Wylie

e-texts based on the ACIP/ALL Input

བཛྲ་དང། ཀློག་སྐྱ་ཤེས་རབ་བརྩེགས་ཀྱིས་བལ་ཡུལ་དུ་གཏུགས་ཏེ་གཏན་ལ་ཕབ་པོ།། །། *། (།དཔལ་སངས་རྒྱས་ཐོང་པའི་རྒྱུད་ཀྱི་བཀའ་འགྲེལ་བཞུགས་སོ།།)་།། *། །རྒྱ་གར་སྐད་དུ། ཤྲཱི་བུདྡྷ་ཀ་པཱ ་ཡི་ཏནྟ་སྱ་པཉྫཱི་ཀ་ཛྙ་ན་པ་ཏི་ནཱ་མ། བོད་སྐད་དུ། དཔལ་སངས་རྒྱས་ཐོད་པའི་རྒྱུད་ཀྱི་བཀའ་འགྲེལ་ཡེ་ཤེས་ལྡན་པ་ཞེས་བྱ་བ། དཔལ་ཧེ་རུ་ཀ་ལ་ཕྱག་འཚལ་ལོ། །བསྒྲུབ་བྱ་ཕྲ་གཟུགས་མཆོག་ཏུ་བདེ་འབྱུང་དགའ་བ་བཅུ་དྲུག་བྱེད་མ། །བདུན་ནང་ཐིག ་ལེའི་?སྟེ་སྒྲ་ཡོངས་ཤེས་སེམས་དངོས་རང་བཞིན་ཏེ། །རང་གི་དགའ་བའི་རྟེན་གཟུགས་ཡོན་ཏན་སྡུད་པ་བྱང་ཆུབ་ཚོགས་སྙིང་པོ། །དངོས་དང་དངོས་མེད་རང་བཞིན་སྲིད་པའི་འཇིགས་སེལ་སྣ་ཚོགས་སྡེ་ཕྱག་འཚལ། །སྣ་ཚོགས་སྡེ་མས་བཤད་པ་ཡི།། ་སངས་རྒྱས་ཐོད་པ་ཡི་ནི་རྒྱུད། །ཇི་ལྟར་བླ་མས་བཤད་པ་དང། །ཇི་ལྟར་རྒྱུད་གཞན་དག་མཐོང་བ། །དེ་ལྟར་ཅུང་ཟད་བདག་གིས་བཤད། །དེ་ལ་རེ་ཞིག་བརྗོད་པ་དང། །བརྗོད་པར་བྱ་བ་དང། དགོས་པ་དང། དགོས་པའི་ཡང་དགོས་པ་སྟོན་ཏེ། རྗོད་པར ་བྱེད་པ་ནི་རྒྱུད་དོ། །བརྗོད་པར་བྱ་བ་ནི་རྒྱུད་ཀྱི་དོན་ནོ། །དགོས་པ་ནི་ལྷའི་རྣལ་འབྱོར་མངོན་དུ་བྱེད་པའོ། །དགོས་པའི་ཡང་དགོས་པ་ནི། སེམས་ཅན་གྱི་དོན་གྱི་བྱ་བ་བྱེད་པའོ། །གལ་ཏེ་ཡང་བཅོམ་ལྡན་འདས་ཉིད་སྟོན་པ་པོ་ལ་སོགས་པའི་གཟུགས་སུ་བཞུགས་མེད ་གྱི། འོན་ཀྱང་བདག་ཉིད་བཅོམ་ལྡན་འདས་མའི་གཟུགས་སུ་ལོགས་སུ་བསྟན་ཏོ། །དེ་ནས་བཅོམ་ལྡན་འདས་མ་ལས་ཕྱག་ན་རྡོ་རྗེས་ཐོས་སོ། །རྒྱུད་སྡུད་པར་བཞེད་ནས་དེར་འདི་སྐད་ཅེས་བྱ་བ་གསུངས་པ་ནི། སྡུད་པར་བྱེད་པའི་ཚིག་གོ་།ཐོས་པ་ཞེས་པ་ནི་རྣམ་པ ་འདི་ལྟར་བཅོམ་ལྡན་འདས་མ་ལས་བདག་གི་ཐོས་ཞེས་སྦྱར་རོ། །འདི་སྐད་བདག་གིས་ཞེས་པ་ལ། ཨེ་ནི་སར་གསུངས་ཏེ། དེ་ནི་སྤྱན་མའི་རང་བཞིན་ནོ། །བ་ནི་ཆུར་གསུངས་ཏེ། དེ་ནི་མཱ་མ་ཀཱིའི་རྔ་བཞིན་ནོ། །མ་ནི་མེད་གསུངས་ཏེ། དེ་ནི་གོས་དཀར་མོའི ་རང་བཞིན་ནོ། །ཡ་ནི་རླུང་དུ་གསུངས་ཏེ། དེ་ནི་སྒྲོལ་མའི་རང་བཞིན་ནོ། །ཡི་གེ་བཞི་ནི་ཕྱག་རྒྱ་བཞིར་ཡང་དག་པར་བཤད་དོ། །སྟོང་པ་ཉིད་ཀྱི་རང་བཞིན་གྱིས་འགྲོ་བ་རྒྱས་འདེབས་པས་ན་ཕྱག་རྒྱའོ། །བདག ་གིས་ཐོས་ཞེས་བྱ་བ་ལ། རྣ་བའི་རྣམ་པར་ཤེས་པས་ཐོས་པ་ནི་མ་ཡིན་ནོ། །འོ་ན་ཅི་ཞེ་ན། དུས་གཅིག་གི་ཚེ་ནའོ། །དུས་གཅིག་ན་ཞེས་པ་ལ། དུས་ནི་རྣམ་པ་གསུམ་སྟེ། བདེ་བའི་དུས་དང། སྡུག་བསྔལ་གྱི་དུས་དང། བསམ་གྱིས་མི་ཁྱབ་པའི་དུས་ཉིད་དོ། ། ་འཇུག་པའི་རླུང་ནི་བདེ་བའི་དུས་སོ། །འབྱུང་བའི་རླུང་ནི་སྡུག་བསྔལ་གྱི་དུས་སོ། །འདི་དག་གཉིས་མེད་པར་སོན་པའི་རང་བཞིན་ནི་བསམ་གྱིས་མི་ཁྱབ་པར་སོན་པའི་དུས་སོ། །བཅོམ་ལྡན་འདས་ཞེས་པ་ལ་སྐལ་བ་ཕུན་སུམ་ཚོགས་པའི་ཕྱིར་ན་བཅོམ་ལྡན་ནོ། ། ་བདུད་བཞི་བཅོམ་པའི་ཕྱིར་ཡང་བཅོམ་ལྡན་ནོ། །འདི་ལ་བཅོམ་པ་ཡོད་པས་ན། བཅོམ་ལྡན་འདས་ཞེས་གསུངས་སོ། །དེ་བཞིན་གཤེགས་པ་ཐམས་ཅད་ཀྱི་སྐུ་དང་གསུང་དང་ཐུགས་རྡོ་རྗེ་ཞེས་བྱ་བ་ལ། ཐམས་ཅད་ཀྱང་ཡིན་ལ། དེ་བཞིན་གཤེགས་པ་ཡང ་ཡིན་པས་ན་དེ་བཞིན་གཤེགས་པ་ཐམས་ཅད་དོ། །དེ་རྣམས་ཀྱི་སྐུ་དང་གསུང་དང་ཐུགས་ཉིད་རྡོ་རྗེ་སྟེ་མི་ཤེས་པའི་གཅོད་པས་རྡོ་རྗེའོ། །མི་ཤེས་པ་ནི་ཕུང་པོ་དང་ཁམས་དང། སྐྱེ་མཆེད་རྣམས་མི་ཤེས་པ་སྟེ། ཤེས་བྱའི ་སྒྲིབ་པ་ཞེས་བྱ་བའི་ཐ་ཚིག་གོ་།རྡོ་རྗེ་ནི་གཉིས་སུ་མེད་པའི་ཡེ་ཤེས་ཏེ་ཤེས་རབ་ཀྱི་གཟུགས་ཞེས་བྱའི་ཐ་ཚིག་གོ་།དཀྱིལ་འཁོར་ཆེན་པོ་རྒྱན་དང་ལྡན་པའི་དབུས་སུ་ཞེས་བྱ་བ་ལ། དཀྱིལ་འཁོར་ཆེན་པོ་ཡང་ཡིན་ལ། རྒྱན་དང་ལྡན ་པ་ཡང་ཡིན་པས་ན་དཀྱིལ་འཁོར་ཆེན་པོ་རྒྱན་དང་ལྡན་པ་སྟེ། དེ་ཉིད་དཀྱིལ་འཁོར་རོ། །དཀྱིལ་ནི་སྙིང་པོའོ། །འཁོར་ནི་དེ་ལེན་པ་སྟེ་སྙིང་པོ་ལེན་ཅེས་པའོ། །དེའི་དབུས་སུ་དང་པོ་བཅོམ་ལྡན་འདས་ཡོངས་སུ་མྱ་ངན་ལས་འདས་ཞེས ་འཆད་པར་འགྱུར་བ་དང་སྦྱོར་རོ། །ཁྱད་པར་ཇི་ལྟ་བུ་ཞིག་ཅེ་ན། གསུངས་པ་དེ་བཞིན་གཤེགས་པ་ཐམས་ཅད་ཅེས་བྱ་བ་ནི་ཕུང་པོ་ལྔའི་རང་བཞིན་རྣམ་པར་སྣང་མཛད་ལ་སོགས་པའི་སངས་རྒྱས་ལྔའོ། །རྣལ་འབྱོར་མ་ཞེས་བྱ་བ་ནི། ་གཤིན་རྗེ་མཆེ་བ་མ་ལ་སོགས་པ་རྣམས་སོ། །བཞུགས་ཞེས་བྱ་བ་ནི་དེ་རྣམས་ཀྱིས་བརྒྱན་ཞེས་བྱ་བའི་ཐ་ཚིག་གོ་།གནས་དེར་འཁོར་གསུངས་པ། འཕགས་པ་ཀུན་དགའ་བོ་ལ་སོགས་པ་འདོད་ཆགས་དང་བྲལ་བའི་དགེ་འདུན་རྣམས་ཀྱིས་བཅོམ ་ལྡན་འདས་ཡོངས་སུ་བསྐོར་ཞེས་པའོ། །འདོད་ཆགས་དང་བྲལ་བ་འབའ་ཞིག་ཏུ་མ་ཟད་དོ། །ཞེས་པ་དེ་གསུངས་པ། འཕགས་པ་སྤྱན་རས་གཟིགས་དབང་ཕྱུག་ལ་སོགས་པ་ཞེས་པ་ནི་འཕགས་པ་སྤྱན་རས་གཟིགས་དབང་ཕྱུག་ལ་སོགས་པའི་བྱང་ཆུབ ་སེམས་དཔའ་ཆེན་པོ་རྣམས་ཀྱིས་ཡོངས་སུ་བསྐོར་ཞེས་བྱ་བའི་ཐ་ཚིག་གོ་།བྱང་ཆུབ་སེམས་དཔའ་བྱེ་བ་ཕྲག་བརྒྱད་ཅུ་དང་ཡང་ཐབས་གཅིག་ཏུ་བཞུགས་སོ་ཞེས་བྱ་བ་ནི། བྱེ་བ་ཕྲག་བརྒྱད་ཅུའི་གྲངས་སུ་བགྲངས་པ་དང་ཞེས་བྱ་བའི་ཐ་ཚིག་གོ་།བྱང་ཆུབ ་སེམས་དཔའ་ཨི་བརྩོན་འགྲུས་དང་ལྡན་པ་གང་ཡིན་པ་དེ་དག་ནི་བྱང་ཆུབ་སེམས་དཔའ་འོ། །ཐབས་གཅིག་ཏུ་བཞུགས་ཞེས་པ་ནི། དཀྱིལ་འཁོར་དེའི་དབུས་སུ་བྱང་ཆུབ་སེམས་དཔའ་རྣམས་དང་ལྷན་ཅིག་ཏུ་བཞུགས་ཞེས་བྱ་བའི་ཐ་ཚིག་གོ་།རྣམ་པ་གང་གིས ་བཅོམ་ལྡན་འདས་ཡོངས་སུ་མྱ་ངན་ལས་འདས་པ་དེ་ཉིད་གསུངས་པ། དེ་ནས་ཞེས་པ་ནི། དེའི་རྗེས་ཐོགས་སུ་ཞེས་པའོ། ། ནི་ཐིག་ལེའི་གཟུགས། ཐ་ནི་བཅོམ་ལྡན་འདས་གང་གི་ཐུགས་ཐིག་ལེར་གནས་པའོ། །དེ་ཉིད་ཀྱི་ཁྱད་པར་ཇི་ལྟ་བུ་ཡིན་སྙམ་པ་ལ། ་རྡོ་རྗེའི་ཚིག་གིས་ཞེས་བྱ་བ་གསུངས་ཏེ། རྡོ་རྗེ་ནི་གཉིས་སུ་མེད་པའི་ཡེ་ཤེས་ཤེས་རབ་ཀྱི་ངོ་བོ་སྟེ་སྤྲུལ་པའི་འཁོར་ལོ་ལ་གནས་པའོ། །དེའི་ཚིག་ནི་ཆོས་ཀྱི་འཁོར་ལོ་ལ་གནས་པའི་ཐབས་ཀྱི་རང་བཞིན་ནོ། །འདི་དག་གཉིས་སུ་མེད་པར་གྱུར་པའི་རང་བཞིན་ནི ་བཅོམ་ལྡན་འདས་སོ། །རྡོ་རྗེ་ཆེན་པོའི་གནས་སུ་ཞེས་བྱ་བ་ནི་རྡོ་རྗེ་འཆང་ཆེན་པོའི་གོ་འཕང་གི་གནས་ཏེ། དེས་ན་ཆོས་ཀྱི་འཁོར་ལོ་དང་སྤྲུལ་པའི་འཁོར་ལོ་དང་ལྷན་ཅིག་ཏུ་གྱུར་པའོ། །ཁྱད་པར་ཇི་ལྟ་བུ་ཞེ་ན། རྒྱུད་ཐམས་ཅད་དང་སྔགས་ཡང་དག་པར ་བཤད་ཅེས་བྱ་བ་གསུངས་ཏེ། རྒྱུད་ཐམས་ཅད་ཀྱི་སྒྲས་ནི་འདུས་པ་ལ་སོགས་པ་བཟུང་ངོ། །སྔགས་ནི་ཨ་དང་ཧཱུཾ་ལ་སོགས་པའོ། །དེ་དག་གི་གནས་སུ་ཡང་དག་པར་བཤད་པ་ནི་བདེ་བ་ཆེན་པོ་ཞེས་བྱ་བའི་ཐ་ཚིག་གོ་།དེས་ན་ཁྱད་པར་ཇི་ལྟ་བུ་དང་ལྡན་པའི་བཅོམ ་ལྡན་འདས་ཞུ་བར་གྱུར་སྙམ་པ་ལ། དེ་བཞིན་གཤེགས་པ་ཐམས་ཅད་ཀྱི་བདག་པོ་ཞེས་སྨོས་ཏེ། རྡོ་རྗེ་འཆང་ངོ། །དེ་ལྟར་ཡང། དཔལ་ལྡན་སངས་རྒྱས་ཀུན་གྱི་བདག་།རྡོ་རྗེ་འཆང་ཆེན་གོ་འཕང་སྟེ། །སངས་རྒྱས་ཀུན་གྱི་ཐབས་བྱུང་བ། །དེ་ཉིད་ཆོས་རྣམས ་ཆོས་ཉིད་དོ། །ཞེས་གསུངས་ཏེ། སངས་རྒྱས་ཐམས་ཅད་སྐྱེད་པར་བྱེད་པ་ཞེས་བྱ་བའི་ཐ་ཚིག་གོ་།རྡོ་རྗེ་དང་པདྨ་ཡང་དག་པར་སྦྱོར་བས་ཞེས་བྱ་བ་ནི། རྡོ་རྗེ་པདྨར་བསྣུན་པ་དེའི་སྦྱོར་པས་ཡང་དག་པར་བདེ་བའོ། །བཙུན་མོའི་བྷ་གར་ཞེས་བྱ་བ་ནི། སྤྱན་མ་ལ་སོགས ་པའི་བཙུན་མོའི་བྷ་གར་རོ། །ཡོངས་སུ་མྱ་ངན་ལས་འདས་ཞེས་བྱ་བ་ནི་བྱང་ཆུབ་ཀྱི་སེམས་ཀྱི་གཟུགས་སུ་ཞུ་བར་གྱུར་ཞེས་བྱ་བའི་ཐ་ཚིག་གོ་།ཡོངས་སུ་ནི་ཀུན་དུའོ། །མྱ་ངན་ལས་འདས་པ་ནི་རྣམ་པར་རྟོག་པ་ལས་ངེས་པར་བྱུང་བ་སྟེ ་དེ་ནི་ཆོས་ཀྱི་སྐུའི་རང་བཞིན་ཞེས་བྱ་བའི་ཐ་ཚིག་གོ་།དེ་ཡོངས་སུ་མྱ་ངན་ལས་འདའ་བ་མཐོང་ནས་ཞེས་བྱ་བ་ནི། ཆོས་ཀྱི་སྐུ་དེ་གཟིགས་ནས་ཞེས་བྱ་བའི་དོན་ཏོ། །བྱང་ཆུབ་སེམས་དཔའ་ཐམས་ཅད་ཅེས་པ་ནི། བྱང་ཆུབ་སེམས་དཔའ་ ་འང་ཡིན་ལ། ཐམས་ཅད་ཀྱང་ཡིན་པས་ན། བྱང་ཆུབ་སེམས་དཔའ་ཐམས་ཅད་དེ་མིག་ལ་སོགས་པའི་དབང་པོ་དྲུག་གོ་།རྣལ་འབྱོར་མ་ཐམས་ཅད་ཅེས་བྱ་བ་ནི་ཐབས་དང་ཤེས་རབ་ཀྱི་བདག་ཉིད་ཀྱི་སྦྱོར་བ་རང་བཞིན་མེད་པའི་ཤེས་རབ ་གང་ཡིན་པ་དང། ཐབས་ཀྱི་དངོས་པོའི་མཚན་ཉིད་ཅེས་བྱ་བའི་ཐ་ཚིག་སྟེ། གང་དག་ལ་དེ་དག་ཡོད་པ་དེ་ནི་རྣལ་འབྱོར་མ་སྟེ། རྩ་ཐམས་ཅད་ཀྱི་རང་བཞིན་ནོ། །རྨད་དུ་གྱུར་ཏེ་ཞེས་པ་ནི་ངོ་མཚར་དུ་གྱུར་ཅེས་པའི་ཐ་ཚིག་གོ་།གཅིག་ལ་གཅིག ་བལྟ་ཞིང་ཞེས་བ་ནི། བྱང་ཆུབ་སེམས་དཔའ་དང་རྣལ་འབྱོར་མ་རྣམས་ཕན་ཚུན་དུ་ལྟ་ཞེས་བྱ་བའི་དོན་ཏོ། །ཅི་ཞིག་སྨྲ་ཞེ་ན། ཨེ་མའོ་ཞེས་གསུངས་ཏེ། ཨེ་ནི་ཤེས་རབ་ཡིན་ལ། མ་ནི་ཐབས་སུ་གསུངས་ཏེ། འོ་ན་གང་གི་ཕྱིར་ཞེས་བྱ་བའི་དོན ་ཏོ། །བཅོམ་ལྡན་འདས་ཞེས་བྱ་བ་ནི་ཐམས་ཅད་ཤེས་རབ་ཀྱི་བདག་ཉིད་ཀྱི་སྦྱོར་བའི་ཏིང་ངེ་འཛིན་ཞེས་བྱ་བའི་ཐ་ཚིག་གོ་།དེ་བཞིན་གཤེགས་པ་ཐམས་ཅད་ཀྱི་བདག་པོ་ཞེས་བྱ་བ་ནི་དེ་བཞིན་གཤེགས་པ་ཐམས་ཅད་ཀྱི་བདག་ཉིད་རྡོ་རྗེ་འཆང་ངོ། ། ་དཀྱིལ་འཁོར་ཆེན་པོ་རྒྱན་དང་ལྡན་པའི་དབུས་སུ་ཞེས་བྱ་བ་ལ། འདོད་ཆགས་དང་བྲལ་བའི་དགེ་འདུན་དང། བྱང་ཆུབ་སེམས་དཔའ་དུ་མ་དང། དེ་བཞིན་གཤེགས་པ་ཐམས་ཅད་དང། རྣལ་འབྱོར་མའི་ཚོགས་ཀྱིས་བརྒྱན་པ་གང་ཡིན་པའི་དཀྱིལ ་འཁོར་དེ་ནི་དཀྱིལ་འཁོར་ཆེན་པོ་རྒྱན་དང་ལྡན་པའི་དཀྱིལ་འཁོར་ཏེ། དེའི་དབུས་ཀྱི་གནས་སུའོ། །ཇི་ལྟར་ཡོངས་སུ་མྱ་ངན་ལས་འདས་ཞེས་བྱ་བ་ནི་ཇི་ལྟར་ཆོས་ཀྱི་སྐུར་གྱུར་ཞེས་བྱ་བའི་ཐ་ཚིག་གོ་།སྣ་ཚོགས་སྡེ་མ་ལ་སོམ་ཉི་འདི་ཞུས་ཏེ། དེ་ནས་ཞེས ་པ་ནི་དེ་མ་ཐག་ཏུ་ཞེས་པའི་ཐ་ཚིག་གོ་།རྣལ་འབྱོར་མ་སྣ་ཚོགས་སྡེ་མ་ཞེས་བྱ་བ་ནི་གསང་བར་གནས་པའི་རྩ་སྟེ། དེའི་སྣ་ཚོགས་ནི་ངོ་མཚར་བྱེད་པའོ། །སྡེ་ནི་བདེ་བ་ཆེན་པོའི་ཡེ་ཤེས་ཏེ། དེ་ཉིད་ཐེག་པ་ཆེན་པོའོ། །གཉི་གའི་སྦྱོར་བ་དང་ལྡན་པ ་ནི། རྣལ་འབྱོར་མར་བརྗོད་དེ་དེ་ཉིད་ལྷ་མོའོ། །བྱང་ཆུབ་སེམས་དཔའ་སེམས་དཔའ་ཆེན་པོ་ཕྱག་ན་རྡོ་རྗེས་འདི་སྐད་ཅེས་གསོལ་ཏོ་ཞེས་པ་ལ། རྡོ་རྗེ་ནི་གཉིས་སུ་མེད་པའི་ཡེ་ཤེས་ཏེ། དེའི་ཕྱག་གང་ལ་ཡོད་པ་དེ་ནི་ཕྱག་ན་རྡོ་རྗེའོ། །བྱང་ཆུབ་སེམས་དཔའ་ཨི ་བརྩོན་འགྲུས་གང་ལ་ཡོད་པ་དེ་ནི་བྱང་ཆུབ་སེམས་དཔའ་ཨོ། །སེམས་དཔའ་ཡང་ཡིན་ལ་ཆེན་པོ་ཡང་ཡིན་པས་སེམས་དཔའ་ཆེན་པོའོ། །སེམས་དཔའ་ནི་རྣམ་པ་གཉིས་སུ་གསུངས་ཏེ། སྐལ་བ་བཟང་པོ་སྐལ་བ་ངན་པའོ། །འདི་སྐད་གསོལ་ཏོ། །ཞེས ་བ་ནི། འདི་སྐད་དུ་ཞུས་ཏེ། ཞེས་བྱ་བའི་ཐ་ཚིག་གོ་།ཅི་ཞིག་སྨྲས་སྙམ་པ་ལ་གསུངས་པ་ལྷ་མོ་ཞེས་པ་ནི་བོད་པའོ། །བསོད་ནམས་དམན་པ་ཞེས་པ་ནི་ཡིད་འདུལ་བ་མེད་པས་ན་བསོད་ནམས་དམན་པ་སྟེ། བསོད་ནམས་དམན་པ་དང་ལྡན་པའི་སེམས་ཅན ་རྣམས་སོ། །ནུས་པ་ལ་ཞོན་པར་འགྱུར་བ་ཞེས་པ་ལ། ནུས་པ་ནི་རྣམ་པ་མང་པོའོ། །དེ་ལ་ཞོན་པ་ནི། སེམས་ཀྱིས་བཅུགས་པ་ཡིན་པར་བཞེད་དོ། །ཐབས་ཅུང་ཟད་མཆིས་སམ་ཞེས་པ་ནི་ཐབས་ཅུང་ཟད་མཆིས་སམ་ཞེས་པའི་འདོད་པ་སྟེ། ལྷ ་མོ་ལ་ཞུས་པའོ། །གསུངས་པ་རྣལ་འབྱོར་གྱི་རྒྱུད་ལ་ནི་བྱེ་བ་ཕྲག་དྲུག་ཉིད་དོ། །བྱེ་བ་ནི་རྣལ་འབྱོར་གྱི་རྒྱུད་རྣམ་དྲུག་ལའོ། །རྣལ་འབྱོར་མའི་རྒྱུད་ལ་ནི་བྱེ་བ་ཕྲག་བཅུ་དྲུག་ཉིད་དོ། །ཞེས་པ་ནི་རྣལ་འབྱོར་མའི་རྒྱུད་རྣམ་པ་བཅུ་དྲུག་ལའོ། མདོ་སྡེ་སོ་སོ་ལ་ནི་བྱེ ་པ་ཕྲག་བརྒྱད་ཅུའོ་ཞེས་པ་ལ། མདོ་སྡེ་སོ་སོ་ལ་རྣམ་པ་བརྒྱད་ཅུ་བརྒྱད་ཅུའོ། །ཕ་རོལ་ཏུ་ཕྱིན་པའི་ཐེག་པ་ལ་ནི་བྱེ་བ་བསྒྲེས་པའི་འབུམ་ཕྲག་ལྔའོ། །ཞེས་པ་ནི་ཕ་རོལ་ཏུ་ཕྱིན་པའི་ཐེག་པ་རྣམ་པ་ལྔ་ལའོ། །གཞུང་རྒྱས་པའི ་འཇིགས་པས་རྒྱས་པར་མ་བྲིས་སོ། །འདི་དག་ཐམས་ཅད་ཅེས་བ་ནི་རྣལ་འབྱོར་དང་རྣལ་འབྱོར་མའི་རྒྱུད་དང། མདོ་སྡེ་དང། ཕ་རོལ་ཏུ་ཕྱིན་པའི་ཐེག་པ་རྣམས་སོ། །ཐུབ་པའི་དབང་པོ་ཞེས་བྱ་བ་ནི་དེ་བཞིན་གཤེགས་པའི་བདག་པོའོ། །གསུངས ་ཞེས་པ་ནི་བཤད་ཅེས་པའོ། །སྔགས་ཞེས་པ་ནི་ཡིད་སྐྱོབ་པར་གྱུར་པས་ན་སྔགས་སོ། །དང་ཞེས་པ་ནི་གང་གི་ཕྱིར་ཞེས་པའི་དོན་ཏོ། །བྲལ་ན་ཞེས་པ་ནི་མ་རྟོགས་པར་ཞེས་པའི་དོན་ཏོ། །རྒྱུད་ཀྱི་ནུས་པ་མི་སྣང་སྟེ། ཞེས་པ་ལ། རྒྱུད་ཀླགས་པ་ཙམ ་ལ་ནི་ནུས་པ་དང་སྟོབས་མེད་ཅེས་བྱ་བའི་ཐ་ཚིག་གོ་།དེ་ལྟར་ཡང་ལུས་ཀྱིས་ཀླགས་པར་མི་འགྱུར་ཞིང། ངག་གིས་ཀླགས་པར་ཅིར་འགྱུར་གྱིས། གསོ་དཔྱད་ཀླགས་པ་ཙམ་གྱིས་ནི། ནད་པ་རྣམས་ནི་ཇི་ལྟར་འགྱུར་ཞེས་གསུངས་སོ། །ད་ནི་རྣལ་འབྱོར་པ ་ཐ་མ་དང་འབྲིང་དང་མཆོག་རྣམས་ཀྱི་བཟླས་པ་བསྟན་པར་བྱ་སྟེ། རྒྱུད་ལ་ལར་ཞེས་པ་ནི་རྒྱུད་ཁ་ཅིག་ཏུའོ། །ཇི་ནས་ཞེས་པ་ནི་རྣམ་པ་ཀུན་ནས་སོ། །སྔགས་བྱེ་བ་བཟླས་ཞེས་པ་ལ་རྣལ་འབྱོར་པ་ཐ་མས་ནི། སྔགས་བྱེ་བ་བཟླས་པར་གསུངས་ཞེས་པའི་ཐ་ཚིག་གོ་། ་བསོད་ནམས་འབྲིང་པོ་རྣམས་ཀྱིས་ནི་སྔགས་འབུམ་བཟླས་ཞེས་པ་ནི་བསོད་ནམས་འབྲིང་བོའི་རྣལ་འབྱོར་པ་དང་པར་མས་འབུམ་བཟླས་པར་གསུངས་ཏེ་མྱུར་བར་ཞེས་པ་ནི་མགྱོགས་པར་ཞེས་པའི་དོན་ཏོ། །གང་གསུངས་ཞེས་པ་ནི་གང་བཤད་པའོ། །བསོད ་ནམས་ཆེ་བས་ཞེས་བྱ་བ་ལ། བསོད་ནམས་ཆེ་བའི་རྣལ་འབྱོར་མཆོག་གིས་ནི་བྲི་བཟླས་པར་བཤད་དོ། །དེ་ལྟར་ཡང། རྫོགས་ལྡན་དུས་སུ་ཡི་གེ་འབུམ་བཟླས་ཏེ། གཉིས་ལྡན་དུས་སུ་སྔགས་པས་འབུམ་ཕྲག་གཉིས། །གསུམ་ལྡན་དུས་སུ་འབུམ་ཕྲག་གསུམ ་དུ་འགྱུར། །བྱེ་བ་ཕྲག་གསུམ་འབུམ་བཞི་བརྩོད་དུས་སྦྱར། ཞེས་གསུངས་སོ། །རྡོ་རྗེ་ཅན་ཆེན་པོ་ཞེས་པ་ནི་རྡོ་རྗེ་འཆང་ཆེན་པོའོ། །རྣམ་པ་དེ་ལྟ་བུར་བཅོམ་ལྡན་འདས་ཀྱིས་སྔགས་བཟླས་པ་གསུངས་སོ། །འཁོར་གྱི་ནང་དུ་ཕྱག་ན་རྡོ་རྗེ་ལ་སོགས་པ་བྱང་ཆུབ་སེམས ་དཔའ་རྣམས་དང། གཤིན་རྗེ་མཆེ་བ་མ་ལ་སོགས་པའི་རྣལ་འབྱོར་མ་རྣམས་ཕན་ཚུན་གླེང་བར་བྱེད་དོ། །བསོད་ནམས་ཆུང་བའི་སེམས་ཅན་རྣམས་ཞེས་པ་ནི་བསོད་ནམས་དམན་པ་རྣམས་སོ། །བྱེ་བ་བཟླས་པར་གསུངས་ཞེས་པ་ནི། བྱེ་བ་བཟླས་པར ་བཅོམ་ལྡན་འདས་ཀྱིས་གསུངས་སོ། །སེམས་ཅན་རྩོལ་བ་ཆུང་བ་རྣམས་ཀྱིས་ཞེས་བྱ་བ་ལ། ཉུང་དུས་མགུ་བའི་སེམས་ཅན་རྣམས་ཀྱི་བཟླས་པ་ནི་འབུམ་དུ་འགྱུར་རོ། །བསྒོམ་པ་ལ་ཞོམ་པའི་སེམས་ཅན་རྣམས་ཀྱིས་ནི་ཞེས་པ་ལ། དེ་ཁོ་ན་ཉིད་ཀྱིས་བསྒོམ་པ ་ལ་ཞོན་པར་ནུས་པ་དེ་ཁོ་ན་ཉིད་ཀྱིས་སེམས་བརླན་པ་དེ་རྣམས་ཀྱི་བཟླས་པ་ཁྲིར་འགྱུར་རོ། །འདོད་ཆགས་ལ་ཞུགས་པའི་སེམས་ཅན་རྣམས་ཞེས་པ་ནི་འདོད་ཆགས་དང་ཞེ་སྡང་ལ་སོགས་པ་དང་མཚུངས་པར་ལྡན་པ་ཞེས་བྱ་བའི་ཐ་ཚིག་གོ་།སྔགས་ཀྱི་བཟླས་པ ་ཇི་ལྟར་ལགས་ཞེས་བྱ་བ་ལ། དེ་དག་གི་སྔགས་ཀྱི་བཟླས་པའི་གྲངས་མེད་ཅེས་པའོ། །བླུན་པ་དང་ལྐུགས་པའི་རིགས་ཅན་རྣམས་ཀྱི་ཞེས་པ་ནི་རྨོངས་པ་དང་དིག་པའི་རིགས་ཅན་ཞེས་པའི་ཐ་ཚིག་གོ་།གྲངས་ཇི་ལྟར་ལགས་ཞེས་པ་ལ། སེམས་ཅན་དེ ་རྣམས་བཟླས་པ་ལ་གྲངས་མེད་ཅེས་པའི་ཐ་ཚིག་གོ་།ཤིན་ཏུ་དམིགས་པའི་སྔགས་ཀྱི་བཟླས་པ་ཞེས་བྱ་བ་ནི་བསྒོམ་པ་ལ་གཅིག་ཏུ་བརྩོམ་པ་ལ་ནི་སྔགས་ཀྱི་བཟླས་པ་དགོས་པ་མེད་དེ། སྔགས་ཀྱི་བཟླས་པ་བས་བསམ་གཏན་བསོད་ནམས་ཆོས་འཕེལ ་བར་འགྱུར་རོ། །འདི་ལྟར་ཕན་ཚུན་སྨྲ་བས་ཞེས་པ་ལ་སོགས་པ་ནི་གོ་སླའོ། །དམན་པའི་སེམས་ཀྱིས་ཞེས་པ་ནི་སྔགས་འདིས་དངོས་གྲུབ་འཐོབ་བམ་མི་འཐོབ། ཅེས་རྣམ་པ་དེ་ལྟ་བུར་གལ་ཏེ་བྱེད་ནའོ། །བསྐལ་པ་སྐར་མ་ལྟ་བུ་བྱེ་བར་ཡང་ཞེས་པ་ནི་ཇི ་ལྟར། ཇི་སྲིད་དུ་ནམ་མཁའ་ལ་སྐར་མ་གནས་པ་དེ་སྲིད་ཀྱི་བསྐལ་པའི་གྲངས་སུ་ཡང་དངོས་གྲུབ་མེད་ཅེས་བྱ་བའི་ཐ་ཚིག་གོ་།དེ་ལྟར་ཡང། ཐམས་ཅད་དུ་ནི་སྤྲུལ་པའི་སྐུ། །ཉན་ཐོས་ལ་སོགས་པ་ཡིས་མཐོང། །བྱང་ཆུབ ་སེམས་དཔའ་རྫོགས་ལོངས་སྤྱོད། །དེ་བཞིན་ཆོས་སྐུ་སངས་རྒྱས་ཀྱིས། །ཞེས་གསུངས་སོ། །དེ་ལྟ་བས་ན། བཅོམ་ལྡན་འདས་དེ་ཉིད་ན་བཞུགས་པ་དེ་བཞིན་གཤེགས་པ་དང་རྣལ་འབྱོར་མ་འབའ་ཞིག་གིས་མཐོང་ངོ། །དེ་ལྟར་ཐོས་ནས ་ཞེས་པ་ལ། ཨེའི་ཆ་བྱད་བཟང་པོ་གང། །དབུས་སུ་པཾ་གིས་རྣམ་པར་བརྒྱན། །བདེ་བ་ཐམས་ཅད་ཀྱི་ནི་གཞི། །སངས་རྒྱས་རིན་ཆེན་ཟ་མ་ཏོག་།ཅེས་སོ། །དེའི་དབུས་སུ་འཛག་པ་ནི། །འདིར་སྲུ་ཤྲ་བ་ཎའི་སྐད་ཀྱི་དབྱིངས་ཀྱི་སྦྱོར་བ་ལས་སོ། ། ་དེས་ཅིར་འགྱུར་ཞེ་ན། གང་གི་ཚེ་ན་བྱང་ཆུབ་ཀྱི་སེམས་འཛག་པ་དེའི་ཚེ་ཐམས་ཅད་མཁྱེན་པར་འགྱུར་ཞེས་སྦྱར་རོ། །རྣལ་འབྱོར་མ་སྣ་ཚོགས་སྡེ་མ་ཞེས་པ་ནི་གསང་བ་ན་གནས་པའི་རྩའོ། །དེའི་སྣ་ཚོགས་ནི་ངོ་མཚར་བྱེད་པ་སྟེ། རྩ་ཐམས ་ཅད་ཀྱི་ཚོགས་འདུས་ཞེས་པའི་ཐ་ཚིག་གོ་།དེའི་བདེ་བ་ཆེན་པོ་ཉམས་སུ་མྱོང་བ་ནི་རྣལ་འབྱོར་མའོ་ཞེས་བརྗོད་པར་བྱའོ། །ཐབས་དང་བྲལ་བའི་རྣལ་འབྱོར་མ་ནི་མེད་དེ། དེ་ལྟར་ཡང། མ་མོའི་གཟུགས་ཀྱིས་ཏེ། མཁའ་འགྲོ་མ་ནི་འགྲོ་དང་ཚུལ།། ་རྣལ་འབྱོར་མ་ནི་ཐབས་དང་ལྡན། །དཀྱིལ་འཁོར་ལས་ནི་རྟག་ཏུ་སྤྲོ་ཞེས་གསུངས། །དེ་ཉིད་ཀྱི་ཕྱིར་སྣ་ཚོགས་སྡེ་མ་ལ་བཅོམ་ལྡན་འདས་འཁྱུད་དེ་བཞུགས་སོ། །བཅོམ་ལྡན་འདས་ཀྱི་ཞལ་ལ་ཞེས་བྱ་བ་ནི། ཞལ་དབུ་མ་བདེ་བ་ཆེན་པོའི ་རང་བཞིན་ནོ། །ལྟ་བར་བྱེད་ཅེས་བྱ་བ་ནི། ཉམས་སུ་མྱོང་བར་བྱེད་ཅེས་བྱ་བའི་ཐ་ཚིག་གོ་།རྔུར་མིག་དང་བཅས་པ་ལ་སོགས་པ་ནི་གོ་སླའོ། །བདུད་ཀྱི་དཔུང་རབ་ཏུ་བཅོམ་མོ་ཞེས་པ་ལ། བདུད་ནི་དབང་པོ་ལ་སོགས་པ་སྟེ། དེ་རྣམས་ཀྱི་རྣམ་པར་རྟོག་པའི་ཚོགས ་བཅོམ་མོ་ཞེས་བྱ་བའི་ཐ་ཚིག་གོ་།སླར་ཡང་ཁྱད་པར་ཇི་ལྟ་བུ་ཞིག་དང་ལྡན་ཞེ་ན། གསུངས་པ་དེ་ལྟར་བཞུགས་པའི་ལྷ་མོ་ཞེས་པ་ལ། དེ་ལྟར་གསང་བ་ཆེན་པོའི་གནས་སྤྲུལ་པའི་འཁོར་ལོ་དང། ཆོས་ཀྱི་འཁོར་ལོར་རོལ་པ་ནི་ལྷ་མོའོ། །དེས་ཅིར ་འགྱུར་ཞེ་ན། ཐབས་དང་ཤེས་རབ་དག་ཡང་དག་པར་འདུས་པས་བདེ་བ་མྱོང་བར་འགྱུར་རོ། །རྒྱུད་ཐམས་ཅད་ཀྱི་བདག་པོ་ཞེས་པ་ལ། རྒྱུད་ཀྱང་ཡིན་ལ་ཐམས་ཅད་ཀྱང་ཡིན་མས་རྒྱུད་ཐམས་ཅད་དེ་འདུས་པ་ལ་སོགས་པའོ། །དེ་རྣམས་ཀྱི་བདག ་བའི་དབང་ཕྱུག་ནི་སྣ་ཚོགས་སྡེ་མའོ། །ཡང་ན་རྒྱུད་ཐམས་ཅད་ཀྱི་སྒྲས་ནི་ཨ་ལ་སོགས་པའི་དབྱངས་ཡིག་བཅུ་དྲུག་ལོངས་སྤྱོད་ན་གནས་པ་གཟུང་སྟེ། དེས་ནི་རྒྱུད་ཐམས་ཅད་ཀྱི་སྒྲས་ལོངས་སྤྱོད་ཀྱི་འཁོར་ལོ་ཡང་དག་པར་བཤད་དོ། །རྒྱུད་ཐམས ་ཅད་ཀྱི་བདག་པོ་ནི་བདེ་བ་ཆེན་པོའི་འཁོར་ལོའོ། །དེའི་དབང་ཕྱུག་ནི་གཏུམ་མོར་ཡང་དག་པར་བཤད་དོ། །འདི་དག་གིས་ནི་སྔགས་ཀྱི་དེ་ཉིད་རབ་ཏུ་བཤད་པ་ཡིན་ནོ། །གཟིགས་པ་ཙམ་གྱིས་ཞེས་པ་ནི་གཏུམ་མོ་བསྒོམས་པས་སྔགས་འགྲུབ་པར་འགྱུར་རོ ་ཞེས་གསུངས་སོ། །བཅོམ་ལྡན་འདས་ཀྱི་དབུ་ལས་སྔགས་འབྱུང་ངོ། །ཞེས་པ་ནི་བྱང་ཆུབ་ཀྱི་སེམས་ཀྱི་ས་བོན་ནོ། །ལུས་སྐྱོང་བས་ན་ཐོད་པའོ། །ཀཾ་སྟེ་ཡུལ་སྐྱོང་བས་ན་ཐོད་པའོ། །ཀཾ་ནི་བདེ་བ་སྐྱོང་བ་སྟེ་བྱང་ཆུབ་ཀྱི་སེམས་ཀྱི་ས་བོན་མི་ཤིགས་པ་ཧཾ་ངོ། ། ་དེའི་གནས་ནས་སྔགས་བྱུང་བར་འདོད་དོ། །ལས་རྣམས་བཞིར་ནི་རྣམ་གཞག་པས། མི་ཤིགས་པའི་གཟུགས་རྣམས་བཞི། །ལུས་འདིའི་ཁ་དོག་རྣམ་བཞི་ཡིས། །ལས་རྣམས་བཞི་ནི་རབ་ཏུ་སྒྲུབ། །ཞེས་སོ། །སླར་ཡང་ཨཱ་ལི་ཀཱ་ལི་རབ་སྦྱོར་བས། །དེ་ཡི ་ས་བོན་ཡང་དག་བཏུ། །སྨིན་དབུས་གནས་ཀྱི་ཐིག་ལེ་ཡི། །ས་བོན་ཡེ་ཤེས་ཅན་གྱིས་བསྒོམ། །ཞེས་གསུངས་སོ། །དེ་ཉིད་ཀྱི་ཕྱིར་སྔགས་ཐམས་ཅད་ཀྱི་གནས་མི་ཤིགས་པའི་ཡུམ་མོ། །གནས་དེར་སེམས་བཏགས་པའི་སྔགས་སྤྲོས་པས། །དངོས་གྲུབ་ཐོབ་བོ་ཞེས་སྦྱར་ ་རོ། །སྔགས་གང་ཡིན་ཞེ་ན། དེ་ཉིད་གསུངས་པ། ཨོཾ་བུདྡྷ་ཞེས་བྱ་བ་ལ་སོགས་པའི་རྐང་པ་བརྒྱད་པའོ། །བྱུང་ཞེས་པ་ནི་སོང་བའོ། །གང་དུ་སོང་ཞེས་ནི་དེ་ཉིད་གསུངས་པ་ས་རིམ་པ་བདུན་གྱི་འོག་ཏུ་ཆུད་པ་ཞེས་བྱ་བ་ནི། རི་མོ ་བདུན་པོ་དེ་ལ་ཐིམ་པར་གྱུར་པ་སྟེ། དེ་ནི་ཀ་ལ་སོགས་པའི་རང་བཞིན་ནོ། །དེ་ཉིད་ལས་སྔགས་འཕྲོ་ཞིང་དེ་ཉིད་དུ་ཐིམ་མོ། །ཀླུ་རྣམས་བཅོམ་པར་བྱས་ཞེས་བྱ་བ་ལ། ཀླུ་རྣམས་ཞེས་བྱ་བ་ལ་སོགས་པ་ནི་སྒྲ་ཇི་བཞིན་ནོ། །ཡུལ་དང་དབང་པོ་དང་རྣམ ་པར་ཤེས་པ་བཅོམ་ཞིང་བརླག་པར་བྱས་ཞེས་པའི་ཐ་ཚིག་གོ་།སླར་འོངས་ཏེ་ཞེས་པ་ནི་སླར་རི་མོ་དེ་ལ་འོངས་པ་སྟེ། ཞུགས་ཞེས་བྱ་བའི་ཐ་ཚིག་གོ་།སྣ་ཚོགས་སྡེ་མ་ཞེས་པ་ནི་ཨ་བ་དྷཱུ་ཏཱིའི་ནང་དུ་ཆུད་པའོ། །ཞལ་ཞེས་པ་ནི་རང་བཞིན་གྱིས་ཕྲ་བའི ་གནས་སུ་རླུང་གི་རབ་ཏུ་དབྱེ་བས་སྔགས་ཞུགས་པར་བསམ་པར་བྱའོ། །པདྨའི་ནང་ནས་བྱུང་ནས་ཞེས་པ་ནི། པདྨའི་ནང་དུ་ཆུང་པའི་ཐིག་ལེ་ལས་བྱུང་ཞིང་འཐོན་ཏོ་ཞེས་པའི་ཐ་ཚིག་གོ་།སླར་ཐོད་པར་ཞུགས་ཞེས་པ་ལ་ཐོད་པ་སྟེ། མི་ཤིགས་པའི ་རྩ་ཕྲ་པའི་དངོས་པོ་ཞུགས་པར་བསམ་པར་བྱའོ། །ཡང་ན་སྣ་ཚོགས་སྡེ་མ་ལ་སོགས་པ་ནི་སྒྲ་ཇི་བཞིན་དུ་ཤེས་པར་བྱའོ། །རྡུལ་བྱུང་ཞེས་པ་ནི། རྩ་སྟོང་བདུན་ཅུ་རྩ་གཉིས་ལས་བྱང་ཆུབ་ཀྱི་སེམས་འཕྲོ་བར་འགྱུར་བའོ། །ནོར་རྒྱས་ལ་སོགས ་པའི་གླུ་ཞེས་པ་ནི་གོ་བར་སླའོ། །དེ་ལྟར་ཡང། བདེ་ཆེན་འཁོར་ལོ་ལས་ནི་བརྒྱད། །ལོངས་སྤྱོད་འཁོར་ལོ་ལས་དེ་བཞིན། །ཆོས་ཀྱི་འཁོར་ལོ་ལས་ནི་བཞི། །དེ་བཞིན་སྤྲུལ་པ་ལས་བཅུ་གཉིས། །ཞེས་གསུངས་སོ། །དེ་ལྟར་རྩ་སུམ་ཅུ་རྩ་གཉིས ་ལས་བྱང་ཆུབ་ཀྱི་སེམས་ཐམས་ཅད་འབབ་བོ། །དེ་ལྟར་ཡང། གང་ཚེ་བྱང་ཆུབ་སེམས་ཀྱིས་ནི། །རྩ་འདི་དག་ནི་གང་གྱུར་པས། །དེ་ཡིས་རྗེས་སུ་སངས་རྒྱས་དང། །རྡོ་རྗེ་འཆང་པ་ཉིད་འཐོབ་འགྱུར་ཞེས་གསུངས་སོ། །རྣལ་འབྱོར་མ་སྣ་ཚོགས་སྡེ་མ་ལ ་ཁ་ཕྱོགས་ཏེ་ཞེས་པ་ནི་རྣལ་འབྱོར་མ་ཆེན་མོའི་མདུན་དུ་ཁ་བལྟས་པའོ། །ཀླུ་ཐམས་ཅད་ཅེས་བྱ་བ་ནི། ནོར་རྒྱས་ལ་སོགས་པའོ། །ཞུས་པ་ཞེས་པ་ནི་ཡང་དག་པར་གསོལ་བའོ། །སྙིང་ན་གནས་པའི་རྩ་བརྒྱད་པོ་དེ་རྣམས་ནི་ཀླུ་བརྒྱད་ཀྱི་རང ་བཞིན་ནོ། །དབུས་ཀྱི་ཐིག་ལེའི་གཟུགས་ནི་སྣ་ཚོགས་སྡེ་མ་དང། ལྡན་པའི་བཅོམ་ལྡན་འདས་སོ་ཞེས་བྱ་བའི་ཐ་ཚིག་གོ་།ལྷ་མོ་བཀའ་ཅི་ཞིག་སྩོལ་ཞེས་པ་ནི། ལྷ་མོ་སྣ་ཚོགས་སྡེ་མ་བཀའ་སྩོལ་ཅིག་།ཅེས་པའོ། །སངས་རྒྱས་ཉམས་སུ ་མྱོང་བ་ཞེས་པ་ལ། སངས་རྒྱས་ནི་ཕུང་པོ་ལྔ་སྟེ། དེ་རྣམས་ཀྱི་རྗེས་སུ་ནི་ཕྱིས་འབྱུང་བའོ། །དེས་ན་གང་ཉམས་སུ་མྱོང་བར་འགྱུར་བ་དེ་གྱིས་ཤིག་པའོ། །དེ་ལྟར་ཐོས་པ་ཙམ་ཞེས་པ་ནི། ཨེ་བཾ་ཡང་དག་པར་སྦྱོར་བ་སྟེ། བྱང་ཆུབ་ཀྱི ་སེམས་སྤྲོས་པ་ཙམ་གྱིས་སོ། །གནས་གང་དུ་ཞེ་ན། དཀྱིལ་འཁོར་ཆེན་པོའི་རྒྱན་དང་ལྡན་པའི་དབུས་སུ་སྟེ་འཁོར་ལོ་བཞིའི་དབུས་སུའོ། །གང་ལས་ཤེ་ན་བཅོམ་ལྡན་འདས་ལས་ཏེ། བཅོམ་ལྡན་འདས་ཐིག་ལེའི་གཟུགས་སུ་སྣང་བ་ལས་ཞེས་པའི་དོན་ཏོ། །ཐོད་པ་ཁ་ཕྱེ་སྟེ་ཞེས་པ་ལ ་ཉོལ?