| Wylie | e-texts produced with BDRC’s OCR application |
ལག་མེད་པའི་རྡོ་རྗེའི་འཇམ་དཔའི་དབྱངས་ཀྱི་སྒྲུབ་པའི་ཐབས་རྫོག་སོ།། ། ཁམས་པ་ལོཙྪ་བ་བ་རི་དགེ་སློང་དྷརྨཱ་ཀིརྟིས་བསྒྱུར་བའོ།། ། རྒྱ་གར་སྐད་དུ། དྷརྨ་དྷཱ་ཏུ་བཱ་གཱི་སཱ་ར་སཱ་དྷ་ནཾ། བོད་སྐད་དུ། ཆོས་ཀྱི ་དབྱིངས་ངག་གི་དབང་ཕྱུག་གིས་སྒྲུབ་པའི་ཐབས། འཕགས་པ་འཇམ་དཔལ་ལ་ཕྱག་འཚལ་ལོ།། དེ་ཁོ་ན་ཉིད་བཞིན་དུ་སྟོང་པ་བསྒོམས་པའི་རྗེ་སུ་སྣ་ཚོགས་པདྨའི་སྟེང་དུ། ཟླ་བ་ལ་ཨ་ཡིག་དཀར་པོ་ལས་སྐྱེས་པ། དཔལ་ཆོས་ཀྱི་དབྱིངས་ངག་གི ་དབང་ཕྱུག་ཡན་ལག་ཐམས་ཅད་དཀར་པོ་ཞལ་བཞི་པ་ཕྱག་བརྒྱད་པ། སངས་རྒྱས་ལྔའི་རིན་པོ་ཆེའི་དབུ་རྒྱན་ཅན་ལྷ་རྫས་ཀྱི་གོས་དང་རྒྱན་དང་། སྒེག་པ་ལ་སོགས་པའི་ཉམས་དང་ལྡན་པ་ཕྱག་གཉིས་ནི་ཆོས་ཀྱི་འཁོར་ལོའི་ཕྱག་རྒྱས་མཚན་པའོ།། ་རལ་གྲི་དང་མདའ་དང་རྡོ་རྗེ་ནི་གཡས་ཀྱི་ཕྱག་གསུམ་ནའོ།། ཤེས་རབ་ཀྱི་ཕ་རོལ་ཏུ་ཕྱིན་པའི་པོ་ཏི་གཞུ་དང་དྲིལ་བུ་གཡོན་པའི་ཕྱག་གསུམ་ནའོ།། རྡོ་རྗེ་སྐྱིལ་མོ་ཀྲུང་དང་ལྡན་པའི་བདག་ཉིད་དུ་བསྐྲད་ནས། སྙིང་གར་ཟླ་བ་ལས་ཧཱུཾ་སྔོན་པོ་ལས་སྐྱེས་པའི ་རྡོ་རྗེ་ས་བོན་དང་བཅས་པ་ནི། ཕྱག་རྒྱ་ཆེན་པོའི་རང་བཞིན་ནོ།། སྨིན་མཚམས་སུ་ཏྲཾ་ཡིག་སེར་པོ་ལས་སྐྱེས་པ་རིན་པོ་ཆེ་ས་བོན་དང་བཅས་པ་ནི་ཆོས་ཀྱི་ཕྱག་རྒྱའི་རང་བཞིན་ནོ།། མགྲིན་པར་ཧྲཱིཿཡིག་དམར་པོ་ལས་སྐྱེས་པ་པདྨ་ས་བོན་དང་བཅས་པ་ནི་དམ ་ཚིག་གི་ཕྱག་རྒྱའི་རང་བཞིན།། སྤྱི་གཙུག་ཏུ་ཨཿཡིག་དཀར་པོ་ལས་སྐྱེས་པ་སྣ་ཚོགས་རྡོ་རྗེ་རྒྱ་གྲམ་ས་བོན་དང་བཅས་པ་ནི། ལས་ཀྱི་ཕྱག་རྒྱའི་རང་བཞིན་ནོ།། འདིས་ཕྱག་རྒྱ་བཞི་དང་ལྡན་པའི་བདག་ཉིད་རྣམ་པར་བསྒོམ་པར་བྱའོ།། ཨོཾ་ཧཱུཾ་ཧྲིཿབྷ་ག་བཱན་དྷཱ ་ན་མུརྟི་བཱ་གཱི་ཤྭ་ར་མ་ཧཱ་པཱ་ཙ་སརྦ་དྷརྨ་ག་ག་ནཱ་མ་ལ་སུ་པ་རི་ཤུདྡྷ་དྷརྨ་དྷཱ་ཏུ་ཛྙཱ་ན་གརྦྷ་ཨཱཿཞེས་བྱ་བའི་སྔགས་ཀྱིས་བྱིན་གྱིས་བརླབ་བོ།། དེ་ནས་རྡོ་རྗེའི་ཕྱག་རྒྱ་བཅིངས་ལ་གུང་མོ་གཉིས་ཀྱི་ཚིག་སུམ་པ་བཅག་པ་ནི་རལ་གྲི་རྣམ་པར ་གཟུང་བར་བྱ། མཛུབ་མོ་གཉིས་མཐེབ་ཚན་ལངས་པའི་སྟེང་དུ་བསྐུམ་པར་བྱ་སྟེ། གཟུང་བ་དེ་ནི་དམ་ཚིག་གི་ཕྱག་རྒྱའོ།། དེར་རང་གི་ལྕེ་ལ་ཟླ་བ་ལ་གནས་པའི་ཧྲི་ཡིག་དམར་པོའི་ས་བོན་གྱིས་བྱིན་གྱིས་བརླབ་པར་བསམ་མོ།། ཁྲོ་བོའི་ངག་གི་བཟླས་པ་བྱའོ།། ་དེ་ལ་འདིའི་ངག་གི་བཟླས་པ་ནི། ཨོཾ་བཛྲ་ཏིཀྵྞ་དུཿཁ་ཙྪེ་ད་པྲཛྙཱ་ཛྙཱ་ན་མུརྞ་ཡེ་ཛྙཱ་ན་ཀཱ་ཡ་བཱ་གཱི་ཤྭ་ར་ཨ་ར་པ་ཙ་ནཱ་ཡ་ཏེ་ན་མཿམཚན་བརྒྱ་རྩ་བརྒྱད་དང་། མཚན་ཡང་དག་པར་བརྗོད་པ་ཇི་ལྟར་དུས་གསུམ་དུ་བཀླག་པར་བྱའོ།། ཆོས་ཀྱི་དབྱིངས་ངག་གི་དབང ་ཕྱུག་གི་སྒྲུབ་པའི་ཐབས་རྫོགས་སོ།། ། ཁམས་པ་ལོ་ཙ་བ་བ་རི་དགེ་སློང་དྷརྨ་ཀིརྐོས་བསྒྱུར་བའོ།། ། རྒྱ་གར་སྐད་དུ། ནཱ་མ་སདྡྷི་སཱ་དྷ་ནཾ། བོད་སྐད་དུ། མཚན་ཡང་དག་པར་བརྗོད་པའི་སྒྲུབས་པའི་ཐུབས། ངག ་