Wylie

e-texts based on the ACIP/ALL Input

མཚན་གྱིས་བསྒྱུར་ཅིང་ཞུས་ཏེ་གཏན་ལ་ཕབ་པའོ།། །།*། (།ཀུན་ཏུ་བཟང་པོའི་སྒྲུབ་ཐབས་ཀྱི་འགྲེལ་པ་བྱང་ཕྱོགས་ཀྱི་དགེ་སློང་ཡོན་ཏན་འབྱུང་གནས་བཟང་པོའི་སློབ་མ་ཤྲཱི་པཱ་ལ་བཛྲ་གྱིས་མཛད་པ་བཞུགས།)་།*། །རྒྱ་གར་སྐད་དུ། ས ་མནྟ་བྷ་དྲ་སཱ་དྷ་ནཱཾ་?། བོད་སྐད་དུ། ཀུན་ཏུ་བཟང་པོའི་སྒྲུབ་པའི་ཐབས་ཀྱི་འགྲེལ་པ། བཅོམ་ལྡན་འདས་འཇམ་པའི་རྡོ་རྗེ་ལ་ཕྱག་འཚལ་ལོ། །སྤྲོས་པ་ཀུན་ལས་དེས་གྲོལ་ཞིང། །ཤེས་རབ་ཐབས་མཆོག་ངོ་བོ་ཉིད། །སྐུ་གསུང་ཐུགས་ཀྱི་རྡོ་རྗེ་ཅན།། ་ཀུན་བཟང་ཞེས་བྱ་ལ་བཏུད་དེ། །དཔལ་ལྡན་འདུས་རྒྱུད་ལས་གསུངས་པའི། །འཇམ་དཔལ་སྒྲུབ་པའི་རིམ་པ་ནི། །ཇི་ལྟར་སློབ་དཔོན་གྱིས་བསྟན་པ། །དེ་ལྟར་འདི་ནི་བདག་གིས་བྲི། །ཡོན་ཏན་ཡང་ལ་མངོན་འདོད་པ། །ཅི་ཡང་རུང་བས་བསླབ་བྱ་བས། །སངས་རྒྱས ་དོན་ནི་རབ་ཟབ་ཀྱང། །བདག་འདྲ་དགག་པར་བྱ་བ་ཡིན། །བསྟན་བཅོས་རྩོམ་པ་ཐམས་ཅད་ལ་བརྗོད་པ་དང་བརྗོད་པར་བྱ་བ་དང། དགོས་པ་དང་དགོས་པའི་ཡང་དགོས་པ་རྣམས་ནི། རྟོགས་པ་དང་ལྡན་པ་དག་འཇུག་པའི་ཡན་ལག་ཡིན་པས་ཐོག་མ་ཁོ་ནར་བརྗོད ་པར་བྱའོ། །དེ་བས་ན་རེ་ཞིག་བདག་ཉིད་བརྗོད་པར་བྱ་སྟེ། དཔལ་གསང་བ་འདུས་པའི་རྒྱུད་དང་ཉེ་བར་འབྲལ་པ་རབ་ཏུ་བྱེད་པ་འདི་ནི་མིང་ཀུན་ཏུ་བཟང་པོའི་སྒྲུབ་པའི་ཐབས་ཞེས་བྱ་བ་ནི་བརྗོད་པ་ཡིན་ལ། བརྗོད་པར་བྱ་བ་ནི་འདིར་བཅོམ་ལྡན་འདས་འཇམ་པའི་རྡོ་རྗེའོ། ་བརྗོད་པ་དང་བརྗོད་པར་བྱ་བ་འདི་དག་སྒྲུབ་པ་དང་བསྒྲུབ་པར་བྱ་བའི་མཚན་ཉིད་དུ་གནས་པ་ནི་འབྲེལ་པའོ། །བརྟུལ་བྱའི་སྐྱེ་བོ་རྣམས་ཇི་ལྟ་བ་བཞིན་དུ་ཡིད་མགུ་བར་བྱས་པ་ནི་དགོས་པའོ། །ཐོས་པ་དང། བསམ་པ་དང། བསྒོམ་པའི་རིམ་གྱིས་དཔལ་ཀུན་ཏུ ་བཟང་པོའི་གོ་འཕང་ཐོབ་པ་ནི་?་པ་ཡིན་ཏེ། འདི་དག་ཐམས་ཅད་ནི་ཚིགས་སུ་བཅད་པ་དང་པོས་བསྟན་པ་ཡིན་ནོ། འདི་དག་ཉིད་ནི་སློབ་དཔོན་སངས་རྒྱས་ཡེ་ཤེས་ཀྱི་ཞལ་སྔ་ནས་ཀྱིས་ཕྱག་རྒྱ་ཆེན་པོ་དང་གཉིས་སུ་མེད་པའི་སྦྱོར་བ་ཡང་དག་པར་ཐུགས་སུ་ཆུང་ཟིན ་ཀྱང་སེམས་ཅན་མ་ལུས་པའི་དོན་མཛད་པར་བཞེད་པས་ཀུན་ཏུ་བཟང་པོ་ཞེས་བྱ་སྒྲུབ་པའི་ཐབས་ཀྱི་རབ་ཏུ་བྱེད་པ་རྩོམ་པ་ན། རང་གི་འདོད་པའི་ལྷ་ལ་ཕྱག་འཚལ་བ་སྔོན་དུ་འགྲོ་བ་གསུངས་པ་ནི། དཔལ་ལྡན་ཞེས་བྱ་བ་ལ་སོགས་པ་ཡིན་ཏེ། དཔལ ་ན་བསོད་ནམས་དང་ཡེ་ཤེས་ཀྱི་ཚོགས་ཀྱི་མཚན་ཉིད་ཅན་ནོ། །དེ་གང་ལ་མངའ་བ་དེ་ནི་དཔལ་ལྡན་ནོ། །ཡང་ན་དཔལ་ནི་རྣམ་པ་གཉིས་ཏེ་ལྷན་ཅིག་སྐྱེས་པ་དང། སྟོབས་ཀྱིས་བསྐྱེད་པའོ། །དེ་ལ་ལྷན་ཅིག་སྐྱེས་པ་ནི་གང་རང་བཞིན་གྱིས་འོད ་གསལ་བའི་སེམས་སོ། །སྟོབས་ཀྱིས་སྐྱེས་པ་ནི་བསྒོམ་པའི་སྟོབས་ཀྱིས་ཀུན་ཏུ་བཟང་པོ་མངོན་དུ་བྱས་པའོ། །དེ་དག་དང་རྣམ་པར་ལྡན་པའི་གཟི་བརྗིད་མངའ་བས་མཛེས་པའི་འཇམ་དཔལ་གང་ཡིན་པ་དེ་ལ་མངོན་པར་བྱས་པ་སྟེ། ་དེ་མཆོད་པའི་ཕྱིར་ཆོ་ག་ཅེས་བྱ་བ་བསྒོམ་པའི་རིམ་པ་བཤད་པར་བྱའོ་ཞེས་བྱ་བར་སྦྱར་རོ། །གང་གཟི་བརྗིད་གཉིས་པོ་དེ་དག་ཉིད་གསལ་པར་བཤད་པ་ནི། མི་ཤེས་ཀུན་སྤངས་ཞེས་བྱ་བ་ཡིན་ཏེ། གང་ལས་མི་ཤེས་པ་ཞེས་བྱ་བ་མ་རིག་པའི་མཚན ་ཉིད་ཅན་ཀུན་ཏེ། མ་ལུས་པ་སྤངས་ཤིང་དོར་བ་གང་ཡིན་པ་དེ་ལ་དེ་སྐད་ཅེས་བྱའོ། །འདིས་ནི་སེམས་རང་བཞིན་གྱིས་འོད་གསལ་པ་ལས་བྱུང་བའི་ཕྱིར། གཟི་བརྗིད་རང་བཞིན་གྱིས་རྣམ་པར་བྱང་པ་ཉིད་ཡིན་པ་བརྡ་སྤྲོད་ཅིང་ཉིད་ཀྱི་དོན་ཕུན་སུམ ་ཚོགས་པ་མ་ཚང་བ་མེད་པར་སྟོན་ཏོ། །དཔག་མེད་རིགས་ཀྱི་ཅེས་བྱ་པ་ལ་དཔག་ཏུ་མེད་པ་ཡང་ཡིན་ལ། རིགས་ཀྱི་སྤྲུལ་པ་ཡང་ཡིན་ཞིང། རིགས་ཀྱང་ཡིན་ལ་སྤྲུལ་པ་ཡང་ཡིན་པས་ན་དཔག་མེད་རིགས་ཀྱི་སྤྲུལ་པ་ཞེས་བྱ་སྟེ། དེ་རྣམས་ཉིད་ཀྱིས ་རབ་ཏུ་རྣམ་པར་བརྒྱན་པ་གང་ཡིན་པ་དེ་ལ་དེ་སྐད་ཅེས་བྱའོ། །འདིས་ནི་དོན་དམ་པར་དཀྱིལ་འཁོར་པའི་ལྷ་མ་ལུས་པ་ཀུན་ཏུ་བཟང་པོ་གཅིག་པོའི་རྒྱུད་དུ་རྫོགས་ཤིང་སྤྲུལ་པ་ཉིད་ཡིན་པར་སྟོན་ཏེ། གང་གི་ཕྱིར་བཅོམ་ལྡན་འདས་དེ་ཉིད་དཀྱིལ ་འཁོར་བའི་ལྷ་མ་ལུས་པའི་ངོ་བོ་ཉིད་དུ་བཞུགས་པ་ཡིན་ནོ། །དེ་ཡང་འདི་ལྟར་མེ་ལོང་ལྟ་བུ་ལ་སོག་པའི་ཡེ་ཤེས་རྣམ་པར་དག་པ་ནི་རྣམ་པར་སྣང་མཛད་ལ་སོགས་པ་དེ་བཞིན་གཤེགས་པའི་ངོ་བོ་ཉིད་ཡིན་ནོ། །ས་ལ་སོགས་པའི་རྣམ་པར་དག ་པ་ནི་སྤྱན་ལ་སོགས་པ་ལྷ་མོ་བཞིའི་ངོ་བོའོ། །མིག་ལ་སོགས་པ་སྐྱེ་མཆེད་དྲུག་གི་རྣམ་པར་དག་པ་ནི་སའི་སྙིང་པོ་ལ་སོགས་པ་བྱང་ཆུབ་སེམས་དཔའ་དྲུག་གི་ངོ་བོའོ། གཟུགས་ལ་སོགས་པ་སྐྱེ་མཆེད་རྣམ་པར་དག་པ་ནི་གཟུགས་རྡོ་རྗེ་ལ ་སོགས་པ་ལྷ་མོ་དྲུག་གི་ངོ་བོའོ། །དང་པོ་ལ་སོགས་པ་རྣམ་པར་དག་པ་ནི་གཤིན་རྗེ་གཤེད་པོ་ལ་སོགས་པ་ཁྲོ་བོ་བཞིའི་ངོ་བོ་ཉིད་ཡིན་ནོ། །ཤེས་རབ་ཅེས་བྱ་བ་ལ་སོགས་པ་ལ་ཤེས་རབ་ནི་ཆོས་ཐམས་ཅད་བདག་མེད་པར་རབ་ཏུ་རྣམ་པར་འབྱེད་པའི་ངོ་བོ ་ཉིད་དོ། །ཡན་ལག་ནི་ཐབས་ཏེ་སྙིང་རྗེ་ཆེན་པོའོ། །དེ་གཉིས་འདུས་པ་ནི་དེ་བཞིན་ཉིད་ཐམས་ཅད་མངོན་སུམ་དུ་མཛད་པས། རང་གི་ངང་གིས་འཇུག་པའི་ཚུལ་གྱིས་འཁོར་བ་ཇི་སྲིད་པར་སེམས་ཅན་གྱི་དོན་ལ་བཞུགས་པའོ། །དེས་འབར་པ་ནི་ཡིད་དུ ་འོང་བར་གྱུར་པ་སྟེ། འདིས་ནི་གཞན་ལ་ཕན་པའི་ཐབས་མ་ཚང་བ་མེད་པ་སྟོན་ཏོ། །ཡང་ན་ཤེས་རབ་ནི་ཡེ་ཤེས་ཀྱི་ཕྱག་རྒྱའོ། །ཡན་ལག་ནི་བཅོམ་ལྡན་དས་འཇམ་པའི་དཔལ་ལོ། །དེ་གཉིས་འདུས་པ་ནི་དབང་པོ་གཉིས་སྙོམས་པར་འཇུག་པས། ཆུ ་དང་འོ་མ་ལྟར་གཅིག་ཏུ་གྱུར་པ་སྟེ། དེས་འོད་གསལ་བའི་དགའ་བ་ཆེན་པོའི་སྒྲ་ལས་བྱུང་བའི་སངས་རྒྱས་ཀྱིས་ཚོགས་དང་སེམས་ཅན་གྱི་ཚོགས་མ་ལུས་པའི་དགོས་པ་མཛད་པ་ལས་འཇམ་ཞིང་ཀུན་ཏུ་བཟང་བའི་མཚན་ཉིད་ཅན་གྱི་དཔལ ་གང་ལ་མངའ་བ་དེ་ནི་འཇམ་དཔལ་ཏེ། དེ་བཞིན་གཤེགས་པ་ཐམས་ཅད་ཀྱི་ཡེ་ཤེས་ཀྱི་སྐུའོ། །དེ་མཆོད་ཕྱིར་ཞེས་བྱ་བ་ནི་རེ་བརྗོད་པའི་ཕྱིར་ཏེ། དེ་མངོན་སུམ་དུ་བྱ་བའི་ཕྱིར་ཞེས་བྱ་བའི་བར་དུ་ཡིན་གྱི། འདིར་མཆོད་པའི་སྒྲ་མཆོད་པ་ཉིད་བྱ་བར ་སྟོན་པའི་ཚིག་ནི་མ་ཡིན་ནོ། །ཡང་ན་བསྒོམ་པ་ཡང་མཆོད་པ་ཉིད་ཡིན་ནོ། །ཡང་ཇི་ལྟར་ཁྱེད་ཉིད་མཆོད་པའི་ཆོ་ག་འཆད། གལ་ཏེ་རང་བཟོར་རྩོམ་ན་འདི་ལ་མཁས་པ་སུ་ཞིག་གུས་པར་བྱེད། འོན་ཏེ་བཅོམ་ལྡན་འདས་ཀྱི་གསུང་རབ་ཀྱི་རྗེས་སུ་འགྲོ་བ་ཡིན ་ན། བཅོམ་ལྡན་འདས་འདི་ཉིད་ཀྱི་ཐུགས་རྗེ་ཆེན་པོའི་ཡན་ལག་གིས་འཁྱུད་པར་དེ་དང་དེ་དག་ཏུ་མང་ཏུ་ངེས་པར་བྱས་ཟིན་ཏོ་ཞེས་རྟོག་ན། དེའི་ཕྱིར་དཔལ་ལྡན་ཞེས་བྱ་བ་ལ་སོགས་པ་གསུངས་ཏེ། དཔལ་དང་ལྡན་པའི་སངས་རྒྱས་རྣམས ་ཀྱི་ཚོགས་པ་ནི་འདུས་པ་སྟེ། སེམས་ཅན་རྣམས་ཀྱི་དོན་གྱི་ཕྱིར་གཅིག་ཏུ་འདུས་པར་མཛད་པས་ན་དཔལ་ལྡན་འདུས་པའོ། །ཡང་ན་མའི་པདྨ་ལས་ངེས་པར་འཁྲུངས་ཡང་ན་ཨ་ལས་སྐྱེས་པའོ། །དཔལ་ལྡན་ཡང་ཡིན་ལ་ཨ་ལས ་སྐྱེས་པ་ཡང་ཡིན་པས་ན་འདུས་པའོ། །དེ་སྟོན་པར་བྱེད་པའི་གཞུང་ལ་ཡང་དེ་སྐད་ཅེས་བྱའོ། །དེ་ལས་གསུངས་པའི་གཞུང་ལུགས་དམ་ཚིག་ཉམས་སུ་བླང་བ་ལ་སོགས་པ་ནི་དཔལ་ལྡན་འདུས་པའི་གཞུང་ལུགས་ཏེ། དེས་ཆོ་ག་བསྟན་ཅིང་བཤད ་པར་བྱའོ་ཞེས་པའོ། །ཅི་ཁྱེད་ལ་ཆོ་ག་འདི་གཞན་གྱིས་གསོལ་བ་མ་བཏབ་བར་བཤད་དམ། འོན་ཏེ་གསོལ་བ་བཏབ་ཅེ་ན། དེ་ཡི་ཕྱིར་བཤེས་གཉེན་དམ་པ་ཡིས་ནི་ཞེས་བྱ་བ་སྨོས་ཏེ། གང་ལ་རྣམ་པར་བྱེད་བ་ཡོད་པ་དེ་ནི་བཤེས་གཉེན་དམ་བ་སྟེ ་དགེ་བའི་བཤེས་གཉེན་དེ་སྦུན་དང་སློབ་མའོ། །སྦུན་ཟླ་ནི་གསུམ་སྟེ། ཀོང་ཀ་ནའི་ཆོས་ཀྱི་འབྱུང་གནས་དང། རི་བོ་ཧ་ས་རའི་གཙུག་ཏོར་རྡོ་རྗེའོ། །སློབ་མའི་མཆོག་ནི་བཞི་སྟེ། མར་མེ་མཛད་བཟང་པོ་དང། རབ་ཏུ་ཞི་བའི་བཤེས་གཉེན་དང་རྡོ་རྗེ་བདེ ་བ་ཆེན་པོ་དང། སྒྲ་གཅན་འཛིན་བཟང་པོའོ། །དེ་རྣམས་ཀྱིས་བསྐུལ་བ་ནི་བསྙེན་བསྐུར་སྔོན་དུ་འགྲོ་བས་གསོལ་བ་བཏབ་པ་སྟེ། དེས་བདག་སྤྲོ་བར་བྱ་བ་གང་ཡིན་པ་དེ་ལ་དེ་སྐད་ཅེས་བྱའོ། །ཆོ་ག་དེ་ཇི་ལྟ་བུ་ཞིག་ཅེ་ན། འགྲོ་བ་མ་ལུས་ཤིང་ལུས ་པ་མེད་པའི་དོན་ཕུན་སུམ་ཚོགས་པ་ནི་དོན་གྱི་མཐར་ཐུག་པ་ཀུན་ཏུ་བཟང་པོ་མངོན་སུམ་དུ་བྱེད་པའི་མཚན་ཉིད་དུ་གྱུར་པས་སོ། །དེའི་རྒྱུར་གྱུར་པ་ནི་བྱེད་པར་གྱུར་པའོ། །འདིས་ནི་སེམས་ཅན་རྣམ་པ་ཐམས་ཅད་མགུ་བར་འཛིན་པའི་ཕྱིར། སྣོད་དུ་གྱུར ་པ་སྟོན་ཏོ། །དེ་ཡང་དངོས་པོ་གང་དང་གང་གིས་ནི། །མི་རྣམས་ཡིད་ནི་མགུ་གྱུར་པ། །དེ་དང་དེར་ནི་རྣམ་སྟོན་ཏེ། །སྣ་ཚོགས་ནོར་བུ་ཇི་བཞིན་ནོ་ཞེས་ཇི་སྐད་བཤད་པ་ལྟ་བུའོ། །ད་ནི་བློ་དམན་ཞིང་མི་མཁས་པ་རྣམས་ཡང་དག་པར་གཟེངས་བསྟོང་པའི་ཕྱིར ་དཔལ་འབྱོར་འདི་ནི་ཞེས་བྱ་བ་ལ་སོགས་པ་སྨོས་ཏེ། ཀྱེ་བཞིན་བཟང་རང་གི་དོན་སེམས་ནི་དོན་དམ་པར་ཤེས་རབ་དང་ཐབས་བསྒོམ་པར་གཞོལ་བ་ལ་འབད་པར་བྱ་སྟེ། གཞོལ་བ་ནི་དེ་ལ་བརྩོན་པའོ། ཅིའི་ཕྱིར་ཞེ་ན། དལ་འབྱོར་འདི་ནི་ཤིན་ཏུ་གསོལ ་བ་དང་ཞེས་བྱ་བ་སྨོས་ཏེ། མི་ཁོམ་པ་ནི་བརྒྱད་པོ་གང་ཞེ་ན། དམྱལ་པ་དང། ཡི་དགས་དང། དུད་འགྲོ་དང། ཡུལ་མཛའ་ཁོབ་པ་དང། ལྷ་ཚེ་རིང་པོ་དང། དབང་པོ་མ་ཚང་བ་དང། ལས་མེད་པར་སྟོན་པའི་ལྷ་བ་ལ་སློབ་པ་དང། སངས་རྒྱས་མི་འབྱུང ་བའི་འཇིག་རྟེན་དུ་སྐྱེ་བ་ཞེས་བྱའོ། །དེ་ལྟ་བུའི་མི་ཁོམ་པ་བརྒྱད་ལས་ཐར་བ་འདི་ནི་དལ་འབྱོར་ཏེ། སྐལ་བ་མཉམ་པར་གཏོགས་པའི་མཚན་སྡེ་པའི་མཚན་ཉིད་ཅན་གྱི་མིའི་སྐྱེ་བའོ། །དེ་ཡང་གཡོ་བ་ཡིན་ཏེ། རྒ་བ་དང། ན་བ་དང། འཆི་བ་དང། སྡུག་པ་ ་དང་བྲལ་བ་ལ་སོགས་པའི་སྡུག་བསྔལ་མང་བ་ཡིན་ནོ། །དལ་འབྱོར་ཕུན་སུམ་ཚོགས་པ་ཐོབ་ན་ཡང་འཇིག་རྟེན་ན་སྐྱེ་བོ་དམ་པ་དང་ཕྲད་པ་སྟེ། དགེ་བའི་བཤེས་གཉེན་དང་ཕྲད་པ་ནི་ཤིན་ཏུ་རྙེད་པར་དཀའ་བ་ཡིན་ནོ། །དེ་བས་ན་དགེ་བའི་བཤེས་གཉེན་ལ ་བརྟེན་པ་གྱིས་ཤིག་པའོ། །གཞོལ་བ་ནི་ཁྱད་པར་ཅན་གྱི་འདོད་པར་བསྒོམ་པའི་རྣལ་འབྱོར་དང་ལྡན་པར་བྱའོ། །ད་ནི་ཚིགས་སུ་བཅད་པ་གཉིས་ཀྱི་དབང་དུ་བྱས་པ་གསུངས་པ་ནི། དེ་ལ་སྔགས་པ་ཞེས་བྱ་བ་ལ་སོགས་པ་ཡིན་ཏེ། དེ་ལ་ཞེས་བྱ་བ་ནི ་ཡོན་ཏན་དགར་པའོ། །སྔགས་པ་ཞེས་བྱ་བ་ནི་གསང་སྔགས་ཀྱི་ཚུལ་ལ་སྤྱོད་པའི་སློབ་དཔོན་ཏེ། དེ་སྙིང་རྗེ་དང་རབ་ཏུ་ལྡན་ཞི་སྙིང་བརྩེ་བ་ཕུལ་དུ་བྱུང་བས་ཀཾ་ཞེས་པ་བདེ་བ་རུ་ཎེ་ད་ཏི་སྟེ་འགོག་པར་བྱེད་པས་སྙིང་རྗེ་སྟེ། སྨོན་པའི་མཚན་ཉིད་ཅན ་སྐྱེད་ཅིང་བྱང་ཆུབ་སྟེ་ཀུན་ཏུ་བཟང་པོའི་གོ་འཕང་ཐོབ་པར་བྱ་བའི་ཕྱིར། གང་གིས་ཁྱད་པར་ཅན་གྱི་སེམས་བསྐྱེད་པའོ། །དེ་བཞིན་དུ་སྟོང་པ་ལ་སོགས་པའི་ཡོན་ཏན་རྣམས་ཀྱིས་བརྒྱན་ཅིང་སྤུད་པར་བྱ་བ་གང་ཡིན་པ་སྟེ། གཏོར་བ་ནི་རང ་གི་ནོར་རབ་ཏུ་སྟེར་བའོ། །སོགས་ཀྱི་སྒྲས་ནི་ཚུལ་ཁྲིམས་དང། བཟོད་པ་དང་བརྩོན་འགྲུས་ལ་སོགས་པ་བསྡུའོ། །ཟབ་མོའི་ཚུལ་ནི་ཐེག་པ་ཆེན་པོ་སྟེ། དེ་ལ་ལྷག་པར་མོས་པ་ནི་ཐོས་པ་དང་བསམས་པ་དང། བསྒོམ་པ་ལ་མངོན་པར ་བརྩོན་ཞིང་འབད་པ་དང་ལྡན་པ་སྟེ། སྟོང་པ་ལ་སོགས་པའི་ཡོན་ཏན་གྱིས་བརྒྱན་པ་ཉིད་ཀྱིས་ན་སྟོང་པ་ཆེན་པོ་ལ་སོགས་པ་ལ་ལྷག་པར་མོས་པར་འགྱུར་རོ་ཞེས་བྱ་བའི་དོན་ཏོ། །དེ་ཡང་ཚུལ་ཁྲིམས་ཡང་དག་བླངས་ཏེ་དེ་བཞིན་འཇུག་།སྦྱིན་པ་གཏོང ་ཞིང་སྙིང་རྗེ་འང་སྟེན་བྱེད་ལ། །བཟོད་ཅིང་དགེ་བ་དེ་ཡང་འགྲོ་བ་འདི། །གྲོལ་ཞིང་བྱང་ཆུབ་དམ་པ་ཐོབ་པར་བྱེད། །བྱང་ཆུབ་སེམས་དཔའ་རྣམས་ལ་གུས་བྱེད་ཅིང། །རྒྱ་ཆེ་ཟབ་མོའི་ཚུལ་ལ་རྣམ་པར་མཁས་ཞེས་བྱ་བ་ལ་སོགས་པས་ཇི་སྐད་བཤད་པ ་ལྟ་བུའོ། །དཔལ་ལྡན་ཞེས་བྱ་བ་ལ་སོགས་པ་ལ། དཔལ་ནི་རྒྱུད་ཐམས་ཅད་ལས་ཕུལ་དུ་བྱུང་བའི་མཚན་ཉིད་ཅན་ཡིན་ལ། དཔལ་དེ་དང་ལྡན་པ་གང་ཡིན་པ་དེ་ནི་དཔལ་ལྡན་ཏེ། རྒྱུད་ཀྱི་མཐར་ཐུག་འདུས་པ་ཡིན་ཞེས་གསུངས་པ་ཡིན་ནོ། །སྙིང་པོ་ལེན ་པས་ན་དཀྱིལ་འཁོར་སྟེ། མནཌ་ནི་སྙིང་པོ་ལ་བྱ་སྟེ། མར་དང་ཞོའི་སྙིང་པོ་དང་འདྲའོ། །དེར་གང་དབང་བསྐུར་བའི་ཚུལ་གྱིས་བྱ་བ་དེ་དང་ལྡན་ཞིང་བཅས་པའོ། །དེ་ཡང་བུམ་པའི་དབང་བསྐུར་བ་དང་པོ་སྟེ། གསང་བའི་དབང་བསྐུར་གཉིས་པ་སྟེ། །ཤེས་རབ ་ཡེ་ཤེས་གསུམ་པ་ཡི་ཞེས་བྱ་བ་ལ་སོགས་པ་ཇི་སྐད་བཤད་པའི་ཚུལ་གྱིས། སློབ་དཔོན་གྱིས་སློབ་མ་ལ་དབང་བསྐུར་བ་ཡང་དག་པར་རྫོགས་པར་བྱས་པའོ། །ཆོ་ག་བཞིན་དུ་ཞེས་བྱ་བ་ནི་སློབ་དཔོན་མཉེས་པར་བྱས་ཤིང་ཡོན་ཕུལ་བས ་རྗེས་སུ་གནང་བ་བྱིན་ནས། ཡང་དག་པར་བསྒོམ་ན་འབྲས་བུ་ཐོབ་པར་འགྱུར་རོ་ཞེས་བྱ་བའི་དོན་ཏོ། །རྒྱུད་གཞན་ལས་ནི་དབང་བསྐུར་བ་བརྒྱད་གསུངས་ཏེ། བུམ་པའི་དབང་བསྐུར་བ་དང། ཕྲེང་བའི་དབང་བསྐུར་བ་དང། དར་དབྱངས་ཀྱི་དབང ་བསྐུར་བ་དང། མིང་གི་དབང་བསྐུར་བ་དང། རྡོ་རྗེའི་དབང་བསྐུར་བ་དང། དེ་ཁོ་ན་ཉིད་བསྟན་པ་དང། གསང་བའི་དབང་བསྐུར་བ་དང། རྗེས་སུ་གནང་བའི་དབང་བསྐུར་བའོ། །འདི་དག་ཉིད་འདིའི་ནང་དུ་འདུས་པས་རྒྱུད་འདིར་དབང་བསྐུར་བ་རྣམ་པ་གསུམ ་བསྟན་པ་ཡིན་ནོ། །བཞི་པ་ཡང་ནི་ཞེས་བྱ་བ་ནི་ཡང་རིམ་པ་འདི་ཉིད་ཀྱིས། སློབ་དཔོན་ཉིད་དུ་དབང་བསྐུར་པའོ། །བློ་དང་ལྡན་པ་ཞེས་བྱ་བ་ལ་བློ་དང་ལྡན་པ་ནི་ཤེས་རབ་ཆེན་པོ་དང་ལྡན་པའོ། །རང་སྔགས་མཉེས་པར་བྱ་ཞེས་བྱ་བ་ནི། བླ་མས ་བསྟན་པའི་བསྒོམ་པའི་རིམ་པ་ནི་སྔགས་ཏེ། དེ་མཉེས་པར་བྱ་བ་ནི་དེ་མངོན་དུ་བྱ་བའོ། །བསྒོམ་པ་ལ་བསླབ་པར་བྱ་བའི་ཕྱིར། ལས་དང་པོ་པའི་གནས་བསྟན་པ་གསུངས་པ་ནི། ལ་ལར་ཞེས་བྱ་བ་ལ་སོགས་པ་གསུངས་པ་ཡིན་ཏེ། རི་བོ་མཆོག ་ཏུ་གྱུར་པ་འགའ་ཞིག་ཏུ་འཇམ་ཞིང་སྙན་པའི་གསུང་འགྲོ་བ་མ་ལུས་པ་ཡིད་ཚིམ་པར་བྱེད་པའི་དབྱངས་ཀྱི་ཡན་ལག་དྲུག་ཅུ་དང་ལྡན་པའི་དབྱངས་མངའ་བ་དེ་བསྒྲུབ་པར་བྱའོ། །རི་བོ་དེ་ཡང་དྲི་མ་མེད་པའི་ཆུ་ཕུན་སུམ་ཚོགས་པ་སྟེ། ཆུའི་སྦྱོར་བ་ ་དང་ལྡན་པའོ། །ཤིང་མཆོག་ནི་ས་ལ་དང། ཏ་ལ་དང། ཏ་མ་ལ་དང། འབྲ་གོ་དང། ཨ་མྲ་ལ་སོགས་པ་ཤིང་གི་མཆོག་གི་ཕྲེང་བས་རྣམ་པར་བརྒྱན་ཅིང་མཛེས་པར་བྱས་པ་དེ་ལྟ་བུ་དང། ཉེ་བའི་རི་བོའི་ཕྱོགས་གཅིག་གང་ཡིན་པ་དེར་ལྷ ་མཉེས་པར་བྱ་བར་རིགས་ཀྱི། གཞན་དུ་ན་གལ་ཏེ་འབྲེལ་བ་མེད་པའི་དངོས་པོ་མཐོང་ན་སེམས་ལ་ཕྱིན་ཅི་ལོག་ཉེ་པར་སྐྱེ་བར་འགྱུར་རོ། །དེ་ལྟར་རབ་བསྒྲུབ་བྱ་ཞེས་བྱ་བ་ནི་འོག་ནས་བཤད་པའི་རྣམ་པས་མངོན་སུམ་དུ་བྱའོ་ཞེས་བྱ ་བའི་བར་དུའོ། །དེ་ནི་བསྒོམ་པ་ལ་འཇུག་པའི་རིམ་པ་གསུངས་པ་ནི། དང་པོར་ཞེས་བྱ་བ་ལ་སོགས་པ་ཡིན་ཏེ། དང་པོར་མལ་ནས་ལངས་ལ་ནང་པར་ཏེ། སྔ་དྲོའི་ཐོག་མར་སྙིང་གའི་ཟླ་བའི་དབུས་ཏེ་དཀྱིལ་ཏུ་ཡི་གེ་མཾ་རྣམ་པར་དགོད ་པར་བྱ་སྟེ། སྣ་ཚོགས་པདྨ་ལ་གནས་པའི་ཟླ་བའི་སྟེང་དུ་མཾ་ལས་བྱུང་བའི་རལ་གྲིའི་དབུས་ན་གནས་པའི་འཇམ་པའི་རྡོ་རྗེའི་ས་བོན་རྣམ་པར་བསམ་པར་བྱའོ། །ཇི་ལྟ་བུ་ཞེ་ན་དྲི་མེད་འོད་ཟེར་རབ་ཏུ་འཕྲོ་བའི་ཞེས་བྱ་བ་སྨོས་ཏེ། ་ཁ་དོག་ལྔ་པའི་འོད་ཟེར་རྩེ་མོ་ལས་དེ་བཞིན་གཤེགས་པ་རྣམས་ངེས་པར་འབྱུང་བ་ཀུན་ནས་འཕྲོ་བ་གང་ཡིན་པ་དེ་ནི་དེ་ཉིད་ཅེས་བྱ་བ་སེམས་ཅན་རྣམས་ཀྱི་འདོད་ཆགས་དང། ཞེ་སྡང་དང་གཏི་མུག་རྣམ་པར་དག་པར་བྱེད་ཅིང། དོན་དམ་པའི་ཆོས ་སྟོན་པར་མཛད་པར་བསམས་ནས། རང་གི་གདོང་བཀྲུ་བ་ལ་སོགས་པ་བྱའོ། །སོགས་པའི་སྒྲས་ནི་དཀྱིལ་འཁོར་དང། མཆོད་རྟེན་གྱི་ལས་དང། དཀོན་མཆོག་གསུམ་ལ་བསྐོར་བ་བྱ་བ་དང། ཕྱིའི་མཆོད་པ་ལ་སོགས་པ་ཐམས་ཅད་བྱའོ་ཞེས་པའོ ་འདི་དག་ཐམས་ཅད་ཀྱང་སྙིང་རྗེ་ཆེན་པོས་ཡོངས་སུ་གདུངས་པའི་རྩེ་བ་དང་ལྡན་པའི་སེམས་ཀྱིས་འཇུག་པ་ལ་རིགས་ཀྱི་གཞན་དག་ལ་ནི་མ་ཡིན་ནོ། །ཡང་ན་དེ་ཉིད་དེ་ཕྱིན་ཅི་མ་ལོག་པར་རྟོགས་པ་དང་ལྡན་པར་གྲགས་པ་དེ་ཉིད་ལ་རིགས་ཏེ། ་གང་གི་ཕྱིར་འདི་ཉིད་ནི་དོན་དམ་པའི་ཤེས་རབ་དང་ཐབས་དེ་བསྒོམ་པ་ཡིན་ཏེ། དཔལ་དེ་ཁོ་ན་ཉིད་བསྡུས་པ་ལས་དེ་བཞིན་གཤེགས་པ་ཐམས་ཅད་རང་གི་སྙིང་གར་ཟླ་བའི་དཀྱིལ་འཁོར་གྱི་རྣམ་པར་མཐོང་ལ་སོགས་སོ་ཞེས་གསུངས་པ་ཡིན་ལ ་ཡེ་ཤེས་དེ་ཉིད་འདོད་ཆགས་ལ་སོགས་པའི་དྲི་མའི་ནག་ནག་མ་ལུས་པ་དང་བྲལ་བ་ཉིད་ཀྱིས་འོད་འབར་བའི་གཟུགས་ཅན་ཡིན་པའི་ཕྱིར་དང། བསོད་ནམས་དང་ཡེ་ཤེས་ཀྱི་ཚོགས་མ་ལུས་པའི་བདག་ཉིད་ཅན་ཡིན་པའི་ཕྱིར་འགྲོ་བ ་མཛའ་དག་ཚིམ་པར་བྱེད་པའི་རང་བཞིན་ཅན་ཡིན་པའི་ཕྱིར་དང། དད་ལྡན་འཇམ་པའི་རྡོ་རྗེ་ལ་སོགས་པའི་སྤྲུལ་པའི་འོད་ཟེར་རྣམས་ཀྱིས་སེམས་ཅན་གྱི་ཁམས་མ་ལུས་པའི་དགོངས་པའི་དོན་བསྒྲུབ་པར་ནུས་པ་དང་ལྡན་པའི་ཕྱིར་དང། ནམ་མཁའ་ཨི་ཁམས་ཀྱི་མཐར ་ཐུག་པའི་ཕྱོགས་ཀྱི་འཁོར་ལོ་ཁྱབ་པ་ཉིད་ཀྱིས་མངོན་པར་མཐོ་བ་དང། ངེས་པར་ལེགས་པའི་འབྲས་བུ་མ་ལུས་པ་དང་ལྡན་པས་ཡོངས་སུ་རྫོགས་པའི་ཕྱིར་ཟླ་བའི་དཀྱིལ་འཁོར་གྱི་རྣམ་པ་དང་འདྲ་བས་ཟླ་བའི་དཀྱིལ་འཁོར་ལྟ་བུ་ཞེས་བྱ་བ་འདིས་ནི། དེ་ཉིད་ཅེས་བྱ ་བ་གསུངས་པ་ཡིན་ནོ། །ད་ནི་ཏིང་ངེ་འཛིན་ལ་འཇུག་པ་སྟོན་སྟེ། ཙན་དན་བཟང་པོ་ཞེས་བྱ་བ་ལ་སོགས་པ་ལ། བཟང་པོ་ཞེས་བྱ་བ་ནི་ཤིར་ཁན་ད་ལ་སོགས་པ་ཙན་དན་བཟང་པོས་བྱུགས་པའོ། །སོགས་པའི་སྒྲས་ནི་གུར་གུམ་དང། ག་པུར་དང། བླ་རྩིས་བྱུགས ་པས་ཉེ་བར་མཛེས་པར་བྱས་པ་དང། ཨ་ཀ་རུ་དང། དུ་རུ་ཀ་ལ་སོགས་པའི་བདུག་པས་བདུགས་ཤིང། སན་ཏ་ན་དང། བ་ལུ་ཀ་དང། ཙམ་པ་ཀ་དང། ཛཱ་ཏི་དང། མ་ལི་ཀ་དང། ཨུཏཔ་ལ་ལ་སོགས་པ། མེ་ཏོག་གི་ཁྱད་པར་དྲི་ཞིམ་པ་རྣམས་གཅལ་དུ་བཀྲམ ་པས་མཛེས་པར་བྱས་པའི་མཆོག་གི་ཆ་སྟེ། ཕྱོགས་དམ་པའི་བསམ་གཏན་གྱི་གནས་ཞེས་པ་ཏིང་ངེ་འཛིན་ལ་མཉམ་པར་འཇོག་པའི་གནས་བདེ་བའི་གཏན་ལ་གནས་པར་བྱ་སྟེ། བཙོས་དང་དར་གྱིས་གཡོགས་པའི་སྟན་ནང་ཚངས་ཅན་འཇམ་པོ ་ལ་སོགས་པར་ཏིང་ངེ་འཛིན་ལ་བསླབ་པར་བྱའོ། །མཚན་ཉིད་ཇི་ལྟ་བུ་ཞེ་ན། དེའི་ཕྱིར་དུས་གསུམ་བཞུགས་པའི་སངས་རྒྱས་རྣམས་ཞེས་བྱ་བ་ལ་སོགས་པ་སྨོས་ཏེ། འདས་པ་དང་མ་འོངས་པ་དང། ད་ལྟར་བྱུང་བའི་སངས་རྒྱས་ཕྱོགས་བཅུ་ན་བཞུགས་པའོ ་དམིགས་ཏེ་ཞེས་བྱ་བ་ཉེ་བར་བསམ་པའོ། །སྣ་ཚོགས་མཆོད་པའི་སྤྲིན་རྣམས་ནི་ཞེས་བྱ་བ་ནི་སྙིང་གའི་ཟླ་བའི་རལ་གྲི་འོད་ཟེར་གྱི་སྒྲ་ལས་བྱུང་བའི་མཆོད་པ་མེ་ཏོག་དང། བདུག་སྤོས་དང། དྲི་དང་མར་མེ་དང། ལྷ་བཤོས་དང། རོལ་མོ་དང། ་གླུ་དང། གར་དང། གོས་དང་ན་བཟའ་ལ་སོགས་པ་རྣམ་པ་སྣ་ཚོགས་པའི་མཆོད་པའི་ཁྱད་པར་རྣམས་ནི་ཤིན་ཏུ་མང་བའི་ཕྱིར་སྤྲིན་དང་འདྲ་བས་ན་སྤྲིན་རྣམས་སོ། །སོགས་པ་ཞེས་བྱ་བའི་སྒྲས་ནི་མཆོད་པ་སྔོན་དུ་འགྲོ་བའི་བསྟོད་པ་དང། སེམས་ཅན་རྗེས་སུ ་གཟུང་བར་བྱ་བའི་ཕྱིར་སྨོན་ལམ་བྱ་བ་དང། གསོལ་བ་གདབ་པ་དང། བདག་དབུལ་བའོ། །བློ་ལྡན་གྱིས་ཞེས་བྱ་བ་ནི་སེམས་བརྟན་པ་སྟེ། རྣམ་པར་གཡེང་བའི་རྟོག་པ་ཐམས་ཅད་དང་བྲལ་བའོ། །དེ་ལྟར་སྔར་བཤད་བ་དང ་འོག་ནས་བཤད་པའི་རྣམ་པས་སངས་རྒྱས་ཀྱི་སྤྱན་སྔར་སྡིག་པ་བཤགས་པ་ལ་སོགས་པ་བྱའོ། །དགེ་བ་རྣམས་ནི་འཕེལ་བར་བྱ་བའི་ཕྱིར་ཞེས་བྱ་བ་ནི། དགེ་བ་རྣམས་ཉེ་བར་བསགས་པའི་ཕྱིར་རོ། །སོགས་པའི་སྒྲས་ནི་བསོད་ནམས་ཀྱི་རྗེས་སུ་ཡི་རང ་བ་དང། གསུམ་ལ་སྐྱབས་སུ་འགྲོ་བ་དང། བྱང་ཆུབ་ཏུ་སེམས་བསྐྱེད་པ་དང། ལམ་ལ་གནས་པའོ། །མདོར་བསྟན་པ་འདིའི་བཤད་པ་གསུངས་པ་ནི་གང་ཞིག་ཅེས་བྱ་བ་ལ་སོགས་པ་ཡིན་ཏེ། དང་པོར་སྡིག་པ་བཤགས་པའོ། །དེ་ལ་གང་ཞིག་ཐོག ་མེད་ཅེས་བྱ་བ་ནི་ཐོག་མ་མེད་པའི་དུས་ནས་སྡིག་པའི་རྙོག་པ་ཉེ་བར་བསགས་པ་གང་ཡིན་པ་དེ་ཐུགས་རྗེས་ཐུགས་ནོན་པའི་སངས་རྒྱས་རྣམས་ཀྱི་སྤྱན་སྔར་བཤགས་ཤིང་རབ་ཏུ་བསྒྲགས་པར་བྱའོ། །དེ་ཡང་འཁོར་བ་ཐོག་མ་མེད་པའི་སྲིད་པའི་ཆུ་ཀླུང ་དཔའ་རླབས་འཁྲུག་པའི་དམྱལ་བ་དང། ཡི་དགས་དང། དུད་འགྲོ་དང། མི་ལ་སོགས་པའི་འགྲོ་བ་རྣམས་སུ་ཀུན་ཏུ་རྟོག་པ་མ་ལུས་པས་བསགས་ཤིང་ཉེ་བར་བསྡུས་པའི་ཉོན་མོངས་པ་ཅན་གྱི་ཡིད་ཀྱི་བག་ཆགས་ལས་བྱུང་བའི་སྡིག་པ་བགྱིས་ ་པ་དང་བགྱིད་དུ་སྩལ་བ་དང། བགྱིད་པ་ལ་རྗེས་སུ་ཡི་རང་བ་དེ་དག་ཆོ་ག་བཞིན་དུ་ཞེས་བྱ་བ་སླར་ཡང་མི་བྱེད་པ་སྔོན་དུ་འགྲོ་བས་ཐམས་ཅད་ཅེས་བྱའོ། །ལུས་དང་ངག་དང་ཡིད་ལས་བྱུང་བའི་རང་བཞིན་གྱི་ཁ་ན་མ་ཐོ་བ་དང་བཅས་པའི་ཁ་ན ་མ་ཐོ་བ་དེ་དག་ཐམས་ཅད་བཤགས་པར་བགྱིའོ་ཞེས་པའོ། །བསོད་ནམས་ཀྱི་རྗེས་སུ་ཡི་རང་བ་གསུངས་པ་ནི་རྫོགས་སངས་རྒྱས་དང་ཞེས་བྱ་བ་ལ་སོགས་པ་སྟེ། དགེ་བའི་རྩ་བ་མ་ལུས་པ་རྣམས་ལ་ཕུལ་དུ་བྱུང་བའི་བསམ་པས་ཁྱད་པར་མེད ་བར་རྗེས་སུ་ཡི་རང་བར་བྱ་ཞིང། སྙིང་རྗེས་ཡོངས་སུ་བསྒོམས་པའི་སེམས་ཀྱིས་བླ་ན་མེད་པའི་བྱང་ཆུབ་ཏུ་ཡོངས་སུ་བསྔོ་ཞིང། གཞན་གྱི་དོན་ལ་སྤྱོད་པའི་མཚན་ཉིད་ཅན་གྱི་ལམ་དུ་ཡང་དག་པར་བསྟན་པར་བྱའོ། །ཇི་ལྟ་བུ་ཞེ་ན། དགེ་བ་དང་མི་དགེ་བའི་ཚོགས་དག་ཅིང ་གཙང་བར་བྱེད་པས་ན་བསོད་ནམས་ལ་དགེ་བ་ཞེས་བྱའོ། །སུ་ཞིག་གིས་བྱས་པ་ཞེ་ན། རྫོགས་པའི་སངས་རྒྱས་ཏེ་ཡང་དག་པར་རྫོགས་པའི་སངས་རྒྱས་དང། ས་བཅུ་ལ་བཞུགས་པའི་བྱང་ཆུབ་སེམས་དཔའ་འཕགས་པ་སྤྱན་རས་གཟིགས་དབང་ཕྱུག་ལ་སོགས ་པ་དང། འཕགས་པ་སྟེ་ཉན་ཐོས་དང་རང་སངས་རྒྱས་རྣམས་དང། གཞན་གྱིས་ཞེས་བྱ་བ་མུ་སྟེགས་དང་སོ་སོའི་སྐྱེ་བོས་བྱས་པ་ཡན་ཆད་དོ། །ཇི་ལྟར་ན་མུ་སྟེགས་པས་བྱས་པའི་བསོད་ནམས་ལ་རྗེས་སུ་ཡི་རང་བར་བྱ་ཞེ་ན། བཅོམ་ལྡན་འདས་ཡུམ་ཤེས་རབ ་བརྒྱད་སྟོང་པའི་རྗེས་སུ་ཡི་རང་བའི་ལེའུ་ལས་བསྡུས་པ་དག་སྣང་བས་འགལ་པ་མེད་དོ། །དཀོན་མཆོག་གསུམ་ལ་སྐྱབས་སུ་འགྲོ་བ་ནི་ཡིད་ཀྱི་རོལ་པ་ཞེས་བྱ་བ་ལ་སོགས་པའི་ཚིགས་སུ་བཅད་པ་གསུམ་གྱིས་གསུངས་པ་ཡིན་ཏེ། ཏིང་ངེ་འཛིན་གྱི་མཐུའི་ཁྱད་པར ་ལས་བྱུང་པའི་འོད་ཟེར་གྱི་དྲ་བས་འབྲེལ་པའི་ཡིད་ཀྱི་རོལ་པས་འཁྲུལ་པ་ཉིད་ནི་དྲི་མེད་ཟླ་བ་སྟེ། སེམས་ཀྱི་ཟླ་བ་དེས་བསྒྲུབས་ཤིང་རྫོགས་པར་བྱས་པའི་འགྲོ་བའི་དོན་ཚད་མེད་པ། སྙིང་རྗེ་ཆེན་པོའི་རང་བཞིན་ཅན་གྱི་ཐབས་ཀྱིས་བསྒྲུབས་པའི་དགོས་པའི ་དོན་མངའ་བ་སངས་རྒྱས་བཅོམ་ལྡན་འདས་གང་ཡིན་པ་དེ་ལ་སྐྱབས་སུ་མཆིའོ་ཞེས་པའོ། །ཅི་ཞིག་སྟོན་ཅེ་ན། ཀུན་ཏུ་བཟང་པོ་ཉིད་ཀྱིས་རང་བཞིན་གྱི་ཆོས་ཀྱི་སྐུའི་བདག་ཉིད་ཅན་ཡིན་པའི་ཕྱིར་སེམས་ཅན་མ་ལུས་པའི་དགོས་པ་མཛད་པ་ལ་མཁས་པའོ། །རང་གི ་ཡིད་ལ་གནས་པར་གྱུར་པའི་ཞེས་བྱ་བ་ནི་སོ་སོ་རང་གི་རིག་ལ་ངོ་བོ་ཉིད་ཡིན་པའི་ཕྱིར། དོན་དམ་པར་རྣལ་འབྱོར་པའི་མངོན་སུམ་གྱིས་རྟོགས་པར་བྱས་པ་ཡིན་གྱི། ཕྱི་རོལ་ནི་མ་ཡིན། །རྟོག་པ་མ་ལུས་པ་ལས་གྲོལ་ཞིང་ཞེས་བྱ་བ་ལ་སོགས་པ་ལ་ ་ཆོས་དེ་ལ་སྐྱབས་སུ་མཆིའོ་ཞེས་པའོ། །ཇི་ལྟ་བུ་ཞེ་ན། རྟོག་པ་མ་ལུས་པ་ལས་ངེས་པར་གྲོལ་བ་སྟེ། མི་བདེན་པའི་རྟོག་པའི་དྲི་མ་ཐམས་ཅད་དང་བྲལ་བའོ། །སེམས་དཔའ་དམ་པ་ནི་ཆོས་ཀྱི་ངང་ཚུལ་ཅན་གྱི་དམ་པ་རྣམས་སོ། །དེ་རྣམས་ཀྱི ་ཕུན་སུམ་ཚོགས་པ་ནི་མངོན་པར་མཐོ་བ་དང། ངེས་པར་ལེགས་པའི་མཚན་ཉིད་ཅན་ནོ། །དེའི་གཞི་ནི་རྟེན་ནོ། །དངོས་པོ་ཐམས་ཅད་རོ་གཅིག་ངོ་བོ་ཉིད་ཅེས་པ་ནི་སོ་སོར་སྣང་བ་ཙམ་གྱི་རང་བཞིན་ཅན་གྱི་དངོས་པོ་མ་ལུས་པའི་རོ་གཅིག་པའི་ངོ་བོ་ཉིད་ནི ་སྟོང་པ་ཉིད་དེ། གང་གི་ཕྱིར་ཆོས་ཀྱི་དབྱིངས་ལས་མ་གཏོགས་པའི་ཆོས་ནི་ཅི་ཡང་མེད་པའི་ཕྱིར་སྟོང་པ་ཉིད་ནི་ཀུན་ཏུ་འགྲོ་བའི་མཚན་ཉིད་ཅན་ཡིན་ནོ། །འཆིང་བ་རྣམས་ལས་ཞེས་བྱ་བ་ལ་སོགས་པ་ལ། བརྟུལ་ཞུགས་དང་ལྡན་པ་རྣམས་ཀྱི་དབང་པོ ་ཡིན་པས་ན་བརྟུལ་ཞུགས་དབང་བ་སྟེ། བརྟུལ་ཞུགས་ཅན་ནི་ཉན་ཐོས་དགྲ་བཅོམ་པ་རྣམས་སོ། །དེ་རྣམས་ཀྱི་དབང་པོར་གྱུར་བ་ནི་སྙིང་རྗེ་ཆེན་པོ་རྩ་བར་གྱུར་པ་གཞན་གྱི་དོན་ལ་བརྩོན་པས་དབང་པོ་སྟེ་བདག་པོའོ། །དེ་རྣམས་ཀྱི་ཚོགས་ནི་མང་པོ་སྟེ། དེ་ལ ་བདག་སྐྱ་གསུམ་མཆིའོ་ཞེས་པའོ། །ཇི་ལྟ་བུ་ཞེ་ན། དེའི་ཕྱིར་འཆིང་བ་རྣམས་ལས་ཡང་དག་གྲོལ་གྱུར་ཅིང་ཞེས་བྱ་བ་ལ་སོགས་པ་སྨོས་ཏེ། གང་གིས་འཁོར་བའི་སྡུག་བསྔལ་གྱི་འཆིང་བ་འདོད་ཆགས་དང་ཁོང་ཁྲོ་བ་དང། ང་རྒྱལ་དང་མ་རིག་པ་ལ ་སོགས་པ་ཉོན་མོངས་པ་དང། ཤེས་བྱའི་སྒྲིབ་པའི་མཚན་ཉིད་ཅན་གྱི་འཆིང་བ་ལས་ཡང་དག་ཅིང་ཕྱིན་ཅི་མ་ལོག་པར་བརྩལ་ཅིང་གྲོལ་བར་གྱུར་པ། སྙིང་རྗེའི་མཆོག་སྟེ། སྙིང་རྗེ་ཆེན་པོའི་ཤུགས་ཀྱིས་བསྐྲུན་ཅིང་བསྟབས་པའོ། །དཔལ་སེམས ་ཅན་ཐམས་ཅད་ལ་ཆོས་སྟན་པའི་བདག་ཉིད་ཅན་གང་གིས་ཕ་རོལ་ཏུ་ཕྱིན་པ་བཅུ་ཡོངས་སུ་རྫོགས་ཤིང། ཡེ་ཤེས་ཀྱི་ཚོགས་བསགས་པས་རབ་ཏུ་དགའ་བ་ལ་སོགས་པའི་ས་བཅུ་ལ་བཞུགས་པའི་དགེ་འདུན་ལ་བདག་སྐྱབས་སུ་མཆི། །ཉན་ཐོས ་རྣམས་ལ་ནི་མ་ཡིན་ནོ། །བྱང་ཆུབ་ཏུ་སེམས་བསྐྱེད་པ་གསུངས་པ་ནི། བསམ་དང་ཞེས་བྱ་བ་ལ་སོགས་པ་ཡིན་ཏེ། བསམ་དང་རྣམ་པར་སྨིན་པ་དག་གྱུར་པ་ཞེས་བྱ་བ་ནི་གཞན་གྱིས་དོན་གྱི་མཚན་ཉིད་ཅན་ཡང་དག་པར་རྫོགས་པའི་བྱང་ཆུབ་ཏུ་ཡང་ཡང་དག་པར་བསྐྱེད ་པར་བྱའོ། །ཞེས་པ་སྟེ། ཐོག་མ་ཐ་མ་མེད་ཞི་བ། །དངོས་དང་དངོས་མེད་མི་ཟད་གཙོ། །སྟོང་དང་སྙིང་རྗེ་མི་ཕྱེད་པ། །བྱང་ཆུབ་སེམས་ཞེས་བྱ་བར་བཤད་ཅེས་བྱའོ། །ཇི་ལྟ་བུ་ཞེ་ན། ལྷག་པར་མོས་པས་རྣམ་པར་བརྒྱན་པའི་ཞེས་བྱ་བ་སྟེ། འདིས་ལྷག་པར་གྲོལ་བས་ན་ལྷག ་པར་མོས་པ་སྟེ། སེམས་ཀྱི་འདོད་པའི་དེ་ཉིད་ནི་རྒྱན་དེ་དེས་རྣམ་པར་བརྒྱན་ཅིང་སྤུང?་པ་གང་ཡིན་པའོ། །ཇི་ལྟ་ཞེ་ན། བསམ་པ་དང་རྣམ་པར་སྨིན་པ་དག་པར་གྱུར་པ་སྟེ། བསམ་པ་རྣམ་པར་དག་པ་ནི་སྨོན་པའི་སེམས་སོ། །རྣམ་པར་སྨིན་པ་དག་པ་ནི་འཇུག་པའི་སེམས་སོ། ་དེ་ལ་གཞན་གྱི་དོན་གྱི་ཕྱིར་ཡང་དག་པར་རྫོགས་པའི་བྱང་ཆུབ་འདོད་པ་ནི་སྨོན་པའི་སེམས་སོ། །གང་ནས་བརྩམས་ཏེ། སྡོམ་པ་བླང་བ་སྔོན་དུ་འགྲོ་བས་སྦྱིན་པ་ལ་སོགས་པའི་ཚོགས་བསགས་པ་ལ་རྗེས་སུ་འཇུག་པ་དེ་ནི་འཇུག་པའི་སེམས་སོ། །དེ་ལྟ་བུའི་བསམ་པ ་དང?་རྣམ་པར་སྨིན་པ་དག་པ་གྱུར?་གྱུར་པ། སྒྲིབ་པ་ཀུན་གྱིས་ཞེས་བྱ་བ་འདིས་དགེ་བའི་ཆོས་ཐམས་ཅད་ལ་སྒྲིབ་པས་ན་སྒྲིབ་པ་སྟེ། སྒྲིབ་པ་ནི་བར་དུ་གཅོད་པའོ། །དེ་ཡང་ཀུན་དེ་འདོད་ཆགས་དང། ཁོང་ཁྲོ་བ་དང། ང་རྒྱལ་དང། མ་རིག་པ་དང། ལྟ་བ་མཆོག་ཏུ ་འཛིན་པ་དང། ཚུལ་ཁྲིམས་དང་བརྟུལ་ཞུགས་མཆོག་ཏུ་འཛིན་པ་དང། ཐེ་ཚོམ་དང། གཉིད་དང། རྨུགས་པ་སྟེ། ཉོན་མོངས་པ་དགུས་སྒྲིབ་པར་བྱེད་པས་ན། ཐམས་ཅད་ཀྱང་སྒྲིབ་པ་ཞེས་བྱའོ། །དེ་རྣམས་ཀྱི་བག་ཆགས་ནི་ཚུལ་བཞིན་མ་ཡིན་པའི་ཡིད ་ལ་?པའོ། །དེ་སྔོན་དུ་འགྲོ་བའི་སེམས་ཀྱི་འཇུག་པ་དེ་ཡང་དག་པར་འབྱིན་ཅིར་ཡང་དག་པར་གཅོད་པར་བྱེད་ལ། ཡང་དག་པར་འཛེམས་པའི་ངང་ཚུལ་ཅན་ནི་ཡང་དག་འབྱིན་པའོ། །ལམ་ལ་གནས་པས་བསྒོམས་པ་གསུངས་པ་ནི། བདེ་གཤེགས ་ཞེས་བྱ་བ་ལ་སོགས་པ་ཡིན་ཏེ། ང་ནི་བྱང་ཆུབ་ཀྱི་ཆོས་ལ་གནས་ཤིང་བརྟེན་པར་བགྱིའོ། །མཚན་ཉིད་ཇི་བལྟ་བུ་ཞེ་ན། བདེ་བར་གཤེགས་པ་རྣམས་ཀྱིས་སྲས་ནི་བྱང་ཆུབ་སེམས་དཔའ་རྣམས་ཏེ། དེ་རྣམས་ཀྱི་ལ་མེ་གཅིག་པུ ་གཉིས་སུ་མེད་པར་གྱུར་པའོ། །དེ་ལྟར་ན་ཅིའི་ཕྱིར་ལ་མེ་གྱི་དབྱེ་བ་རྣམ་པར་བཞག་པར་མཛད་ཅེ་ན་དེ་བརྗོད་པར་བྱ་སྟེ། ཆོས་དབྱིངས་དབྱེ་བ་མ་མཆིས་པས། །གཙོ་བོ་ཐེག་དབྱེ་ཡོད་མ་ཡིན། །སེམས་ཅན་རྣམས་ནི་འཇུག་པའི་ཕྱིར་ཁྱེད་ཀྱི་ཐེག?་པ ་གསུམ་གསུངས་སོ། །ཞེས་སྨོས་པ་ཡིན་ནོ། །དེ་བཞིན་དུ་སྦྱིན་སོགས་རྣམ་བཅུ་དཀར་པོའི་ཡོན་ཏན་ཚུལ་ཞེས་བྱ་བ་ནི་སྦྱིན་པ་དང། ཚུལ་ཁྲིམས་རྡར། བཟོད་པ་དང། བརྩོན་འགྲུས་དང། བསམ་གཏན་དང། ཤེས་རབ་དང། སྟོབས་དང། སྨོན་ལམ་དང ་ཐབས་དང། ཡེ་ཤེས་ཞེས་བྱ་བ་དཀར་པོའི་ཡོན་ཏན་གྱི་ཚུལ་ཏེ། ངོ་བོ་ཉིད་གང་ཡིན་པ་རྫོགས་སངས་རྒྱས་ཞེས་བྱ་བ་ཡང་དག་པར་རྫོགས་པའི་སངས་རྒྱས་ཀྱི་བདག་ཉིད་ཅི་ནི་ཡིན་ཞིང། རྫོགས་པའི་སངས་རྒྱས་ཀྱི་རང་བཞིན་ཆོས་ཀྱི་དབྱིངས་དེ ་བཞིན་ཉིད་ཀྱི་ངོ་བོ་ཉིད་དངོས་པོའི་དོན་མ་ལུས་པའི་རྣམ་པར་དག་པ་དོན་དམ་པའི་ཚུལ་ཅན་གང་ཡིན་པ་དེས། དེ་ནི་ཞེས་བྱ་བ་སྐད་ཅིག་མས་འདི་ནས་བརྩམས་ཏེ། བྱང་ཆུབ་ཀྱི་སྙིང་པོའི་མཐར་ཐུག་པའི་བར་དུ་གནས་པར་བགྱིའོ་ཞེས་སོ།། ་དེ?་ལྟར?་དག་པའི་ཚུལ་ལ་གནས་ནས་བསྒོམ་པའི་སྣོད་དུ་གྱུར་ཏེ། དེ་ཡང་ཚུལ་གནས་ཐོས་དང་བསམ་པར་ལྡན། །བསྒོམ་པ་ལ་ནི་རབ་ཏུ་སྦྱར་ཞེས་བཤད་པའི་ཕྱིར་རོ། །ང་ནི་ཤེས་རབ་དང་ཐབས་ཀྱི་བདག་ཉིད་ཅན་གྱི་བསྒོམ་པ་གསུངས་པ་ནི། སྙིང་རྗེ ་ཞེས་བྱ་བ་ལ་སོགས་པ་ཡིན་ཏེ། སྙིང་རྗེ་ཆེན་པོས་གདུངས་པའི་ཡིད་ཀྱི་འགྲོ་བའི་འཇིག་རྟེན་འདི་མ་ལུས་པ་ལྟ་བའི་དྲ་བས་ཀུན་ནས་བཅིང། ཤིང་བསྡམས་པར་དམིགས་པར་བྱ་སྟེ། དེ་ལ་ལྟ་བ་ཉིད་ནི་འཆིང་བར་བྱེད་པས་དྲ་བ་སྟེ། ཇི་ལྟར་དྲ་བས ་བསྡམས་པའི་བྱ་རྣམས་ནི་ཤུགས་ཀྱིས་ནམ་མཁའ་ལ་འགྲོ་བར་ནུས་སུ་ཟིན་ཀྱང། ལུས་ལས་སུ་མི་རུང་ཅིང་བམས་པོ་ལྟ་བུར་གནས་པར་འགྱུར་རོ། །དེ་བཞིན་དུ་སེམས་ཅན་འདི་དག་ལྟ་བ་གསུམ་གྱིས་བཅིངས་པས་མྱ་ངན་ལས་འདས་པ་ཐོབ་པར་མི་རུང་ངོ། །ལྟ་བ ་གསུམ་ནི་འཇིག་ཚོགས་ལ་ལྟ་བ་དང། བདག་ཏུ་འཛིན་པར་ལྟ་བ་དང། ལོག་པར་ལྟ་བའོ། །དེ་ལྟར་ཕས་བུ་ལ་བྱ་བ་བཞིན་དུ་སེམས་ཅན་གྱི་ཁམས་མ་ལུས་པ་སྙིང་རྗེ་ཆེན་པོས་གདོན་པའི་ཕྱིར་དམིགས་ལ། ཡང་དག་པར་རྫོགས་པའི་བྱང་ཆུབ་ཀྱི་སེམས ་མཉམ་པ་མེད་པ་བསྒོམ་པར་བྱའོ། །མཉམ་པ་མེད་བཞེས་བྱ་བ་ནི་སྙིང་རྗེ་ཆེན་པོའི་ངོ་བོ་ཉིད་དོ། །དེ་ལྟར་བྱ་ཞེས་བྱ་བ་ནི་རྣམ་པ་འདིས་ཏེ། ཀྱེ་མ་གཏི་མུག་གི་མུན་པ་གང་གིས་སེམས་ཅན་འདི་དག་མྱ་ངན་ལས་འདས་པའི་ངོ་བོ་ཉིད་ཡིན་དུ་ཟིན་ཀྱང་བདག་ཉིད ་ཀྱིས་རྟོགས་པ་མ་གྱུར་ན། ཇི་ལྟར་ནི་འདི་དག་ཁོང་དུ་ཆུད་པར་བྱ་ཞེས་རྣམ་པར་བསམས་ལ། དེའི་བདག་ཉིད་ཅན་ཉིད་དུ་འགྲོ་བ་ཐམས་ཅད་དམིགས་ན་མ་དམིགས་པའི་ཚུལ་གྱིས་སྙིང་རྗེ་ཆེན་པོ་སྐྱེ་བར་འགྱུར་ལ། བདག་ཉིད་ཀྱང་དེ་ལྟ་བུའི་བདག་ཉིད ་ཅན?་ཏུ། །དངོས་པོ་ཐམས་ཅད་ཀྱི་ངོ་བོ་ཉིད་དུ་བསམ་པར་བྱའོ། །དེ་ལྟར་བྱང་ཆུབ་ཀྱི་སེམས་རྣམ་པར་བསྒོམས་ནས་སྔགས་པར་འགྱུར་ཞིང་ཡེ་ཤེས་ཀྱི་ངོ་བོ་ཉིད་དུ་འགྱུར་ཏེ། ཤེས་རབ་ཀྱི་ཕ་རོལ་ཏུ་ཕྱིན་པའི་རྣལ་འབྱོར་དང་ལྡན་པར་འགྱུར་རོ་ཞེས་བྱ་བའི ་བར་རུའོ། །དྲིས་པ་སྔགས་ཀྱི་ཚུལ་ཐམས་ཅད་དུ་ཤེས་རབ་དང་ཐབས་བསྒོམ་པར་བྱའོ་ཞེས་བྱ་བའི་ཚིག་དང་ལྡན་ན། ཇི་ལྟར་ན་ཐབས་བསྒོམ་པས་ཤེས་རབ་བསྒོམ་པར་བྱའོ་ཞེས་བསྟན་བཅོས་རྩོམ་པས་འབྲེལ་པ་མེད་པར་བྱས་པ་རྟོག་པ་དག་གི་ལན་ནི་དེ ་ཁོ་ན་ཉིད་ལ་འཇུག་པར་བལྟ་བར་བྱའོ། །དེ་ཡང་དངོས་ཀུན་རང་བཞིན་བདག་མེད་དུ། །རྣལ་འབྱོར་བདག་ཉིད་ཅན་གྱུར་པ། །བསྒོམས་པའི་རིམ་གྱིས་བྱིན་ནས་ནི། །ཕྱག་རྒྱ་ཆེན་པོའི་བདག་བཅག་འགྱུར་ཞེས་བཤད་པ་ཡིན་ནོ། །ཐབས་བསྒོམས་ནས་ཤེས་རབ ་བསྒོམ་པ་གསུངས་པ་ནི། ངོ་བོ་ཉིད་དང་ཞེས་བྱ་བ་ལ་སོགས་པ་ཡིན་ཏེ། འདི་ལྟར་ཆོས་རྣམས་ནི་ངོ་བོ་ཉིད་ཀྱིས་སྟོང་པ་ཡིན་ཏེ། སྤྲོས་པ་མེད་པའི་རང་བཞིན་ཅན་ནོ། །དེ་ཅིའི་ཕྱིར་ཞེ་ན། ངོ་བོ་ཉིད་དང་བྲལ་ཕྱིར་ཞེས་བྱ་བ་སྨོས་ཏེ། དོན ་དམ་པར་དངོས་པོ་ཐམས་ཅད་གཅིག་དང་དུ་མའི་རང་བཞིན་དང་བྲལ་བའི་ཕྱིར། དངོས་པོ་མེད་པའི་ངོ་བོ་ཉིད་ཡིན་ནོ། །དེ་ཡང་ཡུམ་ཤེས་རབ་ཀྱི་ཕ་རོལ་ཏུ་ཕྱིན་པ་ལས། རབ་འབྱོར་ཆོས་ཐམས་ཅད་སྟོང་པ་ཉིད་ཀྱིས་སྟོང་པར་བྱས་པ་མ་ཡིན་གྱི། གཞན ་དུ་ན་ཆོས་རྣམས་ཉིད་སྟོང་པའོ་ཞེས་གསུངས་པ་དང། དེ་བཞིན་དུ། ཇི་ལྟར་མེ་ལོང་དག་ལ་གཟུགས། །གཅིག་དང་དུ་མ་རྣམ་བྲལ་བར། །སྣང་ཡང་དེ་ན་ཡོད་མ་ཡིན། །དེ་བཞིན་དངོས་པོ་དངོས་ཉིད་དོ་ཞེས་གསུངས་པ་ཡིན་ནོ། །དེ་བཞིན་དུ་ཆོས་རྣམས་ནི ་མཚན་མར་ཉེ་བར་བཟུང་བ་མེད་པས་མཚན་མ་མེད་པ་ཡིན་ཏེ། ཅིའི་ཕྱིར་ཞེ་ན། རྒྱུ་དང་བྲལ་བས་ཞེས་བྱ་བ་སྨོས་ཏེ། གཞན་གྱིས་ཡོངས་སུ་བརྟགས་པའི་དབང་ཕྱུག་ལ་སོགས་པའི་རྒྱུ་མེད་པས་དོན་དམ་པར་མཚན་མ་དང་བྲལ་བ་ཡིན་གྱི། ཀུན ་རྫོབ་ཏུ་ནི་མ་ཡིན་ཏེ། །རྟག་ཏུ་ཡོད་པ་འམ་མེད་པར་ནི། །རྒྱུ་གཞན་ལ་ནི་བལྟོས་པར་ཡིན་ཞེས་སྨོས་པ་ཡིན་ནོ། །དེ་བས་ན་རྨི་ལམ་སྒྱུ་མ་ཇི་བཞིན་དང། །དྲི་ཟའི་གྲོང་ཁྱེར་ཇི་བཞིན་དུ། །དེ་བཞིན་སྐྱེ་དང་དེ་བཞིན་གནས། །དེ་བཞིན་དུ་ནི་འཇིགས་པ ་གསུངས་ཞེས་བཤད་པ་ཡིན་ནོ། །ཀུན་རྫོབ་ཏུ་ནི་དངོས་པོ་རྣམས་རྒྱུ་རྐྱེན་ཚོགས་པ་ལས་སྐྱེ་བ་ཡིན་ནོ། །དེ་བས་ན། བློ་ཡིས་རྣམ་པར་བརྟགས་ན་ནི། །ངོ་བོ་ཉིད་ནི་བཟུང་དུ་མེད། །དེ་བས་དེ་ནི་བརྗོད་མེད་དང། །དངོས་པོ་མེད་པར་བསྟན་པ་ཡིན་ཞེས ་བཤད་པ་ཡིན་ནོ། །གལ་ཏེ་ཀུན་རྫོབ་ཏུ་རྒྱུ་མེད་པར་བརྟགས་ན། དེའི་ཆེ་ཉེས་པ་འདི་ཡོད་པར་བསྟན་གྱི་གཞན་དུ་ནི་མ་ཡིན་ནོ། །དེ་བཞིན་དུ་དངོས་པོ་རྣམས་མ་ལུས་པར་སྨོན་པ་ལས་ངེས་པར་གྲོལ་ཞིང། དེ་དང་བྲལ་བ་ཡིན་ཏེ། ངོ་བོ་ཉིད་ཀྱིས ་སྟོང་པ་ཡིན་པའི་ཕྱིར་སྨོན་ལམ་དང། སྨོན་པར་བྱ་བ་དང། སྨོན་པ་དང་བྲལ་བ་ཡིན་ཡང་བདག་དང་བདག་གིར་རྟོག་པ་ཉོན་མོངས་པ་ཅན་གྱི་ཡིད་ཀྱིས་བག་ཆགས་ཀྱི་དབང་གིས་སྣང་བའི་དངོས་པོ་རྣམས་ནི་སྒྱུ་མ་དང། སྨིག་སྒྱུ་དང། དྲི་ཟའི་གྲོང་ཁྱེར་དང། ་རྨི་ལམ་ལྟ་བུ་སྟེ་ཡོད་པ་མ་ཡིན་པ་ཉིད་དོ། །དེ་བས་ན་གསོལ་བར་བྱ་བ་དང། གསོལ་བ་དང། གསོལ་པོའི་ངོ་བོ་ཉིད་ནི་སྟོང་པ་ཡིན་པས་སྨོན་པ་མེད་པའོ། །དེ་ཅིའི་ཕྱིར་ཞེ་ན། རྟོག་པ་རྣམས་དང་བྲལ་ཕྱིར་ཞེས་བྱ་བ་སྨོས་ཏེ། རྟོག་པ་དང་བྲལ་བའི་ཕྱིར། རྒྱུ་བ་དང་མི ་རྒྱུ་བའི་བདག་ཉིད་ཅན་གྱི་དངོས་པོ་ཅི་ཡང་ཉེ་བར་དམིགས་པར་མི་འགྱུར་རོ། །འོན་ཀྱང་ཐོག་མ་མེད་པའི་མ་རིག་པའི་བག་ཆགས་ཀྱི་དབང་གིས་ཡོད་པར་རྟོག་།དེ་ཡང། གང་གི་སྐྱེ་བ་འབྱུང་བ་ནི། །དངོས་པོ་གང་ལའང་རྙེད་མི་འགྱུར། །དངོས་པོ་མེད་པའི ་ངོ་བོ་ལ། །བྱིས་པ་རྣམས་ནི་འབྱུང་བར་འདོད། །ཅེས་ཇི་སྐད་བཤད་པ་ལྟ་བུའོ། །འདི་ནི་གནས་གྱུར་པ་ཡི་རྣལ་འབྱོར་ཏེ། །ནང་གི་བདག་ཉིད་སྟོང་པར་མཐོང། །ཕྱི་རོལ་གཏོགས་པའང་སྟོང་པར་མཐོང། །དེ་ལ་ཅི་ཡང་མི་དམིགས་པ། །བསྒོམ་པ་གང་ཡིན་སྟོང་པ ་ཉིད་ཅེས་བྱ་བའི་བསྒོམ་པ་འདིས། ཕྱི་རོལ་གྱི་དོན་ལ་མངོན་པར་ཞེ་ན་པ་མི་སྣང་བར་བྱས་ནས། དཔལ་གསང་བ་འདུས་པའི་རྒྱུད་ལས་གསུངས་པའི་རིམ་པས། སྲིད་པ་བར་མའི་རྣམ་པར་དག་པའི་རྣལ་འབྱོར་གསུངས་པ་ནི། ཨོཾ་ཞེས་བྱ་བ་ལ་སོགས་པ ་ཡིན་ཏེ། ཨོཾ་ཞེས་བྱ་བ་ནི་ངེས་པའོ། །ཤཱུ་ནྱ་ཏྲཱ་ཞེས་བྱ་བ་ནི་སྟོང་པ་ཉིད་དང། མཚན་མ་མེད་པ་དང། སྨོན་པ་མེད་པའི་ཉེ་བར་མཚོན་པ་སྟེ། རྣམ་པར་ཐར་པའི་སྒོ་གསུམ་པོ་འདི་དག་རྣལ་འབྱོར་པས་རིམ་པ་ཇི་ལྟ་བ་བཞིན་དུ་བསྒོམ་པར་བྱའི། དེ་ཡང་སྔགས ་ཨོཾ་གྱི་གཟུགས་ནི་དཀར་པོ། ཨ(རྒྱུད་འགྲེལ་ཐར་པའི་སྒོ་གསུམ་གྱི་རང་བཞིན་ཅན་གྱི་སྐུ་དང་གསུང་དང་ཐུགས་རྡོ་རྗེའི་ས་བོན། ཛྙཱ་ན་སྭ་བྷཱ་བ་སྟེ། བདག་ནི་ཡེ་ཤེས་ཀྱི་བདག་ཉིད་ཅན་གྱི་ངོ་བོ་ཉིད་དུ་གདོད་མ་ཉིད་ནས་གྱུར་པ་ཡིན་ནོ། །འདི་དག་གིས་ན་སེམས་རང ་བཞིན་གྱིས་འོད་གསལ་བ་ཉིད་དུ་སྟོན་ཏོ། །ཅིའི་ཕྱིར་འདི་སྐད་ཅིག་མ་ཉིད་ཀྱིས་རྡོ་རྗེ་སེམས་དཔའ་ལ་སོགས་པའི་རྣམ་པ་ཡོངས་སུ་བཟུང་ནས། སེམས་ཅན་གྱི་དོན་མི་བྱེད་པར་ཡི་གེ་ལྔའི་གཟུགས་སུ་གནས་པར་བྱེད་ཅེ་ན། དེ་བརྗོད་པར་བྱ་སྟེ། འཁོར་བ་ནི་རྟེན་ཅིང ་འབྲེལ་བའོ། །འབྱུང་བའི་ཡན་ལག་བཅུ་གཉིས་ཀྱི་རང་བཞིན་ཅན་ཡིན་ལ་དེའི་གཉེན་པོར་ལྷག་པར་མོས་པས་སློབ་དཔོན་གྱིས་སྒྲུབ་པའི་ཐབས་འདི་བསྟན་པ་ཡིན་ལ། དེ་ཡང་བཅོམ་ལྡན་འདས་ཀྱིས་སྲིད་པ་གསུམ་དུ་གསུངས་ཏེ། འཆི་བའི་སྲིད་པ་དང་སྲིད ་པ་དང?་སྣ?་དང། སྐྱེ་བའི་སྲིད་པའོ། །དེ་ལ་འཆི་བའི་སྲིད་པ་ནི། གནས་ཡོངས་སུ་གྱུར་པའི་རྣལ་འབྱོར་རོ། །སྲིད་པ་བར་མ་ནི་ཡི་གེ་ལྔ་པོའི་སྔགས་ཀྱི་རྣམ་པར་བསྒོམ་པའོ། །སླར་སྐྱེ་བའི་སྲིད་པ་ནི་འཇམ་པའི་རྡོ་རྗེ་ཡོངས་སུ་གྲུབ་པའོ། །སྲིད་པ་བར་མ་ཞེས་བྱ་བ་འདི་ཅི ་ཞེས་ཡིན་ཞེ་ན། འདི་ནི་འཆི་བ་དང། སྐྱེ་བའི་སྲིད་པའི་བར་དུ་གང་ཞིག་འབྱུང་བ་སྟེ། འཆི་བའི་སྲིད་པ་དང་སྐྱེ་བའི་སྲིད་པའི་བར་དུ་བདག་ཉིད་ཀྱི་དངོས་པོ་མངོན་པར་བྱུང་བར་གྱུར་པ་གང་ཡིན་པ་དེ་ནི་སྲིད་པ་བར་མ་ཞེས་བཤད་ལ། དེ་ཡང་སེམས་ཀྱི ་ངོ་བོ་ཟླ་བ་ལྟ་བུའི་གཟུགས་ཅན་དབང་པོ་ཐམས་ཅད་ཀུན་ཏུ་རྫོགས་པ། དབང་པོ་ལྔ་རིགས་མཐུན་པས་མཐོང་བ་སྟེ། ཨོཾ་ཨཱ(རྒྱུད་འགྲེལ་ལོ་སྒོས་ཀྱི་བར་དུ་འདུག་པ་ཡིན་ལ། འདི་ནི་མ་རིག་པ་རྣམ་པར་དག་པ་སྟེ། མ་རིག་ཉོན་མོངས་སྔོན་གནས་སྐབས་ཞེས་བཤད་པའི་ཕྱིར་རོ། །ཐམས་ཅད་དུ་ཉེས་པ་དང་བྲལ་བ་ཉིད་དང། ཡོན་ཏན་ཐམས་ཅད་ཀྱི་རང་བཞིན་ཉིད་དང། འདོད་པ ་ཉིད་ནི་རྣམ་པར་དག་པ་ཞེས་བཤད་དོ། །དང་པོའི་སྦྱོར་བའི་དབང་དུ་མཛད་ནས་གསུངས་པ་ནི་དེ་འོག་ཅེས་བྱ་བ་ལ་སོགས་པ་གསུངས་པ་ཡིན་ཏེ། གནས་ཡོངས་སུ་གྱུར་པའི་རྗེས་རྟོགས་ལ་ཆོས་འབྱུང་བའི་ཕྱག་རྒྱ་བསྒོམ་པར་བྱ་བ་ནི་སྐྱེ་བའི་གནས་ཀྱི་རྒྱུ་ཡིན་ནི ་འཁོར་བའི་ཆོས་མ་ལུས་པ་བསྐྱེད་པའི་ངོ་བོ་ཉིད་ཡིན་ནོ། །གང་དུ་བསྒོམ་ཞེ་ན། ཧཱུཾ་རྡོ་རྗེ་བྱས་པའི་སར་ཞེས་བྱ་བ་སྨོས་ཏེ། ཡི་གེ་ཧཱུཾ་རྡོ་རྗེ་ལྟར་ཤིན་ཏུ་བརྟན་པར་བྱས་པའི་ས་གང་ཡིན་པ་དེར་རོ། །དེ་གང་ལས་བྱུང་ཞེ་ན། ཀུན་ཏུ་བཟང་ལས་བྱུང་བར་ཤེས་བྱ་བར་ཞེས་སྨོས ་ཏེ། རང་གི་མཚན་མ་ལས་ཡང་དག་པར་བྱུང་བའི་ཀུན་ཏུ་བཟང་པོ་ཡོངས་སུ་གྱུར་པའི་རང་བཞིན་ཅན་ནོ། །བསམ་པ་ནི་ཞེས་བྱ་བ་ནི་སྲིད་པ་བར་མ་དེའི་གནས་སྐབས་སུ་དེ་ལ་དམིགས་པའི་སེམས་བསྒོམས་པས་བརྟན་པར་བྱའོ། །ཞེས་བྱ་བའི་དོན་ཏོ། །ཀུན་ཏུ་བཟང་པོ ་ནི་སྐུ་མདོག་དང་ཞལ་དང་ཕྱག་དཔལ་བདེ་བ་ཆེན་པོ་དང་འདྲ་བ་ཧཱུཾ་ལས་བྱུང་བར་བས་མོ། །ཆོས་འབྱུང་བ་དེ་ཇི་ལྟ་བུར་བསམ་ཞེ་ན། སྟོན་ཀའི་ཞེས་བྱ་བ་ལ་སོགས་པ་སྨོས་ཏེ། སྟོན་ཀའི་ཡར་གྱི་ཟླ་བ་ལྟར་རབ་ཏུ་དཀར་ཞེས་ཤིན་ཏུ་དང་བའི་རང་བཞིན་ཅན ་མཛའ་ཡས་པའི་ཕྱོགས་ན་གནས་པ་སྟེ། ནམ་མཁའ་ཨི་ཁམས་མ་ལུས་པར་ཁྱབ་པ་ནག་པོ་དང་དཀར་པོ་དང་སེར་པོ་དང་དམར་པོ་དང་ལྗང་གུའི་མདོག་ཅན་གྱི་འོད་སྣ་ཚོགས་པ་དང་ལྡན་པ་སྟེ། དེའི་རང་བཞིན་གྱི་མདོག་ནི་དཀར་བ་ཉིད་ཡིན་ནོ། །གཞན་ཡང ་གྲུ?་གསུམ་གྱེན་དུ་གནས་པ་སྟེ། གྲུ་གསུམ་དུ་གནས་པ་ལུས་ཟུར་གཅིག་ནི་ས་ལ་ཟུར་གཉིས་ནི་སྟེང་ན་གནས་པ་སྟེ། འཇིག་རྟེན་དུ་ཇི་ལྟར་གྲགས་པ་ལྟ་བུའོ། །གཞན་ཡང་ནང་ན་ནམ་མཁའ་ཨི་རང་གི་ངོ་བོར་བྱང་ཆུབ་ཀྱི་སེམས་ཀྱི་རྣམ་པར་རྡོ་རྗེ་འཛིན་པ ་གང་ལ་ཡོད་ཅིང་དབུས་ན་གནས་པ་སྟེ་ནང་དུ་ཆུད་པར་སྣ་ཚོགས་པདྨ་མདོག་སེར་པོ་དང། སྣ་ཚོགས་རྡོ་རྗེ་དག་གིས་མཛེས་པར་བྱས་ཤིང། དེའི་ཕུན་སུམ་ཚོགས་པ་དང་ལྡན་པའི་ཞེས་བྱ་བའི་བར་དུ་སྟེ། སྣ་ཚོགས་པདྨའི་སྟེང་དུ་བརྟེན་པའི་སྟེང ་ནས་སྣ་ཚོགས་རྡོ་རྗེ་གནས་པའོ། །གཞལ་ཡས་ཁང་ཡོངས་སུ་བསྐྱེད་པ་གསུངས་པ་ནི། བྲུཾ་གི་ཞེས་བྱ་བ་ལ་སོགས་པ་ཡིན་ཏེ། བྲུཾ་གི་འཁོར་ལོ་ལས་བྱུང་ཞེས་བྱ་བ་ནི་དེར་གཞལ་ཡས་ཁང་རྣམ་པར་བསྒོམ་པར་བྱའོ་ཞེས་བྱ་བའི་བར ་དུ་སྟེ། དེར་ཞེས་བྱ་བ་ཆོས་འབྱུང་གི་ཕྱག་རྒྱའི་དབུས་ན་གནས་པའི་སྣ་ཚོགས་པདྨ་དང་སྣ་ཚོགས་རྡོ་རྗེའི་ལྟེ་བ་ལ་ཁང་པ་བརྩེགས་མར་བསམ་པ་སྟེ། ཁང་པ་ཡང་ཡིན་ལ་བརྩེགས་མ་ཡང་ཡིན་པས་ཁང་པ་བརྩེག་མ་སྟེ། དོན་དམ་པར་སྒྱུ་མ་དང ་སྨིག་རྒྱུ་དང། དྲི་ཟའི་གྲོང་ཁྱེར་ལྟ་བུའོ། །དེ་ཡང་ཟུར་བཞི་པ་ལ་སྒོ་བཞི་པ་རྟ་བབས་བཞིས་ནི་རྣམ་པར་མཛེས་པ། དྲིལ་བུ་དར་དང་བ་དན་སོགས། །སྒོ་དང་སྒོ་ཁྱུད་མཚམས་རྣམས་སུ། །རྡོ་རྗེ་རིན་ཆེན་རྣམས་ཀྱིས་སྤྲས། །དྲ་བར་ཕྱེད་ཉི་ཟ་དང། །དར་དང ་མེ་ཏོག་ཕྲེང་བས་མཛེས་ཞེས་བྱ་བའི་གཞལ་ཡས་ཁང་ཡི་གེ་བྲུཾ་གི་འཁོར་ལོ་ལས་བྱུང་བ་རྣམ་པར་བསམ་པ་བྱ་སྟེ། བྲུམ་ལས་འཁོར་ལོ་རྩིབས་བརྒྱད་པའམ་བཅུ་གཉིས་པ་སེར་པོ། དེའི་དབུས་སུ་ཡི་གེ་ཨོཾ་ལས་བྱུང་བའི་རྣམ་པར་སྣང་མཛད ་རིག་པ་དང་བཅས་པ་རྣམ་པར་བསམས་ལ། དེའི་ཡན་ལག་ཡོངས་སུ་གྱུར་པ་ལས་ཁང་པ་བརྩེགས་མར་རྣམ་པར་བསམ་པར་བྱའོ། །གཞན་ཡང་ཐུབ་པའི་དབང་པོ་རྣམས་ཀྱི་འོད་ཀྱི་དཀྱིལ་འཁོར་ཏེ། ཉི་མ་དང་ཟླ་བ་གང་ཡིན་པ་དེ་རྣམས་ཀྱི་ཟེར ་ཏེ། འོད་ཟེར་རྣམས་ཀྱིས་ཕྱོགས་ཀྱི་ཚིག་མ་ལུས་པར་ཀུན་ཏུ་ཁྱབ་པ་གང་ཡིན་པ་དེ་ལ་དེ་སྐད་ཅེས་བྱའོ། །གཞལ་ཡས་ཁང་ཡོངས་སུ་བསྐྱེད་པ་བཤད་ནས། དེའི་རང་གི་ངོ་བོ་མཛེས་པར་བསྟན་པས། རྒྱུ་དང་འབྲས་བུའི་ངོ་བོ་སྔོན་དུ་འགྲོ་བས ་རྣམ་པར་དག་པ་གསུངས་པ་ནི་མི་མཉམ་དག་ཅེས་བྱ་བ་ལ་སོགས་པ་ཡིན་ཏེ། གང་གི་ཟུར་བཞི་པོ་སྟེ། གྲ་བཞི་པོ་དེ་མཉམ་པའོ། །ཅིའི་ཕྱིར་ཞེ་ན། རྒྱུ་ནི་མི་མཉམ་པ་དག་མེད་པའི་ཕྱིར་ཞེས་བྱ་བ་ཡིན་ཏེ། སྔོན་བྱང་ཆུབ་སེམས་དཔའ་ཨི ་གནས་སྐབས་སུ། སེམས་ཅན་ཐམས་ཅད་ལ་བྱམས་པའི་ཐུགས་ཀྱིས་འགྲོ་བ་ཀུན་ལ་དམིགས་པ་མཛད་པ་དེའི་རྒྱུ་མཐུན་པའི་འབྲས་ནི་ཟུར་བཞི་བ་ཉིད་དོ། །འདིར་ཡང་མི་མཉམ་པ་མེད་པ་ནི་རྒྱུ་ཡིན་ལ། ཟུར་བཞི་པ་ཉིད་ནི་འབྲས་བུའོ། །དྲན་དང་དབང་པོ་མཆོག་བཞི ་སྒོ་རྣམས་ཡིན་ཞེས་བྱ་བ་ནི། ཤར་དང་ལྷོ་དང་ནུབ་དང་བྱང་གི་སྒོ་བཞི་པོ་དེ་རྣམས་ནི་དྲན་པ་དང། དབང་པོ་མཆོག་རྣམས་ཀྱིས་ཕུལ་དུ་བྱུང་བ་ཡིན་ནོ། །དྲན་པ་དང་དབང་པོ་ཞེས་ཐོག་མ་དང་ཐ་མ་སྨོས་པས། དྲན་པ་ཉེ་བར་གཞག་པ་བཞི་དང། ཡང་དག ་པར་སྤོང་བ་བཞི་དང། རྫུ་འཕྲུལ་གྱི་རྐང་པ་བཞི་དང། དབང་པོ་ལྔ་རྣམས་ལ་བྱ་སྟེ། དྲན་པ་ཉེ་བར་གཞག་པ་ལ་སོགས་པ་ནི་རྒྱུ་ཡིན་ལ། སྒོ་བཞི་ནི་འབྲས་བུ་ཡིན་ནོ། །དེ་ལ་འདི་ནི་ལུས་དྲན་པ་ཉེ་བར་གཞག་པ་སྟེ། རིགས་ཀྱི་བུ་ལུས་ལ་འདི་ལྟར་དྲན་པ་ཉེ་བར ་འཇོག་སྟེ། ལུས་འདི་ནི་བདག་པོ་མེད་པའོ། །ལུས་ཞེས་བྱ་བ་དང། ཕུང་པོ་ཞེས་བྱ་བ་ནི་གློ་བུར་བའི་ཐ་སྙད་ཀྱིས་ཐ་སྙད་དུ་བརྗོད་པ་ནང་བརྒྱ་སྟོང་གི་ཚད། སྐྲ་དང། བ་སྤུ་དང། སེན་མོ་དང། སོ་དང། རུས་པ་དང། པགས་པ་དང། ཚིལ་དང། རྐང་དང། བཤང ་བ་དང། གཅི་བ་ལ་སོགས་པ་མི་གཙང་པའི་རྫས་སྣ་ཚོགས་པ་ལ་འདིར་ལུས་གང་ཞིག་ཡིན། དེས་ན་ལུས་འདི་ནི་ནམ་མཁའ་དང་མཉམ་པའོ་ཞེས་བྱ་བ་འདི་ནི་ལུས་དྲན་པ་ཉེ་བར་གཞག་པ་ཞེས་བཤད་དོ། །འདི་ནི་བྱང་ཆུབ་སེམས་དཔའ་རྣམས་འདི ་ལྟར་ཚོར་བ་སྐྱེད་པར་བྱེད་དེ། མི་རྟག་པ་ལ་མི་རྟག་པ་ཉིད་ཀྱི་རང་བཞིན་ཅན་དང། སྡུག་བསྔལ་བ་ལ་སྡུག་བསྔལ་བ་དང། བདག་མེད་པ་ལ་བདག་མེད་པ་དང། མི་གཙང་བ་ལ་མི་གཙང་བའོ། ཞེས་ཚོར་བ་པོ་ཉེ་བར་མ་མཐོང་ལ། དེ་མ་མཐོང་བས་ཚོར ་བ་ཡང་ཉེ་བར་མ་མཐོང་སྟེ། ནང་ན་མ་ཡིན་ཕྱི་རོལ་ན་མ་ཡིན། གཉི་གའི་བར་ན་ཉེ་བར་མི་དམིགས་པ། འོད་ནི་ཚོར་བ་དྲན་པ་ཉེ་བར་གཞག་པའོ། །འདི་ནི་རིགས་ཀྱི་བུ་སེམས་ལ་འདི་ལྟར་ཡང་དག་པར་རྗེས་སུ་ལྟ་སྟེ། སེམས་ཞེས་བྱ་བ་ནི་མིང་ཙམ ་གཟུགས་མེད་ལྟར་མེད། རང་བཞིན་གྱིས་འོད་གསལ་བ། གློ་བུར་བའི་དྲི་མ་རྣམས་ཀྱིས་མ་རུངས་པར་བྱས་པ་དྲི་ཟའི་གྲོང་ཁྱེར་དང། སྒྱུ་མ་དང། སྨིག་རྒྱུ་དང། ཆུ་ཟླ་དང། རྨི་ལམ་ལྟ་བུའོ་ཞེས་སེམས་ལ་དྲན་པ་ཉེ་བར་འཇོག ་འདི་ནི་རིགས་ཀྱི་བུ་ཆོས་ཐམས་ཅད་ལ་ཆོས་ཀྱི་རྗེས་སུ་ལྟ་ཞིང་གནས་པ་ནི་ཕྲ་རབ་ཙམ་གྱི་ཆོས་ཀྱང་ཡང་དག་པར་རྗེས་སུ་མི་མཐོང་ངོ། །དེ་ལ་ཆོས་གང་ཞེ་ན། བདག་མེད་པའི་དོན་དང། འབྱུང་བ་མེད་པའི་དོན་དང། སེམས་ཅན་མེད་པའི་དོན་དང། ་སྲོག་མེད་པའི་དོན་དང། ཆད་པ་མེད་པའི་དོན་དང་རྟག་པ་མེད་པའི་དོན་དང་ཆོས་ཐམས་ཅད་སྟོང་པའི་བར་དུ་མཐོང་བ་འདི་ནི་ཆོས་དྲན་པ་ཉེ་བར་གཞག་པའོ། །ཡང་དག་པར་སྤོང་བ་རྣམས་གང་ཞེ་ན། འདི་ལྟ་སྟེ། སྡིག་པ་མི་དགེ་བའི་ཆོས་མ་སྐྱེས་པ་རྣམས་མི་བསྐྱེད་པའི ་ཕྱིར་འདུན་པ་བསྐྱེད་ཅིང་བརྩོན་འགྲུས་རྩོམ་ལ། སེམས་རབ་ཏུ་འཛིན་པར་བྱེད་པ་དང། སྡིག་པ་སྐྱེས་པ་རྣམས་འཇིག་པའི་ཕྱིར་དང། དགེ་བའི་ཆོས་སྐྱེས་པ་རྣམས་གནས་པར་བྱ་བའི་ཕྱིར་དང། དགེ་བའི་ཆོས་མ་སྐྱེས་པ་རྣམས་སྐྱེས་པར་བྱ་བའི ་ཕྱིར་དང། འདུན་པ་སྐྱེད་ཅིང་བརྩོན་འགྲུས་རྩོམ་ལ་སེམས་རབ་ཏུ་འཛིན་པར་བྱེད་པའོ། །དེ་ལ་རྫུ་འཕྲུལ་གྱི་རྐང་པ་བཞི་གང་ཞེ་ན། འདུན་པ་དང་བརྩོན་འགྲུས་དང། སེམས་དང། སྤྱོད་པའི་ཏིང་ངེ་འཛིན་ཞེས་བྱའོ། །དེ་ལ་འདུན་པ་ནི་གང་ཆོས་འདི ་རྣམས་མངོན་དུ་བྱེད་པའོ། །བརྩོན་འགྲུས་ནི་གང་ཆོས་འདི་རྣམས་རྫོགས་པར་བྱེད་པའོ། །སེམས་ནི་གང་ཆོས་འདི་རྣམས་ལ་སོ་སོར་རྟོག་པའོ། །དཔྱོད་པ་ནི་གང་ཆོས་འདི་རྣམས་ལ་མཁས་པ་སྟེ། དེ་རྫུ་འཕྲུལ་གྱི་རྐང་པ་ལ་སོགས་པ་ལ་གནས ་པས་རྫོགས་པར་བྱེད་པས། དེས་ན་རྫུ་འཕྲུལ་གྱི་རྐང་པ་ཞེས་བྱའོ། །དེ་ལ་དབང་པོ་ལྔ་གང་ཞེ་ན། ལྷའི་བུ་གང་ཆོས་ཐམས་ཅད་མ་སྐྱེས་པར་དད་པར་བྱེད་པ་དང། མ་སྐྱེས་པའི་ཕྱིར་རང་བཞིན་གྱིས་དོན་འཕོ་བ་མེད་པར་ཤེས་པ་འདི་ནི་དང། ་པའི་དབང་པོའོ། །གང་ཐག་རིང་བ་དང་ཉེ་བའི་འདུ་ཤེས་དང་བྲལ་བས་ཆོས་ཐམས་ཅད་ལ་སེམས་གཏོང་བར་མི་བྱེད་པ་འདི་ནི་བརྩོན་འགྲུས་ཀྱི་དབང་པོའོ། །གང་ཆོས་ཐམས་ཅད་ཡིད་ལ་མི་བྱེད་ཅིང་དམིགས་པའི་དབང་དུ་བྱས་ནས་?་?་? ་འདི་ནི་དྲན་པའི་དབང་པོའོ། །གང་ཚེས་ཐམས་ཅད་ཉེ་བར་མི་སོགས་ཤིང། ཆོས་ཐམས་ཅད་ཉེ་བར་མ་དམིགས་པ་འདི་ནི་ཏིང་ངེ་འཛིན་གྱི་དབང་པོའོ། །གང་ཆོས་ཐམས་ཅད་སྐྱེད་པ་དང་བྲལ་བ་དང། ཆོས་ཐམས་ཅད་སྐྱེ་བ་དང་བྲལ་བ་དང། ཆོས་ཐམས་ཅད་རང ་བཞིན་གྱིས་སྟོང་པར་མཐོང་བ་འདི་ནི་ཤེས་རབ་ཀྱི་དབང་པོའོ། །བསམ་གཏན་བཞི་པོ་དག་གི་རྟ་བབས་དང། ཞེས་བྱ་བ་ནི་གང་དུ་བསམ་གཏན་བཞི་པོ་ཉིད་རྟ་བབས་བཞི་རུ་གྱུར་བ་སྟེ། རྟ་བབས་ནི་གཞལ་ཡས་ཁང་གི་ཕྱི་རོལ་ན་ཀ་བའི་སྒོ་ཡོད་པའོ། །དེ་ལ ་བསམ་གཏན་བཞིའི་འབྲས་བུ་ནི་རྟ་བབས་བཞི་ཡིན་ཏེ། འདོད་པའི་ཉེས་དམིགས་མཐོང་སྟེ། སྐྱེ་བས་འདོད་པའི་བདེ་བའི་འདོད་ཆགས་དང་བྲལ་བ་ལ་རྩེ་གཅིག་པའི་རང་བཞིན་ཅན་ནི་དང་པོའོ། །མ་བརྟགས་པ་ཉིད་འདོད་པའི་འདོད་ཆགས་དང་བྲལ་བའི ་ཡོན་ཏན་ལ་དམིགས་པའི་སེམས་རྩེ་གཅིག་པ་ཉིད་ལ་དམིགས་པ་ནི་གཉིས་པའོ། །སེམས་དག་པའི་འདོད་ཆགས་དང་བྲལ་བ་ནི་གསུམ་པའོ། །དབུགས་རྡུབ་པ་དང། དབུགས་འབྱུང་བ་དང། ལུས་ཀྱི་བདེ་བའི་འདོད་ཆགས་དང་བྲལ་བ་ནི་བསམ་གཏན ་བཞི་པའོ། །དེ་ཡང་རྟོག་པ་དང་དཔྱོད་པ་དང་བཅས་པའི་གཡོ་བའི་རླབས་དང་ལྡན་པ་ནི་དང་པོའོ། །དགའ་བ་དང་བདེ་བ་ནི་གཉིས་པའོ། །བདེ་བ་ལ་ཉམས་པའི་འཇིགས་པས་ཉམ་ཐག་པ་ནི་གསུམ་པའོ། །རོ་གཅིག་པ་ཉིད་དུ་གྱུར་པ་འདི་ནི་བཞི་བའོ་ཞེས ་ཇི་སྐད་བཤད་པ་ལྟ་བུའོ། །ཏིང་ངེ་འཛིན་ཁ་ཁྱེར་གྱིས་ནི་ཀུན་ནས་བསྐོར་ཅེས་བྱ་བ་ནི་ཏིང་ངེ་འཛིན་རྣམས་ཉིད་ནི་ཁ་ཁྱེར་ཡིན་ཏེ། དེ་རྣམས་ཀུན་ནས་བསྐོར་ཅིང་ཡོངས་སུ་ཆོད་པ་སྟེ། ཕྱོགས་བཞི་ཀུན་ནས་བསྐོར་བའོ། །དེ་ལ་སེམས་དང་སེམས་ལས་བྱུང ་པ་འདི་ལ་མཉམ་པར་བྱས་ནས་ཏིང་ངེ་འཛིན་ཏེ། སེམས་ཀྱི་རྩེ་གཅིག་པའོ། །ཁ་ཁྱེར་ནི་རྩིག་པའི་ཕྱི་རོལ་དུ་ངོས་ཀྱི་སྟེགས་བུའི་ཚུལ། །ཏིང་ངེ་འཛིན་དཔའ་བར་འགྲོ་བ་དང། ནམ་མཁའ་མཛོད་དང། དྲི་མ་མེད་པ་དང། སེངྒེ་རྣམ་པར ་རོལ་པ་ལ་སོགས་པ་སྔར་བྱང་ཆུབ་སེམས་དཔའ་ཨི་གནས་སྐབས་སུ་བསྒོམས་པར་གྱུར་བ་དེའི་འབྲས་བུ་ནི་ཁ་ཁྱེར་རྣམས་ཡིན་ནོ་ཞེས་བྱ་བའི་དོན་ཏོ། །ཁ་ཁྱེར་དེར་ལེགས་བརྟེན་པ་ཞེས་བྱ་བ་ལ་སོགས་པ་ལ། ཁ་ཁྱེར་དེར་ཞེས་བྱ་བ་ནི་ཁ་ཁྱེར་བཞི ་པོ་དེ་རྣམས་སུ་ལེགས་པར་བརྟེན་ཅིང་གནས་པའི་མཆོད་པ་དམ་པ་འཛིན་པའི་གཟུངས་ཀྱི་ཚོགས་གང་ཡིན་པའི་གཟུངས་ནི་དོན་དང་གཞུང་དང། ངེས་པའི་ཚིག་དང། ཐམས་ཅད་དེ་ཀུན་ནས་ཉོན་མོངས་པ་དང། རྣམ་པར་བྱང་བ་ལ་སོགས་པའི ་རང་གི་ངོ་བོ་ཉིད་འཛིན་ཅིང་མི་བརྗེད་པའི་ལས་ཅན་གྱི་སེམས་ལ་བཟླས་བའི་ཁྱད་པར་རོ། །དེ་དག་ཉིད་ནི་མཆོད་པ་འཛིན་པར་དཀྱིལ་འཁོར་དུ་བསམ་པར་བྱ་སྟེ། གླུ་དང་རོལ་མོ་དང་གར་དང། བསྟོད་པ་སྨྲ་བ་ལ་སོགས་པ་དང། མེ་ཏོག་དང། ་བདུག་སྤོས་དང། དྲི་དང། མར་མེ་དང། ལྷ་བཤོས་ལ་སོགས་པ་ལ་ལོངས་སྤྱོད་པའི་ཁྱད་པར་ཐམས་ཅད་འཛིན་ཅིང། སྒེག་པ་སྣ་ཚོགས་དང་ལྡན་པའི་རྣམ་པ་དང་བཅས་ཤིང་ཞལ་དང་ཕྱག་དང་ཕྱག་མཚན་དང་ལྡན་པར་བསམ་པར་བྱའོ།། ་གཟུངས་ཀྱི་སྒྲ་སྤྲོས་པས་ཕ་རོལ་ཏུ་ཕྱིན་བ་བཅུ་དང། ས་བཅུ་དང། དབང་བཅུ་རྣམས་ཀྱང་ཤུགས་ཀྱིས་སྦྱར་བར་བྱ་སྟེ། དཀྱིལ་འཁོར་གྱི་ཆོ་ག་ལས་ཤར་ཕྱོགས་སུ་ནི་ས་རྣམས་བྲི། དེ་བཞིན་ལྷོར་ནི་རབ་འབར་བའི། ཕ་རོལ་ཕྱིན་པ་ཐམས་ཅད ་སྲིད?་ནུབ་ཏུ་?་རྣམས་བཅུ་པོ་སྟེ། །བྱང་དུ་གཟུངས་ནི་ཐམས་ཅད་དྲི་ཞེས། བཤད་པ་ཡིན་ནོ། །སྣ་ཚོགས་རྒྱན་རྣམས་ཞེས་བྱ་བ་ལ་སོགས་པ་ལ། སྣ་ཚོགས་རྒྱན་རྣམས་ཀུན་ནི་མུ་ཏིག་གི་ཆུན་འཕྱང་དང། ནོར་བུས་སྤྲས་པའི་གདུ་བུ་དང། ་དཔུང་རྒྱན་རྣམས་ཀྱིས་སྣ་ཚོགས་ཤིང་ངོ་མཚར་སྐྱེད་པར་བྱེད་པའོ། །དེ་ཅིའི་ཕྱིར་ཞེ་ན། གང་ཕྱིར་འགྲོ་བའི་བསམ་ཀུན་རྫོགས་མཛད་པ། ཞེས་བྱ་བ་སྨོས་ཏེ། གང་གི་ཕྱིར་སྦྱིན་པ་དང། སྙན་པར་སྨྲ་བ་དང། དོན་མཐུན་པ་དང། དོན་སྤྱོད་པ་སྟེ་བསྡུ ་པའི་དངོས་པོ་བཞི་པོ་སྔོན་ཆང་མཛད་པར་གྱུར་པ་དེའི་འབྲས་བུ་ནི་གཞལ་ཡས་ཁང་རྒྱན་རྣམ་པ་སྣ་ཚོགས་པ་ཐམས་ཅད་ཀྱིས་བརྒྱན་པ་ཡིན་ནོ། །དེ་ལ་སྦྱིན་པ་ནི་རྣམ་པ་གསུམ་སྟེ། སྦྱིན་པ་དང། སྦྱིན་པ་ཆེན་པོ་དང། ཤིན་ཏུ་སྦྱིན་པའོ། །དེ་ལ ་ཟས་དང། སྐོམ་དང་བཞོན་པ་དང་གོས་ལ་སོགས་པ་གཏོང་བ་ནི་སྦྱིན་པའོ། །ཆུང་མ་དང། བུ་དང་བུ་མོ་དང། བྲན་ཕོ་དང་བྲན་མོ་དང། ཁང་ཁྱིམ་དང། རྒྱལ་སྲིད་ཡོངས་སུ་གཏོང་བ་ནི་ཤིན་ཏུ་སྦྱིན་པའོ། །ཤ་དང་ཁྲག་དང་མགོ་དང། མིག་དང ་ལུས་དང། ལུས་ཀྱི་ཕྱེད་དང། སྤྱི་གཙུག་ལ་སོགས་པ་གཏོང་བ་ནི་སྦྱིན་པ་ཆེན་པོའོ། །སློང་བ་རྣམས་དང་ཆོས་ཉན་བ་རྣམས་ལ་རྣར་སྙན་པའི་ཚིག་སྨྲ་བ་ནི་ཚིག་སྙན་པར་སྨྲའོ། །བདག་ལ་ཇི་ལྟ་བ་བཞིན་དུ་གཞན་རྣམས་ཀྱིས་མངོན་པར་རྫོགས་པར ་བྱེད་པ་ནི་དོན་མཐུན་པའོ། །ཐེག་པ་གང་ལ་བདག་ཡོན་ཏན་གྱི་འདུ་ཤེས་སུ་གྱུར་པ་དེ་ཉིད་ལ་གཞན་དག་རབ་ཏུ་འཇོག་པར་བྱེད་པ་འདི་ནི་དོན་སྤྱོད་པའོ། །རླུང་གི་བསྐྱོད་པ་ཞེས་བྱ་བ་ལ་སོགས་པ་ལ་འདུལ་བ་ཞེས་བྱ་བའི་བསྟན་བཅོས་ཀྱིས ་གང་བསྐྱེད་ཅིང་ཁྱབ་པར་གྱུར་པའི་བཅོམ་ལྡན་འདས་ཀྱིས་གསུང་རབ་ཡན་ལག་དགུ་དང་ལྡན་པས་དམ་པའི་ཆོས་ཀྱི་བསྟན་བཅོས་ཐམས་ཅད་ལ་ཁྱབ་པར་བྱེད་པ་གང་ཡིན་པ་དེ། འདུལ་བ་སྨོས་པས་ཆོས་མངོན་པ་ཡང་བསྡུ་སྟེ། མདོ ་དང?་དབྱངས་ཀྱིས་བསྙད་བ་དང། ལུང་བསྟན་པ་དང། ཚིགས་སུ་བཅད་པ་དང། ཆེད་དུ་བརྗོད་པ་དང། དེ་ལྟ་བུ་བྱུང་བ་དང། སྐྱེས་བའི་རབས་དང། ཤིན་ཏུ་རྒྱས་པ་དང། མང་དུ་བྱུང་བ་ཞེས་བྱ་བ་ནི་བཅོམ་ལྡན་འདས་ཀྱི་གསུང་རབ་ཡིན་ལ། དེ་ལས་མདོ་ཙམ ་ཏུ་སྟོན་པས་མདོའི་སྡེ་སྟེ། གསུང་རབ་མ་ལུས་པར་མདོར་སྟོན་པའོ། །ཡང་ན་སྐལ་བ་ཇི་ལྟ་བར་སྐྱེས་བུའི་དོན་སྟོན་པས་ན་མདོའི་སྡེའོ། །དབྱངས་ཀྱིས་བསྙད་པ་ནི་གསུང་དབྱངས་ཡན་ལག་དྲུག་ཅུ་དང་ཡང་དག་པར་ལྡན་པའོ། ། ་བསྟོད་པ་སྨྲ་བ་དང། ཆོས་སྟོན་པ་ལ་སོགས་པར་འདིས་ལུང་སྟོན་པས་ན་ལུང་སྟོན་པ་སྟེ། ལས་ཀྱི་ཁྱད་པར་གཟིགས་པས་མ་འོངས་པའི་ཆ་ཉེ་པར་སྟོན་པར་མཛད་པས་སོ། །ཚིགས་སུ་བཅད་པ་ནི་ཚིགས་སུ་བཅད་པར་སྦྱར་རོ། །ཆེད་དུ་བརྗོད་པ་ནི་སྔོན་མ་བྱུང ་བའི་ཡང་དག་པའི་དོན་བཟང་པོ་ཐོབ་པས་ཡོངས་སུ་མགུ་སྟེ། ཨེ་མའོ་སངས་རྒྱས་ཞེས་བྱ་བ་ལ་སོགས་པ་ཉེ་བར་སྨྲ་ཞིང་ལེགས་སོ་ཞེས་བྱ་བ་བྱོན་ཏོ། །དེ་ལྟ་བུ་བྱུང་བ་ནི་སངས་རྒྱས་ནས་འདས་པའི་སྐྱེ་བ་གཞན་དག་སྟོན་པར་མཛད་པའོ། །སྐྱེས་པའི་རབས་ནི ་སངས་རྒྱས་ཀྱི་འདས་པ་ལ་སོགས་པའི་སྐུ་ཚེ་བླངས་པ་སྟོན་པར་མཛད་པའོ། །ཤིན་ཏུ་རྒྱས་པ་ནི་དངོས་པོ་གཅིག་དབྱེ་བ་ཚད་མེད་པས་ཉེ་བར་སྟོན་པར་མཛད་པའོ། །རྨད་དུ་བྱུང་བ་ནི་ལས་ཆུང་ངུ་ནི?་ཡང་ལས་ཀྱི་རྣམ་པར་སྨིན་པ་ཚད་མེད་པ་ཉེ་བར་སྟོན་པར ་མཛད་པའོ། །དེ་ལྟ་བུ་ནི་དམ་པ་རྣམས་ཀྱི་ཆོས་ཡིན་པས་ན་དམ་པའི་ཆོས་ཏེ། མཁས་པས་ཤེས་པར་བྱ་བ་ཡིན་པའི་ཕྱིར་རོ། །དམ་པའི་ཆོས་དེ་ནི་ཀུན་ཏུ་འགྲོ་བ་ཞེས་བྱ་སྟེ། ཚུལ་གསུམ་ལ་ཁྱབ་བའོ། །དེ་ཡང་གང་གིས་ཕྱིར་སེམས་ཅན་ཐམས་ཅད་ལ ་ཡན་ལག་དགུ་དང་འདྲེས་པའི་དམ་པའི་ཆོས་ཀྱི་གསུང་རབ་སྟོན་པར་མཛད་པ་ཡིན་ལ། རྒྱུ་དེས་ན་རླུང་གིས་བསྐྱོད་པ་ཞེས་བྱ་བ་རླུང་གིས་བསྐྱོད་ཅིང་གཡོ་བར་བྱས་པའི་བ་དང་གྱི་མཚན་མའི་ཕྲེང་བ་དང། དེའི་དྲིལ་བུ་དེ་གཡེར་ཁ་དེ་ལས་བྱུང་བའི་སྒྲ ་སྒྲོགས་ཤིང། སྒྲ་སྒྲག་པ་དང་ལྡན་པའི་གཞལ་ཡས་ཁང་ཞེས་བྱ་བའི་བར་དུའོ། །མེ་ལོང་ཞེས་བྱ་བ་ལ་སོགས་པ་ལ་མེ་ལོང་ཉིད་ནི་མེ་ལོང་ཡིན་ཏེ། མ་རིག་པ་ཀུན་ཏུ་སྤྱོད་པར་བྱེད་ཅིང་ཆོས་ཐམས་ཅད་མངོན་པར་རྟོགས་པ་ནི་ཡི་ཤེས་སོ། །རང ་བཞིན་གྱིས་འོད་གསལ་བར་གྱུར་བས་དྲི་མས་གོས་པ་མེད་པའི་ཕྱིར། རྟག་ཏུ་དྲི་མ་མེད་པའོ། །བྱང་ཆུབ་ཀྱི་ཡན་ལག་ཉིད་མེ་ཏོག་ཡིན་ཏེ། བྱང་ཆུབ་སེམས་དཔའ་ཨི་གནས་སྐབས་སུ་བྱང་ཆུབ་ཀྱི་ཡན་ལག་བདུན་བསྒོམས་པ་གང་ཡིན་པ་དེ་ཉིད་ཤིན་ཏུ་ཕུལ་དུ་བྱུང་བའི ་དྲི་དང་ལྡན་པའི་མེ་ཏོག་རྣམས་ཡིན་ནོ་ཞེས་བྱ་བའི་དོན་ཏོ། །དེ་ལ་བྱང་ཆུབ་ཀྱི་ཡན་ལག་བདུན་ནི་དྲན་པ་གང་གིས་ཆོས་ཐམས་ཅད་རྣམ་པར་དཔྱད་ནས་ཆོས་ཐམས་ཅད་ནི་རང་གི་མཚན་ཉིད་ཀྱིས་སྟོང་པའོ་ཞེས་བྱ་བ་འདི་ནི་དྲན་པ་ཡང་དག་བྱང་ཆུབ་ཀྱི་ཡན ་ལག་གོ་།ཆོས་ཀྱི་ཕུང་པོ་བརྒྱད་ཁྲི་བཞི་སྟོང་རབ་ཏུ་རྣམ་པར་འབྱེད་པའི་ཡེ་ཤེས་ཀྱིས་དེ་ཇི་ལྟ་བ་བཞིན་དུ་རྣམ་པར་སྤྱོད་ཅིང་བཀྲི་བའི་དོན་དང། ངེས་པའི་དོན་དང། ཀུན་རྫོབ་དང། དོན་དམ་པ་དང། བརྡ་དང། རྣམ་པར་ངེས་པའི་དོན་འདི་ནི་ཆོས་རབ་ཏུ་རྣམ ་པར་འབྱེད་པ་བྱང་ཆུབ་ཀྱི་ཡན་ལག་ཅེས་བྱའོ། །དྲན་པ་གང་ལ་ཆོས་རབ་ཏུ་རྣམ་པར་འབྱེད་པ་འདིའི་དགའ་བ་དང། ཤིན་ཏུ་སྦྱངས་པའི་ཏིང་ངེ་འཛིན་དང། བཏང་སྙོམས་ཀྱི་ཤེས་པས་མངོན་པར་ཞེན་པ་འདི་ནི་བརྩོན་འགྲུས་ཡང་དག་བྱང་ཆུབ་ཀྱི་ཡན་ལག ་ཅེས་བྱའོ། །ཆོས་ཀྱི་དགའ་བའི་སེམས་མ་ཞུམ་ཞིང་རབ་ཏུ་དང་བ་དང། མངོན་པར་འདོད་པ་དང། གང་གིས་ཉོན་མོངས་པ་ཉེ་བར་ཞི་བར་བྱེད་པ་འདི་ནི་དགའ་བ་ཡང་དག་བྱང་ཆུབ་ཀྱི་ཡན་ལག་ཅེས་བྱའོ། །རབ་ཏུ་སྦྱངས་པའི་སེམས་གང་གིས་ཉོན ་མོངས་པ་?