་དེར་མ་མེད་པའི་ཟླ་བ་ལ་གནས་པའི་མཚན་མ་ལ་གནས་པའི་གསང་སྔགས་དམ་པའི་གཟུགས་རང་གི་ཡིད་འོང ་དང་ལྡན་པར་ཡོངས་སུ་བསྒོམ་པར་བྱའོ་ཞེས་སྦྱར་བར་བྱའོ། །སྙིང་པོའི་འོད་ཟེར་ཞེས་བྱ་བ་ནི་ཡེ་ཤེས་སེམས་དཔའ་ཨི་སྙིང་པོའི་འོད་ཟེར་རྣམས་ཏེ། དེ་དཔག་ཏུ་མེད་པས་སྤྲུལ་པ་ཡང་ཡིན་ལ་ཐུབ་པའི་དབང་པོ་ཡང་ཡིན་པས་ན་སྙིང་པོའི་འོད་ཟེར་དཔག་མེད ་ཀྱིས་སྤྲུལ་པའི་ཐུབ་པས་ཞེས་བྱ་བ་དེ་ལྟར་མཚམས་སྦྱར་ཏེ། བྱེད་པ་པོར་གྱུར་པ་དེ་རྣམས་ཀྱིས་མི་ཤེས་ཀུན་ཏུ་ངེས་བསལ་ནས་ཞེས་བྱ་བ་ལ། མི་ཤེས་པ་སྟེ་མ་འཇིག་པ་ཀུན་ཏུ་དངོས་པོས་ཐམས་ཅད་གྱིས་ངེས་པར་བསལ་ཞིང་སྤངས་པ་གང་ཡིན ་པ་དེ་ལ་དེ་སྐད་ཅེས་བྱའོ། །དེ་ལྟ་བུས་འགྲོ་བ་མ་ལུས་པ་རྫོགས་པའི་སངས་རྒྱས་སུ་བྱས་ནས། རང་གི་གསང་སྔགས་ནང་དུ་ཆུད་པར་བྱ་ཞེས་པ་སྟེ། ཡེ་ཤེས་སེམས་དཔའ་ཨི་ཐུགས་ཀའི་སྙིང་པོའི་ནང་དུའོ། །གཟུགས་ལ་སོགས་པ་ཞེས་བྱ་བ་ནི་གཟུགས ་ཀྱི་ཕུང་པོ་ལ་སོགས་པའོ། །གང་གི་ཕྱི་མ་རྣམ་པའི་ངོ་བོ་ཉིད་དེ་ཀུན་བརྟགས་པ་དང་གཞན་གྱི་དབང་གིས་མཚན་ཉིད་དང་བྲལ་ཞིང་སྤངས་པ་ཡིན་པའི་མངོན་སུམ་གྱི་མཚན་ཉིད་ཅན་གྱིས་མཐོང་ཞིང་སྣང་བ་ཡིན་པའི་རྒྱུར་དེས་ན་འཛིན་པ་པོ་ནི ་མངོན་སུམ་ལ་སོགས་པའི་རྣམ་པར་ཤེས་པར་ཡོད་པ་མ་ཡིན་ལ། གཟུགས་ལ་སོགས་པའི་མཚན་ཉིད་ཅན་གྱི་གཟུང་པ་རྣམས་ཀྱང་ཅུང་ཟད་ཀྱང་ཡོད་པ་མ་ཡིན་ནོ། །གཞན་ལ་རྗེས་སུ་དཔག་པའི་མཚན་ཉིད་ཅན་གྱི་ཚང་མས་ཀྱང་གཟུགས་ལ་སོགས ་པ་ཉེ་བར་དམིགས་པར་མི་འགྱུར་ཏེ། འབྲེལ་བ་ཞེས་བྱ་བ་དེའི་བདག་ཉིད་དང་དེ་ལས་བྱུང་བའི་མཚན་ཉིད་ཀྱིས་ཀྱང་མཐོང་བ་མེད་པ་ཤེས་པ་མ་ཡིན་ཏེ། རྗེས་སུ་དཔག་པ་ནི་མངོན་སུམ་སྔོན་དུ་འགྲོ་བ་ཅན་ཡིན་པའི་ཕྱིར་རོ། །དེ་ཡང་ཕྱོགས་ཀྱི་ཆོས ་བཟུང་ནས་བསྒྲུབ་བར་བྱ་བ་དང། སྒྲུབ་པར་བྱེད་པའི་འབྲེལ་པ་དྲན་པ་ན། ཕྱིས་རྗེས་སུ་དཔག་པ་ལ་ཐུག་པ་ན་རྗེས་སུ་དཔག་པ་ཅེས་བྱའོ་ཞེས་བྱ་བའི་ཚུལ་གྱིས་སོ། །བདེ་བ་ལ་སོག་པ་རྣམ་པར་ཤེས་པ་གཟུགས་ལ་སོགས་པ་དེ་ཡོངས་སུ ་འཛིན་པར་བྱེད་པའི་བྱ་བ་ནི་འགའ་ཡང་ཡོད་པར་མ་མཐོང་ལ་རྒྱུ་དེས་ཅིག་ཅར་དེ་དུས་གསུངས་པར་ཤེས་ཤིང་ཉེ་བར་དམིགས་པ་ཡིན་པའི་ཕྱིར་གཟུགས་ལ་སོགས་པ་བཞིན་དུ་བདེ་བ་ལ་སོག་པའི་རྣམ་པར་ཤེས་པ་འདི་དག ་ཡོངས་སུ་འཛིན་པ་པོར་ཡོད་པ་མ་ཡིན་ཞིང་འཛིན་པར་བྱེད་པར་མི་འགྱུར་རོ། །ཡང་ན་སེམས་ནི་གཟུགས་ལ་སོགས་པའི་རྣམ་པ་དང་བྲལ་བ་སྟེ། གཟུགས་ལ་སོགས་པའི་རྣམ་པ་ཅན་གྱི་གཟུང་བའི་མཚན་ཉིད་དང་བྲལ་ཞིང་མེད་པ་མངོན ་སུམ་སྟེ་རང་རིག་པའི་མངོན་སུམ་གྱིས་མཐོང་ཞིང་ཤེས་པ་དེ་ནི་འཛིན་པ་པོ་མ་ཡིན་ཏེ། གང་གི་ཕྱིར་གཟུགས་ལ་སོགས་པའི་རྣམ་པ་དང་བྲལ་བ་ཡིན་པ་དེས་ན་དེའི་འཛིན་པ་མ་ཡིན་ཏེ། གཟུང་བར་བྱ་བ་མེད་པས་འཛིན་པ་པོ ་ཡང་མེད་དོ། །གང་གི་ཕྱིར་སེམས་གཟུགས་ལ་སོགས་པའི་རྣམ་པ་དང་བྲལ་བ་ཡིན་པ་དེས་ན་དེ་ནི་འཛིན་པ་མ་ཡིན་ཏེ། གཟུང་བར་བྱ་བ་མེད་པས་འཛིན་པ་པོ་ཡང་མེད་དོ། །གང་གི་ཕྱིར་སེམས་གཟུགས་ལ་སོགས་པ་རྣམ་པ་དང ་བྲལ་བ་དེས་ན་གཟུང་བ་རྣམས་ཀྱང་ཅི་ཡང་ཡོད་པ་མ་ཡིན་ཏེ། གཟུགས་ལ་སོགས་པ་གཟུང་པ་མ་ཡིན་པའི་ཕྱིར་རོ། །ཀྱང་ཞེས་སྨོས་པ་ནི་འཛིན་པ་པོའི་ཤེས་པ་ཡང་ཅུང་ཟད་ཀྱང་མེད་དོ་ཞེས་སྟོན་ཏོ། །དེ་བས་ན་སེམས་ནི་གཟུང ་བ་དང་འཛིན་པ་ལས་ངེས་པར་གྲོལ་བ་ཡིན་ནོ། །འབྲེལ་བ་གཞན་གྱིས་ཀྱང་ནི་མཐོང་བ་མེད་ཅེས་བྱ་བ་ནི་དེའི་བདག་ཉིད་ལ་སོགས་པའི་འབྲེལ་པས་ཀྱང་མཐོང་ཞིང་ཉེ་བར་དམིགས་པ་མེད་དོ། །དེ་ཡང་རེ་ཞིག་ཤེས་པ་དང་ཤེས་བྱ ་གཉིས་ནི་དེའི་བདག་ཉིད་ཅན་གྱི་མཚན་ཉིད་དུ་ཤེས་པར་བྱར་མི་རུང་སྟེ་མདོ་སྡེ་པ་དང་བྱེ་བྲག་ཏུ་སྨྲ་བ་དག་གིས་ཤེས་པ་ལས་སོགས་ཤིག་ན་ཡང་ཤེས་བྱ་ཡོད་པར་ཁས་ལེན་པའི་ཕྱིར་རོ། །དེ་ལས་བྱུང་བའི་མཚན་ཉིད་ཅན་དུ་འབྲེལ་པ་ཡང ་མ་ཡིན་ཏེ་ཞེས་པ་ནི་ཤེས་བྱ་མེད་པར་ཡང་རྨི་ལམ་ལ་སོགས་པ་ཤེས་པ་གསལ་པོ་འབྱུང་བའི་ཕྱིར་རོ། །ཡུལ་ལ་སོགས་པ་ངེས་པ་ལས་རྣམ་པར་ཤེས་པ་སྐྱེ་བ་ཡིན་མོད་ཀྱི་དེ་ཡང་དེ་མ་ཐད་པའི་རྐྱེན་གྱི་དབང་ཉིད་ལས་ཡིན་གྱི་ཕྱིའི་ཤེས ་བྱའི་བདག་ཉིད་ལས་ནི་མ་ཡིན་ནོ་ཞེས་བྱ་བར་བལྟ་བར་བྱའོ། །ཡང་ན་ཡུལ་ལ་སོགས་པའི་ངེས་པ་ནི་རྨི་ལམ་ལ་སོགས་པ་དང་འདྲ་བར་གྲུབ་པ་ཡིན་ནོ། །བདེ་སོགས་དེ་ནི་ཡོངས་སུ་འཛིན་པས་ན། བྱ་བ་འགའ་ཡང་ཡོད་པར་མ་མཐོང་སྟེ་ཞེས ་བྱ་བ་ནི་བདེ་བ་ལ་སོགས་པའི་ཤེས་པའི་བྱ་བ་གཟུང་བ་སོ་སོར་རྟོགས་པར་མཚན་ཉིད་ཅན་གང་ཡིན་པ་དེ་ནི་ཡོངས་སུ་འཛིན་པ་ན་ཞེས་པ་གཟུགས་ལ་སོགས་པ་ཡོངས་སུ་འཛིན་པར་བྱེད་པའི་ཚེ་ན་བྱ་བ་འགའ་ཡང་ཡོད་པར་མ་མཐོང་སྟེ་མི ་ཤེས་སོ་ཅིག་ཅར་ཤེས་པའི་ཕྱིར་ན་གཟུགས་སོགས་བཞིན། །འདི་དག་འཛིན་པ་པོར་ནི་ཡོད་པ་མ་ཡིན་ཞེས་བྱ་བ་ནི་ཅིག་ཅར་དུས་མཚུངས་པར་ཤེས་ཤིང་ཉེ་བར་དམིགས་པར་གྱུར་པར་ཇི་ལྟར་གཟུགས་ལ་སོག་པ་གཞན་གྱི་འཛིན་པ ་པོར་མི་འགྱུར་ཞིང་འཛིན་པར་བྱེད་པ་མ་ཡིན་ཏེ། གཅིག་ལ་གཅིག་ཕན་གདགས་པར་བྱ་བ་དང་ཕན་འདོགས་པ་མེད་པར་བྱེད་པ་དེ་བཞིན་དུ་བདེ་བ་ལ་སོགས་པའི་རྣམ་པར་ཤེས་པ་ཡང་གསུངས་ལ་སོགས་པ་དང་དུས་གཅིག་ཏུ ་ཤེས་ཤིང་རྟོགས་པ་ན་གཟུགས་ལ་སོགས་པ་དང་འདྲ་བར་འཛིན་པ་པོ་འགྱུར་བ་མ་ཡིན་ཞིང་འཛིན་པ་པོར་མེད་དེ། དུས་མཚུངས་པར་ཉེ་བར་དམིགས་པ་དག་ནི་རབ་གཡས་དང་གཡོན་པ་དྲ་བ་གཅིག་ལ་གཅིག་ཕན་གདགས ་པར་བྱ་བ་དང། ཕན་འདོགས་པར་བྱེད་པ་ཉིད་ཡོད་པ་མ་ཡིན་ནོ། །གཟུང་བ་དག་ཀྱང་ཅི་ཡང་ཡོད་མིན་ཏེ་ཞེས་ཇི་སྐད་བཤད་པའི་གཟུང་བ་མེད་པ་དེ་ད་ལྟར་སྤྲོས་ནས་བསྟན་པར་བྱ་བའི་ཕྱིར་བཤད་པ་ཡིན་ལ། ད ་ནི་སྤྱད་པ་ལ་སྤགས་པ་ཚར་བཅད་པར་བྱ་བའི་ཕྱིར་དཀར་པོ་ལ་སོག་པ་གང་ཞིག་མཐོང་བ་རྣམས་ཞེས་བྱ་བ་ལ་སོགས་པ་སྨོས་ཏེ། གཟུགས་དཀར་པོ་ལ་སོགས་པ་མཐོང་བ་སྟེ། སྔོན་གྱི་དུས་མཐོང་བ་གང་ཡིན་པ་དེ་ཉིད་དུས ་གཞན་དག་ཏུ་མཐོང་མི་འགྱུར་ཞེས་བྱ་བ་སྔར་ཉེ་བར་དམིགས་པའི་དཀར་པོ་ལ་སོགས་པ་དེ་ཉིད་དུས་ཕྱིས་མི་མཐོང་ཞིང་ཤེས་པ་མ་ཡིན་ནོ། །ཅིའི་ཕྱིར་མ་མཐོང་ཞེ་ན། འདི་གཉིས་རྟག་ཏུ་གཅིག་ལ་གཅིག་འགལ་བ་ཡིན་ཕྱིར་ཞེས ་བྱ་བ་སྨོས་ཏེ། སྔར་ཉེ་བར་དམིགས་པ་དན་ཕྱིས་ཉེ་བར་དམིགས་པ་གཉིས་ཕན་ཚུན་འགལ་བ་ཡིན་པའི་ཕྱིར་སྔར་གྱི་དངོས་པོ་དུས་ཕྱིས་ཡོད་པ་མ་ཡིན་ཏེ། སྔོན་གྱི་ཤེས་དང་ཤེས་བྱ་ཡིས། །རང་བཞིན་གྱིས་ནི་རྗེས་འཇུག་ན། །སྔ་མའི ་ཤེས་པ་ཕྱི་མར་འགྱུར། །དེ་བཞིན་ཕྱི་མ་སྔ་མར་འགྱུར་ཞེས་བྱ་བའི་ཚུལ་གྱིས་སོ། །བདེ་བ་ལ་སོགས་དག་དང་མཚུངས་ཞེས་བྱ་བ་ནི་བདེ་བ་དང་སྡུག་བསྔལ་གཉིས་དང་དྲ་བར་གཅིག་ལ་གཅིག་ཕན་ཚུན་འགལ་པ་ཡིན་ནོ། །རྟག་ཏུ ་ཞེས་བྱ་བ་ནི་དུས་ཐམས་ཅད་དུ་འགལ་བ་ཡིན་གྱི་ལན་འགའ་ནི་མ་ཡིན་ནོ་ཞེས་བྱ་བ་ཤེས་སོ། །དེ་བས་ན་དངོས་པོ་རྣམས་ཀྱི་སྔོན་དང་ཕྱི་མའི་རང་བཞིན་གཅིག་པ་ཉིད་མ་ཡིན་ནོ་ཞེས་བྱ་བར་གནས་སོ། །འདིས་ནི་རྒྱུན་ཏུ་གཏོགས་པའི ་གཅིག་པ་ཉིད་ངེས་པར་བསལ་བ་ཡིན་ནོ། །ད་ནི་རགས་པར་གཏོགས་པའི་གཅིག་པ་ཉིད་དགག་པའི་ཕྱིར་བཤད་པ། འདིར་རིགས་ཅན་ལ་སོགས་པ་དག་ནི་ཆ་ཤས་ཅན་གྱི་རང་བཞིན་གཅིག་བུ་འདི་ཉིད་རྡུལ་ཕྲ་རབ་དང ་གཉིས་ལ་སོགས་པའི་རིམ་གྱིས་ཕྲ་རབ་རྣམས་ཀྱིས་བརྩམས་པའི་འབྲས་བུའི་རྫས་གང་ཡིན་པ་དེ་ནི་སྐད་ཅིག་མ་མ་ཡིན་པ་ལས་འདའ་བར་མི་བྱེད་དོ་ཞེས་ཟེར་རོ། །དེ་རྣམས་ཀྱི་ཕྱོགས་འདི་ཡང་སྡིག་པ་ཅན་ལས་ཀྱང་སྡིག་པ་ཅན་ཡིན་ནོ་ཞེས་བསྟན ་པའི་ཕྱིར་ཐོག་མཛའ་ལ་སོགས་ཞེས་བྱ་བ་ལ་སོགས་པ་སྨོས་ཏེ་གཟུགས་ལ་སོགས་པ་གང་ཡིན་པ་འདི་དག་ནི་རང་བཞིན་གྱིས་གཅིག་པ་ཉིད་མ་ཡིན་ནོ། །ཅིའི་ཕྱིར་ཞེ་ན། ཐོག་མཛའ་ལ་སོགས་བྱེ་བྲག་སྣང་བས་ན་ཞེས་བྱ་བ་ལ་སོགས་པ ་སྨོས་ཏེ། ཐོག་མའི་སྒྲས་ནི་ཀ་བ་ལ་སོགས་པའི་སྟེང་གི་ཆ་བཟུང་ངོ། །མཛའ་ཡས་པའི་སྒྲས་ནི་འོག་གི་ཆ་བཟུང་ངོ། །ཡང་སོགས་པའི་སྒྲས་ནི་དབུས་མའི་ཆ་བཟུང་ངོ། །བྱེ་བྲག་ཅེས་བྱ་བ་ནི་ཆ་ཤས་ཉིད་དུའོ། །འདི་སྐད་སྟོན་པ་ཡིན་ཏེ། ཀ་བ་ལ་སོགས ་པ་གཅིག་པུ་ཉིད་ལ་ཐོག་མ་དང་དབུས་དང་ཐ་མར་ཆའི་བྱེ་བྲག་གིས་རང་བཞིན་ཐ་དད་པར་ཉེ་བར་དམིགས་པ་ཡོད་པ་ལ་གཅིག་པ་ཉིད་དུ་ཁས་བླངས་ནས་ཁྱེད་ཅག་ལྟར་རང་ཉིད་བསླུ་པར་ཇི་ལྟར་བྱེད། འདིར་ཡང་ཚང་མ་བཞན་དག་ནི་མེད་མོད ་ཀྱི་འོད་ཀྱང་མངོན་སུམ་ཉིད་ཡིན་ཞེས་བསྟན་པའི་ཕྱིར་སྣང་བས་ན་ཞེས་བྱ་སྨོས་ཏེ། མངོན་སུམ་ཉིད་ཀྱིས་དེ་ལྟར་ཉེ་བར་དམིགས་པ་ཡིན་ནོ་ཞེས་བྱ་བའི་བར་དུའོ། །འདིར་བཤད་པ་དཀར་པོ་ལ་སོགས་རྣམ་པ་གཅིག་པུ་ལ་ཡང་ཤེས ་པ་དག། ཐོག་མ་དབུས་མཛའ་ཨི་དབྱེ་བ་ཡིས། །སྣ་ཚོགས་ཁོ་ནར་ཉེ་བར་དམིགས་ཞེས་བྱ་བ་ཡིན་ནི། །ཡང་ན་ཐོག་མཛའ་ལ་སོགས་བྱེ་བྲག་སྣང་བས་ན། གཟུགས་ལ་སོགས་པ་འདི་དག་གཅིག་མ་ཡིན་ཞེས་བྱ་བ་ནི་རགས་པར་རྟོགས་པའི ་གཟུགས་ལ་སོགས་པ་ནི་རང་བཞིན་གཅིག་པ་མ་ཡིན་ནོ། །ཅིའི་ཕྱིར་ཞེ་ན། ཐོག་མཛའ་ལ་སོགས་བྱེད་བྲག་སྣང་བས་ན་ཞེས་བྱ་བ་སྨོས་ཏེ། ཐོག་མ་དང་ཐ་མ་དང་དབུས་དང་ཤར་ལ་སོགས་པའི་དབྱེ་བ་རྣམས་སུ་ཤེས་པས་གཅིག་པ ་ཉིད་ཅེས་བྱ་བ་ནི། དབྱེ་བ་མེད་པ་ལ་བྱ་ན་ཐོག་མ་དང་ཐ་མ་ལ་སོགས་པའི་དབྱེ་བ་ཡོད་པས་འདི་ནི་གཅིག་པ་ཉིད་མ་ཡིན་ཏེ། གཅིག་པ་ཉིད་དང་དུ་མ་ཉིད་ནི་ཕན་ཚུན་འགལ་བ་ཡིན་པས་ཅིག་པ་ཉིད་དུ་བསྡུ་བར་ཇི་ལྟར ་རུང་དེ་བས་ན་གཟུགས་ལ་སོགས་པ་ཆ་ཤས་ཅན་གཅིག་པ་ཉིད་དུ་མི་འགྲུབ་བོ། །ཆ་ཤས་ཅན་གཅིག་ཏུ་མ་གྱུར་ན་དེ་ལྟར་ན་ནི་རྡུལ་ཕྲ་རབ་འདུས་པ་ཉིད་ཡིན་པའི་ཕྱིར་དང་བཞིན་དུ་མ་ཞིག་ཡིན་ཞེས་གང་ཞིག་སེམས་དཔའ་དེའི་ཕྱིར ་ད་ནི་དུ་མ་ཉིད་ཀྱང་དགག་པར་བྱ་བའི་ཕྱིར། དུ་མའི་གཟུགས་སུ་མིན་པའང་དེ་དང་འདྲ་ཞེས་བྱ་བ་སྨོས་སོ། །དེ་ཅིའི་ཕྱིར་ཞེ་ན། ཕྲ་རབ་རྣམས་ཀྱང་མཐོང་བ་མ་ཡིན་པས་བྱ་བ་སྨོས་ཏེ། རྡུལ་ཕྲ་རབ་རེ་རེའི་ངོ་བོར་ཡང་མཐོང་བ་མ་ཡིན་ཞིང་ཤེས་པ་མ ་ཡིན་ཏེ། རྡུལ་ཕྲ་རབ་རྣམས་ནི་རང་གི་ངོ་བོར་སྣང་བ་མ་ཡིན་ཏེ་རྡུལ་ཕྲ་རབ་ཆ་ཤས་མེད་པ་དག་ནི་དེ་ལྟར་མི་སྣང་བའི་ཕྱིར་དུ་མའི་གཟུགས་སུ་མིན་པ་ཞེས་བྱ་བ་འདིས་བཀག་པ་ཡིན་ནོ། །དེ་དང་འདྲ་ཞེས་བྱ་བ་ནི་ཇི་ལྟར་ཆ་ཤས་ཅན་གྱི་ངོ་བོ་ལ ་ཐོག་མ་དང་དབུས་དང་ཐ་མ་ལ་སོགས་པའི་དབྱེ་བ་ཉེ་བར་དམིགས་པས་གཅིག་ཏུ་མི་འགྲུབ་པ་དེ་བཞིན་དུ་རྡུལ་ཕྲ་རབ་དུ་མའི་ངོ་བོ་ཡང། དྲུག་གིས་ཅིག་ཅར་སྦྱར་བས་ན་ཞེས་བྱ་བ་ལ་སོགས་པ་ཕྱོགས་ཀྱི་དབྱེ་བས་མེད་པར ་སུན་ཕྱུང་བས་འགྲུབ་པ་མ་ཡིན་ནོ། །ཡང་ན་མིན་པའང་དེ་དང་འདྲ་ཞེས་བྱ་བ་ཇི་ལྟར་གཟུགས་ལ་སོགས་པའི་རང་བཞིན་གཅིག་པ་མེད་པ་ལྟར་དུ་མའི་རང་བཞིན་ཡང་དེ་བཞིན་ནོ་ཞེས་སྟོན་ཏོ། །དེ་ལྟར་རགས་པའི་གཅིག་པ་ཉིད ་དང་དུ་མ་ཉིད་སུན་ཕྱུང་ནས་ཕྲ་བར་གཏོགས་པའི་གཅིག་པ་ཉིད་དང་དུ་མ་ཉིད་སུན་དབྱུང་བར་བྱ་བའི་ཕྱིར་རྡུལ་ཕྲན་ཆ་ཤས་མེད་པ་ཉིད་ཀྱང་ནི། ཕྲ་རབ་དུ་མ་འདུས་པ་ཡོད་མིན་པས། །ས་ཡི་དཀྱིལ་འཁོར་ལ་སོགས་པ་ཡི ་གཟུགས། །བསོགས་པ་འགའ་ཡང་འདིར་ནི་མེད་པར་འགྱུར་ཞེས་བྱ་བ་སྨོས་པ་ཡིན་ཏེ། རྡུལ་ཕྲ་རབ་རྣམས་ནི་ཆ་ཤས་ཅན་མ་ཡིན་པ་ཉིད་ཀྱི་ཕྱིར་ཡན་ལག་ཅན་ཉིད་མ་ཡིན་པས་གཞན་དག་རང་ཉིད་དུ་མ་ཉིད་དུ་མི་འདོད་དེ། ཆ་ཤས་ནི་དུ་མའི་རང ་བཞིན་ཡིན་པའི་ཕྱིར་དེ་བཀག་ནས་རྡུལ་ཕྲ་རབ་ཙམ་དུ་ཡོད་པར་ཁས་ལེན་པའི་ཕྱིར་རོ། །རྡུལ་ཕྲ་རབ་ཆ་ཤས་མེད་ན་ནི་རྡུལ་ཕྲ་རབ་དུ་མ་འདུས་པས་ཡོངས་སུ་བསྐོར་བ་ཡོད་པ་མ་ཡིན་པས་སའི་དཀྱིལ་འཁོར་ལ་སོགས་པའི་གཟུགས་བསགས་པའི ་རབ་ཏུ་དབྱེ་བ་མེད་པར་འགྱུར་རོ། །དེ་ཡང་ཕྱི་རོལ་གྱི་དོན་ཡོད་པར་སྨྲ་བ་འདི་དག་གི་གཞུང་ལུགས་ནི་རྡུལ་ཕྲ་རབ་རྣམས་ཕན་ཚུན་ཕྲད་པ་ལས་རྡུལ་ཕྲ་རབ་གཉིས་ལ་སོགས་པའི་རིམ་གྱིས་ཆ་ཤས་ཅན་དུ་མ་ལ་སོགས་པ་བསྐྱེད་པའི་སྒོ་ནས ་ཆ་ཤས་ཀྱི་རྫས་གཙོ་བོ་བསྐྱེད་པར་བྱེད་པར་འདོད་དོ། །དེ་ཡང་འདི་ལྟར་དཔྱད་པར་བྱ་སྟེ། དབུས་ཀྱི་རྡུལ་ཕྲ་རབ་གང་ཡིན་པ་དེ་ལ་རྡུལ་ཕྲ་རབ་གཞན་དག་འབྱར་བར་བྱེད་པ་ན། ཅི་བདག་ཉིད་ཐམས་ཅད་ཀྱིས་འབྱར་བར་བྱེད་དམ། འོན་ཏེ་ཆ་ཤས ་ཀྱིས་འབྱར་བར་བྱེད་དེ་ལ་རེ་ཞིག་ཆ་ཤས་ཀྱིས་འབྱར་བར་ནི་མེད་དེ། རྡུལ་ཕྲ་རབ་དེ་ཆ་ཤས་མེད་པ་ཉིད་དུ་ཁས་བླངས་པའི་ཕྱིར་རོ། །བདག་ཉིད་ཐམས་ཅད་ཀྱིས་ཕྲད་ན་ནི་འགྲོ་བ་ཐམས་ཅད་རྡུལ་ཕྲ་རབ་ཙམ་དུ་འགྱུར་གྱི་སའི་དཀྱིལ་འཁོར ་ལ་སོགས་པའི་གཟུགས་ཅན་གྱི་བསགས་པར་མི་འགྱུར་ཏེ། གང་གི་ཕྱིར་རྡུལ་ཕྲ་རབ་ཐམས་ཅད་རྡུལ་ཕྲ་རབ་གཅིག་གི་ནང་དུ་ཞུགས་པས་སའི་དཀྱིལ་འཁོར་ལ་སོགས་པའི་བསགས་པའི་མཚན་ཉིད་ཅན་མེད་པ་ཉིད་དུ་ཐལ་བར ་འགྱུར་རོ། །དེའི་ཕྱིར་རྡུལ་ཕྲ་རབ་ཡོད་པའི་ཕྱོགས་ཀྱང་ཁས་བླང་བར་མི་བྱའོ། །དེ་ཉིད་ཀྱི་ཕྱིར་དྲུག་གི་ཅིག་ཅར་སྦྱར་བས་ན། །ཕྲ་རབ་རྟུལ་ཆ་དྲུག་ཏུ་འགྱུར། །དྲུག་པོ་དག་ནི་གོ་གཅིག་ན། །གོང་བཱུང་རྡུལ་ཕྲན་ཙམ་དུ་འགྱུར་ཞེས་བཤད་པ་ཡིན་ནོ། ་དེ་ལྟར་ཕྱིའི་དོན་གཅིག་དང་དུ་མ་དང་བྲལ་བ་ཉིད་དུ་སུན་ཕྱུང་བ་ཇི་ལྟར་བཤད་པ་དེ་བཞིན་དུ་རྣམ་པར་ཤེས་པ་ལ་ཡང་དེ་དང་འདྲ་བར་བལྟ་བར་བྱ་སྟེ། གང་གི་ཕྱིར་རྣམ་པར་ཤེས་པ་ལ་ཡང་ཕྱོགས་ཀྱི་ཆ་ཤས་ཀྱི་དབྱེ ་བ་ཡོད་དོ། །དེ་བས་ན་སྔོན་པོ་ལ་སོགས་པ་སུན་དབྱུང་བ་གང་ཡིན་པ་དེ་དག་ཉིད་བློ་ལ་ཡང་ཁྱད་པར་མེད་པ་ཉིད་དེ། གཟུགས་ཅན་ཡིན་པའི་ཕྱིར་སྔོན་པོ་ལ་སོགས་པ་ནི་གཅིག་དང་དུ་མ་དང་བྲལ་བ་ཡིན་པ་དེ་ཤེས་པ་ལ་མེད་མཉམ་མོ། །དེ་ཡང ་ཁོང་དུ་མ་ཆུད་པ་ལས་ལྡོག་པར་བརྟགས་པའི་ངོ་བོར་རྣམ་པར་འཇོག་པ་མ་ཕྱོགས་ཀྱི་ཆ་དང་ལྡན་པ་ཉིད་དུ་རྣམ་པར་འཇོག་པར་འགྱུར་ཏེ། གཟུགས་ཞེས་བྱ་བར་ཡོད་པ་མ་ཡིན་ནོ། ཞེས་ཇི་སྐད་བཤད་པ་ཡིན་ཏེ། གཟུགས་ནི་ཆུ་དར་ཞེང་དང? ་ཕྱོགས་དང་ལྡན་པ་ཡིན་ལ་འདི་ནི་རྣམ་པར་ཤེས་པ་ལ་ཡང་ཁྱད་པར་མེད་པར་ཡོད་ན་ཀུན་རྫོབ་ཏུ་ཡོད་པར་ཐལ་བར་ཇི་ལྟར་མཉམ་པར་འགྱུར་བ་མ་ཡིན། དེ་བས་ན་དེ་ཡང་དངོས་པོ་མེད་པ་ཉིད་དུ་གྱུར་པ་མ་ཡིན་ནོ། །དེ་ཡང། དངོས་པོ་མེད ་པ་རྣམ་ཤེས་མེད། །གཞི་མེད་ཀུན་གཞིའང་ཡོད་མ་ཡིན། །འདི་དག་རྟོག་གེ་ངན་པ་ནི། །རོར་གྱུར་པ་ཡིས་རྣམ་པར་བརྟགས་ཞེས་བྱ་བ་ལ་སོགས་པ་བཅོམ་ལྡན་འདས་ཀྱིས་ལངཀར་གཤེགས་པ་ལས་ཇི་སྐད་གསུངས་པ་ལྟ་བུའོ། །དེ་བས ་དངོས་པོ་ཐམས་ཅད་ནི་རང་བཞིན་མེད་པ་ཡིན་ནོ་ཞེས་བསྟན་ཏོ། །ཡང་འདིར། བདག་དང་གཞན་སྨྲས་དངོས་འདི་དག་།ཡང་དག་དུ་ན་གཅིག་པ་དང། །དུ་མའི་རང་བཞིན་བྲལ་བའི་ཕྱིར། །རང་བཞིན་མེད་དེ་གཟུགས་བརྙན་བཞིན་ཞེས་བྱ་བ ་ལ་སོགས་པ་ཇི་སྐད་བཤད་པ་ལྟ་བུའོ། །དེ་ལྟར་དངོས་པོ་ཐམས་ཅད་དངོས་པོ་མེད་པར་བསྟན་ནས་ད་ནི་གྲུབ་པའི་དོན་ཉིད་ཀྱི་མཇུག་བསྡུ་བར་བྱ་བའི་ཕྱིར། དེ་བས་ཞེས་བྱ་བ་ལ་སོགས་པ་སྨོས་ཏེ། བཤད་མ་ཐག་པའི་རིགས ་པའི་ཚུལ་དེས་ན་འཛིན་པ་པོ་ལ་སོགས་པ་དང་བྲལ་བ་ཡིན་པས་རྒྱུ་བ་དེ་འགྲོ་བ་རྣམས་དང། མི་རྒྱུ་བདེ་སེམས་མེད་པ་མ་ལུས་ཤིང་ལུས་པ་མེད་པའི་དངོས་པོ་རྣམས་ནི་རང་རྒྱུད་ཀྱང་ཡིན་ལ་གཟུགས་ལ་སོགས་པར་བརྟགས་པ་ཡིན་ཞིང་རང་རྒྱུད་ཀྱི ་རྣམ་པ་ཅན་གྱི་ངོ་བོ་ཉིད་གང་ལ་ཡོད་པའི་དངོས་པོ་དེ་ནི་རང་རྒྱུད་གཟུགས་སོགས་བརྟགས་པའི་ངོ་བོ་ཉིད་ཅེས་བྱ་སྟེ། རང་གི་རྒྱུད་ཉིད་ཀྱང་གཟུགས་ལ་སོགས་པར་བརྟགས་པ་ནི་ཕྱི་རོལ་གྱི་དོན་མེད་དུ་ཟིན་ཀྱང་རང་གི་བག་ཆགས་ཙམ་ལས་བྱུང? ་བའི་ཕྱིར་རོ། །ཡང་ན་གཟུང་བ་དང་འཛིན་པ་གཉིས་ཕན་ཚུན་ཕན་འདོགས་པར་མི་བྱེད་པ་དེ་ནི་རང་རྒྱུད་ཅེས་བྱའོ། །དེ་ལྟར་ན་གཟུགས་ལ་སོགས་པའི་རྣམ་པར་བཞག་པ་འདི་ཇི་ལྟར་བལྟ་བར་བྱ་ཞེ་ན། བརྟགས་པའི་ངོ་བོ་ཉིད་ཅེས་བྱ་བ་སྨོས་ཏེ། བརྟགས ་པ་ཉིད་ཀྱི་ངོ་བོ་ཉིད་དེ་རང་བཞིན་འདི་ལ་ཡོད་པས་ན་བརྟགས་པའི་ངོ་བོ་ཉིད་དེ་གཟུགས་ལ་སོགས་པ་འདི་ཐམས་ཅད་ནི་བརྟགས་པའི་རང་བཞིན་ཅན་ནོ་ཞེས་བྱ་བ་ནི་གྲུབ་པའི་མཛའ་ཡིན་པས་དོན་དམ་པར་གང་ཞིག་གང་ལས་ཐ་དད་པར་རྣམ་པར ་འཇོག་པར་མི་ནུས་སོ། །དེ་ཡང་ཁམས་གསུམ་པོ་འདི་དག་མ་ལུས་པ་ཐམས་ཅད་སྒྱུ་མ་ལྟ་བུ་ཡིན་ནོ་ཞེས་བྱ་བ་ལ་སོགས་པ་ཇི་སྐད་གསུངས་པ་ལྟ་བུ་དང། ཡང་རྟོག་པ་དག་པར་བྱ་བའི་ཕྱིར་འབད་པར་བྱའོ་ཞེས་གསུངས་པ་དང། དཔལ་བདེ་མཆོག་གི ་རྒྱུད་ཕྱི་མ་ལས་ཀྱང། རྟོག་པ་རྣམས་ནི་ཡོངས་དག་ཕྱིར། །དེས་ན་རྟོག་པར་ཡང་དག་བཤད་ཅེས་བྱ་བ་ལ་སོགས་པ་ཇི་སྐད་གསུངས་པ་ལྟ་བུའོ། །དེ་ལྟ་མོད་ཀྱི་ཕྱི་རོལ་གྱི་དོན་ལ་མངོན་པར་ཆགས་པའི་རྟོག་པའི་འཁྲུལ་པ་ཉིད་ཀྱིས་འཁོར་བ ་དང་རྗེས་སུ་མཐུན་པ་ཡིན་པའི་ཕྱིར་ཐ་མལ་པ་ཞེས་བྱ་བར་བཤད་ལ། དེ་ནི་ཐར་པ་འདོད་པ་རྣམས་ཀྱིས་ཕྱི་རོལ་དུ་མངོན་པར་ཞེན་པ་ཉིད་ལས་ངེས་པར་བཟློག་སྟེ། རང་རང་གི་ངོ་བོ་ཉིད་ལ་ངེས་པར་བཞག་པ་ཡང་ཡིན་ལ། རང་གི་ངོ་བོ་ཙམ་ལ་བཞག་པའི ་རྣམ་པར་རྟོག་པ་ནི་འབྲས་བུ་ཁ་ན་མ་ཐོ་བ་མེད་པ་ཉིད་ཡིན་པས་དག་པ་ཞེས་བྱ་བའི་མིང་འཐོབ་པར་འགྱུར་ཏེ། རང་གི་ངོ་བོ་ཙམ་ལ་གནས། །བློ་ཡི་དགའ་སྟོན་ཆེན་པོ་ཡིན་ཞེས་བྱ་བ་ལ་སོགས་པ་ཇི་སྐད་གསུངས་པ ་ལྟ་བུ་དང། འདི་དག་ཐམས་ཅད་ནི་རྣམ་པར་རྟོག་པ་ཙམ་ལ་རགས་ལས་ཤིང་དེའི་རང་བཞིན་ཡིན་པས་སྡུག་བསྔལ་བར་མཚན་ཉིད་གཅིག་པ་དང། སྐད་ཅིག་མ་གཅིག་ནས་གཅིག་ཏུ་བརྒྱུད་པའི་བདག་ཉིད་ཅན་ནི་སྲིད་པའི་ཉེ་བར་འཆིང ་བ་ཡིན་ལ། དེ་རྣམ་པར་ལོག་པ་ཙམ་ནི་མྱ་ངན་ལས་འདས་པ་ཡིན་ནོ་ཞེས་བྱ་བ་ལ་སོགས་པ་ཇི་ལྟར་བཤད་པ་དེར་ཡང་ཁ་ཕྱི་རོལ་དུ་བལྟས་པའི་རྣམ་པར་རྟོག་པ་ལས་ངེས་པར་བཟློག་པར་བྱ་བ་ལ་འབད་པར་བྱའོ་ཞེས་ངེས་པར་སྟོན་པ་ཡིན ་ཏེ། རྣམ་པར་རྟོག་པ་ལ་ནི་ཕྱི་རོལ་དུ་མངོན་པར་ཞེན་པ་ལས་མ་གཏོགས་པའི་ཉེས་པ་དང་བཅས་པ་གཞན་ནི་མ་ཡིན་པས་དེ་ལས་རྣམ་པར་བཟློག་པ་ནི་ཕུན་སུམ་ཚོགས་པ་ནི་ཐམས་ཅད་ཀྱི་རྒྱུ་ཡིན་ཏེ་རྣམ་པར་རྟོག་པ་ཁྱད་པར་ཅན་ཡིན ་པའི་ཕྱིར་རོ། །གལ་ཏེ་དེ་ལྟ་ན་འཁོར་བ་དང་མྱ་ངན་ལས་འདས་པར་རྣམ་པར་བཞག་པ་འདི་དག་ཐམས་ཅད་བརྟགས་པ་ཙམ་གྱི་ངོ་བོ་ཉིད་ཡིན་པ་དེས་ན་མེད་པར་སྒྲུབ་པའི་གཏན་ཚིགས་ཀྱི་དཔེར་སྦྱར་བར་བྱ་སྟེ། དེ་ནི་དེ་ལྟ་བུའི་དངོས་པོ་འདི ་ནི་དྲི་ཟའི་གྲོང་ཁྱེར་དག་དང་མཚུངས་ཤིང་འདྲ་བ་སྟེ། ཇི་ལྟར་ན་ཆུ་བོ་དང་རི་ཉེ་བར་གྱུར་པ་ལས་ཕྱིའི་དྲི་ཟའི་གྲོང་ཁྱེར་མེད་དུ་ཟིན་ཀྱང། ཁང་པ་དཀར་པོ་དང། རྟ་དང་གླང་པོ་ཆེ་དང། མི་ལ་སོགས་པ་འདྲ་བར་སྐྱེས་བུ་ལ་སོ་སོར་སྣང ་བར་སྐྱེའོ། །དེ་བཞིན་དུ་འཛིན་པ་པོ་ལ་སོགས་པའི་ངོ་བོར་མེད་དུ་ཟིན་ཀྱང་ཐོག་མ་མེད་པའི་དུས་ཀྱི་བག་ཆགས་ལས་བྱུང་བ་འཛིན་པ་པོ་ལ་སོགས་པའི་རྣམ་པར་སྣང་བ་སྐྱེ་བར་འགྱུར་རོ། །ཡང་ན་དྲི་ཟའི་གྲོང་ཁྱེར་ཞེས་བྱ་བ་ལ་ལོག་པའི ་ངོ་བོ་ཉིད་ཡིན་པར་འཇིག་རྟེན་དུ་གྲགས་པས་དཔེ་དེ་ཉིད་དུ་ཉེ་བར་སྦྱར་བ་ཡིན་ཏེ། དཔེར་ན་དྲི་ཟའི་གྲོང་ཁྱེར་ནི་མེད་ཀྱང་སྣང་བ་ཡིན་པ་དེ་བཞིན་དུ། འཁོར་བ་དང་མྱ་ངན་ལས་འདས་པ་ཡང་དེ་དང་འདྲ་བར་མཚུངས་པར་བལྟ་བ་ཡིན་ནོ་ཞེས་དྲི་ཟའི་གྲོང ་ཁྱེར་དང་འདྲ་བའི་དཔེས་བསྟན་ཏོ། །དེས་ཁྱད་པར་བསྟན་པའི་ཕྱིར་རྒྱུ་དང་མི་རྒྱུའི་དངོས་པོ་མ་ལུས་པ་ཞེས་བྱ་བ་ལ་སོགས་པ་སྨོས་པ་ཡིན་ཏེ། རྒྱུ་བ་ནི་མ་ལ་སོགས་པའོ། །མི་རྒྱུ་བ་ནི་རི་ལ་སོགས་པ་སྟེ་རྒྱུ་དང་མི་རྒྱུ་བ་དང་བཅས་པར་གནས་པའི་དངོས ་པོའི་ཚོགས་ནི་རྒྱུ་དང་མི་རྒྱུ་པའི་དངོས་པོ་མ་ལུས་པ་ཞེས་བྱའོ། །དེ་བས་ན་ཕྱི་དང་ནང་གི་བདག་ཉིད་ཅན་གྱི་དངོས་པོ་འདི་རྣམས་ནི་ངེས་པར་བརྟགས་ན་དེ་ཁོ་ན་ཉིད་དུ་ཡོད་པ་མ་ཡིན་ནོ་ཞེས་བྱ་བར་གནས་སོ། །ཇི་སྐད་དུ་ཕྱི་དང་ནང་དུ་སྣང་བ་སྣ་ཚོགས ་འདིར་ཡང་དག་ཉིད་དུ་ཅི་ཡང་ངེས་པ་མེད་ཅེས་བྱ་བ་ལ་སོགས་པ་བཤད་པ་ཡིན་ནོ། །དེ་ཡང་མ་བརྟགས་ན་ཉམས་དགའ་བ་ཉིད་དུ་འདོད་པ་ཡིན་པའི་ཕྱིར་ཀུན་རྫོབ་ཀྱི་རང་བཞིན་ཏེ། མ་བརྟགས་ན་ནི་ཉམས་དགའ་བའི་སྐྱེ་དང་འགག་པའི་ཆོས་ཅན ་རྣམས། དོན་གྱི་བྱ་བ་བྱེད་ནུས་པའི། །རང་བཞིན་ཀུན་རྫོབ་ཡིན་པར་བཤད་ཅེས་བྱ་བ་ལ་སོགས་པ་སྨོས་པ་ཡིན་ནོ། །དེ་བས་ན་སྔར་བཤད་པའི་ལྷའི་སྐུ་ལ་སོགས་པ་རང་གི་སྔགས་སུ་བཞུགས་པ་ལ་འགལ་བ་མེད་དོ་ཞེས་ཉེ་བར་བསྡུ་བའི་དེ་ཡང ་གཟུང་བ་ལ་སོགས་པ་མེད་པར་བསྟན་པས་རང་གི་སེམས་ཉིད་ལ་རང་གི་སེམས་གཞུག་པ་ཡིན་ཏེ། མེ་ནི་མེ་ལ་གཞུག་པ་དང་འདྲ་ཞེས་བྱ་བ་ལ་སོགས་པ་ལྟ་བུར་བལྟ་བར་བྱའོ། །གལ་ཏེ་ཇི་སྐད་བཤད་པའི་ཚུལ་གྱིས་འཛིན་པ་པོ་ལ་སོགས ་པ་མེད་པས་དངོས་པོ་ཐམས་ཅད་རང་བཞིན་མེད་པ་ཉིད་ཡིན་ན་དེ་ལྟ་ན་ནི་འཁོར་བ་འདི་ཡོད་པ་ཇི་ལྟར་འཐད་དེ་ལས་ཐར་པ་ནི་ཇི་ལྟར་འཐད་པར་འགྱུར་ཞེ་ན། དེའི་ཕྱིར་བདག་དང་བདག་གི་ཞེས་བྱ་བ་ལ་སོགས་པ་སྨོས་ཏེ། བདག་དང ་བདག་གི་བདེ་གཉིས་ཀྱི་རྣམ་པར་རྟོག་པ་ནི་བདག་དང་བདག་གི་རྣམ་རྟོག་ཅེས་བྱ་སྟེ། བདག་ལ་སོགས་པ་མེད་པར་དེ་ལ་མངོན་པར་ཞེ་ན་ཅེས་བྱ་བའི་དོན་ཏོ། །དེའི་རྒྱུན་ནི་རྒྱུན་གྱིས་འཇུག་པའོ་དེའི་ངོ་བོ་དག་གིས་ཞེས་བྱ་བ་དེ་རང ་བཞིན་གྱིས་ནི་འཁོར་བ་ཡིན་ཏེ། དེར་ནི་ཞེས་པ་འདི་ལྟར་གནས་པ་ན་དྲི་ཟའི་གྲོང་ཁྱེར་དང་འདྲ་བ་ཡིན་ཡང་དངོས་པོ་རྣམས་ལ་ལོག་པར་རྟོག་པའི་དབང་གིས་འཁོར་བ་ན་འཁོར་བ་སྟེ། །འདི་རང་གཞན་དུ་བདེ་འགྲོ་ལ་སོགས་པ་སྐྱེ་བའི་འཁོར་བ ་མེད་བཞིན་དུ་ཡང་བྱིས་པ་རྣམས་ལ་དེ་ལྟར་སྣང་བ་ཡིན་ནོ་ཞེས་བྱ་བའི་བར་དུའོ། །དག་པའང་བདག་དང་བདག་གིར་རྟོགས་པའི་རྣམ་པར་རྟོག་པའི་རྒྱུན་དེའི་ཕྱིན་ཅི་ལོག་མེད་པ་དེའི་རང་གི་ངོ་བོ་ཉིད་ཙམ་དེས་རྣམ་པར་ཤེས་པར་བྱ་ཞིང་ཁོང་དུ ་ཆུད་པར་བྱ་སྟེ། དེ་ཡང་གང་གི་ཚེ་དེ་ཁོ་ན་ཉིད་དུ་གཟུང་བ་ལ་སོགས་པ་ལས་རྣམ་པར་དབེན་པའི་སེམས་པ་བདག་ལ་སོགས་པར་སྒྲོ་བཏགས་པ་དེའི་ཚེ་འཁོར་བ་ཡིན་ལ། གང་གི་ཚེ་ཡང་བདག་ལ་སོགས་པར་སྒྲོ་བཏགས་པ་དང་བྲལ་བའི ་རང་གི་ངོ་བོའི་དེ་ཉིད་མཐར་ཐུག་པ་དེའི་ཚེ་ནི་སེམས་ཀྱི་རྒྱལ་པོ་དེ་རྣམ་པར་དག་པ་ཡིན་ཏེ་བདག་དང་བདག་གིར་ལོག་པར་རྟོག་པ་ལས་ལྡོག་པ་ཉིད་ནི་དག་པ་སྟེ་ཐར་པ་ཞེས་བྱ་བ་ཡིན་པར་ཤེས་པར་བྱའོ་ཞེས་བྱ་བའི་ཐ་ཚིག་གོ་།ཡང་འདིར་ཇི ་ལྟར་སྣང་བའི་དངོས་པོ་རྣམས་ལ་ཞི་བ་དང་ནི་སྲིད་པའི་ངོ་བོ་ཉིད་དག་པའི་ཆོས་ཉིད་ཀྱིས་ཞེས་པ་སྟོང་པ་ཉིད་དུ་ནི་གང་གིས་འཁོར་བ་རྣམ་པར་སྤངས་ནས་མྱ་ངན་ལས་འདས་པ་ཚོལ་བར་བྱེད་པའི་དབྱེ་བ་ནི་འགའ་ཡང་ཡོད་པ་མ་ཡིན་ཏེ་གཉིས ་ཀ་ཡང་སྟོང་པ་ཉིད་ཡིན་པའི་ཕྱིར་རོ། །དེ་ཉིད་ཀྱིས་ན་སློབ་དཔོན་ཀླུ་སྒྲུབ་ཀྱི་ཞལ་སྔ་ནས་ཀྱང། ཡང་དག་མ་མཐོང་འཇིག་རྟེན་དང། །མྱ་ངན་འདས་པར་རློམ་པ་སྟེ། །ཡང་དག་མ་མཐོང་འཇིག་རྟེན་དང། །མྱ་ངན་འདས་པར་རློམ་སེམས་མེད ་སྲིད་པ་དང་ནི་མྱ་ངན་འདས། །འདི་གཉིས་ཡོད་པ་མ་ཡིན་ཏེ། །སྲིད་པ་ཡོངས་སུ་ཞེས་པ་ནི། །མྱ་ངན་འདས་ཞེས་བརྗོད་པ་ཡིན་ཞེས་བཤད་པ་དང། བཅོམ་ལྡན་འདས་ཀྱིས་ཀྱང་རབ་འབྱོར་སོ་སོའི་སྐྱེ་བོའི་དེ་བཞིན་ཉིད་གང་ཡིན་པ་དང། ཐམས་ཅད་མེད? ་པའི་དེ་བཞིན་ཉིད་གང་ཡིན་བ་དེ་ནི་དེ་བཞིན་ཉིད་དུ་གཅིག་པའོ་ཞེས་བྱ་བ་ལ་སོགས་པ་ཇི་སྐད་དུ་གསུངས་པ་སྟེ། དེ་བས་ན་ཀུན་རྫོབ་དུ་ཕན་ཚུན་དབྱེ་བ་ཡོད་དུ་ཟིན་ཀྱང་དེ་ཁོ་ན་ཉིད་དུ་མ་ཡིན་ནོ་ཞེས་བྱ་བའི་བར་དུའོ། །ཅིའི་ཕྱིར་ཆོས་ཉིད་ཀྱིས་དབྱེ་བ ་མེད་པ་ཡིན་ཞེ་ན། གང་གི་ཕྱིར་གཟུང་བ་ལ་སོགས་ཞེས་བྱ་བ་སྨོས་ཏེ། གཏན་ཚིགས་གང་གི་ཕྱིར་གཟུང་བ་ལ་སོགས་པའི་ངོ་བོ་ཉིད་དང་བྲལ་ཞིང་མེད་པ་ཡིན་པར་ཐམས་ཅད་དུ་སྟེ། ཞི་བ་དང་སྲིད་པ་ཀུན་ལ་རྟག་ཏུ་སྟེ་དུས་ཐམས་ཅད་གྲུབ་པ་ཡིན ་ཏེ། ཇི་སྐད་དུ་བཅོམ་ལྡན་འདས་ཀྱིས་ལང་ཀར་གཤེགས་པ་ལས་དེ་བཞིན་གཤེགས་པ་རྣམས་འཇིག་རྟེན་དུ་བྱུང་ཡང་རུང། འཇིག་རྟེན་དུ་མ་བྱུང་ཡང་རུང། ཆོས་རྣམས་ཀྱི་ཆོས་ཉིད་དང། ཆོས་ཀྱི་དབྱིངས་དང། ཆོས་མི་འགྱུར་བ་ཉིད་ནི་ཡིན?་ནས་གནས ་པ་ཉིད་དོ། །ཞེས་བྱ་བ་ཇི་སྐད་གསུངས་པ་ལྟ་བུའོ། དེ་རུ་སྣང་བའི་ཞེས་བྱ་བ་ལ་སོགས་པ་ལ་རྒྱུ་བ་དང་མི་རྒྱུ་བའི་དངོས་པོ་དེ་རུ་སོ་སོར་སྣང་བ་དེའི་རང་བཞིན་ཡང་ཡིན་ཞིང་ཀུན་ཏུ་རྟོག་པ་ཡང་ཡིན་ལས་དེ་རུ་སྣང་བའི་རང་བཞིན་ཀུན་ཏུ་རྟོག་སྟེ། དེ་ལས ་གཞན་པ་རྒྱུ་བ་དང་མི་རྒྱུ་བ་ཐམས་ཅད་ཙམ་ཡང་ཡོད་པ་མ་ཡིན་ཏེ། ལོག་པའི་རྣམ་པར་རྟོག་པ་དེ་ཉིད་གཅིག་པུར་ཟད་ཀྱི་དེ་ལས་གཞན་པའི་རྒྱུ་བ་དང་མི་རྒྱུ་བའི་ཕྱིའི་དངོས་པོ་མཛའ་ཡས་པ་ཅི་ཡོད་པ་མ་ཡིན་ནོ་ཞེས་བྱ་བ་དེ་དགོངས་སོ། །དེ་ཉིད ་ཀྱི་ཕྱིར་དབུས་དང་མཛའ་རྣམ་པར་འབྱེད་པ་ལས་ཡང་དག་མ་ཡིན་ཀུན་རྟོག་ཡོད། །དེ་ལ་གཉིས་པོ་ཡོད་མ་ཡིན། །སྟོང་པ་ཉིད་ནི་དེ་ལ་ཡོད། །དེ་ལ་ཡང་ནི་དེ་ཡོད་དོ། །ཞེས་བཤད་པ་ཡིན་པས། སེམས་ལ་གཞན་པའི་ང་རྒྱལ་གྱི་ཡུལ ་བདག་ལ་སོགས་པ་འགའ་ཡང་ཡོད་པར་གྱུར་པ་མ་ཡིན་ནོ། །གཏན་ཚིགས་དེ་ཡི་ཕྱིར་སེམས་ཉིད་ང་རྒྱལ་གྱི་ཡུལ་ཡིན་གྱི། བདག་ལ་སོགས་པ་ཅི་ཡང་ཡོད་པ་མ་ཡིན་ནོ། །ང་ནི་ཞི་བ་དང་སྲིད་པ་གཉིས་ཀྱི་རང་བཞིན་བྱེ ་བྲག་མེད་པ་ཉེ་བར་བསྡུ་བའི་ཕྱིར་རང་བཞིན་གང་ཞིག་ཅེས་བྱ་བ་ལ་སོགས་པ་སྨོས་ཏེ། བྱིས་པ་རྣམས་ཀྱིས་སོ་སོར་ཤེས་པར་གྱུར་པའི་ཀུན་རྫོབ་ཀྱི་རང་བཞིན་གང་ཞིག་ཡིན་པའི་ཀུན་རྫོབ་ཏུ་བྱིས་པས་ཤེས་པ་དེའི་རང་གི་ངོ་བོ་དོན་དམ ་པའི་རང་བཞིན་འཕགས་པས་མཁྱེན་པ་དེ་ཉིད་ནི་རང་ཉིད་ཀྱི་ངོ་བོ་ཡིན་ཏེ། གང་གི་ཕྱིར་ཀུན་རྫོབ་ཀྱི་རང་བཞིན་རིག་པ་དང་ལུང་གི་དབྱེ་བས་རྣམ་པར་དཔྱད་ན། ངོ་བོ་ཉིད་མེད་པ་ཡིན་པའི་ཕྱིར་རོ། །དེ་བས་ན་ཞེས་པ་དེའི་ཕྱིར་དེ་དག་ཐམས་ཅད་བྱེ་བྲག ་མེད་པའི་བློས་དངོས་པོ་ཐམས་ཅད་དབྱེ་བ་མེད་པ་ཉིད་ཡིན་ཏེ། ཞི་བ་དང་སྲིད་པའི་རང་བཞིན་ཅན་གྱི་དངོས་པོ་ཐམས་ཅད་ནི་དབྱེ་བ་མེད་ཅིང་སྟོང་པ་ཉིད་དེ། དེའི་བློ་ནི་རྟོགས་པ་སྟེ། དེའི་རྒྱུར་གྱུར་པས་དབྱེ་བ་མེད་ཅིང་ཐ་དད་དུ་བྱ་བ་མེད་པས་ཞི ་བ་དང་སྲིད་པའི་རང་བཞིན་ཅན་གྱི་དངོས་པོ་ཐམས་ཅད་དབྱེ་བ་མེད་ཅིང་ངོ་བོ་ཉིད་གཅིག་པ་ཁོ་ན་ཡིན་ནོ། །དེ་ཡང་འདིར། དངོས་གཅིག་དངོས་པོ་ཀུན་གྱི་རང་བཞིན་ཏེ། །དངོས་ཀུན་དངོས་པོ་གཅིག་གི་རང་བཞིན་ཡིན། །དངོས་པོ་གཅིག་གི་དེ ་ཉིད་གང་གིས་མཐོང། །དེ་ཡིས་དངོས་པོ་ཀུན་གྱི་ང་ཉིད་མཐོང། ཞེས་པ་ཤད་པ་ཡིན་ནོ། །དེ་ཉིད་ཀྱི་ཕྱིར་འཕགས་པ་ཀླུ་སྒྲུབ་ཀྱི་ཞལ་སྔ་ནས་ཀྱིས་ཀྱང། ཀུན་རྫོབ་དག་ནི་མ་རྟོགས་པར། །དེ་ཉིད་ཀྱང་ནི་དམིགས་མི་འགྱུར། །ཀུན་རྫོབ་སྟོང་པ ་ཉིད་དུ་བཤད། །སྟོང་པ་ཉིད་ནི་ཀུན་རྫོབ་ཡིན། །ཞེས་བཤད་པ་དང། དེ་བཞིན་དུ་བརྒྱད་སྟོང་པ་ལས་ཀྱང། ཀཽ་ཤི་ཀ་འདི་ལྟ་སྟེ་དཔེར་མ་འཛམྦུའི་གླིང་ན་ཤིང་ཐ་དད་ཡལ་བ། ཐ་དད། ལོ་མ་ཐ་དད་པ་དང། མེ་ཏོག་ཐ་དད་པ་དང་འབྲས་བུ ་ཕུན་སུམ་ཚོགས་པ་ཐ་དད་པར་སྐྱེས་བ་དེ་རྣམས་ཀྱི་གྲིབ་མ་ནི་བྱེ་བྲག་མེད་ཅིང་ཐ་དད་པར་མི་མཐོང་སྟེ། འདི་ལྟ་སྟེ། གྲིབ་མ་གྲིབ་མ་ཞེས་བྱ་བའི་གྲངས་སུ་འགྲོའོ། །དེ་བཞིན་དུ་ཆོས་ཐམས་ཅད་སྟོང་པ་ཉིད་དུ་ངོ་བོ་གཅིག་པར་བལྟ་བར་བྱ་སྟེ། འདི་ལྟ་སྟེ། ་སྟོང་པ་ཉིད་ཀྱི་ངོ་བོ་ཉིད་དོ། །ཞེས་ཇི་སྐད་གསུངས་པ་ལྟ་བུའོ། །ཐམས་ཅད་ཅི་ཡང་ཡོད་པ་མ་ཡིན་ཏེ་ཞེས་བྱ་བ་ལ་སོགས་པ་གང་བཤད་པ་དེའི་ཕྱིར་སྣང་བར་གྱུར་པར་ཡང་ཞེས་བྱ་བ་ལ་སོགས་པ་སྨོས་ཏེ། སྣང་བར་གྱུར་པ་ནི་སོ་སོར་སྣང་བར་གྱུར་པ་སྟེ། ་གཟུགས་ལ་སོགས་པའི་ངོ་བོར་གཟུང་བར་བྱ་བའི་རང་བཞིན་གྱི་ཡུལ་རྣམས་གང་ཡིན་པ་དང་གང་གཞན་ཅི་ཡང་རུང་བ་སྟེ། འཛིན་པ་བོའི་རང་བཞིན་གྱི་ཤེས་པ་ནི་རྟོག་པ་སྟེ། བདག་ཏུ་ཤེས་པ་དེ་ལྟ་བུའི་བདག་ཉིད་ཅན་དུ་གྱུར་པའི་གནས་དང་རྟེན་ ་དུ་གྱུར་པའི་གཟུང་བ་དང་འཛིན་པ་དེ་དང་དེའི་མཚན་ཉིད་དང་བྲལ་ཞིང་མང་པར་གྱུར་པ་ཡིན་པས་མེད་པ་ནི་ཉེ་བར་མི་དམིགས་པའོ། །དེའི་ཕྱིར་དངོས་པོ་རྣམས་ཐ་དད་པར་གྱུར་ཅིང་རྣམ་པར་དབྱེ་བར་འགྱུར་ཏེ། དེ་ལྟར་རྣམ་པར་དཔྱད་པ་ན་ཉེ་བར་དམིགས ་པར་མི་འགྱུར་ཞེས་བྱ་བའི་བར་དུའོ། །དེ་ནས་ཞེས་པ་བཤད་མ་ཐག་པའི་ཚུལ་གྱི་གཟུགས་ལ་སོགས་པ་ནི་སྣང་བ་ཙམ་དུ་ཟད་ཀྱི། ཕྱིའི་གཟུགས་ལ་སོགས་པ་འདི་དག་ཐམས་ཅད་ནི་ཅི་ཡང་ཡོད་པ་མ་ཡིན་ནོ། །ཡང་ན་ཐམས་ཅད་མེད་ཅེས་བྱ་བ་ནི ་གང་གི་ཕྱིར་བྲལ་བའི་མེད་པར་གྱུར་པ་ཕན་ཚུན་ལྡོག་པ་མེད་པ་ཉིད་ཀྱིས་རང་བཞིན་གཅིག་པ་ཉིད་དུ་འགྱུར་རོ། །དེ་བས་ན་ཆོས་ཉིད་ཀྱི་དབྱེ་བ་མེད་པ་ཉིད་ཡིན་ནོ་ཞེས་བལྟ་བར་བྱའོ། །དེ་ཡང། སོ་སོའི་སྐྱེ་བོའི་ཤེས་པ་གང། །རང་བཞིན་གྱིས་ནི་མྱ་ངན ་འདས། །དེ་ནི་སངས་རྒྱས་སྒྲར་བཤད་དེ། །བྱང་ཆུབ་སེམས་དཔའ་རྒྱལ་པ་བཞིན། །ཞེས་ཇི་སྐད་བཤད་པ་ལྟ་བུའོ། །དེ་བས་ན་དེ་ཁོ་ན་ཉིད་དེ་ལམ་བལྟོས་པ་ནི་སོ་སོ་སྐྱེ་བོ་དང། བཅོམ་ལྡན་འདས་ཐ་དད་པར་རྣམ་པར་བཞག་གི་།དེ་ཁོ་ན་ཉིད་ཡིད་ལ་བྱེད ་པ་སེམས་དཔའ་ནི་དབྱེ་བ་འགའ་ཡང་ཡོད་པ་མ་ཡིན་ནོ། །དེ་ཉིད་ཀྱི་ཕྱིར་སློབ་དཔོན་ཆོས་ཀྱི་གྲགས་པའི་ཞལ་སྔ་ནས་ཀྱིས་ཀྱང། མཁས་པ་རྣམས་ཀྱིས་གང་བཤད་དེ། །འདི་ནི་དངོས་པོའི་སྟོབས་ཀྱིས་འོངས། །ཇི་ལྟ་ཇི་ལྟར ་རྣམ་དཔྱད་པ། །དེ་ལྟ་དེ་ལྟར་རྣམ་བདེན་འགྱུར། །ཞེས་ཇི་སྐད་བཤད་པ་ལྟ་བུའོ། །ད་ནི་དད་དང་ཞེས་བྱ་བ་ལ་སོགས་པས་དཀྱིལ་འཁོར་གྱི་རྣམ་པར་དག་པ་སྟོན་ཏེ་དད་པའི་སྟོབས་རྣམ་པར་དག་པ་དང། བརྩོན་འགྲུས་ཀྱི་སྟོབས་རྣམ་པར་དག ་པ་དང། དེ་བཞིན་དུ་དྲན་པའི་སྟོབས་རྣམ་པར་དག་པ་དང། ཏིང་ངེ་འཛིན་གྱི་སྟོབས་རྣམ་པར་དག་པ་རྣམས་ནི་རིམ་བཞིན་དུ་སྒོ་བཟང་པོས་བསྲུང་བར་བྱེད་པ་སྟེ། གཤིན་རྗེ་གཤེད་ལ་སོགས་པའི་སྒོ་སྲུངས་དང་བཅས་པའི་དཀྱིལ་འཁོར་གྱི་འཁོར ་ལོའི་རྣམ་པར་བརྟགས་ནས་སྔགས་དམ་པའི་ཐིག་ལེའི་གཟུགས་སུ་རང་གི་ཡང་རྣམ་པར་བསྒོམ་པར་བྱ་སྟེ། འོད་དང་ལྡན་ཞེས་འོག་ནས་བཤད་པ་དང་སྦྱར་རོ། །ཤེས་རབ་རྣམ་དག་མ་ལུས་ཡུལ་དུ་སྣང་ཞེས་བྱ་བ་ནི་གཟུགས་རྡོ་རྗེ་ལ་སོགས་པའི ་ལྷ་མོར་གྱུར་པ་རྣམས་ནི་ཡུལ་གྱི་ངོ་བོ་ཉིད་ཡིན་ནོ། །མཚན་མ་མེད་པ་ནི་མཚན་མ་ཐམས་ཅད་སྤངས་པ་སྟེ། དེས་དགའ་བ་ནི་མཆོག་ཏུ་དགའ་བའི་བདེ་བའོ། །དེ་ཉིད་རྣམ་པར་དག་པ་སྟེ། དེ་ནི་མ་ལུས་པའི་ལྷ་མོ་སྤྱན་ལ་སོགས་པའི་ཚོགས ་ཀྱི་ངོ་བོ་ཉིད་དོ། །སེམས་ཅན་ནི་མིག་ལ་སོགས་པའི་དབང་པོ་འཛིན་པའི་ངོ་བོ་ཉིད་དོ། །དོན་ནི་གཟུགས་ལ་སོགས་པ་གཟུང་བར་གྱུར་པ་ཡུལ་གྱི་ངོ་བོ་ཉིད་དོ། །བདག་ནི་ལྷན་ཅིག་སྐྱེས་པའི་འཇིག་ཚོགས་ལ་བལྟ་བའོ། །རྣམ་རྟོག་ནི་གཟུང་བ་དང་འཛིན་ ་པར་ཀུན་ཏུ་རྟོག་པའི་ངོ་བོ་ཉིད་དོ། །འཇུག་པའི་རྣམ་ཤེས་ནི་མིག་ལ་སོགས་པའི་རྣམ་པར་ཤེས་པའི་ཚོགས་ལྔའོ། །དེ་ལྟར་ན་དབང་པོ་དང་དོན་དང་བདག་དང་རྣམ་པར་རྟོག་པ་དང་འཇུག་པའི་རྣམ་པར་རྟོག་པ་སྟེ། དེ་རྣམས་ཀྱི་རྣམ་པར ་དག་པ་ནི་མི་དམིགས་པའོ། །དེ་ཡང་རིམ་པ་བཞིན་དུ་མེ་ལོང་ལྟ་བུ་ལ་སོགས་པའི་ཡིད་དྲི་མ་མེད་པའི་ངོ་བོ་ཉིད་དུ་གྱུར་པས་རྣམ་པར་སྣང་མཛད་ལ་སོགས་པའི་སངས་རྒྱས་ཐམས་ཅད་ཀྱི་རང་བཞིན་ཡིན་ཏེ། མེ་ལོང་ནི་མེ་ལོང་ལྟ་བུའི་ཡེ་ཤེས ་སོགས་པའི་སྒྲས་ནི་མཉམ་པ་ཉིད་ཀྱི་ཡེ་ཤེས་དང། སོ་སོར་རྟོག་པའི་ཡེ་ཤེས་དང། བྱ་བ་གྲུབ་པའི་ཡེ་ཤེས་དང། ཆོས་ཀྱི་དབྱིངས་རྣམ་པར་དག་པའི་ཡེ་ཤེས་རྣམས་བསྡུའོ། །མེ་ལོང་ལ་སོགས་པའི་ཡིད་ཀྱང་ཡིན་ལ་དྲི་མ་མེད ་པར་གྱུར་པ་ཡང་ཡིན་པས་ན་མེ་ལོང་ལ་སོགས་ཡིད་དྲི་མེད་དོ། །དེ་ཉིད་ཀྱི་ངོ་བོ་ཉིད་དེ། རང་བཞིན་གྱི་དཀྱིལ་འཁོར་གྱི་འཁོར་ལོར་ཡང་གྱུར་པ་གང་ཡིན་པ་དེ་ནི། མེ་ལོང་སོགས་ཡིད་དྲི་མེད་ངོ་བོ་བས། ཞེས་བྱ་བ་ལ་དེའི་རང་བཞིན་ནོ་དེ་ཁོ་ན་ཉིད་དུ་ན ་རིམ་པ་ཇི་ལྟ་བ་བཞིན་དུ་རྣམ་པར་སྣང་མཛད་ལ་སོགས་པ་སངས་རྒྱས་ཐམས་ཅད་ཀྱི་ངོ་བོ་ཉིད་ཡིན་ནོ། །ཡང་ཞེས་བྱ་བའི་སྒྲ་ནི་སྔ་མ་ལ་བལྟོས་པའི་ཚིག་གིས་བསྡུ་བ་སྟེ། དོན་རྣམ་པར་དག་པ་ནི་མེ་ལོང་ལྟ་བུའི་ཡེ་ཤེས་ཏེ་དེ་རྣམ་པར་དག་པ་ནི་རྣམ་པར ་སྣང་མཛད་དོ། སེམས་ཅན་རྣམ་པར་དག་པ་ནི་མཉམ་པ་ཉིད་ཀྱི་ཡེ་ཤེས་ཏེ། དེ་རྣམ་པར་དག་པ་ནི་རིན་ཆེན་འབྱུང་ལྡན། །བདག་རྣམ་པར་དག་པ་ནི་སོ་སོར་རྟག་པའི་ཡེ་ཤེས་ཏེ་དེ་རྣམ་པར་དག་པ་ནི་འོད་དཔག་ཏུ་མེད་པའོ། །རྣམ་པར་རྟོག་པ་རྣམ ་པར་དག་པ་ནི་བྱ་བ་གྲུབ་པའི་ཡེ་ཤེས་ཏེ། དེ་རྣམ་པར་དག་པ་ནི་དོན་ཡོད་གྲུབ་པའོ། །འཇུག་པའི་རྣམ་པར་ཤེས་པ་རྣམ་པར་དག་པ་ནི་ཆོས་ཀྱི་དབྱིངས་རྣམ་པར་དག་པ་སྟེ། དེ་རྣམ་པར་དག་པ་ནི་མི་བསྐྱོད་པའོ། །ཐབས་དང་སའི་ཁམས་རྣམ་པར ་དག་པ་ནི་སྤྱན་ནོ?། །སྨོན་ལམ་དང་ཆུ་རྣམ་པར་དག་པ་ནི་མཱ་མ་ཀཱིའོ། །སྟོབས་དང་མེ་རྣམ་པར་དག་པ་ནི་གོས་དཀར་མོའོ། །ཡེ་ཤེས་དང་རླུང་རྣམ་པར་དག་པ་ནི་སྒྲོལ་མའོ། །དབང་པོའི་ཚིགས་ནི་སེམས་ཅན་ཏེ་འཛིན་པ་པོར་གྱུར་པའོ། །དོན་ནི ་ཡུལ་དྲུག་སྟེ། གཟུང་བར་གྱུར་པ་གཟུགས་ལ་སོགས་པའོ། །བདག་ཏུ་རྣམ་པར་རྟོག་པ་ནི་ཉོན་མོངས་པ་ཅན་གྱི་ཡིད་དེ་བདག་གོ་ཞེས་བལྟ་བའོ། །རྣམ་པར་རྟོག་པ་ནི་ཀུན་གཞི་རྣམ་པར་ཤེས་པ་སྟེ་བག་ཆགས་ཀྱི་གཞི?་གྱུར ་པའོ། འཇུག་པའི་རྣམ་པར་ཤེས་པ་ནི་མིག་ལ་སོགས་པ་རྣམ་པ་ལྔ་སྟེ། གཟུགས་ནི་དབུ་བ་ལྟ་བུར་བཤད། །ཚོར་བ་ཆུ་ཡི་ཆུ་བུར་འདྲ། །འདུ་ཤེས་སྨིག་རྒྱུ་ལྟ་བུ་སྟེ། །འདུ་བྱེད་རྣམས་ནི་ཆུ་ཤིང་འདྲ། །རྣམ་ཤེས་སྒྱུ་མ་ལྟ་བུ་སྟེ། །དེ་ལྟར་ཕུང་པོ་བསྟན་པ་ནི།། ་རྐང་གཉིས་མཆོག་གིས་ཐམས་ཅད་དུ། །བྱང་ཆུབ་སེམས་དཔའ་རྣམས་ལ་བཤད། །ཅེས་བྱ་བའོ། །སྙིང་རྗེའི་ཚུལ་མེད་སྟོང་པ་ཉིད་ལ་ཞེ་ན། །དེས་ནི་ལམ་གྱི་དམ་པ་རྙེད་མི་འགྱུར། །གལ་ཏེ་གཉིས་པོ་གཅིག་ཏུ་སྦྱོར་ཤེས་ན། །སྲིད་དང་མྱ་ངན་འདས་ལ་ ་མི་གནས་སོ། །ཞེས་བཤད་པས། དེ་བཞིན་ཉིད་ནི་གཉིས་སུ་མེད་པའི་ཡེ་ཤེས་ཏེ་དེ་ཉིད་རྣམ་པར་དག་པའོ། །དེའི་སྦྱོར་བ་ཡིས་འཁོར་ལོའི་གཙོ་བོ་སྟེ། འཁོར་ལོའི་བདག་པོའི་ངོ་བོ་ཉིད་དུ་སེམས་འདི་དཀྱིལ་འཁོར་གི་འཁོར་ལོ་ལྟ་བུར་གནས་པ་ཡིན་ནོ། །གཟུགས ་ལ་སོགས་པ་ཞེས་བྱ་བ་ལ་གཟུགས་ཀྱི་ཕུང་པོ་ལ་སོགས་པ་ལ་གང་མི་ཤེས་པའི་འཁྲུལ་བ་དེ་གང་རྣམ་པར་བྲལ་ཞིང་སྤངས་པ་དེས་ན་དྲི་མ་མེད་པ་ཡང་ཡིན་ལ་ཕུང་པོ་ལ་སོགས་པ་ཡང་ཡིན་པས་ན་དྲི་མེད་ཕུང་པོ་ལ་སོགས་པའོ། །ཡང་དེ་རྣམས་ཀྱང ་ཡིན་ལ་མིག་ཡོར་ལྟ་བུར་སྣང་བ་ཙམ་དུ་དངོས་པོའི་ངོ་བོ་ཡང་ཡིན་པས་དེ་སྐད་ཅེས་བྱའོ། །ཡང་ན་འདི་རྣམས་ཀྱི་དྲི་མ་མེད་པ་ཉིད་ནི་ཕྱི་རོལ་ཉིད་དུ་སྒྲོ་བཏགས་པས་ནན་གྱི་སྒྲོ་བཏགས་པ་ཉིད་ནི་འཁྲུལ་པ་ཡིན་ལ་དེ་ཉིད་ནི་དྲི་མ་ཡིན་ཏེ། འཁྲུལ་པ་ནི ་དྲི་མའི་ངོ་བོ་ཉིད་ཡིན་པས་འཁྲུལ་པའི་དྲི་མ་དེ་དང་བྲལ་བ་ཡིན་པར་ཤེས་པར་བྱའོ། །སོགས་པའི་སྒྲས་ནི་སྐྱེ་མཆེད་ལ་སོགས་པ་གཟུང་སྟེ། དེ་རྣམས་ཀྱང་དངོས་པོ་མེད་པའི་ངོ་བོ་ཉིད་དོ། །དེས་གྲུབ་པ་ནི་རྫོགས་པར་གྱུར་པའོ། །སེར་སྣ་ནི་གཏོང ་བར་མི་བྱེད་པའི་སེམས་ཉིད་དེ་དེ་ཉིད་ཐོག་མར་བྱས་པ་གང་ཡིན་པ་དེ་ནི་སེར་སྣ་ལ་སོགས་པ་སྟེ། འཆལ་པའི་ཚུལ་ཁྲིམས་དང། བཟོད་པ་མེད་པ་དང། ལེ་ལོ་དང་སེམས་གཡེང་བ་དང་ཤེས་རབ་འཆལ་པ་ལ་སོགས་པའོ། །དེ་རྣམས་ལས་ལྡོག་པར ་གྱུར་པ་ནི་མེད་པའོ། །དེའི་རྣམ་པར་དག་པ་ནི་གྱུར་པའི་ངོ་བོ་ཉིད་དེ་ཕ་རོལ་ཏུ་ཕྱིན་པ་སྟེ། སྦྱིན་པ་ལ་སོགས་པའི་ཕ་རོལ་ཏུ་ཕྱིན་པ་རྣམས་དང། ས་རྣམས་ཏེ་རབ་ཏུ་དགའ་བ་ལ་སོགས་པ་རྣམས་སོ། །དེ་ལྟར་ཕ་རོལ་ཏུ་ཕྱིན་པ་རྣམས་དང། ས་དེ་རྣམས་ཉིད་ནི་དཀར་པོའི ་ཆོས་ཡིན་ལ། དེའི་རང་བཞིན་ནི་སེར་སྣ་ལ་སོགས་པ་ལས་ལྡོག་པར་གྱུར་པའི་རང་བཞིན་ནོ། །དེ་བས་ན་དེ་ལྟ་བུའི་རྣམ་པར་རྟོག་པ་མེད་པར་ལྷན་གྱིས་གྲུབ་ཅིང་ཆེད་དུ་བྱ་བ་མེད་པར་དེ་ཉིད་ཀྱིས་བདག་དང་གཞན་གྱི་དོན་མཐོ་རིས་དང་ཐར་བ་ཞེས་བྱ་བ ་འབྱུང་བའི་རྒྱུ་ཅན་ཡིན་ཞིང་རྒྱུར་གྱུར་པས་སེམས་པ་དེ་ཡང་དཀྱིལ་འཁོར་གྱི་རྣམ་པ་ལྟ་བུ་ཡིན་ལ། རིམ་བཞིན་ཞེས་བྱ་བ་ལ་སོགས་པའི་རིམ་པས་ཤེས་རབ་དང་ཐབས་ཀྱི་བདག་ཉིད་ཅན་ཏེ་ཤེས་རབ་དང་ཐབས་ཀྱི་ངོ་བོ་ཉིད་ཡིན་ནོ། །དེ་ལ་དོན ་ནི་འདི་ཡིན་ཏེ་རང་གི་དོན་འབྱུང་བའི་རྒྱུ་ཅན་ཏེ་ཉོན་མོངས་པ་ཐམས་ཅད་སྤོང་བའི་རྒྱུར་གྱུར་པ་ཉིད་ཀྱིས་ཟབ་པ་ཉིད་དེ། འཇུག་པར་དཀའ་བ་ཉིད་ཀྱི་ཤེས་རབ་ཀྱི་བདག་ཉིད་ཅན་ཡིན་པ་དང། གཞན་གྱི་ལུང་འབོག་པའི་རྒྱུར་གྱུར་པ་ཉིད་ཀྱིས ་གཞན་རྣམས་ཀྱི་འཇིག་རྟེན་དང། འཇིག་རྟེན་ལས་འདས་པའི་ཕུན་སུམ་ཚོགས་པ་ཐམས་ཅད་བསྐྱེད་པ་ཉིད་ཀྱིས་རྒྱ་ཆེ་བའི་ཕྱིར་ཐབས་ཀྱི་བདག་ཉིད་ཅན་ཡིན་ཏེ་སྙིང་རྗེའི་ངོ་བོ་ཉིད་ཡིན་ནོ། །ད་ནི་རྣམ་པར་སྤྲོས་པ་དེའི་མཉམ་པ་ཉིད་ཀྱི་བདག ་ཉིད་བསྟན་པར་བྱ་བའི་ཕྱིར་དམ་པའི་དོན་དུ་ཞེས་བྱ་བ་ལ་སོགས་པ་སྨོས་ཏེ། དོན་དམ་པར་ནི་ཆོས་ཉིད་ཀྱིས་ན་དངོས་པོ་ཅི་ཡང་གཞན་དག་ལས་དབྱེ་བ་མེད་པ་ཡིན་ཞིང་སྣ་ཚོགས་པའི་རང་བཞིན་ཅན་མ་ཡིན་ལ་དབྱེ་བ་མེད་པ་མིན་ཏེ། རང ་བཞིན་གཅིག་ཡང་མི་འདོད་དོ། །དེ་ཅིའི་ཕྱིར་ཞེ་ན། གཞན་དུ་འཛིན་པ་ལས་ནི་ལྡོག་ཕྱིར་དང་ཞེས་བྱ་བ་སྨོས་ཏེ། གཞན་དག་ལ་གཞན་དུ་མངོན་པར་ཞེན་པ་ལས་རྣམ་པར་ལྡོག་པར་གྱུར་ཅིང་མེད་པར་གྱུར་པས་སོ། །གལ་ཏེ་གཞན ་ཕ་རོལ་འགའ་ཞིག་ཡོད་པར་གྱུར་ན་ཅིག་ཤོས་དེ་ལས་དབྱེ་བ་མེད་པ་དང། དབྱེ་བ་ཡོད་པ་ལ་སོགས་པ་དཔྱད་པར་བྱ་བ་དག་ཡིན་ན། གཞན་དུ་འཛིན་པ་ལས་ལྡོག་པ་དེས་ན་གཞན་ལས་བྱེད་པ་མེད་པའི་མ། དབྱེ་བ་མེད་པ་མ་ཡིན་པ་ཅུང ་ཟད་ཀྱང་འདོད་པ་མ་ཡིན་ནོ། །ཅིའི་ཕྱིར་གཞན་དུ་འཛིན་པ་ལས་རྣམ་པར་ལྡོག་ཅན། དེ་བཞིན་བྱེ་བྲག་ལ་སོགས་བྲལ་ཕྱིར། །བྱ་བ་སྨོས་ཏེ། དེ་བཞིན་ཏེ་དེའི་རྣམ་པར་དབྱེ་བ་མེད་པ་དང། དབྱེ་བ་ཡོད་པའི་བདག་པོ་དང་བྲལ་ཞིང་མི་ལྡན་པ་སྟེ། སེམས ་ལས་ཐ་དད་པའི་ཕྱི་རོལ་པ་མེད་དོ་ཞེས་སྔར་བསྒྲུབས་པ་ཡིན་ནོ། །དེ་བས་ན་དབྱེ་བ་དང་དབྱེ་བ་མེད་པའི་རྣམ་པར་རྟོག་པ་དང་བྲལ་བས་གཞན་དུ་འཛིན་པ་ལས་རྣམ་པར་ལྡོག་པའི་ཕྱིར་ཅི་ཡང་དབྱེ་བ་མེད་པ་དང་དབྱེ་བ་ཡོད་པ་ཡིན་པར་མི་འདོད ་པ་ཡིན་ནོ། །དེ་ལྟར་མ་བཤད་པའི་ཚུལ་གྱིས་བརྟགས་ཤིང་ཡོངས་སུ་བསྒོམས་ནས་རང་གི་སྙིང་གའི་ཡེ་ཤེས་སེམས་དཔའ་ཨི་ཐུགས་ཀར་དེ་ཁོ་ན་ཉིད་དྲི་མ་མེད་པའི་ཟླ་བའི་དཀྱིལ་འཁོར་དེར་གནས་པའི་མཚན་མའི་དབུས་ན་འདུག་པའི་སྙིང་པོ་དམ ་པ་ཡོངས་སུ་གྱུར་པའི་ཐིག་ལེའི་གཟུགས་སུ་རང་གི་ཡིད་དེ་རང་གི་སེམས་འོད་དང་ལྡན་པ་སྟེ། འབར་བ་དང་བཅས་པར་ཡོངས་སུ་བསྒོམ་ཞིང་བསམ་པར་བྱའོ། །ཡང་ན་རང་གི་སྙིང་པོ་ནི་རང་གི་འདོད་པའི་ལྷའི་ས་བོན་ཏེ། དེའི་གཟུགས་སུ་རང་གི ་ཡིད་གསང་སྔགས་དམ་པར་ཡོངས་སུ་གྱུར་པའི་ཐིག་ལེའི་གཟུགས་སུ་བསྒོམ་པར་བྱའོ། །ཐིག་ལེའི་གཟུགས་ཅན་གྱི་སེམས་དེའི་འོད་ཟེར་གྱི་ཕྲེང་བར་དེས་སང་ཅིང་སྣང་བར་བྱས་པ་སྟེ། གསུང་དང་སྐུ་དང་རྡོ་རྗེའི་ལུས་ནི་མཆོག་ཏུ་གྱུར་པ་སྟེ ་དམ་པར་གྱུར་པའི་འཇམ་པའི་རྡོ་རྗེའི་མཐར་ཐུག་པར་ལུས་སྣང་བར་བྱས་ནས་བ་སྤུའི་བུ་ག་རེ་རེ་ནས་འོད་ཟེར་གྱི་ཚོགས་དཔག་ཏུ་མེད་ཅིང་ཚད་མེད་པས་ཀུན་ཏུ་སྟེ། དངོས་པོ་ཐམས་ཅད་ཀྱིས་འགྲོ་བ་སྣ་ཚོགས་ཁྱབ་པར་བྱས་ཤིང་གང་བར་བྱས་ལ། སེམས ་རིན་པོ་ཆེའི་འོད་ཀྱི་ཕྲེང་བ་ཅན་དེ་སླར་ཡང་ཐིག་ལེའི་གཟུགས་དེ་ཉིད་དུ་སེམས་ཞུགས་པར་གྱུར་ཅིང་ཆུད་པར་བྱས་ལ། གཉིས་སུ་མེད་པའི་ཡེ་ཤེས་ཀྱི་གཟུགས་ཡེ་ཤེས་ཀྱི་བདུད་རྩི་གཉིས་སུ་མེད་པ། གསུང་དང་སྐུ་དང་རྡོ་རྗེའི་ལུས་དང་གཉིས་ཀའི་མཛའ་ ་ཡང་ཤེས་རབ་དམ་པ་བདག་མེད་པའི་ཡེ་ཤེས་དེ་ལ་གོམས་པར་བྱས་པ་དེ་མེད་པར་སངས་རྒྱས་ཉིད་དུ་མི་འགྱུར་བས་སེམས་ཅན་ཐམས་ཅད་བདག་གིས་སངས་རྒྱས་སུ་བྱས་སོ་ཞེས་སྙིང་རྗེ་སྨོན་པར་བྱེད་པ་དང། བདག་མེད་པ་ལས་གོམས་པར་བྱས ་པའི་ཤེས་རབ་དམ་པས་ཟིན་པར་གྱུར་པས་ཡེ་ཤེས་དེ་དབབ་པའི་ངང་ཚུལ་གང་ལ་ཡོད་པ་དེ་ནི་ཡེ་ཤེས་བདུད་རྩི་དབབ་པ་སྟེ། དེས་རེག་པས་གཉིས་སུ་མེད་པའི་ཡེ་ཤེས་དང་ལྡན་པར་གྱུར་ཏོ། །ཞེས་དེ་བསམ་པར་བྱའོ། །འདི་ཙམ་གྱིས་ནི་ཐིག་ལེ ་རྣལ་འབྱོར་བཤད་པ་ཡིན་ནོ། །ཡང་ན་རང་གི་ཞེས་བྱ་བ་ལ་སོགས་པ་ལ་ལྷའི་མཚན་མ་ཕྲ་མོ་རང་གི་རིག་མའི་སྣའི་རྩེ་མོར་ཟླ་བའི་དཀྱིལ་འཁོར་ལ་གནས་པ་འོད་ཟེར་དང་བཅས་པའི་ཐུབ་པའི་འཁོར་ལོ་ནང་དུ་ཆུད་པར་བསྒོམ་པར་བྱ་སྟེ། དེ ་ཡང་སྙིང་རྗེ་རྒྱུར་གྱུར་པས་ན་རང་གི་ཤེས་རབ་དམ་པ་ཡང་དག་པར་གཟུང་བ་ཉིན་མཚན་དུ་རྟག་ཏུ་བསྒོམ་པར་བྱའོ། །ཕྲ་མོའི་རྣལ་འབྱོར་བརྟན་པོར་གྱུར་པའི་མཚན་མ་སྨིག་རྒྱུ་འདྲ་བ་དང་པོ་སྟེ། དུ་བ་ལྟ་བུ་གཉིས་པ་ཡིན། །མཁའ་ལྟར་སྣང་བ ་གསུམ་པ་ཡིན། །མར་མེ་ལྟར་འབར་བཞི་པའོ། །སྤྲིན་མེད་ནམ་མཁའ་ལྟ་བུར་ནི། །རྟག་ཏུ་སྣང་བ་ལྔ་པའོ། །ཞེས་བྱ་བ་འདི་ལྟ་བུའི་མཚན་མ་བརྟན་པོར་མཐོང་ནས་སྤྲོ་བར་བྱ་སྟེ། མཚན་མ་ཕྲ་མོའི་འོད་ཟེར་ལས་བྱུང་བའི་ཐུབ་པའི་དབང་པོ་དང ་རྣམ་པ་སྣ་ཚོགས་པའི་ཕྱག་མཚན་བསྣམས་ཏེ། རལ་གྲི་དང་རྡོ་རྗེ་དང་འཁོར་ལོ་ལ་སོགས་པ་སྤྲོ་བར་བྱ་སྟེ། འདི་ཙམ་གྱིས་ནི་ཕྲ་མོའི་རྣལ་འབྱོར་བཤད་པ་ཡིན་ནོ། །དེའི་རྗེས་ཐོགས་ལ་བཟླས་བརྗོད་བྱ་བ་ཡིན་པས་ཇི་ལྟར་བྱ་བ་ནི ་ཡང་ན་བཟླས་པ་ཞེས་བྱ་བ་ལ་སོགས་པ་ཡིན་ཏེ། རྩེ་གཅིག་པ་དང་ལྡན་པའི་སེམས་ཉིད་ནི་དངོས་པོ་མ་ལུས་པ་ཀུན་གྱི་བདག་ཉིད་དེ་རང་གི་སེམས་ཀྱི་རྒྱལ་པོ་ལ། བདག་གི་སེམས་འདི་ཉིད་དཀྱིལ་འཁོར་མ་ལུས་པའི་འཁོར་ལོ་ལྟ་བུ་ཡིན་གྱི ་འདི་ལས་ཕྱི་རོལ་དུ་གྱུར་པ་ཡོད་པ་མ་ཡིན་ནོ་ཞེས་ངེས་པར་བྱས་ལ། སྣ་ཚོགས་པའི་འོད་དང་ལྡན་པ་སྟེ་སྣ་ཚོགས་པའི་འོད་ཟེར་དང་བཅས་པའི་རང་གི་སྔགས་ཡེ་ཤེས་སེམས་དཔའ་ཨི་ཐུགས་ཀར་གནས་པ་རང་རང་གི་འཁོར་ལ་སོགས་པའི་ཐུགས ་ཀར་གནས་པ་ལ་ཡི་གེ་དབུས་སུ་ཆུད་པར་བྱས་པ་བློ་དང་ལྡན་པ་སྟེ་མཁས་པས་བསམ་པར་བྱ་ཞིང་བསྒོམ་པར་བྱའོ། །བཟླས་པ་འདི་ཇི་ལྟར་བྱ་བ་དེ་ལྟར་བསྟན་པར་བྱ་བའི་ཕྱིར་སྲོག་དང་ཞེས་བྱ་བ་ལ་སོགས་པ་སྨོས་ཏེ། སྲོག་དང་རྩོལ་བ་མ ་བསྡམས་པར་གསང་སྔགས་ཀྱི་རྒྱལ་པོའི་འོད་ཟེར་སྣ་ཚོགས་པ་དང་ལྡན་པ་བསམས་ལ། སྐུ་ལ་སོགས་པ་སྤྲོ་པར་བྱའོ་ཞེས་བྱ་བར་སྦྱར་རོ། །ཇི་ལྟར་སྤྲོ་བར་བྱ་ཞེ་ན། སྲོག་དང་རྩོལ་བ་ཤིན་ཏུ་མ་བསྡམས་པར་ཞེས་བྱ་བ་སྨོས་ཏེ། སྲོག་དང ་རྩོལ་བ་གཉིས་བཏང་བ་དང་གཞུག་པ་དག་ཤིན་ཏུ་མ་བསྡམས་པར་དེ་གསལ་བ་ཁོ་ནར་སྐུ་ལ་སོགས་པ་སྤྲོ་བར་བྱེད་པ་ཉིད་དེ། བསྡུ་བར་བྱ་བ་འགའ་ཞིག་ནི་མ་ཡིན་ནོ་ཞེས་བྱ་བའི་དོན་ཏོ། །ཇི་ལྟར་བྱ་ཞེ་ན། རིམ་པ་བཞིན་དུ་འམ་ཡང་ན་ནི།། ་ཅིག་ཅར་སྤྲོ་བ་དག་ནི་ལེགས་པར་བྱ་ཞེས་བྱ་བ་སྨོས། །ནམ་མཁའ་ཨི་གཏོས་ནི་ནམ་མཁའ་ཨི་ཁམས་ཏེ། སྐུ་རྡོ་རྗེ་ལ་སོགས་པས་ཀུན་ཏུ་གང་བར་བྱ་ཞིང། འོད་ཀྱི་སྒོའི་སྣང་བས་ཞེས་བྱ་བ་ནི་འོད་ཀྱི་སྒོ་ངེས་སྣང་བར་བྱེད་པའི་ངང་ཚུལ་གང་ལ་ཡོད་པ་དེ་ལ་དེ ་ཇི?་སྐད་ཅེས་བྱ་སྟེ། འོད་ཟེར་གྱི་ཕྲེང་བ་ཀུན་ཏུ་འཁྲུག་པ་ཞེས་བྱ་བའི་དོན་ཏོ། །དེ་ནས་སྣ་ཚོགས་པའི་མཆོད་པའི་སྤྲིན་གྱི་བཀོད་པ་ཀུན་ཏུ་སྤྲོ་བར་བྱའོ། ཞེས་བྱ་བར་སྦྱར་ཏེ། སྔ་མ་བཞིན་དུ་ཞེས་བྱ་བ་ནི་དཀྱིལ་འཁོར་གྱི་རྒྱལ་པོ་མཆོག་གི་ཏིང་ངེ ་འཛིན་བཞིན་དུའོ། །སྣ་ཚོགས་པ་ནི་རྣམ་པ་དུ་མའོ། །མཆོད་པ་ནི་གཟུགས་ལ་སོགས་པའི་ལྷ་མོ་རྣམས་ཏེ། དེ་རྣམས་ཀྱི་སྤྲིན་དང་དེའི་བཀོད་པ་དེ་དག་གིས་སྐུ་ལ་སོགས་པས་ནམ་མཁའ་ཨི་ངོས་ཀུན་ཏུ་བཀང་བའི་རྗེས་ཐོགས་ལ་ཀུན་ཏུ་སྤྲོ་བར་བྱ ་ཞིང་ཡོངས་སུ་དེ། དངོས་པོ་ཐམས་ཅད་ཀྱིས་མཆོད་དོ། །དེ་ཡང་ཡེ་ཤེས་སེམས་དཔའ་ཨི་ཐུགས་ཀའི་ཡི་གེ་ལས་འོད་ཟེར་ཡང་དག་པར་སྤྲོས་ལ། དེས་ཕྱོགས་བཅུ་ན་གནས་པའི་གཟུགས་རྡོ་རྗེ་ལ་སོགས་པའི་ལྷ་མོ་རྣམས་བཀུག་ནས་རང་གི་ལུས ་ལ་བཙུག་སྟེ། བྱང་ཆུབ་ཀྱི་སེམས་ཀྱི་ངོ་བོར་གྱུར་པ་རྡོ་རྗེའི་ལམ་ནས་ཕྱུང་སྟེ། ལྷ་མོའི་པདྨའི་ནང་ན་གནས་པར་གྱུར་པ་དང། རང་གི་ལྷ་མོའི་ལུས་ལས་འོད་ཟེར་གྱི་སྒོ་ནས་གཟུགས་རྡོ་རྗེ་ལ་སོགས་པའི་ལྷ་མོ་རྣམས་རང་གི་ཁ་དོག་དང་ཕྱག ་མཚན་འཛིན་པ་བྱུང་སྟེ། དེས་ཡོངས་སུ་བསྐོར་ནས་སྐུ་རྡོ་རྗེ་ལ་སོགས་པ་མཆོད་པར་བྱའོ་ཞེས་བྱ་བའི་དོན་ཏོ། །ཡོངས་སུ་སྦས་ཤིང་འཁྱུད་པ་ཡང་ཡིན་ལ་རིག་པ་མཆོག་ཀྱང་ཡིན་པས་ན་ཡོངས་སུ་སྦས་པའི་རིག་པ་མཆོག་རྣམས་ནི་ཞེས་བྱའོ།། ་ཡང་ན་མཆོག་ཏུ་གྱུར་པ་ནི་རིག་པ་རྣམས་གཉིས་སུ་མེད་པའི་ཡེ་ཤེས་ཀྱི་ངོ་བོ་ཉིད་ཡིན་པའི་ཕྱིར་རོ། །དེ་རྒྱུར་གྱུར་པས་བདེ་བ་ཆེན་པོ་སྟེ། དེ་བབས་པར་གྱུར་པ་ནི་ཉམས་སུ་མྱོང་བ་མངོན་དུ་ཕྱོགས་པར་གྱུར་པ་སྟེ། དེས་གཞན་གྱི་དབང་དུ་གྱུར་པར ་བདག་ཉིད་མཐོང་ནས། རྣམ་པར་སྒེག་པའི་ཐུབ་དབང་ཚོགས་རྣམས་ནི། །མཐར་ནི་རང་གི་ལུས་ལ་གཞུག་པར་བྱ་ཞེས་བྱ་བ་ནི་བཟླས་པའི་མཐར་སྐུ་རྡོ་རྗེ་ལ་སོགས་པ་བཏོན་པ་རྣམས་ཤིན་ཏུ་མཛེས། བཞིན་དུ་རང་གི་ལུས་ལ་གཞུག་པར ་བྱའོ། འདི་ཙམ་གྱིས་ནི་བཟླས་པ་ཡིན་ནོ། །ཕྲ་མོའི་རྣལ་འབྱོར་དང་ཐིག་ལེའི་རྣལ་འབྱོར་ལ་ཡང་ཡན་ལག་བཞི་བཞི་སྟེ། རྒྱུ་མཐུན་པའི་འབྲས་བུ་ལ་སོགས་པ་ཆེན་པོ་དང། ཐུགས་རྡོ་རྗེ་ལ་སོགས་པ་ཡང་རྒྱུ་མཐུན་པའི་འབྲས་བུ་ལ་སོགས་པ ་ཆེན་པོ་བཞི་བཞིར་བལྟ་བར་བྱའོ། །རང་གི་སྙིང་པོ་ནི་ཡེ་ཤེས་སེམས་དཔའ་ཨི་ས་བོན་ནོ། །དེ་ཉིད་དང་པོའི་རྣལ་འབྱོར་ལ་སོགས་པའི་ཏིང་ངེ་འཛིན་བསྒྲུབ་པར་བྱ་བ་ནི་དེ་ཁོ་ན་ཉིད་དོ། །དེའི་ངེས་པར་རྟོག་པ་ནི་བསྒོམ་པའོ། །དེས་སྐྱོ་བ་ནི་ཡོངས་སུ་དུར་བའོ། །དེས ་ཞུམ་པ་ནི་རྒྱ་ཆུང་བར་གྱུར་པའོ། །སེམས་ཀྱི་སྤྱོད་པ་ནི་སེམས་ཀྱི་འཇུག་པ་གང་ཡིན་པ་དེ་ནི་རང་གི་སྙིང་པོ་དེ་ཉིད་དེས་རྟོགས་པས། སེམས་ནི་སྤྱོད་པ་སྐྱོ་བས་ཞུམ་གྱུར་ན་ཞེས་བྱའོ། །དེ་ལྟར་གྱུར་པ་ལ་སྔར་བཤད་པའི་སྤྱན་ལ་སོགས་པའི་རིག་པའི ་ཚོགས་ཀྱིས་ཡང་དག་པར་གླུར་བླངས་པས་རབ་ཏུ་བསྐུལ་ཞིང་ལེགས་པར་སད་པར་བྱས་ནས་སྔ་མ་བཞིན་དུ་འཁོར་ལོ་ལ་སོགས་པ་མཆོད་པར་བྱའོ། །ད་ནི་སེམས་བཟང་པོ་ཞེས་བྱ་བ་ལ་སོགས་པས་ཚིམ་པར་བྱ་བ་སྟོན་ཏེ། སེམས་བཟང་པོ ་ནི་བྱང་ཆུབ་ཀྱི་སེམས་སོ། །དེ་ཉིད་ནི་ཆུ་ཡིན་པས་ན་སེམས་བཟང་པོའི་ཆུ་སྟེ་དེའི་རྒྱུན་འབབ་ཅིང་སྐུ་རྡོ་རྗེ་ལ་སོགས་པར་བབས་པར་གྱུར་པར་བསམ་པར་བྱའོ། །ཆོ་ག་ཇི་བཞིན་ཞེས་བྱ་བ་ནི་སྤྱི་བོའི་སྟེང་དུ་མཐོ་གང་ཙམ་གྱིས་དཔགས་པར་ཟླ ་བའི་དཀྱིལ་འཁོར་བསམས་ལ། དེར་བདུད་རྩི་ལྔ་བདུད་རྩིའི་ངོ་བོར་གྱུར་པར་བསམ་པར་བྱ་སྟེ། དེར་ཨོཾ་གྱིས་ཕྱོགས་བཅུ་ན་གནས་པའི་བདུད་རྩི་རྣམས་བཀུག་ལ་གཅིག་ཏུ་བྱས་ཏེ། སྐུ་རྡོ་རྗེ་ལ་སོགས་པ་ལ་ངེས་པར་དབབ་པར་བྱའོ། །སྐྱོ་བ ་བསལ་བར་བྱ་ཞེས་བྱ་བ་ནི་སྐྱོ་བར་གྱུར་ན་བསལ་བར་བྱ་བའི་ཕྱིར་རོ་ཞེས་བྱ་བའི་དོན་ནོ། །ཇི་ལྟ་བུ་ཞེ་ན། སྲོག་གང་ནི་རྩོལ་པའི་འོད་ཀྱི་ལྕགས་ཀྱུས་དྲངས་ནས་ནི་ཞེས་བྱ་བ་སྨོས་ཏེ། འབྱིན་པར་བྱེད་པའི་རླུང་གི་སྲོག་ཅེས་བྱ་བ། བདེན་བར ་བྱེད་བ་ནི་རྩོལ་བ་ཞེས་བྱའོ། །སྲོག་དང་རྩོལ་བ་དེ་གཉིས་ནི་སྲོག་དང་རྩོལ་བ་སྟེ་དེ་དག་ཉིད་ཀྱི་འོད་ནི་ལྕགས་ཀྱུ་སྟེ་དེ་ལྕགས་ཀྱུར་བྱས་པ་དེས་བཀུག་ནས་དེ་དབབ་པར་བྱའོ། །དེ་ལྟར་ཞེས་བྱ་བ་བཤད་མ་ཐག་པའི་ཚུལ་གྱིས་ཆོ་ག་བཞིན་དུ་ཐབས ་ཅིག་ངལ་གསོ་ཞིང་དུབ་པ་བསལ་བར་བྱས་ནས། སྔར་བཤད་པའི་ཆོ་གས་ཞེས་བྱ་བ་རང་གི་སྔགས་སྣ་ཚོགས་པའི་འོད་དང་ལྡན་པ་བསྒོམས་ལ་སྐུ་རྡོ་རྗེ་ལ་སོགས་པ་སྤྲོ་བར་བྱ་ཞིང་གསང་སྔགས་ཀྱི་རྒྱལ་པོ་དམ་པ་ཉིན་དང་མཚན་དུ ་བཟླས་བརྗོད་བྱའོ། །སྔགས་ལའང་ཀུན་ཏུ་ཆགས་པ་མེད་པས་བྱ་ཞེས་བྱ་བ་ནི་མངོན་པར་ཞེན་པ་མེད་པ་འདི་ནི་བཟླས་པར་བྱ་བའི་སྔགས་སོ། །འདི་ནི་འདིའི་བཟླས་པའོ། །བདག་ནི་ཟློས་པའོ་ཞེས་མངོན་པར་ཞེན་པ་དང་བྲལ་བར་བྱའོ་ཞེས་བྱ་བའི ་དོན་ཏོ། །དེ་བས་ན་འདི་ལྟར་དེ་ཁོ་ན་ཉིད་ཤེས་པར་གྱུར་པས་གསང་སྔགས་ཀྱི་བཟླས་བརྗོད་བྱ་བ་ཡིན་ནོ། །ད་ནི་བསྟོད་དང་ཞེས་བྱ་བ་ལ་སོགས་པས་གཤེགས་སུ་གསོལ་བའི་ཆོ་ག་སྟོན་ཏེ། བསྟོད་པ་དང་མཆོད་པ་ལ་སོགས་པ་སྔགས་པ་གང་གིས ་བྱས་པ་དེ་ནི་བསྟོད་པ་དང་མཆོད་སོགས་ཏེ། དཀྱིལ་འཁོར་བསྒོམ་པ་གཤེགས་སུ་གསོལ་བ་ལ་སྔགས་པ་གང་རབ་ཏུ་འབད་པ་དང་ལྡན་པ་དེ་ལ་དེ་སྐད་ཅེས་བྱའོ། །སྐུ་རྡོ་རྗེ་ལ་སོགས་པ་བརྟགས་པ་དེ་བརྟགས་པ་ཙམ་གྱིས་ཡང་དག་ཡོད ་པ་མ་ཡིན་གྱི་སྤྲུལ་པ་ཡིན་པར་བསམ་པར་བྱའོ། །ཇི་ལྟ་བུར་གྱུར་པ་ཞེ་ན། ཨོཾ་ལ་སོགས་པས་འཁོར་ལོ་བསྡུས་ནས་ནི་ཞེས་བྱ་བ་སྨོས་ཏེ། ཡི་གེ་ཨོཾ་ཐོག་མར་བྱས་པ་གང་ཡིན་པ་དེ་ནི་ཨ་ལ་སོགས་པའོ། །ོཾ་ལ་སོགས་པ་དེ་ཉིད་དུ ་བསྡུ་བ་ནི་འཁོར་ལོའི་བདག་པོ་དང་དཀྱིལ་འཁོར་པ་རྣམས་ཀྱིས་ཐུགས་རྡོ་རྗེ་ལ་སོགས་པ་གང་ཡིན་པ་དེ་རྣམས་ཀྱི་མགོ་བོ་དང་ལྐོག་མ་དང་སྙིང་གར་བསྡུ་བ་གང་ཡིན་པ་དེ་ནི་ཨོཾ་ལ་སོགས་པར་འཁོར་ལོ་བསྡུས་ནས་ནི། སྐུ་ལ ་སོགས་པ་རྟག་པ་དག་ཏུ་བྱ་ཞེས་བྱ་སྟེ། སྔགས་པས་དེ་ལྟར་བསམ་པར་བྱའོ། །དེ་ལྟར་དཀྱིལ་འཁོར་གྱི་འཁོར་ལོའི་རྣམ་པའི་དེ་ཁོ་ན་ཉིད་མཐོང་ཞིང། དེ་ལྟར་དེ་ཁོ་ན་ཉིད་རྟོགས་པར་གྱུར་པ་གང་ཡིན་པ་དེས ་ངེས་པར་གྲོལ་ཞིང་ཐར་པ་ཐོབ་པས་སེམས་ཅན་གྱི་ཁམས་གསུམ་པར་གཏོགས་པ་རྣམས་དམིགས་ཤིང་ཡིད་ལ་བྱས་ནས་སྨོན་ལམ་གྱི་སྒོ་མངོན་སུམ་ཉིད་དུ་བྱ་སྟེ། འགྲོ་བ་ལ་ཕན་པའི་ཕྱིར་བདག་ཉིད་འཇམ་པའི་རྡོ་རྗེར་གྱུར ་ནས་སྙིང་རྗེ་རྒྱུར་གྱུར་པས་འགྲོ་བ་མ་ལུས་པ་རྣམས་འཇམ་པའི་རྡོ་རྗེར་བྱའོ་ཞེས་བྱ་བའོ། །ལངས་ནས་ཞེས་བྱ་བ་ལ་སོགས་པ་ལ་ལངས་པ་ནི་བསམ་གཏན་ལས་སོ། །དག་པའི་སེམས་དཔའ་ནི་ཐ་མལ་པའི་ང་རྒྱལ་རྣམ་པར་སྤངས ་པར་གྱུར་པས་དམ་པའི་ཆོས་སྨྲ་བ་ལ་སོགས་པ་མ་ལུས་པ་རྫོགས་པར་བྱའོ་ཞེས་བྱ་བར་སྦྱར་རོ། །ཇི་ལྟར་རྣལ་འབྱོར་པ་དག་པའི་སེམས་དཔར་གྱུར་པ་དེ་ལྟར་བསྟན་པ་ནི་རང་གི་ལྷའི་རྣམ་པའི་ང་རྒྱལ་ཡིད་ལ་བྱས་ནས་ནི་ཞེས་བྱ་བ ་སྨོས་ཏེ། རང་གི་འདོད་པའི་ལྷའི་རྣམ་པར་སེམས་བསྐྱེད་པར་བྱས་པ་འཛིན་པས་བྱའོ། །ཀུན་ཏུ་སྣང་བར་གནས་པའི་ཡུལ་རྣམས་ནི་ཞེས་བྱ་བ་ལ། ཀུན་ཏུ་སྣང་བ་ནི་གཟུགས་ལ་སོགས་པའི་རྣམ་པར་ཤེས་པར་མིག་ལ་སོགས ་པ་ལ་བསྟེན་པའོ། །དེའི་གནས་པ་ནི་རྣམ་པར་བཞག་པ་སྟེ། འདི་ནི་གཟུགས་ཀྱི་རྣམ་པར་ཤེས་པའོ་ཞེས་དེ་ལྟར་ནང་གི་བདག་ཉིད་ཅན་ནོ། །དེའི་ཡུལ་རྣམས་ནི་གཟུགས་ལ་སོགས་པ་སྟེ་དེ་དག་གིས་བྱས་པའི་ཕྱིར་རོ། །དེ ་ཡང་གཟུགས་ཀྱི་མཚན་མ་ལས་སྐྱེས་པའི་རྣམ་པར་ཤེས་པ་གང་ཡིན་པ་དེ་ནི་གཟུགས་ཀྱི་རྣམ་པར་ཤེས་པའོ་ཞེས་རྣམ་པར་བཞག་གོ། དེ་བཞིན་དུ་སྒྲ་ལ་སོགས་པའི་རྣམ་པར་ཤེས་པ་ལ་ཡང་བལྟ་བར་བྱའོ། །རང་རང ་གི་ངོ་བོ་རྣམ་པར་དག་པ་ནི་བདག་ཉིད་ཀྱི་ངོ་བོ་ཡོངས་སུ་དག་པའོ། །དེ་ཡང་གཟུགས་ཀྱི་དག་པ་ནི་སྐུའི་རྡོ་རྗེ་ཉིད་དུའོ། །དེ་བཞིན་དུ་སྒྲ་ནི་ཐུགས་ཀྱི་རྡོ་རྗེ་ཉིད་དུའོ། །དྲི་ནི་རིན་ཆེན་འབྱུང་ལྡན་དུའོ། །རོ་ནི་གསུང་གི་རྡོ་རྗེ་ཉིད་དུའོ། །རེག་བྱ་ནི་དམ་ཚིག་རྡོ་རྗེ་ཉིད ་དུ་སྟེ། རང་རང་གི་ངོ་བོ་རྣམ་པར་དག་པ་ནི་འདིས་རིམ་པ་བཞིན་དུ་ཡུལ་ཡོངས་སུ་བསྒོམ་པར་བྱའོ། ཆོས་ཉིད་ཀྱིས་ནི་ཞེས་བྱ་བ་ནི་དོན་དམ་པར་རོ། །ཕན་ཚུན་ཁྱད་པར་མེད་པ་ནི་གཅིག་ལ་གཅིག་དབྱེར་མི་ཕྱེད་བ་ཉིད་ཀྱིས་སོ། །དཔལ་ལྡན་རྡོ་རྗེ་འཛིན་པ་ལྟ་བུར་ནི་ཞེས ་བྱ་བ་ནི་ཡུལ་འདི་དག་ཐམས་ཅད་དཔལ་རྡོ་རྗེ་སེམས་དཔའ་ཨི་ངོ་བོ་ཉིད་དེ། གང་གི་ཕྱིར་དངོས་པོ་འདི་དག་ཐམས་ཅད་ནི་གཉིས་སུ་མེད་པའི་ཡེ་ཤེས་ཀྱི་ངོ་བོ་ཉིད་ཡིན་པའི་ཕྱིར་རོ། །དེ་བས་ན་དཔལ་ལྡན་རྡོ་རྗེ་འཛིན་པ་ལྟ་བུར་བསྒོམ་པར་བྱའོ། །ཕྱིན་ཅི་ལོག་གི་རྟོག་པ ་སྤངས་པ་ཡིས་ཞེས་བྱ་བ་ལ། ཕྱིན་ཅི་ལོག་གི་རྟོག་པ་ནི་གཟུང་བ་དང་འཛིན་པའི་རྣམ་པ་དང། ཐ་མལ་པའི་ང་རྒྱལ་གྱི་རང་བཞིན་ནོ། །དེ་ལས་གྲོལ་བ་ནི་སྤངས་པའོ། །ཡང་ན་གང་གིས་ཕྱིན་ཅི་ལོག་གི་རྟོག་པ་སྤངས་པར་གྱུར་པའི་སྔགས་པ་གང་ཡིན་པ ་དེ་ལ་དེ་སྐད་ཅེས་བྱ་སྟེ། དེས། བྱ་བ་མ་ལུས་པ་ནི་རྫོགས་པར་བྱ་ཞེས་བྱ་བ་དམ་པའི་ཆོས་སྨྲ་བ་ལ་སོགས་པ་བྱ་བའོ། །ཐུབ་པའི་འཁོར་ལོ་མ་ལུས་མཆོད་པ་ནི། ཞེས་བྱ་བ་ལ། དེ་ལྟ་བུའི་སྔགས་པའི་ཐུབ་པའི་འཁོར་ལོ་མ་ལུས་པ་མཆོད་པ་འདི་ནི ་མཆོག་དམ་པ་ཡིན་ཏེ། དཀྱིལ་འཁོར་གྱི་འཁོར་ལོ་བསྒོམས་པས་བྱ་བ་མ་ལུས་པ་རྫོགས་པར་བྱ་བ་འདི་ནི་དེའི་མཆོད་པ་ཀུན་ཏུ་སྟེ། དུས་ཐམས་ཅད་དུ་མཆོག་ཡིན་པར་བལྟ་བར་བྱའོ། །ད་ནི་སྙིང་གའི་ཞེས་བྱ་བ་ལ་སོགས་པས་ཟས་ལ ་ལོངས་སྤྱོད་པའི་ཆོ་ག་སྟོན་ཏེ། དེ་ཡང་ཇི་ལྟར་ན་རྣལ་འབྱོར་པས་ཐ་མལ་བའི་ང་རྒྱལ་སྤངས་པའི་སེམས་ཀྱིས་ཟས་ལ་སྤྱད་པར་བྱ་བ་ཡིན་པས། ཟན་ཟའི་ཚོན་ཞེས་བྱ་བ་ཟས་ལ་སྤྱོད་པའི་དུས་སུ་སྙིང་གའི་ཟླ་བ་ལ། འཁོར་ལོའི་གཙོ་བོ་ཞེས་བྱ་བ ་འཁོར་ལོའི་བདག་པོ་དཀྱིལ་འཁོར་བའི་ལྷ་རྣམས་དང་བཅས་པ་རང་གི་སྔགས་ཀྱིས་ཞེས་བྱ་བ་རང་གི་སྙིང་པོའི་བྲུཾ་ལཾ་ཛི་ལ་སོགས་པ་དང་ཡི་གེ་ཧཱུཾ་ལས་ཀྱང་ཀུན་ཏུ་དམིགས་ཤིང་བསམས་ལ། རང་གི་ཟས་ལ་སོགས་པ ་བྱང་ཆུབ་ཀྱི་སེམས་ཀྱི་ངོ་བོ་ཉིད་དུ་གྱུར་པ་རླུང་དང་མེའི་དཀྱིལ་འཁོར་ལ་གནས་པའི་པདྨའི་སྣོད་ན་གནས་པ་ཀུན་ཏུ་སྣང་ཞིང་འོད་དང་ལྡན་པའི་ཨོཾ་གྱི་མངོན་པར་བཟླས་པ་དང། དེ་ཉིད་གསུམ་གྱིས་ཞེས་བྱ་བ་ཨོཾ་ལ་སོགས་པ་བཟླས་ཏེ། ཆོས ་ཐམས་ཅད་ཀྱི་མཉམ་པ་ཉིད་དེ་སྟོང་པ་ཉིད་གང་ཡིན་པ་དེས་རྣམ་པར་དག་པས་དེ་གཉིས་སུ་མེད་པའི་ཡེ་ཤེས་ཀྱི་ངོ་བོ་ཉིད་བསམ་པར་བྱའོ། །རང་གི་ཁ་ཟས་དེ་ལྟར་བསམས་ནས་ཡང་ཅི་ཞིག་བྱ་ཞེ་ན། དེ་ཡིས་སྐུའི་རྡོ་རྗེ་ལ་སོགས་པའི་ལྷ་རྣམས་ཀུན་ཏུ་ཚིམ་པ་ཉིད་དུ་བྱ ་ཞེས་བྱ་བ་སྨོས་ཏེ། ཧཱུཾ་དགོད་པའི་རྡོ་རྗེའི་ལྕེ་བཟང་པོར་གྱུར་པ་ཡང་བྱའོ། །ཞེས་བྱ་བར་བལྟ་བར་བྱའོ་ཞེས་ཟས་ལ་སྦྱོར་པའི་གནས་སྐབས་སུ་སྦྱིན་སྲེག་གི་ཆོ་ག་བཤད་པ་ནི་རྣལ་འབྱོར་པ་ཟས་ལ་སྦྱོར་བ་ཉིད་སྦྱིན་སྲེག་གི་ཚུལ་ཡིན་པའི་ཕྱིར་རོ། །ཕྱིའི་སྦྱིན ་སྲེག་ཚོགས་བསྒྲེ་བྱ་ཞིང་ཞེས་བྱ་བ་ལ་སོགས་པ་ལ་སྦྱིན་སྲེག་གི་ཆོ་གའི་བྱ་བ་སྟེ། ཕྱིའི་མར་ལ་སོགས་པའི་སྲེག་རྫས་ཀྱི་ཚུལ་དུའོ། །ཡིད་ཀྱི་འང་འདི་ལྟ་བུའི་ཚུལ་དུ་རྣལ་འབྱོར་པ་ཡིད་ཀྱི་ཟས་ལ་སྤྱོད་པའོ། །ཕུང་པོ་ཁམས་དང་སྐྱེ་མཆེད་རྣམས་ཉིད་ནི ་བེམས་པོའི་ཚུལ་ཉིད་ཀྱི་བུད་ཤིང་ཡིན་ལ། དེ་རྣམས་ཡེ་ཤེས་འབར་བའི་ཡེ་ཤེས་ཀྱི་མེ་ལ་བསྲེགས་ན་གཉིས་སུ་མེད་པའི་ཡེ་ཤེས་སྐྱེ་བར་གྱུར་པ་ནི་བླ་ན་མེད་པར་བཤད་ཅིང་གྲགས་སོ། །འདིས་ནི་སྦྱིན་སྲེག་གསུམ་བཤད་པ་ཡིན་ཏེ། ཕྱིའི་དང ་ཡིད་ཀྱི་དང་བླ་ན་མེད་པའི་འོ། །དེ་ལྟར་བཤད་མ་ཐག་པའི་རིམ་པས་མ་ལུས་པའི་འདོད་པ་སྟེ་གཟུགས་ལ་སོགས་པ་རྣམས་ཀྱིས་བདག་ཉིད་དམ། གཞན་དག་རང་གི་ལྷའི་གཟུགས་སུ་གྱུར་པ་ལ་ཡང་དག་པར་མཆོད་པར་བྱ་སྟེ། དམ་ཚིག་འདི་ནི་ ་བདེ་བར་གཤེགས་པ་རྣམས་ཀྱིས་མཐུན་པར་རྗེས་སུ་གནང་ཞིང་བསྔགས་པ་ཡིན་ནོ། །ད་ནི་རྗེས་སུ་མཐུན་པ་ཞེས་བྱ་བ་ལ་སོགས་པ་བསམ་གཏན་ལས་ལངས་ནས་རྣལ་འབྱོར་པས་ལུས་ལ་སོགས་པའི་ལས་རྣམས་ཇི་ལྟར་བྱ་བ་དེ་སྟོན་ཏེ། བདག་དག་རྗེས་སུ་མཐུན་པའི ་དམ་པའི་ཆོས་སྨྲ་བ་ལ་སོགས་པས་འགྲོ་བའི་དོན་ཡོངས་སུ་བརྟགས་ཏེ་བྱེད་པ་དང་བདག་དང་རྗེས་སུ་མཐུན་པའི་མེ་ཏོག་ལ་སོགས་པའི་ཕྱི་མཆོད་པ་རྣམས་ཀྱིས་མ་ལུས་པའི་བདེ་བར་གཤེགས་པ་རྣམས་མཆོད་པར་ཡོངས་སུ་བརྟག་པར་བྱ་བ་དེ་གསུང ་ཀྱི་ལས་འཆག་པ་ལ་སོགས་པ་དེ་དང་དེ་བྱེད་པ་ནི་རྟག་ཏུ་སྟེ་རྒྱུན་མི་འཆད་པར་ལེགས་པར་མཉམ་པར་བཞག་ཅིང་ལྷའི་ང་རྒྱལ་དང་ལྡན་པར་བྱ་བའོ། །དེ་བཞིན་དུ་འདིར་ཇི་ལྟར་ན་དཀྱིལ་འཁོར་གྱི་འཁོར་ལོ་ལྟ་བུའི་སེམས་དཔའ་ལ་མི་དགེ་བའི་འཇུག་པ ་མེད་པ་དེ་བསྟན་པ་ནི། རྣམ་པ་དེ་འདྲ་ཞེས་བྱ་བ་ལ་སོགས་པ་སྨོས་པ་ཡིན་ཏེ། རྣམ་པ་དེ་ལྟ་བུའི་རང་གི་ལྷའི་ང་རྒྱལ་དང་ལྡན་པའི་སེམས་ལ་ནི་ལུས་ཀྱི་ལས་དང་ངག་གི་ལས་རྣམས་ཅི་ཡང་རུང་བ་དག་གི་རིམ་བཞིན་དུ་ཕྱག་རྒྱ་དང་སྔགས་ཀྱི་རྣམ ་པ་ཡིན་པར་རྫོགས་པའི་སངས་རྒྱས་ཀུན་གྱིས་དེ་གསུངས་ཤིང་བཀའ་སྩལ་ཏོ། །ཇི་ལྟར་ན་ལུས་འདི་ལྟ་བུའི་སེམས་ཀྱི་ལུས་ངག་གི་རང་བཞིན་གྱི་ལས་ཕྱག་རྒྱ་དང་སྔགས་ཀྱི་རྣམ་པར་འགྱུར་ཞེ་ན། དེའི་ཕྱིར་གང་ཕྱིར་དངོས་པོ་གཅིག་ལ་ཡང ་ཞེས་བྱ་བ་སྨོས་ཏེ། རྒྱ་གར་གྱི་ཕྱིར་དངོས་པོ་གཅིག་ཏུ་ཉིད་ལའང་བློ་ཡིས་སྣ་ཚོགས་པའི་ཀུན་ཏུ་རྟོག་པས་བསགས་པའི་རྣམ་པའི་ལས་ཀྱི་ཁྱད་པར་མང་པོ་དག་གང་གི་ཕྱིར་འབྱུང་བ་དེས་ན་དགེ་བ་དང་མི་དགེ་བའི་རྣམ་པ་ཅན་གྱི་ལས་གང་ཡིན ་པ་དེ་ནི་སེམས་ཀྱི་དབང་གིས་འབྱུང་བ་ཡིན་ནོ་ཞེས་བཤད་དོ། །དེ་བས་ན་འདི་ལྟར་བཅོམ་ལྡན་འདས་ནི་བསོད་ནམས་ཀྱི་ཚོགས་དང་སྡིག་པའི་ཚོགས་གཉི་གའི་རྒྱུ་ཡིན་ནོ་ཞེས་གསུངས། །དེ་ཡང་འདི་ཡི་དོན་ནི་འདི་ཡིན་ཏེ། གང་མུ་སྟེགས་བྱེད་ ་གཞན་གཏི་མུག་གི་མེས་བློ་གྲོས་བསྲེགས་པ་རྣམས་ཀྱིས་སངས་རྒྱས་བཅོམ་ལྡན་འདས་ལ་བརྙས་པར་བྱེད་བ་དེས་ནི་དམྱལ་བར་འགྲོ་བར་འགྱུར་ལ། གང་དགེ་བའི་བཤེས་གཉེན་དམ་པའི་ཞབས་ཀྱི་པདྨའི་རྡུལ་ཡོངས་སུ་བསྟེན་པས ་མི་ཤེས་པའི་རབ་རིབ་ཡོངས་སུ་བསལ་བ་བློ་གྲོས་ཡོངས་སུ་དག་པར་གྱུར་པ་དེ་རྣམས་ནི་མཐོ་རིས་སུ་འགྲོ་བར་འགྱུར་ལ། གང་སངས་རྒྱས་བཅོམ་ལྡན་འདས་ལ་རབ་ཏུ་དད་པར་བྱས་ནས་དེས་ཉེ་བར་བསྟན་པའི་ལམ་བསྒོམས་པར་གྱུར་པ་རྣམས་ནི་ཇི་ལྟར ་ཡོངས་སུ་བསྒོམས་པ་ལས་སྐལ་བ་ཇི་ལྟ་བ་བཞིན་དུ་བྱང་ཆུབ་གསུམ་པོ་གང་ཡང་རུང་བའི་བར་གྱི་སྣོད་དུ་གྱུར་པ་ཡིན་ནོ། །དེ་བས་ན་དངོས་པོ་གཅིག་པུ་ལ་ཡང་གང་སྣ་ཚོགས་པའི་ཀུན་ཏུ་རྟོག་པས་བསྒྲུབ་པའི་ལས་ཀྱི་ཁྱད་པར་ལས་སྡུག་བསྔལ ་དང་བདེ་བ་དང་གྲོལ་བ་འབྱུང་བར་གྱུར་པས་ན་སྡུག་བསྔལ་བ་དེ་དང་གྲོལ་བ་ཞེས་བྱ་སྟེ། དེ་རྣམས་སྐྱེད་པར་བྱེད་ཅིང་སྒྲུབ་པར་བྱེད་པའི་ལས་ཀྱི་ཁྱད་པར་མང་པོ་འབྱུང་བར་འགྱུར་བ་ཡིན་ནོ། །གང་གི་ཕྱིར་དེ་ལྟ་བུ་ཡིན་པ་དེ་བས་ན། ལུས་སོགས ་ཞེས་བྱ་བ་ལུས་དང་ངག་དང་ཡིད་ཀྱི་དག་པ་དང་མི་དགེ་བའི་རྣམ་པའི་ལས་རྣམས་ནི་སེམས་ཀྱི་དབང་ལས་ཞེས་བྱ་བ་ཀུན་ཏུ་རྟོག་པའི་དབང་གིས་དགེ་བ་དང་མི་དགེ་བ་ཞེས་གསུངས་སོ། །དེ་ལྟར་བཤད་མ་ཐག་པའི་རིམ་པས་རྙོག་པ་མ་ལུས་པ ་སྤངས་པ་སྟེ། མཛའ་དག་བསལ་བའི་སེམས་གང་ཡིན་པ་དེ་ནི་ནག་པོ་སྟེ། མི་དགེ་བའི་ལས་སུ་ག་ལ་འགྱུར་ཏེ་མི་འགྱུར་རོ་ཞེས་བྱ་བའི་དོན་ཏོ། །ང་ནི་དམ་ཚིག་ཉམས་ལ་ཞེས་བྱ་བ་ལ་སོགས་པས་བླ་མ་ལ་བརྙས་པ་ལ་སོགས་པའི་ཉེས་པས་དམ ་ཚིག་ཟད་པར་མྱུར་བ་ལ་དམ་ཚིག་གསོ་བའི་ཆོ་ག་གང་ཡིན་པ་དེ་ཉིད་སྟོན་ཏེ། དམ་ཚིག་ནི་མེ་འདའ་བར་གཞུང་ལུགས་ངེས་པར་བྱ་བ་ལ་སོགས་པ་སྟེ། གང་བླ་མའི་མདུན་དུ་བདག་གིས་འདི་ལྟར་བྱའོ་ཞེས་ངེས་པར་ཁས་བླངས་པའོ། །དེ་ལ ་ཉམས་པར་གྱུར་པ་ནི་འདས་པར་གྱུར་པའོ། །དེ་ལ་ནི་དཔལ་ལྡན་རྡོ་རྗེའི་དམ་ཚིག་རྣལ་འབྱོར་པའི་སྔགས་པས་སྔར་བཤད་པའི་རིམ་གྱིས་དབང་བསྐུར་བ་བླང་བར་བྱ་ཞིང་བཟུང་བར་བྱའོ་ཞེས་བྱ་བར་སྦྱར་རོ། །དཔལ་ལྡན་དམ་ཚིག་རྡོ་རྗེའི་དོན་ཡོད་པར ་གྲུབ་བ་སྟེ། དེ་ཡི་དང་པོའི་སྦྱོར་བ་ལ་སོགས་པའི་རིམ་གྱིས་བསྒོམ་པའི་ཡང་དག་པའི་སྦྱོར་བ་འདི་ལ་ཡོད་པས་ན་དཔལ་ལྡན་དམ་ཚིག་རྡོ་རྗེའི་རྣལ་འབྱོར་བའོ། །ཡང་འདི་ཁྱད་པར་བསྟན་པའི་ཕྱིར་སྙིང་གའི་ཟླ་བར་ནི་སྙིང་པོས་སྣ་ཚོགས་རྡོ་རྗེ་ཇི ་བཞིན་བསམ་ཞེས་བྱ་བ་སྨོས་ཏེ། སྙིང་ག་ན་གནས་པའི་ཟླ་བ་ཡིན་པས་སྙིང་གའི་ཟླ་བའོ། །སྙིང་གའི་ཟླ་བ་དེར་སྣ་ཚོགས་རྡོ་རྗེ་སྟེ་རྡོ་རྗེ་རྒྱ་གྲམ་གང་ཡིན་པ་དེ་ནི་སྙིང་པོས་སྣ་ཚོགས་རྡོ་རྗེའོ། །ཇི་བཞིན་བསམ་ཞེས་བྱ་བ་ནི་མན་ངག་ཇི་ལྟར་ཐོབ་པའི་ཆོ ་གས་སྣ་ཚོགས་པདྨའི་དབུས་སུ་ཟླ་བ་ལ་སྣ་ཚོགས་རྡོ་རྗེ་བསམ་ཞིང་ཟླ་བ་ལ་ཁཾ་བསམས་ལ་སྔར་གྱི་རིམ་པས་ཞེས་བྱ་བ་ཐུབ་པ་མཆོག་གི་འོད་ཟེར་ལས་བྱུང་བའི་རིག་པའི་ཚོགས་ཀྱིས་ཕྱག་ན་བསྣམས་པའི་བུམ་པའི་ཡེ་ཤེས་ཀྱི་ཆུས་དབང ་བསྐུར་བའི་རིམ་པས་དབང་བསྐུར་བ་བླང་པར་བྱའོ། །ཅི་ཞིག་བྱས་ནས་ཤེ་ན། འགྲོ་བ་རང་བཞིན་གྱིས་རྣམ་པར་དག་པར་བསམས་ལ་ཞེས་བྱ་བ་སྨོས་ཏེ། རང་བཞིན་གྱིས་ཞེས་བྱ་བ་ངོ་བོ་ཉིད་ཀྱིས་རྣམ་པར་དག་ཅིང་འགྲོ་བ་མ་ལུས་པ་རྣམ་པར་གྲོལ་བ ་ཡིན་པར་བསམ་པའོ། །ཆོ་ག་འདི་ཉིད་ཁྲུས་ལ་ཡང་བསྒྲེ་བར་བྱ་བའི་ཕྱིར་རོ། །ཕྱི་རོལ་གྱི་ཡང་ཁྲུས་ཀྱི་ཆོ་ག་ལ། རིམ་འདི་ཁྱད་པར་དུ་ཡང་བསམ་པར་བྱ་ཞེས་བྱ་བ་སྨོས་ཏེ། དབང་བསྐུར་བའི་རིམ་པ་དེ་ནི་ཕྱིའི་ཁྲུས་ལ་ཡང་ཁྱད་པར་དུ་བསམ་པར་བྱའོ། །ད་ནི ་ཐུན་མཚམས་ཞེས་བྱ་བ་ལ་སོགས་པས་ཐུན་མཚམས་སུ་བསམ་གཏན་གྱི་རྗེས་ལ་རྣལ་འབྱོར་བས་བྱ་བ་གང་བྱ་བ་དེ་སྟོན་པ་ཡིན་ཏེ། རེ་ཞིག་དང་པོར་མཆོད་པ་ལ་སོགས་པ་སྔོན་དུ་འགྲོ་བས་བྱ་བ་འགའ་ཞིག་ཏུ་མ་ཟད་ཀྱི་ཐུན་མཚམས་སུ་བར ་སྔར་གྱི་ཆོ་གས་མཆོད་པ་ལ་སོགས་པ་སྔོན་དུ་འགྲོ་བ་སྟེ། མཆོད་པ་དང་པོར་བྱས་པས་བཟླས་བརྗོད་བྱས་ནས་སྙིང་གའི་ནང་དུ་འཁོར་ལོ་ཆུད་བྱས་ལ་ཞེས་བྱ་བ་དཀྱིལ་འཁོར་གྱི་འཁོར་ལོ་སྙིང་གའི་ནང་དུ་ཆུད་པར་བྱས་ལ་ཞེས་བྱ་བ ་དཀྱིལ་འཁོར་གྱི་འཁོར་ལོ་སྙིང་གའི་ནང་དུ་ཆུད་པར་བྱས་པར་གྱུར་བ་གང་ཡིན་པ་དེ་ལྟར་བྱས་ལ་སྙིང་རྗེ་དང་ཤེས་རབ་གཉིས་དང་ལྡན་པར་རྣལ་འབྱོར་པ་ཉལ་ཞིང་གཉིད་ལོག་པར་བྱའོ། །མལ་ནས་ལྡང་བའི་དུས་སུ་ཡང་སྔར་བཤད་པའི་སྤྱན་ལ་སོགས ་པའི་ལྷ་མོ་རྣམས་ཀྱི་གླུས་བསྐུལ་བས་ལངས་ལ་ཆོ་ག་སྔ་མ་བཞིན་དུ་ཞེས་བྱ་བ་སྣ་ཚོགས་པའི་འོད་དང་ལྡན་པའི་རང་གི་སྔགས་བརྗོད་ཅིང་སྐུ་རྡོ་རྗེ་ལ་སོགས་པ་སྤྲོ་བའི་ཚོགས་ཐུབ་པ་དེ་སྔགས་པས་བཟླས་བརྗོད་ལ་སོགས་པ་བྱའོ། །ད་ནི་དངོས ་གྲུབ་ཅེས་བྱ་བ་ལ་སོགས་པས་དངོས་གྲུབ་སྒྲུབ་པའི་ཆོ་ག་སྟོན་ཏེ། དངོས་གྲུབ་ནི་སངས་རྒྱས་ཉིད་བསྒྲུབ་པ་འམ་རལ་གྲི་ལ་སོགས་པ་སྒྲུབ་པའོ། །མཚན་མ་མཐོང་བ་ནི་རྟགས་ཐོབ་པ་སྟེ། རྨི་ལམ་དུ་བུ་མོ་བརྒྱན་པ་མཐོང་བ་ལ་སོགས་པའོ། །དེ ་ཁོ་ན་ཉིད་གསུམ་མཆོད་པའི་སྐུ་དང་གསུང་དང་ཐུགས་རྡོ་རྗེ་བསྒོམ་པའི་མཚན་ཉིད་ཅན་བྱས་ཤིང་དཔྱད་ནས། རང་གི་སེམས་ཞེས་བྱ་བ་བདག་ཉིད་ཀྱི་སེམས་སྔར་བཤད་པའི་དཀྱིལ་འཁོར་ལ་གནས་པས་འདོད་པའི་དངོས་གྲུབ་རབ་ཏུ ་བསྒྲུབ་པར་བྱ་སྟེ། སངས་རྒྱས་ཉིད་དུ་འགྲུབ་པའམ་རལ་གྲི་ལ་སོགས་པའི་དངོས་གྲུབ་བསྒྲུབ་པར་བྱའོ། །དངོས་གྲུབ་སྒྲུབ་པའི་ཚེ་གལ་ཏེ་བགེགས་བྱུང་ན་དེ་བཟློག་པར་བྱ་བའི་ཕྱིར་བགེགས་རྣམས་ཞེས་བྱ་བ་ལ་སོགས་པ་སྨོས་ཏེ། བདུད་རྩི ་ཐབ་སྦྱོར་འཁོར་ལོ་ཞེས་བྱ་བ་ནི་བདུད་རྩི་འཁྱིལ་པའི་འཁོར་ལོའོ། །དབང་བསྐུར་བ་བྱས་ཤིང་དབང་བསྐུར་བ་བླངས་པས་ནི་འབད་པ་མེད་ཅིང་བསྒྲིམ་མི་དགོས་པར་བགེགས་རྣམས་ངེས་པར་འཇོམས་པར་བྱེད་དོ། །བདུད་རྩི་ཐབ་སྦྱོར་གྱི་འཁོར ་ལོ་དེ་གང་ཡིན་ཞེ་ན་གང་ཞིག་དབུས་ན་གནས་པར་གྱུར་པ་ཡི། །འཁོར་ལོ་དེ་ཡང་དེ་ཡི་ཡིན་པར་འགྱུར་ཞེས་བྱ་བ་སྨོས་ཏེ། དེའི་དབུས་སུ་ནི་དཀྱིལ་འཁོར་གྱི་འཁོར་ལོ་དེའི་དབུས་སུའོ། །དེའི་དབུས་ན་གནས་པར་གྱུར་པས་ན་དབུས་ན་གནས་པར་སྟེ། དབུས་ན ་བཅོམ་ལྡན་འདས་གང་བཞུགས་པ་འཁོར་ལོ་དེ་དེའི་ཡིན་པར་འགྱུར་རོ། །འདི་སྐད་སྟོན་ཏེ་བདུད་རྩི་ཐབ་སྦྱོར་བདག་པོས་བྱས་ལ་དབང་བསྐུར་བར་བླང་བར་བྱའོ། །ཞེས་པའོ། །དྲིས་བརྩོམ་པ་འདི་དག་ཐམས་ཅད་ནི་སྲིད་པའི་སྡུག་བསྔལ་ལས་ཐར་པའི ་དོན་དུ་བརྟགས་པར་བྱ་བ་ཡིན་ན། ལམ་འདིས་ཇི་ལྟར་སྲིད་པའི་སྡུག་བསྔལ་ལས་ཇི་ལྟར་ཐར་བར་འགྱུར་ཞེ་ན། དེའི་ཕྱིར་ཐ་མལ་རྣམ་རྟོག་རྒྱུན་ནི་མ་རྟོགས་པར་ཞེས་བྱ་བ་ལ་སོགས་སྨོས་ཏེ། ཐ་མལ་པའི་རྣམ་པར་རྟོག་པ་ནི་བདག་དང་བདག་གིར་རྣམ་པར ་རྟོག་པའོ། །དེའི་རྒྱུན་ནི་རྒྱུན་གྱིས་འབྱུང་བའོ། །དེ་ལས་གཞན་པའི་སྲིད་པའི་སྡུག་བསྔལ་གཞན་ཅི་ཡང་ཡོད་པ་མ་ཡིན་གྱི། དེ་ཉིད་སྲིད་པའི་སྡུག་བསྔལ་ཡིན་ནོ་ཞེས་བྱ་བའི་དོན་ཏོ། །དེ་དང་ཞེས་བྱ་བ་སྲིད་པའི་སྡུག་བསྔལ་དེ་དང་རྣམ་པར་འགལ་བར ་འགྱུར་བ་སྟེ། གཉེན་པོར་གྱུར་པ་ནི་དཀྱིལ་འཁོར་གྱི་འཁོར་ལོའི་རྣམ་པའི་སེམས་དེ་ལ་མངོན་སུམ་གྱིས་གསལ་བར་རྟོགས་པར་རྣལ་འབྱོར་པས་འགྱུར་རོ། །ཇི་ལྟར་ན་འགལ་བར་རྟོགས་པར་འགྱུར་ཞེ་ན། ཟབ་ཅིང་རྒྱ་ཆེ་བའི་ཞེས་བྱ་བ་ལ་སོགས ་པ་སྨོས་ཏེ། ཟབ་ཅིང་རྒྱ་ཆེ་བའི་བདག་ཉིད་ཅན་ནི་ཤེས་རབ་དང་ཐབས་ཀྱི་རང་བཞིན་ཏེ་དཀྱིལ་འཁོར་གྱི་འཁོར་ལོ་ལྟ་བུའི་སེམས་གང་ཡིན་པ་དེར་ནི་སྲིད་པའི་སྡུག་བསྔལ་གྱི་རང་བཞིན་གྱི་ཀུན་ཏུ་རྟོག་པ་རྣམས་སྣང་བར་མི་འགྱུར་ཞིང་སོ་སོར་སྣང་བར ་མི་འགྱུར་ལ། དེ་བས་ན་སྲིད་པའི་སྡུག་བསྔལ་གྱི་བདག་ཉིད་མ་ལུས་པའི་མི་མཐུན་པའི་ཕྱོགས་ནི་དཀྱིལ་འཁོར་གྱི་འཁོར་ལོའི་རྣམ་པ་ཅན་གྱི་སེམས་དེ་ཡིན་པར་བསལ་བར་རྟོགས་པར་འགྱུར་བས་སྡུག་བསྔལ་དེ་ཡང་ཕྱི་རོལ་དུ་སྣང་བ་ཙམ་འབའ་ཞིག་མ ་ཡིན་ནོ། །དེ་ཀྱིས་ན། ཡོད་པ་མིན་པར་སྔར་ནི་བསྒྲུབ་པ་ཡིན་ཞེས་བྱ་བ་སྨོས་ཏེ། སེམས་ཙམ་ལས་ཐ་དད་པའི་ཕྱི་རོལ་གཞན་འགའ་ཡང་ཡོད་པ་མ་ཡིན་ཏེ་གཟུགས་ལ་སོགས་པའི་རྣམ་པ་དང་བྲལ་བས་ཞེས་བྱ་བ་ལ་སོགས་པ ་སྔར་བསྟན་པ་ཉིད་ཡིན་པའི་ཕྱིར་རོ། །གང་ཞིག་ཞེས་བྱ་བ་ལ་སོགས་པ་ལ་དངོས་པོ་གང་ཞིག་གང་དང་ལྷན་ཅིག་ཏུ་མི་མཐུན་པར་ལན་ཅིག་ཏུ་གྱུར་པའང་ཞེས་བྱ་བ་དུས་གཅིག་གི་ཚེ་ན་མི་མཐུན་པར་གྱུར་པ་དེའི་བགྲོད་བ་རྒྱས་པར་གྱུར་ཅིང་ཤེས་རབ ་ཀྱིས་མཐར་སོན་པར་བྱེད་དེ་གང་གི་ཕྱིར་མཐོང་པའི་བསླབས་པའི་རྣམ་པར་འཕེལ་བ་ཡིས་ཤེས་བྱ་སྟེ། མི་མཐུན་པར་གྱུར་པར་མཐོང་ཞིང་ཉེ་བར་དམིགས་པ་ཡང་དང་ཡང་དུ་ཡིད་ལ་བྱེད་པར་བསླབས་པ་གང་ཡིན་པ་དེ་རྣམ་པར་འཕེལ་ཞིང་རབ་ཀྱི ་མཐར་ཐུག་བར་གྱུར་པ་ནི་རང་གི་མི་མཐུན་པའི་གཉེན་པོར་གྱུར་ཅིང་སྲིད་པའི་སྡུག་བསྔལ་ཤིན་ཏུ་འགག་པར་བྱེད་ཅིང་མཆོག་ཏུ་ངེས་པར་བྱེད་པའི་རང་བཞིན་ཅན་ཡིན་ཏེ། དཔེར་ན་མི་གཙང་བ་ནི་འདོད་ཆགས་ཀྱི་གཉེན་པོ་ཡིན་པ་དང་འདྲ ་བར་དཀྱིལ་འཁོར་གྱི་རྣམ་པ་ཅན་གྱི་སེམས་ནི་སྲིད་པའི་སྡུག་བསྔལ་གྱི་བདག་ཉིད་ཅན་གྱི་ཀུན་ཏུ་རྟོག་པ་དང་མི་མཐུན་པ་ཡིན་ནོ། །དེ་བས་ན་སྲིད་པའི་སྡུག་བསྔལ་དང་ལྷན་ཅིག་མི་མཐུན་པ་ཉིད་ཀྱིས་ན་དཀྱིལ་འཁོར་གྱི་འཁོར་ལོ་རྣམ་པར ་མཐོང་བའི་སེམས་བསླབས་པས་ཀྱང་རྣམ་པར་འཕེལ་ཞིང་དཀྱིལ་འཁོར་གྱི་འཁོར་ལོའི་རྣམ་པའི་སེམས་དེ་བསྒྲོད་པ་རྒྱས་པར་གྱུར་པ་ན་རང་གི་མི་མཐུན་པའི་སྲིད་པའི་སྡུག་བསྔལ་ཡང་དང་ཡང་དུ་འགོག་པར་བྱེད་པ་ཡིན་ནོ། །ང་ནི་ཕ་རོལ་ཏུ ་ཕྱིན་པའི་རྣལ་འབྱོར་ལས་རྣལ་འབྱོར་པ་འདི་ཁྱད་པར་དུ་གྱུར་པ་བསྟན་པའི་ཕྱིར་སྦྱིན་པ་ལ་སོགས་ཞེས་བྱ་བ་ལ་སོགས་པ་སྨོས་ཏེ་ཐ་མལ་པ་ཡང་ཡིན་ལ་རང་གི་ངོ་བོ་ཡང་ཡིན་པས་ན་ཐ་མལ་བའི་རང་གི་ངོ་བོ་སྟེ། བདག་དང་བདག་གི ་ངོ་བོ་ལ་སོགས་པ་ཀུན་ཏུ་སྣང་བའི་རང་བཞིན་ནོ། །དེ་ལས་རྣམ་པར་ལྡོག་པ་ནི་སླར་ལྡོག་པའོ། །མི་འགྱུར་པ་ནི་མི་ཕྱེད་པ་སྟེ་སྦྱིན་པ་ལ་སོགས་པ་སེམས་ལ་བདག་གི་མེད་པ་དང་ལྡན་པས་ཀྱང། ཐ་མལ་པའི་རང་གི་ངོ་བོ་ལས་ལྡོག་པར་མི་འགྱུར་རོ་ཞེས་བྱ་བའི ་བར་དུའོ། །དེ་ཅིའི་ཕྱིར་ཞེ་ན། གང་གི་ཕྱིར་ཞེས་བྱ་བ་ལ་སོགས་པ་སྨོས་ཏེ། གང་གི་ཕྱིར་འདིར་ཐ་མལ་བའི་ངོ་བོ་ལ་ཡོད་ཀྱང་ཞེས་བྱ་བ་བདག་མེད་པ་དང་ལྡན་དུ་ཟིན་ཀྱང། སྦྱིན་པ་ལ་སོགས་པས་མི་མཐུན་པར་འགྱུར་བ་མ་ཡིན་ནོ། །དེའི་ཕྱིར་དེ་ནི ་ལྡོག་པར་མི་འགྱུར་རོ། །འདི་སྐད་སྨོན་པ་ཡིན་ཏེ། གལ་ཏེ་སྦྱིན་པ་ལ་སོགས་པ་ཐ་མལ་པའི་རང་གི་ངོ་བོ་དང་མཐུན་པར་མཐོང་བར་གྱུར་པ་དེའི་ཚེ། རང་གི་མི་མཐུན་པ་ཐ་མལ་པའི་རང་གི་ངོ་བོ་ལས་ལྡོག་པར་བྱེད་པར་འགྱུར་ན། གང་གི་ཚེ་མ ་མཐོང་ན་དེ་ལྟར་ལྡོག་པར་བྱེད་པར་ཅི་ལྟར་ཡིན། དཀྱིལ་འཁོར་གྱི་འཁོར་ལོའི་རྣམ་པའི་སེམས་འདི་ནི་སྲིད་པའི་སྡུག་བསྔལ་དང་མི་མཐུན་པར་མཐོང་བ་དེའི་ཕྱིར་ལྡོག་པ་ཡིན་ནོ། །དེ་ལྟར་བཤད་མ་ཐག་པའི་ཚུལ་གྱིས་སྲིད་པའི་སྡུག་བསྔལ་ལས་ཐར ་པའི་རྒྱུ་ཉིད་དཀྱིལ་འཁོར་གྱི་འཁོར་ལོའི་རྣམ་པའི་སེམས་འདི་ཉིད་ཡིན་པར་རྟོགས་ཤིང་ཁོང་དུ་ཆུད་ན་དཔལ་ཀུན་ཏུ་བཟང་པོ་ངེས་པར་བསྒོམ་པ་སུ་ཞིག་མི་བྱེད་ཅེས་བྱ་བར་སྦྱར་རོ། །ཁྱད་པར་ཇི་ལྟ་བུ་ཞིག་ཡིན། ཡེ་ཤེས་བསམ་ཡས ་སྐད་གཅིག་གིས་བསྒྲུབ་པ་ཞེས་བྱ་བ་སྨོས་ཏེ། བདག་ཉིད་བསམ་གྱིས་མི་ཁྱབ་པའི་ཡེ་ཤེས་གཉིས་སུ་མེད་པའི་ཡེ་ཤེས་སུ་བསྐྱོད་པ་ཉིད་ཡིན་པའི་ཕྱིར་སྐད་ཅིག་གིས་ཏེ། མདོར་བསྡུས་པའི་གཉིས་སུ་མེད་པའི་མཚན་ཉིད་ཅན་གྱི་ཡེ ་ཤེས་ཀྱི་དབང་དུ་བསྒྲུབས་ཤིང་བསྐྱེད་པ་ཡིན་ནོ། །འདིས་ནི་སེམས་ཅན་གྱི་དོན་གྱི་ཕྱིར་རྒྱུར་གྱུར་པ་ཉིད་ཀྱང་ཚེ་འདི་ཉིད་ལ་རབ་ཏུ་བསྒྲུབ་པར་ནུས་སོ་ཞེས་བྱ་བའི་དོན་ཏོ། །དཔལ་ཡང་ཡིན་ལ་ཀུན་ཏུ་བཟང་པོ་ཡང་ཡིན་པས་ན་དཔལ། ་ཀུན་ཏུ་བཟང་པོ་སྟེ། གཉིས་སུ་མེད་པའི་ཡེ་ཤེས་ཀྱི་རང་བཞིན་བཅོམ་ལྡན་འདས་དཔལ་རྡོ་རྗེ་སེམས་དཔའ་ཨོ། །དེ་ཡང་རང་གི་ངོ་བོ་ཉིད་དེ་བཅོམ་ལྡན་འདས་ནི་ཆོས་མ་ལུས་པའི་དེ་ཁོ་ན་ཉིད་ཀྱི་རང་བཞིན་ཡིན་པས་ཆོས་ཐམས་ཅད་ཀྱི་རང ་གི་ངོ་བོ་ཉིད་ཡིན་ནོ། །དེ་བས་ན་སྙིང་རྗེ་དང་ལྡན་པ་སུ་ཞིག་ངེས་པར་བསྒོམ་པར་མི་བྱེད་དེ། ཅེས་བྱ་བ་ནི་གང་གཞན་གྱི་སྡུག་བསྔལ་སེལ་བར་འདོད་པ་ལ་བརྟེན་པ་རྣམས་ཇི་ལྟར་བཤད་པའི་ལམ་གྱི་རིམ་པ་ཚོལ་བ་སྟེ། བཅོམ་ལྡན་འདས་འདི་ལྟ་བུའི་ཅིའི ་ཕྱིར་རིམ་པ་བསྒོམ་པར་མི་བྱེད་དེ། གཞན་དུ་ན་ཐམས་ཅད་ཀྱིས་བསྒོམ་པར་བྱ་བ་ཉིད་ཡིན་ནོ། །དེ་ནི་སློབ་དཔོན་བདག་ཉིད་ང་རྒྱལ་སྤངས་པར་བསྟན་པར་བྱ་བའི་ཕྱིར། དྲི་མེད་ཅེས་བྱ་བ་ལ་སོགས་པ་སྨོས་ཏེ། དྲི་མ་མེད་པ་ཡང་ཡིན་ལ་བློ་ཡང་ཡིན་པས ་ན་དྲི་མེད་བློ་སྟེ། དེ་ཉིད་ནི་འོད་ཟེར་ཏེ་ཡང་དག་པའི་ཡེ་ཤེས་ལ་དབང་ཐོབ་པ་དེ་རྣམས་ཀྱིས་མི་ཤེས་པའི་མཚན་ཉིད་ཅན་གྱི་མུན་པ་ཐམས་ཅད་རྣམ་པར་སེལ་བར་བྱེད་པ་གང་ཡིན་པ་དེ་ནི། དྲི་མེད་བློ་ཡི་འོད་ཟེར་རྣམས་ཀྱིས་ནི། །མུན་པ་ཐམས་ཅད ་རྣམ་པར་སེལ་བྱེད་པ་ཞེས་བྱ་བ་དེ་རྣམས་ཀྱིས་བྱིན་གྱིས་བརླབས་ཀྱིས་གཞན་གྱིས་ཀྱང་དཀྱིལ་འཁོར་གྱི་འཁོར་ལོ་མཐོང་བ་ཡོད་པ་དེས་ཀྱང་འདི་དག་རྣམ་པར་བསྟན་ཅིང་ཉེ་བར་སྦྱར་བར་མཛད་པའོ། །དཔལ་གསང་བ་འདུས་པའི་མན་ངག ་གིས་བཅོམ་ལྡན་འདས་བསྒོམ་པའི་ཆོ་ག་འདིས་ཆོག་གི་།བདག་འདྲ་བ་སྟེ། ཁོ་བོ་ལྟ་བུའི་གོ་སྐབས་དག་ནི་གང་ལ་ཡོད་ཅི་ཡང་མེད་དོ་ཞེས་བྱ་བའི་དོན་ཏོ། །གང་དུ་བདག་དང་འདྲ་བས་རྣམ་པར་བསྟན་པ་ཞེས་སྦྱོར་བ་དེར་ནི་འདི་ལྟར་བཤད་པར ་བྱ་སྟེ། སངས་རྒྱས་བཅོམ་ལྡན་འདས་དྲི་མ་མེད་པའི་བློའི་འོད་ཟེར་མངའ་བ་རྣམས་ཀྱིས་ནི་མུན་པ་ཐམས་ཅད་རྣམ་པར་སེལ་བར་བྱེད་པ་རྣམ་པར་བསྟན་པར་མཛད་པས་ཆོག་གི་།གང་དུ་བདག་འདྲ་བས་བཤད་པ་ལ་འབད་པའི་གོ་སྐབས ་ག་ལ་ཡོད་དེ་མེད་དོ། །དེ་ལྟ་ན་ཡང་ཅིའི་ཕྱིར་བྱས་ཞེ་ན། བླ་མ་དམ་པའི་གཞུང་གིས་གང་བསྟན་པ་གང་ཡིན་པ་དེ་ཅུང་ཟད་ཙམ་གྱི་ཕྲ་མོ་གཟུང་ཞིང་ཐོབ་པས། བླངས་པ་དེ་ནི་ཅུང་ཟད་ཡིན་ཡང་སྤྱིར་འཁོར་བའི་འཆིང་བ་ལྷོད་པར་བྱེད་ཅིང་གཉེན་པོར ་འགྱུར་པ་ཡིན་ནོ་ཞེས་གྲགས་པའི་རྒྱུ་གང་ཡིན་པ་དེས་ན་སྒྲུབ་པའི་ཐབས་རྩོམ་པ་འདི་ལ་ཡང་ཤིན་ཏུ་འབད་པ་ཡིན་གྱི། བདག་གིས་ཤེས་པའི་ང་རྒྱལ་གྱིས་བྱས་པ་ནི་མ་ཡིན་ནོ་ཞེས་བྱ་བར་དགོངས་སོ། །ད་ནི་དེ་ལྟར་ཞེས་བྱ་བ་ལ་སོགས་པས་དགེ་བའི་རྩ་བ་ཡོངས་སུ ་བསྔོ་བ་སྟོན་ཏེ། དེ་ལྟར་བཤད་མ་ཐག་པའི་རྣམ་པར་བཀོད་པ་ལས་ལེགས་པར་བྱུང་བའི་དགེ་བ་དྲི་མ་མེད་པ་གང་ཡིན་པ་དེས། འགྲོ་བ་རྣམས་རྟག་ཏུ་ཡིད་ལ་དཀྱིལ་འཁོར་གྱི་འཁོར་ལོའི་རྣམ་པ་སངས་རྒྱས་ཀྱི་ཡེ་ཤེས་ཀྱི་མགོན་དང་བཅས་པ་སྟེ། ཟད ་པ་དང་མི་སྐྱེ་བའི་ཡེ་ཤེས་དང་ལྡན་ཞིང་བཅས་པ་དེར། དཀྱིལ་འཁོར་གྱི་འཁོར་ལོའི་རྣམ་པ་དེ་ལ་སེམས་གཞོལ་ཞིང་འབབ་པ་དང། འགྲོ་བ་རྣམས་རྟག་ཏུ་བསྒོམ་པར་ཤོག་ཅིག་པའོ། །དཔལ་ཀུན་ཏུ་བཟང་པོ་ཞེས་བྱ་བའི་སྒྲུབ་ཐབས་ཀྱི་འགྲེལ་པ། ་སློབ་དཔོན་མཁས་པ་ཆེན་པོ་ཐ་ག་ནའི་ཞལ་སྔ་ནས་ཀྱིས་མཛད་པ་རྫོགས་སོ།། །།རྒྱ་གར་གྱི་མཁན་པོ་ཨཱ་ཙརྱ་ཤྭདྡྷ་ཀ་ར་ཝར་མ་དང། ཞུ་ཆེན་གྱི་ལོ་ཙ་བ་དགེ་སློང་རིན་ཆེན་བཟང་པོས་བསྒྱུར་ཅིང་གཏན་ལ་ཕབ་པའོ།། །། ་