Wylie

e-texts produced with BDRC’s OCR application

རིག་གི་རྒྱུད་དང་དོན་གྱི་བརྒྱུད།། བྱིན་བརླབས་བརྒྱུད་དང་བརྡ་ཡི་བརྒྱུད།། མ་ཞུགས་རྣམ་བཞི་ཤེས་པར་བྱ།། ཐེག་པ་གསུང་གི་སྒྲོན་མ་རྫོགས་སོ།། ། རྒྱ་གར་སྐད་དུ། ས་མྱ་དར་པྲ་དཱི་པ་ནཱ་མ། ་བོད་སྐད་དུ། ཡང་དག་ལྟ་བའི་སྒྲོན་མ་ཞེས་བྱ་བ།། འཇམ་དཔལ་སྨྲ་བའི་སེང་གེ་ལ་ཕྱག་འཚལ་ལོ།། ལྷན་སྐྱེས་ཡེ་ཤེས་སྟེར་མཛད་པ།། དམ་པ་སྐྱེས་མཆོག་རྣམས་ལ་འདུད།། མཚན་ཆོད་ལྟ་བ་མ་འགགས ་པས།། གྲུབ་མཐའ་ཀུན་དང་ཕྱོགས་གཅིག་མཐུན།། ཡིན་ལུགས་ལྟ་བ་མཐའ་དང་བྲལ།། གྲུབ་མཐའ་ཀུན་གྱི་ཟོ་མ་ཤོར།། ལྟ་བ་རྒྱ་ཆེ་མཐའ་བྲལ་ནི།། མཐའ་བཞིའི་སྐྱོན་དང་བྲལ་བས་ནཱ།། གྲུབ་མཐའ་ཀུན་ལ་མི་གནས ་པས།། ཡང་དག་ལྟ་བར་ཡིད་ཆེས་བྱ།། བལྟ་བྱ་བལྟ་བྱེད་གཉིས་དང་བྲལ།། ལྟ་བ་མེད་པའི་ལྟ་བ་ནི།། ལྟ་བའི་དམ་པ་ཁོ་ན་ཡིན།། དངོས་འཛིན་ལྟ་བ་ཀུན་ལས་གྲོལ།། མ་རིག་པ་ཡི་མིག་ཕྱེ་ནས།། ཡེ་ཤེས་མིག་གིས ་བལྟས་པས་ནི།། རིག་པ་དྲི་མ་མེད་པ་ལྟ།། དྲི་མོད་མཐོང་ཞེས་ལྟ་བ་ཡིན།། མཐོང་བྱ་མཐོང་བྱེད་གཉིས་བྲལ་ནས།། ཟུང་འཇུག་ལྟ་བ་གཟའ་གཏད་མེད།། ཕྱག་རྒྱ་ཆེན་པོ་ལྟ་མཆོག་ཡིན།། དེ་ཉིད་རྟོག་པའི་ཡོན་ཏན ་ནི།། མཚན་ཉིད་བཞི་རུ་ཤེས་པར་བྱ།། རིག་པ་དྲི་མ་མེད་པ་ལ།། རྣམ་དག་སྒྲིབ་གྲཡོགས་མེད་པས་ན།། གཟུང་འཛིན་གཡའ་ཡིས་མ་གོས་པའོ།། གཅིག་གི་སངས་རྒྱས་ཨེ་མའོ།། རིག་པ་གཙེར་བུར་གནས ་པ་ལ།། མཚན་མའི་གྲོས་ཀྱིས་མ་གཡོགས་པར།། རང་འབྱུང་ཡེ་ཤེས་དྲག་པོ་ཆེ།། ཆགས་སྡང་མཚན་མྱ་མ་བཞིན་སྲེག། ཀུན་ཤེས་རིག་པ་རྟེན་མེད་པའོ།། བག་ཆགས་སྦུབས་སུ་མ་ཞུགས་པར།། སྡུག་བསྔལ ་འཁར་པ་གཟུགས་མི་དགོས།། འདོད་ཡོན་སོ་ནམ་རང་སར་གྲོལ།། འཛིན་མེད་རིག་པ་བརླིངས་པ་ནི།། དངོས་འཛིན་ཡུ་བ་བུད་པས་ན།། སྣང་གྲངས་འཛིན་པ་ནུས་པ་ཡིན།། ཕྱོགས་ཆ་མེད་པའི་བལྟ་བའོ།། ་ཡང་དྲག་ལྟ་བའི་སྒྲོན་མ་ཞེས་བྱ་བ་རྫོགས་། རྒྱ་གར་སྐད་དུ། ར་ཏ་ན་བྷཱ་བ་དཱི་པ་ནཱ་མ། བོད་སྐད་དུ། རིན་པོ་ཆེ་སྒོམ་པའི་སྒྲོན་མ་ཞེས་བྱ་བ། འཇམ་དཔལ་སྨྲ་བའི་སེང་གེ་ལ་ཕྱག ་