་སྒྲིབ་པ་དང་བྲལ་ལ། ཞི་གནས་ལ་འཇུག་པ་ལ་དམིགས་པའི་སེམས་ཉེ་བར་འཇོག་པ་འདི་ནི་ཤིན་ཏུ་སྦྱངས་པ་ཡང་དག་བྱང་ཆུབ་ཀྱི་ཡན་ལག་ཅེས་བྱ། གང་མཉམ་བར་བཞག་པའི་སེམས་ཀྱི་ཆོས་ཀྱི་ཡེ་ཤེས་མངོན་པར ་སངས་རྒྱས་?་ཆོས?་ཐམས་ཅད་མཉམ་པ་ཉིད་ཀྱིས་ཇི་ལྟ་བ་བཞིན་དུ་ལྷག་པར་མོས་པ་འདི་ནི་ཏིང་ངེ་འཛིན་ཡང་དག་བྱང་ཆུབ་ཀྱི་ཡན་ལག་ཅེས་བྱའོ། །གང་འདི་ཡིད་བདེ་བས་ཆོས་གང་ལ་སེམས་མངོན་པར་མ་ཞེན་ཅིང་འཇིག་རྟེན་གྱི་ཆོས་ཀྱིས ་མི་འཕྲོགས་པ་དང་མི་གནོད་པ་འདི་མི་བཏང་སྙོམས་ཡང་དག་བྱང་ཆུབ་ཀྱི་ཡན་ལག་ཅེས་བྱའོ། །བྱང་ཆུབ་ཀྱི་ཡན་ལག་འདི་རྣམས་རྒྱུར་གྱུར་བའི་ཡོན་ཏན་གང་གི་?་དེའི་འབྲས་བུ་ནི་མེ་ཏོག་ཕུན་སུམ་ཚོགས་པ་ཡིན་ལ། དེས་དྲ ་བ་དང་དྲ་བ་ཕྱེད་པ་ཞེས་བྱ་བ་མུ་ཏིག་གི་ཆུན་འཕྱང་དབུས་ན་ནོར་བུས་མཛེས་པ་ལ་ན་དྲི་བ་ཞེས་བྱ་ལ། དབུས་ན་བརྒྱན་པ་མེད་པ་ལ་ནི་དྲ་པ་བྱེད་པ་ཞེས་བྱའོ། །མེ་ལོང་ན་མེ་ལོང་ཉིད་དོ། །མེ་ཏོག་གི་ཕྲེང་བ་ནི་མནད་ར་བ་དང། ཨུཏཔ་ལ་དང། མ་ལི་ཀ་དང། ཀྲ ་ཏི་དང། བ་ཀུ་ལ་ལ་སོགས་པ་ལས་རྒྱན་དུ་བྱས་པ་སྟེ། དེ་སྒོ་ཁྱུང་དང། སྒོ་འགྲམ་གྱི་ངོས་དང་འབྲེལ་པར་གནས་པའོ། །དེས་སྣ་ཚོགས་པའི་ངོ་མཚར་བསྐྱེད་པའོ། །དེ་ཉིད་ཀྱིས་ན་མཉམ་མེད་པ་སྟེ། གཞན་དང་ཐུན་མོང་མ་ཡིན་པའོ། རྣམ་པར་ཐར་པ ་བརྒྱད་པོ་ཞེས་བྱ་བ་ནི་གཟུགས་ཅན་གཟུགས་རྣམས་ལྟ་བ་འདི་ནི་རྣམ་པར་ཐར་པ་དང་པོའོ། །ནང་གཟུགས་མེད་པར་འདུ་ཤེས་པས་ཕྱི་རོལ་གྱི་གཟུགས་རྣམས་ལ་ལྟ་བ་འདི་ནི་རྣམ་པར་ཐར་པ་གཉིས་པའོ། །སྡུག་བ་ཉིད་དུ་མོས་ལ་འདི་ནི་རྣམ་པར ་ཐར་པ་གསུམ་པའོ། །དེ་གཟུགས་ནི་ཐོགས་པ་དང་བཅས་པའོ་སྙམ་ནས་གཟུགས་ཀྱི་འདུ་ཤེས་ལས་ཡང་དག་པར་འདས་ཏེ་ནམ་མཁའ་མཛའ་ཡས་སོ་སྙམ་པ་འདི་ན་རྣམ་པར་ཐར་པ་བཞི་པའོ། །ནམ་མཁའ་མཛའ་ཡས་སོ་སྙམ་པ་ཞེས་བྱ་བའི་ནམ་མཁའ་ཨི་འདུ ་ཤེས་ལས་ཡང་དག་པར་འདས་ཏེ་རྣམ་པར་ཤེས་པ་མཛའ་ཡས་སོ་སྙམ་པ་འདི་ནི་རྣམ་པར་ཐར་པ་ལྔ་པའོ། །རྣམ་ཤེས་མཛའ་ཡས་སྐྱེ་མཆེད་ལས་ཡང་དག་པར་འདས་ཏེ་ཅི་ཡང་མེད་པའི་སྐྱེ་མཆེད་བསྒྲུབས་ཏེ་གནས་པ་འདི་ནི་རྣམ་པར་ཐར་པ་དྲུག་པོར ་ཅི་ཡང་མེད་པའི་སྐྱེ་མཆེད་ལས་ཡང་དག་པར་འདས?་ཏེ། འདུ་ཤེས་མེད་འདུ་ཤེས་མེད་མིན་བསྒྲུབས་ཏེ་གནས་པ་འདི་ནི་རྣམ་པར་ཐར་པ་འདུན་པའོ། །འདུ་ཤེས་མེད་འདུ་ཤེས་མེད་མིན་གྱི་སྐྱེ་མཆེད་ལས་ཡང་དག་པར་འདས་ཏེ་འདུ་ཤེས་དང་ཚོར་བ ་འགོག་པ་བསྒྲུབས་ཏེ་གནས་པ་འདི་ནི་རྣམ་པར་ཐར་པ་བརྒྱད་པའོ། །འདི་རྣམས་ཀྱི་རྣམ་པར་དག་པ་སྟེ། དོན་དམ་པའི་ངོ་བོ་ཉིད་ནི་དེའི་འབྲས་བུ་གཞལ་ཡས་ཁང་གི་དབུས་ན་རྣམ་པར་སྣང་མཛད་པ་ལ་སོགས་པའི་གནས་སུ་ཀ་བ་བཟང་པོ་བརྒྱད་ཀྱིས་ཉེ་བར ་མཛེས་པར་བྱས་པ་ཡིན་ནོ། །རྡོ་རྗེའི་ཚུལ་ཞེས་བྱ་བ་ལ་སོགས་པ་ལ་མི་མཐུན་པའི་ཕྱོགས་མ་ལུས་བརྩ་བ་ནས་འབྱིན་བས་རྡོ་རྗེའི་ཚལ་ཏེ། ཐེག་པ་ཆེན་པོའི་ཆོས་ཀྱི་འཁོར་ལོ་ན་སེམས་ཅན་གྱི་བསམ་པའི་དབང་གིས་ཕ་རོལ་ཏུ་ཕྱིན་པ་དང། སྔགས ་གྱི་ཚུལ་གྱི་དབྱེ་བས་རྣམ་པ་གཉིས་སུ་ཆོས་སུ་སྟོན་པར་མཛད་པའོ། །དེ་རབ་ཏུ་བསྐོར་བ་མཛད་ཅིང་ཡང་དག་པར་སྟོན་པར་མཛད་པས་རྡོ་རྗེ་ཐིག་གིས་ཀུན་ནས་ཡོངས་སུ་བསྐོར་བ་ཡིན་ཏེ། རྡོ་རྗེའི་ཕྲེང་བས་ཀུན་ནས་ཡོངས་སུ་བཅད་ཅིང། རྡོ་རྗེའི་རྭ་བའི་འོབས་ཀྱིས ་ཡོངས་སུ་བསྐོར་བ་ཞེས་བྱ་བའི་དོན་ཏོ། །གཟུགས་སོགས་ཞེས་བྱ་བ་ལ་སོགས་པ་ལ། གཟུགས་ལ་སོགས་པ་སྟེ། གཟུགས་དང། སྒྲ་དང། དྲི་དང། རོ་དང། རེག་བྱའི་རྣམ་པར་དག་པ་གང་ཡིན་པ་ཆོས་ཐམས་ཅད་སྒྱུ་མ་དང་འདྲ་ཞིང་གཉིས་སུ་མེད་པར ་བསྒོམ་པ་དེ་རྒྱུར་གྱུར་པས་བླ་ན་མེད་པ་སྟེ། འཇིག་རྟེན་ཐམས་ཅད་ལས་ཡང་དག་པར་འདས་པའི་འདོད་པའི་ཡོན་ཏན་ལྔ་པོ་གང་དུ་འོག་ནས་ལྷ་རྣམས་ཀྱི་ཉེ་བར་ལོངས་སྤྱོད་པའི་ངོ་བོ་ཉིད་དུ་གྱུར་པ་ཡིན་ནོ། །མཆོད་པ་ལྔ་ཡིས་ཞེས་བྱ་བ་ལ ་མཆོད་པ་ལྔ་ནི་མེ་ཏོག་དང། བདག་སྤོས་དང། དྲི་དང། མར་མེ་དང། ལྷ་བཤོས་ཏེ། དེས་རྣམ་པར་བརྒྱན་པ་ནི་སྤུང་བའོ། །དེ་ཅིའི་ཕྱིར་ཞེ་ན། གང་གི་ཕྱིར་ཆོས་ཀྱི་དབྱིངས་རྣམ་པར་དག་པའི་རྒྱུ་མཐུན་ཡིན་ཞེས་བྱ་བ་སྟེ། རྒྱུ་མཐུན་པ་ནི་རྒྱུ་དང་འབའ་ཨོ། །ཞེས་བྱ ་བའི་གཏན་ཚིགས་ཀྱིས་ནི་ཆོས་ཀྱི་དབྱིངས་ཀྱི་སྒྲས་སྟོན་པས་བདུད་རྩི་ལྔ་ཡིན་ཞེས་ལ་ལ་ཟེར་རོ། །སྣ་ཚོགས་ཞེས་བྱ་བ་ལ་སོགས་པ་ལ་སྣ་ཚོགས་པདྨ་ནི་ནག་པོ་དང། དཀར་པོ་དང། སེར་པོ་དང། དམར་པོ་དང། ལྗང་གུའི་མདོག་ཅན་ནོ། ། ་དེའི་འདབ་མ་ནི་པདྨའི་འདབ་མ་སྟེ། དེ་རྣམས་ལ་ལེགས་པར་གནས་པའི་ཉི་མ་དང་ཟླ་བ་དེས་མགོན་དང། བཅས་ཤིང་བྱིན་གྱིས་བརླབས་ལ། མནན་པའི་འོག་ནས་བཤད་པའི་ལྷའི་གནས་རྣམས་གང་ཡིན་པ་དེར་རིན་པོ ་ཆེ་ནི་མ་ལུས་པ་སྟེ། མརྒད་དང། ཨིནྡྲ་ནཱི་ལ་དང། པདྨ་རཱ་ག་དང། བཻཌཱུརྱ་དང། མུ་ས་ལ་གར་པ་ཞེས་བྱ་བ་དེ་རྣམས་ཀྱིས་རྣམ་པར་སྤྲས་པ་ནི་དེའི་རང་བཞིན་ཅན་དུ་བྱས་པ་ཞེས་བྱ་བའི་བར་དུའོ། །འདི་ནི་འདུ་བྱེད་རྣམ་པར་དག་པའོ། །ཆོས་འབྱུང་བའི ་ཕྱག་རྒྱ་བསྒོམ་པ་ལ་སོགས་པའི་འབྲལ་པས་ནི། ནམ་མཁའ་ཨི་རྣམ་པར་དག་པ་དང། གཞལ་ཡས་ཁང་བསྒོམ་པས་ནི་བྱ་བ་དང། སྤྱོད་པ་དང། ཡོངས་སུ་ལོངས་སྤྱོད་པ་ཐམས་ཅད་རྣམ་པར་དག་པ་ཡིན་པར་བལྟ་བར་བྱའོ། །ད་ནི་མངོན་པར་བྱང་ཆུབ ་བ། ལྔའི་རིམ་གྱིས་བཅོམ་ལྡན་འདས་རྡོ་རྗེ་སེམས་དཔའ་བསྐྱེད་པ་གསུངས་པ་ནི། བཅུ་དྲུག་ཆ་ཞེས་བྱ་བ་ལ་སོགས་པ་ཡིན་ཏེ། བཅུ་དྲུག་ཆ་ནི་ཨ་ལ་སོགས་པ་སྟེ། ཆ་བཅུ་དྲུག་པོ་ནི་སྟོང་པ་ཉིད་སྟོན་པར་བྱེད་པ་ཡིན་ནོ། །དེའི་ཚོགས་ནི་ཕུང་པོ་སྟེ། དེ ་ལས་བྱུང་བའི་ཟླ་བའི་དཀྱིལ་འཁོར་ཡོངས་སུ་རྫོགས་པ་དབུས་ཉིད་ཅེས་པ་དབུས་མའི་གདན་དུའོ། །དེ་ཡང་འོད་ཟེར་དཔག་ཏུ་མེད་པའི་ཚོགས་ཀྱིས་ཉེ་བར་བརྒྱན་པ་དབུས་མའི་གདན་ལ་བཞེངས་པ་དབུས་ཀྱི་ཟླ་བར་བསམ་པར་བྱའོ། །ཆོ་ག ་བཞིན་དུ་ཞེས་པ་ནི་སློབ་དཔོན་གཅིག་ནས་གཅིག་ཏུ་བརྒྱུད་པའི་མན་ངག་ལས་བཤད་པར་བྱ་སྟེ། བཅུ་དྲུག་ཆ་དང་ཚོགས་ལས་འབྱུང་བ་ནི་དབྱངས་ཀྱི་ཡི་གེ་བཅུ་དྲུག་སྟེ། དེ་ཉིད་འགྱུར་དུ་བྱས་པ་སྐྱེས་བུ་ཆེན་པོའི་མཚན་སུམ ་ཅུ་རྩ་གཉིས་ཡིན་པར་བསྟན་ཏོ། །ཡི་གེ་ཀ་ནས་ཡི་གེ་ཧའི་བར་དུ་སུམ་ཅུ་རྩ་གསུམ་ཡི་པཾ་ལཾ་ཞེས་བྱ་བ་སྣ་མེད་ཀྱི་ཡི་གེ་གསུམ་དང་བཅས་པ་དང། གཅོད་ཀྱི་ཐིག་ལེ་གཉིས་པོ་ཅན་ཨ་ཞེས་བྱ་བ་དང། རྗེས་སུ་ཡི་གེ་ཨཾ་དང། ཐྐཾ་ཞེས་བྱ་བ ་ལྕེ་རྩ་ཅན་དང་ཝ་ཞེས་བྱ་བ་ཨུ་པདྨ་སྟེ། དེ་ལྟར་བཞི་བཅུ་པོ་ཉིས་འགྱུར་དུ་བྱས་པ་ནི་དཔེ་བྱད་བཟང་པོ་བརྒྱད་ཅུར་ཡོངས་སུ་བརྟག་པར་བྱའོ། །འདི་དག་ཐམས་ཅད་ནི་མར་མེ་མཛད་བཟང་པོའི་ཞལ་སྔ་ནས་ཀྱིས། དབྱངས་ཡིག་མཚན་དང་ཡང་དག་ལྡན ་ཀ་སོགས་གསལ་བྱེད་འོད་ཟེར་ཅན། །དབུས་མའི་ཟླ་བའི་གདན་ལ་ཐུགས། །ཡེ་ཤེས་ཟླ་བ་རྣམ་པར་བསྒོམ་ཞེས་བཤད་པ་ཡིན་ནོ། །དབྱངས་ཀྱི་ཡི་གེ་བཅུ་དྲུག་ནི་མདོག་དཀར་པོ། །ོཾ་ཙིཏྟ་པྲ་ཏི་བེ་དྷཾ་ཀ་རོ་མི་ཞེས་བྱ་བའི་སྔགས་ལས་བྱུང་བ། ནང ་ན་ཀུན་ནས་ཟླུམ་པོར་ཨ་ལ་སོགས་པའི་དབྱངས་ཀྱི་ཡི་གེ་ཕྲེང་པར་བསྒོམ་པར་བྱ་བ་ནི་ཤེས་རབ་ཀྱི་ངོ་བོ་ཉིད་ཡིན་ལ། ཕྱི་རོལ་དུ་དེ་རྣམས་ལས་བྱུང་པའི་ཀ་ལ་སོགས་པའི་ཡི་གེའི་ཕྲེང་བ་ཉི་མའི་མདོག་ཅན་ཐབས་ཀྱི་ངོ་བོ་ཉིད་ཉིད་བསམ ་པར་བྱ་ཞིང་ཀ་ལ་སོགས་པའི་གསལ་བྱའི་ཡི་གེ་རེ་རེ་ལ་རང་ཉིད་བསམས་ལ། ཨོཾ་བོ་དྷི་ཙིཏྟ་ཨུཏཔ་ཏ་ཡ་མི་ཞེས་བྱ་བ་དང། དབྱངས་ཀྱི་ཡི་གེ་དང་གསལ་བྱ་ཡོངས་སུ་གྱུར་པ་ལས། ཤེས་རབ་ཐབས་ཀྱི་བདག་ཉིད་ཅན་གྱི་ཟླ་བའི་དཀྱིལ་འཁོར་དེ་རྣམ ་པར་བསྒོམ་པར་བྱའོ། །ཆོ་ག་བཞིན་དུ་ཞེས་བྱ་བའི་སྒྲ་སྨོས་པ་ལས་འདི་དག་རྙེད་པར་ག་ལ་འགྱུར་ཞེས་འདིར་རོགས་པའི་གནས་སུ་མི་བྱ་སྟེ། ཅིའི་ཕྱིར་ཞེ་ན། དེར་རྒྱ་ཆེར་བཤད་པ་བྱེད་པ་དག་གིས་འདི་ལྟར་བྲིས་པ་དང། དེ་བཞིན་དུ་དཔལ ་སངས་རྒྱས་ཐམས་ཅད་དང་མཉམ་པར་སྦྱོར་བ་ལས། ཨཱ་ལི་ཀཱ་ལི་མཉམ་བྱས་ནས། །ཁ་ཡི་ཐད་ཀར་འདུད་བར་བྱ། །དེ་ཡི་འོག་དང་རི་མོ་རྣམས། །ཡི་གེ་ཐམས་ཅད་དགོད་པར་བྱ་ཞེས་གསུངས་པ་དང། དེ་བཞིན་དུ་དཔལ་དེ་ཁོ་ན་ཉིད་སྡུས ་པ་ལ་སོགས་པ་ལས་ཀྱང་འདི་ཁོ་ན་ལྟར་རྣམ་པར་བཞག་ལ། འདིར་ཡང་བླ་མ་རྣམས་ཚད་མ་ཉིད་ཡིན་ནོ། །དཔལ་མཆོག་དང་པོའི་ཞེས་བྱ་བ་ལ་སོགས་པ་ལ། དཔལ་མཆོག་དང་པོ་ནི་བྱང་ཆུབ་རྡོ་རྗེའོ། །དེའི་སྙིང་པོ་ན་ཧཱུཾ་ངོ། །སྔགས་དེ་ལས ་བྱུང་བ་ནི་འདིར་བྱང་ཆུབ་ཀྱི་སེམས་ཀྱི་ཟླ་བའི་དབུས་ན། རྡོ་རྗེ་བཟང་པོ་རྩེ་ལྔ་པ་རྣམ་པར་བསྒོམ་པར་བྱའོ། །ནོར་བུ་དམར་འདྲ་བ་ཞེས་བྱ་བ་ནི་སྟེང་ན་པདྨ་རཱ་གའི་མདོག་ཅན། ཡེ་ཤེས་རྣམ་པ་ལྔའི་ངོ་བོ་ཉིད་དེ། འོག་ཏུ་? ་པོ་ཉིད་དོ། །ོཾ་ཏིཥྛ་བཛྲ་ཞེས་བྱ་བའི་སྔགས་ལས་བྱུང་བའོ། །དཔག་མེད་ཞེས་བྱ་བ་ལ་སོགས་པ་ལ་འོད་ཟེར་ཀུན་ནས་འཕྲོ་བའི་འོད་ཀྱི་རྩེ་མོ་ལས་བྱུང་བའི་སངས་རྒྱས་ཀྱི་ཆོ་གས་ཀྱིས་ཕྱོགས་ཀྱི་ཚོགས་མ་ལུས་པར་ཁྱབ་པར་བསམ ་པའོ། དང་པོའི་སྙིང་པོ་ཡི་གེ་ཧཱུཾ་གིས་དབུས་སུ་མཆན་མའི་མགོན་དང་བཅས་པར་བྱས་ལ། ཨོཾ་བཛྲ་ཨཱཏྨ་ཀོཉཧཾ་ཞེས་བྱ་བའི་སྔགས་འདིས་ང་རྒྱལ་དེ་ལྡན་ཞེས་བྱ་བ་དང། མཛའ་ཡས་པའི་སྤྲུལ་བ་རྣམས་ཀྱིས་འགྲོ་བའི་མཆོག་རྣམས་ཀྱི་དོན ་བྱས་པར་གྱུར་པ་སྟེ། ཡི་གེ་ཧཱུཾ་གི་རྡོ་རྗེའི་འོད་ཟེར་གྱིས་བསྐོར་བའི་འོད་ཀྱི་རྩེ་མོ་ལས་བྱུང་བའི་སངས་རྒྱས་ཀྱི་ཚོགས་ཀྱི་འོད་ཟེར་རྣམས་ཀྱི་འགྲོ་བ་སངས་རྒྱས་ཀྱི་གཟུགས་སུ་བསྐྱེད་པར་བྱའོ། །ཐུབ་མཆོག་ཅེས་བྱ་བ་ལ་སོགས་པ་ནས། རྒྱལ ་བ་བསྐྱེད་བྱེད་ཉིད་ཀྱི་སྐུ་རུ་བསམ་ཞེས་བྱ་བར་སྦྱར་ཏེ། ཐུབ་པའི་མཆོག་ཉིད་ཀྱི་ཕྲ་རབ་ནི་རྡོ་རྗེ་ལས་བྱུང་བའི་དོན་འོད་ཟེར་གྱི་དྲ་བ་མཛའ་མ་ལས་ངེས་པར་བྱུང་བའི་སངས་རྒྱས་རྣམས་ལས་བསྒྲུབས་ཤིང། བསྐྱེད་པའི་བྱང་ཆུབ་ཀྱི་སེམས་ཟླ་བ ་རྡོ་རྗེར་ཡོངས་སུ་གྱུར་པའོ། དེ་ཉིད་ཀྱིས་ན་མཚུངས་པ་མེད་པ་སྟེ། རང་བཞིན་གྱིས་ཡོངས་སུ་དག་པའོ། །ཟླ་བ་རྒྱས་འདྲ་ཞེས་བྱ་བ་ལ་སོགས་པ་ལ། བཅོམ་ལྡན་འདས་ཀྱི་སྐུ་དང་ཞལ་དབུས་མ་ནི། ཟླ་བ་རྒྱས་པ་དང་འདྲ་བར་དཀར་བ་ཡིན་ལ་ཞལ་གཡས་པ་ནི་སྔོན་པོའོ ་ཞལ་གཡོན་པ་ནི་དམར་པོའོ། །དེ་བཞིན་དུ་སྣ་ཚོགས་པའི་རིན་པོ་ཆེའི་འོད་འབར་བའི་རྒྱན་གདུ་བུ་དང། དབུ་རྒྱན་དང་ལྡན་པའི་ཕྱག་གཉིས་ཀྱིས་སྙོམས་པར་འཇུག་པའི་ཕྱག་རྒྱ་རིག་མ་དམ་པ་སྟེ། མཱ་མ་ཀཱི་ལ་འཁྱུད་པར་མཛད་པ་དང། ་དེ་བཞིན་དུ་ཕྱག་ལྷག་མ་བཞིས་རྡོ་རྗེ་དང་རལ་གྲི་དང། པདྨ་དང། རིན་པོ་ཆེ་བསྣམས་པས་མཛེས་ཤིང་སྦྱོར་བར་གྱུར་པ་སྟེ། རང་བཞིན་གྱིས་ཡེ་ཤེས་ལྔའི་ངོ་བོ་ཉིད་དུ་འགྱུར་པས་རྡོ་རྗེ་ནི་ཡེ་ཤེས་ལྔའི་རང་བཞིན་ནོ། །རལ་གྲི་ནི་ཉོན་མོངས་པའི་ཉེས་དྲ ་ཐམས་ཅད་གཅོད་པའོ། །པདྨ་ནི་རང་བཞིན་གྱིས་འདོད་ཆགས་ལ་སོགས་པའི་ཉེས་པའི་འདམ་གྱིས་མ་གོས་པའི་ཕྱིར་རོ། །ཡིད་བཞིན་གྱི་ནོར་བུ་རིན་པོ་ཆེ་ནི་བསམ་པ་ཐམས་ཅད་རྫོགས་པ་སྟེ། འདི་ནི་འདི་དག་གི་རྣམ་པར་དག་པའོ། །ཕ་རོལ་ཏུ ་ཕྱིན་པ་དྲུག་རྣམ་པར་དག་པ་ནི་ཕྱག་དྲུག་གོ་།ཁམས་གསུམ་ཞེས་བྱ་བ་བ་སྤུའི་བུ་ག་མ་ལུས་པའི་རྩེ་ལས་བྱུང་བའི་འོད་ཟེར་གྱི་ཚོགས་ལས་སྐྱེས་པའི་སངས་རྒྱས་ཀྱི་ཚོགས་རྣམས་ཀྱིས་ཁམས་གསུམ་མ་ལུས་པ་ཁྱབ་པར་མཛད་པའོ། ། ་རྣམ་པར་ཐར་པའི་སྒོ་གསུམ་ཞེས་བྱ་བ་ནི་སྟོང་པ་ཉིད་དང་མཚན་མ་མེད་པ་དང་སྨོན་པ་མེད་པའི་རྣམ་པར་ཐར་པའི་སྒོ་གསུམ་པོའི་རྣམ་པར་དག་པ་གང་ཡིན་པ་ནི་དོན་དམ་པའི་རང་བཞིན་ཏེ། དེས་ཁ་དོག་གསུམ་གྱི་རང་བཞིན་ཅན་གྱི་ཞལ་གསུམ ་མདའ་བ་ཡིན་ལ། ཤེས་རབ་དང་ཐབས་གཉིས་སུ་མེད་པའི་ཡེ་ཤེས་ཀྱི་ཕྱག་རྒྱ་ཆེན་པོ་དང་ལྡན་པས་བུད་མེད་དང་སྐྱེས་པ་ལྟ་བུའི་བདག་ཉིད་ཅན་ནོ། །སྙིང་རྗེའི་མཆོག་ཅེས་བྱ་བ་ཐུགས་རྗེ་ཆེན་པོས་སྤྲུལ་པ་ཀུན་རྫོབ་ཀྱི་ངོ་བོ་ཉིད་དོ། །རྒྱལ་བ་ནི ་དེ་བཞིན་གཤེགས་པ་རྣམས་ཏེ། དེ་རྣམས་ཀྱི་སྐྱེད་པ་ནི་རབ་ཏུ་གྱུར་ཅིང། དཀྱིལ་འཁོར་གྱི་ལྷ་མ་ལུས་པ་སྤྲུལ་པར་བྱེད་པར་བདག་ཉིད་བསམ་ཞིང་འདི་ལྟར་རང་རྒྱལ་སྐྱེད་པར་བྱ་སྟེ། ཨོཾ་ཡ་ཐཱ་སརྦ་ཏ་ཐཱ་ག་ཏསྟ་ཐོ་ཧཾ་ཞེས་སྲིད་པ་བར་མ་ལ ་གནས་པའི་རྣལ་འབྱོར་པས་རལ་གྲི་སེམས་ཉིད་དེ་ལྟར་བསམ་པ་ཡིན་གྱི། མངོན་སུམ་དུ་བྱེད་པ་ནི་མ་ཡིན་ལ། དཔལ་རྡོ་རྗེ་སེམས་དཔའ་ཨི་རྣལ་འབྱོར་པས་ནི་སྦྱོར་བ་འདི་མངོན་སུམ་དུ་བྱའོ། །བསྒོམ་པ་འདིས་ཡབ་དང་ཡུམ་རྣམ་པར ་དག་པ་བསྟན་ཏོ། །ད་ནི་རབ་ཏུ་དགའ་བའི་བདེ་བ་ཆེན་པོ་ཉམས་སུ་མྱོང་བའི་སྤྱོད་པས་སེམས་ཅན་ཐམས་ཅད་གདོན་པར་བྱ་བའི་ཕྱིར། བཅོམ་ལྡན་འདས་དཀྱིལ་འཁོར་གྱི་འཁོར་ལོ་སྤྲུལ་པར་མཛད་པ་ཡིན་ཏེ་། ་མཆོག་ཏུ་རྗེས་ཆགས་ཞེས་བྱ་བ་ལ་སོགས་པ་ལ། མཆོག་ཀྱང་ཡིན་ལ་རྗེས་སུ་ཆགས་པ་ཡང་ཡིན་པས་ན། མཆོག་ཏུ་རྗེས་ཆགས་ཏེ། སེམས་ཅན་རྣམས་ཡོངས་སུ་སྨིན་པ་དང། གྲོལ་བར་བྱེད་པའི་མཚན་ཉིད་ཅན་གྱི་འདོད་ཆགས་ཆེན་པོ་དེ ་ཉིད་ནི་ཕུན་སུམ་ཚོགས་པ་སྟེ། བླ་ན་མེད་པའི་སྦྱོར་བའི་དེས་འདུལ་བའི་སེམས་ཅན་གྱི་ཚོགས་མ་ལུས་པ་ལ་བལྟས་ནས། རྗེས་སུ་ཆགས་ཤིང་དབང་དུ་འགྱུར་གྱི། ཆགས་པ་དང་བྲལ་བ་ནི་མ་ཡིན་ནོ། །དེ་ཡང་སངས་རྒྱས་ཀུན་གྱི་ཆགས་པ་ཡི། ། ་འདོད་ཆགས་ཡེ་ཤེས་རྙོག་པ་མེད། །ཆགས་པས་ཆགས་བྲལ་བཅོམ་ན་ནི། །དེ་ནི་བདེ་བ་ཐམས་ཅད་རྩོལ་ཞེས་གསུངས་པ་དང། རྣལ་འབྱོར་ཐམས་ཅད་བཅོམ་ལྡན་འདས། །རྡོ་རྗེ་སེམས་དཔའ་དེ་བཞིན་གཤེགས། །དེ་ཡི་ལོངས་སྤྱོད ་ཁམས་གསུམ་པ། །མ་ལུས་པ་ནི་ཐམས་ཅད་ངོ་ཞེས་གསུངས་པས་འདོད་ཆགས་ཆེན་པོས་འདུལ་བའི་འཇིག་རྟེན་པ་རྣམས་འདུལ་བར་བྱ་བའི་ཕྱིར། དགའ་བའི་སྒྱུ་མའི་སྒྲ་ཡིས་ཞེས་བྱ་བ་ལ་རོལ་པས་ན་དགའ་བ་སྟེ། རབ་ཏུ་དགའ་བ་སྟེ། ་རབ་ཏུ་དགའ་བའི་རོལ་པའོ། །དེ་ལས་བྱུང་བའི་རྡོ་རྗེ་དང་པདྨ་སྒྱུ་མ་ལྟ་བུའི་ཡང་དག་པར་སྦྱོར་བའི་ཤུགས་ལས་བྱུང་བའི་སྒྲ་ནི་བྲག་ཅ་དང་འདྲ་བ་སྟེ། དེས་ཕྱོགས་བཅུ་ན་དཔལ་རྡོ་རྗེ་སེམས་དཔའ་ཨི་སྐུ་རུ་བཞུགས་པའི་སངས་རྒྱས་ཀྱི་ཚོགས ་རྣམས་བཞུགས་པར་བྱའོ། །དེ་ནི་སྤྱན་ལ་སོགས་པའི་ཞེས་བྱ་བ་ལ་སོགས་པ་ལ། དེ་ནི་ཞེས་བྱ་བ་ནི། དགའ་བའི་སྒྲས་ཞུགས་པའི་རྒྱལ་པའི་ཚོགས་དེ་རྣམས་སྤྱན་ལ་སོགས་པའི་རིགས་གསུམ་གྱི་གཟུགས་དང་གཟུགས་རྡོ་རྗེ་ལ་སོགས་པ ་ལྷ་མོ་དྲུག་སྤྲུལ་པས་ཕྱུང་ནས། རང་གི་རིག་མ་ནི་མཱ་མ་ཀཱི་སྟེ། དེའི་ནང་དུ་ཆུང་པར་བྱའོ། །དེ་ནས་བཅོམ་ལྡན་འདས་ཀྱི་སྐུ་ལ་ཞུགས་པའི་སངས་རྒྱས་ཀྱི་ཚོགས་སྤྱན་ལ་སོགས་པ་ལྷ་མོ་དགུའི་གཟུགས་སུ་ཕྱུང་ནས་མཱ་མ་ཀི་ལུས་ལ་གཞུག་པར་བྱའོ་ཞེས་བྱ ་བའི་དོན་ཏོ། །དེའི་པདྨའི་ཞེས་བྱ་བ་ནི་གསང་བའི་པདྨའོ། །ལྟེ་བ་ནི་གསང་བའི་སྣའོ། །ནང་དུ་དཀྱིལ་འཁོར་ཞེས་བྱ་བ་ནི་རིག་པའི་གསང་བའི་པདྨའི་ལྟེ་བའི་དབུས་ན་གནས་པའི་དཀྱིལ་འཁོར་ཏེ། དེ་བཞིན་གཤེགས་པ་དང། ལྷ་མོ་དང་བྱང་ཆུབ་སེམས ་དཔའ་ཐམས་ཅད་ཀྱིས་ཡོངས་སུ་གང་པ་གཙོ་བོར་འཇམ་པའི་རྡོ་རྗེ་བཞུགས་པའོ། །ཟླ་ཟེར་ལས་བྱུང་བར་ཞེས་བྱ་བ་ནི་འོད་གསལ་བའི་ཟླ་བའི་དཀྱིལ་འཁོར་ལ་བཞུགས་པའོ། །བསམས་ནས་བློ་ཡིས་ཞེས་བྱ་བ་ནི་རང་གི་སེམས་ཀྱིས་ཡོངས་སུ་གང་བར ་བསྒོམ་སྟེ། མཆོད་པ་དང་བདུད་རྩི་མྱང་བ་བསྒོམ་པར་བལྟ་བར་བྱའོ། །ཡང་དཀྱིལ་འཁོར་དེར་རང་གི་བློས་འགྲོ་བའི་ཆོ་གས་མ་ལུས་པ། ཉོན་མོངས་པ་དང་ཤེས་བྱའི་སྒྲིབ་པ་སྤང་བར་བྱ་བའི་ཕྱིར། སློབ་མ་གཞུག་པའི་རིམ་པས་དེར་རབ་ཏུ ་གཞུག་པར་བྱའོ། །གང་དུ་གཞུག་པར་བྱ་ཞེ་ན། གསང་བའི་རྡོ་རྗེ་དམ་པའི་དབུས་སུ་ནི་ཞེས་བྱ་བ་སྨོས་ཏེ། དམ་པ་ཞེས་བྱ་བ་ནི་དོན་དམ་པར་འགྱུར་བ་མེད་པའི་ངོ་བོ་ཉིད་སངས་རྒྱས་ཐམས་ཅད་ཀྱི་བཞུགས་གནས་ཆོས་འབྱུང་བ་ཞེས་བྱ་བའི་དབུས ་སུ་ཆུད་པ་ཙམ་གྱིས་འགྲོ་བའི་ཚིགས་དེ་རྣམས་ཆོས་འབྱུང་བའི་ཕྱག་རྒྱའི་འོད་ཀྱིས་རེག་ཤིང། སྐྱེད་པ་པོའི་འོད་ཟེར་གྱིས་ཕོག་པ་ཙམ་གྱིས་རྣམ་པར་སྣང་མཛད་ལ་སོགས་པ་དེ་བཞིན་གཤེགས་པ་ལྔའི་རྣམ་པར་ཡང་དག་པའི་སྣང་བར ་གྱུར་པ་དང། དཔལ་རྡོ་རྗེ་སེམས་དཔའ་ཨི་གསང་བའི་རྡོ་རྗེའི་མཛའ་ལས་བྱུང་བ། ཟླ་བ་ཞུ་བའི་གཟུགས་སུ་གྱུར་པའི་བདུད་རྩི་ལྔའི་རྡོ་རྗེས་དབང་བསྐུར་བས། སེམས་ཀྱི་ཚོགས་དེ་རྣམས་དབང་བསྐུར་བར་བྱ་སྟེ། ཀུན་ནས་དབང་བསྐུར་བར་བྱའོ་ཞེས་བྱ ་བའི་དོན་ཏོ། །དེ་ལྟར་དབང་བསྐུར་ནས་རྣམ་པ་ཐམས་ཅད་མཁྱེན་པ་ཉིད་ཐོབ་པར་བྱ་བའི་ཕྱིར། སའི་སྙིང་པོ་ལ་སོགས་པས་མིག་ལ་སོགས་པ་བྱིན་གྱིས་བརླབ་པར་བྱའོ། །དེ་ནི་དོན་དམ་པར་དེའི་རྣམ་པར་དག་པའི་ངོ་བོ་ཉིད ་ཡིན་པར་ཤེས་པར་བྱ་སྟེ། དེ་ནས་སའི་སྙིང་པོ་ཞེས་བྱ་བ་ལ་སོགས་པ་སྨོས་ཏེ། སའི་སྙིང་པོ་ལ་སོགས་པ་དྲུག་གིས་མིག་ལ་སོགས་པ་བྱིན་གྱིས་བརླབ་ཅིང་དེའི་ངོ་བོ་ཉིད་དེའི་རང་བཞིན་དུ་བྱའོ། །གཟུགས་རྡོ་རྗེ་ལ་སོགས་པ་དྲུག་གིས་ནི ་གཟུགས་དང། སྒྲ་དང་དྲི་དང། རོ་དང་རེག་བྱ་དང། ཆོས་ཀྱི་དབྱིངས་བྱིན་གྱིས་བརླབ་པར་བྱའོ། །སྤྱན་ལ་སོགས་པ་བཞིས་ནི་ས་ལ་སོགས་པ་འབྱུང་བ་ཆེན་པོ་རྣམས་བྱིན་གྱིས་བརླབ་པ་རྫོགས་པར་བྱའོ། །གཟུགས་དང་ཞེས་བྱ་བ་ལ་སོགས་པ ་ལ་གཟུགས་ནི་གཟུགས་ཀྱི་ཕུང་པོ་སྟེ། དབང་པོ་ལྔ་དང་ཡུལ་ལྔའོ། །ཚོར་བ་ནི་ཉམས་སུ་མྱོང་བ་སྟེ་བདེ་བ་དང་སྡུག་བསྔལ་བའོ། །བདེ་བ་ཡང་མ་ཡིན་སྡུག་བསྔལ་བ་ཡང་མ་ཡིན་པའོ། འདུ་ཤེས་ནི་ཉེ་བར་འཛིན་པ་སྟེ། བུམ་པ་ལ་འདི་ནི་བུམ ་པའོ་སྙམ་པའོ། །འདུ་བྱེད་ནི་སེམས་དང་ཡང་དག་པར་ལྡན་པ་དང་སེམས་དང་མི་ལྡན་པའོ། །དེ་ལ་སེམས་དང་ལྡན་པ་ནི་སེམས་པ་དང། འདུན་པ་དང། བློ་དང་དྲན་པ་དང་ཡིད་ལ་བྱེད་པ་དང་ཁྲོ་བ་དང། འཁོན་དུ་འཛིན་པ་དང། གཡོ ་དང་རྒྱུ་དང། ཕྲག་དོག་ལ་སོགས་པའོ། །མི་ལྡན་པ་ནི་ཐོབ་པ་དང། རྙེད་པ་དང། འདུ་ཤེས་མེད་པའི་སྙོམས་པར་འཇུག་པ་ལ་སོགས་པའོ། །རྣམ་པར་ཤེས་པ་ནི་ཡིད་དེ། དྲུག་པོ་འགགས་མ་ཐག་པ་ཡི། །རྣམ་ཤེས་གང་ཡིན་དེ་ཡིད་དོ་ཞེས ་བཤད་པས་སོ། །དེ་ལྟར་ཕུང་པོ་རྣམ་པ་ལྔ་རྣམ་པར་དག་པའི་ངོ་བོ་ཉིད་ནི་དེ་བཞིན་གཤེགས་པ་ལྔ་པོ་ཡིན་ནོ། །དེ་ལྟར་ཕུང་པོ་དང། སྐྱེ་མཆེད་དང། ཁམས་རྣམས་རྣམ་པར་སྣང་མཛད་ལ་སོགས་པ་དེ་བཞིན་གཤེགས་པས་བྱིན་གྱིས་བརླབས་ནས ་སྤྱན་ལ་སོགས་པའི་ལྷ་མོ་བཞིས་བྱིན་གྱིས་བརླབ་ཅིང། སའི་སྙིང་པོ་ལ་སོགས་པ་དང། གཟུགས་རྡོ་རྗེ་ལ་སོགས་པས། མིག་ལ་སོགས་པ་དང། གཟུགས་ལ་སོགས་པ་རྣམ་པར་སྦྱངས་ནས་རྣམ་པ་ཐམས་ཅད་མཁྱེན་པ་ཉིད་ཐོབ་པ་དང། སེམས་ཅན ་ཐམས་ཅད་ཀྱང་རྗེས་སུ་གཟུང་བའི་ཕྱིར་འོག་ནས་བཤད་པའི་ས་བོན་འདི་རྣམས་ཀྱིས་རབ་ཏུ་དབྱུང་བར་བྱའོ། །ཀྵིཾ་ཛཾ་ཁཾ་གཾ་ཐཾ་སཾ་ཞེས་བྱ་བ་དྲུག་གིས་སའི་སྙིང་པོ་ལ་སོགས་པ་དྲུག་དབྱུང་བར་བྱའོ། །ཛ་ཧཱུཾ་བཾ་ཧཾ་ཁཾ་རཾ་ཞེས་བྱ་བས་ན་གཟུགས་རྡོ་རྗེ་ལ་སོགས ་པའོ། ལཱཾ་མཱཾ་པཱཾ་ཏཱཾ་ཞེས་བྱ་བས་ནི་སྤྱན་ལ་སོགས་པ་བཞིའོ། །བྲུཾ་ཨཾ་ཛཱཾ་ཁཾ་ཧཱུཾ་ཞེས་བྱ་བས་ནི་རྣམ་པར་སྣང་མཛད་ལ་སོགས་པ་དབྱུང་བར་བྱའོ། །འདི་དག་ནི་ཉེ་བར་མཚོན་པ་ཙམ་སྟེ། ཚུལ་འདི་དག་གིས་ཉེ་བར་མཚོན་པ་སྟོང་ཕྲག་རྙེད་གདོན་པར་བྱའོ། ། ་ད་ནི་སྲིད་པ་བར་མའི་གནས་སྐབས་ལས་བྱང་ཆུབ་སེམས་དཔའ་ཨི་མངལ་དུ་འདུག་པར་སྟོན་པར་གསུངས་པ་ནི། ཨི་ཞེས་བྱ་བ་ལ་སོགས་པ་ཡིན་ཏེ་སེམས་ཞེས་བྱ་བ་ནི་སྔར་བསྒོམ་པ་འོད་དང་ལྡན་པའི་ཡི་གེ་ཏོ་གཉིས་ནང་དུ་ཆུད་པར་སེམས ་པའོ། ཆོ་ག་བཞིན་ཞེས་བྱ་བ་ནི་འགྲོ་བ་དང་ཡུལ་ཡང་དག་པར་ཐོབ་པའི་ཚུལ་གྱིས་ཏེ། ཆོས་སྔོན་པ་ལས་སྲིད་པ་བར་མ་སྤངས་ནས་ནི། མར་མེ་བཞིན་དུ་མངལ་དུ་འཇུག་ཅེས་བཤད་པ་ཡིན་ནོ། །དེ་ཡང་དཔལ་རྡོ་རྗེ་སེམས་དཔའ་ཨི་བདེ་བ་ཆེན་པོ་ཉམས་སུ ་བསྟེར་བ་ལ་ཞུགས་ཤིང། སེམས་ཅན་མ་ལུས་པ་གདོན་པ་ལ་རབ་ཏུ་ཞུགས་པར་མཐོང་ནས་འགྲོ་བ་དང་ཡུལ་བཟང་པོ་ཡང་དག་པར་ཐོབ་པའི་ཕྱིར་འདོད་པ་སྐྱེས་ཤིང། འདི་ལྟ་བུའི་ངེས་པ་སྐྱེ་སྟེ། ཆོས་འབྱུང་བའི་ཕྱག་རྒྱ་བསྒོམ་པ་འདིར ་སེམས་ཅན་གང་ཉོན་མོངས་པ་དང། ཤེས་བྱའི་སྒྲིབ་པ་དང་ལྡན་པ་དེ་ཡང་ཞུགས་པ་ཙམ་གྱིས་འཚང་རྒྱ་བ་ཉིད་ཐོབ་པ་ཡིན་ལ། དེ་བས་ན་དེས་ཀུན་ཏུ་བཟང་པོ་ཉིད་ཐོབ་པར་བྱ་བའི་ཕྱིར་གནས་འདི་ཉིད་དུ་ཞུགས་པར་བྱའོ་ཞེས་དེ་ལྟ་བུའི ་སེམས་བརྟན་པོར་བྱས་ནས། སྲིད་པ་བར་མ་པ་ཡི་གེ་ལྔའི་གཟུགས་ཤེས་རབ་ཀྱི་གསང་བའི་པདྨའི་ནང་དུ་མར་མེ་ལྟར་ཞུགས་པར་གྱུར་པའོ། མཉམ་མེད་པ་ཞེས་བྱ་བ་ནི་མཚུངས་པ་མེད་པའོ། །ཤེས་རབ་ཀྱིས་ཡང་དག ་པར་བསྐྱེད་པའི་འདོད་ཆགས་ནི་ཤེས་རབ་ཆགས་པ་སྟེ། ཤེས་རབ་ཀྱི་གསང་བའི་ཆུ་སྐྱེས་ཀྱི་ནང་དུ་ཞུགས་པ་ཙམ་གྱིས་སྲིད་པ་བར་མ་པ་ཟླ་བཞུ་བའི་གཟུགས་ཅན་རྣམ་པར་ཤེས་པ་ཙམ་གྱི་ཡང་དག་པའི་རིག་པའི་ངོ་བོར་གྱུར་ལ། ནུར ་ནུར་པོའི་སོགས་པར་བསྒོམ་པ་འདི་ནི་སྤྱིར་ན་རྣམ་པར་ཤེས་པའི་རྣམ་པར་དག་པ་ཡིན་ཏེ། མའི་མངལ་དུ་ཉིང་མཚམས་སྦྱོར་བའི་སྐད་ཅིག་མའི་ཕུང་པོ་ལྔ་ནི་རྣམ་པར་ཤེས་པ་ཡིན་ནོ། །དེའི་ཞེས་བྱ་བ་ནི་བྱང་ཆུབ་ཀྱི་སེམས་ཞུ་བའི་ཆུ་ཤེལ་གྱི ་གཟུགས་ཅན་དུ་གྱུར་པའི་འོད་ཟེར་གྱི་གཟི་བྱིན་གྱི་མཐུས་ཡབ་དང་ཡུམ་གཉི་ག་འང་ཟླ་བར་ཞུ་བར་བྱས་ཤིང་བྱང་ཆུབ་ཀྱི་སེམས་ཐིག་ལེའི་གཟུགས་སུ་བྱུང་ལ། དེ་དག་དེ་ལྟ་བུར་གྱུར་པ་མཐོང་བ་དང་སངས་རྒྱས་བཅོམ་ལྡན་འདས ་ཀྱིས་སེམས་ཅན་གྱི་དོན་གྱི་ཕྱིར་ཐུགས་རྗེ་ཆེན་པོ་སྐྱེས་ལ། བཅོམ་ལྡན་འདས་ལོངས་སྤྱོད་རྫོགས་པའི་སྐུ་ཡི་བརྟེན་ནས་སེམས་ཅན་ཐམས་ཅད་འཁོར་བའི་སྡུག་བསྔལ་ལས་གྲོལ་བར་མཛད་པ་ཡིན་ལ། དེ་ལྟར་དོན་དམ་པའི་བདག་ཉིད ་ཅན་ཆོས་ཀྱི་སྐུར་ཡོངས་སུ་ཐིམ་ལ། དེ་ལྟར་ན་བདག་ཅག་ཀྱང་སྙིང་བརྩེ་བ་དང་བྲལ་བས་སེམས་ཅན་ཐམས་ཅད་གདོན་པ་ལ་རྒྱུས་ཇི་ལྟར་གནས་པར་བྱ། དེ་ལྟར་ན་དོན་དམ་པའི་བདག་གི་དོན་ཙམ་དུ་ཟད་དོ་ཞེས་དེ་ལྟར་ཡོངས་སུ་བརྟགས ་ནས་བཅོམ་ལྡན་འདས་ཀྱིས་སྤྱན་ལ་སོགས་པ་ལྷ་མོ་བཞིའི་གཟུགས་སུ་མཛད་ནས་གཞན་གྱི་དོན་གྱི་འཕོངས་པས་གདུངས་པ། འདོད་པས་ཉམས་ཐག་པ་ལྟ་བུར་སྙན་ཅིང་ཡིད་དུ་འོང་བའི་ཀླུའི་ཚིག་བཞིས། བཅོམ་ལྡན་འདས་ལ་བསྐུལ ་བར་གྱུར་ཏོ། །དེ་ལྟར་འོག་ནས་བཤད་པའི་རྣམ་པས་ལྷ་མོ་སྤྱན་དང་པོར་གླུ་ལེན་ཏེ། སེམས་ཉིད་འགྲོ་བའི་རྩ་བ་ཡིན་པས་ཐུགས་ཀྱི་ངོ་བོར་གྱུར་པ་ཉིད་ཀྱིས་ཐུགས་ལ་དང་པོར་གསོལ་བ་འདེབས་པ་ཡིན་ནོ། །དེ་ཡང་སེམས་ཅན་ཞེས་བྱ་བ་ལ་སོགས་པ་ལ ་གཞན་མ་ཡིན་པའི་རང་བཞིན་ཅན་ཉིད་དང། ཐམས་ཅད་ཀྱི་གཞིར་གྱུར་པ་ཉིད་ཀྱིས་ན་སེམས་ཅན་ཁམས་ཏེ། འགྲོ་བའི་དོན་དང་སངས་རྒྱས་ཀྱི་ཕུན་སུམ་ཚོགས་པ་ནི་ཁྱེད་ཀྱིས་བསྒྲུབ་པར་བྱ་བའི་འཁོར་བ་དང་མྱ་ངན་ལས་འདས་པ་དག་གི་རྒྱུར་གྱུར ་པས་ན་གནས་ཀྱི་དབང་ཕྱུག་གོ་ཁྱོད་ཅེས་བྱ་བ་ནི་བཅོམ་ལྡན་འདས་རང་ཉིད་སྟེ། འཚེ་བ་མེད་ཅིང་ཡང་དག་པ་ལ་སོ་སོར་རྟོགས་པས་ཉེས་པས་མི་ཕྱེད་པའི་ཕྱིར་རྡོ་རྗེ་ལྟ་བུ་ཡེ་ཤེས་ཀྱི་ངོ་བོ་ཉིད་དུ་གྱུར་པས་རྡོ་རྗེའི་ཐུགས་སོ་དེ་བཞིན་དུ་དགའ་བའི་རྒྱུར་གྱུར ་བ་ཡིད་དུ་འོང་ཞིང་རྣམ་པར་དག་པས་དོན་ཆེ་ཞིང་མཐུ་ཆེ་བའི་འདོད་པ། འཇིག་རྟེན་དང་འཇིག་རྟེན་ལས་འདས་པས་འདོད་པར་བྱ་བ་སངས་རྒྱས་མཐར་ཐུག་པས། ལྷ་མོ་སྦྱན་བདག་ལ་ཆོས་ཉིད་ཀྱི་ཐམས་ཅད་སྐྱོད་པའི་ཚུལ་དུ་བསྐྱབ་ཅིང། ་གནོད་པ་རྣམས་ལ་སྐྱབས་མཛོད་ཅིག་པའོ། །ཐོག་མའི་སངས་རྒྱས་སུ་གྱུར་པས་ན་མགོན་པོ་སྟེ་གཙོ་བོའོ། །གལ་ཏེ་ཞེས་བྱ་བ་ལ་སོགས་པ་ལ། གལ་ཏེ་བདག་ཅག་ལ་བརྩོན་པའི་དབང་གིས་བདག་ཅག་གཉི་གའི་ཚུལ་དུ་འཚེ་ཞིང་གསོན་པར ་མཆིས་པར་བཞེད་ན་སེམས་ཅན་ཡབ་ཆེན་ཞེས་བྱ་བ་རང་བཞིན་གྱིས་གཉིས་སུ་མེད་པའི་རང་བཞིན་ཡིན་ཞིང་ཡོན་ཏན་ཐམས་ཅད་ཀྱི་རྒྱུར་གྱུར་པས་ན་སེམས་ཅན་གྱི་ཡབ་བོ། །ཐུགས་རྗེ་ཆེན་པོའི་རང་བཞིན་ཅན་ཡིན་པས་ན་ཆེན་པོའོ། ། ་གཉེན་ནི་ཡབ་དང་ཡུམ་དུ་གྱུར་པས་ན་གཉེན་ནོ། འགྲོ་བ་ཁྱབ་པས་ན་མཆོག་སྟེ། ཤིན་ཏུ་ཕུལ་དུ་བྱུང་བའོ། །དགེས་པ་མཛད་དུ་གསོལ་ཞེས་པ་ནི་བདག་ལ་དགེས་པ་བསྐྱེད་པར་གསོལ་ཞེས་པ་སྟེ། གལ་ཏེ་བདག་གསོན་པར་བཞེད་ན་བདག་ཅག་མངོན ་བར་འདོད་པའི་འགྲོ་བའི་དོན་འདི་མཛད་དུ་གསོལ་ཞེས་པའི་དོན་ཏོ། །སྤྱན་གྱི་རྗེས་ལ་མཱ་མ་ཀཱིས་རྡོ་རྗེའི་སྐུ་ཁྱོད་ཞེས་བྱ་བ་ལ་སོགས་པས་གསོལ་བ་འདེབས་ཏེ་ལུས་ཡོད་ན་ངག་ལ་སོགས་པ་འབྱུང་བས་དེ་བས་ན་དེ?