་བ་ནི་བཤད་ཟིན་ཏོ། །ཱ་ལི་ཀཱ་ལིའི་རང་བཞིན་གྱི་ཐོད་པ་ཁ་ཕྱེ་ཞིང་གསང་ཞེས་པའི་ཐ་ཚིག་གོ་།གླེགས་བམ་ཞེས་པ་ནི། ཆོས་ཐམས་ཅད་གཅིག་ཏུ་བསྡུས་པའོ། །ཡང་ན་གླེགས་བམ་ནི་བྱང་ཆུབ་སེམས་ཏེ། བུ་ནི་པུ་ལི་རའི་གནས་ཏེ་སྤྱི་བོའོ། །ཀཾ་ནི ་བདེ་པའོ། །ཧ་ནི་དེ་རྒྱས་པར་བྱེད་པ་སྟེ། དེས་ན་ཐིག་ལེའི་གཟུགས་མི་ཤིགས་པའི་ཡིད་ལྟ་བུ་གླེགས་བམ་མོ། །བྱུང་ངོ་ཞེས་པ་ནི། སྤྲོས་པའི་ཐ་ཚིག་གོ་།ནམ་མཁའ་ལས་སྒྲ་བྱུང་ངོ་ཞེས་པ་ལ། ནམ་མཁའ་ནི་ཆོས་ཀྱི་འབྱུང་གནས་སོ། །སྒྲ་ནི་པ་ཙམ ་སྟེ། རྡོ་རྗེ་དང་པདྨ་ཡང་དག་པར་སྦྱོར་བ་ལས་བྱུང་རྡོ་རྗེ་ཞེས་པའི་བར་དུའོ། །གླེགས་བཾ་བྱུང་བའི་དུས་སུ་ནམ་མཁའ་ལ་ལྷ་རྣམས་ཀྱིས་རོལ་མོའི་སྒྲ་སྣ་ཚོགས་སྒྲོགས་པར་བྱེད་དོ། །ལྷ་མོ་སྣ་ཚོགས་སྡེ་མ་ཟུང་ཞེས་པ་ལ་ལྷ་མོ་ནི་བོད་པ་སྟེ། ཀྱེ་ལྷ་མོ་གླེགས ་བམ་ཟུང་ཞེས་པའི་དོན་ཏོ། །སེམས་ཅན་ཀུན་ལ་ཕན་འདོགས་མ། །ཞེས་པ་ནི་སེམས་ཅན་ཐམས་ཅད་ལ་ཕན་པར་མཛད་མ་ཞེས་པའི་དོན་ཏོ། །རྒྱུད་འདི་རྒྱལ་པོ་ཆེན་པོ་སྟེ། ཞེས་པ་ནི་འདུས་པ་ལ་སོགས་པའི་རྒྱུད་རྣམས་ཀྱི་ནང ་ན་རྒྱལ་པོ་སྟེ་གཙོ་བོའོ། །ཞེས་པའི་ཐ་ཚིག་གོ་།རྒྱུད་ཀྱི་ཁྱད་པར་ཇི་ལྟ་བུ་ཞེ་ན། དེ་ཉིད་གསུངས་པ། རྣལ་འབྱོར་མའི་གོང་ན་མེད་ཅེས་པ་ནི། སྤྱན་མ་ལ་སོགས་པའི་ངག་གི་ལམ་ལས་འདས་པའི་རང་བཞིན་ནོ། །རྒྱུད་ཀྱི་མཚན་ཅི་ཞེ་ན། སངས་རྒྱས ་ཐོད་པའོ། །སངས་རྒྱས་ནི་རྡོ་རྗེར་གསུངས་ལ། ཐོད་པ་ནི་པདྨར་བཤད་དེ། ཆོས་ཀྱི་འབྱུང་གནས་ཞེས་པའི་དོན་ཏོ། །དེ་ཉིད་ཀྱི་ཕྱིར་ཐབས་དང་ཤེས་རབ་ཀྱི་རྒྱུད་ཅེས་པའི་ཐ་ཚིག་གོ་།དེ་ལྟར་ཐོས་ནས་ཞེས་པ་ནི་ཤེས་རབ་དང་ཐབས་ཀྱི་རང་བཞིན ་གྱི་བྱང་ཆུབ་ཀྱི་སེམས་སྤྲོས་པའོ། །སྣ་ཚོགས་སྡེ་མ་ཞེས་པ་ལ་སྣ་ཚོགས་ནི་ངོ་མཚར་རོ། །སྡེ་ནི་བདེ་བ་ཆེན་པོ་ཞེས་པའི་ཐ་ཚིག་གོ་།དེས་ཅིར་འགྱུར་ཞེ་ན་གླེགས་བམ་ཡང་དག་པར་བཟུང་སྟེ། ཞེས་པ་ལ། པུ་ནི་པུ་ལི་རའོ། །ཀཾ་ནི་སུ་ཀ་སྟེ་མི ་ཤིགས་པའོ། །ཏ་ནི་རྒྱས་པར་བྱེད་པ་སྟེ། བྱང་ཆུབ་ཀྱི་གླེགས་བམ་ཡང་དག་པར་གཟུང་སྟེ། འགྲོ་བ་གང་ཡིན་པ་དེ་ནི་སྣ་ཚོགས་སྡེ་མ་ཞེས་པའི་ཐ་ཚིག་གོ་།ཕྱག་ན་རྡོ་རྗེ་ལ་ཉེ་བར་གཏད་ཏེ་ཞེས་པ་ལ་རྡོ་རྗེ་ནི་མི་ཕྱེད་པའོ། །དེའི་ཕྱག་གང་ལ་ཡོད ་པ་དེ་ནི་ཕྱག་ན་རྡོ་རྗེའོ། །དེའི་དྲུང་དུ་སོང་སྟེ། ཉེ་བར་གཏད་ཅེས་པའི་ཐ་ཚིག་གོ་།ཅིའི་ཕྱིར་འགྲོ་ཞེ་ན་ཕྱག་ན་རྡོ་རྗེ་ལ་གསང་བའི་དབང་སྦྱིན་པའི་དོན་དུ་ཞེས་བྱ་བའི་ཐ་ཚིག་གོ་།སེམས་ཅན་ཀུན་ལ་བདེ་འབབ་པ་ཞེས་པ་ནི། སེམས་ཅན་ཐམས་ཅད ་ལ་ཞེས་པ་ནི་སེམས་ཅན་ཐམས་ཅད་ལ་བདེ་བ་འབབ་པར་བྱེད་པས་ན། སེམས་ཅན་ཀུན་ལ་བདེ་འབབ་པ་ཞེས་པའི་དོན་ཏོ། །དངོས་གྲུབ་ཀུན་ཞེས་པ་ནི་དངོས་གྲུབ་ཐམས་ཅད་སྟེར་ཞེས་པའི་དོན་ཏོ། །གང་དག་གི་ཞེ་ན་རྣལ་འབྱོར་མ་རྣམས་ཀྱི་ཞེས ་སྨོས་ཏེ། རྣལ་འབྱོར་མ་རྣམས་ལ་ཞེས་སྦྱར་བར་བྱའོ། །འབྲས་བུ་མྱུར་དུ་སྟེར་ཞེས་པ་ལ་བྱང་ཆུབ་ཀྱི་སེམས་དེ་ཉིད་ཀྱིས་ཕྱག་རྒྱ་ཆེན་པོའི་དངོས་གྲུབ་སྟེར་བར་འགྱུར་བའོ། །མནན་དང་སྦར་དང་ཡེ་ཤེས་ཆེ་ཞེས་པ་ལ་མནན་པའི་སྒྲ་ནི་ཤེས་རབ་ཀྱི་པདྨའོ། ་སྤར་བའི་སྒྲས་ནི་རྡོ་རྗེ་ཞེས་པའི་དོན་ཏོ། །རྡོ་རྗེ་དང་པདྨ་དག་ལ་སྐྱེད་པའི་ཡེ་ཤེས་གང་ཡིན་པ་དེ་ནི་ཡེ་ཤེས་ཆེ་སྟེ། ལྷན་ཅིག་སྐྱེས་པའི་རང་བཞིན་ཞེས་པའི་ཐ་ཚིག་གོ་།ཡེ་ཤེས་དེའི་ཁྱད་པར་ཇི་ལྟ་བུ་ཞེ་ན། གོང་ན་མེད་པ་ཞེས་པ་སྟེ། ངག་གི་ལམ་གྱི ་སྤྱོད་ཡུལ་ལས་འདས་པའོ། །སྙེད་པར་དཀའ་ཞེས་པ་ནི་རྩ་བ་སྐྱོང་པ་ལས་ཤེས་པར་བྱ་བའོ། །འདི་དག་གིས་ནི་རང་རིག་པ་ཙམ་བསྟན་ཏོ། །དེ་ལྟར་ཡང་རྟག་ཏུ་འདོད་པ་བསྟེན་བྱ་ཞིང། ཆུའི་མཆོག་ཀྱང་བཏུད་པར་བྱ། །ཆོས་པ་སྟེན་ཆོས་མིན་སྤང་བར་བྱ། ། ་འདི་ནི་སོ་མོའི་བརྟུལ་ཞུགས་སོ་ཞེས་གསུངས་སོ། །ཉན་ཐོས་ལ་སོགས་པས་དཀའ་བ་སྦྱང་ཀྱང་མིང་ཙམ་ཡང་མི་རྙེད་དོ། །ཞེས་བྱ་བའི་ཐ་ཚིག་གོ་།གསང་བ་ཞེས་པ་ལ་གསང་བའི་སྒྲས་ནི་ཆོས་ཀྱི་དབྱིངས་ཀྱི་ཚུལ་གྱིས་ཁྱད་པར་བྱེད་ཅིང་དེ་བཞིན ་གཤེགས་པ་ཐམས་ཅད་དེ་ལས་བྱུང་བས་ན་གསང་བ་སྟེ། ཉན་ཐོས་ལ་སོགས་པའི་སྤྱོད་ཡུལ་མ་ཡིན་པས་ན་གསང་བའོ། །མཆོག་ཅེས་བྱ་བ་ནི་ཕུལ་དུ་བྱུང་བའི་ཡེ་ཤེས་དམ་པའི་ཕུལ་ལོ། །ཉམས་དགའ་ཞེས་བྱ་བ་ནི་དགའ་བ་ལ་སྦྱོར ་བས་ཉམས་དགའ་ཨོ། །ལུས་ཀུན་ལ་ནི་རྣམ་པར་གནས་ཞེས་པ་ནི་ལུས་ཅན་ཐམས་ཅད་ཀྱི་སྙིང་གི་དབུས་ན་བདེ་བ་ཆེན་པོའི་གཟུགས་ཀྱིས་རྣམ་པར་གནས་པར་འགྱུར་བའོ། །དེའི་ལས་གང་ཡིན་ཞེ་ན། དེ་ཉིད་གསུངས་པ་ནམ་མཁའ་ལྡིང་ལ་སོགས ་པའི་ལས་བཅུ་གཉིས་སུ་འགྱུར་རོ། །སྣ་ཚོགས་སྔགས་རིམ་ཇི་བཞིན་གང་ཞེས་པ་ནི་རྣམ་པ་སྣ་ཚོགས་པའི་བག་ཆགས་ལས་ཡིད་སྐྱོབ་པར་བྱེད་པས་ན་སྣ་ཚོགས་སྔགས་ཞེས་པའི་དོན་ཏོ། །རིམ་ཇི་བཞིན་ཞེས་པ་ནི་སྔགས་ཀྱི་གོ་རིམས་ཇི་ལྟ་བ ་བཞིན་འབྱུང་ཞེས་པའི་ཐ་ཚིག་གོ་།ཇི་བཞིན་རྣལ་འབྱོར་མ་སྐྱེས་དང། ཞེས་པ་ལ། རྣལ་འབྱོར་མ་ནི་གཤིན་རྗེ་མཆེ་བ་མ་ལ་སོགས་པའོ། །དེ་རྣམས་ཀྱི་ཇི་ལྟར་འབྱུང་བ་ནི་གོ་རིམས་ཇི་ལྟ་བ་བཞིན་ཕྱོགས་དང་མཚམས་སུ་བསྐྱེད ་ཅེས་པའི་ཐ་ཚིག་གོ་།དཔལ་ཆེན་ཧེ་རུ་ཀའི་ཞེས་པ་ལ། ཧེ་ནི་རྒྱུ་སྤངས་པའོ། །རུ་ནི་གཟུགས་བཅོམ་པའི་དོན་ཏོ། །ཀ་ནི་གང་དཱུང་མི་གནས་པ་སྟེ། ཨཱ་ལི་ཀཱ་ལི་མཉམ་པར་སྦྱོར་བའི་བྱང་ཆུབ་ཀྱི་སེམས་བདེ་བ་ཆེན་པོའི་རང་བཞིན་ནི་དཔའ་བོ་ཆེན ་པོ་ཧེ་རུ་ཀ་ཞེས་པའི་དོན་ཏོ། །དང་ནི་སྡུད་པའོ། །བསྐྱེད་པ་དང་ནི་གནས་རྒྱུ་དང་ཞེས་པ་ནི་མངོན་པར་བྱང་ཆུབ་པ་ལྔས་ཧེ་རུ་ཀ་བསྐྱེད་ཅིང། བཞེངས་པ་ཞེས་པའི་དོན་ཏོ། །དེའི་གནས་པའི་རང་བཞིན་དེ་ཉིད་རྒྱུ་སྟེ་བླ་ན་མེད་པ་ཡང་དག་པར་རྫོགས ་པའི་བྱང་ཆུབ་ཀྱི་རྒྱུད་དང་འབྲས་བུ་ཞེས་པའི་ཐ་ཚིག་གོ་།དངོས་དང་དངོས་མེད་ཅེས་པ་ལ། །བཅོམ་ལྡན་འདས་ནི་དངོས་པོའི་ངོ་བོ་སྟེ། དངོས་པོ་མེད་པའི་ངོ་བོ་ཡང་དེའོ། །རྣམ་པ་ཀུན་གྱི་མཆོག་དང་ལྡན་པ་སྟོང་པ་ཉིད་ཀྱི་མཚན་ཉིད་ཅེས་པའི་ཐ ་ཚིག་གོ་།དེ་ལྟར་ཡང་དཔལ་གསང་བ་འདུས་པ་ལས། དངོས་པོ་ཐམས་ཅད་དང་བྲལ་ཞིང། །ཕུང་པོ་ཁམས་དང་སྐྱེ་མཆེད་དང། །གཟུང་དང་འཛིན་པ་རྣམ་སྤངས་པ། །ཆོས་བདག་མེད་པ་མཉམ་ཉིད་པ། །རང་སེམས་གདོང་མ་ནས་སྐྱེས་པ། །སྟོང་པ ་ཉིད་ཀྱི་རང་བཞིན་ནོ། །ཞེས་གསུངས་སོ། །ལང་ཀར་གཤེགས་པ་ལས་ཀྱང། །ཇི་ལྟར་བྱིས་པས་རྣམ་བརྟགས་པའི། །ཕྱི་ཡི་དོན་ནི་ཡོད་པ་མིན། །འདོད་ཆགས་ཀྱིས་ནི་སྔགས་པའི་སེམས། །དེ་ནི་དུ་སྣང་བར་རབ་ཏུ་སྐྱེ་ཞེས་གསུངས་སོ། །དེ་ལྟར་ན ་དངོས་པོ་མེད་པའི་རང་བཞིན་བཅོམ་ལྡན་འདས་ཞེས་པའི་ཐ་ཚིག་གོ་།སྤྲོས་མེད་ཅེས་པ་ནི་སྤྲོས་པ་དང་བྲལ་བའི་ཕྱིར་ན་སྤྲོས་པ་མེད་པའོ། །སྲིད་པར་སྤྱོད་ཅིང་གོས་པ་མེད་ཅེས་པ་ནི། སྲིད་པའི་འཁོར་བར་སྤྱོད་པར་བྱེད་པས་ན་སྲིད་པར ་སྤྱོད་པའོ། །དགོངས་པས་བཤད་པ་ཞེས་པ་ནས་རལ་གྲི་ཞེས་པའི་མཐར་ཐུག་པའི་ལས་བཅོ་བརྒྱད་པོར་འགྱུར་བ་དེ་ཇི་ལྟར་བསྒྲུབ་པར་བྱ་ཞེ་ན། གསུངས་པ། སངས་རྒྱས་ཐོད་པའི་སྦྱོར་བ་ཡིས། །ཞེས་པ་ལ། སངས་རྒྱས་ནི་རྡོ་རྗེར་གསུངས་ལ་ཐོད ་པ་ནི་པདྨ་ཉིད་དོ། །དེ་དག་གི་སྦྱོར་བའི་བསམ་གཏན་གྱིས་འགྲུབ་པར་འདོད་པའོ། །མི་སྣང་བ་ཞེས་པ་ནི་ལྷ་དང་མི་རྣམས་ཀྱིས་མི་མཐོང་བའི་དོན་ཏོ། །སྣ་ཚོགས་རྫུ་འཕྲུལ་རྣམ་འཕྲུལ་དང་ཞེས་པ་ལ། སྣ་ཚོགས་རྫུ་འཕྲུལ་ནི་སྣ་ཚོགས་པའི་ཆོ་འཕྲུལ་ཏེ ་རྣམ་པ་སྣ་ཚོགས་པ་བྱེད་པར་འགྱུར་བའོ། །རང་གི་གཟུགས་སུ་བསྒྱུར་བ་དང་ཞེས་པ་ལ། རང་གི་གཟུགས་ཀྱི་རང་བཞིན་བསྒྱུར་ཞིང་གཞན་གྱིས་གཟུགས་སུ་བྱེད་པ་སྟེ། གཟུགས་སྣ་ཚོགས་པར་སྤྲུལ་པར་བྱེད་པའོ། །གཞན་གྱི་ལུས་པ་གཞུག་སོགས་དང ་ཞེས་པ་ལ། གཞན་གྱི་ལུས་ནི་གཞན་གྱི་ཁོག་པ་སྟེ་དེར་འཇུག་པར་བྱེད་པའོ། །སོགས་པའི་སྒྲས་ནི་གོང་དུ་འཕོ་བ་ཞེས་པའི་ཐ་ཚིག་གོ་།ལས་ཀྱི་ཚོགས་ནི་གཞུང་རྒྱས་པའི་འཇིགས་པས་མ་བྲིས་ཏེ། གདན་བཞི་པ་དང་རྡོ་རྗེ་མཁའ་འགྲོའི་རྒྱུད་དག་ལས ་བླ་མའི་མན་ངག་གིས་ཤེས་པར་བྱའོ། །སངས་རྒྱས་བྱེ་བས་རབ་གསུངས་པ། ཞེས་པ་ལ་སངས་རྒྱས་བྱེ་བ་ནི་རྡོ་རྗེ་འཆང་བ་ལ་སོགས་པའོ། །རབ་གསུངས་པ་ནི་ལྷན་ཅིག་སྐྱེས་པའི་གཟུགས་ཅན་གཏུམ་མོ་བསྒོམ་པའོ། །སངས་རྒྱས་བུ་མོ་ཞེས་པ་ནི ་སངས་རྒྱས་དང་རྡོ་རྗེ་འཆང་བུ་མོ་ལྷན་ཅིག་སྐྱེས་པའི་གཟུགས་ཅན་མ་སྟེ། བུ་མོ་དེ་ཡང་མཆོག་ཆེན་མོའོ། །ཁྲོས་པ་ཙམ་གྱིས་འགུགས་བྱེད་ན་ཞེས་པ་ནི། །ཆགས་པའི་སྦྱོར་བས་གཏུམ་མོ་སྦར་ཏེ། བྱང་ཆུབ་ཀྱི་སེམས་འཛག་པ་ནི་འགུགས་པ ་ཡིན་ནོ། །སངས་རྒྱས་བུ་མོ་ཞེས་པ་ནི་སྤྲུལ་པའི་འཁོར་ལོའི་ཨ་བསྒོམ་པའོ། །སངས་རྒྱས་བྱེ་བས་ཞེས་པ་ལ་ཀོ་ཊི་ནི་རྩེ་མོ་སྟེ་ཆོས་ཀྱི་འཁོར་ལོའི་ཐིག་ལེའི་གཟུགས་ཕྲ་མོའོ། །སངས་རྒྱས་ཞེས་པ་ནི་དེ་བཞིན་གཤེགས་པའི་ས་བོན་རྣམས་སོ། ། ་རབ་གསུངས་ཞེས་པ་ནི་ཡོངས་སུ་བསྐོར་ཞེས་པའི་ཐ་ཚིག་གོ་།ཆོས་དང་སྦྲུལ་པ་དག་བསྒོམས་པས་གོང་དུ་འཕོ་བ་དང། གཞན་གྱི་ལུས་ལ་འཇུག་བར་བྱེད་ཅེས་སྦྱར་རོ། །གཞན་དག་སྨོས་ལྟ་ཅི་ཞིག་དགོས་ཞེས་པ་ལ། གཞན་ནི ་སྤྲུལ་པ་དང་ཆོས་དག་ལས་གཞན་པའི་ལོངས་སྤྱོད་ཀྱི་འཁོར་ལོ་ཆ་བཅུ་དྲུག་དང་ལྡན་པར་བཤད་དོ། །སྨོས་ལྟ་ཅི་ཞིག་དགོས་ཞེས་པ་ནི་མཆོག་རབ་ཀྱི་ཧཾ་ངོ། །འཁོར་ལོ་གང་ལ་དེ་ཡོད་པའི་འཁོར་ལོ་དེ་ནི་བདེ་བ་ཆེན་པོར་གསུངས་སོ། །འཁོར་ལོ་བཞི ་བསྒོམས་པས་སེམས་བརྟན་པར་གྱུར་ན་སངས་རྒྱས་ཐོད་པར་གང་གསུངས་པ་དེ་ཐམས་ཅད་འགྲུབ་ཅེས་བྱ་བའི་དོན་ཏོ། །དེ་ལྟར་ཡང་ས་གཉིས་དག་ལ་སེམས་བྱེད་པ། འདི་ནི་གྲོལ་བར་རབ་ཏུ་གྲགས། །ཞེས་གསུངས་སོ། །མིག་འཕྲུལ་ཞེས་བྱ་བ ་ལ་སོགས་པ་ནི་གོ་སླའོ། །འདོད་པ་ལྔ་ནི་བསྟེན་བཞིན་པས་ཞེས་པ་ལ། འདོད་པ་ལྔ་དབང་པོས་ལྔས་བསྟེན་པར་བྱ་ཞིང་ཉམས་སུ་མྱོང་བར་བྱ་བའོ། །དེ་གང་ཡིན་ཞེ་ན། གཟུགས་དང་སྒྲ་ལ་སོགས་པ། དེ་རྣམས་འདོད་པར་བྱ་བས་ན། །འདོད་པ་སྟེ། ་དེས་རྣལ་འབྱོར་པ་འགྲུབ་པ་ཡིན་ནོ། །འཇིགས་ཤིང་འཛོམ་པའི་རྩོད་ཆེན་པོ་ཞེས་བྱ་བ་ལ་སོགས་པ་ནི་གོ་སླའོ། །འཛག་བྱེད་ཅིང་ཞེས་བྱ་བ་ནི། བུད་མེད་རྣམས་ལས་འཛག་པར་གསུངས་སོ། །དེ་ལྟར་ཡང་ཁྲོ་བོའི་མཛུབ་མོའི་རྩེ་མོ་ལ། བདུད ་རྩིའི་ཡི་གེ་བསམས་པ་དང། ལྟེ་བ་བྱ་གདོང་མཛུབ་རྩེ་ལ། སྦྱོར་བ་གསུམ་པོ་བསམས་ནས་ནི་མཛུབ་མོ་དེ་ཡིས་བསྒུལ་བྱ་ཞིང། ཡང་དག་མན་ངག་བསྒོམ་པར་བྱ། ཞེས་གསུངས་སོ། །སངས་རྒྱས་ཐོད་པ་ཞེས་པ་ལ་སངས་རྒྱས་ཐོད་པའི་རྒྱུད་འབའ་ ་ཞིག་ཏུ་གསུངས་ཀྱི་རྒྱུད་གཞན་དུ་ནི་མ་གསུངས་སོ། །རྡོ་རྗེ་མགོན་པོ་ཞེས་པ་ལ་རྡོ་རྗེ་ནི་གཉིས་སུ་མེད་པའི་ཡེ་ཤེས་ཏེ་ཤེས་རབ་ཀྱི་རང་བཞིན་ནོ། །མགོན་པོ་ནི་ཐབས་སོ། །དེ་གཉིས་ཀྱིས་ན་ཐབས་དང་ཤེས་རབ་བོ། །བསམ་གཏན་འདི་ཉིད་ཀྱིས་ཁམས་བཅོ ་བརྒྱད་རྣམ་པར་དག་པའི་སྦྱོར་བ་བཅོ་བརྒྱད་འགྲུབ་སྟེ། སྦྱོར་བ་བཅོ་བརྒྱད་པོ་དེ་ཉིད་གསུངས་པ། ཤ་ལི་ཀའི་སྦྱོར་བས་ཞེས་པ་ལ། གླུ་དགུག་པའི་དོན་དུ་བྱ་རི་སྐེགས་མངག་ཅེས་པའི་ཐ་ཚིག་གོ་།རིག་པ་འཛིན་པ་ཞེས་པ་ནི། དུག་གསལ་བའི་དོན ་དུ་རིག་པ་འཛིན་པའི་སྐྱེས་བུའི་གཟུགས་སུ་སྤྲུལ་ཞེས་པའི་ཐ་ཚིག་གོ་།རྒྱན་པོ་ཞེས་བྱ་བ་ནི་ཆོས་ལོང་བརྩེ་བས་དུག་སེལ་བའོ། །རྔ་བརྡུངས་ཞེས་པ་ནི་རྔ་བརྡུང་བཞིན་པས་དུག་སེལ་བའོ། །བུད་མེད་འབྲོག་ཅེས་པ་ནི། དུག་གིས་ཟིན་པའི་སྐྱེས་བུའི་ཆུང ་མ་ཕྲོགས་པས་དུག་གི་ཟིན་པའི་སྐྱེས་བུ་ལངས་པར་འགྱུར་བའོ། །ཤིང་བསྣུན་ཞེས་པ་ནི་ཀ་ར་བི་རའི་ལྕུག་མ་ལ་མངོན་པར་བསྔགས་ཏེ། དེས་མགོ་བོ་དང་རྐང་པའི་མཐར་ཐུག་པར་རག་པར་བྱ་བའོ། །དང་ནི་སྡུད་པའོ། །ཞགས་པས་འཆིང་བ་ཞེས་པ་ནི། ་ཐག་པ་ཞགས་པའི་རྣམ་པ་ལྟ་བུས་མགྲིན་པར་བཅིངས་ཏེ་དགུག་པར་བྱའོ། །ཁུ་བྱུག་ཅེས་པ་ནི། ཁུ་བྱུག་གིས་སྒྲ་བཏོན་པས་དུག་གིས་ཟིན་པ་སངས་པར་འགྱུར་བའོ། །པདྨ་འབྱེད་པ། ཞེས་པ་ནི་ལོངས་སྤྱོད་ཀྱི་འཁོར་ལོའི་རྩ་གཉིས་མནན་པས་དུག་སེལ་བའོ།། ་སྟག་བྱེད་ཅེས་པ་ནི། སྟག་གི་རྣམ་པའི་ཚད་དམ་བྱ་བའོ། །ཆུ་ཞེས་པ་ནི་ཆུས་དུག་སེལ་བའོ། །དུང་ཞེས་པ་ནི་དུང་ཆུས་བཀང་སྟེ། དུག་གིས་ཟིན་པའི་སྤྱི་བོར་བླུགས་པའོ། །ཐོད་ལོ་ཀོར་འཕྲོག་ཅེས་པ་ནི་ཐོད་ལོ་ཀོར་གྱིས་དུག་གིས་ཟིན་པའི་མིང་བྲིས་ན་དུག ་སེལ་བར་བྱེད་ཅེས་སྦྱར་རོ། །སྐྱུག་པ་ཞེས་པ་ནི་དུག་རློན་པའི་ཚུལ་དུ་བྱེད་པའོ། །རས་གཡོག་ཅེས་པ་ནི་རས་ཡུག་ཆེན་གྱི་དུག་གིས་ཟིན་པ་གཡོགས་ན་དུག་སེལ་ཏོ། །ཐལ་ལྕགས་བརྡབ་ཅེས་པ་ནི་དུག་གིས་ཟིན་པ་ལ་ཐལ་ལྕག་དྲག་ཏུ་བརྡབ་པའོ། །ཡིག ་གསུམ་ཞེས་པ་ནི། ཧ། ཧོ། ཧྲི། སྟེ། ཡི་གེ་གསུམ་མོ། །འདིས་དུག་སེལ་བར་བྱེད་དོ། །བསམ་གཏན་གྱི་ནི་གཏམ་ཞེས་པ་ནི་དཀར་པོའི་བསྒོམ་པའི་གཏམ་གྱིས་དུག་ཉམས་པར་བྱེད་པའོ། །འདི་རྣམས་ཀྱིས་དུག་ཉམས་པར་བྱེད་དོ། །འདི་རྣམས་ཀྱིས་ནི་ ་དགུག་པར་བྱ། ཞེས་པ་ནི་སྦྱོར་བ་བཅོ་བརྒྱད་པོ་འདི་རྣམས་ཀྱིས་དུག་སེལ་བར་བྱེད་དོ། །རྡོ་རྗེ་མགོན་པོ་ཞེས་པ་ནི། རྡོ་རྗེ་འཆང་ཆེན་པོ་བྱང་ཆུབ་ཀྱི་སེམས་ཀྱི་རང་བཞིན་ནོ། །དེ་ནས་ཞེས་པ་ནི་རྒྱུ་དེས་ན་ནང་གི་རྣལ་འབྱོར ་གསུངས་པའོ། །རབ་བཤད་ཅེས་པ་ནི་གང་གི་ཚིག་ཡིན་ཞེ་ན། སྣ་ཚོགས་སྡེ་མའོ། །དེ་ནི་སྣ་ཚོགས་སྡེ་མས་གསུངས་སོ། །ཅི་ཞིག་གསུངས་ཤེ་ན། མཆོག་གི་ཡེ་ཤེས་ཞེས་པ་སྟེ། ཡེ་ཤེས་ཀྱི་རོལ་ཞིང་རྩེ་བས་ན་མཆོག་གི་ཡེ་ཤེས ་དེས་ན་རབ་བཤད་ཅེས་པ་དང་སྦྱར་རོ། །བྷ་གའི་དབུས་སུ་རྣམ་པར་བཞུགས་ཞེས་པ་ནི། ཨེའི་ཆ་བྱད་ཀྱི་སྤྲུལ་པའི་འཁོར་ལོར་ཨ་ཐུང་ངུ་རྣམ་པར་གནས་པ་སྟེ། ཀ་ལ་སོགས་པ་སྡེ་བདུན་གྱི་རི་མོའི་རྣམ་པས་ཡོངས་སུ་བསྐོར་བའོ། །བདེ ་བ་ཆེན་པོ་སྟར་བྱེད་པ་ཞེས་བྱ་བ་ནི། གནས་པར་བསྒོམས་པ་ཙམ་གྱིས་བདེ་བ་ཆེན་པོ་སྟེར་བྱེད་པར་འགྱུར་བའོ། །འདི་ཉིད་དུ་ནི་ཀུན་གནས་ཀྱང་ཞེས་པ་ནི། ནམ་མཁའ་ལྡིང་དང། དངུལ་ཆུ་དང། བཅུད་ཀྱིས་ལེན་ལ་སོགས་པ་དེར་བསྒོམས་པ ་ཙམ་གྱིས་གྲུབ་ཀྱི་གཞན་དུ་ནི་མ་ཡིན་ནོ། །དཀྱིལ་འཁོར་བཟང་པོ་ཞེས་པ་ལ་དཀྱིལ་ནི་སྙིང་པོའོ། །འཁོར་ནི་ལེན་པ་སྟེ་དཀྱིལ་འཁོར་རོ། །མཛེས་པར་བྱེད་པ་ནས་བཟང་པོ་སྟེ་མཆོག་ཅེས་པའི་ཐ་ཚིག་གོ་།སློབ་མ་དབང་བསྐུར་ཞེས་པ་ལ་གནས་དེ་ཉིད་དུ ་སློབ་མ་དབང་བསྐུར་བ་སྦྱིན་པར་བྱ་སྟེ། བླ་མའི་མན་ངག་ལས་ཁོང་དུ་ཆུད་པར་བྱ་ཞེས་པའི་ཐ་ཚིག་གོ་།ཧེ་རུ་ཀ་དཔའ་པོ་ཞེས་པ་ནི་དབང་བསྐུར་བའི་རྗེས་ཐོགས་སུ་བླ་མས་བསྟན་པ་སྟེ། གནས་དེ་ཉིད་དུ་ཧེ་རུ་ཀ་བསྒོམ་པར་བྱ་ཞེས་སྦྱར་རོ།། ་ཁྱད་པར་ཇི་ལྟ་བུའི་ཧེ་རུ་ཀ་བསྒོམ་ཞེ་ན། གསུངས་པ། ཉི་ཤུ་རྩ་བཞིའི་དབང་གཙོ་བོ་ཞེས་པ་ནི་རྩ་ཉི་ཤུ་རྩ་བཞིའི་རང་བཞིན་གྱི་ལྷ་མོ་རྣམས་ཀྱིས་བསྐོར་བའི་བཅོམ་ལྡན་འདས་བསྒོམ་པར་བྱ་ཞེས་སྦྱར་རོ། །དེར་ནི་ནམ་མཁའ་ལྡིང་འཇིགས་པ་ཞེས་བྱ ་བ་ལ་སོགས་པ་ནི་གོ་སླའོ། །ཕྱག་རྒྱ་ཆེན་པོ་གྲགས་ཆེན་པོ་ཞེས་པ་ནི། ཨ་ཐུང་ངུའི་རང་བཞིན་ཕྱག་རྒྱ་ཆེན་པོའི་དོན་དུ་གྲགས་པ་དང་ལྡན་པར་འགྱུར་བའོ། །དངོས་གྲུབ་ཀུན་གྱི་འདོད་བྱེད་མ་ཞེས་པ་ནི་འདོད་པ་དང་ལྡན་པ་ལ་སངས་རྒྱས་ཉིད་འགྲུབ་པར་འགྱུར་བའོ།། ་དབང་བསྐུར་བའི་དོན་དུ་ཕྱག་རྒྱའི་ཚོགས་གསུངས་པ་ལ། མ་ཞེས་པ་ནི། དང་པོ་ཤེས་རབ་མ་མཐོང་བ་ལས་དགའ་བ་ཙམ་སྐྱེ་བས་ན་མའོ། །ཚ་མོ་ཞེས་པ་ནི་རྡོ་རྗེ་དང་པདྨའི་འཇུག་པས་མཆོག་ཏུ་དགའ་བའི་རྣམ་པར་དབྱེ་བ་སྟོན་པས་ན་ཚ་མོའོ། །སྲིད་མོ ་ཞེས་པ་ནི་ཐབས་རྣམ་པ་སྣ་ཚོགས་པས་པདྨར་རྟེན་པར་བྱེད་པས་ན་སྲིང་མོའོ། །བུ་མོ་ཞེས་པ་ནི་གནས་བཅོ་བརྒྱད་ནས་ལྷན་ཅིག་སྐྱེས་པ་འཇོ་བས་ནེ་བུ་མོའོ། །བུད་མེད་རབ་བརྟན་མ་ཞེས་པ་ནི་མཆོག་ཏུ་དགའ་བའི་དུས་སུ་ངོ་ཚ་ཆུང་བའི་བུད་མེད་དེ་ཡང་དག ་བའི་བདེ་བ་སྒྲུབ་པའི་དོན་གྱིས་ན། མཆོག་ཏུ་གྱུར་བ་སྟེ། རིག་མ་བཞི་དང་མཉམ་པར་སྦྱོར་བས་བདེ་བ་ཉིད་བསྒྲུབ་པར་བྱ་ཞེས་པའི་ཐ་ཚིག་གོ་།འགྲོ་བ་དྲུག་ཅེས་པ་ནི། འགྲོ་བ་དྲུག་ཏུ་འཇུག་པ་རྣམས་ཀྱིས་བདེ་བ་ཉིད་སྒྲུབ་མོད་ཀྱི། འོན་ཀྱང་བྱིས་པ་རྣམས ་ཀྱི་ནི་ཟག་པ་དང་བཅས་པའོ། །འཕགས་པ་རྣམས་ཀྱི་ནི་ཟག་པ་མེད་པའོ། །འོན་ཀྱང་བདེ་བ་འབའ་ཞིག་སྒྲུབ་ཀྱི་གཞན་ནི་མེད་དོ། །དེ་བས་ན་སྒྲུབ་ཐབས་དུ་མའི་རྗེས་སུ་འབྲངས་ཏེ། བདེ་བའི་དོན་ཉིད་བསྒྲུབ་པར་བྱའོ། །འོན་ཀྱང་བྱིས་པ་རྣམས་ཀྱི་ནི་ཇི་སྲིད་དུ་བདེ་བ ་དེ་སྲིད་དུ་རང་བཞིན་གྱིས་རྣམ་པར་དག་པ་ཉིད་ཡིན་ནོ། །དེ་ལྟར་ཡང་བདེ་བ་ཡིས་ནི་བདེ་བ་བསྒྲུབ། །རྒྱུ་བདེ་བས་ནི་འབྲས་བུ་བདེ། །ཞེས་གསུངས་སོ། །འཁོར་བ་མྱ་ངན་འདས་པ་ཉིད་ཅེས་པ་ནི། འཁོར་བ་དང་མྱ་ངན་ལས་འདས་པ་རྣལ་འབྱོར་བས་དབྱེར་མེད་པར ་ཉེ་བར་སྤྱད་པར་??་བར་བྱའོ། །གལ་ཏེ་ཐ་དད་པར་བྱས་ན་ཉེས་པ་ཅི་ཡོད་ཅེ་ན། བདེ་བ་མེད་པ་དང་དངོས་གྲུབ་མེད་པར་འགྱུར་བའོ། །འཆར་དང་ནུབ་པ་ཞེས་པ་ནི་བྱང་ཆུབ་ཀྱི་སེམས་འཆར་བའི་ཚེ་དབང་པོ་ཐམས་ཅད་ནུབ་པར་འགྱུར་བའོ། །སེམས་ཅན་ཀུན ་ལ་བདེ་བ་འབབ་ཅེས་པ་ནི། སེམས་ཅན་ཐམས་ཅད་ལ་བདེ་བ་སྟེར་པའི་སྣ་ཚོགས་སྡེ་མ་དེ་ནི་རྩ་ཡིན་ནོ། །སྣ་ཚོགས་སྡེ་མ་བཏང་སྟེ། གང་དེ་ཁོ་ན་ཉིད་ལ་རེ་བ་ནི་ཅི་ཡང་འགྲུབ་པ་མེད་དོ། །དེ་ལྟར་ཡང། བློ་དམན་བྱིས་པས ་རང་གི་ལུས་བཏང་ན། དེ་ནི་འདོད་པས་གཟུགས་བརྙན་ཚོལ་བར་འགྱུར། །ལྗོན་ཤིང་འབྲས་བུ་སྨིན་པ་བོར་ནས་ནི། །དེ་ནི་ས་བོན་རྒྱུས་ཁྲིད་དུས་ལ་སྡོད། །ཅེས་གསུངས་སོ། །གླེགས་བམ་ཞེས་བྱ་བ་ལ་སོགས་པ་ནི་གོ་སླའོ། །སངས་རྒྱས་ཞེས་བྱ་བ ་ནི་གཉིས་སུ་མེད་པའི་ཡེ་ཤེས་ཏེ། རྡོ་རྗེ་དང་པདྨའི་སྦྱོར་བས་མཚོན་པར་བྱའོ། །སངས་རྒྱས་རྡོ་རྗེ་ཞེས་པ་ལ། རྡོ་རྗེ་ནི་གཉིས་སུ་མེད་པའི་ཡེ་ཤེས་སོ། །སངས་རྒྱས་ནི་ཐབས་ཀྱི་རང་བཞིན་ཏེ་གཉིས་སུ་མེད་པའི་ཡེ་ཤེས་ཀྱི་རང་བཞིན་སྒོམ ་པར་བྱ་ཞེས་པའི་དོན་ཏོ། །ཐོད་པ་གྲུ་གསུམ་ཡང་དག་བྱུང་ཞེས་པ་ལ། ལུས་སྐྱོང་བས་ན་ཐོད་པའོ། །གྲོང་སྐྱོང་བས་ན་ཡང་ཐོད་པའོ། །བདེ་བ་ཆེན་པོའི་འཁོར་ལོ་གྲུ་གསུམ་པ་ལས་ཡང་དག་པར་བྱུང་བས་ན་གྲུ་གསུམ་ཡང་དག་བྱུང་ངོ། ། ་སྦྱོར་བ་ཞེས་པ་ནི་ཐབས་དང་ཤེས་རབ་ཀྱི་བདག་ཉིད་ཀྱི་སྦྱོར་བར་བསྒོམ་པར་བྱ་ཞེས་པའི་ཐ་ཚིག་གོ་།གནས་གང་དུ་བསྒོམ་པར་བྱ་ཞེ་ན། དེ་ཉིད་གསང་བར་གནས་པའི་རྩ་ཞེས་གསུངས་ཏེ། གསང་བའི་སྤྲུལ་པའི་འཁོར་ལོར་གནས ་པའི་རྩེའོ། །དེ་ཁྱད་པར་ཇི་ལྟ་བུ་ཞེ་ན་དབྱངས་ཡིག་ལྔ་པ་ཀླུ་དབང་ལྟ་བུའོ། །དེ་ནི་སྒྲ་ཙམ་གྱི་རང་བཞིན་ནོ། །ཞེས་པའི་ཐ་ཚིག་གོ་།དེའི་སྣ་ཚོགས་ཞེས་པ་ནི་མཚོན་པར་བྱ་བའི་གནས་དེར་རྣམ་པར་རྟོག་པ་ལས་སེམས་སྐྱོབ་པས་ན་སྣ་ཚོགས ་སོ། །ངོ་མཚར་བྱེད་ཅེས་པ་ནི་དངོས་གྲུབ་སྣ་ཚོགས་པ་སྒྲུབ་པར་བྱེད་པའི་ཐབས་ཀྱིས་འཇིག་རྟེན་པ་ངོ་མཚར་བྱེད་ཅེས་པའི་ཐ་ཚིག་གོ་།སྡེ་ནི་སྡེ་ཆེན་ཡེ་ཤེས་སོ། །ཞེས་པ་ནི་རྩ་སྟོང་ཕྲག་བདུན་ཅུ་རྩ་གཉིས་ཀྱི་སྡེའི་ཚོགས་ལས་བདེ་བ་ཆེན ་པོའི་ཡེ་ཤེས་ཉམས་སུ་མྱོང་བ་ཞེས་པའི་ཐ་ཚིག་གོ་།འདི་ཉིད་ཐེག་པ་ཆེན་པོ་སྟེ། ཞེས་པ་ནི་ཐེག་པ་ཡང་ཡིན་ལ་ཆེན་པོ་སྟེ་རྣམ་པ་བདུན་ཞེས་པའི་ཐ་ཚིག་གོ་།རྣམ་པ་བདུན་ནི་དོན་རྣམ་པ་བདུན་ཏེ། བརྒྱད་པའི་མཚན་ཉིད་ནི་བརྗོད་པར་མི ་ནུས་པའོ། །རྣལ་འབྱོར་མའི་ཝ་ལས་བྱུང་ཞེས་པ་ནི། རྩའི་རང་བཞིན་རྣལ་འབྱོར་མ། །ཞེས་པའི་ཐ་ཚིག་གོ་།དེ་ནི་རྨད་བྱུང་ཆེན་པོ་སྟེ་ཞེས་པ་ནི་གནས་དེར་བྱུང་བའི་བྱང་ཆུབ་ཀྱི་སེམས་ནི་ཆེ་བའི་མཆོག་ཅེས་པའི་དོན་ཏོ། །སངས་རྒྱས ་ཞེས་པ་ལ་སོགས་པ་ནི་གོ་སླའོ། །དེ་ཉིད་ཧེ་རུ་ཀ་དཔའ་བོ་ཞེས་པ་ལ་ཧེ་རུ་ཀའི་སྒྲས་ཡི་གེ་གསུམ་གྱི་བདག་ཉིད་སྐུ་གསུང་ཐུགས་སོ། །དཔའ་བོ་ནི་འདོད་ཆགས་ལ་སོགས་པ་དང་བྲལ་བ་ཞེས་པའི་དོན་ཏོ། །འཁོར་པའི་འཇིགས་ལས་སྒྲོལ་བྱེད་པ། ་ཞེས་པ་ནི་འཁོར་བའི་འཇིགས་པ་ལས་སྒྲོལ་བར་བྱེད་པ་བཅོམ་ལྡན་འདས་ཧེ་རུ་ཀའོ་ཞེས་པའི་ཐ་ཚིག་གོ་།སངས་རྒྱས་ཐོད་པའི་སྦྱོར་བ་ཞེས་པ་ནི། རྡོ་རྗེ་དང་པདྨ་ཡང་དག་པར་སྦྱོར་བས་ཧེ་རུ་ཀའི་རང་བཞིན་ལྷན་ཅིག་སྐྱེས་པ ་བསྒོམ་པར་བྱ། ཞེས་པའི་ཐ་ཚིག་གོ་།སངས་རྒྱས་ཀུན་གྱི་བདེ་འབབ་པ་ཞེས་པ་ལ། སངས་རྒྱས་ཀྱི་སྒྲ་ནི་མིག་ལ་སོགས་པ་སྟེ། དེ་དག་ཐམས་ཅད་སངས་རྒྱས་ཀྱི་རང་བཞིན་རྟག་ཏུ་བདེ་བ་འབབ་པའོ། །རྣལ་འབྱོར་མ་ཆེན་མོ ་སྣ་ཚོགས་སྡེ་ཞེས་པ་ལ། རྣལ་འབྱོར་མ་སྣ་ཚོགས་སྡེ་ནི་ཨའི་རང་བཞིན་ནོ། །ཁྱད་པར་ཇི་ལྟ་བུ་དང་ལྡན་པ་ཞིག་ཅེ་ན། ཏ་དང་པ་སྦྱར་བའི་ཡི་གེ་ནི་མ་ཡིན་གྱི། ཏ་དང་ར་སྦྱར་བའི་ཡི་གེ་ཨ་ཞེས་པའི་ཐ་ཚིག་གོ་།ཏའི་སྒྲ་བྱང་ཆུབ་ཀྱི་སེམས་སོ། ་ར་ནི་ཆགས་པའི་རང་བཞིན་ཏེ། དེ་ཉིད་ཀྱིས་ན་ཁྲག་དང་ཁུ་བའི་རང་བཞིན་ཞེས་པའི་ཐ་ཚིག་གོ་།དེ་ནི་ཐོད་པའི་དཀྱིལ་འཁོར་ལ་ཞེས་པ་ལ། ཐོད་པ་ནི་སྤྲུལ་པའི་འཁོར་ལོའོ། །དེ་ཉིད་དཀྱིལ་འཁོར་དེ་དཀྱིལ་ནི་སྙིང་པོའོ། །འཁོར་ནི་ལེན་པ་སྟེ། དཀྱིལ ་འཁོར་རོ། །སྔགས་དང་རྒྱུད་ནི་རྣམ་པར་གནས། །ཞེས་པ་ནི་ཡིད་སྐྱོབ་པར་གྱུར་པའི་ཕྱིར་ན་སྔགས་སོ། །དེ་ས་སེམས་རྣམ་པར་རྟོག་པ་ལས་སྐྱོབ་པར་བྱེད་པས་ན་རྒྱུད་དོ། །སྔགས་དང་རྒྱུད་མཛའ་དག་གི་དོན་རྣམ་པར ་གནས་པ་སྟེ། རྣམ་པ་སྣ་ཚོགས་པ་གནས་ཞེས་པའི་ཐ་ཚིག་གོ་།དེ་ཡེ་ཤེས་བཟང་པོ་ཞེས་པ་ནི་ཤེས་པས་ཡེ་ཤེས་སོ། །མཛེས་པས་ན་བཟང་པོའོ། །དེ་ཉིད་ཀྱིས་ནི་ཡེ་ཤེས་བཟང་པོ་མཆོག་ཅེས་པའི་ཐ་ཚིག་གོ་།ལྷན་ཅིག ་སྐྱེས་པ་དག་ལས་བྱུང། ཞེས་པ་ནི་རྡོ་རྗེ་དང་པདྨ་ཡང་དག་པར་སྦྱར་བ་ལས་ལྷན་ཅིག་སྐྱེས་པའི་དགའ་བ་སྐྱེས་པའོ། །དག་པ་ལས་བྱུང་བས་ན་དག་བྱུང་ངོ། །དེར་ནི་རིག་པའི་དབང་ལྔ་དང་ཞེས་པ་ནི། སྤྲུལ་པའི་མདུད་པར་ཐིག་ལེ་ལ ་འོད་ཟེར་ལྔ་ཡོད་པ་དེ་ནི་དབང་ལྔའི་རང་བཞིན་ནོ། །སངས་རྒྱས་བདུན་གྱི་མཚན་ཅན་ཏེ། །ཞེས་པ་ནི་གནས་དེར་སངས་རྒྱས་བདུན་གྱི་རང་བཞིན་གྱི་རི་མོ་བདུན་གྱི་བསྐོར་བའོ། །རི་མོ་བདུན་པོ་ཕྲ་བའི་རང་བཞིན་འབར་བའི་བསྒོམ ་བ་གསུངས་པ། གང་གི་ཚེ་རླུང་འབྱུང་བ་དེའི་ཚེ་རི་མོ་བདུན་འབྱུང་བར་བསམ་པར་བྱའོ། །གང་གི་ཚེ་འཇུག་པ་དེའི་ཚེ་ཐིག་ལེ་ཕྲ་མོ་ལ་རང་གི་སེམས་འཇུག་པར་བསྒོམ་པར་བྱའོ། །དེ་ཉིད་དབང་བསྐུར་བ་ཞེས་པའི་ཐ་ཚིག་གོ་།བསྒོམ་བཞིན ་པ་ན་བསྐྱེད་པའི་ཡེ་ཤེས་གང་ཡིན་པ་དེ་ནི་ལྷན་ཅིག་སྐྱེས་པར་གསུངས་ཏེ། དབང་བསྐུར་པ་བདུན་ཞེས་པའི་ཐ་ཚིག་གོ་།ཡང་སངས་རྒྱས་བདུན་གྱི་མཚན་ཅན་ཞེས་པ་ནི། སངས་རྒྱས་བདུན་ནི་རྣམ་པར་གཟིགས་དང། བཙུག་ཏོར ་ཅན་ལ་སོགས་པ་སྟེ་བསམ་གཏན་འདིས་སངས་རྒྱས་བདུན་འགྲུབ་ཅེས་པའི་ཐ་ཚིག་གོ་།སྣ་ཚོགས་སྦྱོར་དང་ཞེས་པ་ནི། དངོས་གྲུབ་ཀྱི་སྒྲུབ་ཐབས་ལ་སོགས་པའི་སྦྱོར་བ་སྣ་ཚོགས་པ་འགྲུབ་པའི་ཐ་ཚིག་གོ་།ཚེ་འཕེལ་ཞེས་པ་ནི་ཚེ་འཕེལ ་པའི་སྦྱོར་བ་གསུངས་པ། །གང་གི་ཚེ་རླུང་འཇུག་པ་དེའི་ཚེ་ཨའོ། །གང་གི་ཚེ་འབྱུང་བ་དེའི་ཚེ་ཧཱུཾ་བསམ་པར་བྱའོ། །འདི་ནི་ཐབས་དང་ཤེས་རབ་ཀྱི་བཟླས་པ་སྟེ། །དེས་ཚེ་འཕེལ་གྱི་གཞན་དུ་ནི་མ་ཡི་ནོ། །སངས་རྒྱས་ཐོད་པའི་སྦྱོར་བ་ཡིས། །ཞེས་པ་ནི་རྡོ་རྗེ་དང། ་པདྨ་ཡང་དག་པར་སྦྱོང་པས་ཐམས་ཅད་སྒྲུབ་སྟེ། གཞན་དུ་ནི་མ་ཡིན་ནོ། །མན་ངག་ལམ་ལས་གང་ཤེས་པ་ཞེས་པ་ལ། །འདིས་ལུང་འབོགས་པར་བྱེད་བས་ན་མན་ངག་གོ་།འཚོལ་བས་ན་ལམ་མོ། །གང་ཤེས་པ་ཞེས་པ་ནི། ཁྱོད་ཀྱིས་གང་གསུངས་པ ་དེ་ཐམས་ཅད་ཤེས་པར་ཞེས་པའོ། །དེ་ཉིད་གསུངས་པ། །བླ་མའི་དྲིན་ལས་ཞེས་པ་ལ། བླ་མ་ནི་རྒྱུད་སྔགས་སྟོན་པར་བྱེད་པས་ན་སྟོན་པའོ། །དེའི་དྲིན་གྱིས་དེ་ཁོ་ན་ཉིད་ཤེས་པར་བྱ་ཞེས་པའི་ཐ་ཚིག་གོ་།སངས་རྒྱས་ཐོད་པའི་རྒྱུད་ཆེན་པོ་ཞེས ་པ་ལ་ཐབས་དང་ཤེས་རབ་ཀྱི་བདག་ཉིད་ཀྱི་རྣལ་འབྱོར་ནི་སངས་རྒྱས་ཐོད་པ་ཞེས་བརྗོད་དོ། །རྒྱུད་ཀྱང་ཡིན་ལ་ཆེན་པོ་ཡང་ཡིན་པས་ན་རྒྱུད་ཆེན་པོའོ། །རྣལ་འབྱོར་མའི་གོང་ན་མེད་པ་ཞེས་པ་ནི་རྣལ་འབྱོར་མ་རྩའི་རང་བཞིན་རྣམས་གོང་ན་མེད་པ་སྟེ། ་ངག་གི་ལམ་གྱི་སྤྱོད་ཡུལ་ལས་འདས་པ་ཞེས་པའི་ཐ་ཚིག་གོ་།གསང་བ་ཞེས་པ་ནི་ཐབས་ཀྱིས་རང་བཞིན་ནོ། །ཤིན་ཏུ་གསང་བ་ཞེས་པ་ནི་ཤེས་རབ་ཀྱི་རང་བཞིན་ནོ། །དངོས་གྲུབ་ཐམས་ཅད་ཅེས་པ་ནི། སངས་རྒྱས་ཐོད་པའི་སྦྱོར་བས་དངོས་གྲུབ་ཐམས་ཅད ་སྟེར་གྱི་གཞན་དུ་ནི་མ་ཡིན་ནོ། །ཡེ་ཤེས་གཏན་ལ་དབང་པ་ཞེས་པ་ལ་ཤེས་པས་ན་ཡེ་ཤེས་སོ། །ལེའུ་གང་ལ་ཡེ་ཤེས་གཏན་ལ་དབབ་པ་ཡོད་པའི་ལེའུ་དེ་ནི་ཡེ་ཤེས་གཏན་ལ་དབབ་པའི་ལེའུ་འོ། ཐོད་པ་ཁ་བྱེ་བ་ལས་ཞེས་པ་ལ། ཐོད་པ་ནི་བདེ་བ་ཆེན་པོའི ་འཁོར་ལོའོ། །ཁ་བྱེ་བ་ནི་དེ་གས་པའི་ཐ་ཚིག་གོ་།གླེགས་བམ་གྱུར?་ཞེས་པ་ནི། ཡང་དག་པར་གྱུར་ཞེས་པའི་ཐ་ཚིག་གོ་།ལེའུ་ཞེས་པ་ལ་སྒྲིབ་གཡོགས་བཅོད་པས་ན་ལེའུའོ། །སློབ་དཔོན་ཆེན་པོ་སར་ཧ་པས་མཛད་པའི་བཀའ་འགྲེལ་ཡེ་ཤེས་ལྡན་པ་ལས་ལེའུ ་དང་པོའི་བཤད་པའོ།། །།དེ་ནས་ཞེས་པ་ནི་དངོས་གྲུབ་གཏན་ལ་དབབ་པའི་རྗེས་ཐོགས་སུ་ཐལ་བའི་སྦྱོར་བ་དང། ལས་སྣ་ཚོགས་གཏན་ལ་འབེབས་པའི་སྔགས་ཀྱི་ལེའུ་གསུངས་སོ། །ཇི་བཞིན་གསུངས་པ་ཞེས་པ ་ནི་སངས་རྒྱས་ཐོད་པའི་རྩ་བའི་རྒྱུད་སྟོང་ཕྲག་བཅུ་གཉིས་པོ་ལས་ཇི་ལྟ་བ་བཞིན་བཏུས་པའི་སྔགས་རྣམ་པ་ཉི་ཤུ་པོ་དེ་སྔགས་ཀྱི་ལེའུ་ལས་འཆད་པར་འགྱུར་རོ། །མཁའ་འགྲོ་མ་མོ་འབྱུང་པོ་རྣམས་ཞེས་པ་ལ། མཁའ་འགྲོ་ནི་མཁའ་འགྲོ་མ ་ལ་སོགས་པའི་རྣལ་འབྱོར་མ་བཞི་འགྲུབ་པའོ། །མ་མོ་ཞེས་པ་ནི་ཐབས་དང་བྲལ་བ་ནི་མ་མོ་ཞེས་བསྟན་ཏོ། །འབྱུང་པོ་ཞེས་པ་ནི་ཞི་བྱེད་ལ་སོགས་པ་འགྲུབ་པའོ། །དད་པ་བརྟན་པས་ཞེས་པ་ནི་རྒྱུད་འདི་ལ་དད་པ་བརྟན་པ་གང་ཡིན་པ་དེ་ནི་དད ་པ་བརྟན་པའོ། །རྒྱུ་དེས་ན་སྔགས་ཀྱི་ལེའུ་ཉོན་ཅིག་ཅེས་སྦྱར་བར་བྱའོ། །ོཾ་བུདྡྷ་ཀ་པཱ་ལི་ནི་ཞེས་པ་ལ་སོགས་པ་ནི་གོ་སླའོ། །ོཾ་ཧཾ་ཞེས་པ་ལ་སོགས་པ་ནི་གནས་བདུན་གྱི་གོ་ཆའི་སྔགས་སོ། །དེའི་གནས་གསུངས་པ་སྙིང་ཀ་དང། དཔྲལ་བ་དང ་སྤྱི་གཙུག་དང། དཔུང་པ་གཉིས་དང། གསང་བ་དང། ཡན་ལག་ཐམས་ཅད་ཀྱི་གནས་སུ་རྣལ་འབྱོར་པ་བདག་ཉིད་ཀྱིས་སྔགས་འདིས་གོ་ཆ་བྱའོ། །གོ་ཆའི་སྔགས་ཀྱི་རྗེས་ཐོགས་སུ་དཀྱིལ་འཁོར་སྤྱན་དྲང་ངོ། །དེའི་རྗེས་ཐོགས་སུ་གཤེགས་སུ་གསོལ་ལོ།? ་དེའི་རྗེས་ཐོགས་སུ་གཏོར་མ་གཏད་དོ། །གཏོར་མ་གང་ཞེ་ན་འབྱུང་པོ་ཐམས་ཅད་པའོ། །ད་ནི་མི་སྣང་བར་བྱེད་པ་གསུངས་པ། །འབྲས་སྔ་ལུ་བླངས་ཏེ་ཞེས་པ་ནི། འབྲས་དམར་པོ་ཆུ་ལུགས་སོ། །འོ་མས་ཞེས་པ་ནི་དཀར་མོའི་འོ་མས་བཀྲུས་ཞེས ་པའི་དོན་ཏོ། །གཞོན་ནུ་མ་ཞེས་པ་ནི་ནུ་མ་མ་མཉེས་ཤིང་པདྨ་མ་ཉམས་པ་གང་ཡིན་པ་དེ་ནི། གཞོན་ནུ་སྟེ་དེས་འབྲས་བཏག་པར་བྱའོ། །ཇི་ལྟར་བྱ་ཞེ་ན། དེ་ཉིད་གསུངས་པ་ཤིན་ཏུ་ཞིབ་པར་བཏགས་ཞེས་པ་ནི་འབྲས་ཕྱེ་མར་བྱས་ལ་རས་གྱིས ་གཙག་པར་བྱ་སྟེ། དེས་ནི་ཕྱེ་མ་ཞིབ་མོར་འགྱུར་རོ། །བཏགས་པ་འདི་ལས་ཕྱག་བཞི་པའི་ཁྲག་འཐུང་བྱས་ཏེ། གཡས་ན་རལ་གྲི་དང་ཐོད་པའོ། །གཡོན་ན་ཅང་ཏེའུ་དང་ཁ་ཊཝཱཾ་གའོ། །རྣམ་པ་ཧེ་རུ་ཀ་བྱའོ། །རོ་བསྲེག་པའི་སོལ་པའི་ཕྱེ་མས་ཞེས་པ་ནི་དུར ་ཁྲོད་ཀྱི་སོལ་བའི་ཕྱེ་མའོ། །རྡོ་རྗེ་གཙུག་ཅེས་པ་ནི། དང་པོ་ཁྲག་དང་ལྡན་པ་དང་སྙོམས་པར་ཞུགས་པ་ལས་བྱུང་བའི་བྱང་ཆུབ་ཀྱི་སེམས་གང་ཡིན་པ་དེ་ནི་རྡོ་རྗེ་བཙུག་ཅེས་བྱའོ། །རྡོ་རྗེ་གཙུག་དེ་དང་དུར་ཁྲོད་ཀྱི་སོལ་པའི་ཕྱེ་མ་མཉེ་བར་བྱའོ། །སངས ་རྒྱས་ཐོད་པའི་རྣལ་འབྱོར་པ་ཞེས་པ་ནི་ཧེ་རུ་ཀའི་རྣལ་འབྱོར་བྱས་ཏེ། རྡོ་རྗེ་པདྨའི་ཡང་དག་པར་སྦྱོར་བ་ལས། ཨོཾ་མཧཱ་བཛྲ་ཧེ་རུ་ཀ་ཟེར་བ་ལ་ཞེས་པ་ལ་སོགས་པའི་སྔགས་བཟླས་པར་བྱའོ། །ཆུ་ཞེས་པ་ནི་ནང་གི་ཆུ་སྟེ་ལན་བདུན་མངོན་པར ་བསྔགས་ལ་ཧེ་རུ་ཀའི་གཟུགས་བརྙན་བཀྲུ་བར་བྱའོ། །བླ་མ་དང་སངས་རྒྱས་མཆོད་པར་བྱས་ཏེ་གདོང་བཀྲུས་ནས་ཇི་སྐད་གསུངས་པ་བཞིན་དུ་འགྱུར་རོ། །དེའི་རྗེས་ཐོགས་སུ་ཐལ་པའི་རབ་ཏུ་སྦྱོར་བ་གསུངས་པ། །གཟུགས་བརྙན་དེ་ཉིད་ལ ་ཤིང་འབབ་བོ་ལས་ཕུག?