Wylie

e-texts based on the ACIP/ALL Input

རྒྱ་གར་སྐད་དུ། ནཻ་རཱཏྨ་སཱ་དྷ་ནཾ་ནཱ་མ། བོད་སྐད་དུ། བདག་མེད་མ་ཞེས་བྱ་བའི་སྒྲུབ་པའི་ཐབས། བཅོམ་ལྡན་འདས་བདག་མེད་མ་ལ་ཕྱག་འཚལ་ལོ། །འཁོར་བ་བུད་མེད་འདུལ་གཟིགས་ནས། །བདག་མེད་རྣལ་འབྱོར་མར་བསྒྱུར་གང། །ཐུབ ་པས་ཕ་རོལ་ཕྱིན་ཕྱག་འཚལ། །སྒྱུ་མའི་ཕྱག་རྒྱ་ཕྱག་འཚལ་འདུད། །རྣལ་འབྱོར་དང་པོ་སློབ་དུས་ན། །ངེས་པའི་གནས་བཟང་བརྟག་བྱས་ཏེ། །གར་གནས་སྔགས་པས་སྒྲུབ་པ་ཡི། །སེམས་ནི་གཅིག་པུ་མཉམ་བཞག་པའི། །རི་དང་ཚང་ཚིང ་བྱ་སྐྱིབས་ནི། །མེ་ཏོག་འབྲས་བུ་སོགས་བརྒྱན་པའི། །རྡོ་རྗེ་དཀྱིལ་འཁོར་བཅས་བྱས་ལ། །སྙིང་གར་པཾ་ལས་པདྨ་སྟེ། །དེ་སྟེང་རཾ་ལས་ཉིད་ཀྱིས་འཁོར། །དེར་ནི་བསལ་བར་ཨ་བསམས་ཏེ། །དེ་ལས་འོད་ཟེར་རབ་འཕྲོས་པས། །རྡོ་རྗེ་ལས ་བྱུང་ཐུགས་རྗེ་ཆེན། ནམ་མཁར་རྗེ་བཙུན་དམིགས་བྱས་ལ། །རྒྱན་རྣམས་ཐམས་ཅད་འཛིན་པ་ཡི། །ལྷ་མོ་བརྒྱད་ཀྱིས་མཆོད་པར་བྱ། །གཽ་རཱི་རི་བོང་ཅན་འཛིན་ཅིང། །ཆོམ་རྐུན་མ་ནི་ཉི་མའི་སྣོད། །རོ་ལངས་མ་ནི་ལག་ན་ཆུ། །ཟ་བོད་མ་ནི ་སྨན་འཛིན་ཅིང། །པུཀྐ་སཱི་ལག་རྡོ་རྗེ་སྟེ། །དེ་བཞིན་རི་ཁྲོད་མ་རོ་འཛིན། །གཏུམ་མོ་ཅང་ཏེའུ་བརྡུང་བྱས་ཏེ། །འདི་རྣམས་ཀྱིས་ནི་གཙོ་བོ་མཆོད། །འདོད་ཆགས་ཆེན་པོའི་རྗེས་ཆགས་པས། །གཡུང་མོས་ཕྲག་ནས་འཁྱུང་པ་ཉིད། །བླ་མས ་སངས་རྒྱས་རབ་ཏུ་མཆོད། །བླ་མ་རྡོ་རྗེ་མཆོད་ནས་ནི། །བདུད་པོ་ཡོངས་སུ་དག་པ་བྱ། །སྡིག་པ་བྱས་པ་བཤགས་པ་དང། །བྱེད་པ་ཡང་ནི་སྡོམ་པ་དང། །བསོད་ནམས་དག་ལ་རྗེས་ཡི་རང། །དེ་ནས་ཡོངས་སུ་བསྔོ་བར་གྱིས། །དཀོན ་མཆོག་གསུམ་ལ་སྐྱབས་སུ་འགྲོ། །བྱང་ཆུབ་མཆོག་སེམས་བསྐྱེད་པ་དང། །ལམ་ལ་གནས་ཤིང་བདག་ཀྱང་ནི། །གཞན་གྱི་དོན་དུ་དབུལ་བ་དང། །གནང་ནོད་ཡང་ནི་ཚངས་པ་ཡི། །གནས་བཞིས་སེམས་ནི་དབུགས་ཕྱུང་སྟེ། །དང ་པོ་བྱམས་པ་བསྒོམ་པར་བྱ། །གཉིས་པ་སྙིང་རྗེའི་བྱེ་བྲག་བསྒོམ། །གསུམ་པ་དགའ་བ་བསྒོམ་པར་བྱ། །ཐམས་ཅད་ཐ་མ་བཏང་སྙོམས་སོ། །ཕྱིས་ནི་བྱང་ཆུབ་སེམས་བརྟན་བྱ། །དེ་ནས་བསྲུང་བའི་དམ་ཚིག་གོ་དང་པོ་བདེན་བརྫུན ་རྣམ་དཔྱད་ནས། །རྟོག་པ་བྱ་ན་བསྒོམ་མི་ནུས། །བསྐྱེད་པ་མེད་པར་རབ་སྦྱོར་བས། །བསྐྱེད་པ་འདི་ནི་རབ་བཤད་དོ། །ོཾ་ཤཱུ་ནྱ་ཏཱ་ཛྙཱ་ན་བཛྲ་སྭ་བྷཱ་བ་ཨཱཏྨ་ཀོ་ཧཾ། སྟོང་པར་རབ་བསྐྱེད་ཧཱུཾ་སྔོན་ལས། །སྣ་ཚོགས་རྡོ་རྗེའི་བསམ་གཏན་བྱ། །འགྲོ ་བའི་བདུད་རྣམས་སེལ་བྱེད་པ། །ཧཱུཾ་ལས་གསལ་བར་སྤྲོ་བར་བྱ། །ོཾ་རཀྵ་རཀྵ་ཧཱུཾ་ཧཱུཾ་ཞེས་བརྗོད་དོ། །འདི་ལས་རྡོ་རྗེས་བསྐོར་བའི་གུར། །བླ་རེ་ཡང་ནི་བསྒོམ་པར་བྱ། །ནམ་མཁའ་ཨི་ཁམས་སུ་བྷ་ག་བསམ། །དེ་ཡི་དབུས་སུ་བསྒོམ་པ་ནི། །ཡཾ་བྱུང་རླུང ་གི་དཀྱིལ་འཁོར་སྟེ། །སྔོན་པོ་གཞུ་བརྡུངས་བ་དན་མཚན། །རཾ་བྱུང་མེ་ཡི་དཀྱིལ་འཁོར་ནི། །རྡོ་རྗེའི་ཕྲེང་བསྐོར་གྲུ་གསུམ་དམར། །བཾ་ལས་བྱུང་བའི་དཀྱིལ་འཁོར་ཟླུམ། །དཀར་པོ་བུམ་པས་བསྐོར་བ་མཆན། །ལཾ་བྱུ ་དཀྱིལ་འཁོར་གྲུ་བཞི་སྟེ། །སེར་པོ་རྡོ་རྗེ་ཕྲེང་བ་བསྐོར། །བྷྲཱུཾ་ལས་འཁོར་ལོའི་སྟེང་དུ་བདག་།སྲིད་པ་བར་མ་བསམ་བྱས་ནས། །ེ་བཾ་ཉིད་དུ་རབ་ཏུ་འདྲེས། །འདྲེས་གྱུར་དེ་ལས་བྱུང་བ་ནི། །སངས་རྒྱས་ཕོ་བྲང་ཐུན་མོང་ཡིན། །ངོས་བཞི ་བ་དང་སྒོ་བཞི་དང། །རྟ་བབས་བཞི་ཡིས་བརྒྱན་བྱས་ཏེ། །དྲ་བ་དྲ་ཕྱེད་ཡང་དག་ལྡན། །ཀ་བ་བརྒྱད་ཀྱིས་ཉེ་བར་མཛེས། །ཆོས་འབྱུང་ལས་སྐྱེས་འཁོར་ལོ་ནི། །ཁ་སྦྱོར་གཉིས་དང་སྐྱོན་མེད་པ། །ཟེ་འབྲུ་ལ་ནི་གཅིག་ཉིད་ཏེ། ། ་གྲུ་གསུམ་ལས་ནི་གཞན་དུ་བརྗོད། །དེ་ཡི་དབུས་སུ་རོ་བསམས་ལ། །བཅོ་ལྔའི་གདན་ནི་བདག་ཉིད་དོ། །དེའི་སྟེང་དུ་ཟླ་བ་ཡིན། །ཟླ་བའི་སྟེང་དུ་ས་བོན་ཏེ། །ཕྱིས་ནི་ཉི་མས་མནན་པས་སོ། །གཉིས་སུ་འདུས་པའི་བདེ་ཆེན་པོ། །ཱ ་ལི་ཟླ་བའི་གཟུགས་སུ་གནས། །ཀཱ་ལི་ཉི་མའི་གཟུགས་གནས་ཏེ། །ཟླ་བ་ཉི་མ་གཉིས་འདུས་ལས། །གཽ་རཱི་ལ་སོགས་ས་བོན་ནི། ། ཨཱ་ཨི་ཨའི་ཨུ་ཨའུ་རི་རཱི་ལི་ལཱི་ཨེ་ཨི་ཨོ་ཨཽ་ཨཾ་ཨཱ་ལི་དང་པོ་བདག་མེད་མ། །ཱ་ལི་གཉིས ་པ་རྡོ་རྗེ་སྟེ། །ཱ་ལི་གསུམ་པ་གཽ་རི་སྟེ། །བཞི་པ་ཆུ་ཡི་རྣལ་འབྱོར་མ། །ལྔ་པ་རྡོ་རྗེ་མཁའ་འགྲོ་མ། །དྲུག་པ་པུཀྐ་སཱི་ཞེས་བརྗོད། །རི་ཁྲོད་མ་ནི་བདུན་པ་སྟེ། །གཏུམ་མོ་བརྒྱད་པར་ཤེས་པར་བྱ། །དགུ་པ་དང་ནི་གཡུང་མོ་ཉིད། །ཡང་ནི་གཽ་རཱི་ལྔ ་གཉིས་པ། །ཆོམ་རྐུན་མ་ནི་བཅུ་གཅིག་སྟེ། །བཅུ་གཉིས་རཽ་ལངས་མ་ཞེས་བྱ། །བཅུ་གསུམ་པ་ནི་ཟ་ཕོད་མ། །བཅུ་བཞི་ས་སྤྱོད་མ་ཞེས་བྱ། །བཅོ་ལྔ་པ་ནི་མཁའ་སྤྱོད་མ། །རྣལ་འབྱོར་མ་རྣམས་ས་བོན་ནོ། །ཟླ་བ་མེ་ལོང་ཡེ་ཤེས་ལྡན། ། ་མཉམ་ཉིད་ལྡན་པ་རྟ་བདུན་པ། །རང་ལྷའི་ས་བོན་ཕྱག་མཚན་ནི། །སོ་སོར་རྟོག་པ་ཡིན་ཞེས་བརྗོད། །ཐམས་ཅད་གཅིག་གྱུར་ནན་ཏན་ཏེ། །རྫོགས་པ་ཆོས་དབྱིངས་དག་པ་སྟེ། །འདི་དག་ཐམས་ཅད་རྫོགས་པ་ནི། །ཤེས་རབ་ཐབས་ཀྱི་རང་བཞིན ་ཏེ། ཟླ་བ་ཉི་མ་རབ་ཕྱེ་བས། །ཱ་ལི་ཤེས་རབ་ཀཱ་ལི་ཐབས། །གཽ་རཱི་ལ་སོགས་འདི་ལས་བྱུང། །དང་པོ་ནང་གི་ཁ་སྦྱར་བ། །ངེས་པར་རྣལ་འབྱོར་མ་ལྔ་གནས། །དབང་པོ་རྡོ་རྗེ་གཤིན་གཽ་རཱི། །ཆུ་བདག་ཆུ་ཡི་རྣལ་འབྱོར་མ། །ལུས་ངན་རྡོ་རྗེ ་མཁའ་འགྲོ་མ། །དབུས་སུ་བདག་མེད་རྣལ་འབྱོར་མའོ། །ཕྱི་རོལ་གྱི་ནི་ཁ་སྦྱོར་ལ། །དབང་ལྡན་དུ་ནི་པུཀྐ་སཱི། །བྱིན་ཟའི་གྲཝར་ནི་རི་ཁྲོད་མ། །བདེན་བྲལ་དུ་ནི་གཏུམ་མོ་སྟེ། །རླུང་གི་མཚམས་སུ་གཡུང་མོ་ཉིད། །འདི་དག་མཚམས་ཀྱི་རྣལ ་འབྱོར་མ། །ཤར་གྱི་ཕྱོགས་སུ་གཽ་རཱི་སྟེ། །ལྷོ་དང་ནུབ་དང་བྱང་དུ་ནི། །ཆོམ་རྐུན་རོ་ལངས་ཟ་ཕོང་མའོ། །འདི་དག་ཕྱོགས་ཀྱི་རྣལ་འབྱོར་མའོ། །སྟེང་ཞལ་མ་དང་འོག་ཞལ་མ། །ལྷ་མོ་ས་སྤྱོད་མཁའ་སྤྱོད་མའོ། །འཁོར་ལོའི་བདག་པོ་བདག ་མེད་མ། །ཞལ་གཅིག་མ་ལ་སྤྱན་གསུམ་དམར། །ཕྱག་གཉིས་སྐྲ་སེར་གྱེན་དུ་འགྲེང། །གཡོན་པ་ཐོད་པ་ཁ་ཊཝཱཾ་ག་།གཡས་པའི་ཕྱག་གིས་གྲི་གུག་འཛིན། །འཁོར་ལོ་རྣ་ཆ་མགུར་ཆུ་དང། །ལག་གདུབ་དང་ནི་སྐ་རགས་འཛིན། །སྐྱིལ་ཀྲུང ་ཕྱེད་པས་རོ་མནན་ནས། །སྟག་གི་པགས་པས་སྨད་བཀྲིས་ཤིང། །བདག་མེད་རྣལ་འབྱོར་ཇི་བཞིན་དུ། །འདི་དག་ཐམས་ཅད་མཚུངས་པར་བཤད། །རང་སྙིང་པད་སྙིང་ས་བོན་བསམ། །ཡེ་ཤེས་སྙིང་གར་ཡེ་ཤེས་བསྒོམ། །དགུག་པ་བྱས ་ཏ་ཡང་དག་མཆོད། །ཡེ་ཤེས་འཁོར་ལོ་བསྒོམ་པར་བྱ། །མིག་ལ་སོགས་པར་གཏི་མུག་སོགས། །རྡོ་རྗེ་གསུམ་ནི་གནས་གསུམ་དགོད། །གཏི་མུག་རྡོ་རྗེ་མིག་གཉིས་ལ། །རྣ་བར་ཞེ་སྡང་རྡོ་རྗེ་མ། །སྣ་ལ་སེར་སྣ་མ་ཞེས་བརྗོད། །ལ་ལ་འདོད ་ཆགས་རྡོ་རྗེ་མ། །རེག་ལ་ཕྲག་དོག་རྡོ་རྗེ་མ། །ཡིད་ལ་རྣལ་འབྱོར་བདག་མེད་མ། །སྐུ་གསུང་དེ་བཞིན་ཐུགས་ཀྱི་ནི། །ོཾ་དང་ཨཱ(རྒྱུད་འགྲེལ་གཏན་བྱ། །སྣ་ཚོགས་གཟུགས་སུ་ཡང་དག་བརྗོད། །འདི་ལྟར་རྣམ་པར་སྣང་མཛད་སོགས། །སྙིང་གའི་ས་བོན་འོད་ཟེར་ནི། །ལྕགས་ཀྱུའི་རྣམ་པས་བདེ་གཤེགས་བཀུག་།ལྷ་མོ་བརྒྱད་ཀྱིས་མཆོད་བྱས་ན། །དབང་བསྐུར་བ་ནི་བླང་བའོ། །བཅོམ ་ལྡན་དེ་བཞིན་གཤེགས་པ་ཀུན། བདག་ལ་དབང་བསྐུར་ལ་སོགས་གསོལ། །དེ་ནས་ཧེ་རུ་ཀ་ཡི་གཟུགས། །དེ་ནས་བདག་ལ་དབང་སྐུར་བསམ། །སེམས་དང་རྟག་པ་རིན་ཆེན་བདག་།སྣང་བ་མཛའ་ཡས་དོན་གྲུབ་རྣམས། །བདག་མེད་ཤར་གྱི ་རྡོ་རྗེ་སོགས། །རྣལ་འབྱོར་མ་ལྔ་རྒྱ་ཡེས་གདབ། །སེམས་དང་རྟག་པ་རིན་ཆེན་བདག་།སྣང་མཛའ་མཚམས་ཀྱི་རྣལ་འབྱོར་མ། །ཞེ་སྡང་གཏི་མུག་ང་རྒྱལ་ཆེ། །འདོད་ཆགས་རྡོ་རྗེ་ཕྱོགས་གནས་མ། །རྒྱས་གདབ་སྐུ་དང་གསུང་ཉིད་ཀྱིས། །མཁའ་ ་སྦྱོར་མ་དང་ས་སྤྱོད་མ། །དང་པོ་ནག་པོ་བསྒོམ་པར་བྱ། །གཉིས་པ་དམར་པོ་བསྒོམ་པ་སྟེ། །གསུམ་པ་སེར་པོ་བསྒོམ་པའོ། །དེ་བཞིན་བཞི་པ་ལྗང་གུའོ། །ལྔ་པ་ཁ་དོག་སྔོན་པོའོ། །དྲུག་པ་དཀར་པོར་རྣམ་པར་བསྒོམ། །རྣལ་འབྱོར་ཡན་ལག ་དྲུག་བསྒོམ་བྱ། །ལྟེ་བར་གཏུམ་མོ་འབར་བ་ཡིས། །དེ་བཞིན་གཤེགས་པ་ལྔ་བསྲེགས་ཏེ། །སྤྱན་ལ་སོགས་པ་ཡང་བསྲེགས་པས། །བསྲེག་པས་ཧཾ་ལ་རི་བོང་འཛག་།བསམ་གཏན་གྱིས་དུབ་རྣལ་འབྱོར་གང། །དེ་ནི་དག་པ་རྗེས་དྲན་བྱ། །གཟུགས ་ཕུལ་རྡོ་རྗེ་མ་ཡིན་ཏེ། །ཚོར་བ་གསང་བ་གཽ་རཱི་སྟེ། །དེ་བཞིན་ཆུ་ལྷ་འདུ་ཤེས་མ། །འདུ་བྱེད་རྡོ་རྗེ་མཁའ་འགྲོ་མ། །རྣམ་ཤེས་ཕུང་པོ་གཟུགས་སུ་ནི། །བདག་མེད་རྡོ་རྗེ་མ་གནས་སོ། །ས་ཁམས་པུཀྐ་སཱི་རུ་བརྗོད། །ཆུ་ཁམས་རི་ཁྲོད་མ་རུ་བརྗོད། ། ་དྲོད་ནི་གཏུམ་མོར་རབ་ཏུ་བརྗོད། །རླུང་ནི་གཡུང་མོར་རབ་ཏུ་གྲགས། །གཟུགས་ལ་གཽ་རི་རབ་ཏུ་གྲགས། །སྒྲ་ལ་ཆོམ་རྐུན་རབ་ཏུ་གྲགས། །དྲི་ཡི་ཆ་ལ་རོ་ལངས་མ། །རོ་ལ་དེ་བཞིན་ཟ་ཕོད་མ། །རེག་བྱ་ལ་ནི་ས་སྦྱོད་དེ། །ཆོས་ཀྱི་ཁམས་ལ་མཁའ་ ་སྤྱོད་མ། །ཞེ་སྡང་རྡོ་རྗེ་མར་བཤད་དོ། །འདོད་ཆགས་ཆུ་ཡི་རྣལ་འབྱོར་མ། །ཕྲག་དོག་རྡོ་རྗེ་མཁའ་འགྲོ་སྟེ། །སེར་སྣ་གསང་བའི་གཽ་རཱི་མ། །དེ་བཞིན་གཏི་མུག་རྡོ་རྗེ་སྟེ། །ཡིད་ལ་རྡོ་རྗེ་མཁའ་འགྲོ་མ། །ཞེ་སྡང་ལ་སོགས་དག་པའོ། ་སྐྱེས་པའི་བདུད་ནི་མགོ་བོ་འཛིན། །གྲི་གུག་ལྷ་ནི་གཅོད་པའོ། །ཐོད་པ་ཉོན་མོངས་མགོ་བོ་ཡི། །ཕུང་པོའི་བདུད་ནི་རེ་རི་བརྗོད་དོ། །མི་བསྐྱོད་པ་ནི་འཁོར་ལོའི་གཟུགས། །སྣང་བ་མཛའ་ཡས་རྣ་ཆའི་བདག་།མགུར་ཆུ་ལ་ནི་རིན་ཆེན་ ་བདག་།ལག་གདུབ་ལ་ནི་རྟག་པར་བརྗོད། །སྐ་རགས་ལ་ནི་དོན་ཡོད་གནས། །ཕྱག་རྒྱ་ལྔ་ནི་རྣམ་པར་དག་།བསམ་གཏན་གྱིས་དུབ་གསང་སྔགས་བཟླས། །ཱ་ལི་མཛའ་ཡི་ཨ་སྤངས་པ། །ོཾ་ཡིག་ཧཱུཾ་ཕཊ་དང་ལྡན་པའི། །སྭཱཧཱ ་མཐར་བཞག་གསང་སྔགས་སོ། །ོཾ་ཨ་ཨཱ་ཨི་ཨའི་ཨུ་ཨའུ་རི་རཱི་ལི་ལཱི་ཨེ་ཨི་ཨོ་ཨཽ་ཨཾ་ཧཱུཾ་ཕཊ་སྭཱཧཱ། འདོད་པའི་དོན་ཀུན་སྒྲུབ་པ་དང། །བཤེགས་ནི་ཟད་ཅིང་ཞི་བའི་ཕྱིར། །འོག་ནས་བཤད་པའི་ཆོ་ག་ཡིས། །མི་གཡོ་བས་ནི་གཏོར་མ་སྦྱིན། །རླུང ་མེ་ཐོང་པ་ལ་གནས་པ། །འབར་བར་བསྲོ་བ་ལ་སོགས་པས། །ཤ་ཆེན་བདུད་རྩི་ལྔ་བསྒྲུབ་པོ། །ཡི་གེ་གསུམ་གྱིས་བྱིན་བརླབས་པའི། །ོཾ་ཨིནད་ཛ་མ་ཛ་ལ་ཛཀྵ་བྷཱུ་ཏ་བ་ཧྣི་བ་ཨུ་རཀྵ་ཙནད་སཱུཛཛ་མཱ་ད་བཔྤ་ཏ་ལ་པ་ཏཱ་ལི་ཨཥྚཱ་སཔྤ་སྭཱཧཱ། ཨི་དཾ་བི་ལ་བྷུཾ་ཉྫ ་ཛིཾ་གྷ། པུལླ་དྷཱུ་བ་པུཉྩ?་མཱཾ་ས་བིདྒྷ། མམཙ?་སཔྤ་ཀཛཛ་སཱ་དྷ། ཁནྟི་ཁུ་ཎི་ཕེ་ཌ་ག་ད། ཨོཾ་ཨ་ཀཱ་རོ་མུ་ཁཾ་སརྦ་དྷརྨཱ་ཎཱཾ། ཨཱདྱཱ་ནུཏཔནྣ་ཏྭཱཏ། ཨོཾ་ཨཱ(རྒྱུད་འགྲེལ་རྫོགས་སོ།། །།རྒྱ་གར་གྱི་མཁན་པོ་ག་ཡ་དྷ་ར་དང། ལོ་ཙ་བ་དགེ་སློང་ཤཱཀྱ་ཡེ་ཤེས་ཀྱིས་བསྒྱུར་བའོ།། །།རྒྱ་གར་སྐད་དུ། ནཻ་རཱཏྨ་དེ་བཱི་པཉྩ་ད་ཤསྟོ་ཏྲ། བོད་སྐད་དུ། བདག ་