| Wylie | e-texts produced with BDRC’s OCR application |
རྒྱུ་གར་སྐད་དུ། ཤྲཱི་ཙཀྲ་སཾ་པ་ར་སྟོ་ཏཱ། བོད་སྐད་དུ། དཔལ་འཁོར་ལོ་སྡོམ་པའི་བསྟོད་པ། དཔལ་འཁོར་ལོ་སྡོམ་པ་ལ་ཕྱག་འཚལོ།། ཆོས་ཉིད་དཔྱིང་ལས་བཞེངས་པའི་སྐུ་མཆོག་ནི།། སྐལ་བའི ་མེ་ལྟར་འབ་ར་བའི་ཀློང་དཀྱིལ་ན།། རི་རབ་ཆུ་སྐྱེས་ཉི་ཟླའི་གདན་སྟེང་དུ།། འཇིགས་བྱེད་དུས་མཚན་བརྒྱད་བཀུག་ཞབས་ཀྱིས་མནན།། སྐུ་མདོག་མཐིང་ནག་མཁའ་ལྟོར་དག་པའི་འོད་།། གཅེར་བུ་གླང་ཆེན་སྟག ་གི་ཤམ་ཐབས་ཅན།། ཞལ་གདངས་མཆེ་གཙིགས་ཧཱུཾ་གི་འབྲུག་སྒྲ་སྒྲོག། དཔྲལ་བའི་ཁྲོ་གཉེར་སྤྱན་གསུམ་ཀློག་ལྟར་འགྱུ།། རལ་པའི་ཐོར་ཅོག་ཟླ་ཕྱེད་རྡོ་རྗེ་དང་།། ཐོད་པ་ནོར་བུ་མི་སྐྱོང་ངར་གྱིས་མཛེས།། ་དཔའ་བོ་སྒེག་པ་རབ་ཏུ་འཇིགས་བྱེད་ཅིང་།། རྒོད་དང་གོ་ཤྭེ་དང་རྔམ་པའི་ངང་ཚུལ་ཅན།། སྙིང་རྗེ་ཞི་དང་རྨད་དུ་བྱུང་བའི་ཉམས།། གར་གྱི་རྣམ་འཕྲུལ་ན་མཁའ་ཁྱབ་པར་སྟོན།། འཁོར་ལོ་རྣ་ཆ་མགུལ་རྒྱན་གདུབ ་ཀོར་དང་།། སྐེ་རགས་ཐལ་ཆེན་ཚངས་པའི་སྐུད་པ་ཅན།། མི་མགོའི་དོ་ཤལ་རྡོ་རྗེ་དྲིལ་བུ་འཁྱུད།། དཔལ་ལྡན་ཧེ་རུ་ཀ་ལ་ཕྱག་འཚལོ།། གཉིས་མེང་ཚུལ་གྱིས་བཅོམ་ལྡན་འདས་མ་ཡང་།། སྐུ་མདོག་དམར ་མོ་གཅེར་བུ་སྐྲ་གྲོལ་ཞིང་།། ཕྱག་རྒྱ་ལྔ་དང་རྡོ་རྗེ་ཐོད་པ་འཁྱུད་།། ཕུང་པོ་ཁམས་དང་སྐྱེ་མཚང་རང་བཞིན་ལ།། མ་ལུས་རྒྱལ་བའི་རིགས་རྣམས་ཡོངསུ་རྫོགས།། སྲིད་པ་རྣམ་དག་སྐུ་ཡི་ཡན་ལག་ལ།། ཉི་ཤུ ་རྩ་བཞི་ཡུལ་གྱི་རྣམ་པར་བརྒྱན།། ཁྱོད་ནི་ཁམས་ཀྱི་རང་བཞིན་དཔའ་བོ་དང་།། རྩ་ཡི་རང་བཞིན་དཔའ་མོ་ཉི་ཤུ་བཞི།། བྱེ་བའི་གྲངས་སྙེད་མ་ལུས་འཁོར་བཅས་ཀུན།། གནས་དང་ཉེ་གནས་ཞིང་དང ་ཉེ་ཞིང་སོགས།། ས་བཅུའི་གནས་སུ་གཉིས་མེད་དགྱེས་པར་རོལ།། བླང་ཆེན་ལོངས་སྤྱོད་རྫོགས་ལ་རྣམ་རོལ་ཞིང་།། རྣམ་དག་སྐྱེ་མཆེད་ལས་ཀྱང་འཁོར་ལོ་བཞི།། ལུས་ཀྱི་རྣམ་དག་རང་བཞིན་གཞལ་ཡས་ཁང་།། ་རྣམ་ཤེས་བརྒྱད་ལས་སྤྲུལ་པའི་དུར་ཁྲོད་བརྒྱད།། དངོས་དང་དངོས་མིན་རང་བཞིན་བཅོམ་ལྡན་འདས།། ཀུན་གྱི་བདག་ཉིད་རྣལ་འབྱོར་དབང་ཕྱུག་གཙོ།། མ་ལུས་གཅིག་ཏུ་འདུས་པའི་སྐུར་གྱུར་པ།། དཔལ་ལྡན་ཁྲག ་འཐུང་ཁྱོད་ལ་ཕྱག་འཚལ་ལོ།། ཁྱོད་ཀྱི་འོད་ཟེར་གློག་ཙམ་མཐོང་བ་ལས།། ངོ་མཚར་འཛིན་པའི་ཡིད་ཀྱིས་བདག་བསྟོད་ན།། མཁའ་དང་མཉམ་པའི་འགྲོ་བ་མ་ལུས་ཀུན།། མགོན་པོ་ཁྱེད་ཀྱི་ཐུགས་རྗེས་བཟུང་དུ ་གསོལ།། དམ་ཚིག་བརྟུལ་ཞུགས་སྤྱོད་པའི་རྣལ་འབྱོར་ལ།། བརྩེ་བའི་ཐུགས་ཀྱིས་བུ་བཞིན་དགོངས་ནས་ཀྱང་།། བར་ཆད་བདུད་དཔུང་ཞི་བར་མཛད་དུ་གསོལ།། དུར་ཁྲོད་ལ་སོགས་གནས་སུ་སྲོག་དོར་ནས།། ཁྱོད། ་ཀྱི་རྣལ་འབྱོར་རྟག་ཏུ་བརྩོན་པ་ལ།། ཡེ་ཤེས་ཡར་ངོའི་ཟླ་ལྟར་འཕེལ་བ་དང་།། དངོས་གྲུབ་ཚུལ་བཞིན་གྲུབ་པར་མཛད་དུ་གསོལ།། སངས་རྒྱས་ཕྲིན་ལས་བྱེད་པའི་རྣལ་འབྱོར་ལ།། མཁྱེན་པ་ཉི་འོད་ལྟ་བུར་རབ་རྒྱས ་ཏེ། ཡོན་ཏན་གཟི་བརྗིད་ཆེན་པོ་བསྐྱེད་དུ་གསོལ།། མཐའ་ཁོབ་ཀླ་ཀློའི་གནས་སུ་འཁྱམས་པ་དང་།། ལོག་རྟོག་བདུད་ཀྱིས་བཅིངས་པའི་སེམས་ཅན་རྣམས།། ཁྱོད་ཀྱི་རྣམ་སྦྲུལ་མཐོང་ཐོས་དྲན་པས་ཀྱང་།། མགོན ་པོ་ཁྱོད་ཀྱིས་གདུལ་བྱར་གཟུང་དུ་གསོལ།། དཔལ་འཁོར་ལོ་སྡོམ་པའི་བསྟོད་པ་སློབ་དཔོན་མཾ་ཏཱི་པས་མཛད་པ་རྫོགསོ།། །། དཔལ་ཧེ་རུ་ཀ་ལ་ཕྱག་འཚལོ།། ཆོས་དབྱིངས་རྣམ་དག་དབྱིངས་ལས་མ་གཡོས་ཀྱང ་