Wylie

e-texts based on the ACIP/ALL Input

འཛིན། །གཉིས་པ་ཁ་ཊཝཱཾ་འཛིན་པའོ། །སྟག་གི་པགས་པས་སྨད་དཀྲིས་ཤིང། །དབུ་སྐྲ་ཨག་ཚོམ་སྨིན་མ་སེར། །སྤྱན་གསུམ་མཆེ་གཙིགས་འཇིགས་པར་བྱེད། །ཐོད་པ་རིན་ཆེན་སྦྲུལ་གྱིས་བརྒྱན། །སྣ་ཚོགས་པདྨ་ཉི་སྟེང ་དུ་ཊ?་དཔའ་བོའི་འདུག་སྟངས་ཀྱིས་གནས་པའོ། །དེ་ནས་རང་གི་ཐུགས་ཁ་ཡི། །ས་བོན་ལས་འཕྲོས་འོད་ཟེར་གྱིས། །ཡེ་ཤེས་སེམས་དཔའ་སྤྱན་དྲངས་ལ། །མཆོད་ལ་ཛ(རྒྱུད་འགྲེལ་པ་སྙིང་ག་རུ། །པདྨ་ཉི་མའི་གདན་སྟེང་དུ། །ཧཱུཾ་དང་ཨཱ(རྒྱུད་འགྲེལ་པར་བྱ། །སྐྱོན་གཏོར་མ་བྱིན་བརླབས་ཏེ། །རང་སྔགས་ཀྱིས་ནི་བསྔོ་བར་བྱའོ། །ལེགས་པར་མཆོད་ལ་དེ་ཉིད་ཀྱི། །རྐང་པ་བརྒྱད་པས་བསྟོད་པར་བྱ། །ཞི་རྒྱས་དབང་དང་མངོན་སྤྱོད་ཀྱི། །ལས་རྣམས་གང་ཡིན་དེ་བཅོལ་བྱ། །ཡེ་ཤེས་གཤེགས་ལ་དམ ་ཚིག་བསྡུ། །བློ་ལྡན་མཚན་མ་མ་བྱུང་གི། བར་དུ་འབད་དེ་བསྒྲུབ་པར་བྱ། །མཚན་མ་བྱུང་ནས་བླ་མ་ཡི། །མན་ངག་བཞིན་དུ་ལས་ལ་སྦྱར། །བླ་མའི་གསུང་གི་རྗེས་འབྲངས་ཏེ། །བདག་གི་ནག་པོ་བསྒྲུབ་པའི་ཐབས། །བྲིས་པའི་བསོད་ནམས ་ཐོབ་པ་དེས། །བགེགས་ཞི་ཐུབ་དབང་ཐོབ་པར་ཤོག། །དཔལ་ནག་པོ་ཆེན་པོ་བསྒྲུབ་པའི་ཐབས་འཕགས་པ་ཀླ་སྒྲུབ་ཀྱི་མཛད་པ་རྫོགས་སོ།། །།པཎྜི་ཏ་ཨ་བྷཡ་ཀར་དང། ལོ་ཙ་བ་ཅི་ཆེན་པོས་བསྒྱུར་བའོ།། །། ་རྒྱ་གར་སྐད་དུ། ཤྲཱི་མ་ཧཱ་ཀཱ་ལ་བི་ཏ་ར་སཱ་དྷ་ན་ནཱ་མ(རྒྱུད་འགྲེལ་པའི་རྫས་བཤམས་ཏེ། དང་པོ་བྱང་ཆུབ་སེམས་བསྐྱེད་ལ། །མདུན་དུ་སྐད་ཅིག་འདབ་བརྒྱད་སྟང། །དཔལ་ལྡན་ནག་པོ་ཆེན་པོ་ལ། །ལྷ་མོ་བརྒྱད་ཀྱིས་བསྐོར་བ་ཡང། །བྱ་རྒོད་མགོ་དང་ཁྱུང་གི་མགོ། །ཁྭ་ཡི་གདོང་དང་འུག་པའི་གདོང། དེ་བཞི་ཕྱོགས་ཀྱི་ལྷ ་སོ་སོར་ཕག་གི་གདོང་དང་ཁྱི་གདོང་མ། །སྤྱང་ཀི་སྟག་གི་གདོང་ཅན་བཞི། །མཚམས་ཀྱི་ལྷར་ནི་ཤེས་པར་བྱ། །ཀུན་ཀྱང་ནག་མོ་གྲི་ཐོད་ཐོགས། །པདྨ་རོ་དང་ཉི་སྟེང་ན། །ཞབས་གཉིས་བརྐྱང་བསྐུམ་ཚུལ་དུ་བཞུགས། །དེ་ལ་བདུན་པོ་རྣམ་དག་གིས། །མཆོད ་ལ་གསོལ་པ་བཏབ་བྱས་ལ། །རང་བཞིན་གོན་སུ་གཤེགས་སུ་གསོལ། །རང་ཉིད་ཡི་དཾ་གསལ་བའི་མདུན། །སྟེང་པའི་ངང་ལས་པཾ་དང་རཾ། །པདྨ་ཉི་མའི་སྟེང་དུ་ཧཱུཾ། །འཕྲོས་འདུས་གྲི་གུག་ཧཱུཾ་གིས་མཚན། །འོད་འཕྲོས་དོན་བྱས་སླར་འདུས་ནས། །ས་ངོན་ཕྱག་རཏན་གྱུར་པ་ལས ་དཔལ་མགོན་པོའི་སྐུར་གྱུར་ཏོ། །ཞལ་གཅིག་སྤྱན་གསུམ་སྨིན་མ་འཕྱོགས། །ཁྲོ་གཉེར་ཞལ་གདངས་མཆེ་བ་གཙིགས། །དབུ་སྐྲ་དམར་སེར་གྱེན་དུ་འབར། །ཕྱག་བཞི་གཡས་གཉིས་གྲི་གུག་དང། །རལ་གྲི་འབར་བ་འཛིན་པའོ། །གཡོན་གྱི་ཕྱག་གཉིས་ཐོད་འཁྲག ་དང་མདུན་རྩེ་གསུམ་པ་བསྣམས་པའོ། །ཞབས་གཉིས་ཕྱེད་སྐྱིལ་འགྱིད་བག་ཅན། །སྟག་ཤམ་མགོ་ཕྲེང་དོ་ཤལ་བྱ། །ཕྱག་རྒྱ་ལྔ་དང་ལྡན་པ་ལ། །ཀླུ་ཆེན་བརྒྱད་ཀྱིས་སྐུ་ལ་བརྒྱན། །དེ་ལྟར་དམ་ཚིག་གསལ་བསྒྱེད་ལ། །ཡེ་ཤེས་སྤྱན་དྲང་མཆོད ་ཅིང་བསྟོད་དོ། །ཛ(རྒྱུད་འགྲེལ་དམ་ཚིག་བསྡུས་ལ་དགེ་བ་བསྔོས། །དགེ་རྩས་པར་ཆད་ཀུན་གསལ་ནས། །བསྟན་པ་དར་ཞིང་རྒྱས་པར་ཤོག་།མགོན་པོ་བྱ་རོག་གདོང་ཅན་གྱི་ནང་སྒྲུབ་རྫོགས་སོ།། །།པཎྜི་ཏ་ཨབྷཡ་ཀཱ་ར་དང། ལོ་ཙ་བ་ཙ་མི་ཆེན་པོས་བསྒྱུར་བའོ།། ་