| Wylie | e-texts produced with BDRC’s OCR application |
རྒྱ་གར་སྐད་དུ། ཙཏྟརྨྨ་དྲཱ་ཨུ་པ་དེ་ཤ་ནཱ་མ། བོད་སྐད་དུ། ཕྱག་རྒྱ་བཞིའི་མན་ངག་ཅེས་བྱ་བ། དཔལ་རྡོ་རྗེ་སེམས་དཔའ་ལ་ཕྱག་འཚལ་ལོ།། སྟོང་ཉིད་སྙིང་རྗེ་དབྱེར་མེད་ཅིང་།། ཟབ་ཅིང་རང ་བཞིན་བརྟག་དཀའ་བ།། ཕྱུག་རྒྱ་ཆེན་པོའི་ངོ་བོ་ཉིད།། ཕྱག་འཚལ་ནས་ནི་དེ་ཉིད་བཤད།། དེ་ལ་མནྡ་ངག་ལ་འཇུག་པར་འདོད་པའི་རྣལ་འབྱོར་པས་ཐོག་མར་གྲུབ་མཐའ་དག་ཤེས་པར་བྱ་སྟེ། དེ་ཡང་ཐེག་པ་ནི་རྣམ ་བ་གསུམ་སྟེ། ཉན་ཐོས་ཀྱི་ཐེག་པ་དང་། རང་སངས་རྒྱས་ཀྱི་ཐེག་པ་དང་། ཐེག་པ་ཆེན་པོའོ།། དེ་ཉིད་གནས་པ་བཞི་སྟེ་བྱེ་བྲག་ཏུ་སྨྲ་བ.རོ་གནས་པ་དང་། མདོ་སྡེ་པར་གནས་པ་དང་། རྣམ་པར་རིག་པར་གནས ་བ་དང་། དབུ་མར་གནས་པའོ།། དེ་དག་ཉིད་སྦྱོར་བ་དགུ་སྟེ། ཉན་ཐོས་རབ་འབྲིང་གསུམ་དང་། རང་སྦྱངས་རྒྱས་དང་། མདོ་སྡེ་པ་དང་། རྣམ་བཅས་དང་། རྣམ་མེད་དང་། སྒྱུ་མཱ་ལྟ་བུ་གཉིས་སུ་མེད་པར་སྨྲ་བའི ་དབུ་མ་དང་། ཆོས་ཐམས་ཅད་རབ་ཏུ་མི་གནས་པར་སྨྲ་བའི་དབུ་མའོ།། དེ་དག་རེ་རེ་ལ་ཡང་དཔྱད་པའི་སྒོ་དང་། བསམ་གཏན་དང་། བསམ་གཏན་གྱི་དྲི་མཱ་དང་། ལྟ་བུ་སྟེ་བཞི་བཞིའོ།། དེ་ལ་དཔྱད་པ་ནི་ཐོས ་བསམ་ལ་བརྟེན་པའི་རང་གི་སོ་སོར་རྟོག་པའི་ཤེས་རབ་བོ།། བསམ་གཏན་ནི་རང་གི་བསྒོམ་པོའི་ཤེས་རབ་བོ།། བསམ་གཏན་གྱི་དྲི་མ་ནི་དེའི་དངོས་སུ་མི་མཐུན་པའི་ཕྱོགས་སོ།། ལྟ་བ་ནི་རང་གི་སྤྱོད་པ་ལ་རང་གི ་ཤེས་རབ་ཀྱིས་ཟིན་པའི་ཁྱད་པར་དང་། རང་གི་འབྲས་བུ་ལ་བློས་ཡུལ་དུ་བྱེད་པའོ།། དེ་ལ་ཉན་ཐོས་ཐ་མའི་སྤྱོད་པ་ནི།། སྔོན་ལ་སྩོགས་པའི་དྲིན་ཁས་ལེན་པ་སྔོན་དུ་འགྲོ་བས་བརྗོད་དུ་མེད་པའི ་ཟག་འདོད་པའོ།། འབྲིང་པོ་ནི་དང་འཐུན་པའོ།། རང་ནི་འཕགས་པའི་བདེན་པ་བཞི་ཡོངསུ་ཤེས་པས་གང་ཟག་སྟོ་པར་ཝཱ་བྱའོ།། རང་རྒྱལ་ནི་གཟུང་བ་སྟོང་ཞིང་འཛིན་ག་དུས་ལེན་པའོ།། མདོ་སྡེ་བ་ནི་གཟུང་བ་འདྲེས་པར་འདོད་ཅིང ་འཛིན་པ་ཚོགས་དྲུག་གོ། རྣམ་བཅས་ནི་ཐམས་ཅད་ཤེས་པ་མ་ར་འདོད་པ་སྟེ། སྣ་ཚོགས་གཉི་སུ་མེད་པར་འདོད་པའོ།། རྣམ་མེད་ནི་འདི་དག་ཐམས་ཅད་སེམས་ཉིད་དེ།། རྣམ་པ་མེད་པར་རིག་པའི་ངོ་བོར་འདོད་པའོ།། སྒྱུ་མ ་བུ་ནི་ཆོས་ཐམས་ཅད་སྒྱུ་མ་ལྟ་བུ་ཡང་དག་པའི་དངོས་པོས་སྟོང་པ་སྟེ། དེ་ཉིད་གཉིས་མེད་པར་འདོད་པའོ།། རབ་ཏུ་མི་གནས་པ་ནི་ཐ་སྙད་ཐམས་ཅད་ནི་མཚོན་པ་ཙམ་སྟེ། དོན་གྱི་ངོ་བོ་ཅིར་ཡང་མི་གནས་པའོ།། ཞེས་དཔྱོད་པའི། ་བསམ་གཏན་ནི་མི་སྡུག་པ་བསྒོམ་པ་དང་། སྲོག་དང་རྩོལ་བ་འགྲང་བ་ལ་གནས་པ་དང་། སྟོང་པ་ཉིད་ཀྱི་བདེན་པ་མར་མེ་བསད་པ་ལྟ་བ་ཅི་ཡང་མི་སྣང་བ་ལ་སེམས་གནས་པ་དང་། སྣའི་རྩེ་མོར་གནས་པ་དང་། དཀྱིལ་འཁོར་བསྡུས ་ནས་སེམས་གནས་པ་དང་། སེམས་ཀྱི་རྣམ་པ་ལ་སེམས་གནས་པ་དང་། རྣམ་པ་མེད་པ་ལ་གནས་པ་དང་། གཟུགས་བརྙན་ལ་གནས་པ་དང་། ཅིར་ཡང་མ་གྲུབ་པའི་ངོ་བོ་ཉིད་ལ་གནས་པའོ།། དེ་ལ་སེམས་ཀྱི་རྣམ་པ་ལ་གནས་པར ་བྱ་བ་ནི་དང་པོར་ཅིར་ཡང་རུང་བ་ལ་ཤེས་གཏད།། དེ་ཉིད་སེམས་ཙམ་དུ་ཤེས་པར་བྱས་ཏེ་གནས་པའོ།། རྣམ་པ་མེད་པ་ལ་གནས་པ་ནི་ཐོག་མར་མཆོད་པ་ལ་སོགས་པ་བྱས་ཏེ། སློབ་མ་སྟན་ལ་གཞག་ལ་དབུགས་སོར་བཅུག་སྟེ། ་ཐོག་མར་མེ་ཏོག་ལྟ་བུ་ལ་ཤེས་པ་གཏོད་དུ་བཅུག་ནས་ལག་པ་སྤྱི་བོར་གཞག་ལ་སྔགས་འདི་བརྗོད་དོ།། ཨོཾ་ཨ་ར་ར་ཧཱུཾ་ཧཱུཾ། ཨོཾ་བཛྲི་ཡི་གི་ནཱི་ཨ་བྷི་ཏིཥྛ་ཧཱུཾ་ཕཊ། ཅེས་པོའི་མགོར་རང་གི་ཡི་དམ་གྱི་སྔགས་བརྗོད་དེ། དེ་ནས་མེ་ཏོག ་ཀྱང་མེད་པར་བྱས་ན་མྱུར་དུ་སྐྱེའོ།། བསམ་གཏན་གྱི་དྲི་མ་རྣམས་དང་།། ལྟ་བ་རྣམས་ནི་གཞན་ནས་གསལ་བས་འདིར་མ་བརྗོད་དོ།། དེ་ལྟར་ན་མི་མཁས་པ་རབ་རིབ་ཅན་དང་། མཁས་པ་རབ་རིབ་ཅན་དང་། མཁས་པ་ར་བ་རིབ་མེད་པའོ།། ་དེ་དག་གི་སྙིང་རྗེ་ཡང་སེམས་ཅན་ལ་དམིགས་པ། ཆོས་ལ་དམིགས་པ་དང་། དམིགས་པ་མེད་པའོ།། དེ་ལ་གསང་སྔགས་ཀྱི་ཐེག་པ་ནི་ཐེག་པ་གསུམ་ལས་ནི་ཐེག་པ་ཆེན་པོའོ།། གནས་པ་ནི་ཕྱི་མ་གཉིས་སོ།། སྦྱོར་བ་ནི་ཐ་མ་བཞི་ལའོ།། ་དེ་ལ་སློབ་དཔོན་ཉིད་ཀྱི་གཞུང་གིས་ནི་རབ་ཏུ་མི་གནས་པར་སྦྱོར་བའོ།། དེ་ལྟ་ན་ཡང་དེ་དང་ཐམས་ཅད་དུ་ཁྱད་མེད་ནི་མ་ཡིན་ཏེ། ཇི་སྐད་དུ་དོན་གཅིག་ན་ཡང་མ་རྨོངས་དང་ཐབས་མང་དཀའ་བ་མེད་པ་དང་། དབང་པོ་རྣོན་པོས་དབང་བྱས་ཕྱིར། ་སྔགས་ཀྱི་ཐེག་པ་ཁྱད་པར་འཕགས།། ཞེས་གསུངས་པས་དེ་བརྗོད་པར་བྱ་སྟེ། ཕྱི་བསྐྱེད་པའི་རིམ་པ་དང་། ཟབ་མོ་བསྐྱེད་པའི་རིམ་པ་དང་། རྫོགས་པའི་རིམ་པ་དང་། ཡོངསུ་རྫོགས་པའི་རིམ་པ་དང་། ངོ་བོ་ཉིད་ཀྱི་རིམ་པའོ།། ཡང་དེ ་བཞིན་གཤེགས་པའི་དབུགས་དབྱུང་དང་། རྡོ་རྗེ་འཆང་གི་དབུགས་དབྱུང་བའོ།། ཡང་ཀུན་བརྟགས་ལ་གཞན་དབང་གི་རྒྱུ་དང་། གཞན་དབང་ལ་ཡོངསུ་གྲུབ་པ་དང་། ཡོངསུ་གྲུབ་པ་ལ་རྡོ་རྗེ་སེམས་དཔའ་དང་། དེ ་ཉིད་ལ་བདེ་བ་ཆེན་པོའི་རྒྱས་གདབ་པའོ།། ཡང་ཕྱག་རྒྱ་བཞི་ལས་རྟོགས་པར་བྱ་སྟེ། ལས་ཀྱི་ཕྱག་རྒྱ་ནི་ཟབ་མོ་བསྐྱེད་པའི་རིམ་པ་དང་། རྫོགས་པའི་རིམ་པའོ།། ཆོས་ཀྱི་ཕྱག་རྒྱ་ནི་ཡོངསུ་རྫོགས་པའི་རིམ་པའོ།། ཕྱག་རྒྱ་ཆེན་པོ་ངོ་བོ་ཉིད་ཀྱི ་རིམ་པའོ།། དམ་ཚིག་གི་ཕྱག་རྒྱ་ནི་ཕྱི་བསྐྱེད་པའི་རིམ་པའོ།། ཀུན་བརྟགས་ལོ་གཞན་དབང་གི་རྒྱ་ནི་ཕྱི་བསྐྱེད་པའི་རིམ་པའོ།། ཡོངས་སུ་གྲུབ་པའི་རྒྱ་ནི་ལྷ་ཐམས་ཅད་ཀྱང་རྣམ་པར་རིག་པ་ཙམ་མོ།། རྡོ་རྗེ་སེམས་དཔའི་རྒྱུ་ནི་རྣམ་རིག་སྟོང་པ་ཉིད ་དུ་ཤེས་པའོ།། བདེ་བ་ཆེན་པོའི་རྒྱ་ནི་དེ་ཉིད་མན་ངག་ཉམསུ་མྱོང་བར་བྱས་པའོ།། ལས་ཀྱི་ཕྱག་རྒྱ་ནི་དབང་གིས་ངོ་བོ་སྟེ། དེ་ཡང་བུམ་པ་དང་། གསང་བ་དང་ཤེས་རབ་ཡེ་ཤེས་དང་། བཞི་པའོ།། བུམ་པ་ནི་སློབ་དཔོན་གྱི་དབང་མན་བཅད ་དེ། ལུས་དག་པར་བྱེད་པའོ།། གསང་བ་ནི་ཐབས་ཤེས་རབ་གཉིས་ལས་བྱུང་བའི་བྱང་ཆུབ་ཀྱི་སེམས་སྟེར་བ་སྟེ། ངག་དག་པར་བྱེད་པའོ།། ཤེས་རབ་ཡེ་ཤེས་ནི་གསུམ་སྟེ། དྲག་པོ་དང་། ངན་པ་དང་། བཟང་པོའོ།། དེ་ལ་དྲག་པོ་ནི་འོདང ་འཁྱུད་པ་ནས་བརྩམས་ཏེ་ཕྱི་རོལ་གྱི་བྱ་བ་ནི་དགའ་བ་སྟེ། རྣམ་པ་སྣ་ཚོགས་སོ།། གཙུབ་པ་དང་གཙུབ་པའི་སྦྱོར་བ་ནི་རྣམ་པར་སྨིན་པ་སྟེ་མཆོག་དགའོ།། རིན་པོ་ཆེར་ཉམསུ་མྱོང་བ་ནི་མཚན་ཉིད་དང་བྲལ་བ་སྟེ་དགའ་བྲལ་ལོ།། པདྨར ་ལྟུང་བ་ནི་རྣམ་པར་ཉེད་པ་སྟེ། ལྷན་ཅིག་སྐྱེས་པའོ་ཞེས་འདོད་པ་སྟེ་ལྷུང་དང་འགལ་བའོ།། ལུང་ལས་མཆོག་དགའ་དགའ་བྲལ་དབུས་དག་ཏུ།། མཚོན་བྱ་ཤེས་ནས་བརྟག་པར་གྱིས་ཞེས་པ་དང་། ཡང་དག་དགའ་བྲལ་དང་པོ་མཆོག ་མཐའ་ཅན་ཞེས་པ་ལ་སོགས་པ་བསྟེན་པ་དང་། ཡང་དགའ་བ་བཞི་ནི་དགའ་བ་དང་། མཆོག་ཏུ་དགའ་བ་དང་། ལྷན་ཅིག་སྐྱེས་པའི་དགའ་བ་དང་། དགོའ་བྲལ་གྱི་དགའ་བའོ་ཞེས་གསུངས་པས་སོ།། འོན་ཏེ་ལུང་ལས་ལྷན་ཅིག ་སྐྱེས་པ་ཐ་མར་ཡོད་དོ་ཞེ་ན། ཡང་བདེན་མོད་ཀྱི། དེ་ནི་བླ་མ་ལ་བལྟོས་པ་དང་བྲལ་བ་གླེགས་བམ་གྱིས་མཁས་པར་བྱེད་པའི་གང་ཟག་དག་གི་ཕྱེད་དུ་བཀྲུགས་ནས་བཤད་དེ། འདིར་གྲངས་ཀྱི་བཞི་པར་འདུག་ཀྱང་དོན་གྱིས་གསུམ ་པོར་སྦྱར་རོ།། དེ་ནས་འདྲིར་དྲག་པའི་སྦྱོར་བ་ནི་གོ་རིམ་དང་གཉིས་ཀ་ལ་མི་མཁས་པའོ།། ད་ནི་དབང་བསྐུར་ངན་པ་བརྗོད་པར་བྱ་སྟེ། འོ་དང་འཁྱུད་པ་ལ་སོགས་པ་ཕྱིར་རོལ་གྱི་བྱ་བ་ནི་རྣམ་པ་སྣ་ཚོགས་ཏེ་དགའ་བའོ།། བསྲུབ ་པ་དང་བསྲུབ་པའི་སྦྱོར་བ་ནི་རྣམ་པར་སྨིན་པ་སྟེ་མཆོག་དགའོ།། རིན་པོ་ཆེར་ཉམས་སུ་མྱོང་བ་ནི་མཚན་ཉིད་དང་བྲལ་བ་སྟེ་ལྷན་ཅིག་སྐྱེས་པའོ།། པདྨར་ལྷུང་བ་ནི་རྣམ་པར་ཉེད་པ་སྟེ་དགའ་བྲལ་ལོ།། ཞེས་འདོད་པ་སྟེ་མུ་སྟེགས ་པ་དང་ཁྱད་མེད་པའོ།། ཅིའི་ཕྱིར་ཞེ་ན། ཉམས་སུ་མྱོང་བ་ལ་ཡང་དག་པར་འཛིན་པའི་ཕྱིར་རོ།། དེ་ནི་གོ་རིམ་ལ་མཁས་ཀྱང་དོན་ལོ་མི་མཁས་པའོ།། ད་ནི་དབང་བསྐུར་བཟང་པོ་བརྗོད་པར་བྱ་སྟེ།། འདིའི་ལུགས་ཀྱིས་དགའ་བ། ་བཞི་ནི་འདི་ལྟར་ཤེས་པར་བྱ་སྟེ། ཕྱི་རོལ་གྱི་བྱ་བ་ནས་བསྐྱོད་པའི་མཐར་ཐུག་པ་ནི་རྣམ་པ་སྣ་ཚོགས་པའི་དགའ་བའོ།། རིན་པོ་ཆེའི་མཐར་ཐུག་པ་ཉམ་སུ་མྱོང་བ་ནི་རྣམ་པར་སྨིན་པ་སྟེ་མཆོག་དགའོ།། བཅོམ་ལྡན ་འདས་ཀྱིས། བཅུ་དྲུག་ཕྱེད་ཕྱེད་ཐིག་ལེ་ཅན་ཞེས་བྱ་བའི་ཐིག་ལེ་བཞིའི་གཟུགས་ཀྱི་བཞུགས་པ་ལས་གཉིས་ནི་རྡོ་རྗེ་རྩེ་མོའི་ཆ་ལ་གནས། གཉིས་ནི་པདྨའི་ཟེའུ་འབྲུའི་ཆ་ལ་གནས་པའི་མཚན་ཉིད་དང་བྲལ་བ་སྟེ་ལྷན་ཅིག་སྐྱེས་པའོ།། ་ཐིག་ལ་བཞི་ཅར་ཡང་པདྨའི་ཆ་ལ་གནས་པ་ནི་རྣམ་པ་མེད་པ་སྟེ་དགའ་བྲལ་ལོ།། ད་ཡང་ཤེས་རབ་བཅུ་དྲུག་ལོན་པ་ལ།། ལག་པ་གཉིས་ཀྱིས་འཁྱུད་ནས་ནི།། རྡོ་རྗེ་དྲིལ་བུ་མཉམ་སྦྱོར་བ།། སློབ་དཔོན་དབང་དུ་ཤེས་པར་བྱ་ཞེས ་པ་དང་། དབང་ནི་བཞི་ཡི་གྲངས་ཀྱིས་ཀྱང་།། དགའ་བ་ལ་སོགས་རིམ་ཤེས་བྱ།། ཞེས་པ་དང་། ཐམས་ཅད་གསང་བའི་རྒྱུད་ལས་ཀྱང་།། གཉིས་ཤོར་གཉིས་ནི་མཉམ་པའི་དབུས།། རྡོ་རྗེ་ནས་ནི་པདྨར་རེག། རྒྱུ་ལ་འབྲས་བུ ་རྒྱས་གདབ་ཅིང་། འདི་ནི་བདེ་ཆེན་རྒྱལ་པོའོ་ཞེས་གསུངས་སོ།། དེ་ལྟར་ན་དྲག་པོའི་སྦྱོར་བ་ནི་མི་བསྐྱོད་པའི་རྒྱ་དང་བྲལ་ལ་དབང་བསྐུར་ངན་པ་ནི་རྡོ་རྗེ་སེམས་དཔའི་རྒྱ་དང་བྲལ་ཞིང་རྡོ་རྗེ་འཆང་གི་དབུགས་དབྱུང་བ་དང་བྲལ་བའོ།། ་འདིར་རྡོ་རྗེ་སེམས་དཔས་མི་བསྐྱོད་པ་ལ་རྒྱས་བཏབ་པ་ནི་དབུ་མའི་ལམ་མོ།། དེ་ཡང་ལུང་ལས་འདོར་བསྟན་པ་དང་། རྒྱས་པར་བསྟན་པ་དང་། ཤིན་ཏུ་རྒྱས་པར་བསྟན་པ་སྟེ། དེ་དག་ནི་དབང་གི་འགྲེལ་པ་ཉིད་ན་གསལ་བས ་འདིར་མ་བྲིས་སོ།། ང་ནི་ཤེས་རབ་ཡེ་ཤེས་ཀྱི་དབང་སྟེ་ཡིད་དགའ་བར་བྱེད་པའོ།། བཞི་པ་ནི་ཤེས་རབ་ཡེ་ཤེས་ཀྱི་རང་བཞིན་དགའ་བ་གསུམ་དང་ཐ་མི་དད་པ་རྟེན་འབྲེལ་གྱིང་པོར་ཟུང་དུ་འཇུག་པ་ནི་བཞི་པའོ།། དེ་དག་ནི་ལས་ཀྱི་ཕྱག་རྒྱ་།། ་རྒྱུ་འཐུན་པའི་འབྲས་བུ་སྐྱེས་པར་བྱེད་དོ་ཞེས་སློབ་དཔོན་ཀླུ་སྒྲུབ་ཀྱིས་བཤད་དོ།། ཆོས་ཀྱི་ཕྱག་རྒྱ་ནི་སྣང་གྲགས་ཀྱི་ཆོས་སྣ་ཚོགས་སུ་སྣང་བ་ཉིད་དེ། དེ་ཡང་ལས་ཀྱི་ཕྱག་རྒྱའི་ལྷན་ཅིག་སྐྱེས་པ་ཉིད་ལས་གྲོལ་བ་སྣ་ཚོགས་ཀྱི ་རྟོག་པ་འབྱུང་བ་དང་། སྣ་ཚོགས་ཀྱི་རྟོག་པ་འགགས་ཤིང་ལྷན་ཅིག་སྐྱེས་པའི་གཟུགས་སུ་གནས་པ་དང་། སྣ་ཚོགས་དང་ལྷན་ཅིག་སྐྱེས་པ་ཉིད་དུ་མེད་པ་དང་། སྣ་ཚོགས་དང་ལྷན་ཅིག་སྐྱེས་པ་གཉིས་ཀའི་རྟོག་པ་མི་དམིགས་པ ་དང་། བཞི་ནི་ཆོས་ཀྱི་ཕྱག་རྒྱའི་དགའ་བ་དང་།། མཆོག་དགའ་དང་། ལྷན་ཅིག་སྐྱེས་དགའ་དང་། དགའ་བྲལ་ལོ།། དེས་ན་ཆོས་ཀྱི་ཕྱག་རྒྱ་ནི་དངོས་པོ་མ་བཅོས་པའི་རང་བཞིན་ལས་མ་བཅོས་པའི་ཕྱག་རྒྱ་ཆེན་པོ་སྐྱེ་བའི་ཕྱིར་རྣམ ་པར་སྨིན་པའི་འབྲས་བུ་ཞེས་བརྗོད་དོ།། ཕྱག་རྒྱ་ཆེན་པོ་ནི་ཆོས་ཐམས་ཅད་སྐྱེ་བ་མེད་པའི་ངོ་བོ་ཟུང་དུ་འཇུག་པ། གཟུང་བ་དང་འཛིན་པའི་རྟོག་པ་དང་བྲལ་བ། ཉོན་མོངས་པ་དང་ཤེས་བྱ་ལ་སོགས་པའི་སྒྲིབ་པ་སྤངས་པ། ཇི་ལྟ ་བཞིན་དུ་རང་གི་མཚན་ཉིད་ཉམས་སུ་མྱོང་བ་སྟེ། དྲི་མ་མེད་པའི་འབྲས་བུར་བརྗོད་དོ།། དེའི་ངོ་བོ་ནི་མཐའ་དབུས་ཀྱི་ཆོས་ཐམས་ཅད་གཟུགས་ཅན་མ་ཡིན་པ་དང་། ཐམས་ཅད་དུ་ཁྱབ་པ་དང་མི་འགྱུར་པ་དང་། དུས་ཐམས་ཅད་པའོ།། ། ་དེས་ན་ཕྱག་རྒྱ་ཆེན་པོ་ནི་སྐད་ཅིག་མ་ཅིག་ལ་མངོན་པར་རྫོགས་པར་སངས་རྒྱས་པ་སྟེ། སྐད་ཅིག་མ་བཞི་དང་དགའ་བ་བཞིར་དབྱེ་བ་ནི་མེད་དོ།། འོན་ཀྱང་ཕྱག་རྒྱ་བཞི་ལ་བལྟོས་ནས་དགའ་བ་བཞིར་གཞག་སྟེ་ལས་ཀྱི ་ཕྱག་རྒྱ་ནི་དགའ་བའོ།། ཆོས་ཀྱི་ཕྱག་རྒྱ་ནི་མཆོག་ཏུ་དགའ་བའོ།། ཕྱག་རྒྱ་ཆེན་པོ་ནི་ལྷན་ཅིག་སྐྱེས་པའི་དགའ་བའོ།། དམ་ཚིག་གི་ཕྱག་རྒྱ་ནི་དགའ་བྲལ་ལོ།། དེ་ཉིད་ཇི་ལྟ་བ་བཞིན་ཆོས་ཀྱི་འཁོར་ལོའི་དུས་སུ་བླ་མའི་ཞལ་ལ་ལྟོས་པར ་བྱའོ།། དམ་ཚིག་གི་ཕྱག་རྒྱ་ནི་དེ་ཁོ་ན་ཉིད་མཚོན་པར་བྱེད་པ་འབྲས་བུ་ལྷའི་དཀྱིལ་འཁོར་ཏེ། དེ་ཡང་རྗེ་བཙུན་གྱིས་ཐབས་མཚོན་པ་དང་། རྗེ་བཙུན་མས་ཤེས་རབ་མཚོན་པ་དང་། འཁྱུད་པས་གཉིས་སུ་མེད་པ་མཚོན་པའི་ཕྱིར་དམ ་ཚིག་གོ། དེ་ཡང་བསྐྱེད་པའི་རིམ་པར་བདུན་པོ་དག་པོ་བྱས་ནས་རྒྱུའི་ཧེ་རུ་ཀ་བསྐྱེད་པ་དང་། ལྷ་མོའི་འཁོར་ལོ་སྤྲོ་བ་དང་། ཉི་མཱ་དང་ཟླ་བར་ཐིག་ལེའི་གཟུགས་སུ་ཞུ་བ་དང་། ལྷ་མོའི་དབྱངས་ཀྱིས་བསྐུལ་བ་དང་། འབྲས་བུ ་རྡོ་རྗེ་འཛིན་པར་གྱུར་པ་ནི་དམ་ཚིག་གི་ཕྱག་རྒྱའི་དགའ་བ་བཞི་སྟེ་གོ་རིམས་བཞིན་ནོ།། འབྲས་བུ་ལྷའི་འཁོར་ལོ་འདི་འགྲོ་བའི་དོན་འཛིན་པར་བྱེད་པ་སྐྱེས་བུ་བརྗོད་དོ།། དེ་ལྟར་ན་ཕྱག་རྒྱ་བཞི་ལ་དགའ་བ་བཞི་བཞི་སྟེ་བཅུ་དྲུག་ཏུ་ཤེས་པར ་བྱའོ།། ཕྱག་རྒྱ་བཞིའི་མན་ངག་སློབ་དཔོན་གཉིས་མེད་རྡོ་རྗེས་མཛད་པ་རྫོགས་སོ།། ། རྒྱ་གར་གྱི་མཁན་པོ་བཛྲ་པཱ་ཎི་དང་། བོད་ཀྱི་ལོ་ཙཱ་བ་དགེ་སློང་ཚུལ་ཁྲིམས་རྒྱལ་བས་བསྒྱུར་བའོ།། ་