Wylie

e-texts based on the ACIP/ALL Input

བྲིས་ལ་དབུས་སུ་གཟུགས་བརྙན་དང། རྩིབས་དང་མུ་ཁྱུད་ལ་གསང་སྔགས་མིང་དང་བཅས་བ་བྲི་བར་བྱའོ། །དེ་ནས་ཡུངས་ཀར་གྱིས་བྲབ་ཅིང་གསང་སྔགས་བཟླས་དེའི་རྗེས་ལ་སྦྱིན་སྲེག་དང། གཏོར་མ་དང། མཆོད་པས་ཁྲོ་གཉེར ་ཅན་ལྷ་མོ་ལ་མཆོད་ལ་ཚེར་མ་ཅན་གྱི་མེས་སྤྲ་ཚིལ་དང་འཁོར་ལོ་བསྲོས་ལ་དུག་ཧ་སི་ནག་པོའི་ཤུན་པ་འམ། །རྔ་མོའི་རྒྱུས་པས་དཀྲིས་པ་ས་བདག་གམ་ཀླུ་ཆེན་པོའི་གནས་སུ་བསྐྱལ་བར་བྱའོ། །སྨྱོ་དང་དབུགས་ནི་རྩེག་པ་དང། །གྱེན་དུ་བལྟ་ཞིང་རྒྱུག་པར ་བྱེད། །ལུས་པོ་སྐེམ་དང་མིག་སེར་དང། །ལུས་ལ་ཤ་བཀྲ་མེ་དབལ་འབྱུང། །གཞན་ཡང་མཛེ་དང་ཤུ་བ་དང། །འབྲུམ་བུ་བས་ལྡགས་འབྱུང་འགྱུར་ཞིང། །ཚེ་ཡི་དུས་ཀྱང་བྱེད་པར་འགྱུར། །གསང་སྔགས་སྦྱོར་བའི་ཆེ་བ་ཡིས། །གནོད་སྦྱིན་མཁའ་ ་འགྲོས་སེམས་དཀྲུགས་ཤིང། །ལས་ཀྱི་མྱུ་གུ་ཟང་བྱེད་པ། །ཁྲོ་གཉེར་ཅན་གྱི་སྤྱོད་པའོ། །ལྟ་བ་ངན་པ་སུན་དབྱུང་བ། །རྫོགས་སོ།། །།རྒྱ་གར་སྐད་དུ། ཙོ་ར་བནདྷ། བོད་སྐད་དུ། །ཆོམ་རྐུ་བཅིངས་པ། མྱ་ངན་མེད་པའི་སྒྲིལ་མ་ལ་ཕྱག ་འཚལ་ལོ། །གླང་ཆེན་སྟག་དང་མི་རྒོད་དང། །ཆོམ་རྐུན་འཇིགས་པ་བསྲུང་བའི་ཕྱིར། །རླུང་གི་བུང་བས་ལུས་སྦྱོང་བ། །མྱ་ངན་མེད་པའི་སྒྲོལ་མ་མཆོད། །དེ་ཡང་སྒྲུབ་པའི་ཐབས་ནས་ཇི་ལྟར་བཤད་པའི་ཆོ་གས་འཕགས་མའི་ཚོགས་ཡོངས་སུ་མཉེས་པར ་བྱས་ལ། །ནགས་ཚལ་ལམ་རི་ཁྲོད་ལ་སོགས་པ་གནས་ཁྱད་པར་ཅན་དུ་རི་དགས་ཀྱི་པགས་པའམ། །འགན་ཛི་སྔོན་པོ་ལེགས་པར་བཏགས་པ་ལ་འདུག་ལ། བྱམས་པ་དང་སྙིང་རྗེ་ཆེན་པོ་སྔོན་དུ་སོང་བས་བདག་གི་སྙིང་གར་པཾ་ལས་པདྨ་ཨ་ལས་ཟླ ་བའི་དཀྱིལ་འཁོར་གྱི་སྟེང་དུ་ཏཱཾ་སེར་པོ་དེ་ལས་ཕྱོགས་བཅུར་འོད་འཕྲོས་འཕགས་མ་དགྱེས་པ་དང་སེམས་ཅན་གྱི་དོན་བྱས་ལ་སླར་བསྡུས་པས་ཏཱཾ་ལ་ཐིམ་པ་དང་བདག་ཉིད་མྱ་ངན་མེད་པའི་སྒྲོལ་མ་སྐུ་མདོག་གསེར་བཙོ་མའི་མདོག་འདྲ་བ་རིན་པོ་ཆེ ་སྣ་ཚོགས་ཀྱི་དབུ་རྒྱན་ཅོད་པན་དང་ལྡན་པ། །ཞལ་གསུམ་ཕྱག་དྲུག་།གཡས་སྔོ་གཡོན་དམར་བ། །གཡས་པས་རལ་གྲི་དང་དགྲ་སྟ་དང་མདའ། །གཡོན་པས་ཞགས་པ་དང་གཞུ་དང་དུང་འཛིན་པར་བསྒོམས་ལ། །ོཾ་ཏཱ་རེ་ཏུཏྟཱ་རེ་ཏུ་རེ་བྷ་ཡ་ཧ་ར་ཎེ་རཀྵ་བ་ར་ཎི་གུ་བ ་ཏི་བདྱཱི(རྒྱུད་འགྲེལ་མཆོད་པ། སྔགས་དང་འོད་ཟེར་གྱི་རང་བཞིན་གྱི་འཁོར་ལོ་གྲིལ་ལ་མགྲིན་པའམ། །དཔུང་པ་ལ་བཅིང་བར་བྱའོ། །དེ་ནས་འབྲོག་དགོན་པ་ལ་སོགས་པ་ཉམ་ང་བའི་གནས་སུ་སྒྲོལ་མ་གསལ་བར་བསྐྱེད་ལ་སྔོན་དུ་གོམས་པར་བྱས་པའི་རླུང་བསྲི་ཞིང་སྙིང ་པོ་དང་གཟུངས་བཟླ་ཞིང་བདག་གིས་གྲིབ་མ་བཞིན་དུ་གཡས་སུ་འོད་ཟེར་ཅན་མྱ་ངན་མེད་པའི་ཆ་ལུགས། །ཕག་བདུན་གྱིས་དྲངས་པའི་ཤིང་རྟ་ལ་བསྐྱོན་ནས་མི་འཇིགས་ཀྱི་སྒྲས་བརྒྱན་པ་དང། གཡོན་ལོགས་ན་སྡིགས་མཛུབ་སྒྲོལ་མ་དམར་མོ་ཞལ ་གཅིག་ཕྱག་གཉིས་མ་གཡས་པས་སྡིགས་མཛུབ། གཡོན་ཌ་མ་རུའི་སྒྲ་འབྱིན་པ། ལུས་གོས་དང་བྲལ་བས། མི་འཇིགས་པའི་དབྱངས་སྒྲོགས་ཤིང་གཤེགས་པར་བསམ་མོ། །དེ་ནས་བག་ཚ་བའི་ས་ཕྱོགས་སུ་ཐར་པ་དང་མེ་ཏོག་ཕྲེང་འཛིན་ལ་སོགས ་པའི་བསྟོད་པ་བྱའོ། །གཅན་ཟན་ཁྲོ་བོ་མང་པོས་གང་བ་ཡི། །ཚང་ཚིང་ནགས་སམ་ཆོམ་རྐུན་འདུ་བའི་གནས། །ལམ་མེད་ཉམ་ངའི་གནས་སུ་བདག་ལུས་པ། །ཆོ་ག་འདི་ཉིད་ཀྱིས་ནི་ཡོངས་སུ་གྲོལ། །ཆོམ་རྐུན་བཅིང་བ་རྫོགས་སོ།། །། ་རྒྱ་གར་སྐད་དུ། བི་དྱཱ་བརྡྷ་ནི། བོད་སྐད་དུ། རིག་པ་བསྐྱེད་པ། རིག་བྱེད་སྒྲོལ་མ་ལ་ཕྱག་འཚལ་ལོ། །གང་ཞིག་རྨོངས་པས་བློ་ལྡོངས་པ། རིག་བྱེད་སྒྲོལ་མ་རིག་པའི་མཆོག་།རྒྱལ་པོ་ཁྱིམ་བདག་མགུ་བྱེད་པ། །བླང་ཕྱིར་བདག་གིས་བྲི་བར་བྱ། ། ་