Wylie

e-texts produced with BDRC’s OCR application

རྒྱ་གར་སྐད་དུ། ས་མཱ་དཱི་སཾ་བྷཱ་ར་བཱ་རི་བརྡྷ། བོད་སྐད་དུ། ཏིང་ངེ་འཛིན་གྱི་ཚོགས་ཀྱི་ལེའུ། འཇིག་རྟེན་མགོན་པོ་ལ་ཕྱག་འཚལ་ལོ།། དང་པོ་སྙིང་རྗེའི་སྟོབས་ལས་བྱུང་།། རྫོགས་པའི་བྱང་ཆུབ་སེམས་བརྟན་བྱས།། སིད་པའི་ལོངས་སྤྱོད་བདེ་མ་ཆགས། ་ཡོངསུ་འཛིནི་ལེ་རྒྱབ་ཀྱིས་ཕྱོགས།། དང་སོགས་ནོར་ནི་ཕུནི་སུམ་ཚོགས།། བླ་མ་སངས་རྒྱས་དང་མཉམ་གུས།། དེས་བསྟན་དམ་ཚིག་སྤྱོད་པ་ནི།། ཡོངསུ་བསྐྱང་ལ་རབ་ཏུ་བརྩོན།། བུམ་པ་གསང་པོའི་དབང་བསྐུར་བ།། བླ་མའི་དྲིན་གྱིས་ཡོངས་སུ་ཐོབ།། ལུས ་ངག་སེམས་ནི་རྣམ་དག་པའི།། སྒྲུབ་པ་པོ་དེ་དངོས་གྲུབ་སྣོད་།། ཏིང་འཛིན་ཡན་ལག་ལས་བྱུང་བའི།། ཚོགས་ནི་ཡོངསུ་རྫོགས་པ་ལས།། མྱུར་དུ་དངོས་གྲུབ་ཐོབ་འགྱུར་ལ།། དེ་ལྟར་གསང་སྔགས་ཚུལ་གནས་ཡིན།། ཏིང་འཛིན་ཡན་ལག་ཉམས་གྱུར་ཅིང་།། ་དེ་ཡི་མི་མཐུན་ཕྱོགས་གནས་ན།། སྐྱེ་བ་བྱེ་བ་སྟོང་གིས་ཀྱང་།། ཏིང་འཛིན་རབ་ཏུ་གྲུབ་མི་འགྱུར།། ཏིང་ངེ་འཛིན་ནི་རབ་གྲུབ་ཕྱིར།། གསང་སྔགས་སྤྱོད་གནས་རྣལ་འབྱོར་པས།། དེ་ལས་གཞན་པའི་སེམས་སྤངས་ཏེ།། གཡེང་མེད་བརྩོན་པས་འབད་པར་བྱ། ་ཏིང་ངེ་འཛིན་གྱི་ཡན་ལག་དང་།། མི་མཐུན་ཕྱོགས་གང་ངེས་བྱའི་ཕྱིར།། ཏིང་འཛིན་ཡན་ལག་མི་མཐུར་ཕྱོགས།། དེ་ནི་མདོར་བསྡུས་ནས་བཤད་བྱ།། ཚུལ་ཁྲིམས་ཕུན་སུམ་ཚོགས་པ་དང་།། ལོངས་སྤྱོད་རྣམས་ལ་བལྟོས་མེད་ཉིད།། བཟོད་ལྡན་དམ ་བཅའ་བརྟན་པ་དང་།། སྐྱེ་བོའི་འདུ་འཛི་རྣམ་པར་སྤོང་།། ལུས་དང་ངག་ཡིད་ལས་རྣམས་ལ།། ཤེས་བཞིན་དང་ནི་ལྡན་པ་དང་།། སངས་རྒྱས་བཀུར་པོསྟོད་དྲན་པ་ཡི།། ལུས་ཀྱི་རྗེས་དྲན་ཡང་དག་ལྡན།། དུས་གང་དུ་ནི་གང་བྱ་བའི།། རྗེས་དྲན་དེ་ལ་བརྟན་པ་དང་།། ། ་སྒྲིབ་པ་ལྔ་ནི་སྤངས་པ་དང་།། ཟས་ཀྱི་ཚོད་རིག་སྤྱོད་ལམ་རན།། འཇིག་རྟེན་ཆོས་ནི་ཐམས་ཅད་ལ།། རྟག་ཏུ་སེམས་ནི་བཏང་སྙོམས་དང་།། ཡོ་བྱད་བསྙུངས་འདི་ཡན་ལག་སྟེ།། གོ་བཟློག་པ་ནི་མི་མཐུན་ཕྱོགས།། ཏིང་ངེ་འཛིན་ཚོགས་ལེའུརུ་བགྲོད་པའི་བསོད་ནམས ་ངེས། འགྲོ་བས་ཏིང་འཛིན་རྡོ་རྗེ་ལྟ་བུ་ཐོབ་པར་ཤོག། ཏིང་ངེ་འཛིན་གྱི་ཚོགས་ཀྱི་ལེའུ་སློབ་དཔོན་མཁས་པ་ཆེན་པོ་དཔལ་མར་མེ་མཛད་ཡེ་ཤེས་ཀྱི་ཞལ་སྔ་ནས་མཛད་པ་རྫོགས་སོ།། ། རྒྱ་གར་གྱི་མཁན་པོ་དེ་ཉིད་དང་། ཞུས་ཆེན ་ཀྱི་ལོ་ཙཱ་བ་དགེ་སློང་ཤཱཀྵ་བློ་གྲོས་ཀྱི་བསྒྱུར་ཅིང་ཞུས་ཚེ་གཏན་ལོ་བབ་པའོ།། རྒྱ་གར་སྐད་དུ། ལོ་ཀ་ཨུཏྟར་ཨཾ་བ་སཔྣ་ཏ་ཀ་བི་དྷི། བོད་སྐད་དུ། འཇིག་རྟེན་ལས་འདས་པའི་ཡན ་