Wylie

e-texts based on the ACIP/ALL Input

གཤིན་རྗེ་གཤེད་ལ་དབུལ་བར་བྱ་བའོ། །གཏོར་མའི་ཆོ་ག་ཨ་བྷ་ཡ་ལས་ཚུལ་ཁྲིམས་རྒྱལ་མཚན་གྱིས་བསྒྱུར་བའོ།།[་]@##། །རྒྱ་གར་སྐད་དུ། བཛྲ་ཧཱུཾ་ཀཱ་ར་སཱ་དྷ་ནཾ། བོད་སྐད་དུ། རྡོ་རྗེ་ཧཱུཾ་མཛད་ཀྱི་སྒྲུབ་ཐབས། སྔར་བཤད་པའི་ཆོ་གའི་རིམ ་པས་ནམ་མཁའི་དབྱིངས་སུ་ཡི་གེ་ར་ལས་བྱུང་བའི་ཉི་མ་ལ། ཡི་གེ་ཧཱུཾ་འབར་བའི་འོད་དཔུང་བསྐལ་པའི་མེ་ལྟར་ཤིན་ཏུ་འབར་བ་ཁ་དོག་ནག་པོ་གཟི་བརྗིད་ཆེན་པོས་འཁྲིགས་པའོ། །དེ་བྱུང་དྲག་པོ་ཆེན་པོ་ནི། རྡོ་རྗེ་ཧཱུཾ་མཛད་ཅེས་བྱ་བ། གདུག་ཆེན་འཇིགས་པའི་གད་རྒྱངས་ཅན། །ཁམས ་གསུམ་པ་ནི་བསྐྱོད་པར་མཛད། །རྡོ་རྗེ་དྲིལ་བུའི་སྦྱོར་བ་ཡིས། །ཕྱག་གཉིས་ཕྱག་རྒྱ་འཆང་བར་མཛད། །གཡས་བསྐུམས་པ་ཡི་ཞབས་གཉིས་ཀྱིས། །འཇིགས་བྱེད་གནོན་མཛད་འཇིགས་མཛད་པོ། །སྙིང་མགུལ་མགོ་ལ་དགོད་བྱ་བ། །ོཾ་ཨཱཿ་ཧཱུཾ་གི་ཡི་གེ་གསུམ། །དབང ་བསྐུར་བ་ཡི་ཆོ་ག་ཡིས། །རྡོ་རྗེ་སེམས་ཀྱིས་རྒྱས་བཏབ་པའོ། །སྔགས་ནི་ཨོཾ་ཧཱུཾ་ཧཱུཾ་ཕཊ་སྭཱ་ཧཱ། རྡོ་རྗེ་ཧཱུཾ་མཛད་ཀྱི་སྒྲུབ་ཐབས་སོ།། །། བྷ་ཡ་ལས་དགེ་སློང་ཚུལ་ཁྲིམས་རྒྱལ་མཚན་གྱིས་བསྒྱུར་བའོ།།[་]@##། །རྒྱ་གར་སྐད་དུ། མ་ཧཱ་བ་ལ་སཱ་དྷ་ནཾ། ་བོད་སྐད་དུ། སྟོབས་པོ་ཆེའི་སྒྲུབ་ཐབས། སྔར་བཤད་པའི་ཆོ་གའི་རིམ་པས་སྟོང་པ་ཉིད་བསྒོམས་པའི་རྗེས་ཐོགས་ལ། པདྨ་དཀར་པོ་དང་ཉི་མ་ལ་ཧཱུཾ་ལས་བྱུང་བའི་སྟོབས་པོ་ཆེ་ཞལ་གཅིག་པ་ཕྱག་བཞི་པ། སྐུ་མདོག་ཐམས་ཅད་དམར་བ། དབུ་སྐྲ་ཁམ་སེར་གྱེན་ལ་འཕྱུར ་བ། སྦྲུལ་གྱི་ཐོད་ཀྱིས་བཅིངས་པ་སྟེ། གཡས་པའི་ཕྱག་གཉིས་ཀྱིས་ནི་དབྱུག་ཏོ་དཀར་པོ་དང་། རྔ་ཡབ་དཀར་པོ་བསྣམས་པ། གཡོན་པའི་ཕྱག་གཉིས་ཀྱིས་ནི། ཕྱག་འཚལ་བའི་སྟངས་དང་། ཞགས་པ་དང་བཅས་པའི་སྡིགས་མཛུབ་ཀྱི་ཕྱག་གོ། །སྟག་གི་པགས་པའི་ཤམ ་ཐབས་མནབས་ཤིང་སྦྲུལ་གྱིས་བརྒྱན་པ། ཞབས་གཡས་བསྐུམ་ཞིང་ཞལ་མཆེ་བ་གཙིགས་པ། ཉི་མའི་དཀྱིལ་འཁོར་གྱི་ཕྲེང་བ་དང་ལྡན་པ། སྣང་བ་མཐའ་ཡས་དབུ་རྒྱན་ལ་གནས་པར་བསྒོམས་ལ། སྔགས་བཟླས་པར་བྱ་སྟེ། ཨོཾ་མ་ཧཱ་བ་ལ་སྭཱ་ཧཱ། འདི་ནི་སྟོབས་པོ་ཆེའི ་སྒྲུབ་ཐབས་སོ། ། །། བྷ་ཡ་ལས་དགེ་སློང་ཚུལ་ཁྲིམས་རྒྱལ་མཚན་གྱིས་བསྒྱུར་བའོ།།[་]@##། །རྒྱ་གར་སྐད་དུ། ཧེ་རུ་ཀ་སཱ་དྷ་ནཾ། བོད་སྐད་དུ། ཧེ་རུ་ཀའི་སྒྲུབ་ཐབས། དུར་ཁྲོད་བརྒྱད་ཀྱི་དབུས་གནས་པའི། །དོགས་བྲལ་དགའ་བའི་ཡིད་ལྡན་པས། ། ་ཐབས་དང་ཤེས་རབ་ཆོ་ག་ཡིས། །ཉི་མ་ཟླ་བའི་སྦྱོར་ལྡན་པས། ། ཚན་ཀ་ཚན་སྦྱོར་བ་ལས། །ཉི་མའི་དཀྱིལ་འཁོར་བསྒོམ་པར་བྱ། །དེ་ལ་ཧཱུཾ་ཡིག་ལས་བྱུང་བའི། །རྡོ་རྗེ་རྩེ་མོ་ལེགས་ལྡན་པས། །མི་ལྤགས་གཙང་མ་མནབས་པ་ཡིས། །སྐྱིལ་ཀྲུང་ཕྱེད་པས་རོ་ལ་བཞུགས། ། ་ཐལ་བའི་རྡུལ་གྱིས་ལུས་བྱུགས་ཤིང་། །འཕྲོ་བའི་རྡོ་རྗེ་གཡས་ན་སྟེ། །བསྐྱོད་པའི་བ་དན་ཁ་ཊྭཱཾག་།ཁྲག་གི་ཐོད་པ་གཡོན་ནའོ། །བརྒྱ་ཕྱེད་མགོ་བོའི་ཕྲེང་བ་ཡིས། །ཡིད་འཕྲོག་པ་ཡི་དོ་ཤལ་བྱས། །ཞལ་གྱི་མཆེ་བ་ཅུང་ཟད་གཙིགས། །སྤྱན་མིག་དམར་པོ ་བགེགས་ལྡན་པ། །སྐྲ་སེར་གྱེན་འཕྱུར་མི་བསྐྱོད་པ། །དབུ་རྒྱན་རྣ་བའི་གདུབ་སྐོར་ལྡན། །རུས་པའི་རྒྱན་རྣམས་མཛེས་པ་དང་། །དབུ་ལ་ཐོད་པ་དང་ལྡན་པའི། །སངས་རྒྱས་ཉིད་ནི་སྦྱིན་མཛད་བསྒོམ། །སྐྱེ་དགུ་བདུད་རྣམས་ཟློག་མཛད་ཡིན། །སྔགས་ནི་ཨོཾ་ཧཱུཾ་ཕཊ་སྭཱ་ཧཱ་ཞེས ་བྱ་བའོ། །ཧེ་རུ་ཀ་ཕྱག་གཉིས་པའི་སྒྲུབ་ཐབས་མདོར་བསྡུས་པ་རྫོགས་སོ།། །། བྷ་ཡ་ལས་དགེ་སློང་ཚུལ་ཁྲིམས་རྒྱལ་མཚན་གྱིས་བསྒྱུར་བའོ།།[་]@##། །རྒྱ་གར་སྐད་དུ། ཧེ་བཛྲ་སཱ་དྷ་ནཾ། བོད་སྐད་དུ། དགྱེས་པའི་རྡོ་རྗེའི་སྒྲུབ་ཐབས། འཇིག་རྟེན ་གསུམ་སྐྱོང་ཧེ་རུ་ཀ། །བླ་མ་མགོན་ལ་ཕྱག་འཚལ་ནས། ཤཱནྟཱི་ཞལ་སྔ་ནས་གསུངས་དེའི། །སྒྲུབ་ཐབས་ཆོ་གར་རྣམ་པར་དབྱེ། །དཔའ་བོ་ཞལ་གཅིག་ཕྱག་གཉིས་པ། །མགུལ་པར་བདག་མེད་མ་ཡིས་འཁྱུད། །འཁོར་ལོ་ལ་སོགས་རྒྱན་དང་ལྡན། །སྤྱན་གསུམ་རྐང་གཉིས་རྒྱལ་པོའོ། ། ་རྒྱུད་འདིར་བསྒོམ་པའི་དབང་དུ་བྱས་པའི་རྣལ་འབྱོར་པས། ནམ་མཁའ་བྱུང་བ་དང་སྟན་ལས་ལངས་ལ། རང་གི་སྙིང་གར་ཉི་མ་ལ་གནས་པའི་ཡི་གེ་ཧཱུཾ་བལྟས་ཏེ། དེའི་འོད་ཟེར་གྱིས་དཔལ་ཧེ་རུ་ཀ་ལེགས་པར་གསལ་བར་བྱས་ཤིང་སྤྱན་དྲངས་ལ། མེ་ཏོག་ལ་སོགས་པའི་ཉེ་བར་མཁོ་བའི་ཡོ ་