Wylie

e-texts based on the ACIP/ALL Input

ཉམས་ལེན། །དཔལ་ཆོས་ཀྱི་རྗེ་སའི་སྟེང་ན་འགྲན་ཟླ་དང་བྲལ་བའི་ཁ་ཆེ་ཤཱཀྱ་ཤྲཱི་བྷ་དྲའི་ཞལ་སྔ་ནས་ལོ་ཙཱ་བ་བྱམས་པའི་དཔལ་གྱིས་བསྐྱུར་བའོ།། །།*། །རྒྱ་གར་སྐད་དུ། ཨཱརྱ་ཏཱ་ར་སཱ་དྷ་ནཱ་མ། །བོད་སྐད་དུ། འཕགས་མ ་སྒྲོལ་མའི་སྒྲུབ་ཐབས་ཞེས་བྱ་བ། རྗེ་བཙུན་མ་སྒྲོལ་མ་ལ་ཕྱག་འཚལ་ལོ། །འཇིག་རྟེན་སྒྲོལ་མཛད་སྒྲོལ་མ་ཆེ། །དེ་ལ་ཕྱག་འཚལ་དེ་སྒྲུབ་ཐབས། །མདོ་ཙམ་སློབ་མ་ལ་ཕན་ཕྱིར། །འདིར་བྲི་སྒྲུབ་པོས་གྲུབ་གྱུར་ཅིག། །།དང་པོར་རེ ་ཞིག་སྙིང་གར་ཟླ་བའི་དཀྱིལ་འཁོར་ལ་ཏ་ལྗང་གུ་བསམ་ལ། དེའི་འོད་ཟེར་གྱིས་བླ་མ་དང་སངས་རྒྱས་ལ་སོགས་པ་སྤྱན་དྲངས་ཏེ། །བླ་མ་རྡོ་རྗེ་སེམས་དཔའ་ཨི་གཟུགས་ཅན་དུ་བསམས་ནས། ཡིད་ལས་བྱུང་བའི་མཆོད་པས་མཆོད་དེ། །མེ་ཏོག ་ལ་སེགས་པའི་མཆོད་པ་སྔོན་དུ་འགྲོ་བས། །མཆོད་པའི་ཡན་ལག་བདུན་རྒྱས་པར་བྱའོ། །དཀོན་མཆོག་གསུམ་ལ་སྐྱབས་སུ་མཆི། །སྡིག་པ་མ་ལུས་སོ་སོར་བཤགས། །འགྲོ་བའི་དགེ་ལ་རྗེས་ཡི་རང། །སངས་རྒྱས་བྱང་ཆུབ་ཡིད་ཀྱིས་གཟུང། ། ་སངས་རྒྱས་ཆོས་དང་དགེ་འདུན་ལ། །བྱང་ཆུབ་བར་དུ་བདག་སྐྱབས་མཆི། །རང་དང་གཞན་གྱི་དོན་སྒྲུབ་ཕྱིར། །བྱང་ཆུབ་སེམས་ནི་བདག་གིས་གཟུང། །བྱང་ཆུབ་མཆོག་གི་སེམས་ནི་བསྐྱེད་བགྱི་ཞིང། །སེམས་ཅན་ཐམས་ཅད་བདག་གིས་མགྲོན་དུ ་གཉེར། །བྱང་ཆུབ་སྤྱོད་པ་ཡིད་འོང་སྤྱད་པར་བགྱི། །འགྲོ་ལ་ཕན་ཕྱིར་སངས་རྒྱས་འགྲུབ་པར་ཤོག་།ཞེས་བརྗོད་ཅིང་དེ་དག་གི་དོན་དྲན་པར་བྱའོ། །དེ་ནས་ཚེད་མེད་པ་བཞི་བསྒོམ་པར་བྱ་སྟེ། །བྱམས་པ་དང་སྙིང་རྗེ་དང་དགའ་བ་དང་བཏང་སྙོམས་དག ་གོ་།དེའི་རྗེས་ལ་ཆོས་ཐམས་ཅད་སྟོང་པ་ཉིད་དུ་བསྒོམ་སྟེ། ཨོཾ་སྭ་བྷཱ་བ་ཤུ་དྡྷ(རྒྱུད་འགྲེལ་ཏཱཾ་ལ་ཐིམ་པའི་བར་དང་དེ་ཡང་རིམ་གྱིས་ཞུ་ཞིང་ཐིམ་ནས་ཐམས་ཅད་སྟོང་པ་ཉིད་དུ་བསྒོམ་མོ། །ཡང་སྔོན་གྱི་སྨོན་ལམ་རྗེས་སུ་དྲན་པས་པདྨ་དང་ཟླ་བའི་གདན་ལ་ཏཱཾ་སྔོན་པོར་ལངས་ལ། །དེ་ཡོངས་སུ་གྱུར་པ་ལས་ཨུཏཔ་ལ ་ལྗང་གུར་བལྟ་ཞིང། །དེ་ལས་འོད་ཟེར་ཕྱོགས་བཅུར་འཕྲོས་ཚུར་འདུས་པ་ཡོངས་སུ་གྱུར་པ་ལས་བཅོམ་ལྡན་འདས་མའི་སྐུར་བལྟའོ། །དེ་ཡང་སྣ་ཚོགས་པདྨ་དང་ཟླ་བའི་གདན་ལ་ཞབས་སྐྱིལ་ཀྲུང་དང། །ཕྱག་གཡས་མཆོག་སྦྱིན་པར་མཛད ་པ་དང། གཡོན་ཨུཏཔལ་ལའི་སྡོང་བུ་འཛིན་པ། རྒྱན་ཐམས་ཅད་ཀྱིས་བརྒྱན་ཅིང་ཆ་བྱད་ཕུན་སུམ་ཚོགས་པ། མེ་ལོང་གི་གཟུགས་ལྟ་བུར་བསམ་པར་བྱའོ། །དེ་ནས་རང་དང་འདྲ་བའི་ཡེ་ཤེས་བསྟིམས་ལ་ཐལ་མོ་གཉིས་སྦྱར་བ་ལས་གུང་མོ ་གཉིས་རྒྱབ་ཏུ་མཛུབ་མོའི་རྩེར་སྦྱར་ཏེ། ཡིད་ཀྱིས་སྙིང་གའི་པདྨ་ལ་ཏཱཾ་ལྗང་གུ་འོད་ཟེར་འབར་བས་དོན་ཐམས་ཅད་མངོན་པར་བསྒྲུབས་ནས། ཨོཾ་ཏཱ་རེ་ཏུཏྟཱ་རེ་ཏུ་རེ་སྭཱཧཱ། ཞེས་བྱ་བའི་སྔགས་བཟླས་པར་བྱའོ། །བསྙེན་པ་ནི་འབུམ་ཕྲག ་བཅུས་འགྲུབ་པར་འགྱུར་རོ། །རིགས་པ་དང་ཡོན་ཏན་གྱི་ཚོགས་ཐམས་ཅད་སྡུད་པར་བྱེད་དོ། །སྒྱུ་མ་ལྟ་བུའི་བློས་ནམ་མཁའ་ལྟ་བུར་བསྒོམ་པ་ནི་རིམ་པ་བཞིན་ནོ། །དེ་ལས་བྱུང་བའི་དགེ་བས་ཡོངས་སུ་བསྔོས་ནས་དགེ་བའི་སྤྱོད་པས་གནས ་པར་བྱའོ། །རྗེ་བཙུན་འཕགས་མ་སྒྲོལ་མའི་སྒྲུབ་ཐབས་སློབ་དཔོན་ཆེན་པོ་ཐམས་ཅད་མཁྱེན་པའི་བཤེས་གཉེན་གྱིས་མཛད་པ་རྫོགས་སོ།། །།*། །རྒྱ་གར་སྐད་དུ། ཨཱརྱ་ཏཱ་ར་སྭ་དྷ་ནཱ། བོད་སྐད་དུ། ་