་རྣམས་ལས ་དང་པོར་སྐུའི་ཕུན་སུམ་ཚོགས་པས་གསོལ་བ་འདེབས་པ་ཡིན་ནོ། །གང་ཁྱེད་ཀྱི་སྐུར་གྱུར་པ་ནི་ཐུགས་ཀྱི་རང་བཞིན་ཡིན་པས་འཁོར་བའི་འཇིགས་པ་མེད་པའི་ཕྱིར་ཁྱེད་ནི་རྡོ་རྗེའི་སྐུའོ། །ཐོགས་པ་མེད་པའི་ནུས་པ་མངའ་བས་བཀའ་ཨི་ཚོགས་སོ། །ཀུན་ཏུ ་བཟང་པོ་ཡིན་པས་ན་སེམས་ཅན་ཀུན་ལ་ཕན་པའོ། །ཐབས་ཐམས་ཅད་ཕུན་སུམ་ཚོགས་པར་མངའ་པས་ན་གང་སངས་རྒྱས་ཀྱི་དོན་སྒྲུབ་པར་མཛད་པ་དང་བྱང་ཆུབ་དང་གཞན་ལ་ཕན་པའི་དོན་རྣམ་པ་དུ་མར་ཐམས་ཅད་རྗེས་སུ་གཟིགས་ཤིང ་རྫོགས་པར་མཛད་པའོ། །བདག་ཅེས་བྱ་བ་ནི་མཱ་མ་ཀཱིའོ། །འདོད་ཆགས་དམ་ཚིག་ཅེས་བྱ་བ་ནི་དགའ་བ་རྣམ་པར་དག་པའི་ལམ་མོ། །དགོས་པར་མཛད་དུ་གསོལ་ཞེས་བྱ་བ་ནི་བདེ་བ་ཕུན་སུམ་ཚོགས་པ་དང་ལྡན་པར་མཛོད་ཅེས་བྱ་བའི་དོན་ཏོ། ་མཱ་མ་ཀཱིའི་འོག་ཏུ་གོས་དཀར་མོས་བསྐུལ་བ་ནི་ཁྱེད་ནི་རྡོ་རྗེ་གསུང་སྟེ་ཞེས་བྱ་བ་ལ་སོགས་པ་ཡིན་ཏེ། ལུས་གྲུབ་པར་གྱུར་པ་ལས་ཚིག་ཡོངས་སུ་རྫོགས་པས་སེམས་ཅན་གྱི་དོན་བྱེད་པ་ཡིན་ནོ། །དེའི་ཕྱིར་གསུང་ཕུན་སུམ་ཚོགས་པའི་དོན ་དུ་བསྐུལ་བ་ནི་ཡང་དག་པ་ཉིད་ཡིན་པས་ཁྱོད་ནི་རྡོ་རྗེ་གསུང་ཞེས་བྱའོ། །གཞན་ལ་རྗེས་སུ་བརྩེ་བའི་ཕྱིར་ཕན་པའི་ཚུལ་གྱིས་རབ་ཏུ་བཞུགས་པས་ན་ཀུན་ལ་ཕན་ཅིང་ཐུགས་རྗེ་བརྩེ་བའོ། །རང་གི་དོན་ལ་བལྟོས་པར་མི་མཛད་པའི་ཕྱིར ་འཇིག་རྟེན་པའི་དོན་གང་ཡིན་པ་མཛད་ཅིང་དེའི་དགོས་པ་ལ་མཛད་པ་ལ་རྟག་ཏུ་བརྩོན་པར་ཞུགས་པའོ། །བདག་ཅེས་བྱ་བ་ནི་གོས་དཀར་མོའོ། །བཟང་ཞིང་ཉེས་པ་མེད་པའི་དག་པ་གང་ཡིན་པ་དེའི་རང་བཞིན་གྱི་སྤྱོད་པས་དངོས་པོ་ཀུན ་ནས་རྣམ་པར་དག་པའི་སེམས་དེ་ཉིད་ནི་ཀུན་ཏུ་བཟང་པོའོ། །གཞན་ནི་སྔར་བཤད་པར་ཟད་དོ། །གོས་དཀར་མོའི་འོག་ཏུ་སྒྲོལ་མ་གླུ་ལེན་པ་ནི་ཁྱེད་ནི་རྡོ་རྗེ་འདོད་པ་ཞེས་བྱ་བ་ལ་སོགས་པ་ཡིན་ཏེ། རྣམ་པ་ཐམས་ཅད་དུ་མ་ཚང་བ་མེད་པ ་བསྐུལ་བའི་ཕྱིར་ཐུགས་དང་སྐུ་དང་གསུང་ཕུན་སུམ་ཚོགས་པའི་རྗེས་ལ་དོན་ཐམས་ཅད་ཕུན་སུམ་ཚོགས་པར་བྱ་བའི་ཕྱིར་བསྐུལ་བ་ཡིན་ནོ། །དངོས་པོ་གང་ལ་སེམས་ཀྱི་འདོད་པར་གྱུར་པ་འམ། དེ་དག་ཐམས་ཅད་སེམས་རྣམ་པར་དག་པ་ལས ་འགྱུར་བས་ན་དེའི་ཕྱིར་ཁྱོད་ནི་རྡོ་རྗེ་འདོད་པའོ། །དམ་ཚིག་ནི་ལམ་མོ། །མཆོག་ནི་རྣམ་པར་དག་པ་སྟེ། དེས་ན་དེ་ནི་དམ་ཚིག་མཆོག་རྣམ་པ་ཐམས་ཅད་དུ་ཕན་པ་མཛད་པར་གྱུར་པས་ན། ཕན་པའི་དོན་ཆེན་པོའོ། །ཡང་དག་པར་རྫོགས་པའི་སངས ་རྒྱས་ཀྱི་གསུང་ནི་གང?་འཁོར་བ་ཐོག་མ་མེད་པར་གཅིག་ནས་གཅིག་ཏུ་རྒྱུན་མི་འཆད་པར་བྱུང་བ་དེའི་མཆོག་ཏུ་གྱུར་པ་ནི་ཁྱེད་ཉིད་ཀྱི་གཉིས་སུ་མེད་པའི་ཐུགས་ལ་གནས་པ་དེས་སངས་རྒྱས་རྣམས་མཛེས་པར་གྱུར་ཅིང། ཆོས་ཐམས་ཅད ་མཉམ་པ་ཉིད་དུ་གཟིགས་པས་མ་ཉམས་པ་ཉིད་ལ་ཐུགས་བརྩེ་བའོ། །ཡོན་ཏན་རིན་ཆེན་མེད་པའི་གཏེར་འགྱུར་ཞེས་བྱ་བ་ནི་ཕུན་སུམ་ཚོགས་པ་ཐམས་ཅད་ཀྱི་རྒྱུར་གྱུར་པའོ་ཅེས་བྱ་བའི་དོན་ཏོ། །ཞི་བ་ལ་སོགས་པར་གྱུར་པ་འདི་ནི་མིང་དང ་གཟུགས་རྣམ་པར་དག་པ་ཡིན་ཏེ། ནུར་ནུར?་པོ་ལ་སོགས་པ་ནི་གཟུགས་ཇི་སྲིད་སྐྱེ་མཆེད་དྲུག་མ་ཐོབ་པའི་བར་ནི་མིང་དང་གཟུགས་སོ། །དེ་ལྟ་བུའི་གླུ་ཞེས་བྱ་བ་ནི་གླུས་བསླངས་པའོ། །དོར་བྱས་པ་དེ་རང་གི་སྔགས་ཀྱི་ལུས་སུ་གྱུར་ཏེ་ཞེས་བྱ་བར ་སྦྱར་རོ། ཇི་ལྟ་ཞེ་ན་ཆོས་ཀུན་སྒྱུ་མ་ལྟ་བུས་ཡང་དག་རིག་ཅེས་བྱ་བ་སྟེ། དངོས་པོ་མ་ལུས་པ་སྒྱུ་མ་ལྟ་བུ་ཡིན་ཞིང་སྒྱུ་མ་དང་མཚུངས་པར་ཡང་དག་པར་རིག་ཅིང་རྟོགས་པར་གྱུར་པ་སྟེ། དེས་ན་རྒྱུད་ལས་ཨེ་མ་ཧོ་ཀུན་ཏུ་བཟང་པོ་ཡི། །སྐུ་གསུང ་ཐུགས་ཀྱི་རྡོ་རྗེ་ཅན། །སྐྱེ་བ་མེད་པའི་ཚུལ་གྱིས་ནི། །སྐྱེ་བ་འདི་ནི་རབ་ཏུ་བསྒྲགས་ཞེས་བྱ་བ་ལ་སོགས་པའི་ཇི་སྐད་གསུངས་པ་ལྟ་བུའོ། །སྣང་བའི་ཞེས་བྱ་བ་ལ་སོགས་པ་ལ་སྣང་བ་དང་བཅས་པའི་འོད་ཟེར་ཁ་དོག་ལྔ་པའི་ངོས? ་དཀྱིལ་འཁོར་ཞེས་བྱ་བ་ནི་བྱང་ཆུབ་སེམས་ཞུ་བའི་དཀྱིལ་འཁོར་རོ། །རང་གི་སྔགས་ཀྱི་ལུས་སུ་རང་ཉིད་གྱུར་ཅེས་བྱ་བ་ནི་ཟླ་བ་ཞུ་བའི་གཟུགས་དེ་ཉིད་མི་ལས་བྱུང་བའི་རལ་གྲིའི་ངོ་བོར་གྱུར་པའོ། །དེར་ནི་འོད་ཀྱིས་ཞེས་བྱ་བ་ནི་རལ་གྲི་དེར་ཁ་དོག་ལྔ་པའི ་འོད་ཟེར་རྣམས་ཀྱིས་སངས་རྒྱས་དང་བྱང་ཆུབ་སེམས་དཔའ་མ་ལུས་པ་རལ་གྲིའི་ནང་དུ་ཡིད་ཀྱིས་བཅུག་པར་གྱུར་པ་ལས་སྐྱེས་བུ་ཆེན་པོའི་མཚན་སུམ་ཅུ་རྩ་གཉིས་དང། དཔེ་བྱད་བཟང་པོ་བརྒྱད་ཅུས་བརྒྱན་པ་གཞོན་ནུ་ལོ་བརྒྱད་པའི་རྣམ ་པ་ཅན་ཟུར་ཕུད་ལྔ་དང་ལྡན་པ་ཤེས་རབ་རང་བཞིན་ཅན་ཞལ་གསུམ་དང་ཕྱག་དྲུག་པ་སྣ་ཚོགས་པདྨ་དང་ཟླ་བའི་དབུས་ན་སེམས་དཔའ་ཨི་སྐྱིལ་མོ་ཀྲུང་གྱིས་བཞུགས་པ་སྒེག་པའི་ཉམས་སུ་ཡོངས་སུ་གྱུར་པ་འཇམ་པའི་དབྱངས་ཀྱི་སྐུར ་གྱུར་ཏོ་ཞེས་བྱ་བའི་དོན་ཏོ། །སྐུ་མདོག་དང་ཞལ་དང་ཕྱག་དང་མཚོན་ཆའི་དབྱེ་བ་བསྟན་པ་ནི་གུར་གུམ་བཟང་པོ་ཅེས་བྱ་བ་ལ་སོགས་པ་སྨོས་པ་ཡིན་ཏེ། གུར་གུམ་བཟང་པོ་ཞེས་བྱ་བ་ནི་གུར་གུམ་སེར་པོ་སྟེ་དེ་འདྲ་བར་མདོག་དམར་བར ་འབར་བའི་མདངས་གང་ལ་མངའ་བ་སྟེ་འདོད་ཆགས་ཆེན་པོའི་ངོ་བོ་ཡིན་པའི་ཕྱིར་རོ། །འདི་ནི་ཅུང་ཟད་སེར་བའི་མདོག་ཅན་གྱི་དམར་པོ་ཡིན་གྱི་ཤིན་ཏུ་དམར་བའི་ཁ་དོག་ཅན་ནི་མ་ཡིན་ནོ། །ཞལ་གཡས་པ་ནི་སྔོན་པོ་གཡོན་པ་ནི་དཀར་པོའོ།། ་འདི་ན་སྨན་པ་གསོ་བ་ངན་པར་བྱས་པ་ལྟར། གཡས་པ་དཀར་བ་དང་གཡོན་པ་ནག་པོར་འཆད་པ་ཡོད་མོད་ཀྱི། དེ་ནི་རྡུལ་གྱིས་བསྒོས་པ་ལྟ་བུ་སྟེ། འཇམ་པའི་རྡོ་རྗེ་ཞལ་མི་བསྐྱོད་པ་དང་འདྲ་བར་བསྒྲུབ་པར་བྱ་བའི་ཕྱིར་དེ་ལྟར་སྨྲས་སུ་ཟིན ་ཀྱང་གཞུང་འདི་ནི་ལོག་པར་བསྒྲུབས་པ་ཡིན་ནོ། །ཕྱག་གཡོན་པ་གཉིས་ཀྱིས་རལ་གྲི་དང་མདའ་བསྣམས་པ་དང་ཕྱག་གཡས་པ་གཉིས་ཀྱིས་ཨུཏཔ་ལ་སྔོན་པོ་དང་གཞུ་བསྣམས་པར་འདོད་པ་དེ་ཡང་མི་རིགས་སོ། །གང་ཡང་ངེས་ཤེས་རབ་འཁྱུད་པའི ་ཕྱག་གཉིས་ན་རྡོ་རྗེ་དང་དྲིལ་བུ་རྣམས་གོ་སྙམ་དུ་བེམ་པ་དེ་ཡང་ལེགས་པ་མ་ཡིན་ལ། གང་གི་ཕྱིར་འཁྱུད་པ་ལ་སོགས་པའི་བྱ་བས་ཕྱག་སྟོང་པ་མ་ཡིན་ནོ་སྙམ་པའི་དེ་ཡང་ལེགས་པ་མ་ཡིན་ཏེ། བཅོམ་ལྡན་འདས་ནི་སྐྱེས་བུ་ཐ་མལ་པ་དགའ་ ་བ་ལ་ཉེ་བར་ལོངས་སྤྱོད་པ་ལྟར་ཕྱག་གཉིས་འབྲེལ་པ་མ་ཡིན་ཏེ། གཞན་དུ་ན་ཤེས་རབ་དམ་པའི་རྒྱུ་མཐུན་པའི་ངོ་བོ་ཉིད་ཐབས་དང་བཅས་པར་གྱུར་པའི་རང་གི་ལུས་ཞེས་འོག་ནས་བཤད་པས་དེའི་ཕྱིར་ཕ་རོལ་ཏུ་ཕྱིན་པའི་དོན་དང་ལྡན་པའི ་ཤེས་རབ་དང་ཐབས་ཀྱི་ངོ་བོ་ཉིད་ཀྱི་རྒྱུ་མཐུན་པའི་ངོ་བོ་ཉིད་འདོད་ཆགས་ལ་སྤྱོད་པའི་སེམས་ཅན་རྣམས་རྗེས་སུ་བཟུང་བར་བྱ་བའི་ཕྱིར་དེ་ལྟར་བཞུགས་པ་ཡིན་ནོ། །དེ་བས་ན་བཅོམ་ལྡན་འདས་ཀྱི་རྩ་བའི་ཕྱག་གཉིས་ཀྱིས་རྡོ་རྗེ་དང་དྲིལ་བུ་བསྣམས་པ ་རིགས་པ་མ་ཡིན་ནོ། །འོན་ཏེ་འདི་སྐད་དུ་རྡོ་རྗེ་དང་དྲིལ་བུ་ནི་ཤེས་རབ་ཀྱི་ངོ་བོ་ཉིད་ཡིན་ཟེར་ན། རལ་གྲི་ཡང་ཤེས་རབ་ཀྱི་ངོ་བོ་ཡིན་པས་དེ་ཡང་མེད་པར་འགྱུར་ལ། རྡོ་རྗེ་ཐབས་ཀྱི་ངོ་བོ་ཡིན་པས་ན། མི་བསྐྱོད་པ་ལ་སོགས་པ་ལ་དེ་ཡང་མེད་པར་འགྱུར་རོ།། ་དེ་བས་ན་འདི་བསྒྲུབ་པའི་ཐབས་མཛད་པས་ཇི་སྐད་བཤད་པ་མེད་བཞིན་དུ་བལྟ་བར་བྱ་བ་འདི་ཉིད་རིགས་པ་ཡིན་ཏེ། རྒྱུད་ཚང་པ་ཉིད་ཡིན་པའི་ཕྱིར་རོ། །སྣ་ཚོགས་རྒྱན་གྱིས་རྣམ་པར་བརྒྱན་པའི་ཞེས་བྱ་བ་ནི་གདུ་བུ་དང་དཔུང་རྒྱན་དང་སྐ་རགས ་དང་མུ་ཏིག་གི་དོ་ཤལ་དང་རྐང་གདུབ་ལ་སོགས་པ་དེ་དག་གིས་སྐུ་ལ་རྒྱན་པའི་ཕྱག་གཉིས་ཀྱིས་ཤེས་རབ་དམ་པ་ལ་ཐབས་ཀྱིས་འཁྱུད་པར་མཛད་པ་དང་མདངས་དང་ལྡན་པའི་འོད་འབར་བའི་རལ་གྲི་དང་མདང་ཉིད་ཀྱིས་ཕྱག་བརྒྱན་ཅིང་ ་བསྣམས་པ་དང། ཨུཏཔ་ལ་སྔོན་པོ་དང་གཞུ་སྣམས་པར་མཛད་པ་གང་ཡིན་པ་དེའོ། །དེ་ཡང་ཤེས་རབ་རྣམ་པར་དག་པའི་ངོ་བོ་ཉིད་ནི་རལ་གྲི་སྟེ། རྡོ་རྗེ་རྣོན་པོ་རལ་གྲི་ཆེ་ཞེས་གསུངས་པ་དང་རྡོ་རྗེ་སྙིང་པོ་རྒྱན་ལས ་ཀྱང་བདེ་གཤེགས་དྲི་མེད་ཤེས་རབ་ནི། རྡོ་རྗེ་རྣོན་པོར་དེ་བཤད་དོ་ཞེས་གསུངས་པའི་ཕྱིར་རོ། །ཐུགས་རྗེ་ཆེན་པོས་འབིག་པའི་ངོ་བོ་ཉིད་ནི་མདའོ། །རང་བཞིན་གྱིས་ཉེས་པའི་འདམ་ཐམས་ཅད་ཀྱིས་མ་གོས་པ་ནི་ཨུཏཔ་ལ་སྔོན་པོའོ། །ཉེས་པ ་ཐམས་ཅད་ཀྱི་གཉེན་པོར་གྱུར་བས་དེ་བཞིན་གཤེགས་པའི་ཡོན་ཏན་མ་ལུས་པའི་གཞིར་གྱུར་པ་ཉིད་ནི་གཞུའི་རྣམ་པར་དག་པ་ཡིན་ནོ། །མཛའ་ཡས་འོད་ལྡན་ཞེས་བྱ་བ་ནི་ཉི་མ་ལྟར་སྣང་བའི་གཞི་བརྗིད་ཚད་མེད་པ་དང་ལྡན་པའོ། །མ་ལུས་རིགས ་རྣམས་འཕྲོ་བས་རྣམ་རྒྱན་ཅེས་བྱ་བ་ནི་དེ་བཞིན་གཤེགས་པ་རྣམས་དང་ལྷ་མོ་དང་བྱང་ཆུབ་སེམས་དཔའ་དང་ཁྲོ་བོའི་རྣམ་པའི་རིགས་མ་ལུས་པ་གང་ཡིན་པ་དེ་མ་ལུས་རིགས་རྣམས་འཕྲོ་བས་རྣམ་རྒྱན་ཅེས་བྱ་བ་ནི་དེ་བཞིན་གཤེགས་པ་རྣམས ་དང་ལྷ་མོ་དང་བྱང་ཆུབ་སེམས་དཔའ་དང་ཁྲོ་བོའི་རྣམ་པ་རིགས་མ་ལུས་པ་དེ་གང་ཡིན་པ་དེ་ཉིད་དེ་ལ་སྐྱེས་ཤིང་དེ་རྣམས་འབར་བའི་འོད་དང་ལྡན་པས་རྣམ་པར་འཕྲོ་བས་རྣམ་པར་བརྒྱན་ཅིང་སྤུད་པར་བྱས་པའི་ནམ་མཁའ་ཨི་མ་ལུས་པའི ་ཁོངས་སུ་རྟོགས་པའི་དཀྱིལ་འཁོར་གང་གིས་མཛེས་པར་བྱས་པ་སྟེ། འདི་དག་གིས་ནི་བཅོམ་ལྡན་འདས་ཀུན་ཏུ་བཟང་པོ་ཉིད་ཡིན་པས་སྟོན་ཏོ། །སྐྱོབ་པ་ཞེས་བྱ་བ་ནི་འདི་ལ་སྐྱོབ་པ་མངའ་བས་ན་སྐྱོབ་པའོ། །ཚད་མ་རྣམ་འགྲེལ་ལས་སྐྱོབ་པ་ཉིད་ཀྱིས ་གཟིགས་ལམ་སྟོན་ཞེས་བཤད་པས་ཇི་ལྟར་ཐུགས་སུ་ཆུད་པ་ཐམས་ཅད་མཁྱེན་པ་ཉིད་ལ་སོགས་པའི་ལམ་སྟོན་པར་མཛད་པ་ལ་བྱ་སྟེ། འདི་ནི་སྐྱེ་མཆེད་དྲུག་རྣམ་པར་དག་པ་ལའོ། །ད་ནི་དོན་དམ་པའི་ཤེས་རབ་དང་ཐབས་བསྒོམས་པ་བསྟན ་བའི་དངོས་རྣམས་ཞེས་བྱ་བ་སྨོས་པ་ཡིན་ཏེ། གཟུང་པ་ནི་གཟུགས་ལ་སོགས་པའོ། །འཛིན་པའི་ནི་མིག་ལ་སོག་པ་སྟེ་འདི་དག་ནི་དོན་དམ་པར་དངོས་པོ་མེད་ཀྱི་བྱིས་པ་སྐྱེ་བོས་བརྟགས་པ་ཙམ་དུ་ཟད་དོ་ཞེས་བཤད་པ་ཡིན་ནོ། །གལ་ཏེ་འདི་ཡང་དག་པ ་དངོས་པོ་མེད་ན་མིག་གིས་གཟུང་བར་བྱ་བའི་གཟུགས་དང་མིག་ལ་བརྟེན་ཏེ་མིག་གི་རྣམ་པར་ཤེས་པ་སྐྱེ་བས་ན་དེ་བཞིན་དུ་ཡིད་དང་ཆོས་ལ་བརྟེན་ནས་ཡིད་ཀྱི་རྣམ་པར་ཤེས་པ་ཇི་ལྟར་སྐྱེ་བར་འགྱུར་དེ་ནི་མ་ཡིན་ཏེ་གང་གིས་ཕྱིར་གཟུགས་ལ་སོགས ་པར་སྣང་བ་ལས་མ་གཏོགས་པར་དེ་ལས་གཞན་པའི་གཟུང་པར་བྱ་བ་འམ། དེ་འཛིན་པར་བྱེད་པ་ཅུང་ཟད་ཀྱང་ཉེ་བར་མ་དམིགས་ཏེ་དོན་དམ་པར་ན་སྟོང་པའི་གཟུགས་སྣང་བའི་མཚན་ཉིད་ཙམ་དུ་ཡོད་པར་ཟད་དོ། །དེ་ཡང་ཤེས་རབ་ཀྱི་ཕ་རོལ་ཏུ་ཕྱིན་པ་ལས་ནང་གི་བདག་ཉིད ་ཅན་ནི་ནང་གི་བདག་ཉིད་ཅན་གྱིས་སྟོང་ངོ། །ཕྱི་ནི་ཕྱིའི་ངོ་བོ་ཉིད་ཀྱིས་སྟོང་ངོ། །དེ་ཅིའི་ཕྱིར་ཞེ་ན། མིག་ནི་མིག་གི་ངོ་བོ་ཉིད་ཀྱིས་སྟོང་སྟེ་དེའི་རང་བཞིན་དེ་བཞིན་པའི་ཕྱིར་རོ། །དེ་བཞིན་དུ་གཟུགས་ནི་གཟུགས་ཀྱི་ངོ་བོ་ཉིད་ཀྱིས་སྟོང་པས་ན། ཡིད་དང་ཆོས་ནི་ཡིད་དང ་ཆོས་ཀྱིས་ངོ་བོ་ཉིད་ཀྱིས་སྟོང་ངོ་ཞེས་བྱ་བའི་བར་དུ་རྒྱ་ཆེར་གསུངས་པ་ཡིན་ནོ། །དེ་ལྟར་ན་ཕྱི་རོལ་གྱི་དངོས་པོ་མེད་པས་གཟུང་བར་བྱ་བ་མེད་ལ་དེས་ན་འཛིན་པར་བྱེད་པའི་མིག་ལ་སོགས་པ་དང་བྲལ་བས་འཛིན་པ་པོ་ཡང་མེད་པ་ཡིན་ནོ། །གཟུང་བ་དང་འཛིན་པ ་རྣམ་པ་གཉིས་པ་དང་བྲལ་བས་གཉིས་སུ་མེད་པའི་ཚུལ་དེ་བཞིན་ཉིད་ཀྱི་ངོ་བོ་ཉིད་ཀྱི་དེ་ཁོ་ན་ཉིད་ལ་གནས་ནས་འཛིན་པ་པོའི་བར་བཞིན་སེམས་ཙམ་ཡང་དོར་བར་བྱའོ། །དེ་ལྟར་གཉི་ག་ཡང་མེད་པ་དངོས་པོ་མ་ལུས་པ་ཐམས་ཅད་དོན་དམ་པར་ངོ་བོ་ཉིད ་མེད་པར་ཤེས་ནས་རྣམ་པར་བྱང་བ་རྣམ་པར་དག་ནི་ཀུན་ཏུ་བཟང་པོ་ལྟ་བུའི་སེམས་ནི་གཉེན་པོ་བསྒོམ་པ་ཡིན་ཏེ། དེ་ལ་མངོན་པར་ཞེན་པ་ནི་བསྒོམ་པར་བྱ་བ་དང། སྒོམ་པ་པོ་དང་བསྒོམས་པ་ཉེ་བར་མི་དམིགས་པ་ཡིན་ནོ། །དེ་ལྟར་ན་དེ་མེད་ཅིང ་ཟད་པ་དང་སྤངས་པས་བྱིན་གྱིས་བརླབ་པར་བྱའོ། །འོག་ནས་བཤད་པའི་རྒྱུད་ལས་གསུངས་པའི་སྔགས་འདིས་བྱའི། ཨོཾ་ཞེས་བྱ་བ་ནི་ངེས་པ་སྟེ། རང་བཞིན་གྱིས་བདེ་བ་ནི་ཆོས་ཀྱི་དབྱིངས་ཀྱི་ངོ་བོ་ཉིད་དུ་གྱུར་པའོ། །ཞེས་བྱ་བ་སྟེ་སྒོམ ་པའི་སྟོབས་ཀྱིས་སེམས་ཀྱི་ངོ་བོ་ཉིད་ལ་དམིགས་ནས་གློ་བུར་བའི་དྲི་མ་དང་བྲལ་བར་གྱུར་པའོ། །དེ་ཡང་ཀུན་ནས་ཉོན་མོངས་རྣམ་པར་དག། དེ་ནི་དྲི་བཅས་དྲི་མ་མེད། །ཆུ་ཁམས་གསེར་དང་ནམ་མཁའ་བཞིན། །དག་པ་བཞིན་དུ་དག་པར་འདོད་ཞེས ་བཤད་པ་ཡིན་ནོ། །འདིར་མན་ངག་ནི་འདི་ཡིན་ཏེ། རྒྱལ་བ་སྐྱེས་མཆོག་རྣམས་ཀྱི་དྲི་མེད་དངོས་རྟེན་ནས། ཕྱི་མ་ལུས་སྤོང་བྱེད་གཉིས་དང་བྲལ་བ་ཡི། །སེམས་ལ་རྟེན་ཏེ་སེམས་ནི་སེམས་ཙམ་ཉིད་དུ་རྟོགས། །དེ་ཡང་སྣ་ཚོགས་སྣང་བ་གཅིག་པ་ཉིད་མ ་ཡིན། སྣ་ཚོགས་རིགས་པས་དུ་མའི་གཟུགས་སུ་འང་མ་ཡིན་ཏེ། །དེ་ལྟར་ཐམས་ཅད་དངོས་པོ་མེད་པ་ཉིད་དུ་རྟོགས། །འདི་ལ་དངོས་རྣམས་ཀྱིས་དེ་གཉིས་བཅའ་འགྱུར་ལ། །སླར་ཡང་སེམས་ཉིད་ནི་དེ་ལྟར་བསྒོམ་པར་བྱ་ཞེས་བྱ་བ་ཡིན་ནོ།། ་འདི་ནི་བསྙེན་པའི་སླར་ཡང་སེམས་དེ་ཉིད་དེ་ལྟ་བསྒོམ་པར་བྱ་ཞེས་བྱ་བ་ཡིན་ནོ། །འདི་བསྙེན་པའི་དམ་ཚིག་གི་ཡང་དག་པའི་སྦྱོར་བ་ཡིན་ཏེ། བསྙེན་པ་ནི་དེ་ཁོ་ན་ཉིད་ལ་སླབ་པའོ། །དེའི་དམ་ཚིག་ནི་རིམ་གྱིས་འབྲས་བུ་ཐོབ་པའོ། །རྒྱུ ་མཐུན་པའི་འབྲས་བུ་ཐོབ་པ་ནི་བསྙེན་པའོ། །བདག་གི་བླ་མའི་ཞལ་སྔ་ནས་ཀྱིས་ཀྱང། །སྟོང་ཉིད་ལ་སོགས་པ་བསྙེན་པ་སྟེ། །ོཾ་དང་མ་ཡི་ཐོག་མཛའ་ཅན། །དེ་ཡི་འབྲས་བུ་རྒྱུ་མཐུན་པ་ཞེས་བཤད་པ་ཡིན་ནོ། །ད་ནི་ཉེ་པར་སྒྲུབ་པ་བརྗོད་པར ་བྱ་སྟེ། མིག་ལ་སོགས་པ་བྱིན་གྱིས་བརླབས་པ་ནི་ཉེ་བར་སྒྲུབ་པ་ཞེས་བྱ་བར་བཤད་ལ། རྣམ་པར་སྨིན་པ་དེའི་འབྲས་བུ་ཡིན་ནོ། །དེ་འོག་ཅེས་བྱ་བ་ལ་སོགས་པ་ལ་དེ་འོག་ཅེས་བྱ་བ་ནི་དམ་ཚིག་དང་བསྙེན་པའི་སྦྱོར་བའི་རྗེས་ཐོགས ་ལའོ། རང་གི་ས་བོན་ནི་སའི་སྙིང་པོ་ལ་སོགས་པ་སྟེ། ཀྵཾ་ཛྲཾ་ཁཾ་གཾ་ཥཱཾ་སཾ་ཞེས་བྱ་བའོ། །ཇི་བཞིན་ཞེས་བྱ་བ་ནི་གོ་རིམ་མ་འཆོལ་པ་སྟེ། ཀྵཾ་ལ་སོགས་པའི་ས་བོན་དྲུག་ལས་བྱུང་བའི་འཁོར་ལོ་ཅན་རྡོ་རྗེ་དང་རིན་པོ་ཆེ་དང་པདྨ་དང་རལ་གྲི་དང་རྡོ་རྗེ་ལ་སོགས་པའི ་གཟུགས་སུ་བྱུང་བས་མིག་དང་རྣ་བ་དང། སྣ་དང་ལྕེ་དང་ལུས་དང་ཡིད་ལ་ཞུགས་ཏེ་ས་བོན་དེའི་འོད་ཟེར་རྣམས་ཀྱིས་དེ་བཞིན་གཤེགས་པ་ཐམས་ཅད་ཞུགས་པར་བྱས་ནས་སའི་སྙིང་པོ་ལ་སོགས་པ་ལྷ་རྣམས་བསྐྱེད་ལ་སོགས་པ་དེའི་རང་བཞིན་དུ་བྱའོ། ་སོགས་པའི་སྒྲས་ནི་ས་ལ་སོགས་པས་དེ་བཞིན་དུ་བྱིན་གྱིས་བརླབས་པ་དང་གཟུགས་ལ་སོགས་པའི་ཕུང་པོ་ལྔ་ལ་རྣམ་པར་སྣང་མཛད་ལ་སོགས་པས་བྱིན་གྱིས་བརླབས་པར་བྱའོ། །ཉེ་བར་སྒྲུབ་པའི་ཆོ་ག་འདིས་ནི་རེག་པ་རྣམ་པར་དག་པ་བཤད་པ་ཡིན་ནོ།། ་ད་ནི་སྒྲུབ་པའི་དོན་གྱི་དམ་ཚིག་བཤད་པར་བྱ་སྟེ། དེ་ཡང་དེ་ཡི་འབྲས་བུ་རྣམས་ཡིན། །སྒྲུབ་པ་དག་གིས་བཤད་བར་བྱ་ཅེས་བཤད་པ་ཡིན་ནོ། །དྲི་མེད་ཅེས་བྱ་བ་ལ་སོགས་པ་ལ་རང་གི་ཟླ་བའི་ཞེས་པ་རང་གི་སྙིང་གའི་ཟླ་བ་ལ་རྡོ་རྗེའི་ལྟེ་བ་ཞེས་པ ་རྡོ་རྗེའི་ཆང་གཟུངས་ཀྱི་དབུས་སུ་གནས་པའི་ཡི་གེ་ཧཱུཾ་ལས་སྙིང་གར་ཐུགས་ཀྱི་རྡོ་རྗེ་བསམ་པ་དང། དེ་བཞིན་དུ་ཁ་དང་མགོ་བོར་པདྨ་དང་འཁོར་ལོ་དག་ལ་གནས་པའི་ཡི་གེ་ཨཱ(རྒྱུད་འགྲེལ་རྣམ་པར་སྣང་མཛད་བསམ་པར་བྱའོ། །ཟླ་བའི་སྒྲ་སྨོས་པ་ཉིད་ཀྱིས་མེ་དང་དབང་ཆེན་དང་ཆུ་དང་རླུང་གི་དཀྱིལ་འཁོར་གྱི་སྟེང་ན་སྣ་ཚོགས་པདྨ་ཡོད་པར་དཔག་པར་བྱའོ། །ཚིག་ལེའུར་བཅས་པ་ལས་དཀྱིལ་འཁོར་མ་སྨོས་ན་ཇི་ལྟར་འདི་ལྟར ་དཔག་པར་བྱ་སྟེ། དེ་ནི་ལེགས་པ་མ་ཡིན་ནོ་ཞེས་བརྟག་པ་ནི་མི་བྱའོ། །ཅིའི་ཕྱིར་ཞེ་ན། དེ་སྐད་རྒྱུད་ལས་བཤད་ལ། འདིས་ནི་དཔལ་གསང་བ་འདུས་པའི་རྒྱུད་ཀྱི་རིམ་པ་ཐམས་ཅད་སྟོན་པ་ཡིན་ནོ། །དེ་ཡང་བདག་གི་བླ་མའི་ཞལ་སྔ་ནས་ཀྱིས་རླུང་དང་ཆུ ་དང་འབྲེལ་བ་དང། དེ་བཞིན་ཡང་ནི་དབང་ཆེན་མེ། །ཡཾ་བཾ་ལཾ་རཾ་ལས་བྱུང་བ། །མདོག་ནི་གྲངས་བཞིན་སྔོ་བ་དང། །དཀར་དང་སེར་དང་དམར་བ་དང། །བ་དན་ཡིས་མཆན་བུམ་པར་ལྡན། །དབང་ཆེན་མཚམས་སུ་རྡོ་རྗེས་མཚན། །རླུང ་ནི་གཞུ་ཡི་དབྱིབས་ཅན་ནོ། །ཆུ་ཡི་དཀྱིལ་འཁོར་ཟླུམ་པོ་སྟེ། །དབང་ཆེན་ཟུར་བཞི་བ་ཉིད་ཡིན། །མེ་ཡི་ཟུར་གསུམ་རྣམ་པ་སྟེ། །དེ་ཡི་དབུས་སུ་རྣམ་པར་བསྒོམ་ཞེས་བཤད་པ་ཡིན་ནོ། །དེ་ལྟར་ན་སྙིང་གར་མེའི་དཀྱིལ་འཁོར་གྱི་སྟེང་དུ་ཐུགས་རྡོ་རྗེ་དེའི་གོང ་བྲང་དུ་དབང་ཆེན་གྱི་དཀྱིལ་འཁོར་གྱི་སྟེང་དུ་ཡེ་ཤེས་སེམས་དཔའ་ལྐོག་མར་ཆུའི་དཀྱིལ་འཁོར་གྱི་སྟེང་དུ་གསུང་རྡོ་རྗེ་མགོ་བོའི་ཐོད་པའི་ནང་དུ་རླུང་གི་དཀྱིལ་འཁོར་གྱི་སྟེང་དུ་སྐུ་རྡོ་རྗེ་བསམ་མོ། །ལ་ལ་ནི་ཐུགས་རྡོ་རྗེ་ཉིད་ཡེ་ཤེས་སེམས་དཔའ་ཡིན་ནོ ་ཞེས་འདོད་མོད་ཀྱི། དེ་ནི་བདེན་པ་ཡིན་ཏེ། ཅིའི་ཕྱིར་ཞེ་ན། རྒྱུད་ལས་སྙིང་གའི་དབུས་ནས་ཕྲ་བ་ཡི། །ཡེ་ཤེས་སེམས་དཔའ་རྣམ་པར་བསྒོམ། །ཡི་གེ་གནས་ཀྱི་མཆོག་གྱུར་པ། །དེ་ཡི་དབུས་སུ་ཆུད་པར་བསམ། །དེ་ལྟར་གནས་ནི་བཞི་པོ་རུ་ཞེས ་གསུངས་པས་ཐུགས་དང་གསུང་དང་སྐུ་རྡོ་རྗེ་དང་བཟའ་བ་ནི་ཡེ་ཤེས་སེམས་དཔའ་ཡིན་ནོ། །འོ་ན་སངས་རྒྱས་ཡེ་ཤེས་ཀྱི་ཞལ་སྔ་ནས་ཀྱིས་ཚིག་ལེའུར་བྱས་པར་ཅིའི་ཕྱིར་མ་གསུངས་ཞེ་ན། ལན་དུ་སྨྲས་པ་ཉིད་ཡིན་ཏེ་དང་པོར་ནང་པར་སྙིང་གའི ་བླ་དབུས་སུ་དྲི་མེད་འོད་ཟེར་རབ་ཏུ་འཕྲོ་བའི་མཾ་ཞེས་བྱ་བ་ལ་སོགས་པ་མང་དུ་སྨོས་པ་ཡིན་ནོ། །དེ་བས་ན་ཡེ་ཤེས་སེམས་དཔའ་མེད་པར་དཀྱིལ་འཁོར་གྱི་འཁོར་ལོ་རྫོགས་པར་མི་འགྱུར་བར་ཤེས་པར་བྱས་ལ་སློབ་དཔོན་གྱིས་ཚིགས་སུ ་བཅད་པར་མ་གསུངས་པའི་སོམ་ཉི་མི་བྱའོ། །ཡེ་ཤེས་སེམས་དཔའ་ནི་དམ་ཚིག་སེམས་དཔའ་ལྟར་ཤེས་རབ་དང་ཐབས་ཀྱི་བདག་ཉིད་དུ་བསམ་པར་བྱའོ། །ཐུགས་རྡོ་རྗེ་ལ་སོགས་པ་ཡང་དེ་བཞིན་ནོ། །དེའི་ཐུགས་ཀའི་ཞེས་བྱ་བ་ལ་དེའི་ཞེས ་བྱ་བ་ནི་དེ་རྣམས་ཀྱི་ཐུགས་ཀའི་ཡེ་ཤེས་ཀྱི་གཟུགས་ཅན་གྱི་ཡི་གེ་སྟེ། དེ་ལ་བྱུང་བའི་འོད་ཟེར་གྱི་ཚོགས་རྣམས་སོ། །ཤེས་རབ་དམ་པ་ནི་རང་རང་གི་རིག་པ་སྟེ། དེ་རྣམས་དང་འདུས་པ་ནི་གཅིག་ཏུ་འདྲེ་པར་གྱུར་པ་ཡིན་ལ་དེའི་འོད་རྣམས་ཀྱིས་སྣོད་ཞིང། ་གསལ་བའི་ངང་ཚུལ་ཅན་གྱིས་སོ། །དེས་ཇི་སྐད་སྟོན་པར་འགྱུར་ཞེ་ན། མི་བསྐྱོད་པ་ལ་སོགས་པའི་སྙིང་པོའི་ས་བོན་ལས་བྱུང་བའི་འོད་ཟེར་རྣམས་ཀྱིས་དེ་བཞིན་གཤེགས་པའི་ཚོགས་རྣམས་མཆོད་པ་རྣམ་པ་སྣ་ཚོགས་ཀྱིས་མཆོད་ལ། ཚིགས་སུ་བཅད ་པ་འདིས་བདག་ཉིད་བྱིན་གྱིས་རླབས་པའི་ཕྱིར་གསོལ་བ་གདབ་པར་བྱའོ། །དཔལ་ལྡན་ཞེས་བྱ་བ་ནི་དཀྱིལ་འཁོར་གྱི་བདག་པོ་ཡིན་པའི་ཕྱིར་རོ། །རྡོ་རྗེ་ཐུགས་འཆང་བ་ཞེས་བྱ་བ་ནི་རྡོ་རྗེ་ལྟར་མི་བྱེད་ཅིང་གཡོ་བ་མེད་པའི་ཐུགས་གང་ལ་མངའ་བ་དེ་ནི ་རྡོ་རྗེ་ཐུགས་འཆང་བ་སྟེ་མི་བསྐྱོད་པའོ། །སྐུ་གསུང་ཐུགས་གསུམ་པོ་རྡོ་རྗེ་ལྟར་མི་ཕྱེད་ཅིང་མི་གཡོ་བ་བསྒོམ་པ་གང་ཡིན་པ་དེ་ནི་རྡོ་རྗེ་ནི་བྱེད་གསུམ་བསྒོམས་བས་སོ། །འདིས་ནི་དོན་དམ་པར་ཐམས་ཅད་ཀྱང་ཐམས་ཅད་ཀྱི་བདག་ཉིད་ཅན་ཡིན་ནོ། ་ཞེས་སྟོན་ཏོ། །དེ་བདག་ཅེས་བྱ་བ་ལ་སོགས་པ་ལ་བདག་ཐུགས་རྡོ་རྗེའི་རྣལ་འབྱོར་པ་རང་བཞིན་གྱིས་དབྱེར་མི་ཕྱེད་ཆོས་ཀྱི་དབྱིངས་སུ་བྱིན་གྱིས་རློབ་པར་མཛད་དུ་གསོལ་ཞེས་པ་སྟེ། བདག་གི་སེམས་ཐུགས་རྡོ་རྗེ་དང་མཉམ་པར་གྱུར ་ཅིག་ཅེས་བྱ་བའི་བར་དུའོ། །ཐུགས་རྡོ་རྗེ་འབའ་ཞིག་ཏུ་མ་ཟད་ཀྱི། ཕྱོགས་བཅུ་ན་བཞུགས་པའི་སྐུ་དང་གསུང་དང་ཐུགས་རྡོ་རྗེའི་རྣལ་འབྱོར་པ་རྣམས་ཀྱིས་བདག་ལ་བྱིན་གྱིས་རློབ་པར་མཛོད་ཅིག་པའོ། །ོཾ་ཞེས་བྱ་བ་ལ་སོགས་པ་ལ། ཐུགས ་རྡོ་རྗེས་བྱིན་གྱིས་རླབས་པ་དང། དེ་བཞིན་གཤེགས་པ་ཐམས་ཅད་ཀྱིས་བྱིན་གྱིས་བརླབས་པས་བདག་གིས་སེམས་ཐུགས་རྡོ་རྗེ་དང་འདྲ་བ་འགྱུར་ཏོ་ཞེས་ཨོཾ་གྱིས་ངེས་པར་བྱས་པའོ། །ཡེ་ཤེས་སེམས་དཔའ་ཨི་བྱིན་གྱིས་བརླབས་པ་ཡང་རིམ་པ ་འདི་ཉིད་ཀྱིས་བྱའོ། །གསུང་རྡོ་རྗེའི་གསོལ་བ་གདབ་པའི་ཚིགས་སུ་བཅད་པ་གསུངས་པ་ནི་ཆོས་ཀྱི་གསུང་ལམ་ཞེས་བྱ་བ་ལ་སོགས་པ་གསུངས་པ་ཡིན་ཏེ། ཆོས་ནི་རྡོ་རྗེ་ཆོས་དེ་འོད་དཔག་ཏུ་མེད་པའོ། །གསུང་ལམ་ནི ་གསུང་གི་ངོ་བོ་སྟེ་ཆོས་ཐམས་ཅད་སྟོན་པ་ལ་དབང་དུ་གྱུར་པའི་ཕྱིར་རོ། །དེ་ཉིད་ཀྱིས་ན་དཔལ་ལྡན་ནོ། །གསུང་ནི་རྡོ་རྗེ་ཅན་བདག་ལ། །གསུང་གི་བྱིན་གྱིས་བརླབས་མཛོད་ལ་བདག་གི་དག་དེ་དང་འདྲ་བར་གྱུར་ཅིག་ཅེས་བྱ་བའི་དོན་ཏོ། །ོཾ་ཞེས་བྱ ་བ་ལ་སོགས་པ་ནི་སྔ་མ་བཞིན་ནོ། །སྐུ་རྡོ་རྗེའི་གསོལ་བ་གདབ་པའི་ཚིགས་སུ་བཅད་པ་གསུངས་པ་ནི་དཔལ་ལྡན་རྡོ་རྗེས་ཞེས་བྱ་བ་ལ་སོགས་པ་སྟེ། སྐུ་རྡོ་རྗེ་ནི་རྣམ་པར་སྣང་མཛད་དོ། །དེ་ནི་རང་བཞིན་གྱིས་ཤིན་ཏུ་མཛེས་པའི་རང་བཞིན་ཅན་གྱིས་སྐུ་ཆེན་པོ ་མངའ་བས་དཔལ་ལྡན་ཏེ་ངེས་བདག་གི་ལུས་བྱིན་གྱིས་བརླབ་པར་མཛད་དེ། བདག་གི་ལུས་རྡོ་རྗེ་ལྟ་བུར་གྱུར་ཅིག་ཅེས་བྱ་བའི་བདག་དུའོ། །ོཾ་ཞེས་བྱ་བ་ནི་སྔ་མ་དང་འདྲའོ། །ལ་ལ་ནི་ཀུན་ཏུ་བཟང་པོའི་ཐུགས་གང་ཡིན་ཞེས་བྱ་བ་ལ་སོགས་པ ་ཚིགས་སུ་བཅད་པ་གསུམ་བྱིན་གྱིས་བརླབ་པའི་དོན་དུ་འདོད་མོད་ཀྱི། ལེའུ་བཅུ་གཉིས་པ་ལས་ཚིགས་སུ་བཅད་པ་གཉིས་པོ་ཉིད་སྟོན་པས་ལེའུ་བདུན་པ་ལས་གསུངས་པ་དེ་ནི་གནས་སྐབས་གཞན་ཡིན་ཏེ་མར་མེ་མཛད་བཟང་པོའི་ཞལ་སྔ ་ནས་ཀྱི་རྗེས་དྲན་བཅུ་དྲུག་དག་པ་རྣམས། བྱེད་པ་ཡིན་ཞེས་དེར་གསུངས་པ། དེ་ནི་ཐུགས་སོགས་བྱིན་བརླབས་པའི། །གནས་སྐབས་མིན་ཕྱིར་མ་བཤད་ཞེས་བཤད་བས་རྗེས་སུ་དྲན་པའི་སྐབས་སུ་ཀུན་ཏུ་བཟང་པོའི་ཐུགས་གང་ཡིན་ཞེས་བྱ་བ་ལ ་སོགས་པ་བསྟན་པ་ཡིན་ནོ། །སྐུ་གསུམ་བྱིན་གྱིས་བརླབ་པ་བསྟན་པ་འདིས་ནི་ཚོར་བ་རྣམ་པར་དག་པ་བསྟན་པ་ཡིན་ནོ། །ད་ནི་སྒྲུབ་པ་ཆེན་པོ་བརྗོད་པར་བྱ་སྟེ། སྒྲུབ་པ་ཆེན་པོ་ནི་དབང་གི་འབྲས་བུའོ། །དེ་བཤད་པ་ནི་ནམ་མཁའ་ལྟ་བུའོ་ཞེས་བྱ་བ་ལ ་སོགས་པ་ཡིན་ཏེ་དོན་དམ་པར་ནམ་མཁའ་ལྟ་བུར་དངོས་པོ་མེད་པའི་ངོ་བོར་རྡོ་རྗེ་གསུམ་པོའི་མཚན་ཉིད་དེ་མཚན་དང་དཔེ་བྱད་ཀྱི་ཆ་ཤས་དང་བྲལ་བར་དམིགས་ཤིང་རྣམ་པར་བསམས་ནས་སྒྲུབ་པ་ཆེན་པོ་བརྩམ་པར་བྱའོ་ཞེས་བྱ་བ་ནི་སློབ་དཔོན་གྱི་དགོངས་པ ་ཡིན་ནོ། སེམས་བརྟན་པར་བྱ་བའི་ཕྱིར་རྣལ་འབྱོར་ཆེན་པོ་ལ་ཡང་དང་ཡང་དུ་བསླབ་པར་བྱ་སྟེ། ཇི་སྐད་དུ་ཐམས་ཅད་ནམ་མཁའ་ཨི་རང་བཞིན་ཏེ། སེམས་ཀྱང་ནམ་མཁའ་ཨི་རང་བཞིན་དུ། །རྣམ་པར་མི་རྟོག་ཉིད་བརྟེན་ན། །དོགས་པ་མེད་པ་ཉིད་རབ་སྐྱེ་ཞེས་ཇི་སྐད ་བཤད་པ་ལྟ་བུའོ། །ཕྱོགས་ཚོགས་ཞེས་བྱ་བ་ལ་སོགས་པ་ལ་ཕྱོགས་བཅུ་ཁྱབ་པའི་སངས་རྒྱས་ཀྱི་ཚོགས་རྣམས་སྙིང་པོའི་འོད་ཟེར་རྣམས་ཀྱིས་ཡང་དག་བསྐུལ་ཞེས་པ་ཡེ་ཤེས་སེམས་དཔའ་ཐུགས་ཀའི་ས་བོན་གྱི་འོད་ཟེར་རྣམས་ཀྱིས་བསྐུལ་བ ་དང་ཡེ་ཤེས་སེམས་དཔའ་ཨི་ས་བོན་གྱི་འོད་ཟེར་གྱི་ཚོགས་ཀྱིས་སད་པར་བྱས་པའི་ཕྱོགས་བཅུའི་དཀྱིལ་འཁོར་ན་བཞུགས་པའི་དེ་བཞིན་གཤེགས་པའི་ཚོགས་ལས་བྱུང་བའི་འོད་ཟེར་གྱི་སྒོ་ལས་སྐྱེས་པའི་སྤྱན་ལ་སོགས་པའི་ལྷ་མོའི་ཚོགས་ཕྱག་གི ་མཐིལ་ན་བདུད་རྩི་ལྔའི་ཆོས་ཡོངས་སུ་གང་བའི་བུམ་པ་བསྣམས་པས་དབང་བསྐུར་བ་དང་མི་བསྐྱོད་པ་རྣམ་པར་བརྒྱན་པའི་ཅོད་པན་དུ་གྱུར་ཏོ་ཞེས་བྱ་བའི་དོན་ཏོ། །རང་གི་རིགས་ཀྱི་གཙོ་བོ་ནི་འཇམ་པའི་རྡོ་རྗེའི་རིགས་ཀྱི་བདག་པོ་མི་བསྐྱོད་པ་ཡིན་ཏེ ་ཆོས་ཀྱི་དབྱིངས་རྣམ་བར་དག་པའི་ཡེ་ཤེས་ཀྱི་རང་བཞིན་ཅན་ཡིན་པའི་ཕྱིར་རོ། །སྤྱི་བོར་བདུད་རྩིའི་དཀྱིལ་འཁོར་གྱི་སྟེང་དུ་མི་བསྐྱོད་པ་བསམ་པར་བྱའོ་ཞེས་བྱ་བ་ནི་སློབ་དཔོན་རྣམས་ཀྱི་མན་ངག་ཡིན་ནོ། །དབང་བསྐུར་བས་ནི་སྲེད་པ་རྣམ་པར་དག་པ ་བསྟན་པ་ཡིན་ནོ། །འདི་ནི་སྒྲུབ་པ་ཆེན་པོ་སྟེ། འདིའི་འབྲས་བུ་དབང་ཡིན་ནོ། །དེ་ལྟར་ཐབས་མངོན་པར་འདུས་བྱས་པའི་ཡན་ལག་བཞི་པོ་བསྟན་པ་ཡིན་ནོ་ཞེས་བདག་གི་བླ་མའི་ཞལ་སྔ་ནས་ཀྱིས་བཤད་པ་ཡིན་ནོ་ཐབས་ཀྱི་བྱེ་བྲག་གིས་ཤེས་རབ་ཁྱད་པར ་ཅན་དུ་འགྱུར་བས་ཐབས་བསྒོམས་ནས་ཤེས་རབ་བསྒོམ་པར་བྱའོ། །འདིར་ལ་ལ་དག་ཡོངས་སུ་རྒོལ་བར་བྱེད་དེ་སྔར་ཕྱག་གཉིས་ཤེས་རབ་དམ་པ་འཁྱུད་པ་དང་ཞེས་བྱེ་བ་འདིས་འདིའི་ཤེས་རབ་བསྟན་ཟིན་ན་ཇི་ལྟར་ན་ཡང ་ཤེས་རབ་བསྒོམ་པར་བྱ་ཞེ་ན། དེ་ནི་ལེགས་པ་མ་ཡིན་ཏེ། ཕྱག་གཉིས་ཤེས་རབ་དམ་པ་འཁྱུད་པ་དང་ཞེས་བྱ་བ་བསྟན་པ་འདིའི་བཤད་པ་ནི་འདི་ཡིན་ཏེ། གཞན་དུ་ན་སྔར་ཡན་ལག་ཆ་ཤས་ཡོངས་སུ་རྫོགས་ཟིན་པས་འཇམ་པའི་རྡོ་རྗེ་སྐུ་དང ་གསུང་ཐུགས་བྱིན་གྱིས་བརླབ་པ་ཡང་མི་འཐད་པར་འགྱུར་ན། ཇི་ལྟར་བསྟན་པར་བྱ་བའི་ཕྱིར་སྐུ་དང་གསུང་དང་ཐུགས་བྱིན་གྱིས་བརླབ་པའི་བྱ་བ་འཐད་པ་དེ་བཞིན་དུ་ཤེས་རབ་བསྒོམ་པ་ཡང་རིགས་པ་ཉིད་ཡིན་ནོ། །གཞན་དག་ནི་དམ་ཚིག ་གི་ཕྱག་རྒྱ་བྱིན་གྱིས་བརླབ་པའི་ཕྱིར་སློབ་དཔོན་གྱིས་འདི་གསུངས་པ་ཡིན་ནོ་ཅེས་འདོད་དོ། །རྒྱུད་ཀྱི་དོན་ལ་མངོན་པར་མི་མཁས་པ་ལ་ཡང་གཞུང་ནི་ཇི་ལྟར་ཕྱག་གཉིས་ཤེས་རབ་དམ་པ་འཁྱུད་པ་དང་ཞེས་བྱ་བའི་ཚིགས་རྣམས་འདིས ་འཆད་པར་བྱེད་དེ། ཇི་ལྟར་འབྱང་བའི་ངང་ཚུལ་ནི་འབྱར་བ་སྟོང་པ་ཡིན་ཞེས་བྱ་བའི་བར་དུ་སྟེ་དེ་ལྟར་ན་འཇམ་པའི་རྡོ་རྗེ་འབའ་ཞིག་ཉིད་རྣམ་པར་བསམས་ལ་དེ་བཞིན་ཞེས་བྱ་བ་ལ་སོགས་པས་ཤེས་རབ་བསྒོམ་པར་བྱའོ་ཞེས་ཟེར་མོད་ཀྱི་འདི ་ནི་ཤིན་ཏུ་ཡང་མི་འཐད་དེ་ཅིའི་ཕྱིར། རྒྱུད་ལས་སྔགས་ཀྱི་སྐྱེས་བུ་ཇི་སྙེད་པ། །རྡོ་རྗེ་གསུམ་གྱི་ཡེ་ཤེས་རྫོགས། །དབང་པོ་གཉིས་ཀྱི་སྦྱོར་བ་ཡིན། །དངོས་པོ་ཐམས་ཅད་བརྟག་པར་བྱ་ཞེས་གསུངས་ལ་ཇི་སྙེད་པ་ཞེས་བྱ་བ་འདིར་རྒྱ་ཆེར ་བཤད་པ་བྱེད་པ་དག་གིས་འདི་ན་སྔགས་ཀྱི་སྐྱེས་བུ་གང་ཇི་སྙེད་ཡོད་པ་དེ་ཐམས་ཅད་སྐྱེད་པའི་དུས་ཀྱི་རྗེས་ཐོགས་ཉིད་ནས་ཤེས་རབ་དང་ཐབས་ཀྱི་སྦྱོར་བས་རྣམ་པར་བསྒོམ་པར་བྱའི་གཅིག་པུ་ནི་མ་ཡིན་ནོ་ཞེས་བཤད་པའི་ཕྱིར་རོ ་དེ་བཞིན་ཞེས་བྱ་བ་ལ་སོགས་པ་ལ་དེ་བཞིན་ཞེས་བྱ་བ་ནི་རང་གི་ལྷ་འཇམ་པའི་རྡོ་རྗེ་ཅི་འདྲ་བ་དེ་དང་འདྲ་བའི་མདངས་མཛེས་པའི་ལྷ་མོ་གང་ཡིན་པ་རང་གི་སྙིང་པོ་མཾ་གིས་སྤྲུལ་ཞིང་བསྐྱེད་པར་བྱ་ཞིང་ཇི་ལྟར་འཇམ་པའི་རྡོ་རྗེ་ལ་སྐུ་དང་གསུང་དང་ཐུགས ་བྱིན་གྱིས་བརླབ་པ་དང་དབང་བསྐུར་བར་བྱ་བ་དེ་བཞིན་དུ་རིག་མ་ལ་ཡང་བྱའོ། །དེ་ཉིད་ཀྱིས་ན་མིག་ལ་སོགས་པ་དགང་ཞིང་ཞེས་བྱ་བ་སྨོས་ཏེ་སའི་སྙིང་པོ་ལ་སོགས་པས་དགང་བ་དང་ཡི་གེ་གསུམ་རྣམ་པར་དགོད་པས་སྐུ་དང་གསུང་དང་ཐུགས་བྱིན་གྱིས ་བརླབས་པ་དེས་རིགས་མའི་ལུས་འོད་དང་ལྡན་ཞིང་འབར་བ་དང་བཅས་པ་གང་ཡིན་པ་དེ། དེ་ལྟར་ཐབས་དང་འདྲ་བར་ཐུན་མོང་གི་མངོན་པར་འདུས་བྱ་བས་མངོན་པར་འདུས་བྱས་ནས། རྒྱུད་ལ་སོགས་པ་གསུངས་པའི་བྱིན་གྱིས་བརླབ་པའི་མཚན་ཉིད ་གསུངས་པ་ནི། དེ་ཉིད་ཤེས་པས་ཞེས་བྱ་བ་ལ་སོགས་པ་ཡིན་ཏེ་མགོ་དང་ཞེས་བྱ་བ་སྤྱི་བོར་ཨོཾ་སྙིང་གར་ཧཱུཾ་ལྟེ་བར་སྭཱ་གསང་བའི་པདྨར་ཨཱ(རྒྱུད་འགྲེལ་སྟེ། འདི་དག་གིས་རྣམ་པར་སྣང་མཛད་དང་མི་བསྐྱོད་པ་དང་རིན་ཆེན་འབྱུང་ལྡན་དང་འོད་དཔག་ཏུ་མེད་པ་དང་དོན་ཡོད་གྲུབ་པ་སྟེ། དེ་བཞིན་གཤེགས་པ་ལྔས་ཡན་ལག་བྱིན་གྱིས་བརླབས་པར་བསྒོམས་ལ། ས་གསུམ་པོ་ཁྱབ་པའི་དེ་བཞིན་གཤེགས ་པ་ལྔའི་ངོ་བོ་ཉིད་ཀྱི་འོད་ཟེར་གྱིས་ཕྲེང་བའི་ཚོགས་དམ་པ་གང་ལ་ཡོད་པའི་ཡི་གེ་ཨས་བྱིན་གྱིས་བརླབས་པའི་སྣ་ཚོགས་པའི་གསང་བའི་ལྟེ་བ་གང་ཡིན་པ་ཡི་གེ་ཧཱུཾ་ལ་པདྨ་འདབ་མ་བརྒྱད་པའི་གཟུགས་ཅན་གྱི་གསང་བའི་པདྨ་ཆོས་འབྱུང་བའི ་ཁོངས་སུ་ཆུད་པ་ཞེས་བྱ་བའི་བར་དུའོ། །ལྷའི་རྣམ་པར་དག་པ་གསུངས་པ་ནི་ཤེས་རབ་པདྨ་ཞེས་བྱ་བ་ལ་སོགས་པ་ཡིན་ཏེ་སྤྲོས་པའི་ཚོགས་ཐམས་ཅད་དང་བྲལ་བའི་སྟོང་པ་ཉིད་ཀྱི་ངོ་བོ་ཉིད་ནི་ཤེས་རབ་དམ་པ་སྟེ། དེའི་རྒྱུ་མཐུན་པ་ནི་རྒྱུ་དང་འདྲ་བའི ་འབྲས་བུ་ཀུན་རྫོབ་ཀྱི་བདེན་པའི་ཤེས་རབ་དང་ལྷན་ཅིག་ཏུ་འོག་ནས་བཤད་པའི་ཚུལ་གྱིས་སྔགས་པས་དགའ་བ་ཀུན་ཏུ་བརྩམ་པར་བྱ་སྟེ། ཤེས་རབ་དང་ཐབས་ཀྱི་སྦྱོར་བ་དང་ལྡན་པས་དོན་དམ་པའི་ཡུལ་ལ་ཀུན ་ཏུ་ཆགས་པའོ་ཞེས་བྱ་བའི་བར་དུའོ། །དེ་ལྟར་རྡོ་རྗེ་དང་པདྨ་མཉམ་པར་སྦྱོར་བའི་བདེ་བ་ཆེན་པོ་ཉམས་སུ་མྱོང་བའི་དུས་སུ་ལྷའི་ང་རྒྱལ་ཁྱད་པར་ཅན་བསྐྱེད་པར་བྱ་བ་ནི་ཨོཾ་ཞེས་བྱ་བ་ལ་སོགས་པ་སྟེ། དེ་བཞིན་གཤེགས་པ་ཐམས་ཅད་ཀྱི ་དོན་དམ་པ་དང་ཀུན་རྫོབ་ཀྱི་ཆ་གཅིག་ཏུ་གྱུར་པའི་སྦྱོར་བས་རང་བཞིན་གྱི་སེམས་ཀུན་ཏུ་བཟང་པོ་ཉིད་དུ་ཡོངས་སུ་དགའ་བ་ལ་བརྩོན་པར་ཨོཾ་ཞེས་བྱ་བར་ངེས་པར་བྱ་བའོ། །ཤེས་རབ་བསྒོམ་པས་ནི་ལེན་པ་རྣམ་པར་དག་པར་བསྟན་ལ། ་རྗེས་སུ་མཉེས་པ་ནི་ལས་ཀྱི་ཚུལ་ཡིན་པའི་ཕྱིར་སྲིད་པ་རྣམ་པར་དག་པ་ཡིན་ཏེ་འདི་དག་བསྟན་པས་ནི་མཐོང་བའི་ལམ་གྱི་ངོ་བོ་ཉིད་ཀྱིས་ཡན་ལག་བཞི་པ་ནི་དང་པོའི་སྦྱོར་བ་ཡིན་ནོ། །ལ་ལ་ནི་དབང་བསྐུར་བའི་མཐར་ཐུག་པ་ལ་དང་པོའི་སྦྱོར་བ ་ཡིན་པར་འདོད་དོ། །ད་ནི་ཤེས་རབ་དང་ཐབས་རྣམ་པ་ཐམས་ཅད་དུ་ཡོངས་སུ་རྫོགས་པར་བྱ་བའི་ཕྱིར་དཀྱིལ་འཁོར་གྱི་རྒྱལ་པོའི་མཆོག་གི་ཏིང་ངེ་འཛིན་བརྗོད་པར་བྱ་སྟེ། འདི་ནི་བསྒོམ་པའི་ལམ་གྱི་ངོ་བོ་ཉིད་ཡིན་ལ། དེ་བཤད་པ་ནི་ཐུགས་ཀའི ་ཞེས་བྱ་བ་ལ་སོགས་པ་ཡིན་ཏེ། ཐུགས་ཀའི་ཟླ་བ་ཅེས་བྱ་བ་ནི་ཐུགས་ཀའི་ཟླ་བའི་ནང་དུ་ཆུད་པའི་སྔགས་ཡིག་མིག་གི་འདི་རྣམས་ཀྱིས་ཕྱོགས་བཅུའི་དཀྱིལ་འཁོར་ན་བཞུགས་པའི་འོག་ནས་བཤད་པའི་སངས་རྒྱས་ཀྱིས་ཚོགས ་རྣམས་མ་ལུས་པར་ཞུགས་པ་ཙམ་ཉིད་ཀྱི་ཧཱུཾ་གིས་བྱིན་གྱིས་བརླབས་པའི་གསང་བའི་རྡོ་རྗེ་མཛའ་མའི་ལམ་ནས་ཟུང་སྟེ། ཤེས་རབ་དམ་པའི་གསང་བའི་པདྨར་བྱུང་བའི་ནང་ན་གནས་པའི་བྱང་ཆུབ་ཀྱི་སེམས་ཀྱི་གཟུགས་སུ་བལྟ་བར་བྱའོ།། ་རང་གི་སྙིང་པོ་ལས་བྱུང་བ་ཞེས་བྱ་བ་ནི་རང་གིས་ས་བོན་ལས་བྱུང་བའི་མཚན་མ་ལས་སྐྱེས་པའི་མ་ལུས་པའི་རང་གིས་དཀྱིལ་འཁོར་བའི་འཁོར་ལོ་གསང་བའི་པདྨའི་ནང་གི་དབུས་སུ་རྣམ་པར་བསམས་ལ་དབང་བསྐུར་བ་དང་བདུད་ཀྱི་མྱང་བ་ལ་སོགས ་པའི་མཐར་ཐུག་པ་བྱས་ལ་སེམས་བརྟན་པར་དབྱུང་བར་བྱའོ། །ཅིའི་ཕྱིར་ཞེ་ན། འཇིག་རྟེན་རྣམས་ལ་ཕན་ཕྱིར་ཞེས་བྱ་བ་སྨོས་ཏེ། སེམས་ཅན་མ་ལུས་པ་གདོན་པར་བྱ་བའི་ཕྱིར་སྔ་མ་བཞིན་དུ་གཞལ་ཡས་ཁང་གི་ནང་དུ་སྣ་ཚོགས་པདྨ་ཟླ་བའི་དཀྱིལ་འཁོར ་ལ་གནས་པ་ཤེས་རབ་དང་ཐབས་ཀྱི་བདག་ཉིད་ཅན་གྱི་ལྷ་མ་ལུས་པ་ཆོས་འབྱུང་བའི་ནང་དུ་རྣམ་པར་བསྒོམ་པ་ཡུན་རིང་དུ་བསམས་ལ་དེའི་འོག་ཏུ་བླ་མའི་མན་ངག་གིས་དབྱུང་བར་བྱའོ། །ཇི་ལྟར་ཡང་དག་པར་དབྱུང་བར་བྱ་ཞེ་ན། བཛྲ་དྷྲིཀ་ཅེས་བྱ་བ ་དང། ཐུགས་རྡོ་རྗེ་ཅེས་བྱ་བ་སྨོས་ཏེ། ཐུགས་རྡོ་རྗེ་བསྐུལ་བ་འདིར་ཆོ་ག་བཞིན་དུ་ཞེས་བྱ་བ་དང་སྦྱར་ཏེ་བཛྲ་དྷྲིཀ་ཅེས་རྒྱུད་ལས་གསུངས་པའི་སྔགས་ཀྱིས་ཡོངས་སུ་བསྐུལ་བ་དང་སྐྱེ་བོ་དམ་པའི་དོན་མཛད་པ་སྟེ་གང་གིས་སེམས་ཅན་མ་ལུས་པའི་ཚོགས་ཀྱི་ཞེ་སྡང ་སྤང་བའི་ཕྱིར་སྐུ་དང་ཞལ་དང་པོ་ནོར་བུ་སྔོན་པོའི་འོད་འདྲ་བ་སྟེ། ནོར་བུ་མཐོན་ཀ་ལྟ་བུའོ། །ཞལ་གཡས་དཀར་བ་གཡོན་པ་དམར་པའོ། །དམ་པ་དང་པོ་ནི་དཔལ་རྡོ་རྗེ་སེམས་དཔའ་ཨི་སྟེ། དེ་ལྟ་བུའི་མཚོན་ཆ་བསྣམས་པའི་ཕྱག་དང་ལྡན་པའོ། །དེ་བཞིན་དུ ་ཁ་དོག་དཔག་ཏུ་མེད་པའི་འོད་ཚོགས་མངའ་ཞེས་བྱ་བ་སངས་རྒྱས་ཀྱི་སྤྲུལ་པའི་ཚོགས་རྣམ་པར་འཕྲོ་བས་ཕྱོགས་ཀྱིས་ཚོགས་མ་ལུས་པར་ཁྱབ་པའོ། །བློ་དང་ལྡན་པ་ཞེས་བྱ་བ་ནི་སེམས་མི་གཡེང་བས་སོ། །ལེགས་བསྡུས་བདག་ཉིད་ཀྱི་ཞེས་བྱ་བ་ནི ་པདྨའི་ནང་ནས་བྱུང་སྟེ་སེམས་ཅན་གྱི་ཚོགས་མ་ལུས་པའི་ཞེ་སྡང་སྤངས་པར་མཛད་ནས་དཔལ་འཇམ་པའི་རྡོ་རྗེར་བདག་ཉིད་གནས་པ་ལ་ཞུགས་ཤིང་ཡོངས་སུ་ཐིམ་པར་བྱའོ། །དངོས་པོ་ཐམས་ཅད་ཀྱིས་ནི་ཞེས་བྱ་བ་ནི་ཆུ་དང་འོ་མ་འདྲ་བར་ཏེ། འདི་ནི ་དཔལ་གསང་བ་འདུས་པའི་རྒྱུད་ལས་འཇམ་པའི་རྡོ་རྗེ་དང་མི་བསྐྱོད་པ་གཅིག་པ་ཉིད་དུ་བསྟན་ཏོ། །ཛི་ན་ཛི་ཀ་ཅེས་བྱ་བ་ལ་སོགས་པ་ལ་སྔགས་འདིས་རྣམ་པར་སྣང་མཛད་ཡང་དག་པར་དབྱུང་བར་བྱའོ། །རྡོ་རྗེ་འཛིན་འདིའི ་ཞེས་བྱ་བ་ནི་རྡོ་རྗེ་སེམས་དཔའ་དང་འདྲ་བར་སྐུ་མདོག་དཀར་ཞིང་ཞལ་གཡས་ནག་པོ་གཡོན་དམར་བའོ། །འཁོར་ལོ་ལ་སོགས་ཞེས་བྱ་བ་ནི་ཕྱག་མཚན་འཁོར་ལོ་དང་རལ་གྲི་དང་པདྨ་དང་ཡིད་བཞིན་གྱི་ནོར་བུ་བསྣམས་པ་བསམ་པར་བྱའོ། །དེ་བཞིན ་ཞེས་བྱ་བ་ནི་སེམས་ཅན་རྣམས་ཀྱི་གཏི་མུག་རྣམ་པར་དག་པར་མཛད་ནས་ཤར་ཕྱོགས་སུ་སྣ་ཚོགས་པདྨ་དང་ཟླ་བའི་དབུས་སུ་བསམ་པར་བྱའོ། །རཏན་དྷྲིཀ་ཅེས་པ་ལ་སོགས་པ་ལ་རཏན་དྷྲིཀ་ཅེས་བྱ་བའི་སྔགས་བརྗོད་ལ་རིན་ཆེན་འབྱུང་ལྡན་དབྱུང་བར ་བྱའོ། གང་དུ་ཞེ་ན། ལྷོ་ཕྱོགས་སུའོ། །ཞལ་ནི་ཞལ་རས་ཏེ་གཞོན་ནུ་འདྲ་ཞེས་བྱ་བ་ནི་འཇམ་པའི་རྡོ་རྗེ་ལྟ་བུའོ། །བཙོ་མ་གསེར་ནི་བསྲེགས་པའི་ལས་སྟོན་པའི་གསེར་ཏེ་དེ་དང་སྐུ་མདོག་གི་མདངས་འདྲ་བ་ལ་རིན་པོ་ཆེ་དང་རལ་གྲི་དང་པདྨ་དང ་འཁོར་ལོ་བཟང་པོ་བསྣམས་ཤིང་ཕྱག་གཉིས་ཀྱིས་རིག་པ་འཁྱུད་པ་དང་བཅས་ན་ཕྱག་དྲུག་མངའ་བ་གང་ཡིན་པ་དེ་ལ་དེ་སྐད་ཅེས་བྱའོ། །ཱ་རོ་ལིཀ་ཅེས་བྱ་བ་ལ་སོགས་པ་ལ་ཨཱ་རོ་ལིཀ་ཅེས་བྱ་བའི་སྔགས་ཀྱིས་འོད་དཔག་ཏུ་མེད་པར ་དབྱུང་བར་བྱའོ། །ཇི་ལྟ་བུ་ཞེ་ན། པདྨ་རཱ་ག་ལྟར་དམར་བ་སྟེ་ནོར་བུ་པདྨ་ར་གའི་མདོག་ཅན་ནོ། །ཞལ་གཉིས་དེ་དང་འདྲ་ཞེས་བྱ་བ་ནི་འཇམ་པའི་རྡོ་རྗེ་དང་འདྲ་བའོ། །འོད་ཟེར་དམར་ཞིང་ཞེས་བྱ་བ་ནི་འོད་ཀྱི་དཀྱིལ་འཁོར་དུ་ཁ་དོག་དམར་བའི་དབུས་ན ་བཞུགས་པའོ། །ཕྱག་ན་པདྨ་སོགས་ཞེས་བྱ་བ་ནི་པདྨ་དང་རལ་གྲི་དང་རིན་པོ་ཆེ་དང་འཁོར་ལོའི་མཚན་མ་བསྣམས་པས་ཕྱག་བརྒྱན་པར་ནུབ་ཕྱོགས་སུ་བསམ་པར་བྱའོ། །པྲཛྙཱ་དྷྲིཀ་ཅེས་བྱ་བ་ལ་སོགས་པ་ལ་པྲཛྙཱ་དྷྲིཀ་ཅེས་བྱ་བའི་སྔགས་ཀྱིས་དོན ་ཡོད་གྲུབ་པ་དབྱུང་བར་བྱའོ། །རིན་ཆེན་མར་གང་ལྟ་བུའི་མདོག་ལྡན་ཞིང་ཞེས་བྱ་བ་ནི་ནོར་བུ་མརྒད་ཀྱི་ཁ་དོག་འདྲ་བ་སྟེ། རྩཝ་དུར་བ་སྔོན་པོ་ལྟར་མདོག་ལྗང་གུ་མངའ་བའོ། །སྔ་མ་ལྟ་བུའི་ཞལ་ཞེས་བྱ་བ་ནི་ཞལ་ལ་སོགས་པ་འཇམ་པའི་རྡོ་རྗེ་དང་འདྲ་བའོ།།? ་སོགས་པའི་སྒྲས་ནི་འདིའི་ཞལ་གྱི་དབྱིབས་ཅུང་ཟད་དྲག་པར་སྟོན་པའོ། །རལ་གྲི་ལ་སོགས་བསྣམས་པ་ཞེས་པ་ནི་རལ་གྲི་དང་སྣ་ཚོགས་རྡོ་རྗེ་དང་འཁོར་ལོ་དང་པདྨ་བསྣམས་པའི་ཞེས་པའི་བར་དུ་སྟེ། དེ་ལྟར་བྱང་ཕྱོགས་སུ་བསམ་པར་བྱའོ། །རལ་པ་ཞེས ་བ་ལ་སོགས་པ་ལ་རལ་པའི་ཚོགས་ཀྱི་སྟེང་དུ་མརྒད་དང་ཨིནྡྲ་ནཱི་ལ་དང་པདྨ་རཱ་ག་ལ་སོགས་པའི་ནོར་བུས་སྤྲས་པའི་ཅོད་པན་འཇོག་པར་མཛད་པ་དང་འཛམྦུའི་ཆུ་བོའི་གསེར་དང་མུ་ཏིག་དང་ནོར་བུས་སྤྲས་པའི་དོ་ཤལ་དང་གདུ་བུ་དང་དཔུང་རྒྱན་དང་སྐེ་རགས ་དང་ཞབས་གདུབ་ལ་སོགས་པ་རྒྱན་སྣ་ཚོགས་པས་སྐུ་ལ་བརྒྱན་པ་ཡིན་པ་དང་རིག་མ་ནི་སྤྱན་ལ་སོགས་པ་སྟེ་དེ་རྣམས་ཀྱི་མགོན་དང་བཅས་པ་ནི་ཕན་ཚུན་ཕྱག་གཉིས་ཀྱིས་སྐུ་ལ་འཁྱུད་པ་ཞེས་བྱ་བའི་དོན་ཏོ། །ཐམས་ཅད་ཅེས་བྱ་བ་ནི་རིན་ཆེན་འབྱུང་ལྡན ་དང་འོད་དཔག་ཏུ་མེད་པ་དང་དོན་ཡོད་གྲུབ་པ་སྟེ་དེ་རྣམས་ནི་སྣ་ཚོགས་པདྨའི་སྟེང་དུ་ཉི་མའི་དཀྱིལ་འཁོར་ལ་རྣམ་པར་བསམ་པར་དབྱས་ལ་འཇམ་པའི་རྡོ་རྗེ་དང་རྣམ་པར་སྣང་མཛད་ནི་ཟླ་བའི་དཀྱིལ་འཁོར་ལ་བཞུགས་པ་དེ་བཞིན་གཤེགས་པ་རྣམས ་ཀྱི་ཅོད་པན་ལ་ནི་མི་བསྐྱོད་པ་བསམ་པར་བྱའོ། །ལྷ་མོ་རྣམས་བསྐྱེད་པ་གསུངས་པ་ནི་མོ་ཧ་ར་ཏི་ཞེས་བྱ་བ་ལ་སོགས་པ་གསུངས་པ་ཡིན་ཏེ། མོ་ཧ་ར་ཏི་ཞེས་བྱ་བའི་སྔགས་ཀྱིས་ལྷ་མོ་སྤྱན་དབྱུང་བར་བྱ་སྟེ། ཟླ་བའི་དཀྱིལ་འཁོར་གྱི་དབུས་ན་མཆོག་ཏུ་སྒེག ་པའི་ཉམས་དང་ལྡན་པ་ཞལ་དང་ཕྱག་དང་མཚན་གྱི་ངེས་པ་སྐུའི་རྡོ་རྗེ་དང་འདྲ་བ་མེའི་ཕྱོགས་ཏེ་ཤར་དང་ལྷོའི་མཚམས་སུ་བསམ་པར་བྱའོ། །དྭེ་ཥ་ར་ཏི་ཞེས་བྱ་བ་ལ་སོགས་པ་ལ་དྭེ་ཥ་ར་ཏི་ཞེས་བྱ་བའི་སྔགས་ཀྱིས་ལྷ་མོ་མཱ་མ་ཀཱི་དབྱུང་བར་བྱ་སྟེ ་དགའ་བ་ཆེ་ཞེས་པ་བདེ་བ་ཆེན་པོའི་ངོ་བོ་མཆོག་ཏུ་དགའ་བ་ཆེན་པོའི་དགེས་པ་དམ་པ་གང་ཡིན་པ་དེ་ཞལ་དང་ཕྱག་དང་ཕྱག་མཚན་གྱི་རྣམ་པར་ངེས་པ་ཐུགས་ཀྱི་གཙོ་བོ་མི་བསྐྱོད་པ་དང་འདྲ་བ་མངའ་བ་བདེ་འཁྲིལ?་ཞེས ་པ་ལྷོ་དང་ནུབ་ཀྱི་མཚམས་སུ་བསམ་པར་བྱའོ། །རཱ་ག་ཞེས་བྱ་བ་ལ་སོགས་པ་ལ་རཱ་ག་ར་ཏི་ཞེས་བྱ་བའི་སྔགས་ཀྱིས་ལྷ་མོ་གོས་དཀར་མོ་འབྱུང་བར་བྱ་སྟེ། སེམས་ཅན་རྣམས་ལ་རྒྱས་པ་ཆེན་པོ་རྩོལ་བ་ཉིད་ཀྱིས་ནི་ཡོན་ཏན་རིན་པོ་ཆེ་མཛའ་ཡས ་པའི་ངོ་བོ་ཉིད་གསུངས་གི་དབང་ཕྱུག་འོད་དཔག་ཏུ་མེད་པ་ལྟར་སྐུ་ཤིན་ཏུ་དམར་ཞིང་འབར་བ་དང་ཞལ་དང་ཕྱག་དང་ཕྱག་མཚན་དེ་འདྲ་བ་གང་ཡིན་པ་རླུང་གི་ཕྱོགས་ཏེ་ནུབ་བྱང་མཚམས་སུ་བསམ་པར་བྱའོ། །བཛྲ་ཞེས་པ་ལ་སོགས་པ་ལ་བཛྲར་ཏི ་ཞེས་བྱ་བའི་སྔགས་ཀྱིས་ལྷ་མོ་སྒྲོལ་མ་དབྱུང་བར་བྱ་སྟེ། དེ་ཡང་དྲི་མ་མེད་པ་རིན་པོ་ཆེའི་ཕྲེང་བ་སྟེ་རིན་པོ་ཆེའི་འོད་ཀྱི་ཕྲེང་བ་གང་ཡིན་པ་དེས་ནམ་མཁའ་ཨི་ཁམས་ཀྱིས་ཕྱོགས་ཀྱི་ཚོགས་མ་ལུས་པར་ཁེབས་ཤིང་གཡོགས་པ་སྐུ་མདོག་རིན ་ཆེན་འབྱུང་ལྡན་ལྟར་སེར་ཞིང་ཞལ་དང་ཕྱག་དང་མཚོན་ཆ་ཡང་དེ་དང་འདྲ་བ་དབང་ལྡན་གྱི་ཕྱོགས་ཞེས་བྱ་བ་བྱང་ཤར་མཚམས་སུ་བསམ་པར་བྱའོ། །འཁོར་ལོ་བཟང་དང་ཞེས་བྱ་བ་ལ་སོགས་པ་ལ་ཕྱག་གཡས་པའི་གཙོ་བོའི་ཕྱག ་མཚན་སྤྱན་གྱི་ནི་འཁོར་ལོ་བཟང་པོ་སྟེ་འཁོར་ལོ་རྩིབས་བཅུ་གཉིས་པའོ། །མཱ་མ་ཀཱིའི་ཨུཏཔལ་དམར་པོའོ། །གོས་དཀར་མོའི་པདྨའོ། །སྒྲོལ་མའི་ནི་ཨུཏཔལ་གསེར་གྱི་མདོག་ཅན་དུ་བསམ་མོ། །ལྷག་མ་རྣམས་ནི་བདག་པོ་ཇི་བཞིན་འདོད ་ཅེས་བྱ་བ་ནི་རང་གི་བདག་པོ་དང་འདྲ་བ་ལས་ཨུཏཔ་ལ་དང་པདྨ་སྟོན་ཏེ། དེས་ན་པདྨ་ཨུཏཔ་ལ་དེ་དག་གཅིག་ཏུ་སྦྱར་རོ། །ཅོད་པན་ལ་ནི་རང་གི་བདག་པ་རྣམས་བསམ་མོ། །ལྷ་མོ་འདི་དག་ཐམས་ཅད་སྣ་ཚོགས་པདྨའི་སྟེང་ན་ཟླ་བའི་དཀྱིལ ་འཁོར་གྱི་གདན་ལ་ཐམས་ཅད་ཤེས་རབ་དང་ཐབས་ཀྱི་བདག་ཉིད་ཅན་རང་གི་བདག་པོ་སྐུས་འཁྱུད་པ་བསམ་སྟེ་འདི་ལ་སློབ་དཔོན་གྱིས་ཚིག་གིའུར་བྱས་པ་ལས་ཅིའི་ཕྱིར་དེ་སྐད་མ་གསུངས་ཞེས་པའི་སོམ་ཉི་མི་བྱ་སྟེ། རྒྱུད་ལས་རིག་པ་ཆེན་མོ་སྨན ་ལ་སོགས། །རྟག་ཏུ་འདོད་པའི་དོན་བརྩོན་པ། །འདོད་པའི་ལོངས་སྤྱོད་དག་གིས་ནི། །ཇི་ལྟར་འདོད་པ་བསྟེན་ན་འགྲུབ་ཅེས་གསུངས་པའི་ཕྱིར་དང། དེ་བཞིན་དུ་ལེའུ་དང་པོ་ལས་ས་རྡོ་རྗེ་ལ་སོགས་པའི་ངེས་པ་གསུངས་པས་འདི་སྐད་དུ་བཤད་པར་བྱ་སྟེ་ས ་རྡོ་རྗེ་དང་ཞེས་གང་གསུངས་པ་དེ་ཐམས་ཅད་ཤེས་རབ་དང་ཐབས་གཉིས་སུ་མེད་པའི་རྣམ་པར་དག་པ་གཙོ་བོར་བྱས་པ་རྒྱུད་འདི་རྫོགས་པའི་བར་ལ་སྟོན་པས་དེའི་ཕྱིར་རྒྱུད་ཀྱི་དོན་མི་ཤེས་པས་རྣམ་པར་རྟོག་པའི་གོ་སྐབས་མི་འབྱེད་པའོ། །དེ་ཉིད་ཀྱི་གསུམ ་གྱིས་ཞེས་བྱ་བ་ལ་སོགས་པ་ལ་དཀྱིལ་འཁོར་གྱི་འཁོར་ལོའི་མཚམས་སུ་གྱུར་པ་མེའི་ཕྱོགས་སུ་སྤྱན་ལ་སོགས་པ་བཞི་པོ་དང། དེ་བཞིན་དུ་རྩ་བའི་སྒོའི་ངོས་སུ་གཉིས་དང་གཡས་དང་གཡོན་ལོགས་སུ་གཟུགས་རྡོ་རྗེ་ལ་སོགས་པ་ལྷ་མོ་དྲུག་བསམ་པར ་བྱའོ། དེ་དག་ཀྱང་སྐུ་རྡོ་རྗེ་ལ་སོགས་པ་དེ་བཞིན་གཤེགས་པ་ལྔའི་ངོ་བོ་ཉིད་ལྔ་དང་དྲུག་པ་ཆོས་ཀྱི་དབྱིངས་ཀྱི་རྡོ་རྗེ་ནི་རྡོ་རྗེ་སེམས་དཔའ་ལྟ་བུ་སྟེ། འདི་རྣམས་ཀྱི་ཐབས་ཀྱི་ངོ་བོ་ནི་སའི་སྙིང་པོ་ལ་སོགས་པ་བྱང་ཆུབ་སེམས་དཔའ་དྲུག་བསམ་པར་བྱའོ། ་གཟུགས་རྡོ་རྗེ་ནི་རྣམ་པར་སྣང་མཛད་ལྟ་བུ་ལ་རྩ་བའི་ཕྱག་གཉིས་ཀྱི་སའི་སྙིང་པོ་ལ་འཁྱུད་པ་གཡས་ན་མེ་ལོང་བསྣམས་པ་སྒྲ་རྡོ་རྗེ་ནི་མི་བསྐྱོད་པ་ལྟར་སྐུ་མདོག་གནག་པ་ལ་རྩ་བའི་ཕྱག་གཉིས་ཀྱིས་རྡོ་རྗེ་འཛིན་པ་ལ་འཁྱུད་པ་ཕྱག་གཉིས ་ཀྱིས་པི་ཝཾ་བརྡུང་བ་དྲི་རྡོ་རྗེ་ནི་རིན་ཆེན་འབྱུང་ལྡན་དང་འདྲ་བ་ལ་ཕྱག་གཉིས་ཀྱིས་ནམ་མཁའ་ཨི་སྙིང་པོ་ལ་འཁྱུད་པ་ཕྱག་གཉིས་ཀྱིས་ཙནདན་ལ་སོགས་པས་ཡོངས་སུ་གང་པའི་དུང་ཕོར་བསྣམས་པ་རོ་རྡོ་རྗེ་འོད་དཔག་ཏུ་མེད་པ་དང་འདྲ་བ་ལ་ཕྱག ་གཉིས་ཀྱིས་འཇིག་རྟེན་དབང་ཕྱུག་ལ་འཁྱུད་པ་ཕྱག་གཉིས་ཀྱིས་བདུད་རྩི་ལྔས་ཡོངས་སུ་གང་བའི་ཐོད་པ་བསྣམ་པར་རེག་རྡོ་རྗེ་དོན་ཡོད་གྲུབ་པ་དང་འདྲ་བ་ལ་རྩ་བའི་ཕྱག་གཉིས་ཀྱིས་སྒྲིབ་པ་རྣམ་པར་སེལ་པ་ལ་འཁྱུད? ་པ་གཉིས་ཀྱིས་གོས་བསྣམས་བ་ཆོས་ཀྱི་དབྱིངས་རྡོ་རྗེ་ནི་རྡོ་རྗེ་སེམས་དཔའ་དང་འདྲ་བ་ལ་རྩ་བའི་ཕྱག་གཉིས་ཀྱིས་ཀུན་ཏུ་བཟང་པོ་ལ་འཁྱུད་པ་ཕྱག་ལྷག་མ་རྣམས་རང་གི་བདག་པོ་དང་འདྲ་བ་ལས་གཞན་དུ་ན་པདྨའི་གནས་སུ་ཨའུཏཔ་ལའོ།། ་བྱང་ཆུབ་སེམས་དཔའ་ལྔ་པོའི་ཞལ་དང་ཕྱག་དང་ཕྱག་མཚན་རྣམས་དེ་བཞིན་གཤེགས་པ་ལྔ་དང་འདྲ་མོད་ཀྱི། འོན་ཀྱང་སའི་སྙིང་པོའི་ཕྱག་གཡས་ན་ནི་ཡིད་བཞིན་གྱི་ནོར་བུའི་རྒྱལ་མཚན་ནོ། །སྒྲིབ་པ་རྣམ་པར་སེལ་བའི་ཕྱག་གཡས ་ན་ནི་ཞི་བའི་ཕྱག་རྒྱའོ། །ཀུན་ཏུ་བཟང་པོ་ནི་རྡོ་རྗེ་སེམས་དཔའ་དང་འདྲའོ། །མིག་ལ་སོགས་པ་དང་གཟུགས་ལ་སོགས་པ་ཐ་དད་པར་སོ་སོར་ཚིག་ལེའུར་བྱས་པ་ལས་མ་བཤད་ཀྱང་འདི་དག་ཤར་སྒོའི་ངོས་ནས་བརྩམས་ཏེ་བྱང་ཤར་གྱི་མཚམས ་ཀྱི་བར་གྱི་གནས་སུ་བསྐོར་ཕྱོགས་སུ་སྣ་ཚོགས་པདྨའི་སྟེང་དུ་ཟླ་བའི་དཀྱིལ་འཁོར་ལ་སེམས་དཔའ་ཨི་སྐྱིལ་མོ་ཀྲུང་གིས་བཞུགས་པར་བསམ་པར་བྱའོ། །ཡ་མཱན་ཞེས་བྱ་བ་ལ་སོགས་པ་ལ་ཡ་མཱནྟ་ཀྲིཏ་ཅེས་བརྗོད་ལ་གཤིན་རྗེ་གཤེད་དབྱུང་བར་བྱ་སྟེ། ་དེ་ཡང་མཛའ་ཡས་འཇིགས་འོད་ཕྱོགས་བཅུ་ཀུན་ཁྱབ་དང་ལྡན་ཞེས་བྱ་བ་ནི་ཚད་མེད་ཅིང་མི་བཟད་པར་འཇིགས་པའི་འོད་འབར་བའི་ཚོགས་གང་ལ་མངའ་བའོ། །དུས་མཛའ་མི་བཟད་སྤྲིན་གྱི་དཀྱིལ་འཁོར་མདོག་ཅེས་བྱ་བ་ནི་བསྐལ ་པ་འཇིག་པའི་དུས་ཀྱི་སྤྲིན་གྱི་མདོག་ལྟར་མདངས་ནག་པོ་མངའ་བའོ། །ཐུགས་ཀྱི་རྒྱལ་པོ་ནི་མི་བསྐྱོད་པ་སྟེ། དེ་དང་སྐུ་མཚུངས་པ་ནི་སྐུ་མདོག་གནག་ཅིང་ཕྱག་ལྷག་མ་གཉིས་ཀྱང་དེ་དང་འདྲ་བར་དྲག་ཅིང་གཏུམ་པའི་གཤིན་རྗེ་གཤེད ་ལྟར་སྣང་བའི་རིགས་ཀྱི་འོད་དཔག་ཏུ་མེད་ཅིང་ཚད་མེད་པར་རྣམ་པར་འཕྲོ་ཞིང་འབྱིན་པར་སྣང་ལ། དེ་རྣམས་ཀྱིས་གཤིན་རྗེ་གཤེད་ཀྱི་སྲོག་འཕྲོག་པར་མཛད་པའི་ངང་ཚུལ་ཅན་ཡིན་པས་གཤིན་རྗེས་མཐར་མཛད་ཅིང་ཤིན་ཏུ་གདུག་པའི་སྒྲུལ་འཇོག ་པོ་ལ་སོགས་པས་རལ་པ་བཅིངས་པ་མགུལ་རྒྱན་དང་ཕྱག་གདུབ་དང་ཞབས་ལ་སོགས་པར་བྱས་པས་སྐུ་ལུས་ཀྱི་ཡན་ལག་བརྒྱན་ཅིང་གདུལ་དཀའ་བ་གདུལ་བར་མཛད་པའི་དཔལ་དང་ལྡན་པ་སྟེ་དེ་ཉིད་ཀྱིས་ན་རང་བཞིན་གྱིས་དད་པའི་ངོ་བོ་ཉིད་དུ་གྱུར ་པ་ཤར་གྱི་སྒོ་ཉི་མའི་དཀྱིལ་འཁོར་ལ་རྣམ་པར་བསམ་པར་བྱའོ། །པྲཛྙཱན་ཞེས་བྱ་བ་ལ་སོགས་པ་ལ་པྲཛྙཱནྟ་ཀྲིཏ་ཅེས་བྱ་བ་ལ་སོགས་པའི་སྔགས་ཀྱིས་ཁྲོ་བོ་གཞན་གྱིས་མི་ཐུབ་པ་དབྱུང་བར་བྱ་སྟེ། བླ་མེད་འོད་ཅེས་བྱ་བ་ཤེས་རབ་མཐར་བྱེད་ལྟ་བུའི ་འོད་ཟེར་འཕྲོ་བར་གྱུར་པ་དང་སྐུའི་རྡོ་རྗེ་ཞེས་བྱ་བ་ཞལ་དང་ཕྱག་དང་ཕྱག་མཚན་དང་སྐུ་མདོག་རྣམ་པར་སྣང་མཛད་དང་འདྲ་མོད་ཀྱི་འོན་ཀྱང་འདའ་ཕྱག་གཡོན་དུ་འཁོར་ལོ་བསམ་པར་བྱའོ་ཞེས་བདག་གི་བླ་མ་བཞེད་དོ། །གཞན་ཡང་དྲག་པོ་ནི་འཇུག ་འདུལ་བར་མཛད་པས་ཤིན་ཏུ་དྲག་ཅིང་གཏུམ་པའོ། །པདྨ་ཞེས་བྱ་བ་ལ་སོགས་པ་ལ་པདྨའ་ནྟ་ཀྲིཏ་ཅེས་བྱ་བའི་སྔགས་ཀྱིས་རྟ་མགྲིན་དབྱུང་བར་བྱ་སྟེ། དེ་ཡང་པདྨ་མཐར་བྱེད་ལྟ་བུའི་འོད་ཟེར་གྱི་ཚོགས་རྣམས་ཀྱིས་ཕྱོགས་ཀྱི་འཁོར་ལོའི་ཚོགས ་ཁེབས་ཤིང་གང་གིས་གཡོག་པ་དང་འོད་ཀྱི་མདངས་ཀྱིས་འཇིག་པ་ཆེན་པོའི་དུས་ཀྱི་མེ་ལྟར་ཤིན་ཏུ་འབར་བར་སྣང་བ་དང་ཕྱག་ལ་སོགས་པ་གསུམ་གི་རྡོ་རྗེ་དང་འདྲ་ཞེས་བྱ་བ་ཞལ་དང་ཕྱག་དང་ཕྱག་མཚན་འོད་དཔག་ཏུ་མེད་པ་དང་འདྲ་བ ་ཚངས་པ་དང་ཀུན་བྱེད་གཞོན་ནུ་ལ་སོགས་པ་གདུག་པ་དུ་མ་རྣམ་པར་གནོན་པར་མཛད་པ་ཞལ་ཤིན་ཏུ་འཇིགས་སུ་རུང་བ་དང་ལྡན་པ་སྐྱེ་བོ་རྣམས་འཇིགས་པར་བྱེད་པའི་ཧ་ཧ་ཞེས་བཞད་པའི་ཁྲོ་བོའི་བཞད་པ་ཆེན་པོས་ཏི་སེ་ལ་སོགས་པའི ་རི་བོ་ས་འཛིན་པར་བྱེད་པ་དང་དེ་ན་གནས་པའི་ཐུབ་པའི་དབང་པོ་ཀུན་བགེད་གཞོན་ནུ་ལ་སོགས་པ་འཇིག་རྟེན་དུ་ཐུབ་དབང་དུ་སྒྲར་གྲགས་པ་གང་གིས་རྣམ་པར་འཇིག་ཅིང་གོས་པར་མཛད་པ་ནུབ་ཕྱོགས་ཀྱི་སྒོར ་བསམ་བར་བྱའོ། །བིགྷྣན་ཞེས་བྱ་བ་ལ་སོགས་པ་ལ་བིགྷྣནྟ་ཀྲིཏ་ཅེས་བྱ་བ་སྔགས་ཀྱིས་བདུད་རྩི་འཁྱིལ་བ་དབྱུང་བར་བྱ་སྟེ། དཔའ་བོ་ནི་ཚོགས་ནི་བདག་པོ་ལ་སོགས་པའི་བགེགས་རྣམས་འཇོམས་པར་མཛད་པའི་དུས་མཛའ་ཨི་མེ་ནི་བསྐལ ་པའི་འཇིག་པའི་མེ་སྟེ། དེ་དང་འདྲ་བར་དྲག་ཅིང་གཏུམ་པའི་ཁྲོ་བོ་རང་དང་འདྲ་བའི་ཚོགས་འཕྲོ་བར་མཛད་པ་དང་དེ་བཞིན་དུ་འཕགས་པའི་ཞལ་ལ་སོགས་མི་བསྐྱོད་དང་མཚུངས་ཞེས་བྱ་བ་ནི་ཞལ་དང་ཕྱག་དང་ཕྱག་མཚན་སྐུ་མདོག ་ཐུགས་རྡོ་རྗེ་དང་འདྲ་བ་བྱང་གི་སྒོར་བསམ་པར་བྱའོ། །རྣམ་པར་སྣང་མཛད་ཅེས་བྱ་བ་ལ་སོགས་པ་ལ་གཤིན་རྗེ་གཤེད་ཀྱི་ཅོད་པན་ལ་ནི་རྣམ་པར་སྣང་མཛད་དོ། །ཤེས་རབ་མཐར་བྱེད་ཀྱི་ཅོད་པན་ལ་ནི་མི་བསྐྱོད་པའོ། །པདྨ་མཐར་བྱེད་ཀྱི ་ཅོད་པན་ལ་ནི་འོད་དཔག་ཏུ་མེད་པའོ། །བགེགས་མཐར་བྱེད་ཀྱི་ཅོད་པན་ལ་ནི་མི་བསྐྱོད་པ་སྟེ་དེ་ལྟར་རིམ་བཞིན་དུ་བསམ་པ་དང་གཤིན་རྗེ་གཤེད་ཀྱི་ཕྱག་གཡས་པར་ཐོ་བ་ཤེས་རབ་མཐར་བྱེད་ཀྱི་དབྱུག་པ། པདྨ་མཐར་བྱེད་ཀྱི ་པདྨ། དགེགས་མཐར་བྱེད་ཀྱི་རྡོ་རྗེ་ཡང་རིམ་བཞིན་བསམ་མོ། །ལ་ལ་ནི་རྡོ་རྗེ་ཞེས་སྨོས་པས་སྣ་ཚོགས་རྡོ་རྗེ་ཡིན་པར་འདོད་དོ། །ཡང་འདི་དག་གོ་རིམ་བཞིན་དུ་རོ་ལངས་མ་དང་གཞན་གྱིས་མི་ཐུབ་མ་དང་ཁྲོ་གཉེར་མ་དང་རལ་གཅིག ་མ་སཱོ?་ལྷ་མོ་བཞི་དང་སྙོམས་པར་འཇུག་པས་བཞུགས་པར་བསམ་པར་བྱ་བ་དང་ཐམས་ཅད་ཀྱང་གཡོན་བརྐྱང་བའི་གནས་པས་སྣ་ཚོགས་པདྨའི་སྟེང་ཉི་མའི་དཀྱིལ་འཁོར་ལ་བཞུགས་པ་ཞལ་མཆེ་བ་གཙིགས་པ་དབུ་སྐྲ་གྱེན ་བརྗེས་པ། སྨ་ར་སེར་བ་ལྗགས་བསྐྱོད་པ་ཞལ་གདངས་པ་ཁྲོ་བ་དང་བཅས་པ་བཞད་པ་དེ་ལྟར་ཡོངས་སུ་རྫོགས་པའི་ཞེས་བྱ་བ་ལ་སོགས་པ་ལ་དེ་ལྟར་སྔར་བཤད་པའི་ཚུལ་གྱིས་ཀུན་ནས་ཡོངས་སུ་རྫོགས་པའི་དཀྱིལ་འཁོར་གྱི་འཁོར་ལོ་ལ་ཀུན་ཏུ་བཟང ་པོའི་རྣལ་འབྱོར་པར་རྣམ་པར་བལྟས་ནས་དངོས་པོ་ཐམས་ཅད་ཀྱིས་ནི་ཞེས་པ་སའི་སྙིང་པོ་ལ་སོགས་པས་སྐྱེ་མཆེད་དྲུག་བྱིན་གྱིས་བརླབས་བས་རྫོགས་པར་བྱ་ཞིང་སྐུ་དང་གསུང་དང་ཐུགས་བྱིན་གྱིས་བརླབ་པ་ཡང་རྫོགས་པར་བྱའོ། །སྙིང་པོའི ་སྔགས་ནི་ཡེ་ཤེས་སེམས་དཔའ་ཨི་ས་བོན་ཏེ། དེ་ལས་བྱུང་བའི་འོད་ཟེར་རྣམས་ཀྱིས་ཡེ་ཤེས་དཀྱིལ་འཁོར་གྱི་རྣམ་པ་ཅན་གྱི་དེ་བཞིན་གཤེགས་པ་བཀུག་སྟེ་བཅུག་ལ་བཅིངས་ནས་དབང་དུ་བྱ་སྟེ་ཡི་གེ་ཛ(རྒྱུད་འགྲེལ་ཟེར་གྱིས་ཕྱོགས་བཅུ་ན་བཞུགས་པའི་དེ་བཞིན་གཤེགས་པ་རྣམས་བཀུག་ལ་ཧཱུཾ་མདོག་ནག་པོས་དཀྱིལ་འཁོར་གྱིས་དབུས་སུ་བཅུག་སྟེ་པཾ་མདོག་སེར་པོས་རེ་རེ་ཞིང་སྐུ་དང་གསུང་དང་ཐུགས་རྡོ་རྗེ་ཐུགས་ཀ་དང་ལྐོག་མ་དང་སྤྱི་བོར་བྱིན་གྱིས ་བརླབ་པ་བྱས་ལ་ཡི་གེ་ཧོ(རྒྱུད་འགྲེལ་པའི་བདག་ཉིད་ཅན་ཤེས་རབ་དང་ཐབས་ཀྱི་ངོ་བོ་ཉིད་དོན་དམ་པར་མི་འགྱུར་བའི་རང་བཞིན་ཅན་གྱི་ཏིང་ངེ་འཛིན་རྡོ་རྗེ་དང་པདྨ་མཉམ་པར་སྦྱོར་བ་དེ་ལས་བྱུང་ཞིང་སྐྱེས་པ་ཤིན་ཏུ་བདེ་བ་ཆེན་པོ་ཉམས་སུ་མྱོང་བའི་ངོ་བོར་གཅིག་ཏུ་མཐར་ཐུག ་པའི་དཀྱིལ་འཁོར་གྱི་འཁོར་ལོ་བསམས་ནས་དེ་ནས་དེའི་རྗེས་ལ་བསྲུང་བར་བྱའོ། །གང་གིས་ཞེ་ན་གཤིན་རྗེ་ནི་མཐར་བྱེད་ལ་སོགས་པས་བཤད་པས་ཞེས་སྨོས་ཏེ་དེས་ཇི་ལྟར་བྱ་ཞེ་ན། གཤིན་རྗེ་གཤེད་ལ་སོགས་པའི་ཁྲོ་བོ་རང་གི་ལུས་ལས ་བྱུང་བ། གཟུགས་ཤིན་ཏུ་འཇིགས་སུ་རུང་བའི་ཁྲོ་བོ་རྣམས་ཀྱིས་བགེགས་དང་གདུག་པ་ཐམས་ཅད་རྣམ་པར་བསྲེགས་པར་བསམས་ལ། དེ་དག་ཉིད་རྡོ་རྗེ་ལུ་གུ་བརྒྱུད་དུ་ཡོངས་སུ་གྱུར་ནས་དེས་སྟེང་དང་འོག་ཏུ་སྣ་ཚོགས་རྡོ་རྗེས ་བྱིན་གྱིས་བརླབས་པ་ལས་བྱུང་རྡོ་རྗེའི་དྲ་བར་བསམ་པར་བྱའོ། །དེ་ལྟར་བསྲུང་བའི་འཁོར་ལོ་བསྒོམས་ནས་དབང་བསྐུར་བ་ལ་སོགས་པ་མཆོད་པའི་ཆོ་ག་གསུངས་པ་ནི། རང་གི་སྙིང་པོས་ཞེས་བྱ་བ་ལ་སོགས་པ་ཡིན་ཏེ། རང་གི་སྔགས་ཀྱིས ་མཆོད་ཡོན་ལ་བཟླས་ལ་ཙན་དན་དང་གུར་གུམ་དང། ག་བུར་ལ་སོགས་པ་དང་མེ་ཏོག་ཏེ་མན་དར་བ་དང་ཨུཏཔ་ལ་དང་ཀ་ར་བི་ར་དང་ཛ་ཏི་དང་མ་ལི་ཀ་ལ་སོགས་པའི་མེ་ཏོག་དང་བཅས་པའི་མཆོད་ཡོན་གྱི་སྣོད་བཤམས་ལ་དཀྱིལ ་འཁོར་བའི་ལྷ་ཐམས་ཅད་ལ་མཆོད་ཡོན་གྱི་དབང་བསྐུར་བར་བྱའོ། །འདིས་ནི་དར་དབྱངས་ཀྱི་དབང་བསྐུར་བ་དང་ཕྲེང་བའི་དབང་བསྐུར་བ་ལ་སོགས་པ་ཡང་སྟོན་པ་ཡིན་ནོ། །དེ་ནས་རང་ལ་བྱས་པ་ལྟ་བུར་ཞེས་པ་བདག་ཉིད་ལ ་བྱས་པ་དང་འདྲ་བར་སྙིང་པོའི་སྔགས་ཀྱིས་བསྐུལ་བའི་ནམ་མཁའ་ལ་བཞུགས་པའི་སངས་རྒྱས་ཀྱི་ཚོགས་ཀྱི་འོད་ཟེར་གྱིས་སྒོ་ལས་བྱུང་བའི་ལྷའི་ཚོགས་ཕྱག་ན་བདུད་རྩི་ལྔས་ཡོངས་སུ་གང་བའི་བུམ་པ་བསྣམས་པས་དབང ་བསྐུར་བར་བྱའོ། །དེ་ལྟར་ཆོ་ག་འདིས་ཀུན་ནས་མངོན་པར་མཆོད་པར་བྱའོ། །པདྨ་ཞེས་བྱ་བ་ནི་ཤེས་རབ་ཀྱི་གསང་བའི་པདྨའི་ནང་དུ་རང་གི་ས་བོན་འོད་རྣམས་ཀྱི་ཞེས་བྱ་བ་ཛ(རྒྱུད་འགྲེལ་བའི་ལྷ་མོ་ཐམས་ཅད་སྤྱན་དྲངས་ནས་ཡང་དག་བྱང་ཆུབ་ཡིད་ཀྱི་ངོ་བོ་ཡིན་ཞེས་བྱ་བ་ཟླ་བའི་དཀྱིལ་འཁོར་གྱི་རྣམ་པ་ཅན་གྱི་བྱང་ཆུབ་ཀྱི་སེམས་ཀྱི་འོད་ཟེར་ལྔ་པའི་དཀྱིལ་འཁོར་བས་སོ། །དེ་ནས་བྱང་ཆུབ་སེམས་ཀྱི་དཀྱིལ་འཁོར་དུ་ཉིད་ཤེས ་རབ་བ་སྤུ་རེ་རེ་ལས་བྱུང་བ་ཞེས་བྱ་བ་བསྡུའི་བུ་གའི་ཚོགས་རེ་རེ་ལས་བྱུང་བའི་འོད་ཟེར་རྣམ་པ་སྣ་ཚོགས་ཏེ། ནག་པོ་དང་དཀར་པོ་དང་སེར་པོ་དང་དམར་པོ་དང་ལྗང་གུའི་འོད་ཟེར་འཕྲོས་པའི་ཚོགས་རྒྱ་ཆེན་པོས་ནམ་མཁའ་ཨི་ཁམས་ཀྱི་གཏོས་མ་ལུས ་པར་ཀུན་ནས་ཡོངས་སུ་ཁྱབ་པར་གྱུར་ལ། དེ་བས་ན་བློ་དང་ལྡན་ཞིང་རྣལ་འབྱོར་ལ་མཁས་པས་རབ་ཏུ་སྤྲོ་པར་བྱའོ། །ཇི་ལྟར་སྤྲོ་བར་བྱ་ཞེས་ན་འོད་ཀྱི་ཞེས་བྱ་བ་ལ་སོགས་པ་སྟེ། བསྤུའི་ཚོགས་རེ་རེའི་ཁུང་བུ་ལས་ངེས་པར་མྱུང་བའི་འོད་ཀྱིས་རྩེ་མོ? ་སྐྱེས་པའི་གཟུགས་རྡོ་རྗེ་ལ་སོགས་པའི་ལྷ་མོ་རྣམས་ཀྱིས་རྒྱལ་བའི་དབང་པོ་སྟེ། རྣམ་པར་སྣང་མཛད་ལ་སོགས་པའི་དཀྱིལ་འཁོར་བ་རྣམས་ལེགས་པར་མཆོད་པར་བྱའོ། །ཇི་ལྟ་བུས་ཞེ་ན་གང་གི་སྐུའི་ཡན་ལག་དྲི་མ་མེད་པའི་ཛམྦུའི་ཆུ་བོའི་གསེར ་དང་ནོར་བུས་སྒྲས་བའི་ངོ་ཤལ་དང་དཔུང་རྒྱན་དང་འོག་པག་དང་ཕྱག་གདུབ་དང་ཞབས་གདུབ་ལ་སོགས་པའི་རྒྱན་རྣམས་ཀྱིས་བརྒྱན་ཅིང་སྤུད་པ་གང་ཡིན་པ་དེ་མེ་ལོང་དང་པི་ཝཾ?་སྟེ་དགུའོ་རྒྱུད་མངས་དང་དྲི་སྟེ་ག་བུར་གུར་གུམ་ཙན་དན་གླ་རྩི ་བཞི་པོ་ཆ་མཉམ་གྱིས་ཡོངས་སུ་གང་བའི་དུང་ཕོར་དང་རོའི་སྣོད་སྟེ་བདུད་རྩི་ལྔས་ཡོངས་སུ་གང་བའི་ཐོད་པ་དང་གོས་ཏེ་རྒྱ་ཡུལ་གྱི་དར་མདོག་བཟང་པ་སོགས་པ་དང་ཆོས་འབྱུང་བ་སྟེ། ཆོས་འབྱུང་བའི་ཕྱག་རྒྱ་དང་སོགས་པ་ཞེས་བྱ་བ་གདུགས ་དང་རྒྱལ་མཚན་ལ་སོགས་པའི་མཚན་མ་གཞན་རིམ་གྱིས་བསྣམས་པའི་ཕྱག་རྣམ་པ་གཉིས་དང་རྣམ་པར་སྒེག་པ་དང་བཅས་ཤིང་རོལ་པའི་མདངས་དང་ལྡན་པའི་གཟུགས་བརྙན་བྱང་བ་མེ་ལོང་ལ་སྣང་བའི་འོད་ཀྱི་སྣང་བ་སྟེ། རང་གི་ལུས་ཀྱི ་འོད་རྣམས་ཀྱིས་སྦྲུལ་པའི་མཆོད་པ་མེ་ཏོག་དང་བདུག་སྤོས་དང་མར་མེ་དང་དྲི་དང་གདུགས་དང་རྒྱལ་མཚན་དང་བ་དན་ལ་སོགས་པའི་མཆོད་པའི་སྤྲིན་སྣ་ཚོགས་པ་དེ་རྣམས་སྒྱུ་མ་ལ་སོགས་པ་ལྟ་བུ་སྟེ་སྒྱུ་མ་དང་དྲི་ཟའི་གྲོང་ཁྱེར་དང་བྲག་ཅ་དང ་དང་ཆུ་ཟླ་ལྟ་བུར་སོ་སོར་སྣང་བ་ནི་དངོས་པོ་རྣམས་དོན་དམ་པར་སྒྱུ་མ་ལ་སོགས་པ་སོ་སོར་ཡང་དག་པར་རིག་ཅིང་ཤེས་པ་སྟེ་དེས་འཇིག་རྟེན་པའི་ངོ་བོ་རིག་ཅིང་ལྟ་བ་ལ་མཁས་པ་དེ་ཁོ་ན་ཉིད་དུ་ན་དངོས་པོ་མེད་པའོ། །རྟོག་པ ་མ་ལུས་ཞེས་བྱ་བ་ལ་སོགས་པ་ལ་སོ་སོ་རང་གི་རིག་པའི་མཆོག་ཏུ་དགའ་བའི་བདེ་བ་ཆེན་པོའི་ངོ་བོ་རབ་ཏུ་བསྐྱེད་པའི་རྒྱུར་གྱུར་པས་སོ། །གཟུགས་ལ་སོགས་པ་ཞེས་བྱ་བ་ནི་གཟུགས་དང་སྒྲ་དང་དྲི་དང་རོ་དང་རེག་དང་ཆོས་ཀྱི་དབྱིངས་རྡོ་རྗེ་ཞེས་བྱ་བ ་མཆོད་པའི་ལྷ་མོ་རྣམས་དང་དེ་གཅིག་བུར་མ་ཟད་ཀྱི་དེ་བཞིན་དུ་ཕྱིའི་དྲེ་མ་ལ་སོགས་པ་སྟེ། དྲི་དང་མེ་ཏོག་དང་བདུག་སྦོས་དང་མར་མེ་དང་ལྷ་བཤོས་དང་ངར་དང་རིན་པོ་ཆེ་ལ་སོགས་པས་ཡང་དག་པར་མཆོད་པར་བྱའོ། །དེ་ལྟར་ཐ་དང་རྟོག་པས ་ངས་གྲོལ་ཞེས་བྱ་བ་ནི་མཆོད་པར་བྱ་བ་དང་མཆོད་པ་པོ་དང་མཆོད་པ་ཉེ་བར་མ་དམིགས་པས་འཁོར་གསུམ་ཡོངས་སུ་དག་པས་ཡང་དག་པར་མཆོད་ལ། འདི་ལྟར་ང་རྒྱལ་བསྐྱེད་པར་བྱ་སྟེ། ཨོཾ་ཞེས་བྱ་བ་ལ་སོགས་པ་ལ་ངོ་བོ་ཉིད་ཀྱིས་དེ་བཞིན ་གཤེགས་པ་ཐམས་ཅད་ཀྱི་འཇིག་རྟེན་ལས་འདས་པའི་རྡོ་རྗེའི་མཆོད་པའི་བདག་ཉིད་ནི་བདག་གོ་ཞེས་བརྗོད་ལ་སྙིང་གར་དཀྱིལ་འཁོར་གྱི་འཁོར་ལོ་བསམ་པར་བྱའོ། །ད་ནི་བསྟོད་པ་གསུངས་པ་ནི་སྒྲའི་ཡུལ་རྣམས་ཞེས་བྱ་བ་ལ་སོགས ་པ་ཡིན་ཏེ། བྲག་ཅའི་སྒྲ་འདྲ་ཞེས་བྱ་བ་ནི་སྙིང་གར་གནས་པའི་དཀྱིལ་འཁོར་ལ་ཡེ་ཤེས་སེམས་དཔའ་ཨི་ས་བོན་ལས་བྱུང་བའི་འོད་ཟེར་གྱི་སྒོ་ལས་དེ་བཞིན་གཤེགས་པ་ལྔ་པོ་ལྟ་བུའི་སངས་རྒྱས་རྣམས་བསྒོམས་ལ་ཕྱི་དང་ནང་གི ་བདག་ཉིད་ཅན་ཐམས་ཅད་སེམས་ཉིད་ཡིན་པར་ཡོངས་སུ་བརྟགས་ལ་སེམས་ཉིད་ཀྱིས་དེ་བཞིན་གཤེགས་པ་ལྔ་ལ་བསྟོད་པར་བྱའོ། །ཆོས་ཀྱི་དབྱིངས་རྣམ་པར་དག་པའི་ཡེ་ཤེས་ཀྱི་ངོ་བོ་ཉིད་ནི་མི་བསྐྱོད་པ་སྟེ། རྡོ་རྗེ་དབྱིངས་ཀྱི་ཚུལ་གྱིས ་བསྟོད་པ་ནི་མི་བསྐྱོད་པ་ནི་ཞེས་བྱ་བ་ལ་སོགས་པ་གསུངས་པ་ཡིན་ཏེ། ཀྱེ་བཅོམ་ལྡན་འདས་རྡོ་རྗེ་མི་བསྐྱོད་པ་རང་བཞིན་གྱིས་འགྱུར་བ་མེད་པ་ཐུགས་ཀྱི་མཐུས་ཆོས་ཀྱི་དབྱིངས་ཀྱི་ཡེ་ཤེས་དང་ཤེས་བྱ་མ་ལུས་པའི་ངོ་བོ་ཉིད་ཡིན་ནོ། །རྡོ་རྗེ་དབྱིངས་ནི་མ་ལུས་པའི ་ཡེ་ཤེས་ཀྱི་གཞིར་གྱུར་པའི་སྐུའི་ངོ་བོ་ཉིད་དོ། །མཁས་ཆེན་པོ་ཞེས་བྱ་བ་ནི་འགྲོ་བ་ཐམས་ཅད་སོ་སོར་རྟོག་པར་བྱེད་པའི་གསུང་གི་ངོ་བོ་ཉིད་དོ། །རྡོ་རྗེ་གསུམ་མཆོག་ནི་རྣམ་པར་དག་པའི་སྐུ་རྡོ་རྗེ་ལ་སོགས་པ་ཉིད་ཀྱིས་དམ་པར་གྱུར་པའོ། །དཀྱིལ་འཁོར ་གསུམ་ནི་སྐུའི་དཀྱིལ་འཁོར་ལ་སོགས་པའི་ཚུལ་གྱིས་འགྲོ་བ་མ་ལུས་པ་ཐམས་ཅད་ཀྱི་ངོ་བོར་གྱུར་པའོ། །རྡོ་རྗེ་དབྱིངས་ནི་ཐོས་པ་ལ་སོགས་པས་བསྒྲུབ་པར་བྱའོ། །ཕྱག་འཚལ་ལོ་ཞེས་བྱ་བ་ནི་རྣམ་པ་ཐམས་ཅད་དུ་བདག་ཉིད་ཀྱི་དངོས་པོ་དབུལ་བ་དང ་ཁྱེད་ཀྱི་སྐུ་མངོན་པར་འདོད་པས་ཁྱེད་ལ་རབ་ཏུ་འདུད་པར་བགྱིད་དོ་ཞེས་བྱ་པའི་དོན་ཏོ། །རྣམ་པར་སྣང་མཛད་ཅེས་བྱ་བ་ལ་སོགས་པ་ལ་ཀྱེ་བཅོམ་ལྡན་འདས་རྣམ་པར་སྣང་མཛད་ཡེ་ཤེས་ཀྱི་སྣང་བ་མ་ལུས་པ་ངོ་བོ་ཉིད་མེ་ལོང་ལྟ་བུ་ཡེ་ཤེས་ཀྱི་དགའ་བ ་ཆེ་བ་སྒྲིབ་པ་ཐམས་ཅད་ལས་ངེས་པར་གྲོལ་བས་རྡོ་རྗེ་ཞི་པའོ། །ཟད་པ་དང་མི་སྐྱེ་བའི་ཚུལ་གྱིས་བྱ་བ་བྱས་པས་དགའ་བ་ཆེན་པོ་སྟེ། མངོན་པར་འདོད་པའི་དོན་གྲུབ་པས་དགའ་བ་ཚད་མེད་པ་བརྙེས་པའོ། །རང་བཞིན་འོད་གསལ་ཞེས་བྱ་བ་ནི་གློ ་པུར་པའི་ཕྱི?་མ་དང་བྲལ་བས་ན་འདུས་མ་བྱས་པའི། །མཆོག་གི་མཆོག་ཅེས་བྱ་བ་ནི་རྣམ་པ་ཐམས་ཅད་དུ་ཆ་དང་བྲལ་བས་དམ་པའི་དམ་པར་གྱུར་པའོ། །སྟོན་པ་རྡོ་རྗེ་ནི་འགྲོ་བ་ཐམས་ཅད་ཀྱི་རྟེན་དུ་གྱུར་པ་སྟེ་དེ་ལ་ཕྱག་འཚལ་ལོ་ཞེས་པའོ། །རིན་ཆེན ་རྒྱལ་པོ་ཞེས་བྱ་བ་ལ་སོགས་པ་ལ་ཀྱེ་བཅོམ་ལྡན་འདས་རིན་ཆེན་རྒྱལ་པོ་རབ་ཏུ་དང་པའི་འོད་འབར་བ་མཉམ་པ་ཉིད་ཀྱི་ཡེ་ཤེས་ཅན་རབ་ཏུ་ཟབ་པ་ཚད་མེད་པའི་བསམ་གྱིས་མི་ཁྱབ་པའི་ཡོན་ཏན་ཐམས་ཅད་ཀྱི་སྦྱོད་པ་ཅན་རྣམ་པ ་ཐམས་ཅད་དུ་མི་ཕྱེད་པས་རྡོ་རྗེ་ནམ་མཁའ་ཨོ། །རང་བཞིན་གྱིས་ཉེས་པས་མ་གོས་པས་ན་དྲི་མེད་ནམ་མཁའ་ཨོ། །ཉེས་པ་ཐམས་ཅད་ཟད་པས་ན་རང་བཞིན་དག་པའོ། །སླར་ཡང་ཉེས་པ་མི་འབྱུང་བས་གོས་པ་མེད་པའོ། རྒྱུ་ཆེ? ་བའི་ངོ་བོ་ཉིད་དུ་གྱུར་པས་རྡོ་རྗེའི་སྐུ་སྟེ་གདུལ་བྱ་བསྐལ་པ་ཇི་ལྟ་བ་བཞིན་དུ་ཡང་དག་པར་སྟོན་པའི་སྐུ་མངའ་བ་ཁྱེད་ལ་ཕྱག་འཚལ་ལོ་ཞེས་པའོ། །རྡོ་རྗེ་མི་འཆི་ཞེས་བྱ་བ་ལ་སོགས་པ་ལ་ཀྱེ་བཅོམ་ལྡན་འདས་རྡོ་རྗེ་མི་འཆི་བ་ཚད་མེད་པའི་ཡེ ་ཤེས་ཀྱི་ངོ་བོ་ཉིད་ཀྱི་སོ་སོར་རྟོགས་པའི་ཡེ་ཤེས་ཅན་ནུས་པ་ཐམས་ཅད་ཀྱིས་མི་ཐུབ་པས་ན་རྒྱལ་པོ་ཆེའོ། །མི་རྟོག་ཅེས་གདུལ་བྱ་ཇི་ལྟ་བ་བཞིན་ཆོས་རྣམས་ངེས་པར་སྟོན་པར་མཛད་པའོ། །ནམ་མཁའ་རྡོ་རྗེ་འཛིན་ཅེས་བྱ་བ་ནི་ཚིག་དང་ཚིག་ཅན་གྱི ་འཛིན་པ་ལ་སོགས་པ་ལ་ཐམས་ཅད་ལ་ངེས་པར་གྲོལ་པའོ། །འདོད་ཆགས་ཕ་རོལ་བྱིན་པ་བརྙེས་ཞེས་བྱ་བ་ནི་འགྲོ་བ་རྣམས་ལ་སོ་སོར་གཟིགས་ནས་ཆོས་སྟོན་པ་ལ་སོགས་པས་སེམས་ཅན་ཐམས་ཅད་མགུ་བར་མཛད་པའོ། །རྡོ་རྗེ་གསུམ་ནི ་ཡོན་ཏན་དང་འདྲ་བར་མཛའ་ཡས་ཤིང་ཚད་མེད་པའི་གསུང་དབྱངས་ངེས་པར་སྒྲོགས་པ་ལ་ཕྱག་འཚལ་ལོ་ཞེས་པའོ། །དོན་ཡོད་རྡོ་རྗེ་ཅེས་བྱ་བ་ལ་སོགས་པ་ལ་ཀྱེ་བཅོམ་ལྡན་འདས་དོན་ཡོད་རྡོ་རྗེ་སྒྲུབ་པ་པོའི་མངོན་པར་འདོད་པ་ཇི་ལྟར ་བརྩམས་པ་བྱ་བ་གྲུབ་པའི་ཡེ་ཤེས་ཀྱི་རྫོགས་པའི་སངས་རྒྱས་ཏེ་ཐམས་ཅད་མཁྱེན་པ་ཉིད་མཉེས་པར་མཛད་པའོ། །བསམ་པ་ཐམས་ཅད་རྫོགས་མཛད་པ་ཞེས་བྱ་བ་ནི་ཡིད་བཞིན་གྱི་ནོར་བུ་དང། དཔག་བསམ་གྱི་ཤིང་ལ་སོགས་པའི ་ངོ་བོ་ཉིད་ལྟ་བུའོ། །རང་བཞིན་དག་པ་ཉིད་ལ་བྱུང་ཞེས་བྱ་བ་ནི་སྔགས་དང་ཕྱག་རྒྱ་དང་ཏིང་ངེ་འཛིན་དང་གཟུངས་དང་ཐབས་གཞན་ཡང་རང་བཞིན་དག་པར་གྱུར་པས་འགྲོ་བའི་དོན་ཐོབ་པར་མཛད་པའོ། །རྡོ་རྗེ་སེམས་དཔའ་ཞེས་བྱ་བ་ནི ་འཚང་རྒྱ་བ་ཉིད་ཀྱིས་ཐོགས་པ་མེད་པའི་ཐུགས་ཐམས་ཅད་དང་ལྡན་པ་ལ་ཕྱག་འཚལ་ལོ་ཞེས་པའོ། །དེ་ནས་དོན་དམ་པར་ཀུན་ཏུ་བཟང་པོ་ཉིད་ཡིན་པས་ཐུགས་ཐམས་ཅད་ནི་ཐམས་ཅད་ཀྱི་བདག་ཉིད་ཡིན་པས་ལྷ་རེ་རེ་ཞིང་བསྟོད་པ་མ་བྱས་པ་ཡིན་ནོ། ་འདོད་ཆགས་དང་ཞེ་སྡང་དང་གཏི་མུག་དང་ང་རྒྱལ་དང་བྲག་དོག་རྣམ་པར་དག་པའི་ངོ་བོ་ཉིད་དང་ཡེ་ཤེས་ལྔའི་རང་བཞིན་ནོ། །དེ་བཞིན་གཤེགས་པ་ལྔ་ཡིན་ཏེ། དེ་ཡང་གང་གིས་རང་བཞིན་ཆགས་སྡང་རྣམ་བྲལ་ཡང། །གདུལ་བྱའི་དབང་གིས་ཁྲོ ་ལ་ཁྲོ་བ་དང། །འདོད་ཆགས་ཅན་ལ་ཆགས་པ་ཅན་ལྟར་སྟོན། །བྱང་ཆུབ་མཆོག་གནས་དེ་ལ་ཕྱག་འཚལ་ལོ་ཞེས་ཇི་སྐད་བཤད་པ་ལྟ་བུའོ། །ད་ནི་འབར་བའི་ཨོཾ་གིས་ཞེས་བྱ་བ་ལ་སོགས་པས་བདུད་རྩི་མྱང་བ་བཤད་པར་བྱ་སྟེ། བདུད་རྩི་ལྔ་པོ་དེས ་སྙིང་གའི་ཟླ་བའི་དབུས་སུ་ཆུད་པའི་ཟླ་བའི་དཀྱིལ་འཁོར་ལ་བཞུགས་པའི་དཀྱིལ་འཁོར་བ་རྣམས་དེས་ཆི་མ་ཞིང་མགུ་བར་བྱའོ། །དེ་ཡང་ཡི་གེ་ཨོཾ་འབར་ཞིང་འོད་དང་ལྡན་པའི་གཟུགས་ཅན་བྱིན་གྱིས་བརླབས་ལ་རླུང་དང་མེའི་དཀྱིལ་འཁོར་ལ ་གནས་པའི་ཐོད་པའི་དབུས་ན་བདུད་རྩི་ལྔ་པོ་གནས་པ་རླུང་དང་མེའི་དཀྱིལ་འཁོར་དག་གིས་རབ་ཏུ་སྤར་བས་གོང་བུ་དམར་པོ་ལྟ་བུར་བསམས་ལ་ཡི་གེ་ཨ་ཡིས་ཁྲག་ཞུ་བ་ལྟ་པུར་བསམས་ལ་རང་བཞིན་ལ་ཨོཾ་གྱིས་བདུད་རྩི་དཀར་པོར་བྱས་ནས ་ཨོཾ་ཨཱ(རྒྱུད་འགྲེལ་བཀུག་པའི་ལྕེས་སྙིང་གའི་ཟླ་བར་ཆུད་པའི་དཀྱིལ་འཁོར་གྱི་འཁོར་ལོ་དེས་ཚིམ་པར་བྱའོ། །དེ་ཡང་ཟླ་ཉི་རྡོ་རྗེ་ཆུ་དང་དྲི་མར་མེ། །ཐོད་པ་ལ་གནས་མེ་དང་རླུང་དག་གིས། །ལེགས་སྤར་ལྕགས་བསྲེགས་གོང་བུ་ལྟ་བུར་ནི། ཧཱུཾ་གི་ས་བོན་དག་གིས ་རྣམ་པར་བསྒོམ། །ཡི་གེ་ཨ་བརྗོད་དེར་ནི་ཕབ་པ་དང། །ཅུང་ཟད་བྲོ་ཞིང་ཁྲག་འདྲར་རྣམ་བསམས་ལ། །ོཾ་འམ་རཾ་འམ་རང་གི་ས་བོན་གྱིས། །སངས་རྒྱས་ཕབ་སྟེ་བྱིན་བརླབས་བྱང་ཆུབ་སེམས། །རབ་དཀར་ཧཱུཾ་གྱི་རྡོ་རྗེ་ལྕེ ་ཡིས་སྙིང་གར་གནས། །རང་གི་འཁོར་ལོ་མ་ལུས་དེས་ཚིམ་བྱ་ཞེས་བཤད་པ་ཡིན་ནོ། །འདི་ནི་བསྒོམ་པའི་ལམ་གྱི་ངོ་བོ་དཀྱིལ་འཁོར་གྱི་མཆོག་ཅེས་བྱ་བའི་ཏིང་ངེ་འཛིན་ཏོ། །དེ་ཡང་དང་པོར་བྱིན་པ་ལ་སོགས་ནས་བདུད་རྩི་མྱང་བའི་མཐར་ཐུག ་པ་མདོར་ན་ཏིང་འཛིན་འཁོར་ལོའི་རྒྱལ་པོ་མཆོག་ཏུ་ཡང་བཤད་ཅེས་ཇི་སྐད་འབྱུང་བ་ལྟ་བུའོ། །ང་ནི་ལས་ཀྱི་རྒྱལ་པོའི་མཆོག་ཐོབ་པའི་འབྲས་བུའི་སྤྱོད་པའི་རང་བཞིན་བཤད་པ་ནི་སྙིང་པོའི་འོད་ཟེར་ཞེས་བྱ་བ་ལ་སོགས་པ་ཡིན་ཏེ། སྙིང་པའི ་འོད་ཟེར་དཔག་མེད་ཀྱིས་ཞེས་པ་ཡེ་ཤེས་སེམས་དཔའ་ཨི་ས་བོན་ལས་བྱུང་བའི་འོད་ཟེར་རྣམས་ཀྱིས་སྤྲུལ་པའི་ཐུབ་པའི་མཆོག་སངས་རྒྱས་དང་བྱང་ཆུབ་སེམས་དཔའ་མི་ཤེས་པ་ཐམས་ཅད་ཀུན་ཏུ་ངེས་པར་བསལ་བའི་སེམས་བརྟོན་པར ་བྱས་ལ་སངས་རྒྱས་དང་བྱང་ཆུབ་སེམས་དཔའ་དེས་འགྲོ་བ་མ་ལུས་པ་རྫོགས་པའི་སངས་རྒྱས་སུ་བྱས་ལ་རང་གི་གསང་སྔགས་ཀྱི་ནང་དུ་ཆུད་པར་སྣང་བར་བྱས་ཏེ་རང་གི་སེམས་ལ་དབང་དུ་གྱུར་པས་དེ་ལྟར་ཐུབ་པ་ཡིན་པའི་ཕྱིར་ཡེ་ཤེས ་ལ་ནི་མི་ཤོར་བ་ཡོད་པ་མ་ཡིན་ནོ། །དེ་ལྟར་ཡེ་ཤེས་ཀྱི་ཕྱག་རྒྱ་དང་སྦྱོར་བས་སེམས་བརྟན་པར་བྱས་ནས། དོན་དམ་པའི་བདག་ཉིད་ཅན་གྱི་ཕྱག་རྒྱ་ཆེན་པོའི་རྣལ་འབྱོར་བསྒོམ་པ་གསུངས་པ་ཡིན་ཏེ་ཤེས་རབ་ཐབས་ནི་མཉམ་སྦྱོར་བ། ་བསྒོམ་པའི་རྣལ་འབྱོར་མཆོག་གིས་ཕྱག་རྒྱ་ཆེ་དང་མཉམ་སྦྱོར་བའི། བསྒོམ་པ་རྒྱལ་བས་གསུངས་པ་ཡིན་ཞེས་བཤད་པས། རེ་ཞིག་རིམ་པ་འདིས་དང་པོར་ཤེས་རབ་བསྒོམ་པར་བྱའོ། །ཅི་གཟུགས་ལ་སོགས་པས་ཇི་ལྟར་བྱིས ་པས་ཡོངས་སུ་བརྟགས་ཤིང་མཐོང་བ་རྣམས་ཇི་ལྟར་རྣམ་པར་ཤེས་པའི་རང་བཞིན་ཡིན་ཞིང་དོན་དམ་པར་སྟོང་པ་ཡིན་ནམ་འོན་ཏེ་ཀུན་རྫོབ་ཙམ་གྱི་རང་བཞིན་ཅན་ཡིན་ཞེ་ན། དེ་གསུངས་པ་ནི་གཟུགས་ལ་སོགས་པ་ཞེས་བྱ་བ་ལ་སོགས་པ་ཡིན་ཏེ། གཟུགས་སུ་རུང ་བས་ན་གཟུགས་ཏེ། ཁ་དོག་དང་དབྱིབས་ཀྱི་དབྱེ་བས་རྣམ་པ་གཉིས་སོ། །ཁ་དོག་ནི་སྔོན་པོ་ལ་སོགས་པའོ། །དབྱིབས་ནི་མཉམ་པ་དང་མཐོ་བ་དང་དམའ་བ་ལ་སོགས་པའོ། །སོགས་པའི་སྒྲས་ནི་ཚོར་བ་དང་འདུ་ཤེས་དང་འདུ་བྱེད་དང་རྣམ་པར་ཤེས་པ་བསྡུ ་བའོ། གཟུགས་ལ་སོགས་པ་གང་ཡིན་པ་འདི་དག་ནི་ཐོག་མ་མེད་པའི་དུས་ཅན་གྱི་མ་རིག་པའི་བག་ཆགས་ཀྱི་མིག་སེར་གྱིས་ཉེ་བར་བཅོམ་པའི་མིག་གིས་རྟོག་པ་མང་པོའི་བཟོས་བསྒྲུབས་པ་ལས་སྣང་བ་ཡིན་པ་དེའི་རྣམ་པ་ཞེས་པ ་གཟུགས་ཀྱི་རང་བཞིན་ནི་ངོ་བོ་ཉིད་སྟོང་པ་ཡིན་ཏེ། བཅོམ་ལྡན་དས་ཀྱིས་རབ་འབྱོར་གཟུགས་ནི་གཟུགས་ཀྱི་ངོ་བོ་ཉིད་ཀྱིས་སྟོང་སྟེ། དེའི་རང་བཞིན་དེ་ཡིན་པའི་ཕྱིར་རོ་ཞེས་ཇི་སྐད་གསུངས་པ་དེ་ལྟ་བུ་སྟེ། ཚོར་བ་ལ་སོགས་པ་ཡང་དེ་བཞིན་ནོ།། ་གཞན་ཡང་གཟུགས་ནི་དབུ་བ་བརྡོས་པ་འདྲ། །ཚོར་བ་ཆུ་བུར་དག་དང་མཚུངས། །འདུ་ཤེས་སྨིག་རྒྱུ་འདྲ་བ་སྟེ། །འདུ་བྱེད་རྣམས་ནི་ཆུ་ཤིང་བཞིན། །རྣམ་ཤེས་སྒྱུ་མ་ལྟ་བུའོ་ཞེས། །དེ་ཉིད་གཟིགས་པས་བཀའ་སྩལ་ཏོ་ཞེས་ཇི་སྐད་གསུངས་པ་ལྟ ་བུའོ། །མངོན་སུམ་གྱི་ཤེས་པས་མཐོང་བ་ཡིན་ནོ། །ངོ་བོ་ཉིད་ཀྱིས་སྟོང་པ་ཇི་ལྟར་ཡིན་ཞེ་ན་དེ་ནི་མ་ཡིན་ཏེ། སོ་སོར་སྣང་བ་གང་ཡིན་པ་དེ་ཐམས་ཅད་ནི་བདེན་པ་མ་ཡིན་ཏེ། དཔེར་ན་རབ་རིབ་ཅན་གྱིས་ཟླ་བ་གཉིས་ལ་སོགས་པ་མཐོང་བ་དང་འདྲའོ།། ་འོན་ཏེ་འཁྲུལ་བ་མེད་པའི་ཤེས་པ་ནི་མངོན་སུམ་ཡིན་པར་བཤད་པས་རབ་རིབ་ཅན་གྱི་ཟླ་བ་གཉིས་ལ་སོགས་པ་ནི་མངོན་སུམ་ལྟར་སྣང་བ་ཡིན་གྱི། དེ་མངོན་སུམ་མ་ཡིན་ཏེ། མངོན་སུམ་ལྟར་སྣང་རབ་རིབ་བཅས་ཞེས་བཤད་པ ་ཡིན་ནོ། གལ་ཏེ་དེ་སྐད་ཟེར་ན་དེ་ལྟ་ན་ནི་དེ་ཁོ་ན་ཉིད་ཡོངས་སུ་ཤེས་པའི་ཡིན་པས་ཐམས་ཅད་ཡང་དག་པའི་རྣལ་འབྱོར་པར་འགྱུར་ཏེ། ཚུ་རོལ་མཐོང་བ་ཅན་དུ་ནི་མི་འགྱུར་ཏེ། ཡང་དག་པ་ཇི་ལྟ་བ་བཞིན་ཡོངས་སུ་ཤེས་པའི ་ཕྱིར་རོ། དེ་ཡང་གལ་ཏེ་ཇི་ལྟར་གྲགས་པ་འདི། །ཆོས་རྣམས་ངོ་བོ་ཇི་བཞིན་ཡིན། །ཡང་དག་དོན་མཐོང་གྲོལ་གྱུར་པས། །འགྲོ་བ་ཐམས་ཅད་ཅིས་མ་གྲོལ་ཞེས་ཇི་སྐད་བཤད་པ་ལྟ་བུའོ། །དེ་ལ་སློབ་དཔོན་གྱིས་མངོན་སུམ་ནི་རྣལ་འབྱོར་བ་དང ་ཅིག་ཤོས་གྱི་སྟེ། རྣམ་པ་གཉིས་སུ་བཤད་པས་ཐ་སྙེད་ཙམ་ཁོ་ནར་རྨི་ལམ་ལ་སོགས་པ་དང་འདྲ་བར་ཇི་ལྟར་ཤེས་པའི་དོན་མ་འཁྲུལ་པ་ཙམ་གང་ཡིན་པ་དེ་ལ་འཁྲུལ་པ་མེད་པ་ཞེས་བཤད་དོ། །དེ་ཉིད་ཀྱིས་ན་གཟུང་བ་རྣམས་ཀྱང་ཅུང ་ཟད་ཡོད་མིན་ལ་ཞེས་བྱ་སྟེ། སེམས་དེའི། །གཟུང་བར་བྱ་བ་གཟུགས་ལ་སོགས་པ་དེ་དག་ཀྱང་ཡོད་པ་མ་ཡིན་ཏེ། དེ་གཉིས་གཟུང་བ་དང་འཛིན་པ་པོའི་དངོས་པོར་མ་གྲུབ་པའི་ཕྱིར་རོ། །ཚད་མ་གཉིས་ཉིད་ཡིན་པས་མངོན་སུམ་དུ་། ་འདོད་པར་མི་འཐད་ཀྱང་རྗེས་སུ་དཔག་པས་ཡོད་པར་འཐད་དོ་ཞེས་ན་དེར་ཡང་གཞན་པའི་འབྲེལ་བའི་ཡིས་ཀྱང་མཐོང་བ་མེད་ཅེས་བྱ་བ་སྨྲས་ཏེ། ཤེས་པ་དོན་དང་ལྷན་ཅིག་པའི་རྟགས་དང། རྟགས་ཅན་གྱི་འཛིན་པ་མེད་པས་གཞན ་པའི་རྗེས་སུ་དཔག་པས་ཀྱང་མ་ཡིན་ཞེས་བྱ་བའི་ཐ་ཚིག་གོ། འབྲེལ་པ་ནི་གཉིས་སུ་གནས་ཏེ་དེའི་བདག་ཉིད་དང། དེ་ལས་བྱུང་བའི་མཚན་ཉིད་ཅན་ནོ། །དེ་ལ་རེ་ཞིག་དེའི་བདག་ཉིད་ཅན་ནི་མ་ཡིན་ཏེ་ཐག་རིང་བ་དང་ཉེ་བ་ལ་སོགས་པའི་དབྱེ ་བས་གསལ་བ་དང་མིག་གསལ་བའི་ཤེས་པ་མི་འབྱུང་སྟེ། ཤེས་པ་དང་ཡུལ་གཅིག་ཏུ་གྱུར་ན་དེ་ལྟ་བུའི་རྣམ་པ་མི་སྲིད་དོ། །དེ་ལས་བྱུང་བའི་མཚན་ཉིད་ཅན་ཡང་མ་ཡིན་ཏེ། སྟན་ཁྲ་བོ་ལ་སོགས་པ་ལ་ཡང་ཤེས་པ་ཡང་སྣ ་ཚོགས་པས། རྣམ་པ་དང་འདྲ་བའི་ཤེས་པའི་བྱེ་བྲག་ཐ་དད་པར་ཐལ་བར་འགྱུར་ན་ཕྱོགས་རྒྱ་ཆེ་བ་ན་སྣ་ཚོགས་པར་གནས་པའི་ཡོངས་སུ་འཛིན་པས་ཤེས་པ་དེ་ལྟར་སྐྱེ་བ་ཡོད་པ་མ་ཡིན་པས་གང་གིས་སྣ་ཚོགས་པ་ཉིད་དུ་བསྒྲུབ་པར་བྱ་བའི ་ཕྱིར་ཤེས་པ་དུ་མ་སྐྱེ་བར་རྟོག་པ་ལེགས་པ་མ་ཡིན་ཏེ་གཟུགས་མེད་པ་ནི་ཡུལ་ན་གནས་པ་མི་སྲིད་པའི་ཕྱིར་རོ། །དེ་ཡང་གང་ཕྱིར་དེ་ཡོད་ངེས་ཤེས་པའི། །ཤེས་པ་དོན་དང་ལྷན་ཅིག་ཉིད། །དེ་ཡི་བདག་ཉིད་དེ་ལ་བྱུང། །འབྲེལ་པ་གང ་ཡང་ཡོད་མ་ཡིན་ཞེས་ཇི་སྐད་བཤད་པ་ལྟ་བུའོ། །འདིར་ཕྱི་རོལ་གྱི་དོན་ཡོད་པར་སྨྲ་བ་ལ་སོགས་པས་སྨྲས་བ། ཤེས་པ་ནི་དགའ་བ་དང། ཡོངས་སུ་གདུང་བ་ལ་སོགས་པའི་རིམ་བཞིན་ཅན་དབྱིབས་མེད་པ་ང་རྒྱལ་གྱི་གནས་སུ་གྱུར་པ་ནང་ན ་གནས་པ་ཉམས་སུ་མྱོང་བ་ཡིན་པས། སྔོན་པ་ལ་སོགས་པ་ནི་དགའ་བ་དང་ཡོངས་སུ་གདུང་བ་ལ་སོགས་པའི་རང་བཞིན་མ་ཡིན་ཞིང་དབྱིབས་ལ་སོགས་པར་མ་གྲུབ་པ་ཡང་མ་ཡིན་པ་དང། ང་རྒྱལ་གྱི་གནས་ཀྱང་མ་ཡིན་པས་དེའི་ཕྱིར་ཤེས ་པ་ལས་ཕྱི་རོལ་དུ་གྱུར་པ་ཉིད་དུ་ཉམས་སུ་མྱོང་བ་ཡིན་པས་ཉམས་སུ་མྱོང་བའི་དབྱེ་བ་ཡོད་པའི་དངོས་པོ་ལ་དབྱེ་བ་མེད་པར་སེམས་དང་བཅས་པས་བྱར་ཇི་ལྟར་རུང་ཞེ་ན། དེ་ལ་ཡང་བདེ་བ་ཞེས་བྱ་བ་ལ་སོགས་པ་སྨྲས་པ་ཡིན་ཏེ། བདེ་སོགས ་ཞེས་པ་བདེ་བ་དང། སྡུག་བསྔལ་ལ་སོགས་པའི་རང་བཞིན་ཅན་འཛིན་པ་པོ་ཤེས་པ་དེ། གཟུགས་ལ་སོགས་པ་འཛིན་པའི་བྱ་བའི་ཁྱད་པར་འཛིན་པའི་མཚན་ཉིད་ཅན་འགའ་ཡང་ཡོད་པར་མ་མཐོང་ངོ། །ཅིག་ཅར་རང་རྒྱུད་དུ་སྣང་བ་གཉིས ་ལ་ཅུང་ཟད་ནི་བཟུངས་པར་བྱ་བ་ཡིན་ལ། ཅུང་ཟད་ནི་འཛིན་པ་པོ་ཡིན་ནོ་ཞེས་བྱ་བའི་སོ་སོར་ངེས་པའི་རྒྱུ་ཡང་མ་མཐོང་ངོ། །དེ་བས་ན་ཅིག་ཅར་དུས་མཚུངས་པར་ཡུལ་དང་ལྷན་ཅིག་ཤེས་པར་གྱུར་ཅིང་ཡོངས་སུ་གཅོད་པར་བྱེད་པས་ན་འཛིན་པའོ། ་མ་ཡིན་པ་ནི། གཟུགས་ལ་སོགས་པ་དང་འདྲ་སྟེ། ཇི་ལྟར་གཟུགས་འཛིན་པ་པོ་མ་ཡིན་པ་དེ་བཞིན་དུ་ཤེས་པ་ཡང་འཛིན་པ་པོ་མ་ཡིན་ནོ། །དེ་ཡང་རབ་འབྱོར་ཆོས་རྣམས་ཀྱིས་ཆོས་རྣམས་མི་ཤེས་སོ་ཞེས། ཇི་སྐད་རྒྱ ་ཆེར་གསུངས་པ་ལྟ་བུའོ། །དེ་ཅིའི་ཕྱིར་ཤེས་རྟོག་ན། དཀར་པོ་ཞེས་བྱ་བ་ལ་སོགས་པ་སྨོས་ཏེ། དཀར་པོ་ལ་སོགས་པ་གང་ཞིག་སྔར་མཐོང་བ་ཉིད་དུས་ཆོད་གཞན་དག་ཏུ་མི་མཐོང་སྟེ། ཅིའི་ཕྱིར་ན། སྐད་ཅིག་མ་ཡིན་པས་སྡོད་པ་མེད ་པ་ཉིད་ཡིན་པའི་ཕྱིར། འདས་པ་དང་མ་འོངས་པ་དང། ད་ལྟར་བྱུང་བའི་སྐད་ཅིག་མ་རྣམས་ནི་མཚན་ཉིད་ཐ་དད་པ་ཡིན་པའི་ཕྱིར་རོ། །མཐོང་བ་ཉམས་སུ་མྱོང་བ་ལས་ཐ་དད་པ་ཡང་བ་བསྒྲུབས་པ་ཡང་དེ་ལ་ཡོད་པ་མ་ཡིན་ནོ། །ཅིའི་ཕྱིར་ཞེ་ན་། ་ཕན་ཚུན་འགལ་བས་མི་མཐུན་པ་གཅིག་ལ་གཅིག་ལྷན་ཅིག་གནས་པ་མ་ཡིན་པའི་ཕྱིར་ཏེ། ཇི་ལྟར་བདེ་སོགས་ཤེས་པ་བདེ་བ་དང། སྡུག་བསྔལ་དག་མི་མཐུན་པ་དེ་ཡིན་པ་དེ་བཞིན་དུ་སྔོན་མཐོང་བ་དང། ཕྱིས་མཐོང་བ་དང། འདི་དག ་ཀྱང་རྟག་ཏུ་ངོ་བོ་ཉིད་ཀྱིས་འགལ་བ་ཡིན་ནོ། །གཟུང་བའི་རྣམ་པར་སྣང་བ་གང་ཡིན་པ་འདི་དག་ཀྱང་གཅིག་དང་དུ་མ་ཉིད་དུ་མི་འཐད་པས་རང་གི་ངོ་བོར་མེད་པ་ཉིད་ཡིན་པ་དེ་ནི་ཐོག་མཛའ་ཞེས་བྱ་བ་ལ་སོགས་པ་སྨོས་པ་ཡིན་ཏེ། གཟུང ་བའི་རྣམ་པར་སོ་སོར་སྣང་བ་གང་ཡིན་པ་དེ་ནི་གཅིག་མ་ཡིན་ནོ། །ཅིའི་ཕྱིར་ཞེ་ན། དངོས་པོ་དེ་ལ་ཐོག་མཛའ་ལ་སོགས་པའི་བྱེ་བྲག་སྣང་བ་དང། དོན་བྱེད་པའི་ནུས་པའི་དབྱེ་བ་ཡང་མཐོང་བས་གང་ལ་ཕྱོགས་ཀྱི་ཆ་ཡོད་པ་དེ་ནི་གཅིག ་པ་ཉིད་མི་རིགས་པ་ཞེས་བྱ་བའི་ཚུལ་གྱིས་སོ། །རང་བཞིན་གཅིག་དང་བྲལ་བས་དུ་མ་ཡང་མ་ཡིན་ནོ། །དཀར་པོ་ལ་སོགས་པ་སོ་སོར་སྣང་བའི་ཆ་དང་ལྡན་པ་རྣམས་ལ་ཕྲ་རབ་ཏུ་བརྟགས་པའི་ཤེས་པ་ཡང་རིགས་པ་མ་ཡིན་ཏེ། གྲངས ་རྣམས་ཀྱི་རང་བཞིན་གཟུང་དུ་མེད་པའི་ཕྱིར། མངོན་སུམ་དུ་འཛིན་པར་ཁས་མི་ལེན་ལ་དེ་ཡང་ཕྲ་རབ་རྣམས་ནི་ཡན་ལག་མེད་པ་ཆ་ཤས་མེད་པ་ཡིན་ཏེ། ཡན་ལག་མེད་པའི་ཕྱིར་ཆ་ཤས་མེད་པས། རྡུལ་ཕྲ་རབ་གཞན་དང་འདུས་པ་དང་བྲལ་བ་ཡིན་ནོ། །སྐལ ་ཏེ་ཡོད་ན་ཤར་ལ་སོགས་པའི་མདུན་རྒྱབ་དང། ལོགས་གཉིས་དང་སྟེང་དང་འོག་སྟེ་ཕྱོགས་དྲུག་ཏུ་གནས་པས་ཕྲ་རབ་དྲུག་འདུས་པ་ཡིན་པར་འཐད་ལ། འདུས་པ་དེས་ན་ཆ་ཤས་དྲུག་ཏུ་འགྱུར་ཏེ། དྲུག་གིས་ཅིག་ཅར་སྦྱར་བྱ་ན། །ཕྲ་རབ་རྡུལ་ཆ་དྲུག་ཏུ་འགྱུར། ་ཞེས་བཤད་པའི་ཕྱིར་རོ། །དེ་བས་ན་རྡུལ་ཕྲ་རབ་མ་གྲུབ་པས་ཕྲ་རབ་བསགས་པ་ལས་གྱུར་པའི་སའི་དཀྱིལ་འཁོར་ལ་སོགས་ཏེ། གླིང་བདུན་ལ་སོགས་པ་ས་རྣམས་བསགས་པར་བརྟག་པ་ཡང་འཐད་པ་མ་ཡིན་ཏེ། དེ་བས་ན་གཟུང་བར་བྱ་བར་རང་གི་ངོ་བོ་ཡོད ་མ་ཡིན་ནོ། །གལ་ཏེ་དེ་ལྟ་ཡིན་ན་འགྲོ་བ་འདི་དག་ཇི་ལྟར་སྣང་བ་ཡིན་ཞེ་ན། དེའི་ཕྱིར་དེ་བས་འཛིན་པ་ཞེས་བྱ་བ་ལ་སོགས་པ་སྨོས་ཏེ། དེ་བས་ཞེས་པ་དེའི་ཕྱིར་གཅིག་དང་དུ་མའི་རང་བཞིན་དུ་མི་འཐད་པའི་ཕྱིར། འཛིན་པ་པོ་ལ་སོགས་པ་དང་བྲལ་བས ་བཟུང་བ་དང། འཛིན་པ་མེད་པའི་ཕྱིར། །འགྲོ་བ་འདི་དག་ནི་རང་རྒྱུད་ཅན་ཡིན་གྱི། དབང་ཕྱུག་ལ་སོགས་པ་གཞན་ལས་སྐྱེ་བ་ནི་མ་ཡིན་ནོ། །རང་རྒྱུད་རྣམ་པ་ཐམས་ཅད་དུ་ནི་མ་ཡིན་ཏེ། ཀུན་རྫོབ་དུ་རྒྱུ་དང་རྐྱེན་ལས་བྱུང་བའི་ཕྱིར་རོ། །རྒྱུ་མེད་པར་གྱུར ་ན་ནི་རྟག་ཏུ་ཡོད་པའམ། མེད་པ་ལ་སོགས་པ་ངེས་པར་འགྱུར་པའི་ཕྱིར་རོ། །གཟུགས་སོགས་ནི་ཚོར་བ་དང་འདུ་ཤེས་དང་འདུ་བྱེད་རྣམས་དང། རྣམ་པར་ཤེས་པའི་རང་བཞིན་ནི་བརྟགས་པའི་ངོ་བོ་ཉིད་ཡིན་ཏེ། སྐར་མ་རབ་རིབ་མར་མེ་དང། །སྒྱུ་མ་ཟིལ་བ ་ཆུ་བུར་དར། །རྨི་ལམ་གློག་དང་སྤྲིན་ལྟ་བུ། །འདུས་བྱས་དེ་ལྟར་བལྟ་བར་བྱ་ཞེས་ཇི་སྐད་གསུངས་པ་ལྟ་བུའོ། །དྲི་ཟའི་གྲོང་ཁྱེར་དག་དང་མཚུངས་པ་ཡིན་ཞེས་བྱ་བ་ནི་ཀུན་རྫོབ་ཀྱི་བདེན་པར་བསླུ་ཞིང་སྙིང་པོ་མེད་པ་ཉིད་དུ་བལྟ་བར་བྱ་བ་སྟེ། ཀུན་རྫོབ་ཏུ་ནི་ཐམས ་ཅད་ཡོད། །དམ་པའི་དོན་དུ་ཡོད་མ་ཡིན་ཞེས་བཤད་པ་ལྟ་བུའོ། །གལ་ཏེ་དེ་ལྟ་ཡིན་ན་འཁོར་བ་དང་མྱ་ངན་ལས་འདས་པར་ཇི་ལྟར་རྣམ་པར་བཞག་ཅེ་ན། དེའི་ཕྱིར་བདག་དང་བདག་གི་ཞེས་བྱ་བ་ལ་སོགས་པ་སྨོས་ཏེ། བདག་ནི་ཉོན ་མོངས་པ་ཅན་གྱི་ཡིད་ང་རྒྱལ་ཅན་གྱི་རང་བཞིན་ཅན་བདག་མེད་བཞིན་དུ་བདག་བདག་ཏུ་རློམ་སེམས་པའོ། །བདག་གི་ནི་བུ་དང་ཆུང་མ་དང་ནོར་ལ་སོགས་པའོ། །དེ་གཉིས་ཀྱི་རྒྱུན་ནི་རྒྱུན་ཏུ་འཇུག་པ་གང་ཡིན་པ་སྟེ་འདིའི་འཇུག་པ་ནི་ཕན་འདོགས་པ་དང ་གནོད་པའི་དངོས་པོའི་བག་ཆགས་ཀྱི་མཚམས་སྦྱོར་བའི་དབང་གིས་འདི་ནི་བདག་ཡིན་པས་འདི་དག་དགོས་སོ་ཞེས་ལོག་པར་རྟོག་པའི་ཚུལ་བཞིན་མ་ཡིན་པའི་ཡིད་ལ་བྱེད་པས། མཐོང་བ་ཉིད་ལས་ནི་འཁོར་བར་རྣམ་པར་བཞག་ལ་དག་པའང ་ཕྱིན་ལོག་དེ་མེད་པའི་རང་གི་ངོ་བོ་ཙམ་གྱིས་བདག་དང་བདག་གི་རྣམ་པར་རྟོག་པ་སྤངས་པས་ནི་མྱ་ངན་ལས་འདའ་བ་ཡིན་ཏེ། རྣམ་པར་རྟོག་པ་མ་རྟོགས་པར། །འཁོར་བ་ཞེས་བྱ་འགའ་མ་མཆིས། །དེ་བས་རྣམ་རྟོག་རྣམ་བསལ་བས། །ཁྱེད་ནི་རྟག ་ཏུ་མྱ་ངན་འདས་ཞེས་ཇི་སྐད་བཤད་པ་ལྟ་བུའོ། །དེ་བས་ན་བདག་དང་བདག་གིར་ལྟ་བ་ལྡོག་པར་དོར་བ་དང་བླང་བར་བྱ་བའི་དངོས་པོ་དང་བྲལ་བས་འཁོར་བའི་གཉེན་པོར་གྱུར་བ་ནི་མྱ་ངན་ལས་འདས་པ་ཞེས་བྱའོ། །དེ་ལྟར་ན་ནི་འཁོར་བ་མེད ་པས་མྱ་ངན་ལས་འདས་བ་ཡིན་པས་དངོས་པོར་མེད་དོ་ཞེས་རྟོགས་པས་དེའི་ཕྱིར་ཞི་བ་དང་ནི་ཞེས་བྱ་བ་ལ་སོགས་པ་སྨོས་ཏེ། བཅོམ་ལྡན་འདས་ཀྱིས་འཁོར་བ་ལ་སྐྱོ་བ་བསྐྱེད་བར་བྱ་བའི་ཕྱིར་མྱ་ངན་ལས་འདའ་བསྟོན་པ་མཛད་པ ་ཡིན་གྱི་འཁོར་བ་དང་མྱ་ངན་ལས་འདས་པ་གཉིས་ལ་ནི་དབྱེ་བ་གང་ཡང་མེད་དོ། །དེ་ཡང་ཆོས་ཉིད་ཀྱིས་ནི་ཞེས་པ་དོན་དམ་པའི་ངོ་བོ་ཉིད་དུ་ཡིན་གྱི་ཀུན་རྫོབ་ཏུ་ནི་མ་ཡིན་ཏེ། གཞན་དུ་ན་ཆད་པ་ཉིད་དུ་འགྱུར་རོ། །དེ་ཡང་སློབ་དཔོན་ཀླུ ་སྒྲུབ་ཀྱི་ཞལ་སྔ་ནས་ཀྱི་མྱ་ངན་ལས་འདས་པ་དངོས་པོ་མེད་མིན་ཞེས་བྱ་བ་དང་དེ་བཞིན་དུ་གལ་ཏེ་མྱ་ངན་འདས་དངོས་ན། །མྱ་ངན་འདས་པ་འདུས་བྱས་འགྱུར། །དངོས་པོ་འདུས་བྱས་མ་ཡིན་པ། །འགའ་ཡང་ཇི་ལྟར་ཡོད་པ་ཡིན་ཞེས་ཇི་སྐད་བཤད་པ་ལྟ་བུའོ ་འདི་ཉིད་དུ་འཐད་པ་བསྒྲུབ་པ་བསྟན་པའི་ཕྱིར་གང་ཕྱིར་གཟུང་བ་ཞེས་བྱ་བ་ལ་སོགས་པ་སྨོས་ཏེ། གང་གི་ཕྱིར་དོན་དམ་པར་གཟུང་བ་དང་འཛིན་པའི་ངོ་བོ་ཉིད་དང་བྲལ་བ་ཡིན་པར་འཁོར་བ་དང་མྱ་ངན་ལས་འདས་པ་དག་ཐམས་ཅད་དུ་ལུང་དང་རིགས་པ ་དག་གིས་རྟག་ཏུ་གྲུབ་པ་དེའི་ཚེ། ཐམས་ཅད་ཀྱང་ཅི་ཡང་ཡོད་པ་མ་ཡིན་གྱིས། །ཀུན་རྫོབ་ཏུ་ནི་ཡང་དངོས་པོ་དེ་དག་སོ་སོར་སྣང་བའི་རང་བཞིན་གྱི་ཀུན་ཏུ་རྟོག་པ་ལས་གུད་ན་མེད་དེ་སོ་སོར་སྣང་བའི་དངོས་པོ་རྣམ་པ་མེད་པ་ཉིད་དུ་སེམས་དང་ལྡན་པ་སུ་ཞིག ་འགོག་པར་བྱེད། འོན་ཀྱང་རྣམ་པར་དཔྱད་ན་ཡོད་པར་མི་འཐད་དོ། །དེ་ལྟར་རྣམ་པར་འཇོག་པས་རང་གི་སྡེ་བས་བརྟགས་པའི་རྩོད་པའི་ཡང་གོ་སྐབས་མེད་པར་འགྱུར་རོ། །དེ་དག་འདི་སྐད་ཅེས་ཟེར་ཏེ། གལ་ཏེ་འདི་དག་ཐམས་ཅད་སྟོང་པ་ཉིད་ཡིན་ན་དེའི་ཚེ། བག་ཆགས ་བསྒོམ་པ་དང་སྐོར་བར་བྱ་བ་དང་བསོད་ནམས་དང་སྡིག་པའི་ཆོས་བསྟན་པ་དང་ལས་དང་འབྲས་བུ་ལ་སྟོང་པ་ཉིད་དུ་སྨྲས་པས་བསྐུར་བ་བཏབ་པར་འགྱུར་རོ་ཞེ་ན། དེ་ནི་སློབ་དཔོན་ཀླུ་སྒྲུབ་ཀྱི་ཞལ་སྔ་ནས་ཀྱིས་ཐམས་ཅད་ཀྱང་ལན་བཏབ་པ་ཡིན་ཏེ། ལས་རྣམས ་མེད་པ་ཡང་མ་ཡིན་ཏོ། དགེ་བ་དང་མི་དགེ་བའི་འབྲས་བུ་རྨི་ལམ་ཙམ་དུ་ཡང་ཡོད་པར་མཐོང་སྟེ། ཕུང་པོ་ལྔས་བསྡུས་པའི་སྡུག་བསྔལ་དེས་ནི་རྨི་ལམ་ཡང་བསྟུས་པ་ཡིན་ནོ་ཞེས་བྱ་བ་ལ་སོགས་པ་དེ་བཞིན་དུ་རྒྱུ་རྣམ་པར་དག་པ་ལས་འབྲས་བུ ་ཡང་རྣམ་པར་དག་པ་འབྱུང་སྟེ། ཡང་དག་པའི་ལྟ་བ་ལས་བྱུང་བའི་ཚུལ་ཁྲིམས་ལ་སོགས་པ་ནི་རྣམ་པར་དག་པ་ཡིན་ནོ་ཞེས་བྱ་བ་ལ་སོགས་པ་དང་གང་ལ་སྟོང་པ་ཉིད་འདི་རུང་བ། དེ་ལ་ཐམས་ཅད་རུང་བར་འགྱུར་ཞེས་བྱ་བ་ལ་སོགས་པ་ཇི་སྐད ་བཤད་པ་ལྟ་བུའོ། །དེ་ལྟར་དོན་དམ་པར་རྣམ་པར་དཔྱད་ན་ཕྱི་ཡུལ་མེད་པས་སེམས་ལས་གཞན་པ་འགའ་ཡང་ཡོད་པ་མ་ཡིན་པས། རྣམ་པར་རྟག་པའི་བག་ཆགས་ཀྱི་རང་བཞིན་ལ་མ་གཏོགས་པ་བདག་ཅེས་བྱ་བ་གང་ན ་ལོགས་ཤིག་ཏུ་ཅི་ཡང་ཡོད་པར་མི་འཐད་དོ། །དེ་ལྟར་རིམ་པ་འདིས་ཕྱིའི་དོན་མེད་པའི་སེམས་ཙམ་ལ་གནས་ནས་དེ་ཡང་གཅིག་དང་དུ་མའི་རང་བཞིན་དང་བྲལ་བས་འཐད་པ་མ་ཡིན་ནོ། །དེ་ཡང་དངོས་པོ་གང་གང་རྣམ་དཔྱད་པ། །དེ་དེ་གཅིག་ཏུ་ཡོད ་མིན་པ། །དེ་ལ་དུ་མའང་ཡོད་པ་ཡིན། །གཅིག་དང་དུ་མ་མ་གཏོགས་པ། །རྣམ་པ་གཞན་དག་ཡོད་མ་ཡིན་ཞེས་ཇི་སྐད་བཤད་པ་ལྟ་བུའོ། །འོན་ཏེ་འདི་སྐད་ཅེས་པ་ཉམས་སུ་མྱོང་བར་ནི་གྲུབ་པ་ཡིན་ལ་ཉམས་སུ་མྱོང་བ་གྲུབ་པ་ཉིད་ཀྱིས་ན་དགབ། ་པར་དཀའ་བ་ཡིན་ཏེ་དེ་བཀག་ན་ཐམས་ཅད་ཀྱང་དགག་པར་བྱས་པར་འགྱུར་ན་ཤེས་པ་དེ་ནི་མ་རིག་པའི་བག་ཆགས་ཀྱི་སྟོབས་ཀྱིས་སྔོན་པོ་ལ་སོགས་པའི་གཟུགས་སུ་སྣང་བ་ཡིན་ལ་དོན་དམ་པར་ནི་ཤེལ་སྒོང་དག་པ་ལྟར་སྣང་བ་ཆ་ཤས་མེད ་པ་ཡུལ་ན་མི་གནས་པ་སྔོན་པོ་ལ་སོགས་པའི་རང་བཞིན་སྣ་ཚོགས་སུ་སྣང་བ་མེད་པ་ཡིན་ནོ་ཞེ་ན། དེ་ནི་ཚིག་ཙམ་དུ་ཟད་དེ། ནུས་པ་ཐམས་ཅད་དང་བྲལ་བ་དེ་ནི་ནམ་ཡང་དོན་དང་ལྷན་ཅིག་འབྲེལ་པར་མ་མཐོང་སྟེ། དེ་མེད་ན་ནི་ཤེས་དེ་ཡང། །རྣམ ་པ་མེད་པར་ཉིད་ཀྱིས་འགྱུར། །ཤེལ་སྒོང་དག་པ་འདྲ་བ་ཡི། །ཤེས་པ་རབ་ཏུ་ཚོར་བ་མེད་ཅེས་ཇི་སྐད་བཤད་པ་ལྟ་བུའོ། །འདི་ཉིད་ནི་སློབ་དཔོན་ཆོས་ཀྱི་གྲགས་པ་ཡང་བཞེད་པ་ཉིད་ཡིན་ཏེ། ཚད་མ་རྣམ་འགྲེལ་ལས་ཇི་ལྟ་ཇི་ལྟར་དོན་རྣམས ་དཔྱད། དེ་ལྟ་དེ་ལྟར་རྣམ་དབེན་འགྱུར། །དེ་བས་གཉིས་པོ་སྟོང་ཉིད་གང། །དེ་ཉིད་འདིར་ཡང་ཡང་དག་ཉིད་ཅེས་བྱ་བ་ལ་སོགས་པ་ཇི་སྐད་བཤད་པ་ལྟ་བུའོ། །ཁོ་བོ་ཅག་ཤེས་བྱ་ནང་གི་ཡིན་པར་སྨྲ་བ་རྣམས་ལ་ཞེ་འགྲས་ནས་སྨྲ་བ་མ ་ཡིན་མོད་ཀྱི། འོན་ཀྱང་སློབ་དཔོན་སངས་རྒྱས་ཀྱི་ཞལ་ལྔ་ནས་ཀྱིས་བདག་བསྒྲུབ་པ་ལ་འཇུག་པ་ལས་མང་དུ་ཚར་བཅད་པར་མཛད་ལ་རྩ་བའི་རྒྱུད་ལས་ཀྱང་ཚུལ་འདི་ཉིད་ལྟར་སྟོན་ཏེ། ཀུན་རྫོབ་ཏུ་ནི་བསྟན་པ་མཚམས་ཞེས་བྱ་བ་དང། སྐྱེ་བ་མེད་པའི ་སྦྱོར་བ་ཡིས། །སྐྱེ་བ་འདི་ནི་བསྟན་པ་ཡིན་ཞེས་བྱ་བ་ལ་སོགས་པ་གསུངས་པ་ཡིན་ནོ། །ཛྙཱ་ན་ཀིརྟིའི་དེ་ཁོ་ན་ཉིད་ལ་འཇུག་པ་ལས་ཕྱག་རྒྱ་ཆེན་པོ་བསྒྲུབ་པ་ལ་ཡང་ཚུལ་འདི་ཉིད་ཡིན་ཏེ། སེམས་ཙམ་ལ་ནི་གནས་ནས་སུ། །ཕྱི་རོལ་དེ་ན་ལ་མི་བརྟག་གོ། དེ་བཞིན ་ཉིད་ལ་གནས་ནས་ཀྱང། །སེམས་ཙམ་ལས་ཀྱང་འདའ་བར་བྱ་ཞེས་ཇི་སྐད་བཤད་པ་ལྟ་བུའོ། །དེ་ལྟར་རིམ་པ་འདི་དང་འོག་ནས་བཤད་པས་ཀྱང་ཤེས་རབ་བསྒོམ་པར་བཤད་པར་བྱའོ། །གང་ཞིག་གཟུགས་ལ་ཞེས་བྱ་བ་ལ་སོགས་པ་སྨོས་པ་ཡིན་ཏེ། རང ་བཞིན་གང་རྣལ་འབྱོར་པས་རང་གི་སྟེ་བདག་ཉིད་ཀྱིས་ཤེས་ཤིང་ཀུན་ཏུ་བཟང་པོ་ལ་སོགས་པའི་བསྒོམ་པས་མངོན་སུམ་བྱེད་པ་གང་ཡིན་པ་དེའི་དོན་དམ་པར་རང་བཞིན་གྱིས་འོད་གསལ་བ་གཅིག་དང་དུ་མ་ལ་སོགས་པར་ཡོངས་སུ་བརྟགས་པ་དང ་བྲལ་བ། ཡིད་བཞིན་གྱིས་ནོར་བུ་ལྟར་སེམས་ཅན་ཐམས་ཅད་ཀྱི་དགོས་པ་བྱེད་པ་ལ་ཤིན་ཏུ་བྱང་བ་དེ་ཉིད་བསྒོམ་པར་བྱ་བ་དང་བསྒོམ་པ་པོ་རྣམ་པར་རྟོག་པ་དང་བྲལ་བས་གཅིག་ཏུ་འདྲེས་པར་གྱུར་བའི་རང་བཞིན་གང་ཡིན་པ་དེ་ནི་ཐམས་ཅད་ཀུན་ཏུ་བཟང ་པོ་དང་འདྲ་བར་བྱེ་བྲག་མེད་པའི་བློ་ཡོང་བ་སྟེ། ཆོས་ཀྱི་དབྱིངས་ལས་མ་གཏོགས་པའི། །ཆོས་ནི་འགའ་ཡང་མེད་པའི་ཕྱིར། །རྣལ་འབྱོར་པས་དངོས་པོ་ཐམས་ཅད་བྱེ་བྲག་མེད་པར་བལྟ་བར་བྱ་སྟེ། དངོས་པོ་གཅིག་ལ་གང་མཐོང་བ། །དེ་ནི་ཀུན་ལ་མཐོང ་བར་འདོད། །གཅིག་གི་སྟོང་ཉིད་གང་ཡིན་པ། །དེ་ནི་ཀུན་གྱི་སྟོང་ཉིད་ཡིན་ཞེས་ཇི་སྐད་བཤད་པ་ལྟ་བུའོ། །དེ་ཉིད་ཀྱི་ཕྱིར་སྣང་བ་གྱུར་པའི་ཞེས་བྱ་བ་ལ་སོགས་པ་སྨོས་ཏེ་སྣང་ཞིང་སོ་སོར་མངོན་པའི་ཡུལ་གཟུགས་ལ་སོགས་པ་ད་ལྟར་ཡོད་པ་གང ་ཡིན་པ་དང་དེ་ལས་གཞན་བས་འདས་པ་དང་མ་འོངས་པ་རྟོག་པ་མང་པོའི་གཟོས་བསྒྲུབས་པ་ཅུང་ཟད་གང་ཡིན་པ་དེ་དངོས་པོ་དེ་རྣམས་བརྟགས་པ་དེ། རྣམ་པར་དཔྱད་པ་ན་ཕན་ཚུན་བཟློག་པ་ཡིན་པའི་ཕྱིར་དབྱེ་བ་ཡང་པ ་ཡིན་ལ། དོན་དམ་པར་ནི་དེ་དང་བྲལ་བས་བརྟག་པ་ཡང་མེད་པའི་ཕྱིར་ཐ་དད་པར་གྱུར་པ་ཅུང་ཟད་ཀྱང་ཡོད་པ་མ་ཡིན་ཏེ། དངོས་པོ་རྣམས་ནི་བརྟགས་པས་དབྱེ་བ་ཡོད་པ་ཡིན་གྱི། དོན་དམ་པར་ནི་དབྱེ་བ་འགའ་ཡང་ཡོད་པ་མ་ཡིན་ནོ་ཞེས ་བྱ་བ་ནི་དོན་གྱི་མདོ་ཡིན་ནོ། །དེ་ལྟར་རིམ་པ་འདིས་ཤེས་རབ་ཀྱི་འགྲོ་བ་རྣམས་དངོས་པོ་མེད་པར་རྣམ་པར་སྦྱང་ན་ཕྱག་རྒྱ་ཆེན་པོའི་སྦྱོར་བ་དང་ལྡན་པར་འགྱུར་རོ། །གང་འདི་སྤྲོས་པ་ཐམས་ཅད་དང། །ཚིག་གི་འང་གནས་མ་གྱུར་རང་བཞིན། །དེ་ནི ་ཐུགས་ཀྱི་རྡོ་རྗེ་ཡིས། །ཤེས་རབ་ཅེས་ནི་ཡོངས་སུ་བཤད། །བྱང་ཆུབ་སེམས་དཔའ་རྣམས་ཀྱི་ཐབས། །འགྲོ་ལ་སྙིང་རྗེ་ཆེན་པོ་ཡིན། །ཇི་ལྟར་མཉམ་པར་སྦྱོར་ཞེ་ན། །གཅིག་པུ་ཁ་ན་དབྱེ་མེད་བཅས། །དེའི་སྒོམ་པའང་དེ་བཞིན་ཏེ། །བཟློག་པ་ཡིས་ནི ་རྣམ་པར་ཕྱེ་ཞེས་བྱ་བའོ། །དེ་ལ་མན་ངག་ནི་འདི་ཡིན་ཏེ། རྣལ་འབྱོར་པས་དང་པོ་ཁོ་ནར་རང་གི་ལྷག་པའི་ལྷའི་རྣལ་འབྱོར་དུ་སྐད་ཅིག་གིས་བསྐྱེད་ལ་འགྲོ་བ་ཐམས་ཅད་དེ་བཞིན་གཤེགས་པ་ལྔའི་བདག་ཉིད་དུ་རྣམ་པར་བསྒོམས་ལ་དངོས་པོ ་ཐམས་ཅད་ཀྱི་བདག་ཉིད་དུ་གྱུར་པ་དང། སྙིང་རྗེ་ཆེན་པོ་མངོན་དུ་བྱས་ནས་དངོས་པོ་དང་དངོས་པོ་མེད་པ་དང་བདག་གི་ངོ་བོ་དང་གཞན་གྱི་ངོ་བོ་ལ་སོགས་པའི་ཡིད་ལ་བྱེད་པ་རྣམ་པར་བསལ་བས་ཡིད་ཐམས་ཅད་ལ་ཡང་དག་ཡང ་བསྡུས་ཏེ། ཅེས་ཡང་མི་བསམ་པར་བྱའོ། དེ་དེ་ལྟར་ཅི་ལ་མི་སེམས་པ་ན་སྔོན་ཆད་བླ་མ་ཡུན་རིང་དུ་བསྙེན་བཀུར་བྱས་པ་ལས་བླ་མའི་བཀའ་དྲིན་གྱིས་རྟོགས་པའི་བཅོམ་ལྡན་འདས་ཡུམ་ཤེས་རབ་སྐྱེ་བར་འགྱུར་བས་འཇམ་པར ་བྱེད་པ་དང་གཞལ་བར་བྱ་བ་དང་འབྲས་བུའི་རྣམ་པར་དབྱེ་བ་དང་བྲལ་བ་རང་སྣང་བའི་ངོ་བོ་ཉིད་སྤྲོས་པ་མེད་པ་ཉིད་ཀྱིས་ན་སྤྲོས་པའི་བདག་ཉིད་ཅན་གྱི་འཁོར་བའི་སྡུག་བསྔལ་གྱི་ཚོགས་ཀྱིས་རང་བཞིན་དང་བྲལ་བའི་ཕྱིར། མཆོག་ཏུ་དགའ་བའི་ངོ་བོ ་ཉིད་མེ་ལོང་ལྟ་བུའི་སྦྱོར་བས་རྟོགས་པ་དང། དེ་ཡི་མཐུས་ཀྱེ་མའོ་གཏི་མུག་གི་ནུས་པ་གང་གིས་སེམས་ཅན་འདི་རྣམས་མྱ་ངན་ལས་འདས་པའི་རང་བཞིན་ཅན་ཡིན་དུ་ཟིན་ཀྱང་བདག་ཉིད་ཀྱིས་མི་ཤེས་ན་ཇི་ལྟར་ན་བདག་གིས་འདི་དག་ཁོང་དུ་ཆུད་པར ་བྱ་ཞེས་རྣམ་པར་བསམས་ནས་སེམས་ཅན་མ་ལུས་པ་དེའི་བདག་ཉིད་ཁོ་ནར་བསམས་ན་དམིགས་སུ་མེད་པའི་རང་བཞིན་ཅན་གྱི་སྙིང་རྗེ་ཆེན་པོ་གང་ཡིན་པ་སྐྱེ་སྟེ་བདག་ཉིད་ཀྱང་དེའི་བདག་ཉིད་ཅན་ཡིན་པས་དངོས་པོ་ཐམས་ཅད་ཀྱི་ངོ་བོ་ཉིད་བསམ ་པར་བྱའོ། །དེ་ནས་དངོས་པོ་ཐམས་ཅད་ཀྱི་བདག་ཉིད་ཅན་གྱི་རྣལ་འབྱོར་པ་སྙིང་རྗེ་ཆེན་པོའི་བདག་ཉིད་ཅན་གྱི་བསྒོམ་པ་སྟོབས་སུ་གྱུར་ནས་དངོས་པོ་ཐམས་ཅད་ཀྱི་ངོ་བོ་ཉིད་སྙིང་རྗེ་ཆེན་པོའི་བདག་ཉིད་ཅན་རང་ཉིད་བཅོམ་ལྡན་འདས་ཡུམ་ཤེས་རབ་མིང ་གཞན་ཡང་ཕྱག་རྒྱ་ཆེན་པོ་ཞེས་བྱ་བ་དེའི་བདག་ཉིད་ཅན་ཡིན་པས་ཐ་མི་དད་པའི་རང་བཞིན་ཆུ་དང་འོ་མ་ལྟར་གཅིག་ཏུ་འདྲེས་པར་གྱུར་པ་མཐོང་བར་འགྱུར་རོ། །གང་གི་ཚེ་དེ་ལྟར་གྱུར་པ་དེའི་ཚེ། དེ་དེའི་བདག་ཉིད་ཅན་དུ་བསྒོམ་པར་འགྱུར་ཏེ། ཤེས་རབ ་དང་ཐབས་གཉིས་སུ་མེད་པའི་ཡེ་ཤེས་ཀྱི་རང་བཞིན་ཅན་ཡིན་པའི་ཕྱིར་རོ། །ང་ནི་རིམ་པ་འདི་ཉིད་ཀྱིས་དཀྱིལ་འཁོར་གྱི་དེ་ཁོ་ན་ཉིད་བསྟན་པའི་ཕྱིར། དད་དང་ཞེས་བྱ་བ་ལ་སོགས་པ་སྨོས་ཏེ། དད་པ་དང་ནི་ཐེག་པ་ཆེན་པོ་ལ་མངོན་པར་འཇུག་པའི ་མཆོད་ཉིད་པའོ?