Wylie

e-texts based on the ACIP/ALL Input

ལ། དེ་ནས་མར་གྱི་དགང་བླུགས་ཕུལ་ཏེ། མཆོད་པ་དང་བསྟོད་པ་བྱས་ལ། བཟོད་པར་གསོལ་ཏེ། གང་ཡང་བདག་བློ་གཏི་མུག་པས། །ལེགས་བཤད་འདི་ལ་ཉེས་པ་གང་། །ལུས་ཅན་ཀུན་གྱི་སྐྱབས་གྱུར་པའི། །དེ་ཀུན་མགོན་པོས་བཟོད་པར་མཛོད། །གཙོ་བོ་ནུས་པ་མ་མཆིས་ཤིང་། ། ་མ་འཚལ་བ་དང་མ་རྙེད་པས། །བདག་གིས་བགྱིས་པ་གང་བགྱིས་པ། །དེ་ཀུན་མགོན་པོས་བཟོད་པར་མཛོད། །ཅེས་བརྗོད་དོ། །ོཾ་ཁྱོད་ཀྱིས་སེམས་ཅད་དོན་ཀུན་མཛོད། །རྗེས་སུ་མཐུན་པའི་དངོས་གྲུབ་སྩོལ། །སངས་རྒྱས་ཡུལ་དུ་གཤེགས་སུ་གསོལ། །སངས་རྒྱས་ཡུལ་དུ་གཤེགས ་ནས་ཀྱང་། །སླར་ཡང་བྱོན་པར་མཛད་དུ་གསོལ། །ཞེས་བརྗོད་ལ་གཤེགས་པར་བསམ། དེ་ནས་དམ་ཚིག་སེམས་དཔའ་རང་ལ་བསྡུ། དེ་ནས་བྱིན་ཟ་ལ་མཆོད་བསྟོད་བྱས་ནས་མེ་ལྷའི་ཞབས་དྲུང་གི་ཐལ་བས་བདག་དང་ཡོན་བདག་བསྲུངས་ཏེ། སྨོན་ལམ་གདབ་པོ། །རང་གི་དོན་དང་གཞན་གྱི་དོན། ། ་བྱིན་ཟ་ཁྱོད་ཀྱིས་མཛད་ལགས་ཀྱིས། །རང་གི་ཡུལ་དུ་གཤེགས་ནས་ཀྱང་། །སླར་ཡང་བྱོན་པར་མཛད་དུ་གསོལ། །ེ་ཧྱེ་ཧི་གཙྪཿཞེས་བྱ་བས་གཤེགས་སུ་གསོལ། །དེ་ནས་དམ་ཚིག་གི་མེ་ལྷ་རིམ་གྱིས་ཐ་མལ་པའི་མེ་ལ་ཐིམ་པར་བྱའོ། །དེ་ནས་ཐལ་བ་སློང་བ་ལ་སྦྱིན་ནོ། །འབྱུང་པོ་ཐམས་ཅད ་འདུལ་བའི་རྒྱུད་ཆེན་ལས། །བཏུས་ཏེ་སྦྱིན་སྲེག་ཆོ་ག་མདོར་དྲན་བྱས། །དེས་ནི་འགྲོ་བའི་གདོན་དང་སྡིག་ཞི་ནས། །ཀླུ་རྣམས་ཀུན་གྱི་གནོད་པ་བྲལ་གྱུར་ཅིག་།རྗེ་བཙུན་ཕྱག་ན་རྡོ་རྗེ་གོས་སྔོན་པོ་ཅན་གྱི་སྦྱིན་སྲེག་གི་ཆོ་ག་ཞེས་བྱ་བ། སློབ་དཔོན་བྲམ་ཟེ་ཉིན་མཛད་རྡོ་རྗེས་མཛད་པ་རྫོགས་སོ།། །། ་སྦྱིན་སྲེག་གི་དུས་སུ་བསྟོད་པ་ནི། ཧཱུཾ་གཏུམ་ཆེན་དུས་མཐའི་མེ་ལྟར་འབར། །འོད་ཟེར་ཉི་མ་འབུམ་གྱི་གཟི། །གདུག་པའི་མཚོན་ཆ་སྣ་ཚོགས་བསྣམས། །བདུད་དགྲ་ཁྱོད་ལ་ཕྱག་འཚལ་བསྟོད། །ཅེས་པ་ལ་སོགས་པའོ། །བགེགས་འགུགས་པ་ནི། །ཧཱུཾ་དུས་གསུམ་སངས་རྒྱས་ཐམས་ཅད་ཀྱི། ། ་ཐམས་ཅད་འདུས་པའི་ངོ་བོ་ཉིད། །ཏ་ཀྲྀཏ་བྱ་བའི་ཁྲོ་རྒྱལ་གྱེས། །དེང་གི་དགུག་བྱ་འདིར་ཁུག་སྦུག་།ནམ་མཁའ་སྟོང་པ་འགུགས་བྱེད་ན། །གཟུགས་དང་ལྡན་པ་སྨོས་ཅི་དགོས། །སེམས་མེད་རི་བོའང་འགུགས་བྱེད་ན། །སེམས་དང་ལྡན་པ་སྨོས་ཅི་དགོས། །རྡོ་རྗེ་འཛིན་པའི་བཀའ་དང་ནི། ། ་རང་བཞིན་དག་པའི་སྤྱོར་བ་ཡིས། །བར་དུ་གཅོད་པའི་བགེགས་ཆེན་རྣམས། །ཆེད་དང་དོན་དུ་འདིར་ཁུག་ཅིག་།རྣམ་ཐོས་སྲས་ཀླུ་བརྒྱད་དང་བཅས་པ་འགུགས་ན། །པྱ་ཨོཾ་བཻ་ཤྲ་བ་ཎ་ཡ་ཨཱ་ཀཱཪྵ་ཡ་ཧཱུཾ་ཛཿ། ཨོཾ་ནཱི་ཛེ+ེ་བ་ར་དྷ་ར་བཛྲ་པཱ་ཎི་ཨཱ་ཀཱཪྵ་ཡ་ཧཱུཾ་ཛཿཞེས་པའོ།།[་]@། །ཕྱག་ན་རྡོ་རྗེ་རྡོ་རྗེ ་སྙིང་པོའི་མན་ངག་ཅེས་བྱ་བའི་སྒྲུབ་ཐབས་བཞུགས། །བཅོམ་ལྡན་འདས་རྡོ་རྗེ་སྙིང་པོ་ལ་ཕྱག་འཚལ་ལོ། །ཐོག་མར་རྣལ་འབྱོར་པས་ཡིད་དང་མཐུན་པའི་གནས་སུ་བྱི་དོར་བྱ་བ་དང་། བའི་རྣམ་ལྔས་བྱུག་པ་ལ་སོགས་པ་རྒྱུད་ནས་ཇི་ལྟར་འབྱུང་བ་བཞིན་བྱས་ལ། ཡོ་བྱད་ཚོགས་པ་དང་། སྟན་བདེ ་བ་ལ་འདུག་སྟེ། རང་གི་སྙིང་གའི་ས་བོན་ལས་འོད་འཕྲོས་པས་བླ་མ་དང་བཅོམ་ལྡན་འདས་ཕྱག་ན་རྡོ་རྗེ་དང་། སངས་རྒྱས་དང་བྱང་ཆུབ་སེམས་དཔའ་ལ་སོགས་པ་མདུན་གྱི་ནམ་མཁའ་ལ་སྤྱན་དྲངས་ཏེ། ཕྱག་འཚལ་བ་དང་མཆོད་པ་དབུལ་བ་དང་། ཡན་ལག་བདུན་པ་བྱས་ལ་དེའི ་རྗེས་སུ་ཚད་མེད་པ་བཞི་བསྒོམ་པར་བྱའོ། །དེ་ནས་ཨོཾ་སྭ་བྷཱ་བ་ཤུདྡྷཿསརྦ་དྷརྨཱཿསྭ་བྷཱ་བ་ཤུདྡྷོུ྅ཧཾ་ཞེས་བྱ་བས་རྒྱུ་བ་དང་མི་རྒྱུ་བ་ཐམས་ཅད་རྣམ་པར་དག་པར་བྱའོ། །དེའི་རྗེས་ལ་མདུན་དུ་པཾ་ལས་པདྨའི་སྟེང་དུ་ཨ་ལས་ཟླ་བའི་དཀྱིལ་འཁོར་བསམ། དེའི་སྟེང་དུ་ཧཱུཾ། དེ་འཕྲོས་འདུས་པས་སེམས་ཅ ་ཨན་གྱི་སྡིག་པ་དང་སྡུག་བསྔལ་བསལ་ནས་སླར་འདུས་པ་ལས་རྡོ་རྗེའོ། །དེ་ཡོངས་སུ་གྱུར་པ་ལས་རང་ཉིད་བཅོམ་ལྡན་འདས་རྡོ་རྗེ་སྙིང་པོ་སྐུ་མདོག་སྔོན་པོ་ཞལ་གཅིག་ཕྱག་གཉིས་པ། གཡས་པ་རྡོ་རྗེ་འཕྱར་བ། གཡོན་སྡིགས་མཛུབ་བསྟན་པ། ཞབས་གཡས་བསྐུམ། །གཡོན་བརྐྱང་བ། ་གདུག་པའི་ཚོགས་ཀྱིས་སྐུ་ལ་བརྒྱན་པར་བསྒོམ། དེ་ནས་རང་གི་སྙིང་གའི་ས་བོན་ལས་འོད་འཕྲོས་པས་ཡེ་ཤེས་སེམས་དཔའ་སྤྱན་དྲངས་ལ་མཆོད་ནས་རང་ལ་བསྟིམ་པར་བྱའོ། །དེ་ནས་དབང་བསྐུར་བར་བྱ་སྟེ། རང་གི་སྤྱི་བོར་མི་བསྐྱོད་པ་བསྒོམ་པར་བྱའོ། །དེའི་རྗེས་ལ་སྐུ་གསུང་ཐུགས་བྱིན་གྱིས ་བརླབས་ཏེ་ཇི་སྲིད་དུ་སེམས་མི་འཕྲོ་བར་གཞག་པར་བྱའོ། །མི་རྟོག་པ་བསྒོམ་པར་བྱའོ། །དྲག་པོའི་ལས་བྱེད་པར་འདོད་ན་རྫས་ལ་སོགས་པ་ནི་གོང་དུ་བཤད་པ་བཞིན་ནོ། །རཾ་ལས་ཉི་མའི་སྟེང་དུ་ཧཱུཾ། དེ་ལས་འོད་འཕྲོས་པས་རྡུལ་ཕྲ་རབ་ཐམས་ཅད་རྡོ་རྗེའི་སྙིང་པོར་བྱས་ཏེ་འདུས་པ་ལས་རྡོ་རྗེའོ། ། ་