CLOSE WINDOW

GT525: dpal rdo rje bdud rtsi'i dka' 'grel
Wyliee-texts produced with BDRC’s OCR application

རྒྱ་གར་སྐད་དུ། ཤྲཱི་བཛྲ་མྲི་ཏ་པཉྩིཀྵ། ་བོད་སྐད་དུ། དཔལ་རྡོ་རྗེ་འདྲིད་རྩིའི་དཀའ་འགྲེལ། དཔ ་རྡོ་རྗེ་སེམས་དཔའ་ལ་ཕྱག་འཚལ་ལོ།། གང་གི་དངོས་པོ་མཐའ་དག་རྣམ་བཅོམ་དྲི་མེད་ཡེ་ཤེས་དར་བ ་འཁྲུག་མེད་པ། ཐབས་དང་ཤེས་རབ་ཐུགས་རྗེ་ཆེན་པོ་རོ་མཉམ་ཕྱིར་གཅིག་གཉིས་སུ་གསལ་བ་དེ།། མཱ་མ་ཀཱི་ལ ་སོགས་པའི་སྤྱན་ཟུར་རྐང་དྲུག་ཚོགས་ཀྱིས་བལྟས་པའི་ཆུ་སྐྱེས་ཞལ།། དེ་ལ་བཏུད་ནས་མཆོག་ཏུ་བདེ་བ་རྒྱལ་བའི་རང ་བཞིན་རྡོ་རྗེ་བདུད་རྩི་བྲི།། རང་ཉིད་ལ་སྣང་རྒྱུད་ཀྱི་དོན།། ངེས་པར་གསང་བ་གསང་སེམས་པའི།། བདག་གཞན་རྣམས་ཀྱི་དྲན་པའི་ཕྱིར།། རྣམ་པར་འགྲེལ་པ་གསལ་བར་བྱ།། རྒྱུད ་འདི་ལ་བཅོམ་ལྡན་འདས་མི་བསྐྱོད་པ་མཱ་མ་ཀཱི་ལ་སོགས་པའི་འཁོར་གྱིས་ཡོངས་སུ་བསྐོར་བ་ནི་བརྗོད་པར་བྱའོ།། རྒྱུད་ཀྱང་རྗོད་པར་བྱེད་པའོ།། དགོས་པ་ཡང་རྡོ་རྗེ་བདུད་རྩི་བདེ་བ ་ཆེན་པོའི་ཡེ་ཤེས་མངོན་དུ་བྱེད་པས་སྐྱེ་བོ་རྣམས་ཀྱིས་འདོད་ཆགས་ལ་སོགས་པ་ཉོན་མོངས་པའི་ཉེས་པ་ངེས་པར་འཇོམས་པར་བྱེད་པ་ཞེས་བྱའོ།། དེ་ལ་ཡང་བདེ་བ་ཆེན་བློ ་ཏིང་འཛིན་ཐོབ་པ་ལས་འདོད་ཆགས་ལ་སོགས་པའི་ཉོན་མོངས་པ་བསམ་སྟེ་ཚེགས་མེད་པར་སྐྱེ་བོ་མ་རྒྱལ་བ་ལས་རྒྱལ་བར་འགྱུར་ཏེ་རྫོགས་པའི་སངྱས་རྒྱུན་ཏུ་སེམས་ཅན་གྱི་དོན ་བྱེད་དོ་ཞེས་པ་དགོས་པའི་ཡང་དགོས་པའོ།། དེ་དག་ཀྱང་གདོན་མི་ཟ་བར་བརྗོད་པར་བྱ་བ་སྟེ། ཆོས་ཀྱི་རྗེས་སུ་འབྲང་བའི་གང་ཟག་སྒྲུབ་པར་བྱེད་པ་ལ་ཕན་པར་བྱེད་པའི་ཕྱིར་རོ།། འོ་ན་སེམས་ཅན་རྣམས་ཀྱིས་རྫོགས་པའི་བྱང ་ཆུབ་ཐོབ་པའི་དོན་དུ་ཅིའི་ཕྱིར་འདི་ལས་ཐབས་གཞན་པའི་ཏིང་ངེ་འཛིན་བཅོམ་ལྡན་འདས་ཀྱིས་རབ་ཏུ་བསྟན་པ་མ་ཡིན་ནམ། འདིར་འཇིག་རྟེན་ལ་འགལ་བ་བསྟན་ཞེས་ནི། གང་གི་ཕྱིར་འཇིག་རྟེན་ཐོག་མ་མེད་པའི་དུས་སུ་གོམས་པ་འདོད་ཆགས་ལ་སོགས་པའི ་ཉོན་མོངས་པ་མཐའ་དག་གི་དྲ་བས་འཁྲུགས་པ་ཡིད་ཆགས་པ་ལ་སོགས་པ་དང་བྲལ་བས་ན་ཅུང་ཟད་ཀྱང་གནས་པར་མི་ནུས་སོ།། དེའི་ཕྱིར་དེ་ཁོ་ན་རྫོགས་པའི་བྱང་ཆུབ་ཐོབ་པའི་ཆེད་དུ་རྒྱུ་ཉིད་དུ་ཉེ་བར་བླང་བར་བྱ་སྟེ་ཡིད་སྔགས་དང་ཕྱག་རྒྱ་དང་ཡེ་ཤེས་སེམས ་དཔའ་དགུག་པ་དང་ལྷན་ཅིག་པས་བྱང་ཆུབ་ཐོབ་པར་བྱ་བ་ལས་ནུས་པ་ཤིན་ཏུ་སྐྱེ་བར་འགྱུར་རོ།། གཞན་ཡང་འདོད་ཆགས་དང་འདོད་ཆགས་ཅན་འཆིང་བ་དང་བཅིང་བྱ་དག་དོན་དམ་པར་ཡོངས་སུ་གྲུབ་པ་མེད་དེ། རིགས་པས་རྣམ་པར་དཔྱོད་བཞིན་པ་ན ་བརྫུན་པ་ཉིད་དོ།། དེ་བཞིན་དུ་ཡང་གསུངས་པ། གང་ཞིག་ཆགས་པ་དང་གྲང་ལ་ཆགས་པ་འམ་གང་གིས་ཆགས་པ་དེ་དང་དེའི་ཆོས་སུ་ཉེ་བར་དམིགས་པར་མི་བྱ་སྟེ། ཉེ་བར་དམིགས་པའི་ཡིད་ལ་འདོད་ཆགས་ཀྱི་སྐྱོན་མེད་དོ་ཞེས་པ་ལ་སོགས་པའོ།། ། ་བསྐྱེད་པར་བྱ་བ་དང་ཉམས་པར་བྱ་བ་མེད་དེ། འདོད་ཆགས་མེད་པ་ཁོ་ནའི་སེམས་ལ་ཀུན་ནས་ཉོན་མོངས་པར་བྱ་བ་ནས་ཡང་སྐྱེ་བ་མེད་དོ།། གང་ཡང་བདག་ཏུ་ཉེ་བར་དམིགས་པ་ཞེན་པའི་ལྟ་བ་པོ།། དེ་རྣམས་ཆགས་པས་ངན་སོང་དུ་ནི་ལྟུང་བར་འགྱུར།། ། ་གླང་རྣམས་འདོད་ཆགས་ཆོས་ཀྱང་སངས་རྒྱས་ཆོས་རྣམས་ཏེ། དེ་རྣམས་ཀྱིས་ནི་ཁྱད་པར་ཅི་ཡང་ཡོད་པ་མིན།། ཡི་གེ་གཅིག་པ་ཚུལ་གཅིག་མཚན་ཉིད་མེད་པ་སྟེ།། དེ་བཞིན་སྐྱེ་དགུ་མེད་ཅིང་བདེ་གཤེགས་ཉིད་མཆོད་མེད།། ཚུལ་ཁྲིམས་འཆལ་དང་ཚུལ ་ཁྲིམས་རྣམ་པར་བརྟགས་ནས་ནི།། གང་ཞིག་ཚུལ་ཁྲིམས་རློམ་པས་མྱོས་པས་བསམ་པ་སྟེ།། དེ་ཡི་བྱང་ཆུབ་མེད་ཅིང་སངས་རྒྱས་ཆོས་ཀྱང་མེད།། གང་ཕྱིར་དེ་ཡི་དམིགས་པའི་ལྟེ་བར་རབ་གནས་ཕྱིར་ཞེས་སོ།། སླར་ཡང་གསུངས་པ། འདོད་ཆགས་མེད། ་ཅིང་ཆགས་བྲལ་མེད།། དབུ་མ་ཉེ་བར་མི་དམིགས་སོ།། ཞེས་པ་ལ་སོགས་པའོ།། འདིར་བཅོམ་ལྡན་འདས་མི་བསྐྱོད་པ་ནི་སྟོན་པ་པའོ།། མཱ་མ་ཀཱི་ནི་ཞུ་བ་པོ་སྟེ་རྒྱུད་ཀྱི་སྡུད་པར་བྱེད་པ་པོ་དེ་ཉིད་དོ།། ཞི་བ་མ་ལ་སོགས་པའི་ལྷ་མོ་སྒོ་སྐྱོང་གི་མཐར་ཐུག ་པ་ནི་འཁོར་ལོ།། འདི་སྐད་བདག་གིས་ཞེས་བྱ་བ་ལ་སོགས་པ་རྒྱུད་ཀྱི་སྐབས་འབྱེད་དོ།། འདི་སྐད་ནི་འཆད་པར་འགྱུར་བ་ཅན་རྡོ་རྗེ་བདུད་རྩིའི་རྒྱུད་དོ།། བདག་གིས་ཐོས་པ་ཉིད་དེ་ཤེས་སོ་ཞེས་པའི་དོན་ཏོ།། དུས་གཅིག་ན་ནི་དུས་གཅིག་གི་ཚེ་ན་སྟེ། ་གང་གི་ཚེ་ནཱ་སྟེ། གླིང་གི་ཚེན་སྟེ། གང་གི་ཚེ་བཅོམ་ལྡན་འདས་མི་བསྐྱོད་པ་གསང་བའི་པདྨ་རྣམས་སུ་བཞུགས་པ་དེའི་ཚེ་ཐོས་སོ།། བཅོམ་ལྡན་ཞེས་པ་བདུད་བཞི་བཅོམ་པ་ལྡན་པས་བཅོམ་ལྡན་ནོ།། ཡང་ན་དབང་ཕྱུག་ལ་སོགས་པའི་ཡོན་ཏན ་དང་ལྡན་པའི་ཕྱིར་རོ།། གསང་བའི་པདྨ་རྣམས་སུ་རྟག་ཏུ་གནས་དང་ལྡན་ནོ་ཞེས་པའི་དོན་ནི།། དེ་བཞིན་གཤེགས་པ་ཐམས་ཅད་ནི་རྣམ་པར་སྣང་མཛད་ལ་སོགས་པའོ།། དེ་རྣམས་ཀྱི་སྐུ་དང་གསུང་དང་ཐུགས་རྣམས་དེ་རྣམས་ཁོ་ན་རྡོ་རྗེའི་སྐུང ་རྡོ་རྗེ་བདུད་རྩིའི་གསང་བ་ནཱི་མཱ་མ་ཀཱི་ལ་སོགས་པའི་ལྷ་མོའོ།། དེ་རྣམས་ཀྱིས་པདྨ་ནི་བྷ་གའི་དབུས་སུ་ལྷག་པའི་གནས་རྣམསུ་བཞུགས་པ་ནི་ཡང་དག་པར་གནས་པ་དང་ལྡན་ནོ་ཞེས་པའི་དོན་ཏོ།། དོན་ནི་འདྲི་ཡིན་ཏེ་མཱ་མ ་ཀཱི་ལ་སོགས་པའི་ལྷ་མོ་དེ་ནས་ཀྱི་བྷ་གའི་དབུས་ན་སུ་བཅྡོཾས་འཁོར་དང་མཆོག་ཏུ་བདེ་བའི་དགའ་བ་དམ་པ་པོར་མཉམ་པའི་ངོ་བོ་བྱང་ཆུབ་ཀྱི་སེམས་རྡོ་རྗེ་བདུད་རྩིའི་གཟུགས་ཀྱིས་ཡང་དག་པར་གནས་སོ།། དེ་བཞིན་དུ་ལྷའི་རྣལ་འབྱོར་མངོན་དུ་བྱེད ་པར་འདོད་པའི་རྣལ་འབྱོར་ཀྱིས་ཀྱང་གོས་པར་བྱའོ།། ཞེས་པའོ།། རོལ་ཞེས་པ་ལ་སོགས་པ་ནི་མཱ་མ་ཀཱི་དང་ལྷན་ཅིག་ཏུ་སྙོམས་པར་ཞུགས་པ་དང་ལྡན་པར་གྱུར་ནས་ཞི་བ་མ་ལ་སོགས་པའི་ལྷ་མོ་རྣམས་ཀྱིས་ལྷན་ཅིག་རོལ་པར་བྱེད་དོ།། ཁང ་པ་ཞེས་པ་དཀྱིལ་འཁོར་དུ་སྟེ། འདི་དག་གསུངས་པར་འགྱུར་པ། མཱ་མ་ཀཱི་ལ་སོགས་པའི་ཆོས་འབྱུང་དུ་གྲུ་བཞི་ལ་སོགས་པའི་ཡོན་ཏན་དང་ལྡན་པའི་དཀྱིལ་འཁོར་དུའོ།། དེའི་སྟེང་དུ་ཡོངསུ་བརྟགས་པའི་པདྨ་འདབ་མ་བརྒྱད་པ་ལ་འདབ ་མ་སོ་སོ་ལ་ཡང་དག་པར་གནས་པའི་ལྷ་མོ་བརྒྱད་ནི་ཞི་བི་མ་ལ་སོགས་པའི་མིང་ཅན་རྣམས་སོ།། སྒོ་རརུ་ཁྲོ་གཉེར་མ་ལ་སོགས་པའི་སྒོ་སྐྱོང་མ་རྣམསོ།། གྲཝ་རྣམས་སུ་མེ་ཏོག་མ་ལ་སོགས་པའི་ལྷ་མོ་རྣམས་སོ།། སྣམ་བུ་ལ་གླིང ་བུ་མ་ལ་སོགས་པའི་ལྷ་མོ་རྣམས་ཏེ། ཐམས་ཅད་རང་གི་མཚན་མ་འཛིན་པ་ཡང་དག་པར་བཞག་པར་བྱའོ།། བཅོམ་ལྡན་འདས་མི་བསྐྱོད་པ་ཡང་མཱ་མ་ཀཱི་ལ་སྙོམས་པར་ཞུགས་པ་དང་ལྡན་པས་པདྨའི་སྙིང་པོ་ལ་བཞུགས་སོ་ཞེས ་པའོ།། ད་ནི་བཅོམ་ལྡན་འདས་བཙུན་མོའི་འཁོར་གྱི་དབུས་སུ་ལྷག་པའི་གདན་ལ་ཤིན་ཏུ་དགའ་བའི་རོས་ཡང་དག་པར་མཉེས་ནས་མཱ་མཱ་ཀཱི་ས་འདོད་ཆགས་ལ་སོགས་པ་ལ་ཀུན་ནས་ཞེན་པའི་སེམས་ཅན་གྱི་ཁམས་ཡོངས་སུ་མགུ་བར ་བྱེད་པའི་དོན་དུ་གསོལ་བ་བཏབ་བོ།། ལྷ་མོ་ཞེས་བྱ་བ་ལ་སོགས་པ་གསུངས་ཏེ། རྡོ་རྗེ་བདུད་རྩིའི་རྒྱུད་ཅེས་པ་ནི་རྒྱུད་ཟླུ་མ་སྟོང་ཕྲག་བཅུ་གཉིས་པ་ནི་རྒྱས་པ་ལ་དགའ་བའི་སེམས་ཅན་གྱི་དོན་བྱེད་པའི་ཐབས་སོ།། ད་ནི་བསྡུས་པ་ལ་དགའ་བ ་ལ་སོ་སོར་བཀའ་སྩལ་ཏོ།། བདུད་རྩི་ཞེས་པ་བྱང་ཆུབ་ཀྱི་སེམས་ཏེ། འཆི་བའི་ཆོས་དང་བྲལ་བའི་བདག་ཉིད་བདེ་བ་ཆེན་པོའི་ཡེ་ཤེས་མངོན་དུ་བྱེད་པས་རྒྱུའི་གཙོ་བོ་དེ་ཁོ་ནའོ།། གང་གི་ཕྱིར་སེམས་ཙམ་གྱི་བདག་ཉིད་དུ་སྣང་བའོ།། ཕུང་པོར ་གྱུར་པ་ཁམས་གསུམ་པ་ཅན་ལ་གཉིས་སུ་མེད་པར་གྱུར་པ། ཕྱི་དང་ནང་གི་རྣམ་པར་རྟོག་པའི་དྲི་མའི་དྲ་བ་མ་ལུས་པ་ངེས་པར་བསལ་བར་བལྟས་ནས། དེའི་མཐར་བདེ་བ་ཆེན་པོའི་ཡེ་ཤེས་རོ་མཉམ་པ་ཅན་དུ་གྱུར་པ་ཤེས་རབ་ཀྱི་ཕ་རོལ ་ཏུ་ཕྱིན་པའི་རང་བཞིན་ས་བཅུ་གསུམ་པ་ཆོས་འབྱུང་ལ། ན་མཁའ་ལྔའི་པདྨ་འདབ་མ་བརྒྱད་པའི་དབུས་སུ་ཡེ་ཤེས་བདུད་རྩིའི་རྒྱུན་རྒྱས་པར་འཕྲོ་བར་བྱེད་པའི་བུམ་པ་དང་ལྡན་པ་ན་མཁའི་མཐིལ་ཁྱབ་པར་གྱུར་པ་ལ། བྷྲཱུཾ་ག་ཡི་གེ་ཡོངསུ ་གྱུར་པ་ལས། རྡོ་རྗེ་དབྱིངས་ཀྱི་དབང་ཕྱུག་མའི། ཁང་པ་རྩེགས་པ་གྲུ་བཞི་པ་ལ་སོགས་པའི་དཀྱིལ་འཁོར་བརྒྱན་པར། ཟླ་བའི་དཀྱིལ་འཁོར་དང་རྡོ་རྗེ་ལས་ཡེ་ཤེས་སེམས་དཔའ་བསྒོམ་པར་བྱས་ནས་འཆད་པར་འགྱུར་བྲི་སྟོད་པ་དང ་མཆོད་པས་ཡང་དག་པར་བསྐྱོད་དེ་ཡང་དག་པར་མཆོད་ནས་བཟོད་པར་གསོལ་ཏེ། དེ་ཁ་ནས་བཅུག་སྟེ་རྡོ་རྗེའི་ལམ་ནས་ངེས་པར་བྱུང་སྟེ་ཟླ་བ་ཞུ་བའི་བདག་ཉིད་དུ་བལྟས་ནས་བཅོམ་ལྡན་འདས་དང་བཅོམ་ལྡན་འདས་མ་ལྷན ་ཅིག་བལྟའོ།། ཕྱི་ནས་རྗེ་སུ་རྣལ་འབྱོར་ནི། དཀྱིལ་འཁོར་གྱི་འཁོར་ལོ་བྱུང་ནས་ལྷག་པའི་བདག་པོའི་བསྙམས་པ་བྱའོ།། རྣམ་པ་ལྔས་མངོན་པར་རྫོགས་པར་བྱང་ཆུབ་པ་ནི་རྡོ་རྗེ་བདུད་རྩི་མཆོག་ཏུ་ཉེ་བར་འབྱུང་བར་ཡང་དག་པར་གོ་བར་བྱེད་དོ།། དེ་གསུངས ་བ་སེམས་དང་སེམས་དཔའ་ཏིང་ངེ་འཛིན་དང་། བྱང་ཆུབ་སྤྱོད་པ། ཞེས་པ་ལ་སོགས་པའོ།། སླར་ཡང་གསུངས་པ། དབང་པོ་གཉིས་པོ་སྙོམས་ཞུགས་ནས། མཁས་པས་རང་གི་ཁུ་བ་ནི།། ཕྱུང་ནས་རྟག་པར་རྣལ་འབྱོར་པས། དཀྱིལ་འཁོར་དཀྱི ་འཁོར་རྣམ་པ་རྣམས་ཞེས་སོ།། འདིའི་ཕྱིར་ཡང་དོན་འདི་རྟོགས་པ་བྱའོ།། འདི་ཉིད་ཀྱང་རྣལ་འབྱོར་གྱི་རྒྱུད་ལ་སྒྲུབ་པའི་ཐབས་ཀྱི་གཙོ་བོ་ཡིན་གྱིས་གང་ཡང་རུང་བ་ནི་མ་ཡིན་ནོ་ཞེས་པའོ།། གང་གི་ཕྱིར་འདི་ཉིད་དུ་གསུངས་པར་འགྱུར་བ། བདུད་རྩིའི་ཁུ་བ་ཞེས ་བརྗོད་དོ།། འགྲོ་བ་གསུམ་པོ་དེས་ལས་སྐྱེས།། སྐུ་གསུང་ཐུགས་ནི་གྲུབ་དོན་དུ།། སྒྲུབ་པོ་རྣམས་ཀྱི་བདེ་བ་སྤྱོད།། ཅེས་པ་འདིས་ཀྱང་རྟོགས་པར་བྱའོ།། བསམ་མེད་ཅེས་པ་འདིས་རྡོ་རྗེ་བདུད་རྩིའི་རྒྱུ་བདེ་བ་ཆེན་པོའི་ཡེ་ཤེས་ཀྱི་ཁྱད་པར་ཡིན་ནོ།། དངོས ་པོ་དང་དངོས་པོ་མེད་པའི་ངང་གཉིས་ཀར་རྟོག་པའི་དྲི་མའི་དྲ་བ་དང་བྲལ་བ་ནི་བསམ་མེད་དོ།། ཟད་མེད་དང་ཞེས་པ་རང་གི་རིགས་དང་མཐུན་པའི་བདེ་བའི་ངོ་བོ་བརྒྱུད་པ་སྐྱེད་པ་པོ་ཉིད་ཀྱི་ཕྱིར་དང་རྒྱུད་ཀྱི་རྒྱུན་མ་ཞིག་པ་ཉིད་ཀྱི་ཕྱིར་རོ།། ཕྲ་མོ་ནི་ངག་ཏུ་དཔེར ་བརྗོད་པའི་ཡུལ་མ་ཡིན་པ་ཉིད་ཀྱི་ཕྱིར་རོ།། དོན་ཡོད་དང་ནི་བསྐལ་པ་ཆེན་པོ་གྲངས་མེད་པས་ཐོབ་པར་བྱ་བའི་མངོན་པར་རྫོགས་པར་བྱང་ཆུབ་པ་དེ་སྐད་ཅིག་ལ་ཡང་དག་པར་རྟོགས་པ་པོ་ཉིད་ཀྱི་ཕྱིར་རོ།། དབང་པོ་ལས་འདས་ནི་མིག་ལ་སོགས་པའི་སྐྱེ ་མཆེད་ལས་ཤིན་ཏུ་འདས་པ་ཉིད་ཀྱི་ཕྱིར་རོ།། དམ་པ་ནི་མེ་ལོངས་ལ་སོགས་པའི་ཡེ་ཤེས་ལྔའི་གཙོ་བོ་ཉིད་ཀྱི་ཕྱིར་རོ།། ཞི་བ་ནི་འདོད་ཆགས་ལ་སོགས་པའི་ཉོན་མོངས་པ་རྣམས་ཀྱིས་མ་གོས་པ་ཉིད་ཀྱི་ཕྱིར་རོ།། ཤིན་དུ་རྣམ་དག་ནི་ཆོས་ཀྱི་དབྱིངས ་ཀྱི་རང་བཞིན་ཉིད་ཀྱི་ཕྱིར་དག་པའོ།། དབྱེ་བྱ་མིན་པ་འབྱེད་པ་པོ་ཉིད་ཀྱི་ཕྱིར་རྡོ་རྗེའོ།། ཐ་མལ་པའི་ཕུང་པོ་ཡོངསུ་སྒྱུར་བར་བྱེད་པའི་རྒྱུ་བཅུད་ཀྱིས་ལན་གྱི་ངོ་བོ་ཉིད་ཀྱི་ཕྱིར་བདུད་རྩིའོ།། དེ་བཞིན་དུ་འབྱུང་བ་དང་མཆོག་ཏུ་འབྱུང་བའི་ཡོན་ཏན་གྱི་ཚོགས ་ཀྱི་ཁྱད་པར་ལས་དང་བྱང་ཆུབ་ཀྱི་སེམས་ལས་འགྲོ་བ་གསུམ་པོ་ཡང་རབ་ཏུ་སྐྱེས་པ་ནི་ཡང་དག་འབྱུང་ཞེས་པའི་དོན་ཏོ།། འདིས་བརྟན་པ་དང་གཡོ་བའི་དངོས་པོ་ཐམས་ཅད་ཀྱི་རང་བཞིན་ཉིད་བཅོམ་ལྡན་འདས་གསུངས་སོ།། སྐུ་དང་གསུང་ཐུགས ་ཞེས་བྱ་བ་ལ་སོགས་པ་སྟེ། འདིས་རྡོ་རྗེ་བདུད་རྩིས་སྐུ་དང་གསུང་དང་ཐུགས་རྣམས་ནི་བསྒྲུབ་པར་བྱ་བ་སྟེ་བདེ་བ་ཆེན་པོའི་ངོ་བོས་ངེས་པར་བསྐྱེད་པའི་མཐར་ཐུག་པའི་ཞེས་པའི་དོན་ཏོ།། རྡོ་རྗེ་པདྨ་ཞེས་པ་སྒྲུབ་པར་བྱེད་པ་རང་ཧཱུཾ་ཡིག་ཡོངསུ་བརྟགས ་པས་རྡོ་རྗེའི་རྣམ་པའོ།། ཏྲཾ་ཡིག་ལས་ཡོངསུ་སྐྱེས་པའི་ནོར་བུ་སྣ་ཚོགས་རྡོ་རྗེའི་སྐ་རགས་ཀྱིས་བརྒྱན་པའོ།། གཏུམ་མོ་ལ་སོགས་པའི་བུ་མོ་མཱ་མ་ཀཱིའི་རྣམ་པར་ཡོངསུ་བསྐྱེད་བཞིན་པའི་བྷ་གའི་དབུ་སུ་ཧྲཱིཿཡིག་ཡོངསུ་གྱུར་པའི་པདྨ་ལ་བྷྲཱུཾ་ཡིག ་བཀོད་དེ། ཁང་པ་བརྩེགས་པ་བསམས་ནས་མཉམ་པར་ཀུན་ཏུ་སྦྱོར་བ་བྱེད་པ་ཡིན་གྱི། གཞན་དུ་ལྟུང་བ་དང་བཅས་པར་འགྱུར་རོ།། ད་ནི་འདིའི་ལྷའི་རྣལྔ་འབྱོར་མངོན་དུ་བྱེད་པའི་རྒྱུ་མཆོད་པ་དང་དཀྱིལ་འཁོར ་ཅི་ལྟ་བུ་ཞེས་སླར་ཡང་ཞུ་བར་བྱེད་པ། གྲུ་གསུམ་ཞེས་པ་ལ་སོགས་པ་སྟེ། གྲུ་གསུམ་ནི་ཆོས་འབྱུང་གི་རྣམ་པ་རྡོ་རྗེ་འཛིན་པོའི་སའི་རང་བཞིན་ནོ།། དཀྱིལ་ནི་སྙིང་པོ་སྐྱེ་བདེ་བ་ཆེན་པོའི་ཡེ་ཤེས་སོ།། དེ་ལེན་པར་བྱེད་དོ།། ཞེས་པ་དཀྱིལ ་འཁོར་རོ།། གསང་བ་པདྨ་ཞེས་པ་གསང་བའི་དབུས་སུ་པདྨ་འདིའི་ཞེས་འབྲུ་མང་པོའོ།། གསང་བའི་སྤྱོད་ཡུལ་ཞེས་གསང་བ་སྤྱོད་ཡུལ་ནི་ཡུལ་ཏེ་ཟླ་བའི་དཀྱིལ་འཁོར་དགོད་པས་སོ།། ཕྱི་རོལ་ཞེས་པ་གྲུ་གསུམ་དེའི་དབུས་སུ་པདྨ་འདབ ་མ་བརྒྱད་པ་བཀོད་པའི་ཕྱི་རོལ་ཏུའོ།། ལོགས་དང་སྒོ་བཞི་ཞེས་པ་ནི་ཉེ་བར་མཚོན་བྱེད་དེ། གཞན་གུ་བཞི་དང་རྟག་འབྱས་བཞི་དང་སྒོ་དང་སྒོ་ཁྱུད་ལ་སོགས་པ་རྟགས་ནས་རིགས་པ་དང་ལྡན་པར་བྲིའོ།། ཤྭ་རཾ་ལ་སོགས་པའི་སྒོ་རུ་ཁྲོ་གཉེ ་ཅན་ལ་སོགས་པའི་སྒོ་སྐྱོང་མ་རྣམས་སོ།། གྲཝ་རྣམསུ་མེ་ཏོག་མ་ལ་སོགས་པ་རྣམས་སོ།། སྣམ་བུ་ལ་གླིང་བུ་མ་ལ་སོགས་པ་རྣམས་སོ།། དེ་ལྟ་བུར་གྱུར་པའི་དཀྱིལ་འཁོར་ཡང་དག་པར་བྲིས་ཏེ། ན་མཁའི་མཐིལ་དུ་ཡོངསུ་བརྟགས་པའི ་སེམས་ཀྱིས་དཀྱིལ་འཁོར་དེ་ལ་བཀུག་ནས་གཉིས་སུ་མེད་པར་བྱས་ཏེ་ཡང་དག་པར་མཆོད་པ་དེས་དམ་ཚིག་ཕུལ་ནས་དངོས་གྲུབ་ཀྱི་ཕྱིར་གསོལ་བ་བཏབ་སྟེ། སློབ་དཔོན་དང་གཉིས་སུ་མེད་པ་ཅན་དུ་གྱུར་པ་ལྷའི་ང་རྒྱལ་གྱིས་རབ་ཏུ ་ཞུགས་ཏེ་གསང་བའི་འཁོར་ལོ་བསྒྲུབ་པར་བྱའོ།། ཞེས་པ་འདི་ནི་དཀྱིལ་འཁོར་འདྲི་བར་བྱེད་པའི་རིམ་པའོ།། གསང་བ་ནི་གསུང་བར་འགྱུར་བར་ཞི་བ་མ་ལ་སོགས་པའི་ལྷ་མོ་རྣམསུ་དེ་དང་དེ་སྒྲུབ་པར་བྱེད་པའོ།། མ་དང་ཆུང་མ་ལ ་སོགས་རྣམས་དེའི་གཟུགས་དང་དེ་མཚན་མ་སྒོམ་པར་བྱེད་པའི་སྒོ་ནས་དེ་ལ་ལྔ་རྣམས་ནི་གཙོ་མོ་མཱ་མ་ཀཱི་ལ་སོགས་པའི་ལྷ་མོ་རྣམས་ཀྱི་སྦྱོར་བས་མ་ལ་སོགས་པ་ལྔ་བསྒྲུབ་པར་བྱའོ།། མཱ་མ་ཀཱིའི་རྣལ་འབྱོར་གྱིས་མའོ།། ཞི་བ་མའི ་རྣལ་འབྱོར་གྱིས་རང་གི་ཆུང་མའོ།། ཞི་ཞལ་མའི་རྣལ་འབྱོར་གྱིས་བུ་མོའོ།། ཟླ་ལྡན་མའི་རྣལ་འབྱོར་གྱིས་སྲིང་མོའོ།། རི་བོང་ཅན་མའི་རྣལ་འབྱོར་གྱིས་གཉེན་མོའོ།། ད་ནི་མ་དང་སྲིན་མོ་ལ་སོགས་པ་རྣམས་ཀྱི་དེ་མ་ཐག་ཏུ་འདོད་པ་བསྐྱེད ་པའི་རྒྱུ་གསུངས་པ། བུད་བརྩེ་བའི་ཚུལ་གྱིས་ནི་ཞེས་བྱ་བ་ལ་སོགས་པ་སྟེ། བུང་བ་བཞིན་དུ་ཤིན་ཏུ་དགའ་བ་རྩོམ་པ་ལ་ཁྱད་པ་དང་རྩེ་བ་སྔོན་མ་ཅན་གྱིས་ཚིག་སྙན་པས་རྗེས་སུ་ཆགས་པ་བསྐྱེད་ནས། ཕྱི་ནས་བུད་མེད་ཐམས་ཅད་བཅིང་བ་དང ་སོ་སོ་བཅིང་བས་འདོད་པའི་དེ་མ་བག་བདེ་བ་ཆེན་པོ་ཤིན་ཏུ་དགའ་བའི་རོ་མྱོང་བ་ཐོབ་པ་རྣལ་འབྱོར་མ་རྣམས་ལས་སྐྱེ་བར་འགྱུར་རོ།། ད་ནི་ལུས་མཉེ་བ་བྱེད་པའི་དོན་དུ་སོ་སོ་ངདེ་བ་ཐམས་ཅད་བསྡུས་པའི་གཙོ་མོ་མཱ་མ་ཀཱི་ལ་སོགས་པའི་རྣལ ་འབྱོར་མ་རྣམས་ཀྱི་བཅིངས་པ་ལྔ་རྣམས་གསུངས་པ། ཁྱོགས་དང་གྲུ་མོ་ཞེས་བྱ་བ་ལ་སོགས་པ་སྟེ། ཁྱོགས་ཞེས་པ་སྡོམ་པ་ཞེས་བྱ་བའི་བཅིང་བའོ།། འདེགས་པ་དང་ནི་ཞེས་པ་འཕུལ་བར་བརྗོད་པར་བྱའོ།། གྲུ་མོ་དང་བསྐྱང་བ་དང་ཤིན་ཏུ་རང ་དུ་བསྐྱང་བ་ནི་ཇི་ལྟར་ངེས་པར་བསྟན་པའི་མིང་གི་བརྗོད་བྱང་ལྟ་བར་བྱའོ།། དེ་ལ་སྡོམ་པ་བཤད་པར་བྱ་སྟེ། བཙུན་མེའི་མགྲིན་པ་བརྟན་འཁྱུད་དེ། མི་ཡི་དཔུང་པཟུང་གི་ནི།། གླུ་མེ་གཉིས་པོ་བུད་མེད་ཀྱི།། རྗེ་ངར་བཀོད་པ་སྡོམ ་པར་དྲན།། གླུ་མེའི་མཚན་ཉིད་ནི།། བུད་མེད་དབུས་མོ་བཀུག་པ་ལ།། མིའི་གྲུ་མོ་བཀོད་པ་ནི།། པུས་མོ་གྲུ་མོ་སྟེང་དུ་འདོད།། ཞེས་པ་དག་པའི་ཆོ་གར་དྲན།། བརྐྱང་པ་བརྗོད་པར་བྱ་སྟེ།། འདུག་པའི་སྐྱེས་བུའི་བརླ་ལ་ནི།། བུད་མེད་རྐང་པའི་མཐིལ ་བརྟག་པ།། བརླ་ནི་བཤགས་ནས་གཉིས་གའི་ཡང་།། རྐྱང་བ་རབ་བརྐྱང་ཕྱིར་བརྐྱང་བ།། འཕུལ་བ་བརྗོད་པར་བྱ་བ་སྟེ།། མི་ཡི་ལྟེ་བའི་རྩ་བ་རུ།། མི་མོའི་རྐང་མཐིལ་འགོད་བྱེད་པ།། པག་པའི་མཐར་ཡང་ཡར་བཏེག་པ།། སྐྱེས་པ་འཕུལ་བར་རབ་ཏུ ་གྲགས།། ཤིན་ཏུ་རབ་ཏུ་བརྐྱང་བར་འགྱུར་རོ་ནི།། གཉིས་ཀ་དག་ལས་རྐང་པ་དག། བརྐྱང་བ་ལས་ནི་རབ་བརྐྱང་བའོ།། བུད་མེད་མི་ཡི་རེ་རེ་ལ།། འོག་ཏུ་བལྟས་པའི་ལུས་སུ་གནས།། བྱེད་པ་ཞེས་བྱ་བ་ལ་སོགས་པ་ནི། བྱེད་པ་ནི་ཤིན་ཏུ་དགའ་བ་ལ་ཕན ་བར་བྱེད་པ། རྣམ་པར་སེལ་བ་ལ་སོགས་པའོ།། བཅིང་བ་ཡིས་ནི་བཤད་མ་ཐག་པ་རྣམས་ཀྱིས་སོ།། ཡང་དག་སྦྱོར་ནི་གང་རྣམས་ཀྱིས་ཞེས་འབྲུ་མང་པོའོ།། ད་ནི་ཚོགས་ཀྱི་འཁོར་ལོ་སྒྲུབ་པའི་དམ་ཚིག་གསུངས་པ། ཤ་ཆེན་ཞེས་བྱ་བ་ལ་སོགས ་སྟེ། ཁྲག་ཆེན་པོ་ནི་རྡུལ་ཏེ་རང་བྱུང་གི་ཁྲག་གོ། ལྷག་མ་གོ་སླའོ།། བསྒྲུབ་པར་བྱ་ཞེས་པ་ཨ་ཡིག་ཡོངསུ་བརྟགས་པའི་པདྨ་བནྡྷའི་སྟེང་དུ་ཧཱུ~ཾ་ཡིག་དང་ཨོཾ་ཡིག་གིས་སྦྱོང་བ་དང་རྟོགས་པར་བྱེད་པ་དང་བདུད་རྩིར་བསྒོམ་ནས་བསྒྲུབས་པ་ཟོས་པ་ཙམ ་གྱིས་རབ་ཏུ་གྲགས་པའི་དངོས་གྲུབ་སྟེར་བར་འགྱུར་རོ།། གལ་ཏེ་དངོས་གྲུབ་བདག་འདོད་ན་ཞེས་པ་ནི།། འདིས་ཤ་ཆེན་པོ་ལ་སོགས་པའི་དམ་ཚིག་རྗེས་སུ་བསྒྲུབ་པའི་མཐུ་ཆེན་པོ་རབ་ཏུ་གསལ་བར་བྱེད་པ་བཅོམ་ལྡན་འདས་ཀྱིས་མ་ནོར་བ་དེ་བཞིན་དུ ་གསུངས་ཤིང་མངོན་པར་འདོན་ནོ།། འདི་ཉིད་རྣལ་འབྱོར་པ་རྣམས་ཀྱིས་བྱའོ་ཞེས་པའི་དོན་ཏོ།། ལེའུ་དང་པོའི་འགྲེལ་པའོ།། །། བྱང་ཆུབ་ཀྱི་སེམས་ཆོས་སྐུའི་རང་བཞིན་དང་བྲལ་བས་དངོས་གྲུབ་རྣམས་བསྒྲུབ་པར་བྱ་བ ་མ་ཡིན་ནོ།། ཞེས་དེ་ཁོ་ན་ཉིད་ཡེ་ཤེས་ཀྱི་ལེའུ་གསུངས་པ། འོ་བྱ་ཞེས་པ་ལ་སོགས་པ་སྟེ། འོ་བྱེད་པས་མིག་ལ་སོགས་པ་རྩ་དགུ་དང་འབྲེལ་པའི་སྤྱི་བོར་གནས་པའི་བྱང་ཆུབ་ཀྱི་སེམས་འཇུག་པར་འགྱུར་རོ།། རྡོ་རྗེ་བཅིངས་ཏེ་ནུ་མེ་འཛིན་ཞེས ་པ་ནི་རྡོ་རྗེ་བཅིང་བས་མགྲིན་པ་ལ་ཀུན་ནས་བཅིངས་ནས་ལག་པ་གཡས་པས་ནུ་མ་གཟུང་བར་བྱའོ།། དེ་ལྟར་དེ་མ་ཐག་ཏུ་ཚེགས་མེད་པས་རྡོ་རྗེ་པདྨའི་ཏིང་ངེ་འཛིན་དམ་པའི་བདེ་བ་ཅན་འགྱུར་བ་མེད་པར་བྱེད་པའི་ཆོས་ཅན་མ་རྣམས་རྣལ་འབྱོར ་རྣམས་ལས་སྐྱེ་བར་འགྱུར་རོ།། སེན་མོའི་རི་མོ་ཞེས་པ་ལ་སོགས་པ་ནི། མཁུར་བ་དང་འདྲེན་བྱེད་ཟུང་དང་དཔྲལ་བ་དང་ནུ་མའི་འགྲམ་དང་མཆན་ཁུང་དང་བྷ་གའི་དཀྱིལ་གྱི་ཕྱོགས་དང་། ལྟེ་བ་དང་པདྨ་ལ་སོགས་པ་རྣམསུ་སེན་མོའི་རི ་མོས་འོ་བྱེད་པར་སྐུལ་བར་ཡང་བྱེད་དོ་ཞེས་སོ།། འོག་དང་སྟེང་དུ་ངེས་བལྟ་བྱ་ཞེས་བྱ་བ་ནི་པདྨའི་གནས་སོ།། སྟེང་ནི་ཞལ་གྱི་པདྨའོ།། གང་གི་ཕྱིར་བལྟས་པས་རྗེས་སུ་མཐར་ཆགས་པ་ནི་དེའི་ཆགས་པ་ཟིན་ནས་ཡུད་ཙམ་བདེ་བ ་ཐོབ་པར་བྱེད་དོ།། ད་ནི་མཱ་མ་ཀཱིས་བཅོམ་ལྡན་འདས་ལ་ཤིན་ཏུ་རྗེས་སུ་ཆགས་པའི་ཡིད་དང་ལྡན་པས་དེ་ཁོ་ནས་ཉིད་ཀྱི་ཡེ་ཤེས་ཉན་པར་བྱེད་པ་ལ་སླར་གསོལ་བ་བཏབ་བོ།། བཅོམ་ལྡན་བདག་གི་དེ་ཉིད་གསུངས ་ཞེས་བྱ་བ་ནི་གང་གིས་ཕྱིར། རྣམ་པར་རྟོགས་པའི་དྲི་མ་མཐའ་དག་ངེས་པར་གསལ་བ། གཉིས་སུ་མེད་པ་སྟོང་པ་ཉིད་ཀྱི་རང་བཞིན་ནི་བྱང་ཆུབ་སེམས་ཏེ། དེ་ལྟ་བུར་གྱུར་པ་ལ་ཅི་ལྟར་རྩེ་བར་བྱ། དབང་པོ་གཉིས་སྙོམས་པར་འཇུག་པས་བདེ་བ་ཉམ་སུ་མྱོང་བར ་འགྱུར། ཉིད་ཀྱིས་གསུངས་ཞེས་ཞུས་པའོ།། ཉོན་གཅིག་དེ་ཉིད་ཀྱིས་ཞེས་པ་ལ་སོགས་པ་སྟེ། ཤེས་རབ་དང་ཐབས་དག་གིས་སྦྱོར་བས་ཆོས་ཐམས་ཅད་གཉིསུ་མེད་པ་ཅན་དུ་བས་རབ་ཏུ་གསལ་བར་ཁོང་དུ་ཆུད་པར་བྱའོ།། ཞེས་སྦྱོར་བ་འབིགས་པར་བྱེད ་བར་བརྗོད་པར་བྱའོ།། གང་དེའི་རྣམ་པ་དང་བཅས་པའི་བློ་གྲོས་དབང་པོ་ལས་འདས་པ་བདེ་བ་ཆེན་པོ་བླ་ན་མེད་པ་ཉམ་སུ་མྱོང་བ་སོ་སོ་བདག་ཉིད་ཀྱི་རིགས་པར་བྱ་བ་མི་སྣང་བ་ཞེས་པ་དེ་ལྟ་བུ་དེ་ཕྲ་མོ་སྟེ་འདི་དེ་ཡིན་ཞེས་ཡོངསུ་བརྟགས་པའི་ངོ་བོས། བརྗོད་པར ་བྱར་མི་ནུས་པ་ཉིད་ཀྱི་ཕྱིར་རོ།། དེ་ཉིད་ཀྱི་ཕྱིར་གསང་བ་ཆེན་པོ་སྟེ་ཐུན་མོང་བའི་ཡུལ་མ་ཡིན་པའི་ཉིད་ཀྱི་ཕྱིར་རོ།། ཤེས་བྱའི་ངོ་བོ་ཉིད་ཅེས་པ་སྟེ། ཤེས་བྱ་ཞེས་པ་ནི། ས་གསུམ་གྱི་ནང་དུ་གནས་པ་དེ་རྣམས་སོ།། ངོ་བོ་ཉིད་ནི་རང་བཞིན་ཏེ་འདིའི་ཞེས་པ ་ཤེས་བྱའི་ངོ་བོ་ཉིད་དུའོ།། གང་གི་ཕྱིར་ཡེ་ཤེས་ཁོ་ན་དངོས་པོ་མཐའ་དག་རྒྱས་པའི་ཚུལ་གྱིས་རྣམ་པ་དང་བཅས་པ་བཞིན་དུ་ཕྱི་རོལ་གྱིས་གཟུགས་ཀྱིས་སོ་སོར་སྣང་བ་ཐོབ་པར་བྱེད་དོ།། དེ་ཉིད་ལ་ཡང་ཐམས་ཅད་དུ་འཇིག་རྟེན་གྱི་བདེན་པའི་ངོ་བོས་སོ་སོར ་བསྟན་པར་བྱ་བའི་ཡིད་ཀྱི་མ་རིག་པས་གང་འཁོབ་འཁྱམ་པར་འགྱུར་རོ།། དེ་ཡང་སོ་སོར་སྣང་བ་ལ་ངེས་པར་དཔྱོད་བཞིན་པ་དང་བརྫུན་པའི་རྣམ་པའོ་ཞེས་སོ།། གཟུང་བྱ་ཅུང་ཟད་ཡོད་པ་དང་འཛིན་པས་སོ་ཞེས་བྱ་བ་ཅུང་ཟད་ཡོད་པ་མ་ཡིན་ནོ།། དེ་བཞིན་དུ་ཡང་གསུང ་པ། རང་སེམས་སེམས་ཀྱི་བསམས་པ་ཡིན།། ཆོས་རྣམས་ཐམས་ཅད་སོ་སོར་གནས།། ཆོས་འདི་ན་མཁའི་རྡོ་རྗེར་གནས།། ཆོས་རྣམས་མེད་ཅིང་ཆོས་ཉིད་མཽད་ཅེས་སོ།། སྲིད་པའི་རྩ་བ་རྣམ་ཤེས་ཏེ། ཡུལ་ནི་དེ་ཡི་སྤྱོད་ཡུལ་ཡིན་ཞེས།། ཐོག་མ་མེད ་པའི་དུས་ནས་བརྒྱུད་པའི་རིགས་མཐུན་པའི་སྐད་ཅིག་སྐྱེད་པར་བྱེད་པའི་ཕྱིར་ཟད་པའི་བྱ་བ་མ་ཡིན་པའི་ཕྱིར་མི་ཟད་པའོ།། བསྐྱེད་བྱ་དང་སྐྱེད་བྱེད་ཡང་དག་པར་འབྱུང་བས་ཟད་པས་འགྲོ་བ་མ་ཡིན་ནོ་ཞེས་པས་མི་ཟད་པའོ།། རྟག་པ་ཡང་ཞེས་པ་དུས་གསུཾ ་ཀར་ཡང་རྣམ་པ་གཅིག་པ་ཉིད་ཀྱི་ཕྱིར་རོ།། ཐོག་མ་མེད་ཅིང་ཞེས་པ་ནི་དེའི་ཕྱིར་དང་པོ་དབང་ཕྱུག་ལ་སོགས་པར་ཡོངསུ་བརྟགས་པའི་རྒྱུ་ཚོགས་པའི་དངོས་པོ་མེད་པའི་ཕྱིར་རོ།། ཐོག་མ་སྤངས་དང་ཞེས་པ། ཐོག་མས་ཨ་ཡིག་འགྱུར་བ་མེད་པས་སྐྱེ་བ ་མེད་པ་རི་མོའི་གཟུགས་ཀྱིས་སྤངས་པ་ཉིད་ཀྱི་ཕྱིར་རོ།། ཡོད་ཉིད་འགྱུར་ཞེས་པ་ནི་བདེ་བའི་ངོ་བོས་སོ་སོའི་བདག་ཉིད་རིགས་པར་བྱ་བས་མངོན་སུམ་དུ་ཉམསུ་མྱོང་བའི་ཡུལ་ཡིན་པ་ཉིད་ཀྱི་ཕྱིར་རོ།། མེད་ཉིད་དུ་ཡང་འགྱུར། ནི་ཡོངསུ་དག་པའི་ཤེས ་རབ་ཀྱི་ས་རྣམས་པར་དཔྱོད་བཞིན་པས་བློའི་ཡུལ་མ་ཡིན་པ་ཉིད་ཀྱི་ཕྱིར་རོ།། དབང་པོ་ཅན་ཡང་འགྱུར་ནི་མིག་ལ་སོགས་པའི་དབང་པོ་ལྷག་པར་གནས་པ་ཉིད་ཀྱི་ཕྱིར་རོ།། དབང་པོ་མེད་པར་ཡང་འགྱུར་རོ།། ནི་དབང་པོ་དེ་རྣམས་ཀྱིས་མཐོང་བ ་མེད་པ་ཉིད་ཀྱི་ཕྱིར་རོ།། འབྱུང་རྣམས་ཐམས་ཅད་བལྟ་བྱ་མིན་ཞེས་པ་ནི་ས་ལ་སོགས་པའི་འབྱུང་བ་རྣམས་ཐམས་ཅད་ངེས་པར་དཔྱོད་བཞིན་པ་ན་ཉེ་བར་དམིགས་བྱར་མེད་པའོ།། དེའི་ཕྱིར་འབྱུང་བ་རྣམས་ཐམས་ཅད ་བལྟ་བྱ་མིན་པར་འགྱུར་རོ།། དེ་ལྟ་མོད་ཀྱི་ལམ་ཅི་ལྟར་བསྐྱེད་པར་བྱ་ཞེས་ན། སྦྱོར་བའི་ལམ་གྱིས་ཞེས་བྱ་བ་ལ་སོགས་པ་སྟེ་སྦྱོར་བ་ནི། ནང་གི་ཤེས་རབ་མ་དང་འདྲེས་པར་གྱུར་པ་ལས། བདེ་བ་ཆེན་པོའི་གནས་སྐབས་དང་གཉིས་མེད་དུ་གྱུར ་པ་སྙིང་རྗེ་ཆེན་པོའི་བདག་ཉིད་ཅན་རྣམ་པར་རྟོག་པའི་དྲི་མས་མ་གོས་པ་ལ་འདིར་མངོན་པར་རབ་ཏུ་འདོད་དོ།། དེ་ཉིད་ཀྱང་ལམྲ་ཉོ་ལ་མ་ཡིན་ཏེ་བདེ་བ་ཆེན་པོའི་ཏིང་ངེ་འཛིན་གྱིས་ལྷག་པར་རྟོགས་པའི་ཕྱིར་རོ།། ཕྱི་རོལ་ཏུ་འབྱུང་བ་དང་འབྱུང་བ ་ལས་གྱུར་པ་སྔོན་པོ་ལ་སོགས་པ་སྟེ། དེའི་ཕྱིར་ཤིན་ཏུ་རྨད་དུ་བྱུང་བ་མ་ནོར་བ་དེ་བཞིན་ཏེ། དེ་བཞིན་ཉིད་གཉི་སུ་མེད་པའི་ཡེ་ཤེས་སོ།། རྣམ་པ་ཞེས་བྱ་བ་ལ་སོགས་པ་སྟེ། རྣམ་པ་ཡིས་ཏེ། ཤེས་རབ་དང་ཐབས་གཉིསུ་མེད་པར་གྱུར་པ་བདེ ་པ་ཆེན་པོའི་ཡེ་ཤེས་ཀྱིས་ཀུན་ཏུ་སྒྲིབ་པར་བྱེད་དོ།། གནས་སོ་ཞེས་པའི་བྱ་བ་ཞེས་པས་རྣམ་པ་ཀུན་རྫོབ་སྟེ། གང་གི་ཕྱིར་ཕུང་པོ་ལྔ་པོ་མུན་པའི་རྣམ་པ་དང་མཱ་བྲལ་བ་དེས་གཟུགས་སྣང་བར་མི་འགྱུར་རོ།། ཞེས་པའི་དོན་ཏོ།། འདི་རྣམས ་གསུང་བར་འགྱུར་བ། ལུས་འབྱུང་བ་ལྔའི་བདག་ཉིད་ཅན་ཕུང་པོ་ལྔའི་ལུས་དང་ལྡན་པ་ལྷའི་རྣམ་པའི་གཟུགས་ཀྱིས་ཡོངསུ་བརྟགས་པའོ།། དེ་ཉིད་ཀྱང་བྷ་གའི་པདྨའི་དབུས་སུ་བསྒོམ་པར་བྱ་བཞིན་པའི་ཡེ་ཤེས་སེམས་དཔའ་ཡིན་གྱི་ཕྱི་རོལ་ཏུ ་ནི་མི་འགྱུར་རོ་ཞེས་པ་ཇི་སྲིད་པའོ།། འདི་ཉིད་ནང་དུ་སོ་སོའི་བདག་ཉིད་རིག་པར་བྱ་བ་ཡང་དག་པར་རིག་པ་དང་ལྡན་པ་ཡང་དག་པར་རིག་པའི་ངོ་བོས་མངོན་སུམ་གྱིས་ཉམ་སུ་མྱོང་བཞིན་པའི་ཁམས་གསུམ་པ་ཡིད་ཀྱིས་ཁྱབ་པ་ཅན་ཕུང་པོ་ལྔའི་རྣམ ་པས་ཡང་དག་པར་རིག་བཞིན་པ་ཡང་བླུན་པའི་བློ་ཅན་གྱིས་རྟོགས་པར་བྱ་བ་མ་ཡིན་ནོ།། དེ་ཉིད་ཀྱི་ཕྱིར། བླུན་སེམས་མི་ཡིས་ཆོས་མ་ཡིན།། ཞེས་གསུངསོ།། ད་ནི་བདེ་བ་ཆེན་པོའི་གནས་སྐབས་གཉིས་སུ་མེད་པའི་ཡེ་ཤེས་དེའི་འགྲོ་བའི་འཆི་བ ་དང་སྐྱེ་བ་བྱེད་པ་ངེས་པར་ཉམས་པར་བྱེད་པའི་ནུས་པ་སྟོན་པར་བྱེད་པ་གསུངས་པ། སེམས་དང་སེམས་བྱུང་ཞེས་པ་ཞེས་བྱ་བ་ལ་སོགས་པ་སྟེ། སེམས་ནི་གང་ཞིག་ཕྱི་དང་ནང་ཀུན་ཏུ་རྟོག་པའི་དྲ་བའི་དྲི་མ་དང་བྲལ་བ་སེམས་ཙམ་གཉིས་སུ་མེད་པར ་འབྱུང་བར་བྱེད་དོ།། དེ་ཉིད་ཀྱི་ཕྱིར་ཡང་སེམས་བྱུང་ནི་བསོད་ནམས་དང་ཡེ་ཤེས་ཀྱི་ཚོགས་སོག་པར་བྱེད་དོ་ཕུང་པོར་བྱེད་དོ་ཞེས་པའོ།། ཡིད་ཀྱི་རྣམ་ཤེས་ནི་བསམ་པར་བྱ་བསྐྱེད་པར་བྱ་བས་སོ།། ཡེ་ཤེས་ཞེས་པ་ནི་གང་གིས་ཚེ་ཁམས་གསུམ་པར། ་ཕྱིའི་གཟུགས་ཀྱིས་ཡོངསུ་བསྐྱེད་པར་བྱ་བ་འཛིན་པའི་རྣམ་པ་གྱུར་ནས་རྣམ་པར་ཤེས་པར་བྱེད་པ་དེའི་ཚེ་རྣམ་པར་ཤེས་པའོ།། གཟུང་བྱའི་ངོ་བོ་ཁམས་སུམ་པ་ནི་ཤེས་བྱའོ།། དེ་བཞིན་དུ་ཡང་གསུངས་པ། ལས་ནི་སེམས་ཀྱིས་སོགས་པར་བྱེད།། ་ཡིད་ནི་ཀུན་ཏུ་རྣམ་བསམ་བྱེད།། རྣམ་པར་ཤེས་པས་རྣམ་ཤེས་བྱེད།། ལྔ་རྣམས་ཀྱིས་ནི་བལྟ་བྱར་རྟོག་ཅེས་སོ།། གང་ཚེ་ཞེས་བྱ་བ་ལ་སོགས་པ་ལ་འབྲས་བུ་དང་རྒྱུའི་དངོས་པོ་ནི། གང་གི་ཚེ་སོ་སོའི་སྐྱེ་བོ་དོན་དམ་པ་མ་མཐོང་བ་རྣམས་ཀྱིས་ངོ་ལྟར ་དེ་ཁོ་ནའི་དོན་དུ་འཁྲུལ་པས་ས་བོན་དང་མྱུ་གུ་ལ་སོགས་པའི་ངོ་བོར་གདོན་མི་ཟ་བར་ཡོངསུ་རྟོག་པར་བྱེད་དོ།། འདི་ལས་འདི་དང་འདི་འོག་ཏུ་ཡང་འདི་ཞེས་པའོ།། འདིར་གསལ་བའི་དཔེ་གསུངས་པ། ཀླུང་ཞེས་པ་ལ ་སོགས་པ་སྟེ། ཇི་ལྟར་ཡོངསུ་གང་བའི་རྒྱུན་འབབ་པའི་ཀླུང་རྣམས་ཀྱི་ཤིན་ཏུ་མང་བའི་རླབས་དང་ཆུ་གཉེར་ཚོགས་པའི་ངོ་བོའི་རྒྱུན་ཀུན་ཏུ་འབྱུང་ཞིང་ཁྱད་པར་དུ་སྒྲུབ་པར་བྱེད་དོ།། དེ་གཞན་ཡང་མ་ཡིན་ལ་གཞན་མ་ཡིན་པ་ཡང་མ་ཡིན་ནོ་ཞེས་སོ།། དེ་ཁོ་ན ་བཞིན་དུ་སེམས་ཙམ་ཡིད་ཀྱི་རྣམ་པར་ཤེས་པ་དང་། རྣམ་པར་ཤེས་བྱ་འབྲས་བུ་དང་རྒྱུར་ཡོངས་སུ་རྟོག་པ་སྐྱེ་བར་འགྱུར་རོ།། ཁ་ཅིག་ནི་གཞན་དུ་ཀློག་སྟེ། ཀླུང་གི་རྒྱུན་བཞིན་རྒྱུ་མཚོ་ལ། ཞེས་པ་སྟེ་དེའི་ཚེ་ཐར་པ་ལ་བལྟོས་ནས་དངོས་པོ་དེ་འདྲ་བར ་རྟོགས་སྟེ། ཇི་ལྟར་ཆུ་ཀླུང་རྣམས་ཀྱི་ཆུ་རེ་རྣམ་པ་སྣ་ཚོགས་པ་འབབ་རྣམས་རྒྱ་མཚོར་ཞུགས་པ་རྣམས་ཀྱི་རོ་གཅིག་ཉིད་དེ། འདི་ལྟ་སྟེ་ལན་ཆའི་རོ་ཉིད་དོ།། ཐར་པ་ནི་སྒོ་རྣམ་པ་མང་པོར་ཅི་ཞེ་ན། མང་པོ་ཉིད་ནི་གཅིག་ཁོ་ནའི་མཐར་ཐུག་སྟེ་རྣམ་པ་རབ་ཏུ ་མང་པོ་ཉིད་རིགས་པས་རྟོགས་པར་བྱ་བ་མ་ཡིན་ཏེ། དེ་རྣམས་ཀྱི་ཕྱི་རོལ་གྱི་ཚིག་གི་དོན་གྱི་རྣམ་པ་རྣམས་བརྫུན་པའི་རྣམ་པ་ཉིད་ཀྱི་ཕྱིར་རོ།། དེ་ཉིད་དོན་དམ་པར་མི་བསླུ་བ་ཅན་ནི་བདེན་པ་ཞེས་བྱ་བའི་དོན་ཏོ།། རྣམ་པ་དེ་ལྟ་བུའི་བཅོམ་ལྡན་འདས་ཀྱི་བདེ་བ ་ཆེན་པོ་དེའི་གནས་གསུངས་པ། བྷ་གའི་པདྨ་ཞེས་བྱ་བ་ལ་སོགས་པ་ནི་མཱ་མ་ཀཱི་ལ་སོགས་པའི་ལྷ་མོ་རྣམས་ཀྱི་བྷ་གའི་དབུས་སུ། གང་ཞིག་པདྨ་འདབ་མ་བརྒྱད་པའི་པདྨ་ལ་གེ་སར་གསལ་བ་ཡོད་པ་དེ་ལས་ལ་སོགས་པའི་རང་བཞིན་ལ་ན་མཁའ ་གང་ནི་ཁོང་སྟོང་ངོ་།། ནམ་མཁའ་ལྔ་ནི་དབང་ཆེན་དང་མེ་དང་རླུང་དང་ཆུ་དང་ན་མཁའི་ཁམས་ཀྱི་ངོ་བོ་དཀྱིལ་འཁོར་ལ་ལྔ་ནི་ཉི་མའི་དཀྱིལ་འཁོར་བཞིན་དུ་གནས་སོ།། དེའི་དབུས་སུ་གནས་པའི་རྡོ་རྗེ་ཅན་ནི་བྱང་ཆུབ་སེམས་ཀྱི་བདག་ཉིད་ཅན་ནོ།། བདུད་རྩི་ཡིས ་ནི་མཱ་མ་ཀཱི་ལ་སོགས་པའི་བྱང་ཆུབ་སེམས་ཀྱིས་ལྡན་པ་སྟེ། དེ་དང་འདུས་ཤིང་གཅིག་ཏུ་འདྲེས་པར་གྱུར་ཏེ་གཉིས་སུ་མེད་དོ་ཞེས་བྱ་བའི་དོན་དོ།། ཆ་དང་ཆ་མིན་ཞེས་བྱ་བ་ལ་སོགས་པ་ལ། ཆ་རྣམས་ནི་ཨའི་ཡི་གེ་ལ་སོགས་པ་བཅུ་དྲུག་གོ། ཆ་མིན ་རྣམས་ནི་ཀའི་ཡི་གེ་ལ་སོགས་པ་རྣམ་སོ།། དེ་རྣམས་ཟླ་བ་ཆ་བཅུ་དྲུག་གི་བདག་ཉིད་ཅན་ནོ།། ཀ་ལ་སོགས་པ་རྣམས་ནི་ཀར་མའི་གཟུགས་ཏེ་དེ་རྣམས་ཀྱིས་རྣམ་པར་གྲོལ་བའོ།། ཁ་ཅིག་ཐིག་ལེ་ཙམ་ཞི་བའི་དེ་ཉིད་ལྟ་བུར་འགྱུར་རོ་ཞེ་ན། དེ་ཡིས་རྣམ ་པར་སྤངས་ཤེས་སོ།། དེ་ལྟ་བུའི་ཁྱད་པར་འདོད་པའི་ལྷའི་གཟུགས་ནི་དར་གནས་ཏེ་བྷ་གའི་པདྨའི་དབུས་སུ་ལྷག་པར་གནས་སོ།། བདུད་རྩི་ནི་འཆི་བ་དང་བྲལ་བའོ།། འཛག་པ་ནི་འགྱུར་བར་བྱེད་པའོ།། གཞི་ཞེས་བྱ་བ་ལ་སོགས་པ་ནི་ཁམས་རྣམས ་ཀུན་ནི་གཟུགས་ལ་སོགས་པའི་ཁམས་གསུམ་པོ་དེ་རྣམསུ་ཁྱབ་པའོ།། ཁམས་རྣམས་ཀུན་ནི་མིག་དང་མིག་གི་རྣམ་པར་ཤེས་པ་དང་གཟུགས་ལ་སོགས་བྱའི་ཁམས་བཅོ་བརྒྱད་རྣམས་སོ།། དེ་རྣམས་སུ་རྣམ་པར་ཁྱབ་པ་ནི་གསུམ་པོ་དེས་ལྷག་པར་གནས། ་པས་ཁྱབ་པའོ།། རྒྱུན་ཏུ་མིག་ལ་སོགས་པ་རྣམས་ཡུལ་གཟུགས་ལ་སོགས་པ་ལ་ལྷག་པར་དམིགས་པར་བྱེད་དོ།། མཐོང་བ་ཞེས་བྱ་བ་ལ་སོགས་པས་དོན་འདི་ཉིད་གསལ་བར་གསུངས་པ། གཟུགས་ལ་ལྟའོ།། སྒྲ་ལ་མཉན་པར་བྱེད་དོ།། དབུགས ་འཐུང་ཞེས་བྱ་བ་ལ་སོགས་པ་ནི་བཅོམ་ལྡན་འདས་དེ་ཉིད་དབུགས་འབྱུང་བ་དང་དབུགས་རྔུབ་པའོ།། ཉལ་དང་གཉིད་ལོག་མངོན་པར་ལྡང་ནི་ཉལ་བ་ཡང་དེ་ཡིན་ལ། གཉིད་ཐུག་པོ་ལོག་པས་བླུན་པའང ་རང་ཉིད་དོ།། སོ་སོར་སད་པར་བྱེད་དོ།། རྨི་ལམ་ནི་རྣམ་པ་སྣ་ཚོགས་པའི་གྲོང་དང་ཀུན་དགའ་ར་བ་དང་། དགོན་པ་དང་། འབྲུ་དང་གཞོན་ནུ་མ་ལ་སོགས་པ་ངེས་པར་མཐོང་བའོ།། དེ་ཉིད་འདོད་ཆགས་ཞེས་བྱ་བ་ལ་སོགས་པ་ལ། འདོད་ཆགས ་ནི་ཡུལ་ལ་ཡང་མངོན་པར་ཞེན་པའི་མཚན་ཉིད་དེ། གཟུགས་ལ་སོགས་པ་རྣམས་ལ་དགའ་བར་བྱེད་པ་དང་བྲལ་བར་བྱེད་པའི་ཆོས་ནི་འདོད་ཆགས་དང་བྲལ་བའོ།། གཏི་མུག་རྣམ་པར་བླུན་པ་ཉིད་དོ།། བཅོམ་ལྡན་འདས་དེ་འདོད་ཆགས་ལ་སོགས ་པའི་ཉོན་མོངས་པའི་བདག་ཉིད་ཅན་ལྟ་བུར་འགྲོ་བ་རྣམས་ལ་སོ་སྔོར་སྣང་བར་ཐོབ་པར་བྱེད་དོ།། གཟུགས་མང་པོ་ཞེས་པ་ནི་རྣམ་པ་སྣ་ཚོགས་པའི་གཟུགས་རྣམ་པ་མང་པོ་འདུལ་བྱེད་ནུས་པ་གང་ཡིན་པ་དེ་ཉིད་སྣ་ཚོགས་གཟུགས་ཏེ་མ་ལུས ་པའི་སྣོད་ཀྱི་སྐྱེ་བོའི་མངོན་པར་འདོད་པའི་དོན་བྱ་བ་བྱེད་པ་ཉིད་ཀྱི་ཕྱིར་རོ།། དེ་ཉིད་ཀྱི་ཕྱིར་ནོར་བུ་སྣ་ཚོགས་གཟུགས་བཞིན་ནོ།། དེ་བཞིན་དུ་ཡང་གསུངས་པ། རྫས་རྣམས་གང་དང་གང་གིས་ནི། མི་རྣམས་ཡིད་ནི་ཡང་དག་སྦྱོར།། དེས ་དེའི་རང་བཞིན་ཉིད་འགྱུར་ཏེ། ནོར་བུ་སྣ་ཚོགས་གཟུགས་ཇི་བཞིན་ཞེས་སོ།། འདིའི་དེ་ཁོ་ན་ཉིད་ཀྱི་ནི་དོན་དམ་པ་ཡང་དག་པའི་སྒྲུབ་ཐབ་སོ།། ཟླས་པ་སྟེ་སྔགས་ཀྱི་བདག་ཉིད་ཅན་མེད་དོ།། འཛིན་པར་བྱེད་པ་ཏིང་ངེ་འཛིན་ནི་དབང་པོ་རྣམས ་འགྱུར་བ་མེད་པའོ།། འོ་ན་འདིའི་སྒྲུབ་ཐབས་ཅི་ལྟར་འགྱུར་ཞེ་ན། གསུངས་པ། བྷ་གའི་པདྨར་མཆོད་བྱ་སྟེ་ཞེས་བྱ་བ་ལ་སོགས་པའོ།། ད་ནི་རྣལ་འབྱོར་པ་དྲང་རྣལ་འབྱོར་མའི་བདྲེ་བ་ཆེན་པོ་ཐོབ་པའི་རྒྱུར་རྩའི་དབྱེ་བ་བསྟན་པ་གསུངས། ་པ། གང་དེ་ཞེས་བྱ་བ་ལ་སོགས་པ་སྟེ། གང་བྷ་གའི་དབུས་སུ་རྣམ་པར་གནས་པའི་རྩ་དགུ་པོ་དེ་དང་དེའི་དབུས་སུ་མཁའ་འགྲོ་གདོང་ཞེས་བྱ་བ་གང་ཡིན་པའི་རྩ་དེ་ནི་བདུད་རྩི་འབབ་པ་སྟེ་ཁུ་བ་འཛག་པར་བྱེད་པ་ཅན་ནི་ཆེས་གཙོ་བོའི་ཡུམ ་ཉིད་དུ་འགྱུར་རོ།། ཡང་ན་བདུད་རྩི་འབབ་པའི་རྩ་ནི་གང་བྷ་གའི་དབུས་སུ་གནས་པ་དེ་ནི་རྣམ་པ་དགུ་སྟེ་མིག་ལ་སོགས་པའི་སྒོ་མ་བསྟེན་པའི་དགུ་པོ་དེ་རྣམས་སོ།། གཞན་རྩ་སུམ་ཅུ་རྩ་གཉིས་ནི་ཕྱིའི་མགོ་དང་ལུས་དང་ལག་པ་ལ་སོགས ་པབ་ལ་ཁྱབ་པའོ།། དེ་རྣམས་ཉིད་གཙོ་བོར་གྱུར་པ། མ་ཡིན་ཏེ་ཕྱིའི་ལུས་ལ་ཀུན་ཏུ་གནས་པ་ཉིད་ཀྱི་ཕྱིར་རོ།། ཞེས་སོ།། དེ་ཉིད་ཀྱི་ཕྱིར་ཡང་། རྩ་དགུ་པོ་དེ་ཉིད་མཱ་མྱ་ཀཱི་ལ་སོགས་པའི་ལྷ་དགུའི་བདག་ཉིད་བྷ་གའི་དབུས་སུ་བསམས ་པས་དངོས་གྲུབ་སྐྱེ་བར་འགྱུར་རོ།། དེ་བཞིན་དུ་ཡང་གསུངས་པ། གང་ཡང་རྐང་པ་དག་ལས་བྱུང་།། ལྟེ་བ་ལས་བྱུང་དེ་རྣམས་ཀྱང་།། ཐམས་ཅད་མཁའ་འགྲོ་གདོང་དུ་སྒྱུར།། དེ་ནི་དངོས་པོ་གཅིག་པར་སོང་ཞེས་སོ།། ལྷ་མོ ་མྱོས་མ་འབབ་པའི་རྩཝ།། འདི་རྣམས་ཁ་དོག་སྣ་ཚོགས་འགྱུར།། གཅི་བ་འཛག་པའི་རྩ་དེ་ནི། ལྟོ་བའི་མཐའ་ཡིས་ཀུན་ཏུ་འགྲོ་ཞེས་སོ།། ལེའུ་གཉིས་པའི་འགྲེལ་པའོ།། ། ད་ནི་སྔགས་བཏུ་བ་ཡོངསུ་ཤེས ་པའི་དོན་དུ་བཅོམ་ལྡན་འདས་ལ་གསོལ་བ་འདེབས་པའི་དབྱངས་ཀྱིས་ཀུན་ཏུ་མཉེས་པར་བྱས་ནས་མཱ་མ་ཀཱི་ཞུ་བར་བྱེད་དོ།། ཐེ་ཚོམ་བཅད་པ་ཞེས་བྱ་བ་ལ་སོགས་པ་ལ། གྲང་གིས་ཐེ་ཚོམ་རྣམས་བཅད་ཞེས་ན། ཐེ་ཚོམ ་བཅད་པ་གསུངས་པ། དེ་ཁོ་ན་ཉིད་ཀྱིས་ནི་དོན་དམ་པའོ།། གསང་བ་ལ་སྟེ་བྷ་ག་ལ་དཀྱིལ་འཁོར་བཤད་པ་ལའོ།། ཡེ་ཤེས་ཀྱིས་ཞེས་བྱ་བ་ནི་ཐབས་ཤེས་རབ་ཀྱི་ཕ་བདེ་བ་ཆེན་པོའི་ཡེ་ཤེས་ཀྱིས་སོ།། ཐེ་ཚོམ་བཅད་པ་ཞེས་བྱ་བ་ནི་སེམས་ཅན ་ཡོངསུ་སྨིན་པ་དང་གྲོལ་བར་ཡོངསུ་བྱེད་པའི་མཚན་ཉིད་དེ་དེ་བྱེད་དོ།། ཞེས་པ་བྱ་བ་བྱེད་པའོ།། ཆགས་པ་བྲལ་བས་ཞེས་བྱ་བ་ནི་ཆགས་པའི་ཀུན་ཏུ་རྟོག་པ་ལས་ཤིན་ཏུ་འདས་པའོ།། འདིའི་ཞེས་པ་སྟེ་བདེ་བ་མ་ཡིན་པའི་ངོ་བོས་སོ།། བདག་གིས ་ཀྱང་རྡོ་རྗེ་ཐག་པའི་ཡང་དག་པར་འབྱུང་བ་རབ་ཏུ་གསལ་བར་བྱེད་དོ།། ཞེས་པ་འདིས་བཅོམ་ལྡན་འདས་ལྷན་ཅིག་ཡེ་ཤེས་མཉམ་པ་ཉིད་དུ་གསུངས་སོ།། རྣལ་འབྱོར་ཕྱག་རྒྱ་ཞེས་བྱ་བ་ལ་སོགས་པ་ལ། རྣལ་འབྱོར་ནི་ཆོས་ཐམས་ཅད་གཉིས་སུ་མེད ་པར་ཡོངསུ་ཤེས་པའི་མཚན་ཉིད་དོ།། དེ་ཉིད་ཕྱག་རྒྱ་སྟེ་ཐ་མལ་པའི་ལུས་གསལ་བས་ཀུན་ཏུ་རྒྱས་འདེབས་པར་བྱེད་པའི་ཕྱིར་རོ།། དེ་བཞིན་དུ་ཡང་གསུངས་པ། ཐབས་དང་ཤེས་རབ་སྙོམས་འཇུག་པ། རྣལ་འབྱོར་ཞེས་ནི་མངོན་བརྗོད་བྱ་ཞེསོ།། ་ཇི་ལྟར་ཡང་དག་པར་ཤེས་པ་ལ་མཚན་མའི་ཕྱག་རྒྱ་ལ་སོགས་པ་རྣམས་ཕྱི་རོལ་ཉིད་ཀྱི་ཕྱིར་གཟུང་བར་བྱ་བ་མ་ཡིན་ནོ།། དེ་ལྟར་ཡང་དག་པར་མཆོག་དུ་གྱུར་པའི་ཡེ་ཤེས་མ་ཤེས་པ་ཅི་ལྟར་ཤེས་པར་འགྱུར་ཞེ་ན། དེ་རྟོགས་ཤིང་མངོན་དུ་བྱེད ་པའི་ཐབས་གསུངས་པ། ཕྱག་རྒྱ་མངོན་སུམ་གཟུགས་ཡིན་ཏེ། ལྔ་ནི་ལྷ་མོ་བུད་མེད་དོ་ཞེས་སོ།། ཇི་ལྟར་ཞེས་བྱ་བ་ལ་སོགས་པ་ལ། དཔག་བསམ་གྱི་ཤིང་ཆེན་པོ་རྩ་བ་དང་ལོ་མ་སྟོང་ཕྲག་ལ་སོགས་པས་བརྒྱན་པའི་སྐྱེད་པའི་རྒྱུས་བོན་ཆད ་ཆུང་ངུ་ཡང་དེའི་གཟུགས་སྐྱེད་པར་བྱེད་པར་ནུས་པ་ཇི་ལྟ་བ་དེ་བཞིན་དུ་བྷ་གའི་པདྨར་ཀུན་ཏུ་གནས་པའི་བདུད་རྩི་འབབ་པའི་རྩ་རྣམས་མཱ་མ་ཀཱི་ལ་སོགས་པའི་ལྷ་མོའི་གཟུགས་དང་སྔགས་དང་ཕྱག་རྒྱ་རྣམས་ཡུམ་གྱི་རྒྱུ་མཚན་ཡང་དག་པར་འགྱུར་རོ།། ་ཞེས་རྟོགས་པར་བྱའོ།། དང་པོར་རྣམ་པར་སྣང་མཛད་ཅེས་བྱ་བ་ལ་སོགས་པ་རྣམས་སྔགས་བཏུ་བ་སྟོན་པར་བྱེད་པ་གསུངས་པ། པདྨ་འདབ་མ་བརྒྱད་པ་བྲིས་ནས་འདབ་མ་སོ་སོ་ལ་ཨ་ཡི་གེ་ལ་སོགས་པའི་སྡེ་པ་བརྒྱད་བཀོད་ལ། རིམ་པ་འདས ་སྔགས་བཏུ་བར་བྱའོ་ཞེས་པའོ།། དང་པོར་རྣམ་པར་སྣང་མཛད་ཅེས་པ་ཨོཾ་ཡིག་དང་པོར་སྦྱར་ནས་སླར་ཡང་བཛྲཱ་མཱི་ཏ་མ་ཧཱ་སུ་ཁའི་སྒྲར་སྦྱར་བར་བྱའོ།། ཨོཾ་ཡིག་ཀྱང་རྣམ་པར་སྣང་མཛད་ཉིད་དེ། དེ་བཞིན་དུ་ཡང་གསུངས་པ་གུང་དུ་དང་པོ་རྣམ་པར ་སྣང་མཛད་ནི། དག་ཅིང་དྲི་མེད་བློ་ནི་ཨོཾ་དུ་སྦྲུལ། ཞེས་པའི་ཚིག་ལས་རྟོགས་པར་བྱའོ།། ས་བོན་བཞི་ནཱི་ཛ་ཧཱུཾ་བཾ་ཧོཿཞེས་པའོ།། དེ་རྣམས་ཀྱིས་མཉམ་པར་ལྡན་པའོ།། སྭཱ་ཧཱའི་ཡི་གེ་མཐར་སྦྱར་རོ་ཞེས་རྗེསུ་ཀློག་སྟེ་འདིའི་ཞེས་ཡང་དག་པར ་སྦྲེལ་ལོ།། སྔགས་ནི་ཨོཾ་བཛྲཱ་མྲྀ་ཏ་མ་ཧཱ་སུ་ཁཾ་ཛཿཧཱུཾ་བཾ་ཧོཿསྭཱ་ཧཱ།། བཅོམ་ལྡན་འདས་མི་བསྐྱོད་པའིའོ།། སྔར་ཡང་རྣམ་པར་སྣང་མཛད་ཅེས་བྱ་བ་མཱ་མ་ཀཱིའི་སྔགས་གསུངས་པ། ཨོཾ་ཡིག་བྱིན་ནས། གཉིས་པ་ཞེས་པ་ཨ་ཡིག་བྱིན་པར་བྱའོ།། ་བཞི་པ་ཞེས་པ་ཨཱ་ཡིག་གོ།། བཞི་པས་ཞེས་པ་ཀ་སྡེ་དང་མཉམ་ལྡན་པ་སྟེ། གྷ་ཡིག་གིས་ཡང་དག་པར་སྦྱར་མ་ཐག་པ་མཱ་མ་ཀཱིའི་སྙིང་པོ་སྟེ་ཨོཾ་ཨཱ་གྣི་སྭཱ་ཧཱ། ད་ནི་ཞི་བ་མ་ལ་སོགས་པ་རིག་མ་བརྒྱད་པོ་རྣམས་ཀྱི་སོ་སོ་རེ ་རེའི་སྔགས་གསུངས་པ། བརྒྱད་པོ་རྣམས་ཀྱི་ཞེས་པ་ཨ་ཡིག་ལ་སོགས་པ་ཟུང་བརྒྱད་པོ་རྣམས་ཀྱི་སྟེ་ཀ་སྟེ་སྤངས་པའི་འོ།། དབུས་མ་གང་ནི་ཡི་གེ་རིང་པོའོ།། བརྒྱད་ཅེས་པ་རྗེས་སུ་ང་རོའི་མིང་སྟེ་བརྒྱད་རྣམས་ཀྱི་བརྒྱད་པ་རྗེས་སུ་ང་རོས་རྣམ་པར་བརྒྱན ་ཞེས་པ་བརྒྱན་དུ་བྱས་པའོ།། ཨ་ཡིག་ལ་སོགས་པ་ཡི་གེ་རིང་པོ་པདྨ་འདབ་མ་བརྒྱད་པ་རྣམས་སུ་ཇི་ལྟར་རིགས་པར་བཀོད་ནས། ཞི་བ་མ་ལ་སོགས་པ་རྣམས་ཀྱི་སྔགས་བཏུ་བ་མངོན་པར་བརྟགས་པར་བྱའོ།། དེ་ལ་དང་པོར་རྣམ་པར་སྣང་མཛད་དང ་ཌཱིའི་ཡི་གེ་མཐར་སྦྱར་བར་བྱའོ་ཞེས་པ་སྔར་གྱི་རང་བཞིན་གྱིས་ཀྱང་རྗེས་སུ་འབྲེལ་པ་གདོན་མི་ཟ་བར་བྱའོ།། དེ་བཞིན་དུ་ཡང་གསུངས་པ། སྔགས་རྣམས་ཐམས་ཅད་པལ་ཆེ་ཡིས།། ཕྱག་འཚལ་སྭཱ་ཧཱར་ལྡན་བྱ་ཉིད། ཅེས་སོ།། དེ་ལ་ཤར ་ཀྱི་འདབ་མུའི་ཞི་བ་མའི་སྡིགས།། ཨོཾ་ཨཱཾ་སྭཱ་ཧཱ། ལྷོའི་འདབ་མའི་ཞི་ཞལ་མའི་སྔགས། ཨོཾ་ཨཱི་སྭཱ་ཧཱུ~ཾ། ནུབ་ཀྱི་འདབུ་མཱུ་ལ་ཟླ་བ་ཅན་མའི་སྔགས།། ཨོཾ་ཨཱུཾ་སྭཱཧཱ། བྱང་གི་འདབ་མྱ་ལཱ་རཱི་བོང་ཅན་མའི་སྔགས། ཨོཾ་ཪྼ;ྀ་སྭཱ་ཧཱ། དབང་ལྡན་གྱི་འདབ ་མ་ལ་རི་བོང་ཅན་གྱི་དཀྱིལ་འཁོར་མའི་སྔགས། ཨོཾ་ལཱྀ་སྭཱ་ཧཱ། མེའི་འདབ་མ་ལ་རི་བོང་ཅན་གྱི་རི་མོ་མེའི་སྔགས། ཨོཾ་ཨོཾ་སྭཱ་ཧཱ། བདེན་བྲལ་གྱི་འདབ་མ་ལ་ཡིད་འང་པོའི་སྔགས། ཨོཾ་ཨོཾ་སྭཱ་ཧཱ། རླུང་གི་འདབ་མ་ལ་ཡིད་ཚིམ་པར་བྱེད་མའི་སྔགས ་ཨོཾ་ཨོཾ་སྭཱ་ཧཱ། བློ་བླུན་པ་གཞན་མ་རྟོགས་པར་གཞན་དུ་སྔགས་རྗོད་པར་བྱེད་དོ།། དེ་ནི་མི་རིག་པའི་ཕྱིར་སླར་ཡང་འདིར་བྲི་བར་བྱ་བ་མ་ཡིན་ནོ།། སྔགས་བཏུ་བ་འདི་ཉིད་ཀྱང་དཀྱིལ་འཁོར་ལ་དགོད་པའམ། གཞན་དུ་སྒོམ་པར་བྱེད་པ་ལ་སོགས་པ་ལ ་རབ་ཏུ་སྦྱར་བར་བྱའོ།། སྡེ་པའི་ཐ་མ་ཞེས་བྱ་བ་ལ་སོགས་པས་སྒོ་སྐྱོང་གི་སྔགས་བསྟན་པར་འདོད་ནས་གསུངས་པ། སྡེ་པའི་མཐའ་མ་ལ་སྐྱེ་ཨཱ་ཡིག་ལ་སོགས་པ་རྣམས་སྐྱེ་བ་གཅིག་གོ།། གཞན་ཀ་ཡི་གེ་ལ་སོགསྐྱེ་བ་བདུན་ཏེ། དེ་རྣམས ་ཀྱི་མཐའ་མ་ཨ་ཡིག་དང་ང་ཉ་ཎ་ན་མ་ཝཱ་ཧཱ་སྟེ་ས་བོན་བརྒྱད་པོ་འདི་རྣམས་ཀྱང་སྔགས་རྣམསུ་འགྱུརོ།། སྟོང་པའི་ལྷ་ཡིས་ཞེས་བྱ་བ་ནི་ཐིག་ལེས་ཡང་དག་པར་མནན་པའོ།། རྣམ་པར་སྣང་མཇེད་དང་ལྡན་པ་ནི་ཨོཾ་ཡིག་ཡང་དག་པར ་ལྡན་པའོ།། སྭཱཧཱའི་ཡཱི་གྷེ་མཉམ་ལྡན་པ་ནི་སྔགས་བཞི་པོ་རྣམས། སྒོ་སྐྱོང་བཞི་པོ་རྣམས་ཀྱིར་འགྱུར་རོ།། ཨོཾ་ཨཾ་སྭཱ་ཧཱ། ཤར་སྒོ་སྐྱོང་བའི་འོ།། ཨོཾ་ངཾ་སྭཱ་ཧཱ། ལྷོ་སྒོ་ལའོ།། ཨོཾ་ཉཾ་སྭཱ་ཧཱ། ནུབ་སྒོ་ལའོ།། ཨོཾ་ཎཾ་སྭཱ་ཧཱ། བྱང་སྒོ་ལའོ།། གཞན ་སྔགས་བཞི་པོ་རྣམས་ནི་མེ་ཏོག་མ་ལྡེ་སོགས་པ་བཞི་པོ་རྣམས་དང་སྦྱར་བར་བྱ་སྟེ། ཨོཾ་ནཾ་སྭཱཧཱ། མེ་ཏོག་མའི་འོ།། ཨོཾ་མྱཾ་སྭཱ་ཧཱ། བདུག་པ་མཱའིའོ།། ཨོཾ་ཝཾ་སྭཱ་ཧཱཾ། མཱར་མེ་མའིའོ།། ཨོཾ་ཧཾ་སྭཱ་ཧཱ། དྲི་མའིའོ།། ཡང་ན་སྒོ་སྐྱོང་མཱ་ལ་སོག ་པ་རྣམས་ཀྱི་མིང་གཟུང་བས་སྔགས་ཀྱི་ཡི་གེ་རྣམསུ་སྦྱར་བར་བྱའོ།། ཞེས་གཞན་དུའོ།། ཨོཾ་ཨོཾ་བཛྲཱི་ཀུ་ཤེ་སྭཱ་ཧཱ། ཨོཾ་ངོ་བཛྲ་པཱ་ཤེ་སྭཱ་ཧཱ། ཨོཾ་ཧཾ་བཛྲ་སྥོ་ཊ་སྭཱ་ཧཱ། ཨོཾ་ཎི་བཛྲ་བེ་ཤེ་སྭཱ་ཧཱ། དེ་བཞིན་དུ་མེ་ཏོག་མ་ལ་སོགས་པ་རྣམས་ཀྱི་ཡང་། ་ཨོཾ་ནཾ་བཛྲ་པུ་ཤྭེ་སྭཱ་ཧཱ། ཨོཾ་མཾ་བཛྲ་དྷཱུ་པེ་སྭཱ་ཧཱ། ཨོཾ་ཝ་བཛྲཱ་ལོ་ཀེ་སྭཱ་ཧཱ། ཨོཾ་ཧེ་བཛྲ་གནྡྷེ་སྭཱ་ཧཱ། ཞེས་སོ།། མ་ནིང་བཞི་པོས་ཞེས་བྱ་བ་ལ་སོགས་བྱ་རྣམས་ཀྱིས་གླིང་བུ་མ་དང་པི་ཝང་མ་དང་མུ་ཀུནྟ་མཱ་དང་རྫ་རྔ་མ་རྣམས་ཀྱི་སྔགས་བཏུ ་བ་གསུངས་པ། མ་ནིང་ལ་སོགས་ནི་རི་རཱྀ་ལྀ་ལཱྀ་བཞི་པོ་འདི་རྣམས་ལ་སྭཱ་ཧཱ་དང་རྣམ་པར་སྣང་མཛད་སྔར་བཤད་པ་ཉིད་དོ།། སྔགས་དེ་འདྲི་ཡིན་ཏེ། ཨོཾ་ར~ཾ་བཛྲ་བི་ཤེ་སྭཱ་ཧཱ། ཨོཾ་རཱི་བཛྲ་བཱི་ཎེ་སྭཱ་ཧཱ། ཨོཾ་ལྀ་བཛྲ་མུ་ཀུནྡྷེ་སྭཱཧཱ། ཨོཾ་ལ~ཾ་བཛྲ་མུ་རཱ་ཛེ་སྭཱ་ཧཱ། ལེའུ་གསུམ ་པའི་འགྲེལ་པའོ།། ། སྦྱིན་སྲེག་དང་བྲལ་བས་ལྷ་ལ་འདུལ་བའི་ཆོ་གར་མི་འགྱུར་རོ།། ཞེས་པའི་སྦྱིན་སྲེག་གི་ལས་ཀྱི་ཚིག་གསུངས་པ། རྡོ་རྗེ་སེམས་དཔའ་ཞེས་བྱ་བ་ལ་སོགས་ལ་རྡོ་རྗེ་སེམས་དཔའ་ཡི་ནི་རྡོ་རྗེ་ཧཱུཾ་མཛད་ཀྱིའོ།། ་འགྱིང་བྱེད་པ་ནི་རྣལ་འབྱོར་པས་ལྷའི་རྣལ་འབྱོར་གྱིས་ཞེས་བསྡུས་པའོ།། དཀུ་གཉིས་སུ་རྡོ་རྗེ་དང་རྡོ་རྗེ་དྲིལ་བུ་དག་འཛིན་པ་དེས་ལྷན་ཅིག་ཏུ་གནས་པའོ།། དེ་ནི་སློབ་དཔོན་ནོ།། འཇིག་རྟེན་གསུམ་རྒྱལ་གྱུར་ནས་ནི་ཞེས་སྦྲེལ་བར་བྱའོ།། གཡས་བརྐྱང་དང ་གཡོན་བརྐྱང་དང་མཉམ་པའི་རྐང་པ་དང་ས་ཀཱ་རྣམས་ནི་ཤར་ལ་སོགས་པའི་ཕྱོགས་བཞི་རྣམས་སུ་སྒྱུར་བར་བྱའོ།། དེ་ལ་གཡས་བརྒྱད་ནི་རྐང་པ་གཡོན་པ་བསྐུམ་པར་བྱས་ནས་གཡས་བརྐྱང་བའོ།། གཡས་བརྐྱང་དུ་གནས་པ་ཅན་ལས་བཟློག་པ་ནི ་གཡོན་བརྐྱང་ངོ་ཞེས་པའོ།། རྐང་པ་དག་ཕན་ཚུན་བཤིབས་ཏེ་སོར་མོ་མ་ལུས་པ་བཤིངས་པ་འདི་ནི་མཉམ་པོའི་རྐང་པའོ།། ཁ་ཅིག་ནི་བར་མཐོ་གཅིག་ཏུ་རིག་པར་བྱེད་དོ།། རྐང་པའི་སོར་མོ་ཕྱི་རོལ་གནས། པུས་མོའི་མཐིལ་ནི་བསྲང་བ་ལ། སོར ་ཤུ་དྲུག་དུ་གནས།། དེ་ཡང་ས་གང་བརྗོད་པར་བྱ།། འདི་རྣམས་གསུངས་པར་འགྱུར་བྱ། རྡོན་དྷུམཛད་ཀྱི་ང་རྒྱལ་བྱེད་པའི་རྣལ་འབྱོར་གྱི་དབང་ཕྱུག་གཡོན་པ་དང་། ཅིག་ཤོས་ཀྱི་མིག་དག་ལམ་དང་ཊའི་ཡི་གེ་དག་ཉི་མ་དང་ཟླ་བའི་དཀྱིལ་འཁོར་དུ ་དམིགས་ཏེ། དེའི་སྟེང་དུ་ཧཱུཾ་ཡིག་ལས་ཡོངསུ་རྫོགས་པའི་རྡོ་རྗེ། འོད་ཟེར་འབར་པོའི་ཚོགས་ཀྱིས་བགླེགས་མཐའ་དག་བཅོམ་ཞིང་བསལ་ན་རྐང་པའི་མཐིལ་ལ་ཡང་ཡི་གེ་ཨཿཡོངས་བརྒྱགས་ལ་སྣ་ཚོགས་རྡོ་རྗེ་འོད་བྱེར་རྣམ་པར་འཕྲོ་བར་བྱེད་པས། ་སའི་གཞི་ལ་ཀུན་ནས་གནས་པའི་བགེགས་ཀྱི་ཚོགས་རྣམ་པར་བཅོམ་སྟེ། ལཾ་ཡིག་ཡོངསུ་གྱུར་པའི་དབང་ཆེན་གྱི་དཀྱིལ་འཁོར་གྲུ་བཞི་པའི་དབུས་སུ་གནས་པའི་སའི་ལྷ་མོ་ཕྱག་གཉིས་ཀྱི་གསེར་གྱི་བུམ་པ་འཛིན་པ་བྱོན་ནས་རང་ཉིད་ལ་མཆོག་སྦྱིན ་པར་བྱེད་པ་སྔགས་འདིས་སྤྱན་དྲང་བར་བྱའོ།། དེ་ལྟར་སྤྱན་དྲངས་ལ་ཡང་དག་པར་མཆོད་ནས་གསོལ་བ་བཏབ་སྟེ་དེ་ཐབ་ཁུང་རྐོ་བ་བརྩམ་པར་བྱའོ།། ཧྲཱི་ཡིག་ཞེས་བྱ་བ་ལ་སོགས་པ་ནི་གཏུམ་མོ་ལ་སོགས་པའི་བུ་མོ་རྣམས་ཀྱི་བསོད་ནམས་ཡན ་ལག་ལ་ནི་བྷ་ག་ལའོ།། དེ་ལ་ཡི་གེ་ཧྲཱིཿའོ།། ཁ་ཅིག་ན་རེ་ཡན་ལག་ལྔ་པོ་རྣམས་སུའོ།། ཞེས་ཀློག་གོ།། དེ་ཉིད་ཀྱི་ཕྱིར་ཡན་ལག་ལྟ་པོ་དེའི་དབུས་སུ་བྷྲཱུཾ་ཡིག་བསྒོམས་ཏེ་སྤྱན་མ་ལ་སོགས་པའི་གཟུགས་ཀྱིས་སོ།། ཉིད་ཅེས་པ་ངེས་པར་བྱས ་ནས་སོ།། སློབ་དཔོན་གྱིས་བྷ་གའི་དབུས་སུ་མེ་ཏོག་གཏོར་བར་བྱའོ།། གཏེར་མ་ཞེས་བྱ་བ་ནི་ཧེ་རུ་ཀའི་ཕྱག་རྒྱ་རྡོ་རྗེ་ཐལ་མོ་གྱེན་དུ་ཕྱེ་སྟེ་འཛུབ་མོ་དང་མཐེ་བོང་རིག་མཆེ་བ་གཙིགས་པའི་རྣམ་པའི་ཕྱག་རྒྱ་འདི་དང་ཡི་གེ་བྷྱོ། གདོན་པར་བྱེད་ཅིང་ཧེ་རུ ་ཀྭའི་ང་རྒྱལ་དུ་བྱས་པའི་གཟུགས་ཀྱིས་ཕྱོགས་རྣམས་དང་ཕྱོགས་བྲལ་རྣམས་སུ་གཏོར་མ་བྱིན་པར་བྱའོ།། ཞེས་པའི་དོན་ཏོ།། ལྷག་མ་གོ་སླ་བའི་ཕྱིར་བཤད་པར་མི་བྱའོ།། སྔགས་ཀྱི་དངོས་གྲུབ་རབ་སྦྱིན་འགྱུར་ཞེས་བྱ་བ་ནི། སྔ ་ཨོཾ་ཡིག་ལ་སོགས་པ་སྭཱ་ཧཱའི་མཐར་ཐུག་པས་དངོས་གྲུབ་རབ་ཏུ་སྦྱིན་པ་གཅིག་པ་ཅན་ཁོ་ནའོ།། ལེའུ་བཞི་པའི་འགྲེལ་པའོ།། ། ད་ནི་མིག་སྨན་ལ་སོགས་སྒྲུབ་པར་བྱེད་པའི་ཆེད་དུ། ལེའུ་ལྔ་པ་གསུངས་པ། ཚིལ་ཆེན་ཞེས་བྱ ་བ་ནི་མིའི་ཞག་གོ།། སྙིང་པོ་ཞེས་བྱ་བ་ནི་ཨརྒ་དཀར་པོ་དང་པདྨ་དཀོར་པོའི་སྐུད་པ་བསྲེས་པའི་སྙིང་པོ་བྱས་ནས་མཚོན་གྱིས་བསད་པའི་སྐྱེས་བུའི་ཐོད་པ་ལ་དུད་པ་ཕབ་ནས། འུག་པའི་མགོ་བོ་བསྲེགས་པ་དང་རྡུལ་ཏེ་ཟླ་མཚན་གྱི་ཁྲག་བསྲེས་པས་བཏགས་ཏེ ་བྱ་རྒོད་ཀྱི་པགས་པ་དཀྲིས་ཏེ་དེའི་རྗེ་ངར་དུ་བཅུག་ལ་གཏུམ་མོ་ལ་སོགས་པའི་བྷ་གའི་དབུས་སུ་བཞག་ནས། མཱ་མ་ཀཱིའི་སྔགས་ཀྱིས་མངོན་པར་བསྔགས་ཏེ་མཱ་མ་ཀཱི་ལ་སོགས་པ་དང་སྦྱོར་བའི་བཅོམ་ལྡན་འདས་མི་བསྐྱོད་པ་བསྒོམས་ནས་ནག་པོ་དང་དཀར་པོ ་དང་དམར་པོའི་ཞལ་མཱ་མ་ཀཱི་ལྟ་བུ་ཉིད་རྣམ་པར་བསམས་ཏེ་སྙོམས་པར་འཇུག་པ་བྱས་ནས་མིག་སྨན་བསྒྲུབ་པར་བྱས་ནི་ལས་རྣམ་པ་སྣ་ཚོགས་པ་བྱེད་པར་འགྱུར་རོ།། གུར་གུམ་ཞེས་བྱ་བ་ལ་སོགས་པས་བསྐལ་པ་བཟང་པོ་ཅན་དུ་བྱེད་པ་གསུངས་པ། ་བྷ་གར་མིག་བཅུག་ནས་སྔགས་གདོན་པར་བྱའོ།། ཞེས་པའོ།། དང་པོར་ཨོཾ་ཡིག་གོ། ཕྱི་ནས་དབྱངས་ཀྱི་ཕྱེ་བ་ཅན་ནི་བཛྲཱ་མྲྀ་ཏའི་ཚིག་གོ། སྤྲིན་གྱི་སྒྲ་ཞེས་པ་ཧཱུཾ་ཡིག་དང་ཕཊ་ཡིག་དང་ལྷན་ཅིག་པར་བྱའོ།། སྔགས་ནི་འདིའོ།། ཨོཾ་བཛྲཱ་མྲྀ་ཏ་ཧཱུཾ་ཕཊ། ་བུམྦྷ་ས་གམ་ནན་ང་མ་དན་གན།། ནརྫུ་ན་ག་དུ ་ཞུགས་པ་དང་རྡོ་རྗེ་ལྕགས་སྒྲོགས་དང་རྡོ་རྗེ་དྲིལ་བུ་རྣམ་སོ།། བསྐལ་པ་བཟང་པོ་པོ་ཞེས་པ་བྱམས་པ་ལཾ་སོགས་པ་བཅུ་དྲུག་རྣམས།། བྱམས་པ་དང་མཐོང་བ་དོན་ཡོད་དང་ངན་ལོང་ཀུན་འདྲེན་དང་མྱ་ངན་གྱི་མུན་པོ་ངེས་པར་འཇོམ་པ་ཞེས་བྱ་བ་དང་། སྤོས ་ཀྱི་གླང་པོ་དང་དཔའ་བར་འགྲོ་བ་དང་ན་མཁའ་མཛད་དང་ཡེ་ཤེས་ཏོག་དང་འོད་དཔག་མེད་དང་ཟླ་འོད་དང་བཟང་སྐྱོང་དང་དྲ་བ་ཅན་གྱི་འོད་དང་རྡོ་རྗེ་སྙིང་པོ་དང་བློ་གྲོས་མི་ཟད་པ་དང་སྤོབས་པ་བརྩེགས་དང་ཀུན་ཏུ་བཟང་པོ་ཞེས་བྱ་བ་སྟེ་འདི་རྣམས་ཐམས ་ཅད་ཞལ་གཅིག་པ་ཕྱག་གཉིས་པར་ཤེས་པར་བྱའོ།། ཕྱུགས་ཞེས་བྱ་བ་ནི་བླ་མ་ལ་ག་ཞིང་གནོད་པར་བྱེད་པའམ། དཀོན་མཆོག་གསུམ་ལཾ་གནོད་པར་བྱེདའོ།། དེ་སྔགས་ཀྱིས་བཀུག་ནས་དཀྱིལ་འཁོར་དུ་བཅུག་སྟེ་ལྟུང་བར་བྱས་ནས་ཙཨཱརྱ ་བྱའོ།། ནཱ་རྣ་རྗེས་བཅོམ་ལྡན་འདས་རྡོ་རྗེ་ཛྙཱ་མཛད་ལམ་ཚད་ནིས་དེའི་ལྤགས་བྱངའ་བར་བྱའོ།། སྒྲུབ་པ་པོ་སྐྱེ་མཆོག་སྨྲན་པ་པོས་དང་པ་ཉིད་དུ་སློ་ཡོན་ལོ་ཡང་དག་པར་མཆོད་པར་བྱའོ།། རྡོ་རྗེ་གྲོལ་ཞིས་ཀྱི་ལ་སོགས་པ་ནི་རྡོ་རྗེ ་ཆུ་མནས་ཅན་དུན་གྱི་སྐྱེ་ཉིམ་ག་ལ་ལན་གསུམ་གཏོགས་ནས་རྡོ་རྗེ་སྒྲུ་བྱས་ནས། སྔགས་པན་གསུམ་བརྗོད་པར་བྱས་ནིའི་སྐྱེ་རྗེ་དག་བྱ།། ཡ་ད་ཀྱི་ང་པདྨས་ངོ་པོ། ་སྐྱེས་པའི་སྒྲའི་ཁྱད་པར་ནི་རྡོ་རྗེ་སེ་གོལ་ཏེ་དེས་དཀྱིལ་འཁོར་བ་གང་རྡོ་རྗེ་བདུད་རྩི་སྟེ་ཐིག་ལེ་རྒྱུ་མཐུན་བསྐྱེད་ནས་ཕྱག་རྒྱ་ཆེན་པོའི་དངོས་གྲུབ་སྐྱེད་པར་འགྱུར་རོ།། བྱུང་བའི་ལྷག་མ་ནི་ཁས་བླངས་ནས་བཟའ་བར་བྱའོ།། ་ལེའུ་དྲུག་པའི་འགྲེལ་པའོ།། ། མཆོད་པ་སྔོན་དུ་འགྲོ་བས་བསམ་གཏན་ངེས་པ་ཤེས་པར་འདོད་པའི་བསམ་པས་བཅོམ་ལྡན་འདས་ལ་དབྱངས་རྣམས་ཀྱིས་ཡང་དག་པར་བསྟོད་ནས་བཅོམ་ལྡན་འདས་མ་ཡོངསུ་ཞུ་བར ་བྱེད་དོ།། ཕྱག་རྒྱའི་ཚོགས་ཞེས་བྱ་བ་ནི་ཞི་བ་མ་ལ་སོགས་པའི་རིག་མའི་ལྷ་མོ་རྣམ་པ་བརྒྱད་ཀྱིས་ཡོངསུ་ཕྱེ་བའི་ཚོགས་དེས་མཉམ་པར་ལྡན་པའི་བཅོམ་ལྡན་འདས་ལ་ཕྱག་འཚལ་བར་བགྱིའི་ཞེས་སྦྱར་བར་བྱའོ།། རིག་མ་ཆེན་པོ་ཉི་ཤུ་བཞི་ཞེས་བྱ ་བ་ནི། རྡོ་རྗེ་སེམས་དཔའི་དཀྱིལ་འཁོར་དུ་ངེས་པར་བསྟན་པའི་རིག་མ་ཆེན་མོ་ཞི་བ་མ་ལ་སོགས་པའི་མིང་ཅན་ལ་རྐེ་སུ་ཆགས་པ་ཅན་གང་གིས་ཞེས་འབྲུ་མང་པོའོ།། ཡིད་ལ་རྟོགས་པ་ཁོ་ན་ལ་སུ་གྱུར་པ་ནི་རྗེསུ་ཆགས་པར་འགྱུར་རོ་ཞེས་པའོ།། འདབ་མ ་སྔོན་པོ་ཞེས་བྱ་བ་ལ་སོགས་པ་ནི་ཨུཏྤལ་སྔོན་པོའི་འདྲབ་མ་ལྟར་གང་གི་ཕྱག་ལྗང་གུ་དེ་ཉིད་ཨུཏྤ་ལ་སྔོན་པོ་འདབ་མཚུངས་ཕྱག་གོ།། ཁྱོད་ཉིད་སངས་རྒྱས་ཏེ་སོ་སོར་རྟོགས་ཏེ་གཏི་མུག་གི་གཉིད་སངས་པའི་ཕྱིར་རོ།། དེ་བཞིན་གཤེགས་པ་ཡང་སྟེ ་ཤེས་བྱའི་ཕུང་པོ་ཐམས་ཅད་ཡོངསུ་ཤེས་པར་བྱེད་པའི་ཕྱིར་རོ།། རྡོ་རྗེ་ཡང་སྟེ་མི་ཕྱེད་པ་འབྱེད་པ་པོ་ཉིད་ཀྱི་ཕྱིར་རོ།། བདག་ལ་རྗེ་སུ་ཆགས་པ་ཁྱོད་ཀྱིས་ཤིན་ཏུ་དགའ་བའི་བདེ་བ་ཡིས་ཏེ་བདེ་བ་ཆེན་པོའི་ཏིང་ངེ་འཛིན་གྱིས་སོ།། གང་ཕྱིར་དེ་ཡི ་ཁྱོད་ནི་ས་གསུམ་དུ་ནི་བྱ་བ་སྒྲུབ་མཛད་དེ་ནི་གདུལ་བར་བྱ་བ་རྣམ་པ་སྣ་ཚོགས་པའི་དོན་སྒྲུབ་པར་བྱེད་པར་འགྱུར་རོ།། སྟོང་པ་ཞེས་བྱ་བ་ལ་སོགས་པ་ནི་བཅོམ་ལྡན་འདས་ཁྱོད་ནི་མཆོག་གི་གོ་འཕང་སྟེ་མྱ་ངན་ལས་འདས་པའི་མིང་དུ་གསུངས་པ་སྟོང་པ་ཉིད་ཀྱི ་རང་བཞིན་ནོ།། གང་གི་ཕྱིར་ན་དངོས་པོ་ཐམས་ཅད་སྣང་བ་ཙམ་ཡིན་པ་དེའི་ཕྱིར་སྣང་བ་ཙམ་ལ་དེ་ཁོ་ན་ཉིད་མཐོང་བ་རྣམས་ཀྱིས་བརྫུན་བཞིན་དུ་ཡང་བཟུང་བར་བྱ་བ་དང་འཛིན་པར་བྱེད་པ་ཉིད་ཀྱིས་རྣམ་པ་ལ་སྒྲོ་བཏགས་ནས་དོན་དམ་པ་མཆོག་གོ་ཞེས་མ ་ཁྲུལ་བར་ངེས་པར་བྱེད་དོ།། ཆོས་ཐམས་ཅད་སོ་སོར་འབྱེད་པའི་ཤེས་རབ་ཀྱིས་རྣམ་པར་དཔྱད་གཞལ་ན་རང་དང་གཞན་དང་གཉིས་ཏེ་འདི་རྣམས་ཐམས་ཅད་ཀྱི་སྐྱེ་བ་དང་ལྡན་པར་མི་རིགས་པའི་ཕྱིར་རོ་ཞེས་པའོ།། ཆོས་ཐམས་ཅད་སྟོང་པ་ནི་དོན་དམ་པ ་ཉིད་དོ།། བཅོམ་ལྡན་འདས་ཀྱང་བདེ་བ་ཆེན་པོ་ལ་གནས་པ་སོ་སོར་རང་རིག་པར་བྱ་བ་རྟོགས་པའི་དྲ་བ་མ་ལུས་པ་ངེས་པར་གསལ་བ་གཉིས་སུ་མེད་པའི་རང་བཞིན་སྟོང་པ་ཁོ་ནའོ།། དེ་ཉིད་ཀྱི་ཕྱིར་སྨིག་སྨན་མེད་པ་ནི་མིག་སྨན་ཞེས་བྱ་བ་ཕྱི་རོལ་གྱི་གཟུང ་བའི་རྣམ་པས་འཛིན་པའི་རྣམ་པར་ཤེས་པ་དེའི་གཟུགས་ཉེ་བར་ལེན་པ་ཡིན་ཏེ་ནོར་བུ་ཤེལ་བཞིན་དུ་སྔོན་པོ་ལ་སོགས་པ་ཉེ་བས་བློ་བུར་བའི་རྣམ་པར་སྒྲོ་འདོགས་པས་དེའི་རྣམ་པར་སོ་སོར་སྣང་བའི་མིང་ཡིན་ནོ།། འདི་དག་ཀྱང་བཅོམ་ལྡན་འདས་དེའི་ཡང ་དག་པར་རིག་པར་མི་བྱེད་པ་མ་ཡིན་ཏེ་འདི་དག་གཉིས་ཀ་ཡང་བརྫུན་པ་ཉིད་ཀྱི་ཕྱིར་རོ་ཞེས་པའོ།། དེ་ཉིད་ཀྱི་ཕྱིར། ཁྱོད་ནི་འགྱུར་མེད་དེ་འཁོར་བ་དང་མྱ་ངན་ལས་འདས་པ་དག་ཏུ་མི་གཡོ་བའི་ཕྱིར་རོ།། ཐོག་མ་མེད་པའང་འགྱུར་མཛད་དོ་ནི་ཕུང་པོ་ཉེ ་བར་ལེན་པའི་རྒྱུ་ཁྱོད་ལས་གཞན་ཡང་དག་པར་རིག་པ་མེད་པ་ཉིད་ཀྱི་ཕྱིར་རོ།། འདི་ལྟར་འབྱུང་བ་དང་མཆོག་ཏུ་བྱུང་བའི་རང་བཞིན་བཅོམ་ལྡན་འདས་ཁྱོད་གང་གིས་རིག་པ་དེ་ཇི་ལྟར་དེ་འཁོར་བར་ག་ལ་འགྲོ་སྟེ་ཅུང་ཟད་ཀྱང་འགྲོ ་བ་མ་ཡིན་ནོ།། ཞེས་པའི་དོན་ཏོ།། རྒྱས་པར་བྱེད་དོ་ཞེས་བྱ་བ་ལ་སོགས་པ་ནི་རྐང་པ་ལ་བརྟེན་པའི་གར་ནི་རྒྱས་པར་བྱེད་པའོ།། རྐང་པ་ལས་སྐྱེས་པ་ནི། སཱ་ཏཱིཀྵིའོ།། དཔུང་བ་དང་ལག་པ་རྣམས་ཀྱིས་ཉེ་བར་བསྐྱེད་པ་ནི་ཨཱ་རཱ་བྷ་ཊཱིའོ།། མགོ་དང་སྨིན་མ་དང ་མིག་རྣམས་ཀྱིས་བསྐྱེད་པ་ནི་ཀཽ་ཤ་ཀོའོ།། རྣམ་པ་བཞི་པོ་འདི་རྣམས་ཀྱིས་ཡན་ལག་འགྱུར་བ་རྣམས་ཀྱིས་གར་བྱས་ནས་བཅོམ་ལྡན་འདས་མཆོད་པས་ཡང་དག་པར་མཆོད་ནས་དེ་ཁོ་ན་ཉིད་ཞུ་བར་བྱེད་དོ།། དེ་ལ་མཆོད་པ་ཞེས་བྱ་བ་ལ་སོགས་པ་ནི། གང ་གི་ཚེ་བཅོམ་ལྡན་འདས་ཀྱིས་རྣལ་འབྱོར་ཆེན་པོ་རྣམ་པར་བཞག་པས་བདེ་བ་ཆེན་པོའི་གནས་པས་བསྐྱེད་པ་བྱ་སྟེ་དེའི་ཚེ་བཅོམ་ལྡན་འདས་མ་གཡོ་བ་མྱེད་པ་སྐྱེ་བར་འགྱུར་རོ།། དེ་ཁོ་ན་ཡང་བཅོམ་ལྡན་འདས་བདུད་རྩི་བདེ་བ་ཆེན་པོའི་རྣམ་པ་ནང་གི་བདུག ་ཉིད་ཀྱི་ངོ་བོ་ལུས་ལ་ལེགས་པར་ཁྱབ་པ་ཅན་དམ་པའི་དེ་ཁོ་ན་ཉིད་དུ་བསམ་པར་བྱའོ།། ད་ནི་བདུད་རྩི་ཐིག་ལེའི་གཟུགས་ཞེས་བྱ་བ་འདིས། བཅོམ་ལྡན་འདས་དོན་དམ་པར་གནས་སྐབས་དེ་བྷ་གེའི་པདྨར་ཡོངས་སུ་བསྒྱུར་བའི་གཟུགས་ལ་ཐིག་ལེའི ་མིང་དུ་གསུངསོ།། འདི་ཁོ་ན་ཡང་ཀུན་རྫོབ་བྱང་ཆུབ་ཀྱི་སེམས་སུ་བརྗོད་པར་བྱའོ།། མཁའ་ཡི་དབུས་སུ་ཞི་བ་ལ་སོགས་པས་ཡེ་ཤེས་སེམས་དཔའ་བསྐྱེད་པ་སྔོན་དུ་འགྲོ་བས་བདག་གི་དེ་ཁོ་ན་ཉིད་དུ་གནས་པར་གསུངས་པ། མཁའ་རུ་བརྗོད ་བར་བྱ་བ་ཆོས་ཀྱི་འབྱུང་ལྡན་སུ་བཤད་པ་པདྨའི་འདབ་མ་བརྒྱད་པས་དབུས་བརྒྱན་པའོ།། དེའི་དབུས་སུ་རི་བོང་ཅན་ཡོངསུ་ཞུགས་པ་ན་མཁའ་དང་མཚུངས་པའི་སྟོང་པ་དེ་ཁོ་ན་ཉིད་བྱང་ཆུབ་ཀྱི་སེམས་དེས་འཛག་པའི་བདུད་རྩི་བརྒྱ་ཕྲག་འཇི་བ་ནི་ཟད་པའོ།། ་དེ་ཁོ་ན་ནི་ཕྲ་མོའོ།། རྡོ་རྗེ་སེམས་དཔའ་ནི་གཞོམ་དུ་མེད་པ་ཧཱུཾ་གི་ཡི་གེར་འགྱུར་རོ།། གང་དུ་ཞེས་པ་ཟླ་འབྲུ་གསང་བའི་སྤྱོད་ཡུལ་ལའོ།། དེ་ནས་དོར་གནས་ནས་བྷ་ག་དང་ལིང་ག་དག་གི་མ་དྷུ་སྟེ་དབུས་སུ་ཁུ་བའི་གཟུགས་ཀྱིས་འགྲོ་བ་ཚིམ་པར་བྱེད ་པ་འཛག་པར་བྱེད་ངེས་པར་འབྱིན་པར་བྱེད་དོ།། དེ་ཉིད་སྲོག་ཆགས་རྣམས་ཀྱི་སྲོག་ཅེས་བྱ་བ་དབུགས་ཆེན་པོའོ།། རྣམ་པར་ཤེས་པའི་ཕུང་པོ་ལ་བརྟེན་ནས་རྣམ་པ་སྣ་ཚོགས་པའི་རྣམ་པར་འགྱུར་རོ།། འདིས་ཀྱང་རྣམ་པ་ལྔས་མངོན་པར་བྱང་ཆུབ་པ ་གསུངས་པར་འགྱུར་རོ།། སངས་རྒྱས་ཞེས་བྱ་བ་ནི་སངས་རྒྱས་རྣམ་པར་སྣང་མཛད་དོ།། རྡོ་རྗེ་འཆང་ནི་རྡོ་རྗེ་ཧཱུཾ་མཛད་དེ་གདུལ་བྱའི་དབང་ལས་དེ་ཉིད་རིགས་ལྔའི་ཚོགས་ཀྱི་དཀྱིལ་འཁོར་འབྱིན་པར་བྱེད་པའི་རིམ་པས་མངོན་སུམ་དུ་བསྒོམས་པའི ་སྒྲུབ་པ་པོ་དེ་རྣམས་ཀྱི་སོ་སོར་སྣང་བ་ཐོབ་པར་འགྱུར་རོ།། དེའི་ཕྱིར་སེམས་ཙམ་གཉི་སུ་མེད་པར་གྱུར་པ་ཆོས་ཐམས་ཅད་ཀྱི་བདག་ཉིད་སྣང་བའི་ཕུང་པོ་ལྟ་བུར་འབརླ་བཞིན་པའི་ཁམས་གསུམ་པོ་སྣང་བར་བྱེད་བཞིན་པར་མཐོང་ནས་ཁང་པ་བརྩེགས ་པར་བཞུགས་ནས་ལྷ་མོ་དང་འཁྲིག་པའི་བདེ་བ་ཆེན་པོའི་ཏིང་ངེ་འཛིན་གྱི་རོ་མྱོང་སྟེ་དེ་ཁ་ནས་ཞུགས་ཏེ་རྡོ་རྗེའི་ལམ་ནས་ངེས་པར་བྱུང་བའི་ཐིག་ལེ་ཟླ་བའི་དཀྱིལ་འཁོར་ལ་རྡོ་རྗེ་བདུད་རྩིར་གསུངསོ།། ཨཱ་ལི་ཀཱ་ལིའི་དཀྱིལ་འཁོར་གཉིས་དང་རྡོ་རྗེ་ལས ་བྱུང་བ་མཱ་མ་ཀཱི་ལ་འཁྱུད་པས་ཡང་དག་པར་བསྐྱེད་པའི་བདེ་བ་ཆེན་པ་རང་བ་བཅོམ་ལྡན་འདས་རྡོ་རྗེ་བདུད་རྩི་སྐྱེའོ།། དེ་ཉིད་ཀྱི་ཕྱིར་གསུངས་དེ་ལས་ང་ནི་ཁྱོད་དང་ལྷན་ཅིག་སྐྱེས་ཞེས་བྱ་བ་སྟེ་འདི་ཁོ་ན་ཕྱག་རྒྱ་ཆེན་པོའི་སྒྲ ་ཐབས་ཀྱི་རིམ་པ་ཕྱིན་ཅི་མ་ལོག་པ་སྟེ། བཅོམ་ལྡན་འདས་ཀྱིས་གསང་བ་འདུས་པ་ལ་སོགས་པར་ཡང་དག་པར་སྦས་ཏེ་བསྟན་པའོ།། ཚངས་པ་ཞེས་བྱ་བ་ལ་སོགས་པས་ནི་ཚངས་པ་དང་ཚངས་པ་མ་ཡིན་པ་ལ་སོགས་པ་དེ་དག་ཀྱང་དེ་ཉིད་ཁོ་ན་ཡང ་དག་པ་ཇི་ལྟ་བ་བཞིན་མ་ཏོགས་པར་བདག་ཉིད་གཞན་དུ་སེམས་པར་བྱེད་དོ།། བྱང་ཆུབ་སེམས་དཔའ་ནི་བྱམས་པ་ལ་སོགས་པ་རྣམ་སོ།། དེ་བཞིན་གཤེགས་པ་ནི་རྣམ་པར་སྣང་མཛད་ལ་སོགས་པ་རྣམསོ།། དེ་ཉིད་ཀྱི་ཕྱིར་བདེ་བ་ཆེན་པོའི་བདག ་ཉིད་ཀྱི་ཏིང་ངེ་འཛིན་དེ་ཁོ་ན་ལ། དེ་རྣམས་སྐྱེ་བར་འགྱུར་འཆི་བར་འགྱུར་ཐིམ་པར་འགྱུར་རོ།། དེ་བཞིན་གཤེགས་པ་རྣམས་ནི་བདེ་བ་ཆེན་པོ་གཉི་སུ་མེད་པའི་ཡེ་ཤེས་ཀྱི་བདག་ཉིད་ཅན་དངོས་པོ་ཐམས་ཅད་སེལ་བར་བྱེད་པས་སོ་སོ་རང་གིས་རིག ་པར་བྱ་བ་ཡང་དག་པར་རིག་པར་བྱེད་པའི་བདག་ཉིད་ཅན་དེ་ཁོ་ན་ལ། གཟུང་དང་འཛིན་པ་དང་བྲལ་བའི་ཡེ་ཤེས་ལ་ཤེས་བྱའི་ཕུང་པོ་མཐར་ཐུག་པར་རབ་ཏུ་ཞུགས་པས་གཉིསུ་མེད་པ་ལ། དངོས་པོ་འདི་དག་ཀུན་ནུབ་པོ་དང་འཆར་བ་ལ་སེམས་པར ་བྱེད་གོམས་པར་བྱེད་དོ།། དེ་ཉིད་ཀྱི་ཕྱིར་གསུངས་པ། ཤེས་དང་ཤེས་བྱའི་བདག་ཉིད་ཅན་ཞེས།། སྐྱེ་བར་འགྱུར་ཞེས་བྱ་བ་ལ་སོགས་པ་ནི། དེ་ཉིད་ཀྱི་ཕྱིར་དངོས་པོ་ཐམས་ཅད་ཀྱི་སྐྱེ་བ་དང་། འཆི་བ་དང་། ཐིམ་པར་བྱེད་པ་ལ་སོགས་པའི་ཆོས ་རྣམས་ཀྱང་བདེ་བ་ཆེན་པོ་གཉིསུ་མེད་པའི་ཡེ་ཤེས་ལུས་ཉེ་བར་སྐྱེ་བར་འགྱུར་རོ།། འབྱིན་པར་བྱེད་པ་ནི་འགྲོ་བ་སྐྱེད་པར་ནུས་པའོ།། རང་ཉིད་འགྱུར་བ་ནི་དངོས་པོ་ཐམས་ཅད་ཀྱི་རང་བཞིན་ཡིན་པས་སོ།། ལྷན་ཅིག་པ་ནི་གཙོ་བོ་བྱེད་པའི་ལྷ ་གཉིས་པ་མེད་པའི་ཕྱིར་རོ།། བརྗོད་པར་བྱ་ཞེས་བྱ་བའི་ཚིག་འདིས་ཡང་དག་པར་སྦྲེལ་བར་བྱའོ།། ཐམས་ཅད་མཁྱེན་པ་ཞེས་བྱ་བ་ནི་རང་གི་སྤྲུལ་པའི་རྟེན་པའི་བརྟེན་པ་ཁམས་གསུམ་པའི་དངོས་པོ་ཐམས་ཅད་དོན་ཇི་ལྟ་བ་བཞིན་དུ་ཤེས་པར་བྱེད་དོ། ་ཞེས་པས་ཐམས་ཅད་མཁྱེན་པའོ།། ཀུན་ནས་ཀུན་ཞེས་བྱ་བ་ནི་སྐྱེ་བ་དང་གནས་པ་དང་འཇིག་པའི་དབང་གིས་གནས་པ་ཉིད་ཀྱི་ཕྱིར་རོ།། དགེ་བ་གསུམ་འདྲེན་པར་བྱེད་པ་ཉིད་ཀྱི་ཕྱིར་ཞི་བ་སྟེ། འདོད་ཆགས་ལ་སོགས་པའི་ཉོན་མོངས་པ་བློ་བུར་བའི ་དྲི་མ་ཞི་བ་དེ་ལ། ལྷ་ཐམས་ཅད་ཡང་དག་པར་རིག་པར་བྱེད་ཉིད་ཀྱི་ཕྱིར་རོ།། གང་བར་བྱས་ནས་ཞེས་བྱ་བ་ལ་སོགས་པ་ལ་ཁང་པ་ནི་དཀྱིལ་འཁོར་དེ་དཀྱིལ་འཁོར་དེར། ཕྱུང་བའི་ལྷ་མོའི་ལྷ་མོའི་གཟུགས་ཀྱི་འཁོར་ལོས་གང་བར་བྱས་ནས་འཕྲོ ་བར་བྱེད་དོ།། གང་གི་ཕྱིར་དེས་སྐྱེས་བུར་བརྗོད་པར་བྱའོ།། ཡང་ན་ཁང་པ་ནི་མཱ་མ་ཀཱི་ལ་སོགས་པའི་སྐུ་སྟེ་ཕྱུང་བའི་བྱང་ཆུབ་ཀྱི་སེམས་ཀྱིས་མངལ་འཛིན་པའི་ཚོགས་པས། དེ་གང་བར་བྱས་སོ།། དེའི་ཕྱིར་ཡང་བཅོམ་ལྡན་འདས་སྐྱེས་བུའོ།། ་དེ་ཉིད་ཀྱི་ཕྱིར་ལུས་ལ་གོནས་ཕྱིར་ལྷ་ཞེས་པའོ།། གཉིད་འཐུག་པོ་ལོག་སྟེ་ཉལ་བ་ཡང་རང་ཉིད་སོ་སོར་སད་པར་བྱ་སྟེ་དེས་ན་སད་པ་པོའོ།། རོལ་པར་བྱེད་དོ།། ཞེས་པས་ལྷའོ།། གཞན་གྱི་ལུས་ལ་རབ་ཏུ་འཇུག་པའི་ཕྱིར་ཁྱབ་འཇུག་གོ ་ལྷག་མགོ་སླའོ།། ལེའུ་བདུན་པའི་འགྲེལ་པའོ།། ། འདིར་སླར་ཡང་ཧེ་རུ་ཀ་ཁྲོ་བོ་བསྐྱེད་པའི་ཤེས་པར་འདོད་པས་བཅོམ་ལྡན་འདས་ལ་ཞུ་བར་བྱེད་དོ།། ཞིབ་མའི་རང་བཞིན་བཅོམ་ལྡན་འདས་བདེ་བ་ཆེན ་པོ་སྟེ། སླར་ཡང་ཧེ་རུ་ཀ་ཁྲོ་བོའི་གཟུགས་སུ་དེ་རྒྱུད་གང་གིས་སྐྱེ་ཞེས་བདག་ནི་ད་ལྕད་མོ་མཆོག་ཅེས་བྱ་བ་སྟེ། གང་གི་ཕྱིར་འདིར་དབང་པོ་དང་བཅས་པ་ལ་སོགས་པའི་ལྷ་གདུག་པ་དྲག་པོ་དང་རིམས་དང་དུག་དང་རོ་ལངས་ལ་སོགས་པ་འཇིགས་པའི་གཟུགས ་ཅན་རྣམས། བདེ་བ་ཆེན་པོ་བདག་གི་དྲུང་དུ་སྐྱབས་སུ་འོང་བ་དེ་རྣམས་ལ་རྗེས་སུ་བརྩེ་བས་བདག་ཉིད་ཁྲོ་བོ་ཧེ་རུ་ཀར་གྱུར་ནས་འགྲོ་བ་ཡོངས་སུ་སྐྱོང་བར་བྱེད་དོ།། གཞན་དུ་རྣམ་པར་སྣང་མཛད་ལ་སོགས་པ་ཞ་བའི་གཟུགས་ཀྱིས། གདུག་པ་ཆེས་དྲག་པོ་རྣམས ་གདུལ་བྱ་བར་མི་ནུས་པའི་ཕྱིར་ཞེས་པའོ།། རྡོ་རྗེ་པདྨ་མཉམ་སྦྱོར་བས་ཞེས་བྱ་བ་འདིས་མཱ་མ་ཀཱི་ལ་སོགས་པ་རྣམས་ཀྱི་མཉམ་པར་སྦྱོར་བ་སྔོན་དུ་འགྲོ་བས་འབར་བའི་ཕྲེང་བ་འཁྲུགས་ཤིང་འཁྲུགས་པར་སྣང་བའི་བཅོམ་ལྡན་འདས་རིག་མ་བརྒྱད་དང ་གཉིས་མེད་དུ་གྱུར་པ། ཕྱག་བརྒྱད་པ་ཞལ་བཞི་པ་ཕྱུངངོ་ཞེས་འབྲེལ་ཏོ།། དེ་ཉིད་རྡོ་རྗེ་ཧེ་རུ་ཀ་མཆོད་ཕྱིར་ཐོགས་ཀྱི་ཚུལ་གྱིས་རྡོ་རྗེ་ཁ་ཊྭཱཾ་ག་འཛིན་བཞིན་པའི་ཕྱག་གཡོན་ཐོད་པ་འཛིན་པ་དང་། ཕྱག་གཡས་བ་དན་གསུམ་པའི་ཚུལ་དང་ལྡན་པའོ།། ་སླར་ཡང་གཉིས་པའི་ཕྱག་དག་གི་མངོན་པར་དབང་སྐུར་པའི་ཕྱག་རྒྱ་དཔྲལ་བའི་མཛོད་སྤུར་འཛིན་པ་དང་། གཞན་གཉིས་པོ་དག་གིས། མངོན་པར་གསར་དུ་ཡོངསུ་བཤུས་པའི་མིའི་པགས་པ་རློན་པའོ།། གཞན་གཉིས་པོ་དག་གིས་དུར་ཁྲོད་དུ ་འཇུག་པའི་ཕྱག་རྒྱའི་ཕྱག་གོ། པདྨའི་ལྟེ་བ་ལ་བཞུགས་པར་བསམ་པར་བྱའོ།། འདབ་མ་བརྒྱད་རྣམསུ་རིམ་པ་ཇི་ལྟ་བར་ལྷ་མོ་གཙིགས་བཅས་མཱ་ལ་སོགས་པ་རྣམས་ཀྱིས་ཡོད་བཅོམ་ལྡན་འདས་ལ་གསལ་བར་བྱེད་པ་བསྒོམ་པར་བྱ་བ་འམ་བྲི་བར་བྱའོ།། ་བཟླས་པའི་སྔགས་ཞེས་བྱ་བ་ལ་སོགས་པ་རྣམས་ཀྱིས་སྔགས་བཏུ་བ་གསུངས་པ། སློབ་དཔོན་གྱིས་དང་པོར་པདྨ་འདབ་མ་བརྒྱད་པ་བྲིས་ལ་ཨ་ཡིག་ལ་སོགས་པ་ཀྵ་ཡིག་གི་མཐར་ཐུག་པའི་སྡེ་པ་བརྒྱད་འདབ་མ་སོ་སོ་ལ་བཀོད་ནས་རིམ་པ་འདིས་ལྷ་རྣམས ་ཀྱི་སྔགས་བཏུ་བར་བྱའོ།། དེ་ལ་གསུམ་པ་ཞེས་པ་ཙ་སྡེ་ལས་གསུམ་པ་ཛ་ཡིག་བཏུས་ཏེ་བདུན་པ་ཞེས་པ་ཡ་རེ་ལ་ཝའི་བཞི་པ་ཝ་ཡིག་གོ། གཉིས་དག་སྟེ་ཛ་ཡིག་དང་ཝ་ཡིག་དག། ཧ་དང་ལ་དག་སྦྱར་བར་བྱ་ཞེས་པ་དང་འབྲེལ་པའོ།། སླར་ཡང་བདུན ་པ་ཞེས་པ་དེ་ཉིད་ལས་ཡ་ར་ལ་ཝའི་གསུམ་པ་ལ་ཡིག་བཟུང་ནས་ཛྭ་ལ་ཞེས་སོ།། སྒྲ་ནི་ལན་གཉིས་བྱས་ནསུ། ཚིག་ལ་སྦྱར་བྱ་ནི་འབྲེལ་བར་བྱའོ།། ཞེས་བྱ་བའི་དོན་ཏོ།། དེ་ཉིད་ཡང་དག་ལྡན་ཞེས་བྱ་དེ་ཉིད་ཧཱུཾ་ཡིག་དེ་དེས་ཡང་དག་པར་ལྡན་པའི་ཚིག ་གོ། ཕཊ་ཀྱི་ཡི་གེས་རྣམ་པར་བརྒྱན་ཞེས་བྱ་བ་ནི་སྔགས་ཀྱི་ཚིག་གི་ཁྱད་པར་རོ།། དྲུག་པ་ལས་ཞེས?་ནི་པི་སྡེའི་བཞི་པ་བྷ་ཡོ་གི་བིཏུས་ནས་བདུན་པའི་དང་པོས་ཞེས་བྱ་བ་ཡཱར་ལ་ཝའི་སྡེ་པའི་དང་པོས། འདིའི་ཞེས་པ་བྷ་ཡིག་གི་གདན་དུའོ།། ཞེས ་བཀླག་པར་བྱའོ།། བཅུ་གསུམ་པོ་ཡིས་ཡང་དག་མནན་ཞེས་བྱ་བ་ནི། ཨ་ཡིག་དང་པོར་འགྲེལ་པ་ཅན་གྱི་བཅུ་གསུམ་པ་ཨོའི་ཡིག་གི་སྟེ་དེ་ཡང་དག་པར་མནན་པ་ནི་ཀུན་ཏུ་བཞག་པ་སྟེ་ཡི་གེ་རྣམས་བསྡུས་པ་བྷྱོ་ཡིག་ཏུ་འགྱུརརོ།། དང་པོར་རྣམ ་པར་སྣང་མཛད་དང་མཐར་སྭཱཧཱ་སྦྱིན་པར་བྱའོ།། དེ་ལྟ་བུ་ཡང་བཅོམ་ལྡན་འདས་ཀྱི་སྔག་སུ་འགྱུར་རོ།། ཨོཾ་ཛྭ་ལ་ཛྭཱ་ལ་ཧཱུཾ་ཕཊ་བྷྱོ་སྭཱཧཱ། འདི་ཉིད་བརྩིགས་བཅས་མ་ལ་སོགས་པའི་ལྷ་མོ་རྣམས་ཀྱིའོ།། ལེའུ་བརྒྱད་པའི་འགྲེལ ་བའོ།། ། ད་ནི་ལས་ཀྱི་རིགས་དང་འགྲེལ་པའི་ལས་སྣ་ཚོགས་ཀྱི་སྒྲུབ་ཐབས་བཅོམ་ལྡན་འདས་བདུད་རྩི་འཁྱིལ་པ་ཉེ་བར་བསྟེན་པ་གསུངས་བྱ། རིག་མ་ཆེན་མོ་ཞེས་བྱ་བ་ལ་སོགས་པ་ལ། རེག་མཚོན་མོ་ནི་བདུད་ཀྱི ་མ་ལ་སོགས་པའི་ལྷ་མོ་བརྒྱད་དོ།། དེ་དག་ཀྱང་སྣ་ཚོགས་གཟུགས་ཏེ་ཁ་དོག་ལྗང་གུའོ།། ཆོས་ཀྱི་འབྱུང་གནས་ཀྱི་དབུས་སུ་སྙིང་པོའི་པདྨ་འདབ་མ་བརྒྱད་པའི་འདབ་མ་སོ་སོ་ལ་གནས་པའོ།། ལྟེ་བའི་དབུས་སུ་གནས་པའི་བཅོམ་ལྡན་འདས་ཀྱང་ཞལ ་གསུམ་པ་ཕྱག་དྲུག་པ་དྲུག་ཤུལ་ལ་སོགས་པའི་རོའི་ཚུལ་གྱིས་རྣམ་པ་སྣ་ཚོགས་རྣམ་པར་བསྒྱུར་བའི་ཞལ་གསུམ་པ་ཅན་ཕྱག་དང་པོས་ཀ་ཐོ་ར་དང་སྟ་རེའི་མཚོན་ཆ་འཛིན་པ་ཕྱག་གཞན་གྱིས་ཇི་ལྟར་རིགས་པར་གཏུན་ཤིང་ལ་སོགས་པའི ་མཚོན་ཆ་འཛིན་པ་ཅན་ནོ།། སྒོ་སྦྱོང་ཡང་དག་ལྡན་ཞེས་བྱ་བ་ནི་སྒོ་སྐྱོང་བ་རྡོ་རྗེ་ལྕགས་ཀྱུ་ལ་སོགས་པར་རྣམ་པར་ཤེས་པར་བྱའོ།། སླར་ཡང་རྣམ་པར་སྣང་མཛད་ཞེས་བྱ་བ་ནི་འདིའི་སྔག་སུ་འགྱུར་རོ།། རྣམ་པར་སྣང་མཛད་ཨོཾ་ཡིག་དྲང་པོར ་བྱིན་ནསོ།། ཚིག་རྫོགས་པར་བྱ་ཞེས་པ་ནི་སྔགས་བདུན་པོ་ཡོང་སུ་རྫོགས་པར་བྱའོ།། དང་པོ་ལས་ཞེས་བྱ་བ་ཨ་ཡིག་ལས་གཉིས་པ་ཨཱ་ཡིག་སྟེ་སྦྱར་བར་བྱའོ།། ཞེས་ཡང་དག་འབྲེལ་ལོ།། སྟོང་པ་ནི་ཧ་ཡིག་གི་མིང་ཅན་ནོ།། དེའི་གདན་ནི ་ཨུ་ཡིག་སྟེ་དེས་ཡང་དག་ལྡན་ནི་སྦྱོར་བའོ།། སླར་ཡང་སྟོང་པ་ཞེས་བྱ་བ་ནི་ཐིག་ལེར་བརྗོད་པར་བྱའོ།། དེ་ཡང་སྟོང་པ་སྟེ་ནཱ་ད་ཡིས་མནན་པའོ།། སྭཱཧཱ་སྦྱར་བས་ཀྱང་སྔགསུ་འགྱུར་རོ།། ཨོཾ་ཨཱཿཧཱུཾ་སྭཱ་ཧཱ། སྔགས་འདི་ཉིད་ཀྱང་ལྷ་མོ་ཐམས ་ཅད་བསྡུས་པའི་སྔགསུ་ཤེས་པར་བྱའོ།། ཤིན་ཏུ་བདེ་དགའི་རྣལ་འབྱོར་གྱིས་ཞེས་བྱ་བ་འདིས་ཤེས་རབ་དང་ཐབས་གཉིས་མིང་དུ་གྱུར་པ་བདེ་བ་ཆེན་པོའི་ཡེ་ཤེས་ལས་བདུད་རྩི་བཞིན་ཏེ་བྱང་ཆུབ་ཀྱི་སེམས་བདུད་རྩི་ལྟ་བུས་སྐྱེ་བོ་མ་ལུས་པའི་རྒ ་བ་དང་འཆི་བ་འཕྲོག་པར་བྱེད་པའོ།། དེ་སྐྱེད་པས་བདུད་རྩི་འཁྱིལ་བའོ།། ཞེས་བྱ་བའི་དོན་ཏོ།། དེ་ཡང་བསྒྲུབ་པར་བྱ་སྟེ། སྒྲུབ་པ་པོ་རྣམས་ཀྱིས་རྣལ་འབྱོར་དང་རྗེས་སུ་རྣལ་འབྱོར་དང་། རྣལ་འབྱོར་ཆེན་པོ་དུ་མའི་ཚུལ་གྱིས་ཐབས་དང་ཤེས་རབ་ཀྱི ་བདེ་བའི་ཡེ་ཤེས་དང་བས་བསྒྲུབ་པར་བྱ་སྟེ། གཞན་དུ་ནི་མ་ཡིན་ནོ་ཞེས་སོ།། ལེའུ་དགུ་པའི་འགྲེལ་པའོ།། ། ད་ནི་རོ་ལངས་ཆེན་པོའི་སྒྲུབ་པའི་ཐབས་ཧེ་རུ་ཀའི་རྣལ་འབྱོར་མངོན་པ་ལྡན་པའི་སྟོན་དུ་བསྙེན་པ་བྱ་བ་ངེས ་པར་བསྟན་པ་གསུངས་པ། བགེགས་ནས་ཤི་བའི་ཞེས་བྱ་བ་ལ་སོགས་པ་ལ། རང་ཉིད་འཕྱངས་ནས་ཤི་བའོ།། སྨེ་ཤ་ཅན་དང་གཏུ་མོའོ།། དེ་མེད་ན་ཁྱི་འཚོང་མ་སྟེ་གཡུང་མོའོ།། མཚན་རྣམས་ཐམས་ཅད་ཡང་དག་རྫོགས་ནི་དམ་མོ་ངེས ་པར་འབྱུང་བ་ཞེས་སོ།། ཡན་ལག་མ་ཉམས་མ་གལ་ཏེ་རྙེད་ན་དེའི་ཚེ་སྒྲུབ་པ་བརྩམ་པར་བྱའོ།། སུམ་ཅུ་ཏུ་གཉིས་ལོ་ཞེས་བྱ་བ་ནི། ལོ་སུམ་ཅུ་རྩ་གཉིས་ལོན་པའི་མཛེས་མ་བསྔགསོ།། ཡང་ན་ལོ་ཉི་ཤུ་རྩ་ལྔ་ལོན་པ་མཆོག་གོ།། དེ་དག་མེད་ན་མ་འམ ་དང་པོའི་མ་མ་ཡིན་པ་བགེགས་ནས་ཤྲཱི་བ་དེ་ཡང་སྒྲུབ་པར་བྱེད་ནུས་སོ།། ཁྲུས་བྱེད་ཏེ་ཞེས་བྱ་བ་ནི་ཧེ་རུ་ཀའི་རྩ་བའི་སྔགས་ཀྱིས་མུལ་མངོན་པར་བསྔགས་ནས། ས་ཧ་དེ་བ་དང་བྲི་ཧ་ཏི་དང་ཀཎྚ་ཀཱ་རི་ཀ་དང་གི་རི་ཀནྟི་ཀ་དཀར་པོ་དང་། ་ནཱ་ཀཱརྦྷ་རྣམས་ཞེས་བྱ་བའི་སྨན་ལྔ་དང་ལྷན་ཅིག་བཅུག་ནས། རྡོ་ལེབ་ལ་སྟེ། རྡོའི་སྣམ་བུ་ལ་བཞག་ནས། སྔགས་ཀྱིས་དག་པའི་ཆུ་ངེས་སོ་ཞེས་བྱ་བའི་དོན་ཏོ།། སློབ་དཔོན་རང་ཉིད་ཧེ་རུ་ཀའི་ལྷའི་རྣལ་འབྱོར་བྱས་ཏེ་རྩེ་བའི་སྔགས་ལ་འཇུག་པ་ལྷུར་བླང་ངོ་།། ་ཙན་དན་དཀར་པོ་དང་ག་བུར་རྣམས་ཀྱིས་ལུས་ལ་བྱུགས་ལ། མེ་ཏོག་དང་བདུག་པའི་མཆོད་པ་དེ་རྣམས་གནས་གཅིག་ཏུ་བཞག་ནས་དཀྱིལ་འཁོར་བྲི་བར་བྱ་སྟེ་ཟླ་བ་ཕྱེད་པའི་རྣམ་པ་ལ་ཐོད་པར་བཤད་ཅེས་པའོ།། ཡང་ན་ཐོད་པའི་མིང་ཅན་གཞུའི་རྣམ་པར་ཡོངསུ ་བརྟགས་པ་དབུས་ཀྱི་རེ་མིག་དང་རེ་མིག་བརྒྱད་པ་རྣམས་ལའོ།། ཕྱི་རོལ་ཏུ་ཡང་ལོགས་བཞི་དང་གྲཝ་བཞི་དང་སྒོ་བཞི་དང་དྲིལ་བུ་དང་དར་དཔྱངས་དང་བ་དན་ལ་སོགས་པ་དང་རྔ་ཡབ་དང་དོ་ཤལ་དང་དོ་ཤལ་ཕྱེད་པ་དང་ཟླ་བ་ཕྱེད་པས་ཉེ་བར་བརྒྱན་པ་དགོད་པར ་བྱའོ།། ཕྱི་ནས་བཅོམ་ལྡན་འདས་ཕྱག་བརྒྱད་པ་རིག་པའི་ལྷ་མོ་བརྒྱད་ཀྱིས་ཡོངསུ་བསྐོར་བ་རེ་མིག་སོ་སོར་ལ་འཇིགས་པ་ཅན་མ་ཞེས་བྱ་བ་ལ་སོགས་པའི་ལྷ་མོ་རྣམས་ཀྱི་ལྷན་ཅིག་པའོ།། ཕྲག་པར་ཁ་ཊྭཱཾ་ག་བཀལ་ནས་ཕྱག་གཡོན་པས་ཐོད་པ་འཛིན་པ། ་ཕྱག་གཡས་པས་བ་དན་གསུམ་པའི་ཚུལ་དང་ལྡན་པ་རྩ་བའི་སྔགས་ཀྱིས་བཞག་པར་བྱའོ།། ཡང་ན་ཧཱུཾ་ཡིག་གིསོ།། སྔགས་འདིས་ལྷ་མོ་ཞལ་གསུམ་མ་ཕྱག་དྲུག་མ་རལ་གྲི་དང་ཁ་ཊྭཱཾ་ག་དང་ཐོད་པ་དང་ཞགས་པ་ཅན་རྣམས་ཀྱང་དགོད་པར་བྱའོ།། སྒོ་རུ་ཡང་སྒོ ་སྐྱོང་བ་ལང་རྣ་ཞེས་བྱ་བ་ལ་སོགས་པ་བཞི་པོ་རྣམས་ཞལ་གཅིག་པ་ཕྱག་གཉིས་པ། ལྕགས་ཀྱུ་དང་ཞགས་པ་དང་ལྕགས་སྒྲོག་དང་དྲིལ་བུ་ཕྱག་གིས་འཛིན་པ་དགོད་པར་བྱའོ།། མེ་ཏོག་དང་བདུག་པ་དང་མར་མེ་དང་དྲི་ཞེས་བྱའི་ལྷ་མོ་རྣམས་ཀྱང་མེ་ཏོག་ལ ་སོགས་འཛིན་པ་ཅན་བྲིའོ།། དེ་ལྟར་གྱུར་པའི་བཅོམ་ལྡན་འདས་བཙུན་མོའི་འཁོར་དང་ལྷན་ཅིག་པ་དཀྱིལ་འཁོར་གྱི་དབུས་སུ་བསྐྱེད་ལ་སྤྱན་དྲངས་ཏེ་མཆོད་ནས་བཟོད་པར་གསོལ་ནས། བྷྱོ་ཡིག་གི་གང་རྒྱངས་རྒོད་པས་ཁྲག་ཆེན་པོ་ཕྱོགས་བཞིར་གཏོར་བར ་བྱའོ།། སྔགས་ཟློས་ཤིང་མར་ཁུ་ཆེན་པོས་བསྐུས་པའི་ཡུངས་ཀར་དཀར་པོས་རོ་ལངས་མ་དེའི་ལུས་ཀྱི་གདོང་ལ་བརྡེག་པར་བྱའོ།། དེ་ནས་དེ་ལངས་ཏེ་སྒྲོགས་པར་བྱེད་དོ།། སྲིད་པ་གསུམ་བདག་ཉིད་ཀྱི་སྒྲས་འགེངས་པར་བྱེད་དོ།། མཐོང་ནས་འཇིགས ་པར་མི་བྱ་བར་ལྷའི་རྣལ་འབྱོར་མངོན་དུ་བྱའོ།། དེའི་ང་རྒྱལ་གྱིས་གནས་པར་བྱའོ།། གཞན་དུ་འདའ་བར་བྱེད་ན་སྒྲུབ་པ་པོ་སློབ་མ་དང་བཅས་པ་འཆི་བར་འགྱུར་རོ།། དེ་ནས་དེ་གྲུབ་སྟེ་ཅི་བགྱི་ཞེས་བཀའ་ནོད་པར་བྱེད་དོ།། སྒྲུབ་པའི་ཡིད་ལ་མངོན་པར ་འདོད་པའི་རལ་གྲི་ལ་སོགས་པའི་དངོས་གྲུབ་སྦྱིན་པར་བྱེད་དོ།། རང་ཉིད་ཀྱང་སྒྲུབ་པར་བྱེད་དེ། གཏུམ་མོ་དང་གཡུང་མོ་དག་གང་ཡང་རུང་བའི་གཟུགས་ཀྱིས་སྨ་ཤ་ཅན་མ་དང་ཁྱི་འཆིང་མ་དག་སྒྲུབ་པའི་ཐབས་ཀྱི་རིམ་པ་འདིས་བསྐྱེད་དེ། ཕྱི་ནས་བཅོམ ་ལྡན་འདས་རྡོ་རྗེ་ཧེ་རུ་ཀ་བདག་ཉིད་དེ། དེ་ཕྱི་མའི་སྒྲུབ་པ་པོ་དེ་དག་གིས་ལྷན་ཅིག་ཏུ་འགྲུབ་པར་བྱེད་པར་ཐེ་ཚོམ་མེད་དོ།། རོ་ལངས་མའི་སྒྲུབ་པའི་ཐབས་ལེའུ་བཅུ་པའོ།། ། དེ་ལྟ་བུའི་རིམ་པ་འདིས་འདོད་ཆགས་ལ་སོགས ་པས་གདུལ་བར་བྱ་བའི་སྐྱེ་བོ་རྣམས་ཀྱི་དོན་བྱས་ནས། བཅོམ་ལྡན་འདས་ཅི་ཡང་མི་གསུང་བའི་ངོ་བོར་གྱུར་ནས་རྣམ་པར་རྟོག་པ་དང་བྲལ་བ་བདེ་བ་ཆེན་པོའི་རོ་ཡིས་སྐུ་དང་གསུང་དང་ཐུགས་མཐའ་དག་སོ་སོར་ཕུག་ནས་ལོངས ་སྤྱོད་རྫོགས་པའི་སྐུ་ཡིས་ཡང་དག་པར་གནས་པ་ཅན་དུ་གྱུར་ཏོ།། དེ་ཉིད་ཀྱི་ཕྱིར་གསུངས་པ། དབུགས་མེད་ཅེས་བྱ་བ་ལ་སོགས་པ་སྟེ། སྲོག་གི་རྩོལ་བའི་མཚན་ཉིད་ཀྱི་རླུང་གི་ཏིང་ངེ་འཛིན་གྱི་གནས་སྐབས་འགོག་པ་ལས་དབུགས་མེད་ཅེས་པ ་ངེས་པར་རྟོག་པ་མེད་པར་ཏིང་ངེ་འཛིན་མཆོག་ལ་སྙོམས་པར་ཞུགས་ཏེ་བདེ་བ་ཆེན་པོ་ཡེ་ཤེས་གཉིས་སུ་མེད་པ་ཅན་ཡང་དག་པར་གྱུར་ཏོ་ཞེས་པའི་དོན་ཏོ།། ད་ནི་ད་ལྟར་གྱུར་པའི་བཅོམ་ལྡན་འདས་ལ་སླར་ཡང་ཞུ་བར་བྱེད་དོ།། རྡོ་རྗེ་ཕྲ་མོ་ཞེས་བྱ ་བ་ལ་སོགས་པ་ལ་རྡོ་རྗེ་ཕྲ་མོ་ནི་བདེ་བ་ཆེན་པོའི་ཡེ་ཤེས་སོ།། དེ་ཅི་ལྟར་གནས་ན་སེམས་ཅན་ཀུན་གྱི་ཡིད་ལ་ཞེས་སོ།། འདི་གསུང་བར་འགྱུར་བ་རྣམ་པ་ལྔས་མངོན་པར་བྱང་ཆུབ་པ་ཇི་ལྟ་བ་བཞིན་གྱི་རིམ་པས་ཆོས་འབྱུང་གི་དབུས་སུ་གནས་པའི ་ཡེ་ཤེས་སེམས་དཔའ་ཁ་ནས་ཞུགས་ཏེ་ཟླ་བ་ཞུ་བ་ཅན་དུ་གྱུར་པའི་ཟླ་བའི་དཀྱིལ་འཁོར་དང་ཧཱུཾ་ཡིག་ལ་སོགས་པས་སྐྱེད་པས་རྡོ་རྗེ་སེམས་དཔའ་ལ་སོགས་པའི་གཟུགསུ་བདག་ཉིད་བསྐྱེད་པར་བྱ་སྟེ། ཕྱི་ནས་རྗེས་སུ་རྣལ་འབྱོར་གྱི་རིམ་པས་ལྷའི་འཁོར ་ལོ་སྤྲོས་སྟེ་དེ་དཀྱིལ་འཁོར་གྱི་དབུས་སུ་གནས་པའི་བདག་ཉིད་བདག་པོའི་སྙེམས་པ་འཛིན་པས་དེའི་རྗེས་སུ་རང་གི་སྙིང་གར་རྡོ་རྗེ་ཕྲ་མོ་བྱང་ཆུབ་ཀྱི་སེམས་རྡོ་རྗེ་ནི་ཡེ་ཤེས་སེམས་དཔའ་རྣམ་པར་བསམ་པར་བྱའོ།། དེའི་ཡང་སྙིང་གར་ཧཱུཾ་ཡིག་ཕྲ་མོ ་ལ་སོགས་པ་བཀོད་ལ་ལྷ་ཡང་དག་པར་བསྙེན་པའི་དངོས་གྲུབ་མངོན་དུ་ཕྲོགས་པ་ཅན་དུ་འགྱུར་རོ།། ཞེས་བྱ་བ་ནི་མན་ངག་གོ།། ཡང་ན་རྡོ་རྗེ་ཕྲ་མོ་ནི་བྱང་ཆུབ་ཀྱི་སེམས་ཏེ་ཆོས་ཐམས་ཅད་གསལ་བས་སྦྱོང་བ་ཉིད་ཀྱི་རང་བཞིན་དུ་ཉེ་བར་བསྐྱེད་པ་ནི་སེམས་ཅན ་ཀུན་གྱི་སྙིང་ལ་གནས་པར་འགྱུར་རོ།། དེ་བཞིན་དུ་ཡད་གསུངས་པ། སེམས་ཅན་ཀུན་གྱི་ཡིད་ཁྱབ་པ། སེམས་ཅན་ཀུན་གྱི་སྙིང་ལ་གནས། སེམས་ཅན་ཀུན་གྱི་ཡབ་ཉིད་ཀྱང་། དམ་ཚིག་མཆོག་ལྷུན་འདོད་པ་མཆོག་ཅེས་སོ།། སྔར་བཞིན་གསུང ་པོ་ཞེས་བྱ་བ་ལ་སོགས་པས། ཀུན་རྫོབ་བྱང་ཆུབ་ཀྱི་སེམས་གསལ་བར་བྱེད་པས་ལན་གསུངས་པའོ།། འདི་ཟོས་པས་དངོས་གྲུབ་ཀྱི་འབྲས་བུ་བསྟན་པ་གསུངས་པ། སྲུང་བར་བྱའོ་ཞེས་བྱ་བ་ལ་སོགས་པ་ནི་བདེ་བླག་ཏུ་རྟོག་སོ་བདག་ཉིད་ཅེས ་བ་ལ་སོགས་པ་ནི། རང་གི་ཟོས་ནས་སྔགས་དང་རྒྱུད་ཤེས་པ་རང་རིག་པས་བཟའ་བྱར་བྱས་ནས་སོ།། སྦྱོང་བར་བྱེད་པ་དང་རྟོགས་པར་བྱེད་པའི་རིམ་པ་ནི་མ་གསུངས་ཏེ། ལྷོའི་རྣལ་འབྱོར་ཁོ་ནས་བྱང་ཆུབ་ཀྱི་སེམས་ལ་སོགས་པ་རྣམས་རྣམ ་པར་དག་པ་ཉིད་ཀྱི་ཕྱིར་རོ།། འདི་ནི་ཞེས་བྱེ་བ་ལ་སོགས་པས་རྒྱུད་འདིའི་ཆེ་བ་སྟོན་ཅིང་སྒོམ་པ་མཆོག་ཏུ་གྱུར་པ་ཡང་དག་པར་བསྡུ་བ་གསུངས་པ། དོན་མང་ཞེས་བྱ་བ་ནི། དེ་ལ་མང་པོ་རྣམས་ཀྱི་དོན་ཕྱག་རྒྱ་ཆེན་པོ་ལ་སོགས་པ་སྒྲུབ་པའི་ཐབས ་ཀྱི་མཐར་ཐུག་པ་རྣམསོ་ཞེས་འབྲུ་མང་པོ་པའོ།། གསང་བ་རིམ་པ་ཞེས་བྱ་བ་ནི་གསང་བའི་རྩལ་ནི་འདིའི་ཉམ་སུ་མྱོང་བའི་མཚན་ཉིད་དེ་ལྟ་བུ་བྱས་ནས། གང་གིས་ཕྱིར་ཐེག་པ་ཆེན་པོ་ཡང་ཆེན་པོ་འདི་ལས་ངེས་པར་བྱུང་བ་དེའི་ཕྱིར་གསང་བའི ་རྩལ་ལོ།། གསང་ཆེན་ཞེས་བྱ་བ་ལ་སོགས་པ་ནི།། གསང་བའི་དབང་པོ་གཉིས་སྙོམས་པར་འཇུག་པའི་བདག་ཉིད་ཅན་མི་འབྱུང་བ་ནི་གསང་ཆེན་ཏེ་བདེ་བ་ཆེན་པོ་གཉི་སུ་མེད་པའི་ཡེ་ཤེས་ཞེས་བྱའོ།། དེ་ཡང་ཐམས་ཅད་བདག ་ཉིད་དེ་བུད་མེད་ཀྱི་གཟུགས་ལ་སོགས་པ་ལུས་ལ་རྟག་ཏུ་གནས་པའི། མྱ་ངན་ལས་འདས་པའི་ངོ་བོ་ཉིད་ཀྱི་ཕྱིར་མཆོག་གོ། བདེ་བ་ཆེན་པོ་སོ་སོ་རང་གིས་རིག་པ་ཉིད་ཀྱི་ཕྱིར་དགའ་བའོ།། དེ་ཉིད་ཀྱི་ཕྱིར་བྱང་ཆུབ་སེམས་དཔའ་རྣམས་ཀྱིས་ཤེས་པ་མ་ཡིན་ཏེ། ་བཅོམ་ལྡན་འདས་ཀྱིས་ཉེ་བར་བསྟན་ཡང་དེའི་མ་ཐོབ་པའི་ཕྱིར་རོ།། དེ་ཉིད་ཀྱི་ཕྱིར། གཟུགས་མེད་དེ་མིག་གི་རྣམ་པར་ཤེས་པའི་ཡུལ་མ་ཡིན་ནོ།། ཅིར་གྱུར་སྟོད་པ་སྟེ་དེ་བཞིན་ཉིད་ཀྱི་རང་བཞིན་ཕྱི་རོལ་དང་ནང་གི་རྟོག་པའི་དྲ་བ་བསལ་བའི་ངོ་བོ་ཉིད ་ཀྱི་ཕྱིར་རོ།། མི་འགྱུར་བ་དང་སྟེ་གཡོ་བ་དང་བྲལ་བའོ་ཞེས་པའི་དོན་ཏོ།། འདི་དག་དེ་ཉིད་དྲི། ཡང་དག་པ་ཇི་ལྟ་བའོ།། དེ་བཞིན་དུ་ཡང་སངས་རྒྱས་མཉམ་སྦྱར་དང་རྡོ་རྗེ་མཁའ་འགྲོ་ལ་སོགས་དུ་མ་ལས་གསུངས་པ། གསང་ཆེན་མཆོག་དགས་པ ་ནན། ཐམས་ཅད་བདག་ཉིད་རྟག་ཏུ་བཞུགས།། སངས་རྒྱས་ཀུན་དངོས་སེམས་དཔའ་ནི། རྡོ་རྗེ་སེམས་དཔའ་བདེ་བའི་མཆོག་ཅེས་སོ།། རྡོ་རྗེ་གཙུག་གོ་ནོར་བུ་ནི་གསང་བའི་ཟླ་བ་ནོར་བུ་ཐིག་ལེའི་བརྒྱན་གྱི་གཟུགས་ཉིད་ཀྱི་ཕྱིར་རོ།། དེའི་ཕྱིར ་ཤིན་ཏུ་གསང་ལ་བཟུང་བར་བྱ་ཞེས་སོ།། གཏམས་པ་ཞེས་བྱ་བ་ལ་སོགས་པ་ནི། རྒྱུད་འདིར་གཏམས་པ་བཞིན་དུ་སྟེ་བཞག་པ་བཞིན་དུ་ཁྱོད་ལ་བདག་གིས་ཡང་བཤད་པ་ཡང་གཟུང་བར་བྱ་སྟེ་ཤིན་ཏུ་དཀོན་པ་ཉིད་ཀྱི་ཕྱིར་རོ།། དེ་ལྟར་གསུངས ་ནས། བཅོམ་ལྡན་འདས་དཀྱིལ་འཁོར་གྱི་འཁོར་ལོ་དང་ལྷན་ཅིག་ཕྲ་མོའི་གཟུགས་སུ་གྱུར་ནས། བདེ་བ་ཆེན་པོའི་རྣམ་པས། བྷ་གའི་རྣམ་པ་རུ་ཤེས་རབ་ཀྱི་ཕ་རོལ་ཏུ་ཕྱིན་པའི་ཡེ་ཤེས་ཀྱི་རང་བཞིན། སྣ་བཅུ་གསུམ་པའི་བདག་ཉིད་དངོས་པོ ་ཐམས་ཅད་གཉིས་སུ་མེད་པའི་མཚན་ཉིད་ཆོས་ཀྱི་འབྱུང་གནས་ཨེའི་ཡི་གེའི་རྣམ་པ་ལ། ཆོས་དང་ལོངས་སྤྱོད་རྫོགས་པའི་སྐུ་དག་གིས་ཁམས་གསུམ་པ་ལ་ཁྱབ་ནས་འཁོར་བར་ཡང་དག་པར་གནས་སོ་ཞེས་བྱ་བའོ།། དེ་བཞིན་དུ་རྣལ་འབྱོར་པ་རྣམ ་ཀྱིས་ཀྱང་ལྷའི་རྣལ་འབྱོར་ལ་གོམས་པར་བྱས་པའི་ཕྱི་ནས་ཉེ་བར་བསྡུ་བ་བྱའོ་ཞེས་པའོ།། ། གསང་བའི་དེ་ཉིད་དོན་དང་གསང་སྔགས་ཚིག་ནི་རྟོགས་པར་དཀའ་བ་རྡོ་རྗེ་བདུད་རྩི་ཞེས་བྱའི་རྒྱུད། ་བློ་གློས་བླུན་པོ་དྲི་མ་མེ་པ་གང་གིས་དོན་བཞིན་བཤད་པར་ཅི་ཞིག་ནུས་ཏེ་བདག། དང་པོར་ཅུང་ཟད་ཤེས་པ་འདི་ལས་དགེ་བ་དྲི་མ་མེད་པ་གང་ཞིག་བདག་གིས་ཐོབ་པ་གང་ཡིན་པ། དེ་ཡིས་འཇིག་རྟེན་མ་ལུས་དེ་དག་ཀུན་རྟོགས་དྲ་བ་བཅོམ་ནས ་མཆོག་གི་བདེ་བ་མཉེམ་པར་ཤོག། མཆོག་གི་བདེ་བ་གཉིས་མེད་བློ་ཡི་དངོས་གྲུབ་རྒྱུད།། མཐའ་ཡས་རྒྱུད་ཀྱི་སྙིང་པོ་འདི་ནི་འབྲི་བྱེད་པ།། གང་ཞིག་འདོད་པའི་དགའ་ང་མཐར་གྲུབ་གྱུར་པ་དེ།། ཡོན་ཏན་རྣམས་ལ་དྲི་མ་མེད་པའི་བཟང ་བོ་ཞེས་བྱའོ།། རྡོ་རྗེ་བདུད་རྩིའི་རྒྱུད་ཀྱི་ནི།། བཤད་སྦྱར་ཚོགས་བཅད་དུ་ཞིག་ལྡན།། འདི་ཡང་སྡེབ་སྦྱོར་ཅེས་བསྔགས་པ།། བརྒྱ་ཕྲག་བཞི་ཡི་ཚོགས་དང་ལྡན།། དཔལ་རྡོ་རྗེ་བདུད་རྩིའི་རྒྱུད་ཀྱི་དཀའ་འགྲེལ ་རྫོགས་སོ།། ། སློབ་དཔོན་དྲི་མེད་བཟང་པོའི་ཞབས་ཀྱིས་མཛད་པའོ།། འདི་ནི་སྔར་གྱི་འགྱུར་རྙིང་པའི་ལེའུ་གཉིས་པ་མྱུན་ཆད་མ་ཚང་ཞིང་དེ་ཡན་ཆད ་ཀྱང་ཤིན་ཏུ་འཁྲུགས་ཤིང་འགྲེལ་པ་གཞན་དང་འདྲེས་པ་ལས། ཤཱཀྱའི་དགེ་སློང་རིན་ཆེན་གྲུབ་ཀྱིས་རྒྱ་དཔེ་ལས་བསྒྱུར་ཞིང་སྨྲྀ་ཏིའི་སྤེལ་མར་བཤད་པ་དང་ཡང་བསྟུན་ནས་ཞུས་ཤིང་གཏན་ལ་ཕབ་པའོ།། ་པཎྜི་ཏ་ལ་མ་མཉན་ཞིང་། རྒྱ་པའི་དཔེ་དབང་མ་རྙེད་ལ།། སེ་སྲྀ་ཏ་ལ་མ་བྱེང་བས། ནོར་ན་མཁས་པས་བཅོས་པར་ཞུའོ།། འདིས་འཁོར་བའི་རྒྱ་མཚོ་ཆེན་པོ་མྱུར་དུ་སྐེམས ་པར་གྱུར་ཅིག། ་