། །བརྩོན་འགྲུས་ནི་དད་པ་སྐྱེས་ནས་བསོད་ནམས་དང་ཡེ་ཤེས་ཀྱི་ཚོགས་ཡོངས་སུ་རྫོགས་པར་བྱེད་པའོ། །དྲན་པ་ནི་དགེ་བའི་ཕྱོགས་རྒྱུན་མི་གཅོད་པ་ཡོངས་སུ་མི་འདོར་བའོ། །བསམ་གཏན་ནི་གཡེང་བ་མ་ལུས་པ་ཉེ་བར་ཞི་བའོ། ། ་འདི་དག་ནི་ངོ་བོ་ཉིད་རྣམ་པར་དག་པའི་ངོ་བོ་ཉིད་ནི་ཁོ་བོ་གཤིན་རྗེ་གཤེད་དང་གཞན་གྱིས་མི་ཐུབ་པ་དང་རྟ་མགྲིན་དང་བདུད་རྩི་འཁྱིལ་བ་ཞེས་བྱ་བའི་སྒོ་སྲུངས་རྣམས་ཡིན་ནོ། །ཤེས་རབ་རྣམ་དག་ཅེས་བྱ་བ་ཤེས་རབ་ནི་ཆོས ་ཐམས་ཅད་སྤྲོས་པ་མེད་པ་ཉིད་དུ་ཁོང་དུ་ཆུད་པའོ། །དེའི་རྣམ་པར་དག་པ་ནི་མ་ལུས་པའི་ཡུལ་དུ་སྣང་བ་སྟེ། གཟུགས་དང་སྒྲ་དང་དྲི་དང་རོ་དང་རེག་དང་ཆོས་ཀྱི་དབྱིངས་རྡོ་རྗེ་ཞེས་བྱ་བའི་མཆོད་པའི་ལྷ་མོ་དྲུག་སྟེ། དཔལ་རྡོ་རྗེ་སྙིང་པོའི་རྒྱན་ལས་ནི ་གཟུགས་སྒྲ་དྲི་དང་རོ་དང་ནི། །རེག་བྱ་ཆོས་མཆོག་རྡོ་རྗེ་ལ། །ཤེས་རབ་རྣམ་དག་ངོ་བོ་དེ། །མཆོད་པའི་ལྷ་མོ་རྫུ་འཕྲུལ་ཆེ་ཞེས་ཇི་སྐད་བཤད་པ་ལྟ་བུའོ། །མཚན་མ་མེད་པ་ཞེས་བྱ་བ་ནི་མཚན་མ་མེད་པ་སྨོས་པས་སྟོང་པ་ཉིད་དང་མཚན་མ་མེད་པ ་དང་སྨོན་པ་མེད་པ་དང་མངོན་པར་འདུས་མ་བྱས་པ་རྣམས་ལ་བྱ་སྟེ་དེ་རྣམ་པ་ལ་རོལ་ཅིང་དགྱེས་པ་ནི་དགའ་བ་སྟེ། དེའི་ལོངས་སྤྱོད་དང་བཅས་པ་ཉིད་ཀྱིས་ན་བྱམས་པ་དང་སྙིང་རྗེ་དང་དགའ་བ་དང་བཏང་སྙོམས་ཀྱི་བདག་ཉིད་ཅན་གྱི་ལྷ་མོ་བཞིའོ ་དེ་ཡང་རྒྱུད་ཡས་ཞི་བའི་ལས་ནི་རབ་སྒྲུབ་པས། །བྱམས་པ་སྤྱན་ཞེས་བྱ་བར་བཤད། སྡུག་བསྔལ་ཀུན་ལས་ཐར་བྱེད་པས། །སྙིང་རྗེ་མཱ་མ་ཀཱི་ཞེས་བཤད། །རྡོ་རྗེ་པདྨའི་སྦྱོར་བ་ཡིས། །གོས་དཀར་མོ་ནི་དགའ་བར་བཤད། །འཇིག་རྟེན་དགའ་རབ་སྐྱེད ་བྱེད་ཅིང། །འདོད་ཆགས་ཆེན་པོའི་རང་བཞིན་གྱིས། །བཏང་སྙོམས་ཆེན་པོའི་ངོ་བོ་ཉིད། །ལྷ་མོ་སྒྲོལ་མར་རང་ཉིད་གནས་ཞེས་གསུངས་པ་ཡིན་ནོ། །སེམས་ཅན་དོན་དང་ཞེས་བྱ་བ་ལ་སོགས་པ་ལ་སེམས་ཅན་ཞེས་བྱ་བའི་སྒྲས་ནི་དབང་པོ་དྲུག ་པོ་མིག་དང་རྣ་བ་དང་སྣ་དང་ལྕེ་དང་ལུས་དང་ཡིད་ལ་བྱའོ། །དོན་གྱི་སྒྲས་ནི་ཡུལ་ཏེ་གཟུགས་དང་སྒྲ་དང་དྲི་དང་རོ་དང་རེག་བྱ་དང་ཆོས་རྣམས་ལ་བྱའོ། །བདག་ནི་ཉོན་མོངས་པ་ཅན་གྱི་ཡིད་ང་རྒྱལ་གྱི་རང་བཞིན་ཅན་ནོ། །རྣམ་རྟོག་ནི་སྒྲ་དང་འདྲེར་རུང ་བའི་རྣམ་པར་ཤེས་པའོ། །འཇུག་པའི་རྣམ་པར་ཤེས་པ་ནི་མིག་གི་རྣམ་པར་ཤེས་པ་ལ་སོགས་པའི་རྣམ་པར་ཤེས་པའི་ཚོགས་དྲུག་གོ། འདི་དག་གི་རྣམ་པར་ཤེས་པའི་ངོ་བོ་ཉིད་ནི་མེ་ལོང་ལྟ་བུ་དང་མཉམ་པ་ཉིད་དང་སོ་སོ་རྟོག་པ་དང་བྱ་བ་གྲུབ་པའི་ཡེ་ཤེས ་གྱི་རང་བཞིན་རྣམ་པར་སྣང་མཛད་དང་རིན་ཆེན་འབྱུང་ལྡན་དང་འོད་དཔག་ཏུ་མེད་པ་དང་དོན་ཡོད་གྲུབ་པ་ཤར་ལ་སོགས་པའི་ཕྱོགས་སུ་བཞུགས་པའི་དེ་བཞིན་གཤེགས་པ་བཞི་དང་རིམ་བཞིན་དུ་སྦྱར་རོ། །དེ་བཞིན་ཉིད་ཅེས་བྱ་བ་ནི་དངོས་པོ་རྣམས་ཀྱི ་ཡང་དག་པ་ཇི་ལྟ་བ་ཉིད་ཡོངས་སུ་མཁྱེན་ཅིང་སྤྲོས་པ་མེད་པ་ཉིད་ཐུགས་སུ་ཆུད་པའོ། །དེའི་རྣམ་པར་དག་པ་ནི་རྣམ་པ་ཐམས་ཅད་མཁྱེན་པའི་ངོ་བོ་ཀུན་ཏུ་བཟང་པོའི་བདག་ཉིད་དོ། །དེའི་སྦྱོར་བ་ཆོས་ཀྱི་དབྱིངས་རྣམ་པར་དག་པའི་ཡེ་ཤེས་ཀྱི་རང་བཞིན་ཅན་ཉིད ་ཀྱིས་འཁོར་ལོའི་གཙོ་བོ་དཀྱིལ་འཁོར་གྱི་བདག་པོའི་ངོ་བོས་རྣམ་པར་བཞུགས་སོ་ཞེས་བྱ་བའི་དོན་ཏོ། །འདི་ཞེས་བྱ་བ་ནི་ཡེ་ཤེས་ལྔ་རྒྱུད་གཅིག་གི་ནང་དུ་ཆུད་པས་དོན་དམ་པར་བཞུགས་སོ་ཞེས་བྱ་བའི་དོན་ཏོ། །གཟུགས་ལ་སོགས་པ་ཞེས་བྱ་བ་ལ་སོགས ་པ་ལ། གཟུགས་ལ་སོགས་པའི་འཁྲུལ་པ་ནི་ཇི་ལྟར་ཡོངས་སུ་མཐོང་བ་བཞིན་མངོན་པར་ཞེན་པས་ལོངས་སྤྱོད་པའོ། །དེ་མེད་པས་ན་དེ་ལྟར་བྲལ་བ་སྟེ། གཉེན་པོ་བསྒོམ་པས་རྣམ་པར་དག་པ་ནི་དོན་དམ་པའི་གཟུགས་དང་ཚོར་བ་དང་འདུ་ཤེས ་དང་འདུ་བྱེད་དང་རྣམ་པར་ཤེས་པའི་ངོ་བོ་ཉིད་རྣམ་པར་སྣང་མཛད་དང་རིན་ཆེན་འབྱུང་ལྡན་དང་འོད་དཔག་ཏུ་མེད་པ་དང་དོན་ཡོད་གྲུབ་པ་དང་མི་བསྐྱོད་པ་སྟེ་དེ་བཞིན་གཤེགས་པ་ལྔའོ། །སོགས་པའི་སྒྲས་ནི་ཕྱི་རོལ་གྱི་འབྱུང་བ ་ལས་གྱུར་པའི་གཟུགས་རྣམས་ཀྱང་ཡིན་པར་ཤེས་པར་བྱའོ། །སེར་སྣ་ལ་སོགས་པ་ཞེས་བྱ་བ་ལ་སོགས་པ་སེར་སྣ་ནི་འདོད་ཆགས་དེ་ལ་སོགས་པ་ནི་ཚུལ་ཁྲིམས་འཆལ་པ་དང་ཁྲོ་བ་དང་ལོ་ལེ་དང་རྣམ་པར་གསེར་བ་དང། ཤེས ་རབ་འཆལ་པ་དང་སྟོབས་ཆུང་བ་ཉིད་དང་ལོག་པའི་སྨོན་ལམ་དང་ཡང་དག་པ་མ་ཡིན་པའི་རྟོག་པ་དང་མི་ཤེས་པ་སྟེ། འདི་དག་ལས་ལྡོག་པའི་རང་བཞིན་ཅན་སྦྱིན་པ་དང་ཚུལ་ཁྲིམས་དང་བཟོད་པ་དང་བརྩོན་འགྲུས ་དང་བསམ་གཏན་དང་ཤེས་རབ་དང་སྟོབས་དང་སྨོན་ལམ་དང་ཐབས་དང་ཡེ་ཤེས་ཀྱི་རང་བཞིན་ཕ་རོལ་ཏུ་ཕྱིན་པ་བཅུ་དང་དེའི་རིགས་སུ་གྱུར་པའི་ཡོན་ཏན་གྱི་ཚོགས་ཀྱི་ངོ་བོ་ཉིད་རབ་ཏུ་དགའ་བ་ལ་སོགས་པ་ས་བཅུ་པོ་སྟེ། ཆོས་དཀར་པོ ་འདི་རྣམས་ཀྱི་འབྲས་བུར་གྱུར་པའི་ཡོན་ཏན་རྣམས་སོ། །རྣམ་རྟོག་མེད་པ་ཞེས་བྱ་བ་ནི་རྟོག་པ་ཐམས་ཅད་ཀྱི་གནས་སུ་མ་གྱུར་པས། བདག་གི་དོན་ཕུན་སུམ་ཚོགས་པར་སྣང་བ་ནི་ཟབ་པ་སྟེ། ཤེས་རབ་ཟབ་མོ་ལས་འབྱུང་ལ་གཞན་གྱི་དོན་ཕུན་སུམ ་ཚོགས་པར་སྣང་བ་འབྱུང་བ་ནི་རྒྱ་ཆེ་བ་སྟེ། ཐུགས་རྗེ་ཆེན་པོའི་མཚན་ཉིད་ཅན་གྱིས་བྱེད་པས་འདི་གཉིས་ཁོ་ནས་གོ་རིམ་ཇི་ལྟ་བ་བཞིན་དུ་སེམས་དོན་དམ་པར་ཤེས་རབ་དང་ཐབས་ཀྱི་ངོ་བོ་ཉིད་ཡིན་པས་ཟབ་པས་ནི་བདག་གིས་དོན ་ཕུན་སུམ་ཚོགས་པ་ཡོངས་སུ་རྫོགས་པར་འགྱུར་ལ། རྒྱ་ཆེ་བས་ནི་གཞན་གྱི་དོན་ཕུན་སུམ་ཚོགས་པར་འགྱུར་རོ། དེ་ཡང་བདག་བསྒྲུབ་པ་འཇུག་པ་ལས་དེ་ཉིད་དུ་སེམས་ཕྱིན་ཅི་ལོག་ལས་ལྡོག་པའི་ཚུལ་གྱིས་ནི་ཤེས་རབ་ཏུ་རྣམ་པར་བཞག ་ལ་རང་གི་བྱ་བའི་ནུས་པ་མེད་པ་ལས་ལྡོག་པ་ལས་ནི་ཐབས་སུ་རྣམ་པར་གདགས་པ་ནི་དོན་དམ་པའི་ཞེས་བྱ་བ་ལ་སོགས་པ་ཇི་སྐད་བཤད་པ་ལྟ་བུའོ། །དཀྱིལ་འཁོར་དུ་ལྷ་བཅུ་དགུའི་རྣམ་པའི་དབྱེ་བས་ཕྱེ་བར་བསྟན་པ་གང་ཡིན ་དེ་ནི་དོན་དམ་པར་ཀུན་ཏུ་བཟང་པོའི་ཐུགས་གཅིག་པུ་ཉིད་ཡིན་པས་འཁོར་བ་པའི་ཀུན་ནས་ཉོན་མོངས་པའི་གཉེན་པོ་རྣམ་པར་བྱང་བའི་རང་བཞིན་ཅན་གྱི་ལྷའི་ཚུལ་དུ་ཐ་མི་དད་པ་ཡིན་མོད་ཀྱི། འོན་ཀྱང་ཀུན་རྫོབ་ཏུ་ནི་དབྱེ་བ ་ཡོད་པ་ཉིད་ཡིན་ནོ། །དེས་ཀྱང་དེ་སྐད་སྟོན་ཅེ་ན་དོན་དམ་པར་ནི་དབྱེ་བ་མེད་ཀྱི་ཀུན་རྫོབ་ཏུ་ནི་ཇི་ལྟར་མཐོང་བའི་དབྱེ་བས་ཐ་དད་པ་ཉིད་ཡིན། །གཞན་ལས་ཞེས་བྱ་བ་ལ་སོགས་པ་ལ་གཞན་ལས་ཞེས་བྱ་བ་ཐོག་མ་མེད་པའི་དུས་ཅན་བྱ་མ་རིག ་བའི་བག་ཆགས་འགའ་ཞིག་གི་སྟོབས་ཀྱིས་གཞན་པའི་ཞེས་བྱ་བ་ལ་འདོད་ཆགས་དང་ཞེ་སྡང་དང་གཏི་མུག་དང་ཕག་དོག་དང་དད་པ་མེད་པ་དང་ལེ་ལོ་དང་དྲན་པ་ཉམས་པ་དང་རྣམ་པར་རྟོག་པ་ལ་སོགས་པའི་འཛིན་པ་གང་ཡིན་པ་དེ་དེ་ལས་རྩམ་པར ་ལྡོག་པར་བྱ་བའི་ཕྱིར་སངས་རྒྱས་བཅོམ་ལྡན་འདས་ཀྱི་ཐབས་ཀྱི་སྒོ་ནས་སེམས་ཅན་རྣམས་ལ་དེ་བཞིན་གཤེགས་པ་ལྔ་དང་ལྷ་མོ་དང་ཁྲོ་མོ་ལ་སོགས་པའི་དཀྱིལ་འཁོར་སྟོན་པར་མཛད་པ་ཡིན་གྱིས། རྣམ་པར་སྣང་མཛད་ལ་སོགས་པ་ལྟ་བྱ་བ་བྱེ་བྲག་རྟོག་པ ་དང་ནི་བྲལ་བ་ཡིན་ཏེ་གང་གི་ཕྱིར་སངས་རྒྱས་བཅོམ་ལྡན་འདས་ཀྱིས་སངས་རྒྱས་ཀྱི་རོལ་མོ་སྣ་ཚོགས་རབ་ཏུ་སྟོན་པར་མཛད་པས་འགྲོ་བའི་དོན་མཛད་པ་ཡིན་ནོ། །ཡང་སངས་རྒྱས་ཡེ་ཤེས་ཀྱི་ཞལ་སྔ་ནས་ཀྱིས་དེ་ལྟར་ཀུན་རྟོག་མ་ལུས་པའི། །སེམས་ཀྱི ་སྒྲོ་བཏགས་གཞོམ་པའི་ཕྱིར། །དེ་ཉིད་ཡང་དག་རྟོག་ཅི་སྙེད། །དེ་ཡི་གནས་ཀྱང་དེ་སྙེད་ཡིན། །དེ་ཡི་རང་བཞིན་ལྷག་ཞེན་དང། །དེ་བསྐྱེད་པ་ལ་བརྟེན་པ་ཡིས། །རྣལ་འབྱོར་པ་སེམས་རྫོགས་བྱའི་ཕྱིར། །དེ་རྣམས་བསྐྱེད་པར་འདོད་པ་ཡིན་ཞེས་བཤད་པ་ཡིན་ནོ ་དེ་བས་ན་ཤེས་རབ་ཡན་ལག་འདུས་པའི་མཆོག་ཏུ་ནི། དགའ་བ་ཉམས་མྱོང་བདེ་བ་དམ་པར་ལྡན། །དེ་ཡི་ཐབས་གྱུར་པ་ནི་ཉིན་མཚན་དུ། །བློ་དང་ལྡན་པས་བདག་ཉིད་བསྒོམ་པར་བྱ་ཞེས་བྱ་བ་ལ་སོགས་པའི་ཚུལ་ཡིན་ནོ། དེ་ལྟར་བསྒོམ་པ་ལ་མངོན་པར ་བརྩོན་པའི་རྣལ་འབྱོར་པ། གལ་ཏེ་སེམས་རྒོད་པའམ་ཞུམ་པར་གྱུར་ན་དེའི་ཚེ་ཐིག་ལེའི་རྣལ་འབྱོར་ལ་སོགས་པ་བསྒོམ་བར་བྱ་བ་ཡིན་པས་དེའི་ཕྱིར་དེ་ལྟར་བརྟགས་ནས་ཞེས་བྱ་བ་ལ་སོགས་པ་སྨོས་ཏེ་དབུགས་བགྲང་རྡུབ་རྗེས་སུ་དྲན་པ་ནི་ཐིག་ལེའི་རྣལ ་འབྱོར་རོ། །སྡུད་པས་ན་རྡུ་བ་པ་སྟེ་དབུགས་གང་ནང་དུ་རྡུབ་པའོ། །ཕྱིར་འདོན་པས་ན་འབྱིན་པ་སྟེ་དབུགས་གང་ཕྱིར་འབྱིན་པའོ། །དེ་གཉིས་དྲན་པ་ནི་དབུགས་སོར་བཅུ་གཉིས་ཀྱི་ཚད་དུ་འབྱིན་པ་དང་དུང་པ་ནས་མགོ་བཙུགས་ནས ་བགྲང་བར་བྱ་ཞིང་ཕྱིས་འབྱིན་པ་བགྲང་པའི་ཚུལ་གྱིས་གྲངས་བཅུའི་བར་དུ་བགྲང་བར་བྱའོ། །མ་ཚང་བར་བགད་བ་ནི་གཅིག་ལ་གཉིས་ཞེས་བྱ་བ་གང་ཡིན་པའོ། །ལྷག་པར་བགྲང་བ་ནི་གཉིས་ལ་གཅིག་ཞེས་བྱ་བ་ལྟ་བུའོ། །སེམས་ཤིན་ཏུ་བསྡུས་པར་གཡེང་བར་འགྱུར་བའི་འཇིགས་པས་ཤིན་ཏུ་མང་བ་དང་ཉུང་བར་མ་བྱས་པ་ཡིན་ནོ། །དེ་ལྟར་བསྒོམ་པ་དང་རྗེས་སུ་མི་མཐུན་པའི་སེམས་ཞུམ་པ་རྣམ་པར་བརྟགས་ནས་རང་གི་སྙིང་གའི་ཡེ་ཤེས་སེམས་དཔའ་ཨི་རལ་གྲིའི་དབུས་ན་གནས་པའི་ཐིག་ལེ་ཕྲ་མོ་མུ ་ཏིག་གི་འབྲས་བུའི་གཟུགས་ཅན་རྣམ་པར་བསྒོམ་པར་བྱའོ། །འོད་དང་ལྡན་པའི་ནི་འོད་འཕྲོ་པ་སྟེ། འོད་ཟེར་གྱི་ཚིགས་ཀྱི་ཉེ་བར་མཛེས་པའི་ཐིག་ལེ་དེ་འོད་ཟེར་གྱི་ཕྲེང་བ་ཅན་མུ་ཏིག་གི་རྡོག་མ་ཕྲ་མོ་ལྟ་བུ་དབུགས་རྡུབ་པ་དང་འབྱིན་པ་བཅུ་སྤྲོ་བ་དང ་བསྡུ་བའི་རིམ་གྱིས་བྱས་པས་ཡེ་ཤེས་སེམས་དཔའ་སད་པར་བྱ་ཞིང་བརྟན་པར་བྱས་ལ་རིམ་པ་འདི་ཉིད་ཀྱིས་གསུང་རྡོ་རྗེ་དང་སྐུ་རྡོ་རྗེའི་ས་བོན་ལས་འབྱུང་བ་པདྨ་དང་འཁོར་ལོ་ལྐོག་མ་དང་སྦྱི་བོར་གནས་པ་བརྟན་པར་བྱའོ། །དེ་ནས་བརྟན་པར་གྱུར ་པ་ཤེས་པ་ན་འོད་ཟེར་གྱི་ཕྲེང་བ་དེ་ཉིད་ཡེ་ཤེས་ཀྱི་རྒྱུན་གྱི་གཟུགས་ཅན་དུ་སྤྱི་པོའི་སྟེང་ཡན་ཆད་ཇི་སྲིད་འདོད་ཀྱི་པར་དུ་བཏང་ལ་རྒྱུན་མི་འཆད་པའི་ཁོ་ནར་རིམ་པའི་རྣམ་པར་གང་ཁོ་ནས་སྤྲོས་པ་དེ་བཞིན་དུ་ཐུགས་ཀྱི་ས་བོན་གྱི་བར་དུ་བསྡུ་བར ་བྱ་ཞིང་རྐང་པའི་མཐིལ་ལ་ཐུག་གི་བར་གྱི་མང་གི་ལུས་སྣང་བར་བྱས་ལ། དེ་ནས་ཕྱོགས་ཀྱི་དཀྱིལ་འཁོར་ཀུན་ཏུ་མཛའ་ཡས་པར་བ་སྤུ་རེ་རེ་ལས་བྱུང་པའི་འོད་ཟེར་གྱི་ཚོགས་རྣམས་ཀྱིས་ཆེར་གྱི་རྒྱུན་འབབ་པ་ལྟ་བུར་ཁམས་གསུམ་མ་ལུས ་བ་ཀུན་ཏུ་དགང་པར་བྱ་ཞིང་ཇི་སྲིད་དུ་ཞུམ་པ་མེད་པར་གྱུར་པ་དེ་སྲིད་ཀྱི་བར་དུའོ། །གལ་ཏེ་སེམས་རྒོད་པར་གྱུར་ན། །དེའི་ཚེ་ཐིག་ལེ་ཙམ་ཉིད་ལ་སེམས་གཏོར་པས་བརྟན་པར་བྱ་ཞིང་སེམས་དང་སེམས་ལས་བྱུང་བ་འགོག་པའི་སྙོམས་པར་འཇུག་པ་བསྒོམ་པ་ཇི་སྲིད་?་? ་པ་དེ་ཉེ་བར་ཞི་བར་གྱུར་པ་དེ་སྲིད་ཀྱི་བར་དུ་བྱའོ། །ཐིག་ལེའི་རྣལ་འབྱོར་འདི་ནི་རྒྱུད་ཀྱི་ལེའུ་བཅུ་གཅིག་པ་ལས། སྲོག་ནི་ཐིག་ལེར་གྱུར་པ་བཞག་ཅེས་བྱ་བ་ལ་སོགས་པས་སྟོན་ཏེ། ཕྲ་མོའི་རྣལ་འབྱོར་བསྟན་པའི་ཕྱིར་འོད་ལྡན་ཞེས་བྱ་བ་ལ་སོགས་པ་སྨོས་ཏེ། ཡང་ན ་ཞུམ་པ་དང་རྒོད་པ་ཞི་བར་བྱ་བའི་ཕྱིར་ཐིག་ལེའི་རྣལ་འབྱོར་བསྒོམ་པ་རྫོགས་ནས། ཡུངས་ཀར་གྱི་འབྲས་བུ་ཕྲ་མོ་ཙམ་ལ་རང་གི་ལྷག་པའི་ལྷའི་རྩ་བའི་མཚན་མ་འོད་དང་ལྡན་ཞིང། ཁ་དོག་ལྔའི་འོད་ཟེར་གྱི་ཚོགས་རྣམ་པར་འཕྲོ་བ་རང་གི་སྣའི་རྩེ་མོར་གནས། ་བམ་རིག་པའི་སྣའི་རྩེ་མོར་བསྒོམ་པ་བརྩམས་ལ། དེའི་ནང་དུ་དཀྱིལ་འཁོར་གྱི་འཁོར་ལོ་མ་ལུས་པ་ཕྲ་མོ་ཆུང་པར་བྱས་ལ། སྙིང་བརྩེ་ཞིང་སྙིང་རྗེ་ཆེན་པོ་དང་ལྡན་པ་སྔོན་དུ་འགྲོ་བས་བསྒོམ་པར་བྱའོ། །ཟིན་པ་ནི་བླངས་པ་སྟེ། ཤེས་པ་ཡེ་ཤེས་ཀྱི་ཕྱག་རྒྱ་དང ་ལྡན་པ་གང་ཡིན་པའོ། །མཚན་མ་བརྟན་པོ་ནི་ཕྲ་མོའི་རྣལ་འབྱོར་བསྒོམས་པས་མཚན་མ་བརྟན་པ་ཉིད་མཐོང་བར་གྱུར་པ་ནི་རྒྱུད་ལས་གསུངས་པ་སྨིག་རྒྱུ་ལྟ་བུ་དང་པོ་སྟེ། །དུ་བ་ལྟ་བུ་གཉིས་པ་ཡིན། །མཁར་སྣང་ལྟ་བུ་གསུམ་པ་སྟེ། །མར་མེ་ལྟར?་འབར་བཞིང ་ཡིན། སྤྲིན་མེར་ནམ་མཁའ་ལྟ་བུ་ནི། །རྟག་ཏུ་སྣང་བ་ལྔ་པ་ཡིན་ཞེས་བྱ་བ་ཡིན་ནོ། །དེ་དག་ལ་སོགས་པའི་མཚན་མ་བརྟན་པོ་མཐོང་བར་གྱུར་པ། འོད་ཟེར་དེར་མཛའ་ལས་བྱུང་བའི་རལ་གྲི་དང་རྡོ་རྗེ་དང་འཁོར་ལོ་དང་པདྨ་ལ་སོགས་པའི་གཟུགས་སྣ་ཚོགས ་པ་རྣམས་ཡང་དང་ཡང་དུ་སྤྲོ་བར་བྱའོ། །མཚན་མ་སྨོས་པས་དེ་ལས་བྱུང་བའི་རྣམ་པར་སྣང་མཛད་ལ་སོགས་པས་ནམ་མཁའ་ཀུན་ཏུ་གང་བར་བྱའོ། །གློ་ལྡན་ནི་ཡེ་ཤེས་ཀྱི་ཚོགས་ཡང་དག་པར་བརྩམ་པའོ། །ལ་ལ་ནི་སྣའི་རྩེ་ཞེས་བྱ་པའི་སྒྲས་སྙིང་གའི ་པདྨའི་དབུས་ཡིན་ནོ་ཞེས་ཟེར་ཏེ། སྙིང་གར་བསྒོམ་པ་ཉིད་དུ་བྱ་བའོ། །དེ་ཡང་རྒྱུད་ལས་སྣའི་རྩེ་མོར་ཡུངས་ཀར་པའམ། འགྲོ་དང་མི་འགྲོ་ཉངས་ཀར་ལ། །འཁོར་ལོ་ལ་སོགས་ཁྱད་པར་དུ། །བསྒོམ་པ་དེ་ནི་བརྟག་པར་བྱ་ཞེས་བྱ་བ་ལ ་སོགས་པ་གསུངས་པ་ཡིན་ནོ། །བཟླས་བརྗོད་ཀྱི་མཚན་ཉིད་བསྟན་པའི་ཕྱིར། ཡང་ན་བཟླས་ལ་ཞེས་བྱ་བ་ལ་སོགས་པ་སྨོས་པ་ཡིན་ཏེ། ཡང་ཞེས་བྱ་བ་འདིས་ནི་སྐད་སྟོན་ཏེ། ཕྱག་རྒྱ་ཆེན་པོའི་རྣལ་འབྱོར་བསྒོམ་པ་ལ་བསླབ་པ་པོར་གནས། །བཟླས ་བརྗོད་བྱ་བ་མ་ཡིན་གྱི། འོན་ཀྱང་བསྒོམ་པས་དུབ་པའི་ཚེ་བྱའོ། །ལ་ལ་ནི་སྔོན་དུ་བསྙེན་པ་བྱ་བའི་དུས་སུ་བཟླས་བརྗོད་འབུམ་བྱས་ལ། ཕྱག་རྒྱ་ཆེན་པོ་ལ་སོགས་པའི་རྣལ་འབྱོར་ལ་བསླབ་པར་བྱ་བ་ཡིན་པས། འམ་ཞེས་བྱ་བའི་སྒྲས་ཕྱོགས་གཞན ་སྟོན་པར་བྱེད་པ་ཡིན་ནོ་ཞེས་ཟེར་རོ། །བཟླས་པ་ནི་སྔགས་ཀྱི་བསྒོམ་པའོ། །རྩེ་གཅིག་སེམས་ཉིད་ནི་ཞེས་བྱ་བ་ནི་རྣམ་པར་གཡེང་བ་མ་ལུས་པ་དང་བྲལ་བའོ། །དངོས་ཀུན་བདག་ཉིད་ཅེས་བྱ་བ་ནི་ངོ་བོ་ཉིད་ཀྱིས་ཀུན་ཏུ་བཟང་པོ་ལ་སོགས་པ་ལྟ ་བུར་མངོན་སུམ་བྱེད་པའི་གཞིར་གྱུར་པས་སོ། །དེ་ཉིད་ཀྱིས་ན་རང་གི་སེམས་དབང་པོ་ཞེས་བྱ་བའོ། །དེ་ཡང་རང་གི་སྔགས་རྣམ་པ་སྣ་ཚོགས་པའི་འོད་ཟེར་དང་ལྡན་ཞིང་ཁ་དོག་ལྔའི་འོད་ཟེར་གྱི་ཚོགས་སྣ་ཚོགས་པ་རྣམ་བར་འབར་པའོ། །རང་གི ་ཞེས་བྱ་བ་ནི་རང་གི་ལྷའི་རྩ་བའི་སྔགས་སོ། །སྲོག་ནི་དབུགས་འབྱིན་པ་དང་རྡུབ་པའི་རླུང་ངོ། །དེའི་རྩོལ་བ་ནི་བསྡམ་པ་སྟེ། དེ་དང་བཅས་པས་ཤིན་ཏུ་མ་བསྡམས་པ་ཡིན་ལ་དབང་པོ་མི་བསྡམ་པ་ནི་སྔར་བཤད་པའི་དབུགས་བགྲང་བ་དང། ་རྡུབ་པ་རྗེས་སུ་དྲན་པའི་ཚུལ་གྱིས་སེམས་བརྟན་བར་བྱས་ལ། གསལ་བར་བྱ་ཞེས་བྱ་བ་ནི་གུག་བསྐྱེད་དང་ཆེད་དང་ཡོངས་སུ་མ་བྲལ་བ་སྟེ། རིངས་པར་མ་ཡིན། དལ་བར་མ་ཡིན། དབུགས་རྡུབ་པ་དང་འབྱིན་པས་ཀྱང་ནོན་པར་མ་གྱུར་པ་དང། ་དབང་པོ་དང་རྩོལ་བས་བསྐྱེད་པའི་སྒྲ་ཆེ་བས་གསལ་པ་མ་ཡིན་པ་སྟེ། རྡོ་རྗེ་ཚིག་གིས་བཟླ་བྱ་སྟེ། །རྡོ་རྗེ་ཚིག་ནི་སྒྲ་སྤངས་པ་ཞེས་གསུངས་པ་ཡིན། །རྒྱུད་འདི་ཉིད་ལས་ཁྲོ་བོའི་བཟླས་པའི་མཚན་ཉིད་གསུངས་པ་ཡིན། ཁྲོ་བོའི་དམ་ཚིག་ཡེ་ཤེས་ཀྱིས། །རང་གི ་རྡོ་རྗེ་དཀྱིལ་འཁོར་གྲགས། །སྔགས་ཀྱི་ཡི་གེ་ཚིག་ཐོས་པ། །དེ་ནི་ཁྲོ་བོའི་བཟླས་པར་བཤད་ཅེས་བྱ་བ་ཡིན་ནོ། །ོཾ་ནི་ཚད་ཕྱེད་དང་གཉིས་པའོ། །ཡི་གེ་ཨཱ(རྒྱུད་འགྲེལ་ས་བོན་ནས་བརྩམས་ཏེ། ཐུགས་རྡོ་རྗེའི་སྔགས་ཀྱི་བར་དུའོ། །ཅིག་ཅར་ཞེས་བྱ་བ་ནི། ཅིག་ཅར་དུས་མཚུངས་པར་ཡི་གེ་ཨོཾ་དང་ཨཱ(རྒྱུད་འགྲེལ་ཏུ་གཞན་སྤྲོ་བ་ལྟ་བུར་མི་བྱའོ། །རྒྱུད་ལས་ཀྱང་འདི་སྐད་གསུངས་པ་ཡིན་ཏེ། སྔགས་རྣམས་ཐམས་ཅད་སྤྲོ་བ་ནི། །དབྱེ་བ་རྣམ་པ་གཉིས་སུ་བཤད། །རིམ་གྱིས་སམ་ནི་ཅིག་ཅར་རོ། ཞེས་བྱ་བ་ཡིན་ནོ། །དེ་བས་ན་སྐད་ཅིག་ཉིད་ཀྱིས་འོད་ཟེར་གྱི་ཚོགས་ལྟར་དེ ་བཞིན་གཤེགས་པའི་ཚོགས་སྤྲོ་བར་བྱའོ། །ནམ་མཁའ་ཨི་གཏོས་དང་མཉམ་པའི་ཞེས་བྱ་བ་ནི་སྐུ་རྡོ་རྗེ་ལ་སོགས་པ་དེ་བཞིན་གཤེགས་པ་ལྔའི་སྐུས་ཏིལ་གྱི་གང་བུ་བཞིན་དུ་ནམ་མཁའ་ཨི་གཏོས་ཐམས་ཅད་ཀུན་ཏུ་གང་བར་བྱས་ལ། སྔ་མ་བཞིན་དུ་ཡི་གེ ་མི་ལས་བྱུང་བའི་འོད་ཟེར་གྱི་རྩེ་མོ་ལས་འཐོན་པའི་མེ་ཏོག་དང། སྤོས་དང། དྲི་དང། རིན་པོ་ཆེའི་མར་མེ་དང། ན་བཟའ་དང་ཆོས་གོས་ལ་སོགས་པ་མཆོད་པའི་ཚོགས་སྣ་ཚོགས་པས་ཡང་དག་པར་མཆོད་པར་བྱའོ། །ཀུན་ཏུ་ཞེས་བྱ་བ་ནི་འོད་འབྱིན ་པའི་རྗེས་ཐོགས་ཉིད་ལ་མཆོད་པ་བྱའོ། །ཡོངས་སུ་སྦས་པ་ནི་འཁྱུར་པའོ། །རིག་པ་མཆོག་རྣམས་ཞེས་བྱ་བ་ནི། སྤྱན་ལ་སོགས་པ་སྟེ། དེ་ལས་བྱུང་བའི་རབ་ཏུ་དགའ་བའི་བདེ་བ་གང་ཡིན་པ་དེ་བབས་པས་གཞན་གྱི་དབང་དུ་གྱུར་པ་དེས་རྒྱལ་བའོ ་ཚོགས་རྣམས་མཆོག་ཏུ་དགའ་བའི་སྦྱོར་བ་མཐར་ཐུག་པར་མཐོང་ཞིང་བསམས་ལ་རྣམ་པར་སྒེག་ཅིང་རོལ་པའི་སྤྲུལ་པ་སྣ་ཚོགས་པས་འགྲོ་བའི་དོན་བྱས་ནས་རང་གི་ལུས་ཀྱི་ཐུགས་རྗེའི་ས་བོན་གྱི་ནང་དུ་གཞུགས་པར་བྱའོ། ་མཐར་ཞེས་བྱ་བ་ནི་སྔགས་དེ་རེ་རེ་བཟླས་པ་ཡོངས་སུ་རྫོགས་པའི་ཚེའི་རྒྱུད་ལས་ཀྱང། སྔགས་ནི་བརྗོད་ཚེ་སྤྲོ་བྱ་ཞིང། །རྫོགས་པ་ན་ནི་བསྡུ་བར་བྱ་ཞེས་བྱ་བ་དང། ཐུགས་ཀྱི་ས་བོན་གྱིས་བསྡུ་བྱ་ཞེས་བྱ་བ་ལ་སོགས་པ་གསུངས་པ་ཡིན། །བསྒོམ་པ ་དང་བཟླས་པས་དུབ་པོན་ངལ་གསོ་བར་བྱ་བའི་ཕྱིར། རང་གི་སྙིང་པོ་ཞེས་བྱ་བ་ལ་སོགས་པ་སྨོས་ཏེ། རང་གི་སྙིང་པོ་དེ་ཁོ་ན་ཉིད་ནི་རང་གི་སྔགས་ཀྱི་དོན་ནོ། །དེ་ལ་ངེས་པར་རྟོག་པ་ནི་སྤྲོ་བ་དང་ནི་བསྟུ་བ་དང། གནས་པ་བརྟན་པར་བྱས་པ་དེ་ལ ་བྱུང་བའི་སྐྱོ་བས་སེམས་ལས་སུ་མི་རུང་བས་སེམས་ཞུམ་པར་གྱུར་པ་སྟེ། བཟླས་པ་དང་བསྒོམ་པས་ཡོངས་སུ་དུབ་ནས། གང་གི་ཚེ་རྣལ་འབྱོར་པའི་སེམས་ཞུམ་པར་གྱུར་པ་དེའི་ཚེ། སྤྱན་ལ་སོགས་པའི་རིག་པའི་ལྷ་མོའི་ཚོགས་རྣམས་ཀྱིས་ཡང ་དག་པར་གླུ་བླངས་པས་རབ་ཏུ་བསྐུལ་ཞིང་སད་པར་བྱས་ནས་དཀྱིལ་འཁོར་གྱི་འཁོར་ལོ་སྔ་མ་བཞིན་དུ་མཆོད་པ་རྣམས་ཀྱིས་ཡོངས་སུ་མཆོད་ལ་བསྒོམ་པར་བྱའོ། །བསྒོམ་པས་ལུས་ཉམ་པ་ཆུང་བར་གྱུར་པ་ལ་རྟས་པའི་སྦྱོར་བ་བྱ་དགོས་པའི་ཕྱིར ་སེམས་བཟང་ཞེས་བྱ་བ་ལ་སོགས་པ་སྨོས་ཏེ། སེམས་བཟང་བ་ནི་ཡོངས་སུ་བསྒོམ་པའི་བྱང་ཆུབ་ཀྱི་སེམས་ཀྱི་ཆུའི་རྒྱུན་གྱི་བདུད་རྩི་འབབ་པ་སྟེ། དེས་ལུས་ཀྱི་སྤྱོད་པ་སྐྱེ་ཞིང་ཞུམ་པ་བསལ་བར་བྱའོ། །དེ་ཡང་མཐོ་གང་ཙམ་གྱི་སྟེང་དུ་སྤགས ་པར་ཟླ་བའི་དཀྱིལ་འཁོར་ཨོཾ་གྱིས་མཚན་པར་བསམས་ལ། སྲོག་དང་རྩོལ་བའི་འོད་ཀྱི་ལྕགས་ཀྱུས་ཞེས་པ་ལྔར་བཤད་པའི་དབུགས་དབྱུང་བ་དང་རྡུབ་པ་རྗེས་སུ་དྲན་པའི་ཚུལ་གྱིས་བདུད་རྩིའི་རྒྱུན་དྲངས་ནས་སྤྱི་བོའི་སྟེང་དུ་བབས་པར ་ཡིད་ལ་བྱས་ནས། བདུད་རྩི་དེས་རང་གི་ལུས་ཀྱི་བྲ་རབ་རེ་རེ་ནས་རྐང་པའི་མཐར་ཐུག་གི་བར་བརླན་པར་གྱུར་པར་ཇི་སྲིད་ཀྱི་སྐྱོ་བ་བསལ་བ་དེ་སྲིད་ཀྱི་བར་དུ་བསྒོམ་པར་བྱ་བའོ། །འདི་ཉིད་ཀྱི་རྒྱུད་ལས་ཀྱང་གསུངས་ཏེ། མཐོ་གང་ཙམ་གྱིས་སྤགས་པར་ནི། །སྤྱི་བོར ་དཀྱིལ་འཁོར་བརྟག་པར་བྱ། །ོཾ་ནི་དབུས་སུ་གནས་བསམས་ནས། །བདུད་རྩི་ལྔ་པོ་དབབ་པར་བྱ་ཞེས་བྱ་བ་ཡིན་ནོ། །དེ་ལྟར་ཐབས་ཅིག་ངལ་གསོ་བྱས་ནས་ནི་ཞེས་བྱ་བ་ནི་དེ་ལྟར་བསྟན་པའི་ཆོ་གའི་སྦྱོར་པ་འདིས་ཐངས་ཅིག་ཅེས་པས་ཆུ་ཚོད་གཉིས་ཙམ ་དལ་གསོ་ཞིང་དབུགས་ཕྱུང་ལ། སྔར་བཤད་པའི་ཆོ་གས་སྤྲོ་བ་དང་བསྡུ་བ་ལ་སོགས་པ་བྱ་བའི་རིམ་གྱིས་གསང་སྔགས་ཀྱི་དམ་པ་རྒྱན་མི་འཆད་པར་རྟག་པར་བཟླས་བརྗོད་བྱའོ། །སྔགས་ལའང་ཀུན་ཏུ་ཆགས་པ་མེད་པར་བྱ་ཞེས་བྱ་བ་ནི་རྟག་ཏུ ་བསྒོམ་པ་ཉིད་ལ་གོམས་པར་བྱས་ལ། དེས་སྐྱོན་བཟླས་པར་བྱའོ། །བཟླས་པས་ཀྱང་དུབ་ན་ཆོས་བསྟན་པ་ལ་སོགས་པའི་སེམས་ཅན་གྱི་དོན་བྱའོ་ཞེས་བྱ་བའི་ཐ་ཚིག་གོ་།སྔགས་ཀྱི་བཟླས་པ་ཉེ་བར་བསྡུ་བ་བསྟན་པའི་ཕྱིར། བསྟོད་དང་ཞེས་བྱ་བ་ལ་སོགས ་པ་སྨོས་ཏེ། རྒྱུད་ལས་མི་བསྐྱོད་རྡོ་རྗེ་ཞེས་བྱ་བ་ལ་སོགས་པ་གསུངས་པའི་བསྟོད་པ་དང། མེ་ཏོག་དང་སྤོས་དང་དྲི་དང། མར་མེ་ལ་སོགས་པའི་མཆོད་པ་དང། སོགས་པའི་སྒྲས་དབང་བསྐུར་བ་དང། བདུད་རྩི་མྱང་བ་དག་བྱས་ནས་དཀྱིལ་འཁོར་གྱི་འཁོར ་ལོ་གཤེགས་སུ་གསོལ་བར་བྱའི་སྔགས་པས་རབ་ཏུ་འབད་དེ་ཞེས་བྱ་བ་ནི་བསྒོམ་པ་ལ་མཁས་པས་སོ། །གང་དུ་གཤེགས་སུ་གསོལ་ཞེ་ན། ཨོཾ་ལ་སོགས་པ་ཞེས་བྱ་བ་ལ་སོགས་པ་སྨོས་ཏེ། ཨོཾ་ལ་སོགས་པའི་ཡི་གེ་བཞི་ལ་དཀྱིལ་འཁོར་གྱི་འཁོར་ལོ ་ཡོངས་སུ་ཐིམ་པར་བྱ་བ་སྟེ། སྐུ་རྡོ་རྗེ་དང་སྐུ་རྡོ་རྗེའི་རིག་པའི་སྙིང་དང། གཤིན་རྗེ་གཤེད་ལ་སོགས་པ་ནི་སྦྱི་བོར་རོ། །གསུང་རྡོ་རྗེ་དང་དེའི་རིགས་འཇིག་རྟེན་དབང་ཕྱུག་དང་པདྨ་མཐར་བྱེད་ལ་སོགས་པ་ནི་ལྐོག་མར་རོ། །ཕྱག་ན་རྡོ་རྗེ་དང་བདུད་རྩི་འཁྱིད?་པ ་ལ་སོགས་པ་ནི་ཐུགས་ཀྱི་ས་བོན་དུའོ། །སྐུ་དང་གསུང་དང་ཐུགས་རྡོ་རྗེ་དེ་རྣམས་ཀྱང་ཡེ་ཤེས་སེམས་དཔར་བསྡུའོ། །དེ་ལྟར་རིམ་པ་འདིས་སྐུ་ལ་སོགས་པ་ཞེས་པ་སྐུ་དང་གསུང་དང་ཐུགས་ཀུན་ཏུ་བཟང་པོའི་བདག་ཉིད་དུ?་རྣམ ་པར་མི་རྟོག་པར་ལྷག་པར་མོས་པས་བསྒོམ་པར་བྱའི། དེ་ལྟར་ཞེས་བྱ་བ་ལ་སོགས་པ། དེ་ལྟར་དོན་དམ་པའི་དེ་ཁོ་ན་ཉིད་མཐོང་བས། སེམས་ཅན་གྱི་ཁམས་མ་ལུས་པ་དེ་ཁོ་ན་ཉིད་མཐོང་བ་དང་བྲལ་ཞིང་བདག་གིར་འཛིན་པའི་ཉོན་མོངས ་པའི་དུག་གིས་ཟིན་པ་རྣམས་ལ་སྙིང་རྗེ་ཆེན་པོ་བསྐྱེད་དེ། དེ་གདོན་པར་བྱ་བའི་ཕྱིར་སྨོན་ལམ་རྣམས་མངོན་དུ་བྱའོ། །དེ་ཡང་གང་གིས་ལས་དང་པོ་པའི་གནས་སྐབས་སུ་སྨོན་པར་མཛད་པ་སྟེ། འཁོར་བ་ཐ་མ་མེད་པ་ཡི། །སྔོན་གྱི་མཛའ་ནི་ཇི་སྲིད ་པར་དེ་སྲིད་སེམས་ཅན་ཕན་དོན་དུ། །སྤྱོད་པ་དཔག་ཡས་སྤྱོད་པར་གྱིས། །ཕྱོགས་བཅུ་ནམ་མཁའ་ཨི་མཐས་གཏུགས་པའི། །སེམས་ཅན་ཀུན་དོན་བསྒྲུབ་པའི་ཕྱིར། །ཇི་ལྟར་འཇམ་དཔལ་སྤྱོད་མཛད་པ། །བདག་གི་སྤྱོད་པ་དེ་འདྲར་ཤོག་ཅེས་བྱ་བ ་ལ་སོགས་པ་དང། བཟང་པོ་སྤྱོད་པ་ལས་གསུངས་པའི་སྨོན་ལམ་དག་ཀྱང་བྱའོ། །ད་ནི་མཉམ་པར་མ་བཞག་པའི་སྦྱོར་བ་ལ་གནས་པའི་སྒོ་ནས་སྤྱོད་ཡུལ་ཡོངས་སུ་དག་པ་བསྟན་པར་བྱ་བའི་ཕྱིར། ལངས་ནས་ཞེས་བྱ་བ་ལ་སོགས་པ་སྨོས ་ཏེ། མཉམ་པར་བཞག་བ་ལས་ལངས་ནས་དག་པའི་སེམས་ཞེས་བྱ་བ་གཞན་གྱི་དོན་ལ་འཇུག་པ་དང། རང་ལྷའི་རྣམ་པའི་ང་རྒྱལ་ཞེས་བྱ་བ་ཀུན་ཏུ་བཟང་པོའི་ང་རྒྱལ་དང་ལྡན་པ་ཡིད་ལ་བྱས་ནས། ཀུན་ཏུ་སྣང་བར་གནས་པར་གྱུར ་ཅིང། སོ་སོར་སྣང་བ་ཙམ་གྱི་རང་བཞིན་ཅན་གྱི་ཡུལ་རྣམས་ལ་སྔ་མ་བཞིན་དུ་ཞེས་བྱ་བ་དབྱེ་བ་མེད་པར་རྟོག་པས་སོ། །འདི་ཉིད་གསལ་བར་བྱ་བའི་ཕྱིར། འཇམ་དཔལ་རྡོ་རྗེ་འཛིན་པ་ཡིས་ཞེས་བྱ་བ་ལ་སོགས་པ་སྨོས་ཏེ། དཔལ་ལྡན་ནི་རྡོ ་རྗེ་འཆང་བའི་ངོ་བོ་ཉིད་དོ། །ཁམས་གསུམ་གནས་ནི་ཐམས་ཅད་ན། །བརྟན་གཡོའི་དངོས་པོ་ཇི་སྙེད་པ། །དེ་ཀུན་དེ་ཉིད་སྦྱོར་བ་ཡིས། །རྡོ་རྗེ་འཆང་བ་ལྟ་བུར་ལྟ་ཞེས་བྱ་བ་དང། དེ་བཞིན་དུ་རྣལ་འབྱོར་ཐམས་ཅད་བཅོམ་ལྡན་འདས། །རྡོ་རྗེ་སེམས་དཔའ་དེ་བཞིན ་གཤེགས། །དེ་ཉིད་ཉེ་བར་ལོངས་སྤྱོད་ཉིད། །ཁམས་གསུམ་པ་ནི་མ་ལུས་པའོ་ཞེས་བྱ་བ་ལ་སོགས་པ་ཇི་སྐད་གསུངས་པའི་ཚུལ་དུ་བསྒོམ་པའོ། །རིམས་བཞིན་ཞེས་བྱ་བ་ནི་ཆོས་ཐམས་ཅད་རང་བཞིན་གྱིས་དག་པའོ་ཞེས་ལྷག་པར་མོས་པས་སྐུའི་སོགས་པའི ་རྡོ་རྗེར་གྱུར་པ་སྟེ། གཟུགས་དང་སྒྲ་དང་དྲི་དང་རོ་དང་རེག་བྱ་རྣམ་པར་སྣང་མཛད་དང། མི་བསྐྱོད་པ་དང་རིན་ཆེན་འབྱུང་ལྡན་དང་འོད་དཔག་ཏུ་མེད་པ་དང། དོན་ཡོད་གྲུབ་པའི་ངོ་བོ་ཉིད་ཡིན་ལ། ཆོས་ཉིད་ཀྱིས་ཞེས་བྱ་བ་ནི་དོན་དམ་པར་དབྱེ་བ་མེད་པས་ཏེ། གང ་ཕྱིར་ཆོས་དབྱིངས་མ་གཏོགས་པའི་ཆོས་ནི་ཡོད་པ་མ་ཡིན་ཞེས་བྱ་བའི་ཚུལ་གྱིས་སོ། །ཕྱིན་ཅི་ལོག་གི་ཞེས་བྱ་བ་ལ་སོགས་པ་རྣལ་འབྱོར་པས་སྦྱིན་པ་བྱིན་པ་དང། བླ་མ་དང་ལྷག་པའི་ལྷ་ལ་མཆོད་པ་བྱེད་པ་དང། ཆོས་སྟོན་པ་ལ་སོགས་པ་གང་ཡིན་པ་དེ་ཐམས་ཅད ་ཕྱིན་ཅི་ལོག་གི་རྟོག་པ་བདག་དང་བདག་གིར་མངོན་པར་ཞེན་པ་དང་བྲལ་ཞིང་སྤངས་པས་བྱ་བ་དེ་ཐམས་ཅད་ཡོངས་སུ་རྫོགས་པར་བྱ་སྟེ། གང་གི་ཕྱིར་འཁོར་བར་འཆིང་བའི་རྒྱུ་ནི་ཕྱིན་ཅི་ལོག་གི་རྣམ་པར་རྟོག་པ་ཉིད་ཡིན་ཏེ། ཚད་མ་རྣམ་འགྲེལ་ལས། བདག ་ཡོད་ན་ནི་གཞན་དུ་འདུ་ཤེས་འགྱུར། །བདག་གཞན་ཆ་ལས་ཡོངས་སུ་འཛིན་དང་སྡང?