| Wylie | e-texts produced with BDRC’s OCR application |
གྱི་ཕྱག་རྒྱ་བྱས་པ། གཡོན་པས་བྱང་ཆུབ་ཀྱི་ཤིང་ལ་འཇུས་པ། དེའི་མིག་གཉིས་རང་གིས་ཁྲག་གིས་ཕྱེ་ལ། དེའི་མདུན་རྩ་ཀུ་ཤའི་མདུན་དུ་བསྡོད་པ་འམ། ཡང་ན་གཞན་ཡང་རུང་སྟེ། གཅེར་བུར་བྱས་ལ། ་འབུམ་ཕྲག་གཅིག་བསྙེན་པ་བསྐུལ་ཏེ། དེ་ནས་ཡུངས་ཀར་སྟོང་ཕྲག་བརྒྱད་ལ། རྡོག་པོ་རེ་ལ་སྔགས་ལན་རེ་བཟླས་སྙིང་གར་བརྒྱབ་པས་སྟོང་ཚེ་བརྒྱད་རྫོགས་པའི་རྗེས་ལ་ཆོས་བཅུ་བཞི་ལ་གཏོར་མ་ཆེན་པོ་དབུལ ་ཞིང་མཆོད་པ་ཆེན་པོ་བྱའོ།། དེ་ནས་མི་སྡུག་པའི་གཟུགས་ཅན་ནམ། ཡང་ན་དྲི་ཞིམ་པོས་བྱུག་ནས་འོང་བར་འགྱུར་རོ།། དེ་ལ་འཇིགས་པར་མི་བྱའོ།། པི་ལུ་པཱ་ལ་ཞེས་བྱ་བའི་གྲོགས་པོ་ཁམས་བདེ་འམ་ཞེས་དྲིས་ཏེ། མེ་ཏོག ་པོ་དང་། ཙན་དན་དཀར་པོ་སྲེས་པས་མཆོད་ཡོན་དབུལ་ལོ།། དེ་ནས་ཁོ་ན་རེ་བདག་གིས་ཅི་བགྱི་ཞེས་ཟེར་ན། ང་ཅི་ཟེར་བ་གྱིས་ཤིག་ཅེས་སྨྲའོ།། དེ་བཞིན་དུ་བགྱིའོ།། ཞེས་ཟེར་ནས་མི་སྣང་བར་འགྱུར་རོ།། དེ་ནས་གང་བསྒོ་བ་བྱེད་པ ་དང་། མཚན་མོ་དཔག་ཚད་བརྒྱ་ནས་ཀྱང་བུད་མེད་འགུགས་པ་དང་། ཕར་སྐྱེལ་བ་དང་། གྲུབ་པའི་དངུལ་ཆུ་དང་བཅུད་ལེན་དང་། འདོད་པའི་རྫས་དང་རྒྱགས་ཀྱང་སྟེར་རོ།། སྡུག་པའི་དུས་སུ་དྲན་པར་བྱས་ན་ཕྲག་པ་ལ་ཁུར་ནས ་གར་འདོད་པ་དེར་སྐྱེལ་ལོ།། ཕན་པ་དང་གནོད་པ་ཡོང་བཤད་དོ།། ཁྱད་པར་དུ་ལན་གཉིས་ལན་གསུམ་བསྒྲུབས་ན། བྲམ་ཟེ་གསད་ཀྱང་ངེས་པར་འགྲུབ་པོ།། བི་ལུ་བ་ལ་ཞེས་བྱ་བའི་སྒྲུབ་ཐབས་རྫོགསོ།། ་རྒྱ་གར་སྐད་དུ། བཻ་ཤཱ་ཙ་དྷཱ་ར་མ་ཎི་སཱ་དྷ་ནཱཾ། བོད་སྐད་དུ། ཤཱ་ཟ་ནོར་བུ་འཛིན་པའི་སྒྲུབ་ཐབས། ན་མོ་བྷ་ག་ཝ་ཏི། པི་ཤཱ་ཙཱ་ཡ་ཨཾ་ཀ་ཀ་ཎ་ཀ་ན་པི་ཤྱཱ་ཙ་དྷཱ་ར་མ་ཎི་སྱཱཧྨ། ཞེས་སོ།། བུད་མེད་དང་། སྐྱེས་པ་དང་། ཁྱེའུ་དང་། བུ་མོ་དག་ཉལ་བའི ་ལག་པ་ལས་གོང་ཀ་མེད་པ་སྦྱར་གང་ཁྱེར་ཏེ་ཐལ་བའི་ཕུང་པོའི་ཁར་སྔགས་བཟླས་ཤིང་ཆུ་གཙུགས་ཏེ་ཆུ་གཙགས་ཟིན་པ་དང་། ཀ་མེད་པར་གོང་པོ་དེ་ཐལ་བའི་འོག་ཏུ་ཕོ་ལ་བཱ་ཏང་། དེ་ནས་ཏཱ་ལོ་ཙམ་དུ་རིང་པོའི་སྐྱེས་པ་གཅིང་ཕུས་ཅིག ་མཐོང་བར་འགྱུར་རོ།། དེ་ལ་འཇིགས་པར་མི་བྱའོ།། འདི་སྐད་བརྗོད་དེ། ཁྱེའུ་ཡི་གཟུགས་ཀྱིས་ལྷ་མིན་བུག་པར་འགྲོ་བའི་གྲོགས་པོ་དང་། དངོས་གྲུབ་ཐམས་ཅད་འགྲུབ་པར་གྱིས་ཤིག་ཅེས་བརྗོད་དོ།། དེ་བཞིན་དུ་འགྲོགས་པོར་གྱུར་པས ་མདུན་དུ་མར་མེ་ཁྱེར་ནས་འགྲོ་བ་དང་། བར་ཆད་ཤད་པ་དང་། འཁྲུལ་འཁོར་བཤིག་པར་འགྱུར་རོ།། ཟླ་བ་ཕྱེད་ལ་བདག་ཉིད་སྟོན་པར་འགྱུར་རོ།། དོན་གཞན་ཡང་བྱེད་པར་འགྱུར་རོ།། དྲུག་པའི་འདྲའི་སྒྲུབ་ཐབས་རྫོགས་སོ།། ་རྒྱ་གར་སྐད་དུ། ཀྲྀཥྞ་པི་ཤཱ་ཙྱཻ་སཱ་དྷཱ་ནཾ། བོད་སྐད་དུ། ཤ་ཟ་ནག་པོའི་སྒྲུབ་ཐབས། ན་མཿཀྲྀཥྞ་བི་ཤཱ་ཙ་ཡོ་ས་ར་ས་རཱ་སརྦཱ་རཱ་ན་མེ་སཱ་དྷ་ན~ཾ་སྭཱཧཱ། ཞེས་སོ།། ཚེས་དྲུག་ནས་བརྩམས་ནས་ཟན་ལྷག་མོའི་རྡོག་པོ་སྔགས་དང་ལྡན་པ་ལ་ལན ་གཅིག་བཟླས་ནས་མཚན་མོ་འདྲི་དེ་ལ་དབུལ་ལོ།། ཞག་ཉི་ཤུ་རྩ་གཅིག་ནས་ཉི་མ་རེ་རེ་དི་ན་ར་སྟེར་བར་འགྱུར་རོ།། དེ་དག་ཐམས་ཅད་ཟད་པར་བྱའོ།། གཏོར་མ་དང་། ཆོ་ག་ལ་སོགས་པས་མཉེས་པར་བྱས་ན་ལས་གཞན་ཡང ་