Wylie

e-texts based on the ACIP/ALL Input

པ་རྫོགས་སོ།། །།རྨི་ལམ་སྒྲོལ་མའི་སྒྲུབ་ཐབས་བཞུགས། །*། །རྒྱ་གར་སྐད་དུ། སྭབན་ཏཱ་ར་ནོ་པི་ཀ། བོད་སྐད་དུ། རྨི་ལམ་སྒྲོལ་མའི་སྒྲུབ་ཐབས། འཕགས་མ་རྨི་ལམ་སྒྲོལ་མ་ལ་ཕྱག་འཚལ་ལོ། །སྤྲིན་བྲལ་མཁའ་ ་དཀྱིལ་ཟླ་རྒྱས་གཟུགས། །རབ་དཀར་བསིལ་བའི་འོད་ལྡན་མ། །མ་ལུས་རྨི་ལམ་གསལ་མཛད་དེའི། །ཞབས་ལ་མགོས་བཏུད་དེ་བསྒྲུབ་བཤད། །དགེ་བས་རབ་ཏུ་སྔར་ལངས་ཏེ། །གདོང་སོགས་དག་བྱས་དྲི་ཞིམ་བྱུང། །རྗེ་བཙུན་དེ་རྟེན་མདུན་བདར ་ལ། །ཡིད་འོང་མཆོད་པས་མཛེས་པར་བྱས། །སྐྱབས་གསུམ་ལྷ་མོར་བཅས་པ་ལ། །སྐྱབས་གསུམ་འགྲོ་ལ་ཕན་ཡིད་ཀྱིས། །མི་དགེ་མེད་པའི་སེམས་ལྡན་པས། །ཐོག་མར་བསོད་ནམས་ཚོགས་བསག་བྱ། །ོཾ་ཨ་མྲི་ཏ་ཀུཎྜ་ལི་ཧ་མ་ཧ་ན་སརྦ་བིགྷཝཱ་ན་ཏ་ཌ་ཧ་ཏ ་ཌ་ཧ་སརྦ་པཱ་པཾ་ཧཱུཾ་ཕཊ་སྭཱཧཱ། །འཁྱིལ་པ་ཁྲོས་པའི་སྔགས་འདི་ཡིས། །རྨི་ལམ་བར་ཆད་བགེགས་བསལ་ལ། །དྲི་མེད་བཻདཱུ་རྱ་འདྲ་ཡི། །མཁའ་ལ་འཕགས་མ་བསྒོམ་པར་བྱ། །རབ་མཛེས་པཾ་ལས་ཆུ་སྐྱེས་སྟུམ་འཇམ་གསལ་ཞིང་གསར་བའི? ་འདབ་ཚོགས་རྒྱས། །དེ་སྟེང་དཀར་བསིལ་རི་བོང་འཛིན་འཁྱིལ་དེ་དབུས་ཁམས་གསུམ་རྒྱས་འགེངས་ཏཱཾ། །ཀུན་ནས་མུན་སེལ་སྐར་མའི་རྒྱལ་པོ་འོད་བཟང་མདོག་ཅན་རབ་འཕྲོས་ལས། །ཡོངས་གྱུར་འཕགས ་མ་རྨི་ལམ་སྒྲོལ་མ་ཞི་མ་དགེ་མ་མཛེས་མ་བལྟ། །རབ་དཀར་ལང་ཚོ་རྒྱས་པའི་གཟུགས། །ཞལ་གཅིག་ཕྱག་གཉིས་མཆོག་སྦྱིན་མཛད། །ུཏཔལ་སྔོ་འཛིན་འགྱིང་ཚུལ་སྒེག་།མཚུངས་མེད་གཅིག་པོས་ཀུན་ཁྱབ་མའོ། །དྲི་ཞིམ་དབུ ་སྐྲ་བཟང་འཁྱིལ་ལི། །ལྷ་རྫས་རིན་ཆེན་དུ་མས་བརྒྱན། །མཐིང་ཁའི་དར་གྱིས་སྟོད་གཡོགས་ཤིང། །སྣ་ཚོགས་ཁ་དོག་ཤམ་ཐབས་མནབས། །མུ་ཏིག་ཕྲེང་བའི་དྲ་བ་ཡིས། །མཉམ་པར་མཛེས་པའི་སྐ་རགས་དང། །ག་ཤ་སེ ་རལ་ཁར་བཅིངས་ཤིང། །ཅོད་པན་དོན་ཡོད་གྲུབ་པས་བརྒྱན། །གཡས་བསྐུམ་གཡོན་བརྐྱང་སྐྱིལ་ཀྲུང་གིས། །སྲིད་དང་ཞི་ལ་མི་གནས་ཤིང། །སངས་རྒྱས་བྱང་ཆུབ་སེམས་དཔའ་ཨི་ཚོགས། །སྤུ་སྒོ་ཀུན་ནས་རབ་འཕྲོ་བའོ། །ཅི ་འདྲའི་ཡེ་ཤེས་ལྷ་མོ་འདི། །བཀུག་ལ་མཆོད་པས་མཉེས་བྱས་བསྟིམ། །སྐུ་གསུང་ཐུགས་ཀྱི་རྡོ་རྗེ་ཡིས། །བྱིན་བརླབས་ཕྱོགས་བཅུའི་རྒྱལ་བས་བསྔགས། །དེ་ནས་མཎྜལ་མཆོད་བཅས་པས། །གུས་པར་ཕུལ་ལ་གསོལ་བ ་གདབ། །ཞལ་ཟས་བཏུང་བ་བཟང་ལྡན་པ། །དཀར་གསུམ་མའར་གསུམ་མེ་ཏོག་དབུལ། །རིན་ཆེན་ཕྲེང་བ་དཀར་ཐོགས་ཏེ། །མ་ཡེངས་བློ་ཡིས་འཕགས་མ་ལ། །རྩེ་གཅིག་ཡིད་བསྟོད་གསང་སྔགས་མཆོག་།འབུམ་ཕྲག ་ཉི་ཤུ་རྩ་བཞིར་བཟླས། །ོཾ་སྭབན་ཏ་རེ་སྭཱཧཱ། དེ་ནས་ཟང་ཟིང་མེད་པར་ནི། །རང་གཞན་དོན་དུ་རྨི་ལྟས་བརྟག་།གྲོང་པའི་ཆོས་ཀྱིས་མ་སྦགས་པའི། །བུ་མོ་དུས་བཟང་དག་ལ་མཆོད། །དྲི་ཞིམ་ཁྲུས་བྱས་གོས་བརྒྱན་མཛས། ། ་རང་ལོའི་གྲངས་སམ་བརྒྱད་དམ་བདུན། །རྒྷ་ལ་སོགས་མཆོད་སྔོན་འགོས། །ཟས་དཀར་ཞོ་དང་འོ་མ་སྦྱིན། །འགྲོན་བུ་དར་སོགས་ཡོན་བྱིན་ལ། །དུང་ཆོས་ཆུས་གཏོར་ཅི་བདེར་དེངས། །དེ་རྗེས་བྱི་དོར་དྲིར་ལྡན་པའི། །ཁང་བར་ཚངས་སྤྱོད་བརྟུལ ་ཞུགས་གནས། །སྡས་སུ་མེ་ཏོག་དྲི་ཞིམ་གྱིས། །བྱུགས་པའི་མཎྜལ་བཟང་བྱས་ལ། །མཆོད་པ་ལྔ་དང་ཁྱད་པར་དུ། །གུ་གུལ་མར་མོ་དབུལ་བར་བྱ། །འཇིམ་རིལ་སྲན་མའི་ཚད་བཅོས་ཏེ། །ཀུཎྜ་ལི་ཡི་སྔགས་བདུན་གྱིས། །བཏབ་ལ་ཉི ་ཤུ་རྩ་གཅིག་ནི། །ཕྱོགས་བཅུར་གཏོར་བས་བར་ཆད་ཟློག་།གསུམ་བདུན་གཅིག་ནི་རིན་པོ་ཆེར། །བསྒོམས་པས་མཎྜལ་སྟེང་དུ་དབུལ། །སྟེན་ལ་དགྲམ་དང་གཟུང་བར་བྱ། །དེ་རྗེས་གང་འདོད་གསོལ་བཏབ་ཉལ། །ོཾ་སྭབན་ཏཱ་ར་སཱ་བན་ཨ་བ་ལོ ་ཀི་ནི། །ཏྲཻ་ལོ་ཀྱ་ནི་དར་ཤ?