། །དེ་གཉིས་དང་ནི་ཀུན་ཏུ་འབྲེལ་པ་ལས། །ཉེས་པ་ཐམས་ཅད་འབྱུང་བར་འགྱུར་པ་ཡིན་ཞེས་བཤད་པ་ཡིན་ནོ། །དེ་ལྟ་བུའི་ཚུལ་གྱིས་འཁོར་གསུམ་ཡོངས་སུ་དག་པ་དང། ་བྱང་ཆུབ་སེམས་དཔའ་དཀྱིལ་འཁོར་གྱི་འཁོར་ལོ་མ་ལུས་པ་མཆོད་པ་བྱའོ། །དེ་ཡང་གང་གི་ཕྱིར་གསང་སྔགས་ཀྱི་སྤྱད་པ་སྤྱོད་པ་རྣམས་ཀྱིས་འདི་ཐམས་ཅད་ངེས་པ་ཁོ་ནར་བྱ་དགོས་པ་ཡིན་པས་འདི་ནི་མཆོག་ཡིན་ཏེ། བསོད་ནམས་ཀྱིས་ཚོགས ་དང་ཡེ་ཤེས་ཀྱི་ཚོགས་སུ་གྱུར་པ་ཡིན་ནོ། །ཇི་ལྟ་བུ་ཞེ་ན། དེ་ཕྱིར་ཟན་ཟའི་ཚེ་ན་ཞེས་བྱ་བ་ལ་སོགས་པ་སྨོས་ཏེ། ཟན་ཟའི་ཚེ་སྙིང་གར་ཟླ་བའི་དཀྱིལ་འཁོར་ལ་གནས་པའི་འཁོར་ལོའི་གཙོ་བོ་སྟེ། དཀྱིལ་འཁོར་གྱི་བདག་? ་བསམས་ལ། རང་གི་ས་བོན་གྱི་གསང་སྔགས་ཨོཾ་ལ་སོགས་པས་བྱིན་གྱིས་བརླབས་པའི་བྱང་ཆུབ་ཀྱི་སེམས་ཀྱི་རང་བཞིན་བདུད་རྩི་ལྔའི་ངོ་བོ་ཉིད་དུ་གྲུབ་པ་རང་བཞིན་གྱིས་འོད་གསལ་བ། རྫས་ཐམས་ཅད་ཀྱི་མཉམ་པ་ཉིད་རྣམ་པར་དག ་པ་བདུད་རྩི་ལྔ་དང། དཔའ་བོ་ལྔའི་མཚན་ཉིད་ཅན་རྣམ་པར་མི་རྟོག་པ་ལ་ལྷག་པར་མོས་པ་ལས་ལོངས་སྤྱོད་པར་བྱའི། འདི་ལ་སྨད་པའི་གོ་སྐབས་དབྱེ་བ་མི་བྱའོ། །དེ་ཡང་རྫོགས་པའི་སངས་རྒྱས་ཀྱིས་གསུངས་པའི་ཆོས་ཐམས་ཅད ་སྟོང་པ་ཉིད་རོ་གཅིག། དེ་ཡི་རོ་མྱང་ཚུལ་དུ་འདི། །རང་ཉིད་དེ་ལྟར་གནས་པ་ཡིན་ཞེས་ཇི་སྐད་གསུངས་པ་ལྟ་བུའོ། །རང་གི་ཟས་ལ་ཞེས་བྱ་བ་ནི་ཡུལ་དང་དུས་དང་རྗེས་སུ་མཐུན་པའོ། །དེ་ཉིད་གསུམ་བཟླས་ཏེ་ཞེས་བྱ་བ་ནི། འབར་བའི་ཨོཾ ་གྱིས་ཞེས་བྱ་བ་ལ་སོགས་པ་སྔར་བཤད་པའི་ཆ་དང་ལྡན་པ་དང། ཐམས་ཅད་མཉམ་པ་ཉིད་དུ་རྟོགས་པ་དང། བདུད་རྩི་ལྔ་པོ་དེ་ཡིས་སྐུའི་རྡོ་རྗེ་ལ་སོགས་པའི་ལྷ་རྣམས་ཀུན་ཏུ་ཚིམ་ཞིང་མཉེས་པ་ཉིད་དུ་བྱའོ། །ནང་གི་སྦྱིན་སྲེག་གི་ཆོ ་ག་བསྟན་པའི་ཕྱིར་ཕྱིའི་སྦྱིན་སྲེག་ཅེས་བྱ་བ་ལ་སོགས་པ་སྨོས་ཏེ། ཕྱིའི་དགོས་པའི་དབང་གིས་འགའ་ཞིག་ལན་འགར་བྱེད་ན་བསྒྲེ་ཞིང་དཔག་པའི་ཚུལ་གྱིས་ཉམས་སུ་བླང་པར་བྱ་བ་ནི་ཕལ་པ་ཡིན་ལ། ཡིད་ཀྱི་ནི་གཙོ་བོ་ཡིན་ཏེ། ཟས ་ལ་སྤྱོད་པའི་དུས་སུ་རང་གི་སྙིང་གར་ཡི་གེ་རཾ་ཡོངས་སུ་གྱུར་པ་ལས་བྱུང་བའི་མེའི་དཀྱིལ་འཁོར་གྲུ་གསུམ་བསམས་ལ། དེའི་སྟེང་དུ་ཐབས་ཀྱི་དབུས་སུ་རང་གི་ལྷ་བསྒོམས་ལ། ལག?་པ་གཡས་པ་བླུགས་གཟར་དུ་བསམས་ལ། ཧཱུཾ་དང་རྡོ ་རྗེ་ཡོངས་སུ་གྱུར་པ་ལས་རང་གི་ལྕེ་རྡོ་རྗེ་དགང་གཟར་དུ་བསྐྱེད་ལ། བདུད་རྩི་ལྔའི་སྲེག་རྫས་དབུལ་བ་ནི་ནང་གི་སྦྱིན་སྲེག་རྣལ་འབྱོར་པས་རྟག་ཏུ་བྱའོ། །ཕུང་པོ་དང་ཁམས་དང་སྐྱེ་མཆེད་རྣམས་བུད་ཤིང་ལྟར་བསྲེག་ཤིང་ཐལ་བར་བྱེད་པས་ཡེ་ཤེས ་ཀྱི་རང་བཞིན་ཅན་གྱི་སྦྱིན་སྲེག་གི་འདི་ནི་བླ་ན་མེད་བ་ཡིན་ནོ། །དེ་ཡང་ནང་གི་སྦྱིན་སྲེག་རྣམ་རྟོག་དྲ་བ་རྣམས། བསྲེག་པར་བྱ་ཞེས་ཐུབ་པའི་ཟླ་བས་གསུངས། །བགེགས་དང་དངོས་གྲུབ་རྣམ་པར་རྟོག་པ་ཙམ། །གཉིས་མེད་དུ་ནི་རྣམ་པར་རྟོག་པར ་སྟོང། དེ་བཞིན་ཉིད་མཆོག་ཀུན་སྟོང་ཐབ་ཁུང་ནི། །པདྨ་རྡོ་རྗེར་ལྡན་བྱས་འདིས་ནི་དངོས་ཀུན་ཡམ་ཤིང་རྒྱས། །ནམ་མཁའ་ཨི་ངོས་ལྟར་ཡམས་ཤིང་བརྟགས་པ་ཙམ་གྱི་ས་བོན་ཅན། །བློ་ངན་སྡིག་པས་རབ་འབར་ཉོན་མོངས་ཞི་བས་རབ་ཏུ་ཞི་ཞེས་བཤད་པ་ཡིན་ནོ། ་ཕྱིའི་སྦྱིན་སྲེག་ནི་མར་མེ་མཛད་བཟང་པོའི་ཞལ་སྔ་ནས་ཀྱི་སྒྲུབ་པའི་ཐབས་ལ་སོགས་པ་ལས་ཤེས་པར་བྱའོ། །དེ་ལྟར་མ་ལུས་པ་ཡི་འདོད་པ་ཡིས་ཞེས་བྱ་བ་ནི་གླུ་དང་རོལ་མོ་དང། བཟའ་པ་དང་བཏུང་བ་དང་སྟན་དང། མལ་ཆ་ལ་སོགས་པ་ལས་ཀྱི་བདག་ཉིད ་རང་གི་འདོད་པའི་ལྷའི་རང་བཞིན་དུ་གྱུར་པ་ལ་ཡང་དག་པར་མཆོད་པར་བྱ་བ་འམ། གཞན་དག་མངོན་པར་འདོད་པའི་ལྷའི་རྣམ་པར་གྱུར་པ་ཉིད་ལ་མཆོད་པ་བྱ་སྟེ། གང་གི་ཕྱིར་དམ་ཚིག་འདི་ཉིད་ནི་དཔལ་གསང་བ་འདུས་བ་ལས་བསྟན་པའི་ལམ་ཡིན་ཞིང ་སངས་རྒྱས་ཐམས་ཅད་ཀྱང་མངོན་པར་བཞེང་ཅིང་བདེ་བར་གཤེགས་པ་རྣམས་ཀྱི་རྗེས་སུ་གནང་བ་ཡིན་ཏེ་མྱུར་དུ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཐོབ་པར་བྱེད་པ་ཡིན་པའི་ཕྱིར་རོ། །དེ་ཡང་དཔལ་སངས་རྒྱས་ཐམས་ཅད་དང་མཉམ་པར་སྦྱོར་བ་ལས ་བདག་ཉིད་སངས་རྒྱས་ཐམས་ཅད་དང། །བྱང་ཆུབ་སེམས་དཔའ་ཐམས་ཅད་དེར། །རང་གི་ལྷག་པའི་ལྷར་སྦྱོར་བས། །དེ་བས་བདག་ཉིད་བསྒྲུབ་པར་བྱ། །བདག་ཉིད་ཡོངས་སུ་སྤངས་ནས་ནི། །དཀའ་ཐུབ་ཀྱིས་ཀྱང་གདུང་མི་བྱ། །ཅི་བདེ་བར་ནི་བདེ་བར་གཟུང། འདི་ནི ་མ་བྱོན་རྫོགས་སངས་རྒྱས་ཞེས་གསུངས་པ་དང། བདག་ཉིད་འཕྲོག་བྱེད་རྐུན་པོ་དེས། །སྡིག་པ་མ་བྱས་ཅི་ཞིག་ཡོད། །སངས་རྒྱས་བདག་ཉིད་ལུས་ལ་ནི། །དངོས་གྲུབ་བདེ་བས་དགང་བར་བྱ། ཞེས་ཇི་སྐད་བཤད་པར་བྱ་བ་ལྟ་བུའོ། ་རྗེས་སུ་མཐུན་ཞེས་བྱ་བ་ལ་སོགས་པ་ལ་བདེ་བར་གཤེགས་པ་མ་ལུས་པའི་མཛད་པ་ནི་སེམས་ཅན་ཐམས་ཅད་ལ་ཕན་པར་བྱ་བ་ཉིད་ཡིན་ཏེ། གཞན་དོན་ཕུན་ཚོགས་སངས་རྒྱས་ཀྱི། །འབྲས་བུའི་གཙོ་བོ་རབ་མཆོག་ཡིན་ཞེས་?་སྐད?་གསུངས་པ་ལྟ་བུའོ ་དེ་བས་ན་སེམས་ཅན་མ་ལུས་པ་ལ་ཕན་པར་བྱ་བའི་ཕྱིར་ལུས་དང་ངག་དང་ཡིད་ཀྱི་ལས་རྣམས་བྱའོ། །མཉམ་པར་བཞག་སྟེ་ཞེས་བྱ་བ་ནི་སེམས་ཅན་རྣམས་ཀྱི་དོན་བྱ་བའི་ཕྱིར་སྐྱོ་བ་མེད་པའི་སེམས་སུ་བྱ་བའོ། །རྣམ་པ་དེ་འདྲ་ཞེས་བྱ་བ་ལ་སོགས་པ་ལ ་ཚུལ་དེ་ལྟ་བུར་ཀུན་ཏུ་བཟང་པོའི་རྣམ་པ་མངོན་སུམ་དུ་བྱས་པའི་སེམས་དང་ལྡན་པ་གང་ཡིན་པ་དེའི་ལུས་ཀྱི་གཞི་ལས་བྱུང་བ་ལྔར་བ་དང་འདུག་པ་དང། བརྐྱང་བ་དང་བསྐུམ་པ་དང། བསྐོར་བ་ལ་སོགས་པ་གང་ཅུང་ཟད་ཅི་ཡོད་པ་དེ ་ཐམས་ཅད་ནི་ཕྱག་རྒྱའི་རྣམ་པ་ཡིན་ལ། བདེན་པ་དང། མི་བདེན་པ་ལ་སོགས་པ་སྨྲས་པ་གང་ཡིན་པ་དེ་ཐམས་ཅད་ནི་སྔགས་ཀྱི་རྣམ་པ་ཡིན་ནོ། །ཞེས་རྫོགས་པའི་སངས་རྒྱས་དཔལ་གསང་བ་འདུས་པའི་རྗེས་སུ་འཕྲེང་བར་མཛད་པ་ཐམས་ཅད་ཀྱིས ་གསུངས་ཤིང་བཀའ་སྩལ་ཏེ། དཔེར་ན་མཉམ་པར་མ་བཞག་སྦྱོར་བ་ཡིས། །རྟག་ཏུ་མཉམ་པར་འཇོག་པ་ཡིན་ཞེས་གསུངས་པ་ལྟ་བུའོ། །དོན་གྱི་དབང་འདི་ཉིད་ལ་དགོངས་ནས། ལག་པའི་ཕྱག་རྒྱ་མི་བཅིང་ངོ་ཞེས་བྱ་བ་ལ་སོགས་པ་རྒྱུད་ལས ་གསུངས་པ་ཡིན་ནོ། །འདི་ཉིད་དུ་ཆོས་ཉིད་ཀྱི་རིག་པ་བསྟན་པ་ནི། དངོས་གཅིག་པ་ཡང་ཞེས་བྱ་བ་ལ་སོགས་པ་སྨོས་པ་ཡིན་ཏེ། བུད་མེད་གཅིག་གི་ལུས་ལ་རྣམ་པ་སྣ་ཚོགས་པའི་ཀུན་ཏུ་རྟོག་པ་ཐམས་ཅད་ཀྱིས་ཡོངས་སུ་བསགས་ཤིང་ཀུན་ཏུ ་བརྟགས་པའི་རྣམ་པའི་ངོ་བོ་སྟེ། དཔེར་ན་ཀུན་རྒྱུ་འདོད་ལྡན་ཁྱི་དག་གིས། །རོ་དང་འདོད་བྱ་བཟའ་བ་སྟེ་ཞེས་བྱ་བའི་ཚུལ་དུའོ། །དེ་ཡང་སྐྱེས་བུ་འདོད་ལྡན་འདོད་ཆགས་ཀྱིས་སེམས་ཉེ་བར་བཅོམ་པ་དང་ལྡན་པ་རྣམས་ནི་དེ་དང་བྲལ་བས་སྡུག་བསྔལ་སྐྱེད་པར་བྱེད་པ? ་ལ་།བྱིས་ནི་ལུས་ཆོ་ཞིང་རྒྱས་པ་མཐོང་བ་ན་བཟའ་བའི་བློ་སྐྱེས་པས་བདེ་བ་ཡིན་ལ། རོ་ཡིན་ནོ་ཞེས་མི་གཙང་བ་བསྒོམས་པས་ནི་དཀའ་ཐུབ་ཅན་དག་འདོད་ཆགས་དང་བྲལ་བར་བྱེད་པས་གྲོལ་བ་སྐྱེད་པར་བྱེད་པ་ཡིན་ནོ། །དེ་བས་ན་བརྟགས་པ་ལ་མ་བཏེགས?་པ་? ་པ་ཅི་ཡང་ཡོད་པ་མ་ཡིན་ཏེ། བུད་མེད་གཅིག་གི་ལུས་ལ་ནི། །ཀུན་རྒྱུ་འདོད་ལྡན་ཁྱི་དག་གིས། །རོ་དང་འདོད་ལྡན་བཟའ་བ་ཞེས་རྣམ་པར་རྟོག་པར་རྣམ་གསུམ་ཡིན་ཞེས་ཇི་སྐད་བཤད་པ་ལྟ་བུའོ། །དེ་བས་ལུས་སོགས་དགེ་དང་མི་དགེ་བའི་ཞེས་བྱ་བ་ལ་སོགས ་པ་ལ་འདི་ནི་དགེ་བ་སྟེ་བསོད་ནམས་སོ། །འདི་ནི་མི་དགེ་བ་སྟེ་སྡིག་པའོ་ཞེས་ཇི་སྐད་བཤད་པའི་ལུས་དང་ངག་དང་ཡིད་ཀྱི་ལས་རྣམས་གང་ཡིན་པ་དེ་ཐམས་ཅད་ནི་ཉོན་མོངས་པ་ཅན་གྱི་སེམས་ཀྱི་འཇུག་པ་ཡིན་གྱི། དེ་ཁོ་ན་ཉིད་མཐོང་བ་རྣམས་ཀྱི་ནི་མ ་ཡིན་ནོ། དེ་ཡང་ལས་ལས་འཇིག་རྟེན་སྣ་ཚོགས་སྐྱེས། །དེ་ནི་སེམས་དཔའ་དང་དེས་བྱས། །སེམས་པ་ཡིད་ཀྱི་ལས་ཡིན་ཏེ། །དེས་བསྐྱེད་ལུས་དང་ངག་གི་ལས། །མ་ཆགས་ལ་སོགས་ལས་བྱུང་བའི། །ལུས་ངག་ལས་ནི་དགེ་བ་ཡིན། །གང་ཞིག་ཆགས་སོགས ་ལས་བྱུང་བའི། །ལས་དེ་མི་དགེ་བར་འདོད་དོ་ཞེས་ཇི་སྐད་བཤད་པ་ལྟ་བུ་དང། དེ་བས་བརྩེ་བའི་བདག་ཅན་གྱིས། །གཞན་ཕན་བྱས་པ་གང་ཡིན་པའོ། །ལས་དེ་ཐམས་ཅད་དགེ་བ་ཞེས། །རྫོགས་སངས་རྒྱས་ཀྱིས་ཡོངས་སུ་བཤད་ཅེས་ཇི་སྐད་བཤད་པ་ལྟ ་བུའོ། དེ་ལྟར་རྣམ་པ་རྟོག་པའི་དྲ་བ་མ་ལུས་པ་སྤངས་ཤིང་རྣམ་པར་བསལ་ནས། སེམས་རང་བཞིན་གྱིས་འོད་གསལ་བ་ཀུན་ཏུ་བཟང་པོའི་རྣམ་པ་དང་ལྡན་པ་ལ་ནག་པོའི་ལས་སྡིག་པ་ལས་འབྱུང་བར་འགྱུར། དེ་ཡང་མི་མཁས་པས་ནི་སྡིག་པ ་ཆུང་དུ་བྱས་ཀྱང་འོག་ཏུ་ལྟུང། །མཁས་པས་ཆེན་པོ་བྱས་ཀྱང་གནོད་པ་རབ་ཏུ་སྤོང་བར་འགྱུར། །ལྕགས་ཀྱི་གོང་བུ་ཆུང་ཡང་ཆུ་ཡི་འོག་ཏུ་འབྱིང་འགྱུར་ལ། །དེ་ཉིད་སྣོད་དུ་བྱས་ན་ཆེ་ཡོད་སྟེང་དུ་འབྱོ་བར་འགྱུར་ཞེས་ཇི་སྐད་བཤད ་པ་ལྟ་བུའོ། །དམ་ཚིག་ཉམས་ན་རྣམ་པར་དག་པར་བྱ་བའི་སྦྱོར་བ་བསྟན་པ་ནི། དམ་ཚིག་ཉམས་ལ་ཞེས་བྱ་བ་ལ་སོགས་པ་སྨོས་པ་ཡིན་ཏེ། རྒྱུད་ལས་གསུངས་པའི་གསང་སྔགས་ཀྱི་སྤྱོད་པ་ཡོངས་སུ་སྐྱོང་བ་ནི་དམ་ཚིག་སྟེ། ལྷ་བསྒོམ་པ་ཡོངས་སུ་སྔོན ་དུ་འགྲོ་བས་བདུད་རྩི་ལྔ་ལ་སོགས་པ་ལ་ཉེ་བར་ལོངས་སྤྱོད་པ་དང། ཉིན་དང་མཚན་དུ་བསོད་ནམས་ཀྱི་བྱ་བ་ལ་བརྩོན་པར་བྱེད་པའོ། །དེ་ཉམས་པ་ནི་ཟད་པའོ། །ཉམས་པ་དེ་བྱུང་པར་གྱུར་ན། སྙིང་གའི་ཟླ་བར་ཞེས་བྱ་བ་རང་གི་སྙིང་གའི་དབུས་སུ་ཟླ་བའི་དཀྱིལ ་འཁོར་ལ་གནས་པའི་སྣ་ཚོགས་རྡོ་རྗེ་རྣམ་པར་བསམས་ལ་དམ་ཚིག་རྡོ་རྗེ་ཞེས་པ་དོན་ཡོད་པར་གྲུབ་བ་རང་གི་སྙིང་གར་དབང་ཆེན་གྱི་དཀྱིལ་འཁོར་གྱི་སྟེང་དུ་སྣ་ཚོགས་པདྨ་ལ་གནས་པའི་ཟླ་བའི་དབུས་ན་གནས་པའི་ཡི་གེ་ཧཱུཾ་ལས་བྱུང་པའི ་སྣ་ཚོགས་རྡོ་རྗེའི་དབུས་ན་གནས་པའི་ཡི་གེ་ཁཾ་ཡོངས་སུ་གྱུར་པ་ལས་བྱུང་བའི་རས་གྲི་ལས་བསྐྱེད་པའི་དོན་ཡོད་པར་གྲུབ་པ་ཐབས་དང་ཤེས་རབ་ཀྱི་བདག་ཉིད་བསྒོམ་པར་བྱའོ། །འགྲོ་བ་རང་བཞིན་གྱིས་དག་ཅེས་བྱ་བ་ནི་ཆོས་ཐམས་ཅད ་རང་བཞིན་གྱིས་རྣམ་པར་དག་པའོ་ཞེས། ལྷག་པའི་མོས་པས་འགྲོ་བ་ཐམས་ཅད་དག་པར་རྣམ་པར་བསམས་ལ། སྣ་ཚོགས་པའི་འདབ་མ་དང་ལྡན་པའི་པདྨའི་དབུས་སུ། ཉི་མའི་དཀྱིལ་འཁོར་མེད་པ་རང་བཞིན་གྱིས་ཉེས་པའི་འདམ་ཐམས ་ཅད་ཀྱིས་མ་གོས་པར། སྔར་གྱི་རིམ་པས་ཞེས་པ་སྙིང་པོའི་ས་བོན་དང་མཚན་མ་ལས་བྱུང་བའི་དེ་བཞིན་གཤེགས་པ་རྣམས་ཀྱི་འོད་ཟེར་ལས་བྱུང་བའི་སྤྱན་ལ་སོགས་པའི་ལྷ་མོ་ཕྱག་ན་བདུད་རྩིས་ཡོངས་སུ་གང་བའི་བུམ་པ་བསྣམས་པས ་བདག་ཉིད་ཀྱི་ཕྲ་རབ་རྣམས་བ་རླན་ཞིང་དབང་བསྐུར་བར་གྱུར་བ་བསམ་པར་བྱའོ། །འདི་ནི་དམ་ཚིག་ཉམས་པའི་གཉེན་པོ་ཡིན་ནོ། །དབང་བསྐུར་བའི་རིམ་པ་ནི་ཕྱི་རོལ་གྱི་ཁྲུས་བྱ་བའི་ཆོ་ག་ལ་ཡང་བསམ་པར་བྱའོ། །ལ་ལ་ན་ནི་ཡབ་ལ་མངོན་པར་ཕྱོགས་པར ་བྱས་ནས་ཆོས་འབྱུང་བའི་དབུས་སུ་ཡི་གེ་ཁཾ་གྱིས་གཉི་ག་ཡང་ཞུ་བར་བསམས་ལ། གླུ་ཡིས་བསྐུལ་བ་ལ་སོགས་པའི་རིམ་གྱིས་དེ་བཞིན་དུ་དམ་ཚིག་སེམས་དཔའ་ཨི་རྣམ་པར་དོན་ཡོད་པར་གྲུབ་པ་རྣམ་པར་བསམས་ལ། སྙིང་གར་རང་གི་ལྷག་པའི་ལྷ་ཡེ ་ཤེས་སེམས་དཔའ་ལྟ་བུར་བསམས་པའི་འོད་ཟེར་ལས་བྱུང་བའི་སྤྱན་ལ་སོགས་པས་དབང་བསྐུར་བར་བྱའོ་ཞེས་ཟེར་མོད་ཀྱི་དེ་ནི་བདེན་པ་མ་ཡིན་ཏེ། དཔལ་དམ་ཚིག་རྡོ་རྗེའི་སྦྱོར་བ་འདི་ལ་ཡོད་པས་ན་དམ་ཚིག་རྡོ་རྗེའི་རྣལ་འབྱོར་པ་སྟེ། ཡེ་ཤེས་ཙམ་གྱི ་སྙོམས་འཇུག་པ། །སྦྱོར་བ་ཞེས་ནི་བྱ་བ་ཡིན་ཞེས་གསུངས་པས་ཡེ་ཤེས་སེམས་དཔའ་ལྟ་བུར་དམ་ཚིག་རྡོ་རྗེ་བསྒོམ་པར་བྱའོ་ཞེས་བྱ་བ་ནི་བླ་མ་གཅིག་ནས་གཅིག་ཏུ་བརྒྱུད་པའི་ཚད་མས་སོ། །ཐུན་མཚམས་སུ་ཡང་ཞེས་བྱ་བ་ལ་སོགས་པ་ལ། ཐུན་མཚམས་སུ ་ཡང་ཞེས་བྱ་བ་ནི། ཕྱི་དྲོའི་ཐུན་མཚམས་དང། དགོངས་པ་ཡང་དེ་བཞིན་ནོ་ཞེས་བྱ་བ་སྔ་མ་བཞིན་དུ་མཆོད་པ་འགྲོ་བས་སྔགས་ཀྱི་བཟླས་པ་བྱས་ལ། སྙིང་གའི་ནང་དུ་དཀྱིལ་འཁོར་གྱི་འཁོར་ལོ་ཆུད་པར་བྱས་ལ། ཐབས་དང་ཤེས་རབ་གཉིས་སུ་མེད་པའི ་སྦྱོར་བ་བསྒོམ་པའི་རིམ་གྱིས་གཉིད་ལོག་པར་བྱའོ། །ཆགས་པའི་ཤས་ཆེ་བ་དག་གིས་ནི་ལས་ཀྱི་ཕྱག་རྒྱ་དང་ལྷན་ཅིག་ཇི་སྐད་བཤད་པའི་རིགས་ལྔ་དགོད་པའི་བསྒོམ་པའི་སྦྱོར་བས་གནས་པར་བྱའོ། །ལྡང་བའི་དུས་སུ་ཞེས་བྱ་བ་ལ་སོགས་པ་ལ། ་ལྡང་བའི་ཚེ་སྤྱན་པ་སོགས་པའི་དམ་ཚིག་གི་ལྷ་མོའི་གླུས་བསྐུལ་ལ་མལ་ནས་ལྡང་བར་བྱའོ། །དང་པོར་ནང་བར་སྙིང་གའི་དབུས་སུ་ཞེས་བྱ་བ་ནས་བརྩམས་ཏེ། གདོང་བཀྲུ་བ་བྱས་ལ་དང་པོའི་སྦྱོར་བ་དང། དཀྱིལ་འཁོར་གྱི་རྒྱལ་པོའི་མཆོག་དང། ལས་ཀྱི་རྒྱུ་ལ ་པོའི་མཆོག་ཆོ་ག་སྔ་མ་བཞིན་དུ་བསྒོམ་པར་བྱའོ། །དཔལ་ལྡན་ཞེས་བྱ་བ་ནི་བསོད་ནམས་དང་ཡེ་ཤེས་ཀྱི་ཚོགས་རྫོགས་པའི་བྱ་བ་ལ་བརྩོན་པའི་ཐུབ་པ་ཞེས་བྱ་བ་ནི་བྱ་བ་རྣམས་ཉམས་སུ་ལེན་པས་ན་ཐུབ་པའོ། །དངོས་གྲུབ་ཅས་བྱ་བ་ལ། ་སོགས་པ་ལ་ཇི་སྲིད་འཇིག་རྟེན་དང་འཇིག་རྟེན་ལས་འདས་པའི་བསྒྲུབ་པར་བྱ་བའི་དངོས་གྲུབ་ཀྱི་མཚན་མ་རྨི་ལམ་ལ་སོགས་པ་ཐོབ་པར་གྱུར་པ་དེ་སྲིད་ཀྱི་བར་དུ་བསྒོམ་པར་བྱའོ། །དེ་ཡང་རྒྱུད་ལས་རྡོ་རྗེ་སེམས་དཔའ་ཨི་གཟུགས་ཆེན་དང། །གྲགས་པ ་ཆེན་པོ་རྡོ་རྗེ་ཆོས། །གསང་བ་རྡོ་རྗེ་གྲགས་པ་ཆེར། །རྨི་ལམ་དག་ན་རང་གཟུགས་མཐོང། །བྱང་ཆུབ་སེམས་དཔའ་རྡོ་རྗེ་ཅན། །སངས་རྒྱས་ཆེན་པོ་ཕྱག་འཚལ་བའི། །རྨི་ལམ་འདི་འདྲ་མཐོང་འགྱུར་བ། །སྐུ་གསུང་ཐུགས་ཀྱི་དངོས་གྲུབ་སྟེར། །རྒྱན་རྣམས ་ཐམས་ཅད་ཡོངས་རྫོགས་པའི། །ལྷ་ཡི་བུ་མོ་ཡིད་འོང་དང། །ཁྱེའུ་དང་བུ་མོ་དག་མཐོང་ན། །དེ་ནི་དངོས་གྲུབ་འཐོབ་པར་འགྱུར་ཞེས་བྱ་བ་ལ་སོགས་པ་རྒྱ་ཆེར་གསུངས་པ་ཡིན་ནོ། །དེ་ལྟར་དངོས་གྲུབ་ཀྱི་མཚན་མ་ཐོབ་ཅིང་མཐོང་བས། །དེ་ཉིད་གསུམ ་མཆོད་བྱས་ནས་རང་གི་སེམས་ཞེས་བྱ་བ་རང་གི་གསང་སྔགས་བཟླས་བརྗོད་འབུམ་དང། གཞན་རྣམས་ཀྱི་ཁྲི་ཁྲི་བཟླས་བརྗོད་བྱ་བ་དང། ཁྲོ་བོ་རྣམས་ཀྱི་ཕྲེང་བའི་སྔགས་ཀྱང་བཟླས་ལ། སྔར་བཤད་པའི་དཀྱིལ་འཁོར་གྱི་འཁོར་ལོའི་དབུས་སུ ་གནས་ནས་མངོན་པར་འདོད་པའི་དངོས་གྲུབ་རབ་ཏུ་སྒྲུབ་པར་བྱ་ཞིང་མངོན་སུམ་བྱའོ། །གལ་ཏེ་རིམ་པ་འདིས་ཀྱང་དངོས་གྲུབ་ཐོབ་པར་མ་གྱུར་ན། དེའི་ཚེ་འཕགས་པ་བདུད་རྩི་ཐབ་སྦྱོར་གྱི་སྦྱོར་བས་བགེགས་གཞོམ་ཞིང་བསྐྲད་པར་བྱ་བ་ཡིན། ་དེ་བཤད་པ་ནི་བགེགས་རྣམས་བདུད་རྩི་ཐབ་སྦྱོར་ཞེས་བྱ་བ་ལ་སོགས་པ་སྨོས་པ་ཡིན་ཏེ། སྔ་མ་བཞིན་དུ་ཡབ་ཡུམ་མངོན་དུ་བྱས་ལ། ལྷ་མོ་གསང་བའི་ཆུ་སྐྱེས་སུ་ཞུ་བར་གྱུར་པ་བསྒོམ་པ་སྔོན་དུ་འགྲོ་བས་ཡི་གེ་ཧཱུཾ་ལས་བདག་ཉིད་བདུད་རྩི ་ཐབས་སྦྱོར་དུ་རྣམ་པར་བསམ་པར་བྱ་སྟེ། སྐུ་མདོག་ནག་པོ་རྡོ་རྗེ་དང། རལ་གྲི་དང། །ལྕགས་ཀྱུ་དང་ཞགས་པ་དང་པདྨ་དང། རིན་པོ་ཆེའི་མཚོན་ཆ་བསྣམས་པ་བརྒྱན་པ། གཡོན་བརྐྱང་བའི་གཡས་པས་བཞུགས་པར་དཀྱིལ་འཁོར་གྱིས་དབུས་སུ་བསམ་པར་བྱའོ། །དེའི ་ཐུགས་ཀར་ཡེ་ཤེས་སེམས་དཔའ་དཔལ་འཇམ་པའི་རྡོ་རྗེ་བསྐྱེད་ལ་དེའི་སྔགས་ལས་ངེས་བ་བྱུང་བའི་བདུད་རྩི་ཐབ་སྦྱོར་གྱི་སྐུ་སྟོང་ཕྲག་རྣམ་པར་བསམས་ལ། དེ་རྣམས་ཀྱིས་ཕྱོགས་བཅུ་ན་གནས་པའི་བགེགས་ཀྱི་ཚོགས་རྣམས་ཐལ་བར་བྱས་པས་བསམ་མོ། ་ལ་ལ་དག་ནི་འདི་སྐད་ཅེས་ཟེར་ཏེ། ལག་པ་གཡས་པའི་ལྕགས་ཀྱུས་སྙིང་གའི་ཡེ་ཤེས་སེམས་དཔའ་ཀུན་ཏུ་བརྟན་པར་བྱས་པའི་དྲག་པོའི་སྦྱོར་བས་དངོས་གྲུབ་གསལ་བ་གདབ་པར་བྱའོ། །དེ་ཡང་དེ་ཡིས་སྙིང་གར་གདབ་བྱ་སྟེ། །ལྷ་རྣམས་རབ་ཏུ་བསྐུལ་བར་བྱ ་ཞེས་ཇི་སྐད་གསུངས་པ་ལྟ་དུ་དང། ཆོ?་གེ་ཞེས་བ་རྡོ་རྗེ་ཅན། །ཁྱེད་བསྒྲུབ་པ་ལ་གནས་བགྱིད་ཅིང་།ཁྱེད་གསུངས་པ་ཡི་དམ་ཚིག་རྣམས། །བསྲུང་ལ་རྟག་པར་བརྩོན་པར་བགྱིད། །དབང་བསྐུར་དང་ནི་རྗེས་གནང་པ། །དེ་ཡི་དངོས་གྲུབ་སྩལ་དུ་གསོལ་ཞེས་བྱ ་བ་དང། །མཆོག་སྩོལ་བ་དག་རྣམ་པར་གཟིགས། །ཡིད་ནི་འཇིགས་ཤིང་སྐྲག་གྱུར་ནས། །ཡིད་ལ་མགུ་ཞིང་སྐྲག་གྱུར་པའི། །དངོས་གྲུབ་རྒྱ་ཆེན་སྟེར་བར་འགྱུར་ཞེས་གསུངས་པ་ཡིན། །དབང་བསྐུར་བྱས་པའི་ཞེས་བྱ་བ་ནི་དབང་བསྐུར་དང་རྗེས་སུ་གནང་བ ་ཡང་དག་པར་ཐོབ་པར་འགྲུབ་པར་འགྱུར་གྱི་གཞན་དག་གིས་ནི་མ་ཡིན་ཏེ། དེས་ནི་འབད་པ་ཆུང་དུས་ཀྱང་འགྲུབ་པར་འགྱུར་རོ་ཞེས་བྱ་བའི་ཐ་ཚིག་གོ་།འཇམ་པའི་རྡོ་རྗེ་གཙོ་བོར་གྱུར་པའི་འཁོར་ལོའི་དབུས་སུ། བདུད་རྩི་ཐབ་སྦྱོར་བཞག་པ་ཇི་ལྟར་རུང ་སྙམ་དུ་རྟོག་པ་དེའི་ཕྱིར། གང་ཞིག་དབུས་ན་ཞེས་བྱ་བ་སྨོས་ཏེ། གང་དབུས་སུ་བཞུགས་པར་གྱུར་པ་ཡོངས་སུ་བརྟགས་པ་གང་ཡིན་པ་དེ། འཁོར་ལོ་ཡང་དེའི་ཡིན་བར་འགྱུར་ཏེ། དོན་དམ་པར་ནི་ཐམས་ཅད་ཀྱི་བདག་ཉིད་ཅན་ཡིན་མོད་ཀྱི་།དགོངས ་པའི་དབང་གིས་ནི་འགའ་ཞིག་དབུས་སུ་གནས་པར་ཡོངས་སུ་བརྟགས་པ་ཡིན་པས། འདིར་རྣམ་པར་རྟོག་པའི་གོ་སྐབས་ཡོད་པ་མ་ཡིན་ནོ། །འདི་དག་ནི་ལས་ཀྱི་རྒྱལ་པོའི་མཆོག་གི་ཏིང་ངེ་འཛིན་ཏོ། །ད་ནི་ཏིང་ངེ་འཛིན་གསུམ་གྱི་སྤྱིར་ལ? ་བ་བསྟན་པར་བྱ་བའི་ཕྱིར། ཐ་མ་ལ་རྣམ་པར་རྟོག་ཅེས་བྱ་བ་ལ་སོགས་པ་སྨོས་ཏེ། ཐ་མལ་པའི་རྣམ་པར་རྟོག་པ་བདག་དང་བདག་གིར་རྟོག་པའི་རྒྱུན་གྱི་འཇུག་པ་ལས་གཞན་ཞིང་དེ་མ་རྟོགས་པ་སྲིད་པ་སྟེ་འཁོར་བའི་སྡུག་བསྔལ་གཞན་དང། ་ཅི་ཡང་ཡོད་པ་མ་ཡིན་ནོ། །དེས་ན་རྣམ་པར་འགགས་ཤིང་མེད་པར་གྱུར་པ་ལས་སེམས་ནི་ཀུན་ཏུ་བཟང་ངོ་པོ་ལ་སོགས་པའི་ངོ་བོ་ཉིད་ཡིན་པར་སེམས་འདི་རྣལ་འབྱོར་པས་རང་རིག་བའི་མངོན་སུམ་གྱིས། མངོན་སུམ་དུ་ཉམས་སུ་མྱོང་བ་ཡིན་ཏེ། ་གསང་སྔགས་སྨྲ་རྣམས་མང་དུ་ནི། །སྤྲོས་ཏེ་སྨྲས་པས་ཅི་ཞིག་བྱ། །ཁྱད་པར་དུ་ནི་སེམས་བསྒྲུབ་སྟེ། །སེམས་ལས་རྫོགས་པའི་བྱང་ཆུབ་འབྱུང་ཞེས་བཤད་པ་ཡིན། །ཇི་ལྟ་ཞེ་ན། དེའི་ཕྱིར་ཟབ་ཅིང་ཞེས་བྱ་བ་ལ་སོགས་པ་སྨོས་ཏེ། ཟབ་ཅིང་རྒྱ་ཆེ་བའི ་བདག་ཉིད་ཅན་གྱི་རྣམ་པར་བྱད་བ་དོན་དམ་པའི་ཐབས་དང་ཤེས་རབ་བསྒོམ་པའི་སེམས་གང་ཡིན་པ་དེ་ལ་ནི་ཐ་མལ་པའི་ཀུན་ཏུ་རྟོག་པ་དེ་སྣང་ཞིང་སོ་སོར་འབྱུང་བར་མི་འགྱུར་རོ། །དེ་ཡང་ཚད་མ་རྣམ་འགྲེལ་ལས། །སེམས་འདི་རང ་བཞིན་འོད་གསལ་ཏེ། །དྲི་མ་རྣམས་ནི་གློ་བུར་བ། །དང་པོར་ནུས་མེད་དེ་ལ་ཡང། །ཕྱིས་ནུས་དེ་ཡི་རང་བཞིན་མིན། །རླན་ཅན་ས་ཡི་མེ་བཞིན་དུ། །རབ་ཏུ་འཕེལ་བར་ནུས་མ་ཡིན། །འཚེ་བ་མེད་དང་ཡང་དག་དོན། །ངོ་བོ་ཉིད་ལ་ཕྱིན་ལོག་གིས།། ་འབང་དུ་ཟིན་ཀྱང་གནོད་མེད་དེ། །བློ་ནི་དེ་ཡི་ཕྱོགས་འཛིན་ཕྱིར་ཞེས་བཤད་པ་ཡིན་ནོ། །དེ་ཡང་ཀུན་ཏུ་བཟང་པོ་ལ་སོགས་རྣམ་པའི་འབྲས་བུའི་ངོ་བོ་ཉིད་ན་ཡང་དག་པར་རིག་པ་ལས་ཐ་དད་པ་གཞན་དག་ཡོད་པ་མ་ཡིན་ནོ་ཞེས་སྔར ་གཏན་ཚིགས་ཀྱིས་བསྒྲུབས་པ་ཡིན་ནོ། །ཇི་ལྟར་གཉེན་པོར་གྱུར་པ་ཡིན་ཞེ་ན། དེའི་ཕྱིར་གང་ཞིག་ཅེས་བྱ་བ་ལ་སོགས་པ་སྨོས་ཏེ། མེ་ལ་སོགས་པ་དང་གྲང་བ་ལ་སོགས་པ་དང་འདྲ་བར་དངོས་པོ་གང་གང་ལྷན་ཅིག་ཙམ་ཡང་རང་བཞིན་མི་མཐུན་པར་སྣང ་བ་དེ་དེའི་བགྲོད་པའི་ཐོབ་པ་རྒྱས་ཤིང་ཤས་ཆེར་འཕེལ་བར་གྱུར་པ་ན་མཐོང་བ་སྟེ། ཚེ་འདི་ཉིད་ལ་ཀུན་ཏུ་བཟང་པོ་ལ་སོགས་པའི་རྣམ་པ་ཅན་གྱི་གཉེན་པོའི་ཕྱོགས་འཕེལ་བར་གྱུར་པ་གང་ཡིན་པ་དེས། རང་གི་མི་མཐུན་པའི་ཕྱོགས་ཐ་མར?་པའི?་རྣམ་པར ་ཏོག་པ་ཤིན་ཏུ་འགགས་ཤིང་མཆོག་ཏུ་སེལ་བར་བྱེད་དོ། །ཉན་ཐོས་དང་ཕ་རོལ་ཏུ་ཕྱིན་པའི་ཚུལ་ལ་གནས་པའི་གང་ཟག་ལ་བདག་མེད་པར་རྟོགས་པ་དང། སྦྱིན་པའི་ཕ་རོལ་ཏུ་ཕྱིན་པ་ལ་སོགས་པ་གསུངས་པས་ཀྱང་ཉེས་པ་ཐམས་ཅད་ཟད་པར་འགྱུར ་བས་།སྔགས་ཀྱི་གཞུང་དཔལ་གསང་བ་འདུས་པའི་བསྒོམ་པ་རྟོགས་དཀའ་བ་འདིས་ཅི་ཞིག་བྱ་ཞེ་ན། དེའི་ཕྱིར་ཐ་མལ་བའི་ཞེས་བྱ་བ་ལ་སོགས་པ་སྨོས་ཏེ། ཀུན་ཏུ་བཟང་པོ་ལ་སོགས་པ་གཉེན་པོ་བསྒོམ་པ་མེད་པར་ཐ་མལ་པའི་རང་བཞིན་གྱི་ཆོས ་ཐམས་ཅད་བདག་མེད་པའི་ཤེས་རབ་ཀྱི་མཛའ་དང་ལྡན་པའི་འཁོར་གསུམ་ཡོངས་སུ་དག་པའི་སྦྱིན་པ་ལ་སོགས་བའི་བྱ་བའི་རང་བཞིན་གྱི་ཐབས་ལ་བསླབས་པས་དེ་ལྡོག་པར་མི་འགྱུར། ཀུན་ནས་ཉོན་མོངས་པས་གནོད་པར་འགྱུར་པ་ཉིད་ཡིན་ནོ། །དེ་ལྟར ་ན་གང་གི་ཕྱིར་བདག་མེད་པ་བསྒོམ་པ་ལ་བསླབ་པ་དེ་ཡིན་དུ་ཟིན་ཀྱང། དོན་དམ་པའི་སྔགས་ཀྱི་སྤྱོད་པ་མེད་པར་འཁོར་བ་ལས་མྱུར་དུ་ལྡོག་པ་ཐོབ་པར་མི་འགྱུར་རོ་ཞེས་བདག་བསྒྲུབ་པ་ལ་འཇུག་པ་ལ་སོགས་པ་ལས་མང་དུ་བཤད་པ་ཡིན་ནོ་དེ་ཡང ་ཐ་མལ་པའི་རང་གི་ངོ་བོ་ནི་སྐྱེ་བོ་དཔག་ཏུ་མེད་པ་ལ་ཕན་འདོགས་པར་བྱེད་པ་མ་ཡིན་པས། སྙིང་རྗེ་ལ་ཤིན་ཏུ་བྱང་བ་དག་གིས་སྤང་བར་བྱ་སྟེ། དེ་ཡང་སྨོན་ལམ་ལ་སོགས་པའི་གྲགས་དང་ལྡན་པའི་སྦྱིན་པ་ལ་སོགས་པའི་སེམས་ཀྱི་བདག་ཉིད་ནི ་གཉེན་པོའི་ཕྱོགས་ལ་འཇུག་པ་ཡིན་དུ་ཟིན་ཀྱང། འཇུག་པ་ལས་མི་ལྡོག་ན་དུས་ཕྱི་ཞིག་ན་ལྡོག་པར་འགྱུར་རོ་ཞེས་བྱ་བ་ལ་ཡིད་རྟོག་པ་ག་ལ་ཡོད་ཅེས་ཇི་སྐད་བཤད་པ་ལྟ་བུ་སྟེ། དོན་དུ་ན་དེ་ནི་བསྐལ་པ་གྲངས་མེད་པ་གསུམ ་གྱིས་འཚང་རྒྱ་བ་ཡིན་ནོ་ཞེས་བྱ་བའི་ཐ་ཚིག་གོ། དེ་ཉིད་ཀྱི་ཕྱིར་གསང་སྔགས་ཀྱི་སྒོ་ནས་སྦྱད་པ་སྦྱོད་པའི་རྣལ་འབྱོར་པ་རྣམས་ནི་བསྒོམ་པ་གཅིག་ཏུ་མཐར་ཐུག་པ་ལ་བརྩོན་པ་ཡིན་པས། བསྒོམ་པའི་སྟོབས་ཉིད་ཀྱིས་བསོད་ནམས་དང་ཡེ་ཤེས་ཀྱི ་ཚོགས་རྫོགས་པར་བྱས་ནས་དུས་ངེས་པ་མེད་པས་ཀུན་ཏུ་བཟང་པོ་ཉིད་ཐོབ་པར་འགྱུར་རོ་ཞེས། །དེ་ཁོ་ན་ཉིད་ལ་འཇུག་པ་ལ་སོགས་པ་ལས་རྒྱ་ཆེར་ཁོང་དུ་ཆུད་པར་བྱའོ། །ད་ནི་རྫོགས་པའི་རིམ་པའི་རྣལ་འབྱོར་བསྒོམ་པའི་ཐབས་བསྟན་པའི་ཕྱིར ་དེ་ལྟར་རྟོགས་ནས་ཞེས་བྱ་བ་ལ་སོགས་པ་སྨོས་ཏེ། དེ་ལྟར་རྒྱུད་ཆེན་པོའི་ཚུལ་གྱིས་དངོས་གྲུབ་ཐོབ་པར་འགྱུར་གྱི་གཞན་ལས་ནི་མ་ཡིན་ནོ་ཞེས་རྟོགས་ནས། སྙིང་རྗེ་དང་ལྡན་ཞིང་བརྩེ་བ་དང་བཅས་པ་དག། སྐད་ཅིག་གིས་མངོན་པར་བྱང ་ཆུབ་པ་རྣམ་པ་ལྔའི་རིམ་པ་རྣམ་པར་མི་རྟོག་པའི་མཚན་ཉིད་ཅན་གྱི་ཡེ་ཤེས་ཀྱིས་རབ་ཏུ་བསྒྲུབ་ཅིང་མངོན་སུམ་དུ་བྱས་ནས། ཡིད་བཞིན་གྱི་ནོར་བུ་ལྟར་ཐམས་ཅད་དུ་དངོས་གྲུབ་སྐྱེད་པར་བྱེད་པ་བསམ་གྱིས་མི་ཁྱབ་པ་རྣལ་འབྱོར་གྱི་མངོན་སུམ ་གྱིས་ཡང་དག་པར་རྫོགས་པར་བྱ་བ་དང་དཔལ་ཀུན་ཏུ་བཟང་པོའི་ངོ་བོ་ཉིད་རང་སྟེ། བདག་གི་ཉིད་ཀྱི་ཉེས་པ་ཐམས་ཅད་ཀྱི་གཉེན་པོར་གྱུར་པའི་སེམས་མཁས?་པ་སེམས་དང་ལྡན་པ་སུ་ཞིག་སྒོམ་པར་མི་བྱེད་དེ་བསྒོམ་པར་བྱའོ་ཞེས་ཁས་བླང་པ ་ཡིན་ནོ་ཞེས་དོན་དམ་པ་ཉིད་ཡིན་པར་སྟོན་ཏོ། །མངལ་ནས་སྐྱེ་བའི་རྣམ་པར་དག་པའི་རིམ་པ་ནི། སྐྱེ་བོ་ལས་དང་པོ་པ་རྣམས་ཀྱིས་སེམས་དབང་དུ་བྱ་བའི་ཕྱིར་བསྟན་པ་ཡིན་ནོ། །དེ་བས་ཀུན་རྟོག་རྣམ་བསལ་ཞིང། །ཀུན་ཏུ་སྣང་བ་འགྲོ་འགྱུར ་པ་ཀུན་ཏུ་བཟང་པོར་བདག་ཉིད་ནི། །བསྒོམས་པ་ཉིད་ཀྱིས་བྱང་ཆུབ་འཐོབ། །ཕྱག་རྒྱའི་ཆོ་ག་གང་དག་གིས། །བསྐལ་པ་གྲངས་མེད་བྱེ་བར་ཡང། །སངས་རྒྱས་ཐམས་ཅད་མི་འཐོབ་པ། །ཚེ་འདི་ཉིད་ལ་ཐོབ་པར་འགྱུར་ཞས་བཤད་པ་ལྟ་བུའོ། །ཀུན་ཏུ་བཟའ་? ་པོ་ཞེས་བྱ་བ་ནི་ཡིད་བཞིན་གྱི་ནོར་བུ་རིན་པོ་ཆེ་ལྟར་གདུལ་བྱ་རྣམས་ལ་ཐམས་ཅད་དུ་ཀུན་ཏུ་བཟང་པོའི་རང་བཞིན་སྟོན་པར་མཛད་ཅིང། རྣམ་པ་ཐམས་ཅད་མཁྱེན་པའི་ཡེ་ཤེས་ཐོབ་པར་མཛད་བ་ཞེས་བྱ་བའི་ཐ་ཚིག་གོ། །ད་ནི་སློབ་དཔོན་བདག་ཉིད་བླ ་མ་རྣམས་དང་རྗེས་སུ་མཐུན་པ་ཉིད་དུ་བསྟན་པར་བྱ་བའི་ཕྱིར། དྲི་མེད་བློ་ཡིས་ཞེས་བྱ་བ་ལ་སོགས་པ་སྨོས་ཏེ། དྲི་མ་མེད་ཅིང་དྲི་མ་དང་བྲལ་བའི་བློ་སྟེ། ཡེ་ཤེས་ཕུལ་དུ་བྱུང་བ་གང་ཡིན་པ་དེའི་འོད་ཟེར་དེ་སྣང་བར་བྱེད་པའི་མཚན་ཉིད་ཅན་འོད་དང་འདྲ ་བ་ཡིན་པས་ན་འོད་ཟེར་ཏེ། གདུལ་བྱའི་སྐྱེ་བོ་རྣམས་ཀྱི་བློའི་མུན་ནག་བསལ་བའི་དང་ཚུལ་ལོ། །དེ་རྣམས་ཀྱིས་རྣམ་པར་བསྟན་ཅིང་ཡང་དག་པར་བཀོད་དེ་བསམ་གཏན་འདི་དཔལ་གསང་བ་འདུས་པའི་རྒྱུད་ལས་བཏུས་པ་ཡོད་ལ། དེ་བས་ན་བདག ་འདྲ་བའི་བློ་གྲོས་ཆུང་དུའི་གོ་སྐབས་ག་ལ་ཡོད་དེ་འཇུག་པའི་རྒྱུ་ཅི་ཞིག་ཡོད། དེ་མོད་ཀྱི་གང་བླ་མ་དམ་པ་ཞེས་བྱ་བ་སློབ་དཔོན་གྱི་གཞུང་བདག་གིས་བཟུང་ཞིང་བླངས་པའི་མན་ངག་གི་མཚན་ཉིད་དེ། འདི་ལྟ་བུའི་གཞུང་དུ་སྦྱར་བའི་ཆོ་ག་མེད་པས ་དང་པོ་སྟེ་ཐོག་མ་མེད་པ་ཉིད་དུ་ལས་དང་པོ་པ་བློ་གྲོས་ཆུང་བ་རྣམས་ཀྱི་འཆིང་བ་ནི་ཚིག་ཏུ་སྦྱར་བའི་རིམ་གྱིས་ལེགས་པར་སྦྱར་བ་མེད་པར་ལྷོང་པར་མི་འགྱུར་བའི་ཕྱིར། དེ་ལྷོད་ཅིང་དེངས་པ་དང་ཟད་པར་འགྱུར་བ་ཡིན་པས། རྒྱུ་དེས་ན་འདི ་ལ་ཤིན་ཏུ་འབད་པ་ཡིན་ཏེ། དཔལ་གསང་བ་འདུས་པའི་བསྒོམ་པའི་ཉེ་བར་སྦྱར་བ་རྩོམ་པའི་འབད་ཅིང་ཉོན་མོངས་པ་ནི་འདི་ལ་འབད་ཅིང་བསླབ་པར་བྱ་བའི་ཕྱིར་རོ། །རང་དང་གཞན་གྱི་དོན་དུ་ཁོ་བོས་བྱས་སོ་ཞེས་བྱ་བའི་ཐ་ཚིག་གོ། །ད་ནི་བྱང་ཆུབ་སེམས ་དཔའ་ཨི་བརྟུལ་ཞུགས་དགེ་བའི་རྩ་པ་ཡོངས་སུ་བསྔོ་བ་བསྟན་པར་བྱ་བའི་ཕྱིར། དེ་ལྟར་ཞེས་བྱ་བ་ལ་སོགས་པ་སྨོས་ཏེ། དེ་ལྟར་དཔལ་གསང་བ་འདུས་པའི་རྒྱུད་ཀྱི་རྗེས་སུ་འབྲངས་བ་འདིས་ཀུན་ཏུ་བཟང་པོའི་སྒྲུབ་པའི་ཐབས་རྣམ་པར ་བཀོད་ཅིང་བྱས་པ་ལས་ལེགས་པར་བྱུང་ཞིང་ཡང་དག་པར་ཉེ་བར་བསགས་པའི་དགེ་བ་སྟེ། བསོད་ནམས་དྲི་མ་མེད་པ་གང་ཡིན་པ་དེས་འགྲོ་བ་སེམས་ཅན་ཐམས་ཅད་ཀྱི་ཡིད་དེ་སེམས། སངས་རྒྱས་ཀྱི་ཡེ་ཤེས་ཀྱི་མགོན་དང་བཅས ་པར་གྱུར་པ་སྟེ། སངས་རྒྱས་རྣམས་ཀྱི་ཡེ་ཤེས་ཀྱི་དེ་བཞིན་ཉིད་དང། ཆོས་ཀྱི་དབྱིངས་དང། དོན་དམ་པའི་ངོ་བོ་ཉིད་རྣམ་བ་ཐམས་ཅད་མཁྱེན་པའི་ཡེ་ཤེས་ཀྱི་མཚན་ཉིད་ཅན་རྣམ་པར་དག་པའི་ཡེ་ཤེས་གང་ཡིན་པ་དེའི་མགོན་དང་བཅས་ཤིང་དེ་ལ ་གཞོལ་བ་སྟེ། དེའི་མཐར་ཐུག་བས་ད་ལྟ་རྟག་ཏུ་སྟེ། དུས་ཐམས་ཅད་དུ་དེ་བསྒོམ་པ་ལ་མངོན་པར་དགའ་བར་ཤོག་ཅིག་པའོ། །དེ་ཡང་ཡེ་ཤེས་འདི་ཀུན་ཏུ་བཟང་པོའི་སྒྲུབ་པའི་ཐབས་སུ་ཉེ་བར་སྦྱར་བའི་མཚན་ཉིད་ཅན་གྱིས་སྲིད་པའི་རྩེ་མོའི་མཐར ་ཐུག་པའི་པར་གྱི་འགྲོ་པ་རྣམས་བདག་དང་གཞན་གྱི་དོན་གྱི་ཕྱིར་དང། ཕན་པ་དང་བདེ་བའི་ཕྱིར་ཡང་དག་པར་རྫོགས་པའི་བྱང་ཆུབ་བླ་མའི་དྲིན་གྱིས་རྟོགས་ནས་དུས་ཐམས་ཅད་དུ་ལྷག་པར་མོས་པ་དང། དེ་ཁོ་ན་ཉིད་ཡིད་ལ་བྱེད་པ་གཉིས་ཀྱིས ་བསྒོམ་པར་གྱུར་ཅིག་ཅེས་བྱ་བའི་དོན་ཏོ། །སངས་རྒྱས་ཡེ་ཤེས་ཞལ་སྔ་ཡི། །འཇམ་པའི་རྡོ་རྗེ་བསྒོམ་པའི་རིམ། །རྣམ་པར་བཀྲོལ་ལས་བདག་གིས་ནི། །དགེ་བ་དྲི་མེད་གང་ཐོབ་པ། །དེས་འདིར་རྟག་ཏུ་སེམས་ཅན་ཀུན། །འཇམ་པའི་རྡོ་རྗེ་བཀའ་དྲིན་གྱིས། ། ་ཤེས་རབ་ཐབས་བདག་ཡིད་ཀྱིས་ནི། །འཇམ་པའི་རྡོ་རྗེ་དང་མཉམ་ཤོག། དཔལ་ལྡན་ཡོན་ཏན་འབྱུང་གནས་བཟང། །འཕགས་པའི་སློབ་མ་བཙུན་པ་ནི། །དཔལ་འབྲས་རྡོ་རྗེ་ཞེས་བྱ་བས། །འགྲེལ་པ་རབ་ཏུ་གསལ་བ་བྱས། །ཀུན་ཏུ་བཟང་པོའི ་སྒྲུབ་པའི་ཐབས་ཀྱི་འགྲེལ་བ་བྱང་ཕྱོགས་ཀྱི་དགེ་སློང་ཡོན་ཏན་འབྱུང་གནས་བཟང་པོའི་སློབ་མ་ཤྲཱི་ཕ་ལ་བཛྲས་མཛད་པ་རྫོགས་སོ།། །།རྒྱ་གར་གྱི་མཁན་པོ་བཱིརྱ་བྷ་དྲ་དང། བི་བྷ་ཀ་ར་དང། སྒྲ་བསྒྱུར་བའི་ལོ་ཙ་བ་དགེ་སློང་རིན་ཆེན་བཟང ་པོས་བསྒྱུར་ཅིང་ཞུས་པའོ།། །།*། (།དཔལ་ཀུན་ཏུ་བཟང་པོ་ཞེས་བྱ་པའི་སྒྲུབ་ཐབས་ཀྱི་འགྲལ་པ་སློབ་དཔོན་ནམ་མཁས་པ་ཆེན་པོ་ཐ་ག་ནའི་ཞལ་སྔ་ནས་མཛད་པ་བཞུགས་སོ།།)་།*། །རྒྱ་གར་སྐད་དུ། ཤྲཱི་ས་མནྟ་བྷ་དྲི་སཱ ་