| Wylie | e-texts produced with BDRC’s OCR application |
འབྱེད་ཅེས་བྱ་བ།། བི་མ་ལས་མཛད་པ་རྫོགས་སོ།། ། ལྟ་བ་དང་ཐེག་པ་ལ་སོགས་པོའི་ཁྱད་པར་བསྡུས་པའི་བསླུས་བྱང་།། བཅོམ་ལྡན་འདས་འཇམ་དཔལ་གཞོན་ནུ་དང་།། རྡོ་རྗེ་ཆོས་ལ་ཕྱག་འཚལ་ལོ།། འཇིག་རྟེན ་གྱི་ཁམས་ན། སེམས་ཅན་ཕྱིན་ཅི་ལོགས་གི་ལྟ་བ་གྲངས་མེད་པའི་མདོ་རྣམ་པ་བཞིར་འདུས་ཏེ། ཕྱལ་པོ་དང་། རྒྱང་པན་དང་། མུར་ཐུགས་པ་དང་། མུ་སྟེགས་པའོ།། དེ་ལ་ཕྱལ་བ་ནི་ཆོས་ཐམས་ཅད་ལ་རྒྱུ་དང་འབྲས་བུ་ཡོད་མེད་དུ་མ ་གཏོགས་ཏེ།། ཀུན་ཏུ་རྨོངས་པའོ།། རྒྱང་ཕན་པ་ཚེ་སྤུ་ཕྱི་ཡོད་མེད་དུ་མ་གཏོགས་ཤིང་། ཚེ་གཅིག་ལ་བཙན་ཕྱུག་དང་། མཐུ་སྟོབས་བསྒྲུབ་པ་སྟེ། འཇིག་རྟེན་གྱི་གསང་ཚིག་ལ་བརྟེན་པའོ།། མུར་ཐུག་པ་ནི་ཆོས་ཐམས་ཅད ་ནི་རྒྱུ་དང་འབྲས་བུ་མེད་པ་སྟེ། ཚེ་གཅིག་ལ་སྐྱེས་པའི་ཆོས་ཐམས་ཅད་ཀྱང་གློ་བུར་དུ་སྐྱེས་ལ། མཐའ་ཆད་པར་ལྟ་བའོ།། མུ་སྟེགས་པ་ནི། ཆོས་ཐམས་ཅད་ལ་ཀུན་ཏུ་བཏགས་པའི་བདག་རྟག་པ་ཞིག་ཡོད་པར་ལྟ་བ་སྟེ། དེ་ཡང ་རྒྱུ་མེད་པ་ལ་འབྲས་བུ་ཡོད་པར་བལྟ་བ་དང་། རྒྱུ་འབྲས་ལོག་པར་ལྟ་བ་དང་། རྒྱུ་ཡོད་པ་ལ་འབྲས་བུ་མེད་པར་ལྟ་བའོ།། འདི་དག་ནི་མ་རིག་པའི་ལྟ་བའོ།། འཇིག་རྟེན་ལས་འདས་པའི་ལམ་ལ་ཡང་རྣམ་པ་གཉིས་ཏེ། མཚན ་ཉིད་ཀྱི་ཐེག་པ་དང་། རྡོ་རྗེའི་ཐེག་པའོ།། མཚན་ཉིད་ཀྱི་ཐེག་པ་ལ་ཡང་རྣམ་པ་གསུམ་སྟེ། ཉན་ཐོས་ཀྱི་ཐེག་པ་དང་། རང་སངས་རྒྱས་ཀྱི་ཐེག་པ་དང་། བྱང་ཆུབ་སེམས་དཔའི་ཐེག་པའོ།། དེ་ལ་ཉན་ཐོས་ཀྱི་ཐེག་པ་ལ་ཞུགས ་པའི་ལྟ་བ་རྣམས་ནི།། ཆེས་ཐམས་ཅད་ལ་མུ་སྟེགས་ལ་སོགས་པ་ཡིས་སྒྲ་དང་བཀུར་བར་བཏབ་པའི་ཡེ་མེད་པར་བལྟ་བ་དང་། རྟག་པ་ལ་སོགས་པ་ཡོད་པར་ལྟ་བ་ནི། ཐག་པ་ལ་སྦྲུལ་དུ་མཐུང་བ་མེད། ཕུང་པོ་དང་། སྐྱེ་མཆེད་དང ་ཁམས་ལ་སོགས་པ་འབྱུང་བ་ཆེན་པོ་བཞིའི། རྡུལ་ཕྲ་རབ་དང་། རྣམ་པར་ཤེས་པ་ནི་དོན་དམ་པར་ཡོད་པར་ལྟ་བ་དང་། འཕགས་པའི་བདེན་པ་བཞི་སྒོམས་པའི་རིམས་ཀྱིས།། འབྲས་བུ་རྣམ་པ་བཞི་གྲུབ་པ་ཡིན་ནོ།། རང ་སངས་རྒྱས་ཀྱི་ཐེག་པ་ལ་ཞུགས་པ་རྣམས་ཀྱི་ལྟ་བ་ནི། ཆོས་ཐམས་ཅད་ལ་སུ་སྟེགས་ལ་སོགས་པས།། སྒོ་དང་བཀུར་བར་ཀུན་ཏུ་རྟགས་པའི་བདག་རྟག་པ་ལ་སོགས་པ་མེད་པར་ལྟ་བུ་ནི་ཉན་ཐོས་དང་མཐུན། དེ་ལ་ཁྱད་པར ་དུ་གཟུགས་ཀྱི་ཕུང་པོ་ཆོས་ཀྱི་ཁམས་ཀྱི་ཕྱོགས་གཅིག་ལ་བདག་མེད་པར་རྟོགས་ཤིང་།། རང་སངས་རྒྱས་ཀྱི་འབྲས་བུ་ཐོབ་པའི་དུས་ན་ཡང་། ཉན་ཐོས་ལྟར་དགེ་བའི་བཤེས་གཉེན་ལ་མི་ལྟོས་པར། སྔོན་གོམོས་པའི ་ཤུགས་ཀྱིས་རྟེན་ཅིང་འབྲེལ་པར་འབྱུང་བ་བཅུ་གཉིས་ཀྱི་སྒོ་ནས།། ཆོས་ཉིད་ཟབ་མོ་རྟོགས་ནས། རང་སངས་རྒྱས་ཀྱི་འབྲས་བུ་འགྲུབ་པ་ཡིན་ནོ།། བྱང་ཆུབ་སེམས་དཔའི་ཐེག་པ་ལ་ཞུགས་པ་རྣམས་ཀྱི་ལྷ ་ད་ནི་ཀུན་ནས་ཉོན་མོངས་པ་དང་རྣམ་པར་བྱང་བའི་ཆོས་ཐམས་ཅད་དོན་དམ་པར་ནི་རང་བཞིན་མེད་པ་ཡིན་ལ། ཀུན་རྫོབ་ཏུ་ནི་སྒྱུ་མ་ཙམ་དུ་མཚན་ཉིད་མ་འདྲེས་པར་ཡོད་དེ།། ཕ་རོལ་ཏུ་ཕྱིན་པ་བཅུ་སྤྱད་པའི་འབྲས་བུ་ས་བཅུ་རིམ ་ཀྱིས་བགླེད་པའི་མཐའ།། བླ་ན་མེད་པའི་བྱང་ཆུབ་ཏུ་འགྲུབ་པར་འདོད་པ་ཡིན་ནོ།། །། རྡོ་རྗེ་ཐེག་བྲ་ལ་ཡང་གསུམ་སྟེ། བྱ་བ་རྒྱུད་ཀྱི་ཐེག་པ་དང་། གཉིས་ཀ་རྒྱུད་ཀྱི་ཐེག་པ་དང་། རྣལ་འབྱོར་ཆུད་ཀྱི་ཐེག་པའོ།། དེ་ལ་བྱ ་བརྒྱུད་ཀྱི་ཐེག་པ་ལ་ཞུགས་པ་རྣམས་ཀྱི་ལྟ་བ་ནི། དོན་དམ་པར་སྐྱེ་འགག་མེད་པ་ལས། ཀུན་རྫོབ་ཏུ་ལྷའི་གཟུགས་ཀྱི་བསྐུར་བསྒོམ་ཞིང་སྐུའི་གཟུགས་བརྙན་དང་། ཐུགས་མཚན་དང་། བཟླས་བརྗོད་དང་། གཙང་སྦྲ་དང་། དུས ་ཚིགས་དང་། བཟའ་དང་རྒྱུ་སྐར་ལ་སོགས་པ། གཙོར་ཡོ་བྱད་དོང་རྒྱུ་རྐྱེན་འཚོགས་པའི་མཐུས་འགྲུབ་པའོ།། གཉིས་ཀ་རྒྱུད་ཀྱི་ཐེག་པ་ལ་ཞུགས་པ་རྣམས་ཀྱི་ལྟ་བ་ནི། དོན་དམ་པར་སྐྱེ་འགེག་མེད་པ་ལྔས། ཀུན་རྫོབཏུ ་ལྷའི་སྐུ་ཉིད་རྣམ་པ་བཞི་དང་ལྡན་པར་བསྒོམས་པའི་ཏིང་ངེ་འཛིན་དང་། ཡོ་བྱད་དང་རྒྱུ་རྐྱེན་ལ་སོགས་པ་གཉིས་ཀ་ལ་ཡང་བརྟེན་ནས་འགྲུབ་པའོ།། རྣལ་འབྱོར་རྒྱུད་ཀྱི་ཐེག་པ་ལ་ཞུགས་པ་རྣམས་ཀྱི་ལྟ་བ་ནི། རྣམ་པ ་གཉིས་ཏེ། རྣལ་འབྱོར་ཕྱི་བ་ཐུབ་པ་རྒྱུད་ཀྱི་ཐེག་པ་དང་། རྣལ་འབྱོར་ནང་པ་ཐབས་ཀྱི་རྒྱུད་ཀྱི་ཐེག་པའོ།། དེ་ལ་རྣལ་འབྱོར་ཕྱི་ལ་ཐུབ་པ་རྒྱུད་ཀྱི་ཐེག་པ་ལ་ཞུགས་པ་རྣམས་ཀྱི་ལྟ་བ་ནི། ཕྱིའི་ཡོ་བྱད་ལ་གཙོ་བོར་མི་འཛིན ་པར་དོན་པར་སྐྱོ་འགོག་མེད་པའི་ལྷ་དང་ལྷ་མོ་དང་། དེ་དང་འདྲོ་བའི་རྒྱུད་ཡོངས་སུ་དག་པའི་ཏིང་ངེ་འཛིན་གྱིས། འཕགས་པའི་གཟུ་གས་ཀྱི་སྐུ་ཕྱག་རྒྱ་བཞི་དང་ལྡན་པར་བསྒོམ་པའི་རྣལ་འབྱོར་པའི་གཙོར་བྱས་པས ་འགྲུབ་པོ།། རྣལ་འབྱོར་ནང་པ་ཐབས་ཀྱི་རྒྱུད་ཀྱི་ཐེག་པ་ལ་ཞུགས་པ་རྣམས་ཀྱི་ལྟ་བ་ནི། རྣམ་པ་གསུམ་སྟེ། བསྐྱེད་པའི་ཚུལ་དང་། རྫོགས་པའི་ཚུལ་དང་། རྫོགས་པ་ཆེན་པོའི་ཚུལ་ལོ།། དེ་ལ་བསྐྱེད་པའི་ཚུལ་ནི། ཏིང་ངེ་འཛིན་རྣམ་པ ་གསུམ་རིམས་བཞིན་དུ་བསྐྱེད་ཅིང་། དཀྱིལ་འཁོར་རིམ་བཞིན་བཀོད་ནས། བསྒོམས་པས་འགྲུབ་པོ།། རྫོགས་པའི་ཚུལ་ནི། དོན་དམ་པར་སྐྱེ་འགག་མེད་པའི་ལྷ་དང་ལྷ་མོའི་རྣམ་པར་མི་རྟོག། དབུ་མོ་ཆོས་ཀྱི་དབྱིངས་ལས་ཀྱང་མ་གཡོས་ལ ་ཀུན་རྫོབ་ཏུ་གཟུགས་ཀྱི་སྐུ་ཡང་གསལ་བར་བསྒོམ་ཞིང་། མཉམ་ལ་མ་འདྲེས་པར་བསྒོམས་པས་འགྲུབ་བོ།། རྫོགས་པ་ཆེན་པོའི་ཚེ་ལྷོ་ནི། འཇིག་རྟེན་དང་འཇིག་རྟེན་ལས་འདས་པའི་ཆོས་ཐམས་ཅད་དབྱེར་མེད་པར་སྐུ་གསུང་ཐུགས ་ཀྱི་དཀྱིལ་འཁོར་གྱི་རང་བཞིན་ཡེ་ནས་ཡིན་པར་རྟོགས་ནས་བསྒོམ་པ་སྟེ། དེ་ཡང་རྒྱུད་ལས། རྡོ་རྗེ་ཕུང་པོའི་ཡན་ལག་ནི། རྫོགས་པའི་སངས་རྒྱས་ལྔ་རུ་གྲགས། སྐྱེ་མཆེད་ཁམས་རྣམས་མང་པོ་ཀུན། བྱང་ཆུབ་སེམས་དཔའི་དཀྱིལ ་འཁོར་ཉིད།། ས་ཆུ་སྤྱན་དང་མཱ་མ་ཀཱི། མེ་རླུང་གོས་དཀར་སྒྲོལ་མ་སྟེ།། ནམ་མཁའ་དབྱིངས་ཀྱི་དབང་ཕྱུག་མ།། སྲིད་གསུམ་ཡེ་ནས་རྣམ་པར་དག། ཅེས་འབྱུང་སྟེ། འཁོར་བ་དང་མྱ་ངན་ལས་པའི་ཆོས་ཐམས་ཅད་ཡེ ་ནས་མ་སྐྱེས་ལ།། བྱ་བྱེད་ནུས་པའི་སྒྱུ་མ། བདེ་བར་གཤེགས་པ་ཡབ་ཡུམ་བཅུ་ལ་སོགས་པའི་རང་བཞིན་ཡོ་ནས་ཡིན་པའི་ཕྱིར། ཆོས་ཐམས་ཅད་རང་བཞིན་གྱིས་མྱ་ངན་ལས་འདས་པ་སྟེ། ཆེན་པོ་ལྔ་ནི་ཡུམ་ལྔའི་རང་བཞིན་ཡིན། ཕུང ་པོ་ལྔ་ནི་རིགས་ལྔའི་སངས་རྒྱས་ལ། རྣམ་པར་ཤེས་པ་བཞི་ནི་བྱང་ཆུབ་སེམས་དཔའི་བཞིའི་རང་བཞིན། ཡུལ་བཞི་ནི་མཛེས་པ་ལྷ་མོ་བཞིའི་རང་བཞིན། དབང་པོ་བཞི་ནི་བྱང་ཆུབ་སེམས་དཔའ་བཞིའི་རང་བཞིན། དུས་བཞི་ནི་མཆོས་པའི ་ལྷ་མོ་བཞིའི་རང་བཞིན། ལུས་ཀྱི་དབང་པོ་དང་། རྣམ་པར་ཤེས་པ་དང་། ཡུལ་དང་། དེ་ལས་འབྱུང་བའི་བྱང་ཆུབ་སེམས་དཔའ་ནི་ཁོ་བོ་བཞིའི་རང་བཞིན། ཡིད་ཀྱི་རྣམ་པར་ཤེས་པ་ནི་བྱང་ཆུབ་ཀྱི་སེམས་ཀྱི་རྡོ་རྗེ་ཀུན་ཏུ་བཟང་པོའི་རང་བཞི། ་ཡུལ་ཆོས་འདུས་བྱས་དང་། འདུས་མ་བྱས་ནི་ཀུན་ཏུ་བཟང་མོའི་རང་བཞིན་ཏེ། དེ་དག་ཀྱང་ཡི་ནས་མངོན་པར་རྫོགས་པར་སངས་རྒྱས་པའི་རང་བཞིན་ཡིན་གྱི། དེ་ལམ་གྱིས་བསྒྲུབ་པ་ནི་མ་ཡིན་ནོ།། དེ་ལྟར་ཕྱོགས་བཅུ་དང་དུས་གསུམ ་དང་། ཁམས་གསུམ་ལ་སོགས་པ། འདུས་བྱས་དང་འདུས་མ་བྱས་ཀྱི་ཆོས་ཐམས་ཅད་རང་གི་སེམས་ལས་གུད་ན་མེད་ན། ཇི་སྐད་དུ། རང་གི་སེམས་སོ་སོར་རྟོགས་པ་ནི། སངས་རྒྱས་བྱང་ཆུབ་དེ་ཉིད་དོ།། འཇིག་རྟེན་གསུམ་པོ་དེ ་ཉིད་དེ། འབྱུང་བ་ཆེན་པོ་རྣམས་དེ་ཉིད་དོ།། ཞེས་འབྱུང་ངོ་།། ཇི་སྐད་དུ། ཆོས་ཐམས་ཅད་ནི་སེམས་ལ་གནས་སོ།། སེམས་ནི་ནམ་མཁའ་ལ་གནས་སོ།། ནམ་མཁའ་ནི་ཅི་ཡང་མི་གནས་སོ།། ཞེས་འབྱུང་བ་དང་། ཆོས་ཐམས་ཅད་ནི་ངོ་བོ་ཉིད་ཀྱིས ་སྟོང་པའོ།། ཆོས་ཐམས་ཅད་ནི་གཟོད་མ་ནས་རྣམ་པར་དག་པའོ།། ཆོས་ཐམས་ཅད་ནི་ཡོངས་སུ་ཀྱིས་འོད་གསལ་བའོ།། ཆོས་ཐམས་ཅད་ནི་རང་བཞིན་གྱིས་མྱ་ངན་ལས་འདས་པའོ།། ཆོས་ཐམས་ཅད་ནི་ཡེ་ནས་མངོན་པར་རྫོགས ་པར་སངས་རྒྱས་པའོ་ཞེས་གསུངས་སོ།། ། འདི་རྫོགས་པ་ཆེན་པོའི་ཚུལ་ལོ།། རྫོགས་པ་ཆེན་པོའི་ཚུལ་ནི། རྟོགས་པ་རྣམས་བཞི་ལམ་གྱིས་ཡོད་ཆེས་པ་སྟེ། དེ་ལ་རྫོགས་པ་ཆེན་པོ་ནི་བསོད་ནམས་དང་ཡེ་ཤེས་ཀྱི ་ཚེགས་རྫོགས་པས།། འབྲས་བུ་ཆོས་ལྷུན་གྱིས་འགྲུབ་པའི་དོན་ནོ།། ཚུལ་ནི་དོན་ལ་འཇུག་པའོ།། རྟོགས་པ་རྣམས་བཞི་ནི།། རྒྱུ་གཅིག་པར་རྟོགས་པ་དང་། ཡིག་འབྲུའི་ཚུལ་གྱིས་རྟོགས་པ་དང་། བྱིན་གྱིས་བརླབས་པར་རྟོགས་པ་དང་།། ་མངོན་སུམ་པར་རྟོགས་པའོ།། དེ་ལ་རྒྱུ་གཅིག་པར་རྟོགས་པ་ནི།། ཆོས་ཐམས་ཅད་དོན་དམ་པར་མ་སྐྱེས་པས། སོ་སོ་མ་ཡིན་པ་དང་། ཀུན་རྫོབ་སྐུ་མའི་མཚན་ཉིད་ཀྱིས་སོ་སོ་མ་ཡིན་པ་དང་། མ་སྐྱེས་པ་ཉིད་ཆུ་བཟླ་ལྔར་སྒྱུ་མ་སྣ་ཚོགས ་སུ་སྣང་ཞིང་བྱ་བ་བྱེད་ནུས་པ་དང་། སྒྱུ་མ་ཉིད་ངོ་བོ་མེད་དེ། མ་སྐྱེས་པས་ཀུན་རྫོབ་དང་། དོན་དམ་པར་དབྱེར་མེད་པས་རྒྱུ་གཅིག་པར་རྟོགས་པའོ།། ཡིག་འབྲུའི་ཚུལ་གྱིས་རྟོགས་པ་ནི། ཆོས་ཐམས་ཅད་མ་སྐྱེས་པ་ནི་ཨ་སྟི་གསུངས་གི་རང ་བཞིན་ལའམ་སྐྱེས་པ་ཉིད་རྒྱུ་མར་སྣང་ཞིང་བྱ་བ་བྱེད་ནུས་པ་ནི་ཨོཾ་སྟེ་སྐུའི་རང་བཞིན། དེ་ལྟར་རྟོགས་པའི་རིག་པ་ཡེ་ཤེས་སྒྱུ་མ་མཐའ་དང་དབུས་མེད་པ་ནི་ཧཱུཾ་སྟེ་ཐུགས་ཀྱི་རང་བཞིན་དུ་རྟོགས་པའོ།། བྱིན་གྱིས་བརླབས་པར ་རྟོགས་པ་ནི། དཔེར་ན་རས་དཀར་པོ་ལ་དམར་པོས་བྱིན་གྱིས་བརླབ་པའི་མཐུ་རྩོད་ལ་ཡོད་པ་བཞིན་དུ། ཆོས་ཐམས་ཅད་སངས་རྒྱས་པར་བྱིན་གྱིས་བརློབ་པའི་མཐུ་ཡང་རྒྱུ་གཅིག་པ་དང་ཡིག་འབྲུའི་ཚུལ་གྱིས་མཐུས་བྱིན་གྱིས་བརླབས ་པར་རྟོགས་པའོ།། མངོན་སུམ་པར་རྟོགས་པ་ནི། ཆོས་ཐམས་ཅད་ཡེ་ནས་སངས་རྒྱས་པར་གནས་པ་དེ་ཡང་ལུང་དང་མན་ངག་དང་འགལ་བ་ཡང་མ་ཡིན་ལ། ལུང་དང་མན་ངག་གི་ཚིག་ཙམ་ལ་རྟེན་པ་ཡང་མ་ཡིན་ལ། རང་གི་རིག་པས་བློའི ་གཏིང་དུ་ཡིད་ཆེས་པར་མངོན་སུམ་དུ་རྟོགས་པའོ།། ལམ་གྱི་ཡིད་ཆེས་པ་ནི། རྟོགས་པ་རྣམ་བཞིའི་དོན་རིག་པ་དེ་ཉིད་རྣལ་འབྱོར་པའི་ལམ་ཡིན་ཏེ། དེ་ཡང་རྒྱུ་བསྒྲུབ་པས་འབྲས་བུ་འབྱུང་བའི་དུས་ལ་ལྟོས་པ་ལྟ་བུ་ནི་མ་ཡིན་གྱི། རང་གི ་རིག་པས་མངོན་སུམ་དུ་རྟོགས་ཤིང་ཡིད་ཆེས་པའོ།། དེ་ལ་མཚན་ཉིད་གསུམ་གྱིས་དོན་མཐར་ཕྱིན་པར་འགྱུར་ཏེ། རྟོགས་པ་རྣམ་བཞིའི་ཚུལ་རིག་པ་ནི། ཞེས་པའི་མཚན་ཉིད་དོ།། ཡང་ནས་ཡང་དུ་གོམས་པར་བྱེད་པ་ནི། འཇུག་པའི ་མཚན་ཉིད་དོ།། གོམས་པའི་མཐུས་མངོན་དུ་གྱུར་པ་ནི། འབྲས་བུའི་མཚན་ཉིད་དོ།། མཚན་ཉིད་གསུམ་གྱི་འབྲེལ་པ་དང་། དགོས་པ་དང་། དགོས་པ་ཡང་དགོས་པའོ།། དེ་ལ་འབྲེལ་པ་ནི་ཀུན་ནས་ཉོན་མོངས་པའོ།། རྣམ་པར་བྱང་བའི་ཆོས ་སུ་རྟགས་པ་ཐམས་ཅད་ཡེ་ནས་སྐུ་གསུང་ཐུགས་ཀྱི་བདག་ཉིད། རང་བཞིན་གྱིས་སངས་རྒྱས་པའི་དབྱིངས་དང་། བྱིན་གྱིས་བརླབས་ཡིན་པའི་དོན་རྟོགས་པ་ནི་ཤེས་པའི་མཚན་ཉིད་དོ།། དེ་བླ་ན་མེད་པར་སངས་རྒྱས་སུ་འགྲུབ་པའི་རྒྱུ་ཡིན་པའི ་ཕྱིར་དགོས་པའོ།། དགོས་པ་ནི་ཀུན་ནས་ཉོན་མོངས་པ། རྣམ་པར་བྱང་བ་དང་ཆོས་དང་། སྨན་ལྔ་དང་བདུད་རྩི་ལྔ་ལ་སོགས་པར་བཏགས་པ་ཐམས་ཅད། ཡེ་ནས་སངས་རྒྱས་པའི་མཉམ་པ་ཆེན་པོ་ལ་བླང་དོར་མེད་པར་སྤྱོད་པ་ནི་འཇུག་པའི ་མཚན་ཉིད་དོ།། དེ་ནི་བླ་ན་མེད་པའི་སངས་རྒྱས་སུ་གྲུབ་པའི་རྒྱུ་ཡིན་པའི་ཕྱིར་དགོས་པའོ།། དགོས་པའི་ཡང་དགོས་པ་ནི།། ཀུན་ནས་ཉོན་མོངས་པ་དང་། རྣམ་པར་བྱང་བའི་ཆོས་དང་། སྨན་ལྔ་དང་། བདུད་རྩི་ལྔ་ལ་སོགས་པའི་ཁྱད་པར་དུ་བག ་པ་ཐམས་ཅད། ཡེ་ནས་སངས་རྒྱས་པའི་མཉམ་པ་ཆེན་པོའི་ངང་དུ། བླང་དོར་མེད་པར་སྲིད་པའི་འཁོར་བ་ཉིད་ཡེ་ནས་བླ་ན་མེད་པའི་སངས་རྒྱས་པའི་རང་བཞིན། མྱ་ངན་ལས་འདས་པའི་མཚན་ཉིད་ལྷུན་གྱིས་གྲུབ་པ་ཡིན་པས། འབྲས ་བུའི་མཚན་ཉིད་དེ། སྐུ་གསུང་ཐུགས་མི་ཟད་པ་བརྒྱན་གྱི་འཁོར་ལོ་མངོན་དུ་གྱུར་པ་ནི། དགོས་པའི་དགོས་པའོ།། དེ་ལ་བསྙེན་པ་དང་། ཉེ་བའི་བསྙེན་པ་དང་། བསྒྲུབ་པ་དང་བསྒྲུབ་པ་ཆེན་པོས། དོན་ལྷུན་གྱིས་གྲུབ་པར་གྱུར་པས། རྣལ་འབྱོར་ལ ་བརྩོན་པར་བྱའོ།། དེ་ལ་བསྙེན་པ་ནི། བྱང་ཆུབ་ཀྱི་སེམས་ཤེས་པ་སྟེ། དེ་ཡང་ཆོས་ཐམས་ཅད་ཡེ་ནས་སངས་རྒྱས་པའི་རང་བཞིན་དུ་ང་ལམ་གྱིས་བསྒྲུབ་ཅིང་གཉེན་པོས་བཅོས་སུ་མེད་པར་རྟོགས་པའོ།། ཉེ་བའི་བསྙེན་པ་ནི་བདག ་ཉིད་ལྟར་ཤེས་པ་སྟེ། དེ་ཡང་ཆོས་ཐམས་ཅད་ཡེ་ནས་སངས་རྒྱས་པའི་རང་བཞིན་ཡིན་པས། བདག་ཉིད་ཀྱང་ཡོ་ནས་ལྷའི་རང་བཞིན་ཡིན་པར་ཤེས་ཀྱི། ང་བསྒྲུབ་པ་ནི་མ་ཡིན་པར་རྟོགས་པའོ།། བསྒྲུབ ་པ་འདི་ནི་ཡུམ་བསྐྱེད་པ་སྟེ། དེ་ཡང་ཡུམ་ཆེན་མོ་ན་མཁའི་དབྱིངས་ལས། ནམ་མཁའ་ཉིད་ཡུམ་ཆེན་མོ།། ས་ཆུ་མེ་རླུང་བཞིར་སྣང་། བྱ་བ་མེད་པའི་ཡུམ་ཡེ་ནས་ཡིན་པར་རྟོགས་པའོ།། བསྒྲུབ་པ་ནི་ཐབས་དང་ཤེས་རབ་འབྲེལ ་སྟེ། དེ་ཡང་ཡུམ་ཆེན་མོ་ལྔའི་ཤེས་རབ་དང་། ཡུམ་གྱི་ནམ་མཁའ་སྟོང་པ་ཉིད་ལས། ཕུང་པོ་ལྔའི་སངས་རྒྱས་ཐབས་ཀྱིས་ཡང། སྨོན་པ་མྱེད་པ་ཡཱ་ནས་ཟུང་དུ་འགྱུར་བའི་འབྲེལ་པ་ལས་བྱང་ཆུབ་ཀྱི་སེམས་སྤྲུལ་པ་ཙམ་བྲལ་དུ ་གྱུར་པའི་རང་བཞིན། ཡེ་ནས་སངས་རྒྱས་པའི་སྒྱུ་མ་རོལ་ཅིང་བདེ་མཆོག་སྒྱུ་མའི་རྒྱུན་ལ། བདེ་བའི་དུས་ཉིད་ན། མཚན་མ་མེད་པའི་དོན་མི་དམིགས་ནམ་མཁའ་དང་སྙོམས་པ་ནི། ཀློང་དུ་གྱུར་ནས་ལྷུན་གྱིས་གྲུབ་པ་སྟེ། བདུད ་རྣམ་བཞི་ཡང་བརྟུལ་བས། མཐར་ཕྱིན་པའི་དོན་འགྲུབ་པའོ།། ཆོས་ཐམས་ཅད་གཟོད་མ་ནཱས་རྣམ་པར་དག་པའི་ཡིད་བཞིན་གྱི་གཞལ་ཡས་ཁང་། རྒྱུ་ཡོངས་སུ་མྱ་ཚང་འཁོར་ལོ།། ཡ~ཾ་ནས་བླ་ན་མེད་པའི་དཀྱིལ་འཁོར ་དུ་འཇུག་པ་ཡང་། ཐབས་ཀྱི་ཐེག་པོའི་གསུང་ཐོས་པ་ནི་མིག་ཕྱེ་བའོ།། དོན་རྟོགས་པ་ནི་དཀྱིལ་འཁོར་མཐོང་བའོ།། རྟོགས་ནས་གོམས་པར་བྱེད་པ་ནི། དཀྱིལ་འཁོར་དུ་ཞུགས་པའོ།། ཞུགས་ནས་མངོན་དུ་གྱུར་པ་ནི།། ་དངོས་གྲུབ་ཆེན་པོ་ཐོབ་པའོ།། དེ་ལྟར་ཚུལ་འདི་ནི་རྫོགས་པ་ཆེན་པོའི་མཐར་ཕྱིན་པའི་དོན། ཡི་གེ་འཁོར་ལོ་ཚོགས་ཆེན་གྱི་ས་ལ་ལྷུན་གྱིས་འཇུག་པ་སྟེ། སྐྱེས་བུ་བློ་རྩལ་རབ་ཀྱིས། ཡེ་ནས་སངས་རྒྱས་པའི་དོན་ལ་ཡ་ནས་སངས ་རྒྱས་པར་རིག་པས་གོམ་པ་དྲུག་དལ་དུ་འགྲོ་བ་ཡིན་གྱི། ཕལ་གྱིས་བྱ་བ་ནི་མ་ཡིན་ནོ།། ཕལ་གྱིས་ཐོས་ཏེ་ཇི་ལྟར་བསམ་ཀྱང་། བདེན་ཞིང་བཟང་ཞིང་ཡིད་ཆེས་པར་མི་འགྱུར་རོ།། ཡིད་མ་ཆེས་པ་དང་། ཕུལ་གྱི་བློ་ལ་དཀའ་ཞིང་བདེན་པ ་དང་། བཟང་བར་མ་ཤེས་པའི་ཉམས་དང་སྦྱར་ནས། ཀུན་ཀྱང་དེ་དང་འདྲ་སྙམ་སྟེ། ཡོ་རྫུན་ཞེས་སྐྱེས་བུ་རབ་ལ་ཡང་བསྐུར་པ་འདེབས་ཤིང་སུན་འབྱིན་པའི་བློ་སྐྱེ་བར་འགྱུར་པས། རབ་ཏུ་གསང་བའི་ཕྱིར། གསང་བའི་ཐེགས་པ་ཞེས ་བཀའ་སྩལ་ཏོ།། དེ་བས་ན་ཆོས་ཐམས་ཅད་ཡེ་ནས་སངས་རྒྱས་པའི་དོན་རྟོགས་པའི་བློ་མ་སྐྱེས་ཀྱི་བར་དུ། ཐེག་པའིག་མ་འགྲོ་བའི་དོན་བྱས་ནས། འདུལ་བྱ་མི་ཟ་བས། སློབ་དཔོན་གྱིས་འཁོར་བའི་སྐྱོན་དང་། མྱ་ངན་ལས ་འདས་པའི་ཡོན་ཏན་དང་། ཐེགས་པ་ཐམས་ཅད་ལ་མཁས་པར་བྱེད་པ་ཡིན་གྱི། ཕྱོགས་འགའ་ཙམ་ཤེས་པས་སློབ་དཔོན་གྱིས་གཟུང་དུ་མི་རུང་བར་ཡང་རྒྱ་ཆེར་འབྱུང་ངོ་།། ལྟ་བའི་ཁྱད་པར་བཀའ་ཐུབ་པོ་དང་། བརྟུལ ་ཞུགས་ཀྱང་བྱེ་བྲག་དུ་འགྱུར་ཏེ། དཀའ་ཐུབ་མེད་པ་ནི་འཇིག་རྟེན་ཕྱིལ་བ་དང་། མུར་ཐུག་གོ།། དཀའ་ཐུབ་ཡོད་པ་ནི་རྣམ་པ་བཞི་སྟེ། རྒྱང་པན་པ་དང་། མུ་སྟེགས་པ་སྟེ། འཇིག་རྟེན་པའི་དཀའ་ཐུབ་དང་། ཉན་ཐོས་ཀྱི་དཀའ ་ཐུབ་དང་། བྱང་ཆུབ་སེམས་དཔའི་དཀའ་ཐུབ་དང་། བླ་ན་མེད་པའི་དཀའ་ཐུབ་བོ།། དེ་ལ་ཕྱལ་བ་ནི་རྒྱུ་འབྲས་ལ་རྨོངས་པའི་ཕྱིར་དཀའ་ཐུབ་མེད་དོ།། མུར་ཐུག་པཱ་ནི་ཆད་པར་ལྟ་བའི་ཕྱིར། དཀའ་ཐུབ་མེད་དོ།། རྒྱང་ཕན་པ་ནི ་ཚེ་འདིའི་ཁྱད་པར་དྲུག་བསྒྲུབ་པའི་ཕྱིར། གཙང་སྦྲ་ལ་སོགས་པའི་དཀའ་ཐུབ་ཅནྡ་ནོ།། མུ་སྟེགས་པ་ནི། བདག་ཏུ་བརྟག་པ་ཅིག་ཡོད་པ་དེ་དག་པར་བྱ་བའི་ཕྱིར། ལུས་འསུན་འབྱིན་ཅིང་། མེ་ལྔ་རྟེན་པ་ལ་སོགས་དཀའ་ཐབ་དང་། བརྟུལ་ཞུགས། ་ལོག་པར་སྤྱོད་པའོ།། ཉན་ཐོས་ཀྱི་དཀའ་ཐུབ་ནི། འདུལ་བ་ལས་སྡིག་པ་ཅི་ཡང་མི་བྱ་སྟེ། དགེ་བ་ཕུན་སུམ་ཚོགས་པར་སྤྱད། རང་གི་སེམས་ནི་ཡོངས་སུ་གདུལ། འདི་ནི་སངས་རྒྱས་བསྟན་པ་ཡིན། ཅེས་འབྱུང་སྟེ། དགེ་བ་དང་མི་དགེ་བའི།། ་ཆོས་ཐམས་ཅད། ཀུན་རྫོབ་དང་དོན་དམ་པ་གཉིས་ཀ་སོ་སོར་ཡོད་པར་ལྟ་བས་དགེ་བ་ནི་སྤྱོད། མི་དགེ་བ་ནི་སྤོང་བའི་དཀའ་ཐུབ་དང་། བརྟུལ་ཞུགས་སྤྱོད་པའོ།། བྱང་ཆུབ་སེམས་དཔའི་དཀའ་ཐུབ་ནི། བྱང་ཆུབ་སེམས་དཔའ་བྱང་ཆུབ ་སེམས་དཔའི་སྡོམ་པ་ལ། བསྐྱེན་དུ་འཚམ་པར་ཚར་མི་གཅོང་།། རྫུ་འཕྲུལ་ལ་སོགས་སྡིག་མི་བྱེད། སྙིང་རྗེ་ལྡན་ཞིང་བྱམས་ཕྱིར་དང་། སེམས་དགེ་བ་ལ་ཉེས་པ་མེ་ཅེས་འབྱུང་སྟེ། སྙིང་རྗེ་ཆེན་པོས་ཟིན་ན་དགེ་བ་དང་མཽ་དགེ་ཐམ ་ཆོས་གང་སྤྱད་ཀྱང་། སྡོམ་པ་ཉམས་པར་མི་འགྱུར་བས། བྱང་ཆུབ་སེམས་དཔའི་དཀའ་ཐུབ་ནི། སྙིང་རྗེ་བཞི་བཟུང་ན་ས་སྤྱོད་པའོ།། བླ་ན་མེད་པའི་དཀའ་ཐུབ་ནི། དམ་ཚིག་ཆེན་པོའི་མདོ་ལས་ཀྱང་། སངས་རྒྱས་ཐེག་པ་རབ་ངེས། ་ན་ཉོན་མོངས་འདོད་ལྔ་ཀུན་སྤྱད་ཀྱང་།། པདྨ་ལ་ནི་འདམ་བཞིན་ཏེ། དེ་ལ་ཚུལ་ཁྲིམས་ཕུན་སུམ་ཚོགས་ཞེས་འབྱུང་སྟེ། ཆོས་ཐམས་ཅད་ཡ་ནས་མཉམ་པ་ཉིད་ཀྱི་ཕྱིར། སྙིང་རྗེས་ནི་རྟེན་དུ་མེད་ལ་ཞེ་སྡང་ནི་སྤང་དུ་མེད་དེ། དེ་ལྟར ་མ་རྟོགས་པ་ལ།། ཐུགས་རྗེ་མི་འབྱུང་བ་ཡང་མ་ཡིན་ཏེ། ཇི་ལྟར་ལྟ་བས་ཡེ་ནས། ཡེ་ནས་རྣམ་པར་རྟོག་པ་བཞིན། དཀའ་ཐུབ་དང་བརྟུལ་ཤུགས་ཀྱང་དེ་ལྟར་རྣམ་པར་སྤྱོད་པའོ།། ལྟ་བ་འཕྲེང་བའི་གསང་རབ་འདི།། དམུ ་ལོང་རང་ཕྱེ་མིག་མེད་ལྟར།། ཤེས་རབ་ཐབས་ཀྱི་རྡུལ་འཆང་བའི།། སྐྱེས་མཆོག་ཡོད་ན་ཕྲད་པར་ཤོག། མན་ངག་གི་རྒྱལ་པོ་ལྟ་བའི་འཕྲེང་བ། རྫོགས་སོ།། ། བཅོམ་ལྡན་འདས་དཔལ་ཀུན་ཏུ་བཟང ་