་ཅིང་ཤིང་འབབ་བོ་ལ་ཤུན་ཕྲགས་བཤུས་པ་སྐམ་པོ་དང། ཚངས་པ་རྡོ་རྗེ་ཞེས་པའི་དྲི་ཆེན་སྐམ་པོ་དང་ལྷན་ཅིག་བསྲེག་སྟེ་དུར་ཁྲོད་ཀྱི་མེ་རབ་ཏུ་སྦར་པ་ལ་གཟུགས་བརྙན་དེ་ཐལ་བར་བྱའོ། །དེ་ནས་ཐལ་བ་དེ་ཁམ་ཕོར་ ་སོ་མ་བཏང་བར་ཉི་མ་བཞི་བཞག་པར་བྱའོ། །དེ་ནས་པདྨའི་སྣོད་དུ་ཉི་མ་ལྔར་གཞག་གོ་།དེ་ནས་ཞག་དགུར་སྔགས་ཀྱི་བཟླས་པ་བྱའོ། །སྔགས་གསུངས་པ། ཨོཾ་བུདྡྷ་ཀ་པཱ་ལི་ནི་ཞེས་པ་ལ་སོགས་སྔགས་རྐང་བས་ལྔ་པའོ། །ཁམ་ཕོར་སོ་མ་བཏང་བ་དང ་པདྨ་དག་གི་མན་ངག་གསུངས་པ། །གཉིས་ཀ་ལ་ཡང་པདྨ་འདབ་མ་བཞི་པ་བྲིས་ཏེ། །དབུས་སུ་ནི་སྣ་ཚོགས་སྡེ་མའི་སྔགས་བྲིའོ། །འདབ་མ་རྣམས་ལ་ནི་གཞན་གྱི་སྔགས་བྲིའོ། །དེ་ལྟར་བྱས་ནས་ཐལ་བ་བཞག་པར་བྱའོ། །དེ་ནས་སྔགས ་བཟླས་པར་བྱའོ། །རྡོ་རྗེ་གཙུག་གིས་ཞེས་པ་ནི། རང་འབྱུང་དང་བསྲེས་པའི་བྱང་ཆུབ་ཀྱི་སེམས་དང་ཐལ་བར་བསྲེས་ཏེ། །ལུས་བྱུག་པར་བྱའོ། །དེའི་ལུས་ལ་མཚོན་ཆ་ཕོག་ན་ཡང་མི་ཚུགས་ཤིང་དགྲ་ཐམས་ཅད་ཀྱི་མགོ ་ཆད་པར་འགྱུར་རོ། །སྐྱེས་བུ་དེ་ལ་འགལ་བར་སྦྱོད་བཙམ་གྱིས་ལོང་བ་ལ་སོགས་པར་འགྱུར་རོ། །ཞེས་སྦྱར་རོ། །མར་ཁུ་བཟང་པོས་ཞེས་པ་ནི། འཕྱང་བའི་སྐྱེས་བུའི་མར་ཁུ་དང། ཐལ་བ་ལྷན་ཅིག་སྦྱར་བས་མིག་ལ་བྱུགས་ན་ཇི་སྐད་གསུངས་པ ་བཞིན་དུ་འགྱུར་རོ། །གང་ཅི་ཡང་རུང་བ་ཞེས་པ་ལ་སོགས་པ་ནི་གོ་སླའོ། །རྫས་སུ་བྱ་བར་གསུངས་བ་ཐལ་བ་དང་ཞ་ཉེའི་བྱེ་མ་དང། རྡོ་རྗེའི་གཙུག་ལྷན་ཅིག་ཏུ་ཆ་མཉམ་པར་བྱས་ལ། །དེ་ནས་ཁབ་ལེན་གྱི་ལྕགས་ཀྱི་ཕྱེ་མ་དང། གསེར་གྱི་ཕྱེ་མ་ཆ ་མཉམ་པ་ཡང་བསྲེའོ། །རྡོ་རྗེ་མཆུའི་ཁུ་བ་ཞེས་པ་ནི་ཤིན་ཏུ་གནག་པའི་ཕག་གི་ཁྲག་གོ་།ཟངས་མའི་སྣོད་ཅེས་པ་ནི་སྣོད་དེར་ཉི་མ་བདུན་དུ་བཞག་པར་བྱའོ། །མཁྲིས་པ་ཆེན་པོས་ཞེས་པ་ནི་མིའི་མཁྲིས་བས་མཉེ་བར་བྱ་ཞེས་བྱ་བའི་ཐ་ཚིག་གོ། ་རྟའི་ཁྲག་དང་ཞེས་པ་ནི་སྣོད་དེ་ཉིད་དུ་ཉི་མ་གསུམ་དུ་མཉེ་བར་བྱའོ། །ལྕགས་ཀྱི་སྣོད་དུ་ཞེས་པ་ནི། ཁབ་ལེན་གྱི་ལྕགས་ཀྱི་སྣོད་དུ་བཞག་བར་བྱ་བའོ། །མེའི་ནང་དུ་བཅུག་ན་གསེར་དང་དངུལ་དུ་འགྱུར་རོ་ཞེས་པ་ནི། ཟངས་མ་ནི་གསེར་དུ་འགྱུར་རོ། ། ་ལྕགས་ནི་དངུལ་དུ་འགྱུར་ཞེས་སྦྱར་རོ། །སྲང་གཅིག་ཀྱང་སྲང་སྟོང་གི་ཞེས་པ་ལ་སོགས་པ་ནི་གོ་སླའོ། །གསང་བ་འདུས་པ་ལ་སོགས་པའི་རྣལ་འབྱོར་གྱི་རྒྱུད་དུ་གང་གསུངས་པའི་སྦྱོར་བ་དེས་ནི་འགྲུབ་པར་མི་འགྱུར་རོ། །རྣལ་འབྱོར་མའི་རྒྱུད་དུ་ནི་གདོན་མི ་ཟ་བ་ཁོ་ནར་འགྲུབ་པར་འགྱུར་ཏེ། གཞན་དུ་མ་ཡིན་ནོ། །གླེགས་བམ་ལ་མ་བྲིས་ཞེས་པ་ནི། གླེགས་བམ་བཀླགས་པས་ཤེས་པར་མི་འགྱུར་གྱི་བླ་མའི་དྲིན་ལས་ཤེས་པར་བྱ་ཞེས་པའི་དོན་ཏོ། །བླ་མའི་དྲིན་ལས་ཤེས་པར་ཞེས་པ་ལ། དང་པོ་དགའ་བ་ནི ་བླ་མའོ། །བླ་མས་དངོས་གྲུབ་ཅེས་པ་ནི་མཆོག་ཏུ་གྲུབ་པའི་གནས་སྐབས་ཞེས་པའོ། །བླ་མས་ཐར་ཞེས་པ་ནི་རྣམ་པ་སྣ་ཚོགས་པས་ཐར་ཞེས་པའི་བར་དུའོ། །བླ་མ་སྟོན་པ་ཞེས་བྱ་བ་ནི་ལྷན་ཅིག་སྐྱེས་པའི་དགའ་བ་དེ་ཉིད་སྟོན་པའོ། །ལྟས་བལྟ་བའི ་དོན་དུ་བུ་མོ་ཞེས་པ་ལ་སོགས་པ་ནི་གོ་སླའོ། །བདུག་སྤོས་ལྔས་ཞེས་པ་ནི་གོ་ཀུ་ད་ཧ་ན་སྟེ་ཤ་ལྔའི་སྤོས་ཀྱིས་བདུག་པར་བྱའོ། །བུ་མ་ལ་འབབ་ཞེས་པ་ལ་སོགས་པ་ནི་གོ་སླའོ། །རལ་གྲིའི་དངོས་གྲུབ་གསུངས་པ་གྲུབ་དོན་གྱི་འབྲས་བུ་ཞེས་པ་ནི་ཡུངས ་དཀར་དཀར་པོ་སྟེ། བུ་མོའི་ཐོད་པར་བསྐྱེད་དེ་སྨིན་པའི་ཡུངས་ཀར་འདི་དང། ཨོཾ་བུདྡྷ་ཀ་པཱ་ལི་ནི་ཞེས་པ་ལ་སོགས་པའི་སྔགས་བསྙེན་པ་འདུ་མ་བྱས་ལ། །ཡུངས་ཀར་དང་ལྷན་ཅིག་བུ་མོའི་གདོང་ལ་སྔགས་ངེས་བསྣུན་པར་བྱའོ། །བསྣུན་མ་ཐག ་ཏུ་སྔགས་ཀྱི་མཐུས་རལ་གྲིའི་དངོས་གྲུབ་ཇི་ལྟར་གསུངས་པ་འགྲུབ་པར་འགྱུར་རོ། །སངས་རྒྱས་ཐོད་པའི་རྣལ་འབྱོར་པས་ཞེས་བྱ་བ་ལ་སོགས་པ་ནི་གོ་སླའོ། །རི་ལུའི་སྒྲུབ་པ་གསུངས་པ། དེའི་ཐལ་བ་ཞེས་པ་ནི་དེའི་ཐལ་བ་ཡང་དག་པར་བླངས ་པའོ། །ལྕགས་གསུམ་ཞེས་པ་ནི་ཉི་མ་དང་ཟླ་བ་དང་བྱིན་ཟ་སྟེ། ཟངས་མ་དང་དངུལ་དང་གསེར་རྣམས་རིམ་པ་བཞིན་དུ་དཀྲི་བར་བྱའོ། །དེའི་ཚད་གསང་བའི་མཛོད་ལས། །གསེར་དང་ཟླ་བ་ཟངས་མ་རྣམས། །རིག་བྱེད་གསུམ་བཞི་མ་ཤའི་ཚད། །ར་ཏི ་བདུན་གསུམ་ལྔ་ལྷག་པས། །རིམ་པ་བཞིན་དུ་རི་ལུ་བཅིང་ཞེས་གསུངས་སོ། །རིམ་པ་འདིས་བཀྲིས་ན་རི་ལུའི་དངོས་གྲུབ་འགྲུབ་པར་འགྱུར་ཏེ། གཞན་དུ་ནི་མ་ཡིན་ནོ། །སུམ་ཅུ་པ་ཡང་འཁོར་ཞེས་པ་ལ་སོགས་པས་ཆེ་བའི་བདག་ཉིད་གསུང་བ་ཡིན་ནོ། ་ཐལ་བའི་སྦྱོར་བ་འདི་དག་ནི། །སངས་རྒྱས་ཀྱིས་ཀྱང་རྙེད་པར་དཀའ་། །ཞེས་པ་ནི་གང་གི་ཕྱིར་སངས་རྒྱས་རྣམས་ཀྱིས་ཀྱང་རྙེད་བར་དཀའ་ན། གཞན་དག་གིས་ལྟ་སྨོས་ཀྱང་ཅི་ཡོད། ཅེས་པའི་དོན་ཏོ།། ཨོཾ་བུདྡྷ་ཀ་པཱ་ལི་ཛ་ཞེས་པ་ལ་སོགས་པ་ནི་དབང ་དུ་བྱེད་པའི་སྔགས་སོ། །སྣ་ཚོགས་སྡེ་མ་མདོག་དམར་པོ་བསྒོམ་པར་བྱའོ། །ོཾ་མ་ཧཱ་ཀ་པཱ་ལི་བཛྲ་ཞེས་པ་ལ་སོགས་པའི་སྔགས་ཀྱིས་སྐྲོད་ལས་དང་རྗེས་སུ་མཐུན་པའི་སྣ་ཚོགས་སྡེ་མ་བསྒོམ་པར་བྱ། ཞེས་པའི་ཐ་ཚིག་གོ་།སངས་རྒྱས ་ཐོད་པ་ཞེས་པ་ལ། སངས་རྒྱས་ནི་རྡོ་རྗེའོ། །ཐོད་པ་ནི་པདྨ་སྟེ། འདི་དག་ནི་རྒྱུད་དོ། །རྒྱུད་ཀྱང་ཡིན་ལ་ཆེན་པོ་ཡང་ཡིན་པས་ན་རྒྱུད་ཆེན་མོའོ། །རྣལ་འབྱོར་མ་རྣམས་ཞེས་པ་ནི་གཤིན་རྗེ་མཆེ་བ་མ་ལ་སོགས་པའོ། །གོང་ན་མེད་པ་ཅེས་པ་ནི་དག་གི་ལམ ་གྱི་ཡུལ་ལས་འདས་པའོ། །གསང་བའི་ཡང་ཤིན་ཏུ་གསང་བཞེས་པ་ལ། གསང་བ་ནི་འདུས་པ་ལ་སོགས་པའོ། །དེ་བས་ཀྱང་གསང་བ་ནི་སངས་རྒྱས་ཐོད་པའི་རྒྱུད་དོ། །ཐལ་བའི་སྦྱོར་བ་ཞེས་པ་ནི་ཐབ་པའི་སྦྱོར་བ་བཤད་པའོ། །ལས་སྣ་ཚོགས ་གཏན་ལ་དབབ་པ། ཞེས་པ་ནི་རྣམ་པ་སྣ་ཚོགས་པའི་ལས་ཀྱི་ཚོགས་སོ། །ལེའུ་གང་ལ་སྔགས་ཡོང་པ་དེ་ནི་སྔགས་ཀྱི་ལེའུའོ། །གཅིག་ལ་བལྟོས་པས་ན་གཉིས་པའོ། །ལས་ཀྱི་ཚོགས་དུ་མའི་རྗེས་སུ་ལྷའི་ལེའུ་བཤད་པར་བྱ་སྟེ། དེ་ནས་ཞེས་པ་ནི་དེ་མ ་ཐག་ཏུའོ། །བྱང་ཆུབ་སེམས་དཔའ་སེམས་དཔའ་ཆེན་པོ་ཕྱག་ན་རྡོ་རྗེས་རྣལ་འབྱོར་མ་སྣ་ཚོགས་སྡེ་མ་ལ་འདི་སྐད་ཅེས་གསོལ་ཏོ། །ཞེས་པའི་དོན་ཏོ། །སངས་རྒྱས་ཀུན་གྱིས་རབ་སྤས་པ་ཞེས་པ་ནི་རྡོ་རྗེ་སེམས་དཔའ་ལ་སོགས་པའི་ལྷ་རྣམས་ཀྱིས ་སྐལ་པ་མེད་པའི་སེམས་ཅན་ལ་མ་གསུངས་པའོ། །དེ་ནི་འབད་དེ་ཞེས་པ་ནི་ཀྱེ་མ་ལྷ་མོ་ནང་གི་དོན་ཡང་དག་པའི་སྦྱོར་བས་གསལ་བར་མཛོད་ཅེས་པའི་དོན་ཏོ། །ཅི་ཞིག་གསལ་བར་མཛད་ཅེ་ན། དེ་ཉིད་གསུངས་པ་ལྷའི་ལེའུ་ཞེས་པ་སྟེ། ཧེ་རུ་ཀ་ལ། ་སོགས་པའི་ལྷ་རྣམས་བསྐྱེད་པའི་ལེའུ་འོ། །ཇི་ལྟ་བུ་ཞེས་པ་ནི་ཇི་ལྟ་བུར་འགྱུར་ཞེས་པའོ། །གང་དུ་ཞེ་ན་སངས་རྒྱས་ཐོང་པ་ཞེས་པ་སྟེ། སངས་རྒྱས་ཀྱི་སྒྲ་ནི་ཧེ་རུ་ཀའོ། །ཐོད་པ་ནི་ལྷ་མོའོ། །རྣལ་འབྱོར་མ་ཞེས་པ་ནི་ཐབས་དང་ཤེས་རབ་དག་ཇི་ལྟར ་བསྒོམ་པར་འགྱུར་ཞེས་པའོ། །རྒྱུད་དུ་ལྷ་རྣམས་དུ་ཞིག་གསུངས། །ཞེས་པ་ནི་རྒྱུད་འདིར་ལྷའི་གྲངས་དུ་ཞིག་གསུངས།། ཞེས་པའི་ཐ་ཚིག་གོ་།གཟུགས་ཇི་ལྟ་བུ་ཞེས་པ་ནི། །ལྷ་དེ་རྣམས་ཀྱི་མདོག་དང་ཕྱག་ལ་སོགས་པ་ཇི་ལྟ་བུ་ལགས་། ་ཞེས་པའི་དོན་ཏོ། །གུས་པས་ཞེས་པ་ནི་ཞེས་དང་བཅས་ཤིང་གུས་པ་དང་བཅས་པས་ཉན་པར་འཚལ་ཞེས་སྦྱར་རོ། །གསུངས་པ་ཞེས་པ་ལ་ཨ་ནི་ལྷ་མོའོ། །ཧ་ཞེས་པ་ནི་ཧེ་རུ་ཀའོ། །འདི་དག་གི་སྦྱོར་བ་དེ་ཉིད་སྦྱོར་བ་ཡིན་ནོ། །ད་ནི་སྣ་ཚོགས་སྡེ ་མའི་དཀྱིལ་འཁོར་གསུངས་པ།། རི་ལས་ཉི་མ་ཞེས་པ་ནི་བདག་དང་འགྲོ་བ་ཐམས་ཅད་སྟོང་པ་ཉིད་དུ་བསྒོམས་ནས་བྱང་ཆུབ་ཀྱི་ཚོགས་ཀྱི་དོན་དུ་སེམས་ཙམ་དུ་གནས་ཏེ། །དེའི་སྣང་བའི་རི་ཡོངས་སུ་གྱུར་པ་ལས་ཉི་མའི་དཀྱིལ་འཁོར། དེའི ་སྟེང་དུ་ཧཱུཾ་ངོ། །དེ་ཉིད་ཕུང་པོ་ལྔའི་བདག་ཉིད་རྣལ་འབྱོར་མའི་སེམས་སོ། །དེ་ཡོངས་སུ་གྱུར་པ་ལས་རྡོ་རྗེའི་ལྟེ་བར་ཧཱུཾ་ངོ། །ནག་པོ་བསྲེག་པའི་བདག་ཅེས་པ་ལ། རྡོ་རྗེ་དེ་ལས་བྱུང་པའི་འོད་ཟེར་མེ་དང་འོད་མཉམ་པར་འབར་བའོ། །འོད་ཟེར་དེ་ཉིད་ལས་བསྲུང ་བའི་འཁོར་ལོ་བསྒོམ་པར་བྱའོ། །མཚམས་བཅིང་ཞེས་པ་ནི་ཕྱོགས་བཅུར་བཅིང་བར་བྱའོ། །ར་བ་ཞེས་པའི་དགར་བསམ་པའོ། །དྲ་བ་ཞེས་པ་ནི་ནམ་མཁའ་གུར་གྱི་རྣམ་པས་བཀབ་པ་བདག་ཉིད་ཀྱིས་བསམ་པར་བྱའོ། །མཚམས་བཅིང་པ་ནི་ཐུགས་གོ ་ར་བ་ནི་གསུང་ངོ། །དྲ་བ་ནི་སྐུ་སྟེ་སྐུ་གསུམ་གྱི་རང་བཞིན་གྱི་བསྲུང་བའི་འཁོར་ལོའོ། །རྡོ་རྗེ་ནག་པོ་ཞེས་པ་ནི་ཧཱུཾ་དང་ལྡན་པའི་རྡོ་རྗེ་ལས་རྡོ་རྗེའི་ས་གཞི་བསྒོམ་ཞེས་པའི་ཐ་ཚིག་གོ་།རྡོ་རྗེ་ས་གཞི་དབུས་ཆུང་པ་ཞེས་པ་ལ། ལྷན་ཅིག་སྐྱེས་པའི་རྡོ ་རྗེའི་ས་གཞི་ནི་སྤྲུལ་པའི་འཁོར་ལོ་སྟེ། གནས་དེར་གནས་པས་ན། དེའི་ས་གཞི་ཞེས་པའི་དོན་ཏོ། །ེའི་རྣམ་པའི་བདག་ཉིད་ཆེ་ཞེས་པའི་ལ། ཨེའི་ཆ་བྱང་ཆེ་བའི་བདག་ཉིད་ནི། ཨེའི་གནས་ཏེ། སེམས་ཅན་ཐམས་ཅད་ཀྱི་ཆེ་བའི་བདག ་ཉིད་ནི་བདག་ཉིད་ཆེ་སྟེ་དེ་ཉིད་འཚོ་བའི་རང་བཞིན་ཞེས་པའི་ཐ་ཚིག་གོ་།གྲུ་གསུམ་ཞེས་པ་ནི་ཆོས་ཀྱི་འབྱུང་གནས་གྲུ་གསུམ་ཞེས་པའི་དོན་ཏེ་ཆོས་ཀྱི་འབྱུང་གནས་དེ་ཉིད་ཁམས་པའི་རང་བཞིན་ཞེས་པའི་ཐ་ཚིག་གོ་།ཡི་གེ ་ལཾ་གྱུར་པ་ཡི་ནི། དཀྱིལ་འཁོར་གྲུ་བཞི་རབ་སེར་བ། ཞེས་པའི་ཡི་གེ་ལཾ་ཡོངས་སུ་གྱུར་པ་ལས་སའི་དཀྱིལ་འཁོར་གྲུ་བཞི་སེར་བོ་ཟླ་བཞི་ལ་རྡོ་རྗེས་མཚན་པ་སྟེ། དེ་ཉིད་ཆོས་ཀྱི་འཁོར་ལོའི་རང་བཞིན་ནོ། །ཞེས་པའི་དོན་ཏོ། །དེའི་དབུས་གནས ་ཞེས་པ་ནི་ཆོས་ཀྱི་འཁོར་ལོའི་དབུས་ཀྱི་སྟེང་དུ་ལོངས་སྤྱོད་ཀྱི་འཁོར་ལོ་བཅུད་ཀྱི་རྟེན་གྱི་རང་བཞིན་ཆུའི་དཀྱིལ་འཁོར་རོ་ཞེས་པའི་ཐ་ཚིག་གོ་།ོཾ་ལས་བྱུང་པའི་འཁོར་ལོ་ནི་ཨོཾ་ཡོངས་སུ་གྱུར་པ་ལས་ལོང་སྤྱོད་ཀྱི་འཁོར་ལོའོ། །འཁོར་ལོའི་དབུས་སུ ་ཡི་གེ་ཨོཾ་བསམ་མོ། །རྩ་རྣམས་ཀུན་གྱི་རང་བཞིན་ཅན་ཞེས་པ་ནི་འཁོར་ལོ་བཞིའི་རྩ་རྣམས་ལ་གནས་པ་ལྷན་ཅིག་སྐྱེས་པའི་རང་བཞིན་ཞེས་པའི་དོན་ཏོ། །རྣལ་འབྱོར་མ་ནི་ནམ་པར་བཞུགས་ཞེས་པ་ནི་རྩ་སུམ་ཅུ་རྩ་གཉིས་ལས་བྱང་ཆུབ ་ཀྱི་སེམས་འབབ་པ་དེ་རྣམས་ནི། བདེ་བ་ཆེན་པོའི་རང་བཞིན་ཏེ། དེར་གནས་ཞེས་པའི་ཐ་ཚིག་གོ་།དེ་ལྟར་ཡང་རབ་ཏུ་དགའ་བའི་ནམ་མཁའ་ལས། བདེ་ཆེན་འཁོར་ལོ་ལས་ནི་བརྒྱད། །དེ་བཞིན་ལོང་སྤྱོད་འཁོར་ལོའི་བརྒྱད། །ཆོས་ཀྱི་འཁོར ་ལོ་ལས་ནི་གཞི། །སྤྲུལ་པའི་འཁོར་ལོ་ལས་བཅུ་གཉིས། །རྩ་འདི་དག་ནི་བདེ་ཆེན་དངོས། །རྟག་ཏུ་བྱང་ཆུབ་སེམས་འབབ་འགྱུར་ཞེས་གསུངས་སོ། །རྩ་ནི་བཅུ་དྲུག་ལ་བརྒྱན་པ། ཞེས་པ་ནི་ལོང་སྤྱོད་ཀྱི་འཁོར་ལོ་ལ། ཨོཾ་བཅུད་ཀྱི་རྟེན་གྱི ་རང་བཞིན་དུ་འདྲུག་པ་དང། ། ལ་སོགས་པའི་རང་བཞིན་དྲུག་པོ་དེ་རྣམས་ཀྱིས་བརྒྱན་ཞེས་པའི་ཐ་ཚིག་གོ་།དེ་ཉིད་འཕོ་བ་བཅུ་དྲུག་གི་རང་བཞིན་ནོ། །བདེ་བ་ཆེན་པོའི་འཁོར་ལོའི་རྩ་སུམ་ཅུ་རྩ་གཉིས་ནི་ཆུ་ཚོང་སུམ་ཅུ་རྩ་གཉིས་ཀྱི་རང ་བཞིན་ནོ། །སྤྲུལ་པའི་འཁོར་ལོ་ལ་ནི་དབྱུག་ཚོང་དྲུག་ཅུ་རྩ་བཞིའི་རང་བཞིན་ནོ། །ཆོས་ཀྱི་འཁོར་ལོ་ལ་ནི་ཐུན་བརྒྱད་ཀྱི་རང་བཞིན་ནོ། །དེ་ན་རྩ་བརྒྱ་ཉི་ཤུའོ། །ཞེས་པ་ནི་འཁོར་ལོ་བཞིའི་རྩ་རྣམས་ནི་བརྒྱ་དང་ཉི་ཤུའོ། །དེ་ནས་ལུས་དང་ངག་དང་སེམས ་ཀྱིས་བསྒྲེས་ན་སུམ་བརྒྱ་དྲུག་ཅུར་འགྱུར་རོ། །དེས་ནི་ལོ་གཅིག་གི་ཞག་གི་གྲངས་ཀྱང་བཟུང་ངོ། །སྤྲུལ་པ་དྲུག་ཅུ་རྩ་བཞིའི་འདབ་ཅེས་པ་ནི་རླུང་གི་འཕོ་བ་ཕྲ་བའི་རང་བཞིན་གྱིས་དབྱུག་ཚོད་བཞི་བརྩིར་མེད་པ་དོར་བས་དྲུག་ཅུའོ། །སུམ་བརྒྱ་དྲུག་ཅུ་བསྒྲེས ་པའི་དྲུག་ཅུ་ལ་ནི་སྟོང་ཕྲག་ཉི་ཤུ་རྩ་གཅིག་དང་དྲུག་བརྒྱར་འགྱུར་རོ། །འདིས་ལོ་གཅིག་གི་དབྱུག་ཚོད་དང་ཞལ་གཅིག་གི་དབུགས་ཀྱང་ཤེས་པར་བྱའོ། །རྡོ་རྗེ་སྐུའི་བདག་ཉིད་ཆེ་ཞེས་པ་ལས་རྡོ་རྗེ་ནི་དེ་བཞིན་གཤེགས་བ་རྣམས་ཏེ། དེའི་བདག་ཉིད་ཀྱི ་སྐུའོ། །སྐུ་དེ་ལ་རྩ་འདི་དག་གནས་པ་ཡིན་ཞེས་པའི་དོན་ཏོ། །དེའི་དབུས་གནས་ས་བོན་ནི། ཞེས་པ་ནི། དེའི་འཁོར་ལོ་བཞིའི་ངོ་བོ་འབྱུང་བ་ཆེན་པོ་བཞིའི་ས་བོན་གནས་ཞེས་པའོ། །ཅི་ཞེ་ན་བཾ་དཀར་ཡི་གེ་ལས་བྱུང་བ་ཞེས་པ་ནི་ཕཾ? ་ཡོངས་སུ་གྱུར་པ་ལས་ཆུའི་དཀྱིལ་འཁོར་ཟླུམ་པོ་བུམ་པས་མཚན་པ་ཞེས་པའི་ཐ་ཚིག་གོ་།པཾ་དེ་ཉིད་ཆོས་ཀྱི་འཁོར་ལོ་དང་འདྲ་བའོ། །སའི་དཀྱིལ་འཁོར་ནི་སྔོན་དུ་གསུངས་སོ། །རྩ་རྣམས་ཐམས་ཅད་ཆུ་ཡི་ནི། །དཀྱིལ་འཁོར་ལ་ནི་ཐིམ་པར་འགྱུར། །ཞེས་པ ་རིང?་མའི་མན་ངག་ལས་རླུང་གི་བསྒོམ་པའི་རྩ་ཐམས་ཅད་ཀྱི་རང་བཞིན་ཆོས་ཀྱི་འཁོར་ལོ་ལ་ཐིམ་པར་འགྱུར་རོ། །དེ་ལྟ་མོད་ཀྱི་དེར་སེམས་སྤྲེའུ་ལྟ་བུ་བླ་མའི་མན་ངག་གིས་བཅིང་བར་བྱའོ། །སླར་ཡང་བསམ་པར་བྱ་བ་ནི་སྤྲུལ་པའི་འཁོར་ལོའི་འོག་གི་ཆང ་མེའི་དཀྱིལ་འཁོར་བསམ་པར་བྱའོ། །རི་དམར་ལས་བྱུང་མེའི་དཀྱིལ་འཁོར། ཞེས་པ་ནི་རཾ་ཡོངས་སུ་གྱུར་པ་ལས་མེའི་དཀྱིལ་འཁོར་གྲུ་གསུམ་མདོག་དམར་པོ་འབར་བ་བདུན་གྱིས་མཚན་པ་བསམ་པར་བྱ་ཞེས་པའི་ཐ་ཚིག་གོ་།རབ་ཏུ་འབར་བཞིན་པ་ཡི་ནི། ། ་རྩའི་འཁོར་ལོ་ཡང་དག་བལྟ། །ཞེས་པ་ནི་རྩའི་འཁོར་ལོའི་མདུད་པའི་གནས་ན་སྡེ་བརྒྱད་ཀྱིས་བརྒྱན་པའི་ཨ་མེ་ལྟར་འབར་བཞིན་པ་དེ་བལྟ་ཞིང་བསྒོམ་ཞེས་པའི་ཐ་ཚིག་གི་།ཡཾ་གྱུར་རླུང་གི་དཀྱིལ་འཁོར་ནི་ཞེས་པ་ནི། ་མེའི་འོག་ཏུ་ཡཾ་ཡོངས་སུ་གྱུར་པའི་རླུང་གི་དཀྱིལ་འཁོར་བ་དན་གཉིས་ཀྱིས་མཚན་པའོ། །རྩ་རྣམས་རབ་ཏུ་གཡོ་བའི་གཟུགས་ཞེས་པ་ནི། རྩའི་འཁོར་ལོ་ཐམས་ཅད་ནས་བྱང་ཆུབ་ཀྱི་སེམས་རླུང་གིས་བསྐྱོད་པས་དེ་དང་མཐུན་པའི ་རང་བཞིན་ལྷན་ཅིག་སྐྱེས་པ་བསྐྱེད་པའོ། །དེར་བྱང་ཆུབ་ཀྱི་སེམས་གཡོས་ནས་རླུང་ལ་ཐིམ་པར་གྱུར་ཏེ། འཁོར་ལོའི་བསྒོམ་པས་རང་རིག་པར་འགྱུར་ཞས་བའི་ཐ་ཚིག་གོ་།དེ་དག་ཐམས་ཅད་ཐམ་འགྱུར་བ་ཞེས་པ་ནི་ཕུང་པོ་དང་ཁམས ་དང་སྐྱེ་མཆེད་ཐམས་ཅད་དེར་ཐིམ་པར་འགྱུར་པའོ། །དེའི་དབུས་གནས་རྣལ་འབྱོར་པ་ཞེས་པ་ནི་དེ་ལ་རྣལ་འབྱོར་པ་རང་གིས་སེམས་བཏགས་ཤིང་དེར་གནས་ཞེས་པའི་ཐ་ཚིག་གོ་།དེ་ལྟར་ཡང་གདན་བཞི་པ་ལས། ས་གཉིས་དག་ནི ་བསམ་པ་ཡིས། །གྲོལ་བར་འགྱུར་གྱི་གཞན་དུ་མིན། །ཆོས་དང་སྤྲུལ་པ་བསྒོམ་པ་ཡི། །རྣལ་འབྱོར་པ་ནི་གྲོལ་བར་འགྱུར། །ཞེས་གསུངས་སོ། །དེ་ལྟར་ཡང་ཟླ་བ་ཉི་མས་བརྒྱན་པ་ཡི། །ཐབས་དང་ཤེས་རབ་འདི་དག་བསྒོམ། །ཞེས་གསུངས ་པ་སྟེ། ཆོས་ཀྱི་འཁོར་ལོའི་སྡུཾ་ཁ་ཐུར་དུ་ཕྱོགས་པ་དེ་ལ་གནས་པའི་འོད་ཟེར་གྱིས་ཨ་ལ་གནས་པའི་ཐིག་ལེའི་རི་མོ་གྱེན་དུ་ཕྱོགས་པ་ལ་རེག་པར་བྱ་སྟེ། རླུང་གིས་འགྲོ་བ་དང་འོང་བ་དག་གིས་འཕྱང་བཞིན་བ་བསམ་པར་བྱའོ།། ་ཕྱིས་ནི་དེར་ཕྲ་བའི་ངོ་བོས་ཐིམ་པར་འགྱུར་རོ། །རླུང་གི་བསྒོམ་པས་ནི་འདིའི་རང་བཞིན་ཁོང་དུ་ཆུད་པར་བྱའོ། །དེ་ནས་ཟླ་བ་བསམ་པར་བྱ། ཞེས་པ་ནི། ཨ་ལ་སོགས་པའི་དབྱངས་ཡིག་བཅུ་གཉིས་ཉིས་སྒོར་དུ་བྱས་བ་ལས་ཟླ ་བའི་དཀྱིལ་འཁོར་དུ་བསྒོམ་སྟེ། དེ་ནི་མེ་ལོང་ལྟ་བུའི་ཡེ་ཤེས་ཀྱི་རང་བཞིན་ནོ། །ཟླ་བའི་སྟེང་དུ་ཉི་མ་ཞེས་པ་ནི། ཀ་ལ་སོགས་པའི་ཡི་གེ་སུམ་ཅུ་རྩ་བཞི་ལ་ཡ་ར་ལ་ཝ་ཌ་བྷ་བསྣན་བས་བཞི་བཅུར་འགྱུར་ལ། དེ་ཉིས་སྐོར་དུ་བྱས་པའི་བརྒྱད་ཅུ ་ནི་ཉི་མའི་དཀྱིལ་འཁོར་དུ་འགྱུར་ཏེ། དེ་ནི་མཉམ་པ་ཉིད་ཀྱི་ཡེ་ཤེས་ཀྱི་རང་བཞིན་ནོ། །དེའི་དབུས་ཆུད་ས་བོན་ནི། ཞེས་པ་ནི་དེ་དག་གི་དབུས་སུ་ཨ་དང་ཧཱུཾ་ཤེས་རབ་དང་ཐབས་ཀྱི་བདག་ཉིད་གནས་པ་སྟེ། དེ་ནི་སོ་སོར་རྟོག་པའི་ཡེ་ཤེས་ཀྱི་རང ་བཞིན་ནོ། །ཡི་གེ་ཀ་ཡིས་ཧ་བརྒྱན་ཏེ་ཞེས་པ་ནི་ཡི་གེ་ཀ་ཉི་མའི་དཀྱིལ་འཁོར་གྱི་རང་བཞིན་དེ་ལ་ཧ་ཐིམ་པར་གྱུར་པའོ། །ཡང་ན་ཀ་ཡིས་རྣམ་བརྒྱན་པ། ཞེས་པ་ནི་ཀ་བདེ་བ་ཆེན་པོས་མི་ཤིག་བའི་ཧ་མགོ་བོ་སྟོང་བས་བརྒྱན་ཅེས་པའི་ཐ་ཚིག་གོ་།ཀ་ནི ་ཧ་ལ་ཐིམ་པར་འགྱུར་ཞེས་པ་ནི། ཀ་ཤེས་རབ་ཀྱི་རང་བཞིན་དང། ཨ་ཐབས་ཀྱི་རང་བཞིན་ཐིམས་པར་འགྱུར་བའོ། །དེས་ཅིར་འགྱུར་ཞེ་ན། ཨ་ཧཱུཾ་དབྱེར་མེད་པར་འགྱུར་བའོ། །གུག་སྐྱེད་དང་བྲལ་བའི་ཧ་ནི་ཤེས་རབ་ཀྱི་རང་བཞིན་ནོ། །ཧཱུཾ་ནི་ཐབས ་ཀྱི་རང་བཞིན་ནོ། །དེས་ནི་ཐབས་དང་ཤེས་རབ་གཅིག་ཏུ་འགྱུར་རོ། །མི་བྱེད་བའི་ཧ་ཞེས་པ་ནི། གུག་སྐྱེད་དང་བྲལ་བའི་ཧ་སྲའི་རང་བཞིན་དང། དབྱངས་ཡིག་དྲུག་པ་གཅིག་ཏུ་གྱུར་པ་འབའ་ཞིག་ཏུ་འགྱུར་ཏེ། ཧཱུཾ་དེ་ཡང་ཐབས་དང་ཤེས་རབ་ཀྱི་བདག་ཉིད་དོ། ། ་ཧཱུཾ་ལས་བྱུང་བའི་འོད་ཟེར་རྣམས་ཞེས་པ་ནི་ཧཱུཾ་དེ་ལས་བྱུང་བའི་འོད་ཟེར་ཏེ། དེ་བཞིན་གཤེགས་པ་ལྔའི་བདག་ཉིད་རླུང་ལྔའི་རང་བཞིན་དེ་རྣམས་ཀྱིས་བདེ་བ་ཆེན་པོའི་འཁོར་ལོ་བསྐུལ་བས་བདུད་རྩི་འཛག་པའོ། །པ་མོ་ལྟ་བུའི་རི་བོང་ཅན་ཞེས་པ་ལ་རི་བོང་ཅན ་ནི་ཟླ་བ་སྟེ། དེ་ནི་འཇུག་པའི་རླུང་ངོ། །བ་མོ་ཞེས་པ་ནི་ཉི་མ་སྟེ། དེ་ནི་འབྱུང་བའི་རླུང་ངོ། །དེ་དག་གཅིག་ཏུ་གྱུར་པའི་རྣལ་འབྱོར་དེ་ནི་བསམ་གཏན་དུ་བརྗོད་དོ། །ཉི་མར་ལྷན་ཅིག་ཞུ་གྱུར་ཅིང་ཞེས་པ་ལ། ཉི་མ་ནི་ཆགས་པ་དང་ཆགས་པ་དང་བྲལ་པ་དག ་གཅིག་ཏུ་གྱུར་པའི་ཆགས་པ་ཙམ་འབའ་ཞིག་ཉི་མ་ཉིད་དུ་བལྟ་སྟེ། ཁྲག་དང་ཁུ་བའི་མདོག་ཏུ་སྣང་བའོ། །དེ་ཉིད་ནི་ཉི་མ་སྟེ། ཡེ་ཤེས་ཀྱི་རང་བཞིན་གྱིས་ང་རྒྱལ་ལ་སོགས་པའི་སྡིག་པ་བསྲེག་པའོ། །ཡང་ན་ཧཱུཾ་བྱུང་འོད ་ཟེར་ཞེས་པ་ནི་ཁྲག་དང་ཁུ་བའི་རང་བཞིན་གྱི་ཐིག་ལེ་ཧཱུཾ་དུ་བསྒོམ་པ་སྟེ། དེའི་འོད་ཟེར་རྣམས་འགྲོ་བ་དང་འོད་བ་སེམས་ཀྱིས་བསམ་པར་བྱའོ། །རྩའི་འཁོར་ལོ་ཐམས་ཅད་ལ་ཞེས་པ་ནི། ཁམས་བཅོ་བརྒྱད་གནས་པའི་རྩ་ལས་འཛག་པའོ།། ་འཛག་པ་དེས་ཐིག་ལེའི་ནང་དུ་ཆུད་པའི་ཧཱུཾ་བཀྲུ་བར་བྱའོ། །བཀྲུས་པས་ཅིར་འགྱུར་ཞེ་ན། བདེ་བ་ཆེན་པོའི་ཡེ་ཤེས་སྐྱེ་སྟེ། དེ་ཉིད་མཚན་སུམ་ཅུ་རྩ་གཉིས་ཀྱི་ཡོན་ཏན་དང་ལྡན་ཞིང་དཔེ་བྱད་བརྒྱད་ཅུས་བརྒྱན་པའི་ཧེ་རུ་ཀ་སྣ་ཚོགས་སུ་སྣང་བ་སྣ ་ཚོགས་སྡེ་མས་འཁྱུད་པར་འགྱུར་རོ། །ད་ནི་སྒྱེད་པའི་རིམ་པ་གསུངས་པ་ཟླ་བ་དང་ཉི་མའི་དབུས་སུ་ཧཱུཾ་བསམ། ཧཱུཾ་གྱུར་པ་ལས་རྡོ་རྗེ་དེའི་ལྟེ་བ་ཡང་ཧཱུཾ་ངོ། །ས་བོན་རྡོ་རྗེ་ལས་བྱུང་བ་ཞེས་པ་ནི། ས་བོན་ཧཱུཾ་དང་རྡོ་རྗེ་དག་གཅིག་ཏུ་གྱུར་པ་ལས་བྱུང་ཞིང་བསྐྱེད ་པའོ། །གང་གི་ཞེ་ན་དཔའ་བོ་སྟེ། བཅོམ་ལྡན་འདས་དཔའ་བོ་དེ་ཡིའོ། །འདོད་ཆགས་ལ་སོགས་པའི་ཉོན་མོངས་པ་དང་བྲལ་བས་དཔའ་བོའོ། །ཧེ་རུ་ཀ་མདོག་སྔོན་པོ་ཞེས་པ་ལ། ཧེ་ནི་ཆོས་ཐམས་ཅད་ཀྱི་རྒྱུ་དང་བྲལ་བའོ། །རུ་ནི་གཟུགས་ཀྱི་བཀོད ་པ་དང་བྲལ་བའོ། །ཀ་ནི་ཆོས་ཐམས་ཅད་གང་ན་ཡང་མི་གནས་པའོ། །ཧ་ནི་ཐབས་སོ། །ེ་ནི་ཤེས་རབ་སྟེ། དེའི་བདག་ཉིད་ལ་ཧེའུ་སྒྲར་གསུངས་སོ། །ར་ནི་ཁུ་བའོ། །ུ་ནི་ཁྲག་གི་རང་བཞིན་ནོ། །ར་ནི་ཁུ་བའོ། །ུ་ནི་བདེ་བའོ། །འདི་དག་ནི་ཁུ་བ་དང་བདེ ་བ་སྟེ། ཐབས་དང་ཤེས་རབ་ཀྱི་བདག་ཉིད་དོ། །ཧེ་ནི་དམ་ཚིག་སེམས་དཔའ་ཨོ། །རུ་ནི་ཡེ་ཤེས་སེམས་དཔའ་ཨོ། །ཀ་ནི་བདེ་བ་ཆེན་པོའི་ཡེ་ཤེས་སྐྱེད་པའོ། །ོཾ་ནི་ལས་ཀྱི་ཕྱག་རྒྱའོ། །ཧ་ནི་ཆོས་ཀྱི་ཕྱག་རྒྱའོ། །ར་ནི་དམ་ཚིག་གི་ཕྱག་རྒྱའོ། །ུ་ནི་སྒྲའི ་རང་བཞིན་ཕྱག་རྒྱ་ཆེན་པོའོ། །ཀ་ནི་ཕྱག་རྒྱ་འདི་རྣམས་ལ་བཅོམ་ལྡན་འདས་བདེ་བའི་གཟུགས་བཞུགས་པའོ། །བཅོམ་ལྡན་འདས་དེ་ནི་བླ་མའི་མན་ངག་ལས་ཁོང་དུ་ཆུད་པར་བྱའོ་ཞེས་པའི་དོན་ཏོ། །ཞལ་གཅིག་པ་ལ་ཕྱག་བཞི་པ་ཞེས་པ་ནི་བཅོམ་ལྡན་འདས ་ཀྱི་གཟུགས་ཅན་དང། བཅོམ་ལྡན་འདས་མ་སྟེ། །ཐབས་དང་ཤེས་རབ་དབྱེར་མེད་པའི་གཟུགས་སོ། །རྡོ་རྗེ་སེམས་དཔའ་ཇི་ལྟ་བ་དེ་ལྟར་རྡོ་རྗེ་དབྱིངས་ཀྱི་དབང་ཕྱུག་མའོ། །གཙོ་བོ་ཧཱུཾ་ཞེས་འདོན་པ་ཞེས་པ་ལ་སོགས་པ་ནི་གོ་སླའོ། །དཔའ་བོ་འཁོར ་བ་སྒྲོལ་བྱེད་པ་ཞེས་པ་ནི་དེ་ལྟར་རྣལ་འབྱོར་པས་དཔའ་བོ་བསྒོམས་ནས་འཁོར་བ་ལས་སྒྲོལ་བར་འགྱུར་རོ། །ཇི་ལྟར་འཁོར་བ་ལས་སྒྲོལ་བར་བྱེད་ཅེ་ན། དེ་ཉིད་གསུངས་པ། བྱང་ཆུབ་ས་བོན་རང་བཞིན་ཞེས་པ་སྟེ། ཕྲ་བའི་ཧཱུཾ་བསྒོམས་པས་བདེ ་བ་ཆེན་པོ་སྐྱེ་བའོ། །ལྷག་མ་ནི་གོ་སླའོ། །ཁ་དོག་དམར་མོ་ཞེས་པ་ལ་སྣ་ཚོགས་སྡེ་མ་ནི་དམར་མོའོ། །ཧེ་རུ་ཀ་ནི་ནག་པོ་སྟེ་གཉི་ག་སྙོམས་པར་ཞུགས་པའོ། །ཇི་ལྟར་པདྨ་དམར་པོ་ལ་བུང་པ་གནས་པ་དེ་ལྟར་བཅོམ་ལྡན་འདས་བལྟ་བར་བྱའོ། །ཞལ ་ནི་ཤིན་ཏུ་རྣམ་འགྱུར་བ། ཞེས་པ་ནི་ཞལ་ནས་ཁྲག་འཛག་པའོ། །སྣ་ཚོགས་སྡེ་མ་ཡང་ཕྱག་བཞི་པ་སྟེ། གཡས་ན་ཅང་ཏེའུ་དང་གྲི་གུག་།གཡོན་ན་ཁ་ཊཝཱཾ་ག་དང་ཐོད་པའོ། །ཕྱག་གཉིས་པའི་ཕྱོགས་ལ་སྣ་ཚོགས་སྡེ་མ་གྲི་གུག་དང་ཐོད་པ་བསྣམས ་པ་བསྒོམས་པར་བྱའོ། །རང་གི་ལུས་སྐྱེས་འོད་ཟེར་གྱིས། ཞེས་པ་ནི་ལུས་དང་ལྷན་ཅིག་པར་ཡོད་པ་ལུས་བཅས་ཏེ་ཨ་དང་ཧཱུཾ་ངོ། །དེ་དག་གི་འོད་ཟེར་གྱིས་འགྲོ་བ་དང་འོད་བར་བྱེད་དོ། །རྩའི་འཁོར་ལོ་བསྐུལ་བར་བྱ། ཞེས་པ་ནི་སྤྲུལ་པའི་འཁོར་ལོ་ལ ་གནས་པའི་འོད་ཟེར་གྱིས་ཆོས་དང་ལོངས་སྤྱོད་དང་བདེ་བ་ཆེན་པོ་ཡང་དག་པར་བསྐུལ་བས་བདུད་རྩི་འཛག་པའོ། །བདུད་རྩི་དེས་ཆོས་ཀྱི་འཁོར་ལོའི་ས་བོན་བཀྲུས་པ་ཙམ་གྱིས་ཆོས་ཀྱི་འཁོར་ལོ་ལ་གནས་པའི་རྩ་བརྒྱད་པོ་རང་བཞིན་གྱིས་རྣལ་འབྱོར་མ ་བརྒྱད་བསྐྱེད་ནས། ཕྱི་རོལ་ཏུ་ཕྱུང་སྟེ། ཧེ་རུ་ཀ་མཆོད་པར་བྱེད་དོ། །བརྒྱད་པོ་བུ་མོ་རྣམས་ཀྱི་མཆོག་ཅེས་པ་ནི་ཆོས་ཀྱི་འཁོར་ལོའི་རང་བཞིན་གྱི་བུ་མོ་མཆོག་རབ་ཅེས་པའི་དོན་ཏོ། །མཆོད་པ་སྣ་ཚོགས་འཛིན་པ་ཡིས་ཞེས ་པ་ནི། རི་དགས་ཀྱི་མཚན་པ་ལ་སོགས་པ་མཆོད་པ་རྣམ་པ་བརྒྱད་འཛིན་པར་བྱེད་པས་ན་མཆོད་པ་བརྒྱད་དོ། །རྣལ་འབྱོར་མ་དེ་རྣམས་གང་ཞེ་ན། རྡོ་རྗེ་མཆེ་བ་མ་ལ་སོགས་པའོ། །རྡོ་རྗེ་མགོན་པོའི་ཤར་གནས་པ་ཞེས་པ་ནི། ཧེ་རུ་ཀའི་ཤར་ཕྱོགས ་ན་གནས་པའོ། །རྡོ་རྗེ་མཆེ་བ་མ་ནི་ཁྲག་གིས་བཀང་བའི་ཐོད་པ་བསྣམས་པའོ། །གཟི་བརྗིད་ཆེན་མོ་གསོལ་བར་མཛད། །ཅེས་པ་ལ། གཟི་བརྗེད་ནི་ཁྲག་གི་རང་བཞིན་ཏེ། ཕྱག་གཉིས་ཀྱིས་ཁྲག་གིས་གང་བའི་ཐོད་པ་བསྣམས་ཏེ་གསོལ ་པ་ནི་ཚིམ་པ་ཞེས་པའི་དོན་ཏོ། །རྡོ་རྗེ་ཕོ་ཉ་ཅང་ཏེའུ་བརྡུང་ཞེས་པ་ནི་རྡོ་རྗེ་ཕོ་ཉ་མ་དབང་ལྡན་གྱི་ཕྱོགས་སུ་གནས་ཤིང། ཕྱག་གཡས་དང་གཡོན་པས་ཅང་ཏེའུ་བརྡུངས་པའོ། །རྡོ་རྗེ་གདོང་མ་དྲི་སྣོད་དང་ཞེས་པ་ནི། རྡོ་རྗེ་གདོང་མ་མེའི་ཕྱོགས་སུ ་གནས་ཤིང་ཕྱག་གཉིས་ན་དྲིའི་སྣོད་པ་བསྣམས་པ་སྟེ་དྲི་ཆེན་གྱི་སྣོད་བསྣམས་པའོ། །རྡོ་རྗེ་ཅན་མ་མཆོད་ཡོན་སྣོང་ཅེས་པ་ནི་རྡོ་རྗེ་ཅན་མ་བདེན་བྲལ་གྱི་ཕྱོགས་སུ་གནས་ཤིང་མཆོད་ཡོན་གྱི་སྣོང་བདུད་རྩིས་བཀང་བ་ཕྱག་གཉིས་ཀྱིས་འཛིན་པའོ། ། ་རྡོ་རྗེ་གཅིག་མ་ཞེས་པ་ནི་ལྷོ་ཕྱོགས་སུ་གནས་ཤིང་ཕྱག་གཉིས་ཀྱི་རྔ་བརྡུང་བའོ། །རླུང་དུ་རྡོ་རྗེ་ལྟེ་བ་མ་ཞེས་པ་ལ་རྡོ་རྗེ་ལྟེ་བ་མ་ནི། རླུང་གི་ཕྱོགས་ན་གནས་ཤིང་རི་བོང་ཅན་གྱི་སྣོད་དེ། བྱང་ཆུབ་ཀྱི་སེམས་ཀྱི་སྣོད་བསྣམས་པའོ། །ནུབ་ཏུ་རྡོ་རྗེ ་འཇིགས་མ་ཞེས་པ་ནི་རྡོ་རྗེ་འཇིགས་མ་ནུབ་ཀྱི་ཕྱོགས་སུ་གནས་ཤིང་ཅེ་སྤྱད་མ་ཝ་འཛིན་པའོ། །བྱང་དུ་རྡོ་རྗེ་འདོད་ཆགས་མ་ཞེས་པ་ནི་བྱང་གི་ཕྱོགས་སུ་གནས་ནས་ཆགས་པ་ཆེན་པོ་ལ་རྗེས་སུ་ཆགས་པས་ཧེ་རུ་ཀ་མཆོད་པའོ། །རྣལ་འབྱོར་འདི ་དག་ནི་བྱང་ཆུབ་ཀྱི་སེམས་ཀྱི་རྒྱུ་བ་ལ་གནས་པར་དགོངས་སོ། །དྲི་ཞིམ་ལྔ་དང་མེ་ཏོག་སྤོས་ཞེས་པ་ལ། དྲི་ཞིམ་ནི་བདུད་རྩི་ལྔའོ། །མེ་ཏོག་ནི་བུད་མེད་ཀྱི་རྡུལ་གྱི་མེ་ཏོག་གོ་།སྤོས་ནི་གཏུམ་མོའི་འོད་ཟེར་འདི་དག་གིས་ནི་བཅོམ་ལྡན་འདས་བདེ་བ་ཆེན་པོ ་མི་ཤིགས་པའི་རང་བཞིན་མཆོད་དོ། །དཔའ་བོ་རྫོགས་པར་མཐོང་ནས་ནི། ཞེས་པ་ནི་དཀྱིལ་འཁོར་རྫོགས་ནས་ནང་གི་རྩའི་འཁོར་ལོ་བསྒོམ་པར་བྱའོ། །ཅིའི་ཕྱིར་ཞེ་ན་དབང་བསྐུར་བའི་ཕྱིར་རོ། །འཁོར་ལོ་དེའི་རྩ་སྟོང་པའི་གནས་སུ་སྤྲུལ་ཞེས ་པའི་ཐ་ཚིག་སྟེ། དེར་གནས་པའི་མདུང་པའི་ནང་དུ་འོད་ཟེར་གྱི་གཟུགས་འཁྱིལ་པར་གྱུར་པར་བསམ་པར་བྱའོ། །འོད་ཟེར་དེས་བྱང་ཆུབ་ཀྱི་སེམས་འཛག་པར་འགྱུར་དེ་འཛག་པ་དེས་རྣལ་འབྱོར་མ་རྣམ་པ་མང་པོ་རྫོགས་པར་བྱ། ཞེས་པའི་ཐ ་ཚིག་གོ་།རྣལ་འབྱོར་མ་དེ་རྣམས་རྒྱན་སྣ་ཚོགས་པས་བརྒྱན་ཅིང། ལང་ཚོའི་གཟུགས་དང་ལྡན་པ། ལོ་བཅུ་གཉིས་ལོན་པ་དབྱངས་ཀྱི་ཡི་གེ་བཅུ་གཉིས་ལས་རྫོགས་པ་དེ་རྣམས་ནི་སྣ་ཚོགས་སྡེ་མའི་སྤྲུལ་པའི་རང་བཞིན་ཏེ། རྒྱུད་འདིར ་ལོ་བཅུ་གཉིས་ལོན་པའི་ཤེས་རབ་མར་གསུངས་སོ། །བྱང་ཆུབ་སེམས་བཀང་བུམ་པ་བསྣམས་ཞེས་པ་ནི་བྱང་ཆུབ་ཀྱི་སེམས་ཀྱིས་ཡོངས་སུ་བཀང་པའི་བུམ་པ་སྟེ་པདྨ་བསྣམས་ཤིང་བྲེལ་བའོ། ། མྲའི་ལྕུག་བཅས་ཞེས་པ་ནི་རྡུལ་དང་ལྡན་པ་སྟེ། ་ཁྲག་དང་ཁུ་བ་འདྲེས་པ་དེས་གསང་བའི་དབང་སྦྱིན་པར་བྱའོ། །ལོ་བཅུ་གཉིས་མའི་རྣལ་འབྱོར་མ་རྣམས་ལ་དབང་གི་དོན་དུ་གསོལ་བ་གདབ་བོ། །དབང་མེད་པའི་ཉེས་པ་བསྟན་པའི་ཕྱིར། དབང་དང་བྲལ་ན་ཉེས་པ་མེད་ཅེས་གསུངས་ཏེ། དཔེར་ན ་བུ་ཚ་མེད་པའི་ཁྱིམ་ཞེས་པ་ལ། བུ་ནི་མིག་ལ་སོགས་པའི་བྱང་ཆུབ་སེམས་དཔའ་སྟེ། དེ་ལྟར་དེ་རྣམས་ཀྱིས་བྱིན་གྱིས་མ་བརླབས་པའི་ལུས་ནི་ཁྱིམ་སྟེ། དེ་སྟོང་པར་ཁོང་དུ་ཆུད་པར་བྱའོ། །ཤི་མ་ཐག་ཏུ་སྟོང་པ་ཉིད་ཅེས་པ་ནི། བྱང ་ཆུབ་སེམས་དཔའ་དེ་རྣམས་ཀྱིས་བྱིན་གྱིས་མ་བརླབས་པ་ནི་ཤི་ནས་རྣལ་འབྱོར་པ་ཁྱད་པར་ཅན་དུ་འགྲོ་བར་མི་འགྱུར་རོ། །དེ་བཞིན་དབང་དང་བྲལ་ན་ནི་ཞེས་པ་ནི་དབང་མེད་ནའོ། །ཡེ་ཤེས་ཀུན་གྱིས་སྟོང་པ་ཉིད་ཅེས་པ་ལ། ་།ཡེ་ཤེས་ཀུན་མེ་ལོང་ལྟ་བུའི་ཡེ་ཤེས་ལ་སོགས་པའོ། །དེ་རྣམས་ཀྱིས་བྱིན་གྱིས་མ་བརླབས་པ་ནི་ཐེག་པ་ཆེན་པོ་ཡོངས་སུ་ཤེས་པས་སྟོང་པའོ། །འདིས་ཅི་ཞིག་སྟོན་ཅེ་ན། མིག་ལ་སོགས་པ་བྱིན་གྱིས ་བརླབས་པ་བྱས་ནས་ཡེ་ཤེས་ལྔའི་བདག་ཉིད་བྱང་ཆུབ་ཀྱི་སེམས་སློབ་མ་ལ་སྦྱིན་པར་བྱའོ། །དེ་ལྟར་ཡང་ཁ་ལ་མཐེ་བོ་སྲིན་ལག་གིས། །རྣལ་འབྱོར་རིག་པས་རྟག་ཏུ་མྱང། །ཞི་བའི་བཏུང་བ་བཞིན་མྱངས་ན། །དངོས་གྲུབ་རྟག་པ་ཐོབ ་པར་འགྱུར། །ཞེས་གསུངས་སོ། །ཚིགས་བཅད་འདིས་ནི་གསང་བའི་དབང་བསྐུར་བ་བསྟན་ཏོ། །ད་ནི་ཤེས་རབ་ཡེ་ཤེས་དཔེའི་སྒོ་ནས་སྟོན་ཏེ། དེ་ལྟར་ཡང་དཔེར་ན་པི་བང་སྦྱོར་ཀུན་ཚོགས་ཞེས་བྱ་ལ་སོགས་པ་གསུངས་ལ། པི་བང་གི ་སྐྲ་ནི་ཨ་བ་དྷཱུ་ཏཱིའོ། །དེའི་སྦྱོར་བ་ཀུན་ཚོགས་པ་ནི། ཕུང་པོ་དང་ཁམས་དང་སྐྱེ་མཆེད་ཐམས་ཅད་ཀྱི་སྐྱོར་བ་འདུས་པ་ནི་བདེ་བ་ཆེན་པོའི་བསམ་གཏན་དུ་འགྱུར་རོ། །རྒྱུད་དང་བྲལ་ན་བརྡུང་མི་རུང་ཞེས་པ་ནི་རྒྱུད་དང་ལྡན་པའི་ཕྱིར་ན་རྒྱུད་ཅན་ནོ།། ་བྱང་ཆུབ་ཀྱི་སེམས་ཀྱི་རྒྱུ་བ་དང། བྲལ་ན་བདེ་བ་ཆེན་པོ་མྱོང་བར་མི་རུང་བ་ནི་བརྡུང་དུ་མི་རུང་བའོ། །དེ་བཞིན་དབང་དང་བྲལ་ན་ནི་ཞེས་པ་ནི་ཤེས་རབ་ཡེ་ཤེས་ཀྱི་དབང་དང་བྲལ་ན་ཕྱག་རྒྱ་ཆེན་པོའི་དངོས་གྲུབ་མེད་པའོ། །སྔགས་དང་བསམ ་གཏན་འགྲུབ་མི་འགྱུར། ཞེས་པ་ནི་ཡིད་སྐྱོབ་པས་ན་སྔགས་སོ། །སྔགས་ཀྱིས་ནི་ལས་ཀྱི་ཚོགས་འགྲུབ་ལ། བསམ་གཏན་གྱིས་ནི་ཕྱག་རྒྱ་ཆེན་པོ་འགྲུབ་སྟེ། བདེ་བ་ཆེན་པོའི་བསམ་གཏན་མེད་པར་ནི་དངོས་གྲུབ་མེད་དོ་སྙམ་དུ་བསམས་སོ།། ་རྨོངས་པ་གང་ཞིག་དབང་མེད་པར། །ཞེས་པ་ནི། སངས་རྒྱས་ཀྱི་དེ་ཁོ་ན་ཉིད་མི་ཤེས་པའི་རྨོངས་པ་དབང་མེད་པར་སློབ་མ་རྣམས་སྡུད་པར་བྱེད་པའི་སེམས་ཅན་དེ་རྣམས་དམྱལ་བར་འགྲོ་བར་འགྱུར་རོ། །བདག་ནི་དབང་བསྐུར་ཞེས་པ་ནི་བདག་ལ་དབང ་ཡོད་ཅེས་བརྫུན་ཏུ་སྨྲ་ཞིང་ཕྱིས་སློབ་མ་ལ་དབང་བསྐུར་བའོ། །སློབ་མར་བཅས་ཏེ་དམྱལ་བར་འགྲོ། ཞེས་པ་ནི་སློབ་དཔོན་སློབ་མ་དང་ལྷན་ཅིག་ཏུ་མནར་མེད་པའི་དམྱལ་པར་འགྲོ་བའོ། །དུས་ཇི་ཙམ་གྱི་བར་དུ་ཞེ་ན། དེ་ཉིད་གསུངས་པ། ་ཇི་སྲིད་སངས་རྒྱས་བཞུགས་ཀྱི་བར་ཞེས་པ་ནི། ཇི་སྲིད་དུ་སངས་རྒྱས་ཀྱི་བསྟན་པ་གནས་པའི་དུས་དེ་སྲིད་དུ་དམྱལ་བར་གནས་པར་འགྱུར་རོ། །དེ་ལྟར་ཤེས་བྱས་རྣལ་འབྱོར་མས་ཞེས་པ་ནི་རྣམ་པ་དེ་ལྟ་བུའི་མཁྱེན་པར་མཛོད་ལ། ཀྱེ་ལྷ་མོ་སྣ ་ཚོགས་སྡེ་མའི་རང་བཞིན་བདག་ལ་དབང་སྐུར་ཅིག་ཅེས་པའི་དོན་ཏོ། །དབང་སྐུར་ཞེས་པ་ལ་སོགས་པ་ནི་གོ་སླའོ། །ཕྱི་ནང་གསང་བར་བཅས་པའི་དབང་སྐུར་ཙམ་གྱིས་ཞེས་པ་ནི། ཕྱིའི་དབང་ནི་ཐུན་མོང་གི་དབང་ངོ། །གསང་བའི་དབང་ནི་བྱང ་ཆུབ་སེམས་ཀྱི་དབང་ངོ། །དབང་བསྐུར་ཙམ་གྱིས་ཞེས་པ་ནི་ཤེས་རབ་ཡེ་ཤེས་ཀྱི་དབང་རྫོགས་པའི་བར་དུའོ། །ནམ་མཁའ་ཞེས་པ་ལ་སོགས་པ་ནི་གོ་སླའོ། །དེ་ནས་རྣལ་འབྱོར་མ་དེ་རྣམས། རྩའི་འཁོར་ལོ་ལ་ཐིམ་པ་ཞེས་པ་ལ། དེ་ནས ་ཀྱི་སྒྲ་ནི་དབང་བསྐུར་བའི་རྗེས་ཐོགས་སུའོ། །རྩའི་འཁོར་ལོའི་མདུང་པ་ཁོང་སྟོང་གི་གནས་ཀྱི་ཐིག་ལེ་ལ་ལོ་བཅུ་གཉིས་མའི་རྣལ་འབྱོར་ལྷ་མོ་དེ་དག་ཐམས་ཅད་ཐིམ་པར་གྱུར་པའོ། །སངས་རྒྱས་ཐོད་པའི་རྒྱུད་རྣལ་འབྱོར་མའི་གོང་ན་མེད ་པར་ཞེས་པ་ལ། སངས་རྒྱས་ནི་དེ་བཞིན་གཤེགས་པ་ལྔའི?་དབང་ངོ། །ཐོད་པ་ཞེས་པ་ནི་པདྨ་དེར་གསང་བའི་དབང་བསྐུར་བའོ། །རྒྱུད་ནི་ལུས་ལ་སྐྱོབ་པས་ན་རྒྱུད་དོ། །རྣལ་འབྱོར་མ་ཞེས་པ་ནི་ཤེས་རབ་དང་ཐབས་ཀྱི་སྦྱོར་བའི་ཏིང་ངེ་འཛིན ་དང་ལྡན་པའི་རྣལ་འབྱོར་མའོ། །གོང་ན་མེད་པ་ཞེས་པ་ནི་ངག་གི་ལམ་ལས་འདས་པའི་ཡེ་ཤེས་རང་རིག་པ་དེར་བསྐྱེད་པ་ཞེས་པའི་དོན་ཏོ། །ཁྱད་པར་ཇི་ལྟ་བུ་ཞེ་ན། དེ་ཉིད་གསུངས་པ་གསང་པའི་ཡང་ཤིན་ཏུ་གསང ་བ་ཞེས་པ་ལ། གསང་པ་ནི་པདྨའོ། །ཤིན་ཏུ་གསང་བ་ཞེས་པ་ནི་རྡོ་རྗེའོ། །ཤིན་ཏུ་དེ་དག་གི་སྦྱོར་བས་བདེ་བ་བསྐྱེད་པའོ། །ལྷ་བསྐྱེད་པ་ཞེས་པ་ནི། ལེའུ་དེར་ལྷ་བསྐྱེད་དེ་རྫོགས་པར་བྱས་པའོ། །དབང་བསྐུར་བ་ཞེས་པ་ནི་ལྷ་རྣམས་ཀྱིས ་དབང་བསྐུར་བའི་ཆོ་གའོ། །ལེའུ་དེར་དེ་དག་ཐམས་ཅད་བཤད་པ་དེ་ནི་ལེའུ་གསུམ་པའོ། །འོ་ནི་རྫོགས་པའི་དོན་ཏོ།། །།ད་ནི་རི་སྐེགས་ཀྱི་སྦྱོར་བ་དང་ཆུའི་སྦྱོར་བའི་དཀྱིལ་འཁོར་ལ་སོགས་པ་བཤད་པར་བྱ་སྟེ། དེ་ནས ་ཞེས་པ་ནི་ལྷ་བསྐྱེད་པ་དང། དབང་བསྐུར་བ་བསྟན་པའི་རྗེས་ཐོགས་སུའོ། །ནོར་རྒྱས་ལ་སོགས་པ་ཞེས་པ་ནི་སྣ་ཚོགས་སྡེ་མའི་འོད་ཟེར་གྱིས་བཀུག་པའི་ཀླུ་ཐམས་ཅད་དེ། །ཕྱག་ན་རྡོ་རྗེ་ལ་ཕྱག་བྱས་ནས་འདི་སྐད་ཅེས་གསོལ་ཏོ།། ་ཞེས་པ་ནི་ཀླུ་དེ་རྣམས་རྣམ་པ་འདི་ལྟར་སྨྲ་བའོ། །ཅིའི་ཕྱིར་ན་བདག་ཅག་རྣམས། འོད་ཟེར་གྱིས་ནི་ཞེས་པ་ལ་སོགས་པ་ནི། བཅོམ་ལྡན་འདས་ཕྱག་ན་རྡོ་རྗེ་བདག་ཅག་ལ་ཤོད་ཅིག་ཅེས་སྦྱར་བར་བྱའོ། །དེ་ནས་ཕྱག་ན་རྡོ་རྗེ་གནོད་སྦྱིན ་གྱི་བདག་པ་ཞེས་པ་ནི། གནོད་སྦྱིན་ཐམས་ཅད་ཀྱི་བདག་པོ་དང་གཙོ་བོ་ཕྱག་ན་རྡོ་རྗེ་དེས་ཞེས་པའི་ཐ་ཚིག་གོ་།རྣལ་འབྱོར་མ་སྣ་ཚོགས་སྡེ་མ་ཞེས་བ་ལ་སོགས་པ་ནི། རྒྱུ་ཅིའི་ཕྱིར་ནོར་རྒྱས་ལ་སོགས་པའི་ཀླུ་རྣམས་འཚལ་ཏེ་མཆིས་པ་འདས? ་ཞེས་པའི་ཐ་ཚིག་གོ་།དེ་ནས་སྣ་ཚོགས་སྡེ་མའི་སྙིང་གའི་འོད་ཟེར་གྱིས་ཞེས་པ་ལ་སོགས་པ་ནི་ཀླུ་རྣམས་ཀྱི་ལུས་ཀྱི་ནད་ཚིམ་པར་བྱས་ནས་སླར་ཡང་སྣ་ཚོགས་སྡེ་མའི་ཐུགས་ཀར་ཞུགས་པས་ཀླུ་ཐམས་ཅད་འཇིགས་པ་མེད་པར་གྱུར་པའོ། །ཕྱག ་འཚལ་ཏེ་འདི་སྐད་ཅེས་གསོལ་ཏོ། །ཞེས་པ་ནི། ལྷ་མོ་ལ་ཕྱག་འཚལ་ཏེ་སྨྲས་པའོ། །ལྷ་མོ་བཀའ་ནི་ཅི་ཞིག་སྩོལ་ཞེས་པ་ནི། ལྷ་མོ་སྣ་ཚོགས་སྡེ་མས་བདག་ཅག་ལ་བཀའ་ཅི་སྩལ་བ་དེ་ཐམས་ཅད་བགྱིའོ། །ཞེས་སྦྱར་རོ་གསུངས་པ། ཞེས་པ་ནི ་རྣལ་འབྱོར་མ་སྣ་ཚོགས་སྡེ་མས་གསུངས་པའོ། །གང་ཞིག་གསུངས་ཤེ་ན། དེ་ཉིད་གསུངས་པ། མུ་སྟེགས་ལ་སོགས་མཁའ་ལྡིང་སྔགས་ཞེས་པ་ལ། མུ་སྟེགས་ཞེས་པ་ནི་ཚངས་པ་ལ་སོགས་པའི་ལྷ་རྣམས་ཀྱིའོ། །མཁའ་ལྡིང་སྔགས་ཞེས ་པ་ནི། མཁའ་ལྡིང་གི་རང་བཞིན་གྱི་སྔགས་སོ། །ཡེ་ཤེས་ལས་བྱུང་ཞེས་པ་ནི་ལྷ་དེ་རྣམས་ཡང་དག་པ་ཇི་ལྟ་བུ་ཡིན་ཞེས་པའོ། །ཇི་ལྟ་བུ་ཞེས་པ་ནི་ཇི་ལྟ་བའི་བདག་ཉིད་ཡིན་ཞེས་པའོ། །དུས་སུ་ཟིན་པ་ཇི་ལྟར་ཡིན་ཞེས་པ་ནི་དུས་ཟིན་པའི་རྒྱུ་སྤྲུལ་གྱི་ཟིན ་པ་མཆི་འམ། ཞེས་སྦྱར་བར་བྱའོ། །ཇི་ལྟར་དུག་ནི་སྐྱེ་བར་འགྱུར་ཞེས་པ་ནི། གནས་གང་ནས་དུག་སྐྱེ་བར་འགྱུར་ཞེས་པའི་ཐ་ཚིག་གོ་།སླར་ཡང་སེམས་ཅན་འཆི་འགྱུར་ཅི། ཞེས་པ་ནི་སྤྲུལ་གྱིས་ཟིན་པའི་སེམས་ཅན་རྣམས་འཆི་བའི་ལམ་དུ ་ཅི་འགྲོ་བར་འགྱུར་རམ་ཞེས་པའོ། །ཞུས་པ་ཞེས་པ་ནི། ཀླུ་རྣམས་ཀྱིས་སྨྲས་པའོ། །ཁྱབ་འཇུག་དབང་ཕྱུག་སོགས་ལྷ་གང་ཞེས་པ་ལ་སོགས་པ་ལ། ཁྱབ་འཛུག་ནི་ནོར་ལྷའོ། །དབང་ཕྱུག་ནི་ཞི་བྱེད་དོ། །སོགས་པའི་སྒྲས་ནི་ཚངས་པ་དང་བརྒྱ ་བྱིན་ལ་སོགས་པའོ། །ལྷ་གང་ཞེས་པ་ནི་གང་དག་ཚངས་རིས་ལ་སོགས་པའི་ལྷ་ཚངས་པ་དང། ཚངས་པའི་འདུན་ན་འདོན་ལ་སོགས་པ་རྣམས་ལ་རྣམ་པར་རྟོགས་པའི་དུག་ཡོད་ཅིང། དུག་གིས་ཁྱབ་པས་འཆི་བར་འགྱུར་རོ། །དེ་རྣམས་ལ་ནི ་འཆི་འཕོ་མཆིས་ཞེས་པ་ནི། །འཆི་ཞིང་འགོག་པའི་དུས་ཀྱི་མཐར་ཐུག་པས་དུག་གི་ཉེས་པས་གནོད་དོ། །ཞེས་སྦྱར་རོ། །དེ་ལྟར་དུས་སུ་ཟིན་ཅེས་སྨྲ། སྤྲུལ་གྱི་དུག་ནི་སེལ་བ་མེད། ཅེས་པ་ནི། སྤྲུལ་ལ་དུག་ཡོད་དམ་མེད་ཅེས་པ་དང། སྤྲུལ་གྱིས་ ་ཟིན་པ་འཚོ་འམ་མི་འཚོ་བ་དབང་ཕྱུག་ལ་སོགས་པ་སྨྲའོ། །ཞེས་པའི་ཐ་ཚིག་གོ་།སྟོན་པ་སྟོང་ཉིད་དེས་གསུངས་པ་ཞེས་པ་ལ། སྟོན་པ་ནི་ཁྱབ་འཇུག་དང་དབང་ཕྱུག་ལ་སོགས་པ་ཐམས་ཅད་འདུལ་བར་བྱེད་པས་ན་སྟོན་པའོ། ། ་སྟོང་ཉིད་གསུངས་པ་ཞེས་པ་ནི་ཆོས་ཐམས་ཅད་སྟོང་པ་ཉིད་དུ་གསུངས་པས་ན་སྟོང་ཉིད་གསུངས་པའོ། །ངེས་བ་ཞེས་པ་ནི་ཆོས་ཐམས་ཅད་ཀྱི་ངེས་པའི་དོན་དེས་པར་བྱེད་པས་ན། ངེས་པ་ཞེས་པའི་ཐ་ཚིག་གོ་།བཅོམ་ལྡན་འདས་རྡོ་རྗེ་འཆང་བས ་གསུངས་ཞེས་པ་ནི་གཉིས་སུ་མེད་པའི་ཡེ་ཤེས་ཀྱི་རྡོ་རྗེ་འཆང་བས་བཅོམ་ལྡན་འདས་རྡོ་རྗེ་འཆང་བའོ། །ཆོས་རྣམས་ཐམས་ཅད་སྟོང་པ་ལ་ཞེས་པ་ལ་ཐམས་ཅད་ནི་ཕུང་པོ་ལྔ་ལ་སོགས་པའི་ཆོས་རྣམས་ཀྱི་རྣམ་པར་རྟོག་པ་དང་བུམ་པ་དང་རས་དང་ཤིང ་རྟ་ལ་སོགས་པས་སྟོང་པ་དེའི་ཕྱིར། སྤྲུལ་གྱི་དུག་ནི་ཇི་ལྟར་ཡོད་ཅེས་པའི་དོན་ཏོ། །གང་གིས་འཛིན་ཅིང་གང་ཞིག་འཛིན་ཞེས་པ་ནི། རྣམ་པ་གང་གིས་འཛིན་ཅིང་ཅི་ཞིག་བཟུང་སྟེ། གཟུང་བ་དང་འཛིན་པ་དང་འཛིན་པ་པོ་མི་དམིགས་པའི་ཕྱིར་དུག ་གི་རྣམ་པར་རྟོག་པ་མེད་དོ། །ཇི་ལྟར་སྤྱོད་ཅེས་པ་ལ་སོགས་པ་ནི་གོ་སླའོ། །འདོད་ཆགས་གཏི་མུག་སྟོང་པ་ཉིད་ཅེས་པ་ནི། འདོད་ཆགས་དང་ཞེ་སྡང་དང་གཏི་མུག་གསུམ་པོ་དེ་རྣམས་དུག་ཉིད་དུ་གྱུར་པ་དེ་རྣམས་ཀྱང་སྟོང་ན་དུག་ཇི་ལྟར་སྐྱེ་བར་འགྱུར་ཞེས ་པའི་ཐ་ཚིག་གོ་།གྲགས་ཆེན་ཞེས་པ་ནི་སྣ་ཚོགས་སྡེ་མ་ལ་བོད་པའོ། །ཡུལ་ནི་སྟོང་པ་ཉིད་ཅེས་པ་ལ་ཡུལ་ནི་ཕུང་པོ་ལྔའི་ལུས་དེ་ཉིད་སྟོང་པའོ། །ཡུལ་གྱི་ཉེས་པ་ཞེས་པ་ནི། ཡུལ་དང་དབང་པོ་དང་རྣམ་པར་ཤེས་པ་སྟོང་པ་ཡིན་ན་དུག་གི་ཉེས་པ་ཇི་ལྟར ་ཡོད་དུག་ཅེས་པ་ནི་སེམས་ཀྱིས་རྣམ་པར་རྟོག་པ་ཉིད་དུག་སྟེ། གལ་ཏེ་སེམས་ཀྱི་རྣམ་པར་རྟོག་པ་ཡོད་ན། དེའི་ཚེ་དུག་ཡོད་པ་ལ་སེམས་ཀྱི་རྣམ་པར་རྟོག་པ་དང་བྲལ་ན་དུག་མེད་ཅེས་པའི་ཐ་ཚིག་གོ་།ལྷ་རྣམས་ཡུལ་རྣམས་ཀྱིས་ནི་བསྒྲིབས ་ཞེས་པ་ལ། ལྷ་གང་དག་གི་རྣམ་པར་རྟོག་པའི་དྲ་བས་བཀྲིས་པ་དེ་རྣམས་ཀྱི་དུག་ནི་ཡུལ་གྱི་ཉེས་པའི་དུག་ཅེས་པའི་ཐ་ཚིག་གོ་།ཡུལ་གྱི་ཉེས་པ་སྦྱངས་པ་ཉིད། ཅེས་པ་ནི། གང་དག་གིས་ཡུལ་གྱི་ཉེས་པ་ལྷའི་རྣམ་པས་ཡང་དག་པར་སྦྱོར་བ་དེ་ལ་ཡུལ་གྱི ་ཉེས་པས་གོས་པར་མི་འགྱུར་རོ། །སྟོན་པ་ལོངས་སྤྱོད་གོས་མི་འགྱུར། །ཞེས་པ་ལ་སྟོན་པ་ནི་བཅོམ་ལྡན་འདས་རྡོ་རྗེ་འཆང་བའོ། །ལོངས་སྤྱོད་གོས་མི་འགྱུར་ཞེས་པ་ནི། གཟུགས་ལ་སོགས་པའི་འདོད་པའི་ཡོན་ཏན་ལྔ་ལོངས་སྤྱད་ཀྱང་མི་གོས་ཤིང་གོས་པར ་མི་འགྱུར་རོ། །རི་སྐེགས་སྦྱོར་བ་ཞེས་པ་ནི། རི་སྐེགས་ཀྱི་སྦྱོར་བས་དུག་ཉམས་པར་བྱེད་པ་འོག་ནས་འཆད་པར་འགྱུར་རོ། །ཀླུ་རྣམས་ཐམས་ཅད་ཅེས་བྱ་བ་ལ་སོགས་པ་ནི་གོ་སླའོ། །དུས་ཟིན་ཐེ་ཚོམ་མེད་པར་ནི། ཞེས་པ་ནི་ཁྱབ་འཇུག་དང་དབང་ཕྱུག་ལ ་སོགས་པའོ། །ལྷ་རྣམས་དུས་སུ་ཟིན་པ་ལ་ཐེ་ཚོམ་མེད་ཅིང་གདོན་མི་ཟ་ཞེས་པའི་དོན་ཏོ། །འདི་ལྟར་སྨྲས་ཏེ་ཞེས་པ་ནི་ཀླུ་ཐམས་ཅད་ཀྱིས་འདི་ལྟ་བུར་སྨྲས་ཏེ། རང་རང་གི་གནས་སུ་སོང་ཞེས་པའི་ཐ་ཚིག་གོ་།དེ་ནས་བཅོམ་ལྡན་འདས་མས་ཞེས་བྱ་བ་ལ ་སོགས་པ་ལ། དེ་ནས་ཞེས་པ་ནི། ཀླུའི་ཚིག་གི་རྗེས་ཐོགས་སུ་བཅོམ་ལྡན་འདས་མ་སྣ་ཚོགས་སྡེ་མས་སོ། །ཡུལ་གྱི་ཉེས་པ་ཞེས་པ་ནི་ཡུལ་ལ་སོགས་པའི་ཉེས་པ་སྤང་བའི་དོན་དུ་སྔགས་གསུངས་པ་ཞེས་སྦྱར་རོ། །སྔགས་གང་ཡིན་ཞེ་ན་དེ་ཉིད་གསུངས་པ། ་ཨོཾ་ཤཱུ་ནྱ་ཏཱ་ཛྙཱ་ན་བཛྲ་སྭ་བྷཱ་བ་ཨཱཏྨ་ཀོ་ཧཾ། འདིས་ཡུལ་ཐམས་ཅད་ཀྱི་ཉེས་པ་སྤོང་བར་བྱེད་དོ། །སྔགས་འདིའི་བཤད་པ་གསུངས་པ། སྟོང་དང་སྟོང་མིན་ཞེས་པ་ནི་སྟོང་པ་ཉིད་ལ་སྟོང་པ་མ་ཡིན་པའང་ཡོད་དེ། དེ་ཉིད་སྙིང་རྗེའི་རང་བཞིན་ནོ། །མཛའ་དག ་ཅེས་པ་ནི་འབྲས་བུ་མཛའ་དག་གོ་།བཅས་ཞེས་པ་ནི། དངོས་པོ་མཛའ་དག་དང་ཐབས་གཅིག་པའོ། །སྒྱུ་མ་རྨི་ལམ་ལྟ་བུར་གཅིག་ཅེས་པ་ནི་སྒྱུ་མ་ལྟ་བུའི་སྟོང་པ་ཉིད་དང་རྨི་ལམ་ལྟ་བུའི་སྟོང་པ་ཉིད་དེ་སྒྱུ་མ་དང་རྨི་ལམ་དག་དང་སྟོང་པ་ཉིད་གཅིག་ཏུ ་བསྒོམ་པར་བྱའོ། །འཇིག་རྟེན་མཛའ་དག་བརྫུན་གྱིས་བཅིངས་ཞེས་པ་ནི་ལོག་པའི་ཤེས་པས་འཇིག་རྟེན་མཛའ་དག་བཅིངས་པའོ། །ཀྱེ་ལགས་བཤེས་མོ་འདི་ལྟར་ལྟོས་ཞེས་པ་ལ། ཀྱེ་ལགས་ཞེས་པ་ནི་བོད་པའོ། །བཤེས ་མོ་ཞེས་པ་ནི་གྲོགས་མོ་ཞེས་པའོ། །འདི་ལྟར་ལྟོས་ཞེས་པ་ནི་འདི་ལྟར་བུར་ལྟོས་ཤིག་པའོ། །རྣལ་འབྱོར་མ་གྲོགས་མོ་ཐམས་ཅད་འདི་ལྟ་བུའི་སྟོང་པ་ལ་ལྟོས་ཤིག་པའོ། །དེ་ནས་ཞེས་པ་ནི་ཡུལ་གྱི་ཉེས་པ་སྤོང་བ་བསྟན་པའི་རྗེས་ཐོགས ་སུའོ། །ད་ནི་རི་སྐེགས་བསྒྲུབ་པའི་དོན་དུ་མཁའ་ལྡིང་གི་དབང་བསྐུར་བའི་དཀྱིལ་འཁོར་བསྟན་པའི་ཕྱིར། ཕྱག་ན་རྡོ་རྗེས་བཅོམ་ལྡན་འདས་མའི་ཞབས་ལ་སྤྱི་བོས་གཏུགས་ཏེ་འདི་སྐད་ཅེས་གསོལ་ཏོ། །ཞེས་པ་ནི་བཅོམ་ལྡན་འདས་མ་སྣ་ཚོགས ་སྡེ་མའི་ཞབས་ཀྱི་པདྨའི་རྡུལ་ལ་ཕྱག་ན་རྡོ་རྗེས་ཕྱག་འཚལ་ཏེ་འདི་སྐད་ཅེས་སྨྲས་ཤེས་པའི་དོན་ཏོ། །རི་སྐེགས་སྦྱོར་བ་རབ་རྙེད་དཀའ་། །ལྷ་མོ་ཡིས་ནི་བཤད་དུ་གསོལ། །ཞེས་པ་ནི་ཀྱེ་ལྷ་མོ་སྣ་ཚོགས་སྡེ་མ་རི་སྐེགས་ཀྱི་སྦྱོར་བས་དུག་ཉམས ་པར་བྱེད་པ་བདག་ལ་བཤད་དུ་གསོལ། གསུངས་པ་ཞེས་པ་ནི། སྣ་ཚོགས་སྡེ་མས་གསུངས་པའོ། །དཀྱིལ་འཁོར་མེད་པར་སྦྱིན་མི་བྱ། ཞེས་པ་ནི་དཀྱིལ་འཁོར་མེད་པར་རི་སྐེགས་ཀྱི་སྦྱོར་བ་རྗེས་སུ་སྦྱིན་པར་མི་བྱ་ཞེས་པའི་དོན་ཏོ། །སློབ་མ་བསྡུ་བར ་མི་བྱའོ་ཞེས་པ་ནི། །དཀྱིལ་འཁོར་མེད་པར་སློབ་མ་བསྡུ་བར་མི་བྱའོ། །སློབ་མ་བསྡུ་བའི་དོན་དུ་ལྷ་མོས་དཀྱིལ་འཁོར་གསུངས་པ། གཙོ་བོས་ཇི་སྐད་གསུངས་པ་ཡི། །ཞེས་པ་ནི་སྔོན་གྱི་དེ་བཞིན་གཤེགས་པས་ཇི་ལྟར་གསུངས་པའི་དཀྱིལ ་འཁོར་བཤད་པར་བྱ་ཡིས་དཀྱིལ་འཁོར་དེ་ཉོན་ཞེས་པའི་ཐ་ཚིག་གོ་།མཐོ་ལྔ་པའི་ས་གཟུང་ངམ། ཞེས་པ་ནི་ཡུལ་ལྔ་རྣམ་པར་དག་པའི་དོན་དུ་མཐོ་ལྔ་པའི་ས་ཙམ་གཟུང་སྟེ། དུག་གི་དཀྱིལ་འཁོར་གྱི་དོན་དུ་མཐོ་ལྔ་པའི་ས་གཟུང་བར ་བྱའོ། །ཁོར་ཡུག་ཏུ་ནི་གྲུ་བཞིའོ་ཞེས་པ་ནི་ཀུན་ནས་གྲུ་བཞི་པར་བྱ་ཞེས་པའི་ཐ་ཚིག་གོ་།དེའི་ཕྱེད་ཀྱི་ཟླུམ་པོ་ལ་ཞེས་པ་ནི། གྲུ་བཞི་ལྷམ་པའི་ཕྱེད་ལས་ཟླུམ་པོར་བྱའོ། །རྒྱུད་ལས་འདམ་སྐྱེས་འདབ་མ་བརྒྱད་ཅེས་པ་ནི་ཟླུམ་པོའི་ཕྱོགས་བརྒྱད་དང་དེའི ་དབུས་སུ་པདྨ་འདབ་མ་བརྒྱད་པ་བྲི་བར་བྱ་ཞེས་པའི་ཐ་ཚིག་གོ་།ོཾ་ཧཱུཾ་ཞེས་པ་ནས་ཨ་དྷི་ཥྛི་ཡེ་ཏ་ཞེས་པའི་བར་གྱི་སྔགས་ནི་སྦྱད་པའི་སྔགས་སོ། །ོཾ་ཧེ་རུ་ཀ་བཛྲ་ཞེས་པ་ལ་སོགས་པ་ནི་གཏོར་མའི་སྔགས་སོ། །ོཾ་སརྦ་ཏ་ཐཱ་ག་ཏ་ཞེས་པ་ལ ་སོགས་པའི་སྔགས་ཀྱི་མཐར་ཐ་ཐ་གཉིས་ནི་ཕཊ་ཕཊ་གཉིས་སུ་འགྱུར་རོ། །སྔགས་འདིས་ལན་བདུན་དུ་ཐིག་སྐུད་ལ་མངོན་པར་བསྔགས་པར་བྱའོ། །ཐིག་སྐུད་ཀྱི་སྔགས་སོ། །གྲུ་བཞི་པ་ཞེས་པ་ལ་སོགས་པ་ལ་སྒོ་བཞི་དང་རྟ་བབས་བཞི་དང་ལྡན ་པའི་དཀྱིལ་འཁོར་ཐིག་གདབ་པར་བྱའོ། །ཁ་ཁྱེར་སྣམ་བུ་སྤངས་པ་ལ་ཞེས་པ་ནི་ཁ་ཁྱེར་གྲུ་བཞི་པའི་ནང་དུ་སྣམ་བུ་སྟེ་གཟུངས་ཀྱི་སྣམ་བུ་སྤངས་པའི་དཀྱིལ་འཁོར་རོ་ཞེས་པའི་དོན་ཏོ། །སངས་རྒྱས་ཐོད་པའི་སྦྱོར་བ་ཡིས་ཞེས་པ་ནི་ཧེ་རུ་ཀ་དང ་སྣ་ཚོགས་སྡེ་མའི་རྣལ་འབྱོར་བྱ་ཞེས་པའི་དོན་ཏོ། །རྡུལ་ཚོན་གཞན་དང་འདྲེས་མེད་པའི་ཞེས་པ་ནི། རྡུལ་ཚོན་གཞན་དང་འདྲེས་པར་མི་བྱའོ། །རྡུལ་ཚོན་དམར་པོས་རྫོགས་པར་བྱ་ཞེས་པ་ནི། །དཀྱིལ་འཁོར་མ་ལུས་པ་ཁ་དོག་དམར་པོའི ་རྡུལ་མཚོན་གྱིས་བྲི་བར་བྱ་ཞེས་པའི་ཐ་ཚིག་གོ་།དེར་ནི་བུམ་པ་བཞི་པ་རྣམས་ཞེས་པ་ནི་ལྷ་མོ་བཞི་རྣམ་པར་དག་པའི་བུམ་པ་བཞི་པོ་རྣམས་བྱའོ། །བུམ་པར་མཚན་མ་བྲི་བྱ་བ་ཞེས་པ་ནི་དང་པོའི་བུམ་པ་ལ་ཐོད་པ། གཉིས་པ་ལ་ཁ་ཊཝཱཾ་ག། ་གསུམ་པ་ལ་གྲི་གུག་བཞི་པ་ལ་ཅང་ཏེའུ། ལས་ཐམས་ཅད་པའི་བུམ་པ་ལ་ཅང་ཏེའུ། སྟེང་དུ་རྡོ་རྗེའོ། །དེ་ལྟར་བུམ་པ་ཞེས་པ་ལ་སོགས་པ་ནི་གོ་སླའོ། །འབྲུ་ལྔ་ཞེས་པ་ནི་སྲན་མ་མ་ཤ་དང་ནས་དང་གྲོ་དང་སྲན་སྔོན་དང་ཏིལ་ཏེ། བུམ་པ ་རྣམས་སུ་གཞུག་པར་བྱའོ། །དེ་ནས་འོ་མའི་སྣོད་ཅེས་པ་ནི་བུམ་པའི་སྟེང་དུ་འོ་མའི་གནོད་སྤྱད་བཞག་པར་བྱའོ། །དང་པོ་སྟོང་པ་ཉིད་དུ་བསྒོམས་པ་ལ་པཾ་ཡོངས་སུ་གྱུར་པ་ལས་པདྨའོ། །དེར་ཧཱུཾ་ཡོངས་སུ་གྱུར་པ་ལས་རྡོ་རྗེའོ། །ཡང ་རྡོ་རྗེའི་ལྟེ་བར་ཧཱུཾ་ངོ། །རྡོ་རྗེ་དང་ཧཱུཾ་གྱུར་པ་ལས་ཧེ་རུ་ཀ་སྐུ་མདོག་སྔོན་པོ་ཞལ་གཅིག་ཕྱག་བཞི་པ་གཡས་ན་གྲི་གུག་དང་ཐོད་པའོ། །གཡོན་ན་ཁ་ཊཝཱཾ་ག་དང་རྡོ་རྗེའོ། །སྐུ་ལ་མིའི་རུས་པས་བརྒྱན་པ། སྐྱིལ་ཀྲུང་ཕྱེད་པའི་གར་གྱིས་གནས་པ། གཅེར་བུའི ་རང་བཞིན་ཅན། ཞལ་གྱི་མཆེ་བ་ཅུང་ཟད་གཙིགས་ལ་སྐྲ་སེར་པོ་གྱེན་དུ་འབར་བ། དབུ་ལ་ཐོད་པས་བརྒྱན་བ། སྣ་ཚོགས་སྡེ་མས་འཁྱུད་པའི་དཔའ་འོ། །དེ་ལྟར་བསམ་པར་བྱ་ཞིང་རྣལ་འབྱོར་འདི་དག་སློབ་དཔོན་གྱིས་བྱ་ཞེས་པའི་ཐ་ཚིག་གོ་།ས་འོག ་བདུན་ནི་འཁྲུག་པར་བྱེད་ཅེས་པ་ནི་ས་རིམ་པ་བདུན་ན་གནས་པའི་ཀླུ་རྣམས་འཁྲུག་པར་བྱེད་པས་ན་ས་འོག་བདུན་འཁྲུག་པར་བྱེད་པ་སྟེ། བཅོམ་ལྡན་འདས་ཧེ་རུ་ཀ་དཔའ་པོའོ། །ོཾ་ཧཱུཾ་ཁཾ་སྭ་ཞེས་པ་ནི་ཤར་གྱི་འདབ་མ་ལ་ཨོཾ་གྱུར་པ་ལས་སྣ་ཚོགས ་སྡེ་མའོ། །ལྷོར་ཧཱུཾ་གྱུར་པ་ལས་འདོད་ཅན་མའོ། །ནུབ་ཏུ་ཁཾ་གྱུར་པ་ལས་ས་འོག་གནས་མའོ། །བྱང་དུ་སྭ་གྱུར་པ་ལས་རབ་ཏུ་བཟང་མོའོ། །རྣལ་འབྱོར་མ་འདི་རྣམས་ནི་ཞལ་གཅིག་ཕྱག་བཞི་སྟེ་རྣལ་འབྱོར་མ་འདི་དག་གི་གཡས་གྲི་གུག་དང་ཐོད ་བའོ། །གཡོན་ན་ཁ་ཊཝཱཾ་ག་དང་ཅང་ཏེའུའོ། །རུས་རྒྱན་ཞེས་པ་ལ་སོགས་པ་ནི་གོ་སླའོ། །བློན་ལྡན་མཚམས་ཀྱི་འདབ་བསམ་པ་ཞེས་པ་ལ། མཚམས་ཀྱི་འདབ་མ་ལ་གནས་པའི་རྣལ་འབྱོར་མ་ཐམས་ཅད་ནི་ཆང་འཚོང་མ་དང། འབྱུང་པོ་མ་དང ་བཞིན་བཟང་མ་དང། ནམ་མཁའ་འགྲོ་མ་སྟེ་རྣལ་འབྱོར་མ་འདི་དག་ཐམས་ཅད་ཧཱུཾ་གྱུར་པ་ལས་བཞེངས་པའོ། །ཤར་གྱི་འདབ་མ་ལ་སོགས་པ་ན་གནས་པའི་ལྷ་མོ་ཐམས་ཅད་ནི་མདོག་སྔོན་མོའོ། །མཚམས་ཀྱི་འདབ་མའི་ལྷ་མོ་ཐམས་ཅད་ནི ་མདོག་སེར་མོའོ། །ལྷ་མོ་མདོག་སྔོན་མོ་རྣམས་ནི་གེ་ས་སྔོན་མོ་བནབས་སོ། །ལྷ་མོ་མདོག་སེར་མོ་རྣམས་ནི་གོ་ས་སེར་མོ་བནབས་སོ། །རྣལ་འབྱོར་མ་ཐམས་ཅད་ནི་གཡས་རྐྱང་བའི་ཞབས་ཀྱིས་བཞུགས་པའོ། །ཕྱོགས་ཀྱི་འདབ་མ་ལ་གནས་པའི ་མཚན་མ་ཇི་ལྟ་བ་བཞིན་དུ་མཚམས་ཀྱི་འདབ་མ་ལ་གནས་པའི་མཚན་མ་ཡང་དེ་བཞིན་དུ་བྱའོ། །ཀླུ་བརྒྱད་བརྒྱན་བྱས་ལྷ་མོ་ནི། ཞེས་པ་ནི་ནོར་རྒྱས་ལ་སོགས་པའི་ཀླུ་བརྒྱད་ཀྱིས་རྣལ་འབྱོར་མ་བརྒྱད་བརྒྱན་པར་བྱས་པའོ། །གཡས་ན་གྲི་གུག ་ཅེས་པ་ལ་སོགས་པ་ནི་གོ་སླའོ། །དེ་ནས་རང་གི་སྙིང་གི་འོད་ཟེར་གྱིས་དེ་བཞིན་གཤེགས་པ་རྣམས་སྤྱན་དྲངས་ཏེ་དཀྱིལ་འཁོར་ལ་གཞུག་པར་བྱ། ཕྱིས་ནི་གཏོར་མ་བཏང་བར་བྱ། །ཞེས་པ་ནི་དེ་ནས་སློབ་དཔོན་གྱིས་གླུ་ལ་འོ་མའི་གཏོར་མ་སྦྱིན་པར ་བྱ་ཞིང་བདག་ཉིད་ཆང་བཏུང་བར་བྱ། ཞེས་སྦྱར་བར་བྱའོ། །སངས་རྒྱས་ཐོད་པའི་སྦྱོར་ལྡན་པ། །ཞེས་པ་ནི་བཤད་ཟིན་ཏོ། །མར་མེ་བཞི་ནི་དབུལ་བར་བྱ། །ཞེས་པ་ནི་སྦྲང་རྩིའི་མར་མེ་དང། ཞུན་མར་གྱི་མར་མེ་དང།། ཉའི་ཞག་གི་མར་མེ་དང། ་དྲི་ཞིམ་པོའི་མར་ཁུའི་མར་མེ་སྟེ། དེ་ལྟར་མར་མེ་བཞི་དབུལ་བར་བྱ་ཞེས་པའི་ཐ་ཚིག་གོ་།འབྲས་བུ་བཞི་ཡང་དབུལ་བར་བྱ་ཞེས་པའི་ནི་ཨ་མྲའི་འབྲས་བུ་དང། ན་རི་ཀེའི་འབྲས་བུ་དང་ཆུ་ཤིང་གི་འབྲས་བུ་དང། ཀ་པི་ཐའི?་འབྲས་བུ་སྟེ། ་འབྲས་བུ་བཞི་པོ་འདི་དག་དབུལ་བར་བྱའོ། །དེ་ནས་སློབ་མ་ཞེས་པ་ལ་སོགས་པ་གོ་སླའོ། །གདན་བཞུགས་ཏེ་ཞེས་པ་ནི་སློབ་དཔོན་གདན་ལ་བཞུགས་པ་ལ། སློབ་མས་རི་སྐེགས་ཀྱི་སྦྱོར་བ་སྒྲུབ་པའི་དོན་དུ་གསོལ་བ་གདབ་པར་བྱའོ། ། ་སྟོན་པ་བཅོམ་ལྡན་འདས་ཞེས་པ་ནས་བླ་མ་ཆེ་ཞེས་པའི་མཐར་ཐུག་པ་ནི་གསོལ་བ་འདེབས་པའི་ཚིགས་བཅད་དོ། །དེ་ནས་སློབ་དཔོན་རྩེ་བ་ཡིས། ཞེས་བྱ་བ་ལ་སོགས་པ་ལ། སློབ་མ་ལྷག་པར་གནས་པའི་དུས་སུ་སོ་ཤིང་སྦྱིན་པར ་བྱ་བའོ། །ཁྲག་འཐུང་གོ་འཕང་གནས་པ་ཡི། །ཞེས་པ་ནི་སློབ་མ་ཧེ་རུ་ཀའི་གཟུགས་སུ་གནས་པར་བསམ་པར་བྱ་ཞེས་སྦྱར་རོ། །སོ་ཤིང་གི་སྔགས་གསུངས་པ། ཨོཾ་ཧཱུཾ་ཧེ་ཞེས་པ་ལ་སོགས་པའི་སྔགས་ཀྱིས་སོ་ཤིང་སྦྱིན་པར ་བྱའོ། །ལྷག་མ་ནི་གོ་སླའོ། །མགྲིན་པ་ལག་པར་ཟླ་བ་བསམ། ཞེས་པ་ནི་མགྲིན་པ་དང་ལག་པ་དག་ཏུ་ཨ་ལ་སོགས་པ་གྱུར་པ་ལས་ཟླ་བའི་དཀྱིལ་འཁོར་བསམ་པར་བྱ་ཞེས་པའི་ཐ་ཚིག་གོ་།མགྲིན་པར་བསྲུང་སྐུད་བཅིང་པར་བྱ་ཞིང་ལག་པར་མེ་ཏོག ་བཅིང་བར་བྱའོ། །ཟླ་བའི་གཟེར་ཞེས་པ་ལ་སོགས་པ་ནི་གོ་སླའོ། །སློབ་མའི་མགོར་ནི་ལག་བཞག་སྟེ། ཞེས་པ་ནི་སློབ་མའི་མགོ་ལ་ལག་པ་བཞག་སྟེ་འཆད་པར་འགྱུར་བའི་སྔགས་ལན་བདུན་དུ་གདོན་པར་བྱའོ། །དེས་ནི་སློབ་མ་ལྷག་པར་གནས ་པར་འགྱུར་རོ། །སྔགས་གསུངས་པ། ཨོཾ་སརྦ་བུདྡྷ་ཞེས་པ་ལ་སོགས་པ་ནས་ཧ་ཧ་ཞེས་པའི་མཐར་ཐུག་པའི་སྔགས་གདོན་པར་བྱའོ། །སྔགས་འདིས་སངས་རྒྱས་ཐམས་ཅད་སློབ་མའི་ལུས་ལ་བྱིན་གྱིས་བརླབ་པ་ཡིན་ནོ། །ལྷག་པར་གནས་པ་ཙམ་གྱིས ་ནི་ཞེས་པ་ལ་སོགས་པ་ནི་གོ་སླའོ། །བདག་ཉིད་ཆེན་པོ་གྲགས་ཆེན་པོ། །བུམ་པར་ཞུགས་པ་ཙམ་གྱིས་ནི་ཞེས་པ་ནི་རྣལ་འབྱོར་མ་བརྒྱད་དང་ལྡན་པའི་ཧེ་རུ་ཀ་བུམ་པའི་ནང་དུ་ཞུ་པར་གྱུར་པ་བསམ་པར་བྱ་ཞེས་པའི་ཐ་ཚིག་གོ་།དུང་ཕོར་ཆུས་བཀང་སྟེ ་ཞེས་པ་ནི། དུང་པོར་གྱི་ཆུ་ལ་ཧེ་རུ་ཀ་བདག་ཉིད་ཞུ་བས་དུང་ཕོར་བྱིན་གྱིས་བརླབ་པར་བྱ། ཞེས་པའི་དོན་ཏོ། །མན་གཞི་ཞེས་པ་ནི་གོ་སླའོ། །ཆུས་གཏོར་ཏེ། ཞེས་པ་ནི་དཀྱིལ་འཁོར་གྱི་སྒོད་སློབ་མ་ལ་ཆུས་གཏོར་བར་བྱ་སྟེ། ཨོཾ་ཨ་བྷི་ཥ་ཉྩི་ཏུ་ཞེས ་པ་ལ་སོགས་པའི་སྔགས་ཀྱིས་ཅོད་པན་ལ་གཏོར་ཏོ། །ཞེས་སྦྱར་རོ། །མིག་རབ་གསལ་ཏེ། ཞེས་པ་ནི་མིག་གི་རས་ཕྱེ་སྟེ། དཀྱིལ་འཁོར་མཆོད་པར་བྱ་བའོ། །ོཾ་ཧེ་རུ་ཀ་བཛྲ་པུཥཔ་པྲ་ཏཱིཙྪ་ཧཱུཾ་ཞེས་པ་ནི། ཧེ་རུ་ཀ་ལ་མེ་ཏོག་འབུལ་བའོ། །རིམ་པ ་འདིས་སྣ་ཚོགས་སྡེ་མ་ནས་བརྩམས་ཏེ་ཇི་སྲིད་ནམ་མཁར་གནས་པའི་མཐར་ཐུག་པ་ལ་མེ་ཏོག་དབུལ་བའོ། །སློབ་མ་ལ་བསྟན་པར་བྱ་ཞེས་པ་ནི། སློབ་མ་ལ་དཀྱིལ་འཁོར་དང་ལྷའི་མིང་དང་མཚན་མ་ཐམས་ཅད་བསྟན་པར་བྱ་བའོ། །དུང་ཕོར་བླངས ་ཏེ་ཆུ་བཏུང་བྱ། །ཞེས་པ་ནི་དུང་ཕོར་ཆུ་དང་བཅས་པ་ལག་པ་གཉིས་ཀྱིས་ཡང་དག་པར་བླངས་ཏེ། དཀྱིལ་འཁོར་བའི་སྔགས་བཏོན་ཅིང། ཧེ་རུ་ཀའི་སྔགས་ཀྱིས་དུང་ཕོར་གྱི་ཆུ་སློབ་མའི་ཁལ་སྦྱིན་པར་བྱའོ། །དེའི་ཡོན་ཏན་གསུམ་པ། བསྟན་པ ་དང་གཡོ་བ་ལ་སོགས་པའི་དུག་ཐམས་ཅད་དེའི་ལུས་ལ་འབྱུང་པར་མི་འགྱུར། ཞེས་པའི་ཐ་ཚིག་གོ་།བརྟན་པ་ཞེས་པ་ལ་སོགས་པ་ནི་གོ་སླའོ། །ཇི་སྲིད་མཁའ་ལྡིང་རིག་ཡོད་པར། །ཞེས་པ་ནི་ནམ་མཁའ་ལྡིང་གི་རིག་པ་ཇི་སྲིད་གྲུབ་པར་བྱ་བ ་མེད་པའི་དུས་དེ་སྲིད་དུ། ནམ་མཁའ་ལྡིང་གི་སྦྱོར་བ་མི་བྱའོ། །སངས་རྒྱས་ཐོད་པའི་རྣལ་འབྱོར་པས་ཇི་སྲིད་དུ་ནམ་མཁའ་ལྡིང་གི་རིག་པ་གྲུབ་པའི་དེ་སྲིད་དུ་ནི་སངས་རྒྱས་ཐོད་པའི་སྦྱོར་བས་བྱ་བའོ། །འབད་རྩེལ་བྱ་བ་མིན་ཞེས་པ་ནི་ཇི་སྲིད་དུ་མ ་གྲུབ་པ་དེ་སྲིད་དུ་དུས་སུ་ཟིན་པ་པོའི་དྲུང་དུ་འགྲོ་བའི་རྩོལ་བ་མི་བྱའོ། །དུས་ཟིན་འཆི་བ་ཞེས་པ་ལ་སོགས་པ་ནི་གོ་སླའོ། །ངོ་མཚར་བསྟན་ཞེས་པ་ནི་གྲུབ་ནས་ངོ་མཚར་བསྟན་པར་བྱ་བ་སྟེ། རི་སྐེགས་ཀྱི་སྦྱོར་བའི་ངོ་མཚར་བསྟན་པའོ་ས ་ལ་མ་ལྷུར་བའི་ལྕི་བ་བླངས་ཏེ་ཞེས་པ་ནི། བ་སེར་སྐྱའི་ལྕི་བ་ས་ལ་ལྟུང་བར་མ་གྱུར་པ་བར་སྣང་ནས་བླང་བར་བྱ་བའོ། །རི་སྐེགས་གཉིས་བྱ་ཞིང་ཞེས་པ་ནི་ལྕི་བ་དེ་ལས་རི་སྐེགས་གཉིས་བྱའོ། །སྣོད་དཀར་པོ་བྱས་ཏེ། ཞེས་པ་ནི་འབྲས་བཏགས ་ལ་སྣོད་དཀར་པོ་བྱས་ཏེ། དེར་ནི་རི་སྐེགས་གཉིས་བཞག་པར་བྱའོ། །རོ་བསྲེགས་པའི་སོལ་བ་ལ་བཞག་པར་བྱ། ཞེས་པ་ནི། སྣོད་དེར་རི་སྐེགས་དང་བཅས་པའི་ངོ་བསྲེགས་པའི་སོལ་བ་ལ་བཞག་པར་བྱའོ། །རོ་བསྲེགས་པའི་སོལ་བ་ལ ་སྣག་ཚ་བྱས་ཏེ། དབེན་པར་སྔགས་བྲི། ཞེས་པ་ཀ་ར་བི་ར་དཀར་པོའོ། །མྱུ་གུས་གྲོ་གའི་འདབ་མ་ལ་རོ་བསྲེགས་པའི་ཐལ་བ་དང། འཆང་པར་འགྱུར་བའི་སྔགས་བྲི་བར་བྱ་ཞེས་སྦྱར་རོ། །སྔགས་གསུངས་པ། ཨོཾ་བུདྡྷཱ ་ཀ་བཱ་ལི་ཞེས་པ་ལ་སོགས་པ་སར་སྐྲི་ཏ་དང། ཕལ་པ་བསྲེས་པའི་སྔགས་མུ་ར་དྷ་པྲ་ན་ཛ་ཨིའི་མཐར་ཐུག་པར་བྲི་བར་བྱའོ། །རི་སྐེགས་ཀྱི་སྙིང་པོའི་སྔགས་ཞེས་པ་ནི་རི་སྐེགས་བྱས་པའི་སྙིང་གར་སྔགས་འདི་བྲིས་ཏེ་གཞུག་པར་བྱའོ། ། ་ཡོངས་རྫོགས་ཤ་ལི་ཀ་བྱས་པས། ཞེས་པ་སྔགས་ཡོངས་སུ་རྫོགས་པའི་རི་སྐེགས་བྱ། ཞེས་པའི་ཐ་ཚིག་གོ་།ཕོ་དང་མོར་ནི་བརྟག་པར་བྱ་ཞེས་པ་ནི། འདི་ནི་ཕོ་འོ་འདི་ནི་མོའོ་ཞེས་ཡོངས་སུ་བརྟག་པར་བྱ་ཞེས་པའི་ཐ་ཚིག་གོ་།སྣག་ཚ ་ཡིས་ནི་བྲི་བར་བྱ་ཞེས་པ་ནི། སྣག་ཚས་རི་སྐེགས་ཀྱི་གཟུགས་བརྙན་ལ་རི་མོ་བྲི་ཞེས་པའི་ཐ་ཚིག་གོ་།མིག་གི་མངོན་དུ་མི་བཞག་ཅིང་ཞེས་པ་ནི་རི་སྐེགས་ཀྱི་གཟུགས་མདུན་དུ་བཞག་པ་མི་བྱའོ། །གང་དུ་བཞག་པར་བྱ་ཞེ་ན། རྒྱབ་ཏུ་བཞག་བར་བྱ་ཞེས ་པའི་ཐ་ཚིག་གོ་།དེ་ནས་ལྕུག་མ་སྔགས་ཀྱིས་མངག་ཅེས་པ་ནི། ཀ་ར་བི་ར་དཀར་པོའི་ལྕུག་མས་མངག་ཅིང་སྤང་པར་བྱ་ཞེས་པའི་ཐ་ཚིག་གོ་།མངག་པའི་སྔགས་གསུངས་པ། ཨོཾ་ཧཾ་ཧ་ཞེས་པ་ནི་ཁྱབ་འཇུག་གི་ས་བོན་ཞེས་པའི ་དོན་ཏོ། །ོཾ་བཾ་ཞེས་པ་ནི་ཚངས་པའི་ས་བོན་ཞེས་པའི་དོན་ཏོ། །ོཾ་སཾ་ཞེས་པ་ནི་ཞི་བྱེད་ཀྱི་ས་བོན་ཞེས་པའི་དོན་ཏོ། །སྔགས་འདི་ནི་སྐུ་དང་གསུང་དང་ཐུགས་ཀྱི་རང་བཞིན་ནོ། །དེ་ལྟར་ཡང་གསང་བའི་མཛོད་ལས་ཁྱབ ་འཇུག་སེམས་སུ་གསུངས་པ་སྟེ། དབང་ཕྱུག་འདོད་པ་དུ་ནི་གྲགས། །ཚངས་པ་ཐར་པར་གསུངས་པ་སྟེ། །འདི་དག་འཇིག་རྟེན་གསུམ་དུ་བཤད། ཅེས་གསུངས་སོ། །ོཾ་ཧ་ཧ་ཧ་ཧ་ཧ་ཧ་ཧཾ་སཾ་སྭཱཧཱ། འདི་ལྟ་བུའི་སྔགས་ཀྱི་མཆོག ་ཅེས་པ་སྔགས་འདི་ལྟ་བུ་ནི་མཆོག་ཡིན་པའོ། །སྟོང་གསུམ་ན་ཡང་རྙེད་པར་དཀའ་ཞེས་པ་ནི་སྟོང་གསུམ་གྱི་སྟོང་ཆེན་པོ་རྣམས་སུ་ཡང་རྙེད་པར་དཀའ་བ་སྟེ། སྡུག་བསྔལ་གྱིས་རྙེད་པར་དགོངས་སོ། །ལན་བདུན་མངག་པ་ཙམ་གྱིས་ནི། ཞེས་པ ་ནི་ལན་བདུན་དུ་བསྔགས་བཏོན་པ་ཙམ་གྱིས་དེ་འགུགས་པར་འགྱུར་རོ། །འགྲོ་བར་འདིར་ནི་ཐེ་ཚོམ་མེད་ཅེས་པ་ནི་རི་སྐེགས་འདི་དག་གཉིས་ཀླུའི་གནས་སུ་འགྲོ་ཞེས་སྦྱར་རོ། །མཁའ་ལྡིང་བྱེ་བའི་སྟོབས་དང་ལྡན། ཞེས་པ་ནི་དེ་དག ་མཐོང་ནས་ཀླུ་ཐམས་ཅད་ཀུན་ཏུ་སྐྲག་པར་འགྱུར་རོ། །མི་འཛིན་པའི་སྦྲུལ་གང་གིས་རི་སྐེགས་མཐོང་བ་ཙམ་གྱིས་ཡོད་པར་འགྱུར་རོ། །རི་སྐེགས་ཀྱིས་སྦྲུལ་ལོང་བ་བཟུང་ནས་འོད་བར་འགྱུར་རོ། །སྤྲུལ་ལོང་བ་དེ་སློབ་དཔོན་གྱིས ་མཐོང་ནས་ཅི་ཞིག་བྱེད་ཅེ་ན། སྦྲུལ་ལོང་བ་ལ་བསྣུན། ཞེས་པ་ནི་སྤྲུལ་ལོང་བ་དེ་ལ་ས་དང་མངག་པའི་སྔགས་ཀྱིས་བསྣུན་པར་བྱའོ། །བསྣུན་པ་ཙམ་གྱིས་མིག་དང་ལྡན་པར་འགྱུར་རོ། །སྤྲུལ་གྱིས་ཟིན་པ་ཤི་བར་མཐོང་ནས་དེའི་ལུས་ལ ་ལན་གསུམ་དུ་འགྲོ་ཞིང་འོང་བར་བྱེད་དེ། ཟིན་པ་དུག་མེད་པར་འགྱུར་རོ། །དུག་འཕྲོག་པའི་སྟོང་པ་ཉིད་ཀྱི་ཚིགས་བཅད་གསུངས་པ། སྟོང་པ་དྲི་མེད་ཅེས་པ་ནི་གང་ཞིག་དྲི་མ་དང་བྲལ་བ་དོན་ནི་སྟོང་པ་ཉིད་དྲི་མ་མེད་པ་སྟེ་དེ་ཉིད་སྟོང་པ་དྲི་མ་མེད་པའོ། ། ་ཀུན་རང་བཞིན་ཞེས་པ་ནི་མཛའ་དག་གི་རང་བཞིན་སྟོང་པ་ཉིད་ཅེས་པའི་ཐ་ཚིག་གོ་།ཆོས་རྣམས་སྟོང་པའི་རང་བཞིན་ཀྱེ། ཞེས་པ་ནི་ཆོས་ཐམས་ཅད་སྟོང་པའི་རང་བཞིན་ནོ། །ཞེས་པའི་དོན་ཏོ། །གང་གིས་འཛིན་ཅིང་ཞེས་པ་ནི་འདིར་ཆོས ་ཐམས་ཅད་སྟོང་པ་ཉིད་ཡིན་ན་སུ་འཛིན་ཏེ་སུ་ཡང་མི་འཛིན་ཞེས་པའི་དོན་ཏོ། །གང་ཞིག་འཛིན་ཏེ་ཞེས་པ་ནི་གང་ཡང་མི་འཛིན་ཞེས་པའི་དོན་ཏོ། །མཛའ་དག་སྒྱུ་མའི་རང་བཞིན། ཞེས་པ་ནི་དངོས་པོ་མཛའ་དག་སྒྱུ་མའི་རང་བཞིན་ཞེས ་པའི་ཐ་ཚིག་གོ་།དངོས་པོ་མཛའ་དག་སྟོང་པ་ཞེས་པ་ནི་ཁམས་གསུམ་པ་མཛའ་དག་སྟོང་པ་དང། དངོས་པོ་མཛའ་དག་སྟོང་པ་ཉིད་ལས། ཆོས་ཐམས་ཅད་སྟོང་པ་ཉིད་ལ་དུག་གི་སྐབས་ག་ལ་ཡོད་ཅེས་པའི་ཐ་ཚིག་གོ་། ་སངས་རྒྱས་ཐོད་པའི་རྒྱུད་ཅེས་བཤད་ཟིན་ཏོ།། །།ཉི་ཤུ་རྩ་གཅིག་ཅེས་པ་ལ་སོགས་པ་ནི་གོ་སླའོ། །སློབ་དཔོན་གྱིས་ཡང་དག་པར་བརྩམ་པར་བྱའོ། །ཞེས་པ་ནི་སློབ་དཔོན་གྱིས་དུག་གི་ཟིན་པ་མཐོང་ནས། །སྟོང་པ་ཉིད་ཀྱི ་ཏིང་ངེ་འཛིན་ཡང་དག་པར་བརྩམས་ཏེ་བསྒོམ་ཞེས་པའི་ཐ་ཚིག་གོ་།དེ་ལྟར་ཞེས་པ་ནི་སློབ་མ་དབང་བསྐུར་བའི་འོག་ཏུ་རྗེས་སུ་གནང་བ་ལ་སོགས་པ་སྦྱིན་པར་བྱ་བའི་དོན་ཏོ། །ོཾ་བུདྡྷ་ཀ་པཱ་ལི་ཞེས་པ་ལ་སོགས་པ་ནི་དུག་བཟའ་བར་བྱ་ཞེས་པའི ་ཐ་ཚིག་གོ་།དེ་ནས་ཞེས་པ་ལ་སོགས་པ་ནི་གོ་སླའོ། །ོཾ་བུདྡྷཱ་ཀ་པཱ་ལི་ཞེས་པ་ལ་སོགས་པ་ནི། དཀྱིལ་འཁོར་གཤེགས་སུ་གསོལ་བའི་སྔགས་ཏེ། ལག་པ་ས་ལ་བཞག་ནས་སྔགས་འདིས་དུག་གི་དཀྱིལ་འཁོར་གཤེགས་སུ་གསོལ་ལོ། །དེ ་ནས་ཡང་དག་རབ་བཤད་བྱ། །ཞེས་བྱ་བ་ལ་སོགས་པ་ནི་གོ་སླའོ། །གནས་དགུ་རྣམས་སུ་མཆོད་པར་བྱ་ཞེས་པ་ནི་ཧེ་རུ་ཀའི་དཀྱིལ་འཁོར་གྱི་ས་གཞི་དགུའི་བདག་ཉིད་དུ་གསུངས་པ། རྡུལ་ཚོན་གྱིས་བྲིས་ལ་མཆོད་པར་བྱ་ཞེས་པའི་ཐ་ཚིག་གོ་། ་རུང་ཕོར་ཆུ་ཡིས་ཞེས་པ་ལ་སོགས་པ་ནི་གོ་སླའོ། །རང་གི་ལག་པ་གཡོན་པ་ལ། །ཟླ་བ་ཡི་ནི་ཁྱད་པར་བསམ། ཞེས་པ་ནི་རང་གི་ལག་པ་གཡོན་པ་ལ་ཟླ་བའི་དཀྱིལ་འཁོར་བསྒོམ་ཞེས་པའི་ཐ་ཚིག་གོ་།བཅུ་དྲུག་ཆ་ལ་ཡོངས་རྫོགས་པའི་ཞེས ་པ་མཆི?་བཅུ་དྲུག་སྟེ། དབྱངས་ཡིག་བཅུ་དྲུག་ཁྱབ་པར་ཡོངས་སུ་རྫོགས་པ་ལས། ཟླ་བའི་དཀྱིལ་འཁོར་བསྒོམ་ཞེས་པའི་ཐ་ཚིག་གོ་།དྲི་མེད་དགེ་བའི་ལུས་ཅན་ཏེ། ཞེས་པ་ནི་དྲི་མ་མེད་ཅིང་དཀར་བའི་ཟླ་བའི་དཀྱིལ་འཁོར་གྱི་ལུས་ཏེ་གཟུགས ་བསྒོམ་ཞེས་སྦྱར་རོ། །དེའི་དབུས་སུ་མི་ཤིགས་དགེ་།ཞེས་པ་ནི་ཟླ་བའི་དཀྱིལ་འཁོར་དེའི་དབུས་སུ་མི་ཤིགས་པའི་ཧཾ་མགོ་དང་བྲལ་བ་དགེ་བའི་མཆོག་བསམ། ཞེས་པའི་ཐ་ཚིག་གོ་།ཁ་དོག་དཀར་པོའི་ལུས་ཅན་ཞེས་པ་ནི་མི་ཤིག་ས་པ་ཁ ་དོག་དཀར་པོ། །ལུས་ལག་པ་གཡོན་པ་ལ་སྒོམ་ཞེས་པའི་ཐ་ཚིག་གོ་།ལག་དེས་སྣོད་ཀྱི་ཁ་མནན་ཏེ། ཞེས་པ་ནི་ཆུ་སྣོད་ཀྱིས་བར་ནས་ཆུ་བླངས་ཏེ། ལག་པ་ལ་ཟླ་བའི་དཀྱིལ་འཁོར་བསྒོམས་ནས། དེའི་ཁ་མནན་ཏེ། ཨོཾ་སརྦ་བ་ཤ་ཧ་དེ་ཞེས ་པ་ལ་སོགས་པའི་སྔགས་བཟླ་ཞེས་པའི་དོན་ཏོ། །མི་ཤིགས་པ་ཞེས་པ་ལ་སོགས་པ་ནི་གོ་སླའོ། །སངས་རྒྱས་ཐོད་པ་ཞེས་བ་ལ་སོགས་པ་ནི་བཤད་ཟིན་ཏོ། །འོའི་སྒྲ་ནི་ལེའུ་རྫོགས་པའི་ཚིག་གོ་།གང་ཞེ་ན་སངས་རྒྱས་ཐོད་པ་ལ་སོགས་པའོ། །རི ་སྐེགས་ཀྱི་སྦྱོར་བ་དང་ཆུའི་སྦྱོར་བའི་ལེའུ་སྟེ་བཞི་པའོ།། །།ད་ནི་བཅུད་ཀྱིས་ལེན་གྱི་ལེའུ་རབ་ཏུ་བཤད་པར་བྱ། དེ་ནས་ཞེས་པ་ནི་དུག་གི་དབང་བསྐུར་བ་ལ་སོགས་པའི་ལེའུ་བཤད་པའི་རྗེས་ཐོགས་སུ་བཅུད་ཀྱིས་ལེན་གྱི་ལེའུ་རབ་ཏུ ་བཤད་པར་བྱ། ཞེས་སྦྱར་རོ། །དེ་བཞིན་གཤེགས་པའི་སྙིང་པོ་མཆོག་།ཅེས་པ་ནི་དེ་བཞིན་གཤེགས་པ་ལྔ་དང་ཕུང་པོ་ལྔའི་ངོ་བོ་མཆོག་ཏུ་ཕུལ་དུ་བྱུང་བ་སྙིང་པོར་གྱུར་པའི་བདུད་རྩི་ལྔ་ཞེས་པའི་ཐ་ཚིག་གོ་།རྣལ་འབྱོར་མའི་གོང་ན་མེད ་ཅེས་པ་ནི་རྣལ་འབྱོར་མ་རྩ་ལྔའི་རང་བཞིན་ཏེ། དེ་རྣམས་ཀྱི་གོང་ན་མེད་པའི་སྙིང་པོ་ཞེས་པའི་ཐ་ཚིག་གོ་།གཞོན་ནུ་མ་ཞེས་པ་ནི་ལོ་བརྒྱད་མའི་མིག་ལས་བྱུང་བ་ལ་གཞོན་ནུ་མ་ཞེས་ཡང་དག་པར་བཤད་དོ། ཤ་རི་ཀ་ཞེས་པ་ནི་ལོ་བཅུ ་གཉིས་མའི་རྩ་ཁོང་སྟོང་ལས་ཡང་དག་པར་བྱུང་བའི་རྫས་ལ་ཤ་རི་ཀ་ཞེས་ཡང་དག་པར་བཤད་དོ། །གྲུབ་མ་ཞེས་པ་ནི་ལོ་བཅུ་དྲུག་མ་མེ་ཏོག་དང་ལྡན་པ་དང་ཁ་སྦྱར་བའི་སྦྱོར་བ་བྱས་པ་ལས་གང་བྱུང་བའི་རྫས་ཏེ། དེ་ནི་གྲུབ་མར་ཡང་དག་པར ་བཤད་དོ། །བྱིས་ཅན་མ་ཞེས་པ་ནི་ལོ་ཉི་ཤུ་མ་དང་པོ་རྡུལ་དང་ལྡན་པ་དང་ཁ་སྦྱར་བའི་སྦྱོར་བ་ལས་གང་བྱུང་བའི་རྫས་དེ་ནི་བྱིས་ཅན་མར་ཡང་དག་པར་བཤད་དོ། །ཐོད་བཟངས་ཅན་མ་ཞེས་པ་ནི་ལོ་ཉི་ཤུ་རྩ་ལྔ་མའི་ཤེས ་རབ་ཀྱི་ཁུ་བ་དང། ཤེས་རབ་ཀྱི་སྣུམ་བསྲེས་པའི་རྫས་གང་ཡིན་པ་དེ་ནི་ཐོད་ཅན་མར་ཡང་དག་པར་བཤད་དོ། །དེ་དག་ནི་ཤེས་རབ་མ་ལྔའི་རྩ་ལྔ་ལས་བདུད་རྩི་ལྔ་ཡང་དག་པར་འབར་བར་བཤད་དོ། །སངས་རྒྱས་ལྔས་ཀྱང་རྙེད་པར་དཀའ་ཞེས ་པ་ལས་སངས་རྒྱས་ལྔ་ནི། རྣམ་པར་སྣང་མཛད་ལ་སོགས་པ་སྟེ། དེ་རྣམས་ཀྱིས་ཀྱང་རྙེད་པར་དཀའ་ཞིང། དཀའ་ཆེས་པ་ཞེས་པའི་ཐ་ཚིག་གོ་།འདིས་ནི་སྨན་ལྔ་པོ་རྣམས་ཀྱི་ཆེ་བའི་བདག་ཉིད་གསུངས་པ་ཡིན་ནོ། །གཞོན་ནུས་ནི་ཟླ་དྲུག ་ཏུ་ཞེས་པ་ནི་ལོ་བརྒྱད་པའི་མིག་ལས་བྱུང་བ་སྟེ། །མིག་གི་ཆུ་དང་དངུལ་ཆུ་ར་ཏི་གཅིག་པ་བསྲིས་ཏེ་ཟླ་བ་དྲུག་ཏུ་ཟོས་ན་ཇི་སྐད་གསུངས་པ་བཞིན་དུ་འགྱུར་རོ། །དེ་བཞིན་ཤ་རི་ཀ་ཟླ་གསུམ་ཞེས་པ་ནི། ལོ་བཅུ་གཉིས་མའི་ཤེས་རབ་མའི ་དང་པོའི་རྡུལ་དང་དངུལ་ཆུ་ར་ཏི་གཅིག་དང་ལྷན་ཅིག་ཏུ་ཟླ་བ་གསུམ་དུ་ཟོས་ན་ཇི་སྐད་གསུངས་པ་བཞིན་དུ་འགྱུར་རོ། །གྲུ་མ་ཟླ་བ་གཅིག་ཏུའོ་ཞེས་པ་ནི་ལོ་བཅུ་དྲུག་མ་མདོག་ནག་མོ་དང་ལྷན་ཅིག་ཏུ་ཡང་དག་པའི་སྦྱོར་པ་ལས་བྱུང་བའི་རྫས ་བླངས་ཏེ། དངུལ་ཆུ་ར་ཏི་གཅིག་དང་ལྷན་ཅིག་ཟླ་བ་གཅིག་ཏུ་བཟའ་བར་བྱའོ། །བྱིས་ཅན་མ་ནི་ཟླ་ཕྱེད་གཉིས་ཞེས་པ་ནི་ལོ་ཉི་ཤུ་མའི་པུ་མོ་གང་མ་ཉམས་ཤིང་སྐྱེས་པ་གཞན་གྱིས་མ་སྤྱད་པ་དེའི་ཉི་མ་དང་པོ་ལ་བྱུང་བའི་རྡུལ་དང་དེ་དང་ཡང་དག ་སྦྱོར་བ་ལས་བྱུང་པའི་རྫས་དང་དངུལ་ཆུ་ར་ཏི་གཅིག་དང་བསྲེས་པ་ཟླ་བ་ཕྱེད་དང་གཉིས་ཟོས་ན། །ཇི་སྐད་གསུངས་པ་བཞིན་དུ་འགྱུར་རོ། །ཐོད་ཅན་མའང་ཟླ་བར་ཏེ། ཞེས་པ་ནི་ལོ་ཉི་ཤུ་རྩ་ལྔ་མའི་ཡང་དག་པར་སྦྱོར་བ་མེད་པར་པདྨར་?ཱོངས ་པའི་བཅུད་བླངས་ལ། དངུལ་ཆུར་ཏི་གཅིག་དང་བསྲེས་ཏེ། ཟླ་བར་ཟོས་ན་ཇི་སྐད་གསུངས་པ་བཞིན་དུ་འགྱུར་རོ། །འདི་དག་ཐམས་ཅད་ཟོས་པར་གྱུར་ན་ཇི་སྐད་གསུངས་པའི་ཚེར་འགྱུར་རོ། །བྱ་རོག་མ་ནི་བྱ་རོག་གཟུགས་ཞེས་པ་ནི་བྱ་རོག་ཅན་མའི ་ཤེས་རབ་མ་བྱ་རོག་གི་གཟུགས་ལྟར་མདོག་གནག་པ་སྟེ། དེའི་རྡུལ་ནི་ཟླ་བ་མར་ཀྱི་ངོ་ལ་འབྱུང་བར་འགྱུར་རོ། །གླང་པོ་མ་ནི་དང་པའི་གཟུགས་ཞེས་པ་ནི། གླང་པོ་མའི་ཤེས་རབ་མངག?་ཡིན་པ་ནི་གླང་པོ་ཆེའི་ཆང་གི་དྲི་བྲོ་བའོ། །ངང་པའི་གཟུགས ་ཞེས་པ་ནི། མདོག་དཀར་པོ་སྟེ་དེའི་རྡུལ་ནི་ཟླ་བ་ཡར་ངོ་ལ་འབྱུང་བར་འགྱུར་རོ། །དྲོད་མ་དྲོད་ཀྱི་གཟུགས་ཅན་ཏེ་ཞེས་པ་ནི་དྲོད་ཅན་མའི་ཤེས་རབ་ནི་སྔོ་བསམས་ཏེ། དྲོད་ཀྱི་གཟུགས་ཞེས་པ་ནི་ཐམས་ཅད་དུ་ལུས་དྲོ་བ་སྟེ། དེའི་རྡུལ་ནི་ཟླ་བ་ངོ་གཉི ་ག་ལ་འབྱུང་བར་འགྱུར་རོ། །སྔོ་བསངས་དཀར་མོ་སྔོན་མོའི་མིག་།ཅེས་པ་ནི་སྔོ་བསངས་དང། དཀར་མོ་དང་སྔོན་མོ་རྣམས་ཀྱི་མིག་གི་དྲི་མའི་འདི་དང་དངུལ་ཆུ་བསྲེས་ཏེ་བཟའ་ཨོ། །ཁ་སྦྱར་སྦྱོར་བའི་དུས་སུ་ནི་ཞེས་པ་ནི་འདི་རྣམས་དང་སྦྱོར་བའི་དུས ་ཀྱི་ཚེ་ཁ་སྦྱར་སྦྱོར་ཞིང་དབང་པོ་གཉིས་སྙོམས་པར་འཇུག་པར་བྱས་ནས་བྱང་ཆུབ་ཀྱི་སེམས་བླངས་ཏེ་རྡུལ་དང་བསྲེ་བར་བྱའོ། །མིག་ལས་བྱུང་པའི་རྫས་གང་ཡིན་ཞེས་པ་ནི་འདི་རྣམས་ཀྱི་མིག་གི་དྲོད་མའི་སྨན་དེའི་མིང་ནི་གཞོན་ནུ་མ་ཞེས ་པ་སྟེ། སྨན་དེའི་མིང་ནི་གཞོན་ནུ་མའི་མིང་ཅན་ནོ། །འདི་ནི་རྟེན་པར་སོམ་ཉིད་མེད་ཅེས་པ་ནི་སྨན་དེས་ལུས་བརླན་པར་བྱ་ཞིང་ཆིམ་པར་བྱ་ཞེས་པའི་ཐ་ཚིག་གོ་།དེའི་པདྨ་ལས་བྱུང་རྫས་ཤེས་པ་ནི། བུད་མེད་རྣམས་ཀྱི་རྡུལ་དེ་ཁྲག་ཅེས ་པའི་དོན་ཏོ། །རྩའི་ནང་ན་རྣམ་སར་གནས་ཞེས་པ་ནི་རྩ་ཁོང་སྟོང་ན་གནས་པའི་བདུད་རྩིའོ། །གེ་སར་སྤས་པའི་སྤྱོད་ཡུལ་ཏེ་ཞེས་པ་ནི་པདྨའི་གེ་སར་གྱི་དབུས་ན་གནས་པ་ཞེས་པའི་ཐ་ཚིག་གོ་།སྨན་དེ་ཤ་རི་ཀར་གསུངས་སོ། །ཞེས་པ་ནི་སྨན་དེ་ཤ་རི ་ཀར་ཡང་དག་པར་བཤད་དོ། །མེ་ཏོག་ལྡན་པའི་བུད་མེད་གང་ཞེས་པ་གང་རྡུལ་དང་ལྡན་པའི་ཤེས་རབ་མའོ། །ཁ་དོག་ནག་མོ་རབ་མཛེས་མ་ཞེས་པ་ཁ་དོག་ནག་མོས་རབ་ཏུ་མཛེས་མའོ། །དེའི་ཁ་སྦྱར་སྦྱོར་ལས་བྱུང ་ཞེས་པ་ནི་དེ་དང་ལྷན་ཅིག་ཏུ་ཁ་སྦྱར་སྦྱོར་བ་སྟེ་དབང་པོ་གཉིས་སྦྱོར་བ་ལས་བྱུང་བའི་རྫས་ཏེ་སྨན་དེའི་མིང་ནི་གྲུབ་མ་ཞེས་པའི་ཐ་ཚིག་གོ་།སངས་རྒྱས་ཐོད་པའི་སྦྱོར་བ་ཡིས་ཞེས་པ་ནི་རྡོ་རྗེ་དང་པདྨ་ཡང་དག་པར་སྦྱོར་བར་བཤད་པའོ། ་མི་བྱེད་ཉེ་བར་སྤྱད་པ་ཡིས་ཞེས་པ་ནི་རང་གི་སྲོག་དང་འདྲ་བའི་ཤེས་རབ་མ་གང་ཡིན་པའོ། །ཁྱད་པར་ཇི་ལྟ་བུ་ཞེ་ན་གསུངས་པ། རབ་མཛེས་མ་ཉམས་དང་ཞེས་པ་ནི་སྐྱེས་པ་གཞན་དང་སྦྱར་བར་མ་གྱུར་པ་དེ་ནི་རབ་ཏུ་མཛེས་ཤིང ་བཟང་ཞེས་པའི་ཐ་ཚིག་གོ་།དེ་ལས་དང་པོར་བྱུང་བའི་རྫས་ཞེས་པ་ནི་ཉི་མ་དང་པོ་ལས་བྱུང་བའི་རྫས་ཏེ། ཁྲག་དང་དེ་དང་ཡང་དག་པར་སྦྱོར་བ་ལས་བྱུང་བའི་བྱང་ཆུབ་ཀྱི་སེམས་དང་བསྲེས་པའི་སྨན་དེ་ནི་བྱིས་པ་ཅན་དུ་ཡང་དག་པར་བཤད་དོ། ། ་ལྷན་ཅིག་སྐྱེས་དག་བྱུང་བའི་རྫས་ཞེས་པ་ནི། རྡོ་རྗེ་དང་པདྨ་ཡང་དག་པར་སྦྱོར་བ་མེད་པར་ཆོས་ཀྱི་འབྱུང་གནས་སུ་ལྷན་ཅིག་སྐྱེས་པའི་དགའ་བ་སྐྱེས་པའི་རྫས་ནི་པདྨའི་བཅུད་ཅེས་པའི་ཐ་ཚིག་གོ་།མར་ཁུ་དག་དང་ནི་བསྲེ་ཞེས་པ་ནི་རྩའི ་བཅུད་དང་པདྨའི་བཅུད་བསྲེ་བ་ཡིན་ཏེ། སྨན་དེ་ནི་ཐོད་ཅན་མ་ཞེས་ཡང་དག་པར་བཤད་དོ། །སྨན་ལྔ་པོ་འདི་དག་ནི་སངས་རྒྱས་ཐོད་པའི་རྒྱུད་ལས་གསུངས་སོ། །ཟླ་བ་ཉི་མའི་སྦྱོར་བ་ཡིས་ཞེས་པ་ནི། དཀར་མོའི་རྡུལ་སྣ་གང་གཡས་པའི ་རླུང་རྒྱུ་བ་ན་སྣར་གཞུག་པར་བྱ་ཞིང་ནག་མོའི་རྡུལ་སྣ་གུང་གཡོན་པའི་རླུང་རྒྱུ་བ་ན་སྣར་གཞུག་པར་བྱའོ། །སྦྱོར་བས་འདི་དག་བྱས་ནས་ཇི་ལྟར་གསུངས་པ་བཞིན་དུ་འདིར་ཐེ་ཚོམ་མེད་པར་འགྱུར་རོ། །ཟླ་བས་ཟླ་བར་ཞེས་པ་ལ། ཟླ་བ་ནི་བྱང ་ཆུབ་ཀྱི་སེམས་ཏེ། སྣ་གཡོན་པའི་སྣ་གུང་དུ་བྱིན་པར་བྱའོ། །ཉི་མས་ཉི་ཞེས་པ་ནི། ཤེས་རབ་མའི་རྡུལ་སྣ་གུང་གཡས་པར་བླུགས་པར་བྱའོ། །དེའི་ལུས་སྐྲ་དཀར་གཉེར་མ་ཞི་ཞེས་པ་ནི། ལུས་ཀྱི་སྟེ་མགོའི་སྐྲ་དཀར་ཞི་ཞིང་སྤངས་ཞེས་པའི་ཐ་ཚིག་གོ་། ་གཉེར་མ་ཞེས་པ་ནི་གཉེར་མ་དང་བྲལ་བ་ཞེས་པའི་ཐ་ཚིག་གོ་།ཇི་སྲིད་སངས་རྒྱས་བཞུགས་ཀྱི་བར་ཞེས་པ་ནི། ཇི་སྲིད་སངས་རྒྱས་བཞུགས་པ་དེ་སྲིད་ཀྱི་བར་དུ་ཚེ་རིང་བར་འགྱུར་ཞེས་པའི་ཐ་ཚིག་གོ་།དེའི་ཚེ་ནི་རྒྱས་པར་འགྱུར་ཞེས་པ་ནི་དུས ་རིང་པོར་ཚེ་འཕེལ་ཞིང་རྒྱས་པར་འགྱུར་རོ་ཞེས་པའི་ཐ་ཚིག་གོ་།དངོས་པོ་གང་དང་གང་ཡང་རུང། །ཞེས་པ་ལ་དངོས་པོ་གང་སྟེ། ལྕགས་དང་ཟངས་མ་ལ་ཡང་རུང། །རྡུལ་བྱུགས་པས་དངུལ་དང་གསེར་དུ་འགྱུར་རོ། །ད་ནི་དགོངས་པས་བཤད་པ་ཡང ་དག་པར་བཤད་པར་བྱ་སྟེ། དགོངས་བཤད་ཤིན་ཏུ་རྙེད་དཀའ་བ་ཞེས་པ་ལ་དགོངས་པས་བཤད་པ་ནི་བརྡའི་ཚིག་སྟེ་རབ་ཏུ་དགའ་ཆེས་པར་འགྱུར་ཞེས་སྦྱར་རོ། །དྲི་ཆུ་ཡེ་ཤེས་རྡོ་རྗེ་སྟེ་ཞེས་པ་ལ། ཡེ་ཤེས་རྡོ་རྗེ་ནི་མི་སྐྱོད་པའི་རང་བཞིན་གྱི་དྲི་ཆུའོ། ་དྲི་ཆེན་རྡོ་རྗེ་བཟང་པོ་ཉིད་ཅེས་པ་ལ་རྡོ་རྗེ་བཟང་པོ་ཞེས་པ་ནི་རྣམ་པར་སྣང་མཛད་ཀྱི་རང་བཞིན་དྲི་ཆེན་ནོ། །ཁྲག་གི་མར་མེ་རྡོ་རྗེ་ཡིན་ཞེས་པ་ལ། མར་མེ་རྡོ་རྗེ་ནི་རིན་ཆེན་འབྱུང་ལྡན་གྱི་རང་བཞིན་ཁྲག་དུ་འགྱུར་རོ། །ཁུ་བ་རྡོ་རྗེ་ཐབས་བྱུང་ཉིད། །ཅེས ་པ་ནི་སངས་རྒྱས་ཐམས་ཅད་ཀྱི་ཐབས་ལས་བྱུང་བ་བྱང་ཆུབ་ཀྱི་སེམས་ཁུ་བའི་རང་བཞིན་གཙོ་བོ་ཞེས་པའི་ཐ་ཚིག་གོ་།ཤ་ནི་ཆོས་ཀྱི་རྡོ་རྗེ་ཡིན་ཞེས་པ་ལ། ཆོས་ཀྱི་རྡོ་རྗེ་ནི་དོན་ཡོད་པར་གྲུབ་པའི་རང་བཞིན་གྱི་ཤ་ཡིན་ནོ། །དེ་ལྔ་རྣལ་འབྱོར ་མའི་མཆོག་།ཅེས་པ་ནི་དེ་བཞིན་གཤེགས་པ་ལྔའི་རང་བཞིན་ནི་རྣལ་འབྱོར་མ་ལྔའི་བདུད་རྩི་ཟེར། རྩ་ལྔའི་རང་བཞིན་མཆོག་ཏུ་ཕུལ་དུ་བྱུང་བ་ཞེས་པའི་ཐ་ཚིག་གོ་།ངག་གི་དམ་ཚིག་རྙེད་དཀའ་བ། །ཞེས་པ་ལ་ངག་གི་དམ་ཚིག་ནི་ཚིག་གི་ ་བརྡ་རྙེད་པར་དཀའ་བ་སྟེ། ཉན་ཐོས་ལ་སོགས་པས་དཀའ་བས་ཀྱང་རྙེད་པར་མེ་འགྱུར་བའོ། །བ་ལང་ཤ་ནི་འབར་བ་ཞེས་པ་ལ་སོགས་པ་ནི་གོ་སླའོ། །དེ་ལྔ་རྣལ་འབྱོར་མཆོག་ཏུ་གསུངས། ཞེས་པ་ནི་གོ་ཀུ་ད་ཧ་ན ་ལ་སོགས་པ་དམ་ཚིག་ལྔ་ཡང་དག་པར་སྦྱར་བའི་ཕུལ་ནི། སྦྱོར་བའི་མཆོག་ཏུ་གསུངས་སོ། །རྣལ་འབྱོར་རྣལ་འབྱོར་མ་ལྡན་པར་ཞེས་པ་ལ་རྣལ་འབྱོར་མ་ཞེས་པ་ནི་བདུད་རྩི་ལྔའོ། །རྣལ་འབྱོར་ཞེས་པ་ནི་ཤ་ལྔའོ། །ལྡན་ཞེས་པ་ནི། བདུད ་རྩི་ལྔ་དང་ཤ་ལྔ་པོ་དག་གཅིག་ཏུ་བྱས་ཏེ་གང་བཟའ་བའོ། །དེའི་ཡོན་ཏན་གསུངས་པ། དེ་ཚེ་རྣམ་རྟོག་དེ་ཐམས་ཅད། །འཇིག་རྟེན་འགྱུར་ཞེས་པ་ནི་སེམས་ཀྱི་རྣམ་པར་རྟོག་པ་ཐམས་ཅད་འཇིག་ཅིང་ཟད་པར་འགྱུར་ཞེས་པའི་ཐ་ཚིག་གོ། ཟན ་ལ་བསོད་ནམས་ཞེས་བྱ་སྟེ་ཞེས་པ་ལ། ཟན་གྱི་མིང་ནི་བསོད་ནམས་ཞེས་བྱའོ། །ཚོད་མ་ལ་ནི་སྡིག་པ་ཉིད་ཅེས་པ་ནི་ཤའི་ཚོད་མ་སྲོག་གཅོད་པ་ལ་སོགས་པ་མེད་བར་ཚོད་མ་མེད་དེ་དེས་ན། ཚོད་མའི་མིང་ནི་སྡིག་པ་ཞེས་བྱའོ། །བྱིས ་པ་ལ་ནི་འགལ་བ་ཉིད་ཅེས་པ་ནི་བྱིས་པ་ཤི་བ་ལ་ནི་འགལ་བ་ཞེས་བྱའོ། །སྐྱེས་པ་ལ་ནི་རྡོ་རྗེར་གསུངས་ཞེས་པ་ན་སྐྱེས་པའི་རྡོ་རྗེ་ལ་ནི་རྡོ་རྗེ་ཞེས་བྱའོ། །བུད་མེད་ལ་ནི་སྣོད་བཟངས་ཉིད་ཅེས་པ་ནི། ཤེས་རབ་མའི་པདྨའི་མིང་ནི་སྣོད ་བཟང་ཞེས་བྱའོ། །རབ་ཆགས་ཤིན་ཏུ་མཐོང་བ་ཉིད། །ཅེས་པ་ནི་རབ་ཏུ་ཆགས་པས་ན། རབ་ཆགས་ཏེ་བཟང་པོ་མཐོང་བས་སོ། །ཅི་ཞེ་ན་པདྨ་མཐོང་བས་རབ་ཏུ་ཆགས་པ་བཟང་པོར་འགྱུར་རོ། །འཁྱུད་པ་ལ་ནི་ཆོས་ཞེས་བརྗོད། ཅེས ་པ་ནི་ཆོས་འབྱུང་གིས་རྡོ་རྗེ་འཁྱུད་པ་གང་ཡིན་པ་དེ་ནི་འཁྱུད་པ་སྟེ་ཆོས་སུ་བརྗོད་དོ། །འདྲི་བ་ལ་ནི་མར་མེའོ་ཞེས་པ་ལ། གསལ་བས་མར་མེ་སྟེ། འདོད་ཆགས་ཀྱིས་གསལ་བར་བྱེད་པས་ན་མར་མེའི་འདྲི་བ་ནི་རྡོ་རྗེ་ཆོས་འབྱུང་འདྲི་བས་ན་འདྲི ་བ་ལ་མར་མེ་ཞེས་བྱའོ། །ཤིན་ཏུ་འདྲིལ་མེ་ཞེས་བྱ། ཞེས་པ་ནི་འདོད་ཆགས་ཆེན་པོའི་མེའི་རྡོ་རྗེས་པདྨ་ལ་རབ་ཏུ་འདྲི་བས་ན། ཤིན་ཏུ་འདྲི་ཞེས་བྱའོ། །འགྲོ་བ་ལ་ནི་ཕྲེང་ཅན་མ་ཞེས་པ་ལ་རྡོ་རྗེས་པདྨར་འགྲོ་ཞིང་སོང་བ་དེ་ནི་ཕྲེང་ཅན་མ་ཞེས ་བྱའོ། །འོད་ལ་ཤིན་ཏུ་ཕྲེང་ཅན་མ་ཞེས་པ་ནི། རྡོ་རྗེ་ལས་བྱང་ཆུབ་ཀྱི་སེམས་འཕྲོ་བའི་རྣམ་པ་འོང་བ་དེ་ལ་ནི། ཤིན་ཏུ་ཕྲེང་ཅན་མ་ཞེས་བྱའོ། །མྱུར་པ་ལ་ནི་བྱུག་ཅེས་བྱ། ཞེས་པ་ནི་རྡོ་རྗེ་པདྨ་ལ་མྱུར་བར་བྱུག་ཅིང་རེག་པ་ལ་སོགས་པར་འགྱུར་བ ་མ་བྱུག་པ་ཞེས་བྱའོ། །བསྔགས་ལ་ལྕེ་འོག་ཅེས་བྱ་སྟེ། ཞེས་པ་ནི་པདྨའི་འོག་གི་ཆ་ལ་ལྕེས་བལྡག་པ་དེ་ལ་ལྕེ་འོག་ཅེས་བྱའོ། །སོ་ལ་བཟའ་བ་ཞེས་པ་ལ་སོགས་པ་ནི་གོ་སླའོ། །འདི་དག་བཤད་དོ་ལག་ཆེན་པོ་ཞེས་པ་ལ་འདི་དག་ནི་དགོངས ་པས་བཤད་པའོ། །ལག་ཆེན་པོ་ཞེས་པ་ནི་ལག་ནི་རྡོ་རྗེ་འཁོད་བའོ། །ཤིན་ཏུ་ཕྲེང་ཅན་མ་ཞེས་པ་ལ་སོགས་པ་ནས་གྲགས་མཐོང་མ་ཞེས་པའི་མཐར་ཐུག་པའི་རྣལ་འབྱོར་མ་ཉི་ཤུ་རྩ་བཞི་དང། ཧེ་རུ་ཀ་དང་བཅས་པའི་དཀྱིལ་འཁོར་ཉི་ཤུ་རྩ་ལྔའི ་རྣམ་ཡང་དག་པ་ནི་དགོངས་པས་བཤད་པའི་བརྡའི་ཚིག་ཅེས་པའི་ཐ་ཚིག་གོ་།འཇིག་རྟེན་གསུམ་ཞེས་པ་ལ་སོགས་པ་ནི་གོ་སླའོ། །ས་བཅུའི་ནང་གི་སྦྱར་བར་བཤད་པར་བྱ་སྟེ། ཉེ་བདུན་གྲོང་མཛའ་ལྷན་ཅིག་།ཅེས་པ་ནི་འདུས་དང་ཉེ་བའི་འདུན ་པ་ནི་འདོད་པའི་འདུན་པ་ཞེས་པའི་དོན་ཏོ། །དེ་གང་ཞེ་ན་ཧཾ་ངོ། །ལྷན་ཅིག་ཅེས་པ་ནི། བདུད་རྩིའི་རང་བཞིན་གྱི་ཟླ་ཚེས་དང་ཐིག་ལེ་དང་ཧ་ར་ལྡན་པ་ནི་ཏཾ་ཞེས་པའི་ཐ་ཚིག་གོ་།འདུས་པའི་ཕྱིར་རོལ་ཞེས་གསུངས་ཞེས་པ་ནི། ཕྱི་རོལ་གྱི་དབང་པོ ་རྣམས་དཀྱིལ་འཁོར་གྱི་གཟུགས་ཀྱིས་གང་དུ་འདུས་པ་ཞེས་བརྗོད་པར་འགྱུར་རོ། །ཉེ་བའི་འདུས་པ་ཞེས་པ་ནི། སྤྲུལ་པའི་འཁོར་ལོར་གང་ཕུང་པོ་ལ་སོགས་པ་ཐམས་ཅད་འདུས་པ་དེ་ནི། ཉེ་བའི་འདུས་པ་ཞེས་བྱའོ། །ནང་དེ་བཞིན་ཞེས་པ་ནི། དེ་བཞིན ་ཉིད་ཀྱི་ཆོས་འབྱུང་དུ། ཨའི་ཐིག་ལེའི་ནང་གི་དབུས་སུ་སེམས་དགོད་པ་ནི་ནང་དེ་བཞིན་ཞེས་བྱའོ། །གནས་ལ་འབྲས་བུ་ཞེས་སུ་གསུངས། ཞེས་པ་ནི་སྤྲུལ་པ་དང་ཆོས་དང་ལོང་སྤྱོད་དང་བདེ་བ་ཆེན་པོ་རྣམས་ལ་གནས་སུ་གསུངས་སོ། ་ཉེ་བའི་གནས་ལ་ཤིང་ཉིད་དོ། །ཞེས་པ་ནི་འཁོར་ལོའི་དབུས་སུ་ཨ་བ་དྷ་ཏཱི་ཤིང་གི་གཟུགས་སུ་གནས་པ་ནི་ཉེ་བའི་གནས་སུ་དགོངས་སོ། །གྲོང་མཛའ་ལ་ནི་ས་བོན་གསུངས། ཞེས་པ་ནི་ཨ་དང་ཧཱུཾ་དང་ཧི་རྣམས་ས་བོན་གྱི་གཟུགས་འཁོར་ལོའི་དབུས ་སུ་གནས་པ་ལ་གྲོང་མཛའ་ལ་ནི་ས་བོན་གསུངས་ཞེས་བྱའོ། །ཉེ་བའི་གྲོང་མཛའ་མྱུ་གུའོ། །ཞེས་པ་ནི་བྱ་གདོང་གི་ཁོང་སྟོང་གི་མྱུ་གུ་ནི་གྲོང་མཛའ་སྟེ། དེས་ན་མྱུ་གུ་སྟེ་བྱ་གདོང་ལ་གྲོང་མཛའ་ཞེས་བྱའོ། །ཚོགས་པ་ལ་ནི་སྡོང་བུར་གསུངས་ཞེས་པ ་ལ། སྡོང་བུ་ཨ་བོ་དྷཱུ་ཏཱི་སྟེ། གནས་དེར་བྱང་ཆུབ་ཀྱི་སེམས་ཀྱི་ཐིག་ལེའི་ཚོགས་འགྲོ་བ་སྟེ། དེས་ན་ཚོགས་པ་ལ་ནི་སྡོང་བུ་ཞེས་བྱའོ། །གཅིག་བུ་ལ་ནི་འདབ་མར་གསུངས་ཞེས་པ་ནི། བདེ་བ་ཆེན་པོ་གཅིག་པུ་ཉིད་ཀྱིས་སྡིག་པ་དང་དམྱལ་བ་ལས་སྐྱོབ ་པས་ན་འདབ་མ་སྟེ། དེས་ན་གཅིག་བུ་ལ་འདབ་མ་ཞེས་བྱའོ། །སྟོང་པ་ལ་ནི་རྩ་བའོ་ཞེས་པ་ལ། སྟོང་པ་ཞེས་པ་ནི་ཤེས་རབ་ཀྱི་རང་བཞིན་ནོ། །རྩ་བ་ཞེས་པ་ནི་མདུད་པ་གསུམ་གྱི་རྩ་བ་སྟེ་གཞི་ཞེས་པའི་དོན་ཏོ། །དེས་ན་སྟོང་པ་ལ་རྩ་བ་ཞེས ་བྱའོ། །དེ་ལྟར་ས་བཅུ་ལ་སོགས་པས་བཤད་པར་རིག་པར་བྱའོ། །དེ་ལྟར་དགོངས་པས་བཤད་ཅེས་བྱ་བ་ལ་སོགས་པ་ནི་གོ་སླའོ། །ཀྱེ་ལགས་ཞེས་པ་ནི་བོད་བའོ། །གྲོགས་མོ་ཞེས་པ་ནི་བཤེས་མོ་ཞེས་པའོ། །འགྲོ་ཀུན་གང་ཞེས་པ་ནི་གང་གིས་བདེ་བ ་དང་བྲལ་ན་འགྲོ་བ་མཛའ་དག་ལ་ཐབས་མེད་ཅེས་པའོ། །མཛའ་དག་དྲི་མ་མེད་པ་ཞེས་པ་ནི་སྟོང་པ་ཉིད་མ་གཏོགས་པར་བརྫན་བརྫུན་མཛའ་དག་ཅི་ཡང་མ་ཡིན་ནོ། །ཞེས་པའི་དོན་ཏོ། །བལྟ་དང་བྲལ་བ་སྐྱེ་བོ་ལྟོས། །ཞེས་པ་ནི་བལྟ་བར་བྱ་བ་དང ་བྲལ་བ་ལ་སྐྱེ་བོ་ལྟོས་ཤིག་པ་སྟེ། འགྲོ་བ་མཛའ་དག་གིས་སྟོང་པ་ཉིད་དུ་ལྟོས་ཤིག་ཅེས་པའི་དོན་ཏོ། །གསོག་གསོབ་རང་བཞིན་བརྫུན་སླུ་བ་ཞེས་པ་ནི་གསོག་གསོབ་ཀྱི་སྔགས་ཀྱི་སྒྲ་དང་བྲལ་ན་སླུ་ཞིང་བརྫུན་པར་འགྱུར་ཞེས་པའི་དོན་ཏོ། །པད་རྩའི ་གྲིབ་མ་ལྟ་བུར་ལྟོས་ཞེས་པ་ནི་པདྨའི་རྩ་བའི་གྲིབ་མ་ལ་ངང་པ་ལྟ་བ་དེ་བཞིན་དུ་ལྷའི་རྣལ་འབྱོར་པད་རྩའི་གྲིབ་མ་ལྟ་བུ་དང། སྒྱུ་མ་ལྟ་བུར་བསྒོམ་པར་བྱའོ། །བལྟ་བར་བྱ་བ་གང་ཞེ་ན། དེ་ཉིད་གསུངས་པ་དབང་པོ་ལྔ་ནི་སྒྱུ་འདྲ་ཞིང་ཞེས་པ་ལ ་དབང་པོ་ལྔ་ནི་སྒྱུ་མ་ལྟ་བུ་དང་རྨི་ལམ་ལྟ་བུར་བསྒོམ་པར་བྱའོ། །ལྔ་ཕུང་དག་པའི་རང་བཞིན་ཞེས་པ་ནི་ཕུང་པོ་ལྔ་མངོན་པར་རྫོགས་པར་སངས་རྒྱས་ཀྱི་གཞན་ནི་སངས་རྒྱས་པར་འགྱུར་བ་མ་ཡིན་ནོ་ཞེས་བྱའོ། །རྣལ་འབྱོར་འདི་ནི་བསྒོམས ་པས་འགྲུབ་ཅེས་པ་ནི་ཕུང་པོ་ལྔ་པོ་འདི་ནི་རྣལ་འབྱོར་བསྒོམས་པས་བསམ་གཏན་གྱི་རང་བཞིན་འགྲུབ་པར་འགྱུར་རོ། །ཞེས་པའི་དོན་ཏོ། །འོའི་སྒྲ་ནི་ལེའུ་རྫོགས་པའི་དོན་ཏོ། །སངས་རྒྱས་ཐོད་པའི་རྒྱུད་ལས་སྨན་བཟང་པོ་དང་དགོངས་པས་བཤད ་པའི་ལེའུ་སྟེ་ལྔ་པའོ།། །།དེ་ནས་ཞེས་པ་ནི་སྨན་བཟང་པོ་དང་དགོངས་པས་བཤད་པའི་རྗེས་ཐོགས་སུའོ། །རབ་བཤད་པ་ཞེས་པ་ནི་བསྟན་པའོ། །ཅི་ཞེ་ན་དཀྱིལ་འཁོར་འཇིགས་པའོ། །དཀྱིལ་འཁོར་ཞེས་པ་ལ་དཀྱིལ་ནི་སྙིང་པོའོ། །འཁོར ་ནི་ལེན་པ་སྟེ། དཀྱིལ་འཁོར་རོ། །མཆོག་བཟང་ཞེས་པ་ལ་མཆོག་ནི་སྙིང་པོའོ། །བཟང་པོ་ནི་ཕུལ་དུ་བྱུང་བ་སྟེ། བཤད་ཅེས་སྦྱར་རོ། །ཤེས་རབ་ཐབས་ཀྱི་སྒྲུབ་པ་ཡིས་ཞེས་པ་ནི་རྡོ་རྗེ་དང་པདྨ་དག་གི་སྦྱོར་བས་དེ་ཁོ་ན་ཉིད་བཤད་པའོ། ། ་གང་གིས་སློབ་མ་དབང་བསྐུར་བར་ཞེས་པ་ནི། གང་གིས་སློབ་མ་བཀྲུས་ཤིང་དབང་བསྐུར་ཞེས་པའི་ཐ་ཚིག་གོ་།ཤེས་རབ་པདྨའི་ནང་དབུས་སུ་ཞེས་པ་ནི། ཤེས་རབ་ཀྱི་ཆོས་འབྱུང་གི་ནང་དུ་ཆུད་པའི་དཀྱིལ་འཁོར་དེའི་གནས་སུ་སློབ་མ ་དབང་བསྐུར་ཞེས་པའི་དོན་ཏོ། །དཔག་ཚད་བྱེ་བའི་དཀྱིལ་འཁོར་ལ་ཞེས་པ་ལ། ཀོ་ཊི་ཞེས་པ་ནི་སློབ་སྟེ་མདུད་པའི་གནས་སོ། །ཡོ་ཛ་ན་ནི་ཞེས་པ་ནི་དེར་སེམས་སྦྱོར་བར་བྱེད་པས་ན་ཡོ་ཛ་ན་ནི་ཏེ་དཔག་ཚད་དོ། ། ་དཀྱིལ་འཁོར་ཞེས་པ་ལ་དཀྱིལ་ནི་སྙིང་པོའོ། །འཁོར་ནི་ལེན་པ་ཞེས་པའི་དོན་ཏོ། །སུམ་རྩེག་དག་པའི་བདག་ཉིད་ལུས་ཞེས་པ་ནི་ཆོས་འབྱུང་ཁོང་སྟོང་དང་ཟེ་འབྲུར་བཅས་པ་ནི་སུམ་རྩེག་སྟེ། རྣམ་པར་དག་པའི་ལྷ་དང་ལྡན་ཞེས་པའི་ཐ་ཚིག་གོ། འཁོར ་བའི་འཇིགས་པ་ལས་སྐྱོབ་པ་ཞེས་པ་ལ་འཇིགས་པ་ནི་འཇིགས་པར་བྱེད་པ་སྟེ། འཁོར་བ་ལས་སྒྲོལ་བར་བྱེད་པས་ན་སྐྱོབ་པའོ། །དཀྱིལ་འཁོར་དེའི་དབུས་གནས་པར་ཞེས་པ་ནི་དེའི་དཀྱིལ་འཁོར་དེའི་སར་གནས་ཏེ། ལྷའི་དེ་ཁོ་ན་ཉིད་ལྷན་ཅིག ་སྐྱེས་པའི་ཡེ་ཤེས་སྟོན་པའོ། །མཁས་པས་སློབ་མ་བཟང་དབང་བསྐུར་ཞེས་པ་ནི་བླ་མ་ལ་གུས་པའི་སློབ་མ་ལ་དེར་དབང་བསྐུར་ཞེས་པའི་ཐ་ཚིག་གོ་།ཕྱིའི་དཀྱིལ་འཁོར་བྱ་བ་མིན་ཞེས་པ་ལ་ཕྱིའི་དཀྱིལ་འཁོར་བྱས་ནས་ནི་བྱང་ཆུབ་ལས་རིང་བར ་འགྱུར་ཞེས་པའི་དོན་ཏོ། །ཇི་ལྟར་ཞེ་ན་དཀྱིལ་འཁོར་དུ་རྡུལ་ཚོན་གྱིས་བྲི་བ་བྱས་ནས་སླར་འཇིག་པར་བྱས་པས་སོ། །ལྷ་རྣམས་བཤིག་པ་ཙམ་གྱིས་ནི། སྡིག་པ་ཆེན་པོ་སྐྱེ་བར་འགྱུར། ཞེས་གསུངས་པ་དེའི་ཕྱིར། ཕྱིའི་དཀྱིལ་འཁོར ་མི་བྱ་ཞིང་ནང་གི་དཀྱིལ་འཁོར་དུ་དབང་བསྐུར་བར་བྱ་ཞེས་པའི་ཐ་ཚིག་གོ་།དེ་ལྟར་ཡང་ལུས་ཀྱི་དེ་ཉིད་མི་ཤེས་པའི་རྣལ་འབྱོར་ཕྱིའི་སྦྱོར་དགའ་བ། ཆོས་ཀྱི་ཕུང་པོ་བརྒྱད་ཁྲི་དང། །བཞི་སྟོང་ལ་ནི་འབྲས་བུ་མེད་ཅེས་གསུངས་སོ། །དེ་ཉིད ་ཀྱིས་ན་ནང་གི་རྣལ་འབྱོར་ནི་མཆོག་ཏུ་འགྱུར་རོ། །གང་གིས་སྤྱན་དྲངས་ཤིང་ཞེས་པ་ནི་གང་གིས་སྤྱན་དྲངས་པའི་དེ་བཞིན་གཤེགས་པའི་དེ་ཉིད་ལུས་ལ་གནས་པ་ཡིན་ནོ། །གང་གིས་གཤེགས་སུ་གསོལ། །ཞེས་པ་ནི་ཡང་དེ་ཉིད་ན ་གནས་པ་ཡིན་ནོ། །གང་ནའང་བཞུགས་པའང་མ་ཡིན་ནོ། །ཞེས་པ་ནི་གནས་གང་ནའང་མི་གནས་ཏེ་རང་གི་སེམས་ཉིད་ལ་གནས་ཞེས་པའི་ཐ་ཚིག་གོ་།ལོ་བཅུ་གཉིས་པའི་བུ་མོ་ཞེས་པ་དབྱངས་ཡིག་བཅུ་གཉིས་ཀྱི་རང་བཞིན་གྱི་ཤེས་རབ་མ་ལོ་བཅུ་གཉིས ་མའོ། །ཀ་ན་བདེ་བའོ། །ནྱ་ནི་འདྲེན་པ་སྟེ་དགའ་བ་ལ་སོགས་པ་རིམ་བཞིན་དུ་སྐྱེད་པར་བྱེད་པས་ན་ཀ་ནྱ་སྟེ་བུ་མོའོ། །ཚུལ་ཁྲིམས་མ་ཉམས་པ་ཞེས་པ་ནས་དུལ་ཞེས་པའི་བར་གྱི་ཡོན་ཏན་བཅུ་གཉིས་དང་ལྡན་པ་ནི་དེ་བཞིན་གཤེགས་པ་རྣམས ་ཀྱིས་བསྟོང་ཅེས་པའི་ཐ་ཚིག་གོ་།དེ་ནས་ཞེས་པ་ནི་གོ་སླའོ། །དེ་རྣམས་ལ་ནི་དེ་ཉིད་བཤད་ཅེས་པ་ནི་སློབ་མ་གུས་པ་དེ་རྣམས་ལ་དེ་ཁོ་ན་ཉིད་བཤད་ཅིང་བསྟན་ཞེས་པའི་ཐ་ཚིག་གོ་།གསང་བ་ཕྱིའི་ལྔ་དང་ནི་ཞེས་པ་ལ་གསང་བ་ནི་གསང་བའི་དབང་ངོ།། ་ལྔ་ནི་ཕྱིའི་དབང་ཞེས་པའི་ཐ་ཚིག་གོ་།བདུན་དང་བཅུ་བཞི་བཤད་པ་དང། ཞེས་པ་ལ། བདུན་ནི་དབང་བདུན་ཏེ་སློབ་དཔོན་གྱི་དབང་ཞེས་པའི་དོན་ཏོ། །བཅུ་བཞི་ཞེས་པ་ནི་དེ་ཁོ་ན་ཉིད་བཅུ་བཞི་རྣམ་པར་དག་པའི་དབང་དག་གོ་།གཉིས་གཅིག ་ཏུ་འདུས་པ་ཞེས་པ་ལ། གཉི་ག་ནི་ཤེས་རབ་དང་ཡེ་ཤེས་སོ། །འདུས་པ་ཞེས་པ་ནི་བསྲེས་ན་བཅུ་བཞིར་འགྱུར་ཞེས་པའི་དོན་ཏོ། །གང་དུ་དེ་ཁོ་ན་ཉིད་བཤད་སྙམ་པ་ལ་དེ་ཉིད་གསུངས་པ། གསང་བའི་དེ་ཉིད་བཤད་པར་བྱ་ཞེས་པ་ལ་གསང ་བ་ནི་བདེ་བ་ཆེན་པོའི་གནས་སོ། །དེར་དེ་ཁོ་ན་ཉིད་བཤད་ཅིང་བསྟན་ཞེས་པའོ། །སུ་ལ་ཞེ་ན། སློབ་མ་ལ་ཞེས་པའི་དོན་ཏོ། །ཁ་ཅིག་གི་གཞུང་གིས་ནི་གསང་བའི་སྤྲུལ་པའི་འཁོར་ལོའི་མདུད་པ་མཚོན་པར་བྱ་བར་བཤད་དོ། །དེ་ཡང་བཞི་མདོ ་མཚན་གཅིག་ཆུ་བོའི་འགྲམ། དེར་ནི་རི་ཁྲོད་གནས་བྱས་པ། །གདོང་ལྔ་པ་ནི་གཟུང་མི་ནུས། །གླང་ཆེན་མཆོག་ཀྱང་རིང་བར་བསམ། །ཞེས་གསུངས་པ་དང། ཡང་གང་དུ་ཡིད་རླུང་རྒྱུ་མེད་པས། །ཉི་མའི་འོད་ཟེར་འཇུག་པ་མེད། བླ་མས ་བཤད་པའི་མན་ངག་གིས། །དེར་ནི་སྒྲུབ་པའི་སེམས་ངལ་བསོས། །ཞེས་གསུངས་སོ། །སློབ་མ་ལེགས་དང་ལྡན་ཞེས་པ་ལ་སོགས་པ་ནི་གོ་སླའོ། །སློབ་མ་གསོལ་བ་གདབས་པའི་ཚིགས་བཅད་གསུངས་པ། འཁོར་བ ་ཞེས་བྱ་བ་ལ་སོགས་པ་ནས་མགོན་པོ་ཞེས་པའི་མཐར་ཐུག་པ་ནི་གསོལ་བ་འདེབས་པའི་ཚིགས་བཤད་དེ། །དེ་ལྟར་ཞེས་བྱ་བ་ལ་སོགས་པ་ནི་གོ་སླའོ། །མན་ངག་འདིའི་ཆ་དག་ནི། གླེགས་བམ་རྣམས་ལས་སྤྱོད་ཡུལ་མ་ནི་ཞེས་པ་ལ། དེ ་ཁོ་ན་ཉིད་འདི་ནི་གླེགས་བམ་ལ་མ་བྲིས་སོ། །འོ་ན་གང་ལས་ཤེ་ན། བླ་མའི་ཁ་ལས་ཤེས་པར་བྱ་ཞེས་པའི་ཐ་ཚིག་གོ་།དཀྱིལ་འཁོར་གང་ལ་གང་གིས་བརྒྱན། །ཞེས་པ་ནི་དཀྱིལ་འཁོར་གང་ལ་ལྷ་གང་གིས་བརྒྱན་ཏེ། བཅོམ་ལྡན་འདས་ཀྱི ་ཐུགས་ཀྱི་རང་བཞིན་གྱིས་བརྒྱན་ཞེས་པའི་ཐ་ཚིག་གོ་།དེ་ཉིད་ཀྱིས་ན་ཕྱིའི་དཀྱིལ་འཁོར་བྲི་བར་བྱའོ། །མཚན་མའི་དོན་གཞན་གར་བཀོད་ཀྱེ། ཞེས་པ་ལ་མཚན་མ་ནི་རྡོ་རྗེ་ལ་སོགས་པའོ། །དོན་གཞན་ཞེས་པ་ནི་དོན་གཞན་དུ་འགྱུར ་བའོ། །གར་བཀོད་ཅེས་པ་ནི་གནས་གང་དུ་བཀོད་ཅེས་པའི་ཐ་ཚིག་གོ་།ཀྱེ་ཞེས་པ་ནི་བོང་བའོ། །སུ་ཡིས་སངས་རྒྱས་ཅན་དྲངས་ཀྱེ་ཞེས་པ་ལ། སུ་ཡིས་ཞེས་པ་ནི་གང་གིས་ཞེས་པའི་དོན་ཏོ། །སངས་རྒྱས་སྤྱན་དྲངས་ཞེས་པ་ནི་སངས ་རྒྱས་ཀྱི་སྐུ་སྟེ། སངས་རྒྱས་ཀྱི་ལུས་སྤྱན་དྲངས་པའོ། །གང་གིས་སྤྱན་དྲངས་ཤེ་ན་སེམས་ཀྱིས་ཞེས་པའི་ཐ་ཚིག་གོ་།འགྲོ་བ་བརྫུན་པའི་སོམ་ཉིར་ལྷུང་ཞེས་པ་ནི། བརྫུན་གྱི་དྲ་བ་སྟེ། མིག་འཕྲུལ་ལྟ་བུ་ལ་འགྲོ་བ་རྣམས་ཐེ་སོམ ་སྐྱེས་པའོ། །དེ་ཉིད་ཀྱིས་ན་ཐམས་ཅད་བརྫུན་བཞིན་མིག་འཕྲུལ་ལྟ་བུའོ། །དེ་ལྟ་བུ་མཐོང་ནས་མཐོང་འགྲོ་བ་རྣམས་ཐེ་ཚོམ་སྐྱེས་ཞེས་པའི་དོན་ཏོ། །མཛའ་དག་སྟོང་པ་གོས་མེད་ཀྱེ། ཞེས་པ་ནི་མཛའ་དག་སྟོང་པ་ལ་དྲོ་མས་སྔགས་པ ་དང་བྲལ་བས་ན་གོས་པ་མེད་པའོ། །ཀྱེ་ཞེས་པ་ནི་བོད་པའོ། །དེས་ན་ཐམས་ཅད་སྟོང་པ་ཉིད་དྲི་མ་མེད་པའི་རང་བཞིན་ཞེས་པའི་ཐ་ཚིག་གོ་།ཆུ་ནང་ཟླ་བ་ཅི་འདྲ་བ་ཞེས་པ་ནི་ཆུའི་ནང་གི་ཟླ་བ་ཅི་འདྲ་བ་དེ་ལྟར་དཀྱིལ་འཁོར་གྱི་འཁོར་ལོ་ཞེས་པའི ་དོན་ཏོ། །དེ་འདྲའི་དཀྱིལ་འཁོར་བར་དབུས་ཞེས་པ་ནི་དེ་དང་འདྲ་བ་པདྨའི་དཀྱིལ་འཁོར་ལ་གནས་པ་སྟེ། ཆོས་ཀྱི་འབྱུང་གནས་ཀྱི་ནང་དུ་ཆུད་པའི་ཆུའི་ཟླ་བ་ལྟ་བུ་སྟེ། ཧེ་རུ་ཀའི་དཀྱིལ་འཁོར་ཞེས་པའི་དོན་ཏོ། །ཀྱེ་ལགས་རྣལ་འབྱོར་མ་ཆགས་ལྟོས་ཞེས་པ ་ནི་པདྨའི་ནང་དེར་རྩའི་གཟུགས་ཀྱི་རྣལ་འབྱོར་མའི་ཚོགས་ལྟོས་ཞེས་པའི་དོན་ཏོ། །དེར་ནི་ཧེ་རུ་ཀ་གཅིག་དང་ཞེས་པ་ནི་དེར་ཧེ་རུ་ཀ་གཅིག་པུ་འབའ་ཞིག་བྱང་ཆུབ་ཀྱི་སེམས་ཀྱི་རང་བཞིན་དུ་བལྟ་ཞེས་པའི་ཐ་ཚིག་གོ་།ཐམས་ཅད་བསྐྱེད་པར་བྱེད་ ་ཅེས་པ་ནི། ཐམས་ཅད་བསྐྱེད་པའི་གནས་ཞེས་པའི་ཐ་ཚིག་གོ་།འགྲོ་ཀུན་རྨི་ལམ་སླུ་བ་ཞེས་པ་ནི་ཇི་ལྟར་རྨི་ལམ་དུ་བུད་མེད་བཟང་མོ་དང་སྦྱོར་བ་མཐོང་བ་དེ་ལྟར་ཐམས་ཅད་བལྟ་བར་བྱ་སྟེ། འགྲོ་བ་མཛའ་དག་རྨི་ལམ་གྱིས་བསླུ་ཞེས་པའི ་དོན་ཏོ། །གཏི་མུག་ལས་ནི་བསྐྱེད་པ་ལྟོས་ཞེས་པ་ནི་གཏི་མུག་ལས་སྐྱེས་པ་ལྟོས་ཤིག་པ་སྟེ། གཏི་མུག་ལས་རྣམ་པར་རྟོག་པ་ཐམས་ཅད་བསྐྱེད་ཅེས་པའི་ཐ་ཚིག་གོ་།ལྟོས་ཞེས་པ་ནི་ཕྱག་ན་རྡོ་རྗེ་ལ་སྣ་ཚོགས་སྡེ་མས་བོད་པའོ། །སངས་རྒྱས ་ཐོད་པ་ཞེས་པ་ནི་བཤད་ཟིན་ཏོ།། །།དཀྱིལ་འཁོར་འཇིགས་པ་ཞེས་པ་ནི་རྣམ་པར་རྟོག་པ་འཇིག་པར་བྱེད་པའི་དཀྱིལ་འཁོར་འདིར་དབང་བསྐུར་བར་བྱ་བ་སྟེ། དེའི་ལེའུ་ནི་དྲུག་པའོ།། །།ད་ནི་ཕྱིའི་དཀྱིལ་འཁོར་བྲི་བར་བྱ་སྟེ། ་དེ་ནས་ཞེས་པ་ནི་དབང་བསྐུར་བའི་དཀྱིལ་འཁོར་བསྟན་པའི་རྗེས་ཐོགས་སུའོ། །ལྷ་བསྐྱེད་པའི་དཀྱིལ་འཁོར་བསྟན་པར་བྱ། ཞེས་སྦྱར་རོ། །རིའི་ཕུག་དང་ཚང་ཚིང་ངམ་ཞེས་པ་ལ། བདེ་བ་ཆེན་པོ་མི་གཡོ་བའི་བདག་ཉིད་ཀྱིས་ན་རིའོ། །དམན་པའི ་སེམས་ཅན་རྣམས་ཀྱིས་གཏིང་དཔག་པར་མི་ནུས་པས་ན་ཕུག་གོ་།བདུད་རྩིའི་ཁུང་བུར་གྱུར་པས་ན་མཚང་ཚིང་ངོ། །ཡང་ན་དུར་ཁྲོད་དང་ནི་ཞེས་པ་ནི་སེམས་ཅན་ཐམས་ཅད་ཀྱི་རྒྱུད་མཉམ་པ་ཉིད་དུ་ལྷག་པར་གནས ་ཞེས་པའི་དོན་ཏོ། །གདོད་ནས་གྲུབ་པ་ཞེས་པ་ནི་རྟག་ཏུ་གྲུབ་པའི་ཡོངས་སུ་རྫོགས་པ་འཆར་བ་དང་ནུབ་པ་དང་བྲལ་བ། རྟག་ཏུ་ནམ་མཁའ་དང་མཉམ་པ་བདེ་བ་ཆེན་པོའི་རྣམ་པ་གང་དུ་ཉམས་སུ་མྱོང་བ་དེའི་རང་བཞིན་དུ་བྱ་ཞེས་སྦྱར་རོ། །རྒྱ ་མཚོའི་འགྲམ་ཞེས་པ་ནི་དེ་དང་ཡང་དག་པར་སྦྱོར་བའི་ཤེས་རབ་མའི་ཆུ་སྐྱེས་ནི་རྒྱ་མཚོའི་འགྲམ་མོ། །ཤེས་རབ་མ་གཅིག་གི་ཆོས་འབྱུང་ལ་ཡང་ཡོན་ཏན་ལྔ་དང་ལྡན་པར་གསུངས་སོ། །ཡང་ན་ཤེས་རབ་མ་ཡང་ལྔར་གསུངས་ཏེ། ་དེ་གང་ཞེ་ན། དེ་ཉིད་བཤད་པ། རི་པུག་ཅེས་པ་ནི། ལོ་བཅུ་གཅིག་མའོ། །ཚང་ཚིང་ཞེས་པ་ནི་ལོ་བཅུ་གཉིས་མའོ། །དུར་ཁྲོད་ཅེས་པ་ནི་ལོ་བཅུ་དྲུག་མའོ། །གདོད་ནས་གྲུབ་པ་ཞེས་པ་ནི་ལོ་ཉི་ཤུ་མའོ། །རྒྱ་མཚོའི་འགྲམ་ཞེས ་པ་ནི་ལོ་ཉི་ཤུ་རྩ་ལྔ་མའོ། །ལོ་བཅུ་གཅིག་མ་ནི་བཅུད་ཀྱིས་ལེན་པ་སྒྲུབ་པ་ལའོ། །ལོ་བཅུ་གཉིས་མ་ནི་ཤིན་ཏུ་ཆགས་པའི་དམ་ཚིག་གི་དོན་དུ་བསྟེན་ནོ། །ལོ་བཅུ་དྲུག་མ་དང་སྔགས་ལ་གོམས་ཕར་བྱའོ། །ལོ་ཉི་ཤུ་མ་དང་ནམ་མཁའ་ལ ་འགྲོ་བ་སྒྲུབ་པོ། །ལོ་ཉི་ཤུ་རྩ་ལྔ་མ་ནི་དབང་བསྐུར་བའི་དོན་དུའོ། །ཞེས་པ་འདི་དག་ཐམས་ཅད་བཤད་དོ། །ཕྱིའི་དཀྱིལ་འཁོར་ཞེས་པ་ལ་སོགས་པ་ནི་གོ་སླའོ། །ཕོ་བྲང་རིམ་གསུམ་ཟླུམ་པོ་ལ། ཞེས་པ་ནི་གཞལ་ཡས་ཁང་གི ་ནང་དུ་རིམ་པ་གསུམ་པ་རྡོ་རྗེའི་ཕྲེང་བས་བསྐོར་བའི་འཁོར་ལོ་བྲི་ཞེས་པའི་ཐ་ཚིག་གོ་།རྡོ་རྗེ་གསུམ་གྱིས་ཡོངས་སུ་བསྐོར་ཞེས་པ་ནི་རྩེ་གསུམ་པའི་རྡོ་རྗེ་ནག་པོས་བསྐོར་ཞེས་པའི་ཐ་ཚིག་གོ་།ཕྱི་རོལ་གྲུ་བཞི་ལྷམ་པ། ཞེས་པ་ནི་རྡོ་རྗེ་ཕྲེང ་བའི་ཕྱི་རོལ་ཏུ་གྲུ་བཞི་ལྷམ་པ་ཞེས་པའི་དོན་ཏོ། །སྒོ་བཞི་ཞེས་པ་ལ་སོགས་པ་ནི་གོ་སླའོ། །པདྨ་ཉི་མ་ཉི་ཤུ་ལྔའི་ཞེས་པ་ནི་འཁོར་ལོའི་དབུས་སུ་ཉི་མའི་གདན་ལྔའོ། །དེའི་ཕྱི་རོལ་དུ་ཉི་མའི་གདན་བརྒྱད་དོ། །དེའི་ཕྱི་རོལ་དུ་ཡང་ཉི་མའི་གདན ་བརྒྱད་དོ། །སྒོ་བཞིར་ནི་ཉི་མའི་གདན་བཞི་དགོད་དོ། །དེའི་དབུས་ཆུད་ས་བོན་ནི་ཞེས་པ་ནི་འཁོར་ལོའི་དབུས་ཀྱི་ཉི་མའི་སྟེང་དུ་ཧཱུཾ་བསམ་པ་སྟེ། བཅོམ་ལྡན་འདས་ཧེ་རུ་ཀའི་ས་བོན་ཧཱུཾ་དང་ཕྲེང་བཟངས་མ་ལ་སོགས་པའི་ལྷ་མོ་རྣམས་སྒོ་ང་ལས ་སྐྱེ་བའི་རིམ་པས་ཀ་ལ་སོགས་པའི་ཉི་ཤུ་རྩ་བཞི་ས་བོན་དུ་འགྱུར་ཞེས་པའི་ཐ་ཚིག་གོ་།སྐད་ཅིག་ཙམ་གྱིས་ཞེས་པ་ལ་སྐད་ཅིག་སྟེ། མྱུར་བར་རྫུས་ཏེ་སྐྱེ་བའི་རིམ་པས་བཅོམ་ལྡན་འདས་བསྐྱེད་པའི་ཚེ་ལྷ་ཐམས་ཅད་བསྐྱེད་པར་འགྱུར་ཞེས ་པའི་དོན་ཏོ། །བཅོམ་ལྡན་འདས་ཀྱི་ཕྱག་མཚན་གསུངས་པ། གཡས་ན་ཅང་ཏེའུ་དང་གྲི་གུག་གོ་།གཡོན་ན་ཁ་ཊཝཱི་ག་དང་ཐོད་པ་སྟེ། ཞལ་གཅིག་ཕྱག་བཞིར་འགྱུར། ཞེས་པའི་ཐ་ཚིག་གོ་།སྐྱིལ་ཀྲུང་བྱེད་པ་ཞེས་པ་ལ་སོགས་པའི་ཡོན་ཏན་ཉི་ཤུ ་རྩ་བཞི་དང་ལྡན་པའི་བཅོམ་ལྡན་འདས་བསྒོམ་ཞེས་པའི་དོན་ཏོ། །རྣལ་འབྱོར་མ་ཉི་ཤུ་རྩ་བཞི་ནི་སྐུ་མདོག་སྔོན་མོ་ཤིན་ཏུ་འཇིགས་པའི་གཟུགས་ཅན་ཐམས་ཅད་ཞལ་གཅིག་ཕྱག་གཉིས་མའོ། །ཐོད་པ་འཆང་ཞེས་པ་ནི་རྣལ་འབྱོར་མ་ལས ་རྣམས་ཀྱི་གཡོན་ན་ཐོད་པ་གཡས་ན་གྲི་གུག་མན་ངག་ལས་ཤེས་པར་བྱའོ། །ད་ནི་རྣལ་འབྱོར་མ་རྣམས་ཀྱི་མིང་རབ་ཏུ་བཤད་དེ་ཕྲེང་བཟངས་མ་དང། འདོད་ཅན་མ་དང། འཇིགས་མ་དང། ཐུབ་དཀའ་མ་རྣམས་ཀྱི་ནི་བཅོམ་ལྡན་འདས་ཀྱི་ཕྱོགས ་བཞིར་གནས་པའི་རྣལ་འབྱོར་མ་བཞིའོ། །དགེ་བའི་སྐ་རགས་ཅན་མ་དང། གཟུགས་ཅན་མ་དང། རྣམ་རྒྱལ་མ་དང། འབྱུང་གནས་མ་དང། ཐོད་པ་ཅན་མ་དང། མཚོ་ཆེན་མ་དང། བྱེད་མ་དང། གསོར་མ་སྟེ། རྣལ་འབྱོར་མ་འདི་རྣམས ་ནི་རིམ་པ་གཉིས་པའི་ཕྱོགས་དང་མཚམས་སུ་གནས་པའོ། །སྒྲོལ་བྱེད་མ་དང། འཇིགས་མ་དང། མཐོང་མ་དང། མི་འཕམ་མ་དང། དགེ་མ་དང། འཛུར་བྱེད་མ་དང། དུས་མཚན་མ་དང། གྲགས་ཆེན་མ་རྣམས་ནི ་རིམ་པ་གསུམ་པར་ཕྱོགས་དང་མཚམས་སུ་གནས་པའོ། །མཛེས་སྡུག་མ་དང། ནོར་འཛིན་མ་དང། སྐལ་བཟངས་མ་དང། གྲགས་མཐོང་མ་རྣམས་ནི་སྒོ་ན་གནས་པའི་རྣལ་འབྱོར་མའོ། །དེ་དབུས་གནས་པའི་རྣལ་འབྱོར་མ་ཧེ་རུ་ཀ་ལ་བདེ ་སྟེར་མ་ཞེས་པ་ལ་སྣ་ཚོགས་སྡེ་མ་དེ་ནི་གཡོན་ན་ཐོད་པ་འཛིན་ཅིང་གཡས་ན་གྲི་གུག་འཆང་བ་སྟེ་ཧེ་རུ་ཀ་དང་འདྲ་བའོ། །ལྷག་མ་ནི་གོ་སླའོ། །ཞལ་ནས་ཁྲག་ནི་འཐོར་བྱེད་མ་ཞེས་པ་ནི་བཅོམ་ལྡན་འདས་ཀྱི་གཟུགས་ཅན་བཅོམ་ལྡན་འདས ་མ་ཞེས་པའི་དོན་ཏོ། །དཀར་མོ་ཞེས་པ་ནི་དབུས་ཀྱི་འདབ་མ་ལ་གནས་པའི་རྣལ་འབྱོར་མ་བཞི་ནི་དཀར་མོ་ཞེས་པའི་ཐ་ཚིག་གོ་།རིམ་པ་གཉིས་པ་ན་གནས་པ་ཐམས་ཅད་ནི་མདོག་སྔོན་མོ་ཞེས་པའི་དོན་ཏོ། །ལྗང་གུ་ཞེས་པ་ནི་སྒོ་ན་གནས ་པའི་རྣལ་འབྱོར་མ་བཞི་ནི་མདོག་ལྗང་གུའོ། །ཞེས་པའི་ཐ་ཚིག་གོ་།ཐམས་ཅད་ཁུ་བར་ལྡན་གྱུར་མ་ཞེས་པ་ལ་རྣལ་འབྱོར་མ་དེ་རྣམས་ཤིན་ཏུ་ཆགས་པས་ཁུ་བ་དང་ལྡན་པར་འགྱུར་ཞེས་པའི་ཐ་ཚིག་གོ་།ལྷའི་དཀྱིལ་འཁོར་བསྐྱེད་པ་ནི། ཞེས ་པ་ལ་སོགས་པ་ནི་གོ་སླའོ། །གཙོ་བོ་ལས་གཞན་ཐ་དད་གཟུགས་ཞེས་པ་ནི་ཧེ་རུ་ཀ་དང་ཉེ་བ་ན་གནས་པའི་རྣལ་འབྱོར་མ་རྣམས་ནི་མདོག་དཀར་མོ་ཞེས་པའི་ཐ་ཚིག་གོ་།རྣལ་འབྱོར་མ་ཀུན་དེ་དང་འདྲ། ཞེས་པ་ནི་རིམ་པ་གཉིས་པ་ན ་གནས་པའི་རྣལ་འབྱོར་མ་རྣམས་མདོག་ནག་མོ་སྟེ་གཙོ་བོའི་མདོག་དང་འདྲ་ཞེས་པའི་ཐ་ཚིག་གོ་།དེ་ལྟར་ཧེ་རུ་ཀ་མགོན་པོས། །རྣལ་འབྱོར་མ་ཀུན་སྤྱད་པར་བྱ་ཞེས་པ་ནི་ཕྲེད་བཟད་མ་ལ་སོགས་པ་ཐམས་ཅད་སྤྱད་ཅིང་དགའ་བར་བྱས་པས་ཉི ་མའི་དཀྱིལ་འཁོར་གྱི་སྟེང་དུ་ཞུ་བའི་གཟུགས་ཏེ་བྱང་ཆུབ་ཀྱི་སེམས་ཀྱི་གཟུགས་སུ་གནས། ཞེས་པའི་ཐ་ཚིག་གོ་།འདིས་ནི་མངལ་ནས་སྐྱེ་བའི་རིམ་པ་གསུངས་སོ། །སྒོ་ང་ལས་སྐྱེ་བ་དང་མངལ་ནས་སྐྱེ་བ་དག་ལ་གླུས་བསྐུལ་བ་ཡོད་ལ། རྫུས་སྐྱེས་ལ ་ནི་གླུས་བསྐུལ་བ་མེད། ཅེས་པའི་ཐ་ཚིག་གོ་།དེ་ནི་ཞུ་བར་མཐོང་ནས་ནི། སྒོ་ཡི་རྣལ་འབྱོར་མ་ཡིས་བསྐུལ་ཞེས་པ་ལ་སྒོའི་རྣལ་འབྱོར་མ་ཞེས་པ་ནི་སྒོ་བཞིན་གནས་པའི་རྣལ་འབྱོར་མ་རྣམས་སོ། །དེ་ལ་ཤར་གྱི་སྒོ་ན་གནས་པའི་རྣལ་འབྱོར་མ ་མཛེས་སྡུག་མས་བསྐུལ་བའི་གླུ་གསུངས་པ། ཇི་སྟེ་འཇིག་རྟེན་སྙན་མནན་ན། ཞེས་པ་ནི་ཅིའི་ཕྱིར་འཇིག་རྟེན་པ་རྣམས་ཀྱིས་དོན་དུ་སྙན་གསན་ཕབ་ན་ཞེས་པའི་དོན་ཏོ། །ཅིའི་ཕྱིར་ཁྱོད་ནི་མི་དགྱེས་གྱུར། ཞེས་པ་ནི་ཅིའི་ཕྱིར་མི་དགྱེས་པར ་གྱུར་ཅེས་པའི་ཐ་ཚིག་གོ་།གལ་ཏེ་ཁྱོད་བདག་ཚིག་གསན་ན། ཞེས་པ་ནི་གལ་ཏེ་ཁྱད་བདག་གི་ཚིག་གསན་པར་བཞེད་ན་ཞེས་པའི་དོན་ཏོ། །མི་དགྱེས་གྱུར་པ་མཛའ་དག་ཐོད། །ཞེས་པ་ནི་མི ་དགྱེས་པར་གྱུར་པ་མཛའ་དག་ཐོང་ཞེས་པའི་དོན་ཏོ། །འདི་ནི་ཤར་ན་གནས་པའི་མཛེས་སྡུག་མའི་གླུའོ། །སྲིད་འཇིགས་སྐྱེ་བོ་ཀུན་ལྷུང་བས། ཞེས་པ་ནི་སྲིད་པའི་འཇིགས་པར་སྐྱེ་བོ་མཛའ་དག་ལྷུང་ཞེས་པའི་ཐ་ཚིག་གོ་།སྟོང་པའི་ཐུགས་ནི ་མ་མཛད་པར། ཞེས་པ་ནི་སྟོང་པ་ཉིད་ཀྱི་ཐུགས་མ་མཛད། ཅེས་པའི་དོན་ཏོ། །ཉིད་ཀྱི་དགོངས་པ་ཀུན་བསྒྲུབ་ཀྱི་ཞེས་པ་ནི་ཁྱེད་ཉིད་ཀྱི་བྱ་བ་ཐམས་ཅད་སྒྲུབས་ཤིག་གྲོགས་པོ་ཀྱེ། ཞེས་པའི་དོན་ཏོ། །རྣལ་འབྱོར་མའི་གྲོགས་པོ་བཞེངས ་ཞེས་པ་ནི་རྣལ་འབྱོར་མ་རྣམས་ཀྱི་བཤེས་གཉེན་བཞེངས་ཤིག་ཅེས་པའི་དོན་ཏོ། །ལྷོ་སྒོ་ན་གནས་པ་ནོར་འཛིན་མའི་གླུའོ། །གལ་ཏེ་སྔོན་གཙོ་ཚིག་གསན་ན། ཞེས་པ་ནི་གལ་ཏེ་སྔོན་གྱི་བདག་པོ་བདག་གི་ཚིག་གསན་ན་ཞེས་པའི་དོན་ཏོ། །འབྲས་བུ་ཡལ ་བར་མདོར་ཅིག་ཅེས་པ་ནི་འབྲས་བུ་ལ་ལྷོད་པར་མ་མཛད་ཅིག་ཅེས་པའི་དོན་ཏོ། །ཁྱོད་མི་སྣང་ན་འགྲོ་བའི་ཞེས་པ་ནི། ཁྱོད་མི་སྣང་ཞིང་ནུབ་བར་གྱུར་ན་འགྲོ་བ་མཛའ་དག་ནུབ་པར་འགྱུར་ཞེས་པའི་དོན་ཏོ། །སྐྱེ་བོ་མཛའ་ ་དག་གདུང་པས་ནོན་ཞེས་པའི་འགྲོ་བ་མཛའ་དག་མི་དགའ་བའི་གདུང་བས་ནོན། ཞེས་པའི་དོན་ཏོ། །ནུབ་སྒོ་ན་གནས་པའི་སྐལ་བཟངས་མའི་གླུའོ། །ལོག་པའི་ང་རྒྱལ་མ་མཛད་པར་ཞེས་པ་ནི་ལོག་པའི་ང་རྒྱལ་མ་མཛད། ཀྱི་གྲོགས ་པོ་ཞེས་པའི་དོན་ཏོ། །སྟོང་པའི་རང་བཞིན་སྤངས་ནས་ནི་ཞེས་པ་ནི་སྟོང་པ་ཉིད་ཀྱི་རང་བཞིན་མཐོང་ཞེས་པའི་དོན་ཏོ། །ཁྱོད་ཀྱིས་དངོས་མེད་ཀུན་ཐོང་ལ་ཞེས་པ་ནི་ཁྱོད་ཀྱིས་དངོས་པོ་མེད་པ་ཀུན་ཐོང་ལ་དངོས་པོའི་རང་བཞིན་ལོང་ཞེས་པའི་དོན ་ཏོ། །རྣལ་འབྱོར་མའི་ཚོགས་ལ་སྤྱོད་ཅེས་པ་ནི། རྣལ་འབྱོར་མའི་ཁྱུ་ཐམས་ཅད་ལ་སྤྱོད་ཅེས་པའི་དོན་ཏོ། །བྱང་སྒོ་ན་གནས་པའི་གྲགས་མཐོང་མའི་གླུའོ། །བྱམས་པ་དང་སྙིང་རྗེ་དང་དགའ་བ་དང་བཏང་སྙོམས་ཀྱི་རང་བཞིན་རྣལ་འབྱོར ་མ་དེ་རྣམས་ཀྱིས་ཡང་དག་པར་བསྐུལ་མ་ཐག་ཏུ་ཁུ་བའི་གཟུགས་ལས་བཞེངས་ཞེས་པའི་དོན་ཏོ། །འཇིགས་པའི་འཁོར་བ་སྒྲོལ་བྱེད་པ་ཞེས་པ་ལ་འཇིགས་པ་ནི་འཇིགས་པར་བྱེད་པ་སྟེ། འཁོར་བ་ལས་སེམས་ཅན་རྣམས་སྒྲོལ ་བར་བྱེད་པ།། འཁོར་བའི་འཇིགས་ལས་སྒྲོལ་བྱེད་པ་ཞེས་བྱ་བའི་ཐ་ཚིག་གོ་།དཀྱིལ་འཁོར་གྱི་འཁོར་ལོ་བསྒོམ་པའི་ལེའུ་སྟེ་བདུན་པའོ།། །།ད་ནི་སྦྱིན་སྲེག་གི་དཀྱིལ་འཁོར་བཤད་པར་བྱ་སྟེ། དེ་ནས་ཞེས་པ་ནི་བསྒོམ ་པའི་དཀྱིལ་འཁོར་བཤད་པའི་རྗེས་སུ་སྦྱིན་སྲེག་བཤད་ཅེས་སྦྱར་རོ། །ཞི་བ་དང་ནི་རྒྱས་པ་དང། དེ་བཞིན་དབང་དང་མངོན་སྤྱོད་དེ། ཞེས་པ་ནི་ཞིབ་ལ་ནི་ལྷ་དཀར་པོ་སྦྱར་རོ། །རྒྱས་པ་ལ་ནི་ལྷ་སེར་པོ་སྦྱར་རོ། །དབང་ལ་ནི་ལྷ་དམར་པོའོ། ་མངོན་སྤྱོད་ལ་ནི་ལྷ་ནག་པོ་སྟེ། ལས་དང་རྗེས་སུ་མཐུན་པའི་ཁ་དོག་བྱ། ཞེས་པའི་དོན་ཏོ། །སྦྱིན་སྲེག་རྣམ་པ་བཞིར་གསུངས་སོ། །ཞེས་པ་ལ་ཞི་བ་ལ་སོགས་པའི་སྦྱིན་སྲེག་བཞི་ནི་སངས་རྒྱས་ཐོད་པའི་རྒྱུད་དུ་གསུངས་སོ། །ཤིང་གི་སྦྱིན་སྲེག་མི་བྱ ་ཞིང་ཞེས་པ་ནི་རྒྱུད་གཞན་ལས་གསུངས་པའི་ཨུ་དུམྦ་ར་དང་པ་ལ་ཤ་ལ་སོགས་པས་སྦྱིན་སྲེག་མི་བྱ་ཞེས་པའི་ཐ་ཚིག་གོ་།འབྲུལ་སོགས་པས་ཀྱང་མི་བྱ་ཞེས་སྦྱར་རོ། །མེ་ཏོག་གིས་ནི་སྦྱིན་སྲེག་བྱ་ཞེས་པ་ནི། བུད་མེད་ཀྱི་རྡུལ་གྱི་མེ་ཏོག ་གིས་ལུས་ལ་སྦྱིན་སྲེག་བྱ་ཞེས་པའི་དོན་ཏོ། །མེ་ཏོག་ལྔ་པོ་མཆོག་ཆེན་དང། ཞེས་པ་ནི་བྲམ་ཟེ་ལ་སོགས་པའི་རིགས་ཀྱི་ཤེས་རབ་མ་ལྔའི་རྡུལ་བླངས་ལ་སྦྱིན་སྲེག་བྱའོ། །དེ་ཉིད་མཆོག་སྟེ་བཟང་པོར་འགྱུར་རོ། །འོ་མས་ཡང་དག་ལྡན་པར་བྱའོ།། ་ཞེས་པ་རྡུལ་དང་ལྡན་པ་ནི་ཤེས་རབ་མ་དང་སྙོམས་པར་ཞུགས་ཏེ་བྱང་ཆུབ་ཀྱི་སེམས་འོ་མ་དང་བསྲེས་པས་ལུས་ཀྱི་ཐབ་ཁུང་དུ་བསྲེག་ཅེས་པའི་ཐ་ཚིག་གོ་།ད་ནི་ཞི་བ་ལ་སོགས་པའི་སྦྱིན་སྲེག་བསྟན་པར་བྱ་སྟེ། ཞི་བའི་ཐབ་ཁུང་གྲུ་བཞི་པ། ཞེས་པ ་ལ་སོགས་པ་ནི་གོ་སླའོ། །ེ་པཾ་མ་ཡ་མཆོག་ཆེན་གྱི་ཞེས་པ་ལ་ཨེ་ནི་སྤྱན་མའོ། །བཾ་ནི་མཱ་མ་ཀཱིའོ། །མ་ནི་གོས་དཀར་མོའོ། །ཡ་ནི་སྒྲོལ་མའོ། །སྤྱན་མ་ནི་བྲམ་ཟེའི་བུ་མོའོ། །མཱ་མ་ཀཱི་ནི་གཡུང་མོའོ། །གོས་དཀར་མོ་ནི་གར་མཁན་མའོ། ། ་སྒྲོལ་མ་ནི་ཁྲུས་མཁན་མ་སྟེ། འདི་རྣམས་ཀྱི་ཆོས་འབྱུང་གི་གནས་ཀྱི་ཟེའུ་འབྲུའི་དབུས་སུ་ཕུང་པོ་ལ་སོགས་པ་བསྲེག་པར་བྱའོ། །མཆོག་ཆེན་ནི་མཆོག་ཏུ་བཟང་བའི་སྦྱིན་སྲེག་ཡིན་ཞེས་པའི་དོན་ཏོ། །གསུངས་ཞེས་པ་ནི་རྡོ་རྗེ་འཆང་གིས་གསུངས ་ཞེས་པའི་ཐ་ཚིག་གོ་།རྩ་གསུམ་འཇིགས་པའི་རྡོ་རྗེ་ཞེས་པ་ལ་སོགས་པ་ནི་གོ་སླའོ། །མེའི་ལྷ་ཞེས་པ་ལ། ཨོཾ་སརྦ་དེ་བ་ཞེས་པ་ལ་སོགས་པའི་སྔགས་ལན་བདུན་བརྗོད་པས་མེ་ལྷ་སྤྱན་དྲང་ངོ། །མེ་ལྷ་སྤྱན་དྲང་བའི་སྔགས་སོ། །སངས་རྒྱས་ཅོད་པའི ་སྦྱོར་བ་ཡིས། ཞེས་བྱ་བ་ནི་སངས་རྒྱས་ཐོང་པའི་སྦྱོར་བས་མེ་ལྷ་སྤྱན་དྲང་ཞེས་པའི་དོན་ཏོ། །སངས་རྒྱས་ཀུན་གྱིས་བྱིན་བརླབས་ཤིང་ཞེས་པ་ལ་སོགས་པ་ནི་གོ་སླའོ། །དེ་ནས་བློ་ལྡན་སྦྱིན་སྲེག་བྱ་ཞེས་པ་ནི ་ཤེས་རབ་ཅན་གྱི་རྣལ་འབྱོར་པས་སྦྱིན་སྲེག་བྱ་ཞེས་པའི་ཐ་ཚིག་གོ་།དེར་ནི་སོལ་བ་གཞུག་བྱ་བ། ཨ་ཤྭཏྠ་དང་ནྱ་གྲོ་དང་ཞེས་བྱ་བ་ལ་སོགས་པ་ནི་གོ་སླའོ། །པདྨ་ནི་པདྨའོ། །ུཏཔལ་ནི་ཨུཏཔ་ལའོ། །ཀུ་མུ་དེ་དམར་པོ་ཞེས་པ་ནི་ཨུཏཔལ ་དམར་པོའོ། །དྲི་ཞིམ་ཞེས་པ་ནི་དྲི་ཞིམ་པའི་མེ་ཏོག་དཀར་པོ་སྟེ་ཕྱིའི་མེ་ཏོག་ལྔ་པོ་འདི་དག་བསྲེག་ཅེས་པའི་དོན་ཏོ། །ཀ་ར་བི་ར་གཞན་གཉིས་འགྱུར་ཞེས་པ་ནི། ཀ་ར་བི་རའི་མེ་ཏོག་ཉིས་འགྱུར་ཁ་སྦྱར་བ་བྱས་ཏེ་བསྲེག་ཅེས ་སྦྱར་རོ། །ཡང་ན་པདྨ་ལ་སོགས་པའི་ཚད་གང་ཡིན་པ་དེའི་ཉིས་འགྱུར་གྱི། ཀ་ར་བི་ར་བསྲེག་ཅེས་པའི་དོན་ཏོ། །ཞི་བར་གསུངས་ཞེས་པ་ནི་དེ་བཞིན་གཤེགས་པའི་སྦྱིན་སྲེག་འདིས་ཞི་བར་གསུངས་པའོ། ཨོཾ་པདྨ་རཱ་ཛོ་ཞེས་བྱ་བ ་ལ་སོགས་པ་ནི་པདྨ་བསྲེག་པའི་སྔགས་སོ། །ུཏཔལ་འོ་མས་སྦྱིན་སྲེག་བྱ་ཞེས་བྱ་བ་ནི། ཨུཏཔལ་དང་འོ་མ་བསྲེས་ལ་སྦྱིན་སྲེག་བྱ་ཞེས་པའི་དོན་ཏོ། །ོཾ་གྷ་གྷ་གྷཱ་ཏ་ཡ་གྷཱ་ཏ་ཡ་ཞེས་བྱ་བ་ལ་སོགས་པ་ནི་མེ་ཏོག་ཀུ་མུ་ཏ་ལ་སོགས་པ ་བསྲེག་པའི་སྔགས། །དྲི་ཞིམ་པའི་ཙན་དན་སྲེག་པའི་སྔགས་གསུངས་པ། ཨོཾ་དྷརྨེ་དྷརྨ་རཱ་ཛཱ་ཞེས་པ་ལ་སོགས་པའོ། །ཀ་རི་བ་ར་དྲི་ཞིམ་དམར་ཞེས་པ་ནི་སྔགས་འདིས་མེ་ཏོག་ཀ་ར་བི་ར་དྲི་ཞིམ་པའི་མར་ཁུས་བསྲེགས་ཤེས་པའི ་དོན་ཏོ། །འདིའི་སྔགས་གསུངས་པ། ཨོཾ་ཀ་ལི་སུ་ཀ་ལི་ཞེས་པ་ལ་སོགས་པའོ། །མེ་ཏོག་རེ་རེ་རེ་རེ་ལ་ཞེས་པ་ནི་སྔགས་ལ་ན་རེ་བཟླས་པའི་མེ་ཏོག་རེ་རེ་བསྲེག་ཅེས་པའི་དོན་ཏོ། །མེ་ནི་འོ་མས་ཞི་བར་བྱ་ཞེས་པ་ནི་སྦྱིན་སྲེག་རྫོགས་ནས ་མེ་འོ་མས་བསང་བར་བྱ་ཞེས་པའི་ཐ་ཚིག་གོ་།དེ་ནས་ཞེས་པ་ལ་སོགས་པ་ནི་གོ་སླའོ། །ཁ་དོག་སེར་པོ་རྣམ་པར་བསམ། ཞེས་པ་ནི་རྡུལ་ཚོན་སེར་པོས་ཐབ་ཁུང་ཟླུམ་པོ་མདོག་བསྒྱུར་ཞེས་པའི་དོན་ཏོ། །བདག་ཉིད་ཧེ་རུ་ཀ་རྣམ་པ་ཞེས་པ་ནི་བདག་ཉིད་ཧེ་རུ་ཀ ་སེར་པོའི་གཟུགས་སུ་བསྒོམ་ཞེས་སྦྱར་རོ། །རྒྱས་བའི་དོན་དུ་ཤིང་ལྔའི་ཡམ་ཤིང་བསྲེག་ཅེས་གསུངས་ཏེ། གང་ཞེ་ན་ཨ་མྲ་ལ་སོགས་པའི་ཤིང་ལྔའོ། །སོར་བཅུ་གཉིས་ཀྱི་ཚད་ཙམ་དུ་ཞེས་པ་ནི་སློབ་དཔོན་ཉིད་ཀྱི་སོར་བཅུ་གཉིས་ཀྱི་ཚད་ཀྱི་ཡམ ་ཤིང་གཟུང་བར་བྱའོ། །མ་གས་ཞེས་པ་ནི་རྨ་མེད་པའོ། །མ་སྐམས་ཞེས་པ་ནི་རླན་དང་བཅས་པའོ། །མ་བཅད་ཅེས་པ་ནི་རྩེ་མོ་མ་ཉམས་པའོ། །བུ་ག་ཅན་ཞེས་པ་ནི་སྲོག་ཆགས་ཀྱིས་ཟོས་པའི་ལྕག་ཅན་ཏེ་དེ་རྣམས་སྤང་བར་བྱ་ཞེས་པའི་དོན་ཏོ། །དེའི་དབུས་སུ ་ཞེས་པ་ལ་སོགས་པ་ནི་གོ་སླའོ། །རྒྱས་པའི་སྔགས་གསུངས་པ། ཨོཾ་ག་ག་ཞེས་པ་ལ་སོགས་པའོ། །སྔགས་འདིས་རྒྱས་པའི་སྦྱིན་སྲེག་བྱ་ཞེས་པའི་ཐ་ཚིག་གོ་།ཕྱི་ནས་སེར་པོ་ཆུས་ཞི་བྱ་ཞེས་པ་ནི་སྦྱིན་སྲེག་ཟིན་ནས་ཆུ་སེར་པོས་མེ་བསང་བར་བྱ། ཞེས ་པའི་དོན་ཏོ། །རྒྱས་པའི་སྦྱིན་སྲེག་གོ་།དབང་དུ་བྱ་བའི་སྦྱིན་སྲེག་མཆོག་ཅེས་པ་ནི་དབང་དུ་བྱེད་པའི་སྦྱིན་སྲེག་མཆོག་ཏུ་ཅེས་པ་རབ་ཏུ་བཤད་ཅེས་སྦྱར་རོ། །ཐབས་ཁུང་གྲུ་གསུམ་དམར་པོ་ལ་ཞེས་པ་ནི་ཐབ་ཁུང་གྲུ་གསུམ་པ་ལ་རྡུལ་ཚོན་དམར ་པོས་མཛའ་དག་གཡོག་ཅེས་པའི་དོན་ཏོ། །ཟབས་དང་རྒྱར་ནི་སོར་མོ་བརྒྱད་ཅེས་པ་ནི་འོག་གི་ཟབས་སུ་སོར་བརྒྱད་བརྐོ་བའོ། །སྟེང་གི་ཆ་སྟེ་རྒྱར་སོར་བརྒྱད་ཀྱི་ཚད་དུ་བྱ་བའི་དོན་ཏོ། །དེ་དབུས་པདྨ་འདབ་བརྒྱད་དམར་ཞེས་པ་ནི་ཐབ་ཁུང་དེའི་དབུས་སུ་པདྨ ་འདབ་བརྒྱད་པ་མདོག་དམར་བ་བྲི། ཞེས་པའི་ཐ་ཚིག་གོ་།ཟླ་བ་དམར་ལ་སོགས་པས་བརྒྱན་ཞེས་པ་ནི་ཟླ་བ་དམར་པོའི་འོད་ཟེར་གྱིས་བརྒྱན་པའོ། །སོགས་པའི་སྒྲས་ནི་ཐབ་ཁུང་མཛའ་དག་བརྒྱན་ཞེས་སྦྱར་རོ། །གྲཝ་ཞེས་པ་ལ་སོགས་པ་ནི་གོ་སླའོ ་བདག་ཉིད་ཧེ་རུ་ཀ་ཞེས་པ་ལ་སོགས་པ་ལ་ཧེ་རུ་ཀ་སྐུ་མདོག་དམར་པོ་ཕྱག་གཉིས་པ། གཡས་ན་རྡོ་རྗེ་དམར་པོ་གཡོན་ན་ཁྲག་གིས་བཀང་བའི་ཐོད་པ་བསྣམས་པ་བསམ་པར་བྱའོ། ། ཤྭ་ཀའི་ཡམ་ཤིང་དང་ཞེས་པ་ནི་ཨ ་ཤྭ་ཀའི་ཡམ་ཤིང་སོར་བརྒྱད་པ་གོ་རོ་ཙ་ན་དང་བཅས་པས་དབང་གི་སྦྱིན་སྲེག་བྱ་ཞེས་པའི་དོན་ཏོ། །དབང་གི་སྦྱིན་སྲེག་གི་སྔགས་གསུངས་པ། ཨོཾ་ཨ་ཤྭ་ཀ་ནི་ཞེས་པ་ལ་སོགས་པའོ། །ཉིན་བདུན་སྦྱིན་སྲེག་བྱས་ཙམ་གྱིས་ཞེས་པ་ནི་ཉི་མ་བདུན ་དུ་སྦྱིན་སྲེག་བྱས་པས་ཇི་སྐད་གསུངས་པ་བཞིན་དུ་འགྱུར་རོ། །ཆུ་དམར་པོ་ཡིས་མེ་ཞི་བྱ་ཞེས་པ་ནི་ཙན་དན་དམར་པོས་བསྲེས་པའི་ཆུས་བསད་པར་བྱ་ཞེས་པའི་ཐ་ཚིག་གོ་།མངོན་སྤྱོད་དང་ནི་བསད་པ་མཆོག་།ཅེས་པ་ལ་མངོན་སྤྱོད་ནི་ནད་ལ་སོགས ་པའི་ཉེ་བར་འཚོ་བའོ། །བསད་པ་ནི་གདོན་མི་ཟ་བར་གསོད་པ་ཇི་ལྟ་བ་དེ་རབ་ཏུ་བཤད་པར་བྱ་ཞེས་སྦྱར་རོ། །ཟབས་དང་རྒྱར་ནི་ཁྲུ་གང་ཚད་ཅེས་པ་ལ་འོག་གི་ཆར་ནི་ཁྲུ་གང་གིས་ཚད་ཙམ་བརྐོ་བའོ། །སྟེང་གི་རྒྱར་ཡང་ཁྲུ་གང་གི་ཚད་ཙམ་བཞག ་པར་བྱའོ། །མདོག་ལྗང་གུ་ཞེས་བྱ་བ་ནི་རྡུལ་ཚོན་ལྗང་ཁུས་ཐབ་ཁུང་བརྒྱན་པར་བྱའོ། །གྲཝ་གྲཝ་རུ་ནི་རྡོ་རྗེ་བྲི་ཞེས་པ་ནི་ཐབ་ཁུང་གི་གྲཝ་དང་གྲཝར་རྡོ་རྗེ་དྲི་བར་བྱ་བའི་དོན་ཏེ། །དབུས་ཀྱི་ས་གཞི་སྟོང་པར་བྱའོ། །ཞེས་པ་ནི་དབུས་ཀྱི་སྟོང་པ་ཅི་ཡང ་མི་བྲི་ཞེས་པའི་དོན་ཏོ། །ཤ་ལྔས་སྦྱིན་སྲེག་བྱ་ཞེས་པ་ལ་ཤ་ལྟ་ནི། གོ་ཀུ་ད་ཧ་ན་སྟེ་དེ་རྣམས་ཀྱིས་མངོན་སྤྱོད་དང་བསད་པ་དག་ལ་སྦྱིན་སྲེག་བྱའོ། །སྦྱིན་སྲེག་གི་སྔགས་གསུངས་པ། ཨོཾ་མཱ་ར་ཡ་མཱ་ར་ཡ་ཞེས་པ་ལ་སོགས་པའོ། །བདག ་ཉིད་ཧེ་རུ་ཀ་ཞེས་པ་ནི། བདག་ཉིད་མདོག་ནག་པོའི་ཧེ་རུ་ཀར་བསྒོམ་པར་བྱ་ཞེས་པའི་དོན་ཏོ། །ལྷག་མ་ནི་གོ་སླའོ། །ཕེད་མཛད་འཇིགས་ཤིང་འཇིགས་པར་མཛད། ཅེས་པ་ནི་ཕེད་ཀྱི་འཇིགས་པར་བྱེད་པའི་སྦྱིན་སྲེག་གི་དུས་སུ་བྱ་ཞེས་པའི་དོན་ཏོ།། ་ཧ་ཧ་ཞེས་ཀྱང་སྦྱར་རོ། །ལྗང་གུ་ཆུ་ཡིས་མེ་ཞི་བྱ་ཞེས་པ་ནི་ཆུ་ལྗང་ཁུས་མེ་བསད་པར་བྱ། ཞེས་པའི་ཐ་ཚིག་གོ་།གང་གིས་བསྲེགས་ཞེས་པ་ནི་སུ་ཡིས་བསྲེགས་ཞེས་པའི་དོན་ཏོ། །གང་ཞིག་བསྲེགས་ཞེས་པ་ནི་ཅི་ཞིག་བསྲེགས་ཞེས་པའི་དོན་ཏོ། །གང ་གི་ཞི་བ་ཞེས་པ་ནི་སུའི་ཞི་བ་ཞེས་པའི་དོན་ཏོ། །གང་ཞི་བ་ཞེས་པ་ནི་ཅི་ཞིག་ཞེས་པའི་དོན་ཏོ། །གང་གིས་རྣམ་རྟོག་ཀུན་བཅོམ་པ་ཞེས་པ་ནི་གང་གིས་རྣམ་པར་རྟོག་པ་བཅོམ་པ་དེ་ལ་སྦྱིན་སྲེག་གིས་ཅི་ཞིག་བྱ་ཞེས་པའི་དོན་ཏོ། །དེའི་དམ་ཚིག་ཙམ ་གྱིས་ཐམས་ཅད་འགྲུབ་སྙམ་དུ་དགོངས་སོ། །དེ་ཡིས་སེམས་ནི་མགུ་བར་བྱེད། ཅེས་པ་ནི་ཕྱིའི་སྦྱིན་སྲེག་བརྫུན་པས་སེམས་མགུ་བར་མི་འགྱུར་ཏེ། ནང་གི་སྦྱིན་སྲེག་ཉིད་གཙོ་བོ་ཞེས་པའི་དོན་ཏོ། །སངས་རྒྱས་ཐོད་པ་ཞེས་བྱ་བ་ལ་སོགས་པ ་ནི་བཤད་ཟིན་ཏོ། །སྦྱིན་སྲེག་གི་ཆོ་ག་ཞེས་པ་ནི་སྦྱིན་སྲེག་གི་ཆོ་གའི་སྒྲུབ་པའོ། །དེ་རྗོད་པར་བྱེད་པའི་ལེའུ་སྟེ་བརྒྱད་པའོ།། །།ད་ནི་སྤྱོད་པའི་ལེའུ་རབ་ཏུ་བཤད་པར་བྱ་སྟེ། དེ་ནས་ཞེས་པ་ནི་སྦྱིན་སྲེག་གི་ཆོ་གའི་ལེའུ་བཤད ་པའི་རྗེས་ཐོགས་སུའོ། །རྣལ་འབྱོར་གང་གིས་སྤྱོད་ཀུན་བྱེད། ཅེས་པ་ནི་རྣལ་འབྱོར་པ་གང་གིས་སྤྱོད་པ་ཡིས་འཁོར་བའི་ཕ་རོལ་ཏུ་འགྲོ་བར་བྱེད་པ་ཞེས་པའི་དོན་ཏོ། །བུད་མེད་ཤིན་ཏུ་མཆོག་གྱུར་དང་ཞེས་པ་ལ། སྤྱོད་པའི་ཁྱད་པར་ཇི་ལྟ་བུ་ཞེ་ན ་བུད་མེད་དེ་བུ་མོ་མཆོག་ཕུལ་དུ་བྱུང་བ་དང་ཞེས་པའི་དོན་ཏོ། །དངོས་གྲུབ་བརྒྱད་དང་ཡང་དག་ལྡན་ཞེས་པ་ནི། །གང་གི་ཚེ་རྣལ་འབྱོར་པ་ཡོན་ཏན་གྱི་དབང་ཕྱུག་བརྒྱད་དང་ལྡན་པ་དེའི་ཚེ། སྤྱོད་པ་ཡང་དག་པར་བརྩམ་པར་བྱ་ཞེས་པའི་ཐ་ཚིག་གོ་། ་སེམས་ཅན་དངོས་གྲུབ་གང་གང་འདོད་དེ་དེ་དངོས་གྲུབ་རྟག་ཏུ་སྟེར། ཞེས་པ་ནི་སེམས་ཅན་གང་དག་གིས་དངོས་གྲུབ་གང་དང་གང་བླངས་པ་དེ་དང་དེ་རྣལ་འབྱོར་བ་དེ་ལ་སྟེར་བར་འགྱུར་རོ། །ལག་པས་ཐོད་པ་ཞེས་པ་ལ་སོགས་པ་ནི། ལག་པས་ཐོད་པ ་འཛིན་པ་གཅེར་བུ་སྐྲ་གྲོལ་པ་འཁྱམ་པར་བྱའོ། །རྒྱན་རྣམས་ཀུན་ལས་རྣམ་གྲོལ་ཞིང་ཞེས་པ་ནི་རྣམ་པར་རྟོག་པ་ཐམས་ཅད་སྤངས་པའོ། །ནམ་མཁའ་དང་ནི་མཚུངས་གྱུར་པ། ཞེས་པ་ནི་གང་ནམ་མཁའ་དང་འདྲ་ཞིང་མཚུངས ་པར་འགྲོ་བ་དེ་ནི་ནམ་མཁའ་དང་ནི་མཚུངས་པར་གྱུར་པ་སྟེ་ཆོས་ཀྱི་དབྱིངས་ཀྱི་རང་བཞིན་ཞེས་པའི་དོན་ཏོ། །ཤེས་རབ་ཅན་གྱིས་ཁྱིམ་དུ། སློངས་མོ་ཞེས་པ་ལ་སོགས་པ་ནི་གོ་སླའོ། །བསྡུས་པའི་དོན་གསུངས་པ་གང་དུ་དེར་ཞེས་པ་ནི་གནས་གང་ ་ཡིན་པ་དེར་རྣལ་འབྱོར་པ་སྤྱོད་པས་གནས་པར་བྱའོ་ཞེས་པའི་དོན་ཏོ། །ཇི་ལྟར་དེ་ལྟར་ཞེས་པ་ནི་ཇི་ལྟ་བ་དེ་ལྟ་བུའི་རྣམ་པས་གདོན་མི་ཟ་བར་འཁོར་བའི་ཕ་རོལ་ཏུ་འགྲོ་ཞེས་པའི་དོན་ཏོ། །གང་གིས་དེའི་སངས་རྒྱས་ཏེ། ཞེས་པ་ནི་རྣམ་པ་གང ་གིས་ཏེ། དེ་ཡིས་སངས་རྒྱས་སུ་འགྱུར་ཞེས་པའི་དོན་ཏོ། །རང་གི་རྣམ་རྟོག་དག་གིས་ཉམས་ཞེས་པ་ནི་རང་གི་རྣམ་པར་རྟོག་པས་སེམས་ཉམས་པ་དེས་ན་སྐྱེ་བ་འདི་ལ་སངས་རྒྱས་སུ་མི་འགྱུར་ཞེས་པའི་དོན་ཏོ། །མཛའ་དག་རང་བཞིན་རྣམ་པར ་དག་ཅེས་པ་ནི་ཐམས་ཅད་ཀྱི་རང་བཞིན་རྣམ་པར་དག་པའོ། །དེ་གང་ཞེ་ན་ཕུང་པོ་ལ་སོགས་པའོ། །དེའི་ཚེ་སྐྱེ་བ་འདི་ལ་སངས་རྒྱས་སུ་འགྱུར་ཞེས་པའི་ཐ་ཚིག་གོ་།སངས་རྒྱས་ཐོད་པ་ཞེས་བྱ་བ་ལ་སོགས་པ་ནི་བཤད་ཟིན་ཏོ། །སྤྱོད་བརྗོད་པར ་བྱེད་པའི་ལེའུ་སྟེ་དགུ་པའོ།། །།ད་ནི་སྨན་བཟང་པོ་དང་མོ་གཤམ་བུ་དང་ལྡན་པའི་ལེའུ་རབ་ཏུ་བཤད་པར་བྱ་སྟེ། དེ་ནས་ཞེས་པ་ནི་སྤྱོད་པའི་ལེའུ་བཤད་པའི་རྗེས་ཐོགས་སུའོ། །གསེར་དུ་ངེས་པར་བྱེད་པའི་ལེའུ་ཞེས་པ་ནི་གསེར་གྱི་ལས་ཀྱི ་ལེའུ་དེས་ཤིང་གདོན་མི་ཟ་བར་འགྱུར་ཞེས་པའི་ཐ་ཚིག་གོ་།སློབ་དཔོན་ལ་ནི་རབ་དང་པས་ཞེས་པ་ལ་སོགས་པ་ནི་གོ་སླའོ། །འདི་ནི་ཕྱིའི་སྨན་མིན་སྟེ། ཞེས་པ་ནི་འདི་ནི་ཕྱིའི་སྨན་རྣམས་ནི་མ་ཡིན་གྱི་འོན་ཀྱང་ནང་གིས་སྨན་ཡིན་ནོ། །དེས་པའི ་དོན་ཏོ། །ཤུན་པགས་ལོ་མ་ཡིན་ཞིང་ཞེས་པའི་ཤུན་པགས་དང་ལོ་མའི་སྨན་རྣམས་ཀྱི་ལོ་མ་ཡིན་ཞེས་པའི་དོན་ཏོ། །དངུལ་ཆུ་བཅུད་ལེན་མ་ཡིན་ཏེ་ཞེས་པ་ནི་དངུལ་ཆུ་དང་བཅུད་ཀྱིས་ལེན་གྱི་ལས་མ་ཡིན་ཞེས་པའི་དོན་ཏོ། །མུ་ཟི་ལྷང་ཚེར་མ་ཡིན ་ཞེང་ཞེས་པ་ནི། ཇི་ལྟར་མུ་ཟི་དང་ལྷང་ཚེར་བདག་གིས་འཇུ་བའི་ལས་མ་ཡིན་ཞེས་པའི་དོན་ཏོ། །ལྕགས་དང་ཞ་ཉེ་ཟངས་མ་ཡིན། ཞེས་པ་ནི་རྡོ་ཁབ་ལེན་གྱི་ལྕགས་དང་ཞ་ཉེ་དང་ཟངས་མ། རྣམས་ཀྱིས་ལས་མ་ཡིན་ཞེས་པའི་དོན་ཏོ། །འདི་ལྟ ་བུའི་ཚིགས་ཐོས་ནས་ཞེས་བྱ་བ་ལ་སོགས་པ་ལ་ཕྱག་ན་རྡོ་རྗེས་སྣ་ཚོགས་སྡེ་མའི་ཞབས་ལ་ཕྱག་བཙལ་ནས་ཅི་ཞིག་སྨྲས་ཞེ་ན། དེ་ཉིད་གསུངས་པ་ལྷ་མོ་ལེགས་སོ་ཞེས་ནི་སྨྲ་ཞེས་པ་ནི་ཀྱེ་ལྷ་མོ་ལེགས་སོ་ཞེས་བརྗོད་པའི་དོན་ཏོ། །སྨན་གྱི་མཆོག ་ནི་གང་ཡིན་ཞེས་པ་ནི་སྨན་དེ་དག་གང་ཡིན་ཞེས་པའི་དོན་ཏོ། །དངོས་གྲུབ་ཀྱང་ནི་ཇི་ལྟ་བུ་ཞེས་པའི་དངོས་གྲུབ་ཀྱང་ཇི་ལྟ་བུ་ཡིན་ཞེས་པའི་དོན་ཏོ། །ལྷ་མོ་ཆེན་མོ་ཁྱོད་ཀྱིས་གསུངས་ཞེས་བྱ་བ་ལ་སོགས་པ་ནི་གོ་སླའོ། །ཕྱག་ན་རྡོ་རྗེས་དྲིས་པའི ་རྗེས་ཐོགས་སུ་བཀའ་སྩལ་པ་ཞེས་པ་ནི་བཅོམ་ལྡན་འདས་སྣ་ཚོགས་སྡེ་མས་གསུངས་ཏེ་བཀའ་སྩལ་བ་ཞེས་པའི་དོན་ཏོ། །ཁྱིམ་འདི་ཉིད་དུ་གནས་པ་ཡཾ། ཞེས་པ་ནི་ལུས་འདི་ལ་གནས་པའི་སྨན་ནོ། །སྨན་ཆེན་པོ་ཡིས་འགྲུབ་ཅེས་པ་ནི་འདི ་ཉིད་དུ་གནས་པའི་སྨན་ཆེན་པོས་འགྲུབ་པར་འགྱུར་ཞེས་པའི་དོན་ཏོ། །དེ་ཡང་སྣོད་བཟང་མཆོག་ལ་གྲུབ་ཅེས་པ་ནི་རབ་ཏུ་བཟང་བའི་སྣོད་མཆོག་སྟེ། སྙིང་པོ་ལ་སྨན་གནས་ཞེས་པའི་དོན་ཏོ། །བྱིས་པ་རྨོངས་པས་མི་ཤེས་སོ། །ཞེས་པ་ལ་བྱིས ་པ་ནི་སོ་སོའི་སྐྱེ་བོའོ། །མི་ཤེས་པ་ནི་རྨོངས་པས་ཞེས་པ་མ་ཡིན། ཞེས་པའི་དོན་ཏོ། །ལྷག་མ་ནི་གོ་སླའོ། །སྣོ་བཟངས་ལ་ནི་གནས་པའི་བཅུད། ཅེས་པ་ནི་ཁྱད་པར་ཅན་གྱི་སྣོད་པདྨ་ལ་གནས་པའི། བཅུད་དེ་མི་ཤེས་ཞེས་པའི་དོན་ཏོ། ། ་གནས་གདན་གནས་ཤེ་ན་དེའི་གནས་གསུངས་པ། ཟེའུ་འབྲུ་གསང་བའི་སྤྱོད་ཡུལ་ཏེ་ཞེས་པ་ལ། པདྨའི་ཟེའུ་འབྲུ་གབ་པ་ནི་དེའི་ཡུལ་ཏེ་གནས་དེར་འདུག་ཅེས་པའི་དོན་ཏོ།། །།རོ་བཅུད་རྩིའི་ནང་གནས་པ ་ཞེས་པ་ནི་ཆོས་ཀྱི་འབྱུང་གནས་ཀྱི་ནང་གི་གཡས་ལ་སོགས་ནས་འདུག་པའི་རྩ་ནི་རོ་བཅུད་མ་སྟེ། དེའི་ནང་གི་བཅུད་ལ་ཡང་རོ་བཅུད། ཅེས་བྱ་སྟེ་དེ་ནི་སྨན་གྱི་མཆོག་གོ་།སྨན་དེས་ལྕགས་གསེར་དུ་འགྱུར་རོ། །གཅིག་གིས་ཞེས་པ་ལ་སོགས ་པ་ནི་གོ་སླའོ། །རབ་འབྱོར་ཞེས་པ་ནི་ཡང་དག་པའི་སྦྱོར་བ་གང་གིས་ལྕགས་གསེར་དུ་འགྱུར་བ་དེ་བཤད་ཅེས་སྦྱར་རོ། །མེ་ཏོག་ལྡན་པའི་བུད་མེད་གང་ཞེས་པ་ནི་གང་གི་ཚེ་བུ་མོ་སྟེ་བུད་མེད་ཁྲག་དང་ལྡན་པ་དེའི་ཚེ་སྨན་དུ་འགྱུར་རོ། །བུད་མེད་དེ ་གང་ཞེ་ན། དེ་ཉིད་གསུངས་པ། གཞོན་ནུ་ཁ་དོག་ནག་མོ་སྟེ་ཞེས་པ་ནི་གཞོན་ནུ་མ་གང་ཁ་དོག་ནག་མོ་ལོ་བཅུ་དྲུག་པའི་ཁྲག་གི་རྡུལ་དེ་ནི། སྨན་གྱི་མཆོག་སྨན་བསྟན་ཅེས་པའི་ཐ་ཚིག་གོ་།རྒྱུད་འདི་ཐོས་དང་ལྡན་ཞེས་པ་ནས་བརྩོག་མེད ་མ་ཞེས་པའི་མཐར་ཐུག་པའི་ཡོན་ཏན་བདུན་དང་ལྡན་པ་བཀའ་ལ་སོགས་པའི་ཤེས་རབ་ཀྱི་རང་བཞིན་ཞེས་པའི་ཐ་ཚིག་གོ་།འདི་ལྟ་བུའི་བུད་མེད་ཅེས་པ་ལ་སོགས་པ་ནི་གོ་སླའོ། །སྐྱེས་བུ་ཤིན་ཏུ་ཆགས་ཆེ་ཞིང། །མྱུར་དུ་བྱང་ཆུབ ་སེམས་འབབ་པ། ཞེས་པ་ནི་སྐྱེས་པ་གང་གཅིག་ཏུ་ཆགས་པ་དང་ལྡན་པ། པདྨ་ལ་རེག་པ་ཙམ་གྱིས་བྱང་ཆུབ་ཀྱི་སེམས་འཚོར་བར་འགྱུར་བའི་སྐྱེས་པ་ནི་ཕྱག་རྒྱའི་དངོས་གྲུབ་ཀྱི་སྣོད་དུ་མི་འགྱུར་རོ། །ཞེས་པའི་ཐ་ཚིག་གོ་།དེར་ནི་མེ ་ཏོག་ལྡན་བུད་མེད། །གསེར་གྱི་སྦྱོར་བ་ཞེས་པ་ནི་གང་གི་ཚེ་མདོག་ནག་མོའི་བུ་མོ་མེ་ཏོག་སྟེ་ཁྲག་དང་ལྡན་པ་དེའི་ཚེ་གསེར་དུ་བྱེད་པ་ཡང་དག་པར་བརྩམ་པར་བྱ། ཞེས་པའི་དོན་ཏོ། །གསེར་གྱི་ལས་གསུངས་པ། གྲུབ་པའི་བཅུད་ཀྱིས ་བྱུགས་པས་ཡི། ཞེས་པ་ལ་གྲུབ་པའི་བཅུད་དེ། ཁྲག་གིས་བྱུགས་པའི་དཀར་དམར་འདྲེས་པའི་ཟླ་བའི་དཀྱིལ་འཁོར་བསྒོམ་པར་བྱའོ། །དེར་ནི་ས་བོན་ཡི་གེ་དྷི་ཞེས་པ་ནི་ཟླ་བ་དེ་ལ་ཡི་གེ་དྷིའོ། །ཁྱད་པར་ཇི་ལྟ་བུ་ཞེ་ན་སྔོན་དུ་རིའི་རྒྱལ་པོས་བརྒྱན་ཞེས ་པ་ནི་དང་པོ་ཟླ་བའི་དབུས་སུ་ཡི་གེ་སུཾ་སུཾ་གྱི་དབུས་སུ་ཧཱི་བསམ་པར་བྱའོ། །དེ་ནས་མེ་ཏོག་དང་ལྡན་པའི་ཤེས་རབ་དང་སྙོམས་པར་འཇུག་པར་བྱའོ། །ཟངས་མའི་དངོས་པོ་སྲང་གཅིག་བཅས་ཞེས་པ་ནི་ཟངས་མ་སྲང་གཅིག་ཟླུམ་པོར་བྱས་ལ་བུ་མོའི ་གཡས་ལོགས་སུ་བཞག་པར་བྱའོ། །དེ་ནས་རྡོ་རྗེ་པདྨ་ཡང་དག་པར་སྦྱར་བར་བྱའོ། །ལྷག་མ་ནི་གོ་སླའོ། །རི་རབ་ཟླ་བ་ས་བོན་རྒྱལ། །ཞུ་གྱུར་ཐེ་ཚོམ་མེད་པ་ཡིན་ཞེས་པ་ནི། སྙིང་གའི་ཟླ་བ་དང་སུཾ་གི་ས་བོན་དང་དྷིའི་ས་བོན་གསུམ་གཅིག་ཏུ་བྱང ་ཆུབ་ཀྱི་སེམས་ཀྱི་གཟུགས་སུ་ཞུ་བ་ཆོས་འབྱུང་དུ་འཛག་ཅིང་འབབ་པའི་དོན་ཏོ། །དེ་ནས་ཟངས་མའི་རི་ལུ་དེ་ཡང་དག་པར་བླངས་ཏེ་མེའི་ནང་དུ་བཅུག་ན་གསེར་སུ་འགྱུར་བར་སོམ་ཉི་མེད་དོ། །སྣོད་བཟངས་དེར་ནི་ངལ་བསོས་པ་ཞེས་པ་ལ་སོགས་པ ་ནི་གོ་སླའོ། །དེའི་ཡོན་ཏན་གསུངས་པ་དེའི་མ་ཤ་གཅིག་གིས་ནི། སྲང་བརྒྱ་རུ་ཞི་འགྱུར་བ་ཡིན། ཞེས་པ་ལ་སོགས་པ་སྟེ་འདི་ལ་དད་པར་བྱའོ། །བློ་གྲོས་ཆེན་པོ་ཐོས་ལྡན་པ་ཞེས་པ་ནི། རྣལ་འབྱོར་པ་བློ་གྲོས་ཆེན་པོས་ཐོས་པ་དང་ལྡན་པ ་གལ་ཏེ་མ་དད་པར་བྱེད་ན་དེའི་ཚེ་དམྱལ་བར་འགྲོའོ། །དུས་ཇི་སྲིད་ཀྱི་བར་དུ་དམྱལ་བར་གནས་ཤེ་ན། ཇི་སྲིད་སངས་རྒྱས་བཞུགས་ཀྱི་བར་ཞེས་སྦྱར་རོ། །ཆོས་ཕུང་བརྒྱད་ཁྲི་བཞི་སྟོང་ཞེས་པ་ལ་སོགས་པ་ནི་གོ་སླའོ། །ཇི་སྲིད་སངས་རྒྱས་ཡེ ་ཤེས་ཡོད། །ཅེས་པ་ནི་ཇི་སྲིད་སངས་རྒྱས་ཀྱི་ཡེ་ཤེས་ཡོད་པ་དེ་སྲིད་ཀྱི་དུས་སུ་འཚོའོ་ཞེས་པའི་དོན་ཏོ། །མི་ནི་བསྐལ་པ་བྱེ་བར་འཚོ་ཞེས་པ་ནི་དེའི་རྡུལ་དང་དངུལ་ཆུ་འོ་མ་སེ་གཅིག་དང་ལྷན་ཅིག་བྱང་ཆུབ་ཀྱི་སེམས་དང་བསྲེས་པ་ཟླ་བ་དྲུག་གི ་བར་དུ་གལ་ཏེ་ཟོས་ན་ཞེས་པའི་དོན་ཏོ། །ད་ནི་མོ་གཤམ་གྱི་བུ་བྱེད་པ་གསུངས་པ། དེ་ནས་ཞེས་པ་ལ་སོགས་པ་ལ་ཡང་དག་སྦྱོར་བས་བཀྲུས་ཙམ་གྱིས་ཞེས་པ་ནི་རྡོ་རྗེ་དང་པདྨའི་སྦྱོར་བ་དང་སྤྱན་མ་ལ་སོགས་པས ་བཀྲུས་པར་བསྒོམས་ན་སྐད་ཅིག་དེ་ལ་བུ་དང་ལྡན་པར་འགྱུར། ཞེས་པའི་ཐ་ཚིག་གོ་།སྔོན་གྱི་གཙོ་བོས་ཇི་ལྟར་གསུངས་ཞེས་པ་ནི། སྔོན་གྱི་དེ་བཞིན་གཤེགས་པ་རྣམས་ཀྱིས་ཇི་ལྟར་ཁྲུས་ཀྱི་ཆོ་ག་གསུངས་པ་ཇི་ལྟར་བདག་གིས ་ཁྲུས་ཀྱི་ཆོ་ག་རབ་ཏུ་བཤད་ཅེས་པའི་དོན་ཏོ། །ཁ་དོག་ལྔའི་རྡུལ་ཚེན་ཞེས་པ་ལ་སོགས་པ་ནི་གོ་སླའོ། །དཀྱིལ་འཁོར་འཇིགས་པ་བྲི་ཞེས་པ་ནི། ཧེ་རུ་ཀའི་དཀྱིལ་འཁོར་ལྷ་དགུའི་བདག་ཉིད་བྲི་བར་བྱ་ཞེས་པའི་དོན་ཏོ། །དེར་ནི་བུམ ་པ་ལྟོ་ཆེ་བ་ཟླུམ་པོ་བཞི་ནི་བྲི་བར་བྱ་ཞེས་པ་ནི་མཚན་ཉིད་ཐམས་ཅད་རྫོགས་པའི་བུམ་པ་བཞི་བཟུང་སྟེ། བུམ་པ་ཆུས་བཀང་ཞིང་རས་ཀྱིས་དཀྲི་བའི་དོན་ཏོ། །རང་གི་ཁྲག་ཅེས་པ་ནི་སྲིན་ལག་གི་ཁྲག་གིས་བྲི་ཞེས་པའི་དོན་ཏོ། ། ་མཚན་བྲི་ཞེས་པ་ནི། བུམ་པ་བཞི་ལ་སྔོན་དུ་གསུངས་པའི་མཚན་མ་བྲི་ཞེས་པའི་དོན་ཏོ། །བུད་མེད་མོ་གཤམ་ཞེས་པ་ལ་སོགས་པ་ནི་གོ་སླའོ། །ནག་པོ་དམར་པོ་འཇིགས་ཆེན་པོ་ཞེས་པ་ལ། ནག་པོ་ནི་བཅོམ་ལྡན་འདས་སོ། །དམར་པོ་ནི ་བཅོམ་ལྡན་འདས་མའོ། །འཇིགས་ཆེན་པོ་ཞེས་པ་ནི། རུས་པའི་རྒྱན་དང་ལྡན་པ་བསྒོམ་ཞེས་པའི་དོན་ཏོ། །ལྷག་མ་ནི་གོ་སླའོ། །ཞལ་གཅིག་པ་ལ་ཕྱག་བཞི་པ་ཞེས་པ་ནི། སྔོན་དུ་གསུངས་པའི་དུག་གི་དཀྱིལ་འཁོར་གྱི་མཚན་མ་དང་ལྡན ་པ་བསྒོམ་པ་སྟེ། བུམ་པའི་ནང་དུ་རྣལ་འབྱོར་མ་བཞི་དང་ལྡན་པ་བུམ་པའི་ཚུལ་ཞུ་བར་བསམ་པའི་དོན་ཏོ། །དེ་ནས་རལ་གྲི་འཛིན་པའི་སྐྱེས་པ་བཞི་ཞེས་པ་ནི་མོ་གཤམ་གྱི་ཁྲུས་ཀྱི་དུས་སུ་རལ་གྲི་འཛིན་པའི་སྐྱེས་བུ་བཞི་བཞག་པར་བྱ་ཞེས ་པའི་དོན་ཏོ། །རལ་གྲི་ནམ་མཁར་བསྣུན་ཅིང་མོ་གཤམ་ཁྲུས་ཀྱི་དུས་དུ་སྐྱེས་བུ་དེ་རྣམས་ཀྱིས་ནམ་མཁའ་སྟེ་སྟེ་འདུ་རལ་གྲིས་གཅོད་པར་བྱེད་པ་སྟེ། བུམ་པ་རེ་རེས་འཁྲུད་པའི་དུས་སུ་སྐྱེས་པ་རེ་རེས་རལ་གྲིས་ནམ་མཁའ་གཅོད་པར་བྱེད་ཅེས་པའི་དོན་ཏོ། ། ་སངས་རྒྱས་ཐོད་པའི་སྦྱོར་བ་ཞེས་པ་ནི་སངས་རྒྱས་ཐོད་པའི་བསམ་གཏན་གྱི་བུད་མེད་མོ་གཤམ་གདོན་མི་ཟ་བར་བུ་དང་ལྡན་པར་འགྱུར་ཞེས་པའི་དོན་ཏོ། །སངས་རྒྱས་ཐོད་པ་ཞེས་པ་ལ་སོགས་པ་ནི་བཤད་ཟིན་ཏོ། །སྨན་བཟང་པོ་དང་མོ ་གཤམ་གྱི་ཁྲུས་ཀྱི་ཆོ་ག་རྗོད་པར་བྱེད་པའི་ལེའུ་སྟེ་བཅུ་པའོ།། །།ད་ནི་མཁའ་ལྡིང་དང་རིག་པ་འཛིན་པའི་ལེའུ་རབ་ཏུ་བཤད་པར་བྱ་སྟེ། དེ་ནས་ཞེས་པ་ནི་སྨན་བཟང་པོ་ལ་སོགས་པ་བཤད་པའི་རྗེས་ཐོགས་སུའོ། །སྔོན་དུ་གསུངས ་པའི་ཆོ་ག་ཡིས་ཞེས་པ་ནི་ལེའུ་བཞི་པར་གསུངས་པའི་ཆོ་ག་ཡིས་ལྷ་དགུའི་བདག་ཉིད་ཀྱི་དཀྱིལ་འཁོར་བྲི་ཞེས་པའི་ཐ་ཚིག་གོ་།བློ་ལྡན་ཧེ་རུ་ཀ་དང་ནི། །ཀུན་ནས་རྣལ་འབྱོར་མ་བརྒྱད་བསྐྱེད། །ཅེས་པ་ནི་གཤིན་རྗེ་མཆེ་བ་མ་ལ་སོགས་པའི ་རྣལ་འབྱོར་མ་བརྒྱད་དང་ལྡན་པ་བསྐྱེད་པར་བྱའོ། །ཕྱོགས་ཀྱི་རྣལ་འབྱོར་མ་དཀར་ཞིང་ཞེས་པ་ནི་ཕྱོགས་ན་གནས་པའི་རྣལ་འབྱོར་མ་རྣམས་ནི་མདོག་དཀར་མོའོ། །མཚམས་ཀྱི་དམར་པོ་ཉིད་ཡིན་ནོ། །ཞེས་པ་ལ་མཚམས་ན་གནས་པའི་རྣལ ་འབྱོར་མ་རྣམས་ནི། མདོག་དམར་མོར་བསྒོམ་ཞེས་པའི་ཐ་ཚིག་གོ་།སྔོན་དུ་གསུངས་པའི་ཆོ་ག་ཡིས་ཞེས་པ་ནི་ལེའུ་བཞི་པར་གསུངས་པའི་ཆོ་གའི་བྱ་བ་ཐམས་ཅད་བྱ་བའོ། །བུམ་པ་རྣམ་པ་བཞི་པོ་ལ། ཞེས་པ་ལ་སོགས་པ་ནི་གོ་སླའོ།། ་འབྲས་བཏགས་རང་བཞིན་ཞེས་པ་ནི་འབྲས་ཆུ་ལུགས་འཇམ་ཞིང་ཞིབ་པར་བཏགས་པ་བྱས་པ་བཏགས་ལ་ཟེར། དེ་ལས་རིག་པ་འཛིན་པ་གཉིས་བྱ་བའི་དོན་ཏོ། །དེའི་ལག་པར་རལ་གྲི་སྦྱིན་ཞེས་པ་དེའི་ལག་པར་འབྲས་བཏགས་པའི་རང་བཞིན ་ལས་བྱས་པའི་རལ་གྲི་སྦྱིན་པར་བྱའོ། །དེའི་སྙིང་གར་སྔགས་བྲིས་གཞུག་ཅེས་པ་ནི་རིག་པ་འཛིན་པ་དེའི་སྙིང་གར་སྔགས་བྲིས་པ་གཞུག་ཅེས་པའི་ཐ་ཚིག་གོ་།མར་ཁུ་ཆེན་པོས་སྣག་ཚ་དང། ཞེས་པ་ནི་མིའི་མར་ཁུ་ལས ་བྱས་པའི་སྣག་ཚས་གྲོ་གའི་འདབ་མ་ལ་སྔགས་བྲིས་ཏེ་རིག་པ་འཛིན་པའི་སྙིང་གར་གཞུག་ཅེས་པའི་ཐ་ཚིག་གོ་སྔགས་གསུངས་པ། ཨོཾ་བུདྡྷ་ག་པཱ་ལི་ཞེས་པ་ལ་སོགས་པའོ། །ལན་བདུན་བར་དུ་སྤྱན་དྲང་ངོ་ཞེས་པ་ནི་རང་བཞིན་པའི ་སྔགས་དང། ཀ་ར་བིར་དཀར་པོའི་ལྕུག་མས་སྤྱན་དྲང་ཞིང་དགུག་ཅེས་པའི་དོན་ཏོ། །སྤྱན་དྲང་བའི་སྔགས་གསུངས་པ། ཨོཾ་བུདྡྷ་ཀ་པཱ་ལི་ནི་གྷ་ཊ་གྷ་ཊ་ཞེས་པ་ལ་སོགས་པའོ། །ལན་བདུན་བསྔགས་པ་ཙམ་གྱིས་ནི། ཞེས་པ་ནི་སྔགས་འདིས ་བསྐུལ་མ་ཐག་ཏུ་རིག་པ་འཛིན་པ་གཉིས་བར་སྣང་དུ་འགྲོ་བར་དགོངས་སོ། །གཅིག་ནི་དུམ་བུར་ནི། ས་ལ་ལྷུང་བར་འགྱུར་བ་ཡིན། ཞེས་པ་ནི་རིག་པ་འཛིན་པ་གཉིས་བར་སྣང་ལ་འཐབས་པས་རིག་པ་འཛིན་པ་གཅིག་དུམ་བུ་དུམ་བུར ་གྱུར་ནས་དུས་སུ་ཟིན་པའི་སྟེང་དུ་ལྷུང་ངོ། །ལྷུང་མ་ཐག་ཏུ་དུས་ཟིན་པ་ལྡང་བར་འདིར་ལོ་མ་ཉི་མི་བྱའོ། །པད་བཏེག་ལ་སོགས་བཅོ་ལྔ་པོ། །གླེགས་བམ་ལ་ནི་བྲི་མི་བྱ། །ཞེས་པ་ནི་ལོངས་སྤྱོད་ཀྱི་པདྨ་མནན་པ་ལ་སོགས་པ་སྦྱོར་བ་བཅོ་ལྔ་པོ ་རྣམས་གླེགས་བམ་སྟེ་སངས་རྒྱས་ཐོད་པའི་རྒྱུད་དུ་མ་བྲིས་ཏེ། འོན་ཀྱང་བླ་མའི་མན་ངག་ལས་ཤེས་པར་བྱ་ཞེས་པའི་དོན་ཏོ། །སངས་རྒྱས་ཐོད་པ་ཞེས་པ་ལ་སོགས་པ་ནི་བཤད་ཟིན་ཏོ། །རིག་པ་འཛིན་པའི་སྦྱོར་བའི་མན་ངག་རྗོད་པར་བྱེད ་པའི་ལེའུ་སྟེ་བཅུ་གཅིག་པའོ།། །།ང་ནི་སྔགས་སྣ་ཚོགས་ཀྱི་རབ་ཏུ་སྦྱོར་བའི་ལེའུ་བཤད་པར་བྱ་སྟེ། དེ་ནས་ཞེས་པ་ནི་རིག་པ་འཛིན་པའི་སྦྱོར་བའི་མན་ངག་བཤད་པའི་རྗེས་ཐོགས་སུའོ། །དེ་ནས་ཕྱག་ན་རྡོ་རྗེ་རྣལ་འབྱོར་མ་སྣ ་ཚོགས་སྡེ་མ་ལ་ཕྱག་འཚལ་ཏེ་འདི་སྐད་ཅེས་གསོལ་ཏེ་ཞེས་པ་ནི། ཕྱག་ན་རྡོ་རྗེས་སྣ་ཚོགས་སྡེ་མ་ལ་ཕྱག་བྱས་ནས་ཏེ་འདི་སྐད་ཅེས་སྨྲས་ཞེས་པའི་དོན་ཏོ། །ཅི་ཞིག་སྨྲས་ཤེ་ན་དེ་ཉིད་གསུངས་པ། རྣལ་འབྱོར་མའི་གཙོ་བོར་གྱུར་པ་ཞེས་པ་ལ་སོགས ་པ་ནི་གོ་སླའོ། །རྒྱུད་འདིར་ཁྱོད་ཀྱིས་གང་གསུངས་པ་ཞེས་པ་ནི་སངས་རྒྱས་ཐོད་པའི་རྒྱུད་འདིར་སྣ་ཚོགས་སྡེ་མ་ཁྱོད་ཀྱིས་བསྲུངས་པའི་རབ་ཏུ་སྦྱོར་བ་ཞེས་པའི་དོན་ཏོ། །སངས་རྒྱས་ཀུན་གྱིས་མ་བཤད་དོ། །ཞེས་པ་ལ་སངས་རྒྱས་ཀུན་ཏེ་རྣམ་པར ་སྣང་མཛད་ལ་སོགས་པ་རྣམས་ཀྱིས་མ་གསུངས་ཤིང་མ་བཤད་ཅེས་པའི་དོན་ཏོ། །ེ་མའོ། །སེམས་ཅན་དོན་ལ་བརྩོན། ཞེས་པ་ལ། ཨེ་མའོ། ཞེས་པ་ནི་ངོ་མཚར་པའོ། །སེམས་ཅན་རྣམས་ཀྱི་དོན་ཆེད་ཆེ་བས་ན་བརྩོན་ཞེས་སྦྱར་རོ། །ེ་མའོ ་སངས་རྒྱས་ཀུན་བསྐྱེད་མ་ཞེས་པ་ལ། ཨེ་མའོ་ཞེས་པ་ནི་བཤད་ཟིན་ཏོ། །དེ་བཞིན་གཤེགས་པ་ཐམས་ཅད་སྐྱེད་པར་བྱེད་པས་ན་སངས་རྒྱས་ཀུན་སྐྱེད་མ་ཞེས་པའི་དོན་ཏོ། །ེ་མའོ་ཕྱག་རྒྱ་ཆེ་ལ་བརྩོན་ཞེས་པ་ནི། ཕྱག་རྒྱ་ཆེན་པོ་ལ་ནན་ཏན ་ཆེ་ཞིང་དང་བ་དང་ལྡན་པ་རྣམས་ལ་དངོས་གྲུབ་སྟེར་བའི་དོན་ཏོ། །ལྷ་མོ་གསུམ་ཞེས་པ་ནི་ཀྱེ་ལྷ་མོ་སྔགས་ཀྱི་རབ་ཏུ་སྦྱོར་བ་གསུངས་ཞེས་པའི་ཐ་ཚིག་གོ་།དང་པོའི་ལེའུར་གང་གང་གསུངས། ཞེས་པ་ནི་དང་པོའི་ལེའུར་རྣམ་འཕྲུལ་སྣ་ཚོགས་གསུངས ་པ་དེ་ཐམས་ཅད་ཀྱི་ལྷ་མོས་གསུངས་ཞེས་པའི་ཐ་ཚིག་གོ་།འདི་ལྟ་བུའི་ཚིག་གསན་ནས། ཞེས་པ་ལ་སོགས་པ་ནི་གོ་སླའོ། །གསུངས་པ་ཞེས་པ་ནི་སྣ་ཚོགས་སྡེ་མས་གསུངས་པའོ། །རྒྱལ་མཚན་འཕྱང་བ་བླང་བྱས་ལ། དེའི་ཤ་ཡང་བླང་བྱ་ཞིང ་ཞེས་པ་ནི་བར་སྣང་ན་འཕྱང་བའི་ཤ་དང་དུས་མ་བླང་བར་བྱའོ། །རོའི་ཕྱོགས་གང་གི་ཤ་དང་རུས་པ་བླང་ཞེ་ན། དེ་ཉིད་གསུངས་པ། རྐེད་ཆའི་ཞེས་པ་སྟེ་རྐེད་པའི་སུམ་མདོའི་ཕྱོགས་ཀྱི་ཤ་དང་རུས་པ་བླང་བའི་དོན་ཏོ། །རྐེད་པའི་རུས་པ་བླངས་ནས་ཅི་ཞིག་བྱ ་ཞེ་ན། དེ་ཉིད་གསུངས་པ། ཐབ་ཁུང་དུ་ནི་བྱ་ཞེས་པ་ནི་རུས་པ་དེས་ཐབ་ཁུང་གི་གཟུགས་སུ་བྱ་ཞེས་པའི་དོན་ཏོ། །དེའི་ཐོད་པའི་རྗེས་བཟུང་སྟེ་ཞེས་པ་ནི་རོའི་ཐོད་པ་བླངས་ཏེ་ཐོད་པ་དེར་སྡོང་བུ་གཟུགས་པར་བྱའོ། །དེའི་མར ་ཁུས་བཀང་བྱ་ཞིང་ཞེས་པ་ནི་རྐང་པའི་ཆའི་ཤ་བླངས་པ་བཅོས་ཏེ་མར་ཁུ་བྱའོ། །མར་ཁུ་འདིས་སྡོང་བུ་བཙུགས་པའི་ཐོད་པ་དག་གང་ཞེས་པའི་དོན་ཏོ། །ཐབ་ཁུང་གྲུ་གསུམ་སྟེང་དུ་བཞག་ཅེས་པ་ནི་རྐང་པའི་ཆའི་རུས་པ་ལས་བྱས་པའི ་ཐབ་ཁུང་གྲུ་གསུམ་གྱི་དབུས་སུ་ཐོད་པ་བཞག་པར་བྱ། ཞེས་པའི་དོན་ཏོ། །གཞན་ཡང་དུ་བ་འབེབས་པ་ཞེས་པ་ནི་དེའི་སྟེང་དུ་ཐོད་པ་བཞག་ལ་དུ་བ་དབབ་ཅེས་སྦྱར་རོ། །སངས་རྒྱས་ཐོད་པའི་རྣལ་འབྱོར་པས་ཞེས་པ་ནི། སངས་རྒྱས ་ཐོད་པའི་སྦྱོར་བ་འཛིན་པའི་རྣལ་འབྱོར་པས་བྱིས་སྔགས་བཟླ་བར་བྱའོ། །སྔགས་གསུངས་པ། ཨོཾ་བུདྡྷ་ཀ་པཱ་ལི་ནི་ཧ་ར་ཧ་ར། ཞེས་པ་ལ་སོགས་པའོ། །འདི་ལྷའི་སྔགས་ཞེས་པ་ལ་སོགས་པ་ནི་གོ་སླའོ། །རོལ་བརྩེད་ཕྲེང་བ་བཏུང ་བར་བྱ་ཞེས་པ་ནི་ཆོས་ཀྱི་འབྱུང་གནས་སུ་བབས་པའི་བྱང་ཆུབ་ཀྱི་སེམས་པདྨ་ལས་བཏུང་ཞེས་པའི་དོན་ཏོ། །གང་གི་པདྨ་ལས་ཤེ་ན། དེ་ཉིད་གསུངས་པ་བུ་མོ་ལོ་ནི་བཅུ་དྲུག་མ་ཞེས་པའི་ནི་ལོ་བཅུ་དྲུག་ལོན་པའི་ཚད་ཀྱི་བུ་མོའོ། །ལང་ཚོའི ་གཟུགས་ལ་བརྩེ་བ་ཅན་ཞེས་པ་ནི་གཞོན་ནུ་ལ་འཚ་བབ་པ་མཛེས་ཤིང་སྙིང་རྗེ་དང་ལྡན་པའོ། །དེ་ནི་རྣལ་འབྱོར་མ་ཡིས་སྤྱད། ཅེས་པ་ནི་བུ་མོ་གཅེར་བུར་བྱས་ལ་གཉིས་ཀྱིས་གཉིས་སྦྱོར་འདོད་པ་སྤྱད་ཅིང་ཧཾ་ཧེའི་སྔགས་གདོན་པར་བྱའོ། །རོལ ་རྩོད་ཕྲེང་བ་བཏུང་བར་བྱའོ། །ཞེས་པ་ནི་དེའི་པདྨ་ལས་ལྕེས་ཡང་དང་ཡང་དུ་བཀླགས་ཅེས་པའི་དོན་ཏོ། །སྙོམས་པར་འཇུག་པའི་དུས་སུ་དུ་བ་ལག་པ་གཡོན་པར་བཞག་སྟེ། དེ་ནས་ཡང་དག་པར་སྦྱོར་བར་བྱའོ། །པདྨ་ལས་བྱུང་རྫས་གང་ཞིག ་ཅེས་པ་ནི། པདྨ་དེ་ལས་བྱུང་བའི་མྲས་ཞེས་པའི་ཐ་ཚིག་སྟེ། ཆོས་ཀྱི་འབྱུང་གནས་ཀྱི་ནང་ནས་བྱུང་བའི་ཞེས་སྦྱར་རོ། །དེ་ཉིད་ཀྱིས་ནི་དུ་བ་མཉེ་ཞེས་པ་ནི་པདྨ་ལས་བྱུང་བ་དེས་དུ་བ་མཉེ་ཞེས་པའི་དོན་ཏོ། །མིང་མེད་མཐེ་བོས་མེ་ཏོག་སྦྱིན་ཞེས་པ་ལ། ་མིང་མེད་པ་ནི་པདྨའོ། །མཐེ་བོ་ནི་རྡོ་རྗེ་སྟེ་དེ་དག་གིས་མེ་ཏོག་གིས་རྡུལ་དང་བྱང་ཆུབ་ཀྱི་སེམས་བསྲེས་པའི་མིག་སྨན་གྱི་ནང་དུ་བླུགས་པར་བྱ་ཞེས་པའི་དོན་ཏོ། །རི་ལུ་བརྒྱ་རྩ་བརྒྱད་བྱ་ཞེས་པ་ནི་འདི་ལས་རི་ལུ་བརྒྱ་རྩ་བརྒྱད་བྱས་ཏེ། རི་ལུ་རེ་རེ་ལ་སྔགས ་བརྒྱ་རྩ་བརྒྱད་མངོན་པར་བསྔགས་ཅེས་སྦྱར་རོ། །སྔགས་གསུངས་པ། ཨོཾ་བུདྡྷ་ཀ་བཱ་ལི་ནི་ཏྲཾ་ཧྲི་ཧཱུཾ་ཕཊ། སྔགས་འདིས་མངོན་པར་བསྔག་གོ་།འཇིག་རྟེན་གསུམ་ན་རྙེད་དཀའ་ཞིང་ཞེས་པ་ལ་སོགས་པ་ནི་གོ་སླའོ། །སྲིན་ལག་གི་ནི་སོར་མོ་ཡིས ་ཞེས་པ་ནི། སྲིན་ལག་ཀྱང་ཡིན་ལ་སོར་མོ་ཡང་ཡིན་པས་ན། སྲིན་ལག་གི་སོར་མོ་སྟེ་དེས་སོ། །མིག་ལ་དུ་བ་བྱུགས་པ་ཙམ་གྱིས་ཞེས་པ་ནི་མིག་ལ་དུ་བ་བྱུགས་པ་ཙམ་གྱིས་འཆད་པར་འགྱུར་བའི་ཡོན་ཏན་དང་ལྡན་པར་འགྱུར་ཞེས་པའི་དོན་ཏོ། ་ལག་པ་གཡོན་པས་ཞེས་པ་ལ་སོགས་པ་ནི་གོ་སླའོ། །མཛུབ་མོ་བྱུགས་པ་ཙམ་གྱིས་ནི་ཞེས་པ་ནི་དེའི་ཡོན་ཏན་འཆང་བཞིན་པ་དང་ལྡན་པར་འགྱུར་ཞེས་བྱ་བའི་ཐ་ཚིག་གོ་།གུང་མོ་བྱུགས་པ་ཙམ་གྱིས་ནི་ཞེས་པ་ནི་གུང་མོ་དབུ་མས་མིག་ལ་བྱུགས ་པ་འོག་ནས་འབྱུང་བའི་ངོ་མཚར་བྱེད་དོ། །མཐེ་བོང་གི་མི་དུད་པ་ཡི། བདག་ཉིད་ཆེན་པོ་བྱུགས་ཙམ་གྱིས་ཞེས་པ་ནི་མཐེ་བོས་མིག་ལ་བྱུགས་པ་ཙམ་གྱིས་ཁང་བཟངས་ལ་སོགས་པ་ཕྱེ་མར་བྱེད་པའི་དོན་ཏོ། །མཐེ་ཆུང་གིས་ནི་མིག་བྱུགས་ན ་ཞེས་པ་ནི་མཐེ་ཆུད་གིས་སོར་མོས་བྱུགས་པ་ཙམ་གྱིས་འཆད་པར་འགྱུར་བའི་མི་སྣང་བ་ལ་སོགས་པའི་ཡོན་ཏན་དུ་འགྱུར་རོ། །བྱ་རོག་ཅེས་པ་ལ་སོགས་པ་ནི་གོ་སླའོ། །སྦྱོར་བ་གླེགས་བམ་ལ་མ་བྲིས་ཞེས་པ་ནི། ཡང་དག་པའི་སྦྱོར་བ་གླེགས ་བམ་ལས་ཤེས་པ་མ་ཡིན་ནོ། །འོ་ན་གང་ལས་ཤེས་ཤེ་ན། དེ་ཉིད་གསུངས་པ། བླ་མའི་ཞལ་ལས་ཤེས་པར་བྱ་ཞེས་པ་ནི་བླ་མའི་ཞལ་གྱི་མན་ངག་གིས་ཤེས་པར་བྱ་ཞེས་པའི་དོན་ཏོ། །དེ་ནས་ཞེས་པ་ནི་མིག་སྨན ་བཤད་པའི་རྗེས་ཐོགས་སུའོ། །སྔགས་དང་དུས་པའི་སྦྱོར་བ་རབ་ཏུ་བཤད་པར་བྱ་སྟེ། སྔགས་དང་རུས་པའི་སྦྱོར་བ་ཡིས། རྟག་ཏུ་སྣ་ཚོགས་ལས་བྱེད་དོ་ཞེས་པ་ནི་སྔགས་དང་ལྡན་པའི་རུས་པས་རབ་འབྱམ་སྣ་ཚོགས་པ་རྟག་ཏུ་སྟེ། དུས ་ཐམས་ཅད་དུ་བྱེད་ཅེས་པའི་ཐ་ཚིག་གོ་།དེ་ལྟར་གླང་པོ་ཆེའི་རུས་པ་དང། ཨོཾ་བུདྡྷ་ཀ་པཱ་ལི་ནི་ཧྲི་ཧཱུཾ་ཞེས་པས་གསད་པར་བྱའོ། །རྟའི་རུས་པ་དང། ཨོཾ་བུདྡྷ་ཀ་པ་ལི་ནི་ཁཾ་ཧྲི་ཧཱུཾ་ཕཊ། ཅེས་པས་བསྐྲད་པའོ། །དེ་ལྟར་གླང་པོ་ཆེའི་རུས་པས་ཞེས་པ ་ནས་ཧཱུཾ་ཕཊ། ཅེས་པའི་བར་དུ་རུས་པ་བཅུ་བཞི་དང། སྔགས་བཅུ་བཞིས་ལས་བཅུ་བཞི་བྱེད་ཅེས་པའི་དོན་ཏོ། །ལེའུ་ཡིས་བསྡུས་པའི་དོན་གསུངས་པ། སེམས་གཅིག་དྲི་མེད་མེ་ལོང་བཞིན་ཞེས་པ་ནི། སེམས་གཅིག་ཉིད་དྲི་མ ་མེད་པའི་མེ་ལོང་བཞིན་དུ་བལྟ་བ་སྟེ། དེ་བས་ན་སེམས་ཉིད་ལ་སོགས་པ་འདི་རྣམས་ཀྱི་རྒྱུར་གྱུར་ཞེས་པའི་ཐ་ཚིག་གོ་།གང་བསམས་དེ་ཡང་གཟུགས་བརྙན་དང། ཞེས་པ་ནི་གང་བསམས་པ་དེ་ཡང་གཟུགས་བརྙན་ལྟ་བུ་སྟེ། གད ་གཟུགས་བརྙན་གྱི་རྣམ་པ་དེ་ལྟ་བུའི་ལྷའི་སྦྱོར་བས་གང་བསམ་པ་དེ་ཐམས་ཅད་འགྲུབ་པར་འགྱུར་ཞེས་པའི་དོན་ཏོ། །རྨི་ལམ་ལྟ་བུ་ཤེས་མོད་ཀྱི་ཞེས་པ་ནི་འགྲོ་བ་མཛའ་དག་རྨི་ལམ་སྒྱུ་མ་ལྟ་བུ་ཞེས་པའི་དོན་ཏོ། །འོན་ཀྱང་རྣམ ་པར་རྟོག་པས་བཟུང། ཞེས་པ་ནི་འོན་ཀྱང་རྣམ་པར་རྟོག་པས་འཇིག་རྟེན་པ་བཟུང་ཞེས་པའི་ཐ་ཚིག་གོ་།སངས་རྒྱས་ཐོད་པ་ཞེས་པ་ལ་སོགས་པ་ནི་བཤད་ཟིན་ཏོ། །སྔགས་ཀྱི་རབ་ཏུ་སྦྱོར་བ་ཞེས་པ་ནི་མིག་སྨན་གྱི་ལས་ཀྱི་ཚོགས་ལ ་སོགས་པ་བསྡུས་པའོ། །གང་དུ་དེ་རྗོད་པར་བྱེད་པའི་ལེའུ་ནི་བཅུ་གཉིས་པའོ།། །།ད་ནི་རྣམ་པར་དག་པའི་ལེའུ་རབ་ཏུ་བཤད་པར་བྱ་སྟེ། དེ་ནས་ཞེས་པ་ནི་མིག་སྨན་དང། སྔགས་ཀྱི་ལས་ཀྱི་ཚོགས་བསྟན་པའི་རྗེས་ཐོགས་སུའོ། །རྣམ་དག ་ལེའུ་རབ་རྙེད་དཀའ་ཞེས་པ་ནི། དེ་བཞིན་ཉིད་དུ་རྣམ་པར་དག་པའི་ལེའུ་དེ་རབ་ཏུ་རྙེད་པར་དཀའ་བ་སྟེ་ཉན་ཐོས་ལ་སོགས་པས་དགའ་བས་ཀྱང་མི་རྙེད་པ་ཞེས་པའི་དོན་ཏོ། །ནེ་ནེ་མོ་དང་ཚ་མོ་དང། མ་དང་བུ་མོ་ཆུང་མ་ཉིད། ཅེས་པའི་ནི་ཤེས་རབ་མ ་འདི་དག་ལྔ་སྟེ། རྣལ་འབྱོར་མ་མཆོག་ལྔ་ལུས་འབྱུང་ཞེས་པའི་དོན་ཏོ། །ཤེས་རབ་ཅན་གྱིས་འདི་ལྟར་སྤྱད། ཅེས་པ་ནི་རྣལ་འབྱོར་མ་འདི་རྣམས་རྡོ་རྗེ་དང་པདྨའི་ཡང་དག་པའི་སྦྱོར་བས་སྤྱད་ཅིང་བསྟེན་པར་བྱའོ། །དེས་ཅིར་འགྱུར་ཞེ་ན་དེ་ཉིད་གསུངས ་པ། གལ་ཏེ་ཕྱག་རྒྱ་ཆེ་འདོད་ན། ཞེས་པ་ནི་གལ་ཏེ་རྣལ་འབྱོར་པ་ཕྱག་རྒྱ་ཆེན་པོའི་འདོད་པ་དང་ལྡན་པ་དེའི་ཚེ་ཤེས་རབ་མ་ལྔ་པོ་འདི་དག་འདོད་པར་བྱ་ཞིང་ཉེ་བར་ལོངས་སྤྱོད་པར་དགོངས་སོ། །གཡུང་མོ་དང་ནི་གར་མཁན་མ། ཁྲུས་མཁན་མ་དང་གཏུམ་མོ་ཡིས། ་བུ་མོ་ཀོ་བར་བྱེད་མར་གསུངས། ཞེས་པ་ནི་རྣལ་འབྱོར་མ་ལྔ་པོ་འདི་རྣམས་ཕྱག་རྒྱ་ཆེན་པོ་འདོད་པས་སྤྱད་པར་བྱ་ཞེས་པའི་དོན་ཏོ། །བློ་དང་ལྡན་པས་འདི་དག་སྤྱད། ཅེས་པ་ནི་བློ་དང་ལྡན་པའི་རྣལ་འབྱོར་པས་འདོད་པ་སྤྱད་ཅིང་བསྟེན་ཞེས་པའི་དོན་ཏོ།། ་དེ་ལ་རྣལ་འབྱོར་མའི་མཆོག་ཅེས་པ་ནི་རྣལ་འབྱོར་ལྔ་པོ་འདི་དག་ནི་མཆོག་སྟེ་ཕུལ་དུ་བྱུང་ཞིང་ཕྱག་རྒྱ་ཆེན་པོ་སྒྲུབ་པ་ལ་གོང་དུ་གྱུར་ཅེས་པའི་དོན་ཏོ། །མ་དག་པའི་སེམས་སྦྱང་ཕྱིར་ཞེས་པ་ནི་མ་དག་པའི་སེམས་ཏེ། རྣལ་འབྱོར་པའི་སེམས་སྦྱང་བའི ་དོན་དུ་བསྟན་པའོ། །མིག་ནི་སྲིད་མོར་འགྱུར་བ་སྟེ། ཞེས་པ་ནི་མིག་གི་རང་བཞིན་སྲིང་མོར་འགྱུར་བའོ། །རྣ་བ་ཚ་མོ་ཉིད་ཡིན་ནོ། །ཞེས་པ་ནི་རྣ་བའི་རང་བཞིན་ཚ་མོར་འགྱུར་བའོ། །སྣ་ནི་མ་རུ་འགྱུར་བ་སྟེ་ཞེས་པ་ལ་སྣའི་རང་བཞིན་ནི་མར་འགྱུར ་བའོ། །ལྕེ་ནི་བུ་མོ་ཉིད་ཡིན་ནོ་ཞེས་པ་ལ། ལྕེའི་རང་བཞིན་ནི་བུ་མོར་འགྱུར་བའོ། །ཡིད་ནི་ཆུང་མར་འགྱུར་བ་སྟེ། ཞེས་པ་ལ་ཡིད་ཀྱི་རང་བཞིན་ནི་ཆུང་མར་འགྱུར་བའོ། །ལྷ་མོ་ལྔ་པོ་དེ་རྣམས་མཆོག་ཅེས་པ་ནི་རྣལ ་འབྱོར་མ་ལྔ་པོ་རྣམས་ནི་འདོད་པའི་ཡོན་ཏན་ལྔའི་རང་བཞིན་ཏེ། གོང་མ་ཞེས་པའི་དོན་ཏོ། །ཕྱག་རྒྱ་ཆེན་པོ་རབ་སྟེར་མ་ཞེས་པ་ནི་རྣལ་འབྱོར་མས་ཕྱག་རྒྱ་ཆེན་པོ་རབ་ཏུ་སྟེར་ཞེས་པའི་དོན་ཏོ། །གཏི་མུག་གར་མཁན་ཉིད་དུ་འགྱུར་ཞེས་པ་ནི། ་གཏི་མུག་གི་རང་བཞིན་གར་མཁན་མར་འགྱུར་བའོ། །ཞེ་སྡང་གཡུང་མོ་ཉིད་ཡིན་ནོ། །ཞེས་པ་ནི་ཞེ་སྡང་གི་རང་བཞིན་གཡུང་མོར་འགྱུར་བའོ། །འདོད་ཆགས་ཁྲུས་མཁན་མ་ཡིན་ཏེ། ཞེས་པ་ནི་འདོད་ཆགས་ཀྱི་རང་བཞིན་ཁྲུས་པ་མཁན ་མར་འགྱུར་བའོ། །ང་རྒྱལ་གཏུམ་མོ་ཉིད་ཡིན་ནོ། །ཞེས་པ་ནི་ང་རྒྱལ་གྱི་རང་བཞིན་གཏུམ་མོར་འགྱུར་བའོ། །ཕྲག་དོག་ཀོ་བ་བྱེད་མའོ། །ཞེས་པ་ནི་ཕྲག་དོག་གི་རང་བཞིན་ཀོ་བ་བྱེད་མར་འགྱུར་བའོ། །གཟུགས་ལས་གཏི་མུག་སྐྱེ་བ་སྟེ་ཞེས་པ ་ལ་མིག་ནི་གཏི་མུག་རྣམ་པར་དག་པར་འགྱུར་བའོ། །སྒྲ་ལས་ཞེ་སྡང་སྐྱེ་བ་ཡིན་ཞེས་པ་ནི་སྒྲ་ལས་ཞེ་སྡང་སྐྱེ་བར་འགྱུར་བའོ། །དྲིལ་ལོངས་སྤྱོད་པས་འདོད་ཆགས་ཞེས་པ་ལ་སོགས་པ་ནི་གོ་སླའོ། །ཤིན་ཏུ་སྦྱོར་བའི་སེམས་ཀྱིས་ནི་ཞེས་པ་ནི ་ཤིན་ཏུ་གཅིག་ཏུ་བསམ་གཏན་ལ་སེམས་པའི་རྣལ་འབྱོར་བའོ། །སྐྱེ་བ་འདིར་དངོས་གྲུབ་མ་ཐོབ་ཀྱང་ཞེས་པ་ནི་གལ་ཏེ་མིའི་སྐྱེ་བ་འདིར་ཕྱག་རྒྱ་ཆེན་པོའི་དངོས་གྲུབ་མ་ཐོབ་ཀྱང་ངོ། །དེའི་ཚེ་ཅིར་འགྱུར་ཞེ་ན་དེ་ཉིད་གསུངས་པ་སྐྱེ་གཞན་སྲིད་པར ་དངོས་གྲུབ་འགྱུར་ཞེས་སྨོས་ཏེ། འདི་ལས་གཞན་པའི་སྐྱེ་བ་ལ་གདོན་མི་ཟ་བར་ཕྱག་རྒྱ་ཆེན་པོའི་དངོས་གྲུབ་འཐོབ་ཅེས་པའི་དོན་ཏོ། །དེ་ལྟར་ཡང་གསང་བའི་མཛོད་ལས། དབང་བསྐུར་ཡང་དག་སྦྱིན་ལྡན་ན། །སྐྱེ་དང་སྐྱེ་བར་དབང་བསྐུར ་འགྱུར། །དེའི་སྐྱེ་བ་བདུན་ལ་ནི། །མ་བསྒོམས་པར་ནི་དངོས་གྲུབ་ཐོབ། །གང་ཡང་བསྒོམ་པ་དང་ལྡན་ཞིང། །གལ་ཏེ་དམ་ཚིག་སྡོམ་ལ་གནས། །སྐྱེ་འདིར་ལས་དབང་གིས་མ་འགྲུབ། །སྐྱེ་བ་གཞན་དུ་དངོས་གྲུབ་འཐོབ་རེ་ཞིག་དམ་ཚིག་སྡོམ་མི་གནས། དངོས ་གྲུབ་ཐོབ་པ་ལྟ་ཞོག་གི་།མི་ཡི་སྐྱེ་བའང་རྙེད་པར་དཀའ་།གང་ཡང་བླ་མ་བརྒྱུད་པ་ཡི། །རི་མ་འོངས་དེ་ཉིད་རིག་པ་ཡི། །སྒྲུབ་པོ་དེ་ཡིས་བསྒྲུབ་སྙམ་དགོངས་ཞེས་གསུངས་སོ། དག་པའི་སེམས་ཀྱིས་བལྟ་མི་བྱ། །ཞེས་པ་ནི་གང་གིས་སེམས་དག་པ་ལྷན ་ཅིག་སྐྱེས་བའི་ཡེ་ཤེས་ཀྱིས་དཀར་པོ་དང། ལྗང་གུ་དང། ནག་པོའི་མདོག་ཏུ་མི་བལྟ་ཞིང་མི་བརྟག་པའི་དོན་ཏོ། །འོ་ན་ཇི་ལྟར་བལྟ་ཞེ་ན། ལྷན་ཅིག་སྐྱེས་པའི་བདེ་བའི་རྣམ་པ་ཐམས་ཅད་བལྟ་ཞེས་པའི་དོན་ཏོ། །དེ་ལྟར་ཡང་རབ་ཏུ་དགའ་བའི་ནམ་མཁའ་ ་ལས། །ཙན་དན་མེ་ཏོག་བུད་མེད་བཟང། །མཐོང་བས་གང་ཚ་འཛག་འགྱུར་བ། །དེ་ཚེ་དགའ་བར་ཡང་དག་བཤད། །སེམས་ཅན་ཀུན་ལ་རྣམ་པར་གནས། །སེམས་ཅན་དེ་དག་ཀུན་གྱི་སེམས། །དཔག་དཀའ་སྐད་ཅིག་ཉིད་ལས་ཤེས། །ཞེས ་གསུངས་སོ། །ལྷག་མ་ནི་གོ་སླའོ། །ཡིད་ཀྱི་གཉི་ག་སྤྱད་པས་བདེ་ཞེས་པ་ནི་དངོས་པོ་དང་དངོས་པོ་མེད་པ་གཉིས་ཀ་དཔྱད་པས་བདེ་བའི་རང་བཞིན་ཐོབ་ཅེས་པའི་དོན་ཏོ། །དེར་ནི་དཔྱད་པ་ཡོད་མ་ཡིན་ཞེས་པ་ནི་བདེ་བ་ཆེན་པོ་ཡང་དག་པར་བྱུང་བ་ལ་དཔྱད ་པ་ཡོད་པ་མ་ཡིན་ནོ་ཞེས་པའི་དོན་ཏོ། །དངོས་པོ་ལ་ནི་དངོས་མེད་ཡོད་ཅེས་པ་ནི་ཆོས་ཐམས་ཅད་ཀྱི་དངོས་པོ་ལ་དངོས་པོ་མེད་པ་སྟོང་པ་ཉིད་ཡོད། ཅེས་པའི་དོན་ཏོ། །འདི་དག་སེམས་ཀྱི་དག་པ་ཞེས་པ་ནི་དངོས་པོ་མེད་པ་སྟོང་པ་ལ་དངོས་པོ་ཡོད་ཅེས ་པའི་དོན་ཏོ། །དངོས་དང་དངོས་མེད་གཉི་ག་སྟོང་ཞེས་པ་ནི་དངོས་པོ་ཡང་སྟོང་ལ་དངོས་པོ་མེད་པ་ཡང་སྟོང་པ་ཉིད་དེ་གཉི་ག་སྟོང་པ་ཉིད་དུ་བསྒོམ་ཞེས་པའི་དོན་ཏོ། །འདི་དག་སེམས་ཀྱི་བདག་ཉིད་ཅེས་པ་ནི་འདི་དག་ཐམས་ཅད་སེམས་ཀྱི་དག་པར་དགོངས་སོ། ། ་དེ་ནས་གཞན་ཡང་རབ་བཤད་པ། ཕྱིའི་ལུས་ནི་སྤྱད་ཕྱིར་རོ་ཞེས་པ་ནི་རྒྱུད་དེས་ཕྱིའི་ལུས་ཀྱི་མཆོག་སྤྱོད་པ་ལ་རབ་ཏུ་བཤད་ཅེས་སྦྱར་རོ། །ལྷ་དང་ལྡན་པའི་སྙིང་རྗེ་སྟེ། ཞེས་པ་ནི་ཤེས་རབ་མ་མཐོང་བ་ཙམ་གྱིས་སྙིང་རྗེར་འགྱུར་རོ།། ་འཁྱུད་པ་བྱམས་པར་འགྱུར་བའོ། །ཞེས་པ་ནི་ཤེས་རབ་མ་ལ་འཁྱུད་པ་གང་ཡིན་པ་དེ་ནི་བྱམས་པར་བསྟན། ཞེས་པའི་དོན་ཏོ། །དྲུང་པའི་སྦྱོར་བའི་བདག་ཉིད་ནི། ཞེས་པ་ནི་རྡོ་རྗེ་དང་པདྨ་ཡང་དག་པར་དྲུད་པ་ལས་དགའ་བར་འགྱུར་ཞེས་པའི་དོན་ཏོ།། ་གཉི་ཀ་འདུས་ལས་གང་འཛག་པ་ཞེས་པ་ནི་ཤེས་རབ་དང་ཐབས་གཉིས་ཀ་ལས་བྱང་ཆུབ་ཀྱི་སེམས་ཀྱི་བདག་ཉིད་འཛག་པ་དེ་ནི་བཏང་སྙོམས་སུ་གསུངས་སོ། །དེ་ལྟར་དངོས་པོའི་སྦྱོར་ལྡན་པ། །ཇི་ལྟར་འདོད་ཆགས་ཀྱིས་འཆིང་འགྱུར། ཞེས་པའི་དོན་ཏོ། ། ་མཐོང་པ་ལས་ནི་སྡུག་བསྔལ་སྐྱེ་ཞེས་པ་ནི་ཤེས་རབ་མ་མཐོང་བ་ལས་འདོད་ཆགས་ཀྱི་སྡུག་བསྔལ་སྐྱེ་ཞེས་པའི་དོན་ཏོ། །འཁྱུད་ལས་འབྲས་བུ་ཅུང་ཟད་ཙམ་ཞེས་པ་ནི་འཁྱུད་པ་ལས་ཅུང་ཟད་དགའ་བའི་འབྲས་བུ་འབྱུང། ཞེས་པའི་དོན་ཏོ། །དྲུང་པ་ལས ་ནི་དགའ་བ་སྐྱེ། ཞེས་པ་ནི་རྡོ་རྗེ་དང། པདྨ་ཡང་དག་པར་དྲུང་པ་ལས་མཆོག་ཏུ་དགའ་བ་སྐྱེ་ཞེས་པའི་དོན་ཏོ། །ཀུན་གྱི་མཛའ་མར་དགའ་བྲལ་བ། ཞེས་པ་ནི་ཐམས་ཅད་ཀྱི་ཐ་མར་དགའ་བ་ཤོར་ཞིང་དགའ་བྲལ་སྐྱེ་ཞེས་པའི་དོན་ཏོ། །ལྷག་མ་ནི་གོ་ ་སླའོ། །དེ་ཀུན་བཤད་དང་གཅི་སོགས་སུ། ཞེས་པ་ནི་གང་བཟའ་བ་དང་བཏུང་བ་དེ་ཐམས་ཅད་བཤད་པ་དང་གཅི་བ་ལ་སོགས་པར་རྣལ་འབྱོར་རིག་པས་རྟག་ཏུ་སྟེ། དུས་ཐམས་ཅད་དུ་བརྟག་ཅེས་པའི་དོན་ཏོ། །ལྷག་མ་ནི་གོ་སླའོ། །ཉེད་དང་འཚིར ་བ་ཉིད་ཀྱིས་ནི། ཞེས་པ་ནི་ནུ་མ་ཉེད་ཅིང་སུབ་པ་སྟེ། དེ་ལ་སོགས་པའི་བྱ་བས་ཕྱག་རྒྱ་ཆེན་པོར་ཡང་དག་པར་བསྐྱེད་ཅེས་པའི་དོན་ཏོ། །རྣལ་འབྱོར་མ་ལྔ་ཞེས་པ་ནི་རྣལ་འབྱོར་མ་ལྔའི་རྩ་ལྔའོ། །སངས་རྒྱས་ཀྱི་དཔལ་ཞེས་པ་ནི་ཕྱག་རྒྱ་ཆེན་པོ ་ཞེས་པའི་དོན་ཏོ། །ཕྱག་རྒྱ་ཆེ་སྟེར་བྱེད་པ་ཅེས་པ་ནི་ཁྱད་པར་དུ་སྟེར་བར་བྱེད་པ་ཞེས་པའི་དོན་ཏོ། །རྣལ་འབྱོར་པ་ཡིས་དེ་མཆོད་ན་ཞེས་པ་ནི་རྣལ་འབྱོར་པ་ཡིས་ཤེས་རབ་མ་ལྔ་པོ་དེ་རྣམས་བསྟེན་ན་ཞེས་པའི་དོན་ཏོ། །འདོད་པ་རྣམས་ཀྱིས་གོས ་མི་འགྱུར་ཞེས་པ་ནི། སྤྱོད་བཞིན་པ་འམ་བསྟེན་བཞིན་པ་ན་སྲིད་པའི་ཉེས་པས་གོས་པར་མི་འགྱུར་ཞེས་པའི་དོན་ཏོ། །ཕྲག་དོག་ལ་སོགས་དྲི་མས་ཀྱང་ཞེས་པ་ནི་ཕྲག་དོག་ལ་སོགས་པའི་ཉོན་མོངས་པ་སྐྱེས་ཀྱང་བསམ་གཏན་དང་ལྡན་པ་ལ ་ཉེས་པས། གོས་པར་མི་འགྱུར་རོ། །ཇི་ལྟར་ཡང་འགྲོ་བ་མཛའ་དག་བརྫུན་དང་སྒྱུ་མ་ལྟ་བུ་ཡིན་ན་ཇི་ལྟར་ཉེས་པ་རྣམས་ཀྱིས་གོས་ཞེས་པའི་ཐ་ཚིག་གོ་།རྣལ་འབྱོར་པའི་མཆོག་དེ་ཉིད་ཅེས་པ་ནི་རྣལ་འབྱོར་པ་བསྒོམ་པ་པོ་ཉིད་མཆོག་ཏུ་ཕུལ ་དུ་བྱུང་བའི་དེ་ཁོ་ན་ཉིད་ཤེས་པའོ་ཞེས་པའི་དོན་ཏོ། །སྲིད་པའི་ཉེས་པས་གོས་མི་འགྱུར་ཞེས་པ་ལ་སྲིད་པ་སྟེ་འཁོར་བ་ཐོག་མ་མེད་པའི་རྣམ་པར་རྟོག་པའི་ཉེས་པ་རྣམས་ཀྱིས་མི་གོས་ཤིང་མི་རེག་ཅེས་པའི་དོན་ཏོ། །ལེའུའི་བསྡུས་པའི་དོན ་གྱི་ཚིགས་སུ་བཅད་པ་གསུངས་པ། ཇི་སྲིད་ཁ་མ་བྱེ་མི་གསོང། །ཞེས་པ་ནི་ཇི་སྲིད་དུ་པདྨ་ཁ་མ་བྱེ་བ་དེ་སྲིད་དུ་རྡོ་རྗེ་གསོར་བར་མི་བྱའོ། །ཞེས་པའི་དོན་ཏོ། །སངས་རྒྱས་སྐུ་སྲིད་སྡིག་དང་བྲལ་ཞེས་པ་ནི་སངས་རྒྱས་ཀྱི་སྐུ་ཇི་སྲིད་པ་སྟེ། འཁོར ་བའི་སྡིག་པའི་དྲི་མ་དང་བྲལ་ཞེས་པའི་དོན་ཏོ། །བྱང་ཆུབ་སེམས་ནི་འཛག་མེད་པ་ཞེས་པ་ནི་བྱང་ཆུབ་ཀྱི་སེམས་འཛག་པར་མི་འགྱུར་བའོ། །དེས་ཅིར་འགྱུར་ཞེས་པ་ཉིད་གསུངས་པ། །གང་དེ་ཕུན་སུམ་ཚོགས་པའི་ཤིང་ཞེས་པ་ནི་བྱང་ཆུབ་ཀྱི་སེམས ་གང་མི་འཛག་པའི་ཕུན་སུམ་ཚོགས་པའི་ཤིང་ནི་རྡོ་རྗེ་ཕུན་སུམ་ཚོགས་པ་སྟེ་རྡོ་རྗེ་མཁྲད་ཞེས་པའི་བར་དུའོ། །སངས་རྒྱས་ཐོད་པ་ཞེས་པ་ལ་སོགས་པ་ནི་བཤད་ཟིན་ཏོ། །ལེའུ་གང་དུ་སེམས་རྣམ་པར་དག་པ་རྗོད་པར་བྱེད་པའི་ལེའུ་ནི་སེམས་རྣམ་པར ་དག་པའི་ལེའུ་ཞེས་བྱ་བ་སྟེ་བཅུ་གསུམ་པའོ།། །།ད་ནི་སྣ་ཚོགས་སྡེ་མའི་ལེའུ་རབ་ཏུ་བཤད་པར་བྱ་སྟེ། །དེ་ནས་ཞེས་པ་ནི་སེམས་རྣམ་པར་དག་པ་བཤད་པའི་རྗེས་ཐོགས་སུའོ། །སངས་རྒྱས་ཐོད་པའི ་རྒྱུད་ཀྱི་གླེང་གཞིའི་ལེའུ་རབ་ཏུ་བཤད་ཅེས་སྦྱར་རོ། །དེ་ལྟར་ཕྱག་ན་རྡོ་རྗེ་ལ་སོགས་པའི་བྱང་ཆུབ་སེམས་དཔའ་རྣམས་ཞེས་པ་ནི་ཕྱག་ན་རྡོ་རྗེ་ལ་སོགས་པའི་བྱང་ཆུབ་སེམས་དཔའ་རྣམས་དང་ཞེས་པའི་དོན་ཏོ། །རི་རབ་ཀྱི་རྡུལ་ཕྲ་རབ་རྙེད་དང ་མཚུངས་པའི་རྣལ་འབྱོར་མ་རྣམས་ཞེས་པ་ནི་རི་རབ་ལྷུན་པོའི་རྡུལ་ཕྲ་རབ་དང་མཚུངས་པ་སྟེ། དེ་ཉིད་ཀྱི་རྡུལ་ཕྲ་རབ་ཀྱི་རྡུལ་དང་མཚུངས་པའི་སྦྱོར་བ་རྣམས་ཞེས་པའི་དོན་ཏོ། །སྤྱན་གདངས་ཤིང་མགུ་བའི་སེམས་ཀྱིས་ཤེས་པའི་མིག་ཕྱེ་ཞིང ་སེམས་དགའ་བའི་རྣལ་འབྱོར་མ་རྣམས་ཞེས་པའི་དོན་ཏོ། །སྣ་ཚོགས་སྡེ་མ་ལ་བཏུད་དེ། བསྟོད་པ་ཞེས་པ་ནི་རྣལ་འབྱོར་མ་དེ་རྣམས་བཅོམ་ལྡན་འདས་སྣ་ཚོགས་སྡེ་མ་ལ་བསྟོད་པར་བྱེད་ཅེས་པའི་དོན་ཏོ། །ེ་མ་ཧོ། །བཅོམ་ལྡན་འདས་ལྷ་མོ་ཞེས་པ ་ལ་ཨེ་མའོ་ཞེས་པ་ནི་ངོ་མཚར་བའོ། །བཅོམ་ལྡན་འདས་ལྷ་མོ་ཞེས་པ་ནི་བཅོམ་པ་དང་ལྡན་པའི་ལྷ་མོ་ཞེས་པའི་དོན་ཏོ། །སངས་རྒྱས་ཐམས་ཅད་བསྐྱེད་བྱེད་མ་ཞེས་པ་ནི་སངས་རྒྱས་ཐམས་ཅད་ནི་རྣམ་པར་སྣང་མཛད་ལ་སོགས་པ་སྟེ། དེ ་རྣམས་སྐྱེད་པར་བྱེད་པས་ན་སྐྱེད་བྱེད་མའོ། །དཔལ་དང་གྲགས་པ་ཆེ་ཞིང་འཇིགས་ཞེས་པ་ནི་ཕྱག་རྒྱ་ཆེན་པོའི་དཔལ་གྱིས་བྱིས་པའི་རིགས་ཅན་རྣམས་འཇིགས་པར་བྱེད་པས་ན་གྲགས་པ་ཆེན་པོ་དང་ལྡན་པའོ། །སེམས་ཅན་ཀུན་ལ་ཕན་བྱེད་མ ་ཞེས་པ་ནི་སེམས་ཅན་གྱི་དོན་ཐམས་ཅད་ལ་ཕན་པར་བྱེད་ཅེས་པའི་དོན་ཏོ། །ལྷ་མོ་སྙིང་རྗེ་ཆེར་ལྡན་མ་ཞེས་པ་ནི་ལྷ་མོ་སྙིང་རྗེ་ཆེན་པོ་དང་ཡང་དག་པར་ལྡན་པ་ཞེས་པའི་དོན་ཏོ། །ཕྱག་རྒྱ་ཆེན་པོ་བློ་ཆེན་མ་ཞེས་པ་ནི་སྟོང་པ་ཉིད་ཆེན་པོའི ་རང་བཞིན་གྱིས་དེ་བཞིན་གཤེགས་པ་རྣམས་རྒྱས་འདེབས་པས་ཕྱག་རྒྱ་ཆེན་པོའོ། །དོན་ཆེན་འབྲས་བུ་སྟོན་མཛད་མ་ཞེས་པ་ལ་དོན་ཆེན་པོ་དངོས་གྲུབ་ཆེན་པོའོ། །དེའི་འབྲས་བུ་བདེ་བ་ཆེན་པོའི་ཡེ་ཤེས་སྟོན་པར་མཛད་པས་ན། སྟོན་མཛད་མའོ།། ་སངས་རྒྱས་ཐོད་པ་ཡི་ནི་རྒྱུད་ཅེས་པ་ནི་ཤེས་རབ་དང་ཐུགས་ཀྱི་རྒྱུད་དོ། །རྡོ་རྗེ་འཆང་གིས་སྤས་པ་དང་ཞེས་པ་ནི་རྡོ་རྗེ་འཆང་བས་མ་གསུངས་པའོ། །ཞེས་པའི་དོན་ཏོ། །སངས་རྒྱས་རྣམ་པར་སྣང་མཛད་ལ་སོགས་པས་སེམས་ཅན་དེ་གང་རྣམས ་ལ་དངོས་གྲུབ་མ་གསུངས་པ་དེ་བཅོམ་ལྡན་འདས་མས་གསུངས་ཞེས་པའི་དོན་ཏོ། །སྣོད་ཆེན་ལྷ་མོ་ཁྱོད་ཅེས་པ་ལ་ཨེ་མའོ་ཞེས་པ་ནི་ངོ་མཚར་བའོ། །སྣོད་ཆེན་ལྷ་མོ་ཞེས་པ་ནི་གནས་ཆེན་པོའི་ངོ་བོའི། ལྷ་མོ་ཞེས་པའི་དོན་ཏོ། །རྣལ་འབྱོར་མ ་ཀུན་འདུས་མཛད་མ་ཞེས་པ་ནི། རྣལ་འབྱོར་མ་ཞེས་ཐམས་ཅད་དེ་རྩ་ཐམས་ཅད་བསྡུས་ཤིང་བཟླུམས་པ་ཞེས་པའི་དོན་ཏོ། །ལྷ་མོ་ནི་གོ་སླའོ། །གསུངས་པ་ཞེས་པ་ནི་སྣ་ཚོགས་སྡེ་མས་གསུངས་པའོ། །རྣལ་འབྱོར་མ་ནི་ཐམས་ཅད་ཉོན་ཞེས་པ ་ནི་འདོད་ཆེན་མ་ལ་སོགས་པའི་རྣལ་འབྱོར་མ་ཐམས་ཅད་ཉོན་ཞེས་སྦྱར་རོ། །བྱང་ཆུབ་སེམས་དཔའ་ཐམས་ཅད་དང། འདོད་ཆགས་བྲལ་དང་བདག་ཆེན་ཉོན་ཞེས་པ་ལ། བྱང་ཆུབ་སེམས་དཔའ་ཞེས་པ་ནི་ཕྱག་ན་རྡོ་རྗེ་ལ་སོགས་པའོ། །འདོད ་ཆགས་དང་བྲལ་ཞེས་པ་ནི་ཉན་ཐོས་ལ་སོགས་པའོ། །བདག་ཉིད་ཆེ་ཞེས་པ་ནི་ཚངས་རིགས་ལ་སོགས་པའི་ལྷ་སྟེ་དེ་རྣམས་ཐམས་ཅད་ཉོན་ཅིག་ཅེས་སྦྱར་རོ། །སངས་རྒྱས་དེ་བཞིན་གཤེགས་པ་ཉོན་ཞེས་པ་ལ། སངས་རྒྱས་ཞེས་པ་ནི་ས་བཅུ ་གཅིག་བརྙེས་པའི་སངས་རྒྱས་སོ། །དེ་བཞིན་གཤེགས་པ་ཞེས་པ་ནི་ས་བཅུ་གསུམ་པ་བརྙེས་པ་སྟེ་དེ་རྣམས་ཐམས་ཅད་ཉོན་ཞེས་པའི་དོན་ཏོ། །ལྷ་དང་ཀླུ་དང་མི་ནི་ཉོན་ཞེས་པ་ལ་ལྷ་ནི་ཚངས་པ་ལ་སོགས་པའོ། །ཀླུ་ནི་ནོར་རྒྱས་ལ་སོགས ་པའོ། མི་ནི་མི་ཉིད་དོ། །དེ་རྣམས་ཐམས་ཅད་ཉོན་ཅིག་ཅེས་སྦྱར་རོ། །ཅི་ཞིག་ཉན་ཞེ་ན། དེ་ཉིད་གསུངས་པ། རྒྱུད་རྒྱལ་འདི་ནི་ཀླགས་ཙམ་གྱིས་ཞེས་པ་ནི་རྒྱུད་རྒྱལ་འདི་སྟེ་སངས་རྒྱས་ཐོད་པའི་རྒྱུད་ཀྱི་རྒྱལ་པོ ་འདི་མཉམ་པ་དང་ཀླགས་པ་ཙམ་གྱིས་བསོད་ནམས་ཆེན་པོར་འགྱུར་ཞེས་སྦྱར་ཏེ། བྲིས་པ་དང་སྟོན་པའི་བསོད་ནམས་ལ་ཡང་སངས་རྒྱས་དང་བྱང་ཆུབ་སེམས་དཔའ་དང་ལྷ་དང་ཀླུ་དང་མི་རྣམས་རྗེས་སུ་ཡི་རང་ངོ། །ཞེས་པའི་དོན་ཏོ། །ཕྱག ་རྒྱ་ཆེན་པོའི་དོན་དུ་ནི། སངས་རྒྱས་ཡོན་ཏན་རྣམས་ལ་དབུལ། ཞེས་པ་ནི་སངས་རྒྱས་ཀྱི་ཡོན་ཏན་གྱི་རྣམ་པའི་བསོད་ནམས་འདི་ཕྱག་རྒྱ་ཆེན་པོའི་དངོས་གྲུབ་ཀྱི་དོན་དུ་དབུལ་ཞིང་བསྔོ་ཞེས་པའི་དོན་ཏོ། །སྔགས་དོན་ཟབ་མོ་རྣམས་དང ་ནི་ཞེས་པ་ལ་སོགས་པ་ལ། གང་ཞིག་གསལ་བྱས་བཟོད་པ་མཛོད། །ཅེས་པ་ནི་བདག་གིས་རྒྱུད་ཀྱི་རྒྱལ་པོ་གསལ་བར་བྱས་པས་སངས་རྒྱས་དང་བྱང་ཆུབ་སེམས་དཔའ་རྣམས་བདག་ལ་བཟོད་པ་མཛོད་ཅིག་ཅེས་སྦྱར་རོ། །དེ་ནས་ཞེས ་པ་ནི་རྒྱུད་ཀྱི་གླེང་གཞི་བསྟན་པའི་རྗེས་ཐོགས་སུ་སྔགས་ཀྱི་བཟླས་པ་རབ་ཏུ་བཤད་ཅེས་སྦྱར་རོ། །སྔགས་ཀྱི་བཟླས་པ་སྟོབས་པོ་ཆེ་ཞེས་པ་ནི་སྔགས་བཟླས་པས་སྟོབས་ཆེན་པོར་འགྱུར་བའི་དོན་ཏོ། །གལ་ཏེ་དངོས་གྲུབ་མཆོག་འདོད་ན་ཞེས ་པ་ནི། གལ་ཏེ་རྣལ་འབྱོར་པ་ཕྱག་རྒྱ་ཆེན་པོའི་དངོས་གྲུབ་མཆོག་ཏུ་ཕུལ་དུ་བྱུང་བ་འདོད་ཅིང་དོན་དུ་གཉེར་བར་བྱེད་ན་ཞེས་པའི་དོན་ཏོ། །སངས་རྒྱས་ཐོད་སྦྱོར་བཟང་པོ་བཟླ་ཞེས་པའི་ཤེས་རབ་དང་ཐབས་ཀྱི་བསམ་གཏན་གྱིས་སོ། །བཟང་ངོ ་བཟླ་ཞེས་པ་ནི་སྔགས་ཀྱི་དེ་ཁོ་ན་ཉིད་བཟང་པོ་དང་ལྡན་པའི་སྔགས་བཟླ་ཞེས་པའི་དོན་ཏོ། །སྔགས་གསུངས་པ་ཨོཾ་ཧྲཱི་བུདྡྷ་ཧཱུཾ་ཀ་པཱ་ལི་ནི་ཨཱ། འཇུག་པ་དང་ལྡང་བ་དང་གནས་པའི་རླུང་ལ་ཡི་གེ་བཅུ་བསམ་པའོ། །འཇུག་པ་ལ་ཨོཾ་འབྱུང་པ་ལ ་ཧྲཱི་གནས་པ་ལ་བུདྡྷཱ། བདེ་བ་ལ་ཧཱུཾ་ནུབ་པ་ལ་ཀ་པཱ་ལི་ནི། ལྡང་བ་ལ་ཨའོ། །དེ་ལྟར་བཟླས་པ་རབ་རྙེད་དཀའ་ཞེས་པ་ནི་རྣམ་པ་དེ་ལྟ་བུའི་སྔགས་ཀྱི་བཟླས་པའི་མན་ངག་ཉན་ཐོས་ལ་སོགས་པས་དཀའ་བས་ཀྱང་མི་རྙེད་ཅེས་པའི་དོན་ཏོ། །སངས ་རྒྱས་ཐོད་པའི་སྦྱོར་ཆུང་བཟླ། ཞེས་པ་ནི་སངས་རྒྱས་ཐོད་པའི་སྦྱོར་བ་དེར་སེམས་ཆུད་པས་སྔགས་བཟླས་ཤེས་པའི་དོན་ཏོ། །དེ་ལྟར་ཡིད་ཀྱི་བཟླས་ལྡན་པས་ཞེས་པ་ནི་དེ་ལྟ་བུའི་བཟླས་པ་དང་ལྡན་པའི་རྣལ་འབྱོར་པས་དངོས་གྲུབ་ཐོབ་པར་ཐེ་ཚོམ ་མེད་དེ་རྣལ་འབྱོར་པ་དེའི་དངོས་གྲུབ་ཏུ་འགྱུར་གྱིས་གཞན་དུ་མ་ཡིན་ནོ། །སྙིང་པོ་སྔགས་གསུངས་པ། ཨོམ་བུདྡྷ་ཀ་པཱ་ལི་ནི་ཨ་ཧཱི་ཧེ་ཧཱུཾ་ཕཊ། ཉེ་བའི་སྙིང་པོའི་སྔགས་གསུངས་པ། ཨོཾ་ཀ་པཱ་ལི་བཛྲི་ཎི་ཧོ་ཧཱུཾ་ཡ་དུ་ར་ལ་ཀྵེ་ཧཱུཾ་ཕཊ། དེ་དག་སྙིང ་པོ་དང་ཉེ་བའི་སྙིང་པོར་ཡང་དག་པར་བཤད་དོ། །དེ་ནས་ཞེས་པ་ནི་སྔགས་ཀྱི་དེ་ཉིད་བཤད་པའི་རྗེས་ཐོགས་སུ་དབང་བསྐུར་བ་རབ་ཏུ་བཤད་ཅེས་སྦྱར་རོ། །སློབ་མ་དང་བརྟན་གང་ཞིག་གི་ཞེས་པ་ནི་དད་པ་དང་ལྡན་པའི་སློབ་མ་སྟེ་མི་ཕྱེད་པའི་དད་པ་དང ་ལྡན་པའི་སློབ་མས་སོ། །ཤེས་རབ་མ་ལ་གསོལ་བ་གདབ་ཅེས་པ་ནི། །བླ་མ་ཤེས་རབ་མའི་དྲུང་དུ་གསོལ་བ་གདབ་པར་བྱའོ། །ཇི་ལྟར་གསོལ་བ་གདབ་ཅེ་ན། དེ་ཉིད་གསུངས་པ་མཎྜལ་རྣམ་པ་ལྔ་བྱས་ཏེ། ཞེས་པ་ནི་རྣལ་འབྱོར་མ་ལྔ་རྣམ ་པར་དག་པའི་དཀྱིལ་འཁོར་ལྔ་བྱས་ལ་གསོལ་བ་གདབ་ཅེས་པའི་དོན་ཏོ། །ཇི་ལྟ་བུའི་མཎྜལ་བྱ་ཞེ་ན། དྲི་ཞིམ་པའི་དངོས་པོ་ཡིས་ཞེས་གསུངས་ཏེ་དྲི་ཞིམ་པའི་ཆུས་དཀྱིལ་འཁོར་བྱ་བའི་དོན་ཏོ། །སངས་རྒྱས་ཀུན་གྱིས་བརྒྱན་བྱས་པ་ཞེས་པ་ནི། ་སངས་རྒྱས་ལྔ་རྣམ་པར་དག་པའི་ལྷ་མོའི་དབང་ལྔ་སྩོལ་ཅིག་པ་སྟེ། རྣམ་པར་སྣང་མཛད་ལ་སོགས་པའི་སངས་རྒྱས་ཐམས་ཅད་ཀྱིས་བརྒྱན་པའི་དབང་ལྔ་སྩོལ་ཅིག་ཅེས་པའི་དོན་ཏོ། །ལྷ་མོ་ཆེལ་གསོལ་བ་གདབ་ཅེས་པའི་ནི་དབང་གི་དོན་དུ་ལྷ་མོ ་སྣ་ཚོགས་སྡེ་མ་ལ་གསོལ་བ་གདབ་ཅེས་པའི་དོན་ཏོ། །ཞལ་དུ་བཟའ་བའི་རྫས་མཆོག་བསྟབ། ཅེས་པ་ནི་ཟས་ཀྱི་མཆོག་བྱང་ཆུབ་ཀྱི་སེམས་ཀྱི་བཟའ་བ་དང། ཁྲག་འདྲེས་པ་པདྨའི་ཁ་ནས་སྦྱིན་པར་བྱ་ཞེས་པའི ་དོན་ཏོ། །འདིས་ནི་ལྷ་མོའི་བྷ་གའི་དབང་སྟན་ཏོ། །གསོལ་བ་དང་ཞེས་པ་ནི་དུང་བོར་གྱི་དྲིའི་ཆུ་བཏུང་བ་འམ་ཡང་ན་བྱང་ཆུབ་ཀྱི་སེམས་བཏུང་བའོ། །འདིས་ནི་གསང་བའི་དབང་བསྟན་པའོ། །ཡིད་ནི་ཚིམ་ཞིང་ཐུགས་དགྱེས་སོ། །ཞེས ་པ་ནི་སློབ་མའི་སེམས་དགའ་བས་བྱང་ཆུབ་ཀྱི་སེམས་བཏུང་ཞིང་ཚིམ་པར་བྱ་བའི་དོན་ཏོ། །ད་ནི་ཤེས་རབ་ཀྱི་དབང་གསུངས་པ། ལྷ་མོ་དགྱེས་པར་མཐོང་ནས་ནི། ཚིག་འདི་དག་ནི་སྨྲ་བར་བྱེད། ཅེས་པ་ནི་ལྷ་མོ་སྣ་ཚོགས་སྡེ་མའི་ཞལ་གྱི ་པདྨ་བྱེ་ཞིང། དགྱེས་པར་མཐོང་ནས་དེ་ནས་སློབ་མས་ཚིག་འདི་དག་སྨྲས་ཞེས་པའི་དོན་ཏོ། །རྣམ་པར་རྟོག་པ་མང་པོ་ཡིས་ཞེས་པ་ནས་ཞི་བར་མཛོད། ཅེས་པའི་བར་གྱི་ཚིགས་བཅད་ཀྱིས་སྣ་ཚོགས་སྡེ་མ་ལ་གསོལ་བ་གདབ་པར ་བྱའོ། །དེ་ནས་སློབ་མས་ཅི་ཞིག་བྱ་ཞེ་ན་དེ་ཉིད་གསུངས་པ། དེར་ནི་རྒྱན་རྣམས་ཐམས་ཅད་དང། ལྷབ་ལྷུབ་རྒྱན་རྣམས་དབུལ་བར་བྱ། ཞེས་པ་ནི་གསེར་དང་དངུལ་དང་ནོར་བུས་སྤྲས་པའི་རྒྱན་རྣམས་ལྷ་མོ་ལ་དབུལ་ཞིང་བསྟབ་པར་བྱ ་ཞེས་པའི་དོན་ཏོ། །དད་པ་བསྟན་པའི་སེམས་ཀྱིས་ནི་ཞེས་པ་ནི་མི་བྱེད་པའི་དད་པས་དབུལ་བ་བྱ་ཞེས་སྦྱར་རོ། །དེ་ནས་བདག་ཉིད་དབུལ་བར་བྱ། ཞེས་པ་ནི་དེའི་རྗེས་ཐོགས་སུ་བདག་ཉིད་དང་དངོས་པོ་ཐམས་ཅད་དབུལ་བར་བྱ་ཞེས་པའི ་དོན་ཏོ། །སྣ་ཚོགས་ཟས་ཞེས་པ་ནི་ཟན་དང་ཤ་དང་ཚོད་མ་སྣ་ཚོགས་པ་སྒྱུར་བ་དང་མངར་བ་ལ་སོགས་པའོ། །སྣ་ཚོགས་བཏུང་ཞེས་པ་ནི་ཆང་སྣ་ཚོགས་ཏེ་བུ་རམ་གྱི་ཆང་དང་དགུན་ཆང་དང་སྦྲད་ཆང་ལ་སོགས་པའོ། །དེའི་མདུན་དུ་དབུལ་བར་བྱ ་ཞེས་པ་ནི་དེའི་སྟེ། སྣ་ཚོགས་སྡེ་མའི་མདུན་དུ་དབུལ་ཞེས་པའི་དོན་ཏོ། །ད་ནི་སྣ་ཚོགས་སྡེ་མ་ཤེས་རབ་མ་གཏང་བ་གསུངས་པ། གང་གིས་ཤེས་རབ་མཉེས་པ་ཞེས་པ་ནི་གང་གིས་རྡོ་རྗེས་ཤེས་རབ་མའི་པདྨ་མཉེས་པ་དེ་ཡིས་དངོས་གྲུབ་ཐོབ་པར ་འགྱུར་བའོ། །སངས་རྒྱས་ཐམས་ཅད་ཀྱིས་ནི་མཆོད་ཅེས་པ་ནི། ཤེས་རབ་ཀྱི་ཕ་རོལ་ཏུ་ཕྱིན་པ་འདིས་སངས་རྒྱས་ཐམས་ཅད་དེ་རྣམ་པར་སྣང་མཛད་ལ་སོགས་པས་མཆོད་ཅིང་མཉེས་པར་བྱ་ཞེས་པའི་དོན་ཏོ། །འདི་དང་ཡང་དག་པར་ལྡན་པ་ནི ་རྣམ་པར་སྣང་མཛད་ལ་སོགས་པའི་རྫོགས་པའི་སངས་རྒྱས་སོ། །ཞེས་པའི་དོན་ཏོ། །འདི་ཉིད་ལ་ནི་སངས་རྒྱས་བཞུགས་ཞེས་པ་ནི་ཤེས་རབ་ཀྱི་ཕ་རོལ་ཏུ་ཕྱིན་པ་འདི་ཉིད་ལ་སངས་རྒྱས་བཞུགས་པའི་དོན་ཏོ། །གཞན་ཡང་དངོས་གྲུབ་གཙོ་བོ ་དང་ཞེས་པ་ནི། འདིའི་ཆོས་ཀྱི་འབྱུང་གནས་ལ་དངོས་གྲུབ་གཞན་ཡང་སྟེ། རལ་གྲི་ལ་སོགས་པ་ཐམས་ཅད་འདི་ཉིད་ལ་གནས་ཞེས་པའི་དོན་ཏོ། །སྙིང་རྗེ་ལྡན་པ་གཞན་གང་ཞིག་ཅེས་པ་ནི་གོ་སླའོ། །མཁའ་འགྲོ་མ་ཀུན་འདི་ལ་གཞུགས་ཞེས་པ ་ནི་ཕྲེང་བཟངས་མ་ལ་སོགས་པའི་མཁའ་འགྲོ་མ་རྣམས་ཤེས་རབ་མའི་པདྨའི་ནང་ན་གནས་པའི་དོན་ཏོ། །མཚོན་པའི་གནས་གསུངས་པ། གང་དུ་དབང་པོ་འགགས་གྱུར་པ། ཞེས་པ་ནི་གང་དུ་དབང་པོ་རྣམས་འགགས་ཤིང་ནུབ་པར་གྱུར་པ་དེ་ཉིད ་མཚོན་པའི་གནས་སོ། །བདག་རྟོག་རང་བཞིན་ཉམས་པ་སྟེ། ཞེས་པ་ནི་གང་དུ་བདག་གི་རང་བཞིན་ཉམས་པ་དེ་ཉིད་གནས་སུ་གསུངས་པའོ། །ཀྱེ་དེ་ལྷན་ཅིག་སྐྱེས་དགར་གྱུར་ཞེས་པ་ལ། ཀྱེ་ཞེས་པ་ནི་ཕྱག་ན་རྡོ་རྗེ་ལ་བོད་པའོ། །དེ་ལྷན་ཅིག་སྐྱེས ་དགར་གྱུར་ཞེས་པ་ནི་དེ་ལྷན་ཅིག་སྐྱེས་པའི་དགའ་པའི་རང་བཞིན་དུ་གྱུར་པའོ། །ཞེས་པའི་ཐ་ཚིག་གོ་།ལྷན་ཅིག་སྐྱེས་པའི་དགའ་བའི་རང་བཞིན་ཇི་ལྟར་ཤེས་པར་བྱ་ཞེ་ན་དེ་ཉིད་གསུངས་པ་བླ་མའི་སྤྱན་སྔར་གསལ་བར་ཞུས་ཞེས་པ་ནི་བླ་མའི་ཞལ་སྔར་ ་དོན་གསལ་བར་ཞུས་ཤིག་པ་སྟེ། བླ་མའི་ཞལ་སྔའི་དྲིན་གྱིས་གསལ་བར་བྱེད་ཅིང་མི་མངོན་པ་མེད་པར་བྱེད་ཅེས་པའི་དོན་ཏོ། །དེ་ནས་སློབ་མས་ཤེས་རབ་ཀྱི་ཡེ་ཤེས་བདེ་བ་ཆེན་པོའི་རྣམ་པ་ཉམས་སུ་མྱོང་བ་དེ་ལ་ཕྱག ་འཚལ་བ་གསུངས་པ། དེ་ལ་ཕྱག་འཚལ་ཞེས་པ་ནི་བདེ་བ་ཆེན་པོ་དེ་ལ་ཕྱག་འཚལ་བ་སྟེ། ཕྱག་བགྱི་ཞེས་པའི་དོན་ཏོ། །གང་ཞིག་འཆར་དུས་ཚེ་ན་དབང་པོ་དང། ཞེས་པ་ལ་གང་ཞིག་སྟེ། གང་འཆར་བའི་དུས་ཀྱི་ཚའི་སྐད་ཅིག ་གཅིག་ལ་ཇི་ལྟར་གྱུར་པ་དེ་ཉིད་གསུངས་པ། དབང་པོ་དང་ཡུལ་མཉམ་པར་ནུབ་པ་སྟེ་བདེ་བ་ཆེན་པོའི་ཡེ་ཤེས་འཆར་བས་དབང་པོ་དང་ཡུལ་ལ་སོགས་པ་ནུབ་ཅིང་ཉམས་པ་ཞེས་པའི་དོན་ཏོ། །མཁས་པ་རྣམས་ཀྱིས་སྙིང་སྤས་སུ་སད་པ ་ཞེས་པ་ལ། སུ་སད་ཅེས་པ་ནི་བྱང་ཆུབ་ཀྱི་སེམས་ཀྱི་སྐུ་དེ་ཉིད་སད་ཀྱི་གཞན་སུ་འཇམ་སད་པའི་དོན་ཏོ། །སྦས་པ་ཞེས་པ་ནི་རབ་ཏུ་སྤས་པའོ། །སད་ཅེས་པ་ནི་ཉམས་སུ་མྱོང་བའོ། །གནས་གང་དུ་ཞེས་ན་མཁས་པའི་སྙིང་གར་ཏེ་མཁས་པ ་དེ་ཁོ་ན་ཉིད་ཅེས་པ་རྣམས་ཀྱི་སྙིང་གར་དུས་ཐམས་ཅད་དུ་དགའ་བའི་གཟུགས་ཀྱིས་སད་ཅེས་སྦྱར་རོ། །ཕྱིས་ནི་མངོན་དགའ་ཞེས་པ་ནི་ཡེ་ཤེས་དེ་ཉིད་མངོན་པར་དགའ་བ་ཞེས་པའི་དོན་ཏོ། །སུ་ཞིག་མངོན་པར་དགའ་ཞེ་ན། རྒྱལ་བ་མཛེས ་སྐུ་གཅིག་ཅེས་བྱ་བ་སྨོས་ཏེ། རྒྱལ་བ་སྟེ་སངས་རྒྱས་ཀྱི་མཛེས་པའི་སྐུའི་གཟུགས་གཅིག་ནི་བྱང་ཆུབ་ཀྱི་སེམས་ཞེས་པའི་དོན་ཏོ། །སངས་རྒྱས་ཐོད་པ་ཞེས་པ་ལ་སོགས་པ་ནི་བཤད་ཟིན་ཏོ། །སྔགས་ཀྱི་བཟླས་པ་ཞེས་པ་ནི་སྔགས་ཀྱི་དེ་ཁོ ་ན་ཉིད་དོ། །ཤེས་རབ་མ་ལ་སོགས་པ་གདབ་པ་དང་ཞེས་པ་ནི་གོ་སླའོ། །རྒྱུད་ཐམས་ཅད་ཀྱི་གླིང་གཞིའི་ལེའུ་ཞེས་པ་ནི་ལེའུ་གང་རྒྱུད་ཐམས་ཅད་ཀྱི་གླེང་གཞི་རྡོ་རྗེད་པར་བྱེད་པའི་ལེའུ་དེ་ནི་བཅུ་བཞི་པའོ།། །།འདི་གསུངས་ནས ་སྣ་ཚོགས་སྡེ་མ་ལ་སོགས་པའི་རྣལ་འབྱོར་མ་ཐམས་ཅད་དང་ཞེས་པ་ལ། རྒྱུད་ཀྱི་རྒྱལ་པོ་འདི་གསུངས་ནས་ཞེས་པ་ནི། སྣ་ཚོགས་སྡེ་མ་དང་གཤིན་རྗེ་མཆེ་བ་མ་དང། ཕྲེང་བཟངས་མ་ལ་སོགས་པ་དང། ཕྱག་ན་རྡོ་རྗེ་ལ་སོགས་པའི་བྱང་ཆུབ་སེམས ་དཔའ་རྣམས་རང་རང་གི་གནས་ན་ཅིའང་མི་གསུངས་པར་བཞུགས་པར་གྱུར་པའོ། །རྒྱུད་ཅེས་པ་ནི། ཤེས་རབ་དང། ཐབས་ཀྱི་བདག་ཉིད་དོ། །རྣལ་འབྱོར་མ་ཆེན་མོས་གསུངས་ཞེས་པ་ནི་རྣལ་འབྱོར་མ་ཆེན་མོ་སྣ་ཚོགས་སྡེ་མས་གསུངས་པའོ། །ཅི ་གསུངས་ཤེ་ན། མཆོག་ཏུ་གསང་བའི་རྒྱུད་དོ། །སོ་ཞེས་པ་ནི་རྒྱུད་རྫོགས་པར་རྗོད་པར་བྱེད་པའོ། །སྣ་ཚོགས་སྡེ་མས་གསུངས་པ་ཡི། །རྒྱུད་རྒྱལ་སངས་རྒྱས་ཐོད་པ་འདི། །བདག་རྟོགས་དོན་དུ་དཀའ་འགྲེལ་ནི། །རྒྱལ་བ་བདག་གིས་བྱས་པ་ཡིན ་བསོད་ནམས་འདི་ཡིས་འཇིག་རྟེན་རྣམས། །དཀའ་བའི་བདེ་བ་ཀུན་རྙེད་ནས། །ཡེ་ཤེས་ལྡན་པའི་ས་གནས་སུ། །ཐམས་ཅད་དུ་ནི་འགྲོ་བར་ཤོག། །།སངས་རྒྱས་ཐོད་པའི་རྒྱུད་ཀྱི་དཀའ་འགྲེལ་ཡེ་ཤེས་ལྡན་པ་ཞེས་བྱ་བ་དངོས ་གྲུབ་བརྙེས་པའི་སློབ་དཔོན་ཆེན་པོས་རེ་ཧའི་ཞལ་སྔ་ནས་ཀྱིས་མཛད་པ་རྫོགས་སོ།། །།རྒྱ་གར་གྱི་མཁན་པོ་ཤྲཱི་གཱ་ཡ་དྷཱ་ར་དང། བོད་ཀྱི་ལོ་ཙ་བ་གྱི་ཇོ་ཟླ་བའི་འོད་ཟེར་གྱིས་བསྒྱུར་ཅིང་ཞུས་ཏེ་གཏན་ལ་ཕབ་པ།། །། ་བླ་མའི་ཞབས་ལ་གུས་བཏུང་གསོལ་བཏབ་སྟེ། །མན་ངག་འགྲེལ་པའི་དཀའ་འགྲེལ་ཡེ་ཤེས་ལྡན། །སྒྲ་དོན་སྡེབ་སྦྱོར་འབད་དེ་བསྒྱུར་བྱས་པས། །འགྲོ་ཀུན་གཉིས་མེད་ཡེ་ཤེས་ལྷུན་གྲུབ་ཤོག། (།།སངས་རྒྱས་ཐོད་པའི་རྒྱུད་ཀྱི་དཀའ་འགྲེལ ་དེ་ཁོ་ན་ཉིད་ཀྱི་ཟླ་བ་ཞེས་བྱ་བ་བཞུགས།།)་།། *། །རྒྱ་གར་སྐད་དུ། བུདྡྷ་ཀ་པཱ་ལ་ཏནྟྲ་ཏ་བཏྲ?་པཉྫི་ཙིནྡྲ་ཀ་ནཱ་མ། བོད་སྐད་དུ། སངས་རྒྱས་ཐོད་པའི་རྒྱུད་ཀྱི་དཀའ་འགྲེལ་དེ་ཁོ་ན་ཉིད་ཀྱི་ཟླ་བ་ཞེས་བྱ་བ།། སངས་རྒྱས་ལ་ཕྱག་འཚལ་ལོ། ། ་