Wylie

e-texts based on the ACIP/ALL Input

བཞག་པ་ནི་ཨུཏྤ་ལ་ཁ་བྱེ་བའི་ཕྱག་རྒྱ་སྟེ། འདིས་སྙིང་ག་དང་། དཔྲལ་བ་དང་། ལྐོག་མ་དང་སྤྱི་བོར་གཏུགས་པར་བྱའོ། །ོཾ་ཝཱ་གཱི་ཤྭ་རི་མུཾ། མགོན་པོ་འཇམ་པའི་དབྱངས་ཀྱི་རྒྱལ་པོ་ཆེན་པོ་སྒེག་པའི་སྒྲུབ་ཐབས་རྫོགས་སོ།།[་]@##། །རྒྱ་གར་སྐད་དུ། ཨཱརྱ་ཡ ་མཱནྟ་ཀ་སཱ་དྷ་ནཾ། བོད་སྐད་དུ། འཕགས་པ་གཤིན་རྗེ་གཤེད་ཀྱི་སྒྲུབ་པའི་ཐབས། འཕགས་པ་ཁྲོ་བོ་གཤིན་རྗེ་གཤེད་ལ་ཕྱག་འཚལ་ལོ། །དེ་བཞིན་དུ་ཨོཾ་ཧཱུཾ་ཞེས་བྱ་བའི་ས་བོན་ལས་བསྐྱེད་ལ། ཁྲོ་བོའི་སྐྱིལ་ཀྲུང་གིས་ཉི་མ་ལ་གནས་པའི་ཡི་གེ་ཧཱུཾ་ལས་བྱུང་བའི་གཤིན་རྗེ་གཤེད་རབ ་ཏུ་ཁྲོས་པ། ཞལ་དྲུག་པ་ཕྱག་དྲུག་པ། དབུ་སྐྲ་གྱེན་དུ་བརྫེས་པ། མ་ཧེ་ལ་ཆིབས་པ་གཡོན་བརྐྱང་བས་བཞུགས་པ། མིའི་ཐོད་པ་དང་རྒྱུ་མས་བརྒྱན་པ། ཤིན་ཏུ་འཇིགས་པའི་ཆ་ལུགས་ཅན། སྟག་གི་པགས་པའི་སྨད་གཡོགས་ཅན། ཕྱག་གཡས་ན་རལ་གྲི་དང་རྡོ་རྗེ་བསྣམས་པ། གཡོན ་ན་དྲིལ་བུ་དང་། རྡོ་རྗེ་གཏུན་ཤིང་བསྣམས་པ། ཅོད་པན་མི་བསྐྱོད་པས་མཚན་པ་བསྒོམ་པར་བྱའོ། །དེ་ནས་དམ་ཚིག་གི་ཕྱག་རྒྱ་བཅིང་བར་བྱ་སྟེ། ཐལ་མོ་ཁོང་སྟོང་དུ་སྦྱར་ལ་མཐེ་བོང་གཉིས་དང་མཛུབ་མོ་གཉིས་སོ་སོར་ཕྱེ་ལ་གུང་མོ་གཉིས་ཀྱི་ཚིགས་གསུམ་པ་བཅག་པར་བྱའོ། །ོཾ་ཧྲཱིཿཥྚྲཱྀཿབིཀྲྀ ་ཏཱ་ན་ན་ཧཱུཾ་ཧཱུཾ་ཕཊ་ཕཊ་སྭཱ་ཧཱ། འཕགས་པ་གཤིན་རྗེ་གཤེད་ཀྱི་སྒྲུབ་ཐབས་རྫོགས་སོ།།[་]@##། །རྒྱ་གར་སྐད་དུ། བ་སུ་དྷཱ་ར་སཱ་དྷ་ནཾ། བོད་སྐད་དུ། ལྷ་མོ་ནོར་གྱི་རྒྱུན་གྱི་སྒྲུབ་པའི་ཐབས། ལྷ་མོ་ནོར་གྱི་རྒྱུན་ལ་ཕྱག་འཚལ་ལོ། །དེ་ནས་ལྷ་མོ་ནོར ་