Wylie

e-texts produced with BDRC’s OCR application

བཅོས་པ།། ། རྒྱ་གར་སྐད་དུ། བོ་དྷི་ཙི་ཏཱ་བི་བ་ར་ཎ། བོད་སྐད་དུ། བྱང་ཆུབ་སེམས་ཀྱི་འགྲེལ་པ། འཕགས་པ་འཇམ་དཔལ་ལ་ཕྱག་འཚལ་ལོ།། དེ་ནས་བྱང་ཆུབ་ཀྱི་སེམས་སྒོམ་པའི་འགྲེལ་པ་བཤད་པར་བྱའོ།། ་བཅོམ་ལྡན་འདས་ཀྱིས་ཆོས་ཐམས་ཅད་སེམས་ཀྱིས་རྣམ་པར་བརྟགས་པའོ་ཞེས་གསུངས་པས་རེ་ཤིག་སེམས་ནི་དེ་ཉིད་ཀྱི་རང་བཞིན་ཅི་ཞིག་ཞེས་ངེས་པར་རྟོག་པ་ན།། དངོས་པོ་ཐམས་ཅད་དང་བྲལ་བ།། ཕུང་པོ་ཁམས་དང་སྐྱེ ་མཆེད་དང་།། གཟུང་དང་འཛིན་པ་རྣམ་པར་སྤངས།། ཆོས་བདག་མེད་པར་མཉམ་ཉིད་པས།། རང་སེམས་གདོད་ནས་མ་སྐྱེས་པ།། སྟོང་པ་ཉིད་ཀྱི་རང་བཞིན་ནོ་ཞེས་གསུངས་སོ།། སྨྲས་པ་འདི་ཡི་དོན་ཅི་ཡིན་ཞེ་ན། བརྗོད་པ། དངོས་པོ་དང ་བྲལ་ཞེས་ཏེ། དངོས་པོའི་སྒྲས་བདག་ལ་སོགས་པ་མངོན་པར་བརྗོད་དོ།། འདི་སྐད་དུ་སེམས་དེ་ནི་བདག་དང་། སེམས་ཅན་དང་། སྲོག་དང་། གསོ་བ་དང་། སྐྱེས་བུ་དང་། གང་ཟག་དང་། ཤེད་ལས་སྐྱེས་དང་། ཤེད་བུ་དང་། ་བྱེད་པོ་ལ་སོགས་པའི་རང་བཞིན་མ་ཡིན་ནོ།། ཅིའི་ཕྱིར་ཞེ་ན། དེ་དག་ལ་བྱ་བའི་མཚན་ཉིད་ཅན་ཡོད་པ་མ་ཡིན་པའི་ཕྱིར་རོ།། དེ་ཉིད་ཀྱི་ཕྱིར་བདག་ལ་སོགས་པའི་དངོས་པོ་ཡོད་པ་མ་ཡིན་ན། སེམས་དེའི་རང་བཞིན་དུ་གྱུར་པ་ལྟ་ག་ལ ་ཡོད་ཅེས་སྨྲས་པར་འགྱུར་རོ།། དེའི་ཕྱིར་དངོས་པོ་ཐམས་ཅད་དང་བྲལ་ཞིང་བདག་དང་འཛིན་པ་ཙམ་གྱིས་ཡང་དག་པར་བསྐྱེད་པའོ།། ཉོན་མོངས་པ་ཐམས་ཅད་བདག་ཏུ་འཛིན་པས་ཡང་དག་པར་བསྐྱེད་པའི་ཕྱིར་སེམས་ནི་དེའི་རང་བཞིན ་དུ་འགྱུར་རོ་ཞེ་ན། སེམས་དེ་ནི་ཕུང་པོ་དང་ཁམས་དང་སྐྱེ་མཆེད་ཀྱི་རང་བཞིན་མ་ཡིན་པའི་ཕྱིར།། ཕུང་པོ་ཁམས་དོང་སྐྱེ་མཆེད་དང་། གཟུང་དང་འཛིན་པ་རྣམ་པར་སྤངས་ཞེས་གསུངས་སོ།། འདི་ལྟར་རེ་ཞིག་ཕུང་པོ་ལ་སོགས ་པ་ཉིད་ཀྱི་དངོས་པོ་དོན་དམ་པར་མ་དམིགས་ན། སེམས་དེའི་རང་བཞིན་དུ་འགྱུར་བ་ལྟ་ག་ལ་ཡོད། ཇི་ལྟར་ཞེ་ན། རེ་ཞིག་གཟུགས་ལ་སོགས་པའི་ཕུང་པོ་རྣམས་དངོས་པོ་རྣམས་དངོས་པོ་མེད་པ་ཉིད་དེ། ་གཟུགས་ཀྱི་ཕུང་པོ་ནི་འབྱུང་བ་དང་འབྱུང་བ་ལས་གྱུར་པའི་ཚོགས་སོ།། འབྱུང་བ་ནི་བཞི་སྟེ། སཾ་དང་ཆུ་དང་། མེ་དང་རླུང་ངོ་།། འབྱུང་བ་ལས་གྱུར་པ་ལྔ་སྟེ། གཟུགས་དང་། སྒྲ་དང་། དྲི་དང་། རོ་དང་། རེག་བྱའོ།། ས་ལ་སོགས་པ ་འབྱུང་བ་རྣམས་དང་། གཟུགས་ལ་སོགས་པ་འབྱུང་བ་ལས་གྱུར་པ་དེ་དག་རེ་རེ་ཞིང་ཐ་དད་པའི་དངོས་པོ་ཉིད་དུ་མ་དམིགས་ཏེ། གང་དུ་གཅིག་ཏུ་ཡོད་པ་དེར་གཞན་ཡང་ཡོད་པའི་ཕྱིར་རོ།། དེའི་ཕྱིར་གཟུགས་ནི་མིང་ཙམ་དུ་ཀུན་ཏུ་བརྟགས་པའོ།། ། ་གཟུགས་ཀྱི་ཕུང་པོ་ནི་གཟུགས་ཀྱི་ཕུང་པོས་སྟོང་ཞེས་གསུངས་པ་ལས་ནི་གཟུགས་ཀྱི་ཕུང་པོ་ཡང་ཡོངས་སུ་མ་གྲུབ་པའོ།། དེ་བཞིན་དུ་ཚོར་བའི་ཕུང་པོ་ཡོངས་སུ་མ་གྲུབ་སྟེ། ཇི་ལྟ་ཞེ་ན། ཚོར་བ་རྣམ་གསུམ་མོ།། བདེ་བ་དང་། སྡུག ་བསྔལ་བ་དང་། སྡུག་བསྔལ་མ་ཡིན་ཞིང་བདེ་བ་ཡང་མ་ཡིན་པ་དེ་དག་ཕན་ཚུན་ལྟོས་པའི་ཕྱིར་ཏེ། སྡུག་བསྔལ་བ་ལ་བལྟོས་ནས་བདེ་བ་དང་། བདེ་བ་ལ་བལྟོས་ནས་སྡུག་བསྔལ་དུ་འདོགས་པར་བྱེད་དོ།། ཆོས་གང་ཞིག་གཅིག་པུར ་གནས་པ་དམིགས་པ་མེད་པ་དེ་ནི་རྫས་ཉིད་དུ་ཡོད་པ་ཡིན་ཏེ། རིང་པོ་དང་ཐུང་ངུ་བཞིན་ནོ།། གཞན་དུ་ཚོར་བ་ནི་རྣམ་པ་གཉིས་ཏེ། ལུས་ལས་བྱུང་བ་དང་། སེམས་ལས་བྱུང་བའོ་ཞེས་པར་ཡང་རེ་ཞིག་ལུས་ནི་གཟུགས་ཀྱི་ཕུང་པོ ་བསྡུས་པའི་ཕྱིར་མ་དམིགས་སོ།། དེའི་ཕྱིར་ལུས་མེད་པའི་ཕྱིར་ལུས་ལས་འབྱུང་བའི་ཚོར་བ་མ་གྲུབ་བོ།། སེམས་ཀྱང་ཡུལ་ན་མི་གནས་པ། ཕྱོགས་ན་མི་གནས་པ། གཟུགས་མེད་པ། བསྟན་དུ་མེད་པ། རབ་ཏུ་མི་གནས་པ། སྣང ་ད་པ། རྣམ་པར་མི་རིག་པར་གཟུངས་ན། ཚོར་བ་དེ་ནི་ཅི་འདྲ་ཞིག་དེའི་ཕྱིར་སེམས་ལས་བྱུང་བ་ཡང་མ་གྲུབ་པོ།། དེའི་ཕྱིར་ཚོར་བའི་ཕུང་པོའོ་ཞེས་གསུངས་པ་ལས་ན། ཚོར་བའི་ཕུང་པོ་ཡང་ཡོངས་སུ་མ་གྲུབ་བོ།། འདུ་ཤེས་ཀྱི་ཕུང ་ཡང་མིང་ཙམ་གྱིས་དངོས་པོ་ཉིད་དེ། འདུ་ཤེས་ནི་མཚན་མར་འཛིན་པའི་བདག་ཉིད་ཅན་ཡིན་ལ། དེ་ལྟར་རེ་ཞིག་གང་དག་ལ་མཚན་མར་བཟུང་བར་བྱ་བའི་དངོས་པོ་ཡོད་པ་མ་ཡིན་པ་དེའི་ཕྱིར་ན་ཚན་མ་མེད་པས་མཚན་མ་ཅན་ཡང་ཡོད ་པ་མ་ཡིན་ནོ།། འདུ་ཤེས་ཀྱི་ཕུང་པོ་ནི་འདུ་ཤེས་ཀྱི་ཕུབ་ཕོས་སྟོང་ངོ་ཞེས་གསུངས་པ་ལས་ན་འདུ་ཤེས་ཀྱི་ཕུང་པོ་ཡང་ཡོངས་སུ་མ་གྲུབ་པོ།། འདུ་བྱེད་ཀྱི་ཕུང་པོ་ཡང་ཡོངས་སུ་མ་གྲུབ་སྟེ། ཚོགས་པ་ཙམ་གྱིས་ཕྱིར་རོ།། འདུ ་བྱེད་ཀྱི་ཕུང་པོ་ནི་ཚོར་བ་དང་། སེམས་དཔའ་དང་འདུ་ཤེས་དང་འདུན་པ་དང་རིག་པ་དང་བློ་དང་། དྲན་པ་དང་ཡིད་ལ་བྱེད་པ་དང་མོས་པ་ལ་སོགས་པ་མཚུངས་པར་ལྡན་པ་རྣམས་དང་། ས་དང་ཆུ་དང་མེ་དང་རླུང་ལ་སོགས་པའི་སྐྱེ་བ ་ལ་སོགས་པ་མཚུངས་པར་མི་ལྡན་པ་དག་ལ་བརྗོད་ན། སེམས་ལས་བྱུང་བའི་ཆོས་རྣམས་དང་སྐྱེ་བ་ལ་སོགས་པ་དག་ཀྱང་རེ་རེ་ཞིང་ལ་སྐྱེ་བ་ཡོད་པ་མ་ཡིན་ནོ།། འདུ་བྱེད་ཀྱི་ཕུང་པོ་ནི་ལས་ཀྱི་མཚན་ཉིད་ཅན་ཡིན་པའི་ཕྱིར་ཡང་མེད་པ ་ཉིད་དོ།། བྱེད་པ་པོ་མེད་པའི་ཕྱིར་བྱ་བ་ཡང་དངོས་པོ་མེད་དོ།། འདུ་བྱེད་ཀྱི་ཕུང་པོ་ནི་འདུ་བྱེད་ཀྱི་ཕུང་པོའི་དངོས་པོས་སྟོང་ངོ་ཞེས་གསུངས་པ་ལས་ན་འདུ་བྱེད་ཀྱི་ཕུང་པོ་ཡོངསུ་གྲུབ་པ་མེད་དོ།། རྣམ་པར་ཤེས་པའི ་ཕུང་པོ་ཡང་ཡོངས་སུ་མ་གྲུབ་སྟེ། འདི་ལྟར་རྣམ་པར་ཤེས་པའི་ཕུང་པོ་ཉིད་ནི་མིག་དང་། རྣ་བ་དང་། སྣ་ད་།། ལྕེ་དང་། ལུས་དང་། ཡིད་ཀྱི་རྣམ་པར་ཤེས་པ་རྣམས་ཡོན་ལ། མིག་གི་རྣམ་པར་ཤེས་པ་ལ་སོགས་པ་དེ་དག་ཀྱང ་རེ་རེ་ཞིང་རང་གི་ངོ་བོ་མ་དམིགས་སོ།། ཅིའི་ཕྱིར་ཞེ་ན། མིག་དང་གཟུགས་ལ་བརྟེན་ནས་མིག་གི་རྣམ་པར་ཤེས་པ་འབྱུང་ཞིང་མེད་ན་མི་འབྱུང་སྟེ། མིག་དང་གཟུགས་མེད་ན་མིག་གི་རྣམ་པར་ཤེས་པ་ཇི་ལྟར་འབྱུང་བར་འགྱུར། དེ ་ལྟར་ན་རེ་ཞིག་མིག་གི་རྣམ་པར་ཤེས་པ་ཡོངས་སུ་མ་གྲུབ་པོ།། ཚིག་དེ་ཉིད་ཀྱིས་རྣ་བ་དང་། སྣ་དང་། ལྕེ་དང་། ལུས་ཀྱི་རྣམ་པར་ཤེས་པ་ཡང་ཤེས་པར་བྱའོ།། ཡིད་ཀྱི་རྣམ་པར་ཤེས་པ་ཡང་ཡིད་འདས་པ་དང་མ་འོངས ་པའི་ཆོས་ཐམས་ཅད་ཀྱི་རྟེན་ཅན་ཡིན།། ཅི་ལྟར་འདས་པ་དང་མ་འོངས་པའི་ཆོས་རྣམས་ཡིད་ཀྱི་རྣམ་པར་ཤེས་པ་སྐྱེད་པའི་རྐྱེན་དུ་འགྱུར། བཅོམ་ལྡན་འདས་ཀྱི་སོ་རེ་ཞིག་འདས་པ་ནི་དེ་ཉིད་དང་། ལྷན་ཅིག་འགགས་ཤིང་མ ་འོངས་པ་ནི་མ་ཐོབ་པ་ཡིན་ལ། ད་ལྟར་བྱུང་བ་རྣམ་པར་ཤེས་པ་དང་ལྷན་ཅིག་པ་ཡང་གནས་པ་ཡོད་པ་མ་ཡིན་ཞེས་གསུངས་སོ།། རྣམ་པར་ཤེས་པའི་ཕུང་པོ་ཡང་རྣམ་པར་ཤེས་པའི་ཕུང་པོས་སྟོང་ངོ་།། ཞེས་པ་ལས་ན་རྣམ ་བར་ཤེས་པའི་ཕུང་པོ་ཡང་ཡོངས་སུ་མ་གྲུབ་བོ།། དེ་ལྟར་ཕུང་པོ་དེ་ཉིད་ཁམས་དང་སྐྱེ་མཆེད་དུ་བསྟན་པའི་ཕྱིར་ལོགས་སུ་དག་པར་མི་བྱ་སྟེ། ས་བོན་མེད་པས་མྱུ་གུ་མེད་པ་བཞིན་དུ་ཕུང་པོ་རང་བཞིན་མེད་པ་ཉིད་ཀྱིས་དེ ་རྣམས་ཀྱང་རང་བཞིན་མེད་པར་གྲུབ་བོ།། དེའི་ཕྱིར་སེམས་ནི་ཕུང་པོ་དང་། ཁམས་དང་། སྐྱེ་མཆོད་དང་བྲལ་བ་ཞེས་བྱའོ།། གཟུང་དང་འཛིན་པ་རྣམ་པར་སྤངས་ཞེས་བྱ་བ་ནི་ཡང་དག་པར་རྫོགས་པའི་སངས་རྒྱས ་ཀྱིས་དེ་བཞིན་གཤེགས་པའི་གསང་བའི་མདོ་ལས། སེམས་ནི་སྔོན་པོ་དང་། སེར་པོ་དང་། དམར་པོ་དང་། བཙོད་ཁ་དང་། ཤེལ་དང་། དངུལ་གྱི་ཁ་དོག་དང་། རིང་པོ་དང་། ཐུང་ངུ་དང་། ཟླུམ་པོ་དང་། ་གྲུ་གསུམ་དང་། གྲུ་བཞི་ལྔ་སོགས་པའི་རྣམ་པ་དང་། སྐྱེས་པ་དང་། བུད་མེད་དང་། མ་ནིང་གི་རྣམ་པ་མ་མཐོང་ངོ་ཞེས་པ་དང་། གསང་བའི་བདག་པོ་སེམས་ནི་འདོད་པའི་ཁམས་ཀྱི་རང་བཞིན་མ་ཡིན། ་གཟུགས་ཀྱི་ཁམས་ཀྱི་རང་བཞིན་མ་ཡིན། གཟུགས་མེད་པོའི་ཁམས་ཀྱི་རང་བཞིན་མ་ཡིན། ལྷ་དང་། ཀླུ་དང་། གནོད་སྦྱིན་དང་། དྲི་ཟ་དང་། ལྷ་མ་ཡིན་དང་། ནམ་མཁའ་ལྡིང་དང་། མི་འམ ་ཅི་དང་། ལྟོ་འཕྱེ་ཆེན་པོ་དང་། མི་དང་མི་མ་ཡིན་པའི་འགྲོ་བའི་རང་བཞིན་མ་ཡིན་ནོ།། ཞེས་པ་ནས་རྣམ་པ་ཐམས་ཅད་དུ་ཡོངས་སུ་བཙལ་ན་མ་དམིགས་སོ་ཞེས་བྱ་བའི་བར་དུ་གསུངས་སོ།། དེ་ལྟར་ན་རེ་ཞིག ་སྡེ་མས་དྲི་ནི་གཟུང་བ་མ་ཡིན་ནོ།། ཇི་ལྟར་འཛིན་པ་ཡང་མ་ཡིན་པ་དེ་ལྟར་བརྗོད་པར་བྱ་སྟེ། འདི་ལྟར་བཅོམ་ལྡན་འདས་ཀྱིས་གསང་བའི་བདག་པོ་སེམས་དེ་ནི་ནང་ན་ཡང ་མ་ཡིན་ཕྱི་རོལ་ན་ཡང་མ་ཡིན། གཉིས་ཀའི་བར་ན་ཡང་མ་ཡིན་ནོ།། དེ་ཅིའི་ཕྱིར་ཞེ་ན། གསང་བའི་བདག་པོ་སེམས་དེ་ནི་རང་བཞིན་གྱིས་ཡོངས་སུ་དག་པའི་ཕྱིར་རོ།། དེའི་ཕྱིར་གང་རྣམ་པ་ཐམས ་ཅད་ཀྱིས་ཡོངས་སུ་བཙལ་ན་མ་དམིགས་པ་དེ་ཇི་ལྟར་གཟུང་བ་དང་འཛིན་པ་ཡིན་པར་འགྱུར། དེ་ལྟར་ན་སེམས་དྲི་ན་གཟུང་བ་དང་འཛིན་པ་དང་བྲལ་བ་ཞེས་བྱའོ།། ཆོས་བདག་མེད་པར་མཉམ་པ་ཉིད་པས་ཞེས ་བྱ་བ་ནི་ཕུང་པོ་ལ་སོགས་པ་ཐམས་ཅད་བདག་མེད་པ་དེ་བཞིན་དུ། སེམས་དེ་ཡང་ངོ་།། དེ་སྐད་དུ་བཅོམ་ལྡན་འདས་ཀྱིས་ཆོས་ཐམས་ཅད་སྟོང་པ་དེ་བཞིན་དུ། སེམས་ཀྱང་སྟོང་པའི་མཚན་ཉིད་དོ།། ཆོས་ཐམས ་ཅད་བདག་མེད་པ་དེ་བཞིན་དུ་སེམས་དེ་ཡང་བདག་མེད་པའི་མཚན་ཉིད་དོ།། ཆོས་ཐམས་ཅད་རྣམ་པར་དབེན་པ་སྟེ། དེ་བཞིན་དུ་སེམས་དེ་ཡང་རྣམ་པར་དབེན་པའི་མཚན་ཉིད་དོ།། དེའི་ཕྱིར་ཆོས་བདག་མེད ་པར་མཉམ་པ་ཉིད་ཀྱིས་སེམས་དེ་མཉམ་པ་ཡིན་པའི་ཕྱིར་རང་གི་སེམས་གདོད་མ་ནས་མ་སྐྱེས་པའོ།། དེའི་ཕྱིར་སྟོང་པ་ཉིད་ཀྱི་རང་བཞིན་ནོ།། སྟོང་པ་ཉིད་ཀྱི་རང་བཞིན་ཅི་ཞེ་ན། སྟོང་པ་ཉིད་ནི་ནམ་མཁའི ་རང་བཞིན་ནོ།། དེ་སྐད་དུའང་ནམ་མཁའ་སྟོང་པའོ།། ཆོས་ཐམས་ཅད་ནམ་མཁའི་རང་བཞིན་ནོ།། བྱང་ཆུབ་ཀྱང་དེའི་རང་བཞིན་ནོ་ཞེས་གསུངས་སོ།། དེ་བཞིན་དུ་ནམ་མཁའ་རང་བཞིན་མེད་པའི་མིང་ཙམ་མོ།། ་དེ་བཞིན་དུ་སེམས་ཀྱང་རང་བཞིན་མེད་པའི་མིང་ཙམ་ཡིན། གང་ཡང་སེམས་མ་སྐྱེས་མ་འགག་པར་ཁོང་དུ་ཆུད་པ་དེ་ནི་བྱང་ཆུབ་བོ།། དེ་སྐད་དུ་ཡང་བཅོམ་ལྡན་འདས་ཀྱིས་བྱང་ཆུབ་གང་ཞེ་ན། གང་སེམས་ཀྱི་ཡང ་དག་པ་ཇི་ལྟ་བ་བཞིན་ཡོངས་སུ་ཤེབ་སྟེ། དེ་ཉིད་བླ་ན་མེད་པ་ཡང་དག་པར་རྫོགས་པའི་བྱང་ཆུབ་བོ།། གསོང་བའི་བདག་པོ་ཕྲ་བ་ཡང་ཡོད་པ་མ་ཡིན་ཞིང་དམིགས་པ་མེད་པོ་དེས་ན། བླ་ན་མེད་པ་ཡང་དག་པར ་རྫོགས་པའི་བྱང་ཆུབ་ཞེས་བརྗོད་དོ།། ཅིའི་ཕྱིར་ཞེ་ན། བྱང་ཆུབ་ནི་ན་མཁའི་མཚན་ཉིད་དེ། རྟོགས་པ་པོ་དང་རྟོགས་པར་བྱ་བ་འགའ་ཡང་མེད་དོ།། དེ་ཅིའི་ཕྱིར་ཞེ་ན། བྱང་ཆུབ་ནི་ནམ་མཁའི་མཚན་ཉིད་ཀྱི་མཚན་ཉིད ་ཀྱི་ཕྱིར་རོ་ཞེས་གསུངས་སོ།། དེ་ཕྱིར་གང་ཞིག་རང་གི་སེམས་ཡང་ཆུ་དག་པ་ཇི་ལྟ་བ་བཞིན་མ་རིག་པ་དེ་ལ་བརྩེ་བའི་ཐབས་ཀྱིས། ཀྱེ་མུ་ཀྱི་ཧུད་སེམས་ཅན་འདི་དགེ་སྡུག་བསྔལ་བ། འདི་དག་ནི་རང་གི་སེམས་ཀྱི་ཆོས་ཉིད ་ཀྱི་རང་བཞིན་མ་རྟོགས་པ་ཡང་དག་པ་མ་ཡིན་པའི་རྣམ་པར་རྟོག་པ་ཕྱིན་ཅི་ལོག་གི་གདོན་གྱིས་བཟུང་བ། འཁོར་བ་ན་སྡུག་བསྔལ་སྣ་ཚོགས་ཉམས་སུ་མྱོང་བ་ཡིན་ཞིང་། ཇི་ལྟར་དེ་དག་རང་གི་སེམས་ཀྱི་ཆོས་ཉིད་ཀྱི་རང ་བཞིན་རྟོགས་པར་འགྱུར་བ་དེ་བཞིན་དུ་བདག་གིས་འབད་པར་བྱའོ་ཞེས་སེམས་ཅན་ལ་དམིགས་པའི་སེམས་སྐྱེ་བར་འགྱུར་རོ།། གང་སྙིང་རྗེ་ཆེན་པོས་ཡོངས་སུ་བཟུང་བའི་སེམས་བསྐྱེད་པ་དེ་ནི་བྱང་ཆུབ ་ཀྱི་སེམས་དང་། སེམས་ཅནྡ་ཐམས་ཅད་ལ་ཕན་པའི་སེམས་དང་། སེམས་ཅན་ཐམས་ཅད་ལ་དདེ་བའི་སེམས་ད་། བླ་ན་མེད་པའི་སེམས་དང་། ཆོས་ཀྱི་དབྱིངས་ལ་འཇུག་པའི་སེམས་དང་། སེམས་ཅན་ཐམས་ཅད ་བརྟེན་ནས་སྐྱེས་པའི་བྱང་ཆུབ་ཀྱི་སེམ་ཝེ་བྱའོ།། བྱང་ཆུབ་སེམས་ཀྱི་འགྲེལ་པ་སློབ་དཔོན་ཀླུ་སྒྲུབ་ཀྱིས་མཛད་པ་རྫོགས་སོ།། ་ཚོར་པཏི་ཏི་ལོ་ཐོད་རྒྱལ་རློའོ་ཁུ་མདོ་རྗེ་འབར་གྱིས་བར་། ་