Wylie

e-texts based on the ACIP/ALL Input

ཡང?་ཀྱེ་རྡོ་རྗེ་རེ་རེ་བསམ་ལ་དེ་རེ་རེ་ལ་ཡང་ཀྱེ་རྡོ་རྗེ་དུ་མ་འཕྲོ་བ་དང། འདུ་བྱས་པ་ལས་བདག་དང་གཞན་གྱིས་དོན་རྫོགས་པར་བསམ་མོ། །དེ་ནས་རྟེན་འབྲེལ་གྱི་སྙིང་པོ་རབ་ཏུ་གནས་པ་དང་མཇུག་བསྡུ་བར་བྱའོ། །མཆོད་རྟེན་གྱི་ཆོ་ག?་ཞེས་བྱ་བ་སློབ་དཔོན་?་རིན?་ཅན? ་ནག་པོ་ཞབས་ཀྱིས་མཛད་པ་རྫོགས་ལྷོ?།། །?་པ་ཆེན་པོ་རྒྱལ་བའི་སྙན་བཟང་པོ་ལས་མཉན་ཏེ། ལོ་ཙ་བ་ཤཱཀྱའི་དགེ་སློང་ཉི་མ་རྒྱལ་མཚན་དཔལ་བཟང་པོས་དཔལ་ཐར་པ་གླིང་གི་གཙུག་ལག་ཁང་ཆེན་པོར་ལོགས་པར་བསྒྱུར་བའོ།། །། ་རྒྱ་གར་སྐད་དུ། མྲི་ཐུ?་ཝི?་དྷི་ཊཱ་མ། བོད་སྐད་དུ། གཤིན་གྱི་ཆོ་ག་ཞེས་བྱ་བ། ཀྱེ་རྡོ་རྗེ་ལ་ཕྱག་འཚལ་ལོ། །གང་ཟག་གང་ཕྱིར་ཤ་འཕོས་ཏེ། ཁྱེ?་རྡོ་རྗེའི་ལུགས་ཀྱིས་བདུན་ཚིགས་བྱེད་པར་འདོད་ན། །གོས་ལ་སོགས་པའི་རྟགས་གཅིག་ལ་རྟེན་བྱ་བའམ?། ཡང་ན་མིང ་ཤོག་བུ་ལ་བྲིའོ། །མཎྜལ་དང་མཆོད་པ་དང་གཏོར་མ་ཡང་གཞུང་ལྷར་བ་ཤམ་མོ། །དེ་ནས་རང་ལྷག་པའི་ལྟར་བསྒོམས?་ལ་ཡེ་ཤེས་ཀྱི་དཀྱིལ་འཁོར་སྤྱན་དྲངས་ཏེ། །མཆོད་པའི་ཁྱད་པར་གྱིས་མཆོད་ལ། བསྟོད་པས་བསྟོད་དེ། མཁའ་འགྲོ་མ་རྣམས་ལ ་གཏོར་མ་བསྔོས་ལ་འདོད་པའི་དོན་ལ་གསོལ་བ་གདབ་བོ། །དེ་ནས་རང་གི་སྙིང་གའི་ས་བོན་གྱིས་འོད་ཟེར་གྱིས། ཆེ་འཕོས་པའི་སེམས་ཡི་གེ་ཡ?་ཐུང་གི་གཟུགས་སུ་འོད་ཟེར་ལྕགས་ཀྱུས་བཀུག་ནས། རྟེན་གང་ཡིན་པ་ལ་བསྟིམ་མོ། །རྣམ་སྨིན་གྱི་ལུས་གང ་ཡིན?་པ་དེར་བསམས་ལ། རང་གི་སྙིང་གའི་ས་བོན་ལས་འོད་ཟེར་འཕྲོས་ཏེ། བསྒྲབ་བྱའི་སྙིང་གར་ཐིམ་པར་ལས་དང་ཉོན་མོངས་པ་ཐམས་ཅད་སྦྱངས་ཏེ། ལུས་ཤལ་ལྟ་བུར་བསམ་མོ། །དེ་ནས་མཁའ་འགྲོ་མ་དང་བཅས་པའི་ཡེ་ཤེས་ཀྱི་དཀྱིལ་འཁོར ་ངང་རིག་པའི་ལྷ་མོ་རྣམས་ཀྱིས་ཕྱག་ན་བསྣམས་པའི་བུམ་པ་བདུད་རྩིའི་ཆུ་རྒྱུན་གྱི་དབང་བཀུར་ཏེ། བཀྲུས་པས། བསྒྲུབ་བྱའི་སྒྲིབ་པའི་བག་ཆགས་ཐམས་ཅད་བྱང་བར་བསམ་མོ། །དེ་ནས་བཟླས་པ་བྱས་ཏེ། བདག་གི་སྙིང་གའི་ཡི་གེ་ལས་བཟླས་པའི་ཡི་གེའི ་ཕྲེང་བ་སྤྲུལ་འཁྱིལ་བའི་ཚུལ་དུ་བསྐོར་བར་བསམས་ལ། དེའི་ཕྲེང་སྔགས་གང་ཡིན་པ་བཟླས་པས་སྔགས་ཀྱིས་ཕྲེང་བ་ལབ?