Wylie

e-texts based on the ACIP/ALL Input

ཡི་གེ་དམར་པོ་བལྟས་ནས། དེའི་འོད་ཟེར་གྱིས་དེ་བཞིན་གཤེགས་པའི་ཡེ་ཤེས་ཙམ་ཡང་དག་པར་བཀུག་སྟེ། དེ་བཞིན་དུ་བཅུག་ནས་དེ་ཡོངས་སུ་གྱུར་པ་ལས་ཨུཏྤ་ལ། དེའི་དབུས་སུ་ཟླ་བ་ལ་གནས་པའི་ས་བོན་དེ་ལས་འོད་ཟེར་འཕྲོས་འཇམ་དཔལ་ངག་གི་རྒྱལ་པོའི་སྐུར ་འགྲོ་བ་རྣམས་བསྐྱེད་ནས། རང་གི་ས་བོན་ལ་དེ་བཞིན་དུ་ཞུགས་ཏེ། དེ་ཡོངས་སུ་གྱུར་པ་ལས་བདག་ཉིད་སྐད་ཅིག་གིས་འཕགས་པ་འཇམ་དཔལ་དུ་བསྐྱེད་པར་བྱའོ། །ཕྱག་གཉིས་པ་ཞལ་གཅིག་པ། སྐུ་མདོག་སེར་པོ་རོལ་པའི་ཕྱག་རྒྱས་སེང་གེའི་གདན་ལ་བཞུགས་པ། ཕྱག་གཉིས་བཤད ་པའི་ཕྱག་རྒྱས་འགྱིང་པ། རིན་པོ་ཆེའི་ཅོད་པན་ཅན་མཛེས་པའི་རྒྱན་གྱིས་བརྒྱན་པ། ཕྱག་གཡོན་ན་ཨུཏྤ་ལ་བསྣམས་པ། དབུ་ལ་མི་བསྐྱོད་པའི་དབུ་རྒྱན་ཅན། དེ་བཞིན་དུ་དམ་ཚིག་སེམས་དཔའ་བསྐྱེད་ནས། སྙིང་གའི་ས་བོན་གྱིས་ཡེ་ཤེས་སེམས་དཔའ་མདུན་དུ་གདན་དྲངས་ཏེ ་བལྟས་ནས། ས་མ་ཡ་སྟྭཾ། དྲྀ་ཤྱ་ཧོཿ། ས་མ་ཡ་སྟྭཾ། ས་མ་ཡ་ཧོ། ས་མ་ཡ་སྟྭཾ། ཨ་ཧཾ། ཞེས་པས་དམ་ཚིག་བསྐུལ་བར་བྱ་སྟེ། ཛཿཧཱུཾ་བཾ་ཧོཿ། ཞེས་པའི་ཡི་གེ་བཞིས་དགུག་གཞུག་ལ་སོགས་པ་བྱའོ། །སྔགས་ནི་འདི་བཞིན་དུ། པར་ཎ་སཾ་དོ་ཧཱ་རཱ་ཛཿངག་གི་རྒྱལ་པོའི་སྒྲུབ་ཐབས ་རྫོགས་སོ། །[་]@##། །རྒྱ་གར་སྐད་དུ། མཉྫུ་གྷོ་ཥ་སཱ་དྷ་ནཾ། བོད་སྐད་དུ། འཇམ་པའི་དབྱངས་ཀྱི་སྒྲུབ་ཐབས། འཕགས་པ་འཇམ་པའི་དབྱངས་ལ་ཕྱག་འཚལ་ལོ། །སྔོན་དུ་གསུངས་པའི་ཆོ་གས་འདིར་དང་པོ་སྙིང་གར་ཟླ་བའི་དབུས་སུ་ས་བོན་དྲུག་པའི་ལྔ་པ་ལྔ་པའི་དབྱངས་ཀྱིས ་ཡོངས་སུ་གང་བ་སྟོང་པ་ཉིད་གཉིས་ལྷས་མནན་པའོ། །དེའི་ས་བོན་གྱི་འོད་ཟེར་ལས་སྐྱེས་པའི་བླ་མ་དང་། སངས་རྒྱས་དང་། བྱང་ཆུབ་སེམས་དཔའ་རྣམས་བལྟས་ནས། མཆོད་ཅིང་མངོན་པར་ཕྱག་འཚལ་ནས། སྔགས་འདི་ཡིས། ཨོཾ་བཛྲ་པུཥྤེ་ཧཱུཾ། ཨོཾ་བཛྲ་དྷཱུ་པེ་ཧཱུཾ། ཨོཾ་བཛྲ་དཱི་པེ་ཧཱུཾ། ཨོཾ་བཛྲ ་གནྡྷེ་ཧཱུཾ། ཨོཾ་བཛྲ་ནཻ་བི་དྱ་ཧཱུཾ། ཞེས་བརྗོད་ནས། དེ་ནས་དཀོན་མཆོག་གསུམ་ལ་སྐྱབས་སུ་འགྲོ་བ་ལ་སོགས་པ་བརྗོད་ནས། སྨོན་ལམ་སྔོན་དུ་འགྲོ་བས་ཆོས་ཐམས་ཅད་བདག་མེད་པར་བསྒོམ་པར་བྱའོ། །ོཾ་ཤཱུ་ནྱ་ཏཱ་ཛྙཱ་ན་བཛྲ་སྭ་བྷཱ་བ་ཨཱཏྨ་ཀོུ྅ཧཾ་ཞེས་སོ། །དེ་ནས་ས་བོན་ལ་ཁམས་གསུམ་མ་ལུས་པ་ས ་གྱུ་མའི་དཔེའི་རྣམ་པར་བསམས་ཏེ། བལྟས་ཤིང་རེག་ནས་ཐམས་ཅད་སྒྱུ་མ་ཇི་ལྟ་བ་བཞིན་དུའོ། །དམིགས་པ་མེད་པས་འགྲོ་བ་གནས་པ་ཐམས་ཅད་དགྲོལ་བར་བྱའོ། །ོཾ་སྭ་བྷཱ་བ་ཤུདྡྷཿ་སརྦ་དྷརྨཱཿསྭ་བྷཱ་ཝ་ཤུདྡྷོུ྅ཧཾ། སྔོན་དུ་གསུངས་པའི་ས་བོན་ལས་འཁྲུངས་པའི་དཔལ་ལྡན་འཇམ་པའི་རྡོ་རྗེ་ཟུར་ཕུད་ལ ་ངས་དབུ་ལ་བརྒྱན་པ་གཞོན་ནུ་རྒྱན་ཐམས་ཅད་ཀྱིས་བརྒྱན་པ། གུར་གུམ་གྱི་མདོག་ལྟར་དམར་བ། ཕྱག་གཡོན་ན་ཨུཏྤལ་བསྣམས་པ་གཡས་པ་རོལ་པའི་སྟབས་ཀྱིས་གནས་པ། སེང་གེའི་གདན་ལ་བཞུགས་པའི་བདག་ཉིད་གཞོན་ནུའི་སྐུ་བསམ་པར་བྱའོ། །ཕྱག་རྒྱ་ནི་འདི་ཡིན་ཏེ། ཕྱག ་གཉིས་ཐལ་མོ་སྦྱར་ནས་མཛུབ་མོ་དག་དང་མིང་མེད་དག་གི་སེན་མོས་ཨུཏྤ་ལ་ཁ་འབྱེད་པའི་ཚུལ་གྱིས་གནས་པའོ། །སྙིང་ག་མཛོད་སྤུ་མགྲིན་པའི་སྟེང་རྣམས་སུ་བསྲུང་བར་བྱས་ནས་བཟླས་པར་བྱའོ། །ོཾ་ཝཱ་གཱི་ཤྭ་རི་མུཾ། འཕགས་པ་འཇམ་དཔལ་དབྱངས་ཀྱི་སྒྲུབ་ཐབས་རྫོགས་སོ།། ་@##། །རྒྱ་གར་སྐད་དུ། ཨཱརྱ་ཤྲཱི་མཱ་ན་བཱ་དཱི་རཱ་ཛ་སཱ་དྷ་ནཾ། བོད་སྐད་དུ། དཔལ་ལྡན་འཕགས་པ་ངག་གི་རྒྱལ་པོའི་སྒྲུབ་ཐབས། འཕགས་པ་འཇམ་དཔལ་ལ་ཕྱག་འཚལ་ལོ། །ཡེ་ཤེས་རང་བཞིན་མགོན་ཕྱག་འཚལ། །བྱ་བའི་རྒྱུད་ཀྱི་རྗེས་འབྲངས་ནས། །དངོས་གྲུབ་ཐམས་ཅད ་རབ་སྟེར་བ། །དེ་ཡི་སྒྲུབ་ཐབས་བདག་གིས་བརྗོད། །དང་པོར་རེ་ཞིག་སྔགས་པས་ཡིད་དང་མཐུན་པའི་གནས་ཇི་ལྟར་བདེ་བས་ཉེ་བར་འདུག་སྟེ། སྡུག་བསྔལ་གྱི་རྒྱ་མཚོར་ལྷུང་བའི་སེམས་ཅན་གྱི་ཁམས་ལ་བལྟས་ནས། སྨོན་ལམ་གདབ་པར་བྱའོ། །སྡུག་བསྔལ་བའི་སེམས་ཅན་འདི ་རྣམས་འཁོར་བར་འཁོར་ཏེ། དེ་རྣམས་ལ་བདག་གིས་འཇམ་པའི་དབྱངས་སུ་གྱུར་ནས། བླ་ན་མེད་པའི་གོ་འཕང་མཆོག་ལ་རབ་ཏུ་དགོད་པར་བྱའོ་ཞེས་སོ། །དེ་ནས་བྲིས་སྐུ་ལ་སོགས་པ་བཀྲམ་ནས་བཅོམ་ལྡན་འདས་འཇམ་པའི་དབྱངས་དང་། བླ་མ་དང་། སངས་རྒྱས་དང་། བྱང་ཆུབ་སེམས ་དཔའ་རྣམས་མདུན་དུ་དམིགས་ཏེ། མེ་ཏོག་ལ་སོགས་པ་རྣམས་ཀྱིས་མཆོད་ཅིང་ཕྱག་འཚལ་ནས། སྡིག་པ་བཤགས་པ་དང་། སླན་ཆད་མི་བགྱིད་ཅིང་སྡོམ་པ་དང་། བསོད་ནམས་ལ་རྗེས་སུ་ཡི་རང་བ་དང་། བདག་ཉིད་དབུལ་བ་དང་། གསུམ་ལ་སྐྱབས་སུ་འགྲོ་བ་དང་། བྱང་ཆུབ་ཏུ ་