Wylie

e-texts based on the ACIP/ALL Input

བྱའི་མིང་བར་དུ་བཅུག་སྟེ་བྲིས་ལ་སྲིན་བུ་ཀ་ཀ་རུའི་ཁུང་བུར་སྦས་ན་བཅིངས་པ་ལས་གྲོལ་བར་འགྱུར་རོ། །རྡོ་རྗེ་སྒྲོལ་མའི་སྒྲུབ་ཐབས་རྫོགས་སོ།། །།རྒྱ་གར་སྐད་དུ། ཤྲཱི་བཛྲ་ཏཱ་ར་སཱདྷ་ནཾ། བོད་སྐད་དུ། དཔལ་རྡོ་རྗེ་སྒྲོལ ་མའི་སྒྲུབ་ཐབས། དཔལ་རྡོ་རྗེ་སྒྲོལ་མ་ལ་ཕྱག་འཚལ་ལོ། །ཚངས་སོགས་འཇིག་རྟེན་མཐུ་ཆེན་གཙུག་གི་ནོར་བུ་དང། །ས་བཅུའི་རྒྱལ་སྲས་དབང་ཐོབ་གཞོན་ནུའི་ཅོད་པན་གྱིས། །ཞབས་པད་ལ་གཏུགས་མ་ལུས་འཕོངས་ལས་སྒྲོལ ་མཛད་ཡུམ། །དཔལ་ལྡན་ཡེ་ཤེས་ལྷ་མོ་རྒྱལ་གྱུར་ཅིག་།འཇིག་རྟེན་དབང་ཕྱུག་དཔལ་ལྡན་མ། །རྟེན་ཅིང་འབྲེལ་འབྱུང་སྟོང་ཉིད་སྐྱེས། །འགྲོ་སྐྱོབ་མ་དེའི་སྒྲུབ་ཐབས་བྲི། །རེ་ཞིག་སྒྲུབ་པ་པོ་འཕགས་མ་སྒྲོལ་མ་ཆེན་མོ་ལ་ཡང་དད་པ་ཐོབ ་པས། ནགས་ཚལ་དང་ཕུག་དང་དུར་ཁྲོད་ལ་སོགས་པར། དབེན་པའི་ཡིད་ཀྱིས་སྙིང་རྗེའི་སྟན་ལ་འདུག་ལ། དང་པོ་ཁོ་ནར་ཆོས་ཐམས་ཅད་རྟེན་ཅིང་འབྲེལ་པར་འབྱུང་བའི་རང་བཞིན་སྐྱེ་བ་མེད་པར་བསྒོམ་པར་བྱའོ། །དེ་ནས་སྙིང་རྗེ་ཆེན་པོས ་བསྐུལ་ཏེ། པམ་ལས་པདྨ་ཨ་ལས་ཟླ་བའི་སྟེང་དུ་དབྱངས་དང་གསལ་བྱེད་ཀྱིས་རྣམ་པར་བརྒྱན་པའི་རང་གི་རྣམ་པར་མི་རྟོག་པའི་བདག་ཉིད་ཏཱཾ་ལྗང་གུར་བསྒོམ། དེ་ལས་འོད་འཕྲོས་པས་ཕྱོགས་བཅུའི་སེམས་ཅན་ཐམས་ཅད་ཀྱི་གདུང་བ་ཞི ་བར་བྱས་ནས་བྱམས་བ་དང་སྙིང་རྗེ་དང་དགའ་བ་དང་བཏང་སྙོམས་ལ་བཞག་སྟེ། སླར་འདུས་པས་ཏཱཾ་ལ་ཐིམ་པར་བལྟའོ། དེ་མ་ཐག་ཏུ་དཔལ་རྡོ་རྗེ་སྒྲོལ་མ་ཆེན་མོ་སྐུ་མདོག་ལྗང་གུ་འམ་ཨི་ཏྲ་བཅག་པ་འམ་སྟོན་གྱི་ནམ་མཁའ་དྲི་མ་མེད་པ་ལྟ་བུ། ་ལང་ཚོ་ལ་བབས་པའི་ཆ་ལུགས། སྒེག་ཅིང་ཞི་ལ་ཡིད་དུ་འོང་བ་དཔེ་མེད་པ་བསམ་སྟེ། སྐྱིལ་ཀྲུང་ཕྱེད་བས་བརྟན་པའི་སྐུ་འགྱིང་མ། ཕྱག་གཡས་མཆོག་སྦྱིན་མ། གཡོན་པས་ཨུཏཔལ་སྔོན་པོ་རྒྱས་པའི་སྡོང་བུ་ཐུགས་ཁར་འཛིན་པ། ཅོད་པན་ལ་སོགས་པ ་རིན་པོ་ཆེ་རྣམ་པ་དུ་མ་འོད་འབར་བས་ཉེ་བར་མཛེས་ཤིང། རང་བཞིན་གྱི་འོད་ཀྱི་དཀྱིལ་འཁོར་ཁོར་ཡུག་འདོམ་གསུམ་མངའ་བ། ཞལ་འཛུམ་པའི་ཆ་བྱད་བལྟ་བས་མི་ངོམས་པ། སྤྱན་མངའ་ཞིང་ཐམས་ཅད་གཟིགས་པའི་བདག་ཉིད་མ། ནུ་མ་འབུར ་ཞིང་རྐེད་པ་རྣམ་པར་འཕྲ་བ་ལ་བརླ་རབ་ཏུ་རྒྱས་མ། ཚོན་བརྒྱ་རྩ་གཅིག་གིས་སྤྲས་པའི་ན་བཟའ་ཤམ་ཐབས་ཅན། རིན་པོ་ཆེའི་མེ་ཏོག་དང་རྡོ་རྗེའི་ཕྲེང་བ་དོ་ཤལ་བརྒྱུས་པའོ། །དེ་ནས་ཐུགས་ཀར་ཉིད་ཀྱི་ས་བོན་གྱི་ཡི་གེ་བལྟས་ནས་དེའི་འོད་ཟེར ་གྱིས་ཡེ་ཤེས་ཀྱི་འཕགས་མ་བྱང་ཆུབ་སེམས་དཔའ་ཨི་ཚོགས་ཀྱིས་བསྐོར་བ་སྤྱན་དྲངས་ཏེ། ཕྱག་འཚལ་བ་དང། ཇི་སྙེད་འབྱོར་པ་དང་བློས་སྤྲུལ་པའི་མཆོད་པས་མཆོད་ལ། སྡིག་པ་བཤགས་པ་ལ་སོགས་པ་བྱ་སྟེ། དངོས་གྲུབ་བླངས་ནས་རོ་གཅིག་ཏུ ་གཞུག་པར་བྱའོ། །དེའི་རྗེས་ལ་སྙིང་པོ་ཅན་གྱི་མཐར་སྔགས་འདི་དང། གཟུངས་འདི་ཉེ་བར་བཀོད་ལ་རྩེ་གཅིག་ཏུ་བཟླས་སོ། །ོཾ་ཏཱ་རེ་ཏུཏྟཱ་རེ་ཏུ་རེ་སྭཱཧཱ། ན་མོ་རཏནཱ་ཏྲ་ཡཱ་ཡ། ན་མ(རྒྱུད་འགྲེལ་ཀ་རུ་ཎི་ཀཱ་ཡ། ཏདྱ་ཐཱ། ཨོཾ་ཏཱ་རེ་ཏུཏྟཱ་རེ་ཏུ་རེ་སརྦ་དུཥྚ་ན། པྲ་དུཥྚ་ཎ། མ་མ་ཀྲིཏྟེ། ཛཾ་བྷ་ཡ། སྟཾ་བྷ་ཡ། མོ་ཧཱ་ཡ། བནདྷཱ་ཡ། ཧཱུཾ་ཧཱུཾ་ཧཱུཾ། ཕཊ་ཕཊ་ཕཊ། སརྦ་དུཥྚ་སྟཾ་བྷ་ནི་ཏཱ་རེ་སྭཱཧཱ། སྙིང་པོའི་སྔགས་ལ་ནི་འབུམ་ཕྲག་བཅུས་བསྙེན་པས། གཟུངས ་སྔགས་ལ་ནི་འབུམ་ཕྲག་གཅིག་གམ་གསུམ་ལ་སོགས་པ་ཅི་རིགས་པར་ཤེས་པར་བྱའོ། །དེ་ནི་ལས་ལ་སྦྱར་བ་ཡང་དེ་ཉིད་དོ། །སྟོབས་བསྐྱེད་པའི་ཕྱིར་གཏོར་མ་སྦྱིན་པ་ནི། བཅོམ་ལྡན་འདས་མའི་ང་རྒྱལ་གནས་བས། ཨུཏཔ་ལས་མཚན་པའི་མཛེས ་བར་བཟའ་བ་བཟང་པོ་ཚོད་མ་དང་བཅས་པ་སྦྱར་ཏེ། བགེགས་བསལ་ཞིང་ཡི་གེ་བཞིས་དྲི་མ་གསང་བ་དང། བདུད་རྩིར་བསྒྱུར་བ་དང། སྤེལ་བ་དང། མངོན་བར་དགྱེས་པའི་རྒྱུར་ལན་གསུམ་དུ་བྱིན་གྱིས་བརླབས་ལ། པདྨ ་ཁ་ཕྱེ་བའི་ཕྱག་རྒྱས་དབུལ་བར་བྱའོ། །ོཾ་ཨ་ཀཱ་རོ་ཁུ་ཁཾ་སརྦ་དྷརྨམཱ་ཎཾ་ཨཱདྱ་ནུཏཔནྣ་ཏྭཱཏ། ཨོཾ་ཨཱ(རྒྱུད་འགྲེལ་གྲིཧྣ་ཨ་མྲི་ཏ། ཁཱ་ཧི་ཁཱ་ཧི། ཏིཥྛ་ཏིཥྛ། ཧཱུཾ་ཧཱུཾ་ཕཊ་ཕཊ་སྭཱཧཱ། བནདྷ་བནདྷ། ཧ་ན་ཧ་ན། ད་ཧ་ད་ཧ། གརྫ་གརྫ། བི་སཕོ་ཊ་ཡ་བི་སཕོ་ཊ་ཡ། སརྦ་བྷི་ཀ་ན་ནཱ་བི་ནཱ་ཡ། མཧཱ་གྷ་ན་པ་ཏི་ཛི་ཝིནདཱ་ན་ཀ་ར་ཡ་ཧཱུཾ་ཧཱུཾ་ཕཊ་ཕཊ་སྭཱཧཱ། རྣམ་དག་རྡོ་རྗེ་སྒྲོལ་མ་ཆེ། ། ་སྐྱེ་བོ་དམན་ལ་ལྷ་མོའི་ཚུལ། །དེ་ཉིད་འོད་ཀྱི་རྣམ་པ་ལས། །རང་བཞིན་རྣམ་པ་གཞན་ཡོད་མིན། །ཁམས་གསུམ་འོད་ཀྱིས་བསྡུས་ནས་ནི། །དཔལ་མོ་ཉིད་ལ་མངོན་པར་ཐིམ། །སྐུ་ཡང་དབྱངས་དང་གསལ་བྱེད་ལ། །དེ་ཡང་རྡོ་རྗེ་འཛིན་མ་ལའོ།། ་རིམ་གྱིས་དེ་ཡང་ཐིག་ལེ་སྟེ། །ཐིག་ལེ་སྟོང་པ་ཡི་གེ་མེད། །དེ་ཉིད་སེམས་ཀྱི་མཚན་ཉིད་དེ། །རང་སེམས་གདོད་ནས་མ་སྐྱེས་པའོ།། །།དཔལ་ལྡན་ཡེ་ཤེས་སྒྲོལ་མའི་སྒྲུབ་ཐབས་ནི། །མཚན་མ་མཆོག་མཐོང་བླ་མ ་ལས་ཐོབ་ཇི་བཞིན་དུ། །སྒྲུབ་པོ་རྣམས་ལ་ཕན་ཕྱིར་བདག་གིས་བྲིས་པ་ཡིས། །འགྲོ་བ་མ་ལུས་མྱུར་དུ་འཕགས་མ་མཉེས་བྱེད་ཤོག་།དཔལ་ལྡན་རྡོ་རྗེ་སྒྲོལ་མའི་སྒྲུབ་ཐབས། སློབ་དཔོན་དགེ་བའི་མགོན་པོས་མཛད་པ་རྫོགས་སོ།། །། ་པཎྜི་ཏ་ཆེན་པོ་བུདྡྷ་ཤྲཱི་བྷ་དྲ་དང། ལོ་ཙཱ་བ་གནུབས་བྱམས་པ་དཔལ་གྱིས་བསྒྱུར་བའོ།། །།རྒྱ་གར་སྐད་དུ། ས་མ་ཧོ་མ་བི་དྷི་ནཱ་མ། བོད་སྐད་དུ། རོ་བསྲེག་པའི་ཆོ་ག་ཞེས་བྱ་བ། བཅོམ་ལྡན་འདས་རྡོ་རྗེ་མཁའ་འགྲོ་ལ་ཕྱག ་