་འོད་ཟེར་འཕྲོས་པས། བསྒྲུབ་བྱའི་སྙིང་གར་ཐིམ་པས། ལུས་ངག་ཡིད་གསུམ་གྱི་སྒྲིབ་པའི་དྲི་མ་ཐམས་ཅད་བྱང་བར་བསམ་ཞིང་བཟླས་པར ་བྱའོ། །དེ་ནས་སྨོན་ལམ་གདབ་ཅིང་དགེ་བའི་རྩ་བར་བསྒྱུར་རོ། །དེ་ནས་སྒྲུབ?་བྱའི་ཤེས་པ་ཨ་ཐུང་དུ་དེ། ཡི་གེ་རླུང་གི་དཀྱིལ་འཁོར་གྱི་བཏག་ནས་ནམ་མཁར་བཞུགས་པའི་གཙོ་བོའི་ཐུགས་གར་ཐིམ་པར་བསམས་ཏེ། གནས་སྟོང་པའོ། །གལ་ཏེ་རྟན་མེད་པར་གྱུར་ན། ་གང་ཡིན་པའི་རྣམ་སྨིན་གྱི་ལུས་དེ་ཉིད་མངོན་གསུམ་དང་འཕྲ་བར་བསམས་ལ་མངོན་རྟོགས་སྔར་བཞིན་བྱའོ། །དེ་ལྟར་ཞག་བདུན་པ་ཐམས་ཅད་ལ་བྱའོ། །གཤིན་གྱི་ཆོ་ག་ཞེས་བྱ་བ། སློབ་དཔོན་ཆེན་པོ་ནག་པོ་ཞབས་ཀྱིས་མཛད་པ་རྫོགས་སོ།། །། ་པཎ་ཊི་ཏ་ཆེན་པོ་རྒྱལ་བའི་སྙན་ལས་ལེགས་པས་གཉན་ཏེ། ལོ་ཙཱ་པ་ཤཱཀྱའི་དགེ་སློང་ཉི་མ་རྒྱལ་མཚན་དཔལ་བཟང་པོས་དཔལ་ཐར་པ་གླིང་གི་གཙུག་ལག་ཁང་ཆེན་པོར་ལེགས་པར་བསྒྱུར་བའོ།། །།སའི་སྟེང་དུ་ཉི་ཟླ་ལྟར་རྒྱུར?་ཅིག?་།།དཔལ་ཧེ་རུ་?་?་གྱི་ཆོ་ག་བཞུས? ་རྒྱ་གར་སྐད་དུ། ཤྲཱི་ཧེ་རུ་ཀ་བྷ་ཏ་ནཱ་མ་མཎྜལ་ནོ་པཾ་ཀཱ། བོད་སྐད་དུ། དཔལ་ཧེ་རུ་ཀ་འབྱུང་བ་ཞེས་བྱ་བའི་དཀྱིལ་འཁོར་གྱི་ཆོ་ག། དཔལ་ཧེ་རུ་ཀ་ལ་ཕྱག་འཚལ་ལོ། །ཞབས་ནི་ཡོངས་སུ་བསྐྱོད་བའི་ཤིན་ཏུ་བཟློག་པར་དཀའ་བའི་དབའ་རླབས་ཡོངས་སུ་བགྲོད་པ ་དེ་ཞིན། །ཕྱག་རྣམས་རྣམ་པར་བསྐྱོད་པའི་རྣམ་རྒྱས་རླབས་ཀྱིས་གང་ནི་ཤིན་ཏུ་དག་པའི་རླབས། །ཕྱག་གི་གླང་པོ་ལ་སོགས་ཆུ་ན་རྒྱུ་བ་བཞིན་ཏེ་གྱེན་གྱི་དབུ་སྐྲ་མེ་དང་མཚུངས་དབུའི་ཕྲེང་ལྟར་བཞད་ཅིང་ཆུ་གཏེར་དྲི་མེད་ཁྲག?་འཐུང་ཁྱེད་གྱིས་སྐུས་ནི་སྲུང་གྱུར་ཅིག་།དཔལ ་ལྡན་ཁྲག་འཐུང་ཀུན་མཁྱེན་རིགས་པར་བཅས། །སྙིང་རྗེ་གཅིག་ཅིང་སྐྱོན་རྣམས་མ་ལུས་སྤངས། །ལྷན་ཅིག་སྐྱེས་དངོས་སྤྱི་བོས་བཏུད་བྱས་ཏེ། དེ་ཡིས་བསྡུས་པའི་དཀྱིལ་འཁོར་བརྗོད་པར་བྱ། །དཀྱིལ་འཁོར་ཆེན་པོའི་ལས་ནི་མ་གཏོགས་པར། །དངོས་གྲུབ་བླ་མེད་མཆོག ་