Wylie

e-texts based on the ACIP/ALL Input

ད་ཤྲི་ཛྙཱ་ནས་མཛད་པ་རྫོགས་སོ།། །།པཎྜི་ཏ་དེ་ཉིད་དང། ལོ་ཙ་བ་རྒྱ་བརྩོན་འགྲུས་སེངྒེས་བསྒྱུར་བའོ།། །*། །རྡོ་རྗེ་རྣལ་འབྱོར་མ་ལ་བསྟོད་པ་བཞུགས་སོ། །*། །རྒྱ་གར་སྐད་དུ། བཛྲ་ཡོ་གི་ནི་སྟོ་ཏྲ། བོད་སྐད་དུ། རྡོ་རྗེ་རྣལ་འབྱོར་ ་མལ་བསྟོད་པ། དཔལ་རྡོ་རྗེ་རྣལ་འབྱོར་མ་ལ་ཕྱག་འཚལ་ལོ། །བཅོམ་ལྡན་འདས་མ་རྡོ་རྗེ་རྣལ་འབྱོར་མ། །སྟོང་ཉིད་སྙིང་རྗེ་ལྡན་པའི་བདག་ཉིད་ཅན། །བསྐལ་པའི་མེ་འབར་འཇིགས་པའི་ཧཱུཾ་སྒྲ་སྒྲོགས། །རྡོ་རྗེ་གཏུམ་མོ་དེ་ལ ་ཕྱག་འཚལ་བསྟོད། །ཕག་གདོང་རྟོག་མེད་ཆེས་སྐུ་འགྱུར་མེད་སྟོན། །ཁྲོ་མོ་ཐུགས་རྗེས་འགྲོ་བའི་དོན་མཛད་མ། །འགྲོ་དོན་རྫོགས་མཛད་མཛེས་པའི་ཆ་ལུགS་ཅན། །རྟོག་མེད་འགྲོ་དོན་མཛད་ལ་ཕྱག་འཚལ་བསྟོད། །རབ་འཇིགས་དཔའ་ ་མོ་མ་རུངས་ཚར་གཅོད་མ། །སྤྱན་གསུམ་མཆེ་གཅིགས་སྐུ་གསུམ་དོན་དང་ལྡན། །ཉོན་མོངས་གཅོད་མཛད་འཇིགས་པའི་ད་རོ་ཅན། །བདུད་འདུལ་འཇོམ་པའི་སྐུ་ལ་ཕྱག་འཚལ་བསྟོད། །སྐྲ་གྲོལ་གཅེར་བུ་སྐྱོན་བྲལ་འཇིགས་པའི་གཟུང? ་ཉོན་མོངས་སྐྱོན་བྲལ་སེམས་ཅན་དོན་མཛད་མ། །ཐུགས་རྗེའི་ལྕགས་ཀྱུས་འགྲོ་དྲུག་གནས་ནས་འདྲེན། །ཕྲིན་ལས་རྫོགས་མཛད་དེ་ལ་ཕྱག་འཚལ་བསྟོད། །དུར་ཁྲོད་གནས་བཞུགས་རུ་དྲ་ཕོ་མོ་འདུལ། །དྲག་མོ་འཇིགས་ཚུལ་ཕཊ་ཀྱི་སྒྲ་སྒྲོགས ་ཤིང། །ཐབས་མཁས་ཐུགས་རྗེས་འགྲོ་བའི་དོན་མཛད་པ། །བདུད་འདུལ་དྲག་མོའི་སྐུ་ལ་ཕྱག་འཚལ་བསྟོད། །ཆོས་ཉིད་དོན་རྟོགས་འཆིང་བའི་ཚུལ་སྤངས་ཀྱང། །རོ་དང་ཉི་ཟླ་པདྨ་གདན་གྱི་ཡུལ། རྒྱན་རྣམས་ཀུན་གྱིས་རབ་མཛེས་ཁྲོ་མོའི་སྐུ།། ་ཡོན་ཏན་རྫོགས་མཛད་དེ་ལ་