Wylie

e-texts based on the ACIP/ALL Input

པའི་དམ་ཚིག་གི་རྫས་རྣམས་རྡོ་རྗེ་དང་པདྨ་མཉམ་དུ་སྦྱོར་བས་མེ་སྦར་བར་བྱ་བའོ། །དེས་རྫས་རྣམས་བསྐོལ་བར་བྱའོ། །སྨིན་པ་ན་ཁུ་བར་བྱས་ཏེ། དེ་བཞིན་གཤེགས་པ་ཐམས་ཅད་ཀྱི་སྐུ་མཐོང་བར་བྱེད་པའི་ཡེ་ཤེས་ཀྱི་ཉི་མའི་འོད་འབར་བ་དང་། ཡེ་ཤེས་ཀྱི་ས་བོན་དེ ་འབར་བ་དག་གིས་དེ་བཞིན་གཤེགས་པ་ཐམས་ཅད་ཀྱི་ཡེ་ཤེས་ཀྱི་བདུད་རྩི་ཀུན་ནས་དྲངས་ཏེ་རྫས་དེ་དག་རྣམས་དང་ལྷན་ཅིག་ཏུ་བྱས་ལ། ཨོཾ་ཨཱཿ་ཧཱུཾ་ཞེས་བྱ་བའི་ཡི་གེ་གསུམ་གྱིས་བྱིན་གྱིས་ཀྱང་བརླབས་ཏེ། ཡི་གེ་ཧཱུཾ་དཀར་པོ་ལས་བྱུང་བའི་ལྕེ་རྡོ་རྗེའི་བདག་ཉིད་དུ་བྱས་ལ། དེས་བདག་ཉིད ་ལེགས་པར་ཚིམ་པར་བྱ་བའོ། །དེ་ནས་སྙིང་གའི་ཉི་མ་ལ་རྡོ་རྗེའི་ལྟ་བ་ལ་གནས་པའི་ཡི་གེ་ཧཱུཾ་ཀུན་ནས་ལེགས་པར་བསྐོར་ནས་གནས་པའི། ཨོཾ་ཏྲཻ་ལོ་ཀྱཱ་ཀྵེ་པ་ཧཱུཾ་ཧཱུཾ་ཧཱུཾ་ཕཊ་སྭཱ་ཧཱ། ཞེས་བྱ་བའི་སྔགས་ཀྱི་ཕྲེང་བ་ཡི་གེ་བཅུ་གཉིས་པོ་རྣམས་མར་མེའི་ཕྲེང་བ་བཞིན་དུ་འབར་བར་གྱུར་པར་ཡིད་ལ ་བྱས་ཏེ། རིམ་པས་བརྗོད་པ་བཞིན་དུ་ཀུན་ནས་བསམས་པས་བཟླས་པར་བྱ་བའོ། །སྔ་དྲོ་དང་། ཉི་མ་གཅིག་གི་ཐུན་དག་ལ་ནི་སྐད་ཅིག་གིས་དཔལ་ཧེ་རུ་ཀའི་གཟུགས་སུ་བདག་ཉིད་ཀུན་ནས་དམིགས་ལ། དེ་ནས་མིག་ལ་སོགས་པ་རྣམ་པར་དག་པ་དང་། འཁོར་ལོ་བཞི་བསྒོམ་པ་དང་། ་མཆོད་པ་དང་། བསྟོད་པ་དང་། བདུད་རྩི་མྱང་བ་དང་། བཟླས་པ་ལ་སོགས་པ་བྱ་བའོ། །དཔའ་བོ་འཇིག་རྟེན་གསུམ་བསྐྱོད་པའི། །སྒྲུབ་ཐབས་དམ་པ་བྱས་པ་ལས། །བསོད་ནམས་བདག་ལ་གང་སྐྱེས་དེས། །འགྲོ་ཀུན་རྡོ་རྗེ་འཛིན་པར་ཤོག་།དགྱེས་པའི་རྡོ་རྗེ་ཕྱག་གཉིས ་པའི་སྒྲུབ་ཐབས་རྫོགས་སོ། ། །།པཎྜི་ཏ་དཱ་དང་ཨ་བྷ་ཡ་ལས་དགེ་སློང་ཚུལ་ཁྲིམས་རྒྱལ་མཚན་གྱིས་བག་ཚ་བ་མེད་པར་བསྒྱུར་བའོ།།[་]@##། །རྒྱ་གར་སྐད་དུ། ནཻ་རཱཏྨ་སཱ་དྷ་ནཾ། བོད་སྐད་དུ། བདག་མེད་པའི་སྒྲུབ་ཐབས། སྔར་བརྗོད་པའི་ཆོ་གས་སྟོང་པ་ཉིད ་ཀྱི་རྗེས་ལ་ཟླ་བའི་དཀྱིལ་འཁོར་ལ། ཡི་གེ་ཨཾ་མཐིང་ནག་ལས་བྱུང་བའི་གྲི་གུག་དང་། ས་བོན་དང་། སྤྲོ་བ་ལ་སོགས་པ་སྔོན་དུ་འགྲོ་བ་ཡོངས་སུ་གྱུར་པ་ལས་རོའི་སྙིང་གར་ཟླ་བ་ལ་གནས་པའི་སྐྱིལ་ཀྲུང་ཕྱེད་པའི་གར་གྱིས་བཞུགས་པའི་བདག་མེད་མ་ནག་མོ་ཞལ་གཅིག ་མ་སྐྲ་ཁམ་སེར་གྱེན་དུ་ཕྱོགས་པ། མི་བསྐྱོད་པ་དབུ་རྒྱན་ལ་བཞུགས་པ། མཆེ་བ་རྣམ་པར་གཙིགས་ཤིང་ལྗགས་འདྲིལ་བ། གཡས་པས་ནི་གྲི་གུག་བསྣམས་པར་མཛད་པ། གཡོན་པས་ཐོད་པ་དང་ཁ་ཊཱཾ་ག་བསྣམས་པར་མཛད་པ། དམར་ཞིང་ཟླུམ་པའི་སྤྱན་གསུམ ་པ། ཕྱག་རྒྱ་ལྔས་རྣམ་པར་བརྒྱན་པའོ། །དེ་ནས་མགོ་དང་། མགྲིན་པ་དང་། སྙིང་གར་ཨོཾ་ཨཱཿ་ཧཱུཾ་བྱ་བའི་ཡི་གེ་རྣམས་སོ། །སྙིང་གར་ཟླ་བ་ལ་གྲི་གུག་གི་ཆང་ཟུང་ལ་ཡི་གེ་ཨཱཾ་བལྟས་ལ་སྔགས་འདི་དག་བཟླས་པར་བྱ་སྟེ། ཨོཾ་ཨ་ཨཱ་ཨི་ཨཱི་ཨུ་རྀ་རཱྀ་ལྀ་ལཱྀ་ཨེ་ཨཻ་ཨོ་ཨཽ་ཨཾ་སྭཱ་ཧཱ། བདག ་མེད་མ་འབའ་ཞིག་གི་སྒྲུབ་ཐབ་རྫོགས་སོ། ། །།དགེ་སློང་ཚུལ་ཁྲིམས་རྒྱལ་མཚན་གྱིས་བསྒྱུར་བའོ།།[་]@##། །རྒྱ་གར་སྐད་དུ། ནཻ་རཱཏྨ་སཱ་དྷ་ནཾ། བོད་སྐད་དུ། བདག་མེད་མའི་སྒྲུབ་ཐབས། དང་པོར་སེམས་ཅན་ཐམས་ཅད་སྒྲོལ་མའི་མཚན་ཉིད་ཀྱིས ་སྙིང་རྗེ་རྣམ་པར་བསྒོམ་པར་བྱ་བའོ། །ཕྱི་དང་ནང་དུ་བྱས་པ་སྟོང་པ་ཉིད་དུ་ཡང་དམིགས་ལ། བར་སྣང་ལ་ཟླ་བའི་དཀྱིལ་འཁོར་ལ་ཡི་གེ་ཨཾ་ལས་གྲི་གུག་གོ། །དེའི་ཆད་ཟུང་དུ་ཟླ་བ་ལ་ཡི་གེ་ཨཾ་བསམ་པར་བྱ་བའོ། །དེ་ལས་རྣལ་འབྱོར་མའི་སྤྲོ་བ་དང་བསྡུ་བ་ལ་སོགས་པ། དེ་དག ་ཐམས་ཅད་ཡོངས་སུ་གྱུར་པ་ལས་རོའི་སྙིང་གར་ཟླ་བའི་དཀྱིལ་འཁོར་ལ་བདག་མེད་མ་ཞལ་གཅིག་མ། སྐུ་མདོག་མཐིང་ནག་།ཐོད་པ་དང་། ཁ་ཊྭཱཾ་བསྣམས་པའི་ཕྱག་གཉིས་མ་བསམ་པར་བྱ་སྟེ། དམར་ཞིང་ཟླུམ་པའི་སྤྱན་གསུམ་མ། དབུ་སྐྲ་སེར་པོ་གྱེན་ལ་བརྫེས་པའོ། ། ་མགོ་དང་། མགྲིན་པ་དང་། སྙིང་ག་རྣམས་ལ་ནི་ཨོཾ་ཨཱཿ་ཧཱུཾ་གི་ཡི་གེ་རྣམས་སོ། །སྙིང་གའི་ཟླ་བའི་གྲི་གུག་གི་ཡུ་བའི་ཟླ་བ་ལ་ཡི་གེ་ཨཾ་བལྟས་ལ་སྔགས་བཟླས་པར་བྱ་བའོ། །ོཾ་ཨ་ཨཱ་ཨི་ཨཱི་ཨུ་ཨཱུ་རྀ་རཱྀ་ལྀ་ལཱྀ་ཨེ་ཨཻ་ཨོ་ཨཽ་ཨཾ་སྭཱ་ཧཱ། བཟླས་པའི་སྔགས་སོ། །བདག་མེད་མའི ་སྒྲུབ་ཐབས་སོ། ། །། བྷ་ཡ་ལས་དགེ་སློང་ཚུལ་ཁྲིམས་རྒྱལ་མཚན་གྱིས་བསྒྱུར་བའོ།།[་]@##། །རྒྱ་གར་སྐད་དུ། བཛྲ་བཱ་རཱ་ཧཱི་སཱ་དྷ་ནཾ། བོད་སྐད་དུ། རྡོ་རྗེ་ཕག་མོའི་སྒྲུབ་ཐབས། རྗེ་བཙུན་མ་རྡོ་རྗེ་ཕག་མོ་ལ་ཕྱག་འཚལ་ལོ། །བློ་དམན་འཇིགས ་