Wylie

e-texts based on the ACIP/ALL Input

པའོ། །ལུས་འདི་ནན་ཏན་གང་བྱེད་པ། །རྫོགས་པའི་རྣལ་འབྱོར་ཡིན་ཞེས་བྱའོ། །སྦྱིན་སྲེག་གསང་བའི་མན་ངག་རིན་ཆེན་རྡོ་རྗེ་དཔལ་གྱིས་མཛད་པ་རྫོགས་སོ།། །།རྒྱ་གར་སྐད་དུ། ཤྲཱི་ ་ཨཱ་ནནད་པུཥཔ་མཱ་ལཱ། བོད་སྐད་དུ། དཔལ་དགའ་བའི་མེ་ཏོག་གི་ཕྲེང་བ། །ཐམས་ཅད་མཁྱེན་པ་ལ་ཕྱག་འཚལ་ལོ། །སྐྱེད་ཚལ་ཡེ་ཤེས་ཐིག་དཔལ་ལས། །གསང་མཆོད་དོན་གྱི་རྒྱུ་ཡི་ཕྱིར། །དགའ་བ་ཡི་ནི་མེ་ཏོག་ཕྲེང། །ཡེ ་ཤེས་མཁའ་འགྲོ་ལ་འདུད་བྱའོ། །བདེ་བར་གཤེགས་པ་ཀུན་གྱི་ཡེ་ཤེས་ཆེན་པོ་ཤིན་ཏུ་ཟབ་པའི་གསང་བ་རྨད་དུ་བྱུང་བའི། །དཔལ་དབུ་རྒྱན་པའི་རྡོ་རྗེ་གནས་ཆེན་པོའི་གཙོ་མོ་དཔལ་ལྡན་ཡན་ལག་རབ་མའི་ཞབས་ཀྱི ་པདྨའི་བཀའ་དྲིན་གྱིས། །གང་ཞིག་ཡོངས་སུ་ཤེས་པ་དེ་ནི་སློབ་མ་དམ་པའི་ཚོགས་ཀྱིས་དགའ་བ་ཁོང་དུ་ཆུད་པར་བྱ་བའི་ཕྱིར་དམ་ཚིག་ཆེན་པོ་ལ་གནས་ནས། །འགྲོ་བའི་གཏམ་བསྟན་པར་བྱའོ། །དང་པོ་རེ་ཞིག་ཆུ་ངོས་ཆེན ་པོར་ཉེ་བར་འདུག་ནས། བདུད་རྩི་ལྔ་ལ་སོགས་པ་གསོལ་ཏེ། བརྟུལ་ཞུགས་ཆེན་པོའི་སྤྱོད་པ་བྱའོ། །བརྟུལ་ཞུགས་ཆེན་པོའི་དུས་སུ་གྲོང་པའི་ཆོས་ཀུན་བརྟགས་དང་གཞན་དབང་དུ་འཛིན་པ་སྤང་བར་བྱའོ། །ཚངས་པའི ་སྤྱོད་པར་གྱུར་པས་འདོད་པ་ལྔ་བཟའ་བར་བྱའོ། །གཉིས་སུ་མེད་པའི་སེམས་ཀྱིས་སུ། །དེ་ནི་ཇི་ལྟར་འདོད་པ་བསྙེན། །ཞེས་ལུང་ངོ། །དེ་ནི་ཚངས་པའི་སྤྱོད་པའོ། །ཐིག་ལེ་དང་ཚུལ་གྱི་ངོགས་གཉིས་ཀྱི་བར་དུ། །རྡོ་རྗེ་སྐྱིལ ་ཀྲུང་བཅས་ནས་སེམས་རིན་ཆེན་གྱི་ནང་དུ་སླེབས་པ་ལྟ་བ་ཆེན་པོས་ལྟ་བར་བྱ་ཞེས་མན་ངག་གོ་།ཡང་ན་ཆུ་ངོགས་ཆེན་པོའི་རྩ་བའི་བསྐྱེད་པའི་གནས་སུ་བཞུགས་ཏེ་ཐིག་ལེས་ཚུལ་ཕུག་ནས་ཐམས་ཅད་ཁྱབ་པར་བྱེད་པ ་ཆར་ཡང་ཆེན་པོར་འཇུག་པར་བྱའོ། །དཔལ་དགའ་བའི་མེ་ཏོག་གི་ཕྲེང་བ་ལས། ཡེ་ཤེས་མཁའ་འགྲོ་ལ་མཆོད་པའི་དོན་གྱི་གནས་དང། བདུད་རྩི་ལྔ་བཟའ་བ་དང་བརྟུལ་ཞུགས་ཆེན་པོའི་སྤྱོད་པ་དང། འདོད་པ་ལྔ་བསྟན་པ ་དང། ཐིག་ཚུལ་ལ་སོགས་པའི་རིམ་པས་བཞག་པ་དང། ཆང་ཡང་ཆེན་པོའི་འཇུག་པ་བསྟན་པ་ཞེས་བྱ་བ་སྟེ་དང་པོའོ།། །།དེ་ནས་གཞན་ཡང་དཔལ་ཡེ་ཤེས་མཁའ་འགྲོ་ལ་མཆོད་པའི་དོན་དུ་དབང ་བསྐུར་བ་བསྟན་པར་བྱའོ། །ཆུ་དང་དབུ་རྒྱན་དང་རྡོ་རྗེ་ལ་སོགས་པ་བཅུ་གཅིག་གི་དབྱེ་བ་དགའ་བ་བཅུ་གཅིག་དང་ལྡན་པ། དང་པོའི་རྩ་བའི་གནས་སུ་གཙུག་ཏོར་རིན་པོ་ཆེའི་གཡས་གཡོན་ཟླ་བ་ཉི་མ་ཤར་བའི་དུས་སུ་རྐན་ཕྱི་ནང་དུ ་རོ་མ་འཇུག་པ་སླེབས་པས་རྩ་བཞི་ཉེ་བར་རྙེད་པའི་མྱོང་བ་ལས་འདར་བ་ལ་སོགས་པའི་རོ་ཐོབ་པའི་ཆུའི་དབང་བསྐུར་སྦྱིན་པར་བྱའོ། །དེ་ནི་ཤིན་ཏུ་ཀུན་དགའ་བའི་མཆོག་གསེར་ལས་གྲུབ་པའི་ཆོས་ཀྱི་དབྱིངས་ཀྱི་རྣམ་པའི་བུམ ་པ་འབྲུ་དང། འབྲས་བུ་དང་ཁ་རྒྱན་དང། ཞོ་དང་སྦྲང་རྩི་དང། དར་ལ་སོགས་པ་དང་ལྡན་པ་བྱའོ། །དབང་བསྐུར་བའི་དུས་སུ་རོལ་མོ་སྣ་ཚོགས་གང་དང་གླུ་དང་མཆོད་སྦྱིན་དང། གདུགས་དང་རྒྱལ་མཚན་དང། འཕན་ལ ་སོགས་པའི་གཟུགས་སྣ་ཚོགས་དང། དྲི་ཞིམ་པོའི་མེ་ཏོག་ཆེན་པོ་བཀོད་ཅིང་འཆལ་པར་བཀྲམ་པ་དང། སྤོས་ཆེན་པོ་སྣ་ཚོགས་ཀྱི་དྲི་དུ་མའི་རོ་ལ་ཉེ་བར་གྲུབ་པར་བྱས་པ་གཟུགས་སྣ་ཚོགས་ཀྱི་མཆོད་སྦྱིན་སེམས་ཅན་ཐམས་ཅད ་ཀྱི་ཡན་ལག་དང་ལྡན་པ་དེའི་དམ་ཚིག་གིས་དུས་སུ་དབུལ་བར་བྱའོ། །དཔལ་དགའ་བའི་མེ་ཏོག་གི་ཕྲེང་བ་ལས་དགའ་བ་བཅུ་གཅིག་གི་བདག་ཉིད་དང་ལྡན་པ། འདར་པའི་རོ་ལ་སོགས་པའི་འབྲས་བུའི་མཆོད་པ་དང་བཅས་པའི་ཆུའི ་དབང་བསྐུར་གྱི་དོན་བསྟན་པ་ཞེས་བྱ་བ་སྟེ་གཉིས་པའོ།། །།དེ་ནས་གཞན་ཡང་དཔལ་ཡེ་ཤེས་མཁའ་འགྲོ་ལ་མཆོད་པའི་དོན་དུ་སྔགས་ཀྱི་དབང་བསྐུར་བསྟན་ཏེ། ཀ་བ་གཅིག་པ་སྒོ་དགུ ་པ། །མཚན་དང་དཔེ་བྱད་དང་ལྡན་པ། །དེའི་སྙིང་གའི་ནམ་མཁའ་ཨི་དཀྱིལ་གྱི་གནས་སུ་པདྨ་འདབ་མ་བརྒྱད་པ་དག་པ་ཆུ་ཤིང་གི་མེ་ཏོག་ལྟ་བུའི་དངོས་པོ། །ཁ་སྦུབ་སྡོང་བུ་དང་བཅས་པ། །ཡི་གེ་རབ་མཆོག་གི་ནི་གནས། །དེའི་ལྟེ ་བའི་དབུས་ན་བཞུགས་པ། །དེ་ནི་འཇུག་པ་དང་གནས་པ་དང། འགྲོ་བའི་གནས་གསུམ་དུ་འགྲོ་བ་དང་འོང་བར་བྱེད་དོ། །བཞི་པའི་གནས་སུ་འམ། །དང་པོའི་གནས་རང་བཞིན་གྱི་སྐབས་སུ་རང་དབང་དུ་བཞུགས་སོ། །དང་པོའི ་གནས་སུ་འཁྱུག་པའི་གདུ་བུའི་རྣམ་པ་བཞིན་ནམ་མཁའ་ཨི་རང་གི་དགའ་བའི་དུས་སུ་འདོན་ནོ། །དབུས་ཀྱི་གནས་སུ་གསལ་བྱེད་དང་བཅས་པ་རྟོག་མེད་འོད་ཀྱི་བདག་ཉིད་དགའ་བའི་དུས་སུ་འབྱུང་ངོ། །མཛའ་མའི་གནས་སུ་ཤིན་ཏུ ་དབྱངས་ལས་གྲུབ་པ་སྐྱེ་འཇིག་བྱེད་པ་ཆད་པའི་དགའ་བའི་དུས་སུ་འབྱུང་ངོ། །བཞི་པའི་གནས་སུ་དབྱངས་དང་གསལ་བྱེད་དང་དགའ་བ་དང། སྐད་ཅིག་དང་རོ་དང་རྒྱུ་ལ་སོགས་པ་དང་བྲལ་བ་དང། བརྗོད་དུ་མེད་པར་རང་རིག ་པ་རླབས་མེད་པའི་རྣམ་པའི་ངོ་བོའི་ཐིག་ལེ་དང། ཚུལ་ལ་སོགས་པ་དང། རྩའི་ཀུན་སྤྱོད་དང། རྒྱུ་དང་འབྲས་བུ་ལ་སོགས་པ་དང། ཕྲ་བ་ལ་སོགས་པ་དང། སྲིད་པ་དང་མྱ་ངན་ལས་འདས་པ་དང། འཁོར་ལོ་དང་ཡེ་ཤེས ་དང། རྒྱུད་དང་སྔགས་དང་རིམ་པ་དང། བསྟན་བཅས་དང། སྒྲོན་མ་དང། སྤྱོད་པ་དང་བརྟུལ་ཞུགས་དང། ལོངས་སྤྱོད་དང་རླག་པ་དང། དབང་དང། རྟོག་པའི་བྱ་བ་དང། གནས་དང་ཉེ་བའི་གནས་ལ་སོགས་པ་དང ་རབ་ཏུ་སྦྱོར་བ་ལ་སོགས་པ་དང། ཤར་བ་དང་ནུབ་པ་དང། དུས་དང་དུས་ཚོད་དང། སྐབས་ལ་སོགས་པ་དང། ཐོག་མ་དང་པར་དང་མཐར་དང། བཟླས་པ་དང། མཆོད་སྦྱིན་དང། སྦྱིན་སྲེག་དང། རྟག་པ་དང། མི་རྟག་པ་དང། ་སྟོང་པ་དང། མཛའ་མེད་འོད་ཀྱི་ངོ་བོ་ལ་སོགས་པ་དང་བྲལ་བ་དེ་ནི་ཡི་གེ་མཆོག་གི་གནས་ཞེས་བྱའོ། །དེ་ཡང་རྒན་མཆུའི་འཕར་མ་ཚིགས་རྒྱས་པའི་སྒོ་འགག་པ་བྱས་ཏེ། བདེ་བ་ཆེན་པོ་ཁོང་དུ་ཆུད་པར་བྱེད་པ་རྡོ་རྗེའི་བུ་མོ་བླངས ་ཏེ་མཆོག་གི་ཡི་གེའི་སྔགས་བརྗོད་པར་བྱའོ། །པད་མཉམ་འཕར་?མ་སྦྱོར་བ་ཡི། །རྡོ་རྗེ་ཡེ་ཤེས་སྟོབས་ཀྱིས་ཀྱང། །ཧཱུཾ་ཕཊ་ཀྱིས་ནི་མཉམ་སྦྱོར་ལས། །མངོན་པར་དགའ་བ་འབྱུང་བར་འགྱུར། །རྡོ་རྗེ་གཞོན་ནུ་མ་མཉམ་པར ་ལྡན་པའི་མཆོག་གི་ཡི་གེའི་སྔགས་བརྗོད་པའི་དུས་སུ་དམ་ཚིག་ཆེན་པོའི་མཆོད་པ་བྱས་ནས། །བདེ་བ་ཆེན་པོའི་རང་བཞིན་བྱང་ཆུབ་ཀྱི་སེམས་མདུད་པའི་ནང་ན་ཡོད་པ་རྟོག་མེད་མའི་སྙིང་གར་འགྲོ་བ་རླབས་དང་བྲལ་པའི་རྣམ་པ་རང་གི ་སེམས་ཀྱིས་ཚོར་བར་བྱས་ནས་བདུད་རྩིའི་མཆོད་སྦྱིན་དབུལ་བར་བྱའོ། །དཔལ་དགའ་བའི་མེ་ཏོག་གི་ཕྲེང་བ་ལས། །ཀེ་བ་གཅིག་དང་སྒོ་དགུ་དང། །མཆོག་གྱི་ཡི་གེའི་སྔགས་ཀྱི་བརྗོད་པ་དང། །གནས་གསུམ་གྱི་དོན་དང། བདུད ་རྩིའི་མཆོད་སྦྱིན་དབུལ་བའི་དོན་བསྟན་པ་ཞེས་བྱ་བ་སྟེ་གསུམ་པའོ།། །།དེ་ནས་གཞིན་ནི་ཡང་དཔལ་ཡེ་ཤེས་མཁའ་འགྲོ་ལ་མཆོད་པའི་དོན་དུ་ཡེ་ཤེས་ཀྱི་དབང་བསྐུར་བ་བསྟན་ཏེ། པོ་ལ་ཀཀྐོ་ལ་གཉིས་མེད ་པར་སྦྱོང་བའི་རོ་ལས་བདེ་བ་ཆེན་པོའི་དགའ་བས་མྱོང་པའི་ནང་གི་རེག་བྱེད་བཞིན་ཉིད་ཀྱི་ཡེ་ཤེས་ཀྱི་སྦྱོར་བས་ཀུན་མྱོང་ནས། །དེ་དག་ཉིད་ཕྱིའི་རེག་བྱའི་བདག་ཉིད་ཀྱི་ཤེས་རབ་ཆུའི་གཏེར་བཞིན་དུ། །དབུས་ནས་རླབས་པའི་རྣམ་ ་པས་ཡེ་ཤེས་ཀྱི་དབང་བསྐུར་བ་རྫོགས་པར་བྱས་ནས། རང་གི་གནས་སུ་ཕྱིས་རབ་ཏུ་མཐིམ་མོ། །དེ་ཡང་ཤེས་རབ་ཀྱི་རྩ་སྟོང་ཕྲག་བདུན་ཅུ་རྩ་གཉིས་ཀྱི་འཁོར་ལོའི་ནང་ན་ཡོད་པ་བདེ་བ་ཆེན་པོ་ཁོང་དུ་ཆུད་པར ་བྱེད་པ་སྒོ་དགུའི་བདག་ཉིད་ཀྱི་སྐུའི་འཁོར་ལོ་དྲུག་གི་ནང་དུ་ཆར་ཡང་དྲུག་གི་ཡེ་ཤེས་སྣང་བར་བྱེད་པ། སྲིད་པ་དང་མྱ་ངན་ལས་འདས་པ་གཉིས་སུ་མེད་པའི་རང་བཞིན་སྣ་ཚོགས་ཆུ་སྐྱེས་ཀྱི་ལྟེ་བའི་ནང་དུ་གནས་པར་རང་གི ་ཚོགས་ཀྱི་འཁོར་ལོའི་དབུས་སུ་འཁོར་ལོ་སྒྱུར་བའི་རྒྱལ་ཐབས་བྱེད་དོ། །སྣ་ཚོགས་པདྨ་ཁ་སྦུབ་ཤིན་ཏུ་འཛུམ་པ་ཡང་མ་ཡིན། རབ་ཏུ་རྒྱས་པ་ཡང་མ་ཡིན་པ་སྡོང་བུ་དང་ལྡན་པ་གཞོན་ནུས་ཆོས་ཀྱི་འཁོར་ལོའི་ཐིག་ལེའི་གདན ་ཞེས་བྱའོ། །པི་རཾ་བྷུ་ཏི་ཞལ་སྔ་ནས་ཚུལ་གྱི་རང་བཞིན་དེ་ནི་ཤེས་རབ་ཆང་ཡང་བདག་ཉིད་ལྟེ་བར་དགའ་བས་གྲུབ་པའི་པདྨ་ཞེས་བཤད་དོ། །དཔལ་ཕྱག་རྒྱ་ཆེན་པོའི་ཐིག་ལེའི་རྒྱུད་ལས། བཅོམ་ལྡན་འདས་ཀྱིས་གང་ཞིག་ཐིག ་ལེ་དང་མཚུལ་དང། ཆར་ཡང་དང། དགའ་བ་དེ་ནི་རྩ་བཞིས་འཇུག་པ་དང། གནས་པ་དང་འགྲོ་བར་བྱེད་པ་གསུམ་སྟན་ཅིག་ཅེས་གསུངས་སོ། །སྲོག་གི་རྩའི་ནང་ནས་འགྲོ་བ་གསུམ་འཇུག་པ་དང་གནས་པ་དང་འགྲོ་བར་བྱེད་པ་ཞེས ་དཔལ་གྲུབ་པའི་བླ་མའི་ཞབས་ཀྱི་པདྨའི་ཞལ་ནས་ཐོས་ཏེ་འདིར་བསྟན་ཏོ། །ལུང་ལས་གསུང་གི་བདག་ཉིད་རྟོག་མེད་ཐོག་མ་དང་ཐ་མ་དང་དབུས་སུ་སྐུ་གསུང་ཐུགས་ཀྱི་རང་གི་ངོ་བོ་སྤོམ་པ་ཉིད་དོ་ཞེས་གསུངས་སོ། །ཐོག་མ་དང་ཐ་མ ་དང་དབུས་ནི་སྐུ་གསུང་ཐུགས་དགའ་བ་གསུམ་དང་བྲལ་བ་ཕྲ་བ་ཏོར་ཡ་ཞེས་བྱ་བའི་མན་ངག་གོ་།དཔེའི་སློབ་དཔོན་ནི་དེ་ཡང་རྩ་སྟོང་ཕྲག་བདུན་ཅུ་རྩ་གཉིས་ཀྱི་འཁོར་ལོའི་དབུས་སུ་།གནས་བྱེད་པ་དཔལ་རིག་མའི་ཐོག་མའི་གནས ་སུ་ཆུ་སྐྱེས་ཀྱི་ལྟེ་བའི་དབུས་སུ་ཕྲ་མོའི་རྣམ་པ་ཞེས་འཆད་དོ། །དཔལ་བཛྲ་བྷུ་ཏིའི་ཞལ་སྔ་ནས། དབུས་ཀྱི་པདྨ་སྤོམ་པོའི་རྣམ་པའོ། །ཐ་མའི་གནས་དག་གཉིས་ལ་ཕྲ་བ་ཞེས་བྱ་བ་དག་ཉིད་ཀྱི་ཡེ་ཤེས་ཀྱི་གནས་ཉེ་བའི་ལྟ་བ་ཞེས་བཤད་དོ། ་ཡང་རིག་པ་རྨད་དུ་བྱུང་བ་དྲི་མ་མེད་པ་ནམ་མཁའ་བཞིན་དུ་གཉིས་སུ་མེད་པའི་ཤེས་རབ་དང་ཐབས་ཀྱི་རང་གི་ངོ་བོ་ལས་དོན་དེ་ནི་ཏོར་ཡའི་མན་ངག་གོ་།ཕྲ་མོའི་མན་ངག་རབ་ཏུ་ཤེས་པའི་ཤེས་རབ་དགའ་བ་བསྐྱེད་པ་ཤིན་ཏུ་མཚན་དང ་ལྡན་པ། དང་པོར་བླ་མས་བྱིན་གྱིས་བརླབས་ཏེ། མཆོད་པ་དང་དྲི་མེད་པ་དང། བློ་གྲོས་ཀྱི་སྐུ་སྐྱེས་བུའི་ལག་པའི་པདྨར་བྱིན་ནས་ཤེས་རབ་དང་ཐབས་གཉིས་ཀྱི་ལག་པ་གཟུང་སྟེ། སངས་རྒྱས་རིན་པོ་ཆེའི་སྣོད་ཀྱི་བྱ་གདོང་ལ་སོགས་པའི ་གནས་བལྟ་ཞིང་འགྲོ་བའི་ཚིག་སྦྱིན་པའི་ཕྱིར་ཡེ་ཤེས་ཀྱི་དབང་བསྐུར་རོ། །དཔལ་དགའ་བའི་མེ་ཏོག་གི་ཕྲེང་བ་ལས། གཉིས་ཀྱི་དབྱེ་བའི་རྣམ་པའི་ཤེས་རབ་བསྟན་པ་དང། རྩ་བཞིའི་རྟགས་རབ་ཏུ་བལྟ་བ་དང། འཇུག་པ་དང་གནས་པ ་དང། འགྲོ་བ་སྤོམ་པ་དང། ཕྲ་བའི་གནས་བལྟ་བ་དང། ཤེས་རབ་ཐབས་གཉིས་སུ་མེད་པའི་གཞུང་དང། བྱ་གདོང་ལ་སོགས་པའི་གནས་བསྟན་པ་ཞེས་བྱ་བ་སྟེ། བཞི་པའོ།། །།དེ་ནས་གཞན་ཡང་དཔལ་ཡེ་ཤེས ་མཁའ་འགྲོ་ལ་མཆོད་པའི་དོན་དུ་དོན་དེ་ཁོ་ན་ཉིད་ཀྱི་དབང་བསྐུར་བ་བཤད་དེ། རྟོག་པ་ཀུན་གྱི་དྲ་བའི་ཕྱིའི་རྣམ་པ་སྤངས་ནས་ནང་གི་རེག་བྱ་འཇམ་པའི་ཤེས་རབ་མཆོག་གི་འོད་ཀྱི་ངོ་བོ་ཅན་དེ་དང་ལྷན་ཅིག་གཉིས་སུ་མེད་པའི་སྦྱོར་བས ་གཉིས་སུ་མེད་པའི་ཡེ་ཤེས་བདག་ཉིད་མཆོག་གི་དགའ་བ་བདེ་བ་ཆེན་པོ་ཀུན་ཏུ་སྤྱོད་ནས་དེ་ཁོ་ན་ཉིད་ཀྱི་བདག་ཉིད་དུ་འགྱུར་རོ། །ཕྱག་རྒྱ་ཆེན་པོའི་དངོས་གྲུབ་བརྙེས་པ་དཔལ་རཏན་བྷུ་ཏིའི་ཞལ་སྔ་ནས་ཡེ་ཤེས་ཆེན་པོའི་དེ་ཁོ་ན་ཉིད ་འབྲས་བུའོ། ཞེས་བཤད་དོ། །ཡེ་ཤེས་ཀྱི་རྟེན་བརྟེན་པ་དང། གནས་དང་བྱེ་བྲག་དང། དགའ་བ་ལ་སོགས་པ་དང། རྒྱུ་དང་འབྲས་བུ་དང་ངེས་པར་བསྟན་པ་དང། བསམ་གཏན་ལ་སོགས་པ་དང་སྦྱོར་བ་ཡོད ་དོ། །ཤེས་རབ་དང་ཐབས་གཉིས་སུ་མེད་པའི་སྦྱོར་བས་ཡེ་ཤེས་ཆེན་པོའི་འབྱུང་བའི་དུས་སུ། བླ་མའི་མན་ངག་ལས་རྡོ་རྗེ་དབྱིངས་ཀྱི་དབང་ཕྱུག་ལ་རེག་པ་དང། རྡོ་རྗེ་རིན་པོ་ཆེའི་དཀྱིལ་དུ་བདེ་བ་ཆེན་པོ་བརྟན་པར་བྱེད་པ་ཞེས ་བྱ་བ་དེ་ནི་མན་ངག་གོ་།ཡེ་ཤེས་ཀྱི་ས་ལ་མངོན་པར་ཞེན་པའི་ཡིད་ལ་རྟགས་བརྒྱད་རབ་ཏུ་འབྱུང་བར་འགྱུར་རོ། །རྟགས་ཡོངས་སུ་གྲུབ་པས་གནས་གསུམ་ཡོད་པའི་ཉམས་སུ་མྱོང་བ་བླ་མའི་ལྟ་བས་ཡིན་ནའང། དེ་ལྟ ་མོད་ཀྱི་སྐྱེ་བ་མེད་པའི་སྣང་བ་གསལ་བའོ། །ད་ནི་མཆོག་གི་རྨད་དུ་བྱུང་བ་ཞི་བ་ཆེན་པོ་རང་གིས་ཉམས་སུ་མྱོང་བ་དགའ་བ་མཛེས་པ། བརྗོད་དུ་མེད་པ་ཡི་གེ་དང་བྲལ་བ། མི་ཟད་པ། དཔྱོད་པས་མི་རྙེད་པ། མི་རྟོག་པ། ཤིན ་ཏུ་ལྐོག་ཏུ་གྱུར་པ། དབང་པོས་ལྟར་མེད་པ། མཛའ་མེད་པ་གཏིང་དཔག་དཀའ་བ་ཟབ་པ་ཚད་མེད་པ། སྐྱེ་བ་མེད་པ་འགག་པ་མེད་པ་ནམ་མཁའ་དང་འདྲ་བ། ཆོས་ཐམས་ཅད་ཀྱིས་གོས་པ་མེད་པ། རང་བཞིན་གྱི་འོད་རབ། དེ་ནི ་ཁོ་ན་ཉིད་ཅེས་བྱའོ། །དཔལ་དགའ་བའི་མེ་ཏོག་གི་ཕྲེང་བ་ལས། །ཡེ་ཤེས་ཆེན་པོ་བསྟན་པ་དང། བདེ་བ་ཆེན་པོ་བསྟན་པར་བྱེད་པ་དང། དེ་ཁོ་ན་ཉིད་ཀྱི་བདག་ཉིད་ཀྱི་འབྲས་བུའི་དོན་བསྟན་པ་ཞེས་བྱ་བ་སྟེ་ལྔ་པའོ།། །། ་དེ་ནས་གཞན་ཡང་དཔལ་ཡེ་ཤེས་མཁའ་འགྲོ་ལ་མཆོད་དོན་དུ་མཆོད་པའི་ཆོ་ག་བཤད་དེ། དང་པོར་རེ་ཞིག་སློབ་དཔོན་སྔགས་དང། །རྒྱུད་དང་དབང་བསྐུར་བ་དང་མན་ངག་ལ་མཁས་པ་རང་གི་ཡོན་ཏན་དང་ལྡན་པའི་ཤེས་རབ་དང ་ལྷན་ཅིག་དཀྱིལ་འཁོར་གྱི་གནས་ཀྱི་སྙིང་པོར་འཇུག་ན་ཐིག་ལེ་དང་ཚུལ་དང། ཆར་ཡང་དང་དགའ་བ་ཆེན་པོ་དང། བཞིའི་བདག་ཉིད་ཀྱི་གྲུ་བཞི་པའི་དཀྱིལ་འཁོར་གྱི་དབུས་སུ་རྒྱུད་ལས་གསུངས་པའི་ཆོ་གས་ཐིག་གདབ་པ་ལ་སོགས ་པ་བྱའོ། །དཀྱིལ་འཁོར་སྐུ་ནི་ཞེས་པར་བརྗོད། །དཀྱིལ་འཁོར་བྷ་ག་ཡིན་པར་བཤད། །དཀྱིལ་འཁོར་བྱང་ཆུབ་ཀྱི་ནི་སེམས། །དཀྱིལ་འཁོར་གསུམ་དུ་རྟོག་པའོ། །དེ་ལྟར་ཤེས་པའི་མན་ངག་གིས་ཕྱི་དང་ནང་གི་རིམ་པས་སྤྱད་པར ་བྱའོ། །ཧཱུཾ་ལས་བྱུང་བའི་རྡོ་རྗེ་གུར་ཆེན་པོ་རྡོ་རྗེར་བ་ལ་སོགས་པ་དང་ལྡན་པ། འབྱུང་བ་ཆེན་པོ་བཞི་ཡོངས་སུ་གྱུར་པ་ལས་གཞལ་ཡས་ཁང་དུར་ཁྲོད་བརྒྱད་དང་ལྡན་པ། རྡོ་རྗེའི་གནས་ཆེན་པོ་རྨད་དུ་བྱུང་བ་ཞེས་བྱའོ། ། ་མི་བཟད་མི་སྡུག་ཅི་སྦྱང་ཚོགས་དྲག་པོ། །འཇིགས་རུང་ཤ་ཟའི་ཁ་དང་ཧ་ཧར་རྒོད། །ནག་པོའི་མེ་དང་དེ་ནས་འཇིགས་བྱེད་བརྒྱད། །ཤིང་སོགས་དང་ལྡན་རྨད་གྱུར་འཇིགས་བྱེད་བསྟོང། །མེ་ཏོག་མིག་རྫི་ནཱ་ག་གེ་སར་དཔལ། ། ་པ་ཏྲ་པ་ལ་ཤར་ཁར་ཤ་མི། །དཔའ་བོ་དུ་མ་རྣལ་འབྱོར་མ་ཚོགས་ཀྱིས། །དཔལ་དང་ལྡན་པ་དུར་ཁྲོད་རྒྱལ་པོ་ཤིན་ཏུ་མཛེས། །ལུང་ལས་ཡི་དགས་སྲེག་པའི་དུས་སུ་དུར་ཁྲོད་ཀུན་ལ་རྔམ་པ་འབྱུང་བར་འགྱུར་རོ། །རྔམ་པའི ་སྐབས་སུ་ཤིང་ཀུན་ལ་མེ་ཏོག་དང་འབྲས་བུ་དང་ཡལ་ག་འཕེལ་བར་འབྱུང་བར་འགྱུར་རོ། །དུར་ཁྲོད་ལ་དབང་བྱེད་པ་ཤིན་ཁ་ན་དཔའ་བོ་ཀུན་གནས་སོ། །ཞེས་གསུངས་སོ། །དཔའ་བོ་ཀུན་སྣ་ཚོགས་པའི་གཟུགས་འཛིན་པ། ་བྱ་ལ་དང་བྱ་རྒོད་དང། ཉི་མས་འཇིགས་པ་དང། སྟག་དང། གླང་ཆེན་དགྲད་དང། ཅེ་སྤྱང་དང། ཁྱི་དང། རྟ་དང་བརྒྱད་ནི་ཧ་ཧར་རྒོད་ཆེན་པོར་རྗོད་པར་བྱེད་པ། མཆེ་བ་འཇིགས་པར་དགྲད་པ་ཞལ་གསུམ་པ། སྤྱན་གསུམ་པ ་ཕྱག་བཞི་པ་རྩ་བའི་ཕྱག་གཉིས་པོས་ཤ་ཆེན་པོའི་མགོ་བོ་ལ་སོགས་པ་ཟ་བར་བྱེད་པ། ཕྱག་གཞན་གཉིས་ན་ཞགས་པ་དང་ལྕགས་ཀྱུ་དང། གཡས་དང་གཡོན་པའི་ཞལ་བྱ་རོག་དང། ཕག་དང། རྟ་དང ་གླང་ཆེན་དང། དོམ་དང། ནེའུ་ལེ་དང། ཉ་དང་ཆུ་སྲིན་དང། བྱ་ཁྱུང་དང་ཤ་ར་བ་དང། ཁྲུང་ཁྲུང་དང། སྦྲུལ་དང། རྨ་བྱ་དང། སྤྱོད་མར་དང། ཕྱི་བ་དང། འབྱུང་པོ་ཁ་ཅིག་ནི་གཟུགས་སྣ་ཚོགས་པ་ཞེས་བྱའོ། །ཕྱི་ལ་ལ་སོགས ་པ་རང་རང་གི་བྱད་གཟུགས་ཞལ་གཉིས་པོ་ཤིང་གི་འོག་ན་ཕན་ཚུན་ཤིན་ཏུ་ཁྲོ་བས་ཤ་ཆེན་པོ་ལ་རྩོད་པ། འཇིགས་པའི་བྱད་ཁས་ཁངས་པ། གྱེན་དུ་ཅེ་སྤྱང་གི་སྒྲ་སྒྲོགས་པའོ། །ལུང་ལས་ཕྱོགས་དང་མཚམས་བྱེ་བྲག་དུ ་འཇིག་རྟེན་སྐྱོང་བ་བརྒྱད་ཕྱག་བཞི་པ་རང་གི་སྟན་སྟེང་ན་རང་གི་ཡན་ལག་མ་དང་ལྡན་པ། རུས་པའི་རྒྱན་ལ་སོགས་པ་བརྒྱན་པ། བཅོམ་ལྡན་འདས་ལ་ལྟ་བར་བྱེད་པ། ཕྱག་གི་སྙིམ་པ་ཅོད་པན་དུ་བཅིངས་ནས་འདུད་པ་ཁོ་ནའོ ་ཞེས་གསུངས་སོ། །གཞན་ཡང་དཔའ་ཨོ་ཆེན་པོ་དང་པོའི་གྲུབ་པ་བྱང་ཆུབ་སེམས་དཔའ་ཆེན་པོ་དུར་ཁྲོད་ཆེན་པོའི་དབུས་སུ་ཨུཏཔ་ལ་སྔོན་པོའི་མདོག་ཤེས་རབ་ཡན་ལག་མ་དང་སྦྱར་བ་ལས་མཆོག་གི་དགའ་བས་མཛེས་པ་། ་ཞལ་བཞི་པ་ཕྱག་བཞི་པ་སྤྱན་གསུམ་པ། སྣ་ཚོགས་རྡོ་རྗེ་དང་པདྨ་ལ་བཞུགས་པ། མེའི་དཀྱིལ་འཁོར་ན་གནས་པ། འཇིགས་བྱེད་ཆེན་པོ་གདན་གྱི་སྟེང་ན་རྒྱལ་པོའི་བཞུགས་ཐབས་ཀྱིས་ཟླ་བ་དང་ཉི་མ་ཞབས་ཀྱིས་མཉན་པ་། ་རྡོ་རྗེ་དང་དྲིལ་བུ་དང་རྡེའུ་ཆུང་དང་ཐོད་པ་བསྣམས་པ། ཕྱག་རྒྱ་ལྔས་ཡན་ལག་བརྒྱན་པ། མི་བསྐྱོད་ལ་སོགས་པའི་ཕྱག་རྒྱའི་ཕྲེང་བས་རལ་པའི་དབུ་རྒྱན་དར་གྱིས་བཅིངས་པ། ཤེས་རབ་མ་ཡང་སྐུ་མདོག་འདྲ་བ་ཞལ་གཅིག ་སྤྱན་གསུམ་པ། ཕྱག་གཉིས་པ་གྲི་གུག་དང་ཐོད་པ་བསྣམས་པ། རུས་པའི་རྒྱན་དང་ལྡན་པ། ཕྱག་རྒྱ་ལྔས་རྣམ་པར་བརྒྱན་པ། སྐྲ་གྲོལ་བ་ཕྱོགས་ཀྱི་ན་བཟའ་ཅན། ནུ་མ་སྲ་བ་དང་མཐོ་བ། རྐེང་ཞེང་ལུས་ཕྲ་བའོ། །ཡང་ན་དཔའ་བོ་ཆེན ་བོའི་གཟུགས་སྣ་ཚོགས་ཀྱི་ཞལ། གནག་པ་དང་དཀར་བ་དང། དམར་བ་དང། ནམ་མཁའ་ཨི་ཁ་དོག་དང་ལྗང་ཁུ་དང། པདྨ་སྔོན་པོ་ལྟ་བུ་དང། ཟླ་བ་དཀར་བ་དང། དམར་ཆེན་དང། ཨུཏཔ་ལ་སྔོན་པོ་དང་འདྲ་བ་དང། གུར་གུམ་གྱི་མདོག ་དང། མིག་སྨན་དང། དུ་བའི་མདོག་དང། སྤྲིན་དང། གསེར་འོད་དང། ནག་སེར་དང་སེར་པོའི་གཟུགས་བྱའོ། །དཔའ་བོ་ཆེན་པོའི་ཡན་ལག་མ། ཟླ་མ་དང། གཡོན་པ་མ་དང། ཉི་མཉམ་མ་དང། རླུང་ཟ་མ་དང། བསིལ་སྦྱིན་མ་དང ་སྙིང་པོའི་འདབ་མ་དང། ཁག་ཡོད་ཐོར་ཅོག་མ་དང། ཉི་མ་འདུལ་མ་དང། ཞི་བ་འཆི་བའི་ཕོ་ཉ་མ་དང། ལྗར་བརྩོན་མ་དང། འོད་འདུན་མ་དང། ཚངས་པའི་མ་དང། ཁྱབ་འཇུག་གི་མ་དང་ཐོག་ཁ་མ་དང། ཐམས་ཅད་སྐྱེད་བྱེད ་མ་དང། དཔའ་བོའི་ཡུམ་དང་གཉིས་སུ་མེད་པའི་སྦྱོར་བས་བདེ་བ་ཆེན་པོའི་དགའ་བས་དགྱེས་པའི་ཡིད་དང་ལྡན་པ། དཔའ་བོ་ཆེན་པོ་ཤིན་ཏུ་མཛེས་པ། དཔལ་ནམ་མཁའ་དྲི་མེད་དང་ཤིན་ཏུ་རྩལ་ཆེན་དང། ལྷའི་དབང་ཕྱུག་དང་གསང ་བའི་བདག་པོ་དང། འོད་དྲག་དང། ཉེ་དགྲ་དང། མཆོག་དགའ་དང། ཐམས་ཅད་ཀྱི་བྱེད་པ་པོ་དང། ཨུཏཔ་ལའི་སྙིང་པོ་དང། ཞི་བ་ཆེན་པོའི་བདག་པོ་དང། ནག་པོ་འདུལ་བ་དང། རྨད་བྱུང་དཔའ་བོ་དང། དྲེགས་ཆེན་དང་། ་ནག་པོ་ཆེན་པོ་དྲག་འཇོམས་དང། རི་རབ་བརྟན་པོ་དང། ནམ་མཁའ་ཨི་ཞལ་ཏེ་དགའ་བ་བཅུ་དྲུག་གིས་རྣམ་པར་དག་པས་དགའ་བ་ཆེན་པོ་མཐར་གྱི་དུས་སུ་རྟོག་མེད་མ་འབྱུང་བའི་རྔམ་བ་དང་བྲལ་བའི་ནང་གི་རེག་བྱའི་ཡིད་ཡེ་ཤེས་ཀྱི ་སྐབས་སུ་རྒྱུ་མཐུན་པའི་འབྲས་བུ་ལས་སྟེང་གི་རླུང་གཡོ་བ་མེད་པར་གྱུར་པས། ཐིག་ལེ་དང་ཚུལ་ནང་གི་རང་བཞིན་གྱི་རླུང་རང་གི་གནས་པ་ལས་གང་ཞིག་བློ་བུར་གྱི་རྔམ་པ་དེ་ལྟ་བུའི་བདག་ཉིད་ཀྱི་རྔམ་པའི་དུར ་ཁྲོད་དུ་དཔའ་བོ་ཆེན་པོ་བཞུགས་སོ། །ལུང་ལས་སྤྲུལ་པ་དང་ཆོས་དང་ལོངས་སྤྱོད་དང་བདེ་བ་ཆེན་པོ་བཞི། འདབ་མ་བརྒྱད་ཀྱི་པདྨའི་རྣམ་པ་གེ་སར་ལ་སོགས་པ་དང་བཅས་པའི་དབུས་སུ་གནས་གཅིག་དང་ལྡན་པའོ། །ཞེས ་གསུངས་སོ། །ལུང་ལས་དང་པོའི་གནས་ཆུ་སྐྱེས་ཀྱི་ཤར་གྱི་འདབ་མར་ཨོཌཡཱཎ་དུ་གཟུགས་ལྡན་མ། བྱང་དུ་ཛཱ་ལནདྷ་རར་བུམ་ལྡན་མ། ནུབ་ཏུ་པུལླི་རར་བྱ་རོག་སྣ། ལྷོའི་འདབ་མར་ཀཱ་མ་རཱུ་པར་དུ་མ། མེ་མཚམས་སུ་མཱ་ལཱ་བར་གླང ་ཆེན་ཁ་།སྲིན་བུའི་མཚམས་སུ་སིནདྷུ་ར་དང་པོའི་སྟོབས་མའོ། །རླུང་མཚམས་སུ་ནཱ་གར་ལྟོགས་མའོ། །དབང་ལྡན་མཚམས་སུ་སིང་ག་ལར་ལྕེ་རི་ས་མའོ། །དེ་དག་ནི་གནས་དང་ཉེ་བའི་གནས་ཤེས་རབ་དང་ཐབས་གཉིས་སུ ་མེད་པའི་སྦྱོར་བས་ཐམས་ཅད་ནང་གི་དགའ་བ་ཞེས་གསུངས་སོ། །དབུས་ཀྱི་གནས་ཀྱི་པདྨའི་ཤར་གྱི་འདབ་མར་མུ་མུ་ནིར་ལོ་མི་རང། བྱང་དུ་དེ་བི་ཀོ་ཊིར་ལྟོ་བ་ཆེ། ནུབ་དུ་ཀོ་ལུ་ཏར་དྲི་ལྡན་མ། ལྷོར་ཨརྤུ་ཏ་ར་དྲི་རྡོ་མ། མེའི ་མཚམས་སུ་ཧ་རི་ཀེ་ལ་བར་བསིལ་སྦྱིན་མ། སྲིན་པོའི་མཚམས་སུ་ཀོ་ཏ་བར་འོད་མ། རླུང་མཚམས་སུ་ལམཔ་ཀར་དབྱངས་སྙན་མ། དབང་ལྡན་མཚམས་སུ་ཀཉྩ་ཀརྤུ་ལིང་ཉ་མ། དེ་དག་ནི་ཞིང་དང་ཉེ་བའི་ཞིང་དང་འདུན་པ་དང་ཉེ་བའི་འདུན་པའི་མཆོག་དགའ་ཨོ། །ཐ ་མའི་གནས་ཀྱི་པདྨའི་ཤར་གྱི་འདབ་མར་ལས་ཀྱི་གྲོང་དུ་ཨུཏཔ་ལའི་དྲི། བྱང་དུ་གསེར་གླིང་དུ་པདྨའི་ཁྲི། ནུབ་ཏུ་ཀོངཀ་ནར་མཚོ་མེ་ཚིག་བྱེད། ལྷོར་བྷིནདར་རྐང་རིང་མེའི་མཚམས་སུ་ཡི་དགས་འདུས་པར་རུས་ལྡན་མ། སྲིན་པོའི ་མཚམས་སུ་རྒྱ་མཚོའི་ངོས་སུ་ཆུ་སྲིན་མིག་མ། རླུང་གི་མཚམས་སུ་ཙ་རི་ཏྲར་ཉའི་ཁ། དབང་ལྡན་གྱི་མཚམས་སུ་གཞོན་ནུའི་གྲོང་ཁྱེར་དུ་སྣ་ཚོགས་ཡན་ལག་མའོ། །དེ་དག་ནི་འདུས་པ་དང་ཉེ་བའི་འདུས་པ་དང། དུར་ཁྲོད་དང་ཉེ་བའི་དུར ་ཁྲོད་ཆད་པའི་དགའ་བའོ། །བཞི་པའི་གནས་ཀྱི་པདྨའི་ཤར་དུ་ཀིསྨ་རར་ག་པུར་ལུས་མ། བྱང་དུ་ཀེ་ར་ཏར་རྨ་བྱའི་སྒྲོ་མ། ནུབ་ཏུ་ནེ་པ་ལེར་འདོད་མ། ལྷོར་ཀར་ནུབ་ཟར་དག་པའི་ལུས་མ། མེའི་མཚམས་སུ་འཆི་མེད་གྲོང་ཁྱེར་དུ་སྒྲ་ལེགས ་མ། སྲིན་པོའི་མཚམས་སུ་མི་ཡུལ་དུ་སྣ་ཚོགས་པད་མ། རླུང་གི་མཚམས་སུ་འོག་ཏུ་འདོད་པའི་སྐེ་རགས་མ། དབང་ལྡན་མཚམས་སུ་རི་རབ་རྩེར་པདྨའི་ཞལ་ལོ། །དེ་དག་ནི་བྱི་ལ་དང། སྦྱོར་བ་དང་ཉེ་བའི་སྦྱོར་བའི་རང་བཞིན་དགའ་ ་བའོ། །དང་པོའི་ལྟེ་བར་ཤར་གྱི་ལུས་འཕགས་སུ་སྲོག་མ། དབུས་སུ་བྱང་གི་སྒྲ་མི་སྙན་དུ་ལ་ལ་ནཱ། ཐ་མའི་ནང་དུ་བ་ལང་སྤྱོད་དུ་ར་ས་ནཱ། བཞི་པའི་གནས་སུ་ལྷོའི་ཛམྦུའི་གླིང་དུ་ཨ་པ་དྷཱུ་ཏཱིའོ། །ལུང་ལས་དཔའ་བོ་ཆེན་པོ་དང ་བཅས་པར་ནང་གི་འཁོར་ལོའི་རིམ་པའི་ཤེས་རབ་ཐབས་ཀྱི་རྣམ་པར་དག་པ་ཞེས་བལྟས་ཏེ། དེ་ནི་ལམ་དང་ཉེ་བའི་ལམ་མོ་།དུར་ཁྲོད་བརྒྱད་ཀྱི་ནང་དུ་སྣ་ཚོགས་ཆུ་སྐྱེས་ཀྱི་ལྟེ་བ་ལ་ཨཱ་ལི་ཀཱ་ལི་ཧཱུཾ་གི་ཡི་གེ་རྡོ་རྗེ་སེམས་དཔའ་ཨི་རང་བཞིན ་རང་གི་འོད་ཀྱི་རིག་མ་དང་གཉིས་སུ་མེད་པའི་སྦྱོར་བ། ཞལ་བཅུ་དྲུག་པ། ཕྱག་བཅུ་དྲུག་པ། བདེ་བ་ཆེན་པོ་མངོན་པར་དགའ་བའི་རང་བཞིན་ཡེ་ཤེས་སེམས་དཔའ་དཀྱིལ་འཁོར་ལ་བཞུགས་ཞེས་བྱའོ། །དཔལ་དགའ་བའི་མེ་ཏོག་གི་ཕྲེང ་བ་ལས། ཡེ་ཤེས་ཀྱི་དཀྱིལ་འཁོར་དུར་ཁྲོད་ལ་སོགས་པའི་གནས་ཀྱི་དོན་བསྟན་པ་ཞེས་བྱ་བ་སྟེ་དྲུག་པའོ།། །།དེ་ནས་གཞན་ཡང་དཔལ་ཡེ་ཤེས་མཁའ་འགྲོ་ལ་མཆོད་པའི་དོན་དུ་བསམ་གཏན་བསྟན་ཏེ། དཔེའི ་སློབ་དཔོན་ནི་ཀུན་རྫོབ་དང་དོན་དམ་པ་མི་སྤར་བའི་བྱ་བས་ཡེ་ཤེས་ཆེན་པོའི་འབྱུང་བའི་ཕྱིར་སྟེང་གི་ཚིགས་རྒྱས་པའི་དོན་དུ་མན་ངག་ལས་སྒོ་གཞན་ཐམས་ཅད་འགོག་གི་།ལུས་ལ་སོགས་པའི་སྡུག་བསྔལ་གྱིས ་མནན་པ་དེ་ལྟར་མ་ཡིན་ཞེས་མཆོད་དོ། །དེའི་རྗེས་སུ་རྒྱལ་བའི་སྲས་མོ་བཞིན་དུ་རང་གིས་དབང་བསྐུར་པ་སྲ་བ་དང་མཐོ་བའི་ནུ་མ་དང། པདྨ་མཛེས་པ་དང་ཨུཏཔ་ལའི་འདབ་མ་རིང་བའི་སྤྱན་ཅན། ཙན་དན་རློམ་པའི་དྲིས་ཁྱབ་པ། བླ ་མའི་མན་ངག་ལས་བསྲུབ་དང་བསྲུབས་པ་ཆེན་པོས་རྡོ་རྗེ་དབྱིངས་ཀྱི་དབང་ཕྱུག་མའི་གནས་ཉེ་བར་བལྟས་ཏེ། ཡང་ན་བཙུམས་པ་དང་ཕྱེ་བ་ལ་སོགས་པའི་རབ་ཏུ་སྦྱོར་བས། ལྟེ་བའི་དབུས་ན་བཞུགས་པའི་འོད་ཆེན་པོའི་བདག་ཉིད་གཏུམ ་མོ་རབ་རྒྱས་པར་ལས་ཀྱི་རླུང་གིས་གྲོགས་བྱས་ཏེ་རང་གི་གནས་སུ་རང་གི་འོད་ཀྱིས་དགའ་བ་དང་མངོན་པར་དགའ་བ་དགའ་བ་དང་བྲལ་བས་འབར་བ་དང། མྱོས་པ་དང་ཆུང་ཟད་གཡོ་པ་རྣམ་པར་གཡོ་བ་དང། ཁྲོ་བ་ཆེན་པོས་ཤིན་ཏུ་འབར ་པར་རྨད་དུ་བྱུང་པ། གློག་ཆེན་པོའི་གཡོ་བའི་རྣམ་པ་ལྟར་སྒྲ་ཆེན་པོ་སྒྲོགས་པ་ཁོ་ནས་གསང་བའི་ལྟེ་བའི་གནས་ཀྱི་དབུས་ནས་ལངས་ཏེ། རྣམ་པར་སྣང་མཛད་ལ་སོགས་པ་ཕུང་པོ་དང་ཁམས་དང། སྐྱེ་མཆེད་ལ་སོགས་པ་ཤིན་ཏུ་བསྲེགས ་ནས། དང་པོ་དང་དབུས་དང་ཐ་མའི་ལམ་ནས་སྨིན་ཕྲག་གི་འཁོར་ལོའི་ལམ་ཨོ་རྒྱན་གྱི་ཚིགས་རྒྱས་པར་གསེར་སྒྲོའི་ཛཱ་ལནདྷ་རར་སྤྱི་གཙུག་གི་མཚམས་སུ་ནང་གི་བུ་གའི་བདེ་བ་ཆེན་པོའི་གནས་བདུད་རྩིའི་གནས་སུ་འཇུག་གོ་།དེར་རང་དགའ་ ་བས་ངལ་སོ་ནས་དགའ་བའི་འོད་ཀྱིས་བདེ་བ་ཆེན་པོ་གྲུབ་པ། བྱང་ཆུབ་ཀྱི་སེམས་ཤིན་ཏུ་ཁེངས་པར་གསོལ་ནས་མངོན་པར་དགའ་བའི་ནང་གི་རེག་བྱ་ལས། རོ་ཆེན་པོ་འོང་པའི་དབང་གིས་སྔར་བསྲེགས་པ་ཡང་རབ་ཏུ་ཚིམ་པའི་དོན་དུ་ཐུགས་རྗེ་ཆེན ་པོའི་སྤྲིན་རྟག་ཏུ་རྒྱུན་མ་ཆད་པར་བདུད་རྩིའི་རྒྱུན་གྱི་ཆར་འབབ་པར་བྱེད་དོ། །དེ་ནས་ཡང་རྟེན་གྱི་རྩའི་འཁོར་ལོ་འཛིན་ཁྱེར་ཏེ། ཞི་བའི་གཟུགས་ཀྱིས་བདེ་བ་ཆེན་པོའི་དགའ་བའི་དགྱེས་པའི་ཡིད་ཀྱིས་རླབ་པ་དང་ལོངས་སྤྱོད་དང་དབང་གི་ང་རྒྱལ་གྱིས ་རང་གི་གནས་སུ་རྗེས་སུ་གཤེགས་སོ། །བརླག་པ་དང་ལོངས་སྤྱོད་དང་ངལ་སོ་བ་དང་འགྲོ་བ་དང་ཁེངས་པ་དང་བུམ་པ་དང་དུས་དང་ཚེ་དང་གནས་སྐབས་དང། གཡས་པ་དང་གཡོན་པ་དང། དབུས་ལ་བརྟེན་ནས་ཆུ་ཚོད་སུམ་ཅུ་རྩ་དྲུག་གི་བར་དུ་བདེ་བ ་ཆེན་པོའི་བདག་ཉིད་ཀྱི་གཏུམ་མོ་བསྐུལ་བས་གོ་རིམས་སུ་རྩའི་འཁོར་ལོ་ཤར་བའོ། །ཛྙཱ་ན་བྷུ་ཏིའི་ཞལ་སྔ་ནས་རྩ་ཞེས་བྱ་བའི་དངོས་པོ་མེད་པ་ན། བདེ་བ་ཆེན་པོ་ལ་སོགས་པ་ཕྱི་ནང་གི་རེག་བྱ་ཉེ་བར་མི་རྙེད་དེ། མི་རྙེད་པའི་ཕྱིར་དགའ་བ་ལ་སོགས ་པ་དང། རྒྱུ་དང་འབྲས་བུ་དང་དབང་གསུམ་གྱི་བདག་ཉིད་ཀྱི་མན་ངག་ཆད་པའི་དངོས་པོར་འགྱུར་རོ། །བདེ་བ་ཆེན་པོ་མི་ཤེས་པའི་ཕྱིར་བྱང་ཆུབ་མི་རྙེད་དོ་ཞེས་བཤད་དོ། །དེ་བས་དཔེའི་སློབ་དཔོན་གྱིས་རྩའི་འཁོར་ལོ་སྤོམ་ཕྲ་ལ་སོགས་པའི་བསམ ་གཏན་སྤངས་ནས། བླ་མ་རྗེ་བཙུན་གྱིས་བཀའ་སྩལ་པར་བྱ་ཞེས་བཤད་དོ། །དང་པོ་ཡན་ལག་གཡས་གཡོན་དུ་ལོངས་སྤྱོད་མ་དང། འཇིགས་མ་དང། འཁྲི་མ་དང། གུག་མ་དང། ཤ་པ་རིམ་དང། རི་བོང་མ་དང། བདུད་རྩི་མ་དང། བད་ཀན་མ ་དང། རི་མ་དང། ཕུང་པོ་མ་དང། འདོད་མ་དང། ཆང་འཚོང་མ་དང། གོས་མ་དང། སེར་མ་དང། རྐང་གོས་མ་དང། ཕྲ་མོ་དང། ཚིམ་མ་དང། སྐར་མ་དང། རི་དགས་མ་དང། ཤིན་ཏུ་ཁེངས་མ་དང། ལུག་མ་དང། ཁྲོ་མ་དང། ་འཁོར་ལོ་མ་དང། ནག་མོ་མ་ཞེས་པ་དང། ཆགས་པ་དང། འཇིག་པ་དང། མི་དགའ་བ་དང། ཞི་བ་དང། སྙིང་རྗེ་དང། སྲེད་པ་དང། རྣམ་པར་རྟོག་པ་དང། ངོ་ཚ་བ་དང། དགེ་བ་མ་ཡིན་པ་དང། རང་གི་ངོ་བོ་མིན་པ། ལེན ་པ་དང། སྡུད་པ་དང། བཀྲེས་པ་དང། སྐོམ་པ་དང། ཡི་གར་མི་འོང་བ་དང། རྣམ་པར་ཆགས་པ་དང། ནང་དང། ཁྲོ་བོ་དང། སྙིང་བརྩེ་བ་དང། འཛེམ་པ་དང། ཕྲག་དོག་དང། ང་རྒྱལ་དང། བསྟན ་པ་དང། སྟོབས་ཏེ། དཔྲལ་བ་དང། མིག་དང། རྣ་བ་དང། སྣ་དང། སྨིན་མ་དང། སྐེ་དང། གློ་བ་དང། མཇུག་དོ་དང། བརླ་དང། པུས་མོ་དང། རྗེ་ངར་དང། རྐང་པ་གཡས་གཡོན་ཕྱེད་ཕྱེད་ཀྱི་ཆའི་གྲངས་ཉི་ཤུ་རྩ་བཞི ་འགྲོ་བ་དང། ཁེངས་པ་དང་མཆོག་དང་ཆད་པའི་ཤར་བའི་རྩ་རྣམས་ཀྱི་མཚན་ཉིད་ཀྱི་དོན་ནོ། །དབུས་ཀྱི་རྐེང་རུས་ཀྱི་དབྱུག་པའི་སྙིང་པོའི་ནང། རྒན་མོ་དང། སྟག་མ་དང། དཔའ་བོའི་བློ་མ་དང། གཡོ་སྒྱུ་མ་དང། ངེས་པར ་སེམས་མ་དང། དམར་མོ་དང། གཤོལ་མ་དང། རིང་མ་དང། བདུད་རྩི་ཡོན་ཏན་མ་དང། ལམ་དགའ་མ་དང། འཁོར་ལོའི་ཁ་མ་དང། རྣམ་པར་སྒེག་མའི་ང་རྒྱལ་མ་དང། འོད་དང། བརྩོན་པ་དང། ཕྲག་དོག་མེད་པ་དང ་མི་བརྟན་མེད་པ་དང། བཏང་སྙོམས་དང། གཏོང་ཕོད་དང། དགའ་བ་དང། གཡོ་སྒྱུ་མེད་པ་དང། གླུ་དང། སྒྲ་དང། གར་དང། བཏུབ་པ་ལ་སོགས་པ་ཁོ་ན་སྟེ། ཚངས་པའི་བུ་ག་དང། ཚངས་པའི་ལྟེ་བ་དང། སྤྱི་བོ་དང། རྐན་དང། སྐོ ་དང། སྙིང་ག་དང། ལྟེ་བ་དང། འདོམས་དང། གསང་བ་དང། ལྟེ་བ་དང། མེའི་པདྨ་དང། གཞང་ཁའི་ཀུན་པ་ཀའི་རང་བཞིན་དགའ་བ་འབྱུང་བའི་རྩ་གསུམ་གྱི་དྲ་བའི་སྡོམ་པ་རྟེན་དང་བརྟེན་པའི་ཡེ་ཤེས་ཀྱི་བྱེ་བྲག་དུ་བདེ་བ་ཆེན ་པོ་ཁོང་དུ་ཆུད་པར་བྱེད་པ། འོད་ཀྱི་བདག་ཉིད་ཅན་རེག་བྱ་མེད་པ། ཡེ་ཤེས་ཀྱི་མེའི་ནམ་མཁའ་ཨི་རང་བཞིན་གཏུམ་མོ་འམ། རྟོག་མེད་པ་ཞི་བའི་རང་གི་ངོ་བོ་བདེ་བ་ཆེན་པོའི་པདྨའི་ལྟེ་བའི་གྱེན་དུ་འཇིག་རྟེན་གྱི་ཁམས་དུ་མ་ཁྱབ་པ། ་གཉིས་སུ་མེད་པའི་རྣམ་པ། སྟོང་ཕྲག་བདུན་ཅུ་རྩ་གཉིས་ཀྱི་རྩའི་འཁོར་ལོའི་དབུས་ཐམས་ཅད་ཀྱི་བདག་ཉིད་གཅིག་པུའི་རོའི་རང་བཞིན། དཔལ་རྡོ་རྗེ་དབྱིངས་ཀྱི་དབང་ཕྱུག་མ་ཞེས་མན་ངག་ལས་སོ། །དཔལ་དགའ་བའི་མེ་ཏོག་གི་ཕྲེང་པ་ལས ་གནས་གསུམ་ན་ཡོད་པའི་རྩའི་དྲ་བའི་སྡོམ་པ་དང་གསུམ་པོ་ཆེན་མོའི་སྦྱོར་བ་རྟེན་དང་བརྟེན་པའི་ཡེ་ཤེས་ཀྱི་དོན་བསྟན་པ་ཞེས་བྱ་སྟེ་བདུན་པའོ།། །།དེ་ནས་གཞན་ཡང་ཡེ་ཤེས་མཁའ་འགྲོ་ལ་མཆོད་པའི་དོན་རྣམ་པ་དང་བཅས ་པའི་དཀྱིལ་འཁོར་གྱི་འཁོར་ལོ་དམ་ཚིག་སེམས་དཔའ་ཨི་བདག་ཉིད་ཅན་བཤད་དེ། ཟླ་བ་དང་རྡོ་རྗེ་དང། ས་བོན་དང་ཕྱག་རྒྱ་དང། སྣ་ཚོགས་པདྨ་འདབ་མ་བརྒྱད་ཀྱི་ལྟེ་བ་ལ་སྟོང་པ་དང་སྙིང་རྗེ་དབྱེར་མེད་པའི་རང་བཞིན་ཅན། བདག་ཉིད་བསྙེན་པ ་ལ་སོགས་པའི་ཡན་ལག་བཞིའི་འབྲས་བུའི་གཙོ་བོ་སྔར་བསྐུལ་པའི་མིག་ལ་སོགས་པ་བྱིན་གྱིས་བརླབ་པ་དང། དབང་བླང་བ་ལ་སོགས་པས་སྐུ་རྫོགས་པ་འཇིགས་བྱེད་ཆེན་པོ་དང། ཟླ་བ་དང་ཉི་མའི་སྟེང་དུ་དམ་ཚིག་གི་མཁའ་འགྲོ་མ་བཅུ་དྲུག ་གི་དཀྱིལ་འཁོར་གྱི་དབུས་སུ་ཕྱག་བཅུ་དྲུག་པ་ཞལ་བརྒྱད་པ། ཞབས་བཞི་པ་གཡས་བརྐྱང་བ། གཡོན་བསྐུམ་པའི་སྐུ་སྤང་རྒྱན་གྱི་མེ་ཏོག་གི་མདོག་ཅན། སྤྱན་གསུམ་པ། ཞལ་གསུམ་ནི་དཀར་བ་དང་དམར་བ་དང་ལྗང་བ་དང། ཞལ ་གཞན་བུང་བ་དང་འདྲ་བ། སྟེང་གི་འཇིགས་པ་ཆེན་པོ་བོང་བུའི་རྣམ་པའི་མཆེ་བ་བགྲང་པ་འཇིགས་པ་བསྟན་པའི་ཕྱག་རྒྱ་ལ་སོགས་པ་ཡོངས་སུ་གྱུར་པ་ལས་སྐད་ཅིག་གིས་དེ་ལྟ་བུའི་གཟུགས་ཐུགས་རྗེ་ཆེན ་པོ་དང། ཁྲོ་བོའི་སྐུ་བསྐལ་པ་ཆེན་པོའི་མེ་པས་ལྷག་པའི་འོད་དང་ལྡན་པ། རྒྱལ་བ་ཐམས་ཅད་ཀྱི་བདག་པོ། དུར་ཁྲོད་ཆེན་པོའི་དམ་ཚིག་གི་དཀྱིལ་འཁོར་གྱི་དབུས་སུ་མཆོག་གི་ནམ་མཁའ་ཨི་དཀྱིལ་ན། དམ་ཚིག་མཁའ་འགྲོའི་དབང ་ཕྱུག་མས་འཁྱུད་པ། དཔལ་དམ་ཚིག་སེམས་དཔའ་ཨི་དབང་ཕྱུག་སྐྱེ་བ་དང་འཇིག་པ་དང། གནས་པའི་རྣམ་པའི་བྱེད་པ་པོའི་དྲེགས་པ་འཇོམས་པའི་ཕྱིར་བཞེངས་པ། རྒྱུ་མས་བརྒྱུས་པའི་མགོ་བོ་ཆེན་པོའི་ཆུན ་འཕྱང་གིས་བརྒྱན་པའི་ཡན་ལག་ཅན། ཕྱག་རྒྱ་ལྔ་འཛིན་པ། རུས་པའི་རྒྱན་ཅན་སྐྲ་སེར་ཕོ་གྱེན་དུ་འགྲེང་བ། སྨིན་མ་རྒྱས་པ། སྤྱན་དམར་བ། གར་དགུའི་རོ་ཆེན་པོའི་དང་ཚུལ་ཅན། ཧ་ཧ་རོ་རྒོད་པ། ཚངས་པའི་ལྤགས་པ་རྐེད་པར་ཁྱབ ་པ། སྐ་རགས་ཀྱིས་བཅིངས་པའི་སིལ་སིལ་གྱི་སྒྲ་སྒྲོགས་པ། མ་མཆུའི་རོའི་བདུད་རྩིའི་བཏུང་བས་བཞི་བ། ཞི་བ་ཆེན་པོའི་ལྤགས་པ་བཤུས་མ་ཐག་པའི་རློན་པ་ཕྱག་གཉིས་ཀྱིས་གྱེན་དུ་སྦྱངས་པ། པདྨ་ཁ་ཕྱེ་བ་ཡིས་དབུའི་རིན་པོ ་ཆེའི་རྣམ་པར་བརྒྱན་པ། ཕྱག་ལྷག་མ་རྣམས་ནི་འཇིགས་བྱེད་ཆེན་པོ་ཁྲག་ཆེན་པོ་ཁ་ནས་འཛག་པ། སྣོད་ན་ཡོད་པའི་བཟའ་བ་དང་བཏུང་བའི་དོན་གྱི་ཕྱིར་བསྣམས་ཞེས་བྱའོ། །དམ་ཚིག་མཁའ་འགྲོའི་དབང་ཕྱུག་མ་བཅོམ་ལྡན ་འདས་དང་མཉམ་པ། ཞལ་གཅིག་ཕྱག་གཉིས་པ། སྤྱན་གསུམ་པ། སྒྲ་གྲོལ་བ། ཕྱོགས་ཀྱི་ན་བཟའ་ཅན། གཉིས་སུ་མེད་པའི་སྦྱོར་བའི་བདེ་བ་ཆེན་པོས་མཉམ་པར་འཁྱུད་པ། རུས་པའི་རྒྱན་གྱིས་རྣམ་པར་བརྒྱན་པ། མི་བསྐྱོད ་པའི་ཅོད་པན་བཅིངས་པ། གྲི་གུག་དང་སྣོད་འཛིན་པ། ཤིན་ཏུ་རིངས་པར་སྐེ་ལ་འཁྱུད་པ། མ་མཆུའི་རོའི་བདུད་རྩིའི་བཏུང་བས་བཞི་བ། ཐམས་ཅད་ཁམ་དུ་བྱེད་པའི་དམ་ཚིག་གི་ཡན་ལག་མའོ། །སྣ་ཚོགས་པདྨའི་འདབ་མ་བརྒྱད ་ཀྱི་ཤར་གྱི་འདབ་མར་ལེགས་དགྱེས་སྐུ་རག་མ། སྐུ་མདོག་ནག་མོ། །བྱང་གི་འང་བྱེ་མར་ལེགས་དགྱེས་འགྲོ་མ་སེར་མོ། །ནུབ་ཏུ་ལེགས་འོད་དམར་མོ། །ལྷོར་ལེགས་དགྱེས་གཏུམ་མོ་ལྗང་མདོག་མ། མེའི་མཚམས་སུ་ལེགས་དགྱེས ་ཕྲེང་མ་རི་བོང་ཅན་འོང། སྲིན་པོའི་མཚམས་སུ་ལེགས་དགྱེས་བུམ་པ་མ་ནག་སེར་གྱི་མདོག་།རླུང་གི་མཚམས་སུ་ལེགས་དགྱེས་དྲི་མ་ཨུཏཔ་ལའི་མདོག་།དབང་ལྡན་གྱི་མཚམས་སུ་ལེགས་དགྱེས་མཛེས་པ་ཉི་མ་གཞོན་ནུའི་མདོག་།ཐམས་ཅད་སྤྱན ་གསུམ་པ་གཡོན་བརྐྱང་བས་གནས་པ། སྐྲ་གྲོལ?་བ་གཅེར་བུ་རོ་ལ་ཞོན་པ། ཞལ་གཅིག་ཕྱག་གཉིས་པ། རལ་གྲི་དང་སྣོད་བནདྷ་དང། ཁ་ཊཝཱཾ་ག་དང། ཕྱག་རྒྱ་ལྔ་དང་རུས་པའི་རྒྱན་གྱིས་བརྒྱན་པའོ། །ཤར་དང་བྱང་དང་ནུབ་དང་ལྷོའི་མཚམས་སུ་ལེགས ་དགྱེས་སྒྲོ?་མ། ལེགས་དགྱེས་འཇིགས་མ། ལེགས་དགྱེས་དོ་ཤལ་མ། ལེགས་དགྱེས་སྤྲིན་ནི། རྫ་རྔ་དང་གླིང་བུ་དང། དགུ་པོ་རྒྱུད་མངས་དང། རྔ་སྒྲ་སྒྲོགས་པར་བྱེད་པ་གཟུགས་གཉིས་པ་ཕྱག་གཉིས་པའོ། །ཤར་དང་བྱང་དང་ནུབ་དང ་ལྷོའི་སྐོར་ལེགས་དགྱེས་འོང་མ། ལེགས་དགྱེས་པདྨ། ལེགས་དགྱེས་དགའ་མ། ལེགས་དགྱེས་ཚུལ་ཁྲིམས་མ། ཕྱག་གཉིས་ཀྱིས་མདའ་གཞུ་འགེངས་པ། གཞན་བཞུགས་ཐབས་དང། རྒྱན་ལ་སོགས་པ་ནི་སྣ་ཚོགས་པདྨ་ལ་བཞུགས ་པའི་རྣལ་འབྱོར་མ་དེ་བཞིན་དུ་བྱའོ། །གཟུགས་དང་སྒྲ་དང་དྲི་དང་རོ་དང་རེག་དང། ཡེ་ཤེས་དང་ཆོས་ཀྱི་དབྱིངས་དང། ས་དང་ཆུ་དང་མེ་དང་རླུང་དང་ནམ་མཁའ་དང། ཆགས་པ་དང་ཕྲག་དོག་དང་ང་རྒྱལ་དང་གཏི་མུག་རྣམ་པར་དག་པས། ལྷ་མོ ་བརྒྱད་གཉིས་དམ་ཚིག་གི་མཁའ་འགྲོ་མའི་རྣམ་པར་དག་པ་བསྐྱེད་པའི་རིམ་པ་ལུང་ལས་གསུངས་སོ།། །།དཔལ་དགའ་བའི་མེ་ཏོག་གི་ཕྲེང་བ་ལས་དམ་ཚིག་སེམས་དཔའ་ཨི་བདག་ཉིད་ཅན། དཔལ་ཡེ་ཤེས་ཀྱི་མཁའ་འགྲོའི ་བསྐྱེད་པའི་རིམ་?་བསྒོམ་པ་བསྟན་པ་ཞེས་བྱ་སྟེ་བརྒྱད་པའོ།། །།དེ་ནས་གཞན་ཡང་དཔལ་ཡེ་ཤེས་མཁའ་འགྲོ་ལ་མཆོད་པའི་དོན་དུ། མཆོད་སྦྱིན་གྱི་ཆོ་ག་བཤད་དེ། དང་པོར་གནས་དང་ཉེ་པའི་གནས་ལ་སོགས ་པར་མཆོད་པ་བྱས་པའི་འོག་ཏུ་ནང་གི་མཆོད་སྦྱིན་གསུམ་བྱའོ། །དངོས་པོ་དང་རྟེན་དང་རྣམ་པར་འབྱེད་པའི་བདེ་བ་ཆེན་པོ་ལ་སོགས་པའི་འཁོར་ལོ་བཞིས། ཐ་མ་དང་འབྲིང་དང་རབ་དང། རབ་ཀྱི་རབ་དབང་པོ་དང། ་བསྙེན་པ་དང། ཉེ་བར་བསྙེན་པ་དང། སྒྲུབ་པ་དང་སྒྲུབ་པ་ཆེན་པོ་དང། དགའ་བ་དང་མཆོག་དང་ཆད་པ་དང་རང་བཞིན་དགའ་བ་དང། གནས་ལ་སོགས་པར་ཆུ་ཚོད་སུམ་ཅུ་རྩ་དྲུག་གི་བར་དུ་ཀུན་སྤྱོད་འཁོར་ལོའི་རིམ་པ་ཡིས། མ་མོའི་དྲངས ་པའི་སྔགས་ཀྱིས་མཆོད་པའི་མཆོད་སྦྱིན་བྱའོ། །རེག་བྱའི་ཁམས་དང་རྒྱལ་མཚན་སྦྱོར་བས། རྡོ་རྗེ་དབྱིངས་ཀྱི་དབང་ཕྱུག་མ་ཁོང་དུ་ཆུད་པའི་ཡེ་ཤེས་ཀྱི་འོད་ཀྱིས་བདེ་བ་ཆེན་པོའི་འཁོར་ལོ་ཞུ་བའི་བདུད་རྩི་བདེ་བ་ཆེན་པོའི་བདག་ཉིད་ཅན། བྱང ་ཆུབ་ཀྱི་སེམས་ཀྱི་ཐིགས་པ་རེ་རེས་གནས་དང་ཉེ་བའི་གནས་ན་བཞུགས་པའི་མཁའ་འགྲོ་མ་རྣམས་ཀྱི་མཆོད་པའི་རིམ་པའོ། །དང་པོའི་གནས་ཀྱི་ཆུ་སྐྱེས་དཔལ་ཨུ་རྒྱན་དུ་གཟུགས་ལྡན་མ། དག་བའི་དངོས་པོ་རྣམ་པར་སྣང་མཛད་ཀྱིས་ཛཱ་ལནདྷ་རར ་བུད་ལྡན་མ་སྒེག་པའི་དངོས་པོ། ནམ་མཁས་པུལླིར་མ་ཡས་བྱ་རྒོད་སྣ་མ་དགའ་བའི་དངོས་པོ་ཉི་ཤུ་པས། ཀཱ་མ་རུ་པར་དུ་མ་རབ་ཚིམ་གྱི་དངོས་པོ་སུམ་ཅུ་པས། མཱ་ལཱ་ཝ་ར་གླང་ཆེན་ཁ་མ། དད་པའི་དངོས་པོ་ཏྲར་ཨའི་མཐར་གྱིས་སིནདྷུར་དང ་པོའི་སྟོབས་མ། ཁོང་དུ་ཆུད་པའི་དངོས་པོ་གསུམ་པའི་གཉིས་པའི་ནཱ་གར་དུ་ལྟོགས་མ། གསལ་བའི་དངོས་པོ་བཅུ་གཉིས་པས་སིང་ང་ལར་ལྕེ་རིངས་མ། ལྟ་བའི་དངོས་པོའི་འོད་ཀྱིས་མུ་མུ་ནི་ར་ལོ་མ་རིང། སྦྱོར་བའི་བརྟེན་བརྒྱད་པའི ་བདུན་པས་དེ་བི་ཀོ་ཊིར་ལྟོ་བ་ཆེ། དམ་ཚིག་གི་རྟེན་ལྔ་པས་ཀོ་ལུ་ཏར་དྲི་ལྡན་མ། རོའི་རྟེན་བརྒྱད་པའི་གཉིས་པར་ཨརྦུ་ཏར་དྲི་རྔོ་མ། ཚུལ་གྱི་རྟེན་ཉི་ཤུ་བདུན་པས་ཧ་རི་ཀེ་ལ་པར་བསིལ་སྦྱིན་མ། གཡོ་བ་རྟེན་ཉི་ཤུ་ལྔ་པས། གཽ་དཱ་བར་འོད ་མ། དུས་ཀྱི་རྟེན་ཉི་ཤུ་པས་ལམ་པ་ཀར་དབྱངས་སྙན་མ། རྣམ་པར་སྨིན་པའི་རྟེན་སུམ་ཅུ་གཉིས་པས་ཀཉྫ་ཀར་པུ་ལིན་ད་ར། བསྙེན་པའི་རྟེན་བརྒྱད་པའི་བརྒྱད་པས། ལས་ཀྱི་གྲོང་དུ་ཨུཏཔ་ལའི་དྲི། ལས་ཀྱི་རྣམ་པར་འབྱེད་པའི་གསུམ་པའི་གསུམ་པས། ་གསེར་གྱི་གླིང་པུ་པདྨའི་དྲི། རེག་བྱའི་རྣམ་པར་བྱེད་པ་ལྔའི་དང་པོ་ས། ཀོངཀ་ནར་མཚོ་མི་ཚིག་བྱེད། དགའ་བའི་རྣམ་པར་འབྱེད་པའི་ཆུ་ཡིས་བྱིན་དར། རྐང་རིངས་མ། བསམ་གཏན་གྱི་རྣམ་པར་འབྱེད་པ་བཞི་པའི་དང་པོས་ཡི་དགས་འདུས་པར ་རུས་ལྡན་མ། ངེས་པར་འབྱེད་པའི་སེམས་ལྔ་པའི་བཞི་པས། རྒྱ་མཚོའི་ངོགས་སུ་ཆུ་སྲིན་མིག་མ། ལྟ་བའི་རྣམ་པར་འབྱེད་པ་བརྒྱད་པའི་བཞི་པས། ཙ་རི་ཏྲར་ཉའི་ཁ་།ཆགས་པའི་རྣམ་པར་འབྱེད་པ་བཞི་པའི་གསུམ་པས། གཞོན་ནུའི ་གྲོང་ཁྱེར་དུ་སྣ་ཚོགས་ཡན་ལག་མ། བརྩོན་འགྲུས་རྣམ་པར་འབྱེད་པ་སུམ་ཅུའི་གསུམ་པས་ཀསྨ་རར་ག་པུར་ལུས་མ། འཕྲོ་བའི་ཡེ་ཤེས་བཞི་པའི་ལྔ་པས། ཀེ་ར་ཏྭ་མ་རྨ་བྱའི་སྒྲོ་མ། དྲན་པའི་ཡེ་ཤེས་བཞི་པའི་གསུམ་པས། ནེ་པ ་ལེར་འདོད་མ། བརྩོན་འགྲུས་ཀྱི་ཡེ་ཤེས་ཉི་ཤུ་པས། ཀརྣུ་ཛ་ར་དག་པའི་ལུས་མ། ཀུན་སྤྱོད་ཡེ་ཤེས་དང་པོ་གསུམ་པས། འཆི་མེད་གྲོང་ཁྱེར་དུ་སྐྲ་ལེགས་མ། བསྐྱེད་པའི་ཡེ་ཤེས་གསུམ་པའི་གཉིས་པས། མིའི་ཡུལ་དུ་སྣ་ཚོགས ་པདྨ། གླེང་གཞིའི་ཡེ་ཤེས་བཅུ་གཉིས་པས། ས་འོག་ཏུ་འདོད་པའི་སྐེ་རགས་མ། རྙེད་པའི་ཡེ་ཤེས་བདུན་པས་རི་རབ་རྩེར་པདྨའི་ཞལ་མ། གཉིད་སད་ཡེ་ཤེས་གསུམ་པའི་གསུམ་པས་སོ། །དང་པོའི་ལྟེ་བར་ཤར་གྱི་ལུས་འཕགས་སུ ་སྲོག་མ། དགའ་བ་ལྔ་པའི་ལྔ་པས་སྒྲ་མི་སྙན་དུ་ལ་ལ་ནཱ། མཆོག་དགའ་བརྒྱད་པའི་བཞི་པས་བ་ལང་སྤྱོད་དུ་ར་ས་ནཱ་ཆད་པའི་དགའ་བ་སྭའི་ཡིག་འབྲུས་འཛམྦུའི་གླིང་དུ་ཨ་བ་དྷཱུ་ཏཱི། རང་བཞིན་དགའ་བའི་ཧའི་ཡིག་འབྲུས་སོ། །དཔལ་དགའ་ ་བའི་མེ་ཏོག་གི་ཕྲེང་བ་ལས་མོའི་བཏུས་པའི་སྔགས་ཀྱིས་མཆོད་པའི་ཆོ་ག་དང། གནས་དང་ཉེ་བའི་གནས་ལ་སོག་པ་དང་དངོས་པོ་དང་རྟེན་དང་ཡེ་ཤེས་དང། རྣམ་པར་འབྱེད་པའི་རིམ་པ་བཞིའི་དོན་བསྐྱེད་པའི ་རིམ་པའི་ཡན་ལག་བསྟན་པ་ཞེས་བྱ་བ་སྟེ་དགུ་པའོ།། །།དེ་ནས་གཞན་ཡང་དཔལ་ཡེ་ཤེས་མཁའ་འགྲོ་ལ་མཆོད་པའི་དོན་དུ། ནང་གི་མཆོད་སྦྱིན་གསུམ་གྱི་ཆོ་ག་བཤད་དོ། །ཆོས་ཀྱི་འབྱུང་གནས་ཀྱི་རྣམ་པར ་གནས་སུ་པདྨའི་ཁབ་ཏུ་རེ་གོང་ཅན་ཤར་བ། ནམ་ཕྱེད་ཀྱི་དུས་སུ་པིང་ག་ལའི་རྩ་འགྲོ་བའི་སྣང་བ་ཞུ་བར་གྱུར་བའི་ཧཱུཾ་གི་སྔགས་ཀྱིས་མཆོད་པར་བྱའོ། །བདེ་བའི་གནས་འདབ་མ་བརྒྱད་ཀྱི་ལྟེ་བའི་དབུས་སུ་ཉི་མ་ཤར་བའི་ཉི་མ་ཕྱེད་དུས ་སུ་ཨརྔའི་སྣང་བ་མཆེད་མ་ནུར་ནུར་པོར་གྱུར་པའི། ཕཊ་ཀ་རའི་སྔགས་ཀྱི་མཆོག་གིས་དགའ་བས་མཆོད་པར་བྱའོ། །བདེ་བ་ཆེན་པོའི་གནས་སུ་དྲུག་ཅུ་རྩ་བཞིའི་འདབ་མའི་པདྨའི་བཾ་གི་རྣམ་པའི་ལྟེ་བ་བ་ར་ཏ་ཀའི་ནན་དུ་ཆུ་ཤིང་པདྨའི ་ཕྲ་མོའི་བུ་ག་འབྱུང་བའི་དུས་སུ་སོ་ཤོ་མ་ནའི་གནས་སྣང་བ་ཐོབ་པ། གོར་གོར་པོར་གྱུར་པའི་བདེ་བ་ཆེན་པོ་མེ་གཡོ་བ་ས་ཀ་རའི་སྔགས་ཀྱིས་མཆོད་པར་བྱ་ཞེས་འགྲོ་བའི་མན་ངག་གོ་།མཆོད་སྦྱིན་གསུམ་གྱི་ཆོ་གའི་དབུས་སུ་།སྐལ་ལྡན ་མ་ཡིན་པ་འཇུག་པ་མི་སྦྱིན་ཞེས་བརྡའ་ཚིག་གོ་།ིནྡྲ་བྷཱུ་ཏིའི་ཞལ་སྔ་ནས་དབང་གསུམ་ཐོར་བ་ནང་གི་རེག་བྱ་ཉམས་སུ་མྱོང་བ་ཤེས་པ་།ཡེ་ཤེས་ཀྱི་སྣང་བ་གསུམ་མཐོང་བ་དེ་ཁོ་ན་ཉིད། ཆགས་པ་དང་ཆགས་པ་དང་བྲལ་བའི་འཛིན་པ ་སྤངས་པ། སྐལ་ལྡན་ལ་འཇུག་པ་སྦྱིན་པར་བྱ་ཞེས་བཤད་དོ། །བཞི་པའི་སྐབས་སུ་མཆོད་སྦྱིན་གསུམ་གཤེགས་སུ་གསོལ་བའོ། །རྟེན་མེད་པ། གཉིས་སུ་མེད་པ་རང་རིག་པ། ནམ་མཁའ་བཞིན་དུ་བདེ་བ་ཆེན་པོ། རླབས་དང་བྲལ་བའི་རྣམ ་པ། ཧའི་ཡིག་འབྲུའི་སྔགས་བརྗོད་པས་ར་བ་འོད་ཀྱི་ངལ་བསོ་པའི་བསྙེན་པ་བྱ་བ་མན་ངག་གོ་།དཔལ་དགའ་བའི་མེ་ཏོག་གི་ཕྲེང་བ་ལས། ནང་གི་མཆོད་སྦྱིན་གསུམ་གྱི་ཆོ་ག་དང་སྣང་བ་བཞི་རྫོགས་པའི་རིག་པའི་དོན་བསྟན་པ་ཞེས ་བྱ་བ་སྟེ་བཅུ་པའོ།། །།དེ་ནས་གཞན་ཡང་དཔལ་ཡེ་ཤེས་མཁའ་འགྲོ་ལ་མཆོད་པའི་དོན་དུ་སྦྱིན་སྲེག་གི་ལས་བཤད་དེ། སྒྲུབ་པའི་དབང་པོ་ཀུན་སྦྱིན་སྲེག་གི་ལས་མ་ཡིན་པར་རབ་དང་འབྲིང་དང་ཐ་མའི་དངོས་གྲུབ་བམ། ་ཐོག་མ་དང་ཐ་མ་དང་དབུས་ཀྱི་གནས་སུ་མྱོང་བའི་སར་རྟོག་པ་མེད་པའི་འབྲས་བུ་མི་རྙེད་དེ། དེ་མ་རྙེད་པས་བཞི་པའི་རིམ་པའི་སྦྱོར་བའི་དངོས་གྲུབ་ཆེན་པོ་ཐོབ་པར་འགྱུར་བ་མེད་དོ། །ཐོབ་པར་མི་འགྱུར་བས་འཇིགས་པའི་ཕྱིར། །བཏང ་སྙོམས་མ་ཡིན་པའི་བྱ་བས་རྟེན་འབྲེལ་དང་ཀུན་བརྟགས་པ་ལ་སོགས་པར། གཟུང་བ་དང་འཛིན་པའི་བསྐྱེད་པའི་རིམ་པ་རྟེན་དང་བརྟེན་པ་ངེས་པར་བྱའོ། །དེ་ཡང་རང་ལ་བྱིན་གྱིས་བརླབ་པའི་རིམ་པའི་དམ་ཚིག་གིས་སྤྱོད ་པ། རབ་ཀྱི་རབ་བསྙེན་པ་ལ་སོགས་པས་དབྱེར་མེད་པར་མཐོང་བར་བྱའོ། །དཔལ་དགྱེས་པའི་རྡོ་རྗེ་ལས། དབྱེར་མེད་རྟག་པའི་དངོས་གྲུབ་ནི། །ཕྱག་རྒྱའི་དངོས་གྲུབ་ཐོབ་པར་འགྱུར། །ཞེས་གསུང་སོ། །དེ་བས་ན་ཕྱག་རྒྱ་དང། སྔགས ་དང་རབ་ཏུ་སྦྱོར་བ་དང། བསམ་གཏན་དང། ཡེ་ཤེས་དང་དགའ་བ་ལ་སོགས་པ་དང། སྤྲོ་བ་དང་བསྡུ་བ་ཐམས་ཅད་ནང་གི་སྦྱོར་བས་མཐོང་བར་བྱའོ། །ཞི་བ་དང་རྒྱས་པ་དང་དབང་དང་དྲག་པོ་དང་དགའ་བ་དང་སྐད་ཅིག་དང་རོ་བསྲུབས་པ ་དང་བསྲུབས་ཐབས་ཆེན་པོས་ལས་ཀྱི་རླུང་གིས་མཉམ་པའི་འཁྱུད་པའི་དགའ་བ་ཁོང་དུ་ཆུད་པ་ལས། ལྟེ་བ་ཆེན་པོའི་ཆུ་སྐྱེས་སྙིང་པོའི་ནང་དུ་ཡུངས་ཀར་སྦོམ་པོ་ཙམ། ཉི་མའི་གནས་པ་ཡེ་ཤེས་ཆེན་པོའི་ཐིག་ལེ། ཡི་གེ་མེད་པ་མི་བཟད ་པ་ས་དང་ཆུ་དང་མེ་དང་རླུང་དང་བྲལ་བ་བློ་དུར་བ་ཟབ་པ། ནམ་མཁའ་ཨི་དབུས་ན་གནས་པ། ཕྲ་མོའི་ཡང་ཕྲ་མོ་ཤིགས་པ་ཕྲ་བ་ཡེ་ཤེས་ཆེན་པོའི་འོད་ཀྱི་རང་བཞིན་གྱི་ཚུལ་ཙམ། སྦྱོར་ཐབས་ལ་སོགས་པ་ལ་བརྟེན་ཏེ ་ལངས་ནས་འཁྱུད་པ་དང། འོ་ལ་སོགས་པའི་རྒྱུ་རྩལ་བྱས་པས་མཆོག་གི་བདེ་བའི་ཡེ་ཤེས་མྱོང་བ་ལ་དཔྱོད་པའི་འདི་ནི་བདེ་བ་ཆེན་པོའི་ཞེས་མྱོང་བ་སྟེ། སློབ་དཔོན་དང། གསང་བ་དང། ཤེས་རབ་ཡེ་ཤེས་དང། བཞི་པ་དང་རྒོད་པ ་ནང། ལྟ་བ་དང། ལག་པ་བཅིངས་པ་དང་གཉིས་གཉིས་འཁྱུད་པའི་རྒྱུད་ཀྱི་རིམ་པ་ལས། མཆི་མ་དང། རྡུལ་དང་ཡན་ལག་མི་བརྟན་པ་དང། དབུགས་རྒོད་དང། དེ་ལྟ་བུའི་རྟགས་ཡེ་ཤེས་ཀྱི་སྣང་བ་མཐོང་ཞིང། དབུས་ཀྱི་རྐེང ་རུས་ཀྱི་དབྱུག་པའི་ཐོག་མ་བདེ་བ་ཆེན་པོའི་འཁོར་ལོའི་པདྨའི་ལྟེ་བའི་ནང་གི་མིག་ནམ་མཁའ་ལྟ་བུ། དམར་ཐིགས་ཀྱི་གནས་སུ་ངལ་སོ་སྟེ། །ཡེ་ཤེས་ཆེན་པོའི་བདུད་རྩིའི་བུམ་པ་བཟུང་ནས་ཀུན་ཏུ་འཇིག་རྟེན་སྐྱོང་བ་ལ་སོགས་པ་ལ་སྣ ་ཚོགས་ཀྱི་མཆོད་པ་བྱས་ཏེ། དེ་ནས་རང་ལ་བྱིན་གྱིས་བརླབས་ཀྱི་རིམ་པས་འཁོར་ལོ་བཞི་ཡི་ཆུ་སྐྱེས་ཀྱི་ལྟེ་པའི་ནང་ན་བཞུགས་པའི་མེད་ལ་དགུག་པ་དང། དབང་བསྐུར་བ་ལ་སོགས་པ་རྫོགས་པར་བྱས་ནས། དང་པོ་བདེ་བ་ཆེན་པོའི་ཐབས ་ཁུང་གི་ནང་དུ་དགང་བླུགས་བཞི་དགའ་བའི་མེ་ཏོག་གི་རི་དབང་ཅན་གྱི་ཐིག་ལེ་བཀྲམ་པ། ཨོཾ་ཞེས་སློབ་དཔོན་ཨིནྡྲ་བྷཱུ་ཏིའི་ཞལ་སྔ་ནས་ཀྱི་བཤད་དོ། །དེ་ནས་དགང་བླུགས་བརྒྱད་ལོངས་སྤྱོད་དུ་མངོན་པར་དགའ་བའི་མེ་ཏོག་གསེར་གྱི་ཐིག ་ལེ་བཀྲམ་པའི་ཨའི་རྣམ་པས་ཞེས་བྱ་བ་།དྲི་མེད་རྡོ་རྗེའི་ཞལ་སྔ་ནས་ཀྱི་བཤད་དོ། །དེའི་འོག་ཏུ་དགང་བླུགས་བཅུ་གཉིས་ཆད་པའི་དགའ་བའི་མེ་ཏོག་དམར་བཀྲམ་ཐིག་ལེ་ཆོས་ཀྱི་འཁོར་ལོར། ཧཱུཾ་གི་ཡི་གེའི་སྔགས་ཀྱིས་ཞེས་སློབ ་དཔོན་པདྨ་པདྨའི?་ཞལ་སྔ་ནས་བཤད་དོ། །དེའི་འོག་ཏུ་ཕྱིའི་རྣམ་པར་རྟོག་པའི་བདག་ཉིད་ཅན། །ཕུང་པོ་དང་ཁམས་དང་སྐྱེ་མཆེད་ལ་སོགས་པའི་ཡམ་ཤིང་བླུགས་ནས་དགང་བླུགས་ལྟ་བར་བྱེད། ལོངས་སྤྱོད་དང་བདེ་བ་ཆེན་པོའི་ངོས་གཉིས ་ཕྲད་པའི་དབུས་སུ་འཁོར་ལོའི་ལྟེ་བ་གཉིས་ཀྱི་ནང་དུ་དབུ་མེད་པ། ཨ་ན་ཙ་ཀ་།སྨིན་ཕྲག་གི་འཁོར་ལོའི་སྟེང་གི་མཚམས་ཀྱི་བུ་གའི་ནང། ཨོཌཡཎ་གྱི་ལམ་ནས་བདུད་རྩིའི་ཆུ་བོའི་རླབས་ཀྱིས་འགྲོ་བས་སྙིང་གར་རོལ་ནས་ཨ་ན་ཙ་ཀའི་བླུགས ་བཟར་གྱི་རྩེ་མོའི་འོག་རྣམ་པའི་སྣོད་དུ་ངལ་སོ་ནས། རྒྱུན་མ་ཆད་པའི་བདུད་རྩིའི་མར་གྱི་རྒྱུན་ཕཊ་ཀྱི་སྔགས་ཀྱིས་ནང་གི་ལྟེ་བའི་ཡེ་ཤེས་ཀྱི་ཐབས་ཀྱི་ཆུ་སྐྱེས་ཀྱི་ལྟེ་བ་ཕྲ་མོའི་བར་ཏ་ཀའི་ནམ་མཁར་བདེ་བ་ཆེན་པོའི་གནས་སུ། དགའ་བ་བཅུ་དྲུག་གི ་ཐིག་ལེ་རབ་ཏུ་བཀྲམ། མངོན་པར་དགའ་བའི་གནས་སུ་དགང་བླུགས། བྷུར་བྷུ་བ་སྭ། རབ་ཏུ་ཚིམ་པའི་དོན་དུ་མི་འཁྲུལ་པའི་སེམས་ཀྱི་སྦྱིན་པར་བྱ་ཞེས་སློབ་དཔོན་ཞབས་ཀྱི་པདྨའི་བཀའ་དྲིན་གྱིས་མེའི་ལས་ཀྱི་མན་ངག་གི་བརྡ་ཞེས་བྱའོ། །དཔལ ་དགའ་བའི་མེ་ཏོག་གི་འཕྲེང་བ་ལས་གྲུབ་པ་བཞིའི་རང་ལ་བྱིན་གྱིས་བརླབས་པའི་རིམ་པའི་མདོར་བསྟན་པ་དང། གཉིས་སུ་མེད་པའི་ཐིག་ལེའི་ཚུལ་དང་ཤེས་རབ་དང་ཐབས་གཉིས་སུ་མེད་པར་སྦྱོར་བའི། སྦྱིན་སྲེག་གི་ལས་ཀྱི་དོན་བསྟན་པ་ཞེས་བྱ ་སྟེ་བཅུ་གཅིག་པའོ།། །།དེ་ནས་གཞན་ཡང་དཔལ་ཡེ་ཤེས་མཁའ་འགྲོ་ལ་མཆོད་པའི་དོན་དུ་དུས་འབྱུང་བའི་གྲངས་ཀྱིས་མདུད་པ་སུམ་ཅུ་རྩ་གཉིས་དང་ལྡན་པ། དབང་བསྐུར་བ་ཐོབ་པའི་སེམས་ཅན་གྱི་ཚོགས་ལ་དགའ་བའི ་སྔགས་མདུད་བཤད་དེ། སྤྲུལ་པ་ལ་སོགས་པའི་ཐབས་བཞིའི་རྟེན་གྱི་རྩའི་སྐུད་པའི་དབྱུག་གུ་ཉི་ཤུ་རྩ་བརྒྱད་ལྷག་པའི་བརྒྱའི་ཕྱེད་ཉིན་མཚན་ཕྱིའི་རྟེན་དང་བརྟེན་པའི་ཀུན་སྦྱོར་རོ། །སུམ་ཅུ་རྩ་གཉིས་ཀྱི་ཆུ་ཚོད་ཀྱི་བར་དུ་ནང་གི་རྩའི་ཀུན་སྤྱོར ་རླུང་ལ་ཞོན་ནས་བྱང་ཆུབ་ཀྱི་སེམས་དགའ་བ་བཅུ་དྲུག་སྦྱོར་བས་སང་ཀྲིཎ་ཏ་བཅུ་དྲུག་ལ་ཀུན་འབབ་པོ་བདེ་བ་ཆེན་པོའི་དམར་ཐིགས་དགའ་བའི་ཐིག་ལེ་ཐུན་ཚོད་བརྒྱད་ཀྱི་ཕྱེད་འབར་བ་ཕྱེད་འཛག་གོ་ཞེས་བཅུ་དྲུག་གི་ཕྱེད ་ཀྱི་ཕྱེད་ལ་ཀུན་དགའ་བོ། །དེ་ལྟ་བུའི་འབྱུང་བ་བཞིའི་དཀྱིལ་འཁོར་འབྱུང་པའི་དབུས་ནས་སྲོག་གི་གྲངས་བརྒྱ་བརྒྱད་ལྷག་པའི་སྟོང་ཕྲག་བཅུ་ཕུང་པོའི་རྟེན་སུམ་ཅུ་རྩ་གཉིས་ཀྱི་མདུད་པ་དང་ལྡན་པའི་ཀེང་རུས་ཆེན་པོའི་དབྱུག་པའི་ནང་དུ ་ཆུ་ཤིང་གི་སྙིང་པོའི་རྣམ་པའི་དབུས་ནས་སྲོག་གི་འབྱུང་བ་སྤྲོ་བ་དང་བསྡུ་བ་གཡས་དང་གཡོན་པའི་དབང་པོའི་རྟེན་དུ་ངེས་པར་སྦྱར་ཏེ། དྲི་མ་མེད་པའི་བློ་གྲོས་ཡི་བསམ་གཏན་གྱི་བདག་ཉིད་ཁོ་ན་དུས་ཀྱི་འབྱུང་བའི་གྲངས་བགྲང་བ་ཞེས་སྐུད ་པའི་མདུད་པ་བཅིངས་པ། མཆོག་གི་དགའ་བའི་གནས་ཀྱི་ཆུ་སྐྱེས་ནམ་མཁའ་བདེ་ཆེན་རྒྱལ་པོའི་ཕོ་བྲང་ནས་རྣམ་པར་ཤེས་པའི་དགའ་བས་རླུང་མེ་ཆུ་ས་བསྐྱེད་པའི་རིམ་པས་འབྱུང་ཞིང་དེའི་ནང་དུ་རླག་རང་བཞིན་གྱིས་འཁོར་ཞིང ་འཁྲུལ་པས་ཕ་རོལ་མི་རྙེད་ཞེས་བྲལ་བའི་གནས་པའི་བྱེ་བྲག་གོ་།སེམས་དང་སེམས་ལས་བྱུང་བ་དང། མ་རིག་པའི་རླུང་ལ་བརྟེན་ནས་རང་བཞིན་གྱིས། སྲིད་པ་དང་མྱ་ངན་ལས་འདས་པའི་གླེང་གཞིར་གྱུར་པའི་སྣང་བ་དང། མཆེད་པ ་གཉིས་ཟླ་བ་དང། ཉི་མ་དང། རང་བཞིན་དང། མེ་དེ་དག་གིས་སེམས་ཅན་དུ་གྱུར་པ་དེ་ཡང་རྣམ་པར་དཔྱོད་པས། གང་དུ་ཡང་སེམས་ཅན་མེད་དེ་སྣང་བ་མཆེད་པ་གཅིག་པུའི་སྟོང་པ་ཉིད་ཆེན་པོའི་བྱིན་གྱིས་བརླབས་ཀྱིས་སོ། །དེ་ནི ་གཅིག་པུས་ཟླ་བ་དང། ཉི་མ་དང། མེ་དང། སྣང་བ་གསུམ་ཤར་བ་དང་ནུབ་པ་དང། ཐོ་རངས་དགའ་བའི་བདག་ཉིད་ཅན་ཀུན་རྫོབ་ཀྱི་རླུང་ལ་བརྟེན་ནས་ཐ་མ་དང་འབྲིང་དང་རབ་དང་དེ་དག་ལ་སོགས་པ་འདུས་པས་མ་རིག་པ་ཞེས་བྱ་བའི ་སྟོབས་ཆེན་པོ་ཡུན་རིང་པོའི་དུས་ནས་རང་བཞིན་ཀུན་གྱི་མཚན་མོ་དང་ཉིན་མོ་དང་མཚམས་ཀྱི་བར་དུ་དུས་ཀྱི་འབྱུང་བ་བྱེད་པ་ཞེས་བསམས་ནས་རྟེན་དང་བརྟེན་པ་དཔྱོད་པར་བྱེད་དོ། །རྣམ་པར་ཤེས་པའི་རླུང་མ་རིག་པ་ལ་གནས་ནས་རླུང་དང་ལྡན ་པའི་ཕུང་པོ་དང། ཁམས་དང། སྐྱེ་མཆེད་རྣམས་གྲོག་གི་རྟེན་དང་སྦྱོར་བ་མེད་པ་དེ་ནི་རོའོ། །རྟེན་དང་བརྟེན་པའི་རྣམ་པར་འབྱེད་པ་ལས་གང་གི་ཚེ་ལས་ཀྱི་ལུས་མི་ལེན་པ་དེའི་ཚེ་བར་མ་དོ་དང་སྟོང་པའི་རང་བཞིན་ནོ། །དེ་བས་ན་སྲོག་དང ་བཅས་པ་དང། ཤི་བ་དོན་དམ་པར་དཔྱོད་པས་རྣམ་པར་ཤེས་པའི་རླུང་ནའང་མེད་པའོ། །ཀུན་རྫོབ་དང་དོན་དམ་པ་མ་སྤངས་པའི་རིམ་པས་ཐམས་ཅད་བདེ་བ་ལ་སོགས་པའི་སྣང་བའི་བདག་ཉིད་ཅན་གྱི་བྱང་ཆུབ་ཀྱི་སེམས་ཀྱི་མེ་ཏོག་གིས་རྫོགས་པར ་བྱས་པའི་དགའ་བ་ཆེན་པོས་མཛེས་པའི་ཆུན་འཕྱང་རྩིའི་སྐུད་པས་བརྒྱུས་པ། མཉམ་པ་དང་མི་མཉམ་པ་དང་བྲལ་བ་རྟེན་གྱི་དབྱུག་པའི་སྒོ་ངའི་སྙིང་པོའི་བདུད་རྩིའི་རོ་བསྲུང་བའི་དོན་གྱི་ཕྱིར་སྔགས་མདུད་སྦྱིན་པ་སྣང་བ་མཆེད་པའི་རང ་བཞིན་ཞེས་མན་ངག་གོ་།དེ་ཡང་སྣང་བ་མཆེད་པ་ཡོངས་སུ་ཤེས་པས་བསོད་ནམས་དང་སྡིག་པ་དང་བྲལ་བའི་ཕྱག་རྒྱ་ཆེན་པོའི་དངོས་གྲུབ་ཐོབ་པོ་བསྐལ་པ་དུ་མ་སྟོང་དུ་གཏོང་བ་དང་གཏོང་བ་ཆེན་པོ་དང་ཤིན་ཏུ་གཏོང་བ་དང། ཚུལ་ཁྲིམས ་དང་བཟོད་པ་ལ་སོགས་པ་གོམས་པས་རླབས་པོ་ཆེའི་སེམས་ཀྱིས་སྔགས་དང་ཕྱག་རྒྱ་ལ་བརྟེན་པ་དང། བསམ་གཏན་འཛིན་པ་བྱས་ན་ཡང་དེ་ལྟ་མོད་ཀྱི་སྣང་བ་མཆེད་པ་དང་མ་དག་པས་བྱང་ཆུབ་གང་དུ་ཡང་མི་རྙེད་དོ། །སྟོང་པ་ཉིད་ཆེན ་པོའི་རང་བཞིན་རྣམ་པ་གསུམ་གྱི་ཡེ་ཤེས་དག་པས་སྐད་ཅིག་གཅིག་གིས་མངོན་པར་རྫོགས་པར་བྱང་ཆུབ་པ་ཞེས་དོན་དམ་པར་རོ། །ཁྱབ་འཇུག་དང་ལྷ་ཆེན་པོ་དང་ཚངས་པ་དང་བརྒྱ་བྱིན་དང་ཉེ་དབང་ལ་སོགས་པ་རང་བཞིན་སྣང་བ་ལ་འཁྲུལ ་པས་ཟབ་པ་དྲག་པོ་ཤིན་ཏུ་གཏིང་རིང་བ་གཏིང་དཔག་དགའ་བའི་སྲིད་པའི་རྒྱ་མཚོ་འཁོར་ཞིང་སྣང་བ་མཆེད་པ་མི་ཤེས་པ་ཕ་རོལ་མི་རྙེད་པ་དེ་རྣམས་ཀྱང་མི་ཁོམ་པའོ། །དཔལ་དགའ་བའི་མེ་ཏོག་གི་ཕྲེང་བ་ལས ་དུས་འབྱུང་བའི་གྲངས་དང། སྲོག་གི་རླུང་དང། ཀེང་རུས་ཀྱི་དབྱུག་པ་མདོར་བསྟན་པ་དང། རྩའི་སྔགས་མདུད་སྦྱིན་པ་དང། སྣང་བའི་རྣམ་པར་དག་པའི་དོན་བསྟན་པ་ཞེས་བྱ་བ་སྟེ་བཅུ་གཉིས་པའོ།། །།དེ་ནས་གཞན ་ཡང་དཔལ་ཡེ་ཤེས་མཁའ་འགྲོ་མ་མཆོད་པའི་དོན་དུ་གཏོར་མའི་ཆོ་ག་བཤད་དེ། སྐྱེ་བ་གསུམ་པ་དུར་ཁྲོད་ཆེན་པོའི་དབུས་སུ་འགྱེལ་བ་འམ། ཡང་སྐྱེ་བ་གཉིས་པ་ཇི་ལྟ་བའི་ཆོ་གས་བླངས་ལ། དུམ་བུ་བརྒྱད་དུ་བྱས་ལ་གཏོར ་མ་ཆེན་པོའི་སྣོད་དུ། ཕྱོགས་དང་མཚམས་བྱེ་བྲག་ཏུ་མཛེས་པའི་དགའ་བས་དང་པོའི་རིམ་པས་བཞག་པར་བྱ་སྟེ། རྒྱལ་པོའི་སཱ་ལུ་ཤིན་ཏུ་ཁེངས་པར་གང་བར་བྱས་ནས་དྲི་མ་མེད་པའི་ཟླ་བ་དང་ཉི་མའི་མེ་ཏོག་གིས་དང། གདུགས ་དང་རྒྱལ་མཚན་དང་འཕན་ལ་སོགས་པ་དང། རྨ་བྱའི་རྡུལ་ཡབ་ལ་སོགས་པ་དང། རྔ་ཡབ་དང་དྲ་བ་དང། དྲ་བ་ཕྱེད་པ་དང། མེ་འོད་དང། དགའ་བའི་མེ་ཏོག་དང། མར་མེ་དང། སྒྲོན་མེ་དང། སྣ་ཚོགས་ཀྱི་མཆོད་སྦྱིན་དང། སྣ་ཚོགས ་པའི་དྲི་ཞིམ་པའི་སྤོས་ཀྱི་དང། འབྲས་བུ་ལ་སོགས་པ་དང། གོས་སྣ་ཚོགས་དང། རལ་གྲི་དང། སྟ་གྲི་དང། རྩེ་གསུམ་གྱི་ཁ་ཊཝཱཾ་ག་རིམ་པ་ཇི་བཞིན་དུ་བཞག་ནས་དབངས་གཏོར་བྱའོ། །དེའི་འོག་ཏུ་པདྨ་ཆེན་པོའི་སྣོད་དུམ་བུ་གཅིག ་པར་རྒྱལ་པོ་ཆེན་པོའི་བདུད་རྩིའི་རོས་གང་བ། རིགས་ལ་སོགས་པའི་མེ་ཏོག་གིས་མཆོད་དབུས་སུ་བཞག་ནས་ལུ་གུ་རྒྱུད་བཅིངས་ཏེ་གུང་མོ་སྦྱར་བའི་ཕྱག་རྒྱ་ལ་སོགས་པས་ཨརྒྷ་བརྒྱ་རྩ་བརྒྱད་ཀྱི་སྦྱིན་པ་དབུལ་བར་བྱའོ། །པདྨའི་སྣོད་ཀྱི་ལྟེ ་བའི་བརྟ་ཀའི་ནམ་མཁའ་ཨི་གནས་སུ་འོད་སྟོང་ཅན་དེའི་སྟེང་དུ་རི་བོང་ཅན། དཀར་པོའི་འོད་ཀྱི་རང་བཞིན་གྱི་བྱང་ཆུབ་ཀྱི་སེམས་བདེ་བ་ཆེན་པོའི་རྣམ་པ། དམ་ཚིག་ཆེན་པོའི་ཡན་ལག་མ་དང། གཉིས་སུ་མེད་པའི་སྦྱོར་བ་འཁྱུད་པའི་དཔལ ་ཡེ་ཤེས་མཁའ་འགྲོ་སྔར་བསྟན་པའི་ཆོ་ག་ལས་དཀྱིལ་འཁོར་ལོ་དང་བཅས་པ་བསྒོམ་པ་ཞེས་བྱའོ། །སྣོད་ཀྱི་ཕྱི་རོལ་ཏུ་ནམ་མཁའ་ལ་སྤྱོད་པ་།མཁའ་འགྲོ་མ་ཆེན་མོ་ཐབས་དང་བཅས་པས་འཁྱུད་པ་གཉིས་མེད་པའི་སྦྱོར་བས་མཐོང ་བར་བྱའོ། །དེའི་ཕྱི་རོལ་ཏུ་ཕྱོགས་སྐྱོང་བརྒྱད་མཚོན་ཆ་འཛིན་པའི་གཞན་ཡང་ལྷ་ཆེན་པོ་དང་ཉི་མ་དང་ཟླ་བ་དང་ཉེ་བའི་དབང་པོ་དང། ཚངས་པ་དང་ཁྱབ་འཇུག་དང་ནག་པོ་ཆེན་པོ་དང། གཞོན་ནུ་དང་བགེགས་ཆེན་པོ་དང། ཕོ་ཉ་དང། ་དུས་མཚམས་དང། ཀུན་འབྱེད་དང། ཆུ་དང་མེ་དང་རླུང་དང་ས་དང། གཞན་ལྷ་དང་ལྷ་མ་ཡིན་དུ་མ་སྣ་ཚོགས་མ་མོའི་གཙོ་མོ་དང། དེའི་མཐར་ཀླུ་ཆེན་པོའི་རྒྱལ་པོ་བརྒྱད་ཚོགས་དུ་མས་བསྐོར་བ་།དེའི་ཕྱི་རོལ་ཏུ་འབྱུང་པོ་ཡི་དགས། ་ཤ་ཟ་མྱོས་བྱེད། གྲུལ་བུམ་ལུས་སྲུལ་པོ། གཞན་ཡང་བརྩོན་མེད་མཁའ་འགྲོ་མ་འཁོར་མང་པོ་དང་བཅས་པ་དང། གདུག་པའི་གཟའ་དུ་མ་དང། རྣག་ཟ་བ་སྟེ། དེ་དག་དགུག་པ་དང་གཞུག་པས་གཏོར་མ་ཆེན་པོའི་སྣོད་དུ་རབ་གནས ་བྱས་ཏེ། རོལ་མོ་དུ་མ་སྣ་ཚོགས་ཀྱི་སྒྲ་གླུའི་མཆོད་སྦྱིན་བྱ། །དམ་ཚིག་གི་དཀྱིལ་འཁོར་གྱི་དབུས་སུ་བདག་ཉིད་དཔལ་ཧེ་རུ་ཀའི་སྐུ་ཡེ་ཤེས་ཀྱི་ཕྱག་རྒྱས་གཏོར་མ་བྱིན་གྱིས་བརླབས་ཏེ། རསྔར་བསྟན་པའི་མཁའ་འགྲོ་མ་ལ་སོགས་པའི་ཚོགས ་ཀྱི་འཁོར་དང་བཅས་པ། ཆུ་དོགས་ཆེན་པོར་འགྲོ་ཞིང་དེ་རུ་དམ་ཚིག་ཆེན་པོས་གསོལ་ནས། གཡས་བརྐྱང་དང་གཡོན་བརྐྱང་དང། གཡོན་འགྱུར་བའི་བཞུགས་ཐབས་ལ་སོགས་པའི་གར་ཆེན་པོའི་རོའི་དཔང་གིས་དགའ་བས་སེམས་ཅན ་ཐམས་ཅད་ལ་ཕན་པའི་དོན་གྲུབ་པར་བྱ་བའི་ཕྱིར་ཚོགས་ཀྱི་དཀྱིལ་འཁོར་ཐམས་ཅད་གསོལ་ཅིག་།འཐུང་ཞིག་དམ་ཚིག་བསྲུངས་ཤིག་།ཞི་བ་དང་རྒྱས་པ་དབང་དགུག་པ་ལ་སོགས་པའི་ལས་གྲུབ་པའི་གྲོགས ་མཛོད་ཅིག་།པདྨའི་ལག་སྐོར་རྡོ་རྗེའི་སྙིམ་པས་གཏོར་མ་སྦྱིན་པར་བྱའོ། །ོཾ་ཨཱ(རྒྱུད་འགྲེལ་དེ་ནས་གཞན་ཡང་དཔལ་ཡེ་ཤེས་མཁའ་འགྲོ་ལ་མཆོད་པའི་དོན་དུ་བསྟོད་པའི་མཆོད་སྦྱིན་བཤད་དེ། དཔའ་པོ་ཆེན་པོ་དཔའ་བོའི་དབང་ཕྱུག་མཁའ་མཛའ་ཟབ་ཅིང་གཏིང་དཔག་དཀའ་བ་གཉིས་མེད་སྦྱོར་བའི་མཉམ་འཁྱུད་མ་མཆུའི ་མི་མོ་བདུད་རྩི་བཏུང་བས་བཟི་བ་བདེ་བ་བརྒྱལ་འགྱུར་རྒྱལ་གྱུར་ཅིག། ཐིག་ཚུལ་ཆར་ཡང་དགའ་རྟེན་ནང་རྐེང་རུས་དབྱུག་པ་རྩ་འཁོར་ནང་བཞུགས་ཨཱ་ལི་ཀཱ་ལི་གཉིས་སྟོང་ཐུགས་རྗེ་དབྱེར་མེད་རང་བཞིན་བདུད་རྩི་བྱང་སེམས་རྒྱལ་གྱུར་ཅིག་།དགའ་ ་བ་བཅུ་དྲུག་མཛེས་རྣམ་དྲི་མེད་སྐུ་རོ་ཆེན་བརྒྱད་ཉམས་མྱོང་རང་རིག་ཡེ་ཤེས་བདག་ཉིད་དེ་ཉིད་རྒྱལ་གྱུར་ཅིག་།ཐོག་མ་ཐ་མ་དབུས་དེར་གནས་ཆུ་སྐྱེས?་དབང་བསྐུར་ཡེ་ཤེས་སྣང་བ་སྐད་ཅིག་ཡི་གེ་འཁོར་ལོ་སྔགས་རྒྱུད་རིམ་མཛེས་དེ་བཞིན ་གཤེགས་པ་ཚངས་པ་ཁྱབ་འཇུག་ཉི་མ་ཟླ་བ་ལ་སོགས་ཁྱབ་གཙོ་རྒྱུ་ཁྱེད་རྒྱལ་གྱུར་ཅིག་།དཔལ་དགའ་བའི་མེ་ཏོག་གི་ཕྲེང་བ་ལས། དེ་ཁོ་ན་ཉིད་ཀྱི་བདག་ཉིད་ཀྱི་ཞི་བའི་བསྟོད་པའི་མཆོད་སྤྱིན་གྱི་དོན་བསྟན་པ་ཞེས་བྱ་བ་སྟེ་བཅུ་བཞི ་པའོ།། །།དེ་ནས་གཞན་ཡང་དཔལ་ཡེ་ཤེས་མཁའ་འགྲོ་ལ་མཆོད་པའི་དོན་དུ་སྨོན་ལམ་གྱི་རྒྱལ་པོ་བཤད་དེ། དག་པའི་ཟླ་བའི་འོད་དཀར་སྣང་བ་བདེ་ཆེན་ལེགས་དགྱེས་མྱུ་གུའི་རྣམ་པའི་ལྟེ་བའི་ནམ་མཁའ་ལས་བྱུང་བ་དེ ་ཆེན་ནམ་མཁའ་ལས་བྱུང་བདུད་རྩི་བཟའ་བ་རྟག་ཏུ་དུས་གྱུར་ཅིག་།རྟག་ཆད་མངོན་དགའ་དགའ་བྲལ་གཉིས་སྤངས་དྲི་མེད་རྡོར་སྙིང་ནང་རང་བཞིན་གཅིག་པུའི་མཚོན་རྡོར་བསམ་གཏན་ཁོ་ནར་གྱུར་ཅིག་།རང་ཉམས་མྱོང་རྣམ་མཛེས ་དགའ་བརྒྱད་གཉིས་ལོ་པད་འོད་མཉམ་པ་དམར་ཐིགས་ལག་རྐང་ཨུཏཔ་ལ་འདབ་སྤྱན་གསུམ་དབུས་ཕྲ་དབང་ས་ཤེས་ཡན་ལག་མའི་སྦྱོར་བ་ཤིན་ཏུ་ཁོ་ནར་གྱུར་ཅིག་།ཐམས་ཅད་འཇིག་རྟེན་ཁམས་ཡང་དག་རྫོགས་སངས་རྒྱས་བྱང་ཆུབ ་ཆུབ་རབ་གནས་ཕྱིར་བླ་མེད་ཐེག་ཆེན་ནང་གི་ནམ་མཁའ་རང་བཞིན་བདུད་རྩི་སྙིང་པོ་མཛེས་ཤིན་ཏུ་ཁེངས་ཆོས་འབྱུང་གྲགས་པའི་ཚངས་བཞིར་གནས་གྱུར་ཅིག་།དཔལ་དགའ་བའི་མེ་ཏོག་གི་ཕྲེང་བ་ལས། བདེ་བ་ཆེན་པོའི་དམར་ཐིགས་ཆོས་ཀྱི ་འབྱུང་གནས་གྲགས་པའི་འབྲས་བུའི་སྨོན་ལམ་གྱི་དོན་བསྟན་པ་ཞེས་བྱ་བ་སྟེ་བཅོ་ལྔ་པའོ།། །།དེ་ནས་ཡང་དཔལ་ཡེ་ཤེས་མཁའ་འགྲོ་ལ་མཆོད་པའི་དོན་དུ་གཤེགས་སུ་གསོལ་བཤད་དོ། །སྔར་བསྟུན་པའི་སྒོ་དགུ་ལ་སོགས ་པ་དང་ལྡན་པའི་སྐུ་ལས། ཐོག་མ་དང་ཐ་མ་དང་ཡེ་ཤེས་སེམས་དཔའ་དང་དམ་ཚིག་སེམས་དཔའ་ཨི་དཀྱིལ་འཁོར་ལས། ཟླ་སེར་མེ་ཏོག་གིས་གང་བ་ཉི་འོད་ཀྱི་སྣང་བའི་པདྨས་མཆོད་པར་བྱས་ནས། ནམ་མཁའ་དང་ཟླ་བ་དང་ཉི་མ་དང་ཆུ་དང་མེ་དང ་རླུང་གི་ཡེ་ཤེས་བདུན་གྱི་སྔགས་ཀྱིས་བཟླས་པའི་ཕྲེང་བ་རྒྱུན་མ་ཆད་པའི་ཡིད་ཀྱིས་ཤེས་རབ་དང་ཐབས་གཉིས་སུ་མེད་པར་སྦྱོར་བས་སྐོར་སྒྱུར་པས། དཀྱིལ་འཁོར་འཁོར་ལོ་ལ་སོགས་པའི་གོ་རིམས་རྡོ་རྗེའི་སྒོའི་རྟ་བབས་ཚོན་རྩི་ལའི་གནས་པས ་གཅིག་བུའི་ཚེའི་གནས་སུ་རྡོར་གསུམ་ཡེ་ཤེས་ས་བོན་གྱི་ནང་ནས་དང་པོའི་གཅིག་གཅིག་གི་ཕྲ་མོའི་ཆའི་ཐ་མའི་གནས་ལ་མི་གཡོ་བའི་ཡིད་ཀྱིས་དང་པོ་གཤེགས་སུ་གསོལ་བར་བྱའོ། །དབུས་ནས་ནང་གི་པདྨ་གཉིས་པོའི་གཅིག་གིས་འཚ ་མེད་དྲི་མེད་རྒྱས་དང་སྤྲོ་བ་དགའ་བ་དང། སྲོག་དང་སྐྱབས་སྦྱིན་དང་གླེང་གཞི་སྟེ་འདོད་ཆགས་ཆེན་པོ་བརྒྱད་ཀྱིས་གཤེགས་སུ་གསོལ་བ་གཉིས་པའོ། །དང་པོ་གནས་ཀྱི་པདྨའི་ལྟེ་བར་གདུ་བུའི་གནས་གསུམ་པའི་གཅིག ་གིས་དང། གཞན་བརྩོན་འགྲུས་དང། བསམ་གཏན་དང་འོད་དང། ལམ་དང། རྟེན་དང། བརྟེན་པ་དང། འབྱུང་བ་དང། ཚིམ་པ་དང། བདུད་རྩི་དང། སྒེག་པོ་དང། ལོངས་སྤྱོད་དང། སྣང་བ་དང། སྒྲོན་མ་དང། བརྟན་པ་དང། གཡོ་བ ་དང། བཅུད་ཀྱིས་ལེན་ཏེ། དེ་ལྟ་བུ་ལ་སོགས་པའི་བཅུ་དྲུག་ཚིམ་པའི་ཆར་ཡང་མེ་ཏོག་གིས་གཤེགས་སུ་གསོལ་བ་གསུམ་པའོ། །ཏོར་ཡའི་གནས་ཀྱི་ཆུ་སྐྱེས་སྙིང་པོའི་ལྟེ་བ་ཆེན་པོའི་གནས་མན་ཆད་བདེ་བ་ཆེན་པོའི་འཁོར་ལོའི་ལྟེ་བའི ་ནང་བཅུ་དྲུག་པའི་དང་པོས་དང། གཞན་ཡང་ཆར་ཡང་ཐིག་ལེ་ཚུལ་ཙམ་མཆོག་གཞན་མཆོག་སྦྱོར་བ་དྲུག་གི་རྨད་བྱུང་མེ་ཏོག་གིས་གཤེགས་གསོལ་བཞི་པའོ། །དཔལ་དགའ་བའི་མེ་ཏོག་གི་ཕྲེང་བ་ལས། ཡིག་བདུན་བཟླས་པའི ་བསྒོས་པ་དང། རྡོ་རྗེ་གསུམ་གྱི་ཡེ་ཤེས་ཀྱི་ས་བོན་དང། ཐོག་མ་དང་ཐ་མ་དབུས་ཆགས་ཆེན་པོ་བརྒྱད་རྡོ་རྗེ་ཆུ་སྐྱེས་ཀྱི་གནས་སུ་བཅུ་དྲུག་ཚིམ་པའི་ཆར་ཡང་རྣམ་པར་ཤེས་པའི་སྦྱོར་བ་དྲུག་དོན་གཤེགས་པ་བསྟན་པ་ཞེས་བྱ་བ་སྟེ་བཅུ ་དྲུག་པའོ།། །།རྣལ་འབྱོར་དབང་པོ་དུ་མའི་གཞུང་ལུགས་ནི། །ཡང་དག་དཔྱད་པ་བྱས་ནས་རྨད་འབྱུང་སྨྲས། དེ་ཕྱིར་བལྟ་དགའ་ཤིན་ཏུ་ཟབ་མཛའ་ཡས། །རེ་ཞིག་གསུམ་ཤེས་དཔྱོད་པ་ཤིན་ཏུ་ནུས། །སྒྲ་ཚད?་ལ ་སོགས་ང་རྒྱལ་ནམ་ཡང་མིན། །རྒྱུད་སོགས་དུ་མ་ཉན་པ་ངེས་ཀྱང་མིན། །ཇི་ལྟར་རང་བཞིན་གང་ཞིག་ཤེས་སམ་ཅི། །གཞན་མིན་བླ་མའི་ཞལ་ནས་གསུངས་མིན་ཚེ། །བླ་མ་ཤིན་ཏུ་བློ་ལྡན་ང་རྒྱལ་མེད། །དེ་ལྟར་རང་བཞིན་ཤེས་པ ་ཐུགས་རྗེའི་བདག་།རླབས་ཆེན་ཆེན་པོའི་ཡུལ་གྱིས་གོས་པ་མེད། །དེ་རྡོར་སེམས་བདག་མཆོག་བླ་མ་ལ་ཕྱག་འཚལ། །དགའ་བདུ་བ་མེ་ཏོག་སྣ་ཚོགས་ཀྱི་ནི་ཡིད་འཕྲོག་བཟོར། །འཇིག་རྟེན་འདིར་དོན་ཟབ་ཕྱིར་དགའ་བ་རིན་ཆེན་སྣང་བ ་འོད་ཟེར་ལྡན། །དོན་ཤེས་དོན་དམ་པར་བདེ་བསྐྱེད་མ་དཔལ་ལྡན་ཡེ་ཤེས་མཁའ་འགྲོའི་དགའ་མ། །དག་ཡངས་བསྟན་པས་དྲི་མེད་འབྲས་བུ་གང་ཞིག་བདག་གིས་རྙེད་པ་དགེ་།དེས་མྱུར་རྡོ་རྗེ་དབང་ཕྱུག་གི་གནས ་འཇིག་རྟེན་གསུམ་གྱིས་ཐོབ་བར་ཤོག་།དཔལ་ཨོཌཡཎ་རྡོ་རྗེ་ཆེན་པོའི་གནས་ལས་བྱུང་བ། དཔལ་རྒྱལ་པོ་ཆེན་པོ་ཨིནཌར་བྷོ་ཏིའི་ཞལ་སྔ་ནས་མཛད་པའི། དཔལ་དགའ་བའི་མེ་ཏོག་གི་ཕྲེང་བ་ཞེས་བྱ་བ་རྫོགས་སོ།། །། ་རྒྱ་གར་གྱི་ཁ་ཆེའི་མཁན་པོ་པྲཛྙཱ་ཤྲཱི་གུཔཏ་དང། ཞུ་ཆེན་གྱི་ལོ་ཙ་པ་བནདེ་དགེ་སློང་རིན་ཆེན་རྒྱལ་མཚན་གྱིས་བསྒྱུར་ཅིང་ཞུས་ཏེ་གཏན་ལ་ཕབ་པ།། །།རྒྱ་གར་སྐད་དུ། ཤྲཱི་ཏཏྟཱ་ཨ་མྲི་ཏོ་པ་དེ་ཤ། བོད་སྐད་དུ། དཔལ ་