Wylie

e-texts based on the ACIP/ALL Input

དཔོན་ཨིནྟ?་བྷཱ་ཏིས་མཛད་པ་རྫོགས་སོ།། །།ལོཙྪ་བ་ཡེ་ཤེས་རྡོ་རྗེས་བསྒྱུར་ཅིང་ཞུས་ཏེ་གཏན་ལ་ཕབ་པའོ།། །།རྡོ་རྗེ་རྣལ་འབྱོར་མའི་སྒྲུབ་ཐབས་བཞུགས་སོ། །*། །རྒྱ་གར་སྐད་དུ། བཛྲ་ཡོ ་གི་ནི་སཱ་དྷ་ན། བོད་སྐད་དུ། རྡོ་རྗེ་རྣལ་འབྱོར་མའི་སྒྲུབ་པའི་ཐབས། རྣལ་འབྱོར་དཀྱིལ་འཁོར་ནད་ན་མ་ཉིད་གཙོ། །ཁྱོད་ནི་འཇིག་རྟེན་གསུམ་གྱི་ཐིག་ལེ་སྟེ། །ཁྱོད་ནི་སེམས་ཅན་ཀུན་ལ་ཕན་པར་བྱེད། །རྡོ་རྗེ་རྣལ ་འབྱོར་མ་ལ་ཕྱག་འཚལ་ལོ། །ོཾ་ཨཱ(རྒྱུད་འགྲེལ་བསྒོམས་ལ། དེའི་སྟེང་དུ་ཤིན་ཏུ་དམར་བའི་ཉི་མའི་དཀྱིལ་འཁོར་བསྒོམ་པར་བྱའོ། །དེའི་སྟེང་དུ་ལི་ཁྲིའི་མདོག་ལྟ་བུའི་དབུས་སུ་ཡི་གེ་ཧྲིཾ་ཧྲིཾ་གནས་པའི་ཆོས་ཀྱི་འབྱུང་གནས་བསྒོམ་མོ། །དེ་ལ་གནས་པའི་ཡི་གེ་ཧྲི་ཡོངས ་སུ་གྱུར་བ་ལས། དེའི་སྟེང་དུ་རྗེ་བཙུན་རྣལ་འབྱོར་མ་སྐུ་མདོག་སེར་པོ། །རང་གི་གྲི་གུག་གིས་རང་གི་མགོ་བཅད་ནས། རང་གི་ལག་པ་གཡོན་པས་གྱེན་དུ་བརྐྱང་སྟེ་བཟུང་བ། ཕྱག་གཡས་པ་གྲི་གུག་དང་བཅས་པ་འོག་ཏུ ་བརྐྱང་བ། གཅེར་བུ་ཞབས་གཡས་པ་བརྐྱང་བ། གཡོན་བསྐུམ་པ་བསྒོམ་པའོ། །མགྲིན་པ་བཅད་འཕྲོ་ནས་ཁྲག་གིས་རྒྱུན་འཛག་པ། །རང་གི་ཞལ་དུ་འཇུག་ཅིང། གཞན་གཉིས་གྱེན་ལ་ལོག་ནས་གནས་པ། རྣལ་འབྱོར ་གཉིས་ཀྱི་ཞལ་དུ་འབབ་པ་བསྒོམ་པར་བྱའོ། །གཡས་དང་གཡོན་པའི་ལོགས་ན་གནས་པའི་ཁ་དོག་སྔོ་བསངས་མ་བཛྲ་ཝརྞ་ནི་མ་དང། ཁ་དོག་སེར་མོ་རྡོ་རྗེ་རྣམ་པར་སྣང་མཛད་མའོ། །གཡོན་དང་གཡས་ཀྱི་ཕྱག་གི་གྲི་གུག་དང་བཅས་པ་དང ་གཡོན་པ་དང་གཡས་པའི་ཕྱག་ཐོད་པ་དང་བཅས་པའོ། །གཡས་ཕྱོགས་ཀྱི་ཞབས་གཡས་པ་བརྐྱང་བ། གཡོན་ཕྱོགས་ཀྱི་གཡོན་པ་བརྐྱང་བ། ཞབས་གཞན་བསྐུམ་པ། ཐོད་པ་དང་མགོ་བོས་བརྒྱན ་པ། ཡན་ལག་རྒྱན་ཀུན་གྱིས་བརྒྱན་པ། སྐྲ་གྲོལ་བ་བསམ་པར་བྱའོ། །ལོགས་གཉིས་ཀྱི་དབུས་མའི་རྣལ་འབྱོར་མ་ཤིན་ཏུ་འཇིགས་པ་བསྒོམ་པར་བྱའོ། །དེ་ནི་བསྒོམ་པའོ། །མཆོད་པ་བརྗོད་པར་བྱ་སྟེ། མཎྜལ་བྱས་ནས་ཉི་མའི ་གཞི་ལ་གནས་པའི་ཆོས་ཀྱི་འབྱུང་གནས་བྲིས་པ་ནི་ཡི་གེ་ཧྲཱི(རྒྱུད་འགྲེལ་གནས་ཀྱི་དབུས་སུ་མཆོད་པར་བྱའོ། །ཕྱི་ནས་ཨརྒྷ་དང། མེ་ཏོག་དང། བདུག་སྤོས་དང། དྲི་ལ་སོགས་པ་རྣམས་ཨོཾ་སརྦ་བུདྡྷ་ཌཱ་ཀི་ནཱི་ཧཱུཾ་ཧཱུཾ་ཕཊ་སྭཱཧཱ། ཞེས་བྱ་བའི་སྔགས་ཀྱིས་མཆོད་པར་བྱའོ། །ཕྱི་ནས་གཡོན་ཕྱོགས་སུ་ཨོཾ་བཛྲ་ཝ་རྞ་ནཱི ་ཡེ་ཧཱུཾ་སྭཱཧཱ། ཞེས་བྱ་བའི་སྔགས་ཀྱིས་སོ། །དེ་ནས་གཡས་ཕྱོགས་སུ། ཨོཾ་བཛྲ་བཻ་རོ་ཙ་ནཱི་ཡེ་ཧཱུཾ་སྭཱཧཱ། ཞེས་བྱ་བ་འདིས་སོ། །དེ་ནས་གཞན་ཡང། ཨེ་དི་ཡན་སུ་ལ། གི་རི་ཀ་མ་ཀ་ཤི་རི་ཧ་ཏ་ཞེས་བྱ་བའི་སྔགས་ཀྱིས་ཀྱང་མཆོད་པར ་བྱའོ། །གཞན་ཡང་དྷརྨཱ་སཾ་བྷོ་ག་།ནི་རྨ་མཧཱ་སུ་ཁ་ཞེས་བྱ་བའི་སྔགས་ཀྱིས་ཀྱང་མཆོད་པར་བྱའོ། །ོཾ་སརྦ་བུདྷ་ཌཱ་ཀི་ནཱི་ཡེ། ཨོཾ་བཛྲ་ཝརྞ་ནཱི་ཡེ། ཨོཾ་བཛྲ་བཻ་རོ་ཙ་ནཱི་ཡེ་ཧཱུཾ་ཧཱུཾ་ཧཱུཾ་ཕཊ་ཕཊ་ཕཊ་སྭཱཧཱ། ཞེས་བྱ་བའི་སྔོན་དུ་བསྙེན་པ ་འབུམ་ཕྲག་གཅིག་བཟླས་པ་བྱས་ན་བགེགས་ཐམས་ཅད་སྐྲོད་པར་འགྱུར་རོ། །འབུམ་ཕྲག་གསུམ་བཟླས་ན་གྲོང་ཁྱེར་སྐྲོད་པར་འགྱུར་རོ། །འབུམ་ཕྲག་བཞི་བཟླས་ན་གྲོང་བརྡལ་སྐྲད་པར་འགྱུར་རོ། །འབུམ་ཕྲག་ལྔ་བཟླས་ན་གང་འདོད ་བ་དེ་འགྲུབ་བར་བྱེད་དོ། །ཆུ་མདོ་འམ། དུར་ཁྲོད་དམ། ཤིང་གཅིག་གམ། ལྷའི་ཁང་པའམ། མ་མོའི་ཁང་པ་འམ། ཡུལ་གྱི་མཐར་བསྒྲུབ་པར་བྱའོ། །སྐྲ་གྲོལ་བ། གཅེར་བུར་གྱུར་བ། དོགས་པ་ཐམས་ཅད་སྤངས་ཏེ་སྨྲ་བ་བཅད་ལ་བསྒོམ་པར ་བྱའོ། །ོཾ་སརྦ་བུ་དྷ་ཌཱ་ཀི་ནི། ཨོཾ་ཝརྞ་ནཱི་ཡེ། ཨོཾ་བཛྲ་བཻ་རོ་ཙ་ནཱི་ཡེ། གནདྷཾ། པུཥཔཾ། བ་ལཾ་གྲིཧྞ་མ་མ་རཀྵ་རཀྵ་ཧཱུཾ་ཧཱུཾ་ཧཱུཾ་ཕཊ་ཕཊ་ཕཊ། དཔལ་ལྷ་ལྕམ་ལེགས་སྨིན་ཀ་རས་མཛད་པའི་རྣལ་འབྱོར་མའི་སྒྲུབ་ཐབས་རྫོགས་སོ།། །། ་