| Wylie | e-texts produced with BDRC’s OCR application |
ཅིག་ཅར་འཇུག་པ་རྣམ་པར་མི་རྟོག་པའི་བསྒོམ་དོན། འཇམ་དཔལ་གཞོན་ནུར་གྱུར་པ་ལ་ཕྱག་འཚལ་ལོ།། འདི་ལ་ཡང་དག་པའི་མཐའ་བཙན་པར་བྱས་ན། བདག་གི་གཞུང་གཟུགས་ཤིང་ཕ་རོལ་སུན་དབྱུང་དུ་མེད། མྱ་ངན་ལས ་འདས་པ་བསྒྲུབ་ཏུ་མེད་ལ། འཁོར་བ་སྤང་དུ་མེད་དེ། མགོ་ལན་གཉིས་སུ་བཅད་དུ་མེད་པ་བཞིན་ནོ།། འོན་ཀྱང་དམུས་ལོང་དང་འདྲ་བ་བདག་གིས་གསལ་བར་བྱེད་མི་ནུས་མོད་ཀྱང་། ཡང་དགུ་པོའི་དོན་ལ་འདུད་པའི་དོན་དུ་ལུང་ལ་བནོན་ཏེ་མདོ ་ཙམ་ཞིག་པ་རྗོད་པར་བྱའོ།། གང་དག་ཐམས་ཅད་མཁྱེན་པ་ཉིད་མྱུར་དུ་ཐོབ་པར་འདོད་པ་དེས། རྣམ་པར་མི་རྟོག་པའི་ཏིང་ངེ་འཛིན་བསྒོམ་པར་བྱའོ།། དངོས་སུ་གང་ཞེ་ན། ཞི་གནས་དང་ལྷག་མཐོང་ངོ་།། མཚན་མོ་ལ་མི་གནས་པ་ནི་ཞི་གནས་ཀྱི ་ཏིང་ངེ་འཛིན་ཏོ།། མཚན་མ་གང་དང་ཡང་མ་བྲལ་པོ་ནི་ལྷག་མཐོང་གི་ཏིང་ངེ་འཛིན་ཏོ།། མཚན་མ་མི་སྐྱེ་བ་ནི་ཞི་གནས་སོ།། མཚན་མ་མི་འགག་པ་ནི་ལྷག་མཐོང་ངོ་།། དངོས་པོའི་མཐའ་ནི་ཞི་གན་སོ།། དངོས་པོའི་མཐར་མ་ལྟུང་བ་ནི་ལྷག་མཐོང་ངོ་།། ་དཔེར་ན་རི་མཐོན་པོའི་ཁར་ཕྱིན་ཏེ་བལྟས་ན། ཐམས་ཅད་གསལ་བར་མཐོང་བ་བཞིན་ཏུ། ཏིང་ངེ་འཛིན་འདི་གཉིས་ཀྱི་ནང་དུ་ཏིང་ངེ་འཛིན་ཐམས་ཅད་སྣང་ངོ་།། འདི་གཉིས་ལ་གནས་པ་ནི་རིན་པོ་ཆེ་བཻ་ཌཱུརྱའི་ཁང་པའི་ནང་ན་འདུག་པའི་མི་དང་འདྲ་སྟེ ་ཕྱི་ནང་ཀུན་གསལ་བར་མཐོང་ངོ་།། དེ་བཞིན་དུ་དངོས་པོ་ཐམས་ཅད་ཀྱི་མཐའ་མཐོང་བར་འགྱུར་ཏེ། དེ་ཉིད་སངས་རྒྱས་ཡིན་པར་ལང་ཀར་གཤེགས་པ་ལས།། བྱ་བ་དང་ནི་མཚན་ཉིད་དང་།། དངོས་པོར་མྱ་ངན་ང་མི་འདའ།། རྣམ་རྟོག་རྣར་ཤེས་པ ་ལས།། བཟློག་པས་མྱ་ངན་ང་འདས་སོ།། རྣམ་པར་རྟོག་པ་མི་མཐོང་ཞིང་།། གང་ཚེ་སངས་རྒྱས་མི་མཐོང་ལ།། འཇུག་མེད་སངས་རྒྱས་ཡིན་པར་ནི།། གལ་ཏེ་མཐོང་ན་དེ་སངས་རྒྱས་ཞེས་འབྱུང་བ་དང་། དྲི་མ་མེད་པར་གྲགས་པའི་མདོ ་ལས། མི་རྟོག་པ་དང་མི་དམིགས་པ་ནི་བྱང་ཆུབ་པོ་ཞེས་གསུངས་པས་དེ་བས་ན་རྣམ་པར་མི་རྟོག་པའི་ཏིང་ངེ་འཛིན་འདི་ལ་བསྒོམ་པར་བྱའོ།། རྣལ་འབྱོར་པས་ཞི་གནས་དང་ལྷག་མཐོང་གི་ཚོགས་ལ་ཇེ་བརྟན་པར་བྱའོ།། དེ་ལ་ཞི་གནས་ཀྱི་ཚོགས ་གང་ཞེ་ན། གོས་དང་ཟས་ལ་སོགས་པ་རྙེད་སླ་བ་དང་། སྐྱེ་བོ་མི་སྲུན་པ་དང་དགྲ་ལ་སོགས་མེད་པའི་གནས་དང་། ནད་མེད་པའི་ཡུལ་དང་། གྲོགས་ཚུལ་ཁྲིམས་དང་ལྡན་པའི་ལྟ་བ་མཚུངས་པ་དང་། ཉིན་མོ་མི་ཉུང་ལ་མཚན་མོ་སྒྲ་ཆུང་བ་དང་། ་ཆོས་གོས་ལ་སོགས་པ་བཟང་པོ་དང་མང་པོ་ལ་ལྷག་པར་ཚོགས་པ་མེད་པ་དང་། ངན་ངོན་ཙམ་རྙེད་པས་རྟག་ཏུ་ཆོག་ཤེས་པ་དང་། ཉོ་ཚོང་ལ་སོགས་པ་ལས་ངན་པ་ཡོངས་སུ་སྤངས་པ་དང་། ཁྱིམ་པ་དང་རབ་ཏུ་བྱུང་བ་དག་དང་ཧ་ཅང་སྨོས་འདྲིན ་ཆུང་བ་དང་། སྨན་བྱེད་པ་དང་། སྐར་མ་བརྩི་བ་ལ་སོགས་པ་བྱ་བ་ཐམས་ཅད་སྤངས་པ་དང་། སྡོམ་པ་གཉིས་ཀ་ལ་ཡང་རང་བཞིན་དང་ཅུ་བའི་བསླབ་པའི་གཞི་མི་འདྲལ་བ་དང་བག་མེད་པས་རལ་ན་ཡང་མྱུར་དུ་ཆོས་བཞིན་དུ་བྱེད་པ་དང་། ཉན་ཐོས་དག ་གི་སྡོམ་པ་ལ་ཕམ་པ་བཅོས་སུ་མི་རུང་བར་གསུངས་པ་ཡང་འགྱོད་པ་དང་ལྡན་པ་དང་། ཕྱིས་མི་བྱ་བའི་སེམས་དང་ལྡན་པ་ཡིན། སེམས་གང་གིས་ལས་དེས་བྱ་བའི་སེམས་དེ་ལ་ངོ་བོ་ཉིད་མེད་པར་སོ་སོར་རྟོགས་པའི་ཕྱིར་རམ། ཆོས་ཐམས ་ཅད་ངོ་བོ་ཉིད་མེད་པར་བསྒོམས་ན། དེའི་ཚུལ་ཁྲིམས་རྣམ་པར་དག་པ་ཁོ་ན་ཡིན་པར་རིག་པར་བྱའོ།། དེ་ནས་འགྱོད་པ་མེད་པར་བྱས་ལ་བསྒོམ་པ་ལ་བརྩོན་པར་བྱའོ།། འདོད་པ་རྣམས་ཡང་ཚེ་འདི་དང་ཚེ་ཕྱེ་མ་ལ་ཉེས་དམིགས་རྣམ་པ་མང་པོར་འགྱུར་བ ་ཡིད་ལ་བྱས་ལ། དེ་དག་ལ་རྣམ་པར་རྟོག་པ་སྤངས་པར་བྱའོ།། རྣམ་པ་གཅིག་ཏུ་ན་དངོས་པོ་སྡུག་པའམ་མི་སྡུག་པ་ཡང་རུང་སྟེ། དེ་དག་ཐམས་ཅད་ནི་རྣམ་པར་འཇིག་པའི་ཆོས་ཅན་མི་བརྟན་པས་བརྟན་དུ་མི་འགྲོགས་གདོན་མི་ཟ་བར་དེ་དག ་ཐམས་ཅད་དང་བདག་རིང་པོར་མི་ཐོགས་པར་འབྲལ་བར་འགྱུར་ན། བདག་དེ་ལ་ཅི་ཞིག་ཆགཅེས་པར་འགྱུར་ཅི་ཞིག་ཆགས་པར་འགྱུར་སྙམ་དུ་བསམས་ལ་རྣམ་པར་རྟོག་པ་ཐམས་ཅད་སྤང་བར་བྱའོ།། ལྷག་མཐོང་གི་ཚོགས་གང་ཞེ་ན། སྐྱེས་བུ ་དམ་པ་ལ་བརྟེན་པ་དང་། མང་དུ་ཐོས་པ་ཡོངས་སུ་ཚོལ་བ་དང་། ཚུལ་བཞིན་སེམས་པའོ།། དེ་ལ་སྐྱེས་བུ་དམ་པ་ལ་བརྟེན་པ་གང་ཞེ་ན། གང་མང་དུ་ཐོས་པ་དང་། ཚིག་གསལ་བ་དང་། སྙིང་རྗེ་ལྡན་པ་དང་། སྐྱོ་བ་བཟོད་པའོ།། དེ་ལ་མོང་དུ ་ཐོས་པ་ཡོངས་སུ་ཚོལ་བ་གང་ཞེ་ན། བཅོམ་ལྡན་འདས་ཀྱི་གསུང་རབ་ཡན་ལག་བཅུ་གཉིས་པོ། ངེས་པའི་དོན་དང་དྲང་བའི་དོན་ལ་མཁས་པ་ལ་བརྟེན་ནས། ཤེས་རབ་རྣམ་པ་གསུམ་བསྐྱེད་པར་བྱའོ།། ཚུལ་བཞིན་སེམས་པ་གང་ཞེ ་ན་ཡང་དག་པའི་དོན་ལ་མ་ནོར་བར་བསྒོམ་པའི།། དེ་ལྟ་མ་ཡིན་ན་རྒྱུས་མེད་ལམ་ཁ་བྲག་གི་མདོར་ཕྱིན་པའི་མི་བཞིན་དུ། གང་དུ་ཡང་གཅིག་ཏུ་ངེས་པར་མི་འགྱུར་རོ།། རྣལ་འབྱོར་པས་ནི་དུས་ཐམས་ཅད་དུ། ཉ་དང་ཤ་ལ་སོགས་པ་སྲ ་ཞིང་། མི་མཐུན་པ་མ་ཡིན་པ་དང་། ཟས་ཆོད་ཟིན་པ་བཟའ་བར་བྱའོ།། མཁས་པ་ཉམས་ཅན་དག་ལ་ཡང་སྐབས་སྐབས་སུ་དོན་དྲི་ཞིང་། ང་རྒྱལ་སྤངས་ལ་དོན་མ་ནོར་བར་བྱའོ།། དེ་ལྟར་བྱང་ཆུབ་སེམས་དཔའ་ཞི་གནས་དང་ལྷག་མཐོང ་གི་ཚོགས་མཐའ་དག་བསགས་པས་དེ་བསྒོམ་པ་འཇུག་པར་བྱའོ།། དེ་ལ་རྣལ་འབྱོར་པས་བསྒོམ་པའི་དུས་ན་ཐོག་མར་བྱ་བ་ཐམས་ཅད་ཡོངས་སུ་རྫོགས་པར་བྱས་ལ། བཤང་གཅི་བྱས་ནས་སྒྲའི་ཚེར་མ་མེད་པ་ཡིད་དུ་འོང་བའི་ས་ཕྱོགས་སུ་བག་གིས་སེམས་ཅན ་ཐམས་ཅད་བྱང་ཆུབ་ཀྱི་སྙིང་པོ་ལ་དགོད་པར་བྱའོ།། སྙམ་དུ་བསམ་ཞིང་། འགྲོ་བ་མཐའ་དག་མངོན་པར་གདོན་པར་འདོད་པའི་བསམ་པ་ཅན་གྱིས་སྙིང་རྗེ་ཆེན་པོ་མངོན་དུ་བྱས་ལ། ཕྱོགས་བཅུ་ན་བཞུགས་པའི་སངས་རྒྱས་དང་བྱང་ཆུབ་སེམས་དཔའ་ཐམས་ཅད ་ལ་ཡན་ལག་ལྔས་ཕྱག་བྱས་ནས། སངས་རྒྱས་དང་བྱང་ཆུབ་སེམས་དཔའི་སྐུ་གཟུགས་རི་མོ་ལ་སོགས་པ་མདུན་དུ་གཞག་གམ། གཞན་དུ་ཡང་རུང་སྟེ། དེ་དག་ལ་ཅི་ནུས་ཀྱི་མཆོད་པ་དང་། བསྟོད་པ་བྱས་ལ། རང་གི་སྡིག་པ་བཤགས་ནས་འགྲོ་བ་མཐའ་དག་གི ་བསོད་ནམས་ལ་རྗེས་སུ་ཡི་རང་བར་བྱས་ལ་སྟན་ཤིན་ཏུ་འཇམ་པོ་བདེ་བ་རྗེ་བཙུན་རྣམ་པར་སྣང་མཛད་ཀྱི་སྐྱིལ་མོ་ཀྲུང་ལྟ་བུ་འམ། སྐྱིལ་མོ་ཀྲུང་ཕྱེད་དུ་ཡང་རུང་སྟེ། མིག་ཧ་ཅང་མི་དབྱེ། ཧ་ཅང་མི་ཟུམ་པར་སྣའི་རྩེ་མོར་བསྟད་ཅིང་། ལུས་ཧ་ཅང་ཡང་མི་སྐུ ་ཧ་ཅང་ཡང་མི་དགྱེ་བར་དྲང་པོར་བསྲངས་ཏེ། དྲན་པ་ནང་དུ་གཞག་སྟེ། འདུག་པར་བྱའོ།། ཕྲག་པ་མཉམ་པར་བཞག་ལ་མགོ་མི་མཐོ་མི་དམའ་ཞིང་ཕྱོགས་གཅིག་ཏུ་མི་གཡོ་བོར་གཞག་སྟེ། སྣ་ནས་ལྟེ་བ་དྲང་པོར་བཞག་གོ། ལྕེ་ཡང་སོའི་དྲུང་དུ་གཞག ་གོ། དབུགས་ཕྱི་ནང་དུ་རྒྱུ་བ་ཡང་སྒྲ་ཅན་དང་བསྡམ་པ་དང་། དབུགས་རྒོད་པ་ཅན་དུ་མི་གཏང་གི་ཅི་ནས་ཀྱང་མི་ཚོར་བར་དལ་བུ་དལ་བུས་ལྷུན་གྱིས་གྲུབ་པའི་ཚུལ་གྱིས་དབུགས་ནང་དུ་རྔུབ་པ་དང་ཕྱིར་འབྱུང་བར་འགྱུར་བ་དེ་ལྟར་བྱའོ།། དེ་ལ་རྣལ་འབྱོར ་པས་ཐོག་མར་དེ་བཞིན་གཤེགས་པའི་སྐུ་གཟུགས་ཇི་ལྟར་མཐོང་བ་དང་། ཇི་ལྟར་ཐོས་པ་ལ་སེམས་གཞག་ནས་ཞི་གནས་བསྒྲུབ་པར་བྱ་སྟེ། སྐུ་གཟུགས་དེ་ཡང་གསེར་བཅོམ་བཞིན་དུ་སེར་ལ། མཚན་དང་དཔེ་བྱད་བཟང་པོས་བརྒྱན་པ་འཁོར་གྱིས ་དབུས་ན་བཞུགས་པ་ཐབས་སྣ་ཚོགས་ཀྱིས་འགྲོ་བའི་དོན་མཛད་པའོ་སྙམ་དུ་བསམས་ལ། རྒྱུན་དུ་ཡིད་ལ་བྱས་ལ་དེའི་ཡོན་ཏན་ལ་འདོད་པ་བསྐྱེད་ཅིང་། བྱིང་བ་དང་རྒོད་པ་ཞི་བར་བྱས་ལ་ཇི་སྲིད་དུ་དེ་མདུན་ན་བཞུགས་པ་བཞིན་དུ་གསལ་བར ་མཐོང་བར་གྱུར་པ་དེ་བཞིན་དུ་བསམ་གཏན་བྱའོ།། འཕགས་པ་ཏིང་ངེ་འཛིན་གྱི་རྒྱལ་པོའི་མདོ་ལས་ཀྱང་། གསེར་གྱི་ཁ་དོག་ལྟ་བུའི་སྐུ་ལུས་ཀྱིས།། འཇིག་རྟེན་མགོན་པོ་ཀུན་ཏུ་མཛེས་པ་སྟེ།། དམིགས་པ་དེ་ལ་གང་གིས་སེམས་འཇོག་པ།། བྱང་ཆུབ ་སེམས་དཔའ་དེ་མཉམ་བཞག་ཅེས་བྱ། ཞེས་གསུངས་སོ།། ཡང་ན་དངོས་པོ་གཟུགས་ཅན་ནམ་གཟུགས་མེད་དམ། རྣལ་འབྱོར་པའི་དམིགས་པའི་ཡུལ་གང་ལ་བདེ་བ་དེ་ལ་སེམས་བསྟང་ལ་ཞི་གནས་བསྒྲུབ་པར་བྱའོ།། སེམས་ཡུལ ་ལ་བསྟང་ལ། བསྟང་བ་དེ་ལ་བྱིང་བ་དང་རྒོང་པར་མི་འགྱུར་བར་ཤིན་དུ་གསལ་བར་གྱུར་པ་དེ་སྲིད་དུ་བསམ་གཏན་བྱའོ།། འཕགས་པ་ཏིང་ངེ་འཛིན་རྒྱལ་པོའི་མདོ་ལས། ཏིང་ངེ་འཛིན་ནི་སྙོམས་པའི་ས།། ཞི་ལ་ཕྲ་སྟེ་བལྟ་དཀའ་བ། ་འདུ་ཤེས་ཐམས་ཅད་བཅོམ་པས་ན།། དེ་ཕྱིར་ཏིང་ངེ་འཛིན་ཞེས་གསུངས་སོ།། ཞི་གནས་ཉམས་སུ་ལེན་ན། རྣལ་འབྱོར་པས་ལྷག་མཐོང་བསྒོམ་པར་བྱའོ།། ཞི་གནས་ལ་གནས་པས་ཤེས་རབ་ཀྱི་དེ་ཁོ་ན་ཉིད ་ཡོངས་སུ་བཙལ་བར་བྱ་ཞིང་ཞི་གནས་འབའ་ཞིག་གིས་ཆོག་པར་མི་བྱའོ་སྙམ་དུ་བསམ་མོ།། དེ་ཁོ་ན་ཉིད་ཇི་ལྟ་བུ་ཞེ་ན། དོན་དམ་པར་ན་གང་ཟག་དང་ཕུང་པོ་ལྔ་དང་། སྐྱེ་མཆེད་དང་། ཁམས་དང་། སངས་རྒྱས་ཀྱི་སྐུ་དང ་ཡེ་ཤེས་མན་ཆད་དང་། སེམས་ཅན་དམྱལ་བ་ཡན་ཆད། རྒྱ་མཚོ་དང་རི་རབ་དང་། དངོས་པོ་ཆོས་སུ་བཏགས་པ་དང་། ཐ་སྙད་དུ་བཏགས་པ་ཐམས་ཅད་བློས་ཞིབ་ཏུ་བརྟགས་ཤིང་དཔྱད་ལ། རང་བཞིན་མེད་པ་སྟོང་པ་ཉིད་དུ ་བསམ་ཞིང་རང་བཞིན་གྱིས་རྣམ་པར་བྱང་བ། གདོད་མ་ནས་སྟོང་པ། བསམ་པ་དང་བརྗོད་པ་ཐམས་ཅད་ཀྱི་ཡུལ་ལས་འདས་པ། མྱ་དཱན་ལས་འདས་པ་ནི་བླང་དུ་མེད། འཁོར་བ་ནི་སྤང་དུ་མེད། ནམ་མཁའི་རང་བཞིན་ལྟ་བུའོ་སྙམ་དུ ་བསམས་ལ། སེམས་ཀྱི་རྒྱུན་མི་གཡེང་བར་བྱའོ།། འཕགས་པ་ལས་ཀྱི་སྒྲིབ་པ་རྣམ་པར་དག་པའི་མདོ་ལས། བྱིས་པ་དངོས་པོར་འཛིན་པས་དཔྱད་ཅིང་བརྟགས། སྒྱུ་མའི་གསོག་སྟེ་མེད་ཅིང་སྟོང་པ་ཡིན།། འདི་ནི་འདོད་ཆགས་ཞེ་སྡང ་གཏི་མུག་མེད།། ཆོས་འདི་ཐམས་ཅད་མཚན་ཉིད་མེད་པ་སྟེ།། རྩ་བ་མི་དམིགས་གཟོད་ནས་རབ་ཏུ་ཞི།། མཐའ་མ་གཟུགས་མེད་དབེན་ཞིང་སྙིང་པོ་མེད།། འདོད་ཆགས་འོད་གསལ་གཏི་མུག་རབ་ཏུ་ཞི། ཞེས་གསུངས་སོ།། འཕགས ་པ་ཚུལ་བརྒྱ་ལྔ་བཅུ་པ་ལས། ཐམས་ཅད་ནམ་མཁའི་མཚན་ཉིད་དེ།། ནམ་མཁའ་ལ་ཡང་མཚན་ཉིད་མེད།། ནམ་མཁར་མཚན་ཉིད་སྦྱོར་བས་ན།། ཀུན་མཆོག་མཉམ་ཉིད་རྫོགས་པའོ་ཞེས་གསུངས་སོ།། འཇམ་དཔལ་གནས་པའི ་མདོ་ལས། དེ་བཞིན་ཉིད་ནི་བྲི་བ་མ་ཡིན། འཕེལ་བ་མ་ཡིན། སེམས་ཅན་གྱི་ཁམས་ཀྱང་བྲི་བ་མ་ཡིན། འཕེལ་བ་མ་ཡིན་ནོ།། ཀུན་ནས་ཉོན་མོངས་པ་མ་ཡིན་ཏེ། རྣམ་པར་བྱང་བ་མ་ཡིན་ནོ།། ཞེས་གསུངས་སོ།། ཡང་གསུངས ་པ། རྟོག་པ་རྣམས་ནི་གཡོ་བར་འགྱུར།། རྟོག་པ་མེད་ན་མྱ་ངན་འདའ།། གང་གི་རང་བཞིན་དེ་ཤེས་པ།། དེ་ནི་ཡེ་ཤེས་ལྡན་ཞེས་བྱ།། ཞེས་གསུངས་སོ།། པར་ནེ་རླན་གྱི་མདོ་ལས། ལམ་དབུ་མ་ནི་སངས་རྒྱས་ཀྱི་ངོ་བོ་ཉིད་ཅེས་བགྱིའོ།། ་ཚངས་པ་ཀུན་འདྲིས་ཀྱིས་མདོ་ལས། ཇི་ལྟར་ལམ་བསྒོམ་པར་བགྱི་བཀའ་སྩལ་པ། ཆོས་དང་ཆོས་མ་ཡིན་པ་རྣམ་པར་མི་རྟོག། མཚན་ཉིད་དང་བྲལ་བ་ནི་ལམ་བསྒོམ་པའོ།། ཞེས་གསུངས་པ་ནི། དངོས་པོའི་ངོ་བོ་མི་ད་མིགས་པ ་ལ་དགོངས་པའོ།། དེ་ལྟར་ན་འདུས་བྱས་དང་། འདུས་མ་བྱས་པའི་ཆོས་ཐམས་ཅད་ནི་ཡང་དག་པར་མེད་པ་ཁོ་ན་ཡིན་ནོ་སྙམ་དུ་བསྒོམ་པར་བྱའོ།། དེ་ལྟར་ཆོས་སུ་བཏགས་པ་མཐའ་དག་མེད་པ་ཁོ་ན་ལ་ཞུགས་པ་དེ་ཡོངས་སུ་བཏགས ་པར་བྱ་བ་གཞན་མེད་པས་རྟོག་པ་དང་དཔྱོད་པ་དང་བྲལ་བ་བརྗོད་པ་མེད་པ་དང་གཅིག་ཏུ་གྱུར་པའི་ཡིད་ལ་བྱེད་པ་རང་གི་ངང་གིས་འཇུག་པ། མངོན་པར་འདུ་བྱེད་པ་མེད་པས། དེ་ཁོ་ན་ཉིད་དེ་ལ་ཤིན་ཏུ་གསལ་བར་བསྒོམ་ཞིང ་འདུག་པར་བྱའོ།། དེ་ལྟར་གནས་ནས་སེམས་ཀྱི་རྒྱུན་རྣམ་པར་མི་གཡེང་བར་བྱའོ།། དེ་ལྟར་གྱུར་ན་སྤྲོས་པ་མེད་པ་རྣམ་པར་མི་རྟོག་པ་ཉིད་ལ་ཞུགས་པ་ཡིན་ནོ།། གཟུགས་ལ་སྩོགས་པ་ལ་མི་གནས་པ་ཡིན་ནོ།། ཤེས ་རབ་ཀྱིས་བརྟགས་ན་དངོས་པོ་མཐའ་དག་གི་ངོ་བོ་ཉིད་མ་དམིགས་པའི་ཕྱིར་ཤེས་རབ་མཆོག་གི་བསམ་གཏན་པ་ཡང་ཡིན་ནོ།། གང་གི་ཚེ་དེ་ལ་སེམས་མངོན་པར་མི་དགའ་བ་མཐོང་བ་དེའི་ཚེ། ཏིང་ངེ་འཛིན་གྱི་ཡོན་ཏན་མཐོང་བའི་ཕྱིར། དེ་ལ ་དགའ་བ་བསྒོམ་པར་བྱའོ།། ཅི་སྟེ་རྨུགས་པ་དང་གཉིད་ཀྱིས་ནོན་པས་རྒྱུ་བ་མི་གསལ་བའི་ཕྱིར། སེམས་བྱིང་བ་འམ་བྱིང་དུ་དོགས་པར་མཐོང་བ་དེའི་ཚེ། མཆོག་ཏུ་དགའ་བའི་དངོས་པོ་སངས་རྒྱས་ཀྱི་སྐུ་གཟུགས་ལ་སོགས་པའམ། རྟེན་ཅིང ་འབྲེལ་པར་འབྱུང་བའམ། མཛད་པ་བཅུ་གཉིས་ལ་སོགས་པ་ཡིད་ལ་བྱས་ལ་བྱིང་བ་ཞི་བར་བྱས་ནས་དེ་ཁོ་ན་ཉིད་ལ་ཤིན་ཏུ་བརྟན་པར་བཟུང་བར་བྱའོ།། ཅི་སྟེ་གང་གི་ཚེ་མངོན་དུ་བྱུང་བའི་ཡུལ་ལ་འདོད་པས་བོར་སྐྱབས་སུ་སེམས་རྒོད་པའམ། རྒོད་དུ ་དོགས་པར་མཐོང་བ་དེའི་མི་རྟག་པ་དང་ཚེ་འདི་དང་། ཚེ་ཕྱི་མའི་ཉེས་དམིགས་དང་། གཏན་དུ་མི་འགྲོགས་པས་ཅིའི་ཕྱིར་འདི་ལ་ལྷག་པར་ཆགས་པར་བྱ་སྙམ་དུ་བསམ་ལ་རྒོད་པ་ཞི་བར་བྱའོ།། དེ་ནས་ཡང་དེ་ཁོ་ན་ཉིད་ལ་སེམས་མངོན་པར་འདུ་བྱ ་བ་མེད་པར་འཇུག་པར་འབད་པར་བྱའོ།། ཅི་སྟེ་གང་གི་ཚེ་བྱིང་བ་དང་རྒོད་པ་ལས་དབེན་པའི་ཕྱིར་མཉམ་པར་ཞུགས་ཤིང་རང་གི་ངང་གིས་འཇུག་པས། དེ་ཁོ་ན་ཉིད་དེ་ལ་སེམས་ཤིན་ཏུ་གསལ་བར་བྱུང་བར་གྱུར་པ་དེའི་ཚེ། རྩོལ་བ་གློད་ལ་བཏང ་སྙོམས་སུ་གཞག་སྟེ། དེའི་ཚེ་ཞི་གནས་དང་ལྷག་མཐོང་ཟུང་དུ་འབྲེལ་པའི་ལམ་གྲུབ་པ་ཡིན་པར་རིག་པར་བྱའོ།། དེ་ནས་རྣལ་འབྱོར་པས་ཇི་སྲིད་དུ་དགའ་བ་དེ་སྲིད་དུ། མངོན་པར་འདུ་བྱ་བ་མེད་པ་ཁོ་ནར་དེ་ཁོ་ན་ལ་བསྒོམ་ཞིང་འདུག་པར་བྱའོ།། ཚུལ་དེ་ལྟ་བུས ་མོལ་ཚེ་ཐུན་གཅིག་གམ་ཐུན་ཕྱེད་དམ། ཆུ་ཚོད་གཅིག་གམ། ཇི་སྲིད་ནུས་ནུས་སུ་འམ། ཐ་ན་སེ་གོལ་གཏོག་པའི་བར་དུ་ཡང་བསྒོམ་ཞིང་འདུག་པར་བྱའོ།། ལུས་དང་སེམས་གནོད་པར་གྱུར་ན་སྐབས་སྐབས་སུ་འཇིག་རྟེན་མཐའ་དག་ལ་བལྟས་ལ ་སྒྱུ་མ་ལྟ་བུ་དང་། རྨི་ལམ་ལྟ་བུ་དང་། ཆུ་ཟླ་ལྟ་བུ་དང་། མིག་ཡོར་ལྟ་བུར་རྟོགས་པར་བྱའོ།། དེ་སྐད་དུ་རྣམ་པར་མི་རྟོག་པར་འཇུག་པའི་གཟུངས་ལས་ཀྱང་། འཇིག་རྟེན་ལས་འདས་པའི་ཡེ་ཤེས་ཀྱིས་ཆོས་ཐམས་ཅད་ནམ་མཁའི་དཀྱིལ་དང ་མཚུངས་པར་མཐོང་ངོ་།། དེའི་རྗེས་ལ་ཐོབ་པ་ནི་སྒྱུ་མ་དང་། སྨིག་རྒྱུ་དང་། ཆུ་ཟླ་བཞིན་དུ་མཐོང་ངོ་།། ཞེས་གསུངས་སོ།། དེ་ནས་ཡང་རྣམ་པར་མི་རྟོག་པ་ལ་བསྒོམ་པར་བྱའོ།། དེ་ཡང་ལུས་སེམས་ལ་གནོད་པར་གྱུར་ན། སེམས ་གཏང་ལ། འཇིག་རྟེན་མཐའ་དག་ལ་གོང་དུ་བཤད་པ་ལྟར། བསམས་ལ་འཕགས་པ་བཟང་པོ་སྤྱོད་པ་ལ་སོགས་པའི་སྨོན་ལམ་ཡང་དག་པར་གདབ་བོ།། ཕ་རོལ་ཏུ་ཕྱིན་པ་རྣམས་ཀྱང་རྫོགས་པར་བྱའོ།། དེ་ལྟར་བྱས་ན་དོན་དམ་པར ་ཆོས་ཐམས་ཅད་མ་སྐྱེས་པ་ཡིན་ཡང་། སྒྱུ་མ་བཞིན་དུ་རྒྱུ་དང་རྐྱེན་སོ་སོར་ངེས་པ་སྣ་ཚོགས་པ་འདུས་པའི་དབང་གིས་མ་བརྟགས་ན་ཉམས་དགའ་བ་སྣ་ཚོགས་དག་ཁོ་ན་འབྱུང་སྟེ། དེས་ན་ཆད་པར་ལྟ་བར་ཡང་མི་འགྱུར་རོ།། སྒྲོ་འདོགས ་པའི་མཐར་ཡང་མི་འགྱུར་ཏེ། འདི་ལྟར་ཤེས་རབ་ཀྱིས་རྣམ་པར་བརྟགས་ན་མི་དམིགས་ཏེ། དེས་ན་བརྟག་པ་ཉིད་དང་སྒྲོ་འདོགས་པའི་མཐར་ཡང་མི་འགྱུར་རོ།། རྣམ་པར་མི་རྟོག་པའི་བསྒོམ་པའི་ནང་དུ། འདུས་མ ་བྱས་ཀྱི་ཆོས་དགེ་བ་དང་། འདུས་མ་བྱས་ཀྱི་ཆོས་ཐམས་ཅད་འདུས་པར་གསུངས་ཏེ། ཐེག་པ་ཆེན་པོའི་ཆོས་རྣམ་པར་མི་རྟོག་པའི་ནང་དུ་བྱང་ཆུབ་ཏུ་སེམས་བསྐྱེད་པ་འདུས་པ་ཇི་ལྟ་བུ་ཞེ་ན། རྡོ་རྗེ་གཅོད་པའི་མདོ་ལས། འདུ་ཤེས་ཐམས ་ཅད་རྣམ་པར་སྤངས་ཏེ། བླ་ན་མེད་པའི་བྱང་ཆུབ་ཏུ་སེམས་བསྐྱེད་དོ་ཞེས་གསུངས་སོ།། མི་རྟོག་པའི་ནང་དུ་ཐེག་པ་ཆེན་པོ་འདུས་པ་ཇི་ལྟ་བུ་ཞེ་ན། རྡོ་རྗེའི་ཏིང་ངེ་འཛིན་གྱི་མདོ་ལས། བསམ་ཞིང་མནོ་བ་མེད་ན་ལྗང་དུབ་མི་སྐྱེ་སྟེ། ཡང་དག་པ ་ཇི་ལྟ་བ་བཞིན་དུ་མི་གཡོ་བའོ།། དེ་ནི་ཐེག་པ་ཆེན་པོའོ་ཞེས་གསུངས་སོ།། རྣམ་པར་མི་རྟོག་པའི་ནང་དུ་ལམ་བསྒོམ་པ་འདུས་པ་ཇི་ལྟ་བུ་ཞེ་ན། ཤེས་རབ་ཀྱི་ཕ་རོལ་ཏུ་ཕྱིན་པ་ལས། མི་དམིགས་པ་ནི་ལམ་མོ།། མི་དམིགས་པ་ནི་འབྲས་བུའོ།། ་ཞེས་གསུངས་སོ།། མི་རྟོག་པའི་ནང་དུ་ལམ་དབུ་མ་འདུས་པ་ཇི་ལྟ་བུ་ཞེ་ན། ལང་ཀར་གཤེགས་པ་ལས། སེམས་ཙམ་དུ་ནི་མི་རྟོག་དང་།། ཕྱི་རོལ་དངོས་པོ་རྣམས་བསལ་བས།། རྣམ་པར་རྟོག་པ་རྣམས་ལྡོག་སྟེ།། ལམ་དེ་ཉིད་ནི་དབུ་མའོ།། སེམས ་ཙམ་ཡིན་ཏེ་སྣང་བ་མེད།། སྣང་བ་མེད་པས་མི་སྐྱེ་བས།། དབུ་མ་ཡི་ནི་ལམ་འདི་ཡང་།། ང་དང་སངས་རྒྱས་རྣམས་ཀྱིས་བཤད་ཅེས་གསུངས་སོ།། མི་རྟོག་པའི་ནང་དུ་ཤེས་རབ་ཀྱི་ཕ་རོལ་ཏུ་ཕྱིན་པ་འདུས་པ་ཇི་ལྟ་བུ་ཞེ་ན། སྡུད་པ་ལས། གང ་ཚེ་འདུས་བྱས་འདུས་མ་བྱས་དང་དཀར་ནག་ཆོས།། ཤེས་རབ་རྣམ་པར་བཤིག་ནས་རྡུལ་ཙམ་མི་གནས་ཚེ།། འཇིག་རྟེན་དག་ན་ཤེས་རབ་ཕ་རོལ་ཕྱིན་གྲངས་འགྲོ། ནམ་མཁའ་གང་ལའང་ཅུང་ཟད་མི་དམིགས་དེ་དང་འདྲ་ཞེས་གསུངས་སོ།། ་མི་རྟོག་པའི་ནང་དུ་མཉམ་པ་ཉིད་དང་མི་གཡོ་བ་འདུས་པ་ཇི་ལྟ་བུ་ཞེ་ན། ཡེ་ཤེས་སྣང་བའི་རྒྱན་གྱི་མདོ་ལས། ཆོས་ཐམས་ཅད་ཀྱི་མཚན་ཉིད་དམིགས་སུ་མེད་པ་གང་ཡིན་པ་དེ་ནི་མཉམ་པ་ཉིད་ཡིན་ནོ།། མཉམ་པ་ཉིད་གང་ཡིན་པ་དེ་ནི་གནས ་པ་ཉིད་དོ།། གནས་པ་ཉིད་གང་ཡིན་པ་དེ་ནི་མི་གཡོ་བ་ཉིད་ཡིན་ནོ།། ཆོས་ཐམས་ཅད་ལ་བརྟེན་པའི་སེམས་ཀྱི་གནས་པ་མེད་དོ།། སེམས་མི་གནས་པ་དེ་ནི་སྐྱེ་བ་མེད་པར་འགྱུར་ཏེ། དེ་ལྟར་མཐོང་བའི་སེམས་དང་སེམས་ལས་བྱུང་བའི ་རྣམ་པ་ནི། ཕྱིན་ཅི་མ་ལོག་པར་འགྱུར་རོ་ཞེས་གསུངས་སོ།། མི་རྟོག་པའི་ནང་དུ་ཚུལ་ཁྲིམས་བླ་ན་མེད་པ་འདུས་པ་ཇི་ལྟ་བུ་ཞེ་ན། གླང་པོ་དང་མཚུངས་པའི་མདོ་ལས། ཚུལ་ཁྲིམས་ཅན་དུ་གང་རྟོག་པ།། ཚུལ་ཁྲིམས་ལོག་པར་རྟོག་པ ་ཡང་།། གཉིས་ཀ་ཚུལ་ཁྲིམས་ལོག་པར་བཤད།། གཉིས་མེད་ཚུལ་ཁྲིམས་མྱ་ལོག་པའོ་ཞེས་འབྱུང་ངོ་།། མི་རྟོག་པའི་ནང་དུ་མཚན་མ་སྤོང་བ་འདུས་པ་ཇི་ལྟ་བུ་ཞེ་ན། རྣམ་པར་མི་རྟོག་པའི་གཟུངས་ལས། ཇི་ལྟར་ཡང་མཚན་མ་དེ་དག་ཡོངས ་སུ་སྤོང་ཞེ་ན། མངོན་དུ་སྣང་བ་ཡིད་ལ་མི་བྱེད་པས་སྤྱོང་ངོ་ཞེས་གསུངས་སོ།། མི་རྟོག་པར་བསྒོམ་པའི་སེམས་ཀྱི་ཆོས་ཉིད་མཐོང་བ་ཇི་ལྟ་བུ་ཞེ་ན། སྟུག་པོ་བཀོད་པའི་མདོ་ལས། ཇི་ལྟར་ཤིན་ཏུ་བཟང་པོའི་གསེར།། གསེར་གྱི་དབྱིབས་ལ་མི ་སྣང་སྟེ།། བརྩོལ་བས་ཤིན་ཏུ་ཞི་བ་བཏགས་ནས།། ཡོངས་སུ་སྦྱངས་ན་སྣང་བར་འགྱུར།། དེ་བཞིན་ཀུན་གཞི་རྣམ་པར་ཤེས།། རྣམ་ཤོས་བདུན་དང་བཅས་པ་ཡང་།། ཏོང་འཛིན་གྱིས་ཡོངས་སྦྱངས་པ་ཡི།། རྣལ་འབྱོར་ཅན་གྱིས་རྟག་དུ ་མཐོང་།། ཞེས་གསུངས་སོ།། མི་རྟོགས་པའི་ནང་དུ་རང་གི་རིག་པ་འདུས་པ་ཇི་ལྟ་བུ་ཞེ་ན། དཀོན་མཆོག་སྤྲིན་གྱིས་མདོ་ལས། གསོལ་བ་དེ་ཁོ་ན་ཞེས་བགྱི་བ་ཅི་ལགས། བཀའ་སྩལ་པ། དེ་ཁོ་ན་ཞེས་བྱ་བ་ནི་ཡང་དག་པའི་དོན་གྱི་ཚིག་བླ་དགས་སོ།། འདི་ནི་སོ ་སོ་རང་རིག་པ་ཡིན་ཏེ། ཚིག་དང་ཡི་གེ་དག་གིས་གདགས་པར་མི་ནུས་སོ།། ཅིའི་ཕྱིར་ཞེ་ན་སྨྲ་བ་དང་བརྗོད་པ་དང་། རྟོག་པ་ཐམས་ཅད་ཀྱི་ཡུལ་ལས་འདས་པ། འཕགས་པའི་ཡེ་ཤེས་ཀྱི་ཡུལ་ཏེ། ཡེ་ནས་ཇི་བཞིན་དུ་འདུག་པའོ།། ཞེས་གསུངས་པས། ་ཅིག་ཆར་འཇུག་པའི་བསྒོམ་པའི་དོན་འདི་ནི། དེ་ལྟར་མདོ་མང་པོའི་ལུང་དང་ཡང་མི་འགལ་ལ། མཁས་པ་དག་གི་མན་ངག་དང་ཡང་མཐུན་པ་ཉིད་དེ། སློབ་དཔོན་ནཱ་གཱརྫུ་ནས་རྟེན་འབྲེལ་གྱི་སྙིང་པོ་མཛད་པ་ལས་ཀྱང་། འདི་ལ་གསལ་བ་གང་ཡང་མེད།། ་གཞག་པར་བྱ་བ་ཅི་ཡང་མེད།། ཡང་དག་ཉིད་ལ་ཡང་དག་ལྟ།། ཡང་དག་མཐོང་ནས་རྣམ་པར་གྲོལ་ཞེས་གསུངས་སོ།། ཡང་སློབ་དཔོན་གྱིས་རིགས་པ་དྲུག་ཅུས་མཛད་པ་ལས་ཀྱང་། གང་དག་རྣམ་པར་དབེན་པ་ལ།། གཡོ་བའི་ཡིད་ཀྱང་མི་གཡོ ་སྟེ།། ཉོན་མོངས་སྤྲུལ་གྱིས་དཀྲུགས་པ་ཡི།། མི་བདང་སྲིད་པའི་མཚོ་བརྒལ་ཞེས་གསུངས་སོ།། སློབ་དཔོན་ཨཱརྱ་དེ་བས་མཛད་པའི་ལག་པའི་ཚད་ཀྱི་འབྲེལ་པ་ལས་ཀྱང་། ཀུན་ནས་ཉོན་མོངས་སྤོང་འདོད་པས།། དམ་པའི་དོན་གྱིས་འཚལ་བར་བྱ།། ་ཞེས་གསུངས་སོ།། ངེས་པའི་ལུང་དང་བསྟན་བཅོས་ཐམས་ཅད་ལས་ཀྱང་། མཐའ་གཉིས་དང་མཚན་མ་ལ་མི་གནས་པ་ནི་མྱ་ངན་ལས་འདས་པའི་རྒྱུ་ཡིན་ལ།། མཚོན་མ་ལ་གནས་པ་ནི་འཁོར་བའི་ཉེས་དམིགས་སུ་གསུངས་པས། རྣམ་པར་མི་རྟོག་པའི ་དོན་ལ་ཅིག་ཅར་འཇུག་པ་ནི་མྱ་ངན་ལས་འདས་པའི་ལམ་གྱི་མཆོག་ཡིན་པར་གསུངས་སོ།། རྣམ་པར་མི་རྟོག་པའི་ནང་དུ་ཆོས་ཐམས་ཅད་འདུས་པར་གསུངས་ཏེ། ཤིང་ཐེན་ཝ་གིའི་མདོ་ལས། ཆོས་གཅིག་བསླབས་ཤིང་བསྒོམས་ན། ་ཆོས་ཐམས་ཅད་གྲོལ་བར་འགྱུར་རོ་ཞེས་གསུངས་སོ།། ཟླ་བ་སྒྲོན་མའི་མདོ་ལས། གང་ཞིག་ཆོས་གཅིག་དང་ཉམས་སུ་ལྡན་ན། ཡོན་ཏན་གྱི་ཆོས་ཐམས་ཅད་རྫོགས་པར་འགྱུར་རོ།། གཅིག་གང་ཞེ་ན། དེ་བཞིན་ཉིད་དུ་རིག་ན་ཆོས་ཐམས ་ཅད་ལ་གྲགས་པ་མེད་པ་ཡིན། སྒྲ་ཀུན་སྤངས་པ་ཡིན་ནོ་ཞེས་གསུངས་སོ།། ཆོས་ཀྱི་རྒྱལ་པོའི་མདོ་ལས། ཆོས་གཅིག་ཤེས་པར་ནུས་ན་ཆོས་གཅིག་ཀྱང་མི་ཤེས་པ་མེད་དོ།། ཆོས་གཅིག་མི་ཤེས་ན་ཆོས་གཅིག་ཀྱང་ཤེས་པ་མེད་དོ་ཞེས ་གསུངས་སོ།། ཟླ་བ་མར་མེའི་མདོ་ལས། འཇིག་རྟེན་ཁམས་ནི་སྟོང་དག་དུ།། ངས་ནི་མདོ་སེ་གང་བཤད་པ།། སྣ་ཚོགས་ཚིག་འབྲུ་དོན་གཅིག་སྟེ།། ཐམས་ཅད་བརྗོད་པར་ཡོང་མི་ནུས།། ཚིག་གཅིག་གོམས་པར་བྱས་པས་ན།། དེ་དག ་ཐམས་ཅད་གོམས་པར་འགྱུར་ཞེས་གསུངས་སོ།། སློབ་དཔོན་སེང་གི་བཟང་པོས་མཛད་པའི་མངོན་པར་རྟོགས་པའི་རྒྱན་གྱི་འབྲེལ་པ་ལས་ཀྱང་ཆོས་གཅིག་ཆོས་ཀུན་ཉིད་ཀྱི་ངོ་བོ་ཉིད།། གང་གིས་ཆོས་གཅིག་དེ་བཞིན་ཉིད་རྟོགས་པས། ་དེ་ཡིས་ཆོས་ཀུན་དེ་བཞིན་ཉིད་དུ་རྟོགས་ཞེས་གསུངས་པས། ལུང་དང་བསྟན་བཅོས་དང་ཡང་མི་འགལ་ལ། ཀུན་རྫོབ་དུ་ཡང་དོན་གྱིས་ཡོད་དོ།། ཤེས་རབ་ཀྱི་ཕ་རོལ་ཏུ་ཕྱིན་པ་ལས། དེ་ནི་ཤཱ་རིའི་བུ་གཟུགས ་སྟོང་པ་ཉིད་དོ།། སྟོང་པ་ཉིད་ཀྱང་གཟུགས་སོ།། གཟུགས་དང་སྟོང་པ་ཉིད་ཐ་དད་མ་ཡིན་ནོ།། དེ་བཞིན་དུ་ཚོར་བ་ནས་ཆོས་ཐམས་ཅད་ཀྱི་བར་དུ་སྟོང་པ་ཉིད་ཀྱི་མཚན་ཉིད་དེ། མི་སྐྱེ་མི་འགག་མི་འཕེལ་མི་འགྲིབ་པོ་ཞེས་གསུངས་པས། དོན ་དམ་པར་རང་བཞིན་མེད་ཀྱང་། ཀུན་རྫོབ་ཏུ་སྒྱུ་མ་ཙམ་དུ་སྟོང་པ་ཉིད་གཟུགས་སུ་སྣང་བས་ཆད་པར་མི་འགྱུར་བ་ནི་དབུ་མའི་གཞུང་ངོ་སྙམ་མོ།། ཡེ་ཤེས་སྣང་བའི་རྒྱན་གྱི་མདོ་ལས། རྒྱུ་རྐྱེན་རྟེན་འབྲེལ་བཤད་པ་དང་།། རིམས ་ཀྱིས་འཇུག་པ་བསྟན་པ་ནི།། རྨོངས་པ་རྣམས་ལ་ཐབས་སུ་གསུངས།། ལྷུན་གྱིས་གྲུབ་པའི་ཆོས་དེ་ལ།། རིམས་སུ་སྦྱར་བ་ཅི་ཞིག་ཡོད།། མཐའ་ལས་འདས་པའི་རང་བཞིན་ལ།། གོང་བུར་འདུ་ཤེས་སུ་ཞིག་ལྟ།། ཅུང་ཟད་དུ་ཡང་ཁས ་བླངས་མེད།། དེ་ཚེ་སེམས་ནི་ནམ་མཁའ་སྟེ།། སངས་རྒྱས་དང་ནི་སྤྱོད་ཡུལ་གཅིག། ཅེས་གསུངས་པ་ནི་དབུ་མའི་གཞུང་ངོ་སྙམ་མོ།། ལང་ཀར་གཤེགས་པ་ལས། དངོས་རྣམས་སྐྱེ་བ་ཀུན་རྫོབ་ཏུ།། དམ་པའི་དོན་དུ་རང་བཞིན་མེད།། ་རང་བཞིན་མེད་ལ་གང་ནོར་པ།། དེ་ནི་ཡང་དག་ཀུན་རྫོབ་འདོད་ཅེས་གསུངས་པ་དང་། སངས་རྒྱས་ཕལ་པོ་ཆེ་ལས་ཀྱང་། ཡིད་བ་ཞིན་ནོར་བུའི་རྒྱལ་པོ་ནི།། ཅི་ཡིད་བསམ་པ་རྫོགས་བྱེད་པ།། དེ་བཞིན་སངས་རྒྱས་ཆོས་ཉིད་དང་།། རྟག་ཏུ ་སྨོན་ལམ་རྫོགས་པར་འགྲུབ།། མཐའ་དང་དབུས་མེད་འཇིག་རྟེན་དེར།། འཇིག་རྟེན་པ་ཡི་འདྲེན་པར་གྱུར།། དེ་ཡི་སྨོན་ལམ་དེ་དག་གིས།། ཕྱོགས་བཅུ་དེ་དག་རྒྱལ་བས་གང་།། ཇི་ལྟར་ཟླ་བ་ཤར་གྱུར་པ།། ཚད་མེད་པ་ཡི་གཟུགས་བརྙན་རྣམས།། ་ཆུ་ཡི་སྣོད་དུ་ཤེས་གྱུར་ཀྱང་།། ཟླ་བ་གཉིས་སུ་གྱུར་པ་མེད།། དེ་བཞིན་ཆགས་མེད་མཁྱེན་ལྡན་རྣམས།། ཆགས་མེད་རྣམ་པར་འཚང་རྒྱབ།། ཞིང་རྣམས་ཀུན་ནའང་རབ་ཏུ་སྣང་།། སངས་རྒྱས་ལ་ནི་གཉིས་ཀྱང་མེད།། ཅེས་གསུང་པ་ནི་དོན་དམ ་པར་གཉིས་སུ་མེད་ཀྱང་། ཐ་སྙད་ཙམ་དུ་ཡང་ཐ་དད་དེ། དེ་ནི་དབུ་མའི་གཞུང་དུ་བཅོམ་ལྡན་འདས་ཀྱིས་དོན་དམ་པའི་བཀའ་མཐའ་དག་ལས་རྒྱས་པར་གསུངས་སོ།། བདེན་པའི་ལེའུའི་མདོ་ལས། འཇམ་དཔལ་ངས་ཉན་ཐོས་དང་རང ་སངས་རྒྱས་ཀྱི་ཐེག་པ་ལ་བཀོད་པ་མེད་དོ།། འཇམ་དཔལ་ཐེག་པ་ལ་རྣམ་པར་བཀོད་པ་ཞེས་བྱ་བ་ནི་ཀུན་རྫོབ་ཏུ་ཟད་དོ།། དོན་དམ་པར་ཐེག་པ་གཅིག་དང་གཉིས་སུ་མེད་དོ།། ཞེས་གསུངས་སོ།། ཡོང་ནི་ཆོས་ཉིད་ཀྱི་མཐའ་བཅན་པར་བྱས་ན། ་རྣལ་འབྱོར་ཆེན་པོའི་ལམ་ཡང་སྨྲ་བསམ་ལས་འདས་པ་ཡིན་ཏེ། གཞུང་བཤད་དུ་མེད་ཀྱི།། འོན་ཀྱང་སོ་སོའི་སྐྱེ་བོ་མ་རབས་དྲང་བའི་ཆོས་ཉིད་ལ་གཟུང་བའི་ཕྱིར་ཐ་སྙད་ཙམ་གྱི་སྒོ་ནས་བཤད་པར་ཟད་དོ།། དེ་ལ་གང་དག་རྣམ་པར་མི་རྟོག ་པའི་བྱ་བ་ཐམས་ཅད་སྤངས་པ་ཡིན་ན། སེམས་པ་དགེ་བས་བསྐྱེད་པའི་ལས་ཐམས་ཅད་ཀྱང་སྤང་ངམ་ཅི། དཀོན་མཆོག་གསུམ་ལ་མཆོད་པ་ལ་སོགས་པ་ཡང་འགལ་ལོ་ཞེ་ན། དེ་ལ་བཤད་པ་དཀོན་མཆོག་བརྩེགས་པ་ལས ་སངས་རྒྱས་ཀྱི་འདུ་ཤེས་མེད། ཆོས་ཀྱི་འདུ་ཤེས་མེད་ན་དགེ་འདུན་གྱི་འདུ་ཤོས་མོད་ཡང་དག་པའོ་མཆོད་པའོ་ཞེས་གསུངས་སོ།། བློ་གྲོས་རྒྱུ་མཚོས་ནུས་པའི་མདོ་ལས་ཀྱང་། བློ་གྲོས་རྒྱ་མཚོ་གསུམ་པོ་འདི་དག་ནི་དེ་བཞིན་ག ་པ་ལ་མཆོད་པ་དང་། རིམ་གྲོ་བླ་ན་མེད་པའོ།། གསུམ་གང་ཞེ་ན། བྱང་ཆུབ་ཏུ་སེམས་བསྐྱེད་པ་དང་། དེ་བཞིན་གཤེགས་པ་རྣམས་ཀྱི་དམ་པའི་ཆོས་འཛིན་པ་དང་། སེམས་ཅན་རྣམས་ལ་སྙིང་རྗེ་ཆེན་པོ་བསྐྱེད་པའོ་ཞེས་གསུངས་སོ།། ཁ ་ཅིག་ན་རེ་ཐོས་པ་མང་པོ་དང་བཤད་པར་བྱ་དགོས་སོ་ཞེ་ན། དེ་ལ་བཤད་པ་གཙུག་ཏོར་ཆེན་པོའི་མདོ་ལས། མཐའ་ཡས་འཛིན་པར་ཡིད་གཞུངས་ཀྱང་།། ལྡོག་པར་བསམས་པས་མཐའ་མར་ལྟུང་། རྗེས་སུ་འཁོར་བ་མ་ཡིན་ནམ་ཞེས ་གསུངས་སོ།། ཟླ་བའི་སྙིང་པོའི་མདོ་ལས། དཔེར་ན་མེ་སྟག་གང་གིས་ཀྱང་།། རྒྱ་མཚོ་ཆེན་པོ་སྐེམས་མི་ནུས།། དེ་བཞིན་ཀུན་རྫོབ་བདེན་པས་ནི།། རང་གི་ཉོན་མོངས་སྐེམས་མི་ནུས།། སེམས་ཅན་གཞན་ལྟ་ཅི་ཞིག་སྨོས་ཞེས་གསུངས་སོ།། ལང ་ཀར་གཤེགས་པ་ལས། ཇི་བཞིན་སྒྲ་རུ་བརྟགས་ནས་སུ།། གང་གིས་དེ་ལྟར་བསྒྲུབས་ན་ནི།། ཤི་ནས་སེམས་ཅན་དམྱལ་བར་ལྟུང་།། མ་རབས་སྒྱུ་མ་འཆང་ལ་དང་།། ཡང་དག་ཤེས་རབ་མིང་ཐོབ་པོ།། སྨྲ་བ་སྡུག་བསྔལ་གསུམ་ཉིད་དེ།། སྡུག ་བསྔལ་འགག་པ་ཡང་དག་ཉིད་ཅེས་གསུངས་སོ།། ཡང་དེ་ཉིད་ལས་བཤད་པ་དག་ཀྱང་འཁྲུལ་པ་སྟེ། ཡང་དག་ཉིད་ལ་ཡི་གེ་མེད་ཅེས་གསུང་སོ།། ཡང་དེ་ཉིད་ལས་མང་དུ་ཐོས་པ་ཞེས་བྱ་བ་ནི་དོན་ལ་མཁས་པ་ཡིན་གྱི། ཚིག་ལ་མཁས་པ་མ ་ཡིན་ནོ་ཞེས་གསུངས་སོ།། འབྱུང་བ་མེད་པའི་མདོ་ལས། ཆོས་ཀྱི་རང་བཞིན་ཡོངས་སུ་མི་ཤེས་ན། ཚིག་གི་དམ་པས་བྱང་ཆུབ་སངས་མི་རྒྱ་རྗེས་གསུངས་སོ།། དགོངས་པ་ངེས་པར་འགྲེལ་པ་ལས། ཡུན་རིང་དུས་ནཱས་སྒྲ་བྲལ་མོས་ཤིང་སྨྲ་བ་ལ ་མངོན་པར་དགའ་བས་ནང་གི་འཕགས་པའི་མི་སྨྲ་བར་གྱུར་པའི་བདེན་པ་ལ་བརྟགས་པ་འམ། རྗེས་སུ་དཔག་པའོམ་མོས་པར་མི་ནུས་སོ་ཞེས་གསུངས་སོ།། འཇམ་དཔལ་གནས་པ་ལས། འདུས་བྱས་ལ་ནི་གྲོ་རྟོག་དང་།། འདུས་མ ་བྱས་ལ་གང་རྟོག་པ།། གཉིས་ཀ་བདུད་ཀྱི་ལ་ས་ཡིནྡྲ་ཞེས།། དེ་དག་མཁས་པས་རབ་ཏུ་བཤད།། ཅེས་གསུངས་སོ།། ན་མཁའ་མཛོད་ཀྱི་མདོ་ལས། ཇི་སྙེད་དུ་སྨྲ་བ་དེ་སྙེད་དུ་བདུད་ཀྱི་ལས་སཽ།། སྨྲ་བ་མེད་ཅིང་མཚན་མ་མེང་བ ་ལ་བདུད་ཀྱིས་ཅི་ཞིག་བྱ་ཞེས་གསུང་སོ།། ཚངས་པ་ཀུན་འདྲིས་ཀྱི་མདོ་ལས། ཆོས་དང་ཆོས་མ་ཡིན་པ་རྣམ་པར་མི་རྟོག། མཚན་མ་གཉིས་དང་བྲལ་བ་ནི་ལམ་བསྒོམ་པའི་ཞེས་གསུངས་སོ།། ཆོས་ཀྱི་རྒྱལ་པོའི་མདོ་ལས། རིགས་ཀྱི་བུ ་གྲོལ་ཐར་པར་འདོད་ན། འདོད་པའི་ཡན་ལག་བཅད་ལ། སེམས་ཀྱིས་གཉིས་སུ་མི་བསམ། གཅིག་ཏུ་བསམ་སྟེ་ཡོད་པ་དང་མེད་པའི་སེམས་གཏང་ངོ་།། སེམས་ཀྱི་ངོ་བོ་ཉིད་ཀྱི་ཚུལ་ནི་སྟོང་པ་སྟེ། སེམས་ཀྱི་ངོ་བོ་ཉིད་ནི་འགྲོ་བ་ཡང་མེད ་འོང་བ་ཡང་མེད་བླང་བ་ཡང་མེད། དོར་བ་ཡང་མེད་དེ། ཅི་ཡང་མེད་པ་འདིའི་མིང་ནི་བྱང་ཆུབ་བོ་ཞེས་གསུངས་སོ།། གསེར་འོད་དམ་པའི་མདོ་ལས། ཀུན་རྫོབ་ཀྱི་ཚུལ་དུ་བསྟན་ཅིང་བཤད་མོད་ཀྱི། ཡང་དག་པའི་དོན་ལ་བློས་བརྟགས་ན་དེ ་ལྷ་མ་ཡིན་ནོ།། ཚིག་སྒྱུ་མས་ཡང་དག་པའི་གཞུང་མངོན་པར་བྱང་བའི་ཕྱིར་རོ་ཞེས་གསུངས་སོ།། ཤེས་རབ་འབུམ་གྱི་མདོ་ལས། ཆོས་ཀྱི་དབྱིངས་ཤེས་ན་ཆོས་ཐམས་ཅད་ཀྱི་མདོ་དང་རྒྱས་པ་ཡང་ཡིན་ནོ་ཞེས་གསུངས་པས། ་དོན་ལ་མཁས་པ་ནི་ཐོས་པའི་མཆོག་ཡིན་པར་མངོན་ལ། གལ་ཏེ་སྒྲ་ཕྱིར་འབྲངས་ན་རྣམ་པར་མི་རྟོག་པའི་བར་ཆད་དུ་ཡང་འགྱུར་ལ། ཐོས་བཤད་ནི་དོན་མི་ཆེ་བར་གསུངས་སོ།། ཁ་ཅིག་ན་རེ་ཕ་རོལ་ཏུ་ཕྱིན་པ་དྲུག་ལ་སོགས་པ་དབང་དགོས་སོ།། ་ཞེས་ཟེར་རོ།། དེ་ལ་བཤད་པ་རྡོ་རྗེ་ཏིང་ངེ་འཛིན་གྱི་མདོ་ལས། སེམས་སྟོང་པ་ཉིད་དུ་མི་གཡོན་ཕ་རོལ་ཏུ་ཕྱིན་པ་དྲུག་འདུསོ་ཞེས་གསུངས་སོ།། ཚངས་པ་ཁྱད་པར་སེམས་ཀྱི་ཞུས་པའི་མདོ་ལས། མི་སེམས་པ་ནི་སྦྱིན་པ། མི་གནས་པ་ནི་ཚུལ ་མས། ཅི་ཡང་བྱེ་བྲག་མི་ཕྱེད་པ་ནི་བཟོད་པའོ།། བླང་དོར་མེད་པ་ནི་བརྩོན་འགྲུས། མ་ཆགས་པ་ནི་ཏིང་ངེ་འཛིན། མི་གཉིས་པ་ནི་ཤེས་རབ་ཅེས་གསུངས་སོ།། ལང་ཀར་གཤེགས་པའི་མདོ་ལས། ཇི་སྲིད་སེམས་ནི་འཇུག་གི་བྱར།། དེ་སྲིད ་འཇིག་རྟེན་རྒྱང་ཕན་པ་ཞེས་གསུངས་པས། སྦྱིན་པ་ལ་སོགས་པ་ཙམ་ནི་མུ་སྟེགས་པ་ལ་ཡང་ཡོད་པས། མཚན་མའི་རྗེས་སུ་འབྲངས་ན་འཁོར་བ་ལས་མི་འདའ་བའི་སྐྱོན་དུ་འགྱུར་རོ།། ཁ་ཅིག་ན་རེ་ཁ་ཏོན་དང་འདྲི་ཀློག་ལས་བསོད་ནམས ་ཆེ་བ་མེད་དོ།། ཞེས་ཟེར་རོ།། དེ་ལ་བཤད་པ་ཏིང་ངེ་འཛིན་གྱི་རྒྱལ་པོའི་མདོ་ལས། གང་ཞིག་བྱང་ཆུབ་རབ་ཏུ་དད་པ་ནི།། འདུས་བྱས་སྐྱོ་ནས་སེམས་ཅན་དོན་གྱི་ཕྱིར།། དགོན་པར་ཕྱོགས་ཏེ་གོམ་པ་བདུན་བོར་ནས།། དེ་ནི་དེ་བས་བསོད་ནམ ་མཆོག་ཏུ་འགྱུར་ཞེས་གསུངས་སོ།། གཙུག་ཏོར་ཆེན་པོའི་མདོ་ལས། རྡུལ་སྙེད་ཀྱི་བསྐལ་པར་དམ་པའི་ཆོས་ཀྱི་མདོ་སྡེ་ཀློག་ཅིང་ཁ་ཏོན་བྱེད་པ་བས། ཉིན་ཅིག་གམ་མཚན་གཅིག་ཟག་པ་མེད་པའི་ཤེས་རབ་བསྒོམས་ན་བསོད་ནམས་ཆེའོ།། ་དཔག་ཏུ་མེད་པར་ཆེའོ།། དེ་ཅིའི་ཕྱིར་ཞེ་ན། སྐྱེ་ཤི་ལས་རིང་དུ་གྱུར་པའི་ཕྱིར་རོ་ཞེས་གསུངས་པས། མདོ་སྡེ་ཁ་ཏོན་བྱེད་པ་དང་འདྲི་བ་ནི་དོན་མི་ཆེ་བར་གསུངས་སོ།། ཁ་ཅིག་ན་རེ་རྣམ་པར་མི་རྟོག་པ་ལ་སེམས་ཅན་གྱི་དོན་བྱ་བའི་ཐབས ་མེད་དོ་ཞེས་ཟེར་རོ།། དེ་ལ་བཤད་པ་ཤེས་རབ་ཀྱི་ཕ་རོལ་ཏུ་ཕྱིན་པའི་མདོ་ལས། རབ་འབྱོར་འདི་ལ་བྱང་ཆུབ་སེམས་དཔའ་སེམས་དཔའ་ཆེན་པོའི་ཏིང་ངེ་འཛིན་གསུམ་ལ་གནས་ཤིང་། སེམས་ཅན་གང་རྣམ་པར་རྟོག་པ་ལ་དཔྱོད་པ་དེ ་དག་ནི་སྟོང་པ་ཉིད་ལ་རབ་ཏུ་འགོད་དོ།། སེམས་ཅན་གང་མཚན་མ་ལ་སྤྱོད་པ་དེ་དག་ནི་མཚན་མ་ལ་སྦྱོར་རོ།། སེམས་ཅན་གང་འབྲས་བུ་ལ་སྨོན་པ་དེ་དག་ནི་སྨོན་པ་ལ་སྦྱར་རོ།། རབ་འབྱོར་དེ་ལྟར་བྱང་ཆུབ་སེམས་དཔའ་སེམས་དཔའ ་ཆེན་པོ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་ཅིང་ཏིང་ངེ་འཛིན་གསུམ་ལ་གནས་ཤིང་། སེམས་ཅན་ཡོངས་སུ་སྨིན་པར་བྱེད་དོ་ཞེས་གསུངས་པས། རྣམ་པར་མི་རྟོག་པ་ཉིད་ཀྱིས་སེམས་ཅན་གྱི་དོན་བྱེད་དེ། མཚན་མའི་སྒོ་ནས ་ཆོས་སྟོན་པ་ནི་བདུད་ཀྱི་ལས་དང་སྡིག་པའི་གྲོགས་པོ་ཡིན་ནོ།། སངས་རྒྱས་མཛོད་ཀྱི་མདོ་ལས། རང་གི་ཆོས་མི་ཤེས་པར་གཞན་ལ་ཆོས་སྟོན་པ་ནི་སེམས་ཅན་དམྱལ་བར་སྐྱེ་བར་འགྱུར་རོ།། དེ་ཅིའི་ཕྱིར་ཞེ་ན། ཆོས་ལོག་པ་བསྟན་པའི ་ཕྱིར་རོ།། ཆོས་ལོག་པར་བཤད་ཅེས་བྱ་བ་ནི་དངོས་པོ་དང་མཚན་མར་བསྟན་པའོ་ཞེས་གསུངས་པས། མི་དམིགས་པར་སེམས་ཅན་གྱི་དོན་བྱེད་པ་ནི་མཆོག་ཏུ་གསུངས་སོ།། ཁ་ཅིག་ན་རེ་མི་རྟོག་པ་ལ་སྡིག་པ་བཤགས་པ་མེད་དོ། ་ཞེས་ཟེར་ན། དེ་ལ་བཤད་པ་ཕྱོགས་སུ་རྒྱས་པའི་མདོ་ལས། གང་ཞིག་འགྱོད་ཚངས་བྱེད་འདོད་ན།། དྲང་པོར་འདུག་ལས་ཡང་དག་ལྟོས།། ཡང་དག་ཉིད་ལ་ཡང་དག་ལྟ།། ཡང་དག་མཐོང་ནས་རྣམ་པར་གྲོལ།། འདི་ནི་འགྱོད་ཚངས་མཆོག་ཅེས ་བྱ་ཞེས་གསུངས་པས། སེམས་མི་གཡོ་བར་འདུག་པ་ཉིད་ནི་འགྱོད་ཚངས་ཀྱི་མཆོག་ཡིན་པར་གསུངས་སོ།། དེ་ཡན་ཆད་ནི་རྒོལ་བའི་ལན་དུ་ཡང་གསུངས་སོ།། རྣལ་འབྱོར་པའི་གཞུང་དུ་ཡང་བཤད་པ་ཡིན་ནོ།། དེ་བས་ན་ཐམས་ཅད་མཁྱེན ་པོ་ཉིད་མྱུར་དུ་ཐོབ་པར་འདོད་པ་དེས། རྣམ་པར་མི་རྟོག་པའི་ཏིང་ངེ་འཛིན་ལ་བསྒོམ་པར་བྱའོ།། མི་རྟོག་ཅིག་ཅར་འཇུག་པ་འདིར་བཤད་པས།། ཁམས་གསུམ་སེམས་ཅན་མཐའ་ཡུས་ཇི་སྙེད་ཀུན།། ཤེས་རབ་མིག་ཐོབ་དབུ་མའི ་དོན་རྟོགས་ནས།། ཐམས་ཅད་མཁྱེན་པ་མྱུར་དུ་ཐོབ་པར་ཤོག། ཅིག་ཅར་འཇུག་པའི་རྣམ་པར་མི་རྟོག་པའི་བསྒོམ་དོན། སློབ་དཔོན་ཆེན་པོའི་བི་མ་ལ་མཻ་ཏྲས་མཛད་པ་རྫོགས་སོ།། ། ་རྒྱ་གར་གྱི་མཁན་པོ་དྷརྨ་ཏཱ་ཤཱི་ལ་དང་། ཞུ་ཆེན་གྱི་ལོ་ཙྪ་བ་བནྡེ་ཡེ་ཤེས་སྡེས་བསྒྱུར་ཅིང་ཞུས་ཏེ་གཏན་པ་ཕབ་པའོ།། ། ་