Wylie

e-texts based on the ACIP/ALL Input

རྒྱ་གར་སྐད་དུ། ནི་རཱཏྨ་པྲ་ཀ་ས། བོད་སྐད་དུ། བདག་མེད་མའི་རབ་ཏུ་གསལ་བ། དཔལ་དགྱེས་པའི་རྡོ་རྗེ་ལ་ཕྱག་འཚལ་ལོ། །ཀུན་ཏུ་རྟོག་པ་ཡོངས་སྤངས་ཆོས་སྐུར་གང་བརྗོད་པ། །དཔེ་མེད་བདེ་བ་ཙམ་མཛེས་ལོངས་སྤྱོད་རྫོགས་པའི་སྐུ། །ས ་ཡི་ཕན་པའི་རྒྱུར་གྱུར་གང་གི་སྤྲུལ་པའི་སྐུ། །བཅོམ་ལྡན་རྡོ་རྗེ་སེམས་དཔའ་ཁྱོད་དེས་དགེ་བར་ཤོག་།གཅིག་ཏུ་གསལ་ལ་རྒྱས་པ་ཡིས། །མི་རྟོག་ཉུང་ལ་རྒྱས་པ་དག་།ཇི་ལྟར་བློ་བཞིན་ལུང་ཇི་བཞིན། །བདག་མེད་མ་ཡི་སྒྲུབ་ཐབས་བཤད། ་རྣལ་འབྱོར་པས་ཡང་དུར་ཁྲོད་ལ་སོགས་པ་ཡིད་དུ་འོང་བའི་གནས་སུ་བདུད་རྩི་ལྔ་ལ་སོགས་པའི་དམ་ཚིག་བསྟེན་ནས་བདེ་བའི་སྟན་ལ་ཉེ་བར་འདུག་སྟེ། ཞེན་པ་མེད་ཅིང་དོགས་པ་དང་བྲལ་བས་སེམས་ཅན་གྱི་དོན་དུ་བློ་བསྐྱེད་དེ་བདག་མེད་མའི་ང་རྒྱལ ་བསྐྱེད་པར་བྱའོ། །སྙིང་གར་ཉི་མའི་དཀྱིལ་འཁོར་ལ་ཡི་གེ་ཧཱུཾ་སྔོན་པོ་བསྒོམས་ཏེ། །དེ་ནས་དེའི་གསལ་བའི་འོད་ཟེར་རྣམས་ཀྱིས་ཁམས་གསུམ་སྣང་བར་བྱས་ནས་འོག་མིན་གྱི་གནས་ན་བཞུགས་པ་རྣམས་བཀུག་སྟེ། རྣལ་འབྱོར་མ་བརྒྱད་ཀྱིས ་ཡོངས་སུ་བསྐོར་བ་ཕྱག་བཅུ་དྲུག་པ། ཞབས་བརྒྱད་པ་ཐོད་པའི་ཕྲེང་བས་རྣམ་པར་སྤྲས་པའི་ཐོད་ཅན་ཞབས་བཞི་ཡིས་བདུད་བཞི་མཉམ་པར་མནན་པ་ཁ་དོག་སྔོན་པོ། གཡས་པའི་ཕྱག་གི་ཚོགས་རྣམས་ཀྱིས་བསྣམས་པའི་ཐོད་པ་རྣམས་སུ་གནས་པ ་ནི་གླང་པོ་ཆེ་དང། རྟ་དང། བོང་བུ་དང། གླང་དང། རྔ་མོ་དང། སྐྱེས་བ་དང། སེང་གེ་དང། བྱི་ལ་རྣམས་སོ། །ཅིག་ཤོས་ཀྱི་ཕྱག་གི་ཚོགས་རྣམས་སུ་སོན་པའི་པདྨའི་སྣོད་རྣམས་སུ་གནས་པ་ནི། །འཛིན་པ་དང། ཆུ་དང། སྐུལ་བྱེད་དང ་འབར་བ་དང། མཚན་མོའི་མགོན་དང། ཉི་མ་དང། གཤིན་རྗེ་དང། གནོད་སྦྱིན་རྣམས་སོ། །ཞལ་གྱི་གཙོ་བོ་ནི་ནག་པོའོ། །གཡས་པའི་ཞལ་ནི་ཟླ་བ་དང། ཀུན་ད་ལྟ་བུའོ། །གཡོན་པའི་ཞལ་ཤིན་ཏུ་དམར་པའོ། །སྟེང་གི་ཞལ ་དུ་བལྟ་བུ་ཤིན་ཏུ་གཙིགས་པའོ། །ཞལ་གཞན་མཛའ་དག་ནི་ཤིན་ཏུ་གནག་པའོ། །བརྒྱ་ཕྱེད་ཀྱི་ཐོད་པའི་ཕྲེང་བས་བརྒྱན་པའོ། །བདག་མེད་མའི་མགུལ་ནས་འཁྱུད་པ། ནམ་མཁའ་ཨི་དཀྱིལ་ན་བཞུགས་པ་མདུན་དུ་བསྒོམ་པར་བྱའོ། །དེའི་རྗེས་སུ ་ཕྱི་དང། གསང་བ་དང། དེ་ཁོ་ན་ཉིད་རྣམས་ཀྱིས་མཆོད་པ་ལྷ་མོ་བརྒྱད་པོ་རྣམས་ཀྱིས་མཆོད་པར་བྱའོ། །འདི་ལ་ཡང་ཐབས་དང་ཤེས་རབ་དག་གིས་དེའི་བདག་ཉིད་རྟོགས་པར་བྱ་བའི་ཕྱིར་པི་ཙུ་བཛྲའི་མཆོད་པའོ། །དེ་ནས་ཕྱག་འཚལ་བ་དང། ་སྡིག་པ་བཤགས་པ་དང། སྡིག་པ་སྨན་ཆད་སྡོམ་པ་དང། བསོད་ནམས་ལ་རྗེས་སུ་ཡི་རང་བ་དང། བསོད་ནམས་ཡོངས་སུ་སྔོ་བ་དང། གསུམ་ལ་སྐྱབས་སུ་འགྲོ་བ་དང། བྱང་ཆུབ་ཏུ་སེམས་བསྐྱེད་པ་དང། བདག་ཉིད་ཀྱི་དངོས་པོ་དབུལ་བ་དང། ་གསོལ་བ་གདབ་པ་བྱས་ཏེ། ཚངས་པའི་གནས་བཞི་བསྒོམ་པར་བྱའོ། །དངོས་པོ་མཛའ་དག་གི་དེ་ཁོ་ན་ཉིད་ཀྱི་དངོས་པོ་བསྡུས་པ། ཨོཾ་ཤཱུ་ནྱ་ཏཱཛྙཱ་ན་བཛྲ་སྭ་བྷཱ་བ་ཨཱཏྨ་ཀོ་ཧཾ། སྟོང་པ་ཉིད་ཀྱི་ཡེ་ཤེས་རྡོ་རྗེ་རང་བཞིན་གྱི་བདག་ཉིད་ལ་ཆོས་ཐམས་ཅད ་ཅེས་བྱ་བའི་སྔགས་ཀྱི་དོན་བསྒོམས་པས་རབ་ཏུ་མི་གནས་པའི་ངོ་བོར་གནས་སོ། །དེ་ནས་སྨོན་ལམ་གྱིས་དྲན་པས་ལངས་ཏེ། །རི་ལས་མདུན་དུ་ཉི་མའི་དཀྱིལ་འཁོར་བལྟའོ། །དེ་ལ་ཡི་གེ་ཧཱུཾ་ལས་སྣ་ཚོགས་རྡོ་རྗེ་བསམ་མོ། ། ་དེ་ནས་དེའི་སྣ་ཚོགས་རྡོ་རྗེའི་འོད་ཟེར་གྱི་རྡུལ་ཕྲ་རབ་ཀྱི་ཚོགས་འཕྲོས་པ་དེ་ཡིས་རྡོ་རྗེ་ར་བ་དང་དྲ་བ་བཅིང་ངོ། །འོག་ཏུ་རྡོ་རྗེའི་རང་བཞིན་གྱི་ས་གཞི་དང། འབོས་བསམ་པར་བྱའོ། །ཉི་མ་དང་སྣ་ཚོགས་རྡོ་རྗེ་དག་ལས་འོད་ཟེར་དཔག་ཏུ་མེད་པ་བྱུང་བས་དེ ་ལྟར་ད་དག་ཐམས་ཅད་བརྟན་པར་བྱའོ། །དེའི་རྗེས་སུ་ནམ་མཁའ་ཨི་དབྱིངས་ཆོས་འབྱུང་གི་རྣམ་པ་ནང་ཁོང་སྟོང་ཤིན་ཏུ་དཀར་པོ་སྟེང་ཡངས་པའི་ཤེས་རབ་བལྟེ་བར་བྱའོ། །དེ་ནས་དེའི་སྟེང་དུ་ཁ་དོག་སྣ་ཚོགས་པའི་པདྨ་འདབ་མ་བརྒྱད་པ་བསྒོམ་པར་བྱའོ།། ་དེ་ནས་དེའི་སྟེང་དུ་རཾ་ལས་བྱུང་བའི་ཉི་མའི་དཀྱིལ་འཁོར་ལ་གནས་པའི་ཡི་གེ་ཧཱུཾ་ཡོངས་སུ་གྱུར་པ་ལས་སྣ་ཚོགས་རྡོ་རྗེ་བསམ་པར་བྱའོ། །སྣ་ཚོགས་རྡོ་རྗེའི་དབུས་སུ་ཡང་རླུང་དང། མེ་དང། ཆུ་དང། ས་རྣམས་ནི་དུ་བ་དང། དམར་པོ་དང། དཀར་པོ་དང། ། ་ལྗང་གུ་རྣམས། གཞུ་དང། ཟུར་གསུམ་དང། ཟླུམ་པོ་དང། གྲུ་བཞི་རྣམས། ཡཾ་རཾ་བཾ་ལཾ་རྣམས་ཡོངས་སུ་གྱུར་པ་ལས་སྟེང་ནས་སྟེང་དུ་བལྟའོ། །དེ་དག་ཐམས་ཅད་ཡེ་ཤེས་ཙམ་དུ་བཏགས་ཏེ། དེ་དག་ཡོངས་སུ་གྱུར་པ་ལས། གྲུ་བཞི་པ་སྒོ་བཞི་པ། ་ལྷ་བབས་བཞི་པ། ཀ་བ་བརྒྱད་ཀྱིས་ཉེ་བར་མཛེས་པ། དྲ་བ་དང་དྲ་བ་ཕྱེད་པས་བརྒྱན་པའི་གཞལ་ཡས་ཁང་བལྟ་བར་བྱའོ། །དེ་ནས་རྡོ་རྗེ་ར་བའི་ནང་རོལ་ཏུ་དུར་ཁྲོད་བརྒྱད་བསམ་པར་བྱའོ། །ཤར་ཕྱོགས་སུ་དབང་པོ་དང། ཨ་རུ་རའི་ཤིང་དང་གླང ་པོ་ཆེའི་གདོང་ཅན་སེར་པོའོ། །ལྷོ་ཕྱོགས་སུ་གཤིན་རྗེ་དང། ཙཱུ་དའི་ཤིང་དང། མ་ཧའི་གདོང་ཅན་ཁ་དོག་དཀར་པོའོ། །ནུབ་ཕྱོགས་སུ་ཨ་ཤོ་ཀའི་ཤིང་དང། ཆུ་ལྷ་ཁ་དོག་དམར་བ་དང། སེང་གེའི་གདོང་ཅན་ནོ། །བྱང་ཕྱོགས་སུ་བྱང་ཆུབ་ཀྱི་ཤིང་དང། ལུས།། ་ངན་སེར་པོ་དང། མིའི་གདོང་ཅན་ནོ། །མེའི་འཚམས་སུ་ཤིང་ཀ་རཉྫ་དང། མེ་ལྷ་དཀར་པོ་རའི་གདོང་ཅན་ནོ། །བདེན་བྲལ་དུ་ལ་ད་ཛ་ཀ་པ་ཊུའི་ཤིང་དང། མི་གདོང་ཅན་དང། བདེན་བྲལ་དཀར་པོའོ། །རླུང་གི་མཚམས་སུ་ཀ་ཀུ་པའི་ཤིང་དང། རླུང་ལྔ་དང། རི་དགས་ཀྱི ་གདོང་ཅན་སེར་པོའོ། །དབང་ལྡན་གྱི་མཚམས་སུ་འབྱུང་པོ་དང། ཁྱུ་མཆོག་གི་གདོང་ཅན་ནོ། །ནྱ་གྲོ་དྷ་སྣ་ཚོགས་པ་བསྒོམ་མོ། །འདི་དག་ཐམས་ཅད་ལག་པ་གཡོན་པར་ཐོད་པ་འཛིན་པ། ཕྱག་གཡས་པར་རང་རང་གི་མཚོན་ཆ་སྣ་ཚོགས་འཛིན་པའོ། །ལུས ་ཀྱི་སྟོད་བསྟན་པའོ། །དེ་བཞིན་དུ་ཤར་ཕྱོགས་ལ་སོགས་པ་ཚོགས་བརྒྱད་དུ་གོ་རིམས་ཇི་ལྟ་བ་བཞིན་དུ། མཛའ་ཡས་དང། པདྨ་དང། ནོར་རྒྱས་དང། པདྨ་ཆེན་པོ་དང། འཇོག་པོ་དང། དུང་སྐྱོང་དང། ཀརྐོ་ཊ་དང། རིགས་ལྡན་རྣམས་སོ། །སྤྲིན ་བརྒྱད་ནི། སེར་པོ་དང། སྐྱ་བོ་དང། དཀར་པོ་དང། སྐྱ་སེར་དང། དམར་པོ་དང། སེར་པོ་དང། ལྗང་གུ་དང། ཁ་དོག་སྣ་ཚོགས་པ་རྣམས་སོ། །དེ་ལྟར་ཕྱོགས་སྐྱོང་བརྒྱད་ཀྱི་ཁ་དོག་ནི་གྲགས་པར་ཟད་དོ། །མཆོད་རྟེན་བརྒྱད་ཀྱི་ཁ་དོག་ཀྱང་རྟོགས་པར་བྱའོ། །དེ་ནས ་དཀྱིལ་འཁོར་གྱི་འཁོར་ལོའི་ནང་དུ་པདྨ་འདབ་མ་བརྒྱད་པ་དམར་པོ་བསམས་ཏེ། པདྨའི་ནང་ཤར་ཕྱོགས་ལ་སོགས་པའི་འདབ་མ་བཞི་དང། དེ་བཞིན་དུ་གཞལ་ཡས་ཁང་གི་ཟུར་བཞི་དང། སྒོ་བཞི་དང། སྟེང་དང་འོག་རྣམས་སུ་རོ་བཅོ་ལྔ་དང་ལྡན་པར་བྱའོ། ། ་དེའི་རྗེས་སུ་རོ་མནན་པའི་ཨཱ་ལི་དང་ཀཱ་ལི་ཡོངས་སུ་གྱུར་པ་ལས། ཟླ་བ་དང་ཉི་མའི་ནང་དུ་སོན་པའི་ཨ་ལ་སོགས་པའི་དབྱངས་བཅོ་ལྔ་བསྒོམ་པར་བྱའོ། །དེ་ནས་ཨ་ལ་སོགས་པའི་ཡི་གེ་ཡོངས་སུ་གྱུར་པ་ལ་ཐམས་ཅད་ལས་ས་བོན་དང་བཅས་པའི་གྲི་གུག་གོ་།དེ་ནས། ་ཟླ་བ་དང། ཉི་མ་དང། གྲི་གུག་ཡོངས་སུ་གྱུར་པ་ལས་བདག་མེར་མ་ལ་སོགས་པ་རྣལ་འབྱོར་མ་བཅོ་ལྔ་བསྒོམ་པར་བྱའོ། །དེ་ལ་མེ་ལོང་ལྟ་བུའི་ཡེ་ཤེས་དང་ལྡན་པ་ཅི་ཟླ་བའོ། །མཉམ་པ་ཉིད་དང་ལྡན་པ་ནི་ཉི་མའོ། །དེ་དག་གི་ནང་དུ་སོན་པ་ནི་སོ་སོར་རྟོག་པའོ། །ཐམས ་ཅད་གཅིག་པ་ནི་བྱ་བ་ནན་ཏན་ནོ། །གཟུགས་བརྙན་རྫོགས་པ་ནི་ནས་དབྱིངས་ཤིན་ཏུ་རྣམ་པར་དག་པའོ། །དེ་ལ་ལྟེ་བའི་ནང་དུ་དབྱངས་ཀྱི་ཡི་གེ་ཨ་ལས་བྱུང་བའི་མི་བསྐྱོད་པས་རྒྱས་བཏབ་པ། ཞེ་སྡང་དང། རྣམ་པར་ཤེས་པའི ་ཕུང་པོའི་བདག་ཉིད་ཐབས་དང་ཤེས་རབ་ཀྱི་གཟུགས་ཁ་ཊཝཱཾ་གས་གཟུགས་འཁྱུད་པའོ། །ཤར་ལ་སོགས་པའི་འདབ་མ་རྣམས་ལ། ཨ་ཨི་ཨའི་ཨུའི་དབྱངས་ལས་བྱུང་བ། གཏི་མུག་དང། ཕྲ་མ་དང། འདོད་ཆགས་དང། ཕྲག་དོག་གི་རང་བཞིན། རྣམ་པར་སྣང་མཛད ་དང། རིན་ཆེན་འབྱུང་ལྡན་དང། འོད་དཔག་མེད་དང། དོན་ཡོད་གྲུབ་པ་རྣམས་ཀྱིས་རྒྱས་བཏབ་པ། གཟུགས་དང་ཚོར་བ་དང། འདུ་ཤེས་དང། འདུ་བྱེད་ཀྱི་ཕུང་པོའི་བདག་ཉིད། རྡོ་རྗེ་མ་དང། གཽ་རཱི་མ་དང། ཆུ་མ་དང། རྡོ་རྗེ་མཁའ་འགྲོ་མ་རྣམས་བསྒོམ་པར་བྱའོ། ། ་དེ་ནས་ཕྱི་རོལ་གྱི་རིམ་པའོ། །དབང་པོ་ལ་སོགས་པའི་མཚམས་རྣམས་སུ་ཨའུ་རི་ལི་དབྱངས་ལ་སོགས་པའི་མི་བསྐྱོད་པ་དང། རྣམ་པར་སྣང་མཛད་དང། རིན་ཆེན་འབྱུང་ལྡན་དང། འོད་དཔག་དུ་མེད་པས་རྒྱས་བཏབ་པ། ས་དང། ཆུ་དང། མེ་དང། རླུང་རྣམས་ཀྱི་རང་བཞིན ་པུཀྐ་སཱི་དང། ཤ་བ་རི་དང། ཙཎྜ་ལཱི་དང། ཌོམྦི་མ་རྣམས་བསྒོམ་པར་བྱའོ། །དེ་ནས་ཤར་ཕྱོགས་ལ་སོགས་པའི་སྒོ་རྣམས་སུ། །ལཱི་ཨེ་ཨི་ཨོའི་དབྱངས་ལས་བྱུང་བ་པུཀྐ་སཱི་ལ་སོགས་པའི་རིམ་པ་བཞིན་དུ་རྒྱས་བཏབ་པ། གཟུགས་དང་སྒྲ་དང་དྲི་དང་རོ ་རྣམས་ཀྱི་རང་བཞིན། གཽ་རི་དང། ཙཽ་རཱི་དང། བེཏྟཱའི་དང། གྷསྨ་རཱི་རྣམས་བསྒོམས་པར་བྱའོ། །དེའི་རྗེས་སུ་སྟེང་དང་འོག་ཏུ་གཏི་མུག་དང། འདོད་ཆགས་ཀྱིས་རྒྱས་བཏབ་པ། ཨཽ་ཨཾ་ལས་བྱུང་བ། རེག་བྱ་དང། ཆོས་ཀྱི་དབྱིངས་ཀྱི་རང་བཞིན་ཏེ། འཁོར་བ ་དང། མྱ་ངན་ལས་འདས་པའི་རང་བཞིན་ས་སྤྱོད་དང། མཁའ་སྤྱོད་དག་བསྒོམ་པར་བྱའོ། །འདིར་ཡང་ལྷ་མེ་རྣམས་བསྐྱེད་པའི་རྗེས་སུ་རང་གི་རིགས་དང་བཅས་པའི་དབང་བསྐུར་ཏེ། རང་རིགས་ཀྱི་རྒྱས་བཏབ་པར་རྟོགས་པར་བྱའོ། དེ་དག་ནི་རྣལ་འབྱོར་མ་བཅོ་ལྔའོ། ་ལོ་བཅུ་དྲུག་པའི་ཚུལ་ཟླ་བའི་དཀྱིལ་འཁོར་ལ་གནས་པའི་དབྱེར་མེད་པའི་མིག་སྨན་ནག་པོའི་མདོག་ལྟ་བུ་སྟེ། བྱང་ཆུབ་སེམས་ཀྱི་རང་བཞིན་སྐྲ་འབར་བ་གྱེན་དུ་བརྫེས་པ། སྤྱི་བོར་རྡོ་རྗེ་སེམས་དཔའ་ཨི་རང་བཞིན་ཐོད་པ་དུམ་བུ་སོར་བཞི་པ་འཛིན་པ། མགོ་ལ་ཡང ་སངས་རྒྱས་ལྔའི་རང་བཞིན་ཐོད་པ་སྐམ་པོ་ལྔ་འཛིན་པའོ། །སྤྱན་ཟླུམ་པོ་དམར་པོ་གསུམ་པ་ཞལ་མཆེ་བ་གཙིགས་པ། མ་མོ་བཅོ་ལྔའི་བདག་ཉིད་ཀྱི་མགོ་བོ་སྐམ་པོ་བཅོ་ལྔའི་ཕྲེང་བས་བརྒྱན་པ། སྟག་གི་པགས་པའི་ཤམ་ཐབས་ཅན། །སྐྱིལ་ཀྲུང་ཕྱེད་པའི ་གར་གྱིས་བཞུགས་པ་རོ་ལ་བཅིབས་པ། ཕྱག་རྒྱ་ལྔ་འཛིན་པའོ། །དེ་ལ་འཁོར་ལོའི་གཟུགས་གྱིས་མི་བསྐྱོད་པ། །རྣ་ཆའི་བདག་ཉིད་འོད་དཔག་མེད། །མགུལ་པའི་ཕྲེང་བར་རིན་ཆེན་བདག་།ལག་རྒྱན་རྣམ་པར་སྣང་མཛད་བརྗོད། །སྐེ་རགས་ལ་ནི་དོན་ཡོད་གནས ་ལུས་ཀུན་རྡོ་རྗེ་འཛིན་བཞིན་ནོ། །བླ་མ་སློབ་དཔོན་འདོད་ལྷ་ལ། །ཕྱག་འཚལ་སྤྱི་བོར་འཁོར་ལོ་འཛིན། །བླ་མ་རྡོ་རྗེ་འཛིན་པ་ལ་འང། །སྨོད་ཚིག་མི་ཉན་པ་ཡི་ཕྱིར། །རྣ་བ་དག་ལ་རྣ་ཆ་འཛིན། །སྔགས་བཟླས་ཕྱིར་ནི་མགུལ་བའི་ཕྲེང། །ཕྱག་རྒྱ་བསྟེན་པ་སྐེ་རགས་ཏེ། ། ་སྲོག་གཅོད་སྤངས་པ་གདུ་བུ་སྟེ། །རྐང་རྒྱན་དང་ནི་དཔུང་རྒྱན་འཛིན། །བྱམས་པའི་ཐུགས་ནི་ཡན་ལག་གནང། །དམར་སེར་གྱི་ནི་སྐྲ་དག་ནི། །འདོད་ཆགས་ཆེན་པོར་སྟོན་པ་དང། །ཁྲོ་བོར་རྟོགས་ཕྱིར་སྟེང་དུ་བརྫེས། །སྐུ་དང་གསུང་དང་ཐུགས་ཤིན་ཏུ་ཆགས་པའི་རང ་བཞིན་གྱི་ཕྱིར། རང་བཞིན་གྱིས་སྤྱན་དམར་པོ་ཆེན་པོའོ། །སྲིད་པ་དང་མྱ་ངན་ལས་འདས་པའི་རང་བཞིན་དག་ནི་ཕྱག་དག་གོ་།ང་རྒྱལ་ལ་སོགས་པའི་སྐྱོན་གཅོད་པ་ནི་གྲི་གུག་གོ་།ཁམས་གསུམ་རྣམ་པར་དག་པ་ཕུང་པོ་ལ་སོགས་པའི་བདུད་བཞི་ལ་སོགས ་པའི་ཁྲག་གིས་བཀང་བ་རྣམ་པར་རྟོག་པ་མཛའ་དག་གིས་ལུས་ཐོད་པ་དུམ་བུ་གསུམ་མོ། །ཆོས་དང་ལོངས་སྤྱོད་དང་སྤྲུལ་པ་རྣམ་པར་དག་པ་ནི་གཉེར་མ་གསུམ་མོ། །ངོ་བོ་ཉིད་གཅིག་པུའི་སྐུའི་རྣམ་པར་དག་པ་ནི་ལུས་ཀྱི་རིལ་པོ་དག་གོ་།སྒྲིབ་པ་དང་བྲལ་བའི་སྟོན ་པའི་ཕྱིར་སྟག་གི་པགས་པའི་ན་བཟའ་ཨོ། །ཁམས་གསུམ་པ་དམིགས་པ་མེད་པར་སྟོན་པའི་ཕྱིར་ཞབས་མ་སྦྱངས་པའོ། །རོ་གཅིག་པའི་རང་བཞིན་དུ་བསྟན་པའི་ཕྱིར་ཞབས་གཅིག་གིས་སའི་དཀྱིལ་འཁོར་དུ་མནན་པའོ། །དེའི་རྗེས་སུ་སྙིང་གའི་ས་བོན་ལས ་བྱུང་བའི་འོད་ཟེར་རྣམ་པ་ལྔ་ཡིས་འོག་མིན་ན་བཞུགས་པའི་ཡེ་ཤེས་སེམས་དཔའ་ཨི་རང་གི་བདག་མེད་མའི་འཁོར་ལོ་བཀུག་ལ། སྙིང་ཁའི་ས་བོན་ལ་གཞུག་པར་བྱའོ། །ཡེ་ཤེས་དང་དམ་ཚིག་སེམས་དཔའ་དག་གཅིག་ཏུ་བྱས་ནས་བདག་མེད་མའི་ང་རྒྱལ་དང་ལྡན ་པས་བདག་མེད་མ་དང་མཉམ་པར་འགྱུར་ཏེ། འདིར་སྦྱོར་བའི་ཡན་ལག་དྲུག་རྣམ་པར་བཞག་པའི་ཕྱིར་རིམ་པ་ཡིས། ནག་པོ་དང། དམར་པོ་དང། སེར་པོ་དང། ལྗང་གུ་དང། སྔོན་པོ་དང། དཀར་པོ་རྣམས་བསྒོམ་པར་བྱའོ། །དེ་ལ་བསྒོམ་པ་ཕུལ་དུ ་བྱུང་བའི་རིམ་གྱིས་དང་པོར་སྤྲིན་གྱིས་བསྒྲིབས་པའི་ཟླ་བའི་དཀྱིལ་འཁོར་ལྟ་བུར་སྣང་ངོ། །དེ་ཡང་རབ་ཀྱི་ཕུལ་དུ་ཕྱིན་པ་ལས་ནི་སྒྱུ་མ་ལྟ་བུར་སྣང་ངོ། །དེ་ཡང་རབ་ཀྱི་ཕུལ་དུ་ཕྱིན་པ་ལས་ནི་རྨི་ལམ་ལྟ་བུར་སྣང་ངོ། །དེའི་རྗེས་སུ་རབ་ཀྱི་ཕུལ་དུ་ཕྱིན་པ་ཡོངས་སུ ་སྨིན་པ་ལས་ནི་རྨི་ལམ་དང་སད་པ་འདྲ་བའི་དུས་སུ་གཉིས་མེད་པར་གང་གིས་མཐོང་བ་ཡིས་ཕྱག་རྒྱ་ཆེན་པོ་ཐོབ་པར་འགྱུར་རོ་ཞེས་བྱ་བས་ནི་བསྐྱེད་པའི་རིམ་པའོ། །གཞན་དུ་?་ལ་དང། ཀཀྐོ་ལ་དང་ཡང་དག་པར་སྦྱོང་བ་ལས། གང་བདེ་བ་ཆེན་པོའི་རང་བཞིན ་མཆོག་དང་བྲལ་བའི་ནང་དུ་སོན་པའི་བྱང་ཆུབ་ཀྱི་སེམས་སྐྱེ་སྟེ། དེ་ཉིད་བཅོ་ལྔའི་ཆའི་བདག་ཉིད་ཅན་སྐད་ཅིག་གིས་སྔོན་དུ་བསྟན་པའི་ཕྱག་མཚན་དང་ཁ་དོག་དང་དབྱིབས་ཏེ། རྣལ་འབྱོར་མ་བཅོ་ལྔའི་དཀྱིལ་འཁོར་གྱི་འཁོར་ལོར་བལྟ་བར་བྱའོ། །དེ་ཡང ་ཕུང་པོ་ལྔ་དང། ཁམས་བཞི་དང། ཡུལ་དྲུག་སྟེ། སྐུ་དང་གསུང་ཐུགས་ཀྱི་རང་བཞིན་ཏེ། འདི་ནི་ཟབ་མོ་བསྐྱེད་པའི་རིམ་པའོ། །སྐད་ཅིག་ཉིད་ལས་རྣལ་འབྱོར་མ་བཅོ་ལྔའི་བདག་ཉིད་ཀྱི་དཀྱིལ་འཁོར་གྱི་འཁོར་ལོ་བལྟའོ། །འདི་ནི་རྫོགས་པའི་རིམ་པའོ། ། ་རྡོ་རྗེའི་ལུས་ཡང་ཡེ་ཤེས་ལྔས་བྱིན་གྱིས་བརླབས་པའི་རྩ་སུམ་ཅུ་རྩ་གཉིས་ཏེ། བདེ་བ་ཆེན་པོའི་གནས་ནས་འཛག་པའོ། །དེ་ཡང་རྣལ་འབྱོར་མ་བཅོ་ལྔའི་བདག་ཉིད་དེ། ལུས་ཉིད་བདག་མེད་མའི་འཁོར་ལོའོ། །ཡོངས་སུ་རྫོགས་པའི་རིམ་པའོ། །དེ་བཞིན་དུ་ལ་ལ ་ས་ནཱ་དང་ར་ས་ནཱ་དག་མགྲིན་པ་ནས་བརྩམས་ཏེ་ལྟེ་བའི་བར་དུ་གཡོན་པ་དང་ཅིག་ཤོས་ཀྱི་ངོས་སུ་གནས་པ་ཟླ་བ་དང་ཉི་མ་ཞེས་བྱ་བས། ལྟེ་བའི་ནང་དུ་དེ་ཉིད་སྐྱེ་གནས་ཀྱི་རྩ་ལ་ལ་ནཱ་དང་ར་ས་ནཱ་ཡིན་ཏེ། མི་བསྐྱོད་པ་དང་ཁྲག་འབབ་པའོ། ། བ་དྷཱུ་ཏི་ནི་མགོ་དང་མགྲིན ་པ་དང། ལྟེ་བ་དང་སྐྱེ་གནས་ཀྱི་ནང་དུ་གནས་པ་བྱང་ཆུབ་སེམས་འབབ་པའོ། །རྩ་དེ་དག་བདག་མེད་མའོ། །མི་ཕྱེད་མ་དང་ཕྲ་གཟུགས་མ་ནི་སྤྱི་བོར་གནས་པ་སྟེ། གྲངས་བཞིན་དུ་སེན་མོ་དང། སོ་དང། སྐྲ་དང་བ་སྤུའི་མཚན་ཉིད་རྣམས་ཟུང་དུ་འབབ་པ་ནི་རྡོ་རྗེ ་མའོ། །གསལ་མ་ནི་རྣ་བ་གཡས་པའི་པགས་པ་དང། དྲི་མ་འབབ་པ་དང། གཡོན་མ་ནི་རྒྱབ་ཀྱི་སྒལ་ཚིགས་ཀྱི་ཤ་འབབ་པ་དག་ནི་གཽ་རཱིའོ། །མ་མི་ནི་དང། རུ་སྦལ་སྐྱེས་དག་ནི་རྣ་བ་གཡོན་པ་དང། སྨིན་མའི་དབུས་ན་གནས་པ་སྟེ། རྒྱུས་པ་དང་རུས་པ་དང ་དྲིལ་བ་ལ་དག་ནི་ཆུ་མའོ། །དངོས་པོ་མ་དང་དབང་བསྐུར་མ་དག་ནི། མིག་དང་ལག་པའི་རྩ་བར་གནས་ཏེ། གློ་བ་དང་སྙིང་འབབ་པ་སྟེ། རྡོ་རྗེ་མཁའ་འགྲོ་མའོ། །སྐྱོན་ལྡན་མ་དང་མཧཱ་ནི་ཡེ་དག་ནི་མཆན་ཁུང་དང། ནུ་མ་དག་ལ་གནས་པ་སྟེ། མིག་དང་མཁྲིས་པ ་འབབ་པ་སྟེ། པུཀྐ་སཱིའོ། །མ་མོ་དང་མཚན་མོ་དག་ནི་ལྟེ་བ་དང་སྣ་རྩེ་དག་ལ་གནས་པ་སྟེ། མཆིན་པ་དང་རྒྱུ་མ་དང་དྲི་འབབ་པ་ཤ་བ་རིའོ། །བསིལ་སྟེང་དང་ཆབ་མ་དག་ནི་ལ་དང་མགྲིན་པར་གནས་ཏེ། ངོས་ཀྱི་སྐུད་པ་དང་ལྟོ་བ་འབབ་པ་སྟེ། ཙཎྜ་བཱིའོ། །ཕྲ་མ་ ་ན་ནི་སྙིང་དང་བཤང་བ་འབབ་པའོ། །མདོག་ནག་མ་ནི་མཚམས་མཐར་གནས་པ་སྟེ་ཌོམྦི་ནིའོ། །ཕྲ་གཟུགས་མ་དང་སྤྱི་མ་དག་ནི་འདོམས་པ་བཤད་པའི་ལམ་དང་བད་ཀན་དང་མཁྲིས་པ་འབབ་བ་སྟེ། གཽ་རཱིའོ། རྒྱུ་སྦྱིན་མ་དང་བྲལ་བ་ནི་བར་དང་བྱིན་པ་དག་ལ་ ་གནས་པ་ཁྲག་དང་རྡུལ་འབབ་པ་སྟེ་ཙཽ་རཱིའོ། །སྡུག་མ་དང་དངོས་གྲུབ་མ་དག་ནི་རྐང་པའི་སོང་མོ་དང། ཀཱ་པའི་རྒྱབ་དུ་ཚིལ་དང་མཆིན་པ་འབབ་པ་སྟེ། བེཏྟཱ་ལཱིའོ། །འཚེད་པ་དང་ཡིད་བཟངས་མ་དག་ནི། མཐེ་བོང་དང་པུས་མོ་གཉིས་ལ་གནས་ཏེ། ་དེ་ལ་སྔ་མ་ནི་བད་ཀན་འབབ་པ། ཕྱི་མ་ནི་སྟོབས་དང་སྣབས་འབབ་པ་སྟེ། འདི་ནི་གྷསྨ་རིའོ། །སྙིང་གའི་པདྨ་ལྟེ་བའི་ཤར་ལ་སོགས་པའི་འདབ་མ་རྣམས་ལ་གོ་རིམས་བཞིན་དུ་གསུམ་བསྐོར་མ་དང། འདོད་མ་དང། ཁྱིམ་དང། གཏུམ་མོ་དང། བདུད་སྦྱིན་མ་རྣམས་སོ། ་དེ་ལ་རྩ་དང་པོ་གཉིས་ནི་ས་སྤྱོད་མའོ། །ལྷག་མ་རྣམས་ནི་མཁའ་སྤྱོད་མའོ། །འདི་ཡང་རྩ་ནས་རབ་ཏུ་འཛག་པས། རྒྱས་པར་བྱེད་པ་དང། འགྲོ་བར་བྱེད་པ་དང། དེ་ནས་ཅུང་ཟད་འབབ་པའོ། །སྐུ་དང་གསུང་དང་ཐུགས་དང། ཆོས་དང་ལོངས་སྤྱོད་རྫོགས་པ ་དང། སྤྲུལ་པའི་ངོ་བོ་ཉིད་ནི་འཁོར་ལོ་བཞིར་ལུས་ལ་རྣམ་པར་གནས་པའོ། །དེ་ལ་སྤྲུལ་པའི་འཁོར་ལོ་ནི་ཁ་དོག་སྣ་ཚོགས་པ་པདྨ་འདབ་མ་དྲུག་ཅུ་རྩ་བཞི་པའི་ལྟེ་བའི་འོག་ཏུ་ཡི་གེ་ཨ་ནག་པོ་སྟེང་དུ་ཁ་བལྟས་པས་རྣམ་པར་གནས་པའོ། །ཆོས་ཀྱི་འཁོར་ལོ ་ནི་པདྨ་འདབ་མ་བརྒྱད་པ་ལ་ཡི་གེ་ཧཱུཾ་ནག་པོ་སྙིང་གར་རྣམ་པར་གནས་པའོ། །མགྲིན་པར་ལོངས་སྤྱོད་ཀྱི་འཁོར་ལོ་དམར་པོ་འདབ་མ་བཅུ་དྲུག་པ་ལ་པྲ་ན་པ་ས་བོན་དམར་པོའོ། །སྤྱི་བོར་འདབ་མ་སུམ་ཅུ་རྩ་གཉིས་པ་དཀར་པོ་ལ་ཡི་གེ་ཧི་དཀར་པོའི་ས་བོན་ཁ་གྱུར་དུ་བལྟས ་པ་ལས་བདུད་རྩིའི་རྒྱུན་འབབ་པ་བདེ་བ་ཆེན་པོའི་འཁོར་ལོའོ། །འདི་དགའ་བ་དང་སྐད་ཅིག་མའི་རྣམ་པར་བཞག་པ་ནི་བླ་མའི་མན་ངག་ལས་རྟོགས་པར་བྱའོ། །འབད་པ་མེད་པར་ཟུང་དུ་འཇུག་པ་གཉིས་མེད་པར་འབྱུང་བའི་བྱང་ཆུབ་ཀྱི་སེམས་མངོན་དུ་བྱེད་པའི་རྒྱུའོ། །ངོ ་བོ་ཉིད་ཀྱི་རིམ་པའོ། །དེ་ནས་བསྒོམ་པས་དུབ་ན་བདག་མེད་མའི་ང་རྒྱལ་དང་ལྡན་པས་སྔགས་བཟླས་པར་བྱའོ། །དེ་ལ་འདིར་ལྷན་ཅིག་སྐྱེས་པར་གྲུབ་པ་ཕྲ་བ་དང་པོ་ཧཱུཾ་ཕཊ་མཐར་གནས་པའི་དབྱངས་བཅོ་ལྔའི་རང་བཞིན་གྱི་ཨ་ལ་སོགས་པའི་སྔགས་སོ།། ་འདི་ལྟ་སྟེ། ཨོཾ་ཨ་ཨཱ་ཨི་ཨའི་ཨུ་ཨའུ་རི་རཱི་ལི་ལཱི་ཨེ་ཨི་ཨོ་ཨཽ་ཨཾ་ཧཱུཾ་ཕཊ་སྭཱཧཱ། བདག་མེད་མ་དམར་མོའི་ང་རྒྱལ་དང་ལྡན་པས་གྲོང་ཁྱེར་དཀྲུག་པའི་སྔགས་བཟླས་པར་བྱའོ། །དེ་ལ་འདིར་སྔགས་ནི་ཨོཾ་ཨ་ཀ་ཙ་ཊ་ཏ་པ་ཡ་ཤ་སྭཱཧཱ་ཞེས་པའོ། །ོཾ་ཨ་ཀཱ ་རོ་མུ་ཁ་སརྦ་དྷརྨཱ་ཎཾ་ཨཱཏྱ་ནུཏཔནྣ་ཏྭཱཏ་ཨོཾ་ཨཱ(རྒྱུད་འགྲེལ་གི་ཀཀྐོ་ལའི་ནང་དུ་གནས་པའི་བོ་ལར་བྱའོ། །འགྲི་པ་གཉིས་ནི་དྲིལ་བུར་འགྱུར་བའོ།། །།གསང་སྔགས་ཚུལ་གྱི་བསྟན་བཅོས་སྙིང། །བླ་མ་དམ་པའི་འབད་པ་ལས་ཤེས་པ། །བདག་མེད་མ་ནི་རབ་ཏུ་གསལ་བ་ནི། །བདག་གི་སྙིང་རྗེ་ཡི་ནི་སེམས ་ཀྱིས་བྱས། །དཀྱིལ་འཁོར་འཁོར་ལོ་ཟབ་མོ་ཡི། །རྣམ་པར་ངེས་པར་འགྱུར་བ་ནི། །ཇི་ལྟར་འདིར་ནི་ལུས་ཅན་རྣམས། །རི་ཁྲོད་ཞབས་ཀྱི་ཆུ་སྐྱེས་ཀྱི། །རྡུལ་རྣམས་སྤྱི་བོས་མ་བླངས་པ། །དེ་དག་ངེས་པར་ཇི་ལྟར་འགྱུར། །མངོན་པར་རྟོགས་པ་འདི་ཡིས་ཐོབ་པ ་ཡིས། །དགེ་བ་འདི་ཡིས་འཇིག་རྟེན་མཛའ་དག་ནི། །སྲིད་པ་གསུམ་གྱི་སྡུག་བསྔལ་ཡིད་མི་བདེ་སྤངས་ཏེ། །རྡོ་རྗེ་འཛིན་པའི་གོ་འཕང་རབ་གནས་ཤོག་།དཔལ་པཎྜི་ཏ་གཉིས་སུ་མེད་པའི་རྡོ་རྗེས་མཛད་པའི་བདག་མེད་མའི་སྒྲུབ་ཐབས་རྫོགས་སོ།། །། ་རྒྱ་གར་གྱི་མཁན་པོ་བཛྲ་པཱ་ཎི་ལས་མཉན་ཏེ་སླད་ཀྱིས་དགེ་སློང་མཚུར་ཛྙཱ་ནཱ་ཀ་རས་བསྒྱུར་བའོ།། །།རྒྱ་གར་སྐད་དུ། ནཻ་རཱཏྨ་སཱ་དྷ་ནཾ་པོཥྚི་ཀ་ནིརྡེ་ཤ། བོད་སྐད་དུ། བདག་མེད་མའི་སྒྲུབ་ཐབས་རྒྱས་པར་བསྟན་པ་ཞེས་བྱ་བ། བཅོམ་ལྡན ་