Wylie

e-texts based on the ACIP/ALL Input

@##། །རྒྱ་གར་སྐད་དུ། ཀ་ལྱཱ་ཎ་ཀཱ་མ་དྷེ་ནུ། བོད་སྐད་དུ། དགེ་བའི་འདོད་འཇོ་། །བདུད་ཀྱི་སྟོབས་བཅོམ་པ་ལ་ཕྱག་འཚལ་ལོ། །ངན་འགྲོའི་ལམ་ནི་བཟློག་མཛད་པ། །སངས་རྒྱས་མཆོག་ལ་ཕྱག་འཚལ་ལོ། །ཡིད་ཆེས་ལུང་ནི་ཇི་བཞིན་དུ། །དགེ་བའི་འདོད་འཇོ་རྣམ ་པར་དབྱེ། །རིན་ཆེན་བྱི་རུའི་མཛོད་གྱུར་པ། །དཔའ་བོ་གཅིག་སྒྲུབ་སྔགས་ཡན་ལག་།སྤྲོས་པ་རིན་ཆེན་མྱུ་གུ་ཅན། །དགེ་བའི་འདོད་འཇོ་བསྟན་པར་བྱ། །ཞེས་བྱ་བ་ལ། མངོན་དུ་བྱ་བས་རིན་ཆེན་དེ་དངོས་གྲུབ་བོ། །དེ་ཉིད་བྱི་རུ་སྟེ་ནོར་བུའི་ཁྱད་པར་རོ། །མཛོད་ནི་དེའི་གནས་སུ ་གྱུར་པའི་མཛོད་དོ། །དཔའ་བོ་གཅིག་སྒྲུབ་སྔགས་ཡན་ལག་།ཅེས་བྱ་བ་ལ། དཔའ་བོ་གཅིག་ཅེས་བྱ་བ་ནི་དཀྱིལ་འཁོར་དང་ཕྱག་རྒྱ་ལ་སོགས་པ་ལ་ལྟོས་པ་མེད་པ་སྟེ་སྔགས་སོ། །སྔགས་དེའི་སྦྱོར་བ་ལས་ཡོན་ཏན་རྣམས་འཇོ་བས་ན། ཡན་ལག་སྟེ་ནུ་སོར་ལྟ་བུའོ། །སྤྲོས་པ ་ནི་དངོས་གྲུབ་ཀྱི་སྒྲུབ་ཐབས་ཀྱི་བྱེ་བྲག་གོ། །དེ་ཉིད་འདོད་པའི་དོན་རྫོགས་པར་བྱེད་པས་ན་རིན་པོ་ཆེའོ། །དེའི་མྱུ་གུ་བའི་ཡང་མྱུ་གུ་དང་འདྲ་བའི་རྭ་ཡོད་པ་སྟེ་བསྟན་བཅོས་སོ། །དེ་ཉིད་གང་ཞེ་ན། དགེ་བའི་འདོད་འཇོ་ཞེས་བྱ་བ་སྨོས་ཏེ། དེ་དགེ་བའི་ཆོས་ཀྱི་རྗེས་སུ་འགྲོ་བའི་ཡེ་ཤེས་སོ། ། ་འདོད་པ་ནི་དེར་འདུན་པའོ། །འདོད་པ་དེ་ཡོངས་སུ་རྫོགས་པར་འཇོ་བས་ན་བཞོ་བ་སྟེ། བསྟན་བཅོས་ཀྱི་བ་ལས་བཞིའི་རྐང་ལག་བཞི་དང་ལྡན་པའོ། །སྔགས་ཀུན་མང་དུ་ཕྱག་འཚལ་དང་། །སྭཱ་ཧཱ་སྦྱར་བའི་རང་བཞིན་ཅན། །དེ་བས་ལུང་དུ་མ་བསྟན་ཡང་། །ཐོག་མ་ཐ ་མར་སྦྱར་བར་བྱ་། །སྔགས་ཀུན་ཞེས་བྱ་བ་ནི་སྦྱར་བར་བྱ་ཞེས་བྱ་བ་དང་འབྲེལ་ཏོ། །ཕྱག་འཚལ་དང་སྭཱ་ཧཱ་སྦྱར་ཞེས་བྱ་བ་ནི་དང་པོར་ཨོཾ་དང་ཐ་མར་སྭཱ་ཧཱ་ལྡན་པར་བྱའོ། །ལུང་དུ་མ་བསྟན་ཀྱང་ཞེས་བྱ་བ་ནི་དངོས་སུ་བསྟན་པ་མེད་ཀྱང་ངོ་། །ཐོག་མ་ཐ་མ་ཞེས་བྱ་བ་ལ་སོགས་པས་ནི་གཞན ་འདི་ཡང་སྟོན་ཏེ། སྔགས་ཀྱི་དེ་ཁོ་ན་ཉིད་རིག་པའི་བླ་མའི་མན་ངག་ལས་སྔགས་སྤེལ་བ་དང་། སྔགས་སྤར་བ་དང་། སྔགས་གཟི་བྱིན་བསྐྱེད་པ་དང་། སྔགས་ཚིམ་པར་བྱ་བ་དང་། སྔགས་ཉེ་བར་བྱ་བ་ཤེས་པ་དག་གོ། །དེ་ལ་སྔགས་སྤེལ་བ་ནི། ཨོཾ་སཏྭ་ཆེ་གེ་མོའི་ཨུ་པ་སརྦ་ཨ་དྷི ་རཀྵ་ཞེས་བྱ་བ་ནི་བསྲུང་བ་ལའོ། །ཞི་བ་ལ་ནི་ཨོཾ་ཨ་མུ་ཀ་སྱ་ཤཱནྟིཾ་ཀུ་རུ་སྭཱ་ཧཱ་ཞེས་སོ། །ཉེ་བར་བྱ་བ་ནི། ཨོཾ་ས་དྷ་སིནྡྷ་རྡ་བ་ན་མེ་ཀུ་རུ་སྭཱ་ཧཱ་ཞེས་སོ། །སྔགས་སྒྲུབ་པ་ལ་ནི། ཨོཾ་སྭཱ་ཧཱ་མནྟྲ་སིདྡྷིཾ་མེ་ཀུ་རུ་སྭཱ་ཧཱ། ནད་བསལ་བ་ལ་ནི། ཨོཾ་ན་མོ་ན་མཿབྱཱ་དྷི་མེ་ཨ་པ་ན་ཡ་སྭཱ་ཧཱ་ཞེས་སོ། །རྒྱས་པ ་ལ་ནི། བཽཥ་ཊ་པུཥྚིཾ་མེ་ཀུ་རུ་སྭཱ་ཧཱ་ཞེས་སོ། །བསད་པ་ལ་ནི། ཨོཾ་ཕཊ་ཨ་མུ་ཀཾ་ཧ་ན་ཧ་ན་ཧཱུ~ཾ་ཕཊ་ཅེས་སོ། །བསྐྲད་པ་ལ་ནི། ཧཱུ~ཾ་ཨ་མུ་ཀ་མུཙྩ། ཏརྐ་ཡ་ཧཱུ~ཾ་ཞེས་སོ། །ཉེར་གཞུག་པ་ནི། ཨོཾ་ཨ་མུ་ཀ་སྱ་ཨ་མུ་གནྡྷ་པ་ཡ་སྭཱ་ཧཱ། ཞི་བ་ཆེན་པོ་ལ་ནི་ཨོཾ་སྭཱ་ཧཱ་ཨ་མུ་ཀ་སྱ་ཨ་མུ་ཀཾ་ཨུ་པ་དྲ་བ་ཀྵ་ཡེ་སྭཱ་ཧཱ ་ཞེས་སོ། །ཕུར་བུ་གདབ་པ་ལ་ནི། ཨོཾ་ཀཱི་ལི་ཀཱི་ལ་ཡ་སརྦ་ཧཱུ~ཾ་ཞེས་སོ། །དེ་དག་ལ་སོགས་པ་ཤེས་པར་བྱའོ། །སྦར་བ་ལ་ནི་སྔགས་ཐམས་ཅད་ལ་སྤྱི་བོར་ཐིག་ལེ་སྦྱིན་ནོ། །གཟི་བྱིན་བསྐྱེད་པ་ལ་ནི་ནཱ་ད་སྦྱིན་ནོ། །ཚིམ་པར་བྱ་བ་ལ་ནི་ཁཾ་ངོ་ཉེ་བར་བྱ་བ་ལ་ནི་དཀྱིལ་འཁོར་གྱིས་ཏེ། ས་དང ་ཆུ་དང་མེ་དང་རླུང་གི་དཀྱིལ་འཁོར་རྣམས་ལ་གོ་རིམས་བཞིན་དུ་ཤེས་པར་བྱའོ། །ནང་སྟོང་གཟི་ལ་དབྱིག་གོམས་པས། །མངོན་པར་མཐོ་འགྱུར་ཐེ་ཚོམ་མེད། །རྨུགས་འཛིན་ཆུ་དབང་གིས་ཀྱང་ནི། །སྐྱེས་བུ་གང་ཡིན་དེ་འདྲར་འགྱུར། །ཞེས་བྱ་བ་ལ་། ནང་ཞེས་བྱ་བའི་སྒྲས་ནི་ལུས ་ཀྱི་ནང་གཟུང་ངོ་། །སྟོང་ཞེས་བྱ་བ་ནི་བདག་མེད་པའི་སྟོང་པའོ། །གཟི་ཞེས་བྱ་བ་ནི་གཟི་བརྗིད་དེ་མེའི་དཀྱིལ་འཁོར་རོ། །དབྱིག་ཅེས་བྱ་བ་ནི་ནོར་རྒྱུན་མ་སྟེ་གོམས་པ་ནི་གོམས་པར་བསླབས་པའོ། །མངོན་པར་མཐོ་བ་ནི་མངོན་པར་མཐོ་བའི་དཔལ་ལོ། །འགྱུར་བ་ནི་འཐོབ་པའོ། །དེ ་བཞིན་དུ་རྨུགས་འཛིན་ཆུ་དབང་གོམས་པས་ཀྱང་། མཐོ་ཅན་མཐོ་བ་འཐོབ་འགྱུར་རོ། །འདིར་སྦྱོར་བ་ནི་འདི་ཡིན་ཏེ། སྙིང་གར་དཀྱིལ་འཁོར་གྲུ་གསུམ་མེའི་མདོག་ཅན་བསམས་ལ་དེའི་སྟེང་དུ་པདྨ་དཀར་པོ་འདབ་མ་བརྒྱད་པ། དེའི་འདབ་མ་རྣམས་ལ་ཨོཾ་བ་སུ་དྷ་རི་ནི་སྭཱ་ཧཱ་ཞེས་བྱ་བ ་ནོར་རྒྱུན་མའི་ཡི་གེ་བརྒྱད་དགོད་དོ། །ལྟེ་བ་ལ་ནི་ཡི་གེ་བྷྲཱུཾ་གསུམ་བཀོད་ལ་ཡི་གེ་རེ་རེ་ཞིང་ཡཾ་རཾ་གཉིས་དང་སྤེལ་ལོ། །ཕྱོགས་བརྒྱད་དུ་ནི་གནོད་སྦྱིན་ཆེན་པོ་བརྒྱད་ཀྱི་ས་བོན་བྲིས་ཏེ། མ་ཎི་བྷ་དྲ་དང་། པཱུརྞ་བྷ་དྲ་དང་། དྷ་ན་ད་ཡ་དང་། བཻ་ཤྲ་བ་ཎ་རྣམས་ནི་ཕྱོགས་བཞིར་རོ། །ཀ་ལི་མཱ་ལི ་དང་། པི་ཙི་ཀུཎྜ་ལི་དང་། མུ་ཁནྡྲཱ་ཡ་དང་། ཙ་རེནྡྲཱ་ཡ་རྣམས་ནི་མཚམས་རྣམས་སུ་སྟེ། ཐམས་ཅད་ཀྱང་སྭཱ་ཧཱའི་མཐའ་ཅན་ནོ། །ོཾ་ཛཾ་བྷ་ལ་ཛ་ལེནྡྲཱ་ཡ་ཞེས་བྱ་བའི་ཛཾ་བྷ་ལའི་ཡི་གེ་བརྒྱད་ནི་ཡང་པདྨ་འདབ་མ་བརྒྱད་པ་ལ་དགོད་དོ། །ཡང་དབུས་ཀྱི་ལྟེ་བ་ལ་ཛཾ་མོ། །གལ་ཏེ་བསམ་གཏན ་བྱ་བར་མི་ནུས་ན་ནི་གསེར་ལ་སོགས་པའི་བྱང་བུ་ལ་འཁོར་ལོ་གཉིས་ནི་ཇི་ལྟ་བ་བཞིན་དུ་བྲིས་ལ་ཁ་སྦྱར་ཏེ་མར་དང་སྦྲང་རྩིའི་ནང་དུ་བཞག་ལ་མཆོད་པ་བྱས་ནས་ཡེ་ཤེས་ཀྱི་འཁོར་ལོ་སྤྱན་དྲངས་ཏེ། དེར་བསྟིམས་ནས་ཉིན་རེ་ཞིང་དྲི་ཞིམ་པའི་མེ་ཏོག་ལ་སོགས་པས་མཆོད་པར་བྱའོ། །ཡང་ན ་གུར་གུམ་གྱི་ཆུའི་ནང་དུ་བཞག་སྟེ་མཆོད་ན་མཐོ་རིས་ཀྱི་དཔལ་འཐོབ་པར་འགྱུར་རོ། །ོ་ཚིནྡ་ཚིནྡ་ཞེས་བྱ་བར་བསྟན་པ་དང་། ཧཱུ~ཾ་ཕཊ་ཅེས་བྱ་བའི་སྔགས་གང་ཡིན་འབྲུ་ཚུགས་སུ་ན་མ་ན་ནི། །ཤེས་གོམས་ཁྲག་དང་ཤ་འགུགས་འགྱུར། །ཞེས་བྱ་བ་ལ། སྔགས་ནི། ཨོཾ་ཚིནྡྷ་ཚིནྡྷ་བ་ས ་ཨ་མུ་ཀཾ་སྱ་རཀྟ་མཱཾ་སཉྩ་ཚིནྡྷ་ཚིནྡྷ། ཨཱ་ཀཪྵ་ཡ་ཧཱུ~ཾ་ཕཊ། ཅེས་པའི་སྔགས་འབྲུ་ཚུགས་ཞེས་པ་ནི། མིག་འབྲུ་ཚུགས་སུ་བལྟ་བས་འབྲུ་ཚུགས་སུ་ལྟ་བའོ། །སུ་སུ་མ་ཞེས་བྱ་བ་ནི་རྩའོ། །ཤེས་པ་ནི་དེའི་སྦྱོར་བ་ཤེས་པ་སྟེ། ཁྲོ་བོའི་རྒྱལ་པོ་གང་ཡང་རུང་བའི་ཏིང་ངེ་འཛིན་ལ་གནས་ནས་[##]སྙིང་གར ་ཧཱུཾ་ཕཊ་དམར་ཞིང་སྔོ་བ་འབར་བ་དང་བཅས་པ་བསམས་ལ་སྲོག་གཉིས་གཅིག་ཏུ་བྱས་ཏེ། སྣ་གུང་གཡས་པ་ནས་སྐུད་པ་དང་འདྲ་བར་ཕྱུང་ནས་བསྒྲུབ་བྱ་མདུན་དུ་བསམས་ལ། སྲོག་རྩེ་མོ་ལྔར་གྱུར་པ་དེས་བསྒྲུབ་བྱའི་དཔྲལ་བ་དང་། ཁ་དང་སྙིང་ག་དང་། དཔུང་མགོ ་གཉིས་ཀྱི་རྩ་རྣམས་ཕུག་སྟེ། བར་བར་དུ་སྔགས་བཟླས་ནས་དབུགས་རྔུབ་པས་སླར་དྲངས་ཏེ་ཁའམ་སྣོད་ཀྱི་ནང་དུ་ཁྲག་དགུག་པར་བྱའོ། །གོམས་པ་ནི་གོམས་པར་བསླབས་པ་སྟེ། དང་པོར་ཤིང་ཐོག་གང་ཡང་རུང་བ་རང་གི་ལག་ཏུ་བཞག་ལ། སྔར་བསྟན་པའི་རྩ་སྔགས་ཀྱི་སྦྱོར ་བས་དགུག་པར་བྱའོ། །དེ་ནས་སླར་ཡང་ཤུགས་ཀྱིས་དགུག་པར་བྱ་སྟེ། དེ་ལྟར་ཇི་སྲིད་དུ་འབྲས་བུ་རོ་ཁར་མྱོང་གི་བར་དུ་བསླབ་བོ། །དེ་ནས་ནིམ་པའི་ཤིང་ལ་སོགས་པ་ཐག་རིང་པོ་ན་གནས་པ་རྣམས་ཀྱང་བསྒྲུབས་ལ། དེའི་འོག་ཏུ་ཁྲག་དགུག་པར་བྱའོ། །ནནྡ་ནི་བ་ར་ད། ་ཀི་ནི་ཁི་ནི། ཀི་ནི་ཁི་ནི། མ་ཧེ་ཞོན་པའི་སྙིང་པོ་འབུམ། །གུ་གུལ་རི་ལུ་སྦྱིན་སྲེག་བྱ། །སྡིག་ཅན་ཡིན་ཡང་དཔལ་འཕེལ་འགྱུར། །ཞེས་བྱ་བ་ལ། མ་ཧེ་ལ་ཞོན་པའི་སྙིང་པོའི་སྔགས་ནི། ཨོཾ་ནནྡ་ན་བ་ར་ཏི་དེ་ཀི་ནི་ཀི་ནི། ཁི་ནི་ཁི་ནི། ཤྲི་ཡཾ་མེ་ད་ད་བཽ་ཥཊ་སྭཱ་ཧཱ། ཞེས་བྱ་བ་ཡིན ་ནོ། །འདིའི་སྦྱོར་བ་ནི་འདི་ཡིན་ཏེ་། རྡོ་རྗེ་ཧཱུཾ་མཛད་ཀྱི་རྣལ་འབྱོར་ལ་གནས་ནས་ཊཀྐི་རཱ་ཛ་ཐུགས་ཀ་ནས་སྤྲོས་ཏེ། ཕྱག་མཚན་གྱི་མཆོག་ལྕགས་ཀྱུ་དང་ཞགས་པ་ཕྱག་ན་བསྣམས་པ་མ་ཧེ་ལ་ཞོན་པའི་བགྲོད་དཀའ་ལྷ་མོ་ཞལ་བརྒྱད་པ། ཁ་དོག་མ་ར་ཀ་ཏ་ལྟར་སྔོ་བསངས་མ་མདུན་དུ ་བཀུག་ལ་ཨརྒྷཾ་བྱིན་ཏེ་སྔགས་འདི་ཉིད་ནི་བཟླས་བརྗོད་བྱའོ། །བཟླས་བརྗོད་རྫོགས་ནས་མཆོད་པ་ཕུལ་ཏེ་གཤེགས་སུ་གསོལ་ལོ། །དེ་ལྟར་དུས་གསུམ་དུ་ཇི་སྲིད་འབུམ་ཕྲག་གཅིག་ཡོངས་སུ་རྫོགས་ཀྱི་བར་དུ་བཟླས་པ་སྔོན་དུ་བསྙེན་པ་བྱས་པ་ལ། དེ་ནས་གུ་གུལ་གྱི་རི་ལུ་རུས་སྦལ ་གྱི་རུས་པའི་ཚད་ཙམ་བྱས་ལ་མར་དང་། སྦྲང་རྩི་དང་ཤ་ཁ་ར་དང་བཅས་པས་ཐབ་ཁུང་གྲུ་བཞི་པར་པ་ལ་ཤའི་མེ་སྦར་ལ། སྦྱིན་སྲེག་འབུམ་ཕྲག་གཅིག་བྱས་ན་དེའི་འོག་ཏུ་བདག་ཉིད་ཆེན་པོའི་དཔལ་འཐོབ་པར་འགྱུར་རོ། །དཱུར་བ་ལྟར་ལྗང་གནོད་སྦྱིན་མ། །རྗེས་མཐུན་མཚན་མོ་བྲི་བར ་བྱ། །ཡན་ལག་ཆ་ཡི་ཕྲ་བཀོད་ཅིང་། །ནོར་བུའི་རྒྱན་གྱིས་འོད་འཕྲོ་བའོ། །ཞེས་བྱ་བ་ལ། དཱུར་བ་ལྟར་ལྗང་ཞེས་བྱ་བ་དཱུར་བའི་འདབ་མ་ལྗང་སྔོན་གྱི་ཁ་དོག་ཅན་ནོ། །མཚན་མོ་བྲི་བར་བྱ་བ་ནི་མནའ་མའི་རང་བཞིན་པས་ངོ་ཚ་བ་དང་བཅས་པའི་ཕྱིར་མཚན་མོ་བྲིའི་ཉིན་མོ་ནི་མ་ཡིན་ནོ། ། ་རྗེས་མཐུན་ཞེས་བྱ་བ་ནི་ཡན་ལག་ཐམས་ཅད་དང་ལྡན་ཞིང་བའི་བཞིན་ཅན་ཡིན་གྱི། ཁྲོ་བར་ནི་མ་ཡིན་ནོ། །ཡན་ལག་ཆ་ཤས་ཞེས་བྱ་བ་ལ་ཁ་དང་། རྣ་བ་དང་སྣ་དང་མིག་དང་སོ་དང་མཆུ་ལ་སོགས་པའི་ཚོགས་ཏེ་ཕྲ་བཀོད་པ་ནི་དེ་རྣམས་ཀྱིས་བརྒྱན་པའོ། །ཅི་འདྲ་ཞེ་ན། ནོར་བུ་ཞེས་བྱ་བ ་ལ་སོགས་པ་སྨོས་ཏེ། ཡན་ལག་གི་རྒྱན་དེ་དག་ནི་ནོར་བུ་དང་འདྲ་བས་ནོར་བུ་སྟེ། ནོར་བུའི་རྒྱན་ལས་འོད་ཟེར་འཕྲོ་བ་ལྟར་ཡན་ལག་དེ་དག་གིས་བརྒྱན་པས་ཉེ་བར་འབར་ཞིང་མཛེས་པའོ། །གནོད་སྦྱིན་མ་ཞེས་བྱ་བ་ནི་མནའ་མ་ཞེས་བྱ་བར་གྲགས་པའི་གནོད་སྦྱིན་མའོ། །འདིའི་སྔགས་ནི། གྲུས ་ཛྱེ་བྷ་ར་བྷ་ར་གྲུས་ཛྱེ་སིདྡྷ་ཛྱེ་ཞེས་བྱ་བའི་སྔགས་སྟོང་ཕྲག་གཅིག་བཟླས། ཕྱག་འཚལ་བསལ་ཞིང་མེ་དང་སྦྱར། །སྤྱོས་ཀྱང་མནའ་མ་མཛེས་མ་འགྲུབ། །ཅེས་པའི་སྔགས་ནི། ཨ་གྲུས་ཛྱེ་བྷ་ར་བྷ་ར་གྲུས་ཛྱེ་སི་དྡྷ་སི་མ་ཛ་ཧྱ་ཞེས་བྱ་བའོ་། །ཕྱག་འཚལ་བསལ་ཞིང་མེ་དང་སྦྱར། །ཞེས ་བྱ་བ་ནི་ཨོཾ་གྱི་གནས་སུ་ཨ་གདོན་པ་སྟེ། དེས་བསྟེན་ན་དབང་དུ་འགྱུར་བ་དེ་བཞིན་དུ་འགྲུབ་པའོ། །སྤྱོས་ཀྱང་ཞེས་བྱ་བ་ནི་བརྒྱད་བཀག་ཀྱང་ངོ་། །ཇི་ལྟར་བསྒྲུབ་པར་བྱ་ཞེ་ན། མི་སྨྲ་བླ་གབ་མེད་པར་ཉལ། །ཟླ་ཕྱེད་ཁྲུ་གསུམ་གོས་གསུམ་བརྗེ། །ཛཱ་ཏིའི་མེ་ཏོག་བརྒྱ་རྩ་བརྒྱད། །བསྲེགས ་ན་ཡིད་འོང་མཆོག་རྙེད་འགྱུར། །ཞེས་བྱ་བ་ལ། མི་སྨྲ་ཞེས་བྱ་བ་ནི་སྒྲུབ་པའི་གཡོག་འབའ་ཞིག་དང་སྨྲ་བར་བྱའི། གཞན་དམ་ཚིག་མེད་པ་དག་དང་ལྷན་ཅིག་མི་སྨྲའོ། །བླ་གབ་མེད་པར་ཉལ་ཞེས་བྱ་བ་ནི་སྟེང་སྒྲིབ་གཡོགས་མེད་པའི་གནས་སུ་བ་ལང་གི་ལྕི་བས་བྱུགས་ནས་རྩཝ ་ཀུ་ཤ་བཏིང་བའི་སྟེང་དུ་ཉལ་བར་བྱའོ། །ཇི་སྲིད་དུ་ཞེ་ན། ཟླ་བ་ཕྱེད་དུ་མར་ངོའི་ཞག་བཅོ་ལྔའི་བར་དུའོ། །གོས་གསུམ་བརྗེ་ཞེས་བྱ་བ་ནི་ཉིན་རེ་གོས་དཀར་པོ་གཙང་མ་གསུམ་གསུམ་བརྗེ་བའོ། །འདིར་ཡང་སྔ་མ་བཞིན་དུ་མདུན་དུ་བཀྲམ་པ་ལ་བཀུག་ལ། དྲི་དང་མེ་ཏོག་ལ་སོགས ་པས་མཆོད་ལ། ཇི་སྲིད་འབུམ་ཕྲག་གཅིག་གི་བར་དུ་བཟླས་བརྗོད་བྱས་ལ། དེའི་འོག་ཏུ་ཛཱ་ཏིའི་མེ་ཏོག་བརྒྱ་རྩ་བརྒྱད་ལ་སྔགས་སོ་སོར་བཟླས་ནས་བརྡེག་པར་བྱའོ། །ཆུང་མར་སྒྲུབ་ན་ནི་བྷ་ག་ལའོ། །སྲིང་མོར་སྒྲུབ་པ་ལ་ནི་ནུ་མ་ལའོ། །མར་སྒྲུབ་པ་ལ་ནི་རྐང་པ་ལའོ། །བྲན ་མོར་སྒྲུབ་པ་ལ་ནི་མགོ་ལའོ། །རྐ་དཀར་ལས་མཐེབ་ཚད་ཀྱིས། །ཚོགས་བདག་གཟུགས་བྱས་སྤྱིར་བཀན་ལ། །མཐའ་ཡིག་བཟླས་ཏེ་རྒྱན་བཀྱེ་ན། །ནམ་ཡང་འཕམ་པར་མི་འགྱུར་རོ། །ཞེས་བྱ་བ། སྐར་མ་རྒྱལ་གྱི་ཉིན་པར་ཨརྐ་དཀར་པོའི་རྩ་བ་བླངས་ཏེ། ཚོགས་ཀྱི་བདག ་པོའི་གཟུགས་ཕྱག་བཞི་པ་གསུས་པ་འཕྱང་བ། ཀླུའི་མཆོད་ཕྱིར་ཐོགས་ཅན་དང་། ཕྱག་བཞི་ན་མཆེ་བ་དང་། དགྲ་སྟ་དང་། ཞགས་པ་དང་། བགྲང་ཕྲེང་བསྣམས་པ། མཐེ་བོའི་ཚད་ཙམ་བྱས་ལ། དེ་ལག་པས་བཟུང་སྟེ་དེ་ཉིད་ཀྱི་སྦྱོར་བའམ། རང་གི་ལྷའི་སྦྱོར་བས་སྔགས་འབུམ ་ཕྲག་གཅིག་ཏུ་བཟླས་ཏེ། དེ་ནས་དེའི་སྦྱོར་བས་བཅིངས་ལ་ཆོ་ལོ་ལ་སོགས་པའི་རྒྱན་བཀྱེ་ན་ཕམ་པར་མི་འགྱུར་ཏེ་རྒྱལ་བར་འགྱུར་རོ། །མཐའི་ཡི་གེ་ཞེས་བྱ་བ་ནི་ཚིགས་སུ་བཅད་པ་འདིའི་མཐར་གནས་པའི་ཡི་གེ་སྟེ། ཨོཾ་ག་སྭཱ་ཧཱ་ཞེས་བྱ་བའོ། ། མ་ར་ཎི་ཛཱི་བན་ཏཱི་ཡེ། ཕྱག་འཚལ་སྭཱ་ཧཱ ་ཁ་སྦྱར་བྱ། །རྨ་བྱ་ཆེན་མོའི་སྙིང་པོ་འདི། །བཟླས་ན་ལས་ཀུན་བྱེད་པར་འགྱུར། །ཞེས་བྱ་བ་ལ། སྔགས་ནི། ཨ་མ་ར་ཎི་ཛཱི་བན་ཏཱི་ཡེ་སྭཱ་ཧཱ། སྔགས་ཀྱི་རྒྱལ་པོ་འདི་ཤིན་ཏུ་བཟླས་ན་ལས་ཐམས་ཅད་བྱེད་པར་འགྱུར་ཏེ། དེ་ལ་ནིར་ཀུན་ཏི་དང་པོ་ཙུ་མ་རྟའི་རྩ་བ་དང་ཅོད་པན་ཁྱིམ་བྱ་ཁམ་པ་ཅན ་གྱི་མཇུག་སྒྲོ་གཅིག་ཏུ་སྦྱར་ལ་སྔགས་འདི་བརྒྱ་རྩ་བརྒྱད་བཟླས་ཏེ། རིམས་ནད་ཀྱིས་ཟིན་པ་ལ་བདུག་ན། རིམས་ནད་ཐམས་ཅད་སེལ་བར་བྱེད་དོ། །ཀླད་གཟེར་ལ་ནི་མར་ནག་ལ་མངོན་པར་བཟླས་ཏེ་བསྐུས་ན། མགོ་བོའི་ཟུག་གཟེར་འཇོམས་སོ། །འབྲས་དང་འབྲུ་ཕྲན་ཚེགས་ལ་ནི་བཟླས་ཤིང་བྱབས ་པས་ཞི་བར་འགྱུར་རོ། །ཕོལ་མིག་དང་། འབྲུམ་བུ་ལ་སོགས་པ་ནི་ཙནྡན་གྱི་ཆུ་ལ་ལན་བདུན་བཟླས་ཏེ་བླུད་ན་ཞི་བར་འགྱུར་རོ། །སྦྱིན་སྲེག་གི་ལས་བྱས་ན་གདོན་ཐམས་ཅད་ཀྱིས་འཚེ་བ་ཞི་བར་འགྱུར་རོ། །གང་སུ་ཡང་རུང་བའི་སྐྲ་བཟུང་ལ་གཅེར་བུ་སྐྲ་གྲོལ་བ་དང་ལྡན་པས་ཁ་ལྷོར་བལྟས་ཏེ། ་སྒོའི་ཐེམ་པ་ལ་འདུག་ནས་སྒྲུབ་པ་པོ་ཁྲོས་བཞིན་དུ་སྔགས་ཟློས་ཤིང་ལག་པ་གཉིས་ཀྱིས་བསྐུ་མཉེའོ། །དེ་ལྟར་དུས་གསུམ་དུ་བྱས་ན། ཞག་གསུམ་གྱིས་དཔའ་བོ་ཉིད་ཀྱང་འཆི་བར་འགྱུར་རོ། །རྐཱ་རྐཱི་མ་རྐཱ་རྐཱི་ཧི་ན་ག་མ་ནི་ཕཊ། ཀྲྀཥྞ་ས་བ་ར་ཎཾ། ལོ་མ་ཅན་གྱི་བསྒྲུབ་པ་ལ། །ཀླུ་ནོར་ཞེས ་བྱའི་སྔགས་འབུམ་བཟླས། །བཙུན་མོའི་སྐྱེ་གནས་ཕྱོགས་སུ་ནི། །སེང་ལྡེང་ལས་བྱས་ཕུར་པ་ལ། །བརྒྱ་བཟླས་དམར་པོ་བྱུགས་ནས་ནི། །སྦྱར་ན་དེ་མོད་འགུགས་པར་འགྱུར། །ཞེས་བྱ་བ་ལ། སྔགས་ནི། ཨོཾ་ན་མ་སྐྲྀཥྞ་ས་བ་ར་ཎཾ་། ཨཱརྐཱ་རྐཱི་མ་རྐཱ་རྐཱི་ཧི་ནཱ་ག་མ་ནི་ཕཊ། སྔགས་འདིའི ་སྦྱོར་བ་ནི་འདི་ཡིན་ཏེ། དང་པོར་གཅེར་བུས་རྩ་བ་དང་འབྲས་བུ་དག་ཟ་ཞིང་འབུམ་ཕྲག་གཅིག་བཟླས་པས་བསྙེན་པར་བྱའོ། །དེ་ནས་སྤྲ་ཚིལ་ལས་མཐོ་གང་ཙམ་གྱི་བུད་མེད་ཀྱི་གཟུགས་བརྙན་ཡན་ལག་ཐམས་ཅད་ཡོངས་སུ་རྫོགས་པ་བྱས་ལ། །དེའི་དཔྲལ་བར་ནི་དེ་ཉིད་ཀྱི་དང་པོའི་མིང་བྲིའོ། ། ་སྙིང་གར་ནི་སྔགས་བྲི་སྟེ། དེ་ཡང་གོ་རོ་ཙ་ན་དང་། རང་གི་སྲིན་ལག་གི་ཁྲག་དང་བསྲེས་ལ་གྲོ་ག་ལ་མིང་སྤེལ་བ་དང་བཅས་པར་བྲི་སྟེ་དེའི་སྙིང་གར་གཞུག་གོ། །དེ་ནས་བདག་ཉིད་ལོ་མ་ཅན་གྱི་གཟུགས་མིག་དམར་བ་རྨ་བྱའི་ཅོད་པན་གྱི་བམ་པོ་མགོ་ལ་བཅིངས་པ། གླང་པོ་ཆེ་ཕྲུ་གུའི་མཆེ ་བའི་རྩེ་མོའི་རྣ་རྒྱན་ཅན། ཤིང་ཨ་ཤོ་ཀའི་ལོ་མའི་ཕྲེང་བས་རྐེད་པ་དཀྲིས་པ། ལྕགས་ཀྱུ་དང་ཞགས་པ་ལག་ན་ཐོགས་པར་བསྒོམས་ལ། བསྒྲུབ་བྱ་ལ་ཁ་བལྟས་ཏེ་ཟ་བཞིན་བསམས་ནས། བསྒྲུབ་བྱའི་ཕྱོགས་སུ་གཟུགས་བརྙན་གྱི་མགོ་བསྟན་ཏེ། གན་རྐྱལ་དུ་བཞག་ལ་སེང་ལྡེང་གི་ཕུར ་བུ་མཐེབ་སོར་གྱི་ཚད་ཙམ་ལ་སྔགས་ལན་བརྒྱ་བཟླས་ཏེ་གདབ་པར་བྱའོ། །ཕུར་བུ་དེ་ཡང་གྲུ་གསུམ་པ་རྒྱ་སྐྱེགས་ཀྱི་ཁུ་བས་བྱུག་པར་བྱའོ། །བརྒྱ་ཞེས་བྱ་བ་ནི་བརྒྱ་རྩ་བརྒྱད་དེ། ཕུར་བུ་དེས་སྐྱེ་གནས་ཞེས་བྱ་བ་མོ་མཚན་དུ་བཏབ་པ་ལ་འོད་འབར་བ་བསྒོམ་པར་བྱའོ། །དེ་ནས་མཆོད་པའི ་ཡོ་བྱད་དམར་པོ་རྣམས་ཀྱིས་དེ་ལ་མཆོད་ལ། དུས་གསུམ་དུ་སྔགས་བརྒྱ་རྩ་བརྒྱད་བཟླས་ན། ཞག་བདུན་གྱིས་བརྒྱ་བྱིན་གྱི་ཆུང་མ་ཡིན་ཡང་འོང་བར་འགྱུར་ན་བུད་མེད་གཞན་ལྟ་སྨོས་ཀྱང་ཅི་དགོས། ཚ་བི་ར་ལི་ཧཱུ~ཾ་ཕཊ་བཟླས། །གྲོ་ག་གདོང་གི་སྒོ་རུ་གཞུག་།རི་བོང་ཁྲག་གི་མཚན་མས་མཚན། ་མཁར་གནས་བཙུན་མོ་འགུགས་པར་འགྱུར། །གཞན་ཡང་རྒྱུ་ཞབས་དག་ཏུ་བཞག་།ཅེས་བྱ་བ་ལ། ཨོཾ་ཚ་བི་ར་ལི་ཧཱུཾ་ཕཊ་བྱའོ། །སྔགས་འདིའི་སྦྱོར་བ་ནི་འདི་ཡིན་ཏེ། དང་པོར་མདུན་དུ་ཡཾ་ལས་རླུང་གི་དཀྱིལ་འཁོར་མདུན་གྱི་ནམ་མཁའ་ལ་བསྐྱེད་དེ་བསམས་ལ། དེར ་བསྒྲུབ་བྱ་གཞུག་སྟེ། བདག་ཉིད་རིག་པ་མདོག་དམར་ཞིང་སྔོ་བ་ཕྱག་གཉིས་ན་ལྕགས་ཀྱུ་དང་ཞགས་པ་ཐོགས་པར་བསམས་ཏེ། ལྕགས་ཀྱུས་བསྒྲུབ་བྱའི་སྙིང་གར་ཕུག་ཅིང་། མགྲིན་པ་ཞགས་པས་བཅིངས་པ་གསལ་པོར་གྱུར་གྱི་བར་དུ་བསྒོམ་མོ། །དེ་ནས་གནས་དབེན་པར་སྔགས ་འབུམ་ཕྲག་གཅིག་གི་བར་བཟླས་ལ་སྒྲུབ་པོ། །ཇི་ལྟར་བསྒྲུབ་ཅེ་ན། གྲོ་ག་ལ་རི་བོང་གི་ཁྲག་གིས་ཡན་ལག་ཐམས་ཅད་དང་ལྡན་པའི་གཟུགས་བྲིས་ལ། དེའི་དཔྲལ་བར་དེ་ཉིད་ཀྱི་དང་པོའི་མིང་བྲི་སྟེ། སྤྲ་ཚིལ་གྱི་ནང་དུ་གཏུམས་ལ། སྤྲ་ཚིལ་གྱི་རི་ལུ་ཁར་བཅུག་ནས་སྔགས ་བཟླས་ན་དེ་འགུགས་པར་འགྱུར་རོ། །སྦྱོར་བ་གཞན་གཉིས་པ་ཡང་གྲོ་ག་ལ་རི་བོང་གི་ཁྲག་གིས་བསྒྲུབ་བྱ་དང་། སྒྲུབ་པ་པོའི་གཟུགས་གཉིས་སོ་སོར་བྲིས་ལ། བསྒྲུབ་བྱའི་མིང་ནི་སྒྲུབ་པ་པོའི་དཔྲལ་བར་བྲིའོ། །སྒྲུབ་པ་པོའི་མིང་ནི་བསྒྲུབ་བྱའི་དཔྲལ་བར་བྲི་སྟེ། འཁྲུལ་འཁོར་དེ ་གཉིས་ཇི་ལྟར་དཔྲལ་བ་དང་དཔྲལ་བ། ཁ་དང་ཁ། གསང་བ་དང་གསང་བ་ཕྲད་པར་འགྱུར་བ་དེ་ལྟར་ཁ་སྦྱར་ཏེ་དྲིལ་ནས་རང་གི་རྒྱུ་ཞབས་སུ་བཞག་སྟེ། ཁྲོ་བོའི་རྡུལ་གྱིས་གདུང་ཞིང་དབེན་པའི་གནས་སུ་སྔགས་བཟླས་ན་ཞག་གསུམ་གྱིས་འགུགས་པར་འགྱུར་རོ། ཧེ་ཏིཥྛ་བནྡྷ་དྷ་ར་ཡ་ནི ་རུནྡྷ། དང་པོར་སླར་ཡང་སྦྱར་བར་བྱ། །ུརྞ་མ་ཎི་སྭཱ་ཧཱ་མཐའ། །མཆོག་འདིས་མགྲིན་པར་ཆོ་ག་བྲི། །ཞེས་བྱ་བའི་སྔགས་ནི། ཨོཾ་ཧེ་ཏིཥྛ་ཏིཥྛ་བནྡྷ་བནྡྷ་དྷ་ར་ཡ་དྷ་ར་ཡ་ནི་རུནྡྷ་ནི་རུནྡྷ་ཨུརྞ་མ་ཎི་སྭཱ་ཧཱ། འདིའི་སྦྱོར་བ་ནི་འདི་ཡིན་ཏེ། སྔགས་འདི་ཐལ་བ་ལ་མངོན་པར་བཟླས་ལ་མཛུབ་མོས་ཐལ ་བ་དེའི་རི་མོ་གང་གི་མགུལ་བར་བྲིས་ན། དེའི་སྐྱུག་པའི་ནད་ཞི་བར་བྱེད་དོ། །ཡང་ཏཱ་ལའི་འདབ་མ་ལ་དགྲ་བོའི་མིང་དང་སྤེལ་བའི་མིང་བྲིས་ནས། ཀརྟའི་ཚད་དུ་བཅུག་ན་ཁ་འཆིང་བར་འགྱུར་རོ། །དེ་བཞིན་དུ་གྲོང་ཁྱེར་གཞན་ལ་སྟེར་བ་ལ་སོགས་པ་དག་ཀྱང་འཆིང་བར་འགྱུར་རོ། །དན ་དི་ལི་མཐའ་མོ་ཧ་དབུས། །མུ་ཙ་ལི་ནི་ཐོག་མར་བསྟན། །ཀུན་མཐར་སྭཱ་ཧཱ་སྦྱར་སྔགས་འདིས་། །རྨི་ལམ་བྲམ་ཟེ་ཕྲུ་གུ་སྟོན། །ཞེས་བྱ་བ་ལ་སྔགས་ནི། ཨོཾ་མུ་ཙི་ལི་སྭཱ་ཧཱ། མོ་ཧ་ནི་སྭཱ་ཧཱ། དན་ཏི་ལི་སྭཱ་ཧཱ། ཞེས་བྱ་བའོ། །འདིར་ཆོ་ག་ནི་འདི་ཡིན་ཏེ། འཕགས་པ་སྤྱན་རས་གཟིགས ་དབང་ཕྱུག་བླ་མའི་སྤྱན་ལམ་དུ་བའི་ལྕི་བ་ས་ལ་མ་ལྷུང་བས་མཎྜལ་བྱས་ལ། མེ་ཏོག་ལ་སོགས་པས་མཆོད་དོ། །སྔགས་འདི་ཉིད་ཀྱིས་ལན་བདུན་དུ་བཟླས་པའི་ལག་པས་གདོང་བྱུགས་ལ། དེ་ཉིད་སྣམ་བུ་གཙང་མ་གདན་དུ་བཏིང་སྟེ་དོན་ལ་དམིགས་ནས་ཉལ་ན། རྨི་ལམ་དུ་བདེན་པ ་སྟོན་པར་འགྱུར་རོ། །དེ་བཞིན་དུ་ཆུ་ལ་མངོན་པར་བཟླས་ཏེ་འཐུངས་ནས་མར་ནག་ལ་མངོན་པར་བཟླས་པས་གདོང་བྱུགས་ཏེ་ཉལ་ན་ཡང་། ཡང་དག་པའི་རྨི་ལམ་མཐོང་བར་འགྱུར་རོ། །ོཾ་ཙུན་དེ་ཙུ་ལེ་ཙ་ལེ་ཞེས་བྱ་བ། བཟློག་པ་ལུགས་བཞིན་བཟུང་བྱས་ན། །དུས་གསུམ་གྱི་ནི ་དངོས་པོ་རྣམས། །མེ་ལོང་གནས་ནས་སྟོན་པར་བྱེད། །ཅེས་བྱ་བ་ལ་སྔགས་ནི། ཨོཾ་ཙ་ལེ་ཙུན་དེ་དཪྴ་ཡ་སརྦ་སྭཱ་ཧཱ་ཞེས་བྱ་བ་ཡིན་ནོ། །སྦྱོར་བ་ནི་འདི་ཡིན་ཏེ། ཆོ་ག་བཞིན་དུ་སྔོན་དུ་བསྙེན་པ་སྟོང་ཕྲག་བཅུར་བཟླས་པའོ། །དེ་ནས་ཁྱེའུ་དང་བུ་མོ་གྲོང་གི་ཆོས་ཀྱིས་མ་ཉམས་པ་བཟུང་ལ་ཁྲུས ་བྱས་ཤིང་གོས་གཙང་མ་བསྐོན་ནས། ཐིག་ལེ་ལ་སོགས་པའི་རྒྱན་གྱི་ཆས་སུ་གསལ་ལ། འཕགས་པ་མི་གཡོ་བའི་སྔགས་དང་ཕྱག་རྒྱས་བསྲུང་ངོ་། །ཡང་དག་པར་མཆོད་དོ། །ོཾ་ཙཎྜ་མ་ཧཱ་རོ་ཥ་ཎ་ཧཱུ~ཾ་ཕཊ། ཅེས་བྱ་བ་ནི་སྔགས་སོ། །རྡོ་རྗེ་བསྡམས་པ་ནང་དུ་བྱས་ལ་མཛུབ་མོ་བསྒྲེང ་སྟེ་ལྟོ་སྦྱར་ལ་མཐེ་བོང་གཉིས་སོ་སོར་བསྒྲེང་བ་ནི་ཕྱག་རྒྱའོ། །སྔགས་དང་ཕྱག་རྒྱ་འདིས་ཕྱོགས་དང་མཚམས་དང་། སྟེང་འོག་ཀྱང་བཅིང་བར་བྱའོ། །དེ་ནས་མཎྜལ་གྱི་དབུས་སུ་བུམ་པ་གོས་སར་པ་དཀར་པོས་མགུལ་པ་བཅིངས་ལ་དྲི་ཞིམ་པོའི་ཆུས་བཀང་བ་ཤིང་ལོ་ཡིད་དུ་འོང་བས་ཁ་རྒྱན ་བྱས་ཏེ། མེ་ཏོག་དང་བདུག་པ་ལ་སོགས་པས་མཆོད་ནས། སྔར་བསྟན་པའི་ཁྱེའུ་དང་བུ་མོ་ཁ་ཤར་དུ་བསྟན་ཏེ་བཞག་ལ། མིག་གཉིས་སུ་ཡི་གེ་ཨོཾ་བཀོད་དོ། །སྙིང་གར་ཡི་གེ་ཧཱུ~ཾ་བཀོད། ཨོཾ་གཉིས་ཀྱི་དབུས་སུ་ཡཾ་དཾ་འོད་འབར་བ་བསམ་མོ་། །དེ་ནམ་མཁའི་ཕྱོགས་སུ་ཡང་ཙུཾ་ལས ་བསྐྱེད་པའི་ལྷ་མོ་སྐུལ་བྱེད་མ་ཟླ་བའི་དཀྱིལ་འཁོར་ལ་བཞུགས་པ། ཕྱག་དང་པོ་གཉིས་ན་ལྷུང་བཟེད་བསྣམས་ཤིང་གཞན་གཉིས་ཀྱིས་པདྨ་དང་རལ་གྲི་བསྣམས་པའི་ཕྱག་བཞི་པ། སྐུ་མདོག་ཟླ་བ་ལྟར་དཀར་ཞིང་འཚེར་བ་བསམས་ལ། དེ་ཉིད་ལ་ཨརྒྷ་དབུལ་ཏེ། ་མཆོད་པ་རྣམས་ཀྱིས་ཡང་དག་པར་མཆོད་ལ། བདག་ཉིད་ཀྱི་སྔགས་ཀྱིས་སམ་རྩ་བའི་སྔགས་ཀྱིས་བསྟོད་ལ། སྔགས་འདི་ཁྱེའུ་དང་བུ་མོའི་སྙིང་གར་གཞུག་པར་བྱའོ། །ོཾ་ཙ་ལེ་ཙུ་ལེ་པེ་ཤ་ཨ་ཏྲ་ཀུ་མ་དྲ་ཀུ་མ་དྲ་ཀུ་མ་རི་ཀ་ཡོ་ཤ་རི་རཻ་པྲ་བི་ཤྱ་དྷ་ར་ཤ་ཡ། སརྦ་ཡ་ཐཱ་བྷུ་ཧཾ་ཡ་ཐཱ་ད་ཏྱཾ། བུདྡྷ ་དྷརྨ་སཾ་གྷ་ས་ཏྱེ་ན་བ་ཏི་མ་བི་ལཾ་བ་མ་མ་ཨ་ཤ་པྲ་བུ་ར་ཡ་སྭཱ་ཧཱ། དེ་ནས་མེ་ལོང་ངམ། རལ་གྲིའམ། དྲི་མ་མེད་པའི་མཐེ་བོངའམ་། མར་མེའམ། ཆུའི་སྣོད་དག་ལ་སྔགས་ཡོངས་སུ་བཟླས་ཏེ། ཁྱེའུའམ་བུ་མོ་ལ་བསྟན་ལ་བདེ་བ་ཇི་ལྟ་བ་བཞིན་སྟོན་པར་འགྱུར་རོ། །དེ་ནས་གཤེགས་སུ ་གསོལ་ཏེ་ལྡང་བར་བྱའོ། །བ་ར་ད་ཀ་སྭཱ་ཧཱ་དྲུག་།ཕྱག་འཚལ་དང་ལྡན་ཚོགས་བདག་དགྱེས། །གཟུགས་བརྙན་མཎྜལ་གྲུ་བཞིར་བཞག་།ཟླ་བ་དྲུག་ཏུ་མཆོད་པ་བྱ། །ཞེས་བྱ་བ་སྔགས་ནི། ཨོཾ་བ་ར་ད་ག་སྭཱ་ཧཱ། ཞེས་བྱ་བའོ། །སྦྱོར་བ་ནི་འདི་ཡིན་ཏེ། གནས་དབེན་པར་བའི་ལྕི་བའི་མཎྜལ ་གྲུ་བཞི་བྱས་ལ། དེའི་དབུས་སུ་ཚོགས་བདག་གི་གཟུགས་སམ། བྲིས་སྐུ་བཞག་ནས་བདག་ཉིད་ཀྱིས་ལོག་འདྲེན་གྱི་གཟུགས་ཀྱིས་ཡང་དག་པར་མཆོད་དེ་གཅེར་བུར་གྱུར་པས་ཟླ་བ་དྲུག་གི་བར་དུ་ཉིན་དུས་གསུམ་དུ་སྔགས་བརྒྱ་རྩ་བརྒྱད་བཟླས་ན། ཡིད་ལ་རེ་བ་ཐམས་ཅད་ཡོངས་སུ་རྫོགས ་པར་འགྱུར་རོ། །བྷྲ་མ་ཀེ་ཤེ་བྷྲ་མ་མ་ཏེ། བྷྲ་མ་བི་བྷྲ་མུས་ཛྱེ་མོ་ཧྱེ་སྭཱ་ཧཱ། དང་པོར་བྷྲ་མ་གཉིས་དང་ལྡན། །དེ་ནས་རིམ་བརྗོད་ཨུར་ནེར་བཅས། །ཞེས་བྱ་བ་ནི་སྔགས་ཏེ། དང་པོར་བྷྲ་མ་གཉིས་དང་ལྡན། །ཞེས་བྱ་བ་ནི། བྷྲ་མ་བྷྲ་མ་ཞེས་ལན་གཉིས་བརྗོད་པའོ། །རིམ་བརྗོད་ཅེས་བྱ་བ་ནི ་ལྷག་མ་ཕྲེང་བའི་རིམ་པ་བཞིན་དུ་བརྗོད་པའོ། །ུར་ནེར་བཅས་ཞེས་བྱ་བ་ནི་མཐར་ཨུར་ནེ་བརྗོད་པ་སྟེ། ཨོཾ་བྷྲ་མ་བྷྲ་མ་ཀེ་ཤི་བྷྲ་མ་ཏེ་བྷྲ་མ་བི་བྷྲ་མ་མུས་ཛྱེ་མོ་ཧེ་ཡ་ཨུརྣེ་སྭཱ་ཧཱ། ཞེས་བྱ་བ་སྟེ། མ་བསྒྲུབས་པར་ཡང་ལས་ཐམས་ཅད་བྱེད་པའོ། །འདིར་སྦྱོར་བ་ནི་འདི་ཡིན་ཏེ། ཡུངས་ཀར ་ཁྱོར་གང་ཙམ་ས་ལ་མ་རེག་པའི་བར་སྣང་ལ་བཞག་ལ། སྔགས་འབུམ་ཕྲག་གཅིག་བཟླས་སོ། །དེ་ནས་དེ་ལ་ཅུང་ཟད་ཅིག་བླངས་ལ། གཅེར་བུ་སྐྲ་ལྷུག་པས་ཁྱིམ་གྱི་ཐེམ་པའི་ཕྱི་ནས་ཡུངས་ཀར་གཏོར་ན། ཡུངས་ཀར་ལ་འགོམས་པ་ཙམ་གྱིས་ཇི་སྲིད་ཉི་མ་ཤར་གྱི་བར་དུ་དུས་མ་ཡིན ་པའི་གཉིད་མཐུག་པོས་ནོན་པར་འགྱུར་རོ། །གཉིད་བསྐྱེད་པའི་སྦྱོར་བའོ། །ཀིནྣི་ཀནྣི་གྷཎྜ་ཀ་ར་ཎ་ན་མེད་ཤ་ཡ་སྭཱ་ཧཱ། སྔགས་བཟླས་པ་ཡི་ཆུ་འཐུངས་ན། །རྨི་ལམ་བདེན་པ་སྟོན་པར་འགྱུར། །ཞེས་བྱ་བ་ལས། སྦྱོར་བ་ནི་འདི་ཡིན་ཏེ། རང་ལྷའི་སྦྱོར་བའམ། རྡོ་རྗེ་ཧཱུ~ཾ་མཛད་ཀྱི་ཏིང་ངེ ་འཛིན་ལ་གནས་ནས། །རྡོ་རྗེའི་མཚོན་ཆས་དྲིའི་ཚོགས་དགུག་པར་བྱའོ། །དེ་ཡང་སྐུ་མདོག་དཀར་པོ་ཕྱག་བཞི་པ། ཕྱག་ན་མདུང་རྩེ་གསུམ་དང་། དགྲ་སྟ་དང་། ཞགས་པ་དང་། ཐོ་བ་བསྣམས་པ་རྣ་བ་གཉིས་དྲིལ་བུའི་སྒྲ་དང་ལྡན་པ་བལྟས་ལ་ལག་པ་གཡོན་པ་མདུང་རྩེ་གསུམ་པར ་བྱས་པའི་དམ་ཚིག་གི་ཕྱག་རྒྱ་དེ་ལ་སྔགས་སྟོང་ཕྲག་བཅུར་བཟླས་ཏེ་མཆོད་པ་བྱའོ། །དེ་ནས་ཆུ་ལ་མངོན་པར་བཟླས་ཏེ་འཐུངས་ན་གདོན་མི་ཟ་བར་རྨི་ལམ་དུ་བདེན་པ་མཐོང་བར་འགྱུར་རོ། །རྒྱ་མཚོར་འབབ་པའི་ཆུ་བོ་ལ། །ཛཱ་ཏིའི་མེ་ཏོག་འབུམ་བསྐུར་བྱ། །ོཾ་ཝཱ་ཀྱེ་དཾ་ན་མཿིད་དོ་ད་བྷ་ར ་དང་། འཇམ་དཔལ་གྱི་སྙིང་པོ་འདི་ཞེས་བྱ་བ་ལ་སྦྱོར་བ་ནི་འདི་ཡིན་ཏེ། ཛཱ་ཏིའི་མེ་ཏོག་ཁ་བྱེ་བ་འབུམ་བཟུང་ལ་རྒྱ་མཚོ་ཆེན་པོར་འབབ་པའི་ཆུ་བོར་སྐེ་མན་ཆད་ཆུའི་ནང་དུ་ཞུགས་ལ། མེ་ཏོག་རེ་རེ་ཞིང་སྔགས་ཟློས་ཤིང་ཆུ་ལ་བསྐྱུར་རོ། །དེ་ཇི་སྟེ་མེ་ཏོག་ཆུ་དང་བཅས་པ་གྱེན་དུ་རྒྱུན་ལས་བཟློག་སྟེ ་འབབ་པ་ན། མེ་ཏོག་ཆུ་དང་བཅས་པར་བླངས་ཏེ་སོས་མ་རེག་པར་འཐུངས་ན། ཐོས་པ་འཛིན་པའི་དངོས་གྲུབ་འཐོབ་པར་འགྱུར་རོ། །ོཾ་ཀུ་རུ་ཀུལླེ་སྭཱ་ཧཱ། ཁམས་གསུམ་འགུགས་པར་བྱེད་པ་བསྟན། །སྒྲོལ་མ་ཡི་ནི་སྙིང་པོ་འདི། །མགུལ་ནོར་བཅིངས་པའི་ཆོ་གར་གསུངས། །ཞེས་བྱ ་བ་ལ་བཅོམ་ལྡན་འདས་ཧ་ལ་ཧ་ལའི་ཏིང་ངེ་འཛིན་ལ་གནས་ལ། སྒྲོལ་མའི་སྔགས་འདི་བསྙེན་པ་བྱའོ། །དེ་ནས་ཚེས་དང་སྐར་མ་དང་ཉི་མ་བཟང་པོ་ལ་མཆོད་པ་བྱས་ནས། གྲོ་ག་ལ་ཨུཏྤ་ལའི་འདབ་མ་ལྟ་བུའི་འཁོར་ལོ་རྩིབས་བཅུ་དྲུག་པ་བྲིས་ལ། རྩིབས་བཅུ་དྲུག་ལ་ཨ་བྲིའོ། །ལྟེ་བ་ལ ་ནི་བསྒྲུབ་བྱའི་མིང་ཀུ་རུ་ཀུལླེ་ཞེས་བྱ་བའི་ཡི་གེ་བཞིས་བསྐོར་བ་བྲིའོ། །དེའི་ཕྱི་རོལ་དུ་ཨོཾ་ལས་བྱུང་བའི་རི་མོ་གསུམ་གྱིས་བསྐོར་རོ། །དེ་ནས་འཁོར་ལོ་གཉིས་པ་དེ་དང་འདྲ་བ་ལས་བསྒྲུབ་བྱའི་མིང་མ་གཏོགས་པ་བྲིས་ལ། །དེས་འཁོར་ལོ་སྔ་མའི་སྟེང་དུ་བཀབ་སྟེ། ་བཅོམ་ལྡན་འདས་མ་སྤྱན་དྲངས་ཏེ་ཡང་དག་པར་མཆོད་ནས་འཁོར་ལོ་དེར་བསྟིམས་ལ། ཡི་གེ་ལས་བྱུང་བའི་འོད་ཟེར་གྱིས་བསྒྲུབ་བྱ་བཀུག་སྟེ། ཤིང་རྩ་བ་ནས་བཅད་པ་ལྟར་བཅོམ་ལྡན་འདས་མའི་ཞབས་དྲུང་དུ་འགྱེལ་ནས་འདུག་པར་བསམས་ལ། །ཉི་མ་བདུན་དུ་དུས་གསུམ་དུ ་སྔགས་བརྒྱ་སྟོང་དུ་བཟླས་ན་བརྒྱ་བྱིན་ཉིད་ཀྱང་དབང་དུ་འགྱུར་རོ། །སྔགས་ནི། ཨོཾ་ཀུ་རུ་ཀུལླེ་ཧྲཱིཿ་ཆེ་གེ་མོ་ཨ་ནཾ་སྭཱ་ཧཱ། དྷ་ན་པ་རི་བ་རེ་ཙ་ས་མནྟ་སྭཱ་ཧཱ། ཞེས་བྱ་བ་ཡིན་ནོ། །ཉི་མ་བདུན་བཟླས་ནས་འཁོར་ལོ་ཞོ་དང་། མར་དང་སྦྲང་རྩིའི་ནང་དུ་གཞག་གོ། །དགའ་བདེ་མ་མྱོང་བུ་མོའི་ཡི་གེ ་དང་པོ་ནི། གསུམ་དྲུག་འབུམ་གཅིག་བཟླས་ན་དེར་ནི་རྙེད་པར་འགྱུར་རོ་ཉི་མ་དཀར་པོའི་མེ་ཏོག་སྦྱིན་སྲེག་བྱ་བའམ། ཡང་ན་པྲི་ཡདྐུ་ཡི་མེ་ཏོག་སྦྱིན་སྲེག་བྱ། །ཞེས་བྱ་བ་ལ། སྔར་དགའ་བ་དང་བདེ་བ་མ་མྱོང་བའི་བུ་མོ་གང་ཡིན་པ་དེའི་ཡི་གེ་ནི་དགའ་བདེ་མ་མྱོང་བའི་ཡི་གེ་སྟེ། ཡི་གེའི ་ཚོགས་དེ་ལས་དང་པོར་ཨ་དང་། གསུམ་པར་དི་དང་། དྲུག་པར་པོ་ཏི་རྣམས་གཟུང་བར་བྱའོ། །དེ་ཡང་བསྙེན་པའི་དུས་སུ་ཆང་དང་ཤ་ལ་སོགས་པ་བཅད་དོ། །དཀར་གསུམ་ལ་སོགས་པའི་ཟས་ཟ་ཞིང་། གོས་དང་བཅས་པར་ཆུའི་ནང་དུ་ཞུགས་ཏེ། མི་སྨྲ་བར་འབུམ་ཕྲག་གཅིག་བཟླས ་བརྗོད་བྱའོ། །སྔགས་ནི། ཨོཾ་ཨ་དི་ཏི་ཨ་མུ་ཀ་ཀན་ནཾ་མེ་དེ་ཧི་དྷེ་དྷ་བ་ཡ་སྭཱ་ཧཱ། ཞེས་བྱ་བའོ་། །བསྙེན་པ་ཐོན་ནས་ཨརྐ་དཀར་པོ་མེ་ཏོག་གམ། པྲི་ཡདྐུའི་མེ་ཏོག་ལ་སྔགས་རེ་རེ་ཞིང་སྦྱིན་སྲེག་འབུམ་ཕྲག་གཅིག་བྱའོ། །དེ་ཡང་གྲོ་ག་ལ་བུ་མོའི་མིང་དང་རང་གི་མིང་དུ་ཁ་སྦྱར་བ་བྲིས་ལ། ་རང་གི་རྒྱུ་ཞབས་སུ་བཞག་སྟེ། དེ་ལྟར་སྦྱིན་སྲེག་བྱས་ན། བུ་མོ་དེ་བདག་གིར་འགྱུར་ཏེ། སུ་ལ་ཡང་སྟེར་བར་མི་འགྱུར་རོ། །བི་ཙི་མོ་ཧི་སྭཱ་ཧཱ། ཨོཾ་དང་བཅས་ལ་གྲངས་བདུན་ཡིན། །གནོད་སྦྱིན་ཡུགས་ས་མོ་ཡི་སྔགས། །རོ་ལ་གཡོགས་པའི་རས་ལ་ནི། །དེ་ཡི་སེན་རྩིས་རྒྱན ་མེད་བྲི། །དེ་ཡི་གཟུགས་ལ་མེ་ཏོག་ནི། །སེར་པོས་མཆོད་ན་དེ་འགྲུབ་འགྱུར། །འཇིག་རྟེན་གསུམ་གྱི་ཡུགས་ས་མོ། །ཐམས་ཅད་བཀའ་ཉན་དུ་ནི་འགྱུར། །མོན་སྲན་གྲེའུ་ཁ་ཟས་ཀྱིས། །ཡུགས་ས་མོ་ཡི་སྔགས་བཟླས་འགྲུབ། །སྔགས་ནི། ཨོཾ་བི་ཙི་མ་ཧེ་སྭཱ་ཧཱ་ཞེས་བྱ་བ་སྟེ། ་སྔོན་དུ་བསྙེན་པ་འབུམ་ཕྲག་བདུན་བཟླས་སོ། །དེ་ནས་བྲམ་ཟེ་མོ་ལ་གཡོགས་པའི་རས་མའི་དུམ་བུ་ཁྲུ་གང་གྲུ་བཞི་པ་ལ་རོ་དེ་ཉིད་ཀྱི་སེན་རྩིས་བྲམ་ཟེ་མོ་དེ་ཉིད་ཀྱི་གཟུགས་མེད་པར་བྲིས་ལ་གནས་དབེན་པར་བྲིས་སྐུ་བཀྲམ་སྟེ། བདག་ཉིད་གཅིག་པུས་ཤིང་སཱ་ལ་སེར་པོའི་མེ་ཏོག་གིས ་མཆོད་ནས་ཟླ་བ་དྲུག་གི་བར་དུ་མཚན་མོ་མུན་པ་ལ་བརྒྱད་བརྒྱ་བརྒྱད་བཟླས་ན་ཟླ་དྲུག་གི་མཐར་འོང་བར་འགྱུར་རོ། །འོངས་ནས་མི་སྨྲ་བར་འདོད་པ་སྤྱད་ན་བརྒྱ་སྟོང་རི་བའི་མུ་ཏིག་གི་ཕྲེང་བ་བཀྲལ་ནས་འཇོག་པར་འགྱུར་རོ། །དེ་ལྟར་ཟླ་བ་དྲུག་གི་བར་དུ་ཉིན་རེ་ཞིང་བཞག་ནས་འགྲོ་བར ་འགྱུར་རོ། །ཟླ་བ་དྲུག་ཡོངས་སུ་རྫོགས་ནས་ཅི་བླངས་པའི་དངོས་གྲུབ་སྟེར་བར་འགྱུར་རོ། །ོཾ་གྷོ་གྷོ་རི་རུ་ཏྲ་དི་ཙི་དེ་ཡོ་གཱི་ཤྭ་རི་མུ་ཁ་ཧཱུཾ་ཕཊ་སྭཱ་ཧཱ། གྷོ་གྷོ་རི་དང་མུ་ཁ་ཡང་། །རི་དབང་བུ་མོའི་སྙིང་པོ་ཡིན། །བརླ་གཡོན་ལ་ནི་མིང་བྲིས་ཏེ། །ལག་པ་གཡོན་པས་བཀབ་ནས་སུ། །བཟླས ་ན་བུ་མོ་མོད་ལ་འགུགས། །སྐྱེས་པ་ལ་ནི་གཡས་པ་སྦྱར། །ཞེས་བྱ་བ་ལ་ནི། ཨོཾ་རུ་ཏྲི་དི་བི་དེ་ཡོ་གཱི་ཤྭ་རི་མུ་ཁ་ཧཱུ~ཾ་ཕཊ་སྭཱ་ཧཱ་ཞེས་པའོ་། །འདིར་གསེར་བཙག་དང་གོ་རོ་ཙ་ན་དང་། ལྡོང་རོས་གང་ཡང་རུང་བ་ལ་བསྒྲུབས་ཏེ། དེ་ཡང་ཟླ་བ་གཟས་ཟིན་པའི་དུས་སུ་ལྷ་མོ་གྷོ་གྷོ་རི་ལ་མཆོད་པ ་བྱས་ལ། ཨ་ཤྭཏྠའི་ལོ་མ་བདུན་གྱི་སྟེང་དུ་གསེར་བཙག་ལ་སོགས་པ་བཞག་སྟེ། ཡང་ལོ་མ་བདུན་གྱི་སྟེང་ནས་བཀབ་ནས། དེའི་སྟེང་དུ་ལག་པ་གཡོན་པས་མནན་ནས་ཇི་སྲིད་ཟླ་བ་གཟས་བཟུང་བ་མ་གྲོལ་གྱི་བར་དུ་བཟླས་སོ། །དེས་བརླ་གཡོན་པའི་དབུས་སུ་བུ་མོའི་མིང་བྲིས་ལ། ་ལག་པ་གཡོན་པས་བཀབ་སྟེ་བཟླས་ན། འཆིང་བས་བཅིངས་པ་མ་གཏོགས་པ་རྣམས་འོང་བར་འགྱུར་རོ། །སྐྱེས་པ་འགུགས་པ་ལ་ནི་བརླ་གཡས་པའི་དབུས་སུ་དེ་ཉིད་ཀྱིས་དེའི་མིང་བྲིས་ལ་ལག་པ་གཡས་པས་བཀབ་སྟེ། ཇི་སྲིད་འོང་གི་བར་དུ་བཟླས་སོ། །རྐང་པས་དགུག་པའོ། ། ་དང་པོར་ཕྱག་འཚལ་ལྡན་པའི་སྔགས། །བི་ད་རི་ཀུ་རུ་ཧཱུ~ཾ་ཕཊ། ཡིད་ཆེས་པ་ཡི་ཕྲིན་ཡིག་ལས། །གདོན་ནི་ཚར་གཅོད་བྱེད་པ་སྟེ། །ཡོངས་བཟླས་ཕྱག་རྒྱས་བཏབ་སྟེ་སྤྲིང་། །ཞེས་བྱ་བ་ལ། སྔགས་ནི། ཨོཾ་བི་ད་རི་ཀུ་རུ་ཧཱུ~ཾ་ཕཊ། ཅེས་བྱའོ། །འདིར་འཕགས་པ ་མི་གཡོ་བ་ཡིའམ། ཁྲོ་བོ་གང་ཡང་རུང་བའི་ཏིང་ངེ་འཛིན་ལ་གནས་ནས། སྔགས་ཕྲིན་ཡིག་དང་བཅས་པ་བྱང་བུ་ལ་བྲིས་ཏེ། དྲིལ་ནས་ཕྱག་རྒྱས་བཏབ་སྟེ་གདོན་གྱིས་ཟིན་པ་ལ་བསྐུར་ཏེ། དེའི་ལག་པར་བཏགས་ན་ངུ་བཞིན་དུ་འབྲོས་པར་འགྱུར་རོ། །ོཾ་བ་ཏྲ་བི་ད་ར་བི་ད་རི་སྭཱ་ཧཱ། ་ཞེས་བྱ་བའི་ཡི་གེ་བཅུ་པའི་རིག་པ་སྟེ། མི་དབང་གི་ནི་བཙུན་མོ་ཡང་། །བཟླས་པ་ཙམ་གྱིས་དབང་དུ་བྱེད། །ོཾ་མ་ལི་ནི་ཀིནྣི་ཀིནྣ་། དང་པོར་ཨརྐ་སྭཱ་ཧཱ་ལྡན། །དེ་ནས་དབྱངས་ཅན་སྐྱེས་བུ་ནི། །དབྱངས་ཅན་དག་ནི་འཐོབ་པར་འགྱུར། །ཞེས་བྱ་བ་ལ་སྔགས་ནི། ཨོཾ་ཨརྐ་མ་ལི་ནི ་ཀི་ནི་ཀི་ནི་སྭཱ་ཧཱ། ཞེས་བྱ་བ་སྟེ། དབྱངས་ཅན་མའི་མདུན་དུ་འབུམ་ཕྲག་གཅིག་བཟླས་པས་བསྙེན་པ་བྱའོ། །དེ་ནས་ཟླ་བ་གཅིག་གི་བར་དུ་དབྱངས་ཅན་མའི་སྨན་མར་ཁྱོར་བ་རེ་ལ་སྔགས་ལན་བདུན་བདུན་བཟླས་ཏེ་འཐུངས་ན་ངག་གི་དངོས་གྲུབ་སྟེར་བར་འགྱུར་རོ། །དེ་བཞིན་དུ་ཟླ་བ་གཅིག ་ཏུ་ཆུ་ལ་བཟླས་ཏེ་བཏུང་བའམ། མར་འབའ་ཞིག་ལ་བཟླས་ཏེ། ཟླ་བ་དྲུག་ཏུ་འཐུངས་ན་ངག་གི་དངོས་གྲུབ་འཐོབ་བོ། །མུན་དེ་ཤྲཱི་བ་ན་པི་ཤཱ་ཙི་ཞེས་བྱ་བ་ལ། འབར་དང་བཅས་སྔགས་སྒྲོགས་པ་སྟེ། །རྣ་བ་གཡོན་པར་སྒྲོགས་བྱེད་པ། །འབྲེང་བ་འདི་ནི་བཟློག་པར་བྱ། །ོཾ་ཤྲཱི་བ་ན་པི་ཤཱ ་ཅི་ནི་མུནྡེ་སྭཱ་ཧཱ། སྔགས་འདི་རུ་རྟ་ལ་ལན་བདུན་བཟླས་ཏེ། རྐང་པ་དང་གདོང་ལ་བྱུགས་ཏེ་ཉལ་ན་རྨི་ལམ་དུ་དགེ་བ་དང་མི་དགེ་བ་སྒྲོགས་པར་གདོན་མི་ཟའོ། །ཟླ་ཕྱེད་འབབ་པ་ཟ་བྱེད་ཅིང་། །རི་ཡི་བུ་མོའི་ཆོ་ག་ཡིས། །མར་ལ་བསྒྲེས་པའི་བིལ་བ་བསྲེག་།རྒྱལ་སྲིད་སྟེར་འགྱུར ་གདོན་མི་ཟའོ། །སྔགས་ནི། ཨོཾ་གི་རི་ཀུ་མ་རེ་ག་མ་ཧེ་ར་ཛྱེ་སཏྭཱ་ཡ་སྭཱ་ཧཱ་ཞེས་བྱ་བ་ཡིན་ནོ། །དུརྒྒེ་བི་དུརྒྒེ་ཞེས་བྱ་བ་འོ་མ་ཅན་ཡམ་ཤིང་བསྲེག་ཅིང་། སྐྱེས་བུའི་མཚན་མ་ལན་བརྒྱར་བསྲེག་།སྔོན་དུ་བསྙེན་པ་མེད་པར་ཡང་། །གྲོང་ཁྱེར་སྟེར་འགྱུར་གདོན་མི་ཟ། །སྔགས་ནི། ཨོཾ་དུརྒྒེ་བི ་དུརྒྒེ་ནི་སྭཱ་ཧཱ། སྔགས་ནྱ་གྲོ་དྷ་དང་། ཨ་ཤྭཏྠ་ལ་སོགས་པའི་ཡམ་ཤིང་ལ་བེའུ་དང་ཁ་དོག་འདྲ་བའི་འོ་མས་གྲོང་ཁྱེར་གྱི་མིང་ནས་བཟུང་སྟེ་སྦྱིན་སྲེག་བྱས་ན་གྲོང་ཁྱེར་རྙེད་པར་འགྱུར་རོ། །ོཾ་གྷོ་ཨུལ་ཀ་སྭཱ་ཧཱ་ཨོཾ་དང་བཅས། །འོད་ཕྲེང་ཅན་གྱི་སྙིང་པོ་ཡིན། །པ་ལ་ཤ་ཤིང་གིས ་བསྲེགས་ན། །གསེར་སྲང་འབུམ་ནི་སྟེར་བར་འགྱུར། །སྔགས་ནི། ཨོཾ་མེ་གྷོ་ཨུ་ཀ་ཡ་སྭཱ་ཧཱ། ཚོགས་ཀྱི་བདག་པོའོ། །ོཾ་ག་ཤོ་ཨུལ་ཀ་ཡ་སྭཱ་ཧཱ་ཞེས་བྱ་བ་ཡང་འོད་ཕྲེང་ཅན་གྱི་སྟེ། འབྲས་བུ་ནི་སྔ་མ་བཞིན་ནོ། །ཀར་ན་མོ་ཏི་བཟླས་པར་བྱ། །ཧཱུ~ཾ་ཕཊ་ལྡན་པ་འབུམ་ཕྲག ་བཞིས། །སྐྱེ་ཚེ་བསྲེག་པས་ས་གསུམ་ཡང་། །ཉི་མ་གཅིག་གིས་འགུགས་པར་འགྱུར། །རཀྟེ་ཀརྟི་ནི་བཟླས་པར་བྱ། །པདྨའི་སྡོང་བུར་དུ་བ་བཏང་། །མི་ཡི་ཐོད་པར་མི་བཞག་སྟེ། །བསྐྱེད་པའི་དུ་བས་སྐལ་བཟང་འགྱུར། །སྔགས་ནི། ཨོཾ་རཀྟེ་རཀྟེ་ནི་སྭཱ་ཧཱ། ཞེས་བྱ་བ་ཡིན ་ཏེ། ཡོ་བྱད་ཐམས་ཅད་དམར་པོར་བསྒྲུབ་བོ། །ཙནྡྲ་མུ་ཁི་ཀི་ལི་བཟླས། །དང་པོར་ཐམས་ཅད་འབར་ལྡན་བྱ། །ུ་ར་བཅས་པས་ངེས་པར་ནི། །ས་གསུམ་དཀྱིལ་འཁོར་བཀའ་ཉན་འགྱུར། །སྔགས་ནི། ཨོཾ་ཙནྡྲ་མུ་ཁི་ཀ་ལི་ཨུར་ནི་སྭཱ་ཧཱ། ཞེས་བྱ་བ་སྟེ། རྟག་ཏུ་བཟླས་ན་དབང་དུ་འགྱུར ་རོ། །ཀན་ཏ་ཏྱ་ཡ་སྭཱ་ཧཱ་ཞེས་བྱ་བས། །མིག་སྨན་བསྲེགས་ཏེ་མིག་སྨན་བྱ། །གླང་ཆེན་རྡུལ་དང་ཤིང་ཚ་དང་། །ུཏྤལ་སྔོ་བསྲེགས་སྐལ་བཟང་འགྱུར། །ཞེས་བྱ་བ་ལ། སྔགས་ནི། ཨོཾ་ཀྵ་པྱ་ཡ་སྭཱ་ཧཱ་ཞེས་བྱ་བའོ། །འདིར་སྦྱོར་བ་འདི་ཡིན་ཏེ། །ལུས་ཙནྡན་དམར་པོས་བསྐུས་ལ ་གོས་དམར་པོ་གྱོན་ཏེ། མེ་ཏོག་དང་ཕྲེང་བས་བརྒྱན་ལ། །ཡུན་རིང་དུ་བཟླས་པའི་སྔགས་གང་རུང་བས་བསྲུང་བ་བྱས་ནས། ཟླ་བ་མར་གྱི་ངོའི་ཚེས་གཉིས་པོ་གང་ཡང་རུང་བ་ལ་མ་མོའི་གནས་དང་ལམ་གྱི་བཞི་མདོའམ་དུར་ཁྲོད་དུ་བསྲུང་བ་ལ་སོགས་པ་བྱ་སྟེ། མིག་སྨན་སྔོན་པོ་བཏགས་པའི་ཕྱེ ་མ་དང་། གླང་པོ་ཆེའི་རྡུལ་དུ་བཅས་པ་ཟངས་ཀྱི་སྣོད་དུ་བཞག་སྟེ། ཁ་ལེགས་པར་བཅད་ནས་སྐལ་བཟང་མའི་རོའི་མངལ་དུ་བཅུག་སྟེ་བསྲེག་པར་བྱའོ། །བསྲེགས་ནས་བླངས་ཏེ་ཀ་མ་ལ་དེ་བ་མཎྜལ་བྱས་ཏེ་མཆོད་ལ། ཤིང་ཚ་དང་ཨུཏྤ་ལ་སྔོན་པོར་བཅས་པ་གསེར་དངུལ་གྱི་སྣོད་དུ ་སྦྱོར་ཏེ། མཎྜལ་གྱི་དབུས་སུ་བཞག་ནས། སྔགས་བརྒྱད་བརྒྱའམ་སྟོང་དུ་བཟླས་སོ། །དེས་མིག་སྨན་བྱས་ན་བུད་མེད་ཀྱི་འདོད་པའི་དབང་ཕྱུག་ཏུ་འགྱུར་རོ། །སྐྱེས་པ་དབང་དུ་བྱ་བ་ནི་སྐྱེས་པའི་སྙིང་གར་བསྲེག་གོ། །ན་ཡ་ན་མ་ནོ་ཧ་རས་བསྒྲུབ། །དྲི་ཞིམ་རྩ་བ་རས་དཀྲིས ་སྤར། །དམར་སེར་བ་དམར་དུ་བ་ཡིས། །རྟག་ཏུ་མཚུངས་མེད་ཆགས་པར་འགྱུར་། །ཞེས་བྱ་བ་ལ་སྔགས་ནི། །ོཾ་ཀ་མ་སྭཱ་ཧེ་སྭཱ་ཧཱ། ལྷག་མ་ནི་གོ་སླའོ། །ཀ་མ་ས་ར་སྭཱ་ཧཱ། སྦྲུལ་གྱི་ཁར་བསྲེགས་མིག་སྨན་ནི། །རུ་རྟ་རྒྱ་སྤོས་ཨ་ཀར་གནག་།གླང་ཆེན་སེང་བཏགས་དབང་དུ ་སྡུད། །ཅེས་བྱ་བ་ལ། སྔགས་ནི། ཨོཾ་ཀ་མ་སྭཱ་ཧེ་སྭཱ་ཧཱ། ཞེས་བྱ་བས་ཏེ། སྔོན་དུ་བསྙེན་པ་ཁྲི་ཕྲག་གཅིག་བཟླས་པར་བྱའོ། །འདིར་ཡང་གླང་པོ་ཆེའི་སེན་མོ་དང་མིག་སྨན་སྔོན་པོ་ཀུན་དརྱའི་སྔགས་ཀྱི་ཆོ་ག་བཞིན་དུ་བསྲེགས་ནས། དེའི་འོག་ཏུ་རྒྱ་སྤོས་དང་། རུ་རྟ་དང་། ཨ་ཀ་རུ་ནག ་པོ་དང་བཅས་པ་ཕྱེ་མར་བྱས་ལ། སྔ་མ་བཞིན་བཀབ་སྟེ། ལན་སྟོང་ཕྲག་ཏུ་བཟླས་ལ་མིག་སྨན་བྱས་ན་འགྲོ་བ་མ་ལུས་པ་དབང་དུ་སྡུད་པར་འགྱུར་རོ། །ོཾ་ཥྚཾ་བནྡྷེ་ཞེས་བྱ་བའི་མིག་སྨན་གྱི་ནི་དུ་བས་ངེས་པར་དབང་དུ་བྱེད། འོད་ཟེར་ཅན་གྱི་མན་ངག་གིས། །རྟ་རྨིག་བཀང་སྟེ་བསྐྱོད་པར་བྱ། ། ་ཞེས་བྱ་བ་ལ། སྔགས་ནི། ཨོཾ་ཥྚྭཾ་བནྡྷ་སྭཱ་ཧཱ། འདི་འོད་ཟེར་ཅན་གྱི་མར་གྱིས་རྟའི་རྨིག་པའི་སྣོད་བཀང་ལ། རྟའི་རྨིག་པ་གཞན་གྱིས་སྟེང་ནས་བཀབ་པ་ལ་དུ་བ་བཏང་སྟེ་དུ་བ་དེ་བཟུང་ནས་བཅོམ་ལྡན་འདས་གཙུག་ཏོར་འཁོར་ལོས་སྒྱུར་བའི་མདུན་དུ་མཆོད་པ་བྱས་ཏེ། སྔགས་བཟླས ་པར་བྱའོ། །མནྡ་བ་རེ་ཞེས་བྱ་བའི། །ཡི་གེ་ཐོག་མར་ཡང་དག་ལྡན། །ཉིན་མཚན་བཟླས་པའི་ཡང་དག་གནས། །འཇིག་རྟེན་གསུམ་ཡང་བྲན་དུ་འགྱུར། །ཞེས་བྱ་བ་ལ། སྔགས་ནི། ཨོཾ་མནྟྲ་བ་རེ་ཨ་མུ་ཀཾ་མེ་སྭཱ་ཧཱ། ད་ནེ་ན་ས་བ་རི་བ་བ་མ་ན་ཡ་སྭཱ་ཧཱ། ཞེས་བྱ་བ་གང་དབང་དུ་བྱ་བར ་འདོད་པ་དེ་མདུན་དུ་བསམས་ནས་བཟླས་ན་བྲན་དུ་འགྱུར་རོ། །མི་མགོར་སྐྱེས་གཉིས་སྐུད་པ་གཉིས། །གཏུམ་དབང་རྐང་པ་སྐྲར་བཅས་སྡུད། །དྷུ་ནཱན་ཙནྡ་སྒྲར་ནི་བཅས། །ཉིན་མཚན་ཚ་བས་ཐེབས་པར་འགྱུར། །ཞེས་བྱ་བ་ལ། སྔགས་ནི། ཨོཾ་དྷུ་ནཱན་ཙན་ད་ཨ་མུ་ཀན་ཛྭ་རེ་ན་མཱ་ར་ཡ་ཧཱུཾ ་ཕཊ། ཅེས་སོ། །མིའི་མགོ་ནི་མིའི་ཐོད་པའོ། །སྐྱེས་གཉིས་སྐུད་པ་ནི་བྲམ་ཟེའི་སྐྲའི་སྐུད་པའོ། །གཏུམ་དབང་ནི་ལྷ་ཆེན་པོ་སྟེ། དེ་ལ་ཕུལ་བའི་མེ་ཏོག་བཟུང་ངོ་། །རྐང་པ་ནི་བསྒྲུབ་བྱའི་རྐང་རྗེས་ཀྱི་རྡུལ་ལོ། །དེ་དག་མིའི་ཐོད་པར་བཞག་ལ། མིའི་རྗེ་ངར་གྱི་རུས་པའི་བསྲུབ་ཤིང་བྲམ་ཟེའི ་སྐྲའི་སྐུད་པས་བཏགས་ལ། སྔགས་ཟློས་བཞིན་དུ་དེར་སྒྲ་དང་བཅས་པར་བསྲུབས་ན། ཉི་མ་བདུན་གྱིས་སྐྱེས་བུ་ཆེན་པོ་ཡང་རིམས་ཚ་བས་ཐེབས་པར་འགྱུར་རོ། །དང་པོ་ཐ་མར་ཡང་དག་ལྡན། །གནོད་སྦྱིན་མ་ཡི་ཡིག་བདུན་བརྗོད། །བྷཀྐེ་བྷུཀྐེ་ཞེས་བཟླས་བྱ། །འབུམ་ཕྲག་བཞི་ཡིས ་སྐལ་བཟང་འགྱུར། །ཞེས་བྱ་བ་ལ། སྔགས་ནི། ཨོཾ་བྷཀྐེ་བྷུཀྐེ་སྭཱ་ཧཱ་ཞེས་བྱ་བ་སྟེ། སྔགས་འདི་སྲན་མ་མ་ཤའི་ཁ་ཟས་ཟ་ཞིང་། འབུམ་ཕྲག་བཞིར་བཟླས་བརྗོད་བྱས་ན། འཇིག་རྟེན་གསུམ་ན་གནས་པའི་ཡུགས་ས་མོ་རྣམས་དབང་དུ་འགྱུར་རོ། །ཆུ་སྐྱོར་དྲུག་བཟླས་གནོད ་སྦྱིན་དང་། །གནོད་སྦྱིན་མོ་ཡང་མངོན་སུམ་མཐོང་། །གྲོང་གི་བྱང་དུ་ནྱ་གྲོ་དྷའི། །ཡམ་ཤིང་མངར་གསུམ་སྤགས་པ་བསྲེག་།ཅེས་བྱ་བ་ལ། དང་པོར་སྔ་དྲོའི་དུས་སུ་ནང་དུ་བྱུང་པའི་ཉི་མའི་གཟུགས་བརྙན་ཆུ་སྐྱོར་དྲུག་བཟླས་པ་དང་བཅས་པ་བྱིན་ལ། གྲོང་ཁྱེར་གྱི་བྱང་དུ་ནྱ་གྲོ་དྷའི་ཡམ་ཤིང་མངར ་གསུམ་ལ་སྤགས་པས་སྦྱིན་སྲེག་བྱས་ན་གནོད་སྦྱིན་དང་གནོད་སྦྱིན་མོ་མངོན་སུམ་དུ་མཐོང་བར་འགྱུར་རོ། །སྔགས་ནི། ཨོཾ་བྷཀྐེ་བྷུཀྐེ་སྭཱ་ཧཱ་ཞེས་སྔར་བསྟན་པ་ཡིན་ནོ། །གྲུབ་ནས་ཇི་ལྟར་འདོད་པའི་དངོས་གྲུབ་སྟེར་བར་འགྱུར་རོ། །ནགས་ཚལ་ཆུ་འགྲམ་རི་ལྗོངས་སུ། །སྔོ་ཚོད་འཐུང་ཞིང ་གནས་པར་བྱ། །དཔའ་བོས་རྒྱལ་བར་བྱེད་པ་དང་། །མཁར་གནས་འཁོར་ལོས་སྒྱུར་བར་འགྱུར། །ཞེས་བྱ་བ་ལ། དཔའ་བོ་ནི། ཨཱ་ཁཾ་བཱི་རའི་སྔགས་ཏེ། ནགས་ཚལ་ལ་སོགས་པའི་གནས་སུ་སྔོ་ཚོད་འཐུང་ཞིང་དཔའ་བོའི་སྔགས་ཀྱི་རྒྱལ་པོ་འདི་བཟླས་ན། གཡུལ་ལས་རྒྱལ་བར ་བྱེད་པ་དང་། ནམ་མཁའ་ལ་རྒྱུ་བའི་རྒྱལ་སྲིད་སྟེར་བར་འགྱུར་རོ། །ོཾ་རུ་ཏྲི་ནི་སྭཱ་ཧཱ་ཞེས་བྱ་བ། ཨུ་མའི་སྙིང་པོའི་ཡིག་འབྲུ་བཟླས་། །པྲི་ཡང་ཀུའི་མེ་ཏོག་བསྲེག་།ཡིད་ཀྱི་རེ་བ་སྐོང་བར་འགྱུར། །ག་ཎ་ཛ་ཡ་ཚོགས་བདག་སྙིང་། །ཕྱག་འཚལ་ག་ཎ་གསལ་བར་བཅས། །ཡི་གེ ་འབུམ་ཕྲག་བཟླས་ནས་སུ། །སྔགས་པས་རྟག་ཏུ་གུ་གུལ་བསྲེག་།ཅེས་བྱ་བ་ལ། ཚོགས་ཐམས་ཅད་ཀྱི་ནང་ནས་རྒྱལ་བར་བྱེད་པས་ན་ག་ཎ་ཛའོ། །དེ་ཅིའི་ཕྱིར་ཞེ་ན། ཚོགས་བདག་སྙིང་པོའོ། །ཇི་ལྟར་རྒྱལ་བར་བྱེད་ཅེ་ན། །གུ་གུལ་ཞེས་བྱ་བ་སྨོས་ཏེ། ་གུ་གུལ་གྱིས་སྦྱིན་སྲེག་བྱས་ནའོ། །སྔགས་ནི། ཨོཾ་ག་ཎ་མ་ག་ཎ་ཛ་ཡ་སྭཱ་ཧཱ་ཞེས་བྱ་བའོ། །དགེ་བའི་འདོད་འཇོའི་རྣམ་པར་བཤད་པའོ། །སློབ་དཔོན་ཆེན་པོ་ཀླུ་སྒྲུབ་ཀྱིས་མཛད་པ་རྫོགས་སོ།། །།རྒྱ་གར་གྱི་མཁན་པོ་ནག་པོའི་ཞལ་སྔ་ནས་དང་། བོད་ཀྱི་ལོ་ཙཱ་བ་འགོས ་ལྷས་བཙས་ཀྱིས་བསྒྱུར་ཅིང་ཞུས་ཏེ་གཏན་ལ་ཕབ་པའོ། །[་#]@##། །འཕགས་པ་ཀུན་ནས་སྒོར་འཇུག་པའི་འོད་ཟེར་གཙུག་ཏོར་དྲི་མ་མེད་པའི་གཟུངས་བཀླག་ཅིང་མཆོད་རྟེན་བརྒྱ་རྩ་བརྒྱད་དམ། མཆོད་རྟེན་ལྔ་གདབ་པའི་ཆོ་ག་མདོ་སྡེ་ལས་བཏུས་པ། གཙུག ་