Wylie

e-texts based on the ACIP/ALL Input

བསྒྱུར་གྱི་ལོ་ཙཱ?་བ་ཆེན་པོ་དནདེ་པ་ཙབ་ཉི་མ་གྲགས་ཀྱིས་བསྒྱུར་བའོ།། །། *། །རྒྱ་གར་སྐད་དུ། ཀརྨ་ཨནྟ་བི་བྷངྒ་ནཱ་མ། བོད་སྐད་དུ། ལས་ཀྱི་མཛའ་རྣམ་པར་འབྱེད་པ་ཞེས་བྱ་བ་དཔལ་རྡོ་རྗེ ་སེམས་པ་ལ་ཕྱག་འཚལ་ལོ། །ཐོག་མ་དབུས་མཛའ་སྤངས་པ་ཡིས། །སྟོང་པ་བཞི་ལ་ཕྱག་འཚལ་ནས། །ཐམས་ཅད་དག་ཅིང་རྣམ་པར་དག་པའི། །རིམ་པའི་དབྱེ་བ་ངེས་སྦྱར་བྱ། །ཡེ་ཤེས་རྣམ་གསུམ་ལས་བྱུང་པ། ། ་ཁམས་བཞི་དང་ནི་དབང་པོ་དྲུག་།ཕུང་པོ་ལྔ་དང་སྒོ་དགུ་དང། །འགྲོ་བ་གསུམ་པོ་ཕལ་ཆེར་ནི། །སྐྱེ་གནས་རྣམ་པ་བཞི་ཡིན་ཏེ། །སྒོང་སྐྱེས་དང་ནི་མངལ་སྐྱེས་དང། །དྲོད་གཤེར་སྐྱེས་ནི་གསུམ་པ་ཡིན། །བཞི་པ་ཡང་ནི་རྫུས་སྐྱེས་སོ། །ཐོག་མེད་སངས ་རྒྱས་ཀྱིས་གསུངས་པ། །རྣམ་ཤེས་གསུམ་པོ་བསྒོམས་པས་ནི། །དུས་གསུམ་དུ་ནི་སྤྱད་པའི་ལས། །རྣམ་ཤེས་གསུམ་གྱི་རྒྱུ་ཅན་ནོ། །ཡེ་ཤེས་གསུམ་པོ་ཞེས་བརྗོད་པ། །དེ་ཡང་དང་པོ་ཙམ་ཉིད་དེ། །དང་པོ་མ་རིག་ཤེས་པར་བྱ། །གཉིས་པ། ་དེ་བཞིན་སེམས་ལས་བྱུང། །གསུམ་པ་སེམས་ཞེས་བྱ་འདི་རྣམས། །སྟོང་ཉིད་གསུམ་དུ་བརྗོད་པ་ཡིན། །སྟོང་ཉིད་གསུམ་ལས་བྱུང་བའི་རླུང། །དེ་ཉིད་དང་ནི་ཀུན་ཏུ་གནས། །དེ་ཡི་བཞོན་པ་ཉིད་འགྱུར་ཏེ། །བདག་ཉིད་ཀྱང་ནི་སྟོང་པའི ་ཕྱིར། །རྣམ་ཤེས་ལས་ནི་རླུང་འབྱུང་སྟེ། །དེ་ལས་མེ་ནི་ཡང་དག་འབྱུང། །དེ་ལས་ཆུ་ནི་འབྱུང་བར་འགྱུར། །དེ་ལས་ཡང་ནི་ས་འབྱུང་ངོ། །དེ་རྣམས་ལས་ནི་ཕུང་པོ་འབྱུང། །དེ་ལས་ཡང་ནི་སྐྱེ་མཆེད་འབྱུང། །དེ་ལས་ཡེ་ཤེས་རང་བཞིན ་རྣམས། །བརྒྱ་ནི་དྲུག་ཅུ་དང་བཅས་སླར། །སྐད་ཅིག་འདོད་ཆགས་པྲལ་དང་འཇིགས། །ལ་ལར་མྱ་ངན་ཞི་བ་ཉིད། །ལ་ལར་བྱམས་དང་སྙིང་རྗེ་དང། །སོ་སོར་རྟོག་དང་ཡིད་གང་དང། །ལ་ལར་སྲེད་པ་རྣམ་རྟོག་དང། །རིག་བྱ་རིག་དང་ངོ་ཚ་ཤེས ་ངལ་དང་མི་དགེ་རང་བཞིན་མེད། །ཉེ་བར་ལེན་དང་སོགས་པ་དང། །ལ་ལར་བཀྲེས་སྐོམ་སེར་སྣ་དང། །ལ་ལར་དོགས་དང་ཚེར་བ་སྟེ། །སེམས་ཀྱི་རང་བཞིན་འདི་རྣམས་ནི། །སྣང་བའི་ཡེ་ཤེས་རྒྱུ་ཅན་ནོ། །སྐད་ཅིག་འདོད་ཆགས་དེ་བཞིན ་དགའ་། །ལ་ལར་གདུག་པ་ནུས་པ་དང། །ལ་ལར་ང་རྒྱལ་དེ་བཞིན་སྒྲོ། །ལ་ལར་རངས་པ་བཙན་ཐབས་འགར། །ལ་ལར་བརྟན་དང་སྟོབས་ཅན་ཉིད། །ལ་ལར་ངག་ནི་གསལ་བར་འགྱུར། །ལ་ལར་བདེན་དང་མི་བདེན་དང། །ལ་ལར་སྤེ?་བྱེས?་བྱེད? ་པོ་ཡང། །ལ་ལར་དཔའ་པོ་བརྩོན་འགྲུས་དང། །ངོ་ཚ་མེད་དང་བསྐུལ་པ་འགར། །འགར་ཡང་ངོ་མཚར་དྲག་པོ་དང། །ཞེ་འགྲས་སྦྱིན་པ་པོ་ཉིད་དང། །མི་སྲུན་པ་ཉིད་གྱ་གྱུ་ཉིད། །རྣམས་བར་སྐྲེག་པ་འང་སེམས་ལས་བྱུང། །བརྗེད་ངས་པོ་དང་ལ་ལར ་འཁྲུལ། །ལ་ལར་རྣམ་པར་གཡེང་བ་ཉིད། །ལེ་ལོ་ཉིད་ངང་ལ་ལར་ངལ། །ལ་ལར་མི་སྨྲའི་དངོས་པོར་འགྱུར། །ལ་ལར་ཐེ་ཚོམ་ཉིད་ཤེས་བྱ། །མ་རིག་པ་ཡི་དུས་སུ་འབྱུང། །ཡེ་ཤེས་རང་བཞིན་འདི་རྣམས་ནི། །ལྔ་བཅུ་རྩ་བཞི་ངག་ཏུ་བཤད ་མཚན་མོ་ཉིན་མོའི་དབྱེ་བ་ཡིས། །ཡང་ནས་ཡང་དུ་རབ་ཏུ་འཇུག་།བཞི་རྣམས་སོ་སོའི་དོར་སོན་པ། །དེ་བཞིན་ཕུང་པོ་དབང་པོ་ལའོ། །སྔོན་ནི་ཇི་ལྟར་འོངས་པ་བཞིན། །རིམ་པ་འདི་ཡིས་ཐིམ་འགྱུར་ཏེ། །དང་པོ་ས་ནི་ཆུ་ལ་འཇུག། ཆུ་ནི་སེལ་ཐིམ?་འགྱུར་ཞིང། །མེ ་ནི་རླུང་ལ་ཐིམ་པར་འགྱུར། །རླུང་ནི་རྣམ་པར་ཤེས་ལ་འཇུག་།རྣམ་ཤེས་འཛིན་པར་གཤེགས་ནས་སུ། །འོད་གསལ་བར་ནི་དེ་ནས་ཞུགས། །དེ་ལས་དྲི་ཟ་ཉིད་གྱུར་ནས། །ལས་ཀྱིས་བསྐུལ་པས་སྐྱེ་བར་འགྱུར། །དེ་ལྟར་སྐྱེ་བ་སྟོང་རྣམས་སུ། །སྐྱེས་ཤིང ་སྐྱེས་ནས་ཡང་དང་ཡང། །རང་བཞིན་བསྐོར་ཞིང་ཀུན་ཏུ་འཁྲུལ། །རྟོག་གེ་རྣམས་ཀྱི་ཡུལ་མིན་པ། །སྣང་བ་ཡོངས་སུ་ཤེས་པ་ནི། །འགྲོ་བས་མ་རྙེད་པར་དུའོ། །སྣང་བ་རྙེད་པ་དག་ཀྱང་ནི། །སླར་ཡང་རྙེད་པ་ཤིན་ཏུ་དཀའ་། །རྡུལ་དང་མུན་པ་སྙིང་སྟོབས ་ཤེས། །འདི་ནི་གཞན་གྱིས་ཀུན་ཏུ་བརྟགས། །སྣང་བ་གསུམ་པོ་འདི་ཉིད་ཀྱི། །རང་བཞིན་ཤེས་པ་སྤངས་པའི་ཕྱིར། །སྲིད་དང་མྱ་ངན་འདས་པའི་རྒྱུ། །ཡེ་ཤེས་གསུམ་པོ་འདི་རུ་བཞེད། །སྣང་བའི་རང་བཞིན་གང་དུ་གནས། །དེ་རུ་སྡིག་དང་བསོད ་ནམས་དག། སྣང་བ་གསུམ་པོ་དག་པ་ནི། །ངེས་པར་བདེ་བར་གཤེགས་པའི་གནས། །ཚངས་པ་ཁྱབ་འཇུག་དྲག་པོ་དང། །གང་གཞན་སེར་སྐྱ་ལ་སོགས་རྣམས། །རང་བཞིན་སྣང་པ་ཀུན་ཏུ་རྨོངས། །རྣམ་དགལ?་ཡང་?་བཤུན?་དུ། ། ་བསྐལ་པ་མཛའ་ཡས་རྣམས་སུ་ཡང། །མགོ་དང་རིན་ཆེན་སོགས་སྦྱིན་པས། །སྣང་བ་རྣམ་པར་མ་དག་ན། །བྱང་ཆུབ་འབྲས་བུ་ཐོབ་མི་འགྱུར། །མཛའ་ཡས་བསྐལ་པ་རྣམས་སུ་ཡང། །དེ་བཞིན་ཚུལ་ཁྲིམས་བཟོད་སོགས་ཀྱིས། །སྣང་བ་རྣམ་པར་མ ་དག་ན། །བྱང་ཆུབ་འབྲས་བུ་ཐོབ་མི་འགྱུར། །མཛའ་ཡས་བསྐལ་པ་རྣམས་སུ་ཡང། །སྔགས་ཀྱི་སྐུ་ཡི་ཏིང་འཛིན་གྱིS། །སྣང་བ་རྣཾ་པར་མ་དག་ན། །བྱང་ཆུབ་འབྲས་བུ་ཐོབ་མི་འགྱུར། །སྣང་བ་གསུམ་པོ་དག་པ་ནི། །ཐམས་ཅད་མཁྱེན་ཉིད་ཐེ་ཚོམ་མེད། །བླ་མ ་བརྒྱུད་པའི་རིམ་ཉིད་ཀྱིས། །དེ་ནི་ཐོབ་འགྱུར་གཞན་གྱིས་མིན། །སྤྲིན་ནི་འབྲུག་སྒྲའི་རྣམ་པ་དང་ལྡན་ནམ། །ནམ་མཁའ་ཨི་ཁོངས་ནས་ཀུན་ཏུ་འབྱུང་བ་རྣམས། །ཕྱོགས་བཅུ་བསྐོར་ནས་གནས་ཤིང་དེ་ཉིད་དུ། །སླར་ཡང་ཡལ་བར་མཐོང་པ་ཇི ་ལྟ་བ། །དེ་ལྟར་རྣམ་ཤེས་རྣམས་ནི་འོད་གསལ་གནས་ལས་འཐོན་ཞིང་སླར་ཡང་ཞིག་གྱུར་ནས། །རང་བཞིན་རྣམ་པ་སྣ་ཚོགས་རྣམས་སུ་གནས་ཤིང་དེ་ཉིད་ཡལ་བར་འགྱུར། །ལས་ཀྱི་མཛའ་རྣམ་པར་འབྱེད་པ་ཤེས་བྱ་བ་རྗེ་བཙུན ་འཕགས་པ་ཀླུའི་བློའི་ཞབས་ཀྱིས་མཛད་པ་རྫོགས་སོ།། །།རྒྱ་གར་གྱི་མཁན་པོ་བླ་མ་རྗེ་བཙུན་མ་ཎི་ཀ་ཤྲཱི་ཛྙཱ་ན་དང། །བླ་མ་རྗེ་བཙུན་ཆེན་པོ་རེ་པེནྟྲའི་ཞལ་སྔ་ནས་གུས་པར་མཉན་ནས་ཆགས་ལོ ་ཙཱ་བ་ཤཱཀྱའི་དགེ་སློང་ཆོས་རྗེ་དཔལ་གྱིས་བསྒྱུར་ཅིང་ཞུས་ཏེ་གཏན་ལ་ཕབ་པའོ།། །།རྒྱ་གར་སྐད་དུ། ཀྲ་མ་ཨནྟ་ར་བྷཱ་བ་ཨུ་པ་དེ་ཤ་ནཱ་མ་པྲ་ཀ་ར་ཎཾ། བོད་སྐད་དུ། རིམ་པ་ཁོངས་སུ་བསྡུ་བའི་མན་ངག ་