Wylie

e-texts produced with BDRC’s OCR application

རྒྱུན་པ་ཆེན་པོའི་ལྷ་བཙུན་ཆོས་ཀྱི་རིན་ཆེན་གྱིས་དཔལ་སཾ་སྒྲའི་གཙུག་ལག་ཁང་དུ་བསྒྱུར་ཞིང་ལེགས་པར་གཏན་ལ་ཕབ་པའོ།། ། ད་པ་གྲོ་ཅན་གྱིས་།། རྒྱ་གེར་སྐད་དུ། ཏྲི་དྲྀ་ཀཾ་བ་ཥྚ། ་བོད་སྐད་དུ། སུམ་ཅུ་པའི་བཤད་པ།། བམ་པོ་དང་པོ།། འཇམ་དཔལ་གཞོན་ནུར་གྱུར་པ་ལྀ་ཕྱག་འཚལ་ལོ།། གང་ཟག་དང་ཆོས་ལ་བདག་མེད་པ་མ་རྟོགས་པ་དང་ལོག་པར་རྟོགས་པ་རྣམས་ལ་གང་ཟག་དང་ཆོས་ལ ་བདག་མེད་པ་མ་ལོག་པར་བསྟན་པའི་ཕྱིར། རྣམ་པར་རིག་པའི་རབ་ཏུ་བྱེད་པ་སུམ་ཅུ་པ་བརྩམོས་སོ།། དེ་ལ་གང་ཟག་དང་ཆོས་ལ་བདག་མེད་པར་བསྟན་པའང་ཉོན་མོངས་པ་དང་ཤེས་བྱའི་སྒྲིབ་པ་སྤང་བའི་ཕྱིར་ཏེ། འདི ་ལྟར་འདོད་ཆགས་ལ་སོགས་པ་ཉོན་མོངས་པ་རྣམས་ནི་བདག་ལྟ་བ་ལས་འབྱུང་ངོ་།། གང་ཟག་ལ་བདག་མེད་པར་ཁོང་དུ་ཆུད་པ་ནི་འཇིག་ཚོགས་ལ་ལྟ་བའི་གཉེན་པོ་ཡིན་པས་ན་དེ་སྤངས་ན་ཉོན་མོངས་པ་ཐམས ་ཅད་སྤོང་བར་འགྱུར་རོ།། ཆོས་ལ་བདག་མེད་པ་ཡང་ཤེས་བྱའི་སྒྲིབ་པའི་གཉེན་པོ་ཡིན་པས་ཤེས་བྱའི་སྒྲིབ་པ་སྤོང་བར་འགྱུར་རོ།། ཉོན་མོངས་པ་དང་ཤེས་བྱའི་སྒྲིབ་པ་སྤང་བ་ཡང་ཐར་པ་དང་ཐམས་ཅད་མཁྱེན་པ ་ཐོབ་པར་བྱ་བའི་ཕྱིར་རོ།། ཉོན་མོངས་པ་རྣམས་ནི་ཐར་པ་འཐོབ་པ་ལ་སྒྲིབ་པས་དེའི་ཕྱིར་དེ་དག་སྤངས་ན་ཐར་པ་འཐོབ་པར་འགྱུར་རོ།། ཤེས་བྱའི་སྒྲིབ་པ་ནི་ཤེས་བྱ་ཐམས་ཅད་ལ་ཡེ་ཤེས་འཇུག་པའི་བར་དུ་གཅོད་པར ་གྱུར་པ་ཉོན་མོངས་པ་ཅན་མ་ཡིན་པའི་མི་ཤེས་པ་སྟེ། དེ་སྤངས་ན་ཤེས་བྱའི་རྣམ་པ་ཐམས་ཅད་ཀུན་ལ་ཆགས་པ་མེད་པ་དང་། ཐོགས་པ་མེད་པོའི་ཡེ་ཤེས་འཇུག་སྟེ། དེའི་ཕྱིར་ཐམས་ཅད་མཁྱེན་པ་ཐོབ་པར་འགྱུར་རོ།། ་ཡང་ན་ཆོས་དང་གང་ཟག་ལ་མངོན་པར་ཞེན་པ་དག་སེམས་ཙམ་དུ་ཡང་དོག་པ་ཇི་ལྟ་བ་བཞིན་དུ་རབ་ཏུ་མི་ཤེས་ཏེ། དེའི་ཕྱིར་ཆོས་དང་གང་ཟག་བདག་མེད་པར་བསྟན་པས་རྣམ་པར་རིག་པ་ཙམ་འབྲས་བུ་དང་བཅས་པ་ལ ་མཐར་གྱིས་འཇུག་པར་བྱ་བའི་ཕྱིར་རབ་ཏུ་བྱེད་པ་འདི་བརྩམས་སོ།། ཡང་ན་རྣམ་པར་ཤེས་པ་བཞིན་དུ་ཤེས་བྱ་ཡང་རྫས་ཉིད་དུ་ཁ་ཅིག་སེམས་པ་དང་། གཞན་དག་ཤེས་བྱ་བཞིན་དུ་རྣམ་པར་ཤེས་པ་ཡང་ཀུན་རྫོབ ་ཉིད་དུ་ཡོད་ཀྱི་དོན་དམ་པར་ནི་མེད་དོ་སྙམ་དུ་སེམས་པ་མཐའ་གཅིག་ཏུ་སྨྲ་བ་འདི་རྣམ་གཉིས་དགག་པའི་ཕྱིར་རབ་ཏུ་བྱེད་པ་འདི་བརྩམས་སོ།། བདག་དང་ཆོས་སུ་ཉེར་འདོགས་པ།། སྣ་ཚོགས་དག་ནི་གང་འབྱུང་བ།། ་འཇིག་རྟེན་པ་དང་བསྟན་བཅོས་ལའོ་ཞེས་བྱ་བ་ནི་ཚིག་གི་ལྷག་མའོ།། དེ་ནི་རྣམ་པར་ཤེས་པར་གྱུར།། བདོག་དང་ཆོས་སུ་ཉེར་འདོགས་པ་ཞེས་བྱ་བ་དང་སྦྱར་རོ།། བདག་དང་ཆོས་སུ་ཉེ་བར་འདོགས་པས། བདག་དང ་ཆོས་སུ་ཉེ་བར་འདོགས་པ་སྟེ། དེ་ཡང་བདག་ཏུ་བཏགས་པ་དང་། ཆོས་སུ་བཏགས་པའོ།། སྣ་ཚོགས་ཞེས་བྱ་བ་ནི་རྣམ་པ་དུ་མ་སྟེ། བདག་དང་སྲོག་དང་། སྐྱེ་བ་པོ་དང་། ཤེད་ལས་སྐྱེས་པ་དང་། ཤེད ་བུ་དང་། དེ་དག་ལ་སོགས་པ་དག་ནི་བདག་ཏུ་ཉེ་བར་འདོགས་པའོ།། ཕུང་པོ་དང་། ཁམས་དང་། སྐྱེ་མཆེད་རྣམས་དང་། གཟུགས་དང་། ཚོར་བ་དང་། འདུ་ཤེས་དང་། འདུ་བྱེད་དང་། རྣམ་པར་ཤེས་པ་དང་། དེ་དག་ལ་སོགས་པ ་དག་ནི་ཆོས་སུ་ཉེ་བར་འདོགས་པ་འདི་རྣམ་གཉིས་ནི་རྣམ་པར་ཤེས་པ་གྱུར་པ་ཉིད་དེ། བདག་གོམ་ཆོས་རྣམས་དངོས་པོ་ལ་ཉེ་བར་འདོགས་པ་ནི་མ་ཡིན་ནོ་ཞེས་བྱ་བ་དྲི་ཇི་ལྟ་བུ་ཞེ་ན་ཆོས་རྣམས་དང་། བདག་ནི་རྣམ་པར་ཤེས ་པར་གྱུར་པ་ལས་ཕྱི་རོལ་ན་མེད་པའི་ཕྱིར་རོ།། གྱུར་ཅེས་བྱ་བ་དེ་གང་ཞེ་ན། གཞན་དུ་གྱུར་པ་སྟེ། རྒྱུའི་སྐད་ཅིག་འགག་པ་དང་། དུས་མཉམ་དུ་རྒྱུའི་སྐད་ཅིག་དང་མི་འདྲ་བ་འབྲས་བུའི་བདག་ཉིད་ཐོབ་པ་ནི་གྱུར་པའོ།། དེ ་ལ་བདག་ལ་སོགས་པར་རྣམ་པར་རྟོག་པའི་བག་ཆགས་ཡོངསུ་རྟས་ཤིང་གཟུགས་ལ་སོགས་པ་རྣམ་པར་རྟོག་པའི་བག་ཆགས་ཡོངས་སུ་རྟོས་ན་ཀུན་གཞི་རྣམ་པར་ཤེས་པ་ལ་སོགས་པར་སྣང་བ་དང་། གཟུགས་ལ ་སོགས་པར་སྣང་བའི་རྣམ་པར་རྟོག་པ་འབྱུང་ངོ་།། དེ་ལ་བདག་ལ་སོགས་པར་སྣང་བ་དང་། གཟུགས་ལ་སོགས་པར་སྣང་བ་ཡང་ཕྱི་རོལ་གྱི་བདག་དང་། ཆོས་རྣམས་མེད་པར་རྟོག་པ་དེ་ལས་ཕྱི་རོལ་དུ་གྱུར་པ་ལྟ་བུ ་རྒྱུར་བྱས་ནས། བདག་ལ་སོགས་པ་ཉེ་བར་འདོགས་པ་དང་། གཟུགས་ལ་སོགས་པ་ཆོས་སུ་ཉེ་བར་འདོགས་པ་ཐོག་མ་མེད་པའི་དུས་ནས་འཇུག་སྟེ། དཔེར་ན་རབ་རིབ་ཅན་གྱིས་སྐྲ་བཤད་འཛིངས་པ་ལ་སོགས་པ་མཐོང་བ ་བཞིན་ནོ།། ཉེ་བར་འདོགས་པ་ཞེས་བྱ་བ་ནི་གང་ལ་གང་མེད་པ་དེ་ལ་དེ་ཉེ་བར་འདོགས་ཏེ། དཔེར་ན་མཱི་བླུན་པོ་ལ་བ་ལང་ཞེས་བྱ་བ་ལྟ་བུའོ།། དེ་ལྟར་ན་རྣམ་པར་ཤེས་པའི་རང་གི་ངོ་བོ་དང་། ཕྱི་རོལ་ན་ཡང་བདག་དང ་ཆོས་རྣམས་མེད་པས་བདག་དང་ཆོས་རྣམས་ཀུན་ཏུ་བརྟགས་པ་ཉིད་དེ། དོན་དམ་པར་ཡོད་པ་མ་ཡིན་པས་ཤེས་བྱ་ཡང་རྣམ་པར་ཤེས་པ་བཞིན་དུ་རྫས་ཉིད་དོ་ཞེས་མཐའ་གཅིག་དུ་སྨྲ་བ་འདི་ཁས་མི་བླང་ངོ་།། ཉེ་བར ་འདོགས་པ་ནི་གཞི་མེད་པར་མི་སྲིད་པས་གང་ལ་བདག་དང་ཆོས་སུ་ཉེ་བར་འདོགས་པ་འབྱུང་བའི་རྣམ་པར་ཤེས་པ་གྱུར་པ་དངོས་པོ་ཡོད་པར་ངེས་པར་ཁས་བླང་ངོ་།། དེ་བས་ན་རྣམ་པར་ཤེས་པ་ཡང་ཤེས་བྱ་བཞིན་དུ་ཀུན ་རྫོབ་ཉིད་དེ། དོན་དམ་པར་མེད་དོ་ཞེས་ཁས་ལན་པ་དེས་རིགས་པ་མི་བཟོད་དེ། ཀུན་རྫོབ་དུ་ཡང་དངོས་པོ་མེད་པར་འགྱུར་བའི་ཕྱིར་རོ།། རྟེནཱ་མང་ན་ཀུན་རྫོབ་དུ་མི་རུང་སྟེ། དེ་བས་ན་མཐའ་གཅིག་ཏུ་སྨྲ་བ་རྣམ་པ་འདི་གཉི ་གཡང་མི་རིགས་པའི་ཕྱིར་གཏང་ངོ་ཞེས་སློབ་དཔོན་གྱི་ཚིག་གོ།། དེ་ལྟར་ན་ཤེས་བྱ་ཐམས་ཅད་ཀུན་བརྟགས་པའི་ངོ་བོ་ཉིད་ཡིན་པས་དངོས་པོ་མེད་དོ།། རྣམ་པར་ཤེས་པ་ནི་རྟེན་ཅིང་འབྲེལ་པར་འབྱུང་བར་རྗེས་སུ་ཡོད་པར་ཁས ་བླང་ངོ་།། རྣམ་པར་ཤེས་པ་རྟེན་ཅིང་འབྲེལ་པར་འབྱུང་བ་ནི་གྱུར་པའི་སྒྲས་བསྟན་པའོ།། ཕྱི་རོལ་གྱི་དོན་མེད་པར་རྣམ་པར་ཤེས་པ་ཉིད་དོན་གྱི་རྣམ་པར་འབྱུང་བ་འདི་ཇི་ལྟར་ཤེས་པ་རུང་ཞེ་ན། ཕྱི་རོལ་གྱི་དོན་ནི ་བདག་སྣང་བའི་རྣམ་པར་ཤེས་པ་བསྐྱེད་པའི་ཕྱིར་རྣམ་པར་ཤེས་པའི་དམིགས་པའི་རྐྱེན་དུ་འདོད་ཀྱི་བྱེད་རྒྱུ་ཙམ་དུ་འདོད་པ་ནི་མ་ཡིན་ཏེ། དེ་མ་ཐག་པའི་རྐྱེན་ལ་སོགས་པ་དང་བྱེ་བྲག་མེད་པར་འགྱུར་བའི་ཕྱིར་རོ།། རྣམ་པར ་ཤེས་པའི་ཆོ་གས་ལྔ་པོ་དག་ནི་བསགས་པ་ལ་དམིགས་པ་སྟེ། དེའི་རྣམ་པར་དང་འདྲ་བའི་ཕྱིར་རོ།། བསགས་པ་ནི་ཆ་ཤེས་འདུས་པ་ཙམ་ལས་གུད་ན་མེད་དེ། ཆ་ཤས་དེ་དག་བཙལ་ནས་བསགས་པའི་རྣམ་པའི་རྣམ་པར ་ཤེས་པ་མེད་པའི་ཕྱིར་རོ།། དེ་བས་ན་ཕྱི་རོལ་གྱི་དོན་མེད་པར་རྣམ་པར་ཤེས་པ་བསགས་པའི་རྣམ་པར་འབྱུང་ངོ་།། རྡུལ་ཕྲ་རབ་བསགས་པའི་བདག་ཉིད་ནི་རྡུལ་ཕྲ་རབ་དག་ནི་དེའི་རྣམ་པ་མ་ཡིན་པའི་ཕྱིར་རོ།། རྡུལ་ཕྲ་རབ ་རྣམས་མ་བསགས་པའི་དུས་ལས་བསགས་པའི་དུསཨཱ་རྱ་ཡང་རང་བཞིན་བྱེ་བྲག་པ་གྱུར་པ་ཅི་ཡང་མེད་དེ། དེ་བས་ན་རྡུལ་ཕྲ་རབ་རྣམས་མ་བསགས་པ་བཞིན་དུ་བསགས་པ་ཡང་དམིགས་པར་མི་རུང་ངོ་།། གཞན་དག ་རྡུལ་ཕྲ་རབ་རེ་རེ་གཞན་ལ་མི་བལྟོས་པ་ནི་དབང་པོས་མི་རྟོགས་ཀྱི། དབང་པོ་ཕན་ཚུན་བལྟོས་པ་ནི་དབང་པོས་བཟུང་བའོ་སྙམ་དུ་སེམས་པ་དེ་ད་ག་གི་བལྟོས་པ་དང་མ་བལྟོས་པའི་དུས་ན་རང་བཞིན་བྱེ་བྲག་དུ་གྱུར་པ ་མེད་པས་དབང་པོས་གཟུང་བའམ། དབང་པོས་མི་རྟོགས་པ་གཅིག་དུ་འགྱུར་རོ།། གལ་ཏེ་ཕན་ཚུན་བལྟོས་པའི་རྡུལ་ཕྲ་རབ་ཉིད་རྣམ་པར་ཤེས་པའི་ཡུལ་དུ་གྱུར་དུ་ཟིན་ན་ནི། དེ་ལྟ་ན་བུམ་པ་དང་རྩིག་པ་ལ་སོགས ་པའི་རྣམ་པ་ཐ་དད་པ་གླང་ཡིན་པ་དེ་རྣམ་པར་ཤེས་པ་ལ་འབྱུང་བ་མི་འགྱུར་རོ།། རྡུལ་ཕྲ་རབ་དག་དེའི་རྣམ་པ་མ་ཡིན་པའི་ཕྱིར་རོ།། རྣམ་པར་ཤེས་པ་ལ་སྣང་བ་ཡང་གཞན་ལ་ཡུལ་ཡང་རྣམ་པ་གཞན་དུ་ནི་ཧ་ཅང ་ཐལ་བར་འགྱུར་བས་མི་རིགས་སོ།། རྡུལ་ཕྲ་རབ་དག་ཀྱང་ཚུལ་རོལ་དང་ཕ་རོལ་དང་དབུས་ཀྱི་ཆ་ཡོད་པས་ཀ་བ་ལ་སོགས་པ་བཞིན་དུ་དོན་དམ་པར་ཡོད་པ་མ་ཡིན་ནོ།། དེ་ནི་མི་ལེན་ན་ནི་རྡུལ་ཕྲ་རབ་ལ་ཤར་དང་། ལྷོ་དང་། ་ནུབ་དང་། བྱང་ལ་སོགས་པའི་ཕྱོགས་ཐ་དད་པ་མེད་པར་འགྱུར་རོ།། དེའི་ཕྱིར་རྣམ་པར་ཤེས་པ་བཞིན་དུ་རྡུལ་ཕྲ་རབ་ཀྱང་ལུས་མེད་པ་དང་། ཡུལ་ན་མི་གནས་པར་འགྱུར་རོ།། དེ་ལྟ་ན་འོ་ན་ཕྱི་རོལ་གྱི་དོན་མེད་པའི་ཕྱིར་རྣམ ་པར་ཤེས་པོ་ཉིད་དོན་གྱི་རྣམ་པར་འབྱུང་སྟེ།། རྨི་ལམ་གྱི་རྣམ་པར་ཤེས་པ་དང་མཚུངས་པར་ཁས་བླང་ངོ་།། ཚོར་བ་ལ་སོགས་པ་དག་ཀྱང་འདས་པ་དང་མ་འོངས་པ་ནི་དེའི་རྣམ་པའི་རྣམ་པར་ཤེས་པ་སྐྱེད་པ་མ་ཡིན་ཏེ། འགག ་པ་དང་མ་སྐྱེད་པའི་ཕྱིར་རོ།། ད་ལྟར་གྱི་དག་ཀྱང་ད་ལྟར་གྱི་རྣམ་པར་ཤེས་པ་སྐྱེད་པ་མ་ཡིན་ཏེ། སྐྱེ་བའི་ཚེ་ན་ནི་མེད་པའི་ཕྱིར་རོ།། སྐྱེས་པའི་ཚེ་ན་ནི་རྣམ་པར་ཤེས་པ་ཡང་དེའི་རྣམ་པར་སྐྱེས་པའི་ཕྱིར་བྱ་བ་ཅུང་ཟད་ཀྱང་མེད ་བས་ཡིད་ཀྱི་རྣམ་པར་ཤེས་པ་ཡང་དམིགས་པ་མེད་པ་ཉིད་དུ་སྐྱེའོ།། གཞན་དག་ན་རེ་བདག་དང་ཆོས་དམིགས་སུ་མེད་ན་ཉེ་བར་འདོགས་པར་མི་རུང་སྟེ། ཉེ་བར་འདོགས་པར་ནི་གསུམ་ཡོད་ན་འགྱུར་གྱི། ་གང་ཡང་རུང་བ་ཞིག་མེད་ན་མི་འགྱུར་ཏེ། དོན་གྱི་དངོས་པ་དང་། དེ་དང་འདྲ་བའི་ཡུལ་གཞན་དང་། དེ་གཉི་ག་དང་འདྲ་སྟེ། དཔེར་ན་དོན་གྱི་དངོས་མེད་དང་། དེ་དང་འདྲ་བ་བྲམ་ཟེའི་ཁྱེའུ་དང་། དེ་གཉིས་ཀའི་ཐུན་མོང་གི་ཆོས་སེར་བ ་ཉིད་དང་རྣོ་བ་ཉིད་ཡོད་ན་བྲམ་ཟེའི་ཁྱེའུ་ལ་མེ་ཉེ་བར་འདོགས་པར་བྱེད་པ་ལྟ་བུའོ་ཞེས་ཟེར་རོ།། འདི་ལ་བྲམ་ཟེའི་ཁྱེའུ་ལ་མེ་ཉེ་བར་འདོགས་པ་ནི་རིས་སམ་རྫས་ཤིག་ཉེ་བར་འདོགས་གྲང་ན། ཉེ་བར་འདོགས་པ་གཉི་གཱ་ཡང ་མེད་དོ།། དེ་ལ་རེ་ཞིག་ཐུན་མོང་གི་ཆོས་སེར་བ་ཉིད་དམ་རྣོ་བ་ཉིད་ནི་མེའི་རིགས་ཀྱི་མ་ཡིན་ནོ།། ཐུན་མོང་གི་ཆོས་མེང་བར་བྲམ་ཟེའི་ཁྱེའུ་ལ་ཉེ་བར་གདགས་སུ་མི་རུང་སྟེ། ཧ་ཙང་ཐལ་བར་འགྱུར་རོ།། རིགས་ཆོས་དེ་གཉིས ་དང་ལྡན་པ་མ་ཡིན་ཡང་རྣོ་བ་ཉིད་དང་སེར་བ་ཉིད་རིགས་མེད་པར་མི་འབྱུང་བའི་ཕྱིར་བྲམ་ཟེའི་ཁྱེའུ་ལ་རིགས་ཉེ་བར་འདོགས་པར་འགྱུར་རོ་ཞེ་ན། རིགས་མེད་པར་ཡང་རྣོ་བ་ཉིད་དང་སེར་བ་ཉིད་བྲམ་ཟེའི་ཁྱེའུ་ལ་མཐོང་བའི ་ཕྱིར་མེད་པར་མི་འབྱུང་བ་ཡང་རིགས་པ་མ་ཡིན་ནོ།། མེད་པར་མི་འབྱུང་བ་ནི་ཉེ་བར་འདོགས་པ་ལ་མེད་དེ། མེ་བཞིན་དུ་བྲམ་ཟེའི་ཁྱེའུ་ལ་རིགས་ཡོད་པའི་ཕྱིར་རོ།། དེ་བས་ན་བྲམ་ཟེའི་ཁྱེའུ་ལ་རིགས་ཉེ་བར་གདགས་སུ ་མི་རུང་ངོ་།། རྫས་སུ་ཉེ་བར་གདགས་སུ་མི་རུང་སྟེ། སྤྱིའི་ཆོས་མེད་པའི་ཕྱིར་རོ།། མེའི་ཡོན་ཏན་རྣོ་བའམ་སེར་བ་གང་ཡིན་པ་དེ་ཉིད་བྲམ་ཟེའི་ཁྱེའུ་ལ་མེད་དོ།། དེ་ཅིའི་ཕྱིར་ཞེ་ན། དེ་དེ་ལས་གཞན་ཏེ། བྱེ་བྲག་ནི་རང་གི་གནས་དང ་འབྲེལ་པའི་ཕྱིར་རོ།། མེའི་ཡོན་ཏན་མེད་པར་བྲམ་ཟེའི་ཁྱེའུ་ལ་མེ་ཉེ་བར་གདགས་པ་ནི་མི་རིགས་སོ།། གལ་ཏེ་མེའི་ཡོན་ཏན་དང་འདྲ་བས་རིགས་སོ་ཞེ་ན། དེ་ལྟ་ན་ཡང་འདྲ་བའི་ཕྱིར་མའི་ཡོན་ཏན་རྣོ་བ་ཉིད་དང་སེར་བ་ཉིད ་བྲམ་ཟེའི་ཁྱེའུའི་ཡོན་ཏན་རྣོ་བ་ཉིད་དང་སེར་བ་ཉིད་ལ་ཉེ་བར་གདགསུ་ནི་རུང་གི། ཡོན་ཏན་འདྲ་བས་བྲམ་ཟེའི་ཁྱེའུ་ལ་མེ་ཉེ་བར་གདགས་སུ་ནི་མི་རུང་སྟེ། མེ་ནི་ཡོན་ཏན་གྱི་འདྲ་བ་དང་འབྲེལ་པ་མེད་པའི་ཕྱིར་རོ།། དེ་ལྟ། ་བས་ན་རྩཝ་སྔོ་ཉེ་བར་གདུགས་སུ་ཡང་མི་རུང་ངོ་།། དོན་གྱི་དངོས་ཡང་མེད་དེ། དེའི་རང་གི་ངོ་བོ་ནི་ཤེས་པ་དང་བརྗོད་པ་ཐམས་ཅད་ཀྱི་ཡུལ་ལས་འདུས་པའི་ཕྱིར་རོ།། གཙོ་བོ་ལ་ཤེས་པ་དང་བརྗོད་པ་ཡོན་ཏན་གྱིས་འཇུག་པར ་ཟད་དེ། དེའི་རང་གི་ངོ་བོ་ལ་ནི་མཱི་རེག་གོ།། གཞན་དུ་ན་ཡོན་ཏན་དོན་མེད་པར་འགྱུར་རོ།། ཤེས་པ་དང་བརྗོད་པ་མ་གཏོགས་པར་དོན་གྱི་དངོས་ཀྱི་རང་གི་ངོ་བོ་ཡོངས་སུ་གཅོད་པའི་ཐབས་གཞན་མེད་པས་དེའི་ཕྱིར་གཙོ ་བོའི་རང་གི་ངོ་བོའི་ཡུལ་ལ་ཤེས་པ་དང་བརྗོད་པ་མེད་པས་དོན་གྱི་དངོས་པོ་མེད་པར་ཁོང་དུ་ཆུད་པར་བྱའོ།། དེ་བཞིན་དུ་སྒྲའི་བར་དུ་འབྲེལ་པ་མེད་པས་ཤེས་པ་དང་བརྗོད་པ་གང་ཡང་མེད་དོ།། དེ་ལྟར་ན་བརྗོད་པ ་དང་བརྗོད་པར་བྱ་བ་མེད་པས་དོན་གྱི་དངོས་པོ་མེད་དོ།། ཡང་འདི་དག་ཐམས་ཅད་ནི་བཏགས་པ་ཉིད་དེ་དངོས་ནི་མེད་དོ།། བཏགས་པ་ཞེས་བྱ་བ་ནི་གང་ན་གང་མེད་པའི་ཚུལ་གྱིས་འཇུག་པ་སྟེ། སྒྲ་ཐམས ་ཅད་ཀྱང་གཙོ་བོ་ལ་མེད་པར་བཏགས་པོའི་ངོ་བོས་འཇུག་གོ།། དེ་བས་ན་དངོས་པོ་མེད་པ་ཉིད་དེ། དེ་ལ་བདག་དང་ཆོས་སུ་མེད་ན་ཉེ་བར་འདོགས་པ་མི་རིགས་སོ་ཞེས་སྨྲས་པ་གང་ཡིན་པ་དེ་མི་རིགས་སོ།། རྣམ་པར་ཤེས་པ ་གྱུར་པ་རབ་ཏུ་དབྱེ་བ་དུ་ཡོད་པ་མི་ཤེས་ཏེ། དེ་བས་ན་དེའི་དབྱེ་བ་རབ་ཏུ་བསྟན་པའི་ཕྱིར། གྱུར་པ་དེ་ཡང་རྣམ་གསུམ་སྟེ། ཞེས་བྱ་བ་སྨོས་སོ།། གང་ལ་བདག་ཉེ་བར་འདོགས་པ་དང་། ཆོས་ཉེ་བར་འདོགས་པ་དེ་ཡང་རྒྱུའི་དངོས ་པོ་དང་འབྲས་བུའི་དངོས་པོ་ཐ་དད་པའོ།། དེ་ལ་རྒྱུར་གྱུར་པ་ནི་ཀུན་གཞི་རྣམ་པར་ཤེས་པ་ལ་རྣམ་པར་སྨིན་པ་དང་རྒྱུ་མཐུན་པའི་བག་ཆགས་རྒྱུས་པ་གང་ཡིན་པའོ།། འབྲས་བུར་གྱུར་པ་ནི་སྔོན་གྱི་ལས་ཀྱི་འཕངས་པ་ཡོངས ་རྫོགས་ལ། རྣམ་པར་སྨིན་པའི་བག་ཚུགས་འབྱུང་བ་རྙེད་ནས་རིས་མཐུན་པ་གཞན་དག་ཏུ་ཀུན་གཞི་རྣམ་པར་ཤེས་པ་མངོན་པར་འགྲུབ་པ་གང་ཡིན་པ་དང་། རྒྱ་མཐུན་པའི་བག་ཆགས་འབྱུང་བ་རྙེད་ནས་འཇུག་པའི་རྣམ ་པར་ཤེས་པ་དང་ཉོན་མོངས་པ་ཅན་གྱི་ཡིད་ཀུན་གཞི་རྣམ་པར་ཤེས་པ་ལས་མངོན་པར་འགྲུབ་པ་གང་ཡིན་པའོ།། དེ་ལ་འཇུག་པའི་རྣམ་པར་ཤེས་པ་དགེ་བ་དང་མི་དགེ་པ་ནི་ཀུན་གཞི་རྣམ་པར་ཤེས་པ་ལ་རྣམ་པར་སྨིན་པའི ་བག་ཆགས་དང་རྒྱུ་མཐུན་པའི་བག་ཆགས་སྐྱེད་དོ།། ལུང་དུ་མ་བསྟན་པ་དང་། ཉོན་མོངས་པ་ཅན་གྱི་ཡིད་ནི་རྒྱུ་མཐུན་པའི་བག་ཆགས་ཉིད་སྐྱེད་དོ།། གྱུར་པ་རྣམ་པ་གསུམ་བཤད་པ་གང་ཡིན་པ་དེ་ཡང་མི་ཤེས་ནས། དེ་བས་ན་དེའི་རབ ་ཏུ་དབྱེ་བ་བསྟན་པའི་ཕྱིར། རྣམ་པར་སྨིན་དང་ངར་སེམས་དང་།། ཡུལ་ལ་རྣམ་པར་རིགས་པའོ་ཞེས་པ་སྨོས་པ། གྱུར་པ་རྣམ་པ་གསུམ་པོ་དེ་དག་ནི་རྣམ་པར་སྨིན་པ་ཞེས་བྱ་བ་དང་། ངར་སེམས་པ་ཞེས་བྱ་བ་དང་། ཡུལ་ལ་རྣམ་པ ་རིག་པ་ཞེས་བྱ་བའོ།། དེ་ལ་ལས་དགེ་བ་དང་མི་དགེ་བའི་བག་ཆགས་ཡོངས་སུ་སྨིན་པའི་དབང་གིས་ཇི་ལྟར་འཕངས་པའི་འབྲས་བུ་མངོན་པར་འགྲུབ་པ་ནི་རྣམ་པར་སྨིན་པའོ།། ཉོན་མོངས་པ་ཅན་གྱི་ཡིད་ནི་རྟག་ཏུ་ངར་སེམས་པའི ་བདག་ཉིད་ཡིན་པས་ངར་སེམས་པའོ།། གཟུགས་ལ་སོགས་པ་ཡུལ་སོ་སོར་སྣང་བས་མིག་ལ་སོགས་པའི་རྣམ་པར་ཤེས་པ་རྣམ་པ་དྲུག་ནི་ཡུལ་ལ་རྣམ་པར་རིག་པར་བྱའོ།། དེའི་རང་གི་ངོ་བོ་བཤད་པ་མེད་པར་དེ་མི ་རྟོགས་པས་དེ་བས་ན་རང་གི་ངོ་བོ་གང་ཡིན་པ་དེ་རིམ་པ་བཞིན་དུ་རབ་ཏུ་བསྟན་པའི་ཕྱིར། དེ་ལ་ཀུན་གཞི་རྣམ་ཤེས་ནི།། རྣམ་སྨིན་ས་བོན་ཐམས་ཅད་པ་ཞེས་བྱ་བ་སྨོས་སོ།། དེ་ལ་ཞེས་བྱ་བ་ནི་གང་གྱུར་པ་རྣམ་པ་གསུམ ་བཤད་མ་ཐག་པ་ལ་བྱའོ།། ཀུན་གཞི་ཞེས་བྱ་བ་ནི་ཀུན་གཞི་རྣམ་པར་ཤེས་པ་ལ་བྱའོ།། རྣམ་པར་ཤེས་པ་གང་ཡིན་པ་དེ་རྣམ་པར་སྨིན་པར་གྱུར་པའོ།། དེ་ཀུན་ནས་ཉོན་མོངས་པའི་ཆོས་ཐམས་ཅད་ཀྱི་ས་བོན་གྱི་གནས ་ཡིན་པས་ཀུན་གཞི་སྟེ། ཀུན་གཞི་དང་རྟེན་ཅེས་བྱ་བ་ནི་རྣམ་གྲངས་སུ་གཏོགས་པའོ།། ཡང་ན་དེ་ལ་ཆོས་ཐམས་ཅད་འབྲས་བུའི་དངོས་པོར་འཇུག་ཅིང་འབྲེལ་པའམ་དེ་ཆོས་ཐམས་ཅད་ལ་རྒྱུའི་དངོས་པོར་འཇུག ་ཅིང་འབྲེལ་པས་ཀུན་གཞིའོ།། རྣམ་པར་ཤེས་པ་བྱེད་པས་རྣམ་པར་ཤེས་པའོ།། ཁམས་དང་། འགྲོ་བ་དང་། སྐྱེ་གནས་དང་། རིགས་ཐམས་ཅད་དུ་ལས་དགེ་བ་དང་མི་དགེ་བའི་རྣམ་པར་སྨིན་པས་རྣམ་པར་ཤེས་པའོ།། ཆོས་ཐམས ་ཅད་ཀྱི་ས་བོན་གྱི་གནས་ཡིན་པས་ས་བོན་ཐམས་ཅད་པའོ།། གལ་ཏེ་འཇུག་པའི་རྣམ་པར་ཤེས་པ་ལས་གུད་ན་ཀུན་གཞི་རྣམ་པར་ཤེས་པ་ཡོད་ན་གོ་བ་དེའི་ཕྱིར་དམིགས་པ་དང་རྣམ་པ་ཡང་བརྗོད་དགོས་ཏེ། དམིགས་པ་མེད ་པ་དང་། རྣམ་པ་མེད་པའི་རྣམ་པར་ཤེས་པ་ནི་མི་རུང་ངོ་།། དེ་དམིགས་པ་མེད་པ་དང་རྣམ་པ་མེད་པར་ནི་མི་འདོད་མེད་ཀྱི། འོན་ཀྱང་དམིགས་པ་དང་རྣམ་པ་ཡོངས་སུ་མ་ཆད་པའོ།། ཅིའི་ཕྱིར་ཞེ་ན། འདི་ལྟར་ཀུན་གཞི་རྣམ་པར ་ཤེས་པ་ནི་ནང་གི་ཉེ་བར་ལེན་པའི་རྣམ་པར་རིག་པ་དང་། ཕྱི་རོལ་གྱི་རྣམ་པ་ཡོངས་སུ་མ་ཆད་པ་སྣོད་ཀྱི་རྣམ་པར་རིག་པ་དང་རྣམ་གཉིས་སུ་འབྱུང་སྟེ། དེ་ལ་ནང་གི་ཉེ་བར་ལེན་པ་ནི་ཀུནྡོ་བརྟགས་པའི་ངོ་བོ་ཉིད་ལ་མངོན་པར ་ཞེན་པའི་བག་ཆགས་དང་། གནས་དང་བཅས་པའི་དབང་པོའི་གཟུགས་དང་མིང་སྟེ། དེའི་དམིགས་པ་ཤིན་ཏུ་ཕྲ་བའི་ཕྱིར་རོ།། དེའི་ལེན་པ་དག་དང་གནས།། རྣམ་པ་རིགས་པ་མི་རིགས་ཏེ། གང་ལ་ལེན་པ་མི་རིགས་པ་དང་།། ་གནས་ཀྱི་རྣམ་པར་རིག་པ་མི་རིག་པ་ཡོད་པའི་ཕྱིར་ཀུན་གཞི་རྣམ་པར་ཤེས་པ་དེ་ལེན་པ་དང་གནས་ཀྱི་རྣམ་པ་རིག་པ་མི་རིག་པའོ།། དེ་ལ་ལེན་པ་ནི་ལེན་པར་བྱེད་པའོ།། དེ་ཡང་བདག་ལ་སོགས་པར་རྣམ་པར་རྟོག་པའི་བག་ཆགས ་དང་། གཟུགས་ལ་སོགས་པའི་ཆོས་སུ་རྣམ་པར་རྟོག་པའི་བག་ཆགས་སོ།། དེ་ཡོད་པའི་ཕྱིར་ཀུན་གཞི་རྣམ་པར་ཤེས་པས་བདག་ལ་སོགས་པ་རྣམ་པར་རྟོག་པ་དང་། གཟུགས་ལ་སོགས་པ་རྣམ་པར་རྟོག་པ་འབྲས་བུར་ལེན ་པས་བདག་ལ་སོགས་པར་རྣམ་པར་རྟོག་པ་དང་། གཟུགས་ལ་སོགས་པར་རྣམ་པར་རྟོག་པའི་བག་ཚིགས་དེ་ནི་ལེན་པ་ཞེས་བྱ་སྟེ། དེ་ནི་འདི་ལ་འདིའོ་ཞེས་ཚོར་བའི་རྣམ་པར་མི་རིགས་པས་དེའི་ཕྱིར་དེ་ནི་ལེན་པ་མི་རིགས་པ ་ཞེས་བྱའོ།། ཡང་ན་གནས་ཉེ་བར་ལེན་པས་ལེན་པའོ།། གནས་ནི་ལུས་སོ།། དེ་ཡང་གནས་དང་བཅས་པའི་དབང་པོའི་གཟུགས་དང་མིང་ངོ་།། དེའི་ཉེ་བར་ལེན་པ་གང་ཡིན་པ་དེ་ནི་ཉེ་བར་འགྲོ་བ་སྟེ། དེ་གྲུབ་བོ་དང་བདེ་བ་གཅིག་པས ་ལེན་པའོ།། དེ་ལ་འདོད་དང་། གཟུགས་ཀྱི་ཁམས་ན་ནི་གཉི་ག་ལེན་ཏོ།། གཟུགས་ཀྱི་འདོད་ནགས་དང་བྲལ་བྱས་གཟུགས་མེད་པའི་ཁམས་ནུ་མྦི་གཟུགས་སུ་རྣམ་པར་སྨིན་པ་མངོན་པར་མི་འགྲུབ་པས་མིང་བཞི་ལེན་པ་ཉིད་དེ། ་འོན་ཀྱང་དེ་ནི་གཟུགས་བག་ཆགས་ཀྱི་དུས་ཉིད་དེ། རྣམ་པར་སྨིན་པའི་དུས་ནི་ཚེ་ཡིན་ནོ།། ལེན་པ་དེ་ལ་འདིའོ་ཞེས་རོག་པར་མི་ནུས་པས་དེའི་ཕྱིར་མི་རིག་པ་ཞེས་བྱ་བའོ།། གནས་ཀྱི་རྣམ་པར་རིག་པ་ནི་སྣོད་ཀྱི་འཇིག་རྟེན་གནས ་པར་རྣམ་པར་རིག་པ་སྟེ། དེ་ཡང་དམིགས་པ་དང་རྣམ་པ་ཡོངས་སུ་མ་ཆད་པར་འབྱུང་བས་མི་རིག་པ་ཞེས་བྱའོ།། ཇི་ལྟར་ན་རྣམ་པར་ཤེས་པ་དམིགས་པ་དང་རྣམ་པར་ཡོངས་སུ་མ་ཆད་པར་འགྱུར ་ཞེ་ན། འདི་ནི་རྣམ་པར་ཤེས་པར་སྨྲ་བ་གཞན་དག་གི་འགོག་པའི་སྙོམས་པར་འཇུག་པ་ལ་སོགས་པའི་དུས་དང་མཚུངསོ།། འགོག་པ་ལ་སོགས་པའི་དུས་ན་རྣམ་པར་ཤེས་པ་མེད་པར་རྟོག་པར་ཡང་མི་ནུས་ཏེ། རིགས་པ ་དང་འགལ་བའི་ཕྱིར་རོ།། དེ་ལ་ཀུན་གཞི་རྣམ་ཤེས་ནཱི་ཞེས་སྨོས་པས་རྣམ་པར་ཤེས་པ་ནི་ངེས་པར་སེམས་ལས་བྱུང་བ་རྣམས་དང་མཚུངས་པར་ལྡན་པར་དེའི་ཕྱིར་སེམས་ལས་བྱུང་བ་གང་དག་ཡིན་པ་དང་། དུ་ཞིག་དང ་མཚུངས་པར་ལྡན་པ་ཡང་བཤད་དགོས་ལ། དེ་བཞིན་དུ་ཅི་སེམས་ལས་བྱུང་བ་དེ་དག་དང་རྟག་ཏུ་མཚུངས་པར་ལྡན་ནམ། འོན་ཏེ་མ་ཡིན་ཞེ་ན། དེའི་ཕྱིར། རྟག་ཏུ་རེག་དང་ཡིད་བྱེད་དང་།། རེགུ་དང་འདུ་ཤེས་སེམས་པར་ལྡན ་ཞེས་བྱ་བ་སྨོས་སོ།། རྟག་ཏུ་ཞེས་བྱ་བ་ནི་ཀུན་གཞི་རྣམ་པར་ཤེས་པ་ཇི་སྲིད་པ་དེ་སྲིད་དུ་རེག་པ་དང་། ཡིད་ལ་བྱེད་པ་དང་། ཚོར་བ་དང་། འདུ་ཤེས་དང་། སེམས་པོ་ཞེས་བྱ་བ་ཀུན་དུ་འགྲོ་བའི་ཆོས་ལྔ་པོ་འདི་དག་དང་ལྡན་ནོ།། ་རིག་པོ་ནི་ཚོར་བའོ།། དེ་ལ་རེག་པ་ནི་གསུམ་འདུས་ནས་དབང་པོའི་འགྱུར་བ་ཡོངས་སུ་གཅོད་པ་སྟེ། ཚོར་པོར་རྟེན་བྱེད་པའི་ལས་ཅན་ནོ།། དབང་པོ་དང་། ཡུལ་དང་། རྣམ་པར་ཤེས་པ་གསུམ་ཉིད་གསུམ་མོ།། དེའི་རྒྱུ་དང ་འབྲས་བུའི་དངོས་པོར་དུ་མཉམ་དུ་གནས་པ་ནི་གསུམ་འདུས་པའོ།། དེ་ཡོད་ན་དང་དུས་མཉམ་པ་ཉིད་ནི་བདེ་བ་ལ་སོགས་པའི་ཚོར་བ། མཐུན་པ་དབང་པོའི་འགྱུར་བ་གང་ཡིན་པ་དེ་དང་འདྲ་བ་བདེ་བ་ལ་སོགས་པ་མྱོང ་པར་འགྱུར་བའི་ཡུལ་གྱི་རྣམ་པ་ཡོངསུ་གཅོད་པ་གང་ཡིན་པ་དེ་རེག་པའོ།། དབང་པོ་ཡང་བྱེ་བྲག་གང་གིས་བདེ་བ་དང་སྡུག་བསལ་ལ་སོགས་པའི་རྒྱུ་ཉིད་དུ་འགྱུར་བ་དེ་ནི་དེའི་འགྱུར་བའོ།། རེག་པ་ཡང་དབང་པོའི ་འགྱུར་བ་དང་འདྲ་བས་དབང་པོའི་རེག་པའམ། དབང་པོའི་རེག་པས་རེག་པ་ཞེས་བྱའོ།། དེའི་ཕྱིར་ཡུལ་གྱི་འགྱུར་བ་ཡོངས་སུ་གཅོད་པ་བདག་ཉིད་ཡིན་ཏུ་ཟིན་ཀྱང་དབང་པོའི་འགྱུར་བ་ཡོངས་སུ་གཅོད་པ་ཞེས ་བཤད་དོ།། འདིའི་ལས་ནི་ཚོར་བའི་རྟེན་ཏེ། དེ་སྐད་དུ་མདོ་ལས་ཀྱང་། བདེ་བ་མྱོང་བར་འགྱུར་བའི་རེག་པ་ལ་བརྟེན་ནས། བདེ་བའི་ཚོར་བ་འབྱུང་ངོ་ཞེས་རྒྱ་ཆེར་གསུངས་སོ།། ཡིད་ལ་བྱེད་པ་ནི་སེམས་ཀྱི་འཇུག་པའོ།། ་འཇུག་པར་བྱེད་པས་འཇུག་པ་སྟེ། དམིགས་པ་ལ་གང་གིས་སེམས་མངོན་དུ་ཕྱོགས་པར་བྱེད་པའོ།། དེ་ནི་དམིགས་པ་ལ་སེམས་འཛིན་པའི་ལས་ཅན་ཏེ། སེམས་འཛིན་པ་ནི་དམིགས་པ་དེ་ཉིད་ལ་སེམས་ཡང་དང ་ཡང་དུ་གཏོང་པའོ།། ལས་དེ་ཡང་སེམས་ཀྱི་རྒྱུན་གྱི་དམིགས་པ་ངེས་པར་ཡིད་ལ་བྱེད་པ་བྱེ་བྲག་ཅན་གྱི་དབང་དུ་བྱས་ནས་བཤད་ཀྱི། དེ་སེམས་ཀྱི་སྐད་ཅིག་རེ་རེ་ལ་ནི་མ་ཡིན་ནོ།། དེ་ནི་སྐད་ཅིག་རེ་རེ་ཉིད་ལ་ལས ་བྱེད་པ་ཡིན་གྱི། སྐད་ཅིག་གཞན་ལ་ནི་མ་ཡིན་ནོ།། ཚོར་བ་ནི་མྱོང་བའི་རང་བཞིན་ནོ།། དེ་ཡང་ཡུལ་སིམ་པར་བྱེད་པ་དང་གདུང་བར་བྱེད་པ་དང་། དེ་གཉི་གའི་རྣམ་པ་ལས་དབེན་པའི་རང་གི་ངོ་བོ ་མངོན་དུ་བྱེད་པའི་བྱེ་བྲག་གིས་རྣམ་པ་གསུམ་དུ་འགྱུར་ཏེ། བདེ་བ་དང་། སྡུག་བསྔལ་དང་། སྡུག་བསྔལ་བ་ཡང་མ་ཡིན་པའོ།། འདི་སྙམ་དུ་སེམས་ཏོ། ལས་དགེ་བ་དང་། མི་དགེ་བ་རྣམས་ཀྱི་འབྲས་བུ་རྣམ་པར ་སྨིན་པ་འདིས་མྱོང་པོར་བྱེད་པས་མྱོང་བ་སྟེ། དེ་ལ་བདེ་བ་མྱོང་བ་ནི་ལས་དགེ་བ་རྣམས་ཀྱི་འབྲས་བུ་རྣམ་པར་སྨིན་པའོ།། སྡུག་བསྔལ་མྱོང་བ་ནི་ལས་མི་དགེ་བ་རྣམས་ཀྱི་འབྲས་བུ་རྣམ་པར་སྨིན་པའོ།། སྡུག་བསྔལ ་ཡིད་མ་ཡིན་བདེ་བ་ཡང་མ་ཡིན་པོ་མྱོང་བ་ནི་ལས་དགེ་མི་དགེ་གཉི་གའི་འབྲས་བུ་རྣམ་པར་སྨིན་པའོ་སྙམ་དུ་སེམས་སོ།། འདིར་ཀུན་གཞི་རྣམ་པར་ཤེས་པ་ཉིད་ལས་དགེ་བ་དང་། མི་དགེ་བའི་རྣམ་པར་སྨིན་པ ་སྟེ། དོན་དམ་པར་ན་དེ་དང་མཚུངས་པར་ལྡན་པའི་བཏང་སྙོམས་ཉིད་ལས་དགེ་བ་དང་། མི་དགེ་བོ་རྣམས་ཀྱི་འབྲས་བུ་རྣམ་པར་སྨིན་པའོ།། བདེ་བ་དང་སྡུག་བསྔལ་ནི་ལས་དགེ་བ་དང་། མི་དགེ་བའི་རྣམ་པར་སྨིན་པ ་ལས་བྱུང་བའི་ཕྱིར་རྣམ་པར་སྨིན་པ་ཞེས་ཉེ་བར་འདོགས་སོ།། དེ་ལ་བདེ་བ་མྱོང་བ་ནི་གང་བྱུང་ན་འབྲལ་བར་མི་འདོད་པ་དང་། འགགས་ན་སླར་ཕྲད་པར་འདོད་པ་སྐྱེའོ།། སྡུག་བསྔལ་མྱོང་བ་ནི་གང་བྱུང་ན་བྲེལ་བར ་འདོད་པ་དང་། འགགས་ན་སླར་ཕྲད་པར་མི་འདོད་པའོ།། སྡུག་བསྔལ་ཡང་མ་ཡིན་བདེ་བ་ཡང་མ་ཡིན་བདེ་བཾ་ཡང་མཱཾ་ཡིན་པ་མྱོང་བ་ནི་གང་བྱུང་ངམ་འགག་ཀྱང་རུང་གཉི་གཱའི་མི་སྐྱེ་བའོ།། འདུ་ཤེས་ནི་ཡུལ་ལ ་མཚན་མར་འཛིན་པའོ།། ཡུལ་ནི་དམིགས་པའོ།། མཚན་མ་ནི་དེའི་བྱེ་བྲག་སྔོན་པོ་དང་། སེར་པོ་ལ་སོགས་པ་དམིགས་པ་རྣམ་པར་བཞག་པའི་རྒྱུའོ།། དེ་ལ་འཛིན་པ་ནི་འདི་སྔོན་པོ་ཉིད་ཡིན་གྱི་སེར་པོ་ནི་མ ་ཡིན་ནོ་ཞེས་རྟོག་པའོ།། སེམས་པ་ནི་སེམས་མངོན་པར་འདུ་བྱེད་པ་ཡོད་གཡོ་བར་བྱེད་པ་སྟེ། གང་ཡོད་ན་ཁ་བ་ལོང་གི་དབང་གིས་ལྕགས་གཡོ་བ་བཞིན་དུ་དམིགས་པ་ལ་སེམས་གཡོ་བར་བྱེད་པའོ།། ཚོར་བ ་ནི་རྣམ་པ་གསུམ་སྟེ། བདེ་བ་དང་སྡུག་བསྔལ་བ་དང་། སྡུག་བསྔལ་ཡང་མ་ཡིན་བདེ་བ་ཡང་མ་ཡིན་པའོ།། ཆོས་ཀྱང་རྣམ་པ་བཞི་སྟེ། དགེ་བ་དང་། མི་དགེ་བ་དང་། བསྒྲིབས་པའི་ལུང་དུ་མ་བསྟན་པ་དང ་མ་བསྒྲིབས་པའི་ལུང་དུ་མ་བསྟན་པ་ཡིན་ནོ།། དེ་ལ་ཀུན་བཞི་རྣམ་པར་ཤེས་པ་ལ་ཚོར་བ་སྤྱིར་བཤད་པས་ཚོར་བ་རྣམ་པ་གསུམ་ལ་ཚོར་བ་གང་ཡིན་པ་མི་ཤེས་ལ། དེ་བཞིན་དུ་དེ་ཡང་ཅི་དགེ་བ་འམ། མི ་དགེ་བའམ། བསྒྲིབས་ལ་ལུང་མ་བ་སྟན་པ་འམ། མ་བསྒྲིབས་ལ་ལུང་དུ་མ་བསྟན་པ་གང་ཡིན་པ་གཏོལ་མེད་པས་དེའི་ཕྱིར། དེ་ལ་ཚོར་བ་བཏང་སྙོམས་ཏེ། དེ་ནི་མ་བསྒྲིབས་ལུང་མ་བསྟན་ཅེས་བྱ་བས་སྨོས ་སོ།། དེ་ལཱ་ཞེས་བྱ་བ་ནི་ཀུན་གཞི་རྣམ་པར་ཤེས་པ་ཉིད་ཀྱི་སྐབས་ཡིན་པས་དེར་བསྙེགས་སོ།། ཀུན་གཞི་རྣམ་པར་ཤེས་པ་ལ་ཚོར་བ་བཏང་སྙོམས་ཉིད་ཡིན་གྱི། བདེ་བ་ཡང་མ་ཡིན་སྡུག་བསྔལ་བ ་ཡང་མ་ཡིན་ཏེ། དེ་གཉིས་ཀྱི་དམིགས་པ་དང་རྣམ་པ་ཡོངས་སུ་ཆད་པའི་ཕྱིར་རོ།། དེ་ནི་མ་བསྒྲིབས་ལུང་མི་བསྟན་ཅེས་བྱ་བ་ཡང་ཀུན་གཞི་རྣམ་པར་ཤེས་པ་ལ་བསྙེགས་སོ།། དེ་ལ་མ་བསྒྲིབས་པ་སྨོས་པ་ནི་བསྒྲིབས ་པའི་ལུང་དུ་མ་བསྟན་པ་རྣམ་པར་གཅད་པའི་ཕྱིར་རོ།། ལུང་དུ་མ་བསྟན་པ་སྨོས་པ་ནི་དགེ་བ་དང་། མི་དགེ་བ་རྣམ་པར་གཅད་པའི་ཕྱིར་རོ།། ཡིད་ཀྱིས་པའི་ཉེ་བའི་ཉོན་མོངས་པ་གློ་བུར་བ་རྣམས་ཀྱིས་མི་བསྒྲིབས་པའི་ཕྱིར ་མ་བསྒྲིབས་པའོ།། རྣམ་པར་སྨིན་པ་ཡིན་པས་རྣམ་པར་སྨིན་པར་གྱུར་པ་ནི་དག་པ་དང་མི་དགེ་བར་ལུང་བསྟན་དུ་མེད་པས་ལུང་དུ་མི་བསྟན་པའོ།། རེག་ལ་སོགས་པ་ཡང་དེ་བཞིན་ནོ།། ཇི་ལྟར་ཀུན་གཞི་རྣམ་པར་ཤེས་པ ་གཅིག་ཏུ་རྣམ་པར་སྨིན་པ་དང་། དམིགས་པ་རྣམ་པ་ཡོངས་སུ་མ་ཆད་པ་དང་། རྟག་ཏུ་རེག་པ་ལ་སོགས་པ་དང་ལྡན་པ་དང་། དེ་ལ་ཚོར་བ་བཏང་སྙོམས་ཉིད་དང་། མ་བསྒྲིབས་ལ་ལུང་དུ་མ་བསྟན་པ་དེ་བཞིན་དུ་རེག་པ་ལ ་སོགས་པ་ཡང་གཅིག་ཏུ་རྣམ་པར་སྨིན་པ་ཉིད་དང་། དམིགས་པ་དང་རྣམ་པ་ཡོངས་སུ་མ་ཆད་པ་དང་། བདག་མ་གཏོགས་པར་གཞན་བཞི་དང་། ཀུན་གཞི་རྣམ་པར་ཤེས་པ་དང་རྟག་ཏུ་ལྡན་ནོ།། དེ་དག་ལས་ཚོར་བ་བཏང ་སྙོམས་ཉིད་དང་། མ་བསྒྲིབས་ལ་ལུང་དུ་མ་བསྟན་པ་ཡང་ཀུན་གཞི་རྣམ་པར་ཤེས་པ་བཞིན་ཏེ། རྣམ་པར་སྨིན་པ་དང་མཚུངས་པར་ལྡན་པ་རྣམས་རྣམ་པར་སྨིན་པ་མ་ཡིན་པ་དང་། དམིགས་པ་དང་རྣམ་པ་ཡོངས་སུ་མ་ཆད་པ ་ཡང་དམིགས་པ་དང་། རྣམ་པ་ཡོངས་སུ་ཆང་མི་སྲིད་དེ། གཞན་དུ་ཡང་དེ་བཞིན་དུ་བརྗོད་པར་བྱའོ།། ཅི་ཀུན་གཞི་རྣམ་པར་ཤེས་པ་ཇི་སྲིད་འཁོར་གྱི་བར་དུ་ཐ་དད་པ་མེད་པར་འཇུག་པ་ཞིག་གམ། འོན་ཏེ་རྒྱུན་གྱི་འཇུག་ཅེ ་ན། དེ་གཅིག་པུ་ཐ་དད་པ་མེད་པར་འཇུག་པ་མ་ཡིན་ཏེ། སྐད་ཅིག་པའི་ཕྱིར་རོ།། འོན་ཀྱང་དེ་ནི་རྒྱུན་འབབ་ཆུ་བོ་བཞིན། དེ་ནི་ཞེས་བྱ་བ་ནི་ཀུན་གཞི་རྣམ་པར་ཤེས་པ་ཉིད་དང་སྦྱར་རོ།། དེ་ལ་རྒྱུ་ནི་རྒྱུ་དང་འབྲས་བུ་བར་ཆད་མེད ་པར་རྒྱུན་ཏུ་འབྱུང་བའོ།། ཆུའི་ཚོགས་ཀྱི་སྔ་ཕྱིའི་ཆུ་རྒྱུན་མི་འཆད་པར་འོབབ་པ་ནི་ཆུ་བོ་ཞེས་བྱའོ།། ཇི་ལྟར་ཆུ་བོ་རྩེ་དང་ཤིང་དང་ལྕི་བ་ལ་སོགས་པ་དེ་དེད་ཅིང་འབབ་པ་དེ་བཞིན་དུ་ཀུན་གཞི་རྣམ་པར་ཤེས་པ་བསོད་ནམས ་དང་བསོད་ནམས་མ་ཡིན་པ་དང་། མི་གཡོ་བའི་ལས་ཀྱི་བག་ཆགས་དང་ལྡན་པ་ཡང་རེག་པ་དང་ཡིད་ལ་བྱེད་པ་ལ་སོགས་པ་བསྡུས་ནས་ཇི་སྲིད་འཁོར་གྱི་བར་དུ་རྒྱུན་མི་འཆད་པར་རྒྱུན་ཏུ་འབྱུང་ངོ་།། དེ་ལྟར་རྒྱུན་ཏུ་འབྱུང ་པ་དེ་གང་གི་ཚེ་ན་ལྡོག་པར་འགྱུར་སྙམ་པ་ལ། དགྲ་བཅོམ་པ་ཉིད་ན་དེ་ལྡོག་གོ་ཞེས་བྱ་བ་སྨོས་སོ།། དགྲ་བཅོམ་པ་ཉིད་ཅེས་བྱ་བ་ཡང་རེག་པ་དང་ཡིད་ལ་བྱེད་པ་ལ་སོགས་པ་བསྡུས་ནས་ཇི་སྲིད་འཁོར་གྱི་བར་ཅི་དང ་ལྡན་ན་དགྲ་བཅོམ་པ་ཞེས་བྱ་ཞེ་ན། ཟད་པ་ཤེས་པ་དང་། མི་སྐྱེ་བ་ཤེས་པ་ཐོབ་པའི་ཕྱིར་རོ།། དེའི་ཚེ་ཀུན་གཞི་རྣམ་པར་ཤེས་པ་ལ་གནས་ངན་ལེན་མ་ལུས་པར་སྤངས་པའི་ཕྱིར། ཀུན་གཞི་རྣམ་པར ་ཤེས་པ་ལྡོག་པར་འགྱུར་ཏེ། དེ་ཉིད་ཀྱི་དུས་ན་དགྲ་བཅོམ་པའོ།། རྣམ་པར་སྨིན་པར་གྱུར་པ་རྣམ་པར་དབྱེ་བ་དང་བཅས་པ་བཤང་ཟིན་ཏོ།། ང་ནི་རང་སེམས་པ་ཞེས་བྱ་བར་གྱུར་པ་གཉིས་པ་སྟེ། དེ་ལ་གནས་ཏེ་རང་འབྱུང ་ཞེས་རྒྱ་ཆེར་སྨོས་པའོ།། ཇི་ལྟར་མིག་ལ་སོགས་པའི་རྣམ་པར་ཤེས་པ་རྣམས་ཀྱི་གནས་མིག་ལ་སོགས་པ་དང་། གཟུགས་ལ་སོགས་པ་ནི་དམིགས་པར་གྲགས་པ་དེ་བཞིན་དུ་ཉོན་མོངས་པ་ཅན་གྱི་ཡིད་ཀྱི་གནས་དང ་དམིགས་པ་མ་གྲགས་ཏེ། རྣམ་པ་གནས་དང་དམིགས་པ་ལ་མི་ལྟོས་པ་ནི་མི་རུང་བས་དེའི་ཕྱིར་ཉོན་མོངས་པ་ཅན་གྱི་ཡིད་ཀྱི་གནས་དང་དམིགས་པ་བསྟན་པ་དང་། ངེས་པའི་ཚོག་བསྟན་པའི་ཕྱིར། དེ་ལ་གནས་ཏེ ་རབ་འབྱུང་ཞིང་།། དེ་ལ་དམིགས་པ་ཡིད་ཅེས་བྱ།། རྣམ་ཤེས་ངར་སེམས་བདག་ཉིད་ཅན་ཞེས་བྱ་བ་སྨོས་སོ།། དེ་ལ་གནས་ཏེ་རབ་ཏུ་འབྱུང་ཞེས་བྱ་བ་ལཱ། དེ་ལ་ཞེས་བྱ་བའི་སྒྲ་ནི་ཀུན་གཞི་རྣམ་པར་ཤེས་པ་ཉིད་ལ ་སྦྱར་རོ།། ཀུན་གཞི་རྣམ་པར་ཤེས་པ་ནི་དེའི་བག་ཆགས་ཀྱི་གནས་ཡིན་ཏེ། དེ་བས་ན་དེ་ལ་གནས་བཅས་ནས་འབྱུང་སྟེ། རྒྱུན་གྱིས་སྐྱེ་ཞེས་བྱ་བའི་ཐ་ཚིག་གོ།། ཡང་ནི་ཁམས་སེམས་གང་དུ་ཀུན་གཞི་རྣམ་པར ་ཤེས་པ་རྣམ་པར་སྨིན་པ་ཐོབ་པར་ཉོན་མོངས་པ་ཅན་གྱི་ཡིད་དེ་ཡང་ཁམས་དེ་དང་ས་དེའི་ཡིན་ཏེ། དེ་ཀུན་གཞི་དེ་ལ་རག་ལུས་པས་འཇུག་པའི་ཕྱིར་དེ་ལ་གནས་ཏེ་འབྱུང་བའོ།། དེ་ལ་དམིགས་པ་ཞེས་བྱ་བ་ནི་ཀུན་གཞི་རྣམ་པར ་ཤེས་པ་ཉིད་ལ་དམིགས་པ་སྟེ། འཇིག་ཚོགས་ལ་ལྟ་བ་ལ་སོགས་པ་དང་མཚུངས་པར་ལྡན་པས་ཀུན་གཞི་རྣམ་པར་ཤེས་པ་ལ་ང་དང་ང་ཡིར་དམིགས་པའི་ཕྱིར་རོ།། ཇི་ལྟར་ན་སེམས་གང་ལས་བྱུང་བ་དེ་ཉིད་དེའི་དམིགས ་བར་འགྱུར་ཞེ་ན། ཇི་ལྟར་ཁ་ཅིག་དེ་མི་འདོད་ཀྱང་དུས་ལ་ལར་སེམས་གང་ལས་ཡིད་ཀྱི་རྣམ་པར་ཤེས་པ་འབྱུང་བ་དེ་ཉིད་དམིགས་པ་ཡིན་ཞིང་དེ་འབྱུང་བ་ལྟ་བུའོ།། ཡོད་ཅེས་བྱ་བའི་རྣམ་པར་ཤེས་པ་ནི་ཡིད་ཅེས་བྱ་བའི་རྣམ ་རྣམ་པར་ཤེས་པ་ཡང་ཀུན་གཞི་རྣམ་པར་ཤེས་པ་གང་ཡིན་པ་དེ་ལ་བརྟན་ཏེ་འབྱུང་བའོ།། དེ་ལ་དམིགས་པ་ཡིད་དང་ཅེས་བྱ་བ་ཞེས་བྱ་བ་འདིས་ནི་ཀུན་གཞི་རྣམ་པར་ཤེས་པོ་དང་། འཇུག་པའི་རྣམ་པར་ཤེས་པ་ལས ་འབྱེད་དོ།། ཡང་དེའི་རང་བཞིན་གང་ཡིན་སྙམ་པ་ལ། ངར་སེམས་བདག་ཉིད་ཅན་ཞེས་བྱ་བ་སྨོས་ཏེ། དེ་ལྟར་ངར་སེམས་པའི་བདག་ཉིད་ཡིན་པས་ངེས་པའི་ཚིག་གི་ཚུལ་གྱིས་ཡིད་ཅེས་བྱའོ།། རྣམ་པར་ཤེས་པའི་རང་གི ་ངོ་བོ་ཡིན་པས་དེ་ངེས་པར་སེམས་ལས་བྱུང་བ་རྣམས་དང་མཚུངས་པར་ལྡན་པར་འགྱུར་ན་དེ་ལ་སེམས་ལས་བྱུང་བ་ནི་གང་དག་དང་ཇི་སྙེད་ཅིག་དུས་ཇི་སྲིད་དུ་མཚུངས་པར་ལྡན་པར་འགྱུར་བ་དེ་མི་ཤེས་ཏེ། དེའི་ཕྱིར ་བསྒྲིབས་ལ་ལུང་དུ་མ་བསྟན་པའི་ཉོན་མོངས་བཞི་དང་རྟག་ཏུ་འགྲོགས་ཞེས་བྱ་བ་སྨོས་སོ།། སེམས་ལས་བྱུང་བ་དག་ནི་རྣམ་པ་གཉིས་ཏེ། ཉོན་མོངས་པ་དང་དེ་ལས་གཞན་པའོ།། དེ་ལས་གཞན་པ ་རྣམ་པར་དབྱེ་བའི་ཕྱིར། ཉོན་མོངས་པ་ཞེས་བྱ་བ་སྨོས་སོ།། ཉོན་མོངས་པ་དྲུག་སྟེ། དེ་དག་ཐམས་ཅད་དང་མཚུངས་པར་ལྡན་པ་མ་ཡིན་པས་དེའི་ཕྱིར་བཞི་ཞེས་བྱ་བ་སྨོས་སོ།། འགྲོགས་ཞེས་བྱ་བ་ནི་མཚུངས་པར་ལྡན་པའོ།། ཉོན ་མོངས་པ་ཡོང་རྣམ་པ་གཉིས་ཏེ། མི་དགེ་བ་དང་། བསྒྲིབས་ལ་ལུང་དུ་མ་བསྟེན་པའོ།། མི་དགེ་བ་དག་ལས་བྱེ་བྲག་ཏུ་དབྱེ་བའི་ཕྱིར་བསྒྲིབས་ལ་ལུང་དུ་མ་བསྟོན་ཅེས་བྱ་བ་སྨོས་སོ།། བསྒྲིབས་པའི་རྣམ་པར་ཤེས་པ་ནི་མི་དགེ ་བ་རྣམས་དང་མཚུངས་པར་ལྡན་པ་མི་སྲིད་དེ། བསྒྲིབས་པ་ནི་ཉོན་མོངས་པ་ཅན་གྱི་ཕྱིར་རོ།། ལུང་དུ་མ་བསྟོན་པའི་ནི་དོག་བ་དང་མི་དགེ་བ་ཉིད་དུ་ལུང་དུ་བསྟན་དུ་མེད་པའི་ཕྱིར་རོ།། རྟག་ཏུ་ཞེས་བྱ་བ་ནི་དུས་ཐམས་ཅད་དུ་སྟེ། ཇི ་སྲིད་དུ་དེ་ཡོད་པ་དེ་སྲིད་དུ་དེ་དགེ་མཚུངས་པར་ལྡན་ནོ།། སྤྱིར་བསྟན་པས་ཁྱད་པར་མི་ཤེས་ནས་ཁྱད་པར་སྟོན་ཏོ།། བདག་ཏུ་ལྷ་དང་བདག་ཏུ་རྨོངས།། བདག་རྒྱལ་བདག་ཆགས་ཞེས་བྱ་བ་སྟེ། ཉེ་བར་ལེན་པའི་ཕུང་པོ་རྣམས ་ལ་བདག་ཏུ་མཐོང་བ་ནི་མཐོང་བ་ན་བདག་ཏུ་ལྟ་བ་སྟེ། འཇིག་ཚོགས་ལ་ལྟ་བ་ཞེས་བྱ་བའི་ཐ་ཚིག་གོ།། རྨོངས་པ་ནི་མི་ཤེས་པ་སྟེ། བདག་མིར་ཤེས་པ་ནི་བདག་ཏུ་རྨོངས་པའོ།། བདག་དུ་ང་རྒྱལ་ནི་བདག་གི་ཡུལ་ལ ་ངར་སེམས་པ་སྟེ། ངའོ་སྙམ་པའི་ང་རྒྱལ་ཞེས་བྱ་བའི་ཐ་ཚིག་གོ།། བདག་ཆགས་ནི་བདག་ལ་ཆགས་པ་སྟེ། བདག་ལ་དགའ་ཞེས་བྱ་བའི་ཐ་ཚིག་གོ།། དེ་བ་ལ་ཀུན་གཞི་རྣམ་པར་ཤེས་པའི་རང་གི་ངོ་བོ་ལ་རྨོངས་པར་གྱུར་ན།། ་ཀུན་གཞི་རྣམ་པར་ཤེས་པ་ལ་བདག་ཏུ་ལྟ་བ་འབྱུང་ངོ་།། བདག་ཏུ་མཐོང་བས་སེམས་ཁེངས་པ་གང་ཡིན་པ་དེ་ནི་ངའོ་སྙམ་པའི་ང་རྒྱལ་ལོ།། དེ་གསུམ་ཡོད་ན་བདག་ཏུ་བསམས་པའི་དངོས་པོ་ལ་མངོན་པར་ཆགས་པ ་གང་ཡིན་པ་དེ་ནི་བདག་ལ་ཆགས་པའོ།། ཡང་སྨྲས་པ། མ་རིགས་པ་དང་བདག་ལྟ་དང་།། ང་འོ་ང་རྒྱལ་སྲེད་འདི་བཞིས།། ཀུན་གཞི་ཉོན་མོངས་ཅན་འགྱུར་ཡིད།། ངར་སེམས་པ་ཡི་མཚན་ཉིད་དེ།། ཕྱིན་ཅི་ལོག་གི་རྒྱུ་བྱེད ་པའང་།། ཡིད་དང་རྟག་ཉོན་མོངས་ཅན།། སེམས་དགེ་ལུང་དུ་མ་བསྟན་ཚེ།། རྟག་ཏུ་ངར་འཛིན་རྒྱུ་ཡིན་ནོ།། བདག་ཏུ་རྨོངས་པ་ལ་སོགས་པ་ཉོན་མོངས་པ་དེ་དག་ཀྱང་ཡིད་བཞིན་དུ་ས་དགུ་པ་སྟེ། འདོར་སྤྱིར་བརྗོད་པ་ཅི་རང ་གིས་པ་ཉིད་དང་མཚུངས་པར་ལྡན་ནམ། འོན་ཏེ་གཞན་གྱི་ས་པ་དག་དང་མཚུངས་པར་ལྡན་པ་མི་ཤེས་ནས། དེའི་ཕྱིར་གང་དུ་སྐྱེས་པ་དེའིའོ་ཞེས་བྱ་བ་སྨོས་སོ།། གང་དུ་སྐྱེས་པ་ནི་གང་དུ་བྱུང་བའོ།། དེའིའོ་ཞེས་བྱ་བ ་ནི་ཁམས་དང་ས་གང་དུ་སྐྱེས་པ་ཁམས་དེ་དང་ས་དེ་ཉིད་ཀྱི་དང་མཚུངས་པར་ལྡན་ཏེ། ཁམས་གཞན་དག་ཀྱང་སོ་གཞན་དག་གི་དང་ནི་མ་ཡིན་ནོ།། ཅི་དེ་ཉོན་མོངས་པ་བཞི་ཉིད་དང་མཚུངས་པར་ལྡན་ནམ། སྨྲས་པ ་མ་ཡིན་ནོ།། འོན་ཀྱང་གཞན་རེག་སོགས་ཀྱང་མཚུངས་པར་ལྡན་ནོ་ཞེས་བྱ་བར་སྦྱར་རོ།། ཀྱང་ཞེས་བྱ་བའི་སྒྲ་སའི་གན་གསོ་ཞེས་བྱ་བ་ནི་རེག་པ་དང་། ཡིད་མ་བྱེད་པ་དང་། ཚོར་བ་དང་། ་འདུ་ཤེས་དང་། སེམས་པ་སྟེ། ཆོས་ལྔ་པོ་དེ་དག་ནི་ཀུན་ཏུ་འགྲོ་བས་རྣམ་པར་ཤེས་པ་ཐམས་ཅད་དང་མཚུངས་པོར་ལྡན་ས་པ་དེ་མེད་པའི་མཚུངས་པར་ལྡན་གྱི་ཁམས་དང་ས་གཞན་གྱི་དང་ནི ་མ་ཡིན་ནོ།། ཡང་ན་གཞན་ཞེས་བྱ་བ་ནི་རྩེ་བའི་རྣམ་པར་ཤེས་པ་དང་མཚུངས་པར་ལྡན་པ་དག་ལས་རྣམ་པར་དབྱེ་བའི་ཕྱིར་ཉ་པ་རྣམ་པ་གས་པའི་རེག་པ་ལ་སོགས་པ་ནི་མ་བསྒྲིབས་ལ་ལུང་དུ་མ་བསྟན་པའོ།། ་ཉོན་མོངས་པ་ཅན་གྱི་ཡིད་ནི་ཡིད་བཞིན་དུ་བསྒྲིབས་ལ་ལུང་དུ་མ་བསྟན་པའོ།། གལ་ཏེ་ཉོན་མོངས་པ་ཅན་གྱི་ཡིད་དེ་དག་པོ་དང་མཉོན་མོངས་པ་ཅན་དང་། ལུང་དུ་མ་བསྟན་པའི་དུས་ན་ཡང་བྱེ་བྲག་མེད་པར་འབྱུང་ན་ནི་དེ ་ལྡོག་པ་མེད་པར་འགྱུར་རོ།། མི་ལྡོག་ན་ནི་དེ་ལ་ཐར་པ་ག་ལ་ཡོད་དེ་ཐར་པ་མེད་པར་ཇི་ལྟར་མི་འགྱུར་ཞེ་ན། མོ་འགྱུར་ཏེ་འདི་ལྟར་གག་པའི་སྙོམས་པར་འཇུག་པ་མེད།། འཇིག་རྟེན་འདས་པའི ་ལམ་ནའང་མེད་གྲ་བཅོམ་པ་ནི་ཉོན་མོངས་པ་མ་ལུས་པར་སྤངས་པས་ཉོན་མོངས་པ་ཅན་གྱི་ཡིད་མེད་དེ། དེ་ནི་སྲིད་པའི་རྩེ་པོ་ཉོན་རྣམ་པས་སྤང་བར་བྱ་བ་བཞིན་དུ་དགྲ་བཅོམ་པ་ཉིད་ཐོབ་པ་ན་བར ་ཚད་མེད་པའི་ལམ་ཉིད་ཀྱིས་སྤོང་སྟེ། དེ་ནི་དགྲ་བཅོམ་པ་ཉིད་ཀྱི་ཚེ་ན་ཉོན་མོངས་པ་གཞན་བཞིན་དུ་མེད་།། ཕྱིར་མི་འོང་བ་ཅི་ཡང་མེད་པའི་སྐྱེ་མཆེད་ཀྱི་འདོད་ཆགས་དང་བྲལ་བ་འགོག་པའི་སྙོམས་པར་འཇུག་པ་ཐོབ་པ་ཡང་ལམ ་གྱི་སྟོབས་ཀྱིས་འགོག་པའི་སྙོམས་པར་འཇུག་པ་ཐོབ་པས་འགོག་པའི་སྙོམས་པར་འཇུག་པའི་དུས་ན་ཡང་ལམ་བཞིན་དུ་འགག་པར་འགྱུར་རོ།། འགོག་པ་ལས་ལས་ནས་ཡང་ཀུན་གཞི་རྣམ་པར་ཤེས་པ་ཉིད་ལས ་འབྱུང་ངོ་།། འཇིག་རྟེན་འདས་པའི་ལམ་ནའང་མེད། འཇིག་རྟེན་ལས་འདས་པ་སྨོས་པ་ནི་འཇིག་རྟེན་པ་རྣམ་པར་བཅད་པའི་ཕྱིར་རོ།། འཇིག་རྟེན་པའི་ལམ་ན་ནི་ཉོན་མོངས་པ་ཅན་གྱི་ཡིད་འབྱུང་བ་ཉིད་དོ།། བདག་མེད་པར་མཐོང ་བ་ནི་བདག་ལ་སོགས་པར་ལྟ་བའི་གཉེན་པོ་ཡིན་པས་འཇིག་རྟེན་ལས་འདས་པའི་ལམ་དེ་འབྱུང་བར་མི་ནུས་ཏེ། གཉེན་པོ་དང་མི་མཐུན་པའི་ཕྱོགས་གཉིས་ཅིག་ཅར་དུ་མེད་པས་འཇིག་རྟེན་ལས་འདས་པའི་ལམ་ན་དེ ་འགུག་གོ།། དེ་ལས་ལངས་ནས་ཡང་ཀུན་གཞི་རྣམ་པར་ཤེས་པ་ཉིད་ལས་འབྱུང་ངོ་།། འདི་ནི་གྱུར་པ་གཉིས་པའོ་ཞེས་བསྟན་པ་བཤད་ཟིན་ཏོ།། ཞེས་མཇུག་སྡུད་པའོ།། གྱུར་པ་གཉིས་པའི་འོག་ཏུ་གྱུར་པ་གསུམ་པ་བརྗོད ་དགོས་པས། གསུམ་པ་ཡུལ་རྣམ་དྲུག་པོ་ལ།། དམིགས་པ་གང་ཡིན་དེ་དག་སྟེ་ཞེས་བྱ་བ་སྨོས་སོ།། གསུམ་པ་ནི་རྣམ་པར་ཤེས་པ་གྱུར་པ་ཞེས་བྱ་བའི་ཚིག་ལྷག་མའོ།། རྣམ་དྲུག་ཅེས་བྱ་བ་ནི་རྣམ་པ་དྲུག་སྟེ། གཟུགས ་དང་། སྒྲ་དང་། དྲི་དང་། རོ་དང་། རེག་བྱ་དང་། ཆོས་ཀྱི་བདག་ཉིད་ཀྱི་ཡུལ་ལོ།། ཡུལ་ལ་དམིགས་པ་གང་ཡིན་པ་ནི་འཛིན་པ་དང་རྟོག་པ་ཞེས་བྱ་བའི་ཐ་ཚིག་གོ།། དེ་ཡང་ཅི་དགེ་བ་འམ་མི་དགེ་བ་འམ་ལུང་དུ་མ ་བསྟན་པ་ཞིག་ཅེ་ན། དེའི་ཕྱིར་དགེ་བ་དང་མི་དགེ་གཉི་ག་མི་ནི་ཞེས་བྱ་བ་སྨོས་སོ།། དགེ་བ་དང་མི་དགེ་བ་དང་། གཉི་ག་མིན་ཞེས་བྱ་བ་ལུང་དུ་མ་བསྟན་པའང་ཡིནོ་ཏེ། མ་ཆགས་པ་དང་ཞེ་སྡང་མེད་པ་དང་གཏི་མུག་མེད་པ་དང་མི་རྐུ ་པར་ལྡན་པ་ནི་དགེ་བའོ།། ཆགས་པ་དང་ཞེ་སྡང་དང་གཏི་མུག་དང་མཚུངས་པར་ལྡན་པ་ནི་མི་དགེ་བའོ།། དགེ་བ་དང་མི་དགེ་བ་དང་མཚུངས་པར་ལྡན་པ་མ་ཡིན་པ་ནི་གཉི་ག་མ་ཡིན་པ་སྟེ། དགེ་བའང་མ་ཡིན་མི་དགེ་བའང ་མ་ཡིན་ཞེས་བྱ་བའི་ཐ་ཚིག་གོ།། དེ་ཡང་སེམས་ལས་བྱུང་བ་ཅི་འདྲ་བ་དག་དང་མཚུངས་པར་ལྡན་པ་དེང་མཚུངས་པར་ལྡན་པའི་སེམས་ལས་བྱུང་བ་ནི་ཅི་སྙེད་ཅིག་ཡོད་ཅེ་ན། དེའི་ཕྱིར་ཀུན་ཏུ་འགྲོ་དང་བྱེ་བྲག་ངེས།། སེམས ་ལས་བྱུང་བ་དག་པ་དང་།། དེ་བཞིན་ཉོན་མོངས་ཉེ་ཉོན་མོངས།། ཚོར་བ་གསུམ་དང་དེ་མཚུངས་ལྡན་ཞེས་བྱ་བ་སྨོས་སོ།། ཀུན་ཏུ་འགྲོ་བ་ལ་སོགས་པ་གང་བསྟན་པ་དེ་དག་མི་ཤེས་ཏེ། དེ་བས་ན་དེ་རབ་ཏུ་བསྟན་པའི་ཕྱིར། དང། ་པོའི་རེག་པ་ལ་སོགས་པ་དང་ཞེས་བྱ་བ་སྨོས་སོ།། ཐོག་མར་བཤད་པ་དང་པོ་སྟེ། འདི་ལྟར་ཀུན་ཏུ་འགྲོ་བ་རྟག་ཏུ་རེག་དང་ཡིད་བྱེད་དང་། རིག་དང་འདུ་ཤེས་སེམས་པར་ལྡན་ཞེས་བྱ་བ་ཐོག་མ་ཉིད་དུ་བཤང་པོའོ།། ་དེ་དག་གི་དང་བ་ནི་རིག་པ་ཡིན་པས་རེག་པ་ལ་སོགས་པའོ།། རེག་པ་དང་ཡིད་ལ་བྱེད་པ་ལ་སོགས་པ་ཆོས་ལྔ་པོ་དེ་དག་ནི་སེམས་ཐམས་ཅད་ཀྱི་རྗེས་སུ་འགྲོ་བས་ཀུན་ཏུ་འགྲོ་བ་དག་གོ།། འདི་ལྟར་དེ་དག་ནི་ཀུན་གཞི་རྣམ་པར ་ཤེས་པ་དང་། ཉོན་མོངས་པ་ཅན་གྱིས་ཡིད་དང་། འཇུག་པའི་རྣམ་པར་ཤེས་པ་རྣམས་ལ་བྱེ་བྲག་མེད་པར་འབྱུང་ངོ་།། བྱེ་བྲག་ཏུ་ངེས་པའི་དབང་དུ་བྱས་ནས། འདུན་མོས་དྲན་དང་བཅས་པ་དང་། ཏིང་ངེ་འཛིན་བློ་བྱེ་བྲག་ངེས ་ཞེས་བྱ་བ་སྨོས་སོ།། བྱེ་བྲག་ཅན་ལ་ངེས་པས་བྱེ་བྲག་ཏུ་ངེས་པ་སྟེ། དེ་དག་གི་ཡུལ་ནི་བྱེ་བྲག་ཅན་ཉིད་ཡིན་གྱི་ཐམས་ཅད་ནི་མ་ཡིན་ནོ།། དེ་ལ་འདུན་པ་ནི་བསམས་པའི་དངོས་པོ་ལ་འདོད་པ་སྟེ། མ་བསམས་པ་ལ་འདུན ་པ་མེད་པའི་ཕྱིར་ཡུལོ་སོ་སོར་ངེས་པ་ཉིད་དུ་བསྟན་པ་ཡིན་ནོ།། ལྟ་བ་དང་མཉམ་པར་བྱ་བ་ལ་སོགས་པའི་ཡུལ་བསམ་པའི་དངོས་པོ་གང་ཡིན་པ་དེ་ནི་བསམུས་པའོ།། དེ་ལ་མཐོང་བ་དང་ཐོ་ས་པ་ལ་སོགས་པར ་སྨོན་པ་ནི་འདོན་པ་སྟེ། དེ་ནི་བརྩོན་འགྲུས་རྩོམ་པའི་རྟེན་བྱེད་པའི་ལུས་ཅན་ནོ།། མོས་པོ་ནི་ངེས་པའི་དངོས་པོ་ལ་དེ་བཞིན་དུ་ངེས་པར་འཛིན་པའོ།། ངེས་པར་སྨོས་པ་ནི་ངེས་པ་མ་ཡིན་པ་དགག་པའི་ཕྱིར་ཏེ། རིགས་པ ་འམ་ཡིད་ཆེས་པའི་ལུང་གི་དངོས་པོ་ཐེ་ཚོམ་མེད་པ་གང་ཡིན་པ་དེ་ངེས་པ་སྟེ། མི་རྟག་པ་དང་སྡུག་བསྔལ་བ་ལ་སོགས་པའི་རྣམ་པ་གང་གིས་རྣམ་པར་ངེས་པའི་རྣམ་པ་དེ་ཉིད་ཀྱིས་དངོས་པོ་དེ་ལ་སེམས་འཇོག་པ་སྟེ། ་འདི་ནི་དེ་བཞིན་གྱི་གཞན་དུ་ནི་མ་ཡིན་ནོ་ཞེས་ངེས་པར་འཛིན་པ་ནི་མོས་པའོ།། དེ་ནི་མི་འཕྲོགས་པ་ཉིད་ཀྱི་ལས་ཅན་ཏེ། མོས་པ་གཅེས་སུ་བྱེད་པ་ནི་ཕས་ཀྱི་རྒོལ་བ་རྣམས་ཀྱི་རང་གི་གྲུབ་པའི་མཐའ ་ལས་འཕྲོགས་པར་མི་ནུས་སོ།། དྲན་པ་ནི་འདྲིས་པའི་དངོས་པོ་མི་བརྗོད་པ་སྟེ། སེམས་ཀྱི་མངོན་པར་བརྗོད་པ་ཉིད་དོ།། འདྲིས་པའི་དངོས་པོ་ནི་སྔོན་མྱོང་བའོ།། མ་བརྗོད་པ་ནི་དམིགས་པ་ལ་འཛིན་པ་ཆུད་མི་ཟ་བར་བྱེད་པའི ་རྒྱུའོ།། སྔོན་བཟུང་བའི་དངོས་པོ་ལ་དམིགས་པའི་རྣམ་པ་ཡང་དང་ཡང་དྲན་པ་ནི་མངོན་པར་བརྗོད་པ་སྟེ། མངོན་པར་བརྗོད་པ་ཁོ་ན་མངོན་པར་བརྗོད་པ་ཉིད་དོ།། དེ་ནི་རྣམ་པར་མི་གཡེང་བའི་ལས་ཅན་ཏེ། དམིགས་པ་མངོན ་པར་བརྗོད་པ་ཡོད་ན་དམིགས་པ་གཞན་ནམ། རྣམ་པ་གཞན་ལ་སེམས་རྣམ་པརཱ་གཡེང་བ་མེད་པས་རྣམ་པར་གཡེང་བ་མེད་པའི་ལས་ཅན་ནོ།། ཏིང་ངེ་འཛིན་ནི་བརྟག་པའི་དངོས་པོ་ལ་སེམས་རྩེ་གཅིག་པ་ཉིད་དོ།། བརྟག། ་པའི་དངོས་པོ་ནི་ཡོན་ཏན་དུ་འམ། ངེས་པར་བརྟག་པར་བྱའོ།། རྩེ་གཅིག་པ་ཉིད་ནི་དམིགས་པ་གཅིག་པ་ཉིད་དོ།། སེམས་མཉམ་པར་བཞག་ན་ཡང་དག་པ་ཇི་ལྟ་བ་བཞིན་དུ་རབ་ཏུ་ཤེས་པའི་ཕྱིར་ཤེས་པའི་རྟེན་བྱེད་པའི ་ལས་ཅན་ནོ།། བློ་ནི་ཤེས་རབ་བོ།། དེ་ཡང་བརྟགས་པའི་དངོས་པོ་ཉིད་རབ་ཏུ་རྣམ་པར་འབྱེད་པ་སྟེ། རིགས་པ་དང་། རིགས་པ་མ་ཡིན་པས་བསྐྱེད་པ་དང་། གཞན་པའོ།། རྣམ་པར་འབྱེད་པར་བྱེད་པོས་རབ་ཏུ་རྣམ་པར་བྱེད ་པ་སྟེ། རང་དང་སྤྱིའི་མཚན་ཉིད་འདྲེས་པ་ལྟ་བུའི་ཆོས་རྣམས་ལ་ཡང་དག་པ་འམ་ལོག་པར་སོ་སོར་རྟོག་པའོ།། རིགས་པ་ནི་བཤའ་བ་སྟེ། དེ་ཡང་ཡིད་ཆེས་པའི་ལུང་དང་། རྗེས་སུ་དཔག་པ་དང་མངོན་སུམ་མོ།། རིགས་པ་རྣམ་པ ་དེ་གསུམ་གྱིས་བསྐྱེད་པ་གང་ཡིན་པ་དེ་ནི་རིགས་པས་བསྐྱེད་པའོ།། དེ་ཡང་ཐོས་པ་ལས་བྱུང་བ་དང་། བསམས་པ་ལས་བྱུང་བ་དང་། བསྒོམས་པ་ལས་བྱུང་བ་སྟེ། དེ་ལ་ཡིད་ཆེས་པའི་གསུང་རབས་ཚད་མ་ཉིད་ཀྱིས་རྟོགས་པ་གང ་ཡིན་པ་དེ་ནི་ཐོས་པ་ལས་བྱུང་བའོ།། རིགས་པ་ངེས་པར་སེམས་པ་ལས་སྐྱེས་པ་ནི་བསམས་པ་ལས་བྱུང་བའོ།། ཏིང་ངེ་འཛིན་ལས་སྐྱེས་པ་ནི་བསྒོམས་པ་ལས་བྱུང་བའོ།། རིགས་པ་མ་ཡིན་པ་ནི་ཡིད་ཆེས་པ་མ་ཡིན་པའི་ལུང ་དང་། རྗེས་སུ་དཔག་པར་སྣང་བ་དང་། ལོག་པར་བསམ་པའི་ཏིང་ངེ་འཛིན་ཏེ། རིགས་པ་མ་ཡིན་པ་དེས་བསྐྱེད་པ་ནི་རིགས་པ་མ་ཡིན་པས་བསྐྱེད་པའོ།། སྐྱེ་བ་ཐོས་པ་དང་འཇིག་རྟེན་པའི་ཐ་སྙད་ཤེས་པ་ནི་རིགས་པས་བསྐྱེད ་པའང་མ་ཡིན། མ་རིགས་པས་བསྐྱེད་པའང་མ་ཡིན་ནོ།། འདི་ནི་སོམ་ཉི་ཟློག་པའི་ལས་ཅན་ཏེ། སོམ་ཉི་ཟློག་པ་ནི་ཤེས་རབ་ཀྱི་ཆོས་རྣམས་རབ་ཏུ་རྣམ་པར་ཕྱེ་ནས་ངེས་པ་འཐོབ་པའི་ཕྱིར་རོ།། ཆོས་ལྔ་པོ་དེ་དག་ནི་ཕན་ཚུན ་ཐ་དད་དུ་གྱུར་ནས་འབྱུང་བའོ།། དེ་ལྟར་ན་གང་དུ་མོས་པ་དེར་གཞན་དག་གདོན་མི་ཟ་བར་མི་འབྱུང་སྟེ། ཐམས་ཅད་ལ་ཡང་དེ་བཞིན་དུ་བརྗོད་པར་བྱའོ།། བྱེ་བྲག་ཏུ་ངེས་པ་རྣམས་པོ་ཤད་ཟིན་ཏོ།། ང་ནི་དེའི་འོག་ཏུ་བསྟན་པ ་དགེ་བ་དག་བརྗོད་དགོས་པས་དེའི་ཕྱིར། དང་དང་ངོ་ཚ་ཁྲེལ་ཡོད་དང་།། མ་ཆགས་ལ་སོགས་གསུམ་བརྩོན་འགྲུས།། ཤིན་ཏུ་སྦྱངས་དང་བག་ཡོད་བཅས། ཞེས་བྱ་བ་སྨོས་ཏེ། དེ་དག་ནི་ཆོས་བཅུ་གཅིག་གོ་ཞེས ་བྱ་བ་ནི་ཚིག་གི་ལྷག་མའོ།། དེ་ལ་དད་པ་ནི་ལས་དང་། འབྲས་བུ་དང་། བདེན་པ་དང་། དཀོན་མཆོག་ཡོད་པ་དང་། ཡོན་ཏན་ཅན་དང་ནུས་པ་དག་ལ་མངོན་པར་ཡིད་ཆེས་པ་དང་། སེམས་དང་པ་དང་། འདོད་པའོ།། དད་པ་ནི་རྣམ ་གོསུམ་དུ་འགྱུར་ཏེ། དངོས་པོ་ཡོད་པ་ཡོན་ཏན་ཅན་ནམ། ཡོན་ཏན་ཅན་མ་ཡིན་པ་ལ་ཡིད་ཆེས་པའི་རྣམ་པ་དང་། ཡོད་པ་ཡོན་ཏན་ཅན་ལ་དང་བའི་རྣམ་པ་དང་། ཡོད་པ་ཡོན་ཏན་ཅན་ཐོ་བྱེད་ངམ་སྐྱེད་པ་ནུས་པ་ལ་འདོད ་པའི་རྣམ་པའོ།། སེམས་དད་པ་ཞེས་བྱ་བ་ལ། ངང་པ་ནི་སེམས་ཀྱི་རྙོག་པ་དང་མི་མཐུན་པས་དེའི་ཕྱིར་དེ་དང་མཚུངས་པར་ལྡན་ན་ཉོན་མོངས་པ་དང་། ཉེ་བའི་ཉོན་མོངས་པའི་དྲི་མའི་རྙོག་པ་མེད་པས། སེམས་དང་བ་ལ་བརྟེན་ཏེ ་དང་བར་འགྱུར་བས་དང་བ་ཞེས་བྱའོ།། དེ་ནི་འདུན་པའི་རྟེན་བྱེད་པའི་ལས་ཅན་ནོ།། དེ་ཚེ་ཤེས་པ་ནི་བདག་གམ་ཆོས་ཀྱི་དབང་དུ་བྱས་ཏེ། ཁ་ནུ་མ་ཐོ་བས་འཛེམ་པའོ།། དམ་པ་རྣམས་ཀྱིས་སྨད་པ་དང་། རྣམ་པར་སྨིན ་པ་མི་འདོད་པ་ཡིན་པས་སྡིག་པོ་ཉིད་ཁ་ན་མ་ཐོ་བ་སྟེ། བྱོས་ཀྱང་རུང་མ་བྱས་ཀྱང་རུང་། ཁ་ན་མ་ཐོ་བ་དེས་སེམས་བག་འཁུམས་པའི་འཛེམ་པ་གང་ཡིན་པ་དེ་ནི་ངོ་ཚ་ཤེས་པའོ།། འདི་ནི་ཉེས་པར་སྤྱོད་པ་ལེགས ་པར་སྡོམ་པའི་རྟེན་བྱེད་པའི་ལས་ཅན་ནོ།། ཁྲེལ་ཡོད་པ་ནི་འཇིག་རྟེན་དུ་དབང་དུ་བྱས་ཏེ་ཁ་ན་མ་ཐོ་བས་འཛེམ་པའོ།། འཇིག་རྟེན་ན་འདི་སྨད་པ་སྟེ། བདག་ལ་ལས་འདི་ལྟ་བུ་རིག་ན་སྤོང་པར་འགྱུར་རོ།། ཞེས་ཚིགསུ་བཅད ་པ་མ་ཡིན་པ་ལ་སྩོགས་པའི་འཇིག་པས་ཁ་ན་མ་ཐོ་བ་ལ་འཛེམ་པ་སྟེ། འདི་ཡང་ཉེས་པར་སྤྱོད་པ་ལེགས་པར་སྡོམ་པའི་རྟེན་བྱེད་པའི་ལས་ཅན་ནོ།། མེ་ཆགས་པ་ནི་ཆགས་པའི་གཉེན་པོའོ།། ཆགས་པ་ཞེས་བྱ་བ་ནི ་སིད་པ་དང་སྲིད་པའི་ཡོ་བྱད་རྣམས་ལ་ཀུན་ཏུ་ཆགས་པ་དང་སྨོན་པ་གང་ཡིན་པའོ།། དེའི་གཉེན་པོ་ནི་མ་ཆགས་པ་སྟེ། སྲིད་པ་དང་སྲིད་པའི་ཡོ་བྱད་རྣམས་ལམ་ཆགས་པ་དང་མི་ཕྱོགས་པའོ།། འདི་ནི་ཉེས་པར་སྤྱོད་པ་ལ ་འཇུག་པའི་རྟེན་བྱེད་པའི་ལས་ཅན་ནོ།། ཞེ་སྡང་མེད་པ་ནི་ཞེ་སྡང་གི་གཉེན་པོ་སྟེ། ཞེ་སྡང་ནི་སེམས་ཅན་རྣམས་དང་། སྡུག་བསྔལ་དང་སྡུག་བསྔལ་གྱི་གནས་ཀྱི་ཆོས་རྣམས་ལ་ཀུན་ནས་མནར་སེམས་པའོ།། ཞེ་སྡང ་མེད་པ་ནི་ཞེ་སྡང་གི་གོཉེན་པོ་ཡིན་པས་སེམས་ཅན་རྣམས་དང་། སྡུག་བསྔལ་དང་སྡུག་བསྔལ་གྱི་གནས་ཀྱི་ཆོས་རྣམས་ལ་ཀུན་ནས་མནར་སེམས་མེད་པའོ།། འདི་ཡང་ཉེས་པར་སྤྱོད་པ་ལ་མི་འཇུག་པའི་རྟེན་བྱེད་པའི ་ལས་ཅན་ནོ།། གཏི་མུག་མེད་པ་ནི་གཏི་མུག་གི་གཉེན་པོ་སྟེ། ཡང་དག་པ་ཇི་ལྟ་བ་བཞིན་དུ་ཡང་དག་པར་རྟོགས་པའོ།། གཏི་མུག་ནི་ལས་དང་འབྲས་བུ་དང་། བདེན་པ་དང་། དཀོན་མ་ཚིག་རྣམས་མི་ཤེས་པའ།། གཽ་ཏི་མུ ་གཱི་གཉེན་པོ་ཡིན་པས་གཏི་མུག་མེད་པ་ནི་ལས་དང་འབྲས་བུ་དང་། བདེན་པ་དང་། དཀོན་མཆོག་དེ་དག་ཡང་དག་པར་རྟོག་པ་སྟེ། འདི་ཡང་ཉེས་པར་སྤྱོད་པ་ལ་མི་འཇུག་པའི་རྟེན་བྱེད་པའི་ལས ་ཅན་ནོ།། བརྩོན་འགྲུས་ནི་ལེ་ལོའི་གཉེན་པོ་སྟེ། དགེ་པ་ལ་སེམས་མངོན་པར་སྤྲོ་བ་ཡིན་གྱི། ཉོན་མོངས་པ་ཅན་ལ་ནི་མ་ཡིན་ནོ།། ཉོན་མོངས་པ་ཅན་ལ། སྤོ་བ་ནི་ལེ་ལོ་ཡིན་པས་ལེ་ལོ་ཉིད་དོ།། འདི་ནི་དགེ་བའི་ཕྱོགས ་ཡོངས་སུ་རྫོགས་པར་བྱེད་པ་དང་། ཡོངས་སུ་སྒྲུབ་པའི་ལས་ཅན་ནོ།། ཤིན་ཏུ་སྦྱངས་པ་ནི་གནས་ངན་ལེན་གྱི་གཉེན་པོ་སྟེ། ལུས་དང་སེམས་ལས་སུ་རུང་བ་ཉིད་དོ།། གནས་ངན་ལེན་གྱི་ལུས་དང་སེམས་ལས་སུ ་མི་རུང་བ་ཉིད་དང་། ཀུན་ནས་ཉོན་མོངས་པའི་ཆོས་ཀྱི་ས་བོན་རྣམས་ཏེ། དེ་མེད་ན་ཤིན་ཏུ་སྦྱངས་པ་ཡོད་པའི་ཕྱིར་རོ།། དེ་ལ་ལུས་ལས་སུ་རུང་བ་ནི་ལུས་རང་གི་དགོས་པ་རྣམས་ལ་ལྡང་བ་ཡང་བ་གང་ལས་འབྱུང་བའོ།། ་སེམས་ལས་སུ་རུང་བ་ནི་ཡང་དག་པ་ཡིད་ལ་བྱེད་པ་ལ་ཞུགས་པའི་སེམས་ཀྱི་སིམ་པོ་དང་། ཡང་བའི་རྒྱུ་སེམས་ལས་བྱུང་བ་ཆོས་གཞན་དུ་གྱུར་པ་གང་ཡིན་པ་སྟེ། དེ་དང་ལྡན་ན་དམིགས་པ་ལ་སེམས་ཐོགས་པ ་མེད་པར་འཇུག་པས་དེའི་ཕྱིར་སེམས་ལས་སུ་རུང་བ་ཞེས་བྱའོ།། ལུས་ཀྱི་རེག་བྱའི་ཁྱད་པར་དཀའ་བས་ཟིན་པ་ལ་ལུས་ཤིན་ཏུ་སྦྱངས་པར་རིག་པར་བྱ་སྟེ། ཡིད་དགའ་ན་ལུ་སེ་ཤིན་ཏུ་སྦྱངས་པར་འགྱུར་རོ་ཞེས་མདོ ་ལས་འབྱུང་བའི་ཕྱིར་རོ།། འདི་ནི་དེའི་དབང་གིས་གནས་གྱུར་པས་ཉོན་མོངས་པའི་སྒྲིབ་པ་མ་ལུས་པར་སེལ་བའི་ལས་ཅན་ནོ།། བག་ཡོད་བཅས་པ་ནི་བག་ཡོད་པ་དང་བཅས་པས་བག་ཡོད་བཅས་པ་སྟེ། དེ་ཡང་གང་ཞེ་ན། བཏང་སྙོམསོ།། ་འི་ཕྱིར་ཞེ་ན། གཅིག་ཏུ་དགེ་བ་དང་འདིར་དགེ་བ་ཐམས་ཅད་བཤད་པའི་སྐབས་ཡིན་པ་དང་། དད་པ་ལ་སོགས་པ་བཞིན་དུ་མངོན་དུ་མ་སྨོས་པ་དང་། དགེ་བ་ལྷག་པ་གཞན་མེད་པའི་ཕྱིར། བཏང་སྙོམས་ཉིད་ལ་བྱ ་བར་མངོན་ནོ།། དེ་ལ་བག་ཡོད་པ་ནི་བག་མེད་པའི་གཉེན་པོའོ།། མ་ཆགས་པ་ནས་བརྩོན་འགྲུས་ཀྱི་བར་ནི་བག་ཡོད་པ་སྟེ། གང་མ་ཆགས་པ་ལ་སོགས་པ་ལ་གནས་ནས་མི་དགེ་བའི་ཆོས་རྣམས་སྤོང་ཞིང་དེའི ་གཉེན་པོ་དགེ་བའི་ཆོས་རྣམས་ཀྱང་སྒོམ་པ་མ་ཆགས་པ་ལ་སོགས་པ་དེ་དག་ནི་བག་ཡོད་པའོ།། དེ་བས་ན་བག་མེད་པའི་གཉེན་པོ་ཉིད་དེ། བག་མེད་པ་ནི་འདི་ལས་བཟློག་པའི་ཕྱིར་རོ།། དེ་ན་འཇིག་རྟེན་པ་དང་། འཇིག ་རྟེན་ལས་འདས་པའི་ཕུན་སུམ་ཚོགས་པ་ཐམས་ཅད་ཡོངས་སུ་རྫོགས་པར་བྱེད་པའི་ལས་ཅན་ནོ།། བཏང་སྙོམས་ནི་སེམས་མཉམ་པ་ཉིད་དང་། སེམས་རྣལ་དུ་འདུག་པ་ཉིད་དང་། སེམས་ལྷུན་གྱིས་གྲུབ་པ་ཉིད ་དེ། ཚིག་འདི་གསུམ་གྱིས་བཏང་སྙོམས་ཀྱི་ཐོག་མ་དང་། བར་དང་། ཐ་མའི་དུས་བསྟན་པའོ།། འདི་ལ་བྱིང་བ་དང་། རྒོད་པ་སེམས་མཉམ་པ་སྟེ། དེ་མེད་པས་ཐོག་མར་སེམས་མཉམ་པ་ཉིད་དོ།། དེའི་འོག་ཏུ ་མངོན་པར་འདུ་བྱ་བ་མེད་ཅིང་བསྒྲིམ་མི་དགོས་པར་མཉམ་པར་བཞག་པའི་སེམས་ཅི་རིགས་པར་མཉམ་པ་ཉིད་དུ་འཇུག་པ་ནི་རྣལ་དུ་འདུག་པ་ཉིད་དོ།། དེའི་དུས་ན་བསྒོམས་ནས་རིང་པོར་མ་ལོན་པའི་ཕྱིར ་བྱིང་བ་དང་རྒོད་པ་འབྱུང་བར་དོགས་པ་དང་ལྡན་ནོ།། དེའི་འོག་ཏུ་བསྒོམ་པ་ཁྱུད་ཞུགས་པར་གྱུར་པས་དེའི་མི་མཐུན་པའི་ཕྱོགས་ཐག་རིང་དུ་གྱུར་པའི་ཕྱིར་དོགས་པ་མེད་དེ། བྱིང་པ་དང་རྒོད་པ་ནི་གཉེན་པོའི་རྒྱུ་རྣམས་ལ་རྩོལ ་བ་མི་བྱེད་པས་ལྷུན་གྱིས་གྲུབ་པ་ཉིད་དོ།། འདི་ནི་ཉོན་མོངས་པ་དང་། ཉེ་བའི་ཉོན་མོངས་པ་ཐམས་ཅད་ཀྱི་སྐབས་མི་འབྱེད་པའི་རྟེན་བྱེད་པའི་ལས་ཅན་ནོ།། རྣམ་པར་མི་འཚེ་བ་ནི་རྣམ་པར་འཚེ་བའི་གཉེན་པོ་སྟེ། གསོད་པ ་དང་འཚོང་བ་ལ་སོགས་པས་སེམས་ཅན་རྣམས་ལ་རྣམ་པར་ཐོ་མི་འཚམ་པས་མི་འཚེ་བ་སྟེ། མས་ཅན་རྣམས་ལ་སྙིང་རྗེ་བའོ།། བསོད་ཉམས་ཞེས་བྱ་བ་ནི་བདེ་བ་སྟེ། བདེ་བ་སེལ་ཅེས་བྱ་བའི་ཐ་ཚིག་གོ།། སྙིང་རྗེ་ཅན་ནི་ཕ ་རོལ་སྡུག་བསྔལ་ན་སྡུག་བསྔལ་བར་འགྱུར་བའི་ཕྱིར་རོ།། འདི་ནི་རྣམ་པར་ཐོ་མི་འཚམ་པའི་ལས་ཅན་ནོ།། དགེ་བ་བཅུ་གཅིག་བཤད་ཟིན་ཏོ།། དེའི་འོག་ཏུ་ཉོན་མོངས་པ་རྣམས་བསྟན་པས་དེའི་ཕྱིར་དེ་དག་གི་དབང་དུ་བྱས་ཏེ། ་ཉོན་མོ་ངས་ནི། འདོད་ཆགས་ཁོང་ཁྲོ་གཏི་མུག་དོང་།། ང་རྒྱལ་ལྟ་བ་ཐེ་ཚོམ་མོ་ཞེས་བྱ་བ་སྨོས་སོ།། འདོད་ཆགས་དང་ཁོང་ཁྲོ་བ་དང་གཏི་མུག་ནི། འདོད་ཆགས་ཁོང་ཁྲེ་གཏི་མུག་གོ། དེ་ལ་འདོད་ཆགས་ནི་སྲིད་པོ་དང ་ལོངས་སྤྱོད་ལ་ལྷག་པར་ཆགས་པ་དང་སྨོན་པ་སྟེ། དེ་ནི་སྡུག་བསྔལ་ཀུན་བསྐྱེད་པའི་ལས་ཅན་ནོ།། སྡུག་བསྔལ་ནི་འདིར་ཉེ་བར་ལེན་པའི་ཕུང་པོ་ལྔ་རྣམས་ཏེ། དེ་དག་ནི་འདོད་པ་དང་། གཟུགས་དང་། གཟུགས་མེད་པའི་སྲེད ་པའི་དབང་གིས་མངོན་པར་འགྲུབ་པས་དེའི་ཕྱིར་འདོད་ཚོགས་ཀྱི་ལས་ནི་སྡུག་བསྔལ་ཀུན་བསྐྱེད་པར་བཤད་དོ།། ཁྱོང་ཁྲོ་བ་ནི་སེམས་ཅན་རྣམས་ལ་ཀུན་ནུས་མནུར་སེམས་པ་སྟེ། སེམས་ཅན་རྣམས་ལ་སེམས་རྩུབ་པའོ།། ་དེས་ནོན་ན་སེམས་ཅན་རྣམས་ལ་བསད་པ་དང་འཆིང་བ་ལ་སོགས་པའི་གནོད་པ་བྱ་བར་སེམས་སོ།། དེ་ནི་རེག་པར་མི་གནས་པར་དེ་ཉེས་པས་སྤྱོད་པའི་རྟེན་བྱེད་པའི་ལས་ཅན་ནོ།། རེག་པ་ནི་བདེ་བ་སྟེ། དེ་དང་ལྷན ་ཡེ་གནས་པ་ནི་རེག་པར་གནས་པའོ།། རེག་པ་དང་གནས་མ་ཡིན་པ་ནི་རེག་པར་མི་གནས་པ་སྟེ། སྡུག་བསྔལ་དང་། ལྷན་ཅིག་ཅེས་བྱ་བའི་ཐ་ཚིག་གོ།། ཀུན་ནས་མནར་སེམས་ཀྱི་སེམས་ཡོད་ན་གདོན་མི་ཟ་བར་ཡིད ་པདེ་བ་ཀུན་འབྱུང་བའི་ཕྱིར་སེམས་ལ་གདུང་བར་འགྱུར་རོ།། སེམས་ཀྱི་རྗེས་སུ་འགྱུར་བས་ལུས་ལ་ཡང་གདུང་བར་འགྱུར་བ་ཉིད་དེ། དེའི་སྤོང་ལམ་ཐམས་ཅད་དུ་སྡུག་བསྔལ་དང་བཅས་ཤིང་ཕོངས་པ་དང་བཅས ་པར་འགྱུར་རོ་ཞེ་འགྲས་པའི་སེམས་དང་ལྡན་པ་ནི་ཉེས་པར་སྤྱོད་པ་གང་དང་ཡང་རིང་བ་མ་ཡིན་པས་ཁོང་ཁྲོ་བ་ནི་རེག་པར་མི་གནས་པ་དང་། ཉེས་པར་སྤྱོད་པར་སྤྱོད་པའི་རྟེན་བྱེད་པའི་ལས་ཅན་དུ་བཤད་དོ།། གཏི་མུག ་ནི་ངན་སོང་རྣམས་དང་བདེ་འགྲོ་དང་མྱ་ངན་ལས་འདས་པ་དང་། དེ་ཐོབ་པར་བྱེད་པའི་རྒྱུ་དང་དེ་དག་གི་རྒྱུ་དང་འབྲས་བུར་འབྲེལ་པ་ཕྱིན་ཅི་མ་ལོག་པ་ལ་གང་མི་ཤེས་པའོ།། འདི་ནི་ཀུན་ནས་ཉོན་མོངས་པ་འབྱུང ་བའི་རྟེན་བྱེད་པའི་ལས་ཅན་ནོ།། དེ་ལ་ཉོན་མོངས་པ་དང་། ལས་དང་། སྐྱེ་བའི་བདག་ཉིད་ནི་ཀུན་ནས་ཉོན་མོངས་པ་རྣམ་པ་གསུམ་མོ།། དེ་འབྱུང་བ་ནི་ཀུན་ནས་ཉོན་མོངས་སྔ་མ་སྔ་མ་རྒྱུར་གྱུར་པ་ལས་ཀུན་ནས་ཉོན་མོངས་པ ་ཕྱི་མ་ཕྱི་མའི་བདག་ཉིད་རྙེད་པའོ།། འབྱུང་བའི་རྟེན་བྱེད་པ་ནི་རྨོངས་པར་གྱུར་ན་ལོག་པར་ཤེས་པ་དང་ཐེ་ཚོམ་དང་འདོད་ཆགས་ལ་སོགས་པ་ཉོན་མོངས་པ་ལས་ཡང་སྲིད་པའི་ལས་དང་སྐྱེ་བ་རྣམས་འབྱུང་གི་རྨོངས་པར་མ་གྱུར། ་ན་ནི་མ་ཡིན་ནོ།། ང་རྒྱལ་ནི་ང་རྒྱལ་ཞེས་བྱ་བ་ཐམས་ཅད་ཀྱང་འཇིག་ཚོགས་ལ་བརྟེན་ནས་འབྱུང་ངོ་།། དེ་ནི་སེམས་ཁེངས་པའི་མཚན་ཉིད་དེ། འདི་ལྟར་ཕུང་པོ་རྣམས་ལ་བདག་གམ་བདག་གི་དངོས་པོར་སྒྲོ་བཏགས་ནས་འདི་ནི ་བདག་གོ།། འདི་ནི་བདག་གིའོ་ཞེས་དེ་དང་དེའི་ཁྱད་པར་གྱིས་བདག་ཁེངས་ཤིང་གཞན་དག་ལས་ལྷག་པར་རློམ་སེམས་པའོ།། དེ་ནི་མི་གུས་པ་དང་སྡུག་བསྔལ་འབྱུང་བའི་རྟེན་བྱེད་པའི་ལས་ཅན་ནོ།། མི་གུས་པ་ནི་བླ་མ་རྣམས ་དང་། གང་ཟག་ཡོན་ཏན་ཅན་རྣམས་ལ་འགྱིང་ཞིང་ལུས་དང་ངག་གི་སྲི་ཞུ་མེད་པའོ།། སྡུག་བསྔལ་འབྱུང་བ་ནི་འདིར་ཡང་སྲིད་པ་འབྱུང་བའོ།། དེ་ནི་སེམས་ཁེངས་པའི་རང་གི་ངོ་བོར་བྱེ་བྲག་མེད་ཀྱང་སེམས་པའི་རྒྱུའི་བྱེ་བྲག ་གི་རྣམ་པ་བདུན་དུ་ཐ་དད་དེ། ང་རྒྱལ་དང་ཆེ་བའི་ང་རྒྱལ་ཞེས་བྱ་བ་ལ་སོགས་པའོ།། རིགས་དང་ཤེས་རྒྱ་དང་ནོར་ལ་སོགས་པས་དམའ་བ་བས་ཀྱང་རིགས་དང་ཤེས་རྒྱུ་དང་ནོར་རྣམས་ཀྱི་བདག་ཆེའོ་སྙམ་དུ་སེམས་ཁེངས ་པ་དང་ཡིན་པ་འམ། རིགས་ལ་སོགས་པས་མཚུངས་པ་ཉིད་ལ་བདག་དང་མཚུངས་སོ་སྙམ་དུ་སེམས་ཁེངས་པ་གང་ཡིན་པ་དེ་ནི་ང་རྒྱལ་ལོ།། ཆེ་བའི་ང་རྒྱལ་ནི་རིགས་དང་ཤེས་རྒྱ་དང་ནོར་ལ་སོགས་པ་མཚུངས་པ་བས་གཏོང་བ ་དང་ཚུལ་ཁྲིམས་དང་ཉམས་རྩལ་ལ་སོགས་པས་བདག་ཆེའོ་སྙམ་པ་འམ། རིགས་དང་ནོར་དང་རིགས་པ་ལ་སོགས་པས་ཆེ་བ་ལ་ཤེས་རྒྱ་དང་ནོར་ལ་སོགས་པས་བདག་མཚུངས་སོ་སྙམ་པ་སྟེ། འདི་ནི་ཆེ་བའི་ང་རྒྱལ་ལོ།། ། ་རིགས་དང་ཤེས་རྒྱུ་དང་ནོར་རྣམས་ཀྱི་ཆེ་བ་བས་ཀྱང་རིགས་དང་ཤེས་རྒྱ་དང་ནོར་ལ་སོགས་པས་བདག་ཆེའོ་སྙམ་དུ་སེམས་ཁེངས་པ་གང་ཡིན་པ་དེ་འདི་ནི་ང་རྒྱུལ་ལས་ཀྱང་ང་རྒྱལ་ལོ།། ངའོ་སྙམ་པའི་ང་རྒྱལ་ནི་ཉེ་བར ་ལེན་པའི་ཕུང་པོ་ལྔ་པོ་བདག་དང་བདག་གིས་མེད་པ་རྣམས་ལ་བདག་དང་བདག་གིར་མངོན་པར་ཞེན་ནས་སེམས་ཁེངས་པ་གང་ཡིན་པ་སྟེ། འདི་ནི་ངའོ་སྙམ་པའི་དུ་རྒྱལ་ལོ།། མངོན་པའི་ང་རྒྱལ་ནི་གོང་མ་གོང་མའི ་ཁྱད་པར་ཐོབ་པར་བྱ་བ་མ་ཐོབ་པར་བདག་གིས་ཐོབ་བོ་སྙམ་དུ་སེམས་ཁེངས་པ་གང་ཡིན་པ་སྟེ། འདི་ནི་མངོན་པའི་ང་རྒྱལ་ལོ།། ཅུང་ཟད་སྙམ་པའི་ང་རྒྱལ་ནི་རིགས་དང་རིག་པ་ལ་སོགས་པས་ཁྱད་ཆེར་འཕགས ་པ་བས་རིགས་དང་རིག་པ་ལ་སོགས་པས་ཆུང་ཟད་ཅིག་གིས་བདག་ཆུང་ངོ་སྙམ་དུ་སེམས་ཁེངས་པ་གང་ཡིན་པ་སྟེ། འདི་ནི་ཆུང་ཟད་སྙམ་པའི་ང་རྒྱལ་ལོ།། ལོག་པའི་ང་རྒྱལ་ནི་ཡོན་ཏན་མ་ཡིན་པ་དང་ལྡན་ལ ་བདུག་ཡོན་ཏན་དང་ལྡན་ནོ་སྙམ་དུ་སེམས་ཁེངས་པ་གང་ཡིན་པ་སྟེ། འདྲི་ནི་ལོག་པའི་ང་རྒྱལ་ལོ།། ཡོན་ཏན་མ་ཡིན་པ་ནི་འཆལ་པའི་ཚུལ་ཁྲིམས་ལ་སོགས་པ་སྟེ། དེ་དག་སུ་ལ་ཡོད་པ་དེ་ཡོན་ཏན་མ་ཡིན་པ་དང་ལྡན ་པའོ།། དེ་བས་ན་བདག་ཡོན་ཏན་དྲང་ལྡན་ནོ་སྙམ་པ་དེས་སྦྱིན་པ་དང་ཚུལ་ཁྲིམས་ལ་སོགས་པ་མེད་པར་ཡོན་ཏན་དེ་དང་ལྡན་པ་ཉིད་དུ་ཁས་བླངས་པ་ཡིན་ནོ།། དེའི་ཕྱིར་དངོས་པོ་མེད་པས་ན་ལོག་པའི་ང་རྒྱལ་ཞེས་བྱའོ།། ་ལྟ་བ་ཞེས་བྱ་བ་ནི་སྤྱིར་བཤད་དུ་ཟིན་ཀྱང་ཉོན་མོངས་པར་གཏོགས་པས་ཉོན་མོངས་པའི་བདག་ཉིད་ལྔ་ཁོ་ན་སྟེ། འཇིག་ཚོགས་ལ་ལྟ་བ་ལ་སོགས་པའི་ལྟ་བ་དང་སྦྱོར་གྱི། འཇིག་རྟེན་གྱི་ཡང་དག་པར་ལྟ་བ་དང་། ཟག་པ ་མེད་པའི་ལྟ་བ་ནི་མ་ཡིན་ནོ།། དེ་དག་ནི་ཉོན་མོངས་པ་ཅན་དང་། རྟོག་པའི་ཚུལ་དུ་བྱེ་བྲག་མེད་ཀྱང་དམིགས་པ་དང་རྣམ་པར་བྱེ་བྲག་གིས་ཕན་ཚུན་ཟད་དོ།། དེ་ལ་འཇོག་ཚོགས་ལ་ལྟ་བ་ནི་ཉེ་བར་ལེན་པའི་ཕུང་པོ་ལྔ་པོ་རྣམས ་ལ་གང་བདག་དང་བདག་གིར་ལྟ་བའོ།། མཐར་འཛིན་པར་ལྟ་བ་ནི་ཉེ་བར་ལེན་པོའི་ཕུང་པོ་ལྔ་པོ་ལ་བདག་ཏུ་བཟུང་བ་དེ་དག་ཉིད་ལ་གང་ཆད་པའམ། རྟག་པར་ལྟ་བའོ།། ལོག་པར་ལྟ་བ་ན་ལྟ་བ་གང་གི་རྒྱུའམ་འབྲས་བུ ་འམ། བྱེད་པ་ལ་སྐུར་པ་འདེབས་པ་འམ་དངོས་པོ་ཡོད་པ་འཇིག་པར་བྱེད་པ་སྟེ། འདི་ནི་ལྟ་བ་ཐམས་ཅད་ཀྱི་ནང་ན་སྡིག་པ་ཡིན་པས་ལོག་པར་ལྟ་བ་ཞེས་བྱའོ།། ལྟ་བ་མཆོག་ཏུ་འཛིན་པ་ནི་ཉེ་བར་ལེན་པའི་ཕུང་པོ་ལྔ་རྣམས་ལ་མཆོག ་དང་ཁྱད་པར་དུ་འཕགས་པ་དང་། གཙོ་བོ་དང་དམ་པར་ལྟ་བ་གང་ཡིན་པོའོ།། ཚུལ་ཁྲིམས་དང་བརྟུལ་ཞུགས་མཆོག་ཏུ་འཛིན་པ་ནི་ཉེ་བར་ལེན་པའི་ཕུང་པོ་ལྔ་པོ་རྣམས་ལ་དག་པ་དང་གྲོལ་བ་དང་ངེས་པར་འབྱིན་པ་ལྟ་བུའོ།། ཐེ་ཚོམ ་ནི་ལས་དང་འབྲས་བུ་དང་བདེན་པ་དང་དཀོན་མཆོག་རྣམས་ལ་ཡིད་གཉིས་ཟ་བ་སྟེ། ཡོད་དམ་མེད་སྙམ་དུ་བློ་སྣ་ཚོགས་བྱེད་པ་ན་ཡིད་གཉིས་སོ།། འདི་ནི་ཤེས་རབ་ལས་རང་བཞིན་གཞན་ཉིད་དོ།། ཉོན་མོངས་པ་དུག་བཤད་ཟིན ་ཏོ།། །། བམ་པོ་གཉིས་པ་སྟེ་ཐ་མ། དེའི་འོག་ཏུ་བསྟན་པ་ཉེ་བའི་ཉོན་མོངས་པ་རྣམས་བཤད་པའི་ཕྱིར། ཁྲི་དང་ཁོན་དུ་འཛིན་པ་དང་།། འཆ་བ་དང་འཚོག་དང་ཕྲག་དྲོག་དང་།། སེར་སྣ་དང་ནི་རྒྱུར་བཅས་དང་།། གཡོ་རྒྱགས་རྣམ ་འཚེ་ངོ་ཚ་མེད།། ཁྲེལ་མེད་རྨུགས་དང་རྒོད་པ་དང་།། མ་དད་པ་དང་ལེ་ལོ་དང་།། བག་མེད་པ་དང་བརྗེད་ངས་དང་།། རྣམ་པ་གཡེང་ཤེས་བཞིན་མ་ཡིན་དང་།། འགྱོད་དང་གཉིད་ཀྱང་དེ་བཞིན་ཏེ།། རྟོག་པ་དང་ནི་དཔྱོད་པ་དང་།། ཉེ་བའི་ཉོན ་མོངས་གཉིས་རྣམ་གཉིས་ཤེས་བྱ་བ་སྨོས་སོ།། དེ་ལ་ཁྲོ་བ་ནི་འཕྲལ་དུ་གནོད་པ་བྱེད་པ་གནས་ཏེ། སེམས་ཀུན་ནས་མནར་སེམས་པ་གང་ཡིན་པའོ།། འདི་ཡང་ཀུན་ནས་མནར་སེམས་ཀྱི་རང་བཞིན་ཡོན་པས་ཁོང་ཁྲོ་བ ་དང་ཐ་དད་པ་མ་ཡིན་མོད་ཀྱི་འདི་ནི་ཁོང་ཁྲོ་བའི་དུས་སྐབས་ཀྱི་བྱེ་བྲག་ལ་བཏགས་པའི་ཕྱིར་ཁོང་ཁྲོ་བའི་ཆར་གཏོགས་པ་སྟེ། འཕྲལ་དུ་གནོད་པར་བྱེད་པ་ལ་གནས་ནས་སེམས་ཅན་དང་སེམས་ཅན་མ ་ཡིན་པའི་ཡུལ་ལ་སེམས་ཀྱི་ཀུན་ནས་མནར་སེམས་པ་སྟེ། ཆད་པས་གཅོད་པ་ལ་སོགས་པའི་རྟེན་བྱེད་པའི་ལས་ཅན་གང་ཡིན་པ་དེ་ཁྲོ་བ་ཞེས་གདགས་སོ།། ཁོན་དུ་འཛིན་པ་ནི་མྱ་དད་པར་འཛིན་པ་སྟེ། ཁྲོས་པའི་འོག་ཏུ་འདིས ་བདག་ལ་གནོད་པ་བྱས་སོ་ཞེས་མདུད་པར་འཛིན་པའི་བདག་ཉིད་ཤར་གཉེར་བ་དེ་མི་གཏོང་བར་རྒྱུན་ཏུ་འབྱུང་བ་ནི་ཁོན་དུ་འཛིན་པའོ།། འདི་ནི་མི་བཟོད་པའི་རྟེན་བྱེད་པའི་ལས་ཅན་ནོ།། མཱ~ཾ་བཟོད་པ་ནི་གནོད་པ་བྱེད་པ་ལ་ཇི་མྦྷི་སྙམ ་པར་མི་བྱེད་ཀྱི་ལན་དུ་གནོད་པ་བྱེད་འདོད་ཅེས་བྱ་བའི་ཐ་ཚིག་སྟེའདི་ཡང་ཁྲོ་བ་བཞིན་དུ་ཞེ་སྡང་གི་དུས་སྐབས་ཀྱི་བྱེ་བྲག་པ་གདགས་པ་ཡིན་པས་དེའི་ཕྱིར་བཏགས་པའི་ཡོད་པར་རིག་པར་བྱའོ།། འཆབ་པ་ནི་བདག་གི་ཁ ་ན་མ་ཐོབ་མཁྱུད་པ་སྟེ། འདུན་པོ་དང་ཞེ་སྡང་དང་འཇིག་ས་པ་ལ་སོགས་པ་བསྔལ་ཏེ། དེ་ལ་ཕན་པར་འདོད་པའི་གླེང་བར་བྱེད་པ་སྣ་དུས་སུ་ཁྱོད་འདི་ལྟ་བུ་བྱེད་པའོ་ཞེས་བསྟན་ནཱ་གཏི་མུག་གི་ཆར་གཱཏོགས་པས་ཁ་ན་མ ་ཐོ་མཁྱུད་པ་ནི་འཆབ་པའོ།། འཆབ་པ་ནི་གཏི་མུག་གི་ཆར་གཏོགས་པ་ཉིད་དེ། མཁྱུད་པའི་རྣམ་པ་ཡིན་པའི་ཕྱིར་རོ།། འདི་ནི་འགྱོད་པ་དང་རེག་པར་མི་གནས་པའི་རྟེན་པའི་ལས་ཅན་ནོ།། འདི་ནི་ཆོས་ཉིད་ཡིན་ཏེ། དེ ་ཁ་ན་མ་ཐོ་བ་མཁྱུད་ན་འགྱོད་པར་འགྱུར་རོ།། འགྱོད་ན་གདོན་མི་ཟ་བར་ཡིད་མི་བདེ་བ་དང་མཚུངས་པར་ལྡན་པར་འགྱུར་བས་རེག་པར་མི་གནས་སོ།། འཚིག་པ་ནི་ཚིག་བརླང་པོས་ཞེར་འདེབས་པ་ཉིད་དོ།། ཚིག་བརླང་པོ་ནི་མ་ཚང་འདུ ་བའི་ཚུལ་གྱིས་ཞེ་གཅོད་པ་དང་། ཚིག་རྩུབ་པའོ།། ཞེར་འདེབས་པར་བྱེད་པའི་ངང་ཚུལ་འདི་ཞིར་འདེབས་པ་སྟེ། དེའི་དངོས་པོ་ནི་ཞེར་འདེབས་པ་ཉིད་དོ།། ཚིག་བརླང་པོས་ཟ་བ་དང་འདྲ་བར་ཞེར་འདེབས་པས་ཚིག་བརླང་པོས་ཞེར ་འདེབས་པ་ཉིད་དོ།། འདི་ཡང་ཁྲོ་བ་དང་ཁོན་དུ་འཛིན་པ་སྔོན་དུ་འགྲོ་པོ་སེམས་ཀྱི་ཀུན་ནས་མནར་སེམས་པའི་རང་བཞིན་ཡིན་པས་ཁོང་ཁྲོ་བའི་ཆར་གཏོགས་པ་ཉིད་དེ། རྫས་སུ་ཡོད་པ་མ་ཡིན་ནོ།། འདི་ནི་ངག་གི་ཉེས་པར་སྤྱོད་པ ་སྐྱེད་པའི་ལས་ཅན་ཏེ། རེག་པར་མི་གནས་པའི་ལས་ཅན་ཏེ། དེ་དག་དང་ལྡན་པའི་གང་ཟག་དང་འགྲོགས་པར་དཀའ་བའི་ཕྱིར་རོ།། ཕྲག་དོག་ནི་གཞན་གྱི་ཕུན་སུམ་ཚོགས་པ་ལ་སེམས་ཁྱོང་ནས་འཁྲུག་པ་སྟེ། འཐོབ་པ་དང་བཀུར ་སྟེ་ལ་ལྷག་པར་ཆགས་པས་གཞན་གྱི་རྙེད་པ་དང་། བཀུར་སྟི་དང་། རིགས་དང་། ཚུལ་ཁྲིམས་དང་། ཐོས་པ་ལ་སོགས་པོ་ཡོན་ཏན་གྱི་ཁྱད་པར་མཐོང་ནས་ཞི་སྡང་གི་ཆུར་གཏོགས་པ་མི་བཟོད་པརྙི་བྱས་པའི་སེམས་ཁོང་ནས ་འཁྲུག་པ་ནི་ཕྲག་དོག་གོ།། རང་གི་གནས་ལ་ཁྱད་པར་འཁྲུག་པས་ཁོང་ནས་འཁྲུག་པ་སྟེ། ཡིད་མི་བདེ་བ་དང་མཚུངས་པར་ལྡན་པ་དང་། དེ་སྔོན་དུ་འགྲོ་བའི་ཕྱིར་རེག་པར་མི་གནས་པ་སྟེ། ཡོད་མི་བདེ་བ་དང་རེག་པར་མི ་གནས་པའི་ལས་ཅན་ཞེས་བྱའོ།། སེར་སྣ་ནི་སྦྱིན་པ་དང་མི་མཐུན་པ་སེམས་ཀྱིས་ཀུན་ཏུ་འཛིན་པའོ།། ཟིན་པའི་དངོས་པོ་ཆོས་དང་ཟང་ཟིང་དང་མཁས་པའི་བདག་ཉིད་རྣམས་ཀང་གིས་མཆོད་པ་དང་ཕན་གདགས ་འདོད་ས་འདོད་པ་འམ། མི་འདོད་པ་ལའང་རུང་སྟེ། སྦྱིན་པར་བྱེད་པ་དེ་ནི་སྦྱིན་པའོ།། དེ་ཡོད་ན་སྦྱིན་པ་མེད་པར་འགྱུར་བའི་ཕྱིར་དེ་དང་མི་མཐུན་པ་ཞེས་བྱའོ།། རྙེད་པ་དང་བཀུར་སྟི་ལ་ལྷག་པར་ཆགས་པས་འཚོ་བའི་ཡོ་བྱད་རྣམས ་ལ་འདོད་གས་ཀྱི་ཆར་གཏོགས་པའི་སེམས་ཀུན་ཏུ་འཛིན་པ་དང་ཡོངས་སུ་མི་གཏོང་བའི་འདོད་པོ་ནི་སེར་སྣའོ།། དེ་ནི་ཡོ་བྱད་མོ་བསྙུངས་པའི་ངན་བྱེད་པའི་ལས་ཅནྡ་ཏེ། ཡོ་བྱད་མ་བསྙུངས་པན་སེར་སྣས་ཡོ་བྱད་མི་མཁོ་བ་རྣམས ་ཀྱང་སོགས་པ་རིག་པར་བྱའོ།། སྒྱུ་ནི་གཞན་ལ་བསླུ་བའི་ཡང་དག་པ་མ་ཡིན་པའི་དོན་སྟོན་པ་སྟེ། རྙེད་པ་དང་བཀུར་སྟི་ལོ་ལྷག་པར་ཆགས་པས་གཞན་ལ་བསླུ་བའི་བསམ་པས་ཚུལ་ཁྲིམས་ལ་སོགས་པའི་དོན་གཞན་དུ་གནས ་ལ་གཞན་དུ་སྟོན་པ་སྟེ། འདི་ནི་འདོད་ཆགས་དང་གཏི་མུག་འདུས་པས་ཡང་དག་པ་མ་ཡིན་པའི་ཡོན་ཏན་སྟོན་པས་ན་དེ་གཉིས་འདུས་པ་ལ་གདགས་ཏེ། ཁྲོ་བ་ལ་སོགས་པ་བཞིན་དུ་གདགས་པ་ཉིད་ཡིན་གྱི་རྫས་སུ་ནི་མེད་དེ། ་ལོག་པས་འཚོ་བའི་རྟེན་བྱེད་པའི་ལས་ཅན་ནོ།། གཡོ་ནི་རང་གི་ཉེས་པ་བཅབ་པའི་ཐབས་བཟུང་བ་སྟེ། སེམས་གྱ་གྱུ་བའོ།། རང་གི་ཉེས་པ་བཅབ་པའི་ཐབས་ནི་གཞན་མགོ་རྨོངས་པར་བྱེད་པ་སྟེ། དེ་ཡང་གཞན་ནས་གཞན་དུ ་བསྒྱུར་བ་དང་། གཏམ་རླུང་སྒྱུར་བ་དང་། གསལ་བར་མི་བྱེད་པའོ།། དེའི་ཕྱིར་གཡོ་དང་འཆབ་པ་གཉིས་ཐ་དད་དེ། དེ་ནི་གསལ་པོར་མཁྱུད་ཀྱི་ཟུར་གྱི་ནི་མ་ཡིན་ནོ།། དེ་ནི་རྙེད་པ་དང་བཀུར་སྟི་ལ་ལྷག་པར་ཆགས་ནས་འདོད་ཆགས་དང་གཏི ་མུའི། གཉིས་ཀྱིས་བདག་གིས་ཉེས་པ་བཅབ་པའི་ཕྱིར་གཞན་མགོ་རྨོངས་པར་བྱེད་པས་དེ་གཉིས་འདུས་པ་ལ་དེ་གདགས་སོ།། འདི་ནི་ཡང་དག་པའི་གདམས་ངག་རྙེད་པའི་བར་དུ་གཅོད་པའི་ལས་ཅན་ནོ།། ཡང་དག་པའི་གདམ ་ངག་མ་གང་རྙེད་ན་ཚུལ་བཞིན་ཡིད་ལ་བྱེད་པ་སྟེ། དེའི་བར་ཆད་བྱེད་པའོ།། རྒྱགས་པ་ནི་བདག་གིས་ཕུན་སུམ་ཚོགས་པ་ལ་ཆགས་པའི་རབ་ཏུ་དགའ་བ་སྟེ། སེམས་ཡོངས་སུ་འཛིན་པའོ།། རིགས་དྲང་ནད་མེད་པ་དང་ལང་འཚོ། ་དང་། མས་དང་གཟུགས་དང་ཕྱུག་པ་དོང་བློ་དང་ཡིད་གཞུངས་པ་ལ་སོགས་པ་མཆོག་ཏུ་གྱུར་པ་ནི་རང་གི་ཕུན་སུམ་ཚོགས་པའོ།། རབ་ཏུ་དགའ་བ་ནི་དགའ་བའི་བྱེ་བྲག་སྟེ། དགའ་བའི་བྱེ་བྲག་གང་གི་སེམས་རང་དབང་མེད་པར ་བྱེད་པ་ངེས་པ་དེ་དག་གི་དབང་དུ་བྱེད་པས་ཡོངས་སུ་འཛིན་པར་འགྱུར་ཏེ། དེའི་ཕྱིར་སེམས་ཡོངས་སུ་འཛིན་པ་ཞེས་བཤད་དོ།། འདི་ནི་ཉོན་མོངས་པ་དང་ཉེ་བའི་ཉོན་མོངས་པ་ཐམས་ཅད་ཀྱི་རྟེན་བྱེད་པའི་ལས་ཅན་ནོ།། རྣམ ་པར་འཚེ་བ་ནི་སེམས་ཅན་རྣམས་ལ་རྣམ་པར་མཐོ་འཚམ་པ་སྟེ། བསད་པ་དང་བཅིང་བ་དང་བརྡེག་པ་དང་བསྡིགས་པ་ལ་སོགས་པ་སྣ་ཚོགས་ཀྱིས་སེམས་ཅན་རྣམས་ལ་འཆེ་བའོ།། འདིས་བསད་པ་དང་བཅིངས་པ་ལ ་སོགས་པས་སེམས་ཅན་རྣམས་ལ་རྣམ་པར་མཐོ་འཚམས་པས་སྡུག་བསྔལ་དང་ཡིད་མི་བདེ་བ་སྐྱེད་པའི་ཕྱིར་སེམས་ཅན་རྣམས་ལ་རྣམ་པར་མཐོ་འཚམ་པའོ།། དེ་ནི་ཁོང་ཁྲོ་བའི་ཆར་གཏོགས་པ་སྟེ།། ་སེམས་ཅན་རྣམས་ལ་སྙིང་རྗེ་མེད་ཅིང་སེམས་རྩུབ་པའོ།། སེམས་ཅན་རྣམས་ལ་རྣམ་པར་མཐོ་འཚམ་པའི་ལས་ཅན་ནི་སེམས་ཅན་རྣམས་ལ་འཚེ་བ་ཞེས་བྱའོ།། ངོ་ཚ་མེད་པ་ནི་ཁ་ན་མ་ཐོ་བས་བདག་ལ་མི་འཛེམ་པའོ།། ལས ་དེ་བདག་གི་ཚེ་མ་ཡིན་པར་ཤེས་བཞིན་དུ་ཡང་གང་ཁ་ན་མ་ཐོ་བས་མི་འཛེམ་པ་དེ་ནི་ངོ་ཚ་མེད་པ་སྟེ། ངོ་ཚ་ཤེས་པའི་མི་མཐུན་པའི་ཕྱོགས་སུ་གྱུར་པའོ།། ཁྲོལ་མེད་པ་ནི་ཁ་ན་མ་ཐོ་བས་གཞན་ལ་མི་འཛེམ་པ་སྟེ། འཇིག་རྟེན ་དང་བསྟན་བཅོས་དང་མི་མཐུན་པ་འདི་བདགེ་བྱེད་པར་དེ་ལྟར་ཁོང་དུ་ཆུད་ཀྱང་གང་སྡིག་པ་བྱེད་པ་དེ་སྔ་མི་འཛེམ་པ་དེ་ནི་ཁྲེལ་ཡོད་པའི་མི་མཐུན་པའི་ཕྱོགས་སུ་གྱུར་པ་སྟེ་ཁྲེལ་མེད་པའོ།། དེ་གཉིས་ནི་ཉོན་མོངས་པ་དང་ཉེ་བའི ་ཉོན་མོངས་པ་ཐམས་ཅད་ཀྱི་གྲོགས་བྱེད་པའི་ལུས་ཅན་ནོ།། འདོད་ཚོགས་དང་ཞེ་སྡང་དང་གཏི་མུག་གི་རྣམ་པར་བྱ་བ་དྲན་པ་ཐམས་ཅད་འགྱེད་པའི་རྒྱུ་ཇི་ལྟར་མ་ཐུན་ཏུ་གདགས་ཏེ། འདོད་ཆགས་དང་ཞེ་སྡང་ནི་ཅིག ་ཅར་མི་འབྱུང་བའི་ཕྱིར་རོ།། རང་གི་རྒྱུ་ནི་མེད་དོ།། རྨུགས་པ་ནི་སེམས་ལས་སུ་མི་རུང་བ་སྟེ་སློང་བ་ཉིད་དོ།། སློང་བའི་དངོས་པོ་ནི་སློང་པོ་ཉིད་དེ། དེ་དང་ལྡན་ནི་སེམས་བླུན་པར་གྱུར་ནས་སློང་བར་གྱུར་ཏེ། དམིགས་པ་རྟོགས ་པར་མི་ནུས་པའོ།། འདིར་ཉོན་མོངས་པ་དང་ཉེ་བའི་ཉོན་མོངས་པ་ཐམས་ཅད་ཀྱི་གྲོགས་བྱེད་པའི་ལས་ཅན་ཏེ། གང་མུག་ག་ཨལ་བཏགས་པས་གཏི་མུག་གི་ཆར་གཏོགས་པ་ཉིད་ཡིན་གྱི་གུད་ན་མེད་དོ།། རྒོད་པ་ནི་སེམས་རྣམ ་པཱར་མ་ཞི་བའོ།། རྣམ་པར་ཞི་བ་ནི་ཞི་གནས་སྟེ། དེ་དང་མི་མཐུན་པ་ནི་རྣམ་པར་མ་ཞི་བོའོ།། དེ་ནི་འདོད་ཆགས་དང་མཐུན་པ་མངོན་རྒོད་རྒོད་པ་དང་དགའ་དགའ་བ་དང་། རྩཝ་རྩེ་བ་རྗེས་སུ་དྲན་ནས་སེམས་རྣམ་པར་མ་ཞི་བའི་རྒྱུ ་སྟེ། ཞི་གནས་ཀྱི་བར་དུ་གཅོད་པའི་ལས་ཅན་ནོ།། མ་དད་པ་ནི་ལས་དང་འབྲས་བུ་དང་བདེན་པ་དང་། དཀོན་མཆོག་རྣམས་ལ་མངོན་པར་ཡིད་མི་ཆེས་པ་སྟེ། དང་པའི་མི་མཐུན་པའི་ཕྱོགས་སོ།། དད་པ་ནི་ཡོད་པ་དང་ཡོན་ཏན ་ཅན་དང་ནུས་པ་རྣམས་ལ་མངོན་པར་ཡིད་ཆེས་པ་དང་དང་བ་དང་འདོད་པ་སྟེ། གོ་རིམ་བཞིན་ནོ།། མ་དད་པ་ནི་དེ་ལས་བཟློག་པ་སྟེ། ཡོད་པ་དང་ཡོན་ཏན་ཅན་དང་ནུས་པ་རྣམས་ལ་མངོན་པོར་ཡིད་མི་ཆེས་པ་དང་མ་དད་པ་དང་མི ་འདོད་པ་སྟེ། ལེ་ལོའི་རྟེན་བྱེད་པའི་ལས་ཅན་ནོ།། མ་དད་པ་ནི་སྦྱོར་བ་ལ་འདྲེན་པ་མེད་པའི་ཕྱིར་ལེ་ལེའི་རྟེན་བྱེད་པའི་ལས་སན་ཉིད་དོ།། ལེ་ལོ་ནི་དགེ་བ་ལ་སེམས་མངོན་པར་མི་སྤྲོ་བ་སྟེ། བརྩོན་འགྲུས་ཀྱི་མི་མཐུན་པའི ་ཕྱོགས་སོ།། ཉལ་བ་དང་གཉིས་པ་དང་འཕྲེས་པའི་བདེ་བ་ལ་བརྟེན་ནས་གཏི་མུག་གི་ཆར་གཏོགས་པས་ལུས་དང་ངག་དང་ཡོད་ཀྱི་ལས་དགེ་བ་ལ་སེམས་མངོན་པར་སྤྲོ་བ་མེད་པ་གང་ཡིན་པའོ།། འདི་ནི་དགེ་བའི ་ཕྱོགས་ལ་སྦྱོར་བའི་བར་དུ་གཅོད་པའི་ལས་ཅན་ནོ།། བག་མེད་པ་ནི་ཆགས་པ་དང་ཞེ་སྡང་དང་གཏི་མུག་དང་ལེ་ལོ་གང་ཡིན་པ་དག་གིས་འདོད་ཆགས་དང་ཞེ་སྡང་དང་གཏི་མུག་ལ་སོགས་པ་ལ་སེམས་མི ་སྲུང་བ་དང་། དེའི་གཉེན་པོར་གྱུར་པ་དགེ་བ་ལ་མི་སྒོམ་པ་སྟེ། ཆགས་པ་དང་ཞེ་སྡང་དང་གཏི་མུག་དང་ལེ་ལོ་དགེ་ལ་བག་མེད་པ་གདགས་སོ།། འདི་ནི་མི་དགེ་བ་འཕེལ་བ་དང་། དགེ་བ་འགྲིབ་པའི་རྟེན་བྱེད་པའི་ལས་ཅན་ནོ།། བརྗེད ་ངས་པ་ནི་དྲན་པ་ཉོན་མོངས་པ་ཅན་ནོ།། ཉོན་མོངས་པ་ཅན་ཞེས་བྱ་བ་ནི་ཉོན་མོངས་པ་དང་མཚུངས་པར་ལྡན་པའོ།། འདི་ནི་རྣམ་པར་གཡེང་བའི་རྟེན་བྱེད་པའི་ལས་ཅན་ནོ།། རྣམ་པར་གཡེང་བ་ནི་འདོད་ཆགས་དང་ཞེ་སྡང་དང་། ་གཏི་མུག་གི་ཆར་གཏོགས་པ་སེམས་རྣམ་པར་འཕྲོ་བའོ།། འདིས་སེམས་སྣ་ཚོགས་སུ་གཡེང་བར་བྱེད་པས་རྣམ་པར་གཡེང་བའོ།། འདོད་ཆགས་དང་ཞེ་སྡང་དང་། གཏི་མུག་གང་དག་གིས་ཏིང་ངེ་འཛིན་གྱི་དམིགས ་པ་ལས་ཕྱི་རོལ་ཏུ་གཡེང་བར་བྱེད་པ་དེ་དག་ལ་ཇི་ལྟར་མཐུན་མཐུན་ཏུ་རྣམ་པར་གཡེང་བ་གདགས་སོ།། འདི་ནི་འདོད་ཆགས་དང་བྲལ་བའི་བར་དུ་གཅོད་པའི་ལས་ཅན་ནོ།། ཤེས་བཞིན་མ་ཡིན་པ་ནི་ཉོན་མོངས་པ་དང ་མཚུངས་པར་ལྡན་པའི་ཤེས་རོབ་སྟེ། དེས་འགྲོ་བ་དང་ལྡོག་པ་ལ་སོགས་པ་ལ་ལུས་དང་ངག་དང་སེམས་ཀྱི་སྤྱོད་པ་མི་ཤེས་བཞིན་དུ་འཇུག་སྟེ། བྱ་བ་དང་བྱ་བ་མ་ཡིན་པ་མི་ཤེས་པས་ལྟུང་བའི་རྟེན་བྱེད་པའི ་ལས་ཅན་ནོ།། འགྱོད་པ་ནི་ཡིད་ལ་གཅགས་པའོ།། སྨད་པ་བྱས་པས་འགྱོད་དེ། དེའི་དངོས་པོ་ནི་འགྱོད་པའོ།། འདི་ནི་ངན་པ་བྱས་པའི་ཡུལ་ལ་སེམས་ནི་མ་དགའ་བ་སྟེ། སེམས་ལས་བྱུང་བའི་སྐབས་ཡིན་པས་འགྱོད་པ་ཞེས ་བྱའོ།། འདི་ནི་སེམས་གནས་པའི་བར་དུ་གཅོད་པའི་ལསོ་ཅན་ནོ།། གཉིད་ནི་འཇུག་པ་རང་དབང་མེད་པར་སེམས་སྡུད་པའོ།། འཇུག་པ་ནི་དམིགས་པ་ལ་འཇུག་པའོ།། དེ་ཡང་སེམས་ཀྱི་རང་དབང་མེད་པ་གང་ལས་བྱུང་བ ་དེ་ཉིད་དོ།། ཡང་ན་ལུས་འཛིན་མི་ནུས་པའི་སེམས་ཀྱི་འཇུག་པ་རང་དབང་མེད་པ་དེ་གང་ལས་བྱུང་བ་དེ་གཉིད་དོ།། སེམས་སྡུད་པ་ནི་མིག་ལ་སོགས་པའི་དབང་པོའི་སྒོ་ནས་མི་འཇུག་པའོ།། དེ་ནི་གཏི་མུག་གི་ཆ་ལ་གིདགས ་པས་གཏི་མུག་གི་ཆར་གཏོགས་པ་སྟེ། བྱ་བ་ཤོར་བའི་རྟེན་བྱེད་པའི་ལས་ཅན་ནོ།། རྟོག་པ་ནི་ཀུན་ཏུ་ཚོལ་བའི་ཡིད་ཀྱི་བརྗོད་པ་སྟེ། ཤེས་རབ་དང་སེམས་པའི་བྱེ་བྲག་གོ།། ཀུན་ཏུ་ཚིལ་བ་ནི་ཅི་ཡིན་ཞེས་རྟོག་པའི་རྣམ་པར ་ཞུགས་པའོ།། སྲིད་ལ་བརྗོད་པ་ནི་ཡིད་སྡེ་བརྗོད་པ་སྟེ། རྗོད་པ་དང་འདྲ་བའོ།། བརྗོད་པ་ནི་དོན་བརྗོད་པའོ།། སེམས་པ་དང་ཤེས་རབ་ཀྱི་བྱེ་བྲག་ཅེས་བྱ་བ་ལ་སེམས་པ་ནི་གང་སེམས་ཀུན་ཏུ་གཡོ་བར་བྱེད་པའི་བདག ་ཉིད་ཡིན་ལ། ཤེས་རབ་ནི་ཡོན་ཏན་དང་ཉེས་པ་འབྱེད་པའི་རྣམ་པ་ཡིན་ཏེ། དེའི་དབང་གིས་སེམས་འཇུག་པས་ན་བར་འགའ་ནི་སེམས་དང་སེམས་ལ་རྟོག་པ་གདགས་སོ།། བར་འགའ་ནི་ཤེས་རབ་དང་སེམས་ལ ་གདགས་ཏེ། མངོན་པར་མི་རྟོག་པ་དང་། མངོན་པར་རྟོག་པའི་དུས་དང་གོ་རིམ་བཞིན་ནོ།། ཡང་ན་སེམས་པ་དང་ཤེས་རབ་གཉིས་ཁོ་ན་ལ་རྟོག་པ་གདགས་ཏེ། དེའི་དབང་གི་སེམས་དེ་ལྟར་འཇུག་པའི ་ཕྱིར་རོ།། དེ་ཉིད་ཅེས་རྩིང་བའོ།། རྙིང་བ་ཞེས་བྱ་བ་ནི་ཆེ་ལོང་སྟེ། དངོས་པོ་ཙམ་ཀུན་ཏུ་ཚོལ་བའི་རྣམ་པ་ཡིན་པའི་ཕྱིར་རོ།། ཚུལ་འདི་ནི་དཔྱོད་པ་ལ་ཡང་བལྟ་བར་བྱའོ།། དཔྱོད་པ་ཡང་སེམས་པ་དང་ཤེས་རབ་ཀྱི་བྱེ་བྲག་གི ་བདག་ཉིད་དོ།། སོ་སོར་རྟོག་པའི་ཡིད་ཀྱིས་བརྗོད་པ་ཉིད་དེ་སྔར་ཁོང་དུ་ཆུད་པ་ལ་འདིའོ་ཞེས་དཔྱོད་པའི་ཕྱིར་རོ།། དེའི་ཕྱིར་སེམས་ཞི་བ་ཞེས་བྱའོ།། དེ་གཉིས་ནི་རིག་པ་དང་གནས་པ་དང་རེག་པར་མི་གནས་པའི་རྟེན་བྱེད་པའི ་ལས་ཅན་ནོ།། འདྲི་གཉིས་ནི་རྩིང་པ་དང་ཞིབ་པར་རྣམ་པར་གནས་པས་ཝ་དད་དུ་དབྱེའོ།། གཉིས་རྣམ་གོཉིས་ཤེས་བྱ་བ་ནི་གཉིས་གཉིས་པ་གཉིས་ཏེ། དེ་དག་ནི་འགྱོད་པ་དང་གཉིད་གཉིས་དང་། རྟོག་པ་དང་དཔྱོད་པ་གཉིས ་སོ།། དེ་བཞིན་ནི་རྣམ་པ་གཉིས་ཏེ། ཉོན་མོངས་པ་དང་ཉོན་མོངས་པ་ཅན་མ་ཡིན་པའོ།། དེ་ལ་མི་དགེ་བ་མ་བྱས་ཏེ་དགེ་བ་བྱས་པས་སེམས་མི་དགེ་བ་གང་ཡིན་པ་དེ་ནི་འགྱོད་པ་ཉོན་མོངས་པ་ཅན་ནོ།། གང་དགེ་བ་མ་བྱས ་ཏེ་མི་དགེ་པ་བྱས་པས་འགྱོད་པ་དེ་ནི་ཉོན་མོངས་པ་ཅན་མ་ཡིན་པའོ།། གཉིད་ཀྱང་ཉོན་མོངས་པ་ཅན་གྱི་སེམས་ཀྱིས་འཕངས་པ་དང་། ཉོན་མོངས་པ་ཅན་གྱི་སེམས་དང་མཚུངས་པར་ལྡན་པ་ནི་ཉོན་མོངས་པ་ཅན་ནོ།། ཉོན ་མོངས་པ་ཅན་མ་ཡིན་པའི་སེམས་ཀྱི་འཕངས་པ་དང་། ཉོན་མོངས་པ་ཅན་མ་ཡིན་པའི་སེམས་དང་མཚུངས་པར་ལྡན་པ་ནི་ཉོན་མོངས་པ་ཅན་མ་ཡིན་པའོ།། འདོད་པ་དང་གནོད་སེམས་དང་རྣམ་པར་འཚེ་བའི་རྟོག་པའི་ཉོན་མོངས་པ ་ཅན་ནོ།། མངོན་པར་འབྱུང་བ་ལ་སོགས་པ་ལ་རྟོག་པ་ནི་ཉོན་མོངས་པ་ཅན་མ་ཡིན་པའོ།། དེ་བཞིན་དུ་གཞན་ལ་གནོད་པ་བྱེད་པའི་ཐབས་དཔྱོད་པ་ནི་ཉོན་མོངས་པ་ཅན་ནོ།། གཞན་ལ་ཕན་གདགས་པའི་ཐབས་དཔྱོད་པ་ནི་ཉོ་ཡོངས ་པ་ཅན་མ་ཡིན་པའོ།། དེ་ལ་འགྱོད་པ་དང་གཉིད་དང་རྟོག་པ་དང་དཔྱོད་པ་ཉོན་མོངས་པ་ཅན་དེ་དག་ཉིད་ཉོན་མོངས་པ་སྟེ། ཅིག་ཤོས་ནི་མ་ཡིན་ནོ།། དེ་ལ་ཇི་ལྟར་གཟུགས་དང་སྒྲ་ལ་སོགས་པ་ལ་དམིགས་པ་རྣམ་པ་དྲུག་པ་དག་ཏུ་འགྲོ། ་པ་རྣམས་དང་། བྱེ་བྲག་ཏུ་ངེས་པ་རྣམས་དང་། དགེ་བ་རྣམས་དང་། ཉོན་མོངས་པ་རྣམས་དང་། ཉེ་བའི་ཉོན་མོངས་པ་རྣམས་དང་སེམས་ལས་བྱུང་བ་ཐམས་ཅད་ཀྱི་ནང་ནས་ཅི་རིགས་པ་དང་མཚུངས་པར་ལྡན་པ་དེ་བཞིན་དུ། ཚོར་བ ་གསུམ་སྟེ། བདེ་བའི་ཚོར་བ་དང་། སྡུག་བསྔལ་གྱི་ཚོར་བ་དང་། སྡུག་བསྔལ་ཡང་མ་ཡིན་བདེ་བ་ཡང་མ་ཡིན་པའི་ཚོར་བ་སྟེ། ཚོར་བ་རྣམས་པ་གསུམ་དང་མཚུངས་པར་ལྡན་ཏེ། ཡིད་བདེ་བ་དང་ཡིད་མོ་བདེ་བ་དང་བཏང་སྙོམས ་ཀྱི་གནས་ཀྱི་གཟུགས་ལ་སོགས་པ་ལས་དེ་འབྱུང་བའི་ཕྱིར་རོ།། དགེ་བ་དང་མི་དགེ་བ་དང་ལུང་དུ་མ་བསྟན་པ་དང་ཡང་ལྡན་ནོ།། ཀུན་གཞི་རྣམ་པར་ཤེས་པ་ནི་ཀུན་ཏུ་འགྲོ་བ་ལྔ་ཁོ་ན་དང་མཚུངས་པར་ལྡན་ཏེ། གཞན་དག ་དང་ནི་མ་ཡིན་ནོ།། དེ་ལ་ཚོར་བ་བཏང་སྙོམས་ཉིད་དེ། མ་བསྒྲིབས་ལ་ལུ་ང་དུ་མ་བསྟན་པའོ།། ཉོན་མོངས་པ་ཅན་གྱི་ཡིད་ནི་ཀུན་ཏུ་འགྲོ་བ་ལྔ་དང་། བདག་ཏུ་རྨོངས་པ་ལ་སོགས་པ་ཉོན་མོངས་པ་བཞི་དང་རྟག ་ཏུ་མཚུངས་པར་ལྡན་ནོ།། དེ་ཡང་ཚོར་བ་ནི་བཏང་སྙོམས་ཉིད་དེ། བསྒྲིབས་ལ་ལུང་དུ་མ་བསྟན་པའོ།། ད་ནི་འདི་བསམ་པར་བྱ་སྟེ། ཅི་མིག་གི་རྣམ་པར་ཤེས་པ་ལ་སོགས་པ་ལྔ་པོ་དག་ཅིག་ཅར་དམིགས་པའི་རྐྱེན་དང་ཕྲད་ཀྱང་ཀུན་གཞི ་རྣམ་པར་ཤེས་པ་ལས་གཅིག་འབྱུང་གི། གཉིས་དང་མང་པོ་མི་འབྱུང་སྟེ། ཇི་ལྟར་ཁ་ཅིག་སེམས་པ་ཅིག་ཅར་གཉིས་དང་མང་པོ་མ་ཡིན་ཏེ། དེ་མ་ཐག་པའི་རྐྱེན་མེད་པས་རྣམ་པར་ཤེས་པ་གཅིག་ཁོ་ན་འབྱུང་བར་འགྱུར་ཏེ། རྣམ ་པར་ཤེས་པ་གཅིག་གིས་མང་པོའི་དེ་མ་ཐག་པའི་རྐྱེན་བྱེད་པར་མི་ནུས་སོ་སྙམ་པ་ལྟ་བུ་འམ། འོན་ཏེ་ངེས་པ་མེད་དེ། གལ་ཏེ་གཅིག་གི་རྐྱེན་དང་ཕྲད་ན་གཅིག་འབྱུང་བར་འགྱུར་ལ། དེ་བཞིན་དུ་གཉིས་དང་པོའི་རྐྱེན་དང་ཕྲད་ན་གཉིས ་དང་མང་པོ་ཡང་འབྱུང་བར་འགྱུར་རམ་སྙམ་པ་ལ། དེའི་ཕྱིར་ལྔ་རྣམས་རྩ་བའི་རྣམ་ཤེས་ལས།། ཇི་ལྟའི་རྐྱེན་ལས་བྱུང་བ་ནི།། རྣམ་ཤེས་ལྷན་ཅིག་འམ་མ་ཡིན།། ཆུ་ལ་རླབས་རྣམས་ཇི་བཞིན་ནོ།། ཞེས་བྱ་བ་སྨོས་སོ།། ལྔ་རྣམས ་ཞེས་བྱ་བ་ནི་མིག་ལ་སོགས་པ་རྣམ་པར་ཤེས་པ་རྣམས་ཏེ། དེའི་རྗེས་སུ་རྒྱུ་བ་ཡིད་ཀྱི་རྣམ་པར་ཤེས་པ་དང་བཅས་པ་རྣམས་སོ།། ལྔ་པོ་རྣམས་ཀྱི་ས་བོན་གྱི་གནས་ཡིན་པས་དེ་འབྱུང་བ་དང་། འགྲོ་བ་རྣམས་སུ་སྐྱེ་བ་ཉེ་བར ་ལོན་པའི་ཕྱིར་ཀུན་གཞི་རྣམ་པར་ཤེས་པ་ནཱི་རྩ་བའི་རྣམ་པར་ཤེས་པ་ཞེས་བྱའོ།། ཇི་ལྟའི་རྐྱེན་ལས་ཞེས་བྱ་བ་ནི་གང་དང་གང་གི་རྐྱེན་དང་ཕྲད་པ་དེ་དང་དེ་ངེས་པར་འབྱུང་སྟེ། འབྱུང་བ་ནི་བདག་ཐོབ་པའོ།། ལྷན་ཅིག་འམ་མ་ཡིན ་བ་ཞེས་བྱ་བ་ནི་ཅིག་ཅར་རིམ་རིམ་གྱིས་སོ།། ཆུལ་རླབས་རྣམས་ཇི་བཞིན་ཞེས་བྱ་བ་ནི་ཀུན་གཞི་རྣམ་པར་ཤེས་པ་ལས་སུ་འཇུག་པའི་རྣམ་པར་ཤེས་པ་ཅིག་ཅར་རམ་ཅིག་ཅར་མ་ཡིན་པར་འབྱུང་བའི་དཔེ་སྟེ། ཇི་སྐད་དུ་བློ ་གྲོས་ཡོངས་པ་དཔེར་ན་ཆུ་བོའི་ཆུ་རྒྱུན་ཏུ་འབབ་པ་ལ་གལ་ཏེ་རླབས་གཅིག་འབྱུང་བའི་རྐྱེན་ཉེ་བར་གནས་པར་གྱུར་ན་རླབས་གཅིག་འབྱུང་ངོ་།། གལ་ཏེ་གཉིས་སམ་གསུམ་མམ། རླབས་མང་པོ་འབྱུང་བའི་རྐྱེན་ཉེ་བར་གནས ་བར་གྱུར་ན་ཡང་རླབས་མང་པོའི་བྱུང་སྟེ། རྒྱུ་བོའི་མུ་རྒྱུན་ཡང་ཆད་པར་མི་འགྱུར་ལ། ཡོངས་སུ་ཟད་པར་ཡང་མི་མངོན་པ་དེ་བཞིན་དུ་བློ་གྲོས་ཡངས་པ་རླབས་དེའི་ཆུ་བོའི་གནས་ལྟ་བུའི་ཀུན་གཞི་རྣམ་པར་ཤེས་པ་ལ་ཀུན ་ཏུབརྟེན་ཅིང་རབ་ཏུ་གནས་ནས་གལ་ཏེ་མིག་གི་རྣམ་པར་ཤེས་པ་གཅིག་པ་འབྱུང་བའི་རྐྱེན་ཉེ་བར་གནས་པར་འགྱུར་ན་མིག་གི་རྣམ་པར་ཤེས་པ་གཅིག་པུ་འབྱུང་ངོ་།། གལ་ཏེ་རྣམ་པར་ཤེས་པ་གཉིས་སམ་གསུམ་མམ ་ལྔ་འབྱུང་བའི་རྐྱེན་ཉེ་བར་གནས་པར་གྱུར་ན་ཡང་གཉིས་སམ་གསུམ་མམ་ལྔའི་བར་དུའང་འབྱུང་བར་འགྱུར་རོ་ཞེས་གསུངས་པ་ལྟ་བུའོ།། འདི་ལ་ཚིགས་སུ་བཅད་པ། ལེན་པའི་རྣམ་པར་ཤེས་པ་ཟབ་ཅིང་ཕྲ།། ས་བོན ་ཐམས་ཅད་ཆུ་བོ་བཞིན་དུ་འབབ།། བདག་ཏུ་རྟོག་པར་གྱུར་ན་མཱི་རུང་ཞེས།། འདི་ནི་བྱིས་པ་རྣམས་ལ་ངས་མ་བསྟན་ཅེའོ།། རྣམ་པར་ཤེས་པའི་དམིགས་པའི་རྐྱེན་སོ་སོར་ངེས་པ་བཞིན་དུ་དེ་མ་ཐག་པའི་རྐྱེན་ནི ་མི་འདོད་དེ། རྣམ་པར་ཤེས་པ་ཐམས་ཅད་འབྱུང་བར་རྣམ་པར་ཤེས་པ་ཐམས་ཅད་ཀྱི་དེ་མ་ཐག་པའི་རྐྱེན་དུ་ཁས་ལེན་པས་དམིགས་པའི་རྐྱེན་དང་ཕྲང་ན་དེ་མ་ཐག་པའི་རྐྱེན་གཅིག་པུ་དེ་ལས་ཀྱང་རྣམ་པར་ཤེས་པ་གཉིས་སམ ་མང་པོ་འབྱུང་སྟེ། འགལ་བར་མི་འགྱུར་རོ།། གང་དེ་མ་ཐག་པའི་རྐྱེན་སོ་སོར་ངེས་པ་མེད་ལ་ལྔ་པོ་རྣམས་ཅིག་ཅར་དམིགས་པའི་རྐྱེན་དང་ཕྲད་ཀྱང་གཅིག་ཁོ་ན་འབྱུང་བར་འགྱུར་གྱི། ལྔ་ཆེར་མ་ཡིན་ནོ་ཞེས་བྱ་བ་འདི་ལ་གཏན ་ཚིགས་ཅི་ཞིག་ཡོད། དེ་ལྟ་བས་ན་དམིགས་པ་ཡོད་ན་ལྔ་ཆར་འབྱུང་བ་འམ། ཡང་ན་མི་འབྱུང་བར་ཁས་བླང་དགོས་སོ།། །། ད་ནི་འདི་བརྗོད་པར་བྱ་སྟེ། ཅི་ཡིད་ཀྱི་རྣམ་པར་ཤེས་པ་མིག་ལ་སོགས་པའི་རྣམ་པར ་ཤེས་པ་དག་དང་ལྷན་ཅིག་འབྱུང་ངམ། འོན་ཏེ་དེ་དག་མེད་ཀྱང་འབྱུང་སྙམ་པ་ལ་དེའི་ཕྱིར། ཡིད་ཀྱི་རྣམ་ཤེས་འབྱུང་བ་ནི།། རྟག་ཏུའོ་འདུ་ཤེས་མེད་པ་དང་།། སྙོམས་པར་འཇུག་པ་རྣམས་གཉིས་དང་།། སེམས་མེད་གཉིད་དང ་བརྒྱལ་མ་གཏོགས་ཞེས་བྱ་བ་སྨོས་སོ།། རྟག་ཏུ་ཞེས་བྱ་བ་ནི་དུས་ཐམས་ཅད་དེ། མིག་ལ་སོགས་པའི་རྣམ་པར་ཤེས་པ་དང་ལྷན་ཅིག་པ་དང་། དེ་མ་ཡིན་པ་ཞེས་བྱ་བའི་ཐ་ཚིག་གོ།། སྤྱིར་བཏང་བ་འདིའི་དམིགས་ཀྱི ་བསལ་བཅོམ་སྟེ། འདུ་ཤེས་མེད་པ་དང་། སྙོམས་པར་འཇུག་པ་རྣམ་གཉིས་དང་།། སེམས་མེད་གཉིད་དང་བརྒྱ་ལ་མ་གཏོགས།། དེ་ལ་འདུ་ཤེས་མེད་པ་ནི་འདུ་ཤེས་མེད་པའི་སེམས་ཅན་ལྷ་རྣམས་ཀྱི་ནང་དུ་སྐྱེས་པའི ་སེམས་དང་སེམས་ལས་བྱུང་བའི་ཆོས་རྣམས་གང་འགོག་པའོ།། སྙོམས་པར་འཇུག་པ་རྣམ་གཉིས་ནི་འདུ་ཤེས་མེད་པའི་སྙོམས་པར་འཇུག་པ་དང་། འགོག་པའི་སྙོམས་པར་འཇུག་པའོ།། དེ་ལ་འདུ་ཤེས་མེད་པའི་སྙོམས ་པར་འཇུག་པ་ནི་བསམ་གཏན་གསུམ་པའི་འདོད་ཆགས་དང་བྲལ་ལཾ་གོང་མའི་འདོད་ཆགས་དང་མ་བྲལ་བ་འབྱུང་བའི་འདུ་ཤེས་སྔོན་དུ་བཏང་བའི་ཡིད་ལ་བྱེད་པས་ཡིད་ཀྱི་རྣམ་པར་ཤེས་པ་དང་དེ་དང་མཚུངས་པར་ལྡན ་བའི་སེམས་ལས་བྱུང་བ་རྣམས་གང་འགོག་པ་སྟེ། དེ་ནི་འདིར་འདུ་ཤེས་མེད་པའི་སྙོམས་པར་འཇུག་པ་ཞེས་བྱའོ།། འདིས་འགོག་པར་འགྱུར་བས་འགོག་པའོ།། དེ་ཡང་ཡིད་ཀྱི་རྣམ་པར་ཤེས་པ་མཚུངས་པར་ལྡན་པ་དང ་བཅས་པ་མི་འབྱུང་བར་འགོག་པ་སྟེ། གནས་ཀྱི་གནས་སྐབས་ཀྱི་བྱེ་བྲག་གོ།། སྙོམས་པར་འཇུག་པ་དེ་ཡང་སེམས་ཀྱི་འོག་ཏུ་སེམས་གཞན་འབྱུང་བ་དང་། མི་མཐུན་པའི་གནས་ཐོབ་པར་བྱེད་པས་སྙོམས་པར་འཇུག ་པ་ཞེས་བྱའོ།། འགོག་པའི་སྙོམས་པར་འཇུག་པ་ནི་ཅི་ཡང་མེད་པའི་སྐྱེ་མཆེད་ཀྱི་འདོད་ཆགས་དང་བྲལ་བ་ཞི་བར་གནས་པའི་འདུ་ཤེས་སྔོན་དུ་བཏང་བའི་ཡིད་ལ་བྱེད་པས་ཡིད་ཀྱི་རྣམ་པར་ཤེས་པ་དང་། ཉོན་མོངས་པ ་ཅན་གྱི་ཡིད་མཚུངས་པར་ལྡན་པ་དང་བཅས་པ་གང་འགོག་པ་སྐྱེ། འདི་ཡང་འདུ་ཤེས་མེད་པའི་སྙོམས་པར་འཇུག་པ་བཞིན་དུ་གནས་ཀྱི་གནས་སྐབས་ཀྱི་བྱེ་བྲག་ལ་གདགས་སོ།། སེམས་མེད་པའི་གཙུང། ་ནི་གནས་གཉིད་སྟུག་པོས་ནོན་པའི་ཕྱིར་དུས་དེ་སྲིད་ཅིག་ཏུ་ཡིད་ཀྱི་རྣམ་པར་ཤེས་པ་མི་འབྱུང་བས་སེམས་མེད་པ་ཞེས་བྱའོ།། སེམས་མེད་པའི་བརྒྱལ་བ་ནི་གློ་བུར་དུ་སྣང་བ་དང་། རླུང་དང་མཁྲིས་པ་དང་བདྨ་ཀན་མཉམ་པ་སྟེ། ་གནས་མཱ་མཉམ་པས་ཡིད་ཀྱི་རྣམ་པར་ཤེས་པ་འབྱུང་བ་དང་མི་མཐུན་པ་གང་ཡིན་པ་དེ་ལ་སེམས་མེད་པའི་བརྒྱལ་པོ་ཞེས་ཉེ་བར་འདོགས་སོ།། གྲནས་སྐབས་ལྔ་པོ་དེ་དག་ལ་མུ་གཏོགས་པ་དེ་མཱ་ཡིན་པའི་དུས་ཐུམས ་ཅང་དུ་ཡིད་ཀྱི་རྣམ་པར་ཤེས་པ་འབྱུང་བར་རིགས་པར་བྱའོ།། དེ་ལྟར་འདུ་ཤེས་མེད་པ་ལ་སོགས་པ་རྣམ་པར་ཤེས་པ་འགགས་ཏེ་མེད་པར་གྱུར་པ་དེ་ཕྱིས་ལས་འབྱུང་ན་གང་གི་ཕྱིར་དེ་དག་འཆི་བའི་དུས་བྱེད་པར་མི ་ཞེ་ན། དེ་ནི་ཀུན་གཞི་རྣམ་པར་ཤེས་པ་ཉིད་ལས་འབྱུང་སྟེ། དེ་ཡང་རྣམ་པར་ཤེས་པ་ཐམས་ཅད་ཀྱི་ས་བོན་ཅན་ནོ།། རྣམ་པར་ཤེས་པ་གྱུར་པ་གང་ལ་བདག་དང་ཆོས་ཉེ་བར་འདོགས་པ་དེ་རྣམ་པ་གསུམ་དུ་བསྟན ་པ་རྗེ་ཆེར་རྣམ་པོ་གསུམ་དུ་བཤད་ཟིན་ཏོ།། །། ད་ནི་བདག་དང་ཆོས་སུ་ཉེ་བར་འདོགས་པ་འབྱུང་བ་གང་ཡིན་པ་དེ་རྣམ་པར་ཤེས་པ་གྱུར་པ་ཉིད་དེ། རྣམ་པར་ཤེས་པ་གྱུར་པ་ལས་གུང་ན་བཇིག་དང་ཆོས་མེད་དོ་ནི ་གང་དམ་བཅས་པ་དེ་རབ་ཏུ་བསྒྲུབ་པའི་ཕྱིར། རྣམ་པར་ཤེས་པ་གྱུར་པ་འདི། རྣམ་རྟོག་ཡིན་ཏེ་དེ་ཡིས་གང་།། རྣམ་བརྟགས་དེ་མེད་དེས་ན་འདི།། ཐམས་ཅད་རྣམ་པར་རིག་པ་ཙམ་ཞེས་བྱ་བ་སྨོས་སོ།། རྣམ་པར་ཤེས་པ་གྱུར་པ་རྣམ་གསུམ ་བཤད་མ་ཐག་པ་གང་ཡིན་པ་དེ་ནི་རྣམ་པར་རྟོག་པའོ།། སྒྲོ་བཏགས་པའི་དོན་གྱི་རྣམ་པ་ཁམས་གསུམ་པའི་སེམས་དང་སེམས་ལས་བྱུང་བ་ནི་རྣམ་པར་རྟོག་པ་ཞེས་བྱ་སྟེ། ཇི་སྐད་པ་ཡང་དག་མ་ཡིན་ཀུན་རྟོག་ནི།། སེམས་དང་སེམས་བྱུང ་ཁམས་གསུམ་པ་ཞེས་བཤད་པ་ལྟ་བུའོ།། རྣམ་པར་རྟོག་པ་རྣམ་པ་གསུམ་པོ་ཀུན་གཞི་རྣམ་པར་ཤེས་པ་དང་ཉོན་མོངས་པ་ཅན་གྱི་ཡིད་དང་། འཇུག་པའི་རྣམ་པར་ཤེས་པའི་རང་བཞིན་མཚུངས་པར་ལྡན་པ་དང་བཅས་པ་དེས་གང་རྣམ ་པཱར་བརྟག་ས་པ་སྣོད་དང་། བདག་དང་། ཕུང་པོ་དང་། ཁམས་དང་སྐྱེ་མཆེད་དང་། གཟུགས་དང་སྐུ་ལ་སོགས་པའི་དངོས་པོ་དེ་དག་མེད་པས། དེའི་ཕྱིར་རྣམ་པར་ཤེས་པ་གྱུར་པ་དེ་རྣམ་པར་རྟོག་པ་ཞེས་བྱ་སྟེ། དམིགས་པ་མེད་པའི ་ཕྱིར་རོ།། དེའི་དམིགས་པ་དེ་མེད་པར་ཇི་ལྟར་ཤེས་ཤེ་ན། གང་གི་རྒྱུ་གང་ཡིན་པ་ཚོགས་པ་དང་འགལ་བ་ཡང་མེད་ན་དེ་འབྱུང་བར་འགྱུར་ཏེ། གཞན་དུ་ནི་མ་ཡིན་ནོ།། རྣམ་པར་ཤེས་པ་ནི་སྒྱུ་མ་དང་དྲི་ཟའི་གྲོང་ཁྱེར་དང་། རྨི་ལམ་དང་རབ ་རིབ་ལ་སོགས་པ་དམིགས་པ་ལ་ཡང་འབྱུང་ངོ་།། རྣམ་པར་ཤེས་པ་འབྱུང་བ་གལ་ཏེ། དམིགས་པའི་ཁར་ལས་ན་ནི་དེ་ལྟ་ན་གོ་སྒྱུ་མ་ལ་སོགས་པ་དག་ལ་དོན་མེད་པས་རྣམ་པར་ཤེས་པ་འབྱུང་བར་མི་འགྱུར་རོ།། དེ་བས་ན་སྔ་མ ་འགག་པ་དེ་དང་རིགས་གཅིག་པའི་རྣམ་པར་ཤེས་པ་ལས་རྣམ་པར་ཤེས་པ་འབྱུང་སྟེ། དེ་མེད་ཀྱང་འབྱུང་བས་ཕྱི་རོལ་གྱི་དོན་ལས་ནི་མ་ཡིན་ནོ།། དོན་ཐ་དད་པ་མ་ཡིན་པ་ལ་རྟོག་པར་བྱེད་པ་རྣམས་ཕན་རྐུན ་མི་མཐུན་པར་ཤེས་པར་མཐོང་སྟེ། གཅིག་ནི་ཕན་ཚུན་མི་མཐུན་དུ་མའི་བདག་ཉིད་དུ་མི་རུང་ངོ་།། དེ་བས་ན་སྒྲོ་བཏགས་པའི་ངོ་པོ་ཡིན་པའི་ཕྱིར་རྣམ་པར་རྟོག་པའི་དམིགས་པ་མེད་པར་ཤེས་པར་བྱའོ།། འདིས་ནི་རེ་ཞིག་སྒྲོ་བཏགས ་པའི་མཐའ་སྤངས་ནས། སྐུར་པོའི་མཐའ་སྤང་བར་འདོད་པས། དེས་ན་འདི་ཐམས་ཅད་རྣམ་པར་རིག་ཙམ་པ་ཞེས་བྱ་བ་སྨོས་སོ།། དེས་ན་ཞེས་བྱ་བ་ནི་དེ་བས་ནའོ།། འདི་ལྟར་གྱུར་པའི་བདག་ཉིད་རྣམ་པར་རྟོག་པས་གང་རྣམ་པར་བརྟགས་པ ་དེ་མེད་དེ། དེ་བས་ན་སྤྲུལ་མེད་པས་བྱམས་ཅད་རྣམ་པར་རིག་པ་ཙམྱཱ་མོ།། ཐམས་ཅད་ཅེས་བྱ་བ་ནི་ཁམས་གསུམ་པ་དང་། འདུས་མ་བྱས་སོ།། ཙམ་བྷི་སྒྲ་ནི་དེ་ལས་ལྷག་པའི་ཡུལ་གཅད་པའི་ཐ་ཚིག་གོ།། པ་ནི་རྩེ་བ་བསྟང་བའོ།། གལ་ཏེ ་ཐམས་ཅད་རྣམ་པར་རིག་པ་ཙམ་ཁོ་ནཱན་ཏ། དེ་ལས་གཞན་བྱེད་པ་པོ་དང་། བྱེད་པ་མེད་ནཱ་རྩ་བའི་རྣམ་པར་ཤེས་པ་བྱིན་གྱིས་མ་བརླབས་པ་ལས་བྱེད་པ་མེད་པར་རྣམ་པར་རྟོག་པ་རྣམས་ཇི་ལྟར་འབྱུང་སྙམ་པ་ལ། དེའི་ཕྱིར་རྣམ་ཤེས་སུ། ་བོན་ཐམས་ཅད་པ།། ཕན་ཚུན་དག་གིས་དབང་གིས་ན།། དེ་ལྟ་དེ་ལྟར་འགྱུར་བར་འགྲོ། དེས་ནི་རྣམ་རྟོག་དེ་དེ་སྐྱོ་ཞེས་བྱ་བ་སྨོས་སོ།། དེ་ལ་ཆོས་ཐམས་ཅད་སྐྱེད་ནུས་པ་དང་ལྡན་པས་ས་བོན་ཐམས་ཅད་པའོ།། རྣམ་པར་ཤེས་པ་ནི ་ཀུན་གཞི་རྣམ་པར་ཤེས་པའོ།། རྣམ་པར་ཤེས་པ་ས་བོན་ཐམས་ཅད་པ་མ་ཡིན་པའང་ཡོད་པས་ས་བོན་ཐམས་ཅད་པ་ཞེས་བྱ་བ་སྨོས་སོ།། རྣམ་པར་ཤེས་པ་མ་ཡིན་པ་ལ་ཡང་ཁ་ཅིག་ས་བོན་ཐམས་ཅད་རྣམ་པར་རྟོག་པས་རྣམ་པར ་ཤེས་པ་ཞེས་བྱ་བ་སྨོས་སོ།། ཡང་ན་ཚིག་གཅིག་ལ་འཁྲུལ་པ་ཡོད་པའི་ཕྱིར་བྱེ་བྲག་དང་། བྱེ་བྱུག་གི་གཞི་བསྟན་ཏེ། དྭེ་ལྷོ་ཉེས་པ་མེད་དོ།། །། ཕན་ཚུན་དག་གི་དབང་གིས་ནཱ།། དེ་ལྟ་དེ་ལྟར་འགྱུར་བར་འགྲོ། ཞེས་བྱ་བ་ལ་ཀུན ་གཞི་སྒྱུ་མའི་གློ་ནས་སྐབས་ལས་གཞན་དུ་འགྱུར་བ་ནི་འགྱུར་བྱའོ།། དེ་ལྷོ་དེ་ལྟར་ཞེས་བྱ་བ་ནི་རྣམ་པར་རྟོག་པ་དེ་དང་དེའི་འོག་མ་སྐྱེད་ནུས་པའི་གནས་སྐབས་འཐོབ་ཅེས་བྱ་བའི་ཐ་ཚིག་གོ། ཕན་ཚུན་དབང་ཞེས་བྱ་བ་ལ།། འདི་ལྟར་མིག ་ལ་སོགས་པའི་རྣམ་པར་ཤེས་པ་རང་གི་ནུས་པ་ཡོངས་སུ་གསོ་བའི་ཕྱིར་འཇུག་པའི་ཚེ་སྐྱོན་གཞི་རྣམ་པར་ཤེས་པ་ནུས་པ་ཁྱད་པར་ཅན་འགྱུར་བའི་རྒྱུའོ།། ཀུན་གཞི་རྣམ་པོར་ཤེས་པ་འགྱུར་བ་དེ་ཡང་མིག་ལ་སོགས་པའི་རྣམ་པར་ཤེས ་པའི་རྒྱུར་འགྱུར་ཏེ། དེ་ལྟར་ཕན་ཚུན་གྱི་དབང་གིས་སོ།། གང་གི་ཕྱིར་གཉི་ག་འབྱུང་བ་དེའི་ཕྱིར། ཀུནྡ་གཞི་རྣམ་པར་ཤེས་པོ་གཞན་གྱིས་བྱིན་གྱིས་ཨོཾ་བརླབས་པ་ལས་རྣམ་པར་རྟོག་པ་རྣམ་པ་དྲི་མ་དེ་དང་དེ་སྐྱེའོ།། འདི་ནི་དེ་ལྟར་གྱི ་ལ་ཀུན་གཞི་རྣམ་པར་ཤེས་པ་ལས་འཇུག་པའི་རྣམ་པར་ཤེས་པ་ཇི་ལྟར་འབྱུང་བ་དེ་བསྟན་ཏོ།། ད་ནི་རྣམ་པར་རིག་པ་ཙམ་ལྟར་གྱི་ཚེ་འགགས་ནས་མ་འོངས་པའི་ཚེ་ཇི་ལྟར་མཚམས་སྦྱར་བ་དེ་བསྟན་པའི་ཕྱིར། ལས་ཀྱི་བག་ཆག ་འཛིན་གཉིས་ཀྱི།། བག་ཆགས་བཅས་པ་སྔ་མ་ཡི།། རྣམ་པར་སྨིན་པ་ཟང་ནས་གཞན།། རྣམ་སྨིན་སྐྱེད་པ་དེ་ཡིན་མོ་ཞེས་བྱ་བ་སྨོས་སོ།། བསོད་ནམས་དང་བསོད་ནམས་མ་ཡིན་པ་དང་། མི་གམ་པའི་སེམས་པ་ནི་ལས ་ཏེ། ལས་དེས་མ་འོངས་པའི་ལུས་མངོན་པར་འགྲུབ་པར་ཀུན་གཞི་རྣམ་པར་ཤེས་པ་ལ་ནུས་པ་བསྐྱེད་པ་གང་ཡིན་པ་དེ་ནི་ལས་ཀྱི་བག་ཆགས་སོ།། འཛིན་པ་གཉིས་ནི་གཟུང་བར་འཛིན་པ་དང་། འཛིན་པར་འཛིན་པའོ།། དེ་ལ་རྣམ་པར ་ཤེས་པ་ལྔ་གུད་ན་རང་ཡོད་པས་གནས་པའི་གཟུང་བ་ཡོད་པར་ལྷག་པར་ཆགས་པ་ནི་གཟུང་བའི་འཛིན་པའོ།། དེ་ཡང་རྣམ་པར་ཤེས་པས་རྟོགས་ཤིང་རྣམ་པར་ཤེས་ཏེ། འཛིན་པར་ངེས་པ་གང་ཡིན་པ་དེ་འཛིན་པའི་འཛིན་པའོ།། སྟོན ་བྱུང་བ་འཛིན་པ་དང་། གཟུང་བའི་འཛིན་པས་བཏབ་པའི་མ་འོངས་པའི་དེས་རིགས་ཀྱི་གཟུང་བ་དང་འཛིན་པའི་འཛིན་པ་འབྱུང་བའི་ས་བོན་ནི་འཛིན་པ་གཉིས་ཀྱི་བག་ཆགས་སོ།། དེ་ལ་ལས་ཀྱི་བག་ཆགས་ཀྱི་བྱེ་བྲག་གིས་འགྲོ་བ ་ཐ་དད་པས་ལུས་མི་འདྲ་བར་འགྱུར་བ་ནི་ས་བོན་ཐ་དད་པ་མྱུ་གུ་ཐ་དད་པ་བཞིན་ནོ།། འཛིན་པ་པ་གཉིས་ཀྱི་བག་ཆགས་ནི་ལས་ཀྱི་བག་ཆགས་ཐམས་ཅད་ཇི་ལྟར་རང་གི་འཕངས་པ་ལུས་སྐྱེད་པ་ལ་ཞུགས་པ་རྣམས་ཀྱི་ལྷན་ཅིག ་བྱེད་པ་ཉིད་དུ་འགྱུར་ཏེ། དཔེར་ན་ས་བོན་གྱི་མྱུ་གུ་སྐྱེ་བ་ན་ཆུ་ལ་སོགས་པ་བཞིན་ནོ།། དེ་ལྟ་ན་ལས་ཀྱི་བག་ཆགས་འབའ་ཞིག་མ་ཡིན་གྱི། འཛིན་པ་གཉིས་ཀྱི་བག་ཆགས་ཀྱིས་ཟིན་པོས་རྣམ་པར་སྨིན་པ་སྐྱེད་དོ་ཞེས་བསྟན ་པབར་འགྱུར་རོ།། དེའི་ཕྱིར་འཛིན་པ་གཉིས་ཀྱི་བག་ཆགས་དང་བཅས་པས་ཞེས་བྱ་བ་སྨོས་སོ།། སྔ་མའི་རྣམ་པར་སྨིན་པ་ཟུང་ནས་གཞན།། རྣམ་སྨིན་སྐྱེད་པ་དེ་བཞིན་ནོ།། ཞེས་བྱ་བ་ནི་མེ་སྔ་མ་ལ་བསགས་པའི་ལས་ཀྱི་འདིར་རྣམ་པར་སྨིན ་པ་མངོན་པར་བསྒྲུབས་པ་གང་ཡིན་པ་དེ་ཟད་ཅེས་བྱ་བ་འཕངས་པའི་དུས་ཀྱི་མཐོའ་ལ་གནས་པ་ལ་ལས་ཀྱི་བག་ཚིགས་ཀྱི་སྟོབས་ཇི་ལྟ་བ་བཞིན་དུ་དྲི་འཛིན་པ་གཉིས་ཀྱི་བགོ་ཆགས་དང་བཅས་པས་རྣམ་པར་སྨིན་པ་སྤྱད་ཟིན་པ་ལས ་རྣམ་པར་སྨིན་པ་གཞན་ཀུན་གཞི་རྣམ་པར་ཤེས་པ་དེ་ཉིད་སྐྱེད་དེ། ཀུན་གཞི་རྣམ་པར་ཤེས་པ་མ་གཏོགས་པར་རྣམ་པར་སྨིན་པ་གཞན་མེད་པའི་ཕྱིར་རོ།། སྔ་མའི་རྣམ་པར་སྨིན་པ་ཟད་ནས་ཞེས་བྱ་བ་འདིས་ནི་རྟག་པའི་མཐའ ་སྤོང་ངོ་།། རྣམ་པར་སྨིན་པ་གཞན་སྐྱེད་དོ་ཞེས་བྱ་བས་ནི་ཆད་པའི་མཐའ་སྤོང་ངོ་།། མིག་ལ་སོགས་པའི་རྣམ་པར་ཤེས་པ་མ་གཏོགས་པར་ཀུན་གཞི་རྣམ་པར་ཤེས་པ་ཡོད་དེ། དེ་ཉིད་ས་བོན་ཐམས་ཅད་པ་སྟེ། མིག་ལ་སོགས་པའི ་རྣམ་པར་ཤེས་པ་མ་ཡིན་ནོ་ཞེས་བྱ་བ་དེ་ཇི་ལྟ་བུ་ཞེ་ན། ལུང་དང་རིགས་པས་ཡོད་པར་མངོན་ཏེ། བཅོམ་ལྡན་འདས་ཀྱིས་ཆོས་མངོན་པ་ལས། ཐོག་མ་མེད་པའི་དུས་ཀྱི་དབྱིངས།། ཆོས་རྣམས་ཀུན་གྱི་གནས་ཡིན་ཏེ།། དེ་ཡོད་པས་ན ་འགྲོ་ཀུན་དང་།། མྱ་ངན་ལས་འདས་པའང་ཐོབ་པར་འགྱུར་ཞེས་གསུངས་སོ།། ཀུན་གཞི་རྣམ་པར་ཤེས་པ་མེད་ན་འཁོར་བར་འཇུག་པ་དང་ལྡོག་པ་ཡང་མི་རུང་ངོ་།། དེ་ལ་འཁོར་བར་འཇུག་པ་ནི་རོས་མཐུན་པ་གཞན་དག་དུ་ཉིང་མཚམ ་སྦྱོར་བར་བྱེད་དོ།། ལྡོག་པ་ནི་ཕུང་པོ་ལྷག་མ་དང་བཅས་པ་དང་། ཕུང་པོ་ལྷག་མ་མེད་པའི་མྱ་ངན་ལས་འདས་པའི་དབྱིངས་སོ།། དེ་ལ་ཀུན་གཞི་རྣམ་པར་ཤེས་པ་ལས་གཞན་འདུ་བྱེད་ཀྱི་རྐྱེན་གྱིས་རྣམ་པར་ཤེས་པར ་མི་རུང་སྟེ། འདུ་བྱེད་ཀྱི་རྐྱེན་གྱིས་རྣམ་པར་ཤེས་པ་མེད་ན་འཇུག་པའང་མེད་པར་འགྱུར་རོ།། ཀུན་གཞི་རྣམ་པར་ཤེས་པ་ཁས་མི་ལེན་ན་ཉིང་མཚམས་སྦྱོར་བའི་རྣམ་པར་ཤེས་པའམ། འདུ་བྱེད་ཀྱིས་ཡོངས་སུ་བསྒོས་པའི་རྣམ་པར ་ཤེས་པའི་ཆོ་གྲོས་དྲུག་པོ་དེ་དག་འདུ་བྱེད་ཀྱི་རྐྱེན་ལས་འབྱུང་བར་བརྟག་གྲང་ན། དྲི་ལ་འདུ་བྱེད་གང་ཡིན་པ་དག་ནི་ཉིང་མཚམས་སྦྱོར་བའི་རྣམ་པར་ཤེས་པའི་རྐྱེན་དུ་མི་འདོད་དེ། དེ་དག་ནི་འགགས་ནས་རིང་དུ་ལོན་པའི་ཕྱིར་རོ།། འགག ་པ་ནི་མེད་པའི་ཕྱིར་རོ།། མེད་པ་ནི་རྐྱེན་དུ་མི་རུང་བས་འདུ་བྱེད་ན་ཉིང་མཚམས་སྦྱོར་བའི་རྣམ་པར་ཤེས་པའི་རྐྱེན་དུ་མི་རུང་ངོ་།། ཉིང་མཚམས་སྦྱོར་བའི་ཚེ་ན་མིང་དང་གཟུགས་ཀྱང་ཡོད་དེ། རྣམ་པར་ཤེས་པ་འབའ་ཞིག་ནི་མོ་ཡིན་ན་དེ་ལ ་རྣམ་པར་ཤེས་པ་ཉིད་འདུ་བྱེད་གིསྨཻ་འབྱུང་གི། མེད་དང་གཟུགས་ནི་མ་ཡིན་ནོ་ཞེས་བྱ་བ་འདི་ལ་རིགས་པ་ཅི་ཡོད། དེ་ལྟ་བས་ན་འདུ་བྱེད་ཀྱི་རྐྱེན་གྱིས་མྦྷིངྒ་དང་གཟུགས་ཡིན་གྱི། རྣམ་པར་ཤེས་པ་ནི་མ་ཡིནྡྲ་ནྡོ་ཞེས་བརྗོད ་པར་བྱའོ།། རྣམ་པར་ཤེས་པོའི་རྐྱེན་གྱིས་མིང་དང་གཟུགས་ཞེས་བྱ་བ་གང་ཡིན། གལ་ཏེ་དུས་ཕྱིས་མ་པ་གང་ཡིན་པའི་རྐྱེན་ནོ་ཞེ་ན། དེ་ཉིད་མཚམས་སྦྱོར་བའི་མིང་དང་གཟུགས་ལས་རང་བཞིན་བྱེ་བྲག་ཏུ་གྱུར་པ་ནི་ཅི་ཡོད་ན། འདི ་ལྟར་དེ་ཉིད་རྣམ་པར་ཤེས་པའི་རྐྱེན་གྱིས་འབྱུང་བ་ཡིན་ལ་སྔ་མ་ནི་མ་ཡིན། སྔ་མ་ནི་འདུ་བྱེད་ཀྱིས་རྐྱེན་གྱིས་བྱུང་བ་ཡིན་ལ་ཕྱི་མ་ནི་མ་ཡིན། དེའི་ཕྱིར་འདུ་བྱེད་ཀྱི་རྐྱེན་གྱི་མིང་དང་གཟུགས་ཉིད་དུ་འགྱུར་གྱི། ཉིང་མཚམས་སྦྱོར་བའི་རྣམ ་པར་ཤེས་པ་ཡན་ལག་གཞན་དུ་བརྟགས་པས་ཅི་ཞིག་བྱ། དེ་ལྟ་བས་ན་ཉིང་མཚམས་སྦྱོར་བའི་རྣམ་པར་ཤེས་པ་ནི་འདུ་བྱེད་ཀྱི་རྐྱེན་གྱིས་འབྱུང་བར་མི་རུང་ངོ་།། རྣམ་པར་ཤེས་པའི་ཚོགས་དྲུག་པོ་འདུ་བྱེད་ཀྱིས་ཡོངས་སུ་བསྒོས ་པ་དག་ཀྱང་འདུ་བྱེད་ཀྱི་རྐྱེན་གྱིས་རྣམ་པར་ཤེས་པར་མི་རུང་ངོ་།། དེ་ཅིའི་ཕྱིར་ཞེ་ན། རྣམ་པར་ཤེས་པ་ནི་རྣམ་པར་སྨིན་པའི་བགོ་ཚིགས་དང་རྒྱུ་མཐུན་པའི་བག་ཆགས་བདག་ལ་སྐྱེད་མི་ནུས་ཏེ། བདག་ཉིད་ལ་བྱེད་པ་འགལ་བའི་ཕྱིར་རོ།། མཇུག ་ཐོགས་སུ་འབྱུང་བ་ལ་ཡང་མ་ཡིན་ཏེ། དེའི་ཚེ་དེ་མ་བྱུང་བའི་ཕྱིར་རོ།། མ་བྱུང་བ་ནི་མེད་པའི་ཕྱིར་རོ།། བྱུང་བ་ན་ཡང་མ་ཡིན་ཏེ། དེ་ནི་དེའི་ཚེ་སྔར་འགག་པའི་ཕྱིར་རོ།། སེམས་མང་པོའི་འགོག་པའི་སྙོམས་པར་འཇུག་པ་ལ་སོགས་པའི་དུས་ན ་ནི་འདུ་བྱེད་ཀྱིས་ཡོངས་སུ་བསྒོས་པའི་སེམས་འབྱུང་བ་མི་སྲིད་པའི་ཕྱིར། རྣམ་པར་ཤེས་པའི་རྐྱེན་གྱི་མིང་དང་གཟུགས་མེད་པར་འགྱུར་རོ།། དེ་མེད་པས་སྐྱེ་མཆེད་དྲུག་ཀྱང་མེད་པར་འགྱུར་རོ།། དེ་བཞིན་དུ་སྐྱེ་བའི་རྐྱེན་གྱི་རྒ་ཤིའི་བར་དུ ་ཡང་མེད་པར་འགྱུར་ཏེ། དེའི་ཕྱིར་འཁོར་བར་འཇུག་པ་མེད་པར་འགྱུར་རོ།། དེ་ལྟ་བས་ན་མ་རིག་པའི་རྐྱེན་གྱིས་འདུ་བྱེད་རྣམས་སོ།། དེས་བསྒོས་པའི་ཀུན་གཞི་རྣམ་པར་ཤེས་པའི་འདུ་བྱེད་ཀྱི་རྐྱེན་གྱིས་རྣམ་པར་ཤེས་པའོ།། ་དེའི་རྐྱེན་གྱིས་ཉིང་མཚམས་སྦྱོར་བའི་ཚེ་མིང་དང་གཟུགས་དེ་ཚུལ་འདི་ལ་ནི་ཉེས་པ་མེད་དོ།། འཁོར་བ་ལྡོག་པ་ཡང་ཀུན་གཞི་རྣམ་པར་ཤེས་པ་མེད་ན་མི་རུང་སྟེ། འཁོར་བའི་རྒྱུ་ནི་ལས་དང་ཉོན་མོངས་པ་རྣམས་སོ།། ་དེ་གཉིས་ལས་ཀྱང་ཉོན་མོངས་པ་ནི་གཙོ་བོ་སྟེ། འདི་ལྟར་ཉོན་མོངས་པའི་དབང་གིས་ན་ལས་ཀྱིས་ཡང་སྲེད་པ་འཕེན་ནུས་པར་འགྱུར་གྱི་གཞན་དུ་མ་ཡིན་ནོ།། དེ་ལྟར་འཕངས་པའི་སྲིད་པ་ཡང་ལས་དང་ཉོན་མོངས་པའི་དབང་གིས་ཡང ་སྲིད་པར་འགྱུར་ཏེ། གཞན་དུ་ནི་མ་ཡིན་ནོ།། དེ་ལྟར་ན་གཙོ་བོ་ཡིན་པའི་ཕྱིར་ཉོན་མོངས་པ་ཉིད་འཁོར་བར་འཇུག་པའི་རྩ་བ་སྟེ། དེའི་ཕྱིར་དེ་དག་སྤངས་ན་འཁོར་བ་ཡང་ལྡོག་པར་འགྱུར་གྱི་གཞན་དུ་ནི་མ་ཡིན་ནོ།། ཀུན་གཞི་རྣམ་པར ་ཤེས་པ་མེད་པར་དེ་དག་སྤང་དུ་མི་རུང་ངོ་།། ཇི་ལྟར་མི་རུང་ཞེ་ན། ཉོན་མོངས་པ་མངོན་དུ་གྱུར་པ་འམ། ས་བོན་གྱི་ཚེ་སྤོང་གྲང་ན། དེ་ལ་མངོན་དུ་གྱུར་པ་སྤོང་ངོ་ཞེ་ན་ནི་འདི་མི་འདོད་པ་ཉིད་དོ།། དེ་སྤང་བའི་ལམ་ལ་གནས་པའི་ཕྱིར ་ས་བོན་གྱི་ཚེ་སྤང་དུ་ཡང་མི་རུང་སྟེ། གང་ལ་ཉོན་མོངས་པའི་ས་བོན་གནས་པ་དེ་དག་གཉེན་པོས་སྤོང་ན་དེའི་ཚེ་ན་ནི་གཉེན་པོ་ལས་གཞན་ཅི་ཡང་རུང་བས་མ་བླངས་པའི་ཕྱིར། ཇི་སྟེ་གཉེན་པོའི་སེམས་ཉིད་ཉོན་མོངས་པའི་ས་བོན ་དང་ལྡན་པར་འདོད་ན་ནི་དེ་ཉོན་མོངས་པའི་ས་བོན་དང་ལྡན་པ་ཉིད་པས་དེའི་གཉེན་པོར་འགྱུར་བ་ནི་མི་རིགས་ཏེ། ཉོན་མོངས་པའི་ས་བོན་མ་སྤངས་པ་རྣམས་ཀྱི་འཁོར་བ་ལྡོག་པ་མི་སྲིད་དོ།། དེ་ལྟ་བས་ན་གདོན་མི་ཟ་བར་ཀུན་གཞི ་རྣམ་པར་ཤེས་པ་ལ། དེ་ལས་གཞན་པའི་རྣམ་པར་ཤེས་པ་དང་ལྷན་ཅིག་འབྱུང་བའི་ཉོན་མོངས་པ་དང་ཉེ་བའི་ཉོན་མོངས་པ་རྣམས་ཀྱིས་རང་གི་ས་བོན་གསོ་བར་བྱ་བའི་ཕྱིར་བག་ཆགས་བསྒོ་བར་ཁས་བླང་ངོ་།། བག་ཆགས་རྣམས ་སྟོབས་ཇི་ལྟ་བ་བཞིན་དུ་འཇུག་པ་རྙེད་ན་རྒྱུར་གྱུར་པའི་བྱེ་བྲག་ཐོབ་པའི་སེམས་ཉིད་ལས་ཉོན་མོངས་པ་དང་། ཉེ་བའི་ཉོན་མོངས་པ་གང་དག་འབྱུང་བ་དེ་དག་གི་སོ་བོན་ཀུན་གཞི་རྣམ་པར་ཤེས་པ་ལ་གནས་པ་ནི་དེ་དང་ལྷན་ཅིག ་འབྱུང་བའི་ཉོན་མོངས་པའི་གཉེན་པོ་ལམ་གྱིས་སེལ་ཏོ།། དེ་བས་ན་གནས་དེ་ལ་ཡང་ཉོན་མོངས་པ་རྣམས་མི་འབྱུང་བས་ཕུང་པོའི་ལྷག་མ་དང་བཅས་པའི་མྱ་ངན་ལས་འདས་པའི་དབྱིངས་འཐོབ་བོ།། སྔོན་གྱི་ལས་ཀྱིས་འཕངས། ་པ་དེའི་ཚེ་འགགས་ལ་དེ་ལས་གཞན་པའི་ཚེ་དང་ནི་ཉིང་མཚམས་མི་སྦྱོར་བས་ཕུང་པོ་ལྷག་མ་མེད་པའི་མྱ་ངན་ལས་འདས་པའི་དབྱིངས་ཐོབ་སྟེ། ལས་ཡོད་དུ་ཟིན་ཀྱང་ཉོན་མོངས་པ་རྣམས་སྤངས་ན་ལྷན་ཅིག་བྱེད་པའི་རྒྱུ་མེད་པ ་ཕྱིར་སྲིད་པ་མངོན་པར་འགྲུབ་པར་བྱེད་མི་ནུས་སོ།། དེ་ལྟར་ན་ཀུན་གཞི་རྣམ་པར་ཤེས་པ་ཡོད་ན་འཁོར་བར་འཇུག་པ་དང་ལྡོག་པར་འགྱུར་གྱི། གཞན་དུ་ནི་མ་ཡིན་ཏེ། མིག་ལ་སོགས་པའི་རྣམ་པར་ཤེས་པ་ལ་གུད་ན་ཀུན་གཞི ་རྣམ་པར་ཤེས་པ་ཡོད་ལ་དེ་ཉིད་ཆོས་ཐམས་ཅད་ཀྱི་ས་བོན་དང་ལྡན་པ་སྟེ། མིག་ལ་སོགས་པའི་རྣམ་པར་ཤེས་པ་ནི་མ་ཡིན་པར་གདོན་མི་ཟ་བར་ཁས་བླང་བར་བྱའོ།། རྒྱ་ཆེར་དཔྱད་པ་ནི་ཕུང་པོ་ལྔ་པོའི་བཤད་སྦྱར་ལས་རིག ་པར་བྱའོ།། གལ་ཏེ་འདི་དག་རྣམ་པར་རིག་པ་ཙམ་ཡིན་ན་ཇི་ལྟར་མདོ་དང་མི་འགལ་ཏེ། མདོ་སྡེ་དག་ལས་ནི་ཀུན་བརྟགས་པ་དང་། གཞན་གྱི་དབང་དང་། ཡོངས་སུ་གྲུབ་པ་དང་ངོ་བོ་ཉིད་གསུམ་གསུངས་སོ་ཞེ་ན། ་རྣམ་པར་རིག་པ་ཙམ་ཉིད་ལ་ངོ་བོ་ཉིད་གསུམ་རྣམ་པར་བཞག་པར་འགལ་བ་མེད་དོ།། ཇི་ལྟར་ཞེ་ན་དེའི་ཕྱིར།། རྣམ་པར་རྟོག་པ་གང་གང་གིས།། དངོས་པོ་གང་གང་རྣམ་རྟག་པ།། དེ་ཉིད་ཀུན་ཏུ་རྟགས་པ་ཡི།། ངོ་བོ་ཉིད་དེ་དེ་མེད་དོ།། ་ཞེས་བྱ་བ་སྨོས་སོ།། ནང་དང་ཕྱིའི་དངོས་པོ་རྣམ་པར་བརྟགས་པའི་བྱེ་བྲག་གིས་རྣམ་པར་རྟོག་པ་མཐའ་ཡས་པ་བསྟན་པའི་ཕྱིར། རྣམ་པར་རྟོག་པ་གང་གང་གིས་ཞེས་བྱ་བ་སྨོས་སོ།། དངོས་པོ་གང་གང་རྣམ་བརྟགས་པ་ཞེས་བྱ་བ ་ནི་ནང་དང་ཕྱིའི་དངོས་པོ་སྟེ། ཐོ་ན་སངས་རྒྱས་ཀྱི་ཆོས་ཀྱི་བར་དུ་ཡང་དེ་ཉིད་ཀུན་ཏུ་བརྟགས་པའི་ངོ་བོ་ཉིད་དེ་འདིར་གཏན་ཚིགས་སྨོས་པ་ནི། དེ་མེད་དོ་ཞེས་བྱ་བའོ།། རྣམ་པར་བརྟགས་པའི་ཡུལ་གྱི་དངོས་པོ་གང་ཡིན་པ་དེ་འདི་ལྟར་རང ་བཞིན་མེད་པས་མེད་པའོ།། དེ་ལྟ་བས་ན་དངོས་པོ་དེ་ནི་ཀུན་བརྟགས་པའི་ངོ་བོ་ཉིད་ཁོ་ན་སྟེ། རྒྱུ་དང་རྐྱེན་ལ་རག་ལས་པའི་ངོ་བོ་ཉིད་མ་ཡིན་ནོ།། འདི་ལྟར་དངོས་པོ་གཅིག་དང་དེ་མེད་པ་ལ་ཕན་ཚུན་མི་མཐུན་པའི་རྣམ་པར་རྟོག་པ་དུ ་མ་འཇུག་པ་མཐོང་སྟེ། དངོས་པོ་གཅིག་པུ་དེ་འམ། དེ་མེད་པ་ལ་ཕན་ཚུན་མི་མཐུན་པ་དུ་མའི་རང་བཞིན་མི་རུང་ངོ་།། དེ་བས་ན་འདི་དག་ཐམས་ཅད་རྣམ་པར་རྟོག་པ་ཙམ་ཉིད་དེ། དོན་དེ་ཀུན་ཏུ་བརྟགས་པའི་ངོ་བོ་ཉིད་ཡིན་པའི་ཕྱིར། ་རོ།། མདོ་སྡེ་ལས་ཀྱང་རབ་འབྱོར་ཇི་ལྟར་བྱིས་པ་སོ་སོའི་སྐྱེ་བོ་རྣམས་མངོན་པར་ཞེན་པ་དེ་བཞིན་དུ་ཆོས་རྣམས་མེད་དོ་ཞེས་གསུངས་སོ།། ཀུན་བརྟགས་པའི་འོག་ཏུ་གཞན་གྱི་དབང་གི་ངོ་བོ་ཉིད་བཤད་པར་བྱ་སྟེ། དེའི་ཕྱིར་གཞན་གྱི་དབང་གི ་ངོ་བོ་ཉིད།། རྣམ་རྟོག་ཡིན་ཏེ་རྐྱེན་ལས་བྱུང་ཞེས་བྱ་བ་སྨོས་སོ།། རྣམ་པར་རྟོག་པ་ཞེས་བྱ་བ་ནི་འདིར་གཞན་གྱི་དབང་གི་ངོ་བོ་བསྟན་ཏོ།། རྐྱེན་ལས་བྱུང་ཞེས་བྱ་བ་དེས་ནི་གཞན་གྱི་དབང་ཞེས་བརྗོད་པའི་འབྱུང་བའི་རྒྱུ་བསྟན་ཏོ།། དེ་ལ་ཀུན ་ཏུ་རྟོག་པ་ནི་དགེ་བ་དང་མྱི་དགེ་བ་དང་། ལུང་དུ་མ་བསྟན་པའི་བྱེ་བྲག་ཐ་དད་པ་ཁམས་གསུམ་པའི་སེམས་དང་སེམས་ལས་བྱུང་བ་རྣམས་ཏེ། ཇི་སྐད་དུ། ཡང་དག་མ་ཡིན་ཀུན་རྟོག་ནི།། སེམས་དང་སེམས་བྱུང་ཁམས་གསུམ་པ། ་ཞེས་བཤད་པ་ལྟ་བུའོ།། རྒྱུ་དང་རྐྱེན་གཞན་གྱིས་དབང་བྱས་པས་གཞན་གྱིས་དབང་སྟེ། སྐྱེད་ཅེས་བྱ་བའི་ཐ་ཚིག་སྟེ། བདག་ལས་གཞན་པའི་རྒྱུ་རྐྱེན་རྣམས་ལ་རག་ལས་ཤོང་སྐྱེ་བ་བྱ་བར་བསྙེན་པར་འགྱུར་རོ།། གཞན་གྱི་དབང ་བཤད་ཟིན་ཏོ།། ཡོངས་སུ་གྲུབ་པ་ཇི་ལྟ་བུ་ཞེ་ན། དེའི་ཕྱིར་གྲུབ་ནི་དེ་ལ་སྔ་མ་པོ།། རྟག་ཏུ་མེད་པར་གྱུར་པ་གང་།། ཞེས་བྱ་བ་སྨོས་སོ།། མི་འགྱུར་བས་ཡོངསུ་གྲུབ་པའོ།། དེ་ལ་ཞེས་བྱ་བ་ནི་གཞན་གྱི་དབང་ལའོ།། སྔ་མ་པོ་ཞེས་བྱ་བ ་ནི་ཀུན་བརྟགས་པ་ཉིད་དོ།། རྣམ་པར་རྟོག་པ་དེ་ལ་གཟུང་བ་དང་། འཛིན་པའི་དངོས་པོར་ཀུན་བརྟགས་པ་སྟེ། འདི་ལྟར་དེ་ལ་གཟུང་བ་དང་། འཛིན་པ་མེད་པ་བཞིན་དུ་ཀུན་བརྟགས་པས་ཀུན་བརྟགས་པ་ཞེས་བྱའོ།། གཟུང་བ་དང ་འཛིན་པ་དེ་དང་གཞན་གྱི་དབང་དེ་རྟག་ཏུ་དུས་ཐམས་ཅད་དུ་གཏན་དུ་བྲལ་བ་དེ་ནི་ཡོངས་སུ་གྲུབ་པའི་ངོ་བོ་ཉིད་དོ།། དེའི་ཕྱིར་དེ་ཉིད་གཞན་དབང་ལས།། གཞན་མིན་གཞན་པ་མིན་པ་མིན།། དེའི་ཕྱིར་དེ་ཉིད་ཅེས་བྱ་བ་འདི་ལྟར ་ཀུན་བརྟགས་པའི་ངོ་བོ་ཉིད་གཞན་གྱི་དབང་དང་རྟག་ཏུ་བྲལ་བ་ནི་ཡོངས་སུ་གྲུབ་པ་སྟེ། བྲལ་བ་ཉིད་ནི་ཆོས་ཉིད་དོ།། ཆོས་ཉིད་ཆོས་ལས་གཞན་དང་གཞན་མ་ཡིན་པར་མི་རུང་ངོ་།། ཡོངས་སུ་གྲུབ་པ་ནི་གཞན་གྱི་དབང་གི་ཆོས་ཉིད་དེ་དེའི ་ཕྱིར་གཞན་གྱི་དབང་ལས་ཡོངས་སུ་གྲུབ་པ་གཞན་པ་ཡང་མ་ཡིན་ལ་གཞན་མ་ཡིན་པ་ཡང་མ་ཡིན་པ་ཁོང་དུ་ཆུད་པར་བྱའོ།། གལ་ཏེ་ཡོངས་སུ་གྲུབ་པ་གཞན་གྱི་དབང་ལས་གཞན་ཡིན་ན་ནི་དེ་ལྟ་ན་གོ་ཀུན་བརྟགས་པས་གཞན་གྱི ་དབང་སྟོང་པར་མི་འགྱུར་རོ།། ཇི་སྟེ་གཞན་མ་ཡིན་ན། དེ་ལྟ་ན་ཡང་ཡོངས་སུ་གྲུབ་པ་རྣམ་པར་དག་པའི་དམིགས་པར་མི་འགྱུར་ཏེ། གཞན་གྱི་དབང་བཞིན་དུ་ཀུན་ནས་ཉོན་མོངས་པའི་བདག་ཉིད་ཀྱི་ཕྱིར་རོ།། དེ་བཞིན་དུ་གཞན་གྱི་དབང ་ཡང་ཀུན་ནས་ཉོན་མོངས་པའི་བདག་ཉིད་དུ་མི་འགྱུར་ཏེ། ཡོངས་སུ་གྲུབ་པ་ལས་གཞན་མ་ཡིན་པའི་ཕྱིར་ཡོངས་སུ་གྲུབ་པ་འདྲའོ།། མི་རྟག་ལ་སོགས་བཞིན་དུ་བརྗོད།། གཞན་དང་མ་ཡིན་ནོ་ཞེས་བྱ་བ་ནི་ཚིག་གི་ལྷག་མའོ།། དཔེར་ན ་མི་རྟག་པ་ཉིད་དང་སྡུག་བསྔལ་བ་ཉིད་དང་། བདག་མེད་པ་ཉིད་མི་རྟག་པ་ལ་སོགས་པ་ལས་གཞན་པ་ཡང་མ་ཡིན་ལ་གཞན་མ་ཡིན་པ་ཡང་མ་ཡིན་ནོ།། གལ་ཏེ་འདུ་བྱེད་རྣམས་ལས་མི་རྟག་པ་ཉིད་གཞན་ཡིན་ན། དེ་ལྟ་ན་གོ་འདུ་བྱ ་རྣམས་མི་རྟག་པར་མྱི་འགྱུར་རོ།། ཇི་སྟེ་གཞན་མ་ཡིན་ན། དེ་ལྟ་ན་ཡང་འདུ་བྱེད་རྣམས་ཞིག་ནས་མེད་པ་ཉིད་དུ་འགྱུར་ཏེ་མི་རྟག་པ་ཉིད་བཞིན་ནོ།། དེ་བཞིན་དུ་སྡུག་བསྔལ་ཉིད་ལ་སོགས་པ་ལའང་བརྗོད་པར་བྱའོ།། གལ་ཏེ་གཞན་གྱི་དབང ་ལི་གཟུང་བ་དང་འཛིན་པ་མེད་ན་དེ་ཇི་ལྟར་འཛིན་མི་འཛིན་ན་ནི་ཡོད་པར་ཇི་ལྟར་ཤེས་ཤེ་ན། དེའི་ཕྱིར། དེ་མ་མཐོང་བར་དེ་མི་མཐོང་།། དེ་མི་མཐོང་ཞེས་བྱ་བ་ནི་ཡོངས་སུ་གྲུབ་པའི་ངོ་བོ་ཉིད་དོ།། དེ་མི་མཐོང་ཞེས་བྱ་བ་ནི་གཞན་གྱི་དབང ་གི་ངོ་བོ་ཉིད་དོ།། འཇིག་རྟེན་ལས་འདས་པའི་ཡེ་ཤེས་རྣམ་པར་མི་རྟོག་པས་མཐོང་བར་བྱ་བ་ཡོངསུ་གྲུབ་པའི་ངོ་བོ་ཉིད་མ་མཐོང་བ་ནི་མ་རྟོགས་པ་དང་། མངོན་སུམ་དུ་མ་བྱས་པའོ།། དེའི་རྗེས་ལས་ཐོབ་པ་དག་པ་འཇིག་རྟེན་པ་འཇིག ་རྟེན་ལས་འདས་པའི་ཡེ་ཤེས་ཀྱི་སྤྱོད་ཡུལ་ཡིན་པས་ཤེས་པ་གཞན་གྱིས་གཞན་གྱི་དབང་མི་འཛིན་ཏོ།། དེའི་ཕྱིར་ཡོངས་སུ་གྲུབ་པ་མ་མཐོང་བར་གཞན་གྱི་དབང་མི་མཐོང་སྟེ། འཇིག་རྟེན་ལས་འདས་པའི་ཡེ་ཤེས་ཀྱི་རྗེས་ལ་ཐོབ་པའི ་ཡེ་ཤེས་ཀྱིས་ནི་མི་མཐོང་བ་མ་ཡིན་ནོ།། རྣམ་པར་མི་རྟོག་པར་འཇུག་པའི་གཟུངས་ལས་ཇི་སྐད་དུ། དེའི་རྗེས་ལ་ཐོབ་པའི་ཡེ་ཤེས་ཀྱིས་ནི་ཆོས་ཐམས་ཅད་སྒྱུ་མ་དང་སྨིག་རྒྱུ་དང་རྨི་ལམ་དང་མིག་ཡོར་དང་བྲག་ཆ་དང་ཆུ་ཟླ་དང་སྤྲུལ ་པ་དང་མཚུངས་པར་མཐོང་ངོ་ཞེས་གསུངས་པ་ལྟ་བུའོ།། ཆོས་ནི་འདིར་གཞན་གྱི་དབང་དུ་བསྡུས་པ་རྣམས་སུ་བཞེད་དོ།། ཡོངས་སུ་གྲུབ་པ་ནི་ན་མཁའ་ལྟ་བུ་སྟེ། ཡེ་ཤེས་རོ་གཅིག་པའོ།། ཇི་སྐད་དུ་རྣམ་པར་མི་རྟོག་པའི་ཡེ ་ཤེས་ཀྱིས་ནི་ཆོས་ཐམས་ཅད་ན་མཁའི་དཀྱིལ་དང་མཚུངས་པར་མཐོང་ངོ་ཞེས་གསུངས་པ་ལྟ་བུ་སྟེ། གཞན་གྱི་དབང་གི་ཆོས་རྣམས་ཀྱི་དེ་བཞིན་ཉིད་ཙམ་མཐོང་བའི་ཕྱིར་རོ།། གལ་ཏེ་གཞན་གྱི་དབང་རྫུས་ཉིད་ཡིན་ན་ཇི ་ལྟར་མདོ་སྡེ་ལས་ཆོས་ཐམས་ཅད་ནི་ངོ་བོ་ཉིད་མེད་པ་མ་སྐྱེས་པ་མ་འགག་པ་ཞེས་བསྟན་ཅེ་ན་འགལ་བ་མེད་དེ་འདི་ལྟར་ངོ་བོ་ཉིད་ནི་རྣམ་གསུམ་གྱི། ངོ་བོ་ཉིད་མེད་རྣམ་པ་གསུམ་གྱི།། ངོ་བོ་ཉིད་མང་རྣམ་གསུམ་ལ།། དགོངས་ནས་ཆོས ་རྣམས་ཐམས་ཅད་ནི།། ངོ་བོ་ཉིད་མེད་བསྟན་པ་ཡིན།། ངོ་བོ་ཉིད་གསུམ་ཁོ་ན་སྟེ།། བཞིར་མེད་པར་བསྟན་པའི་ཕྱིར་གྲངས་བསྟན་ཏོ།། རང་རང་གི་མཚན་ཉིད་ཀྱི་ཡོད་པ་ལྟར་འགྱུར་བས་ངོ་བོ་ཉིད་དོ།། ངོ་བོ་ཉིད་མེད་པ་རྣམ་པ་གསུམ་ནི་མཚན ་ཉིད་ངོ་བོ་ཉིད་མེད་པ་དང་། སྐྱེ་བ་ངོ་བོ་ཉིད་མེད་པ་དང་། དོན་དམ་པ་ངོ་བོ་ཉིད་མེད་པའོ།། ཆོས་ཐམས་ཅད་ནི་ཀུན་བརྟགས་པ་དང་། གཞན་གྱི་དཔང་དང་། ཡོངས་སུ་གྲུབ་པའི་བདག་ཉིད་དོ།། ད་ནི་ངོ་བོ་ཉིད་གསུམ་གྱི་གང་གི་ངོ་བོ་ཉིད་མོད་བྱེ་ག ་ཡིན་པ་བསྟན་པའི་ཕྱིར། དང་པོ་པ་ནི་མཚན་ཉིད་ཀྱི།། ངོ་བོ་ཉིད་མེད་གཞན་པ་ཡང་།། དེ་ནི་རང་ཉིད་མི་འབྱུང་བས།། ངོ་བོ་ཉིད་མེད་གཞན་ཡིན་ནོ།། ཆོས་ཀྱི་དོན་གྱི་དམ་པའང་།། འདི་ལྟར་དེ་བཞིན་ཉིད་ཀྱང་དེ་ཞེས་བྱ་བ་སྨོས་སོ།། དང་པོ་པ་ནི ་ཀུན་ཏུ་བརྟགས་པའི་ངོ་བོ་ཉིད་དེ། དེ་ནི་མཚན་ཉིད་ཀྱིས་ངོ་བོ་ཉིད་མེད་པ་སྟེ། དེའི་མཚན་ཉིད་ནི་བརྟགས་པའི་ཕྱིར་རོ།། གཟུགས་ཀྱི་མཚན་ཉིད་ནི་གཟུགས་སུ་ཡོད་པའོ།། ཚེར་བའི་མཚན་ཉིད་ནི་མྱོང་བའོ་ཞེས་བྱ་བ་ལ་སོགས་པ་སྟེ། དེ་དག ་རང་གི་ངོ་བོ་མེད་པས་ནཱ་མཁའི་མེ་ཏོག་བཞིན་དུ་རང་གི་ངོ་བོ་མེད་པའོ།། གཞན་པ་ཡང་ཞེས་བྱ་བ་ནི་གཞན་གྱི་དབང་གི་ངོ་བོ་ཉིད་དོ།། དེ་ནི་སྒྱུ་མ་བཞིན་དུ་རྐྱེན་གཞན་གྱིས་སྐྱེ་བའི་ཕྱིར་རང་གི་དངོས་པོ་མེད་དོ།། འདི་ལྟར་ཡང་ཇི་ལྟར་སྣང་བ་དེ ་བཞིན་དུ་དེ་ལ་སྐྱེ་བ་མེད་དེ། དེའི་ཕྱིར་སྐྱེ་བ་ངོ་བོ་ཉིད་མེད་པ་ཞེས་བྱ་བའོ།། ཆོས་ཀྱི་དོན་གྱི་དམ་པའང་དེ། འདི་ལྟར་དེ་བཞིན་ཉིད་ཀྱང་ངོ་ཞེས་བྱ་བ་ལ། དམ་པ་ནི་འཇིག་རྟེན་ལས་འདས་པའི་ཡེ་ཤེས་ཏེ། བླ་ན་མེད་པའི་ཕྱིར་རོ།། དེའི་དོན་དམ ་པའོ།། ཡིང་ན་ནོ་མཁའ་ལྟར་ཐམས་ཅོད་དུ་རོ་གཅིག་པ་དང་། དྲི་མ་མེད་པ་དང་མི་འགྱུར་བའི་ཆོས་ཡོངས་སུ་གྲུབ་པ་སྟེ། དོན་དམ་པ་ཞེས་བྱའོ།། འདི་ལྟར་ཡོངས་སུ་གྲུབ་པའི་ངོ་བོ་ཉིད་དེ་ནི་གཞན་གྱི་དབང་གི་བདག་ཉིད་ཆོས་ཐམ ་ཅད་ཀྱི་དོན་དམ་པ་སྟེ། དེའི་ཆོས་ཉིད་ཡིན་པ་ས་དེའི་ཕྱིར་ཡོངས་སུ་གྲུབ་པའི་ངོ་བོ་ཉིད་ནི་དོན་དམ་པ་ངོ་བོ་ཉིད་མེད་པ་སྟེ། ཡོངས་སུ་གྲུབ་པ་ནི་དངོས་པོ་མེད་པའི་རྔ་བ་ཉིད་ཀྱི་ཕྱིར་རོ།། ཅི་དོན་དམ་པ་འབའ་ཤིག་གིས་ཡོངས་སུ་གྲུབ་པར ་བརྗོད་དམ། སྨྲས་པ། མ་ཡིན་ཏེ། དེ་བཞིན་ཉིད་ཀྱང་དེའོ།། ཀྱང་གི་སྒྲ་ནི་དེ་བཞིན་ཉིད་ཀྱི་སྒྲར་བརྗོད་པ་འབའ་ཞིག་མ་ཡིན་གྱི་ཆོས་ཀྱི་དབྱིངས་ཀྱི་རྣམ་གྲངས་སུ་གཏོགས་པོ་ཇི་སྙེད་པ་དེ་ཐམས་ཅད་དུ་བརྗོད་པར་བྱ་བའོ།། དུས་རྣམས ་ཀུན་ན་དེ་བཞིན་ཡོད་པས་དེ་བཞིན་ཉིད་དེ་འདི་ལྟར་སོ་སོའི་སྐྱེ་བོ་དང་། སློབ་པ་དང་། མི་སློབ་པའི་དུས་དག་ན་དུས་ཐམས་ཅད་དུ་དེ་བཞིན་ཏོ།། གཞན་དུ་མ་ཡིན་པས་དེ་བཞིན་ཉིད་ཅེས་བྱའོ།། ཅི་དེ་བཞིན་ཉིད་བཞིན་དུ་རྣམ་པར་རིག་པ་ཙམ ་ཡང་ཡོངས་སུ་གྲུབ་པ་ཉིད་དམ། འོན་ཏེ་རྣམ་པར་རིག་པ་ཙམ་གཞན་ཞིག་སྙམ་པ་ལ། དེའི་ཕྱིར། དེ་ཉིད་རྣམ་པར་རིག་པ་ཙམ་གཞན་ཞིག་སྨོས་ཏེ། ཤིན་ཏུ་རྣམ་པར་དག་པའི་མཚན་ཉིད་ཁོང་དུ་ཆུད་པའི་ཕྱིར ་རོ།། ཇི་སྐད་དུ། དེ་ཚེ་དེ་ཙམ་མཐོང་བའི་ཕྱིར། མིང་ལ་སེམས་དེ་གནས་པ་ཡིན།། མིང་ལ་གནས་པས་རྣམ་རིག་ལ།། དམིགས་པ་རབ་ཏུ་སྤོང་བར་འགྱུར།། བསྒོམས་པའི་རྒྱུ་ཡིས་དེའི་ཚེ།། དམིགས་པ་མེད་པའི་དབྱིངས་ལ་རིག། ་སྒྲིབ་པ་ཀུན་ལས་རྣམ་གྲོལ་ཞིང་།། དེ་ཚེ་དབང་འབྱོར་ཐོབ་པར་འགྱུར་ཞེས་བཤད་པ་ལྟ་བུ་སྟེ། དེ་ཉིད་རྣམ་པར་རིག་པ་ཙམ་ཞེས་བྱ་བའི་ཚིག་འདིས་ནི་མངོན་པར་རྟོགས་པར་བསྟན་ཏོ།། གལ་ཏེ་འདི་དག་རྣམ་པར་རིག་པ་ཙམ་ཡིན། ་ནཿམིག་དང་། རྣ་བ་དང་། སྣ་དང་། ལྕེ་དང་། ལུས་ཀྱིས་གཟུགས་དང་། སྒྲ་དང་། དྲི་དང་། རོ་དང་། རེག་བྱ་ལ་གཟུང་ངོ་སྙམ་དུ་དེའི་སེམས་པ་ཅི་ལས་བྱུང་སྙམ་པ་ལ་དེའི་ཕྱིར། ཇི་སྲིད་རྣམ་རིག་ཙམ་ཉིད་ལ།། རྣམ་པར་ཤེས་པ་མི ་གནས་པ།། དེ་སྲིད་འཛིན་པ་རྣམ་གཉིས་ཀྱི།། བག་ལ་ཉལ་བ་མི་ལྡོག་གོ་ཞེས་བྱ་བ་སྨོས་སོ།། ཡང་ན་གང་། ལས་ཀྱི་བགྲོ་ཆགས་འཛིན་གཉིས་ཀྱི།། བག་ཆགས་བཅས་པ་སྔ་མ་ཡི།། རྣམ་པར་སྨིན་པ་ཟད་ནས་གཞན།། རྣམ ་སྨིན་སྐྱེད་པ་དེ་ཡིན་ནོ་ཞེས་སྨོས་པ་དེ་སྨོད་པ་དང་། མི་སྤོང་བ་ཇི་ལྟ་བུ་ཞེས་བྱ་བ་སྟེ། དེའི་ཕྱིར། ཇི་སྲིད་རྣམ་རིག་ཙམ་ཉིད་ལ།། རྣམ་པར་ཤེས་པ་མི་གནས་པ་ཞེས་རྒྱ་ཆེར་སྨོས་སོ།། ཇི་སྲིད་དུ་སེམས་ཀྱི་ཆོས་ཉིད་རྣམ་པར ་རིག་པ་ཙམ་ཉིད་ཅེས་བྱ་བ་ལ། རྣམ་པར་ཤེས་པ་མི་གནས་པ། གཟུང་བ་དང་། འཛིན་པར་དམིགས་པ་ལ་སྤྱོད་པའི་བར་དུའོ།། འཛིན་པ་གཉིས་ནི་གཟུང་བའི་འཛིན་པ་དང་། འཛིན་པའི་འཛིན་པ་སྟེ། དེའི་བག་ལ་ཉལ་ནི་མ་འོངས ་པའི་འཛིན་པ་གཉིས་སྐྱོ་བར་བྱ་བའི་ཕྱིར་དེ་དག་གི་ཀུན་གཞིའི་རྣམ་པར་ཤེས་པ་ལ་ས་བོན་བཏབ་པའོ།། ཇི་སྲིད་དུ་གཉིས་མེད་པའི་མཚན་ཉིད་རྣམ་པར་རིག་པ་ཙམ་ཉིད་ལ་རྣལ་འབྱོར་པའི་སེམས་གནས་པར་མ་གྱུར་པ་དེ་སྲིད ་དུ་འཛིན་པ་གཉིས་ཀྱི་བགོ་ལ་ཉོལ་མི་ལྡོག་སྟེ། མི་སྤོང་ཞེས་བྱ་བའི་ཐ་ཚིག་གོ།། འདིར་ནི་ཕྱི་རོལ་གྱི་དམིགས་པ་མེ་སྤངས་ན། ནང་གི་དམིགས་པའང་མ་སྤངས་པར་བསྟན་པ། དེའི་ཕྱིར་དེ་འདི་སྙམ་དུ་བདག་ནི་མིག་ལ་སོགས ་པས་གཟུགས་ལ་སོགས་པ་འཛིན་ཏོ་སྙམ་དུ་སེམས་སོ།། ད་ནི་འདི་བརྗོད་པར་བྱ་སྟེ། དོན་དང་བྲལ་བའི་སེམས་ཙམ་དམིགས་པས། ཅི་སེམས་ཀྱི་ཆོས་ཉིད་ལ་གནས་པ་ཡིན་ནམ། སྨྲས་པ། མ་ཡིན་ཏེ། འདི་དག་རྣམ ་རིག་ཙམ་ཉིད་ཅེས།། དེ་འདི་སྙམ་དུ་དམིགས་ནས་སུ།། ཅི་ཡང་རུང་སྟེ་མདུན་འཇོག་ན།། དེ་མི་ཙམ་ལ་མི་གནས་སོ།། དེ་ཡང་མངོན་པའི་ང་རྒྱལ་ཅན་གང་ཐོས་པ་ཙམ་གྱིས་བདག་རྣམ་པར་རིག་པ་ཙམ་རྣམ་པར་དག་པ་ལ ་གནས་སོ་སྙམ་དུ་སེམས་པའི་འཛིན་པ་དེ་བསལ་བའི་ཕྱིར། འདི་དག་རྣམ་པར་རིག་སམ་ཉིད་ཅེས།། དེ་སྙམ་དུ་ནི་དམིགས་ནས་སུ་ཞེས་བྱ་བ་ལ་སོགས་པ་སྨོས་སོ།། འདི་དག་རྣམ་པར་རིག་ཙམ་ཉིད་ཅེས་བྱ་བ་ནི་དོན ་དང་བྲལ་བ་སྟེ། ཕྱི་རོལ་གྱི་དོན་མེད་དོ་ཞེས་དེ་ལྟར་དམིགས་པ་ནི་འཛིན་པ་དང་མཚན་མར་བྱེད་ཅེས་བྱ་བའི་ཐ་ཚིག་གོ།། མདུན་དུ་ཞེས་བྱ་བ་ནི་མངོན་སུམ་དུའོ།། འཇོག་ན་ཞེས་བྱ་བ་ནི་ཇི་ལྟར་ཐོས་པ་བཞིན་དུ་ཡང། ་ཀྱིས་འཇོག་པའོ།། རྣལ་འབྱོར་སྤྱོད་པའི་དམིགས་པ་རྣམ་པ་མང་བས་ཅི་ཡང་རུང་ཞེས་བྱ་བ་སྨོས་ཏེ། ཀེང་རུས་སམ་རྣམ་པར་སྤྲོས་པ་འམ་རྣམ་པར་རུལ་བའམ། རྣམ་པར་འབུ་ཞུགས་པ་འམ། རྣམ་པར་བམ་པ་ལ་སོགས ་པའོ།། དེ་ནི་ཙམ་ལ་མི་གནས་པོ་ནི་རྣམ་པར་ཤེས་པའི་དམིགས་པ་མ་སྤངས་པའི་ཕྱིར་རོ།། ནམ་ཞིག་ན་རྣམ་པར་ཤེས་པའི་འཛིན་པ་སྤངས་ཤིང་སེམས་ཀྱི་ཆོས་ཉིད་ལ་རབ་ཏུ་གནས་པར་འགྱུར་ཞེ་ན། དེའི་ཕྱིར། ནམ་ཞིག ་ཤེས་པས་དམིགས་པ་རྣམས།། མི་དམིགས་དེ་ཡི་ཚེ་ན་ནི།། རྣམ་པར་རིག་པ་ཙམ་ལ་གོནས།། གཟུང་བ་མེད་པས་དེ་འཛིན་མེད་ཅེས་བྱ་བ་སྨོས་སོ།། གང་གི་ཚེ་བསྟན་པ་ལ་དམིགས་པ་དང་། གདམས་ངག་ལ་དམིགས་པ་དང་།། ་གཟུགས་དང་སྒྲ་ལ་སོགས་པ་ཐ་མ་ལ་དམིགས་པ་ཡང་རུང་སྟེ། ཤེས་པས་སེམས་ལས་ཕྱི་རོལ་ཏུ་མི་དམིགས་ཏེ། མི་མཐོང་མི་འཛིན་ལ་མངོན་པར་ཞེན་པ་མེད་ཅིང་དོན་ཡང་དག་པ་ཇི་ལྟ་བ་བཞིན་དུ་མཐོང་ལ། ་དམུས་ལོང་ལྟ་བུ་ནི་མ་ཡིན་པ་དེའི་ཚེ་རྣམ་པར་ཤེས་པའི་འཛིན་པ་ཡང་སྤངས་ཤིང་རང་གི་སེམས་ཀྱི་ཆོས་ཉིད་ལ་ཡང་གནས་པ་ཡིན་ཏེ། འདི་ཉིད་དུ་གཏན་ཚོགས་སྨོས་པ། གཟུང་བ་མེད་པས་དེ་འཛིན་མེད་ཅེས་བྱའོ།། ། ་གཟུང་བ་ཡོད་ན་འཛིན་པར་འགྱུར་ཏེ། གཟུང་བ་མེད་ན་མ་ཡིན་ནོ།། གཟུང་བ་མེད་ན་འཛིན་པ་མེད་པར་ཡང་རྟོགས་པར་འགྱུར་གྱི། གཟུང་བ་མེད་པ་འབའ་ཞིག་ནི་མ་ཡིན་ནོ།། དེ་ལྟར་ན་དམིགས་པར་བྱ་བ་དང་། ་དམིགས་པར་བྱེད་པ་ལ་རྣམ་པར་མི་རྟོག་པས་མཉམ་པ་འཇིག་རྟེན་ལས་འདས་པའི་ཡེ་ཤེས་འབྱུང་སྟེ། གཟུང་བ་དང་འཛིན་པར་མངོན་པར་ཞེན་པའི་བག་ལ་ཉལ་སྤོང་ཞིང་རང་གི་སེམས་ཀྱི་ཆོས་ཉིད་ལ་ཡང ་སེམས་གནས་པར་འགྱུར་རོ།། གལ་ཏེ་དེ་ལྟར་རྣམ་པར་རིག་པ་ཙམ་ཉིད་ལ་སེམས་གནས་པར་གྱུར་པ་དེའི་ཚེ། ཇི་སྐད་བྱ་ཞེ་ན། དེའི་ཕྱིར། དེ་ནི་སེམས་མེད་མི་དམིགས་པ།། འཇིག་རྟེན་འདས་པའི་ཡེ་ཤེས་དེ།། ་གནས་ཀྱང་གཞན་དུ་གྱུར་པ་སྟེ། གནས་ངན་ལེནྡ་གཉིས་སྤངས་པས་སོ།། དེ་ཉིད་ཟག་པ་མེད་པ་དང་དབྱིངས།། བསམ་མི་ཁྱབ་དང་དགེ་དང་བརྟན།། དེ་ནི་བདེ་བ་རྣམ་གྲོལ་སྐུ།། ཐུབ་པ་ཆེན་པོ་ཆོས་ཞེས་བྱ།། ཚིགས ་སུ་བཅད་པ་འདི་གཉིས་ཀྱི་རྣམ་པར་རིག་པ་ཙམ་ཉིད་ལ་ཞུགས་པའི་རྣལ་འབྱོར་པའི་མཐོང་བའི་ལམ་ལ་བརྟེན་ཏེ། གོང་ནས་གོང་དུ་བྱེ་བྲག་ཏུ་འགྲོ་བས་འབྲས་བུ་ཕུན་སུམ་ཚོགས་པ་བསྟན་ཏོ།། དེ་ལ་འཛིན ་པའི་སེམས་མེད་པ་དང་། གཟུང་བའི་དོན་མི་དམིགས་པའི་ཕྱིར། དེ་ནི་སེམས་མེད་མི་དམིགས་པ་ཞེས་བྱའོ།། འཇིག་ན་འདྲིས་པར་མ་བྱས་པ་དང་། ཀུན་ཏུ་འབྱུང་བ་མེད་པ་དང་། རྣམ་པར་མི་རྟོག་པ་དང ་འཇིག་རྟེན་ལས་རྒལ་བའི་ཕྱིར། འཇིག་རྟེན་ལས་འདས་པའི་ཡེ་ཤེས་དེ་ཞེས་བྱའོ།། ཡེ་ཤེས་དེའི་འོག་ཏུ་གནས་གྱུར་པ་བསྟན་པའི་ཕྱིར། གནས་ཀྱང་གཞན་དུ་གྱུར་པ་སྟེ་ཞེས་བྱ་བ ་སྨོས་སོ།། གནས་ནི་འདིར་ཀུན་གཞི་རྣམ་པར་ཤེས་པ་ས་བོན་ཐམས་ཅད་དོ།། དེ་གྱུར་པ་ནི་གང་གནས་ངན་ལེན་དང་། རྣམ་པར་སྨིན་པ་དང་། གཉིས་ཀྱི་བག་ཚོགས་ཀྱི་དངོས་པོ་ལོག་ན་ལས་སུ་རུང་བ་དང་། ཆོས ་ཀྱི་སྐུ་དང་། མི་གཉིས་པའི་ཡེ་ཤེས་ཀྱི་དངོས་པོར་གྱུར་པའོ།། གནས་གྱུར་པ་དེ་ཡང་གང་། སྤངས་པས་ཐོབ་པར་འགྱུར་ཞེ་ན། དེའི་ཕྱིར། གནས་ངན་ལེན་གཉིས་སྤངས་པས་སོ་ཞེས་བྱ་བ་སྨོས་སོ།། གཉིས་ཞེས་བྱ་བ་ནི། ་ཉོན་མོངས་པའི་སྒྲིབ་པའི་གནས་ངན་ལེན་དང་། ཤེས་བྱའི་སྒྲིབ་པའི་གནས་ངན་ལེན་ནོ།། གནས་ངན་ལེན་ནི་གནས་ལས་སུ་རང་བ་ཉིད་དེ། དེ་ཡང་ཉོན་མོངས་པ་དང་། ཤེས་བྱའོ་སྒྲིབ་པའི་ས་བོན་ནོ།། གནོས་གྱུར ་པ་དེ་ཡང་ཉན་ཐོས་ལ་སོགས་པ་ལ་ཡོད་པའི་གནས་ངན་ལེན་སྤངས་པས་ཐོབ་པར་འགྱུར་བ་ནི་གང་། རྣམ་གྲོལ་སྐུ་ཞེས་བྱ་བ་སྨོས་སོ།། བྱང་ཆུབ་སེམས་དཔའ་ལ་ཡོད་པའི་གནས་ངན་ལེན་སྤངས་པས་ཐོབ ་པར་འགྱུར་བ་ནི་གང་། ཐུབ་པ་ཆེན་པོའི་ཆོས་ཞེས་བྱ། ཞེས་བྱ་བ་སྨོས་ཏེ། སྒྲིབ་པ་རྣམ་པ་གཉིས་སྤངས་པའི་བྱེ་བྲག་གིས་གནས་གྱུར་པོ་བླ་ན་ཡོད་པ་དང་། བླ་ན་མེད་པར་བསྟན་ཏེ། འདིར་ཚིགས་སུ་བཅད ་པ། ལེན་པའི་རྣམ་ཤེས་སྒྲིབ་གཉིས་ཀྱི།། མཚན་ཉིད་སྦྱིན་པར་ཤེས་པར་བྱ།། ཉོན་མོངས་ས་བོན་ཀུན་ས་བོན།། དེར་ནི་གཉིས་ལ་གཉིས་འཚང་ངོ་།། གཉིས་ཞེས་བྱ་བ་ནི་ཉན་ཐོས་དང་བྱང་ཆུབ་སེམས་དཔའོ།། སྣུ་མ ་ལ་ནི་ཉོན་མོངས་པའི་ས་བོན་ནོ།། ཅིག་ཤོས་ལ་ནི་སྒྲིབ་པ་གཉིས་ཀྱི་སོ་བོན་ཏེ། དེ་དགྲ་བཅོམ་པས་ཐམས་ཅད་མཁྱེན་པ་ཉིད་ཐོབ་པར་འགྱུར་རོ།། དེ་ཉིད་ཟག་པ་མེད་དང་དབྱིངས་ཞེས་བྱ་བ་ནི་གནས་གྱུར་པའི ་རང་བཞིན་དེ་ཉིད་ཟག་པ་མེད་པ་དང་། དབྱིངས་ཞེས་བྱ་སྟེ། གནས་ངན་ལེན་མེད་པའི་ཕྱིར་རོ།། གང་ཟག་པ་ཐམས་ཅད་དང་བྲལ་བས་ཟག་པ་མེད་པའོ།། འཕགས་པའི་ཆོས་ཀྱི་རྒྱུ་ཡིན་པས་དབྱིངས་སོ།། ་དབྱིངས་ཀྱི་སྒྲ་ནི་འདིར་རྒྱུའི་དོན་ཏོ།། བསམ་གྱིས་མི་ཁྱབ་པ་ནི་རྟོག་གེའི་སྤྱོད་ཡུལ་མ་ཡིན་པ་དང་། སོ་སོ་རང་གིས་རིག་པ་དང་། དཔེ་མེད་པའི་ཕྱིར་རོ།། དགེ་བ་ནི་རྣམ་པར་དག་པའི་དམིགས་པ་དང་། བོདེ་བ་དང ་ཟག་པ་མེད་པའི་ཆོས་ཀྱི་རང་བཞིན་ཡིན་པའི་ཕྱིར་རོ།། བརྟན་པ་ནི་རྟག་པ་དང་མི་ཟད་པའི་ཕྱིར་རོ།། བདེ་བ་ནི་རྟག་པ་ཉིད་ཀྱི་ཕྱིར་ཏེ། གང་མི་རྟོག་པ་དེ་ནི་སྡུག་བསྔལ་བའོ།། འདི་ནི་རྟག་པ་སྟེ། དེའི་ཕྱིར་བདེ་བའོ།། ་ཉོན་མོངས་པའི་སྒྲིབ་པ་སྤངས་པས་ཉན་ཐོས་རྣམས་ཀྱི་རྣམ་པར་གྲོལ་བའི་སྐུའོ།། གནས་གྱུར་པའི་མཚན་ཉིད་དེ་ནི་ཐུབ་པ་ཆེན་པོའི་ཆོས་ན་ཞེས་བྱ་སྟེ། ས་དང་ཕ་རོལ་ཏུ་ཕྱིན་པ་བསྒོམས་ནས་ཉོན་མོངས་པ ་དང་ཤེས་བྱའི་སྒྲིབ་པ་སྦྱངས་པས་གནས་གྱུར་པ་ཡང་དྲུག་པར་གྲུབ་པའི་ཕྱིར་ཐུབ་པ་ཆེན་པོ་ཆོས་ཀྱི་སྐུ་ཞེས་བྱའོ།། འཁོར་བ་ཡོངས་སུ་མི་གཏོང་ཞིང་དེས་ཉོན་མོངས་པ་མེད་པ་དང་། ་ཆོས་ཐམས་ཅད་ལ་དབང་འབྱོར་པ་ཐོབ་པའི་ཕྱིར་བྱང་ཆུབ་སེམས་དཔའི་ཆོས་ཀྱི་སྐུ་ཞེས་བྱའོ།། ཐུབ་པ་ཆེན་པོ་ཞེས་བྱ་བ་ནི་ཐུབ་པའི་མཆོག་དང་ལྡན་པས་སངས་རྒྱས་བཅོམ་ལྡན་འདས་ནི་ཐུབ་པ་ཆེན་པོའོ།། ་སུམ་ཅུ་པའི་བཤད་པ་སློབ་དཔོན་བློ་བརྟན་གྱིས་མཛོད་པ་རྫོགས་སོ།། ། རྒྱ་གོར་གྱི་མཁན་པོ་ཛི་ན་མ་ཏྲི་དང་། ཤཱི་ལེནྡ་བོ་དྷི་དང་། ཞུ་ཆེན་གྱི་ལྀ་ཙཱ་བ་བནྡེ་ཡེ་ཤེས ་སྡེས་ཞུས་ཏེ་གཏན་ལ་ཕབ་པ།། །། བཀྲ་ཤིས།། ་