Wylie

e-texts produced with BDRC’s OCR application

དེ་ཉིད་དེ་དང་དེའི་རིགས་སུ་དབྱེ་བ་གནས་པ་ཤེས་པར་བྱ་སྟེ། རིགས་ཐམས་ཅད་ཀྱི་བདག་པོ་ཡིན་པའི་ཕྱིར་རོ།། ཡང་དེ་རྣམས་བཞིན་བདག་ལྟ་ཞེས་བྱ་བ་ལ་སོགས་པ་ལ། ཡང་སེམས་ཅན་ཐམས་ཅད་སངས ་རྒྱས་ཡིན་མོད་ཅེས་བྱ་བ་ལ་སོགས་པས་ཀྱང་སྟོན་པར་ཤེས་པར་བྱ་སྟེ། ཡང་གསུངས་པ། དམན་དང་བར་ཆད་གྱ་ནོམ་པའི།། སེམས་ཅན་བརྙས་པར་མི་བྱའོ་ཞེས་སོ།། དངོས་གྲུབ་ཡངས་པ་ཞེས་བྱ་བ་ལ། དངོས་གྲུབ་ཅེས་བྱ་བ་ནི ་ཕྱག་རྒྱ་ཆེན་པོའི་བདག་ཉིད་དོ།། ཡངས་པ་ཞེས་བྱ་བ་ནི་ཤིན་ཏུ་རྒྱས་པ་སྟེ། རྒྱུན་མི་འཆད་པའོ།། ཐོས་པ་ཞེས་བྱ་བ་ནི་རྡོ་རྗེ་ནོར་བུའི་ནང་དུ་ཆུད་པའི་ཡེ་ཤེས་སོ།། དེས་ཅིར་འགྱུར་ཞེ་ན། སངས་རྒྱས་ཐམས་ཅད་མཉམ་པར་འགྱུར ་ཞེས་བྱ་བ་ལ། སངས་རྒྱས་ཐམས་ཅད་ནི་རྣམ་པར་སྣང་མཛད་ལ་སོགས་པའོ།། མཉམ་ཞེས་བྱ་བ་ནི་དེ་རྣམས་ཀྱི་མ་འདྲེས་པ་ལ་སོགས་པའི་ཡོན་ཏན་དབྱེར་མེད་པའི་ཕྱིར་རོ།། དེ་ཡང་གསུངས་པ། ཚོགས་དང་ཆོས་ཀྱི་སྐུ་དང་ནི།། ་འགྲོ་བའི་དོན་ནི་སྤྱོད་པ་ཡས།། སངས་རྒྱས་ཐམས་ཅད་མཉམ་པར་བཤད།། ཚེ་དང་རིགས་དང་བསྟན་པ་མིན་ཞེས་བྱ་བའོ།། སློབ་དཔོན་ནག་པོས་མཛད་པའི་དགྱེས་པའི་རྡོ་རྗེའི་དཀའ་འགྲེལ་དྲན་པའི་འབྱུང་གནས་ཞེས་བྱ་བ་ལས། ་ལེའུ་བཅུ་གཅིག་པའི་བཤད་པའོ།། །། དེ་ནས་ཞེས་བྱ་བ་ལ་སོགས་པ་ལ། གནས་ཞེས་བྱ་བ་ནི་མི་གནས་པའི་མྱ་ངན་ལས་འདས་པའི་གྲོང་ཁྱེར་གྱི་གནས་སོ།། དགའ་བ་ཞེས་བྱ་བ་ནི་དེ་བཞིན་གཤེགས་པ་བླ་ན། ་མེད་པའི་སྙོམས་པར་འཇུག་པ་སྟེ། དེ་དག་སྟེར་བའོ།། ལྷ་མོ་ཞེས་བྱ་བ་ནི་ཤིན་ཏུ་གསལ་བའི་བདེ་བའི་བདག་ཉིད་ཀྱི་ཕྱིར་རོ།། སྣ་ཚོགས་གཟུགས་ཅན་ཞེས་བྱ་བ་ནི་སྙིང་རྗེ་ཆེན་པོས་གདུལ་བྱ་རྣམས་སྣ་ཚོགས་སུ་སྤྲུལ་པར་མཛད་པའི ་ཕྱིར་རོ།། ཡིད་ཉམས་དགའ་ཞེས་བྱ་བ་ནི་སྐུལ་བ་དང་ལྡན་པའི་སྐྱེ་བོ་ཡིད་འཕྲོག་པར་བྱེད་པའི་ཕྱིར་རོ།། ཡེ་ཤེས་འདི་ཞེས་བྱ་བ་ནི་རྟག་ཏུ་ཉམས་སུ་མྱོང་བས་འགྲུབ་བོ།། ཆེས་ཕྲ་སྟེ་ཞེས་བྱ་བ་ནི་བློ་རྩིང་པོ་རྣམས་ཀྱི་ཡུལ་མ་ཡིན་པའི་ཕྱིར ་རོ།། རྡོ་རྗེའི་དཀྱིལ་ཏེ་མཁའ་དང་མཚུངས་ཞེས་བྱ་བ་ལ། རྡོ་རྗེ་ནི་སེམས་ཏེ་མི་འཇིག་པའི་ཕྱིར་རོ།། དཀྱིལ་ནི་སྙིང་པོ་སྟེ། རྣམ་པར་མི་རྟོག་པའི་ཕྱིར་རོ།། རང་བཞིན་གྱིས་རྣམ་པར་དག་པའི་ཕྱིར་ན་མཁའ་དང་མཚུངས་སོ།། ཀུན་ནས་ཉོན ་མོངས་པའི་རྡུལ་དང་བྲལ་བས་ན་རྡུལ་མེད་པའོ།། སྒྲིབ་པ་ཐམས་ཅད་ཉེ་བར་ཞི་བས་ནུ་ཞི་བའོ།། མི་གནྡྷ་པའི་བདག་ཉིད་ཀྱི་ཐར་པའི་བདེ་བ་སྩོལ་བས་ནི་ཐར་པ་སྟེར་རོ།། ཕ་དེ་ཞེས་བྱ་བ་ནི་བློ་མའི་དེ་ཁོ་ན་ཉིད་དུ་གྱུར་པས་ན་པ་དེའོ།། ཁྱོད ་ཀྱི་ངོ་བོ་ཡིན་ཞེས་བྱ་བ་ནི་རྒྱུ་དང་འབྲས་བུ་དབྱེར་མེད་པའི་ཕྱིར་རོ།། སློབ་དཔོན་ནག་པོས་མཛད་པའི་དགྱེས་པའི་རྡོ་རྗེའི་དཀའ་འགྲེལ་དྲན་པའི་འབྱུང་གནས་ཞེས་བྱ་བ་ལས་ལེའུ་བཅུ་གཉིས་པའི་བཤད་པའོ།། །། དགྱེས ་པའི་རྡོ་རྗེ་དྲན་བྱས་ལས།། བདེ་བ་ཆེན་པོ་གང་རྙེད་པ།། དེ་ཡི་འཇིག་རྟེན་མ་ལུས་ཀུན།། ལྷན་ཅིག་སྐྱེས་དགས་མཛེས་པར་ཤོག། བརྟག་པའི་རྒྱལ་པོ་གཉིས་པ་རྫོགསོ།། ། རྒྱ་གར་གྱི་མཁན་པོ་ཆེན་པོ་དཔལ་ལྡན་ཟླ་བ ་དང་། བོད་ཀྱི་ལོ་ཙཱ་བ་ཆེན་པོ་མགོས་ལྷ་བཅས་ཀྱིས་བསྒྱུར་ཅིང་ཞུས་ཏེ་གཏན་ལ་ཕབ་པ།། བྱེད་པས་ན་ལུས་ལ་གནས་ཞེས་བྱའོ།། བག་ཆགས་དང་བཅས་པའི་ཉོན་མོངས་པ་དང་ཤེས ་བྱའི་སྒྲིབ་པ་དང་། དེ་ཉིད་སྤངས་པ་ལ་རྣམ་པར་རྟོག་པ་ཐམས་ཅད་སྤངས་ཞེས་བྱའོ།། དཔེར་ན་དྲི་མ་མེད་པའི་ན་མཁའ་ལ་ཟླ་བ་ཤར་བས་རྫས་ཀྱི་དངོས་པོ་ཐམས་ཅད་གསལ་བར་བྱས་པ་དེ་བཞིན་དུ་དེ་བཞིན་གཤེགས་པ ་སྒྲིབ་པ་དང་བྲལ་བས་རང་གིས་མཁྱེན་པ་དང་། གཞན་ལ་གོ་བར་བྱེད་པའོ།། དེའི་ཕྱིར་རྫས་ཀྱི་དངོས་པོ་ཐམས་ཅད་ཁྱབ་ཅེས་བྱའོ།། དེས་ནི་དེ་བཞིན་གཤེགས་པ་ཐམས་ཅད་མཁྱེན་པ་ཡིན་པར་བསྟན་ཏོ།། གཞན་དག་ན་རེ ་ལུས་བསྒྱུར་བ་ལས་ཡེ་ཤེས་ཡིན་ནོ་ཞེས་ཟེར་རོ།། དཔེར་ན་ཆུང་གཽ་ར་རེ་བ་བཞིན་ནོ་ཞེས་ཟེར་རོ།། ལྟ་བ་ངན་པ་དེ་བསལ་བའི་ཕྱིར། ལུས་ལ་གནས་ཀྱང་དུ་མ་བྱུང་ཞེས་བྱ་བ་ལ་སོགས་པ་ལ། ལུས་བསྒྱུར་བ་ལས་ཡེ་ཤེས་ཡིན ་ན་ཁྱཱ་ཁྭ་ག་གཉིས་ཀྱི་བར་དུ་གཞན་ནས་རྣམ་པར་ཤེས་པ་འོངས་ནས་དེ་ཅིའི་ཕྱིར་འཇུག། ཤི་བའི་དུས་སུ་ལུས་ལས་རྣམ་པར་ཤེས་པ་འབྱུང་བར་མི་རིགས་སོ།། དེའི་ཕྱིར་ན་ལྟ་བ་དེ་ནི་དྲན་པའི་ཤད་དོ།། རྣམ་པར་ཤེས ་པའི་འགྲོ་བ་དང་འོང་བའི་ལམ་རྩ་རྣམས་ཡིན་ནོ།། རྩ་ནི་གང་ཞིག་ཡིན། གྲངས་ནི་དུ་ཞེ་ན། རྩ་ནི་སུམ་ཅུ་རྩ་གཉིས་ཏེ་ཞེས་བྱ་བ་ལ་སོགས་པ་ལ། གྲངས་ཀྱི་འབྲེལ་པའི་ཕྱིར་ན་སུམ་ཅུ་རྩ་གཉིས་ཤེས་བྱའོ།། དེ་ནི་འཇིག་རྟེན ་པའི་ལུས་སོ།། དེའི་མིང་དང་གནས་ནི་ཕྱིས་བསྟན་པར་བྱའོ།། བདེ་བ་ཆེན་པོའི་གནས་ཤེས་བྱ་བ་ནི་མགོའོ།། མགོ་ནས་རྐང་མཐིལ་གྱི་བར་དུ་རྩ་རྣམས་ཀྱིས་ཁྱབ་ནས་གནས་པའོ།། དབུགས་དང་སྲོག་གི་རླུང་དང་བྱང་ཆུབ་ཀྱི ་སེམས་དེ་གསུམ་ནི་རྣམ་པར་ཤེས་པའི་གྲོགས་སོ།། དེ་གསུམ་ནི་རྩ་ན་རྒྱུ་བའོ།། དེ་རྣམས་ནང་ན་རྩ་གསུམ་རབ་ཅེས་བྱ་བ་ལ་སོགས་པ་ལ། ཅིའི་ཕྱིར་རབ་ཅེས་བྱ་ཞེ་ན། ནང་དུ་འདྲེན་པར་བྱེད་པ་དང་། འབྱུང་བར་བྱེད་པའོ།། དེའི ་ཕྱིར་ན་རབ་ཅེས་བྱའོ།། ལུས་གཡོན་ཕྱོགས་ཀྱིས་ནང་དུ་འདྲེན་པར་བྱེད་པ་དང་། ཕྱིར་འབྱུང་བར་བྱེད་པ་ནི་རྐྱང་མའོ།། གཡས་ཕྱོགས་ཀྱི་ནང་དུ་འདྲེན་པར་བྱེད་པ་དང་། འབྱུང་བར་བྱེད་པ་ནི་རོ་ཅན་མའོ།། བར་དུ་གནས་པར་བྱེད་པ་ནི ་རྐུན་འཇོམས་མའོ།། དེ་དག་ནི་དོན་དམ་པར་གཅིག་གོ། དཔེར་ན་ཐག་པ་གཅིག་སྡོང་པོ་ལ་བཏགས་ནས་བྱིས་པ་ལ་སོགས་པ་དཔྱད་མོ་ཉུག་པའི་བྱ་བ་བྱེད་པ་དེ་བཞིན་དུ་བྱིས་པ་རྐང་པ་འཇོག་པ་ལྟ་བུའི་ལྟེ་བའི་དཀྱིལ་འཁོར་རོ།། ཅིའི ་ཕྱིར་བར་ཞེས་བྱ་ཞེ་ན། ནང་དུ་འཇུག་པའི་རླུང་ངལ་བསོ་བའི་ཕྱིར་བར་ཞེས་བྱའོ།། དེར་རྣམ་པར་ཤེས་པ་གནས་པར་འགྱུར་བའི་ཚེ་སྤྲོས་པ་ཐམས་ཅད་བྲལ་བར་འགྱུར་རོ།། དབུས་ཀྱི་ཕྱོགས་སུ་ཀུན་འཇོམས་མ་ཞེས་བྱ་བ་ལ་སོགས ་པོ་ལ། རྟེན་དང་བརྟན་ཅན་གྱི་འབྲེལ་པས་ཀུན་འཇོམས་མ་ལ་གཟུང་འཛིན་དང་བྲལ་བ་ཞེས་བྱའོ།། མི་ཤིགས་ཞེས་བྱ་བ་ནི་སྙིང་ཁ་ན་གནས་པ་ཞེས་བྱའོ།། ཕྲ་མོ་གཟུགས་ཅན་མ་ཞེས་བྱ་བ་ནི་དཔྲལ་བ་ནའོ།། ལེགས་ལྡན ་ཞེས་བྱ་བ་ནི་སྨིན་མ་གཉིས་ཀྱི་བར་ནའོ།། གཡོན་མ་ཞེས་བྱ་བ་ནི་གཡོན་གྱི་ཕྱོགས་ཀྱི་རྩིབས་རིངས་ཀྱི་སྣ་ནའོ།། གཡོན་ཅན་མ་ཞེས་བྱ་བ་ནི་གཡས་ཀྱི་ཕྱོགས་ཀྱི་རྩིབ་རིངས་ཀྱི་སྣ་ནའོ།། རུ་སྦྲུལ་འབྱུང་མ་ཞེས ་བྱ་བ་ནི་གཡས་ཕྱོགས་ཀྱི་ཚིགས་པའི་འགྲམ་ནའོ།། དངོས་ཅན་མ་ཞེས་བྱ་བ་ནི་ཚིགས་པའི་གློ་གཡོན་ནའོ།། དབང་བསྐུར་ཞེས་བྱ་བ་ནི་མིད་པའི་ནང་ནའོ།། སྐྱོན་ཅན་ཞེས་བྱ་བའི་འབྲས་བུ་གཉིས་ཀྱིས་པར་གྱི་འོག་ནའོ།། དྲི་ཚན་མ ་ཞེས་བྱ་བ་ནི་གསོང་བའི་ལམ་ནའོ།། མ་མོ་རྣམས་ཞེས་བྱ་བ་ནི་སྨིན་མ་གཉིས་ལའོ།། ཀུན་ནུབ་ཅེས་བྱ་བ་ནི་གཡས་ཀྱི་རྣ་བ་ལའོ།། གྲངས་སྦྱིན་ཞེས་བྱ་བ་ནི་གཡོན་གྱི་རྣ་བ་ལའོ།། དྲོད་ཅན་མ་ཞེས་བྱ་བ་ནི་ལྟེ་བའི་འོག་ནའོ།། ཚད་མ ་ཞེས་བྱ་བ་ནི་གློ་བ་ལའོ།། ནག་མོ་ཞེས་བྱ་བ་ནི་མཆིན་པ་ལའོ།། སྤྱི་མ་ཞེས་བྱ་བ་ནི་རྐང་པ་གཡས་ཀྱི་སྒྱིང་ཁུང་ལའོ།། རྒྱུའི་སྐུ་ལ་སྦྱིན་མ་ཞེས་བྱ་བ་ནི་རྐང་པ་གཡོན་པའི་སྒྱིད་ཁུང་ལའོ།། སྦྱོར་བྱེད་ཅེས་པ་ནི་ལག་ངར་གཡས་ཀྱི་ནང་རོལ ་ནའོ།། དགའ་ཆེན་ཞེས་བྱ་བ་ནི་གཡོན་ཕྱོགས་ཀྱི་ལག་ངར་གྱི་ནང་རོལ་ནའོ།། གྲུབ་པ་མོ་ཞེས་བྱ་བ་ནི་རྐང་པ་གཡས་པའི་རྒྱུ་ཞུབས་ནའོ།། རྨོས་བྱེད་མ་ཞེས་བྱ་བ་ནི་རྐང་པ་གཡོན་པའི་རྒྱུ་ཞབས་ནའོ།། ཡང་དག་ཡིད་ཅེས་བྱ་བ་ནི་མཆོགས ་མ་ནའོ།། གསུམ་དཀྲིས་མ་ཞེས་བྱ་བ་ནི་ཀུན་འཇོམས་མ་དཀྲིས་པའོ།། འདོད་ཆགས་མ་ཞེས་བྱ་བ་ནི་ཕྲག་པ་གཉིས་ལོའོ།། ཁང་པ་མོ་ཞེས་བྱ་བ་ནི་རྒྱུ་མོ་ལའོ།། དྲག་མོ་ཞེས་བྱ་བ་ནི་ལྟག་ཁུད་ནའོ།། ཀརྐ་ཏ་ནི་ཞེས་བྱ་བ་ནི་ནུ་མ ་གཉིས་ལའོ།། བདུད་ཀྱི་ལས་སྨད་འཚོང་མ་ཞེས་བྱ་བ་ནི་གསང་བའི་རྡོ་རྗེའི་གློ་གཉིས་ནའོ།། སྲིད་པ་གསུམ་ཞེས་བྱ་བ་ནི་ལུས་ངག་ཡིད་གསུམ་གྱི་སྐྱེ་བ་ལའང་སྲིད་པ་གསུམ་ཞེས་བྱའོ།། དེ་འགྲུབ་པར་བྱ་བའི་ཕྱིར་རྩ་རྣམས་སྐྱེ་བར་འགྱུར། ་རོ།། རྩཝ་མེད་པར་གྱུར་ན་བྱང་ཆུབ་ཀྱི་སེམས་དང་། རང་འབྱུང་མེ་ཏོག་དང་། རྣམ་པར་ཤེས་པ་འདུ་བར་མི་འགྱུར་བས་ན་ལུས་ངག་ཡིད་གསུམ་གྱི་རྒྱུ་ཡིན་པར་བསྟན་ཏོ།། རྒྱུ་དེའི་ཕྱིར་རྩ་རྣམས་ནི་སྲིད་པའི་རང་བཞིན་ཡིན་པར་བརྟགས་པའོ།། སྔོ ་པའི་དབྱེ་བ་བསྟན་པར་བྱ་ཞེས་བྱ་བ་ནི་འགྲོ་བ་རིས་དྲུག་ལས་སྡོམ་པར་བྱེད་པས་ན་སྡོམ་པ་ཞེས་བྱའོ།། དེ་ལ་ཉན་ཐོས་ལ་སོགས་པའི་དབྱེ་བ་ཡོད་པས་ན་དབྱེ་བ་ཞེས་བྱའོ།། ཡང་ན་ཀུན་རྫོབ་དང་དོན་དམ་པ་མ་སྤངས་པར་རྣམ་པ་ཐམས་ཅད ་གོ་བས་ན་སྡོམ་པ་ཞེས་བྱའོ།། ཨཱ་ལི་ཀཱ་ལི་ཞེས་བྱ་བ་ནི་ཟླ་བ་དང་། ཉི་མ་དང་། གཡོན་དང་། གཡས་དང་། མཚན་མོ་དང་། ཉིན་མོ་དང་། ཐབས་དང་ཤེས་རབ་ལ་སོགས་པའི་རང་བཞིན་ནོ།། པདྨ་འདབ་མ་སུམ་ཅུ་རྩ་གཉིས་ཞེས་བྱ་བ་ནི ་དབུགས་འགྲོ་བ་དང་འོང་བ་དང་གྲངས་ཀྱི་འབྲེལ་པས་ལུས་ལ་རྩཝ་སུམ་ཅུ་རྩ་གཉིས་གནས་པའོ།། དེའི་རྣམ་པར་དག་པ་ནི་པདྨ་འདབ་མ་སུམ་ཅུ་རྩ་གཉིས་སོ།། དེ་ལྟ་བུའི་རིམ་པས་རྔ་ཡབ་དྲུག་ཅུ་རྩ་བཞི་རྣམ་པར་དག་པ་ནི་པདྨ་འདབ་མ ་དྲུག་ཅུ་རྩ་བཞིའོ།། ཉིན་དང་མཚན་དུ་དབུགས་ཕྱི་ནང་དུ་རྒྱུ་བ་གཉིས་ལས་བཅུ་དྲུག་པ་གཉིས་ལ་གཅིག་ཏུ་བརྩིས་ཏེ། དེའི་གྲངས་ཀྱི་འབྲེལ་པས་དུས་ཀྱི་འཕོ་བ་བཅུ་དྲུག་གོ། དེའི་རྣམ་པར་དག་པ་ནི་པདྨ་འདབ་མ་བཅུ་དྲུག་གོ།། ཉིན་དང ་མཚན་ལ་པྲ་ཧར་བརྒྱད་དོ།། དེའི་རྣམ་པར་དག་པ་ནི་པདྨ་འདབ་མ་བརྒྱད་དོ།། པྲ་ཧ་ར་རྣམ་པ་བཞི་ཞེས་བྱ་བ་ནི་དེའི་རྣམ་པར་དག་པ་ནི་འཁོར་ལོ་བཞིའོ།། ཧོམ་མ་བྱས་པར་འཇིག་རྟེན་དང་འཇིག་རྟེན་ལས་འདས ་པའི་དངོས་གྲུབ་མི་ཐོབ་པས་ན་ལུས་ལ་ཧོམ་ཤེས་པར་བྱའོ།། དེའི་ཕྱིར་ལྟེ་བར་ཙཎྜ་ལཱི་ནི་འབར་ཞེས་བྱ་བ་ལ་སོགས་པ་ལ། དེ་ལ་ལྟེ་བའི་དཀྱིལ་འཁོར་ནི་ཧོམ་ཁུང་ངོ་།། དེའི་དབུས་སུ་ཧོམ་གྱི་ལས་བྱའོ།། ཙཎྜ་ལའི་ཞེས་བྱ་བ་ནི་ཤེས ་རབ་བོ།། ཤེས་རབ་དེའི་རང་བཞིན་ཇི་ལྟ་བུ་ཞེ་ན། རང་རང་གིས་གོ་བྱའོ།། རྡོ་རྗེ་པདྨའི་རྣལ་འབྱོར་གྱིས་འབར་བའོ།། ཅིའི་ཕྱིར་འབར་བ་ཞེས་བྱ་ཞེ་ན། ལངས་པས་ན་འབར་བ་ཞེས་བྱའོ།། དེ་བཞིན་གཤེགས་པ་ལྔ་ཞེས་བྱ་བ་ནི་རྣམ་པར་རྟོག ་པ་ལྔའོ།། བསྲེགས་ཞེས་བྱ་བ་ནི་སྟོང་པར་བྱེད་པའོ།། སྤྱན་མ་ལ་སོགས་པ་ཞེས་བྱ་བ་ནི། ཁམས་དང་། སྐྱེ་མཆེད་དང་ཕུང་པོའོ།། དེ་ནི་ཤིང་ངོ་།། བསྲེགས་ཞེས་བྱ་བ་ནི་བཤད་མོ་ཐུག་པ་དེ་སྲེག་པར་བྱེད་པའོ།། ཐ་མར་དགང་གཟར་གྱིས ་བླུགས་པར་བྱ་བ་བསྟན་པའི་ཕྱིར། ཧཾ་བསྲེགས་པས་ནི་ཟློ་བ་ཞུ་ཞེས་བྱ་བ་ནི་ཤིང་ཐམས་ཅད་བསྲེགས་པས་སྐུའི་འཁོར་ལོ་ཧཾ་དང་བཅས་པ་ཐུར་དུ་བལྟ་བའི་ཁ་འཇུ་བར་འགྱུར་རོ།། དེ་ནི་དགང་གཟར་གྱི་རང་བཞིན་གོང་དུ་བཤད་མ་ཐག་པ་ལ་ཞུ་བ ་ཞེས་བྱའོ།། ཅི་ཞིག་ཞུ་ཞེས། བྱང་ཆུབ་སེམས་བདུད་རྩིའི་རང་བཞིན་དུ་ཞུ་བའོ།། དེའི་གཟུགས་ནི་དགང་གཟར་གྱི་མར་ཁུ་བླུགས་པ་བཞིན་དུའོ།། དེས་དགའ་བར་གྱུར་པས་གང་འདོད་པའི་འབྲས་བུ་སྦྱིན་པར་འགྱུར་རོ།། པདྨའི་མྱུ་གུ་རྡོ་རྗེས ་ཀྱེའི་རྡོ་རྗེའི་ལེའུ་དང་པོའི་འགྲེལ་པ་མཛད་པ་རྫོགས་སོ།། ། ཚྭ་བ་དབབ་པའི་ཆོ་ག་དང་། སྤྲིན་གཏོར་བ་དང་། དཀར་རྩི་བསྒྲུབ་དང་། དངོས་གྲུབ་དང་། ཚ་བའི་རིམ་གྱི་ཆོ་ག་དང་། ཆང་སྐྱུགས་པ་དང་། དབང་དུ་བྱ་བ་དང་། ་ཉི་ཟླ་གཟུང་བའོ།། དེ་དག་ལ་ནི་དངོས་གྲུབ་ཕྲ་མོ་ཞེས་བྱའོ།། དེ་དག་གི་དང་པོ་གྲུབ་པའི་རྣལ་འབྱོར་ནི་ཀྱེའི་རྡོ་རྗེ་ཕྱག་བཅུ་དྲུག་པ་བསྒོམ་པར་བྱའོ།། གཞན་རྣམས་ནི་རིམ་པ་ཇི་བཞིན་དུ་བཛྲི་དང་། གཽ་རཱི་དང་། བཱ་རཱི་དང་། བཛྲ ་ཌཱ་ཀི་ནཱི་དང་། ནཱཾ་རཱཏྶི་ཀ་དང་། བྷཱུ་ཙ་རཱི་དང་། ཁཾ་ཙ་རིའོ།། དེ་བདུན་གྱི་རྣལ་འབྱོར་གྱི་སོ་སོར་བསྒྲུབ་པར་བྱའོ།། སོ་སོར་བསྟན་པ་དེ་ནི་མཚན་པ་ཙམ་ཞིག་བསྟན་པ་ཡིན་གྱི། གཅིག་གིས་ཀྱང་དངོས་གྲུབ་ཐམས་ཅད་འགྲུབ་པར ་བསྟན་ཏོ།། ཅིའི་ཕྱིར་མཚོན་པ་ཙམ་བསྟེན་ཞེ་ན། ཐམས་ཅད་ནུས་མོད་ཀྱི་ལས་ཀྱི་གཙོ་བོ་བསྟན་པའོ།། དེ་བས་ན་མཚོན་པ་ཙམ་སྨོས་པའོ།། ཚིག་དེ་དག་གིས་ནི་དངོས་གྲུབ་ཕྲ་མོ་རྣམས་ལྷའི་རྣལ་འབྱོར་ཙམ་གྱིས་འགྲུབ་པར་བསྟན ་ཏོ།། ཕྱག་རྒྱ་ཆེན་པོའི་དངོས་གྲུབ་གང་ཡིན་ཞེ་ན། དེ་བཞིན་གཤེགས་པའོ།། དེ་ལ་དེ་བཞིན་གཤེགས་པའི་ལས་ནི་སེམས་ཅན་གྱི་དོན་བྱེད་པའོ།། དེ་ནི་ཐབས་བཞི་མེད་པར་མི་འགྲུབ་པས་ཐབས་བཞི་ནི་བསྙེན་པ་དང་། ཉེ་བའི་བསྐྱེ ་པ་དང་། སྒྲུབ་པ་དང་། སྒྲུབ་པ་ཆེན་པོ་དང་། དེ་དག་གི་བྱེ་བྲག་ནི་བསྙེན་པ་དང་། བར་མ་དང་ཆེན་པོ་དང་། དེ་ལས་ཀྱང་ཆེ་བར་གྱུར་པའོ།། ཚིག་དེ་དག་གིས་དོན་གང་བསྟན་ཞེ་ན། རྡོ་རྗེའི་ས་གཞི་དང་། བསྲུངས་པའི ་འཁོར་ལོ་དང་། དེའི་དབུས་སུ་དཀྱིལ་འཁོར་གྱི་འཁོར་ལོ་དང་། དེའི་དབུས་སུ་མངོན་པར་བྱང་ཆུབ་པའི་རིམ་པས་སྐུ་རྫོགས་པར་བྱས་པའོ།། དེ་ནས་ཞུ་བར་འགྱུར་རོ།། དེ་ནས་ལྷ་མོ་བཞིས་དེ་ལ་བསྐུལ ་ནས་གཙོ་བོ་བཞེངས་པར་བྱེད་དོ།། དེའི་སྐྱེ་མཆེད་བྱིན་གྱིས་བརླབ་པ་དང་། འཁོར་ལོ་བཞིས་བྱིན་གྱིས་བརླབ་པ་དང་། དབང་བསྐུར་བའོ།། རང་གི་དེ་བཞིན་དུ་ཤེས་རབ་མ་དང་། དཀྱིལ་འཁོར་འཁོར་ལོའི་ལྷ་རྣམས་ཀྱང་དེ་བཞིན ་དུ་བྱའོ།། དེ་དག་མེད་པར་ཕྱག་རྒྱ་ཆེན་པོའི་དངོས་གྲུབ་འགྲུབ་པར་མི་འགྱུར་རོ།། དེ་དག་གི་དོན་ནི། དེ་བཞིན་གཤེགས་པས་བསྟེན་པར་བྱ་སྟེ། དེའི་ཕྱིར་དང་པོ་སྟོང་ཉིད་བྱང་ཆུབ་ཕྱིར།། གཉིས་པས་ས་བོན་ཡང་དག་གཟུང ་གསུམ་པ་གཟུགས་བརྙན་གྲུབ་པ་སྟེ།། བཞི་པ་ལ་ནི་ཡི་གེ་དགོད།། པདྨ་རྡོ་རྗེ་མྱུ་གུས་མཛད་པའི་ཀྱེའི་རྡོ་རྗེའི་ལེའུ་གཉིས་པའི་འགྲེལ་པ་རྫོགས་སོ།། ། བྱམས་པ་བསམ་པར་བྱ་ཞེས་བྱ་བ་ནི། གང་ཕན་པ ་སྟོན་པར་བྱེད་པ་དང་། བང་བ་སྦྱིན་པར་བྱེད་པའོ།། དེ་ལྟ་བུའི་སེམས་ལ་བྱམས་པ་ཞེས་བྱའོ།། སེམས་ཅན་ཐམས་ཅད་ཀྱི་སྡུག་བསྔལ་དང་། སྡུག་བསྔལ་གྱི་རྒྱུ་དེ་གཉིས་དང་བྲལ་བར་འདོད་པོ་ལ་སྙིང་རྗེ་ཞེས་བྱའོ།། སེམས ་ཅན་ཐམས་ཅད་ཀྱི་ཡིད་མི་དགའ་བ་བདག་གིས་དགའ་བར་བྱ་བ་དང་། གང་འདོད་པོ་སྦྱིན་པར་བྱེད་པ་ལ། དགའ་བ་ལ་ནི་གསུམ་པ་དགའ་བ་བསམ་པར་བྱ་ཞེས་བྱའོ།། སེམས་ཅན་གདུལ་བར་དགའ་བོ་དང་། ཐབས ་མེད་པར་གདུལ་བར་མི་ནུས་པ་དང་། ཆགས་པ་ཆེན་པོ་དང་ལྡན་པའི་སེམས་ཅན་གྱི་སྐྱོན་གཅིག་ཀྱང་ཉམས་སུ་མི་ལེན་པ་ལ་བཏང་སྙོམས་ཞེས་བྱའོ།། དང་པོ་སྟོང་ཉིད་བྱང་ཆུབ་ཕྱིར་ཞེས་བྱ་བ་ལ་སོགས་པ་ལ། དེ་དག་གིས ་བསྙེན་པ་ལ་སོགས་པ་ཡན་ལག་བཞི་བསྟན་པར་བྱ་སྟེ། བསྙེན་པ་དང་། ཉེ་བའི་བསྙེན་པ་དང་། སྒྲུབ་པ་དང་། སྒྲུབ་པ་ཆེན་པོའི་དེ་བཞིའི་འབྲས་བུ་བསྟན་པར་བྱ་སྟེ། འདྲ་བར་འབྱུང་བའི་འབྲས་བུ་དང་། རྣམ་པར་སྨིན་པའི ་བྲས་བུ་དང་། སྐྱེས་བུ་བྱེད་པའི་འབྲས་བུ་དང་། དྲི་མ་མེད་པའི་འབྲས་བུའོ།། དེ་ནི་ཡན་ལག་བཞིའི་འབྲས་བུ་དང་བཅས་པའི་མཚན་ཉིད་བསྟན་པར་བྱ་སྟེ། ལྷ་མོ་བཞིས་བསྐུལ་ནས། གཙོ་བོ་བཞེངས་པ་ལ་ནི་བསྙེན ་པའི་བསྙེན་པའི་ཡོན་ལག་དང་འདྲ་བར་འབྱུང་བའི་འབྲས་བུ་ཞེས་བྱའོ།། མིག་ལ་སོགས་པའི་སྐྱེ་མཆེད་བྱིན་གྱིས་བརླབས་པ་ནི་བསྙེན་པའི་ཉེ་བའི་སྒྲུབ་པའི་ཡན་ལག་དང་། རྣམ་པར་སྨིན་པའི་འབྲས་བུ་ཞེས་བྱའོ།། ་འཁོར་ལོ་བཞིས་བྱིན་གྱིས་བརླབས་པ་ནི། བསྙེན་པའི་སྒྲུབ་པ་དང་། སྐྱེས་བུ་བྱེད་པའི་འབྲས་བུ་ཞེས་བྱའོ།། དབང་བསྐུར་བ་ལ་ནི་བསྙེན་པའི་སྒྲུབ་པ་ཆེན་པོ་དང་། དྲི་མ་མེད་པའི་འབྲས་བུ་ཞེས་བྱའོ།། ཤེས ་རབ་མའི་ཡང་སྐུ་རྫོགས་པ་ལ་སོགས་པ་ལ་བར་གྱི་བསྙེན་སྒྲུབ་ཡན་ལག་བཞི་ཞེས་བྱའོ།། དེའི་འབྲས་བུ་བཞི་ཡང་དེ་བཞིན་དུ་ཤེས་པར་བྱའོ།། དེ་དཀྱིལ་འཁོར་གྱི་འཁོར་ལོའི་ལྷ་རྣམས་ཀྱི་སྐུ་རྫོགས་པ་ལ་སོགས ་པ་ལ་ཆེན་པོའི་བསྟེན་སྒྲུབ་ཡན་ལག་བཞི་ཞེས་བྱའོ།། འདྲ་བར་འབྱུང་བའི་འབྲས་བུ་ལ་སོགས་པ་ལ་ཆེན་པོའི་འབྲས་བུ་བཞི་ཞེས་བྱའོ།། དང་པོ་སྟོང་ཉིད་ཅེས་བྱ་བ་ལ་སོགས་པ་ནི་བསྙེན་པའི་བསྟན ་པ་ལ་སོགས་པ་སྤྱིའི་རྒྱུ་ཡིན་པར་བསྟན་ཏོ།། དེའི་བྱེ་བྲག་བསྟན་པར་བྱ་སྟེ། རཾ་བསྒྱུར་ཉི་མ་བདུན་དུ་བསྒོམ།། དེ་ཉིད་ཉི་མའི་སྟེང་དུ་ནི།། ཧཱུཾ་བྱུང་སྣ་ཚོགས་རྡོ་རྗེ་ཉིད།། རྡོ་རྗེ་དེ་ལས་རྡོ་རྗེ་ཡང་ནས་ཡང་དུ་སྤྲོས་པ་ལས་རྡོ་རྗེའི་ས་གཞི ་བསམ་པར་བྱའོ།། དེ་ནས་རྡོ་རྗེ་ར་བ་དང་རྡོ་རྗེ་གཟབ་བོ།། དེ་དག་བསམ་པར་བྱའོ།། དང་པོ་རོ་ནི་བསམ་པར་བྱ་ཞེས་བྱ་བ་ལ་སོགས་པ་ལ། དཀྱིལ་འཁོར་འཁོར་ལོའི་ནང་དུ་པདྨ་འདབ་མ་བརྒྱད་པ་བསྐྱེད་ལ་དེའི་ཟེ་འབྲུ་ལ་ཞིང་ཆེན་བསམ ་པར་བྱའོ།། རང་གི་སྙིང་གར་རཾ་ཡིག་བསམ་ཞེས་བྱ་བ་ནི་རྣལ་འབྱོར་པས་ཡིད་དུ་འོང་བའི་གནས་སུ་འདུག་ལ་དེ་ནས་རང་གི་སྙིང་གར་ཡི་གེ་རཾ་བསམ་པར་བྱའོ།། དེ་བསྒྱུར་བ་ཉི་མའི་དཀྱིལ་འཁོར་ཏེ། དེའི་སྟེང་དུ་ཧཱུཾ་ཉིད་དང་ལས ་རྡོ་རྗེ་བསམ་པར་བྱའོ།། དེའི་བུམ་པར་ཧཱུཾ་བསམ་པོར་བྱའོ།། དེས་འོད་ཟེར་དཔག་ཏུ་མེད་པ་སྤྲོས་ནས་ཧེ་རུ་ཀ་གོ་རཱི་ལ་སོགས་པ་ལྷ་མོ་བརྒྱད་དང་བཅས་པ་བཀུག་ནས་ན་མཁའ་ལ་བསམ་པར་བྱའོ།། རང་གི་སྙིང་ག་ནས་གཽ་རཱི་ལ་སོགས ་པ་སྤྲོས་ལ་ཕྱི་ནང་གསང་བའི་མཆོད་པ་བྱས་པར་བསམ་མོ།། དེ་ནས་དེའི་སྔོན་དུ་སྡིག་པ་བཤགས་པ་ལ་སོགས་པ་བྱའོ།། དེ་ན་གཤེགས་སུ་གསོལ་ལོ།། སྔོན་དུ་བསྟན་པའི་ཆོས་དབྱིངས་ཀྱི་བདག་ཉིད་ཞིང་ཆེན་གྱི་སྟེང་དུ། ་ཨཱ་ལི་ཀཱ་ལི་ཞེས་བྱ་བ་ལ་སོགས་པ་ལ། དེ་ལ་ཨ་ལ་སོགས་པ་ལས་ཟླ་བའི་དཀྱིལ་འཁོར་བསམ་པར་བྱའོ།། ཀ་ལ་སོགས་པ་ལས་ཉི་མའི་དཀྱིལ་འཁོར་བསམ་པར་བྱའོ།། དེ་གཉིས་ཀྱི་བར་དུ་ས་བོན་བསམ་པར ་བྱའོ།། ས་བོན་ནི་གོང་དུ་ཁ་དོག་ནུག་པོ་འཇིགས་སུ་རུང་། ཞེས་བྱ་བ་ལ་སོགས་པ་དང་འབྲེལ་པར་ཤེས་པར་བྱའོ།། ཧཱུཾ་གྱུར་པ་ལས་རྡོ་རྗེར་བསམ་པར་བྱའོ།། དེ་ལཾ་ཧཱུཾ་གིས་མཚན་པར་ཤེས་པར་བྱའོ།། དེ ་ལྷོར་བསྒོམ་པར་བྱའོ།། ཉི་ཟླ་དང་རྡོ་རྗེ་བུམ་པའི་ཧཱུཾ་དང་བཅས་པ་དེ་དག་ཁ་དོག་སྔོན་པོའོ།། དེ་དག་ཐམས་ཅད་གྱུར་པ་ལས་རྡོ་རྗེ་གཏམས་པ་ནུག་པོ་ཆེ། ཞེས་བྱ་བ་ལ་སོགས་པ་དང་འབྲེལ་པར་ཤེས་པར་བྱའོ། ་ཚིག་དེ་དག་གིས་ཅི་ཞིག་བསྟན་ཞེ་ན། མངོན་པར་བྱང་ཆུབ་པ་རྣམ་པ་ལྔའི་རིམ་པཱ་རྣམ་བྱོས་གོང་དུ་བསྟན་པའི་ཞིང་ཆེན་གྱི་སྟེད་དུ་ཧེ་རུ་ཀ་བསྒོམ་པར་བྱའོ།། བོ་ཤད་མ་ཐག་པ་དེ་སྔོན་དུ།། དང་པོ་རོ་ནི་རྣམ་པ ་བསམ། ཞེས་བྱ་བ་ལ་སོགས་པ་དང་འབྲེལ་པར་ཤེས་པར་བྱའོ།། སེམས་དཔའ་ཞེས་བྱ་བ་དེ་ཉིད་བསུངས་ཞེས་བྱ་བ་ནི། དེ་ནི་འོག་ཏུ་འབྲེལ་པར་ཤེས་པར་བྱའོ།། ཚིག་ངེས་ནི་རྡོ་རྗེ་སེམས་དཔའ་ཉིད་དོ།། ་བདེ་མཆོག་དགའ་བའི་རང་བཞིན་ཞེས་བྱ་བ་ནི་སེམས་ཅན་ཐམས་ཅད་ཀྱི་རང་བཞིན་ཞེས་བྱ་བའིསྙིང་ཡང་ངོགུག་བྱས་ཡང་དག་བསྡུ། ཞེས་བྱ་བ་ལ་སོགས་པ་ལ། རྡོ་རྗེ་པདྨའི་སྒྲས་དེ་བཞིན་གཤེགས ་པ་ཐམས་ཅད་འགུག་ནས་སྙིང་གར་ཞུགས་པར་བསམ་པར་བྱའོ།། དེ་བྱང་ཆུབ་ཀྱི་སེམས་སུ་ཞུནས་པདྨའི་ནང་དུ་དབབ་པར་བྱའོ།། དེ་ལས་རང་གི་ལུས་ལྟ་བུའི་རྣལ་འབྱོར་མ་རྣམས་སྤྲོ་བར་བྱའོ།། ་སྤྲོས་ནུས་ན་མཁའི་ཁམས་ཐམས་ཅང་དུ་ཁྱབ་པར་བྱའོ།། དེ་ནས་སླར་བཀུག་ནས་དཀྱིལ་འཁོར་ལ་དགོད་པར་བྱའོ།། ཇི་ལྟར་ཀྱེའི་རྡོ་རྗེའི་ཞལ་བརྒྱད་པ་འཇུ་བར་བསྟན་པ་དེ་བཞིན་དུ་འདི་ཡང་འཇུ་བར་འགྱུར་རོ།། ལྷ ་མོ་བཞིའི་གླུས་བསྐུལ་ནས་བཞེངས་པར་བྱའོ།། དེའི་དོན་གོ་བར་བྱ་བའི་ཕྱིར། རྣལ་འབྱོར་ཞེ་སྡང་བདག་ཉིད་འགྱུར་ཞེས་བྱ་བ་ལ་སོགས་པས་བསྟན་ཏོ།། དེས་ནི་འབྲས་བུའི་རང་བཞིན་བསྟན་ཏོ།། མདོག་སྔོན་བག་ཞད ་དམར་བ་ཞེས་བྱ་བ་ལ་སོགས་པས་ནི་འབྲས་བུའི་ཡོན་ཏན་བསྟན་ཏོ།། དེའི་རིམ་པས་ཕྱག་བཞི་པ་དང་ཕྱག་དྲུག་པ་ཡང་བཞེངས་པར་ཤེས་པར་བྱའོ།། པདྨའི་མྱུ་གུ་རྡོ་རྗེས་མཛད་པའི་ཀྱེའི་རྡོ་རྗེའི་ལེའུ་གསུམ་པའི ་འགྲེལ་པ་རྫོགས་སོ།། །། དཔེར་ན་རྒྱལ་པོར་དབང་མ་བསྐུར་བར་རྒྱལ་པོའི་བྱ་བ་བྱེད་མི་ནུས་པ་དེ་བཞིན་དུ་དེ་བཞིན་གཤེགས་པ་ལ་ཆོས་ཀྱི་རྒྱལ་པོའི་དབང་མ་བསྐུར་བར་ཆོས་བཤད་མི་ནུས་པས་ན་དབང་བསྐུར ་བའི་ལེའུ་བཤད་པར་བྱའོ།། རང་སྙིང་འོད་ཟེར་སྤྲོ་བྱས་ནས། ཞེས་བྱ་བ་ནི་མངོན་པར་བྱང་ཆུབ་པ་རྣམ་པ་ལྔའི་རིམ་པས་རྫོགས་པར་འགྱུར་རོ།། དེ་ནས་ས་བོན་ཟླ་བ་ལྟ་བུར་འགྱུར་རོ།། དེ་ལ་བསྐུལ་བའི་དབང་གིས ་བཞེངས་པར་འགྱུར་རོ།། དེ་ལ་འཁོར་ལོ་བཞི་བྱིན་གྱིས་བརླབ་པར་བྱའོ།། དེ་ནས་སྙིང་གའི་འཁོར་ལོ་ལ་གནས་པའི་ས་བོན་ལས་འོད་ཟེར་འཕྲོས་ནུས་ཕྱོགས་བཅུ་ན་གནས་པའི་དེ་བཞིན་གཤེགས་པ་བཀུག་ནས། ་འོད་ཟེར་ནག་པོ་ལྕགས་ཀྱུ་འདྲ་ཞེས་བྱ་བ་ནི། མིག་གཡས་པ་མ་ལས་ཉི་མ་བསམ་མོ།། མིག་གཡོན་པ་ཊུ་ལས་ཟླ་བ་བསམ་པར་བྱའོ།། དེ་ལས་འོད་ཟེར་ལྕགས་ཀྱུ་ལྟ་བུ་སྤྲོ་བར་བྱའོ།། དེ་ནས་དགུག་པའི་ལྷ་སྟངས་བྱའོ།། ་དེ་ནས་མིག་འཁྱིལ་པར་བྱ་བ་དང་། རྫི་མ་བརྡབ་པར་བྱའོ།། ཚིག་དེ་དག་གིས་ཧེ་རུ་ཀ་རྫོགས་པར་བསྟན་ཏོ།། དེ་ལྟ་བུའི་རིམ་པས་མཆོག་གི་བསྙེན་པའི་ཡན་ལག་ལ་སོགས་པ་དུས་གསུམ་དུ་རྟག་པར་བསྒོམ་པའི་རྣལ ་འབྱོར་པས་ཕྱག་རྒྱ་ཆེན་པོའི་དངོས་གྲུབ་ཐོབ་པར་འགྱུར་རོ།། དེས་ལྟ་བུའི་དོན་བསྟན་ཏོ།། ཚིག་གང་གིས་བསྟན་ཞེ་ན། མཆོག་གི་དངོས་གྲུབ་ཡེ་ཤེས་བདུད་རྩིས་འགྲུབ་ཅེས་གསུངས་སོ།། པདྨའི་མྱུ་གུ་རྡོ་རྗེས་མཛད་པའི་ཀྱེའི ་རྡོ་རྗེའི་ལེའུ་བཞི་པའི་འགྲེལ་པ་རྫོགས་སོ།། །། རང་བཞིན་གྱིས་ནི་གཟུགས་ཀྱང་མེད་ཅེས་བྱ་བ་ལ་སོགས་པ་ལ། དེ་ལ་གཟུགས་ནི་རྣམ་པ་གཉིས་ཏེ། ཁ་དོག་དང་དབྱིབས་སོ།། དེའི་བྱེ་བྲག་རྣམ་པ་ཉི་ཤུ་སྟེ། སྔོན ་པོ་དང་སེར་པོ་དང་དམར་པོ་དང་དཀར་པོ་དང་། རིང་པོ་དང་། ཐུང་ངུ་དང་ཟླུམ་པོ་དང་། ཕྱ་ལེ་བ་དང་། མཐོན་པོ་དང་། དམའ་བ་དང་། གྲུ་བཞི་དང་། མི་མཉམ་པ་དང་སྤྲིན་དང་། དྲོ་བ་དང་། རྡུལ་དང་ཁུག་རྣ་དང་། གྲིབ་མ་དང ་ཉི་མ་དང་། སྣང་བ་དང་། མུན་པའོ།། སྣང་བ་ནི་ཟླ་བ་དང་། སྐར་མ་དང་། མེ་དང་སྨན་དང་། རིན་པོ་ཆེའོ།། དེ་དག་གི་འོད་ཟེར་ལ་སྣང་བ་ཞེས་བྱའོ།། སྒྲ་མེད་ཐོས་པ་པོ་ཡང་མེད། ཅེས་བྱ་བ་ལ་དེ་ནི་རྣམ་པ་བརྒྱད ་དེ། བསྐྱེད་པའི་སྒྲ་འབྱུང་བ་ཆེན་པོའི་རྒྱུ་ལས་བྱུང་བ་དང་། མ་སྐྱེས་པའི་སྒྲ་འབྱུང་བ་ཆེན་པོའི་རྒྱུ་ལས་བྱུང་བ་དང་། སེམས་ཅན་གྱི་སྒྲ་དང་། སེམས་ཅན་མ་ཡིན་པའི་སྒྲ་དང་། སྙན་པའི་སྒྲ་དང་། མི་སྙན་པའི་སྒྲའོ།། ཐལ་མོ་བརྡབས ་པ་ལ་སོགས་པའི་སྒྲ་ནི་བསྐྱེད་པའི་སྒྲ་འབྱུང་བ་ཆེན་པོའི་སྒྲ་ལས་བྱུང་བ་ཞེས་བྱའོ།། རླུང་དང་ནགས་ཚལ་དང་། ཆུ་རླུང་དང་དེ་དག་གི་སྒྲ་ལ་ནི་མ་སྐྱེས་པའི་སྒྲ་འབྱུང་བ་ཆེན་པོའི་རྒྱུ་ལས་བྱུང་བ་ཞེས་བྱའོ།། ངག་གི་སྒྲ་ལ་ནི་སེམས་ཅན ་གྱི་སྒྲ་ཞེས་བྱའོ།། བྲག་ཚ་ལ་སོགས་པའི་སྒྲ་ལ་ནི་སེམས་ཅན་མ་ཡིན་པའི་སྒྲ་ཞེས་བྱའོ།། དྲི་མེད་ཚོར་བ་པོ་ཡང་མེད་ཅེས་བྱ་བ་ལ། དྲི་ནི་རྣམ་པ་བཞི་སྟེ། དེ་ལ་དྲི་ཞིམ་པ་དང་། དྲི་མི་ཞིམ་པ་དང་། གཉིས་འདྲེས་པ་དང་། དྲི་གཉིས ་ཀ་མ་ཡིན་པའོ།། རོ་མྱེད་མྱོང་བ་པོ་ཡང་མེད་ཅེས་བྱ་བ་ལ། རོ་ནི་རྣམ་པ་དྲུག་སྟེ། མངར་དང་སྐྱུར་བ་དང་ཁ་བ་དང་། ལན་ཚྭ་དང་། ཚ་བ་དང་། བསྐ་བའོ།། རེག་མེད་རེག་པ་པོ་ཡང་མེད་ཅེས་བྱ་བ་ལ་དེ་ནི་རྣམ་པ་བཅུ་གཅིག་སྟེ། འགྱུ ་བ་ཆེན་པོ་བཞི་དང་། ཤིན་ཏུ་གྲང་བ་དང་། ཤིན་ཏུ་དྲོ་བ་དང་། དེ་གཉིས་འདྲེས་པ་དང་། འཇིམ་པ་དང་རྩུབ་པ་དང་། དེ་གཉིས་འདྲེས་པ་དང་། གཉིས་ཀ་མ་ཡིན་པའོ།། དེ་དག་ཇི་ལྟར་མེད་ཅེ་ན། རྡུལ་ཕྲ་རབ་གཅིག་དང་དུ་མ ་གཉིས་ཀ་ཡང་མེད་དོ།། ཇི་ལྟར་མེད་ཎཱ་ནཱ། རྡུལ་ཕྲ་རབ་གཅིག་ལ་ཐོག་མ་དང་ཐ་མ་དང་བར་མི་དམིགས་པས་གཅིག་པ་མེད་དོ།། དེའི་ཕྱིར་དུ་མ་ཡང་མེད་དོ།། གཏན་ཚིགས་དེའི་ཕྱིར་དུས་གསུམ་དུ་རྟག་པར་གནས་ནས ་ལོངས་སྤྱོད་པའི་སྐྱེས་བུ་མེད་དོ།། ཅིའི་ཕྱིར་དུས་གསུམ་དུ་ལོངས་མི་སྤྱོད་ཅེ་ན། འདས་པའི་དུས་ནི་འགགས་པ་དང་མ་འོངས་པའི་དུས་ནི་མ་སྐྱེས་པ་དང་། ངུས་པར་མ་ནི་ཁབ་ཀྱི་རྩེ་མོ་ལ་ཡུངས་ཀར་གྱི་འབྲས་བུ་མི་གནས ་བྱ་བཞིན་དུ་གནས་པར་མི་འགྱུར་རོ།། སྐྱོད་བྱེད་མ་དང་ཞེས་བྱ་བ་ལ་སོགས་པའི་ཚིག་གིས་ནི་དོན་དམ་པར་འབྲེལ་པ་མེད་པར་བསྟན་ཏོ།། ཅིའི་ཕྱིར་དོན་དམ་པར་འབྲེལ་པ་མེད་ཅེ་ན། ཕན་ཚུན་བལྟོས་པ་མ་ཡིན་པའི་ཕྱིར། ་རོ།། གང་མ་སྐྱེས་པ་ལྟོས་པ་མེད་དོ།། ཅིའི་ཕྱིར་བལྟོས་པ་མེད་ཅེ་ན། མེད་པ་ཡིན་པས་སོ།། གང་རང་བཞིན་ཡོད་པ་ལ་ནི་བལྟོས་པ་མེད་དོ།། གར་མཁན་ཆོས་མཁྱེན་དེ་བཞིན་དུ་ཞེས་བྱ་བ་ལ་སོགས་པས་ནི་དོན་དམ་པར་རིགས། ་མེད་པར་བསྟན་ཏོ།། ཅིའི་ཕྱིར་མེད་ཅེ་ན། བོགས་པ་དང་ཤ་དང་ཁྲག་དང་། རུས་པ་དང་རྐང་དང་། ཚིལ་དང་། ཁུ་བའོ།། དངོས་པོ་དེ་དག་ནི་བྲམ་ཟེ་དང་། གདོལ་པ་ལ་སྩོགས་པ་ཀུན་ལ་ཡོད་པའི་ཕྱིར་རིགས་མེད་པར ་བསྟན་ཏོ།། གསང་བར་མ་བྱས་ཞེས་བྱ་བ་ལ་སོགས་པ་ལ་དམ་ཚིག་མེད་པ་གང་གིས་ཤེས་པས། བྱང་ཆུབ་སེམས་དཔའ་ལ་སེམས་ངན་པར་བྱས་པས་དམྱལ་བར་འགྲོ་བར་འགྱུར་རོ།། བྱང་ཆུབ་སེམས་དཔའ་ནི་སེམས ་ཅན་ཐམས་ཅད་ལ་ཕན་པར་བྱ་བར་སྨོན་ལམ་བཏབ་པས་ན་དེ་ལ་ཉམས་པར་འགྱུར་རོ།། རྡོ་རྗེ་ཞེས་བྱ་བ་ནི་ཡེ་ཤེས་རྣམ་པ་ལྔའི་རང་བཞིན་རྣམ་པར་སྣང་མཛད་དང་། མི་བསྐྱེད་པ་དང་། རིན་ཆེན་འབྱུང་ལྡན་དང་། ་སྣང་བ་མཐའ་ཡས་དང་། དོན་ཡོད་གྲུབ་པ་སྟེ། དེ་དག་ལ་རིགས་ལྔ་ཞེས་བྱའོ།། ཚིག་དེ་དག་གིས་ནི་དོན་འདི་སྟོན་པར་བྱེད་དེ། མ་ལ་སོགས་པའི་བུད་མེད་གང་རྙེད་པ་ལ་རིགས་ལྔས་བྱིན་གྱིས་བརླབས་པ་དང་། ཇི་བཞིན་དུ་ཆོས་ཐམས ་ཅད་ཀྱི་རང་བཞིན་བསམ་པ་དང་། དེ་བཞིན་གཤེགས་པ་ཐམས་ཅད་ལ་མཆོད་པ་བྱ་བར་བསམ་ལ་སྤྱད་པར་བྱའོ།། དེ་ལྟ་བུའི་ཐབས་དང་ཤེས་རབ་བསྒོམ་པའི་རིམ་པ་དེ་ལྟ་བུའི་ཏིང་འཛིན་སེམས་ཅན་ཐམས་ཅད་ལ་སྦྱིན་པར་བསམ ་པར་བྱའོ།། བཤད་མ་ཐག་པ་དེའི་བར་དུ་རྣལ་འབྱོར་པས། དེ་ཁོ་ན་ཉིད་གོ་བར་བྱ་བའི་ཕྱིར་ནན་ཏན་བསྐྱེད་པར་བྱའོ།། རིགས་དྲུག་རྣམ་པ་སོ་སོར་གསུངས་ཞེས་བྱ་བ་ནི་རྡོ་རྗེ་འཛིན་པ་དང་དྲུག་གོ། རྡོ་རྗེ་འཛིན་པ་གང་ཞིག་ཡིན་ཞེ་ན། སྤྲུལ་པ་སྣ་ཚོགས ་སྤྲུལོ་ནས་སེམས་ཅན་གྱི་དབྱིངས་དཔག་ཏུ་མོང་བ་ན་ཆོས་ཀྱི་སྤྲིན་གྱིས་སེམས་ཅན་ཐམས་ཅད་འདུལ་བར་བྱེད་དོ།། ས་བཅུ་ལ་གནས་པ་ཡང་དག་པར་རྫོགས་པའི་སངས་རྒྱས་ཀྱི་རྒྱུའོ།། དེའི་ཕྱིར་དེ་བཞིན་གཤེགས་པ་ཐམས ་ཅད་ཀྱི་ཡབ་ཅེས་བྱའོ།། གོསང་སྔགས་ཀྱི་ཐེག་པ་ལ་ནི་མངོན་པར་བྱང་ཆུབ་པ་རྣམ་པ་ལྔའི་རིམ་པས་བསྐྱེད་པ་དེ་ལ་རྡོ་རྗེ་སེམས་དཔའ་ཞེས་བྱའོ།། དེ་འགྱུར་བ་ལས་བསྐྱེད་པ་ལ་ནི་ཡང་དག་པར་རྫོགས་པའི་སངས་རྒྱས་ཞེས་བྱའོ།། ་གཟུགས་ལ་ཐོགས་པ་མེད་པ་དང་། སྔོན་མེད་པ་དང་། ད་ལྟ་མེད་པ་དང་། སྐྱེ་བ་གཞན་མེད་པ་དང་། ལས་དཀར་ནག་གི་དམིགས་མེད་པ་དང་། སློབ་དཔོན་དང་སློབ་བུའི་འབྲེལ་པ་མེད་པ་དང་བྱང་ཆུབ་གྲུབ་པར་འདོད་པའི་བརྩོན་པ་ཡང་དོན་མེད ་པར་འགྱུར་བས་སྐྱོན་དེ་དག་བསལ་བའི་ཕྱིར་དེ་བཞིན་གཤེགས་པས་སྟོན་པར་བྱེད་དོ།། སྔགས་དང་ལྷ་དག་ཡང་དག་གནས་ཞེས་བྱ་བ་ལ་སོགས་པས་ནི་གཅིག་དང་དུ་མ་ལ་སོགས་པའི་རྣར་རྟོག་པ་ལ་ནི་སྤྲོས་པ་ཞེས་བྱའོ།། དེ་དང་བྲལ་བར་ནི ་ཐམས་ཅད་ཡོད་།། དེའི་ཕྱིར་སྤྲོས་པ་མེད་པའི་རང་བཞིན་ཞེས་བྱའོ།། སྤྲོས་པ་མེད་པའི་རང་བཞིན་ཞེས་བྱ་བ་གང་ཞེ་ན། རང་གིས་གོ་ལ་གཞན་ལ་བརྗོད་པར་མི་ནུས་པའོ།། དེ་ནི་ཤིན་ཏུ་གསོལ་བའི་རང་བཞིན་ནོ།། ཀུན་རྫོབ་ཏུ་རྣམ་པར ་སྣང་མཛད་ལ་སོགས་པའི་མིང་དང་གཟུགས་སུ་སྟོན་པར་བྱེད་དོ།། སེམས་ཅན་དེ་གང་ལ་མོས་པ་ལ་དེ་སྟོན་པར་བྱེདདོ།། ཤེས་རབ་ལ་སོགས་པ་ཀུན་རྫོབ་ཏུ་བརྗོད་པར་བྱེའོ།། ཕ་ལས་ཇི་བཞིན་བདེ་བ་ཐོབ་ཅེས་བྱ་བ་ལ་སོགས་པ་ལ། རྡོ་རྗེ་སེམས་དཔྱི ་གནས་སྐབསུ་ཆོས་ཐམས་ཅད་ཀྱི་རང་བཞིན་གཉིསུ་མེད་པའི་ཡེ་ཤེས་ཀྱི་ཏིང་ངེ་འཛིན་བརྙེས་ནས་ཉོན་མོངས་པ་མེད་པའི་བདེ་བ་ཉམ་སུ་མྱོང་སྟེ། དེ་ནས་བག་ཆགས་ཐམས་ཅད་སྤངས་ནས་དེ་བཞིན་གཤེགས་པར་འགྱུརརོ།། དེས་རང་གི་བདེ་བ ་ལ་སྤྱོད་པར་འགྱུརོ།། ཚིག་འདི་དག་གིས་ནི་དོན་འདི་སྟོན་པར་བྱེད། བདེ་བ་དང་སྡུག་བསྔལ་བ་ལ་སོགས་པའི་བག་ཆགས་སྤངས་ནས་དེ་བཞིན་གཤེགས་པ་ནི་བེམས་པོའི་རང་བཞིན་ནི་མ་ཡིན་པར་བསྟན་ཏོ།། ད་ནི་ཇི་ལྟ་བུའི་དེ་བཞིན ་གཤེགས་པ་ཡིན་ཞེ་ན། ཏིང་ངེ་འཛིན་ལྔས་སྐྱེས་པ་དང་། ཉོན་མོངས་པ་མེད་པ་དང་། རྒྱུན་ཆད་པ་མེད་པ་ལ་སོགས་པའི་བདེ་བ་ཆེན་པོའི་རང་བཞིན་རྙེད་པའོ།། དེ་བཞིན་གཤེགས་པའི་ཏིང་ངེ་འཛིན་ཇི་ལྟ་བུ་ཡིན་ཞེ ་ན། ཤི་བ་གང་དེ་བདེ་བ་ཡིས་ཞེས་བྱ་བ་ལ་སོགས་པ་ལ། དེ་བཞིན་གཤེགས་པའི་ཏིང་ངེ་འཛིན་ལས་བདེ་བ་རྙེད་པས་འཇིག་རྟེན་གྱི་ཉོན་མོངས་པ་དང་བཅས་པའི་བདེ་བ་འཆི་བར་འགྱུར་རོ།། ཇི་ལྟར་འཆི་བར་འགྱུར་ཞེ་ན། འགག་པར་འགྱུར ་བདང་། ཕྱིས་སྐྱེ་བར་མྱི་འགྱུར་བའོ།། དེ་བཞིན་གཤེགས་པའི་ཏིང་ངེ་འཛིན་ནི་བདེ་བའི་རང་བཞིན་ནོ།། བདྨའི་མྱུ་གུ་རྡོ་རྗེས་མཛད་པའི་ཀྱེའི་རྡོ་རྗེའི་ལེའུ་ལྦུ་པའི་འགྲེལ་པ་རྫོགས་སོ།། ། སྤྱོད་པ་ཞེས་བྱ་བ་གང་ཞེ་ན། གསང་ནས ་འགྲོ་བ་ལ་སྤྱོད་པ་ཞེས་བྱའོ།། རྐེ་བར་བྱེད་པའི་རྒྱུར་འདོད་པའི་ཡོན་ཏན་རྣམ་པ་ལྔ་སྤྱོད་པ་ལ་ཡང་སྤྱོད་པ་ཞེས་བྱའོ།། དེ་ཁོ་ན་ཉིད་གང་གིས་རིག་ཅེས་བྱ་བ་ལ་སོགས་པ་ལ། མངོན་སུམ་དུ་གྱུར་པ་ལ་ནཱི་རིག་ཅེས་བྱའོ།། ཧེ་རུ་ཀའི་རང་བཞིན་ལ ་དེ་ཁོ་ན་ཉིད་ཅེས་བྱའོ།། གང་གིས་མངོན་སུམ་དུ་བྱེད་ཅེ་ན། བཤད་པར་བྱ་བའི་སྤྱོད་པ་འདིས་སོ།། གྲུབ་ཅེས་བྱ་བ་ནི་ཧེ་རུ་ཀའི་སྐུ་སྨིན་པར་གྱུར་པའོ།། ཧེ་རུ་ཀའི་སྐུ་སྦྱིན་པ་དེའི་རྒྱུ་གང་གིས་ཤེ་ན། ཕ་རོལ་ཏུ་ཕྱིན་པ་རྣམས་ཀྱིས་སོ།། ཤིང་གཅིག ་ཅེས་བྱ་བ་ནི་ནོར་སྦྱིན་གྱི་འཁོར་ལ་སོགས་པ་གནས་པ་ལ་ནི་ཤིང་གཅིག་ཅེས་བྱའོ།། དུར་ཁྲོད་ཅེས་བྱ་བ་ནི་གང་ན་རོ་གནས་པ་ལ་ནི་དུར་ཁྲོད་ཅེས་བྱའོ།། མཚན་མོ་ཞེས་བྱ་བ་ནི་མི་རྣམས་ཉལ་བའི་དུས་སོ།། མ་མོའི་ཁང་པ་ཞེས་བྱ་བ་ནི ་མི་རྣམས་ཉལ་བའི་དུས་སྷོ།། མ་མོ་ཁང་པ་ཞེས་བྱ་བ་ནི་གྲོང་ན་གནས་པའི་མ་མོའི་ཁང་པའོ།། ཡང་ན་དབེན་ས་ཞེས་བྱ་བ་ནི་ནོར་སྐྱེ་བོ་རྣམས་དང་བྲལ་བའོ།། གྲོང་བྱར་ཞེས་བྱ་བ་ནི་གྲོང་ཁྱེར་གྱི་སྒྲ་མི་ཐོས་པའོ།། ཡང་ན་ལག་པ་ལ་སོགས་པའི་ཡན ་ལག་དང་བཅས་པའི་རང་གི་ཕུང་པོ་ལ་ཤིང་གཅིག་ཅེས་བྱའོ།། དེ་ཉིད་དབུགས་དང་བཅས་པའི་ཕྱིར་ན་དུར་ཁྲོད་ཅེས་བྱའོ།། མ་མོ་ཞེས་བྱ་བ་ནི་ཁམས་རྣམས་སོ།། ཁང་པ་ཞེས་བྱ་བ་ནི་དེ་འདུས་པའོ།། མཚན་མོ་ཞེས་བྱ་བ་ནི་འདོད་ཆགས་ལ ་སོགས་པའོ།། དབེན་ས་ཞེས་བྱ་བ་ནི་འཇིག་རྟེན་པའི་རྣམ་པར་རྟོག་པ་དང་བྲལ་བའོ།། གློང་བར་ཞེས་བྱ་བ་ནི་ལྟེ་བའི་དཀྱིལ་འཁོར་རོ།། བསྙེན་པའི་རྣལ་འབྱོར་པ་དང་། བར་མ་དང་། དེ་ལས་ཆེ་བ་དང་། དེ་ལས་ཀྱང་ཤིན་ཏུ་ཆེ་བའོ།། དེ་དག་ནི་རྣལ་འབྱོར ་པ་རྣམ་པ་བཞིའོ།། དེ་དག་ལ་རིམ་པ་དེ་བཞིན་དུ་ཡེ་ཤེས་ཀྱི་སྣང་བ་བཞི་སྐྱེ་བར་འགྱུར་རོ།། ཡེ་ཤེས་ཀྱི་དྲོངད་སྐྱེ་བ་དང་། དྲོད་ཀྱིས་བཟོད་པ་སྐྱེ་བ་དང་། སྤྱི་བོའི་གཙུག་ལས་འོད་ཟེར་འབྱུང་བ་དང་། ཡང་དག་པའི་ཆོས་སོ།། ཅུང་ཟད་མཐུ་དང ་ལྡན་པའི་ཞེས་བྱ་བ་ལ་སོགས་པ་ཡ། རྣལ་འབྱོར་པ་འཇིག་རྟེན་པའི་དྲོད་ཀྱི་ཡེ་ཤེས་བག་ཞད་དབང་དུ་གྱུར་པས་གང་སྤྱོད་པ་བྱེད་པར་འདོད་ན། དེ་བཞིན་གཤེགས་པ་ས་གསུངས་འདྲིས་སོ།། ཐུ་གང་གིས་ཡིན་ཞེ་ན། ལེགས་ཅན་མ་ནི། ་མིག་ཡངས་མ་ཞེས་བྱ་བ་ལ་སོགས་པའོ།། དེ་ཅིའི་ཕྱིར་ཐབས་ཡིན་ཞེ་ན། ཡེ་ཤེས་ཀྱི་སྣང་བ་མཉེན་པ་དང་། དབང་པོ་རྣམས་གཡོ་བ་དང་། ཡུལ་གྱི་རླུང་རྣམས་ཆེ་བ་དང་། དེ་ལྟ་བུའི་རྒྱུས་ཡེ་ཤེས་འགག་པར་འགྱུར་བས་ན། སྤྱོད་པ་འདི། ་བྱས་པས་ཡེ་ཤེས་འགག་པར་མི་འགྱུར་རོ།། ཡང་ན་གླུ་ལེན་དགའ་བའི་ཞེས་བྱ་བ་ལ་སོགས་པའི་ཚིག་དེ་དག་གིས་ནི་གླུ་དང་གར་གྱི་རྣམ་པར་དག་པ་བསྟན་ཏོ།། སྦྱིན་སྲེག་དང་ནི་མཆོད་སྦྱིན་དང་ཞེས་བྱ་བ་ལ་སོགས་པ་ལ། ་རྣལ་འབྱོར་པས་འཇིག་རྟེན་ལས་འདས་པའི་དྲོད་རྙེད་པའི་ཡོན་ཏན་བསྟན་ཏོ།། ཤེས་རབ་རྣོ་བའི་དབང་དང་། ཏིངངེ་འཛིན་གྱིས་ཐམས་ཅད་ནུས་པའོ།། དེའི་ཕྱིར་འཇིག་རྟེན་པའི་རྣལ་འབྱོར་པ་དེ་བས་འཇིག་རྟེན་ལས་འདས་པའི་རྣལ་འབྱོར་པ་ཆེ་བར ་བསྟན་ཏོ།། དེའི་ཕྱིར་དམ་ཚིག་སྡོམ་པ་རྣམ་པར་གྲོལ།། ཡང་དག་རྣལ་འབྱོར་དང་ལྡན་པ།། རྣལ་འབྱོར་གྱི་ནི་སྤྱོད་པ་བྱ།། པདྨའི་མྱུ་གུ་རྡོ་རྗེས་མཛད་པའི་ཀྱེའི་རྡོ་རྗེའི་ལེའུ་དྲུག་པའི་འགྲེལ་པ་རྫོགས་སོ།། །། མཚོན་པའི་ཞེས་བྱ་བ་ནི་གདོལ་པའི ་སྐུསྲུང་ངོ་།། ཡང་ན་བཏགས་པའོ།། ཕྱག་རྒྱ་ཞེས་བྱ་བ་ནི་དང་པོ་གང་གིས་བརྡ་བསྟན་པ་དེ་ལ་ནི་ཕྱག་རྒྱ་ཞེས་བྱའོ།། ལན་གྱི་ཕྱག་རྒྱ་ཡིས་ཞེས་བྱ་བ་ནི་ཕྱིས་གང་གིས་བརྡ་བསྟན་པ་ལ་ནི་ལན་གྱི་ཕྱག་རྒྱ་ཡེ་ཤེས་བྱའོ།། ཚིག་དེས་ནི་དོན་འདི་སྟོན་པར་བྱེད ་དེརྣལ་འབྱོར་པ་གང་གིས་སེམས་ཏིང་ངེ་འཛིན་ལ་བརྟན་པར་གྱུར་པ་ནི་བསོད་ནམས་ཀྱི་ལས་གོམས་པའི་དབང་གིས་བརྟན་པར་གྱུར་པའོ།། རྣལ་འབྱོར་པ་དེ་ལ་སངས་རྒྱས་དང་བྱང་ཆུབ་སེམས་དཔའ་རྣམས་ཕྲད་པར་བྱེད་པ་དང་། ཆོས་སྟོན་པར ་བྱེད་པ་དང་། རྟགས་ཀྱང་སྟོན་པར་བྱེད་དོ།། དེ་དག་གང་གིས་གཟུགས་ཀྱིས་སྟོན་པར་བྱེད་ཅེ་ན། རྣལ་འབྱོར་མའི་གཟུགས་ལ་སོགས་པས་སོ།། ཡང་ན་ཕྲེང་བའི་ཕྱག་ནི་བསྟན་ཞེས་བྱ་བའི་ཚིག་དེས་ནི་རྣལ་འབྱོར་པ་དང་རྣལ་འབྱོར་མ་མངོན ་སུམ་དུ་ཕྲད་པར་བསྟན་ཏོ།། ཕྲེང་བ་ཡོངས་སུ་བཏང་བྱས་ནས་ཞེས་བྱ་བའི་ཚིག་དེས་ནི་རྟགས་བསྟན་ཏོ།། ཕྱི་རོལ་ཞེས་བྱ་བ་ནི་དམ་ཚིག་མེད་པའི་སྤྱོད་ཡུལ་མ་ཡིན་པའོ།། འདུ་བ་ཞེས་བྱ་བ་ནི་རྣལ་འབྱོར་མ་རྣམས་འདུས་བྱའོ།། རྣལ ་འབྱོར་མ་རྣམས་འདུས་པས་ཅི་ཞིག་བྱེད་ཅེ་ན། ག་ན་རྣལ་འབྱོར་པ་བསོད་ནམས་ཀྱི་ལས་དང་ལྡན་པ་ལ་མེ་ཏོག་གོ་ཕྲེང་བ་གཏོང་བར་བྱེད་དོ།། དེ་ནས་རྣལ་འབྱོར་པ་བཀུག་ནས་ངེད་ཀྱི་དམ་ཚིག་ལ་གནས་པར་གྱིས་ཞེས་ཟློས་པར ་བྱེད་དོ།། རྣལ་འབྱོར་པ་དེ་ཡང་འདི་ལྟར་ཟློ་བར་བྱེད་དོ།། རྣལ་འབྱོར་མ་རྣམས་ཇི་ལྟར་གསུངས། དེ་ལྟར་ཐམས་ཅད་བྱ་དགས་ཤེས་བྱ་བ་ནི་དུས་ཐམས་ཅད་དུ་རྣལ་འབྱོར་མ་ཅི་གསུངས་བདག་གིས་བྱའོ་ཞེས་ཟློ་བར་བྱེད་དོ།། ཕྱི་རོལ ་གྱི་གནས་ལ་གང་དགའ་བའི་རྣལ་འབྱོར་པའི་ཆེད་དུ་གདན་ལ་སོགས་པ་བཅུ་གཉིས་སྨྱོན་པར་བྱེད་དོ།། ཚིག་གང་གིས་བཅུ་གཉིས་སྟོན་པར་བྱེད་ཅེ་ན། གདན་དང་ཉེ་བའི་གདན་ཞེས་བྱ་བ་ལ་སོགས་པས་བསྟན་ཏོ།། སངས་རྒྱས་དང་བྱང་ཆུབ་སྙོམས ་དཔའ་རྣམས་ཀྱི་གནས་ཀྱི་གཙོ་བོ་བཤད་པར་བྱའོ།། ས་བཅུ་གཉིས་ནི་འདི་རྣམས་ཏེ་ཞེས་བྱ་བ་ནི་སེམས་ཅན་ཐམས་ཅད་སངས་རྒྱས་པར་བྱའོ་སྙམ་པའི་མོས་པས་སྤྱོད་པའི་ས་དོང་། ས་དང་པོ་རབ་ཏུ་དགའ་བ་དང་། ས་གཉིས་པ་དྲི་མ་མེད་བྱང། ་ས་གསུམ་པ་འོད་བྱེད་པ་དང་། ས་བཞི་པ་འོད་སྣང་བ་དང་། ས་ལྔ་པརྐྱད་དཀའ་བ་དང་། ས་དྲུག་པ་མངོན་དུ་གྱུར་པ་དང་། ས་བདུན་པ་རིང་དུ་སོང་བ་དང་། ས་བརྒྱད་པ་མི་གཡོ་བ་དང་། ས་དགུ་པ་ལེགས་པའི་བློ་གྲོས་དང་། ས་བཅུ་པ་ཆོས ་ཀྱི་སྤྲིན་དང་། བཅུ་གཅིག་ཀུན་ཏུ་བཟང་པོའི་ས་དང་བཅུ་གཉིས་སོ།། ཏིང་ངེ་འཛིན་སྐྱེ་བ་དང་། གཟུངས་གོམས་པར་བྱེད་པ་དང་། ཆོས་ཤེས་པ་དང་དོན་ཤེས་པ་དང་པྲ་ཀྲྀ་ཏའི་སྐད་ཤེས་པ་དང་། གཞན་གྱིས་དྲིས་པ ་བསམ་མི་དགོས་པས་ཤེས་པའོ།། དེ་དག་གོམས་པར་བྱེད་པ་ལ་ནི་སེམས་ཅན་ཐམས་ཅད་སངས་རྒྱས་པར་བྱའོ་སྙམ་པའི་མོས་པས་སྤྱོད་པའི་ས་ཞེས་བྱའོ།། སྔོན་དུ་དེ་ཁོ་ན་ཉིད་མི་ཤེས་པ་ལ་ཕྱིས་དེ་ཁོ་ན་ཉིད་ཤེས་པས་དགའ ་བའི་ཕྱིར་ས་དང་པོ་རབ་ཏུ་དགའ་བ་ཞེས་བྱའོ།། ས་དེར་ནི་གཞན་ཡང་བདག་གི་དོན་བྱེད་པ་བཞིན་དུ་གཞན་གྱིས་དོན་བྱེད་པའོ།། སྦྱིན་པའི་ཕ་རོལ་ཏུ་ཕྱིན་པ་ཡང་འཕེལ་བར་འགྱུར་རོ།། ས་དེར་ནི་བྱང་ཆུབ་སེམས་དཔས་དེ་ཁོ་ན་ཉིད་གོ། ་ནས་སྡིག་པའི་ཕྱོགས་བག་ཞད་ཙམ་སྐྱེས་པ་བཟོད་པར་མི་ནུས་ནས་དེར་གནས་པར་བྱའོ།། བཟོད་པར་ནུས་གཉིས་པ་དྲི་མ་མེད་པར་འཇུག་པར་བྱའོ།། དེར་ཞུགས་ནས་སེམས་ཅན་གྱི་སྐྱོན་ཐམས་ཅད་དང་བྲལ་བར་འགྱུར་རོ།། ཚུལ ་ཁྲིམས་ཀྱི་ཕ་རོལ་ཏུ་ཕྱིན་པ་ཡང་འཕེལ་བར་འགྱུར་རོ།། ཚུལ་ཁྲིམས་མ་ཡིན་པའི་དྲི་མ་དང་བྲལ་བས་ན་ས་གཉིས་པ་དྲི་མ་མེད་པ་ཞེས་བྱའོ།། ས་དེ་ལ་གནས་པའི་བྱང་ཆུབ་སེམས་དཔས་ཇི་ཙམ་དུ་འཇིག་རྟེན་པའི་ཏིང་ངེ་འཛིན་མ ་རྙེད་པ་དང་། ཐོས་ནས་དོན་འཛིན་པར་མི་ནུས་ཀྱི་བར་དུ་ས་དེར་གནས་པར་བྱའོ་དེ་དེ་ནུས་ན་ས་གསུམ་པ་འོད་བྱེད་པ་དེར་འཇུག་པར་བྱའོ།། ས་དེར་ཞུགས་ནས་དོན་བྱེད་པ་དང་། སྡུག་བསྔལ་ལ་བཟོད་པའོ།། དེའི་ཕྱིར་བཟོད་པའི་ཕ ་རོལ་ཏུ་ཕྱིན་པ་འཕེལ་བར་འགྱུར་རོ།། ཏིང་ངེ་འཛིན་གྱི་སྟོབས་ཀྱིས་འཇིག་རྟེན་གྱི་ཁམས་དཔག་ཏུ་མེད་པའི་འོད་ཀྱི་སྣང་བར་བྱེད་པས་ནུ་ས་གསུམ་པ་འོད་བྱེད་པ་ཞེས་བྱའོ།། ས་དེར་གནས་པའི་བྱང་ཆུབ་སེམས་དཔས་འཇིག་རྟེན་པའི ་ཏིང་ངེ་འཛིན་རྙེད་ནས་ཀྱང་བྱང་ཆུབ་ཀྱི་ཕྱོགས་ཀྱི་ཆོས་དང་བཅས་པར་འཁོར་ལ་སྟོན་མི་ནུས་པའི་བར་དང་། སེར་སྣ་ཐམས་ཅད་སྤོང་བར་མི་ནུས་ཀྱི་བར་དུ་བཤད་མ་ཐག་པའི་ས་དེར་གནས་པར་བྱའོ།། ནམ་ཞིག་ནུས་པར་གྱུར་པའི ་ཚེ་ས་བཞི་པ་འོད་སྣང་བར་འཇུག་པར་བྱའོ།། དེ་ན་གནས་པའི་བྱང་ཆུབ་སེམས་དཔས་རྟག་པར་སེམས་ཀྱི་རྣམ་པར་རྟོག་པ་སྤང་བར་བྱ་བའི་ཕྱིར་བྱང་ཆུབ་ཀྱི་ཕྱོགས་ཀྱི་ཆོས་རྣམས་སྤོང་བར་མི་བྱེད་དོ།། དེའི་ཕྱིར་བརྩོན་འགྲུས་ཀྱི་ཕ ་རོལ་ཏུ་ཕྱིན་པ་རྒྱས་པར་འགྱུར་རོ།། དེ་ལ་གནས་པའི་བྱང་ཆུབ་སེམས་དཔས་ཉོན་མོངས་པའི་ཤིང་རྣམས་བསྲེག་པའི་སྟོབས་དང་ལྡན་པ་དང་། བྱང་ཆུབ་ཀྱི་ཕྱོགས་ཀྱི་ཆོས་རྣམས་ཀྱི་འོད་ཟེར་ཡོད་པས་ན་ས་བཞི་པ་འོད་སྣང་བ ་ཞེས་བྱའོ།། དེ་ལ་གནས་པའི་བྱང་ཆུབ་སེམས་དཔས་འཕགས་པའི་བདེན་པ་བཞི་བསྒོམ་པ་དང་། འཁོར་བ་ལས་སེམས་ཕྱིར་མི་ལྡོག་གི་བར་དང་། བྱང་ཆུབ་ཀྱི་ཕྱོགས་ཀྱི་ཆོས་རྣམས་ཐབས་དང་བཅས་པར་མི་བསྒོམ་གྱི་བར་དུ ་བཤད་མ་ཐག་པའི་ས་དེར་གནས་པར་བྱའོ།། དེ་ནུས་པའི་ཚེ་ས་ལྔ་པར་འཇུག་པར་བྱའོ།། དེ་ལ་གནས་པའི་བྱང་ཆུབ་སེམས་དཔས་བྱང་ཆུབ་ཀྱི་ཕྱོགས་ཀྱི་ཆོས་རྣམས་ཐབས་དང་བཅས་པར་བསྒོམ་པ་ནི་ཤིན་ཏུ་སྡུག་བསྔལ་བར ་གྱུར་ཀྱང་སྤང་བར་མི་བྱ་བ་དང་། བདུད་ཐམས་ཅད་ཀྱི་རྒྱལ་བར་མི་ནུས་པའི་ཕྱིར་ས་ལྔ་པ་རྒྱལ་བར་དཀའ་བ་ཞེས་བྱའོ།། དེར་གནས་པའི་བྱང་ཆུབ་སེམས་དཔའ་ནི་རྟག་པར་སྒོམ་པ་ལ་གནས་པས་བསམ་གཏན་གྱི་ཕ ་རོལ་ཏུ་ཕྱིན་པ་རྒྱས་པར་འགྱུར་རོ།། བྱང་ཆུབ་སེམས་དཔའ་བག་ཆགས་ངན་པ་སྤངས་ནས་བག་ཆགས་བཟང་པོའི་རྒྱུ་མ་རྙེད་ཀྱི་བར་དུ་ས་དེར་གནས་པར་བྱའོ།། རྙེད་པར་གྱུར་པའི་ཚེ་ས་དྲུག་པ་མངོན་དུ་གྱུར་པར་འཇུག་པར་བྱའོ།། དེ་ལ ་གནས་པའི་བྱང་ཆུབ་སེམས་དཔས་རྒྱུ་རྐྱེན་ཚོགས་པ་ལས་སྐྱེས་པར་རྟག་པར་བསྒོམས་པའི་ཕྱིར་ཤེས་རབ་ཀྱི་ཕ་རོལ་ཏུ་ཕྱིན་པ་རྒྱས་པར་འགྱུར་རོ།། དེ་བཞིན་གཤེགས་པ་ཐམས་ཅད་མངོན་དུ་གྱུར་པའི་ཕྱིར་ས་དྲུག་པར་མངོན་དུ ་གྱུར་པཱ་ཞེས་བྱའོ།། ཆོས་ཐམས་ཅད་ཀྱི་རྒྱུ་མ་ཤེས་ཀྱི་བར་དུས་དེར་གནས་པར་བྱའོ།། ཤེས་པར་གྱུར་པའི་ཚེ་ས་བདུན་པ་རིང་དུ་སོང་བར་འཇུག་པར་བྱའོ།། དེ་ལ་གནས་པའི་བྱང་ཆུབ་སེམས་དཔས་རྒྱུ་ཐམས་ཅད་ཤེས་ནས་མི་སྤོང ་བའི་ཕྱིར་ཐབས་ཀྱི་ཕ་རོལ་ཏུ་ཕྱིན་པ་རྒྱས་པར་འགྱུར་རོ།། ཐབས་ཀྱི་ལམ་དུ་ཞུགས་པས་རིང་དུ་སོང་བའི་ཕྱིར་ས་བདུན་པ་རིང་དུ་སོང་བ་ཞེས་བྱའོ།། དེ་ནི་ཇི་ཙམ་གནས་ཀྱི་བུར་དུ་རྒྱུ་མེད་པར་སེམས་ཅན་གྱི་དོན་བྱེད་པ་མ་རྙེད་ཀྱི་བར ་དུ་དེར་གནས་པར་བྱའོ།། རྙེད་པར་གྱུར་པའི་ཚེ་ས་བརྒྱད་པ་མི་གཡོ་བར་འཇུག་པར་བྱའོ།། དེ་ལ་གནས་པའི་བྱང་ཆུབ་སེམས་དཔས་ནན་ཏན་མོ་བྱས་པར་བསོད་ནམས་ཀྱི་ཚོགས་ཀུན་བརྙེས་པའི་ཕྱིར་དང་། སེམས་ཅན་ཐམས ་ཅད་ཀྱི་དོན་ཉོན་མོངས་པ་མེད་པར་བྱེད་པའི་ཕྱིར་སྨོན་ལམ་གྱི་ཕ་རོལ་ཏུ་ཕྱིན་པ་རྒྱས་པར་འགྱུར་རོ།། རྒྱུ་མེད་པ་དང་ནན་ཏན་མེད་པ་དང་། འདར་བ་མེད་པའོ།། དེ་དག་མེད་པའི་ཕྱིར་ས་བརྒྱད་པ་མི་གཡོ་བ་ཞེས་བྱའོ།། དེ་ལ་གནས ་པའི་བྱང་ཆུབ་སེམས་དཔས་དེ་བཞིན་གཤེགས་པས་པྲ་ཀྲྀ་ཏཱའི་སྐད་དུ་ཆོས་བསྟན་པ་ལ་སོགས་པ་སོ་སོར་སྟོན་པར་མི་ནུས་ཀྱི་བར་དུ་བཤད་མ་ཐག་པའི་དེར་གནས་པར་བྱའོ།། སྟོན་པར་ནུས་པར་གྱུར་པའི་ཚེ་ས་དགུ་པ ་ལེགས་པའི་བློ་གྲོས་ལ་འཇུག་པར་བྱའོ།། དེ་ལ་གནས་པའི་བྱང་ཆུབ་སེམས་དཔས་ཤེས་རབ་ཀྱི་སྟོབས་ཆེ་བའི་ཕྱིར་སྟོབས་ཀྱི་ཕ་རོལ་ཏུ་ཕྱིན་པ་རྒྱས་པར་འགྱུར་རོ།། མཾ་ཐམས་ཅད་ཀྱི་སྒོ་ནས་ཆེས་སྟོན་པར་ནུས་པ ་དང་། རྐྱེན་མེད་པ་དང་། ལྷག་པ་རྙེད་པའི་ཕྱིར་ས་དགུ་པ་ལེགས་པའི་བློ་གྲོས་ཞེས་བྱའོ།། དེ་ལ་གནས་པའི་བྱང་ཆུབ་སེམས་དཔས་དེ་བཞིན་གཤེགས་པའི་ཞིང་ཁམས་ཡང་པོར་སྨྲ་པར་མི་ནུས་འཁོར་མང་པོར ་སྤྲུལ་པར་མི་ནུས་པ་དང་། སྤྲུལ་པ་དཔག་ཏུ་མྱེད་པ་ལ་སོགས་པ་སྤྲུལ་པར་མི་ནུས་པ་དང་། སེམས་ཅན་གྱི་བསོད་ནམས་ཀྱི་ཚོགས་རྣམས་སྨིན་པར་མི་ནུས་ཀྱི་བར་དུ་དེར་གནས་པར་བྱའོ།། ནུ་སཱ་པཱར་གྱུར་པའི ་ས་བཅུ་པ་ཆོས་ཀྱི་སྤྲིན་ལ་འཇུག་པར་བྱའོ།། དེ་ལ་གནས་པའི་བྱང་ཆུབ་སེམས་དཔས་སྤྲུལ་པ་དང་། སེམས་ཅན་སྨིན་པར་བྱེད་པ་དང་། སེམས་ཅན་ལེ་ཡེ་ཀྱིས་ཁྱབ་པར་སྦྱིན་བྱེད་པོའི་ཕྱིར་ཡེ་ཤེས་ཀྱི་ཕ ་རོལ་ཏུ་ཕྱིན་པ་རྒྱས་པར་འགྱུར་རོ།། ཆོས་བཀའ་སྩལ་པའི་སྤྲིན་ལསྣ་སེམས་ཅན་གྱི་ཁམས་དཔག་ཏུ་མེད་པར་ཆོས་ཀྱི་ཆར་འབེབས་པའི་ཕྱིར་ས་བཅུ་པ་ཆོས་ཀྱི་སྤྲིན་ཞེས་བྱའོ།། དེ་ལ་གནས་པའི་བྱང་ཆུབ་སེམས ་དཔས་གཟུངས་རྣམས་ལ་ཐོགས་པ་མེད་པར་མ་གྱུར་གྱི་བར་དང་། དེའི་ཡེ་ཤེས་ལ་གཞན་གྱིས་བསྒྲིབ་པར་ནུས་ཀྱི་བར་དུས་དེར་གནས་པར་བྱའོ།། མི་ནུས་པར་གྱུར་པའི་ཚེ་ས་བཅུ་གཅིག་པ་སངས་རྒྱས་ཀྱི་ས་ཀུན་ཏུ་བཟང་པོར་འཇུག་པར་བྱའོ།། ས ་དེའི་ཕྱོགས་གཅིག་ཙམ་གྱི་ཡོན་ཏན་ནི་དེ་བཞིན་གཤེགས་པས་བརྗོད་པར་མི་ནུས་ན་རངས་པའི་ཡོན་ཏན་སྨོས་ཀྱང་ཅི་དགོས། ས་དེ་ལ་སངས་རྒྱས་དང་བྱང་ཆུབ་སེམས་དཔའ་རྣམས་ཀྱི་འདུ་བའི་གནས་ཞེས་བྱའོ།། དེ་ནི་རྟག་པར་གནས་པར་གསུངས་སོ།། ས་བཅུའི ་དབང་ཕྱུག་ཅེས་བྱ་བ་ནི་རྡོ་རྗེ་སེམས་དཔའོ།། མགྲོན་པོ་ཞེས་བྱ་བ་ནི་ཧེ་རུ་ཀཱིའི་སྐུའོ།། གཞན་མཱ་ཡིན་ཞེས་བྱ་བ་ནི་ཕྱི་བྷྲཱུཾ་ལནྡྷ་ར་ལ་སོགས་པས་མི་བསྟན་ཧཱུ~ཾ། རྣལ་འབྱོར་མ་རྣམས་ཀྱི་འདྲ་བའི་ཉི་མ་བསྟན་པར་བློ་སྟེ། དེའི་ཕྱིར་ཡི་དྭགས་ཀྱི་ནི་ཕྱོགས་སུ་ལུ་ཞེས་བྱ་བ ་སྨོས་སོ།། དེ་ནི་ཟླ་བ་མར་གྱི་ངོ་ཞེས་བྱ་བའི་དོན་ཏོ།། ཡང་ན་གསང་བའི་ཕྱོགསོ་ཞེས་བྱའོ།། ཅིའི་ཕྱིར་གསང་བའི་ཕྱོགས་ཞེས་བྱ་ཞེ་ན། ཉནྡ་ཐོས་ལ་སོགས་པའི་སྤྱོད་ཡུལ་མ་ཡིན་པའི་ཕྱིར་རོ།། བཅུ་བཞི་ཞེས་བྱ་བ་ནི་དེ་བཞིན་གཤེགས་པའི་སའོ།། བརྒྱད་ཅེས ་བྱ་བ་ནི་ས་བརྒྱད་པ་མི་གཡོ་བའོ།། ང་ནི་འདུས་པ་དེའི་བཟའ་བར་བྱ་བསྟན་པར་བྱ་སྟེ། རྒྱལ་མཚན་ཞེས་བྱ་བ་ནི་སྡོང་པོ་ལ་འཕྱང་བའི་ཞིང་ཆེན་ནོ།། མཚོན་པོ་རྒྱབ་ཅེས་བྱ་བ་ནི་རལ་གྲི་ལ་སོགས་པ་བརྒྱབ་ནས་བསད་པའོ།། བདུན་འཁོར་ཞེས་བྱ་བ་ནི་སྐྱེ ་བདུན་མིར་སྐྱེས་པ་དེ་ཉིད་རང་ཤི་བ་ནི་བདུན་འཁོར་ཞེས་བྱའོ།། ནན་ཏན་སྙིང་རྗེ་བསྐྱེད་པ་ཡིས་བྱ་བ་ལ་སོགས་པ་ལ། རིན་ཆེན་གསུམ་ལ་གནོད་པར་བྱེད་ལ་སོགས་པ་དང་། དམ་ཚིག་ཉམས་པར་བྱེད་པའོ།། དེ་ལ་སྙིང་རྗེ་ཆེན་པོ་བསྐྱེད་ལ་བདེ་བ་ཅན་གྱི ་འཇིག་རྟེན་གྱི་ཁམས་སམ། གཞན་ཡང་གནས་བཟང་པོ་གང་ཡང་རུང་བར་རྣམ་པར་ཤེས་པ་བསྒྲལ་བར་བྱའོ།། ཁ་སྦྱོར་ཁ་ཕྱེ་ལ་སོགས་པའི་རིམ་པས་བསད་ནས་དེའི་ཤ་འབར་བ་དང་དྲོ་བར་བྱ་བ་ལ་སོགས་པའི་རིམ་པས་བཟའ་བར་བྱའོ།། གང ་གང་སྐྱེ་བོ་རྣམས་ལ་ནི་ཞེས་བྱ་བ་ལ་སོགས་པ་ལ་སྔོན་དུ་བསྟན་པའི་སེམས་ཅན་གནས་བདེ་བ་ཅན་དུ་བསྒྲལ་བ་དེས་ཆོས་ཐོས་པས་ཆེ་གེ་མོས་དྲིན་བཏགས་སོ་ཞེས་ཟློ་བར་འགྱུར་རོ།། དེ་རྣལ་འབྱོར་པའི་དབང་དུ་འགྱུར་རོ།། ཚིག་དེས་དོན་དེ་བསྟན་ཏོ།། ་གཞན་སྣང་རྣལ་འབྱོར་པའི་བཟའ་བར་བྱ་བ་གསུམ་སྟོན་པར་བྱེད་དེ། གཞན་གྱིས་བསད་པ་དང་། རང་ཤི་བ་དང་། སེམས་བཟང་པོས་རང་གིས་བསད་པའོ།། པདྨ་མྱུ་གུ་རྡོ་རྗེས་མཛད་པའི་ཀྱེའི་རྡོ་རྗེའི་རྒྱུད་ཀྱི་ལེའུ་བདུན་པའི་འགྲེལ་པ་རྫོག་སོ།། ་ནམ་པ་བྷྱོས་བྱཱ་བ་སྡུ་སོགས་བྷྱོ་ལ། ཧྲཱིན་དུ་རྡོ་རྗེའི་སྒོ་གཞི་དང་རྡོ་རྗེའི་ར་བད་།། རྡོ་རྗེའི་གཟེབ་དེ་དག་སྟན་ཏོ།། དེའི་དབུས་སུ་བསྲུང་བའི་འཁོར་ལོ་བ་ཨོཾ་པར་བྱའོ།། ཇི་ལྟར་བསམ་པདྨ་བྱ་ཝ~ཾ་ན། འཁོར་ལོ་རྫོབས་བཅུ་པ་ཁ་དོག་སར་པོ ་བར་བསམ་ཚིག་རིས་ནི་འཚོམ་པོ་པན་། ཛིན་དུ་པ་ས་བྱབ་མ་ཆོགས་པ་ལ་ནི་ཐཾ་གྱུ་མི་ག་ཤིན་ཅིག་ཤིད་ལ་རིགས་པ་ཤང་ཕྱོག་ནས་བརྗོ་ནས་ལྷ་རྣམས་ཅི་བཞིན་གྱི་མ་བཞིན་དུ་གོང་པར་གྱི་འོ།། ས་ཤང ་ཀྱི་རྩིབས་ལ་གཤིན་རྗེ་གཤེད་པོ་ཁ་དོག་ནག་པོ་ཞལ་གཡ་དཀར་བ་གཡོན་དམར་བའོ།། ཕྱག་གཡས་གཉིས་ན་རྡོ་རྗེ་ཐོ་བ། ཐ་མན་རལ་གྲིའོ།། ཕྱུག་གཡོན་གྱི་གཉིས་ན་རིན་པོ་ཆེ། ཐ་མ་ན་པདྨའོ།། ལྷོ་ཕྱོགས་ཀྱི་རྩིབས་ལ་ཤེས་རབ་མཐར་བྱེད ་སྐུ་མདོག་དཀར་པོ་གཡས་སྔོ་གཡོན་དམར་བའོ།། གཡས་ཀྱི་གཉིས་ན་དབྱུག་པ་དཀར་པོ་དང་། རལ་གྲིའོ།། གཡོན་གྱི་གཉིས་ན་རིན་པོ་ཆེ་དང་། པདྨའོ།། ནུབ་ཕྱོགས་ཀྱི་རྩིབས་ལ་པདྨ་མཐར་བྱེད་སྐུ་མདོག་དམར་པོ་གཡས་སྔོ་གཡོན་དཀར་པོའོ།། གཡོན་གྱི་གཉིས་ན་རིན ་པོ་ཆེ་དང་། འཁོར་ལོའོ།། བྱང་ཕྱོགས་ཀྱི་རྩིབས་ལ་བགེགས་མཐར་བྱེད་སྐུ་མདོག་ནག་པོ་གཡས་དཀར་གཡོན་དམར་བའོ།། གཡས་གཉིས་ན་རྡོ་རྗེ་དང་རལ་གྲིའོ།། གཡོན་གཉིས་ན་རིན་པོ་ཆེ་དང་། པདྨའོ།། མེ་མཚམ་སུ་ཁྲོ་བོའི་ཆེན་པོ་ཊཀྐི་རཱ་ཛཾ་སྒེག་པའི་ཚུལ་དང ་ལྡན་པ་སྐུ་མདོག་སྔོན་པོ་གཡོས་དཀར་གཡོན་དམར་བའོ།། གཡས་གཉིས་ན་ལྕགས་ཀྱུ་དང་རལ་གྲིའོ།། གཡོན་གཉིས་ན་རིན་པོ་ཆེ་དང་། པདྨའོ།། སྲིན་པོའི་མཚམས་ན་དབྱུག་པ་སྔོན་པོ་ཕྱག་མཚམ་དབྱུག་པ་སྔོན་པོ་མ་གཏོགས་པ་ཕྱི་མ་རྣམས་གཤིན་རྗེ ་གཤེད་དང་མཐུན་ནོ།། རླུང་གི་མཚམ་སུ་སྟོབས་པོ་ཆེ་ཕྱག་མཚན་རྩེ་གསུམ་མ་གཏོགས་པ་ཕྱི་མ་རྣམས་གཤེད་དང་མཐུན་ནོ།། ཊཀྐི་རཱ་ཛ་མ་གཏོགས་པ་དེ་དག་སྐུ་ཐུང་བ་གསུས་པ་ཆེ་ལ་འཕྱང་བ། སྐུ་སྦྲུལ་གྱིས་བརྒྱན་པ། ཞལ་འཇིགས་པའི་གཟུགས ་དང་ལྡན་པ། སྔགས་ཟླུམ་པོ་འདྲིལ་བ། མཆེ་བ་གཙིགས་པས་བཞད་པ། དབུ་སྐྲ་དམར་སེར་གྱེན་དུ་འཁྱིལ་བ། སྨ་ར་དམར་སེར་དང་ལྡན་པའོ།། དབང་ལྡན་གྱི་མཚེམསུ་མི་གཡོ་མགོན་པོ་ཕྱག་མཚན་རྡོ་རྗེ་དང་སྤྱན་དམར་སེར་མ་གཏོགས་པ་གཞན་ཊཀྐི ་རཱ་ཛ་དང་མཐུན་ནོ།། སྟེང་དུ་གཙུག་གཏོར་འཁོར་ལོ་སྒྱུར་བའི་རྒྱལ་མོ་སྐུ་མདོག་སེར་པོ་ཞལ་གཡས་སྔོ་གཡོན་དཀར་བའོ།། གཡས་གཉིས་ན་འཁོར་ལོ་སེར་པོ་དང་རལ་གྲིའོ།། གཡོན་གཉིས་ན་རིན་པོ་ཆེ་དང་པདྨའོ།། འོག་གི་ཕྱོགསུ་སུམ་བྷ་ཕྱག་མཚན་རྡོ་རྗེ ་མ་གཏོགས་པ་གཞན་ཊཀྐི་རཱ་ཛ་དང་མཐུན་པར་བཤད་དོ།། ཁྲོ་བོ་ཐམས་ཅད་ཀྱི་ཕྱག་དང་པོ་ཡུམ་ལ་འཁྱུད་པའོ།། འཁོར་ལོ་དེའི་དབུས་ལ་ན་མཁའི་ཁམས་ཞེས་བྱའོ།། བྷ་ག་ཞེས་བྱ་བ་ནི་ཆོས་ཀྱི་འབྱུང་གནས་སོ།། དེ་ནི་བཤད་མ་ཐག་པ་དེར་བསམ་པར་བྱའོ།། ་ཆོས་ཀྱི་འབྱུང་གནས་དེ་ཇི་ལྟ་བུ་ཞེ་ན། གྲུ་གསུམ་ཁ་དོག་དཀར་པོ་དང་གྲུ་ཕྲ་མོ་ཁ་ཐུར་དུ་བལྟས་པའོ།། ཇི་བཞིན་རིགས་པ་ཞེས་བྱ་བ་ནི་རིམ་པ་བཞིན་དུའོ།། རིམ་པ་ནི་སའི་དཀྱིལ་འཁོར་དང་། ཆུའི་དཀྱིལ་འཁོར་དང་། མེའི་དཀྱིལ་འཁོར་དང་། རླུང ་གི་དཀྱིལ་འཁོར་ཆེན་པོའོ།། དེའི་དཀྱིལ་དུ་འཁོར་ལོ་བསམ་པར་བྱའོ།། འཁོར་ལོ་བསམ་པར་བྱ་ཞེས་བྱ་བའི་དོན་དེ་ཇི་ལྟ་བུ་ཞེ་ན། རྣམ་པར་སྣང་མཛད་བསྒྱུར་ནས་གཞལ་ལས་ཁང་བསྐྱེད་པ་ཞེས་བྱ་བའི་དོན་ཏོ།། རིམ་པ་གཉིས་པ་ཞེས་བྱ་བ་ནི་གཞས ་ཡས་ཁང་རིམ་པ་གཉིས་དང་ལྡན་པའོ།། སྙིང་པོ་ལ་ནི་གཅིག་པར་གྱུར་ཞེས་བྱ་བ་ནི་གཞལ་ཡས་ཁང་གི་དབུས་ཀྱི་པདྨའི་ཟེའུ་འབྲུ་ལ་རིམ་པ་དང་པོ་ཞེས་བྱའོ།། གྲུ་གསུམ་ལ་ནི་གཞན་མ་གསུངས་ཞེས་བྱ་བ་ནི་ཟེའུ་འབྲུ་མ་གཏོགས་པ་ཆོས་ཀྱི་འབྱུང ་གནས་ཀྱི་ནང་དུ་གཞལ་ཡས་ཁང་གི་ངོ་བོ་ཇི་ཙམ་གནས་པ་ལ་ནི་རིམ་པོ་ཞེས་བྱའོ།། འཁོར་ལོ་ཞེས་བྱ་བ་ནི་ལྷ་རྣམས་བསྒོམ་པར་བྱ་བའོ།། དེའི་དབུས་སུ་ཞེས་བྱ་བ་ནི་གཞལ་ཡས་ཁང་གི་དབུས་ཞེས་བྱའོ།། རོ་ནི་བསམ་པར་བྱ་ཞེས་བྱ་བ་ནི ་བཅོ་ལྔའི་གདན་ཞིང་ཆེན་བསམ་པར་བྱའོ།། གང་བསམ་པར་བྱ་ཞེ་ན། ཟེའུ་འབྲུ་དང་འདབ་མ་བརྒྱད་དང་། སྒོ་བཞི་དང་། ཤར་ཕྱོགས་ཀྱི་པདྨའི་འདབ་མའི་སྣ་དང་ནུབ་ཕྱོགས་ཀྱི་པདྨའི་འདབ་མའི་སྣར་བསམ་པར་བྱའོ།། དེའི་ཐོག་ཏུ ་ཞེས་བྱ་བ་ནི་གནས་ཀྱི་གཙོ་བོའི་སྟེང་ན་གནས་པའི་གདན་དེའི་སྟེང་དུའོ།། ཟླ་བར་གྱུར་ཞེས་བྱ་བ་ནི་ཨ་ལ་སོགས་པ་ཞུ་བ་ལས་ཟླ་བར་བསམ་པར་བྱའོ།། དེ་ནས་མ་ལུས་ཉི་མས་མནན་ཞེས་བྱ་བ་ནི་ཀ་ལ་སོགས་པ་ཞུ་བ་ལས་ཉི་མའི་དཀྱིལ་འཁོར ་བསམ་པར་བྱའོ།། ས་བོན་དེའི་སྟེང་དུ་ཞེས་བྱ་བ་ནི་ཨཾ་དང་ཧཱུཾ་ངོ་།། དེ་དག་ཐམས་ཅད་བསྒྱུར་བ་ལས་རྡོ་རྗེ་སེ་བླ་དཔའ་བསས་པར་བྱའོ།། སེ་འཇི་ལྟ་བུ་ཞེ་ན་ཞས་དང་ཕྱག་མཚན་སྲས་དང་འདྲ་ཞེས་བྱ་བ་ནི་འབྲས་བུར་གྱུར་པའི་གཟུགས་དང་མཐུན་པར་བཤད་དོ།། འབྲས་བུར ་གྱུར་པའི་ལྷའི་གཟུགས་དང་ཞལ་ལ་སོགས་པ་མཐུན་ན་བྱེ་བྲག་ཅི་ཡོད་ཅེ་ན། དེའི་བྱེ་བྲག་བསྟན་པར་བྱའོ།། དེའི་ཕྱིར་ཟླ་འོད་ནོར་བུ་ཁ་དོག་འདྲ་ཞེས་སྨོས་སོ།། ཚིག་དེས་ནི་བྱེ་བྲག་འདི་བསྟན་པར་བྱ་སྟེ། རྒྱུའི་གཟུགས་ཀྱི་གདན་ནི་ཟླ་བའི་དཀྱིལ ་འཁོར་རོ།། དེའི་སྐུ་ནི་ཟླ་བའི་ཁ་དོག་དང་འདྲའོ།། འོད་ཟེར་ཀྱང་ཟླ་བའི་འོད་ཟེར་དང་འདྲ་བར་བསྟན་ཏོ།། འབྲས་བུའི་གཟུགས་ཀྱི་ནི་ཉི་མའི་གདན་ཉི་མའི་འོད་ཟེར་དང་ལྡན་པའོ།། ཡི་གེ་རྣམས་ལས་བྱུང་བའི་སྐུ་ཞེས་བྱ་བ་ལ་སོགས་པ་ལ་ཡི་གེ་རྣམས ་ལས་བྱུང་བ་ཞེས་བྱ་བ་ནི་རྡོ་རྗེ་སེམས་དཔའི་སྐུའོ།། སྐུ་དེས་མཉམ་པར་སྦྱོར་བའི་དུས་སུ་བྱང་ཆུབ་ཀྱི་སེམས་རེངས་པར་བྱེད་པ་ཧཱུཾ་ཕཊ་བསམ་པར་མི་བྱའོ།། དེ་བསམ་པར་མི་བྱ་བའི་ཕྱིར། ཟླ་བ་ཉི་མ་གཉིས་མེད་སྦྱོར་ཞེས་བྱ་བ་སྨོས་སོ།། དེ་ནི་བྱང ་ཆུབ་སེམས་དང་རང་བྱུང་གི་མེ་ཏོག་དེ་གཉིས་འདུས་པར་གྱུར་པའོ།། གཽ་རཱི་ལ་སོགས་པ་ཞེས་བྱ་བ་ནི་བཤད་མ་ཐག་པ་དེ་ལས་སྤྲོ་བ་བསྟན་ཏོ།། གཽ་རཱི་ལ་སོགས་པ་གང་ཡིན་ཞེ་ན། ཞལ་བརྒྱད་པ་ལ་སོགས་པ་རྣམས་ཀྱི་དཀྱིལ་འཁོར་གྱི་ལྷའོ།། ་དེའི་དོན་རྒྱས་པར་བཤད་པར་བྱ་སྟེ། གཽ་རཱི་ལ་སོགས་པ་ཉི་མ་ཟླ་བ་འདུས་པ་ལས་སྐྱེ་བའི་ཕྱིར། ཐབས་དང་ཤེས་རབ་རང་བཞིན་གྱིས་ཞེས་བྱ་བ་ལ་སོགས་པ་སྨོས་སོ།། ཐབས་དང་ཤེས་རབ་མཉམ་པར་སྦྱོར་བ་ལ་ཟླ་བ་ཉི་མ་དབྱེ་བ་ལས་ཞེས ་བྱའོ།། དེ་རྣམས་སྐུ་མདོག་སོ་སོར་དབྱེ་ཞེས་བྱ་བ་ལ་སོགས་པ་ནི་དབུས་ཀྱི་གཙོ་བོ་ལ་བལྟོས་ནས་དེ་དག་གི་སྐུ་མདོག་གི་བྱེ་བྲ་བྲག་སོ་སོར་ཤེས་པར་བྱའོ།། གཽ་རཱི་ལ་སོགས་པ་ཞེས་བྱ་བའི་ཚིག་དེས་ནི་བདག་མེད་མ་ལ་སོགས་པའི་འདྲ་བ ་འབྱུང་བའི་འབྲས་བུར་ཤེས་པར་བྱའོ།། རྣམ་པར་སྨིན་པའི་འབྲས་བུ་ཐོབ་པར་བྱ་བའི་ཕྱིར་མིགས་ལ་སོགས་པའི་སྐྱེ་མཆོད་བྱིན་གྱིས་བརླབ་པར་བྱ་སྟེ། དེའི་ཕྱིར་དང་པོ་ནག་པོ་བསམ་པར་བྱ་ཞེས་བྱ་བ་ལ་སོགས་པ་སྨོས་སོ་ཡང་ན་དེ་བཞིན ་ཆགས་བྲལ་མཐའ་ཞེས་བྱ་བས་ནི་འཁོར་ལོ་བཞི་བྱིན་གྱིས་བརླབ་པར་བྱ་བ་དང་། སྐྱེས་བུ་བྱེད་པའི་འབྲས་བུ་བསྟན་ཏོ།། ཕྱིན་ཅི་ལོག་པ་ཐམས་ཅད་སྤོང་བ་དང་། ཕྱིན་ཅི་མ་ལོག་པ་བསྐྱེད་པར་བྱ་བའི་ཕྱིར་བསྐྱེད་པའི་རིམ་པ་བཤད་པར་བྱ ་སྟེ། བསྐྱེད་པའི་རིམ་པ་ཇི་ལྟ་བུ་ཞེ་ན། བསྐྱེད་པའི་རིམ་པ་ཇི་བཞིན་དུ་ཞེས་བྱ་བ་སྨོས་སོ།། ཀུན་རྫོབ་ཏུ་རྒྱུ་དང་འབྲས་བུའི་དངོས་པོ་ལ་བྱ་བར་བསྟན་ཏོ།། རྫོགས་པའི་རིམ་པ་དེ་བཞིན་དུ་ཞེས་བྱ་བ་ནི་རྫོགས་པ་དང་རང་བཞིན་གྱིས་གྲུབ་པར ་གནས་པའོ།། ཀུན་གྱི་རྟིང་ལ་རང་བཞིན་དགའ་ཞེས་བྱ་བ་ནི་རྣམ་པར་རྟོག་པ་མེད་པའི་ཡེ་ཤེས་གཅིག་ཁོ་ན་རྒྱུ་ཡིན་གྱི་གཞན་མ་རྣམས་ལ་ནི་བལྟོས་པ་མེད་དོ།། དེ་ལ་ནི་རང་བཞིན་དགའ་བ་ཞེས་བྱའོ།། བདེ་མཆོག་དགའ་བ་སྲིད་པར་གསུངས ་ཞེས་བྱ་བ་ནི་ཆགས་པ་དང་བཅས་པའི་ཡེ་ཤེས་ལ་ནི་བདེ་མཆོག་དགའ་བ་ཞེས་བྱའོ།། དེ་ལ་ནི་སྲིད་པ་ཞེས་བསྟན་ཏོ།། ཆགས་པ་དང་བྲལ་བའི་ཡེ་ཤེས་མེ་མར་ཤི་བ་ལྟ་བུ་མྱ་ངན་ལས་འདས་པ་ལ་ཆགས་པ་དང་བྲལ་བ་ཀུན་འདས་པ་ཞེས་བྱ་བའོ།། བཏང ་སྙོམསུ་གནས་པ་ལ་ནི་བར་མའི་དགའ་བ་ཙམ་ཞེས་བྱའོ།། དེ་གསུམ་དང་བྲལ་བ་ལ་ནི་འདི་རྣམས་ཀྱི་ནི་རང་བཞིན་སྤངས་ཞེས་བྱའོ།། དེས་ནི་རང་བཞིན་དགའ་བ་བསྟན་ཏོ།། དེ་གསུམ་དང་བྲལ་བ་རང་བཞིན་དགའ་བ་ཡིན་ན་འཁོར་བ་དང་མྱ་ངན་ལས་འདས ་པ་བཏང་སྙོམས་སོ།། དེ་གསུམ་སྤངས་ནས་སྒྲ་གཞན་གྱི་དེ་བརྗོད་པར་བྱ་བར་རིགས་ན་དེ་གསུམ་ལ་ལྟོས་ནས་རང་བཞིན་དགའ་བ་ཅི་ཕྱིར་བསྟན། དེའི་ལན་དུ་རང་བཞིན་བསྟན་དུ་གཞན་མི་ནུས། གང་ན་འང་དེ་ནི་མི་ཐོབ་པ་པོ་ཞེས་བྱ་བ་སྨོས་སོ།། དེ་ནི་འཁོར ་བ་ལ་སོགས་པའི་སྒྲ་མ་གཏོགས་པ་གཞན་གྱི་ནི་མ་ཡིན་ནོ།། རང་བཞིན་ནི་འཁོར་བ་ལ་སོགས་པ་མ་གཏོགས་པར་གཞན་ལ་ཐོབ་པ་མེད་དོ།། ཅིའི་ཕྱིར་གཞན་ལས་ཐོས་པར་མི་འགྱུར་ཞེ་ན། ཡོན་ཏན་མ་ཡིན་པ་ནི་འཁོར་བ་ཡིན་ལ་དེ་ཡང་རྣམ་པར ་ཤེས་པ་ལས་ཐ་དད་པ་མེད་དོ།། རྣམ་པར་ཤེས་པ་ལ་ཡང་འདས་པ་དང་མ་འོངས་པ་དེ་ལ་མེད་དོ།། སྐད་ཅིག་མ་ཤིན་ཏུ་ཆ་ཕྲ་བའི་ངོ་བོར་ཡོད་པའོ།། དེའི་ཕྱིར་གང་ཞིག་འཁོར། འཁོར་བ་ཞེས་བྱ་གང་། འཁོར་བའི་ལས་ནི་གང་ཞིག་ཡིན་ཏེ། དེ་ནི་མེད ་དེ། དེའི་ཕྱིར་འཁོར་བ་མེད་པར་བསྟན་ཏོ།། དེའི་ཕྱིར་མྱ་ངན་ལས་འདས་པ་ཡང་མེད་དོ།། དེ་གཉིས་མེད་པས་བར་མ་ཡང་དམིགས་པ་མེད་དོ།། དེ་བས་ན་འཁོར་བ་ལ་སོགས་པའི་རང་བཞིན་གོ་བ་ལ་རང་བཞིན་དགའ་བ་ཞེས་བྱའོ།། དེའི་ཕྱིར་སྒྲ་གཞན ་གྱིས་བརྗོད་པར་མི་ནུས་པ་དང་། གཞན་ལས་མི་ཐོབ་པར་བསྟན་ཏོ།། དེ་ལྟ་བུའི་ཡེ་ཤེས་ཇི་ལྟར་གོ་བར་འགྱུར་ཞེ་ན། དེའི་ཕྱིར་བླ་མའི་བཀུར་སྟི་ཞ་འབྲིང་གིས་ཞེས་བྱ་བ་ལ་སོགས་པ་ལ་བསོད་ནམས་ཀྱི་ལས་གོམས་པའི་དབང་གིས། སེམས་བཟང ་པོས་གྱུར་པས་ཡང་དག་པའི་བླ་མ་དང་ཕྲད་པར་འགྱུར་ཞིང་དེས་ལམ་སྟོན་པར་བྱེད་དོ།། དེ་གོམས་པའི་དབང་གིས་རང་གི་གོ་བོར་འགྱུར་རོ།། སྒྲིབ་པ་དང་བྲལ་བའི་ཡེ་ཤེས་སྐྱེས་པའི་སྐད་ཅིག་ལ་རྣམ་པ་ཐམས་ཅད་གོ་བར་འགྱུར་རོ།། དེའི་ཕྱིར་ན་རྣམ་པ ་ཐམས་ཅད་གཅིག་གོ། དེ་བས་ན་རང་བཞིན་དགའ་བ་ལས་ཐམས་ཅད་སྐྱེ་བར་བསྟན་ཏོ།། དེ་ལྟ་བུའི་ཡེ་ཤེས་རྟག་པར་གོམས་པས་སྐྱེ་བར་འགྱུར་རོ།། དེ་གོ་བར་བྱ་བའི་ཕྱིར་ཚིག་འདི་བསྟན་པར་བྱའོ།། འདི་ལྟར་བསམ་བྱས་རྣལ་འབྱོར་པ་ཞེས་བྱ་བ ་ལ་སོགས་པ་བསྟན་ཏོ།། རྩཝ་ཤིང་དབྱི་མོ་ལ་སོགས་པ་ཞེས་བྱ་བ་ལ་སོགས་པ་ནི་རྣམ་པར་ཤེས་པའི་རྣམ་པ་ཡིན་གྱི། གཞན་གྱི་ནི་མ་ཡིན་ནོ།། རྣམ་པ་ཐམས་ཅད་རྣམ་པར་ཤེས་པ་ལས་ལོགས་ཤིག་ན་མེད་ན་ཕྱི་རོལ་རྣམས་ཀྱིས་ཅིའི་ཕྱིར་ཤེས ་པར་མི་འགྱུར། དེའི་ལན་དུ་དཔག་ཏུ་མེད་པའི་དུས་ནས་ཕྱི་རོལ་ཡིན་པར་བརྟགས་པས་ན་གོ་བར་མི་འགྱུར་རོ།། མཉམ་པའི་རོ་གོམས་པ་དང་ལྡན་པའི་རྣལ་འབྱོར་པས་ཕྲིན་ལས་ཐམས་ཅད་འགྲུབ་པར་འགྱུར་རོ།། ཇི་ལྟར་འགྲུབ་པར་འགྱུར ་ཞེ་ན། དེའི་ཕྱིར་ཚིག་འདི་བསྟན་པར་བྱ་སྟེ། རྟོག་པས་ལས་ནི་སྐྱེ་བར་འགྱུར་ནས་བྱ་བ་ནི་རང་བཞིན་དགའ་བའི་ཏིང་ངེ་འཛིན་ལ་གནས་པའི་རྣལ་འབྱོར་པས་སེམས་ཅན་གྱི་དོན་དུ་ཇི་ལྟར་བརྟགས་པ་དེ་བཞིན་དུ་ཕྲིན་ལས་ཀུན ་འགྲུབ་པར་འགྱུར་རོ།། དེ་ལ་ལས་ཞེས་བྱ་བ་ནི་ཞི་བ་ལ་སོགས་པའི་ཕྲིན་ལས་སོ།། རྣམ་པ་ཐམས་ཅད་པ་རྣམ་པར་རྟོག་པ་ཐམས་ཅད་དང་ལས་ཐམས་ཅད་དེ་དག་ཐམས་ཅད་བཤད་མ་ཐག་པའི་རྣལ་འབྱོར་པ་དེས་འགྲུབ་པར་འགྱུར་རོ།། དེའི་ཕྱིར ་ཚིག་འདི་བསྟན་པར་བྱ་སྟེ་རང་བསྡུ་རང་གིས་བྱེད་པའོ་ཞེས་བྱ་བ་ལ་སོགས་པ་བསྟན་ཏོ།། ཆོས་འབྱུང་གནས་ལས་བྱུང་ཡེ་ཤེས་ཞེས་བྱ་བ་ནི་རྡོ་རྗེ་པདྨ་དང་མཉམ་པར་སྦྱར་བ་ལས་སྐྱེས་པའི་ཡེ་ཤེས་སོ།། ཐབས་ལྡན་ཞེས་བྱ་བ་ནི་ལྷའི་རྣལ ་འབྱོར་དང་ལྡན་པའོ།། དེས་ནི་ཡེ་ཤེས་སྐྱེ་བར་བྱེད་པའི་རྒྱུ་བསྟན་ཏོ།། གཞན་ཡང་ཡེ་ཤེས་སྐྱེ་བའི་རྒྱུ་ནི་བསྐྱོད་པ་དང་། ག་པུར་སྤང་བར་མི་བྱ་བ་དང་། བསྒོམ་པའི་སྟོབས་སོ།། དེ་དག་གི་དབང་གིས་ཇི་ལྟ་བུའི་ཡེ་ཤེས་སྐྱེ་བར་འགྱུར་ཞེ་ན། སྤྲོས་པ ་ཐམས་ཅད་དང་བྲལ་བ། འདས་པ་དང་མ་འོངས་པ་རྣམ་པ་གཉིས་དང་བྲལ་བ། རང་གིས་རིག་པ། གཞན་ལ་ཚིག་དུ་བརྗོད་པར་མི་ནུས་པ། དོན་ཐམས་ཅད་མངོན་སུམ་དུ་བྱེད་པར་ནུས། བེམས་པོ་མ་ཡིན་པ་ཐམས་ཅད་མཁྱེན་པ། འདས ་པ་དང་མ་འོངས་པ་དང་ད་ལྟར་གྱི་ཡེ་ཤེས་སོ།། བཤད་མ་ཐག་པའི་རང་བཞིན་ནོ།། པདྨའི་མྱུ་གུ་རྡོ་རྗེས་མཛད་པའི་ཀྱེའི་རྡོ་རྗེའི་རྒྱུད་ཀྱི་ལེའུ་བརྒྱད་པའི་འགྲེལ་པ་རྫོགས་སོ།། ། དབང་པོ་དྲུག་ཅེས་བྱ་བ་ནི་མིག་གི་དབང་པོ་ལ ་སོགས་པའོ།། ཕུང་པོ་ལྔ་ཞེས་བྱ་བ་ནི་གཟུགས་ཀྱི་ཕུང་པོ་ལ་སོགས་པའོ།། དེ་ལ་གཟུགས་ཀྱི་ཕུང་པོ་ནི་དབང་པོ་དང་། ཡུལ་ལྔ་དང་། སྔོན་དུ་གཟུགས་རྣམ་པ་གཉིས་ཞེས་བྱ་བ་ལ་སོགས་པར་བསྟན་པ་དང་། འབྱུང་བ་ཆེན་པོ་བཞི་དང་། མིག ་གི་དབང་པོའི་རྟེན་ལ་སོགས་པ་དང་། གཟུགས་འདས་པ་ལ་སོགས་པ་ལ་ནི་གཟུགས་ཀྱི་ཕུང་པོ་ཞེས་བྱའོ།། ཚོར་བའི་ཕུང་པོ་ཞེས་བྱ་བ་ནི་བདེ་བ་དང་སྡུག་བསྔལ་དང་བཏང་སྙོམས་སོ།། གཞན་ཡང་མིག་གི་འདུས་ཏེ་རེག་པ་ལ་སོགས་པ ་ལས་བྱུང་བའི་ཚོར་བྱ་བཅོ་བརྒྱད་དང་། ཚོར་བ་འདས་པ་ལ་སོགས་པ་དཔག་ཏུ་མེད་པ་ལ་ཚོར་བའི་ཕུང་པོ་ཞེས་བྱའོ།། འདུ་ཤེསཽ་ཞེས་བྱ་བ་ནི་རྒྱུ་རྐྱེན་འདུས་ནས་མཚན་མྱུར་འཛིན་པ་འདུ་ཤེས་ཞེས་བྱའོ།། དེའི་རྒྱུ་ནི་གཟུགས་ལ་སོགས ་དཔག་ཏུ་མེད་པའོ།། དེ་ཡང་ཆུང་དུ་དང་། ཆེན་པོ་དང་ཚད་མེད་པའོ།། དེ་ཡང་འདས་པ་དང་ད་ལྟར་དང་མ་འོངས་པོ་ལ་འདུ་ཤེས་ཀྱི་ཕུང་པོ་ཞེས་བྱའོ།། འདུ་བྱེད་ཀྱི་ཕུང་པོ་ཞེས་བྱ་བ་ནི་སེམས་ལས་གང་བྱུང་བའོ།། དེ་ལ་སེམས་ལས ་བྱུང་བ་ཞེས་བྱ་བ་ནི་དད་པ་ལ་སོགས་པ་དང་། འདོད་ཆགས་ལ་སོགས་པ་སྟེ། དེ་ཡང་མིག་གི་དབང་པོ་ལ་སོགས་པ་སྟེ། དེ་ཡང་མིག་གི་དབང་པོ་ལ་སོགས་པ་ལ་བརྟེན་ནས་སྐྱེ་བའོ།། དེ་དག་ཐམས་ཅད་ལ་འདུ་བྱེད་ཀྱི་ཕུང་པོ་ཞེས ་བྱའོ།། རྣམ་པོར་ཤེས་པའི་ཕུང་པོ་ཞེས་བྱ་བ་ནི་མིག་གི་རྣམ་པར་ཤེས་པ་ལ་སོགས་པ་དྲུག་གོ།། དེ་ཡང་དགེ་བ་དང་མི་དགེ་བ་དང་ལུང་དུ་བསྟན་པ་དང་མ་བསྟན་པའོ།། དེ་ནི་ཆུང་ངུ་དང་འབྲིང་དང་ཆེན་པོའོ།། དེ་དག་ལ་ནི་རྣམ་པར ་ཤེས་པའི་ཕུང་པོ་ཞེས་བྱའོ།། ནང་གི་གནས་དྲུག་དང་། ཕྱིའིའོ་ཡུལ་དྲུག་གོ།། དེའི་རྣམ་པར་དག་པ་ནི་གཟུང་འཛིན་དང་བྲལ་བ་ཞེས་བསྟན་ཏོ།། རྡོ་རྗེ་མ་སྒྱུར་གཟུགས་ཕུང་ལ་ཞེས་བྱ་བ་ལ་སོགས་པས་བསྟན་ཏོ།། ལྷའི་རྣམ ་པར་དག་པ་བསྟན་ནས་དབུས་ཀྱི་བཙོ་བོ་ཞལ་བརྒྱད་པའི་རྣམ་པར་དག་པ་བསྟན་པར་བྱ་སྟེ། དེ་བསྟན་པར་བྱ་བའི་ཕྱིར། ཕྱག་རྣམས་ཀྱི་ནི་སྟོང་ཉིད་དག་ཅེས་བྱ་བ་ལ། ནང་སྟོང་པ་ཉིད་དང་། ཕྱི་སྟོང་པ་ཉིད་དང་། ཕྱི་ནང་སྟོང་པ་ཉིད་དང་། སྟོང་པ ་ཉིད་སྟོང་པ་ཉིད་དང་། ཆེན་པོ་སྟོང་པ་ཉིད་དང་། དོན་དམ་པ་སྟོང་པ་ཉིད་དང་། འདུས་བྱས་སྟོང་པ་ཉིད་དང་། འདུས་མ་བྱས་སྟོང་པ་ཉིད་དང་། ཤིན་ཏུ་སྟོང་པ་ཉིད་དང་། ཐོག་མ་དང་ཐ་མ་མེད་པ་སྟོང་པ་ཉིད་དང་། དོར་བ་མེད་པ་སྟོང་པ་ཉིད་དང་། ་ང་བཞིན་སྟོང་པ་ཉིད་དང་། ཆོས་ཐམས་ཅད་སྟོང་པ་ཉིད་དང་། རང་གི་མཚན་ཉིད་སྟོང་པ་ཉིད་དང་། མི་དམིགས་པ་སྟོང་པ་ཉིད་དང་། ངོ་བོ་ཉིད་སྟོང་པ་ཉིད་དོ།། དེ་ལ་ནང་སྟོང་པ་ཉིད་ཅེས་བྱ་བ་ནི་མིག་གི་དབང་པོ་ལ་སོགས་པ་ལ་ནི་ནང་སྟོང་པ ་ཉིད་ཅེས་བྱའོ།། མིག་གི་ཡུལ་གཟུགས་ལ་སོགས་པ་ལ་ནི་ཕྱི་སྟོང་པ་ཉིད་ཅེས་བྱའོ།། དེ་གཉིས་སྟོང་ངོ་སྙམ་པའི་སེམས་དེ་ཡང་སྟོང་པས་ན་ཕྱི་ནང་སྟོང་པ་ཉིད་ཅེས་བྱའོ།། སྟོང་པ་ཉིད་སྟོང་པ་ཉིད་ཅེས་བྱ་བ་ནི་ཆོས་ཐམས་ཅད་སྟོང་པ་ཉིད་དོ་སྙམ ་པའི་སེམས་དེ་ཡང་སྟོང་པ་ཉིད་ཡིན་པས་ན་སྟོང་པ་ཉིད་སྟོང་པ་ཉིད་ཅེས་བྱའོ།། ཤར་ཕྱོགས་ལ་སོགས་པ་སྟོང་པ་ཉིད་ལ་ནི་ཆེན་པོ་སྟོང་པ་ཉིད་ཅེས་བྱའོ།། དོན་དམ་པ་སྟོང་པ་ཉིད་ཅེས་བྱ་བ་ནི་མྱ་ངན་ལས་འདས་པ་ཡང་སྟོང་པས་དོན་དམ་པ ་སྟོང་པ་ཉིད་ཅེས་བྱའོ།། འདུས་བྱས་སྟོང་པ་ཉིད་ཅེས་བྱ་བ་ནི་འདོད་པའི་ཁམས་དང་། གཟུགས་ཀྱི་ཁམས་དང་། གཟུགས་མེད་པའི་ཁམས་སོ།། དེ་དག་འདུས་བྱས་སྟོང་པ་ཉིད་ཅེས་བྱའོ།། འདུས་མ་བྱས་སྟོང་པ་ཉིད་ཅེས་བྱ་བ་ནི་སྐྱེ་བ་དང་གནས་པ་དང ་འགག་པ་མེད་པ་ལ་ནི་འདུས་མ་བྱས་སྟོང་པ་ཉིད་ཅེས་བྱའོ།། ཤིན་ཏུ་སྟོང་པ་ཉིད་ཅེས་བྱ་བ་ནི་རྟག་པར་བལྟ་བ་དང་། ཆད་པར་བལྟ་བ་དེ་གཉིས་ཀྱི་སྟོང་པ་ལ་ནི་ཤིན་ཏུ་སྟོང་པ་ཉིད་ཅེས་བྱའོ།། ཐོག་མ་དང་ཐ་མ་མེད་པ་སྟོང་པ་ཉིད་ཅེས་བྱ ་བ་ནི་འགྲོ་བ་དང་འོང་བ་མེད་པའོ།། དེ་ལ་ནི་ཐོག་མ་དང་ཐ་མ་མེད་པ་སྟོང་པ་ཉིད་ཅེས་བྱའོ།། དོར་བ་མེད་པ་སྟོང་པ་ཉིད་ཅེས་བྱའོ།། རང་བཞིནི་སྟོང་པ་ཉིད་ཀྱི་བྱ་བ་ནི་ཆོས་ཐ~ཾད་ཀྱི་རང་བཞིན་གང་གིས་ཀྱང་མ་བྱས་པས་ན་རང་བཞིན་སྟོང་པ་ཉིད་ཅེས་བྱའོ།། ཆོས་ཐམས ་ཅད་སྟོང་པ་ཉིད་ཅེས་བྱ་བ་ནི་འདུས་བྱས་དང་འདུས་མ་བྱས་དག་དེ་གཉིས་ཀྱིས་སྟོང་པ་ལ་ཆོས་ཐམས་ཅད་སྟོང་པ་ཉིད་ཅེས་བྱའོ།། རང་གི་མཚན་ཉིད་སྟོང་པ་ཉིད་ཅེས་བྱ་བ་ནི་ཆོས་ཐམས་ཅད་རང་རང་གི་མཚན་ཉིད་ཀྱིས་སྟོང་པས་ན་རང ་གི་མཚན་ཉིད་སྟོང་པ་ཉིད་ཅེས་བྱའོ།། མི་དམིགས་པ་སྟོང་པ་ཉིད་ཅེས་བྱ་བ་ནི་དུས་གསུམ་གྱི་ཆོས་མི་དམིགས་པ་ལ་ནི་མི་དམིགས་པ་སྟོང་པ་ཉིད་ཅེས་བྱའོ།། ངོ་བོ་ཉིད་སྟོང་པ་ཉིད་ཅེས་བྱ་བ་ནི་རྒྱུ་རྐྱེན་ལས་སྐྱེས་པ་རྣམས་ནི་དོན ་དམ་པར་མེད་པས་ན་ངོ་བོ་ཉིད་སྟོང་པ་ཉིད་ཅེས་བྱའོ།། དེ་དག་གི་རྣམ་པར་དག་པ་ནི་ཕྱག་བཅུ་དྲུག་གོ།། ཞབས་ཀུན་བདུད་ཀྱི་དག་པ་ཡིས་ཞེས་བྱ་བ་ནི་ཉོན་མོངས་པའི་བདུད་ལ་སོགས་པ་འཇོམས་པར་བྱེད་པ་སྟེ། དེ་ཇི་ལྟར་འཇོམས ་པར་བྱེད་ཅེ་ན། ཤེས་རབ་ཀྱི་སྟོབས་ཀྱིས་སོ།། ཤེས་རབ་དེ་ཡང་བཞི་སྟེ། དངོས་པོ་སྟོང་པ་ཉིད་དང་། དངོས་པོ་མེད་པ་སྟོང་པ་ཉིད་དང་། རང་བཞིན་སྟོང་པ་ཉིད་དང་། གཞན་རང་བཞིན་གྱིས་སྟོང་པ་ཉིད་དོ།། དེ་ལ་དངོས་པོ་སྟོང ་པ་ཉིད་ཅེས་བྱ་བ་ནི་དངོས་པོ་རང་གི་རང་བཞིན་སྟོང་པ་ཉིད་དོ།། དངོས་པོ་མེད་པ་སྟོང་པ་ཉིད་ཅེས་བྱ་བ་ནི་དངོས་པོ་མེད་པས་སྟོང་པ་ཉིད་ཅེས་བྱའོ།། རང་བཞིན་སྟོང་པ་ཉིད་ཅེས་བྱ་བ་ནི་རང་བཞིན་གྱིས་སྟོང་པ་ཉིད་དོ།། གཞན་རང་བཞིན་གྱིས ་སྟོང་པ་ཉིད་ཅེས་བྱ་བ་ནི་གཞན་ཉིད་རང་བཞིན་གྱིས་སྟོང་པས་ན་གཞན་རང་བཞིན་གྱིས་སྟོང་པ་ཉིད་ཅེས་བྱའོ།། དེ་དག་གི་རྣམ་པར་དག་པ་ནི་ཞབས་བཞིར་བསྟན་ཏོ།། རྣམ་པར་ཐར་པ་བརྒྱད་ཀྱི་ཞལ་ཞེས་བྱ་བ་ནི་གཟུགས་ཅན་གཟུགས་ལ ་ལྕི་བ་དང་། སྡུག་པོའི་རྣམ་པར་ཐར་པ་ལུས་ཀྱིས་མངོན་སུམ་དུ་བྱས་ནས་རབ་ཏུ་བྱུང་བའི་སྤྱོད་པ་བསླབས་ནས་གནས་པ་དང་། རྣམ་ཤེས་མཐའ་ཡས་ཀྱི་སྐྱེ་མཆེད་ལ་གནས་པ་དང་། ནམ་མཁའ་མཐའ་ཡས་སོ་སྙམ་པའི་གནས་པ་དང་། ་ཅི་ཡང་མེད་པའི་སྐྱེ་མཆེད་ཀྱི་གནས་པ་དང་། འདུ་ཤེས་མེད་འདུ་ཤེས་མེད་མིན་གྱི་གནས་པ་དང་། འགོག་པའི་སྙོམས་པར་འཇུག་པའོ།། དེ་དག་གི་རྣམ་པར་དག་པ་ནི་ཞལ་བརྒྱད་དོ།། སྤྱན་དག་རྡོ་རྗེ་ཅན་གསུམ་གྱི་ཞེས་བྱ་བ་ནི་སྐུ ་གསུང་ཐུགས་ཀྱི་རྣམ་པར་དག་པ་ནི་སྤྱན་གསུམ་མོ།། གང་དང་གང་གིས་འཇིག་རྟེན་བཅིངས་ཞེས་བྱ་བ་ནི་རྣམ་པར་རྟོག་པ་དེ་དང་དེའི་མུན་པས་བཅིངས་པའི་ཤེས་པ་དེ་ཉིད་ཀྱི་སྣང་བས་རང་ཉིད་གྲོལ་བར་འགྱུར་རོ།། པདྨའི་མྱུ་གུ་རྡོ་རྗེས ་མཛད་པར་ངྒེའི་རྡོ་རྗེའི་རྒྱུད་ཀྱི་ལེའུ་དགུ་པའི་འགྲེལ་པ་རྫོགས་སོ།། བྱང་ཆུབ་སེམས་དཔའི་ཁང་པ་ལ་ཞེས་བྱ་བ་ནི་དུར་ཁྲོད་དོ།། ཡང་ན་དེ་རུང་གང་རུང་ཐོབ་ཅེས་བྱ་བ་ནི་ཐབས་དང་ཤེས་རབ་ཀྱི་རྒྱུས་དངོས་གྲུབ་ཐོབ་པར་འགྱུར ་རོ།། དེ་ལ་རིགས་ནི་ཚད་མ་མ་ཡིན་ནོ།། ཕྱག་རྒྱ་མའི་གདོང་གཡོགས་ཞེས་བྱ་བ་ནི་དབང་བཞི་བཤད་པའི་གནས་སྐབསུ་བསྟན་པར་བྱའོ།། རང་བཞིན་དཔའ་བའི་ངོ་བོ་ནི་རྣལ་འབྱོར་མ་ཆེན་མོ་རྣམས་ཀྱི་འདུ་བར་བྱ་བའི་ལེའུར་བསྟན་ཟིན་ཏོ།། ་འདིར་ནི་སློབ་མར་གོ་བར་བྱ་བའི་ཕྱིར་བསྟན་པར་བྱ་སྟེ། དེ་བས་ན་ཟློས་པའི་སྐྱོན་དུ་མི་འགྱུར་རོ།། ཡང་ན་ཐམས་ཅད་ཀྱི་ནི་སྤངས་ཞེས་བྱ་བ་ལ་སོགས་པས་ནི་ཆགས་པ་དང་ཆགས་པ་དང་བྲལ་བ་ནི་ཕྱིན་ཅི་ལོག་གི་རྣམ་པར་རྟོག་པས་བརྡག ་པའོ།། རྟོག་པ་དེ་འགགས་པར་གྱུར་པས་དེ་ཡང་འགག་པར་འགྱུར་རོ།། དེ་གཉིས་འགགས་པས་ནི་བར་མ་ཡང་མི་དམིགས་སོ།། དེའི་ཕྱིར་དེ་གསུམ་གྱིས་རང་བཞིན་དགའ་བ་སྤངས་པའོ།། ཡང་ན་བཤད་མ་ཐག་ཉིད་ཀྱིས་རང་བཞིན་གོ་བར་བྱ་སྟེ། ་དེ་ཇི་ལྟར་གོ་བར་བྱ་ཞེ་ན། སྤྲོས་པ་ཐམས་ཅད་དང་བྲལ་བ་རང་གིས་གོ་ལ་གཞན་ལ་བརྗོད་པར་མི་ནུས་པའོ།། དེ་སྤངས་ནས་གཞན་དུ་ནི་རང་བཞིན་དགའ་བ་མི་རྙེད་དོ།། དེའི་ཕྱིར་རང་བཞིན་དགའ་བ་ནི་དགའ་བ་གསུམ་གྱི་བདག་ཉིད་དོ།། རྗེད ་མོ་མཆོག་གི་བདེ་བ་ལ་ཞེས་བྱ་བ་ནི་རྟོག་པ་མེད་པའི་ཏིང་ངེ་འཛིན་ནོ།། དེ་རྙེད་པས་གཟུང་བ་ལ་སོགས་པའི་རྣམ་པར་རྟོག་པ་དང་བྲལ་བར་འགྱུར་རོ།། རང་བཞིན་གཉིས་ཞེས་བྱ་བ་ནི་ཐབས་དང་ཤེས་རབ་ཀྱི་དབྱེ་བས་རང་བཞིན་དགའ་བ ་གཉིས་ནས་བྱའོ།། རང་བཞིན་ནི་ཡང་དག་པར་རྫོགས་པའི་སངས་རྒྱས་སོ།། ང་ཉིད་ཅེས་ཟླ་བ་ནི་ཆོས་ཐམས་ཅད་མི་དམྱིགས་པའོ།། སྙིང་རྗེ་ཞེས་བྱ་བ་ནི་སེམས་ཅན་ཐམས་ཅད་འཁོར་བ་ལས་སྒྲོལ་བའོ།། དེ་ཡང་དམིགས་པར་སྒྲོལ་བར ་བྱེད་པའི་རང་བཞིན་ལ་ནི་སྙིང་རྗེ་ཞེས་བྱའོ།། སྟོང་པ་ཉིད་དམིགས་པ་མེད་པ་དང་སྙིང་རྗེ་དམིགས་པ་དང་བཅས་པ་ཇི་ལྟར་གཅིག་པར་འགྱུར་ཞེ་ན། དེ་ནི་སྐྱོན་མེད་དེ། ཏིང་ངེ་འཛིན་གང་སྟོང་པ་ཉིད་དང་བཅས་པ་དེ་ལ་ནི་སྟོང་པ་ཉིད་ཅེས་བྱའོ།། དེ་ནི་སྣང་བའི་རང་བཞིན་ནོ།། ་སྙིང་རྗེ་ནི་ཤེས་རབ་ཀྱི་མིག་གི་རང་བཞིན་ནོ།། དེའི་ཕྱིར་ཏིང་ངེ་འཛིན་ལ་སྣང་བ་སྐྱེས་ནས་སྙིང་རྗེའི་མིག་གིས་བལྟས་ན་སེམས་ཅན་གང་གི་སྒོ་ནས་གྲོལ་བར་འགྱུར་བ་ཤེས་པར་བྱས་ནས་སེམས་ཅན་གྱི་དོན་བྱེད་པར་འགྱུར་རོ།། དེའི་ཕྱིར་སྟོང་པ་ཉིད་དང་སྙིང ་རྗེ་ནི་མི་མཐུན་པར་འགྱུར་བ་མེད་དོ།། དེ་བས་ན་དེ་གཉིས་ཕན་ཚུན་གཅིག་ལ་གཅིག་ཡོན་ཏན་དུ་འགྱུར་རོ།། པདྨའི་མྱུ་གུ་རྡོ་རྗེས་མཛད་པའི་ཀྱེའི་རྡོ་རྗེའི་རྒྱུད་ཀྱི་ལེའུ་བཅུ་པའི་འགྲེལ་པ་རྫོགས་སོ།། ། གཡོན་པར་གནས་པའི་ལྟ་བའི་དབང་ཞེས་བྱ ་བ་ནི་མིག་གི་འབྲས་བུ་གཉིས་ཀྱིས་གཡོན་ཕྱོགས་སུ་བལྟ་བར་བྱའོ།། དེ་ལ་ནི་དབང་དུ་བྱ་བའི་ལྟ་བ་ཞེས་བྱའོ།། དེ་ལྟ་བུའི་རིམ་པས་གཡས་ཕྱོགས་སུ་བལྟས་ནས་དགུག་པའི་ལྟ་སྟངས་བྱའོ།། དེ་ལ་ནི་དགུག་པའི་ལྟ་བ་ཞེས་བྱའོ།། མིག་འབྲས་གཉིས་ཀྱང ་སྟེང་དུ་ཞེས་བྱ་བ་ལ་སོགས་པ་ནི་དེ་ལ་མིག་འབྲས་གཉིས་བག་ཞད་གཡོན་དུ་བསྐྱོད་ནས་བག་ཞད་སྟེང་དུ་ལྟ་བར་བྱེད་པའོ།། དེ་ལ་ནི་རེངས་པར་བྱེད་པའི་ལྟ་བ་ཞེས་བྱའོ།། སྣའི་གདོང་རྒྱུད་བར་ན་སྟེ། ཞེས་བྱ་བ་ནི་མིག་འབྲས་གཉིས་མིག་གི་བར་དུ་བཞག ་ནས་སྣའི་རྩེ་མོ་ལ་བལྟ་བར་བྱེད་པའོ།། དེ་ལ་ནི་གསོད་པར་བྱེད་པའི་ལྟ་བ་ཞེས་བྱའོ།། རྟོག་པ་འདི་ནི་མི་བྱའོ་ཞེས་བྱ་བ་ནི་ཐེ་ཚོམ་མི་བྱའོ།། ཅིའི་ཕྱིར་ཐེ་ཚོམ་མི་བྱ་ཞེ་ན། ཚད་མ་ལས་བྱུང་བའི་ཕྱིར་རོ།། ཚད་མ་ཞེས་བྱ་བ་གང་ཡིན་ཞེ་ན། གང་གོམས་པར། ་བྱས་པ་མངོན་དུ་གྱུར་པ་ལ་ནི་ཚད་མ་ཞེས་བྱའོ།། དེའི་ཕྱིར་སངས་རྒྱས་རྫུ་འཕྲུལ་བསམ་མི་ཁྱབ་ཅེས་བྱའོ།། དེ་ལ་བསམ་མི་ཁྱབ་ཅེས་བྱ་བ་ནི་རྣམ་པར་རྟོག་པ་མེད་པའོ།། རྣམ་པར་རྟོག་པ་མེད་པ་གང་ཡིན་ཞེ་ན། འཇིག་རྟེན་གྱི་ཁམས་དཔག་ཏུ་མེད་པ ་ན་འཁོར་བ་དཔག་ཏུ་མེད་པ་དང་། མྱ་ངན་ལས་འདས་པ་ལ་སོགས་པ་རྫུ་འཕྲུལ་དཔག་ཏུ་མེད་པ་སྟོན་པར་བྱེད་དོ།། དེ་དག་ཐམས་ཅད་ཀྱང་རྣལ་འབྱོར་པ་ལས་འགྲུབ་པར་འགྱུར་ན། ལྟ་བ་ཙམ་འགྲུབ་པར་འགྱུར་བ་ལྟ་སྨོས་ཀྱང་ཅི་དགོས། གསོད་པ ་འདི་ན་དགོས་པ་མེད་ཅེས་བྱ་བས་ནི་བསྲུང་བར་བྱ་བུའི་དམ་ཚིག་བསྟན་ཏོ།། ཐོག་མ་ན་དང་ཐོག་མ་ག་ཞེས་བྱ་བ་ལ་སོགས་པས་ནི་བཟའ་བར་བྱ་བའི་དམ་ཚིག་བསྟན་ཏོ།། པདྨའི་མྱུ་གུ་རྡོ་རྗེ་ཀྱེའི་རྡོ་རྗེའི་རྒྱུད་ཀྱི་རྡོ་རྗེ་སྙིང་པོ་ཡོངས་སུ་བླ་ན་མེད་པའི་བྱང ་ཆུབ་ཀྱི་བསྐལ་པའི་རྒྱལ་པོས་འགྲེལ་པ་མཛད་པོ་རྫོགས་སོ།། ། དགོངས་ལ་གཟུགས་བརྙན་དག་པར་བྱ་ཞེས་བྱ་བ་ནི་མངོན་པར་བྱང་ཆུབ་པ་ལྔའི་རིམ་པས་ལྡེར་སོ་ལ་སོགས་པ་བསྐྱེད་ནས། བསྐྱེད་པ་དེ་ཉིད་ཞུ་བར་བསམ ་པར་བྱའོ།། དེ་ལ་བསྐུལ་ནས་བཞེངས་པར་བསམ་པར་བྱའོ།། དེའི་སྐྱེ་མཆེད་བྱིན་གྱིས་བརླབས་པ་དང་ཡེ་ཤེས་སེམས་དཔའ་བསམ་པར་བྱའོ།། དེ་དག་ཏིང་ངེ་འཛིན་གྱིས་རྫོགས་པར་བྱའོ།། དེ་ནས་དེ་བཞིན་གཤེགས་པ་རྣམས་ཀྱིས་དབང་བསྐུར ་ནས་རིགས་ཀྱི་གཙོ་བོས་དབུ་བརྒྱན་པར་བསམ་པར་བྱའོ།། དེ་དག་བསམ་པར་བྱས་ནས་རྣམ་པར་རྒྱལ་བའི་བུམ་པ་ལ་སེགས་པའི་ནང་དུ་སྙིང་པོ་ལྔའི་སྨན་དང་བདུད་རྩི་རྣམ་པ་ལྔ་དང་། དྲི་ཞིམ་པོའི་ཆུ་དང་དེ་དག་ནང་དུ་བླུགས་པར ་བྱའོ། པ་ལ་ཤ་ལ་སོགས་པའི་ཡལ་གས་ཁ་བརྒྱན་པར་བྱས་ལ། རས་གཙང་མས་མགྲིན་པ་བཅིང་བར་བྱ་བ་དང་། ལེགས་པར་ལྷའི་ཕྱག་མཚན་བྲི་བར་བྱའོ།། དེ་ནས་རྣམ་པར་རྒྱལ་བའི་བུམ་པ་ལ་སོགས་པའི་སྟེང་དུ་རྡོ་རྗེ་ལ་མེ་ཏོག་གི་ཕྲེང ་བ་བཅིངས་ལ་མེ་ཏོག་གི་ཕྲེང་བའི་སྣ་བཟུང་ལ་བསྙེན་པ་དབུལ་བར་བྱའོ།། དེ་ཡང་རང་གི་ཡི་དམ་གྱི་ལྷ་ལ་སོགས་པའི་སྔགས་དབུལ་བར་བྱའོ།། དེ་ནས་པའི་རྣམ་ལྔ་དང་ཤུན་ཕྲགས་ལྔ་དང་། དྲི་ཞིམ་པོ་ལྔ་དང་། ཏིལ་མར་རོ།། དེ་ནས་ཁྲུས ་བྱ་བ་བསྟན་པར་བྱ་སྟེ། གླུ་དང་རྔ་སྐད་དཔག་ཏུ་མེད་པས་མཆོད་པ་དང་། བྲིས་སྐུ་ལ་སོགས་པ་མེ་ལོང་ལ་ཁྲུས་བྱའོ།། དེ་ནས་བླུད་བཏང་བར་བྱ་བར་བྱ་བ་དང་། དེ་ནས་དགུག་པར་བྱ་བ་ལ་སོགས་པ་དང་ན་བཟའ་ལ་སོགས་པ་དབུལ་བར་བྱ་བ ་དོང་། དེ་དག་ནི་རིམོ་པ་བཞིན་དུ་སྔགས་ཀྱི་དབུལ་བར་བྱའོ།། གཞན་ཡང་ཏིང་ངེ་འཛིན་གྱི་མཆོད་པ་དང་། བསྟོད་པ་དང་། བདུད་རྩི་མྱང་བར་བྱའོ།། པདྨའི་མྱུ་གུ་རྡོ་རྗེས་ཀྱེའི་རྡོ་རྗེའི་རྒྱུད་ཀྱི་ཀལྤ་གཉིས་པའི་བསྒོས་པའི་རིམ་པར་ཕྱེ་བ་ལེའུ་དང་པོའི ་འགྲེལ་པ་མཛད་པ་རྫོགས་སོ།། ། དང་པོར་རྟག་པར་གོམས་པར་བྱ་བར་བསྟན་ཏོ།། སྤྱོད་ལམ་རྣམ་པ་བཞི་ཀར་དེ་སེམས་ལ་གཞག་པར་བྱའོ།། དེའི་ཕྱིར་སྐད་ཅིག་མ་ལས་གཞན་མི་སེམས་ཞེས་བྱ་བས་བསྟན་ཏོ།། སྔོན་དུ་རྣལ ་འབྱོར་གྱི་སྤྱོད་པ་བྱ་བའི་ཕྱིར་ཤེས་རབ་དག་པར་བྱ་བ་བསྟན་ཏོ།། ད་ནི་ཕྱག་རྒྱ་ཆེན་པོའི་དངོས་གྲུབ་གྲུབ་པར་བྱ་བའི་ཕྱིར་ཚིག་འདི་བསྟན་པར་བྱ་སྟེ། དེ་ཉིད་ཐོབ་བྱས་མིག་ཡངས་མ་ཞེས་བྱ་བ་ལ་སོགས་པ་སྨོས་སོ།། སྔོན་ཏུ་རང་བཞིན་དགའ་བ་སྣ ་ཚོགས་ཀྱི་རྣམ་པར་བསྟན་ཏོ།། ད་ནི་རང་བཞིན་དགའ་བ་གཅིག་ཉིད་རྣམ་པ་ཀུན་གྱི་ལུས་ཡིན་པ་དང་། དེ་ཉིད་དེ་བཞིན་གཤེགས་པ་ཡིན་པའོ།། དེ་ནི་དབྱེ་བས་རྣམ་པ་ལྔར་འགྱུར་རོ།། དོ་ཡང་རྒྱས་པར་ཕྱེ་བས་གངྒཱའི་བྱེ་མ་སྙེད་ཀྱི་གྲངས་དཔག ་ཏུ་མེད་པར་འགྱུར་རོ།། དེའི་དོན་གོ་བར་བྱའི་ཕྱིར། དགའ་བ་ཆེན་པོ་གཅིག་པུ་ཞེས་བྱ་བ་ལ་སོགས་པས་བསྟན་ཏོ།། པདྨའི་མྱུ་གུ་རྡོ་རྗེས་ཀྱེའི་རྡོ་རྗེའི་རྒྱུད་ཀྱི་རྟོག་པ་ཞེས་བྱ་བ་རིམ་པར་ཕྱེ་བ་ལེའུ་གཉིས་པའི་འགྲེལ་པ་མཛད་པ་རྫོགས་སོ།། ་རིགས་དྲན་པ་ལས་བཏོན་ནས་ཉན་ཐོས་ཀྱི་སཽ་ལ་སོགས་པ་ལས་སྡོམ་པར་བྱེད་པས་ན་སྡོམ་པ་ཞེས་བྱའོ།། སྡོམ་པ་དེ་གང་ལ་གནས་ཤེ་ན། དེའི་ཕྱིར་ཨེ་བཾ་ལ་ནི་རབ་ཏུ་གནས་ཞེས་བྱ་བ་སྨོས་སོ།། དེ་ལ་ཨེ་བཾ་ཞེས་བྱ་བ་ནི་ཆོས་ཀྱི་འབྱུང ་གནས་སོ།། བཤད་མ་ཐག་པའི་སྡོམ་པ་དེ་ནི་བདེ་བ་ཆེན་པོའི་རང་བཞིན་ནོ།། དེའི་ཐབས་ཀྱི་དེ་གོ་བར་འགྱུར་རོ།། དགའ་བ་རྣམས་ནི་དེ་ལས་འབྱུང་ཞེས་བྱ་བ་ནི་སྔོན་དུ་བསྟན་པའི་དགའ་བ་རྣམས་ནི་དེ་ལས་སྐྱེ་བར་འགྱུར་རོ།། སྐད་ཅིག་མའི་དབྱེ་བ ་ཡིས་ཤེས་བྱ་བ་ནི་སོ་སོར་མ་ལ་སོགས་པའོ།། དེ་བཞིན་ནི་དབང་བཞི་དང་སྦྱར་བར་བྱ་སྟེ། སློབ་དཔོན་དང་། གསང་བའི་དབང་དང་། ཤེས་རབ་ཡེ་ཤེས་ཀྱི་དབང་དང་། དབང་བཞི་པ་དང་སྦྱར་བར་བྱའོ།། སློབ་མོས་དང་པོ་སློབ་དཔོན་ལ་ཞུ་བར་བྱ་བའི ་ཕྱིར་ཚིག་འདི་བརྗོད་པར་བྱའོ།། བྱང་ཆུབ་རྡོ་རྗེ་སངས་རྒྱས་ལ།། ཆེན་པོ་ཆེན་པོ་ཇི་ལྟར་བྱིན།། ད་ནི་བསྲུང་བར་བྱ་བའི་ཕྱིར།། བྱང་ཆུབ་རྡོ་རྗེ་བདག་ལ་བྱིན།། དེ་ནས་སངས་རྒྱས་སྤྱན་ལ་སོགས་པས་བུམ་པ་གཟུང་ནས་དབང་བསྐུར་བར ་བསམ་པར་བྱའོ།། དེའི་འོག་ཏུ་ཚིས་བཅངད་སྡོང་པཔོ་མི་ཅོཾ་ཞིང་རྙིང་པ་དེ་ནི་རྡོ་རྗེ་ཆེན་པོ་ནི།། ཁམས་གསུམ་གྱིས་ནི་ཕྱག་བྱས་པ།། བྱིན་བྱ་སངས་རྒྱས་ཐམས་ཅད་ལ། གསང་བ་གསུམ་གྱི་གནས་ལས་བྱུང་།། དེ་ལྟར་ཚིགས་བཅད་བརྗོད་ནས་བདུད་རྩི་འཁྱིལ་བའི ་སྔགས་ཀྱི་བཏབ་པའི་ཆུ་རྡོ་རྗེ་བཟུང་བའི་ལག་པས་གཟུང་ནས་སློབ་མ་འཁོར་ལོ་སྒྱུར་བའི་རྒྱལ་པོ་ལྟ་བུར་བསམ་པར་བྱས་ནས་གཏོར་བར་བྱའོ།། དེ་ནས་གསེར་ལ་སོགས་པ་ལས་བྱས་པའི་དབུ་རྒྱུན་ཡི་དམ་གྱི་ལྷར་བསམ་པར་བྱས་ལ་སྔོན་དུ་བསྟན་པ ་བཞིན་དུ་དབུ་རྒྱན་སློབ་མའི་མགོ་ལ་གཟུང་ལ། དེ་བཞིན་གཤེགས་པ་ཐམས་ཅད་ན་མཁའ་ལ་བསམས་ནས། དབུ་རྒྱན་གྱི་གཟུགས་དབུ་རྒྱན་ལ་ཞུགས་པས་བསམ་པར་བྱའོ།། དེ་ལྟར་དབུ་རྒྱན་གྱི་དབང་བསྐུར་བྱའོ།། དེ་ནས་རྡོ་རྗེ་གཟུང་ལ། དི་རིང་དབང ་ནི་ཁྱོད་ལ་བསྐུར།། སངས་རྒྱས་ཀྱིས་ནི་རྡོར་འཛིན་དབང་།། འདི་ནི་སངས་རྒྱས་ཐམས་ཅད་ཀྱི།། རྡོ་རྗེ་འདི་ཟུང་དངོས་གྲུབ་ཕྱིར། དེ་ནས་རྡོ་རྗེ་གཟུང་ལ་སློབ་མའི་མགོ་བོ་དང་། མགྣིན་པ་དང་། སྙིང་གར་གཟུང་ལ་ཕྱིས་ལག་བྱ་གཡས་པར་སྦྱིན་པར་བྱའོ།། དེ ་ནས་ལོག་པ་གཡོན་པར་དྲིལ་བུ་སྦྱིན་པར་བྱའོ།། དེ་གཉིས་དང་ལྡན་པའི་སློབ་མས་འཁྱུད་པར་བྱའོ།། དེ་ནས་ཚིགས་བཅད་བརྗོད་པར་བྱ་སྟྭཾ། ཨོཾ་བཛྲ་ཨེ་དྷི་པ་ཏི་ཏཥྛ་ཨ་བྷི་ཥི་ནུ་མེ་ཏིཥྛ་ས་མ་ཡ~ཾ་བཛྲ་སྟེ་ཞེས་བརྗོད་པར་བྱའོ།། དེའི་འོག་ཏུ་རྡོ་རྗེ་དྲིལ་བུ་སློབ ་མའི་མགོ་ལ་གཟུང་ལ། ཨོཾ་བཛྲ་སཏྭ་སྟྭཾ། ཨ་བྷི་ཥིཉྩ་མི་བཛྲ་ནཱ་མ་ཨ་བྷི་ཤེ་ཀ་ཏ། ཀྱེ་དཔལ་ཆེ་གེ་མོ་རྡོ་རྗེ་ཞེས་བྱ་བས་མིང་གི་དབང་བསྟན་ཏོ།། དེ་ནས་རྡོ་རྗེ་དམ་ཚིག་དང་། དྲིལ་བུའི་དམ་ཚིག་དང་། ཕྱག་རྒྱ་ཆེན་པོའི་དམ་ཚིག་གོ།། དམ་ཚིག་དེ་གསུམ ་སྦྱིན་པར་བྱའོ།། དེ་ནས་དཀྱིལ་འཁོར་གྱི་དེ་ཁོ་ན་ཉིད་བཤད་པར་བྱའོ།། དེ་ནས་ལུང་བསྟན་པར་བྱའོ།། དེ་ནས་རྡོ་རྗེའི་རབ་ཏུ་བྱུང་བ་སྦྱིན་པར་བྱའོ།། དེ་ནས་དབུགས་དབྱུང་བ་སྦྱིན་པར་བྱའོ།། དེ་དག་སློབ་དཔོན་གྱི་དབང་ཞེས་བྱའོ།། ཡོལ་བ་ལ་སོགས ་པས་གནས་དགོན་པར་བྱས་ནས་སློབ་མས་རང་གི་ཡིད་དུ་འོང་བ་སྙིང་རྗེ་ལ་སོགས་པ་དང་ལྡན་པ་དང་། ཏིང་ངེ་འཛིན་གསུམ་དང་ལྡན་པ་གསང་བའི་དབང་གིས་ཕྱིར་སློབ་དཔོན་ལ་དབུལ་བར་བྱའོ།། ཕུལ་ནས་བྱང་ཆུབ་རྡོ་རྗེ་ཞེས་བྱ་བ་ལ་སོགས ་བའི་ཚིགས་བཅད་བརྗོད་པར་བྱའོ།། བླ་མས་ཅི་ཞིག་བྱེད་ཅེ་ན། ཆོས་ཀྱི་རང་བཞིན་པདྨ་ལ་བསྐུར་བར་བྱ་བ་དང་། དེ་ནས་རྡོ་རྗེ་རིན་པོ་ཆེའི་ནང་དུ་སེམས་གཏད་པར་བྱའོ།། ན་མཁའི་ཁམས་ཀྱི་ལམ་དུ་བསྐྱོད་པར་མི་བྱེད་དོ།། པདྨ་ནས་བཟློག་ལ་མཐེ ་བོང་དང་སྲིན་ལག་གི་བར་དུ་བསྡམས་ལ་སློབ་མའི་ལྟ་བའི་སྤྱོད་ཡུལ་དུ་མི་འགྱུར་བར་བྱས་ལ། དེའི་ཞོལ་པདྨ་ལྟ་བུའི་ནང་གི་ན་མཁར་སྤར་བར་བྱའོ།། དེ་ནས་སློབ་མས་འདི་སྐད་བརྗོད་པར་བྱ་སྟེ། ཨ་ཧོ་སུ་ཁཾ་ཞེས་བརྗོད་ནས་བཀུག་སྟེ། ལོངས་སྤྱོད ་རྫོགས་པར་བསྐྱོད་པར་བྱའོ།། དེ་ནས་ཆོས་ཀྱི་རང་བཞིན་བཞེངས་ནས་རང་གི་ལུས་ལ་གནས་པའི་མེ་ཏོག་གི་རོ་ཁྱེར་ནས་སློབ་མའི་ཁ་པདྨ་ལྟ་བུའི་ནང་དུ་སྦྱར་བར་བྱའོ།། དེ་ཡང་གོས་དང་བྲལ་བའོ།། དེ་ལ་གསང་བའི་དབང་ཞེས་བྱའོ།། གང་སངས་རྒྱས་པར ་གྱུར་པའི་ཆོས་ཀྱི་རང་བཞིན་གཅིག་པར་འདོད་པའི་དེའི་བཞེད་ཀྱིས་ཤེས་རབ་ཡེ་ཤེས་ཀྱི་དབང་ནི་དེ་ཉིད་སྦྱིན་པར་བྱའོ།། རང་བཞིན་གཅིག་པར་མི་འདོད་པའི་བཞེད་ཀྱིས་སྟོང་པ་ཉིད་གཞན་སྦྱིན་པར་བྱའོ།། དེ་ནས་ཐོས་པ ་དང་གོ་བའི་ཡེ་ཤེས་མངོན་སུམ་དུ་བྱ་བའི་ཕྱིར་སྔོན་དུ་བསྟན་པའི་བསྐུལ་བའི་ཚིགས་བཅད་ཀྱིས་སློབ་དཔོན་ལ་བསྐུལ་བར་བྱའོ།། དེ་ནས་སློབ་དཔོན་གྱིས་སློབ་མའི་ལག་པར་སྟོང་པ་ཉིད་བྱིན་ལ། དེ་སློབ་དཔོན་གྱི་ཕྱག་གིས་བཟུང་ནས་ཚིག་སུ་བཅད ་པ་འདི་བརྗོད་པར་བྱ་སྟེ། འདི་ནི་ཁྱོད་ཀྱི་གཟུགས་མར་བཟང་།། སངས་རྒྱས་ཀྱིས་རྟོགས་ཁྱོད་ཀྱིས་སྤྱོད།། དཀྱིལ་འཁོར་རིམ་པའི་རྣལ་འབྱོར་གྱིས།། ཡང་བདག་བདེ་བ་མྱོང་བར་གྱིས།། ཐབས་གཞན་གྱི་ནི་སངས་མི་རྒྱ།། རང་བཞིན་གྱིས་དག་འཇིག་རྟེན ་གསུམ།། དེའི་ཕྱིར་ཤེས་རབ་སྤང་མི་བྱ།། དུས་གསུམ་སྐད་ཅིག་སྤང་མི་བྱ།། འདི་ནི་སངས་རྒྱས་ཐམས་ཅད་ཀྱི།། རིག་པའི་རབ་བྱུང་བླ་ན་མེད།། སྤོང་དང་ངན་སྨྲ་གླན་པར་བཤད།། དེ་ཡིས་དངོས་གྲུབ་མཆོག་མི་ཐོབ།། དེ་ལྟར་བརྗོད་ནས་སྦྱིན་པར ་བྱའོ།། དེ་ནས་བཤད་མ་ཐག་པའི་སྟོང་པ་ཉིད་ཀྱིས་གོས་དང་བྲལ་བར་བྱས་ནས། ཆོས་ཀྱི་འབྱུང་གནས་བསྟན་ཏེ། སྒེག་པའི་ཚུལ་དུ་གནས་ནས་འདི་ལྟར་བརྗོད་པར་བྱེད་དེ། ཀྱེ་འདི་ལྟར་དམ་ཚིག་སྤྱོད་པར་ཁྱོད་ནུས་སམ།། རྣམ་སྣང་ལ་སོགས ་ཁྱོད་ཀྱིས་སྤྱོད་ནུས་སམ། ཁྲག་དང་བྱང་ཆུབ་སེམས་དང་ཤ་ཆེན་དང་།། སྟོང་ཉིད་རྣམས་ལ་དད་པར་ཁྱོད་ཀྱིས་གྱིས།། བྷ་ག་པདྨ་དག་ལ་ཁྱོད་ཀྱིས་གཏུགས།། འཁྱུད་པ་ལ་སོགས་ངས་ནི་གང་ཞིག་ཟློ།། དེ་རྣམས་ཐམས་ཅད་ཁྱོད་ཀྱིས་བྱ་དགོསོ། ་ཀྱེ་དེ་ལྟར་བྱས་པས་བདེ་བ་སྐྱེ་བར་འགྱུར།། ད་ནི་སློབ་མས་ཟློ་བར་བྱེད་དེ། ཀྱེ། ཅི་ཕྱིར་ལྷ་མོ་བདག་གིས་མི་ནུས་གསུངས།། དྲི་ཆེན་དྲི་ཆུ་ལ་སོགས་བདག་གིས་བཟའ།། སྟོང་ཉིད་རྣམས་ལ་རྟག་ཏུ་དད་པར་བྱ།། བྷ་ག་པདྨ་རྣམས་ལ་གཏུག་པར་བྱ ་དེ་ལྟར་སློབ་མས་བརྗོད་ནས། སྟོང་པ་ཉིད་ཀྱིས་རྗོད་པར་བྱེད་དེ། ཨ་ཧོ་བདག་གིས་པདྨ་འདི་ནི་སྟེ།། བདེ་བ་ཐམས་ཅད་ཀུན་དང་ལྡན་པ་སྟེ།། གང་ཞིག་སློབ་དཔོན་མན་ངག་དང་ལྡན་སྤྱོད།། དེ་ཡི་མདུན་དུ་བདག་ཉིད་གནས་པ་སྟེ། ཇི་ལྟར་བཟླས་པ ་བཞིན་དུ་ཁྱོད་ཀྱིས་སྤྱོད།། ཡང་དག་སངས་རྒྱས་ལ་སོགས་ཁྱོད་ཀྱིས་མཆོད།། བདེ་བ་ཆེན་པོ་རྒྱལ་པོ་འདི་ན་གནས།། དེ་ནས་སྟོང་པ་ཉིད་ཀྱི་སྔགས་འདི་བརྗོད་པར་བྱ་སྟེ། བྷུ་ཛཱཾ་སྟྭཾ་ཧོ།། ཡང་སློབ་མས་འདི་ལྟར་བྱེད་དེ། མྱེ་ཏོག་གི་གཡོན་ཕྱོགས་སུ ་གནས་ནས་རྡོ་རྗེ་དབྱིངས་ཀྱི་དབང་ཕྱུག་མ་ཞེས་བྱ་བའི་རྩ་དེ་སློབ་དཔོན་གྱི་མན་ངག་གིས་གོ་བར་བྱས་ལ་ཕྱིས་པདྨ་རྒྱས་པར་གྱུར་པའི་ཚེ་དཔེར་ན་བུང་བས་མེ་ཏོག་གི་ཊཱི་མྱོང་བ་བཞིན་དུ་མྱོང་བར་བྱའོ།། རྣལ་འབྱོར་པས་ནི་ཇི་ཙམ་དུས་མ་བྱེད། ་བྱང་ཆུབ་སེམས་ནི་སྤོང་བར་མི་བྱེད་དོ།། སེམས་ལ་འདོད་པ་ཐམས་ཅད་རྙེད་པར་འགྱུར།། དགའ་བླ་སྐྱེས་རྟག་གནས་ཇི་ལྟ་བུ།། བྱང་ཆུབ་སེམས་མི་སྤངས་པར་གྱུར་ན་ནི།། དངོས་གྲུབ་ཐམས་ཅད་ཀྱི་ནི་མཛོད་ཡིན་པ།། རྣམ་ཤེས་དག་དང་ཕུང ་པོ་རྒྱལ་བ་ནི།། ཡང་དག་དངོས་གྲུབ་དག་ནི་སྐྱེ་མི་འགྱུར།། ན་མཁའི་ཁམས་དང་རྡོ་རྗེའི་རྣལ་འབྱོར་ལོ།། རེག་བྱ་རེག་པས་ཤིན་ཏུ་ཆེ་བ་སྟེ།། བདེ་བ་སྐྱེས་པས་བདེ་མཆོག་དགའ་བར་བྱེད།། བདེ་མཆོག་ཆགས་བྲལ་བར་བུ་གོ་བར་བྱ།། པདྨའི་རྣམ ་མཁའ་རིན་པོ་ཆེ་ཡིས་མནན།། དེ་ཡི་གནས་སུ་རྡོ་རྗེ་སྐྱིལ་ཀྲུང་བཅས།། སེམས་ནི་རྡོ་རྗེ་ལ་ནི་ཤེས་པར་བྱ།། དེ་ཡི་དུས་ན་ཡེ་ཤེས་གང་སྐྱེས་པ།། ཡེ་ཤེས་འདི་ལྟར་ཡིན་ཞེས་བརྗོད་མི་ནུས།། ཆགས་པ་མ་ཡིན་ཆགས ་པ་དང་བྲལ་མིན།། བར་ཞེས་བྱ་བ་ཡང་ནི་དམིགས་པ་མིན།། དེ་དག་གིས་ནི་ཤེས་རབ་ཡེ་ཤེས་ཀྱི་དབང་བསྟན་ཏོ།། བཤད་མ་ཐག་པའི་ཤེས་རབ་ཡེ་ཤེས་ཀྱི་དབང་གི་དེ་ཁོ་ན་ཉིད་ལ་ནི་དབང་རིན་པོ་ཆེ་ཞེས་བྱའོ།། དེ་ནི་སློབ་དཔོན་གྱི ་མན་ངག་གིས་ཤེས་པར་བྱའོ།། དབང་གིས་དེ་ཉིད་ཇི་ལྟར་བཟླས་བཞིན་ཡིན། སློབ་མའི་སེམས་ནི་ཡང་དག་རང་གིས་ཤེས།། རང་ཟབ་ཐེག་ལས་ཡང་དག་གྲོལ་བྱས་ཏེ།། ཚིག་གི་དབང་ནི་རིན་ཆེན་བསྟན་པར་བྱ།། དེ་དག་གིས་ནི་དབང ་བཞི་པ་བསྟན་ཏོ།། བཞི་པོ་དེ་ནི་སྐད་ཅིག་མ་བཞི་དང་སྦྱར་བར་བྱའོ།། སྟོན་པས་གསུངས་ཞེས་བྱ་བ་ནི་བླ་མས་སྟོན་ཞེས་བྱ་བའི་དོན་ཏོ།། གཟུགས་མ་ཞེས་བྱ་བ་ནི་སྟོང་པ་ཉིད་དོ།། བདེ་བ་ཆེ་ཞེས་བྱ་བ་ནི་བཤད་མ་ཐག་པ་ཉིད་བདེ་བ་ཆེན ་པོ་ཡིན་པ་དང་རང་བཞིན་དགའ་བའི་ངོ་བོའོ།། བྱང་ཆུབ་མ་ཐོབ་ཡན་ཆད་དུ་ཞེས་བྱ་བ་ནི་ཡང་དག་པར་རྫོགས་པའི་སངས་རྒྱས་ལ་ཁྱབ་པའོ།། དེ་ནི་ཡང་དགྲ་པའི་ཡེ་ཤེས་སོ།། ཐམས་ཅད་ལུས་ལ་རྣམ་པར་གནས་ཞེས་བྱ་བ་ནི་ཆོས་ཀྱི་སྐུ ་དང་ལོངས་སྤྱོད་རྫོགས་པའི་སྐུ་དང་སྤྲུལ་པའི་སྐུ་དང་། བདེ་བ་ཆེན་པོའི་སྐུའོ།། དེ་ལ་གནས་པར་གྱུར་པའོ།། བདེ་བ་ཆེན་པོ་ལ་ཅིའི་ཕྱིར་སྐུ་ཞེས་བྱ་ཞེ་ན། དེ་བསྟན་པར་བྱ་སྟེ། སྔོན་པོ་ལ་སོགས་པའི་རྣམ་པ་རྣམ་པར་ཤེས་པ་ལས་མ ་གཏོགས་པ་ལོགས་ཤིག་མེད་དོ།། དེ་བས་ན་ཐམས་ཅད་ཤེས་པའི་རྣམ་པའོ།། ཕྱིན་ཅི་ལོག་གི་དབང་གིས་ཐ་དད་པར་སྣང་ངོ་།། དེའི་ཕྱིར་བདེ་བ་ལ་སོགས་པ་ཡོན་ཏན་མ་ཡིན་པ་ཡིན་ནམ་ཅི། ཤེས་པ་སྤངས་ནས་རྒྱུ་གཞན་ལས་སྐྱེས་པ་ཡིན་ནམ། ་དེ་ལྟར་ནི་མ་ཡིན་ནོ།། རྣམ་པར་ཤེས་པ་ལས་སྡུག་བསྔལ་ལ་སོགས་པར་མྱོང་བར་མི་འགྱུར་རོ།། དེའི་ཕྱིར་སྔོན་པོ་ལ་སོགས་པའི་རྣམ་པ་བདེ་བ་ལས་ཐ་དད་པ་མ་ཡིན་ནོ།། བདེ་བ་ཡང་སྔོན་པོ་ལ་སོགས་པ་ལས་ཐ་དད་མ་ཡིན་ནོ།། གང་གང་ལས ་ཐ་དད་པ་མ་ཡིན་པ་ནི་དེ་ཉིད་ཡིན་ནོ།། དཔེར་ན་ཤིང་སྡེ་ལ་བརྗོད་པ་ལྟ་བུའོ།། གང་ཞིག་བྱ་བ་མེད་པ་ནི་དངོས་པོ་ཞེས་བྱའོ།། དེའི་ཕྱིར་བདེ་བ་ནག་པོ་བདེ་ཞེས་བྱ་བ་ལ་སོགས་པ་གོང་དུ་བསྟན་ཏོ།། གཏན་ཚིགས་དེའི་ཕྱིར་བདེ་བ་ཆེན་པོ་ནི་རང་བཞིན ་གྱི་སྐུར་བསྟན་ཏོ།། བྱང་ཆུབ་ཀྱི་སེམས་ཀྱིས་འཁོར་བ་ཇི་སྲིད་ཡོད་ཀྱི་བར་དུ་གནས་ནས་སེམས་ཅན་གྱི་དོན་ཇི་ལྟར་བྱེད་ཅེ་ན། དེ་བསྟན་པར་བྱ་བའི་ཕྱིར། དཀྱིལ་འཁོར་ལ་སོགས་ཐབས་ཀྱི་ནི་ཞེས་བྱ་བ་ལ་སོགས་པ་བསྟན་ཏོ།། དེ་ལ་དཀྱིལ ་འཁོར་ཞེས་བྱ་བ་ནི་གཞལ་ཡས་ཁང་གི་རིམ་པ་ལ་སོགས་པའོ།། ལྷའི་སྐུ་རྫོགས་པར་བྱས་ནས་རང་འོད་ཀྱི་རིག་མའི་པདྨ་དང་རང་གི་རྡོ་རྗེ་དང་གཉིས་ཀྱི་ན་མཁའ་ལ་ཕཊ་སེར་པོ་བསམ་པར་བྱ་སྟེ། དེས་ནི་བྱང་ཆུབ་ཀྱི་སེམས་རིང་བར་བྱེད་དོ།། དེ་ལྟར ་རྟག་ཏུ་གོམས་པར་བྱེད་པ་ལ་དངོས་གྲུབ་འགྲུབ་པར་འགྱུར་རོ།། ཕུང་པོ་དང་ཁམས་དང་སྐྱེ་མཆེད་ནི་བདེན་པ་ཡང་མ་ཡིན་བརྫུན་པ་ཡང་མ་ཡིན་ནོ།། གཅིག་པ་ཡང་མ་ཡིན་དུ་མ་ཡང་མ་ཡིན་པས་ན་བདེན་པ་མ་ཡིན་ནོ།། མངོན་སུམ་དུ་མཐོང་བས ་ན་བརྫུན་པ་ཡང་མ་ཡིན་ནོ།། དཔེར་ན་ཆུའི་ནང་གི་ཟླ་བའི་གཟུགས་བརྙན་ལྟ་བུའོ།། དེ་བསྟན་པར་བྱ་བའི་ཕྱིར། དེ་བཞིན་བརྫུན་མིན་བདེན་མིན་ནོ་ཞེས་བྱ་བ་ལ་སོགས་པ་བསྟན་ཏོ།། གཉིད་ལོག་སྤང་བར་མི་བྱ་སྟེ་ཞེས ་བྱ་བ་ནི་རྣལ་འབྱོར་པ་གང་གཉིད་མ་ལོག་པས་ལུས་ཉམ་ཆུང་བར་འགྱུར་བས་ནི་ཏིང་ངེ་འཛིན་འགྲུབ་པར་མི་འགྱུར་ཏེ། དེའི་ཕྱིར་གཉིད་ལོག་པར་བྱའོ།། བློ་ཅན་སྔགས་བཟླས་མི་བྱའོ་ཞེས་བྱ་བ་ནི་དོན་དམ་པའོ་སྙམ་པའི་སེམས་ཀྱིས ་སྔགས་བཟླ་བར་མི་བྱའོ།། ཏིང་ངེ་འཛིན་ཀྱང་དེ་བཞིན་དུ་མི་བྱའོ།། ཁྲུས་དང་གཙང་སྦྲ་མི་བྱའོ་ཞེས་བྱ་བ་ལ་སོགས་པས་ནི་འཇིག་རྟེན་པའི་ཆོས་ལུགས་བརྒྱད་སྤང་བར་བསྟན་ཏོ།། དབང་པོ་རྣམས་ཀྱང་མི་དགག་གོ།། ཞེས་བྱ་བ་ནི་ཡུལ་རྣམ་པར ་དག་པར་མ་བྱས་པར་ཤེས་བྱའི་སྒྲིབ་པ་དང་བྲལ་བར་མི་འགྱུར་བའི་ཕྱིར་ཡུལ་རྣམ་པར་དག་པར་བྱས་ལ་དབང་པོ་དགག་པར་མི་བྱའོ།། བླང་བ་དང་དོར་བའི་སེམས་དང་མ་བྲལ་བས་ཉོན་མོངས་པའི་སྒྲིབ་པ་དང་བྲལ་བར་མི་འགྱུར་རོ།། དེའི ་ཕྱིར་ཐམས་ཅད་བཟའ་བར་བྱའོ།། དེའི་དོན་ནི་བདུད་རྩི་རྣམ་ལྔ་བུ་རམ་ཆུང་ཞེས་བྱ་བ་ལ་སོགས་པས་བསྟན་ཏོ།། སྔོན་དུ་སྐྱེ་མཆེད་བྱིན་གྱིས་བརླབ་པའི་དུས་སུ་ཁ་དོག་གི་རྣམ་པར་དག་པ་བསྟན་ཏོ།། དེ་ནི་ཞེ་སྡང་ལ་སོགས་པའི་རྣམ་པར་དག་པ ་ལྷ་མོ་རྣམས་བསྟན་པར་བྱ་སྟེ། མིག་ནི་གཏི་མུག་རྡོ་རྗེ་མ་ཞེས་བྱ་བ་ལ་སོགས་པས་བསྟན་ཏོ།། དམ་ཚིག་ལས་ནི་ཉམས་པ་ཡིན་ཞེས་བྱ་བ་ནི་སངས་རྒྱས་དང་བྱང་ཆུབ་སེམས་དཔའ་བསད་པ་འདྲ་བར་བསྟན་ཏོ།། པདྨའི་མྱུ་གུ་རྡོ་རྗེས་ཀྱེའི་རྡོ་རྗེ་རྒྱུད ་ཀྱི་མཚོན་པའི་སྐད་ཀྱི་རིམ་པར་ཕྱེ་བའི་ལེའུ་གསུམ་པའི་འགྲེལ་པ་མཛད་པ་རྫོགས་སོ།། ། གླུ་ཞེས་བྱ་བ་ན་རྡོ་རྗེའི་གླུའོ།། སྟོང་པ་ཉིད་དང་སྙིང་རྗེ་དབྱེར་མི་བྱེད་པ་ནི་རྡོ་རྗེ་ཞེས་བྱའོ།། དེ་གོ་བར་བྱེད་པ་ལ་ནི་གླུ་ཞེས་བྱའོ།། ལྷའི་རྣལ་འབྱོར ་བྱས་པ་ལ་ནི་རྡོ་རྗེ་ཞེས་བྱའོ།། ཅིའི་ཕྱིར་རྡོ་རྗེ་ཞེས་བྱ་ཞེ་ན། ཡེ་ཤེས་ལྔ་ལས་གྲུབ་པའི་ཕྱིར་རོ།། དེའི་ཕྱིར་རྡོ་རྗེའི་གར་ཞེས་བྱའོ།། གང་གིས་གླུ་ཐོས་པ་དང་གར་མཐོང་བས་བསོད་ནམས་ཆེན་པོར་ཐོབ་པར་འགྱུར་རོ།། བསོད་ནམས་དེའི་སྟོབས་དང་ལྷའི ་ཏིང་ངེ་འཛིན་བྱས་པས་རྣལ་འབྱོར་པས་གླུ་ལེན་པ་དང་གར་བྱེད་པས་དགའ་བ་ཆེན་པོ་སྐྱེ་བར་འགྱུར་རོ།། དེའི་སྟོབས་ཀྱིས་སངས་རྒྱས་ལ་དད་པའི་ལྷ་མོ་རྣམས་འོང་བར་འགྱུར་རོ།། སྔོན་དུ་དངོས་གྲུབ་ཐོབ་པའི་རྣལ་འབྱོར་པ་རྣམས་ཀྱང་འོང་བར ་འགྱུར་རོ།། དེ་དག་འོངས་པའི་རྟགས་ནི་རྒྱུད་ཀྱི་ནང་ནས་འབྱུང་བ་བཞིན་དུ་ཤེས་པར་བྱའོ།། བྱང་ཆུབ་སེམས་སྐྱེ་ཞེས་བྱ་བ་ནི་སྟོང་པ་ཉིད་དང་སྙིང་རྗེའི་རང་བཞིན་ནོ།། དེ་ཡང་རྒྱུ་འབྲས་ཀྱི་ངོ་བོར་སུམ་ཅུ་རྩ་གཉིས་སོ།། དཀྱིལ་འཁོར་ཞེས་བྱ་བ་ལ ་སོགས་པ་ནི་གཞལ་ཡས་ཁང་ལ་སོགས་པ་བསམས་ཏེ། དཀྱིལ་འཁོར་གྱི་ལྷ་རྣམས་ཀྱིས་བསྐོར་ནས་གནས་པའི་བྱང་ཆུབ་ཀྱི་སེམས་བསམ་པར་བྱའོ།། ཐམས་ཅད་ཀྱི་རྣམ་པར་དག་པ་ནི་བདག་ཉིད་ཡིན་པ་དང་། དངོས་པོ་ཐམས་ཅད་རང་བཞིན ་བདག་ཡིན་པའོ།། དེ་ལྟར་བསམ་པར་བྱའོ།། དེའི་དོན་བསྟན་པར་བྱ་བའི་ཕྱིར། རང་བྱིན་རླབ་པའི་རིམ་པ་ཡིས་ཞེས་བྱ་བས་བསྟན་ཏོ།། དོན་དམ་པ་ཞེས་བྱ་བ་ནི་རྣམ་པར་རྟོག་པ་མེད་པར་སེམས་ཅན་གྱི་དོན་བྱེད་པའོ།། ཀུན་རྫོབ་ཅེས་བྱ་བ་ནི ་རང་གིས་མྱོང་བའི་བདེ་བའོ།། དེ་གཉིས་ཀྱི་རྣམ་པར་དག་པ་བདེ་བ་དང་ག་བུར་རོ།། སྔོན་དུ་ཕྱག་རྒྱ་མ་ནི་རྣམ་པར་སྣང་མཛད་ལ་སོགས་པའི་རིགས་སུ་བསྟན་ཏོ།། འདིར་ནི་ཡེ་ཤེས་ལྔའི་རང་བཞིན་དུ་བསྟན་པར་བྱ་སྟེ། དེའི་ཕྱིར་དེ་ཉིད་མེ ་ལོང་ཡེ་ཤེས་དངོས་ཞེས་བྱ་བ་ལ་སོགས་པས་བསྟན་ཏོ།། ཇི་བཞིན་ཕྱི་རོལ་ཞེས་བྱ་བ་ལ་སོགས་པ་ནི། ཇི་བཞིན་ཕྱིའི་དཀྱིལ་འཁོར་དེ་བཞིན་དུ་རང་གི་ལུས་སོ།། ཤཱཀྱ་ཐུབ་པ་ལ་སོགས་པ་དེ་བཞིན་གཤེགས་པའི་གཟུགས་གང་གིས་སེམས ་ཅན་གྱི་ཁམས་དཔག་ཏུ་མེད་པར་དུས་གཅིག་ལ་སེམས་ཅན་ཐམས་ཅད་ཀྱི་དོན་བྱས་སོ།། དེའི་གཟུགས་ཀྱིས་འཁོར་བ་ཇི་སྲིད་ཡོད་ཀྱི་བར་དུ་སེམས་ཅན་གྱི་དོན་བྱེད་དོ།། དེ་ལ་ནི་སྤྲུལ་པའི་སྐུ་ཞེས་བྱའོ།། དེའི་དོན་དེ་བཞིན་གཤེགས་པས ་གསུངས་སོ།། སྐུ་ནི་གང་གིས་རི་མོ་སྣ་ཚོགས་པ། སེམས་ཅན་ཐམས་ཅད་ཀྱི་ནི་དོན་ནི་བྱེད། དངོས་མེད་རྒྱུན་མི་འཆད་པ་དོན་ཀུན་བྱེད། དེ་ལྟ་བུ་ལ་སྤྲུལ་པའི་སྐུ་ཞེས་བྱ། དྲན་པ་ཉེ་བར་བཞག་པ་བཞི་ནས། འཕགས་པའི་ལམ་ཡན་ལག་བརྒྱད་པའི ་བར་དང་། ཚད་མེད་པ་བཞི་དང་། རྣམ་པར་ཐར་པ་བརྒྱད་དང་། གཟུགས་ཀྱི་ཁམས་ཀྱི་བསམ་གཏན་བཞི་དང་། གཟུགས་མེད་པའི་སྙོམས་པར་འཇུག་པ་བཞི་དང་། འགོག་པའི་སྙོམས་པར་འཇུག་པ་དང་དགུའོ།། དེ་དག་ལ་ཏིང་ངེ་འཛིན་གྱི་རྒྱུ་ཞེས་བྱའོ།། ་ས་གཞི་དང་། ཆུ་དང་མེ་དང་། རླུང་དང་། སྔོན་པོ་དང་། སེར་པོ་དང་། དམར་པོ་དང་། དཀར་པོ་དང་། རྣམ་པར་ཤེས་པ་དང་། ནམ་མཁའ་སྟེ། དེ་དག་ཁ་ནི་ཟད་པར་གྱི་སྐྱེ་མཆེད་བཅུ་ཞེས་བྱའོ།། ནང་གི་གཟུགས་ཅན་ཞེས་བྱ་བ་ནི་སྔོན་པོ་དང་། སེར་པོ་དང་། དམར ་པོ་དང་། དཀར་པོ་སྟེ། དེ་དགུ་རྣམ་པར་རྟོག་པ་དང་། བྲལ་བར་ཤེས་པའོ།། ཕྱིའི་གཟུགས་ཅན་ཞེས་བྱ་བ་ནི་ཕྱིའི་གཟུགས་དང་ནང་གི་གཟུགས་དང་དེ་གཉིས་འདྲེས་པ་དང་གཟུགས་ཀྱི་རྣམ་པ་སྟེ། བརྒྱད་པོ་དེ་དག་ལ་ནི་ཡེ་ཤེས་ཀྱི་གནས་ཞེས་བྱའོ།། ་གཞན་གྱི་སེམས་ལ་ཉོན་མོངས་པའི་འཁྲུག་པ་རྩ་བ་ནས་དོན་པར་བྱེད་པ་ལ་ནི་འཁྲུག་པ་སེལ་བར་བྱེད་པའི་ཏིང་ངེ་འཛིན་ཅེས་བྱའོ།། ཡང་དག་པར་འཁོར་བའི་རྒྱུ་དང་བྲལ་བ་དང་། འཁོར་བའི་བཅིངས་པ་ལས་གྲོལ་བ་དང་། ཐེ་ཚོམ་སེལ་བར་བྱེད་པ་དང་། ་འཁོར་བ་ཇི་སྙེད་ཡོད་ཀྱི་བར་དུ་ནན་ཏན་བསྐྱེད་ནས་སེམས་ཅན་གྱི་དོན་བྱེད་པ་སྟེ། དེ་དག་ལ་ནི་སྨོན་པའི་ཡེ་ཤེས་ཞེས་བྱའོ།། མངོན་པར་ཤེས་པ་དྲུག་གི་ཡེ་ཤེས་དང་། སོ་སོ་ཡང་དག་པར་རིག་པ་བཞི་དང་། གནས་དང་དམིགས་པ་དང་། སེམས་དང ་ཡེ་ཤེས་ཏེ། དེ་དག་ལ་ནི་རྣམ་པར་དག་པ་བཞི་ཞེས་བྱའོ།། ཚེ་དང་སེམས་དང་ཡོ་བྱད་དང་། ལས་དང་སྐྱེ་བ་དང་། མོས་པ་དང་། སྨོན་ལམ་དང་། སྤྲུལ་པ་དང་། ཡེ་ཤེས་དང་། ཆོས་ཏེ་དེ་དག་ལ་ནི་དབང་བཅུ་ཞེས་བྱའོ།། དེ་བཞིན་གཤེགས་པའི ་སྟོབས་བཅུ་དང་། མཁས་པའི་ཡོན་ཏན་བཞི་དང་། བསྲུང་བ་མེད་པ་གསུམ་དང་། ཆོས་བཤད་པ་ལ་ཉན་པར་འདོད་པ་དང་། ཉན་པར་མི་འདོད་པ་དང་། བཏང་སྙོམས་སུ་གནས་པ་དེ་གསུམ་བཏང་སྙོམ་སུ་བྱས་ནས་ཆོས་བཀའ་སྩལ་པ་ལ་ནི་དྲན་པ ་གསུམ་ཞེས་བྱའོ།། སེམས་ཅན་གྱི་དོན་བྱེད་པའི་དུས་ངེས་པ་ལ་ནི་སེམས་ཅན་མི་བསླུ་བ་ཞེས་བྱའོ།། སྒྲིབ་པ་གཉིས་ཀྱི་ས་བོན་བག་ཞད་ཀྱང་མེད་པ་ལ་ནི་སྒྲིབ་པ་གཉིས་དང་བྲལ་བ་ཞེས་བྱའོ།། སེམས་ཅན་ཐམས་ཅད་ལ་སེམས་བཟང་བ་ལ་ནི་སྙིང་རྗེ་ཞེས་བྱའོ།། ་དེ་བཞིན་གཤེགས་པའི་ཆོས་གཞན་གྱིས་འཕྲོག་པར་མི་ནུས་པ་བཅོ་བརྒྱད་དོ།། དེ་དག་ཐམས་ཅད་ལ་ནི་ཆོས་ཀྱི་སྐུ་ཞེས་བྱའོ།། དེ་དག་གི་ནི་དོན་བསྡུས་ཏེ་བསྟན་པར་བྱ་སྟེ། བྱང་ཆུབ་ཕྱོགས་དང་ཚད་མེད་དང་། རྣམ་ཐར་བརྒྱད་ཀྱི་རིམ ་པ་སྟེ། ལུས་དགུ་དང་ལྡན་ཏིང་འཛིན་ནོ།། ཟད་པར་གྱི་ནི་སྐྱེ་མཆེད་དང་།། ཡེ་ཤེས་གནས་ནི་རྣམ་པ་བརྒྱད།། འཁྲུག་སེལ་སྨོན་པའི་ཡེ་ཤེས་ནི།། དྲུག་དང་ཡང་དག་ཡེ་ཤེས་སོ།། རྣམ་པ་ཐམས་ཅད་རྣམ་དག་བཞི།། དབང་ཕྱུག་དང་ནི་སྟོབས་བཅུ་སྟེ། མཁས་པའི ་ཤེས་བཞི་བསྲུང་མར་གསུམ།། དྲན་པ་གསུམ་དང་སྤུ་མོད་དང་།། སྒྲིབ་བྲལ་སེམས་ཅན་སྙིང་རྗེ་ཆེ།། དབྲོག་པར་མི་ནུས་བཅོ་བརྒྱད་དེ།། དེ་དག་ཐམས་ཅད་བསྡུས་པ་ནི།། ཐམས་ཅད་མཁྱེན་པ་ཆོས་ཀྱི་སྐུ་ཞེས་གསུངས་སོ།། ས་བརྒྱད་པའི་བྱང་ཆུབ་སེམས་དཔས ་ལོངས་སྤྱོད་པ་འམ། ཡང་ན་ས་བཅུ་པའི་དབང་ཕྱུག་བྱང་ཆུབ་སེམས་དཔས་ལོངས་སྤྱོད་པར་བྱེད་དོ།། ལོངས་སྤྱད་པར་བྱ་བ་ཇི་ལྟ་བུ་ཞེ་ན། མཚན་བཟང་པོ་སུམ་ཅུ་རྩ་གཉིས་འཛིན་པ་དང་། དཔེ་བྱད་བཟང་པོ་བརྒྱད་ཅུའི་རང་བཞིན་ནི་ཐེག་པ་ཆེན་པོའི ་ལོངས་སྤྱོད་རྫོགས་པའི་གནས་སོ།། དེའི་དོན་ནི་དེ་བཞིན་གཤེགས་པས་གསུངས་སོ།། ཇི་ལྟར་གསུངས་ཤེ་ན། མཚན་ནི་སུམ་ཅུ་རྩ་གཉིས་དེ་བཞིན་བདག། ལོངས་སྤྱོད་རྫོགས་པ་ཞེས་བྱའི་སྐུ་ཡིན་ཏོ།། དཔེ་བྱད་བརྒྱད་ཅུའི་འོད་ཟེར་དག་གིས་བརྒྱན།། ཐེག ་པ་ཆེན་པོ་དག་གི་ལོངས་སྤྱོད་དོ།། དེ་ལ་ནི་ལོངས་སྤྱོད་རྫོགས་པའི་སྐུ་ཞེས་བྱའོ།། དྲན་པ་ཉེ་བར་གཞག་པ་བཞི་ལ་སོགས་པའི་ཡེ་ཤེས་ཀྱི་བདག་འཇིག་རྟེན་ལས་འདས་པའི་ཆོས་ཀྱི་དབྱིངས་ཀྱི་རང་བཞིན་གྱི་རྒྱུས་ཉོན་མོངས་པ་མེད་པ་དང་། བློ་བུར་བའི་དྲི་མ ་དང་བྲལ་བ་དང་། རྣམ་པ་ཐམས་ཅད་རྣམ་པར་དག་པ་དང་། རང་བཞིན་གྱིས་སྟོང་པའོ།། དེ་ལྟ་བུ་མཚན་མ་རྙེད་པ་དེའི་རང་བཞིན་ནི་མ་སྐྱེས་པ་དང་། འཇིག་རྟེན་ལས་འདས་པའི་ཡེ་ཤེས་ཤེས་པ་འམ་ཡང་ན་རྙེད་པའོ།། མ་བྱས་པ་རང་བཞིན་གྱིས་གནས་པ་ལ་ནི་བདེ་བ་ཆེན ་སྐུ་ཞེས་བྱའོ།། དེའི་དོན་ནི་དེ་བཞིན་གཤེགས་པས་གསུངས་སོ།། ཇི་ལྟར་གསུངས་ཤེ་ན། ཆོས་ཀྱི་རྣམ་པར་དག་པ་བརྙེས།། རྣམ་པ་ཐམས་ཅད་ཉོན་མོངས་མེད།། དེ་བཞིན་གཤེགས་པའི་རང་བཞིན་སྐུ།། དེ་དག་གི་ནི་རང་བཞིན་ནོ།། དེ་ལ་ནི་བདེ་བ་ཆེན་པོའི་སྐུ་ཞེས་བྱའོ།། ་རྒྱུ་ནི་དེའི་ཕྱིར་ཞེས་བྱ་བ་ནི་རང་བཞིན་གྱིས་གྲུབ་པ་འམ། རང་བཞིན་གྱིས་གྲུབ་ནས་གནས་པའོ།། སེམས་ཅན་ཐམས་ཅད་རང་བཞིན་གྱིས་སངས་རྒྱས་པ་ཡིན་ན། བྱང་ཆུབ་སེམས་དཔར་འདོད་པ་དང་སངས་རྒྱས་པར་འདོད་པ་ནི་དོན་མེད་པར་འགྱུར་རོ།། རྣལ་འབྱོར ་མས་དེ་བཞིན་གཤེགས་པའི་གསུང་ཐོས་ནས་དམ་པ་སྐྱེས་ཏེ་བརྒྱལ་བར་གྱུར་ཏོ།། དེ་ཚིག་གང་གིས་བསྟན་པར་བྱ་ཞེ་ན། དེ་ནས་ལྷ་མོ་ཐམས་ཅད་དུ་ཞེས་བྱ་བ་ལ་སོགས་པས་བསྟན་ཏོ།། དེ་བརྒྱལ་བ་ལས་བསླང་བའི་ཕྱིར། སེམས་ཅན་རྣམས་ནི་སངས་རྒྱས་ཡིན ་ཞེས་བྱ་བ་ལ་སོགས་པས་བསྟན་ཏོ།། དེ་ལ་བློ་བུར་དུ་འོངས་པ་ནི་རང་གིས་བརྟགས་པ་ཡིན་ཏེ། གཞན་ནས་ནི་འོངས་པ་མ་ཡིན་ནོ།། རང་གིས་རང་གི་སེམས་དྲི་མ་ཅན་དུ་བྱས་པའོ།། དྲི་མ་ཞེས་བྱ་བ་གང་ཡིན་ཞེ་ན། གཟུང་བ་དང་འཛིན་པའི་རྣམ་པར་རྟོག་པའོ།། ་དེ་དང་བྲལ་བས་བག་ཆགས་ཀྱང་རྩ་བ་ནས་ཕྱུང་བ་ཡིན་ནོ།། བག་ཆགས་རྩ་བ་ནས་ཕྱུང་བས་སེམས་ཅན་ཐམས་ཅད་སངས་རྒྱས་པ་ཡིན་ནོ།། དེ་ལྟར་གང་གིས་ཤེས་པས་འགྲུབ་པར་འགྱུར་རོ།། གདོལ་པ་ཞེས་བྱ་བ་ལ་སོགས་པ་ནི་རིགས་དང་འགྲོ་བ་རིས་དྲུག་དང ་སྐྱེས་གནས་སོ།། དེ་དག་ནི་ངེས་པ་མ་ཡིན་ནོ།། ཧེ་རུ་ཀའི་རྣལ་འབྱོར་རམ། ཡང་ན་བདག་མེད་མའི་རྣལ་འབྱོར་བྱས་ནས་ཡེ་སྔོན་པོ་ལས་རླུང་གི་དཀྱིལ་འཁོར་གཞུ་ལྟ་བུ་འཕན་གྱིས་མཚན་པའོ།། དེའི་སྟེང་དུ་རཾ་དམར་པོར་བསྒྱུར་བ ་ལས་མེའི་དཀྱིལ་འཁོར་དམར་པོ་གྲུ་གསུམ་པའོ།། དེའི་སྟེང་དུ་རཾ་འམ། ཡང་ན་རྡོ་རྗེས་མཚན་པ་བསམ་པར་བྱའོ།། དེའི་སྟེང་དུ་ཨ་བསྒྱུར་བ་ལས་ཀ་པཱ་ལ་བསྡམ་པར་བྱའོ།། དེའི་ནང་དུ་བཟའ་བར་བྱ་བ་དང་། བདུད་རྩི་རྣམ་པ་ལྔ་དང་། གསལ་བའི ་མེ་མར་ལྔའོ།། དེའི་སྟེང་དུ་དེ་བཞིན་གཤེགས་པ་ལྔའི་ས་བོན་བསམ་པར་བྱའོ།། དེའི་སྟེང་དུ་ཨོཾ་བསྒྱུར་བ་ལས་ཟླ་བའི་དཀྱིལ་འཁོར་བསམ་པར་བྱའོ།། ཟླ་བའི་དཀྱིལ་འཁོར་གྱི་སྟེང་དུ་ཧཱུཾ་བསྒྱུར་བ་ལས་རྡོ་རྗེ་བསམ་པར་བྱའོ།། དེ་ནས་རླུང་གིས་མེ་སྦར ་བུ་ལས་ཐམས་ཅད་བདུད་རྩིའི་ངོ་བོར་ཞུ་བར་བསམ་པར་བྱའོ།། དེ་ནས་སྔོན་གྲུབ་ནས་གནས་པའི་བདུད་རྩི་རྣམས་བླངས་ལ་བདུད་རྩིའི་ནང་དུ་བྱུག་པར་བྱའོ།། དེའི་རྟིང་ལ་ཨོཾ་ཨཱཿཧཱུཾ་ཞེས་བྱ་བའི་སྔགས་ཀྱིས་བྱིན་གྱིས་བརླབ་པར་བྱའོ།། དེ་ནས་གཽ་རཱི་ལ ་སོགས་པ་གང་ཡང་རུང་བ་ལས་སྤྲོས་ནས། རང་བཞིན་གྱི་དཀྱིལ་འཁོར་སྤྱན་དྲངས་ནས། མདུན་དུ་བསམ་མོ།། དེ་ལ་ཨརྒྷཾ་ལཾ་སོགས་པ་སྦྱིན་པར་བྱའོ། ཙུག་རྒྱ་ཚོ་མཛོན་པའི་ལྕེ་ལ་ཧཱུཾ་བསམས་ཏི་རྡོ་རྗེར་གྱུར་བསམ་པར་བྱའོ།། དེ་ནས ་བྱིན་གྱིས་བརླབས་པའི་བདུད་རྩི་མྱང་བར་བྱའོ།། དེའི་རྟིང་ལ་བསད་པ་ནི་མཚམས་པནི་དང་སྟེང་དང་འོག་ཏུའོ།། གནས་དེ་དག་ཏུ་རིམ་པ་བཞིན་དུ་བརྒྱ་བྱིན་དང་གཤིན་རྗེ་དང་། ཆུ་ལྷ་དང་། ནོར་སྦྱིན་དང་། མེ་ལྷ་དང་། སྲིན་པོ་དང་རླུང་ལྷ་དང་། ལྷ་ཆེན ་པོམ་ཧཱ་དེ་བ་དང་། ཉི་མའི་ལྷ་དང་ཟླ་བའི་ལྷ་དང་། ཚངས་པ་དང་། སའི་ལྷ་དང་། ཐགས་བཟངས་རིས་ཀྱི་རྒྱལ་པོའོ།། དེ་དག་བཀུག་ལ་རང་རང་གིས་གནས་བསམས་ལ་ཨརྒྷ་ལ་སོགས་པ་སྦྱིན་པར་བྱའོ།། དེ་ནུས་ཨོཾ་ཨིནྡྲ་ཛཱ་མ་ཞེས་བྱ་བ་ལ ་སོགས་པའི་སྔགས་བརྗོད་ལ་དགྱེས་པར་བྱའོ།། དེ་ནས་སྔོན་དུ་བསྟན་པ་བཞིན་དུ་བསང་གཏོར་ལ་སོགས་པ་བྱའོ།། ནམ་ཕུར་བུས་འདེབས་པའི་ཚེ་དེ་དག་སྤྱི་གཙུག་སུ་བསམས་ལ་བསྲུང་བའི་འཁོར་ལོ་ལ་གནས་པའོ།། ཁྲོ་བོ་རྣམས་སྤང ་ཕུར་བུ་ཏི་བུ་དང་། སྟོད་རང་གི་གཟུགསུ་བསམས་ལ་རིམ་པ་བཞིན་དུ་སྔོན་དུ་བསམ་པ་རྣམས་ལ་ཕུར་བུས་གདབ་པར་བྱའོ།། ཡང་ན་བདུད་རྩི་འཁྱིལ་བས་གདབ་པར་བྱའོ།། པདྨའི་མྱུ་གུ་རྡོ་རྗེས་ཀྱེའི་རྡོ་རྗེའི་རྒྱུད་ཀྱིས་རྒྱས་བཏབ་པ་བསྡུས ་པའི་དོན་ཞེས་བྱ་བའི་རིམ་པར་ཕྱེ་བ་ལྕེའུ་བཞི་པའི་འགྲེལ་པ་མཛད་པ་རྫོགས་སོ།། ། བརྒྱ་བྱིན་ཕྱོག་སུ་ཞེས་བྱ་བ་ནི་ཤར་ཕྱོགས་སོ།། ཤར་སྒྲོ་ལ་ཞེས་བྱ་བ་ལ་སོགས་པ་ནི་ཤར་ཕྱོགས་ཀྱི་སྒོའི་པདྨའི་འདབ་མ་རྣམས ་ལ་གནས་པའོ།། དེ་ལྟ་བུའི་རིམ་པོས་གཽ་རཱྀ་དང་། ཙཽ་རཱི་དང་། པེཏྟ་ལཱི་དང་། གྷསྨ་རཱིའོ།། དེ་དགྲ་གི་སྒོའི་པདྨའི་འོདབ་མ་ལ་བསམ་པར་བྱའོ།། ས་བོན་གཅིག་ལས་གྲུབ་པ་དཔག་ཏུ་མེད་པར་ཇི་ལྟར་འགྱུར་ཞེ་ན། དེའི་ལྡན་དུ་རྣམ་པར ་དག་པའི་དབྱེ་བས་གྲངས་མང་པོར་འགྱུར་རོ།། དཔེར་ན་ཁྲོ་བོ་གཅིག་འཁོར་ལོའི་རྗེ་དཔོན་ཡང་ཡིན་ལ། སྒོ་སྲུངས་ཀྱང་བྱེད་ལ་བསྲུང་བའི་འཁོར་ལོ་ལ་ཡང་གནས་པའོ།། དེ་ལྟར་གནས་གསུམ་དུ་མཐོང་བར་འགྱུར་རོ།། དེ་བཞིན་དུ་གཽ་རཱི་ལ ་སོགས་པ་སྒྲོ་སྲུངས་ལ་སོགས་པ་བྱེད་པར་འགྱུར་རོ།། དེ་དག་གི་རྣམ་པར་དག་པའི་དབྱེ་བའི་སྒོ་ནས་ཁ་དོག་ཀྱང་ཤེས་པར་བྱའོ།། དེའི་དོན་ནི་དེ་བཞིན་གཤེགས་པས་གསུངས་པར་བྱེད་དོ།། གཟུགས་བརྙན་གྱི་དཀྱིལ་འཁོར་གྱི ་ལྷ་རྣམས་ཀྱི་སྐུ་མདོག་གི་དབྱེ་བའི་སྒོ་ནས་ཕྱག་མཚན་བརྒྱད་བྲི་བར་བྱའོ།། དེ་དག་གིས་དགོས་པ་མཐོང་ནས་ལ་ལར་ནི་བརྒྱད་དུ་འགྱུར་བ་དང་། བཅུ་གསུམ་དུ་འགྱུར་བ་དང་། བཅོ་ལྔར་ཡང་འགྱུར་རོ།། དཔེར་ན་མིང་དུ་ནི་ཁྲོ་བོ་བཅུ་ཞེས་བརྗོད ་ལ་དགོས་པ་མཐོང་ནས་བཅུ་བཞིར་ཡང་འགྱུར་རོ།། དེ་བས་ན་སྐྱོན་མེད་དོ།། རྣམ་པར་རྒྱལ་བའི་བུམ་པ་ཞེས་བྱ་བ་ནི་གཙོ་བོ་ཡིན་པས་ན་རྣམ་པར་རྒྱལ་བའི་བུམ་པ་ཞེས་བྱའོ།། དེ་ནི་དཀྱིལ་འཁོར་གྱི་རྗེ་དཔོན་ཡིན་པར་ཤེས་པར་བྱའོ།། གཞན་ཡང ་ལྷ་མོ་བརྒྱད་ཀྱི་བུམ་པ་བརྒྱད་ཤེས་པར་བྱའོ།། སྒོའི་ཕྱོགས་སུ་བགེགས་བསྐྲད་པར་བྱ་བའི་ཕྱིར་བུམ་པ་གཅིག་བསམ་པར་བྱ་བ་དང་བཅུ་ཐམ་པའོ།། དེ་ནི་རྒྱུད་ཀྱི་རིགས་པ་ཡིན་ནོ།། བཅུ་ལས་ཉུང་བར་མི་བྱའོ་ཞེས་གསུངསོ།། ལོངས་སྤྱོད་ཅེས ་བྱ་བ་ནི་བྱང་ཆུབ་ཀྱི་སེམས་མྱོང་བའི་དུས་ལ་ལོངས་སྤྱོད་ཅེས་བྱའོ།། དེའི་དོན་ནི་སྣའི་དབུགས་དང་ཁའི་དབུགས་བསྡམས་ལ་འོག་ཏུ་ཁྱེར་བར་བྱའོ།། ཡང་ན་ལྗོངས་སྤྱོད་ཅེས་བྱ་བ་ནི་གཉིས་སུ་མེད་པའི་ཏིང་ངེ་འཛིན་རུང་གིས་གོ་བ་མངོན ་སུམ་དུ་བྱ་བའི་དུས་སུ་ཕྱི་དང་ནང་གི་རྟོག་པ་མི་བྱའོ།། དེ་ནས་ཞེས་བྱ་བ་ནི་རྣམ་པར་རྟོག་པ་གཉིས་འགགས་པར་གྱུར་པའོ།། གཙང་མའི་བུ་མོ་དེ་བཞིན་དུ།། ཇི་ལྟར་དེ་ནི་འབྱུང་བར་འགྱུར་ཞེས་བྱ་བ་ནི་སེམས་ཀྱི་སྤྱོད་ཡུལ་གཅིག་ཏུ ་བརྗོད་པས་ཉོན་མོངས་པ་མེད་པའི་བདེ་བ་འཁོར་བ་ཇི་སྲིད་ཡོད་ཀྱི་བར་དུ་སེམས་ཅན་གྱི་དོན་བྱེད་པའི་སྟོབས་དང་ལྡན་པའི་ཡེ་ཤེས་སྐྱེ་བར་འགྱུར་རོ།། པདྨའི་མྱུ་གུ་རྡོ་རྗེའི་ཀྱེའི་རྡོ་རྗེའི་རྒྱུད་ཀྱི་མངོན་པར་ཤར་བའི་རིམ་པར་ཕྱེ་བའི་ལེའུ་ལྔ་པའི་འགྲེལ་པ་མཛད་པ ་རྫོགས་སོ།། ། བླ་ན་མེད་པའི་ཆོས་སྟོན་པར་བྱེད་དེ། དེའི་ཕྱིར་རྒྱུད་ཀྱི་རྒྱལ་པོ་འདི་གསུངས་སོ།། དེ་བས་ན་བྲིས་སྐུའི་སྒྲུབ་ཐབས་ནི་རིགས་པ་མ་ཡིན་ནོ།། དེ་རྒྱུད་གནན་ལས་གསུངས་པ་ནི་ཕྱི་རོལ་གྱི་རྣམ་པ་ལ་མོས་པ་རྣམས་ཀྱི་དོན་གྱི་ཕྱིར་གསུངས་སོ།། དེའི ་དོན་ནི་ཕྱི་རོལ་ལ་ནི་མོས་པ་ཡི།། དོན་ཕྱིར་བྲིས་སྐུ་ལ་སོགས་གསུངས།། དེའི་ལེན་དུ་རྒྱུད་གཞན་ལ་གཞན་ལ་གནས་པའི་རྣལ་འབྱོར་པ་ཕྱི་རོལ་ལ་མོས་པས་བྲིས་སྐུ་འགུལ་བ་ལ་སོགས་པ་མཐོང་ནས་པའི་དངོས་གྲུབ་ཉེ་བར་ཞེས་ཟེར་རོ།། འདི་ལ་གནས་པའི ་རྣལ་འབྱོར་པས་དེ་བཞིན་གཤེགས་པས་ཇི་ལྟར་གསུངས་པ་བཞིན་དུ་བྲིས་སྐུ་བྲིས་ན་རྣལ་འབྱོར་པས་ཞལ་དང་ཕྱག་ལ་སོགས་པ་རྨོངས་པར་མི་འགྱུར་རོ།། དེ་མཐོང་བས་རྣལ་འབྱོར་ཡང་གོམས་པར་འགྱུར་རོ།། དེ་བཞིན་གཤེགས་པ་རྣམས་ཀྱིས་ཀྱང་བྱིན ་གྱིས་རློབ་པར་འགྱུར་རོ།། དེ་ལྟར་ན་ཕྱག་རྒྱ་ཆེན་པོའི་དངོས་གྲུབ་ཐོབ་པར་འགྱུར་རོ།། དེའི་ཕྱིར་བྲི་བའི་སྐུ་གཟུགས་ཀྱི་སྒྲུབ་ཐབས་ཀྱི་སྐྱོན་དུ་མི་འགྱུར་རོ།། ཕྱིའི་རྣམ་པར་རྟོག་པར་ཡང་མི་འགྱུར་རོ།། པདྨའི་མྱུ་གུ་རྡོ་རྗེས་ཀྱེའི་རྡོ་རྗེའི་རྒྱུད་ཀྱི་སྐུ་གཟུགས་ཀྱི་རིམ་པར ་ཕྱེ་བའི་ལེའུ་དྲུག་པའི་འགྲེལ་པ་མཛད་པ་རྫོགས་སོ།། །། ལག་པ་ལ་སོགས་པའི་ནང་དུ་སྦ་བར་བྱ་བའི་ཕྱིར་སོར་བཅུ་གཉིས་གསུངས་སོ།། འདིར་མདོར་བསྡུས་ནས་ཆོས་ཐམས་ཅད་གསུངས་སོ།། ཡེ་ཤེས་ནི་སྤྲོས་པའི་ངོ་བོ་མ་ཡིན་ནོ།། ་སྨོས་པ་ལ་གནས་པའི་སེམས་ཅན་གྱིས་གོང་མ་དེ་གོ་བར་མི་འགྱུར་རོ།། དེའི་ཕྱིར་སྤྲོས་པ་ལ་གནས་པའི་སེམས་ཅན་གྱིས་པོ་ཏི་མ་མཐོང་ནས་དེ་བཞིན་གཤེགས་པའི་ལུང་མ་ཡིན་ནོ་ཞེས་ཟེར་རོ།། དམ་ཚིག་མེད་པའི་མིས་ཡཿ ་དག་པའི་ཆོས་གོ་བར་བྱེད་པའི་ཚིག་སྨད་ནས་དམྱལ་བར་སྐྱེ་བར་འགྱུར་རོ།། རྣལ་འབྱོར་པས་ཀྱང་དེ་བཞིན་གཤེགས་པའི་ཚིག་རིན་པོ་ཆེ་དམ་ཚིག་མེད་པ་ལ་བསྟན་ན། དམ་ཚིག་ཉམས་པར་འགྱུར་ཏེ། དེའི་ཕྱིར་ཕྱག་རྒྱ་ཆེན་པོའི་དངོས་གྲུབ ་ཐོབ་པར་མི་འགྱུར་རོ།། དེའི་དོན་ནི། ཚེ་རབས་འདི་ལ་གྲུབ་པ་མེད་ཅེས་བྱ་བ་ལ་སོགས་པས་བསྟན་ཏོ།། ཚོགས་ཀྱི་དཀྱིལ་འཁོར་ཞེས་བྱ་བ་ནི་བླ་མས་དབུ་མཛད་ནས་སློབ་མ་དཔག་ཏུ་མེད་པའོ།། འདོད་པའི་དོན་ཀུན་གྲུབ་པ་ཞེས་བྱ་བ་ནི་ཐུན་མོང ་གི་དངོས་གྲུབ་དང་། ཐུན་མོང་མ་ཡིན་པའི་དངོས་གྲུབ་རྣལ་འབྱོར་པས་ཐོབ་པར་འགྱུར་རོ།། དེས་ནི་ཐེག་པ་གསུམ་ལ་གནས་པ་ལ་ཇི་ལྟར་འདོད་པ་བཞིན་དུ་སྟོན་པའི་སྟོབས་དང་ལྡན་པར་བསྟན་ཏོ།། དཀྱིལ་འཁོར་གྱི་དབུས་ཀྱི་གཙོ་བོ་དང ་འདྲ་བར་སློབ་དཔོན་ལ་བསམས་ལ་དབུས་སུ་གདན་སྦྱིན་པར་བྱའོ།། སློབ་མ་རྣམས་ལ་དཀྱིལ་འཁོར་གྱི་ལྷ་དང་འདྲ་བར་བསམས་ལ་གདན་སྦྱིན་པར་བྱའོ།། དེ་ནས་ཟན་དང་ཚེད་མ་ལ་སོགས་པ་བདུད་རྩིར་བྱིན་གྱིས་བརླབས་ལ་རང ་ཡང་ལྷའི་ཏིང་ངེ་འཛིན་དུ་གནས་ཏེ། ཐམས་ཅད་ཀྱི་ལྕེ་ལ་ཧཱུཾ་བསམས་ལ། དེ་གྱུར་པ་ལས་ལྕེ་རྡོ་རྗེའི་ངོ་བོར་བསམས་པར་བྱའོ།། དེ་ལྟར་བྱས་ནས་བཟའ་བ་དང་བཏུང་བ་ལ་སོགས་པ་བྱའོ།། དེ་ལྟར་རྟག་པར་གོམས་པར་བྱས་པས་སེམས ་ལ་དཀྱིལ་འཁོར་རྟག་པར་མཐོང་བར་འགྱུར་རོ།། དེ་ལྟར་རྟག་པར་མཐོང་བས་རྡོ་རྗེ་ལྟ་བུའི་ཏིང་ངེ་འཛིན་སྐྱེ་བར་འགྱུར་རོ།། དེ་སྐྱེས་པས་ཉོན་མོངས་པ་ལ་སོགས་པའི་སྒྲིབ་པ་རི་ལྟ་བུ་འཇོམས་པའི་སྟོབས་དང་ལྡན་པར་འགྱུར་རོ།། དེ་ནས་སྒྲིབ་པ ་གཉིས་དང་བྲལ་བར་འགྱུར་རོ།། དེ་དང་བྲལ་བས་བླ་ན་མེད་པའི་ངོ་བོ་སྒྲིབ་པ་མེད་པ་རྒྱུན་མི་འཆད་པ་བདེ་བ་ཆེན་པོའི་རང་བཞིན་སེམས་ཅན་གྱི་ཁམས་དཔག་ཏུ་མེད་པའི་དོན་བྱེད་པའི་སྟོབས་དང་ལྡན་པ་སྐུ་གསུམ་གྱི་རང་བཞིན་ཡིན་ནོ།། དེ ་ལྟ་བུའི་བྱང་ཆུབ་ཐོབ་པར་འགྱུར་རོ།། དེ་བས་ནཱ་བཟའ་བ་ལ་སོགས་པ་ལ་ཏིང་ངེ་འཛིན་བྱ་བ་ནི་མཚན་མ་ཙམ་ཞིག་ཡིན་གྱི། དུས་རྟག་ཏུ་ཏིང་ངེ་འཛིན་བྱ་བར་བསྟན་ཏོ།། དེ་ཉིད་རྟག་པར་བསྒྲུབ་པར་བྱ་བ་ཡིན་གྱི། བཟའ་བ་ལ་སོགས་པ ་ནི་བསྒྲུབ་པར་བྱ་བ་མ་ཡིན་ནོ།། དེའི་དོན་ནི་ཀྱེའི་རྡོ་རྗེའི་སྐུ་གཟུགས་ནི། དབུས་ཉིད་དུ་ནི་བདག་ཉིད་དེ། ཞེས་བྱ་བ་ལ་སོགས་པས་བསྟན་ཏོ།། པདྨའི་མྱུ་གུ་རྡོ་རྗེས་ཀྱེའི་རྡོ་རྗེའི་རྒྱུད་ཀྱི་བཟའ་ཐབས་ཀྱི་རིམ་པར་ཕྱེ་བའི་ལེའུ་བདུན་པའི ་འགྲེལ་པ་མཛད་པ་རྫོགས་སོ།། ། རྣལ་འབྱོར་པ་བསོད་ནམས་ཀྱི་ཚོགས་དང་ལྡན་པ་དང་།། ཏིང་ངེ་འཛིན་གྱི་སྟོབས་ཀྱིས་བྱང་ཆུབ་སེམས་དཔའ་དབང་དུ་འགྱུར་རོ།། དེ་བུད་མེད་ཀྱི་གཟུགསུ་བྱས་ནས་འོང་བར་འགྱུར།། ་དེ་ལ་ཕྱག་རྒྱ་ཆེན་པོ་ཞེས་བྱའོ།། ཡང་ན་འོག་གི་ས་ལ་གནས་པའི་བྱང་ཆུབ་སེམས་དཔའ་ལས་ཀྱི་བྱེ་བྲད་གིས་རྒྱུས་བུད་མེད་དུ་སྐྱེ་བར་འགྱུར་རོ།། དེ་ལ་ཕྱག་རྒྱ་ཆེན་པོ་ཞེས་བྱའོ།། དེའི་མཚན་ཉིད་བསྟན་པར་བྱ་བའི་ཕྱིར། ཡང་ན་རང ་མིན་ཐུང་བ་མིན་ཞེས་བྱ་བ་ལ་སོགས་པས་བསྟན་ཏོ།། དང་པོ་བསྙེན་གནས་ཁྲིམས་ནི་སྦྱིན་ཞེས་བྱ་བ་ནི་དེའི་མཚན་མ་ཙམ་ཞིག་བསྟན་པར་ཡིན་གྱི། སྲོག་གཅོད་པ་དང་། མ་བྱིན་པར་ལེན་པ་དང་། མི་ཚངས་པར ་སྤྱོད་པ་དང་། བརྫུན་དྷུ་བྷཱ་བ་དང་། འབྲུའི་ཆང་དང་བཅོས་པའི་ཆང་སྟེ། དེ་དག་ཡང་སྤངས་པ་ལ་ནི་དགེ་བསྙེན་གྱི་སྡོམ་པ་ཞེས་བྱའོ།། དྲི་ཞིམ་པོ་དང་མེ་ཏོག་གི་ཕྲེང་བ་དང་བྱུག་པ་དང་གླུ་དང་གར་དང་། བྲོ་བརྡུང་བ་དང་། ཁྲི་སྟན་མཐོན་པོ ་ང་། ཁྱི་སྟན་ཆེན་པོ་དང་། དུས་མ་ཡིན་པའི་ཟས་སོ།། དེ་དག་གོང་གི་སྟེང་དུ་བསྣན་པས་བརྒྱད་དུ་འགྱུར་རོ།། དེ་བརྒྱད་ལ་ནི་བསྙེན་ཀུནས་ཀྱི་སྡོམ་པ་ཞེས་བྱའོ།། དེའི་སྟེང་དུ་གསེར་དངུལ་མི་རེག་པ་བསྟན་པས་དགེ་ཚུལ་གྱི་ཁྲིམས་བཅུ ་ཞེས་བྱའོ།། དེ་ལྟ་བུའི་རིམ་པས་ལུས་ངག་ཡིད་གསུམ་གྱི་མི་དགེ་བའི་ལས་སྤངས་ལ་བཤད་མ་ཐག་པ་དེ་ཉིད་གོ་བར་བྱའོ།། དེའི་དོན་ནི་དེ་བཞིན་གཤེགས་པས་གསུངས་སོ།། ཇི་ལྟར་གསུངས་ཤེ་ན། ལྔ་དང་བརྒྱད་དང་བཅུ་ནི་སྤང་བར ་བྱ་ཞེས་གསུངས་སོ།། དེ་སྤངས་པས་དགེ་བསྙེན་དང་བསྙེན་གནས་དང་དགེ་ཚུལ་ལ་སོགས་པར་འགྱུར་རོ།། དེའི་དོན་ནི་དེའི་རྟིང་ལ་བསྒྲུབ་པ་བཅུ་ཞེས་བྱ་བས་བསྟན་ཏོ།། དེ་ནས་བྱེ་བྲག་སྨྲ་བ་བསྟན་ཞེས་བྱ་བ་ལ་སོགས་པ་གསུངས་པ ་ལོ་ཉན་ཐོས་ཀྱི་བྱང་ཆུབ་དང་། རང་རྒྱལ་བའི་བྱང་ཆུབ་དེས་སྟོན་པར་བྱེད་དོ།། དེ་ཇི་ལྟར་ཐོབ་པ་བསྟན་པར་བྱ་སྟེ། གཟུགས་ཀྱི་ཕུང་པོ་ལ་སོགས་པ་ལ་པུ་ཤེས་བྱའོ།། དེ་ལ་ཅིའི་ཕྱིར་དུས་ཤེས་བྱ་ཞེ་ན། དེ་ཡང་འདས་པ་ལ་སོགས་པ ་བཞིའི་རང་བཞིན་ཡིན་པའི་ཕྱིར་རོ།། དེ་ལ་སྡུག་བསྔལ་ཞེས་བྱའོ།། ཅིའི་ཕྱིར་སྡུག་བསྔལ་ཞེས་བྱ་ཞེ་ན། སྡུག་བསྔལ་གྱི་རང་བཞིན་ཡིན་པའི་ཕྱིར་རོ།། གཞན་ཡང་སྟོང་པ་ཉིད་དང་བདག་མེད་པའོ།། ཚིག་དེ་དག་གིས་ནི་འབྲས་བུར་གྱུར་པའི ་ཕུང་པོ་རྣམ་པ་ལྔ་ལ་སྡུག་བསྔལ་གྱི་བདེན་པ་ཞེས་བྱའོ།། དེ་ད་ལྟར་ཉམས་སུ་མྱེད་པའོ།། དེའི་རྒྱུར་གྱུར་པའི་སྒོ་ནས་ཀུན་འབྱུང་གི་བདེན་པོ་ཞེས་བྱའོ།། དེ་གཉིས་འགགས་པ་ལ་ནི་འགོག་པའི་བདེན་པ་ཞེས་བྱའོ།། དེ་ཡང་རྣམ་པ་གཉིས་ཏེ། ་སུཾ་སོཪྵ་བརྟགས་པ་མཱ་ཡིན་པའི་འགོག་པའོ།། དེ་ཡང་ལམ་མེད་པར་མི་ཐོབ་པས་ན་ལམ་གྱི་བདེན་པ་བསམ་པར་བྱའོ།། དེའི་མིང་གི་རྣམ་གྲངས་ནི་རིགས་པ་ཞེས་ཀྱང་བྱ། འཁོར་ལོ་ཞེས་ཀྱང་བྱ་ཕུང་པོ་ལྔ་ཞེས་ཀྱང་བྱའོ།། དེ་ལ་ནི་ཉན་ཐོས ་དང་རང་རྒྱལ་བའི་བྱང་ཆུབ་ཅེས་བྱའོ།། ཚིག་དེ་དག་གིས་ནི་དོན་འདི་སྟོན་པར་བྱེད་དེ། ཉན་ཐོས་ལ་སོགས་པས་འཁོར་བ་ལ་སྡུག་བསྔལ་བར་མཐོང་ནས་སྤོང་བར་བྱེད་པ་དང་། ཕྱིས་ཇི་ལྟར་མི་སྐྱེ་བའི་ཐབས་བྱེད་པའོ།། འཕགས་པའི ་བདེན་པ་བཞི་ནི་ཚད་མ་ཡིན་པར་བྱས་ལ་བསྒོམ་པར་བྱའོ།། དེ་ལ་སྡུག་བསྔལ་ནི་ཤེས་པར་བྱ་བ་དང་། ཀུན་འབྱུང་སྤང་བར་བྱ་བ་དང་། འགོག་པ་མངོན་དུ་བྱ་བ་དང་། ལམ་བསྒོམ་པར་བྱ་བའོ།། དེའི་ཕྱིར་ཕུང་པོ་ལྔའི་རང་བཞིན་བརྟག ་པར་བྱའོ།། ཇི་ལྟར་བརྟག་པར་བྱ་ཞེ་ན། དཔེར་ན་ནང་དང་ནད་ཀྱི་རྒྱུ་དང་། ནད་དང་བྲལ་བ་དང་སྨན་ནོ།། དེ་ལ་སྡུག་བསྔལ་ནི་ནད་ལྟ་བུའོ།། ཀུན་འབྱུང་ནི་ནད་ཀྱི་རྒྱུ་ལྟ་བུའོ།། འགོག་པ་ནི་ནད་དང་བྲལ་བ་ལྟ་བུའོ།། ལམ་ནི་སྨན་ལྟ་བུའོ།། དེ་ལྟར ་འཕགས་པའི་བདེན་པ་བཞི་གང་གིས་བརྟགས་པས་ཤེས་པ་བརྒྱད་དང་། བཟོད་པ་བརྒྱད་སྐྱེ་བར་འགྱུར་རོ།། དེ་དག་ལ་སྐད་ཅིག་མ་བཅུ་དྲུག་ཅེས་བྱའོ།། དེ་ནི་འཇིག་རྟེན་ལས་འདས་པའི་ཡེ་ཤེས་ཀྱི་སྣང་བ་མཐོང ་བའི་ལམ་ཞེས་བྱའོ།། དེ་མངོན་དུ་མ་མཐོང་བ་མཐོང་བས་ན་མཐོང་བའི་ལམ་ཞེས་བྱའོ།། འགོག་པ་མངོན་སུམ་དུ་བྱས་པས་ན་ལམ་ཞེས་བྱའོ།། དེ་ལ་སྐད་ཅིག་ཅེས་བྱ་བ་ནི་སྡུག་བསྔལ་ལ་ཆོས་ཤེས་པ་དང་། སྡུག་བསྔལ་ལ་ཆོས་ཤེས ་པའི་བཟོད་པ་དང་། སྡུག་བསྔལ་ལ་ཆོས་རྗེས་སུ་ཤེས་པ་དང་། སྡུག་བསྔལ་ལ་རྗེས་སུ་ཆོས་ཤེས་པའི་བཟོད་པ་དང་། ཀུན་འབྱུང་ལ་ཆོས་ཤེས་པ་དང་། ཀུན་འབྱུང་ལ་ཆོས་ཤེས་པའི་བཟོད་པ་དང་། ཀུན་འབྱུང་ལ་རྗེས་སུ་ཆོས ་ཤེས་པ་དང་། ཀུན་འབྱུང་ལ་རྗེས་སུ་ཆོས་ཤེས་པའི་བཟོད་པ་དང་། འགོག་པ་ལ་ཆོས་ཤེས་པ་དང་། འགོག་པ་ལ་ཆོས་ཤེས་པའི་བཟོད་པ་དང་། འགོག་པ་ལ་རྗེས་སུ་ཆོས་ཤེས་པ་དང་། འགོག་པ་ལ་རྗེས་སུ་ཆོས་ཤེས་པའི ་བཟོད་པ་དང་རྣ་ལམ་ལ་ཆོས་ཤེས་པ་དང་། ལམ་ལ་ཆོས་ཤེས་པའི་བཟོད་པ་དང་། ལམ་ལ་རྗེས་སུ་ཆོས་ཤེས་པ་དང་། ལམ་ལ་རྗེས་སུ་ཆོས་ཤེས་པའི་བཟོད་པ་དང་བཅུ་དྲུག་གོ།། དེ་ལྟ་བུའི་རིམ་པས་མཐོང་བའི་ལམ་མཐོང ་བའི་ལམ་བསྒོམས་པས་ཁམས་གསུམ་གྱི་ཉོན་མོངས་པ་མཐོང་བས་སྤང་བར་བྱ་བ་བརྒྱད་ཅུ་རྩ་བརྒྱད་ལ་སོགས་པ་སྤོང་བར་འགྱུར་རོ།། དེ་ལ་སྡུག་བསྔལ་མཐོང་བས་སྤང་བར་བྱ་བ་བཅུ་གཉིས་ནི་རྟག་པར་ལྟ་བ་དང་། བདག་ཏུ་ལྟ ་བ་དང་། ཆད་པར་ལྟ་བ་དང་། འཇིགས་ཚོགས་ལ་ལྟ་བ་དང་། ཚུལ་ཁྲིམས་དང་བརྟུལ་ཞུགས་མཆོག་ཏུ་འཛིན་པའི་ལྟ་བ་དང་། ཐེ་ཚོམ་དང་འདོད་ཆགས་དང་ཞེ་སྡང་དང་། ང་རྒྱལ་དང་། མ་རིག་པའོ།། ཀུན་འབྱུང་མཐོང་བས་སྤང་བར་བྱ ་བ་བདུན་ནི་གོང་མའི་དེ་ལ་རྟག་པར་ལྟ་བ་དང་། བདག་ཏུ་ལྟ་བ་དང་། འཇིགས་ཚེགས་ལ་ལྟ་བ་བོར་བས་ལྷག་མ་ཀུན་འབྱུང་མཐོང་བས་སྦྱང་བར་བྱ་བ་བདུན་ནོ།། འགོག་པ་མཐོང་བས་སྤང་བར་བྱ་བ་ཡང་དེ་དང་མཐུན་ནོ།། ལམ་མཐོང་བས་སྤང་བར་བྱ ་བ་དྲུག་གི་ནི་འདོད་ཆགས་དང་། ཞེ་སྡང་དང་། ང་རྒྱལ་དང་། མ་རིག་པ་དང་། ཚུལ་ཁྲིམས་དང་། བརྟུལ་ཞུགས་མཆོག་ཏུ་འཛིན་པ་དང་། ཐེ་ཚོམ་དང་དྲུག་གོ།། འདོད་པའི་ཁམས་ཀྱིས་མཐོང་བས་སྤང་བར་བྱ་བ་སུམ་ཅུ་རྩ་གཉིས་དང་། བསྒོམ་པས་སྤང ་བར་བྱ་བ་བཞི་སྤངས་པས་འདོད་པའི་ཁམས་སུ་སྐྱེ་བར་མི་འགྱུར་རོ།། ཐེ་ཚོམ་དང་འདོད་ཆགས་དང་། ཞེ་སྡང་དང་། ང་རྒྱལ་དང་། མ་རིག་པའོ།། དེ་དག་མ་གཏོགས་པ་གཟུགས་ཀྱིས་ཁམསུ་སྐྱེས་པ་ལ་མཐོང་བས་སྤང་བར་བྱ་བ་སུམ་ཅུ་རྩ་གཅིག་སྤང་བར ་བྱའོ།། གཟུགས་མེད་པའི་ཁམས་ན་དེ་དང་འདྲའོ།། མཐོང་བས་སྤང་བར་བྱ་བ་བརྒྱད་ཅུ་རྩ་བརྒྱད་ལ་སོགས་པ་སྤངས་པས་ཁམས་གསུམ་དུ་སྐྱེ་བའི་རྒྱུ་དང་བྲལ་བ་ཡིན་ནོ།། དེ་དང་བྲལ་བ་ནི་ཁམས་གསུམ་ལ་འདོད་ཆགས་དང་བྲལ་བ་ཞེས་བྱའོ།། དེ་ལ་ཉན ་ཐོས་ཀྱི་སངས་རྒྱས་དང་། རང་རྟུལ་བའི་སངས་རྒྱས་ཞེས་བྱའོ།། དེ་ནི་ཉོན་མོངས་པ་དང་བྲལ་བས་འཁོར་བར་མི་སྐྱེའོ།། དེའི་ཕྱིར་མྱ་ངན་ལས་འདས་པ་ཞེས་བྱའོ།། དེ་ཡང་དཔེར་ན་མེ་མར་ཤི་བ་ལྟ་བུའོ།། ཉན་ཐོས་དང་རང་རྒྱལ་བ་ལ་བྱེ་བྲག་ཅི་ཡོད་ཅེ་ན། ཡང ་དག་པར་རྫོགས་པའི་སངས་རྒྱས་ལ་ཐོས་ནས་ཉན་ཐོས་ཀྱང་ཡང་དག་པར་རྫོགས་པའི་སངས་རྒྱས་སུ་འགྱུར་རོ།། དེ་ངག་གི་སྒོ་ནས་ཆོས་བཤད་ནས་སེམས་ཅན་འདུལ་བར་བྱེད་དོ།། གཞན་གྱིས་ཉོན་ཅིག་པར་བསྐུལ་ནས་ཉན ་པས་ན་ཉན་ཐོས་ཞེས་བྱའོ།། རང་རྒྱལ་བའི་སངས་རྒྱས་ནི་སྔོན་དུ་རང་གིས་ཐོས་པ་གཟུང་ནས་གཞན་གྱི་མན་ངག་ལ་མི་བལྟོས་པར་རང་གི་བྱང་ཆུབ་གོ་བས་ན་རང་སངས་རྒྱས་ཞེས་བྱའོ།། དེས་ཚིག་གོ་སྒོ་ནས་བཤད་པ་སྤངས་ནས་ནི་སྐུའི་སྒོ་ནས་སེམས ་ཅན་དགེ་བ་བཅུ་ལ་འགོད་པར་བྱེད་དོ།། དེའི་དོན་ནི་གཞན་གྱི་མན་ངག་ལ་མ་བརྟེན་པར་རང་གིས་གོ་བ་དང་རང་ཉིད་སངས་རྒྱས་པས་དེའི་ཡེ་ཤེས་ཡང་དག་ཟབ་པ་སྟེ། དེ་ཕྱིར་རང་རྒྱལ་གྱི་མིང་དུ་བསྟན། ཕུང་པོ་ལྔ་བདག་མེད་པ་ལ་བདག་དང ་བདག་གིར་ལྟ་བ་ལ་ནི་རྟག་པར་ལྟ་བ་ཞེས་བྱའོ།། དེ་ལྟ་བུ་ཕུང་པོ་ལ་སོགས་བདག་མེད་པ་ལ་བདག་ཏུ་ལྟ་བ་དང་། དེ་ཡང་རྟག་པར་ལྟ་བ་ནི་བདག་ཏུ་ལྟ་བ་ཞེས་བྱའོ།། གཞོན་ལ་གནོད་པ་མི་བྱེད་པ་ལ་ནི་ཚུལ་ཁྲིམས་ཞེས་བྱའོ།། ཁྱི་ཉལ་བའི ་ས་དང་། བ་ལང་མང་པོ་འདྲུལ་བའི་ལམ་དང་། རི་དགས་གནས་པའི་ས་ལ་སོགས་པ་དེ་དག་ཏུ་གནས་པའོ།། གཞན་ཡང་ཐལ་བའི་སྟེང་ན་ཉལ་བ་དང་། སྐྲྀ་འདྲེག་པ་དང་། དྲང་སྲོང་གིས་ཁྲུས་བྱས་པའི་སར་ཁྲུས་ལ་འགྲོ་བ་དང་། ་འབྲས་བུ་དང་། རྩ་བ་ཟ་བ་དང་། རལ་པ་འཛིན་པ་དང་། ཤིང་ཤུན་གྱོན་པ་ལ་སོགས་པ་ལ་བརྟུལ་ཞུགས་ཞེས་བྱའོ།། དེ་ལྟར་བྱེད་པ་ལ་ཚུལ་ཁྲིམས་དང་བརྟུལ་ཞུགས་མཆོག་ཏུ་འཛིན་པ་ཞེས་བྱའོ།། བདེན་པ་དང་རིན་པོ་ཆེ་ལ་ཡིད ་གཉིས་སུ་གྱུར་པ་ལ་ནི་ཐེ་ཚོམ་ཞེས་བྱའོ།། ཁམས་གསུམ་ལ་ཆགས་པ་ལ་ནི་འདོད་ཆགས་ཞེས་བྱའོ།། སེམས་ཅན་ནམ་སེམས་ཅན་མ་ཡིན་པ་ལ་ཞེ་སྡང་སྐྱེ་བ་ལ་ནི་ཞེ་སྡང་ཞེས་བྱའོ།། ང་རྒྱལ་ཞེས་བྱ་བ་ནི་སེམས་ཁེངས་པའི་མཚན་ཉིད་དོ།། ་དེ་ཡང་རྣམ་པ་བདུན་ཏེ། ང་རྒྱལ་པོདང་ཆེ་བའི་ང་རྒྱལ་དང་། ང་རྒྱལ་ལས་ཀྱང་ང་རྒྱལ་དང་། ངའོ་སྙམ་པའི་ང་རྒྱལ་དང་། མངོན་པའི་ང་རྒྱལ་དང་། ཅུང་ཟད་ཙམ་པའི་ང་རྒྱལ་དང་།། ལོག་པའི་ང་རྒྱལ་ལོ།། ཆེ་བའི་ང་རྒྱལ་ཞེས་བྱ་བ ་ནི་རིགས་ལས་ཆེ་བ་དང་། གཟུགས་བཟང་བ་དང་། ནོར་དང་། ཐོས་པ་དང་། དེ་དག་གཞན་པས་ཆེས་ཆེ་བས་ན་ཆེ་བའི་ང་རྒྱལ་ལོ།། ང་རྒྱལ་ལས་ཀྱང་ང་རྒྱལ་ཞེས་བྱ་བའི་གོང་མ་དེ་དག་འདྲ་བར་ཡོད་བཞིན་དུ་དེ་བས་ཀྱང་བདག་ཆེའོ། ་སྙམ་པའི་ང་རྒྱལ་ལས་ཀྱང་ང་རྒྱལ་ཞེས་བྱའོ།། ངའོ་སྙམ་པའི་ང་རྒྱལ་ནི་རིགས་འདྲ་ཡང་གཟུགས་དང་ཐོས་པ་དང་། ནོར་དང་། ཚུལ་ཁྲིམས་ཏེ་དེ་དག་གིས་ང་ཆེའོ་སྙམ་པ་ལ་ནི་ངའོ་སྙམ་པའི་ང་རྒྱལ་ཞེས་བྱའོ།། མངོན་པའི་ང ་རྒྱལ་ཞེས་བྱ་བ་ནི་འདི་ལ་བདག་ཏུ་ལྟ་བ་ཡོད་ཀྱི། ང་ལ་བདག་ཏུ་ལྟ་བ་མེད་དོ་ཞེས་ཟེར་བ་དང་། ངས་འཇིག་རྟེན་ལས་འདས་པའི་ཆོས་ཤེས་ལ་འདིས་འཇིག་རྟེན་ལས་འདས་པའི་ཆོས་མི་ཤེས་སོ་ཞེས་ཟེར་བ་ལོ་ནི་མངོན་པའི་ང ་རྒྱལ་ཞེས་བྱའོ།། རིགས་ལ་སོགས་པ་ཅུང་ཟད་ཀྱིས་ཆུང་ངོ་སྙམ་པ་ལ་ནི་ཆུང་ཟད་སྙམ་པའི་ང་རྒྱལ་ཞེས་བྱའོ།། ཡོན་ཏན་མེད་པར་ང་ལ་ཡོན་ཏན་ཡོད་དོ་ཞེས་ཟེར་བ་ལ་ནི་ལོག་པའི་ང་རྒྱལ་ཞེས་བྱའོ།། མ་རིག་པ་ཞེས་བྱ་བ་ནི་ཤེས་པ་ལ་སྒྲིབ ་པར་བྱེད་པས་ན་མ་རིག་པ་ཞེས་བྱའོ།། ཡང་ན་སྡུག་བསྔལ་གྱི་བདེན་པ་ལ་སོགས་པ་མི་ཤེས་པ་ལ་མ་རིག་པ་ཞེས་བྱའོ།། ཉོན་མོངས་པ་དེ་དག་ལ་ནི་སེམས་ཅན་འཁོར་བ་དང་འབྲེལ་པར་བྱེད་པ་ཞེས་བྱའོ།། ཡང་ན་ལུས་ངག ་ཡིད་གསུམ་གྱི་བདག་ཉིད་ཉོན་མོངས་པར་བྱེད་པས་ན་ཉོན་མོངས་པ་ཞེས་བྱའོ།། དེ་ནས་རྣལ་འབྱོར་སྤྱོད་པ་ཞེས་བྱ་བ་སྨོས་སོ།། དེ་ནི་རྣལ་འབྱོར་སྤྱོད་པའི་བྱང་ཆུབ་སྟོན་པར་བྱེད་དེ། དེ་བསྟན་པར་བྱ་བའི་ཕྱིར་གཟུགས་ལ་སོགས་པའི་ཡུལ་རྣམས་གང ་གིས་དོན་དམ་པར་ཕྱི་རོལ་གྱི་ཡིན་པར་འཛིན་ཏེ། དེ་ནི་དེ་བཞིན་གཤེགས་པས་དགོངས་པའི་དབང་གིས་བསྟན་པ་ལ་དོན་དམ་པར་འཛིན་ཏོ།། དེ་ནི་གཅིག་དང་དུ་མ་བརྟགས་པས་དོན་དམ་པ་མ་ཡིན་ནོ།། དེ་དོན་དམ་པ་མ་ཡིན་ན་ཡུལ་དང་ས་ལ ་སོགས་པའི་ངེས་པའི་རྣམ་པ་གང་ཡིན་ཞེ་ན། དེའི་ལན་དུ་དཔག་ཏུ་མེད་པའི་དུས་ནས་ཕྱིན་ཅི་ལོག་ཏུ་རྣམ་པར་རྟོག་པའི་བག་ཆགས་མ་སྤངས་པའི་དབང་གིས་ཤེས་པ་ལ་ཕྱི་རོལ་ཡིན་པར་འཛིན་པའོ།། དེའི་དོན་ནི་དེ་བཞིན་གཤེགས་པས ་གསུངས་སོ།། ཇི་ལྟར་གསུངས་ཤེ་ན། འཕགས་པ་སངས་རྒྱས་ཕལ་པོ་ཆེ་ལས། ཀྱེ་རྒྱལ་བའི་སྲས་དག་ཁམས་གསུམ་པ་འདི་དག་ནི་སེམས་ཙམ་མོ་ཞེས་གསུངས་སོ།། དེའི་ཕྱིར་སེམས་ཙམ་བསྒོམས་པས་བྱང་ཆུབ་ཐོབ་པར་འགྱུར་རོ།། ཤེས་པ ་ནི་ཤེས་པའི་ངོ་བོ་ཡིན་པས་བདེན་པ་ཞེས་བྱའོ།། ཕྱི་རོལ་གྱི་རྣམ་པ་ནི་ཤེས་པའི་ངོ་བོ་མ་ཡིན་པས་ན་བརྫུན་པ་ཞེས་བྱའོ།། ཕྱིའི་བདེན་པ་མ་ཡིན་པར་གཏན་ཚིགས་དེའི་ཕྱིར་སྡུག་བསྔལ་དང་ཀུན་འབྱུང་གི་རང་བཞིན་ཕུང་པོ་ལྔ་ཡང་བདེན་པ་མ་ཡིན་ནོ།། ་དེས་བསྐྱེད་པའི་ཉོན་མོངས་པ་ཡང་བདེན་པ་མ་ཡིན་ནོ།། དེ་ལྟར་ཤེས་པས་ཉོན་མོངས་པའི་སྒྲིབ་དང་བྲལ་བར་འགྱུར་རོ།། གཟུགས་ལ་སོགས་པ་དོན་དམ་པ་མེད་པས་ན་གཟུང་བར་བྱ་བ་མ་ཡིན་ནོ།། དེ་ལྟར་གང་གིས་ཤེས་པས་ཤེས་བྱའི་སྒྲིབ་པ ་དང་བྲལ་བར་འགྱུར་རོ།། དེ་གཉིས་དང་བྲལ་བ་ལ་ནི་དེ་བཞིན་གཤེགས་པ་ཞེས་བྱའོ།། དེ་ནི་རྣལ་འབྱོར་སྤྱོད་པའི་བྱང་ཆུབ་བསྟན་ཏོ།། དབུ་མའི་བྱང་ཆུབ་བསྟན་པར་བྱ་སྟེ། དེའི་ཕྱི་ནས་དབུ་མ་བསྟན་ཞེས་བྱ་བ་སྨོས་སོ།། དེ་ལ་གོང་དུ་ཤེས་པ་ནི་ཤེས ་པའི་ངོ་བོ་ཡིན་པས་བདེན་པ་ཞེས་བྱ་བ་དེ་ནི་ཡོད་པ་ཞིག་ཡིན་ནམ། ཡང་ན་མེད་པ་ཞིག་ཡིན་ཞེ་ན། དེ་ཡོད་པའི་རང་བཞིན་ཡིན་ན། གཅིག་པར་ཡོད་དམ། དུ་མའི་ངོ་བོར་ཡོད་ཅེ་ན། གཅིག་པའི་ངོ་བོར་ཡོད་ན་ནི་སྐྱོན་འདི་ཡོད་དེ། དཔེར་ན་རི ་མོ་ལ་སོགས་པ་ཐ་དད་པར་ཅིའི་ཕྱིར་འགྱུར། ཐ་དད་པར་སྣང་བའི་གཏན་ཚིགས་དེའི་ཕྱིར་ན་གཅིག་པ་མ་ཡིན་ནོ།། གཅིག་པ་ཡིན་ན་ནི་རི་མོ་ལ་སོགས་པ་ཐ་དད་པར་སྣང་བ་ནི་བརྫུན་དུ་འགྱུར་རོ།། ཅིའི་ཕྱིར་བརྫུན་ཡིན་ཞེ་ན། སྣ་ཚོགས་སུ་སྣང ་བའི་ཕྱིར་རོ།། སྣ་ཚོགས་སུ་སྣང་བ་དེ་ཡང་རྒྱུ་སྣ་ཚོགས་པའི་དབང་གིས་སོ།། དེ་ལ་གཅིག་པོའི་མཚན་མ་ནི་མེད་དོ།། དེ་ལ་གཅིག་ཅེས་བྱ་བ་ནི་སྐད་ཅིག་ལ་སྣ་ཚོགས་པར་མཐོང་བ་ལ་ནི་གཅིག་ཅེས་བྱའོ།། དེ་ནི་སྐད་ཅིག་དང་སྣ་ཚོགས་པ་ནི་གཅིག་པ་ཡིན ་ནམ། ཐ་དད་པ་ཡིན་ཐ་དད་པ་ཡིན་ན་ཁྱེད་བདེན་གྱི་ཐ་དད་པ་ཡིན་ན་ནི་བདེན་པ་མ་ཡིན་ནོ།། དེ་ནི་བདེན་པ་མ་ཡིན་ཏེ། དུས་འདས་པ་ལ་སོགས་པ་དེ་ལས་ལོགས་ཤིག་ན་མེད་པའི་ཕྱིར་རོ།། དེའི་ཕྱིར་གཅིག་པ་མ་ཡིན་ནོ།། དུ་མ་ཡང་མ་ཡིན་ཏེ། གཅིག ་གི་རང་བཞིན་བརྟགས་པས་མ་གྲུབ་པའི་ཕྱིར་དུ་མ་ཡང་བདེན་པ་མ་ཡིན་ནོ།། ཕྱི་རོལ་གྱི་དོན་རྣམས་གཅིག་དང་དུ་མའི་གཏན་ཚིགས་ཀྱིས་མ་གྲུབ་པ་དེའི་ཕྱིར། དེ་བཞིན་དུ་རྣམ་པར་ཤེས་པ་ཡང་མེད་དོ།། འོ་ན་ཇི་ལྟར་ཡོད ་ཅེ་ན། མེ་ལོང་གིས་གཟུགས་བརྙན་ལ་སོགས་པ་ལྟ་བུར་ཡོད་དོ།། དེ་ལྟར་ཡོད་ན་གང་ཞིག་སངས་རྒྱས་པར་འགྱུར་ཞེ་ན། དེའི་ལན་དུ་ཕྱི་དང་ནང་གི་རྣམ་པར་རྟོག་པ་བསལ་བར་ཡིན་གྱི། རང་བཞིན་ནི་མེད་པ་མ་ཡིན་ནོ།། ང་བཞིན་ཞེས་བྱ་བ་ཇི་ལྟ ་བུ་ཞེ་ན། རང་བཞིན་གྱི་དྲི་མ་དང་བྲལ་བའོ།། གཞན་ཡང་རང་གི་གོ་ལ་གཞན་ལ་ཚིག་གིས་བརྗོད་པར་མི་ནུས་པའོ།། དེ་ཡང་ཕྱི་ནང་གིས་དངོས་པོ་རང་བཞིན་གྱིས་སྟོང་པ་ཡིན་པ་དེ་ལ་ཐོས་པར་བྱ་བ་དང་། བསམ་པར་བྱ་བ་དང་། རྟག་པར་དྲན ་པར་བྱ་བ་ལ་སོགས་པ་སྤྲོས་པ་དང་བྲལ་བ་རང་བཞིན་གྱིས་ཞི་བ་མངོན་སུམ་དུ་བྱས་པ་ལ་ནི་ཐམས་ཅད་མཁྱེན་པ་ཞེས་བྱའོ།། དེའི་དོན་ནི་སྟོང་ཕྲག་ཉི་ཤུ་ལྔ་པ་ལས། རབ་འབྱོར་གང་དང་ལྗོན་པས་ཐམས་ཅད་མཁྱེན་པར་འགྱུར། དེའི་རང ་བཞིན་ནི་ཇི་ལྟ་བུ། དེའི་བདག་པོ་ནི་གང་ཞིག་ཡིན་ཞེས་གསུངས་པ་ལ། གང་དང་ལྡན་པས་ཐམས་ཅད་མཁྱེན་པར་འགྱུར་ཞེས་བྱ་བ་ནི་སྟོང་པ་ཉིད་དང་ལྡན་པས་ཐམས་ཅད་མཁྱེན་པར་འགྱུར་རོ།། དེའི་རང་བཞིན་ནི་དེ་ལྟ་བུ་ཞེས་བྱ་བ་ནི ་ཞི་བའི་རང་བཞིན་ནོ།། དེའི་བདག་པོ་ནི་གང་ཡིན་ཞེས་བྱ་བ་ནི་དྲན་པའོ།། སྔགས་ཀྱི་རྒྱུད་ཀུན་ཤེས་བྱས་ནས་ཞེས་བྱ་བ་ལ། སྔགས་ནི་ས་བོན་ནོ།། དེ་བསྒྱུར་བས་ལྷའི་སྐུ་རྫོགས་པར་འགྱུར་རོ།། སྐུ་དེས་ཕུང་པོ་དང་ཁམས་དང་། སྐྱེ་མཆེད་དང་། ་དེ་བཞིན་གཤེགས་པ་ཐམས་ཅད་ཀྱི་ཆོས་ཀྱི་རྣམ་པར་དག་པས་གསུངས་སོ།། གང་གསུངས་ཤེ་ན། དཔལ་རྡོ་རྗེ་སྙིང་པོ་རྒྱན་གྱི་རྒྱུད་དང་། ཆོས་ཀྱི་དབྱིངས་ངག་གི་དབང་ཕྱུག་གི་དཀྱིལ་འཁོར་ལ་སོགས་པ་ལས་ཇི་ལྟར་གསུངས་པ་བཞིན ་ཤེས་པར་བྱས་ནས་བླ་ན་མེད་པའི་ཆོས་ཤེས་པར་བྱ་བ་མདོར་བསྡུས་པ་ཀྱེའི་རྡོ་རྗེའི་རྒྱུད་བརྩམ་པར་བྱའོ།། བརྩམ་པར་བྱ་ཞེས་བྱ་བ་ནི་མཉན་པར་བྱ་ཞེས་བྱ་བའི་དོན་ཏོ།། དེ་ལྟར་ཤེས་པས་མི་གོ་བ་དང་། ཕྱིན་ཅི་ལོག་ཏུ་གོ་བ་དང་། ཐེ་ཚོམ་དང ་བཅས་པར་གོ་བར་དེ་གསུམ་དང་ལྡན་པར་མི་འགྱུར་རོ།། དེའི་ཕྱིར་ནན་ཏན་དང་ལྡན་པར་འགྱུར་རོ།། དངོས་གྲུབ་ཀྱང་ཐོབ་པར་འགྱུར་རོ།། པདྨའི་མྱུ་གུ་རྡོ་རྗེས་ཀྱེའི་རྡོ་རྗེའི་རྒྱུད་ཀྱི་ལེའུ་བརྒྱད་པའི་འགྲེལ་པ་མཛད་པ་རྫོགས་སོ།། ། ་དཀོན་མཆོག་གསུམ་ལ་གནོད་པར་བྱེད་པ་དང་། དམ་ཆོག་ཉམས་པར་བྱེད་པ་དང་བླ་མ་ལ་སྨོད་པར་བྱེད་པའོ།། དེ་ལྟར་བྱས་པས་དམྱལ་བར་སྐྱེ་བར་འགྱུར་རོ།། དེའི་ཕྱིར་སྙིང་རྗེ་དང་བཅས་པར་ཁྲོ་བར་བྱའོ།། རང་གི་སྙིང་ག་ནས་ཡེ་ཤེས་སེམས ་དཔའ་ཕྱུང་བ་དེས་བཤད་མ་ཐག་པ་དེའི་ལུས་ཀྱི་ལྷ་ལ་སོགས་པ་ལ་དེའི་སྐྱོན་བརྗོད་ལ་ཁྱོད་ཀྱིས་འདི་སྤོངས་ཤིག་ཅེས་སྨྲ་བར་བྱའོ།། དེ་ནས་ལུས་ཀྱི་ལྷ་ལ་སོགས་པ་ཁྱེར་ནས་རང་གི་སྐུ་གསུང་ཐུགས་གསུམ་ལ་ཐིམ་པར་བསམ་པར་བྱའོ།། དེའི་རྣམ ་པར་ཤེས་པ་བྱང་ཆུབ་སེམས་དཔར་སམས་ལ་བདེ་བ་ཅན་གྱི་ཞིང་ཁམས་སུ་བཞག་ལ་ཆོས་ཉན་དོན་དུ་གཞུག་གོ།། དེ་ནས་དེའི་ལུས་ཁང་པ་སྟོང་པ་དང་འདྲ་བར་བསམས་ལ། གཞན་ཡང་དེ་ལྷ་དང་སེམས་དང་བྲལ་བར་བསམས་ལ། ཁྲོ་བོ་དཔག་ཏུ་མེད ་པས་མཚོན་དཔག་ཏུ་མེད་པ་གཟུང་ནས་གཅོད་པ་ལ་སོགས་པ་བྱེད་པར་བསམ་པར་བྱའོ།། གཞན་ཡང་བྱ་རྒོད་ལ་སོགས་པ་དང་ཙེ་སྤྱང་ལ་སོགས་པས་བཟའ་བར་བསམ་པར་བྱའོ།། གཞན་ཡང་དེའི་གསང་བའི་ལམ་ལ་སོགས ་པ་ལ་རྡོ་རྗེའི་ཁ་འ་བར་བཞུགས་པར་བྱའོ།། ལྟེ་བ་ལ་གནས་པའི་པདྨ་ཡང་བསྲེགས་ནས་ཐལ་བར་གྱུར་པར་བསམ་པར་བྱའོ།། ཐོ་བས་ཀྱང་བརྡེགས་པར་བསམ་པར་བྱའོ།། དེའི་སྙིང་གར་རཾ་བསྒྱུར་བ་ལས་མེའི་དཀྱིལ་འཁོར་འབར་བར་བསམ་པར་བྱའོ།། ་དེས་བསྲེགས་པས་ཐལ་བར་གྱུར་པར་བསམ་པར་བྱའོ།། དེ་ལྟ་བུའི་རིམ་པས་བསྒྲལ་བར་བསྟན་ཏོ།། གསོད་པའི་འཕྲིན་ལས་སྙིང་རྗེས་བྱ་ཞེས་བྱ་བ་ལ་སོགས་པ་ནི་གོང་མ་དེས་བཤད་པར་ཤེས་པར་བྱའོ།། སྤྱན་ནི་ཞེས་བྱ་བ་ནི་ཚིག་གཉིས་ཀྱི་དོན ་ཅིའི་ཕྱིར་སྨོས་ཤེ་ན། ཕྱག་གཉིས་པའི་ཧེ་རུ་ཀ་ཤེས་པར་བྱ་བའི་ཕྱིར་གཉིས་ཀྱི་ཚིག་བསྟན་ཏོ།། དེ་གཅིག་པུའི་སྤྱན་དམར་བ་མ་ཡིན་ཏེ། ཐམས་ཅད་ཀྱང་ཤེས་པར་བྱའོ།། ཡང་དག་བསྡུ་བ་བཞི་ཞེས་བྱ་བ་ནི་སྦྱིན་པ་དང་། སྙན་པར་སྨྲ་བ་དང་།། ་དོན་མཐུན་པ་དང་། དོན་སྤྱོད་པའོ།། བྱང་ཆུབ་ཡན་ལག་བདུན་ཞེས་བྱ་བ་ནི་དྲན་པ་ཡང་དག་བྱང་ཆུབ་ཀྱི་ཡན་ལག་དང་། ཆོས་ཤེས་པ་བྱང་ཆུབ་ཀྱི་ཡན་ལག་དང་། བརྩོན་འགྲུས་བྱང་ཆུབ་ཀྱི་ཡན་ལག་དང་། དགའ་བ་བྱང་ཆུབ་ཀྱི་ཡན ་ལག་དང་། ལེ་ལོ་མེད་པ་བྱང་ཆུབ་ཀྱི་ཡན་ལག་དང་། ཏིང་ངེ་འཛིན་བྱང་ཆུབ་ཀྱི་ཡན་ལག་དང་། བཏང་སྙོམས་བྱང་ཆུབ་ཀྱི་ཡན་ལག་གོ།། དྲན་པ་ཡང་དག་བྱང་ཆུབ་ཀྱི་ཡན་ལག་ཅེས་བྱ་བ་ནི་སྔོན་དུ་སེམས་ཅན་གྱི་དོན་དུ་འཚང་རྒྱ་བར་སྨོན ་ལམ་བཏབ་པ་དང་། ཐོས་པ་ལ་སོགས་པ་དྲན་པའོ།། ཆོས་ཤེས་པ་བྱང་ཆུབ་ཀྱི་ཡན་ལག་ཅེས་བྱ་བ་ནི་ཆོས་ཐམས་ཅད་སྟོང་པ་ཉིད་དུ་ཤེས་པའོ།། དེ་ཡང་ནས་ཡང་དུ་གོམས་པར་འདོད་པ་ལ་ནི་བརྩོན་འགྲུས་བྱང་ཆུབ་ཀྱི་ཡན་ལག་ཅེས་བྱའོ།། ། ་དེ་བསྒོམས་པས་ཉོན་མོངས་པ་མེད་པའི་དགའ་བ་སྐྱེས་པ་ལ་ནི་དགའ་བ་བྱང་ཆུབ་ཀྱི་ཡན་ལག་ཅེས་བྱའོ།། དེས་ལུས་ངག་ཡིད་གསུམ་བྱ་བ་བྱེད་པ་ལ་ལེ་ལོ་མེད་པར་བྱས་པས་ན་ལེ་ལོ་མེད་པ་བྱང་ཆུབ་ཀྱི་ཡན་ལག་ཅེས་བྱའོ།། ཚད ་མེད་པ་བཞི་དང་དེ་བཞིན་ཉིད་ལ་སེམས་རྩེ་གཅིག་པར་གྱུར་པ་ལ་ནི་ཏིང་ངེ་འཛིན་བྱང་ཆུབ་ཀྱི་ཡན་ལག་ཅེས་བྱའོ།། སེམས་ཅན་ཐམས་ཅད་ཀྱི་སྐྱོན་བཏང་སྙོམས་སུ་བཞོག་ནས་ཕ་རོལ་ཏུ་ཕྱིན་པ་ལ་སོགས་པའི་ཡོན་ཏན་འཛིན་པ་ལ་ནི ་བཏང་སྙོམས་བྱང་ཆུབ་ཀྱི་ཡན་ལག་ཅེས་བྱའོ།། པདྨའི་མྱུ་གུ་རྡོ་རྗེས་ཀྱེའི་རྡོ་རྗེའི་རྒྱུད་ཀྱི་ལེའུ་དགུ་པའི་འགྲེལ་པ་མཛད་པ་རྫོགས་སོ།། ། ཞི་བ་ལ་སྔགས་དཀར་པོ་བསམ་པར་བྱའོ།། དབང་ལ་དམར་པོ་བསམ་པར་བྱའོ།། ་རེངས་པར་བྱེད་པ་ལ་སེར་པོར་བསམ་པར་བྱའོ།། རྒྱས་པ་ལ་དམར་སེར་དུ་བསམ་པར་བྱའོ།། དགུག་པར་བྱེད་པ་ལ་དམར་པོར་བསམ་པར་བྱའོ།། གསོད་པ་དང་འཁོན་པར་བྱེད་པ་ལཱ་ནི་ནག་པོར་བསམ་པར་བྱའོ།། ཞི་བ་ལ་ནི་སེམས་ཞི ་བར་བྱའོ།། དབང་ལ་ནི་རྣལ་འབྱོར་པས་སེམས་སྒེག་པའི་ཚུལ་དུ་བྱའོ།། དགུག་པ་ལ་མི་དཔའ་བའི་སེམས་དང་ལྡན་པར་བྱའོ།། རེངས་པར་བྱེད་པ་ནི་ངན་པའི་སེམས་བྱའོ།། རྒྱས་པ་ལ་ནི་སྙིང་རྗེའི་སེམས། འཁོན་པར་བྱེད་པ་ནི་རྣལ་འབྱོར་པ ་གཞན་འཇིགས་པའི་གཟུགས་སུ་བྱའོ།། གསོད་པར་བྱེད་པ་ལ་ནི་ཤིན་ཏུ་ཡང་ཁྲོ་བའི་སེམས་སུ་བྱའོ།། ཇི་ལྟར་ཕྲེང་བ་གསུངས་པ་གཟུང་ལ་བཟླས་བརྗོད་བྱའོ།། ཞི་བ་ལ་སོགས་པ་ལ་ནི་རིམ་པ་བཞིན་དུ་མཛའ་བར་བྱའོ། ་གསོད་པ་ལ་སོགས་པ་ལ་རིམ་པ་ལས་བཟློག་ལ་བཟླས་བརྗོད་བྱའོ།། པདྨའི་མྱུ་གུ་རྡོ་རྗེས་ཀྱེའི་རྡོ་རྗེའི་རྒྱུད་ཀྱི་ལེའུ་བཅུ་པའི་འགྲེལ་པ་མཛད་པ་རྫོགས་སོ།། ། སྐྱེད་མོས་ཚལ་ཞེས་བྱ་བ་ནི་དམ་ཚིག་མེད་པའི་མི་མི་གནས་པ ་རྣལ་འབྱོར་པའི་ཡིད་དུ་འོང་བ་ལ་ནི་སྐྱེད་མོས་ཚལ་ཞེས་བྱའོ།། མཆོད་ཅེས་བྱ་བ་ནི་རང་མངོན་པར་བྱང་ཆུབ་པ་རྣམ་པ་ལྔའི་རིམ་པས་ཧེ་རུ་ཀ་ཕྱག་གཉིས་པའི་སྐུར་བསྐྱེད་ལ་སྐྱེ་མཆེད་བྱིན་གྱིས་བརླབ་པ་ལ་སོགས་པར་བྱའོ།། དེ་ཡང་ཞལ་གཅིག ་དང་སྤྱན་གསུམ་པའོ།། དེ་ལྟར་བྱས་ནས་ཕྱི་རོལ་གྱི་ག་པུ་ར~ཾ་ལ་སོགས་པ་དང་། ནང་གི་ཉི་མ་ལ་སོགས་པས་ཤེས་རབ་ཇི་ལྟར་དགའ་བ་བཞིན་དུ་བྱའོ།། ཡང་ཡང་ཞེས་བྱ་བ་ནི་རྟག་པར་ཞེས་བྱ་བའི་དོན་ཏོ།། འོག་ཅེས་བྱ་བ་ནི་པདྨའོ།། སྟེང་དུ་ཞེས ་བྱ་བ་ནི་ཁའོ།། ཁས་པདྨ་ལ་གཏུགས་ལ་ཤེས་རབ་ཇི་ལྟར་དགའ་བར་འགྱུར་བ་དེ་བཞིན་དུ་བྱའོ།། ཡང་ན་འོག་ཅེས་བྱ་བ་ནི་ཐུན་མོང་གི་དངོས་གྲུབ་པོ།། སྟེང་དུ་ཞེས་བྱ་བ་ནི་ཐུན་མོང་མ་ཡིན་པའི་དངོས་གྲུབ་པོ།། དངོས་གྲུབ་དེ་གཉིས་སེམས་ཅན ་ཐམས་ཅད་ལ་སྦྱིན་པའི་བསམ་པ་བྱས་ལ་སྔོན་དུ་བསྟན་པའི་རྡོ་རྗེ་དབྱིངས་ཀྱི་དབང་ཕྱུག་མ་བླ་མའི་མན་ངག་གིས་བསྐུལ་ལ་བསྒོམ་པར་བྱའོ།། རང་བཞིན་དགའ་བོའི་དོན་བསྟན་པར་བྱ་སྟེ།། རྣལ་འབྱོར་ཡེ་ཤེས་ལྟ་བ་ནམ་གྱི་ཚེ།། བདེ་བར ་