| Wylie | e-texts produced with BDRC’s OCR application |
འཇམ་དཔལ་དབྱངས་ལ་ཕྱག་འཚལ་ལོ།། སྔགས་པས་དང་པོ་བྱ་བ་ནི།། སངས་རྒྱས་ལ་སོགས་རབ་མཆོད་ནས།། བསོད་ནམས་ཡོངསུ་བསྔོ་ལ་སོགས།། དེ་ནས་བྱམས་པ་ལ་སོགས་བསྒོམ།། ཧཱུཾ་གར་ཟླ་བའི་གཟུགས་དབུས་ནས། ་སྔགས་པས་ཐིག་ལེ་རྣམ་པར་བསམ།། མར་མེའི་རྣམ་པའི་འོད་ཀྱིས་བརྒྱན།། འོད་ཟེར་གྱི་ནི་ཚོགས་འདི་ནི།། ས་བོན་ཁ་པ་ལྟ་བུའི་འོད།། ཐིག་ལེ་དེ་ལ་འོད་ཟེར་བསམ།། སོ་སོ་བ་སྤུ་བུ་གར་བྱུང་།། འགྲོ་ཀུན་རྒྱས་པ་མཿགང་ལ་སོགས་པའི།། རིམ་པ་རྣམ ་པར་གསལ་བར་བྱ།། དྷཱིཿདཀར་རྣམ་པའི་གཟུགས་ཉིད་དུ།། ཐིག་ལེ་ནང་ལྟོས་འོད་ཟེར་བལྟ།། འདི་ཀུན་ཡོངསུ་གྱུར་པ་ལས།། ཨ་ར་པ་ཙ་ན་དམིགས་བྱ།། སྙིང་གར་ཟླ་བའི་དཀྱིལ་འཁོར།། དབུས་སུ་ནུབ་པའི་དྷཱིཿཡིག་བལྟ།། འོད་ཟེར་དག་གི་ཚིག་འདི ་ནི།། སྣ་ནས་ཚིགས་ནི་བྱུང་བ་ལྔ།། སེམས་ཅན་འཇམ་དབྱངས་རྣམ་བྱས་ཏེ།། འབྱུང་བའི་རླུང་གིས་ཁྱབ་པ་དང་།། ཕྱིས་མི་འཇུག་པ་རླུང་གིས་ནི།། དྷཱིཿཡི་རྣམ་པའི་ཡིད་ཀྱིས་བསྡུ།། ཨི་ནི་དང་པོར་སྭཱ་ཧཱ་མཿ།། སྔགས་ནི་ས་བོར་ཡི་གེ་བཟླ།། སྟོན ་ཀའི་ཟླ་བ་ལྟ་བུ་ཡི།། སྙིང་གར་ཟླ་དཀྱིལ་གསལ་བའོ།། རིག་པ་འཛིན་པའི་སྡེ་སྣོད་ཀྱིས་བསྡུས་པའི་འཇམ་པའི་དབྱངས་ཀྱི་སྒྲུབ་ཐབས་རྫོགས་སོ།། ། ཁམས་པ་ལོཙྪ་བ་བི་རས་དགེ་མ་ཕྲིའི་བསྟར་བའོ།། ་སྐད་ཅིག་གིས། འཇམ་དཔལ་གྱི་རྣལ་འབྱོར་དུ་དམིགས་ནས་ལྟེ་བར་ཟླ་བའི་དཀྱིལ་འཁོར་གྱི་སྟེང་དུ་ཐིག་ལེ་དཀར་པོ་མར་མེའི་རྩེ་མོའི་རྣམ་པའི་འོད་ཟེར་དང་བཅས་པ་བསམས་ནས་སྤྱི་གཙུག་ཏུ་གཞོམ་དུ་མེད་པའི་ཡི་གེ་ཧཾ་དཀར་པོ་མགོ་འབྱུང་བཞིན་པའི ་འོད་ཟེར་དང་བཅས་པ་བསམ་པར་བྱའོ།། དེ་ནས་ཐིག་ལེའི་འོད་ཟར་གྱིས་བསྐུལ་ནས། ཡི་གེ་ཧཾ་ཞུ་བར་གྱུར་ཏེ། ཐིག་ལེ་བསིལ་ཞིང་ཚིམ་པར་བྱའོ།། སེམས་བརྟན་པར་གྱུར་པའི་སྔགས་པ་རིང་པོར་མི་ཐོགས་པར་ཤེས་རབ་སྐྱེ་བར་འགྱུ་རོ།། འཇམ་དཔལ ་ཤེས་རབ་ཀྱི་སྦྱོར་བ་རྫོགསོ།། ། ཁམས་པ་ལེཙྪ་བ་བ་རི་དགེ་སློང་དྷརྨཱ་ཀིརྟིས་བསྒྱུར་བའོ།། ། རྒྱ་གར་སྐད་དུ། བཛྲ་ལངྒ་མཉྫུ་གྷོ། ཥ་སྭ་དྷཱ་ནཾ། བོད་སྐད་དུ། ཡན་ལག་མེད་པའི་རྡོ་རྗེ་འཇམ་དཔལ་དབྱངས་ཀྱི་སྒྲུབ ་ཐབས། འཕགས་པ་འཇམ་པའི་དབྱབས་ལ་ཕྱག་འཚལ་ལོ།། སྔོན་དུ་བསྟན་པ་བཞིན་དུ་སྡིག་པ་བཤགས་པ་ལ་སོགས་པ་བྱས་ནས་སྟོང་པར་བསྒོམས་པའི་རྗེ་སུ་ཡི་གེ་ཧཾ་ལས་སྐྱེས་པའི་ཡི་གེ་ཧཾ་གི་ཆང་གཟུངས་ཀྱི་དབུསུ་མནན་པའི་མདའི་དང ་ལྡན་པའི་གཞུ་བསྒོམས་ནས། དེ་ཡོངསུ་གྱུར་པ་ལས་ཡན་ལག་མེད་པའི་རྡོ་རྗེ་ཞེས་བྱ་བ་འཕགས་པ་འཇམ་དཔལ་མདོག་སེར་པོ་ཕྱག་དྲུག་པའོ།། རྩ་བའི་ཕྱག་གཉིས་ནི་རྣ་ལྟག་གི་བར་དུ་བཀང་བའི་ཨུཏྤ་ལ་དམར་པོའི་མདེའུ་ཅན་གྱི་མདའ་དང་ལྡན ་པའི་མེ་ཏོག་གིས་གཞུ་འཛིན་པའོ།། གཡས་པའི་ཕྱག་གཉིས་ན་རལ་གྲི་དང་མེ་ལོང་བསྣམས་པ། གཡོན་པ་གཉིས་ན་ཨུཏྤལ་སྔོན་པོ་དང་། མྱ་ངན་མེད་པ་དམར་པོ་ཡལ་ག་མེ་ཏོག་དང་བཅས་པ་བསྣམས་པའོ།། མི་བསྟོད་པའི་བྱིན་གྱིས ་བརླབ་པའི་རལ་པའི་ཅོད་པན་ཅན་གཡོན་བརྐྱང་བའི་ཞབས་ཅན། ལོ་བཅུ་དྲུགི་རྣམ་པར་བྱེད་ཅིང་ཆེར་སྒེག་པའི་སྐུར་བལྟ་བར་བྱའོ།། ཡང་ན་ཕྱག་བཞི་པ་སྟེ་མེ་ལོང་དང་། མྱ་ངན་མེད་པའི་ཡལ་ག་མེ་ཏོག་དང་བཅས་པ་བསྣམས་པའི་ཕྱག་དང ་