CLOSE WINDOW

GT3518: 'phags pa bzang po spyod pa'i smon lam gyis rgyal po'i rgya cher 'grel pa
Wyliee-texts produced with BDRC’s OCR application

@རྒྱ་གར་སྐད་དུ། ཨཱརྱ་བྷ་དྱཱ་ཙརྱ་པྲ་ནི་དྷུ་ནུ་རཱ་ཛཱ་ཊཱི་ཀ། བོད་སྐད་དུ། འཕགས་པ་བཟང་པོ་སྤྱོད་པའི་སྨོན་ལམ་གྱི་རྒྱལ་པོའི་རྒྱ་ཆེར་འགྲེལ་པ། སངས་རྒྱས་དང་བྱང་ཆུབ་སེམས་དཔའ་ཐམས་ཅད་ལ་ཕྱགས ་འཚལ་ལོ།། ཀུན་ཏུ་བཟོང་པོ་སྤྱོད་པའི་སྨོན་ལམ་གྱི་བསྡུས་པའི་དོན་ནི་བཅུ་སྟེ། འདི་ལྟ་སྟེ། དེ་བཞིན་གཤེགས་པ་ལ་ཕྱག་བྱ་བ་དང་། དེ་ལ་མཆོད་པ་དང་། སྡིག་པ་བཤགས་པ་དང་། བསོད་ནམས་ཀྱི་རྗེས་སུ་ཡི་རང་བ་དང་། ཆོས་ཀྱི ་འཁོར་ལོ་བསྐོར་བར་བསྐུལ་བ་དང་། དེ་བཞིན་གཤེགས་པ་བཞུགས་པར་གསོལ་བ་དང་། དགེ་བའི་རྩ་བ་ཡོངས་སུ་བསྔོ་བ་དང་། དེའི་རབ་ཏུ་དབྱེ་བྲ་དང་། དེའི་མཐའ་དང་། དེའི་ཡོན་ཏན་གྱི་ཕན་ཡོན་ནོ།། དེ་ལ་མི་དབྱེ་བར་སྦྱར ་ཕྱོགས་དང་དུས་དང་ཞིང་ཐམས་ཅད་དུ་གཏོགས་པའི་སངས་རྒྱས་བཅོམ་ལྡན་འདས་རྣམས་ལ་ལུས་དང་ངག་དང་ཡིད་ཀྱིས་ཕྱག་བྱས་པའི་དབང་དུ་མཛོད་དེ། ཇི་སྙེད་སུ་དག་ཅེས་བྱ་བ་ལ་སོགས་པ་གསུངས་སོ།། ཇི་སྙེད་ཅེས་བྱ་བྱ་ནི ་ཇི་ཙམ་པ་སྟེ། ཚད་ཇི་ཙམ་པའོ།། དེ་ནས་ཚད་དེ་ཡོངས་སུ་ཆུད་པར་འགྱུར་རོ་ཞེས་ན། དེའི་ཕྱིར་སུ་དག་ཅེས་བྱ་བ་སྨོས་ཏེ། སངས་རྒྱས་བཅོམ་ལྡན་འདས་རྣམས་སྤྱི་སྒྲར་བསྟན་གྱི་གྲངས་ཀྱི་མིང་གིས་ཆད་པ་མེད་དོ་ཞེས་བྱ་བའི་ཐ་ཚིག་གོ ་ཕྱོགས་བཅུའི་ཞེས་བྱ་བ་ནི་ཕྱོགས་བཅུ་ནའོ།། འཇིག་རྟེན་ན་ཞེས་བྱ་བ་ནི་འགྲོ་བའི་ནང་ནའོ།། དུས་གསུམ་གཤེ། གིས་པ་ཞེས་བྱ་བ་ནི་དུས་གསུམ་དུ་གཏོགས་པ་སྟེ། དུས་གསུམ་པ་ཞེས་བྱ་བའི་ཐ་ཚིག་གོ།། མི་ཡི་སིང་གེ་ཞེས་བྱ་བ་ལ ་སེང་གེ་ནི་རྣམ་པ་ཐམས་ཅད་དུ་བག་ཚྭ་བ་མེད་ཅིང་གང་གིས་ཀྱང་མི་འཇིགས་སོ།། སངས་རྒྱས་བཅོམ་ལྡན་འདས་རྣམས་ཀྱང་ལྷ་དང་བཅས་པའི་འཇིག་རྟེན་ན་དེ་དང་། འདྲ་སྟེ། དེའི་ཕྱིར་སེང་གེ ་དང་འདྲ་བས་ན་སེང་གེའོ།། དེ་དག་ནི་མིར་སྐྱེ་བ་བསྟན་པའི་ཕྱིར་མི་ཡང་ཡིན་ལ་སེང་གེ་ཡང་ཡིན་པས་ན་མིའི་སེང་གེ་སྟེ། སངས་རྒྱས་བཅོམ་ལྡན་འདས་སོ།། བདག་གིས་མ་ལུས་དེ་དག་ཐམས་ཅད་ལ་ཞེས་བྱ་བ་ལ ་ཐམས་ཅད་ཅེས་བྱ་བའི་སྒྲ་ནི་བརྗོད་པར་འདོད་པའི་དབང་གིས་ཕྱོགས་གཅིག་ལ་ཡང་བརྗོད་དུ་རུང་བར་མཐོང་བས་ནུ་རིལ་གྱིས་བསྡུས་པའི་ཕྱིར་མེ་ལུས་ཞེས་བྱ་བ་བརྗོད་དོ།། ལུས་དང་ངག་ཡིད་དང་བས་ཕྱག་བགྱིའོ།། ་ཞེས་བྱ་བ་ནི་མཆོག་ཏུ་དང་བས་གྱུར་པ་སྟེ། སེམས་དང་བས་ཀུན་ནས་བསླང་བའི་ཕྱིར་ལུས་དང་ངག་ཀྱང་དང་བའོ།། ད་ནི་ལུས་ལ་སོགསྔོ་བས་ཕྱག་བྱ་བ་སོ་སོར་ཕྱེ་སྟེ་བཤད་དོ།། དེ་ལ་རེ་ཞིག་ལུས་ཀྱིས་ཕྱག་བྱ་བ ་ནི་ཞིང་གི་རྡུལ་སྐྱེད་ཅེས་བྱ་བ་ལ་སོགས་པས་བསྟན་ཏེ། སངས་རྒྱས་ཀྱི་ཞིང་གི་རྡུལོ་རྙེད་ཀྱི་ལུས་རབ་ཏུ་བཏུད་པས་སོ།། ཁྱད་པར་མེད་པའི་ཕྱིར་ཅེས་བྱ་བའི་སྒྲ་ནི་འདིར་མཉམ་པའི་གྲངས་ཡིན་ཏེ། ཕྱོགས་བཅུ་དུས ་གསུམ་དུ་གཏོགས་པའི་སངས་རྒྱས་ཀྱི་ཞིང་གི་རྡུལ་ཐམས་ཅད་དང་མཉམ་ཞིང་གྲངས་དེ་སྙེད་ཀྱི་ལུས། རབ་ཏུ་བཏུང་པས། རྒྱལ་བ་ཀུན་ལོ་རབ་ཏུ་ཕྱག་འཚལ་ལོ་ཞེས་བྱ་བ་ཡིན་ནོ།། སངས་རྒྱས་བཅོམ་ལྡན ་འདས་རྣམས་ནི་ཉོན་མོངས་པའི་དགྲ་ལས་རྒྱལ་བའི་ཕྱིར་དང་། བདུད་ལས་རྒྱལ་བའི་ཕྱིར་རྒྱལ་བ་ཞེས་བྱའོ།། ཇི་སྐད་དུ་བཅོམ་ལྡན་འདས་ཀྱིས། སྡིག་པ་མི་དགེ་བའི་ཆོས་ལས་ང་རྒྱལ་ཏེ། དེ་བས་ཉེ་འགྲོ་ང་ནི་རྒྱལ་བ ་ཡིན་ཞེས་གསུངས་པ་ལྟ་བུ་སྟེ། དུས་གསུམ་དུ་གཏོགས་པའི་རྒྱལ་བ་དེ་དག་ཐམས་ཅད་ལ་ཕྱག་བྱ་བའོ།། བཅོམ་ལྡན་འདས་གཅིག་ལ་སེམས་གཏད་པའི་ཕྱིར། ཅི་གཞན་ལ་ཡིད་ཀྱིས་བསྟོད་པའི་ལུས་ཞིང་གི་རྡུལ ་སྙེད་ཀྱིས་ཕྱག་འཚལ་ལམ་ཞེ་ན། མ་ཡིན་ཏེ། རྒྱལ་བ་ཐམས་ཅད་ཡིད་ཀྱི་མངོན་སུམ་དུ་ཞེས་བྱ་བ་སྨོས་ཏེ། དེ་བཞིན་གཤེགས་པ་ཐམས་ཅད་རེ་རེ་ཞིང་ཡང་སེམས་ཀྱིས་མངོན་སུམ་དུ་བསམ་མོ་ཞེས་བྱ་བའི་དོན་ཏོ།། བཟང་པོ ་སྤྱོད་པའི་སྨོན་ལམ་སྟོབས་ངག་གིས་ཞེས་བྱ་བ་ལ་བཟང་པོ་ནི་དགེ་བའོ།། དེ་ནི་བཟང་པོ་ཡང་ཡིན་ལ་སྤྱོད་པ་ཡང་ཡིན་པས་བཟང་པོ་སྤྱོད་པ་སྟེ། བྱང་ཆུབ་སེམས་དཔའི་སྤྱོད་པོ་ཞེས་བྱ་བའི་ཐ་ཚིག་གོ། དེའི་ཆེང་དུ་སྨོན ་པ་ནི་སྨོན་ལམ་སྟེ་དོན་དུ་གཉེར་བའོ།། དེའི་སྟོབས་ནི་ཉོན་མོངས་པ་ལ་སོགས་པས་ཟིལ་གྱིས་མི་ནོན་པ་སྟེ། མི་མཐུན་པའི་ཕྱོགས་ལས་ངེས་པར་རྒྱལ་བའོ།། དེའི་ཕྱིར་དེའི་སྟོབས་ཀྱིས་ཏེ། རྣམ་པ་གཞན་གྱིས་ནི་འདི་ལྟ ་བུའི་བྱེད་པ་མི་སྲིད་པའི་ཕྱིར་རོ།། ད་ནི་ཡིད་ཀྱི་ཕྱག་བྱ་བ་དང་། རྡུལ་གཅིག་སྟེང་དུ་རྡུལ་སྙེད་ཞེས་བྱ་བ་ལ་སོགས་པ་ཡིན་ནོ།། རྡུལ་གཅིག་གི་སྟེང་ལ་ཐོག་མ་རྡུལ་སྐད་ཀྱི་སངས་རྒྱས་རྣམས་ཞེས་བྱ་བ་ནི་ཁྱད་པར་དུ་མ་སྨོས ་པའི་ཕྱིར་ཕྱོགས་བཅུ་དུས་གསུམ་དུ་གཏོགས་པའི་སངས་རྒྱས་རྣམས་ཀྱི་ཞིང་གི་རྡུལ་མ་ལུས་པ་དེ་སྙེད་ཀྱི་བདེ་བང་གཤེགས་པ་རྣམས་སོ།། སངས་རྒྱས་སྲས་ཀྱི་དབུས་ན་བཞུགས་པ་དག་ཅེས ་བྱ་བ་ནི་རེ་རེ་ཡང་བྱང་ཆུབ་སེམས་དཔའ་དཔག་ཏུ་མེད་པའི་དབུས་ན་བཞུགས་པ་དག་སྟེ། མོས་ཞེས་འཆད་པར་འགྱུར་རོ།། རྡུལ་གཅིག་གི་སྟེང་དུ་ཇི་ལྟ་བ་བཞིན་དུ་ཚུལ་འདི་ཉིད་ཀྱིས། ཆོས་ཀྱི་དབྱིངས་རྣམས་མ་ལུས་པ ་ཐམས་ཅད་དུ་ཡང་མོས་པར་བྱ་སྟེ། ཆོས་ཐམས་ཅད་ཀྱི་ངོ་བོ་ཉིད་ནི་ཆོས་ཉིད་དོ།། དེ་ཉིད་ཀྱི་དབྱིངས་ཡིན་པས་ན་ཆོས་ཀྱི་དབྱིངས་ཏེ། ཆོས་ཀྱི་དབྱིངས་ན་མཁའི་མཐའ་གཏུགས་པ་དེ་ལྟ་བུ་དེ་བཅོམ་ལྡན་འདས་རྡུལ་གྱི་སྟེང་ན ་བཞུགས་པ་རེ་རེ་ཞིང་ཡང་བྱང་ཆུབ་སེམས་དཔའ་དཔག་ཏུ་མེད་པའི་ཚོགས་ཀྱིས་ཀུན་ནས་བསྐོར་བ་རྣམས་ཀྱིས་གང་ཞིང་བར་མཚམས་མེད་པར་ཁྱབ་པར་ཡིད་ཀྱི་མོས་པར་བྱའོ།། ལུས་དང་ངག་གི་ལས་དག་ནི་ཡིད་ཀྱི་ལས ་ཀྱིས་ཀུན་ནས་བསླང་བའི་ཕྱིར་བར་དུ་ཡིད་ཀྱི་ལས་བསྟན་ཏོ།། ང་ནི་ངག་གིས་ཕྱག་བྱ་བ་བསྟན་ཏེ། དེ་དག་བསྔགས་པ་མི་ཟད་བྱ་ཞེས་བྱ་བ་ལ་སོགས་པའོ།། དེ་དྲག་ཅེས་བྱ་བུ་ནི་དེ་ལྟར་མོས་པ་དག་གིའོ།། ཉམས་པ་དང་མཐའ ་ཐུག་པ་མེད་པའི་ཕྱིར་ཟང་མི་ཤེས་པས་ན་མི་ཟད་པའོ།། གང་དག་ལ་བསྔགས་པ་མི་ཟད་རྒྱ་མཚོ་སྟེ། ཡོན་ཏན་མི་ཟང་རྒྱ་མཚོ་ཡོད་པ་དེ་དག་ནི། བསྔགས་པ་མི་ཟད་རྒྱ་མཚོ་སྟེ་བསྔགས་པ་ཞེས་བྱ་བའི་སྒྲ་ནི་ཡོན་ཏན་གྱི་རྣམ ་གླངས་ཡིན་ནོ།། རྒྱ་མཚོ་ཞེས་བྱ་བའི་སྒྲ་ནི་མང་པོ་ཉིད་དུ་སྟོན་པར་ཁོང་དུ་ཆུད་པར་བྱ་སྟེ། བསྔགས་པ་མི་ཟང་རྒྱ་མཚོ་དེ་དག་གོ། དབྱངས་ཀྱི་ཡན་ལག་རྒྱ་མཚོ་སྒྲ་ཀུན་གྱིས་ཞེས་བྱ་བ་ལ་ཡན་ལག་ཅེས་བྱ་བའི་སྒྲ་ཡང ་འདིར་ཡོན་ཏན་གྱི་རྣམ་གྲངས་ཡིན་ནོ།། ཇི་ལྟ་ཞེ་ན། འདི་ལྟར་ཉན་ཐོས་ཀྱི་ཐེག་པ་ལས་ནི། བཅོམ་ལྡན་འདས་ཀྱིས་གསུང་དབྱིངས་ཡན་ལག་ལྔ་དང་ལྡན་པ་ཞེས་འབྱུང་ལ། ཐེག་པ་ཆེན་པོ་ལས་ནི་ཡན་ལག་དྲུག་ཅུ་དང་ལྡན་པ ་དྲང་། ཡན་ལག་ཁྲི་དང་ལྡན་པ་དང་ཡན་ལག་ཚད་མེད་པ་དང་ལྡན་པ་ཞེས་འབྱུང་ངོ་།། དེ་དག་དུ་ནི་ཡོན་ཏན་ལྔ་དང་ལྡན་པཾ་ཞེས་བྱ་བ་ལ་སོགས་པ་མངོན་ཏེ། དབྱངས་ཀྱི་ཡོན་ཏན་རྒྱ་མཚོ་དེ་དག་ཐམས་ཅད་དང་ལྡན་པའི་དབྱངས་གང ་ཡིན་པ་སྟེ། སྒྲ་གང་དག་ཡིན་པ་དེ་དག་གིས་སོ།། རྒྱལ་བ་ཀུན་གྱི་ཞེས་བྱ་བ་ལ་སོགས་པ་ནི་རྒྱལ་བ་དེ་དག་ཐམས་ཅད་ཀྱི་བྱང་ཆུབ་ཏུ་སེམས་བསྐྱེད་པ་ནས་བཟུང་སྟེ། སྐུ་དང་གསུང་དང་ཐུགས་ཀྱི་ཡོན་ཏན་ཐུན་མོང་དང་ཐུན་མོང་མ་ཡིན ་པ་དེ་དག་རབ་ཏུ་བརྗོད་ཅིང་མངོན་པར་སྨྲ་ལ་སྒྲོགས་ཤིང་བདེ་བར་གཤེགས་པ་དེ་དག་ཐམས་ཅད་ཏེ་རེ་རེའི་སྤྱན་སྔ་ན་འདུག་པ་བཞིན་དུ་བདག་གིས་བསྟོད་དོ།། ཡང་ན་བསྡིགས་པ་མི་ཟད་རྒྱ་མཚོ་ཞེས་བྱ་བ་ནི་གཞི་མཐུན་པ་ཡིན་པའི ་ཕྱིར་ཡོན་ཏན་ཞེས་བྱ་བ་འདིའི་ཁྱད་པར་ཡིན་ཏེ། བསྔགས་པ་མི་ཟད་པ་རྒྱ་མཚོ་རྣམས་རབ་ཏུ་བརྗོད་ཅིང་ཞེས་བྱ་བའི་ཐ་ཚིག་གོ། ད་ནི་སངས་རྒྱས་བཅོམ་ལྡན་འདས་དེ་དག་ཉིད་ལ་མཆོད་པ་བླ་ན་ཡོད་པ་དང་། བླ་ན་མེང་བ་རྣམ་པ ་གཉིས་བསྟན་པ་ལ། བླ་ན་ཡོད་པ་ནི་མེ་ཏོག་དམ་པ་ཞེས་བྱ་བ་ལ་སོགས་པ་ཚིགས་སུ་བཅད་པ་གཉིས་ཀྱིས་བསྟན་ཏེ། མེ་ཏོག་ལ་སོགས་པའི་ནང་ན་དམ་པ་གང་ཡིན་པའི་མེ་ཏོག་དམ་པ་དང་། ཕྲེང་བ ་དམ་པ་དང་། སིལ་སྙན་དམ་པ་དང་། ཙན་དན་དང་གུར་གུམ་ལ་སོགས་པ་བྱུག་པ་དམ། པ་དང་། གདུགས་དམ་པ་དང་། མར་མེ་དམ་པ་དང་། བདུག་པ་དམ་པ་དང་། ན་བཟའ་དམ་པ་དང་། དྲི་སྣ་ཚོགས་སྦྱར་བའི་དྲི་དམ་པ་དང་། ཙན་དན་དང ་གུར་གུམ་དང་གུ་བུར་དང་ཨ་ཀ་རུ་ལ་སོགས་པའི་ཕྱེ་མའི་ཕུར་མ་རི་རབ་དང་མཉམ་པ་དེ་དག་གིས་སོ།། བཀོད་པའི་ཁྱད་པར་འཕགས་པ་མཆོག་ཀུན་གྱིས་ཞེས་བྱ་བ་ལ་བཀོད་ཅེས་བྱ་བའི་སྒྲ་ནི་འདིར་ཚོགས་པའི་རྣམ་གྲངས ་ཡིན་ཏེ། ལྷ་དང་མིའི་རྣམ་པ་ཐམས་ཅད་ཀྱི་མཆོག་དང་ལྡན་པ་དྲག་གིས་རྒྱལ་བ་ཐམས་ཅད་ལ། མཆོད་པར་བགྱིའོ་ཞེས་བྱ་བ་ཡིན་ནོ།། བླ་ན་མེད་པ་ནི་མཆོད་པ་གང་རྣམས་བླ་ན་མེད་ཅེས་བྱ་བ་ལ་སོགས་པས་བསྟན་ཏེ། ་མཆོད་པ་གང་རྣམས་བླ་ན་མེད་ཅིང་རྒྱ་ཆེ་བ་བྱང་ཆུབ་སེམས་དཔའི་ཏིང་ངེ་འཛིན་གྱི་ཁྱད་པར་གྱིས་མཐུས་བསྐྱེད་པ། ཆོས་ཀྱི་དབྱིངས་ཀྱིས་ཀླས་པར། སངས་རྒྱས་ཀྱི་ཞིང་ཐམས་ཅད་དུ་རྒྱས་པར་འགྲོངས་པ་དེ་དག་བདག་གིས་རྒྱལ ་བ་ཐམས་ཅད་ལ་ཡིད་ཀྱིས་མོས་པར་བྱའོ།། བཟང་པོ་སྤྱོད་ལ་དད་པའི་སྟོབས་དག་གིས་ཞེས་བྱ་བ་ནི་བཟང་པོ་སྤྱོད་པ་ལ་དད་པའི་སྟོབས་ཀྱིས་ཞེས་བྱ་བ་ཡིན་ཏེ། བཟང་པོ་སྤྱོད་ལ་དད་པ་ནི་མོས་པ་དང་ཡིད་ཆེས་པ་དང་ངེས་པ་ཡིན་ནོ།། ་དེའི་སྟོབས་ཀྱིས་ཏེ་བཟང་པོ་སྤྱོད་པ་དེའི་མཆོད་པ་ནི་མདོ་སྡེ་དུ་མ་ལས་ཀྱང་བྱང་ཆུབ་སེམས་དཔའ་སྤྲུལ་པའི་མཆོད་པ་འབྱུང་བ་དེ་ལྟ་བུ་དག་ཡིན་ནོ།། ད་ནི་ཇི་སྐད་བཤད་པའི་ཕྱག་འཚལ་བ་དང་མཆོད་བ་དག་འཇུག་བསྡུས་པའི་ཕྱིར ་རྒྱལ་བ་ཀུན་ལ་ཕྱག་འཚལ་མོཆོད་པར་བགྱི་ཞེས་བྱ་བ་གསུངས་ཏེ། རྒྱལ་བ་ཐམས་ཅད་ལ་ཕྱག་འཚལ་བར་བགྱི་ཞིང་མཆོད་པར་བགྱིའོ།། ངོ་བོ་ཉིད་དང་གཞི་དང་རྟེན་དང་རྣམ་པ་གསུམ་གྱིས་སྡིག་པ་བཤགས་པ་བསྟན་པའི ་ཕྱིར་འདོད་ཆགས་ཞེ་སྡང་གཏི་མུག་དབང་གིས་ན་ཞེས་བྱ་བ་ལ་སོགས་པ་གསུངས་སོ།། དེ་ལ་ངོ་བོ་ཉིད་ཀྱི་སྒོ་ནས་བདག་གིས་ཚེ་འདི་དང་ཚེ་རབས་གཞན་དག་དུ་སྡིག་པ་བགྱིས་པ་དང་། བགྱིད་དུ་བརྩལ་པ་དང་། བགྱིད་པ་ལ་རྗེས ་སུ་ཡི་རངས་པ་ཅི་མཆིས་པའོ།། གཞི་ཅི་ཡིན་ཞེ་ན། གཞི་ནི་འདོད་ཆགས་དང་ཞེ་སྡང་དང་གཏི་མུག་དང་། རྟེན་གང་ཡིན་ཞེ་ན་རྟེན་ནི་ལུས་དང་ངག་ཡིད་ཡིན་ཏེ། དེ་དག་ཐམས་ཅད་རྒྱལ་བ་སྲས་དང་བཅས་པ་ཀུན་གྱི་སྤྱན་སྔ་ནས ་འདུག་པ་དང་འདྲ་བར་ཤིན་ཏུ་འགྱོང་པའི་ཡིད་ཀྱིས། སྐད་གཅིག་རེ་རེ་ལ་སོ་སོར་བཤགས་ཤིང་གསོལ་བར་བགྱིའོ།། ད་ནི་བསོད་ནམས་ཀྱི་རྗེས་སུ་ཡི་རང་བར་བསྟན་པའི་ཕྱིར། ཕྱོགས་བཅུའི་ཞེས་བྱ་བ་ལ་སོགས་པ ་གསུངས་སོ།། ཕྱོགས་བཅུའི་འགྲོ་བ་ཀུན་གྱི་སྦྱིན་པ་དང་། ཚུལ་ཁྲིམས་དང་། བསྒོམས་ལས་བྱུང་བའི་བསོད་ནམས་དུས་གསུམ་པ་གང་ལགས་པ་དང་། སློབ་པ་གང་ཟག་བདུན་པོ་རྣམས་ཀྱི་གང་ལགས་པ་དང་། མི་སློབ ་པ་དགྲ་བཅོམ་པ་རྣམས་ཀྱི་གང་ལྤགས་པ་དང་། རང་རྒྱལ་བ་རྣམས་པ་ཉིས་པ་བསེ་རུ་ལྟ་བུ་དང་། ཚོགས་ཤིང་སྤྱོད་པ་རྣམས་ཀྱི་བསོད་ནམས་འཇིག་རྟེན་དང་། འཇིག་རྟེན་ལས་འདས་པ་དུས་གསུམ་པ ་གང་ལགས་པ་དང་། བྱང་ཆུབ་སེམས་དཔའ་ཐམས་ཅད་ཀྱི་སེམས་དང་པོ་བསྐྱོད་པ་ནས་བཟུང་བའི་གང་ལ་གོས་པ་དང་། སངས་རྒྱས་བཅོམ་ལྡན་འདས་རྣམས་དུས་གསུམ་དུ་གཏོགས་པ་རྣམས་རེ་རེ་ཞིང་བརྡ་རེ་བཏགས་པའི ་བྱང་ཆུབ་ཀྱི་སེམས་དྲངོ་པོ་བསྐྱེད་པ་ནས་བཟུང་བའི་བསོད་ནམས་ཀྱི་ཕ་རོལ་ཏུ་ཕྱིན་པ་དང་། ས་ལ་སོགས་པ་ལས་བསྐྱེད་པ་འཇིག་རྟེན་པ་དང་། འཇིག་རྟེན་ལས་འདས་པ་དུས་གསུམ་དུ་གཏོགས་པ་ཚད་མེད་ཅིང་བསམ་གྱིས་མི ་ཁྱབ་པ་སངས་རྒྱས་ཀྱི་ཡེ་ཤེས་ཀྱི་སྤྱོད་ཡུལ་གང་ལགས་པ་དེ་དག་ཐམས་ཅད་ལ་སྐད་ཅིག་རེ་རེ་ཞིང་རྗེས་སུ་ཡི་རང་ངོ་།། འགྲོ་བ་ཞེས་བྱ་བའི་སྒྲ་ནི་མ་ལུས་པ་ལ་བསྙེགས་པའི་ཕྱིར་སློབ་པ་ལ་སོགས་པའི་བསོད་ནམས་ཀྱང་ནང ་དྲོ་འདུ་བར་འགྲུབྱ་ན། ཙི་ཕྱིར་ལོགྲོས་ཤཻགྣི་དུ་སྨོས་ཞེ་ནཱ། དེ་ནི་མ་ཡིན་ཏྲེ། འགྲོ་བས་ནུ་འགྲོ་བ་སྟེ། སྲེད་པ་དང་བཅས་པའི་འཁོར་བར་ཤིན་ཏུ་འགྲོའོ་ཞེས་བྱ་བའི་ཐ་ཚིག་གོ། དེ་ལ་ཁ་ཅིག་ནི་ཤིན་ཏུ་འགྲོ་བ་མེད་པའི་ཕྱིར་ལ་ཁ ་ཅིག་ནི་འགྲོ་བ་ཡོད་མེད་པའི་ཕྱིར་འགྲོ་བ་འགྲོ་བ་ཞེས་བྱ་བའི་སྒྲར་བརྗོད་པ་མི་རུང་བས་སོ་སོར་བསྟན་ཏོ།། ད་ནི་ཆོས་ཀྱི་འཁོར་ལོ་བསྐུལ་བར་བསྟན་པའི་ཕྱིར། གང་རྣམས་ཕྱོགས་བཅུའི་འཇིག་རྟེ་སྒྲོན་མ་དག་ཅེས་བྱ་བ་ལོ་སོགས ་པ་སྨོས་ཏེ། ཕྱོགས་བཅུའི་འཇིག་རྟེན་གྱི་སྒྲོན་མ་ནི་གང་ངག་ཡིན་པ་སྟེ། སངས་རྒྱས་བཅོམ་ལྡན་འདས་རྣམས་ནི་འཇིག་རྟེན་གྱི་ཕྱི་དང་ནང་གི་མུན་པ་མང་པོ་སེལ་བའི་བདག་ཉིད་ཅན་ཡིན་པའི་ཕྱིར་འཇིག་རྟེན་གྱི་སྒོན ་མའོ།། བྱང་ཆུབ་རིམ་པར་ཞེས་བྱ་བའི་ནི་བླ་ན་མེད་པའི་བྱང་ཆུབ་མངོན་པར་རྫོགས་པར་སངས་རྒྱས་ནས་སོ།། མ་ཆགས་བྱ་བ་སྐྱེས་ཞེས་བྱ་བ་ནི་མ་ཆགས་པ་ཉིད་དུ་འགྱུར་བ་སྟེ། མངོན་པར་བྱང་ཆུབ་བྱའི་སྟོབས་ཀྱིས ་དངོས་པོའི་ངོ་བོ་ཉིད་མ་ལུས་པར་ཡོངས་སུ་མཁྱེན་པོའི་ཕྱིར་ཆགས་པ་ཐམས་ཅད་ལས་ཡང་དག་པར་འདས་པ་ཡིན་ནོ།། ཆོས་ཟབ་མོ་རྟོགས་པར་བྱ་བ་ཡང་དོན་དུ་མི་གཉེར་ཞིང་མངོན་པར་མི་བརྩོན་པ་གཞན་དགྲ ་གིས་ཁོང་དུ་ཆུད་པར་དཀའོ་ཞེས་ཆོས་འཆད་པར་མི་སྤྲོ་ཞིང་འཇིག་རྟེན་གྱི་ཁམས་སྣ་ཚོགས་ན་བྱང་ཆུབ་ཀྱི་ཤིང་དམ་པའི་དྲུང་ན་བཞུགས་པ་གང་དག་ལ་གོས་པ་འཇིག་རྟེན་གྱི་མགོན་པོ་དེ་དག་ཐམས་ཅད་ལ་འགྲོ་བའི་མི ་ཤེས་པའི་མུན་པ་བསྔལ་ཞིང་བླ་ན་མེང་བའི་ཡེ་ཤེས་ཀྱི་སྣང་བ་འབྱུང་བར་བྱ་བའི་ཆེད་དུ་ཆོས་ཀྱི་འཁོར་ལོ་བླ་ན་མེད་བུ་བསྐོར་བའི་ཕྱིར་རེ་རེའི་སྤྱན་སྣུ་ན་བདག་པུས་མོ་ས་ལ་བཙུགས་ཏེ། ཐུལ་མོ་སྦྱར་ནས་འདུག་བཞིན་དུ ་བསྐུལ་ལོ་ཞེས་བྱ་བ་ཡིན་ནོ།། དེ་བཞིན་གཤེགས་པ་རྣམས་བཞུགས་པར་གསོལ་བ་ནི། མྱ་ངན་འདས་སྟོན་གང་བཞེད་དེ་དག་ལ་ཞེས་བྱ་བ་ལ་སོགས་པས་བསྟན་ཏོ།། གང་ཞེས་བྱ་བ་ནི་བྱེ་བྲག་མ་ཕྱེ་བའི་སྐབས་ཡིན ་བའི་ཕྱིར། ཕྱོགས་བཅུའི་འཇིག་རྟེན་གྱི་སྒྲོན་མཱ་ཞེས་བྱ་བ་ཁོ་ནཱ་དྲུང་སྦྱར་ཏེ། ཕྱོགས་བཅུ་ན་སངས་རྒྱས་བཅོམ་ལྡན་འདས་གང་དྲུག་མྱ་དྲན་ལས་འདས་པ་སྟོན་པར་བཞེད་པ་དེ་དག་ཐམས་ཅད་ལ་ཡུན ་རིང་དུ་བཞུགས་པར་བདག་གསོལ་ཞིང་དོན་དུ་གཉེར་རོ་ཞེས་བྱ་བ་ཡིན་ནོ།། དུས་ཇི་སྲིད་ཅིག་དུ་ཞེ་ན། དུས་གསུམ་ལ་གཏོགས་པའི་སངས་རྒྱས་ཀྱི་ཞིང་གི་རྡུལ་ཐམས་ཅད་དང་མཉམ་པའི་བསྐལ་བར་བཞུགས ་བར་རོ།། ཅིའི་ཕྱིར་ཞེ་ན། འགྲོ་བ་མགོན་མེད་པ་ཐམས་ཅད་ལ་ཕན་ཞིང་བདེ་བར་བྱ་བའི་ཕྱིར་ཏེ། དེ་ལ་ཕན་པ་ཤིན་ཏུ་རྣམ་པ་དང་བདེ་བ་མྱ་ངན་ལས་འདས་པའི་ལམ་ཐོབ་པ་ཡིན་ནོ།། བདེ་བ་ནི་ལྷའི་རྨད་དུ་བྱུང་བ་རྙེད་པའོ།། ་ང་ནི་ཇི་སྐད་བསྟན་པའི་བསོད་ནམས་ཀྱི་ཕུང་པོ་ཕྱག་འཚལ་བ་ལ་སོགས་པས་ཀུན་ནས་བསླང་བའི་ཡོངས་སུ་བསྔོའཚལྔ་བ་དང་མཆོད་ཅིང་བཤགས་པ་དང་ཞེས་བྱ་བ་ལ་སོགས་པ་གསུངས་ཏེ། ཕྱག་འཚལ་པ་དང ་མཆོད་པ་དང་སྡིག་པ་བཤགས་པ་དང་། བསོད་ནམས་ཀྱི་རྗེས་སུ་ཡི་རང་བ་དང་། ཆོས་ཀྱི་འཁོར་ལོ་བསྐོར་བར་བསྐུ་དང་། དེ་བཞིན་གཤེགས་པ་བཞུགས་པར་གསོལ་བའི་དགེ་བ་ཅུང་ཟད་བདག་གིས་བ་སོགས་ཤིང ་བསྒྲུབས་པ་དེ་དག་ཐམས་ཅད་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ཡོངས་སུ་བསྔོའོ་ཞེས་བྱ་བ་ཡིན་ནོ།། ན་དེའི་རབ་ཏུ་དབྱེ་བ་སྟེ་བརྒྱད་པའོ།། དེའི་རབ་ཏུ་དབྱེ་བ་ནི་ཀུན་ཏུ་བཟང་པོའི་སྤྱོད་པའི་སྨོན་ལམ་དེ་ཡན ་ལག་ཏུ་དབྱེ་བ་ཡིན་ནོ།། དེ་ཡང་རྣམ་པ་དྲུག་སྟེ་འདི་ལྟ་སྟེ། བསམ་པ་དང་། བྱང་ཆུབ་ཀྱི་སེམས་མི་བརྗེད་པ་དང་། ཆགས་པ་མེད་པར་སྦྱོར་བ་དང་། སེམས་ཅན་ལ་ཕནྡ་གདགས་པ་དང་། གོ་ཆ་དང་། སྐལ་བ་མཐུན་པའི་བྱང་ཆུབ ་སེམས་དཔའ་དང་ཕྲད་པ་དང་། དགེ་བའི་བཤེས་གཉེན་མགུ་བར་བྱ་བ་དང་། དེ་བཞིན་གཤེགས་པ་མངོན་དུ་བྱ་བ་དང་། དམ་པའི་ཆོས་ཡོངས་སུ་གཟུང་བ་དང་། མི་ཟད་པའི་མཛོད་རྙེད་པ་དང་། འཇུག་པ་དང་སྟོབས་དང་། གཉེན ་པོ་དང་། ལས་དང་། རྗེས་སུ་སློབ་ཅིང་ཡོངས་སུ་བསྔོ་བ་དང་། བསྡུ་བའོ།། དེ་ལ་བསམ་པ་ནི་རྣམ་པ་དང་པོ་ཡིན་ནོ།། དེ་ཡང་རྣམ་པ་གསུམ་སྟེ། དེ་བཞིན་གཤེགས་པ་ལ་མཆོད་ཅིང་དགོངས་པ་ཡོངས་སུ་རྫོགས་པར་བསམ་པ་ནི་འདས་པའི ་སངས་རྒྱས་རྣམས་དང་ཞེས་བྱ་བ་ལ་སོགས་པ་གང་གསུངས་པ་ཡིན་ནོ།། མཆོད་པར་གྱུར་ཅེས་བྱ་བ་ནི་བླ་ན་མེད་པའི་མཆོད་པ་སྟེ། སངས་རྒྱས་བཅོམ་ལྡན་འདས་མྱ་ངན་ལྔས་འདས་པ་རྣམས་དང་། ད་ལྟར་ཕྱོགས་བཅུའི་འཇིག་རྟེན་གྱི ་ཁམས་ཀྱི་ཚོགས་དག་ན་གཞོས་ཤིང་བཞུགས་ལ། འགྲོ་བ་མཐའ་དག་ལ་ཕན་པ་དང་བདེ་བ་བསྐྱེད་པ་ལྷུར་མཛད་པ་གང་དག་ཡིན་པ་དེ་དག་ལ་ཡང་དེ་བཞིན་དུ་མཆོད་པར་གྱུར་ཅིག། མེ་འོངས་པ་ན་འབྱུང་བར་འགྱུར་བ་གང་དག་ཡིན་པ་དེ ་དག་ཀྱང་ཐུགས་ལ། དགོངས་པ་རྫོགས་ནས་མྱུར་དུ་ཐོགས་པ་མེད་པར་བྱང་ཆུབ་རྣམ་པར་སངས་རྒྱས་པར་སྤྱོན་ཅིག་ཅེས་བྱ་བ་ཡིན་ཏེ། ཕྱེད་གོང་མས་ནི་དེ་བཞིན་གཤེགས་པ་ལ་མཆོད་པའི་བསམ་པ་བསྟན་ཏོ།། བྱེད་འོག་མས་ནི ་དགོངས་པ་ཡོངས་སུ་རྫོགས་པའི་བསམ་པ་བསྟན་ཏོ།། སངས་རྒྱས་ཀྱི་ཞིང་ཡོངས་སུ་སྦྱང་བའི་བསམ་པ་ནི། ཕྱོགས་བཅུ་ག་ལའི་ཞིང་རྣམས་ཇི་སྙེད་པ་ཞེས་བྱ་བ་ལ་སོགས་པ་གང་གསུངས་པ་ཡིན་ཏེ། ག ་ལའི་ཞེས་བྱ་བ་ནི་གང་ཡང་རུང་བའོ།། ཇི་སྙེད་པ་ཞེས་བྱ་བ་ནི་ཅི་ཡོད་པ་སྟེ། ཕྱོགས་བཅུ་ན་སངས་རྒྱས་ཀྱི་ཞིང་ཇི་སྐྱེད་ཡོད་པ་དེ་དག་ཐམས་ཅད་རེ་རེ་ཞིང་ཡང་དཔག་ཏུ་མེད་པའི་འཇིག་རྟེན་གྱི་ཁམས་ཀྱི་གཏོག་ལྟ་བུར་རྒྱ་ཆེ་ཞིང ་ཡངས་པ་དང་། བདེ་བ་ཅན་ལྟ་བུར་ཡོངས་སུ་དག་པར་གྱུར་ལ། བྱང་ཆུབ་ཀྱི་ཤིང་གི་དབང་པོའི་དྲུད་དུ་གཤེགས་པའི་རྒྱལ་བ་བཅོམ་ལྡན་འདས་རྣམས་དང་། བྱང་ཆུབ་སེམས་དཔའ་རྣམས་ཀྱིས་ཀུན་ནས་ཡོངས་སུ་གང་ཞིང་། བར ་མཚམས་མེད་པ་ཁྱབ་པར་གྱུར་ཅིག་ཅེས་བྱ་བ་ཡིན་ནོ།། སེམས་ཅན་ཐམས་ཅད་ལ་ཕན་པ་དང་བདེ་བའི་བསམ་པ་ནི། ཕྱོགས་བཅུའི་སེམས་ཅན་གང་རྣམས་ཇི་སྙེད་པ་ཞེས་བྱ་བ་ལ་སོགས་པ་གང་གསུངས་པ་ཡིན་ཏེ། ཕྱོགས ་བཅུའི་སེམས་ཅན་འགྲོ་བ་ལྔ་པོ་སྐྱེ་གནས་བཞིས་བསྡུས་པ་གང་ཡིན་རུང་བ་ཇི་སྙེད་པ་དེ་དག་ཐམས་ཅད་རྟག་ཏུ་རྒྱུན་མི་འཆད་པར་ལུས་དང་སེམས་ཀྱི་ནང་དང་བྲལ་ཞིང་ནད་མེད་པར་གྱུར་ལ། ངན་སོང་བ་མ་ཡིན་པའི་བདེ་བ་མཆོག ་གིས་བདེ་བར་གྱུར་ཅིག། དེ་དག་གི་ཆོས་དང་མཐུན་པའི་དོན་རྙེད་པ་གང་ཡིན་པ་དེ་ཡང་མཐུན་ཞིང་འཚམ་པར་གྱུར་ལ། འགྲོ་བ་ཐམས་ཅད་ཀྱི་ཆོས་དང་མཐུན་པའི་བསམ་པ་ཡང་རྟག་ཏུ་འགྲུབ་ཅིང་འབྱོར་པར་ཤོག་ཅིག་ཅེས་བྱ་བ་ཡིན ་ནོ། ཚིགས་སུ་བཅད་པ་བཞིས་ནི་མི་མཐུན་པའི་ཕྱོགས་སྤང་བ་གཉེན་པོ་དང་བཅས་པ་བསྟན་པས་རྣམ་པ་གཉིས་པ་བྱང་ཆུབ་ཀྱི་སེམས་མི་བརྗེད་པ་བཤད་དེ། བྱང་ཆུབ་སྤྱོད་པ་དག་ནི་བདག་སྤྱོད་ཅིང་ཅེས་བྱ་བ་ནས། དེ་དག་མ་ལུས ་ཡོངས་སུ་བྱང་བར་ཤོག་ཅེས་བྱ་བའི་བར་གང་གསུངས་པ་ཡིན་ནོ།། བྱང་ཆུབ་ཅེས་བྱ་བ་ནི་བླ་ན་མེད་པ་ཡང་དག་པར་རྫོགས་པའི་བྱང་ཆུབ་བོ།། དེའི་ཆེད་དུ་སྤྱོད་པ་ནི་བྱང་ཆུབ་སྤྱོད་པོ་སྟེ། དེ་བདག་སྤྱོད་ཅིང་སྒྲུབ་ལ། འགྲོ་བ་ཐམས་ཅད་དུ་སྐྱེ་བ ་དྲན་པར་གྱུར་ཅིག། ཚེ་རབས་ཐམས་ཅད་དུ་འཆི་འཕོ་སྐྱེ་བ་སྟེ་འཆི་འཕྲོ་བ་དང་སྐྱེ་བོ་ན་ཡང་བདག་རྟག་ཏུ་རབ་ཏུ་འབྱུང་བར་ཤོག་ཅིག་ཅེས་བྱ་བ་ཡིན་ནོ།། འཆི་འཕོ་བ་དང་སྐྱོ་བ་དག་གིས་བར་གྱི་གནས་སྐབས་ནི་ཤུགས་ཀྱིས་བསྟན་པ་ཁོ ་ནར་བལྟ་བར་བྱ་སྟེ། འདི་ནི་བྱང་ཆུབ་ཀྱི་སེམས་མི་བརྗེད་པའི་རྒྱུ་དང་པོ་ཡིན་ནོ།། དེ་བཞི་ན་དུ་རྒྱལ་བ་ཀུན་གྱི་རྗེས་སུ་སློབ་གྱུར་ཏེ་ཞེས་བྱ་བ་ལ་སོགས་པ་གསུངས་ཏེ། དུས་གསུམ་དུ་གཏོགས་པའི་རྒྱལ་བ་ཐམས་ཅད་ཀྱི་བསླབས་པའི ་རྗེས་སུ་སློབ་པར་གྱུར་ཏེའོ།། བཟང་པོ་སྤྱོད་པ་ཞེས་བྱ་བ་ནི་སྤྱོད་པ་བཟང་པོའོ།། ཡོངས་སུ་རྫོགས་བྱེད་ཅིང་ཅེས་བྱ་བ་ནི་ཡོངས་སུ་རྫོགས་ཤིང་མཐར་ཕྱིན་པར་བྱེད་པའོ།། ཅི་ཞིག་བྱ་ཞེ་ན། ཚུལ་ཁྲིམས་སྤྱོད་པ་དྲི་མེད་ཡོངས་དག་པ། རྟག་ཏུ་མཉམ ་སྐྱོན་མོད་སྤྱོད་པར་ཤོག་ཅེས་བྱ་བ་སྨོས་ཏེ། དཔེར་ན་ཡིད་བཞིན་གྱི་ནོར་བུ་རིན་པོ་ཆེ་གློ་བུར་གྱི་དྲི་མ་དང་བྲལ་བའི་ཕྱིར་དྲི་མ་དང་བྲལ་བ་ཉིད་ཀྱིས་དྲི་མ་མེད་ལ། གཡའི་སྐྱོན་དང་བྲལ་བའི་ཕྱིར། རང་བཞིན་གྱིས་ཡོངས་སུ་དག་པ་སྟེ། དེ་ཉིད་ཀྱི ་ཕྱིར་མ་ཉམས་ཤིང་སྐྱོན་མེད་ལ། སེམས་ཅན་གྱི་འདོད་པ་ཕུན་སུམ་ཚོགས་པར་བྱེད་པ་དང་། ཡོངས་སུ་གདུད་པ་ཐམས་ཅད་སེལ་བ་དང་། ནང་ཐམས་ཅད་དང་བྲལ་བ་དང་། དུས་མ་ཡིན་པར་མཆི་བ་རག་ཏུ་ཞི་བར་བྱེད ་ལྟ་བུ་གཞན་གྱི་དོན་སྒྲུབ་པ་འབའ་ཞིག་ཏུ་ཟད་པོ་དེ་བཞིན་དུ་བྱང་ཆུབ་སེམས་དཔའ་རྣམཀྱི་ཚུལ་ཁྲིམས་ཀྱང་རིན་པོ་ཆེ་བཞིན་དུ་རིན་ཆེ་བ་ཡིན་ཏེ། ལས་དྲང་ཉོན་མོངས་པ་གློ་བུར་བ་དང་མ་འདྲེས་པའི་ཕྱིར་དྲི་མཱ་དང་བྲལ་བ་ཉིད་ཀྱི་མི་དྲི་མ་མེད ་ལ། ཉན་ཐོས་དང་རང་སངས་རྒྱས་ཀྱི་ཐེག་པའི་སེམས་བསྐྱེད་པའི་གཡའི་སྐྱོན་དང་བྲལ་པའི་ཕྱིར་དང་། མེད་ན་མི་འབྱུང་བ་ཉིད་ཀྱིས་ཐམས་ཅད་མཁྱེན་པ་ཉིད་ཀྱི་སེམས་བསྐྱེད་པ་རིན་པོ་ཆེའི་རྒྱུ་ལས་བྱུང་བའི་ཕྱིར། ཀུན་ནས་ཡོངས་སུ་ད ་པས་ན་ཡོངས་སུ་དག་པ་སྟེ། བྱང་ཆུབ་སེམས་དཔའི་བསླབ་པ་ཐམས་ཅད་ལ་གོས་པར་བྱེད་པ་ཉིད་ཀྱིས་ལྟུང་བ་ཀུན་ཏུ་མི་འབྱུང་བའི་ཕྱིར་བསླབ་པ་ལ་ཉམས་པའི་སྒོ་ནུས་མ་ཉམས་ཤིང་། ཡུལ་ཉམས་སུ་མྱོང་བ་འདས་པ་ལ་བལྟས་པའི་སྲེང ་པ་དང་། མ་འོངས་པ་ལ་མངོན་པར་དགའ་བའི་སྲེད་པ་དང་། ད་ལྟར་བྱུང་བ་ལྷག་པར་ཆགས་པའི་སྲེད་པ་སྐྱེ་བ་དུས་གསུམ་པའི་ཁ་བ་འདི་དག་གིས་ཅུང་ཟད་ཀྱང་མ་གཙེས་པའི་ཕྱིར་སྐྱོན་མང་ལ། ས་ལྟ་བུར་སངས་རྒྱས་དང་བྱང་ཆུབ་སེམས ་དཔའ་ཐམས་ཅད་ཀྱི་ཡོན་ཏན་རྣམས་ཀྱི་གཞིར་གྱུར་པའི་ཕྱིར་འགྲོ་བ་མཐའ་དག་གི་འདོད་པ་ཕུན་སུམ་ཚོགས་པར་བྱེད་པ་དང་། ཡོངས་སུ་གདུང་བ་ཐམས་ཅད་སེལ་བ་དང་། ནད་ཐམས་ཅད་དང་བྲལ་བ་དང་། ལྷ་དང་མི་དག་གིས་ནང་ན་ཚེ་དངག ་ཏུ་མེད་པར་བྱེད་པ་ལྟ་བུ་གཞན་གྱི་དོན་སྒྲུབ་པ་ལ་ཞུགས་པ་འབའ་ཞིག་ཏུ་ཟད་དོ།། ངེས་པའི་ཚིག་དུ་ན། ལུས་དང་སེམས་ཀྱིས་ཡོངས་སུ་གདུང་བ་སྤེལ་བའི་སྒོ་ནས་བསིལྔ་པར་གྱུར་པའི་ཕྱིར་ཚུལ་ཁྲིམས་ཞེས་བྱ་བའོ།། ཚུལ་ཁྲིམ་སྷོ། ་བཞི་བྱ་བ་ནི་ཚུལ་ཁྱིམ་ཉིད་སྤྱོད་པས་ཚུལ་ཁྲིམ་སྤྱོད་གོ་ཚུལ་ཁྲིམས་སྤྱོད་པ་དྲི་མ་མེད་པ། ཡོངས་སུ་དག་པ། མ་ཉམས་པ་སྐྱོན་མེད་པ་དེ་ལྟ་བུ་དེ་བྱང་ཆུབ་ཀྱི་བར་དུ་སྤྱོད་པར་ཤོག་ཅིག་ཅེས་བྱ་བ་ཡིན་ཏེ། འདི་ནི་བྱང་ཆུབ་ཀྱི་སེམས་མི་བརྗེད་པའི ་རྒྱུ་གཉིས་པ་ཡིན་ནོ།། ལྷ་ཡི་སྐད་དང་ཀླུ་དང་གནོད་སྦྱིན་སྐད་ཅེས་བྱ་བ་ལ་སོགས་པ་ནི་ལྷ་རྣམས་ཀྱི་ནང་དུ་ནི་ལྷའི་སྐོང་ཀྱིས་སོ།། ཀླུ་དང་གནོད་སྦྱིན་དང་གྲལ་བུམ་དང་མི་རྣམས་ཀྱི་ནང་དུ་ནི་དེ་དག་གི་སྒོ་དང་སྐད་ཀྱིས་སོ།། མདོར་ན ་འགྲོ་བ་མཐའ་དག་གི་སྐུད་ཇི་སྙེད་ཡོད་པ་དེ་དག་གིས་དེ་དང་དེ་དག་ལ་སོ་སོར་བྱང་ཆུབ་ཀྱི་བར་བུ་དེ་བཞིན་དུ་ཆོས་སྟོན་ཏོ་ཞེས་བྱ་བ་ཡིན་ཏེ། འདི་ནི་རྒྱུ་གསུམ་པ་ཡིན་ནོ།། ངེས་ཤིང་ཕ་རོལ་ཕྱིན་ལ་ཞེས་བྱ་བ་ལ་སོགས་པ་ངེས་པ ་ནི་རྒྱུད་མཉེན་པའོ།། ཕ་རོལ་ཕྱིན་པ་ནི་སྦྱིན་པ་ལ་སོགས་པ་བཅུའོ།། དེ་ལ་རབ་ཏུ་བརྩོན་ཞིང་སྐྱོ་བ་མེད་པའི་ཡིད་ཀྱིས་བདག་ཉིད་ཐམས་ཅད་ཀྱི་རྣམ་པ་ཐམས་ཅད་དུ་བརྩོན་ཏེ། བྱང་ཆུབ་ཀྱི་བར་དུ་བྱང་ཆུབ་ཀྱི་སེམས་བསོད་ནམས ་ཀྱང་རས་འགའ་ཡང་བརྗེད་པར་མི་འགྱུར་ཞིང་འབྲལ་བར་མ་གྱུར་ཅིག་ཅེས་བྱ་བ་ཡིན་ཏེ། འདི་ནི་རྒྱུ་གཞི་པ་ཡིན་ནོ།། ཚོགས་སུ་བཅད་པ་ཕྱེད་དང་བཞི་པོ་དེ་དག་གིས་ནི་བྱང་ཆུབ་ཀྱི་སེམས་ཀྱི་མི་མཐུན་པའི་ཕྱོགས་སུ་གྱུར་པའི་སྒྲིབ་པ ་གང་དག་ཡིན་པ་དེ་དག་གི་གཉེན་པོ་བསྟན་པ་ཡིན་ནོ།། ད་ནི་ཚིགས་སུ་བཅད་པ་ཕྱེད་ཀྱི་མི་མཐུན་པའི་ཕྱོགས་སྤང་བ་བསྟན་པ་ནི། སྡིག་པ་གང་རྣམས་སྒྲིབ་པར་གྱུར་པ་དག་ཅེས་བྱ་བ་ལ་སོགས་པ་གསུངས་པ ་ཡིན་ཏེ། སྡིག་པ་སྒྲིབ་པར་གྱུར་པ་བྱང་ཆུབ་ཀྱི་སེམས་ཀྱི་བར་ཆད་བྱེད་པ་གང་དག་ཡིན་པ་དེ་དག་མ་ལུས་པོར་ཐམས་ཅད་ཀྱི་ཐམས་ཅད་དུ་ཡོངས་སུ་བྱང་ཞིང་སྤོང་བར་ཤོག་ཅིག་ཅེས་བྱ་བ་ཡིན་ནོ།། ད་ནི་གོང་ལས་དང་། གང་དུ་དང་། ཇི ་ལྟར་ཞེས་རྒྱུ་གསུམ་གྱི་རྣམ་པ་གསུམ་པ་ཆགས་པ་མེད་པར་སྦྱོར་པོ་སྟོན་ཏེ། ལས་དང་ཉོན་མོངས་བདུད་ཀྱི་ལས་རྣམས་ལས་ཞེས་བྱ་བ་ལ་སོགས་པ་གསུངས་པ་ཡིན་ནོ།། གང་ལསོ་ཞེ་ན། ལས་དང་ཉོན་མོངས་པ་དང་བདུད་ཀྱི་ལམ་ལས ་སོ། ལས་འདི་ཡང་བྱེ་བྲག་ཏུ་མ་ཕྱེ་བའི་ཕྱིར་དགེ་བ་དང་མི་དགེ་བ་དང་། མི་གཡོ་བའི་ཁྱད་པར་གྱིས་རྣམ་པ་གསུམ་བཟུང་ཏེ། དེ་ལས་མི་དགེ་བ་དང་། ཉོན་མོངས་པ་དང་། བདུད་ཀྱི་ལས་རྣམས་ལས་གྲོལ་ཞིང་དེ་དག་གིས་མི་ཆགས་པར ་རྟག་ཏུ་སྤྱད་དོ།། གང་དུ་ཞེ་ན། འཇིག་རྟེན་འགྲོ་བ་རྣམས་སུ་སྟེ་ལྷ་ལ་སོགས་བྱའི་ནང་དུའོ།། ཇི་ལྟ་བུར་ཞེ་ན། ཇི་ལྟར་པདྨ་ཆུས་མི་ཆགས་པ་བཞིན་ཞེས་བྱ་བ་སྨོས་ཏེ། ཇི་ལྟར་པདྨ་ཆུ་ལས་སྐྱེས་པ་ཆུས་མི་ཆགས་པ་དེ་བཞིན་དུ་སྡིག་པའི ་ལས་དང་ཉོན་མོངས་དང་། བདུད་ཀྱི་ལམ་འཇིག་རྟེན་གྱི་ཆོས་དག་གིས་མ་གོས་པར་སྤྱོད་དོ་ཞེས་བྱ་བ་ཡིན་ནོ།། དེ་བཞིན་དུ་ལས་དགེ་བ་དང་མི་གཡོ་བ་དག་ལ་ཡང་མི་ཆགས་ཤིང་འབྲས་བུ་རྣམ་པར་སྨིན་པ་ལ་མི་ལྟེ་བར ་འགྲོ་བ་མཐའ་དག་ལ་ཕན་པ་དང་། བདེ་བ་སྐྱེད་པ་འབའ་ཞིག་གིས་ཕྱིར་སྤྱད་དེ། བྱང་ཆུབ་སེམས་དཔའི་སྤྱོད་པ་ཞེས་བྱ་བ་ཁོ་ནས་དྲང་ངོ་།། ཅི་དང་འདྲ་བར་ཞེ་ན། ཉི་ཟླ་ན་མཁའ་ཐོགས་པ་མེད་ལྟར་སྤྱད་ཅེས་བྱ་བ་སྨོས་ཏེ། དཔེར་ན་ཉི་མ་དད ་ཟླ་བ་དག་འཇིག་རྟེན་ན་ཡིད་བཞིན་གྱི་ནོར་བུ་བཞིན་དུ་གཞན་གྱི་དོན་བྱེད་པ་ལ་རོ་གཅིག་དུ་བཞུགས་པའི་ཕྱིར། རང་གི་དོན་ལ་ཅུང་ཟད་ཀྱང་མ་ཆགས་པར་ཉིན་མཚན་དུ་ནམ་མཁའ་ལ་རྒྱུ་བ་དེ་དང་འདྲ་བར་རོ་ཞེས་བྱ་བ་ཡིན་ནོ།། དེ་ལ་བདུད་ཅེས ་བྱ་བ་ནི་དགེ་བའི་བར་ཆད་བྱེད་པ་སྟེ། བྱང་ཆུབ་ཀྱི་ལམ་འགོག་ཅིང་ཡང་དག་པའི་ལམ་ཟློག་པར་བྱེད་པ་ཡིན་ནོ།། ངེས་པའི་ཚིག་ཏུ་ན་ཆོས་ཀྱི་སྲོག་གི་བར་ཆད་བྱེད་པ་ཡིན་པས་གསོད་པའི་ཕྱིར་བདུད་ཅེས་བྱའོ།། དེའི་ལམ་ནི་ཕན ་པོའི་དངོས་པོ་ལས་རྒྱུས་འཚེ་བའོ།། རྣམ་པ་བཞི་པ་ཚེ་འདི་དང་ཚེ་ཕྱི་མར་སེམས་ཅན་མ་ལུས་པ་ལ་ཕན་གདགས་པ་ནི། ཞིང་གི་ཁྱོན་དང་ཕྱོགས་རྣམས་ཇི་ཙམ་བློར།། ངན་སོང་སྡུག་བསྔལ་ཐམས་ཅད་ཅེས་བྱ་བ་ལ་སོགས་པ་གང ་གསུངས་པ་ཡིན་ཏེ། འགྲོ་བའི་དྷན་སོང་བུའི་སྡུག་བསྔལ་ངན་འགྲོ་གསུམ་ལས་བྱུང་བ་དེ་དག་ཐམས་ཅད་རབ་ཏུ་ཞི་བར་བྱེད་ཅིང་ངོ་།། ཡང་ཅིའི་ཕྱིར་ན་ངན་སོང་གི་སྡུག་བསྔལ་དགེ་ཁོ་ན་རབ་ཏུ་ཞི་བ་ཞེས་བྱ་ཞེ་ན། དེ་དག་གིས་ནི་ཤིན ་ཏུ་གནོད་པར་བྱེད་པའི་བདག་ཉིད་ཡིན་པའི་ཕྱིར་གཙོར་སྨོས་པར་ཟད་ཀྱི། འཁོར་བ་པའི་སྡུག་བསྔལ་ཐམས་ཅད་རབ་ཏུ་ཞི་བར་བྱེད་ཅིང་ཞེས་བྱ་བ་ཡིན་པར་རིག་པར་བྱའོ།། དེ་བཞིན་དུ་འགྲོ་བ་ཐམས་ཅད་བདེ་བའི་མཆོག་ལ་ཡང ་འགོད་ཅིང་ཞེས་བྱ་བ་ཡིན་ནོ།། ཅི་ཞིག་བྱ་ཞེ་ན། འགྲོ་བ་ཐམས་ཅད་ལ་ཕན་པར་བྱ་ཞིང་ཕན་པ་བསྐྱེད་པར་བྱ་བའི་ཕྱིར་སྟེ། བླ་ན་མེད་པའི་ཡེ་ཤེས་ཐོབ་པར་བྱ་བའི་བར་དུ་ཡིད་ཡོངས་སུ་སྐྱོ་བ་མེད་པས་གཞན ་དུ་མི་སྦྱོང་བར་སྤྱད་ཅིང་འབད་པར་བྱའོ།། དུས་ཇི་སྲིད་ཅིག་ཏུ་ཞེ་ན། ཞིང་གིས་ཁྱོན་དང་ཕྱོགས་རྣམས་ཇི་ཙམ་པར་ཞེས་བྱ་བ་སྨོས་ཏེ། ཕྱོགས་རྣམས་ན་ཞེས་བྱ་བ་ནི་ཕྱོགས་བཅུ་ནའོ།། ཇི་ཙམ་པར་ཞེས་བྱ་བ་ནི་ཇི་སྲིད་པར་རོ།། ཞིང ་གྲི་ཁྱོན་ཅེས་བྱ་བ་ནི་སངས་རྒྱས་ཀྱི་ཞིང་གི་རྒྱུན་ཏེ་བསྐུལ་པ་བརྒྱུད་བར་རྒྱུན་བྱུང་བ་ཇི་སྲིད་དུ་སྤྱད་དོ་ཞེས་བྱ་བར་སྦྱར་བར་བྱའོ།། རྣམ་པ་ལྔ་པ་ནི་གོ་ཆའོ།། དེ་ཡང་སེམས་ཅན་གྱི་སྤྱོད་པ་དང་མཐུན་པར་འཇུག་བྱ་དང་། སངས་རྒྱས ་ཀྱི་ཆོས་ཡོངས་སུ་རྫོགས་པར་བྱེད་པ་དང་། དམ་པའི་ཆོས་རབ་ཏུ་སྟོན་པ་དང་། རྣམ་པ་གསུམ་ཏེ། བྱང་ཆུབ་སྤྱོད་པ་ཡོངས་སུ་རྫོགས་བྱེད་ཅིང་ཞེས་བྱ་བ་ནི་བྱང་ཆུབ་ཀྱི་ཆེད་དུ་སྤྱོད་པ་ནི་བྱང་ཆུབ་སྤྱོད་པའོ།། ཡོངས་སུ་རྫོགསོ་བར ་པ་སྟེ། སངས་རྒྱས་ཀྱི་ཆོས་རྣམས་སྐྱེད་པར་བྱེད་ཅིང་ཞེས་བྱ་བའི་ཐ་ཚིག་གོ། བཟང་པོ་སྤྱོད་པ་དག་ནི་རབ་སྟོན་ཅིང་ཞེས་བྱ་བ་བཟང་པོ་སྤྱོད་པ་ནི་འདིར་རབ་ཏུ་སྟོན་པར་བརྗོད་པར་བཞེད་པ་ཡིན་པས་ཆོས་སྟོན་པའི་ངོ་བོ་ཉིད་ཡིན་པར ་བཟུང་སྟེ། དེ་མངོན་པར་རྗོད་པར་བྱེད་པའི་ཚོག་ངག་ལ་བཟང་པོ་སྤྱོད་པ་ཉེ་བར་བཏགས་པའི་ཕྱིར་རོ།། ཚིག་དེ་འགྲོ་བ་ལ་རབ་ཏུ་སྟོན་ཅིང་སྟེ་ཡ་བདག་པར་རབ་ཏུ་སྟོན་ལ་འཆད་ཅིང་མ་འོངས་པའི་བསྐལ་པ་ཕྱི་མའི་མཐར་སྐྱོ་བ་མེད ་པའི་ཡིད་ཀྱིས་སྤྱོད་པར་གྱུར་ཅིག་ཅེས་བྱ་བ་ཡིན་ནོ།། རྣམ་པ་དྲུག་པ་ལུས་དང་ངག་དང་ཡིད་ཀྱི་སྤྱོད་པའི་སྨོན་ལམ་དག་གིས་སྐལ་པ་མཐུན་པའི་བྱང་ཆུབ་སེམས་དཔའ་དང་འཕྲང་བ་ནི། བདག་གི་སྤྱོད་དང་མཐུན་པར་གང་སྤྱོད་པ ་ཞེས་བྱ་བ་ལ་སོགོས་པ་གང་གསུངས་པ་ཡིན་ཏེ། བྱང་ཆུབ་སེམས་དཔའ་གང་དག་བདག་གིས་སྤྱོད་པ་དང་ཞེས་བྱ་བ་ལ་སྤྱོད་པས་མཚུངས་ཤིང་འདྲ་བ་དེ་དག་དང་བདག་བྱང་ཆུབ་ཀྱི་བར་དུ་རྟག་ཏུ་ལྷན་ཅིག་ཕྲད་ཅིང་འགྲོགས་པར་ཤོག ་ཅིག་ཅེས་པ་དང་། ལུས་དང་ངག་དང་ཡིད་ཀྱིས་ཀྱང་དེ་དག་ཁོ་ན་དང་ལྷན་ཅིག་ཀུན་ནས་ཉོན་མོངས་པ་མེད་པའི་གནས་པས་བྱང་ཆུབ་སེམས་དཔའི་སྤྱོད་པ་གཅིག་པ་དང་སྨོན་ལམ་གཅིག་ཏུ་སྤྱད་པར་བྱའོ་ཞེས་བྱ་བ་ཡིན་ནོ།། རྣམ་པ ་བདུན་པ་ཕན་པར་སེམས་པའི་གདམས་ངག་སྒྲུབ་པ་དག་གིས་དགེ་བའི་བཤེས་གཉེན་མགུ་བར་བྱེད་པ་ནི། བདག་ལ་ཕན་པར་འདོད་པའི་གྲོགས་པོ་གང་ཅེས་བྱ་བ་ལ་སོགས་པ་གང་གསུངས་པ་ཡིན་ཏེ། བདག་ལ་ཕན་པར་འདོད་པའི ་གྲོགས་པོ་དགེ་བའི་བཤེས་གཉེན་བཟང་པོ་སྤྱོད་པ་སྟོན་ཅིང་འཆད་པར་བྱེད་པ་ཆོས་སྨྲ་བ་གང་དག་ཡིན་པ་དེ་དག་དང་རྟག་ཏུ་འགྲོགས་ཤིང་ཕྲད་པ་དང་དེ་དག་ནམས་ཀྱང་རེས་འགའ་ཡང་ཅུང་ཟད་ཀྱང་ཡིད་མི་འབྱུང་ཞིང་བྱང་ཆུབ་ཀྱི ་བར་དུ་དུས་ཐམས་ཅད་དུ་མཐུན་པར་འཇུག་པར་གྱུར་ཅིག་ཅེས་བྱ་བ་ཡིན་ནོ།། རྣམ་པ་བརྒྱད་པ་འཁོར་དང་དུས་དང་མི་སྐྱོ་བ་དང་མཆོད་པའི་བྱ་བ་དག་གིས་དེ་བཞིན་གཤེགས་པ་མངོན་དུ་བྱ་བ་ནི། སངས་རྒྱས་སྲས་ཀྱིས་བསྐོར་བའི ་མགོན་པོ་རྣམས་ཞེས་བྱ་བ་ལ་སོགས་པ་གང་གསུངས་པ་ཡིན་ཏེ། ཕྱོགས་བཅུ་ཀུན་གྱི་རྒྱུ་ལ་བ་སངས་རྒྱས་བཅོམ་ལྡན་འདས་བྱང་ཆུབ་སེམས་དཔའི་ཚོགས་ཀྱིས་བསྐོར་བའི་མགོན་པོ་འགྲོ་བའི་གཉེན་པོ ་གཅིག་པུ་ལ་ཐོགས་པ་མེད་པའི་མིག་གིས་རྟག་ཏུ་མངོན་སུམ་དུ་ལྕུག་གེར་བལྟ་ཞིང་དེ་དག་རེ་རེ་ལ་ཡང་སྐད་ཅིག་སྐད་ཅིག་ལ་མཆོད་པ་རྒྱ་ཆེན་པོ་རྣམ་པ་ཐམས་ཅད་ཀྱིས་མཆོག་དང་ལྡན་པ་ན་མཁའི་གཏོས་དང་མཉམ་ཞིང་ཆོས་ཀྱི ་དབྱིངས་ཁྱབ་པས་མཆོད་པར་བྱའོ་ཞེས་བྱ་བ་ཡིན་ནོ།། དུས་ཇི་སྲིད་ཅིག་ཏུ་ཞེས་ན། མ་འོངས་བསྐལ་པ་ཀུན་ཏུ་མི་སྐྱོ་བར་ཞེས་བྱ་བ་སྨོས་ཏེ། མུ་འོངས་པའི་བསྐལ་པ་ཕྱི་མའི་མཐའི་མུར་ཐུག་པར་སྐྱོ་བ་མེད་པའི་ཡིད་ཀྱིས་སོ་ཞེས་བྱ་བ་ཡིན ་ནོ། རྣམ་པ་དཀུ་བ་འཛིན་པོ་དང་སྟོན་པ་དང་། སྦྱོར་བ་དག་གིས་དམ་པའི་ཆོས་ཡོངས་སུ་བཟུང་བ་ནི། རྒྱལ་བ་རྣམས་ཀྱི་དམ་པའི་ཆོས་འཛིན་ཅིང་ཞེས་བྱ་བ་ལ་སོགས་པ་གསུངས་པ་ཡིན་ཏེ། དུས་གསུམ་པའི་རྒྱལ་བ་རྣམས་ཀྱི ་བཤད་པའི་ཆོས་གསུང་རབ་ཡན་ལག་བཅུ་གཉིས་པ་གང་ཡིན་པ་དེ་དག་ཐམས་ཅད་གཟུངས་ཀྱི་སྟོབས་ཀྱིས་འཛིན་ཅིང་ཡང་དག་པར་འཛིན་པ་དང་། བྱང་ཆུབ་ཀྱི་སྤྱོད་པ་ཆོས་བཤད་པའི་ངོ་བོ་ཉིད་ཀྱང་འགྲོ་བ་ལ་ཀུན་ཏུ་སྣང་བར་བྱེད ་ཡོངས་སུ་སྣང་བར་བྱེད་ཡང་དག་པར་རབ་ཏུ་སྟོན་པར་བྱེད་ཅིང་ངོ་།། འདིར་ཡང་བྱང་ཆུབ་སྤྱོད་པ་ཞེས་བྱ་བ་ནི་དེ་རབ་ཏུ་སྟོན་པར་བྱེད་པའི་ཚིག་རྣམས་ཁོ་ན་ལ་བྱའོ།། བཟང་པོ་སྤྱོད་པ་རྣམ་པར་སྦྱང་བ་ཡང་ཞེས་བྱ་བ་ལ་བཟང་པོ་སྤྱོད་པ་ནི ་བྱང་ཆུབ་སེམས་དཔའི་སྤྱོད་པ་སྟེ། དེ་རྣམ་པར་སྦྱོང་ཞིང་སྐྱོན་མ་ལུས་པ་ཐག་སྤྲིང་བྱར་བྱེད་པས་དྲི་མ་དང་བྲལ་བར་བྱེད་པ་མ་འོངས་པའི་བསྐལ་པ་ཐམས་ཅད་དུ་སྦྱང་བར་བྱ་འབད་པར་བྱའོ་ཞེས་བྱ་བ་ཡིན་ནོ།། རྣམ་པ་བཅུ་པ་བསོད་ནམས ་དང་ཡཱ་ཤེས་ལ་སོགས་པའི་ཚོགས་ཡང་དག་པར་འགྲུབ་པའི་སྒོ་ནས་མི་ཟད་པའི་མཛོད་རྙེད་པ་ནི། སྲིད་པ་ཐམས་ཅད་དུ་ཡང་འཁོར་བ་ན་ཞེས་བྱ་བ་ལ་སོགས་པ་གང་གསུངས་པ་ཡིན་ཏེ། འདོད་པ་ལ་སོགས་པའི་སྲིད་པ་ཐམས་ཅད་དུ་སེམས ་ཅན་གྱི་དོན་གྱི་དབང་གིས་འཁོར་ཞིང་འཁོར་བར་སྐྱེ་བ་ན། འགྲོ་བ་མཐའ་དག་ལ་ཕན་པ་དང་བདེ་བ་སྐྱེད་པའི་ཕྱིར་བསོད་ནམས་དང་ཡེ་ཤེས་མྱི་ཟད་པ་རྙེད་ཅིང་ལྡན་པར་གྱུར་ཅིག་ཅེས་པ་དང་། དེ་བཞིན་དུ་ཐབས་དང་ཤེས་རབ་དག་དང་ཏིང ་འཛིན་ནམཁའ་མཛད་དང་། དྲི་མ་མེད་པའི་ཕྱག་རྒྱུ་ལ་སོགས་པ་དང་། དེ་བཞིན་དུ་བྱང་ཆུབ་སེམས་དཔའི་རྣམ་པར་ཐར་པ་སྙིང་རྗེ་ཆེན་པོ་བཤོལ་བ་མེད་པ་དང་། སྒྱུ་མ་ལྟ་བུར་གྱུར་པ་ལ་སོགས་པ་ནས་བྱང་ཆུབ་སེམས་དཔའི་ཡོན་ཏན་ཐུན ་མོང་དང་། ཐུན་མོང་མ་ཡིན་པ་ཐམས་ཅད་ཀྱི་བར་གྱི་མི་ཟད་པའི་མཛོད་དེ། ཡོན་ཏནཱ་གྱི་ནོར་མི་ཟད་པར་གྱུར་ཅིག་ཅེས་བྱ་བ་ཡིན་ནོ།། རྣམ་པ་བཅུ་གཅིག་པ་ནི་འཇུག་པའོ།། དེ་ཡང་རྣམ་པ་བརྒྱད་དེ་འདི་ལྟ་སྟེ། སངས་རྒྱས་དང་ཞིང་ལྟ་བར ་འཇུག་པ་རྣམ་པ་གཉིས་དང་། སངས་རྒྱས་ཀྱི་གསུང་ལ་འཇུག་པ་དང་། ཆོས་ཀྱི་འཁོར་ལོ་བསྐོར་བ་ལ་འཇུག་པ་དང་། བསྐལ་པ་འཇུག་པ་ལ་འཇུག་པ་དང་། དེ་བཞིན་གཤེགས་པ་བལྟ་ཞིང་དེའི་སྤྱོད་ཡུལ་ལ་འཇུག་པ་དང་། ་སངས་རྒྱས་ཀྱི་ཞིང་མངོན་པར་སྒྲུབ་པ་ལ་འཇུག་པ་དང་། བརྒྱད་པ་དེ་བཞིན་གཤེགས་པའི་དྲུང་དུ་འགྲོ་བ་ལ་འཇུག་པའོ།། དེ་ལ་སངས་རྒྱས་དང་དྲིའི་ཞིང་བལྟ་བར་འཇུག་པ་གཉིས་ཚིགས་སུ་བཅང་བ་གཉིས ་ཀྱི་བསྟན་པ་ནི། རྡུལ་གཅིག་སྟེང་ན་རྡུལ་སྙད་ཞིང་རྣམས་ཞེས་བྱ་བ་ལ་སོགས་པ་གང་གས་པ་ཡིན་ཏེ། རྡུལྔ་གཅིག་གིས་སྟེང་ན་ཕྱོགས་བཅུ་དུས་གསུམ་དུ་གཏོགས་པའི་སངས་རྒྱས་ཀྱི་ཞིང་གིས་རྡུལ་དང་། མཉམ་པའི་སངས་རྒྱས ་ཀྱི་ཞིང་རྣམས་སོ།། ཞིང་དེ་དྲ་ཞེས་བྱ་བ་ནི་ཞིང་དེ་དང་དེར་རོ།། བསམ་གྱིས་མ་ཁྱབ་ཅེ་ནི་བསམ་གྱིས་མི་ཁྱབ་ཅིང་བསམ་གྱིས་མི་ལང་པོའི་སངས་རྒྱ་སུ་བཅོམ་ལྡན་འདས་རྣམས་སོ།། སངས་རྒྱས་སྲས་ཀྱི་དབུས་ན་བཞུགས ་པལ་ཞེས་བྱ་བ་ནི་བྱང་ཆུབ་སེམས་དཔའ་རྣམས་ཀྱིས་དབུས་ན་བཞུགས་པ་ལའོ།། བ་སྤྱད་པ་སྤྱོད་ཅིང་ཅེས་བྱ་བ་ནི་བྱང་ཆུབ་ཀྱི་སྤྱད་པ་སྤྱོང་པ་ཀུན་ཏུ་སྤྱོད་པ་སྒྲུབ་ཅིང་ངོ་།། བལྟ་བར་བགྱི་ཞེས་བྱ་བ་ནི་བརྞ་བར་བགྱི་ཞིང་འཇུག ་པར་བགྱི་བ་ཡིན་ནོ།། དེ་ལྷ་ཡིན་ན་བྱང་ཆུབ་སེམས་དཔའ་རྣམས་མི་སྲིད་པ་དོན་དུ་གཉོ་སྨོན་ལྡེམྦྷ་པ་བློས་བུ་མེ་པ་ཁོ་ནའོ།། ཞེས་བྱ་བར་མངོན་པ་མ་ཡིནྡ་ནམ། འདི་ལྟར་རེ་ཞིག་སངས་རྒྱས་ཀྱི་ཞིང་གཅིག་དང་རིལ་གྱིས་བྱེ་བྲག་ཏུ ་རྡུལ་གཅིག་གིས་སྟེང་དུ་བལྟ་བར་མོ་སྲི་ན། དེ་ཇི་ལྟར་དུས་གསུམ་དུ་གཏོགས་པའི་སངས་རྒྱས་ཀྱི་ཞིང་གི་རྡུལ་མ་ལུས་པ་དང་མཉམ་པའི། སངས་རྒྱས་ཀྱི་ཞིང་སངས་རྒྱས་བཅོམ་ལྡན་འདས་བྱང་ཆུབ་སེམས་དཔའི་འཁོར་དབུས་ནི་འཛུགས། ་པ་བགྲང་བ་ལས་འདས་པ་ངག་གིས་ཡོངས་སུ་གང་བ་རྣམས། སོ་སོ་ཐ་དད་པར་བྱེ་བྲག་ཏུ་རྡུལ་གཅིག་གིས་སྟེང་དུ་བལྟ་བར་བྱའོ་ཞེས་སྨོན་ལམ་འདེབས་ཞེ་ན། དེ་ནི་དེ་ལྟ་མ་ཡིན་ཏེ། འདི་ལྟར་ཇི་ལྟར་བསམ་གྱིས་མི་ཁྱབ་པའི་ལས་ཀྱིས་སྤྲུལ ་བའི་འཇིག་རྟེན་གྱིས་ཁམས་བླ་དང་འོག་དང་། འཆོལ་པ་ལ་སོགས་པ་སྣ་ཚོགས་པ་ཐ་དད་པ་དེ་བཞིན་དུ་རྡུལ་གཅིག་གིས་སྟེང་དུ་ཡང་བསམ་གྱིས་མི་ཁྱབ་པའི་ཡེ་ཤེས་ཀྱི་སྤྲུལ་པ་དེ་ལྟ་བུ་ཅིག་སྟེ་མི་སྲིད། བསམ་གྱིས་མི་ཁྱབ་པ་ཉིད་ལས་ཀྱང་། ་གྲང་ཚེ་ས་སྟེངས་མཁས་པ་རྣམས།། མིག་འཕྲུལ་ཅན་གྱིས་རྣམ་པ་ལ།། ཡ་མཚན་ཅུང་ཞིག་ཡོད་མིན་པ།། དེ་ཚེ་ངོ་མཚར་ཅི་ཞིག་ཆེ།། འཇིག་རྟེན་མགོན་པོ་སྐྱོབ་པོ་ཡིས།། བསྣམ་གཏན་ལས་དང་ཀླུ་རྣམས་དང་།། སངས་རྒྱས་བདག ་ཉིད་ཆེ་རྣམས་ཀྱིས།། བསམ་གྱིས་མི་ཁྱབ་བཞིར་བཤད་དོ།། ཞེས་གསུངས་ཏེ། དེ་བས་ནརྀ་སངས་རྒྱས་ཀྱི་བཀའ་ལ་བློ་མ་བྱ་བ་རྣམས་ཀྱི་དྲོན་འདི་མི་སྲིད་པར་འདིས་ཀྱང་དེ་ཁོ་ན་ལྟར་ཡིན་ནོ་ཞེས་དྲང་པར་བྱ་དགོས་སོ།། འདི་གསལ་རབ་ཏུ་སྒྲུབ ་པས་ན།། གང་ཞིག་སངས་རྒྱས་ཀྱིས་བཤད་པ།། ལྐོག་དུ་གྱུར་པ་དགྲ་ལྔ་ནི།། ཐེ་ཚོམ་སྐྱེ་བ་དེ་ཡིད་འདྲར།། སྟོང་པ་ཉིད་དུ་ཡིད་ཆེ་བྱ།། འཇིག་རྟེན་རེ་ཞིག་སྣོད་ཤིན་ཏུ་ཆུང་ངུ་ཆུ་དྲང་བས་གང་བའི་ནང་དུ་ཡང་གཟའ་དང་རྒྱུ་སྐར་དང་སྒྲར་མ ་ལ་སོགས་པས་བརྒྱན་པའི་ནམ་མཁའ་ཐམས་ཅད་སྣང་བ་ཁོ་ནའོ།། དེ་ཉིད་ཀྱི་ཕྱིར་བཅོམ་ལྡན་འདས་ཀྱིས། ཆོས་རྣམས་གཟུགས་བརྙན་ལྟ་བུ་དང་།། རབ་རིབ་རྨི་ལམ་མཚན་ཉིད་དང་།། སྒྱུ་མ་སྨིག་རྒྱུ་འདྲ་བ་དང་།། དྲི་ཟའི་གྲོང་ཁྱེར་ལྟ་བུ ་ཡིན་ཞེས་གསུངས་ཏེ། འདིའི་འོག་ནས། གང་ཡང་དུས་གསུམ་དག་གི་ཞིང་བཀོད་པ་ཞེས་འབྱུང་བའི་ཚོགས་སུ་བཅུད་པ་ཡང་འདིར་གསལ་བར་བྱའོ།། དེ་ལྟར་མ་ལུས་ཕྱོགས་རྣམས་ཞེས་བྱ་བ་ལ ་སོགས་པ་ནི་རྡུལ་གཅིག་གིས་སྟེང་དུ་ཇི་ལྟ་བ་དེ་བཞིན་དུ་ཕྱོགས་བཅུ་མཐའ་ངག་མ་ལུས་པ་ཐམས་ཅད་དུའོ།། སྐུ་ཙམ་ཁྱོན་ལ་ཞེས་བྱ་བ་ནི་སྒོའི་ཁྱོན་ཏེ། སྐྲའི་རྩེ་མོ་ཙམ་གྱིས་གོ་སྐབས་ལ་དུས་གསུམ་གྱི་ཚད་སྙེད་ཀྱིས་སངས ་རྒྱས་རྒྱ་མཚོ་དེ་དུ། དེའི་ཞིང་རྒྱ་མཚོ་དག་ལའོ།། སྤྱོད་ཅིང་ཞེས་བྱ་བ་ནི་སྤྱོད་པ་ལ་འཇུག་ཅིང་ངོ་།། བསྐལ་པ་རྒྱ་མཚོ་རབ་ཏུ་འཇུག་ཅེས་བྱ་བ་ནི་འཇུག་པར་བྱ་ཞེས་བྱ་བ་ཡིན་ནོ།། སངས་རྒྱས་ཀྱི་གསུང་ལ་འཇུག་པ་ནི། གསུང་གཅིག ་ཡན་ལོག་རྒྱ་མཚོའི་སྒྲ་སྐད་ཀྱིས།། ཞེས་བྱ་བ་ལ་སོགས་པ་གང་གསུངས་པ་ཡིན་ཏེ། དེ་བཞིན་གཤེགས་པ་གཅིག་ཆོས་སྟོན་པ་ན་ཉན་པའི་སྐྱེ་བོ་བགྲང་བ་ལས་འདས་པའི་མོས་པ་ཐ་དད་པའི་སྒོ་ནས། ཅིག་ཅར་དུ་དོན་གཞན་དང་ཚིག ་དང་ཡི་གེ་གཞན་དང་གཞན་དཔག་ཏུ་མེད་པ་དག་གིས་གསུང་གིས་ཡན་ལག་རྒྱ་མཚོ་དཔག་ཏུ་མེད་པ་དང་ལྡན་པར་གྲགས་པས། ཕྱོགས་བཅུ་དུས་གསུམ་དུ་གཏོགས་པའི་རྒྱལ་བ་དེ་ཁོ་ན་བཞིན་དུ་ཆོས་སྟོན་པ་ཐམས་ཅད་ཀྱི ་དབྱིངས་ཀྱི་ཡན་ལག་རྣམ་པར་དག་པ་ཆོས་ཉན་པའི་སྐྱེ་བོ་དཔག་ཏུ་མེད་པའི་བསམ་པ་ཇི་ལྟ་བའི་དབྱངས་གང་ཡིན་པ་སངས་རྒྱས་ཀྱི་གསུང་དེ་ལྟ་བུ་དེ་ལ་ཐོགས་པ་མེད་པའི་རྣ་བས་དེ་བཞིན་གཤེགས་པ་རེ་རེའི་གསུང་གི་ཡན་ལག་རྒྱ ་མཚོ་དེ་དག་ལ་འཇུག་པར་བྱ་ཞིང་མ་ལུས་པར་ཡིད་ལ་བྱའོ་ཞེས་བྱ་བ་ཡིན་ནོ།། དེ་སྐད་དུ་མོས་པ་དུ་མ་དང་ལྡན་པ་མང་པོ་ཉེ་བར་འཁོར་བ་ལ།། གསུང་གཅིག་བཀའ་སྩལ་ནི་སྨོས་ཀྱི།། དུ་མ་གཅིག་ཏུ་གདའ་བ་སྟེ།། འདི་དག་ཁོ་ནའི་ཆེད ་ཡིན་ཞེས།། འགྲོ་བ་དུན་གྱིས་རྟོགས་པ་གང་།། དེ་ལས་ཡ་མཚན་ཆེ་ཅི་མཆིས།། དེ་ལས་ངོ་མཚུར་ཅི་ཞིག་མཆིས་ཞེས་གསུངས་སོ།། དེ་བཞིན་དུ་འཕགས་པ་སྡོང་པོ་བཀོད་པའི་འཕགས་པ་བྱམས་པའི་རྣམ་པར་ཐར་པ་ལས་ཀྱང་། ་གང་ཞིག་སྟན་གཅིག་འདུག་ནས་མ་རྨོངས་པར།། བསྐུལ་བླ་དུང་ཕྱུར་བྱེ་བ་མང་པོ་ཕྱོགས་བཅུ་ཡི།། བདེ་གཤེགས་ཆོས་སྤྲིན་ཉན་ཡང་ངོམས་པའི་སེམས་མེད་པ།། འདི་ནི་བློ་ཆེན་རྒྱ་མཚོ་ལྟ་བུའི་གནས་པ་ཡིན་ཞེས་གསུངས་ཏེ།། ་ཚིགས་སུ་བཅད་པ་སྔ་མ་གཉིས་ཀྱིས་ནི་འཆད་པ་པོའི་ཆེ་བའི་བྱངདག་ཉིད་བསྟན་ཏོ།། ཚིགས་སུ་བཅད་པ་འོག་མས་ནི་ཉན་པའི་སྐྱེ་བོའི་ཆེ་བའི་བདག་ཉིད་བསྟན་ཏོ།། ཆོས་ཀྱི་འཁོར་ལོ་བསྐོར་བ་ལ་འཇུག་པ་ནི། དུས་གསུམ་གཤེགས ་པ་རྒྱལ་བ་དགྲ་ཅེས་བྱ་བ་ལ་སོགས་པ་གང་གསུངས་པ་ཡིན་ནོ།། དེ་དག་གི་ཞེས་བྱ་བ་ནི་དུས་གསུམ་དུ་གཏོགས་པའི་རྒྱལ་བ་འཁོར་ལོའི་ཚུལ་སྐོར་ཞིང་རབ་ཏུ་སྐོར་བར་མཛད་པ་དེ་དགུ་ཐམས་ཅད་ཀྱིས་ཏེ། དེ་དག་གི་གསུང་དབྱངས ་ཟང་མི་ཤེས་ཤིང་བགྲོང་བ་ལས་འདས་པ་གང་དག་ཡིན་པ་དེ་དག་ལའོ།། བློའི་སྟོབས་ཀྱིས་ཞེས་བྱ་བ་ནི་ཡེ་ཤེས་ཀྱི་ཆེ་བའི་བདག་ཉིད་ཀྱིས་ཏེ། ཅིག་ཅར་དུ་འཇུག་ཅིང་རབ་ཏུ་འཇུག་པར་བྱའོ།། ཚུལ་ནི་འདིར་ཐབས་གང་དང་། ཆོས་བཤད ་པ་གང་གིས། དུས་གང་གི་ཚེ་ཡུལ་གང་དུ། སེམས་ཅན་མོས་པ་སྣ་ཚོགས་པ་རྣམས་འདུལ་བར་འགྱུར་པ་དེ་ཡིན་པར་བལྟའོ།། དྲ་བྱངས་ཞེས་བྱ་བའི་སྒྲ་ནི་འདིར་ཚིག་ཁ་བསྐང་བའི་དོན་ཡིན་ནོ།། བསྐལ ་པ་འཇུག་པ་ལ་འཇུག་པ་ནི། མ་འོངས་བསྐལ་པ་ཐམས་ཅད་འཇུག་པར་ཡང་ཞེས་བྱ་བ་ལ་སོགས་པ་གང་གསུངས་པ་ཡིན་ཏེ། མདོར་ན་བདག་གི་ཡེ་ཤེས་ཀྱི་སྐསྐྲོད་ཅིག་གིས་ཕྱོགས་བཅུར་གཏོགས་པའི་མ་འོངས་པའི་བསྐལ་པ ་འཇུག་པ་ཞེས་བྱ་བའི་བསྐལ་པ་བརྒྱུད་པར་འཇུག་པར་བགྱིའོ་ཞེས་བྱ་བ་ཡིན་ནོ།། གོང་ཡང་བསྐལ་པ་དུས་གསུམ་ཚད་དེ་དག་ཅེས་བྱ་བ་ནི་དུས་གསུམ་དུ་བགྲང་བ་དེ་དག་ཐམས་ཅང་ཡེ་ཤེས་ཀྱི་སྐད་ཅིག་མའི་ཆ་ཤས་ཞེས་བྱ་བ་ཡེ ་ཤེས་ཀྱི་ཕྱོགསོ་གཅིག་ཏུ་བཞུགས་ཤིང་ཁོང་དུ་ཆུད་པར་བྱའོ་ཞེས་བྱ་བ་ཡིན་ནོ།། དེ་བཞིན་གཤེགས་པ་བལྟ་ཞིང་དེའི་སྤྱོད་ཡུལ་ལ་འཇུག་པ་ནི། དུས་གསུམ་གཤེགས་པ་མི་ཡི་སེང་གེ་དྲག་ཅེས་བྱ་བ་ལ་སོགས་པ་གང་གསུངས་པ ་ལེན་ཏེ། ཕྱོགས་བཅུ་དུས་གསུམ་དུ་གཏོགས་པའི་མེའི་སེང་གེ། སངས་རྒྱས་བཅོམ་ལྡན་འདས་གང་དག་ཡིན་པ་དེ་དག་བདག་གིས་སྐད་ཅིག་རེ་རེ་ལ་བལྟ་ཞིང་བརྟགས་པར་བྱའོ་ཞེས་བྱ་བ་ཡིན་ནོ།། དེ་དག་གི་སྤྱོད་ཡུལ་ནི་ཡུལ་ལོ།། ་ར་གྱུར་པའི་རྣམ་ཐར་སྟོབས་ཀྱིས་འཇུག་ཅེས་བྱ་བ་ནི་རྟག་ཏུ་བྱང་ཆུབ་སེམས་དཔའི་རྣམ་པར་ཐར་པ་སྒྱུ་མར་གྱུར་པ་ཞེས་བྱ་བ་ཡེ་ཤེས་ཀྱི་ངོ་བོ་ཉིད་དོའི་སྟོབས་ཀྱི་འཇུག་པར་བྱའོ་ཞེས་བྱ་བ་ཡིན་ནོ།། སངས་རྒྱས་ཀྱི་ཞིང་མངོན་པར་སྒྲུབ ་པ་ལ་འཇུག་པ་ནི་གང་ཡང་དུས་གསུམ་དག་གི་ཞིང་བཀོད་པ་ཞེས་བྱ་བ་ལ་སོགས་གང་གསུངས་པ་ཡིན་ཏེ། དུས་གསུམ་དག་གི་ཞིང་བཀོད་པ། ཞིང་གི་ཚོགས་གང་དག་ཡིན་པ་དེ་དག་རྡུལ་གཅིག་གི་སྟེང་དུ་མངོན་པར་སྒྲུབ ་ཅིང་། མངོན་དུ་བསྒྲུབ་པར་བྱའོ་ཞེས་བྱ་བ་ཡིན་ནོ།། དེ་ལྟར་ཕྱོགས་རྣམས་མ་ལུས་ཐམས་ཅད་དུ་ཞེས་བྱ་བ་ནི། དེ་ལྟར་ཕྱོགས་མ་ལུས་པར་རྡུལ་རེ་རེའི་སྟེང་དུ་དེ་ཁོ་ན་བཞིན་དུ་ཞིང་བཀོད་པ་མངོན་པར་བསྒྲུབ་པས་ན་ཡེ་ཤེས་ཀྱི ་སྐད་ཅིག་གིས་འཇུག་པར་བྱའོ་ཞེས་བྱ་བ་ཡིན་ནོ།། རེ་ཞིག་དེ་ལྟར་གྱི་སངས་རྒྱས་ཀྱི་ཞིང་ངོ་བོ་ཉིད་དང་ཚོད་དང་ཁ་དོག་དང་དབྱིབས་ཀྱི་བྱེ་བྲག་ཐ་དད་པ་ཐམས་ཅད་ཀྱང་། མ་མཆིས་པར་རྡུལ་གཅིག་གི། ང་དུ་བཞག་པར་མི་སྲིད ་ནུ། སངས་རྒྱས་ཀྱི་ཞིང་དུས་གསུམ་དུ་གཏོགས་པ་དེ་བཞིན་དུ་ངོ་བོ་ཉིད་ལ་སོགས་པའི་བྱེ་བྲག་ཐ་དད་པ་མ་ལུས་པ་རྣམས་ཕྱོགས་བཅུར་བར་མཚམས་མེད་པར་རྡུལ་རེ་རེའི་སྟེང་དུ་མ་འཆོལ་བར་ཇི་ལྟར་འཇོག་པར་འགྱུར། ་དེའི་ཕྱིར་འདི་ཇི་ལྟར་ཡིད་ཆེད་པར་བྱ་ཞེ་ན། འདྲིར་བཤད་པ་འདི་ལྟར་ཆོས་ཐམས་ཅད་ནི་ཡོངས་སུ་མ་གྲུབ་པའི་ངོ་བོ་ཉིད་མེད་པ་སྒྱུ་མ་ལྟ་བུ་རྨི་ལམ་ལྟ་བུ་མཱ་སྐྱེས་པ་མ་འགགས་པ། སྒྱུ་ཤང་འཛིངས་པ་ལྟ་བུ་གཟོང་མ་ནུས་ཞི་བ། རང ་བཞིན་གྱིས་ཡོངས་སུ་མྱ་ངན་ལས་འདས་པ་ཇི་ལྟར་མོས་པ་བཞིན་རྟོག་པ་ཙམ་གྱིས་རབ་ཏུ་ཕྱེ་བ་རྣམ་པ་སྣ་ཚོགས་དུ་མའི་ངོ་ངོ་བོ་ཉིད་ཡིན་ཏེ། ཏིང་ངེ་འཛིན་རྣམ་པར་ཐར་པའི་ཁྱད་པར་རྣམ་པ་སྣ་ཚོགས་རྣམ་པ་མང་པོ་ཤིན་ཏུ ་བསྒོམས་པ་དག་གིས་ཉེ་བར་བཀོད་པ་བསམ་གྱིས་མི་ཁྱབ་པ་ཉམས་སུ་མྱོང་བར་བྱེད་པས་ན་རང་གིས་བསྒོམས་པའི་ལམ་འདི་དག་གསལ་བ་རབ་ཏུ་འགྱུར་རོ།། འཇིག་རྟེན་ན་ཡང་མིག་འཕྲུལ་མཁན་གོམས ་པ་ཅུང་ཟད་ཙམྲ་ལས་སྐྱེས་པའི་མཐུ་ཅན་དག་སྒྱུ་མ་ཤིན་ཏུ་ངོ་མཚར་དང་ལྡན་པ་རབ་ཏུ་སྒྲུབ་པར་སྣང་བ་ཉིད་དོ།། དེ་ལྟ་བས་ན་འདི་དག་ཐམས་ཅད་ནི། ཇི་ལྟར་བཤད་པ་བཞིན་ཡིད་ཆེས་པར་བྱའི། འདི་ལ་ཡིད་གཉིས་ནི་ཅུང་ཟད་ཀྱང་མི་བྱའོ།། ། ་བརྒྱད་པ་དེ་བཞིན་གཤེགས་པའི་དྲུང་དུ་འགྲོ་བ་ལ་འཇུག་པ་ནི། གང་ཡང་མ་བྱོན་འཇིག་རྟེན་སྒྲོལ་མ་ཞེས་བྱ་བ་ལ་སོགས་པ་གང་གསུངས་པ་ཡིན་ཏེ། གང་ཡང་མ་བྱོན་པའི་འཇིག་རྟེན་གྱི་སྒྲོན་མ་སངས་རྒྱས་བཅོམ་ལྡན་འདས་ཕྱི ་མའི་མཐའི་མུར་ཐུག་པར་གཏོགས་པ་བགྲང་བ་ལས་འདས་པ་སངས་རྒྱས་ཀྱི་ཡེ་ཤེས་ཀྱི་སྤྱོད་ཡུལ་དུ་གྱུར་པོ་ཕྱོགས་བཅུའི་འཇིག་རྟེན་གྱི་ཁམས་ན་མཁའི་ཁམས་ཀྱི་མཐའ་ཐུག་པ་གཞན་དང་གཞན་དུ་སྐད་ཅིག་རེ་རེ་ལ་དུས་མཉམ་པ ་ཉིད་དང་། བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་མངོན་པར་རྫོགས་པར་འཚང་རྒྱ་བར་འགྱུར་བ་རྣམས་དང་། དེ་བཞིན་དུ་གཞན་དུས་མཉམ་པ་ཉིད་དུ་ཆོས་ཀྱི་འཁོར་ལོ་བསྐོར་བར་འགྱུར་བ་རྣམས་དང་། དེ་བཞིན་དུ་གཞན་མྱ་ངན ་ལས་འདས་པར་སྟོན་པར་འགྱུར་བ་རྣམས་སོ།། དེའི་ཕྱིར་དེ་དག་རིམ་པར་འཚང་རྒྱ་ཞེས་བྱ་བ་ལ་སོགས་པ་གསུངས་ཏེ། དེ་དག་ཅེས་བྱ་བ་ནི་མངོན་པར་རྫོགས་པར་འཚང་རྒྱ་བ་དང་། དེ་བཞིན་དུ་ཆོས་ཀྱི་འཁོར་ལོ་བསྐོར་བར་མཛད་པ་དང་། ་མྱ་ངན་ལས་འདས་པ་སྟོན་པར་མཛད་པ་དེ་དག་གོ།། འཇིག་རྟེན་གྱི་མགོན་གཅིག་པོ་དེ་དག་ཐམས་ཅད་ལ་ཞབས་ཀྱི་དྲུང་དུ་འཁོར་པ་ཇི་སྲིད་པར་ཡིད་མྱུར་བ་དང་། ཀུན་ཏུ་མྱུར་བའི་རྫུ་འཕྲུལ་གཉིས་ཀྱི་སྟོབས་ཀྱིས་ལུས་ཀྱི་སྤྲིན་གྱིས་ཕྱོགས ་བཅུ་ཁྱབ་པར་བྱས་ཏེ། མཆོད་པའི་སྤྲིན་ན་མཁའ་ཁེབས་པ་ཐམས་ཅད་དུ་ཁྱད་པར་དུ་འཕགས་པ་བགྲང་བ་ལས་འདས་པ་དག་གིས་རེ་རེ་ལ་དུས་མཉམ་པ་ཉིད་དུ་མཆོད་པ་དང་། བསྟོད་པ་བརྗོད་པ་དང་། སྐོར་བ་བརྒྱ་ཕྲག་དུ་མེ་བྱེད་པར་མཱ ་ཞིང་ཉེ་བར་མཆིའོ།། རིམ་པར་འཚང་རྒྱ་ཞེས་བྱ་བ་ནི་མངོན་པར་རྫོགས་པར་བྱང་ཆུབ་པའོ།། འདིའི་མྱ་ངན་ལས་འདས་པ་སྟོན་པ་ཉིད་རབ་ཏུ་ཞི་མཐའ་ཡིན་ཏེ། ཚིག་ཁཾ་བསྐང་བའི་ཕྱིར་རྣམ་གྲངས་བཤད་དོ་ཞེས་བྱ་བར་མངོན་ནོ།། གཙོ་བོ་ཡིན ་པའི་ཕྱིར་དེ་སྐད་བཤད་པར་ཟད་ཀྱི་གཞན་ཆུ་ཟླ་སྣང་བ་བཞིན་དུ་དགའ་ལྡན་གྱི་གཞལ་མེད་ཁོང་ན་བཞུགས་པ་དང་། འཆི་འཕོ་སྟོན་པ་དང་། ལྷུམས་ན་བཞུགས་པ་དང་། བལྟམ་པ་དང་། ལྷ་ཕྱག་བྱས་པ་དང་། བཟོ་ཀུན་ཏུ་སྟོན་པ་དང་། མངོན ་པར་བྱུང་བ་དང་། རབ་ཏུ་བྱུང་བ་དང་། དཀའ་བ་སྤྱོད་པ་དང་། བྱང་ཆུབ་ཀྱི་སྙིང་པོར་གཤགས་པ་དང་། བྱང་ཆུབ་ཀྱི་ཤིང་གི་རྒྱལ་པོའི་དྲུང་དུ་སེང་གེའི་ཁྲི་ལ་བཞུགས་ཏེ། བདུད་བཏུལ་བའི་དུས་དག་ཏུ་ཡང་དེ་བཞིན་དུ་དེ་དག་ཁོ་ནའི་ཞབས ་ཀྱི་དྲུང་དུ་ཅིག་ཅར་དུ་མཆི་བར་བགྱིའོ།། ཞེས་བྱ་བ་ཡིན་ཏོ།། དེ་སྐད་དུ། གང་ཕྱིར་འཇིག་རྟེན་ཁམས་སུ་ནི།། སེམས་ཅན་སྐད་ཅིག་རེ་རེ་ལ།། སོ་སོར་རྣམ་པར་འཚང་རྒྱ། དེ་ཕྱིར་ཞུམ་པར་མི་བྱའོ།། ཞེས་གསུང་སོ།། རྣམ་པ་བཅུ་གཉིས ་བ་ནི་སྟོབས་ཡིན་ནོ།། དེ་ཡང་རྣམ་པ་བཅུ་སྟེ། ཀུན་ཏུ་མྱུར་བའི་རྫུ་འཕྲུལ་སྟོབས་ཞེས་བྱ་བ་ལ་སོགས་པ་ཚིགས་སུ་བཅད་པ་གཉིས་ཀྱི་བསྟན་ཏོ།། ཀུན་ཏུ་མྱུར་བ་ཞེས་བྱ་བ་ནི་དཔེར་ན་བྱང་ཆུབ་སེམས ་དཔའ་གཞན་གྱིས་མི་འགྲོ་བ་ཀུན་ཏུ་མྱུར་བའི་རྫུ་འཕྲུལ་གྱིས་ཕྱོགས་བཅུར་ཅིག་ཅར་དུ་འགྲོ་བ་དེ་ཁོ་ན་དང་འདྲའོ།། རྫུ་འཕྲུལ་ཞེས་བྱ་བ་རྫུ་འཕྲུལ་ནི་འབྱོར་ཅིང་ཇི་ལྟར་འདོད་པ་བཞིན་དུ་ཕུན་སུམ་ཚོགས་པར་བྱེད་པ་སྟེ། ཆོ་འཕྲུལ་ཞེས། ་བྱ་བའི་ཐ་ཚིག་གོ།། རྫུ་འཕྲུལ་ཇི་ལྟར་ན་ཆོ་འཕྲུལ་ཡིན་ནོ་ཞེས་བྱ་བར་ཤེས་ཞེ་ན། སེམས་ཅན་སོ་སོའི་ཡིད་འཕྲོག་ཅིང་འདུན་པར་བྱེད་པས་ན་ཆོ་འཕྲུལ་ལོ།། དེའི་སྟོབས་ནི་དོན་ཡོད་པ་ཉིད་དེ། རྫུ་འཕྲུལ་གྱི་སྟོབས་དེས་སོ།། ཀུན་ནས ་སྒོའི་ཐེག་པའི་སྟོབས་དག་དང་ཞེས་བྱ་བ་ལ། ཀུན་ནས་སྒྲོ་ཞེས་བྱ་བ་ནི་སྒོ་ཀུན་ནས་སོ།། ཇི་ལྟ་ཞེ་ན། དེའི་ལུས་ཀྱི་གནས་སྐབས་དང་། དམིགས་པ་ནི་གང་ལ་བྱང་ཆུབ་ཀྱི་སེམས་མི་སྐྱེ་བ་དང་། གང་ལ་སེམས་ཅན་ཐམས་ཅད་ལ ་ཕན་པ་དང་། བདེ་བར་སྨོན་པར་མི་འགྱུར་བ་དེ་མེད་དེ། འདི་ཐམས་ཅད་འཕགས་པ་སྤྱོད་ཡུལ་ཡོངས་སུ་དག་པའི་མདོ་ལས་བལྟ་བར་བྱའོ།། ཐེག་པ་ཆེན་པོའི་སྟོབས་ཞེས་བྱ་བ་ནི་ཐེག་པ་ཆེན་པོའི་སྟོབས་ཀྱིས་ཏེ། འདིས་ཐེག་པས ་ན་ཐེག་པའོ།། དེ་ནི་ཐེག་པ་ཡང་ཡིན་ལ་ཆེན་པོ་ཡང་ཡིན་པས་ན་ཐེག་པ་ཆེན་པོའོ།། ཡང་ན་ཐེག་པ་ཆེན་པོ་སངས་རྒྱས་ང་བྱང་ཆུབ་སེམས་དཔའ་ཐམས་ཅད་ཀྱི་ཐེག་པ་ཡིན་པས་ན་ཐེག་པ་ཆེན་པོའོ།། འདིའི་རང་བཞིན་ཅི་ཡིན་ཞེ། ་སངས་རྒྱས་ཀྱི་བྱང་ཆུབ་ཐོབ་པར་བྱེད་པའི་ལམ་བསོད་ནམས་དང་། ཡེ་ཤེས་ཀྱི་ཚོགས་ཞེས་བྱ་བ་ནི་ཐེག་པ་ཆེན་པོའོ།། ཡང་ན་ཐེག་པ་ཆེན་པོ་ནི་ཕ་རོལ་ཏུ་ཕྱིན་པ་ས་དང་བཅས་པ་ཡིན་ནོ།། དེའི་སྟོབས་ནི་ཐོགས་པ་མེད་པ་ཉིད་དེ་མི ་མཐུན་པའི་ཕྱོགས་ལས་ངེས་པར་རྒྱལ་བ་ཉིད་ཅེས་བྱ་བའི་ཐ་ཚིག་གོ། ཀུན་ཏུ་ཡོན་ཏན་ཞེས་བྱ་བ་ནི་ཐོག་མ་དང་བར་དང་ཐ་མར་དགེ་བའོ།། སྤྱོད་པའི་སྟོབས་ཞེས་བྱ་བ་ནི་བྱེ་བྲག་ཏུ་མ་བྱས་པའི་ཕྱིར་བྱང་ཆུབ་སེམས་དཔའི་སྤྱོད་པའི་སྟོབས ་དང་། བཟང་པོ་སྤྱོད་པའི་སྟོབས་ཏེ། སྤྱོད་པ་གཉིས་གའི་སྟོབས་ཀྱིས་སོ།། ཀུན་ཏུ་ཁྱབ་པ་ཞེས་བྱ་བ་ནི་ཕྱོགས་བཅུར་ཁྱབ་པའོ།། བྱམས་པ་དག་གི་སྟོབས་ཞེས་བྱ་བ་ནི། སེམས་ཅན་གྱི་ཁམས་ཐམས་ཅད་ལ་བདེ་བར་སེམས་པས་ཁྱབ ་བའོ།། ཀུན་ཏུ་དགེ་བ་ཞེས་བྱ་བ་ནི་སེམས་ཅན་ཐམས་ཅད་ལ་ཕན་པ་དང་། བདེ་བ་བསྐྱེད་པའི་བསམ་པས་སྒྲུབ་པའི་ཕྱིར་རོ།། བསོད་ནམས་སྟོབས་ཞེས་བྱ་བ་ནི་དག་ཅིང་གཙང་བར་བྱེད་པས་ན་བསོད་ནམས་སོ།། ཡང་ན་ཕྱིར་ཕྱིར་ལེགས་པར ་འགྱུར་བས་ན་བསོད་ནམས་སོ།། དེའི་སྟོབས་ནི་བྱང་ཆུབ་ཀྱི་སེམས་བསྐྱེད་པ་བསྒོམས་པ་ལས་འགྱུར་བས་ཏེ། ཇི་སྐད་དུ། བྱང་ཆུབ་སེམས་ཀྱི་བསོད་ནམས་གང་།། དེ་ནི་གལ་ཏེ་གཟུགས་ཅན་གྱུར།། ན་མཁའི་ཁམས་ཀུན་བཀང་ནས་ནི།། ། ་དེ་བས་ཀྱང་དེ་ལྷག་འགྱུར་ཞེས་གསུངས་སོ།། དེ་བཞིན་དུ་ཐེག་པ་ཆེན་པོ་དང་ལྡན་པའི་དམ་པའི་ཆོས་ཟབ་ཅིང་རྒྱ་ཆེ་བ་འཛིན་པ་དང་ཀློག་པ་དང་འཆད་པ་དང་། མོས་པ་དང་། ཚིགས་སུ་བཅད་པ་གཉིས་འཛིན་པ་དང་། ཡང་དག་པར ་རྫོགས་པའི་བྱང་ཆུབ་ཏུ་ཡོངས་སུ་བསྔོ་བ་ལུས་ཀྱང་འགྱུར་ཏེ་བསྐྱོད་ནམས་ཀྱི་སྟོབས་ངེས་སོ།། ཆགས་པ་མེད་པར་འགྱུར་བ་ཞེས་བྱ་བ་ནི་དུས་གསུམ་ཅར་ལ་ཡང་ཐོགས་པ་མེད་པའི་ཕྱིར་རོ།། ཡེ་ཤེས་སྟོབས་ཞེས་བྱ་བ་ནི ་ཤེས་བྱ་འཐའ་དག་རིག་པའི་ཡེ་ཤེས་ཡིན་པའི་ཕྱིར་རོ།། ཤེས་རབ་སྟོབས་ཞེས་བྱ་བ་ནི་དངོས་པོའི་དེ་ཁོ་ན་ཉིད་རྟོགས་པའོ།། ཐབས་ཀྱི་སྟོབས་ཞེས་བྱ་བ་ནི་ཐབས་ནི་གྲུབ་བྱའོ།། དེའི་སྟོབས་ནི་འབྲས་བུ་མེད་པ་མ་ཡིན་པ་ཉིད་དོ།། ཏིང་ངེ་འཛིན་གྱི ་སྟོབསོ་ཞེས་བྱ་བ་ལ། ཏིང་ངེ་འཛིན་ནི་མཉམ་པར་འཇོག་པ་སྟེ་བསམ་གཏན་ནོ།། དེའི་སྟོབས་ནི་འགྲོ་བ་མཐའ་དག་གི་དོན་བྱ་བ་དང་། མངོན་པར་ཤེས་པ་ལ་སོགས་པ་ཡོན་ཏན་མངོན་པར་སྒྲུབ་པ་ལ་ཐོགས་པ་མེད་པ་ཉིད་དེ་ཏིང་ངེ་འཛིན་གྱི་སྟོབ ་དེས་སོ།། བྱང་ཆུབ་སྟོབས་ཞེས་བྱ་བ་ལ་བྱང་ཆུབ་ནི་བླ་ན་མེད་པ་ཡང་དག་པར་རྟོགས་པའི་བྱང་ཆུབ་བོ།། དེའི་ཆེད་ཀྱི་སྟོབས་ཏེ། མཐུ་གང་ཡིན་པ་དེ་ཡང་དག་པར་སྒྲུབ་པར་བྱེད་ཅེས་བྱ་བ་ནི་དེའི་ཚོགས་རྣམ་པར་སྒྲུབ་པར་བྱེད་ཅིང་ངོ་།། རྣམ་པ ་བཅུ་གསུམ་པ་ནི་གཉེན་པོ་ཡིན་ནོ།། དེ་ཡང་མི་མཐུན་པའི་ཕྱོགས་ལས་ཉོན་མོངས་པ་དང་། བདུད་ཀྱི་སྟོབས་འཇོམས་པར་བྱེད་པས་རྣམ་པ་གསུམ་ཏེ། ལས་ཀྱི་སྟོབས་རྣམས་རྣམ་པོར་དག་བྱེད་ཅིང་ཞེས་བྱ་བ་ལ་སོགསོ་བ་གང་གསུངས་པ ་ཡིན་ཏེ། ལས་འདི་ནི་བྱེ་བྲག་ཏུ་མ་བྱས་པའི་ཕྱིར་དགེ་བ་དང་མི་དགེ་བ་དང་། མི་གཡོ་བའི་བྱེ་བྲག་གིས་རྣམ་པ་གསུམ་སྟེ། དེ་ལ་ལས་མི་དགེ་བའི་སྟོབས་ནི་ངེས་པར་མྱོང་བར་འགྱུར་བ་ཡོད་པའི་ཕྱིར་འབྲས་བུ་ངན་འགྲོ་གསུམ་འབྱིན ་བར་ནུས་པ་ཡིན་ནོ།། དེ་ལས་མོས་པ་ལ་སོགས་པའི་སྟོབས་ཀྱིས་ཡོངས་སུ་དག་པར་བྱེད་ཅིང་སེལ་བར་བྱེད་པ་ནི་ཇི་སྐད་དུ། ཤིན་ཏུ་མི་བཟད་ལུས་རྣམས་བྲེས་པ་ནི།། བདག་ལ་རྣམ་པར་སྨོད་པས་བསྲབས་པར་འགྱུར།། རབ་ཏུ་བཤགས ་དང་སྡོམ་པར་བྱེད་པ་ཡིས།། དེ་དག་ཤིན་ཏུ་རྩཝ་ནས་བཏོན་པར་བཤད་ཅེས་གསུངས་པ་ལྟ་བུ་ཡིན་ནོ།། གཉེན་པོའི་སྟོབས་ཀྱི་ཡོངས་སུ་དག་པར་བྱེད་པ་ནི། དཔེར་ན་བྱམས་མའི་བུ་མོས་མ་ལ་བརྙས་པས་ཀུན་ནས་བསྐྱང་བའི་ལྕེས་མི ་དགེ་བ་ཞིང་གོ་ཁྱད་པར་གྱིས་མཐོང་བའི་ཆོས་ཁོ་ན་ལ་རྣམ་པར་སྨིན་པའི་འབྲས་བུ་འབྱིན་པར་ཞུགས་པ་འབྲས་བུ་ཅུང་ཟད་ཅིག་ཀྱང་སྨིན་པ་ལས། དེའི་ལྷག་པའི་བསམ་པའི་ཁྱད་པར་ལས་བྱུང་བའི་སེམས་ཅན་གྱི་དོན་དུ་སྨོན་པའི ་སེམས་བསྐྱེད་པ་ཁོ་ནས་མ་ལུས་པར་ཤིན་ཏུ་རྩཝ་ནས་བཏོན་ཏེ། བཅོམ་པ་ལྟ་བུ་ཡིན་ནོ།། སེམས་ཅན་གྱི་དོན་དུ་སྨོན་པའི་སེམས་བསྐྱེད་པ་ཡང་ཇི་ལྟ་བུ་ཞིག་ཅེ་ན། སྨྲས་པ། འགྲོ་བ་ཐམས་ཅད་ཀྱི་སེམས་བསྐྱེད་སེམས་ཅན་གང་དག ་བདག་སྨྲ་བུཾ་མ་ཡ་བཟླས་པཱིཥྨ་ལས་དེ་ལྟ་བུར་བྱེད་པར་འགྱུར་པ་དེ་དག་ཐམས་ཅད་ཀྱི་ཕྱིར་འཁོར་བའི་སྲིད་ཀྱི་བ་དུ། བདགུ་ཁྱོ་ནའི་མགོ་ལ་འཁོ་ལོ་སྒྱུ་བ་པ་ལས་སྐྱེས་པའི་སྡུག་བསྔལ་གྷྲི་ཕུང་པོ་ཆེན་པོ་མཐའ་ཡས་བསྒོམས་པ ་མཚམས་མེད་པ་ཉམས་སུ་མྱོང་བར་གྱུར་ཅིང་ནོམ་དུ་ཡང་སེམས་ཅན་འགའ་ཡང་འདོར་འོང་བར་མ་གྱུར་ཅིག་ཅེས་བྱ་བ་ཡིད་ནོ།། རྟེན་གྱི་སྟོབས་ཀྱིས་ཡོངས་སུ་དག་པར་བྱེང་བ་ནི་བཅི་ན་ཕག་མོའི་རྟོག་པ་བརྗོད་པ་ལས། ལྷའི་བུའ ་འཕོ་བར་འགྱུར་བའི་ཆོས་ཅན་ཞིག་ཕག་མོའི་མངལ་དུ་སྐྱེ་གནས་མྱོང་བར་འགྱུར་བའི་ལས་ཀྱི་འབྲས་བུ་སྨིན་པར་མངོན་དུ་ཕྱོགས་པ་ལས་གསུམ་ལ་སྐྱབས་སུ་སོང་བ་ཙམྦ་གྱིས་ཐམས་ཅད་ཤིན་ཏུ་རྩ་ནས ་བཏོན་ཏེ། སུམ་ཅུ་རྩ་གསུམ་པའི་ལྷ་ལས་ཤྲི་འཕྲོས་ཏེ་དགའ་ལྡན་པ་དག་གོ་ནང་དུ་སྐྱེས་སོ།། ཞེས་འབྱུང་བ་ལྟ་བུ་ཡིན་ནོ།། ཆོས་ཐམས་ཅད་བདག་མེད་པར་རྟོགས་པས་ཀྱོང་ཤིམ་ཏུ་རྩད་ནས་ཕྱིན་པར་འགྱུར་ཏེ། ཇི་སྐད་དུ། ་ལས་ཀྱི་སྒྲིབ་པ་རྒྱུན་གཅོད་པའི་མདོ་ལས་འདི་ལྟ་སྟེ། དགེ་སློང་ཞིག་མི་ཚངས་པར་སྤྱོད་པ་དང་། མི་བསོད་པའི་ཕས་ཕམ་པ་གཉིས་བྱུང་བ་དང་། ཕྱིས་མི་དགའ་ཞིང་ཡིད་གདུང་ནས་མྱོས་པ་བཞིན་དུ་གཙུག་ལག་ཁང་ནས་གཙུག་ལག་ཁང ་དང་། གྲོང་ནས་གྲོང་དང་། ལམ་པོ་ཆེ་ལ་སོགས་པར་འགྲོ་ན་ཡང་། སྡིག་པ་དེ་སྐྱེ་བོ་ཀུན་གྱི་མངོན་གསུམ་དུ་ཡང་དག་པར་རབ་ཏུ་འཆགས་ཏེ། ཡང་དང་ཡང་དུ་ཀྱེ་མ་ཀྱི་ཧུང་བདག་ནི་མི་རུང་ངོ་།། བདག་ནི་ཉམས་སོ་ཞེས་སྨྲ་ཞིང་ལས་དེ ་སྲབ་མོར་གྱུར་གྱི་བར་དུ། སྡིག་པ་འཆགས་པའི་སྟོབས་ཀྱིས་སེལ་བར་བྱེད་དོ།། དེ་ལྟར་སེམས་ཤིན་ཏུ་གདུངས་པར་གྱུར་པ་དེ་ལ་བྱང་ཆུབ་སེམས་དཔའ་མངོན་པར་ཤེས་པ་ཐོབ་པ་ཞིག་གིས་ཆོས་ཟབ་མོ་དེ་དང་དེ་ལྟ་བུ་བཤད་པ་དང་། དེ་ན་ད ་ཆོས་ཐམས་ཅད་ལ་བདག་མེད་པར་རྟོགས་པས་སྡིག་པ་ཐམས་ཅད་རྣམ་པ་ཐམས་ཅད་དུ་རྩད་ནས་བཏོན་ཏེ། མི་སྐྱེ་བའི་ཆོས་ལ་བཟོད་པ་ཐོབ་པར་གྱུར་ཏོ་ཞེས་གསུངས་པ་ལྟ་བུ་ཡིན་ནོ།། ཆོས་ཟབ་མོ་ལ་མོས་པ་འདིའི་ལྟུང་བ་དང་། འགྱོད་པ ་ཐམས་ཅད་སེལ་བ་དང་། སྒྲིབ་པ་ཐམས་ཅད་སྦྱོང་བ་ཡིན་ནོ་ཞེས་བྱ་བ་དེ་ལྟར་དད་པར་བྱ་སྟེ། ཇི་སྐད་དུ། འཕགས་པ་དེ་བཞིན་གཤེགས་པའི་མཛོད་ལས། འོད་སྲུངས་གང་གི་ཕ་ཡང་ཡིན་ལ་རང་སངས་རྒྱས་ཀྱང་ཡིན་པ་དེ་བསད་ན་འདི་ནི ་སྲོག་གཅོད་པ་རྣམས་ཀྱི་ནང་ན་མི་བཟང་པ་ཡིན་ནོ།། འདི་ལྟ་སྟེ། དཀོན་མཆོག་གསུམ་གྱི་དཀོར་འཕྲོག་པ་འདི་ནི་མ་བྱིན་པར་ལེན་པ་རྣམས་ཀྱི་ནང་ན་མི་ཟད་པ་ཡིན་ནོ།། འདི་ལྟ་སྟེ། མ་ཡང་ཡིན་ལ་དགྲ་བཅོམ་མ་ཡང་ཡིན་པ་དེ་ལ་ཉལ་པོ་བྱས ་ན་འདི་ནི་འདོད་པ་ལོག་པར་གཡེམ་པ་རྣམས་ཀྱི་ནང་ན་མ་རུངས་པ་ཡིན་ནོ།། འདི་ལྟ་སྟེ། དེ་བཞིན་གཤེགས་པ་ལ་སྐུར་པ་འདེབས་པ་འདི་ནི་བརྫུན་དུ་སྨྲ་བ་རྣམས་ཀྱི་ནང་ནས་མ་རུངས་པ་ཡིན་ནོ།། འདི་ལྟ་སྟེ། དགེ་འདུན་གྱི་དབྱེན་བྱེད་པ་འདྲི ་ནི་ཕྲ་མ་རྣམས་ཀྱི་ནང་ན་མ་རུངས་པ་ཡིན་ནོ།། འདི་ལྟ་སྟེ། འཕགས་པ་རྣམས་ལ་ཁ་ཟེར་བ་འདི་ནི་ཚིག་རྩུབ་པོ་རྣམས་ཀྱི་ནང་ན་མ་རུངས་པ་ཡིན་ནོ།། འདི་ལྟ་སྟེ། ཆོས་འདོད་པ་རྣམས་རྣམ་པར་གཡང་བར་བྱེད་པ་འདི་ནི་ཚིག་ཁྱལ་པ་རྣམས་ཀྱིས ་ནང་ན་མི་བཟད་པ་ཡིན་ནོ།། འདི་ལྟ་སྟེ། ཡང་དག་པར་སོང་བ་དང་ཡང་དག་པར་ཞུགས་པ་རྣམས་ཀྱི་རྙེད་པ་འཕྲོགས་པར་སེམས་པ་འདི་ནི་བརྣབ་སེམས་རྣམས་ཀྱི་ནང་ན་མ་རུངས་པ་ཡིན་ནོ།། འདི་ལྟ་སྟེ། མཚམས་མེད་པ་ཤོམ་པར་འགྱུར ་བ་འདི་ནི་གནོད་སེམས་རྣམས་ཀྱི་ནང་ནས་མ་རུངས་པ་ཡིན་ནོ།། འདི་ལྟ་སྟེ། ལྟ་བ་ཤིན་ཏུ་ཐིབས་པོ་ནི་ལོག་པར་ལྟ་བ་རྣམས་ཀྱི་ནང་ན་མ་རུངས་པ་ཡིན་ནོ།། མི་དགེ་བའི་ལས་ཀྱི་ལམ་བཅུ་པོ་འདི་དག་ནི་གང་ལས་ཀྱང་ཁ་ན་མ་ཐོ་བ་ཆེ་བ་ཡིན་ནོ།། ། ་འོད་སྲུངས་གལ་ཏེ་སེམས་ཅན་འགའ་ཞིག་མི་དགེ་བའི་ལས་ཀྱི་ལམ་དེ་དག་ཁ་ན་མ་ཐོ་བ་ཆེ་བ་བཅུ་པོ་དེ་དག་དང་ལྡན་པར་གྱུར་ལ། དེ་ཡང་དེ་བཞིན་གཤེགས་པས་བསྟན་པའི་ཆོས་རྒྱུ་དང་རྐྱེན་དང་ལྡན་པ་ལ ་འཇུག་སྟེ། འདི་ལ་བདག་གམ་སེམས་ཅན་ནམ། སྲོག་གམ་གང་ཟག་གམ་གང་ཞིག་བྱེད་པ་འམ། གང་ཞིག་མྱོང་བར་འགྱུར་བ་ནི་འགའ་ཡང་མེད་དོ།། དེ་ལྟ་བས་ན་ཆོས་ཐམས་ཅད་ནི་མ་བྱས་པ་མངོན་པར་འདུ་མ་བྱས་པ་སྒྱུ་མའི ་ཆོས་ཉིད་ཀུན་ནས་ཉོན་མོངས་པ་མེད་པ་རང་བཞིན་གྱིས་འོད་གསལ་བའོ་ཞེས་བྱ་བ་ལ་འཇུག་ལ། ཆོས་ཐམས་ཅད་ནི་གཟོང་མ་ནས་དག་པའོ་ཞེས་བྱ་བར་དད་ཅིང་མོས་ན། སེམས་ཅན་དེ་ངན་སོང་དུ་སོང་བར་ང་མི་སྨྲའོ།། ཅིའི་ཕྱིར་དེ་ཞེ་ན། ་ཉོན་མོངས་པ་རྣམས་ལ་ཕུང་པོའི་དངོས་པོ་མེད་དེ། ཉོན་མོངས་པ་ཐམས་ཅད་ནི་སྐྱེས་ནས་འཇིག་ཅིང་། ཉམས་པ་རྒྱུ་དང་རྐྱེན་ཚོགས་པ་དང་ལྡན་ན་འབྱུང་ལ་བྱུང་མ་ཐག་ཏུ་འགག་པ་ཡིན་ནོ།། གསོལ་པ། བཅོམ་ལྡན་འདས་སེམས་བསྐྱེད་པ ་ཞིག་པ་གང་ལེགས་པ་དེ་ཉིད་ཉོན་མོངས་པ་ཐམས་ཅད་ཞིག་པ་ལགས་སོ།། གང་ཞིག་དེ་ལྟར་མོས་པ་དེ་ལ་ནི་ནམ་ཡང་ལྟུང་བ་མ་མཆིས་ལ། ལྟུང་བའི་གནས་ཀྱང་མ་མཆིས་ཏེ། སྒྲིབ་པ་མེད་པ་ལ་ལྟུང་བ་གནས་པ་གང་ལགས་པོ་འདི་ནི ་གནས་མ་ལགས་ཤིང་གོ་སྐབས་མ་མཆིས་ཏེ། འདི་ནི་མི་སྲིད་ལགས་སོ་ཞེས་བསྟན་པ་ལྟ་བུ་ཡིན་ནོ།། དེ་བཞིན་དུ་བྱང་ཆུབ་ཀྱི་སེམས་བསྐྱེད་པ་མངོན་དུ་བྱས་པ་ཁོ་ནས་ཀྱང་ལྟུང་བས་ཀུན་ནས་བསླང་བའི་མི་དགེ་བ་ཐམས་ཅད་ཤིན་ཏུ ་རྩད་ནས་ཕྱིན་པར་འགྱུར་ཏེ། ཇི་སྐད་དུ་འཕགས་པ་ཉེ་བ་འཁོར་གྱིས་ཞུས་པའི་མང་ལས་གལ་ཏོ་བྱང་ཆུབ་སེམས་སྔ་དྨོ་ལྟུང་བ་བྱུང་ལ་ཉི་མིའི་གུང་ལ་བྱང་ཆུབ་ཀྱི་སེམས་མངོན་དུ་བྱེད་ན། བྱང་ཆུབ་སེམས་དཔའ་དེའི་ཚུལ་ཁྲིམས་ཀྱི་ཕུང་པོ ་ཡོངས་སུ་གཏུགས་པ་མེད་པ་ཁོ་ན་ཡིན་པར་རིག་པར་བྱའོ།། དེ་བཞིན་དུ་ཉི་མའི་གུང་ལ་ལྟུང་བ་བྱུང་ན། ཕྱི་དྲོ་བྱང་ཆུབ་ཀྱི་སེམས་མངོན་དུ་བྱེད་ན་དེ་ཁོ་ནས་བྱང་ཆུབ་སེམས་དཔའ་དེའི་ཚུལ་ཁྲིམས་ཀྱི་ཕུང་པོ་མི་བཟད་པར་རིག་པར་རག་བྱའོ།། ་ཞེས་བྱ་བ་ལ་སོགས་པ་གང་གསུངས་པ་དང་། དེ་བཞིན་དུ་རིགས་ཀྱི་བུ་བྱང་ཆུབ་ཀྱི་སེམས་ནི་ཉེས་བྱས་ཐམས་ཅད་ངེས་པར་སྲེག་པའི་ཕྱིར་བསྐལ་པའི་མེ་ལྟ་བུ་ཡིན་ནོ།། ཞེས་བྱ་བ་ལ་སོགས་པ་གང་གསུངས་པ་ལྟ་བུ་ཡིན་ནོ།། སུམ་བརྒྱ ་བ་ལས་ཀྱང་། རབ་འབྱོར་རིགས་ཀྱི་བུ་འམ་རིགས་ཀྱི་བུ་མོ་གང་ལ་ལ་ངག་མདོ་སྡེ་འདི་ལྟ་བུ་འཛིན་པ་དང་། འཆང་བ་དང་། ཀློག་པ་དང་། ཀུན་ཆུབ་པར་བྱེད་པ་དེ་དག་ནི་བརྙས་པར་འགྱུར། ཤིན་ཏུ་བརྙས་པར་འགྱུར་རོ།། དེ་ཅིའི་ཕྱིར་ཞེ་ན། ་སེམས་ཅན་དེ་དག་གི་ཚེ་རབས་སྔ་མའི་ལས་མི་དགེ་བ་ངན་སོང་དུ་འགྲོ་བར་འགྱུར་བ་བྱས་པ་གང་དག་ཡིན་པ་དེ་དག་མཐོང་བའི་ཆོས་ཁོ་ན་ལ་བརྙེས་པས་ཟད་པར་འགྱུར་རོ་ཞེས་གསུངས་ཏེ། དེ་ལྟ་བུ་ལ་སོགས་པས་སྡིག་པའི་ལས་ངེས་པར་མྱོང ་བར་འགྱུར་བ་ཤིན་ཏུ་ཡོངས་སུ་དག་པར་བྱས་པ་ཡིན་ནོ།། ཁ་ཅིག་འདི་སྐད་དུ། སྡིག་པའི་ལས་ཆུང་ངུ་དང་འབྲིང་དག་ནི་བཤགས་པ་ལ་སོགས་པའི་སྟོབས་ཀྱིས་ཤིན་ཏུ་རྩད་ནས་ཕྱིན་པར་འགྱུར་གྲང་ན། མཚམས་མེད་པ་ལ་སོགས་པ་ལས ་ལྕི་བ་རྣམས་ཀྱི་ཇི་ལྟར་ཐམས་ཅད་ཀྱིས་ཐམས་ཅད་དུ་རྩད་ནས་ཕྱིན་པར་འགྱུར་ཞེས་ཟེར་ནཱ། འདིར་སྨྲས་པ། མ་སྐྱེས་དགྲ་ལ་སོགས་པ་མཚམས་མེད་པ་བྱེད་པ་དག་བསམ་པ་ཆུང་ངུ་དང་འབྲིང་དང་། ཆེན་པོའི ་ཁྱད་པར་གྱི། མནར་མེད་པར་བསྐལ་པ་བར་མ་འམ། དེ་བས་ཐུང་བ་འམ། ཕྱེད་དུ་གནས་པར་གྱུར་པ་ལས་དེ་དག་ཤིན་ཏུ་འགྱོད་པའི་མེས་ཀུན་ཏུ་གདུངས་པ་དང་། མི་དགའ་ནས་བཤགས་པ་ལ་སོགས་པའི་སྟོབས་ཀྱི་ལས་དེ་འདི་ལྟར ་ཕོ་ལོང་བརྡབས་པའི་ཡུང་རྩམ་ཞིག་ཏུ་འབྲས་བུ་མྱོང་བར་འགྱུར་བར་བསྲབས་པ་ཉིད་དུ་འགྱུར་རོ་ཞེས་འབྱུང་ན། དེ་ཇི་ཙམ་གྱི་དོན་དུ་ན་ལས་དེ་ཤིན་ཏུ་རྩོད་ནས་ཕྱུང་བར་འགྱུར་པ་མ་ཡིན་ནམ་ཉག་མ་གཅིག་མ་བརྔས་པས་ཞིང་མ་བརྔས ་པ་ནི་མ་ཡིན་ནོ།། འོ་ན་ལུས་ཅན་ཀུན་གྱིས་ལས་རྣམས་ནི།། བསྐལ་པ་བརྒྱར་ཡང་ཆུད་མི་ཟ།། ཚོགས་ཤིང་དུས་ལ་བབ་པ་ན།། འབྲས་བུ་སྨིན་པ་ཉིད་དུ་འགྱུར།། ཞེས་བྱ་བ་ལ་སོགས་པ་གང་གསུངས་པ་དེ་ཇི་ལྟར་དྲང་ཞེ་ན། བཤད་པ ་འདི་ནི་ལས་གང་དག་རྣམ་པར་སུནུ་འབྱིན་པ་ལ་སོགས་པ་ཀུན་ཏུ་སྤྱོད་པའི་སྟོབས་ཀྱིས་མ་བསལ་ཞིང་སྲབ་མོར་མ་བྱས་པ་དེ་དག་ལ་བལྟ་བར་བྱ་སྟེ། དེ་སྐྱེད་དུ། མི་མཁས་པས་ནི་སྡིག་པ་ཆུང་ངུ་བྱས་ཀྱང་འོག་ཏུ་འགྲོ། མཁས་པས ་ཆེན་པོ་བྱས་ཀྱང་གནོད་པ་རབ་ཏུ་སྤོང་བར་འགྱུར།། ལྕགས་ཀྱི་གང་བུ་ཆུང་ཡང་ཆུ་ཡི་འོག་ཏུ་འབྱིང་འགྱུར་ལ།། དེ་ཉིད་སྣོད་དུ་བྱས་ན་ཚེ་ཡང་སྟེང་ན་འཕྱོ་བར་འགྱུར་ཞེས་བཤད་པ་ལྟ་བུ་ཡིན་ནོ།། སྡིག་པའི་ལས་ངེས་པར་མྱོང་བར ་འགྱུར་བ་མ་ཡིན་པ་དུས་གསུམ་པ་བགྲང་བ་ལས་འདས་པ་གང་ཡིན་པ་དེ་ཡང་ལས་ལ་དབང་བས། ཕྱོགས་བཅུ་ཀུན་ཏུ་འཁོར་བའི་རྒྱུན་ཇི་སྲིད་པར་སེམས་ཅན་ངན་སོང་དུ་སྐྱེས་པ་རྣམས་ལ་ཅིག་ཅར་ཁོ་ནར་ཕན་པ་དང་། བདེ་བ ་སྒྲུབ་པའི་ཕྱིར་དེ་དང་སྐལ་པ་མཐུན་པ་རིགས་དང་ཁ་དོག་དང་དབྱིབས་དང་། ཚད་ཀྱི་བྱེ་བྲག་ཐ་དད་པས་རྣམ་པར་སྨིན་པའི་འབྲས་བུ་འབྱིན་པར་ངེས་པར་བྱེད་དོ།། ལས་དགེ་བའི་སྟོབས་ཀྱང་སྲིད་པའི་འབྲས་བུ་འབྱིན་པར་ནུས་པ་མ་ཡིན ་ཏི། དེ་ཡང་ཡོངས་སུ་དག་པར་བྱེད་དོ།། ཇི་ལྟ་ཞེ་ན། རྣམ་པར་སྨོན་པའི་འབྲས་བུ་དང་ཕྲུལ་ཏེ། སྨོན་ལམཱཾ་གྱི་སྟོབས་ཀྱི་བྱང་ཆུབ་ཁོ་ནར་ཡོངས་སུ་བསྔོ་ཞིང་རྒྱུ་མཚན་དུ་བྱེད་དོ།། ལས་མི་གཡོ་བ་ནི། གཟུགས་དང་གཟུགས་མེད་པ ་ན་སྤྱོད་པ། བསམ་གཏན་དང་པོ་ལ་སྙོམས་པར་འཇུག་པས་ཀུན་ནས་སླང་བའོ།། དེའི་སྟོབས་ནི་དེ་ཉིད་ཡིན་ཏེ། དེ་ཡང་ལས་ལ་དབང་བས་བསལ་ཏེ་སེམས་ཅན་གྱི་དོན་དུ་ཇི་ལྟར་འདོད་པ་བཞིན་སྦྱོར་བར་བྱེད་དོ།། འདོད་ཆགས་ལ ་སོགས་པ་ནི་ལུས་དང་སེམས་ཀྱི་རྒྱུད་ཉོན་མོང་བུ་བྱེད་པས་ཉོན་མོང་།། དེ་དག་གི་སྟོབས་ནི་ཤས་ཆེར་ཆུང་བ་ཉིད་དེ། གང་གི་དབང་གིས་བགྲོད་པར་བྱ་བ་དང་། བགྲོད་པར་བྱ་བ་མ་ཡིན་པ་དང་། ཕན་པ་དང་། ཕན་པ་མ་ཡིན་པ་དང་། ལྕི་བ་དང ་ཡང་བ་ལ་སོགས་པ་ཐམས་ཅད་མི་ཤེས་པ་ཡིན་ནོ།། དེ་མི་སྡུག་པ་ལ་སོགས་པ་སྒོམ་པ་དང་། འཇིག་རྟེན་པའི་ལམ་གྱི་ཡོངས་སུ་འཇིལ་ཞིང་ཟིལ་གྱི་གནོན་པར་བྱེད་དེ། མདོར་ན་ཉོན་མོངས་པ་ལ་དབང་བས་དེ་དག་ཉིད་བྱང་ཆུབ་ཀྱི ་ཡན་ལག་ཏུ་སྒོམ་པར་བྱེད་དོ་ཞེས་བྱ་བ་ཡིན་ནོ།། བདུད་ཀྱི་སྟོབས་རྣམས་སྟོབས་མེད་རབ་བྱེད་ཅིང་ཞེས་བྱ་བ་ལ་བདུད་ཅེས་པ་ནི་ལྷའི་བུ་ལ་སོགས་པའོ།། དེ་དག་གིས་ནི་བྱང་ཆུབ་སེམས་དཔའི་སྤྱོད་པ་ལཱ ་སོགས་པའི་བར་ཆད་དུ་བྱེད་ནུས་པ་ཡིན་ཏེ། དེ་མངོན་པར་ཤེས་པའི་སྟོབས་ཀྱིས་སྟོབས་མེད་ཅིང་གཟི་བྱིན་ཡལ་པ་དང་མཐུ་མེད་པར་བྱེད་ཅིང་ངོ་།། བཟང་པོ་སྤྱོད་པའི་སྟོབས་ཀུན་རྫོགས་པར་བགྱི་ཞེས་བྱ་བ་ལ་བཟང་པོ་སྤྱོད་པའི ་སྟོབས་ནི་མི་མཐུན་པའི་ཕྱོགས་ཀྱིས་ཟིལ་གྱིས་མི་ནོན་པ་སྟེ། མངོན་པར་འདུ་བྱ་བ་མེད་པར་འཇུག་པ་ཉིད་ཡིན་ནོ།། དྲི་ཐམས་ཅད་མོ་ལུས་པར་སྔར་བཤད་པ་རྫུ་འཕྲུལ་ལ་སོགས་པ་སྟོབས་རྣམ་པ་བཅུ་དང་། བཤད་མ་ཐག་པ ་གཉེན་པོ་རྣམ་པ་གསུམ་པོ་འདིས་ཡོངས་སུ་རྫོགས་པར་བགྱིའོ།། ད་ནི་རྣམ་པ་བཅུ་བཞི་པ་བྱང་ཆུབ་སེམས་དཔའ་རྣམས་ཀྱི་ལས་གང་ཡིན་པ་དེ་སྟོན་ཏོ།། ལས་དེ་ཡང་སངས་རྒྱས་ཀྱི་ཞིང་དག་པར་བྱེད་པ་ལ་སོགས་པ་རྣམ་པ་བརྒྱད་དེ། ་ཞིང་རྣམས་རྒྱ་མཚོ་ཞེས་བྱ་བ་ལ་སོགས་པ་གང་གསུངས་པ་ཚིགས་སུ་བཅད་པ་གཉིས་ཀྱིས་བསྟན་ཏོ།། སངས་རྒྱས་ཀྱི་ཞིང་རྒྱ་མཚོ་དག་སྐད་ཅིག་རེ་རེ་ལ་བདེ་བ་ཅན་ལྟ་བུ་དང་། པདྨ་ཅན་ལྟ་བུར་རྣམ་པར་དག་པར་བྱེད་ཅིང་དེ་བཞིན་དུ ་སེམས་ཅན་འཁོར་བའི་བཙོན་རབ་ཉོན་མོངས་པའི་ལྕག་སྒྲོག་གི་འཆིང་བས་བཅིངས་པ་རྒྱ་མཚོ་དག་སྐད་ཅིག་རེ་རེ་ལ་རྫུ་འཕྲུལ་དང་ཀུན་བརྗོད་པའི་ཆོ་འཕྲུལ་གཉིས་ཀྱིས་འདུན་པར་བྱས་ཏེ། རྗེས་སུ་བསྟན་པའི་ཆོ་འཕྲུལ་གྱིས་རྣམ ་བཱ་དགྲོལ་ལོ།། ཆོས་རྣམས་རྒྱ་མཚོ་ཞེས་བྱུ་ནི་བཤད་པའི་ཆོས་རྒྱ་མཚོ་དང་། རྟོགས་པའི་ཆོས་རྒྱུ་ས་རྒྱོ་དག་སྐང་ཅིག་དེ་ལ་ཤེས་རབ་ཀྱི་མིག་གི་ས་རབ་ཏུ་མཐོང་བར་བྱེད། རྣམ་པར་མཐོང་བར་བྱེད་ཅིང་ཧཱུ~ཾ། ཤེས་བླ་མཧཱར་ཡས་བན། ་ཡེ་ཤེས་ཀྱང་མཐའ་ཡས་པ་ཉིད་དེ་དེའི་ཕྱིར་ཡེ་ཤེས་རྒྱ་མཚོ་ཞེས་བྱ་བ་གསུངས་སོ།། ཡེ་ཤེས་རྒྱ་མཚོ་དེ་སྐད་ཅིག་རེ་རེ་ལ་རབ་ཏུ་རྟོགས་པར་བྱེད་ཅིང་འཇུག་པར་བྱེད་དོ། ཁོང་དུ་ཆུད་པར་བྱེད་པ་ཞེས་བྱ་བའི་ཐ་ཚིག་གོ།། སྤྱོད་པ་རྒྱ་མཚོ ་སྐྱེས་བྱ་བ་ལ་སོགས་པ་ནཱི། བྱང་ཆུབ་སྤྱོད་པ་རྒྱ་མཚོ་དང་བཟང་པོ་སྤྱོད་པ་རྒྱ་མཚོ་སྟེ། བྱེ་བྲག་ཏུ་མ་བྱས་པའི་ཕྱིར་སྤྱོད་པ་གཉིས་ག་མོས་པར་རིགས་སོ།། དེ་ལ་བྱང་ཆུབ་ཀྱི་སྤྱོང་པ་ནི་སངས་རྒྱས་ཀྱི་ཆོས་འདྲེན་པར་བྱེད་པ་ཡེ་ཤེས་ཀྱི་ཆོག ་སོ། བཟང་པོ་སྤྱོད་པ་དེ་ནི་འགྲོ་བ་མཐའ་དག་ལ་ཕནྡྷ་པ་ད་བྱེ་བ་སྐྱེད་པར་བྱེད་པ་བསོད་ནམས་ཀྱི་ཚོགས་སོ།། གཞན་ཡང་བཟང་པོ་སྤྱོད་པ་ནི་བྱང་ཆུབ་སྤྱོད་པ་ཁོ་ན་ཡིན་ཏེ། གཉི་ག་ཡང་བྱང་ཆུབ་འདྲེན་པར་བྱེད་པའི་ཕྱིར་རོ།། འོན་ཀྱང་། ་ཁྱད་པ་དེ་ནི་མངོན་སུམ་དང་བརྒྱུད་པ་ཞེས་བྱ་བ་དེ་ཙམ་ཞིག་ཡོད་དོ།། སྤྱོད་བྱ་བཟང་པོ་དེ་སྐད་ཅིག་རྙི་དེ་ལ་མངོན་པར་ཤེས་པའི་སྟོབས་ཀྱིས་རྣམ་པོར་དག་པ་བྱེད་དྲི་མ་དང་བྲལ་བར་བྱེད་ཅིང་བློ། སྨོན་ལམ་རྒྱ་མཚོ་ཞེས་བྱ་བ་ནི་སྐད་ཅིག་རེ་རེ ་མ་ཚུལ་ཁྲིམས་དང་ཏིང་ངེ་འཛིན་གྱི་སྟོབས་ཀྱི་རབ་ཏུ་རྫོགས་པར་བྱེད་ཅིང་ངོ་།། སངས་རྒྱས་རྒྱ་མཚོ་ཞེས་བྱ་བ་ནི་སྐད་ཅིག་རེ་རེ་ལ་ཕྱོགས་བཅུར་མཆོད་པའི་སྤྲིན་ན་མཁའ་ཁེབས་པ་དག་གིས་རབ་ཏུ་མཆོད་པར་བྱེད་ཅིང་ངོ་།། བསྐལ་བ ་རྒྱ་མཚོར་མི་སྐྱོ་སྤྱད་པར་བགྱི་ཞེས་བྱ་བ་ནི་སྤྲོ་བ་མེད་པའི་ཡིད་ཀྱིས་སོ།། རྣམ་པ་བཅོ་ལྔ་པ་ནི་སངས་རྒྱས་དང་བྱང་ཆུབ་སེམས་དཔའི་རྗེས་སུ་སློབ་པར་ཡོངས་སུ་བསྔོ་བ་ཡིན་ཏེ། དེ་ཡང་རྣམ་པ་གཉིས་སོ།། དེ་ལ ་དེ་བཞིན་གཤེགས་པའི་རྗེས་སུ་སློབ་ཅིང་ཡོངས་སུ་བསྔོ་བ་ནི། གང་ཡང་དུས་གསུམ་གཤེགས་པ་ཞེས་བྱ་བ་ལ་སོགས་པ་གང་གསུངས་པ་ཡིན་ཏེ། དུས་གསུམ་དུ་གཏོགས་པའི་རྒྱལ་བ་རྣམས་ཀྱི་བྱང་ཆུབ་སྤྱོད་པ་སྨོན་ལམ་གྱི་ཁྱི་བྲག ་གང་དག་ཡིན་པ་དེ་དག་ཐམས་ཅད་བདག་གིས་མ་ལུས་པར། བཟང་པོ་སྤྱོད་པར་ཞེས་བྱ་བ་སྤྱོད་པ་བཟང་པོས་རྫོགས་པར་བགྱི་ཞེས་བྱ་བ་ཡོངས་སུ་རྫོགས་པར་བགྱི་ཤིང་བསྐང་ནས། བྱང་ཆུབ་རྣམ་པར་འཚང་རྒྱ་བར་བགྱིའོ་ཞེས་བྱ་བ་ཡིན་ནོ།། ་ལུས་དང་ག་དང་ཡིད་དང་སྤྱོད་པ་དང་ཞིང་དང་སྨོན་ལམ་རྣམ་པར་དག་བདག་གིས་བྱང་ཆུབ་སེམས་དཔའ་འཕགས་པ་ཀུན་ཏུ་བཟང་པོ་ལ་སོགས་པའི་རྗེས་སུ་སློབ་ཅིང་ཡོངས་སུ་སྟོ་བ་ནི་རྒྱལ་བ་ཀུན་གྱི་སྲས་ཀྱི་ཐུ་བྲོ་པ་ཞེས་བྱ་བ་ལ་སོགས་པ ་གང་གསུངས་པ་ཚིགས་སུ་བཅད་པ་གསུམ་གྱིས་བསྟན་ཏེ། འཕགས་པ་བྱང་ཆུབ་སེམས་དཔའ་ཆེན་པོ་ཀུན་ཏུ་བཟང་པོ་ནི་བྱང་ཆུབ་སེམས་དཔའ་རྣམས་ཀྱི་ཀུན་ཏུ་བཟང་པོ་སྤྱོད་པ་གང་ཡིན་པ་དང་། དེ་བཞིན་དུ་བྱང་ཆུབ་སེམས་དཔའི ་རྣམ་པར་ཐར་པ་སྙིང་རྗེ་དང་། ཏིང་ངེ་འཛིན་ཇི་སྙེད་པ་དང་། དེ་ལྟ་བུ་ལ་སོགས་པ་མདོར་ན་བྱང་ཆུབ་སེམས་དཔའི་ཡོན་ཏན་ཇི་སྙེད་པོ་དེ་དག་ཐམས་ཅད་ཀྱི་ཕ་རོལ་ཏུ་ཕྱིན་པས་ནི། དེའི་སྲས་ཀྱི་ཐུ་བོ་ཞེས་བྱའོ།། རྒྱལ་བ་ཐམས་ཅད་ཀྱི་སྲས་ཀྱི་ཐུ ་བོ་འཕགས་པ་བྱང་ཆུབ་སེམས་དཔའ་ཀུན་ཏུ་བཟུང་བློ་ཞེས་བྱ་པ་གང་ཡིན་པ་མཁས་པ་དེ་དྲང་ཞེས་བྱ་བ་ནི་མཁས་པ་དེ་ཁོ་ན་དང་ངོ་།། མཚུངས་པར་སྤྱོད་པའི་ཕྱིར་ཞེས་བྱ་བ་ནི། མཚུངས་པར་སྤྱོད་པའི་ཕྱིར་སྐད་ཅིག་རེ་རེ་ལ་ཇི ་སྐད་བསྟུན་པའི་དགེ་བའི་རྩ་བ་འདྲི་ཡོངས་སུ་བསྔོའོ་ཞེས་བྱ་བ་ཡིན་ནོ།། ལུས་དང་ངག་དང་ཡིད་ཀྱང་རྣམ་དག་ཅིང་ཞེས་བྱ་བ་ལ་སོགས་པ་ནི་ལུས་དང་དོག་དང་ཡོད་རྣམ་པར་དྲག་པ་དང་། སྤྱོད་པ་རྣམ་པར་དོག་པ་དང་། ཞིང་རྣམ་པར ་དག་པའོ།། བསྔོ་བ་ཞེས་བྱ་བ་ནི་བསྔོ་བ་སྟེ། ཡོངས་སུ་བསྔོ་བ་ཡིན་ནོ།། བཟང་པོ་མཁས་པ་ཞེས་བྱ་བ་ནི་མཁས་པ་འཕགས་པ་ཀུན་ཏུ་བཟང་པོའོ།། ཅི་འདྲ་བ་ཞེས་བྱ་བ་ནི་ཇི་ལྟ་བུ་རོ།། དེ་འདྲེ་ཞེས་བྱ་བ་ནི་དེ་དང་འདྲ་བ་ཁོ་ནའོ།། ་བདག་ཀྱང་དེ་དང་མཚུངས་པར་ཤོག་ཅེས་བྱ་བྲ་ལ། དེ་དང་ཞེས་བྱ་བ་ནི་འཕགས་པ་ཀུན་ཏུ་བཟང་པོ་དང་ངོ་།། མཚུངས་པར་ཞེས་བྱ་བར་ནི་འདྲ་བར་རོ།། ཀུན་ནས་དགེ་བ་ཞེས་བྱ་བ་ནི་ཐོག་མ་དང་བཱར་མ་དང་ཐ་མར་ཞི་ཞིང་དགེ་བའོ།། བཟང་པོ ་སྤྱོད་པའི་ཕྱིར་ཞེས་བྱ་བ་ནི་བཟང་པོ་སྤྱོད་པའི་ཆེད་དུའོ།། འཇམོ་དཔལ་གྱི་ནི་སྨོན་ལམ་ཞེས་བྱ་བ་ནི་འཕགས་པ་འཇམ་དཔལ་གྱི་སྨོན་ལམ་སྤྱད་པར་བགྱིའོ་ཞེས་བྱ་བ་ཡིན་ནོ།། དེའི་སྨོན་ལམ་ཇི་ལྟ་བུ་ཞིག་ཅེ་ན། འཕགས་པ་འཇམ ་དཔལ་ཆོས་ཀྱི་རྒྱལ་པོར་གྱུར་པ་ན། འཁོར་བ་ལ་ཐོག་མའི་མུ་དང་མཐའ་སྤངས་པ་ཇི་སྲིད་པ་དེ་སྲིད་དུ་སེམས་ཅན་ལ་ཕན་པ་ཁོ་ནའི་ཕྱིར་སྤྱད་པོ་ཚད་མེད་པ་སྤྱོད་པར་གྱུར་ཅིག་ཞེས་སྨོན་པོ་དེ་ལྟ་བུ་ལ་སོགས་པ་རྒྱས་པར་ཇི་སྐད་དུ་འབྱུང་བ ་ལྟ་བུ་ཡིན་ནོ།། མ་འོངས་བསྐུལ་པ་ཀུན་ཏུ་མྱི་སྐྱོ་བར་ཞེས་བྱ་བ་ནི་མ་འོངས་པའི་བསྐལ་པ་མ་ལུས་པ་ཐམས་ཅད་དུ་སྐྱོ་བ་མེད་ཅིང་གཞན་དུ་མི་སེམས་པར་སངས་རྒྱས་དང་བྱང་ཆུབ་སེམས་དཔའི་བྱ་བ་འཕྲིན ་ལས་དེ་དག་རྫོགས་པར་བགྱི་ཞིང་བསྒྲུབ་པར་བགྱིའོ་ཞེས་བྱ་བ་ཡིན་ནོ།། སྦྱོར་བ་དང་ཡོན་ཏན་དང་། སྤྱོད་པ་ཚད་མེད་པ་དང་། གནས་པའི་ཁྱོད་པར་དག་གིས་རྣམ་པ་བཅུ་དྲུག་པ་སྟེ། བསྡུ་བ་བསྟན་པ་ནི། སྤྱོད་པ་དག་ནི་ཚད་ཡོད་མ ་གྱུར་ཅིག་ཅེས་བྱ་བ་ལ་སོགས་པ་གང་དག་གསུངས་པ་ཡིན་ཏེ། བདག་གི་སྤྱོད་པའང་ཚད་ཡོད་པར་མ་གྱུར་ཅིག། ཡོན་ཏན་རྣམས་ཀྱང་ཚད་གཟུངས་མེད་པར་ཤོག་ཅིག། སྤྱོད་པ་ཚད་མེད་པ་དང་ཡོན་ཏན་ཚད་མེད་པ་དག་ལ ་གནས་ནས་ཀྱང་། རྟག་ཏུ་སངས་རྒྱས་དང་བྱང་ཆུབ་སེམས་དཔའ་དེ་དག་གི་འཕྲུལ་པ་རྨད་དུ་བྱུང་བ་རྣམ་པ་ཐམས་ཅད་དུ་འཚལ་བར་བགྱིའོ།། ཞེས་བྱ་བ་ཡིན་ནོ།། དེའི་རབ་ཏུ་དབྱེ་བ་རྣམ་པ་བཅུ་དྲུག་པོ་འདི་ནི་བསྡུས་པའི ་དོན་བརྒྱད་པ་ཡིན་ནོ།། དཱ་ནི་དེའི་མཐའ་སྟེ་བཟང་པོ་སྤྱོད་པའི་སྨོན་ལམ་འདིའི་མཐའ་ནི་ནམ་མཁའ་ལ་སོགས་པའི་མཐའ་དཔེར་བརྗོད་པས་རྣམ་པ་བཞིའོ།། ན་མཁའི་མཐར་ཐུག་གྱུར་པ་ཇི་ཙམ་པར་ཞེས་བྱ་བ་ལ་སོགས་པ་གང ་གསུངས་པ་ཇི་ཙམ་པར་ཞེས་བྱ་བ་ནི་ན་མཁའི་ཁམས་ཀྱི་མཐར་ཐུག་པར་གྱུར་པ་ཇི་ཙམ་པ་དང་། སེམས་ཅན་གྱི་ཁམས་ཐམས་ཅད་ཀྱི་མཐའ་ཇི་ཙམ་པ་དང་། འགྲོ་བའི་ལས་དང་ཉོན་མོངས་པ་རྣམས་ཀྱི་མཐའ་ཇི་ཙམ་པར ་བདག་གི་བཟང་པོ་སྤྱོད་པའི་སྨོན་ལམ་འདིའི་མཐའ་ཡང་དེ་ཙམ་དུ་གྱུར་ཅིག་ཅེས་བྱ་སྟེ། ན་མཁའ་ལ་སོགས་པའི་མཐའ་ཡོངས་སུ་ཐུག་པ་མེད་པ་དེ་བཞིན་དུ། བདག་གི་སྨོན་ལམ་འདིའི་མཐའ་ཡང་ཡོངས་སུ་ཐུག་པ་མེད་པར་གྱུར ་ཅིག་ཅེས་བྱ་བ་ཡིན་ནོ།། བསྡུས་པའི་དོན་བཅུ་པ་ནི། སྨོན་ལམ་གྱི་ཕན་ཡོན་ཏེ། དེ་ཡང་མཐོང་བའི་ཆོས་དང་། ཚེ་ཕྱི་མ་དང་རྣམ་པ་གཉིས་སོ།། དེ་ལ་མཐོང་བའི་ཆོས་ནི་རྣམ་པ་བཞི་སྟེ་འདི་ལྟ་སྟེ་བསོད་ནམས་ཁྱད་པར་ཅན་ཡོངས་སུ་སྡུད ་པ་དང་། དེ་བཞིན་གཤེགས་པ་མཐོང་བ་དང་། བྱང་ཆུབ་སེམས་དཔའ་དང་སྐལ་བ་མཉམ་པ་འཐོབ་པ་དང་། ལས་ཀྱི་སྒྲིབ་པ་ཡོངས་སུ་སྦྱང་བའོ།། དེ་ལ་གཟུང་བའི་དངོས་པོ་མང་པོ་རྒྱ་ཆེན་པོ་སྣ་ཚོགས་པ་མཐའ་ཡས་པ། ཞིང་གི་ཁྱད་པར ་དུ་འཕགས་པའི་བསོད་ནམས་བརྗོད་པ་དེ་བས་བྱང་ཆུབ་དོན་དུ་གཉེར་བའི་སྨོན་ལམ་ལ་མོས་པ་བསོད་ནམས་ཁྱད་པར་ཅན་ཡོངས་སུ་སྡུད་པ་ནི། གང་ཡང་ཕྱོགས་བཅུའི་ཞིང་རྣམས་ཞེས་བྱ་བ་ལ་སོགས་པ་གང་གསུངས་པ་ཡིན་ཏེ། བྱིད ་ལྟར་རིགས་ཀྱི་བུ་འམ་རིགས་ཀྱི་བུ་མོ་འགའ་ཞིག་གིས་ཕྱོགས་བཅུའི་སངས་རྒྱས་ཀྱི་ཞིང་མཐའ་ཡས་མུ་མེད་པ་རིན་པོ་ཆེ་སྣ་ཚོགས་ཀྱི་ན་བཟའ་དང་། བླ་རེ་དང་། གདུགས་དང་། རྒྱལ་མཚན་དང་། བ་དན་དང་། རོལ་མོ་དང་། རིན་པོ ་ཚེའི་དྲིལ་བུ་དང་། ཕྲེང་བ་དང་། སྤོས་དང་། མེ་ཏོག་དང་། མརོ་མེའི་ཕྲེང་བ་ལ་སོགས་པ་མིའི་ལས་འདས་པ་ལྷ་རྫས་དེ་དག་གིས་བརྒྱན་ཅིང་བརྒྱན་པ་དང་། ལྷ་དང་མིའི་བཟའ་བ་དང་བཅའ་བ་ལ་སོགས་པ་ཁྱད་པར་དུ་འཕགས་པ་རོ་བརྒྱ ་དང་ལྡན་པ། བདེ་བའི་མཆོག་སྐྱེད་པར་བྱེད་པ་དག་བསྐུལ་པ་སངས་རྒྱས་ཀྱི་ཞིང་གི་རྡུལ་སྙེད་དུ་སངས་རྒྱས་བཅོམ་ལྡན་འདས་རྣམས་ལ་འབུལ་བར་བྱེད་ལ། གང་ཡང་གཞན་ཞིག་གིས་ཡོངས་སུ་བསྔོ ་བྱའི་རྒྱལ་པོ་འདི་ཐོས་ནས་ལན་ཅིག་ཙམ་སྟེ། ལྷན་ཅིག་དོད་ཅིང་ཡིད་ཆེས་པ་འདི་ནི་དེ་ལྟ་ཡིན་ནོ་ཞེས་ངེས་པ་སྐྱེད་པར་བྱེད་ན། དེ་ནི་སྦྱིན་པ་ལས་བྱུང་བའི་བསོད་ནམས་སྔ་མ་དེ་བས་བསོད་ནམས་ཁྱད་པར་དུ་འཕགས་པ་འདི་ཐོབ་པར་འགྱུར ་རོ། དེ་ཡང་གང་ཞིག་ཅེ་ན། བྱང་ཆུབ་མཆོག་གི་རྗེས་སུ་རབ་མོས་ཤིང་ཞེས་བྱ་བ་སྟེ། ཐེག་པ་ཆེན་པོ་ཡིན་ནོ།། དྲན་སོང་དང་གྲོགས་པོ་ངན་པ་སྤངས་པས་དེ་བཞིན་གཤེགས་པ་མཐོང་བ་ནི། དེས་ནི་ངན་སོང་ཐམས་ཅད་སྤངས་པར་འགྱུར ་ཞེས་བྱ་བ་ལ་སོགས་པ་གང་གསུངས་པ་ཡིན་ཏེ། དེ་ནི་ངན་སོང་དང་ངན་འགྲོ་གསུམ་སྤངས་པར་འགྱུར་རོ།། དེས་ནི་གྲོགས་པོ་ངན་པ་མི་དགེ་བའི་གྲོགས་པོ་ཉན་ཐོས་ཀྱི་ཐེག་པ་ལ་སོགས་པ་དག་ཀྱང་སྤངས་པ་ཡིན་ཞིང་ངེས་འཆི་བའི ་དུས་ཀྱི་ཚེ། བཅོམ་ལྡན་འདས་འོད་དཔག་མེད་ཀྱང་གདོན་མི་ཟ་བར་མྱུར་དུ་མཐོང་ངོ་།། གང་གིས་མཐོང་ཞེ་ན། གང་གིས་སེམས་ལ་བཟང་པོ་སྤྱོད་པའི་སྨོན་ལམ་འདིའི་དོན་དང་ཚིག་གི་སྒོ་ནས་ཡོད་པས་སོ།། རྙེད་པ་དང་འཚོ་བ་དང་ཚེ་རབ་ཏུ ་བསྔགས་པ་རྙེད་པས་བྱང་ཆུབ་སེམས་དཔའ་དང་སྐལ་བ་མཉམ་པ་ཉིད་འཐོབ་པ་ནི། དེ་དག་རྙེད་པ་རབ་རྙེད་ཅེས་བྱ་བ་ལ་སོགས་པ་གང་གསུངས་པ་ཡིན་ཏེ། གང་དག་གིས་སྨོན་ལམ་རིན་པོ་ཆེའི་རྙེད་པ་བླ་ན་མེད་པ་རྙེད་པ་དེ་དག་ནི་བདེ་བར་འཚེ ་བ་ཡིན་ཏེ། སྨོན་ལམ་རིན་པོ་ཆེ་ཉིད་རྙེད་པའི་ཕྱིར་རོ།། དེ་ཉིད་ཀྱི་ཕྱིར་དེ་དག་གིས་ཚེ་དེ་ལ་རྙེད་པར་བྱ་བའི་དངོས་པོ་མཆོག་རྙེད་པའི་ཕྱིར་མིའི་ཚེ་འདིར་མཛེས་པར་འོངས་པ་ན། ལེགས་པར་འོངས་པ་ཡིན་ལ། དེ་དག་རིང་པོར་མི་ཐོགས་པར་འཕགས ་བ་ཀུན་ཏུ་བཟང་པོ་དེ་ཅི་འདྲ་བ་དེ་བཞིན་དེ་དང་འདྲ་བར་ཁོ་ནར་འགྱུར་རོ།། བཞི་པ་ལས་ཀྱི་སྒྲིབ་པ་ཡོངས་སུ་འབྱུང་བའི་ཕན་ཡོན་ནི། མཚམས་མེད་ལྔ་པོ་དག་གི་སྡིག་པ་རྣམས་ཞེས་བྱ་བ་ལ་སོགས་པ་གང་གསུངས་པ་ཡིན་ཏེ། གང་གིས ་མི་ཤེས་པའི་དབང་གིས། མ་བསད་པ་ལ་སོགས་པ་མཚམས་མེད་པ་ལྔའི་ལས་བྱས་པ་དེས། བཟང་པོ་སྤྱོད་པའི་སྨོན་ལམ་འདི་སྐད་བཤད་པ་ངེས་པར་གཟུང་ལ། དད་པའི་ཆུའི་རླན་གྱིས་སེམས་བརླན་ཏེ། བརྗོད་ཅི་བསྟན། མོས ་པར་བྱས་ཤིང་བཀླགས། གཟུང་ཞིང་སྒོམས་ལ། ཉིན་མཚན་དུ་ཡང་སྐྱོ་བ་སྐྱེད་ན། མཚམས་མེད་པ་ལྔ་པོ་དག་མྱུར་དུ་མི་ལུས་པ་ཡོངས་སུ་བྱུང་བར་འགྱུར་ཞིང་རྩང་ནས་ཕྱིན་པར་འགྱུར་རོ།། ཚེ་ཕྱི་མ་ནི་རྣམ་པ་གཉིས་ཏེ། རྒྱས་བསྡུས ་པ་དང་། འབྲས་བུས་བསྡུས་པའོ།། དེ་ལ་རྒྱུས་བསྡུས་པ་ནི་ཡེ་ཤེས་དང་གཟུགས་དང་མཚན་གྱིས་བརྒྱན་པའི་ལུས་གནོད་པ་མེད་པའི་ལུས་ཀྱི་མཚན་ཉིད་དེ། ཡེ་ཤེས་དང་ནི་གཟུགས་དང་ཞེས་བྱ་བ་གང་གསུངས་པ་ཡིན་ནོ།། ་ཡེ་ཤེས་དང་ཞེས་བྱ་བ་ནི་སྤྱོད་པ་ཐམས་ཅད་དང་ལྡན་པའི་ཡེ་ཤེས་དང་ངོ་།། གཟུགས་དང་ཞེས་བྱ་བ་ནི་ཡིད་ཕྲོག་པའི་གཟུགས་དང་ངོ་།། མཚན་རྣམས་ཞེས་བྱ་བ་ནི་སྐྱེས་བུ་ཆེན་པོའི་མཚན་དབུ་གཙུག་གཏོར་དང་ལྡན་པ་ཞེས་བྱ་བ་ལ ་སོགས་པ་སུམ་ཅུ་རྩ་གཉིས་དང་སྟེ། དཔེ་བྱད་རྣམས་ནི་མཚན་གྱི་འཁོར་ཡིན་པའི་ཕྱིར་དེ་དག་དང་ཡང་ལྡན་པར་འགྱུར་རོ་ཞེས་བྱ་བར་ཁོང་དུ་ཆུད་པར་བྱའོ།། རིགས་ཞེས་བྱ་བ་ནི་བྲམ་ཟེ་དང་རྒྱལ་རིགས་དག་ལས་གང ་ཡང་རུང་བ་ཞིག་དང་ངོ་།། རུས་རྣམས་ཞེས་བྱ་བ་ཐམས་ཅད་ལས་ཁྱད་པར་དུ་འཕགས་པར་གྲགས་པ་དང་ངོ་།། ལྡན་པར་ཞེས་བྱ་བ་ནི་རྟོག་ཏུ་ལྡན་ཞིང་ཡང་དག་པར་ལྡན་པར་འགྱུར་རོ།། འགྱུར་ཞེས་བྱ་བ་ནི་འགྱུར་རོ་ཞེས་བྱ་བ་ཡིན་ནོ།། ་བདུད་དང་མུ་སྟེགས་མང་པོས་དེ་མི་ཐུབ་ཅེས་བྱ་ས་ནི་གང་ཞིག་ཀུམ་ཏུ་བཟང་པོ་སྤྱོད་པའི་སྨོན་ལམ་འདི་འཛིན་ཅིང་སྟོན་པར་བྱེད་པ་དེ་ནི་བདུད་མང་པོ་དང་མུ་སྟེགས་མང་པོས་ཀྱང་མི་ཐུབ་ཅིང་ཟིལ་གྱིས་མི་ནོན་ལ་འཇིག་རྟེན་གསུམ་པོ་ཐམས ་ཅད་ན་ཡང་མཆོད་པར་འགྱུར་ཞེས་བྱ་བ་ཡིན་ནོ།། འབྲས་བུས་བསྡུས་པ་ནི་བྱང་ཆུབ་ཀྱི་སྙིང་པོར་གཤེགས་པ་དང་། སེང་གེའི་ཁྲི་ལ་བཞུགས་པར་སྟོན་པ་དང་། བདུད་ཕམ་པར་མཛད་པ་དང་། མངོན་པར་རྫོགས་པར་བྱང་ཆུབ་པ་དང་། ་ཆོས་ཀྱི་འཁོར་ལོ་བསྐོར་བ་ལ་སོགས་པའི་མཚན་ཉིད་དེ། བྱང་ཆུབ་ཤིང་དབང་དྲུང་དུ་དེ་མྱུར་འགྲོ་ཞེས་བྱ་བ་གང་གསུངས་པ་ཡིན་ནོ།། གང་གི་བཟང་པོ་སྤྱོད་པ་རིན་པོ་ཆེ་བླ་ན་མེད་པ་འདིས་བསོད་ནམས་དང་ཡེ་ཤེས་ཀྱི་ཚོགས ་ཤིན་ཏུ་བསགས་པ་དེ་ནི་བྱང་ཆུབ་ཤིང་དབང་སྟེ། བྱང་ཆུབ་ཀྱི་ཤིང་གི་རྒྱལ་པོའི་དྲུང་དུ་མྱུར་དུ་འགྲོའོ།། སོང་ནས་འགྲོ་བ་མཐའ་དག་ལ་ཕན་པ་བསྐྱེད་པའི་ཕྱིར་སེང་གེའི་ཁྲི་ལ་སྐྱིལ་མོ་ཀྲུང་བཅས་ཏེ་འདུའོ།། འདུག་ནས་ཀྱང་བདུད་སྡེ ་དང་བཅས་པ་ཕམ་པར་བྱས་ནས། དེའི་འོག་ཏུ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་སངས་རྒྱས་ཏེ་ཆོས་ཀྱི་འཁོར་ལོ་བླ་ན་མེད་པ་རབ་ཏུ་བསྐོར་ཞིང་སྟོན་པར་བྱེད་དོ་ཞེས་བྱ་བའི་ཐ་ཚིག་གོ།། མདོར་ན་འཇིག་རྟེན་པ་དང ་འཇིག་རྟེན་ལས་འདས་པའི་ཕུན་སུམ་ཚོགས་པ་མ་ལུས་པ་འཐོབ་པའི་ཕན་ཡོན་ནི། གང་ཡང་བཟང་པོ་སྤྱོད་པའི་ཞེས་པ་གང་གསུངས་པ་ཡིན་ཏེ། གང་ཞིག་བཟང་པོ་སྤྱོད་པའི་སྨོན་ལམ་འདི་འཆང་བ་དང་། ཀློག་པ་དང་། སྟོན་པར་བྱེད་པ་དེའི ་རྣམ་པར་སྨིན་པ་གང་ཡིན་པ་དེ་ནི། རྗེ་བཙུན་སངས་རྒྱས་བཅོམ་ལྡན་འདས་ཁོ་ནས་མཁྱེན་གྱི། གཞན་ཉན་ཐོས་དང་རང་སངས་རྒྱས་ནི་འགགས་ཀྱང་མི་ཤེས་སོ།། སྨོན་ལམ་རིན་པོ་ཆེའི་རྣམ་པར་སྨིན་པ་ཇི་ལྟ་བུ་ཞིག་མཁྱེན་ཅེ་ན། བྱང་ཆུབ ་མཆོག་ཅེས་བྱ་བ་གསུངས་ཏེ། འབྲས་བུ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཡིན་ནོ།། འཇིག་རྟེན་པའི་ཕུན་སུམ་ཚོགས་པ་མ་ལུས་པ་འཐོབ་པའི་ཕ་ནི་ཡོན་ཡང་འདིར་ཤུགས་ཀྱིས་བཤད་པ་ཁོ་ནར་རིག་པར་བྱ་སྟེ། འཇིག་རྟེན ་པའི་ཕུན་སུམ་ཚོགས་པ་འཐོབ་པ་ནི་སྨོན་ལམ་འདི་མེད་ན་མི་འབྱུང་བ་ཡིན་པའི་ཕྱིར་རོ།། དེ་ལྟ་བས་ན་སྨོན་ལམ་འདི་ལ་སོམ་ཉི་སྟེ་ཐེ་ཙོམ་མ་སྐྱེད་མ་བྱེད་ཅིག་ཅེས་བྱ་བ་ཡིན་ནོ།། ད་ནི་འདོན་པར་བྱེད་པའི་ཡོངས་སུ་བསྔོ་བ་བསྟན་པའི་ཕྱིར། འཇམ ་དཔལ་དཔའ་བོས་ཇི་ལྟར་མཁྱེན་པ་དང་ཞེས་བྱ་བ་ལ་སོགས་པ་གང་གསུངས་པ་ཡིན་ནོ།། བྱང་ཆུབ་སེམས་དཔའ་འཕགས་པ་འཇམ་དཔལ་གྱིས་ཇི་ལྟར་མཁྱེན་པ་དང་། འཕགས་པ་ཀུན་ཏུ་བཟང་པོས་ཇི་ལྟར་མཁྱེན་པའོ།། དེ་དག་གི་ཞེས་བྱ་བ་ནི། ་དེ་དག་གི་རྗེས་སུ་བདག་སློབ་ཅིང་དགེ་བའི་ཚོགས་འདི་དག་ཐམས་ཅད་བསྔོ་བའོ་ཞེས་བྱ་བ་ཡིན་ཏེ། འདི་ནི་བྱང་ཆུབ་སེམས་དཔའ་ལྟར་ཡོངས་སུ་བསྔོ་བ་ཡིན་ནོ།། ད་ནི་གཉིས་པ་དེ་བཞིན་གཤེགས་པའི་ལྟར་ཡོངསུ་བསྔོ་བ་ནི།། ་དུས་གསུམ་གཤེགས་པ་རྒྱལ་བ་ཐམས་ཅད་ཀྱིས་ཞེས་བྱ་བ་ལ་སོགས་པ་གང་གསུངས་པ་ཡིན་ཏེ། དུས་གསུམ་དུ་གཏོགས་པའི་རྒྱལ་བ་སངས་རྒྱས་བཅོམ་ལྡན་འདས་ཐམས་ཅད་ཀྱིས་བསྔོ་བ་གང་ལ་མཆོག་ཉིད་དང་བླ་ན་མེད་པ་ཉིད་དུ་བསྔགས ་ཤིང་རབ་ཏུ་བསྟོད་པའོ།། དེས་བདག་གིས་ཞེས་བྱ་བ་ནི་བསྔོ་བ་དེས་བདག་གི་དགེ་བའི་ཚོགས་ཡང་དག་པར་བསྒྲུབས་པ་འདི་ཐམས་ཅད་བཟང་པོ་སྤྱོད་པའི་མཆོག་བླ་ན་མེད་པའི་ཕྱིར་ཡོངས་སུ་བསྔོ་བར་བགྱིའོ་ཞེས་བྱ་བ་ཡིན་ནོ།། ད་ནི་ཚིགས་སུ ་སུ་བཅད་པ་ཕྱེད་ཀྱི་སྒྲིབ་པ་དང་བྲལ་བ་བསྟན་པ་དང་། གཞན་ཕྱེད་དང་གཉིས་ཀྱིས་ཕ་རོལ་ཏུ་ཕྱིན་པ་དང་མཐུན་པའི་ལུ་ས་ཡོང་སུ་འཛིན་པར་བསྟན་པའི་ཕྱིར་བདག་ནི་འཆི་བའི་དུས་བྱེད་ཅེས་བྱ་བ་ལ་སོགས་པ་གསུངས་པ་ཡིན་ཏེ། འཆི་བའི་དུས་ནི་འཆི་བའོ།། ། ་འཆི་བའི་ཚེ་སྒྲིབ་པ་གང་ཡང་རུང་བ་དེ་དག་ཐམས་ཅད་བཟང་པོ་སྤྱོད་པས་ཕྱིར་བསལ་ཏེའོ།། མངོན་སུམ་སྣང་བ་མཐའ་ཡས་དེ་མཐོང་ནས་ཞེས་བྱ་བ་ནི་བཅོམ་ལྡན་འདས་འོད་དཔག་མེད་མཐོང་ནས་སོ།། དེར་ཞེས་བྱ་བ་ནི་སངས་རྒྱས་ཀྱི་ཞིང་བདེ་བ་ཅན་དེར ་རབ་ཏུ་འགྲོའོ་ཞེས་བྱ་བ་ཡིན་ནོ།། དེར་སོང་ནས་ཞེས་བྱ་བ་ནི་སངས་རྒྱས་ཀྱི་ཞིང་བདེ་བ་ཅན་དེར་སོང་ནས། ཇི་སྐད་བསྟན་པའི་སྨོན་ལམ་འདི་དག་ཉིད་མ་ལུས་པར་མངོན་དུ་གྱུར་པར་ཤོག་ཅིག། དེ་དག་མ་ལུས་པར་བདག་གིས་ཡོངས་སུ་བསྐང་ནས། སེམས ་ཅན་ཐམས་ཅད་ལ་ཕན་པར་བགྱིའོ་ཞེས་བྱ་བ་ཡིན་ནོ།། དུས་ཇི་སྲིད་ཅིག་ཏུ་ཞེ་ན། འཇིག་རྟེན་ཇི་སྲིད་ཞེས་བྱ་བ་ལ་སོགས་པ་གང་གསུངས་པ་ཡིན་ཏེ། འཇིག་རྟེན་ཇི་སྲིད་ཅེས་བྱ་བ་ནི་འགྲོ་བ་ཇི་སྲིད་པར་ཞེས་པའི་ཐ་ཚིག་གོ། ལྷག་མ་རྣམས ་ཀྱིས་ནི་ལུང་བསྟན་པ་ཐོབ་པ་དང་། སེམས་ཅན་གྱི་དོན་དུ་བསྒྲུབ་པ་བསྟན་ཏེ། ཇི་ལྟར་ཞེ་ན། རྒྱལ་བའི་དཀྱིལ་འཁོར་ཞེས་བྱ་བ་ལ་སོགས་པ་སྨོས་ཏེ། རྒྱལ་བའི་དཀྱིལ་འཁོར་དེར་ཞེས་བྱ་བ་ནི། དེ་བཞིན་གཤེགས་པའི་འཁོར་གྱི་དཀྱིལ ་འཁོར་དེར་རོ།། བཟང་ཞིང་དགའ་བ་ཞེས་བྱ་བ་ནི་སྐྱིད་ཅིང་དགེའ་བའོ།། པདྨ་དམ་པ་ནི་རིན་པོ་ཆེ་སྣ་ཚོགས་ཀྱི་པདྨ་མཆོག་གོ།། ཤིན་ཏུ་མཛེས་ལས་ཞེས་བྱ་བ་ནི། གསལ་ཞིང་འོད་ཟེར་གྱི་དྲ་བ་སྣ་ཚོགས་འབྱུང་བ་ལས་སོ།། སྐྱེས་ཞེས་བྱ ་བ་ནི་འཁྲུངས་པའོ།། ལུང་བསྟན་པ་ཞེས་བྱ་བ་ནི། འདིར་ལུང་སྟོན་པར་བྱེད་པས་ན་ལུང་བསྟན་པ་སྟེ། བདག་གིས་དེར་བཅོམ་ལྡན་འདས་འོད་དཔག་མེད་དེ་ལས་མངོན་སུམ་དུ་དུས་འདི་སྲིད་ཅིག་ན་འཇིག་རྟེན་གྱི་ཁམས་ཆེ་གེ་མོ་ཞིག་ཏུ། ་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་འདི་ཞེས་བྱ་བར་འགྱུར་རོ་ཞེས་བྱ་བ་དེ་ལྟ་བུའི་ལུང་བསྟན་པ་ཐོབ་པར་ཤོག་ཅིག་ཅེས་བྱ་བ་ཡིན་ནོ།། དེར་ནི་ཞེས་བྱ་བ་ནི་བཅོམ་ལྡན་འདས་འོད་དཔག་མེད་དེ་ལས་ལུང ་བསྟན་པ་ཐོས་ནས། དེའི་འོག་ཏུ་སྤྲུལ་པ་མང་པོ་སྤྲུལ་པའི་སྤྲིན་བགྲངས་པ་ལས་འདས་པོ་བྱེ་བ་ཕྲག་བརྒྱས་ཕྱོགས་བཅུ་ཁྱབ་པར་བྱས་ཏེ། ཕྱོགས་བཅུར་འགྲོ་བ་མཐའ་དག་གི་ནང་དུ་འཁོར་བ་ཇི་སྲིད་པར་སེམས་ཅན་རྣམས་ལ་སྐད་ཅིག་རེ་རེ ་ཞིང་ཕན་པ་མང་པོ་བགྲང་བ་ལས་འདས་པ་བྱེད་ཅིང་། སྒྲུབ་པར་གྱུར་ཅིག་ཅེས་བྱ་བ་ཡིན་ནོ།། བློའི་སྟོབས་ཀྱིས་ཞེས་བྱ་བ་ནི་ཡེ་ཤེས་ཀྱི་མཐུས་ཏེ། ཡེ་ཤེས་ཀྱི་ཆེ་བའི་བདག་ཉིད་ཆ་གས་པ་མེད་ཅིང་ཐོགས་པ་མེད་པས ་ཞེས་བྱ་བའི་ཐ་ཚིག་གོ། སྨོན་ལམ་རྒྱལ་པོ་འདི་ཡི་བཤད་སྦྱར་བྱས་པ་ཡིད་།། བསོད་ནམས་དྲི་མེད་ཐོབ་པའི་དགེ་བ་གང་ཡིན་ངེས།། འདི་ན་འགྲོ་དོན་གྲུབ་པར་བྱ་ཕྱིར་ཡང་དང་ཡང་།། སྲིད་པ་ཇི་སྲིད་བར་དུ་རྒྱུ་མཐུན་འབྱིན་པར་སྔོ།། ་འཕགས་པ་བཟང་པོ་སྤྱོད་པའི་སྨོན་ལམ་གྱི་རྒྱལ་པོའི་རྒྱ་ཆེར་འགྲོལ་བའོ།། །། སློབ་དཔོན་རྒྱན་བཟང་པོས་མཛད་པ་རྫོགས་སྷོ།། ། ་རྒྱ་གར་གྱི་མཁན་པོ་ཛྙཱ་ན་གརྦྷ་དང་། ཞུས་ཆེན་གྱི་ལོ་ཙཱ་བ་བནྡེ་དཔལ་བརྩེགས་རཀྵི་ཏས་བསྒྱུར་ཏེ་གཏན་ལ་ཕབ་པའོ།། ་