ཕྱག་འཚལ་བསྟོད། །གྲི་གུག་ཐོད་པ་ཁཊཝཱཾ་ཕྱག་ན་བསྣམས། །ཉོན་མོངས་གཅོད་མཛད་ཡེ་ཤེས་དོན་དང་ལྡན། །དུས་གསུམ་གཅོད་མཛད་སྐུ་གསུམ་ལྷུན་གྱིས་གྲུབ། །འགྲོ་བའི་དོན་མཛད་དེ་ལ་ཕྱག་འཚལ་སྟོད།། ་རིན་ཆེན་རང་བྱུང་རྡོ་རྗེ་མཁའ་འགྲོ་མ། །མི་འགྱུར་ཡེ་ཤེས་རྡོ་རྗེ་ཆོས་ཀྱི་སྐུ། །རྟོག་མེད་སྤྲོས་བྲལ་ཡེ་ཤེས་ཆོས་དབྱིངས་དོན། །ཡང་དག་གཉིས་མེད་སྐུ་ལ་ཕྱག་འཚལ་བསྟོད། །ལྷ་མོ་དྲུག་གི་རང་བཞིན་རྡོ་རྗེའི་རིགས། །དཔལ་འབར་འཇིགས་མཛད་ཁྲོ ་ཚུལ་འགྱིད?་བག་ཅན། །བདེ་ཆེན་རང་འབྱུང་ཕྱག་རྒྱ་ཆེན་པོའི་དོན། །ཉོན་མོངས་སྒྲོལ་མཛད་དེ་ལ་ཕྱག་འཚལ་བསྟོད། ཀུན་རྫོབ་དོན་དམ་རང་བཞིན་ཕག་མོ་ཏེ། །སྐུ་མདོག་དམར་བ་ཐུགས་རྗེའི་རང་བཞིན་ཅན། །འདོད་དགུ་ཕུན་ཚོགས་རྡོ་རྗེ་མཁའ་འགྲོ་མ།། ་བདེ་ཆེན་རབ་བྱུང་སྐུ་ལ་ཕྱག་འཚལ་བསྟོད། །དུར་ཁྲོད་རྒྱན་རྣམས་སྐུ་ལ་རྫོགས་པ་སྟེ། །གྲི་ཁུག་ཁ་ཊཱཾ་ཕྱག་མཚན་སོ་སོར་?་སྣམས། །ཐུགས་རྗེའི་རང་བཞིན་སྒྲ་གྲོལ་ཐུར་དུ་སྤུངས། །སྤྱན་དམར་འཇུག་ཞལ་དེ་ལ་ཕྱག་འཚལ་བསྟོད། །ཕྲིན་ལས་གྲུབ་པའི ་རྡོ་རྗེ་མཁའ་འགྲོ་མ། །བདེ་བའི་གནས་སུ་འདྲེན་པའི་ཐུགས་རྗེ་ཅན། །སྐྱོན་བྲལ་ཡང་དག་ལྷ་ཡི་ལྷར་གྱུར་མ། །རྡོ་རྗེ་འཕྲུལ་མ་ཆེ་ལ་ཕྱག་འཚལ་བསྟོད། །དཔལ་རྡོ་རྗེ་རྣལ་འབྱོར་མ་ལ་བསྟོད་པ་པཎྜི་ཏ་ཆེན་པོ་དཱི་པཾ་ཀ་ར་ཤཱི་ཛྙཱ་ནས་མཛད་པ་རྫོགས་སོ།། །། ་པཎྜཱི་ཏ་དེ་ཉིད་དང། ལོ་ཙ་བ་ཁུ་ནེ་ཙོས་བསྒྱུར་བའོ།། མངྒ་ལཾ།། །།*། །ཕག་མོའི་མདོར་བསྡུས་པའི་བསྟོད་པ་བཞུགས། །*། །རྒྱ་གར་སྐད་དུ། བཛྲ་བཱ་རཱ་?་ཀྵ་བ་ཏ་སྟོ་ཏྲ། བོད་སྐད་དུ། རྡོ་རྗེ་ཕག་མོའི་མདོར་བསྡུས་པའི་བསྟོད་པ། རྗེ་བཙུན ་