| Wylie | e-texts produced with BDRC’s OCR application |
ཡེ་ཤེས་ལྷ་ཨོཾ་ཨཱཿཧཱུཾ་བཛྲ་མུཿཞེས་བྱ་བས་གཤེགསུ་གསོལ་ལོ།། དམ་ཚིག་ལྷ་བདག་གིས་ཐུགས་ཀར་བསྡུས་ལ། མེ་ཏོག་གི་ཚོམ་བུ་དབུས་སུ་བསྡུས་ནས། ཨོཾ་ཨཱཿཧཱུཾ་བཟླས་ལ་གཞོག་གོ།། དགྱེས་པའི་རྡོ་རྗེའི་མཎྜལ་གྱི་ཆོ ་ག། སློབ་དཔོན་མཚོ་སྐྱེས་ཀྱིས་མཛད་པ་རྫོགས་སོ།། ། ཐབས་དང་དངོས་པོའི་རང་བཞིན་མཆོག། གདོད་ནས་ཐམས་ཅད་དེ་བཞིན་གནས།། གཉིས་མེད་དོན་གྱི་བདག་ཉིད་ཅན།། ཀྱེ་རྡོ་རྗེ་ཕྱག་འཚལ་བསྟོད།། སྔོན་པོ ་ཆོས་ཉིད་མི་འགྱུར་བ།། དམར་པོ་ཐུགས་རྗེ་རྒྱུན་མི་འཆད།། གྱེན་རྗེས་འགྲོ་བ་འདྲེན་པ་སྟེ།། ཧེ་རུ་ཀ་ལ་ཕྱག་འཚལ་བསྟོད།། སྤྱན་གསུམ་རྣམ་པར་ཐར་པ་གསུམ།། དམར་བ་ཆོས་ཉིད་ཆགས་པའི་དོན།། ཧཱུཾ་སྒྲོགས་སྐྱེ་བ་མེད་པ་སྟེ།། ཀུན་གྱི་གཙོ ་ལ་ཕྱག་འཚལ་བསྟོད།། གཡས་ན་གདུགས་འཇོམས་རྡོ་རྗེ་སྟེ།། གཡོན་ན་བདེ་སྦྱོང་ཀ་པཱ་ལ།། ཤེས་རབ་མཚོན་པ་ཁ་ཊྭཱཾ་ག། ལོངས་སྤྱོད་རྫོགས་ལ་ཕྱག་འཚལ་བསྟོད།། ཐོད་པ་ཡེ་ཤེས་ལྔ་ཡི་དངོས།། ཕྱག་རྒྱ་ལྔ་ནི་རིགས་ལྔ་སྟེ།། དོ་ཤལ་ཕྲེང ་བ་འདུ་བྱེད་སྤངས།། སྦྲུལ་སྐུ་ཁྱོད་ལ་ཕྱག་འཚལ་བསྟོད།། ཉོན་མོངས་མ་གོས་པདྨའི་གདན།། རྣམ་རྟོག་མི་མངའ་ཚངས་པའི་རོ།། མ་རིག་བསྲེག་པའི་ཉི་མ་སྟེ།། གོས་མེད་སྐུ་ལ་ཕྱག་འཚལ་བསྟོད།། རྫོགས་སོ།། ་རྒྱ་གར་སྐད་དུ། ཧོ་མི་བ~ཾ་དྷི། བོད་སྐད་དུ། སྦྱིན་སྲེག་གི་ཆོ་ག། དཔལ་དགྱེས་པའི་རྡོ་རྗེ་ལ་ཕྱག་འཚལོ།། དཔལ་ལྡན་དགྱེས་པའི་རྡོ་རྗེ་དང་།། བདག་མེད་མ་གུས་ཕྱག་བྱས་སྟེ།། རྡོ་རྗེ་སློབ་དཔོན་བཀའ་དྲིན་གྱིས།། སྦྱིན་སྲེག་ཆོ་ག་བཤད་པར་བྱ།། བདག་གཞན་ཕན ་བར་འདོད་པ་ཡིས།། རྣམ་རྟོག་ང་རྒྱལ་སོགས་སྤངས་ཏེ།། ཆོས་ཕྱིར་འབྲང་བའི་བློ་ཡིས་ནི།། སྦྱིན་སྲེག་རིམ་པ་མཉམ་པར་གྱིས།། བླ་མེད་ནང་དང་ཕྱི་རོལ་ཏེ།། སྦྱིན་སྲེག་དབྱེ་བ་རྣམ་པ་གསུམ།། ཡེ་ཤེས་མེ་ལྷ་ཕུང་པོ་སོགས།། བུད་ཤིང་བསྲེག་པ་བླ་མེད་ཡིན།། ། ་ཕྱི་རོལ་སྦྱིན་སྲེག་གིས་བསྒྲེས་ཏེ།། ཁ་ཟས་བཟའ་སོགས་ནང་གིར་བཤད།། དཀྱིལ་འཁོར་དང་ནི་ལྷ་གནས་དང་།། སྒྲུབ་པའི་དུས་སུ་སྦྱིན་སྲེག་བྱ།། སྦྱིན་སྲེག་ལས་རྣམས་མེད་པ་ལས།། དངོས་གྲུབ་འབྱུང་བར་མི་འགྱུར་ཏེ།། ལས་རྣམས་ཐམས།། ་ཅད་བསྒྲུབ་པའི་ཕྱིར།། མཁས་པས་སྦྱིན་སྲེགས་ལས་རྣམས་བརྩམས།། སྡིག་པ་འཇིག་ཕྱིར་ཞི་བ་སྟེ།། བསོད་ནམས་ཡོངས་འཛིན་རྒྱས་པ་ཡིན།། ཚོགས་པ་བསྒོམ་ཕྱིར་དབང་འགྱུར་ཏེ།། རྟོག་པ་ཟད་ཕྱིར་བསོད་པ་ཡིན།། ཉོན་མོངས་སེར་བཞི་བྱེད ་དང་། ཏིང་ངེ་འཛིན་ནི་རྒྱས་བྱེད་ཕྱིར།། རང་གི་ལྷ་ཡི་སྦྱོར་བས་བདག། ཇི་ལྟ་བར་ནི་སེམས་ཀྱིས་བྱས།། དེ་ནས་ཕྱི་ཡི་བཤད་བྱ་སྟེ།། ཐབས་དང་རྫས་ཀྱི་མཚན་ཉིད་དང་།། སྒྲུབ་པ་པོ་དང་ལྷ་དག་དང་།། སྒྲུབ་པའི་ཐབས་དང་རྣམ་ལྔར་འགྱུར།། དེ་ལ ་ཐབ་ཁུང་བཤད་པ་ནི།། སེམས་ཅན་དབྱེ་བས་མཐའ་ཡས་ཏེ།། ལས་ཀྱི་དབྱེ་བས་བཞི་རུ་འགྱུར།། རིགས་ཀྱི་དབྱེ་བས་ལྔ་རུ་འགྱུར།། ཞི་བ་ལ་ནི་ཟླུམ་པོ་སྟེ།། རྒྱས་པ་ལ་ནི་གྲུ་བཞིའོ།། དབང་ལ་གཞུ་ཡི་དབྱིབ་སུའོ།། མངོན་སྤྱོད་ལ་ནི་གྲུ་གསུམ་མོ།། ་བསྐྲད་དང་འགུག་ལའང་དེ་བཞིན་ནོ།། རྒྱ་རུ་ཁྲུ་གང་ཟབ་སུ་ནི།། མཐོ་གང་བ་ནི་ཞི་བ་ཡིན།། རྒྱ་རུ་ཁྲུ་དོ་ཟབ་སུ་ནི།། ཁྲུ་གང་པ་ནི་རྒྱས་པར་བཞེད།། རྒྱ་རུ་ཁྲུ་གང་ཟབ་སུ་ནི།། མཐོ་གང་བ་ནི་དབང་ལའོ།། རྒྱ་རུ་སེར་མོ་ཉི་ཤུ་ལ།། ཟོབ་སུ་སོར་བཅུ་མངོན་སྤྱོད ་