Wylie

e-texts based on the ACIP/ALL Input

ཙཨཱརྱ་བྷ་དེནྡྲ?་རུ་ཙེ་དང། ལོ་ཙ་བ་བློ་ལྡན་ཤེས་རབ་ཀྱིས་བསྒྱུར་བའོ།། །།རྡོ་རྗེ་ཕག་མོ་དབུ་བཅད་མའི་སྒྲུབ་ཐབས་བཞུགས་སོ། ། *། །རྒྱ་གར་སྐར་དུ། ཚིནད་མུཎྜ་བཛྲ་བཱ་རཱ་ཧཱི་སཱ་དྷ་ནཾ། བོད་སྐད་དུ། རྡོ་རྗེ་ཕག་མོ་དབུ་བཅད་མའི་སྒྲུབ་ཐབས། དཔལ ་རྡོ་རྗེ་ཕག་མོ་ལ་ཕྱག་འཚལ་ལོ། །རྣལ་འབྱོར་མ་ཡི་འཁོར་ལོ་གཙོ། །འཇིག་རྟེན་གསུམ་བརྒྱན་སེམས་ཅན་རྣམས། །ཀུན་གྱི་ཕན་འབྱུང་དཔལ་རྡོ་རྗེ། །རྣལ་འབྱོར་མ་ཁྱོད་ལ་ཕྱག་འཚལ། །སྔགས་པས་ཐོ་རངས་ལངས་ཏེ། རྣལ་འབྱོར་མ་དང་མཐུན་པའི་སའི ་ཆར་སྟན་བདེ་བ་ལ་འདུག་སྟེ། ཇི་སྐད་བརྗོད་པའི་ཕྱོགས་སུ་བལྟས་ནས། དང་པོ་རེ་ཞིག་སྔགས་པས་གནས་དང་བདག་དང་རྣལ་འབྱོར་བསྲུང་བའི་དོན་དུ་ཨོཾ་ཨཱ:ཧཱུཾ་ཞེས་བརྗོད་དོ། །དེ་ནས་དམ་ཚིག་ཅན་རང་གི་ལྟེ་བའི་དབུས་སུ་པདྨ་དཀར་པོ་རྣམ་པར་རྒྱས་པ ་བསྒོམས་ཏེ། དེའི་སྟེང་དུ་འོད་ཟེར་ལྷག་པ་དང་བཅས་པའི་ཉི་མའི་དཀྱིལ་འཁོར་བལྟའོ། །དེའི་སྟེང་དུ་ཨརྒའི་མེ་ཏོག་དང་འདྲ་བའི་ཡི་གེ་ཧྲཱི:ལས་ཡང་དག་པར་བྱུང་བའི་སྣ་ཚོགས་པདྨ་དང་ཉི་མའི་དཀྱིལ་འཁོར་ལ་གནས་པའི་ཆོས?་འབྱུང་རྣམ་པར་བསྒོས ་ནས། །དེར་ཡི་གེ་ཧཱི:ཡོངས་སུ་གྱུར་པ་ལས་བཅོམ་ལྡན་འདས་མ་རྡོ་རྗེ་ཕག་མོ་སྐུ་མདོག་སེར་མོ་དཔལ་དམར་བ་ཉིད་ཀྱི་ཕྱག་གི་གྲི་གུག་གིས་ཉིད་ཀྱི་དབུ་བཅད་ནས་ཕྱག་གཡོན་པས་སྟེང་དུ་འཛིན་ཅིང། གྲི་གུག་དང་བཅས་པའི་ཕྱག་འོག་ཏུ་བརྒྱད་པ་ལ་ཞབས ་གཡས་བརྐྱང་བས་བཞུགས་བ། ཐོད་པས་དབུ་རྒྱན་པ། དབུ་སྐྲ་དང་ན་བཟའ་གྲོལ་བ་ཕྱག་རྒྱ་ལྔས་བཏབ་པའི་སྐུ་ཅན་གྱི་སངས་རྒྱས་མཁའ་འགྲོ་མ་དབུས་སུ་བསྒོམས་པར་བྱའོ། དེ་ནས་དབུ་བཅད་པའི་མགྲིན་པའི ་སྤུབས་ནས་གྱེན་དུ་འབབ་པའི་ཁྲག་གི་རྒྱུན་རང་གི་ཞལ་དུ་འཇུག་ཅིང། དེ་བཞིན་དུ་ངོས་གཉིས་ན་གནས་པའི་རྣལ་འབྱོར་མ་གཉིས་པོའི་ཞལ་དུ་ཡང་འཇུག་པར་བསྒོམ་པར་བྱའོ། །དེ་ནས་གཡོན་ངོས་ན་བཞུགས་པའི་ལྔ་མོ་རྡོ་རྗེ་རབ་བསྔགས་མ་མདོག ་ལྗང་གུ་དང། གཡས་ཀྱི་ཆར་བཞུགས་པའི་ལྷ་མོ་རྡོ་རྗེ་རྣམ་པར་སྣང་མཛད་མ་མདོག་སེར་མོ་སྟེ་གཡོན་དུ་ནི་གཡོན་དང་གཡས་པས་གྲི་གུག་དང་ཐོང་བ། གཡས་སུ་ནི་གཡས་དང་གཡོན་པས་གྲི་གུག་དང་ཐོད་པ་འཛིན་པ། གཡས་སུ་ནི་ཞབས་གཡས ་བརྒྱད་བ་གཡོན་དུ་ནི་ཞབས་གཡོན་བརྐྱང་བ། དབུ་སྐྲ་དང་ན་བཟའ་གྲོལ་བ་བསྒོམ་པར་བྱའོ། །ངོས་གཉིས་ན་བཞུགས་པ་དབུས་དང་བཅས་པའི་རྣལ་འབྱོར་མ་རྣམས་འགྱིང་ཞིང་འཇིགས་སུ་རུང་བ་བསྒོམ་པར་བྱ་སྟེ། འདི་ནི་བསྒོམ་པར་བྱ་བའི ་གནས་ཡིན་ནོ། །དེ་ནས་མཆོད་པ་བརྗོད་པར་བྱ་སྟེ། མདུན་དུ་ཙན་དན་དམར་པོ་ཡི། །ཆུ་ཡི་ས་མཎྜལ་བྱས་ནས་ནི། །དེར་ནི་ཉི་མའི་དཀྱིལ་འཁོར་ལ། །གནས་པའི་ཆོས་འབྱུང་བྲི་བར་བྱ། །དེ་ནས་དེར་ནི་ཧྲཱི:ཡིག་ལས། །སྐྱེས་གྱུར་སྔར ་བཤད་མཚན་ཉིད་ཅན། །རྡོ་རྗེ་རྗེ་བཙུན་ལྷ་མོ་ནི། །རིམ་གྱིས་ཆོ་ག་བཞིན་དུ་མཆོད། །དེ་ལ་ཨོཾ་སརྦབ་བུདྡྷ་ཌཱ་ཀཱི་ནཱི་ཡེ་ཧཱཾ་སྭཱཧཱ། ཞེས་བྱ་བའི་སྔགས་ཀྱིས་ཆོས་འབྱུང་གནས་ཀྱི་དཀྱིལ་དུ་མེ་ཏོག་དབུལ་བར་བྱའོ། །དེ་ནས་དེར་ཡོན་ཆབ་དང་མེ་ ་ཏོག་དང་སྤོས་དང་དྲི་དང་མར་མེ་དང་ཀུན་ཏུ་བཟང་པོས་མཆོད་པར་བྱའོ། །དེ་ནས་དེ་བཞིན་དུ་གཡོན་ངོས་སུ་ཨཾ་བཛྲ་ཝརྞྞ་ནཱཾ་ཡེ་ཧཱུཾ་སྭཱཧཱ། ཞེས་བྱ་བའི་སྔགས་སོ། །དེ་ནས་གཡས་ངོས་སུ་ཨོཾ་བཛྲ་བཻ་རོ་ཙ་ནཱི་ཡེ་ཧཱུཾ་སྭཱཧཱ། ཞེས་བྱ་བའི་སྔགས ་ཀྱིས་སོ། །དེ་ནས་གཞན་ཡང། ཨུ་དྷི་ལ་ཕུལླི་ར་མ་ལ་གི་རི། ཀ་མ་ལ་ཁྱི་ཤྲི་ཧ་ཏ་ཞེས་པའི་སྔགས་ཀྱིས་བསྟོད་པS་མཆོད་པ་བྱའོ། །གཞན་ཡང། །དྷརྨམ་སཾ་བྷོ་ག་ནིརྨ་ཎ་མཧྣ?་སུ་ཁ་ཀཱ་ཡ་ཞེས་པའི་སྔགས་བརྗོད་པར་བྱའོ། །དེ་ནས་སརྦ་བུདྡྷ་ཌཱ་ཀི་ཎཱི ་ཡེ། ཨོཾ་བཛྲ་ཝརྞྞ?་ནཱི་ཡེ། ཨོཾ་བཛྲ་བཻ་རོ་ཙཱ་ནཱི་ཡེ་ཧཱུཾ་ཧཱུཾ་ཧཱུཾ་ཕཊ་ཕཊ་ཕཊ་སྭཱཧཱ། ཞེས་པའི་སྔགས་སྔོན་དུ་བསྙེན་པ་འབུམ་ཕྲག་གཅིག་ཡོངས་སུ་བཟླས་ན། བགེས་ཐམས་ཅད་ཉེ་བར་ཞི་བར་བྱེད་དོ། །འབུམ་ཕྲག་གཉིས་བཟླས་པས ་བུད་མེད་རྣམས་གཡོ་བར་བྱེད་དོ། །འབུམ་ཕྲག་གསུམ་བཟླས་ན་གྲོང་ཁྱེར་གཡོ་བར་བྱེད་དོ། །འབུམ་ཕྲག་བཞི་བཟླས་ན་རྒྱལ་པོ་གཡོ་བར་བྱེད་དོ། །འབུམ་ཕྲག་ལྔ་བཟླས་ན་ཇི་ལྟར་འདོད་པའི་དོན་སྒྲུབ་པར་བྱེད་དོ། །ཆུ ་འགྲམ་མམ། དུར་ཁྲོད་དམ། ཤིང་གཅིག་གི་དྲུང་དམ། ལྷ་གནས་སམ། མ་མོའི་ཁྱིམ་མམ། གྲོང་མཚམས་སུ་དེ་བཞིན་དུ་བསྒྲུབ་པར་བྱའོ། །ནམ་མཁའ་ཨི་གོས་ཀྱི་རང་བཞིན་ཅན། །བཀྲ་ཤིས་པའི་རྣལ་འབྱོར ་པས། །ཇི་སྲིད་རྣམ་རྟོག་ཀུན་སྤངས་ཀྱི། །བར་དུ་ཐུབ་པས་གནས་པར་བྱ། །ོཾ་སརྦབ་བུདྡྷ་ཌཱ་ཀི་ནཱི་ཡེ། ཨོཾ་བཛྲ་ཝ་རྞྞ་ནི་ཡེ། ཨོཾ་བཛྲ་བཻ་རོ་ཙ་ནཱི་ཡེ་པུཥཔཾ་དྷུ་པཾ་དཱི་པཾ་གནདྷཾ་བ་ལིཾ?་གྲིཧྞ་གྲིཧྞ་མ་མ་རཀྵ་རཀྵ ་ཧཱུཾ་ཧཱུཾ་ཧཱུཾ་ཕཊ་ཕཊ་ཕཊ་སྭཱཧཱ། །ཞེས་པས་གཏོར་མ་སྦྱིན་ནོ། །ལྷ་མོ་དཔལ་གྱི་བློ་གྲོས་མས་མཛད་པའི་སྒྲུབ་ཐབས་རྫོགས་སོ།། །། ་བལ་པོའི་པཎྜི་ཏ?་ཨཱ་ཙཨཱརྱ་བྷ་རེནྡྲ་རུ་ཙེ་དང། ལོ་ཙཱ་བ་བློ་ལྡན་ཤེས་རབ་ཀྱིས་བསྒྱུར་བའོ།། །། ་