Wylie

e-texts based on the ACIP/ALL Input

ཨཱ་ཙརྱ་ཛྙཱ་ནཱ་ཀ་ར་དང། ལོ་ཙཱ་བ་ཚུལ་ཁྲིམས་རྒྱལ་བས་བསྒྱུར་བ།། །།བདག་འབྱིན་གྱིས་བརླབ་པའི་རིམ་པ་དང་མངོན་པར་བྱང་ཆུབ་པའི་རིམ་པའི་མན་ངག་འཕགས་པ་ལྷའི་ཞལ་སྔ་ནས་མཛད་པའོ། ། *། །རྒྱ་གར་སྐད་དུ། སྭ?་ཨ་དྷིཥྛ་ན?་ཀྲ་མ་པྲ་བྷེ་དཾ། བོད་སྐད ་དུ། བདག་བྱིན་གྱིས་བརླབ་པའི་རིམ་པ་རྣམ་པར་དབྱེ་བ། །དཔལ་རྡོ་རྗེ་སེམས་དཔའ་ལ་ཕྱག་འཚལ་ལོ། །ལྟ་བ་ཐམས་ཅད་རབ་བཅོམ་པའི། །ཡེ་ཤེས་སྐུ་ལ་ཕྱག་འཚལ་ལོ། །བདག་བྱིན་བརླབ་པའི་རྣམ་དབྱེ་འདི། །བརྩེ་བས་བདག་གིས ་བཤད་པར་བྱ། །ཡོད་ཅེས་རྟོག་པ་ཇི་སྙེད་པ། །དེ་སྙེད་རྟག་པའི་ལྟ་བ་སྟེ། །རྟག་པར་མངོན་པར་ཞེན་པས་ན། །འདི་ནི་སྒྱུ་མའི་མཚན་ཉིད་མིན། །མེད་ཅེས་རྟོག་པ་ཇི་སྙེད་པ། །དེ་སྙེད་ཆད་པའི་ལྟ་བ་སྟེ། །ཆད་པར་མངོན་པར་ཞེན་པས་ན། །འདི ་ཡང་སྒྱུ་མའི་མཚན་ཉིད་མིན། །ཡོད་ཅེས་པ་དང་མེད་ཅེས་པའི། །དེ་དབུས་སུ་གང་རྟོག་པ་ནི། །དབུས་སུ་མངོན་པར་ཞེན་པས་ན། །འདི་ཡང་སྒྱུ་མའི་མཚན་ཉིད་མིན། །ཀུན་རྫོབ་བདེན་པར་གང་གསུངས་པའི། །སངས་རྒྱས་རྣམས་ཀྱི་སྐུ་མཚན ་ཉིད། །དེ་འདིར་སྒྱུ་མར་བསྟན་པ་སྟེ། །བདག་བྱིན་བརླབ་པ་ཞེས་བརྗོད་དོ། །རྒྱུ་དང་མི་རྒྱུའི་འཇིག་རྟེན་གསུམ། །གང་ཞིག་གིས་ནི་ཐམས་ཅད་ཁྱབ། །བསོད་ནམས་དམན་པས་མི་རྙེད་དེ། །ལུང་བསྟན་ཉིད་ཀྱིས་རྙེད་པར་འགྱུར། །གཙང ་སྤྲ་པ་སྡམས་པ་འདིར་མི་དགོས། །དཀའ་ཐུབ་དཀའ་སྤྱོད་མི་དགོས་ཏེ། ཨུ།དཀའ་ཐུབ་སྡོམ་པ་མེད་པར་ཡང། །དག་དང་བདེ་བས་འགྲུབ་བར་འགྱུར། །གང་ཞིག་དེ་ལྟར་ཤེས་ནས་ནི། །དེ་ཉིད་གང་ཞིག་རྟག་དྲན་ན། །ཐམས་ཅད་སྒྱུ་མའི་རྣམ། ་འཕྲུལ་གྱིས། །དེ་ཡིས་སངས་རྒྱས་འགྲུབ་བར་འགྱུར། །སྒྱུ་མས་གནས་པའི་རྣལ་འབྱོར་?་པ། །འདི་ལ་ལྟས་ཀྱང་རྟག་ཏུ་སྐྱོང། །སྒྱུ་མ་ལྟ་བུའི་ཏིང་འཛིན་གྱིས། །ཐམས་ཅད་མཁྱེན་བར་དེ་ནས་འགྱུར། །རྡོ་རྗེ་ཆེ ་དང་སྟོབས་པོ་ཆེ། །ལང་ཚོ་ནང་མེད་བདེ་བའི་མཆོག་།སངས་རྒྱས་རྫུ་འཕྲུལ་ཐོབ་ནས་ནི། །སྐྱེ་བ་འབྱུང་བ་རང་དགས་སོ། །མཐོང་བ་ཉིད་ཀྱིས་བསྐུལ་མེད་པ། །སེམས་ཅན་རྣམས་ནི་དབང་དུ་འོང། །སྒྱུ་མ་ལྟ་བུའི་ཏིང་འཛིན་གྱིས། ། ་འདོད་དོན་ཐམས་ཅད་རྙེད་པར་འགྱུར། །ཆོས་ཀུན་རྨི་ལམ་སྒྱུ་འདྲ་སྟེ། །སངས་རྒྱས་པ་ཀུན་སྨྲ་མོད་ཀྱི། །བདག་བྱིན་བརླབ་ལས་ཕྱིར་བལྟས་པས། །དེས་ན་བདེན་པ་མཐོང་མི་ནུས། །གཞུ་ཡི་རྣམ་པའི་ཡིད་རང་བཞིན། །རྣམ་ཤེས་རླུང ་དང་ཡང་དག་ལྡན། །སྒྱུ་མའི་དཔེ་ལ་རྨོངས་པས་ནི། །རང་གི་ཡེ་ཤེས་དེས་མི་མཐོང། །བསྐལ་བ་བྱེ་བ་མཛའ་ཡས་པར། །ཐོས་པའི་ཕ་རོལ་སོན་གྱུར་ཀྱང། །བླ་མའི་ལུང་དང་བྲལ་བ་ཡིས། །བདག་བྱིན་བརླབ་པ་རྙེད་མི ་འགྱུར། །དེ་བས་ང་རྒྱལ་ཡོངས་སྤངས་ནས། །སངས་རྒྱས་འབྲས་བུ་འདོད་པ་ཡིས། །རྡོ་རྗེ་ཐེག་པ་ཞོན་པ་ཡིས། །བླ་མ་བསྒྲིམས་ཏེ་མཉེས་པར་བྱ། །ཤིན་ཏུ་རྙེད་དཀའ་ཨི་རིམ་དབྱེ་བས། །འདི་ནི་རབ་ཏུ་བཤད་པར་བྱ། །གང་ཞིག་ཤེས ་ནས་རྣམ་སྤྱད་པ། །སྒྲུབ་པོ་སངས་རྒྱས་ཀུན་དངོས་འགྱུར། །ས་ལ་སོགས་པ་རྣམ་བཞི་དང། །དེ་བཞིན་དུ་ནི་སྟོང་པ་བཞི། །གནས་ནི་རྣམ་པ་བརྒྱད་པོ་དང། །སྐྱེ་དང་འཇིག་པའི་རྒྱུར་ཤེས་བྱ། །འོད་གསལ་ལས་ནི་སྟོང་ཆེན་ཏེ། །དེ ་ལས་ཐབས་ནི་ཡང་དག་འབྱུང། །དེ་ལས་སྐྱེས་པ་ཤེས་རབ་སྟེ། །དེ་ལས་རླུང་ནི་འབྱུང་བར་འགྱུར། །རླུང་ལས་མེ་ནི་ཡང་དག་སྐྱེས། །མེ་ལས་ཆུ་ནི་འབྱུང་བར་འགྱུར། །ཆུ་ལས་སྐྱེས་པས་ཡིན་ཏེ། །དེ་རྣམས་ལ་ནི་སེམས་ཅན་འབྱུང། ། ་ས་ནི་ཆུ་ལ་ཐིམ་འགྱུར་ཏེ། །ཆུ་ནི་མེ་ལ་ཐིམ་པར་འགྱུར། །མེ་ནི་ཕྲ་བའི་ཁམས་སུ་ཞུགས། །རླུང་ཡང་སེམས་ལ་ཐིམ་འགྱུར་ཏེ། །སེམས་ནི་སེམས་ལས་བྱུང་ལས་འགྱུར། །སེམས་ལས་བྱུང་མ་རིག་པར་ཞུགས་ནས། །དེ་ཡང་འོད་གསལ་བར་སོད ་སྟེ། །སྲིད་པ་གསུམ་པོ་འགག་པར་འགྱུར། །སྒྱུ་མ་ལྟ་བུའི་ཏིང་འཛིན་གྱིས། །ཇི་སྲིད་བདག་ཉིད་མ་མཐོང་བ། །དེ་སྲིད་ཐོག་མའི་དུས་ཅན་གྱི། །སྲིད་པའི་འཁོར་ལོར་འཇུག་པར་འགྱུར། །རང་རིག་སྒྱུ་མ་ལྟ་བུ་སྟེ། །རྟོག་གེལ་ཡི་ཡུལ་མིན ་ནིང། །རང་གི་ལུས་ལ་གནས་མོད་ཀྱི། །བསོད་ནམས་དམན་པས་རྙེད་མི་འགྱུར། །རང་ལུས་འགྱུར་བ་མེད་པ་དེ། །མཆོག་གཅིག་གིས་ནི་ཤེས་བྱས་ཏེ། །དེ་ནི་དཔེ་ཡིས་ཉེར་མཚོན་ནས། །བླ་མའི་ཞལ?་གྱི་དྲིན་གྱིས་སོ། །ས་དང་དེ་བཞིན་ཆུ ་ལ་སོགས། །གཏེར་དང་ནོར་བུ་སྦས་པ་ལྟར། །དེ་བཞིན་ལུས་ལ་ཀུན་མཁྱེན་པའང། །རྨོངས་དང་ལྡན་པས་མཐོང་མི་འགྱུར། །སྒྱུ་མ་སྨིག་རྒྱུ་དྲི་ཟ་ཡི། །གྲོང་ཁྱེར་དང་ནི་བརྒྱ་བྱིན་གཞུ། །མེ་ལོང་གི་ནི་གཟུགས་བརྙན་དང། །ཆུ་ཟླ ་དང་ནི་བྲག་ཅ་དང། །རྨི་ལམ་མིག་ཡོར་སྒྲིན་དང་གློག་།ཆུ་ཡི་ཆུ་བུར་ཞེས་བྱ་བ། །སྒྱུ་མའི་དཔེ་ནི་བཅུ་དང་གཉིས། །རྣམ་པ་དུ་མར་ཡོངས་མཚོན་པ། །དེ་འདི་ཤིན་ཏུ་གསལ་བའི་གཟུགས། །ལྟ་བའི་གཟུགས་ལ་དམིགས་པར་བྱེད། །སྒྱུ་མ ་གསུམ་དུ་བསྟན་པ་ཡིས། །ནན་ཏན་དུ་ནི་རབ་ཏུ་བསྒྲགས། །མེ་ལང་གི་ནི་གཟུགས་བརྙན་དང། །འཇའ་ཚོན་དང་ནི་དེ་ལས་གཞན། །གསུམ་པ་ཆུ་ཟླ་ལྟ་བུ་ཡིས། །དེ་ཡི་སྐུ་ནི་བསྒོམ་པར་བྱ། །སྤྱོད་པ་བསྡུས་ལས་གང་བསྟན་པའི། ། ་རིགས་ལྔའི་སངས་རྒྱས་བདག་ཉིད་ཆེ། །ལྷ་དང་ལྷ་མོ་ཐ་དད་པ། །རིགས་ལྔ་ལས་ནི་ཡང་དག་འབྱུང། །ཁྲོ་བོ་ཕོ་ཉ་ཕོ་ཉ་མོ། །བྲན་ཕོ་བྲན་མོ་མདག་པ་སོགས། །དེ་ནི་ཡོད་མིན་དེ་མེད་ཀྱང། །འགྲོ་བའི་དོན་ཕྱིར་རབ་ཏུ་བསྟན། །དེ་ལྟར ་རྣལ་འབྱོར་བདག་ཉིད་ཀྱིས། །ཐམས་ཅད་སྤྲོ་ཞིང་བསྡུས་པས་ཏེ། །དཀྱིལ་འཁོར་ཚུལ་ནི་རབ་རྒྱས་པའང། །སྒྱུ་མ་ལྟ་བུའི་ཏིང་འཛིན་གནས། །རྣམ་པ་སྣ་ཚོགས་ཁ་དོག་ཀྱང། །སྒྱུ་མ་ལྟ་བུར་རབ་ཏུ་? ་མྱ་ངན་འཇིགས་དང་ཆགས་བྲལ་དང། །སྐྲག་དང་དེ་བཞིན་རྨོངས་པ་དང། །སྡུག་བསྔལ་བ་དེ་ཡོད་མིན་པས། །དེ་བཞིན་མི་སྡུག་མཐོང་ཐོས་དང། །ཡིད་དུ་མི་འོང་དྲི་རོ་དང། །རེག་བྱ་རྩུབ་སོགས་གང་གྱུར་པ། །ཚུལ་དང་མི་མཐུན་རང?་བཞིན ་རྣམས། །སྒྱུ་མ་ལྟ་བུས་དག་པར་བྱ། །བཤད་དང་གཅི་སོགས་འཇུག་པ་དང། །གྲངས་དང་རིམས་སོགས་ནད་དང་ནི། །རྒས་ལས་སོགས་པའི་རང་བཞིན་རྣམས། །དེ་རྣམས་སྒྱུ་མའི་སྨན་གྱི་གསོ། །ཆོས་གང་གིས་ནི་བྱིས་པ་རྣམས།། ་འཁོར་བའི་གནས་སུ་འཇུག་འགྱུར་བ། །ཆོས་ཉིད་ཀྱིས་ནི་རྣལ་འབྱོར་པ། །བདེ་པ་ཆེན་པོའི་གནས་ལ་འབྲུག་།འདོད་ཡོན་ལྔ་ཡི་བདེ་བ་ཡིས། །བྱིས་པ་རྣམས་ནི་འཚིང?་རྗོད་དེ། །ཆོས་དེ་ཉིད་ཀྱི་རྣལ་འབྱོར་པ། །སངས་རྒྱས་ཉིད་ཀྱང་འགྲུབ་པར ་འགྱུར། །ཆགས་དང་རྒྱགས་དང་སྲེད་པ་དང། །དེ་བཞིན་བྱམས་དང་སྙིང་རྗེ་དང། །དགའ་དང་བཏང་སྙོམས་ཉིད་དང་ནི། །སྟོབས་དང་དེ་བཞིན་སྤྲོ་བ་དང། །དཔའ་དང་མི་སུན་འདུག་པ་དང། །དྲག་ཤུལ་དེ་བཞིན་དཀའ་བར་སྦྱོར། །སྣང་བའི་རང ་བཞིན་གཞན་དག་ཀྱང། །བདག་བྱིན་བརླབ་པའི་བདེན་པས་བསྡུ། །ཕྱག་རྒྱ་གཅིག་དང་ལྡན་པའམ། །ཡང་ན་ཕྱག་རྒྱ་བཞི་དང་ལྡན། །བཙུན་མོའི་འཁོར་ན་བཞུགས་པས་ཀྱང། །བདག་བྱིན་བརླབ་པ་རྗེས་དྲན་བྱ། །གཟུགས་དང ་སྒྲ་དང་དེ་བཞིན་དྲི། །རོ་དང་རེག་བྱ་སྡུག་པ་རྣམས། །བདེ་ཆེན་གོ་འཕངས་གནས་ནས་ཀྱང། །རྣལ་འབྱོར་པ་ཡི་རྟག་ཏུ་མྱང། །རྒྱུད་མངས་དང་ནི་རྒྱུད་གཅིག་དང། །སྟུག་པོ་དང་ནི་གླིང་བུ་ཉིད། །རོལ་མོ་རྣམ་བཞི་རྣལ་འབྱོར་པས། ། ་བདག་བྱིན་བརླབ་པས་རབ་ཏུ་འཇུག་།རྟག་ཏུ་སྒེག་ལ་སོགས་པ་ཡི། །གར་གྱི་རོ་དགུར་ཡང་དག་འབྱུང། །སྒྱུ་མ་ལྟ་བུའི་ཏིང་འཛིན་གྱིས། །རྣལ་འབྱོར་པའི་ལོངས་སྤྱོད་བྱ། །རྣལ་འབྱོར་རྒྱུད་ལས་གང་གསུངས་པའི། །བརྡ་སོགས་ཆོ་ག ་རྒྱས་པ་དག་།སྒྱུ་མ་ལྟ་བུར་དམིགས་པ་ཡིས། །རྣལ་འབྱོར་པས་ནི་དེ་ལ་འཇུག་།འབྱེད་པ་དང་ནི་འཛུམས་པ་དང། །རྒོད་དམ་དེ་བཞིན་སྨྲ་བ་དང། །འགྲོ་འོང་ཉལ་ལམ་ཟ་ན་ཡང། །སྒྱུ་མའི་ལུས་སུ་དྲན་པར་བྱ། །སྣ་ཚོགས་རྟོགས ་པས་རྟགས་པ་ཡི། །འགྲོ་བའི་བདག་པོས་རོལ་པ་གང། །འདོད་ཆགས་ཆེན་པོའི་ཚུལ་གནས་ནས། །དེ་ཉིད་རིག་པས་རྣམ་པྲ་དཔྱད། །ལྟ་བ་ཐམས་ཅད་སྤངས་པ་ཡི། །བདག་བྱིན་བརླབ་པེ་འདི་ཐོས་ནས། །ལས་རྣམས་ཐམས་ཅད་བྱ་བ ་འམ། །ཇི་ལྟར་འདོད་པ་བཞིན་དུ་རྒྱ། །མཆོད་བརྟེན་ལས་ནི་མི་བྱ་ཞིང། །གླེགས་བམ་ཀླག་པ་མི་བྱ་སྟེ། །བདག་བྱིན་བརླབ་པའི་རིམ་གྱིས་ཀྱང?། །བྱ་བ་དང་ནི་ཀླག་པའང་བྱ། །ལྷ་ལ་གདུད་པར་མི་བྱ་ཞིང། །དགེ་སློང་རྣམས་ལ་ཕྱག་མི ་བྱ། །བདག་བྱིན་བརླབ་པའི་རིམ་ཉིད་ཀྱིས། །ཡང་ན་ཀུན་ལ་ཕྱག་བྱའོ། །སྔགས་དགོད་པ་ནི་མི་བྱ་ཞིང། །ཕྱག་རྒྱ་འཆང་བའང་དེ་བཞིན་ནོ། །སྔགས་ཀྱི་བཟླས་བརྗོད་མི་བྱ་སྟེ། །ཡང་ན་གཟུགས་བརྙན་ལྡན་པར་བྱ། །ཕྱི་རོལ་དོན་ནི་ཡོད་མིན་། ་པས། །འདི་དག་རང་གི་སེམས་སུ་བལྟ། །དེ་བཞིན་སྒྱུ་མར་བསྒོམས་ནས་ནི། །དེ་ཉིད་ཀྱང་ནི་རྗེས་དྲན་བྱ། །བསམ་གཏན་ཆོ་ག་དཔག་མེད་དང། །སྔགས་ཀྱི་སྐུ་ཡི་ཏིང་འཛིན་རྣམས། །ཇི་སྲིད་སྒྱུ་མ་རྙེད་མེད་ན། །ཀུན་ཀྱང་ས་ཡི་འབྲས ་དོན་ཙམ། །ལུས་དང་གནས་དང་ལོངས་སྤྱོད་དང། །ས་དང་ཕ་རོལ་ཕྱིན་ལ་སོགས། །སངས་རྒྱས་རྫུ་འཕྲུལ་རྣམ་རོལ་པ། །ཐམས་ཅད་སྒྱུ་མའི་རྣམ་འཕྲུལ་ཡིན། །ཇི་ལྟར་མེ་ལོང་དྲི་མ་མེད་པ་ལ། །ཡན་ལག་ཀུན་དང་ལྡན་གཟུགས་སྣང ་བ་ལྟར། །དཔེ་བྱད་བརྒྱད་ཅུ་མཚན་ཆེན་སུམ་ཅུ་གཉིས། །དེ་བཞིན་རྟག་ཏུ་རྡོ་རྗེ་འཛིན་ལུས?