Wylie

e-texts based on the ACIP/ALL Input

སྐུ་རུ་གྱུར་ནས་སླར་དེ་ཉིད་ལ་འདུས་པར་བསམ་མོ། །དེ་ལྟར་ཡང་དང་ཡང་དུ་སྤྲོ་བསྡུ་བྱས་ཏེ། དེ་ལ་སྐྱེ་བར་གྱུར་ན་ཨོཾ་ཏཱ་རེ་ཏུཏྟཱ་ཏུ་རེ་སྭཱཧཱ། ཞེས་བྱ་བས་སྔགས་བཟླས་པར་བྱའོ། །འཕགས་མ་སྒྲོལ་མའི་སྒྲུབ ་ཐབས། ཁ་ཆེའི་པཎྜི་ཏ་ཆེན་པོ། ཤཱཀྱ་ཤྲཱི་བྷ་དྲའི་ཞལ་སྔ་ནས་བྱུང་བ་རྫོགས་སོ།། །།རྒྱ་གར་སྐད་དུ། བཛྲ་བཱ་ར་ཧི་ཏཱ་ར་སྟོ་ཏྲཾ། བོད་སྐད་དུ། རྡོ་རྗེ་ཕག་མོ་སྒྲོལ་མ་ལ་བསྟོད་པ། རྗེ་བཙུན་མ་སྒྲོལ་མ་ལ་ཕྱག་འཚལ་ལོ། །སྟོང ་ཉིད་སྙིང་རྗེ་ཕག་མོ་ཆེ། །སྒྲོལ་མའི་སྐུ་ལ་ཕྱག་འཚལ་ལོ། །སྨྲ་བསམ་བརྗོད་མེད་ཕ་རོལ་ཕྱིན། །སྒྲོལ་མའི་གསུང་ལ་ཕྱག་འཚལ། །དྲི་མེད་ཡེ་ཤེས་ཟླ་བའི་ཐུགས། །སྒྲོལ་མའི་ཐུགས་ལ་ཕྱག་འཚལ་ལོ། །ཟླ་འོད་སྲིད་པའི་མུན་སེལ་བ། ། ་འཇོམས་ཁྱེར་ཉི་མའི་དཀྱིལ་དང་མཚུངས། །ཐབས་དང་ཤེས་རབ་ཡོན་ཏན་ལྡན། །སྒྲོལ་མ་ལ་ནི་རྟག་ཏུ་འདུད། །འགྲོ་ལ་བུ་བཞིན་རྟག་ཏུ་གདུངས། །སྲིད་གསུམ་རྣམ་ཐར་གསུམ་ལ་འགོད། །སེང་ལྡེང་ནགས་ལ་རབ་གནས་ཤིང། ། ་འཇིགས་པ་བརྒྱད་ལས་ཤིན་ཏུ་སྐྱོབ། །སྒྲོལ་མ་ལ་ནི་ཕྱག་འཚལ་ལོ། །མངོན་པར་དགའ་བའི་ཞིང་ཁམས་སུ། །རྡོ་རྗེ་མཁའ་འགྲོ་སྐུར་སྟོན་ཅིང། །སྒྲོལ་མ་ལ་ནི་ཕྱག་འཚལ་བསྟོད། །དཔལ་དང་ལྡན་པའི་ཞིང་ཁམས་སུ། །རིན་ཆེན་མཁའ་འགྲོར་སྐུར ་སྟོན་ཅིང། །འགྲོ་བའི་སྡུག་བསྔལ་ནད་སེལ་མཛད། །སྒྲོལ་མ་ལ་ནི་ཕྱག་འཚལ་བསྟོད། །བདེ་བ་ཅན་གྱི་ཞིང་ཁམས་སུ། །པདྨ་མཁའ་འགྲོར་སྐུར་སྟོན་ཅིང། །བདེ་བ་ཆེན་པོའི་ངང་ལ་གནས། །སྒྲོལ་མ་ལ་ནི་ཕྱག་འཚལ་བསྟོད། །རྣམ་པར ་དག་པའི་ཞིང་ཁམས་སུ། །ལས་ཀྱི་མཁའ་འགྲོར་སྐུར་སྟོན་ཅིང། །ཕྲིན་ལས་རྣམ་བཞིས་འགྲོ་དོན་མཛད། །སྒྲོལ་མ་ལ་ནི་ཕྱག་འཚལ་བསྟོད། །མཛའ་དབུས་མེད་པའི་ཞིང་ཁམས་སུ། །ཕ་རོལ་ཕྱིན་མའི་སྐུར་སྟོན་ཅིང། །ཕྱོགས་བཅུའི ་སངས་རྒྱས་ཚོགས་དང་བཅས། །སྒྲོལ་མ་ལ་ནི་ཕྱག་འཚལ་བསྟོད། །དུར་ཁྲོད་བརྒྱད་ཀྱི་ཞིང་ཁམས་སུ། །རྡོ་རྗེ་ཕག་མོར་སྐུར་སྟོན་ཅིང། །མེ་དཔུང་འབར་བའི་དབུས་ན་བཞུགས། །སྒྲོལ་མ་ལ་ནི་ཕྱག་འཚལ་བསྟོད། །པཎྜི་ཏ་ཟླ་བ་གྲགས་པས་བསྟོང ་བ་མཛད་པ་རྫོགས་སོ།། །།*། །རྒྱ་གར་སྐད་དུ། ཨུཛཏཱ་ར་སྟོ་ཏྲ་ནཱ་མ། བོད་སྐད་དུ། སྒྲོལ་མ་ཁྲོ་མོ་ལ་རྩ་བའི་སྔགས་ཀྱིས་བསྟོད་པ། ཇོ་མོ་བྱིན་རླབས་ཅན་ལ་ཕྱག་འཚལ་ལོ། །ཕྱག་འཚལ་རལ་པ་གཅིག་འཆང་ཁྲོ་མོ་ནི། །མི་རོ ་དམར་པོའི་སྟེང་ན་བརྐྱང་བསྐུམ་བཞུགས། །རྒྱས་པའི་ལྷ་མོ་སྟག་དང་སྦྲུལ་གྱིས་བརྒྱན། །ཤིན་ཏུ་ཁྲོས་པས་གད་བརྒྱངས་ཆེར་སྒྲོགས་པ། །གཡས་པས་རལ་གྲི་མཐིང་གསེར་རྩེ་ལ་མེ་འབར་ཞིང། །འོག་མ་གཅོད་བྱེད་གྲི་གུག་རབ་ཏུ་འཕྱར། །གཡོན་གྱི ་དང་པོ་ཨུཏཔལ་རབ་རྒྱས་ཤིང། །འོག་མ་ཐོད་པ་སྐྲ་བཅས་རཀྟས་བཀང། །རལ་བྱའི་ཐར་ཅོག་དབུ་ལ་རབ་ཏུ་མཛེས། །སྤྱན་གསུམ་ས་གསུམ་གཟིགས་པས་དྲི་མེད་ཆལ། །མགོ་བོའི་ཐོད་ཕྲེང་སྐམ་རློན་སྤེལ་མས་མཛེས། །དེ་ལྟའི་གཟུགས་ནི་གཞན་མིན ་བདག་ཉིད་དོ། །དཔལ་རལ་པ་གཅིག་མེའི་རྩ་བའི་སྔགས་དོན་འགྱུར་དུ་བསྒྱུར་བའི་བསྟོད་པ་ཚིགས་སུ་བཅད་པ་རྐང་པ་བཅུ་གཉིས་པ་རྫོགས་སོ།། །།ལྷ་མོ་ཨུ་གྲ་ཏཱ་གི་སྒྲུབ་ཐབས་བ་བཞུགས། །*། །རྒྱ་གར་སྐད་དུ། །ུ་ག་ཏཱ་ར་དེ་ལརཱི?་སཱ་དྷ་ནཾ། ་བོད་སྐད་དུ། །ལྷ་མོ་ཨུ་གྲ་ཏཱ་གི?་སྒྲུབ་ཐབས། ཤེས་རབ་གསལ་བྱེད་ཨུ་གྲོ་ཏཱ་ར་ལ་ཕྱག་འཚལ་ལོ། །འདི་ཉིད་ཀྱི་བསྒྲུབ་པ་ཉམས་སུ་ལེན་པར་འདོད་པའི་གང་ཟག་གིས། །གནས་ཀྱི་ཁྱད་པར། །ལིང་ག་གཅིག་པའཾ། །དུར་ཁྲོད་དམ། ཁང་སྟོང་ལ་སོགས ་པའི་གནས། །སོམ་ཉམས་པའོ། །བདེ་བའི་སྟན་ལ་འདུག་ནས། །གནས་གསུམ་རྡོ་རྗེ་གསུམ་བསམ་པར་བྱ་ཞིང། །ཡི་གེ་གསུམ་ལས་འོད་ཟེར་འཕྲོས། །སྲིད་པ་གསུམ་པོ་ཐམས་ཅད་སྣང་བར་བྱས། །སླར་ཚུར་འདུས་ནས་ཐིམ་པར་བསམ་མོ། ། ་