| Wylie | e-texts produced with BDRC’s OCR application |
རྒྱ་གར་སྐད་དུ། ཀུ་ན་ལཱ་པ་དཱ་ནཾ། བོད་སྐད་དུ། ཀུ་ན་ལའི་རྟོགས་པ་བརྗོད་པ། སངས་རྒྱས་དང་བྱང་ཆུབ་སེམས་དཔའ་ཐམས་ཅད་ལ་ཕྱག་འཚལ་ལོ།། ཀུ་ན་ལའི་རྟོགས་པ་བརྗོད་པ་ལ། འདི་ལྟར་རྒྱལ་པོ་ཨ་ཤོ་ཀའི་ན ་ཚད་གསུམ་གྱི་ཚད་དུ་གྱུར་པ་ལ། དེ་ན་ཚོད་དང་པོ་ལ་ནི་འདོད་པའི་ཨ་ཤྲཱི་ཀར་གྱུར་ཏོ།། ན་ཚོད་གཉིས་པ་ལ་ནི་གཏུམ་པའི་ཨ་ཤོ་ཀར་གྱུར་ཏེ། གང་གིས་བརྩོན་ར་བཟང་པོ་བྱས་ནས་སྐྱེ་བོ་བྱེ་བའི་སྲོག་བརླག་པར་གྱུར་ཏོ།། ན་ཚོང་གསུམ་པ ་ལ་ནི་ཆོས་ཀྱི་ཨ་ཤོ་ཀར་གྱུར་ཏེ། གང་གིས་ཆོས་ཀྱི་རྒྱལ་པོ་པ་བརྒྱད་ཁྲི་བཞི་སྟོང་རབ་ཏུ་གནས་ཤིང་སྤྱན་ཕྱེའོ།། དེ་ནས་ཉི་མ་དེ་ཉིད་ལ་རྒྱལ་པོ་ཨ་ཤོ་ཀའི་བཙུན་མོ་པདྨ་ཅན་ཞེས་བྱ་བ་ལ་བུ་བཙས་པ་དང་། དེ་ལས་བུ་གཟུགས ་བཟང་བ་མཛེས་པ་ལྟ་ན་སྡུག་པ་དེའི་མིག་ཤིན་ཏུ་མཛེས་པ་ཞིག་སྐྱེས་སོ།། དེ་ནས་སྐྱེས་བུ་ཉུང་རུམ་ཞིག་རྒྱལ་པོའི་ཁབ་དུ་སོང་ཏེ་སྨྲས་པ། ལྷ་ཁྱེད་ལ་སྲས་བལྟམ་གྱིས་དགྱེས་པ་བསྐྱེད་དུ་གསོལ། རྒྱལ་པོས་སྨྲས་པ། དེང་ན་པ ་ཡིས་དགའ་བ་རྒྱ་ཆེན་ཐོབ། དཔའ་བོའི་རིགས་ཀྱི་སྒྲ་ནི་གྲགས་གྱོར་ཅིང་། ཆོས་ཀྱི་རྒྱལ་སྲིད་རྣམ་པར་འཕེལ་བ་ན།། བུ་སྐྱེས་པས་ན་ཆོས་ཀྱི་རྣམ་འཕེལ་གྱུར།། དེ་ནས་རྒྱལ་པོ་མྱ་ངན་མེད་དེས་བཙས་སྟོན་བྱ་བར་བརྩམས་ཏེ། ་གྲོང་ཁྱེར་པ་ཏ་ལིཾ་པུ་ཏྲ་ཐམས་ཅད་དང་ལྡན་པ་ལེགས་པར་ཆག་ཆག་བཏབ་ཅིང་ཕྱག་དར་བྱས་ཤིང་སྦྱངས་ཏེ། རྡོ་དང་། གསེག་མ་དང་། གྱོ་མོ་བསལ་ཤིང་། ཤིང་དང་། སོ་ཕགོ་དང་། མི་གཙང་བ་འང་མི་རྫ་བོ་དང་། ཕྱག་དར་གྱི ་ཚོགས་མེད་པར་བྱས་ནས་དར་དང་མེ་ཏོག་གི་ཆུན་འཕྱང་བཏགས་ཏེ། བདུག་སྤོས་ཀྱི་སྣོད་ནས་སྤོས་བཏུལ་ནས་ཁྱིམ་དང་། སྲང་བར་དང་། བཞི་མདོ་དང་། སུམ་མདོ་ལ་སོགས་བརྒྱན་པར་བྱས་པ་ནི་འདི་ལྟ་སྟེ ་རས་དང་དར་དང་། བེའུ་རས་དང་། དར་ཝ་དང་། ཟར་མའི་རས་དང་། གུ་དུ་ལའི་རས་དང་། རས་ཡུག་ཆེན་ལ་སོགས་པ་བཏགས་པ་དང་། རྔ་ཡབ་དང་། མཛེས་པའི་གདུ་བུ་དང་། དཔུང་རྒྱན་དང་། དོ་ཤལ་དང་། སེ་མོ་དོ་དང་། མུ་ཏིག ་གི་ཆུན་འཕྱང་དང་། དྲིལ་བུ་དང་། ནོར་བུ་ཆུ་ཤེལ་དང་། མེ་ཤེལ་ལ་སོགས་པ་དང་། ནོར་བུ་ཆེན་པོའི་རྣ་རྒྱན་བཏགས་པ་དང་། བ་དན་སྔོན་པོ་དང་། སེར་པོ་དང་། དམར་པོ་དང་། དཀར་པོ་དང་ལེབ་རྒན་བསྒྲེང་བའི་ཤིང་དང་། ཁྱིམ་ལ་བཏག ་པ་དང་། རས་ཀྱི་བླ་རེ་དང་། དར་གྱི་བླ་རེས་སྤུད་པས་གྲོང་ཁྱེར་པ་ཏ་ལི་པུ་ཏྲ་ཀུན་ནས་དྲི་ཟའི་རྒྱལ་པོའི་གནས་དང་འདྲ་བར་རྣམ་པར་བཞག་པར་གྱུར་ཏོ།། པ་ཏ་ལི་པུ་ཏྲ་དང་། པ་ཏ་ལི་པུ་ཏྲའི་ཉེན་འཁོར་ཇི་སྙེད་པར་སིལ་སྨན་གྱི ་སྒྲ་སྒྲོགས་པ་རྣམས་རབ་ཏུ་གནས་པ་ནི་འདི་ལྟ་སྟེ། གར་མཁན་དང་། གར་སྟོན་པ་དང་། གཏམ་བརྗོད་པ་དང་། བཞད་གང་བྱེད་པ་དང་། མཛེས་པར་བྱེད་པ་དང་། གླུ་ལེན་པ་དང་། མིག་འཕྲུལ་མཁན་དང་། མཆོད་པ་དང་། ་བུད་མེད་ཀྱི་ཆ་ལུགས་འགེབས་པ་དང་། ཁར་སིལ་དཀྲོལ་བ་དང་། ཛ་རྐེད་ཉག་རྡུང་བ་དང་། བྱིས་པ་ལྔ་ཚོམས་པ་དང་། སྲང་བར་ན་རྩེ་བ་སྟེ། དེ་དག་ཐམས་ཅད་སྲང་དང་། སྲང་བར་དང་། བཞི་མདོ་དང་། སུམ་མདོ་དེ་ཐམས ་ཅད་དུ་རང་རང་གི་བྱ་བ་ཐམས་ཅད་ཀྱི་མཛེས་པར་བྱས་སོ།། གྲོང་ཁྱེར་གྱི་སྒོ་བཞིར་ཡང་སྦྱིན་པ་ནི་གཏོང་།། བསོད་ནམས་དག་བྱེད་པ་ནི་འདི་ལྟ་སྟེ། ཟས་འདོད་པ་རྣམས་ལ་ནི་ཟས། གོས་འདོད་པ་རྣམས་ལ་ནི་གོས། དྲི་དང་། ཕྲེང ་བ་དང་། བྱུག་པ་འདོད་པ་རྣམས་ལ་ནི་དྲི་དང་། ཕྲེང་བ་དང་། བྱུག་པ། རས་ཟུང་དང་། རས་ཡཽ་བ་དང་། ཀཪྵ་པ་ན་འདོད་པ་རྣམས་ལ་ནི། རས་ཟུང་དང་རས་ཡ་བ་དང་ཀཪྻཱ་ཕ་ན་སྦྱིན་པར་བྱེད་པ་དང་། རབ་ཏུ་དགའ་བའི་རོལ་མོ་རྣམས ་བརྡུང་། སྤྱི་བོ་ལ་ཏིལ་མར་གྱིས་ནི་ཉུག་པར་བྱེད་དོ།། ཞག་གཅིག་ལ་ཇི་ལྟ་བ་བཞིན་དུ་གསུམ་པ་ནས་བདུན་པ་ནས། ཉིན་ཞག་ཉི་ཤུ་རྩ་གཅིག་གི་བར་དུ་བཙས་སྟོན་རྒྱ་ཚོར་བྱས་ཏེ། པང་ན་འཚོ་བའི་མ་མ་གཉིས་དང་། དྲི ་མ་འཕྱི་བོའི་མ་མ་གཉིས་དང་། ནུ་མེ་སྣུན་པའི་མ་མ་གཉིས་རྩེད་གྲོགས་ཀྱི་མ་མེ་གཉིས་ཏེ་མ་མ་བརྒྱད་ལ་གཏད་དོ།། དེ་ལྟར་གཞོན་ནུ་དེ་མ་མ་བརྒྱད་པ་ཐམས་ཅད་ཀྱིས་རང་གི་གཟོ་ལེགས་པར་བྱས་པས་ཡོངས་སུ་བསྐྱངས ་ཤིང་། མཁས་པ་དང་ལྡན་པ་རྣམས་ཀྱིས་འོ་མ་དང་། མར་སར་དང་། ཞོ་དང་། མར་གྱི་སྙིང་པོ་དང་། སྦྲང་རྩིས་སྐྱེད་པར་བྱེད་པར་རྩོམ་པར་གྱུར་ཏོ།། དེ་ནས་རྒྱལ་པོ་ཨ་ཤོ་ཀ་བུ་བལྟ་བར་མངོན་པར་དགའ་བས་སླས་རྣམས་ལ ་གཞོན་ནུ་ཅི་འདྲ་བ་བལྟ་བར་བྱའོ་ཞེས་སྨྲས་སོ།། དེ་ནས་མ་མ་རྣམས་ཀྱིས་རྒྱལ་པོ་ལ་བསྟན་པའི་ཕྱིར་ཁྱེར་བ་དང་། མཐོང་ནས་རྒྱལ་པོས་གཞོན་ནུའི་མིང་ཇི་ལྟར་གདགས་པར་བྱ་ཞེས་བསམས་པ་དང་། གང་གི་ཕྱིར་འདི ་ནི་ང་ལ་ཆོས་རབ་ཏུ་ཞུགས་པ་ན་སྐྱེས་པས་ན་དེའི་ཕྱིར་ཆོས་འཕེལ་བ་ཉིད་དུ་མིང་གདགས་པར་བྱའོ་ཞེས་སྨྲས་ན། གཞོན་ནུ་རྒྱལ་པོ་ཨ་ཤོ་ཀས་བླངས་སོ།། དེ་ནས་རྒྱལ་པོས་གཞོན་ནུ་ལ་བལྟས་ནས་དགའ ་བཞིན་དུ་སྨྲས་པ། ངའི་བུ་ལ་མིག་བཟང་ལེགས་སྐྱེས་པོ། ཨུཏྤལ་སྔོ་འདྲ་རབ་ཡངས་རྫི་མ་ཅན། གང་གིས་བཞིན་རྒྱུན་མཛེས་པར་བྱས་པ་ནི།། སྒྲ་གཅནྟ་ཁ་ལས་ཐ་པའི་ཟླ་བ་འདྲ།། ཛི་ཙམ་ན་རྒྱལ་པོས་བློན་པོ་རྣམས་ལ་སྨྲས་པ། ་ཁྱེད་རྣམས་ཀྱིས་འགའ་ཞིག་ལ་འདི་ལྟ་བུའི་མིགོ་ཡོད་པ་མཐོང་ངམ། བློན་པོ་རྣམས་ཀྱིས་སྨྲས་པ། ལྷ་མ་མཐོང་ལགས་སོ།། དེ་ནས་དེ་ན་གནས་པའི་འཁོར་རྣམས་ལ་དི་སྐད་རྒྱལ་པོས་སྨྲས་པ་དང་། རིའི་རྒྱལ་པོ་ཁུ་བ་ཅེན་ནུ ་ལོར་བརྟེན་པའི་བྲམ་ཟེ་རྣམས་དེ་ཉིད་དུ་ལྷགས་པ་དང་། དེ་རྣམས་ལ་རྒྱལ་པོས་གཞོན་ནུ་བསྟན་ཏེ། ཁྱེད་རྣམས་ཀྱིས་ཀྱང་འགའ་ཞིག་ལ་འདི་ལྟ་བུའི་མིག་ཡོད་པ་མཐོང་ངམ། ལྷ་མིར་གྱུར་པ་རྣམས་ལ་ནི་མི་མཐོང་སྟེ། དེ་ལྟ་མོད ་ཀྱི་འོན་ཀྱང་ལྷ་རིའི་རྒྱལ་པོ་ཁ་བ་ཅན་ན་ཀུན་ལ་ཞེས་བྱ་བའི་བྱ་དེ་ལ་འདི་ལྟ་བུའི་མིག་མཆིས་སོ།། ཡང་སྨྲས་པ། རི་རྒྱལ་ཁ་བ་ཅན་ནི་བྲག་གི་རྩེ།། མེ་ཏོག་མང་ཞིང་ཆུ་ཕྲན་རབ་འབབ་པ།། དེ་ན་ཀུན་ལ་ཞེས་བྱ་བའི་བྱ།། འདིའི་མིག་དང ་རྣམ་པ་པོ་ཏྲ་ཐཾ་ཡང།། དེ་ནས་རྒྱམ་ཐོས་བྱེ་སྲིན་ལ་མྱུར་དུ་ཁྱོ་ལེ་ཞོག་ཅིག་ཅེས་སྨྲས་པ་དང་། དེའི་སྟེང་གིས་དཔག་ཀྱིས་ཐོས་སོ།། རེག་གི་དཔག་ཚད་གཅིག་ཙམ་དུ་ནི་ཀླུརྣམོས་ཀྱིས་ཐམ་མོ། ་དེ་ནས་གནོད་སྦྱིན་གྱིས་སྐད་ཅིག་མ་དེ་ཉིད་ལ་བྱ་ཀུན་ལ་ཁྱེར་ཏེ་འོངས་སོ།། དེ་རྒྱལ་པོས་གཞོན་ནུ་དང་། ཀུ་ན་ལའི་མིག་ལ་ཤིན་ཏུ་ཡུན་རིང་པར་བརྟགས་ན་ཁྱད་པར་ཅུང་ཟད་ཀྱང་མ་རྟོགས་སོ།། དེ་ནས་རྒྱལ་པོས་སྨྲས་པ། ཨོཾ་མ་ཧོ ་གཞོན་ནུ་དང་། ཀྲྀ་ནུ་ལའི་མིག་ཤིན་ཏུ་འདྲ་བ་ཡིན་པས་ན་གཞོན་ནུ་ལ་མིང་ཀུ་ནཱ་ལ་ཞེས་གདགས་པར་བྱའོ།། ཡང་སྨྲས་པ། ས་བདག་དེ་ནི་མིག་ལ་རྗེས་དགའ་བས།། དེ་ཚེ་བུ་ལ་ཀུ་ནཱ་ལ་ཞེས་སྨྲས།། དེ་ནས་འཕགས་པའི་སེམས་ཅན ་རྒྱལ་པོའི་བུ།། དེའི་མིང་ནི་ས་སྟེངས་རབ་ཏུ་གྲགས།། དེ་ནས་རྒྱ་ཆེར་གཞོན་ནུ་ཆེན་པོར་གྱུར་པའི་བར་དྲོ་སྟེ། དེ་ལ་གསེར་ཕྲེང་ཅན་ཞེས་བྱ་བའི་བུ་མོ་ཆུང་མའི་དོན་དུ་བཀུག་ནས་བྱིན་ཏེ། ཕོའི་བཟོའི་གནས་དང་ལས་ཀྱི་གནས་འདི་ལྟ་སྟེ ་གླང་པོ་ཆེའི་གཉེར་བཞོན་པ་དང་། རྟ་ལ་བཞོན་པ་དང་། ཤིང་རྟའི་ཐབས་དང་། མདའ་གཞུའི་ཐབས་དང་། ལྕགས་ཀྱུས་བསྒྱུར་བའི་ཐབས་དང་། མདའ་བོ་ཆེ་འཕེན་པོའི་ཐབས་དང་། ལྕགས་མངའ་འཕེན་པའི་ཐབས་དང་། ཐག་མདུང ་འཕེན་པའི་ཐབས་དང་། མདུན་དུ་བསྣུར་བ་དང་། ཕྱིར་བསྣུར་བ་དང་། བཅད་པ་དང་། དྲལ་བ་དང་། རྒྱང་ནས་ཕོག་པ་དང་། སྒྲ་གྲགས་པར་ཕོག་པ་དང་། གནད་དུ་ཕོག་པ་དང་། མི་འཆོར་བར་ཕོག་པ་དང་། ཚབསྡུ་ཆེ་བཱ་དང་། དགས ་པ་དང་། གོམ་སྟངས་ལ་བྱང་བར་གྱུར་ཏོ།། རྒྱལ་པོ་ཨ་ཤོ་ཀས་དེའི་དོན་དུ་ཁྱིམ་གསུམ་བྱེད་དུ་བཅུག་སྟེ། གཅིག་ནི་རྐུན་གྱིའོ།། གཉིས་པ་ནི་སོ་ག་ཡིའོ།། གསུ་པ་ནི་དབྱར་གྱི་ད་ལ་རེ་ཞིག་རྐུན་གྱི་ནི་གཅིག་ཏུ་དྲོ་བའོ།། སོ་ག་ཡི་ནི་གཅིག་ཏུ ་བསིལ་བའོ།། དབྱར་གྱི་ནི་དེ་གཉིས་ཀ་ཡོད་པ་སྟེ། ཤིན་ཏུ་གྲང་བ་ཡང་མ་ཡིན། ཤིན་ཏུ་དྲོ་བ་ཡང་མ་ཡིན་པའོ།། ཆུང་མ་རྣམ་པ་གསུམ་འཇོག་སྟེ། ཆེ་བ་དང་བར་མ་དང་ཆུང་བའོ།། དེ་ནས་གཞོན་ནུ་ལྷའི་བུ་མོ་དང་འདྲ་བའི ་བུད་མེད་ཀྱི་རབ་མཆོག་རྒོད་པ་དང་མིག་ཟུར་དང་སྟེགས་པ་དང་། སྒེག་པ་དང་། གར་དང་། གླུའི་ཉེ་བར་སྤྱོད་པ་ལ་མཁས་པ་རྣམས་དང་ལྷན་ཅིག་ཁང་བཟངས་ཀྱི་སྟེང་གི་གཞིར་གཏོགས་པ་ན་བཙུན་མོ་གསེར་ཕྲེང་ཅན་དང་ལྷན་ཅིག་དགའ ་བ་དང་། རྩེ་བ་དང་། ཡོངསུ་སྤྱོད་པ་ནས་ཇི་སྲིད་དུས་གཞན་ཞིག་ན་རྒྱལ་པོ་ཀུན་ལ་དང་ལྷན་ཅིག་ཁྱིམ་བྱའི། ཀུན་དགའ་ར་བར་སོང་བ་དང་། དེ་ནས་གནས་བརྟན་གྲགས་པ་མངོན་པར་ཤེས་པ་དྲུག་དང་ལྡན་པ་དེ་མཐོང་ངོ་།། མཐོང་ནས་ཀྱང ་ཀུན་ལའི་མིག་ནི་ཡུན་རིང་པོར་མི་ཐོགས་པར་འཇིགས་པར་འགྱུར་རོ་སྙམ་ནས་དེས་རྒྱལ་པོ་ལ་སྨྲས་པ། ཅིའི་ཕྱིར་གཞོན་ནུ་རང་གི་ལས་ལ་མ་སྦྱར། དེ་ནས་རྒྱལ་པོས་ཀུ་ན་ལ་སྨྲས་པ། ཀུ་ན་ལ་དགེ་འདུན་གྱི་གནས་བརྟུན་ཇི་སྐད་གསུངས ་པ་དེ་དྲིས་ཤིག། དེ་ནས་གཞོན་ནུས་གནས་བརྟན་གྱི་རྐང་པ་གཉིས་ལ་བཏུད་དེ་སྨྲས་པ་གནས་བརྟན་ཅི་ཞིག་བཀའ་སྩལ་པ། གནས་བརྟེན་གྱིས་སྨྲས་པ། ཀུ་ན་ལ་མིག་ནི་མི་རྟག་པའོ།། ཞེས་ཡིད་ལ་གྱིས་ཤིག། ཡང་སྨྲས་པ། ་གང་དུ་འགྲོ་མང་རྗེས་སུ་ཆགས་གྱུར་ནས།། མི་ཕན་ཐོབ་པའི་ལས་རྣམས་བྱེད་པ་ཡི།། མིག་ནི་རབ་གཡོ་སྡུག་བསྔལ་སྟོང་ལྡན་པར།། རྟག་ཏུ་སོ་སོར་རྟོག་བྱོས་ཀུན་ལ།། དེ་བཞིན་དུ་སློབ་པར་བྱེད་པའི་ཡིད་ལ་བྱེད་པ་དང་རབ་ཏུ ་ལྡན་ཞིང་གཅིག་པུར་མངོན་པར་དགའ་བ་དང་། རབ་ཏུ་ཞི་བ་ལ་མངོན་པར་དགའ་བར་གྱུར་ཏོ།། དེ་ཡང་རྒྱལ་པོའི་ཕོ་བྲང་གི་གནས་དབེན་པར་འདུག་ཅིང་། མིག་གི་ཉེས་དམིགས་དང་། སྐྱེ་མཆེད་མི་རྟག་པ་ལ་སོགས་པའི་རྣམ་པར་ཡོངས་སུ ་རྟོགས་པར་བྱེད་དོ།། དེ་ནས་རྒྱལ་སྲུངས་མུ་ཞེས་བྱ་བའི་བཙུན་མོ་དམ་པས་ཕྱོགས་དེར་ཉེ་བར་སོང་བ་དང་། དེས་ཀུན་ལ་དེ་གཅིག་པུ་འདུག་པ་མཐོང་ནས། མིག་ལ་རྗེས་སུ་ཆགས་པས་ལུས་ལ་ཀུན་ཏུ་འཁྱུད་དེ་སྨྲས་པ། ཁྱེད་ཀྱི་ལུས ་ལས་ངེས་འབབ་པའི།། འདོད་ཚོགས་མེ་ནི་སྟོབས་ཅན་གྱིས།། ནགས་མེ་སྟོབས་ཅན་གཡོ་བ་ནི།། མང་པོ་རྣམ་པར་བསྲེགས་པར་གྱུར།། གཞོན་ནུ་བདག་དང་ལྷན་ཅིག་ཏུ།། དགའ་བ་རྗེས་སུ་མྱོང་བར་བྱ།། དེ་ཐོས་པ་དང་ཀུ་ན་ལས་ལག་པ ་གཉིས་ཀྱི་རྣ་བ་བཀག་ཏེ་སྨྲས་པ། ཁྱེད་ནི་ཚིག་འདི་སྨྲ་བར་མི་རིགས་ཏེ།། བུའི་མ་བཞིན་ཁྱེད་ནི་བདག་གི་མ།། འདི་ནི་ངན་འགྲོའི་ལམ་གྱི་སྒོ་ཡིན་པས།། ཆོས་མིན་འདོད་ཆགས་ཡོངས་སུ་སྤང་བར་གྱིས།། དེ་ནས་རྒྱལ་སྲུངས་མས་སྨྲས་པ།། ་འདིར་ཉེས་པ་ཅི་ཞིག་མཐོང་།། གཞན་ཡང་གཞོན་ནུ་རེ་ཞིག་ཉོན་ཅིག། དཔེར་ན་ཉི་མའི་གཟི་བརྗིད་བརྟེན་པའི་ཚ་བས་གདུངས་ཏེ་ཆུ་ནི་འཐུང་བ་དང་། ཇི་ལྟར་ལུས་ནི་ཆུ་ཡིས་ཚིམ་པར་བྱེད་ལ། སྡིག་པ་ཡོད་པར་རིགས་མ་ཡིན། དེ་བཞིན ་འདོད་པའི་མེ་ནི་ཆེན་པོས་ལྷག་པར་ཤིན་ཏུ་གདུངས་པར་གྱུར་པ་ན།། ལུས་ལ་རིག་པའི་ཆུའི་དགའ་བ་དེ་ལས་ཆོས་མིན་ཅི་ཞིག་འབྱུང་།། ཀུ་ན་ལས་སྨྲས་པ། ངའི་གྲགས་པར་མི་འགྱུར་མཆོག་ཏུ་བརྙས་ཤིང་ཕྱི་ནས་རྗེས་སུ་འགྱོད ་པར་འགྱུར།། ངའི་ཀུན་ཏུ་སྤྱོད་པར་མི་འགྱུར་དེ་བཞིན་རིགས་ཉམས་པ་ཡང་ཉིད་དུ་འགྱུར།། འཕགས་པ་ཉིད་དུ་མི་འགྱུར་བཀྲེན་འགྱུར་ངན་པར་ཚིག་གིས་ཆད་པ་བཅད་པར་འགྱུར།། སྨྱོས་པས་འགྱུར ་གྱི་གྲགས་པར་མི་འགྱུར་ཆོས་ཀྱང་མི་སྣང་ཉིད་དུ་འགྱུར་བའོ།། རྒྱལ་སྲུངས་མས་སྨྲས་པ། ཀུན་ལ་དེ་ལྟ་ཡིན་མོད་ཀྱི་གང་ཁྱེད་འཇིགས་པར་འགྱུར་པ་འདི་འགའ་ཞིག་གི་མཐོང་ནས་གྲགས་པར་འགྱུར་བ་མ ་ཡིན་ཏེ། དེ་ཡང་རྣམ་པར་དབྱེན་ཞིང་མིའི་འདུ་བ་དང་བྲལ་བའི་ཕྱིར་རོ།། ཡང་སྨྲས་པ། ཡུ་བུའི་མཐོང་ནས་སྨྲ་བ་ནི།། བུད་མེད་དག་གམ་སླས་རྣམས་ཀྱང་།། གང་ཡང་ཡོད་པ་མ་ཡིན་ཏེ།། དེ་བས་བདག་གི་ཚིག་ཉོན ་ཅིག་འདོད་དང་བཅས་པའི་བུད་མེད་ནི།། དབེན་པར་ཡོངས་སུ་སྤོང་བྱེད་ན།། དེ་ཡི་ཆོས་ཆེན་འཇིག་འགྱུར་ཞེས།། ཐོས་པ་ལས་གྲགས་ཐོས་སམ་ཅི།། གཟུགས་ཀྱི་རྗེས་སུ་མཐུན་པ་ཡི།། སྦྱིན་གནས་སྡིག ་མེད་མཐོང་ནས་ནི།། དེར་གང་ལེགས་པའི་མདངས་རྣམས་དང་།། ནི་ཚོ་དེ་དང་ནི་འདྲ་བར་གྱིས།། ཀུ་ནཱ་ལས་སྨྲས་པ། གང་ཁྱོད་ཀྱིས་འདི་ན་གནས་ཀྱང་མི་མཐོང་ཞེས་སྨྲས་ན། དེ་རེ་ཞིག་ཉོན་ཅིག། འདི་ནི ་གཟི་བརྗིད་འབར་བའི་ཤིང་ལ་གནས་པའི་མེ་ལྷས་བདག་ནི་མཐོང་གྱུར་ལ། ཚངས་པས་མཐོང་ཞིང་བརྒྱ་བྱིན་དག་དང་ཆུ་ལྕེ་ཟླ་བ་གཤིན་རྗེ་དག་གིས་མཐོང་།། གཞན་ཡང་གཞལ་ཡས་ཁང་པ་མཆོག ་ན་གནས་པ་གཞན་གྱིས་ངེས་པར་མཐོང་འགྱུར་ན།། བྱིས་པ་ཁྱེད་ཀྱིས་བདག་དང་གཉེན་གྱི་སྐྱེ་བོ་མི་མཐོང་རང་ཡང་མཐོང་མ་གྱུར།། མི་ནཱི་གང་ཞིག་དབེན་པར་མེར་འཇུག་བྱེད་ན་དེ་ཅི་མེ་ཡིས་མི་འཚིག་གམ། གང་ཞིག ་དྲེགས་པས་འབྲས་བུ་དང་ར་ལྟར་དྲུག་པ་དེ་ནི་ཉམས་པར་མི་འགྱུར་རཱམ།། མི་ནི་གང་ཞིག་བྲང་འགྲོ་གདུག་པོས་ཟིན་པ་དེ་ནི་གནོད་པར་མི་འགྱུར་རམ།། མི་ནི་གང་ཞིག་དཔོན་པར་གཏོགས་པར་སྡིག་བྱས་གོས་པར ་མི་འགྱུར་དེ་མི་སྲིད།། དེ་ནས་རྒྱལ་སྲུངས་མས་སྨྲས་པ། གཞོན་ནུ་རེ་ཞིག་ཁྱོད་དེ་ལྟ་བུར་ཞེན་པས་གནས་པར་མ་བྱེད་ཅིག། དེ་ཡང་དུས་ཀྱི་སྒོའི་རྫོང་དང་བིན་ངའི་རིར་ཡང་འདོད་པའི་དོན་དུ་རབ་འཇུག་ལ།། འདོད་པའི་རྒྱ་མཚོའི ་ཆུ་ཡང་བརྒལ་ཅིང་མཛུའ་བོ་གཱངྒཱ་ཡིན་དྲུག་ཀྱང་འབྱེ་བ་ཡོད།། འདོད་པའི་ཕྱིར་ནི་བརྟུལ་ཞུགས་ཐལ་བ་ཤིང་གོས་འཆང་བའི་དཀའ་ཐུབ་དེས་དེ་ཐུབ།། དེ་འདིར་བདེ་བྱ་ཡང་དག་ཐོབ་པ་འདི་ལ་ཅི་ཕྱིར་ཀུན་ཏུ་ཆགས་མི་བྱེད།། ་ཀུན་ལས་སྨྲས་པ། ཁྱེད་ཀྱིས་ང་ནི་ཟིལ་གནོན་མི་འགྱུར་ཏེ།། ལྷ་ཡི་བུ་མོ་འདྲ་བའི་བུད་མེད་དག། དེ་ཡང་དམྱལ་བའི་སྡུག་བསྔལ་ཡོད་པས་ན།། གཞན་གྱི་བུད་མེད་ཡོངས་སུ་སྤོང་བ་ཡིན།། དེ་ནས་རྒྱལ་སྲུངས་མས་རང་གི་འདོད་པའི་རྣམ་པ ་ཐོབ་པར་མ་གྱུར་པས། ཁྲོས་ཏེ་སྨྲས་པ། ཤིན་ཏུ་འདོད་པས་གདུངས་པར་གྱུར་པ་ནི།། གལ་ཏེ་འདི་ན་ངའོ་མི་འདོད་ནི།། བློ་ངན་ཁྱོད་ནི་རིང་པོ་མི་ཐོགས་པར།། དངོས་པོ་ཐམས་ཅད་མེད་པར་འགྱུར་དུ་འོང་།། མིག་ནི་གཉིས་པོ་གང་ཡིན་པ ་ཁྱོད་ནི་འདི་ན་དྲེགས་ཐོབ་པ།། མི་རིང་བར་ནི་དེ་དག་གིས།། རྒུད་པར་གྱུར་ལ་བལྟ་བར་བྱ།། ཀུ་ན་ལས་སྨྲས་པ། ཆོས་ནི་རྣམ་དག་གྱུར་ན་བདག་ནི་མི་མྱུར་དུ་འཆི་བར་གནས་པར་གྱུར་ཀྱང་བླ།། སྐྱེ་བོ་དམ་པས་བདག ་སྨད་གྱུར་པའི་འཚོ་བ་བདག་ལ་དགོས་མ་ཡིན།། གང་ལས་མཐོ་རིས་དག་དང་ཆོས་འཇིག་འགྱུར་བའི་འཚོ་དེས་ཅི་ཞིག་བྱ།། མཁས་པས་ཟིལ་གྱིས་མནན་པའི་བཀྲེན་གྱུར་བདག་ནི་འཆི་བ་ཉིད་ཡིན་མོད།། ཇི་ཙམ་ན་རྒྱལ ་སྲུངས་མ་དེ་ཀུ་ན་ལ་ལ་གླགས་སྐབས་འཚོལ་ཞིང་། གནས་པར་གྱུར་ཏོ།། དེ་ནས་རྒྱལ་པོ་ཨ་ཤོ་ཀས་བྱུང་ཕྱོགས་ཀྱི་གྲོང་ཁྱེར་རྡོ་འཇོག་པ་དང་རྩོད་པར་གྱུར་པ་ཐོས་པ་དང་། རྒྱལ་པོ་རང་ཉིད་ཆས་པར་གྱུར་ཏོ།། དེ་ནས་བློན ་པོ་རྣམས་ཀྱིས་སྨྲས་པ། ལྷ་གཞོན་ནུ་བརྫང་དུ་གསོལ། དེས་ནི་ཐུལ་བར་འགྱུར་ལགས་སོ།། དེ་ནས་རྒྱལ་པོས་ཀུན་ལ་བོས་ཏེ་སྨྲས་པ། ཀུནཱ་ལ་གྲོང་ཁྱེར་རྡོ་འཇོག་འདུལ་བར་འགྲོ་ནུས་སམ།། ཀུ་ན་ལས་སྨྲས་པ། ལྷ་རབ་ཏུ་མཆི ་ལགས་སོ།། དེ་ནས་རྒྱལ་པོས་ཡིད་ལ་རབ་དད་པའི།། བུ་ཞེས་བྱ་བའི་བསམ་པ་ཤེས་པ་དང་།། བརྩེ་དང་ཕུན་ཚོགས་ན་ཚོད་ལ་རིགས་པའི།། ཆས་པའི་རྐྱེན་ནི་ལུང་དུ་བསྒོ་བར་གྱུར།། དེ་ནས་རྒྱལ་པོ་ཨ་ཤོ་ཀས་གྲོང་ཁྱེར ་བརྒྱན་པ་དང་། ལམ་མཛེས་པར་བྱས་ཏེ། རྒན་པོ་དང་། ནད་པོ་དང་། བཀྲེན་པ་རྣམས་རང་གི་ལམ་ནས་བསལ་ཏེ། གཞོན་ནུ་དང་ལྷན་ཅིག་ཤིང་རྟ་ལ་ཞོན་ཏེ། པ་ཏ་ལི་པུ་ཏྲ་ནས་བྱུང་ཏ་བརྐྱལ་ནས། ལྡོག་པ་ན་ཀུ་ན་ལའི་མདུན ་ནས་ཡོངས་སུ་འཁྱུད་ནས་མིག་ལྟ་ཞིང་དུས་ཏེ་སྨྲས་པ། འདབ་ཆགས་རབ་མཆོག་ཀུ་ན་ལ་མཚུངས་པའི།། མིག་ནི་ཡངས་ཤིང་ཨུཏྤལ་སྔོན་པོ་དང་།། འདྲ་བ་འདི་ལ་ལྟ་བ་གང་ཡིན་པ།། དེར་ནི་དཔལ་ཡོད་བདེ་ལྡན་རིམས་ནད་བྲལ།། ་ཇི་ཙམ་ན་བྲམ་ཟེ་མཚན་མཁན་ཞིག་གིས་མཐོང་བ་དང་། ཀུ་ན་ལའི་མིག་ནི་ཡུན་རིང་པོ་མི་ཐོགས་པར་འཇིག་པར་འགྱུར་ཏེ། རྒྱལ་པོ་ཨ་ཤོ་ཀས་དེའི་མིག་གཉིས་ལ་ཤིན་ཏུ་ཆགས་པ། ལྟས་མཁན་དེས་མཐོང་ནས་སྨྲས་པ། ་མི་དབང་བུའི་མིག་ནི་རྣམ་དག་ལ།། ས་བདག་ཀྱང་ནི་མིག་ལ་རྗེས་ཆགས་པས།། རྣམ་དག་དཔལ་ལམ་ཡིད་དང་རྗེས་མཐུན་པ།། རིང་པོ་མི་ཐོགས་འཇིག་པར་འགྱུར་བ་མཐོང་།། ལྷ་ཡུལ་ལྟ་བུར་རབ་དགའི་གྲོང་ཁྱེར་འདི།། གཞོན།། ་ནུ་མཐོང་བ་ལས་བྱུང་སྐོམ་པ་དག། མིག་དང་བྲལ་ནས་དེ་བཞིན་འདིའི་སེམས།། མྱ་ངན་དག་གིས་ཡོངས་སུ་གདུངས་པར་གྱུར།། ཅི་ཙམ་ནཱ་ཀུ་ན་ལ་རིམ་གྱིས་གྲོང་ཁྱེར་རྡོ་འཇོག་ཏུ་ཉེ་བར་ཕྱིན་པ་དང་། རྡོ་འཇོག་གི་གྲོང་ཁྱེར ་པས་ཐོས་ནས། དཔག་ཚད་ཕྱེད་དང་གསུམ་གྱི་བར་དུ་གྲོང་ཁྱེར་བརྒྱན་པ་དང་། ལམ་མཛེས་པར་བྱས་ཏེ། བུམ་པ་གང་བ་མར་སར་གྱིས་བརྒྱན་པས་མདུན་བསུས་སོ།། ཡང་བཤད་པ་རྡོ་འཇོག་པའི་གྲོང་བས་ཐོས་ནས་ནི། ་རིན་ཆེན་བུམ་པ་གང་བ་ལ་སོགས་པའི།། མཆོད་པ་ཐོགས་ཏེ་མདུན་དུ་སོང་ནས་ནི།། ས་བདག་དེ་ལ་མང་དུ་རྗེད་པར་གྱུར།། མདུན་བསུས་ནས་ཐལ་མོ་སྦྱར་ཏེ་སྨྲས་པ། བདག་ཅག་རྣམས་ནི་གཞོན་ནུ་ལ་འགལ་བར་བགྱིད་པ ་ཡང་མ་ལགས་ལ། རྒྱལ་པོ་ཨ་ཤོ་ཀ་ལ་ཡང་མ་ལགས་མོད་ཀྱི། འོན་ཀྱང་བློན་པོ་མི་སྲུན་པ་དག་འོངས་ནས་བདག་ཅག་ལ་བརྙས་པར་བགྱིས་མོད།། ཅི་ཙམ་ན་ཀུ་ན་ལ་བསྙེན་བཀུར་ཆེན་པོས་གྲོང་ཁྱེར་རྡོ་འཇོག ་ཏུ་ཞུགས་པར་གྱུར་ཏོ།། དེ་ནས་རྒྱལ་པོ་ཨ་ཤོ་ཀ་ལ་ནད་ཆེན་པོ་ཞིག་བྱུང་བར་གྱུར་ཏེ། དེའི་ཁ་ནས་ངན་སྐྱིགས་འོང་ཞིང་། བ་སྤུའི་བུ་ག་ཐམས་ཅད་ནས་མི་གཙང་བ་འཛག་པར་གྱུར་ཀྱང་གསོ་བར་མ་ནུས་སོ།། དེ་ནས་རྒྱལ་པོས ་སྨྲས་པ། ཀུ་ན་ལ་ཁུག་ཅིག། དེ་རྒྱལ་སྲིད་ལ་བཞག་ར་བྱ་སྟེ། ཁོ་བོ་ཡང་སླར་འཚོ་བས་ཅི་ཞིག་བྱ། དེ་ཐོས་ནས་རྒྱལ་སྲུངས་མས་བསམས་པ། གལ་ཏེ་ཀུ་ན་ལ་རྒྱལ་སྲིད་ལ་བཞག་ན།། ངའི་འཚོ་བ་མེད་པར་འགྱུར་རོ་སྙམ ་ན་དེས་སྨྲས་པ། ལྷ་བདག་གིས་ཁྱེད་གསོས་པར་བགྱི་ལེགས་ཀྱི། འོན་ཀྱང་སྨན་པ་རྣམས་ནང་དུ་འཆི་བ་དག་ཏུ་གསོལ། ཇི་ཙམ་ན་རྒྱལ་པོས་སྨན་པ་རྣམས་འོང་བ་བཀག་པར་གྱུར་ཏོ།། དེ་ནས་རྒྱལ་སྲུངས་མས་སྨན་པ ་རྣམས་ལ་སྨྲས་པ། གལ་ཏེ་སྐྱེས་པའམ། བུད་མེད་འདི་ལྟ་བུའི་ནད་ཀྱིས་ཟིན་པ་ཡོད་ན་དེ་ཁྱེད་རྣམས་ཀྱིས་ང་ལ་སྟོན་ཅིག། དེ་ནས་རི་ཁྲོད་པ་གཞན་ཞིག་དེ་ལྟ་བུའི་ནད་ཀྱིས་ཟིན་པ་དང་། དེའི་ཆུང་མས་སྨན་པ་ལ་ནད་དེ་སྨྲས་པ ་དང་། སྨན་པས་སྨྲས་པ། ནད་པ་དེ་ནི་འོང་དུ་ཆུག་ཅིག། ནད་བལྟས་པ་སྨན་བསྟན་པར་བྱའོ།། ཅི་ཙམ་ན་དེ་བཀུག་ནས་སྨན་པའི་གམ་དུ་ཕྱིན་པ་དང་། སྨན་པས་རྒྱལ་སྲུངས་མའི་གམ་དུ་ཁྱེར་རོ།། རྒྱལ་སྲུངས་མས་ཀྱང་ཤིན་ཏུ། ་དབེན་པའི་ས་ཕྱོགས་སུ་བསད་ནས་བལྟས་པ་དང་། དེ་ཞུ་བའི་གནས་ན་རྒྱུ་མར་འབུ་ཆེན་པོ་ཞིག་བྱུང་སྟེ། དེ་སྟེང་དུ་འགྲོ་བ་དང་། དེའི་ངན་སྐྱུགས་གྱེན་དུ་འབྱུང་ངོ་།། གལ་ཏེ་ཐུར་དུ་འགྲོ་ན་ནི་འོག་ཏུ་འབྱུང་ངོ་།། དེས་དེར་ན་ལེ་ཤམ ་བཏགས་ཏེ་བླུགས་ཀྱང་མ་ཤིའོ།། དེ་བཞིན་དུ་པི་པི་ལིང་དང་། སྲིང་ག་དང་། ལན་ཚ་ལ་སོགས་པ་བླུད་པ་ནས་ཇི་ཙམ་ནི་སྒོག་སྐྱ་བླུགས་པ་དང་། རེག་པ་ཙམ་གྱི་ཤི་ནས། བཤང་བའི་ལམ་ནས་བྱུང་ངོ་།། དེས་དེ་ལྟ་བུའི་རྣམ་པར་རྒྱལ་པོ ་ལ་གོ་བར་བྱ་སྟེ། ལྷ་སྒོག་སྐྱ་གསོལ་ཅིག། དེས་ན་ཁྱེད་སོས་པར་འགྱུར་རོ།། རྒྱལ་པོས་སྨྲས་པ། ལྷ་མོ་ང་ནི་རྒྱལ་རིགས་སྤྱི་བོ་ནས་དབང་བསྐུར་བ་ཡིན་ན། ཇི་ལྟར་ན་སྒོག་པ་ལ་ཡོངས་སུ་ལོངས་སྤྱོད། བཙུན་མོས་སྨྲས་པ། ལྷ ་འདི་ནི་སྲོག་གི་དོན་གྱི་སྨན་ཡིན་པས་ཉེ་བར་སྤྱོད་པར་མཛོད་ཅིག། ཇི་ཙམ་ན་རྒྱལ་པོས་ཡོངས་སུ་ལོངས་སྤྱད་ནས་འབུ་དོ་ཡང་ཤི་སྟེ། བཤང་བའི་ལམ་ནས་བྱུང་ངོ་།། རྒྱལ་པོ་སོས་པར་གྱུར་ནས། དེས་རྒྱལ་སྲུངས་མ་ལ་མཆོག ་སྦྱིན་པར་བརྩམསོ།། ཁྱོད་ལ་མཆོག་ནི་ཅི་ཞིག་སྦྱིན་པར་བྱ།། དེས་སྨྲས་པ། བདག་ལ་ཞག་བདུན་གྱི་བར་དུ་རྒྱུ་ལ་སྲིད་གསོལ་ཅིག། འོ་ན་ཁོ་བོ་ཅིར་འགྱུར།། བཙུན་མོས་སྨྲས་པ། ཞག་བདུན་འདས་པ་དང་། ལྷ་ཉིད་རྒྱལ་པོ ་མཛད་ཅིག། ཅི་ཙམ་ན་རྒྱལ་སྲུངས་མ་ལ་ཞག་བདུན་གྱི་བར་དུ་རྒྱལ་སྲིད་བྱིན་ནོ།། དེ་བློ་སྐྱེས་པ། ད་ནི་བདག་གིས་ཀུན་ལ་ལ་འཁོན་གཅུགས་མངོན་དུ་བྱའོ་ཞེས་དེས་རྡོ་འཇོག་པའི་གྲོང་ཁྱེར་པ་རྣམས་ཀྱིས་ཀུ་ན་ལའི་མིག ་བརླག་པར་གྱིས་ཤིག་ཅེས་བཅོས་མའི་ཡི་གེ་བྲིས་ཏེ། དེ་ཡང་རྒྱལ་པོ་མྱ་ངན་མེད་ཀྱིས་བཀའ་སྩལ་པ། ཤིན་ཏུ་དཔའ་ཞིང་སྟོབས་དང་ཕ་རོལ་གནོན་པ་ཐོགས་པ་མེད་པའི་རྩལ་གྱིས་རྣམ་པར་གནོན་པ ་ཐོབ་པའི་རྒྱལ་པོ་རྒྱ་མཚོ་བཞི་དང་། སའི་བདག་པོའི་སྤྱི་བོའི་ཅོད་པན་གྱིས་སྟན་དང་། རྐང་པར་ཡོངས་སུ་གཏུགས་པ། མྱ་ངན་དང་བྲལ་ནས་མྱ་ངན་མེད་པ། མ་ག་དྷའི་གྲོང་ཁྱེར་ནས་པ་ཏཱ་ལི་པུ་ཏྲ་དང་། རྡོ་འཇོག་ལ ་གནས་པའི་བར་ལ་རྒྱུན་མི་འཆད་པར་དགེ་བའི་ལས་ཀྱི་རྩོམ་པས་ཉེ་བར་འཚེ་བ། སྡེ་ཚོམས་གསུམ་པའི་གྲོང་ཁྱེར་གྱི་སྐས་ལ་གནས་པའི་སྐྱེ་བོ་རྣམས་ལ་ཇི་ལྟར་གྲོང་ཁྱེར་པ་རྣམས་ཀྱིས་ཤེས་པར་འགྱུར་བ་དེ་ལྟར ་ཁོང་དུ་ཆུད་པར་གྱིས་ཤིག། འདིར་ངའི་བུ་ཞེས་བཏགས་པའི་དགྲ་བཅོས་མའི་སྤྱོད་པ་འཇམ་པ་ལ་མཁས་པས་སྦྱར་བའི་སྒྱུའི་བསྒྱིངས་པས་ཐལ་མོ་སྦྱར་བ་བྱས་པ། རིགས་ཀྱི་སོལ་བར་གྱུར་པའི་ཀུན་ལ་དེས། ་ཤིན་ཏུ་གཙམ་གསག་གི་ཚུལ་གྱིས་ཁོ་བོ་ཕེབས་པར་བྱ་ནས། བག་ཕེབས་པས་གནོད་པ་བྱེད་ཅིང་། བཙུན་མོའི་འཁོར་ལོ་ལྟ་བར་བྱེད་པས། གང་གིས་ཕྱིར་འདི་ནི་མ་བརྟགས་པར་བྱེད་པ། སྙིང་རྗེ་མེད་པ། འཇིག ་རྟེན་ཕ་རོལ་སྤངས་པ། ཕའི་ཆུང་མ་ལ་ཡོངས་སུ་ལྟ་བས་དེའི་མོད་ལ་དངོས་པོའི་རྗེས་སུ་ཞུགས་པ། གཟུགས་ཀྱིས་ཁེངས་ཤིང་མའི་ཕྱོགས་ལ་དྲེགས་པ་འཕེལ་བར་བྱེད་པ། རིགས་ཀྱི་ཆོས་ཀྱི་གཞུང་ལུགས་སུན ་འབྱིན་པར་བྱེད་པའི་མིག་གཉིས་མྱུར་དུ་ཕྱུང་ནས་བཀྲེན་པ་ཉིད་དུ་གྱིས་ལ་ཤིན་ཏུ་དེངས་པའི་གོས་བསྐོན་ཏེ། ཆུང་མ་དང་བཅས་པ་ཕྱི་རོལ་ཏུ་སྐྲོད་ཅིག། གང་གི་མིག་གཉིས་ཀྱི་དྲེགས་ཤིང་ཁེངས་པར་བྱེད་པ་དེ་མེད་པར་གྱིས ་ལ། དེ་ཡང་སྐྱེ་བོ་རྣམས་ཀྱིས་མཐོང་བར་གྱིས་ཤིག། དེའི་ལན་གྱི་ཡི་གེ་ཡང་གཏོང་བར་མ་བྱེད་ཅིག། བྱས་པ་མི་གཟོ་བའི་ཕོངས་པ་ཐོས་པས་ཀྱང་ངའི་སྙིང་འདར་བར་མ་བྱེད་ཅིག། ངས་ཁྱེད་རྣམས་ལ་གཞུང་ལུགས་སུ།། ་བཞག་པའི་ལུང་བསྒོ་བ་འདི་ཁྱེད་རྣམས་ཀྱིས་གྱིས་ཤིག། ཡང་སྨྲས་པ། རྒྱལ་པོ་མྱ་ངན་མེད་གཏུམ་སྟོབས་ལྡན་པའི།། བཀའ་བཞིན་རྡོ་འཇོག་གྲོང་ཁྱེར་པ་ཡིད་གྱིས།། རྒྱལ་པོ་ལ་གནོད་ཀུན་ལ་ཞེས་བྱའི།། མིག་གཉིས ་མྱུར་དུ་དབྱུང་བ་ཉིད་དུ་གྱིས།། དེ་ལྟར་རྒྱལ་སྲུངས་མ་དེས་ཡི་གེ་བྲིས་ནས། རྒྱལ་པོ་མྱ་ངན་མེད་པའི་སོའི་རྒྱས་ཡི་གེ་ལ་རྒྱ་གདབ་པར་བྱའོ་སྙམ་ནས། ཇི་ཙམ་ན་རྒྱལ་སྲུངས་མས་ཡི་གེ་དེ་རྒྱལ་པོ་གཉིད་ལོག་པ་དང་སོའི ་རྒྱས་གདབ་པར་བྱའོ་སྙམ་དུ་ཏེ། རྒྱལ་པོ་དང་ཉེ་བར་སོང་བ་དང་རྒྱལ་པོ་སྐྲག་པས་ཉོ་བར་གྱུར་ཏོ།། ཆུང་མས་སྨྲས་པ། ལྷ་འདི་ཅི་ཞིག་ལེགས། རྒྱལ་པོས་སྨྲས་པ། ལྷ་མོ་ངས་རྨི་ལམ་མི་དགེ་བ་མཐོང་སྟེ། བྱ་རྒོད ་ཀྱིས་ཀུན་ལའི་མིག་འབྱིན་པར་འདོད་པར་མཐོང་ངོ་།། བཙུན་མོས་སྨྲས་པ་གཞོན་ནུ་བདེ་བར་གནས་ལགས་ཀྱིས་བཞིན་དུ་རྒྱལ་པོ། སྐྲག་པས་སང་ནས་སྨྲས་པ། ལྷ་མོ་ངས་རྨི་ལམ་རྨིས་སོ།། རྒྱལ་སྲུངས་མས ་སྨྲས་པ། རྨི་ལམ་ཇི་ལྟ་བུ། རྒྱལ་པོས་སྨྲས་པ། ཀུ་ན་ལ་སྒྲ་དང་སེན་མོ་རིང་པོ་འཆང་ཞིང་གོས་དྲི་མ་ཅན་གྱོན་པ་མཐོང་ངོ་།། བཙུན་མོས་སྨྲས་པ། གཞོན་ནུ་བདེ་བར་གནས་ལགས་ཀྱིས། ཇི་ཙམ་ན་རྒྱལ་པོ་གཉིད་ཀྱིས ་ལོག་པ་དང་། རྒྱལ་སྲུངས་མས་ཡི་གེ་དེ་སོའི་རྒྱུས་བཏབ་ནས་རྡོ་འཇོག་ཏུ་བསྐུར་རོ།། ཡང་རྒྱལ་པོ་གཉིད་ལོག་པ་ན་རང་གི་སོ་ལྷགས་པར་གྱུར་པ་རྨིས་སོ།། དེ་ནས་རྒྱལ་པོ་མཚན་མོ་དེ་ཉིད་འདས་པ་དང་། ལྟས་མཁན་རྣམས་བོས་ཏེ། ་རྨི་ལམ་བཟླས་ནས་འདི་དག་སྟོན་པར་གྱིས་ཤིག་ཅེས་བསྒོའོ།། ལྟས་མཁན་རྣམས་གྱིས་སྨྲས་པ། ལྷ་གང་གི་འདི་ལྟ་བུའི་ལྟས་མཐོང་བ་དེས་ནི་བུའི་མིག་འཇིག་པར་མཐོང་བར་འགྱུར་རོ།། ཡང་སྨྲས་པ། གང་གི་སོ་ནི་དིངས་པ་དང་། ་རྨི་ལམ་ནང་ན་ལྷགས་གྱུར་པ།། བུའི་མིག་ནི་འཇིག་པ་དང་།། བརླག་པའི་བུ་ནི་དེས་མཐོང་འགྱུར།། དེ་སྐད་ཐོས་པ་དང་། རྒྱལ་པོ་མྱ་ངན་མེད་སྟན་ལས་མྱུར་བར་ལངས་ཏེ། ཕྱོགས་བཞིར་ལྷ་རྣམས་ལ་གསོལ་བ་འདེབས་པ་ལ ་ཞུགས་པར་གྱུར་ཏོ།། སྨྲས་པ། སངས་རྒྱས་ཆོས་དང་ཚོགས་ཀྱིས་གཙོར་གྱུར་པའི། དགེ་འདུན་མངོན་དང་ལྷ་ནི་གང་ཡིན་དང་། གང་ཡང་འཇིག་རྟེན་དྲང་སྲོང་དཀའ་ཐུབ་མཆོག། བདག་གི་བུ་སྡུག་ཕོངས་ལས་བསྲུང་བར་མཛོད། ་ཡི་གེ་དེ་ཡང་རིམ་གྱིས་རྡོ་འཇོག་ཏུ་ཕྱིན་ཏོ།། དེ་ནས་རྡོ་འཇོག་པའི་གྲོང་ཁྱེར་པ་དེ་རྣམས་ཀྱིས་ཡི་གེ་དེ་མཐོང་ནས་ཀུན་ལའི་ཡོན་ཏན་རྒྱ་ཆེན་པོས་ཡོངས་སུ་མགུ་བས་མི་དགའ་བས་དེ་བརྡའི་སྤྲོད་པར་མ་ནུས་ཏེ། ཡུན་རིང ་བོར་རྣམ་པར་དཔྱད་ནས་རྒྱལ་པོ་གཏུམ་པོ་ངང་ཚུལ་ངན་པ་བུ་ལ་ཡང་བཟོད་པར་མི་བྱེད་ན། བདག་ཅག་རྣམས་ལ་བཟོད་པར་ལྟ་ག་ལ་བྱེད། ཡང་སྨྲས་པ། ཐུབ་པའི་ངང་ཚུལ་ཅན་དུལ་བ། འབྱུང་པོ་ཀུན་ལ་ཕན་འདོད་པའི།། ་ཀུ་ན་ལཱ་ལའང་སྡུད་བྱེད་ན།། བདག་ཅག་རྣམས་ལ་ཅིས་མི་འབྱུང་ཅི་ཙམ་ནཱ་གྲོང་ཁྱེར་པའི་སྐྱེ་བོ་དེ་རྣམས་ཀྱིས་ཡི་གེ་གཞོན་ནུ་ལ་བསྟན་ཏོ།། དེ་ནས་གཞོན་ནུས་པའི་ཡི་གེ་སྨྲྀ་བོས་བླངས་ཏེ། ཡི་གེ་བ་ཁྱོད་རྣམས་ཀྱིས་རྒྱལ ་པོས་འདིར་ཅི་ཞིག་བྲིས་པ་ཡི་གེ་ཀློགས་ཤིག། རྒྱལ་པོ་མྱ་ངན་མེད་རང་ཉིད་ཀྱིས་བྲིས་སོ་ཞེས་བྱ་བའི་བར་དུའོ།། དེ་ནས་ཡི་གེ་ཀླགས་པ་དང་། མིག་མཆི་མ་དང་བཅས་པར་གྱུར་ཅིང་ཀུན་ཏུ་རྨོངས་པར་གྱུར་པས་ལག་པ ་ལས་ཡི་གེ་ལྷུང་བར་གྱུར་ཏོ།། ཡི་གེ་པ་གཉིས་པས་བླངས་པ་དང་། དེ་ཡང་ཀུན་ཏུ་རྨོངས་པར་གྱུར་ནས་དེ་བཞིན་དུ་ལག་པ་ལས་ལྟུང་བར་གྱུར་ཏོ།། དེ་བཞིན་དུ་ཡི་གེ་པ་མང་པོ་བླངས་ཏེ། ཡི་གེའི་དོན་ཐོས་པ་དང་། ཀུ་ན་ལའི་ཡོན ་ཏན་ཡོངས་སུ་དྲན་པས་ཀྱི་ཧུད་འདི་ཅི་ཞིག་ཡིན་ཞེས་རྣམ་པར་སེམས་ཤིང་ཡི་གེ་ལྷུང་བར་གྱུར་ཏོ།། དེ་ནས་གཞོན་ནུས་དེ་རྣམས་ཀྱི་སྦྱོར་བ་དེ་མཐོང་ནས་སྨྲས་པ། རི་དགས་གཞོན་ནུའི་མིག་འདྲ་ཞིང་།། བཞིན་ནི་པདྨའི ་མདབ་འདྲ་བ།། པདྨ་ཞེས་བྱ་སྙན་སྨྲ་བའི།། ང་ཡི་མ་དུས་མ་བྱས་སམ།། ལྷའི་མཐོང་ན་དགའ་བ་ཡི།། རྒྱལ་སྲུངས་མ་ཞེས་བྱ་བ་དེ།། གང་ཞིག་མྱ་ངན་ནད་ཀྱིས་ནི།། དེ་ནི་དུས་བྱས་མ་གྱུར་ཏམ།། མིག་བཟང་འཇིག་རྟེན ་གྲགས་པས་གསལ་བར་ནི།། གྲོང་ཁྱེར་མཆོག་གི་བདེ་འབྱོར་མཐོང་ནས་ནི།། ཇི་ལྟར་མཆི་མས་མིག་ཁེབས་འཁྲུགས་པ་དང་།། སྐྱེ་བོའི་ངུ་སྒྲ་འདྲ་བ་འདི་ཅི་ཡིན།། དེ་བས་ན་རེ་ཞིག་ཡི་གེ་ཁྱེར་ལ་ཤོག་དང་། འདིར་ཅི་ཞིག ་བྲིས་པ་ང་ཉིད་ཀྱིས་བཀླག་པར་བྱའོ་ཞེས་གཞོན་ནུ་རང་ཉིད་ཡི་གེ་ཀློག་པ་ལ་ཞུགས་པར་གྱུར་པ་དང་། རྒྱལ་པོ་ཨ་ཤོ་ཀ་རང་ཉིད་ཀྱིས་བྲིས་སོ་ཞེས་བྱ་བའི་བར་དུ་རྒྱས་པར་རོ།། དེ་ནས་གཞོན་ནུས་ཡི་གེ་ཀློགས་ནས་གནས་བརྟན་གྲགས ་པས་སྨྲས་པ་མངོན་དུ་གྱུར་པར་བྱས་ཏེ། གནས་བརྟན་གྲགས་པས་མིག་ནི་མི་རྟག་པའོ་ཞེས་བྱ་བ་ནི་ལེགས་པར་གསུངས་སོ།། དེ་ནས་གཞོན་ནུས་སྨྲས་པ། ཁྱེད་རྣམས་ལས་འགའ་ཞིག་གིས་བག་ཕེབས་པ་ཉིད་ཀྱིས་ངའི་མིག ་འབྱིན་པཱར་སྤྲོའམ། དོ་ནི་བྱཱ་དགོས་སོ།། དེ་རྣམས་ལས་འགའ་ཡང་སྤྲོ་བར་མ་གྱུར་ཏོ།། ཇི་ཙམ་ནི་རིགས་ངན་རྣམས་བཀུག་ནས་ཀུན་ལས་མིག་ཕྱུང་ཞིག་ཅེས་སྨྲས་པ་དང་། དེ་རྣམས་ཀྱིས་ཐལ་མོ་སྦྱར་ཏེ་སྨྲས་པ་དང་། བདག་ཅག ་རྣམས་ཀྱིས་རྔོ་མི་ཐོགས་ཏེ། ཅིའི་ཕྱིར་ཞེ་ན། གང་ཞིག་ཟླ་བའི་མདངས་ལྡན་པ།། བཞིན་ལས་འབྱིན་པར་བྱེད་པའི་མི།། དེ་ནི་ཟླ་འདྲའི་ཞལ་ནས་ནི།། ཁྱེད་ཀྱི་སྤྱན་ནི་འབྱིན་པར་བགྱིད།། དེ་ནས་གཞོན་ནུས་རྡོ་འཇོག་པའི་གྲོང་ཁྱེར་པ་རྣམས་ལ ་གང་བསོད་ནམས་འདོད་པ་དེ་ཆོས་ཀྱི་རྒྱལ་པོ་ཅན་དུ་ཤིག་ཅིག་ཅེས་དྲིལ་བསྒྲགས་སོ།། ཇི་ཙམ་ན་ཆོས་ཀྱི་རྒྱལ་པོ་ཅན་དུ་མར་མེའི་ཕྲེང་བ་བྱས་ནས། ཉི་མ་གཉིས་པ་ལ་དགེ་སློང་རྣམས་བཟའ་བ་དང་བཅའ་བས་བསྙེན་བཀུར་བྱ ་བ་དང་། མེ་ཏོག་གི་གདུགས་བཏགས་པ་བྱས་སོ།། དེ་ལྟར་བྱས་ནས་ཆོས་ཀྱི་རྒྱལ་པོ་ཅན་ནས་བྱུང་སྟེ། སྐྱེ་བོའི་ཚོགས་ཆེན་པོས་བསྐོར་ནས་རྡོ་ལེབ་གཞན་པ་གང་ན་བ་དེར་སྡོང་སྟེ་ཕྱིན་པ་ན། དེར་འདུག་ཏེ་གསེར་གྱི་སྒྲོམ་བླངས་ནས ་སྨྲས་པ། གང་ཞིག་སྤྲོ་བ་དེས་གསེར་གྱི་སྒོམ་འདི་ལོང་ལ་ངའི་མིག་ཕྱུང་ཤིག་ཅེས་སྨྲས་ཀྱང་ཐམས་ཅད་དུ་འགའ་ཡང་སྤྲོ་བར་མ་གྱུར་ཏོ།། ཇི་ཙམ་ན་རྒྱལ་པོ་མྱ་ངན་མེད་ཀྱི་རྨི་ལམ་དུ་སྐྱེས་བུ་སྤྱི་ག་ཅེར་མིག་སེར་བ་གཉིས་ཀྱིས། ་གཞོན་ནུའི་མིག་འབྱིན་པར་བྱེད་པར་མཐོང་བ་ཅི་འདྲ་བ་དེ་ལྟ་བུ་ཉིད་རིང་པོ་ཁོ་ན་ནས་འོང་བ་གཞོན་ནུ་མཐོང་ནས་སྨྲས་པ། ཀྱེ་གྲོང་ཁྱེར་པ་རྣམས་སྐྱེས་བུ་འོང་བ་འདི་དག་གིས་ངའི་མིག་འབྱུང་བར་བྱའོ།། གཞོན་ནུས་སྐྱེས་བུ་དེ་གཉིས ་ལ་བོས་ཏེ་དྲིས་པ། ཁྱེད་ཀྱིས་དེའི་མིག་འབྱིན་པར་སྤྲོའམ། སྐྱེས་བུ་གཉིས་ཀྱིས་སྨྲས་པ། གལ་ཏེ་ཁྱེད་དགའ་ན་མགོ་བོ་ཡང་དག་པར་ནུས་ན། ཆུའི་ཆུ་བུར་ལྟ་བུའི་མིག་གཉིས་ལྷ་སྨོས་ཀྱང་ཅི་དགོས། དེ་ནས་གཞོན་ནུ་སྟན་ལས་ལངས་ཏེ། ་ཐལ་མོ་སྦྱར་བ་བྱས་ནས་ཐམས་ཅད་དང་། ལྡན་པའི་འཁོར་རྣམས་ལ་བཟོད་པ་ལ་གསོལ་བ་ལ་ཞུགས་པར་གྱུར་ཏོ།། བདག་ནི་བྱིས་པར་གྱུར་པས་གང་བྱས་དང་།། དབང་ཆོས་གྱུར་པ་འམ་འོན་ཏེ་མི་རིགས་བྱས།། དེ་ནི་དཔལ་ཉམས ་ཤིང་སྡུག་བསྔལ་བ།། བདག་ལ་བརྩེ་བས་བཟོད་པར་བྱ་བའི་རིགས།། གཞན་ཡང་། གཟུགས་རྣམས་མཐོང་བར་གྱུར་ཀྱང་འདི།། ཐ་མ་དག་ཏུ་གྱུར་པ་ཡི།། གཞོན་ནུ་ཀུན་ལ་ལ་ནི།། གནོད་བྱས་གང་ཡིན་བཟོད་པར་གྱིས།། དེའི་ཚེ་གཞོན་ནུས། ་གནས་བརྟན་གྱི་ཚིག་མངོན་སུམ་དུ་བྱས་ནས། དེ་རྗེས་སུ་དྲན་བཞིན་དུ་སྨྲས་པ།། རྒྱུད་པ་འདི་ནི་མཁྱེན་ནས་སུ།། མིག་གི་བདག་ཉིད་ཀུན་ལ།། མི་རྟག་ཡང་དག་ལྟོས་ཤིག་ཅེས།། དེ་ཉིད་སྨྲ་བ་དེ་ཡིས་གསུངས།། ་དེ་ནི་བདག་གི་དགེ་བའི་བཤེས།། འདོད་དོན་ཕན་པར་བཞེད་པ་ཡིན།། གང་ཞིག་ཆོས་འདི་སྟོན་པ་ནི།། ཕོངས་ལ་བརྟན་པར་བྱེད་པ་ཡིན།། མི་རྟག་འགྱུར་བས་དེ་ནི་རྟག་མིན་པར།། བླ་མས་བསྟན་པས་ཁྱེད་ཀྱིས་ཡིད་ལ་གྱིས།། དངོས་པོ ་འདི་དག་རང་བཞིན་གཡོ་བས་ན།། དེང་ཁྱོད་གནོད་པ་ལ་ནི་ང་མི་འཇིགས།། ཇི་ལྟར་ས་བདག་བཞེད་པ་ལྟར།། ཁྱེད་ཀྱིས་མིག་ནི་དབྱུང་བར་གྱིས།། མི་རྟག་སོགས་ཀྱིས་ཟག་མེད་པའི།། སྙིང་པོའི་མིག་ནི་ང་ལེན་ཏོ།། དེ་ནས་ཀུ་ན་ལས ་སྐྱེས་བུ་དེ་ལ་སྨྲས་པ།། ཀྱེ་སྐྱེས་བུ་དེ་ན་རེ་ཞིག་ངའི་མིག་གཅིག་ཕྱུང་ལ་ངའི་ལག་ཏུ་བྱིན་ཅིག། ཇི་ཙམ་ན་སྐྱེས་བུ་དེས་ཀུ་ན་ལའི་མིག་འབྱིན་པར་བརྩམ་སོ།། དེ་ནས་སྲོག་ཆགས་བརྒྱ་སྟོང་ཆོ་ངེས་འདེབས་པ་ལ་ཞུགས་ཏེ། ཀྱི་ཧུད ་སྡུག་བསྔལ་ལོ།། དྲི་མེད་ཟེར་ལྡན་ཟླ་བ་འདི།། ནམཁའ་ལས་ནི་ལྷུང་བར་གྱུར།། པདྨ་དཀར་པོའི་ནགས་ལས་ཀྱང་།། དཔལ་གྱི་པདྨ་འབྱིན་པར་བྱེད།། དེ་ནས་སྲོག་ཆགས་བརྒྱ་སྟོང་དུ་བཞིན་དུ་དེས་ཀུ་ན་ལའི་མིག་གཅིག་ཕྱུང་སྟེ། ་ལག་ཏུ་བྱིན་ནོ།། དེ་ནས་གཞོན་ནུས་མིག་ཏེ་བླངས་ཏེ། ཡོངས་སུ་བསྒོ་བས་སྨྲས་པ། འབྱུང་བ་ཆེན་པོའི་མཐུ་དང་ནི།། ལས་ཀྱི་རྒྱུ་ལས་འདི་བྱུང་སྟེ། སྲོག་མེད་འཚོ་བ་མེད་སྟོངས་པ།། མི་ཡི་སྲོག་གིས་རྣམ་སྤངས་པའོ།། ཇི་ལྟར ་སྔོན་ཆད་ཤའི་གོང་བུ་ཁྱོད།། བྱེད་བཞིན་དེ་ནི་གཟུགས་ལ་ཅིས་མི་ལྟ།། མི་མཁས་ཁྱོད་ལ་བདག་ཏུ་གནས་བྱེད་པ།། དེ་བསླུས་དེས་ན་སྨད་པར་བྱ་བ་ཡིན།། དབུ་བ་འདྲ་ཞིང་ཆུ་བུར་དག་དང་མཚུངས།། ཤིན་ཏུ་ཉམས་ཆུང་གནོད ་བྱེད་རང་དབང་མེད།། དེ་ལྟར་མཐོང་བ་རྟག་ཏུ་དྲེགས་མེད་ཅིང་།། དེ་ལྟར་སླར་ཡང་སྡུག་བསྔལ་མཐོང་མི་འགྱུར།། དེ་ལྟར་རྣམ་པར་བསམས་པ་དང་།། དེས་དངོས་པོ་ཐམས་ཅད་ལ་མི་རྟག་པ་ཉིད་དུ་མཐོང་ཞིང་རྒྱུན་ཏུ་ཞུགས ་པའི་འབྲས་བུ་ཐོབ་པར་གྱུར་པར་སྐྱེ་བོའི་ཚོགས་རྣམས་ཀྱིས་ཀྱང་ཤེས་སོ།། དེ་ནས་གཞོན་ནུས་བདེན་པ་མཐོང་བ་དང་། སྐྱེས་བུ་དེ་ལ་སྨྲས་པ། བག་ཕེབས་པས་ཇི་ལྟར་མངོན་པར་འདོད་པར་མིག་གཉིས་པ་ཡང་ཕྱུང་ཤིག ་ཇི་ཙམ་ན་སྐྱེས་བུ་དེས་མིག་གཉིས་པ་ཡང་ཕྱུང་ནས་ཀུ་ན་ལཱའི་ལག་ཏུ་བྱིན་ནོ།། དེ་ནས་ཀུ་ནི་ལའི་ཤའི་མིག་ཕྱུང་བ་དང་། ཆོས་ཀྱི་མིག་རྣམ་པར་དག་པས་སྨྲས་པ། ང་ཡི་ཤའི་མིག་ཕྱུང་ཡང་།། འོན་ཀྱང་ཤིན་ཏུ་རྙིད་དཀའ ་འདི།། ཤེས་རབ་མིག་ནི་རྣམ་དག་པ།། མ་སྨད་པ་ནི་ང་ཡིས་ཐོབ།། རྒྱལ་པོས་རང་གི་བུ་ཡིས་ནི།། བཏགས་པ་སྤངས་པར་གྱུར་ཀྱང་ནི།། ཆོས་ཀྱི་རྒྱལ་པོའི་སྲས་གྱུར་པ།། བདག་ཉིད་ཆེན་པོ་ཐོབ་པར་གྱུར།། དབང་ཕྱུག ་ལས་ནི་ཉམས་གྱུར་ཀྱང་།། མྱ་ངན་སྡུག་བསྔལ་རྣམས་སྤངས་པས།། སྡུག་བསྔལ་མྱ་ངན་རྣམ་འཇིག་པའི།། ཆོས་ཀྱི་དབང་ཕྱུག་ཐོབ་པར་གྱུར།། དེ་ནས་ཀུན་ལའི་མིག་ཕྱུང་བ་མཐོང་བ་དང་། སྐྱེ་བོའི་ཚོགས་ཆེན ་པོས་མགྲིན་གཅིག་ཏུ་སྨྲེ་སྔགས་འདོན་ཅིང་ལ་ལ་ནི་གོས་དང་རྒྱན་རྣམས་གཅོད་པར་བྱེད། ལ་ལ་ནི་ས་ལ་འགྲེ་ཞིང་ལྡོག་པར་བྱེད། ལ་ལ་ནི་དབྱུག་པ་དང་གཏུན་ཤིང་ལག་ན་ཐོགས་ཏེ་སྐྱེས་བུ་གཉིས་པོ་དེ་བརླག ་པའི་ཕྱིར་བརྩོན་པར་བྱེད། གཞན་དག་ནི་རྒྱལ་པོ་ལ་ཡོངས་སུ་སྨོད་པར་བྱེད་དེ། ཀྱེ་མའོ་རྒྱལ་པོ་ཁྲོ་བོའི་སྟོབས་ཅན། ཀྱེ་མའོ། བཻ་ཤེས་རབ་གཞན་པ། ཀྱེ་མའོ་རྒྱལ་པོ་དབང་ཕྱུག་གི་དྲེགས་པ་གདོན་བུ་གཅིག་པར་གྱུར ་པ་ལ་ཡང་གནས་སྐབས་འདི་ལྟ་བུར་བྱེད་ཅེས་དེ་ལྟ་བུའི་ཚུལ་རྣམ་པ་མང་པོར་སྨྲ་བཞིན་དུ། གྲོང་ཁྱེར་དུ་ཞུགས་པར་གྱུར་ཏོ། ན་ལས་འདི་ནི་རྒྱལ་པོ་མྱ་ངན་མེད་ཀྱི་བཀའ་མ་ཡིན་གྱི།། གཞན་དུ་ན་སྦྱོར་བ་འདི་ནི ་རྣལ་སྲུངས་མའི་ཡིན་ནོ་ཞེས་ཐོས་སོ།། ཐོས་ནས་ཡང་སྨྲས་པ། གང་གིས་སྦྱོར་བ་འདི་ནི་བཀུར་བ་ཡིས།། གང་ཞིག་གི་མྱོང་ནས་ར་བྱས་གྱུར་པའི།། རྒྱལ་ཞེས་བྱ་བ་ཡུན་རིང་བདེར་གྱུར་ཅེས།། ལྷ་མོའི་ཚེ་དང་སྟོབས་ནི ་སྦྱངས་པར་ཤོག། དེ་ནས་གསེར་ཕྲེང་ཅན་མས་ཀུ་ན་ལའི་མིག་ཕྱུང་ངོ་ཞེས་ཐོས་སོ།། ཐོས་ནས་ཀྱང་ཁྱོ་ལ་བརྩེ་བས་ཀུན་ལའི་ཐད་དུ་སོང་སྟེ། འཁོར་རྣམས་བསལ་ནས། ཀུ་ན་ལའི་མིག་ཕྱུང་བ་ལུས་ལ་ཁྲག་གིས ་ག་བ་མཐོང་བ་དང་། བརྒྱ་ལ་ཏེ་ས་ལ་འགྱེལ་བར་གྱུར་ཏོ།། དེ་ཅི་ཙམ་ན་ཆུས་གཏོར་ཏེ་བསླང་ངོ་།། དེ་ནས་ཇི་ཞིག་ལྟར་འདུ་ཤེས་རྙེད་པ་དང་། དེ་རོ་དང་བཅས་པར་རབ་ཏུ་ངུ་ཞིང་སྨྲས་པ། ཁྱེད་ཀྱི་མིག་ནི་ཡིད་དུ་འོང་བ་གང ་ང་ཡིས་བལྟས་ན་ཤིན་ཏུ་དགའ་གྱུར་པ།། དེ་ནི་ད་ལྟར་ལྟས་ན་འཇིགས་བསྐྱེད་ཅིང་།། སེམས་ཀྱི་མྱ་ངན་མ་ལུས་འབྱིན་པར་བྱེད།། དེ་ནས་ཀུན་ལས་ཆུང་མ་ལ་རྗེས་སུ་བརྩེ་བས་སྨྲས་པ། མྱ་ངན་ལ་བརྟེན་པ་རིགས་པ་མ་ཡིན་གྱིས ་དུ་བ་ཐོང་། ཅིའི་ཕྱིར་ཞེ་ནུ། འདི་ནི་རང་གིས་བྱས་པའི་ལས་ཀྱི་འབྲས་བུ་ཉེ་བར་གནས་པ་ཡིན་ནོ།། འཇིག་རྟེན་འདི་ལས་བདག་ཉིད་ཅན་དུ་ཤེས།། འགྲོ་བ་སྡུག་བསྔལ་དངོས་པོ་དང་ལྡན་པར།། ཤེས་ན་སྡུག་དང་བྲལ་ལ་ཞེན ་མི་བྱ།། དེ་བས་སྡུག་པ་མཆི་མ་འབྱིན་མི་རིགས།། གཞན་ཡང་མིག་ཕྱུང་བས་ངས་ད་ཅི་ཞིག་བྱ།། ཉེ་དུའི་གན་དུ་སོང་། ཁྱོད་ཀྱང་སྡུག་བསྔལ་གྱི་བསྐོལ་བ་ཅན་དུ་མ་བྱེད་ཅིག། གསེར་ཕྲེང་མས་སྨྲས་པ། སྐྱེས་བུ་གང་ཞིག་དཔལ་རྒྱ ་བུད་མེད་ནི། བརྩེ་བས་རྗེས་འཇུག་པ་ལ་ངོ་མཚར་མེད།། གང་ཚེ་དཔལ་ཉམས་པ་ན་རྗེས་འབྲང་བའི།། བུད་མེད་དེ་ནི་མི་ནང་ལྷ་དང་མཚུངས།། དེ་ནས་ཀུན་ལ་ཆུང་མ་དང་ལྷན་ཅིག་གྲོང་ཁྱེར་ལས་བྱུང་བ་དང་། དེ་མངལ་དུ་ཞུགས་པ ་ནས་བརྩམས་ཏེ། ཤིན་ཏུ་གཞོན་ཤྭ་ཅན་གྱི་ལུས་དང་ལྡན་པས། ལས་ཅི་ཡང་བྱེད་པར་མི་ནུས་ཀྱི། གཞན་དུ་ན་པི་ཝཾ་དག་བརྡུང་ཞིང་གླུ་དག་ལེན་པར་ནུས་སོ།། དེ་ནས་དཱི་གསེར་ཕྲེང་མའི་ལགས་པ་ལ་འཇུས་ཏེ། གཞོན་ནུ ་སྐྱེད་བྱེད་ཕྲག་པར་ཁུར་ནས་འདི་སྐད་ཅེས་སྨྲས་སོ།། བུ་སྡུག་དཔལ་པོའི་རིགས་ལས་སྐྱེས།། ཁྱོད་དང་ང་རབ་སྡུག་བསྔལ་ཏེ།། ཡུ་བུས་མཐར་ནི་སློངས་མོ་ཐོབ།། མི་བཟད་ལས་ནི་སྔོན་བྱས་ཡིན།། སྒྱུ་མ་ལྟ་བུར་མི་བརྟན ་པའི།། དབང་ཕྱུག་ལ་ནཱི་སུ་ཡིད་སྟོན།། མྱ་ངན་མེད་ཀྱི་བུར་གྱུར་ལ།། གནས་སྐབས་འདི་འདྲ་ཐོབ་པར་གྱུར།། ལས་བྱས་པ་ནི་ཚོགས་པ་དང་།། ལྡན་པའི་འབྲས་བུ་འདི་ལྟ་བུ།། ལས་ནི་ལྷན་ཅིག་བྱས་པས་ན།། ལྷན་ཅིག། ་ལོངས་ནི་སྤྱད་པར་གྱུར།། དེ་བས་ནཱ་ད་ཙི་ཞིག་བྱ་སྟེ། པ་ཏ་ལི་པུ་ཏྲར་སོང་ལ། རྒྱལ་པོ་མྱ་ངན་མེད་པ་ལ་གསོལ་བ་གདབ་པར་བྱའོ།། འཇམ་གླིང་དབང་ཕྱུག་མངའ་བདག་དེ།། ང་ཡི་དགའ་བ་བྱེད་པའི་ཕོ།། དེ་ནི་སྦྱིན་པའི་གནས ་ཡིན་ཞིང་།། ངོ་ལ་རྟག་ཏུ་རྗེས་བརྩེ་ཡིན།། ། དེ་ནས་ཀུ་ནུ་ལའི་པི་ཝཾ་བརྡུང་ཞིང་གླུ་ལེན་པ་དང་། གཞན་གྱི་ཁྱིམ་རྣམས་སུ་ཚུལ་འདིས་འཚོ་བ་སྒྲུབ་ཅིང་ཆས་སོ།། བསྙེན་བཀུར་ཆེན་པོ་ལས་ཉམས་ཤིང་།། འོང་བ་སྐྱོལ་སྨན་སེམས ་ཅན་ནི།། སློངས་མོས་རྒྱུ་བར་བྱེད་པ་ལ།། ཆོས་ལྡན་སྐྱེས་བུ་སུ་ཞིག་སྟེར།། ཕ་དང་མ་སྤངས་ལོངས་སྤྱོད་དང་།། ཟས་དང་མལ་ཆ་ཁྱིམ་མེད་པ།། ཉམ་ངར་རབ་ཞུགས་ལོང་བ་ལ།། སློང་མོ་མ་ཡིས་སྟེར་བར་མཛོད།། ལོངས ་སྤྱོད་གློག་འགྱུ་དང་འདྲི་ཞིང་།། ཟིལ་པའི་ཆུ་ཐིགས་འདྲ་བ་ལས།། འགྲོ་བཀྲོན་སྙན་ཚིག་སྦྱིན་པ་ཡིས།། སྙིང་པོ་མྱུར་དུ་ལེན་པར་གྱིས།། དབུལ་པོ་སྒྲ་ནི་བརྫེས་གྱུར་ཅིང་།། འཇིག་རྟེན་ཀུན་གྱིས་བརྙེད་པ་དང་།། དཔལ་ཉམས།། ་ཁྱིམ་ཁྱིམ་སློང་མོས་རྒྱུ།། ང་ལ་མ་ཡིས་སློང་མོ་བྱིན།། དེ་ནས་ཀུ་ན་ལས་སློང་མོ་རྙེད་པ་རྣམས་ཆུང་མ་དང་ལྷན་ཅིག་ཡོངས་སུ་ལོངས་སྤྱོད་པར་གྱུར་ཏོ།། གསེར་ཕྲེང་མ་ཡང་ལམ་གང་ནས་པ་ཏ་ལི་པུ་ཏྲ་ནས་འོངས ་པའི་ལམ་དེ་ཉིད་ནས་རྗེས་སུ་འབྲང་བར་འགྲོའོ།། དེ་སོང་བ་དང་ཆོས་ཀྱི་འཁོར་ལོའི་གནས་སུ་ཕྱིན་ཏོ།། དེ་ནས་ཀུ་ན་ལས་གསེར་ཕྲེང་མ་ལ་དྲིས་པ། བཟང་མོ་གང་ཡུ་བུས་ཕྱིན་པའི་གྲོང་ཁྱེར་འདི་གང་ཞིག་ཡིན། བཙུན ་མོས་མཐོང་བ་དང་། བརྒྱལ་ཏེ་ས་ལ་འགྱེལ་ཏོ།། སྐད་ཅིག་ཙམ་ན་འདུ་ཤེས་རྙེད་དེ་སྨྲས་པ། གང་ཚེ་དཔལ་དང་ལྡན་པར་འགྲོ་བ་ན།། སྐྱེ་བོ་བྱེད་པ་གནས་འདིར་ལྷགས་པར་ལྷགས། ཁྱེད་མིག་བྲལ་ནས་དེ་ནི་འདིར ་འོངས་པས།། འདུ་བྱེད་གཡོ་བ་དེ་ནི་ཅིར་མི་རུང་།། ཇི་ཙམ་ན་རིམ་གྱིས་པ་ཏ་ལ་པུ་ཏྲར་ཕྱིན་ཏོ།། དེ་ནས་སྐྱེད་མོས་ཚལ་ཡིད་འཕྲོག་པ་ཞེས་བྱ་བ་རྒྱལ་པོ་མྱ་ངན་མེད་ཀྱིས་རང་གི་བུ་ཀུ་ན་ལའི་དོན་དུ་བྱས་པ་ཞིག ་ཡོད་པ་དེར་ཞུགས་པར་བརྩམས་ཏེ་ཞུགས་པ་དང་། ཇི་ཙམ་ན་སྐྱེད་མོས་ཚལ་སྲུང་བས་མཐོང་ནས་སྨོས་པ། ལོང་བ་བཀྲ་མི་ཤིས་ཤིང་མཽ་བསྔགས་པ་འོད་སུ་ཞིག་ཡིན་ནས། སྐྱེད་མོས་ཚལ་འདིར་ཞུགས། ཀྱེ་མའོ།། ་ལོང་བ་འཛམྦུའི་གླིང་གི་དབང་ཕྱུག་གི་རྒྱལ་པོ་མྱ་ངན་མེད་པའི་བུཾ་ཀུ་ན་ལ་ཞེས་བྱ་བའི་དོན་དུ་སྐྱེད་མོ་ཚལ་འདི་སྨྱུང་བ་ཁྱེད་ཀྱིས་མི་ཤེས་སཱམ། གསེར་ཕྲེང་མས་སྨྲས་པ། ཀྱཻ་ཧུད་སྡུག་བསྔལ་ལོ།། སྐྱེད་མོས་ཆ ་ནི་ནགས་རྒྱས་པར།། ང་ཡི་བུ་འདི་དགའ་འགྱུར་ཞེས།། བུ་ལ་བརྩེ་བས་སྲ་བདག་གིས།། གང་གི་དོན་དུ་བྱས་གྱུར་པ།། བདོག་ཅག་གནས་པའི་དོན་དུ་དེར།། འཚོ་བ་ཞན་པས་ཕྱིན་གྱུར་ན།། སྐལ་པ་དམན་པས་མ ་ཤེས་ནས།། དེ་ལས་ད་ལྟར་སྐྲོད་པར་གྱུར།། གང་དུ་གཞོན་ནུ་གླུའི་སྒྲ་སྙན་ཅིང་ཡིད་དུ་འོང་བ་དང་། བཻ་ཌཱུརྱའི་རྐང་རྟེན་དང་ལྡན་པའི་མལ་ཁྲི་ལ་ཉལ་ནས་རྩེ་ཞིང་རོལ་པའི་གནས་པས་དགའ་བའི་གནས་གང་ཡིན ་པ་དེར་བགྲོད་པ་ཙམ་ཡང་ཐོབ་པར་མ་གྱུར་ཏོ།། དེ་ནས་ཀུ་ན་ལས་དེ་ཡིད་བསྲིང་བར་བྱ་བའི་ཕྱིར་སྨྲས་པ། བདེ་བར་གཤེགས་པས་རྒྱལ་སྲིད་དཔལ་དག་ནི། སྒྱུ་མ་རྨི་ལམ་སྨིག་རྒྱུ་འདྲ་བར་གསུངས།། ཕུན་ཚོགས་རྒུད་པ་དེ་ལ ་རིམ་བྱུང་ན།། མཁས་པ་སུ་ཞིག་རྒྱལ་སྲིད་བདེ་བ་འདོད།། དེ་ནས་གཞོན་ནུ་སླར་ལོགཽ་ནས། པཽ་ཏ་ལི་པུ་ཏྲར་འཇུག་པར་བྱའོ་ཞེས་ངེས་པར་བསམས་ནས་དེར་ཕྱིན་པ་དང་སྒོར་གསེར་ཕྲེང་མ་དུ་བ་ལ་ཞུགས་པར་གྱུར་ཏོ།། ཀུ་ན ་ལས་སྨྲས་པ། འདི་ཅི་ཞིག་ཡིན། དེས་སྨྲས་པ། གང་ལས་སྔོན་ནི་བྱུང་བ་ན། གང་གིས་གྲོང་ཁྱེར་བརྒྱན་གྱུར་པའི།། ད་ནི་དེ་ལ་དེ་མེད་དེ།། ཕྲེང་བ་སྐམས་པ་དོར་བར་འགྱུར།། ཇི་ཙམ་ནཱ་རིམ་གྱིས་ཕའི་གླང་པོ་ཆེའི་བྲེས་སུ་མཱཆེན ་མོ་གནས་བཅས་པར་གྱུར་ཏོ།། དེ་ནས་རྒྱལ་པོ་མྱ་ངན་མེད་དེའི་མཚན་མོ་ཁང་བཟངས་ཀྱི་སྟེང་ན་ཉལ་བ་དང་། མཚན་ཕྱེད་ཀྱི་དུས་འདས་པ་ན་སད་པ་དང་། དེ་གཞོན་ནུ་ཡིད་ལ་བྱེད་པ་ལ་ཞུགས་ཏེ། ངའི་བུ་བདེན་པའི་ཚིག ་ཅན་དེ་ཅིར་གྱུར་ཞིག་གུ། རྒྱལ་སྲུངས་མས་སྨོས་པ། གཞོན་ནུ་བདེ་བར་གནས་ལགས་ཀྱིས། རྒྱལ་པོས་སྨྲས་པ། ངའི་བུ་ཡི་ཕོ་ཉ་མེད།། འཕྲིན་མེད་ཡི་གེའང་ཡོད་མིན་ནནོ།། དེ་ཡིས་དེ་ནི་བརྗེད་གྱུར་ཏམ།། འོན་ཏེ་ང་ལ ་སྔོ་བར་གྱུར།། དེ་ནས་གླང་པོ་ཆེའི་རྫི་བོ་དེས་སྨྲས་པ། ཀྱེ་གླུ་མཁན་ལོངས་ཤིག། རེ་ཞིག་པི་ཝང་སྦྲེངས་ལ་གླུ་ལོངས་ཤིག། ཁོ་བོས་མཉན་པར་བྱའོ།། དེ་ནས་ཀུ་ན་ལ་ལངས་ནས་པི་ཝཏྤ་ལེན་པ་ཞུགས་ཏེ། དེ་ཇི་ལྟར་མིག་ཕྱུང་བྱས ་བདེན་པ་མཐོང་བར་ཡང་བྱས་ནས། སློངས་མོ་པའི་ཚུལ་གྱིས་པཱ་ཏ་ལི་པུ་ཏཱར་ཕྱིན་པ་དང་། རིགས་ལས་བྱུང་བའི་གླུ་ལེན་པར་བརྩམསོ།། མི་གོང་མིག་དང་བྲལ་བར་གྱུར་པ་དེ་ལ་སྲོག་གི་དགོས་པ་ཅི་ཞིག་ཡོད། གཉེན་གྱི་སྐྱེ་བོས ་སྤངས་ཤིང་ཁྲོས་པའི་བཞིན་རས་དག་ལྟ་བྱེད་པ་ན།། ཆུ་ཤིང་བཤིག་ལྷུར་སྙིང་པོ་མེད་པའི་འདུས་བྱས་དག་ལ་མཁས་པ་སུ་མི་སྐྱེ།། གང་གིས་ང་ནི་རིན་ཆེན་རང་བཞིན་ཤིང་ལྟར་འབད་པས་རྣམ་པར་གསོས་གྱུར་ཅིང་།། བུའི་སྲིད་པ ་ཀུ་ན་ལ་ཞེ་མིང་བཏགས་བྱ་དང་མིག་ན་འདྲར་གྱུར་པ།། མི་ཡི་བདག་པོའི་བུ་རུ་གྱུར་ཀྱང་བཀྲེན་པོའི་ཚུལ་དུ་ང་ནི་སྤྱོད་པར་བྱེད།། གཞན་ཡང་སྐྱེ་མཆེད་རྣམས་ཀྱི་ངོ་བོ་ཉིད།། མིག་སོགས་ཡེ་ཤེས་སྒྲོན་མ་ནི།། དག་པའི་ཤེས་རབ་ཀྱིས ་མཐོང་གང་།། དེ་ནི་སྐྱེ་བོ་རྣམས་ལས་གྲོལ།། གལ་ཏེ་ཁྱོད་ནི་སྲིད་པའི་སྡུག་བསྔལ་རྣམས་ཀྱིས་གཟིར།། སྲིད་པའོ་ཉེས་པ་རྣམ་པར་ངེས་བྱས་བློ་རུ་བྱ།། གལ་ཏེ་འདི་ན་བརྟན་པའི་བདེ་བ་འདོད་གྱུར་ན།། སྐྱེ་མཆེད་ཉིད་ལྔ་བརྟན་པ་ཉིད ་དུ་གསོལ་བ་ཐོབ།། དེའི་གླུའི་སྒྲ་དེ་རྒྱལ་པོ་མྱ་ངན་མོད་ཀྱིས་ཐོས་སོ།། ཐོས་ནས་ཀྱང་དགའ་བཞིན་དུ་སྨྲས་པ།། གླུ་ནི་ཀུ་ན་ལའི་དང་རབ་ཏུ་འང་ལྡན་གྱུར་ཅིང་།། ཡུན་རིང་ཞིག་ན་པི་ཝང་སྒྲ་ཡང་ཐོས་གྱུར་ན།། ཅིག་འདི་རུ་ཀུ ་ན་ལ་ནི་འོང་གྱུར་ཏམ?།། མ་འོངས་པར་ནི་བདག་ནི་མཐོང་བར་དགའ་བར་གྱུར།། དེ་ནས་རྒྱལ་པོ་མྱ་ངན་མེད་ཀྱིས་ཉུང་རུམ་གྱིས་སྐྱེས་བུ་ཞིག་ལ་སྨྲས་པ། ཀྱེ་སྐྱེས་བུ་ཅིག་གླུའི་སྒྲ་འདི་ནི།། ཀུ་ན་ལ་དང་རབ་འདྲ་བས།། ། ་བརྟན་དང་ཞུམ་པ་མི་མཐུན་པར།། སྟོན་པ་ལྟ་བུར་ཤེས་པར་གྱུར།། དེ་བས་འདིར་ནི་སྒྲ་འདི་ཡི།། བརྟན་ལས་ཤིན་ཏུ་གཡོས་གྱུར་ཏེ།། སེང་གེ་ཉིད་ཀྱི་སྒྲ་ཡིས་ནི།། གླང་པོ་རབ་ཏུ་སྐྲག་ལྟར་གྱུར།། དེ་ནས་ཉུང་རུམ་གླང་པོ་ཆེའི་བྲེས ་སུ་སོང་བ་དང་། ཀུ་ན་ལ་མིག་ཕྱུང་བ་རླུང་དང་ཚ་བས་ལུས་ཚིག་པ་དེ་མཐོང་བ་དང་ངོ་མ་ཤེས་སོ།། དེ་ནས་གླང་པོ་ཆེ་སྐྱོང་བ་ལ་སྨྲས་པ། འདི་སུ་ཞིག་ཡིན། གླང་པོ་ཆེའི་རྫི་བོས་སྨྲས་པ། འདི་ནི་ལོང་བ་མིག་མེད་པ་ཞིག་གོ། དེ ་སོང་ནས་རྒྱལ་པོ་ལ་གསོལ་པ། ལྷ་ལོང་བ་ཞིག་པི་ཝང་ཐོགས་ཏེ་ཆུང་མ་དང་ལྷན་ཅིག་ལྷའི་གླང་པོ་ཆེའི་བྱེས་ནས་མཆིས་སོ།། དེ་ཐོས་ནས་རྒྱལ་པོས་བསམས་པ། ཇི་ལྟར་ངས་རྨི་ལམ་མི་དགེ་བ་མཐོང་བ་ལས་ན། གཞོན་ནུའི ་མིག་ངེས་པར་ཉམས་པར་གྱུར་ཏོ་སྙམ་མོ།། ཡང་སྨྲས་པ། ང་ཡིས་སྔོ་ནི་རྨི་ལམ་དུ།། མཚན་མ་ཇི་ལྟར་མཐོང་བ་ལས།། ཐེ་ཚོམ་མེད་པར་ཀུན་ལའི།། མཱིག་ནི་བརླག་པ་ཉིད་དུ་ངེས།། དེ་ནས་རྒྱལ་པོ་རབ་ཏུ་ངུ་ཞིང་སྨྲས་པ།། བུ་ཡཱི ་སྡུག་བསྔལ་དོག་པ་ཡིས།། ང་ཡི་སེམས་ནི་ཞིར་མ་གྱུར། དེ་ནི་ང་ཡི་ཐང་ཉིད་དུ།། མྱུར་བ་ཁོ་ནར་ཁྱེར་ལ་ཤོག། ཇི་སྲིད་ན་སྐྱེས་བུ་དེ་ཡང་གླང་པོ་ཆེའི་བྲིས་སུ་སོང་སྟེ། ཀུ་ན་ལ་ལ་སྨྲས་པ། ཁྱོད་སུའི་བུ་ཡིན། ཁྱོད་ཀྱི་མིང ་ནི་ཅི་ཞེས་པ། ཀུན་ལས་སྨྲས་པ། མྱ་ངན་མེད་པ་ཞེས་བྱའི་རྒྱལ།། དཔའ་བོ་ཡིད་ནི་རིགས་དགའ་བ།། གང་གིས་ས་འདི་རྒྱས་པར་ནི།། མངག་གཞུག་པར་ནི་དབང་དུ་གྱུར།། ང་ནི་རྒྱལ་པོ་དེ་ཡི་བུ།། ཀུ་ན་ལ་ཞེས་རྣམ་པར་གྲགས།། སངས་རྒྱས ་ཉི་མའི་གཉེན་གྱུར་པ།། ཆོས་ཅན་སྨྲས་ཀྱང་ང་ཡིན་ནོ།། དེ་ནས་ཀུ་ན་ལ་ཆུང་མ་དང་ལྷན་ཅིག་རྒྱལ་པོ་མྱ་ངན་མེད་ཀྱི་གན་དུ་སོང་ངོ་།། དེ་ནས་རྒྱལ་པོ་མྱ་ངན་མེད་ཀྱིས་ཀུ་ན་ལའི་མིག་ཕྱུང་བ་རླུང་དང་ཐན་པས་ལུས་ཚིག་པ། ཕྱག ་དར་གྱི་དུམ་བུ་བསྡུས་པའི་གོས་གྱོན་པ་དང་། སྨད་དཀྲིས་བྱས་པས་ངོ་ཤེས་པར་མ་གྱུར་གྱི། དབྱིབས་ཙམ་ཞིག་མཐོང་ནས་སྨྲས་པ། བུ་ཁྱོད་ཀུ་ན་ལ་ཡིན་ནམ། ལྷ་དེ་ལྟ་ལགས་ཏེ་བདག་ནི་ཀུ་ན་ལའོ།། དེ་ཐོས་པ་དང་རྒྱལ་པོ ་རྒྱལ་ནས་ས་ལ་འགྱེལ་ཏོ།། དེ་ནས་ཀུ་ན་ལའི་གདོང་བལྟས་ན།། མིག་བྲལ་མྱ་ངན་གྱི་སེམས་གདུངས་ཤིང་།། མྱ་ངན་མེད་པ་སར་ལྷུང་འདུ་ཤེས་བྲལ།། ཀྱི་ཧུད་བུ་གཅིག་པུ་གཅིག་ཅེས་པར་སྨྲ།། ཇི་ཙམ་ན་རྒྱལ་པོ་ཆུས་གཏོར་ནས ་ས་ལ་བསླངས་ཏེ་སྟན་ལ་བཞག་གོ། དེ་ནས་རྒྱལ་པོ་ཅི་ཞིག་ལྟར་འདུ་ཤེས་རྙེད་ནས་ཀུ་ན་ལ་ཕང་པར་བཞག་སྟེ་སྨྲས་པ། དེ་ནས་ཡུ་ཙམ་དབུགས་ནི་ཕྱངས་ནས་སུ།། མགུལ་པ་མཆི་མར་བཅས་པས་མགུལ་འཁྱུད་དེ།། བུའི་གདོང ་ལ་ཡོངས་སུ་བྱུགས་ནས་སུ།། རྒྱལ་པོ་རྣམ་པ་མང་དུ་སྐྱེ་བར་གྱུར།། ཀུ་ན་ལ་དང་མཆུས་པའི་མིག་བརྟགས་ནས།། ང་ཡིས་རང་བཞིན་དེ་ནི་མིང་བཏགས་གང་།། བུ་དེའི་མིག་ནི་ཕྱུང་བ་ལ་བལྟས་ནས།། ཀུ་ན་ལ་ཞེས་ཇི་ལྟར ་སྨྲ་བར་བྱ།། ཡང་སྨྲས་པ། ཁྱེད་ཀྱིས་ཤིང་མདངས་ལྡན་བཞིན་འདི་ནི།། ན་མཁའི་ཟླ་བ་སྐར་མ་དང་བྲལ་ལྟར།། མཛེས་པའི་མིག་དང་བྲལ་བར་ཁྱེད་སུས་བྱས།། བུ་སྡུག་རེ་ཞིག་སྨྲོས་ཤིག་སྨྲོས་ཤིག་དང་།། སྙིང་རྗེ་མེད་པའི། ་སེམས་ལྡན་སུ་ཡིས་ཁྱེད།། ཐུབ་འདྲ་འཕགས་པའི་བདེན་པ་རྟོགས་གྱུར་པ། ཁྱེད་ཀྱི་མིག་བཟང་ངགྲ་མེད་འཁོ་ན་བཟུང་ནས།། རང་བཞིན་འདི་བྱས་ངའི་མྱ་ངན་རྩ།། དོན་འདི་མྱུར་བ་ཉིད་དུ་སྨྲོས་ཤིག་སྨོས།། ངའི་ལུས་འདིའང་འཇིག་པར ་འགྱུར་དུ་འོང་།། ཁྱེད་ཀྱི་བཞིན་རྒུད་མྱ་ངན་གྱིས་བསྲེགས་པ།། དགྲ་ཡིས་ནགས་བཅད་བསྲེགས་པ་ལྟ་བུར་གྱུར།། དེ་ནས་ཀུ་ན་ལས་པ་ལ་སྨྲས་པ།། འོངས་པའི་དོན་ལ་ནི་མྱ་ངན་བྱ་བའི་མི་རིགས་ཏེ། སྔོན་ལས་རྣམས་ལས་སངས ་རྒྱས་ཀྱང་མི་འདའ།། དེ་བཞིན་རང་རྒྱལ་འབྲས་བུ་ལ་གནས་དང་།། སོ་སོའི་སྐྱེ་བོའང་གྲོལ་བར་མི་འགྱུར་ཞེས།། ཐུབ་པའི་གསུང་ནི་ཁྱེད་ཀྱིས་མ་གསན་ནམ།། རྒྱལ་པོ་སྐྱེས་བུས་མི་དགེའི་ལས་རྣམས་བྱས།། འབྲས་བུ་མེད་པར་ནམ ་ཡང་མི་འགྱུར་ན།། འདི་ན་རང་བྱས་ལས་ཀྱིས་འབྲས་བུ་ལ།། འདི་ནི་གཞན་གྱིས་བྱས་ཞེས་ཇི་ལྟར་སྨྲ། རྒྱལ་པོ་ཆེན་པོ་བདག་གིས་ནོངས་བགྱིས་ཏེ། ནོངས་བཅས་མ་ཡིན་ནམ་ཡང་འདི་འདྲ་མིན།། མཚོན་དོང་རྡོ་རྗེ་དུག་དང་སྦྲུལ་རྣམས ་ཀྱིས།། ནམ་མཁའ་འགྱུར་ཞིང་གནོད་བྱེད་མི་ནུས་སོ།། ལས་ཀྱི་བདག་ཉིད་ཅན་ནི་ལུས་མཚོན་པའི།། ལུས་ཅན་རྣམས་ལ་མི་དགེའི་སྡུག་བསྔལ་འབྱུང་།། དེ་ནས་རྒྱལ་པོ་མྱ་ངན་མེད། མྱ་ངན་གྱི་མེས་གདུངས་པའི་ཡིད་ཀྱིས ་སྨྲས་པ། ངའི་བུའི་མིག་བཟངས་སུ་ཡིས་ཕྱུང་བར་གྱུར།། སུ་ཞིག་ཤིན་ཏུ་སྡུག་པའི་སྲོག་ནི་གཏོང་བར་ཞུགས།། ངའི་ཡིད་འདི་མྱ་ངན་མེ་ཡིས་བསྲེགས་གྱུར་གྱིས།། གང་ལ་ཆད་པས་བཅད་བྱ་བུ་སྡུག་མྱུར་དུ་སྨྲོས།། ཀུ་ན་ལས་སྨྲས ་པ། གཞོན་ནུ་ཀུ་ན་ལ་འདི་ཡི་ནི།། མིག་ནི་གཉི་ག་ཕྱུང་ཤིག་ཅེས།། ཚོམས་ཀྱི་རྒྱ་ཡིས་རྒྱས་བཏབ་ནས།། ཡི་གེ་ལྷ་ཡིས་བསྐུར་བ་ལགས།། རྒྱལ་པོས་སྨྲས་པ། བྱ་བ་འདི་དག་རྣམ་བསམས་པ།། རྨི་ལམ་དུ་ཡང་མ་དྲན་ན།། ་ཅི་ཡི་ཕྱིར་ན་ཚིག་འདི་དག། ང་ནི་རབ་ཏུ་སྨྲ་བར་བྱེད།། དེ་ནས་གཞོན་ནུ་མིག་མཆི་མས་གང་བ་དང་བཅས་པའི་རྒྱལ་པོ་ལ་བལྟས་ནས་སྨྲས་པ། མིའི་བདག་པོ་མྱ་ངན་དག་གིས་འཁྲུག་མ་མཛད།། རང་གི་མིག་དང་བྲལ་བ་མཛེས ་པ་མིན་ལ་གཟིགས།། འདི་ནི་མི་ཡིས་རང་བྱས་སྡིགས་པའི་ཁུར་བཀུར་ཏེ།། ས་བདག་གཞན་བྱས་འབྲས་བུ་གཞན་ནི་སྤྱོད་མི་འགྱུར།། ས་བདག་མི་དགེའི་ལས་རྣམས་བྱས་པར་གྱུར་པ་དག། སྨིན་པའི་དུས་སུ་འཇིགས་པར ་ནམ་ཡང་མི་འགྱུར་ཏེ།། དེ་འདྲའི་འབྲས་བུ་འདི་ནི་རང་གིས་བྱས་པ་ལ།། གཞན་གྱིས་འདི་དག་བྱས་ཞེས་ཇི་ལྟར་བརྗོད་པོར་བགྱི།། ལྷ་གཞན་ཡང་བཅོམ་ལྡན་འདས་ཀྱིས་ཇི་སྐད་དུ་གསུངས་པ་མ་གསུན་ནམ། འཇིག་རྟེན ་གསུམ་གྱི་སྙིང་པོ་ལྷ་མིས་མཆོད་གྱུར་པ། སྟོབས་ཀྱིས་སྟོབས་ཕྱུག་པ་ཡང་སྟོབས་མཐའ་ལས་མི་ཐར།། སྔོན་བྱས་ལས་ལས་ནམ་ཡང་ཐར་པར་མི་འགྱུར་ན།། འདི་ན་བདག་འདྲ་གཞན་དག་སྨོས་ཀྱང་ཅི་ཞིག་འཚལ།། ་ཇི་ཙམ་ན་རྒྱལ་པོ་མྱ་ངན་མེད་ཀྱིས་སྦྱོར་བ་འདི་ནི་རྒྱལ་སྲུངས་མས་བྱས་ཞེས་ཐོས་སོ།། ཐོས་ནས་ཀྱང་རྒྱལ་པོས་རྒྱལ་སྲུངས་མས་བོས་ཏེ་སྨྲས་པ། སྐལ་མེད་ཅི་ཕྱིར་སར་ནི་ནུས་མ་གྱུར།། ཆོས་བཤིག་ང་ཡང་མི་དགར ་བྱས་པས་ན།། ཆོས་མིན་ལྡན་པ་བདག་དཔལ་འཕྲོག་འདྲ་བོ།། ཤིན་ཏུ་སྡིག་བྱེད་ཁྱོད་ནི་སྤང་བར་བྱ།། དེ་ནས་རྒྱལ་པོ་ཁྲོ་བོའི་མེ་འབར་བ་དང་།། རྒྱལ་སྲུངས་མ་ལས་བལྟས་ཏེ་སྨྲས་པ། འདིའི་མིག་དབྱུང་ངམ་འོན་ཏེ་འདི་ཡི་ལུས།། སེན་མོ ་ཤིན་ཏུ་རྣོ་བས་དྲལ་བ་འམ།། ཡང་ན་གསོན་པོར་བདུན་རྩེར་སྨྱོན་པ་འམ།། འདིའི་ལུས་སོག་ལོས་རྣམ་པར་དགས་པར་བྱ།། ཡང་ན་ལྕེ་ནི་སྤུ་གྲིས་གཏུབ་བྱ་ཞིང་།། དགྲ་སྟས་བསྣུན་པས་མགོ་བོ་བཅད་པར་བྱ།། ཡང་ན་བསྐལ་པའི ་མེ་འདྲར་གཞུག་བྱ་ཞིང་།། འོན་ཏེ་དུག་གི་ལུས་འདི་དགང་བར་བྱ།། དེ་ལ་སོགས་པ་གསོད་བཅས་སྦྱོར་བ་ནི།། རྣམ་མང་མིའི་དབང་པོས་སྨྲས་པ་དང་།། སྙིང་རྗེའི་བདག་ཉིད་ཅན་ཀུན་ལས་ཐོས་ནས།། བདག་ཉིད་ཆེན་པོ་དེ་ལ་གསོལ ་བ་འདེབས།། དེ་ནས་རྒྱལ་པོ་མྱ་ངན་མེད་ཁྲོ་བོའི་མེ་ཀུན་ཏུ་འབར་བས་དཀྲུགས་པ་དང་། རྒྱལ་སྲུང་སོ་མ་བརླག་པའི་ཐབས་ཚོལ་བ་ལ་བརྩོན་པ་ལ་ཀུན་ལས་སྤྱི་བོས་ཕྱག་བྱས་ཏེ། སྙིང་རྗེ་རྗེ་སྐད་དུ་སྨྲས་པ། ལྷ་བུད་མེད་འདི ་བསད་པར་རིགས་པ་མ་ལགས་སོ།། རྒྱལ་པོས་སྨྲས་པ། གང་གིས་ཁྱོད་དང་ངའི་ལུས་བཅོམ་རབ་ཏུ་བྱས་གྱུར་ལ།། འདི་ལྟའི་ཚིག་ནི་སྨྲ་བྱེད་ཁྱེད་ནི་རིགས་པོ་མ་ཡིན་ནོ།། ཀུ་ན་ལས་སྨྲས་པ། དེ་དེ་ལྟ་ལགས་སུ་ཟིན་ཀྱང་།། ་བདག་ནི་དེའི་ཚེ་ནས་ད་ལྟ་དེའི་བར་དུ་འདི་དང་། གཤེད་མ་པའི་སྐྱེས་བུ་དེ་གཉིས་ལ་གཞོན་ནུ་སྐྱེད་བྱེད་ལ་ཁོང་ཁྲོ་བའི་སེམས་མེད་པ་དེ་བཞིན་དུ་དེ་རྣམས་ལ་སྙིང་རྗེ་དང་བྱམས་པའི་སེམས་ཉིད་ཤིན་ཏུ་བསྒོམ་ལགས་སོ།། རྒྱལ ་པོས་སྨྲས་པ། ཁྱོད་སྙིང་རྗེའི་དབང་དུ་གྱུར་པ་ཡིན་པར་ཚིག་འདི་ལྟ་བུ་ལ་སུ་ཞིག་ཡིད་ཆེས་པར་གྱུར། ཀུན་ལས་སྨྲས་པ། ངེས་པར་ནང་དུ་བདག་ཉིད་ཚད་མར་གྱུར་པ་དང་། དེ་བཞིན་དུ་མངོན་པར་ཤེས་པ་དྲུག་དང་ལྡན ་པར་བདག་ཉིད་ཆེན་པོ་གཞན་གྱི་སེམས་ཤེས་པ་གཞན་དག་དབང་དུ་གྱུར་པ་ལགས་སོ།། རྒྱལ་པོས་སྨྲས་པ། གལ་ཏེ་དེ་ལྟ་ཡིན་ན། ང་དང་འཇིག་རྟེན་རྣམས་ཀྱིས་མངོན་དུ་གྱིས་ཤིག། དེ་ཡང་འདི་ལྟར་ཤི་བིའི་རྒྱལ་པོས ་ཕུག་རོན་གྱི་དོན་དུ་ལུས་བཅང་ནས། བདེན་པ་བདར་བས་སྔོན་གྱི་ལུས་ཇི་ལྟ་བ་བཞིན་དུ་གྱུར་ཏོ་ཞེས་ཐོས་ཀྱིས་དེ་བཞིན་དུ་ཁྱོད་ཀྱིས་ཀྱང་བདེན་པ་བདར་བས་སྔོན་གྱི་མིག་ཇི་ལྟ་བ་བཞིན་དུ་གྱིས་ཤིག། དེ་བཞིན་དུ་བགྱིའོ་ཞེས ་སྨྲས་པ། ཀུ་ན་ལས་བྲམ་ཟེ་དང་ཁྱིམ་བདག་བརྒྱ་སྟོང་དུ་མ་འདུས་པ་དང་། རྒྱལ་པོ་འཁོར་དང་བཅས་པའི་ནང་དུ་བཅོམ་ལྡན་འདས་ཀྱི་ཐུགས་རྗེ་ལ་སོགས་པའི་ཡོན་ཏན་མངོན་དུ་བྱས་ཏེ་ཤར་ཕྱོགས་སུ་བལྟས་ནས་བདེན ་པའི་ཚིག་འདི་སྐད་ཅེས་བརྗོད་དོ།། བདེན་པ་གང་གིས་རྒྱལ་སྲུངས་མ་དང་སྐྱེས་བུ་གཉིས་པོའི་བར་ལ་དེའི་ཚེ་དང་ད་ལྟའི་བར་དུ་སྐྱོ་བའི་སེམས་མེད་ཅིང་། བདག་གིས་བུ་གཅིག་པ་སྐྱེད་བྱེད་ཇི་ལྟ་བར་སྙིང་རྗེ་དང་བྱམས ་པའི་སེམས་མཉམ་པར་གྱུར་པའི་བདེན་པའི་ཚིག་དེས་སྔོན་གྱི་མིག་ཇི་ལྟ་བ་བཞིན་དུ་གྱུར་ཅིག། ཚིག་བརྗོད་པ་དང་དུས་མཉམ་པ་ཉིད་དུ་ཀུན་ལའི་མིག་སྔོན་གྱི་ཇི་ལྟ་བ་བཞིན་དུ་གྱུར་ཏོ།། དེ་ནས་རྒྱལ་པོ་དང་། གྲོང་ཁྱེར ་པ་རྣམས་ཀྱེ་མ་ཀྱེ་མ་ཞེས་སྒྲ་གསང་མཐོན་པོ་སྒྲོགས་ཤིང་། རྣམ་པ་དེ་ལྟ་བུའི་ངོ་མཚར་ལ་ལྟའོ།། དེ་ནས་རྒྱལ་པོ་མྱ་ངན་མེད་ཀྱིས་ཀུ་ན་ལ་རྒྱལ་ཚབ་དུ་དབང་བསྐུར་བར་ཞུགས་པ་དང་། ཀུན་ལས་སྨྲས་པ། རྒྱལ་པོ་ཆེན་པོ་བདག ་ལ་ནི་རྒྱལ་སྲིད་དགོས་པ་མ་མཆིས་སོ།། བདག་གིས་ནི་བདེན་པ་མཐོང་ལགས་སོ།། དེ་ནས་གཞོན་ནུ་སྐྱེད་བྱེད་རྒྱལ་ཚབ་དུ་དབང་བསྐུར་རོ།། དེ་ནས་པར་སྐབས་སུ་ཡང་རྒྱལ་སྲུངས་མའི་ཕྱིར་གསོལ་བ་འདེབས་པ། གལ་ཏེ་རྒྱལ་སྲུངས ་འཕགས་མིན་ལས་བགྱིས་ཀྱང་།། ཁྱེད་འཕགས་ལས་མཛོད་བུད་མེད་འགུམ་མི་བགྱི།། བཟོད་དང་འདྲ་བའི་སྟོབས་ནི་ཡོད་མིན་ཞེས།། བདེ་གཤེགས་བསྔགས་པས་གཙོ་བོ་བཟོད་མཛད་རིགས།། ཇི་ཙམ་ན་རྒྱལ་པོ་མྱ་ངན་མེད་ཤིན་ཏུ ་ཁྲོས་པས་རྒྱལ་སྲུངས་མ་རྒྱ་སྐྱེགས་ཀྱི་ཁང་པར་བཅུག་སྟེ་བསྲེག་སོ།། རྡོ་འཇོག་པའི་གྲོང་ཁྱེར་པ་རྣམས་ཀྱང་རབ་ཏུ་བཅོམ་མོ།། དེ་ནས་དགེ་སློང་ཅིའི་ཕྱིར་ཀུན་ལ་ལས་གང་ཞིག་བྱས་ན་འདིའི་མིག་བྱུང་བ་དང་། སླར་སྐྱེས་པ་ཡིན ་ཞེས་ཐེ་ཚོམ་སྐྱེས་ལ། དེ་ལྟར་ཐེ་ཚོམ་སྐྱེས་པ་གནས་བརྟན་གྲགས་པ་ལ་དྲིས་པ་དང་། གནས་བརྟན་གྲགས་པས་སྨྲས་པ། དེ་བས་ན་ཚེ་དང་ལྡན་པ་དག་ཉོན་ཅིག། དགེ་སློང་དག་སྔོན་བྱུང་བ་འདས་པའི་དུས་ན་གྲོང་ཁྱེར་བ་ར་ན་སེར་ན ་རྔོན་པ་ཞིག་གནས་ཏེ། དེ་ཁ་བ་ཅན་དུ་སོང་ནས་རི་དགས་རྣམས་གསོད་དོ།། དེ་དུས་གཞན་ཞིག་ན་ཁ་བ་ཅན་དུ་སོང་བ་དང་། དེར་སེར་བ་བབ་པར་གྱུར་ལ། རི་དགས་ལྔ་བརྒྱ་ཕུག་གཅིག་ཏུ་ཞུགས་པ་ཞིག་རྙེད་པ་དང་། དེས་རྒྱས་ཐམས་ཅད ་བཟུང་ནས་དེ་ལ་བློ་སྐྱེས་པ། གལ་ཏེ་ཐམས་ཅད་དུས་གཅིག་ཏུ་བསད་ན་ནི་ཤ་རུལ་བར་འགྱུར་བས་ཐབས་གཞན་ཞིག་བསམ་པར་བྱའོ་སྙམ་ནས་དེས་རི་དགས་ལྷ་བརྒྱའི་མིག་ཕྱུང་ངོ་།། མིག་ཕྱུང་བ་དེ་རྣམས་གང་དུ་ཡང་འབྲོས་པར་མཱ་ནུསོ།། ་དེ་བཞིན་དུ་རྒྱ་ཆེར་རོ་དགས་བརྒྱ་ཕྲག་མང་པོའི་མིག་ཕྱུང་ངོ་།། ཚེ་དང་ལྡན་པ་དག་རི་དྭགས་ཀྱི་རྔོན་པ་གང་ཡིན་པ་དེ་ནི་གཞན་མ་ཡིན་གྱི་ཀུན་ལ་འདི་ཉིད་ཡིན་ནོ།། གང་དེར་རི་རིགས་མང་པོའི་མིག་ཕྱུང་བ་དེའི་ལས་ཀྱིས་རྣམ་པར་སྨིན ་བས་ལོ་བརྒྱ་སྟོང་མང་པོར་དམྱལ་བར་སྡུག་བསྔལ་རྗེས་སུ་མྱོང་ལ།། དེ་ནས་ལས་ཀྱི་ལྷག་མས་སྐྱེ་བ་ལྔ་བརྒྱར་མི་རྣམས་ཀྱི་ནང་དུ་སྐྱེས་པ་ན་མིག་ཕྱུང་བར་གྱུར་ཏོ།། །། ལས་ཅི་ཞིག་བྱས་ན་ལས་གང་གི་རྣམ་པར་སྨིན་པས ་རིགས་མཐོན་པོར་སྐྱེས་ཤིང་རབ་ཏུ་མཛེས་པར་གྱུར་ལ། བདེན་པ་མཐོང་བར་བྱས་པ་དེ་ཡང་ཚེ་དང་ལྡན་པ་དག་ཉིན་ཅིག། སྔོན་བྱུང་བའི་དུས་སྐྱེ་དགུ་རྣམས་ཀྱི་ཚེ་ལོ་བཞི་ཁྲི་ཐུབ་པ་ན། ཡང་དག་པར་རྫོགས་པའི་སངས་རྒྱས་འཁོར ་བ་འཇིག་ཅེས་བྱ་བ་འཇིག་རྟེན་དུ་བྱུང་སྟེ། གང་གི་ཚེ་ཡང་དག་པར་རྫོགས་པའི་སངས་རྒྱས་འཁོར་བ་འཇིག་གིས་སངས་རྒྱས་ཀྱི་མཛད་པ་མ་ལུས་པ་མཛད་ནས་ཕུང་པོ་ལྷག་མ་མེད་པའི་མྱ་ངན་ལས་འདས་པའི་དབྱིངས་སུ ་ཡོངས་སུ་མྱ་ངན་ལས་འདས་པ་དང་། དེ་ལ་རྒྱལ་པོ་མཛེས་པ་ཞེས་བྱ་བས་རིན་པོ་ཆེ་སྣ་བཞི་ལས་བྱས་པའི་མཆོད་རྟེན་ཆུ་ཞེད་དཔག་ཚད་ཙམ་བྱས་སོ།། གང་གི་ཚེ་རྒྱལ་པོ་མཛེས་པ་དུས་བྱས་ནས་དད་པ་མེད ་ཅེས་བྱ་བ་རྒྱལ་སྲིད་ལ་བཞག་པ་ན། རིན་པོ་ཆེ་དེ་རྣམས་མ་བྱིན་པར་ལེན་པ་རྣམས་ཀྱིས་བརྐུས་ཏེ། ཕྱག་དར་དེང་ཤིང་ཙམ་ཞིག་ལུས་པ་དང་། དེར་སྐྱེ་བོའི་ཚོགས་སོང་བ་ན། མཆོད་རྟེན་རྣམ་པར་དེངས་པ་མཐོང་ན་ཀྱི་ཧུད་ཀྱི་ཧུད་སྡུག ་བསྔལ་ལོ་ཞེས་ཡང་དག་པའི་ང་རོས་ངུའོ།། ཚོང་དཔོན་གྱི་བུ་ཞིག་ཀྱང་འོངས་ནས། དེས་སྨྲས་པ། ཅིའི་ཕྱིར་དུ། དེ་རྣམས་ཀྱིས་སྨྲས་པ། ཡང་དག་པར་རྫོགས་པའི་སངས་རྒྱས་འཁོར་བ་འཇིག་གི་མཆོད་རྟེན་རིན་པོ་ཆེ་སྣ་བཞིའི་རང ་བབཞིན་ཅན་ཞིག་ཡོད་དེ་ཞེས་བྱ་བ་ནས་དེ་རྣམས་ཀྱིས་རྒྱ་ཆེར་མཆོད་རྟེན་དེ་སྔོན་བཞིན་དུ་བཞག་པར་གྱུར་ཏོ་ཞེས་བྱ་བའི་བར་དུའོ།། དེ་ན་ཡང་དག་པར་རྫོགས་པའི་སངས་རྒྱས་འཁོར་བ་འཇིག་གི་སྐུའི་ཚད་ཀྱི་སྐུ་གཟུགས་ཡོད་པ ་ལས་དེ་ཞིགས་པ་དང་། ལེགས་པར་གསོས་ཏེ། སྟོན་པ་འཁོར་བ་འཇིག་ཅི་འདྲེ་བ་དེ་འདྲ་བའི་སྟོན་པ་མཉེས་པར་བྱེད་ཀྱི་མི་མཉེས་པ་བྱེད་པར་མ་གྱུར་ཅིག་ཅེས་སྨོན་པ་བྱས་སོ།། ཚེ་དང་ལྡན་པ་དག་འདི་ཇི་སྙམ་དུ་སེམས། ཚོང་དཔོན ་ཀྱི་བུ་གང་ཡིན་པ་དེ་ནི་ཀུན་ལ་འདི་ཉིད་ཡིན་ཏེ། གང་དེར་བཅོམ་ལྡན་འདས་འཁོར་བ་འཇིག་གི་མཆོད་རྟེན་ལེགས་པར་གསོས་པའི་དེའི་ལས་ཀྱི་འབྲས་བུས་རིགས་མཐོ་བར་སྐྱེས་པ་ཡིན་ལ། གང་སྐུ་གཟུགས་གསོས་པ་དེའི ་ལས་ཀྱིས་གཟུགས་བཟང་བར་སྐྱེས་པ་ཡིན་ལ། གང་ཡང་དག་པར་སྨོན་པར་བྱས་དེའི་ལས་ཀྱི་འབྲས་བུ་དེ་དང་འདྲ་བའི་སྟོན་པ་ཡང་དག་པར་རྫོགས་པའི་སངས་རྒྱས་ཤཱཀྱ་ཐུབ་པ་མཉེས་པར་བྱས་ཀྱི་མི་མཉེས་པར་མ་བྱས་པ་ཡིནོ།། ། ་བདེན་པ་མཐོང་བར་བྱས་པ་གང་ཡིན་པ་དེ་ཉོན་ཅིག། དགེ་སློང་དག་སྔོན་བྱུང་བ་འདས་པའི་དུས་ན། ཡང་དག་པར་རྫོགས་པའི་སངས་རྒྱས་འཁོར་བ་འཇིག་དེ་ཉིད་ཀྱི་མཆོད་རྟེན་རིན་པོ་ཆེ་སྣ་བཞི་ལས་བྱས་པ་རྒྱལ་པོ་མཛེས་པ ་བྱས་པ་དང་། མཆོད་རྟེན་དེར་ས་ལས་བྱས་པའི་སྐུ་གཟུགས་གཅིག་ཀྱང་བྱས་སོ།། ཇི་ཙམ་ན་ཚོང་དཔོན་ཞིག་གིས་བྱིས་པ་མ་མ་དང་ལྷན་ཅིག་མཆོད་རྟེན་དེར་སོང་བ་དང་། དེ་བྱིས་པར་གྱུར་པས་མདེའུ་བླངས་ཏེ་སངས་རྒྱས་ཀྱི་སྐུ ་གཟུགས་ཀྱི་སྤྱན་ཕྱུང་ངོ་།། ཇི་སྲིད་དུ་གཞོན་ཞིག་ན་ཆེན་པོར་གྱུར་ནས། ཡང་མཆོད་རྟེན་དེ་ཉིད་དུ་སོང་ངོ་།། དེས་མཐོང་མ་ཐག་ཏུ་སྐུ་གཟུགས་འདི་བྱིས་པར་གྱུར་པས་བདག་གིས་བྱས་སོ་དྲན་པ་དང་། དེ་ཁྱིམ་ནས་རྫས་གྲངས་ཏེ། དེ་དང ་པོ་ཆེ་སྣ་བཞི་ལས་བྱས་པའི་སྐུ་གཟུགས་བྱས་ནས། མིག་གཉིས་སུ་རིན་ཐང་ཆེ་བའི་ནོར་བུ་ཨིནྡྲ་ནཱི་ལ་བཅུག་སྟེ། མཆོད་རྟེན་དེ་ལ་ཡང་མཆོད་པ་ཆེན་པོ་དང་བསྐོར་བ་བྱས་ན། གང་བདག་བྱིས་པར་གྱུར་པས། བཅོམ་ལྡན ་འདས་ཀྱི་སྤྱན་ཕྱུང་ནས་སྡིག་པའི་ལས་བགྱིས་ཏེ། སྡིག་པའི་ལས་འདིའི་སྐལ་པ་ཅན་དུ་མ་གྱུར་ཅིག། དགེ་བའི་རྩ་བ་འདིས་ཀྱང་སྟོན་པ་འདི་ལྟ་བུ་མཉེས་པར་བྱེད་ཀྱི། མི་མཉེས་པ་བྱེད་པར་མ་གྱུར་ཅིག་ཅེས་སྨོན་པ་བྱས་སོ།། ་དགེ་སློང་དག་ཚོང་དཔོན་གྱི་བུ་གང་ཡིན་པ་དེ་ཅི་གཞན་དག་ཡིན་པར་སེམས་སམ། དེའི་ཚེ་དེའི་དུས་སུ་ཀུན་ལ་འདི་ཉིད་ཚོང་དཔོན་གྱི་བུར་གྱུར་ཏོ།། གང་འདིས་སྡིག་པ་ཅན་གྱི་ལས་བྱས་པ་དེས། སྐྱེ་བ་ལྔ ་བརྒྱར་ཚེ་རབས་སུ་མིག་དང་བྲལ་བར་གྱུར་ཏོ།། གང་དེས་ཉེས་པ་བཤགས་ནས་སྨོན་ལམ་བྱས་པ་དེས་རིགས་མཐོ་བ་དང་། གཟུགས་མཛེས་པར་གྱུར་ཏོ།། གང་ཨིནྡྲ་ནཱི་ལའི་སྤྱན་བཅུག་པ་དེས་ན་འདི་ཚེ་རབས་ཚེ་རབས་སུ ་མིག་མཛེས་པར་གྱུར་པ་ཡིན་ནོ།། གང་དྲིས་སྟོན་པ་འདི་ལྟ་བུ་མཉེས་པར་བྱེད་པར་གྱུར་ཅིག་ཅེས་པ་དེས་ན་རྒྱུན་ཏུ་ཞུགས་པའི་འབྲས་བུ་ཐོབ་པ་ཡིན་ནོ།། གལ་དེས་སྤྱན་ཕྱུང་ནས་སླར་ཡང་ཨནྡྲ་ནཱི་ལའི་སྤྱན་བཅུག་པ་དེའི་ལས ་ཀྱི་འབྲས་བུ་མིག་ཕྱུང་ནས་ཡང་ཐོབ་པ་ཡིན་ནོ།། གནས་བརྟན་གྲགས་པས་དེ་སྐད་ཅེས་སྨྲས་པ་དང་། དགེ་སློང་དེ་དག་མངོན་པར་དགྲའོ།། ཀུ་ན་ལའི་རྟོགས་པ་བརྗོད་པ་རྫོགས་སོ།། ། ་རྒྱ་གར་གྱི་མཁན་པོ་པདྨ་ཀ་ར་བརྨ་དང་།། ། ཞུ་ཆེན་གྱི་ལོ་ཙཱ་བ་དགེ་སློང་རིན་ཆེན་བཟང་པོས་བསྒྱུར་ཅིང་ཞུས་ཏེ་གཏན་ལ་ཕབ་པ།། ་