| Wylie | e-texts produced with BDRC’s OCR application |
རྒྱ་གར་སྐད་དུ། ཏྲི་ཡཱ་ན་བྱ་བ་སྠཱ་ནཱ་ནཱ་མ། བོད་སྐད་དུ། ཐེག་པ་གསུམ་རྣམ་པར་བཞག་པ་ཞེས་བྱ་བ།། སངས་རྒྱས་དང་། བྱང་ཆུབ་སེམས་དཔའ་ཐམས་ཅད་ལ་ཕྱག་འཚལོ།། གང་གིས་ཐེག ་གསུམ་ཉིད་བཞོན་སྦྱིན་པའི་ཕྱག་ནི་རབ་བརྐྱང་ནས།། རང་གི་ཤ་དང་ཁྲག་དག་ཆགས་བྲལ་འགྲོ་ལ་རྣམ་འབྱེད་པ།། ཐེག་གསུམ་གསུང་པོ་ཤཱཀྱའི་དབང་པོ་ཉིད་ལ་ཕྱག་འཚལ་ནས།། བླ་མའི་བཀའ་དང་གཞུང་མང་མཐོང ་ཕྱིར་ཐིག་གསུམ་རྣམ་གཞག་བྱ།། ཐེག་པ་རྣམས་ནི་གསུམ་ཉིད་དུ་རྣམ་པར་བཞག་པར་མཐོང་སྟེ། ཉན་ཐོས་དང་ལྡན་པའི་ཐེག་པ་དང་། རང་སངས་རྒྱས་ཀྱི་ཐེག་པ་དང་།། ཐོབ་ཅིང་རྒྱ་ཆེ་བ་དང་ལྡན་པའི་ཐེག་པའོ།། དེ་ལ་ཉན་ཐོས ་དང་ལྡན་པའི་ཐེག་པ་ནི་རྣམ་པ་གཉིས་ཏེ། བྱེ་བྲག་ཏུ་སྨྲ་བ་དང་། མདོ་སྡེ་པའོ།། ཡང་བྱེ་བྲག་ཏུ་སྨྲ་བ་ནི་ཁ་ཆེའི་ཉིད་དང་། ཡུལ་དབུས་ཀྱིས་ཞེས་བྱའོ།། ད་ནི་རང་གི་གྲུབ་པའི་མཐའ་ཅུང་ཟེད་བརྗོད་དེ། དབང་པོ་དང་དོན་ལས་འབྱུང ་བའི་བློ་རྣམ་པ་མེད་ཅིང་། དབང་པོ་དོན་མ་ལུས་པ་ནི་གོང་བུ་དང་མཐུན་པར་གནས་པའི་རྡུལ་ཕྲ་རབ་ཆ་ཤེས་མེད་པའི་ངོ་བོར་རྟོག་ཅིང་འདུས་བྱས་ཐམས་ཅད་མི་རྟག་ལ་བདག་མེད་པར་འདོད་པ་སྟེ།། ནམ་མཁའ་དང་འགོག་པ་དག་དང་། དེ ་བཞིན་ཉིད་རྣམས་རྟག་པར་འདོད་པས་རྣམ་པར་སྤྱོད་པའོ།། འདི་དག་ནི་འབྲས་བུ་མེ་ཤི་བ་ལྟར་བསྟན་དུ་མེད་པ་དང་། དེའི་སྔོན་དུ་སོང་པོའི་ཕུང་པོ་ལྷག་མ་དང་བཅས་པ་ཞེས་བྱ་བ་དང་གཉིས་གྲུབ་པར་བྱེད་པ་སྟེ།། དེ་དག་གྲུབ་པ ་གཅིག་དང་སྒྲུབ་པ་ལ་གནས་པ་བདུན་གྱི་སྐྱེས་བུ་འཕགས་པའི་ཁོངསུ་གཏོགས་པ་ཟུང་བཞི་དང་། གང་ཟག་བརྒྱད་ཅེས་བསྒྲགས་པ་འདི་ལྟར་རྒྱུན་ཏུ་ཞུགས་པའི་ཕྱིར་ཞུགས་པ་དང་།། རྒྱུན་ཏུ་ཞུགས་པ་དང ་ལན་ཅིག་ཕྱིར་འོང་བའི་ཕྱིར་ཞུགས་པ་དང་། ལན་ཅིག་ཕྱིར་འོང་བ་དང་།། ཕྱིར་མི་འོང་བའི་ཕྱིར་ཞུགས་པ་དང་། ཕྱིར་མི་འོང་བ་དང་།། དགྲ་བཅོམ་པའི་ཕྱིར་ཞུགས་པ་དང་། དགྲ་བཅོམ་པ་སྟེ་གོ་རིམས་བཞིན་ནོ།། ཡུལ་དབུས་ཀྱི ་བྱེ་བྲག་ཏུ་སྤྲོ་བ་རྣམས་ཀྱང་གནས་འདིར་རྣམས་མཉམ་པ་སྟེ། ཕྲ་མོ་དག་ནི་དེ་དག་ཉིད་འདོན་པའི་ཆོས་མངོན་པ་རྒྱ་ཆེར་བལྟའོ།། མདོ་སྡེ་པ་རྣམས་ནི་བློ་རྣམ་པ་དང་བཅས་པ་ཉིད་དུ་སྐྱེ་བར་རྟོག་ཅིང་བློའི་རྣམ་པ་རྣམས་ཀྱང་དེ་དང་འདྲ་བ ་གཞན་གྱི་རྣམ་པ་ལས་སྐྱེས་ལ།། དེ་ཡང་རྡུལ་ཕྲ་རབ་ཁ་དོག་དང་རྗེ་སུ་མཐུན་པར་གནས་པའི་བདག་ཉིད་དུ་འདོད་དོ།། ཡང་འདི་དག་ནི་དུས་གསུམ་དག་འདི་ཁས་མི་ལེན་ཅིང་འདུས་མ་བྱས་རྣམས་ཀྱང་མོ་གཤམ་གྱི་བུ་དང་འདྲ་བར་འདོད ་པ་སྟེ། འབྲས་བུ་དང་དེ་ལ་འདོད་པ་དང་གནས་པ་སྔ་མ་བཞིན་ཏེ།། འོན་ཀྱང་མདོ་སྡེ་པ་རྣམས་ནི་རང་སངས་རྒྱས་སུ་འགྱུར་བའི་སྐལ་བ་ཅན་ནོ།། འདི་ཉན་ཉན་ཐོས་ཀྱི་ཐེག་པ་རྣམ་པར་བཞོག་པའོ།། ཞུགས་པ་དང་དེ་ལ་གནས་པ་དང ་དེ་དག་ཉིད་དབང་པོའི་ཁྱད་པར་གྱིས་བསེ་རུ་ལྟར་རྒྱུ་བ་དང་། ཚོགས་དང་སྤྱོད་པ་དང་། གཞིར་རང་སངས་རྒྱས་ནི་རྣམ་པ་གཉིས་ལས་གཞིར་འགྱུར་བའོ།། འདི་དག་གི་ཁོང་དུ་ཆུད་པ་ནི་མཐུན་པར་རྟེན་ཅིང་འབྲེལ་པར་འབྱུང་བ་ཡན་ལག ་བཅུ་གཉིས་ལས་འཁོར་བར་འབྱུང་བ་དང་། དེ་འགགས་པས་མྱ་ངན་ལས་འདས་པར་འགྲོ་བར་རྟོགས་པའོ།། འདིར་འདི་དག་གི་བར་ཆད་མེད་པའི་ལམ་ཉི་ཚེ་བཤད་པ་ལྟར་ཡིན་གྱི། འབྲས་བུ་ཐོབ་པ་ལ་ཕན་པའི་སྡོམ་པའི་ཚུལ ་ཁྲིམས་ལ་སོགས་པ་ནི་ཉན་ཐོས་རྣམས་དང་མཐུན་པར་དེ་ལ་འབྱུང་ཞིང་། འབྲས་བུའི་བདག་ཉིད་ཀྱང་ཞི་བ་ཉིད་ཉན་ཐོས་རྣམས་དང་མཉམ་པས་གནས་པའོ།། འདི་དག་ལ་ངེས་པར་ཚུལ་ཁྲིམས་ཀྱིས་སྡོམ་པ་ལ་གནས་པ་འབྱུང་བ ་དང་། རྟེན་ཅིང་འབྲེལ་པར་འབྱུང་བ་རྟོགས་པར་འགྱུར་བའི་རྐྱེན་འབྱུང་བ་ནི་ཚོང་དཔོན་བདེན་པར་སྨྲ་བ་བཞིན་ཏེ།། བསྐལ་པ་བརྒྱའི་བར་དུ་དེ་དང་འབྲེལ་པའི་ལས་དེ་དག་གིས་བསགས་པའི་ཕྱིར་རོ།། རྟེན་ཅིང་འབྲེལ་པར་འབྱུང་བ ་རྣམས་ཇི་ལྟར་བསྒོམ་པ་ནི་འདིར་མ་སྨྲས་ཏེ།། གཞུང་མངས་པ་ལ་མི་དགའ་བ་དང་། མདོ་སྡེ་རྣམས་ལས་གསལ་བར་སྣང་བས་སོ།། འདི་ནི་རང་སངས་རྒྱས་ཀྱི་ཐེག་པ་རྣམ་པར་བཞག་པའོ།། ཟབ་ཅིང་རྒྱ་ཆེ་བ་དང་ལྡན་པའི་ཐེག ་པ་ནི་རྣམ་པ་གཉིས་ཏེ། ཟབ་པ་འབའ་ཞིག་དང་ལྡན་པ་དང་།། ཟབ་པ་དང་རྒྱ་ཆེ་བ་གཉི་ག་དང་ལྡན་པའོ།། འདི་དག་ཉིད་ལ་ཐེག་པ་ཆེན་པོ་ཞེས་བརྗོད་ཅིང་། དབྱེ་བ་རྣམ་པ་གཉིས་ཉིད་ལ་སློབ་དཔོན་སྔ་མས་ཕ་རོལ་ཏུ་ཕྱིན་པའི ་ཚུལ་དང་། གསང་སྔགས་ཀྱི་ཚུལ་གྱི་ཐེག་པ་ཆེན་པོ་ཞེས་ཀྱང་གཞག་པའོ།། གལ་ཏེ་གཅིག་ལ་ནི་ཟབ་པ་ཉི་ཚེ་ལྡན་ཞིང་། དེ་བཞིན་དུ་གཅིག་ལ་ནི་ཟབ་པ་དང་རྒྱ་ཚོ་བ་གཉི་ག་ལྡན་ན།། དེའི་ཚེ་ཐེག་པ་དག་ནི་བཞིར་འགྱུར་བ་མ་ཡིན ་ནམ། ཇི་ལྟར་ན་ཐེག་པ་གསུམ་དུ་རྣམ་པར་བཞག་ཅེ་ན།། འདི་ལ་ཉེས་པ་མེད་དེ། བདེན་པ་གཉིས་ལ་གནས་པས་བདག་དང་གཞན་གྱི་དོན་སུམ་ཕུན་སུམ་ཚོགས་པར་སྒྲུབ་པ་ལ་དབྱེ་བ་མེད་པས ་སོ།། དེ་ལྟ་ན་ཅིའི་ཕྱིར་ཟབ་པ་འབའ་ཞིག་དང་ལྡན་པ་དང་ཟབ་ཅིང་རྒྱ་ཆེ་གཉི་ག་དང་ལྡན་པའི་ཁྱད་པར་འབྱུང་།། གཞན་དུ་ན་འདི་དག་གི་བདེན་པ་གཉིས་ཉིད་ལ་ཁྱད་པར་ཡོད་པར་བརྗོད་དགོས་སོ།། འདི་ནི་ལེགས་པར་སྨྲས ་པསྟེ། དོན་དམ་པའོ་བདེན་པ་ཉིད་ལ་ནི་ནམ་ཡང་དབྱེ་བ་བགའ་ཞིག་ཀྱང་འབྱུང་བ་མེད་ལ། ཀུན་རྫོབ་ཉིད་ཀྱིས་ཟབ་པ་དང་རྒྱ་ཆེ་བར་འགྱུར་བའོ།། ཅིའི་ཕྱིར་ཀུན་རྫོབ་ཀྱི་བདེན་པ་ལ་ཁྱད་པར་ཡོད་དོན་དམ་པའི་བདེན་པ ་ལ་དེ་མི་དམིགས། ཀུན་རྫོབ་ཙམ་གྱིས་རྒྱ་ཆེ་བར་ཡང་ཇི་ལྟར་འགྱུར།། འདི་ན་དོན་དམ་པའི་བདེན་པ་དབུ་མ་པ་རྣམས་ཀྱིས་རྣམ་པར་བཞག་པ་ནི་ཡོད་པ་དང་། མེད་པ་དང་།། ཡོད་པ་དང་། མེད་པ་གཉི་ག་དང་།། ཡོད་པ་དང ་མེད་པ་གཉི་ག་མ་ཡིན་པ་ཞེས་བྱ་བའི་མཐའ་རྣམ་པ་བཞི་ལས་ངེས་པར་གྲོལ་བ། སྤྲོས་པའི་མཚན་མ་ནུབ་པ་དག་གི་ལས་འདས་པ་ཉིད་ཡིནོ།། ཚུལ་འདི་ལས་གཞན་པའི་དོན་དམ་པའི་བདེན་པ་རྣམ་པར་འཇོག་ན་དེའི་ཚེ་ངེས ་པར་ཡོད་པ་ལ་སོགས་པའི་མཐའ་རྣམ་པ་བཞིར་འཇུག་པར་འགྱུར་ཏེ། གང་མཐར་རྣམ་པ་བ་ནི་ཡང་མ་ཡིན་ལ་དབུ་མ་དག་གིས་རྣམ་པར་བཞག་པའི་བདེན་པ་ཡང་མ་ཡིན་པ་ནི་ནམ་ཡང་རྙེད་པར་མི་འགྱུརརོ།། གལ་ཏེ་མཐའ་རྣམ ་པ་བཞི་ལས་འགའ་ཞིག་དོན་དམ་པའི་བདེན་པར་ཡོངསུ་རྟོག་ན་དེའི་ཚེ་རྣལ་འབྱོར་སྤྱོད་པ་པ་ཁོ་ན་པས་འབད་པ་ཆུང་ངུས་རྣམ་པར་བཟློག་པར་ནུས་སོ།། དེའི་ཕྱིར་དོན་དམ་པའི་བདེན་པ། བཅོམ་ལྡན་འདས་དང་ཀླུ་སྒྲུབ་ལ་སོགས་པས་རྣམ ་པར་བཞག་པ་ལས་ཁྱད་པར་གྱུར་པའི་དོན་དམ་པའི་བདེན་པ་གཉིས་པ་ནི་མེད་དོ།། ཀུན་རྫོབ་ཙམ་གྱིས་ཇི་ལྟར་རྒྱ་ཆེར་བར་འགྱུར་ཞེས་གང་སྨྲས་པ་ནི་འདིར། དམིགས་པ་རྣམ་པར་དག་པ་དྲང་།། གྲོགས་ཀྱི་མཐུ་དང་སྤྱོད་པ་ཡིས།། བློ ་ལྡན་རྣམས་ཀྱི་ཐེག་པོ་ནི།། ཆེན་པོའི་ཆེན་པོ་ཉིད་དུ་བསྒྲགས།། འདིའི་དོན་ནི་ཇི་ལྟར་སྣང་བའི་དམིགས་པ་རྣམས་རྣམ་པར་དག་པའི་ལྷའི་བདག་ཉིད་དུ་མངོན་པར་རྟོགས་པས་དམིགས་པ་རྒྱ་ཆེ་བ་དང་། དུས་གསུམ་དུ་རྒྱལ་བ་རྣམས་ཀྱི ་བསྟེན་པའི་དམ་ཚིག་རྣམས་ཡིད་བཞིན་དུ་བཟུང་བས་ཁྱད་པར་དུ་བྱུང་བའི་བྱིན་གྱིས་བརླབས་སྐྱེ་བར་འགྱུར་བ་གྲོགས་ཞེས་བྱ་བ་རྒྱ་ཆེ་བ་དང་། ཇི་ལྟར་སངས་རྒྱས་དང་ས་བཅུའི་དབང་ཕྱུག་རྣམས་འགྲོ་བའི་དོན་སྤྱོད་པ་དང་།། ཞིང་ཡོངསསུ་དག་པར ་བྱིན་གྱིས་རློབ་པ་ལྟར་རྗེ་སུ་སྐྱེས་པའི་སྤྱོད་པ་རྒྱ་ཆེ་བ་སྟེ།། འདི་དག་དབུ་མ་པོ་རྣམས་ལས་ཁྱད་པོར་དུ་གྱུར་པས་དེ་དག་ལ་རྒྱ་ཚོ་བ་ཉིད་མེད་པ་ཁོ་ནའོ།། དེ་བས་ཀུན་རྫོབ་ཁོ་ནས་རྣམ་པར་བཞག་པའི་བྱེ་བྲག་གོ།། རྒྱུ་ཆེ་བ་རྣམ་པ་དེ་དག་གིས་ནི་ཐིག ་པ་རྣམས་སངས་རྒྱས་དང་མཉམ་པར་བཀོད་པ་མ་ཡིན་ནམ། དེ་ལྟ་ནོ་ན་དོན་དམ་པའི་བདེན་པ་ཁོ་ན་དང་ཅོག་ཤོས་བྱེ་བར་མི་འགྱུར་ཏེ།། ཐམས་ཅད་འབྲས་བུ་ལ་གནས་པ་ཡིན་པའི་ཕྱིར་རོ་ཞེ་ན། བདེན་མོད་ཀྱི་འོན་ཀྱང་གང་འདིར་དོན་དམ་པའི ་བདེན་པ་ལྷུན་གྱིས་གྲུབ་པ་ལ་སོགས་པས་མི་འཇུག་པ་ལྟར་ནི་འདིའི་ཀུན་རྫོབ་མ་ཡིན་ཏེ། ཇི་སྲིད་དོན་དམ་པ་རྟོགས་པ་དེ་སྲིད་རྩོལ་བ་དང་བཅས་ཤིང་ལྷག་པར་སྤྱོས་པས་སོ།། དེ་ལྟར་ན་ནི་དབུ་མ་པ་རྣམས ་ཀྱང་ཡིན་པས་འདི་ལ་ཟབ་ཅིང་རྒྱ་ཆེ་བ་དང་ལྡན་པར་ཇི་ལྟར་བརྗོད་ཅེ་ན་མ་ཡིན་ཏེ། དབུ་མ་པ་རྣམས་ནི་རྒྱ་ཆེ་བ་དང་བྲལ་བས།། བསྐལ་པ་གྲངས་མེད་པ་གསུམ་གྱི་འབྲས་བུ་ལ་འཇུག་ཅིང་། རྣལ་འབྱོར་སྤྱོད་པ་པ་རྣམས་ཀྱང་ངོ་།། དེ་བཞིན ་ཉན་ཐོས་དང་རང་སངས་རྒྱས་རྣམས་ཀྱང་བསྐལ་པ་གྲངས་མེད་བཞིས་རང་གི་འབྲས་བུ་དམ་པ་ལེན་ལ། ཐེག་པའི་མཆོག་ལ་ཞོན་པ་རྣམས་ནི་དུས་ཅུང་ཟད་ཀྱིས་མི་གནས་པའི་མྱ་ངན་ལས་འདས་པ་ཐོབ་སྟེ།། དེ་བས་ན་ཁྱད་པར་ཆེན་པོ་དང ་བཅས་པའོ།། དེ་ལྟ་ཡིན་དུ་ཟིན་ཀྱང་འདིན་དོན་དམ་པའི་བདེན་པ་དང་དབྱེར་མེད་དེ། དོན་དམ་པའི་བདེན་པ་ཡོངསུ་གྲུབ་པ་བྱང་ཆུབ་སེམས་དཔའ་བྱམས་པ་ལ་སོགས་པས་ཐོགས་པོ་མི་མངའ་བའི་སྤྱོད་པས་བཙུན་མོའི་འཁོར་དུ་རྣམ་པར་སྐྱེ ་བ་ལ་སོགས་པ་སྤྱོད་པས་འགྲོ་བ་སྨོན་པར་འགྱུར་ཞིང་བདག་ཉིད་ཀུན་ཏུ་འཚོང་བ་མི་འབྱུང་བ་ལྟར། ཐེག་པ་འདི་ལ་གནས་ཀྱང་ཐབས་དང་ཤེས་རབ་སྙོམས་པར་འཇུག་པ་ལ་སོགས་པ་སྨད་པ་རྣམ་པོ་དུ་མ་སྤྱད་པས་ཚོགས་ཡོངསུ་རྫོགས་པར ་འགྱུརརོ།། འདི་ནི་ཐབས་ཀྱི་རྣམ་པར་འཕྲུལ་པ་རྨད་དུ་བྱུང་བ་ཉིད་དེ། སྐྱེ་བོ་གང་དག་ལྷག་པར་ཆགས་པ་དང་ལྡན་པ་དང་།། དེ་བཞིན་ལྷག་པར་ང་རྒྱལ་དང་ལྡན་པའི་བར་རྣམས་ཉན་ཐོས་དང་། རང་སངས་རྒྱས་ཀྱི་ཐེག་པ་ལ་སོགས་པ་ལ ་སྦྱངས་པ་ཐར་པའི་སྐལ་བ་ཅན་མ་ཡིན་པ་རྣམས་ལ་འདོད་ཆགས་དང་བཅས་པའི་སྤྱོད་པ་ལ་སོགས་པ་བསྟན་པས་སེམས་ཡོངསུ་དགའ་བར་བྱས་ཏེ། རིམ་གྱིས་ཚོགས་ཡོངསུ་བསགས་ནས་སེམས་ཀྱི་རྒྱུད་གསེར་བསྲེགས་པ་ལྟུ ་གྱུར་པ་ན་འདོད་ཆགས་དང་བྲལ་བའི་སྤྱོད་པ་རྫོགས་པའི་རིམ་པ་ཀུན་ནས་སྨྱོས་པ་དང་བྲལ་བ་ཉིད་རྟོགས་པར་འགྱུར་ཏེ།། དེ་བས་ན་ཐེག་པའི་མཆོག་འདི་ཉིད་སྐྱེ་བོ་མ་ལུས་པ་བཞོན་པར་བྱ་བ་དམ་པ་རྣམས་ཡོད་འཕྲོག་པའོ།། དེའི ་ཕྱིར་ཟླ་གསང་ཐིག་ལེ་ལ་སོགས་པ་རྣལ་འབྱོར་གྱི་རྒྱུད་རྣམས་ལ། མི་བཟའ་བ་ནི་ཅུང་ཟད་མེད།། མི་བྱ་བ་ནི་ཅུང་ཟད་མེད།། ཐམས་ཅད་ཐབས་ཤེས་སེམས་ཀྱིས་ནི།། དོགས་མེད་གྱུར་པས་ལོངས་སྤྱོད་བྱ་ཞེས་བྱ་བ་ལ་སོགས ་པ་རྒྱ་ཆེར་གསུངས་པ་ནི་དོན་གྱི་དབང་རྣམ་པ་གཉིས་ལ་བརྟེན་པ་སྟེ། སྐྱེ་བོ་གང་དག་ཐེག་པ་གཞན་ལོས་སྤངས་པ་རྣམས་ཆང་བ་སྟོང་པས་མེ་འབར་བའི་ཁྱིམ་ནས་འབྱུང་བ་ལྟར་དྲེགས་པ་དྲང་བ་ཙམ་གྱིས་ཚད་དུ་གསུངས་ལ། ཡང ་གླུ་དྲུག་ཡུན་རིང་བར་རྫོག་པ་པོའི་རིམ་པ་བསྒོམས་པས་འདོད་རྨུགས་ལ་སོགས་པས་མི་འཕྲོགས་པ་འདམ་གྱི་པདྨ་ལྟ་བུ་རྣམས་ཁོ་ནཱ་ལེ་བརྟེན་ཏེ་གསུངས་པའོ།། གཞན་དུ་འདོད་ཆགས་ལ་སོགས་པ་ལ་མལ་པསའི་ཚང་པོར་མི་འགྱུར་ན། ་སྐྱེ་བོ་ཐམས་ཅད་ཐར་པའི་གནས་སུ་ཕྱིན་པར་འགྱུར་ལ། དམ་ཚིག་ལས་ཉམས་པ་ཡང་འགར་ཡང་མི་འབྱུང་བར་འགྱུར་ཏེ།། དེ་ཉིད་ཀྱིས་ངན་སོང་ཡང་རྣམ་པར་ཆད་པར་ཐལ་བར་འགྱུརརོ།། དེའི་ཕྱིར་གང་དག་སྟོང་པ་ཉིད་ལ་སེམས ་མངོན་པར་དད་པ་དྨ་དག་གས་སུ་དུ་གྱུ་པ་ལ་སོགས་པའ་འབྲས་བླངས་པཉྩམ་པ་མྱོང་བར་བྱ་དགོས་ཏེ། སྤྱནརྣལ་འགྱུར་ཡང་། ཡང་དག་པར་ལྟ་བ་བཞིན་མཐོང་བའི་བྱར་ཆུང་བྱུང་པཱ་ནཨཱ་རྱཱ ་ཆགས་པ་རྣམས་ལྟ་སྐྱོབ་ཅི་དགོས།། དེའི་ཕྱིར་རྡོ་རྗེའི་དཀྱིལ་འཁོར་གྱི་རྒྱུན་ཞེས་བྱ་བ་རྣལ་འབྱོར་ཆེན་པོའི་རྒྱུད་ལས་རྣམ་པ་མང་པོར་ཀུན་རྫོབ་ཀྱི་བདེན་པ་རྣམ་པར་བཞག་ནས་ཡང་གསུངས་པ། དངོས་མེད་ཉིད་ཀྱི་ཕྱོགས ་ལ་ཡང་།། ལས་ཀྱི་འབྲས་བུ་ལ་སོགས་པ།། རྨི་ལམ་བཞིན་དུ་ཉམས་མྱོང་བ།། འདི་ནི་མངོན་སུམ་དག་ཏུ་འབྱུང་།། ཞེས་བྱ་བ་ལ་སོགས་པས་རྒྱ་ཆེར་དོན་དམ་པའི་བདེན་པ་མངོན་དུ་མ་གྱུར་གྱི་བར་དུ་ཀུན་རྫོབ་ཀྱི་བདེན་པ ་ལ་གུས་པས་གནས་པར་གསུངསོ།། འདི་ལ་ཀུན་རྫོབ་ཉིད་དུ་ཡང་མ་དག་པ་མེད་པར་སྨྲ་བ་འགའ་ཞོག་བྱུང་ན་ནི་མངོན་སུམ་དུ་རིགས་པ་སྦྱིན་ཞིང་བདེན་པ་གཉིས་ལ་གནས་པའི། ཐེག་པ་རབ་ཀྱི་མཆོག་འདི་ནི།། ཚུལ་ལ་གནས ་ན་ཐོབ་པར་འགྱུར་ཞེས་བྱ་བ་ལ་སོགས་པ་རྒྱུད་རྣམས་ཚིག་མྱེ་དེ་པར་འགྱུར་ཏེ།། དེའི་ཚེ་དོན་དམ་པའི་བདེན་པོ་ཁོ་ན་ལ་གནས་པོའི་ཕྱིར་རོ།། གཽཞིནྡྲ་ཡང་ཇི་ལྟར་དུག་སྡུག་ཀྱི་རིམས་མྱི་འཕེལ་བ་ཞེས་བྱ་བ་ཐོས་པ་ཙམ་དང་། གཟུང་བ ་ཙམ་དང་། དེ་ཤེས་པ་ལ་དུག་མི་གནོད་པ་ཤེས་པ་ཙམ་གྱིས་ནི་དུག་ཆེན་པོ་རྣམས་ཞི་བར་ནུས་པ་མ་ཡིན་གྱི་ཡོངསུ་བསྒྲུབས་པའི་སྒྲས་བུས་ཞི་བར་བྱེད་དོ།། དེ་བཞིན་དུ་དེ་ཁོ་ནའི་རྣམ་པར་དག་པ་ཐོས་པ་དང་། དེར་འགྱུར་བའི ་ལམ་སྟོན་པ་གཟུང་བ་དང་། རྣམ་པར་དག་པ་དང་ལྡན་པ་རྣམས་འཚང་བར་མི་འགྱུར། ཤེས་པ་ཙམ་གྱིས་འདོད་ཆགས་ལ་སོགས་པས་མི་གནོད་པར་འགྱུར་བ་ནི་མ་ཡིན་ནོ་ཞེས་བྱ་བའོ།། ཤིན་ཏུ་སྤྲོས་པས་ཆོག་གོ།། རང་གི་བརྗོད ་པར་བྱ་བ་ངེས་པར་གཟུང་སྟེ། རྣལ་འབྱོར་སྤྱོད་པ་དང་། དབུ་མ་པའི་དབྱེ་བས་ཟབ་པ་ཙམ་དང་ལྡན་པའི་ཐེག་པ་ནི་རྣམ་པ་གཉིས་ཡིན་ལ།། རྣལ་འབྱོར་སྤྱོད་པ་རྣམས་ཀྱང་། ཤེས་པ་རྣམ་པ་དང་བཅས་པ་དང་། རྣམ་པ་མེད་པའི་བྱེ ་བྲག་གིས་རྣམ་པ་གཉིས་སོ།། དེ་བཞིན་དུ་དབུ་མ་པ་ཡང་ཀུན་རྫོབ་ཤེས་པའི་རྣམ་པར་སླུ་བ་དང་། དེ་བག་ཆགསུ་སྨྲ་བའི་བྱེ་བྲག་གིས་རྣམ་པ་གཉིས་སོ།། ད་ནི་དེ་དག་གི་འདོད་པའི་རང་བཞིན་བརྗོད་དེ། ཤེས་པ་རྣམ་པ་དང་བཅས་པ ་རྣམས་ནི་སེམས་རང་རིག་པ་སྐད་ཅིག་མའི་བདག་ཉིད་མི་རྟག་པ་རྒྱུན་མ་ཆད་པར་འབྱུང་བ་འདི་ཉིད་ཀྱིས་ཕྱི་རོལ་ལྟ་བུར་རྣམ་པར་གནས་པའི་དོན་ཉམ་སུ་མྱོང་བ་ཡིན་གྱི་འདི་ན་བདག་དང་སྐྱེས་བུ་ལ་སོགས་པའི་འཛིན་པ་པོ་གཞན་ནི་འགའ་ཡང ་མེད་ལ། ཕྱི་རོལ་ན་དུམ་བུར་གྱུར་པ་ལྟར་གནས་པའི་དོན་རྣམས་ན་ནིང་གི་རྣམ་པར་ཤེས་པ་ཉིད་ཀྱི་རྣམ་པ་དེ་ལྟར་ན་མཁའ་ལ་བརྟེན་ནས་སྣང་བ་འབྱུང་གི། གཞན་དབང་ཕྱུག་གིས་ཕྱུང་བ་ལ་སོགས་པའི་དོན་གཟུང་བར་བྱ་བ་ནི་འགའ ་ཡང་མེད་པའོ།། ཐམས་ཅད་རང་གི་རྣམ་པར་ཤེས་པའི་བདག་ཉིད་ཁོ་ན་པས་གང་ལ་ཡང་རྗེ་སུ་ཆགས་པ་དང་ཁོང་ཁྲོ་བ་ལ་སོགས་པའི་སྐབས་མི་འབྱེད་པར་ཚོགས་ཡོངས་སུ་རྫོགས་པར་བྱས་ནས།། སེམས་དེ་ཉིད་གནས་པར་དག་པའི ་ཡེ་ཤེས་ཐ་མལ་པའི་མངོན་པར་ཞེན་པ་དང་བྲལ་བའི་བདག་ཉིད་སྐད་ཅིག་མ་རྗེསུ་འབྲེལ་པར་འབྱུང་བར་གནས་གྱུར་པ་ནི་འབྲས་བུ་སངས་རྒྱས་ཞེས་རྟོག་པའོ།། ཤེས་པ་རྣམ་པ་མེད་པར་སྨྲ་བ་རྣམཔ་ནི་སེམས ་རང་རིག་པ་རྒྱུན་འབྲེལ་པར་འཇུག་པ་སྐད་ཅིག་མའི་བདག་ཉིད་རྣམ་པ་དང་བྲལ་བ་འགའ་ཡང་རིག་པར་མི་བྱེད་པ་དེ་དག་གཅིག་དང་ཐ་དད་ལས་གྲོལ་བའི་བག་ཆགས་རྣམས་རབ་ཏུ་དག་ཅིང་། རྣམ་པ་ཐམས་ཅད་དང་བྲལ་བ་རང་རིག་པའི ་བདག་ཉིད་ཀྱིས་བེམས་པོ་མ་ཡིན་པའི་ཡེ་ཤེསུ་གནས་ཡོངས་སུ་གྱུར་པ་འདི་ནི་འབྲས་བུ་ཡང་དག་པར་རྫོགས་པའི་སངས་རྒྱས་སུ་རྣམ་པར་དཔྱོད་པར་བྱེད་དོ།། དབུ་མ་པ་ཀུན་རྫོབ་ཤེས་པའི་རྣམ་པར་སྨྲ་བ་རྣམས་ནི་དོན་དམ་པར་རིགས ་པའི་ཚོགས་ཀྱིས་སེམས་དང་ཡེ་ཤེས་དག་ཡོད་པ་མ་ཡིན་པར་སྨྲ་ལ།། ཀུན་རྫོབ་ཏུ་འདི་ལྟར་རྣམ་པར་བཞག་པ་ཐམས་ཅད་སེམས་དང་ཡིད་ཀྱི་རྣམ་པ་ཡུལ་དུ་གནས་པ་ཁོ་ནར་རྟོག་གོ།། དེ་བཞིན་དུ་ཀུན་རྫོབ་བག་ཆགས་སུ་སྨྲ་བ་རྣམས ་ཀྱི་འདོད་པ་ནི་དོན་དམ་པའི་བདེན་པ་སྔ་མ་ལྟ་བུ་ལས་ཀུན་རྫོབ་ཏུ་རྣམ་པར་བཞག་པ་རྣམས་ནི་བག་ཆགས་རྣམས་ཁོ་ན་ཡིན་གྱི།། སེམས་ནི་རྣམ་པ་དང་། འགྲོ་བའི་བདག་ཉིད་དུ་སྣང་བ་མ་ཡིན་ནོ་ཞེས་པར་རོ།། འདི་གཉི་གས་རྟེན་ཅིང་།། ་འབྲེལ་པར་འབྱུང་བའི་བདག་ཉིད་འདོད་པ་དང་། སེམས་དང་རོང་རིག་པ་འགོག་རིགས་པ་སྒྲུབ་པ་ནི་མཐུན་ནོ།། ཁ་ཅིག་ན་རེ་འདི་གཉིས་ཀྱིས་ལྟ་བ་གཞན་སེལ་བ་ནི་རིམ་བཞིན་དུ། ཡོད་དང་མིད་དང་ཡོད་མེད་དང་།། ཡོད་མེད་གཉི ་གམིན་པ་སྟེ་ཞེས་པ་དང་། རྟག་དང་མི་རྟག་རྟག་མི་རྟག། རྟག་དང་མི་རྟག་གཉི་ག་མིན་ཞེས་པས་གོ་རིམས་བཞིན་དུ་མུ་བཞི་རྣམ་པར་རྟོག་པ་མི་འདྲའོ་ཞེས་ཟེར་རོ།། ཟབ་ཅིང་རྒྱ་ཆེ་བ་དང་ལྡན་པའི་ཐེག་པ་ནི་བྱ་བ་དང་། སྤྱོད་པ་དང་། ་རྣལ་འབྱོར་དང་། རྣལ་འབྱོར་ཆེན་པོ་དང་།། རྣལ་འབྱོར་བླ་ན་མེད་པ་ཞེས་བྱ་བས་རྣམ་པ་ལྔར་འགྱུརརོ།། འདིར་འདི་དག་གི་རང་གི་ངོ་བོ་ནི་རྣམ་པར་གསལ་བར་བླ་མ་རྣམས་ཁོ་ན་ལས་ཤེས་པར་ནུས་ཀྱི། གཞུང་གི་ཚིག་རྣམ་པར་སྦྱོར་བས་མ ་ཡིན་པ་དང་།། རགས་པ་རྣམས་ནི་དེ་ཁོ་ན་ལ་འཇུག་པ་ལ་སོགས་པའི་གཞུང་རྣམསུ་ཡང་རྣམ་པར་གཏན་ལ་ཕབ་པས། འདྲིར་བདག་གིས་གསལ་བར་དབྱེ་བར་མི་བྱ་བར་བཞག་གོ། འདི་ནི་ཟབ་ཅིང་རྒྱ་ཆེ་བའི་ཐེག་པའི་རྣམ ་པར་བཞག་པའོ།། གལ་ཏེ་ཐེག་པ་གསུམ་ཁོ་ན་ཡིན་ན་ཐེག་པ་གཅིག་ཏུ་རྣམ་པར་བྱཤད་པ་དེ་ཇི་ལྟར་འགྱུར།། འདི་ནི་ངེས་པ་མེད་དེ་འབྲས་བུ་ལ་དང་། རྒྱུ་ལ་བརྟེན་པའི་ཕྱིར་ཏེ།། ཐེག་པ་ཐམས་ཅད་ངེས་པར་ཉེ་བ་དང ་རིང་བ་རྫོགས་པའི་སངས་རྒྱས་སུ་འགྱུར་བས་འབྲས་བུ་ལ་བརྟེན་པ་བཤད་པ་སྟེ།། དེ་བས་ན་མཚན་ཡང་དག་པར་བརྗོད་པ་ལས། ཐེག་པ་གསུམ་གྱི་ངེས་འབྱུང་ལ།། ཐེག་པ་གཅིག་གི་འབྲས་བུར་གནས་ཞེས་གསུས ་པ་ཉིད་ཐེག་པ་པ་ཐམས་ཅད་འབྲས་བུ་ཡང་དག་པར་རྫོགས་པའི་སངས་རྒྱས་སུ་འགྱུར་བར་དགོངས་ལ།། བཅོམ་ལྡན་འདས་འཇམ་དཔལ་ཡང་གདུལ་བྱའི་དབང་ལས་ཐེག་པ་གསུམ་ལ་ཞོན་ཅིང་ཆོས་ཀྱི་སྐུ་ལས་ཀྱང་མ ་གཡོས་པའོ་ཞེས་བསྟོད་པ་བརྗོད་པའོ།། རྒྱུད་ལས་ཀྱང་ཐེག་པ་ཐམས་ཅད་ནི་བདག་དང་གཞན་ལ་སྤོང་ཞིང་། འབྲས་བུ་སངས་རྒྱས་ཉིད་སྐྱེད་པ་དང་།། ཆོས་ཀྱི་དབྱིངས་ལ་ཐ་དད་པ་མེད་པ་ན་སྟེ། ་དོན་འདི་ལ་དགོངས་ནས།། ཐེག་པ་གཅིག་ཅིང་ཚུལ་ཡང་གཅིག་ཡིན་ཏེ་ཞེས་བྱ་བ་ལ་སོགས་པ་རྒྱ་ཆེར་གསུངསོ།། གལ་ཏེ་འགའ་ཞིག་ཐེག་པ་བསམ་གྱིས་མི་ཁྱབ་པར་བསྒྲུབ་པོ་བཅོམ་ལྡན་འདས་ཀྱི་བཀའ ་ལང་ཀར་གཤེགས་པ་ལ་སོགས་པའི་མདོ་ལས་ཤེས་སོ་ཞེ་ན། འདིར། ཇི་སྲིད་སེམས་ནི་འཇུག་གི་བར།། ཐེག་པ་དག་ལ་ཐུག་པ་མེད་ཅིང་བྱ་བ་འདི་ནི་ཐེག་པ་གསུམ་རྣམ་པོར་བཞག་པ་ཞེན་པའི་ཐེག་པ་པ་རྣམས ་ཉིད་ཁ་ཅིག་རྟེན་ཅིང་འབྲེལ་པར་འབྱུང་བ་མངོན་དུ་བྱེད་པ་དང་། ལ་ལ་མི་སྡུག་པ་སྒོམ་པ་དང་། ལ་ལ་ཟད་པར་གྱི་སྐྱེ་མཆེད་སྒོམ་པའི་བར་གྱིས་ཞུགས་པ་བསམ་གྱིས་མི་ཁྱབ་པ་ལ་གཟིགས་པ་ཡིན་གྱི་རྣམ་པར་བཞག ་པ་གསུམ་གྱིས་མ་བསྡུས་པའི་ཐེག་པ་གཞན་ནི་མི་འབྱུང་སྟེ།། དེ་དག་ལས་གཞན་པའི་ལྟ་བ་ནི་ངེས་པར་ཕྱི་རོལ་མུ་སྟེགས་པར་འགྱུར་བའི་ཕྱིར་རོ།། དེ་ལྟར་ཐེག་པ་གསུམ་རྣམས་གསལ་བཀོད་པས།། འགྲོ་རྣམས ་གུས་བཅས་ཐེགས་གསུམ་མྱུར་ཞོན་ནས།། སྲོད་མཚོ་ལས་རྒལ་བདེ་བ་ཆེན་པོའི་བདག། སྟུག་པོ་བཀོད་པ་ཉིད་དུ་འགྱུར་བར་ཤིག། ཐེག་པ་གསུམ་རྣམ་པར་བཞག་པ་ཞེས་བྱ་བ། སློབ་དཔོན་མཁས་པ་ཆེན་པོ་རིན ་ཆེན་འབྱུང་གནས་ཞི་བའི་ནལ་སྔ་ནས་མཛད་པ་རྫོགས་སོ།། །། རྒྱ་གར་གྱི་མཁན་པོ་ཆེན་པོ་ཀྲྀཥྞ་བ་དང་། ནུ་ཆེན་རྒྱ་ལ་ཙ་བ་དགེ་སློང་ཆོས་ཀྱི་ཤེས་རབ་ཀྱིས་བསྒྱུར་ཅིང་གཏན་ལ་ཕབ་པའོ།། ་