་ནི། ཏྲཻ་ལོ་ཀྱེ་བི་ཛཱ་ར་ནི། བྷུ་ཏཾ་བྷ་བཾ་བྷ་བ་སི་ཤམ། ཤུ་བྷ་ཤུ་བྷ་ཏཾ་མི་ས་ཏྱེ་ཀ་ཐ་ཡ་སྭཱཧཱ། །བརྒྱ་རྩ་བརྒྱད་དམ་ཉི་ཤུ་གཅིག་།ཡང་ན་ལན་བདུན་བཟླས་པར་བྱ། །གསོལ་བཏབ་སྔགས་འདིས་ཡིད་ཆེས་བས། །ལན་ཅིག་བཟླས ་ཀྱང་མི་འགྲུབ་མེད། །དེ་ཚེ་འཕགས་མ་མདུན་གྱི་མཁའ་ལས་ཕྱོགས་བཅུར་འོད་མཛད་ཐུགས་ཀ་ལས་ཕྱུང་བསིལ་ཟེར་གྱིས། །བདག་སྙིང་གདུང་གསལ་ཐབ་ཐིལ?་དྲ་བ་མ་ལུས་སྤངས་ཏེ་སྤྲིན་མེད་མཁའ་ལྟར་དག་བྱས་ནས། །གླང་ཆེན་སྣ་འདྲའི་ཕྱག ་མཛེས་རིང་བརྐྱང་བདུད་རྩི་ཅན་ལས་བདུད་རྩིའི་རྒྱུན་ཕབ་སྙིང་སོགས་བཀང། །དེ་མཐུས་ལུས་ཀུན་ཀུན་ནས་དྲི་མེད་ཤེལ་བུམ་མཆོག་ལྟར་གཙང་ཞིང་རབ་དག་ཡིད་འོང་འགྱུར། །དེ་འོག་རྩ་བའི་རིག་པ་བརྒྱད། །ལྷ་མོ་མཆོག་ལ་རྩེ་གཅིག་ཏུ། །མ ་གཡེངས་སེམས་ཀྱི་དལ་བུས་ནི། །ཇི་སྲིད་གཉིད་ལོག་བར་དུ་བཟླས། །སེངྒེའི་ཉལ་སྟབས་དགེ་བས་ཉལ། །བག་ཡོད་དྲན་དང་མ་བྲལ་བ། །དངོས་སམ་བརྡ་འམ་ཆིག་དག་གིས། །དགེ་དང་མི་དགེ་མཐོང་བར་འགྱུར། །ཐུབ་པས་སྣ་ཚོགས་ལས ་གྲུབ་ཀྱིས། །རྒྱུད་དུ་གང་གསུངས་ལྷ་མོ་ཆེའི། །བརྟག་པ་དོན་ཀུན་སྒྲུབ་བྱེད་འདི། །རྨི་ལམ་སྒྲོལ་མས་ཡང་དག་བཤད། །རྨི་ལམ་སྒྲོལ་མའི་སྒྲུབ་ཐབས་སློབ་དཔོན་ཟླ་བའི་བཤེས་གཉེན་གྱིས་མཛད་པ་རྫོགས་སོ།། ། ་རྒྱ་གར་གྱི་པཎྜི་ཏ་སུ་ག་ཏ་ཤྲཱི་དང། ལོ་ཙཱ་བ་བྱམས་པའི་དཔལ་གྱིས་བསྒྱུར་བའོ།། །།རྗེ་བཙུན་སྒྲོལ་མ་ལ་ཕྱག་འཚལ་ལོ། །ནམ་ཞིག་འཆི་བར་འགྱུར་བའི་ཚེ། །བལྟོས་པ་ཐམས་ཅད་རབ་སྤངས་ཏེ། །ཅི་འབྱོར ་