| Wylie | e-texts produced with BDRC’s OCR application |
སློབ་དཔོན་འོད་ཟེར་འབྱུང་གནས་གྲགས་པས་མཛད་པའོ།། ། རྒྱ་གུར་སྐད་དུ། ཙཎྜ་མ་ཧཱ་རོ་ཥ་ཎ་སཱ་དྷ་ནཾ། བོད་སྐད་དུ། གཏུམ་པོ་ཆེན་པོའི་སྒྲུབ་ཐུབས། གཏུམ་པོ་ཆེན་པོ་ལ་ཕྱག་འཚལ་ལོ།། སྔོན་དུ ་གསུངས་པའི་ཆོ་གས་འདིར་སྟོང་པ་ཉིད་དུ་བསྒོམས་ནས། དེ་ནས་པདྨ་དཀར་པོའི་སྟེང་དུ་ཉི་མ་ལཾ་ཧཱུཾ་ཡིག་ནག་པོ་ཡོངསུ་གྱུར་པ་ལས་བཅོམ་ལྡན་འདས་གཏུམ་པོ་ཆེན་པོ་ཟར་མའི་མེ་ཏོག་ལྟ་བུ་གཞན་གྱི་མི་གཡོ་བ་ཞལ་གཅིག ་པ་སྤྱན་གཉིས་པ། ཟུར་གྱིས་གཟིགས་པ། མཆེ་བ་གཙིགས་པ། མི་བཟད་པའི་ཞལ་ཆེན་པོ། རིན་པོ་ཆེའི་དབུ་རྒྱན་ཅན།། མཆེ་བས་མ་མཆུ་མནན་པ། མགོའི་ཕྲེང་བས་དབུ་རྒྱན་པ།། སྤྱན་གཉིས་དམར་བ། ཕྱག་གཡས་ན་རལ ་གྲི་བསྟིམས་ཤིང་། ཕྱག་གཡོན་པ་ཞགས་པ་དང་། སྡིགས་མཛུབ་ཐུགས་ཀར་གནས་པའོ།། སྦྲུལ་དཀར་པོས་སོ་རལ་ག་མཛད་པ། སྟག་གི་ལྤགས་པའི་ཤམ་ཐབས་ཅན། རིན་པོ་ཆེ་སྣ་ཚོགས་ཀྱི་རྒྱན་གྱིས་བརྒྱན་པ། ཞབས ་གཡོན་པ་ས་ལ་རེག་པ། ཞབས་གཡས་པ་ཅུང་ཞིག་བཏེག་པ། ཉི་མའི་འོད་ཟེར་གྱི་ཕྲེང་བ་ཅན་གྱི་བདག་ཉིད་དུ་རྣམ་པར་བསམ་པར་བྱའོ།། དམ་ཚིག་སེམས་དཔའ་དང་ཡེ་ཤེས་སེམས ་དཔའ་བསྒོམ་པ་སྔོན་དུ་འགྲོ་བས་མི་བསྐྱོད་པས་དབུ་རྒྱུན་པར་བསམ་པར་བྱའོ།། དེ་ནས་བཟླས་པའི་སྔགས་ནི་ཨོཾ་ཙནྡྲ་མ་ཧཱ་རོ་ཥ་ཎ་ཧཱུཾ་ཕཊ། གཏུམ་པོ་ཆེན་པོའི་སྒྲུབ་ཐབས་རྫོགས་སོ།། ་