| Wylie | e-texts produced with BDRC’s OCR application |
ཤྲཱི་བཻ་རོ་ཙ་ན་བཛྲའི་ཞལ་སྔ་ནས་རང་འགྱུར་དུ་མཛད་པའོ།། རྒྱ་གར་སྐད་དུ། ཤྲཱི་ཀྲིཥྛ་བཛྲ་པཱ་ད་དོ་ཧ་ཀོ་ཥ་ཊཱི་ཀཱ། བོད་སྐད་དུ། དཔལ་ནག་པོ་རྡོ་རྗེ་ཞབས་ཀྱི་དོ་ཧ་མཛོད་ཀྱི་རྒྱ་ཆེར་འགྲེལ་པ། དཔལ་རྡོ་རྗེ་སེམས ་དཔའ་ལ་ཕྱག་འཚལ་ལོ།། འཁོར་བའི་རྒྱ་མཚོ་དྲི་མེད་ཆུས་གང་བའི།། སྔགས་ཀྱི་ལུགས་ཀྱིས་ཚེ་ལས་པདྨ་སྐྱེས་པ།། སྤྱོད་ཆེང་ནག་པོ་འགྲོ་དོན་སྦྲང་རྩི་ཡི།། གསུང་གི་མེ་ཏོག་རྟག་ཏུ་རྒྱལ་གྱུར་ཅིག། རང་གི་སློབ་མས་བསྐུལ ་བའི་དབང་གིས་དེས།། མཁས་པ་དཔག་མེད་རྡོ་རྗེ་ཡིས།། སྤྱོད་ཞབས་དོ་ཧ་ཀོ་ཥ་ཡི།། ཚིག་དོན་རབ་ཏུ་དབྱེ་བར་བྱ།། འདིར་ལོག་པའི་ཤེས་པ་ཉིད་ཀྱི་མཆོག་གི་དོན་ལ་མཁས་པའི་བདག་ཉིད་ཡིན་ནོ་ཞེས་ང་རྒྱལ་བསམ་བཞིན་པས་འཇིག ་རྟེན་པ་རྣམས་ངའི་དེ་ཁོ་ན་ཉིད་རིག་པ་ཡིན་ནོ་ཞེས་ང་རྒྱལ་བྱེད་པར་གྲགས་པས་དེ་རྣམས་ལ་བསྟན་ནས། སྙིང་རྗེའི་ཁུར་བུ་གླན་པའི་ཐུགས་ཀྱིས་དེའི་ང་རྒྱལ་ཐམས་ཅད་འཇོམས་པར་འདོད་པས་ཇི་ལྟ་བ་བཞིན་དུ་འགྱུར་བའི་སྔགས་ཀྱི ་ལུགས་ཀྱི་དེ་ཁོ་ན་ཉིད་བསྟན་པའི་ཕྱིར།། སྐྱེ་འགྲོ་ཐམས་ཅད་ཀྱི་ཐུན་མོང་གི་དོན་དུ་འཕྲལ་སྐད་ཚིག་གི་སློབ་དཔོན་སྤྱོད་པའི་རྡོ་རྗེ་ང་ནི་མཆོག་གི་དོན་ལ་མཁས་པ་ཞེས། འཇིག་རྟེན་པ་ནི་ང་རྒྱལ་བྱེད་ཅེས་བྱ་བ་ལ་སོགས་པ་གསུངས་ཏེ། ་འཇིག་རྟེན་པ་ནི་ང་རྒྱལ་བྱེད་པ་དེ་ཉིད་གང་ཡིན་ཞེ་ན། ང་ནི་མཆོག་གི་དོན་ལ་མཁས་པ་ཞེས་གསུངསོ།། འདི་ནི་ཇི་སྙེད་ཡོད་ཆད་བསྟན་པ་ཡིན་གྱི་བྱེ་བྲག་ཏུ་བསྟན་པ་ནི་མ་ཡིན་ནོ།། དེ་བསྟན་པའི་ཕྱིར་བྱེ་བའི་ནང་ན་གཅིག་ཙམ་སྲིད་དེ། ་ཞེས་བྱ་བ་ལ་སོགས་པ་གསུངས་ཏེ། གང་དེ་བྱེ་བའི་ནང་ན་སྲིད་ན་སྟེ། རྡུལ་མེད་པ་འདོད་ཆགས་ལ་སོགས་ཉོན་མོངས་པ་དང་འདིར་བྲལ་བས་རྡུལ་བྲལ་ཏེ། ལྷན་ཅིག་སྐྱེས་པའི་སྐུའོ།། དེ་ལ་ཞུགས ་པར་གྱུར་པ་ནི་དེ་ལ་ཡོད་ངེས་པར་ཞུགས་པ་སྟེ། རྡུལ་མེད་པ་ལ་ཞུགས་པའོ།། རྣལ་འབྱོར་གྱི་དབང་ཕྱུག་དེ་ཡང་ང་ལྟ་བུ་ཡིན་ཞེས་དགོངས་སོ།། ལོག་པའི་ཤེས་པའི་ང་རྒྱལ་དང་ལྡན་པ་རྣམས་སུན་ཕྱུང་ནས་འཇིག་རྟེན་པའི ་བདེ་བའི་ཤེས་རབ་དང་ལྡན་པས་དོན་དམ་པར་བདག་གིས་ཤེས་སོ་ཞེས་མངོན་པའི་ང་རྒྱལ་བྱེད་པའི་མཁས་པ་རྣམས་ཀྱིས་དབང་དུ་བྱས་ནས། ལུང་དང་རིག་པ་རྙིང་པ་ཡིས་ཀྱང་ནི། ཞེས་བྱ་བ་ལ་སོགས་པ་གསུངས་ཏེ། ལུང་ལ ་སོགས་པ་ཤེས་པའི་མཁས་པ་རྣམས་ང་རྒྱལ་བྱེད་པའི་དོན་དམ་པའི་བདེན་པ་ཤེས་པར་མངོན་པའི་ང་རྒྱལ་བྱེད་པའོ།། དེ་ལྟ་བུར་གྱུར་པ་གང་ལ་ཇི་ལྟར་ཇི་སྙེད་སྙམ་པ་ལ། དཔལ་འབྲས་སྨིན་པ་ལ་ནི་བུང་བ་བཞིན་ཞེས་བྱ་བ་ལ ་སོགས་པ་ལ། དེ་རྣམས་འཁོར་ཞིང་རྒྱུ་བ་བཞིན་ཞེས་གསུངས་ཏེ། བུང་བ་ནི་སྦྲང་རྩིའོ།། གཞན་ནི་ཇི་ལྟ་བ་བཞིན་དུ་ཕྱི་རོལ་ནས་འཁོར་ཞིང་རྒྱུ་བའོ།། དེ་བཞིན་དུ་ཕྱི་རོལ་གྱི་སྔགས་དང་ཕྱག་རྒྱ་ལ་སོགས་པས་འབྲེལ་ཏེ། དེའི ་ལྟ་བ་ལ་མངོན་པར་ཞེན་པའི་ཕྱིར་རོ།། ཟབ་མོ་དེ་ཁོ་ན་ཉིད་དོན་ནི། བདུད་རྩི་མི་རིག་ཅེས་བྱ་བའི་དོན་ཏོ།། དེ་ལྟར་ཡོང་ལྷ་མོ་བཞིས་ཞུས་པ་ཞེས་བྱ་བ་རྣལ་འབྱོར་ཆེན་པོའི་རྒྱུད་ལསོ།། ཐུབ་པ་ཆེན་པོའི་ཆོས་ཕུང་ནི།། ་བརྒྱད་ཁྲི་དང་ནི་བཞི་སྟོང་དག། གང་གིས་དེ་ཉིད་མི་ཤེས་ན།། དེ་དག་ཐམས་ཅད་འབྲས་བུ་མེད།། ཅེས་གསུངས་སོ།། གལ་ཏེ་དེ་ལྟ་ཡིན་ན་སྤྲོས་པའི་རྣམ་པར་ཇི་ལྟར་དངོས་སུ་བྱེད་ཅེས་ན། བརྗོད་པར་བྱ་སྟེ། སྤྲོས་པའི་རྣམ་པ་ཕུང་པོ ་དང་ཁམས་དང་སྐྱེ་མཆེད་ལ་སོགས་པ་ཡང་སྤྲོས་པ་མེད་པ་ལྷན་ཅིག་སྐྱེས་པའི་ཡེ་ཤེས་དེ་ཉིད་ལས་སྐྱེས་པའོ།། དེ་ཉིད་ལས་སྤྲོས་པའི་རྣམ་པ་བྱུང་བ་སྟེ།། དེ་བསྟན་པར་བྱ་བའི་ཆེད་དུ། དེ་ལྟ་ཡོང། སྤྲོས་པས་སྤྲོས་པ་མེད་པར ་བྱ་ཞེས་གསུངས་སོ།། དེའི་ཕྱིར་ཨེ་བམ་ལས་ཡི་གེ་ལྷན་ཅིག་སྐྱེས་པའི་སྐུ་ལས། ཇི་ལྟར་འགྲོ་བ་མི་འབྱུང་བར་བསྟན་པའི་ཕྱིར། བྱང་ཆུབ་སེམས་དང་ཞེས་བྱ་བ་ལ་སོགས་པ་ལ། བྱང་ཆུབ་སེམས་དང་རྡུལ་གྱིས་ནི།། ་མི་བསྐྱོད་ལུས་ཀྱིས་འཁྱུད་གྱུར་པ།། ཞེས་གསུངས་ཏེ། སྟོང་པ་ཉིད་དང་། ཤིན་ཏུ་སྟོང་པ་དང་། སྟོང་པ་ཆེན་པོའོ།། སྣང་བ་དང་སྣང་བ་མཆེད་པ་དང་། སྣང་བ་ཐོབ་པའོ།། སེམས་དང་སེམས་ལས་བྱུང་བ་དང་མ་རིག་པའོ།། ་བུད་མེད་དང་སྐྱེས་པ་དང་མ་ནིང་ངོ་།། ཉིན་མོ་དང་ནུབ་མོ་དང་མཚམས་སོ།། སྤྲུལ་པའི་སྐུ་དང་། ལྗོངས་སྤྱོད་པ་དང་། ཆོས་ཀྱི་སྐུའོ།། ལུས་དང་ངག་དང་ཡིད་དོ།། རླངས་པ་དང་མྱུར་བ་དང་། རྣམ་པར་བཅིངས་པའོ།། སྤྱན་དྲངས་པ ་དང་གཤེགས་སུ་གསོལ་བ་དང་ཞུགས་པའོ།། ཨོཾ་ཨཱཿཧཱུཾ་གི་ཡི་གེ་རྣམས་དང་། འོག་དང་སྟེང་དངོ་ཐ་ཀའི་སྒོའོ།། བདག་གི་དེ་ཉིད་དང་། སྔགས་ཀྱི་དེ་ཉིད་དང་། དཀྱིལ་འཁོར་གྱི་དེ་ཉིད་དོ།། སྙིང་སྟོབས་དང་། རྡུལ་དང་མུན་པའོ།། ་ཟླ་བ་དང་ཉི་མ་དང་སྒྲ་གཅན་ནོ།། སྐྱེས་པ་དང་གནས་པ་དང་གནས་འཇིག་པའོ།། ཞེ་བྱ་བ་ལ་སོགས་པ་བྱང་ཆུབ་ཀྱི་སེམས་དང་། རྡུལ་དང་མི་བསྐྱོད་པའི་སྒྲས་བརྗོད་པའོ།། འདི་ལྟར་གང་དུ་མཐོང་ཞེས་བྱ་བ་ལ།། ་པདྨའི་ས་བོན་གྱི་ནི་རང་བཞིན་གྱི།། དགྲ་པ་ལྷན་ཅིག་སྐྱེས་པ་ལས་སུ་ལ་མཐོང་ཞེས་བྱ་བ་ལ་སོགས་པ་གསུངས་ཏེ། པདྨའི་ལུས་ཉིད་པདྨ་སྟེ། དེའི་ས་བོན་རང་བཞིན་གྱིས་སོ།། དག་པ་ནི་དྲི་མ་མེད་ཅིང་རང་བཞིན་གྱིས་འོད ་གསལ་བའི་ཕྱིར་དེ་ཉིད་ལྷན་ཅིག་སྐྱེས་པའི་སྐུའོ།། འདི་གང་དུ་མཐོང་ཞིང་རྟོགས་སྙམ་པ་ལ། རང་ལུས་ལ་མཐོང་བ་སྟེ། འདིའི་དོན་ནི་ལུས་དང་ངག་དང་ཡིད་ལས་སྐྱེས་པའི་བཅོམ་ལྡན་འདས་སོ།། ཐམས་ཅད་སྟོང་པའི ་ཁམས་ལ་ཞུགས་པ་འགྲོ་བ་ཨེ་བཱཾ་ཡི་གྲེའི་ངོ་བོ་ཉིད་དོ།། དེ་ལྟར་དྲང་པོ་སྟངས་རྒྱས་ཀྱིས་རྒྱུད་ལས། ལུས་ཀྱི་ཐིག་ལེ་ཟླ་བ་བྱང་ཆུབ་སེམས།། ངག་དང་ཚེག་དྲག་རྡུལ་དང་ཉི་མའོ།། རཱ་ཧུ་དུས་མེ་དྲག་གི་སེམས་འདྲི་ནི།། ་ཨེ་དང་བམ་ནི་འགྲོ་ཀུན་ས་བོན་གཅིག། ཅེས་གསུངས་ཏེ། འདི་ཉིད་ཀྱི་ཕྱིར་ཡང་མཁའ་འགྲོ་མའི་འཁོར་ལོ་སྐྱེ་བ་དང་། གནས་པ་དང་ཐིམ་པ་དང་། རབ་ཏུ་ཞི་བ་ཞེས་གསུངས་སོ།། དེའི་ཕྱིར་ཨཱ་དང་བཾ་ཡིག་གི ་ཡི་གེ་དག་ལས་རྣམ་པ་སྣ་ཚོགས་པའི་འགྲོ་བ་འབྱུང་ངོ་།། ཇི་སྟེ་འཇིམ་པའི་གོང་བུ་ལས་འཇིམ་པ་གཅིག་ལས་བྱས་པའི་བུམ་པའི་མཚན་ཉིད་ཀྱི་འབྲས་བུ་གཅིག་འབྱུང་སྟེ། དེ་ལ་ཇི་ལྟར་གཅིག་ལས་གཟུགས ་དུདང་དབྱིབས་དང་ཕྱོགས་སྣ་ཚོགས་ནས་གནས་པ་རྒྱུན་མ་ཆད་པ་མཐའ་མེད་པ་ཇི་ལྟར་འབྱུང་ཞེ་ན། དེ་ལ་བརྗོད་པར་བྱ་སྟེ། ཇི་ལྟར་མཁན་པོ་དག་ལས་རིག། མར་མེ་ལས་ནི་མར་མེ་བཞིན།། ཇི་ལྟར་རྒྱ་ལས་རྒྱ་ཉིད་དང་། ་མེ་ལོང་ལས་ནི་གདོང་དང་གདོང་།། སྒྲ་ལས་སྒྲ་བརྙན་འབྱུང་བ་བཞིན།། མེ་ཤེལ་ལས་ནི་མེ་འབྱུང་བཞིན།། ཉི་གཟུགས་ཉི་མ་ཕྱེད་ནུ་མེད།། ལྕེ་འཛག་སྒྱུར་ཟོས་མེད་ན་མེད།། རང་ལས་མ་ཡིན་གཞན་ལས་མིན།། ་གཉིས་ཀ་ལས་མིན་རྒྱུ་མེད་མིན།། དངོས་པོ་གང་དང་གང་ལྔས་ཀྱང་།། སྐྱེ་བ་ནམ་ཡང་ཡོད་མ་ཡིན།། ཕ་དང་མ་ཡ་ཁུ་དང་ཁྲག། དེ་བཞིན་སྲོག་དང་ཐུར་སེལ་དང་།། སེམས་ཀྱི་རྡོ་རྗེ་ཡང་དག་ལྡན།། ལུས་ཀྱི་སྐྱེད ་པར་བྱེད་པའི་རྒྱུ།། འོད་དཔག་མེད་དང་རིན་ཆེན་སྲོག། ཐུར་སེལ་གོ་རིམས་ཇི་ལྟ་བར།། ལུས་ངག་ཡིད་དང་ཆགས་པ་ནི།། ཐུགས་ཀྱི་རྡོ་རྗེ་ཞལ་རྣམས་སོ།། ཁུ་བ་ལྔས་ནི་ཟླ་བ་འབྱུང་།། ཁྲག་ལས་ཉི་མ་སྲིད་པ ་སྐྱེ།། སྲོག་ལས་རཱ་ཧུར་སྐྱེ་བའོ།། ཐུར་སེལ་རྩོལ་ལས་དུས་མེ་སྟེ།། ཁུ་བ་ལུས་ནི་རྩ་རྣམས་སྐྱེ།། རྡུལ་སྭ་ཁྲག་ནི་འབྱུང་འགྱུར་ཞིང་།། ཤཾ་ལས་པགས་པ་སྐྱེས་པ་སྟེ།། རུས་པྲ་ལས་ནི་རྐང་འབྱུང་ངོ་།། ཟླ་བ་ལས ་ནིཆུ་སྐྱེས་ཞིང་།། ཁྲག་ལོས་མེ་ནི་འབྱུང་བར་འགྱུར།། རཱ་སུ་ལས་ནི་སྲོག་སྐྱེས་ཏེ།། དུས་མེ་ལས་ནི་ཐུར་སེལ་འབྱུང་།། རྩོལ་བ་ཡིད་ནི་འབྱུང་བར་འགྱུར།། ལུས་ཅན་ཀུན་གྱི་ལྕེ་ཆུང་དང་།། ལྕེ་ནི་ཁུ་བ་དག་གི་ཀྱང་།། ་གཡས་དང་གཡོན་པ་དག་གིས་ནི།། མིག་གཉིས་དག་ནི་རྡུལ་ལས་སྐྱེས།། དེ་བཞིན་སྣ་ཡིས་དྲུག་པ་གཉིས།། ཁྲག་དག་ལས་ནི་ངེས་པར་སྐྱེ།། དེ་བཞིན་རྣ་བའི་ཐུག་པ་གཉིས།། སྟོང་བ་དག་། ་ཉིད་ལས་སྐྱེས།། དེ་བཞིན་འོག་གི་རྒྱུན་སྒོ་གསུམ།། ཐུར་སེལ་ཉིད་ལས་ཡང་དག་སྐྱེ།། དེ་བཞིན་ནུ་མའི་བུག་གཉིས།། རཱ་ཧུ་ལས་ནི་ཡང་དག་སྐྱེ།། དེ་བཞིན་འབྲས་བུ་གཉིས་པོ་ནི།། ཐུར་སེལ་དག་ལས་རབ་ཏུ་སྐྱེ།། དེ་ལྟར ་འདིར་རིམ་པོས་ལུས་པོའི་པདྨ་སྐྱེ་བར་འགྱུར་བས་དེའི་ཕྱིར་སྐྱེ་བའི་ཚོགས་པ་ཀུན་རྫོབ་དང་དོན་དམ་པའི་རིམ་པར་སྟོན་པོའི་ཕྱིར།། ནམཁའི་ཆུ་དང་ཞེས་བྱ་བ་ལ་སོགས་པ་གསུངས་ཏེ། ན་མཁའི་ནི་མི་བསྐྱོད་པ་སྟེ།། དེ་ཉིད ་ཆུ་རུ་མཚོན་པ་སྟེ།། ཤིན་ཏུ་དག་པའི་ཕྱིར་རོ།། དེ་ཡང་ན་མཁའ་བདུད་རྩི་ཐིགས་པ་དང་།། ཞེས་གསུངས་སོ།། འོད་དཔག་མེད་ཀྱིས་འདབ་ཅེས་པ།། འོད་དཔག་མེད་པ་ནི་བྱང་ཆུབ་སེམས་ཏེ། རྡུལ་གྱི་རྒྱན་པ་ཞེས་གོ་བར་བྱའོ།། ་དེ་ཉིད་ལས་འདམ་གྱི་རྩ་བ་སྤངས་པ་ནི།། དེ་ཉིད་བར་བ་མཚོན་པའོ།། འདི་ཡི་དོན་ནི་གཞན་ན་ཡང་།། ས་བོན་དང་ཆུ་དང་འདམ་བག་ཚོགས་པ་ན་མྱུ་གུ་དང་སྟོང་དུ་ལ་སོགས་པ་སྐྱེ་བ་བཞིན་དུ་ཡང་། ཆོས་ཀྱིས་དབྱིངས་ས་བོན ་དང་ན་མཁའི་ཆུ་དང་། བྱང་ཆུབ་ཀྱི་སེམས་ཀྱི་རྒྱུ་ལས་འབྱུང་བར་བཅོམ་ལྡན་འདས་ཀྱི་གཟུགས་གཞོམ་དུ་མེད་པའི་དེ་ཉིད་ནི། པདྨ་མེ་ཏོག་གི་ངོ་བོ་ཉིད་སྡོང་བུ་དང་ཡལ་ག་དང་ལོ་མའི་རིམ་པས་རྫོགས་པོར་འགྱུརརོ།། ་དེ་ཉིད་སྡིག་པ་སྤངས་རྩ་བ་དང་ནི་སྡོང་བུར་བཅས་ཞེས་བྱ་བ་ལ་སོགས་པ་གསུངས་ཏེ། སྡིག་པའི་ཉེས་པ་སྟེ་སྤངས་པ་ནི་བཅོམ་པ་སྟེ། འོད་གསལ་བ་ཉིད་ཀྱི་ཕྱིར་རོ།། འདིས་བཅོམ་པས་ན་སྡིགས་སྤངས་ཤེས་བྱ་སྟེ། ་དབྱངས་ཡི་ག་དང་པོའི་རང་བཞིན་ནོ།། དེ་ལྟར་ཡང་དང་པོའི་སངས་རྒྱས་ཀྱིས་རྒྱུད་ལས་དང་པོ་དབྱངས་ཡིག་རང་བཞིན་ཏེ། བློ་ཞེས་སངས་རྒྱས་རྣམས་ཀྱི་བརྟགས་ཞེས་སོ།། སྡིག་པ་སྤངས་ཞིང་གཙོ་བོའི་རྩ་བ་སྡོང་བུར་བྱས ་པའོ།། གང་གིས་སྡིག་པ་སྤངས་ཤིང་གཙོ་བོའི་རྩ་བ་དང་སྡོང་བུ་བྱས་པ་གང་ཡིན་ཞེ་ན་ཧཾ་གི་ཡི་གོ་སྐྱེད་པར་གྱུར་པའོ་ཞེས་གསུངས་ཏེ། གཞན་གྱིས་བསྟན་པ་ལས་དྲང་པའི་ས་བོན་ཞེས་བརྗོད་དོ།། དེ་ཉིད་ན་གཞོམ་དུ་མེདོ ་པའི་ཕ་རོལ་དང་ནི་ཁའི་ཚུལ་ཏེ་ཧཾ་ཞེས་བྱ་བའོ།། ཡན་ལག་མེད་པའི་རྡོ་རྗེའི་ཡི་གེའོ།། ཐུང་ངུ་དང་རིང་པོའོ།། ཤིན་ཏུ་རིང་བ་བསྡུ་བའི་ངོ་བོ་ཉིད་བདེ་བ་ཐམས་ཅད་གཅིག་ཏུ་བསྡུས་པའི་ངོ་བོ་ཉིད་ཟླ་བའི་དཀྱིལ་འཁོར་ཡོངས ་སུ་རྫོགས་པ་ལྔ་གནས་པ་ཤེས་བྱའོ།། དེ་ལྟར་ཡང་དཔལ་ཁ་སྦྱོར་ཐིག་ལེ་ལས།། དབྱངས་དང་གསལ་བྱེད་ཡི་གེ་ལས།། བྱང་ཆུབ་སེམས་ནི་སུམ་ཅུ་གཉིས།། པདྨའི་དཀྱིལ་འཁོར་རྟོགས་པའི་སྔགས།། རྒྱུད་དང ་དཀྱིལ་འཁོར་ཞེས་སུ་བརྗོད།། འགྲོ་བའི་གླང་རྒྱས་དབུས་སུ་ནི།། གང་ཞིག་གནས་པར་བརྗོད་པ་སྟེ།། དེའི་དབུས་སུ་ཧཾ་ཡི་གཽ། ཐིག་ལེའི་རང་བཞིན་གཞོམ་དུ་མེད།། དེ་ནི་སེམས་ཅན་ཐམས་ཅད་དང་།། བརྟེན་དང ་གཡོ་བ་བསྐྱེད་པའི་རྒྱུ།། གསུལ་དང་མི་གསལ་གཟུགས་ཀྱིས་ནི།། དེ་ཡི་ས་བོན་ངོ་བོར་གནས།། ལུས་ཅན་མ་ལུས་ཀུན་གྱི་གཟུགས།། དེ་ལས་དང་བྲོ་སྐྱེ་བར་འགྱུར།། བདུད་རྩི་འཛག་པའི ་ཚུལ་གྱིས་ནི།། མེ་ནི་འབར་བར་གནས་པ་ཡོན།། དེ་ནི་དཀྱིལ་འཁོར་ཡོངས་རྫོགས་པ།། འགྱུར་བར་འདི་ལ་ཐེ་ཚོམ་མེད།། དངོས་རྣམས་སྙིང་པོ་མཆོག་ཡིན་ཕྱིར།། དེ་ཉིད་དཀྱིལ་འཁོར་ཞེས་སུ་བརྗོད།། དེ་ཉིད ་ལེན་ཅིང་འཛིན་པ་ཡིས།། ལུས་ནི་དཀྱིལ་འཁོར་ཉིད་དུ་འདོད།། རྣམ་པར་སྐྱེས་པར་འགྱུར་བའི་ཚིག་ནི།། འདིར་རྣམ་པ་ནི་ཐ་མལ་པའི་ཚིག་གི་རྒྱན་ནོ།། སྐྱེས་པ་ནི་ཇི་སྐད་དུ་སྨོས་པའི་ཧཾ་གི་ཡི་གེ་ལས་བྱུང་བའོ།། ་གལ་ཏེ་སྡིག་པ་གཙོ་བོའི་རྩ་བ་དང་།། སྡོར་བུར་བྱས་པ་དེ་ལྟར་ནི།། རྩ་བའི་ཡན་ལག་དང་། ཡལ་ག་དང་ལོ་མའི་རྣམ་པ་གང་ཡིན་ཞེ་ན།། རོ་མ་དྲང་རྐྱང་མ་གཉིས་ཀྱིས་ནི།། གཡས་དང་གཡོན་ཕྱོགས་གཉིས་ཀྱིས་སྦྱོང་བུར ་གནས།། པདྨ་འདབ་བཞི་རྩ་བ་བཞིས།། བདེ་བ་ཚོན་པོ་ཚང་ན་གནས་ཤེས་གསུངས་ཏེ། དེ་ལ་རྐྱང་མའི་སྒྲ་ནི་དབྱངས་ཡིག་དང་ཤེས་རབ་ཟླ་བ་ཞེས་བརྗོད་དེ། དེ་ཡང་གཡོན་ཕྱོགས་ཀྱི་སྣ་བུག་ན་རང་བཞིན་དེས་སྲོག ་གི་རླུང་རྒྱུ་ཞིང་རྐྱང་མར་གནས་སོ།། རོ་མའི་སྒྲ་ནི་གསལ་བྱེད་ཀྱི་གཟུགས་ཐབས་དང་ཉི་མ་ཞེས་བརྗོད་དོ།། ངོ་ཡང་གཡས་ཕྱོགས་སྣ་བུག་གི་རང་བཞིན་ཏེ། རང་བཞིན་དེས་སྲོག་གི་རླུང་རྒྱུ་ཞིང་རོ་མར་གནས་སོ།། ་དེ་ལས་བྱུང་བ་ཚོགས་པའི་རིམ་པས་རྣམ་པར་ཤེས་པ་དང་། འདུ་བྱེད་དང་། འདུ་ཤེས་དང་། ཚོར་བ་དང་། གཟུགས་ཏེ། དཀྱིལ་འཁོར་རྣམས་ནི་སྲིད་པ་སྐྱེ་བའི་རིམ་པས་རྐྱང་མའོ།། ས་དང་ཆུ་དང་མེ་དང་རླུང་དང་ནམ ་མཁའི་རང་བཞིན་སྲིད་པ་འཇིག་པའི་རིམ་པས་རོ་མའོ།། དེ་ལྟར་འཕོ་བ་བཅུ་གཉིས་ཀྱིས་རིམ་པས་མི་མཉམ་པ་དང་མཉམ་པར་རྒྱུ་བའི་གཟུང་བ་དང་འཛིན་པོ་སྤངས་པའོ།། པདྨ་འདབ་མ་བཞི་ཞེས་པ་ནི་སྟོང་པ་བཞིའི་རང ་བཞིན་འདབ་མ་བཞིའོ།། རྩ་བ་བཞི་ཞེས་པ་ནི་ཁམས་བཞིའི་རྩ་བའི་རང་བཞིན་རྩ་བཞི་གྱེན་ལ་གནས་པའོ།། གང་དུ་གནས་ཤེས་ན། བདེ་བ་ཆེན་པོ་བདག་གིས་ཚང་ན་གནས། ཞེས་གསུངས་ཏེ། དགའ་བ་བཞིའི་རང ་བཞིན་སྟོང་པའི་བདག་ཉིད་བདེ་བ་ཆེན་པོའི་ཚང་སྟེ། གནས་པ་ནི་འདིར་བདེ་བ་ཆེན་པོའི་གནས་ཏེ་སྤྱི་བོའི་པདྨའོ།། དེ་ལ་ཐམས་ཅད་སྟོང་བཞི་སྟེ་མཁའ་འགྲོ་དང་མཁའ་འགྲོ་མ་རྣམས་ཀྱི་དྲ་བའི་ཚོགས་ཏེ། ཛ་ལནྡྷ་ར་ཞེས་བྱ ་བའི་མིང་དུ་བརྗོད་ལ། རི་རབ་ཀྱི་རྩེ་ལ་ཞེས་བྱ་བའི་དོན་ཏོ།། ཨེ་བཾ་ས་བོན་ཁྱེར་ནས་བྱ་བ་ལ་སོགས་པ་ནི། ཨེ་བཾ་ནི་གོང་དུ་བསྟན་པའི་མཚན་ཉིད་དང་ལྡན་པའི་ཨཱ་བཾ་ཡི་གེའི་ས་བོན་བླངས་ནས། དེའི་ས་བོན་སྙིང་པོ ་བླངས་ནས། མེ་ཏོག་གཞོམ་དུ་མེད་པའི་པདྨོ་རྒྱས་པ་ཞེས་བྱའོ།། དོན་ནི་འོད་ཡིན་ཏོ། ས་བོན་གྱི་སྡོང་བུ་ལ་སོགས་པ་སྐྱེས་པ་དེ་སྟོང་པ་མེ་ཏོག་ཀྱང་ས་བོན་གྱི་སྙིང་པོ་རྒྱུ་ཅན་ཉིད་དུ་འགྱུར་རོ།། འདིར་ཡང་ཨེ་བཾ་གྱི ་ཡི་གེ་ལས་སྐྱེས་པའི་ལུས་ཀྱིས་པདྨ་ཡང་།། ཨེ་བཾ་གྷི་སྙིང་པོ་ཅན་གྱི་མེ་ཏོག་གོ། བུང་བའི་གཟུགས་ཀྱིས་ཞེས་བྱ་བ་ལ་བུང་བ་ནི་ཐུགས་ཀྱི་རྡོ་རྗེའིའོ་དེའི་གཟུགས་ནི་རང་བཞིན་ནོ།། བདེ་ཆེན་དཔའ ་བོ་ནི་ཞེས་པ་ནི། དེ་དང་དེའི་ཐབས་དང་ཤེས་རབ་གཉིས་ཀྱིས་གཉིས་སྤྱོད་པའི་སྦྱོར་བ་སྟེ། དེ་ལ་རྒྱུན་མི་འཆད་པར་འདོད་ཆགས་ཆེན་པོའི་ངོ་བོ་ཉིད་ཀྱིས་རྣམ་པར་གནས་པར་གསལ་བའི་ཕྱིར།། དེ་ཉིད་བཅོམ་ལྡན ་གཞོམ་དུ་མེད་པ་ལ་དཔའ་བོ་ཞེས་བྱའོ།། སྦྲང་རྩི་ནི་མེ་ཏོག་གི་བཅུད་དོ། བདེ་བ་ཆེན་པོའི་དཔའ་བ་ཡིན་པས་བྱང་ཆུབ་ཀྱིས་སེམས་ནི་འབྱུང་བ་ཆེན་པོ་ཉམས་སུ་མྱོང་ངོ་ཞེས་བྱ་བའི་དོན་ཏོ།། དེ་ལྟ་བུའི་ངོ་བོ་ཉིད་ཀྱིས ་བཅོམ་ལྡན་འདས་ཨེ་བཾ་ཡི་གེའི་རང་བཞིན།། ཟག་པ་དང་བཅས་པའི་འབྱུང་བ་ལྔའི་རང་བཞིན་དུ་ཇི་ལྟར་འགྱུར་སྙམ་པ་ལ། འབྱུང་བ་ཆེན་པོ་ལྔའི་ས་བོན་ནོ།། བླངས་ནས་ཚོ་གསྲོ་བ་དག་ལས་སྐྱེ་ཞེས་གསུངས་ཏེ། ་འབྱུང་བ་ནི་ས་ལ་སོགས་པ་ཆེན་པོ་ལྔ་དང་སྟེ། སྔ་བོན་ནི་ཨེ་བཾ་གྱི་ཡི་གེའོ།། བླངས་ནས་ཚོགས་པ་ནི་རྡོ་རྗེ་པད་མར་སྦྱོར་བ་དྲག་ལས་སྐྱེས་པའི་འབྱུང་བའོ།། དེ་གསལ་བར་བྱ་བའི་ཕྱིར།། སྲ་བར་གྱུར་པ་དག་ས་ཡིན། ་ཞེས་གསུངས་ཏེ། སའི་ཁམས་ནི་སྲ་བ་ཉིད་ཡིན་ལ་སྲ་བ་ནི་སའི་ཁམས་སོ།། ཞུ་བར་གྱུར་པས་ན་ཆུའོ།། ཚ་བོས་ན་མེའོ།། གཡོ་བས་ན་རླུང་ངོ་།། བདེ་བ་ཡིན་པས་ན་ན་མཁོའི་ཁམས་སོ།། ལྔ་ནི་ཡོངསུ་རྫོགས ་པས་ཞེས་བྱ་བས་ནི།། དེ་ལྟར་གྱུར་པའི་འབྱུང་བ་ལྔ་པོ་འདིས་ཡོངས་སུ་རྫོགས་པ་སྟེ། བསྡུས་པ་ནི་བྱང་ཆུབ་ཀྱི་སེམས་སོ།། དེ་ལྟར་ཡང་དཔལ་དགྱེས་པའི་རྡོ་རྗེ་ལས་འབྱུང་བ་ལས་གྱུར་པའི་གང་ཟག་དང་བཅས་པའི ་ཕུང་པོ་ཅིའི་ཕྱིར་ཞེ་ན། བཅོམ་ལྡན་འདས་ཀྱིས་བཀའ་སྩལ་པ།། རྡོ་རྗེ་པདྨའི་སྦྱོར་བ་ལས། རེག་པ་ལས་པ་སྲ་བ་ས་ནི་སྐྱེས།། བྱང་ཆུབ་སེམས་ནི་གཤེར་བ་ལས་ཆུ་འབྱུང་ངོ་།། བསྲུབ་པ་ལས་ནི་མྲ་འབྱུང་སྟེ། ་བསྐྱོད་པ་ལཱྀས་ནི་རླུང་དུ་གྲགས།། བདེ་བ་ནི་སཱ་འི་ཁམས་ཡིན་ཏེ། རྣམ་པ་ལྔ་ཡིས་ཡོངས་སུ་བསྐོར།། དབྱངས་ཡིག་རྣམས་ནི་སྐྱེད་པའི་རྒྱུ།། ཞེས་གསུངས་སོ།། དེ་ནི་ཞེས་པ་དེ་ཉིད་དེ། དེ་ཉིད་འདི་སྟེ་འདིའི ་དྲོན་ས་སོགས་དེ་ཉིད་བཞི་དང་ནི།། སྟོང་པ་ཉིད་ནི་བཞི་དང་ཡང་།། སྐྱེ་དང་འཇིག་པའི་རྒྱུ་རུ་ནི།། དེ་དོན་བརྒྱད་ནི་ཤེས་པར་བྱ།། འོད་གསོལ་ལས་ནི་སྟོང་ཆེན་ཏེ།། དེ་ལ་ཐབས་ནི་འབྱུང་འགྱུར་ཞིང་།། དེ་ལྔས་ཀྱང་ནི ་ཤེས་པ་འབྱུང་།། རླུང་ཡང་དེ་ལས་འབྱུང་བར་འགྱུར།། རླུང་ལཱ་མཽ་ནི་འབྱུང་བར་འགྱུར།། ཆུ་ལས་ཡང་ནི་སྲ་འབྱུང་ངོ་།། དེའི་རིམ་པས་སེམས་ཅན་སྐྱེས།། ས་ནི་ཆུ་ལ་ཞུགས་འགྱུར་ཞིང་།། ཆུ་ནི་མེ་ལ ་ཞུགས་པར་འགྱུར།། མེ་ནི་ཕྲ་བའི་དོན་ཁམས་ཞུགས།། རླུང་ནི་སེམས་ལ་ཞུགས་གྱུར་ནས།། སེམས་ནི་སེམས་ལས་བྱུང་བར་འགྱུར།། སེམས་བྱུང་མ་རིག་པར་ཞུགས་ནས།། དེ་ཡང་འོད་གསལ་བར་གྱུར། ་ཏེ། སྦྲིད་གསུམ་པོ་ན་འགུག་པར་འགྱུར།། དེ་ཉིད་བསྟུན་པར་བྱ་བའི་ཕྱིར།། རྨོངས་གྱུར་འདི་ནི་སྟོང་པ་ཉིད།། ཅེས་གསུངས་སོ།། དེ་ལྟ་བུར་གྱུར་པའི་ཐེ་བ་ལས་ཕྱི་རོལ་ཏུ་གྱུར་པའི ་ཕྱིར་རྨོངས་པ་ཞེས་བོད་པ་སྟེ། ཀྱེ་མ་རྨོངས་པའི་སྔགས་ཀྱི་ཚུལ་གྱིས་འདི་ཉིད་མེ་ཤེས་པའོ།། འདི་ནི་ཞེས་བྱ་བ་ནི། འདི་ཉིད་སྟོང་པའི་འོད་གསལ་ཏེ། འོ་བོར་ནས་སྟོང་པ་དེ་ཁོ་ན་ཉིད་གཞན་ན་མེད། ཅེས ་བྱི་བའི་དོན་ཏོ།། དེས་འདི་སྐད་དུ་སྟོན་ཏེ། སྲིད་པ་ཞི་བ་གཅིག་པའི་བདེ་བ་ཆེན་པོ་རྡོ་རྗེ་བཅོམ་ལྡན་འདས་དེ་ཉིད། འདིར་རུང་ཉིད་ཀྱི་ལུས་ཀྱི་པདྨ་མངོན་པར་སྤྲུལ་ནས་དེ་ན་གཞོམ་དུ་མེད་པའི་མེ་ཏོག་གི་བཅུད ་སེམས་བུང་བའི་གཟུགས་ཀྱིས་རྟག་ཏུ་འཕྲོགས་ཤིང་གནས་པཱ་སྟེ། དེ་ལྟར་ཡང་དཔལ་དགྱེས་པའི་རྡོ་རྗེ་ལས། རང་ཉིད་བྱེད་ཅིང་རང་ཉིད་འཕྲོག། རང་ཉིད་རྒྱལ་པོ་གཙོ་བོ་ཞེས་གསུངས་སོ།། དེ་ལྟར་སྒྲུབ་པར ་བྱ་བ་ངེས་པར་བྱས་ནས་ད་ནི་སྒྲུབ་བྱེད་དཔྱད་པར་བྱ་སྟེ། དེ་ལ་རེ་ཞིག་ཡུལ་མ་ལུས་པ་ལ་ལོངས་སྤྱོད་པ་སྤངས་པ་ཡང་སྒྲུབ་པར་བྱེད་པ་མ་ཡིན་ལ། ཡུལ་མ་ལུས་པ་ལ་ཞེན་པ་ཡང་སྒྲུབ་བྱེད་མ་ཡིན་ནོ།། ་ཉོན་ཐོས་དང་ཕ་རོལ་ཕྱིན་པའི་ཚུལ་ཉིད་ལ་སོགས་པ་རྣམ་པར་གནས་པའི་ཕྱིར་རོ།། སྐྱོན་དག་བའི་ཡུལ་མ་ལུས་པ་ལ་ལོངས་སྤྱོད་པ་ཉིད་ཀྱིས་འདོད་ཆེན་པོའི་མངོན་པར་བྱང་ཆུབ་པ་བསྟན་པའི ་ཕྱིར་ཡུལ་གྱིས་བདེན་པ་འདི་ཉིད་འདི་སྒྲུབ་བྱེད་ཡིན་ནོ།། དེ་ལྟར་ཡ་ས་ར་ཧའི་ཞལ་སྔ་ནས། ཁ་ཅིག་ཡུལ་རྣམས་དག་ནི་སྤོང་བྱེད་ཅིང་།། ཁ་ཅིག་ཡུལ་རྣམས་དྲག་ནི་འཆིང་བར་བྱེད།། ཁ་ཅིག་ཡུལ་རྣམས ་འདི་ཉིད་ཟངས་ནས་སུ།། མཆོག་གྲི་གྲོལ་བ་དགྲ་ནི་མངོན་པར་བྱེད་ཅེས་གསུངས་སོ།། བཅོམ་ལྡན་འདས་ཀྱིས་བཀའ་སྩལ་པ།། གང་དང་གང་གིས་འཇིག་རྟེན་འཆིང་འགྱུར་ལ།། དེ་དང་དེ་ཡིས་འཇིག་རྟེན་གྲོལ ་བར་བྱེད།། འཇིག་རྟེན་རྨོངས་པ་དེ་ཉིད་མི་ཤེས་ཏེ།། དེ་ཉིད་སྤངས་པས་དངོས་གྲུབ་ཐོབ་མི་འགྱུར།། འདོད་ཆགས་ཀྱིས་ནི་འཇིག་རྟེན་བཅིངས།། འདོད་ཆགས་ཉིད་ཀྱིས་གྲོལ་བར་བྱེད།། བཟློག་པའི་བསྒོམ་པ་དེ་ཉིད ་ཀྱིས།། སངས་རྒྱས་མུ་སྟེགས་ཀྱིས་མི་ཤེས་ཞེས་གསུངས་སོ།། གལ་ཏེ་དེ་ལྟར་ཡིན་ནུ་སྲོག་ཆགས་ཐམས་ཅད་དབུལ་ལ་དགའ་ཞིང་ཆགས་པ་དེ་རྣམས་འདོད་ཆགས་ཆེན་པོའི་མངོན་པར་བྱང་ཆུབ་པར་ཐལ་ལོ་ཞེ ་ན། དེ་ལྟར་མཱ་ཡིན་ཏེ། ཡུལ་ལོངས་སྤྱོད་པ་འབའ་ཞིག་གིས་རྒྱུན་མ་ཆད་པའི་བདེ་བ་ཆེན་པོ་ཞེས་ཁོ་བོ་ཅག་མི་སྨྲ་སྟེ། འོན་ཀྱང་དེ་ཉིད་ཐབས་དང་བཅས་པ་ལ་ཟེར་གྱིས།། ཐབས་དྲང་བྲོལ་བའི་ཡུལ་ལ་སྣང ་པ་གསུམ་མི་ཤེས་པའི་ཕྱིར་རོ།། འདོད་ཆགས་ཆེན་པོའི་བདེ་བ་དངོས་སུ་མངོན་དུ་བྱེད་པ་མེད་པའོ།། དེ་ལྟར་ཡེ་ཤེས་ཆེན་པོ་ཀུན་ལ་སྙོམས་པར་འཇུག་པའི་རྒྱུད་ལས་བྷ་གར་ལིང་གཞེན་ཅིང་གཅིག ་ཏུ་འཇོལ་བ་དེ་ནི་འདོད་ཆགས་ཆེན་པོའི་བྱང་ཆུབ་ཐོབ་པར་མི་འགྱུར་རོ།། གང་གི་ཚེ་ཡང་བདེ་བ་འབའ་ཞིག་བླངས་ནས་ལྷག་པར་མོས་པ་ཙམ་གྱིས་ལས་དང་པོ་བའི་ས་ལ་གནས་པ་དེའི་ཚེ ་སློབ་པར་འགྱུརརོ།། གང་ལ་རྡོ་རྗེ་པདྨའི་སྦྱོར་བའི་བདེ་བས་རང་བཞིན་སྣང་བའི་ཡང་དག་པའི་ཡོན་ཏན་མཚོན་པར་བྱེད་པ་དེ་ནི་འདོད་ཆགས་ཆེན་པོའི་བདེ་བ་ལ་ཞུགས་པ་ཡིན་ནོ།། དེ་ལྟར་ཡང་དཔལ་དགྱེས ་པའི་རྡོ་རྗེ་ལས།། སྐྱེ་བོ་མི་ཟད་པ་ཡིས་ལས།། གང་དང་གང་གིས་འཆིང་འགྱུར་བ།། ཐབས་དང་བཅས་ན་དེ་ཉིད་ཀྱིས་སྲིད་པའི་འཆིང་བ་ལས་གྲོལ་འགྱུར་ཞེས་གསུངས་སོ།། འོན་ཏེ་ཆགས་པ་དང་བཅས་པ ་མྱ་ཡིན་པས། བདེ་བ་ཆེན་པོ་མཚན་མ་མེད་པ་ཡིན་པའི་ཕྱིར་རོ།། དེ་དང་འདྲ་བར་ཇི་ལྟར་འགྱུར་ཞེ་ན། དེ་ལ་བརྗོད་པར་བྱ་སྟེ། མཚན་མ་བཅས་པའི་བདེ་བ་ཉིད། བླ་མ་དམ་པའི་གདམས་ངགྲ་མཚན་མ་མེད་པར་འགྱུར། ་རོ།། དེ་ལྟར་ས་ར་ཧའི་ཞལ་སྔ་ནས། གང་ཡང་མཚན་མར་བཅས་པའི་བདེ་པོ་འདི།། དེ་ཉིད་བདག་ཉིད་ཆེན་པོ་རྣམས་ཀྱིསྒོ་མཚན་མ་མེད་པ་ཡིན།། རང་འབྱུངདྲ་ཡེ་ཤེས་ངོ་བོ་ཉིད།། ཀུན་རྟོགས་བདེ་བ་ཆེན་པོ་ཉིད།། དེའི་ཕྱིར། ་ཐབས་དང་བཅས་པའི་ཡུལ་ལ་ལོངས་སྤྱོད་ཅིང་།། འདོད་ཆགས་ཆེན་པོ་མངོན་པར་བྱང་ཆུབ་པའོ་སྒྲུབ་བྱེད་ཡིན་ནོ།། དེ་ཉིད་ས་དང་ཆུ་དང་མེའི་ཁམས་ནི།། ཞེས་བྱ་བ་ལ་སོགས་པ་གསུངས་ཏེ། ས་ནི་སའི་དཀྱིལ་འཁོར་རོ།། ་ཆུ་ནི་ཆུའི་དཀྱིལ་འཁོར་རོ།། མེ་ནི་མེའི་དཀྱིལ་འཁོར་རོ།། རླུང་ནི་རླུང་གི་དཀྱིལ་འཁོར་རོ།། ནམ་ཁའ་ནི་ན་མཁའི་དཀྱིལ་འཁོར་རོ།། ལྔ་པ་དེ་ཉིད་སྐྱེ་བ་དང་འཇིག་པའི་རིམ་པས་ཟླས་པ་དང་ཉི་མའི་རིམ་པར་བརྗོད་དོ།། དེ་ལྟར་ཡང ་དཔལ་དང་པོའི་སངས་རྒྱས་ཀྱི་རྒྱུད་ལས། ནམ་མཁའ་ལ་སོགས་རྟག་ཏུ་གཡོན་ལས་རྒྱུ།། འཇིག་པ་པོ་སོགས་རྟག་ཏུ་གཡས་ནས་རྒྱུ།། ཞེས་གསུངས་སོ།། དཔལ་གསང་བ་འདུས་པའི་རྒྱུད་ཕྱི་མ་ལས་ཀྱང་། ཡེ་ཤེས ་ལྔ་ཡི་རང་བཞིན་དབུགས།། འབྱུང་བ་ལྔ་ཡི་ངོ་བོ་ཉིད།། གོང་བུའི་གཟུགས་ཀྱིས་ཕྱུང་ནས་ནི།། སྣ་ཡི་རྩེ་མོར་རབ་ཏུ་བརྟག། རིན་ཆེན་ཁ་དོག་སྣ་ལྔ་པ།། སྲོག་དང་རྩོལ་བ་ཞེས་བྱར་བཤད།། རང་སྔགས་སྙིང་གར་བསམས་ནས་ནི།། ་སེམས་ནི་ཐིག་ལེར་རྣམ་པར་དགོད།། འདིའི་ཡང་བྱེ་བྲག་བཤད་པ་ནི།། རྡོ་རྗེ་འཕྲེང་བ་ཞེས་བྱ་བའི་རྒྱུད་ཆེན་པོ་ལས། སྣ་རྩེར་ཡུངས་ཀར་ཞེས་བྱ་བ།། སྲོག་དང་རྩོལ་བ་ཞེས་སུ་བརྟག། སྲོག་དང་རྩོལ་བ་དག་ལ་འོད་ཟེར་ལྔ། ་སངས་རྒྱས་ལྔ་ཡི་ངོ་བོ་སྟེ།། དེ་སྐད་དུ་ཡང་རྡོ་རྗེ་སྙིང་པོའི་ཞལ་སྔ་ནས། སྣའི་བུག་པ་གཡོན་པ་དང་གཡས་པ་གཉིས་ནུས། དང་པོ་འམ་ཐ་མར་གང་ཡང་རུང་སྟེ། གང་གི་ཚེ་དབུགས་ནས་རྒྱུ་བའོ།། གང་གི་ཚེ་ན་མྲཁའི་རླུང ་རྒྱུ་བ་དེའི་ཚེ་དབུགས་ནས་རྒྱུ་བའོ།། གང་གི་ཚེ་རླུང་གི་དཀྱིལ་འཁོར་རྒྱུ་བ་དེའི་ཚེ་སྣ་བུག་སྟེང་ལ་བརྟེན་ནས་རྒྱུའོ།། གང་གི་ཚེ་མེའི་དཀྱིལ་འཁོར་རྒྱུ་བ་དེའི་ཚེ། སྣ་བུག་གཡས་པ་ལ་བརྟེན་ནས་རྒྱུའོ།། གང་གི་ཚེ་སའི་དཀྱིལ་འཁོར ་རྒྱུ་བ་དེའི་ཚེ་འོག་ལ་རེག་ནས་རྒྱུའོ།། གང་གི་ཚེ་ཆུའི་དཀྱིལ་འཁོར་རྒྱུ་བ་དེའི་ཚེ་གཡོན་ནས་རྒྱུའོ།། དཀྱིལ་འཁོར་འདི་རྣམས་ཡུལ་དུ་བློ་བླངས་ཞེས་བྱ་བ་ནི། ཡུལ་རྡོ་རྗེ་དང་པདྨ་སྦྱོར་བ་སྟེ། དེ་ལས་བློ ་བདེ་བ་ཉམས་སུ་མྱོང་བ་ཡེ་ཤེས་ཀྱི་ཕྱག་རྒྱ་དེའི་ཡུལ་ནི་བློའོ།། དེ་བླངས་ནས་དཀྱིལ་འཁོར་གྱི་འཁོར་ལོ་རྟོགས་པ་སྟེ། ཡོངས་སུ་ནི་རྣམ་པ་ཐམས་ཅད་ཀྱིས་ཡེ་ཤེས་དྲུག་ལ་སོགས་པ་ལ་འཇུག་པར་འགྱུར་བ། དེ་ལྟར ་ཉམས་སུ་མྱོང་བར་གྱིས་ཞེས་པའི་དོན་ཏོ།། དེ་ཅིའི་ཕྱིར་ཞེ་ན། རྦ་རླབས་མེད་པ་དག་ནི་ཡོངས་སུ་སྤྱད། ཅེས་གསུངས་ཏེ། རྦ་རླབས་ནི་སྨན་འདྲེན་པ་དང་གཤེགས་སུ་གསོལ་བ་མེད་པས་རྦ་རླབས་མེད་པའོ།། ཇི་ལྟར་འགྱུར ་བའི་ཨེ་བྲྀ་གི་ཡི་གེའི་ངོ་བོ་ཡིན་པའི་ཕྱིར་ན་ལྷན་ཙོག་སྐྱེས་པའི་ངོ་བོ་རླུང་བུམ་པ་ལྟ་བུ་ལས་ཤིན་ཏུ་འདས་པའི་ཕྱིར་ན། མཉམ་པའི་སྐྱོན་ནི་དྲི་མ་མ་ལུས་པ་སྤངས་པ་སྟེ། ཞེས་བྱ་བ་ནི་མ་ལུས་པའི་སྡིག་པ་ནི་མ་ལུས ་པའི་སྐྱོན་ཏེ་འདོད་ཆགས་དང་བྲལ་བའི་ངོ་བོ་ཉིད་དོ།། སྤོངས་པ་ནི་གྲོལ་བའོ།། དེ་ལྟར་ཡང་དང་པོ་སངས་རྒྱས་ཀྱི་རྒྱུད་ལས། ཆགས་བྲལ་ལྟ་བུའི་སྡིག་པ་མེད།། བདེ་བ་ལྟ་བུའི་དགེ་མཆོག་མེད།། དེ་ཕྱིར་འགྱུར ་མེད་བདེ་བ་ལ།། རྒྱལ་པོ་རྟག་ཏུ་སེམས་ཞུགས་ཀྱིས་ཞེས་གསུངས་སོ།། དེ་ལྟར་གྱུར་པའི་བདེ་བ་ལ་ཡང་མངོན་པའི་ང་རྒྱལ་བྱེད་པའི་ཕྱིར།། དེ་ལ་དགེ་དང་སྡིག་པ་དག་ཀྱང་མེད། ཅེས་བྱ་བ་ལ་སོགས་པ་གསུངས་ཏེ། ་སྡིག་པ་ནི་འདོད་ཆགས་དང་བྲལ་བའི་སྡུག་བསྔལ་ལོ།། དགེ་བ་ནི་བྱང་ཆུབ་ཀྱི་སེམས་ཀྱང་ཕྱིར་མི་འབྱུང་བའི་བདེ་བའོ།། དེ་ལ་གཅིག་ཀྱང་མེད་ཅེས་བྱའོ།། དེ་ལྟར་དཔལ་ཁ་སྦྱོར་ཐིག་ལེའི་རྒྱུད་ལས། ཆགས་དང་ཆགས ་པ་བྲལ་བ་གཉིས།། ཟོས་ནས་སྲིད་པ་ཉིད་དུ་འགྱུར་ཞེས་གསུངས་སོ།། གསལ་པོ་ནག་པོ་དོག་གིས་བསྟན་ཞེས་པ་ནི། འདི་གསལ་བར་ནག་པོ་སྤྱོད་པའི་རྡོ་རྗེས་བསྟན་ཏེ། གཞན་གྱིས་གསལ་པོར་མ་བསྟན་ཞེས་པའི་དོན ་ཏོ།། འདི་ལྟ་བུའི་རྣལ་འབྱོར་ལས་ཁ་ཕྱིར་བལྟས་པ་རྣམས་ཀྱིས་བདག་ཉིད་ཀྱི་རྣལ་འབྱོར་བྱས་ནས་ཀྱང་།། མི་རྟོག་པར་བསྟན་པའི་ཕྱི་རོལ་འབྱུང་བ་ལྟ་བུ་སྤྱད་བྱས་ནས། ཞེས་བྱ་བ་སྨོས་ཏེ། རང་གི་བློས་ངེས་པར ་སྤྱད་པས་སྟོང་པ་ཉིད་ནི། རྣ་བའི་འཁོར་ལོ་སྟོང་པ་ཉིད་དུ་རྟོགས་པའོ།། སྟོང་པ་མིན་ནི་རང་གི་ལྷ་རྟོག་པའི་རྣལ་འབྱོར་ལ་སོགས་པའོ།། བློ་ཡིས་ཞུགས་ཤིང་དེ་ལ་དམིགས་པར་འགྱུར་པས་སོ།། སྟོང་པ་ཉིད་དང་སྟོང ་མོན་གཉིས་སུ་ཞེས་པ་ནི་སྟོང་པ་དུང་སྟོང་པ་མ་ཡིན་པ་དག་གི་དབུས་སུ། ཀྱེ་རྨོངས་པ་དེ་ཉིད་ཅིག་ཀྱང་མ་མཐོང་སྟེ་མ་རྟོགས་ཞེས་བྱ་བའི་དོན་ཏོ།། དེ་ལྟ་བུ་ཡིན་ན་ཇི་ལྟར་ན་དེ་ཉིད་ཁོ་ན་ཡོད་སྙམ་དུ་དགོངས་པ་ལ། གཅིག ་ཏུ་ལྷན་ཅིག་སྐྱེས་པ་དེ་ཉིད་ཡིན་ཞེས་གསུངས་ཏེ། ལྷན་ཅིག་སྐྱེས་པ་འབའ་ཞིག་ཡོད་ན་ནི། ནག་པོ་རྡོ་རྗེ་ཁོ་ན་ལས་ཤེས་པའོ།། བསྟན་བཅོས་ལུང་ནི་མང་པོ་བཀླགས་གྱུར་ཀྱང་། ཞེས་པ་ནི། སྟན་བཅོས་ནི་ཚད ་མ་ལ་སོགས་པའོ།། ལུང་ནི་བྱ་བ་དང་སྤྱོད་པ་ལ་སོགས་པའོ།། དེ་རྣམ་པ་སྣ་ཚོགས་ཀྱི་སྒོ་ནུས་ཀློག་པ་དང་ཉན་པ་དང་། སེམས་པ་དང་གོམས་པར་བྱས་ཀྱང་ཅུང་ཟད་ཀྱང་མི་ཤེས་ཏེ། དེ་རྣམས་ལ ་དེའི་ངོ་བོ་ཉིད་མེད་པའི་ཕྱིར་རོ།། རྦ་རླབས་མེད་པའི་སྔགས་ནི་ཚུལ་གདམས་ངག་ནི། གཞན་ང་ལྟ་བུར་ཤེས་སོ་ཞེས་པའི་དོན་ཏོ།། དེ་ལྟ་བུའི་གདམས་པ་དེ་ཉིད་ཚུལ་དེ་དང་དྲིས་རྒྱས་པར་བསྟན་པའི་ཕྱིར། སྟེང་དང་འོག་དག ་ཏུ་ནི་མི་རྒྱུ་ཞིང་། ཞེས་བྱ་བ་ལ་སོགས་པ་གསུངས་སོ།། སྟེང་དུ་མི་འགྲོ་བ་ནི་འདིའི་ཚུལ་གྱིས་སྲོག་གི་རླུང་འགེགས་པའོ།། འོག་ཏུ་མཱི་འགྲོ་བ་ནི་ཐུར་སྲེལ་གྱིས་རླུང་འགེགས་པ་སྟེ། ལུས་དང་ངག་དང་ཡིད་ཀྱི་བྱེ ་བྲག་གིས་ཟླ་བ་དང་ཉི་མ་དང་རཱ་ཧུ་ལཱ་དང་། ཆུ་དང་མེ་དང་། སྟོང་པ་ཉིད་རང་གི་རིགས་ཀྱི་ལམ་གསུམ་དག་གོ།། དེ་ལྟར་སྟེང་དང་འོག་གི་སྲོག་དང་ཐུར་སེལ་གྱི་ལ་མི་བཀག་པས།། སྔོན་དུ་བསྟན་པའི་ཡེ་ཤེས་ཀྱི ་གཟུགས་བརྙན་མཐོང་བས་ནི་དེའི་འོག་ཏུ་རྡོ་རྗེ་བཟླས་པའི་ཆོ་གས་སྲོག་དང་རྩོལ་བ་རྟག་ཏུ་འབྱུང་འབྱུང་བར་བྱེད་དོ།། དེ་ལྟར་ཡང་དཔལ་དུས་ཀྱི་འཁོར་ལོ་ལྔས། གཟུགས་བརྙན་མཐོང་ནས་བྱུང་བ་ནི།། སྲོག ་དང་རྩལ་བ་རྟག་ཏུ་ནི།། སྟེང་དང་འོག་དང་རྩ་གསུམ་ལས།། ལུས་ངག་ཡིང་གསུམ་འགག་པའི་ཕྱིར།། ཟླ་བོ་ཉི་མ་རཱ་ཧུ་དང་།། དྲི་ཆེན་དྲི་ཆུ་ཁུ་རྒྱུ་བ།། ཟླ་བའི་ཉི་མ་མུན་པ་དང་།། ལུས་དང་ངག་དང་ཡིད་ཀྱི་རྩ། ་དྲིན་ཆེན་དྲི་ཆུ་དུས་རྒྱུ་བ།། དེ་དག་སྲོག་རྩོལ་རིམ་པས་སོ།། ཟླ་བ་ལུས་ཀྱིས་ཐབས་དང་ནི།། ཤེས་རབ་ཉིད་ནི་ཉི་མའོ།། ཤེས་རབ་ཀྱི་ནི་དྲི་ཆེནཿ།། གཙོ་བོ་དག་ནི་ཆུ་རྨྱ་བ།། ཆུ་མེ་སྟོང་བས་དང་རླུང་།། ཡེ་ཤེས་ཁམས་ནི་རང་རིག་ལ ་ཐབས་ཀྱི་སེམས་ནི་མུན་ལྷ་མོ།། ཤེས་རབ་བྱང་ཆུབ་སེམས་རྒྱུ་བ།། སྟེང་དྲང་འོག་ཏུ་རིགས་དྲུག་ནི།། ལུས་དང་ངག་ཡིད་བྱེད་པས་སོ།། ཤེས་རབ་ཐབས་སྟེར་དབྱེ་བ་ཡིས།། ལུས་ཅན་ཀུན་ལ་རྣམ་པར་གནས།། དེ་ལྟར ་གྱུར་པས་སྲོག་དང་རྩོལ་བས་ཇི་ལྟར་གནས་ཤེས་ན། གཉིས་ལ་མི་རྒྱུ་བ་ནི་རྣམ་པར་གནས། ཤེས་གསུངས་ཏེ། གཉིས་ནི་སྟེང་དང་འོག་གི་རྩོལ་བ་སྟེ།། མི་རྒྱུ་བ་ནི་ཡོངས་སུ་སྤངས་པ་སྟེ།། དེ་ལྟ་བུ་ངོ་བོ་ཉིད་ཀྱི་མི་གཡོ ་བར་གནས་པ་ནི་དབུགས་འབྱིན་པར་མ་མཆོག་ཅེས་བྱ་བ། དེ་ལྟར་ཡང་རིགས་ལྡན་པས། ལྷན་ཅིག་སྐྱེས་པ་ཧེ་རུ་ཀ། བར་མའི་དབུགས་ནི་མཆོག་ཡིན་ཏེ།། དྲི་ཆེན་དྲི་ཆུ་ཁུ་བ་ཉིད།། རྩ་གསུམ་དག་དང་ལྡན་པའོ།། དངོས་པོ ་གསལ་པོ་དེ་ཁོ་ན་ཉིད་རྗེས་སུ་འགྲོ་བ་ལས་ཀྱང་། ལྷ་ནོ་ཅིག་སྐྱེས་རུང་རང་གི་གཞི་ལ་གནས།། རྟོག་པའི་དྲ་བྱ་དག་ལས་རབ་ཏུ་གྲོལ།། རང་ཡང་དགའ་བ་བསྐྱེད་པ་བརྗོད་དུ་མེད།། དེ་ནི་སྟོང་པ་ཉིད་ཀྱི་རང་བཞིན་དུ་གསུངས་སོ།། ་དེ་ལྟར་གྱུར་པས་བྱང་ཆུབ་སེམས་བདེ་བ་ཆེན་པོ་དགག་པ་སྟོན་པའི་ཕྱིར། ཡིད་ནི་གང་དུ་ཡང་མི་གཡོ་བ་ནི། ནག་པོས་གསུངས་ཞེས་གསུངས་ཏེ། སློབ་དཔོན་ནག་པ་ན་རེ་ཡིད་ན་བྱང་ཆུབ་སེམས་དེ་ནི་གཡོ་བ་ནི་གང་དུ ་ཡང་ཕྱིར་མི་འབྱུང་བ་སྟེ་སྟེང་དང་འོག་ཏུ་འབྱུང་བ་སྦྱངས་པསྡུ། དུས་ཀྱི་རྩཝ་ཁམས་གསུམ་དུ་བྱས་པའི་ཕྱིར་རོ།། འདིའི་དགོངས་པ་ནི་རི་དོང་ཅན་གྱིས་ཐིག་ལེ་མ་ལྷུང་བ་འབའ་ཤིག་ང ་སྒྲུབ་པར་བྱ་བ་མ་ཡིན་ཏེ། འོན་ཀྱང་སྟེང་འག་གཉིས་སུ་འགྲོ་བའི་ངོ་བོའོ།། འདི་ལྟ་བུའི་འབྱུང་བ་མེད་པའི་ངོ་བོ་གང་དུ་གོནས་ཤེས་ནཱ། མཾ་གཡོ་རླུང་ཁྱིམ་བདག་མོ་ནི་ཁྱིམ་ན་གནས། ཞེས་གསུངས་སོ།། མི་གཙོ ་བོའི་རླུང་ནི་འབར་བའི་རླུང་ངོ་།། ཁྱིམ་བདག་མོ་ནི་དེ་ཉིད་ཡེ་ཤེས་ཀྱི་ཕྱག་རྒྱའི་ངོ་བོ་ཉིད་ཡིན་པའི་ཕྱིར་རོ།། ཁྱིམ་ནི་དེའི་བདེ་བའི་ན་མཁའི་ཁམས་ཨེ་ཧཾ་གཱི་རང་བཞིན་གོང་དུ་གསུངས་པ་སྟེ། ཨཱ་བ་དྷཱུ་ཏཱིའོ།། དེ་ལ ་གནས་པ་ནི་ཁྱིམ་དེར་གནས་པའོ།། འདིའི་དགོངས་པ་ནི་རླུང་གི་འགྲོ་བའི་ཆོས་ཅན་ཏེ། ན་མཁའི་ཁམས་ལ་བརྟེན་པ། འགྲོ་བ་དང་འོང་བ་ལས་གྲོལ་བའི་ནམ་མཁའི་ཁམས་ལ་ཁྱེར་ཞིང་། སེམས་ཀྱི ་བཞོན་པ་སྣང་བ་དང་བཅས་པ་ཡེ་ཤེས་གསུམ་དང་ལྡན་པའི་ཐིམ་པར་འགྱུར་རོ།། དེའི་ཕྱིར་དེའི་བདག་ཉིད་བཅོམ་ལྡན་འདས་བདེ་བ་ཆེན་པོ་ལྔ་ཞུགས་པ་ཞེས་བརྗོད་དོ།། དེ་སྐད་དུ་ཡང་། དགོངས་པ་བླ་ན་མེད ་པ་ལས། སྣང་བ་སྣང་བ་མཆེད་པ་དང་།། སྣ་ཚོགས་འདུས་པ་འདི་དག་ནི། སེམས་ནི་རྣམ་པ་གསུམ་དུ་བརྗོད།། རླུང་ནི་ཕྲ་བའི་གཟུགས་ཀྱིས་ནི།། ཡེ་ཤེས་དང་ནི་འདྲེས་པར་འགྱུར།། དབང་པོ་ལམ་ནས ་ཕྱུང་ནས་ནི།། ཡུལ་རྣམས་ལ་ནི་འཇུག་པར་བྱེད།། སྣང་བ་དང་མི་ལྡན་འགྱུར་ཞིང་།། རླུང་གི་བཞོན་པའི་རྒྱུར་གྱུར་པ།། དེ་ལྔ་འདི་ནི་རང་བཞིན་ཀུན།། རིགས་དང་རིམ་པ་མུན་པར་འཇུག། རླུང་ནི་གང་དང་གང་གནས ་པ།། དེ་དང་དེར་ནི་དེ་བཞིན་རྒྱུ།། ཇི་སྲིད་རླུང་ནི་མི་རྒྱུ་བ།། སྣང་བ་བསྟེན་པར་མི་འགྱུ་རོ།། དེ་ཉིད་སེམས་ཅན་ཐམས་ཅད་ཀྱི་ཐུན་མོང་དུ་ཇི་ལྟར་འགྱུར་ཞེ་ན། རི་བོ་མཆོག་རབ་དག་གིས་ཕུག་ཟབ་མོ་ཞེས་གསུངས་ཏེ། ་མཆོག་ནི་ཕུལ་དུ་བྱུང་བའི་ངོ་བོའི་རི་བོ་སྟེ།། རབ་ནི་སྐལ་ཚིགས་ཀྱི་བདག་ཉིད་དོ།། དེ་ལྟར་ཡང་དཔལ་ཁ་སྦྱོར་ཐིག་ལེ་ལས། རྐང་པའི་མཐིལ་དུ་རླུང་གནས་པ།། རླུང་ནི་གཞུ་ཡི་དབྱིབས་ཅན་ནོ།། འདོམས་ཀྱི ་སུམ་འདོར་གནས་པ་ནི།། དེ་བཞིན་གྲུ་གསུམ་དམར་པོའོ།། ཟླུམ་པོའི་གཟུགས་ཀྱི་ངོ་བོ་ཉིད།། ཆུ་ནི་གློ་བར་གནས་པའོ།། སྙིང་ག་རུ་ནཱི་ས་ཉིད་ཀྱང་།། ཀུན་ཏུ་གྲུ་བཞིར་གནས་པའོ།། སྒལ་ཚིག་དབྱུག་པའི ་ངོ་བོ་ནི།། དེ་བཞིན་རི་རྒྱལ་ལྷུན་པོའོ།། དེ་ཡི་ཕུག་ནི་རི་ཕུག་གོ། དེ་ལུས་ངག་དང་རྟོག་པའི་སྤྱོད་ཡུལ་མ་ཡིན་པས་ཟབ་པའོ།། དེས་ཅིར་འགྱུར་ཞེ་ན། འགྲོ་བ་མ་ལུས་པ་ནི་འཆིང་བར་འགྱུར་ཏེ། འགྲོ་བ ་མ་ལུས་པ་ནི་ཉིད་འཆིང་བར་འགྱུར་བ་ནི་ཉམས་པ་སྟེ། དེ་ལ་སྟེང་དུ་སྤྱི་བོའི་བར་དུ་དབང་པོ་གཉིས་ཀྱིས་སྦྱོར་བའི་བདེ་བའི་མངོན་པའི་ང་རྒྱལ་གྱི་བྱང་ཆུབ་སེམས་མེད་པའི་ཕྱིར་རོ།། འོན་ཏེ་འགྲོ་བ ་ཐམས་ཅད་འདི་ཡིས་བཅིང་བར་ཅིས་ཤེས་ཞེ་ན། དྲི་མ་མེད་པའི་ཆུ་ནི་སྐམས་གྱུར་ཏེ། ཞེས་བྱ་བ་གསུངས་ཏེ། དྲི་མ་མེད་པ་ནི་དོན་དམ་པའི་རླུང་བཞིན་ནོ།། ཞུ་བ་ནི་ཀུན་རྫོབ་གནང་ལྟ་བུ ་སྟེ། དྲི་མ་མེད་པའི་ཆུ་བདེན་པ་གཉིས་ཞེས་བྱ་བ་བྱང་ཆུབ་ཀྱི་སེམས་གང་ཡིན་པ་སྐམས་པར་འགྱུར་ཏེ།། འོག་ཏུ་ལྟུང་བའོ།། གང་གི་ཕྱིར་བྱང་ཆུབ་ཀྱི་སེམས་འགྲོ་བའི་ངོ་བོ་ཉིད་དུ་འགྱུར་རོ།། གང་གི་ཚེ་འོག་ཏུ་ལྟུང་བ ་དེའི་ཚེ་ཉམས་པར་འགྱུར་པའོ།། དེ་ལྟར་ཡང་དཔལ་དང་པོའི་སངས་རྒྱས་ལས། ལུས་ཅན་ཐམས་ཅད་འཆི་དུསྭཱ་སུ།། འོག་ཏུ་ཟླ་བ་བདུད་རྩི་འཛག། རྣམ་ཤེས་རང་བཞིན་མཚན་ཉིད་དང་།། ཉིད་ཁྲག་རཱ་ཧུ་སྟེང་དུ ་འགྲོ།། དེས་ཅིས་འགྱུར་ཞེ་ན། དུས་ཀྱི་མེ་ནི་རབ་ཏུ་ཞུ་གྱུར་ན། ཞེས་གསུངས་ཏེ། དུས་ཀྱི་མེ་ནི་བྱང་ཆུབ་ཀྱི་སེམས་ཀྱི་ཕྱིར་འབྱུང་བའི་གནས་སྐབས་ཏེ། ནག་པོའི་ཕྱོགས་ཀྱིས་མཚན་ཉིད་དེ།། འཆི་བའི་དུས་ཀྱིས ་ཞེས་བྱའོ།། དེ་ལྟར་ཡང་དཔལ་དང་པོའི་སངས་རྒྱས་ལས་ལྷུང་ན་ཆགས་དང་བྲལ་གྱུར་ཏེ། ཆགསྔ་བྲལ་ལས་ནི་སྡུག་བསྔལ་བསྐྱེད།། སྡུག་བསྔལ་གྱིས་ནི་ཁམས་ཟད་དེ།། ཁམས་ཟད་པས་ནི་འཆི་བར་འགྱུར།། ་འཆི་བ་ལས་ནི་ཡང་སྲིད་འབྱུང་།། དེ་ལྟར་འདོད་ཆགས་བྲལ་བས་བྱུང་།། གཞན་དུ་སེམས་ཅན་མི་སྲིད་དོ།། དེ་ཕྱིར་འབད་པ་ཐམས་ཅད་ཀྱིས།། སེམས་བྱུང་འདོད་ཆགས་སྤངས་པར་བྱ།། རྣལ་མ་འབྱུང་མེད་བདེ་བ ་ཡིས།། འཁོར་བའི་འཆིང་བ་ལས་གྲོལ་འགྱུར།། ཞེས་གསུངས་སོ།། ཇི་ལྟར་ན་བྱང་ཆུབ་ཀྱི་སེམས་འབྱུང་བར་འགྱུར་ཞེ་ན། ས་འཛིན་དག་ལས་འདི་ནི་གཟུང་དཀའ་སྟེ། ཞེས་གསུངས་ཏེ། གཟུང་དཀའ་བ་ནི་སྦྱོར་བའི ་ཡན་ལག་དྲུག་གིས་རྒྱུད་གཟུང་ཞིང་བྱང་ཆུབ་སེམས་གཟུང་དགོས་པ་སྟེ། དེ་ལ་འདིར་གཟུང་དཀའ་བའོ།། ས་འཛིན་རི་རབ་དང་འདྲུ་སྟེ་མི་གཡོ་བའོ།། དེ་ཉིད་ཀྱི་ཕྱིར་མཉམ་པ་དང་མི་མཉམ་པ་སྟེ་ཞེས་སྨོས་ཏེ། ་སྡུད་པ་དཔའབྱུང་བའོ།། དེ་ལ་མཉམ་པའི་འཕོ་བའི་རིམ་པས་རྒྱུ་བ་ནི་ཉི་མ་རྒྱུ་བ་གཡས་པའི་སྣ་བུག་གོ། མི་མཉམ་པའི་འཕོ་བ་ནི་རིམ་པ་མ་ཡིན་པས་རྒྱུ་བས་ན། མི་མཉམ་པ་སྟེ་ཟླ་བ་རླུང་རྒྱུ་བས་ན་སྣ་བུག ་གཡོན་པའོ།། མཉམ་པ་དང་མི་མཉམ་པ་གཉིས་དང་ལྡན་པའི་ཡིད་ཀྱིས་སེམས་ཀྱིས་ཁམས་ལ་ལྟ་བ་ནི་ཡོངས་སུ་སྒྲོལ་བ་སྟེ། དེ་ལྟ་བུའི་ཤེས་པའི་དོན་ཏོ།། དེ་ལྟར་གྱུར་པའི་ཡིད་ཀྱིས་གལ་ཏེ་མི་ཤེ ་ན་ཟླ་བ་དང་ཉི་མ་མིཉམ་པ་དང་མཉམ་པ་རྒྱུ་བ་ནི། སེམས་ཅན་གྱི་རྣམ་པར་ཤེས་པའི་ཁམས་ནི་གྲོལ་བར་མི་ནུས་པ་དེ་སྤྱི་གཙུག་བར་དུ་འགྲོ་བར་མི་ནུས་པ་ཞེས་བྱ་བའི་དོན་ཏོ།། དེ་ཉིད་ཀྱི་ཕྱིར། ནག་པོ་དག་གིས ་གསུངས་ཞེས་གསུངས་ཏེ། ནག་པོ་རྡོ་རྗེས་འདོད་ཆགས་དང་བྲལ་བའི་གནས་སྐབས་སྤངས་པའི་བདེ་བས་ཡེ་ཤེས་ཀྱི་མིག་གིས་མཚོན་པར་བྱས་པས་ན། མཚོན་པར་དཀའ་བ་སྟེ། ཐམས་ཅད་སྟོང་པ་ཉིད ་ཀྱི་ཕྱིར་དང་། རྣམ་པ་ཐམས་ཅད་ཀྱིས་མཉམ་པ་ཉིད་ཀྱི་ཕྱིར་རོ།། བདེ་བ་ཉེ་བར་རྟོགས་ཤིང་ཉམས་སུ་མྱོང་བ་དེའི་ཕྱིར་རྟོགས་པར་དཀའ་བའོ།། དེ་ལ་འདི་ལྟ་བུར་གྱུར་པ་ཅིས་རྟོགས་ཤེས་ན།། ་གང་གིས་ཡིད་ཀྱི་རིན་ཆེན་རྟོག། ཤེས་གསུངས་སོ།། གང་རྡོ་རྗེ་དང་པདྨ་མཉམ་པར་སྦྱོར་བ་ལས་ཡིད་ཀྱི་ཉེ་བར་དམིགས་ཤིང་ཇི་ལྟ་བ་བཞིན་དུ་འགྱུར་པའི་བདག་ཉིད་དགའ་བ་སྟེ། བླ་ན་མེད་པའི་བདེ་བ་འཕེལ་བར་བྱེད ་པའི་ཕྱིར། རིན་ཆེན་ནི་ཡིད་ཀྱི་རིན་པོ་ཆེ་སྟེ།། སངས་རྒྱས་ཀྱི་གཟུགས་བརྙན་ནོ།། དེ་ལྟར་ཡང་དཔལ་གསང་བ་འདུས་པ་ལས། བྷ་གར་ལིང་གེ་བཅུག་ནས་ནི། བྱང་ཆུབ་སེམས་ནི་གཏང་མི་བྱ།། ཁམས་གསུམ ་མ་ལུས་པ་རྣམས་ནི།། སངས་རྒྱས་གཟུགས་བརྙན་དག་ཏུ་བསྒོམ།། སྟོང་ཉིད་གཟུགས་བརྙན་རྒྱུ་ཡིན་པས།། འབྲས་བུ་མི་འགྱུར་བདེ་བའོ།། དེ་ཉིད་ཀྱི་ཕྱིར་ལྷན་ཅིག་སྐྱེས་པ་སྤྲོ་ཞེས་གསུངས་ཏེ། ཉི་མ་རེ ་སྐྱེས་པའི་ཐམས་ཅད་སྟོང་པའོ།། འཕྲོ་བ་ནི་ན་མཁའ་རང་འཕྲོ་ཞིང་སྣང་བའོ་དེ་ལྟར་ཡང་མཚན་ཡང་དག་པར་བརྗོད་པ་ལས་ན་མཁའ་ལས་བྱུང་རང་བྱུང་བ།། ཤེས་རབ་ཡེ་ཤེས་མེའོ་ཆེ།། ཞེས་གསུངས་ཏེ།། ་དེ་ལྟར་དཔལ་གསང་བ་འདུས་པའི་རྒྱུད་ཕྱི་མ་ལས།། བསྙེན་པའི་དུས་སུ་གཙུག་ཏོར་ཆེ།། འབད་པས་གཟུགས་བརྙན་སྒོམ་པར་བྱ།། ཉེ་བའི་བསྙེན་པའི་དུས་སུ་ནི།། གཟུགས་བརྙན་བདུད་རྩི་འཁྱིལ་པ་ཡི།། ་སྒྲུབ་པའི་དུས་སུ་ལྷ་ཡི་གཟུགས།། བསྒོམ་ཞིང་མི་དམིགས་པར་བྱ་སྟེ།། སྒྲུབ་པ་ཆེན་པོའི་དུས་སུ་ནི།། གཟུགས་བརྙན་སངས་རྒྱས་བཙོ་བོའི་སེམས།། ཞེས་གསུངས་སོ།། དེ་ཉིད་བསྟན་པའི་ཕྱིར་རིག་ལྡན་ལས་ཀྱང་། དགོངས ་པ་བསྟན་པ་འདི་སྐད་གཞན་གྱིས་གཙུག་ཏོར་གྱི་གཟུགས་བརྙན་ནི་ཁམས་གསུམ་མ་ལུས་པའི་སངས་རྒྱས་ཀྱི་གཟུགས་བརྙན་ནི་ནམ་མཁའི་ཆོས་ཀྱི་འབྱུང་གནས་ལ་སེམས་ཀྱི་རྡོ་རྗེ་རབ་ཏུ་བཞག་པ་སྟེ།། བསྙེན་པའི ་དུས་སུ་སོ་སོར་སྡུད་པ་བསྒོམ་པར་བྱ་སྟེ།། བསམ་གཏན་གྱིས་ནི་བརྟན་པར་བྱའོ།། དེ་ལ་བཅོམ་ལྡན་འདས་ཀྱིས་དམ་བཅའ་བ་ནི། བསམ་པ་ཐམས་ཅད་ཡོངས་སྤངས་ཏེ། ཉི་མ་གཅིག་ཏུ་ཡོངས་སུ་བརྟག། གལ་ཏེ ་ཡིད་ཆེས་མ་གྱུར་ན།། དེ་ཚེ་ང་ཡི་སྲྀ་བརྫུན་སྨྲས་སོ།། ཞེས་གསུངས་ཏེ། དེ་ཡང་ཡིད་ཆེས་པའི་དུ་བྱ་ལ་སོགས་པའི་རྟགས་སོ།། དེ་ལྟར་ཡིད་དུ་འོང་བའི་རིན་པོ་ཆེ་སངས་རྒྱས་ཀྱི་གཟུགས་བརྙན་རྟོགས་པ་འབྱུང ་པ་དེ་ནི། ཆོས་ཀྱི་རང་བཞིན་ངག་ནི་དེ་ཡིས་ཤེས་གསུངས་ཏེ། རང་བཞིན་དག་ནི་དེ་ཡིས་ཤེས་ན། དེ་གཅིག་བུ་ཆོས་ཀྱི་རང་བཞིན་མངོན་པར་རྟོགས་པའོ།། གཞན་ལ་བཟླས་སུ་ཟིན་ཀྱང་ཅི་ལ་གོ་ཞེས་པ་ནི།། ་གཞན་ནི་དབང་པོའི་བདེ་བ་ལ་མངོན་པར་ཞེན་པའོ།། ཅི་ལ་གོ་སྨྲས་ཀྱང་མི་གོ་ཞེས་པའི་དོན་ཏོ།། དེ་ཉིད་རྣམ་པ་གཞན་གྱིས་བསྟན་པ་ནི། རླུང་ནི་གཞོན་པའི་རྒྱུར་གྱུར་པས་སྣང་བ་གསུམ་གྱི་ངོ་བོ་ཉིད་ཀྱི་རང་བཞིན ་བརྒྱ་དྲུག་ཅུའི་ངོ་བོ་ཉིད་དབང་བའི་སྒོ་ནས་འབྱུང་བ་སྟེ། ཡུལ་རྣམས་ལ་ཉེ་བར་དམིགས་པར་འགྱུར་རོ།། ལམ་འགྲོ་རང་ཉིད་བཅིངས་པར་བྱས་པ་གང་ཞེས། གསུངས་ཏེ། རྣམ་པར་ཤེས་པའི ་ཁམས་འཁོར་བའི་ལམ་དུ་འགྲོ་བའོ།། ཡིད་ནི་ལྷན་ཅིག་སྐྱེས་པའི་གཟུགས་སོ།། བཅིང་བར་བྱ་བ་ནི་གང་གིས་ཡན་ལག་དྲུག་གིས་སྲེག་བརྟན་པར་བྱེད་པ་ནི་བཅིངས་པའོ།། དེ་རྣལ་འབྱོར་གྱི་དབང་ཕྱུག་གིས་བྱེད་པ་དེ ་ནི་ཁམས་གསུམ་མ་ལུས་སྤྲོ་ཞིང་ཡང་དེར་བསྡུ། ཞེས་གསུངས་ཏེ་ཁམས་གསུམ་ནི་སྐུ་དང་གསུངས་དང་། ཐུགས་ཀྱི་འཁོར་ལོའོ།། མ་ལུས་པ་ནི་སོ་སོའི་བ་སྤུའི་བུ་གའི་བར་རུ། གཉིད་སདྲ་པའི་གནས ་སྐབས་སུ་དགའ་བ་ལ་སོགས་པའི་ཁྱད་པར་གྱི་བྱང་ཆུབ་ཀྱི་སེམས་རྣ་པར་སྤྲོས་ནས། ཡང་དེར་སྡུད་པ་སྟེ། སྟེང་དུ་སྲོང་ནས་བཞི་པ་ཟད་ཅིང་རྒྱུ་མཐུན་པ་ལ་སོགས་པའི་བྱེ་བྲག་གིས། ཨཱ་བ་དྷཱུ་ཏཱིར་སྡུད་པ་སྟེ། ཆ ་དང་ཐིག་ལེ་ཕྲ་མོ་ལུས་འདས་ཤིང་ཐམས་ཅད་སྟོང་པ་ཉིད་ཀྱི་ཁམས་ལ་ཞུགས་ཏེ། དེས་རྡོ་རྗེ་འཛིན་པ་ཆེན་པོ་མངོན་དུ་བྱེད་ཅེས་བྱ་བའི་དོན་ཏོ།། དེ་ཉིད་ཀྱི་ཕྱིར་བདེ་གཤེགས་ལྷ་མོ་ཁྲོ་བོའི་ཚོགས།། སྲིད་པ་ཅིའི་ཕྱིར ་བྱེད་ཅེས་གསུངས་ཏེ། དེ་བཞིན་གཤེགས་པ་དང་། ལྷ་མོ་དང་། ཁྲོ་བོའི་ཚོགས་ལ་སྲེད་པ་ཅིའི་ཕྱིར་བྱེད་ཅེས་བྱ་སྟེ། དཀྱིལ་འཁོར་གྱི་འཁོར་ལོ་དག་སྤོངས་ལ།། ལྷན་ཅིག་སྐྱེས་པའི་དུས་སུ་གནས་སོ།། ཞེས ་དགོངས་སོ་ཞེས་བྱ་བ་ལ་དགོངས་པ་འདི་ཡིན་ཏེ། ཕུང་པོ་དང་སྐྱེ་མཆེད་ལ་སོགས་པ་དང་། ལུས་དང་ངག་དང་ཡིད་དང་། དཀྱིལ་འཁོར་གྱི་ལྷ་རྣམས་གདམས་ངག་གིས་བདེ་བ་ཆེན་པོ་རོ་གཅིག་པར་གྱུར་པ་དེ་ལྟར་ནའོ།། ་དེ་ཉིད་དཀྱིལ་འཁོར་ཆེན་པོར་གྱུར་པ་ལས། དེ་ལས་གཞན་དུ་གྱུར་པའི་དཀྱིལ་འཁོར་མེད་དོ་ཞེས་བྱའོ།། དེ་ལྟར་ཡང་གསང་བའི་རྒྱུད་ལས། ཡན་ལག་ཀུན་བསྒོམས་ལས་འདས་ཤིང་། རྟོག་དང་རྟོག་བྱེད་རྣམ་པར ་སྤངས།། ཆ་དང་ཐིག་ལེ་ཡང་དགེ་འདས།། འདི་ནི་དཀྱིལ་འཁོར་མཆོག་ཡིན་ནོ།། དེ་ཉིད་གཞན་གྱི་སྒོ་ནས་དཀྱིལ་འཁོར་དུ་བསྟན་པ་ནི། གང་གིས་ལྷན་ཅིག་སྐྱེས་པ་བརྟན་བྱས་ཏེ། ཞེས་པ་ལྷན་ཅིག་སྐྱེས་པ་ནི ་ལྷན་ཅིག་བྱུང་བའི་ཤེས་རབ་སྟེ། བརྟན་པ་ནི་ཕྱིར་འབྱུང་བ་མེད་པར་བྱའོ།། མཉམ་པར་རོ་གཅིག་པ་ནི་དགའ་བ་བཞི་པོ་གཅིག་པས་རང་གི་ཡིད་ཀྱི་རྒྱལ་པོ་ནི་ཡོན་ལག་མེད་པའི་རྡོ་རྗེའོ།། དེའི་དབུས་ཉིད་དུ་ནི་འགྲུབ ་པར་འགྱུར་ཞེས་གསུངསོ།། གྲུཔཱ་པ་ནི་ཕྱག་རྒྱ་ཆེན་པོ་གྲུབ་སྟེ། རྡོ་རྗེ་འོཆང་ཆེན་པོ་ཐོབ་བོ།། དེའི་དུས་ཉིད་དུ་དུས་མ་ཡིན་པ་རྒྱུད་ལ་གཅིག་ཅེས་བྱའོ།། དེ་སྐད་དུ་ཡང་དཔལ་བདེ་མཆོག་ལས།། མཐོ་རིས་མི་ཡུལ་ས ་འོག་གི། སྐད་ཅིག་གིས་ནི་སྐུ་གཅིག་འགྱུར།། རང་དང་གཞན་དུ་རྟོགས་པ་ཡིས།། སྐད་ཅིག་ཏུ་ནི་གདོན་མི་འགྱུར་ཞེས་གསུངས་སོ།། དེ་ཉིད་ཀྱི་ཕྱིར། རྒ་དང་འཆི་བའི་འཇིགས་པ་དག་ནི་མེད། ཅེས་གསུངས་སོ།། ་ཕྱག་རྒྱ་ཆེན་པོའི་ངོ་བོ་ཉིད་བསྟན་པ་ནི།། མི་གཡོ་ཞེས་བྱ་བ་ལ་སོགས་པ་གསུངས་ཏེ། མི་གཡོ་བ་ནི་བྱང་ཆུབ་ཀྱི་སེམས་ཕྱིར་མི་འབྱུང་བའོ།། མི་རྟོག་པ་ནི་ཉམས་སུ་མྱོང་བ་རོ་གཅིག་པས། དེ ་དང་འདི་ནི་རྣམ་པར་རྟོག་པ་སྤོངས་པའི་ཕྱིར་རོ།། འགྱུར་པ་མེད་པ་ནི་འདོད་ཆགས་དོང་། འདོད་ཆགས་དང་བྲལ་བ་དག་གིས་ཅི་བྱ་ཞེ་ན། དེ་དག་ལས་གྲོལ་བའི་ཕྱིར་རོ།། སྐྱེ་འཇིག་སྤངས་པ་ནི། ཟླ་བ་དང་ཉི་མ་བཀག་པའི ་ཕྱིར་རོ།། མཛེས་པ་ནི་ཤིན་ཏུ་མཛེས་པོ་སྟེ། བདེ་བ་ཆེན་པོ་ཡིན་པའི་ཕྱིར་རོ།། སྙིང་པོ་ནི་འོད་གསལ་བ་ཉིད་ཀྱི་ཕྱིར་རོ།། དེང་འདིར་ཞེས་བྱ་བ་ལ་སོགས་པ་ནི་འདི་ཉིད་ཀྱི་ཕྱིར་མྱ་ངན་ལས་འདས་པར་བརྗོད་དེ། མྱ་ངན ་ལོས་འདས་པའོ་ཞེས། སྒྲས་སྨྲས་པ་ལ། ཡང་དག་པའི་མྱ་ངན་ལས་འོངས་པ་ཡིན་ཏེ། མི་གནས་པའི་མྱ་ངན་ལས་འདས་པའི་ཉིད་ཀྱི་ཕྱིར་རོ།། དེ་ཇི་ལྟ་བུའི་ཁྱད་པར་དང་ལྡན་ཞེ་ན། གྲང་ལ་སེམས་དང་སེམས་ལས ་བྱུང་བ་མེད། ཅེས་གསུངས་ཏེ། གང་ལ་ཇི་སྲིད་སེམས་ནི་རྣམ་པ་གསུམ་སྟེ། སེམས་ལྔས་བྱུང་བ་ནི་སེམས་ཀྱི་རང་བཞིན་བརྒྱ་དྲུག་ཧཱུ~ཾ་དང་། ཐིག་ལས་ཀྱང་ཅིའང་མི་བྱེད་དེ་དེ་ལྟ་བུའི་རྣམ་པར་རྟོག་པ་ཅུང་ཟད ་ཀྱང་མི་འབྱུང་ངོ་།། ཞེས་བྱ་བའི་དོན་ཏོ།། དེ་ཉིད་བསྟན་པའི་ཕྱིར། གང་གི་ཨེ་བཾ་རྣམ་པར་ཤེར་གྱུར་པ། ཞེས་གསུངས་ཏེ། དེའི་དོན་ནི་འོད་ཡིན་ཏེ། དེ་ཡང་ཇི་སྐད་དུ། ལྷོའི་དབང་པོས་ཡོངས་སུ་ཞུས་པ་ལས། ཨེ ་ནི་སྟོང་པའི་རང་བཞིན་ཏེ། བམ?་ནི་ཐུགས་རྗེ་ཆེན་པོར་བརྗོད།། ཐིག་ལེ་གཉིས་མེད་སྦྱོར་བའོ།། འདི་ཡི་ཟུང་འཇུག་དྲན་པར་བྱ།། ཨོཾ་ནི་མཱ་རུ་བརྗོད་པ་སྟེ། བམ་ནི་ཕ་རུ་ཤེས་པར་བྱ།། ཐིག་ལེ་གཉིས་མེད་སྦྱོར་བར་འགྱུར།། ་དེ་ཡི་སྦྱོར་བ་ངོ་མཚུར་ཏེ། ཨེ་ནི་པདྨ་ཉིད་ཏུ་གསུངས།། བམ་ནི་རྡོ་རྗེའི་རང་བཞིན་ནོ།། དེ་ལས་ཐིག་ལེའི་ས་བོན་འགྱུར།། དེ་ལས་སྲིད་གསུམ་ཡང་དག་འབྱུང་།། ཨ་ནི་ཤེས་རབ་ཉིད་དུ་འགྱུར།། བམ་ནི་ཐབས་སུ་ཡང ་དག་བརྗོད།། ཐིག་ལེ་དེ་ཉིད་མི་ཤིགས་པའོ།། དེ་ལས་ཡི་གེ་མ་ལུས་བྱུང་།། གང་གིས་ཆོས་ཀྱི་ཕྱག་རྒྱ་ནི།། ཡི་གེ་གཉིས་ནི་ངོ་ཉིད་ཤེས།། དེ་ཡི་སེམས་ཅན་ཐམས་ཅད་ལ།། ཆོས་ཀྱི་འཁོར་ལོ་བསྐོར་འགྱུར་རོ།། ་འགྲོ་བ་གང་གིས་ཡི་གེ་གཉིས།། དེ་ཉིད་མི་ཤེས་རྟག་ཏུ་འདོན།། སངས་རྒྱས་ཆོས་ལ་ཕྱིར་འབྱུང་སྟེ།། ཕྱུག་པོ་ལོངས་སྤྱོད་སྤངས་བཞིན་ནོ།། ཞེས་གསུངས་སོ།། འདིར་དེ་ལྟ་བུའི་ཨེ་བཾ་ཡི་གེ་ཤེས་པ་ནི་རྟོགས ་པ་སྟེ། གང་གིས་ཤེས་པ་དེ་ནི་སངས་རྒྱས་རྟོགས་པའོ།། མ་ལུས་ནི་ཨེ་བཾ་གི་ཡི་གེ་སྣ་ཚོགས་ལུས་པ་མེད་པ་སྟེ། དེ་ཉིད་ནི་སྣ་ཚོགས་གཅིག་གོ་ངོ་བོ་ཉིད་ཀྱི་ཕྱིར་རོ།། དེ་ཇི་ལྟ་བུར་གྱུར་པ་ཞེས་ན། དེ་ཉིད་ཆོས ་ཀྱི་ཟ་མ་ཏོག་ཡིན་ཏེ་ཞེས་གསུངས་ཏེ། ཆོས་རྣམས་ནི་ཕུང་པོ་དང་ཁམས་དང་སྐྱེ་མཆེད་རྣམས་ཏེ་དགའ་བ་ལ་སོགས་པའོ།། དེ་རྣམས་ཀྱི་ཟ་མ་ཏོག་ནི་གནས་སོ།། དེ་ཉིད་བོང་པོའི་ཚིག་གོ་དེ་ནི་རང་གི་བདག་པོས ་ཆ་ལུགས་སོ།། ཞེས་གསུངས་ཏེ། རང་གི་བདག་པོ་ནི་ཐུགས་ཀྱི་རྡོ་རྗེའོ།། ཆ་ལུགས་ནི་རྒྱན་ནོ།། དེ་ཉིད་ཀྱིས་འཁྱུད་པར་སྐྱེས་པའི་ཕྱིར་རོ།། ཡང་དེ་ཉིད་ཀྱིས་སྒྲུབ་པའི་ཐབས་མདོར་བསྟན ་པ་ནི། རླུང་ནི་འགྲོ་བའི་སྒོ་རྣམས་ལ་ཡང་ཞེས་གསུངས་ཏེ། རླུང་འགྲོ་བའི་སྒོ་ན་སྟེང་དང་འོག་གོ།། དམ་པར་ནི་དྭེ་ལ་བརྟན་ཞིང་མི་ཕྱེད་པའི།། ལྤགས་ནི་སྒོ་དྲུག་གི་རླུང་ཁ་སྦྱོར་དུ་པཱ་བ་སྟེ།། ཟླ་བ་དང་ཉི་མའི་ལམ ་བཀག་པས་དུས་ཀྱི་མེ་ཡོངས་སུ་རྫོགས་པར་བྱེད་པ་འདིའི་ལུས་ཀྱི་འཆིང་བའོ།། གལ་ཏཱ་ནང་གི་མུན་པ་ནག་པོ་ལ་ཞེས་གསུངས་ཏེ། གལ་ཏེ་དེ་ལ་མི་ཟད་པའི་མུན་པ་སྟེ་མི་གཡོ་བའི་ཏིང་ངེ་འཛིན་རླུང་བུམ་པ་ལྟ་བུའི་ངོ་བོ་ཉིད ་གཞོམ་དུ་མེད་པའི་སྒྲ། ཆོས་ཀྱི་དབང་ཕྱུག་ཡིད་ཀྱི་བྱང་ཆུབ་ཀྱི་སེམས་ཀྱི་དེའི་ཚེ་ཉིད་བདེ་བ་ཆེན་པོ་གསལ་བར་བྱེད་པའི་ཕྱིར་མར་མེའོ།། བྱེད་གྱུར་ན་ནི་དུ་བ་ལ་སོགས་པའི་རྟགས་ཀྱིས་གསལ་བར་བྱེད་པའོ།། དེ་སྐད་དུ་ཡང་། དཔལ ་གསང་བ་འདུས་པ་ལས། སེམས་ཀྱི་རྡོ་རྗེའགོག་པ་ལསོ།། མཚན་མ་ལ་སོགས་མཐོང་བར་འགྱུར་ཞེས་གསུངས་ཏེ་འདིས་ནི་ངག་བཅིང་བའོ།། རྒྱལ་པོའི་རིན་ཆེན་སྟེང་གི་ན་མཁར་བཞུགས་ཞེས་གསུངས་པ་ནི། རྒྱལ་བའི་རིན ་ཆེན་ནི་གཞོམ་དུ་མེད་པའི་སྒྲ་དེ་ཉིད་དོ།། སྟེང་གི་ན་མཁར་བཞུགས་པ་ནི་གང་གིས་ཚེ་རྟེན་དུ་གྱུར་པ་དྲུག་པ་ཡེ་ཤེས་ཀྱི་དཀྱིལ་འཁོར་གྱི་ཐིག་ལེ་ལ་རེག་པ་སྟེ། དེ་ལ་འཁྱུད་པ་ཞེས་བྱའོ།། དེ་ལྟར་ཡང་། མཁའ་འགྲོ་རྡོ་རྗེ་ནོར ་བུ་སྟེ།། སངས་རྒྱས་རྣམས་ནི་སྤྱི་བོར་གནས་ཞེས་གསུངས་ཏེ། འདིས་ནི་སེམས་ཀྱི་བཅིང་བའོ།། དེ་ལྟར་ཡང་དཔལ་ཁ་སྦྱོར་ཐིག་ལེ་ལས།། རླུང་དང་མེའི་དཀྱིལ་འཁོར་ལས།། རྡོ་རྗེ་པདྨའི་ས་བོན་བསྐུལ།། ཐིག་ལེ་སྒྲ་ཡིས་ཡང་དག་མནན།། ་ཆར་རྒྱུན་འབབ་པ་དག་ཏུ་དྲན་ཞེས་གསུངས་ཏེ། དེ་ལྟར་ཡང་ཐིག་ལེའི་སྒྲ་དང་ཡང་དག་ལྡན།། གང་ཚེ་རྣམ་པ་ཀུན་འགྱུར་བ་ན།། དེ་ཚེ་འབྲས་བུ་ཞེས་བརྗོད་པར།། མཆོག་གི་རྣལ་འབྱོར་པ་ཡིས་བཤད་ཅེས་གསུངས་སོ།། དེས་ཅིར ་འགྱུར་ཞེ་ན། ཇི་སྲིད་ལོངས་སྤྱོད་པས་ཐར་བསྒྲུབ་ནག་པོས་གསུངས་ཏེ་ནག་པོ་རྡོ་རྗེ་སྲིད་པ་ལ་སྤྱོད་པ་སྟེ།། ཤེས་རབ་ནི་བདེ་བ་ཉམས་སུ་མྱོང་ཞིང་འདོད་ཆགས་བྲལ་བ་ཐམས་ཅད་ལས་ལོག་པའི་ཕྱིར། ཐར་པ་ནི་ཕྱག་རྒྱ་ཆེན་པོའི་གོ། ་འཕང་ཐོབ་པ་སྟེ་མངོན་དུ་བྱེད་པའོ།། དེ་ལྟར་དཔལ་དང་པོའི་སངས་རྒྱས་ལས།། སྲོག་ནི་དབུས་སུ་བཅུག་པ་སྟེ། ཟླ་བ་ཉི་མ་འགྲོ་བ་གཡས་དང་གཡོན་བཅིང་བ་བྱང་སེམས་ཕྱག་རྒྱ་འགྲོགས་པས་མཆོག་ཏུ་དགའ་བར་འགྲོགས་ཤིང ་རྡོ་རྗེ་བསྲང་བར་བྱ།། ཆུ་སྐྱེས་རྡོ་རྗེ་སྒྲའི་རང་ལག་པདྨའི་རོལ་པས་བདེ་བ་ཕྱིར་གསོར་བ་འམ།། ས་བོན་མི་འཁོར་བ་བདེ་བཅས་ཤིང་འཇིགས་པ་སྤྱོད་བྱེད་དེ་ནི་དཔལ་ལྡན་བླ་མའི་ཞལ།། ཞེས་གསུངས་སོ།། སེམས་ཀྱི་བཅིང་བ་ཉིད་ཀྱིས་མ ་ཐམས་ཅད་འགྲུབ་པར་བསམ་ནས་སེམས་བརྟན་པ་ཉིད་གསལ་བར་སྟོན་ཏེ། བསྟན་པའི་ཡིད་ཀྱིས་སྦྱོར་བས་ན། ཞེས་གསུངས་ཏེ། རྡོ་རྗེ་པདྨ་སྦྱོར་བའི་སྒོ་ནས་བྱང་ཆུབ་སེམས་བརྟན་པའི་སྦྱོར་བ་བྱེང་པའོ།། དེ་གང་དུ་ཞེ་ན། ཆོས་ཀྱི ་ཡི་གེའི་ནང་དུ་ནི། ཞེས་གསུངས་ཏེ། ཆོས་ཀྱི་ཡི་གེའི་གཞོམ་དུ་མེད་པ་སྟེ། བདག་མེད་པའི་ས་བོན་ཏེ། དེའི་ནང་དུ་ནི་དེ་ལ་ཞེས་པའི་དོན་ཏོ།། དེས་ཅིར་འགྱུར་ཞེ་ན། སྐད་ཅིག་དེ་ལས་རླུང་ནི་འགགས་འགྱུར་ཏེ་ཞེས ་ཏེ། རླུང་ནི་སྲོག་གི་རླུང་སྟེ་སྐད་ཅིག་དེ་ལ་འགྲག་པའོ།། གཞན་ཡང་ཅི་ཞེ་ན། ཡུལ་རྣམས་ལ་ཡང་ཆགས་པ་མེད་པར་འགྲོ་ཞེས་གསུངས་ཏེ། ཡུལ་རྣམས་ནི་གཟུགས་ལ་སོགས་པའི་ཡུལ་རྣམས་སོ།། ཉེ་བར་ལོངས་སྤྱོད་པ ་ནི་མངོན་པར་ཞེན་པ་མེད་པར་འཁོར་བའི་འཆིང་བ་ལས་གྲོལ་ཞེས་བྱ་བའི་དོན་ཏོ།། འོན་ཏེ་ཆོས་ཀྱི་ཡི་གེ་གང་དུ་ཤེས་པར་བྱ་ཤེ་ན། གང་ལ་མཆོག་དང་དགའ་བྲལ་དག་ཐོབ་ན་ཞེས་གསུངས་ཏེ། མཆོག་དང་དགའ་བྲལ་ནི ་ཟླ་བ་དང་ཉི་མའོ།། དེ་གཉིས་ཀྱིས་དབུས་མཐོང་བ་ནི་དེ་ལ་ཆོས་ཀྱི་ཡི་གེ་སྟེ། སྔོན་བསྟན་པའི་མཚན་ཉིད་དང་ལྡན་པ་དབུས་སུ་མཚོན་པར་བྱའོ།། གང་ལ་འདི་ལྟ་བུའི་གདམས་ངག་གསལ་གྲུབ་ན། ཞེས་བྱ་བ་སྨོས་ཏེ། འདི་ལྟ ་བུའི་གསང་སྔགས་ནི་ཚུལ་གྱི་གདམས་ངག་གིས་གསལ་བར་གྲུབ་སྟེ། ཡོངས་སུ་རྫོགས་པ་གྲུབ་པ་དེའི་ཚེ་ཁྱིམ་བདག་མོ་རླུང་མི་གཡོ་བར་བཅིངས་ཤེས་གསུངས་ཏེ། ཁྱིམ་བདག་མོ་རླུང་གི་སྔོན་དུ་བསྟན་པ་མི་གཡོ་ཞེས ་བྱ་བའི་དོན་ཏོ།། གལ་ཏེ་འདི་ལ་རྩོལ་རླུང་བཅིངས་པས་ཆོས་ཀྱི་ཡི་གེ་བདེ་བ་ཆེན་པོའི་ངོ་བོ་རྡོ་རྗེ་ལྟ་བུའི་ངོ་བོ་ཉིད་དུ་གྱུར་པ་གང་ལ་གནས་པར་འགྱུར་ཞེ་ན། རི་བོ་མཆོག་གི་རྩེ་ཐོང་སྤངས་པ་ལ་ཞེས་གསུངས་ཏེ། རི་བོ་མཆོག ་ནི་རིན་པོ་ཆེའི་རི་བོ་སྟེ། དེ་ཉིད་སྔོན་དུ་བསྟན་པའི་རི་བོའོ།། དེའི་རྩེ་མོ་ནི་རྩེ་མོ་སྟེ། མ་ལུས་པའི་རྒྱུ་བ་དང་། མི་རྒྱུ་བའི་བདེ་བ་ཆེན་པོ་ཉིད་གནས་ཡིན་པའི་ཕྱིར་རོ།། ཐང་སྤངས་པ་ནི་ཡན་ལག་མཆོག་གི་ཐང་སྟེ་སྤྱི་གཙུག་སྟེ། རི ་ཁྲོད་མའི་ས་དེར་གནས་བཅས་ལ་ཞེས་པ་ནི་རོ་ཁྲོད་མ་དེ་ལྟ་བུའི་བདག་ཉིད་གྲུབ་པའི་ཡི་གེ། བཅོམ་ལྡན་འདས་ཀྱིས་གང་གནས་བྱས་པ་དེ། དེ་ནི་གནས་བྱས་པའོ།། ཁྱད་པར་ཇི་ལྟ་བུ་ཞེ་ན། སེང་གེ་ཡིས་ཀྱང་མཆོང་བར་མི ་ནུས་ཞེས་གསུངས་ཏེ། མཆོང་མི་ནུས་པ་ནི་གཞོམ་པར་མི་ནུས་པའོ།། གང་གིས་ཞེ་ན། སེང་གེའི་ནི་གདོང་པ་ལྔ་པ་སྟེ། དེ་ཉིད་དཀྱིལ་འཁོར་ལྔའི་བདག་ཉིད་ཀྱི་སྲོག་གི་རླུང་སེང་གིས་གནོན་པར་མི་ནུས་ཏེ། དྲུག་པ ་ཡེ་ཤེས་ཀྱི་དཀྱིལ་འཁོར་གྱི་ངོ་བོ་ཉིད་ཡིན་པའི་ཕྱིར་རོ།། གླང་པོ་ཆེ་ཡིས་ཀྱང་སྨོས་ཅི་དགོས་ཞེས་གསུངས་ཏེ། གླང་པོ་ཆེ་ནི་ཕྱུགས་ཏེ། ཉི་མ་དང་ཟླ་བ་སྟེ། དེ་དག་གིས་ཐག་རིང་པོར་བསྒོམས་དང་གསལ་བར་ག་ལ ་ནུས་ཞེས་བྱ་བའི་དོན་ཏོ།། དེ་ལྟར་ཟླ་བ་ཉི་མ་ཕྱུགས་ཆེན་པོ།། ཞེས་གསུངས་ཏེ། འདིར་དགོས་པ་ནི་ཟླ་བ་དང་ཉི་མའི་དཀྱིལ་འཁོར་དུ་རྒྱུ་བའི་རླུང་ལ་ཞེན་པའི་རྣམ་པར་ཤེས་པའི་ཁམས་ཉིད་ཀྱིས་ཐམས་ཅད་ལས ་ཐམས་ཅད་དུ།། ཐམས་ཅད་ཀྱི་ངོ་བོ་ཉིད་ཀྱིས་གནས་པ་དང་བཅོམ་ལྡན་འདས་བདེ་བ་ཆེན་པོ་རྡོ་རྗེ་གནས་ཀྱང་མི་རྟོགས་པའོ།། དེ་ལྟར་ཡང་ལུ་སྐྱེས་པའི་ལུས་ལ་ངེས་པར་གང་དུ་གནས་ཤེས་ན། འདིའི་རིགས ་མཆོག་དག་ཏུ་འདིའི་ས་བོན་བསྟན་ཞེས་བྱ་བ་ལ་སོགས་པ་ཚིགས་བཅད་ཕྱེད་དང་གཉིས་ནི་རྟོགས་པར་བླ་བས་འདྲིར་མ་སྨོས་སོ།། གོང་དུ་ཇི་སྐད་བསྟན་པའི་ལས་ཀྱི་ཕྱག་རྒྱ་གང་དུ་མཐོང་བའི་ཡེ་ཤེས་ཀྱི ་ཕྱག་རྒྱ་མི་འགྱུར་བའི་བདེ་བ་ཆེན་པོ་རྫོགས་པས། དེ་བསྟན་པའི་ཕྱིར། སྔགས་དང་རྒྱུད་ནི་གཅིག་ཀྱང་མི་བྱ་ཞེས་གསུངས་ཏེ། གཅིག་ཀྱང་མི་བྱ་སྟེ། གང་མི་བྱ་ཞེ་ན། སྔགས་ཀྱི་བཟླས་པ་ནི་གསང་སྔགས་ཀྱི་བཟླས་པའོ།། རྒྱུད་ནི ་རྒྱུད་ཀློག་པའོ།། ཅིའི་ཕྱིར་དེ་ལྟར་ཡིན་ཞེ་ནུ། རང་ཁྱིམ་བདག་མོ་ཞུ་ས་གསུངས་ཏེ། རང་ཁྱིམ་བདག་མོ་ནི་ལྷན་ཅིག་རང་སྣང་བའི་ཡེ་ཤེས་ཀྱང་ཕྱག་རྒྱ་སྟེ། བཟུང་བ་ནི་བླ་མ་དམ་པའི་གདམས་ངག་གིས་སོ།། གྲོལ་འགྱུར་ནི་ཡིད་དང ་རྗེས་སུ་མཐུན་པའི་ཕྱག་རྒྱ་དང་ལྷན་ཅིག་སྐྱེས་པ་རྣམས་ཀྱིས་བྱེད་དོ་ཞེས་བྱ་བའོ།། དེ་ལྟར་ཡང་དཔལ་དུས་ཀྱིས་འཁོར་ལོ་ལས་སེམས་ཀྱི་སྣང་བ་ཙམ་དུ་ཡིད་ལས་སྐྱེས་པའི་མེ་ལོང་གཟུགས་བརྙན་ལྟ་བུ་སྟེ། རྣལ་འབྱོར་དབང ་ཕྱག་བསྟེན་བྱ་མ་ལུས་སངས་རྒྱས་ལྔ་དང་སྲས་བཅས་རྣམས་ཀྱིས་སྟེན་དེའི་ཡེ་ཤེས་འོད་ཟེར་བསྐྱེད།། རང་གི་ལུས་དང་བཅས་པའི་བདུད་རྣམས་སྒྲིབ་པྲ་མ་ལུས་སྲེག། འདོད་ཆགས་ལྔ་སྩོགས་བསྲེག་ཅིང་ལོ་གཅིག་སྦྱོར་བས ་ལུས་ལ་རོ་མོཉམ་བདེ་བ་སྟེར་ཞེས་གསུངས་ཏེ། བཅོམ་ལྡན་འདས་དེ་ཉིད་ལ་མངོན་དུ་ཞེན་པའི་རྣལ་འབྱོར་པ་དེས། སྔགས་དང་རྒྱུད་ལ་འཛིན་ཅིང་ཞེན་པར་མི་བྱའོ།། འདིའི་དོན་ནི་འདི་ཡིན་ཏེ་དེ་ཉིད་གང་སྟེ། བྱང་ཆུབ ་ཀྱི་སེམས་ཀྱི་ཡིད་ཡིན་པར་སྔགས་སོ།། དེ་ཉིད་དུ་འཚོགས་པས་རྒྱུ་ཡིན་པས་ན་སྐད་ཀྱི་དབྱིངས་ཀྱི་རྒྱལ་པོ་ཉེ་བར་འཁོར་འཛིན་པའི་ཕྱིར་རྒྱུད་དོ།། དེ་ལ་མངོན་པར་དགའ་བས་ཐམས་ཅད་བྱས་པ་ཡིན་ནོ།། ཞེས་པའོ།། དེ་ལྟར ་ཡང་དགྱེས་པའི་རྡོ་རྗེ་ལས། སྔགས་བཟླས་དཀའ་ཐུབ་མེད་ཅིང་དཀྱིལ་འཁོར་སྦྱིན་སྲེག་མེད།། དེ་ཉིད་སྔགས་བཟླས་དཀའ་ཐུབ་སྦྱིན་སྲོག་དེ་ཉིད་ཡིན།། དེ་ཉིད་དཀྱིལ་འཁོར་བ་དང་དཀྱིལ་འཁོར་ཉིད་ཅེས་གསུངས་སོ།། དེ་ཉིད ་ཀྱི་དོན་གསལ་བར་བསྟན་པའི་ཕྱིར།། དེ་སྲིད་ཁྱིམ་བདག་མོ་ནི་རང་གི་ཁྱིམ་གནས་མ་གྱུར་ཞེས་གསུངས་སོ།། རང་གི་ཁྱིམ་ནི་ཐམས་ཅད་སྟོང་པ་ཉིད།། སྡིག་སྤངས་ཀྱི་གནས་ནི་རང་ཁྱིམ་མོ།། ཕྱག་རྒྱ་ཆེན་པོ་ནི་ཁྱིམ ་བདག་མོ་སྟེ།། ཇི་སྲིད་དུ་གནས་པར་མ་གྱུར་པ་ནི་ཐིམ་པར་མ་གྱུར་པའོ།། དེ་སྲིད་འདོད་ཡོན་ལྔ་སྟེ།། རེ་ཞིག་མངོན་པར་བྱང་ཆུབ་པ་ལྔས་སེམས་ཅན་མང་པོས་བསམ་པའི་བྱེ་བྲག་གིས་ཞོལ་དང་།། ཕྱག་རྒྱ་དང་ཁ་དོག ་དབྱིབས་ལ་སོགས་པ་སྣ་ཚོགས་ཀྱི་དེ་ལྟར།། ཇི་ལྟར་གནས་ཏེ་མི་གནས་སོ་ཞེས་བྱའོ།། དེ་ཡང་དཔལ་དང་པོའི་སངས་རྒྱས་ཀྱི་རྒྱུད་ལས། ལས་ཀྱི་ཕྱག་རྒྱ་མཉམ་སྦྱོར་ཞིང་།། ཡེ་ཤེས་ཕྱག་རྒྱ་སོགས་དམིགས་ནས། ཕྱག ་རྒྱ་ཆེན་པོ་གཅིག་སྦྱོར་བས།། འབྱུང་མེད་བདེ་བ་དེ་འཕེལ་འགྱུར།། ཀུན་ཏུ་ཞལ་དང་ཕྱག་ལ་སོགས།། ཀུན་ཏུ་དབུ་དང་སྤྱན་དང་གདོང་།། ཀུན་ཏུ་འཇིག་རྟེན་ཐོས་པར་ལྡན།། ཐམས་ཅད་ཁྱབ་ནས་གནས་པའོ།། ཞེས་གསུང་སོ།། ་དེ་ཉིད་ལྷ་རྫས་ཀྱི་ཕྱག་རྒྱ་དེ་ཉིད་འབྲས་བུའི་ཕྱག་རྒྱ་ཆེན་པོ་བསྒྲུབ་པའི་གདམས་ངག་ངེས་པར་བསྟན་ཅིང་ཡང་དེ་ཉིད་བསྟན་པ་ནི། བཟླས་དང་སྦྱིན་སྲེག་དཀྱིལ་འཁོར་ལས་འདི་ཡིན་ཞེས་བྲས ་ཏེ། ཕྱི་རོལ་དུ་གྱུར་པའི་བཟླས་པ་དང་། དཀྱིལ་འཁོར་དང་སྦྱིན་སྲོག་གི་ལས་འདིས་ནི་ཉི་མ་རེ་རེ་ཞིང་ཅིའི་ཕྱིར་གནས་ཞེས་བྱ་བ་སྟེ། སྟེང་དུ་ཁ་བལྟས་ཤིང་ཅིའི་ཕྱིར་ཀུ་རེའི་ངོ་བོ་ཉིད་འབྲས་བུ་མེད་ཅེས་བྱ་བའི་དོན ་ཏོ།། འདི་རྣམས་ཅིའི་ཕྱིར་དོན་མེད་པ་ཡིན་ཞེ་ན། དེ་ལྟ་བུའིའོ་གཞོན་ནུ་མ་དང་རྟག་ཏུ་མ་མཇལ་ན་ཞེས་གསུངས་ཏེ། དེ་ཉིད་རྟོག་ཏུ་གཞོནུ་མ་ལ་འདོད་ཆགས་ཀྱི་རང་བཞིན་ཡིན་པས། དེ་ཉིད་ལྷ་རྫས་ཀྱི་ཕྱག་རྒྱ་སྟེ། ་དེ་ལ་རྦ་རླབས་མེད་པའི་རྟོག་ཏུ་དགའ་བ་ལ་སོགས་པའི་རིམ་པ་གང་གི་རྗེས་སུ་ཆགས་པ་སྐྱེ་བ་དེ་རྦ་རླབས་མེད་པོའི་མཛའ་བས་སོ།། ལུས་འདྲི་ཡིན་ཏེ། བྱང་ཆུབ་ཇི་ལྟར་འགྲུབ་ཅེས་བྱ་བ་ནི། བྱང་ཆུབ་ཀྱི་ཕྱག ་རྒྱ་ཆེན་པོ་སྟེ། དེ་ཇི་ལྟར་འགྲུབ་ཅེ་ན། སྔོན་དུ་བསྟན་པའི་ཨེ་བཱཾ་གིས་ཡི་གེའི་ལུས་མེད་ནཱ་མཱི་འགྲུབ་ཅེས་པའི་དོན་ཏོ།། གང་གིས་རྟག་ཏུ་ཝཱནུ་སྐྱེས་བདེ་རྟོགས་ན་ཞེས་གོ་བླའོ།། གླང་གཱིས་ན་ཚོན་སེམས་ནི ་བརྟན་བྱས་པ་ཞེས་གསུངས་ཏེ། རབ་ཏུ་གཏུམ་པའི་གཏུ་མོ་མེས་ཞུ་བར་བྱ།། བསྐྱོད་པའི་མི་ནུས་པའི་ཕྱིར་གང་གིས་བརྟན་པར་བྱས་པའི་སེམས་རིན་པོ་ཆེ་བྱང་ཆུབ་ཀྱི་སེམས་སོ།། ཅི་བྱས་ནས་ཞེས་པ་ལ། ་རང་གི་ཁྱིམ་བདག་མོ་བླངས་ནས། འདི་ཞེས་བྱ་བ་གསུངས་ཏེ། རང་གི་ཁྱིམ་བདག་མོ་ནི་ལྷ་རྫས་ཀྱི་ཕྱག་རྒྱ་དེ་ཉིད་དེ།། དེ་ལ་ཨེ་བཾ་གི་ཡི་གེ་དེ་ལ་བདེ་བ་ཆེན་པོའི་གཟུགས་བཟུང་ནས་དེ་ཉིད་རྡོ་རྗེ་སེམས ་དཔའ་མགོན་པོ་སྟེ།། སྐུ་དང་གསུང་དང་ཐུགས་ཀྱི་གཙོ་བོ་སྟེ།། དེ་ཉིད་ནི་བོད་པའི་ཚིག་གོ། མཆོག་གི་དོན་ནི་བདག་གིས་རབ་བརྗོད་ན། བདག་ནག་པོ་རྡོ་རྗེས་མཆོག་གིས་དོན་མ་བཅོས་པ་འདི་བརྗོད་དོ་ཞེས་པ་སྟེ། ་དོན་འདི་ལས་གཞན་མེད་དོ་ཞེས་བྱ་བའི་དོན་ཏོ།། དེ་ཉིད་དཔེས་བསྟན་པའི་ཕྱིར། ཚྭ་ནི་ཆུ་ལ་ཞུགས་པ་ཞུ་བ་དེ་བཞིན་དུ་ནི་ཞེས་གསུངས་ཏེ། ཚྭ་ཆུ་ལ་ཞུགས་པ་དེ་བཞིན་དུ་ཁྱིམ་གྱིས་བདགུ་མོ་ཡེ་ཤེས་ཀྱིས ་ཕྱག་རྒྱའི་རང་བཞིན་བླངས་པའོ།། སེམས་ནི་བྱང་ཆུབ་ཀྱི་སེམས་ཏེ། རོ་གཅིག་པར་འགྱུར་རོ།། དེ་ལྟར་དཔྲལ་དགྱེས་པའི་རྡོ་རྗེ་ལས།། ཁུ་བོའི་རྣམ་པ་བཅོམ་ལྡན་འདསོ།། དེ་ཡིས་བདེ་བ་འདོད་མར་བརྗོད ་ཙོས་གསུངས་ཏེ།། ཁུ་བ་དང་བདེ་བ་དེ་ཉིད་ཀྱང་རྟེན་དང་བརྟེན་པ་ངོ་བོ་ཉིད་དེ་དག་ཐམས་ཅད་སྟོང་པ་ཉིད་ཀྱི་རང་བཞིན་དུ་བརྗོད་པ་བདེ་བ་མཉམ་ཞིང་རོ་གཅིག་པ་དེའི་སྐད་ཅིག་ལས་འགྱུར་རོ།། དེ་ལྟར་ཡང་དཔལ ་དང་པོའི་སངས་རྒྱས་ལས།། ཇི་སྲིད་རྟེན་དང་བརྟེན་པའི་སྦྱོར་བ་ཡིས།། དེ་སྲིད་འབྱུང་མེད་པར་དུའོ།། སེམས་ནི་འགོག་པ་ཉིད་མཉེས་ནས།། རྟེན་དང་བརྟེན་པའི་མཚན་ཉིད་ཅེས་གསུངས་ཏེ། དེ་ལྟར་ཡང་ཁ ་སྦྱོར་ཐིག་ལེ་ལས་སྣ་ཡི་བུ་བུ་གཉིས་ནས་ནི།། འཇུག་པ་བདེ་བ་དུས་ཤེས་བརྗོད།། འབྱུང་བ་བདེ་བ་དུས་ཡིན་ཏེ།། དེ་གཉིས་ཉིད་ནི་གཅིག་པར་གྲགས། གྲོགས་མེད་དག་ནི ་པུ་ནི།། བསམ་གྱིས་མི་ཁྱབ་དུས་ཉིད་འགྲོ།། སྲོག་དང་ཐུར་སེལ་མཉམ་གནས་དང་།། འབྱུང་དང་འཇུག་པ་རྣམ་པར་སྤངས།། འགྲོ་དང་འོང་བ་རྣམ་གྲོལ་བ།། དུས་ཅིག་ཏུ་ནི་དེ་བརྗོད་དོ།། འདོད་ཆགས་མ ་ཡིན་ཆགས་བྲལ་མིན།། དབུ་མར་དམིགས་པར་མི་འགྱུར་རོ།། འདོད་ཆགས་མ་ཡིན་ཆགས་བྲལ་ལཾ།། གཉིས་པོ་འདྲིས་པ་གཞོམ་དུ་མེད།། མར་ནི་མར་དུ་ཞུ་གྱུར་པ།། འདྲེས་པར་གྱུར་པ་རྟོག ་མེད་ལྟར།། དེ་བཞིན་འདོད་ཆགས་བྲལ་བ་ལྟ།། སྐད་ཅིག་ལ་ནི་རོ་གཅིག་འགྱུར་ཞེས་གསུངས་སོ།། གང་གིས་དེ་དང་རྟག་ཏུ་གནས་ན་ནི།། ཞེས་གསུངས་ཏེ། གལ་ཏེ་གཉིས་ཕན་ཚུན་དུའོ།། རྟག ་ཏུ་གནས་པ་ནི་རྒྱུན་མི་འཆད་པར་དེའི་ཚེ་ཡང་འདི་ལྟར་འགྱུར་ཞེས་པའོ།། འདིའི་དོན་ནི་དེ་ལྟར་བསྟན་པའི་ཁམས་ཀྱི་ཁུ་བ་དང་ངོ་བོ་དག་ཕན་ཚུན་རྒྱུན་མི་འཆད་པར་བྱའོ།། གལ་ཏེ་གཞན་དུ་འགྱུར་ན།། ་ཁུ་བའི་ངོ་བོ་ཉིད་ཟླ་བའི་རང་བཞིན་ནོ།། ལོངས་སྤྱོད་པའི་སྐུའོ།། ཁྲག་གི་རང་བཞིན་ཉི་མར་སྣང་བས་སྤྲུལ་པའི་སྐུ་ནུས་པར་གནས་པའོ།། བདེ་བའི་ངོ་བོ་ཉིད་དུ་གནས་པོའི་ཁྱིམ་བདག་པོ་དང་ལྷན་ཅིག་ཏུ ་བྱང་ཆུབ་ཀྱི་སེམས་འདི་གཉིས་ཀའི་སྦྱོར་བས་གོང་བུར་གྱུར་ནས་སྐྱེ་བ་དང་འཇིག་པའི་འཁོར་བའི་ལམ་ནས་འདས་ནས། རོ་གཅིག་པ་རྒྱུན་འབྱུང་བའི་དཔལ་ཧེ་རུ་ཀར་འགྱུར་རོ།། དེ་ལྟར་ཡང་དཔལ་ཁ་སྦྱོར་ཐིག ་ལྀ་ལས།། གང་ཚེ་མ་གྲོན་གནས་ཆགས་ཆེན་པོ།། ཟླ་བའི་གཟུགས་ཀྱིས་གནས་གྱུར་པ།། སངས་རྒྱས་རྣམས་ཀྱི་སྐུ་མཆོག་ཡིན།། གླེང་ཚེ་རྡོ་རྗེ་རྩེ་གནས་པའི།། དེ་ཚེ་རྡོ་རྗེ་སྤྱོད་རྫོགས་པ་ཡི།། སྐུ་ཡང་ནུས་པར ་འགྱུར་པ་ཡིན།། པདྨའི་ནང་དུ་གནས་གྱུར་འདོང་།། ཡུངས་ཀར་དུ་ནི་རྣམ་པར་གྲགས།། ཉི་མའི་གཟུགས་སུ་ཡང་དག་གྲགས།། སྤྲུལ་པའི་སྐུ་རུ་བརྗོད་པར་བྱ།། སངས་རྒྱས་བྱང་ཆུབ་སེམས་དཔའ་རྣམས།། དེ་ལ ་སྤྲོ་ཞིང་སྐྱེ་བ་ཡི།། པདྨ་གར་དབང་རྒྱལ་པོ་ནི།། པདྨའི་གླཙོ་བོ་རུ་ནི་འགྱུར་ཞེས་གསུངས་སོ།། དཔྲལ་ནག་རྡོ་རྗེའི་དོ་ཧ་མཛོད་ཀྱི་འགྲེལ་པ་པཎྜི་ཏ་འོད་དཔག་མེད་མཛོད་པ་རྫོགས་སོ།། ་