Wylie

e-texts based on the ACIP/ALL Input

རྒྱ་གར་གྱི་མཁན་པོ་དྲན་པའི་ཡེ་ཤེས་གྲགས་པས། བླ་མ་ལ་མན་ངག་ཐོབ་པ་གདན་བཞི་པ་ལས། གསང་བའི་གདན་གྱི་རྣམ་པར་བཤད་པ་མཛད་དེ། བསྒྱུར་ཞིང་ཞུས་ནས་གཏན་ལ་ཕབ་པ་རྫོགས་སོ།། །།མཆན་ཁུང་གི་སྒྲུབས་ཐབས་བཞུགས་སོ། ། ། ་*། རྒྱ་གར་སྐད་དུ། ཀ་ཀྭར?་མ་ཏ། བོད་སྐད་དུ། མཆན་ཁུང་གི་སྦྱོར་བ། རྡོ་རྗེ་མཁའ་འགྲོ་མ་ལ་ཕྱག་འཚལ་ལོ། །རྒྱལ་པོ་ལྷན་ཅིག་གཙུག་ཕུང་ཇ་རི་ལག། །མགོ་དང་མཆི་མ་གཞོན་ནུ་དང། །ཉི་མ་རལ་པ་འཇིགས་རྨོངས་དང། །དབང་པོ་དང་ནི་རྡོ་རྗེ་རྣམས། ། ་བཞི་ཆ་བཞི་རུ་བྱས་པ་སྟེ། །ལྔ་ཡི་ལུས་ཀྱི་ཡང་བསྲེས་ན། །སྐྱེས་པ་བུད་མེད་དབང་དུ་བྱེད་པ་སུམ་ཅུ་རྩ་བཞི་ཆ། །ས་བདག་མིག་དང་བཅུ་གསུམ་ཕྱོགས་དང་ཐུབ་པ་དྲག་པོ་ཀླུ་དང་ནི། །ཕྱོགས་བཅུ་མདའ་དང་གཟའ་དང་དུས་དང་ནི། །ཉི་མ་ཟླ་བ་ཚེས་ཀྱི་རིམ། ་པའི་ཆ། །དང་པོའི་མཚམས་ཀྱི་བཞི་ནི་ཡོངས་སུ་བྱ། །གཉིས་པས་ནི་བྱུག་བར་བྱའོ། །གསུམ་པས་ནི་བཟའ་བར་བྱའོ། །བཞི་པས་ནི་བདག་གི་སྐུ་མཉེ་བྱའོ། །རྒྱལ་པོ་ལ་སོགས་པ་བཞིའི་གོ་རིམ་ནི་དབང་གི་ལས་ལ་ཤིས་སོ། །ཐུབ་པ་ལ་སོགས་ལྷོ་ནི་བྱུག ་པར་བཤད་ན་བཟའ་ལ་སོགས་གློ་ནི་བྱང་དུ་བཤད། །ཀླུ་ནི་རྐང་པར་ཤེས་པར་བྱ། །དབང་ཕྱུག་སྤྱི་བོར་ཡང་དག་གནས། །ཉི་མ་ཟླ་བ་དབུགས་གནས་པས། །དགོས་པ་ཐམས་ཅད་རྟག་ཏུ་བྱེད། །དེ་ལྟར་བསྐུས་པའི་ལུས་དེ་ནི། །སུམ་ཅུ་པས་ཀྱང་མཆོད་པར ་འགྱུར། །བདུག་པ་བཅུ་དྲུག་པ་ལ་སོགས། །ས་བདག་ཕྱག་འཚལ་དགའ་བར་བྱེད། །བཟའ་སོགས་བསྐུ་མཉེ་བྱ་བར་ཤིས། །དུས་སོགས་མིག་སྨན་སྦྱར་བར་བཤད། །མདའ་ལ་སོགས་པ་ཁྲུས་ཀྱི་ལས། །དྲག་པོ་ལ་སོགས་བཟའ་བ་ཉིད། །ཕྱོགས་གཞན་ལ ་ཡང་སྦྱར་བར་བྱ། །ས་བདག་དང་ནི་བཟའ་ཉིད་དང། །དུས་དང་མིག་དུ་སྦྱར་བ་ཡི། །དེ་ཡིས་ཐིག་ལེར་བྱས་པ་ཡིན། །འཇིག་རྟེན་གསུམ་པོ་དབང་དུ་བྱེད། །ཉི་མ་བཅུ་གསུམ་ཕྱོགས་དང་ནི། །ཐུབ་པ་དང་ནི་སྔོན་སྦྱར་བ། །སྟོབས་མེད་སྐྱེ་གནས ་གནས་བཅུག་ན། །བཅུ་གཉིས་ལོ་རུ་མངག་གཞུག་བྱེད། །ཟླ་བ་དབང་པོ་ཀླུ་དང་དྲག་།རྡོ་རྗེ་འདམ་དུ་རབ་ཏུ་གྲགས། །ཆོས་གྲངས་དུས་དང་ཕྱོགས་མདའ་ཡི། །རི་ལུ་ཡིས་ནི་དབང་དུ་བྱེད། །ས་བདག་དང་ནི་གཟའ་ཉིད་དང། །ཕྱོགས་དང་ཐུབ་པར་ཡང་དག་ལྡན། །སྤྱི ་བོའི་གཙུག་དུ་རྣམ་བརྟགས་ན། །མེ་ནི་སྡོམ་པ་བྱེད་པའི་མཆོག་།ཐུབ་པ་དང་ནི་ཚེས་ཉིད་དང། །དུས་དང་གཟའ་ནི་ཀུན་ནས་ལྡན། །ལུས་ཀུན་ལ་ནི་བྱུགས་ནས་ནི། །ཉ་བཞིན་དུ་ནི་ཆུ་ལ་རྒྱུ། །མདའ་དང་དུས་དང་མི་དང་དྲག་།རི་ལུ་བྱས་ཏེ་ཁར་བཅུག་ན། །ལམ་དུ ་བགྲོང་ཀྱང་མི་ངལ་ཞིང། །བསྐྲེས?་དང་སྐོམ་པས་འཆི་མི་འགྱུར། །གསུམ་དང་བཅུ་དྲུག་ཕྱགས་དང་མངའ་། །རབ་མྱོས་དུག་དང་བྱུག་པ་ཡིས། །ཕན་ཚུན་སྦྱོར་བའི་བློ་ཡིས་ནི། །སྦྲུལ་དང་ལྷན་ཅིག་རྩེ་བར་བྱེད། །བཅུ་གསུམ་སྦྲུལ་དང་ཕྱོགས་མིག་གིས། །རང་གི ་ལུས་ལ་བྱུག་བྱས་ན། །གང་གིས་འདི་ནི་བློ་ལྡན་པ། །སྦྲུལ་དང་ལྷན་ཅིག་ཕན་ཚུན་རྩེ། །སུམ་ཅུ་ཕྱོགས་དང་དྲག་པོ་ཉིད། །ཀླུ་དང་ཡང་དག་ལྡན་པ་ཡིས། །མངལ་དང་བྷ་གར་བྱུགས་བྱས་ན། །བདེ་བར་བཙའ་བར་འགྱུར་བའོ། །སྦྲུལ་དང་ཉི་དང་ཕྱོགས་དང ་ནི། ཐུབ་པ་གཟའ་ནི་ཡང་དག་ལྡན། །ལག་པ་བྱུག་པར་བྱས་པ་ཡིས། །ཚེ་ལོ་རྩེ་ན་གཞན་ལས་རྒྱལ། །དབང་པོ་དང་ནི་བཅུ་གསུམ་དང། །མིག་དང་དུས་སུ་ལྡན་པ་ཡིས། །སྦྱར་བའི་རི་ལུ་ཁར་བཅུག་ན། །མཚན་མོ་འཇིགས་པའང་འཇིགས་དང་བྲལ། །མི ་དང་ཐུབ་པ་ཕྱོགས་མིག་དང། །ཡང་དག་ཏུ་ནི་ལྡན་གྱུར་པ། །དུད་མེད་ཀྱི་མངལ་བཅོས་སོ། །བདུན་ཉིད་དང་ནི་བཅུ་གསུམ་དང། །ཕྱོགས་དང་དུས་དང་ཡང་དག་ལྡན། །ཟླ་མཚན་དུས་ཀྱི་བུད་མེད་དེ། །མཁས་པ་ཡིས་ནི་བྷ་ག་བྱུག་།དེ་ལ་བུ་ནི་འབྱུང་བར ་འགྱུར། །སྐྱེ་བ་སྔ་མ་ཡང་དག་ལྡན། །འདི་ཡིས་ཡན་ལག་མཆོག་བྱུགས་ན། །དེ་ཡིས་ནོར་རྣམས་མང་པོར་རྙེད། །གང་ཞིག་ཕན་པར་འདོད་པའི་མི། །ཕྱོགས་དང་ཆོས་དང་དུས་དང་མིག་།འདི་རྣམས་རི་ལུ་ཁར་བཅུག་ན། །ཇི་སྲིད་འདོད་པའི་བར་དུ་ནི། །ཁུ་བ་སྡོམ་པར ་བྱེད་པའི་མཆོག་།བཅུ་གསུམ་དང་ནི་ཕྱོགས་མིག་ཀླུའི། །འདི་རྣམས་ཉེ་བར་བསྡུས་ནས་ནི། །ཕྱེ་མ་རང་གི་ལུས་བསྐུས་པས། །ཕྱེ་མ་རུ་ནི་བྱས་ནས་སུ། །སྤ་རྩི་དང་ནི་ཡང་དག་ལྡན། །དབང་དུ་བྱ་བའི་དོན་དུ་ནི། །བུད་མེད་རྣམས་ནི་ཐམས་ཅད་ཀྱི། །སྨྱོ་བར་བྱེད་པ ་མཆོག་ཡིན་ནོ། །མདའ་དང་དུས་དང་གཟའ་ས་བདག་།ཕྱེ་མར་ཉེ་བར་བསྐུ་བ་དང། །ལག་གཉིས་སྟོབས་ཀྱིས་མཉེས་པ་ཡི། །མྱུར་དུ་དམག་དང་རྐུན་པོ་འབྲོས། །ཕྱོགས་དང་དུས་དང་ཆོས་དང་མིག་།རང་གི་དམར་སྐྱེས་དང་སྦྱར་ནས། །དུས་སུ་ལག་མཐིལ་བཟུང་ན ་ནི། ལྕགས་བསྲེགས་ཁ་བ་ལྟ་བུར་བསིལ། །བཅུ་གསུམ་ཉི་མ་ཟླ་བ་ཀླུ། །དམར་སྐྱེས་དང་ནི་གཅིག་ཏུ་བྱས། །ཀ་རཉྫཱ་ཡི་རྡོག་པ་ཙམ། །མི་ཡི་ཁར་ནི་བཅུག་པ་ཡིས། །དུག་ནི་སྡོམ་པར་བྱེད་པའི་མཆོག་།དྲག་པོ་མདའ་དང་ས་བག་ཕྱོགས། །ལྷན་ཅིག་བྱུག་དང ་ལྕེ་ཡིས་བཟའ་། །ལྷ་ཡི་ལུས་དང་འདྲ་བར་འགྱུར། །དུས་དང་ནམ་མཁའ་ཨི་མིག་དང་ནི?། །བཅུ་གསུམ་ཕྱ་མར་ཐུམ་དུ་ནི། །ཁྲོན་པའི་ནང་དུ་བཅུག་བྱས་ན། །ཆུ་ལ་ཉེ་བར་ལོངས་སྤྱོད་ཅིང། །འགྲོ་བ་ཐམས་ཅད་དབང་དུ་བྱེད། །ས་དང་ཉི་ཟླ་ཐུབ་པ་ཡིས། །ནང?་པའི ་མཐིལ་དུ་བྱུགས་བྱས་ན། །སྐྱེས་ཆུ་ཆུ་ནང་ཞུགས་གྱུར་ན། །རྟག་ཏུ་ཐང་ལ་འགྲོ་བཞིན་རྒྱུ། །ཕྱོགས་དང་ཀླུ་དང་ཐུབ་པ་མདའ། །གང་གིས་མངོན་དུ་སྦྱོར་བ་ཡིས། །རིམས་དང་དབྱིགས་དུག་མ་ལུས་བཟློག་།བཅུ་པ་ཉི་མ་ཟླ་བ་ཕྱོག།ས་།མཚོན་པ་ཆར་པ ་དམག་ཆེན་རྣམས། །རིམ་པར་སྦྱར་བས་འཇོམས་པར་བྱེད། །མདའ་དང་དྲག་པོ་ཕྱོགས་དང་ཀླུས། །སྣ་ཚོགས་ཀླུའི་མཆེ་བ་དང། །ཁྱད་པར་དུས་ཡང་ཆུ་སིན་གྱི། །དུག་ནི་འཕྲོག་པར་བྱེད་པ་རྣམས། །རྒྱལ་པོ་ལྷན་ཅིག་གཙུག་ཕུད་སོགས་བཤད་པ། །བཞི ་ཡིས་ལྷག་པའི་སུམ་ཅུའི་སྤྱོད་བསྐྱེད་པ། །སྐྱེས་པ་བུད་མེད་མི་རྣམས་རྗེས་གཟུང་བའི། །ཆེད་དུ་འདི་བྱས་ཐམས་ཅད་དུས་སུ་བཟའ་། །སློབ་དཔོན་ཀླུ་སྒྲུབ་གྱི་ཞལ་སྔ་ནས་མཛད་པ། །མཆན་ཁུང་སྦྱོར་བ་ཞེས་བྱ་བ་རྫོགས་སོ།། །། ་