་ཉིད། །མཁའ་དབྱིངས་དབང་པོའི་མཚོན་ཆ་ཁ་དོག་སྣང་བ་ལྟར། །དེ་བཞིན་རྡོ་རྗེ་འཛན་པའང་ཁ་དོག་དཀར་པོ་ལ ་སོགས་པས། །དགེ་སོགས་ལས་རྣམས་ཇི་བཞིན་དེ་བཞིན་དུ་ནི་འཇིག་རྟེན་ལ། །ཡན་ལག་མ་ཉམས་ཕུན་སུམ་ཚོགས་པའི་གཟུགས་ནི་སྟོན་པར་མཛད། །གང་ཞིག་གསེར་དངུལ་དང་ནི་ནོར་བུ་དུང་དང་ཤེལ་བྱུ་རུ། །བཻ་ཌཱུརྱ་དང་ཟངས? ་དང་སྟེང་སོགས་ཡང་དག་གནས། །ནམ་མཁའ་ཨི་ངོས་ནས་རི་བོང་ཅན་གྱི་གཟུགS?་ནི་གཅིག་ཤར་པས། །དེ་ལ་རྣམ་པར་འཇུག་པས་ཤིན་ཏུ་གསལ་བར་གང་བྱས་ལྟར། །རང་དངོས་སྣ་ཚོགས་གཟུགས་ཅན་ཟད་མི་གང། །འཇིག་རྟེན་ཀུན་ཁྱབ་སྒྱུ ་མའི་རང་བཞིན་ཉིད། །རྣམ་པ་སྣ་ཚོགས་འགྲོ་བའི་སྡེར་གནས་པའི། །སེམས་མགོན་རྡོ་རྗེ་དེ་ཡང་དེ་བཞིན་ནོ། །གཟུགས་སོགས་རྣམ་པ་ལྔ་དང་གང་ཡང་སྐྱེ་མཆེད་རྣམས་དེ་ནས། །བཅོ་བརྒྱད་ཞེས་བྱར་གསུངས་དང་ཁམས་ནི་རྣམ་པ་ལྔ ་དང་ཡང། །ཡེ་ཤེས་ལྔ་པོ་དང་ནི་ཡུལ་དེ་འགྲོ་བ་མ་ལུས་ཀུན། །སྒྱུ་མ་ལས་བྱུང་དེ་འདིར་རྡོ་རྗེ་འཛིན་དེ་གཞན་མ་ཡིན། །རི་རྣམས་དང་ནི་རྒྱ་མཚོ་ཆེན་པོ་བརྒྱད་གང་ཡིན། །གླིང་རྣམས་དང་ནི་དམྱལ་བ་ལ་སོགས་དབྱེ་བ་རྣམས། །རྒྱུ་བ་དང་ནི ་མི་རྒྱུ་བ་ཉིད་གང་ཡིན་པ། །དེ་དེའི་རང་བཞིན་རྡོ་རྗེ་འཛིན་ཏེ་གཞན་མིན་བ་ལྟ། །དེ་ལྟར་འགྲོ་བ་མ་ལུས་རང་གི་སེམས་ལས་བྱུང་བས་ཏེ། །སྲིད་དང་ཐར་པ་རྟོག་དང་ཡང་དག་ལྡན་པའི་རྣམ་པར་ཤེས། །གང་གིས་སྲིད་པའི་རྒྱ་མཚོ་སྡུག ་བསྔལ་རྒྱ་མཚོར་འཁོར་འགྱུར་ལས། །ལེགས་སྦྱངས་ཕ་རོལ་སོན་པའི་འབྲས་ལྡན་དེ་ལ་བསྟོད་ཕྱག་འཚལ། །སློབ་དཔོན་ཆེན་པོ་ཨཱརྱ་དེ་བས་མཛད་པའི་བདག་བྱིན་གྱིས་བརླབ་པའི་རིམ་པ་རྫོགས་ཤོ།། །། *། །རྒྱ་གར ་