| Wylie | e-texts produced with BDRC’s OCR application |
རྒྱ་གར་སྐད་དུ། ཥ་ཌཾ་གྲ་ཡོ་གཱ་ལོ་ཀ་ཀྲ་མ། བོད་སྐད་དུ། སྦྱོར་བ་ཡན་ལག་དྲུག་གི་སྣང་བའི་རིམ་པ། དཔལ་འཇམ་པའི་རྡོ་རྗེ་ལ་ཕྱག་འཚལོ།། ཤེས་རབ་ཐབས་ཀྱི་བདག་ཉིད་ཅན།། ཐོག་མར་འཇམ ་རྡོར་ལ་བཏུད་ནས།། དེ་ཡི་སློབ་ཡེ་ཤེས་ཞབས།། དེས་བརྒྱུད་པ་ལའང་གུས་བཅས་ནས།། སྨན་ཞབས་ཞལ་ནས་གསུངས་པ་ཡཱི།། ཡན་ལག་དྲུག་པ་རབ་བསྒོམས་ན།། འཇམ་པའི་རྡོ་རྗེ་ལ་སྩོགས་པའི།། རྫོགས་པའི་རིམ་པ་འགྲུབ ་པར་འགྱུར།། བསྐྱེད་པའི་རིམ་པ་རྙེད་འདོད་པས།། ཡན་ལག་བཞི་པའི་རིམ་པ་ཡིས།། མཐུན་པའི་སྦྱོར་བ་ལ་གནས་པས།། ཅིས་ཀྱང་རྣལ་འབྱོར་པ་ཡིས་འཐོབ།། རྫོགས་པའི་རིམ་པ་སྤྱོད་འདོད་པ།། ཡན་ལག་དྲུག་ལ་གོམས ་སྦྱོར་ན།། བྱ་བ་སྤྲོས་བྲལ་རང་བཞིན་གྱིས།། དངོས་གྲུབ་ཀྱི་ནི་མཆོག་བསྒྲུབ་པོ།། སོ་སོར་སྡུད་དང་བསམ་གཏན་དང་།། སྲོག་རྩོལ་དེ་བཞིན་བཟུང་བ་དང་།། རྗེ་སུ་དྲན་དང་ཏིང་འཛིན།། སྦྱོར་བའི་ཡོན་ལག་དྲུག་ཅེས་གྲགས།། དྲུག་པོ་དེའི ་ནང་ནས་སོ་སོར་སྡུད་པ་བཤད་པ་ནི་བདེ་བ་རྒྱ་མཚོ་ཆེན་པོའི་གཉིད་ལས་ལྷ་མོ་བཞིས་ཡང་དག་པར་བསྐུལ་ནས་སད་པའི་ཚེ་རང་གི་སྙིང་གར་པདྨ་དུང་ཟླ་བ་ལ་སོགས་པའི་ས་བོ་ནི་རྣམས་པར་བསམས་ཏེ། དང་པོར་གདོང་ལ་སོགས ་པ་རྣམ་པར་ཐར་པའི་སྒོ་གསུམ་གྱིས་རྣམ་པར་དག་པར་བྱས་ནས། ཡིད་དང་མཐུན་པའི་གནས་མཆོད་པ་དང་སྡིག་པ་བཤགས་པ་ལ་སོགས་པའི་ཆོ་ག་ཐམས་ཅད་བཅད་ནས། མཾ་ལ་སོགས་པའི་ས་བོན་ལས་འོད་ཟེར་གྱི་དྲ་བས ་བརྟན་གཡོའི་འགྲོ་བ་ཐམས་ཅད་དངུལ་ཆུས་ལྕགས་ལ་སོགས་པའི་གོང་བུ་བསྒྱུར་བ་བཞིན་དུ་དྲི་མ་མེད་པའི་ཟླ་བའི་འོད་ཟེར་ལྟ་བུ་དང་། སྒྱུ་མ་ལྟ་བུའི་གཟུགསུ་རྣམ་པར་རྟོགས་ནས། རང་གི་སྙིང་གའི་ས་བོན ་གྱི་ཐིག་ལེ་ལཱ་བསྡུས་ནས། རང་གི་ལུས་དང་པདྨ་ལ་སོགས་པ་དེ་ཡང་ག་པུར་དེངས་པ་ལྟར་རིམ་གྱིས་ཐིག་ལེ་ཉིད་དུ་བསྒོམ། ཐིག་ལེ་ཡང་མི་ཤིགས་པ་བྱང་ཆུབ་སེམས་ཀྱི་གཟུགས་སྟེང་ཉིད་སྙིང་རྗེའི་སྙིང་པོ་ཅན་ལ་སྨོན་ལམ་གྱི ་སྟོབས་ཀྱིས་བྱིན་གྱིས་བརླབས་པས་རི་མོ་དྲང་པོ་ཙམ་དུ་བལྟས་པ་ཡང་། ཨོཾ་ཤཱུ་ནྱ་ཏཱ་ཛྙཱ་ན་བཛྲ་སྭ་བྷཱ་བ་ཨཱཏྨ་ཀོ&ཧཾ། ཞེས་པ་བྲག་ཅ་ལྟ་བུའི་སྔགས་འདིས་བྱིན་གྱིས་བརླབ་པོ།། དེ་མ་ཐག་ཏུ་སྟོང་པ་ཉིད་ལ་སྙོམས་པར་ཞུགས་པའི་རྣལ ་འབྱོར་པ་སྨོན་ལམ་གྱི་སྟོབས་ཀྱི་རྨི་ལམ་ཟད་པ་ལྟ་བུར་མྱུར་དུ་འགྲོ་བའི་དོན་ལ་བསམས་ཏེ། ནཱ་ད་ལ་རིམ་གྱིས་བྱུང་བས་ས་བིན་གྱི་འོད་ཟེར་གྱི་དྲ་བའི་རྣམ་འཕྲུལ་གྱིས་ཀུན་ཏུ་ཁྱབ་པའི་དབུས་སུ་ཆོས་ཀྱི་འབྱུང་གནས་ཀྱི་དབུསུ་སྣ་ཚོགས ་རྡོ་རྗེའི་ལྟེ་བར་གནས་པ་སྣ་ཚོགས་པདྨའི་ལྟེ་བ་ལ་གཞལ་ཡས་ཁང་གནས་པའི་དབུས་སུ་པདྨ་དང་ཟླ་བ་ལ་ས་བོན་གྱིས་མཚན་པའི་ཕྱག་མ་ཚན་ཡོངསུ་གྱུར་པ་ལས་ཐེག་མར་དེ་བཞིན་གཤེགས་པ་མ་ལུས་པ་བསྡུས་ལི་རང་འདོད ་པའི་ལྷས་རང་དང་འདྲ་བའི་རིག་མ་ལ་འཁྱུད་པར་བལྟའོ།། དེ་ནས་དབང་པོ་བཅུ་པོ་རྣམས་ཀྱི་བར། རང་གི་འཇུག་གནས་ཐཾད་དུ། འདོད་པ་སོར་སྡུད་བླ་ན། སོ་སོར་སྡུད་པ་ཞེས་བཤད་དོ་ཞེས་པྲ་ནི། སོ་སོར་སྡུད་པའི་དོན་ཏེ། ཚིག་སུ་བཅད་པ ་ཕྱི་མ་དེའི་དོན་བཤད་པ་ནི། དབང་པོ་བཅུ་ཞེས་པ་དབང་པོ་ལྔ་ནི་མིག་གི་དབང་པོ་ལ་སོགས་པ་རྣམས་དང་། ཡུལ་གཟུགས་ལ་སོགས་པ་རྣམ་སོ།། རང་གི་འཇུག་གནས་ཞེས་བྱ་བ་གཟུང་བ་དང་འཛིན་པ་གཟུགས་ལ་བརྟེན་པའི་ཡིད ་དོ་མིག་གི་རྣམ་པར་ཤེས་པ་ལ་སོགས་པའི་ངོ་བོ་ཉིད་དེ་སོ་སོར་སྡུད་པ་སྟེ་ཞེན་པ་མེད་པར་བྱེད་པའོ།། འདོད་པ་སོ་སོར་སྡུད་པ་ནི་ཡུལ་རྣམས་ལ་ཆགས་པའི་སེམས་བཟློག་པའོ།། དོ་འདི་ལྟར་བཤད་པར་བྱ་སྟེ། མིག་གི་དབང་པོ་ལ་སོགས། ་པ་རྣམས་སའི་སྙིང་པོ་ལ་སོགས་པའི་ས་བོན་ལས་བསྐྱེད་ནས་ཐུགས་ཀའི་ས་བོན་ལས་འོད་ཟེར་གྱི་དྲ་བ་བོར་བའི་དུསུ་གཟུགས་རྡོ་རྗེ་ལ་སོགས་པ་ལ་ཛཿཧཱུཾ་བཾ་ཧོཿཁིའི་ལ་སོགས་པའི་ས་བོན་མཚན་དང་བཅས་པ་བསམས་པ་ལས། ་གཟུགས་རྡོ་རྗེ་མ་ལ་སོགས་པ་དམིགས་ནས་འོད་ཟེར་ཆུར་འདུས་པ་ལས་སའི་སྙིང་པོ་ལ་སོགས་པ་དང་སྙོམས་པར་ཞུགས་པ་ནི་དོན་དམ་པར་སྟོང་པ་ཉིད་དུ་རོ་གཅིག་པས་བདེ་བ་བསྐྱེད་པར་རིག་པ་ནི་དེ་ཉིད་ལས། རྣལ་འབྱོར་སོ་སོར ་སྡུད་ཞུགས་པ།། སྟོང་ཉིད་བསམ་གཏན་དེ་ལ་འཇུག། དམིགས་པ་མེད་པར་འཇུག་པའི་སེམས། གཟུང་དང་འཛིན་ལས་རྣམ་པར་ལྡོག། འདི་ཡང་དགའི་བའི་གནས་སྐབསུ་ཞེས་གསུངས་པས་སོ་སོར་སྡུད་པ་སྟེ་དང་པོའོ།། ། ་ད་ནི་བསམ་གཏན་བཤད་པར་བྱ་སྟེ། ཡན་ལག་དང་པོས་ནི་འཇུག་པའི་རྣམ་པར་ཤེས་པ་དང་། ལྡོག་པའི་ཤེས་པའི་མཚན་ཉིད་ཀྱིས་སོ་སོར་སྡུད་པ་གོམས་པར་བྱས་ནས་ཉོན་མོངས་པ་ཅན་གྱི་ཡིད་གནས་གྱུར་པའི་མཚན་ཉན་ཅན་གྱི ་བསམ་གཏན་ལ་སྤྱོད་པར་བྱའོ།། འདོད་པ་ལྔ་ནི་མདོར་བསྡུས་ན།། སངས་རྒྱས་ལྟ་རུ་སྦྱོར་བ་ཡིས།། བརྟག་པ་བསམ་གཏན་ཞེས་བཤད་དེ།། བསམ་གཏན་དེ་ནི་རྣམ་ལྔར་གྱུར། ཅེས་པ་དེའི་དོན་བཤད་པ ་ནི་གཟུགས་ལ་སོགས་པའི་འདོད་པའི་ཡོན་ཏན་ལྔའི་ཡུལ་ལ་མཛེས་པ་དང་མི་མཛེས་པ་དང་། བཏང་སྙོམས་དང་རང་མཆོག་ཏུ་མཛེས་པ་དང་གཞན་མཆོག་ཏུ་མཛེས་པས་འདོད་ཆགས་དང་ཞེ་སྡང་དང་གཏི་མུག་དང་ང་རྒྱལ་དང་། ་ཕྱག་དོག་གི་བདག་ཉིད་ཀྱི་ཉོན་མོངས་པའི་སེམས་སྐྱེས་པས་ན་ཡུལ་དང་སེམས་གཅིག་ཏུ་བྱེད་པ་ནི་འདོད་ཡོན་ལྔ་སྟེ། སེམས་ཉིད་ཡིན་ནོ་ཞེས་བཤད་དོ།། དེ་ཡང་འདོད་པ་སེམས་ཞེས་བཤད་པ་སྟེ། འདོད་ཆགས་ཞེ་སྡང་རྨོངས ་པའི་དབང་།། ང་རྒྱལ་ཕྲག་དོག་ཅན་བདག་ཉིད།། ཡང་དག་རྫོགས་པའི་སངས་རྒྱས་ལྔ་ཞེས་གསུངསོ།། སངས་རྒྱས་ལྡེ་རུ་སྦྱོར་བ་ཡིས།། བརྟག་པ་བསམ་གཏན་ཞེས་བཤད་དེ།། ཞེས་པ་ནི་མཛེས་པའི་གཟུགས་ལ་སོགས་པ་ལ ་འདོད་ཆགས་པའི་སེམས་དེ་ནི་སྣང་བ་མཐའ་ཡས་ཀྱི་རང་བཞིན་ནོ།། མི་མཛེས་པ་ལ་ཞེ་སྡང་བའི་སེམས་དེ་ནི་མི་བསྐྱོད་པའི་རང་བཞིན་ནོ།། བཏང་སྙོམས་ལ་གཏི་མུག་པའི་སེམས་དེ་ནི་རྣམ་པར་སྣང་མཛད་ཀྱི་རང་བཞིན་ནོ།། ། ་རང་མཆོག་ཏུ་མཛེས་པ་ལ་ང་རྒྱལ་བའི་སེམས་དེ་ནི་རིན་ཆེན་འབྱུང་ལྡན་གྱི་རང་བཞི་ནོ།། གཞན་མཆོག་ཏུ་མཛེས་པོ་ལ་ཕྲག་དོག་པའི་སེམས་དེ་ནི་དོན་ཡོད་གྲུབ་པའི་རང་བཞི་ནོ།། དེ་ལྟ་བུའི་རང་བཞིན་ལ་བརྟག་པ་ནི་བསམ ་གཏན་ནོ།། བསམ་གཏན་དེ་ཡང་དབྱེ་བས་རྣམ་པ་ལྔར་འགྱུར་ཏེ། རྟོག་པ་དང་དཔྱོད་པ་དང་དགའ་བ་དང་དེ་བཞིན་བདེ་བ་རྙེང་ཡང་དག་སྟེ། ལྔ་པོ་དེ་ནི་བསམ་གཏན་བསྟ།། བརྟག་དང་བསམྱ་གཏན་དང་བསྒོམ་པ་ལ།། བསམ་གཏན ་ཞེས་ནི་རབ་ཏུ་བཤད།། བསམ་གཏན་རྣམ་པར་མི་རྟོག་པ།། བསམ་གཏན་དེ་ནི་སངས་རྒྱས་ཡུལ།། དང་པོའི་རྣལ་འབྱོར་པ་རྨོངས་ནས།། གཞན་དུ་སྟོང་ཉིད་ལ་སེམས་ན།། བློ་གྲོས་ཤིན་ཏུ་རྨོངས་གྱུར་པས།། མུ་སྟེགས་ལམ་ལ་འཇུག ་པར་འགྱུར་ཞེས་བྱ་བས་ཡུལ་དང་ཡུལ་ཅན་གྱི་ཤེས་པར་སྙོམས་པར་འཇུག་པ་ནི་གསོང་བ་གསུམ་ལས་ཏེ། ཇི་ལྟར་གོང་དུ་བཤད་པའི་འདོད་ཆགས་ལ་སོགས་པའི་སེམས་རྣམས་ནི་སྣང་བ་མཐའ་ཡས་ལ་སོགས་པའི་རང ་བཞིན་དུ་བསྒྲུབས་ནས་འདོད་ཆགས་ཀྱི་སེམས་ལ་སོགས་པ་ཕྱིར་ལྡོག་པར་བྱེད་པ་འདི་ནི་རྟག་པའོ།། དེ་ལ་སེམས་ཉིད་ཙམ་དུ་ཅི་རིགས་པར་འཇུག་པ་ནི་དཔྱོད་པའོ།། སེམས་ཀྱི་རང་བཞིན་རབ་ཏུ་ཤེས་པ་གང་ཡིན་པ་ནི་དགའ་བའོ།། ་དེ་ལ་དགའ་བས་ལས་ཀྱིས་ནུས་པས་ཐོད་པའི་ལུས་ཇི་ལྟ་བ་བཞིན་དུ་བདེ་བའོ།། དེ་ལྟར་རྟོགས་པ་དང་རྟོགས་པར་བྱེད་པ་མེད་པ་དེ་ཙམ་ཉིད་དུ་སེམས་རྩེ་གཅིག་ཏུ་གནས་པའི་རང་བཞིན་ནི་ཀུན་རྫོབ་དང་དོན་དམ་པའི་བདེན་པའི་ངོ་བོ ་ཉིད་དུ་ཟུང་དུ་འཇུག་པའི་ཤེས་པ་ནི་བསམ་གཏན་ནོ།། དེ་ཉིད་འདི་ལྟར་བཤད་པར་བྱ་སྟེ། གལ་ཏེ་གཟུགས་ལོ་སོགས་པ་ལ་ཉེ་བར་འཇུག་པ་ན། དེ་ལ་འདོད་ཆགས་ལ་སོགས་སྐྱེས་ན་སྣང་བ་མཐའ་ཡས་ལ་སོགས་པའི ་རང་བཞིན་དུ་ངེས་པར་བྱས་ནས་མཛེས་པ་ལ་སོགས་པའི་གགྲུ་ལ་སོཊ་བ་དང་འདྲ་བའི་ཤེས་རབ་མའང་བ་ཉིད་དུ་དམིགས་ནས་སྙོམས་པར་ཞུགས་པས། ང་རྒྱལ་རྡོ་རྗེ་དང་སྣང་བ་མཐའ་ཡ་སུ་འདུས་པར་བསམ། ་ཕྲག་དོག་རྡོ་རྗེ་དང་མི་བསྐྱོད་པར་འདུས་པར་བསམས་ནས་རྡོ་རྗེ་གསུམ་གྱི་བདག་ཉིད་ན་མཁའ་ལྟ་བུར་རྟོགས་ནས་རང་གི་ལུས་དང་ངག་དང་ཡིད་ཀྱང་རྡོ་རྗེ་གསུམ་གྱི་རང་བཞིན་ཉིད་དུ་རྣམ་པར་བསིམ་ཞིང་ཅི་རིགས་པ་ཉིད་དུ་འགྲུབ ་པས་ན་ཡིད་དགའ་བ་ཐོབ་པ་ལས་ཀྱི་ནུས་པ་ཐོབ་པའི་ལུས་ཀྱི་བདེ་བ་ཅན་ལ། དཔལ་ལྡན་རྡོ་རྗེ་ཐུགས་འཆང་བ་ལ་སོགས་པའི་ཚིགསུ་བཅད་པས་རང་གི་སེམས་དང་། ན་མཁར་གནས་པའི་རྡོ་རྗེ་གསུམ་ཁྱད་པར་མེད་པར་རྩེ་གཅིག་པའི ་མཚན་ཉིད་ཅན་གྱི་ཏིང་འཛིན་བསྒོམ་པར་བྱ་བ་འདིས་ནི་བསམ་གཏན་གྱི་ཡན་ལག་ལྔ་པ་སྟེ་གཉིས་པའོ།། ། ད་ནི་གསུམ་པ་སྲོག་རྩོལ་གྱི་ཡན་ལག་ཡེ་ཤེས་ལྔ་ཡི་རང་བཞིན་དབུགས།། འབྱུང་བ་ལྔ ་ཡི་ངོ་བོ་ཉིད།། གོང་བུའི་གཟུགས་ཀྱིས་ཕྱུང་ནས་ནི།། སྣ་ཡི་རྩེ་མོར་རབ་ཏུ་བརྟག། རིན་ཆེན་ཁ་དོག་སྣ་ལྔ་པ།། སྲོག་དང་རྩོལ་བ་དྲན་ཞེས་བཤད་ཅེས་བཤད་པ་ནི་མེ་ལོང་ལྟ་བུ་ལ་སོགས་པའི་ཡེ་ཤེས་ཀྱི་ངོ་བོའི་ཉིད་ཀྱི་ཕྱིར་ཡེ ་ཤེས་ལྔ་ཡི་རང་བཞིན་ནོ།། འབྱུང་བ་ལྡིའི་ངོ་བོ་ཉིད་ནི་སི་ལ་སོགས་པ་ལྔའི་དཀྱིལ་འཁོར་ནས་བྱུང་བའི་དབུགས་ངེས་པར་འབྱིན་པ་ནི་སྣ་རྩེ་སྟེ་ལྷ་མོའི་པདྨའི་རྩེ་ན་གོང་བུའི་གཟུགས་ཀྱིས་ཏེ། ཐིག་ལེའི་གཟུགསུ་བརྟག་པ་ནི་རྣམ་པར ་བསམ་པའོ།། ཁ་དོག་ལྔ་ནི་གར་པོ་དང་།། དམར་བ་དང་། ལྟུང་བ་དང་སྔོ་བའི་རང་བཞིན་ནོ།། རིན་ཆེན་ཏེ་རིན་པོ་ཆེ་ནི་མཆོག་གོ།། དྲན་ནི་དགའ་བ་བསྐྱེད་པས་ནཱ་རིན་པོ་ཆེ་དང་། རྙེད་དཀའ་བ་དང་། འོད་རབ་ཏུ་འབར་བའི་ཕྱིར་རོ།། དེ་ཡང ་གྱུར་པས་ན་སྲོག་རྩོལ་དྲན་ཞེས་བྱའོ།། དེ་ཉིད་འདི་ལྟར་བཤད་པར་བྱ་སྟེ། སྣ་བུག་ནང་ནས་ཕྱིར་འབྱུང་བའི་དབུགས་འབྱུང་བ་ཆེན་པོ་ལྔའི་རང་བཞིན་འོད་ཟེར་གྱི་དྲ་བ་ཅན་ཁ་དོག་ལྔ་པ་ཡེ་ཤེས་ལྔའི་བདག་ཉིད་ཀྱིས་ན་མཁའ་ཀུན་ཏུ་ཁྱབ ་པར་སྤྲོས་ནས་འོད་ཟེར་གྱི་དྲ་བ་དེ་དག་ཐབས་དང་ཤེས་རབ་གཉིས་སུ་མེད་པར་སྙོམས་པར་འཇུག་པའི་བདེ་བས་སངས་རྒྱས་དང་བྱང་ཆུབ་སེམས་དཔའ་རྣམས་ལྷན་ཅིག་སྐྱེས་དགའི་ཡེ་ཤེས་ཀྱི་བདུད་རྩིའི་རོ་རབ་ཏུ་སྣང་བས་ཅི་རིགས ་པུར་བཀུག་ནས་རང་གི་སྣ་བུག་ཉིད་ནས་གཞུག། དེས་རང་གི་ལུས་ཀྱི་ཡན་ལག་ཀུན་ལ་ཁྱབ་པས་བདེ་བའི་རང་བཞིན་དུ་བསྒོམས་ནས་དེའི་འོད་ཀྱི་དྲ་བ་དང་བདེ་བ་དང་གཉིས་སུ་མེད་པར་གྱུར་ནས་རྡོ་རྗེ་ལམ་ནས་བྱུང་ནས་ལྷ་མོའི་པདྨའི་སྣ ་རྩེ་ལ་ཐིག་ལེ་མུ་ཏིག་རིན་པོ་ཆེ་ལ་སིནྡྷུ་རས་བསྒོས་པས་དཀར་དམར་ལྟ་བུར་ཤིན་ཏུ་མཛེས་པའོ།། རང་དང་འདྲ་བའི་རིག་མ་ལ་ཡན་ལག་གིས་འཁྱུད་པའི་འཇམ་པའི་རྡོ་རྗེ་ལ་སོགས་པ་སྙིང་པོར་གྱུར་པ་རྟག་ཏུ་བསྒོམ་པར་བྱ་བ་ནི་ཕྲི ་བའི་རྣལ་འབྱོར་དང་མཚུངས་པ་སྟེ་ཡན་ལག་གསུམ་པའོ།། ། ད་ནི་ཡན་ལག་བཞི་པ་རང་སྔགས་སྙིང་གར་བསམས་ནས་ནི། སྲོག་ནི་ཐིག་ལེར་གྱུར་པར་བཞག། རང་དབང་རིན་ཆེ་ནི་དགག་པ ་མེད་གཟུང་བ་འཛིན་པ་ཡིན་པར་བཤད།། སེམས་ནི་འགོག་པའི་རྡོ་རྗེར་གྱུར།། མཎྜན་མ་ཉ་འཛིན་འབྱུང་བར་འགྱུར།། མཚན་མའི་ཁམས་ནི་རྣམ་པ་ལྔ།། བྱང་ཆུབ་རྡོ་རྗེས་གསུངས་པ་ཡ། ་སྨིག་རྒྱུ་འདྲ་བ་དྲང་པོ་སྟེ།། དུ་བ་ལྟ་བུ་གཉིས་པ་ཡིན།། མཁའ་སྣང་འདྲ་བ་གསུམ་པ་སྟེ།། མར་མེ་འབར་བ་བཞི་པ་ཡིན།། སྤྲིན་མེད་ན་མཁའ་ལྟ་བུ་ནི།། རྟག་ཏུ་སྣང་བ་ལྔ་པའོ།། ཞེས་བྱ་བ་བཤད་པ་ནི་རང་སྔགས་སྙིང་གར་བསམས ་ནུས་ཡེ་ཤེས་སེམས་པའི་ཐུགས་ཀར་གནས་པའི་མཚན་མིའི་དབུས་ན་གནས་པའི་མཾ་ལ་སོགས་པའི་ས་བོན་བརྟན་པར་བྱས་ནས་སོག་དེ་ཐིག་ལེ་ལ་བཅུག་ནས་འོད་ཟེར་ལྔ་དང་ལྡན་པར་བསྒོམོ།། རང་དབང་རིན་ཆེན་དགག་པ ་ཞེས་པ་བརྟན་པར་གྱུར་པས་ན་དགག་པ་སྟེ། དབང་པོ་དང་ལྷན་ཅིག་པ་འམ། ཡང་ན་རང་གི་དབང་པོ་དང་ལྷན་ཅིག་པསོ།། བཟུང་བ་ནི་ཕྱིར་འགྲོ་བཟློག་པར་བྱེད་པའི་དོན་ཏོ།། དེ་ལྟར་སེམས་བརྟན་པར་གྱུར་པའི་རིམ་པས་ས་ལ་སོགས ་པ་འབྱུང་བ་ཆེན་པོ་ལྔའི་དཀྱིལ་འཁོར་ནས་འབྱུང་བའི་དབུགས་ཟད་པ་ལ་མཚན་མའི་ཤེས་པ་འབྱུང་བ་སྟེ། དེ་ཡང་རྣམ་པ་ལྔ་ལས། དང་པོར་སྨིག་རྒྱུ་ལྟ་བུས་ནི་སའི་དཀྱིལ་འཁོར་ནས་འབྱུང་བའི་དབུགས་ཟད་པས་ན་དྲོད་ཀྱི་གནས ་སྐབས་སོ།། དུ་བ་ལྟ་བུས་ནི་ཆུའི་དཀྱིལ་འཁོར་ནས་འབྱུང་བའི་དབུགས་ཟད་པས་ན་རྩེ་མོའི་མཚན་ཉིད་སྣང་བའི་གནས་སྐབས་སོ།། ན་མཁའ་ལྟ་བུས་ནི་ན་མཁའ་ཀུན་ཏུ་ཁྱབ་པ་འམ། མི་རྟག་འཕྲོ་བ་ལྟ་བུ་མེའི་དཀྱིལ་འཁོར་ནས ་འབྱུང་བའི་དབུགས་ཟད་པས་ན། བཟོད་པའི་མཚན་ཉིད་སྣང་བ་མཆེད་པའི་གནས་སྐབ་སོ།། མར་མེ་ལྟ་བུས་ནི་རླུང་གི་དཀྱིལ་འཁོར་ལས་བྱུང་བའི་དབུགས་ཟད་པས་ན་ཆོས་ཆེན་པོའི་མཚན་ཉིད་སྣང་བ་ཐོབ་པའི་གནས་སྒྲུབ་སོ།། ། ་སྣང་བའི་རྣམ་པ་ཡང་ཕྱོགས་དཔག་ཏུ་མེད་པའི་དཀྱིལ་འཁོར་ཐམས་ཅད་དུ་ཁྱབ་པ་སྟོན་ཀའི་བདུད་རྩིའི་འོད་ཀྱིས་སྙོམས་པའི་རྣམ་པ་ནི་ན་མཁའི་དཀྱིལ་འཁོར་ནས་འབྱུང་བའི་དབུགས་ཟད་པས་ན་ཐམས་ཅད་དུ་ཆོས་ཀྱི་དབྱིངས ་ཀྱི་མཚན་ཉིད་ཉེ་བར་སྣང་བ་ཐོབ་སྟེ། ས་རབ་ཏུ་དགའ་བའི་བདེ་བ་ཆེན་པོར་རབ་ཏུ་འཇུག་པའི་གནས་སྐབས་སོ།། དེ་ཉིད་འདི་ལྟར་བཤད་པར་བྱ་སྟེ། དེ་མ་ཐག་ཏུ་ཡེ་ཤེས་སེམས་དཔའ་སྙིང་གར་བཅུག་ནས་མཚན་མའི་སོ་བོན ་ལས་འོད་ཟེར་གྱི་དྲ་བ་སྲོག་དང་འདྲེས་པར་གྱུར་ནས་རྣམ་པར་སྤྲོས་པས་གོང་མ་བཞིན་དུ་ཆོ་ག་ཐམས་ཅད་རྗེསུ་སྤྱད་ནས་ཡང་རང་གི་སྙིང་གའི་མཚན་མའི་ས་བོན་གྱི་ཐིག་ལེ་ལ་བསྡུ། སྔགས་ཀྱི་ཡི་གེ་རྣམས་ཀྱང་ཐིག་ལེར་བསམས ་ནས། དེའི་དབུས་སུ་རང་ཉིད་དང་རིག་མ་ལ་ཡན་ལག་གིས་འཁྱུད་པས་བདེ་བ་རྒྱ་མཚོ་མྱོ་བའི་རང་བཞིན་དུ་བདག་བསམས་པ་ནི། མཆན་ཁུང་གཉིས་ལྷག་པ་གཉིས་རབ་ཏུ་བསྡམས་ནས། འོག་སྒོ་གཉིས་ཀྱང་བསྡམས་ལ་ལྕེ་རྩེ ་བཟློག་ནས་རྡོ་རྗེ་སྐྱིལ་ཀྲུང་བཅིངས་ཏེ། རིམ་ནས་རིམ་གྱིས་སྲོག་བཟུང་བར་བྱ་བ་ནི་ཐིག་ལོའི་སྦྱོར་བས་མཆོག་ཏུ་གྱུར་པའི་གདམས་ངག་སྟེ་ཡན་ལག་བཞི་པའོ།། ་དེ་ལྟར་མཆོག་དགའི་གནས་སྐབས་སུ་ཉོན་མོངས་པ་ཅན་གྱི་ཡིད་གནས་གྱུར་པའི་མཚན་ཉིད་ཅན་མཐོང་བའི་ལམ་གྱི་བར་དུ་བསྟན་ནས། ད་ནི་དགའ་བྲལ་གྱི་གནས་སྐབས་སུ་ཡང་སྔོན་དུ་གྱུར་པ ་ལ་དྲན་པ་ཡང་དང་ཡང་དུ་མངོན་དུ་བྱ་བའི་མཚན་ཉིད་ཅན་གྱི་བསྒོམ་པའི་ལམ་གྱིས་རྗེསུ་དྲན་པ་ཡན་ལག་ལྔ་པ། བརྟན་གྱུར་རྡོ་རྗེ་ལམ་ནས་ནཱི།། ན་མཁའ་ཁམསུ་སྤྲོ་བར་བྱ།། རྗེས་དྲིན་གང་ཞིག་རྣམ་བསྒོམ་པ།། དེ་དང་འདྲ་བར ་སྤྲོ་བར་བྱ།། རྗེ་སུ་དྲན་པ་ཞེས་བཤད་དོ།། སོ་སོར་སྣང་བ་དེ་ལས་སྐྱེ་ཞེས་བྱ་བར་བཤད་པ་ནི་བརྟན་པའི་མཚན་མའི་ཤེས་པ་བྱུང་བར་ཤེས་པའི་སྒོ་ནས་བརྟན་པའི་ཤེས་པ་སྤྲོ་བར་བྱ།། གྱུར་གྱི་སྒྲས་མི་བརྟན་ན་མི་སྤྲོ་བ་ནི་རྡོ་རྗེ་ལམ ་ནས་སོ།། གང་ནས་ཤེས་ན་མཁའ་ནས་ཤེས་པས་ཆོས་འབྱུང་ནས་དང་། ནོ་མཁའ་དཀྱིལ་འཁོར་ན་སོ།། རྗེས་སུ་དྲན་པ་སྟེ་གོང་དུ་སངས་རྒྱས་ལ་སོགས་པ་རྗེ་སུ་དྲན་པ་དེ་ལྟ་བུའི་ཤེས་པ་དྲན་པའོ།། རང་དད་གཞན་ལ་སོ་སོར་སྣང་བ ་དང་མཉམ་པས་དཀྱིལ་འཁོར་གྱི་འཁོར་ལོ་ལ་སོགས་པ་དང་འདྲ་བར་ཤེས་པ་སྐྱེས་པའོ།། དེ་ཉིད་འདི་ལྟར་བཤད་པར་བྱ་སྟེ། གོང་དུ་མཚན་མ་བྱུང་བའི་སྒོ་ནས་སེམས་ངེས་པར་བརྟན་པར་གྱུར་པར་ཤེས་རང་གི་སྙིང་གིའི་ཡེ ་ཤེས་སེམས་དཔའི་ཐུགས་ཀའི་ཐིག་ལེ་དེ་ལས་འོད་ཟེར་གྱི་དྲ་བ་ཐབས་ཤེས་རབ་སྙོམས་པར་ཞུགས་པས་སངས་རྒྱས་ཀྱི་གཟུགས་ཀྱི་ངོ་བོ་ཉིད་དམ་ཡང་ན་མཚན་མའི་རང་བཞིན་དུ་སྤྲོ་བ་ནི། རྡོ་རྗེའི་ལམ་ནས་ལྷ ་མོའི་པདྨའི་ནང་གི་གནས་སུ་ཡུད་ཙཱམ་བསྒོམས་ལྔ། དེ་ནས་ཕྱི་རོལ་དུ་ན་མཁྭ་ཁམས་ཀྱི་འགྲོ་བ་མ་ལུས་པ་དང་སྙོམས་པར་འཇུག་པའི་རླུང་བཞིན་ཉིད་དུ་བྱས་ཏ་རྡོ་དྷཱ་ལམ་ནས་བསྡུས་པས་བདེ་བའི་བདག་ཉིད་དུ་ཡན ་ལག་ཐམས་ཅད་བདེ་བར་བསྒྲུབས་ཏེ། ཐོག་མའི་ཐིག་ལེ་ཡང་འདུས་ནས་བསྒོམ་པར་བྱ་བ་ནི་གདམས་ངག་སྟེ་ཡན་ལག་ལྟ་བའོ།། ད་ནི་མི་སློབ་པའི་ལམ་སངས་རྒྱས་ཐོབ་པར་བྱེད་པའི་མཚན་ཉིད་ལྷན་ཅིག་སྐྱེས་དགའི་རང ་བཞིན་ཅན་ཡན་ལག་དྲུག་པ། ཐབས་དང་ཤེས་རབ་སྙོམས་འཇུག་པས།། དངོས་པོ་ཐམས་ཅད་མདོར་བསྡུས་པ།། གོང་བུའི་ཚུལ་གྱིས་བསྡུས་ནས་ནི།། དབུས་སུ་གཟུགས་ནི་རྣམ་པར་བསྒོམ།། ཡུད་ཀྱིས་ཡེ་ཤེས་རྫོགས་བྱེད་པ།། ། ་ཏིངེ་འཛིན་ཅེས་བཏགས་པ་ཡིན།། ཞེས་བཤད་པར་བྱ་སྟེ། ཐབས་དང་ཤེས་རབ་སྙོམས་འཇུག་ནི་བདག་ཉིད་གཉིསུ་མེད་པའི་བདེ་བའི་རང་བཞིན་བསྒོམ། བརྟན་གཡོ་དངོས་པོ་ཐམས་ཅད་ཀྱི་བདག་ཉིད་དུ་རང་གི་སེམས་ཙམ ་པ་ཉིད་ནི་ཐབས་དང་ཤེས་རབ་ཀྱི་བདག་ཉིད་ཡིན་ལ། སྙོམས་འཇུག་ནི་གཉིས་སུ་མེད་པ་ཐོབ་པས་ན་མདོར་བསྡུས་པ་སྟེ་གོང་བུའི་རང་བཞིན་སངས་རྒྱས་ཀྱི་གཟུགས་ཅན་ནོ།། དབུས་སུ་གཟུགས་ནི་ཞེས་པ་ལུས་ཀྱི་དབུས་སུ་རྣམ་པར ་བསྒོམས་པས་འདྲེས་པར་འགྱུར་བའོ།། ཡུད་ཀྱིས་ནི་ཡང་དག་པར་ཞུ་བར་གྱུར་པ་ལ་ལྷ་མོ་བཞིའི་གླུས་བསྐུལ་བའི་སྒོ་ནས་གཉིསུ་མེད་པའི་བདེ་བ་ཡེ་ཤིས་ཀྱི་ལྷའི་སྐུའི་རང་བཞིན་ཅན་དུ་འགྲུབ་པར་འགྱུར་བའི་ཤེས་པ ་རྫོགས་པར་བྱེད་པའི་ཏིང་འཛིན་ཏོ།། དེ་འདི་ལྟར་བཤད་པར་བྱ་སྟེ། གོང་གི་ཡན་ལག་ལྔ་པ་ནས་སེམས་བརྟན་པར་གྱུར་པའི་རྣལ་འབྱོར་པས་རང་བཞིན་སོ་སོར་སྣང་བའི་དཀྱིལ་འཁོར་གྱི་འཁོར་ལོ་ལ ་སོགས་པ་དང་འདྲ་བ་ཡང་དང་ཡང་དུ་བསྐྱེད་པར་བྱེད་ནུས་པས་སྤྲོ་བ་དང་བསྡུ་བ་དང་དབང་དུ་བྱ་བའི་དོན་དུ་རང་གི་སེམས་བདེ་བ་ཉམས་སུ་མྱོང་བ་ནི་སྒྱུ་མ་ལྟ་བུའི་རང་བཞིན་གྱི་འོད་ཟེར་དུ་མ་འཕྲོ་བའི་དྲ་བས་ཀུན་དང་སྙོམས་པར ་འཇུག་པའི་རང་བཞིན་གྱིས་ཤིན་ཏུ་ཕྲ་བ་དུ་མིའི་ངོ་བོ་ཉིད་ཆགས་ཐོགས་མེད་པར་བསྡུས་ནས། རང་ཉིད་ཞུ་བར་གྱུར་པ་དང་འདྲེས་པའི་བདེ་པ་སྒྱུ་མ་ལྟ་བུ་རྣམ་པར་བསམས་པ་ལས། སྔོན་གྱི་སྨོན་ལམ་གྱི་དབང་གིས་སྙིང་རྗེ་ལ ་སོགས་པའི་རང་བཞིན་ཅན་སྤྱན་མཱ་ལ་སོགས་པའི་ལྷ་མོ་བཞིས་བསྐུལ་བྱས་མྱུར་དུ་ལངས་ཏེ་ཡེ་ཤེས་ཀྱི་རང་བཞིན་གྱི་འཇམ་དཔའི་རྡོ་རྗེ་ལ་སོགས་པ་རང་དང་འདྲ་བའི་ལུས་ལ་འཁྱུད་པར་བསྐྱོད་པའི་བདུད་རྩིའི་བཅུད་ཟག་པའི ་རོ་མྱོང་བར་བསྒོམ་པ་ནི་ཏིང་འཛིན་གྱི་གདམས་ངག་སྟེ་ཡན་ལག་དྲུག་པའོ།། །། དེ་ལ་སོ་སོར་སྡུད་པ་གྲུབ་པས་ནི་སྔགས་རྣམས་ཐམས་ཅད་འགྲུབ་བོ།། བསམ་གཏན་གྱིས་ནི ་མངོན་པར་ཤེས་པ་ཡང་འགྲུབ་བོ།། སྲོག་རྩོལ་གྱིས་ནི་བྱང་ཆུབ་སེམས་དཔའི་བྱིན་གྱིས་རློབ་བོ།། བཟུང་བས་ནི་རྡོ་རྗེ་སེམས་དཔས་བྱིན་གྱིས་རློབ་བོ།། རྗེསུ་དྲན་པས་ནི་འོད་ཟེར་གྱི་དཀྱིལ་འཁོར་སྤྲོ་བའོ།། བསམ་གཏན་གྱི་དབང་གིས ་སྒྲིབ་པ་ཐམས་ཅད་ལས་རྣམ་པར་གྲོལ་བའོ།། དེ་ཡང་སོ་སོར་སྡུད་ལས་ངེས་སྙེད་ན།། སྔགས་རྣམས་ཀུན་གྱིས་བྱིན་གྱིས་བརླབ།། བསམ་གཏན་ཡེ་ཤེས་ངེས་ཐོབ་ན།། མངོན་ཤེས་ལྔ་པོ་སྙེད་པར་འགྱུར།། སྲོག་དང་རྩོལ་བ་ལ ་དབང་ན།། རྡོ་རྗེ་སེམས་དཔའི་གཟིགས་པར་མཛད།། བཟུང་བའི་སྟོབས་ནི་རྟག་པ་ལ།། རྡོ་རྗེ་སེམས་དཔའ་ངེས་པར་འཇུག། རྗེ་སུ་དྲན་པས་ཡང་དག་པར།། འོད་ཟེར་གྱི་ནི་དཀྱིལ་འཁོར་བསྐྱེད།། ཏིང་འཛིན་གྱི་དབང་གིས་ནི།། སྒྲིབ ་པ་རྣམས་ལས་ངེས་པར་གྲོལ་ཞེས་གསུང་སོ།། དཔལ་ལྡན་ཡེ་ཤེས་ཞབས་ཀྱི་སྦྱོར་བའི་ཡན་ལག་དྲུག་མཛེས་པ་ར།། གང་གིས་ཤིན་ཏུ་དེ་མེད་བཤད་པས་དག་པ་དེ་བསྐྲུན་པ།། ཤིན་ཏུ་དག་པ་དེ་ནི་རྒྱལ་བའི་བློ་ལྡནི་མི ་གཅིན་ལ།། དཔལ་ལྡན་ཡན་ལག་དྲུག་གི་ཆུས་བཀྲུས་ཡན་ལག་རྣམ་དག་ཤཱ་གཽ། བླ་མ་བརྒྱུད་པའི་རྗེས་འབྲངས་ཤིང་།། འཇམ་པའི་རྡོ་རྗེའི་བཀུར་དྲིན་ལས།། དཔལ་ལྡན་རྣམ་སྣང་རྡོ་རྗེ་ཡིས།། རིམ་པར་སྦྱར་བས་གསོལ་བ ་ཕྱེད་དཔལ་སྨན་བཱི་ཞབ་ཀྱི་ན་སྔ་ནས་བྱུང་བ།། སྦྱོར་བ་ཡན་ལག་དྲུག་གི་སྣང་བའི་རིམ་པ་ཞེས་བྱ་བ། དཔལ་རྣམ་པར་སྣང་མཛད་རྡོ་རྗེས་མཛད་པ་རྫོག་སོ།། ། བླ་མ་ཆེན་པོ་པཎྜི ་སུ་ནྱེ་ཤྲཱིའི་ཞིལ་སྔ་ནས་དང་། ལོ་ཙ་བ་དགེ་སློང་གཡུང་དྲུང་འོད་ཀྱིས་བསྒྱུར་བའོ།། ། ་