| Wylie | e-texts produced with BDRC’s OCR application |
@རྒྱ་གར་སྐད་དུ། ས་ར་ཎ་གཙྪ་མི་དེ་ཤ་བོད་སྐད། སྐྱབསུ་འགྲོ་བ་བསྟན་པ། དཀོགསུམ་ལ་ཕྱག་འཚལོ།། ངན་སོང་གསུམ་དང་འགྲོ་བ་ལྔའི།། སྡུག་བསྔལ་མ་ལུས་སེལ་མཛད་ཅིང་།། མཐོ་རིསཱ ་མྱ་ངན་འདས་པ་ཡི།། བདེ་བ་རྩོལ་མཛད་དེ་ལ་འདུད།། འདིར་སྐྱབས་སུ་འགྲོ་བ་བཤད་པར་བྱ་སྟེ། སྡོམ་ལ། རྟེན་དང་གནས་དང་བསམ་པ་དང་།། དུས་དང་རང་བཞིན་ཚད་དང་ནི།། ་ཚུལ་དང་བསླབ་པ་ངེས་པའི་ཚིག། ལས་དང་དཔེ་དང་དབྱེ་བ་དང་།། ཉེས་དམིགས་དགོས་པ་ཕན་ཡིན་ཏེ།། རྣམ་པ་བཅོ་ལྔ་དག་ཏུ་བརྗོད།། དེ་ལ་རྟེན་གྱི་གང་ཟག་ནི་གཉིས་ཏེ། ཐེག ་པ་ཆེན་པོའི་རིགས་ཅན་དང་།། ཐེགས་པ་ཆུང་ངུའི་རིགས་ཅན་ནོ།། གནས་ནི་རྣམ་པ་གཉིས་ཏེ། ཐེག་པ་ཆེ་ཆུང་གི་བྱེ་བྲག་གིས་སོ།། དེ་ལ་ཐེག་པ་ཆེན་པོ་པའི་གཞུང་གིས་ནི་དཀོན་མཆོག ་གསུམ་འདི་ལྟ་བུ་ཡིན་ཏེ་དེ་ཁོ་ན་ཉིད་ཀྱིས་དཀོན་མཆོག་གསུམ་དང་། མངོན་པར་རྟོགས་པའི་དཀོན་མཆོག་གསུམ་དང་། མདུན་དུ་བཞུགས་པའི་དཀོན་མཆོག་གསུམ་མོ།། དེ་ཡང ་འདི་ལྟར་ཤེས་བྱ་ཕྱིན་ཅི་མ་ལོག་པར་མཁྱེན་པ། རྣམ་པར་མི་རྟོག་པ་གཉིས་སུ་མེད་པའི་ཡེ་ཤེས། ཆོས་ཀྱི་དབྱིངས་ལ་གནས་པ་དང་། ཆོས་ཀྱི་དབྱིངས་རྣམ་པར་དག་པ་ཤེས ་རབ་ཀྱི་ཕ་རོལ་ཏུ་ཕྱིན་པ་དེ་ཉིད་དང་། མཉམ་པར་བཞག་པའི་དུས་སུ་ཆོས་ཐམས་ཅད་ན་མཁའི་དཀྱིལ་ལྟ་བུར་ཤེས་པའི་བྱང་ཆུབ་སེམས་དཔའ་ས་ཆེན་པོ་ལ་གནས་པ ་དང་། ཡང་འདི་ལྟར་གཟུགས་ཀྱི་སྐུ་རྣམ་པ་གཉིས་དང་བདེན་པ་བཞི་དང་། བྱང་ཆུབ་ཀྱི་ཕྱོགས་ཀྱི་ཆོས་སུམ་ཅུ་རྩ་བདུན་དང་། ས་དང་ཕ་རོལ་ཏུ་ཕྱིན་པ་ལ་སོགས་པའི་ཆོས་རྒྱུད་ལ་གནས་པ་དང ་སྦྱོར་བའི་ལམ་པའི་བྱང་ཆུབ་སེམས་དཔའ་དང་། ཡང་འདི་ལྟར། རཱི་མོ་བྲིས་པ་དང་། འབུར་དུ་གཏོད་པ་དང་། ལུགས་མ་དང་། ལྡེར་སོ་ལ་སོགས་པ་དང་། གསུང་རབ་ཡན་ལག ་དགུའི་བདག་ཉིད་པོ་ཏི་དང་། གླེགས་བམ་ལ་སོགས་པ་དང་། ཆོས་གྱིས་ལམ་པའི་བྱང་ཆུབ་སེམས་དཔའོ།། ཐེག་པ་ཆུང་ངུའི་གཞུང་ནི། གང་ཞིག་གསུམ་ལ་སྐྱབས་འགྲོ་བ།། སངས་རྒྱས་དགེ ་འདུན་བྱེད་པའི་ཆོས།། མི་སློབ་པ་དང་གཉིས་ཀ་དང་།། མྱ་ངན་འདས་ལ་སྐྱབས་སྨྲ་འགྲོ།། ཞེས་བྱ་བ་ཡིན་ནོ།། དེ་ལ་བསམ་པ་ནི་ཐེག་པ་ཆེན་པོ་པའི་ནརྀ་སེམས་ཅན་མ་ལུས་པའི་དོན་དུ ་སེམས་པའོ།། གཅིག་ནི་བདག་འབའ་ཞིག་གི་དོན་དུ་སེམས་པའོ།། དེ་ལ་དུས་ནི་ཐེག་པ་ཆེན་པོ་པའི་ནི་བྱང་ཆུབ་ཀྱི་སྙིང་པོའི་བར་དུའོ།། གཅིག་ནི་ཇི་སྲིད་འཚོའི་བར་དུ་དམ་འཆའ་བའོ།། དེ་ལ ་རང་བཞིན་ངོ་ཚ་ཤེས་པ་དང་། ཁྲེལ་ཡོད་པ་དང་ལྡན་པ་དང་། རྣམ་པར་རིག་བྱེད་མ་ཡིན་པ་སྐྱེས་པའོ།། དེ་ལ་ཚད་ནི་ལས་བླངས་པ་དང་། སྐྱབས་བྱེད་པ་དང་། རྣམ་པར་རིགས་བྱེད་སྐྱེས ་པའོ།། དེ་ལ་ཚུལ་ནི་སྐྱབས་སུ་འགྲོ་བའི་ཆོ་ག་ཡིན་ཏཱཾ་དེ་ནི་བླ་མ་ལ་ཞུ་བར་བྱའོ།། དེ་ལ་བསླབ་པ་ནི་ཐུན་མོང་མ་ཡིན་པ་སྟེ། བླ་མའི་ཞལ་སྔ་ནས། ཤེས་པར་འགྱུར་རོ།། དེ་ལ་ངེས་པའི་ཚིག་ནི ་འབངས་ཡིན་པ་འམ། དེ་ལས་གཞན་པའི་ཇོ་བོ་མི་ཚོལ་བས་སྐྱབས་སུ་སོང་བའོ།། དེ་ལ་ལས་ནི་བྱང་ཆུབ་ཀྱི་སེམས་ཀྱི་ལྗོན་ཤིང་སྐྱེ་བའི་རྩེ་བར་གྱུར་པ་དང་། ཐར་པའི་གྲོང་ཁྱེར་ཆེན་པོའི་སྒོར་འཇུག ་པ་དང་། བསྙེན་གནས་ལ་སོགས་པའི་སྡོམ་པ་ཐམས་ཅད་ཀྱི་རྟེན་བྱེད་པའོ།། དེ་ལྟ་དཔེ་ནཱི་རྒྱལྔ་པོ་འམ་བློན་པོའི་འབངས་དག་དེའི་བཀའ་ལས་མི་འདའ་ཞིང་ཙ་ནས་ཀྱང་དེ་མགུ་བར་བྱེད་པ་བཞིན་ནོ།། ་དེ་ལ་དབྱེ་བ་ནི་ཐུན་མོང་བ་དང་། ཐུན་མོང་མ་ཡིན་པའི་བྱེ་བྲག་གོ། དེ་ལ་ཉེས་དམིགས་ནི་གཉིས་ཏེ།། སྐྱབས་ཉམས་པ་འམ་མི་ཤེས་པའོ།། སྤངས་པ་འམ་ཉམས་པ་ནི། ཇི་སྐད་དུ། ་ཟླ་གྲགས་ཀྱི་ཞལ་སྔ་ནས། རྟེན་གྱི་དམ་པ་བླངས་ནསོ་ནི།། སླར་ཡང་དམན་ལ་རྟེན་གྱུར་ན།། ཉམས་བཅས་ཕྱོགས་ལ་གནས་པས་ནས།། དེ་ནི་དམ་པའི་བཞད་གང་འགྱུར།། ཞེས ་གསུངས་ཏེ་མཚོན་པ་ཙམ་མོ།། དེ་ལ་དགོས་པ་ནི་བཅོམ་ལྡན་འདས་ཀྱིས་ཇི་སྐད་དུ། འཇིགས་པས་སྐྲག་པའི་མི་རྣམས་ནི།། ཕལ་ཆེར་རི་དང་ནགས་ཚལ་དང་།། ཀུན ་དགའ་དང་ནི་མཆོད་གནས་ཀྱི།། ལྗོན་ཤིང་རྣམས་ལ་སྐྱབས་སུ་འགྲོ།། སྐྱབས་དེ་གཙོ་བོ་མི་ཡིན་ཞིང་།། སྐྱབས་དེ་མཆོག་གྱུར་མ་ཡིན་ལ།། སྐྱབས་དེ་ལ་ནི་རྟེན་ནས་སུ།། སྡུག་བསྔལ་ཀུན་ལས་མི ་གྲོལ་ཞིང་།། གང་ཚེ་གང་ཞིག་སངས་རྒྱས་དང་། ཆོས་དང་དགེ་འདུན་སྐྱབས་སོང་ན། སྡུག་བསྔལ་སྡུག་བསྔལ་ཀུན་འབྱུང་དང་།། སྡུག་བསྔལ་ཡང་དག་འདས་པ་དང་།། འཕགས་ལམ་ཡན ་ལག་བརྒྱད་བདེ་བ།། མྱ་ངན་འདས་པར་འགྲོ་འགྱུར་དང་།། འཕགས་པའི་བདེན་པ་བཞི་པོ་དགེ། ཤེས་རབ་ཀྱི་ནི་ལྟོ་བྱེད་པ།། སྐྱབས་དེ་གཙོ་བོ་ཡིན་པ་སྟེ།། སྐྱབས་དེ་མཆོག་ཏུ་གྱུར ་པ་ཡིན།། སྐྱབས་དོ་ལ་ནཱི་རྟེན་ནས་ཀྱང་། སྡུག་བསྔལ་ཀུནྡ་ལས་གྲོལ་བར་འགྱུར།། ཞེས་གསུངས་སོ།། སྐྱོབས་སུ་འགྲོ་བའི་དགོས་པ་ནི། དེ་ལྟ་བུའོ།། དེ་ལ་ཕན་ཡོན ་ནི་གསུམ་སྟེ།། རྒྱུའི་དུས་ཀྱི་ཕན་ཡོན་དང་།། ལོམ་གྱི་དུས་ཀྱི་ཕན་ཡོན་དང་། འབྲས་བུའི་དུས་ཀྱི་ཕན་ཡོན་ནོ།། རྒྱུའི་དུས་ཀྱི་ལ་ཚེ་འདིའི་དང་། ཚེ་རབ་གཞན་གྱིའོ།། ཚེ་འདི ་ཕན་ཡོན་ནི་འཇིགས་པ་ཆེན་པོ་བརྒྱད་ལས་སྦྱར་བར་བྱེད་པ་དང་། བྱར་ཆད་མེད་པ་དང་། བསྟན་པ་ལ་དགའ་བའི་ལྷ་དག་སྟོང་གྲོགས་བྱུང་པ་དང་། འཆིབ ་དུས་སུ་ཡིད་དགའ་བ་ལ་སོགས་པའོ།། ཚེ་རབས་གཞན་གྱི་ནི་འཁོར་བའི་སྡུག་བསྔལ་དང་། ངན་སོང་གི་སྡུག་བསྔལ་དང་། ལས་འདྲེན་པར་མཛད་པ་དང་། མྱུ་ངན་ལས ་འདས་པ་དང་། མཐོ་རིས་ཀྱིས་བདེ་བ་སྩོལ་བྱའོ།། ལམ་གྱིས་ཕན་ཡོན་བདེན་པ་བཞི་དང་། འཕགས་པའི་ལམ་ཡན་ལག་བརྒྱད་པ་དང་། བྱང་ཆུབ་ཀྱི་ཡན་ལག་བདུན་ལ་སོགས ་པ་ལ་སྦྱོར་བ་མཛད་པའོ།། འབྲས་བུའི་ཕན་ཡོན་མྱ་ངན་ལས་འདས་པ་གཉིས་དང་། སྐུ་གསུམ་ཐོབ་པར་བྱེད་པའོ།། འདི་དག་ནི་གདོར་བསྡུས་པ་ཡིན་ལ་རྒྱས་པར་གཞུང་དང་བླ་མ་ལས ་ཤེས་བར་བྱའོ།། སྐྱབས་སུ་འགྲོ་བ་བསྟན་པ་ཞེས་བྱ་བ། བླ་མ་བྱང་ཆུབ་སེམས་དཔའ་དཱི་པཾ་ཀ་ར་ཤྲཱི་ཛྙཱ་ནས་མཛད་པ་རྫོགས་སོ།། ་