Wylie

e-texts based on the ACIP/ALL Input

བརྐྱང་བའི་ལག་པ་ཁུ་ཚུར་ཕྱེད་དུ་བྱས་པའི་ཁྱོར་བས་དེའི་དབུ་ལ་བརྒྱ་རྩ་བརྒྱད་བླུགས་པར་བྱའོ། །ཕུན་སུམ་ཚོགས་པ་ལྷག་མ་མ་ལུས་པར་འབྱུང་བར་འགྱུར་རོ། །འདི་ནི་ཛམྦྷ་ལའི་གདམས་ངག་གོ། །དཱ་དང་ཨ་བྷ་ཡའི་ཞལ་སྔ་ནས་དགེ་སློང་ཚུལ་ཁྲིམས་རྒྱལ་མཚན་གྱིས ་བསྒྱུར་པའོ། །[་]@##། །རྒྱ་གར་སྐད་དུ། ཨུ་པ་དེ་བི་ཤིཥཿ། བོད་སྐད་དུ། གདམས་ངག་གི་ཁྱད་པར། རྒྱལ་བ་རྣམ་སྣང་ཞེས་གྲགས་དང་། །རིན་ཆེན་འབྱུང་ལྡན་ཉིད་དང་ཡང་། སྣང་མཛད་དང་ནི་དོན་ཡོད་གྲུབ། །མི་བསྐྱོད་པར་ཡང་རབ་ཏུ་བསྒྲགས། །འདི ་དག་མདོག་ནི་དཀར་དང་སེར། །དམར་དང་ལྗང་གུ་མཐིང་ནག་ཡིན། །བྱང་མཆོག་མཆོག་སྦྱིན་མཉམ་བཞག་དང་། །མི་འཇིགས་ས་གནོན་ཕྱག་རྒྱའོ། །དེ་བཞིན་གཤེགས་པ་རྣམས་ཀྱི་ས་བོན་ཧཱུཾ་སཾ་ཇྀ་ཁཾ་རྟེཧཱུཾ་ངོ་། །དེ་བཞིན་གཤེགས་པ་ལྔའི་གདམས་ངག་གི་ཁྱད་པར་ཨ་བྷ་ཡ་ལས་ཚུལ་ཁྲིམས ་རྒྱལ་མཚན་ཀྱིས་བསྒྱུར་བའོ། །[་]@##། །རྒྱ་གར་སྐད་དུ། བིཥེ་ཤ་ཨ་མ་ན་ཡ། བོད་སྐད་དུ། ཁྱད་པར་གདམས་ངག་།ལག་གཡས་ཟླ་བ་ལ་གནས་པའི། །ཡི་གེ་ལྔ་ལས་ལེགས་བྱུང་བར། །དེ་བཞིན་གཤེགས་ལྔ་བསྒོམ་བྱས་ལ། །ཁུ་བའི་གཟུགས་སུ་རྣམ་པར ་བསྒོམ། །ཛཾ་ལས་རྨད་བྱུང་ཛ་མྦྷ་ལ། །བསྒོམས་ལ་ཁྱོད་བས་རབ་གུས་པས། །དེ་སྔགས་བཟླས་པས་བརྒྱ་རྩ་བརྒྱད། །ཆུ་ནི་སྦྱིན་པར་བྱ་བ་ཡིན། །ཛམྦྷ་ལའི་ཁྱད་པར་གྱི་གདམས་ངག་།དཱ་དང་ཨ་བྷ་ཡ་ལས་དགེ་སློང་ཚུལ་ཁྲིམས་རྒྱལ་མཚན་གྱིས་བསྒྱུར་བའོ། །[་]@##། །རྒྱ་གར ་སྐད་དུ། ཧ་ཡ་གྲཱི་བ་སཱ་དྷ་ནཾ། བོད་སྐད་དུ། རྟ་མགྲིན་གྱི་སྒྲུབ་ཐབས། སྔར་བཤད་པའི་ཆོ་གའི་རིམ་པས་སྣ་ཚོགས་པདྨ་དང་། ཉི་མ་ལ་ཡི་གེ་ཧཾ་དམར་པོའི་ཡེ་ཤེས་ཡོངས་སུ་རྫོགས་པ་ལས་འཕགས་པ་རྟ་མགྲིན་ཏེ། སྐུ་མདོག་དམར་པོ་ཞལ་གསུམ་ཕྱག་དྲུག་པ། གཡས་པ་དང་ཅིག་ཤོས ་ཀྱི་ཞལ་ནི་མཐིང་ནག་དང་དཀར་པོ་སྟེ། ཞལ་སོ་སོ་ཞིང་སྤྱན་གསུམ་པའོ། །སྤྲུལ་གྱི་རྒྱན་དང་ལྡན་པ། ཞབས་བརྒྱང་བསྐུམ་གྱིས་བཞུགས་པ། ཁྲོ་བོའི་ལྟ་སྟངས་ཀྱིས་རྣམ་པར་གཟིགས་པ། ཞལ་དང་པོ་ནི་འཛུམ་པ་དང་ལྡན་པའོ། །ཞལ་གཡས་པ་ནི་ལྗགས་འདྲིལ་བར་མཛད ་པའོ། །ཞལ་གཡོན་པ་ནི་མཆེ་བས་ཨོམ་གཙིགས་མཛད་པའོ། །སྟག་གི་པགས་པའི་ཤམ་ཐབས་མནམས་པ། གཡས་པའི་ཕྱག་བཞིན་རྡོ་རྗེ་དང་། དབྱུག་ཏོ་དང་། བ་དན་རྩེ་གསུམ་པའི་ཕྱག་རྒྱ་དང་མདའ་གདེང་བའོ། །གཡོན་པའི་ཕྱག་བཞི་ནི་སྡིགས་མཛུབ་དང་ཉིད་ཀྱི་དཀུར ་བརྟེན་པ་དང་། པདྨ་དང་གཞུ་བསྐོར་བའོ། །མི་བསྐྱོད་པ་ཅོད་པན་ལ་བསྒོམ་པར་བྱ་སྟེ། རྟ་མཆོག་གི་ཡེ་ཤེས་ཀྱི་རྡོ་རྗེ་ཞེས་བྱ་བའི་ཏིང་ངེ་འཛིན་ཏོ། །བཟླས་པའི་སྔགས་ནི་ཨོཾ་ཧཾ་ཧ་ཡ་གྲི་བ་སྭཱ་ཧཱ། རྟ་མགྲིན་གྱིས་གྲུབ་ཐབས་སོ།། །། བྷ་ཡ་ལས་ཚུལ་ཁྲིམས་རྒྱལ་མཚན་གྱིས ་བསྒྱུར་བའོ། །[་]@##། །རྒྱ་གར་སྐད་དུ། ཏྲཻ་ལོཀྱ་བི་ཛ་ཡ་སཱ་དྷ་ནཾ། བོད་སྐད་དུ། ཁམས་གསུམ་རྣམ་པར་རྒྱལ་བའི་སྒྲུབ་ཐབས། སྔར་བཤད་པའི་ཆོགས་ཉི་མ་ལ་ཡི་གེ་ཧཱུཾ་མཐིང་ནག་ལས་བྱུང་བའི་རྗེ་བཙུན་ཁམས་གསུམ་རྣམ་པར་རྒྱལ་བ་སྟེ། སྐུ་མདོག་མཐིང་ནག་ཞལ ་བཞི་པ། ཕྱག་བརྒྱད་པའོ། །ཞལ་དང་པོ་ཁྲོ་བོ་སྒེག་པ་དང་ལྡན་པའོ། །གཡས་པ་ནི་དྲག་རྐན་དང་ལྡན་པའོ། །གཡོན་པ་ནི་ཤིན་ཏུ་འཇིགས་སུ་རུང་བའོ། །རྒྱབ་མ་ནི་དཔའ་བོའི་ཉམས་སུ་ལྡན་པའོ། །རྡོ་རྗེ་དང་དྲིལ་བུ་དང་ལྡན་པའི་ཕྱག་གཉིས་ཀྱིས་ནི་ཐུགས་ཀར་རྡོ་རྗེ་ཧཱུཾ་མཛད ་ཀྱི་ཕྱག་རྒྱ་འཛིན་པ། གཡས་པའི་ཕྱག་གསུམ་གྱིས་ནི་རལ་གྲི་དང་ལྕགས་ཀྱུ་དང་མདའ་བསྣམས་པའོ། །གཡོན་པའི་ཕྱག་གསུམ་གྱིས་ནི་གཞུ་དང་། ཞགས་པ་དང་། རྡོ་རྗེ་བསྣམས་པའོ། །ཞབས་གཡོན་པ་བརྐྱང་བསྐུམ་གྱིས་དབང་ཕྱུག་ཆེན་པོའི་མགོ་བོ་མནན་པ། ཞབས ་གཡས་པ་གཽ་རཱི་ནུ་མ་གཉིས་ཀུན་ནས་མནན་པ། སངས་རྒྱས་ཀྱི་ཕྲེང་བ་དང་ཕྲེང་བ་ལ་སོགས་པ་རྣམ་པར་བཀྲ་བའི་ན་བཟའ་དང་རྒྱན་དང་ལྡན་པར་བདག་ཉིད་རྣམ་པར་བསམས་ལ་ཕྱག་རྒྱ་བཅིང་བར་བྱ་སྟེ། དེ་ལ་ཁུ་ཚུར་གཉིས་ཀྱི་རྒྱབ་སྦྱར་ལ་མཐེའུ་ཆུང་གཉིས་ལུ་གུ་རྒྱུད་ཀྱི་རྣམ་པར་སྦྱར ་བར་བྱས་པའོ། །སྔགས་ནི། ཨོཾ་སུམྦྷ་ནི་སུམྦྷ་ཧཱུཾ། གྲྀཧྞ་གྲྀཧྞ་ཧཱུཾ། གྲྀཧྞཱ་པ་ཡ་གྲྀཧྞཱ་པ་ཡ་ཧཱུཾ། ཨཱ་ན་ཡ་ཧོ་བྷ་ག་བཱ་ན་བི་དྱཱ་རཱ་ཛ་ཧཱུཾ་ཕཊ། ཁམས་གསུམ་རྣམ་པར་རྒྱལ་བའི་སྒྲུབ་ཐབས་སོ།། །། བྷ་ཡ་ལས་དགེ་སློང་ཚུལ་ཁྲིམས་རྒྱལ་མཚན་གྱིས་བསྒྱུར་བའོ།། །། ་