Wylie

e-texts based on the ACIP/ALL Input

རྒྱ་གར་སྐད་དུ། ནཻ་རཱཏྨ་མཎྜལ་ཙཀྲ་སྭཱ་དྷ་ནཾ། བོད་སྐད་དུ། བདག་མེད་མའི་དཀྱིལ་འཁོར་གྱི་འཁོར་ལོའི་སྒྲུབ་ཐབས། རྡོ་རྗེ་བདག་མེད་མ་ལ་ཕྱག་འཚལ་ལོ། །བླ་མའི་རང་བཞིན་དཀྱིལ་འཁོར་རྩེ་མོ་ལ། །དད་པའི་སེམས་ཀྱིས་གུས་པས་རབ་བཏུད ་དེ། འབུམ་ལྔ་ལས་བཏུས་ལྷ་མོའི་འཁོར་ལོ་ནི། །ཟབ་མོའི་དོན་ལ་བག་ཆགས་སྐྱེས་ཕྱིར་བྲི། །འདིར་རྟེན་གྱི་གང་ཟག་ནི་སོ་སོར་ཐར་བའི་སྡོམ་པ་དང། བྱང་ཆུབ་སེམས་དཔའ་ཨི་སྡོམ་པ་དང། རིག་པ་འཛིན་པའི་སྡོམ་པ་དང་ལྡན་པས། གནས་ཉིན་མོ་དུར ་ཁྲོད། མཚན་མོ་རང་གི་ཁྱིམ་དུ་བསྒོམ་པར་བྱའོ། །དེ་ཡང་ཤིས་པའི་དུས་ནམ་གྱི་བརྒྱད་ཆ་ལ་ལངས་ཏེ། ཁྲུས་དང་ཆུ་སྤྱིན་བྱས་ནས། མཎྜལ་ཕུལ་ཏེ་དེ་ནས་མཆོད་པ་དང། གཏོར་མ་ལ་སོགས་པ་བཤམས་ཏེ། འབོལ་བའི་སྟན་ལ་རྡོ་རྗེ་སྐྱིལ་མོ་ཀྲུང ་གིས་འདུག་སྟེ། བཛྲ་ནི་ར་ཨཱཏྨ་ཞེས་བརྗོད་པས་རང་ཉིད་སྐད་ཅིག་གིས་བདག་མེད་མར་བསྒོམས་ཏེ། དེ་ཡང་སྐུ་མདོག་སྔོན་མོ་ཞལ་གཅིག་ཕྱག་གཉིས་མ། ཕྱག་གཡས་གྲི་གུག་ཡུ་བ་ལྕགས་ལ་སོ་ཟངས་ལས་བྱས་པ། གཡོན་པས་ཐོད་པ་ཕྱི་དཀར ་བ་ལ་ནང་དམར་པ་ཁྲག་གིས་བཀང་པ་ཁ་ཊཝཱཾ་ག་དང་བཅས་པ་བསྣམས་པ་ལ། ཕྱག་རྒྱ་ལྔས་བརྒྱན་པར་བསམས་པའི་སྙིང་པདྨ་བརྒྱད་ཁ་ཕྱེ་བའི་ནང་དུ་རཾ་ལས་ཉི་མའི་དཀྱིལ་འཁོར་གྱི་སྟེང་དུ་ཨཾ་སྔོན་པོ་བསམས་ལ། དེའི་འོད་ཟེར་གྱིས་བླ་མ་རྗེ་བཙུན་མི་བསྐྱོད ་པའི་སྐུ་ལྟ་བུ་རྡོ་རྗེ་འཆང་དང་ལྷ་མོ་རྣམས་གཉིས་སུ་མེད་པ་ཐ་མི་དད་པར་རང་བཞིན་གྱིས་བཞུགས་པ་གསལ་བ་འམ། འོག་མིན་ཆོས་ཀྱི་ཕོ་བྲང་ནས་སྤྱན་དྲངས་ཏེ་དམིགས་ལ། དེ་ལ་ཕྱག་འཚལ་བ་དང། ཕྱི་དང་གསང་བ་དང་དེ་ཁོ་ན་ཉིད་ཀྱི་མཆོད་པ་དང ་སྡིག་པ་བཤགས་པ་དང། བསོད་ནམས་ལ་རྗེས་སུ་ཡི་རང་བ་དང། གསུམ་ལ་སྐྱབས་སུ་འགྲོ་བ་དང། ལམ་བསྟེན་པ་དང། ཀུན་རྫོབ་དང་དོན་དམ་བྱང་ཆུབ་མཆོག་ཏུ་སེམས་བསྐྱེད་པ་དང། དགེ་བའི་རྩ་བ་བྱང་ཆུབ་ཏུ་བསྔོས་ལ། ཚོགས་བརྟེན་པ་བློས ་བཏང་ལ་འམ། གཤེགས་སུ་གསོལ་བར་བྱའོ། །དེ་ཡང་བླ་མ་རྡོ་རྗེ་ཅན་མཆོད་ཅིང། བདུན་པོ་ཡོངས་སུ་དག་པར་བྱ་ཞེས་གུར་ལས་གསུངས་སོ། །དེའི་རྗེས་ལ། དང་པོར་བྱམས་པ་བསྒོམ་པར་བྱ། གཉིས་པ་སྙིང་རྗེ་རྣམ་སྒོམ་ཞིང། ་།གསུམ་པ་མེད་པ་བསྒོམ་པ་དང། །ཀུན་གྱི་མཐར་ནི་བཏང་སྙོམས་སོ། །དེ་ནས་སྤྲོ་བ་དང་བསྡུ་བ་སྔོན་དུ་འགྲོ་བས། །སྣོད་བཅུད་ཐམས་ཅད་སྟོང་པ་ཉིད་དུ་བསྒོམས་ལ། ཨོཾ་ཤཱུ་ནྱ་ཏཱ་ཛྙའ་ན་བཛྲ་སྭ་བྷཱ་ཨཱཏྨ་ཀོ་ཧཾ། ཞེས་བརྗོད་པས་སྟོང་པ་ཉིད་བརྟན ་པར་བྱའོ། །དེ་ནས་རེ་བས་ཉི་མ་སྔོན་དུ་རྣམ་བསྒོམས་ནས། །ཉི་དེར་ཧཱུཾ་འབྱུང་སྣ་ཚོགས་རྡོ་རྗེ་སྟེ། །རྡོ་རྗེ་དེ་ཉིད་ཀྱིས་ནི་ར་བ་དང། །གུར་བཅིང་བ་ཡང་རྣམ་པར་བསྒོམ་པ་ཉིད། །དེ་ཡི་ནང་དུ་བསམ་བྱ་ནི། །བྷྲུཾ་ལས་འཁོར་ལོ་རྩིབས་བཅུ་པ། ་རྒྱ་ཆེ་ཁོང་སྟོང་མི་གཡོ་བ། །འཁོར་བའི་བདག་ཉིད་བསྒོམ་པར་བྱ། །ནམ་མཁའ་ཨི་ཁམས་སུ་བྷ་ག་བསམ། །དབུས་སུ་རྣམ་པར་བསྒོམ་པ་ནི། །འཁོར་ལོ་སྔོན་དུ་ཅི་རིགས་པར། །ལྷ་རྣམས་ཇི་ལྟར་འབྱུང་བ་ཉིད། །འཁོར་ལོ་ས་དང་ཆུ་ནི་སྔོན། །ཇི་ལྟར ་རིགས་པར་བྱིན་ཟ་དང། །ལྷ་རྣམས་ཀྱི་ནི་རླུང་ཆེན་དང། །བྷྲུཾ་ལས་འཁོར་ལོའི་ཐིག་ལེ་ནི། །ཇི་ལྟར་བསྒོམ་པ་འབྱུང་བ་ལས། །ཆོས་འབྱུང་ལས་སྐྱེས་འཁོར་ལོ་ཉིད། །འཕར་མ་གཉིས་དག་སྐྱོན་མེད་པ། །ཟེ་འབྲུ་ལས་ནི་གཅིག་འགྱུར་ཏེ། །གྲུ་གསུམ ་གྱིས་ནི་ཕྱི་མར་བརྗོད། །གྲུ་བཞི་པ་ལ་སྒོ་བཞི་པ། །ཀ་པ་བརྒྱད་ཀྱིས་ཉེ་བར་བརྒྱན། །དྲ་པ་དྲ་བ་ཕྱེད་པར་ལྡན། །དུར་ཁྲོད་བརྒྱད་དང་ཡང་དག་ལྡན། །རྡོ་རྗེའི་ཐིག་གིས་རྣམ་པར་སྦྲས། །དེ་དབུས་ཤི་བ་བཅོ་ལྔའི་རོ། །གདན་གྱི་བདག་ཉིད་རྣམ་པར ་བསམ། ། ལ་བཛྲ་ང་རྒྱལ་བྱའོ། །རོ་སྟེང་ལྔ་གསུམ་ཟླ་སྟེང་དུ། །ཱ་ལི་ལྔ་གསུམ་ཞུ་བ་ལས། །དེས་མཚན་ཟླ་བ་ལྔ་གསུམ་བསྐྱེད། །དེ་རྗེས་བརྗོད་པ་གཉིས་བསྣན་བའི། །ཀཱ་ལི་ལྔ་གསུམ་ཞུ་བ་ལས། །དེས་མཚན་སྣང་བྱེད་ལྔ་གསུམ་བསྐྱེད། ་དབུས་ཀྱི་ཉི་ཟླའི་བར་དུ་ནི། ནཱ་ད་ལྷུང་བས་ཨ་རུ་བསམ། དེ་ལས་ཨ་ནི་བཅུ་བཞི་ནི། །ཕྱོགས་མཚམས་ཉི་ཟླའི་བར་དུ་སྤྲོ། །ཱ་ཨི་ཨའི་ཨུ་འཕར་མའི་ཤར་ལ་སོགས་པར་སྤྲོའོ། །འུ་རི་རཱི་ལི་ཕྱིའི་འཕར་མའི་པུཀྐ་སཱི་ལ་སོགས་པའི་མཚམས ་གྱིའོ། །ལཱི་ཨེ་ཨོ་ཨོ་གཽ་རི་ལ་སོགས་ཕྱོགས་ཀྱིའོ། །ཽ་ཨཾ། འོག་དང་སྟེང་གི་ས་བོན་ནོ། །དེ་ལས་སྤྲོ་ཞིང་བསྡུ་བ་ལས། །གྲི་གུག་བཅོ་ལྔ་ས་བོན་བསམ། །དེ་ལས་སྤྲོ་བསྡུས་གཅིག་ཏུ་འདྲེས། །དེ་ལས་ལྷ་མོ་བཅོ་ལྔའི་སྐུ། །ཀུན་ཀྱང་ཁ་དོག་ནག་པོར ་བསྐྱེད། །??་མེ་ལོང་ཡེ་ཤེས་ལྡན། །རྟ་བདུན་པ་ནི་མཉམ་པ་ཉིད། །རང་ལྷའི་ས་བོན་ཕྱག་མཚན་ནི། །སོ་སོར་རྟོག་པར་-ཤེས་པར་བྱ། །ཐམས་ཅད་གཅིག་གྱུར་བྱ་ནན་ཏན། །རྫོགས་པ་ཆོས་དབྱིངས་དག་པ་སྟེ། །མཁས་པས་ཆོ་ག་གསུངས་པ་ཡིས། ། ་རྣམ་པ་ལྔ་?་བསྒོམ་པ་ཉིད། །དེ་ལ་བདག་མེད་རྣལ་འབྱོར་མ། །ཁ་དོག་ནག་མོ་དྲག་ཆེན་མོ། །ཕྱག་རྒྱ་ལྔ་ཡིས་རྣམ་པར་བརྒྱན། །གཡས་པར་གྲི་གུག་རྣམ་པར་བསྣམས། །གཡོན་པ་ཉིད་ནི་པདྨའི་སྣོད། །གཡས་མིན་པར་ནི་ཁ་ཊཝཱཾ་ག་།སྟག་གི་པགས ་པས་སྨད་དཀྲིས་བྱའོ། །རེ་ཞིག་ནང་འཕར་མ་ལ། །རྣལ་འབྱོར་མ་ལྔ་ངེས་གནས་པ། །ཕུང་པོ་ལྔ་ཡིས་རང་བཞིན་གྱིས། །རྣལ་འབྱོར་རིག་པས་རྟག་ཏུ་བསྒོམ། །དབང་པོར་རྡོ་རྗེ་གཤིན་རྗེ་དཀར། །ཆུ་བདག་ཆུ་ཡི་རྣལ་འབྱོར་མ། །ལུས་ངན་རྡོ ་རྗེ་མཁའ་འགྲོ་མ། །དབུས་སུ་བདག་མེད་རྣལ་འབྱོར་མ། །དེ་ནས་ཕྱི་ཡི་འཕར་མ་བཤད། །དབང་དཀར་གཤིན་རྗེ་ཆོམ་རྐུན་མ། །ཆུ་བདག་ཕྱོགས་སུ་རོ་ལངས་མ། །ལུས་ངན་པོར་ནི་གྷསྨ་རཱི། །དབང་ལྡན་དུ་ནི་པུཀྐ་སཱི། །མེར་ནི་དེ་བཞིན་རི་ཁྲོད་མ། །བདེན ་བྲལ་གདོལ་པ་མོ་བཞག་ཅིང། །རླུང་དུ་གཡུང་མོ་རྣམ་པར་བཞག་།འོག་ཏུ་ས་སྤྱོད་མར་བཤད་དེ། །སྟེང་དུ་མཁའ་སྤྱོད་མ་ཞེས་བརྗོད། །བསྐྱེད་པའི་རིམ་པ་ཉིད་ཀྱི་ཕྱོགས། །སྲིད་དང་ཞི་བའི་རང་བཞིན་གྱིས། །ལྷ་མོ་འདི་གཉིས་རྣམ་པར་གནས། །ལྷ་མོ ་ཐམས་ཅད་ཁ་དོག་གནག་།དྲག་ཚོན་ཕྱག་རྒྱ་ལྔ་ཡིས་བརྒྱན། །ཞལ་གཅིག་སྤྱན་ནི་དམར་བ་རྣམས། །ལག་པར་གྲི་གུག་ཐོད་པས་ཁྱབ། འཁོར་ལོ་རྣ་ཆ་མགུལ་རྒྱན་དང། །ལག་པར་ལག་གདུབ་སྐ་རགས་ནི། །སངས་རྒྱས་ལྔ་ནི་རྣམ་དག་པས། ། ་འདི་ལྟ་ཕྱག་རྒྱ་དག་པ་ཡིས། །ཇི་ལྟར་བདག་མེད་རྣལ་འབྱོར་མ། །དེ་ལྟར་ཐམས་ཅད་རྣམ་པར་བཤད། །ལག་པ་གཅིག་གི་ཐོད་པས་བྲལ། །གཡས་པ་ན་ནི་གྲི་གུག་འཛིན། །གཡོན་པས་ཁ་ཊཝཱཾ་ག་ཉིད་དོ། །སྟག་གི་པགས་པས་སྨད་བཀྲིས་ཤིང། ་རོ་ལ་ཞོན་ཞིང་གཟི་བརྗིད་འབར། །ཕྱག་གཉིས་གྱེན་དུ་དབུ་སྐྲ་སེར། །ང་རྒྱལ་ལ་སོགས་སྐྱོན་དྲུག་རྣམས། །གཅོད་ཕྱིར་གྲི་གུག་རྣམ་པར་བསྣམས། །དངོས་དང་དངོས་མེད་རྣམ་རྟོག་གི་།མགོ་བོའི་པདྨའི་སྣོད་དུ་ནི། །བདུད་རྣམས་རྣམ ་པ་བཞི་ཡི་ཁྲག་།དངོས་གྲུབ་ཕྱིར་ནི་བཏུང་བར་བྱ། །སྟོང་པའི་རྣམ་པས་ཁ་ཊཝཱཾ་ག་།ཐབས་ཀྱི་རོ་ནི་རྣམ་པར་བརྟག་།འདིས་ནི་འཁོར་ལོ་རྣམ་བསྒོམས་ན། །དངོས་གྲུབ་མྱུར་དུ་ཐོབ་པར་འགྱུར། །དེ་རྗེས་གོ་ཆའི་རྣལ་འབྱོར་བསྒོམ། །དང་པོར་ནག་པོ་རབ་ཏུ ་བསྒོམ། །གཉིས་པ་དམར་པོར་རྣམ་པར་བསྒོམ། གསུམ་པ་ལ་ནི་སེར་པོར་བསྒོམ། །བཞི་པ་ལྗང་གུ་དེ་བཞིན་ནོ། །ལྔ་པར་ཁ་དོག་སྔོན་པོ་དང། །དྲུག་པར་དཀར་པོའི་ལུས་ཅན་ཏེ། །ཡན་ལག་དྲུག་བསྒོམ་རྣལ་འབྱོར་པས། །ལྷན་ཅིག་སྐྱེད་པའི་རང་བཞིན ་བསྒོམ། །དེ་ནས་སྔགས་གསུམ་དུ་བྱིན་གྱིས་བརླབ་པ་དང། ཡེ་ཤེས་སེམས་དཔའ་ཨི་འཁོར་ལོས་བྱིན་གྱིས་བརླབ་པ་དང། །དེ་ནས་དབང་བསྐུར་བར་བྱིན་གྱིས་བརླབ་པར་བྱ་བའི་མཐར་ཨ་བྷི་ཥི་ཀེའི་ཀུ་ལ་པ་ཏིས་ང་རྒྱལ་བྱའོ། །ཞེ་སྡང་ཕྱག་རྒྱ་བདག ་མེད་པ། །གཏི་མུག་ཕྱག་རྒྱས་རྡོ་རྗེ་མ། །སེར་སྣའི་ཕྱག་རྒྱས་དཀར་མོ་ཉིད། །ཆགས་པས་ཆུ་མ་ཕྱག་རྒྱས་གདབ། །ཕྲག་དོག་ཕྱག་རྒྱས་མཁའ་འགྲོ་མ། །ཞེ་སྡང་ཕྱག་རྒྱས་པུཀྐ་སཱི། །གཏི་མུག་ཕྱག་རྒྱས་རི་ཁྲོད་མ། །སེར་སྣའི་ཕྱག་རྒྱས་གདོལ ་བའོ?། །འདོད་ཆགས་ཕྱག་རྒྱས་གཡུང་མོ་ཉིད། །ཡང་ན་དཀར་མོ་ཞེ་སྡང་རྒྱས། །གཏི་མུག་ཕྱག་རྒྱས་ཆོམ་རྐུན་མ། །སེར་སྣའི་ཕྱག་རྒྱས་རོ་ལངས་མ། །འདོད་ཆགས་ཕྱག་རྒྱས་གྷསྨ་རཱི། །གཏི་མུག་ཕྱག་རྒྱས་ས་སྤྱོད་མ། །འདོད་ཆགས་ཕྱག་རྒྱས ་མཁའ་སྤྱོད་མའོ། །དེ་ནས་ཁ་ཊཝཱཾ་ག་དང་སྙོམས་པར་འཇུག་པ་འམ། དྲིན་པ་ཙམ་གྱིས་རྗེས་སུ་ཆགས་པའི་མཆོད་པ་བྱས་ལ། ཨ་ནུ་རཱ་གས་ང་རྒྱལ་བྱའོ། །དེ་ནས་གཏོར་མ་ཇི་ལྟ་བ་བཞིན་དུ་བདུད་རྩི་བྱིན་གྱིས་བརླབས་ཏེ་མྱངས་ལ། ཨ་མྲི་ཏ་བཛྲ་ས་ང་རྒྱལ་བྱའོ།། ་དེ་ནས་མཆོད་པ་ཕྱི་དང་གསང་བ་དང་དེ་ཁོ་ན་ཉིད་ཀྱིས་མཆོད་དེ་པཱུ་ཛ་བཛྲས་ང་རྒྱལ་བྱའོ། །དེ་ནས་མོས་པ་སྣ་ཚོགས་གདུལ་དཀའ་འདུལ་བའི་ཕྱིར། ཞེས་བྱ་བ་ལ་སོགས་པས་བསྟོད་པ་བྱས་ཏེ། སྟུ་ཏི་བཛྲས་ང་རྒྱལ་བྱའོ། །དེ་ནས་རང་བྱིན་གྱིས་བརླབ་པ་ནི། ་ལམ་ཅིག་ཅར་པ་འམ། ལམ་རིམ་གྱིས་པ་འམ། ལམ་ཉེ་བར་བསྒྲུབ་པ་གསུམ་གང་མོས་དང། ལྷན་ཅིག་སྐྱེས་པའི་རྣལ་འབྱོར་གྱིས་རྒྱས་བཏབ་ལ་གསུམ་ཚོགས་པ་གཅིག་ཏུ་བསྒོམ་སྟེ་བླ་མ་ལས་བླང་བར་བྱའོ། །དེ་ནས་འཁོར་རྣལ་འབྱོར་མ་བཅུ་བཞི་ནི ་རང་གཙོ་མོའི་ས་བོན་ལས་བསྡུས་ཏེ། དེ་ནས་ནང་གི་རྒྱས་གདབ་བསྒོམ་མོ། །དེས་སྐྱོན་རྣམ་དག་དྲན་པ་ནི། །གཟུགས་ཕུང་རྡོ་རྗེ་མ་ཡིན་ཏེ། །ཚོར་བ་ལ་ཡང་དཀར་མོ་བརྗོད། །འདུ་ཤེས་ཆུ་ཡི་རྣལ་འབྱོར་མ། །འདུ་བྱེད་རྡོ་རྗེ་མཁའ་འགྲེ་མ། །རྣམ་ཤེས ་ཕུང་པོའི་རང་བཞིན་གྱིས། །བདག་མེད་རྣལ་འབྱོར་མར་གནས་སོ། །གཟུགས་ལ་དཀར་མོར་རྟག་ཏུ་བཤད། །སྒྲ་ལ་ཚོམ་རྐུན་མར་རབ་གྲགས། །དྲི་ཡི་ཆ་ལ་རོ་ལངས་མ། །རོ་ལ་གྷསྨ་རཱི་རབ་གྲགས། །རེག་ལ་ས་སྦྱོད་མ་ཞེས་བརྗོད། །ཆེས་ཀྱི་དབྱིངས ་ལ་མཁའ་སྤྱོད་མ། །རྟག་ཏུ་འདི་རྣམས་རྣམ་དག་པས། །དེ་ཉིད་རྣལ་འབྱོར་པས་འགྲུབ་འགྱུར། །མིག་ལ་གཏི་མུག་རྡོ་རྗེ་མ། །རྣ་བར་ཞེ་སྣང་རྡོ་རྗེ་མ། །སྣ་ལ་སེར་སྣ་མ་ཞེས་བཤད། །ལྕེ་ལ་འདོད་ཆགས་རྡོ་རྗེ་མ། །ལུས་ལ་ཕྲག་དོག་རྡོ་རྗེ་མ། །ཡིད ་ལ་བདག་མེད་རྣལ་འབྱོར་མ། །ས་ནི་པུཀྐ་སཱི་ཞེས་བཤད། །ཆུ་ཁམས་རྔོན་པ་མོ་ཞེས་བརྗོད། །མེ་ནི་གཏུམ་པོར་ཤེས་པར་བྱ། །རླུང་ནི་གཡུང་མོར་རབ་ཏུ་གྲགས། །ཞེ་སྡང་ཞེས་བཤད་རྡོ་རྗེ་མ། །འདོད་ཆགས་ཆུ་ཡི་རྣལ་འབྱོར་མ། །ཕྲག་དོག ་རྡོ་རྗེ་མཁའ་འགྲོ་མ། །སེར་སྣ་གསང་བའི་དཀར་མོ་ཉིད། །གཏི་མུག་དེ་བཞིན་རྡོ་རྗེར་བཤད། །ཞེ་སྡང་ལ་སོགས་རྣམ་སྦྱོར་བ། །བསྐྱེད་པའི་རིམ་པའི་ཕྱོགས་ལས་ནི། །འདིས་ནི་ཕུང་པོ་སྦྱང་བར་བྱ། །བླ་མ་སློབ་དཔོན་འདོད་ལྷ་ལ། །ཕྱག་འཚལ་དོན་དུ་འཁོར་ལོ་ ་འཛིན། །བླ་མ་རྡོ་རྗེ་འཛིན་པ་ལ། །སྨོད་ཚིག་མི་མཉན་པ་ཡི་ཕྱིར། །རྣ་བ་བདག་ལ་རྣ་ཆ་འཛིན། །སྔགས་བཟླས་ཕྱིར་ནི་མགུལ་རྒྱན་ཏེ། །ལག་གདུབ་སྲོག་ཆགས་གསོད་པ་སྡངས། །ཕྱག་རྒྱ་བསྟེན་ཕྱིར་སྐ་རེགས་ཉིད། །སངས་རྒྱས་ལྔ ་ཡི་ཕྱག་རྒྱ་ཡིས། །རྟག་ཏུ་ལུས་ལ་ཕྱག་རྒྱས་གདབ། །ཕྱག་རྒྱའི་རྣམ་དག་བཤད་པར་བྱ། །འཁོར་ལོའི་གཟུགས་ཀྱིས་མི་བསྐྱོད་པ། །རྣ་ཆ་འོད་དཔག་མེད་ཀྱི་བདག་།མགུལ་གྱི་ཕྲེང་བ་རིན་ཆེན་བདག་།ལག་གདུབ་ལ་ནི་རྣམ་སྣང་མཛད། །སྐ་རགས་ལ་ནི ་དོན་ཡོད་གནས། །འདི་རྣམས་དག་པ་ཕྱག་རྒྱ་ལྔ། །དེ་ནས་དག་གིས་བཟླས་པ་ནི། །ོཾ་ཨ(རྒྱུད་འགྲེལ་པས་གཏོར་མ་བཏང་ངོ། །དེ་ནས་སྨོན་ལམ་གདབ་པ་ནི། །རིགས་སུ་སྐྱེ་དང་དམ་ཚིག་དང་ལ་སོགས་པས་བྱའོ། །དེ་ནས་སྤྱོད་ལམ་ཀྱི་རྣལ་འབྱོར་བྱའོ། །ཐུན་དང་པོའི་དེ་བཞིན་དུ་ཐུན་འོག་མ་རྣམས་ཀྱི་བྱ་བ་ལ་ཤེས་པར་བྱའོ། །འདི་ལྟ་བུའི་ལྷ ་བཅོ་ལྔ་ལས་ཉུང་པར་འདོད་ན་སྟེང་འོག་གི་དོར་བ་བཅུ་གསུམ་བསྒོམ། དེ་ཡང་མངས་ན་ནང་གི་བཞི་བཞག་ལ་ལྷ་དགུ་བསྒོམ་མོ། །དེ་ཡང་མངས་ན་ཕྱི་རོལ་བརྒྱད་དོར་ལ་ལྷ་ལྔ་བསྒོམ་མོ། །དེ་ཡང་མངས་ན་དཀྱིལ་འཁོར་གྱི་ལྟེ་བར་གཙོ་མི་རྒྱང་བ ་བསྒོམ་པ་ནི་བླ་མ་ན་རོ་པ་ཆེན་པོའི་ཞལ་གྱི་ལུང་ངོ། །ལྷ་མོ་འཁོར་ལོ་བྲིས་པའི་དགེ་བས་ནི། །སྲིད་པ་གསུམ་གྱི་ཁོངས་སུ་གཏོགས་པ་ཡི། །སེམས་ཅན་བདག་མེད་མ་ཡི་དོན་རྟོགས་ནས། །སྡིག་བྲལ་མཁའ་སྤྱོད་གནས་སུ་འགྲོ་བར་ཤོག་།བདག་མེད ་མའི་དཀྱིལ་འཁོར་གྱི་ཙཀྲའི་སྒྲུབ་ཐབས་རྫོགས་སོ།། །།རྒྱ་གར་སྐད་དུ། ཤྲཱི་ཧེ་བཛྲ་ཏནྟ་མེ་ན་སྭཱ་ཏིཥྛ་ན་ཀུ་རུ་ཀུལླེ་སཱ་དྷ་ནཾ། བོད་སྐད་དུ། དཔལ་ཀྱེའི་རྡོ་རྗེའི་རྒྱུད་ཀྱི་རིམ་པ་ལས། བདག་བྱིན་གྱིས་བརླབ་པ་ཀུ་རུ་ཀུལླེའི་སྒྲུབ་ཐབས ་